Kumbhaghonam Edition in Bangla Script
16. আশ্রমবাসিকপর্ব
আশ্রমবাসিকপর্ব - অধ্যায় 001
॥ শ্রীঃ ॥
16.1. অধ্যায়ঃ 001
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
যুধিষ্ঠিরেণ রাজ্যপরিপালনম্॥ 1 ॥ কুন্তীদ্রৌপদ্যাদিভির্গান্ধার্যাং শ্বশ্রূবদ্বর্তনম্॥ 2 ॥ ভীমবর্জমর্জুনাদিভির্যুধিষ্ঠিরশাসনেন বিশেষতো ধৃতরাষ্ট্রানুবর্তনম্॥ 3 ॥Mahabharata - AshramaVasika Parva - Chapter Text
শ্রীবেদব্যাসায় নমঃ।
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ॥ 16-1-1 (97215)
জনমেজয় উবাচ। 16-1-1x (8029)
প্রাপ্য পৈতামহং রাজ্যং মম পূর্বপিতামহাঃ।
কথমাসন্মহারাজে ধৃতরাষ্ট্রে মহাত্মনি॥ 16-1-1 (97216)
স তু রাজা হতামাত্যো হতপুত্রো নিরাশ্রয়ঃ।
কথমাসীদ্ধতৈশ্বর্যো গান্ধারী চ তপস্বিনী॥ 16-1-2 (97217)
কিয়ন্তং চৈব কালং তে মম পূর্বপিতামহাঃ।
স্থিতা রাজ্যে মহাত্মানস্তন্মে ব্যাখ্যাতুমর্হসি॥ 16-1-3 (97218)
বৈশম্পায়ন উবাচ। 16-1-4x (8030)
প্রাপ্য রাজ্যং মহাত্মানঃ পাণ্ডবা হতশত্রবঃ।
ধৃতরাষ্ট্রং পুরস্কৃত্য পৃথিবীং পর্যপালয়ন্॥ 16-1-4 (97219)
ধৃতরাষ্ট্রমুপাতিষ্ঠদ্বিদুরঃ সংজয়স্তথা।
বৈশ্যাপুত্রশ্চ মেধাবী যুয়ুৎসুঃ কুরুসত্তম॥ 16-1-5 (97220)
পাণ্ডবাঃ সর্বকার্যেষু পর্যপৃচ্চন্ত তং নৃপম্।
চক্রুস্তেনাভ্যনুজ্ঞাতা বর্ষাণি দশ পঞ্চ চ॥ 16-1-6 (97221)
সদাঽভিগম্য তে বীরাঃ পর্যুপাসন্ত তং নৃপম্।
পাদাভিবাদনং কৃৎবা ধর্মিরাজমতে স্থিতাঃ॥ 16-1-7 (97222)
তে মূর্ধ্নি সমুপাঘ্রাতাঃ সর্বকার্যাণি চক্রিরে।
কুন্তিভোজসুতা চৈব গান্ধারীমন্ববর্তত॥ 16-1-8 (97223)
দ্রৌপদী চ সুভদ্রা চ যাশ্চান্যাঃ পাণ্ডবস্ত্রিয়ঃ।
সমাং বৃত্তিমবর্তন্ত তয়োঃ শ্বশ্র্বোর্যথাবিধি॥ 16-1-9 (97224)
শয়নানি মহার্হাণি বাসাংস্যাভরণানি চ।
রাজার্হাণি চ সর্বাণি ভক্ষ্যভোজ্যান্যনেকশঃ॥ 16-1-10 (97225)
যুধিষ্ঠিরো মহারাজ ধৃতরাষ্ট্রেঽভ্যুপাহরৎ।
তথৈব কুন্তী গান্ধার্যাং গুরুবৃত্তিমবর্তত॥ 16-1-11 (97226)
বিদুরঃ সংজয়শ্চৈব যুয়ুৎসুশ্চৈব কৌরব।
উপাসতে স্ম তং বৃদ্ধং হতপুত্রং জনাধিপম্॥ 16-1-12 (97227)
শ্যালো দ্রোণস্য যশ্চাসীদ্দয়িতো ব্রাহ্মমো মহান্।
স চ তস্মিন্মহেষ্বাসঃ কৃপঃ সমভবত্তদা॥ 16-1-13 (97228)
ব্যাসশ্চ ভগবান্নিত্যমাসাংচক্রে নৃপেণ হ।
কথাঃ কুর্বন্পুরাণর্ষির্দেবর্ষিপিতৃরক্ষসাম্॥ 16-1-14 (97229)
ধর্ময়ুক্তানি কার্যাণি ব্যবহারান্বিতানি চ।
ধৃতরাষ্ট্রাভ্যনুজ্ঞাতো বিদুরস্তান্যকারয়ৎ॥ 16-1-15 (97230)
সামন্তেভ্যঃ প্রিয়াণ্যস্য কার্যাণি সুবহূন্যপি।
প্রাপ্যন্তেঽর্থেঃ সুলঘুভিঃ সুনয়াদ্বিদুরস্য বৈ॥ 16-1-16 (97231)
অকরোদ্বন্ধমোক্ষং চ বধ্যানাং মোক্ষণং তথা।
ন চ ধর্মসুতো রাজা কদাচিৎকিঞ্চিদব্রবীৎ॥ 16-1-17 (97232)
বিহারয়াত্রাসু পুনঃ কুরুরাজো যুধিষ্ঠিরঃ।
সর্বান্কামানুপস্থাপ্য ধৃতরাষ্ট্রে ন্যবেদয়ৎ॥ 16-1-18 (97233)
আরালিকাঃ সূপকারা রাগষাডবিকাস্তথা।
উপাতিষ্ঠন্ত রাজানং ধৃতরাষ্ট্রং যথাপুরম্॥ 16-1-19 (97234)
বাসাংসি চ মহার্হাণি মাল্যানি বিবিধানি চ।
উপাজহ্রুর্যথাকালং ধৃতরাষ্ট্রস্য পাণ্ডবাঃ॥ 16-1-20 (97235)
মৈরেয়মধুমাংসানি পানকানি লঘূনি চ।
চিত্রান্ভক্ষ্যবিকারাংশ্চ চক্রুস্তস্য যথা পুরা॥ 16-1-21 (97236)
যে চাপি পৃথিবীপালাঃ সমাজগ্মুস্ততস্ততঃ।
উপাতিষ্ঠন্ত তে সর্বে কৌরবেন্দ্রং যথাপুরা॥ 16-1-22 (97237)
কুন্তী চ দ্রৌপদী চৈব সাৎবতী চ যশস্বিনী।
উলূপী নাগকন্যা চ দেবী চিত্রাঙ্গদা তথা॥ 16-1-23 (97238)
ধৃষ্টকেতোশ্চ ভগিনী জরাসন্ধসুতা তথা।
এতাশ্চান্যাশ্চ বহ্ব্যো বৈ যোষিতঃ পুরুষর্ষভ।
কিংকরাঃ পর্যুপাতিষ্ঠন্সর্বাঃ সুবলজাং তথা॥ 16-1-24 (97239)
যথা পুত্রবিয়ুক্তোঽয়ং ন কিঞ্চিদ্দুঃখমাপ্নুয়াৎ।
ইতি তানন্বশাদ্ভাতৄন্নিত্যমেব যুধিষ্ঠিরঃ॥ 16-1-25 (97240)
এবং তে ধর্মরাজস্য শ্রুৎবা বচনমর্থবৎ।
সবিশেষমবর্তন্তি ভীমমেকং তদা বিনা॥ 16-1-26 (97241)
ন হি তত্তস্য বীরস্য হৃদয়াদপসর্পতি।
ধৃতরাষ্ট্রস্য দুর্বুদ্ধ্যা যদ্বৃত্তং দ্যূতমণ্ডলে॥ ॥ 16-1-27 (97242)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি প্রথমোঽধ্যায়ঃ॥ 1 ॥
Mahabharata - AshramaVasika Parva - Chapter Footnotes
7-1-2 গান্ধারী চ যশস্বিনীতি ঝ.থ.পাঠঃ॥ 7-1-5 উপাতিষ্ঠদারাধিতবান্॥ 7-1-9 সতাং বৃত্তিমবর্তন্তেতি থ.পাঠঃ॥ 7-1-13 তস্মিন্ধৃতরাষ্ট্রে সমভবত্তন্নিকটে অভবৎ॥ 7-1-14 বাসং চক্রে নৃপেণ হেতি ক.থ.পাঠঃ॥ 7-1-16 প্রভাবাদ্বিদুরস্য বৈ ইতি ক.থ.পাঠঃ॥ 7-1-19 অরয়া শস্ত্রবিশেষেণ লূনং ছিন্নং শাকাদি অরালু তৎসংস্কুর্বন্তি তে আরালিকাঃ শাকবিশেষকর্তারঃ রাগখাণ্ডবিকাস্তথেতি ঝ.পাঠঃ। রাগষাডবং পিপ্পলীশুঠীশর্করোপেতো মুদ্গয়ূষস্তৎকর্তারো রাগষাডবিকাঃ॥আশ্রমবাসিকপর্ব - অধ্যায় 002
॥ শ্রীঃ ॥
16.2. অধ্যায়ঃ 002
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
যুধিষ্ঠিরেণ নাগরাণাং ধৃতরাষ্ট্রানুশাসনপূর্বকং সহভ্রাতৃভিরপ্রমাদেন তৎপরিতোষণম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
এবং সম্পূজিতো রাজা পাণ্ডবৈরংবিকাসুতঃ।
বিজহার যথাপূর্বমৃষিভিঃ পর্যুপস্থিতঃ॥ 16-2-1 (97243)
ব্রহ্মদেয়াগ্রহারাংশ্চ প্রদদৌ স কুরূদ্বহঃ।
তচ্চ কুন্তীসুতো রাজা সর্বমেবান্বমোদত॥ 16-2-2 (97244)
আনৃশংস্যপরো রাজা প্রীয়মাণো যুধিষ্ঠিরঃ।
উবাচ স তদা ভ্রাতৄনমাত্যাংশ্চ মহীপতিঃ।
ময়া চৈব ভবদ্ভিশ্চ মান্য এষ নরাধিপঃ॥ 16-2-3 (97245)
নিদেশে ধৃতরাষ্ট্রস্য যস্তিষ্ঠতি স মে সুহৃৎ।
বিপরীতশ্চ মে শত্রুর্নিয়ম্যশ্চ ভবেন্নরঃ॥ 16-2-4 (97246)
পরিবৃত্তেষু চাহঃসু পুত্রাণাং শ্রাদ্ধকর্মণি।
দদৌ চ রাজা বিত্তানি যাবদস্য চিকীর্ষিতম্॥ 16-2-5 (97247)
ততঃ স রাজা কৌরব্যো ধৃতরাষ্ট্রো মহামনাঃ।
ব্রাহ্মণেভ্যো যথার্হেভ্যো দদৌ বিত্তান্যনেকশঃ॥ 16-2-6 (97248)
ধর্মিরাজশ্চ ভীমশ্চ সব্যসাচী যমাবপি।
তৎসর্বমন্ববর্তন্ত ধৃতরাষ্ট্রব্যপেক্ষয়া॥ 16-2-7 (97249)
কথং নু রাজা বৃদ্ধঃ স পুত্রপৌত্রবধার্দিতঃ।
শোকমস্মৎকৃতং প্রাপ্যি ন ম্রিয়েতেতি চিন্ত্য তে॥ 16-2-8 (97250)
যাবদ্ধি কুরুবীরস্য জীবৎপুত্রস্য বৈ সুখম্।
তাবৎসুখমবাপ্নোতি ভোগাংশ্চৈব ব্যবস্থিতান্॥ 16-2-9 (97251)
ততস্তে সহিতাঃ পঞ্চ ভ্রাতরঃ পাণ্ডুনন্দনাঃ।
তথাশীলাঃ সমাতস্থুর্ধৃতরাষ্ট্রস্য শাসনে॥ 16-2-10 (97252)
ধৃতরাষ্ট্রশ্চ তান্সর্বান্বিনীতান্নিয়মে স্থিতান্।
শিষ্যবৃত্তিং সমাপন্নান্গুরুবৎপ্রত্যপদ্যত॥ 16-2-11 (97253)
গান্ধারী চৈব পুত্রাণাং বিবিধৈঃ শ্রাদ্ধকর্মভিঃ।
আনৃণ্যমগমৎকামান্বিপ্রেভ্যঃ প্রতিপাদ্য সা॥ 16-2-12 (97254)
এবং ধর্মভৃতাংশ্রেষ্ঠো ধর্মরাজো যুধিষ্ঠিরঃ।
ভ্রাতৃভিঃ সহিতো ধীমান্পূজয়ামাসং তং নৃপম্॥ 16-2-13 (97255)
স রাজা সুমহাতেজা বৃদ্ধঃ কুরুকুলোদ্বহঃ।
ন দদর্শ তদা কিঞ্চিদপ্রিয়ং পাণ্ডুনন্দনে॥ 16-2-14 (97256)
বর্তমানেষু সদ্বৃত্তিং পাণ্ডবেষু মহাত্মসু।
প্রীতিমানভবদ্রাজা ধৃতরাষ্ট্রোংঽবিকাসুতিঃ॥ 16-2-15 (97257)
সৌবলেয়ী চ গান্ধারী পুত্রশোকমপাস্য তম্।
সদৈব প্রীতিমত্যাসীত্তনয়েষু নিজেষ্বিব॥ 16-2-16 (97258)
প্রিয়াণ্যেব তু কৌরব্যো নাপ্রিয়াণি কুরূদ্বহঃ।
বৈচিত্রবীর্য নৃপতৌ সমাচরত সর্বদা॥ 16-2-17 (97259)
যদ্যদ্ব্রূতে চ কিঞ্চিৎস ধৃতরাষ্ট্রো জনাধিপঃ।
গুরু বা লঘু বা কার্যং গান্ধারী চ তপস্বিনী॥ 16-2-18 (97260)
তং স রাজা মহারাজ পাণ্ডবানাং ধুরংধরঃ।
পূজয়িৎবা বচস্তত্তদকার্ষীৎপরবীরহা॥ 16-2-19 (97261)
তেন তস্যাভবৎপ্রীতো বৃত্তেন স নরাধিপঃ।
অন্বতপ্যত সংস্মৃত্য পুত্রং তং মন্দচেতসম্॥ 16-2-20 (97262)
সদা চ প্রাতরুত্থায় কৃতজপ্যঃ শুচির্নৃপঃ।
আশাস্তে পাণ্ডুপুত্রাণাং সমরেষ্বপরাজয়ম্॥ 16-2-21 (97263)
ব্রাহ্মণান্স্বস্তিবাচ্যাথ হুৎবা চৈব হুতাশনম্।
আয়ূংষি পাণ্ডুপুত্রাণামাশংসত নরাধিপঃ॥ 16-2-22 (97264)
ন তাং প্রীতিং পরামাপ পুত্রেভ্যঃ স তদা পুরা।
যাং প্রীতিং পাণ্ডুপুত্রেভ্যঃ সদাঽবাপ নরাধিপঃ। 16-2-23 (97265)
ব্রাহ্মণানাং যথা বৃত্তঃ ক্ষত্রিয়াণাং যথাবিধঃ।
তথা বিট্শূদ্রসঙ্ঘানামভবৎস প্রিয়স্তদা॥ 16-2-24 (97266)
যচ্চ কিঞ্চিত্তদা পাপং ধৃতরাষ্ট্রসুতৈঃ কৃতম্।
অকৃৎবা হৃদি তৎপাপং তং নৃপং সোন্ববর্তত॥ 16-2-25 (97267)
যঃ কশ্চিদপি যৎকিঞ্চিৎপ্রমাদাদংবিকাসুতে।
কুরুতে দ্বেষ্যতামেতি স কৌন্তেয়স্য ধীমতঃ॥ 16-2-26 (97268)
ন রাজ্ঞো ধৃতরাষ্ট্রস্য ন চ দুর্যোধনস্য বৈ।
উবাচ দুষ্কৃতং কশ্চিদ্যুধিষ্ঠিরভয়ান্নরঃ॥ 16-2-27 (97269)
ধৃত্যা তুষ্টো নরেন্দ্রঃ স গান্ধারী বিদুরস্তথা।
অজাতশত্রোর্বৃত্তেন ন তু ভীমস্য পার্থিবঃ॥ 16-2-28 (97270)
অন্ববর্তত ভীমোপি নিশ্চিতো ধর্মজং নৃপম্।
ধৃতরাষ্ট্রং চ সম্প্রেক্ষ্য সদা ভবতি দুর্মনাঃ॥ 16-2-29 (97271)
রাজানমনুবর্তন্ত ধর্মপুত্রমমিত্রহা।
অন্ববর্তত সংক্রুদ্ধো হৃদয়েন পরাঙ্মুখঃ॥ ॥ 16-2-30 (97272)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি দ্বিতীয়োঽধ্যায়ঃ॥। 2 ॥
Mahabharata - AshramaVasika Parva - Chapter Footnotes
7-2-4 নিরস্যশ্চ ভবেন্নর ইতি ক.থ.পাঠঃ॥আশ্রমবাসিকপর্ব - অধ্যায় 003
॥ শ্রীঃ ॥
16.3. অধ্যায়ঃ 003
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ভীমসেনপরুষভাষণশ্রবণান্নির্বেদমুপগতবতা ধৃতরাষ্ট্রেণি সহগান্ধার্যা বনগমনাধ্যবসায়ঃ॥ 1 ॥ তথা সকলপৌরানয়নেন তেষু স্বাধ্যবসায়নিবেদনম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
যুধিষ্ঠিরস্য নৃপতের্দুর্যোধনপিতুস্তদা।
নান্তরং দদ্দশূ রাজ্যে পুরুষাঃ প্রণয়ং প্রতি॥ 16-3-1 (97273)
যদা তু কৌরবো রাজা পুত্রং সস্মার বালিশম্।
তদা ভীমং হৃদা রাজন্নপধ্যাতি স পার্থিবঃ॥ 16-3-2 (97274)
কৌরবশ্চৈব ভীমশ্চ হৃদাঽন্যোন্যমবর্ততাম্।
ধ্যায়ন্তৌ শ্লক্ষ্ণয়া বাচা ৎবন্যোন্যমভিতিষ্টিতাং 16-3-3 (97275)
অপ্রকাশং ব্যলীকানি চকারাস্য বৃকোদরঃ।
আজ্ঞাং প্রত্যহরচ্চাপি কৃতকৈঃ পুরুষৈঃ সদা॥ 16-3-4 (97276)
স্মরন্দুর্মন্ত্রিতং তস্য বৃত্তান্যপ্যস্য কানিচিৎ।
`অসকৃচ্চাপ্যুবাচেদং হতাস্তে মন্দচেতসঃ॥' 16-3-5 (97277)
অথ ভীমঃ সুহৃন্মধ্যে বাহুশব্দং তথাঽকরোৎ।
সংশ্রবে ধৃতরাষ্ট্রস্য গান্ধার্যাশ্চাপ্যমর্ষণঃ॥ 16-3-6 (97278)
স্মৃৎবা দুর্যোধনং শত্রুং কর্ণদুঃখাসনাবপি।
প্রোবাচেদং সুসংরব্ধো ভীমঃ সপরুষং বচঃ॥ 16-3-7 (97279)
অন্ধস্য নৃপতেঃ পুত্রা ময়া পরিঘবাহুনা।
নীতা লোকমমুং সর্বে নানাশস্ত্রাস্ত্রয়োধিনঃ॥ 16-3-8 (97280)
ইমৌ তৌ পরিঘপ্রখ্যৌ ভুজৌ মম দুরাসদৌ।
যয়োরন্তরমাসাদ্য ধার্তরাষ্ট্রাঃ ক্ষয়ং গতাঃ॥ 16-3-9 (97281)
তাবিমৌ চন্দনেনাকৌ বন্দনীয়ৌ চ মে ভুজৌ।
যাভ্যাং দুর্যোধনো নীতঃ ক্ষয়ং সসুতবান্ধবঃ॥ 16-3-10 (97282)
এতাস্চান্যাশ্চ বিবিধাঃ শল্যভুতা নরাধিপঃ।
বৃকোদরস্য তা বাচঃ শ্রুৎবা নির্বেদমাগমৎ॥ 16-3-11 (97283)
সা চ বুদ্ধিমতী দেবী কালপর্যায়বেদিনী।
গান্ধারী সর্বধর্মজ্ঞা তান্যলীকানি শুশ্রুবে।
`কুন্তীং বর্যা তু সংবীক্ষ্য শাপে নাস্যাকরোন্মতি' 16-3-12 (97284)
ততঃ পঞ্চদশে বর্ষে সমতীতে নরাধিপঃ।
রাজা নির্বেদমাপেদে ভীমবাগ্বাণপীডিতঃ॥ 16-3-13 (97285)
`সুখাসক্তং কৃচ্ছ্রপরং জ্ঞাৎবা চৈব যুধিষ্ঠিরম্।
তপোয়োগাত্তপস্তপ্তুং মনশ্চক্রে মহামতিঃ॥' 16-3-14 (97286)
নান্ববুধ্যত তদ্রাজা কুন্তীপুত্রো যুধিষ্ঠিরঃ।
শ্বেতাশ্বোবাঽথকুন্তী বা দ্রৌপদী বা যশস্বিনী॥ 16-3-15 (97287)
মাদ্রীপুত্রৌ চ ভীমস্য মতং তাবন্ববর্ততাম্।
রাজ্ঞস্তু চিত্তং রক্ষন্তৌ নোচতুঃ স্বয়মপ্রিয়ম্॥ 16-3-16 (97288)
ততঃ সমানয়ামাস ধৃতরাষ্ট্রঃ সুহৃজ্জনম্।
বাষ্পসংদিগ্ধমত্যর্থমিদমাহ চ তান্ভৃশম্॥ 16-3-17 (97289)
বিদিতং ভবতামেতদ্যথা বৃত্তঃ কুরুক্ষয়ঃ।
মমাপরাধাত্তৎসর্বমিতি জ্ঞেয়ং তু কৌরবাঃ॥ 16-3-18 (97290)
যোঽহং দুষ্টমতিং মন্দো জ্ঞাতীনাং ভয়বর্ধনম্।
দুর্যোধনং কৌরবাণামাধইপত্যেঽভ্যষেচয়ম্।
যচ্চাহং বাসুদেবস্য নাশ্রৌষং বাক্যমর্থবৎ॥ 16-3-19 (97291)
বধ্যতাং সাধ্বয়ং পাপঃ সামাত্য ইতি দুর্মতিঃ।
পুত্রস্নেহাভিভূতস্তু হিতমুক্তো মনীষিভিঃ॥ 16-3-20 (97292)
বিদুরেণাথ ভীষ্মেণ দ্রোণেন চ কৃপেণ চ।
পদেপদে ভগবতা ব্যাসেন চ মহাত্মনা।
সংজয়েনাথ গান্ধার্যা তদিদং তপ্যতে ময়া॥ 16-3-21 (97293)
যচ্চাহং পাণ্ডুপুত্রেষু গুণবৎসু মহাত্মসু।
ন ন্যস্তবাঞ্শ্রিয়ং দীপ্তাং পিতৃপৈতামহীমিমাম্॥ 16-3-22 (97294)
বিনাশং পশ্যমানো হি সর্বরাজ্ঞাং গদাগ্রজঃ।
এতচ্ছ্রেয়স্তু পরমমমন্যত জনার্দনঃ॥ 16-3-23 (97295)
সোহমেতান্যলীকানি দুর্বৃত্তান্যাত্মনস্তদা।
হৃদয়ে শল্যভূতানি ধারয়ামি সহস্রশঃ॥ 16-3-24 (97296)
বিশেষতস্তু দহ্যামি বর্ষে পঞ্চদশেঽদ্য বৈ।
অস্য পাপস্য শুদ্ধ্যর্থং নিয়তোস্মি সুদুর্মতিঃ॥ 16-3-25 (97297)
চতুর্থে নিয়তে কালে কদাচিদপি চাষ্টমে।
তৃষ্ণাবিনয়নং ভুঞ্জে গান্ধারী বেদ তন্মম॥ 16-3-26 (97298)
করোত্যাহারমিতি মাং সর্বঃ পরিজনঃ সদা।
যুধিষ্ঠিরভয়াদেতি ভৃশং তপ্যতি পাণ্ডবঃ॥ 16-3-27 (97299)
ভূমৌ শয়ে জপ্যপরো দর্ভষ্বজিনসংবৃতঃ।
নিয়মব্যপদেশেন গান্ধারী চ যশস্বিনী॥ 16-3-28 (97300)
অহং পুত্রশতং বীরং সঙ্গ্রামেষ্বপলায়িনম্।
নানুতপ্যে হতং তত্র ক্ষত্রধর্মং হি তং বিদুঃ॥ 16-3-29 (97301)
ইত্যুক্ৎবা ধর্মরাজানমভ্যভাষত কৌরবঃ।
ভদ্রং তে যাদবীমাতর্বচশ্চেদং নিবোধ মে॥ 16-3-30 (97302)
সুখমধ্যুষিতঃ পুত্র ৎবয়া সুপরিপালিতঃ।
ময়া দানানি দত্তানি শ্রাদ্ধানি চ পুনঃপুনঃ॥ 16-3-31 (97303)
প্রকৃষ্টং চ ময়া পুত্র পুণ্যং চীর্ণং যথাবলম্।
গান্ধারী হতপুত্রেয়ং ধৈর্যেণোদীক্ষতে চ মাম্॥ 16-3-32 (97304)
দ্রৌপদ্যা হ্যপকর্তারস্তব চৈশ্বর্যহারিণঃ।
সমতীতা নৃশংসাস্তে স্বধর্মেণ হতা যুধি॥ 16-3-33 (97305)
ন তেষু প্রতিকর্তব্যং পশ্যামি কুরুনন্দন।
সর্বে শস্ত্রজিতাঁল্লোকান্গতাস্তেঽভিমুখং হতাঃ॥ 16-3-34 (97306)
আত্মনস্তু হিতং পুণ্যং প্রতিকর্তব্যমদ্য তে।
গান্ধার্যাশ্চৈব রাজেন্দ্র তদনুজ্ঞাতুমর্হসি॥ 16-3-35 (97307)
ৎবং তু শস্ত্রভৃতাং শ্রেষ্ঠঃ সততং ধর্মবৎসলঃ।
রাজা গুরুঃ প্রাণভৃতাং তস্মাদেতদ্ব্রবীম্যহম্॥ 16-3-36 (97308)
অনুজ্ঞাতস্ৎবয়া বীর সংশ্রয়েয়ং বনান্যহম্।
চীরবল্কলভৃদ্রাজন্গান্ধার্যা সহিতোঽনয়া॥ 16-3-37 (97309)
তবাশিষঃ প্রয়ুঞ্জানো ভবিষ্যামি বনেচরঃ।
উচিতং নঃ কুলে তাত সর্বেষাং ভরতর্ষভ।
পুত্রেষ্বৈশ্চর্যমাধায় বয়সোন্তে বনং নৃপ॥ 16-3-38 (97310)
তত্রাহং বায়ুভক্ষো বা নিরাহারোপি বা বসন্।
পত্ন্যা সহানয়া বীর চরিষ্যামি তপঃ পরম্॥ 16-3-39 (97311)
ৎবং চাপি ফলভাক্তাত তপসঃ পার্থিবো হ্যসি।
ফলভাজো হি রাজানঃ কল্যাণস্যেতরস্য বা॥ ॥ 16-3-40 (97312)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি তৃতীয়োঽধ্যায়ঃ॥ 3 ॥
Mahabharata - AshramaVasika Parva - Chapter Footnotes
7-3-3 তথৈব ভীমসেনোঽপি ধৃতরাষ্ট্রং জনাধিপম্। নামর্ষয়ত রাজেন্দ্রি সদৈব দুষ্টবদ্ধৃদেতি ঝ.পাঠঃ॥ 7-3-24 সোহমেতান্যতীতানীতি ক.পাঠঃ॥ 7-3-26 তৃষ্ণবিনয়নং তৃষামাত্রাপহং মণ্ডদি নতু ক্ষুদ্ব্যাধিহরম্॥আশ্রমবাসিকপর্ব - অধ্যায় 004
॥ শ্রীঃ ॥
16.4. অধ্যায়ঃ 004
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধুতরাষ্ট্রেণ যুধিষ্ঠিরংপ্রতি স্বস্য বনগমনাভ্যনুজ্ঞানপ্রার্থনা॥ 1 ॥ যুধিষ্ঠিরেণ ধৃতরাষ্ট্রানুশোচনপূর্বকং তৎপ্রতিষেধনে ব্যাসেন যুধিষ্ঠিরচোদনায় তত্রাগমনম্॥ 2 ॥Mahabharata - AshramaVasika Parva - Chapter Text
যুধিষ্ঠির উবাচ।
ন মাং প্রীণয়তে রাজ্যং ৎবয়্যেবং দুঃখিতে নৃপ।
দিঙ্মামস্তু সুদুর্বুদ্ধিং রাজ্যসক্তং প্রমাদিনম্॥ 16-4-1 (97313)
গৃহে বসন্তং দুঃখার্তমুপবাসকৃশং ভৃশম্।
যতাহারং ক্ষিতিশয়ং নাবিদং ভ্রাতৃভিঃ সহ॥ 16-4-2 (97314)
অহোস্মি বঞ্চিতো মূঢো ভবতা গূঢবুদ্ধিনা।
বিস্বাসয়িৎবা পূর্বং মাং যদিদং দুঃখমশ্নুথা॥ 16-4-3 (97315)
কিং মে রাজ্যেন ভোগৈর্বা কিং যজ্ঞৈঃ কিং সুখেন বা।
যস্য মে ৎবং মহীপাল দুখান্যেতান্যবাপ্তবান্॥ 16-4-4 (97316)
পীডিতং চাপি জানামি রাজ্যমাত্মানমেব চ।
অনেন বচসা তেঽদ্য দুঃখিতস্য জনেশ্বরঃ॥ 16-4-5 (97317)
ভবান্পিতা ভবান্মাতা ভবান্নঃ পরমো গুরুঃ।
ভবতা বিপ্রহীণা বৈ ক্বনু তিষ্ঠামহে বয়ম্॥ 16-4-6 (97318)
ঔরসো ভবতঃ পুত্রো যুয়ুৎসুর্নৃপসত্তম।
অস্তু রাজা মহারাজ যমন্যং মন্যতে ভবান্॥ 16-4-7 (97319)
অহং বনং গমিষ্যামি ভবান্রাজা প্রশাস্ৎবিদম্।
নমাময়শসা দগ্ধং ভূয়স্ৎবং দগ্ধুমর্হসি॥ 16-4-8 (97320)
নাহং রাজা ভবান্রাজা ভবতা পরবানহম্।
কথং গুরুং ৎবাং ধর্মজ্ঞমনুজ্ঞাতুমিহোৎসহে॥ 16-4-9 (97321)
ন মন্যুর্হৃদি নঃ কশ্চিৎসুয়োধনকৃতেঽনঘ।
ভবিতব্যং তথা তদ্ধি বয়ং চান্যে চ মোহিতাঃ॥ 16-4-10 (97322)
বয়ং পুত্রা হি ভবোত যথা দুর্যোধনাদয়ঃ।
গান্ধারী চৈব কুন্তী চ নির্বিশেষে মতে মম॥ 16-4-11 (97323)
স মাং ৎবং যদি রাজেন্দ্র পরিত্যজ্য গমিষ্যসি।
পৃষ্ঠতস্ৎবনুয়াস্যামি সত্যমাত্মানমালভে॥ 16-4-12 (97324)
ইয়ং হি বসুসংপূর্ণা মহী সাগরমেখলা।
ভবতা বিপ্রহীণস্য ন মে প্রীতিকরী ভবেৎ॥ 16-4-13 (97325)
ভবদীয়মিদং সর্বং শিরসা ৎবাং প্রসাদয়ে।
ৎবদধীনাঃ স্ম রাজেন্দ্র ব্যেতু তে মানসো জ্বরঃ॥ 16-4-14 (97326)
ভবিতব্যমনুপ্রাপ্তো মন্যে ৎবং বসুধাধিপ।
দিষ্ট্যা শুশ্রূষমাণস্ৎবাং মোক্ষিষ্যে মনসো জ্বরং॥ 16-4-15 (97327)
ধৃতরাষ্ট্র উবাচ। 16-4-16x (8031)
তাপস্যে মে মনস্তাত বর্ততে কুরুনন্দন।
উচিতং চ কুলেঽস্মাকমরণ্যগমনং প্রভো॥ 16-4-16 (97328)
চিরমধ্যুষিতঃ পুত্র চিরং শুশ্রূষিতস্ৎবয়া।
বৃদ্ধং মামপ্যনুজ্ঞাতুমর্হসি ৎবং নরাধিপ॥ 16-4-17 (97329)
বৈশম্পায়ন উবাচ। 16-4-18x (8032)
ইত্যুক্ৎবা ধর্মরাজানং বেপমানং কৃতাঞ্জলিম্।
উবাচ বিদুরং রাজা ধৃতরাষ্ট্রোংঽবিকাসুতঃ॥ 16-4-18 (97330)
সংজয়ং চ মহাত্মানং কৃপং চাপি মহারথম্।
অনুনেতুমিহেচ্ছামি ভবদ্ভির্বসুধাধিপম্॥ 16-4-19 (97331)
ম্লায়তে মে মনো হীদং মুখং চ পরিশুষ্যতি।
বয়সা চ প্রকৃষ্টেন বাগ্ব্যায়ামেন চৈব হ॥ 16-4-20 (97332)
ইত্যুক্ৎবা স তু ধর্মাত্মা বৃদ্ধো রাজা কুরূদ্বহঃ।
গান্ধারীং শিশ্রিয়ে ধীমান্সহসৈব গতাসুবৎ॥ 16-4-21 (97333)
তং তু দৃষ্ট্বা সমাসীনং বিসংজ্ঞমিব কৌরবম্।
আর্তিং রাজাঽগমত্তীব্রাং কৌন্তেয়ঃ পরবীরহা॥ 16-4-22 (97334)
যুধিষ্ঠির উবাচ। 16-4-23x (8033)
যস্য নাগসহস্রেণ শতসঙ্খ্যেন বৈ বলম্।
সোয়ং নারীং ব্যপাশ্রিত্য শেতে রাজা গতাসুবৎ॥ 16-4-23 (97335)
আয়সী প্রতিমা যেন ভীমসেনস্য সা পুরা।
চূর্ণীকৃতা বলবতা সোবলামাশ্রিতঃ স্ত্রিয়ম্॥ 16-4-24 (97336)
ধিগস্তু মামধর্মজ্ঞং ধিগ্বুদ্ধিং ধিক্চ মে শ্রুতম্।
যৎকৃতে পৃথিবীপালঃ শেতেঽয়মতথোচিতঃ॥ 16-4-25 (97337)
অহমপ্যুপবৎস্যামি যথৈবায়ং গুরুর্মম।
যদি রাজা ন ভুঙ্ক্তেঽয়ং গান্ধারী চ যশস্বিনী॥ 16-4-26 (97338)
বৈশম্পায়ন উবাচ। 16-4-27x (8034)
ততোস্য পাণিনা রাজঞ্জলশীতেন পাণ্ডবঃ।
উরো মুখং চ শনকৈঃ পর্যমার্জত ধর্মবিৎ॥ 16-4-27 (97339)
তেন রত্নৌষধিমতা পুণ্যেন চ সুগন্ধিনা।
পাণিস্পর্শেন রাজ্ঞঃ স রাজা সংজ্ঞামবাপ হ॥ 16-4-28 (97340)
স্পৃশন্তং পাণিনা ভূয়ঃ পরিষ্যজ্য চ পাণ্ডবম্।
`উবাচ রাজা ধর্মজ্ঞো ধৃতরাষ্ট্রঃ শুভং বচঃ॥' 16-4-29 (97341)
জীবামীবাতিসংস্পর্শাত্তব রাজীবলোচন।
মূর্ধানং চ তবাঘ্রাতুমিচ্ছামি মনুজাধিপ।
পাণিভ্যাং হি পরিস্প্রষ্টুং প্রাণানাং হিতমাত্মনি॥ 16-4-30 (97342)
অষ্টমো হ্যদ্য কালোঽয়মাহারস্য কৃতস্য মে।
যেনাহং কুরুশার্দূল শক্নোমি ন বিচেষ্টিতুম্॥ 16-4-31 (97343)
ব্যায়ামশ্চায়মত্যর্থং কৃতস্ৎবামভিয়াচতা।
ততো গ্লানমনাস্তান নষ্টসংজ্ঞ ইবাভবম্॥ 16-4-32 (97344)
তবামৃতসুখস্পর্শং হস্তস্পর্শমিমং প্রভো।
লব্ধ্বা সংজীবিতোস্মীতি মন্যে কুরুকুলোদ্বহ॥ 16-4-33 (97345)
বৈশম্পায়ন উবাচ। 16-4-34x (8035)
এবমুক্তস্তু কৌন্তেয়ঃ পিত্রা জ্যেষ্ঠেন ভারত।
পস্পর্শ সর্বগাত্রেষু স্নেহার্দ্রস্তং শনৈস্তদা॥ 16-4-34 (97346)
উপলভ্য ততঃ প্রাণান্ধৃতরাষ্ট্রো মহীপতিঃ।
বাহুভ্যাং সম্পরিষ্বজ্য মূর্ধ্ন্যাজিঘ্রত পাণ্ডবম্॥ 16-4-35 (97347)
বিদুরাদয়শ্চ তে সর্বে রুরুদুর্দুঃখিতা ভৃশম্।
অতিদুঃখাত্তু রাজানং নোচুঃ কিঞ্চন পাণ্ডবম্॥ 16-4-36 (97348)
গান্ধারী ৎবেব ধর্মজ্ঞা মনসোদ্বহতী ভৃশম্।
দুঃখান্যধারয়দ্রাজন্মৈবমিত্যেব চাব্রবীৎ॥ 16-4-37 (97349)
ইতরাস্তু স্ত্রিয়ঃ সর্বাঃ কুন্ত্যা সহ সুদঃখিতাঃ।
নেত্রৈরাগতবিক্লেদৈঃ পরিবার্য স্থিতাঽভবন্॥ 16-4-38 (97350)
অথাব্রবীৎপুনর্বাক্যং ধৃতরাষ্ট্রো যুধিষ্ঠিরম্।
অনুজানীহি মাং রাজংস্তাপস্যে ভরতর্ষভ॥ 16-4-39 (97351)
গ্লায়তে মে মনস্তাত ভূয়োভূয়ঃ প্রজল্পতঃ।
ন মামতঃ পরং পুত্র পরিক্লেষ্টুমিহার্হসি॥ 16-4-40 (97352)
তস্মিংস্তু কৌরবেন্দ্রে তং তথা ব্রুবতি পাণ্ডবম্।
সর্বেষামবরোধানামার্তনাদো মহানভূৎ॥ 16-4-41 (97353)
দৃষ্ট্বা কৃশং বিবর্ণং চ রাজানমতথোচিতম্॥
উপবাসপরিশ্রান্তং ৎবগস্থিপরিবারিতম্॥ 16-4-42 (97354)
ধর্মপুত্রঃ স্বপিতরং পরিষ্বজ্য মহাপ্রভুম্।
শোকজং বাষ্পমুৎসৃজ্যি পুনর্বচনমব্রবীৎ॥ 16-4-43 (97355)
ন কাময়ে নরশ্রেষ্ঠ জীবিতং পৃথিবীং তথা।
যথা তব প্রিয়ং রাজংশ্চিকীর্ষামি পরংতপ॥ 16-4-44 (97356)
যদি চাহমনুগ্রাহ্যো ভবতো দয়িতোঽপি বা।
ক্রিয়তাং তাবদাহারস্ততো বেৎস্যাম্যহং পরম্॥ 16-4-45 (97357)
ততোঽব্রবীন্মহাতেজা ধৃতরাষ্ট্রো যুধিষ্ঠিরম্।
অনুজ্ঞাতস্ৎবয়া পুত্র ভুঞ্জীয়ামিতি কাময়ে॥ 16-4-46 (97358)
ইতি ব্রুবতি রাজেন্দ্রে ধৃতরাষ্ট্রে যুধিষ্ঠিরম্।
ঋষিঃ সত্যবতীপুত্রো ব্যাসোঽভ্যোত্য বচোঽব্রবীৎ॥ ॥ 16-4-47 (97359)
ইতি শ্রীমন্মহাভারতে আশ্রমবাসিকপর্বণি আশ্রমিবাসপর্বণি চতুর্থোঽধ্যায়ঃ॥ 4 ॥
আশ্রমবাসিকপর্ব - অধ্যায় 005
॥ শ্রীঃ ॥
16.5. অধ্যায়ঃ 005
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ব্যাসেন যুধিষ্ঠিরংপ্রতি সহেতূপন্যাসং ধৃতরাষ্ট্রস্য ধৃতরাষ্ট্রস্য বনগমনাভ্যনুজ্ঞানচোদনাপূর্বকং স্বাশ্রমগমনম্॥ 1 ॥ যুধিষ্ঠিরেণি ধৃতরাষ্ট্রংপ্রতি কৃচ্ছ্রেণ তদভ্যনুজ্ঞানাঙ্গীকরণম্॥ 2 ॥Mahabharata - AshramaVasika Parva - Chapter Text
ব্যাস উবাচ।
যুধিষ্ঠির মহাবাহো ********** কুরুনন্দনঃ।
ধৃতরাষ্ট্রো মহাতেজাস্তৎকুরুষ্বাবিচারয়ন্॥ 16-5-1 (97360)
অয়ং হি বৃদ্ধো নৃপতির্হতপুত্রো বিশেষতঃ।
নেদং কৃচ্ছ্রং চিরতরং সহেদিতি মতির্মম॥ 16-5-2 (97361)
গান্ধারী চ মহাভাগা প্রাজ্ঞা করুণবেদিনী।
পুত্রশোকং মহারাজ ধৈর্যেণোদ্বহতে ভৃশম্॥ 16-5-3 (97362)
অহমপ্যেতদেব ৎবাং ব্রবীমি কুরু মে বচঃ।
অনুজ্ঞাং লভতাং রাজা মাং বৃথেহ মরিষ্যতি॥ 16-5-4 (97363)
`স্বস্থো ভবৎবয়ং ধীমান্বনেষু মধুগন্ধিষু।'
রাজর্ষীণাং পুরাণানামনুয়াতু গতিং নৃপঃ। রাজর্ষীণাং হি সর্বেষামন্তে বনমুপাশ্রয়ঃ॥ 16-5-5 (97364)
বৈশম্পায়ন উবাচ। 16-5-6x (8036)
ইত্যুক্তঃ স তদা রাজা ব্যাসেনাদ্ভুতকর্মণা।
প্রত্যুবাচ মহাতেজা ধর্মরাজো মহামুনিম্॥ 16-5-6 (97365)
ভগবানেব নো মান্যো ভগবানেব নো গুরুঃ।
ভগবানস্য রাজ্যস্য কুলস্য চ পরায়ণম্॥ 16-5-7 (97366)
অহং তু পুত্রো ভগবন্পিতা রাজা গুরুশ্চ মে।
নিদেশবতী চ পিতুঃ পুত্রো ভবতি ধর্মতঃ॥ 16-5-8 (97367)
বৈশম্পায়ন উবাচ। 16-5-9x (8037)
ইত্যুক্তঃ স তু তং প্রাহ ব্যাসো বেদবিদাংবরঃ।
যুধিষ্ঠিরং মহাতেজাঃ পুনরেব মহাকবিঃ॥ 16-5-9 (97368)
এবমেতন্মহাভাগ যথা বদসিং ভারত।
রাজাঽয়ং বৃদ্ধতাং প্রাপ্তঃ প্রমাণে পরমে স্থিতঃ॥ 16-5-10 (97369)
সোয়ং ময়াঽভ্যনুজ্ঞাতস্ৎবথা চ পৃথিবীপতিঃ।
করোতু স্বমভিপ্রায়ং মা স্ম বিঘ্নকরো ভব॥ 16-5-11 (97370)
এষ এব পরো ধর্মো রাজর্ষীণাং যুধিষ্ঠির।
সমরে বা ভবেন্মৃত্যুর্বনে বা বিধিপূর্বকম্॥ 16-5-12 (97371)
পিত্রা তু তব রাজেন্দ্র পাণ্ডুনা পৃথিবীক্ষিতা।
শিষ্যভূতেন রাজাঽয়ং গুরুবৎপর্যুপাসিতঃ॥ 16-5-13 (97372)
ক্রতুভির্দক্ষিণাবদ্ভী রত্নপর্বতশোভিতৈঃ।
মহদ্ভিরিষ্টং গৌর্ভুক্তা প্রজাশ্চ পরিপালিতাঃ॥ 16-5-14 (97373)
পুত্রসংস্যং চ বিপুলং রাজ্যং বিপ্রোষিতে ৎবয়ি।
ত্রয়োদশসমা ভুক্তং দত্তং চ বিবিধং বসু॥ 16-5-15 (97374)
ৎবয়া চায়ং নরব্যাঘ্র গুরুশুশ্রূষয়াঽনঘ।
আরাধিতঃ স ভৃত্যেন গান্ধারী চ যশস্বিনী॥ 16-5-16 (97375)
অনুজানীহি পিতরং সময়োঽস্ম তপোবিধৌ।
ন মন্যুর্বিদ্যতে চাস্য সুসূক্ষ্মোঽপি যুধিষ্ঠির॥ 16-5-17 (97376)
বৈশম্পায়ন উবাচ। 16-5-18x (8038)
এতাবদুক্ৎবা বচনমনুমান্য চ পার্থিবম্।
তথাঽস্ৎবিতি চ তেনোক্তঃ কৌতেয়েন যয়ৌ বনম্॥ 16-5-18 (97377)
গতে ভগবতি ব্যাসে রাজা পাণ্ডুসুতস্তদা।
প্রোবাচ পিতরং বৃদ্ধং মন্দংমন্দমিবানতঃ॥ 16-5-19 (97378)
যদাহ ভগবান্ব্যাসো যচ্চাপি ভবতো মতম্।
যথাঽঽহ চ মহেষ্বাসঃ কৃপো বিদুর এব চ॥ 16-5-20 (97379)
যুয়ুৎসুঃ সংজয়শ্চৈব তৎকর্তাস্ম্যহমঞ্জসা।
সর্ব এব হি মান্যা মে কুলস্য হি হিতৈষিণঃ॥ 16-5-21 (97380)
ইদং তু যাচে নৃপতে ৎবামহং শিরসা নতঃ।
ক্রিয়তাং তাবদাহারস্ততো গচ্ছাশ্রমং প্রতি॥ ॥ 16-5-22 (97381)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি পঞ্চমোঽধ্যায়ঃ॥ 5 ॥
Mahabharata - AshramaVasika Parva - Chapter Footnotes
7-5-17 তপোবিধৌ তপঃকরণে॥ 18 ॥আশ্রমবাসিকপর্ব - অধ্যায় 006
॥ শ্রীঃ ॥
16.6. অধ্যায়ঃ 006
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
বনং যিয়াসুনা ধৃতরাষ্ট্রেণ যুধিষ্ঠিরায় রাজনীত্যুপদেশঃ॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
ততো রাজ্ঞাঽভ্যনুজ্ঞাতো ধৃতরাষ্ট্রো মহামনাঃ।
যয়ৌ স্বভবনং রাজা গান্ধার্যাঽনুগতস্তদা॥ 16-6-1 (97382)
মন্দপ্রাণগতির্ধামান্কৃচ্ছ্রাদিব সমুদ্বহন্।
পদানি স মহীপালো জীর্ণো গজপতির্যথা॥ 16-6-2 (97383)
তমন্বগচ্ছদ্বিদুরো বিদ্বান্সূতশ্চ সংজয়ঃ।
স চাপি পরমেষ্বাসঃ কৃপঃ সারদ্বতস্তথা॥ 16-6-3 (97384)
স প্রবিশ্য গৃহং রাজা কৃতপূর্বাহ্ণিকক্রিয়ঃ।
তর্পয়িৎবা দ্বিজশ্রেষ্ঠানাহারমকরোত্তদা॥ 16-6-4 (97385)
গান্ধারী চৈব ধর্মজ্ঞা কুন্ত্যা সহ মনস্বিনী।
বধূভিরুপচারেণি পূজিতাঽভুঙ্ক্ত ভারত॥ 16-6-5 (97386)
কৃতাহারং কৃতাহারাঃ সর্বে তে বিদুরাদয়ঃ।
পাণ্ডবাশ্চ কুরুশ্রেষ্ঠমুপাতিষ্ঠন্ত তং নৃপম্॥ 16-6-6 (97387)
ততোঽব্রবীন্মহারাজঃ কুন্তীপুত্রমুপহ্বরে।
নিষণ্ণং পাণিনা পৃষ্ঠে সংস্পৃশন্নংবিকাসুতঃ॥ 16-6-7 (97388)
অপ্রমাদস্ৎবয়া কার্যঃ সর্বথা কুরুনন্দন।
অষ্টাঙ্গে রাজশার্দূল রাজ্যে ধর্মপুরস্কৃতে॥ 16-6-8 (97389)
তত্তু শক্যং মহারাজ রক্ষিতুং পাণ্ডুনন্দন।
রাজ্যং ধর্মেণ কৌন্তেয় বিদ্বানসি নিবোধ তৎ॥ 16-6-9 (97390)
বিদ্যাবৃদ্ধান্সদৈব ৎবমুপাসীথা যুধিষ্ঠির।
শৃণুয়াস্তে চ যদ্ব্রূয়ুঃ কুর্যাশ্চৈবাবিচারয়ন্॥ 16-6-10 (97391)
প্রাতরুস্থায় তান্রাজন্পূজয়িৎবা যথাবিধি।
কৃত্যকালে সমুৎপন্নে পৃচ্ছেথাঃ কার্যমাত্মনঃ॥ 16-6-11 (97392)
তে তু সম্মানিতা রাজংস্ৎবয়া লোকহিতার্থিনা।
প্রবক্ষ্যন্তি হিতং তাত সর্বথা তব ভারত॥ 16-6-12 (97393)
ইন্দ্রিয়াণি চ সর্বাণি বাজিবৎপরিপালয়।
হিতায়ৈব ভবিষ্যন্তি রক্ষিতং দ্রবিণং যথা॥ 16-6-13 (97394)
অমাত্যানুপধাতীতান্পিতৃপৈতামহাঞ্শুচীন্।
দান্তান্কর্মসু সর্বেষু মুখ্যান্মুখ্যেষু যোজয়েঃ॥ 16-6-14 (97395)
চারয়েথাশ্চ সততং চারৈরবিদিতঃ পরৈঃ।
পরীক্ষিতৈর্বহুবিধৈঃ স্বরাষ্ট্রেষু পরেষু চ॥ 16-6-15 (97396)
পুরং চ তে সুগুপ্তং স্যাদ্দৃঢপ্রাকারতোরণম্।
অট্টাট্টালকসম্বাধং ষট্পদং সর্বতো দিশম্॥ 16-6-16 (97397)
তস্য দ্বারাণি সর্বাণি পর্যাপ্তানি বৃহন্তি চ।
সর্বতঃ সুবিভক্তানি যন্ত্রৈরারক্ষিতানি চ॥ 16-6-17 (97398)
পুরুষৈরলমর্থস্তে বিদিতৈঃ কুলশীলতঃ।
আত্মা চ রক্ষ্যঃ সততং ভোজনাদিষু ভারত।
বিহারাহারকালেষু মাল্যশয়্যাসনেষু চ॥ 16-6-18 (97399)
স্ত্রিয়শ্চ তে সুগুপ্তাঃ স্যুর্বৃদ্ধৈরাপ্তৈরধিষ্ঠিতাঃ।
শীলবদ্ভিঃ কুলীনৈশ্চ বিদ্বদ্ভিশ্চ যুধিষ্ঠির॥ 16-6-19 (97400)
মন্ত্রিণিশ্চৈব কুর্বীথা দ্বিজান্বিদ্যাবিশারদান্।
বিনীতাংশ্চ কুলীনাংশ্চ ধর্মার্থকুশলানৃজূন্॥ 16-6-20 (97401)
তৈঃ সার্ধং মন্ত্রয়েথাস্ৎবং নাত্যর্থং বহুভিঃক সহ।
সমস্তৈরপি চ ব্যস্তৈর্ব্যপদেশেন কেনচিৎ॥ 16-6-21 (97402)
সুসংবৃতং মন্ত্রগৃহং স্থলং চারুহ্য মন্ত্রয়েঃ।
অরণ্যে নিঃশলাকে বা ন চ রাত্রৌ কথঞ্চন॥ 16-6-22 (97403)
বানরাঃ পক্ষিণশ্চৈব যে মনুষ্যানুকারিণঃ।
সর্বে মন্ত্রগৃহে বর্জ্যা যে চাপি জডপঙ্গবঃ॥ 16-6-23 (97404)
মন্ত্রভেদে হি যে দোষা ভন্তি পৃথিবীক্ষিতাম্।
ন তে শক্যাঃ সমাধাতুং কথঞ্চিদিতি মে মতিঃ॥ 16-6-24 (97405)
দোষাংশ্চ মন্ত্রভেদস্য ব্রূয়াস্ৎবং মন্ত্রিমণ্ডলে।
অভেদে চ গুণা রাজন্পুনঃপুনররিংদম॥ 16-6-25 (97406)
পৌরজানপদানাং চ শৌচশৌচে যুধিষ্ঠির।
যথা স্যাদ্বিদিতং রাজংস্তথা কার্যং কুরূদ্বহ॥ 16-6-26 (97407)
ব্যবহারশ্চ তে রাজন্নিত্যমাপ্তৈরধিষ্ঠিতঃ।
যোজ্যস্তুষ্টৈর্হিতৈ রাজন্নিত্যং চারৈরনুষ্ঠিতঃ॥ 16-6-27 (97408)
পরিমাণং বিদিৎবা চ দণ্ডং দণ্ড্যেষু ভারত।
প্রণয়েয়ুর্যথান্যায়ং পুরুষাস্তে যুধিষ্ঠির॥ 16-6-28 (97409)
আদানরুচয়শ্চৈব পরদারাভিমর্শিনঃ।
উগ্রদণ্ডিপ্রধানাশ্চ মিথ্যাব্যাহারিণস্তথা॥ 16-6-29 (97410)
আক্রোষ্টারশ্চ লুব্ধাশ্চ হর্তারঃ সাহসপ্রিয়াঃ।
সভাবিহারভেত্তারো বর্ণানাং চ প্রদূষকাঃ।
হিরণ্যদণ্ড্যা বধ্যাশ্চ কর্তব্যা দেশকালতঃ॥ 16-6-30 (97411)
`অবরোধভূমৌ ভৃত্যৈশ্চ পানং সহ বিবর্জয়েৎ।
আক্রোশন্ত্যনুমত্তাস্তে কলত্রং বাঽপি গৃহ্ণতে॥ 16-6-31 (97412)
জিঘাংসন্ত্যপি শস্ত্রেণ নষ্টাঃ ক্রীডন্তি চোৎকটাঃ।
নানাক্ষেপা ব্যাহরন্তি গম্যাগম্যং ন জানতে॥ 16-6-32 (97413)
অতিপানেনি রাজাঽপি সর্বং কোশং বিনাশয়েৎ।
বিতরেদ্গায়কেভ্যশ্চ বৃথা চ দ্রব্যসঞ্চয়ম্॥ 16-6-33 (97414)
শব্দমাত্মনি দোষাংশ্চ পিবেদেকশ্চ জায়যা।
যুক্ত্যা প্রকাশময়তি সুবীর্যস্যি বিবৃদ্ধয়ে॥' 16-6-34 (97415)
প্রাতরেব হি পশ্যথা যে কুর্যুঃ প্রিয়কর্ম তে।
অলঙ্কারমথো ভোজ্যমত ঊর্ধ্বং সমাচরেঃ॥ 16-6-35 (97416)
পশ্যেথাশ্চি ততো যোধান্সদা ৎবং প্রতিহর্ষয়ন্।
দূতানাং চ চরাণাং চ প্রদোষস্তে সদা ভবেৎ॥ 16-6-36 (97417)
সদা চাপররাত্রান্তে ভবেৎকার্যার্থনির্ণয়ঃ।
মধ্যরাত্রে বিহারস্তে মধ্যাহ্নে চ সদা ভবেৎ॥ 16-6-37 (97418)
সর্বে ৎবৌপয়িকাঃ কালাঃ কার্যাণাং ভরতর্ষভ।
তথৈবালঙ্কৃতঃ কালে তিষ্ঠিথা ভূরিদক্ষিণঃ॥ 16-6-38 (97419)
`ন বিদ্রাব্য চ তিষ্ঠেত পরিহার্য বিভূষণম্।
প্রয়োজ্যং সর্বদৈবেহ মঙ্গল্যং পাপনাশনম্॥' 16-6-39 (97420)
চক্রবত্তাত কার্যাণাং পর্যায়ো দৃশ্যতে সদা।
কোশস্য নিচয়ে যত্নং কুর্বীথা ন্যায়তঃ সদা।
বিবিধস্য মহারাজ বিপরীতং বিবর্জয়েঃ॥ 16-6-40 (97421)
চারৈর্বিদিৎবা শত্রূংশ্চ যে রাজ্ঞামন্তরৈষিণঃ।
তানাপ্তৈঃ পুরুষৈর্দূরাদ্ধাতয়েথা নরাধিপ॥ 16-6-41 (97422)
কর্ম দৃষ্ট্বাঽথ ভৃত্যাংস্ৎবং বরয়েথাঃ কুরূদ্বহ।
কারয়েথাশ্চ কর্মাণি যুক্তায়ুক্তৈরধিষ্ঠিতৈঃ॥ 16-6-42 (97423)
সেনাপ্রাণেতা চ ভবেত্তব তাত দৃঢব্রতঃ।
শূরঃ ক্লেশসহশ্চৈব হিতো ভক্তশ্চ পূরুষঃ॥ 16-6-43 (97424)
সর্বে জনপদাশ্চৈব তব কর্মাণি পাণ্ডব।
গোবদ্রাসভবচ্চৈব কুর্যুর্যে ব্যবহারিণঃ॥ 16-6-44 (97425)
স্বরন্ধ্রং পররন্ধ্রং চ স্বেষু চৈব পরেষু চ।
উপলক্ষয়িতব্যং তে নিত্যমেব যুধিষ্ঠির॥ 16-6-45 (97426)
দেশজাশ্চৈব পুরুষা বিক্রান্তাঃ স্বেষু কর্মসু।
যাত্রাভিরনুরূপাভিরনুগ্রাহ্যা হিতাস্ৎবয়া॥ 16-6-46 (97427)
গুণার্থিনাং গুণঃ কার্যো বিদুষা বৈ জনাধিপ।
অবিচার্যাশ্চ তে তে স্যুরচলা ইব নিত্যশঃ॥ ॥ 16-6-47 (97428)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি ষষ্ঠোঽধ্যায়ঃ॥ 6 ॥
Mahabharata - AshramaVasika Parva - Chapter Footnotes
7-6-5 অভুঙ্ক্ত ভুক্তবতী॥ 7-6-8 অষ্টাঙ্গে স্বাম্যমাত্যাদিয়ুতে॥ 7-6-13 রাজ্যবৎপরিপালয়েতি ক.থ.পাঠঃ॥ 7-6-16 অষ্টা দুর্গোপরিভাগে সঞ্চারস্থানানি। ষট্পদং ষড্ভিঃ পদৈঃ পদনীয়ৈঃ স্থানৈর্যুক্তম্। তেন সপ্তপ্রাকারমিতি গম্যতে। তত্র সপ্তমস্যান্তঃপুরৎবাৎ ষডেবান্যেষাং পদনীয়ানি স্থানানি॥ 7-6-22 নিঃশলাকে অতৃণে। সতৃণে হ্যাসন্নঃ পরচারো জ্ঞাতুমশক্য ইতি॥ 7-6-29 আদানরুচয়ঃ উৎকোচোপজীবিনঃ॥ 7-6-36 প্রদোষো রজনীমুখং দূতাদীনাং দর্শনকালঃ। প্রদেয়স্তে সদা ভবেদিতি ক.থ.পাঠঃ॥ 7-6-44 গবাদিবৎ আহারমাত্রবেতনাঃ। ব্যবহারিণঃ কারুশিল্পিপ্রভৃতয়ঃ॥আশ্রমবাসিকপর্ব - অধ্যায় 007
॥ শ্রীঃ ॥
16.7. অধ্যায়ঃ 007
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ যুধিষ্ঠিরংপ্রতি রাজনীতিকথনম্॥ 1 ॥Mahabharata - AshramaVasika Parva - Chapter Text
ধৃতরাষ্ট্র উবাচ।
মণ্ডলানি চ বুধ্যেথাঃ পরেষামাত্মনস্তথা।
উদাসীনগুণানাং চ মধ্যস্থানাং চ ভারত॥ 16-7-1 (97429)
চতুর্ণাং শত্রুজাতানাং সর্বেষামাততায়িনাম্।
মিত্রং চামিত্রমিত্রং চ বোদ্ধব্যং তেঽরিকর্শন॥ 16-7-2 (97430)
অথ নানাজনপদা দুর্গাণি বিবিধানি চ।
বলানি চ কুরুশ্রেষ্ঠ ভবত্যেষাং যথেচ্ছকম্॥ 16-7-3 (97431)
তে চ দ্বাদশ কৌন্তেয় রাজানো বিবিধাত্মকাঃ।
মন্ত্রিপ্রধানাশ্চ গুণাঃ ষষ্টির্দ্বাদশ চ প্রভো॥ 16-7-4 (97432)
এতন্মণ্ডলমিত্যাহুরাচার্যা নীতিকোবিদাঃ।
অত্র ষাড্গুণ্যমাচত্তং যুধিষ্ঠির নিবোধ তৎ॥ 16-7-5 (97433)
বৃদ্ধিক্ষয়ৌ চ বিজ্ঞেয়ৌ স্থানং চ কুরুসত্তম।
দ্বিসপ্তত্যাং মহাবাহো ততঃ ষাড্গুণ্যজা গুণাঃ॥ 16-7-6 (97434)
যথা স্বপক্ষো বলবান্পরপক্ষস্তথা বলঃ।
বিগৃহ্য শত্রূন্কৌন্তেয় যায়াৎক্ষিতিপতিস্তদা॥ 16-7-7 (97435)
যদা পরে চ বলিনঃ স্বপক্ষশ্চৈব দুর্বলঃ।
সার্ধং বিদ্বাংস্তদা ক্ষীণঃ পরৈঃ সন্ধিং মসাশ্রয়েৎ॥ 16-7-8 (97436)
দ্রব্যাণাং সঞ্চয়শ্চৈব কর্তব্যঃ সুমহাংস্তথা।
যদা সমর্থা যানায় নচিরেণৈব ভারত॥ 16-7-9 (97437)
তদা সর্বং বিধেয়ং স্যাৎস্থানেন চ বিচারয়েৎ।
ভূমিরল্পফলা দেয়া বিপরীতস্য ভারত॥ 16-7-10 (97438)
হিরণ্যরূপ্যভূয়িষ্ঠং মিত্রং ক্ষীণমকোশভৃৎ।
বিপরীতং নিগৃহ্ণীয়াৎস্বয়ং সন্ধিবিশারদঃ॥ 16-7-11 (97439)
সন্ধ্যর্থং রাজপুত্রং বা লিপ্সেথা ভরতর্ষভ।
বিপরীতং ন তচ্ছ্রেয়ঃ পুত্র কস্যাংচিদাপদি॥ 16-7-12 (97440)
তস্যাঃ প্রমোক্ষে যত্নং চ কুর্যাঃ সোপায়মন্ত্রবিৎ।
প্রকৃতীনাং চ রাজেন্দ্র রাজা দীনান্বিভাবয়েৎ॥ 16-7-13 (97441)
ক্রমেণি যুগপদ্বুধ্বা ব্যসনানাং বলাবলম্।
পীডনং স্তংভনং চৈব কোশভঙ্গস্তথৈব চ॥ 16-7-14 (97442)
কার্যং যত্নেন শত্রূণাং স্বরাজ্যং রক্ষতা স্বয়ম্।
ন চ হিংস্যোঽভ্যুপগতঃ সামন্তো বৃদ্ধিমিচ্ছতা॥ 16-7-15 (97443)
কৌন্তেয় তদ্ধিতং তে স্যাৎপৃথিবীং বিজিগীষতঃ।
গুণানাং ভেদনে যোগমীপ্সেথাঃ সহ মন্ত্রিভিঃ॥ 16-7-16 (97444)
সাধুসঙ্গ্রহণাচ্চৈব পাপনিগ্রহণাত্তথা।
আত্মসাৎকরণে নিত্যং পালনানি গৃহে তথা।
দুর্বলাশ্চৈব সততং নান্বেষ্টব্যা বলীয়সা॥ 16-7-17 (97445)
তিষ্ঠেথা রাজশার্দূল বৈতসীং বৃত্তিমাস্থিতঃ।
যদ্যেনমভিয়ায়াচ্চ বলবান্দুর্বল নৃপঃ। 16-7-18 (97446)
সামাদিভিরুপায়ৈস্তং ক্রমেণি বিনিবর্তয়েঃ।
অশক্নুবংশ্চ যুদ্ধায় নিষ্পতেৎসহ মন্ত্রিভিঃ॥ 16-7-19 (97447)
কোশেন পৌরৈর্দণ্ডেন যে চাস্য প্রিয়কারিণঃ।
অসম্ভবে তু সর্বস্য যথা মুখ্যেন নিষ্পতেৎ।
ক্রমেণানেন মোক্ষঃ স্যাচ্ছরীরং প্রতি কেবলম্॥ ॥ 16-7-20 (97448)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি সপ্তমোঽধ্যায়ঃ॥ 7 ॥
Mahabharata - AshramaVasika Parva - Chapter Footnotes
7-7-1 মণ্ডলানি অরির্মিত্রমিত্যাদীনি॥ 7-7-3 যথেচ্ছকং পরৈর্ভেদ্যৎবমভেদ্যৎবং চ ভবতি তস্মাদবহিতস্তিষ্ঠেৎ। তথামাত্যা জনপদা ইতি ঝ.পাঠঃ। ভবত্যেষাং স্বকং পরমিতি থ.পাঠঃ॥ 7-7-4 দ্বাদশ চৎবারঃ শত্রুজাতাঃ। ষট্ আততায়িনঃ। মিত্রং অমিত্রমিত্রং চেতি ষষ্টির্গুণাঃ। কৃষ্যাদীন্যষ্টৌ সংধানকর্মাণি। বালাদয়ো বিংশতিরসংধেয়া। নাস্তিক্যাদয়শ্চতুর্দশ দোষাঃ। মন্ত্রাদীন্যষ্টাদশ তীর্থানীতি। এতেষু কেচিৎ হানার্থং জ্ঞাতব্যাঃ কেচিদুপাদানার্থম্॥ 7-7-5 ততঃ ষাঙ্গুণ্যচারিণ ইতি ক.থ.পাঠঃ॥ 7-7-6 দ্রব্যাণাং সঞ্চয়ে চৈব যত্নঃ কার্যঃ সদা ভবেৎ ইতি ক.পাঠঃ॥ 7-7-9 দীনান্ অন্ধবধিরাদীন্ বিভাবয়েৎপূজয়েৎ॥ 7-7-13 এনং ৎবাম্আশ্রমবাসিকপর্ব - অধ্যায় 008
॥ শ্রীঃ ॥
16.8. অধ্যায়ঃ 008
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ যুধিষ্ঠরংপ্রতি রাজনীতিকথনম্॥ 1 ॥Mahabharata - AshramaVasika Parva - Chapter Text
ধৃতরাষ্ট্র উবাচ।
সন্ধিবিগ্রহমপ্যত্র পশ্যেথা রাজসত্তম।
দ্বিয়োনিং বিবিধোপায়ং বহুকল্পং যুধিষ্ঠির॥ 16-8-1 (97449)
কৌরব্য পর্যুপাসীথাঃ স্থিৎবা দ্বৈবিধ্যমাত্মনঃ।
তুষ্টপুষ্টজনঃ শত্রুরর্থবানিতি চ স্মরেৎ॥ 16-8-2 (97450)
পর্যুপাসনকালে তু বিপরীতং বিধীয়তে।
আমর্দকালে রাজেন্দ্র ব্যবসায়স্ততোঽপরঃ॥ 16-8-3 (97451)
ব্যসনং ভেদনং চৈব শত্রূণাং কারয়েত্ততঃ।
কর্ষণং ভীষণং চৈব যুদ্ধে চৈব বহুক্ষয়ম্॥ 16-8-4 (97452)
প্রয়াস্যমানো নৃপতিস্ত্রিবিধং পরিচিন্তয়েৎ।
আত্মনশ্চৈব শত্রোশ্চ শক্তিং শাস্ত্রবিশারদঃ॥ 16-8-5 (97453)
উৎসাহপ্রভুশক্তিভ্যাং মন্ত্রশক্ত্যা চ ভারত।
উপপন্নো নৃপো যায়াদ্বিপরীতং চ বর্জয়েৎ॥ 16-8-6 (97454)
আদদীত বলং রাজা মৌলং মিত্রবলং তথা।
অটবীবলং ভৃতং চৈব ততা শ্রেণীবলং প্রভো॥ 16-8-7 (97455)
`মিত্রামিত্রবলং রাজন্ন্যায়াদ্বৃদ্ধ্যুদয়ে ধৃতঃ।'
তত্র মিত্রবলং রাজন্মৌলং চৈব বিশিষ্যতে।
শ্রেণীবলং ভৃতং চৈব তুল্যে এবেতি মে মতিঃ॥ 16-8-8 (97456)
তথাঽঽচারবলং চৈব পরস্পরসমং নৃপ।
বিজ্ঞেয়ং বলকালেষু রাজ্ঞা কাল উপস্থিতে॥ 16-8-9 (97457)
আপদশ্চাপি বোদ্ধব্যা বহুরূপা নরাধিপ।
ভবন্তি রাজ্ঞা কৌরব্য যাস্তাঃ পৃথগতঃ শৃণু॥ 16-8-10 (97458)
বিকল্পা বহুধা রাজন্নাপদাং পাণ্ডুনন্দন।
সামাদিভিরুপন্যস্য গময়েত্তান্নৃপঃ সদা॥ 16-8-11 (97459)
যাত্রাং গচ্ছেদ্বলৈর্যুক্তো রাজা ষড্ভিঃ পরংতপ।
যুক্তশ্চ দেশকালাভ্যাং বলৈরাত্মগুণৈস্তথা॥ 16-8-12 (97460)
হৃষ্টপুষ্টবলো গচ্ছেদ্রাজা বৃদ্ধ্যুদয়ে রতঃ।
অকৃশশ্চাপ্যথো যায়াদনৃতাবপি পাণ্ডব॥ 16-8-13 (97461)
তূণাশ্মানং বাজিরথপ্রবাহাং
ধ্বজদ্রুমৈঃ সংবৃতকূলরোধসম্।
পদাতিনাগৈর্বহুকর্দমাং নদীং
সপত্নানাশে নৃপতিঃ প্রয়োজয়েৎ॥ 16-8-14 (97462)
অথোপপত্ত্যা শকটং পদ্মবজ্রং চ ভারত।
উশনা বেদ যচ্ছাস্ত্রং তত্রৈতদ্বিহিতং বিভো॥ 16-8-15 (97463)
চারয়িৎবা পরবলং কৃৎবা স্ববলদর্শনম্।
স্বভূমৌ যোজয়েদ্যুদ্ধং পরভূমৌ তথৈব চ॥ 16-8-16 (97464)
বলং প্রসাদয়েদ্রাজা নিক্ষিপেদ্বলনো নরান্।
জ্ঞাৎবা স্ববিষয়ং তত্র সামাদিভিরুপক্রমেৎ॥ 16-8-17 (97465)
সর্বথৈব মহারাজ শরীরং ধারয়েদিহ।
প্রেত্য চেহ চ কর্তব্যমাত্মনিঃশ্রেয়সং পরম্॥ 16-8-18 (97466)
এবং কুর্বঞ্শুভা বাচো লোকেঽস্মিঞ্শৃণু তে নৃপ।
প্রেত্য স্বর্গমবাপ্নোতি প্রজা ধর্মেণি পালয়ন্॥ 16-8-19 (97467)
এবং ৎবয়া কুরুশ্রেষ্ঠ বর্তিতব্যং প্রজাসু বৈ।
উভয়োর্লোকয়োস্তাত প্রাপ্তয়ে নিত্যমেব হি॥ 16-8-20 (97468)
ভীষ্মেণ সর্বমুক্তোসি কৃষ্ণেন বিদুরেণ চ।
ময়াঽপ্যবশ্যং বক্তব্যং প্রীত্যা তে নৃপসত্তম॥ 16-8-21 (97469)
এতৎসর্বং যথান্যায়ং কুর্বীথা ভূরিদক্ষিণ।
প্রিয়স্তথা প্রজানাং ৎবং স্বর্গে সুখমবাপ্স্যসি॥ 16-8-22 (97470)
অশ্বমেধসহস্রেণ যো যজেৎপৃথিবীপতিঃ।
পালয়েদ্বাঽপি ধর্মেণি প্রজাস্তুল্যং ফলং লভেৎ॥ ॥ 16-8-23 (97471)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি অষ্টমোঽধ্যায়ঃ॥ 8 ॥
Mahabharata - AshramaVasika Parva - Chapter Footnotes
7-8-1 প্রবলপ্রতিয়োগিকৌ দুর্বলপ্রতিয়োগিকৌ চেতি দ্বিয়োনী সংধিবিগ্রহৌ॥ 7-8-2 স্থিৎবা স্থিরো ভূৎবা। দ্বৈবিধ্যং বলাবলং জ্ঞাৎবা শত্রুং পর্যুপাস্স্বেতি ভাবঃ। স্মরেজ্জয়োপায়ং বিচারয়েন্ন ৎবকস্মাৎপ্রয়ায়াৎ। জিৎবা দ্বিবিধমাত্মনেতি ক.পাঠঃ॥ 7-8-3 বিপরীতমতুষ্টপুষ্টবলং প্রয়ায়াদিত্যর্থঃ॥ 7-8-4 গমনং বেদনং চৈবেতি থ.পাঠঃ॥ 7-8-7 মৌলং ধনবলম্॥ 7-8-13 অনৃতৌ অকালেঽপি শিশিরাদৌ॥ 7-8-15 শকটাদয়ো ব্যূহবিশেষাঃ॥ 7-8-16 সাধয়িৎবা পরবলং কৃৎবা চ বলমর্ষণম্ ইতি ক.থ.পাঠঃ॥আশ্রমবাসিকপর্ব - অধ্যায় 009
॥ শ্রীঃ ॥
16.9. অধ্যায়ঃ 009
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্টেণ যুধিষ্ঠিরাৎসকলপৌরজনানয়নেন স্বস্য বনজিগমিষানিবেদনপূর্বকং তান্প্রাত তদভ্যনুজ্ঞানপ্রার্থনা॥ 1 ॥Mahabharata - AshramaVasika Parva - Chapter Text
যুধিষ্ঠির উবাচ।
এবমেতৎকরিষ্যামি যথাঽঽত্থ পৃথিবীপতে।
ভূয়শ্চৈবানুশাস্যোঽহং ভবতা পার্থিবর্ষভ॥ 16-9-1 (97472)
ভীষ্মে স্বর্গমনুপ্রাপ্তো গতে চ মধুসূদনে।
বিদুরে সংজয়ে চৈব কোঽন্যো মাং বক্তুমর্হতি॥ 16-9-2 (97473)
যত্তু মামনুশাস্তীহ ভবানদ্য হিতে স্থিতঃ।
কর্তাস্মি তন্মহীপাল নির্বৃতো ভব পার্থিব॥ 16-9-3 (97474)
বৈশম্পায়ন উবাচ। 16-9-4x (8039)
এবমুক্তঃ স রাজর্ষির্ধর্মরাজেন ধীমতা।
কৌন্তেয়ং সমনুজ্ঞাতুমিয়েষ ভরতর্ষভ॥ 16-9-4 (97475)
পুত্র বিশ্রাম্যতাং তাবন্মমাপি বলবাঞ্শ্রমঃ।
ইত্যুক্ৎবা প্রাবিশদ্রাজা গান্ধার্যা ভবনং তদা॥ 16-9-5 (97476)
তমাসনগতং দেবী গান্ধারী ধর্মচারিণী।
উবাচ কালে কালজ্ঞা প্রজাপতিসমং পতিম্॥ 16-9-6 (97477)
অনুজ্ঞাতঃ স্বয়ং তেন ব্যাসেনি ৎবং মহর্ষিণা।
যুধিষ্ঠিরস্যানুমতে কদাঽরণ্যং গমিষ্যসি॥ 16-9-7 (97478)
ধৃতরাষ্ট্র উবাচ। 16-9-8x (8040)
গান্ধার্যহমনুজ্ঞাতঃ স্বয়ং পিত্রা মহাত্মনা।
যুধিষ্ঠিরস্যানুমতে গন্তাস্মি নচিরাদ্বনম্॥ 16-9-8 (97479)
অহং হি তাবৎসর্বেষাং তেষাং দুর্দ্যূতদেবিনাম্।
পুত্রাণাং দাতুমিচ্ছামি প্রেত্যভাবানুগং বসু।
সর্বপ্রকৃতিতিসান্নিধ্যং কারয়িৎবা স্ববেশ্মনি॥ 16-9-9 (97480)
বৈশম্পায়ন উবাচ। 16-9-10x (8041)
ইত্যুক্ৎবা ধর্মরাজায় প্রেষয়ামাস বৈ তদা।
স চ তদ্বচনাৎসর্বং সমানিন্যে মহীপতিঃ॥ 16-9-10 (97481)
ততঃ প্রতীতমনসো ব্রাহ্মণাঃ কুরুজাঙ্গলাঃ।
ক্ষত্রিয়াশ্চৈব বৈশ্যাশ্চ শূদ্রাশ্চৈব সমায়যুঃ॥ 16-9-11 (97482)
ততো নিষ্ক্রম্য নৃপতিস্তস্মাদন্তঃকপুরাত্তদা।
দদ্দশে তং জনং সর্বং সর্বাশ্চ প্রকৃতীস্তথা॥ 16-9-12 (97483)
সমবেতাংশ্চ তান্সর্বান্পৌরাঞ্জানপদাংস্তথা।
তানাগতানভিপ্রেক্ষ্য সমস্তং চ সুহৃঞ্জনম্॥ 16-9-13 (97484)
ব্রাহ্মণাংশ্চ মহীপাল নানাদেশসমাগতান্।
উবাচ মতিমান্রাজা ধৃতরাষ্ট্রোঽম্বিকাসুতঃ॥ 16-9-14 (97485)
ভবন্তঃ কুরুবশ্চৈব চিরকালং সহোষিতাঃ।
পরস্পরস্য সুহৃদঃ পরস্পরহিতে রতাঃ॥ 16-9-15 (97486)
যদিদানীমহং ব্রূয়ামস্মিন্কাল উপস্থিতে।
তথা ভবদ্ভিঃ কর্তব্যমবিচার্য বচো মম॥ 16-9-16 (97487)
অরণ্যগমনে বুদ্ধির্গান্ধারীসহিতস্য মে।
ব্যাসস্যানুমতে রাজ্ঞস্তথা কুন্তীসুতস্য মে॥ 16-9-17 (97488)
ভবন্তোপ্যনুজানন্তু মান্যা বোঽভূদ্বিচারণা॥ 16-9-18 (97489)
অস্মাকং ভবতাং চৈব যেয়ং প্রীতির্হি শাশ্বতী।
ন চ সাঽন্যেষু দেশেষু রাজ্ঞামিতি মতির্মম॥ 16-9-19 (97490)
শান্তোস্মি বয়সাঽনেন তথা পুত্রবিনাকৃতঃ।
উপবাসকৃশশ্চাস্মি গান্ধারীসহিতোঽনঘাঃ॥ 16-9-20 (97491)
যুধিষ্ঠিরগতে রাজ্যে প্রাপ্তশ্চাস্মি সুখং মহৎ।
মন্যে দুর্যোধনৈশ্বর্যাদ্বিশিষ্টং বহুভির্গুণৈঃ॥ 16-9-21 (97492)
মম চান্ধস্য বৃদ্ধস্য হতপুত্রস্য কা গতিঃ।
ঋতে বনং মহাভাগাস্তন্মাঽনুজ্ঞাতুমর্হথ॥ 16-9-22 (97493)
তস্য তদ্বচনং শ্রুৎবা সর্বে তে কুরুজাঙ্গলাঃ।
বাপ্পসংদিগ্ধয়া বাচা রুরুদুর্ভরতর্ষভ॥ 16-9-23 (97494)
তানবিব্রুবতঃ কিঞ্চিৎসর্বাঞ্শোকপরায়ণান্।
পুনরেব মহাতেজা ধৃতরাষ্ট্রোঽব্রবীদিদম্॥ ॥ 16-9-24 (97495)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি নবমোঽধ্যায়ঃ॥ 9 ॥
আশ্রমবাসিকপর্ব - অধ্যায় 010
॥ শ্রীঃ ॥
16.10. অধ্যায়ঃ 010
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ পৌরান্প্রতি দুর্যোধনপক্ষপাতেন স্বকৃতাপনয়ক্ষমাপনম্॥ 1 ॥Mahabharata - AshramaVasika Parva - Chapter Text
ধৃতরাষ্ট্র উবাচ।
শান্তনুঃ পালয়ামাস যথাবদ্বসুধামিমাম্।
তথা বিচিত্রবীর্যশ্চ ভীষ্মেণ পরিপালিতঃ।
পালয়ামাস নস্তাতো বিদিতং বো ন সংশয়ঃ॥ 16-10-1 (97496)
যথা চ পাণ্ডুর্ভাতা মে দয়িতো ভবতামভূৎ।
স চাপি পালয়ামাস যথাবত্তচ্চ বেত্থ হ॥ 16-10-2 (97497)
`অনন্তরং হি পিতরমনুজ্ঞাতো যুধিষ্ঠিরঃ।
নাত্র কিঞ্চিন্মৃষা জাতু ভাষতেতি মতির্মম॥' 16-10-3 (97498)
ময়া চ ভবতাং সম্যক্ শুশ্রূষা যা কৃতাঽনঘাঃ।
অসম্যগ্বা মহাভাগাস্তৎক্ষন্তব্যমতন্দ্রিতৈঃ॥ 16-10-4 (97499)
যদা দুর্যোধনেনেদং ভুক্তং রাজ্যমকণ্টকম্।
অপি তত্র ন বো মন্দো দুর্বুদ্ধিরপরাদ্ধবান্॥ 16-10-5 (97500)
তস্যাপরাধাদ্দুর্বুদ্ধেরভিমানান্মহীক্ষিতাম্।
বিমর্দঃ সুমহানাসীদনয়াৎস্বকৃতাদথ।
`ঘাতিতাঃ কৌরবেয়াশ্চ পৃথিবী চ বিনাশিতা॥' 16-10-6 (97501)
তন্ময়া সাধু বাঽপীদং যদি বাঽসাধু বৈ কৃতম্।
তদ্বো হৃদি ন কর্তব্যং ময়া বদ্ধোঽয়মঞ্জলিঃ॥ 16-10-7 (97502)
বৃদ্ধোঽয়ং হতপুত্রোঽয়ং দুঃখিতোঽয়ং নরাধিপঃ।
পূর্বরাজ্ঞাং চ পুত্রোঽয়মিতি কৃৎবাঽনুজানথ॥ 16-10-8 (97503)
ইয়ং চ কৃপণা বৃদ্ধা হতপুত্রা তপস্বিনী।
গান্ধারী পুত্রশোকার্তা তুল্যং যাচতি বো ময়া॥ 16-10-9 (97504)
হতপুত্রাবিমৌ বৃদ্ধৌ বিদিৎবা দুঃখিতৌ তথা।
অনুজানীত ভদ্রং বো ব্রজাব শরণং চ বঃ॥ 16-10-10 (97505)
অয়ং চ কৌরবো রাজা কুন্তীপুত্রো যুধিষ্ঠিরঃ।
সর্বৈর্ভবদ্ভির্দ্রব্যঃ সমেষু বিষমেষু চ।
ন জাতু বিষমং চৈব গমিষ্যতি কদাচন॥ 16-10-11 (97506)
চৎবারঃ সচিবা যস্য ভ্রাতরো বিপুলৌজসঃ।
লোককপালসমা হ্যেতে সর্বধর্মার্থদর্শিনঃ॥ 16-10-12 (97507)
`চতুর্ণাং লোকপালানাং মধ্যে বিপরিবর্ততে।'
ব্রহ্মেব ভগবানেষ সর্বভূতজগৎপতিঃ॥ 16-10-13 (97508)
`এবমেব মহাবাহুর্ভীমার্জুনয়মৈর্বৃতঃ।'
যুধিষ্ঠিরো মহাতেজা ভবতঃ পালয়িষ্যতি॥ 16-10-14 (97509)
অবশ্যমেব বক্তব্যমিতি কৃৎবা ব্রবীমি বঃ।
এষ ন্যাসো ময়া দত্তঃ সর্বেষাং বো যুধিষ্ঠিরঃ।
ভবন্তোঽস্য চ বীরস্য ন্যাসভূতাঃ কৃতা ময়া॥ 16-10-15 (97510)
যদেব তৈঃ কৃতং কিঞ্চিদ্ব্যলীকং বঃ সুতৈর্মম।
যদন্যেনি মদীয়েন তদনুজ্ঞাতুমর্হথ॥ 16-10-16 (97511)
ভবদ্ভির্ন হি মে মন্যুঃ কৃতপূর্বঃ কথঞ্চন।
অত্যন্তগুরুভক্তানামেষোঽঞ্জলিরিদং নমঃ॥ 16-10-17 (97512)
তেষামস্থিরবুদ্ধীনাং লুব্ধানাং কামচারিণাম্।
কৃতে যাচেঽদ্য বঃ সর্বান্গান্ধারীসহিতোঽনঘাঃ॥ 16-10-18 (97513)
ইত্যুক্তাংস্তেন তে সর্বে পৌরজানপদা জনাঃ।
নোচুর্বাষ্পকলাঃ কিঞ্চিদ্বীক্ষাংচক্রুঃ পরস্পরম্॥ ॥ 16-10-19 (97514)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি দশমোঽধ্যায়ঃ॥ 10 ॥
Mahabharata - AshramaVasika Parva - Chapter Footnotes
7-10-7 ন কর্তব্যমনুজ্ঞাতুমিহার্হথেতি ক.ট.থ.পাঠঃ॥ 7-10-16 অন্যেন ভৃত্যেন। অনুজ্ঞাতুং ক্ষন্তুম্॥আশ্রমবাসিকপর্ব - অধ্যায় 011
॥ শ্রীঃ ॥
16.11. অধ্যায়ঃ 011
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
পৌরজনৈর্ব্রাহ্মণমুখেন ধৃতরাষ্ট্রংপ্রতি সমাশ্বাসনপূর্বকং কৃচ্ছ্রেণি বনগমনাভ্যনুজ্ঞানম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
এবমুক্তাস্তু তে তেন পৌরজানপদা জনাঃ।
বৃদ্ধেন রাজ্ঞা কৌরব্য নষ্টসংজ্ঞা ইবাভবন্॥ 16-11-1 (97515)
তূষ্ণীংভূতাংস্ততস্তাংস্তু বাষ্পকণ্ঠান্মহীপতিঃ।
ধৃতরাষ্ট্রো মহীপালঃ পুনরেবাভ্যভাষত॥ 16-11-2 (97516)
বৃদ্ধং চ হতপুত্রং চ ধর্মপত্ন্যা সহানয়া।
বিলপন্তং বহুবিধং কৃপণং চৈব সত্তমাঃ॥ 16-11-3 (97517)
পিত্রা স্বয়মনুজ্ঞাতং কৃষ্ণদ্বৈপায়নেন বৈ।
বনবাসায় ধর্মজ্ঞা ধর্মজেন নৃপেণ হ॥ 16-11-4 (97518)
সোহং পুনঃপুনর্যাচে শিরসাঽবনতোঽনঘাঃ।
গান্ধার্যা সহিতং তন্মাং সমনুজ্ঞাতুমর্হথ॥ 16-11-5 (97519)
বৈশম্পায়ন উবাচ। 16-11-6x (8042)
তচ্ছ্রুৎবা কুরুরাজস্য বাক্যানি করুণানি তে।
রুরুদুঃ সর্বশো রাজন্সমেতাঃ কুরুজাঙ্গলাঃ॥ 16-11-6 (97520)
উত্তরীয়ৈঃ করৈশ্চাপি সংছাদ্য বদনানি তে।
রুরুদুঃ শোকসংতপ্তা মুহূর্তং পিতৃমাতৃবৎ॥ 16-11-7 (97521)
হৃদয়ৈঃ শূন্যভূতৈস্তে ধৃতরাষ্ট্রপ্রবাসজম্।
দুঃখং সংধারয়ন্তো হি নষ্টসংজ্ঞা হবাভবন্॥ 16-11-8 (97522)
তে বিনীয় তমায়াসং ধৃতরাষ্ট্রবিয়োগজম্।
শনৈঃ শনৈস্তদাঽন্যোন্যমব্রুবন্স্বমতান্যুত॥ 16-11-9 (97523)
ততঃ সঞ্চিন্ত্য তে সর্বে বাক্যান্যথ সমাসতঃ।
একস্মিন্ব্রাহ্মণে কার্যমাবেস্যোচুর্নরাধিপম্॥ 16-11-10 (97524)
ততঃ স্বাচরণো বিপ্রঃ সম্মতোঽর্থবিশারদঃ।
সম্ভাব্যো বহ্বৃচো রাজন্বক্তুং সমুপচক্রমে॥ 16-11-11 (97525)
অনুমান্য মহারাজং সদঃ সমনুভাষ্য চ।
বিপ্রঃ প্রগল্ভো মেধাবী স রাজানমুবাচ হ॥ 16-11-12 (97526)
রাজন্বাক্যং জনস্যাস্য ময়ি সর্বং সমর্পিতম্।
বক্ষ্যামি তদহং বীর তজ্জুষস্ব নপাধিপ॥ 16-11-13 (97527)
যথা বদসি রাজেন্দ্র সর্বমেতত্তথা বিভো।
নাত্র মিথ্যা বচঃ কিঞ্চিৎসুহৃত্ৎবং নঃ পরস্পরম্॥ 16-11-14 (97528)
ন জাৎবস্য চ বংশস্য রাজ্ঞাং কশ্চিৎকদাচন।
রাজাঽঽসীদ্যঃ প্রজাপালঃ প্রজানামপ্রিয়োঽভবৎ॥ 16-11-15 (97529)
পিতৃবন্মাতৃবচ্চৈব ভবন্তঃ পালয়ন্তি নঃ।
ন চ দুর্যোধনঃ কিঞ্চিদয়ুক্তং কৃতবান্নৃপঃ॥ 16-11-16 (97530)
`প্রিয়াণি কুর্বন্সর্বেষামনুবৃত্ত্যর্থমুদ্যতঃ।'
যথা ব্রবীতি ধর্মাত্মা মুনিঃ সত্যবতীসুতঃ।
তথা কুরু মহারাজ স হি নঃ পরমো গুরুঃ॥ 16-11-17 (97531)
ত্যক্তা বয়ং তু ভবতা দুঃখশোকপরায়ণাঃ।
ভবিষ্যামশ্চিরং রাজন্ভবদ্গুণশতৈর্হৃতাঃ॥ 16-11-18 (97532)
যথা শন্তনুনা গুপ্তা রাজ্ঞা চিত্রাঙ্গদেন চ।
ভীষ্মবীর্যোপগূঢেন পিত্রা তব চ পার্থিব।
ভবদ্বুদ্ধিয়ুজা চৈবি পাণ্ডুনা পৃথিবীক্ষিতা॥ 16-11-19 (97533)
তথা দুর্যোধনেনাপি রাজ্ঞা সুপরিপালিতাঃ।
ন স্বল্পমপি পুত্রস্তে ব্যলীকং কৃতবান্নৃপ। 16-11-20 (97534)
পিতরীব সুবিশ্বস্তাস্তস্মিন্নপি নরাধিপে।
বয়সা স্ম যথা সম্যগ্ভবতো বিদিতং তথা॥ 16-11-21 (97535)
তথা বর্ষসহস্রাণি কুন্তীপুত্রেণ ধীমতা।
পাল্যমানা ধৃতিমতা সুখং বিন্দামহে নৃপ॥ 16-11-22 (97536)
রাজর্ষীণাং পুরাণানাং ভবতাং পুণ্যকর্মণাম্।
কুরুসংবরণাদীনাং ভরতস্য চ ধীমতঃ॥ 16-11-23 (97537)
বৃত্তং সমনুয়াত্যেষ ধর্মাত্মা ভূরিদক্ষিণঃ।
নাত্র বাচ্যং মহারাজ সুসূক্ষ্মমপি বিদ্যতে॥ 16-11-24 (97538)
উষিতাঃ স্ম সুখং নিত্যং ভবতা পরিপালিতাঃ।
সুসূক্ষ্মং চ ব্যলীকং তে সপুত্রস্য ন বিদ্যতে॥ 16-11-25 (97539)
যত্তু জ্ঞাতিবিমর্দেঽস্মিন্নাত্থ দুর্যোধনং প্রতি।
ভন্তমনুনেষ্যামি তত্রাপি কুরুনন্দন॥ 16-11-26 (97540)
ন তদ্দুর্যোধনকৃতং ন চ তদ্ভবতা কৃতম্।
ন কর্ণসৌবলাভ্যাং চ কুরবো যৎক্ষয়ং গতাঃ॥ 16-11-27 (97541)
দৈবং তত্তু বিজানীমো যন্ন শক্যং প্রবাধিতুম্।
দৈবং পুরুষকারেণি ন শক্যমপি বাধিতুম্॥ 16-11-28 (97542)
অক্ষৌহিণ্যো মহারাজ দশাষ্টৌ চ সমাগতাঃ।
অষ্টাদশাহেন হতাঃ কুরুভির্যোধপুঙ্গবৈঃ॥ 16-11-29 (97543)
ভীষ্মদ্রোণকৃপাদ্যৈশ্চ কর্ণেন চ মহাত্মনা।
যুয়ুধানেন বীরেণ ধৃষ্টদ্যুম্নেন চাহবে॥ 16-11-30 (97544)
চতুর্ভিঃ পাণ্ডুপুত্রৈশ্চ ভীমার্জুনয়মৈস্তথা।
ন চ ক্ষয়োঽয়ং নৃপতে ক্রতে দৈববলাদভূৎ॥ 16-11-31 (97545)
অবশ্যমেব সঙ্গ্রামে ক্ষত্রিয়েণ বিশেষতঃ।
কর্তব্যং নিধনং কালে মর্তব্যং ক্ষত্রবন্ধুনা॥ 16-11-32 (97546)
তৈরিয়ং পুরুষব্যাঘ্রৈর্বিদ্যাবাহুবলান্বিতৈঃ।
পৃথিবী নিহতা সর্বা সহয়া সরথদ্বিপা॥ 16-11-33 (97547)
ন স রাজ্ঞাং বধে সূনুঃ কারণং তে মহাত্মনাম্।
ন ভবান্ন চ তে ভৃত্যা ন কর্ণো ন চ সৌবলঃ॥ 16-11-34 (97548)
যদ্বিশস্তাঃ কুরুশ্রেষ্ঠ রাজানশ্চ সহস্রশঃ।
সর্বং দৈবকৃতং বিদ্ধি কোত্র কিং বক্তুমর্হতি॥ 16-11-35 (97549)
গুরুর্মতো ভবানস্য কৃৎস্নস্য জগতঃ প্রভুঃ।
ধর্মাত্মানমতস্তুভ্যমনুজানীমহে সুতম্॥ 16-11-36 (97550)
লভতাং বীরলোকং স সসহায়ো নরাধিপঃ।
দ্বিজাগ্র্যৈঃ সমনুজ্ঞাতস্ত্রিদিবে মোদতাং সুখম্। 16-11-37 (97551)
প্রাপ্স্যতে চ ভবান্পুণ্যং ধর্মে চ সততং স্থিতঃ।
বেদ ধর্মং মহাবাহো লৌক্যং বৈদিকমেব চ॥ 16-11-38 (97552)
দৃষ্টাপদানাশ্চাস্মাভিঃ পাণ্ডবাঃ পুরুষর্ষভাঃ।
সমর্থাস্ত্রিদিবস্যাপি পালনে কিং পুনঃ ক্ষিতেঃ॥ 16-11-39 (97553)
অনুবর্ৎস্যন্তি বা ধীমন্সমেষু বিষমেষু চ।
প্রজাঃ কুরুকুলশ্রেষ্ঠ পাণ্ডবাঞ্শীলভূষণান্॥ 16-11-40 (97554)
ব্রহ্মদেয়াগ্রহারাংশ্চ পারিবর্হাংশ্চ পার্থিবঃ।
পূর্বরাজাতিসর্গাংশ্চ পালয়ত্যেব পাণ্ডবঃ॥ 16-11-41 (97555)
দীর্ঘদর্শীং মৃদুর্দান্তঃ সদা বৈশ্রবণো যথা।
অক্ষুদ্রসচিবশ্চায়ং কুন্তীপুত্রো মহামনাঃ॥ 16-11-42 (97556)
অপ্যমিত্রে দয়াবাংশ্চ শুচিশ্চ ভরতর্ষভঃ।
ঋজু পশ্যতি মেধাবী পুত্রবৎপাতি নঃ সদা॥ 16-11-43 (97557)
বিপ্রিয়ং চ জনস্যাস্য সংসর্গাদ্ধর্মজস্য বৈ।
ন করিষ্যন্তি রাজর্ষে তথা ভীমার্জুনাদয়ঃ॥ 16-11-44 (97558)
মন্দা মৃদুষু কৌরব্য তীক্ষ্ণেষ্বাশীবিষোপমাঃ।
বীর্যবন্তো মহাত্মানঃ পৌরাণাং চ হিতে রতাঃ॥ 16-11-45 (97559)
ন কুন্তী ন চ পাঞ্চালী ন চোলূপী ন সাৎবতী।
অস্মিঞ্জনে করিষ্যন্তি প্রতিকূলানি কর্হিচিৎ॥ 16-11-46 (97560)
ভবৎকৃতমিমং স্নেহং যুধিষ্ঠিরবিবর্ধিতম্।
ন পৃষ্ঠতঃ করিষ্যন্তি পৌরা জানপদা জনাঃ॥ 16-11-47 (97561)
অধর্মিষ্ঠানপি সতঃ কুন্তীপুত্রা মহারথাঃ।
মানবান্পালয়িষ্যন্তি ভূৎবা ধর্মপরায়ণাঃ॥ 16-11-48 (97562)
স রাজন্মানসং দুঃখমপনীয় যুধিষ্ঠিরাৎ।
কুরু কার্যাণি ধর্ম্যাণি নমস্তে পুরুষর্ষভ॥ 16-11-49 (97563)
বৈশম্পায়ন উবাচ। 16-11-50x (8043)
তস্য তদ্বচনং ধর্ম্যমনুমান্য গুণোত্তরম্।
সাধুসাধ্বিতি সর্বঃ স জনঃ প্রতিগৃহীতবান্॥ 16-11-50 (97564)
ধৃতরাষ্ট্রাশ্চ তদ্বাক্যমভিপূজ্য পুনঃপুনঃ।
বিসর্জয়ামাস তদা প্রকৃতীস্তু শনৈঃশনৈঃ॥ 16-11-51 (97565)
স তৈঃ সম্পূজিতো রাজা শিবেনাবেক্ষিতস্তথা।
প্রাঞ্জলিঃ পূজয়ামাস তং জনং ভরতর্ষভ॥ 16-11-52 (97566)
ততো বিবেশ ভবনং গান্ধার্যা সহিতো নিজম্।
আগতায়াং চ শর্বর্যাং সুখং শেতে নরাধিপঃ॥ ॥ 16-11-53 (97567)
ইতি শ্রীমন্মহাভারতে আমশ্রবাসিকপর্বণি আশ্রমবাসপর্বণি একাদশোঽধ্যায়ঃ॥ 11 ॥
আশ্রমবাসিকপর্ব - অধ্যায় 012
॥ শ্রীঃ ॥
16.12. অধ্যায়ঃ 012
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ ভীষ্মদুর্যোধনাদীনাং শ্রাদ্ধদানায় বিদুরমুখাদ্যুধিষ্ঠিরংপ্রতি দ্রব্যযাচনম্॥ 1 ॥ তচ্ছ্রবণেন বিমনায়মাভীমে তদ্ভাদজ্ঞেনার্জুনেন তম্প্রতি দ্রব্যযাচনে ভীমেন ধৃতরাষ্ট্রাপনয়ানুস্মারণপূর্বকং তদনঙ্গীকরণম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
ততো রজন্যাং ব্যুষ্টায়াং ধৃতরাষ্ট্রোংঽবিকাসুতঃ।
বিদুরং প্রেষয়ামাস যুধিষ্ঠিরনিবেশনম্॥ 16-12-1 (97568)
স গৎবা রাজবচনাদুবাচাচ্যুতমীশ্বরম্।
যুধিষ্ঠি মহাতেজাঃ সর্ববুদ্ধিমতাংবরঃ॥ 16-12-2 (97569)
ধৃতরাষ্ট্রো মহারাজো বনবাসায় দীক্ষিতঃ।
গমিষ্যতি বনং রাজন্নাগতাং কার্তিকীমিমাম্॥ 16-12-3 (97570)
স ৎবাং কুরুকুলশ্রেষ্ঠ কিঞ্চির্থমভীপ্সতি।
শ্রাদ্ধমিচ্ছতি দাতুং স গাঙ্গেয়স্য মহাত্মনঃ॥ 16-12-4 (97571)
দ্রোণস্য সোমদত্তস্য বাহ্লীকস্য চ ধীমতঃ।
পুত্রাণাং চৈব সর্বেষাং যে চান্যে সুহৃদো হতাঃ।
যদি চাপ্যনুজানীষে সৈন্ধবাপশদস্য চ॥ 16-12-5 (97572)
এতচ্ছ্রুৎবা তু বচনং বিদুরস্য যুধিষ্ঠিরঃ।
হৃষ্টঃক সম্পূজয়ামাস গুডোকেশশ্চ পাণ্ডবঃ॥ 16-12-6 (97573)
ন চ ভীমো দ্দঢক্রোধস্তদ্বচো জগৃহে তদা।
বিদুরস্য মহাতেজা দুর্যোধনকৃতং স্মরন্॥ 16-12-7 (97574)
অভিপ্রায়ং বিদিৎবা তু ভীমতসেনস্য ফল্গুনঃ।
কিরীটী কিঞ্চিদানম্য তমুবাচ নরর্ষভম্॥ 16-12-8 (97575)
ভীম রাজা পিতা বৃদ্ধো বনবাসায় দীক্ষিতঃ।
দাতুমিচ্ছতি সর্বেষাং সুহৃদামৌর্ধ্বদেহিকম্॥ 16-12-9 (97576)
ভবতা নির্জিতং বিত্তং দাতুমিচ্ছতি কৌরবঃ।
ভীষ্মাদীনাং মহাবাহো তদনুজ্ঞাতুমর্হসি॥ 16-12-10 (97577)
দিষ্ট্যা ৎবদ্য মহাবাহো ধৃতরাষ্ট্রঃ প্রয়াচতে।
যাচিতো যঃ পুরাঽস্মাভিঃ পশ্য কালস্য পর্যযম্॥ 16-12-11 (97578)
যোসৌ পৃথিব্যাঃ কৃৎস্নায়া ভর্তা ভূৎবা নরাধিপঃ।
পরৈর্বিনিহতামাত্যো বনং গন্তুমভীপ্সতি॥ 16-12-12 (97579)
মা তেঽন্যৎপুরুষব্যাঘ্র দানাদ্ভবতু দর্শনম্।
অয়শস্যমতোঽন্যৎস্যাদধর্মশ্চ মহাভুজঃ॥ 16-12-13 (97580)
রাজানমুপতিষ্ঠস্ব জ্যেষ্ঠং ভ্রাতরমীশ্বরম্।
অর্হস্ৎবমসি দাতুং বৈ নাদাতুং ভরতর্ষভ॥ 16-12-14 (97581)
এবং ব্রুবাণং বীভৎসুং ধর্মরাজোঽপ্যপূজয়ৎ।
ভীমসেনস্তু সক্রোধমুবাচ বিজয়ং তদা॥ 16-12-15 (97582)
বয়ং ভীষ্মস্য দাস্যামঃ প্রেতকার্যং তু ফল্গুন।
সোমদত্তস্য নৃপতের্ভূরিশ্রবস এব চ॥ 16-12-16 (97583)
বাহ্লীকস্য চ রাজর্ষের্দ্রোণস্য চ মহাত্মনঃ।
অন্যেষাং চৈব সুহৃদাং কুন্তী কর্ণায় দাস্যতি॥ 16-12-17 (97584)
শ্রাদ্ধানি পুরুষব্যাঘ্র মা প্রদাৎকৌরবো নৃপঃ।
ইতি মে বর্ততে বুদ্ধির্মা বো নন্দন্তু শত্রবঃ॥ 16-12-18 (97585)
কষ্টাৎকষ্টতরং যান্তু সর্বে দুর্যোধনাদয়ঃ।
যৈরিয়ং পৃথিবী কৃৎস্না ঘাতিতা কুলপাংসনৈঃ॥ 16-12-19 (97586)
কুতস্ৎবমদ্য বিস্মৃত্য বৈরং দ্বাদশবার্ষিকম্।
অজ্ঞাতবাসগমনং দ্রৌপদীশোকবর্ধনম্॥ 16-12-20 (97587)
ক্ব তদা ধৃতরাষ্ট্রস্য স্নেহোঽস্মদ্গোচরো গতঃ।
কৃষ্ণাজিনোপসংবীতো হৃতাভরণভূষণঃ।
সার্ধং পাঞ্চালপুত্র্যা ৎবং রাজানমুপজগ্মিবান্॥ 16-12-21 (97588)
ক্ব তদা দ্রোণভিষ্মৌ তৌ সোমদত্তোপি বাঽভবৎ।
যত্র দ্বাদশ বর্ষাণি বনে বন্যেন জীবথ।
ন তদা ৎবাং পিতা জ্যেষ্ঠঃ পিতৃৎবেনাভিবীক্ষতে॥ 16-12-22 (97589)
কিং তে তদ্বিস্মৃতং পার্থক যদেষ কুলপাংসনঃ।
দুর্বুদ্ধির্বিদুরং প্রাহ দ্যূতে কিং জিতমিত্যুত॥ 16-12-23 (97590)
তমেবংবাদিনং রাজা কুন্তীপুত্রো যুধিষ্ঠিরঃ।
উবাচ বচনং ধীমাঞ্জোষমাস্স্বেতি ভর্ৎসয়ন্॥ ॥ 16-12-24 (97591)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি দ্বাদশোঽধ্যায়ঃ॥ 12 ॥
Mahabharata - AshramaVasika Parva - Chapter Footnotes
7-12-4 কিঞ্চিদর্থং কিঞ্চিৎকার্যং কর্তুং ৎবামভীপ্সতি দ্রষ্টুমিতি শেষঃ॥ 7-12-8 কিঞ্চিদাগম্য ভীমং বচনমব্রবীদিতি ক.থ.পাঠঃ॥আশ্রমবাসিকপর্ব - অধ্যায় 013
॥ শ্রীঃ ॥
16.13. অধ্যায়ঃ 013
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ভীমে দুর্যোধনাদিভ্যঃ শ্রাদ্ধদানায় ধনদানমরোচয়তি সতি যুধিষ্ঠিরেণ বিদুরংপ্রতি ধৃতরাষ্ট্রে নিজগৃহকোশাদ্ধনদাননিবেদনকথনম্॥ 1 ॥Mahabharata - AshramaVasika Parva - Chapter Text
অর্জুন উবাচ।
ভীম জ্যেষ্ঠো গুরুর্মে ৎবং নাতোঽন্যদ্বমুক্তুমুৎসহে।
ধৃতারাষ্ট্রস্তু রাজর্ষিঃ সর্বথা মানমর্হতি॥ 16-13-1 (97592)
ন স্মরন্ত্যপরাদ্ধানি স্মরন্তি সুকৃতান্যপি।
অসংভিন্নার্থমর্যাদাঃ সাধবঃ পুরুষোত্তমাঃ॥ 16-13-2 (97593)
ইতি তস্য বচঃ শ্রুৎবা ফল্গুনস্য মহাত্মনঃ।
বিদুরং প্রাহ ধর্মাত্মা কুন্তীপুত্রো যুধিষ্ঠিরঃ॥ 16-13-3 (97594)
ইদং মদ্বচনাৎক্ষত্তঃ কৌরবং ব্রূহি পার্থিবম্।
যাবদিচ্ছতি পুত্রাণাং দাতুং তাবদ্দদাম্যহম্॥ 16-13-4 (97595)
ভীষ্মাদীনাং চ সর্বেষাং সুহৃদামুপকারিণাম্।
মম কোশাদিতি বিভো মা ভূদ্ভীমঃ সুদুর্মনাঃ॥ 16-13-5 (97596)
বৈশম্পায়ন উবাচ। 16-13-6x (8044)
ইত্যুক্ৎবা ধর্মরাজস্তমর্জুনং প্রত্যপূজয়ৎ।
ভীমসেনঃ কটাক্ষেণ বীক্ষাংচক্রে ধনংজয়ম্॥ 16-13-6 (97597)
ততঃ স বিদুরং ধীমান্বাক্যমাহ যুধিষ্ঠিরঃ।
ন ভীমসেন কোপং স নৃপতিঃ কর্তুমর্হতি॥ 16-13-7 (97598)
পরিক্লিষ্টো হি ভীমস্তু হিমবৃষ্ট্যাতপাদিভিঃ।
দুঃখৈর্বহুবিধৈর্ধীমানরণ্যে বিদিতং তব॥ 16-13-8 (97599)
কিংতু মদ্বচনাদ্ব্রূহি রাজানং ভরতর্ষভম্॥
যদ্যদিচ্ছসি যাবচ্চ গৃহ্যতাং মদ্গৃহাদিতি॥ 16-13-9 (97600)
যন্মাৎসর্যময়ং ভীমঃ করোতি ভৃশদুঃখিতঃ।
ন তন্মনসি কর্তব্যমিতি বাচ্যঃ স পার্থিবঃ॥ 16-13-10 (97601)
যন্মমাস্তি ধনং কিঞ্চিদর্জুনস্য চ বেশ্মনি।
তস্য স্বামী মহারাজ ইতি বাচ্যঃ স পার্থিবঃ॥ 16-13-11 (97602)
দদাতু রাজা বিপ্রেভ্যো যথেষ্টং ক্রিয়তাং ব্যযঃ।
পুত্রাণাং সুহৃদাং চৈব গচ্ছৎবানৃণ্যমদ্য সঃ॥ 16-13-12 (97603)
ইদং চাপি শরীরং মে তবায়ত্তং জনাধিপ।
ধনানি চেতি বিদ্ধি ৎবং ক্ষত্তর্নাস্ত্যত্র সংশয়ঃ॥ ॥ 16-13-13 (97604)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি ত্রয়োদশোঽধ্যায়ঃ॥। 13 ॥
আশ্রমবাসিকপর্ব - অধ্যায় 014
॥ শ্রীঃ ॥
16.14. অধ্যায়ঃ 014
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
বিদুরেণ ধৃতরাষ্ট্রংপ্রতি যুধিষ্ঠিরেণ ভীষ্মাদীনাং শ্রাদ্ধদানায় ধনদানাঙ্গীকরণনিবেদনম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
এবমুক্তস্তু রাজ্ঞা স বিদুরো বুদ্ধিসত্তমঃ।
ধৃতরাষ্ট্রমুপেত্যৈব বাক্যমাহ মহার্থবৎ॥ 16-14-1 (97605)
উক্তো যুধিষ্ঠিরো রাজা ভবদ্বচনমাদিতঃ।
স চ সংশ্রুত্য বাক্যং তে প্রশশংস মহাদ্যুতিঃ॥ 16-14-2 (97606)
বীভৎসুশ্চ মহাতেজা নিবেদয়তি তে গৃহান্।
বসু তস্য গৃহে যচ্চ প্রাণানপি চ কেবলান্॥ 16-14-3 (97607)
ধর্মরাজশ্চ পুত্রস্তে রাজ্যং প্রাণান্ধনানি চ।
অনুজানাতি রাজর্ষে যচ্চান্যদপি কিঞ্চন॥ 16-14-4 (97608)
ভীমস্তু সর্বদুঃখানি সংস্মৃত্য বহুলান্যুত।
কৃচ্ছ্রাদিব মহাবাহুরনুজজ্ঞে বিনিঃশ্বসন্॥ 16-14-5 (97609)
র রাজন্ধর্মশীলেন রাজ্ঞা বীভৎসুনা তথা।
অনুনীতো মহাবাহুঃ সৌহৃদে স্থাপিতোপি চ॥ 16-14-6 (97610)
ন চ মন্যুস্ৎবয়া কার্য ইতি ৎবাং প্রাহ ধর্মরাট্।
সংস্মৃত্য ভীমস্তদ্বৈরং যদন্যায়বদাচরৎ॥ 16-14-7 (97611)
এবংপ্রায়ো হি ধর্মোঽয়ং ক্ষত্রিয়াণাং নরাধিপ।
শুদ্ধে ক্ষত্রিয়ধর্মে ন নিরতোঽয়ং বৃকোদরঃ॥ 16-14-8 (97612)
বৃকোদরকৃতে চাহমর্জুনশ্চ পুনঃ পুনঃ।
প্রসীদ যাচে নৃপতে ভবান্প্রভুরিহাস্তি যৎ॥ 16-14-9 (97613)
তদ্দদাতু ভবান্বিত্তং যাবদিচ্ছসি পার্থিবঃ।
ৎবমীশ্বরো নো রাজ্যস্য প্রাণানামপি ভারত॥ 16-14-10 (97614)
ব্রহ্মদেয়াগ্রহারাংশ্চ পুত্রাণামৌর্ধ্বদেহিকম্।
ইতো রত্নানি গাশ্চৈব দাসীদাসমজাবিকম্॥ 16-14-11 (97615)
অর্চয়িৎবা কুরুশ্রেষ্ঠো ব্রাহ্মণেভ্যঃ প্রয়চ্ছতু।
দীনান্ধকৃপণেভ্যশ্চ তত্রতত্র নৃপাজ্ঞয়া॥ 16-14-12 (97616)
বহ্বন্নরসপানাঢ্যাঃ সভা বিদুর কারয়।
গবাং নিপানান্যন্যচ্চ বিবিধং পুণ্যকং কুরু॥ 16-14-13 (97617)
ইতি মামব্রবীদ্রাজা পার্থশ্চৈব ধনংজয়ঃ।
যদত্রানন্তরং কার্যং তদ্ভবম্ববক্তুমর্হতি॥ 16-14-14 (97618)
ইত্যুক্তে বিদুরেণাথ ধৃতরাষ্ট্রোঽভিনন্দ্য তান্।
মনশ্চক্রে মহাদানে কার্তিক্যাং জনমেজয়॥ 16-14-15 (97619)
॥ ইতী শ্রীমন্মহাভারতে আশ্রমবাসিকপর্বণি আশ্রমবাসপর্বণি চতুর্দশোঽধ্যায়ঃ॥ 14 ॥
আশ্রমবাসিকপর্ব - অধ্যায় 015
॥ শ্রীঃ ॥
16.15. অধ্যায়ঃ 015
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ ভীষ্মদুর্যোধনাদ্যুদ্দেশ্যকশ্রাদ্ধে ধনবস্রান্নাদিনা ব্রাহ্মণাদিসংতর্পণম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
বিদুরেণৈবমুক্তস্তু ধৃতরাষ্ট্রো জনাধিপঃ।
প্রীতিমানভবদ্রাজন্রাজ্ঞো জিষ্ণোশ্চ কর্মণা॥ 16-15-1 (97620)
ততোঽভিরূপান্ভীষ্মায় ব্রাহ্মণানৃষিসত্তমান্।
পুত্রার্থে সুহৃদাং চৈব স সমীক্ষ্য সহস্রশঃ॥ 16-15-2 (97621)
কারয়িৎবাঽন্নপানানি যানান্যাচ্ছাদনানি চ।
সুবর্ণমণিরত্নানি দাসীদাসপরিচ্ছদান্॥ 16-15-3 (97622)
কংবলানি চ রত্নানি গ্রামান্ক্ষেত্রং তথা ধনম্।
সালঙ্কারান্গজানশ্বান্কন্যাশ্চৈব বরস্ত্রিয়ঃ॥ 16-15-4 (97623)
আদিশ্যাদিশ্য সর্বেভ্যো দদৌ স নৃপসত্তমঃ।
দ্রোণং সংকীর্ত্য ভীষ্মং চ সোমদত্তং চ বাহ্লিকম্॥ 16-15-5 (97624)
দুর্যোধনং চ রাজানং পুত্রাংশ্চৈব পৃথক্পৃথক্।
জয়দ্রথপুরোগাংশ্চ সুহৃদশ্চাপি সর্বশঃ॥ 16-15-6 (97625)
স শ্রাদ্ধয়জ্ঞো ববৃতে বহুগোধনদক্ষিণঃ।
অনেকধনরত্নৌঘো যুধিষ্ঠিরমতে তদা॥ 16-15-7 (97626)
অনিশং যত্র পুরুষা গণকা লেখকাস্তদা।
যুধিষ্ঠিরস্য বচনাদপৃচ্ছন্ত স্ম তং নৃপম্॥ 16-15-8 (97627)
আজ্ঞাপয় কিমেতেভ্যঃ প্রদেয়ং দীয়তামিতি।
তদুপস্থিতমেবাত্র বচনান্তে দদুস্তদা॥ 16-15-9 (97628)
শতে দেয়ে দশশতং সহস্রং চায়ুতং তথা।
দীয়তে বচনাদ্রাজ্ঞঃ কুন্তীপুত্রস্য ধীমতঃ॥ 16-15-10 (97629)
এবং স বসুধারাভির্বর্ষমাণো নৃপাংবুদঃ।
তপ্রয়ামাস বিপ্রাংস্তান্বর্ষন্ভূমিমিবাংবুদঃ॥ 16-15-11 (97630)
ততোঽন্তন্তরমেবাত্র সর্ববর্ণান্মহামতে।
অন্নপানরসৌঘেণ প্লাবয়ামাস পার্থিবঃ॥ 16-15-12 (97631)
সবস্ত্রধনরত্নৌঘো মৃদঙ্গনিনদস্বনঃ।
গবাশ্বমকরাবর্তো নানারত্নমহাকরঃ॥ 16-15-13 (97632)
গ্রামাগ্রহারদ্বীপাঢ্যো মণিহেমজলার্ণবঃ।
জগৎসংপ্লাবয়ামাস ধৃতরাষ্ট্রোডুপোদ্ধতঃ॥ 16-15-14 (97633)
এবং স পুত্রপৌত্রাণাং পিতৄণামাত্মনস্তথা।
গান্ধার্যাশ্চ মহারাজ প্রদদাবৌর্দ্বদেহিকম্॥ 16-15-15 (97634)
পরিশ্রান্তো যদাসীৎস দদদ্দানান্যনেকশঃ।
নিবর্তয়ামাস তদা দানয়জ্ঞং নরাধিপঃ॥ 16-15-16 (97635)
এবং স রাজা কৌরব্যশ্চক্রে দানমহাক্রতুম্।
নটনর্তকলাস্যাঢ্যং বহ্বন্নরসদক্ষিণম্॥ 16-15-17 (97636)
দশাহমেবং দানানি দত্ৎবা রাজাংঽবিকাসুতঃ।
বভূব পুত্রপৌত্রাণামনৃণো ভরতর্ষভ॥ ॥ 16-15-18 (97637)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি পঞ্চদশোঽধ্যায়ঃ॥ 15 ॥
Mahabharata - AshramaVasika Parva - Chapter Footnotes
7-15-13 সবস্ত্রফেনরতৌঘ ইতি ক.থ.পাঠঃ॥আশ্রমবাসিকপর্ব - অধ্যায় 016
॥ শ্রীঃ ॥
16.16. অধ্যায়ঃ 016
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ কুন্তীস্কন্ধাবসক্তহস্তায়া গান্ধার্যা অংসাবলম্বনেন সশোকৈঃ পৌরৈর্যুধিষ্ঠিরাদিভিশ্চানুগম্যমানেন সতা বনং প্রতি প্রস্থানম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
ততঃ প্রভাতে রাজা স ধৃতরাষ্ট্রোংঽবিকাসুতঃ।
আনায়্য পাণ্ডবান্বীরান্বনষাসে কৃতক্ষণঃ॥ 16-16-1 (97638)
গান্ধারীসহিতো ধীমানভ্যনন্দদ্যথাবিধি।
কার্তিক্যাং কারয়িৎবেষ্টিং ব্রাহ্মণৈর্বেদপারগৈঃ॥ 16-16-2 (97639)
অগ্নিহোত্রং পুরস্কৃত্য বল্কলাজিনসংবৃতঃ।
বধূজনবৃতো রাজা নির্যযৌ ভবনাত্ততঃ॥ 16-16-3 (97640)
ততঃ স্ত্রিয়ঃ কৌরবপাণ্ডবানাং
যাঞ্চাপরাঃ কৌরবরাজবংশ্যাঃ।
তাসাং নাদঃ প্রাদুরাসীত্তদানীং
বৈচিত্রিবীর্যে নৃপতৌ প্রয়াতে॥ 16-16-4 (97641)
ততো লাজৈঃ সুমনোভিশ্চ রাজা
বিচিত্রাভিস্তদ্গৃহং পূজয়িৎবা।
সংয়োজ্যাশ্বৈর্ভৃত্যবর্গং চ সর্বং
ততঃ সমুৎসৃজ্য যয়ৌ নরেন্দ্রঃ॥ 16-16-5 (97642)
ততো রাজা প্রাঞ্জলির্বেপমানো
যুধিষ্ঠিরঃ সস্বরং বাষ্পকণ্ঠঃ।
বিনদ্যোচ্চৈর্গাং মহারাজ সাধো
ক্ব যাস্যসীত্যপতত্তাতি ভূমৌ॥ 16-16-6 (97643)
তথাঽর্জুনস্তীব্রদুঃখাভিতপ্তো
মুহুর্মুহুর্নিঃ শ্বসন্ভারতাগ্র্যঃ।
যুধিষ্ঠিরং মৈবমিত্যেবমুক্ৎবা
নিগৃহ্যাথো দীনতরো বভূব॥ 16-16-7 (97644)
বৃকোদরঃ ফল্গুনশ্চৈব বীরৌ
মাদ্রীপুত্রৌ বিদুরঃ সংজয়শ্চ।
বৈশ্যাপুত্রঃ সহিতো গৌতমেন
ধৌম্যো বিপ্রাশ্চান্বয়ুর্বাষ্পকণ্ঠাঃ॥ 16-16-8 (97645)
কুন্তী গান্ধারীং বদ্ধনেত্রাং ব্রজন্তীং
স্কন্ধাসক্তং হস্তমথোদ্বহন্তী।
রাজা গান্ধার্যাঃ স্কন্ধদেশেঽবসজ্য
পাণিং যয়ৌ ধৃতরাষ্ট্রঃ প্রতীতঃ॥ 16-16-9 (97646)
তথা কৃষ্ণা দ্রৌপদী যাদবী চ
বালাপত্যা চোত্তরা কৌরবী চ।
চিত্রাঙ্গদা যাশ্চ কাশ্চিৎস্ত্রিয়োঽন্যাঃ
সার্ধং রাজ্ঞা প্রস্থিতাস্তা বধূভিঃ॥ 16-16-10 (97647)
তাসাং নাদো রুদতীনাং তদাঽঽসী-
দ্রাজন্দুঃখাৎকুররীণামিবোচ্চৈঃ।
ততো নিষ্পেতুর্ব্রাহ্মণক্ষত্রিয়াণাং
বিট্শূদ্রাণাং চৈব ভার্যাঃ সমন্তাৎ॥ 16-16-11 (97648)
তন্নির্যাণে দুঃখিতঃ পৌরবর্গো
গজাহ্বয়ে চৈব বভূব রাজন্।
যথাপূর্বং গচ্ছতাং পাণ্ডবানাং
দ্যূতে রাজন্কৌরবাণাং সভায়াম্॥ 16-16-12 (97649)
যা নাপশ্যচ্চন্দ্রমা নৈব সূর্যো
রামাঃ কাশ্চিত্তাঃ স্ম তস্মিন্নরেন্দ্রে।
মহাবনং গচ্ছতি কৌরবেন্দ্রে
শোকেনার্তা রাজমার্গং প্রপেদুঃ॥ ॥ 16-16-13 (97650)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি ষোডশোঽধ্যায়ঃ॥ 16 ॥
Mahabharata - AshramaVasika Parva - Chapter Footnotes
7-16-9 কুন্তী গান্ধারীং অনয়দিতি শেষঃ। কিংভূতা। অর্থাদ্গান্ধার্যা হস্তং স্কন্ধাসক্তং উদ্বহন্তী। কুন্তী গান্ধারীমনুভর্তৃ ব্রজন্তীমিতি ক.থ.পাঠঃ॥আশ্রমবাসিকপর্ব - অধ্যায় 017
॥ শ্রীঃ ॥
16.17. অধ্যায়ঃ 017
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রস্য বনপ্রস্থানসময়ে বিদুরসংজয়াভ্যামপি বনবাসায় তেন সহ প্রস্থানম্॥ 1 ॥ তথা কুন্ত্যাপি যুধিষ্ঠিরাদিভির্বহুধা প্রার্থনাভিঃ প্রতিষেধনেপি তৎসমাশ্বাসনপূর্বকং গান্ধার্যা সহ বনংপ্রতি প্রস্থানম্॥ 2 ॥Mahabharata - AshramaVasika Parva - Chapter Text
ধৃতরাষ্ট্রস্য বনপ্রস্থানসময়ে বিদুরসংজয়াভ্যামপি বনবাসায় তেন সহ প্রস্থানম্ ॥ 1 ॥ তথা কুন্ত্যাপি যুধিষ্ঠিরাদিভির্বহুধা প্রার্থনাভিঃ প্রতিষেধনেপি তৎসমাশ্বাসনপূর্বকং গান্ধার্যা সহ বনংপ্রতি প্রস্থানম্॥ 2 ॥
16-17-0 (97651)
বৈশম্পায়ন উবাচ। 16-17-0x (8045)
ততঃ প্রাসাদহর্ম্যেষু বসুধায়াং চ পার্থিব।
নারীণাং চ নরাণাং চ নিঃস্বনঃ সুমহানভূৎ॥ 16-17-1 (97652)
স রাজা রাজমার্গেণ নৃনারীসংকুলেন চ।
কথঞ্চিন্নির্যযৌ ধীমান্বেপমানঃ কৃতাঞ্জলিঃ॥ 16-17-2 (97653)
স বর্ধমানদ্বারেণি নির্যযৌ গজসাহ্বয়াৎ।
বিসর্জয়ামাস চ তং জনৌঘং স মুহুর্মুহুঃ॥ 16-17-3 (97654)
বনং গন্তুং চ বিদুরো রাজ্ঞা সহ কৃতক্ষণঃ।
সংজয়শ্চ মহামাত্রঃ সূতো গাবল্গণিস্তথা॥ 16-17-4 (97655)
ককৃপং নিবর্তয়ামাস যুয়ুৎসুং চ মহারথম্।
ধৃতারাষ্ট্রো মহীপালঃ পরিদাপ্য যুধিষ্ঠিরে॥ 16-17-5 (97656)
নিবৃত্তে পৌরবর্গে চ রাজা সান্তঃপুরস্তদা।
ধৃতরাষ্ট্রাভ্যনুজ্ঞাতো নিবর্তিতুমিয়েষ হ॥ 16-17-6 (97657)
সোব্রবীন্মাতরং কুন্তীমুপেত্য ভরতর্ষভ॥
অহং রাজানমন্বিষ্যে ভবতী বিনিবর্ততাম্॥ 16-17-7 (97658)
বধূপরিবৃতা রাজ্ঞি নগরং গন্তুমর্হসি।
রাজা যাৎবেষ ধর্মাত্মা তপসে কৃতনিশ্চয়ঃ॥ 16-17-8 (97659)
ইত্যুক্তা ধর্মরাজেনি বাষ্পব্যাকুললোচনা।
জগামৈব তদা কুন্তী গান্ধারীং পরিগৃহ্য হ॥ 16-17-9 (97660)
কুন্ত্যুবাচ। 16-17-10x (8046)
সহদেবে মহারাজ মাঽপ্রসাদং কৃথাঃ ক্বচিৎ।
এষ মামনুরক্তো হি রাজংস্ৎবাং চৈব সর্বদা॥ 16-17-10 (97661)
কর্ণং স্মরেথাঃ সততং সঙ্গ্রামেষ্বপলায়িনম্।
অবকীর্ণো হি স ময়া বীরো দুষ্প্রজ্ঞয়া তদা॥ 16-17-11 (97662)
আয়সং হৃদয়ং নূনং মন্দায়া মম পুত্রক।
যৎসূর্যজমপশ্যন্ত্যাঃ শতধা ন বিদীর্যতে॥ 16-17-12 (97663)
এবং গতে তু কিং শক্যং ময়া কর্তুমরিংদম।
মম দোষোঽয়মত্যর্থং খ্যাপিতো যন্ন সূর্যজঃ॥ 16-17-13 (97664)
তন্নিমিত্তং মহাবাহো দানং দদ্যাস্ৎবমুত্তমম্।
সদৈব ভ্রাতৃভিঃ সার্ধং সূর্যজস্যারিমর্দন॥ 16-17-14 (97665)
দ্রৌপদ্যাশ্চ প্রিয়ে নিত্যং স্থাতব্যমরিকর্শন।
ভীমসেনোঽর্জুনশ্চৈব নকুলশ্চ কুরূদ্বহ॥ 16-17-15 (97666)
সমাধেয়াস্ৎবয়া রাজংস্ৎবয়্যদ্য কুলধূর্গতা।
শ্বশ্রূশ্বশুরয়োঃ পাদাঞ্শুশ্রূষন্তী বনে ৎবহম্।
গান্ধারীসহিতা বৎস্যে তাপসী মলপঙ্কিনী॥ 16-17-16 (97667)
বৈশম্পায়ন উবাচ। 16-17-17x (8047)
এবমুক্তঃ স ধর্মাত্মা ভ্রাতৃভিঃ সহিতো বশী।
বিষাদমগমদ্ধীমান্ন চ কিঞ্চিদুবাচ হ॥ 16-17-17 (97668)
মুহূর্তমিব তু ধ্যাৎবা ধর্মরাজো যুধিষ্ঠিরঃ।
উবাচ মতারং দীনশ্চিন্তাশোকপরায়ণঃ॥ 16-17-18 (97669)
কিমিদং তে ব্যবসিতং নৈবং ৎবং বক্তুমর্হসি।
ন ৎবামভ্যনুজানামি প্রসাদং কর্তুমর্হসি॥ 16-17-19 (97670)
ব্যচোদয়ঃ পুরাঽস্মাকমুৎসাহং শুভদর্শনে।
বিদুলায়া বচোভিস্ৎবং নাস্মান্সংত্যক্তুমর্হসি॥ 16-17-20 (97671)
নিহত্য পৃথিবীপালান্রাজ্যং প্রাপ্তমিদং ময়া।
তব প্রজ্ঞামুপশ্রুত্য বাসুদেবান্নরর্ষভাৎ॥ 16-17-21 (97672)
ক্ব সা বুদ্ধিরিয়ং চাদ্য ভবত্যা যা শ্রুতা ময়া।
ক্ষত্রধর্মে স্থিতং ত্যক্ৎবা ন প্রয়াতুমিহার্হসি॥ 16-17-22 (97673)
অস্মানুৎসৃজ্য রাজ্যং চ স্নুষাহীনা যশস্বিনি।
কথং বৎস্যসি দুর্গেষু বনেষ্বদ্য প্রসীদ মে॥ 16-17-23 (97674)
ইতি বাষ্পকলা বাচঃ কুন্তী পুত্রস্য শৃণ্বতী।
জগামৈবাশ্রুপূর্ণাক্ষী ভীমস্তামিদমব্রবীৎ॥ 16-17-24 (97675)
যদা রাজ্যমিদং কুন্তি ভোক্তব্যং পুত্রনির্জিতম্।
প্রাপ্তব্যা রাজধর্মাশ্চ তদেয়ং তে কুতো মতিঃ॥ 16-17-25 (97676)
কিং বয়ং কারিতাঃ পূর্বং ভবত্যা পৃথিবীক্ষয়ম্।
কস্য হেতোঃ পরিত্যজ্য বনং গন্তুমভীপ্সসি॥ 16-17-26 (97677)
বনাচ্চাপি কিমানীতা ভবত্যা বালকা বয়ম্।
দুঃখশোকসমাবিষ্টৌ মাদ্রীপুত্রাবিমৌ তথা॥ 16-17-27 (97678)
প্রসীদ মাতর্মা গাস্ৎবং বনমদ্য যশস্বিনি।
শ্রিয়ং যৌধিষ্ঠিরীং মাতর্ভুঙ্ক্ষ্ব পার্থবলার্জিতাম্॥ 16-17-28 (97679)
ইতি সা নিশ্চিতৈবাশু বনবাসকৃততক্ষণা।
লালপ্যতাং বহুবিধং পুত্রাণাং নাকরোদ্বচঃ॥ 16-17-29 (97680)
দ্রৌপদী চান্বয়াচ্ছ্বশ্রূং বিষষ্ণবদনা তদা।
বনবাসায় গচ্ছন্তীং রুদতী ভদ্রয়া সহ॥ 16-17-30 (97681)
সা পুত্রান্রুদতঃ সর্বান্মুহুর্মুহুরবেক্ষতী।
জগামৈব মহাপ্রাজ্ঞা বনায় কৃতনিশ্চয়া॥ 16-17-31 (97682)
অন্বয়ুঃ পাণ্ডবাস্তাং তু সভৃত্যান্তঃপুরাস্তথা।
ততঃ প্রমৃজ্য সাঽশ্রূণি পুত্রান্বচনমব্রবীৎ॥ ॥ 16-17-32 (97683)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি সপ্তদশোঽধ্যায়ঃ॥ 17 ॥
Mahabharata - AshramaVasika Parva - Chapter Footnotes
7-17-10 মা প্রমাদং কৃথা ইতি ক.থ.পাঠঃ॥ 7-17-16 শ্বশ্রূশ্বশুরয়োঃ। জ্যেষ্ঠৎবাদ্ধৃতরাষ্ট্রঃ পাণ্ডোঃ পিতৃসমস্তেন কুন্ত্যাঃ স শ্বশুর ইতি॥ 7-17-22 ক্ষত্রধর্মে স্থিতিং হ্যুক্ৎবা ন প্রত্যাখ্যাতুমর্হসি ইতি থ.পাঠঃ। স্থিতিং চোক্ৎবা তস্যাশ্চ্যবিতুমিচ্ছসি ইতি ঝ.পাঠঃ॥ 7-17-30 ভদ্রয়া সুভদ্রয়া॥আশ্রমবাসিকপর্ব - অধ্যায় 018
॥ শ্রীঃ ॥
16.18. অধ্যায়ঃ 018
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
কুন্ত্যা স্বস্য বনগমনাধ্যবসায়েন বিষীদতো যুধিষ্ঠিরাদীন্প্রতি সহেতূপন্যাসং সমাশ্বাসনম্॥ 1 ॥Mahabharata - AshramaVasika Parva - Chapter Text
কুন্ত্যুবাচ।
এবমেতন্মহাবাহো যথা বদসি পাণ্ডবঃ।
কৃতমুদ্ধরণং পূর্বং ময়া বঃ সীদতাং নৃপাঃ॥ 16-18-1 (97684)
দ্যূতাপহৃতরাজ্যানাং পতিতানাং সুখাদপি।
জ্ঞাতিভিঃ পরিভূতানাং কৃতমুদ্ধরণং ময়া॥ 16-18-2 (97685)
কথং পাণ্ডোর্ন নশ্যেত সংততিঃ পুরুষর্ষভাঃ।
যশশ্চ বো ন নশ্যেত ইতি চোদ্ধরণং কৃতম্॥ 16-18-3 (97686)
যূয়মিন্দ্রসমাঃ সর্বে দেবতুল্যপরাক্রমাঃ।
মা পরেষাং মুখপ্রেক্ষাঃ স্থেত্যেবং তৎকৃতং ময়া॥ 16-18-4 (97687)
কথং ধর্মভৃতাং শ্রেষ্ঠো রাজা ৎবং বাসবোপমঃ।
পুনর্বনে ন দুঃখী স্যা ইতি চোদ্ধরণং কৃতম্॥ 16-18-5 (97688)
নাগায়ুতসমপ্রাণঃ খ্যাতবিক্রমপৌরুষঃ।
নায়ং ভীমোত্যযং গচ্ছেদিতি চোদ্ধরণং কৃতম্॥ 16-18-6 (97689)
ভীমসেনাদবরজস্তথাঽয়ং বাসবোপমঃ।
বিজয়ো নাবসীদেত ইতি চোদ্ধরণং কৃতম্॥ 16-18-7 (97690)
নকুলঃ সহদেবশ্চ তথেমৌ গুরুবর্তিনৌ।
ক্ষুধা কথং ন সীদেতামিতি চোদ্ধরণং কৃতম্॥ 16-18-8 (97691)
ইয়ং চ বৃহতী শ্যামা তথাঽত্যায়তলোচনা।
বৃথা সভাতলে ক্লিষ্টা মা ভূদিতি চ তৎকৃতং॥ 16-18-9 (97692)
অপেক্ষতামেব বো ভীম বেপন্তীং কদলীমিব।
স্ত্রীধর্মিণীমরিষ্টাঙ্গীং তথা দ্যূতপরাজিতাম্॥ 16-18-10 (97693)
দুঃশাসনো যদা মৌর্খ্যাদ্দাসীবৎপর্যকর্ষত।
তদৈব বিদিতং মহ্যং পরাভূতমিদং কুলম্॥ 16-18-11 (97694)
নিষণ্ণাঃ কুরবশ্চৈব তদা মে শ্বশুরাদয়ঃ।
সা দৈবং নাথমিচ্ছন্তী ব্যলপৎকুররী যথা॥ 16-18-12 (97695)
কেশপক্ষে পরামৃষ্টা পাপেন্ হতবুদ্ধিনা।
যদা দুঃশাসনেনৈষা তদা মুহ্যাম্যহং নৃপাঃ॥ 16-18-13 (97696)
যুষ্মত্তেজোবিবৃদ্ধ্যর্তং ময়া হ্যুদ্ধরণং কৃতম্।
তদানীং বিদুলাবাক্যৈরিতি তদ্বিত্ত পুত্রকাঃ॥ 16-18-14 (97697)
কথং ন রাজবংশোঽয়ং নশ্যেৎপ্রাপ্য সুতান্মম।
পাণ্ডোরিতি ময়া পুত্রস্তস্মাদুদ্ধরণং কৃতম্॥ 16-18-15 (97698)
ন তস্য পুত্রাঃ পৌত্রা বা ক্ষতবংশস্য পার্থিব।
লভ্তে সুকৃতাঁল্লোকান্যস্মাদ্বংশঃ প্রণশ্যতি॥ 16-18-16 (97699)
ভুক্তং রাজ্যফলং পুত্রা ভর্তুর্মে বিপুলং পুরা।
মহাদানানি দত্তানি পীতঃ সোমো যথাবিধি॥ 16-18-17 (97700)
নাহমাত্মফলার্থং বৈ বাসুদেবমচূচুদম্।
বিদুলায়াঃ প্রলাপৈস্তৈঃ পালনার্থং চ তৎকৃতম্॥ 16-18-18 (97701)
নাহং রাজ্যফলং পুত্রাঃ কাময়ে পুত্রনির্জিতম্।
পতিলোকানহং পুণ্যান্কাময়ে তপসা পিভো॥ 16-18-19 (97702)
শ্বশ্রূশ্বশুরয়োঃ কৃৎবা শুশ্রূষাং বনবাসিনোঃ।
তপসা শোষয়িষ্যামি যুধিষ্ঠির কলেবরম্॥ 16-18-20 (97703)
নিবর্তস্ব কুরুশ্রেষ্ঠ ভীমসেনাদিভিঃ সহ।
ধর্মে তে ধীয়তাং বুদ্ধির্মনস্তু মহদস্তু চ॥ ॥ 16-18-21 (97704)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি অষ্টাদশোঽধ্যায়ঃ॥ 18 ॥
Mahabharata - AshramaVasika Parva - Chapter Footnotes
7-18-10 পশ্যন্ত্যা মে তথা ভীতাং বেপন্তীমিতি ক.থ.পাঠঃ॥আশ্রমবাসিকপর্ব - অধ্যায় 019
॥ শ্রীঃ ॥
16.19. অধ্যায়ঃ 019
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
কুন্ত্যা কৃচ্ছ্রেণ প্রতিনিবর্তিতৈর্যুধিষ্ঠিরাদিভিঃ কৃচ্ছ্রাৎপুনর্নগরং প্রত্যাগমনম্॥ 1 ॥ ধৃতাষ্ট্রেণ বিদুরাদিভিঃ সহ বনমেত্য গঙ্গাতীরে সন্ধ্যোপাস্ত্যাদিনা রাত্রিয়াপনম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
কুন্ত্যাস্তু বচনং শ্রুৎবা পাণ্ডবা রাজসত্তম।
ব্রীডিতাঃ সংন্যবর্তন্ত পাঞ্চাল্যা সহ ভারত॥ 16-19-1 (97705)
ততঃ শব্দো মহানেব সর্বেষামভবত্তদা।
অন্তঃপুরাণাং রুদতাং দৃষ্ট্বা কুন্তীং তথা গতাম্॥ 16-19-2 (97706)
প্রদক্ষিণমথাবৃত্ত্য রাজানং পাণ্ডবাস্তদা।
অভিবাদ্য ন্যবর্তন্ত পৃথাং তামনিবর্ত্য বৈ॥ 16-19-3 (97707)
ততোঽব্রবীন্মহাতেজা ধৃতরাষ্ট্রোংঽবিকাসুতঃ।
গান্ধারীং বিদুরং চৈব সমাভাষ্যাবগৃহ্য চ॥ 16-19-4 (97708)
যুধিষ্ঠিরস্য জননী দেবী সাধু নিবর্ত্যতাম্।
যথা যুধিষ্ঠিরঃ প্রাহ তৎসর্বং সত্যমেব হি॥ 16-19-5 (97709)
পুত্রৈশ্বর্যং মহদিদমপাস্য চ মহাফলম্।
কাঽনুগচ্ছেদ্বনং দুর্গং পুত্রানুৎসৃজ্য মূঢবৎ॥ 16-19-6 (97710)
রাজ্যস্থয়া তপস্তপ্তুং কর্তুং দানব্রতং মহৎ।
অনয়া শক্যমেবাদ্য শ্রূয়তাং চ বচো মম॥ 16-19-7 (97711)
গান্ধারি পরিতুষ্টোস্মি বধ্বাঃ শুশ্রূষণেন বৈ।
তস্মাত্ৎবমেনাং ধর্মজ্ঞে সমনুজ্ঞাতুমর্হসি॥ 16-19-8 (97712)
ইত্যুক্তা সৌবলেয়ী তু রাজ্ঞা কুন্তীমুবাচ হ।
তৎসর্বং রাজবচনং স্বং চ বাক্যং বিশেষবৎ॥ 16-19-9 (97713)
ন চ সা বনবাসায় দেবী কৃতমতিং তদা।
শক্নোত্যুপাবর্তয়িতুং কুন্তীং ধর্মপরাং সতীম্॥ 16-19-10 (97714)
তস্যাস্তাং তু স্থিতিং জ্ঞাৎবা ব্যবসায়ং কুরুস্ত্রিয়ঃ।
নিবৃত্তাংশ্চ কুরুশ্রেষ্ঠান্দৃষ্ট্বা প্ররুরুদুস্তদা॥ 16-19-11 (97715)
উপাবৃত্তেষু পার্থেষু সর্বাস্বেব বধূষু চ।
যয়ৌ রাজা মহাপ্রাজ্ঞো ধৃতরাষ্ট্রো বনং তদা॥ 16-19-12 (97716)
পাণ্ডবাশ্চাতিদীনাস্তে দুঃখশোকপরায়ণাঃ।
যানৈঃ স্ত্রীসহিতাঃ সর্বে পুরং প্রবিবিশুস্তদা॥ 16-19-13 (97717)
তদহৃষ্টমনানন্দং গতোৎসবমিবাভবৎ।
নগরং হাস্তিনপুরং সস্ত্রীবৃদ্ধকুমারকম্॥ 16-19-14 (97718)
সর্বে চাসন্নিরুৎসাহাঃ পাণ্ডবা জাতমন্যবঃ।
কুন্ত্যা হীনাঃ সুদুঃখার্তা বৎসা ইব বিনাকৃতাঃ॥ 16-19-15 (97719)
ধৃতরাষ্ট্রস্তু তেনাহ্না গৎবা সুমহদন্তরম্।
ততো ভাগীরথীতীরে নিবাসমকরোৎপ্রভুঃ॥ 16-19-16 (97720)
প্রাদুষ্কৃতা যথান্যায়মগ্নয়ো বেদপারগৈঃ।
ব্যরাজন্ত দ্বিজশ্রেষ্ঠৈস্তত্রতত্র তপোবনে।
প্রাদুষ্কৃতাগ্নিরভবৎস চ বৃদ্ধো নরাধিপঃ॥ 16-19-17 (97721)
স রাজাঽগ্নীন্পর্যুপাস্য হুৎবা চ বিধিবত্তদা।
সন্ধ্যাগতং সহস্রাংশুমুপাতিষ্ঠত ভারত॥ 16-19-18 (97722)
বিদুরঃ সংজয়শ্চৈব রাজ্ঞঃ শয়্যাং কুশৈস্ততঃ।
চক্রতুঃ কুরুবীরস্য গান্ধার্যাশ্চাবিদূরতঃ॥ 16-19-19 (97723)
গান্ধার্যাঃ সন্নিকর্ষে তু নিষসাদ কুশে সুখম্।
যুধিষ্ঠিরস্য জননী কুন্তী সাধুব্রতে স্থিতা॥ 16-19-20 (97724)
তেষাং সংশ্রবণে চাপি নিষেদুর্বিদুরাদয়ঃ।
যাজকাশ্চ যথোদ্দেশং দ্বিজা যে চানুয়ায়িনঃ॥ 16-19-21 (97725)
প্রাধীতদ্বিজমুখ্যা সা সংপ্রজ্বলিতপাবকা।
বভূব তেষাং রজনী ব্রাহ্মীব প্রীতিবর্ধিনী॥ 16-19-22 (97726)
ততো রাত্র্যাং ব্যতীতায়াং কৃতপূর্বাহ্ণিকক্রিয়াঃ।
হুৎবাঽগ্নিং বিধিবৎসর্বে প্রয়যুস্তে যথাক্রমম্।
উদঙ্মুখা নিরীক্ষন্ত উপবাসপরায়ণাঃ॥ 16-19-23 (97727)
স তেষামতিদুঃখোঽভূন্নিবাসঃ প্রথমেঽহনি।
শোচতাং বদতাং চাপি পৌরজানপদৈর্জনৈঃ॥ ॥ 16-19-24 (97728)
ইতি শ্রীমন্মহাভারতে আশ্রমবাসিকর্বণি আশ্রমবাসপর্বণি একোনবিংশোঽধ্যায়ঃ॥ 19 ॥
আশ্রমবাসিকপর্ব - অধ্যায় 020
॥ শ্রীঃ ॥
16.20. অধ্যায়ঃ 020
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রেণ বিদুরাদিভিঃ সহ গঙ্গাতীরাৎকুরুক্ষেত্রমেত্য তত্র শতয়ূপাশ্রমে ব্যাসাজ্ঞয়া তদুপদিষ্টবিধিনা তীব্রতপশ্চরণম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
ততো ভাগীরথীতীরে মেধ্যে পুণ্যজনোচিতে।
নিবাসমকরোদ্রাজা বিদুরস্য মতে স্থিতঃ॥ 16-20-1 (97729)
তত্রৈনং পর্যুপাতিষ্ঠন্ব্রাহ্মণা বনবাসিনঃ।
ক্ষত্রবিট্শূদ্রসঙ্খাশ্চ বহবো ভরতর্ষভ॥ 16-20-2 (97730)
স তৈঃ পরিবৃতো রাজা কথাভিঃ পরিনন্দ্য তান্।
অনুজজ্ঞে স শিষ্যান্বৈ বিধিবৎপ্রতিপূজ্য চ॥ 16-20-3 (97731)
সায়াহ্নে স মহীপালস্ততো গঙ্গামুপেত্য চ।
চকার বিধিবচ্ছৌচং গান্ধারী চ যশস্বিনী॥ 16-20-4 (97732)
তে চৈবান্যে পৃথক্ সর্বে তীর্থেষ্বাপ্লুত্য ভারত।
চক্রুঃ সর্বাঃ ক্রিয়াস্তত্র পুরুষা বিদুরাদয়ঃ॥ 16-20-5 (97733)
কৃতশৌচং ততো বৃদ্ধং শ্বশুরং কুন্তিভোজজা।
গান্ধারীং চ পৃথা রাজন্গঙ্গাতীর্থমুপানয়ৎ॥ 16-20-6 (97734)
রাজ্ঞস্তু যাজকৈস্তত্র কৃতো বেদীপরিস্তরঃ।
জুহাব তত্র বহ্নিং স নৃপতিঃ সত্যসঙ্গরঃ॥ 16-20-7 (97735)
ততো ভাগীরথীতীরাৎকুরুক্ষেত্রং জগাম সঃ।
সানুগো নৃপতির্বৃদ্ধো নিয়তঃ সংয়তেন্দ্রিয়ঃ॥ 16-20-8 (97736)
তত্রাশ্রমপদং ধীমানভিগম্য স পার্থিবঃ।
আসসাদাথ রাজর্ষিং শতয়ূপং মনীষিণম্॥ 16-20-9 (97737)
স হি রাজা মহানাসীৎকেকয়েষু পরংপতঃ।
স্বপুত্রং মনুজৈশ্বর্যে নিবেশ্য বনমাবিশৎ॥ 16-20-10 (97738)
তেনাসৌ সহিতো রাজা যয়ৌ ব্যাসাশ্রমং প্রতি।
তত্রৈনং বিধিবদ্রাজন্প্রত্যগৃহ্ণাৎকুরূদ্বহম্॥ 16-20-11 (97739)
স দীক্ষাং তত্র সংপ্রাপ্য রাজা কৌরবনন্দনঃ।
শতয়ূপাশ্রমে তস্মিন্নিবাসমকরোত্তদা॥ 16-20-12 (97740)
তস্মৈ সর্বং বিধিং রাজ্ঞে রাজাঽঽচখ্যৌ মহামতিঃ।
আরণ্যকং মহারাজ ব্যাসস্যানুমতে তদা॥ 16-20-13 (97741)
এবং চ তপসা রাজন্ধৃতরাষ্ট্রো মহামনাঃ।
যোজয়ামাস চাত্মানং তাংশ্চাপ্যনুচরাংস্তদা॥ 16-20-14 (97742)
তথৈব দেবী গান্ধারী বল্কলাজিনধারিণী।
কুন্ত্যা সহ মহারাজি সমানব্রতচারিণী॥ 16-20-15 (97743)
কর্মণা মনসা বাচা চক্ষুষা চৈব তে নৃপ।
সন্নিয়ম্যেন্দ্রিয়গ্রামমাস্থিতাঃ পরমং তপঃ॥ 16-20-16 (97744)
ৎবগস্থিভূতঃ পরিশুষ্কমাংসো
জটাজিনী বল্কলসংবৃতাঙ্গঃ।
স পার্তিবস্তত্র তপশ্চচার
মহর্ষিবত্তীব্রমপেতমোহঃ॥ 16-20-17 (97745)
ক্ষত্তা চ ধর্মার্থবিদগ্র্যবুদ্ধিঃ
সসংজয়স্তং নৃপতিং সদারম্।
উপাচরদ্ধোরতপোর্জিতাত্মা
তদা কৃশো বল্কলচীরবাসাঃ॥ ॥ 16-20-18 (97746)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি বিংশোঽধ্যায়ঃ॥ 20 ॥
আশ্রমবাসিকপর্ব - অধ্যায় 021
॥ শ্রীঃ ॥
16.21. অধ্যায়ঃ 021
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
নারপর্বতাদিভির্ধৃতরাষ্ট্রাদিদিদৃক্ষ্যা শতয়ূপাশ্রমং প্রত্যাগমনম্॥ 1 ॥ নারদেন ধৃতারাষ্ট্রংপ্রতি তত্তপোবনস্যি সহস্রচি ত্যাদিরাজর্ষীণাং স্বর্গপ্রাপকৎবমহিমোক্তিপূর্বকং বিদুরাদিভিঃ সহ তস্যাপি ভবিষ্যৎসিদ্ধিপ্রদৎবকথনম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
ততস্তত্র মুনিশ্রেষ্ঠা রাজানং দ্রষ্টুমভ্যযুঃ।
নারদঃ পর্বতশ্চৈব দেবলশ্চ মহাতপাঃ॥ 16-21-1 (97747)
দ্বৈপায়নঃ সশিষ্যশ্চ সিদ্ধাশ্চান্যে মনীষিণঃ।
শতয়ূপশ্চ রাজর্ষির্বৃদ্ধঃ পরমধার্মিকঃ॥ 16-21-2 (97748)
তেষাং কুন্তী মহারাজ পূজাং চক্রে যথাবিধি।
তে চাপি তুতুষুস্তস্যাস্তাপসাঃ পরিচর্যযা॥ 16-21-3 (97749)
তত্র ধর্ম্যাঃ কথাস্তাত চক্রুস্তে পরমর্ষয়ঃ।
রময়ন্তো মহাত্মানং ধৃতরাষ্ট্রং জনাধিপম্॥ 16-21-4 (97750)
কথান্তরে তু কস্মিংশ্চিদ্দেবর্ষির্নারদস্ততঃ।
কথামিমামকথয়ৎসর্বপ্রত্যক্ষদর্শিবান্॥ 16-21-5 (97751)
নারদ উবাচ। 16-21-6x (8048)
পুরা প্রজাপতিসমো রাজাঽঽসীদকুতোভয়ঃ।
সহস্রচিত্যি ইত্যুক্তঃ শতয়ূপপিতামহঃ॥ 16-21-6 (97752)
স পুত্রে রাজ্যমাসজ্জ্যি জ্যেষ্ঠে পরমধার্মিকে।
সহস্রচিত্যো ধর্মাত্মা প্রবিবেশ বনং নৃপঃ॥ 16-21-7 (97753)
স গৎবা তপসঃ পারং দীপ্তস্য বসুধাধিপঃ।
পুরংদরস্য সংস্থানং প্রতিপেদে মহাদ্যুতিঃ॥ 16-21-8 (97754)
দৃষ্টপূর্বঃ স বহুশো রাজন্সম্পততা ময়া।
মহেন্দ্রসদনে রাজা তপসা দগ্ধকিল্বিষঃ॥ 16-21-9 (97755)
তথা শৈলালয়ো রাজা ভগত্তপিতামহঃ।
তপোবলেনৈব নৃপো মহেন্দ্রসদনং গতঃ॥ 16-21-10 (97756)
তথা পৃষধ্রো রাজাঽঽসীদ্রাজন্বজ্রধরোপমঃ।
স চাপি তপসা লেভে নাকপৃষ্ঠমিতো গতঃ॥ 16-21-11 (97757)
অস্মিন্নরণ্যে নৃপতে মাংধাতুরপি চাত্মজঃ।
পুরুকুৎসো নৃপঃ সিদ্ধিং মহতীং সমবাপ্তবান্॥ 16-21-12 (97758)
ভার্যা সমভবদ্যস্য নর্মদা সরিতাং বরা।
সোস্মিন্নরণ্যে নৃপতিস্তপস্তপ্ৎবা দিবং গতঃ॥ 16-21-13 (97759)
শশলোমা চ রাজাঽঽসীদ্রাজন্পরমধার্মিকঃ।
সম্যগস্মিন্বনে তপ্ৎবা ততো দিবমবাপ্তবান্॥ 16-21-14 (97760)
দ্বৈপায়নপ্রসাদাচ্চ ৎবমপীদং তপোবনম্।
রাজন্নবাপ্য দুষ্প্রাপাং সিদ্ধিমগ্র্যাং গমিষ্যসি॥ 16-21-15 (97761)
ৎবং চাপি রাজশার্দূল তপসোন্তে শ্রিয়া বৃতঃ।
গান্ধারীসহিতো গন্তা গতিং তেষাং মহাত্মনাং 16-21-16 (97762)
পাণ্ডুঃ স্মরতি তে নিত্যং বলহন্তুঃ সমীপগঃ।
ৎবাং সদৈব মহারাজ শ্রেয়সা স চ যোক্ষ্যতি॥ 16-21-17 (97763)
তব শুশ্রূষয়া চৈব গান্ধার্যাশ্চ যশস্বিনী।
ভর্তুঃ সলোকতাং কুন্তী গমিষ্যতি বধূস্তব॥ 16-21-18 (97764)
যুধিষ্ঠিরস্য জননী স হি ধর্মঃ সনাতনঃ।
বয়মেতৎপ্রপশ্যামো নৃপতে দিব্যবক্ষুষাঃ॥ 16-21-19 (97765)
প্রবেক্ষ্যতি মহাত্মানং বিদুরশ্চ যুধিষ্ঠিরম্।
সংজয়স্তদনুধ্যানাদিতঃ স্বর্গমবাপ্স্যতি॥ 16-21-20 (97766)
বৈশম্পায়ন উবাচ। 16-21-21x (8049)
এতচ্ছ্রুৎবা কৌরবেন্দ্রো মহাত্মা
সার্ধং পত্ন্যা প্রীতিমান্সম্বভূব।
বিদ্বান্বাক্যং নারদস্য প্রশস্য
চক্রে পূজাং চাতুলাং নারদায়॥ 16-21-21 (97767)
ততঃ সর্বে নারদং বিপ্রসঙ্ঘাঃ
সম্পূজয়ামাসুরতীব রাজন্।
রাজ্ঞঃ প্রীত্যা ধৃতরাষ্ট্রস্য তে বৈ
পুনঃপুনঃ সম্প্রহৃষ্টাস্তদানীম্॥ ॥ 16-21-22 (97768)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি একবিংশোঽধ্যায়ঃ॥ 21 ॥
Mahabharata - AshramaVasika Parva - Chapter Footnotes
7-21-11 তদা প্রবৃদ্ধো রাজসীদিতি ক.থ.পাঠঃ॥আশ্রমবাসিকপর্ব - অধ্যায় 022
॥ শ্রীঃ ॥
16.22. অধ্যায়ঃ 022
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
শতয়ূপপৃষ্টেন নারদেন তংপ্রতি ধৃতরাষ্ট্রস্য বর্ষত্রয়াদূর্ধ্বং গান্ধার্যা সহ কুবেরলোকপ্রাপ্তিকথনম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
নারদস্য তু তদ্বাক্যং শশংসুর্দ্বিজসত্তমাঃ।
শতয়ূপস্তু রাজর্ষির্নারদং বাক্যমব্রবীৎ॥ 16-22-1 (97769)
অহো ভগবতা শ্রদ্ধা কুরুরাজস্য বর্ধিতা।
সর্বস্য চ জনস্যাস্য মম চৈব মহাদ্যুতে॥ 16-22-2 (97770)
অস্তি কাচিদ্বিবক্ষা তু তাং মে নিগদতঃ শৃণু।
ধৃতরাষ্ট্রং প্রতি নৃপং দেবর্ষে লোকপূজিত॥ 16-22-3 (97771)
সর্ববৃত্তান্ততত্ৎবজ্ঞো ভবান্দিব্যেন চক্ষুষা।
যুক্তঃ পশ্যসি বিপ্রর্ষে গতয়ো বিবিধা নৃণাম্॥ 16-22-4 (97772)
উক্তবান্নৃপতীনাং ৎবং মহেন্দ্রস্য সলোকতাম্।
ন ৎবস্য নৃপতের্লোকাঃ কথিতাস্তে মহামুনে॥ 16-22-5 (97773)
স্থানমপ্যস্য নৃপতেঃ শ্রোতুমিচ্ছাম্যহং বিভো।
ৎবত্তঃ কীদৃক্কদা চেতি তন্মমাখ্যাহি তত্ৎবতঃ॥ 16-22-6 (97774)
ইত্যুক্তো নারদস্তেন বাক্যং সর্বমনোনুগম্।
ব্যাজহার সভামধ্যে দিব্যদর্শী মহাতপাঃ॥ 16-22-7 (97775)
নারদ উবাচ। 16-22-8x (8050)
যদৃচ্ছয়া শক্রসদো গৎবা শক্রং শচীপতিম্।
দৃষ্টবানস্মি রাজর্ষে তত্র পাণ্ডুং নরাধিপম্॥ 16-22-8 (97776)
তত্রেয়ং ধৃতরাষ্ট্রস্য কথা সমভবন্নপ।
তপসো দুষ্করস্যাস্য যদয়ং তপতে নৃপঃ॥ 16-22-9 (97777)
তত্রাহমিদমশ্রৌষং শক্রস্য বদতঃ স্বয়ম্।
বর্ষাণি ত্রীণি শিষ্টানি রাজ্ঞোস্য পরমায়ুষঃ॥ 16-22-10 (97778)
ততঃ কুবেরভবনং গান্ধারীসহিতো নৃপঃ।
প্রয়াতা ধৃতরাষ্ট্রোঽয়ং রাজরাজাভিসৎকৃতঃ॥ 16-22-11 (97779)
কামগেন বিমানেন দিব্যাভরণভূষিতঃ।
ঋষিপুত্রো মহাভাগস্তপসা দগ্ধকিল্বিষঃ॥ 16-22-12 (97780)
সঞ্চরিষ্যতি লোকাংশ্চ দেবগন্ধর্বরক্ষসাম্।
স্বচ্ছন্দেনেতি ধর্মাত্মা ব্যাসস্য তু তপোবলাৎ॥ 16-22-13 (97781)
দেবগুহ্যমিদং প্রীত্যা ময়া বঃ কথিতং মহৎ।
ভবন্তো হি শ্রুতধনাস্তপসা দগ্ধকিল্বিষাঃ॥ 16-22-14 (97782)
বৈশম্পায়ন উবাচ। 16-22-15x (8051)
ইতি তে তস্য তচ্ছ্রুৎবা দেবর্ষের্মধুরং বচঃ।
সর্বে সুমনসঃ প্রীতা বভূবুঃ স চ পার্থিবঃ॥ 16-22-15 (97783)
এবং কথাভিরন্বাস্য ধৃতরাষ্ট্রং মনীষিণঃ।
বিপ্রজগ্মুর্যথাকামং তে সিদ্ধগতিমাস্থিতাঃ॥ ॥ 16-22-16 (97784)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি দ্বাবিংশোঽধ্যায়ঃ॥ 22 ॥
Mahabharata - AshramaVasika Parva - Chapter Footnotes
7-22-12 ঋষিপুত্রো ব্যাসপুত্রঃ॥আশ্রমবাসিকপর্ব - অধ্যায় 023
॥ শ্রীঃ ॥
16.23. অধ্যায়ঃ 023
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
যুধিষ্ঠিরাদিভিঃ কুন্তীধৃতরাষ্ট্রাদীনাং প্রব্রজনশোকেনাভিমন্যুপ্রভৃতিবন্ধুজনানুস্মরণজশোকেন স্বস্বব্যাপারেষ্বপ্যনাদরণম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
বনং গতে কৌরবেন্দ্রে দুঃখশোকসমন্বিতাঃ।
বভূবুঃ পাণ্ডবা রাজন্মাতৃশোকেনি চান্বিতাঃ॥ 16-23-1 (97785)
তথা পৌরজনঃ সর্বঃ শোচন্নাস্তে জনাধিপম্।
কুর্বাণাশ্চ কথাস্তত্র ব্রাহ্মণা নৃপতিং প্রতি॥ 16-23-2 (97786)
কথং ন রাজা বৃদ্ধঃ স বনে বসতি নির্জনে।
গান্ধারী চ মহাভাগা সা চ কুন্তী পৃথা কথম্॥ 16-23-3 (97787)
সুখার্হঃ স হি রাজর্ষিরসুখী তদ্বনং মহৎ।
কিমবস্থঃ সমাসাদ্য প্রজ্ঞাচক্ষুর্মহামনাঃ॥ 16-23-4 (97788)
সুদুষ্করং কৃতবতী কুন্তী পুত্রানপাস্য সা।
রাজ্যশ্রিয়ং পরিত্যজ্য বনং সা সমরোচয়ৎ॥ 16-23-5 (97789)
বিদুরঃ কিমবস্থশ্চ ভ্রাতৃশুশ্রূষুরাত্মবান্।
স চ গাবল্গণির্ধীমান্ভর্তৃপিণ্ডানুপালকঃ॥ 16-23-6 (97790)
আকুমারং চ পৌরাস্তে চিন্তাশোকসমাহতাঃ।
তত্রতত্র কথাশ্চক্রুঃ সমাসাদ্য পরস্পরম্॥ 16-23-7 (97791)
পাণ্ডবাশ্চৈব তে সর্বে ভৃশং শোকপরায়ণাঃ।
শোচন্তো মাতরং বৃদ্ধামূষুর্নাতিচিরং পুরে॥ 16-23-8 (97792)
তথৈব বৃদ্ধং পিতরং হতপুত্রং জনেশ্বরম্।
গান্ধারীং চ মহাভাগাং বিদুরং চ মহামতিম্॥ 16-23-9 (97793)
নৈষাং বভূব সম্প্রীতিস্তান্বিচিন্তয়তাং তদা।
ন রাজ্যে ন চ নারীষু ন বেদাধ্যযনেষু চ॥ 16-23-10 (97794)
পরং নির্বেদমগমংশ্চিন্তয়ন্তা নরাধিপম্।
তং চ জ্ঞাতিবধং ঘোরং সংস্মরন্তঃ পুনঃপুনঃ॥ 16-23-11 (97795)
অভিমন্যোশ্চ বালস্য বিনাশং রণমূর্ধনি।
কর্ণস্য চ মহাবাহোঃ সঙ্গ্রামেষ্বপলায়িনঃ॥ 16-23-12 (97796)
তথৈব দ্রৌপদেয়ানামন্যেষাং সুহৃদামপি।
বধং সংস্মৃত্য তে বীরা নাতিপ্রমনসোঽভবন্॥ 16-23-13 (97797)
হতপ্রবীরাং পৃথিবীং হৃতরত্নাং চ ভারত।
সদৈব চিন্তয়ন্তস্তে ন শমং চোপলেভিরে॥ 16-23-14 (97798)
দ্রৌপদী হতপুত্রা চ সুভদ্রা চৈব ভামিনী।
নাতিপ্রীতিয়ুতে দেব্যৌ তদাস্তামপ্রহৃষ্টবৎ॥ 16-23-15 (97799)
বৈরাট্যাস্তনয়ং দৃষ্ট্বা পিতরং তে পরিক্ষিতম্।
ধারয়ন্তি স্ম তে প্রাণাংস্তব পূর্বপিতামহাঃ॥ ॥ 16-23-16 (97800)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি ত্রয়োবিংশোঽধ্যায়ঃ॥ 23 ॥
আশ্রমবাসিকপর্ব - অধ্যায় 024
॥ শ্রীঃ ॥
16.24. অধ্যায়ঃ 024
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
যুধিষ্ঠিরেণ বনস্থকুন্তীধৃতরাষ্ট্রাদিদিদৃক্ষয়া দ্রৌপদ্যাদিভিঃ পৌরৈর্ভ্রাতৃভিশ্চ সহ বনংপ্রতি প্রস্থানম্॥ 1 ॥Mahabharata - AshramaVasika Parva - Chapter Text
যুধিষ্ঠিরেণ বনস্থকুন্তীধৃতরাষ্ট্রাদিদিদৃক্ষ্যা দ্রৌপদ্যাদিভিঃ পৌরৈর্ভ্রাতৃভিশ্চ সহ বনংপ্রতি প্রস্থানম্॥ 1 ॥
16-24-0 (97801)
বৈশম্পায়ন উবাচ। 16-24-0x (8052)
এবং তে পুরুষব্যাঘ্রাঃ পাণ্ডবা মাতৃনন্দনাঃ।
স্মরন্তো মাতরং বীরা বভূবুর্ভশদুঃখিতাঃ॥ 16-24-1 (97802)
যে রাজকার্যেষু পুরা ব্যাসক্তা নিত্যশোঽভবন্।
তে রাজকার্যাণি তদা নাকার্ষুঃ সর্বতঃ পুরে॥ 16-24-2 (97803)
প্রবিষ্টা ইব শোকেন নাভ্যনন্দন্ত কিঞ্চন।
সম্ভাষ্যমাণা অপি তে ন কিঞ্চিৎপ্রত্যপূজয়ন্॥ 16-24-3 (97804)
তে স্ম বীরা দুরাধর্ষা গাংভীর্যে সাগরোপমাঃ।
শোকোপহতবিজ্ঞানা নষ্টসংজ্ঞা ইবাভবন্॥ 16-24-4 (97805)
অচিন্তয়ংশ্চ জননীং ততস্তে পাণ্ডুনন্দনাঃ।
কথং নু বৃদ্ধমিথুনং বহত্যতিকৃশা পৃথা॥ 16-24-5 (97806)
কথং চ স মহীপালো হতপুত্রো নিরাশ্রয়ঃ।
পত্ন্যা সহ বসত্যেকো বনে শ্বাপদসেবিতে॥ 16-24-6 (97807)
সা চ দেবী মহাভাগা গান্ধারী হতবান্ধবা।
পতিমন্ধং কথং বৃদ্ধমন্বেতি বিজনে বনে॥ 16-24-7 (97808)
এবং তেষাং কথয়তামৌৎসুক্যমভবত্তদা।
গমনে চাভবদ্বুদ্ধির্ধৃতরাষ্ট্রদিদৃক্ষয়া॥ 16-24-8 (97809)
সহদেবস্তু রাজানং প্রণিপত্যেদমব্রবীৎ।
অহো মে ভবতো দৃষ্টং হৃদয়ং গমনং প্রতি। 16-24-9 (97810)
ন হি ৎবাং গৌরবেণাহমশকং বক্তুমঞ্জসা।
গমনং প্রতি রাজেন্দ্র তদিদং সমুপস্থিতম্॥ 16-24-10 (97811)
দিষ্ট্যা দ্রক্ষ্যামি তাং কুন্তীং বর্তয়ন্তীং তপস্বিনীম্।
জটিলাং তাপসীং বৃদ্ধাং কুশকাশপরিক্ষতাম্॥ 16-24-11 (97812)
প্রাসাদহর্ম্যসংবৃদ্ধামত্যন্তসুখভাগিনীম্।
কদানুজননীং শ্রান্তাং দ্রক্ষ্যামি ভৃশদুঃখিতাম্॥ 16-24-12 (97813)
অনিত্যাঃ খলু মর্ত্যানাং গতয়ো ভরতর্ষভ।
কুন্তী রাজসুতা যত্র বসত্যসুখিতা বনে॥ 16-24-13 (97814)
সহদেববচঃ শ্রুৎবা দ্রৌপদী যোষিতাং বরা।
উবাচ দেবী রাজানমভিপূজ্যাভিনন্দ্য চ। 16-24-14 (97815)
কদা দ্রক্ষ্যামি তাং দেবীং যদি জীবতি সা পৃথা।
জীবন্ত্যা হ্যদ্য মে প্রীতির্ভবিষ্যতি জনাধিপ॥ 16-24-15 (97816)
এষা তেঽস্তু মতির্নিত্যং ধর্মে তে রমতাং মনঃ।
যোঽদ্য ৎবমস্মান্রাজেন্দ্র শ্রেয়সা যোজয়িষ্যসি॥ 16-24-16 (97817)
অগ্রপাদস্থিতং চেমং বিদ্ধি রাজন্বধূজনম্।
কাঙ্ক্ষন্তং দর্শনং কুন্ত্যা গান্ধার্যাঃ শ্বসুরস্চ চ॥ 16-24-17 (97818)
ইত্যুক্তঃ স নৃপো দেব্যা দ্রৌপদ্যা ভরতর্ষভ।
সেনাধ্যক্ষান্সমানায়্য সর্বানিদমুবাচ হ॥ 16-24-18 (97819)
নির্যাতয়ত মে সেনাং প্রভূতরথকুঞ্জরাম্।
দ্রক্ষ্যামি বনসংস্থং চ ধৃতাষ্ট্রং মহীপতিম্॥ 16-24-19 (97820)
স্ত্র্যধ্যক্ষাংশ্চাব্রবীদ্রাজা যানানি বিবিধানি মে।
সজ্জীক্রিয়ন্তাং সর্বাণি শিবিকাশ্চ সহস্রশঃ॥ 16-24-20 (97821)
শকটাপণবেশাশ্চ কোশঃ শিল্পিন এব চ।
নির্যান্তু কোশপালাশ্চ কুরুক্ষেত্রাশ্রমং প্রতি॥ 16-24-21 (97822)
যশ্চ পৌরজনঃ কশ্চিদ্দ্রষ্টুমিচ্ছতি পার্থিবম্।
অনাবৃতঃ সুবিহিতঃ স চ যাতু সুরক্ষিতঃ॥ 16-24-22 (97823)
সূদাঃ পৌরোগবাশ্চৈব সর্বং চৈব মহানসম্।
বিবিধং ভক্ষ্যভোজ্যং চ শকটৈরুহ্যতাং মম॥ 16-24-23 (97824)
প্রয়াণং ঘুষ্যতাং চৈব শ্বোভূত ইতি মাচিরম্।
ক্রিয়তাং পথি চাপ্যদ্য বেশ্মানি বিবিধানি চ। 16-24-24 (97825)
এবমাজ্ঞাপ্য রাজা স ভ্রাতৃভিঃ সহ পাণ্ডবঃ।
শ্বোভূতে নির্যযৌ রাজন্সস্ত্রীবৃদ্ধপুরঃসরঃ॥ 16-24-25 (97826)
স বহির্দিবসানেব জনৌঘং পরিপালয়ন্।
ন্যবসন্নৃপতিঃ পঞ্চ ততোঽগচ্ছদ্বনং প্রতি॥ ॥ 16-24-26 (97827)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি চতুর্বিংশোঽধ্যায়ঃ॥ 24 ॥
Mahabharata - AshramaVasika Parva - Chapter Footnotes
7-24-17 অপ্রপাদস্থিতং প্রয়াণার্থং পুরস্কৃতেনৈব পাদেন স্থিতম্। অত্যন্তমুৎসুকমিত্যর্থঃ॥আশ্রমবাসিকপর্ব - অধ্যায় 025
॥ শ্রীঃ ॥
16.25. অধ্যায়ঃ 025
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
যুধিষ্ঠিরেণ নানায়ানারূঢৈঃ পৌরৈর্ভ্রাতৃভিশ্চ সহ ধৃতরাষ্ট্রাদিদিদৃক্ষয়া শতয়ূপাশ্রমবনপ্রবেশঃ॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
আজ্ঞাপয়ামাস ততঃ সেনাং ভরতসত্তমঃ।
অর্জুনপ্রমুখৈর্গুপ্তাং লোকপালোপমৈর্নরৈঃ॥ 16-25-1 (97828)
যোগোয়োগ ইতি প্রীত্যা ততঃ শব্দো মহানভূৎ।
ক্রোশতাং সাদিনাং তত্র যুজ্যতাং যুজ্যতামিতি॥ 16-25-2 (97829)
কেচিদ্যানৈর্নরা জগ্মুঃ কেচিদশ্বৈর্মহাজবৈঃ।
কাঞ্চনৈশ্চ রথৈঃ কেচিজ্জ্বলিতজ্বলনোপমৈঃ॥ 16-25-3 (97830)
গজেন্দ্রৈশ্চ তথৈবান্যে কেচিদুষ্ট্রৈর্নরাধিপ।
পদাতয়স্তথৈবান্যে নখরপ্রাসয়োধিনঃ॥ 16-25-4 (97831)
পৌরজানপদাশ্চৈব যানৈর্বহুবিধৈস্তথা।
অন্বয়ুঃ কুরুরাজানং ধৃতরাষ্ট্রং দিদক্ষবঃ॥ 16-25-5 (97832)
স চাপি রাজবচনাদাচার্যো গৌতমঃ কৃপঃ।
সেনামাদায় সেনানীঃ প্রয়যাবাশ্রমং প্রতি॥ 16-25-6 (97833)
ততো দ্বিজৈঃ পরিবৃতঃ কুরুরাজো যুধিষ্ঠিরঃ।
সংস্তূয়মানো বহুভিঃ সূতমাগধবন্দিভিঃ॥ 16-25-7 (97834)
পাণ্ডুরেণাতপত্রেণ ধ্রিয়মাণেন মূর্ধনি।
রতানীকেন মহতা নির্জগাম কুরূদ্বহঃ॥ 16-25-8 (97835)
গজৈশ্চাচলসংকাশৈর্ভীমকর্মা বৃকোদরঃ।
সজ্জয়ন্ত্রায়ুধোপেতৈঃ প্রয়যৌ পবনাত্মজঃ॥ 16-25-9 (97836)
মাদ্রীপুত্রাবপি তথা হয়ারোহৌ সুসংবৃতৌ।
জগ্মতুঃ শীঘ্রগমনৌ সন্নদ্ধকবচধ্বজৌ॥ 16-25-10 (97837)
অর্জুনশ্চ মহাতেজা রথেনাদিত্যবর্চসা।
বশী শ্বেতৈর্হয়ৈর্যুক্তৈর্দিব্যেনান্বগমন্নৃপম্॥ 16-25-11 (97838)
দ্রৌপদীপ্রমুখাশ্চাপি স্ত্রীসঙ্ঘাঃ শিবিকাগতাঃ।
স্ত্র্যধ্যক্ষগুপ্তাঃ প্রয়যুর্বিসৃজন্তোঽমিতং বসু॥ 16-25-12 (97839)
সমৃদ্ধরথহস্ত্যশ্বং বেণুবীণানুনাদিতম্।
শুশুভে পাণ্ডবং সৈন্যং তত্তদা ভরতর্ষভ॥ 16-25-13 (97840)
নদীতীরেষু রম্যেষু সরঃসু চ বিশাম্পতে।
বাসান্কৃৎবা ক্রমেণাথ জগ্মুস্তে কুরুপুঙ্গবাঃ॥ 16-25-14 (97841)
যুয়ুৎসুশ্চ মহাতেজা ধৌম্যশ্চৈবি পুরোহিতঃ।
যুধিষ্ঠিরস্য বচনাৎপুরগুপ্তিং প্রচক্রতুঃ॥ 16-25-15 (97842)
ততো যুধিষ্ঠিরো রাজা কুরুক্ষেত্রমবাতরৎ।
ক্রমোণোত্তীর্য যমুনাং নদীং পরমপাবিনীম্॥ 16-25-16 (97843)
স দদর্শাশ্রমং দূরাদ্রাজর্ষেস্তস্য ধীমতঃ।
শতয়ূপস্য কৌরব্য ধৃতরাষ্ট্রস্য চৈব হ॥ 16-25-17 (97844)
ততঃ প্রমুদিতঃ সর্বো জনস্তদ্বনমঞ্জসা।
বিবেশ সুমহানাদৈরাপূর্য ভরতর্ষভ॥ ॥ 16-25-18 (97845)
ইতি শ্রীমন্মহাভারতে আশ্রমিবাসিকপর্বণি আশ্রমিবাসপর্বণি পঞ্চবিংশোঽধ্যায়ঃ॥ 25 ॥
Mahabharata - AshramaVasika Parva - Chapter Footnotes
7-25-3 যানৈমনুষ্যবাহ্যঃ॥ 7-25-4 নখরপ্রাসঃ ব্যাঘ্রনখবৎপরাচীনফলককুক্ষির্যঃ॥আশ্রমবাসিকপর্ব - অধ্যায় 026
॥ শ্রীঃ ॥
16.26. অধ্যায়ঃ 026
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
যুধিষ্ঠিরাদিভিঃ শতয়ূপাশ্রমে ধৃতরাষ্ট্রাদীনুপেত্য স্বস্বনামকীর্তনপূর্বকং তৎপাদাভিবাদনম্॥ 1 ॥ ধৃতরাষ্ট্রেণ স্বাবা স্যাদর্শনেন শোচতাং তেষাং সমাশ্বাসনম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
ততস্তে পাণ্ডবা দূরাদবতীর্য পদাতয়ঃ।
অভিজগ্মুর্নরপতেরাশ্রমং বিনয়ানতাঃ॥ 16-26-1 (97846)
স চ যোধজনঃ সর্বো যে চ রাষ্ট্রনিবাসিনঃ।
স্ত্রিয়শ্চ কুরুমুখ্যানাং পদ্ভিরেবান্বয়ুস্তদা॥ 16-26-2 (97847)
আশ্রমং তে ততো জগ্মুর্ধৃতরাষ্ট্রস্য পাণ্ডবাঃ।
শূন্যং মৃগগণাকীর্ণং কদলীবনশোভিতম্॥ 16-26-3 (97848)
ততস্তত্র সমাজগ্মুস্তাপসা নিয়তব্রতাঃ।
পাণ্ডবানাগতান্দ্রষ্টুং কৌতূহলসমন্বিতাঃ॥ 16-26-4 (97849)
তানপৃচ্ছত্ততো রাজা ক্বাসৌ কৌরববংশভৃৎ।
পিতা জ্যেষ্ঠো গতোঽস্মাকমিতি বাষ্পপরিপ্লুতঃ॥ 16-26-5 (97850)
তে তমূচুস্ততো বাক্যং যমুনামবগাহিতুম্।
পুষ্পাণামুদকুংভস্য চার্থে গত ইতি প্রভো॥ 16-26-6 (97851)
তৈরাখ্যাতেন মার্গেণ ততস্তে জগ্মুরঞ্জসা।
দদৃশুশ্চাবিদূরে তান্সর্বানথ পদাতয়ঃ॥ 16-26-7 (97852)
ততস্তে সৎবরা জগ্মুঃ বিতুর্দর্শনকাঙ্ক্ষিণঃ।
সহদেবস্তু বেগেন প্রাধাবদ্যত্র সা পৃথা॥ 16-26-8 (97853)
সুস্বরং রুরুদে ধীমান্মাতুঃ পাদাবুপস্পৃশন্।
সা চ বাষ্পাকুলমুখী দদর্শক দয়িতং সুতম্॥ 16-26-9 (97854)
বাহুভ্যাং সম্পরিষ্বজ্য সমুন্নাম্য চ পুত্রকম্।
গান্ধার্যাঃ কথয়ামাস সহদ্রেবমুপস্থিতম্॥ 16-26-10 (97855)
অনন্তরং চ রাজানং ভীমসেনমথার্জুনম্।
নকুলং চ পৃথা দৃষ্ট্বা ৎবরমাণোপচক্রমে॥ 16-26-11 (97856)
সা হ্যগ্রে গচ্ছতি তয়োর্দপত্যোর্হতপুত্রয়োঃ।
কর্ষন্তী তৌ ততস্তে তাং দৃষ্ট্বা সংন্যপতন্ভুবি।
`তয়োস্তু পাদয়ো রাজন্ন্যপতন্হতপুত্রয়োঃ॥' 16-26-12 (97857)
রাজা তান্স্বরয়োগেন স্পর্শেন চ মহামনাঃ।
প্রত্যভিজ্ঞায় মেধাবী সমাশ্বাসয়ত প্রভুঃ॥ 16-26-13 (97858)
ততস্তে বাষ্পমুৎসৃজ্য গান্ধারীসহিতং নৃপম্।
উপতস্থুর্মহাত্মানো মাতরং চ যথাবিধি॥ 16-26-14 (97859)
সর্বেষাং তোয়কলশাঞ্জগৃহুস্তে স্বয়ং তদা।
পাণ্ডবা লব্ধসংজ্ঞাস্তে মাত্রা চাশ্বাসিতাঃ পুনঃ॥ 16-26-15 (97860)
তথা নার্যো নৃসিংহানাং সোঽবরোধজনস্তদা।
পৌরজানপদাশ্চৈব দদৃশুস্তং জনাধিপম্॥ 16-26-16 (97861)
নিবেদয়ামাস তদা জনং তন্নামগোত্রতঃ।
যুধিষ্ঠিরো নরপতিঃ স চৈনং প্রত্যপূজয়ৎ॥ 16-26-17 (97862)
স তৈঃ পরিবৃতো মেনে হর্ষবাষ্পাবিলেক্ষণঃ।
রাজাঽঽত্মানং গৃহগতং পুরেবি গজসাহ্বয়ে॥ 16-26-18 (97863)
অভিবাদিতো বধূভিশ্চ কৃষ্ণাদ্যাভিঃ স পার্থিবঃ।
গান্ধার্যা সহিতো ধীমান্কুন্ত্যা চ প্রত্যনন্দত॥ 16-26-19 (97864)
ততশ্চাশ্রমমাগচ্ছৎসিদ্ধচারণসেবিতম্।
দিদৃক্ষুভিঃ সমাকীর্ণং নভস্তারাগণৈরিব॥ ॥ 16-26-20 (97865)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি ষড্বিংশোঽধ্যায়ঃ॥ 26 ॥
আশ্রমবাসিকপর্ব - অধ্যায় 027
॥ শ্রীঃ ॥
16.27. অধ্যায়ঃ 027
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
সঞ্জয়েন তাপসান্প্রতি যুধিষ্ঠিরাদীনাং দ্রৌপদ্যাদিস্ত্রীণাং চাঙ্গুলিনির্দেশেন নামনির্দেশঃ॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
স তৈঃ সহ নরব্যাধ্রৈর্ভ্রাতৃভির্ভরতর্ষভ।
রাজা রুচিরপদ্মাক্ষৈরাসাংচক্রে তদাশ্রমে॥ 16-27-1 (97866)
তাপসৈশ্চ মহাভাগৈর্নানাদেশসমাগতৈঃ।
দ্রষ্টুং কুরুপতেঃ পুত্রান্পাণ্ডবান্পৃথুবক্ষসঃ॥ 16-27-2 (97867)
তে ব্রুবঞ্জ্ঞাতুমিচ্ছামঃ কতমোঽত্র যুধিষ্ঠিরঃ।
ভীমার্জুনৌ যমৌ চৈব দ্রৌপদী চ যশস্বিনী॥ 16-27-3 (97868)
তানাচখ্যৌ তদা সূতস্তেষাং নাম প্রধানতঃ।
সংজয়ো দ্রৌপদীং চৈব সর্বাশ্চান্যা কুরুস্ত্রিয়ঃ॥ 16-27-4 (97869)
সঞ্জয় উবাচ। 16-27-5x (8053)
য এষ জাংবূনদশুদ্ধগৌর-
স্তনুর্মহাসিংহ ইব প্রবৃদ্ধঃ।
প্রচণ্ডঘোণঃ পৃথুদীর্ঘনেত্র-
স্তাম্রায়তাক্ষঃ কুরুরাজ এষঃ॥ 16-27-5 (97870)
অয়ং পুনর্মত্তগজেন্দ্রগামী
প্রতপ্তচামীকরশুদ্ধগৌরঃ।
পৃথ্বায়তাংসঃ পৃথুদীর্ঘবাহু-
র্বৃকোদরঃ পশ্যত পশ্যতেমম্॥ 16-27-6 (97871)
যস্ৎবেষ পার্শ্বেঽস্য মহাধনুষ্মা-
ঞ্শ্যামো যুবা বারণয়ূথপাভঃ।
সিংহোন্নতাংসো গজখেলগামী
পদ্মায়তাক্ষোঽর্জুন এষ বীরঃ॥ 16-27-7 (97872)
কুন্তীসমীপে পুরুষোত্তমৌ তু
যমাবিমৌ বিষ্ণুমহেন্দ্রকল্পৌ।
মনুষ্যলোকে সকলে সমোস্তি
যয়োর্ন রূপে ন বলে ন শীলে॥ 16-27-8 (97873)
ইয়ং পুনঃ পদ্মদলায়তাক্ষী
মধ্যং বয়ঃ কিঞ্চিদিব স্পশন্তী।
নীলোৎপলাভা পুরদেবতেব
কৃষ্ণা স্থিতা মূর্তিমতীব লক্ষ্মীঃ॥ 16-27-9 (97874)
অস্যাস্তু পার্শ্বে কনকোপমৎব-
গেষা স্থিতা মূর্তিমতীব গৌরী।
সত্যে স্থিতা সা ভগিনী দ্বিজাগ্র্যা-
শ্চক্রায়ুধস্যাপ্রতিমস্য তস্য॥ 16-27-10 (97875)
ইয়ং চ জাংবূনদশুদ্ধগৌরী
পার্থস্য ভার্যা ভুজগেন্দ্রকন্যা।
চিত্রাঙ্গদা চৈব নরেন্দ্রকন্যা
যৈষা সবর্ণার্দ্রমধূকপুষ্পৈঃ॥ 16-27-11 (97876)
ইয়ং স্বসা রাজচমূপতেশ্চ
প্রবৃদ্ধনীলোৎপলদামবর্ণা।
পস্পর্ধ কৃষ্ণেন সদা নৃপো যো
বৃকোদরস্যৈষ পরিগ্রহোঽগ্র্যঃ॥ 16-27-12 (97877)
ইয়ং চ রাজ্ঞো মগধাধিপস্য
সুতা জরাসংধ ইতি শ্রুতস্য।
যবীয়সো মাদ্রবতীসুতস্য
ভার্যা মতা চম্পকদামগৌরী॥ 16-27-13 (97878)
ইন্দীবরশ্যামতনুঃ স্থিতা তু
যৈষা পরাঽঽসন্নতরোর্লতেব।
ভার্যা মতা মাদ্রবতীসুতস্য
জ্যেষ্ঠস্য সেয়ং কমলায়তাক্ষী॥ 16-27-14 (97879)
ইয়ং তু নিষ্টপ্তসুবর্ণগৌরী
রাজ্ঞো বিরাটস্য সুতা সপুত্রা।
ভার্যাঽভিমন্যোর্নিহতো রণে যো
দ্রোণাদিভিস্তৈর্বিরথো রথস্থৈঃ॥ 16-27-15 (97880)
এতাস্তু সীমন্তশিরোরুহা যাঃ
শুক্লোত্তরীয়া নররাজপত্ন্যঃ।
রাজ্ঞোস্য বৃদ্ধস্য পরংশতাখ্যাঃ
স্নুষা নৃবীরাহতপুত্রনাথাঃ॥ 16-27-16 (97881)
একতা যথামুখ্যমুদাহৃতা বো
ব্রাহ্মণ্যভাবাদৃজুবুদ্ধিসৎবাৎ।
সর্বা ভবদ্ভিঃ পরিপৃচ্ছ্যমানা
নরেন্দ্রপত্ন্যঃ সুবিশুদ্ধসৎবাঃ।
`সর্বে ভবন্তোপি তপোবলাগ্র্যাঃ
ক্ষান্তাশ্চ দান্তাশ্চ কুলোদ্ভবাশ্চ॥' 16-27-17 (97882)
বৈশম্পায়ন উবাচ। 16-27-18x (8054)
এবং স রাজা কুরুবৃদ্ধবর্যঃ
সমাগতস্তৈর্নরদেবপুত্রৈঃ।
পপ্রচ্ছ সর্বং কুশলং তদানীং
গতেষু সর্বেষ্বথ তাপসেষু॥ 16-27-18 (97883)
যোধেষু চাপ্যাশ্রমমণ্ডলং ত-
ন্মৎবা নিবিষ্টেষু বিমুচ্য পত্রম্।
স্ত্রীবৃদ্ধবালে চ সুসংনিবিষ্টে
যথার্হতস্তান্কুশলান্যপৃচ্ছৎ॥ ॥ 16-27-19 (97884)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি সপ্তবিংশোঽধ্যায়ঃ॥ 27 ॥
Mahabharata - AshramaVasika Parva - Chapter Footnotes
7-27-12 পরিগ্রহো ভার্যা॥ 7-27-14 যাসৌ বিশুদ্ধাংবুজপদ্মনেত্রা ইতি ক.থ.পাঠঃ॥ 7-27-16 ভীমন্তমাত্রেণ উপলক্ষিতা। নৎবলঙ্কারাদিনা তাদৃশাঃ শিরোরুহাঃ কেশা যাসাং তাঃ সীমন্তশিরোরুহাঃ। অসীমন্তেতি পাঠো যুক্তঃ। শুক্লোত্তরীয়া নররাজকন্যা ইতি ক.থ.পাঠঃ॥ 7-27-19 পত্রং বাহনম্॥আশ্রমবাসিকপর্ব - অধ্যায় 028
॥ শ্রীঃ ॥
16.28. অধ্যায়ঃ 028
অথাশ্রমবাসপর্ব ॥ 1 ॥
Mahabharata - AshramaVasika Parva - Chapter Topics
ধৃতরাষ্ট্রয়ুধিষ্ঠিরাভ্যাং পরস্পরকুশলপ্রশ্নাদিপূর্বকং সঁল্লাপঃ॥ 1 ॥ যুধিষ্ঠিরেণ ধৃতরাষ্ট্রংপ্রতি বিদুরঃ ক্বেতি প্রশ্নে তত্রত্যেন কেনচিদ্যদৃচ্ছয়া ধৃতরাষ্ট্রমুপসর্পতো জনাবলোকনেন প্রতিনিবর্তমানস্য চ তস্য প্রদর্শনম্॥ 2 ॥ ততো যুধিষ্ঠিরেণানুধাবনেন তৎসমীপগমনম্॥ 3 ॥ ততো বিদুরে যোগাৎস্বশরীরত্যাগেন তচ্ছরীরপ্রবেশঃ॥ 4 ॥ যুধিষ্ঠিরেণ ধৃতরাষ্ট্রাদিষু তদদ্ভুতনিবেদনম্॥ 5 ॥Mahabharata - AshramaVasika Parva - Chapter Text
ধৃতরাষ্ট্র উবাচ।
যুধিষ্ঠির মহাবাহো কচ্চিৎবং কুশলী হ্যসি।
সহিতো ভ্রাতৃভিঃ সর্বৈঃ পৌরজানপদৈস্তথা॥ 16-28-1 (97885)
যে চ ৎবামনুজীবন্তি কচ্চিত্তেঽপি নিরাময়াঃ।
সচিবা ভৃত্যবর্গাশ্চ গুরবশ্চৈব তে নৃপ॥ 16-28-2 (97886)
কচ্চিত্তেঽপি নিরাতঙ্কা বসন্তি বিষয়ে তব।
কচ্চিদ্বর্তসি পৌরাণীং বৃত্তিং রাজর্ষিসেবিতাম্॥ 16-28-3 (97887)
কচ্চিন্ন্যায়াননুচ্ছিদ্য কোশস্তেঽভিপ্রপূর্যতে।
অরিমধ্যস্থমিত্রেষু বর্তসে চানুরূপতঃ।
ব্রাহ্মণানগ্রহারৈর্বা যথাবদনুপশ্যসি॥ 16-28-4 (97888)
কচ্চিত্তে পরিতুষ্যন্তি শীলেনি ভরতর্ষভ।
শত্রবোপি কুতঃ পৌরা ভৃত্যা বা স্বজনোপি বা॥ 16-28-5 (97889)
কচ্চিদ্যজসকি রাজেন্দ্র শ্রদ্ধাবান্পিতৃদেবতাঃ।
অতিথীনন্নপানেনি কচ্চিদর্চসি ভারত॥ 16-28-6 (97890)
কচ্চিন্নয়পথে বিপ্রাঃ স্বকর্মনিরতাস্তব।
ক্ষত্রিয়া বৈশ্যবর্ণা বা শূদ্রা বাঽপি কুটুম্বিনঃ॥ 16-28-7 (97891)
কচ্চিৎস্ত্রীবালবৃদ্ধং তে ন শোচতি ন যাচতে।
জাময়ঃ পূজিতাঃ কচ্চিত্তব গেহে নরর্ষভ॥ 16-28-8 (97892)
কচ্চিদ্রাজর্ষিবংশোঽয়ং ৎবামাসাদ্য মহীপতিম্।
যথোচিতং মহারাজ যশসা নাবসীদতি॥ 16-28-9 (97893)
বৈশণ্পায়ন উবাচ। 16-28-10x (8055)
ইত্যেবাদিনং তং স ন্যায়বিৎপ্রত্যভাষত।
কুশলপ্রশ্নসংয়ুক্তং কুশলো বাক্যমব্রবীৎ॥ 16-28-10 (97894)
যুধিষ্ঠির উবাচ। 16-28-11x (8056)
অপি তে বর্ধতে রাজংস্পপো মন্দঃ শ্রমশ্চ তে ॥ 16-28-11 (97895)
অপি মে জননী চেয়ং শুশ্রূষুর্বিগতক্লমা।
অথাস্যাঃ সফলো রাজন্বনবাসো ভবিষ্যতি॥ 16-28-12 (97896)
ইয়ং চ মাতা জ্যেষ্ঠা মে শীতবাতাধ্বকর্শিতা।
ঘোরেণ তপসা যুক্তা দেবী কচ্চিন্ন শোচতি॥ 16-28-13 (97897)
হতান্পুত্রান্মহাবীর্যান্ক্ষত্রধর্মপরায়ণান্।
নাপধ্যায়তি বা কচ্চিদস্মান্পাপকৃতঃ সদা॥ 16-28-14 (97898)
ক্ব চাসৌ বিদুরো রাজন্নেমং পশ্যামহে বয়ম্।
সংজয়ঃ কুশলী চায়ং কচ্চিন্নু তপসি স্থিরঃ॥ 16-28-15 (97899)
বৈশম্পায়ন উবাচ। 16-28-16x (8057)
ইত্যুক্তঃ প্রত্যুবাচৈনং ধৃতরাষ্ট্রো জনাধিপম্।
কুশলী বিদুরঃ পুত্র তপো ঘোরং সমাশ্রিতঃ॥ 16-28-16 (97900)
বায়ুভক্ষো নিরাহারঃ কৃশো ধমনিসংততঃ।
কজাচিদ্দৃশ্যতে বিপ্রৈঃ শূন্যেঽস্মিন্কাননে ক্বচিৎ॥ 16-28-17 (97901)
ইত্যেবং ব্রুবতস্তস্য জটী বীটামুখঃ কৃশঃ।
দিগ্বাসা মলদিগ্ধাঙ্গো বনরেণুসমুক্ষিতঃ॥ 16-28-18 (97902)
দূরাদালক্ষিতঃ ক্ষত্তা তত্রাখ্যাতো মহীপতেঃ।
`কবিদুরস্ৎবেষ ধর্মাত্মা জনং দৃষ্ট্বা নিবর্ততে॥' 16-28-19 (97903)
নিবর্তমানং সহসা জনং দৃষ্ট্বাঽঽশ্রমং প্রতি।
তমন্বধাবন্নৃপতিরেক এব যুধিষ্ঠিরঃ।
প্রবিশন্তং বনং ঘোরং লক্ষ্যালক্ষ্যং ক্বচিৎক্বচিৎ॥ 16-28-20 (97904)
ভোভো বিদুর রাজাঽহং দয়িতস্তে যুধিষ্ঠিরঃ।
ইতি ব্রুবন্নরপতিস্তং যত্নাদভ্যধাবত॥ 16-28-21 (97905)
ততো বিবিক্ত একান্তে তস্থৌ বুদ্ধিমতাং বরঃ।
বিদুরো বৃক্ষমাশ্রিত্য কঞ্চিত্তত্র বনান্তরে॥ 16-28-22 (97906)
তং রাজা ক্ষীণভূয়িষ্ঠমাকৃতীমাত্রসূচিতম্।
অভিজজ্ঞে মহাবুদ্ধিং মহাবুদ্ধির্যুধিষ্ঠিরঃ॥ 16-28-23 (97907)
যুধিষ্ঠিরোঽহমস্মীতি বাক্যমুক্ৎবাঽগ্রতঃ স্থিতঃ।
বিদুরস্যাশ্রমে রাজা স চ প্রত্যাহ সংজ্ঞয়া॥ 16-28-24 (97908)
ততঃ সোঽনিমিষো ভূৎবা রাজানং তমুদৈক্ষত।
সংয়োজ্য বিদুরস্তস্মিন্দৃষ্টিং দৃষ্ট্যা সমাহিতঃ॥ 16-28-25 (97909)
বিবেশ বিদুরো ধীমান্গাত্রৈর্গাত্রাণি চৈব হ।
প্রাণান্প্রাণেষু চ দধদিন্দ্রিয়াণীন্দ্রিয়েষু চ॥ 16-28-26 (97910)
স যোগবলমাস্থায় বিবেশ নৃপতেস্তনুম্।
বিদুরো ধর্মরাজস্য তেজসা প্রজ্বলন্নিব॥ 16-28-27 (97911)
বিদুরস্য শরীরং তু তথৈব স্তব্ধলোচনম্।
বৃক্ষাশ্রিতং তদা রাজা দদর্শ গতচেতনম্॥ 16-28-28 (97912)
বলবন্তং তথাঽঽত্মানং মেনে বহুগুণং তদা।
ধর্মরাজো মহাতেজাস্তচ্চ সস্মার পাণ্ডবঃ॥ 16-28-29 (97913)
পৌরাণমাত্মনঃ সর্বং ভবিষ্যং চ বিশাম্পতে।
যোগধর্মং মহাতেজা ব্যাসেন কথিনং যথা॥ 16-28-30 (97914)
ধর্মরাজশ্চ তত্রৈনং সঞ্চস্কারয়িষুস্তদা।
দগ্ধুকামোঽভবদ্বিদ্বানথ বাগভ্যভাষত॥ 16-28-31 (97915)
ভোভো রাজন্ন দগ্ধব্যমেতদ্বিদুরসংজ্ঞকম্।
কলেবরমিহৈবং তে ধর্ম এষ সনাতনঃ॥ 16-28-32 (97916)
লোকো বৈকর্তনো নাম ভবিষ্যত্যস্য ভারত।
যতিধর্মমবাপ্তোসৌ নৈষ শোচ্যঃ পরংতপ॥ 16-28-33 (97917)
ইত্যুক্তো ধর্মরাজঃ স বিনিবৃত্য ততঃ পুনঃ।
রাজ্ঞো বৈচিত্রবীর্যস্য তৎসর্বং প্রত্যবেদয়ৎ॥ 16-28-34 (97918)
ততঃ স রাজা ধৃতিমান্স চ সর্বো জনস্তদা।
ভীমসেনাদয়শ্চৈব পরং বিস্মিয়মাগতাঃ॥ 16-28-35 (97919)
তচ্ছ্রুৎবা প্রীতিমান্রাজা ভূৎবা ধর্মজমব্রবীৎ।
আপো মূলং ফলং চৈব মমেদং প্রতিগৃহ্যতাম্॥ 16-28-36 (97920)
যদন্নো হি নরো রাজংস্তদন্নোঽস্যাতিথিঃ স্মৃতঃ।
ইত্যুক্তঃ স তথেত্যেবং প্রাহ ধর্মাত্মজো নৃপম্॥ 16-28-37 (97921)
ফলং মূলং চ বুভুজে রাজ্ঞা দত্তং সহানুজঃ।
ততস্তে বৃক্ষমূলেষু কৃতবাসপরিগ্রহাঃ।
তাং রাত্রিমবসন্সর্বে ফলমূলজলাশনাঃ॥ ॥ 16-28-38 (97922)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি অষ্টাবিংশোঽধ্যায়ঃ॥ 28 ॥
Mahabharata - AshramaVasika Parva - Chapter Footnotes
7-28-4 কচ্চিদায়াননুচ্ছিদ্যেতি ক.পাঠঃ॥ 7-28-8 জাময়ঃ সৌভাগ্যবত্যঃ॥ 7-28-18 বীটা পাষাণকবলঃ। বনদিগ্ধাঙ্গো বানরৈরুপলক্ষিত ইতি থ.পাঠঃ॥ 7-28-29 তচ্চ স্বস্য বিদুরস্য চ একস্যৈব ধর্মস্যাংশাজ্জাতৎবং সস্মার॥ 7-28-30 যোগধর্মং সস্মারেত্যনুষজ্যতে॥ 7-28-31 সংচস্কারয়িষুঃ সংস্কারং লম্ভয়িতুমিচ্ছুঃ॥ 7-28-33 লোকাস্সান্তানিকানাম ভবিষ্যন্ত্যস্যেতি ঝ.পাঠঃ। যতিধর্মো দাহাদ্যযোগ্যৎবম্॥আশ্রমবাসিকপর্ব - অধ্যায় 029
॥ শ্রীঃ ॥
16.29. অধ্যায়ঃ 029
Mahabharata - AshramaVasika Parva - Chapter Topics
যুধিষ্ঠিরেণ ধৃরাষ্ট্রাভ্যনুজ্ঞয়া ভ্রাত্রাদিভিঃ সহ মহর্ষিণামাশ্রমদর্শনম্॥ 1 ॥ শতয়ূপাদিভিঃ সশিষ্যেণ ব্যাসেন চ যুধিষ্ঠিরাদিভিঃ পরিবৃতস্য ধৃতরাষ্ট্রস্যাশ্রমংপ্রত্যাগমনম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
ততস্তু রাজন্নেতেষামাশ্রমে পুণ্যকর্মণাম্।
শিবা নক্ষত্রসম্পন্না সা ব্যতীয়ায় শর্বরী॥ 16-29-1 (97923)
ততস্তত্র কথাশ্চাসংস্তেষাং ধর্মার্থলক্ষণাঃ।
বিচিত্রপদসঞ্চারা নানাশ্রুতিভিরন্বিতাঃ॥ 16-29-2 (97924)
পাণ্ডবাস্ৎবভিতো মাতুর্ধরণ্যাং সুষুপুস্তদা।
উৎসৃজ্য তু মহার্হাণি শয়নানি নরাধিপ॥ 16-29-3 (97925)
যদাহারোঽভকবদ্রাজা ধৃতরাষ্ট্রো মহামনাঃ।
তদাহারা নৃবীংরাস্তে ন্যবসংস্তাং নিশাং তদা॥ 16-29-4 (97926)
ব্যতীতায়াং তু শর্বর্যাং কৃতপৌর্বাহ্ণিকক্রিয়ঃ।
ভ্রাতৃভিঃ সহিতো রাজা দদর্শাশ্রমমণ্ডলম্॥ 16-29-5 (97927)
সান্তঃ পুরপরীবারঃ সভৃত্যঃ সপুরোহিতঃ।
যথাসুখং যথোদ্দেশং ধৃতরাষ্ট্রাভ্যনুজ্ঞয়া॥ 16-29-6 (97928)
দদর্শ তত্র বেদীশ্চ সম্প্রজ্বলিতপাবকাঃ।
কৃতাভিষেকৈর্মুনিভির্হুতাগ্নিভিরুপস্থিতাঃ॥ 16-29-7 (97929)
বানেয়পুষ্পনিকরৈরাজ্যধূমোদ্গমৈরপি।
ব্রাহ্মেণ বপুষা যুক্তা যুক্তা মুনিগণস্য তাঃ॥ 16-29-8 (97930)
মৃগয়ূথৈরনুদ্বিগ্নৈস্তত্রতত্র সমাশ্রিতৈঃ।
অশঙ্কিতৈঃ পক্ষিগণৈঃ প্রগীতৈরিব চ প্রভো॥ 16-29-9 (97931)
কেকাভির্নীলকণ্ঠানাং দাত্যূহানাং চ কূজিতৈঃ।
কোকিলানাং কুহুরবৈঃ সুখৈঃ শ্রুতিমনোহরৈঃ॥ 16-29-10 (97932)
প্রাধীতদ্বিজঘোষৈশ্চ ক্বচিৎক্বচিদলঙ্কৃতম্।
ফলমূলসমাহারৈর্মহদ্ভিশ্চোপশোভিতম্॥ 16-29-11 (97933)
ততঃ স রাজা প্রদদৌ তাপসার্থমুপাহৃতান্।
কলশান্কাঞ্চনান্রাজংস্তথৈবৌদুম্বরানপি॥ 16-29-12 (97934)
অজিনানি প্রবেণীশ্চ স্রুক্স্রুবং চ মহীপতিঃ।
কমণ্ডলূংশ্চি স্থালীশ্চ পিঠরাণি চ ভারত॥ 16-29-13 (97935)
ভাজনানি চ লৌহানি পাত্রীশ্চ বিবিধা নৃপ।
যদ্যদিচ্ছতি যাবচ্চ যদন্যদপি কাঙ্ক্ষিতম্॥ 16-29-14 (97936)
এবং স রাজা ধর্মাত্মা পরীত্যাশ্রমমণ্ডলম্।
বসু বিশ্রাণ্য তৎসর্বং পুনরায়ান্মহীপতিঃ॥ 16-29-15 (97937)
কৃতাহ্নিকং চ রাজানং ধৃতরাষ্ট্রং মহীপতিম্।
দদর্শাসীনমব্যগ্রং গান্ধারীসহিতং তদা॥ 16-29-16 (97938)
মাতরং চাবিদূরস্থাং শিষ্যবৎপ্রণতাং স্থিতাম্।
কুন্তীং দদর্শ ধর্মাত্মা শিষ্টাচারসমন্বিতাম্॥ 16-29-17 (97939)
স তমভ্যর্চ্য রাজানং নাম সংশ্রাব্য চাত্মনঃ।
নিষীদেত্যভ্যনুজ্ঞাতো বৃস্যামুপবিবেশ হ॥ 16-29-18 (97940)
ভীমসেনাদয়শ্চৈব পাণ্ডব ভরতর্ষভ।
অভিবাদ্যোপসঙ্গৃহ্য নিষেদুঃ পার্থিবাজ্ঞয়া॥ 16-29-19 (97941)
স তৈঃ পরিবৃতো রাজা শুশুভেঽতীব কৌরবঃ।
বিভ্রদ্ব্রাহ্মীং শ্রিয়ং দীপ্তাং দেবৈরিব বৃহস্পতিঃ॥ 16-29-20 (97942)
তথা তেষূপবিষ্টেষু সমাজগ্মুর্মহর্ষয়ঃ।
শতয়ূপপ্রভৃতয়ঃ কুরুক্ষেত্রনিবাসিনঃ॥ 16-29-21 (97943)
ব্যাসশ্চ ভগবান্বিপ্রো দেবর্ষিগণসেবিতঃ।
বৃতঃ শিষ্যৈর্মহাতেজা দর্শয়ামাস পার্থিবম্॥ 16-29-22 (97944)
ততঃ স রাজা কৌরব্যঃ কুন্তীপুত্রশ্চ ধর্মরাট্।
ভীমসেনাদয়শ্চৈব প্রত্যুত্থায়াভ্যবাদয়ন্॥ 16-29-23 (97945)
সমাগতস্ততো ব্যাসঃ শতয়ূপাদিভির্বৃতঃ।
ধৃতরাষ্ট্রং মহীপালমাস্যতামিত্যভাষত॥ 16-29-24 (97946)
বরং তু বিষ্টরং কৌশ্যং কৃষ্ণাজিনকুশোত্তরম্।
প্রতিপেদে তদা ব্যাসস্তদর্থমুপকল্পিতম্॥ 16-29-25 (97947)
তে চ সর্বে দ্বিজশ্রেষ্ঠা বিষ্টরেষু সমন্ততঃ।
দ্বৈপায়নাভ্যনুজ্ঞাতা নিষেদুর্বিপুলৌজসঃ॥ ॥ 16-29-26 (97948)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি একোনত্রিংশোঽধ্যায়ঃ॥ 29 ॥
Mahabharata - AshramaVasika Parva - Chapter Footnotes
7-29-8 মুনিগণস্য মুনিগণেন। তা বৈদিক্যো লৌকিক্যশ্চ॥ 7-29-9 মৃগয়ূথাদিভিরলঙ্কৃতমাশ্রমম্॥ 7-29-12 ঔদুম্বরান্ কলশান্॥ 7-29-13 প্রবেণীঃ কুথাঃ॥আশ্রমবাসিকপর্ব - অধ্যায় 030
॥ শ্রীঃ ॥
16.30. অধ্যায়ঃ 030
Mahabharata - AshramaVasika Parva - Chapter Topics
ব্যাসন ধৃতরাষ্ট্রংপ্রতি কুশলাদিপ্রশ্নপূর্বকং বিদুরস্য নিজস্বরূপাদিপ্রতিপাদনম্॥ 1 ॥ তথা ইতরমহর্ষিদুষ্করতদভীষ্টাশ্চর্যকর্মকরণপ্রতিজ্ঞানম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
ততঃ সমুপবিষ্টেষু পাণ্ডবেষু মহাত্মসু।
ব্যাসঃ সত্যবতীপুত্রঃ প্রোবাচামন্ত্র্য পার্থিবম্॥ 16-30-1 (97949)
ধৃতরাষ্ট্র মহাবাহো কচ্চিত্তে বর্ততে তপঃ।
কচ্চিন্মনস্তে প্রীণাতি বনবাসে নরাধিপ॥ 16-30-2 (97950)
কচ্চিদ্ধৃদি ন তে শোকো রাজন্পুত্রবিনাশজঃ।
কচ্চিজ্জ্ঞানানি সর্বাণি সুপ্রসন্নানি তেঽনঘ॥ 16-30-3 (97951)
কচ্চিদ্বুদ্ধিং দৃঢাং কৃৎবা চরস্যারণ্যকং বিধিম্।
কচ্চিদ্বধূশ্চ গান্ধারী ন শোকেনাভিভূয়তে॥ 16-30-4 (97952)
মহাপ্রজ্ঞা বুদ্ধিমতী দেবী ধর্মার্থদর্শিনী।
আগমাপায়তত্ৎবজ্ঞা কচ্চিদেষা ন শোচতি॥ 16-30-5 (97953)
কচ্চিৎকুন্তী চ রাজংস্ৎবাং শুশ্রূষত্যনহঙ্কৃতা।
যা পরিত্যজ্য স্বং পুত্রং গুরুশুশ্রূষণে রতা॥ 16-30-6 (97954)
কচ্চিদ্ধর্মসুতো রাজা ৎবয়া প্রত্যভিনন্দিতঃ।
ভীমার্জুনয়মাশ্চৈব কচ্চিদেতেঽপি সান্তিতাঃ॥ 16-30-7 (97955)
কচ্চিন্নন্দসি দৃষ্ট্রৈতান্কচ্চিতে নির্মলং মনঃ।
কচ্চিচ্চ শুদ্ধভাবোসি জাতজ্ঞানো নরাধিপ॥ 16-30-8 (97956)
এতদ্ধি ত্রিতয়ং শ্রেষ্ঠং সর্বভূতেষু ভারত।
নির্বৈরতা মহারাজ সত্যমক্রোধ এব চ॥ 16-30-9 (97957)
কচ্চিত্তে ন চ মোহোস্তি বনবাসেন ভারত।
স্বদত্তে বন্যমন্নং বা উপবাসোপি বা ভবেৎ॥ 16-30-10 (97958)
বিদিতং চাপি রাজেন্দ্র বিদুরস্য মহাত্মনঃ।
গমনং বিধিনাঽনেন ধর্মস্য সুমহাত্মনঃ॥ 16-30-11 (97959)
মাণ্ডব্যশাপাদ্ধি স বৈ ধর্মো বিদুরতাং গতঃ।
মহাবুদ্ধির্মহায়োগী মহাত্মা সুমহামনাঃ॥ 16-30-12 (97960)
বৃহস্পতির্বা দেবেষু শুক্রো বাঽপ্যসুরেষু চ।
ন তথা বুদ্ধিসম্পন্নো যথা স পুরুষর্ষভঃ॥ 16-30-13 (97961)
তপোবলব্যযং কৃৎবা সুচিরাৎসম্ভৃতং তদা।
মাণ্ডব্যেনর্ষিণা ধর্মো হ্যভিভূতঃ সনাতনঃ॥ 16-30-14 (97962)
নিয়োগাদ্ব্রহ্মণঃ পূর্বং ময়া স্বেন বলেন চ।
বৈচিত্রবীর্যকে ক্ষেত্রে জাতঃ স সুমহামতিঃ॥ 16-30-15 (97963)
ভ্রাতা তব মহারাজ দেবদেবঃ সনাতনঃ।
ধারণান্মনসা ধ্যানাদ্য ধর্ম কবয়ো বিদুঃ॥ 16-30-16 (97964)
সত্যেন সংবর্ধয়তি যো দমেন শমেন চ।
অহিংসয়া চ দানেন তপসা চ সনাতনঃ॥ 16-30-17 (97965)
যেন যোগবলাজ্জাতঃ কুরুরাজো যুধিষ্ঠিরঃ।
ধর্ম ইত্যেষ নৃপতে প্রাজ্ঞেনামিতবুদ্ধিনা॥ 16-30-18 (97966)
যথা বহ্নির্যথা বায়ুর্যথাঽঽপঃ পৃথিবী যথা।
যথাঽঽকাশং তথা ধর্ম ইহ চামুত্র চ স্থিতঃ॥ 16-30-19 (97967)
সর্বগশ্চৈব রাজেন্দ্র সর্বং ব্যাপ্য চরাচরম্।
দৃশ্যতে দেবদেবৈঃ স সিদ্ধৈর্নির্মুক্তকল্মষৈঃ॥ 16-30-20 (97968)
যো হি ধর্মঃ স বিদুরো বিদুরো যঃ স পাণ্ডবঃ।
স এষ রাজন্দৃশ্যস্তে মাণ্ডবঃ প্রেষ্যবৎস্থিতঃ॥ 16-30-21 (97969)
প্রবিষ্টঃ স মহাত্মানং ভ্রাতা তে বুদ্ধিসম্মতঃ।
দৃষ্ট্বা মহাত্মা কৌন্তেয়ং মহায়োগবলান্বিতঃ॥ 16-30-22 (97970)
ৎবাং চাপি শ্রেয়সা যোক্ষ্যে নচিরাদ্ভরতর্ষভ।
সংশয়চ্ছেদনার্থায় প্রাপ্তং মাং বিদ্ধি পুত্রক॥ 16-30-23 (97971)
ন কৃতং যৈঃ পুরা কৈশ্চিৎকর্ম লোকে মহর্ষিভিঃ।
আশ্চর্যভূতং তপসঃ ফলং তদ্দর্শয়ামি বঃ॥ 16-30-24 (97972)
কিমিচ্ছসি মহীপাল মত্তঃ প্রাপ্তুমভীপ্সিতম্।
দ্রষ্ট্রুং স্প্রষ্টুমথ শ্রোতুং তৎকর্তাস্মি তবানঘ॥ ॥ 16-30-25 (97973)
ইতি শ্রীমন্মহাভারতে আশ্রমবাসিকপর্বণি আশ্রমবাসপর্বণি ত্রিংশোঽধ্যায়ঃ॥ 30 ॥
Mahabharata - AshramaVasika Parva - Chapter Footnotes
7-30-6 যা পরিত্যব্য রাজ্যং স্বমিতি ক.থ.পাঠঃ॥আশ্রমবাসিকপর্ব - অধ্যায় 031
॥ শ্রীঃ ॥
16.31. অধ্যায়ঃ 031
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
ধৃতরাষ্ট্রাশ্রমে ভ্রাত্রাদিভিঃ সৈন্যেন চ সহ মাসমেকং নিবসতি যুধিষ্ঠিরে কদাচন ব্যাসধৃতরাষ্ট্রৌ পরিবার্য নারাদাদিভির্গান্ধার্যাদিভিঃ পাণ্ডবৈশ্চ সমুপবেশনম্॥ 1 ॥ তত্র গান্ধার্যা ব্যাসম্প্রতি ধৃতরাষ্ট্রস্য পুত্রদিদৃক্ষানিবেদনে ব্যাসেন কুন্তীংপ্রতি তদভীষ্টনিবেদনচোদনা॥ 2 ॥Mahabharata - AshramaVasika Parva - Chapter Text
জনমেজয় উবাচ।
বনবাসং গতে বিপ্র ধৃতরাষ্ট্রে মহীপতৌ।
সভার্যে নৃপশার্দূলে বধ্বা কুন্ত্যা সমন্বিতে॥ 16-31-1 (97974)
বিদুরে চাপি ধর্মজ্ঞে ধর্মরাজং ব্যপশ্রিতে।
বসৎসু পাণ্ডুপুত্রেষু সর্বেষ্বাশ্রমমণ্ডলে॥ 16-31-2 (97975)
যত্তদাশ্চর্যমিতি বৈ করিষ্যামীত্যুবাচ হ।
ব্যাসঃ পরমতেজস্বী মহর্ষিস্তদ্বদস্ব মে॥ 16-31-3 (97976)
বনবাসে চ কৌরব্যাঃ কিয়ন্তং কালমচ্যুতঃ।
যুধিষ্ঠিরো নরপতির্ন্যবসৎসজনস্তদা॥ 16-31-4 (97977)
কিমাহারাশ্চ তে তত্র সসৈন্যা ন্যবসন্প্রভো।
সান্তঃপুরা মহাত্মান এতদিচ্ছামি বেদিতুম্॥ 16-31-5 (97978)
বৈশম্পায়ন উবাচ। 16-31-6x (8058)
`বনবাসগতং রাজন্ধৃতরাষ্ট্রং মহীপতিম্।
যুধিষ্ঠিরোঽভ্যযাদ্দ্রষ্টুং সসৈন্যো ভ্রাতৃভিঃ সহ॥ 16-31-6 (97979)
প্রথমে দিবসে চৈষামাপো মূলং ফলং তথা।
ভোজনং ভূমিশয়্যা চ তত্রাসীদ্ভরতর্ষভ॥ 16-31-7 (97980)
তেঽনুজ্ঞাতাস্তদা রাজন্কুরুরাজেন পাণ্ডবাঃ।
বিবিধান্যন্নপানানি শয়্যাশ্চৈবাভজন্বনে॥ 16-31-8 (97981)
মাসমেকং বিজহ্রুস্তে সসৈন্যান্তঃপুরো বনে।
অথ তত্রাগমদ্ব্যাসো যথোক্তং তে ময়াঽনঘ॥ 16-31-9 (97982)
তথা চ তেষাং সর্বেষাং কথাভির্নৃপসন্নিধৌ।
ব্যাসন্বাস্য তং রাজন্নাজগ্মুর্মুনয়োঽপরে॥ 16-31-10 (97983)
নারদঃ পর্বতশ্চৈব দেবলশ্চ মহাতপাঃ।
বিশ্বাবসুস্তুংবুরুশ্চ চিত্রসেনশ্চ ভারত॥ 16-31-11 (97984)
তেষামপি যথান্যায়ং পূজাং চক্রে মহাতপাঃ।
ধৃতরাষ্ট্রাভ্যনুজ্ঞাতঃ কুররাজো যুধিষ্ঠিরঃ॥ 16-31-12 (97985)
নিষেদুস্তে ততঃ সর্বে পূজাং প্রাপ্য যুধিষ্ঠিরাৎ।
আসনেষু চ পুণ্যেষু বর্হিণেষু বরেষউ চ॥ 16-31-13 (97986)
তেষু তত্রোপবিষ্টেষু স তু রাজা মহামতিঃ।
পাণ্ডুপুত্রৈঃ পরিবৃতো নিষসাদ কুরূদ্বহ॥ 16-31-14 (97987)
গান্ধারী চৈব কুন্তী চ দ্রৌপদী সাৎবতী তথা।
স্ত্রিয়শ্চান্যাস্তথাঽন্যাভিঃ সহোপবিবিশুস্ততঃ॥ 16-31-15 (97988)
তেষাং তত্র কথা দিব্যা ধর্মিষ্ঠাশ্চাভবন্নৃপ।
রাজর্ষীণাং পুরাণানাং দেবাসুরবিভিশ্রিতাঃ॥ 16-31-16 (97989)
ততঃ কথান্তে ব্যাসস্তং প্রজ্ঞাচক্ষুষমীশ্বরম্।
প্রোবাচ বদতাংশ্রেষ্ঠঃ পুনরেব স তদ্বচঃ॥ 16-31-17 (97990)
প্রীয়মাণো মহাতেজাঃ সর্ববেদবিদাংবরঃ।
বিদিতং মম রাজেন্দ্র যত্তে হৃদি বিবক্ষিতম্॥ 16-31-18 (97991)
দহ্যমানস্য শোকেন তব পুত্রকৃতেন বৈ।
গান্ধার্যাশ্চৈব যদ্দুঃখং হৃদি তিষ্টতি নিত্যদা॥ 16-31-19 (97992)
কুন্ত্যাশ্চ যন্মহারাজ দ্রৌপদ্যাশ্চ হৃদি স্থিতম্।
যচ্চ ধারয়তে তীব্রং দুঃখং পুত্রবিনাশজম্।
সুভদ্রা কৃষ্ণভগিনী তচ্চাপি বিদিতং মম॥ 16-31-20 (97993)
শ্রুৎবা সমাগমমিমং সর্বেষাং বস্ততো নৃপ।
সংশয়চ্ছেদনার্থায় প্রাপ্তঃ কৌরবনন্দন॥ 16-31-21 (97994)
ইমে চ দেবগন্ধর্বাঃ সর্বে চেমে মহর্ষয়ঃ।
পশ্যন্তু তপসো বীর্যমদ্য মে চিরসম্ভৃতম্॥ 16-31-22 (97995)
তদুচ্যতাং মহাপ্রাজ্ঞ কং কামং প্রদদামি তে।
প্রবণোস্মি বরং দাতুং পশ্য মে তপসো বলম্॥ 16-31-23 (97996)
এবমুক্তঃ স রাজেন্দ্রো ব্যাসেনামিতবুদ্ধিনা।
মুহূর্তমিব সংচিন্ত্য বচনায়োপচক্রমে॥ 16-31-24 (97997)
ধন্যোস্ম্যনুগৃহীতশ্চ সফলং জীবিতং চ মে।
যন্মে সমাগমোঽদ্যেহ ভবদ্ভিঃ সহ সাধুভিঃ॥ 16-31-25 (97998)
অদ্য চাপ্যবগচ্ছামি গতিমিষ্টামিহাত্মনঃ।
ব্রহ্মকল্পৈর্ভবদ্ভির্যৎসমেতোঽহং তপোধনাঃ॥ 16-31-26 (97999)
দর্শনাদেব ভবতাং পূতোঽহং নাত্র সংশয়ঃ।
বিদ্যতে ন ভয়ং চাপি পরলোকে মমানঘাঃ॥ 16-31-27 (98000)
কিংতু তস্য সুদুর্বুদ্ধের্মন্দস্যাপনয়ৈর্ভৃশম্।
দূয়তে মে মনো নিত্যং স্মরতঃ পুত্রগৃদ্ধিনঃ॥ 16-31-28 (98001)
অপাপাঃ পাণ্ডবা যেন নিকৃতাঃ পাপবুদ্ধিনা।
ঘাতিতা পৃথিবী যেন সহয়া সনরদ্বিপা॥ 16-31-29 (98002)
রাজানশ্চ মহাত্মানো নানাজনপদেশ্বরাঃ।
আগম্য মম পুত্রার্থে সর্বে মৃত্যুবশং গতাঃ॥ 16-31-30 (98003)
যে তে পিতৄশ্চং দারাংশ্চ প্রাণাংশ্চ মনসঃ প্রিয়ান্।
পরিত্যজ্য গতাঃ শূরাঃ প্রেতরাজনিবেশনম্॥ 16-31-31 (98004)
কা নু তেষাং গতির্ব্রহ্মন্মিত্রার্থে যে হতা মৃধে।
তথৈব পুত্রপৌত্রাণাং মম যে নিহতা যুধি॥ 16-31-32 (98005)
দূয়তে মে মনোঽভীক্ষ্ণং ঘাতয়িৎবা মহাবলম্।
ভীষ্মং শান্তনবং বৃদ্ধং দ্রোণং চ দ্বিজসত্তমম্॥ 16-31-33 (98006)
মম পুত্রেণ মূঢেন পাপেনাকৃতবুদ্ধিনা।
ক্ষয়ং নীতং কুলং দীপ্তং পৃথিবীরাজ্যমিচ্ছতা॥ 16-31-34 (98007)
`এতে মদর্থে পুত্রাংশ্চ দারাংশ্চ মনসঃ প্রিয়ান্।
ভোগাংশ্চ বিবিধাংস্তাত ইষ্টাপুর্তাংস্তথৈব চ।
পরিত্যজ্য গতাঃ শূরাঃ প্রেতরাজনিবেশনম্॥' 16-31-35 (98008)
এতৎসর্বমনুস্মৃত্য দহ্যমানো দিবানিশম্।
ন শান্তিমধিগচ্ছামি দুঃখশোকসমাহতঃ॥ 16-31-36 (98009)
ইতি মে চিন্তয়ানস্য পিতঃ শান্তির্ন বিদ্যতে॥ 16-31-37 (98010)
বৈশম্পায়ন উবাচ। 16-31-38x (8059)
তচ্ছ্রুৎবা বিবিধং তস্য রাজর্ষেঃ পরিদেবিতম্।
পুনর্নবীকৃতঃ শোকো গান্ধার্যা জনমেজয়॥ 16-31-38 (98011)
কুন্ত্যা দ্রুপদপুত্র্যাশ্চ সুভদ্রায়াস্তথৈব চ।
তাসাং চ বরনারীণাং বধূনাং কৌরবস্য হ॥ 16-31-39 (98012)
পুত্রশোকসমাবিষ্টা গান্ধারী ৎবিদমব্রবীৎ।
শ্বশুরং বদ্ধনয়না দেবী প্রাঞ্জলিরুত্থিতা॥ 16-31-40 (98013)
`লোকান্তরগতান্পুত্রানয়ং কাঙ্ক্ষতি মানদ।
তচ্চাস্য মাসং জ্ঞাতং ভগবংস্তপসা ৎবয়া॥' 16-31-41 (98014)
ষোডশেমানি বর্ষাণি গতানি মুনিপুঙ্গব।
অস্য রাজ্ঞোহতান্পুত্রাঞ্শোচতো ন শমো বিভো॥ 16-31-42 (98015)
পুত্রশোকসমাবিষ্টো নিঃশ্বসন্হ্যেষ ভূমিপঃ।
ন শেতে বসতীঃ সর্বা ধৃতরাষ্ট্রো মহামুনে॥ 16-31-43 (98016)
লোকানন্যান্সমর্থোসি স্রষ্টুং সর্বাংস্তপোবলাৎ।
কিমু লোকান্তরগতান্রাজ্ঞো দর্শয়িতুং সুতান্॥ 16-31-44 (98017)
ইয়ং চ দ্রৌপদী কৃষ্ণা হতজ্ঞাতিসুতা ভৃশম্।
শোচত্যতীব সর্বাসাং স্নুষাণাং দয়িতা স্নুষা॥ 16-31-45 (98018)
তথা কৃষ্ণস্য ভগিনী সুভদ্রা ভদ্রভাষিণী।
সৌভদ্রকবধসংতপ্তা ভৃশং শোচতি ভামিনী॥ 16-31-46 (98019)
ইয়ং চ ভূরিশ্রবসো ভার্যা পরমসম্মতা।
ভর্তৃব্যসনশোকার্তা ভৃশং শোচতি ভামিনী॥ 16-31-47 (98020)
যস্যাস্তু শ্বশুরো ধীমান্বাহ্লিকঃ স কুরূদ্বহঃ।
নিহতঃ সোমদত্তশ্চ পিত্রা সহ মহারণে॥ 16-31-48 (98021)
শ্রীমতোস্য মহাবুদ্ধেঃ সঙ্গ্রামেষ্বপলায়িনঃ।
পুত্রস্য তে পুত্রশতং নিহতং যদ্রণাজিরে॥ 16-31-49 (98022)
তস্য ভার্যাশতমিদং দুঃখশোকসমাহতম্।
পুনঃপুনর্বর্ধয়ানং শোকং রোজ্ঞো মমৈব চ।
হতাহারেণ মহতা মামুপাস্তে মহামুনে॥ 16-31-50 (98023)
যে চ শূরা মহাত্মানঃ শ্বশুরা মে মহারথাঃ।
সোমদত্তপ্রভৃতয়ঃ কা নু তেষাং গতিঃ প্রভো॥ 16-31-51 (98024)
তব প্রসাদাদ্ভগবন্বিশোকোঽয়ং মহীপতিঃ।
কুর্যাৎকালমহং চেয়ং বধূস্তব মহামুনে॥ 16-31-52 (98025)
ইত্যুক্তবত্যাং গান্ধার্যাং কুন্তী ব্রতকৃশাননা।
প্রচ্চন্নজাতং পুত্রং তু সস্মারাদিত্যসন্নিভম্॥ 16-31-53 (98026)
তামৃষির্বরদো ব্যাসো দূরশ্রবণদর্শনঃ।
অপশ্যদ্দুঃখিতাং দেবীং মাতরং সব্যসাচিনঃ॥ 16-31-54 (98027)
তামুবাচ ততো ব্যাসো যত্তে কার্যং বিবক্ষিতম্।
তদ্বূহি ৎবং মহাভাগে যত্তে মনসি বর্ততে॥ 16-31-55 (98028)
শ্বশুরায় তত কুন্তী প্রণম্য শিরসা তদা।
উবাচ বাক্যং সব্রীডা বিবৃণ্বানা পুরাতনম্॥ ॥ 16-31-56 (98029)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি একত্রিংশোঽধ্যায়ঃ॥ 31 ॥
Mahabharata - AshramaVasika Parva - Chapter Footnotes
7-31-13 বর্হিণেষু পক্ষিবর্হজতূলিকাময়েষু॥ 7-31-50 মামুপাস্তে ভার্যাশতং রোদনং কুর্বৎ মামেব পরিবার্য তিষ্ঠতীত্যর্থঃআশ্রমবাসিকপর্ব - অধ্যায় 032
॥ শ্রীঃ ॥
16.32. অধ্যায়ঃ 032
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
কুন্ত্যা ব্যাসংপ্রতি স্বস্মিন্দুর্বাসঃপ্রসাদেন সূর্যাৎকর্ণস্যোৎপত্তিকথনপূর্বকং স্বস্য তদ্দিদৃক্ষানিবেদনম্॥ 1 ॥ ব্যাসেন কুন্তীংপ্রতি হেতূপন্যাসেন তৎপ্রয়ুক্তদোষশঙ্কানিরসনম্॥ 2 ॥Mahabharata - AshramaVasika Parva - Chapter Text
কুন্ত্যুবাচ।
ভগবঞ্শ্বশুরো মেঽসি দৈবতস্যাপি দৈবতম্।
স মে দেবাতিদেবস্ৎবং শৃণু সত্যাং গিরং মম॥ 16-32-1 (98030)
তপস্বী কোপনো বিপ্রো দুর্বাসা নাম মে পিতুঃ।
ভিক্ষামুপাগতো ভোক্তুং তমহং পর্যতোষয়ম্॥ 16-32-2 (98031)
শৌচনে ৎবাগসস্ত্যাগৈঃ শুদ্ধেন মনসা তথা।
কোপস্থানেষ্বপি মহৎস্বকুপ্যন্ন কদাচন॥ 16-32-3 (98032)
স প্রীতো বরদো মেঽভূৎকৃতকৃত্যো মহামুনিঃ।
অবশ্যং তে গ্রহীতব্যমিতি মাং সোব্রবীদ্বচঃ॥ 16-32-4 (98033)
ততঃ শাপভয়াদ্বিপ্রমবোচং পুনরেব তম্।
এবমস্ৎবিতি চ প্রাহ পুনরেব স মে দ্বিজঃ॥ 16-32-5 (98034)
ধর্মস্য জননী ভদ্রে ভবিত্রী ৎবং শুভাননে।
বশে স্থাস্যন্তি তে দেবা যাংস্ৎবমাবাহয়িষ্যসি॥ 16-32-6 (98035)
ইত্যুক্ৎবাঽন্তর্হিতো বিপ্রস্ততোঽহং বিস্মিতাঽভবম্।
ন চ সর্বাস্ববস্থাসু স্মৃতির্মে বিপ্রণশ্যতি॥ 16-32-7 (98036)
অথ হর্ম্যতলস্থাঽহং রবিমুদ্যন্তমীক্ষতী।
সংস্মৃত্য তদৃষের্বাক্যং স্পৃহয়ন্তী দিবাকরম্॥ 16-32-8 (98037)
স্থিতাঽহং বালভাবেন তত্র দোষমবুদ্ধ্যতী।
অথ দেবঃ সহস্রাংশুর্মৎসমীপগতোঽভবৎ॥ 16-32-9 (98038)
দ্বিধা কৃৎবাঽঽত্মনো দেহং ভূমৌ চ গগনেঽপি চ।
ততাপ লোকানেকেন দ্বিতীয়েনাগমৎস মাম্॥ 16-32-10 (98039)
স মামুবাচ বেপন্তীং বরং মত্তো বৃণীষ্ব হ।
গম্যতামিতি তং চাহং প্রণম্য সিরসাঽবদম্॥ 16-32-11 (98040)
স মামুবাচ তিগ্মাংশুর্বৃথাঽঽহ্বানং ন মে ক্ষমম্।
ধক্ষ্যামি ৎবাং চ বিপ্রং চ যেন দত্তো বরস্তব॥ 16-32-12 (98041)
তমহং রক্ষতী বিপ্রং শাপাদনপকারিণম্।
পুত্রো মে ৎবৎসমো দেব ভবেদিতি ততোঽব্রবম্॥ 16-32-13 (98042)
ততো মাং তেজসাঽঽবিশ্য মোহয়িৎবা চ ভানুমান্।
উবাচ ভবিতা পুত্রস্তবেত্যভ্যগমদ্দিবম্॥ 16-32-14 (98043)
ততোঽহমন্তর্ভবনে পিতুশ্চিত্তানুরক্ষিণী।
গূঢোৎপন্নং সুতং বালং জলে কর্ণমবাসৃজম্॥ 16-32-15 (98044)
নূনং তস্যৈব দেবস্য প্রসাদাৎপুনরেব তু।
কন্যাঽহমভবং বিপ্র যথা প্রাহ স মামৃষিঃ॥ 16-32-16 (98045)
স ময়া সূঢয়া পুত্রো জ্ঞায়মানোঽপ্যুপেক্ষিতঃ।
তন্মাং দহতি বিপ্রর্ষে যথা সুবিদিতং তব॥ 16-32-17 (98046)
যদি পাপমপাপং বা যদেতদ্বিবৃতং ময়া।
তং দ্রষ্টুমিচ্ছামি ভগবন্ব্যপনেতুং ৎবমর্হসি॥ 16-32-18 (98047)
যচ্চাস্য রাজ্ঞো বিদিতং হৃদিস্থং ভবতোঽনঘ।
তং চায়ং লভতাং কামমদ্যৈব মুনিসত্তম॥ 16-32-19 (98048)
ইত্যুক্তঃ প্রত্যুবাচেদং ব্যাসো বেদবিদাংবরঃ।
সাধু সর্বমিদং ভাব্যমেবমেতদ্যথাঽঽত্থ মাম্॥ 16-32-20 (98049)
অপরাধশ্চ তে নাস্তি কন্যাভাবং গতা হ্যসি।
দেবাশ্চৈশ্বর্যবন্তো বৈ শরীরাণ্যাবিশন্তি বৈ॥ 16-32-21 (98050)
সন্তি দেবনিকায়াশ্চ সংকল্পাজ্জনয়ন্তি যে।
বাচা দৃষ্ট্যা তথা স্পর্শাৎসংঘর্ষেণেতি পঞ্চধা॥ 16-32-22 (98051)
মনুষ্যধর্মো দৈবেন ধর্মেণ হি ন দুষ্যতি।
ইতি কুন্তি বিজানীহি ব্যেতু তে মানসো জ্বরঃ॥ 16-32-23 (98052)
সর্বং বলবতাং পথ্যং সর্বং বলবতাং শুচি।
সর্বং বলবতাং ধর্মঃ সর্বং বলবতাং স্বকম্॥ ॥ 16-32-24 (98053)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি দ্বাত্রিংশোঽধ্যায়ঃ॥ 32 ॥
Mahabharata - AshramaVasika Parva - Chapter Footnotes
7-32-3 আগসস্ত্যাগৈরপরাধত্যাগৈঃ॥ 7-32-22 সঘর্ষেণ রত্যা॥আশ্রমবাসিকপর্ব - অধ্যায় 033
॥ শ্রীঃ ॥
16.33. অধ্যায়ঃ 033
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
ব্যাসেন গান্ধারীংপ্রতি সমরহতানাং দুর্যোধনাদীনাং সর্বেষাং রাত্রৌ প্রদর্শনপ্রতিজ্ঞানপূর্বকং ধৃতরাষ্ট্রাদীনাং বিশিষ্য গন্ধর্বাদ্যংশৎবকথনম্॥ 1 ॥ ধৃতরাষ্ট্রাদিভির্ব্যাসবচনাদ্গঙ্গাতীরমেত্য বন্ধুদর্শনৌৎকণ্ঠ্যেন কৃচ্ছ্রাদহর্যাপনম্। 2 ॥Mahabharata - AshramaVasika Parva - Chapter Text
ব্যাস উবাচ।
ভদ্রে দ্রক্ষ্যসি গান্ধারি পুত্রান্ভ্রাতৄন্স্বকান্গণান্।
বধূশ্চ পতিভিঃ সার্ধং নিশি সুপ্তোস্থিতা ইব॥ 16-33-1 (98054)
কর্ণং দ্রক্ষ্যতি কুন্তী চ সৌভদ্রং চাপি যাদবী।
দ্রৌপদী পঞ্চপুত্রাংশ্চ পিতৄন্ভ্রাতৄংস্তথৈব চ॥ 16-33-2 (98055)
পূর্বমেবৈষ হৃদয়ে ব্যবসায়োঽভকবন্মম।
যদাঽস্মি চোদিতো রাজ্ঞা ভবত্যা পৃথয়ৈব চ॥ 16-33-3 (98056)
ন তে শোচ্যা মহাত্মানঃ সর্ব এব নরর্ষভাঃ।
ক্ষত্রধর্মপরাঃ সন্তস্তথা হি নিধনং গতাঃ॥ 16-33-4 (98057)
ভবিতব্যমবশ্যং তৎসুরকার্যমনিন্দিতে।
অবতেরুস্ততঃ সর্বে দেবা ভাগৈর্মহীতলম্॥ 16-33-5 (98058)
গন্ধর্বাপ্সরসশ্চৈব পিশাচা গুহ্যরাক্ষসাঃ।
তথা পুণ্যজনাশ্চৈব সিদ্ধা দেবর্ষয়োপি চ॥ 16-33-6 (98059)
দেবাশ্চ দানবাশ্চৈব তথা দেবর্ষয়োঽমলাঃ।
তে এতে নিধনং প্রাপ্তাঃ কুরুক্ষেত্রে রণাজিরে॥ 16-33-7 (98060)
গন্ধর্বরাজো যো ধীমান্ধৃতরাষ্ট্র ইতি শ্রুতঃ।
স এব মানুষে লোকে ধৃতরাষ্ট্রঃ পতিস্তব॥ 16-33-8 (98061)
পাণ্ডুং মরুদ্গণাদ্বিদ্ধি বিশিষ্টতমমচ্যুতম্।
ধর্মস্যাংশোঽভবৎক্ষত্তা রাজা চৈব যুধিষ্ঠিরঃ॥ 16-33-9 (98062)
কলিং দুর্যোধনং বিদ্ধি শকুনিং দ্বাপরং নৃপম্।
দুঃশাসনাদীন্বিদ্ধি ৎবং রাক্ষসান্শুভদর্শনে॥ 16-33-10 (98063)
মরুদ্গণাদ্ভীমসেনং বলবন্তমরিংদমম্।
বিদ্ধিং ৎবং তু নরমৃষিমিমং পার্থং ধনংজয়ম্।
নারায়ণং হৃষীকেশমশ্বিনৌ যমজৌ তথা॥ 16-33-11 (98064)
দ্বিধা কৃৎবাঽঽত্মনো দেহমাদিত্যং তপতাং বরম্।
লোকাংশ্চ তাপয়ানং বৈ কর্ণং বিদ্ধি পৃথাসুতম্॥ 16-33-12 (98065)
যঃ স বৈরার্থমুদ্ভূতঃ সংঘর্ষজননস্কতথা।
তং কর্ণং বিদ্ধি কল্যাণি ভাস্করং শুভদর্শনে॥ 16-33-13 (98066)
যশ্চ পাণ্ডবদায়াদো হতঃ ষঙ্মির্মহারথৈঃ।
স সোম ইহ সৌভদ্রো যোগাদেবাভবদ্দ্বিধা॥ 16-33-14 (98067)
দ্রৌপদ্যা সহ সংভূতং ধৃষ্টদ্যুম্নং চ পাবকাৎ।
অগ্রের্ভাগং শুভং বিদ্ধি রাক্ষসং তু শিখণ্ডিনম্॥ 16-33-15 (98068)
দ্রোণং বৃহস্পতের্ভাগং বিদ্ধি দ্রৌণিং চ রুদ্রজম্।
গাঙ্গেয়ো বসুবীর্যেণ দেবো মানুষতাং গতঃ॥ 16-33-16 (98069)
এবমেতে মহাপ্রজ্ঞে দেবা মানুষ্যমেত্য হি।
ততঃ পুনর্গতাঃ স্বর্গং কৃতে কর্মণি শোভনে॥ 16-33-17 (98070)
যচ্চ বৈ হৃদি সর্বেষাং দুঃখমেতচ্চিরং স্থিতম্।
তদদ্য ব্যপনেষ্যামি পরলোককৃতাদ্ভয়াৎ॥ 16-33-18 (98071)
সর্বে ভবন্তো গচ্ছন্তু নদীং ভাগীরথীং প্রতি।
তত্র দ্রক্ষ্যথ তান্সর্বান্যে হতাস্তত্র সংয়ুগে॥ 16-33-19 (98072)
বৈশম্পায়ন উবাচ। 16-33-20x (8060)
ইতি ব্যাসস্য বচনং শ্রুৎবা সর্বা জনস্তদা।
মহতা সিংহনাদেন গঙ্গামভিমুখো যয়ৌ॥ 16-33-20 (98073)
ধৃতরাষ্ট্রশ্চ সামাত্যঃ প্রয়যৌ সহ পাণ্ডবৈঃ।
সহিতো মুনিশার্দূলৈর্গন্ধর্বৈশ্চ সমাগতৈঃ॥ 16-33-21 (98074)
ততো গঙ্গাং সমাসাদ্য ক্রমেণ স জনার্ণবঃ।
নিবাসমকরোৎসর্বো যথাপ্রীতি যথাসুখম্॥ 16-33-22 (98075)
রাজা চ পাণ্ডবৈঃ সার্ধমিষ্টে দেশে সহানুগঃ।
নিবাসমকরোদ্ধীমান্সস্ত্রীবৃদ্ধপুরঃসরঃ॥ 16-33-23 (98076)
জগাম তদহস্চাপি তেষাং বর্ষশতং যথা।
নিশাং প্রতীক্ষমাণানাং দিদৃক্ষূণাং মৃতান্নৃপান্॥ 16-33-24 (98077)
অথ পুণ্যং গিরিবরমস্তমভ্যগমদ্রবিঃ।
ততঃ কৃতাভিষেকাস্তে নৈশং কর্ম সমাচরন্॥ ॥ 16-33-25 (98078)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি ত্রয়স্ত্রিংশোঽধ্যায়ঃ॥ 33 ॥
আশ্রমবাসিকপর্ব - অধ্যায় 034
॥ শ্রীঃ ॥
16.34. অধ্যায়ঃ 034
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
ব্যাসেন নিশায়াং গঙ্গাজলাবগাহনেন সমাহ্নানে পুরা সমরনিহতৈঃ কুরুপাণ্ডবোভয়পক্ষীয়ৈঃ সর্বৈঃ স্বস্বাভরণায়ুধবাহনাদিভিঃ সহ সলিলাদুদ্গম্য তীরোত্তরণম্॥ 1 ॥ ধৃতরাষ্ট্রেণ ব্যাসপ্রসাদলব্ধদিব্যচক্ষুষা দুর্যোধনাদীনাং সর্বেষামবলোকনম্॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
ততো নিশায়াং প্রাপ্তায়াং কৃতসায়াহ্নিকক্রিয়াঃ।
ব্যাসমভ্যগমন্সর্বে যে তত্রাসন্সমাগতাঃ॥ 16-34-1 (98079)
ধৃতরাষ্ট্রস্তু ধর্মাত্মা পাণ্ডবৈঃ সহিতস্তদা।
শুচিরেকমনাঃ সার্ধমৃষিভিস্তৈরুপাবিশৎ॥ 16-34-2 (98080)
গান্ধার্যা সহ নার্যস্তু সহিতাঃ সমুপাবিশন্।
পৌরজানপদশ্চাপি জনঃ সর্বো যথা বয়ঃ॥ 16-34-3 (98081)
ততো ব্যাসো মহাতেজাঃ পুণ্যং ভাগীরথীজলম্।
অবতীর্যাজুহাবাথ সঁর্বাল্লোকান্মহামুনিঃ॥ 16-34-4 (98082)
পাণ্ডবানাং চ যে যোধাঃ কৌরবাণাং চ সর্বশঃ।
রাজানশ্চ মহাভাগা নানাদেশনিবাসিনঃ।
`প্রতীক্ষ্য তস্থুস্তে সর্বে তেষামাগমনং প্রতি॥' 16-34-5 (98083)
ততঃ সুতুমুলঃ শব্দো জলান্তে জনমেজয়।
প্রাদুরাসীদ্যথায়োগং কুরুপাণ্ডবসেনয়োঃ॥ 16-34-6 (98084)
ততস্তে পার্থিবাঃ সর্বে ভীষ্মদ্রোণপুরোগমাঃ।
সসৈন্যাঃ সলিলাত্তস্মাৎসমুত্তস্থুঃ সহস্রশঃ॥ 16-34-7 (98085)
বিরাটদ্রুপদৌ চৈব সহপুত্রৌ সসৈনিকৌ।
দ্রৌপদেয়াশ্চ সৌভদ্রো রাক্ষসশ্চ ঘটোৎকচঃ॥ 16-34-8 (98086)
কর্ণদুর্যোধনৌ চৈব শকুনিশ্চ মহারথঃ।
দুঃশাসনাদয়শ্চৈব ধার্তরাষ্ট্রা মহাবলাঃ॥ 16-34-9 (98087)
জারাসন্ধির্ভগদত্তো জলসন্ধশ্চ বীর্যবান্।
ভূরিশ্রবাঃ শলঃ শল্যো বৃষসেনশ্চ সানুজঃ॥ 16-34-10 (98088)
লক্ষ্মণো রাজপুত্রশ্চ ধৃষ্টদ্যুম্নস্সহাত্মজঃ।
শিখণ্ডিপুত্রাঃ সর্বে চ ধৃষ্টকেতুশ্চ সানুজ॥ 16-34-11 (98089)
অচলো বৃষকশ্চৈব রাক্ষসশ্চাপ্যলায়ুধঃ।
বাহ্লিকঃ সোমদত্তশ্চ চেকিতানশ্চ পার্থিবঃ॥ 16-34-12 (98090)
এতে চান্যে চ বহবো বহুৎবাদ্যে ন কীর্তিতাঃ।
সর্বে ভাসুরদেহাস্তে সমুত্তস্থুর্জলাত্ততঃ॥ 16-34-13 (98091)
যস্য্ বীরস্য যো বেষো যো ধ্বজো যচ্চ বাহনম্।
যদ্বর্ম যৎপ্রহরণং তেন তেন স দৃশ্যতে॥ 16-34-14 (98092)
দিব্যাংবরধরাঃ সর্বে সর্বে ভ্রাজিষ্ণুকুণ্ডলাঃ।
নির্বৈরা নিরহঙ্কারা বিগতক্রোধমৎসরাঃ॥ 16-34-15 (98093)
গন্ধর্বৈরুপগীয়ন্তঃ স্তূয়মানাশ্চ বন্দিভিঃ।
দিব্যমাল্যস্রজোপেতাস্তথা দিব্যাপ্সরোবৃতাঃ॥ 16-34-16 (98094)
ধৃতরাষ্ট্রস্য চ তদা দিব্যং চক্ষুর্নরাধিপ।
মুনিঃ সত্যবতীপুত্রঃ প্রীতঃ প্রাদাত্তপোবলাৎ॥ 16-34-17 (98095)
দিব্যজ্ঞানবলোপেতা গান্ধারী চ যশস্বিনী।
দদর্শ পুত্রাংস্তান্সর্বান্যে চান্যেঽপি মৃঘে হতাঃ॥ 16-34-18 (98096)
তদদ্ভুতমচিন্ত্যং চ সুমহদ্রোমহর্ষমম্।
বিস্মিতঃ স জনঃ সর্বো দদর্শানিমিষেক্ষণঃ॥ 16-34-19 (98097)
তদুৎসবমহোদগ্রং হৃষ্টনারীনরাকুলম্।
আশ্চর্যভূতং দদৃশে চিত্রং পটগতং যথা॥ 16-34-20 (98098)
ধৃতরাষ্ট্রস্তু তান্সর্বান্পশ্যন্দিব্যেন চক্ষুষা।
মুমুদে ভরতশ্রেষ্ঠ প্রসাদাত্তস্য বৈ মুনেঃ॥ ॥ 16-34-21 (98099)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি চতুস্ত্রিংশোঽধ্যায়ঃ॥ 34 ॥
আশ্রমবাসিকপর্ব - অধ্যায় 035
॥ শ্রীঃ ॥
16.35. অধ্যায়ঃ 035
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
ধৃতরাষ্ট্রধিষ্ঠিরাদিভির্ষ্যাসপ্রসাদোজ্জীবিতৈর্হতপূর্ববন্ধুভিঃ সহ সঁল্লাপাদিনা যাবদ্রাত্রিসুখবিহরণম্॥ 1 ॥Mahabharata - AshramaVasika Parva - Chapter Text
বৈশম্পায়ন উবাচ।
ততস্তে পুরষশ্রেষ্ঠাঃ সমাজগ্মুঃ পরস্পরম্।
বিগতক্রোধমাৎসর্যাঃ সর্বে বিগতকল্মষাঃ॥ 16-35-1 (98100)
বিধিং পরমমাস্থায় ব্রহ্মর্ষিবিহিতং শুভম্।
সংহৃষ্টমনসঃ সর্বে দেবলোক ইবামরাঃ॥ 16-35-2 (98101)
পুত্রঃ পিত্রা চ মাত্রা চ ভার্যাশ্চ পতিভিঃ সহ।
ভ্রাত্রা ভ্রাতা সখা চৈব সখ্যা রাজন্সমাগতাঃ॥ 16-35-3 (98102)
পাণ্ডবাস্তু মহেষ্বাসং কর্ণং সৌভদ্রমেব চ।
সম্প্রহর্ষাৎসমাজগ্মুর্দ্রৌপদেয়াংশ্চক সর্বশঃ॥ 16-35-4 (98103)
ততস্তে প্রীয়মাণা বৈ কর্ণেন সহ পাণ্ডবাঃ।
সমেত্য পৃথিবীপাল সৌহৃদে চ স্থিতাঽভবন্॥ 16-35-5 (98104)
পরস্পরং সমাগম্য যোধাস্তে ভরতর্ষভ।
মুনেঃ প্রসাদাত্তে হ্যেবং ক্ষত্রিয়া নষ্টমন্যবঃ॥ 16-35-6 (98105)
অসৌহৃদং পরিত্যজ্য সৌহৃদে পর্যবস্থিতাঃ।
এবং সমাগতাঃ সর্বে গুরুভির্বান্ধবৈঃ সহ॥ 16-35-7 (98106)
পুত্রৈশ্চ পুরুষব্যাঘ্রাঃ কুরবোঽন্যে চ পার্থিবাঃ।
তাং রাত্রিমকিলামেবং বিহৃত্য প্রীতমানসাঃ॥ 16-35-8 (98107)
মেনিরে পরিতোষেণ নৃপাঃ স্বর্গসদো যথা।
নাত্র শোকো ভয়ং ত্রাসো নারতির্নায়শোঽভবৎ॥ 16-35-9 (98108)
পরস্পরং সমাগম্য যোধানাং ভরতর্ষভ।
সমাগতাস্তাঃ পিতৃভির্ভ্রাতৃভিঃ পতিভিঃ সুতৈঃ।
মুদং পরমিকাং প্রাপ্য নার্যো দুঃখমথাত্যজন্॥ 16-35-10 (98109)
`দেবলোকং গতা যে চ যে চ ব্রহ্মসদো গতাঃ।
যে চাপি বারুণং লোকং যে চ গোলোকমাশ্রিতাঃ॥ 16-35-11 (98110)
তথা বৈবস্বতং লোকং যে চ যক্ষানুপাগতাঃ।
রাক্ষসাংশ্চ পিশাচাংশ্চ কুরূংশ্চাপি তথোত্তরান্॥ 16-35-12 (98111)
বিচিত্রাশ্চ গতীরন্যে যে প্রাপ্তাঃ কর্মভির্নরাঃ।
সর্বে তে তদ্বয়োরূপবেষাস্তত্র সমভ্যযুঃ॥' 16-35-13 (98112)
একাং রাত্রিং বিহৃত্যৈবং তে বীরাস্তাশ্চ যোষিতঃ।
আমন্ত্র্যান্যোন্যমাশ্লিষ্য ততো জগ্মুর্যথাগতং॥ 16-35-14 (98113)
ততো বিসর্জয়ামাস লোকাংস্তান্মুনিপুঙ্গবঃ।
ক্ষণেনান্তর্হিতাশ্চৈব প্রেক্ষতামেব তেঽভবন্॥ 16-35-15 (98114)
অবগাহ্য মহাত্মানঃ পুণ্যাং ভাগীরথীং নদীম্।
সরথাঃ সধ্বজাশ্চৈব স্বানি বেশ্মানি ভেজিরে॥ 16-35-16 (98115)
দেবলোকং যয়ুঃ কেচিৎকেচিদ্ব্রহ্মসদস্তথা।
কেচিচ্চ বারুণং লোকং কেচিৎকৌবেরমাপ্নুবন্॥ 16-35-17 (98116)
ততো বৈবস্বতং লোকং কেচিচ্চৈবাপ্নুবন্নৃপাঃ।
রাক্ষসানাং পিশাচানাং কেচিচ্চাপ্যুত্তরান্কুরূন্॥ 16-35-18 (98117)
বিচিত্রগতয়ঃ সর্বে যানবাপ্যামরৈঃ সহ।
আজগ্মুস্তে মহাত্মানঃ সবাহাঃ সপদানুগাঃ॥ 16-35-19 (98118)
গতেষু তেষু সর্বেষু সলিলস্থো মহামুনিঃ।
ধর্মসীলো মহাতেজাঃ কুরূণাং হিতকৃতদা।
ততঃ প্রোবাচ তাঃ সর্বাঃ ক্ষত্রিয়া নিহতেশ্বরাঃ। 16-35-20 (98119)
যায়াঃ পতিকৃতাঁল্লোকানিচ্ছনতি পরমস্ত্রিয়ঃ।
তা জাহ্নবীজলং ক্ষিপ্রমবগাহন্ৎবতন্দ্রিতাঃ॥ 16-35-21 (98120)
ততস্তস্য বচঃ শ্রুৎবা শ্রদ্দধানা বরাঙ্গনাঃ।
শ্বশুরং সমনুজ্ঞাপ্য বিবিশুর্জাহ্নবীজলম্॥ 16-35-22 (98121)
বিমুক্তা মানুষৈর্দেহৈস্ততস্তা ভর্তৃভিঃ সহ।
সমাজগ্মুস্তদা সাধ্ব্যঃ সর্বা এবং বিশাম্পতে॥ 16-35-23 (98122)
এবং ক্রমেণি সর্বাস্তাঃ শীলবত্যঃ পতিব্রতাঃ।
প্রবিশ্য তোয়ং নির্মুক্তা জগ্মুর্ভর্তৃসলোকতাম্॥ 16-35-24 (98123)
দিব্যরূপসমায়ুক্তা দিব্যাভরণভূষিতাঃ।
দিব্যমাল্যাংবরধরা যথাঽঽসাং পতয়স্তথা॥ 16-35-25 (98124)
তাঃ শীলগুণসম্পন্না বিমানস্থা গতক্লুমাঃ।
সর্বাঃ সর্বগুণোপেতাঃ স্বস্থানং প্রতিপেদিরে॥ 16-35-26 (98125)
যস্য যস্য তু যঃ কামস্তস্মিন্কালে বভূব হ।
তংতং বিসৃষ্টবান্ব্যাসো বরদো ধর্মবৎসলঃ॥ 16-35-27 (98126)
তচ্ছ্রুৎবা নরদেবানাং পুনরাগমনং নরাঃ।
জহৃষুর্মুদিতাশ্চাসন্নানাদেশগতা অপি॥ 16-35-28 (98127)
`তে নষ্টভয়সঙ্কল্পা নরা বিগতকল্মষাঃ।
বভূবুঃ পৌরবাঃসর্বে তদ্দৃষ্ট্বাঽঽশ্চর্যমুত্তমম্॥' 16-35-29 (98128)
প্রিয়ৈঃ সমাগমং তেষাং যঃ সম্যক্ শৃণুয়ান্নরঃ।
প্রিয়াণি লভতে নিত্যমিহ চ প্রেত্য চৈব সঃ।
ইষ্টবান্ধবসংয়োগমনায়াসমনাময়ম্॥ 16-35-30 (98129)
যশ্চৈতচ্ছ্রাবয়েদ্বিদ্বান্বিদুষো ধর্মবিত্তমঃ।
স যশঃ প্রাপ্নুয়াল্লোকে পরত্র চ শুভাং গতিম্॥ 16-35-31 (98130)
স্বাধ্যায়যুক্তা মনুজাস্তপোয়ুক্তাশ্চ ভারত।
সাধ্বাচারা দমোপেতা দাননির্ধূতকল্মষাঃ॥ 16-35-32 (98131)
ঋজবঃ শুচয়ঃ শান্তা হিংসানৃতবিবর্জিতাঃ।
আস্তিকাঃ শ্রদ্দধানাশ্চ ধৃতিমন্তশ্চ মানবাঃ।
শ্রুৎবাঽঽশ্চর্যমিদং পর্ব হ্যবাপ্স্যন্তি পরাং গতিম্॥ 16-35-33 (98132)
`পুনস্তে দর্শনং প্রাপ্তাঃ পুনশ্চ পরিকীর্তিতাঃ।
পুনঃপুনঃ প্রয়চ্ছন্তি শৃণ্বতামভয়ং সদা॥' ॥ 16-35-34 (98133)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি পঞ্চত্রিংশোঽধ্যায়ঃ॥ 35 ॥
আশ্রমবাসিকপর্ব - অধ্যায় 036
॥ শ্রীঃ ॥
16.36. অধ্যায়ঃ 036
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
ত্যক্তদেহানামপি কুরুপাণ্ডবপক্ষীয়াণাং কথং পুনরাগমনমিতি জনমেজয়প্রশ্নস্য সোপপত্তিকমুত্তরদানম্॥ 1 ॥Mahabharata - AshramaVasika Parva - Chapter Text
সৌতিরুবাচ।
এতচ্ছ্রুৎবা নৃপো বিদ্বান্হৃষ্টোঽভূজ্জনমেজয়ঃ।
পিতামহানাং সর্বেষাং গমনাগমনং তদা॥ 16-36-1 (98134)
অব্রবীচ্চ মুদা যুক্তঃ পুনরাগমনং প্রতি।
কথং ন ত্যক্তদেহানাং পুনস্তদ্রূপদর্শনম্॥ 16-36-2 (98135)
ইত্যুক্তঃ স দ্বিজশ্রেষ্ঠো ব্যাসশিষ্যঃ প্রতাপবান্।
প্রোবাচ বদতাংশ্রেষ্ঠস্তং নৃপং জনমেজয়ম্॥ 16-36-3 (98136)
বৈশম্পায়ন উবাচ। 16-36-4x (8061)
অবিপ্রণাশঃ সর্বেষাং কর্মণামিতি নিশ্চয়ঃ।
কর্মজানি শরীরাণি শরীরাকৃতয়স্তথা॥ 16-36-4 (98137)
মহাভূতানি নিত্যানি ভূতাধিপতিসংশ্রয়াৎ।
তেষাং চ নিত্যসংবাসো ন বিনাশো বিয়ুজ্যতাম্॥ 16-36-5 (98138)
অনাশয়া কৃতং কর্ম তস্য চেষ্টঃ ফলাগমঃ।
আত্মা চৈভিঃ সমায়ুক্তঃ সুখদুঃখমুপাশ্নুতে॥ 16-36-6 (98139)
অবিনাশ্যস্তথা নিত্যং ক্ষেত্রজ্ঞ ইতি নিশ্চয়ঃ।
ভূতানামাত্মভাবো যো ধ্রুবোসৌ সংবিজানতাম্॥ 16-36-7 (98140)
যাবন্ন ক্ষীয়তে কর্ম তাবত্তস্য স্বরূপতা।
ক্ষীণকর্মা নরো লোকে রূপান্যৎবমুপাশ্নুতে॥ 16-36-8 (98141)
নানাভূতাস্তথৈকৎবং শরীরং প্রাপ্য সংহতাঃ।
ভবন্তি তে তথা নিত্যাঃ পৃথগ্ভাবং বিজানতাম্॥ 16-36-9 (98142)
অশ্বমেধশ্রুতিশ্চেয়মশ্বসংজ্ঞপনং প্রতি।
লোকান্তরগতা নিত্যং প্রাণা নিত্যা হি বাজিনঃ॥ 16-36-10 (98143)
অহং হিতং বদাম্যেতৎপ্রিয়ং চেত্তব পার্থিব।
দেবয়ানা হি পন্থানঃ শ্রুতাস্তে যজ্ঞসংস্তরে॥ 16-36-11 (98144)
সুকৃতো যত্র যজ্ঞস্তে তত্র দেবা হিতাস্তব।
যদা সমন্বিতা দেবাঃ পশূনাং গমনেশ্বরাঃ॥ 16-36-12 (98145)
গমিমন্তশ্চ তেনেষ্ট্বা নান্যে নিত্যা ভবন্ত্যুত।
নিত্যেঽস্মিন্পঞ্চকে বর্গে নিত্যে চাত্মনি পূরুষঃ॥ 16-36-13 (98146)
অস্য নাশং সমায়োগং যঃ পশ্যতি বৃথামতিঃ।
বিয়োগে শোচতেঽত্যর্থং স বাল ইতি মে মতিঃ॥ 16-36-14 (98147)
বিয়োগে দোষদর্শী যঃ সংয়োগং স বিসর্জয়েৎ।
অসঙ্গে সঙ্গমো নাস্তি দুঃখং ভাবি বিয়োগজম॥ 16-36-15 (98148)
পরাপরজ্ঞস্ৎবপরো নাভিমানাদুদীক্ষিতঃ।
অপরজ্ঞঃ পরাং বুদ্ধিং স্পৃষ্ট্বা মোহাদ্বিমুচ্যতে॥ 16-36-16 (98149)
অদর্শনাদাপতিতঃ পুনশ্চাদর্শনং গতঃ।
নাহং তং বেদ্মি নাসৌ মাং ন চ মেঽস্তি বিরাগতা॥ 16-36-17 (98150)
যেনয়েন শরীরেণি করোত্যযমনীশ্বরঃ।
তেনতেন শরীরেণ তদবশ্যমুপাশ্নুতে।
মানসং মনসাঽঽপ্নোতি শরীরং চ শরীরবান্॥ ॥ 16-36-18 (98151)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি ষট্ত্রিংশোঽধ্যায়ঃ॥ 36 ॥
Mahabharata - AshramaVasika Parva - Chapter Footnotes
7-36-10 সংজ্ঞপনং মারণম্॥ 7-36-11 নাসৌ মানাদহঙ্কারান্ন চ বেতি বিরাগতামিতি ক.পাঠঃ॥আশ্রমবাসিকপর্ব - অধ্যায় 037
॥ শ্রীঃ ॥
16.37. অধ্যায়ঃ 037
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
জনমেজয়েন পরিক্ষিৎপ্রদর্শনে প্রার্থিতে ব্যাসেন পরিক্ষিতঃ শমীকমহর্ষঃ শৃঙ্গীণশ্চ প্রদর্শনম্॥ 1 ॥ জনমেজয়েনাবভৃথস্নানানন্তরমাস্তিকপূজনপূর্বকং বৈশম্পায়নংপ্রতি কথাবশেষকথনপ্রার্থনা॥ 2 ॥Mahabharata - AshramaVasika Parva - Chapter Text
বৈশম্পায়ন উবাচ।
অদৃষ্ট্বা তু নৃপঃ পুত্রান্দর্শনং প্রতিলব্ধবান্।
ঋষেঃ প্রসাদাৎপুত্রাণাং স্বরূপাণাং কুরূদ্বহ॥ 16-37-1 (98152)
স রাজা রাজধর্মাংশ্চ ব্রহ্মোপনিষদং তথা।
অবাপ্তবান্নরশ্রেষ্ঠো বুদ্ধিনিশ্চয়মেব চ। 16-37-2 (98153)
বিদুরশ্চ মহাপ্রাজ্ঞো যয়ৌ সিদ্ধিং তপোবলাৎ।
ধৃতরাষ্ট্রঃ সমাসাদ্য ব্যাসং চৈব তপস্বিনম্॥ 16-37-3 (98154)
জনমেজয় উবাচ। 16-37-4x (8062)
মমাপি বরদো ব্যাসো দর্শয়েৎপিতরং যদি।
তদ্রূপবেষবয়সং শ্রদ্দধ্যাং সর্বমেব তৎ॥ 16-37-4 (98155)
প্রিয়ং মে স্যাৎকৃতার্থশ্চ স্যামহং কৃতনিশ্চয়ঃ।
প্রসাদাদৃষিমুখ্যস্য মম কামঃ সমৃদ্ধ্যতাম্॥ 16-37-5 (98156)
সৌতিরুবাচ। 16-37-6x (8063)
ইত্যুক্তবচনে তস্মিন্নৃপে ব্যাসঃ প্রতাপবান্।
প্রসাদমকরোদ্ধীমানানয়চ্চ পরিক্ষিতম্॥ 16-37-6 (98157)
ততস্তদ্রূপবয়সমাগতং নৃপতিং দিবঃ।
শ্রীমন্তং পিতরং রাজা দদর্শ স পরীক্ষিতম্॥ 16-37-7 (98158)
শমীকং চ মহাত্মানং পুত্রং তং চাস্য শৃঙ্গিণম্।
অমাত্যা যে চ নিহতা রাজ্ঞস্তাংশ্চ দদর্শ হ॥ 16-37-8 (98159)
ততঃ সোবভৃথে রাজা মুদিতো জনমেজয়ঃ।
পিতরং স্নাপয়ামাস স্বয়ং সস্নৌ চ পার্থিবঃ॥ 16-37-9 (98160)
`পরীক্ষিদপি তত্রৈব বভূব স তিরোহিতঃ।'
স্নাৎবা স নৃপতির্বিপ্রমাস্তীকমিদমব্রবীৎ।
যায়াবরকুলোৎপন্নং জরৎকারুসুতং তদা॥ 16-37-10 (98161)
আস্তীক বিবিধাশ্চর্যো যজ্ঞেঽয়মিতি মে মতিঃ।
যদদ্যায়ং পিতা প্রাপ্তো মম শোকপ্রণাশনঃ॥ 16-37-11 (98162)
আস্তীক উবাচ। 16-37-12x (8064)
ঋষির্দ্বৈপায়নো যত্র পুরাণস্তপসো নিধিঃ।
যজ্ঞে কুরুকুলশ্রেষ্ঠ তস্য লোকাবুভৌ জিতৌ॥ 16-37-12 (98163)
শ্রুতং বিচিত্রমাখ্যানং ৎবয়া পাণ্ডবনন্দন।
সর্পাশ্চ ভস্মসান্নীতা গতাশ্চ পদবীং পিতুঃ॥ 16-37-13 (98164)
কথংচিত্তক্ষকো মুক্তঃ সত্যৎবাত্তব পার্থিব।
ঋষয়ঃ পূজিতাঃ সর্বে গতির্দৃষ্টা মহাত্মনঃ॥ 16-37-14 (98165)
প্রাপ্তঃ সুবিপুলো ধর্মঃ শ্রুৎবা পাপবিনাশনম্।
বিমুক্তো হৃদয়গ্রন্থিরুদারজনদর্শনাৎ॥ 16-37-15 (98166)
যে চ পক্ষধরা ধর্মে সদ্বৃত্তরুচয়শ্চ যে।
যান্দৃষ্ট্বা হীয়তে পাপং তেভ্যঃ কার্যা নমস্ক্রিয়া॥ 16-37-16 (98167)
সৌতিরুবাচ। 16-37-17x (8065)
এতচ্ছ্রুৎবা দ্বিজশ্রেষ্ঠাৎস রাজা জনমেজয়ঃ।
পূজয়ামাস তমৃষিমনুমান্য পুনঃপুনঃ॥ 16-37-17 (98168)
পপ্রচ্ছ তমৃষি চাপি বৈশম্পায়নমচ্যুতম্।
কথাবশেষং ধর্মজ্ঞো বনবাসস্য সত্তম॥ ॥ 16-37-18 (98169)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি সপ্তত্রিংশোঽধ্যায়ঃ॥ 37 ॥
Mahabharata - AshramaVasika Parva - Chapter Footnotes
7-37-2 স ধৃতরাষ্ট্রো রাজা বিদুরশ্চ সিদ্ধিং যয়ৌ ইতি দ্বয়োঃ সম্বন্ধঃ। তত্রাপি বিদুরস্তপোবলাৎ। ধৃতরাষ্ট্রো ব্যাসং সমাসাদ্যেতি সম্বন্ধঃ॥ 7-37-15 পাপবিনাশং ইতিহাসমিতি শেষঃ॥ 7-37-16 পক্ষধরাঃ পক্ষস্থাপকাঃ॥আশ্রমবাসিকপর্ব - অধ্যায় 038
॥ শ্রীঃ ॥
16.38. অধ্যায়ঃ 038
অথ পুত্রদর্শনপর্ব ॥ 2 ॥Mahabharata - AshramaVasika Parva - Chapter Topics
ধৃতরাষ্ট্রেণ পুত্রদর্শনানন্তরং যুধিষ্ঠিরাদিভিঃ সহ পুনঃ স্বাশ্রমংপ্রত্যাগমনম্॥ 1 ॥ ব্যাসেন ধৃতাষ্ট্রংপ্রতি যুধিষ্ঠিরাদীনাং নগরপ্রস্থাপনচোদনা॥ 2 ॥ নগরংপ্রতি পুনরাগমনমনিচ্ছতাপি যুধিষ্ঠিরেণ ধৃতরাষ্ট্রস্য কুন্তীগান্ধার্যোশ্চ নিদেশনির্বন্ধেন পুনঃ সর্বৈঃসহ হাস্তিনপুরং প্রত্যাগমনম্॥ 3 ॥Mahabharata - AshramaVasika Parva - Chapter Text
জনমেজয় উবাচ।
দৃষ্ট্বা পুত্রাংস্তথা পৌত্রান্সানুবন্ধাঞ্জনাধিপঃ।
ধৃতরাষ্ট্রঃ কিমকরোদ্রাজা চৈব যুধিষ্ঠিরঃ॥ 16-38-1 (98170)
বৈশম্পায়ন উবাচ। 16-38-2x (8066)
তদ্দৃষ্ট্বা মহদাশ্চর্যং পুত্রাণাং দর্শনং পুনঃ।
বীতশোকঃ স রাজর্ষিঃ পুনরাশ্রমমাগমৎ॥ 16-38-2 (98171)
ইতরস্তু জনঃ সর্বস্তে চৈব পরমর্ষয়ঃ।
প্রতিজগ্মুর্যথাকামং ধৃতারাষ্ট্রাভ্যনুজ্ঞয়া॥ 16-38-3 (98172)
পাণ্ডবাস্তু মহাত্মানো লঘুভূয়িষ্ঠসৈনিকাঃ।
অনুজগ্মুর্মহাত্মানং সদারাস্তং মহীপতিম্॥ 16-38-4 (98173)
তমাশ্রমগতং ধীমান্ব্রহ্মর্ষির্লোকপূজিতঃ।
দ্বৈপায়নোঽভ্যুপাগম্য রাজানমিদম্নব্রবীৎ॥ 16-38-5 (98174)
ধৃতাষ্ট্র মহাবাহো শৃণু কৌরবনন্দন।
শ্রুতাস্তে জ্ঞানবৃদ্ধানামৃষীণাং পুণ্যকর্মণাম্॥ 16-38-6 (98175)
অদ্ধাভিজনবৃদ্ধানাং বেদবেদাঙ্গবেদিনাম্।
ধর্মজ্ঞানাং পুরাণানাং বদতাং বিবিধাঃ কথাঃ॥ 16-38-7 (98176)
মা স্ম শোকে মনঃ কার্ষীর্দিষ্টে ন ব্যথতে বুধঃ।
শ্রুতং দেবরহস্যং তে নারদাদ্দেবদর্শনাৎ॥ 16-38-8 (98177)
গতাস্তে ক্ষত্রধর্মেণ শস্ত্রপূতাং গতিং শুভাম্।
যথা দৃষ্টাস্ৎবয়া পুত্রাস্তথা কামবিহারিণঃ॥ 16-38-9 (98178)
যুধিষ্ঠিরঃ স্বয়ং ধীমান্ভবন্তমনুরুধ্যতে।
সহিতো ভ্রাতৃভিঃ সর্বৈঃই সদারঃ সসুহৃজ্জনঃ॥ 16-38-10 (98179)
বিসর্জয়ৈনং যাৎবেষ স্বরাজ্যমনুশাসতাম্।
মাসঃ সমধিকস্তেষামতীতো বসতাং বনে॥ 16-38-11 (98180)
এতদ্ধি নিত্যং যত্নেন পদং রক্ষ্যং নরাধিপ।
বহুপ্রত্যর্থিকং হ্যেতদ্রাজ্যং নাম কুরূদ্বহ॥ 16-38-12 (98181)
ইত্যুক্তঃ কৌরবো রাজা ব্যাসেনামিতবুদ্ধিনা।
যুধিষ্ঠিরমথাহূয় বাগ্মী বচনমব্রবীৎ॥ 16-38-13 (98182)
অজাতশত্রো ভদ্রং তে শৃণু মে ভ্রাতৃভিঃ সহ।
ৎবৎপ্রসাদান্মহীপাল শোকো নাস্মান্প্রবাধতে॥ 16-38-14 (98183)
রমে চাহং ৎবয়া পুত্র পুরেব গজসাহয়ে।
নাথেনানুগতো বিদ্বন্প্রিয়েষু পরিবর্তিনা॥ 16-38-15 (98184)
প্রাপ্তং পুত্রফলং ৎবত্তঃ প্রীতির্মে পরমা ৎবয়ি।
ন মে মন্যুর্মহাবাহো গম্যতাং মা চিরং কৃথাঃ॥ 16-38-16 (98185)
ভবন্তং চেহ সংপ্রেক্ষ্য তপো মে পরিহীয়তে।
উপয়ুক্তং শরীরং চ ৎবাং দৃষ্ট্বা ধারিতং পুনঃ॥ 16-38-17 (98186)
মাতরৌ তে তথৈবেমে শীর্ণপর্ণকৃতাশনে।
মম তুল্যব্রতে পুত্র ন চিরং বর্তয়িষ্যতঃ॥ 16-38-18 (98187)
দুর্যোধনপ্রভৃতয়ো দৃষ্টা লোকান্তরং গতাঃ।
ব্যাসস্য তপসো বীর্যাদ্ভবতশ্চ সমাগমাৎ॥ 16-38-19 (98188)
প্রয়োজনং চিরং বৃত্তং জীবিতস্য মমানঘ।
উগ্রং তপঃ সমাস্থাস্যেৎবমনুজ্ঞাতুমর্হসি॥ 16-38-20 (98189)
ৎবয়্যদ্য পিণ্ডঃ কীর্তিশ্চ কুলং চেদং প্রতিষ্ঠিতম্।
শ্বোবাঽদ্য বা মহাবাহো গম্যতাং মাচিরং কৃথাঃ॥ 16-38-21 (98190)
রাজনীতিঃ সুবহুশঃ শ্রুতা তে ভরতর্ষভ।
সংদেষ্টব্যং ন পশ্যামি কৃতমেতাবতা বিভো॥ 16-38-22 (98191)
বৈশম্পায়ন উবাচ। 16-38-23x (8067)
ইত্যুক্তবচনং তং তু নৃপো রাজানমব্রবীৎ।
ন মামর্হসি ধর্মজ্ঞ পরিত্যক্তুমনাগসম্॥ 16-38-23 (98192)
কামং গচ্ছন্তু মে সর্বে ভ্রাতরোঽনুচরাস্তথা।
ভবন্তমহমন্বিষ্যে মাতরৌ চ যতব্রতঃ॥ 16-38-24 (98193)
তমুবাচাথ গান্ধারী মৈবং পুত্র শৃণুষ্ব চ।
ৎবয়্যধীনং কুরুকুলং পিণ্ডশ্চ শ্বশুরস্য মে॥ 16-38-25 (98194)
গম্যতাং পুত্র পর্যাপ্তমেতাবৎপূজিতা বয়ম্।
রাজা যদাহ তৎকার্যং ৎবয়া পুত্র পিতুর্বচঃ॥ 16-38-26 (98195)
বৈশম্পায়ন উবাচ। 16-38-27x (8068)
ইত্যুক্তঃ স তু গান্ধার্যা কুন্তীমিদমভাষত।
স্নেহবাষ্পাকুলে নেত্রে পরিমৃজ্য বিনীতবৎ॥ 16-38-27 (98196)
বিসর্জয়তি মাং রাজা গান্ধারী চ যশস্বিনী।
ভবত্যাং বদ্ধচিত্তস্তু কথং যাস্যামি দুঃখিতঃ॥ 16-38-28 (98197)
ন চোৎসহে তপোবিঘ্নং কর্তুং তে ধর্মচারিণি।
তপসো হি পরং নাস্তি তপসা বিন্দতে মহৎ॥ 16-38-29 (98198)
মমাপি ন তথা রাজ্ঞি রাজ্যে বুদ্ধির্যথা পুরা।
তপস্যেবানুরক্তং মে মনঃ সর্বাত্মনা তথা॥ 16-38-30 (98199)
শূন্যেয়ং চ মহী কৃৎস্না ন মে প্রীতিকরী শুভে।
বান্ধবা নঃ পরিক্ষীণা বলং নো ন যথা পুরা॥ 16-38-31 (98200)
পাঞ্চালাঃ সুভৃশং ক্ষীণাঃ কন্যামাত্রাবশেষিতাঃ।
ন তেষাং কুলকর্তারং কঞ্চিৎপশ্যাম্যহং শুভে॥ 16-38-32 (98201)
সর্বে হি ভস্মাসান্নীতাস্তে দ্রোণেন রণাজিরে।
অবশিষ্টাশ্চ নিহতা দ্রোণপুত্রেণ বৈ নিশি।
চেদয়শ্চৈব মৎস্যাশ্চ দৃষ্টপূর্বাস্তথৈব নঃ॥ 16-38-33 (98202)
কেবলং বৃষ্ণিচক্রং চ বাসুদেবপরিগ্রহাৎ।
যদ্দৃষ্ট্বা স্থাতুমিচ্ছামি ধর্মার্থং নার্থহেতুতঃ॥ 16-38-34 (98203)
শিবেন পশ্য নঃ সর্বান্দুর্লভং তব দর্শনম্।
ভবিষ্যত্যংব রাজা হি তীব্রং চারপ্স্যতে তপঃ॥ 16-38-35 (98204)
এতচ্ছ্রুৎবা মহাবাহুঃ সহদেবো যুধাংপতিঃ।
যুধিষ্ঠিরমুবাচেদং বাষ্পব্যাকুললোচনঃ॥ 16-38-36 (98205)
নোৎসহেঽহং পরিত্যক্তুং মাতরং ভরতর্ষভ।
প্রতিয়াতু ভবান্ক্ষিপ্রং তপস্তপ্স্যাম্যহং বনে॥ 16-38-37 (98206)
ইহৈব শোষয়িষ্যামি তপসেদং কলেবরম্।
পাদশুশ্রূষণেরক্তো রাজ্ঞো মাত্রোস্তথাঽনয়োঃ॥ 16-38-38 (98207)
তমুবাচ ততঃ কুন্তী পরিষ্বজ্য মহাভুজম্।
গম্যতাং পুত্র মৈবং ৎবং বোচঃ কুরু বচো মম॥ 16-38-39 (98208)
আগমা বঃ শিবাঃ সন্তু স্বস্থা ভবত পুত্রকাঃ।
উপরোধো ভবেদেবমস্মাকং তপসঃ কৃতে॥ 16-38-40 (98209)
ৎবৎস্নেহপাশবদ্ধা চ হীয়েয়ং তপসঃ পরাৎ।
তস্মাৎপুত্রক গচ্ছ ৎবং শিষ্টমল্পং চ নঃ প্রভো॥ 16-38-41 (98210)
এবং সংস্তংভিতং বাক্যৈঃ কুন্ত্যা বহুবিধৈর্মনঃ।
সহদেবস্য রাজেন্দ্র রাজ্ঞশ্চৈব বিশেষতঃ॥ 16-38-42 (98211)
তে মাত্রা সমনুজ্ঞাতা রাজ্ঞা চ কুরুপুঙ্গবাঃ।
অভিবাদ্য কুরুশ্রেষ্ঠমামন্ত্রয়িতুমারভন্॥ 16-38-43 (98212)
যুধিষ্ঠির উবাচ। 16-38-44x (8069)
রাজ্যং প্রতি গমিষ্যামঃ শিবেন প্রতিনন্দিতঃ।
অনুজ্ঞাতাস্ৎবয়া রাজন্গমিষ্যামো বিকল্মষাঃ॥ 16-38-44 (98213)
এবমুক্তঃ স রাজর্ষির্ধর্মরাজ্ঞা মহাত্মনা।
অনুয়জ্ঞে জয়াশীর্ভিঃ পূজয়িৎবা যুধিষ্ঠিরম্॥ 16-38-45 (98214)
ভীমং চ বলিনাং শ্রেষ্ঠং সান্ৎবয়ামাস পার্থিবঃ।
স চাস্য সম্যঙ্মেধাবী প্রত্যপদ্যত বীর্যবান্॥ 16-38-46 (98215)
অর্জুনং চ সমাশ্লিষ্য যংমৌ চ ভরতর্ষভৌ।
অনুয়জ্ঞে স কৌরব্যঃ পরিষ্বজ্যাভিনন্দ্য চ॥ 16-38-47 (98216)
গান্ধার্যা চাভ্যনুজ্ঞাতাঃ কৃতপাদাভিবাদনাঃ।
জনন্যা সমুপাঘ্রাতাঃ পরিষ্বক্তাশ্চ তে নৃপম্॥ 16-38-48 (98217)
চক্রুঃ প্রদক্ষিণং সর্বে বৎসা ইব নিবারণে।
পুনঃ পুনর্নিরীক্ষন্তঃ প্রচক্রুস্তে প্রদক্ষিণম্॥ 16-38-49 (98218)
দ্রৌপদীপ্রমুখাশ্চৈব সর্বাঃ কৌরবয়োষিতঃ।
ন্যায়তঃ শ্বশুরে বৃত্তিং প্রয়ুজ্য প্রয়যুস্ততঃ॥ 16-38-50 (98219)
শ্বশ্রূভ্যাং সমনুজ্ঞাতাঃ পরিষ্বজ্যাভিনন্দিতাঃ॥
সংদিষ্টাশ্চেতিকর্তব্যং প্রয়যুর্ভর্তৃভিঃ সহ॥ 16-38-51 (98220)
ততঃ প্রজজ্ঞে নিনদঃ সূতানাং যুজ্যতামিতি।
উষ্ট্রাণাং ক্রোশতাং চাপি হয়ানাং হেষতামপি॥ 16-38-52 (98221)
ততো যুধিষ্ঠিরো রাজা সদারঃ সহসৈনিকঃ।
নগরং হাস্তিনপুরং পুনরায়াৎসবান্ধবঃ॥ ॥ 16-38-53 (98222)
ইতি শ্রীমন্মহাভারতে আশ্রমবাসিকপর্বণি পুত্রদর্শনপর্বণি অষ্টত্রিংশোঽধ্যায়ঃ॥ 38 ॥ ॥ সমাপ্তং চেদং পুত্রদর্শনপর্ব ॥ 2 ॥
Mahabharata - AshramaVasika Parva - Chapter Footnotes
7-38-12 বহবঃ প্রত্যর্থিনঃ প্রার্থয়ানাঃ শত্রবো যত্র তৎ॥ 7-38-15 নাথেন ৎবয়া॥ 7-38-24 অন্বিষ্যে সেবিষ্যে॥ 7-38-32 কথামাত্রাবশেষিতা ইতি ঝ.পাঠঃ॥ 7-38-35 অবিষহ্যং চ রাজা হীতি ঝ.পাঠঃ॥ 7-38-41 শ্রেয়সঃ পরাদীতি ক.ট.পাঠঃ। শিষ্ঠমায়ুরিতি শেষঃ॥ 7-38-49 নিবারণে স্তনপানাদিতি শেষঃ॥ 7-38-50 তথৈব দ্রৌপদী ভদ্রা পাণ্ড্যজা ভুজগেন্দ্রজেতি ক.ঠ.থ.পাঠঃ॥আশ্রমবাসিকপর্ব - অধ্যায় 039
॥ শ্রীঃ ॥
16.39. অধ্যায়ঃ 039
অথ নারদাগমনপর্ব ॥ 3 ॥Mahabharata - AshramaVasika Parva - Chapter Topics
কদাচন হাস্তিনপুরমুপাগতেন নারদেন পাণ্ডবান্প্রতি ধৃতরাষ্ট্রাদীনাং স্বর্গপ্রাপ্তিনিবেদনম্॥ ধৃতরাষ্ট্রে গান্ধারীকুন্তীসঞ্জয়ৈঃ সহ গঙ্গায়ামাপ্লুত্য স্বাশ্রমমাগচ্ছতি সতি মধ্যেমার্গং দাবাগ্নিনা তৎপরীবেষ্টনম্॥ ধৃররাষ্ট্রেণ সঞ্জয় প্রত্যপ্নিতো দূরাপসরণপ্রেরণাপূর্বকং কুন্তীগান্ধারীভ্যাং সহ বন্হৌ প্রবেশনম্॥ 3 ॥ ততঃ সঞ্জয়েন হিমবৎপর্বতংপ্রতি গমনম্॥ 4 ॥Mahabharata - AshramaVasika Parva - Chapter Text
বৈশম্পায়ন উবাচ।
তেষু চোপনিবৃত্তেষু পাণ্ডবেষু যদৃচ্ছয়া।
দেবর্ষির্নারদো রাজন্নাজগাম যুধিষ্ঠিরম্॥ 16-39-1 (98223)
তমভ্যর্চ্য মহাবাহুঃ কুরুরাজো যুধিষ্ঠিরঃ।
আসীনং পরিবিশ্বস্তং প্রোবাচ বদতাংবরঃ॥ 16-39-2 (98224)
চিরাত্তু নানুপশ্যামি ভগবন্তমুপস্থিতম্।
কচ্চিত্তে কুশলং বিপ্র শুভং বা প্রত্যুপস্থিতম্॥ 16-39-3 (98225)
কে দেশাঃ পরিদৃষ্টাস্তে কিং চ কার্যং করোমি তে।
তদ্ব্রূহি দ্বিজমুখ্যস্ৎবং হ্যস্মাকং চ প্রিয়োঽতিথিঃ। 16-39-4 (98226)
নারদ উবাচ। 16-39-5x (8070)
চিরদৃষ্টোসি মেঽত্যেবমাগতোঽহং তপোবনাৎ।
পরিদৃষ্টানি তীর্থানি গঙ্গা চৈব ময়া নৃপ॥ 16-39-5 (98227)
যুধিষ্ঠির উবাচ। 16-39-6x (8071)
বদন্তি পুরুষা মেঽদ্য গঙ্গাতীরনিবাসিনঃ।
ধৃতরাষ্ট্রং মহাত্মানমাস্থিতং পরমং তপঃ॥ 16-39-6 (98228)
অপি দৃষ্টস্ৎবয়া তত্র কুশলী স কুরূদ্বহঃ।
গান্ধারী চ পৃথা চৈব সূতপুত্রশ্চ সংজয়ঃ॥ 16-39-7 (98229)
কথং চ বর্ততে চাদ্য পিতা মম স পার্থিবঃ।
শ্রোতুমিচ্ছামি ভগবন্যদি দৃষ্টস্ৎবয়া নৃপঃ॥ 16-39-8 (98230)
নারদ উবাচ। 16-39-9x (8072)
স্থিরীভূয় মহারাজ শৃণু বৃত্তং যথাতথম্।
যথাশ্রুতং চ দৃষ্টং চ ময়া তস্মিংস্তপোবনে॥ 16-39-9 (98231)
বনবাসনিবৃত্তেষু ভবৎসু কুরুনন্দন।
কুরুক্ষেত্রাৎপিতা তুভ্য গঙ্গাদ্বারং যয়ৌ নৃপ॥ 16-39-10 (98232)
গান্ধার্যা সহিতো ধীমান্বধ্বা কুন্ত্যা সমন্বিতঃ।
সংজয়েন চ সূতেন সাগ্নিহোত্রঃ সয়াজকঃ॥ 16-39-11 (98233)
আতস্থে স তপস্তীব্রং পিতা তব তপোধনঃ।
অগ্নিং মুখে সমাধায় বায়ুভক্ষোঽভবন্মুনিঃ॥ 16-39-12 (98234)
বনে স মুনিভিঃ সর্বৈঃ পূজ্যমানো মহাতপাঃ।
ৎবগস্থিমাত্রশেষঃ স ষণ্মাসানভবন্নৃপঃ॥ 16-39-13 (98235)
গান্ধারী তু জলাহারী কুন্তী মাসোপবাসিনী।
সংজয়ঃ ষষ্ঠভুক্তেন বর্তয়ামাস ভারত॥ 16-39-14 (98236)
অগ্নীংস্তু যাজকাস্তত্র জুহুবুর্বিধিবৎপ্রভো।
দৃশ্যতোঽদৃশ্যতশ্চৈব বনে তস্মিন্নৃপস্য বৈ॥ 16-39-15 (98237)
অনিকেতোথ রাজা স বভূব বনগোচরঃ।
তে চাপি সহিতে দেব্যৌ সংজয়শ্চ তমন্বয়ুঃ॥ 16-39-16 (98238)
সংজয়ো নৃপতের্নেতা সমেষু বিষমেষু চ।
গান্ধার্যাশ্চ পৃথা চৈব চক্ষুরাসীদনিন্দিতা॥ 16-39-17 (98239)
ততঃ কদাচিদ্গঙ্গায়াঃ কচ্ছে স নৃপসত্তমঃ।
গঙ্গায়ামাপ্লুতো ধীমানাশ্রমাভিমুখো যয়ৌ॥ 16-39-18 (98240)
অথ বায়ুঃ সমুদ্ভুতো দাবাগ্নিরভবন্মহান্।
দদাহ তদ্বনং সর্বং পরিগৃহ্য সমন্ততঃ॥ 16-39-19 (98241)
দহ্যৎসু মৃগয়ূথেষু দ্বিজিহ্বেষু সমন্ততঃ।
বরাহাণাং চ যূথেষু সংশ্রয়ৎসু জলাশয়ান্॥ 16-39-20 (98242)
সম্প্রদীপ্তে বনে তস্মিন্প্রাপ্তে ব্যসন উত্তমে।
নিরাহারতয়া রাজা মন্দপ্রাণবিচেষ্টিতঃ।
অসমর্থোঽপসরণে সুকৃশে মাতরৌ চ তে॥ 16-39-21 (98243)
ততঃ স নৃপতির্দৃষ্ট্বা বহ্নিমায়ান্তমন্তিকাৎ।
ইদমাহ ততঃ সূতং সংজয়ং জয়তাংবরঃ॥ 16-39-22 (98244)
গচ্ছ সংজয় যত্রাগ্নির্ন ৎবাং দহতি কর্হিচিৎ।
বয়মত্রাগ্নিনা যুক্তা গমিষ্যামঃ পরাং গতিম্॥ 16-39-23 (98245)
তমুবাচ কিলোদ্বিগ্নঃ সংজয়ো বদতাংবরঃ।
রাজন্মৃত্যুরনিষ্টোঽয়ং ভবিতা তে বৃথাঽগ্নিনা॥ 16-39-24 (98246)
ন চোপায়ং প্রপশ্যামি মোক্ষণে জাতবেদসঃ।
যদত্রানন্তরং কার্যং তদ্ভবান্বক্তুমর্হতি॥ 16-39-25 (98247)
ইত্যুক্তঃ সংজয়েনেদং পুনরাহ স পার্থিবঃ।
নৈষ মৃত্যুরনিষ্টো নো নিঃসৃতানাং গৃহাৎস্বয়ম্॥ 16-39-26 (98248)
জলমগ্নিস্তথা বায়ুরথবাঽপি বিকর্ষণম্।
তাপসানাং প্রশস্যং তে গচ্চ সংজয় মাচিরম্॥ 16-39-27 (98249)
ইত্যুক্ৎবা সংজয়ং রাজা সমাধায় মনস্তথা।
প্রাঙ্মুখঃ সহ গান্ধার্যা কুন্ত্যা চোপাবিশত্তদা॥ 16-39-28 (98250)
সংজয়স্তং তথা দৃষ্ট্বা প্রদক্ষিণমথাকরোৎ।
উবাচ চৈনং মেধাবী যুঙ্ক্ষ্বাত্মানমিতি প্রভো॥ 16-39-29 (98251)
ঋষিপুত্রো মনীষী স রাজ চক্রেঽস্য তদ্বচঃ।
সন্নিরুধ্যেন্দ্রিয়গ্রামমাসীৎকাষ্ঠোপমস্তদা॥ 16-39-30 (98252)
গান্ধারী চ মহাভাগা জননী চ পৃথা তব।
দাবাগ্নিনা সমায়ুক্তে স চ রাজা পিতা তব॥ 16-39-31 (98253)
সংজয়স্তু মহাপ্রাজ্ঞস্তস্মাদ্দাবাদমুচ্যত।
গঙ্গাকূলে ময়া দৃষ্টস্তাপসৈঃ পরিবারিতঃ॥ 16-39-32 (98254)
স তানামন্ত্র্য তেজস্বী নিবেদ্যৈতচ্চ সর্বশঃ।
প্রয়যৌ সংজয়ো ধীমান্হিমবন্তং মহীধরম্॥ 16-39-33 (98255)
এবং স নিধনং প্রাপ্তঃ কুরুরাজো মহামনাঃ।
গান্ধারী চ পৃথা চৈব জনন্যৌ তে বিশাম্পতে॥ 16-39-34 (98256)
যদৃচ্ছয়াঽনুব্রজতা ময়া রাজ্ঞঃ কলেবরম্।
তয়োশ্চ দেব্যোরুভয়োর্ময়া দৃষ্টানি ভারত॥ 16-39-35 (98257)
ততস্তপোবনে তস্মিন্সমাজগ্মুস্তপোধনাঃ।
শ্রুৎবা রাজ্ঞস্তদা নিষ্ঠাং ন ৎবশোচন্গতীশ্চ তে॥ 16-39-36 (98258)
তত্রাশ্রৌষমহং সর্বমেতৎপুরুষসত্তম।
যথা চ নৃপতির্দগ্ধো দেব্যৌ তে চেতি পাণ্ডব॥ 16-39-37 (98259)
ন শোচিতব্যং রাজেন্দ্র স্বর্গস্থঃ পৃথিবীপতিঃ।
প্রাপ্তবানগ্নিসংয়োগং গান্ধারী জননী চ তে॥ 16-39-38 (98260)
বৈশম্পায়ন উবাচ। 16-39-39x (8073)
এতচ্ছ্রুৎবা চ সর্বেষাং পাণ্ডবানাং মহাত্মনাম্।
নির্যাণং ধৃতরাষ্ট্রস্য শোকঃ সমভবন্মহান্॥ 16-39-39 (98261)
অন্তঃপুরাণাং চ তদা মহানার্তস্বরোঽভবৎ।
পৌরাণাং চ মহারাজ শ্রুৎবা রাজ্ঞস্তদা গতিম্॥ 16-39-40 (98262)
অহো ধিগিতি রাজা তু বিক্রুশ্য ভৃশদুঃখিতঃ।
ঊর্ধ্ববাহুঃ স্মরন্মাতুঃ প্ররুরোদ যুধিষ্ঠিরঃ॥ 16-39-41 (98263)
ভীমসেনপুরোগাশ্চ ভ্রাতরঃ সর্ব এব তে।
`রুরুদুর্দুঃখসংতপ্তা বর্ণয়ন্তঃ পৃথাং তদা॥ 16-39-42 (98264)
অন্তঃপুরেষু চ তদা সুমহান্রুদিতস্বনঃ।
প্রাদুরাসীন্মহারাজ পৃথাং শ্রুৎবা তথাগতাম্॥ 16-39-43 (98265)
তং চ বৃদ্ধং তথা দগ্ধং হতপুত্রং নরাধিপম্।
অন্বশোচন্ত তে সর্বে গান্ধারীং চ তপস্বিনীম্॥ 16-39-44 (98266)
তস্মিন্নুপরতে শব্দে মুহূর্তাদিব ভারত।
নিগৃহ্য বাষ্পং ধৈর্যেণ ধর্মরাজোঽব্রবীদিদম্॥ ॥ 16-39-45 (98267)
ইতি শ্রীমন্মহাভারতে আশ্রমবাসিকপর্বণি নারদাগমনপর্বণি একোনচৎবারিংশোঽধ্যায়ঃ॥ 39 ॥
Mahabharata - AshramaVasika Parva - Chapter Footnotes
7-39-1 দ্বিবর্ষোপনিবৃত্তেষ্বিতি ঝ.পাঠঃ॥ 7-39-5 মে ময়াঽতিচিরং দৃষ্টোঽসীত্যর্থঃ॥ 7-39-12 মুখে পিণ্ডান্সমাধায়েতি ক.ট.পাঠঃ। বীটাং মুখে সমাধায়েতি ঝ.পাঠঃ॥ 7-39-15 দৃশ্যতোঽদৃশ্যত ইতি। পশ্যন্তমপশ্যন্তং চানাদৃত্যেত্যর্থঃ। নিয়মেন সান্নিধ্যা ভাবাৎ॥ 7-39-27 বিকর্ষণং অনশনম্॥ 7-39-30 ঋষিপুত্রো ব্যাসপুত্র ইতি যোগসমার্থ্যং সূচিতম্॥আশ্রমবাসিকপর্ব - অধ্যায় 040
॥ শ্রীঃ ॥
16.40. অধ্যায়ঃ 040
অথ নারদাগমনপর্ব ॥ 3 ॥Mahabharata - AshramaVasika Parva - Chapter Topics
যুধিষ্ঠিরেণ ধৃতরাষ্ট্রাদিনিধনশ্রবণেন ভ্রাতৃভিঃ সহ সকরুণং পরিদেবনপূর্বকং সতিসংস্কৃতাগ্নৌ তেষাং বৃথাগ্নিনা দাহং প্রত্যনুশোচনম্॥ 1 ॥Mahabharata - AshramaVasika Parva - Chapter Text
যুধিষ্ঠির উবাচ।
তথা মহাত্মনস্তস্য তপস্যুগ্রে চ তস্থুষঃ।
অনাথস্যেব নিধনং তিষ্ঠৎস্বস্মাসু বন্ধুষু॥ 16-40-1 (98268)
দুর্বিজ্ঞেয়া গতির্ব্রহ্মন্পুরুষাণাং মতির্মম।
যত্র বৈচিত্রবীর্যোসৌ দগ্ধ এবং বনাগ্নিনা॥ 16-40-2 (98269)
যস্য পুত্রশতং শ্রীমদভবদ্বাহুশালিনঃ।
নাগায়ুতবলো রাজা স দগ্ধো হি দবাগ্নিনা॥ 16-40-3 (98270)
যং পুরা পর্যবীজন্ত তালবৃন্তৈর্বরস্ত্রিয়ঃ।
তং গৃধ্রাঃ পর্যবীজন্ত দাবাগ্নিপরিকালিতম্॥ 16-40-4 (98271)
সূতমাগধসঙ্ঘৈশ্চ শয়ানো যঃ প্রবোধ্যতে।
ধরণ্যাং স নৃপঃ শেতে বিকৃষ্টো গৃধ্রবায়সৈঃ॥ 16-40-5 (98272)
ন চ শোচামি গান্ধারীং হতপুত্রাং যশস্বিনীম্।
পতিলোকমনুপ্রাপ্তাং তথা ভর্তৃব্রতে স্থিতাম্॥ 16-40-6 (98273)
পৃথামেব চ শোচামি যা পুত্রৈশ্বর্যমৃদ্ধিমৎ।
উৎসৃজ্য্ সুমহদ্দীপ্তং বনবাসমরোচয়ৎ॥ 16-40-7 (98274)
ধিগ্রাজ্যমিদমস্মাকং ধিগ্বলং ধিক্পরাক্রমম্।
ক্ষত্রধর্মং চ ধিগ্যস্মান্মৃতা জীবামহে বয়ম্॥ 16-40-8 (98275)
সুসূক্ষ্মা কিল লোকস্য গতির্দ্বিজবরোত্তম।
যৎসমুৎসৃজ্য রাজ্যং সা বনবাসমরোচয়ৎ॥ 16-40-9 (98276)
যুধিষ্ঠিরস্য জননী ভীমস্য বিজয়স্য চ।
অনাথবৎকথং দগ্ধা ইতি মুহ্যামি চিন্তয়ন্॥ 16-40-10 (98277)
বৃথা সংতর্পিতো বহ্নিঃ খাণ্ডবে সব্যসাচিনা।
উপকারমজানন্স কৃতঘ্ন ইতি মে মতিঃ॥ 16-40-11 (98278)
যত্রাদহৎস ভগবান্মাতরং সব্যসাচিনঃ।
কৃৎবা যো ব্রাহ্মণচ্ছদ্ম ভিক্ষার্থী সমুপাগতঃ॥ 16-40-12 (98279)
ধিগগ্নিং ধিক্ চ পার্থস্য বিশ্রুতাং সত্যসন্ধতাম্।
ইদং কষ্টতরং চান্যদ্ভগবন্প্রতিভাতি মে॥ 16-40-13 (98280)
বৃথাঽগ্নিনা সমায়োগো যদভূৎপৃথিবীপতেঃ।
তথা তপস্বিনস্তস্য রাজর্ষেঃ কৌরবস্য হ॥ 16-40-14 (98281)
কথমেবংবিধো মৃত্যুঃ প্রশাস্য পৃথিবীমিমাম্॥ 16-40-15 (98282)
তিষ্ঠৎসু মন্ত্রপূতেষু তস্যাগ্নিষু মহাবনে।
বৃথাঽগ্নিনা সমায়ুক্তো নিষ্ঠাং প্রাপ্তঃ পিতা মম॥ 16-40-16 (98283)
মন্যে পৃথা বেপমানা কৃশা ধমনিসংততা।
হা তাত ধর্মরাজেতি মামাক্রন্দন্মহাভয়ে॥ 16-40-17 (98284)
ভীম পর্যাপ্নুহি ভয়াদিতি চৈবাভিবাশতী।
সমন্ততঃ পরিক্ষিপ্তা মাতাঽভূন্মে দবাগ্নিনা॥ 16-40-18 (98285)
সহদেবঃ প্রিয়স্তস্যাঃ পুত্রেভ্যোধিক এব তু।
ন চৈনাং মোক্ষয়ামাস বীরো মাদ্রবতীসুতঃ॥ 16-40-19 (98286)
তচ্ছ্রুৎবা রুরুদুঃ সর্বে সমালিঙ্গ্য পরস্পরম্।
পাণ্ডবাঃক পঞ্চ দুঃখার্তা ভূতানীব যুগক্ষয়ে॥ 16-40-20 (98287)
তেষাং তু পুরুষেন্দ্রাণাং রুদতাং রুদিতস্বনঃ।
প্রাসাদাভোগসংরুদ্ধে অন্বরৌৎসীৎস রোদসী॥ ॥ 16-40-21 (98288)
ইতি শ্রীমন্মহাভারতে আশ্রমবাসিকপর্বণি নারদাগমনপর্বণি চৎবারিংশোঽধ্যায়ঃ॥ 40 ॥
আশ্রমবাসিকপর্ব - অধ্যায় 041
॥ শ্রীঃ ॥
16.41. অধ্যায়ঃ 041
অথ নারদাগমনপর্ব ॥ 3 ॥Mahabharata - AshramaVasika Parva - Chapter Topics
নারদেন যুধিষ্ঠিরংপ্রতি দৃথরাষ্ট্রাদিদাহকাগ্নের্মন্ত্রপূতৎবকথনম্॥ 1 ॥ যুধিষ্ঠিরেণ যুয়ুৎসুপুরস্কারেণ গান্ধারীধৃতরাষ্ট্রয়ো রুদকদানপূর্বকং কুন্ত্যাশ্চ বিধিবচ্ছ্রাদ্ধদানম্॥ 2 ॥ ততো নারদগমনানন্তরং প্রজাপালনেন নিজনগরে ভ্রাত্রাদিভিঃ সহ সুখবিহারঃ॥ 3 ॥Mahabharata - AshramaVasika Parva - Chapter Text
নারদ উবাচ।
নাসৌ বৃথাঽগ্নিনা দগ্ধো যথা তত্র শ্রুতং ময়া।
বৈচিত্রবীর্যো নৃপতির্ন তে শোচ্যো নরাধিপ॥ 16-41-1 (98289)
বনং প্রবিশতানেন বায়ুভক্ষেণ ধীমতা।
অগ্নয়ঃ কারয়িৎবেষ্টিমুৎসৃষ্টা ইতি নঃ শ্রুতম্॥ 16-41-2 (98290)
যাজকাস্তু ততস্তস্য তানগ্নীন্নির্জনে বনে।
সমুৎসৃজ্য যথাকামং জগ্মুর্ভরতসত্তম॥ 16-41-3 (98291)
স বিবৃদ্ধস্তদা বহ্নির্বনে তস্মিন্নভূৎকিল।
তেন তদ্বনমাদীপ্তমিতি তে তাপসাঽব্রুবন্॥ 16-41-4 (98292)
স রাজা জাহ্নবীতীরে যথা তে কথিতং ময়া।
তেনাগ্নিনা সমায়ুক্তঃ স্বেনৈব ভরতর্ষভ॥ 16-41-5 (98293)
এবমাবেদয়ামাসুর্মুনয়স্তে মমানঘ।
যে তে ভাগীরথীতীরে ময়া দৃষ্টা যুধিষ্ঠির॥ 16-41-6 (98294)
এবং স্বেনাগ্নিনা রাজা সমায়ুক্তো মহীপতে।
মা শোচিথাস্ৎবং নৃপতিং গতঃ স পরমাং গতিম্॥ 16-41-7 (98295)
গুরুশুশ্রূষয়া চৈব জননী তে জনাধিপ।
প্রাপ্তা সুমহতীং সিদ্ধিমিতি মে নাত্র সংশয়ঃ॥ 16-41-8 (98296)
কর্তুমর্হসি রাজেন্দ্র তেষাং ৎবমুদকক্রিয়াম্।
ভ্রাতৃভিঃ সহিতঃ সর্বৈরেতদত্র বিধীয়তাম্॥ 16-41-9 (98297)
বৈশম্পায়ন উবাচ। 16-41-10x (8074)
ততঃ স পৃথিবীপালঃ পাণ্ডবানাং ধুরংধরঃ।
নির্যযৌ সহসোদর্যঃ সদারশ্চ নরর্ষভঃ॥ 16-41-10 (98298)
পৌরজানপদাশ্চৈব রাজভক্তিপুরস্কৃতাঃ।
গঙ্গাং প্রজগ্মুরভিতো বাসসৈকেন সংবৃতাঃ॥ 16-41-11 (98299)
ততোঽবগাহ্য সলিলে সর্বে তু কুরুপুঙ্গবাঃ।
যুয়ুৎসুমগ্রতঃ কৃৎবা দদুস্তোয়ং মহাত্মনে॥ 16-41-12 (98300)
গান্ধার্যাশ্চ পৃথায়াশ্চ বিধিবন্নামগোত্রতঃ।
শাচং নিবর্তয়ন্তস্তে তত্রোষুর্নগরাদ্বহিঃ॥ 16-41-13 (98301)
প্রেষয়ামাস স নরান্বিধিজ্ঞানাপ্তকারিণঃ।
গঙ্গাদ্বারং কুরুশ্রেষ্ঠো যত্র দগ্ধোঽভবন্নৃপঃ। 16-41-14 (98302)
তত্রৈব তেষাং তুল্যানি গঙ্গাদ্বারেঽন্বশাত্তদা।
কর্তব্যানীতি পুরুষান্দত্তদেয়ান্মহীপতিঃ॥ 16-41-15 (98303)
দ্বাদশেঽহনি তেভ্যঃ স কৃতশৌচো নরাধিপঃ।
দদৌ শ্রাদ্ধানি বিধিবদ্দক্ষইণাবন্তি পাণ্ডবঃ॥ 16-41-16 (98304)
ধৃতরাষ্ট্রং সমুদ্দিশ্য দদৌ স পৃথিবীপতিঃ।
সুবর্ণং রজতং গাশ্চ শয়্যাশ্চ সুমহাধনাঃ॥ 16-41-17 (98305)
গান্ধার্যাশ্চৈব তেজস্বী পৃথায়াশ্চ পৃথক্পৃথক্।
সঙ্কীর্ত্য নামনী রাজা দদৌ দানমনুত্তমম্॥ 16-41-18 (98306)
যো যদিচ্ছতি যাবচ্চ তাবৎস লভতে দ্বিজঃ।
শয়নং ভোজনং যানং মণিরত্নমথো ধনম্॥ 16-41-19 (98307)
যানমাচ্ছাদনং ভোগান্দাসীশ্চ সমলঙ্কৃতাঃ।
দদৌ রাজা সমুদ্দিশ্য তয়োর্মাত্রোর্মহীপতিঃ॥ 16-41-20 (98308)
ততঃ স পৃথিবীপালো দত্ৎবা শ্রাদ্ধান্যনেকশঃ।
প্রবিবেশ পুনর্ধীমান্নগরং বারণাহ্বয়ম্॥ 16-41-21 (98309)
তে চাপি রাজবচনাৎপুরুষা যে গতাঽভবন্।
সঙ্কল্প্য তেষাং কুল্যানি পুনঃ প্রত্যাগমংস্ততঃ॥ 16-41-22 (98310)
মাল্যৈর্গন্ধৈশ্চ বিবিধৈরর্চয়িৎবা যথাবিধি।
কুল্যানি তেষাং সংয়োজ্য তদাচখ্যুর্মহীপতেঃ॥ 16-41-23 (98311)
সমাশ্বাস্য তু রাজানং ধর্মাত্মানং যুধিষ্ঠিরম্।
নারদোপ্যগমৎপ্রীতঃ পরমর্ষির্যথোপ্সিতম্॥ 16-41-24 (98312)
এবং বর্ষাণ্যতীতানি ধৃতরাষ্ট্রস্য ধীমতঃ।
বনবাসে তথা ত্রীণি নগরে দশপঞ্চ চ॥ 16-41-25 (98313)
হতপুত্রস্য সঙ্গ্রামে দানানি দদতঃ সদা।
জ্ঞাতিসম্বন্ধিমিত্রাণাং ভ্রাতৄণাং স্বজনস্য চ॥ 16-41-26 (98314)
যুধিষ্ঠিরস্তু নৃপতির্নাতিপ্রীতমনাস্তদা।
ধারয়ামাস তদ্রাজ্যং নিহতজ্ঞাতিবান্ধবঃ॥ ॥ 16-41-27 (98315)