Kumbhaghonam Edition in Kannada Script
9. ಶಲ್ಯಪರ್ವ
ಶಲ್ಯಪರ್ವ - ಅಧ್ಯಾಯ 001
॥ ಶ್ರೀಃ ॥
9.1. ಅಧ್ಯಾಯಃ 001
Mahabharata - Shalya Parva - Chapter Topics
ದುರ್ಯೋಧನೇನ ಶಲ್ಯಸ್ಯ ಸೈನಾಪತ್ಯೇಽಭಿಷೇಚನಪೂರ್ವಕಂ ಪುನರ್ಯುದ್ಧಾಯ ನಿರ್ಯಾಣಂ॥ 1 ॥ ಸಂಜಯಾಚ್ಛಲ್ಯದುರ್ಯೋಧನಾದಿವಧಶ್ರವಣೇನ ಮೂರ್ಚ್ಛಿತಸ್ಯ ಧೃತರಾಷ್ಟ್ರಸ್ಯ ವಿದುರೇಣ ಸಮಾಶ್ವಾಸನಂ॥ 2 ॥Mahabharata - Shalya Parva - Chapter Text
9-1-0 (60111)
ಶ್ರೀವೇದವ್ಯಾಸಾಯ ನಮಃ॥ 9-1-0x (5079)
ನಾರಾಯಣಂ ನಮಸ್ಕೃತ್ಯ ನರಂ ಚೈವ ನರೋತ್ತಮಂ।
ದೇವೀಂ ಸರಸ್ವತೀಂ (ವ್ಯಾಸಂ) ಚೈವ ತತೋ ಜಯಮುದೀರಯೇತ್॥ 9-1-1 (60112)
ಜನಮೇಜಯ ಉವಾಚ। 9-1-2x (5080)
ಏವಂ ನಿಪಾತಿತೇ ಕರ್ಣೇ ಸಮರೇ ಸವ್ಯಸಾಚಿನಾ।
ಅಲ್ಪಾವಶಿಷ್ಟಾಃ ಕುರವಃ ಕಿಮಕುರ್ವತ ವೈ ದ್ವಿಜ॥ 9-1-2 (60113)
ವಿದೀರ್ಯಮಾಣಂ ಚ ಬಲಂ ದೃಷ್ಟ್ವಾ ರಾಜಾ ಸುಯೋಧನಃ।
ಪಾಂಡವೈಃ ಪ್ರಾಪ್ತಕಾಲಂ ಚ ಕಿಂ ಪ್ರಾಪದ್ಯತ ಕೌರವಃ॥ 9-1-3 (60114)
ಏತದಿಚ್ಛಾಂಯಹಂ ಶ್ರೋತುಂ ತದಾಚಕ್ಷ್ವ ದ್ವಿಜೋತ್ತಮ।
ನ ಹಿ ತೃಪ್ಯಾಮಿ ಪೂರ್ವೇಷಾಂ ಶೃಣ್ವಾನಶ್ಚರಿತಂ ಮಹತ್॥ 9-1-4 (60115)
ವೈಶಂಪಾಯನ ಉವಾಚ। 9-1-5x (5081)
ತತಃ ಕರ್ಣೇ ಹತೇ ರಾಜಂಧಾರ್ತರಾಷ್ಟ್ರಃ ಸುಯೋಧನಃ।
ಭೃಶಂ ಶೋಕಾರ್ಣವೇ ಮಗ್ನೋ ನಿರಾಶಃ ಸರ್ವತೋಽಭವತ್॥ 9-1-5 (60116)
ಹಾಕರ್ಣ ಹಾಕರ್ಣ ಇತಿ ಶೋಚಮಾನೋ ಮುಹುರ್ಮುಹುಃ।
ಕೃಚ್ಛ್ರಾತ್ಸ್ವಶಿಬಿರಂ ಪ್ರಾಯಾದ್ವತಶಿಷ್ಟೈರ್ನೃಪೈಃ ಸಹ॥ 9-1-6 (60117)
ಸ ಸಮಾಶ್ವಾಸ್ಯಮಾನೋಽಪಿ ಹೇತುಭಿಃ ಶಾಸ್ತ್ರನಿಶ್ಚಿತೈಃ।
ರಾಜನ್ವಿಭೂತಿಮಿಚ್ಛದ್ಭಿಃ ಸೂತಪುತ್ರಮನುಸ್ಮರನ್॥ 9-1-7 (60118)
ಸ ದೈವಂ ಬಲವನ್ಮತ್ವಾ ಪ್ರಭಾತೇ ವಿಮಲೇ ಸತಿ।
ಸಂಗ್ರಾಮೇ ನಿಶ್ಚಯಂ ಕೃತ್ವಾ ಪುನರ್ಯುದ್ವಾಯ ನಿರ್ಯಯೌ॥ 9-1-8 (60119)
ಶಲ್ಯಂ ಸೇನಾಪತಿಂ ಕೃತ್ವಾ ವಿಧಿವದ್ರಾಜಸತ್ತಮಂ।
ರಣಾಯ ನಿರ್ಯಯೌ ರಾಜಾ ಹತಶಿಷ್ಟೈರ್ನೃಪೈಃ ಸಹ॥ 9-1-9 (60120)
ತತಃ ಸುತುಮುಲಂ ಯುದ್ಧಂ ಕುರುಪಾಂಡವಸೇನಯೋಃ।
ಬಭೂವ ಭರತಶ್ರೇಷ್ಠ ದೇವಾಸುರರಣೋಪಮಂ॥ 9-1-10 (60121)
ತತಃ ಶಲ್ಯೋ ಮಹಾರಾಜ ಕೃತ್ವಾ ಕದನಮಾಹವೇ।
ಪಾಂಡುಸೈನ್ಯೇಽಥ ಮಧ್ಯಾಹ್ನೇ ಧರ್ಮರಾಜೇನ ಪಾತಿತಃ॥ 9-1-11 (60122)
ತತೋ ದುರ್ಯೋಧನೋ ರಾಜಾ ಹತಬಂಧೂ ರಣಾಜಿರಾತ್।
ಅಪಸೃತ್ಯ ಹದಂ ಘೋರಂ ವಿವೇಶ ರಿಪುಜಾದ್ಭುಯಾತ್॥ 9-1-12 (60123)
ಅಥಾಪರಾಹ್ಣೇ ತಸ್ಯಾಹ್ನಃ ಪರಿವಾರ್ಯ ಮಹಾರಥೈಃ।
ಹದಾದಾಹೂಯ ಯುದ್ವಾಯ ಭೀಮಸೇನೇನ ಪಾತಿತಃ॥ 9-1-13 (60124)
ತಸ್ಮಿಂಸ್ತು ನಿಹತೇ ವೀರೇ ಮಹೇಷ್ವಾಸಾಸ್ತ್ರಯೋ ರಣೇ।
ಕೃತವರ್ಮಾ ಕೃಪೋ ದ್ರೌಣಿರ್ಜಘ್ನುಃ ಪಾಂಡವಸೈನಿಕಾನ್॥ 9-1-14 (60125)
ತತಃ ಪೂರ್ವಾಹ್ಣಸಮಯೇ ಶಿಬಿರಾದೇತ್ಯ ಸಂಜಯಃ।
ಪ್ರವಿವೇಶ ಪುರೀಂ ದೀನೋ ದುಃಖಶೋಕಸಮನ್ವಿತಃ॥ 9-1-15 (60126)
ಸ ಪ್ರವಿಶ್ಯ ಪುರೀಂ ಸೂತೋ ಭೂಜಾವುಚ್ಛ್ರಿತ್ಯ ದುಃಖಿತಃ।
ವೇಪಮಾನಸ್ತತೋ ರಾಜ್ಞಃ ಪ್ರವಿಪ್ರೇಶ ನಿವೇಶನಂ॥ 9-1-16 (60127)
ಧಾವತಶ್ಚಾಪ್ಯಪಶ್ಯxxx ತತ್ರತ್ಯಾನ್ಪುರುಷರ್ಷಭಾನ್।
ನಷ್ಟಚಿತ್ತಾನಿವೋನ್ಮತ್ತಾಞ್ಶೋಕೇನ ಭೃಶದುಃಖಿತಾನ್॥ 9-1-17 (60128)
ದೃಷ್ಟ್ವೈವ ಚ ನರಾಞ್ಶೀಘ್ರಂ ವ್ಯಾಜಹಾರಾತಿದುಃಖಿತಃ।
ಅಹೋ ಬತ ವಿಪನ್ನೋಽಸ್ಮಿ ನಿಧನೇನ ಮಹಾತ್ಮನಃ॥ 9-1-18 (60129)
ಅಹೋ ಸುಬಲವಾನ್ಕಾಲೋ ಗತಿಶ್ಚ ಪರಮಾ ತಥಾ।
ಶುಕ್ರತುಲ್ಯಬಲಾಃ ಸರ್ವೇ ಯತ್ರಾಹನ್ಯಂತ ಪಾರ್ಥಿವಾಃ॥ 9-1-19 (60130)
ತಂ ದೃಷ್ಟ್ವೈವ ಪುರೇ ರಾಜಂಜನಃ ಸರ್ವಃ ಸ್ಮ ಸಂಜಯಂ।
ಪ್ರರುರೋದ ಭಯೋದ್ವಿಗ್ನೋ ಹಾ ರಾಜನ್ನಿತಿ ಸುಸ್ವರಂ॥ 9-1-20 (60131)
ಆಕುಮಾರಂ ನರವ್ಯಾಘ್ರ ತತ್ಪುರಂ ವೈ ಸಮಂತತಃ।
ಆರ್ತನಾದಂ ಮಹಚ್ಚಕ್ರೇ ಶ್ರುತ್ವಾ ವಿನಿಹತಂ ನೃಪಂ॥ 9-1-21 (60132)
ತಥಾ ಸ ವಿಹ್ವಲಃ ಸೂತಃ ಪ್ರವಿಶ್ಯ ನೃಪತಿಕ್ಷಯಂ।
ದದರ್ಶ ನೃಪತಿಶ್ರೇಷ್ಠಂ ಪ್ರಜ್ಞಾಚಕ್ಷುಷಮೀಶ್ವರಂ॥ 9-1-22 (60133)
ದೃಷ್ಟ್ವಾ ಚಾಸೀನಮನಘಂ ಸಮಂತಾತ್ಪರಿವಾರಿತಂ।
ಸ್ನುಷಾಮಿರ್ಭರತಶ್ರೇಷ್ಠ ಗಾಂಧಾರ್ಯಾ ವಿದುರೇಣ ಚ।
ತಥಾಽನ್ಯೈಶ್ಚ ಸುಹೃದ್ಭಿಶ್ಚ ಜ್ಞಾತಿಮಿಶ್ಚ ಹಿತೈಷಿಭಿಃ॥ 9-1-23 (60134)
ತಮೇವ ಚಾರ್ಥಂ ಧ್ಯಾಯಂತಂ ಕರ್ಣಸ್ಯ ನಿಧನಂ ಪ್ರತಿ।
ರುದನ್ನೇವಾಬ್ರವೀದ್ವಾಕ್ಯಂ ರಾಜಾನಂ ಜನಮೇಜಯ॥ 9-1-24 (60135)
ನಾತಿಹೃಷ್ಟಮನಾಃ ಸೂತೋ ಬಾಷ್ಪಸಂದಿಗ್ಧಯಾ ಗಿರಾ।
ಸಂಜಯೋಽಹಂ ನರವ್ಯಾಘ್ರ ನಮಸ್ತೇ ಭರತರ್ಷಭ॥ 9-1-25 (60136)
ಮದ್ರಾಧಿಪೋ ಹತಃ ಶಲ್ಯಃ ಶಕುನಿಃ ಸೌಬಲಸ್ತಥಾ।
ಉಲೂಕಃ ಪುರುಷವ್ಯಾಘ್ರ ಕೈತವ್ಯೋ ದೃಢವಿಕ್ರಮಃ॥ 9-1-26 (60137)
ಸಂಶಪ್ತಕಾ ಹತಾಃ ಸರ್ವೇ ಕಾಂಭೋಜಾಶ್ಚ ಶಕೈಃ ಸಹ।
ಂಲೇಚ್ಛಾಶ್ಚ ಪಾರ್ವತೀಯಾಶ್ಚ ಯವನಾಶ್ಚ ನಿಪಾತಿತಾಃ॥ 9-1-27 (60138)
ಪ್ರಾಚ್ಯಾ ಹತಾ ಮಹಾರಾಜ ದಾಕ್ಷಿಣಾತ್ಯಾಶ್ಚ ಸರ್ವಶಃ।
ಉದೀಚ್ಯಾಶ್ಚ ಹತಾಃ ಸರ್ವೇ ಪ್ರತೀಚ್ಯಾಶ್ಚ ನರೋತ್ತಮಾಃ।
ರಾಜಾನೋ ರಾಜಪುತ್ರಾಶ್ಚ ಸರ್ವೇ ವಿನಿಹತಾ ನೃಪ॥ 9-1-28 (60139)
ಕರ್ಣಪುತ್ರೋ ಹತಃ ಶೂರಃ ಸತ್ಯಸೇನೋ ಮಹಾಬಲಃ॥ 9-1-29 (60140)
ದುರ್ಯೋಧನೋ ಹತೋ ರಾಜಾ ಯಯೋಕ್ತಂ ಪಾಂಡವೇನ ಹ।
xxxxxx ಮಹಾರಾಜ ಶೇತೇ ಪಾಂಸುಷು ರೂಷಿತಃ॥ 9-1-30 (60141)
xxxxxx ಹತೋ xxx ಜಞ್ಶಿಖಂಡೀ ಚಾಪರಾಜಿತಃ।
ಉತ್ತಮೌಜ ಯುಧಾಮನ್ಯುಸ್ತಥಾ ಸರ್ವೇ ಪ್ರಭದ್ರಕಾಃ॥ 9-1-31 (60142)
ಪಾಂಚಾಲಶ್ಚ ನರವ್ಯಾಘ್ರ ಚೇದಯಶ್ಚ ನಿಷೂದಿತಾಃ।
ತವ ಪುತ್ರಾ ಹತಾಃ ಸರ್ವೇ ದ್ರೌಪದೇಯಾಶ್ಚ ಭಾರತ॥ 9-1-32 (60143)
ನರಾ ವಿನಿಹತಾಃ ಸರ್ವೇ ಗಜಾಶ್ಚ ವಿನಿಪಾತಿತಾಃ।
ರಥಿನತ್ರ ನರವ್ಯಾಘ್ರ ಹಯಾಶ್ಚ ನಿಹತಾ ಯುಧಿ॥ 9-1-33 (60144)
ನಿxxxx ಶಿಬಿರಂ ರಾವಂಜಾವಕಾನಾಂ ಕೃತಂ ಪ್ರಭೋ।
ಪಾಂಡವಾನಾಂ ಚ ಶೂರಾಣಾಂ ಸಮಾಸಾದ್ಯ ಪರಸ್ಪರಂ॥ 9-1-34 (60145)
xxxx ಸ್ರೀಶೇಷಮಭವಜ್ಜಗತ್ಕಾಲೇನ ಮೋಹಿತಂ।
ಸಪ್ತ ಪಾಣ಼್ಡವತಃ ಶಿಷ್ಟಾ ಧಾರ್ತರಾಷ್ಟ್ರಾಸ್ತ್ರಯೋರಥಾಃ॥ 9-1-35 (60146)
ತೇ ಚೈವ ಭ್ರಾತರಃ ಪಂಚ ವಾಸುದೇವೋಽಥ ಸಾತ್ಯಕಿಃ।
ಕೃಪಶ್ಚ ಕೃತವರ್ಮಾ ಚ ದ್ರೌಣಿಶ್ಚ ಜಯತಾಂ ವರಃ॥ 9-1-36 (60147)
ಏತೇ ಶೇಷಾ ಮಹಾರಾಜ ರಥಿನೋ ನೃಪಸತ್ತಮ।
ಅಕ್ಷೌಹಿಣೀನಾಮಷ್ಟಾನಾಂ ದಶಾನಾಂ ಚ ನ ಸಂಶಯಃ॥ 9-1-37 (60148)
ಏತೇ ಶೇಷಾ ಮಹಾರಾಜ ಸರ್ವೇಽನ್ಯೇ ನಿಧನಂ ಗತಾಃ।
ಕಾಲೇನ ನಿಹತಂ ಸರ್ವಂ ಜಗದ್ವೈ ಭರತರ್ಷಭ।
ದುರ್ಯೋಧನಂ ವೈ ಪುರತಃ ಕೃತ್ವಾ ಸರ್ವೇ ನರಾ ಹತಾಃ॥ 9-1-38 (60149)
ವೈಶಂಪಾಯನ ಉವಾಚ। 9-1-39x (5082)
ಏತಚ್ಛ್ರುತ್ವಾ ವಚಃ ಕ್ರೂರಂ ಧೃತರಾಷ್ಟ್ರೋ ಜನೇಶ್ವರಃ।
ನಿಪಪಾತ ಸ ರಾಜೇಂದ್ರೋ ಗತಸತ್ವೋ ಮಹೀತಲೇ॥ 9-1-39 (60150)
ತಸ್ಮಿನ್ನಿಪತಿತೇ ವೀರೇ ವಿದುರೋಽಪಿ ಮಹಾಯಶಾಃ।
ನಿಪಪಾತ ಮಹಾರಾಜ ಶೋಕವ್ಯಸನಕರ್ಶಿತಃ॥ 9-1-40 (60151)
ಗಾಂಧಾರೀ ಚ ಮಹಾಭಾಗಾ ಸರ್ವಾಶ್ಚ ಕುರುಯೋಷಿತಃ।
ಪತಿತಾಃ ಸಹಸಾ ಭೂಮೌ ಶ್ರುತ್ವಾ ಘೋರತರಂ ವಚಃ॥ 9-1-41 (60152)
ನಿಃಸಂಜ್ಞಂ ಪತಿತಂ ಭೂಮೌ ತದಾಽಽಸೀದ್ರಾಜಮಂಡಲಂ।
ವಿಲಾಪಮುಕ್ತೋಪಹತಂ ಚಿತ್ರಂ ನ್ಯಸ್ತಂ ಪಟೇ ಯಥಾ॥ 9-1-42 (60153)
ಕೃಚ್ಛ್ರೇಣ ತು ತತೋ ರಾಜಾ ಧೃತರಾಷ್ಟ್ರೋ ಮಹೀಪತಿಃ।
ಶನೈರಲಭತ ಪ್ರಾಣಾನ್ಪುತ್ರವ್ಯಸನಕರ್ಶಿತಃ॥ 9-1-43 (60154)
ಲಬ್ಧ್ವಾ ತು ಸ ನೃಪಃ ಪ್ರಾಣಾನ್ವೇಪಮಾನಃ ಸುದುಃಖಿತಃ।
ನಿರೀಕ್ಷ್ಯ ಚ ದಿಶಃ ಸರ್ವಾಃ ಕ್ಷತ್ತಾರಂ ವಾಕ್ಯಮಬ್ರವೀತ್॥ 9-1-44 (60155)
ವಿದ್ಧಿ ಕ್ಷತ್ತರ್ಮಹಾಪ್ರಾಜ್ಞ ತ್ವಂ ಗತಿರ್ಭರತರ್ಷಭ।
ಮಮಾನಾಥಸ್ಯ ಸುಭೃಶಂ ಪುತ್ರೈರ್ಹೀನಸ್ಯ ಸರ್ವಶಃ।
ಏವಮುಕ್ತ್ವಾ ತತೋ ಭೂಯೋ ವಿಸಂಜ್ಞೋ ನಿಪಪಾತ ಹ॥ 9-1-45 (60156)
ತಂ ತಥಾ ಪತಿತಂ ದೃಷ್ಟ್ವಾ ಬಾಂಧವಾ ಯೇಽಸ್ಯ ಕೇಚನ।
ಶೀತೈಸ್ತೇ ಸಿಷಿಚುಸ್ತೋಯೈರ್ವಿವ್ಯಜುರ್ವ್ಯಜನೈರಪಿ॥ 9-1-46 (60157)
ಸ ತು ದೀರ್ಘೇಣ ಕಾಲೇನ ಪ್ರತ್ಯಾಶ್ವಸ್ತೋ ನರಾಧಿಪಃ।
ತೂಷ್ಣೀಮಾಸೀನ್ಮಹೀಪಾಲಃ ಪುತ್ರವ್ಯಸನಕರ್ಶಿತಃ॥ 9-1-47 (60158)
ನಿಃಶ್ವಸಂಜಿಹ್ಮಗ ಇವ ಕುಂಭಕ್ಷಿಪ್ತೋಽಭವನ್ನೃಪಃ॥ 9-1-48 (60159)
ಸಂಜಯೋಽಪ್ಯರುದತ್ತತ್ರ ದೃಷ್ಟ್ವಾ ರಾಜಾನಮಾತುರಂ।
ತಥಾ ಸರ್ವಾಃ ಸ್ತ್ರಿಯಶ್ಚೈವ ಗಾಂಧಾರೀ ಚ ಯಶಸ್ವಿನೀ॥ 9-1-49 (60160)
ತತೋ ದೀರ್ಘೇಣ ಕಾಲೇನ ವಿದುರಂ ವಾಕ್ಯಮಬ್ರವೀತ್।
ಧೃತರಾಷ್ಟ್ರೋ ನರಶ್ರೇಷ್ಠ ಮುಹ್ಯಮಾನೋ ಮುಹುರ್ಮುಹುಃ॥ 9-1-50 (60161)
ಗಚ್ಛಂತು ಯೋಷಿತಃ ಸರ್ವಾ ಗಾಂಧಾರೀ ಚ ಯಶಸ್ವಿನೀ।
ತಥೇಮೇ ಸುಹೃದಃ ಸರ್ವೇ ಮುಹ್ಯತೇ ಮೇ ಮನೋ ಭೃಶಂ॥ 9-1-51 (60162)
ಏವಮುಕ್ತಸ್ತತಃ ಕ್ಷತ್ತಾ ತಾಃ ಸ್ತ್ರಿಯೋ ಭರತರ್ಷಭ।
ವಿಸರ್ಜಯಾಮಾಸ ಶನೈರ್ಮುಹ್ಯಮಾನಃ ಪುನಃಪುನಃ॥ 9-1-52 (60163)
ನಿಶ್ಚಕ್ರಮುಸ್ತತಃ ಸರ್ವಾಃ ಸ್ತ್ರಿಯೋ ಭರತಸತ್ತಮ।
ಸುಹೃದಶ್ಚ ತಥಾ ಸರ್ವೇ ದೃಷ್ಟ್ವಾ ರಾಜಾನಮಾತುರಂ॥ 9-1-53 (60164)
ತತೋ ನರಪತಿಸ್ತತ್ರ ಲಬ್ಧ್ವಾ ಸಂಜ್ಞಾಂ ಪರಂತಪಃ।
ಗತಿರ್ಮೇ ಕೋ ಭವೇದದ್ಯ ಇತಿ ಚಿಂತಾಸಮಾಕುಲಃ।
ಅಪೃಚ್ಛತ್ಸಂಜಯಂ ತತ್ರ ರೋದಮಾನಂ ಭೃಶಾತುರಂ॥ 9-1-54 (60165)
ಪ್ರಾಂಜಲಿಂ ಸಂಜಯಂ ದೃಷ್ಟ್ವಾ ರೋದಮಾನಂ ಮುಹುರ್ಮುಹುಃ।
ಜ್ಞಾತೀನ್ಸ್ತ್ರಿಯೋಽಥ ನಿರ್ಯಾಪ್ಯ ಪ್ರವಿಶ್ಯ ವಿದುರಃಪುನಃ॥ 9-1-55 (60166)
ರಾಜಾನಂ ಶೋಚಮಾನಸ್ತು ತಂ ಶೋಚಂತಂ ಮುಹುರ್ಮುಹುಃ।
ಸಮಾಶ್ವಾಸಯತ ಕ್ಷತ್ತಾ ವಚಸಾ ಮಧುರೇಣ ಚ॥ ॥ 9-1-56 (60167)
ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಶಲ್ಯವಧಪರ್ವಣಿ ಪ್ರಥಮೋಽಧ್ಯಾಯಃ॥ 1 ॥
Mahabharata - Shalya Parva - Chapter Footnotes
9-1-12 ಅಪರಾಹೇ ಅಪರಾರ್ಧೇ॥ 9-1-41 ವಿಲಾಪವುಕ್ತೋಪಹತಂ ಇತಿ ಙ.ಪಾಠಃ। ವಿಲಾಪಯುಕ್ತಂ ಸುಮಹತ್ ಇತಿ ಘ. ಪಾಠಃ॥ 9-1-1 ಪ್ರಥಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 002
॥ ಶ್ರೀಃ ॥
9.2. ಅಧ್ಯಾಯಃ 002
Mahabharata - Shalya Parva - Chapter Topics
ಧೃತರಾಷ್ಟ್ರೇಣ ಸಂಜಯಸ್ಯ ಪುರತೋ ದುರ್ಯೋಧನವಚನಾನುಸ್ಮರಣೇನ ವಿಲಾಪಃ॥ 1 ॥Mahabharata - Shalya Parva - Chapter Text
9-2-0 (60168)
ವೈಶಂಪಾಯನ ಉವಾಚ। 9-2-0x (5083)
ವಿಸೃಷ್ಟಾಸ್ವಥ ನಾರೀಷು ಧೃತರಾಷ್ಟ್ರೋಽಂಬಿಕಾಸುತಃ।
ವಿಲಲಾಪ ಮಹಾರಾಜ ದುಃಖಾದ್ದುಃಖತರಂ ಗತಃ॥ 9-2-1 (60169)
ಸಧೂಮಮಿವ ನಿಃಶ್ವಸ್ಯ ಕರೌ ಧುನ್ವನ್ಪುನಃಪುನಃ।
ಬಹು ಸಂಚಿಂತಯಿತ್ವಾ ತು ಸಂಜಯಂ ವಾಕ್ಯಮಬ್ರವೀತ್॥ 9-2-2 (60170)
ಧೃತರಾಷ್ಟ್ರ ಉವಾಚ। 9-2-3x (5084)
ಅಹೋ ಬತ ಮಹದ್ದುಃಖಂ ಯದಹಂ ಪಾಂಡವಾನ್ರಣೇ।
ಕ್ಷೇಮಿಣಶ್ಚಾವ್ಯಯಾಂಶ್ಚೈವ ತ್ವತ್ತಃ ಸೂತ ಶೃಣೋಮಿ ವೈ॥ 9-2-3 (60171)
ವಜ್ರಸಾರಮಯಂ ನೂನಂ ಹೃದಯಂ ಸುದೃಢಂ ಮಮ।
ಯಚ್ಛ್ರುತ್ವಾ ನಿಹತಾನ್ಪುತ್ರಾಂದೀರ್ಯತೇ ನ ಸಹಸ್ರಧಾ॥ 9-2-4 (60172)
ಚಿಂತಯಿತ್ವಾ ವಚಸ್ತೇಷಾಂ ಬಾಲಕ್ರೀಡಾಂ ಚ ಸಂಜಯ।
ಅದ್ಯ ಚೈವ ಹತಾಞ್ಶ್ರುತ್ವಾ ದೀರ್ಯತೇ ಮೇ ಭೃಶಂ ಮನಃ॥ 9-2-5 (60173)
ಅಂಧತ್ವಾದ್ಯದಿ ಪುತ್ರಾಣಾಂ ನ ಮೇ ರೂಪಿನಿದರ್ಶನಂ।
ಪುತ್ರಸ್ನೇಹಕೃತಾ ಪ್ರೀತಿರ್ನಿತ್ಯಮೇತೇಷು ಧಾರಿತಾ॥ 9-2-6 (60174)
ಬಾಲಭಾವಮತಿಕ್ರಂಯ ಯೌವನಸ್ಥಾಂಶ್ಚ ತಾನಹಂ।
ಶ್ರಿಯಂ ಪ್ರಾಪ್ತಾಂಶ್ಚ ತಾಞ್ಶ್ರುತ್ವಾ ಹೃಷ್ಟ ಆಸಂ ತದಾಽನಘ॥ 9-2-7 (60175)
ತಾನದ್ಯ ನಿಹತಾಞ್ಶ್ರುತ್ವಾ ಹತೈಶ್ವರ್ಯಾನ್ಹತೌಜಸಃ।
ನ ಲಭೇಯಂ ಕ್ವಚಿಚ್ಛಾಂತಿಂ ಪುತ್ರಾಧಿಭಿರಭಿಪ್ಲುತಃ॥ 9-2-8 (60176)
ಏಹ್ಯೇಹಿ ವತ್ಸ ರಾಜೇಂದ್ರ ಮಮಾನಾಥಸ್ಯ ಪುತ್ರಕ।
ತ್ವಯಾ ಹೀನೋ ಮಹಾಬಾಹೋ ಕಾಂ ನು ಯಾಸ್ಯಾಂಯಹಂ ಗತಿಂ॥ 9-2-9 (60177)
ಕಥಂ ತ್ವಂ ಪೃಥಿವೀಪಾಲಾಂಸ್ತ್ಯಕ್ತ್ವಾ ತಾತ ಸಮಾಗತಾನ್।
ಶೇಷೇ ವಿನಿಹತೋ ಭೂಮೌ ಪ್ರಾಕೃತಃ ಕುನೃಪೋ ಯಥಾ॥ 9-2-10 (60178)
ಗತಿರ್ಭೂತ್ವಾ ಮಹಾರಾಜ ಜ್ಞಾತೀನಾಂ ಸುಹೃದಾಂ ತಥಾ।
ಅಂಧಂ ವೃದ್ವಂ ಚ ಮಾಂ ವೀರ ವಿಹಾಯ ಕ್ವ ನು ಯಾಸ್ಯಸಿ॥ 9-2-11 (60179)
ಸಾ ಕೃಪಾ ಸಾ ಚ ತೇ ಪ್ರೀತಿಃ ಸಾ ಚ ರಾಜಸು ಮಾನಿತಾ।
ಕಥಂ ತ್ವಂ ನಿಹತಃ ಪಾರ್ಥೈಃ ಸಂಯುಗೇಷ್ವಪರಾಜಿತಃ॥ 9-2-12 (60180)
ಕೋ ನು ಮಾಮುತ್ಥಿತಃ ಕಾಲೇ ತಾತತಾತೇತಿ ವಕ್ಷ್ಯತಿ।
ಮಹಾರಾಜೇತಿ ಸತತಂ ಲೋಕನಾಥೇತಿ ಚಾಸಕೃತ್॥ 9-2-13 (60181)
ಪರಿಷ್ವಜ್ಯ ಚ ಕಂ ಕಂಠೇ ಸ್ನೇಹೇನ ಕ್ಲಿನ್ನಲೋಚನಃ।
ಅನುಶಾಸ್ತಾಽಸ್ಮಿ ಕೌರವ್ಯ ತತ್ಸಾಧು ವದಮೇ ವಚಃ॥ 9-2-14 (60182)
ನನು ನಾಮಾಹಮಶ್ರೌಷಂ ವಚನಂ ತವ ಪುತ್ರಕ।
ಭೂಯಸೀ ಮಮ ಪೃಥ್ವೀಯಂ ತಾತ ಪಾರ್ಥಸ್ಯ ನೋ ತಥಾ॥ 9-2-15 (60183)
ಭಗದತ್ತಃ ಕೃಪಃ ಶಲ್ಯ ಆವಂತ್ಯೋಽಥ ಜಯದ್ರಥಃ।
ಭೂರಿಶ್ರವಾಃ ಸೋಮದತ್ತೋ ಮಹಾರಾಜಶ್ಚ ಬಾಹ್ಲಿಕಃ॥ 9-2-16 (60184)
ಅಶ್ವತ್ಥಾಮಾ ಚ ಭೋಜಶ್ಚ ಮಾಗಧಶ್ಚ ಮಹಾಬಲಃ।
ಬೃಹದ್ಬಲಶ್ಚ ಕ್ರಾಥಶ್ಚ ಶಕುನಿಶ್ಚಾಪಿ ಸೌಬಲಃ॥ 9-2-17 (60185)
ಂಲೇಚ್ಛಾಶ್ಚ ಶತಸಾಹಸ್ರಾಃ ಶಕಾಶ್ಚ ಯವನೈಃ ಸಹ।
ಸುದಕ್ಷಿಣಶ್ಚ ಕಾಂಭೋಜಸ್ತ್ರಿಗರ್ತಾಧಿಪತಿಸ್ತಥಾ॥ 9-2-18 (60186)
ಭೀಷ್ಮಃ ಪಿತಾಮಹಶ್ಚೈವ ಭಾರದ್ವಾಜೋಽಥ ಗೌತಮಃ।
ಶ್ರುತಾಯುಶ್ಚಾಶ್ರುತಾಯುಶ್ಚ ಶತಾಯುಶ್ಚಾಪಿ ವೀರ್ಯವಾನ್॥ 9-2-19 (60187)
ಜಲಸಂಧೋಽಥಾರ್ಷ್ಯಶೃಂಗೀ ರಾಕ್ಷಸಶ್ಚಾಪ್ಯಲಾಯುಧಃ।
ಅಲಂಬುಸೋ ವೀರಬಾಹುಃ ಸುಬಾಹುಶ್ಚ ಮಹಾರಥಃ॥ 9-2-20 (60188)
ಏತೇ ಚಾನ್ಯೇ ಚ ಬಹವೋ ರಾಜಾನೋ ರಾಜಸತ್ತಮ।
ಮದರ್ಥಂ ಪ್ರಹರಿಷ್ಯಂತಿ ಪ್ರಾಣಾಂಸ್ತ್ಯಕ್ತ್ವಾ ಧನಾನಿ ಚ॥ 9-2-21 (60189)
ತೇಷಾಂ ಮಧ್ಯೇ ಸ್ಥಿತೋ ಯುದ್ಧೇ ಭ್ರಾತೃಭಿಃ ಪರಿವಾರಿತಃ।
ಯೋಧಯಿಷ್ಯಾಂಯಹಂ ಪಾರ್ಥಾನ್ಪಾಂಚಾಲಾಂಶ್ಚೈವ ಸರ್ವಶಃ॥ 9-2-22 (60190)
ಚೇದೀಂಶ್ಚ ನೃಪಶಾರ್ದೂಲ ದ್ರೌಪದೇಯಾಂಶ್ಚ ಸಂಯುಗೇ।
ಸಾತ್ಯಕಿಂ ಕುಂತಿಭೋಜಂ ಚ ರಾಕ್ಷಸಂ ಚ ಘಟೋತ್ಕಚಂ॥ 9-2-23 (60191)
ಏಕೋಽಪ್ಯೇಷಾಂ ಮಹಾರಾಜ ಸಮರ್ಥಃ ಸನ್ನಿವಾರಣೇ।
ಸಮರೇ ಪಾಂಡವೇಯಾನಾಂ ಸಂಕ್ರುದ್ಧೋ ಹ್ಯಭಿಧಾವತಾಂ॥ 9-2-24 (60192)
ಕಿಂ ಪುನಃ ಸಹಿತಾ ವೀರಾಃ ಕೃತವೈರಾಶ್ಚ ಪಾಂಡವೈಃ।
ಅಥವಾ ಸರ್ವ ಏವೈತೇ ಪಾಂಡವಸ್ಯಾನುಯಾಯಿಭಿಃ॥ 9-2-25 (60193)
ಯೋತ್ಸ್ಯಂತೇ ಸಹ ರಾಜೇಂದ್ರ ಹನಿಷ್ಯಂತಿ ಚ ತಾನ್ಮೃಧೇ।
ಕರ್ಣ ಏಕೋ ಮಯಾ ಸಾರ್ಧಂ ನಿಹನಿಷ್ಯತಿ ಪಾಂಡವಾನ್॥ 9-2-26 (60194)
ತೇ ವೈ ನೃಪತಯೋ ವೀರಾಃ ಸ್ಥಾಸ್ಯಂತಿ ಮಮ ಶಾಸನೇ॥ 9-2-27 (60195)
ಯಶ್ಚ ತೇಷಾಂ ಪ್ರಣೇತಾ ವೈ ವಾಸುದೇವೋ ಮಹಾಬಲಃ।
ನ ಸ ಸನ್ನಹ್ಯತೇ ರಾಜನ್ನಿತಿ ಮಾಮಬ್ರವೀದ್ವಚಃ॥ 9-2-28 (60196)
ಏವಂ ಚ ವದತಃ ಸೂತ ಬಹುಶೋ ಮಮ ಸನ್ನಿಧೌ।
ಯುಕ್ತಿತೋ ಹ್ಯನುಪಶ್ಯಾಮಿ ನಿಹತಾನ್ಪಾಣ಼್ಡವಾನ್ರಣೇ॥ 9-2-29 (60197)
ತೇಷಾಂ ಮಧ್ಯೇ ಸ್ಥಿತಾ ಯತ್ರ ಹನ್ಯಂತೇ ಮಮ ಪುತ್ರಕಾಃ।
ವ್ಯಾಯಚ್ಛಮಾನಾಃ ಸಮರೇ ಕಿಮನ್ಯದ್ಭಾಗಧೇಯತಃ॥ 9-2-30 (60198)
ಭೀಷ್ಮಶ್ಚ ನಿಹತೋ ಯತ್ರ ಲೋಕನಾಥಃ ಪ್ರತಾಪವಾನ್।
ಶಿಖಣ಼್ಡಿನಂ ಸಮಾಸಾದ್ಯ ಮೃಗೇಂದ್ರ ಇವ ಜಂಬುಕಂ॥ 9-2-31 (60199)
ದ್ರೋಣಶ್ಚ ಬ್ರಾಹ್ಮಣೋ ಯತ್ರ ಸರ್ವಶಸ್ತ್ರಾಸ್ತ್ರಪಾರಗಃ।
ನಿಹತಃ ಪಾಂಡವೈಃ ಸಂಖ್ಯೇ ಕಿಮನ್ಯದ್ಭಾಗಧೇಯತಃ॥ 9-2-32 (60200)
ಕರ್ಣಶ್ಚ ನಿಹತಃ ಸಂಖ್ಯೇ ದಿವ್ಯಾಸ್ತ್ರಜ್ಞೋ ಮಹಾಬಲಃ।
ಭೂರಿಶ್ರವಾ ಹತೋ ಪತ್ರ ಸೋಮದತ್ತಶ್ಚ ಸಂಯುಗೇ।
ಬಾಹ್ಲಿಕಶ್ಚ ಮಹಾರಾಜ ಕಿಮನ್ಯದ್ಭಾಗಧೇಯತಃ॥ 9-2-33 (60201)
ಭಗದತ್ತೋ ಹತೋ ಯತ್ರ ಗಜಯುದ್ಧವಿಶಾರದಃ।
ಜಯದ್ರಥಶ್ಚ ನಿಹತಃ ಕಿಮನ್ಯದ್ಭಾಗಧೇಯತಃ॥ 9-2-34 (60202)
ಸುದಕ್ಷಿಣೋ ಹತೋ ಯತ್ರ ಜಲಸಂಧಶ್ಚ ಪೌರವಃ।
ಶ್ರುತಾಯುಶ್ಚಾಶ್ರುತಾಯುಶ್ಚ ಕಿಮನ್ಯದ್ಭಾಗಧೇಯತಃ॥ 9-2-35 (60203)
ಮಹಾಬಲಸ್ತಥಾ ಪಾಂಡ್ಯಃ ಸರ್ವಶಸ್ತ್ರಭೃತಾಂ ವರಃ।
ನಿಹತಃ ಪಾಂಡವೈಃ ಸಂಖ್ಯೇ ಕಿಮನ್ಯದ್ಭಾಗಧೇಯತಃ॥ 9-2-36 (60204)
ಬೃಹದ್ಬಲೋ ಹತೋ ಯತ್ರ ಮಾಗಧಶ್ಚ ಮಹಾಬಲಃ।
ಉಗ್ರಾಯುಧಶ್ಚ ವಿಕ್ರಾಂತಃ ಪ್ರತಿಮಾನಂ ಧನುಷ್ಮತಾಂ॥ 9-2-37 (60205)
ಆವಂತ್ಯೋ ನಿಹತೋ ಯತ್ರ ತ್ರೈಗರ್ತಶ್ಚ ಜನಾಧಿಪಃ।
ಸಂಶಪ್ತಕಾಶ್ಚ ನಿಹತಾಃ ಕಿಮನ್ಯದ್ಭಾಗಧೇಯತಃ॥ 9-2-38 (60206)
ಅಲಂಬುಸಸ್ತಥಾ ರಾಜನ್ರಾಕ್ಷಸಶ್ಚಾಪ್ಯಲಾಯುಧಃ।
ಆರ್ಷ್ಯಶೃಂಗಿಶ್ಚ ನಿಹತಃ ಕಿಮನ್ಯದ್ಭಾಗಧೇಯತಃ॥ 9-2-39 (60207)
ನಾರಾಯಣಾ ಹತಾ ಯತ್ರ ಗೋಪಾಲಾ ಯುದ್ಧದುರ್ಮದಾಃ।
ಂಲೇಚ್ಛಾಶ್ಚ ಬಹುಸಾಹಸ್ರಾಃ ಕಿಮನ್ಯದ್ಭಾಗಧೇಯತಃ॥ 9-2-40 (60208)
ಶಕುನಿಃ ಸೌಬಲೋ ಯತ್ರ ಕೈತವ್ಯಶ್ಚ ಮಹಾಬಲಃ।
ನಿಹತಃ ಸಬಲೋ ವೀರಃ ಕಿಮನ್ಯದ್ಭಾಗಧೇಯತಃ॥ 9-2-41 (60209)
ಏತೇ ಚಾನ್ಯೇ ಚ ಬಹವಃ ಕೃತಾಸ್ತ್ರಾ ಯುದ್ಧದುರ್ಮದಾಃ।
ರಾಜಾನೋ ರಾಜಪುತ್ರಾಶ್ಚ ಶೂರಾಃ ಪರಿಘಬಾಹವಃ।
ನಿಹತಾ ಬಹವೋ ಯತ್ರ ಕಿಮನ್ಯದ್ಭಾಗಧೇಯತಃ॥ 9-2-42 (60210)
ಯತ್ರ ಶೂರಾ ಮಹೇಷ್ವಾಸಾಃ ಕೃತಾಸ್ತ್ರಾ ಯುದ್ವದುರ್ಮದಾಃ।
ಬಹವೋ ನಿಹತಾಃ ಸೂತ ಮಹೇಂದ್ರಸಮವಿಕ್ರಮಾಃ॥ 9-2-43 (60211)
ನಾನಾದೇಶಸಮಾವೃತ್ತಾಃ ಕ್ಷತ್ರಿಯಾ ಯತ್ರ ಸಂಜಯ।
ನಿಹತಾಃ ಸಮರೇ ಸರ್ವೇ ಕಿಮನ್ಯದ್ಭಾಗಧೇಯತಃ॥ 9-2-44 (60212)
ಪುತ್ರಾಶ್ಚ ಮೇ ವಿನಿಹತಾಃ ಪೌತ್ರಾಶ್ಚೈವ ಮಹಾಬಲಾಃ।
ವಯಸ್ಯಾ ಭ್ರಾತರಶ್ಚೈವ ಕಿಮನ್ಯದ್ಭಾಗಧೇಯತಃ॥ 9-2-45 (60213)
ಭಾಗಧೇಯಸಮಾಯುಕ್ತೋ ಧ್ರುವಮುತ್ಪದ್ಯತೇ ನರಃ।
ಯಸ್ತು ಭಾಗ್ಯಸಮಾಯುಕ್ತಃ ಸ ಶುಭಂ ಪ್ರಾಪ್ನುಯಾನ್ನರಃ॥ 9-2-46 (60214)
ಅಹಂ ವಿಯುಕ್ತಸ್ತೈರ್ಭಾಗ್ಯೈಃ ಪುತ್ರೈಶ್ಚೈವೇಹ ಸಂಜಯ।
ಕಥಮದ್ಯ ಭವಿಷ್ಯಾಮಿ ವೃದ್ಧಃ ಶತ್ರುವಶಂ ಗತಃ॥ 9-2-47 (60215)
ನಾನ್ಯದತ್ರ ಪರಂ ಮನ್ಯೇ ವನವಾಸಾದೃತೇ ಪ್ರಭೋ।
ಸೋಽಹಂ ವನಂ ಗಮಿಷ್ಯಾಮಿ ನಿರ್ಬಂಧುರ್ಜ್ಞಾತಿಸಂಕ್ಷಯೇ॥ 9-2-48 (60216)
ನ ಹಿ ಮೇಽನ್ಯದ್ಭವೇಚ್ಛ್ರೇಯೋ ವನಾಭ್ಯುಪಗಮಾದೃತೇ।
ಇಮಾಮವಸ್ಥಾಂ ಪ್ರಾಪ್ತಸ್ಯ ಲೂನಪಕ್ಷಸ್ಯ ಸಂಜಯ॥ 9-2-49 (60217)
ದುರ್ಯೋಧನೋ ಹತೋ ಯತ್ರ ಶಲ್ಯಶ್ಚ ನಿಹತೋ ಯುಧಿ।
ದುಃಶಾಸನೋ ವಿವಿಂಶಶ್ಚ ವಿಕರ್ಣಶ್ಚ ಮಹಾಬಲಃ॥ 9-2-50 (60218)
ಕಥಂ ಹಿ ಭೀಮಸೇನಸ್ಯ ಶ್ರೋಷ್ಯೇಽಹಂ ಶಬ್ದಮುತ್ತಮಂ।
ಏಕೇನ ಸಮರೇ ಯೇನ ಹತಂ ಪುತ್ರಶತಂ ಮಮ॥ 9-2-51 (60219)
ಅಸಕೃದ್ವದತಸ್ತಸ್ಯ ದುರ್ಯೋಧನವಧೇನ ಚ।
ದುಃಖಶೋಕಾಭಿಸಂತಪ್ತೋ ನ ಶ್ರೋಷ್ಯೇ ಪರುಷಾ ಗಿರಃ॥ 9-2-52 (60220)
ವೈಶಂಪಾಯನ ಉವಾಚ। 9-2-53x (5085)
ಏವಂ ಸ ಶೋಕಸಂತಪ್ತಃ ಪಾರ್ಥಿವೋ ಹತಬಾಂಧವಃ।
ಮುಹುರ್ಮುಹುರ್ಮುಹ್ಯಮಾನಃ ಪುತ್ರಾಧಿಭಿರಭಿಪ್ಲುತಃ॥ 9-2-53 (60221)
ವಿಲಪ್ಯ ಸುಚಿರಂ ಕಾಲಂ ಧೃತರಾಷ್ಟ್ರೋಽಂಬಿಕಾಸುತಃ।
ದೀರ್ಘಮುಷ್ಣಂ ಸ ನಿಃಶ್ವಸ್ಯ ಚಿಂತಯಿತ್ವಾ ಪರಾಭವಂ॥ 9-2-54 (60222)
ದುಃಖೇನ ಮಹತಾ ರಾಜನ್ಸಂತಪ್ತೋ ಭರತರ್ಷಭಃ।
ಪುನರ್ಗಾವಲ್ಗಣಿಂ ಸೂತಂ ಪರ್ಯಪೃಚ್ಛದ್ಯಥಾತಥಂ॥ 9-2-55 (60223)
ಧೃತರಾಷ್ಟ್ರ ಉವಾಚ। 9-2-56x (5086)
ಭೀಷ್ಮದ್ರೋಣೌ ಹತೌ ಶ್ರುತ್ವಾ ಸೂತಪುತ್ರಂ ಚ ಪಾತಿತಂ।
ಸೇನಾಪತಿಂ ಪ್ರಣೇತಾರಂ ಕಮಕುರ್ವತ ಮಾಮಕಾಃ॥ 9-2-56 (60224)
ಯಂ ಯಂ ಸೇನಾಪ್ರಣೇತಾರಂ ಯುಧಿ ಕುರ್ವಂತಿ ಮಾಮಕಾಃ।
ಅಚಿರೇಣೈವ ಕಾಲೇನ ತಂ ತಂ ನಿಘ್ನಂತಿ ಪಾಂಡವಾಃ॥ 9-2-57 (60225)
ರಣಮೂರ್ಧ್ನಿ ಹತೋ ಭೀಷ್ಮಃ ಪಶ್ಯತಾಂ ವಃ ಕಿರೀಟಿನಾ।
ಏವಮೇವ ಹತೋ ದ್ರೋಣಃ ಸರ್ವೇಷಾಮೇವ ಪಶ್ಯತಾಂ॥ 9-2-58 (60226)
ಏವಮೇವ ಹತಃ ಕರ್ಣಃ ಸೂತಪುತ್ರಃ ಪ್ರತಾಪವಾನ್।
ಸರಾಜಕಾನಾಂ ಸರ್ವೇಷಾಂ ಪಶ್ಯತಾಂ ವಃ ಕಿರೀಟಿನಾ॥ 9-2-59 (60227)
ಪೂರ್ವಮೇವಾಹಮುಕ್ತೋ ವೈ ವಿದುರೇಣ ಮಹಾತ್ಮನಾ।
ದುರ್ಯೋಧನಾಪರಾಧೇನ ಪ್ರಜೇಯಂ ವಿನಶಿಷ್ಯತಿ॥ 9-2-60 (60228)
ಕೇಚಿನ್ನ ಸಂಯಕ್ಪಶ್ಯಂತಿ ಮೂಢಾಃ ಸಂಯಗವೇಕ್ಷ್ಯ ಚ।
ತದಿದಂ ಮಮ ಮೂಢಸ್ಯ ತಥಾಭೂತಂ ವಚಃ ಸ್ಮ ತತ್॥ 9-2-61 (60229)
ಯದಬ್ರವೀತ್ಸ ಧರ್ಮಾತ್ಮಾ ವಿದುರೋ ದೀರ್ಘದರ್ಶಿವಾನ್।
ತತ್ತಥಾ ಸಮನುಪ್ರಾಪ್ತಂ ವಚನಂ ಸತ್ಯವಾದಿನಾಃ॥ 9-2-62 (60230)
ದೈವೋಪಹತಚಿತ್ತೇನ ಯನ್ಮಯಾಽನುಷ್ಠಿತಂ ಪುರಾ।
ಅನಯಸ್ಯ ಫಲಂ ತಸ್ಯ ಬ್ರೂಹಿ ಗಾವಲ್ಗಣೇ ಪುನಃ॥ 9-2-63 (60231)
ಕೋ ವಾ ಮುಖಮನೀಕಾನಾಮಾಸೀತ್ಕರ್ಣೋ ನಿಪಾತಿತೇ।
ಅರ್ಜುನಂ ವಾಸುದೇವಂ ಚ ಕೋ ವಾ ಪ್ರತ್ಯುದ್ಯಯೌ ರಥೀ॥ 9-2-64 (60232)
ಕೇಽರಕ್ಷಂದಕ್ಷಿಣಂ ಚಕ್ರಂ ಮದ್ರರಾಜಸ್ಯ ಸಂಯುಗೇ।
ವಾಮಂ ಚ ಯೋದ್ವುಕಾಮಸ್ಯ ಕೇ ವಾ ವೀರಸ್ಯ ಪೃಷ್ಠತಃ॥ 9-2-65 (60233)
ಕಥಂ ಚ ವಃ ಸಮೇತಾನಾಂ ಮದ್ರರಾಜೋ ಮಹಾರಥಃ।
ನಿಹತಃ ಪಾಂಡವೈಃ ಸಂಖ್ಯೇ ಪುತ್ರೋ ವಾ ಮಮ ಸಂಜಯ॥ 9-2-66 (60234)
ಬ್ರೂಹಿ ಸರ್ವಂ ಯಥಾತತ್ತ್ವಂ ಭರತಾನಾಂ ಮಹಾಕ್ಷಯಂ।
ಯಥಾ ಚ ನಿಹತಃ ಸಂಖ್ಯೇ ಪುತ್ರೋ ದುರ್ಯೋಧನೋ ಮಮ॥ 9-2-67 (60235)
ಪಾಂಚಾಲಾಶ್ಚ ಯಥಾ ಸರ್ವೇ ನಿಹತಾಃ ಸಪದಾನುಗಾಃ।
ಧೃಷ್ಟದ್ಯುಂನಃ ಶಿಖಂಡೀ ಚ ದ್ರೌಪದ್ಯಾಃ ಪಂಚ ಚಾತ್ಮಜಾಃ॥ 9-2-68 (60236)
ಪಾಂಡವಾಶ್ಚ ಯಥಾ ಮುಕ್ತಾಸ್ತಥೋಭೌ ಮಾಧವೌ ಯುಧಿ।
ಕೃಪಶ್ಚ ಕೃತವರ್ಮಾ ಚ ಭಾರದ್ವಾಜಸ್ಯ ಚಾತ್ಮಜಃ॥ 9-2-69 (60237)
ಯದ್ಯಥಾ ಯಾದೃಶಂ ಚೈವ ಯುದ್ಧಂ ವೃತ್ತಂ ಚ ಸಾಂಪ್ರತಂ।
ಅಖಿಲಂ ಶ್ರೋತುಮಿಚ್ಛಾಮಿ ಕುಶಲೋ ಹ್ಯಸಿ ಸಂಜಯ॥ ॥ 9-2-70 (60238)
ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಶಲ್ಯವಧಪರ್ವಣಿ ದ್ವಿತೀಯೋಽಧ್ಯಾಯಃ* ॥ 2 ॥* ಏತದನಂತರಂ ಝ.ಪಾಠೇ ಏಕೋಽಧ್ಯಾಯೋಽಧಿಕೋ ದೃಶ್ಯತೇ।
Mahabharata - Shalya Parva - Chapter Topics
ಪಾರ್ಥೇನ ನಿಹತೇ ಕರ್ಣೇ ಪಾಂಡವಭಯಾತ್ಪಲಾಯಮಾನಾಂ ಸೇನಾಂ ನಿವರ್ತ್ಯ ದುರ್ಯೋಧನಸ್ಯ ಪುನರ್ಯುದ್ಧೋದ್ಯಮಃ॥ 1 ॥Mahabharata - Shalya Parva - Chapter Text
9-2-0 (60239)
[ಸಂಜಯ ಉವಾಚ। 9-2-0x (5087)
ಶೃಣು ರಾಜನ್ನವಹಿತೋ ಯಥಾವೃತ್ತೋ ಮಹಾನ್ಕ್ಷಯಃ।
ಕುರೂಣಾಂ ಪಾಂಡವಾನಾಂ ಚ ಸಮಾಸಾದ್ಯ ಪರಸ್ಪರಂ॥ 9-2-1 (60240)
ನಿಹತೇ ಸೂತಪುತ್ರೇ ತು ಪಾಂಡವೇನ ಮಹಾತ್ಮನಾ।
ವಿದ್ರುತೇಷು ಚ ಸೈನ್ಯೇಷು ಸಮಾನೀತೇಷು ಚಾಸಕೃತ್॥ 9-2-2 (60241)
ಘೋರೇ ಮನುಷ್ಯದೇಹಾನಾಮಾಜೌ ನರವರಕ್ಷಯೇ।
ಯತ್ತತ್ಕರ್ಣೇ ಹತೇ ಪಾರ್ಥಃ ಕಸಿಂಹನಾದಮಥಾಕರೋತ್॥ 9-2-3 (60242)
ತದಾ ತವ ಸುತಾನ್ರಾಜನ್ಪ್ರಾವಿಶತ್ಸುಮಹದ್ಭಯಂ॥ 9-2-4 (60243)
ನ ಸಂಧಾತುಮನೀಕಾನಿ ನ ಚೈವಾಥ ಪರಾಕ್ರಮೇ।
ಆಸೀದ್ಬುದ್ಧಿರ್ಹತೇ ಕರ್ಣೇ ತವ ಯೋಧಸ್ಯ ಕಸ್ಯಚಿತ್॥ 9-2-5 (60244)
ವಣಿಜೋ ನಾವಿ ಭಿನ್ನಾಯಾಮಗಾಧೇ ವಿಪ್ಲುವಾ ಇವ।
ಅಪಾರೇ ಪಾರಮಿಚ್ಛಂತೋ ಹತೇ ದ್ವೀಪೇ ಕಿರೀಟಿನಾ॥ 9-2-6 (60245)
ಸೂತಪುತ್ರೋ ಹತೇ ರಾಜನ್ವಿತ್ರಸ್ತಾಃ ಶರವಿಕ್ಷತಾಃ।
ಅನಾಥಾ ನಾಥಮಿಚ್ಛಂತೋ ಮೃಗಾಃ ಸಿಂಹಾರ್ದಿತಾ ಇವ॥ 9-2-7 (60246)
ಭಗ್ನಶೃಂಗಾ ಇವ ವೃಷಾ ಶೀರ್ಣದಂಷ್ಟ್ರಾ ಇವೋರಗಾಃ।
ಪ್ರತ್ಯುಪಾಯಾಮ ಸಾಯಾಹ್ನೇ ನಿರ್ಜಿತಾಃ ಸವ್ಯಸಾಚಿನಾ॥ 9-2-8 (60247)
ಹತಪ್ರವೀರಾ ವಿಧ್ವಸ್ತಾ ನಿಕೃತ್ತಾ ನಿಶಿತೈಃ ಶರೈಃ।
ಸೂತಪುತ್ರೇ ಹತೇ ರಾಜನ್ಪುತ್ರಾಸ್ತೇ ಪ್ರಾದ್ರವಂಸ್ತತಃ॥ 9-2-9 (60248)
ವಿಧ್ವಸ್ತಕವಚನಾಃ ಸರ್ವೇ ಕಾಂದಿಶೀಕಾ ವಿಚೇತಸಃ।
ಅನ್ಯೋನ್ಯಮಭಿನಿಘ್ನಂತೋ ವೀಕ್ಷಮಾಣಾ ಭಯಾದ್ದಿಶಃ॥ 9-2-10 (60249)
ಮಾಮೇವ ನೂನಂ ಬೀಭತ್ಸುರ್ಮಾಮೇವ ಚ ವೃಕೋದರಃ।
ಅಭಿಯಾತೀತಿ ಮನ್ವಾನಾಃ ಪೇತುರ್ಮಂಲುಶ್ಚ ಭಾರತ॥ 9-2-11 (60250)
ಅಶ್ವಾನನ್ಯೇ ಗಜಾನನ್ಯೇ ರಥಾನನ್ಯೇ ಮಹಾರಥಾಃ।
ಆರುಹ್ಯ ಜವಸಂಪನ್ನಾಃ ಪಾದಾತಾನ್ಪ್ರಜಹುರ್ಭಯಾತ್॥ 9-2-12 (60251)
ಕುಂಜರೈಃ ಸ್ಯಂದನಾ ಭಗ್ನಾಃ ಸಾದಿನಶ್ಚ ಮಹಾರಥೈಃ।
ಪದಾತಿಸಂಘಾಶ್ಚಾಶ್ವೌಘೈಃ ಪಲಾಯದ್ಭಿರ್ಭೃಶಂ ಹತಾಃ॥ 9-2-13 (60252)
ವ್ಯಾಲತಸ್ಕರಸಂಕೀರ್ಣೇ ಸಾರ್ಥಹೀನಾ ಯಥಾ ವನೇ।
ತಥಾ ತ್ವದೀಯಾ ನಿಹತೇ ಸೂತಪುತ್ರೇ ಪದಾಽಭವನ್॥ 9-2-14 (60253)
ಹತಾರೋಹಾಸ್ತಥಾ ನಾಗಾಶ್ಛಿನ್ನಹಸ್ತಾಸ್ತಥಾಽಪರೇ।
ಸರ್ವಂ ಪಾರ್ಥಮಯಂ ಲೋಕಮಪಶ್ಯನ್ವೈ ಭಯಾರ್ದಿತಾಃ॥ 9-2-15 (60254)
ತಾನ್ಪ್ರೇಕ್ಷ್ಯ ದ್ರವತಃ ಸರ್ವಾನ್ಭೀಮಸೇನಭಯಾರ್ದಿತಾನ್।
ದುರ್ಯೋಧನೋಽಥ ಸ್ವಂ ಸೂತಂ ಹಾಹಾಕೃತ್ವೈವಮಬ್ರವೀತ್॥ 9-2-16 (60255)
ನಾತಿಕ್ರಮಿಷ್ಯತೇ ಪಾರ್ಥೋ ಧನುಷ್ಪಾಣಿಮವಸ್ಥಿತಂ।
ಜಘನೇ ಯುಧ್ಯಮಾನಂ ಮಾಂ ತೂರ್ಣಮಶ್ವಾನ್ಪ್ರಚೋದಯ॥ 9-2-17 (60256)
ಸಮರೇ ಯುಧ್ಯಮಾನಂ ಹಿ ಕೌಂತೇಯೋ ಮಾಂ ಧನಂಜಯಃ।
ನೋತ್ಸಹೇತಾಪ್ಯತಿಕ್ರಾಂತುಂ ವೇಲಾಮಿವ ಮಹಾರ್ಣವಃ॥ 9-2-18 (60257)
ಅದ್ಯಾರ್ಜುನಂ ಸಗೋವಿಂದಂ ಮಾನಿನಂ ಚ ವೃಕೋದರಂ।
ನಿಹತ್ಯ ಶಿಷ್ಟಾಞ್ಶತ್ರೂಂಶ್ಚ ಕರ್ಣಸ್ಯಾನೃಣ್ಯಮಾಪ್ನುಯಾಂ॥ 9-2-19 (60258)
ತಚ್ಛ್ರುತ್ವಾ ಕುರುರಾಜಸ್ಯ ಶೂರಾರ್ಯಸದೃಶಂ ವಚಃ।
ಸೂತೋ ಹೇಮಪರಿಚ್ಛನ್ನಾಞ್ಶನೈರಶ್ವಾನಚೋದಯತ್॥ 9-2-20 (60259)
ಗಜಾಶ್ವರಥಹೀನಾಸ್ತು ಪಾದಾತಾಶ್ಚೈವ ಮಾರಿಷ।
ಪಂಚವಿಂಶತಿಸಾಹಸ್ರಾಃ ಪ್ರಾದ್ರವಞ್ಶನಕೈರಿವ॥ 9-2-21 (60260)
ತಾನ್ಭೀಮಸೇನಃ ಸಂಕ್ರುದ್ಧೋ ಧೃಷ್ಟದ್ಯುಂನಶ್ಚ ಪಾರ್ಷತಃ।
ಬಲೇನ ಚತುರಂಗೇಣ ಪರಿಕ್ಷಿಪ್ಯಾಹನಚ್ಛರೈಃ॥ 9-2-22 (60261)
ಪ್ರತ್ಯಯುಧ್ಯಂಸ್ತು ತೇ ಸರ್ವೇ ಭೀಮಸೇನಂ ಸಪಾರ್ಷತಂ।
ಪಾರ್ಥಪಾರ್ಷತಯೋಶ್ಚಾನ್ಯೇ ಜಗೃಹುಸ್ತತ್ರ ನಾಮನೀ॥ 9-2-23 (60262)
ಅಕ್ರುಧ್ಯತ ರಣೇ ಭೀಮಸ್ತೈರ್ಮೃಧೇ ಪ್ರತ್ಯವಸ್ಥಿತೈಃ।
ಸೋಽವತೀರ್ಯ ರಥಾತ್ತೂರ್ಣಂ ಗದಾಪಾಣಿರಯುಧ್ಯತ॥ 9-2-24 (60263)
ನ ತಾನ್ರಥಸ್ಥೋ ಭೂಮಿಷ್ಠಾಂಧರ್ಮಾಪೇಕ್ಷೀ ವೃಕೋದರಃ।
ಯೋಧಯಾಮಾಸ ಕೌಂತೇಯೋ ಭುಜವೀರ್ಯಮುಪಾಶ್ರಿತಃ॥ 9-2-25 (60264)
ಜಾತರೂಪಪರಿಚ್ಛನ್ನಾಂ ಪ್ರಗೃಹ್ಯ ಮಹತೀಂ ಗದಾಂ।
ನ್ಯವಧೀತ್ತಾವಕಾನ್ಸರ್ವಾಂದಂಡಪಾಣಿರಿವಾಂತಕಃ॥ 9-2-26 (60265)
ಪದಾತಯೋ ಹಿ ಸಂರಬ್ಧಾಸ್ತ್ಯಕ್ತಜೀವಿತಬಾಂಧವಾಃ।
ಭೀಮಮಭ್ಯದ್ರವನ್ಸಂಖ್ಯೇ ಪತಂಗಾ ಇವ ಪಾವಕಂ॥ 9-2-27 (60266)
ಆಸಾದ್ಯ ಭೀಮಸೇನಂ ತೇ ಸಂರಬ್ಧಾ ಯುದ್ಧದುರ್ಮದಾಃ।
ವಿನೇದುಃ ಸಹಸಾ ದೃಷ್ಟ್ವಾ ಭೂತಗ್ರಾಮಾ ಇವಾಂತಕಂ॥ 9-2-28 (60267)
ಶ್ಯೇನವದ್ವ್ಯಚರದ್ಭೀಮಃ ಖಂಗೇನ ಗದಯಾ ತಥಾ।
ಪಂಚವಿಂಶತಿಸಾಹಸ್ರಾಂಸ್ತಾವಕಾನಾಂ ವ್ಯಪೋಥಯತ್॥ 9-2-29 (60268)
ಹತ್ವಾ ತತ್ಪುರುಷಾನೀಕಂ ಭೀಮಃ ಸತ್ಯಪರಾಕ್ರಮಃ।
ಧೃಷ್ಟದ್ಯುಂನಂ ಪುರಸ್ಕೃತ್ಯ ಪುನಸ್ತಸ್ಥೌ ಮಹಾಬಲಃ॥ 9-2-30 (60269)
ಧನಂಜಯೋ ರಥಾನೀಕಮನ್ವಪದ್ಯತ ವೀರ್ಯವಾನ್॥ 9-2-31 (60270)
ಮಾದ್ರೀಪುತ್ರೌ ಚ ಶಕುನಿಂ ಸಾತ್ಯಕಿಶ್ಚ ಮಹಾಬಲಃ।
ಜವೇನಾಭ್ಯಪತನ್ಹೃಷ್ಟಾ ಘ್ನಂತೋ ದೌರ್ಯೋಧನಂ ಬಲಂ॥ 9-2-32 (60271)
ತಸ್ಯಾಶ್ವವಾಹಾನ್ಸುಬಹೂಂಸ್ತೇ ನಿಹತ್ಯ ಶಿತೈಃ ಶರೈಃ।
ತಮನ್ವಧಾವಂಸ್ತ್ವರಿತಾಸ್ತತ್ರ ಯುದ್ಧಮವರ್ತತ॥ 9-2-33 (60272)
ತತೋ ಧನಂಜಯೋ ರಾಜನ್ರಥಾನೀಕಮಗಾಹತ।
ವಿಶ್ರುತಂ ತ್ರಿಷು ಲೋಕೇಷು ಗಾಂಡೀವಂ ವ್ಯಾಕ್ಷಿಪಂಧನುಃ॥ 9-2-34 (60273)
ಕೃಷ್ಣಸಾರಥಿಮಾಯಾಂತಂ ದೃಷ್ಟ್ವಾ ಶ್ವೇತಹಯಂ ರಥಂ।
ಅರ್ಜುನಂ ಚಾಪಿ ಯೋದ್ವಾರಂ ತ್ವದೀಯಾಃ ಪ್ರಾದ್ರಾವನ್ಭಯಾತ್॥ 9-2-35 (60274)
ವಿಪ್ರಹೀನರಥಾಶ್ವಾಶ್ಚ ಶರೈಶ್ಚ ಪರಿವಾರಿತಾಃ।
ಪಂಚವಿಂಶತಿಸಾಹಸ್ರಾಃ ಪಾರ್ಥಮಾರ್ಚ್ಛನ್ಪದಾತಯಃ॥ 9-2-36 (60275)
ಹತ್ವಾ ತತ್ಪುರುಷಾನೀಕಂ ಪಾಂಚಾಲಾನಾಂ ಮಹಾರಥಃ।
ಭೀಮಸೇನಂ ಪುರಸ್ಕೃತ್ಯ ನ ಚಿರಾತ್ಪ್ರತ್ಯದೃಶ್ಯತ॥ 9-2-37 (60276)
ಮಹಾಧನುರ್ಧರಃ ಶ್ರೀಮಾನಮಿತ್ರಗಣಮರ್ದನಃ।
ಪುತ್ರಃ ಪಾಂಚಾಲರಾಜಸ್ಯ ಧೃಷ್ಟದ್ಯುಂನೋ ಮಹಾಯಶಾಃ॥ 9-2-38 (60277)
ಪಾರಾವತಸವರ್ಣಾಶ್ವಂ ಕೋವಿದಾರವರಧ್ವಜಂ।
ಧೃಷ್ಟದ್ಯುಂನಂ ರಣೇ ದೃಷ್ಟ್ವಾ ತ್ವದೀಯಾಃ ಪ್ರಾದ್ರವನ್ಭಯಾತ್॥ 9-2-39 (60278)
ಗಾಂಧಾರರಾಜಂ ಶ್ರೀಘ್ರಾಸ್ತ್ರಮನುಸೃತ್ಯ ಯಶಸ್ವಿನೌ।
ಅಚಿರಾತ್ಪ್ರತ್ಯದೃಶ್ಯೇತಾಂ ಮಾದ್ರೀಪುತ್ರೌ ಸಸಾತ್ಯಕೀ॥ 9-2-40 (60279)
ಚೇಕಿತಾನಃ ಶಿಖಂಡೀ ಚ ದ್ರೌಪದೇಯಾಶ್ಚ ಮಾರಿಷ।
ಹತ್ವಾ ತ್ವದೀಯಂ ಸುಮಹತ್ಸೈನ್ಯಂ ಶಂಖಾನಥಾಧಮನ್॥ 9-2-41 (60280)
ತೇ ಸರ್ವೇ ತಾವಕಾನ್ಪ್ರೇಕ್ಷ್ಯ ದ್ರವತೋ ವೈ ಪರಾಙ್ಮುಖಾನ್।
ಅಭ್ಯಧಾವಂತ ನಿಘ್ನಂತೋ ವೃಷಾಂಚಿತ್ವಾ ವೃಷಾ ಇವ॥ 9-2-42 (60281)
ಸೇನಾವಶೇಷಂ ತಂ ದೃಷ್ಟ್ವಾ ತವ ಪುತ್ರಸ್ಯ ಪಾಂಡವಃ।
ಅವಸ್ಥಿತಂ ಸವ್ಯಸಾಚೀ ಚುಕ್ರೋಧ ಬಲವನ್ನೃಪ॥ 9-2-43 (60282)
ತತ ಏನಂ ಶರೈ ರಾಜನ್ಸಹಸಾ ಸಮವಾಕಿರತ್।
ರಜಸಾ ಚೋದ್ಗತೇನಾಥ ನ ಸ್ಮ ಕಿಂಚನ ದೃಶ್ಯತೇ॥ 9-2-44 (60283)
ಅಂಧಕಾರೀಕೃತೇ ಲೋಕೇ ಶರೀಭೂತೇ ಮಹೀತಲೇ।
ದಿಶಃ ಸರ್ವಾ ಮಹಾರಾಜ ತಾವಕಾಃ ಪ್ರಾದ್ರವನ್ಭಯಾತ್॥ 9-2-45 (60284)
ಭಜ್ಯಮಾನೇಷು ಸರ್ವೇಷು ಕುರುರಾಜೋ ವಿಶಾಂಪತೇ।
ಪರೇಷಾಮಾತ್ಮನಶ್ಚೈವ ಸೈನ್ಯೇ ತೇ ಸಮುಪಾದ್ರವತ್॥ 9-2-46 (60285)
ತತೋ ದುರ್ಯೋಧನಃ ಸರ್ವಾನಾಜುಹಾವಾಥ ಪಾಂಡವಾನ್।
ಯುದ್ಧಾಯ ಭರತಶ್ರೇಷ್ಠ ದೇವಾನಿವ ಪುರಾ ಬಲಿಃ॥ 9-2-47 (60286)
ತ ಏನಮಭಿಗರ್ಜಂತಂ ಸಹಿತಾಃ ಸಮುಪಾದ್ರವನ್।
ನಾನಾಶಸ್ತ್ರಸೃಜಃ ಕ್ರುದ್ಧಾ ಭರ್ತ್ಸಯಂತೋ ಮುಹುರ್ಮುಹುಃ॥ 9-2-48 (60287)
ದುರ್ಯೋಧನೋಽಪ್ಯಸಂಭ್ರಾಂತಸ್ತಾನರೀನ್ವ್ಯಧಮಚ್ಛರೈಃ॥ 9-2-49 (60288)
ತತ್ರಾದ್ಭುತಮಪರಶ್ಯಾಮ ತವ ಪುತ್ರಸ್ಯ ಪೌರುಷಂ।
ಯದೇನಂ ಪಾಂಡವಾಃ ಸರ್ವೇ ನ ಶೇಕುರತಿವರ್ತಿತುಂ॥ 9-2-50 (60289)
ನಾತಿದೂರಾಪಯಾತಂ ಚ ಕೃತಬುದ್ಧಿ ಪಲಾಯನೇ।
ದುರ್ಯೋಧನಃ ಸ್ವಕಂ ಸೈನ್ಯಮಪಶ್ಯಕದ್ಭೃಶವಿಕ್ಷತಂ॥ 9-2-51 (60290)
ತತೋಽವಸ್ಥಾಪ್ಯ ರಾಜೇಂದ್ರ ಕೃತಬುದ್ಧಿಸ್ತವಾತ್ಮಜಃ।
ಹರ್ಷಯನ್ನಿವ ತಾನ್ಯೋಧಾಂಸ್ತತೋ ವಚನಮಬ್ರವೀತ್॥ 9-2-52 (60291)
ನ ತಂ ದೇಶಂ ಪ್ರಪಶ್ಯಾಮಿ ಪೃಥಿವ್ಯಾಂ ಪರ್ವತೇಷು ಚ।
ಯತ್ರ ಯಾತಾನ್ನ ವೋ ಹನ್ಯುಃ ಪಾಂಡವಾಃ ಕಿಂ ಸೃತೇನ ವಃ॥ 9-2-53 (60292)
ಸ್ವಲ್ಪಂ ಚೈವ ಬಲಂ ತೇಷಾಂ ಕೃಷ್ಣೌ ಚ ಭೃಶವಿಕ್ಷತೌ।
ಯದಿ ಸರ್ವೇಽಪಿ ತಿಷ್ಠಾಮೋ ಧ್ರುವಂ ನೋ ವಿಜಯೋ ಭವೇತ್॥ 9-2-54 (60293)
ವಿಪ್ಲಯಾತಾಂಸ್ತು ವೋ ಭಿನ್ನಾನ್ಪಾಂಡವಾಃ ಕೃತಕಿಲ್ಪಿಷಾನ್।
ಅನುಸೃತ್ಯ ಹನಿಷ್ಯಂತಿ ಶ್ರೇಯೋಃ ನ ಸಮರೇ ವಧಃ॥ 9-2-55 (60294)
ಸುಖಃ ಸಾಂಗ್ರಾಮಿಕೋ ಮೃತ್ಯುಃ ಕ್ಷತ್ರಧರ್ಮೇಣ ಯುಧ್ಯತಾಂ।
ಮೃತೋ ದುಃಖಂ ನ ಜಾನೀತೇ ಪ್ರೇತ್ಯ ಚಾನಂತ್ಯಮಶ್ನುತೇ॥ 9-2-56 (60295)
ಶೃಣ್ವಂತು ಕ್ಷತ್ರಿಯಾಃ ಸರ್ವೇ ಯಾವಂತೋಽತ್ರ ಸಮಾಗತಾಃ।
ದ್ವಿಷತೋ ಭೀಮಸೇನಸ್ಯ ವಶಮೇಷ್ಯಥ ವಿದ್ರುತಾಃ॥ 9-2-57 (60296)
ಪಿತಾಮಹೈರಾಚರಿತಂ ನ ಧರ್ಮಂ ಹಾತುಮರ್ಹಥ।
ನಾನ್ಯತ್ಕರ್ಮಾಸ್ತಿ ಪಾಪೀಯಃ ಕ್ಷತ್ರಿಯಸ್ಯ ಪಲಾಯನಾತ್॥ 9-2-58 (60297)
ನ ಯುದ್ವಧರ್ಮಾಚ್ಛ್ರೇಯಾನ್ಹಿ ಪಂಥಾಃ ಸ್ವರ್ಗಸ್ಯ ಕೌರವಾಃ।
ಸುಚಿರೇಣಾರ್ಜಿತಾಂʼಲೋಕಾನ್ಸದ್ಯೋ ಯುದ್ಧಾತ್ಸಮಶ್ನುತೇ॥ 9-2-59 (60298)
ತಸ್ಯ ತದ್ವಚನಂ ರಾಜ್ಞಃ ಪೂಜಯಿತ್ವಾ ಮಹಾರಥಾಃ।
ಪುನರೇವಾಭ್ಯವರ್ತಂತ ಕ್ಷತ್ರಿಯಾಃ ಪಾಂಡವಾನ್ಪ್ರತಿ।
ಪರಾಜಯಮಮೃಷ್ಯಂತ ಕೃತಚಿತ್ತಾಶ್ಚ ವಿಕ್ರಮೇ॥ 9-2-60 (60299)
ತತಃ ಪ್ರವವೃತೇ ಯುದ್ಧಂ ಪುನರೇವ ಸುದಾರುಣಂ।
ತಾವಕಾನಾಂ ಪರೇಷಾಂ ಚ ದೇವಾಸುರರಣೋಪಮಂ॥ 9-2-61 (60300)
ಯುಧಿಷ್ಠಿರಪುರೋಗಾಂಶ್ಚ ಸರ್ವಸೈನ್ಯೇನ ಪಾಂಡವಾನ್।
ಅನ್ವಧಾವನ್ಮಹಾರಾಜ ಪುತ್ರೋ ದುರ್ಯೋಧನಸ್ತವ॥] ॥ 9-2-62 (60301)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಧ್ಯಾಯಃ॥
Mahabharata - Shalya Parva - Chapter Footnotes
9-2-2 ಸಧೂಮಮಿವ ಅತ್ಯುಷ್ಣಿತ್ಯರ್ಥಃ॥ 9-2-14 ಪರಿಷ್ವಜ್ಯ ಚ ಮಾಂ ಕಂಠೇ ಸ್ನೇಹೇನ ಕ್ಲಿನ್ನಲೋಚನಃ। ಅನುಶಾಧೀತಿ ಕೌರವ್ಯ ತತ್ಸಾಧು ವದ ಮೇ ವಚಃ ಇತಿ ಝ.ಪಾಠಃ॥ 9-2-37 ಪ್ರತಿಮಾನಂ ಕೇತುಭೂತಃ॥ 9-2-61 ಕೇಚಿತ್ಸಂಯಕ್ಪ್ರಪಶ್ಯಂತಿ ಮೂಢಾಸ್ತು ನ ತಥಾ ಪರೇ ಇತಿ ಖ.ಪಾಠಃ। ಸಂಯಗವೇಕ್ಷ್ಯ ನಿಪುಣಂ ವಿಭಾವ್ಯಾಪಿ ಮೂಢಾಸ್ತಥಾಭೂತಂ ತದ್ವಚಃ ಕೇಚಿನ್ನ ಪಶ್ಯಂತೀತಿ ಸಂಬಂಧಃ। ತಥಾಭೂತಂ ಯಥಾರ್ಥಂ॥ 9-2-2 ದ್ವಿತೀಯೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 003
॥ ಶ್ರೀಃ ॥
9.3. ಅಧ್ಯಾಯಃ 003
Mahabharata - Shalya Parva - Chapter Topics
ಕೃಪೇಣ ಕರ್ಣವಧದುಃಖಿತಂ ದುರ್ಯೋಧನಂ ಪ್ರತಿ ಸ್ವಪರಕ್ಷಯೋರ್ದೌರ್ಬಲ್ಯಪ್ರಾಬಲ್ಯಾಭಿಧಾನಪೂರ್ವಕಮುಪಾಯಂ ಪ್ರದರ್ಶ್ಯ ಸಂಧಿವಿಧಾನಂ॥ 1 ॥Mahabharata - Shalya Parva - Chapter Text
9-16-0 (60302)
ಸಂಜಯ ಉವಾಚ। 9-16-0x (5088)
ಶೃಣು ರಾಜನ್ನವಹಿತೋ ಯಥಾವೃತ್ತೋ ಮಹಾನ್ಕ್ಷಯಃ।
ಕುರೂಣಾಂ ಪಾಂಡವಾನಾಂ ಚ ಸಮಾಸಾದ್ಯ ಪರಸ್ಪರಂ॥ 9-16-1 (60303)
ನಿಹತೇ ಸೂತಪುತ್ರೇ ಚ ಫಲ್ಗುನೇನ ಮಹಾತ್ಮನಾ।
ವಿದ್ರುತೇಷು ಚ ಸೈನ್ಯೇಷು ಸಮಾನೀತೇಷು ಚಾಸಕೃತ್॥ 9-16-2 (60304)
ವಿಮುಖೇ ತವ ಪುತ್ರೇ ಚ ಶೋಕೋಪಹತಚೇತಸಿ।
ಭೃಶೋದ್ವಿಗ್ನೇಷು ಸೈನ್ಯೇಷು ದೃಷ್ಟ್ವಾ ಪಾರ್ಥಸ್ಯ ವಿಕ್ರಮಂ॥ 9-16-3 (60305)
ಧ್ಯಾಯಮಾನೇಷು ಯೋಧೇಷು ದುಋಖಂ ಪ್ರಾಪ್ತೇಷು ಭಾರತ।
ಬಲಾನಾಂ ಮತ್ಯಮಾನಾನಾಂ ಶ್ರುತ್ವಾ ನಿನದಮುತ್ತಮಂ॥ 9-16-4 (60306)
ಅಭಿಜ್ಞಾನಂ ನರೇಂದ್ರಾಣಾಂ ವಿಕೃತಂ ಪ್ರೇಕ್ಷ್ಯ ಸಂಯುಗೇ।
ಪತಿತಾನವನೀಪಾಲಾಂಧವಜಾಂಶ್ಚೈವ ಮಹಾತ್ಮನಾಂ।
ರಣೇ ವಿನಿಹತಾನ್ನಾಗಾಂದೃಷ್ಟ್ವಾ ಪತ್ತೀಂಶ್ಚ ಭಾರತ॥ 9-16-5 (60307)
ಆಯೋಧನಂ ಮಹಾಘೋರಂ ರುದ್ರಸ್ಯಾಕ್ರೀಡಸನ್ನಿಭಂ।
ಅಪ್ರಖ್ಯಾತಿಂ ಗತಾನಾಂ ತು ರಾಜ್ಞಾಂ ಶತಸಹಸ್ರಶಃ॥ 9-16-6 (60308)
ಕೃಪಾವಿಷ್ಟಃ ಕೃಪೋ ದೃಷ್ಟ್ವಾ ವಯಃ ಶೀಲಸಮನ್ವಿತಃ।
ಅಬ್ರವೀತ್ತತ್ರ ತೇಜಸ್ವೀ ಸೋಽಭಿಸೃತ್ಯ ಜನಾಧಿಪಂ।
ದುರ್ಯೋಧನಮನುಕ್ರೋಶಾದ್ವಾಕ್ಯಂ ವಾಕ್ಯವಿಶಾರದಃ॥ 9-16-7 (60309)
ದುರ್ಯೋಧನ ನಿಬೋಧೇಯಂ ಯತ್ತ್ವಾಂ ವಕ್ಷ್ಯಾಮಿ ಕೌರವ।
ಶ್ರುತ್ವಾ ಕುರು ಮಹಾರಾಜ ಯದಿ ತೇ ರೋಚತೇಽನಘ॥ 9-16-8 (60310)
ನ ಯುದ್ಧಧರ್ಮಾಚ್ಛ್ರೇಯಾನ್ವೈ ಪಂಥಾ ರಾಜೇಂದ್ರ ವಿದ್ಯತೇ।
ಯಂ ಸಮಾಶ್ರಿತ್ಯ ಯುಧ್ಯಂತೇ ಕ್ಷತ್ರಿಯಾಃ ಕ್ಷತ್ರಿಯರ್ಷಭ॥ 9-16-9 (60311)
ಪುತ್ರೋ ಭ್ರಾತಾ ಪಿತಾ ಚೈವ ಸ್ವಸ್ರೀಯೋ ಮಾತುಲಸ್ತಥಾ।
ಸಂಬಂಧಿಬಾಂಧವಾಶ್ಚೈವ ಯೋದ್ವವ್ಯಾಃ ಕ್ಷತ್ರಜೀವಿನ॥ 9-16-10 (60312)
ವಧೇ ಚೈವ ಪರೋ ಧರ್ಮಸ್ತಥಾಽಧರ್ಮಃ ಪಲಾಯನೇ।
ತೇ ಸ್ಮ ಘೋರಾಂ ಸಮಾಪನ್ನಾ ಜೀವಿಕಾಂ ಜೀವಿತಾರ್ಥಿನಃ।
ತದತ್ರ ಪ್ರತಿವಕ್ಷ್ಯಾಮಿ ಕಿಂಚಿದೇವ ಹಿತಂ ವಚಃ॥ 9-16-11 (60313)
ಹತೇ ಭೀಷ್ಮೇ ಚ ದ್ರೋಣೇ ಚ ಕರ್ಣೇ ಚೈವ ಮಹಾರಥೇ।
ಜಯದ್ರಥೇ ಚ ನಿಹತೇ ತವ ಭ್ರಾತೃಷು ಚಾನಘ।
ಲಕ್ಷ್ಮಣೇ ತವ ಪುತ್ರೇ ಚ ಕಿಂ ಶೇಷಂ ಪರ್ಯುಪಾಸ್ಮಹೇ॥ 9-16-12 (60314)
ಯೇಷು ಭಾರಂ ಸಮಾಸಜ್ಯ ರಾಜ್ಯೇ ಮತಿಮಕುರ್ಮಹಿ।
ತೇ ಸಂತ್ಯಜ್ಯ ತನೂರ್ಯಾತಾಃ ಶೂರಾ ಬ್ರಹ್ಮವಿದಾಂ ಗತಿಂ॥ 9-16-13 (60315)
ವಯಂ ತ್ವಿಹ ವಿನಾಭೂತಾ ಗುಣವದ್ಭಿರ್ಮಹಾರಥೈಃ।
ಕೃಪಣಂ ವರ್ತಯಿಷ್ಯಾಮಃ ಪಾತಯಿತ್ವಾ ನೃಪಾನ್ಬಹೂನ್॥ 9-16-14 (60316)
ಸರ್ವೈರಥ ಚ ಜೀವದ್ಭಿರ್ಬೀಭತ್ಸುರಪರಾಜಿತಃ।
ಕೃಷ್ಣನೇತ್ರೋ ಮಹಾಬಾಹುರ್ದೇವೈರಪಿ ದುರಾಸದಃ॥ 9-16-15 (60317)
ಇಂದ್ರಕಾರ್ಮುಕವಜ್ರಾಭಮಿಂದ್ರಕೇತುಮಿವೋಚ್ಛ್ರಿತಂ।
ವಾನರಂ ಕೇತುಮಾಸಾದ್ಯ ಸಂಚಚಾಲ ಮಹಾಚಮೂಃ॥ 9-16-16 (60318)
ಸಿಂಹನಾದೇನ ಭೀಮಸ್ಯ ಪಾಂಚಜನ್ಯಸ್ವನೇನ ಚ।
ಗಾಂಡೀವಸ್ಯ ಚ ನಿರ್ಘೋಷಾತ್ಸಂಮುಹ್ಯಂತೇ ಮನಾಂಸಿ ನಃ॥ 9-16-17 (60319)
ಸ್ಫುರಂತೀವ ಮಹಾವಿದ್ಯುನ್ಮುಷ್ಣಂತೀ ನಯನಪ್ರಭಾಂ।
ಅಲಾತಮಿವ ಚಾವಿದ್ವಂ ಗಾಂಡವೀಂ ಸಮದೃಶ್ಯತ॥ 9-16-18 (60320)
ಜಾಂಬೂನದವಿಚಿತ್ರಂ ಚ ಧೂಯಮಾನಂ ಮಹದ್ಧನುಃ।
ದೃಶ್ಯತೇ ದಿಕ್ಷು ಸ್ರವಾಸು ವಿದ್ಯುದಭ್ರಘನೇಷ್ವಿವ॥ 9-16-19 (60321)
ಉಹ್ಯಮಾನಶ್ಚ ಕೃಷ್ಣೇನ ವಾಯುನೇವ ಬಲಾಹಕಃ।
ತಾವಕಂ ತದ್ಬಲಂ ರಾಜನ್ನರ್ಜುನೋಽಸ್ತ್ರವಿಶಾರದಃ।
ಗಹನಂ ಶಿಶಿರಾಪಾಯೇ ದದಾಹಾಗ್ನಿರಿವೋಲ್ಬಣಃ॥ 9-16-20 (60322)
ಗಾಹಮಾನಮನೀಕಾನಿ ಮಹೇಂದ್ರಸದೃಶಪ್ರಭಂ।
ವಿಕ್ಷೋಭಯಂತಂ ಸೇನಾಂ ವೈ ತ್ರಾಸಯಂತಂ ಚ ಪಾರ್ಥಿವಾನ್।
ಧನಂಜಯಮಪಶ್ಯಾಮ ನಲಿನೀಮಿವ ಕುಂಜರಂ॥ 9-16-21 (60323)
ತ್ರಾಸಯಂತಂ ತಥಾ ಯೋಧಾಂಧನುರ್ಘೋಷೇಣ ಪಾಂಂಡವಂ।
ಭೂಯ ಏನಮಪಶ್ಯಾಮ ಸಿಂಹಂ ಮೃಗಗಣಾನಿವ॥ 9-16-22 (60324)
ಸರ್ವಲೋಕಮಹೇಷ್ವಾಸೋ ವೃಷಭೌ ಸರ್ವಧನ್ವಿನಾಂ।
ಆಮುಕ್ತಕವಚೌ ಕೃಷ್ಣೌ ಲೋಕಮಧ್ಯೇ ವಿರೇಜತುಃ॥ 9-16-23 (60325)
ಅದ್ಯ ಸಪ್ತದಶಾಹಾನಿ ವರ್ತಮಾನಸ್ಯ ಭಾರತ।
ಸಂಗ್ರಾಮಸ್ಯಾತಿಘೋರಸ್ಯ ಯುಧ್ಯತಾಂ ಚಾಭಿತೋ ಯುಧಿ॥ 9-16-24 (60326)
ವಾಯುನೇವ ವಿಧೂತಾನಿ ಏವ ಸೈನ್ಯಾನಿ ಗಚ್ಛತಾ।
ಶರದಂಭೋದಜಾಲಾನಿ ವಿಶೀರ್ಯಂತೇ ಸಮಂತತಃ॥ 9-16-25 (60327)
ತಾಂ ನಾವಮಿವ ಪರ್ಯಸ್ತಾಂ ಮಜ್ಜಮಾನಾಂ ಮಹಾರ್ಣವೇ।
ತವ ಸೇನಾಂ ಮಹಾರಾಜ ಸವ್ಯಸಾಚೀ ವ್ಯಕಂಪಯತ್॥ 9-16-26 (60328)
ಕ್ವನು ತೇ ಸೂತಪುತ್ರೋಽಭೂತ್ಕ್ವನು ದ್ರೋಣಃ ಸಹಾತ್ಮಜಃ।
ಅಹಂ ಕ್ವ ಚ ಕ್ವ ಚಾತ್ಮಾ ತೇ ಹಾರ್ದಿಕ್ಯಶ್ಚ ತಥಾ ಕ್ವನು॥ 9-16-27 (60329)
ದುಃಶಾಸನಶ್ಚ ತೇ ಭ್ರಾತಾ ಭ್ರಾತೃಭಿಃ ಸಹಿತಃ ಕ್ವನು॥ 9-16-28 (60330)
ವಾಣಗೋಚರಸಂಪ್ರಾಪ್ತಂ ಯುಧ್ಯಮಾನಂ ಜಯದ್ರಥಂ।
ಸಂಬಂಧಿನಸ್ತೇ ಭ್ರಾತೄಂಶ್ಚ ಸಾಹಯಾನ್ಮಾತುಲಾಂಸ್ತಥಾ।
ಸರ್ವಾನ್ವಿಕ್ರಂಯ ಮಿಪತೋ ಲೋಕಮಾಕ್ರಂಯ ಮೂರ್ಧನಿ॥ 9-16-29 (60331)
ಜಯದ್ರಥೋ ಹತೋ ರಾಜನ್ಕಿನ್ನು ಶೇಷಮುಪಾಸ್ಮಹೇ।
ಕೋ ವೇಹ ಸ ಪುಮಾನಾಸ್ತೇ ಯೋ ವಿಜೇಷ್ಯತಿ ಪಾಂಡವಂ॥ 9-16-30 (60332)
ತಸ್ಯ ಚಾಸ್ತ್ರಾಣಿ ದಿವ್ಯಾನಿ ವಿದಿತಾನಿ ಮಹಾತ್ಮನಃ।
ಗಾಂಡೀವಸ್ಯ ಚ ನಿರ್ಘೋಷೋ ಧೈರ್ಯಾಣಿ ಹರತೇ ಹಿ ನಃ॥ 9-16-31 (60333)
ನಷ್ಟಚಂದ್ರಾ ಯಥಾ ರಾತ್ರಿಃ ಸೇನೇಯಂ ಹತನಾಯಕಾ।
ನಾಗಭಗ್ನದ್ರುಮಾ ಶುಷ್ಕಾ ನದೀವ ಪ್ರತಿಭಾತಿ ಮೇ॥ 9-16-32 (60334)
ಧ್ವಜಿನ್ಯಾಂ ಹತನೇತ್ರಾಯಾಂ ಯಥೇಷ್ಟಂ ಶ್ವೇತವಾಹನಃ।
ಚರಿಷ್ಯತಿ ಮಹಾರಾಜಃ ಕಕ್ಷೇಷ್ವಗ್ನಿರಿವ ಜ್ವಲನ್॥ 9-16-33 (60335)
ಸಾತ್ಯಕೇಶ್ಚೈವ ಯೋ ವೇಗೋ ಭೀಮಸೇನಸ್ಯ ಚೋಭಯೋಃ।
ದಾರಯೇತ ಗಿರೀನ್ಸರ್ವಾಞ್ಶೋಷಯೇಚ್ಚೈವ ಸಾಗರಾನ್॥ 9-16-34 (60336)
ಉವಾಚ ವಾಕ್ಯಂ ಯದ್ಭೀಮಃ ಸಭಾಮಧ್ಯೇ ವಿಶಾಂಪತೇ।
ಕೃತಂ ತತ್ಸಫಲಂ ಸರ್ವಂ ಭೂಯಶ್ಚೈವ ಕರಿಷ್ಯತಿ॥ 9-16-35 (60337)
ಪ್ರಮುಖಸ್ಥೇ ತದಾ ಕರ್ಣೇ ಬಲಂ ಪಾಂಡವರಕ್ಷಿತಂ।
ದುರಾಸದಂ ತದಾ ಗುಪ್ತಂ ವ್ಯೂಢಂ ಗಾಂಡೀವಧನ್ವನಾ॥ 9-16-36 (60338)
ಯುಷ್ಮಾಭಿಸ್ತಾನಿ ಚೀರ್ಣಾನಿ ಯಾನ್ಯಸಾಧೂನಿ ಸಾಧುಷು।
ಅಕಾರಣಕೃತಾನ್ಯೇವ ತೇಷಾಂ ವಃ ಫಲಮಾಗತಂ॥ 9-16-37 (60339)
ಆತ್ಮನೋಽರ್ಥೇ ತ್ವಯಾ ಲೋಕೇ ಯತ್ನತಃ ಸರ್ವ ಆಹೃತಃ।
ಸ ತೇ ಸಂಶಯಿತಸ್ತಾತ ಆತ್ಮಾ ಚ ಭರತರ್ಷಭ॥ 9-16-38 (60340)
ರಕ್ಷ ದುರ್ಯೋಧನಾತ್ಮಾನಮಾತ್ಮಾ ಸರ್ವಸ್ಯ ಭಾಜನಂ।
ಭಿನ್ನೇ ಹಿ ಭಾಜನೇ ತಾತ ದಿಶೋ ಗಚ್ಛತಿ ತದ್ಗತಂ॥ 9-16-39 (60341)
ಹೀಯಮಾನೇನ ವೈ ಸಂಧಿಃ ಪರ್ಯೇಷ್ಟವ್ಯಃ ಸಮೇನ ವಾ।
ವಿಗ್ರಹೋ ವರ್ಧಮಾನೇನ ನೀತಿರೇಷಾ ಬೃಹಸ್ಪತೇಃ॥ 9-16-40 (60342)
ತೇ ವಯಂ ಪಾಂಡುಪುತ್ರೇಭ್ಯೋ ಹೀನಾಃ ಸ್ಮ ಬಲಶಕ್ತಿತಃ।
ಅತ್ರ ತೇ ಪಾಂಡವೈಃ ಸಾರ್ಧಂ ಸಂಧಿಂ ಮನ್ಯೇ ಕ್ಷಮಂ ಪ್ರಭೋ॥ 9-16-41 (60343)
ನ ಜಾನೀತೇ ಹಿ ಯಃ ಶ್ರೇಯಃ ಶ್ರೇಯಸಶ್ಚಾವಮನ್ಯತೇ।
ಸ ಕ್ಷಿಪ್ರಂ ಭ್ರಶ್ಯತೇ ರಾಜ್ಯಾನ್ನ ಚ ಶ್ರೇಯೋಽನುವಿಂದತಿ॥ 9-16-42 (60344)
ಅಣಿಪತ್ಯ ಹಿ ರಾಜಾನಂ ರಾಜ್ಯಂ ಯದಿ ಲಭೇಮಹಿ।
ಶ್ರೇಯಃ ಸ್ಯಾನ್ನ ತು ಮೌಢ್ಯೇನ ರಾಜನ್ಗಂತುಂ ಪರಾಭವಂ॥ 9-16-43 (60345)
ವೈಚಿತ್ರವೀರ್ಯವಚನಾತ್ಕೃಪಾಶೀಲೋ ಯುಧಿಷ್ಠಿರಃ।
ವಿನಿಯುಂಜೀತ ರಾಜ್ಯೇ ತ್ವಾಂ ಗೋವಿಂದವಚನೇನ ಚ॥ 9-16-44 (60346)
`ಅಜಾತಶತ್ರುಃ ಕೌರವ್ಯೋ ಗುರುಶುಶ್ರೂಷಣೇ ರತಃ।
ಧೃತರಾಷ್ಟ್ರಸ್ಯ ವಚನಂ ನಾವಮಂಸ್ಯತಿ ಧಾರ್ಮಿಕಃ॥ 9-16-45 (60347)
ಕುರ್ವಂತಿ ಭ್ರಾತರಶ್ಚಾಸ್ಯ ವಚನಂ ನಾತ್ರ ಸಂಶಯಃ॥ 9-16-46 (60348)
ಯದ್ಬ್ರೂಯಾದ್ಧಿ ಹೃಷೀಕೇಶೋ ರಾಜಾನಮಪರಾಜಿತಂ।
ಅರ್ಜುನೋ ಭೀಮಸೇನಶ್ಚ ಸರ್ವೇ ಕುರ್ಯುರಸಂಶಯಂ॥ 9-16-47 (60349)
ನಾತಿಕ್ರಮಿಷ್ಯತೇ ಕೃಷ್ಣೋ ವಚನಂ ಪಾಂಡವಸ್ಯ ತು।
ಧೃತರಾಷ್ಟ್ರಸ್ಯ ಮನ್ಯೇಽಹಂ ನಾಪಿ ಕೃಷ್ಣಸ್ಯ ಪಾಂಡವಃ॥ 9-16-48 (60350)
ಏತತ್ಕ್ಷಮಮಹಂ ಮನ್ಯೇ ತವ ಪಾರ್ಥೈರವಿಗ್ರಹಂ।
ನ ತ್ವಾಂ ಬ್ರವೀಮಿ ಕಾರ್ಪಣ್ಯಾನ್ನ ಪ್ರಾಣಪರಿರಕ್ಷಣಾತ್॥ 9-16-49 (60351)
ಪಥ್ಯಂ ರಾಜನ್ಬ್ರವೀಮಿ ತ್ವಾಂ ತತ್ಪರಾಸುಃ ಸ್ಮರಿಷ್ಯಸಿ॥ 9-16-50 (60352)
ಇತಿ ವೃದ್ಧೋ ವಿಲಪ್ಯೈತತ್ಕೃಪಃ ಶಾರದ್ವತೋ ವಚಃ।
ದೀರ್ಘಮುಷ್ಣಂ ಚ ನಿಃಶ್ವಸ್ಯಶುಶೋಚ ಚ ಮುಮೋಹ ಚ॥ ॥ 9-16-51 (60353)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ತೃತೀಯೋಽಧ್ಯಾಯಃ॥ 3 ॥
Mahabharata - Shalya Parva - Chapter Footnotes
9-16-12 ಶೇಷಾಸ್ತ್ವಾಂ ಪರ್ಯುಪಾಸ್ಮಹೇ ಇತಿ ಙ.ಪಾಠಃ॥ 9-16-15 ಕೃಷ್ಣೋ ನೇತ್ರಂ ನೇತಾ ಯಸ್ಯ ಸ ತಥಾ॥ 9-16-24 ವರ್ತಮಾನಸ್ಯ ಸಂಗ್ರಾಮಸ್ಯ ಅಭಿತೋ ವಧ್ಯತಾಂ ವಧ್ಯಮಾನಾನಾಂ ಚ ಅದ್ಯ ಸಪ್ತದಶಾಹಾನಿ ಜಾತಾನೀತ್ಯನ್ವಯಃ। ಜಾತಾನೀತಿ ಶೇಷಃ॥ 9-16-47 ಅರ್ಜುನಂ ಭೀಮಸೇನಂ ಚ ಇತಿ ಝ. ಪಾಠಃ। ಅಸಂಶಯಂ ಗತವೈರಮಿತ್ಯರ್ಥಃ॥ 9-16-48 ವಚನಂ ಕೌರವಸ್ಯ ತು ಇತಿ ಝ. ಪಾಠಃ॥ 9-16-3 ತೃತೀಯೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 004
॥ ಶ್ರೀಃ ॥
9.4. ಅಧ್ಯಾಯಃ 004
Mahabharata - Shalya Parva - Chapter Topics
ದುರ್ಯೋಧನೇನ ಕೃಪಂಪ್ರತಿ ಕಾರಣಕಥನಪೂರ್ವಕಂ ಸಂಧ್ಯನಂಗೀಕರಣಂ॥ 1 ॥Mahabharata - Shalya Parva - Chapter Text
9-16-0 (60354)
ಸಂಜಯ ಉವಾಚ। 9-16-0x (5089)
ಏವಮುಕ್ತಸ್ತತೋ ರಾಜಾ ಗೌತಮೇನ ತಪಸ್ವಿನಾ।
ನಿಃಶ್ವಸ್ಯ ದೀರ್ಘಮುಷ್ಣಂ ಚ ತೂಷ್ಣೀಮಾಸೀದ್ವಿಶಾಂಪತೇ॥ 9-16-1 (60355)
ತತೋ ಮುಹೂರ್ತಂ ಸ ಧ್ಯಾತ್ವಾ ತವ ಪುತ್ರೋ ಮಹಾಮನಾಃ।
ಕೃಪಂ ಶಾರದ್ವತಂ ವಾಕ್ಯಮಿತ್ಯುವಾಚ ಪರಂತಪಃ॥ 9-16-2 (60356)
ಯತ್ಕಿಂಚಿತ್ಸುಹೃದಾ ವಾಚ್ಯಂ ತತ್ಸರ್ವಂ ಶ್ರಾವಿತೋ ಹ್ಯಹಂ।
ಕೃತಂ ಚ ಭವತಾ ಸರ್ವಂ ಪ್ರಾಣಾನ್ಸಂತ್ಯಜ್ಯ ಯುಧ್ಯತಾ॥ 9-16-3 (60357)
ಗಾಹಮಾನಮನೀಕಾನಿ ಯುಧ್ಯಮಾನಂ ಮಹಾರಥೈಃ।
ಪಾಂಡವೈರತಿತೇಜೋಭಿರ್ಲೋಕಸ್ತ್ವಾಮನುದೃಷ್ಟವಾನ್॥ 9-16-4 (60358)
ಸುಹೃದಾ ಯದಿದಂ ವಾಕ್ಯಂ ಭವತಾ ಶ್ರಾವಿತೋ ಹ್ಯಹಂ।
ನ ಮಾಂ ಪ್ರೀಣಾತಿ ತತ್ಸರ್ವಂ ಮುಮೂರ್ಷೋರಿವ ಭೇಷಜಂ॥ 9-16-5 (60359)
ಹೇತುಕಾರಣಸಂಯುಕ್ತಂ ಹಿತಂ ವಚನಮುತ್ತಮಂ।
ಉಚ್ಯಮಾನಂ ಮಹಾಬಾಹೋ ನ ಮೇ ವಿಪ್ರಾಗ್ರ್ಯ ರೋಚನೇ॥ 9-16-6 (60360)
ರಾಜ್ಯಾದ್ವಿನಿಕೃತೋಽಸ್ಮಾಭಿಃಕಥಂ ಸೋಸ್ಮಾಸು ವಿಶ್ವಸೇತ್॥ 9-16-7 (60361)
ಅಕ್ಷದ್ಯೂತೇ ಚ ನೃಪತಿರ್ಜಿತೋಽಸ್ಮಾಭಿರ್ಮಹಾಧನಃ।
ಸ ಕಥಂ ಮಮ ವಾಕ್ಯಾನಿ ಶ್ರದ್ದಧ್ಯಾದ್ಭೂಯ ಏವ ತು॥ 9-16-8 (60362)
ತಥಾ ದೂತ್ಯೇನ ಸಂಪ್ರಾಪ್ತಃ ಕೃಷ್ಣಃ ಪಾರ್ಥಹಿತೇ ರತಃ।
ಪ್ರಲಬ್ಧಶ್ಚ ಹೃಷೀಕೇಶಸ್ತಚ್ಚ ಕರ್ಮಾವಿಚಾರಿತಂ।
ಸ ಚ ಮೇ ವಚನಂ ಬ್ರಹ್ಮನ್ಕಥಮೇವಾಭಿಮನ್ಯತೇ॥ 9-16-9 (60363)
ವಿಲಲಾಪ ಚ ಯತ್ಕೃಷ್ಣಾ ಸಭಾಮಧ್ಯೇ ಸಮೇಯುಷೀ।
ನ ತನ್ಮರ್ಷಯತೇ ಕೃಷ್ಣೋ ನ ರಾಜ್ಯಹರಣಂ ತಥಾ॥ 9-16-10 (60364)
ಏಕಪ್ರಾಣಾವುಭೌ ಕೃಷ್ಣಾವನ್ಯೋನ್ಯಮಭಿಸಂಶ್ರಿತೌ।
ಪುರಾ ಯಚ್ಛ್ರುತಮೇವಾಸೀದದ್ಯ ಪಶ್ಯಾಮಿ ತತ್ಪ್ರಭೋ॥ 9-16-11 (60365)
ಸ್ವಸ್ರೀಯಂ ನಿಹತಂ ದೃಷ್ಟ್ವಾ ದುಃಖಂ ಸ್ವಪಿತಿ ಕೇಶವಃ।
ಕೃತಾಗಸೋ ವ ಯಂ ತಸ್ಯ ಹಿತಂ ಮೇ ಸ ಕಥಂ ಚರೇತ್॥ 9-16-12 (60366)
ಅಭಿಮನ್ಯೋರ್ವಿನಾಶೇನ ನ ಶರ್ಮ ಲಭತೇಽರ್ಜುನಃ।
ಸ ಕಥಂ ಮದ್ಧಿತೇ ಯತ್ನಂ ಪ್ರಕರಿಷ್ಯತಿ ಯಾಚಿತಃ॥ 9-16-13 (60367)
ಮಧ್ಯಮಃ ಪಾಂಡವಸ್ತೀಕ್ಷ್ಣೋ ಭೀಮಸೇನೋ ಮಹಾಬಲಃ।
ಪ್ರತಿಜ್ಞಾತಂ ಚ ತೇನೋಗ್ರಂ ಭಜ್ಯೇತಾಪಿ ನ ಸನ್ನಮೇತ್॥ 9-16-14 (60368)
ಉಭೌ ತೌ ಬದ್ಧನಿಸ್ತ್ರಿಂಶಾವುಭೌ ಚಾಬದ್ಧಕಂಕಟೌ।
ಕೃತವೈರಾವುಭೌ ವೀರೌ ಯಮಾವಪಿ ಯಮೋಪಮೌ॥ 9-16-15 (60369)
ಧೃಷ್ಟದ್ಯುಂನಃ ಶಿಖಂಡೀ ಚ ಕೃತವೈರೌ ಮಯಾ ಸಹ।
ತೌ ಕಥಂ ಮದ್ವಿತೇ ಯತ್ನಂ ಕುರ್ಯಾತಾಂ ದ್ವಿಜಸತ್ತಮ॥ 9-16-16 (60370)
ದುಃಶಾಸನೇನ ಯತ್ಕೃಷ್ಣಾ ಏಕವಸ್ತ್ರಾ ರಜಸ್ವಲಾ।
ಪರಿಕ್ಲಿಷ್ಟಾ ಸಭಾಮಧ್ಯೇ ಸರ್ವಲೋಕಸ್ಯ ಪಶ್ಯತಃ॥ 9-16-17 (60371)
ತಥಾ ವಿವಸನಾಂ ದೀನಾಂ ಸ್ಮರಂತ್ಯದ್ಯಾಪಿ ಪಾಂಡವಾಃ।
ನ ನಿವಾರಯಿತುಂ ಶಕ್ಯಾಃ ಸಂಗ್ರಾಮಾತ್ತೇ ಪರಂತಪಾಃ॥ 9-16-18 (60372)
ಯದಾ ಚ ದ್ರೌಪದೀ ಕ್ಲಿಷ್ಟಾ ಮದ್ವಿನಾಶಾಯ ದುಃಖಿತಾ।
ಉಗ್ರಂ ತೇಪೇ ತಪಃ ಕೃಷ್ಣಾ ಭರ್ತೄಣಾಮರ್ಥಸಿದ್ಧಯೇ।
ಸ್ಥಂಡಿಲೇ ನಿತ್ಯದಾ ಶೇತೇ ಯಾವದ್ವೈರಸ್ಯ ಯಾತನಂ॥ 9-16-19 (60373)
ನಿಕ್ಷಿಪ್ಯ ಮಾನಂ ದರ್ಪಂ ಚ ವಾಸುದೇವಸಹೋದರಾ।
ಕೃಷ್ಣಾಯಾಃ ಪ್ರೇಷ್ಯವದ್ಭೂತ್ವಾ ಶುಶ್ರೂಷಾಂ ಕುರುತೇ ಸದಾ॥ 9-16-20 (60374)
ಇತಿ ಸರ್ವಂ ಸಮುನ್ನದ್ಧಂ ನ ನಿರ್ವಾತಿ ಕಥಂಚನ।
ಅಭಿಮನ್ಯೋರ್ವಿನಾಶೇನ ಸ ಸಂಧೇಯಃ ಕಥಂ ಮಯಾ॥ 9-16-21 (60375)
ಕಥಂ ಚ ರಾಜಾ ಭುಕ್ತ್ವೇಮಾಂ ಪೃಥಿವೀಂ ಸಾಗರಾಂಬರಾಂ।
ಪಾಂಡವಾನಾಂ ಪ್ರಸಾದೇನ ಭೋಕ್ಷ್ಯೇ ರಾಜ್ಯಮಹಂ ಕಥಂ॥ 9-16-22 (60376)
ಉಪರ್ಯುಪರಿ ರಾಜ್ಞಾಂ ವೈ ಜ್ವಲಿತ್ವಾ ಭಾಸ್ಕರೋ ಯಥಾ।
ಯುಧಿಷ್ಠಿರಂ ಕಥಂ ಪಂಚಾದನುಯಾಸ್ಯಾಮಿ ದಾಸವತ್॥ 9-16-23 (60377)
ಕಥಂ ಭುಕ್ತ್ವಾ ಸ್ವಯಂ ಭೋಗಾಂದತ್ತ್ವಾ ದಾಯಾಂಶ್ಚ ಪುಷ್ಕಲಾನ್।
ಕೃಪಣಂ ವರ್ತಯಿಷ್ಯಾಮಿ ಕೃಪಣೈಃ ಸಹ ಜೀವಿಕಾಂ॥ 9-16-24 (60378)
ನಾಭ್ಯಸೂಯಾಮಿ ತೇ ವಾಕ್ಯಮುಕ್ತಂ ಸ್ನಿಗ್ಧಂ ಹಿತಂ ತ್ವಯಾ॥
ನ ತು ಸಂಧಿಮಹಂ ಮನ್ಯೇ ಪ್ರಾಪ್ತಕಾಲಂ ಕಥಂಚನ। 9-16-25 (60379)
ಸುನೀತಮನುಪಶ್ಯಾಮಿ ಸುಯುದ್ಧೇನ ಪರಂತಪ॥ 9-16-26 (60380)
ನಾಯಂ ಕ್ಲೀಬಾಯಿತುಂ ಕಾಲಃ ಸಂಯೋದ್ವುಂ ಕಾಲ ಏವ ನಃ॥ 9-16-27 (60381)
ಇಷ್ಟಂ ಮೇ ಬಹುಭಿರ್ಜಜ್ಞೈರ್ದತ್ತಾ ವಿಪ್ರೇಷು ದಕ್ಷಿಣಾಃ।
ಪ್ರಾಪ್ತಾಃ ಕಾಮಾಃ ಶ್ರುತಾ ವೇದಾಃ ಶತ್ರೂಣಾಂ ಮೂರ್ಧ್ನಿ ಚ ಸ್ಥಿತಂ॥ 9-16-28 (60382)
ಭೃತ್ಯಾ ಮೇ ಸುಭೃತಾಸ್ತಾತ ದೀನಶ್ಚಾಭ್ಯುದ್ವೃತೋ ಜನಃ।
ನೋತ್ಸಾಹೇಽದ್ಯ ದ್ವಿಜಶ್ರೇಷ್ಠ ಪಾಂಡವಾನ್ವಕ್ತುಮೀದೃಶಂ॥ 9-16-29 (60383)
ಜಿತಾನಿ ಪರರಾಷ್ಟ್ರಾಣಿ ಸ್ವರಾಷ್ಟ್ರಮನುಪಾಲಿತಂ।
ಭುಕ್ತಾಶ್ಚ ವಿವಿಧಾ ಭೋಗಾಸ್ತ್ರಿವರ್ಗಃ ಸೇವಿತೋ ಮಯಾ॥ 9-16-30 (60384)
ಪಿತೄಣಾಂ ಗತಮಾನೃಣ್ಯಂ ಕ್ಷತ್ರಧರ್ಮಸ್ಯ ಚೋಭಯೋಃ।
ನ ಧ್ರುವಂ ಸುಖಮಸ್ತೀಹ ಕುತೋ ರಾಷ್ಟ್ರಂ ಕುತೋ ಯಶಃ।
ಇಹ ಕೀರ್ತಿರ್ವಿಚೇತವ್ಯಾ ಸಾ ಚ ಯುದ್ವೇನ ನಾನ್ಯಥಾ॥ 9-16-31 (60385)
ವೃಥಾ ಚ ಯತ್ಕ್ಷತ್ರಿಯಸ್ಯ ನಿಧನಂ ತದ್ವಿಗರ್ಹಿತಂ।
ಅಧರ್ಮಃ ಸುಮಹಾನೇಷ ಯಚ್ಛಯ್ಯಾಮರಣಂ ಗೃಹೇ॥ 9-16-32 (60386)
ಅರಣ್ಯೇ ಯೋ ವಿಮುಚ್ಯೇತ ಸಂಗ್ರಾಮೇ ವಾ ತನುಂ ನೃಪಃ।
ಕ್ರತೂನಾಹೃತ್ಯ ಮಹತೋ ಮಹಿಮಾನಂ ಸ ಗಚ್ಛತಿ॥ 9-16-33 (60387)
ಕೃಪಣಂ ವಿಲಪನ್ನಾರ್ತೋ ಜರಯಾಽಭಿಪರಿಪ್ಲುತಃ।
ಂರಿಯತೇ ರುದತಾಂ ಮಧ್ಯೇ ಜ್ಞಾತೀನಾಂ ನ ಸ ಪೂರುಷಃ॥ 9-16-34 (60388)
ತ್ಯಕ್ತ್ವಾ ತು ವಿವಿಧಾನ್ಭೋಗಾನ್ಪ್ರಾಪ್ತಾನಾಂ ಪರಮಾಂ ಗತಿಂ।
ಅಪೀದಾನೀಂ ಸುಯುದ್ಧೇನ ಗಚ್ಛೇಯಂ ಯತ್ಸಲೋಕತಾಂ॥ 9-16-35 (60389)
ಶೂರಾಣಾಮಾರ್ಯವೃತ್ತಾನಾಂ ಸಂಕ್ರಾಮೇಷ್ವನಿವರ್ತಿನಾಂ।
ಧೀಮತಾಂ ಸತ್ಯಸಂಧಾನಾಂ ಸರ್ವೇಷಾಂ ಕ್ರತುಯಾಜಿನಾಂ।
ಶಸ್ತ್ರಾವಭೃಥಪೂತಾನಾಂ ಧ್ರುವೋ ವಾಸಸ್ತ್ರಿವಿಷ್ಟಪೇ॥ 9-16-36 (60390)
ಮುದಾ ನೂನಂ ಪ್ರಪಶ್ಯಂತಿ ಯುದ್ವೇ ಹ್ಯಪ್ಸರಸಾಂ ಗಣಾಃ॥ 9-16-37 (60391)
ಪಶ್ಯಂತಿ ನೂನಂ ಪಿತರಃ ಪೂಜಿತಾನ್ಸುರಸಂಸದಿ।
ಅಪ್ಸರೋಭಿಃ ಪರಿವೃತಾನ್ಮೋದಮಾನಾಂಸ್ತ್ರಿವಿಷ್ಟಪೇ॥ 9-16-38 (60392)
ಪಂಥಾನಮಮರೈರ್ಯಾಂತಂ ಶೂರೈಶ್ಚೈವಾನಿವರ್ತಿಭಿಃ।
ಅಪಿ ತತ್ಸಂಗತಂ ಮಾರ್ಗಂ ವಯಮಧ್ಯಾರುಹೇಮಹಿ॥ 9-16-39 (60393)
ಪಿತಾಮಹೇನ ವೃದ್ವೇನ ತಥಾಽಚಾರ್ಯೇಣ ಧೀಮತಾ।
ಜಯದ್ರಥೇನ ಕರ್ಣೇನ ತಥಾ ದುಃಶಾಸನೇನ ಚ॥ 9-16-40 (60394)
ಘಟಮಾನಾ ಮದರ್ಥೇಽಸ್ಮಿನ್ಹತಾಃ ಶೂರಾ ಜನಾಧಿಪಾಃ।
ಶೇರತೇ ಲೋಹಿತಾಕ್ತಾಂಗಾಃ ಪೃಥಿವ್ಯಾಂ ಶರವಿಕ್ಷತಾಃ॥ 9-16-41 (60395)
ಉತ್ತಮಾಸ್ತ್ರವಿದಃ ಶೂರಾ ಯಥೋಕ್ತಕ್ರತುಯಾಜಿನಃ।
ತ್ಯಕ್ತ್ವಾ ಪ್ರಾಣಾನ್ಯಥಾನ್ಯಾಯಮಿಂದ್ರಸದ್ಮಸು ಧಿಷ್ಠಿತಃ॥ 9-16-42 (60396)
ತೈಃ ಸ್ವಯಂ ರಚಿತೋ ಮಾರ್ಗೋ ದುರ್ಗಮೋ ಹಿ ಪುನರ್ಭವೇತ್।
ಸಂಪತದ್ಭಿರ್ಮಹಾವೇಗೈರಿತೋ ಯಾಸ್ಯಾಮಿ ಸದ್ಗತಿಂ॥ 9-16-43 (60397)
ಯೇ ಮದರ್ಥೇ ಹತಾಃ ಶೂರಾಸ್ತೇಷಾಂ ಕೃತಮನುಸ್ಮರನ್।
ಋಣಂ ತತ್ಪ್ರತಿಯುಂಜಾನೋ ನ ರಾಜ್ಯೇ ಮನ ಆದಧೇ॥ 9-16-44 (60398)
ಪಾತಯಿತ್ವಾ ವಯಸ್ಯಾಂಶ್ಚ ಭ್ರಾತೃನಥ ಪಿತಾಮಹಾನ್।
ಜೀವಿತಂ ಯದಿ ರಕ್ಷೇಯಂ ಲೋಕೋ ಮಾಂ ಗರ್ಹಯೇದ್ವ್ರುವಂ॥ 9-16-45 (60399)
ಕೀದೃಶಂ ಚ ಭವೇದ್ರಾಜ್ಯಂ ಮಮ ಹೀನಸ್ಯ ಬಂಧುಭಿಃ।
ಸಖಿಭಿಶ್ಚ ವಿಶೇಷೇಣ ಪ್ರಣಿಪತ್ಯ ಚ ಪಾಂಡವಂ॥ 9-16-46 (60400)
ಸೋಽಹಮೇತಾದೃಶಂ ಕೃತ್ವಾ ಜಗತೋಽಸ್ಯ ಪರಾಭವಂ।
ಸುಯುದ್ಧೇನ ಹತಃ ಸ್ವರ್ಗಂ ಪ್ರಾಪ್ಸಾಮಿ ನ ತದನ್ಯಥಾ॥ 9-16-47 (60401)
ಸಂಜಯ ಉವಾಚ। 9-16-48x (5090)
ಏಂ ದುರ್ಯೋಧನೇನೋಕ್ತೇ ಸರ್ವೇ ಸಂಪೂಜ್ಯ ತದ್ವಚಃ।
ಸಾಧುಸಾಧ್ವಿತಿ ರಾಜಾನಂ ಕ್ಷತ್ರಿಯಾಃ ಸಂಬಭಾಷಿರೇ॥ 9-16-48 (60402)
ಪರಾಜಯಮಶೋಚಂತಃ ಕೃತಚಿತ್ತಾಶ್ಚ ವಿಕ್ರಮೇ।
ಸರ್ವೇ ಸುನಿಶ್ಚಿತಾ ಯೋದ್ಧುಮುದಗ್ರಮನಸೋಽಭವನ್॥ 9-16-49 (60403)
ತತೋ ವಾಹಾನ್ಸಮಾಶ್ವಾಸ್ಯ ಸರ್ವೇ ಯುದ್ಧಾಭಿನಂದಿನಃ।
ಊನೇ ದ್ವಿಯೋಜನೇ ಗತ್ವಾ ಪ್ರತ್ಯತಿಷ್ಠಂತ ಕೌರವಾಃ॥ 9-16-50 (60404)
ಆಕಾಶೇ ವಿದ್ರುಮೇ ಪುಣ್ಯೇ ಪ್ರಸ್ಥೇ ಹಿಮವತಃ ಶುಭೇ।
ಅರುಣಾಂ ಸರಸ್ವತೀಂ ಪ್ರಾಪ್ಯ ಪಪುಃ ಸಸ್ನುಶ್ಚ ತೇಜಲಂ॥ 9-16-51 (60405)
ತವ ಪುತ್ರಕೃತೋತ್ಸಾಹಾಃ ಪರ್ಯವರ್ತಂತ ತೇ ತತಃ।
ಪರ್ಯವಸ್ಥಾಪ್ಯ ಚಾತ್ಮಾನಮನ್ಯೋನ್ಯೇನ ಪುನಸ್ತದಾ।
ಸರ್ವೇ ರಾಜನ್ನ್ಯವರ್ತಂತ ಕ್ಷತ್ರಿಯಾಃ ಕಾಲಚೋದಿತಾಃ॥ ॥ 9-16-52 (60406)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಚತುರ್ಥೋಽಧ್ಯಾಯಃ॥ 4 ॥
Mahabharata - Shalya Parva - Chapter Footnotes
9-16-11 ಪುರಾ ಯಚ್ಛಾಂತಮೇವಾಸೀತ್ ಇತಿ ಕ. ಪಾಠಃ। ಪುರಾ ಯಃ ಶಂತಮೋ ನಾಸೀದದ್ಯ ಪಶ್ಯಾಮಿ ತಂ ಕಥಂ ಇತಿ ಙ.ಪಾಠಃ॥ 9-16-15 ಉರಶ್ಛದಃ ಕಂಕಟಕ ಇತ್ಯಮರಃ॥ 9-16-32 ವಿಪ್ರವನ್ಮರಣಂ ಗೃಹೇ ಇತಿ ಕ.ಪಾಠಃ। ವಿಣ್ಮೂತ್ರಮರಣಂ ಗೃಹೇ ಇತಿ ಙ. ಪಾಠಃ॥ 9-16-4 ಚತುರ್ಥೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 005
॥ ಶ್ರೀಃ ॥
9.5. ಅಧ್ಯಾಯಃ 005
Mahabharata - Shalya Parva - Chapter Topics
ದುರ್ಯೋಧನೇನ ಕೃಪಂಪ್ರತಿ ಕಾರಣಕಥನಪೂರ್ವಕಂ ಸಂಧ್ಯನಂಗೀಕರಣಂ॥ 1 ॥Mahabharata - Shalya Parva - Chapter Text
9-16-0 (60407)
ಸಂಜಯ ಉವಾಚ। 9-16-0x (5091)
ಏವಮುಕ್ತಸ್ತತೋ ರಾಜಾ ಗೌತಮೇನ ತಪಸ್ವಿನಾ।
ನಿಃಶ್ವಸ್ಯ ದೀರ್ಘಮುಷ್ಣಂ ಚ ತೂಷ್ಣೀಮಾಸೀದ್ವಿಶಾಂಪತೇ॥ 9-16-1 (60408)
ತತೋ ಮುಹೂರ್ತಂ ಸ ಧ್ಯಾತ್ವಾ ತವ ಪುತ್ರೋ ಮಹಾಮನಾಃ।
ಕೃಪಂ ಶಾರದ್ವತಂ ವಾಕ್ಯಮಿತ್ಯುವಾಚ ಪರಂತಪಃ॥ 9-16-2 (60409)
ಯತ್ಕಿಂಚಿತ್ಸುಹೃದಾ ವಾಚ್ಯಂ ತತ್ಸರ್ವಂ ಶ್ರಾವಿತೋ ಹ್ಯಹಂ।
ಕೃತಂ ಚ ಭವತಾ ಸರ್ವಂ ಪ್ರಾಣಾನ್ಸಂತ್ಯಜ್ಯ ಯುಧ್ಯತಾ॥ 9-16-3 (60410)
ಗಾಹಮಾನಮನೀಕಾನಿ ಯುಧ್ಯಮಾನಂ ಮಹಾರಥೈಃ।
ಪಾಂಡವೈರತಿತೇಜೋಭಿರ್ಲೋಕಸ್ತ್ವಾಮನುದೃಷ್ಟವಾನ್॥ 9-16-4 (60411)
ಸುಹೃದಾ ಯದಿದಂ ವಾಕ್ಯಂ ಭವತಾ ಶ್ರಾವಿತೋ ಹ್ಯಹಂ।
ನ ಮಾಂ ಪ್ರೀಣಾತಿ ತತ್ಸರ್ವಂ ಮುಮೂರ್ಷೋರಿವ ಭೇಷಜಂ॥ 9-16-5 (60412)
ಹೇತುಕಾರಣಸಂಯುಕ್ತಂ ಹಿತಂ ವಚನಮುತ್ತಮಂ।
ಉಚ್ಯಮಾನಂ ಮಹಾಬಾಹೋ ನ ಮೇ ವಿಪ್ರಾಗ್ರ್ಯ ರೋಚನೇ॥ 9-16-6 (60413)
ರಾಜ್ಯಾದ್ವಿನಿಕೃತೋಽಸ್ಮಾಭಿಃ ಕಥಂ ಸೋಸ್ಮಾಸು ವಿಶ್ವಸೇತ್॥ 9-16-7 (60414)
ಅಕ್ಷದ್ಯೂತೇ ಚ ನೃಪತಿರ್ಜಿತೋಽಸ್ಮಾಭಿರ್ಮಹಾಧನಃ।
ಸ ಕಥಂ ಮಮ ವಾಕ್ಯಾನಿ ಶ್ರದ್ದಧ್ಯಾದ್ಭೂಯ ಏವ ತು॥ 9-16-8 (60415)
ತಥಾ ದೂತ್ಯೇನ ಸಂಪ್ರಾಪ್ತಃ ಕೃಷ್ಣಃ ಪಾರ್ಥಹಿತೇ ರತಃ।
ಪ್ರಲಬ್ಧಶ್ಚ ಹೃಷೀಕೇಶಸ್ತಚ್ಚ ಕರ್ಮಾವಿಚಾರಿತಂ।
ಸ ಚ ಮೇ ವಚನಂ ಬ್ರಹ್ಮನ್ಕಥಮೇವಾಭಿಮನ್ಯತೇ॥ 9-16-9 (60416)
ವಿಲಲಾಪ ಚ ಯತ್ಕೃಷ್ಣಾ ಸಭಾಮಧ್ಯೇ ಸಮೇಯುಷೀ।
ನ ತನ್ಮರ್ಷಯತೇ ಕೃಷ್ಣೋ ನ ರಾಜ್ಯಹರಣಂ ತಥಾ॥ 9-16-10 (60417)
ಏಕಪ್ರಾಣಾವುಭೌ ಕೃಷ್ಣಾವನ್ಯೋನ್ಯಮಭಿಸಂಶ್ರಿತೌ।
ಪುರಾ ಯಚ್ಛ್ರುತಮೇವಾಸೀದದ್ಯ ಪಶ್ಯಾಮಿ ತತ್ಪ್ರಭೋ॥ 9-16-11 (60418)
ಸ್ವಸ್ರೀಯಂ ನಿಹತಂ ದೃಷ್ಟ್ವಾ ದುಃಖಂ ಸ್ವಪಿತಿ ಕೇಶವಃ।
ಕೃತಾಗಸೋ ವಯಂ ತಸ್ಯ ಹಿತಂ ಮೇ ಸ ಕಥಂ ಚರೇತ್॥ 9-16-12 (60419)
ಅಭಿಮನ್ಯೋರ್ವಿನಾಶೇನ ನ ಶರ್ಮ ಲಭತೇಽರ್ಜುನಃ।
ಸ ಕಥಂ ಮದ್ಧಿತೇ ಯತ್ನಂ ಪ್ರಕರಿಷ್ಯತಿ ಯಾಚಿತಃ॥ 9-16-13 (60420)
ಮಧ್ಯಮಃ ಪಾಂಡವಸ್ತೀಕ್ಷ್ಣೋ ಭೀಮಸೇನೋ ಮಹಾಬಲಃ।
ಪ್ರತಿಜ್ಞಾತಂ ಚ ತೇನೋಗ್ರಂ ಭಜ್ಯೇತಾಪಿ ನ ಸನ್ನಮೇತ್॥ 9-16-14 (60421)
ಉಭೌ ತೌ ಬದ್ಧನಿಸ್ತ್ರಿಂಶಾವುಭೌ ಚಾಬದ್ಧಕಂಕಟೌ।
ಕೃತವೈರಾವುಭೌ ವೀರೌ ಯಮಾವಪಿ ಯಮೋಪಮೌ॥ 9-16-15 (60422)
ಧೃಷ್ಟದ್ಯುಂನಃ ಶಿಖಂಡೀ ಚ ಕೃತವೈರೌ ಮಯಾ ಸಹ।
ತೌ ಕಥಂ ಮದ್ಧಿತೇ ಯತ್ನಂ ಕುರ್ಯಾತಾಂ ದ್ವಿಜಸತ್ತಮ॥ 9-16-16 (60423)
ದುಃಶಾಸನೇನ ಯತ್ಕೃಷ್ಣಾ ಏಕವಸ್ತ್ರಾ ರಜಸ್ವಲಾ।
ಪರಿಕ್ಲಿಷ್ಟಾ ಸಭಾಮಧ್ಯೇ ಸರ್ವಲೋಕಸ್ಯ ಪಶ್ಯತಃ॥ 9-16-17 (60424)
ಕಥಾ ವಿವಸನಾಂ ದೀನಾಂ ಸ್ಮರಂತ್ಯದ್ಯಾಪಿ ಪಾಂಡವಾಃ।
ನ ನಿವಾರಯಿತುಂ ಶಕ್ಯಾಃ ಸಂಗ್ರಾಮತ್ತೇ ಪರಂತಪಾಃ॥ 9-16-18 (60425)
ಯದಾ ಚ ದ್ರೌಪದೀ ಕ್ಲಿಷ್ಟಾ ಮದ್ವಿನಾಶಾಯ ದುಃಖಿತಾ।
ಉಗ್ರಂ ತೇಪೇ ತಪಃ ಕೃಷ್ಣಾ ಭರ್ತೄಣಾಮರ್ಥಸಿದ್ಧಯೇ।
ಸ್ಥಂಡಿಲೇ ನಿತ್ಯದಾ ಶೇತೇ ಯಾವದ್ವೈರಸ್ಯ ಯಾತನಂ॥ 9-16-19 (60426)
ನಿಕ್ಷಿಪ್ಯ ಮಾನಂ ದರ್ಪಂ ಚ ವಾಸುದೇವಸಹೋದರಾ।
ಕೃಷ್ಣಾಯಾಃ ಪ್ರೇಷ್ಯವದ್ಭೂತ್ವಾ ಶುಶ್ರೂಷಾಂ ಕುರುತೇ ಸದಾ॥ 9-16-20 (60427)
ಇತಿ ಸರ್ವಂ ಸಮುನ್ನದ್ಧಂ ನ ನಿರ್ವಾತಿ ಕಥಂಚನ।
ಅಭಿಮನ್ಯೋರ್ವಿನಾಶೇನ ಸ ಸಂಧೇಯಃ ಕಥಂ ಮಯಾ॥ 9-16-21 (60428)
ಕಥಂ ಚ ರಾಜಾ ಭುಕ್ತ್ವೇಮಾಂ ಪೃಥಿವೀಂ ಸಾಗರಾಂಬರಾಂ।
ಪಾಂಡವಾನಾಂ ಪ್ರಸಾದೇನ ಭೋಕ್ಷ್ಯೇ ರಾಜ್ಯಮಹಂ ಕಥಂ॥ 9-16-22 (60429)
ಉಪರ್ಯುಪರಿ ರಾಜ್ಞಾಂ ವೈ ಜ್ವಲಿತ್ವಾ ಭಾಸ್ಕರೋ ಯಥಾ।
ಯುಧಿಷ್ಠಿರಂ ಕಥಂ ಪಂಚಾದನುಯಾಸ್ಯಾಮಿ ದಾಸವತ್॥ 9-16-23 (60430)
ಕಥಂ ಭುಕ್ತ್ವಾ ಸ್ವಯಂ ಭೋಗಾಂದತ್ತ್ವಾ ದಾಯಾಂಶ್ಚ ಪುಷ್ಕಲಾನ್।
ಕೃಪಣಂ ವರ್ತಯಿಷ್ಯಾಮಿ ಕೃಪಣೈಃ ಸಹ ಜೀವಿಕಾಂ॥ 9-16-24 (60431)
ನಾಭ್ಯಸೂಯಾಮಿ ತೇ ವಾಕ್ಯಮುಕ್ತಂ ಸ್ನಿಗ್ಧಂ ಹಿತಂ ತ್ವಯಾ॥ 9-16-25 (60432)
ನ ತು ಸಂಧಿಮಹಂ ಮನ್ಯೇ ಪ್ರಾಪ್ತಕಾಲಂ ಕಥಂಚನ।
ಸುನೀತಮನುಪಶ್ಯಾಮಿ ಸುಯುದ್ಧೇನ ಪರಂತಪ॥ 9-16-26 (60433)
ನಾಯಂ ಕ್ಲೀಬಾಯಿತುಂ ಕಾಲಃ ಸಂಯೋದ್ಧುಂ ಕಾಲ ಏವ ನಃ॥ 9-16-27 (60434)
ಇಷ್ಟಂ ಮೇ ಬಹುಭಿರ್ಯಜ್ಞೈರ್ದತ್ತಾ ವಿಪ್ರೇಷು ದಕ್ಷಿಣಾಃ।
ಪ್ರಾಪ್ತಾಃ ಕಾಮಾಃ ಶ್ರುತಾ ವೇದಾಃ ಶತ್ರೂಣಾಂ ಮೂರ್ಧ್ನಿಂ ಚ ಸ್ಥಿತಂ॥ 9-16-28 (60435)
ಭೃತ್ಯಾ ಮೇ ಸುಭೃತಾಸ್ತಾತ ದೀನಶ್ಚಾಭ್ಯೃದ್ಭೃತೋ ಜನಃ।
ನೋತ್ಸಹೇಽದ್ಯ ದ್ವಿಜಶ್ರೇಷ್ಠ ಪಾಂಡವಾನ್ವಕ್ತುಮೀದೃಶಂ॥ 9-16-29 (60436)
ಜಿತಾನಿ ಪರರಾಷ್ಟ್ರಾಣಿ ಸ್ವರಾಷ್ಟ್ರಮನುಪಾಲಿತಂ।
ಭುಕ್ತಾಶ್ಚ ವಿವಿಧಾ ಭೋಗಾಸ್ತ್ರಿವರ್ಗಃ ಸೇವಿತೋ ಮಯಾ॥ == ॥ 9-16-30 (60437)
ಇತಿ ಶ್ರೀಮನ್ಮಹಾಭಾರತೇ
Mahabharata - Shalya Parva - Chapter Footnotes
9-16-1 9-16- 9-16- 9-16- 9-16- 9-16- 9-16- 9-16- 9-16- 9-16- 9-16-ಶಲ್ಯಪರ್ವ - ಅಧ್ಯಾಯ 006
॥ ಶ್ರೀಃ ॥
9.6. ಅಧ್ಯಾಯಃ 006
Mahabharata - Shalya Parva - Chapter Topics
ದುರ್ಯೋಧನೇನ ಶಲ್ಯಸ್ಯ ಸೈನಾಪತ್ಯೇಽಮಿಷೇಚನಂ॥ 1 ॥ ಕೃಷ್ಣೇನ ಯುಧಿಷ್ಠಿರಂಪ್ರತಿ ಶಲ್ಯವಧವಿಧಾನಂ॥ 2 ॥Mahabharata - Shalya Parva - Chapter Text
9-6-0 (60438)
ಸಂಜಯ ಉವಾಚ। 9-6-0x (5092)
ಏತಚ್ಛ್ರುತ್ವಾ ವಚೋ ರಾಜ್ಞೋ ಮದ್ರರಾಜಃ ಪ್ರತಾಪವಾನ್।
ದುರ್ಯೋಧನಂ ತದಾ ರಾಜನ್ವಾಕ್ಯಮೇತದುವಾಚ ಹ॥ 9-6-1 (60439)
ದುರ್ಯೋಧನ ಮಹಾಬಾಹೋ ಶೃಣು ವಾಕ್ಯವಿದಾಂ ವರ।
ಯಾವೇತೌ ಮನ್ಯಸೇ ಕೃಷ್ಣೌ ರಥಸ್ಥೌ ರಥಿನಾಂವರೌ।
ನ ಮೇ ತುಲ್ಯಾವುಭಾವೇತೌ ಬಾಹುವೀರ್ಯೇ ಕಥಂಚನ॥ 9-6-2 (60440)
ಉದ್ಯತಾಂ ಪೃಥಿವೀಂ ಸರ್ವಾಂ ಸಸುರಾಸುರಮಾನವಾಂ।
ಯೋಧಯೇಯಂ ರಣಮುಖೇ ಸಂಕ್ರುದ್ಧಃ ಕಿಮು ಪಾಂಡವಾನ್॥ 9-6-3 (60441)
ವಿಜೇಷ್ಯಾಮಿ ರಣೇ ಪಾರ್ಥಾನ್ಸೋಮಕಾಂಶ್ಚ ಸಮಾಗತಾನ್।
ಅಹಂ ಸೇನಾಪ್ರಮೇತಾ ತೇ ಭವಿಷ್ಯಾಮಿ ನ ಸಂಶಯಃ॥ 9-6-4 (60442)
ತಂ ಚ ವ್ಯೂಹಂ ವಿಧಾಸ್ಯಾಮಿ ನ ಕ (ತ) ರಿಷ್ಯಂತಿ ಯಂ ಪರೇ।
ಇತಿ ಸತ್ಯಂ ಬ್ರವೀಂಯೇಷ ದುರ್ಯೋಧನ ನ ಸಂಶಯಃ॥ 9-6-5 (60443)
`ಅದ್ಯೈವಾಹಂ ರಣೇ ಸರ್ವಾನ್ಪಾಂಚಾಲಾನ್ಸಹ ಪಾಂಡವೈಃ।
ನಿಹನಿಷ್ಯಾಮಿ ವಾ ರಾಜನ್ಸ್ವರ್ಗಂ ಯಾಸ್ಯಾಮಿ ವಾ ಹತಃ॥ 9-6-6 (60444)
ಅದ್ಯ ಪಶ್ಯಂತು ಮಾಂ ಲೋಕಾ ವಿಚರಂತಮಭೀತವತ್॥ 9-6-7 (60445)
ಅದ್ಯ ಪಾಂಡುಸುತಾಃ ಸರ್ವೇ ವಾಸುದೇವಃ ಸಸಾತ್ಯಕಿಃ।
ಪಾಂಚಾಲಾಶ್ಚೇದಯಶ್ಚೈವ ದ್ರೌಪದೇಯಾಶ್ಚ ಸರ್ವಶಃ।
ಧೃಷ್ಟದ್ಯುಂನಃ ಶಿಖಂಡೀ ಚ ಸರ್ವೇ ಚಾಪಿ ಪ್ರಭದ್ರಕಾಃ॥ 9-6-8 (60446)
ವಿಕ್ರಮಂ ಮಮ ಪಶ್ಯಂತು ಧನುಷಶ್ಚ ಮಹದ್ಬಲಂ।
ಲಾಘವಂ ಚಾಸ್ತ್ರವೀರ್ಯಂ ಚ ಭುಜಯೋಶ್ಚ ಬಲಂ ಯುಧಿ॥ 9-6-9 (60447)
ಅದ್ಯ ಪಶ್ಯಂತು ಮೇ ಪಾರ್ಥಾಃ ಸಿದ್ಧಾಶ್ಚ ಸಹ ಚಾರಣೈಃ।
ಯಾದೃಶಂ ಮೇ ಬಲಂ ಬಾಹ್ವೋಃ ಸಂಪದಸ್ತ್ರೇಷು ಯಾ ಚ ಮೇ॥ 9-6-10 (60448)
ಅದ್ಯ ಮೇ ವಿಕ್ರಮಂ ದೃಷ್ಟ್ವಾ ಪಾಂಡವಾನಾಂ ಮಹಾರಥಾಃ।
ಪ್ರತೀಕಾರಪರಾ ಭೂತ್ವಾ ಚೇಷ್ಟಂತೇ ವಿವಿಧಾಃ ಕ್ರಿಯಾಃ॥ 9-6-11 (60449)
ಅದ್ಯ ಸೈನ್ಯಾನಿ ಪಾಂಡೂನಾಂ ದ್ರಾವಯಿಷ್ಯೇ ಸಮಂತತಃ॥ 9-6-12 (60450)
ದ್ರೋಣಭೀಷ್ಮಾವತಿ ವಿಮೋ ಸೂತಪುತ್ರಂ ಚ ಸಂಯುಗೇ।
ವಿಚರಿಷ್ಯೇ ರಣಮುಖೇ ಪ್ರಿಯಾರ್ಥಂ ತವ ಕೌರವ॥ 9-6-13 (60451)
ಸಂಜಯ ಉವಾಚ। 9-6-14x (5093)
ಏವಮುಕ್ತಸ್ತತೋ ರಾಜಾ ಮದ್ರಾಧಿಪತಿಮಂಜಸಾ।
ಅಭ್ಯಷಿಂಚತ ಸೇನಾಯಾ ಮಧ್ಯೇ ಭರತಸತ್ತಮ।
ವಿಧಿನಾ ಶಾಸ್ತ್ರದೃಷ್ಟೇನ ಕ್ಲಿಷ್ಟರೂಪೋ ವಿಶಾಂಪತೇ॥ 9-6-14 (60452)
ಅಭಿಷಿಕ್ತೇ ತತಸ್ತಸ್ಮಿನ್ಸಿಂಹನಾದೋ ಮಹಾನಭೂತ್।
ತವ ಸೈನ್ಯೇಽಭ್ಯವಾದ್ಯಂತ ವಾದಿತ್ರಾಣಿ ಚ ಭಾರತ॥ 9-6-15 (60453)
ಹೃಷ್ಟಾಶ್ಚಾಸಂಸ್ತಥಾ ಯೋಧಾ ಮದ್ರಕಾಶ್ಚ ಮಹಾರಥಾಃ।
ತುಷ್ಟುವುಶ್ಚೈವ ರಾಜಾನಂ ಶಲ್ಯಮಾಹವಶೋಭಿನಂ॥ 9-6-16 (60454)
ಜಯ ರಾಜಂಶ್ಚಿರಂ ಜೀವ ಜಹಿ ಶತ್ರೂನ್ಸಮಾಗತಾನ್।
ತವ ಬಾಹುಬಲಂ ಪ್ರಾಪ್ಯ ಧಾರ್ತರಾಷ್ಟ್ರೋ ಮಹಾಬಲಃ।
ನಿಖಿಲಾಂ ಪೃಥಿವೀಂ ಸರ್ವಾಂ ಪ್ರಶಾಸ್ತು ನಿಹತದ್ವಿಷಂ॥ 9-6-17 (60455)
ತ್ವಂ ಹಿ ಶಕ್ತೋ ರಣೇ ಜೇತುಂ ಸಸುರಾಸುರಮಾನವಾನ್।
ಮರ್ತ್ಯಧರ್ಮಾಣ ಇಹ ತು ಕಿಮು ಸೃಂಜಯಸೋಮಕಾನ್॥ 9-6-18 (60456)
ಏವಂ ಸಂಪೂಜ್ಯಮಾನಸ್ತು ಮದ್ರಾಣಾಮಧಿಪೋ ಬಲೀ।
ಹರ್ಷಂ ಪ್ರಾಪ ತದಾ ವೀರೋ ದುರಾಪಮಕೃತಾತ್ಮಭಿಃ॥ 9-6-19 (60457)
ಸಂಜಯ ಉವಾಚ। 9-6-20x (5094)
ಅಭಿಷಿಕ್ತೇ ತಥಾ ಶಲ್ಯೇ ತವ ಸೈನ್ಯೇಷು ಮಾನದ।
ನ ಕರ್ಣವ್ಯಸನಂ ಕಿಂಚಿನ್ಮೇನಿರೇ ತತ್ರ ಭಾರತ॥ 9-6-20 (60458)
ಹೃಷ್ಟಾಃ ಸುಮನಸಶ್ಚೈವ ಬಭೂವುಸ್ತತ್ರ ಸೈನಿಕಾಃ।
ಮೇನಿರೇ ನಿಹತಾನ್ಪಾರ್ಥಾನ್ಮದ್ರರಾಜವಶಂಗತಾನ್॥ 9-6-21 (60459)
ಪ್ರಹರ್ಷಂ ಪ್ರಾಪ್ಯ ಸೇನಾ ತು ತಾವಕೀ ಭರತರ್ಷಭ।
ತಾಂ ರಾತ್ರಿಂ ಸುಖಿತಾ ಸುಪ್ತಾ ಹರ್ಷಚಿತ್ತಾ ಚ ಸಾಭವತ್॥ 9-6-22 (60460)
ಸೈನ್ಯಸ್ಯ ತವ ತಂ ಶಬ್ದಂ ಶ್ರುತ್ವಾ ರಾಜಾ ಯುಧಿಷ್ಠಿರಃ।
ವಾರ್ಷ್ಣೇಯಮಬ್ರವೀದ್ವಾಕ್ಯಂ ಸರ್ವಕ್ಷತ್ರಸ್ಯ ಪಶ್ಯತಃ॥ 9-6-23 (60461)
ಮದ್ರರಾಜಃ ಕೃತಃ ಶಲ್ಯೋ ಧಾರ್ತರಾಷ್ಟ್ರೇಣ ಮಾಘವ।
ಸೇನಾಪತಿರ್ಮಹೇಷ್ವಾಸಃ ಸರ್ವಸೈನ್ಯೇಷು ಪೂಜಿತಃ॥ 9-6-24 (60462)
ಏತಜ್ಜ್ಞಾತ್ವಾ ಯಥಾಭೂತಂ ಕುರು ಮಾಧವ ಯತ್ಕ್ಷಮಂ।
ಭವಾನ್ನೇತಾ ಚ ಗೋಪ್ತಾ ಚ ವಿಧತ್ಸ್ವ ಯದನಂತರಂ॥ 9-6-25 (60463)
ತಮಬ್ರವೀನ್ಮಹಾರಾಜ ವಾಸುದೇವೋ ಜನಾಧಿಪಂ।
ಆರ್ತಾಯನಿಮಹಂ ಜಾನೇ ಯಥಾತತ್ತ್ವೇನ ಭಾರತ॥ 9-6-26 (60464)
ವೀರ್ಯವಾಂಶ್ಚ ಮಹಾತೇಜಾ ಮಹಾತ್ಮಾ ಚ ವಿಶೇಷತಃ।
ಕೃತೀ ಚ ಚಿತ್ರಯೋಧೀ ಚ ಸಂಯುಕ್ತೋ ಲಾಘವೇನ ಚ॥ 9-6-27 (60465)
ಯಾದೃಗ್ಭೀಷ್ಮಸ್ತಥಾ ದ್ರೋಣೋ ಯಾದೃಕ್ಕರ್ಣಶ್ಚ ಸಂಯುಗೇ।
ತಾದೃಶೃಸ್ತದ್ವಿಶಿಷ್ಟೋ ವಾ ಮದ್ರರಾಜೋ ಮತೋ ಮಮ॥ 9-6-28 (60466)
ಯುಧ್ಯಮಾನಸ್ಯ ತಸ್ಯಾಹಂ ಚಿಂತಯಾನಶ್ಚ ಭಾರತ।
ಯೋದ್ಧಾರಂ ನಾಧಿಗಚ್ಛಾಮಿ ತುಲ್ಯರೂಪಂ ಜನಾಧಿಪ॥ 9-6-29 (60467)
ಶಿಖಣ಼್ಡ್ಯರ್ಜುನಭೀಮಾನಾಂ ಸಾತ್ವತಸ್ಯ ಚ ಭಾರತ।
ಧೃಷ್ಟದ್ಯುಂನಸ್ಯ ಚ ತಥಾ ಬಲೇನಾಭ್ಯಧಿಕೋ ರಣೇ॥ 9-6-30 (60468)
ಮದ್ರರಾಜೋ ಮಹಾರಾಜಃ ಸಿಂಹದ್ವಿರದವಿಕ್ರಮಃ।
ವಿಚರಿಷ್ಯತ್ಯಭೀಃ ಕಾಲೇ ಕಾಲಃ ಕ್ರುದ್ಧಃ ಪ್ರಜಾಸ್ವಿವ॥ 9-6-31 (60469)
ತಸ್ಯಾದ್ಯ ನ ಪ್ರಪಶ್ಯಾಮಿ ಪ್ರತಿಯೋದ್ಧಾರಮಾಹನೇ।
ತ್ವಾಮೃತೇ ಪುರುಷವ್ಯಾಘ್ರ ಶಾರ್ದೂಲಸಮವಿಕ್ರಮಂ॥ 9-6-32 (60470)
ಸ ತ್ವಮೇಕೋ ಹಿ ಲೋಕೇಽಸ್ಮಿನ್ನಾನ್ಯಸ್ತ್ವತ್ತಃ ಪುಮಾನ್ಭವೇತ್।
ಮದ್ರರಾಜಂ ರಣೇ ಕ್ರುದ್ಧಂ ಯೋ ಹನ್ಯಾತ್ಕುರುನಂದನ॥ 9-6-33 (60471)
ಅಹನ್ಯಹನಿ ಯುಧ್ಯಂತಂ ಕ್ಷೋಭಯಂತಂ ಬಲಂ ತವ।
ತಸ್ಮಾಜ್ಜಹಿ ರಣೇ ಶಲ್ಯಂ ಮಘವಾನಿವ ಶಂಬರಂ॥ 9-6-34 (60472)
ಸೌತೇಃ ಪಶ್ಚಾದಸೌ ವೀರೋ ಧಾರ್ತರಾಷ್ಟ್ರೇಣ ಸತ್ಕೃತಃ।
ತವೈವ ಹಿ ಜಯೋ ನೂನಂ ಹತೇ ಮದ್ರೇಶ್ವರೇ ಯುಧಿ। 9-6-35 (60473)
ತಸ್ಮಿನ್ಹತೇ ಹತಂ ಸರ್ವಂ ಧಾರ್ತರಾಷ್ಟ್ರಬಲಂ ಮಹತ್॥
ಏತಚ್ಛ್ರುತ್ವಾ ಮಹಾರಾಜ ವಚನಂ ಮಮ ಸಾಂಪ್ರತಂ। 9-6-36 (60474)
ಪ್ರತ್ಯುದ್ಯಾಹಿ ರಣೇ ಪಾರ್ಥ ಮದ್ರರಾಜಂ ಮಹಾರಥಂ॥
ಜಹಿ ಚೈನಂ ಮಹಾಬಾಹೋ ವಾಸವೋ ನಮುಚಿಂ ಯಥಾ॥ 9-6-37 (60475)
ನ ಚೈವಾತ್ರ ದಯಾ ಕಾರ್ಯಾ ಮಾತುಲೋಽಯಂ ಮಮೇತಿ ವೈ।
ಕ್ಷತ್ರವರ್ಮ ಪುರಸ್ಕೃತ್ಯ ಜಹಿ ಮದ್ರಜನೇಶ್ವರಂ॥ 9-6-38 (60476)
ದ್ರೋಣಭೀಷ್ಮಾರ್ಣವಂ ತೀರ್ತ್ವಾ ಕರ್ಣಪಾತಾಲಸಂಭವಂ।
ಮಾ ನಿಮಜ್ಜಸ್ವ ಸಗಣಃ ಶಲ್ಯಮಾಸಾದ್ಯ ಗೋಷ್ಪದಂ। 9-6-39 (60477)
ಯಚ್ಚ ತೇ ತಪಸೋ ವೀರ್ಯಂ ಯಚ್ಚ ಕ್ಷಾತ್ರಂ ಬಲಂ ತವ।
ತದ್ದರ್ಶಯ ರಣೇ ಸರ್ವಂ ಜಹಿ ಚೈನಂ ಮಹಾರಥಂ॥ 9-6-40 (60478)
ಸಂಜಯ ಉವಾಚ। 9-6-41x (5095)
ಏತಾವದುಕ್ತ್ವಾ ವಚನಂ ಕೇಶವಃ ಪರವೀರಹಾ।
ಜಗಾಮ ಶಿಬಿರಂ ಸಾಯಂ ಪೂಜ್ಯಮಾನೋಽಥ ಪಾಂಡವೈಃ॥ 9-6-41 (60479)
ಕೇಶವೇ ತು ತದಾ ಯಾತೇ ಧರ್ಮಪುತ್ರೋ ಯುಧಿಷ್ಠಿರಃ।
ವಿಸೃಜ್ಯ ಸರ್ವಾನ್ಭ್ರಾತೄಂಶ್ಚ ಪಾಂಚಾಲಾನಥ ಸೋಮಕಾನ್।
ಸುಷ್ವಾಪ ರಜನೀಂ ತಾಂ ತು ವಿಶಲ್ಯ ಇವ ಕುಂಜರಃ॥ 9-6-42 (60480)
ತೇ ಚ ಸರ್ವೇ ಮಹೇಷ್ವಾಸಾಃ ಪಾಂಚಾಲಾಃ ಪಾಂಡವಾಸ್ತಥಾ।
ಕರ್ಣಸ್ಯ ನಿಧನೇ ಹೃಷ್ಟಾಃ ಸುಷುಪುಸ್ತಾಂ ನಿಶಾಂ ತದಾ॥ 9-6-43 (60481)
ಗತಜ್ವರಂ ಮಹೇಷ್ವಾಸಂ ತೀರ್ಣಪಾರಂ ಮಹಾರಥಂ।
ಬಭೂವ ಪಾಂಡವೇಯಾನಾಂ ಸೈನ್ಯಂ ಚ ಮುದಿತಂ ನಿಶಿ।
ಸೂತಪುತ್ರಸ್ಯ ನಿಧನಾಜ್ಜಯಂ ಲಬ್ಧ್ವಾ ಚ ಮಾರಿಷ॥ ॥ 9-6-44 (60482)
ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಶಲ್ಯವಧಪರ್ವಣಿ ಷಷ್ಠೋಽಧ್ಯಾಯಃ॥ 6 ॥
Mahabharata - Shalya Parva - Chapter Footnotes
9-6-14 ಕ್ಲಿಷ್ಟರೂಪಃ ಪರಾಜಯನಿಶ್ಚಯಾತ್॥ 9-6-18 ಮರ್ತ್ಯಧರ್ಮಾಣಃ ಮರ್ತ್ಯಧರ್ಮಣಃ॥ 9-6-6 ಷಷ್ಠೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 007
॥ ಶ್ರೀಃ ॥
9.7. ಅಧ್ಯಾಯಃ 007
Mahabharata - Shalya Parva - Chapter Topics
ಉಭಯಸೈನ್ಯಾನಾಂ ವ್ಯೂಹರಚನಾಪೂರ್ವಕಂ ದ್ವಂದ್ವೀಭೂಯ ಯುದ್ಧಾಯ ನಿರ್ಗಮನಂ॥ 1 ॥Mahabharata - Shalya Parva - Chapter Text
9-7-0 (60483)
ಸಂಜಯ ಉವಾಚ। 9-7-0x (5096)
ವ್ಯತೀತಾಯಾಂ ರಜನ್ಯಾಂ ತು ರಾಜಾ ದುರ್ಯೋಧನಸ್ತದಾ।
ಅಬ್ರವೀತ್ತಾವಕಾನ್ಸರ್ವಾನ್ಸನ್ನಹ್ಯಂತಾಂ ಮಹಾರಥಾಃ॥ 9-7-1 (60484)
ರಾಜ್ಞಶ್ಚ ಮತಮಾಜ್ಞಾಯ ಸಮನಹ್ಯತ ಸಾ ಚಮೂಃ।
ಅಯೋಜಯನ್ರಥಾಂಸ್ತೂರ್ಣಂ ಪರ್ಯಧಾವಂಸ್ತಥಾ ಪರೇ॥ 9-7-2 (60485)
ಅಕಲ್ಪ್ಯಂತ ಚ ಮಾತಂಗಾಃ ಸಮನಹ್ಯಂತ ಪತ್ತಯಃ।
ಹಯಾನಾಸ್ತರಣೋಪೇತಾಂಶ್ಚಕ್ರುರನ್ಯೇ ಸಹಸ್ರಶಃ॥ 9-7-3 (60486)
ವಾದಿತ್ರಾಣಾಂ ಚ ನಿನದಃ ಪ್ರಾದುರಾಸೀದ್ವಿಶಾಂಪತೇ।
ಯೋಧಾನಾಂ ಸೈನ್ಯಮುಖ್ಯಾನಾಮನ್ಯೋನ್ಯಂ ಪ್ರತಿಗರ್ಜತಾಂ॥ 9-7-4 (60487)
ತತೋ ಬಲಾನಿ ಸರ್ವಾಣಿ ಹತಶಿಷ್ಟಾನಿ ಭಾರತ।
ಸನ್ನದ್ಧಾನಿ ವ್ಯದೃಶ್ಯಂತ ಮೃತ್ಯುಂ ಕೃತ್ವಾ ನಿವರ್ತನಂ॥ 9-7-5 (60488)
ಶಲ್ಯಂ ಸೇನಾಪತಿಂ ಕೃತ್ವಾ ಮದ್ರರಾಜಂ ಮಹಾರಥಾಃ।
ಪ್ರವಿಭಜ್ಯ ಬಲಂ ಸರ್ವಮನೀಕೇಷು ವ್ಯವಸ್ಥಿತಾಃ॥ 9-7-6 (60489)
ತತಃ ಸರ್ವೇ ಸಮಾಗಂಯ ಪುತ್ರೇಣ ತವ ಸೈನಿಕಾಃ।
ಕೃಪಶ್ಚ ಕೃತವರ್ಮಾ ಚ ದ್ರೌಣಿಃ ಶಲ್ಯೋಽಥ ಸೌಬಲಃ।
ಅನ್ಯೇ ಚ ಪಾರ್ಥಿವಾಃ ಶೇಷಾಃ ಸಮಯಂ ಚಕ್ರುರಾದೃತಾಃ॥ 9-7-7 (60490)
`ಅದ್ಯಾಚಾರ್ಯಸುತೋ ದ್ರೌಣಿರ್ನೈಕೋ ಯುಧ್ಯೇತ ಶತ್ರುಭಿಃ'।
ನ ನ ಏಕೇನ ಯೋದ್ಧವ್ಯಂ ಕಥಂಚಿದಪಿ ಪಾಂಡವೈಃ॥ 9-7-8 (60491)
ಯೋ ಹ್ಯೇಕಃ ಪಾಂಡವೈರ್ಯುಧ್ಯೇದ್ಯೋ ವಾ ಯುಧ್ಯಂತಮುತ್ಸೃಜೇತ್।
ಸ ಪಂಚಭಿರ್ಭವೇದ್ಯುಕ್ತಃ ಪಾತಕೈಶ್ಚೋಪಪಾತಕೈಃ।
ಅನ್ಯೋನ್ಯಂ ಪರಿರಕ್ಷದ್ಭಿರ್ಯೋದ್ಧವ್ಯಂ ಸಹಿತೈಶ್ಚ ನಃ॥ 9-7-9 (60492)
ಏವಂ ತೇ ಸಮಯಂ ಕೃತ್ವಾ ಸರ್ವೇ ತತ್ರ ಮಹಾರಥಾಃ।
ಮದ್ರರಾಜಂ ಪುರಸ್ಕೃತ್ಯ ತೂರ್ಣಮಭ್ಯದ್ರವನ್ಪರಾನ್॥ 9-7-10 (60493)
ತಥೈವ ಪಾಂಡವಾ ರಾಜನ್ವ್ಯೂಹ್ಯ ಸೈನ್ಯಂ ಮಹಾರಣೇ।
ಅಭ್ಯಯುಃ ಕೌರವಾನ್ಯುದ್ಧೇ ಯೋತ್ಸ್ಯಮಾನಾಃ ಸಮಂತತಃ॥ 9-7-11 (60494)
ತತೋ ಬಲಂ ಸಮಭವತ್ಕ್ಷುಬ್ಧಾರ್ಣವಸಮಸ್ವನಂ।
ಸಮುದ್ಭೂತಾರ್ಣವಾಕಾರಮುದೀರ್ಣರಥಕುಂಜರಂ॥ 9-7-12 (60495)
ಧೃತರಾಷ್ಟ್ರ ಉವಾಚ। 9-7-13x (5097)
ದ್ರೋಣಸ್ಯ ಚೈವ ಭೀಷ್ಮಸ್ಯ ರಾಧೇಯಸ್ಯ ಚ ಮೇ ಶ್ರುತಂ।
ಪಾತನಂ ಶಂಸ ಮೇ ಭೂಯಃ ಶಲ್ಯಸ್ಯಾಥ ಸುತಸ್ಯ ಮೇ॥ 9-7-13 (60496)
ಕಥಂ ರಣೇ ಹತಃ ಶಲ್ಯೋ ಧರ್ಮರಾಜೇನ ಸಂಜಯ।
ಭೀಮೇನ ಚ ಮಹಾಬಾಹುಃ ಪುತ್ರೋ ದುರ್ಯೋಧನೋ ಮಮ॥ 9-7-14 (60497)
ಸಂಜಯ ಉವಾಚ। 9-7-15x (5098)
ಕ್ಷಯಂ ಮನುಷ್ಯದೇಹಾನಾಂ ತಥಾ ನಾಗಾಶ್ವಸಂಕ್ಷಯಂ।
ಶೃಣು ರಾಜನ್ಸ್ಥಿರೋ ಭೂತ್ವಾ ಸಂಗ್ರಾಮಂ ಶಂಸತೋ ಮಮ॥ 9-7-15 (60498)
ಆಶಾ ಬಲವತೀ ರಾಜನ್ಪುತ್ರಾಣಾಂ ತೇಽಭವತ್ತದಾ॥ 9-7-16 (60499)
ಹತೇ ದ್ರೋಣೇ ಚ ಭೀಷ್ಮೇ ಚ ಸೂತಪುತ್ರೇ ಚ ಪಾತಿತೇ।
ಶಲ್ಯಃ ಪಾರ್ಥಾನ್ರಣೇ ಸರ್ವಾನ್ನಿಹನಿಷ್ಯತಿ ಮಾರಿಷ॥ 9-7-17 (60500)
ತಾಮಾಶಾಂ ಹೃದಯೇ ಕೃತ್ವಾ ಸಮಾಶ್ವಸ್ಯ ಚ ಭಾರತ।
ಮದ್ರರಾಜಂ ಚ ಸಮರೇ ಸಮಾಶ್ರಿತ್ಯ ಮಹಾರಥಂ।
ನಾಥವಂತಂ ತದಾಽಽತ್ಮಾನಮಮನ್ಯತ ಸುತಸ್ತವ॥ 9-7-18 (60501)
ಯದಾ ಕರ್ಣೇ ಹತೇ ಪಾರ್ಥಾಃ ಸಿಂಹನಾದಂ ಪ್ರಚಕ್ರಿರೇ।
ತದಾ ರಾಜಂಧಾರ್ತರಾಷ್ಟ್ರಾನ್ಪ್ರವಿವೇಶ ಮಹದ್ಭಯಂ॥ 9-7-19 (60502)
ತಾನ್ಸಮಾಶ್ವಾಸ್ಯ ತು ತದಾ ಮದ್ರರಾಜಃ ಪ್ರತಾಪವಾನ್।
ವ್ಯೂಹ್ಯ ವ್ಯೂಹಂ ಮಹಾರಾಜ ಸರ್ವತೋಭದ್ರಮೃದ್ಧಿಮತ್॥ 9-7-20 (60503)
ಪ್ರತ್ಯುದ್ಯಯೌ ರಣೇ ಪಾರ್ಥಾನ್ಮದ್ರರಾಜಃ ಪ್ರತಾಪವಾನ್।
ವಿಧೂನ್ವನ್ಕಾರ್ಮುಕಂ ಚಿತ್ರಂ ಭಾರಘ್ನಂ ವೇಗವತ್ತರಂ।
ರಥಪ್ರವರಮಾಸ್ಥಾಯ ಸೈಂಧವಾಶ್ವಂ ಮಹಾರಥಃ॥ 9-7-21 (60504)
ತಸ್ಯ ಸೂತೋ ಮಹಾರಾಜ ರಥಸ್ಥೋಽಶೋಭಯದ್ರಥಂ।
ಸ ತೇನ ಸಂವೃತೋ ವೀರೋ ರಥೇನಾಮಿತ್ರಕರ್ಶನಃ।
ತಸ್ಥೌ ಶೂರೋ ಮಹಾರಾಜ ಪುತ್ರಾಣಾಂ ತೇ ಭಯಪ್ರಣುತ್॥ 9-7-22 (60505)
ಪ್ರಯಾಣೇ ಮದ್ರರಾಜೋಽಭೂನ್ಮುಖಂ ವ್ಯೂಹಸ್ಯ ದಂಶಿತಃ।
ಮದ್ರಕೈಃ ಸಹಿತೋ ವೀರೈಃ ಕರ್ಣಪುತ್ರೈಶ್ಚ ದುರ್ಜಯೈಃ॥ 9-7-23 (60506)
ಸವ್ಯೇಽಭೂತ್ಕೃತವರ್ಮಾ ಚ ತ್ರಿಗರ್ತೈಃ ಪರಿವಾರಿತಃ।
ಗೌತಮೋ ದಕ್ಷಿಣೇ ಪಾರ್ಶ್ವೇ ಶಕೈಶ್ಚ ಯವನೈಃ ಸಹ॥ 9-7-24 (60507)
ಅಶ್ವತ್ಥಾಮಾ ಪೃಷ್ಠತೋಽಭೂತ್ಕಾಂಭೋಜೈಃ ಪರಿವಾರಿತಃ।
ದುರ್ಯೋಧನೋಽಭವನ್ಮಧ್ಯೇ ರಕ್ಷಿತಃ ಕುರುಪುಂಗವೈಃ॥ 9-7-25 (60508)
ಹಯಾನೀಕೇನ ಮಹತಾ ಸೌಬಲಶ್ಚಾಪಿ ಸಂವೃತಃ।
ಪ್ರಯಯೌ ಸರ್ವಸೈನ್ಯೇನ ಕೈತವ್ಯಶ್ಚ ಮಹಾರಥಃ॥ 9-7-26 (60509)
ಪಾಂಡವಾಶ್ಚ ಮಹೇಷ್ವಾಸಾ ವ್ಯೂಹ್ಯ ಸೈನ್ಯಮರಿಂದಮಾಃ।
ತ್ರಿಧಾಭೂತಾ ಮಹಾರಾಜ ತವ ಸೈನ್ಯಮುಪಾದ್ರವನ್॥ 9-7-27 (60510)
ಧೃಷ್ಟದ್ಯುಂನಃ ಶಿಖಂಡೀ ಚ ಸಾತ್ಯಕಿಸ್ಚ ಮಹಾರಥಃ।
ಶಲ್ಯಸ್ಯ ವಾಹಿನೀಂ ಹಂತುಮಭಿದುದ್ರುವುರಾಹವೇ॥ 9-7-28 (60511)
ತತೋ ಯುಧಿಷ್ಠಿರೋ ರಾಜಾ ಸ್ವೇನಾನೀಕೇನ ಸಂವೃತಃ।
ಶಲ್ಯಮೇವಾಭಿದುದ್ರಾವ ಜಿಘಾಂಸುರ್ಭರತರ್ಷಭಃ॥ 9-7-29 (60512)
ಹಾರ್ದಿಕ್ಯಂ ಚ ಮಹೇಷ್ವಾಸಮರ್ಜುನಃ ಶತ್ರುಪೂಗಹಾ।
ಸಂಶಪ್ತಕಗಣಾಂಶ್ಚೈವ ವೇಗಿತೋಽಭಿವಿದುದ್ರುವೇ॥ 9-7-30 (60513)
ಗೌತಮಂ ಭೀಮಸೇನೋ ವೈ ಸೋಮಕಾಶ್ಚ ಮಹಾರಥಾಃ।
ಅಭ್ಯದ್ರವಂತ ರಾಜೇನದ್ರ ಜಿಘಾಂಸಂತಃ ಪರಾನ್ಯುಧಿ॥ 9-7-31 (60514)
ಮಾದ್ರೀಪುತ್ರೌ ತು ಶಕುನಿಮುಲೂಕಂ ಚ ಮಹಾರಥಂ।
ಸಸೈನ್ಯೌ ಸಹಸೈನ್ಯೌ ತಾವುಪತಸ್ಥತುರಾಹವೇ॥ 9-7-32 (60515)
ತಥೈವಾಯುತಶೋ ಯೋಧಾಸ್ತಾವಕಾಃ ಪಾಂಡವಾನ್ರಣೇ।
ಅಭ್ಯವರ್ತಂತ ಸಂಕ್ರುದ್ಧಾ ವಿವಿಧಾಯುಧಪಾಣಯಃ॥ 9-7-33 (60516)
ಧೃತರಾಷ್ಟ್ರ ಉವಾಚ। 9-7-34x (5099)
ಹತೇ ಭೀಷ್ಮೇ ಹಮೇಷ್ವಾಸೇ ದ್ರೋಣೇ ಕರ್ಣೇ ಜಯದ್ರಥೇ।
ಕುರುಷ್ವಲ್ಪಾವಶಿಷ್ಟೇಷು ಪಾಂಡವೇಷು ಚ ಸಂಯುಗೇ॥ 9-7-34 (60517)
ಸಂರಬ್ಧೇಷು ಚ ಪಾರ್ಥೇಷು ಪರಾಕ್ರಾಂತೇಷು ಸಂಜಯ।
ಮಾಮಕಾನಾಂ ಪರೇಷಾಂ ಚ ಕಿಂ ಶಿಷ್ಟಮಭವದ್ಬಲಂ॥ 9-7-35 (60518)
ಸಂಜಯ ಉವಾಚ। 9-7-36x (5100)
ಯಥಾ ವಯಂ ಪರೇ ರಾಜನ್ಯುದ್ಧಾಯ ಸಮುಪಸ್ಥಿತಾಃ।
ಯಾವಚ್ಚಾಸೀದ್ಬಲಂ ಶಿಷ್ಟಂ ಸಂಗ್ರಾಮೇ ತನ್ನಿಬೋಧ ಮೇ॥ 9-7-36 (60519)
ಏಕಾದಶ ಸಹಸ್ರಾಣಿ ರಥಾನಾಂ ಭರತರ್ಷಭ।
ದಶ ದಂತಿಸಹಸ್ರಾಣಿ ಸಪ್ತ ಚೈವ ಶತಾನಿ ಚ॥ 9-7-37 (60520)
ಪೂರ್ಣೇ ಶತಸಹಸ್ರೇ ದ್ವೇ ಹಯಾನಾಂ ತತ್ರ ಭಾರತ।
ಪತ್ತಿಕೋಟ್ಯಸ್ತಥಾ ತಿಸ್ರೋ ಬಲಮೇತತ್ತವಾಭವತ್॥ 9-7-38 (60521)
ರಥಾನಾಂ ಷಟ್ಸಹಸ್ರಾಣಿ ಷಟ್ಸಹಸ್ರಾಶ್ಚ ಕುಂಜರಾಃ।
ದಶ ಚಾಶ್ವಸಹಸ್ರಾಣಿ ಪತ್ತಿಕೋಟೀ ಚ ಭಾರತ॥ 9-7-39 (60522)
ಏತದ್ಬಲಂ ಪಾಂಡವಾನಾಮಭವಚ್ಛೇಷಮಾಹವೇ।
ಏತ ಏವ ಸಮಾಜಗ್ಮುರ್ಯುದ್ವಾಯ ಭರತರ್ಷಭ॥ 9-7-40 (60523)
ಏವಂ ವಿಭಜ್ಯ ರಾಜೇಂದ್ರ ಮದ್ರರಾಜಮತೇ ಸ್ಥಿತಾಃ।
ಪಾಂಡವಾನ್ಪ್ರತ್ಯುದೀಯಾಮ ಜಯಗೃದ್ಧಾಃ ಪ್ರಮನ್ಯವಃ॥ 9-7-41 (60524)
ತಥೈವ ಪಾಣ಼್ಡವಾಃ ಶೂರಾಃ ಸಮರೇ ಜಿತಕಾಶಿನಃ।
ಉಪಯಾತಾ ನರವ್ಯಾಘ್ರಾಃ ಪಾಂಚಾಲಾಶ್ಚ ಯಶಸ್ವಿನಃ॥ 9-7-42 (60525)
ಏವಮೇತೇ ಬಲೌಘೇನ ಪರಸ್ಪರವಧೈಷಿಣಃ।
ಉಪಯಾತಾ ನರವ್ಯಾಘ್ರಾಃ ಪೂರ್ವಾಂ ಸಂಧ್ಯಾಂ ಪ್ರತಿ ಪ್ರಭೋ॥ 9-7-43 (60526)
ತತಃ ಪ್ರವವೃತೇ ಯುದ್ಧಂ ಘೋರರೂಪಂ ಭಯಾನಕಂ।
ತಾವಕಾನಾಂ ಪರೇಷಾಂ ಚ ನಿಘ್ನತಾಮಿತರೇತರಂ॥ ॥ 9-7-44 (60527)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಸಪ್ತಮೋಽಧ್ಯಾಯಃ॥ 7 ॥
Mahabharata - Shalya Parva - Chapter Footnotes
9-7-39 ಪತ್ತಿಕೋಟೀ ಇತಿ ದ್ವಿವಚನಂ॥ 9-7-7 ಸಪ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 008
॥ ಶ್ರೀಃ ॥
9.8. ಅಧ್ಯಾಯಃ 008
Mahabharata - Shalya Parva - Chapter Topics
ಅಷ್ಟಾದಶದಿವಸಯುದ್ಧಾರಭ್ಯಃ॥ 1 ॥ ಸಂಕುಲಯುದ್ಧಂ॥ 2 ॥Mahabharata - Shalya Parva - Chapter Text
9-8-0 (60528)
ಸಂಜಯ ಉವಾಚ। 9-8-0x (5101)
ತತಃ ಪ್ರವವೃತೇ ಯುದ್ಧಂ ಕುರೂಣಾಂ ಭಯವರ್ಧನಂ।
ಸೃಂಜಯೈಃ ಸಹ ರಾಜೇಂದ್ರ ಘೋರಂ ದೇವಾಸುರೋಪಮಂ॥ 9-8-1 (60529)
ನರಾ ರಥಾ ಗಜೌಘಾಶ್ಚ ವಾಜಿನಶ್ಚ ಸಹಸ್ರಶಃ।
ವಾಜಿನಶ್ಚ ಪರಾಕ್ರಾಂತಾಃ ಸಮಾಜಗ್ಮುಃ ಪರಸ್ಪರಂ॥ 9-8-2 (60530)
ಗಜಾನಾಂ ಭೀಮರೂಪಾಣಾಂ ದ್ರವತಾಂ ನಿಃಸ್ವನೋ ಮಹಾನ್।
ಅಶ್ರೂಯತ ಯಥಾ ಕಾಲೇ ಜಲದಾನಾಂ ನಭಸ್ತಲೇ॥ 9-8-3 (60531)
ನಾಗೈರಭ್ಯಾಹತಾಃ ಕೇಚಿತ್ಸರಥಾ ರಥಿನೋಽಪತನ್।
ವ್ಯದ್ರವಂತ ರಣೇ ಭೀತಾ ದ್ರಾವ್ಯಮಾಣಾ ಮದೋತ್ಕಟೈಃ॥ 9-8-4 (60532)
ಹಯೌಘಾನ್ಪಾದರಕ್ಷಾಂಶ್ಚ ರಥಿನಸ್ತತ್ರ ಶಿಕ್ಷಿತಾಃ।
ಶರೈಃ ಸಂಪ್ರೇಷಯಾಮಾಸುಃ ಪರಲೋಕಾಯ ಭಾರತ॥ 9-8-5 (60533)
ಸಾದಿನಃ ಶಿಕ್ಷಿತಾ ರಾಜನ್ಪರಿವಾರ್ಯ ಮಹಾರಥಾನ್।
ವಿಚರಂತೋ ರಣೇಽಭ್ಯಘ್ನನ್ಪ್ರಾಸಶಕ್ತ್ಯೃಷ್ಟಿಭಿಸ್ತಥಾ॥ 9-8-6 (60534)
ಧನ್ವಿನಃ ಪುರುಷಾಃ ಕೇಚಿತ್ಪರಿವಾರ್ಯ ಮಹಾರಥಾನ್।
ಏಕಂ ಬಹವ ಆಸಾದ್ಯ ಪ್ರೈಷಯನ್ಯಮಸಾದನಂ॥ 9-8-7 (60535)
ನಾಗಾನ್ರಥವರಾಂಶ್ಚಾನ್ಯೇ ಪರಿವಾರ್ಯ ಮಹಾರಥಾಃ।
ಸೋತ್ತರಾ ಯುಧಿ ನಿರ್ಜಘ್ನುರ್ದ್ರವಮಾಣಂ ಮಹಾರಥಂ॥ 9-8-8 (60536)
ತಥಾ ಚ ರಥಿನಂ ಕ್ರುದ್ಧಂ ವಿಕಿರಂತಂ ಶರಾನ್ಬಹೂನ್।
ನಾಗಾ ಜಘ್ನುರ್ಮಹಾರಾಜ ಪರಿವಾರ್ಯ ಸಮಂತತಃ॥ 9-8-9 (60537)
ನಾಗಾ ನಾಗಮಭಿದ್ರುತ್ಯ ರಥೀ ಚ ರಥಿನಂ ರಣೇ।
ಶಕ್ತಿತೋಮರನಾರಾಚೈರ್ನಿಜಘ್ನುಸ್ತತ್ರ ಭಾರತ॥ 9-8-10 (60538)
ಪಾದಾತಾನವಮೃದ್ಗಂತೋ ರಥವಾರಣವಾಜಿನಃ।
ರಣಮಧ್ಯೇ ವ್ಯದೃಶ್ಯಂತ ಕುರ್ವಂತೋ ಮಹದಾಕುಲಂ॥ 9-8-11 (60539)
ಹಯಾಶ್ಚ ಪರ್ಯಧಾವಂತ ಚಾಮರೈರುಪಶೋಭಿತಾಃ।
ಹಂಸಾ ಹಿಮವತಃ ಪ್ರಸ್ಥೇ ಪಿಬಂತ ಇವ ಮೇದಿನೀಂ॥ 9-8-12 (60540)
ತೇಷಾಂ ತು ವಾಜಿನಾಂ ಭೂಮಿಃ ಖುರೈಶ್ಚಿತ್ರಾ ವಿಶಾಂಪತೇ।
ಅಶೋಭತ ಯಥಾ ನಾರೀ ಕರಜೈಃ ಕ್ಷತವಿಕ್ಷತಾ॥ 9-8-13 (60541)
ವಾಜಿನಾಂ ಖುರಶಬ್ದೇನ ರಥನೇಮಿಸ್ವನೇನ ಚ।
ಪತ್ತೀನಾಂ ಚಾಪಿ ಶಬ್ದೇನ ನಾಗಾನಾಂ ಬೃಂಹಿತೇನ ಚ॥ 9-8-14 (60542)
ವಾದಿತ್ರಾಣಾಂ ಚ ಘೋಷೇಣ ಶಂಖಾನಾಂ ನಿನದೇನ ಚ।
ಅಭವನ್ನಾದಿತಾ ಭೂಮಿರ್ನಿರ್ಘಾತೈರಿವ ಭಾರತ॥ 9-8-15 (60543)
ಧನುಷಾಂ ಕೂಜಮಾನಾನಾಂ ಶಸ್ತ್ರೌಘಾನಾಂ ಚ ಪಾತ್ಯತಾಂ।
ಕವಚಾನಾಂ ಪ್ರಭಾಭಿಶ್ಚ ನ ಪ್ರಾಜ್ಞಾಯತ ಕಿಂಚನ॥ 9-8-16 (60544)
ಬಹವೋ ಬಾಹವಶ್ಛಿನ್ನಾ ನಾಗರಾಜಕರೋಪಮಾಃ।
ಉದ್ವೇಷ್ಟಂತೇ ವಿಚೇಷ್ಟಂತೇ ವೇಗಂ ಕುರ್ವಂತಿ ದಾರುಣಂ॥ 9-8-17 (60545)
ಶಿರಸಾಂ ಚ ಮಹಾರಾಜ ಪತತಾಂ ಧರಣೀತಲೇ।
ಚ್ಯುತಾನಾಮಿವ ತಾಲೇಭ್ಯಃ ಫಲಾನಾಂ ಶ್ರೂಯತೇ ಸ್ವನಃ॥ 9-8-18 (60546)
ಶಿರೋಭಿಃ ಪತಿತೈರ್ಭಾತಿ ರುಧಿರಾರ್ದ್ರೈರ್ವಸುಂಧರಾ।
ತಪನೀಯನಿಭೈಃ ಕಾಲೇ ನಲಿನೈರಿವ ಭಾರತ॥ 9-8-19 (60547)
ಉದ್ವೃತ್ತನಯನೈಸ್ತೈಸ್ತು ಗತಸತ್ವೈಃ ಸುವಿಕ್ಷತೈಃ।
ವ್ಯಭ್ರಾಜತ ಮಹೀ ರಾಜನ್ಪುಂಡರೀಕೈರಿವಾವೃತಾ॥ 9-8-20 (60548)
ಬಾಹುಭಿಶ್ಚಂದನಾದಿಗ್ಧೈಃ ಸಕೇಯೂರೈರ್ಮಹಾರಧನೈಃ।
ಪತಿತೈರ್ಭಾತಿ ರಾಜೇಂದ್ರ ಮಹಾಶಕ್ರಧ್ವಜೈರಿವ॥ 9-8-21 (60549)
ಊರುಭಿಶ್ಚ ನರೇಂದ್ರಾಣಾಂ ವಿನಿಕೃತ್ತೈರ್ಮಹಾಹವೇ।
ಹಸ್ತಿಹಸ್ತೋಪಮೈರ್ಜಜ್ಞೇ ಸಂವೃತಂ ತದ್ರಣಾಂಕಣಂ॥ 9-8-22 (60550)
ಕಬಂಧಂಶತಸಂಕೀರ್ಣಂ ಛತ್ರಚಾಮರಸಂಕುಲಂ।
ಸೇನಾವನಂ ತಚ್ಛುಶುಭೇ ವನಂ ಪುಷ್ಪಾಚಿತಂ ಯಥಾ॥ 9-8-23 (60551)
ತತ್ರ ಯೋಧಾ ಮಹಾರಾಜ ವಿಚರಂತೋ ಹ್ಯಭೀತವತ್।
ದೃಶ್ಯಂತೇ ರುಧಿರಾಕ್ತಾಂಗಾಃ ಪುಷ್ಪಿತಾ ಇವ ಕಿಂಶುಕಾಃ॥ 9-8-24 (60552)
ಮಾತಂಗಾಶ್ಚಾಪ್ಯದೃಶ್ಯಂತ ಶರತೋಮರಪೀಡಿತಾಃ।
ಪತಂತಸ್ತತ್ರ ತವೈವ ಛಿನ್ನಾಭ್ರಾಸದೃಶಾ ರಣೇ॥ 9-8-25 (60553)
ಗಜಾನೀಕಂ ಮಹಾರಾಜ ವಧ್ಯಮಾನಂ ಮಹಾತ್ಮಭಿಃ।
ವ್ಯದೀರ್ಯತ ದಿಶಃ ಸರ್ವಾ ವಾತನುನ್ನಾ ಧನಾ ಇವ॥ 9-8-26 (60554)
ತೇ ಗಜಾ ಧನಸಂಕಾಶಾಃ ಪೇತುರುರ್ವ್ಯಾಂ ಸಮಂತತಃ।
ವಜ್ರನುನ್ನಾ ಇವ ಬಭುಃ ಪರ್ವತಾ ಯುಗಸಂಕ್ಷಯೇ॥ 9-8-27 (60555)
ಹಯಾನಾಂ ಸಾದಿಭಿಃ ಸಾರ್ಧಂ ಪತಿತಾನಾಂ ಮಹೀತಲೇ।
ರಾಶಯಃ ಸ್ಮ ಪ್ರದೃಶ್ಯಂತೇ ಗಿರಿಮಾತ್ರಾಂಸ್ತತಸ್ತತಃ॥ 9-8-28 (60556)
ಸಂಜಜ್ಞೇ ರಣಭೂಮೌ ತು ಪರಲೋಕವಹಾ ನದೀ।
ಶೋಣಿತೋದಾ ರಥಾವರ್ತಾ ಧ್ವಜವೃಕ್ಷಾಸ್ಥಿಶರ್ಕರಾ॥ 9-8-29 (60557)
ಭುಜನಕ್ರಾ ಧನುಃಸ್ರೋತಾ ಹಸ್ತಿಶೈಲಾ ಹಯೋಪಲಾ।
ಮೇದೋಮಜ್ಜಾಕರ್ದಮಿನೀ ಛತ್ರಹಂಸಾ ಗದೋಡುಪಾ॥ 9-8-30 (60558)
ಕವಚೋಷ್ಣೀಷಸಂಛನ್ನಾ ಪತಾಕಾರುಚಿರದ್ರುಮಾ।
ಚಕ್ರಚಕ್ರಾವಲೀಜುಷ್ಟಾ ತ್ರಿವೇಣೂರಗಸಂವೃತಾ॥ 9-8-31 (60559)
ಶೂರಾಣಾಂ ಹರ್ಷಜನನೀ ಭೀರೂಣಾಂ ಭಯವರ್ಧನೀ।
ಪ್ರಾವರ್ತತ ನದೀ ರೌದ್ರಾ ಕುರುಸೃಂಜಯಸಂಗಮೇ॥ 9-8-32 (60560)
ತಾಂ ನದೀಂ ಪರಲೋಕಾಯ ವಹಂತೀಮತಿಭೈರವಾಂ।
ತೇರುರ್ವಾಹನನೌಭಿಸ್ತೇ ಶೂರಾಃ ಪರಿಘಬಾಹವಃ॥ 9-8-33 (60561)
ವರ್ತಮಾನೇ ತದಾ ಯುದ್ಧೇ ನಿರ್ಮರ್ಯಾದೇ ವಿಶಾಂಪತೇ।
ಚತುರಂಗಕ್ಷಯೇ ಘೋರೇ ಯುದ್ಧೇ ದೇವಾಸುರೋಪಮೇ॥ 9-8-34 (60562)
ವ್ಯಾಕ್ರೋಶನ್ಬಾಂಧವಾನನ್ಯೇ ತತ್ರ ತತ್ರ ಪರಂತಪ।
ಕ್ರೋಶದ್ಭಿರ್ದಯಿತೈರನ್ಯೇ ಭಯಾರ್ತಾ ನ ನಿವರ್ತಿರೇ॥ 9-8-35 (60563)
ನಿರ್ಮರ್ಯಾದೇ ತಥಾ ಯುದ್ಧೇ ವರ್ತಮಾನೇ ಭಯಾನಕೇ।
ಅರ್ಜುನೋ ಭೀಮಸೇನಶ್ಚ ಮೋಹಯಾಂಚಕ್ರತುಃ ಪರಾನ್॥ 9-8-36 (60564)
ಸಾ ವಧ್ಯಮಾನಾ ಮಹತೀ ಸೇನಾ ತವ ನರಾಧಿಪ।
ಅಮುಹ್ಯತ್ತತ್ರ ತತ್ರೈವ ಯೋಷಿನ್ಮದವಶಾದಿವ॥ 9-8-37 (60565)
ಮೋಹಯಿತ್ವಾ ಚ ತಾಂ ಸೇನಾಂ ಭೀಮಸೇನಧನಂಜಯೌ।
ದಧ್ಮತುರ್ವಾರಿಜೌ ತತ್ರ ಸಿಂಹನಾದಾಂಶ್ಚ ಚಕ್ರತುಃ॥ 9-8-38 (60566)
ಶ್ರುತ್ವೈವ ತು ಮಹಾಶಬ್ದಂ ಧೃಷ್ಟದ್ಯುಂನಶಿಖಂಡಿನೌ।
ಧರ್ಮರಾಜಂ ಪುರಸ್ಕೃತ್ಯ ಮದ್ರರಾಜಮಭಿದ್ರುತೌ॥ 9-8-39 (60567)
ತತ್ರಾಶ್ಚರ್ಯಮಪಶ್ಯಾಮ ಘೋರರೂಪಂ ಮಹದ್ಭಯಂ।
ಶಲ್ಯೇನ ಸಂಗತಾಃ ಶೂರಾ ಯದಯುಧ್ಯಂತ ಭಾಗಶಃ॥ 9-8-40 (60568)
ಮಾದ್ರೀಪುತ್ರೌ ತು ರಭಸೌ ಕೃತಾಸ್ತ್ರೌ ಯುದ್ಧದುರ್ಮದೌ।
ಅಭ್ಯಯಾತಾಂ ತ್ವರಾಯುಕ್ತೌ ಜಿಗೀಷಂತೌ ಬಲಂ ತವ॥ 9-8-41 (60569)
ತತೋಽಭ್ಯಾವರ್ತತ ಬಲಂ ತಾವಕಂ ಭರತರ್ಷಭ।
ಶರೈಃ ಪ್ರಣುನ್ನಂ ಬಹುಧಾ ಪಾಂಡವೈರ್ಜಿತಕಾಶಿಭಿಃ॥ 9-8-42 (60570)
ವಧ್ಯಮಾನಾ ಚಮೂಃ ಸಾ ತು ಪುತ್ರಾಣಾಂ ಪ್ರೇಕ್ಷತಾಂ ತವ।
ಭೇಜೇ ದಶ ದಿಶೋ ರಾಜನ್ಪ್ರಣುನ್ನಾ ಶರವೃಷ್ಟಿಭಿಃ॥ 9-8-43 (60571)
ಹಾಹಾಕಾರೋ ಮಹಾಂಜಜ್ಞೇ ಯೋಧಾನಾಂ ತತ್ರ ಭಾರತ।
ತಿಷ್ಠತಿಷ್ಠೇತಿ ಚಾಪ್ಯಾಸೀದ್ದ್ರಾವಿತಾನಾಂ ಮಹಾತ್ಮನಾಂ॥ 9-8-44 (60572)
ಕ್ಷತ್ರಿಯಾಣಾಂ ತಥಾಽನ್ಯೋನ್ಯಂ ಸಂಯುಗೇ ಜಯಮಿಚ್ಛತಾಂ।
ಪ್ರಾದ್ರವನ್ನೇವ ಸಂಭಗ್ನಾಃ ಪಾಂಡವೈಸ್ತವ ಸೈನಿಕಾಃ॥ 9-8-45 (60573)
ತ್ಯಕ್ತ್ವಾ ಯುದ್ಧೇ ಪ್ರಿಯಾನ್ಪುತ್ರಾನ್ಭ್ರಾತೄನಥ ಪಿತಾಮಹಾನ್।
ಮಾತುಲಾನ್ಭಾಗಿನೇಯಾಂಶ್ಚ ವಯಸ್ಯಾನಪಿ ಭಾರತ॥ 9-8-46 (60574)
ಹಯಾಂದ್ವಿಪಾಂಸ್ತ್ವರಯಂತೋ ಯೋಧಾ ಜಗ್ಮುಃ ಸಮಂತತಃ।
ಆತ್ಮತ್ರಾಣಕೃತೋತ್ಸಾಹಾಸ್ತಾವಕಾ ಭರತರ್ಷಭ॥ ॥ 9-8-47 (60575)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಅಷ್ಟಮೋಽಧ್ಯಾಯಃ॥ 8 ॥
Mahabharata - Shalya Parva - Chapter Footnotes
9-8-35 ನ ನಿವರ್ತಿರೇ ನ ನಿವರ್ತಿತಾಃ॥ 9-8-8 ಅಷ್ಟಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 009
॥ ಶ್ರೀಃ ॥
9.9. ಅಧ್ಯಾಯಃ 009
Mahabharata - Shalya Parva - Chapter Topics
ನಕುಕೇನ ಕರ್ಣಪುತ್ರಾಣಾಂ ತ್ರಯಾಣಾಂ ಮಾರಣಂ॥ 1 ॥Mahabharata - Shalya Parva - Chapter Text
9-9-0 (60576)
ಸಂಜಯ ಉವಾಚ। 9-9-0x (5102)
ತತ್ಪ್ರಭಗ್ನಂ ಬಲಂ ದೃಷ್ಟ್ವಾ ಮದ್ರರಾಜಃ ಪ್ರತಾಪವಾನ್।
ಉವಾಚ ಸಾರಥಿಂ ತೂರ್ಣಂ ಚೋದಯಾಶ್ವಾನ್ಮಹಾಜವಾನ್॥ 9-9-1 (60577)
ಏಷ ತಿಷ್ಠತಿ ವೈ ರಾಜಾ ಪಾಂಡುಪುತ್ರೋ ಯುಧಿಷ್ಠಿರಃ।
ಛತ್ರೇಣ ಧ್ರಿಯಮಾಣೇನ ಪಾಂಡುರೇಣ ವಿರಾಜತಾ॥ 9-9-2 (60578)
ಅತ್ರ ಮಾಂ ಪ್ರಾಪಯ ಕ್ಷಿಪ್ರಂ ಪಶ್ಯ ಮೇ ಸಾರಥೇ ಬಲಂ।
ನ ಸಮರ್ಥಾ ಹಿ ಮೇ ಪಾರ್ಥಾಃ ಸ್ಥಾತುಮದ್ಯ ಪುರೋ ಯುಧಿ॥ 9-9-3 (60579)
ಏವಮುಕ್ತಸ್ತತಃ ಪ್ರಾಯಾನ್ಮದ್ರರಾಜಸ್ಯ ಸಾರಥಿಃ।
ಯತ್ರಾ ರಾಜಾ ಸತ್ಯಸಂಧೋ ಧರ್ಮಪುತ್ರೋ ಯುಧಿಷ್ಠಿರಃ॥ 9-9-4 (60580)
ಆಪತಂತಂ ಚ ಸಹಸಾ ಪಾಂಡವಾನಾಂ ಮಹದ್ಬಲಂ।
ದಧಾರೈಕೋ ರಣೇ ಶಲ್ಯೋ ವೇಲೋದ್ವೃತ್ತಮಿವಾರ್ಣವಂ॥ 9-9-5 (60581)
ಪಾಂಡವಾನಾಂ ಬಲೌಘಸ್ತು ಶಲ್ಯಮಾಸಾದ್ಯ ಮಾರಿಷ।
ವ್ಯತಿಷ್ಠತ ತದಾ ಯುದ್ವೇ ಸಿಂಧೋರ್ವೇಗ ಇವಾಚಲಂ॥ 9-9-6 (60582)
ಮದ್ರರಾಜಂ ತು ಸಮರೇ ದೃಷ್ಟ್ವಾ ಯುದ್ಧಾಯ ಧಿಷ್ಠಿತಂ।
ಕುರವಃ ಸನ್ನ್ಯವರ್ತಂತ ಮೃತ್ಯುಂ ಕೃತ್ವಾ ನಿವರ್ತನಂ॥ 9-9-7 (60583)
ತೇಷು ರಾಜನ್ನಿವೃತ್ತೇಷು ವ್ಯೂಢಾನೀಕೇಷು ಸರ್ವಶಃ।
ಪ್ರಾವರ್ತತ ಮಹಾರೌದ್ರಃ ಸಂಗ್ರಾಮಃ ಶೋಣಿತೋದಕಃ॥ 9-9-8 (60584)
ಸಮಾರ್ಚ್ಛಚ್ಚಿತ್ರಸೇನಂ ತು ನಕುಲೋ ಯುದ್ಧದುರ್ಮದಃ।
ತೌ ಪರಸ್ಪರಮಾಸಾದ್ಯ ಚಿತ್ರಕಾರ್ಮುಕಧಾರಿಣೌ॥ 9-9-9 (60585)
ಮೇಘಾವಿವ ಯಥೋದ್ವೃತ್ತೌ ದಕ್ಷಿಣೋತ್ತರವರ್ಷಿಣೌ।
ಶರತೋಯೈಃ ಸಿಷಿಚತುಸ್ತೌ ಪರಸ್ಪರಮಾಹವೇ॥ 9-9-10 (60586)
ನಾಂತರಂ ತತ್ರ ಪಶ್ಯಾಮಃ ಪಾಂಡವಸ್ಯೇತರಸ್ಯ ಚ।
ಉಭೌ ಕೃತಾಸ್ತ್ರೌ ಬಲಿನೌ ರಥಚರ್ಯಾವಿಶಾರದೌ।
ಪರಸ್ಪರವಧೇ ಯತ್ತೌ ಛಿದ್ರಾನ್ವೇಷಣತತ್ಪರೌ॥ 9-9-11 (60587)
ಚಿತ್ರಸೇನಸ್ತು ಭಲ್ಲೇನ ಪೀತೇನ ನಿಶಿತೇನ ಚ।
ನಕುಲಸ್ಯ ಮಹಾರಾಜ ಮುಷ್ಟಿದೇಶೇಽಚ್ಛಿನದ್ಧನುಃ॥ 9-9-12 (60588)
ಅಥೈನಂ ಛಿನ್ನಧನ್ವಾನಂ ರುಕ್ಮಪುಂಖೈಃ ಶಿಲಾಶಿತೈಃ।
ತ್ರಿಭಿಃ ಶರೈರಸಂಭ್ರಾಂತೋ ಲಲಾಟೇ ವೈ ಸಮಾರ್ಪಯತ್॥ 9-9-13 (60589)
ಹಯಾಂಶ್ಚಾಸ್ಯ ಶರೈಸ್ತೀಕ್ಷ್ಣೈಃ ಪ್ರೇಷಯಾಮಾಸ ಮೃತ್ಯವೇ।
ತಥಾ ಧ್ವಜಂ ಸಾರಥಿಂ ಚ ತ್ರಿಭಿಸ್ತ್ರಿಭಿರಪಾತಯತ್॥ 9-9-14 (60590)
ಸ ಶತ್ರುಭುಜನಿರ್ಮುಕ್ತೈರ್ಲಲಾಟಸ್ಥೈಸ್ತ್ರಿಭಿಃ ಶರೈಃ।
ನಕುಲಃ ಶುಶುಭೇ ರಾಜಂಸ್ತ್ರಿಶೃಂಗ ಇವ ಪರ್ವತಃ॥ 9-9-15 (60591)
ಸ ಚ್ಛಿನ್ನಧನ್ವಾ ವಿರಥಃ ಖಂಗಮಾದಾಯ ಚರ್ಮ ಚ।
ರಥಾದವಾತರದ್ವೀರಃ ಶೈಲಾಗ್ರಾದಿವ ಕೇಸರೀ॥ 9-9-16 (60592)
ಪದ್ಮಾಮಾಪತತಸ್ತಸ್ಯ ಶಸ್ವೃಷ್ಟಿಂ ಸಮಾಸೃಜತ್।
ನಕುಲೋಽಪ್ಯಗ್ರಸತ್ತಾಂ ವೈ ಚರ್ಮಣಾ ಲಘುವಿಕ್ರಮಃ॥ 9-9-17 (60593)
ಚಿತ್ರಸೇನರಥಂ ಪ್ರಾಪ್ಯ ಚಿತ್ರಯೋಧೀ ಜಿತಶ್ರಮಃ।
ಆರುರೋಹ ಮಹಾಬಾಹುಃ ಸರ್ವಸೈನ್ಯಸ್ಯ ಪಶ್ಯತಃ॥ 9-9-18 (60594)
ಸಕುಂಡಲಂ ಸಮುಕುಟಂ ಸುನಸಂ ಸ್ವಾಯತೇಕ್ಷಣಂ।
ಚಿತ್ರಸೇನಶಿರಃ ಕಾಯಾದಪಾಹರತ ಪಾಂಡವಃ॥ 9-9-19 (60595)
ಸ ಪಪಾತ ರಥಾತ್ತಸ್ಮಾದ್ದಿವಾಕರಸಮದ್ಯುತಿಃ॥ 9-9-20 (60596)
ಚಿತ್ರಸೇನಶಿರಸ್ತತ್ತು ದೃಷ್ಟ್ವಾ ತತ್ರ ಮಹಾರಥಾಃ।
ಸಾಧುವಾದಸ್ವನಾಂಶ್ಚಕ್ರುಃ ಸಿಂಹನಾದಾಂಶ್ಚ ಪುಷ್ಕಲಾನ್॥ 9-9-21 (60597)
ವಿಶಸ್ತಂ ಭ್ರಾತರಂ ದೃಷ್ಟ್ವಾ ಕರ್ಣಪುತ್ರೌ ಮಹಾರಥೌ।
ಸುಶರ್ಮಾ ಸತ್ಯಸೇನಶ್ಚ ಮುಂಚಂತೌ ವಿವಿಧಾಞ್ಶರಾನ್॥ 9-9-22 (60598)
ತತೋಽಭ್ಯಧಾವತಾಂ ತೂರ್ಣಂ ಪಾಂಡವಂ ರಥಿನಾಂ ವರಂ।
ಜಿಘಾಂಸಂತೌ ಯಥಾ ನಾಗಂ ವ್ಯಾಘ್ರೌ ರಾಜನ್ಮಹಾವನೇ॥ 9-9-23 (60599)
ತಾವಭ್ಯೇತ್ಯ ಮಹಾಬಾಹೂ ದ್ವಾವಪ್ಯತಿಮಹಾರಥೌ।
ಶರೌಷಾನ್ಸಂಯಗಸ್ಯಂತೌ ಜೀಮೂತೌ ಸಲಿಲಂ ಯಥಾ॥ 9-9-24 (60600)
ಸ ಶರೈಃ ಸರ್ವತೋ ವಿದ್ಧಃ ಪ್ರಹೃಷ್ಟ ಇವ ಪಾಂಡವಃ।
ಅನ್ಯತ್ಕಾರ್ಮುಕಮಾದಾಯ ರಥಮಾರುಹ್ಯ ವೇಗವಾನ್।
ಅತಿಷ್ಠತ ರಣೇ ವೀರಃ ಕ್ರುದ್ಧರೂಪ ಇವಾಂತಕಃ॥ 9-9-25 (60601)
ತಸ್ಯ ತೌ ಭ್ರಾತರೌ ರಾಜಞ್ಶರೈಃ ಸನ್ನತಪರ್ವಭಿಃ।
ರಥಂ ವಿಶಕಲೀಕರ್ತುಂ ಸಮಾರಬ್ಧೌ ವಿಶಾಂಪತೇ॥ 9-9-26 (60602)
ತತಃ ಪ್ರಹಸ್ಯ ನಕುಲಶ್ಚತುರ್ಭಿಶ್ಚತುರೋ ರಣೇ।
ಜಘಾನ ನಿಶಿತೈರ್ಬಾಣೈಃ ಸತ್ಯಸೇನಸ್ಯ ವಾಜಿನಃ॥ 9-9-27 (60603)
ತತಃ ಸಂಧಾಯ ನಾರಚಂ ರುಕ್ಮಪುಂಖಂ ಶಿಲಾಶಿತಂ।
ಧನುಶ್ಚಿಚ್ಛೇದ ರಾಜೇಂದ್ರ ಸತ್ಯಸೇನಸ್ಯ ಪಾಂಡವಃ॥ 9-9-28 (60604)
ಅಥಾನ್ಯಂ ರಥಮಾಸ್ಥಾಯ ಧನುರಾದಾಯ ಚಾಪರಂ।
ಸತ್ಯಸೇನಃ ಸುಶರ್ಮಾ ಚ ಪಾಂಡವಂ ಪರ್ಯಧಾವತಾಂ॥ 9-9-29 (60605)
ಅವಿಧ್ಯತ್ತಾವಸಂಭ್ರಾಂತೌ ಮಾದ್ರೀಪುತ್ರಃ ಪ್ರತಾಪವಾನ್।
ದ್ವಾಭ್ಯಾಂ ದ್ವಾಭ್ಯಾಂ ಮಹಾರಾಜ ಶರಾಭ್ಯಾಂ ರಣಮೂರ್ಧನಿ॥ 9-9-30 (60606)
ಸುಶರ್ಮಾ ತು ತತಃ ಕ್ರುದ್ಧಃ ಪಾಂಡವಸ್ಯ ಮಹದ್ಧನುಃ।
ಚಿಚ್ಛೇದ ಪ್ರಹಸನ್ಯುದ್ಧೇ ಕ್ಷುರಪ್ರೇಣ ಮಹಾರಥಃ॥ 9-9-31 (60607)
ಅಥಾನ್ಯದ್ಧನುರಾದಾಯ ನಕುಲಃ ಕ್ರೋಧಮೂಚ್ಛಿತಃ।
ಸುಶರ್ಮಾಣಂ ಪಂಚಭಿರ್ವಿದ್ಧ್ವಾ ಧ್ವಜಮೇಕೇನ ಚಿಚ್ಛಿದೇ॥ 9-9-32 (60608)
ಸತ್ಯಸೇನಸ್ಯ ಸ ಧನುರ್ಹಸ್ತಾವಪಂ ಚ ಮಾರಿಷ।
ಚಿಚ್ಛೇದ ತರಸಾ ಯುದ್ಧೇ ತತ ಉಚ್ಚುಕ್ರುಶುರ್ಜನಾಃ॥ 9-9-33 (60609)
ಅಥಾನ್ಯದ್ಧನುರಾದಾಯ ವೇಗಘ್ನಂ ಭಾರಸಾಧನಂ।
ಶರೈಃ ಸಂಛಾದಯಾಮಾಸ ಸಮಂತಾತ್ಪಾಂಡುನಂದನಂ॥ 9-9-34 (60610)
ಸನ್ನಿವಾರ್ಯ ತು ತಾನ್ಬಾಣಾನ್ನಕುಲಃ ಪರವೀರಹಾ।
ಸತ್ಯಸೇನಸುಶರ್ಮಾಣೌ ದ್ವಾಭ್ಯಾಂ ದ್ವಾಭ್ಯಾಮವಿಧ್ಯತ॥ 9-9-35 (60611)
ತಾವೇನಂ ಪ್ರತ್ಯವಿಧ್ಯೇತಾಂ ಪೃಥಕ್ಪೃಥಗಜಿಹ್ಮಗೈಃ।
ಸಾರಥಿಂ ಚಾಸ್ಯ ರಾಜೇಂದ್ರ ಶಿತೈರ್ವಿವ್ಯಧತುಃ ಶರೈಃ॥ 9-9-36 (60612)
ಸತ್ಯಸೇನೋ ರಥೇಷಾಂ ತು ನಕುಲಸ್ಯ ಧನುಸ್ತಥಾ।
ಪೃಥಕ್ ಶರಾಭ್ಯಾಂ ಚಿಚ್ಛೇದ ಕೃತಹಸ್ತಃ ಪ್ರತಾಪವಾನ್॥ 9-9-37 (60613)
ಸ ರಥೇಽತಿರಥಸ್ತಿಷ್ಠನ್ರಥಶಕ್ತಿಂ ಪರಾಮೃಶತ್॥
ಸ್ವರ್ಣದಂಡಾಮಕುಂಠಾಗ್ರಾಂ ತೈಲಧೌತಾಂ ಸುನಿರ್ಮಲಾಂ। 9-9-38 (60614)
ಲೇಲಿಹಾನಾಮಿವ ವಿಮೋ ನಾಗಕನ್ಯಾಂ ಮಹಾವಿಷಾಂ॥ 9-9-39 (60615)
ಸಮುದ್ಯಂಯ ಚ ಚಿಕ್ಷೇಪ ಸತ್ಯಸೇನಸ್ಯ ಸಂಯುಗೇ॥ 9-9-40 (60616)
ಸಾ ತಸ್ಯ ಹೃದಯಂ ಗತ್ಯಾ ವಿಭೇದ ಶತಧಾ ನೃಪ।
ಸ ಪವಾತ ರಥಾದ್ಭೂಮಿಂ ಯತಸತ್ವೋಽಲ್ಪತ್ತೇತನಃ॥ 9-9-41 (60617)
ಭ್ರಾತರಂ ನಿಹತಂ ದೃಷ್ಟ್ವಾ ಸುಶರ್ಮಾ ಕ್ರೋಧಮೂರ್ಚ್ಛಿತಃ।
ಅಭ್ಯವರ್ಷಚ್ಛರೈಸ್ತೂರ್ಣಂ ಪಾದಾತಂ ಪಾಂಡುನಂದನಂ॥ 9-9-42 (60618)
ಚತುರ್ಭಿಶ್ಚತುರೋ ವಾಹಾಂಧ್ವಜಂ ಛಿತ್ತ್ವಾ ಚ ಪಂಚಭಿಃ।
ತ್ರಿಭಿರ್ವೈ ಸಾರಥಿಂ ಹತ್ವಾ ಕರ್ಣಪುತ್ರೋ ನನಾದ ಹ॥ 9-9-43 (60619)
ನಕುಲಂ ವಿರಥಂ ದೃಷ್ಟ್ವಾ ದ್ರೌಪದೇಯೋ ಮಹಾರಥಂ।
ಸುತಸೋಮೋಽಭಿದುದ್ರಾವ ಪರೀಪ್ಸನ್ಪಿತರಂ ರಣೇ॥ 9-9-44 (60620)
ತತೋಽಧಿರುಹ್ಯ ನಕುಲಃ ಸುತಸೋಮಸ್ಯ ತಂ ರಥಂ।
ಶುಶುಭೇ ಭರತಶ್ರೇಷ್ಠೋ ಗಿರಿಸ್ಯ ಇವ ಕೇಸರೀ॥ 9-9-45 (60621)
ಅನ್ಯತ್ಕಾರ್ಮುಕಮಾದಾಯ ಸುಶರ್ಮಾಣಮಯೋಧಯತ್॥ 9-9-46 (60622)
ತತ್ರ ತೌ ಶರವರ್ಷಾಭ್ಯಾಂ ಸಮಾಸಾದ್ಯ ಪರಸ್ಪರಂ।
ಪರಸ್ಪರವಧೇ ಯತ್ನಂ ಚಕ್ರತುಃ ಸುಮಹಾರಥೌ॥ 9-9-47 (60623)
ಸುಶರ್ಮಾ ತು ತಃ ಕ್ರುದ್ಧಃ ಪಾಂಡವಂ ವಿಶಿಖೈಸ್ತ್ರಿಭಿಃ।
ಸುತಸೋಮಂ ತು ವಿಂಶತ್ಯಾ ವಾಹ್ವೋರುರಸಿ ಚಾರ್ಪಯತ್॥ 9-9-48 (60624)
ತತಃ ಕ್ರುದ್ಧೋ ಮಹಾರಾಜ ನಕುಲಃ ಪರವೀರಹಾ।
ಶರೈಸ್ತಸ್ಯ ದಿಶಃ ಸರ್ವಾಶ್ಛಾದಯಾಮಾಸ ವೀರ್ಯವಾನ್॥ 9-9-49 (60625)
ತತೋ ಗೃಹೀತ್ವಾ ತೀಕ್ಷ್ಣಾಗ್ರಮರ್ಧಚಂದ್ರಂ ಸುತೇಜನಂ।
ಆಕರ್ಣಪೂರ್ಣಂ ಚಿಕ್ಷೇಪ ಕರ್ಣಪುತ್ರಾಯ ಸಂಯುಗೇ॥ 9-9-50 (60626)
ತಸ್ಯ ತೇನ ಶಿರಃ ಕಾಯಾಜ್ಜಹಾರ ನೃಪಸತ್ತಮ।
ಪಶ್ಯತಾಂ ಸರ್ವಸೈನ್ಯಾನಾಂ ತದದ್ಭುತಮಿವಾಭವತ್॥ 9-9-51 (60627)
ಸ ಹತಃ ಪ್ರಾಪತದ್ರಾಜನ್ನಕುಲೇನ ಮಹಾತ್ಮನಾ।
ನದೀಪೇxxxxxxxಣಸ್ತೀರಜಃ ಪಾದಪೋ ಮಹಾನ್॥ 9-9-52 (60628)
ಕರ್ಣಪುತ್ರವಚಂ ದೃಷ್ಟ್ವಾ ನಕುಲಸ್ಯ ಚ ವಿಕ್ರಮಂ।
ಪ್ರದುದ್ರಾವ ಭವಾತ್ಸೇನಾ ತಾವಕೀ ಭರತರ್ವಭ॥ 9-9-53 (60629)
ತಾಂ ತು ಸೇನಾಂ ಮಹಾರಾಜ್ಞ ಮದ್ರರಾಜಃ ಪ್ರತಾಪವಾನ್।
xxxxxx ಶೂರಃ ಸೇನಾಪತಿರರಿಂದಮಃ॥ 9-9-54 (60630)
xxxxxx ವ್ಯವಸ್ಯಾಪ್ಯ ಚ ವಾಹಿನೀಂ।
xxxxxxx ಭೂಶಂ ಕೃತ್ವಾ ಧನುಃಶಬ್ದಂ ಚ ದಾರುಣಂ॥ 9-9-55 (60631)
xxxxxx ಸಗರೇ ರಾಜನ್ರಾಂಕ್ಷೇತಾ ದೃಢಧನ್ವನಾ।
ಪ್ರತ್ಯುದ್ಯಯುಶ್ಚ ತಾಂಸ್ತೇ ತು ಸಮಂತಾದ್ವಿಗತವ್ಯಥಾಃ॥ 9-9-56 (60632)
ಮದ್ರರಾಜಂ ಮಹೇಷ್ವಾಸಂ ಪರಿವಾರ್ಯ ಸಮಂತತಃ।
ಸ್ಥಿತಾ ರಾಜನ್ಮಹಾಸೇನಾ ಯೋದ್ವುಕಾಮಾ ಸಮಂತತಃ॥ 9-9-57 (60633)
ಸಾತ್ಯಕಿರ್ಭೀಮಸೇನಶ್ಚ ಮಾದ್ರೀಪುತ್ರೌ ಚ ಪಾಂಡವೌ।
ಯುಧಿಷ್ಠಿರಂ ಪುರಸ್ಕೃತ್ಯ ಹೀನಿಷೇವಮರಿಂದಮಂ॥ 9-9-58 (60634)
ಪರಿವಾರ್ಯ ರಣೇ ವೀರಾಃ ಸಿಂಹನಾದಂ ಪ್ರಚಕ್ರಿರೇ।
ಬಾಣಶಂಖರವಾಂಸ್ತೀವ್ರಾನ್ಕ್ಷ್ವೇಲಾಶ್ಚ ವಿವಿಧಾ ದಧುಃ॥ 9-9-59 (60635)
ತಥೈವ ತಾವಕಾಃ ಸರ್ವೇ ಮದ್ರಾಧಿಪತಿಮಂಜಸಾ।
ಪರಿವಾರ್ಯ ಸುಸಂರಬ್ಧಾಃ ಪುನರ್ಯುದ್ಧಮರೋಚಯನ್॥ 9-9-60 (60636)
ತತಃ ಪ್ರವವೃತೇ ಯುದ್ಧಂ ಭೀರೂಣಾಂ ಭಯವರ್ಧನಂ।
ತಾವಕಾನಾಂ ಪರೇಷಾಂ ಚ ಮೃತ್ಯುಂ ಕೃತ್ವಾ ನಿಬರ್ತನಂ॥ 9-9-61 (60637)
ಯಥಾ ದೇವಾಸುರಂ ಯುದ್ಧಂ ಪೂರ್ವಮಾಸೀದ್ವಿಶಾಂಪತೇ।
ಅಭೀತಾನಾಂ ತಥಾಽಽಸೀತ್ತದ್ಯಮರಾಷ್ಟ್ರವಿವರ್ಧನಂ॥ 9-9-62 (60638)
ತತಃ ಕಪಿಧ್ವಜೋ ರಾಜನ್ಹತ್ವಾ ಸಂಶಪ್ತಕಾನ್ರಣೇ।
ಅಭ್ಯದ್ರವತ ತಾಂ ಸೇನಾಂ ಕೌರವೀಂ ಪಾಂಡುನಂದನಃ॥ 9-9-63 (60639)
ತಥೈವ ಪಾಂಡವಾಃ ಸರ್ವೇ ಧೃಷ್ಟದ್ಯುಂನಪುರೋಗಮಾಃ।
ಅಭ್ಯಧಾವಂತತಾಂ ಸೇನಾಂ ವಿಸೃಜಂತಃ ಶಿತಾಞ್ಶರಾನ್॥ 9-9-64 (60640)
ಪಾಂಡವೈರವಕೀರ್ಣಾನಾಂ ಸಂಮೋಹಃ ಸಮಜಾಯತ।
ನ ಚ ಜಜ್ಞುಸ್ತ್ವನೀಕಾನಿ ದಿಶೋ ವಾ ವಿದಿಶಸ್ತಥಾ॥ 9-9-65 (60641)
ಆಪೂರ್ಯಮಾಣಾ ನಿಶಿತೈಃ ಶರೈಃ ಪಾಂಡವಚೋದಿತೈಃ।
ಹತಪ್ರವೀರಾ ವಿಧ್ವಸ್ತಾ ವಾರ್ಯಮಾಣಾ ಸಮಂತತಃ।
ಕೌರವ್ಯವಧ್ಯತ ಚಮೂಃ ಪಾಂಡುಪುತ್ರೈರ್ಮಹಾರಥೈಃ॥ 9-9-66 (60642)
ತಥೈವ ಪಾಂಡವಂ ಸೈನ್ಯಂ ಶರೈ ರಾಜನ್ಸಮಂತತಃ।
ರಣೇಽಹನ್ಯತ ಪುತ್ರೈಸ್ತೇ ಶತಶೋಽಥ ಸಹಸ್ರಶಃ॥ 9-9-67 (60643)
ತೇ ಸೇನೇ ಭೃಶಸಂತಪ್ತೇ ವಧ್ಯಮಾನೇ ಪರಸ್ಪರಂ।
ವ್ಯಾಕುಲೇ ಸಮಪದ್ಯೇತಾಂ ವರ್ಷಾಸು ಸರಿತಾವಿವ॥ 9-9-68 (60644)
ಆವಿವೇಶ ತತಸ್ತೀವ್ರಂ ತಾವಕಾನಾಂ ಮಹದ್ಭಯಂ।
ಪಾಂಡವಾನಾಂ ಚ ರಾಜೇಂದ್ರ ತಥಾಭೂತೇ ಮಹಾಹವೇ॥ ॥ 9-9-69 (60645)
ಇತಿ ಶ್ರೀಮನ್ಮಹಾಭಾರತೇಯಥಾ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ನವಮೋಽಧ್ಯಾಯಃ॥ 9 ॥
Mahabharata - Shalya Parva - Chapter Footnotes
9-9-9 ಚಿತ್ರಸೇನಃ ಕರ್ಣಪುತ್ರಃ॥ 9-9-9 ನವಮೋಽಧ್ಯಾಯಃ॥ 9 ॥ಶಲ್ಯಪರ್ವ - ಅಧ್ಯಾಯ 010
॥ ಶ್ರೀಃ ॥
9.10. ಅಧ್ಯಾಯಃ 010
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-10-0 (60646)
ಸಂಜಯ ಉವಾಚ। 9-10-0x (5103)
ತಸ್ಮಿನ್ವಿಲುಲಿತೇ ಸೈನ್ಯೇ ವಧ್ಯಮಾನೇ ಪರಸ್ಪರಂ।
ದ್ರವಮಾಣೇಷು ಯೋಧೇಷು ವಿದ್ರವತ್ಸು ಚ ದಂತಿಷು॥ 9-10-1 (60647)
ಕೂಜತಾಂ ಸ್ತನತಾಂ ಚೈವ ಪದಾತೀನಾಂ ಮಹಾಹವೇ।
ನಿಹತೇಷು ಮಹಾರಾಜ ಹಯೇಷು ಬಹುಧಾ ತದಾ॥ 9-10-2 (60648)
ಪ್ರಕ್ಷಯೇ ದಾರುಣೇ ಘೋರೇ ಸಂಹಾರೇ ಸರ್ವದೇಹಿನಾಂ।
ನಾನಾಶಸ್ತ್ರಸಮಾವಾಪೇ ವ್ಯತಿಷಕ್ತರಥದ್ವಿಪೇ॥ 9-10-3 (60649)
ಹರ್ಷಣೇ ಯುದ್ಧಶೌಂಡಾನಾಂ ಭೀರೂಣಾಂ ಭಯವರ್ಧನೇ।
ಗಾಹಮಾನೇಷು ಯೋಧೇಷು ಪರಸ್ಪರವಧೈಷಿಷು॥ 9-10-4 (60650)
ಪ್ರಾಣಾದಾನೇ ಮಹಾಘೋರೇ ವರ್ತಮಾನೇ ದುರೋದರೇ।
ಸಂಗ್ರಾಮೇ ಘೋರರೂಪೇ ತು ಯಮರಾಷ್ಟ್ರವಿವರ್ಧನೇ॥ 9-10-5 (60651)
ಪಾಂಡವಾಸ್ತಾವಕಂ ಸೈನ್ಯಂ ವ್ಯಧಮನ್ನಿಶಿತೈಃ ಶರೈಃ।
ತಥೈವ ತಾವಕಾ ಯೋಧಾ ಜಘ್ನುಃ ಪಾಂಡವಸೈನಿಕಾನ್॥ 9-10-6 (60652)
ತಸ್ಮಿಂಸ್ತಥಾ ವರ್ತಮಾನೇ ಯುದ್ಧೇ ಭೀರುಭಯಾವಹೇ।
ಪೂರ್ವಾಹ್ಣೇ ಚಾಪಿ ಸಂಪ್ರಾಪ್ತೇ ಭಾಸ್ಕರೋದಯನಂ ಪ್ರತಿ॥ 9-10-7 (60653)
ಲಬ್ಧಲಕ್ಷಾಃ ಪರೇ ರಾಜನ್ರಕ್ಷಿತಾಸ್ತು ಮಹಾತ್ಮನಾ।
ಅಯೋಧಯಂಸ್ತವ ಬಲಂ ಮೃತ್ಯುಂ ಕೃತ್ವಾ ನಿವರ್ತನಂ॥ 9-10-8 (60654)
ಬಲಿಭಿಃ ಪಾಂಡವೈರ್ದೃಪ್ತೈರ್ಲೈಬ್ಧಲಕ್ಷೈಃ ಪ್ರಹಾರಿಭಿಃ।
ಕೌರವ್ಯಸೀದತ್ಪೃತನಾ ಮೃಗೀವಾಗ್ನಿಬಯಾಕುಲಾ॥ 9-10-9 (60655)
ತಾಂ ದೃಷ್ಟ್ವಾ ಸೀದತೀಂ ಸೇನಾಂ ಪಂಕೇ ಗಾಮಿವ ದುರ್ಬಲಾಂ।
ಉಜ್ಜಿಹೀರ್ಷುಸ್ತದಾ ಶಲ್ಯಃ ಪ್ರಾಯಾತ್ಪಾಂಡುಸುತಾನ್ಪ್ರತಿ॥ 9-10-10 (60656)
ಮದ್ರರಾಜಃ ಸುಸಂಕ್ರುದ್ಧೋ ಗೃಹೀತ್ವಾ ಧನುರುತ್ತಮಂ।
ಅಭ್ಯದ್ರವತ ಸಂಗ್ರಾಮೇ ಪಾಂಡವಾನಾತತಾಯಿನಃ॥ 9-10-11 (60657)
ಪಾಂಡವಾ ಅಪಿ ಭೂಪಾಲ ಸಮರೇ ಜಿತಕಾಶಿನಃ।
ಮದ್ರರಾಜಂ ಸಮಾಸಾದ್ಯ ಬಿಭಿದುರ್ನಿಶಿತೈಃ ಶರೈಃ॥ 9-10-12 (60658)
ತತಃ ಶರಶತೈಸ್ತೀಕ್ಷ್ಣೈರ್ಮದ್ರರಾಜೋ ಮಹಾರಥಃ।
ಅರ್ದಯಾಮಾಸ ತಾಂ ಸೇನಾಂ ಧರ್ಮರಾಜಸ್ಯ ಪಶ್ಯತಃ॥ 9-10-13 (60659)
ಪ್ರಾದುರಾಸನ್ನಿಮಿತ್ತಾನಿ ನಾನಾರೂಪಾಣ್ಯನೇಕಶಃ।
ಚಚಾಲ ಶಬ್ದಂ ಕುರ್ವಾಣಾ ಮಹೀ ಚಾಪಿ ಸಪರ್ವತಾ॥ 9-10-14 (60660)
[ಸದಂಡಶೂಲಾ ದೀಪ್ತಾಗ್ರಾ ದೀರ್ಯಮಾಣಾಃ ಸಮಂತತಃ।]
ಉಲ್ಕಾ ಭೂಮಿಂ ದಿವಃ ಪೇತುರಾಹತ್ಯ ರವಿಮಂಡಲಂ॥ 9-10-15 (60661)
ಮೃಗಾಶ್ಚ ಮಹಿಷಾಶ್ಚಾಪಿ ಪಕ್ಷಿಣಶ್ಚ ವಿಶಾಂಪತೇ।
ಅಪಸವ್ಯಂ ತದಾ ಚಕ್ರುಃ ಸೇನಾಂ ತೇ ಬಹುಶೋ ನೃಪ॥ 9-10-16 (60662)
[ಭೃಗುಸೂನುಧರಾಪುತ್ರೌ ಶಶಿಜೇನ ಸಮನ್ವಿತೌ।
ಚರಮಂ ಪಾಂಡುಪುತ್ರಾಣಾಂ ಪುರಸ್ತಾತ್ಸರ್ವಭೂಭುಜಾಂ॥ 9-10-17 (60663)
ಶಸ್ತ್ರಾಗ್ರೇಷ್ವಭವಜ್ಜ್ವಾಲಾ ನೇತ್ರಾಣ್ಯಾಹತ್ಯ ವರ್ಷತೀ।
ಶಿರಃ ಸ್ವಲೀಯಂತ ಭೃಶಂ ಕಾಕೋಲೂಕಾಶ್ಚ ಕೇತುಷು]॥ 9-10-18 (60664)
ತತಸ್ತದ್ಯುದ್ಧಮತ್ಯುಗ್ರಮಭವತ್ಸಹಚಾರಿಣಾಂ।
ತಥಾ ಸರ್ವಾಣ್ಯನೀಕಾನಿ ಸನ್ನಿಪತ್ಯ ಜನಾಧಿಪ॥ 9-10-19 (60665)
ಅಭ್ಯಘ್ನತ್ಕೌರವೋ ರಾಜಾ ಪಾಂಡವಾನಾಮನೀಕಿನೀಂ।
ಶಲ್ಯಸ್ತು ಶರವರ್ಷೇಣ ವರ್ಷನ್ನಿವ ಸಹಸ್ರದೃಕ್॥ 9-10-20 (60666)
ಅಭ್ಯವರ್ಷತ ಧರ್ಮಾತ್ಮಾ ಕುಂತೀಪುತ್ರಂ ಯುಧಿಷ್ಠಿರಂ।
ಭೀಮಸೇನಂ ಶರೈಶ್ಚಾಪಿ ರುಕ್ಮಪುಂಖೈಃ ಶಿಲಾಶಿತೈಃ॥ 9-10-21 (60667)
ದ್ರೌಪದೇಯಾಂಸ್ತಥಾ ಸರ್ವಾನ್ಮಾದ್ರೀಪುತ್ರೌ ಚ ಪಾಂಡವೌ।
ಧೃಷ್ಟದ್ಯುಂನಂ ಚ ಶೈನೇಯಂ ಶಿಖಂಡಿನಮಥಾಪಿ ಚ॥ 9-10-22 (60668)
ಏಕೈಕಂ ದಶಭಿರ್ಬಾಣೈರ್ವಿವ್ಯಾಧ ಸ ಮಹಾಬಲಃ।
ತತೋಽಸೃಜದ್ಬಾಣವರ್ಷಂ ಘರ್ಮಾಂತೇ ಮಘವಾನಿವ॥ 9-10-23 (60669)
ತತಃ ಪ್ರಭದ್ರಕಾ ರಾಜನ್ಸೋಮಕಾಶ್ಚ ಸಹಸ್ರಶಃ।
ಪತಿತಾಃ ಪಾತ್ಯಮಾನಾಶ್ಚ ದೃಶ್ಯಂತೇ ಶಲ್ಯಸಾಯಕೈಃ॥ 9-10-24 (60670)
ಭ್ರಮರಾಣಾಮಿವ ವ್ರಾತಾಃ ಶಲಭಾನಾಮಿವ ವ್ರಜಾಃ।
ಹಾದಿನ್ಯ ಇವ ಮೇಘೇಭ್ಯಃ ಶಲ್ಯಸ್ಯ ನ್ಯಪತಞ್ಶರಾಃ॥ 9-10-25 (60671)
ದ್ವಿರದಾಸ್ತುರಗಾಶ್ಚಾರ್ತಾಃ ಪತ್ತಯೋ ರಥಿನಸ್ತಥಾ।
ಶಲ್ಯಸ್ಯ ಬಾಣೈರಪತನ್ಬಭ್ರಮುರ್ವ್ಯನದಂಸ್ತಥಾ॥ 9-10-26 (60672)
ಆವಿಷ್ಟ ಇವ ಮದ್ರೇಶೋ ಮನ್ಯುನಾ ಪೌರುಷೇಣ ಚ।
ಪ್ರಾಚ್ಛಾದಯದರೀನ್ಸಂಖ್ಯೇ ಕಾಲಸೃಷ್ಟ ಇವಾಂತಕಃ।
ವಿನರ್ದಮಾನೋ ಮದ್ರೇಶೋ ಮೇಘಹಾದೋ ಮಹಾಬಲಃ॥ 9-10-27 (60673)
ಸಾ ವಧ್ಯಮಾನಾ ಶಲ್ಯೇನ ಪಾಂಡವಾನಾಮನೀಕಿನೀ।
ಅಜಾತಶತ್ರುಂ ಕೌಂತೇಯಮಭ್ಯಧಾವದ್ಯುಧಿಷ್ಠಿರಂ॥ 9-10-28 (60674)
ತಾಂ ಸಂಮರ್ದ್ಯ ಶತೈಃ ಸಂಖ್ಯೇ ಲಘುಹಸ್ತಃ ಶಿತೈಃ ಶರೈಃ।
ಬಾಣವರ್ಷೇಣ ಮಹತಾ ಯುಧಿಷ್ಠಿರಮತಾಡಯತ್॥ 9-10-29 (60675)
ತಮಾಪತಂತಂ ಜಾತ್ಯಶ್ವೈಃ ಕ್ರುದ್ಧೋ ರಾಜಾ ಯುಧಿಷ್ಠಿರಃ।
ಅವಾರಯಚ್ಛರೈಸ್ತೀಕ್ಷ್ಣೈರ್ಮಹಾದ್ವಿಪಮಿವಾಂಕುಶೈಃ॥ 9-10-30 (60676)
ತಸ್ಯ ಶಲ್ಯಃ ಶರಂ ಘೋರಂ ಮುಮೋಚಾಶೀವಿಷೋಪಮಂ।
ಸೋಽಭ್ಯವಿಧ್ಯನ್ಮಹಾತ್ಮಾನಂ ವೇಗೇನಾಭ್ಯಪತಚ್ಚ ಗಾಂ॥ 9-10-31 (60677)
ತತೋ ವೃಕೋದರಃ ಕ್ರುದ್ಧಃ ಶಲ್ಯಂ ವಿವ್ಯಾಧ ಸಪ್ತಭಿಃ।
ಪಂಚಭಿಃ ಸಹದೇವಸ್ತು ನಕುಲೋ ದಶಭಿಃ ಶರೈಃ॥ 9-10-32 (60678)
ದ್ರೌಪದೇಯಾಶ್ಚ ಶತ್ರುಘ್ನಂ ಶೂರಮಾರ್ತಾಯನಿಂ ಶರೈಃ।
ಅಭ್ಯವರ್ಷನ್ಮಹಾರಾಜ ಮೇಘಾ ಇವ ಮಹೀಧಸ್ಂ॥ 9-10-33 (60679)
ತತೋ ದೃಷ್ಟ್ವಾ ವಾರ್ಯಮಾಣಂ ಶಲ್ಯಂ ಪಾರ್ಥೈಃ ಸಮಂತತಃ।
ಕೃತವರ್ಮಾ ಕೃಪಶ್ಚೈವ ಸಂಕ್ರುದ್ಧಾವಭ್ಯಧಾವತಾಂ॥ 9-10-34 (60680)
ಉಲೂಕಶ್ಚ ಮಹಾವೀರ್ಯಃ ಶಕುನಿಂಶ್ಚಾಪಿ ಸೌಬಲಃ।
ಸಮಾಗಂಯಾಥ ಶನಕೈರಶ್ವತ್ಥಾಮಾ ಮಹಾಬಲಃ।
ತವ ಪುತ್ರಾಶ್ಚ ಕಾರ್ತ್ಸ್ನ್ಯೇನ ಜುಗುಪುಃ ಶಲ್ಯಮಾಹವೇ॥ 9-10-35 (60681)
ಭೀಮಸೇನಂ ತ್ರಿಭಿರ್ವಿದ್ಧಾ ಕೃತವರ್ಮಾ ಶಿಲೀಮುಖೈಃ।
ಬಾಣವರ್ಷೇಣ ಮಹತಾ ಕ್ರುದ್ಧರೂಪಮವಾರಯತ್।
ಧೃಷ್ಟದ್ಯುಂನಂ ತತಃ ಕ್ರುದ್ಧೋ ಬಾಣವರ್ಷೈರಪೀಡಯತ್॥ 9-10-36 (60682)
ದ್ರೌಪದೇಯಾಂಶ್ಚ ಶಕುನಿರ್ಯಮೌ ಚ ದ್ರೌಣಿರಭ್ಯಯಾತ್॥ 9-10-37 (60683)
ದುರ್ಯೋಧನೋ ಯುಧಾಂಶ್ರೇಷ್ಠ ಆಹವೇ ಕೇಶವಾರ್ಜುನೌ।
ಸಮಭ್ಯಯಾದುಗ್ರತೇಜಾಃ ಶರೈಶ್ಚಾಪ್ಯಹನದ್ಬಲೀ॥ 9-10-38 (60684)
ಏವಂ ದ್ವಂದ್ವಶತಾನ್ಯಾಸಂಸ್ತ್ವದೀಯಾನಾಂ ಪರೈಃ ಸಹ।
ಘೋರರೂಪಾಣಿ ಚಿತ್ರಾಣಿ ತತ್ರತತ್ರ ವಿಶಾಂಪತೇ॥ 9-10-39 (60685)
ಋಕ್ಷವರ್ಣಾಂಜಘಾನಾಶ್ವಾನ್ಭೋಜೋ ಭೀಮಸ್ಯ ಸಂಯುಗೇ।
ಸೋಽವತೀರ್ಯ ರಥೋಪಸ್ಥಾದ್ಧತಾಶ್ವಾತ್ಪಾಂಡುನಂದನಃ।
ಕಾಲೋ ದಂಡಮಿವೋದ್ಯಂಯ ಗದಾಪಾಣಿರಯುಧ್ಯತ॥ 9-10-40 (60686)
ಪ್ರಮುಖೇ ಸಹದೇವಸ್ಯ ಜಘಾನಾಶ್ವಾನ್ಸ ಮದ್ರರಾಟ್।
ತತಃ ಶಲ್ಯಸ್ಯ ತನಯಂ ಸಹದೇವೋಽಸಿನಾವಧೀತ್॥ 9-10-41 (60687)
ಗೌತಮಃ ಪುನರಾಚಾರ್ಯೋ ಧೃಷ್ಟದ್ಯುಂನಮಯೋಧಯತ್।
ಅಸಂಭ್ರಾಂತಮಸಂಭ್ರಾಂತೋ ಯತ್ನವಾನ್ಯತ್ನವತ್ತರಂ॥ 9-10-42 (60688)
ದ್ರೌಪದೇಯಾಂಸ್ತಥಾ ವೀರಾನೇಕೈಕಂ ದಶಭಿಃ ಶರೈಃ।
ಅವಿದ್ಧ್ಯದಾಚಾರ್ಯಸುತೋ ನಾತಿಕ್ರುದ್ಧೋ ಹಸನ್ನಿವ॥ 9-10-43 (60689)
[ಪುನಶ್ಚ ಭೀಮಸೇನಸ್ಯ ಜಘಾನಾಶ್ವಾಂಸ್ತಥಾಽಽಹವೇ।
ಸೋಽವತೀರ್ಯ ರಥಾತ್ತೂರ್ಣಂ ಹತಾಶ್ವಃ ಪಾಂಡುನಂದನಃ॥ 9-10-44 (60690)
ಕಾಲೋ ದಣ಼್ಡಮಿವೋದ್ಯಂಯ ಗದಾಂ ಕ್ರುದ್ಧೋ ಮಹಾಬಲಃ।
ಪೋಥಯಾಮಾಸ ತುರಗಾನ್ರಥಂ ಚ ಕೃತವರ್ಮಣಃ।
ಕೃತವರ್ಮಾ ತ್ವವಪ್ಲುತ್ಯ ರಥಾತ್ತಸ್ಮಾದಪಾಕ್ರಮತ್॥] 9-10-45 (60691)
ಶಲ್ಯೋಽಪಿ ರಾಜನ್ಸಂಕ್ರುದ್ಧೋ ನಿಘ್ನನ್ಸೋಮಕಪಾಂಡವಾನ್।
ಪುನರೇವ ಶಿತೈರ್ಬಾಣೈರ್ಯುಧಿಷ್ಠಿರಮಪೀಡಯತ್॥ 9-10-46 (60692)
ತಸ್ಯ ಭೀಮೋ ರಣೇ ಕ್ರುದ್ಧಃ ಸಂದಶ್ಯ ದಶನಚ್ಛದಂ।
ವಿನಾಶಾಯಾಭಿಸಂಧಾಯ ಗದಾಮಾದಾಯ ವೀರ್ಯವಾನ್॥ 9-10-47 (60693)
ಯಮದಂಡಪ್ರತೀಕಾಶಾಂ ಕಾಲರಾತ್ರಿಮಿವೋದ್ಯತಾಂ।
ಗಜವಾಜಿಮನುಷ್ಯಾಣಾಂ ದೇಹಾಂತಕರಣೀಮತಿ॥ 9-10-48 (60694)
ಹೇಮಪಟ್ಟಪರಿಕ್ಷಿಪ್ತಾಮುಲ್ಕಾಂ ಪ್ರಜ್ವಲಿತಾಮಿವ।
ಶೈಕ್ಯಾಂ ವ್ಯಾಲೀಮಿವಾತ್ಯುಗ್ರಾಂ ವಜ್ರಕಲ್ಪಾಮಯೋಮಯೀಂ॥ 9-10-49 (60695)
ಚಂದನಾಗುರುಪಂಕಾಕ್ತಾಂ ಪ್ರಮದಾಮೀಪ್ಸಿತಾಮಿವ।
ವಸಾಮೇದೋಪದಿಗ್ಧಾಂಗೀಂ ಜಿಹ್ವಾಂ ವೈವಸ್ವತೀಮಿವ॥ 9-10-50 (60696)
ಪಟುಘಂಟಾಶತರವಾಂ ವಾಸವೀಮಶನೀಮಿವ।
ನಿರ್ಮುಕ್ತಾಶೀವಿಷಾಕಾರಾಂ ಪೃಕ್ತಾಂ ಗಜಮದೈರಪಿ॥ 9-10-51 (60697)
ತ್ರಾಸನೀಂ ಸರ್ವಭೂತಾನಾಂ ಸ್ವಸೈನ್ಯಪರಿಹರ್ಷಿಣೀಂ।
ಮನುಷ್ಯಲೋಕೇ ವಿಖ್ಯಾತಾಂ ಗಿರಿಶೃಂಗವಿದಾರಣೀಂ॥ 9-10-52 (60698)
ಯಯಾ ಕೈಲಾಸಭವನೇ ಮಹೇಶ್ವರಸಖಂ ಬಲೀ।
ಆಹ್ವಯಾಮಾಸ ಕೌಂತೇಯಃ ಸಂಕ್ರುದ್ಧಮಲಕಾಧಿಪಂ॥ 9-10-53 (60699)
ಯಯಾ ಮಾಯಾಮಯಾಂದೃಪ್ತಾನ್ಸುಬಹೂಂಧನದಾಲಯೇ।
ಜಘಾನ ಗುಹ್ಯಕಾನ್ಕ್ರುದ್ಧೋ ಮಂದಾರಾರ್ಥೇ ಮಹಾಬಲಃ।
ನಿವಾರ್ಯಮಾಣೋ ಬಹುಭಿರ್ದ್ರೌಪದ್ಯಾಃ ಪ್ರಿಯಮಾಸ್ಥಿತಃ॥ 9-10-54 (60700)
ತಾಂ ವಜ್ರಮಣಿರತ್ನೌಘಕಲ್ಮಾಷಾಂ ವಜ್ರಗೌರವಾಂ।
ಸಮುದ್ಯಂಯ ಮಹಾಬಾಹುಃ ಶಲ್ಯಮಭ್ಯಪತದ್ರಣೇ॥ 9-10-55 (60701)
ಗದಯಾ ಯುದ್ಧಕುಶಲಸ್ತಯಾ ದಾರುಣನಾದಯಾ।
ಪೋಥಯಾಮಾಸ ಶಲ್ಯಸ್ಯ ಚತುರೋಽಶ್ವಾನ್ಮಹಾಜವಾನ್॥ 9-10-56 (60702)
ತತಃ ಶಲ್ಯೋ ರಣೇ ಕ್ರುದ್ಧಃ ಪೀನೇ ವಕ್ಷಸಿ ತೋಮರಂ।
ನಿಚಖಾನ ನದನ್ವೀರೋವರ್ಮ ಭಿತ್ತ್ವಾ ಚ ಸೋಭ್ಯಯಾತ್॥ 9-10-57 (60703)
ವೃಕೋದರಸ್ತ್ವಸಂಭ್ರಾಂತಸ್ತಮೇವೋದ್ಧೃತ್ಯ ತೋಮರಂ।
ಯಂತಾರಂ ಮದ್ರರಾಜಸ್ಯ ನಿರ್ಬಿಭೇದ ತದಾ ಹೃದಿ॥ 9-10-58 (60704)
ಸ ಭಿನ್ನವರ್ಮಾ ರುಧಿರಂ ವಮನ್ವಿತ್ರಸ್ತಮಾನಸಃ।
ಪಪಾತಾಭಿಮುಖೋ ಭೀಮಂ ಮದ್ರರಾಜಸ್ತ್ವಪಾಕ್ರಮತ್॥ 9-10-59 (60705)
ಕೃತಪ್ರತಿಕೃತಂ ದೃಷ್ಟ್ವಾ ಶಲ್ಯೋ ವಿಸ್ಮಿತಮಾನಸಃ।
ಗದಾಮಾಶ್ರಿತ್ಯ ಧರ್ಮಾತ್ಮಾ ಪ್ರತ್ಯಮಿತ್ರಮವೈಕ್ಷತ॥ 9-10-60 (60706)
ತತಃ ಸುಮನಸಃ ಪಾರ್ಥಾ ಭೀಮಸೇನಮಪೂಜಯನ್।
ತೇ ದೃಷ್ಟ್ವಾ ಕರ್ಮ ಸಂಗ್ರಾಮೇ ಘೋರಮಕ್ಲಿಷ್ಟಕರ್ಮಣಃ॥ ॥ 9-10-61 (60707)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ದಶಮೋಽಧ್ಯಾಯಃ॥ 10 ॥
Mahabharata - Shalya Parva - Chapter Footnotes
9-10-17 ಭೃಗ್ವಿತಿ। ಸರ್ವಭೂಭುಜಾಂ ಕೃತ್ಸ್ನಪೃಥ್ವೀಪತೀನಾಂ ಪಾಂಡುಪುತ್ರಾಣಾಂ ಪಾಂಡವಾನಾಂ ಚರಮಂ ವಿಲೋಮಗಣನಯಾ ಪ್ರಥಮಂ ಯುಧಿಷ್ಠಿರಮಭಿಲಕ್ಷ್ಯ ಶಕ್ರಭೌಮಬುಧಾಃ ಸಪ್ತಮಸ್ಥಾನೇ ಬಲಾವಹಾಃ ಆಸನ್। ಏತಚ್ಚ ಸರ್ವಭೂಭುಜಾಮಿತಿ ಫಲಸ್ಯ ಜನಕಮಿತ್ಯರ್ಥಃ॥ 9-10-18 ಆಹತ್ಯ ಸ್ಪೃಷ್ಟ್ವಾ। ವರ್ಷತೀ ಭುವಿ ಪತಂತೀ॥ 9-10-49 ಪರಿಕ್ಷಿಪ್ತಾಂ ಪರಿಚ್ಛನ್ನಾಂ॥ 9-10-51 ವಾಸವೀಮೈಂದ್ರೀಂ। ರಾಸನೀಮಿತಿ ಪಾಠೇ ಶಬ್ದವತೀಂ॥ 9-10-53 ಮಹೇಶ್ವರಸಖಂ ಕುಬೇರಂ॥ 9-10-10 ದಶಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 011
॥ ಶ್ರೀಃ ॥
9.11. ಅಧ್ಯಾಯಃ 011
Mahabharata - Shalya Parva - Chapter Topics
ಶಲ್ಯಭೀಮಯೋರ್ಗದಾಯುದ್ಧಂ॥ 1 ॥Mahabharata - Shalya Parva - Chapter Text
9-11-0 (60708)
ಸಂಜಯ ಉವಾಚ। 9-11-0x (5104)
ಪತಿತಂ ಪ್ರೇಕ್ಷ್ಯ ಯಂತಾರಂ ಶಲ್ಯಃ ಶೈಕ್ಯಾಯಸೀಂ ಗದಾಂ।
ಆದಾಯ ತರಸಾ ರಾಜಂಸ್ತಸ್ಥೌ ಗಿರಿರಿವಾಚಲಃ॥ 9-11-1 (60709)
ತಂ ದೀಪ್ತಮಿವ ಕಾಲಾಗ್ನಿಂ ಪಾಶಹಸ್ತಮಿವಾಂತಕಂ।
ಸಶೃಂಗಮಿವ ಕೈಲಾಸಂ ಸವಜ್ರಮಿವ ವಾಸವಂ॥ 9-11-2 (60710)
ಸಶೂಲಮಿವ ಹರ್ಯಕ್ಷಂ ಸಚಕ್ರಮಿವ ಚಕ್ರಿಣಂ।
ಸಶಕ್ತಿಮಿವ ಸೇನಾನ್ಯಂ ವನೇ ಮತ್ತಮಿವ ದ್ವಿಪಂ।
ಜವೇನಾಭ್ಯಪತದ್ಭೀಮಃ ಪ್ರಗೃಹ್ಯ ಮಹತೀಂ ಗದಾಂ॥ 9-11-3 (60711)
ತತಃ ಶಂಖಪ್ರಣಾದಶ್ಚ ತೂರ್ಯಾಣಾಂ ಚ ಸಹಸ್ರಶಃ।
ಸಿಂಹನಾದಶ್ಚ ಸಂಜಜ್ಞೇ ಶೂರಾಣಾಂ ಹರ್ಷವರ್ಧನಃ॥ 9-11-4 (60712)
ಪ್ರೈಕ್ಷಂತ ಸರ್ವತಸ್ತೌ ಹಿ ಯೋಧಾ ಮತ್ತಾವಿವ ದ್ವಿಪೌ।
ತಾವಕಾಶ್ಚಾಪರೇ ಚೈವ ಸಾಧುಸಾಧ್ವಿತ್ಯಪೂಜಯನ್॥ 9-11-5 (60713)
ನ ಹಿ ಮದ್ರಾಧಿಪಾದನ್ಯೋ ರಾಮಾದ್ವಾ ಯದುನಂದನಾತ್।
ಸೋಢುಮುತ್ಸಹತೇ ವೇಗಂ ಭೀಮಸೇನಸ್ಯ ಸಂಯುಗೇ॥ 9-11-6 (60714)
ತಥಾ ಮದ್ರಾಧಿಪಸ್ಯಾಪಿ ಗದಾವೇಗಂ ಮಹಾತ್ಮನಃ।
ಸೋಢುಮುತ್ಸಹತೇ ನಾನ್ಯಃ ಪುಮಾನ್ಯುಧಿ ವೃಕೋದರಾತ್॥ 9-11-7 (60715)
ತೌ ವೃಷಾವಿವ ನರ್ದಂತೌ ಮಂಡಲಾನಿ ವಿಚೇರತುಃ।
ಆವರ್ತಿತೌ ಗದಾಹಸ್ತೌ ಮದ್ರರಾಜವೃಕೋದರೌ॥ 9-11-8 (60716)
ಮಂಡಲಾವರ್ತಮಾರ್ಗೇಷು ಗದಾವಿಹರಣೇಷು ಚ।
ನಿರ್ವಿಶೇಷಮಭೂದ್ಯುದ್ಧಂ ತಯೋಃ ಪುರುಷಸಿಂಹಯೋಃ॥ 9-11-9 (60717)
ತಪ್ತಹೇಮಮಯೈಃ ಶುಭ್ರೈರ್ಬಭೂವ ಭಯವರ್ಧಿನೀ।
ಅಗ್ನಿಜ್ವಾಲೈರಿವಾಬದ್ಧಾ ಪಟ್ಟೈಃ ಶಲ್ಯಸ್ಯ ಸಾ ಗದಾ॥ 9-11-10 (60718)
ತಥೈವ ಚರತೋ ಮಾರ್ಗಾನ್ಮಂಡಲೇಷು ಮಹಾತ್ಮನಃ।
ವಿದ್ಯುದಭ್ರಗ್ರತೀಕಾಶಾ ಭೀಮಸ್ಯ ಶುಶುಭೇ ಗದಾ॥ 9-11-11 (60719)
ತಾಡಿತಾ ಮದ್ರರಾಜೇನ ಭೀಮಸ್ಯ ಗದಯಾ ಗದಾ।
ದಹ್ಯಮಾನೇವ ಖೇ ರಾಜನ್ಸಾಽಸೃಜತ್ಪಾವಕಾರ್ಚಿಷಃ॥ 9-11-12 (60720)
ತಥಾ ಭೀಮೇನ ಶಲ್ಯಸ್ಯ ತಾಡಿತಾ ಗದಯಾ ಗದಾ।
ಅಂಗಾರವರ್ಷಂ ಮುಮುಚೇ ತದದ್ಭುತಮಿವಾಭವತ್॥ 9-11-13 (60721)
ದಂತೈರಿವ ಮಹಾನಾಗೌ ಶೃಂಗೈರಿವ ಮಹರ್ಷಭೌ।
ತೌ ವಿರೇಜತುರನ್ಯೋನ್ಯಂ ಗದಾಗ್ರಾಭ್ಯಾಂ ಪರಿಕ್ಷತೌ॥ 9-11-14 (60722)
ತೌ ಗದಾಭಿಹತೈರ್ಗಾತ್ರೈಃ ಕ್ಷಣೇನ ರುಧಿರೋಕ್ಷಿತೌ।
ಪ್ರೇಕ್ಷಣೀಯತರಾವಾಸ್ತಾಂ ಪುಷ್ಪಿತಾವಿವ ಕಿಂಶುಕೌ॥ 9-11-15 (60723)
ಗದಯಾ ಮದ್ರರಾಜಸ್ಯ ಸವ್ಯದಕ್ಷಿಣಮಾಹತಃ।
ಭೀಮಸೇನೋ ಮಹಾಬಾಹುರ್ನ ಚಚಾಲಾಚಲೋ ಯಥಾ॥ 9-11-16 (60724)
ತಥಾ ಭೀಮಗದಾವೇಗೈಸ್ತಾಡ್ಯಮಾನೋ ಮುಹುರ್ಮುಹುಃ।
ಶಲ್ಯೋ ನ ವಿವ್ಯಥೇ ರಾಜಂದಂತಿನೇವ ಮಹಾಗಿರಿಃ॥ 9-11-17 (60725)
ಶುಶ್ರುವೇ ದಿಕ್ಷು ಸರ್ವಾಸು ತಯೋಃ ಪುರುಷಸಿಂಹಯೋಃ।
ಗದಾನಿಪಾತಸಂಹಾದೋ ವಜ್ರಯೋರಿವ ನಿಃಸ್ವನಃ॥ 9-11-18 (60726)
ನಿವೃತ್ಯ ತು ಮಹಾವೀರ್ಯೌ ಸಮುಚ್ಛ್ರಿತಮಹಾಗದೌ।
ಪುನರಂತರಮಾರ್ಗಸ್ಥೌ ಪಂಡಲಾನಿ ವಿಚೇರತುಃ॥ 9-11-19 (60727)
ಅಥಾಭ್ಯೇತ್ಯ ಪದಾನ್ಯಷ್ಟೌ ಸನ್ನಿಪಾತೋಽಭವತ್ತಯೋಃ।
ಉದ್ಯಂಯ ಲೋಹದಣ಼್ಡಾಭ್ಯಾಮತಿಮಾನುಷಕರ್ಮಣೋಃ॥ 9-11-20 (60728)
ಪೋಥಯಂತೌ ತದಾಽನ್ಯೋನ್ಯಂ ಮಂಡಲಾನಿ ವಿಚೇರತುಃ।
ಕ್ರಿಯಾವಿಶೇಷಂ ಕೃತಿನೌ ದರ್ಶಯಾಮಾಸತುಸ್ತದಾ॥ 9-11-21 (60729)
ಅಭ್ಯುದ್ಯತಗದೌ ವೀರೌ ಸಶೃಂಗಾವಿವ ಪರ್ವತೌ।
ತಾವಾಜಘ್ನತುರನ್ಯೋನ್ಯಂ ಮಂಡಲಾನಿ ವಿಚೇರತುಃ॥ 9-11-22 (60730)
ಕ್ರಿಯಾವಿಶೇಷಕೃತಿನೌ ರಣಭೂಮಿತಲೇಽಚಲೌ।
ತೌ ಪರಸ್ಪರಸಂರಂಭಾದ್ಗದಾಭ್ಯಾಂ ಸುಭೃಶಾಹತೌ॥ 9-11-23 (60731)
ಯುಗಪತ್ಪೇತತುರ್ವೀರಾವುಭಾವಿಂದ್ರಬಲೀ ಇವ।
ಉಭಯಃ ಸೇನಯೋರ್ಯೋಧಾಸ್ತದಾ ಹಾಹಾಕೃತಾಭವನ್॥ 9-11-24 (60732)
ಭೃಶಂ ಮರ್ಮಸ್ವಭಿಹತಾವುಭಾವಾಸ್ತಾಂ ಸುವಿಹ್ವಲೌ॥ 9-11-25 (60733)
ತತಃ ಸ್ವರಥಮಾರೋಪ್ಯ ಮದ್ರಾಣಾಮೃಷಭಂ ರಣೇ।
ಅಪೋವಾಹ ಕೃಪಃ ಶಲ್ಯಂ ತೂರ್ಣಮಾಯೋಧನಾದಥ॥ 9-11-26 (60734)
ಕ್ಷೀಬವದ್ವಿಹ್ವಲತ್ವಾತ್ತು ನಿಮೇಷಾತ್ಪುನರುತ್ಥಿತಃ।
ಭೀಮಸೇನೋ ಗದಾಪಾಣಿಃ ಸಮಾಹ್ವಯತ ಮದ್ರಪಂ॥ 9-11-27 (60735)
ತತಸ್ತು ತಾವಕಾಃ ಶೂರಾ ನಾನಾಶಸ್ತ್ರಸಮಾಯುತಾಃ।
ನಾನಾವಾದಿತ್ರಶಬ್ದೇನ ಪಾಂಡುಸೇನಾಮಯೋಧಯನ್॥ 9-11-28 (60736)
ಭುಜಾವುಚ್ಛ್ರಿತ್ಯ ಶಸ್ತ್ರಂ ಚ ಶಬ್ದೇನ ಮಹತಾ ತತಃ।
ಅಭ್ಯದ್ರವನ್ಮಹಾರಾಜ ದುರ್ಯೋಧನಪುರೋಗಮಾಃ॥ 9-11-29 (60737)
ತದನೀಕಮಭಿಪ್ರೇಕ್ಷ್ಯ ತತಸ್ತೇ ಪಾಂಡುನಂದನಾಃ।
ಪ್ರಯಯುಃ ಸಿಂಹನಾದೇನ ದುರ್ಯೋಧನವಧೇಪ್ಸಯಾ॥ 9-11-30 (60738)
ತೇಷಾಮಾಪತತಾಂ ತೂರ್ಣಂ ಪುತ್ರಸ್ತೇ ಭರತರ್ಷಭ।
ಪ್ರಾಪ್ತೇನ ಚೇಕಿತಾನಂ ವೈ ವಿವ್ಯಾಧ ಹೃದಯೇ ಭೃಶಂ॥ 9-11-31 (60739)
ಪಪಾತ ರಥೋಪಸ್ಥೇ ತವ ಪುತ್ರೇಣ ಪಾತಿತಃ।
ರುಧಿರೌಘಪರಿಕ್ಲಿನ್ನಃ ಪ್ರವಿಶ್ಯ ವಿಪುಲಂ ತಮಃ॥ 9-11-32 (60740)
ಚೇಕಿತಾನಂ ಹತಂ ದೃಷ್ಟ್ವಾ ಪಾಂಡವೇಯಾ ಮಹಾರಥಾಃ।
ಅಸಕ್ತಮಭ್ಯವರ್ಷಂತ ಶರವರ್ಷಾಣಿ ಭಾಗಶಃ॥ 9-11-33 (60741)
ತಾವಕಾನಾಮನೀಕೇಷು ಪಾಂಡವಾ ಜಿತಕಾಶಿನಃ।
ವ್ಯಚರಂತ ಮಹಾರಾಜ ಪ್ರೇಕ್ಷಣೀಯಾಃ ಸಮಂತತಃ॥ 9-11-34 (60742)
ಕೃಪಶ್ಚ ಕೃತವರ್ಮಾ ಚ ಸೌಬಲಶ್ಚ ಮಹಾರಥಃ।
ಅಯೋಧಯಂಧರ್ಮರಾಜಂ ಮದ್ರರಾಜಪುರಸ್ಕೃತಾಃ॥ 9-11-35 (60743)
ಭಾರದ್ವಾಜಸ್ಯ ಹಂತಾರಂ ಭೂರಿವೀರ್ಯಪರಾಕ್ರಮಂ।
ದುರ್ಯೋಧನೋ ಮಹಾರಾಜ ಧೃಷ್ಟದ್ಯುಂನಮಯೋಧಯತ್॥ 9-11-36 (60744)
ತ್ರಿಸಾಹಸ್ರಾಸ್ತಥಾ ರಾಜಂಸ್ತವ ಪುತ್ರೇಣ ಚೋದಿತಾಃ।
ಅಯೋಧಯಂತ ವಿಜಯಂ ಜೈಗರ್ತಾನಾಂ ಮಹಾರಥಾಃ॥ 9-11-37 (60745)
ವಿಜಯೇ ಧೃತಸಂಕಲ್ಪಾಃ ಸಮರೇ ತ್ಯಕ್ತಜೀವಿತಾಃ।
ಪ್ರಾವಿಶಂಸ್ತಾವಕಾ ರಾಜನ್ಹಂಸಾ ಇವ ಮಹತ್ಸರಃ॥ 9-11-38 (60746)
ತತೋ ಯುದ್ಧಮಭೂದ್ಧೋರಂ ಪರಸ್ಪರವಧೈಷಿಣಾಂ।
ಅನ್ಯೋನ್ಯವಧಸಂಯುಕ್ತಮನ್ಯೋನ್ಯಪ್ರೀತಿವರ್ಧನಂ॥ 9-11-39 (60747)
ತಸ್ಮಿನ್ಪ್ರವೃತ್ತೇ ಸಂಗ್ರಾಮೇ ರಾಜನ್ವೀರವರಕ್ಷಯೇ।
ಅನಿಲೇನೇರಿತಂ ಘೋರಮುತ್ತಸ್ಥೌ ಪಾರ್ಥಿವಂ ರಜಃ॥ 9-11-40 (60748)
ಶ್ರವಣಾನ್ನಾಮಧೇಯಾನಾಂ ಪಾರ್ಥಿವಾನಾಂ ಚ ಕೀರ್ತನಾತ್।
ಪರಸ್ಪರಂ ವಿಜಾನೀಮಸ್ತದಾಯುಧ್ಯನ್ನಭೀತವತ್॥ 9-11-41 (60749)
ತದ್ರಜಃ ಪುರುಷವ್ಯಾಘ್ರ ಶೋಣಿತೇನ ಪ್ರಶಾಮಿತಂ।
ದಿಶಶ್ಚ ವಿಮಲಾ ಜಾತಾಸ್ತಸ್ಮಿನ್ರಜಸಿ ನಾಶಿತೇ॥ 9-11-42 (60750)
ತಥಾ ಪ್ರವೃತ್ತೇ ಸಂಗ್ರಾಮೇ ಘೋರರೂಪೇ ಭಯಾನಕೇ।
ತಾವಕಾನಾಂ ಪರೇಷಾಂ ಚ ನಾಸೀತ್ಕಶ್ಚಿತ್ಪರಾಙ್ಮುಖಃ॥ 9-11-43 (60751)
ಬ್ರಹ್ಮಲೋಕಪರಾ ಭೂತ್ವಾ ಪ್ರಾರ್ಥಯಂತೋ ಜಯಂ ಯುಧಿ।
ಸುಯುದ್ಧೇನ ಪರಾಕ್ರಾಂತಾ ನರಾಃ ಸ್ವರ್ಗಮಭೀಪ್ಸವಃ॥ 9-11-44 (60752)
ಭರ್ತೃಪಿಂಡವಿಮೋಕ್ಷಾರ್ಥಂ ಭರ್ತೃಕಾರ್ಯವಿನಿಶ್ಚಿತಾಃ।
ಸ್ವರ್ಗಸಂಸಕ್ತಮನಸೋ ಯೋಧಾ ಯುಯುಧಿರೇ ತದಾ॥ 9-11-45 (60753)
ನಾನಾರೂಪಾಣಿ ಶಸ್ತ್ರಾಣಿ ವಿಸೃಜಂತೋ ಮಹಾರಥಾಃ।
ಅನ್ಯೋನ್ಯಮಭಿಗರ್ಜಂತಃ ಪ್ರಹರಂತಃ ಪರಸ್ಪರಂ॥ 9-11-46 (60754)
ಹತ ವಿಧ್ಯತ ಗೃಹ್ಣೀತ ಪ್ರಹರಧ್ವಂ ನಿಕೃಂತತ।
ಇತಿ ಸ್ಮ ವಾಚಃ ಶ್ರೂಯಂತೇ ತವತೇಷಾಂ ಚ ವೈ ಬಲೇ॥ 9-11-47 (60755)
ತತಃ ಶಲ್ಯೋ ಮಹಾರಾಜ ಧರ್ಮಪುತ್ರಂ ಯುಧಿಷ್ಠಿರಂ।
ವಿವ್ಯಾಧ ನಿಶಿತೈರ್ಬಾಣೈರ್ಹಂತುಕಾಮೋ ಮಹಾರಥಂ॥ 9-11-48 (60756)
ತಸ್ಯ ಪಾರ್ಥೋ ಮಹಾರಾಜ ನಾರಾಚಾನ್ವೈ ಚತುರ್ದಶ।
ಮರ್ಮಾಣ್ಯುದ್ದಿಶ್ಯ ಮರ್ಮಜ್ಞೋ ನಿಚಖಾನ ಹಸನ್ನಿವ॥ 9-11-49 (60757)
ಆವಾರ್ಯ ಪಾಂಡವಂ ಬಾಣೈರ್ಹಂತುಕಾಮೋ ಮಹಾಬಲಃ।
ವಿವ್ಯಾಧ ಸಮರೇ ಕ್ರುದ್ಧೋ ಬಹುಭಿಃ ಕಂಕಪತ್ರಿಭಿಃ॥ 9-11-50 (60758)
ಅಥ ಮದ್ರೋ ಮಹಾರಾಜ ಶರೇಣಾನತಪರ್ವಣಾ।
ಯುಧಿಷ್ಠಿರಂ ಸಮಾಜಘ್ನೇ ಸರ್ವಸೈನ್ಯಸ್ಯ ಪಶ್ಯತಃ॥ 9-11-51 (60759)
ಧರ್ಮರಾಜೋಽಪಿ ಸಂಕ್ರುದ್ಧೋ ಮದ್ರರಾಜಂ ಮಹಾಬಲಃ।
ವಿವ್ಯಾಧ ನಿಶಿತೈರ್ಬಾಣೈಃ ಕಂಕಬರ್ಹಿಣವಾಜಿತೈಃ॥ 9-11-52 (60760)
ಚಂದ್ರಸೇನಂ ಚ ಸಪ್ತತ್ಯಾ ಸೂತಂ ಚ ನವಭಿಃ ಶರೈಃ।
ದ್ರುಮಸೇನಂ ಚತುಃಷಷ್ಟ್ಯಾ ನಿಜಘಾನ ಮಹಾರಥಃ॥ 9-11-53 (60761)
ಚಕ್ರರಕ್ಷೇ ಹತೇ ಶಲ್ಯಃ ಪಾಂಡವೇನ ಮಹಾತ್ಮನಾ।
ನಿಜಘಾನ ತತೋ ರಾಜಂಶ್ಚೇದೀನ್ವೈ ಪ಼ಂಚವಿಂಶತಿಂ॥ 9-11-54 (60762)
ಸಾತ್ಯಕಿಂ ಪಂಚವಿಂಶತ್ಯಾ ಭೀಮಸೇನಂ ಚ ಪಂಚಭಿಃ।
ಮಾದ್ರೀಪುತ್ರೌ ಶತೇನಾಜೌ ವಿವ್ಯಾಧ ನಿಶಿತೈಃ ಶರೈಃ॥ 9-11-55 (60763)
ಏವಂ ವಿಚರತಸ್ತಸ್ಯ ಸಂಗ್ರಾಮೇ ರಾಜಸತ್ತಮ।
ಸಂಪ್ರೈಷಯಚ್ಛಿತಾನ್ಪಾರ್ಥಃ ಶರಾನಾಶೀವಿಷೋಪಮಾನ್॥ 9-11-56 (60764)
ಧ್ವಜಾಘ್ರಂ ಚಾಸ್ಯ ಸಮರೇ ಕುಂತೀಪುತ್ರೋ ಯುಧಿಷ್ಠಿರಃ।
ಪ್ರಮುಖೇ ವರ್ತಮಾನಸ್ಯ ಭಲ್ಲೇನಾಪಾಹರದ್ರಥಾತ್॥ 9-11-57 (60765)
ಪಾಂಡುಪುತ್ರೇಣ ವೈ ತಸ್ಯ ಕೇತುಂ ಛಿನ್ನಂ ಮಹಾತ್ಮನಾ।
ನಿಪತಂತಮಪಶ್ಯಾಮ ಗಿರಿಶೃಂಗಮಿವಾಹತಂ॥ 9-11-58 (60766)
ಧ್ವಜಂ ನಿಪತಿತಂ ದೃಷ್ಟ್ವಾ ಪಾಣ಼್ಡವಂ ಚ ವ್ಯವಸ್ಥಿತಂ।
ಸಂಕ್ರುದ್ಧೋ ಮದ್ರರಾಜೋಽಭೂಚ್ಛರವರ್ಷಂ ಮುಮೋಚ ಹ॥ 9-11-59 (60767)
ಶಲ್ಯಃ ಸಾಯಕವರ್ಷೇಣ ಪರ್ಜನ್ಯ ಇವ ವೃಷ್ಟಿಮಾನ್।
ಅಭ್ಯವರ್ಷದಮೇಯಾತ್ಮಾ ಕ್ಷತ್ರಿಯಾನ್ಕ್ಷತ್ರಿಯರ್ಷಭಃ॥ 9-11-60 (60768)
ಸಾತ್ಯಕಿಂ ಭೀಮಸೇನಂ ಚ ಮಾದ್ರೀಪುತ್ರೌ ಚ ಪಾಂಡವೌ।
ಏಕೈಕಂ ಪ಼ಂಚಭಿರ್ವಿದ್ಧ್ವಾ ಯುಧಿಷ್ಠಿರಮಪೀಡಯತ್॥ 9-11-61 (60769)
ತತೋ ಬಾಣಮಯಂ ಜಾಲಂ ವಿತತಂ ಪಾಂಡವೋರಸಿ।
ಅಪಶ್ಯಾಮ ಮಹಾರಾಜ ಮೇಘಜಾಲಮಿವೋದ್ಗತಂ॥ 9-11-62 (60770)
ತಸ್ಯ ಶಲ್ಯೋ ರಣೇ ಕ್ರುದ್ಧಃ ಶರೈಃ ಸನ್ನತಪರ್ವಭಿಃ।
ದಿಶಃ ಸಂಛಾದಯಾಮಾಸ ಪ್ರದಿಶಶ್ಚ ಮಹಾರಥಃ॥ 9-11-63 (60771)
ತತೋ ಯುಧಿಷ್ಠಿರೋ ರಾಜಾ ಬಾಣಜಾಲೇನ ಪೀಡಿತಃ।
ಬಭೂವ ಹೃತವಿಕ್ರಾಂತೋ ಜಂಭೋ ವೃತ್ರಹಣಾ ಯಥಾ॥ ॥ 9-11-64 (60772)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಏಕಾದಶೋಽಧ್ಯಾಯಃ॥ 11 ॥
Mahabharata - Shalya Parva - Chapter Footnotes
9-11-3 ಹರ್ಯಕ್ಷಂ ರುದ್ರಂ॥ 9-11-10 ಶುಭ್ರೈದೀಂಪ್ತಿಮದ್ಧಿಃ॥ 9-11-11 ಏಕಾದಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 012
॥ ಶ್ರೀಃ ॥
9.12. ಅಧ್ಯಾಯಃ 012
Mahabharata - Shalya Parva - Chapter Topics
ಶಲ್ಯಪರಾಕ್ರಮವರ್ಣನಂ॥ 1 ॥Mahabharata - Shalya Parva - Chapter Text
9-12-0 (60773)
ಸಂಜಯ ಉವಾಚ। 9-12-0x (5105)
ಪೀಡಿತೇ ಧರ್ಮರಾಜೇ ತು ಮದ್ರರಾಜೇನ ಮಾರಿಷ।
ಸಾತ್ಯಕಿರ್ಭೀಮಸೇನಶ್ಚ ಮಾದ್ರೀಪುತ್ರೌ ಚ ಪಾಂಡವೌ।
ಪರಿವಾರ್ಯ ರಥೈಃ ಶಲ್ಯಂ ಪೀಡಯಾಮಾಸುರಾಹವೇ॥ 9-12-1 (60774)
ತಮೇಕಂ ಬಹುಭಿರ್ದೃಷ್ಟ್ವಾ ಪೀಡ್ಯಮಾನಂ ಮಹಾರಥೈಃ।
ಸಾಧುವಾದೋ ಮಹಾಂಜಜ್ಞೇ ಸಿದ್ಧಾಶ್ಚಾಸನ್ಪ್ರಹರ್ಷಿತಾಃ॥ 9-12-2 (60775)
ಆಶ್ಚರ್ಯಮಿತ್ಯಭಾಷಂತ ಮುನಯಶ್ಚಾಪಿ ಸಂಗತಾಃ॥ 9-12-3 (60776)
ಭೀಮಸೇನೋ ರಣೇ ಶಲ್ಯಂ ಶಲ್ಯಭೂತಂ ಪರಾಕ್ರಮೇ।
ಏಕೇನ ವಿದ್ಧ್ವಾ ಬಾಣೇನ ಪುನರ್ವಿವ್ಯಾಧ ಸಪ್ತಭಿಃ॥ 9-12-4 (60777)
ಸಾತ್ಯಕಿಶ್ಚ ಶತೇನೈನಂ ಧರ್ಮಪುತ್ರಪರೀಪ್ಸಯಾ।
ಮದ್ರೇಶ್ವರಮವಾಕೀರ್ಯ ಸಿಂಹನಾದಮಥಾನದತ್॥ 9-12-5 (60778)
ನಕುಲಃ ಪಂಚಭಿಶ್ಚೈನಂ ಸಹದೇವಶ್ಚ ಪ಼ಂಚಭಿಃ।
ವಿದ್ಧ್ವಾ ತಂ ತು ಪುನಸ್ತೂರ್ಣಂ ತತೋ ವಿವ್ಯಾಧ ಸಪ್ತಭಿಃ॥ 9-12-6 (60779)
ಸ ತು ಶೂರೋ ರಣೇ ಯತ್ತಃ ಪೀಡಿತಸ್ತೈರ್ಮಹಾರಥೈಃ।
ವಿಕೃಷ್ಯ ಕಾರ್ಮುಕಂ ಘೋರಂ ಭಾರಘ್ನಂ ವೇಗವತ್ತರಂ॥ 9-12-7 (60780)
ಸಾತ್ಯಕಿಂ ಪಂಚವಿಂಶತ್ಯಾ ಶಲ್ಯೋ ವಿವ್ಯಾಧ ಮಾರಿಷ।
ಭೀಮಸೇನಂ ತು ಸಪ್ತತ್ಯಾ ನಕುಲಂ ಸಪ್ತಭಿಸ್ತಥಾ॥ 9-12-8 (60781)
ತತಃ ಸ ವಿಶಿಖಂ ಚಾಪಂ ಸಹದೇವಸ್ಯ ಧನ್ವಿನಃ।
ಛಿತ್ತ್ವಾ ಭಲ್ಲೇನ ಸಮರೇ ವಿವ್ಯಾಧೈನಂ ತ್ರಿಸಪ್ತಭಿಃ॥ 9-12-9 (60782)
ಸಹದೇವಸ್ತು ಸಮರೇ ಮಾತುಲಂ ಭೂರಿವರ್ಚಸಂ।
ಸಜ್ಯಮನ್ಯದ್ಧನುಃ ಕೃತ್ವಾ ಪಂಚಭಿಃ ಸಮತಾಡಯತ್।
ಶರೈರಾಶೀವಿಷಾಕಾರೈರ್ಜ್ವಲಜ್ಜ್ವಲನಸನ್ನಿಭೈಃ॥ 9-12-10 (60783)
ಸಾರಥಿಂ ಚಾಸ್ಯ ಸಮರೇ ಶರೇಣಾನತಪರ್ವಣಾ।
ವಿವ್ಯಾಧ ಭೃಶಸಂಕ್ರುದ್ಧಸ್ತಂ ವೈ ಭೂಯಸ್ತ್ರಿಭಿಃ ಶರೈಃ॥ 9-12-11 (60784)
ಭೀಮಸೇನಸ್ತು ಸಪ್ತತ್ಯಾ ಸಾತ್ಯಕಿರ್ನವಭಿಃ ಶರೈಃ।
ಧರ್ಮರಾಜಸ್ತಥಾ ಷಷ್ಟ್ಯಾ ಗಾತ್ರೇ ಶಲ್ಯಂ ಸಮಾರ್ಪಯತ್॥ 9-12-12 (60785)
ತತಃ ಶಲ್ಯೋ ಮಹಾರಾಜ ನಿರ್ವಿದ್ಧಸ್ತೈರ್ಮಹಾರಥೈಃ।
ಸುಸ್ರಾವ ರುಧಿರಂ ಗಾತ್ರೈರ್ಗೈರಿಕಂ ಪರ್ವತೋ ಯಥಾ॥ 9-12-13 (60786)
ತಾಂಶ್ಚ ಸರ್ವಾನ್ಮಹೇಷ್ವಾಸಾನ್ಪಂಚಭಿಃ ಪಂಚಭಿಃ ಶರೈಃ।
ವಿವ್ಯಾಧ ತರಸಾ ರಾಜಂಸ್ತದದ್ಭುತಮಿವಾಭವತ್॥ 9-12-14 (60787)
ತತೋಽಪರೇಣ ಭಲ್ಲೇನ ಧರ್ಮಪುತ್ರಸ್ಯ ಮಾರಿಷ।
ಧನುಶ್ಚಿಚ್ಛೇದ ಸಮರೇ ಸಜ್ಜಯಂ ಸ ಸುಮಹಾರಥಃ॥ 9-12-15 (60788)
ಅಥಾನ್ಯದ್ಧನುರಾದಾಯ ಧರ್ಮಪುತ್ರೋ ಯುಧಿಷ್ಠಿರಃ।
ಸಾಶ್ವಸೂತಧ್ವಜರಥಂ ಶಲ್ಯಂ ಪ್ರಾಚ್ಛಾದಯಚ್ಛರೈಃ॥ 9-12-16 (60789)
ಸ ಚ್ಛಾದ್ಯಮಾನಃ ಸಮರೇ ಧರ್ಮಪುತ್ರಸ್ಯ ಸಾಯಕೈಃ।
ಯುಧಿಷ್ಠಿರಮಥಾವಿಧ್ಯದ್ದಶಭಿರ್ನಿಶಿತೈಃ ಶರೈಃ॥ 9-12-17 (60790)
ಸಾತ್ಯಕಿಸ್ತು ತತಃ ಕ್ರುದ್ಧೋ ಧರ್ಮಪುತ್ರೇ ಶರಾರ್ದಿತೇ।
ಮದ್ರಾಣಾಮಧಿಪಂ ಶೂರಂ ಶರೈರ್ವಿವ್ಯಾಧ ಪಂಚಭಿಃ॥ 9-12-18 (60791)
ಸ ಸಾತ್ಯಕೇಃ ಪ್ರಚಿಚ್ಛೇದ ಕ್ಷುರಪ್ರೇಣ ಮಹದ್ಧನುಃ।
ಭೀಮಸೇನಮುಖಾಂಸ್ತಾಂಶ್ಚ ತ್ರಿಭಿಸ್ತ್ರಿಭಿರತಾಡಯತ್॥ 9-12-19 (60792)
ತಸ್ಯ ಕ್ರುದ್ಧೋ ಮಹಾರಾಜ ಸಾತ್ಯಕಿಃ ಸತ್ಯವಿಕ್ರಮಃ।
ತೋಮರಂ ಪ್ರೇಷಯಾಮಾಸ ಸ್ವರ್ಣದಂಡಂ ಮಹಾರಣೇ॥ 9-12-20 (60793)
ಭೀಮಸೇನೋಽಥ ನಾರಾಚಂ ಜ್ವಲಂತಮಿವ ಪನ್ನಗಂ।
ನಕುಲಃ ಸಮರೇ ಶಕ್ತಿಂ ಸಹದೇವೋ ಗದಾಂ ಶುಭಾಂ।
ಧರ್ಮರಾಜಃ ಶತಘ್ನೀಂ ಚ ಜಿಘಾಂಸುಃ ಶಲ್ಯಮಾಹವೇ॥ 9-12-21 (60794)
ತಾನಾಪತತ ಏವಾಶು ಪಂಚಾನಾಂ ವೈ ಭುಜಚ್ಯುತಾನ್।
ವಾರಯಾಮಾಸ ಸಮರೇ ಶಸ್ತ್ರಸಂಘೈಃ ಸ ಮದ್ರರಾಟ್॥ 9-12-22 (60795)
ಸಾತ್ಯಕಿಪ್ರಹಿತಂ ಶಲ್ಯೋ ಭಲ್ಲೈಶ್ಚಿಚ್ಛೇದ ತೋಮರಂ।
ಪ್ರಹಿತಂ ಭೀಮಸೇನೇನ ಶರಂ ಕನಕಭೂಷಣಂ॥ 9-12-23 (60796)
ದ್ವಿಧಾ ಚಿಚ್ಛೇದ ಸಮರೇ ಕೃತಹಸ್ತಃ ಪ್ರತಾಪವಾನ್।
ನಕುಲಪ್ರೇಷಿತಾಂ ಶಕ್ತಿಂ ಹೇಮದಂಡಾಂ ಭಯಾವಹಾಂ॥ 9-12-24 (60797)
ಗದಾಂ ಚ ಸಹದೇವೇನ ಶರೌಘೈಃ ಸಮವಾರಯತ್।
ಶರಾಭ್ಯಾಂ ಚ ಶತಘ್ನೀಂ ತಾಂ ರಾಜ್ಞಶ್ಚಿಚ್ಛೇದ ಭಾರತ॥ 9-12-25 (60798)
ಪಶ್ಯತಾಂ ಪಾಂಡುಪುತ್ರಾಣಾಂ ಸಿಂಹನಾದಂ ನನಾದ ಚ।
ನಾಮೃಷ್ಯತ್ತತ್ರ ಶೈನೇಯಃ ಶತ್ರೋರ್ವಿಜಯಮಾಹವೇ॥ 9-12-26 (60799)
ಅಥಾನ್ಯದ್ಧನುರಾದಾಯ ಸಾತ್ಯಕಿಃ ಕ್ರೋಧಮೂರ್ಚ್ಛಿತಃ।
ದ್ವಾಭ್ಯಾಂ ಮದ್ರೇಶ್ವರಂ ವಿದ್ವಾ ಸಾರಥಿಂ ಚ ತ್ರಿಭಿಃ ಶರೈಃ॥ 9-12-27 (60800)
ತತಃ ಶಲ್ಯೋ ರಣೇ ರಾಜನ್ಸರ್ವಾಂಸ್ತಾಂದಶಭಿಃ ಶರೈಃ।
ವಿವ್ಯಾಧ ಭೃಶಸಂಕ್ರುದ್ಧಸ್ತೋತ್ರೈರಿವ ಮಹಾದ್ವಿಪಾನ್॥ 9-12-28 (60801)
ತೇ ವಾರ್ಯಮಾಣಾಃ ಸಮರೇ ಮದ್ರರಾಜ್ಞಾ ಮಹಾರಥಾಃ।
ನ ಶೇಕುಃ ಸಂಮುಖೇ ಸ್ಥಾತುಂ ತಸ್ಯ ಶತ್ರುನಿಷೂದನಾಃ॥ 9-12-29 (60802)
ತತೋ ದುರ್ಯೋಧನೋ ರಾಜಾ ದೃಷ್ಟ್ವಾ ಶಲ್ಯಸ್ಯ ವಿಕ್ರಮಂ।
ನಿಹತಾನ್ಪಾಂಡವಾನ್ಮೇನೇ ಪಾಂಚಾಲಾನಥ ಸೃಂಜಯಾನ್। 9-12-30 (60803)
`ತಥಾವಿಧಂ ಮಹಾರಾಜ ಮದ್ರರಾಜಸ್ಯ ವಿಕ್ರಮಂ।
ಅಸಹ್ಯಂ ಮಾನವೈರ್ಯುದ್ಧೇ ತದ್ಬಭೂವ ನರರ್ಷಭ॥' 9-12-31 (60804)
ತತೋ ರಾಜನ್ಮಹಾಬಾಹುರ್ಭೀಮಸೇನಃ ಪ್ರತಾಪವಾನ್।
ಸಂತ್ಯಜ್ಯ ಮನಸಾ ಪ್ರಾಣಾನ್ಮದ್ರಾಧಿಪಮಯೋಧಯತ್॥ 9-12-32 (60805)
ನಕುಲಃ ಸಹದೇವಶ್ಚ ಸಾತ್ಯಕಿಶ್ಚ ಮಹಾರಥಃ।
ಪರಿವಾರ್ಯ ತದಾ ಶಲ್ಯಂ ಸಮಂತಾದ್ವ್ಯಕಿರಞ್ಶರೈಃ॥ 9-12-33 (60806)
ಸ ಚತುರ್ಭಿರ್ಮಹೇಷ್ವಾಸೈಃ ಪಾಂಡವಾನಾಂ ಮಹಾರಥಃ।
ವೃತಸ್ತಾನ್ಯೋಧಯಾಮಾಸ ಮದ್ರರಾಜಃ ಪ್ರತಾಪವಾನ್॥ 9-12-34 (60807)
ತಸ್ಯ ಧರ್ಮಸುತೋ ರಾಜನ್ಕ್ಷುರಪ್ರೇಣ ಮಹಾಹವೇ।
ಚಕ್ರರಕ್ಷಂ ಜಘಾನಾಶು ಮದ್ರರಾಜಸ್ಯ ಪಾರ್ಥಿವಃ॥ 9-12-35 (60808)
ತಸ್ಮಿಂಸ್ತು ನಿಹತೇ ಶೂರೇ ಚಕ್ರರಕ್ಷೇ ಮಹಾರಥೇ।
ಮದ್ರರಾಜೋಽಪಿ ಬಲವಾನ್ಸೈನಿಕಾನಾವೃಣೋಚ್ಛರೈಃ॥ 9-12-36 (60809)
ಸಮಾವೃತಾಂಸ್ತತಸ್ತಾಂಸ್ತು ರಾಜನ್ವೀಕ್ಷ್ಯ ಸ್ವಸೈನಿಕಾನ್।
ಚಿಂತಯಾಮಾಸ ಸಮರೇ ಧರ್ಮಪುತ್ರೋ ಯುಧಿಷ್ಠಿರಃ॥ 9-12-37 (60810)
ಕಥಂ ನು ನ ಭವೇತ್ಸತ್ಯಂ ತನ್ಮಾಧವವಚೋ ಮಹತ್।
ಅಪಿ ಕ್ರುದ್ಧೋ ರಣೇ ರಾಜನ್ಕ್ಷಪಯೇತ ಬಲಂ ಮಮ॥ 9-12-38 (60811)
`ಅಹಂ ಮದ್ಧಾತರಶ್ಚೈವ ಸಾತ್ಯಕಿಶ್ಚ ಮಹಾರಥಃ।
ಪಾಂಚಾಲಾಃ ಸೃಂಜಯಾಶ್ಚೈವ ನ ಶಕ್ತಾಸ್ಮ ಹಿ ಮದ್ರಪಂ॥ 9-12-39 (60812)
ನಿಹನಿಷ್ಯತಿ ಚೈವಾದ್ಯ ಮಾತುಲೋಽಸ್ಮಾನ್ಮಹಾಬಲಃ।
ಗೋವಿಂದವಚನಂ ಸತ್ಯಂ ಕಥಂ ಭವತಿ ಕಿಂತ್ವಿದಂ॥ 9-12-40 (60813)
ತತಃ ಸರಥನಾಗಾಶ್ವಾ ಪಾಂಡವಾಃ ಪಾಂಡುಪೂರ್ವಜ।
ಮದ್ರರಾಜಂ ಸಮಾಸೇದುಃ ಪೀಡಯಂತಃ ಸಮಂತತಃ॥ 9-12-41 (60814)
ನಾನಾಶಸ್ತ್ರೌಘಬಹುಲಾಂ ಶಸ್ತ್ರವೃಷ್ಟಿಂ ಸಮುದ್ಯತಾಂ।
ವ್ಯಧಮತ್ಸಮರೇ ರಾಜಾ ಮಹಾಭ್ರಾಣೀವ ಮಾರುತಃ॥ 9-12-42 (60815)
ತತಃ ಕನಕಪುಂಖಾಂ ತಾಂ ಶಲ್ಯಕ್ಷಿಪ್ತಾಂ ವಿಯದ್ಗತಾಂ।
ಶರವೃಷ್ಟಿಮಪಶ್ಯಾಮ ಶಲಭಾನಾಮಿವಾಯತಿಂ॥ 9-12-43 (60816)
ತೇ ಶರಾ ಮದ್ರರಾಜೇನ ಪ್ರೇಷಿತಾ ರಣಮೂರ್ಧನಿ।
ಸಂಪತಂತಃ ಸ್ಮ ದೃಶ್ಯಂತೇ ಶಲಭಾನಾಂ ವ್ರಜಾ ಇವ॥ 9-12-44 (60817)
ಮದ್ರರಾಜಧನುರ್ಮುಕ್ತೈಃ ಶರೈಃ ಕನಕಭೂಷಣೈಃ।
ನಿರಂತರಮಿವಾಕಾಶಂ ಸಂಬಭೂವ ಜನಾಧಿಪ॥ 9-12-45 (60818)
ನ ಪಾಂಡವಾನಾಂ ನಾಸ್ಮಾಕಂ ತತ್ರ ಕಿಂಚಿದ್ವ್ಯದೃಶ್ಯತ।
ಬಾಣಾಂಧಕಾರೇ ಮಹತಿ ಕೃತೇ ತತ್ರ ಮಹಾಹವೇ॥ 9-12-46 (60819)
ಮದ್ರರಾಜೇನ ಬಲಿನಾ ಲಾಘವಾಚ್ಛರವೃಷ್ಟಿಭಿಃ।
ಚಾಲ್ಯಮಾನಂ ತು ತಂ ದೃಷ್ಟ್ವಾ ಪಾಂಡವಾನಾಂ ಬಲಾರ್ಣವಂ।
ವಿಸ್ಮಯಂ ಪರಮಂ ಜಗ್ಮುರ್ದೇವಗಂಧರ್ವದಾನವಾಃ॥ 9-12-47 (60820)
ಸ ತು ತಾನ್ಸರ್ವತೋ ಯತ್ತಾಞ್ಶರೈಃ ಸಂಛಾದ್ಯ ಮಾರಿಷ।
ಧರ್ಮರಾಜಮವಚ್ಛಾದ್ಯ ಸಿಂಹವದ್ವ್ಯನದನ್ಮುಹುಃ॥ 9-12-48 (60821)
ತೇ ಚ್ಛನ್ನಾಃ ಸಮರೇ ತೇನ ಪಾಂಡವಾನಾಂ ಮಹಾರಥಾಃ।
ನಾಶಕ್ನುವಂಸ್ತದಾ ಯುದ್ಧೇ ಪ್ರತ್ಯುದ್ಯಾತುಂ ಮಹಾರಥಂ॥ 9-12-49 (60822)
ಧರ್ಮರಾಜಪುರೋಗಾಸ್ತು ಭೀಮಸೇನಮುಖಾ ರಥಾಃ।
ನಿಜಘ್ನುಃ ಸಮರೇ ಶೂರಂಶಲ್ಯಮಾಹವಶೋಭಿನಂ॥ ॥ 9-12-50 (60823)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ದ್ವಾದಶೋಽಧ್ಯಾಯಃ॥ 12 ॥
Mahabharata - Shalya Parva - Chapter Footnotes
9-12-25 ಸಹದೇವೇನ ಪ್ರೇಷಿತಾಮಿತಿ ಪೂರ್ವಸ್ಮಾತ್ಸಂಬಧ್ಯತೇ॥ 9-12-27 ಸಾರಥಿಂ ಚ ವಿವ್ಯಾಧೇತ್ಯುತ್ತರಸ್ಮಾದಪಕೃಷ್ಯತೇ॥ 9-12-38 ಕಥನ್ನು ಸಮರೇ ಶಕ್ಯಂ--ನಹಿ ಕ್ರುದ್ಧೋ ರಣೇ ಇತಿ ಝ.ಪಾಠಃ॥ 9-12-12 ದ್ವಾದಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 013
॥ ಶ್ರೀಃ ॥
9.13. ಅಧ್ಯಾಯಃ 013
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-13-0 (60824)
ಸಂಜಯ ಉವಾಚ। 9-13-0x (5106)
ಅರ್ಜುನೋ ದ್ರೌಣಿನಾ ವಿದ್ಧೋ ಯುದ್ಧೇ ಬಹುಭಿರಾಯಸೈಃ।
ತಸ್ಯ ಚಾನುಚರೈಃ ಶೂರೈಸ್ತ್ರಿಗರ್ತಾನಾಂ ಮಹಾರಥೈಃ॥ 9-13-1 (60825)
ದ್ರೌಣಿಂ ವಿವ್ಯಾಧ ಸಮರೇ ತ್ರಿಭಿರೇವ ಶಿಲೀಮುಖೈಃ।
ತಥೇತರಾನ್ಮಹೇಷ್ವಾಸಾಂದ್ವಾಭ್ಯಾಂ ದ್ವಾಭ್ಯಾಂ ಧನಂಜಯಃ।
ಭೂಯಶ್ಚೈವ ಮಹಾರಾಜ ಶರವರ್ಷೈರವಾಕಿರತ್॥ 9-13-2 (60826)
ಶರಕಂಟಕಿತಾಸ್ತೇ ತು ತಾವಕಾ ಭರತರ್ಷಭ।
ನ ಜಹುಃ ಪಾರ್ಥಮಾಸಾದ್ಯ ತಾಡ್ಯಮಾನಾಃ ಶಿತೈಃ ಶರೈಃ॥ 9-13-3 (60827)
ಅರ್ಜುನಂ ರಥವಂಶೇನ ದ್ರೋಣಪುತ್ರಪುರೋಗಮಾಃ।
ಪರಿವಾರ್ಯ ಮುದಾ ಯುಕ್ತಾ ಯೋಧಯಂತಶ್ಚಕಾಶಿರೇ॥ 9-13-4 (60828)
ತೈಸ್ತು ಕ್ಷಿಪ್ತಾಃ ಶರಾ ರಾಜನ್ಕಾರ್ತಸ್ವರವಿಭೂಷಿತಾಃ।
ಅರ್ಜುನಸ್ಯ ರಥೋಪಸ್ಥಂ ಪೂರಯಾಮಾಸುರಂಜಸಾ॥ 9-13-5 (60829)
ತಥಾ ಕೃಷ್ಣೌ ಮಹೇಷ್ವಾಸೌ ವೃಷಭೌ ಸರ್ವಧನ್ವಿನಾಂ।
ವಿವ್ಯಧುಶ್ಚ ಶರೈರ್ಘೋರೈಃ ಪ್ರಹೃಷ್ಟಾ ಯುದ್ಧದುರ್ಮದಾಃ॥ 9-13-6 (60830)
ಕೂಬರಂ ರಥಚಕ್ರಾಣಿ ಈಷಾ ಯೋಕ್ತ್ರಾಣಿ ವಾ ವಿಭೋ।
ಯುಗಂ ಚೈವಾನುಕರ್ಷಂ ಚ ಶರಭೂತಮಭೂತ್ತದಾ॥ 9-13-7 (60831)
ನೈತಾದೃಶಂ ದೃಷ್ಟಪೂರ್ವಂ ರಾಜನ್ನೇವ ಚ ನಃ ಶ್ರುತಂ।
ಯಾದೃಶಂ ತತ್ರ ಪಾರ್ಥಸ್ಯ ತಾವಕಾಃ ಸಂಪ್ರಚಕ್ರಿರೇ॥ 9-13-8 (60832)
ಸ ರಥಃ ಸರ್ವತೋ ಭಾತಿ ಚಿತ್ರಪುಂಖೈಃ ಶಿತೈಃ ಶರೈಃ।
ಉಲ್ಕಾಶತೈಃ ಸಂಪ್ರದೀಪ್ತಂ ವಿಮಾನಮಿವ ಭೂತಲೇ॥ 9-13-9 (60833)
ತತೋಽರ್ಜುನೋ ಮಹಾರಾಜ ಶರೈಃ ಸನ್ನತಪರ್ವಭಿಃ।
ಅವಾಕಿರತ್ತಾಂ ಪೃತನಾಂ ಮೇಘೋ ಧೃಷ್ಟ್ಯೇವ ಪರ್ವತಂ॥ 9-13-10 (60834)
ತೇ ವಧ್ಯಮಾನಾಃ ಸಮರೇ ಪಾರ್ಥನಾಮಾಂಕಿತೈಃ ಶರೈಃ।
ಪಾರ್ಥಭೂತಮಮನ್ಯಂತ ಪ್ರೇಕ್ಷಮಾಣಾಸ್ತಥಾವಿಧಂ॥ 9-13-11 (60835)
ಕೋಪೋದ್ಧೂತಶರಜ್ವಾಲೋ ಧನುಃಶಬ್ದಾನಿಲೋ ಮಹಾನ್।
ಸೈನ್ಯೇಂಧನಂ ದದಾಹಾಶು ತಾವಕಂ ಪಾರ್ಥಪಾವಕಃ॥ 9-13-12 (60836)
ಚಕ್ರಾಣಾಂ ಪತತಾಂ ಚಾಪಿ ಯುಗಾನಾಂ ಚ ಧರಾತಲೇ।
ತೂಣೀರಾಣಾಂ ಪತಾಕಾನಾಂ ಧ್ವಜಾನಾಂ ಚ ರಥೈಃ ಸಹ॥ 9-13-13 (60837)
ಈಷಾಣಾಮನುಕರ್ಷಾಣಾಂ ತ್ರಿವೇಣೂನಾಂ ಚ ಭಾರತ।
ಅಕ್ಷಾಣಾಮಥ ಯೋಕ್ತ್ರಾಣಾಂ ಪ್ರತೋದಾನಾಂ ಚ ರಾಶಯಃ॥ 9-13-14 (60838)
ಶಿರಸಾಂ ಪತತಾಂ ಚಾಪಿ ಕುಂಡಲೋಷ್ಣೀಷಧಾರಿಣಾಂ।
ಭುಜಾನಾಂ ಚ ಮಹಾಭಾಗ ಸ್ಕಂಧಾನಾಂ ಚ ಸಮಂತತಃ॥ 9-13-15 (60839)
ಛತ್ರಾಣಾಂ ವ್ಯಜನೈಃ ಸಾರ್ಧಂ ಮಕುಟಾನಾಂ ಚ ರಾಶಯಃ।
ಸಮದೃಶ್ಯಂತ ಪಾರ್ಥಸ್ಯ ರಥಮಾರ್ಗೇಷು ಭಾರತ॥ 9-13-16 (60840)
ಅಗಂಯರೂಪಾ ಪೃಥಿವೀ ಮಾಂಸಶೋಣಿತಕರ್ದಮಾ।
ಭೀರೂಣಾಂ ತ್ರಾಸಜನನೀ ಶೂರಾಣಾಂ ಹರ್ಷವರ್ಧಿನೀ।
ಬಭೂವ ಭರತಶ್ರೇಷ್ಠ ರುದ್ರಸ್ಯಾಕ್ರೀಡನಂ ಯಥಾ॥ 9-13-17 (60841)
ಹತ್ವಾ ತು ಸಮರೇ ಪಾರ್ಥಃ ಸಹಸ್ರೇ ದ್ವೇ ಪರಂತಪಃ।
ರಥಾನಾಂ ಸವರೂಥಾನಂ ವಿಧೂಮೋಽಗ್ನಿರಿವ ಜ್ವಲನ್॥ 9-13-18 (60842)
ಯಥಾ ಹಿ ಭಗವಾನಗ್ನಿರ್ಜಗದ್ದಗ್ಧ್ವಾ ಚರಾಚರಂ।
ವಿಧೂಮೋ ದೃಶ್ಯತೇ ರಾಜಂಸ್ತಥಾ ಪಾರ್ಥೋ ಧನ಼ಂಜಯಃ॥ 9-13-19 (60843)
ದ್ರೌಣಿಸ್ತು ಸಮರೇ ದೃಷ್ಟ್ವಾ ಪಾಂಡವಸ್ಯ ಪರಾಕ್ರಮಂ।
ರಥೇನಾತಿಪತಾಕೇನ ಪಾಂಡವಂ ಪ್ರತ್ಯವಾರಯತ್॥ 9-13-20 (60844)
ತಾವುಭೌ ಪುರುಷವ್ಯಾಘ್ರೌ ಶ್ವೇತಾಶ್ವೌ ಧನ್ವಿನಾಂ ವರೌ।
ಸಮೀಯತುಸ್ತದಾಽನ್ಯೋನ್ಯಂ ಪರಸ್ಪರವಧೈಷಿಣೌ॥ 9-13-21 (60845)
ತಯೋರಾಸೀನ್ಮಹಾರಾಜ ಬಾಣವರ್ಷಂ ಸುದಾರುಣಂ।
ಜೀಮೂತಯೋರ್ಯಥಾ ವೃಷ್ಟಿಸ್ತಪಾಂತೇ ಭರತರ್ಷಭ॥ 9-13-22 (60846)
ಅನ್ಯೋನ್ಯಸ್ಪರ್ಧಿನೌ ತೌ ತು ಶರೈಃ ಸನ್ನತಪರ್ವಭಿಃ।
ತತಕ್ಷತುಸ್ತದಾಽನ್ಯೋನ್ಯಂ ಶೃಂಗಾಭ್ಯಾಂ ವೃಷಭಾವಿವ॥ 9-13-23 (60847)
ತಯೋರ್ಯುದ್ಧಂ ಮಹಾರಾಜ ಚಿರಂ ಸಮಮಿವಾಭವತ್।
ಶಸ್ತ್ರಾಣಾಂ ಸಂಗಮಶ್ಚೈವ ಘೋರಸ್ತತ್ರಾಭವತ್ಪುನಃ॥ 9-13-24 (60848)
ತತೋಽರ್ಜುನಂ ದ್ವಾದಶಭೀ ರುಕ್ಮಪುಂಖೈಃ ಸುತೇಜನೈಃ।
ವಾಸುದೇವಂ ಚ ದಶಭಿರ್ದ್ರೌಣಿರ್ವಿವ್ಯಾಧ ಭಾರತ॥ 9-13-25 (60849)
ತತಃ ಪ್ರಹಸ್ಯ ಬೀಭತ್ಸುರ್ವ್ಯಾಕ್ಷಿಪದ್ಗಾಂಡಿವಂ ಧನುಃ।
ಮಾನಯಿತ್ವಾ ಮುಹೂರ್ತಂ ತು ಗುರುಪುತ್ರಂ ಮಹಾಹವೇ॥ 9-13-26 (60850)
ವ್ಯಶ್ವಸೂತರಥಂ ಚಕ್ರೇ ಸವ್ಯಸಾಚೀ ಪರಂತಪಃ।
ಮೃದುಪೂರ್ವಂ ತತಶ್ಚೈನಂ ಪುನಃಪುನರತಾಡಯತ್॥ 9-13-27 (60851)
ಹತಾಶ್ವೇ ತು ರಥೇ ತಿಷ್ಠಂದ್ರೋಣಪುತ್ರಸ್ತ್ವಯಸ್ಮಯಂ।
ಮುಸಲಂ ಪಾಂಡುಪುತ್ರಾಯ ಚಿಕ್ಷೇಪ ಪರಿಘೋಪಮಂ॥ 9-13-28 (60852)
ತಮಾಪತಂತಂ ಸಹಸಾ ಹೇಮಪಟ್ಟವಿಭೂಷಿತಂ।
ಚಿಚ್ಛೇದ ಸಪ್ತಧಾ ವೀರಃ ಪಾರ್ಥಃ ಶತ್ರುನಿಬರ್ಹಣಃ॥ 9-13-29 (60853)
ಸ ಚ್ಛಿನ್ನಂ ಮುಸಲಂ ದೃಷ್ಟ್ವಾ ದ್ರೌಣಿಃ ಪರಮಕೋಪನಃ।
ಆದದೇ ಪರಿಘಂ ಘೋರಂ ನಗೇಂದ್ರಶಿಖರೋಪಮಂ।
ಚಿಕ್ಷೇಪ ಚೈವ ಪಾರ್ಥಾಯ ದ್ರೌಣಿರ್ಯುದ್ಧವಿಶಾರದಃ॥ 9-13-30 (60854)
ತಮಂತಕಮಿವ ಕ್ರುದ್ದಂ ಪರಿಘಂ ಪ್ರೇಕ್ಷ್ಯ ಪಾಂಡವಃ।
ಅರ್ಜುನಸ್ತ್ವರಿತೋ ಜಘ್ನೇ ಪಂಚಭಿಃ ಸಾಯಕೋತ್ತಮೈಃ॥ 9-13-31 (60855)
ಸ ಚ್ಛಿನ್ನಃ ಪತಿತೋ ಭೂಮೌ ಪಾರ್ಥಬಾಣೈರ್ಮಹಾಹವೇ।
ದಾರಯನ್ಪೃಥಿವೀಂದ್ರಾಣಾಂ ಮನಃ ಸಬ್ದೇನ ಭಾರತ॥ 9-13-32 (60856)
ತತೋಽಪರೈಸ್ತ್ರಿಭಿರ್ಭಲ್ಲೈರ್ದ್ರೌಣಿಂ ವಿವ್ಯಾಧ ಪಾಣ಼್ಡವಃ॥ 9-13-33 (60857)
ಸೋಽತಿವಿದ್ಧೋ ಬಲವತಾ ಪಾರ್ಥೇನ ಸುಮಹಾತ್ಮನಾ।
ನಾಕಂಪತ ತದಾ ದ್ರೌಣಿಃ ಪೌರುಷೇಷು ವ್ಯವಸ್ಥಿತಃ॥ 9-13-34 (60858)
ಸುರಥಂ ಚ ತತೋ ರಾಜನ್ಭಾರದ್ವಾಜೋ ಮಹಾರಥಂ।
ಅವಾಕಿರಚ್ಛರವ್ರಾತೈಃ ಸರ್ವಕ್ಷತ್ರಸ್ಯ ಪಶ್ಯತಃ॥ 9-13-35 (60859)
ತತಸ್ತು ಸುರಥೋಽಪ್ಯಾಜೌ ಪಾಂಚಾಲಾನಾಂ ಮಹಾರಥಃ।
ರಥೇನ ಮೇಘಘೋಷೇಣ ದ್ರೌಣಿಮೇವಾಭ್ಯಧಾವತ॥ 9-13-36 (60860)
ವಿಕರ್ಷನ್ವೈ ಧನುಃಶ್ರೇಷ್ಠಂ ಸರ್ವಭಾರಸಹಂ ದೃಢಂ।
ಜ್ವಲನಾಶೀವಿಷನಿಭೈಃ ಶರೈಶ್ಚೈನಮವಾಕಿರತ್॥ 9-13-37 (60861)
ಸುರಥಂ ತಂ ತತಃ ಕ್ರುದ್ಧಮಾಪತಂತಂ ಮಹಾರಥಂ।
ಚುಕೋಪ ಸಮರೇ ದ್ರೌಣಿರ್ದಂಡಾಹತ ಇವೋರಗಃ॥ 9-13-38 (60862)
ತ್ರಿಶಿಖಾಂ ಭ್ರುಕುಟೀಂ ಕೃತ್ವಾ ಸೃಕ್ವಿಣೀ ಪರಿಸಂಲಿಹನ್।
ಉದ್ವೀಕ್ಷ್ಯ ಸುರಥಂ ರೋಷಾದ್ಧನುರ್ಜ್ಯಾಮವಮೃಜ್ಯ ಚ।
ಮುಮೋಚ ತೀಕ್ಷ್ಣಂ ನಾರಾಚಂ ಯಮದಂಡೋಪಮದ್ಯುತಿಂ॥ 9-13-39 (60863)
ಸ ತಸ್ಯ ಹೃದಯಂ ಭಿತ್ತ್ವಾ ಪ್ರವಿವೇಶಾತಿವೇಗಿತಃ।
ಶಕ್ತಾಶನಿರಿವೋತ್ಸೃಷ್ಟೋ ವಿದಾರ್ಯ ಧರಣೀತಲಂ॥ 9-13-40 (60864)
ತತಃ ಸ ಪತಿತೋ ಭೂಮೌ ನಾರಾಚೇನ ಸಮಾಹತಃ।
ವಜ್ರೇಣ ಚ ಯಥಾ ಶೃಂಗಂ ಪರ್ವತಸ್ಯೇವ ದೀರ್ಯತಃ॥ 9-13-41 (60865)
ತಸ್ಮಿನ್ವಿನಿಹತೇ ವೀರೇ ದ್ರೋಣಪುತ್ರಃ ಪ್ರತಾಪವಾನ್।
ಆರುರೋಹ ರಥಂ ತೂರ್ಣಂ ತಮೇವ ರಥಿನಾಂ ವರಃ॥ 9-13-42 (60866)
ತತಃ ಸಜ್ಜೋ ಮಹಾರಾಜ ದ್ರೌಣಿರಾಹವದುರ್ಮದಃ।
ಅರ್ಜುನಂ ಯೋಧಯಾಮಾಸ ಸಂಶಪ್ತಕವೃತೋ ರಣೇ॥ 9-13-43 (60867)
ತತ್ರ ಯುದ್ಧಂ ಮಹಚ್ಚಾಸೀದರ್ಜುನಸ್ಯ ಪರೈಃ ಸಹ।
ಮಧ್ಯಂದಿನಗತೇ ಸೂರ್ಯೇ ಯಮರಾಷ್ಟ್ರವಿವರ್ಧನಂ॥ 9-13-44 (60868)
ತತ್ರಾಶ್ಚರ್ಯಮಪಶ್ಯಾಮ ದೃಷ್ಟ್ವಾ ತೇಷಾಂ ಪರಾಕ್ರಮಂ।
ಯದೇಕೋ ಯುಗಪದ್ವೀರಾನ್ಸಮಯೋಧಯದರ್ಜುನಃ॥ 9-13-45 (60869)
ವಿಮರ್ದಃ ಸುಮಹಾನಾಸೀದರ್ಜುನಸ್ಯ ಪರೈಃ ಸಹ।
ಶತಕ್ರತೋರ್ಯಥಾಪೂರ್ವಂ ಮಹತ್ಯಾ ದೈತ್ಯಸೇನಯಾ॥ ॥ 9-13-46 (60870)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ತ್ರಯೋದಶೋಽಧ್ಯಾಯಃ॥ 13 ॥
ಶಲ್ಯಪರ್ವ - ಅಧ್ಯಾಯ 014
॥ ಶ್ರೀಃ ॥
9.14. ಅಧ್ಯಾಯಃ 014
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-14-0 (60871)
ಸಂಜಯ ಉವಾಚ। 9-14-0x (5107)
ದುರ್ಯೋಧನೋ ಮಹಾರಾಜ ಧೃಷ್ಟದ್ಯುಂನಶ್ಚ ಪಾರ್ಷತಃ।
ಚಕ್ರತುಃ ಸುಮಹದ್ಯುದ್ಧಂ ಶರಶಕ್ತಿಸಮಾಕುಲಂ॥ 9-14-1 (60872)
ತತೋ ರಾಜನ್ಸಮಾಪೇತುಃ ಶರಧಾರಾಃ ಸಹಸ್ರಶಃ।
ಅಂಬುದಾನಾಂ ಯಥಾ ಕಾಲೇ ಜಲಧಾರಾಃ ಸಮಂತತಃ॥ 9-14-2 (60873)
ರಾಜಾ ಚ ಪಾರ್ಷತಂ ವಿದ್ಧ್ವಾ ಶರೈಃ ಪಂಚಭಿರಾಶುಗೈಃ।
ದ್ರೋಣಹಂತಾರಮುಗ್ರೇಷುಂ ಪುನರ್ವಿವ್ಯಾಧ ಸಪ್ತಭಿಃ॥ 9-14-3 (60874)
ಧೃಷ್ಟದ್ಯುಂನಸ್ತು ಸಮರೇ ಬಲವಾಂದೃಢವಿಕ್ರಮಃ।
ಸಪ್ತತ್ಯಾ ವಿಶಿಖಾನಾಂ ವೈ ದುರ್ಯೋಧನಮಪೀಡಯತ್॥ 9-14-4 (60875)
ಪೀಡಿತಂ ವೀಕ್ಷ್ಯ ರಾಜಾನಂ ಸೋದರ್ಯಾ ಭರತರ್ಷಭ।
ಮಹತ್ಯಾ ಸೇನಯಾ ಸಾರ್ಧಂ ಪರಿವವ್ರುಃ ಸ್ಮ ಪಾರ್ಷತಂ॥ 9-14-5 (60876)
ಸ ತೈಃ ಪರಿವೃತಃ ಶೂರಃ ಸರ್ವತೋಽತಿರಥೈ ರ್ಭೃಶಂ।
ವ್ಯಚರತ್ಸಮರೇ ರಾಜಂದರ್ಶಯನ್ನಸ್ತ್ರಲಾಘವಂ॥ 9-14-6 (60877)
ಶಿಖಂಡೀ ಕೃತವರ್ಮಾಣಂ ಗೌತಮಂ ಚ ಮಹಾರಥಂ॥
ಪ್ರಭದ್ರಕೈಃ ಸಮಾಯುಕ್ತೋ ಯೋಧಯಾಮಾಸ ಧನ್ವಿನೌ॥ 9-14-7 (60878)
ತತ್ರಾಪಿ ಸುಮಹದ್ಯುದ್ಧಂ ಘೋರರೂಪಂ ವಿಶಾಂಪತೇ।
ಪ್ರಾಣಾನ್ಸಂತಜತಾಂ ಯುದ್ಧೇ ಪ್ರಾಣದ್ಯೂತಾಭಿದೇವನೇ॥ 9-14-8 (60879)
ಶಲ್ಯಃ ಸಾಯಕವರ್ಷಾಣಿ ವಿಮುಂಜನ್ಸರ್ವತೋದಿಶಂ।
ಪಾಂಡವಾನ್ಪೀಡಯಾಮಾಸ ಸಸಾತ್ಯಕಿವೃಕೋದರಾನ್॥ 9-14-9 (60880)
ತಥಾ ತೌ ತು ಯಮೌ ಯಮತುಲ್ಯಪರಾಕ್ರಮೌ।
ಯೋಧಯಾಮಾಸ ರಾಜೇಂದ್ರ ವೀರ್ಯೇಣಾಸ್ತ್ರಬಲೇನ ಚ॥ 9-14-10 (60881)
ಶಲ್ಯಸಾಯಕನುನ್ನಾನಾಂ ಪಾಂಡವಾನಾಂ ಮಹಾಮೃಧೇ।
ತ್ರಾತಾರಂ ನಾಧ್ಯಗಚ್ಛಂತ ಕೇಚಿತ್ತತ್ರ ಮಹಾರಥಾಃ॥ 9-14-11 (60882)
ತತಸ್ತು ನಕುಲಃ ಶೂರೋ ಧರ್ಮರಾಜೇ ಪ್ರಪೀಡಿತೇ।
ಅಭಿದುದ್ರಾವ ವೇಗೇನ ಮಾತುಲಂ ಮಾದ್ರಿನಂದನಃ॥ 9-14-12 (60883)
ಸಂಛಾದ್ಯ ಸಮರೇ ವೀರಂ ನಕುಲಃ ಪರವೀರಹಾ।
ವಿವ್ಯಾಧ ಚೈನಂ ದಶಭಿಃ ಸ್ಮಯಮಾನಃ ಸ್ತನಾಂತರೇ॥ 9-14-13 (60884)
ಸರ್ವಪಾರಸವೈರ್ಬಾಣೈಃ ಕರ್ಮಾರಪರಿಮಾರ್ಜಿತೈಃ।
ಸ್ವರ್ಣಪುಂಖೈಃ ಶಿಲಾಧೌತೈರ್ಧನುರ್ಯಂತ್ರಪ್ರಚೋದಿತೈಃ॥ 9-14-14 (60885)
ಶಲ್ಯಸ್ತು ಪೀಡಿತಸ್ತೇನ ಸ್ವಸ್ರೀಯೇಣ ಹಿ ಮಾತುಲಃ।
ನಕುಲಂ ಪೀಡಯಾಮಾಸ ಪತ್ರಿಭಿರ್ನತಪರ್ವಭಿಃ॥ 9-14-15 (60886)
ತತೋ ಯುಧಿಷ್ಠಿರೋ ರಾಜಾ ಭೀಮಸೇನೋಽಥ ಸಾತ್ಯಕಿಃ।
ಸಹದೇವಶ್ಚ ಮಾದ್ರೇಣೋ ಮದ್ರರಾಜಮುಪಾದ್ರವನ್॥ 9-14-16 (60887)
ತಾನಾಪತತ ಏವಾಶು ಪೂರಯಾಣಾನ್ರಥಸ್ವನೈಃ।
ದಿಶಶ್ಚ ವಿದಿಶಶ್ಚೈವ ಕಂಪಯಾನಾಂಶ್ಚ ಮೇದಿನೀಂ।
ಪ್ರತಿಜಗ್ರಾಹ ಸಮರೇ ಸೇನಾಪತಿರಮಿತ್ರಜಿತ್॥ 9-14-17 (60888)
ಯುಧಿಷ್ಠಿರಂ ತ್ರಿಭಿರ್ವಿದ್ಧ್ವಾ ಭೀಮಸೇನಂ ಚ ಪಂಚಭಿಃ।
ಸಾತ್ಯಕಿಂ ಚ ಶತೇನಾಜೌ ಸಹದೇವಂ ತ್ರಿಭಿಃ ಶರೈಃ॥ 9-14-18 (60889)
ತತಸ್ತು ಸಶರಂ ಚಾಪಂ ನಕುಲಸ್ಯ ಮಹಾತ್ಮನಃ।
ಮದ್ರೇಶ್ವರಃ ಕ್ಷುರಪ್ರೇಣ ಮಧ್ಯೇ ಚಿಚ್ಛೇದ ಮಾರಿಷ॥ 9-14-19 (60890)
ತದಪಾಸ್ಯ ಧನುಶ್ಛಿನ್ನಂ ತತಃ ಶಲ್ಯಸ್ಯ ಸಾಯಕೈಃ।
ಅಥಾನ್ಯದ್ಧನುರಾದಾಯ ಮಾದ್ರೀಪುತ್ರೋ ಮಹಾರಥಃ।
ಮದ್ರರಾಜರಥಂ ತೂರ್ಣಂ ಪೂರಯಾಮಾಸ ಪತ್ರಿಭಿಃ॥ 9-14-20 (60891)
ಯುಧಿಷ್ಠಿರಸ್ತು ಮದ್ರೇಶಂ ಸಹದೇವಶ್ಚ ಮಾರಿಷ।
ದಶಭಿರ್ದಶಭಿರ್ಬಾಣೈರುರಸ್ಯೇನಮವಿಧ್ಯತಾಂ॥ 9-14-21 (60892)
ಭೀಮಸೇನಸ್ತು ತಂ ಷಷ್ಟ್ಯಾ ಸಾತ್ಯಕಿರ್ದಶಭಿಃ ಶರೈಃ।
ಮದ್ರರಾಜಮಭಿದ್ರುತ್ಯ ಜಘ್ನತುಃ xxಂಕಪತ್ರಿಭಿಃ॥ 9-14-22 (60893)
ಮದ್ರರಾಜಸ್ತತಃ ಕ್ರುದ್ಧಃ ಸಾತ್ಯಕಿಂ ನವಭಿಃ ಶರೈಃ।
ವಿವ್ಯಾಧ ಭೂಯಃ ಸಪ್ತತ್ಯಾ ಶರಾಣಾಂ ನತಪರ್ವಣಾಂ॥ 9-14-23 (60894)
ಅಥಾಸ್ಯ ಸಶರಂ ಚಾಪಂ ಮುಷ್ಟೌ ಚಿಚ್ಛೇದ ಮಾರಿಷ।
ಹಯಾಂಶ್ಚ ಚತುರಃ ಸಂಖ್ಯೇ ಪ್ರೇಷಯಾಮಾಸ ಮೃತ್ಯವೇ॥ 9-14-24 (60895)
ವಿರಥಂ ಸಾತ್ಯಕಿಂ ಕೃತ್ವಾ ಮದ್ರರಾಜೋ ಮಹಾರಥಃ।
ವಿಶಿಖಾನಾಂ ಶತೇನೈನಮಾಜಘಾನ ಸಮಂತತಃ॥ 9-14-25 (60896)
ಮಾದ್ರೀಪುತ್ರಂ ಚ ಸಂರಬ್ಧೋ ಭೀಮಸೇನಂ ಚ ಪಾಂಡವಂ।
ಯುಧಿಷ್ಠಿರಂ ಚ ಕೌರವ್ಯ ವಿವ್ಯಾಧ ದಶಭಿಃ ಶರೈಃ॥ 9-14-26 (60897)
ತತ್ರಾದ್ಭುತಮಪಶ್ಯಾಮ ಮದ್ರರಾಜಸ್ಯ ಪೌರುಷಂ।
ಯದೇನಂ ಸಹಿತಾಃ ಪಾರ್ಥಾ ನಾಭ್ಯವರ್ತಂತ ಸಂಯುಗೇ॥ 9-14-27 (60898)
ಅಥಾನ್ಯಂ ರಥಮಾಸ್ಥಾಯ ಸಾತ್ಯಕಿಃ ಸತ್ಯವಿಕ್ರಮಃ।
ಪೀಡಿತಾನ್ಪಾಂಡವಾಂದೃಷ್ಟ್ವಾ ಮದ್ರರಾಜವಶಂ ಗತಾನ್।
ಅಭಿದುದ್ರಾವ ವೇಗೇನ ಮದ್ರಾಣಾಮಧಿಪಂ ಬಲಾತ್॥ 9-14-28 (60899)
ಆಪತಂತಂ ರಥಂ ತಸ್ಯ ಶಲ್ಯಃ ಸಮಿತಿಶೋಭನಃ।
ಪ್ರತ್ಯುದ್ಯಯೌ ರಥೇನೈವ ಮತ್ತೋ ಮತ್ತಮಿವ ದ್ವಿಪಂ॥ 9-14-29 (60900)
ಸ ಸನ್ನಿಪಾತಸ್ತುಮುಲೋ ಬಭೂವಾದ್ಭುತದರ್ಶನಃ।
ಸಾತ್ಯಕೇಶ್ಚೈವ ಶೂರಸ್ಯ ಮದ್ರಾಣಾಮಧಿಪಸ್ಯ ಚ।
ಯಾದೃಶೋ ವೈ ಪುರಾ ವೃತ್ತಃ ಶಂಬರಾಮರರಾಜಯೋಃ॥ 9-14-30 (60901)
ಸಾತ್ಯಕಿಃ ಪ್ರೇಕ್ಷ್ಯ ಸಮರೇ ಮದ್ರರಾಜಮವಸ್ಥಿತಂ।
ವಿವ್ಯಾಧ ದಶಭಿರ್ಬಾಣೈಸ್ತಿಷ್ಠತಿಷ್ಠೇತಿ ಚಾಬ್ರವೀತ್॥ 9-14-31 (60902)
ಮದ್ರರಾಜಸ್ತು ಸುಭೃಶಂ ವಿದ್ಧಸ್ತೇನ ಮಹಾತ್ಮನಾ।
ಸಾತ್ಯಕಿಂ ಪ್ರತಿವಿವ್ಯಾಧ ಚಿತ್ರಪುಂಖೈಃ ಶಿತೈಃ ಶರೈಃ॥ 9-14-32 (60903)
ತತಃ ಪಾರ್ಥಾ ಮಹೇಷ್ವಾಸಾಃ ಸಾತ್ವತಾಽಭಿಸೃತಂ ನೃಪಂ।
ಅಭ್ಯವರ್ತನ್ರಥೈಸ್ತೂರ್ಣಂ ಮಾತುಲಂ ವಧಕಾಂಕ್ಷಯಾ॥ 9-14-33 (60904)
ತತ ಆಸೀತ್ಪರಾಮರ್ದಸ್ತುಮುಲಃ ಶೋಣಿತೋದಕಃ।
ಶೂರಾಣಾಂ ಯುಧ್ಯಮಾನಾನಾಂ ಸಿಂಹಾನಾಮಿವ ನರ್ದತಾಂ॥ 9-14-34 (60905)
ತೇಷಾಮಾಸೀನ್ಮಹಾರಾಜ ವ್ಯಧಿಕ್ಷೇಪಃ ಪರಸ್ಪರಂ।
ಸಿಂಹಾನಾಮಾಮಿಷೇಪ್ಸೂನಾಂ ಕೂಜತಾಮಿವ ಸಂಯುಗೇ॥ 9-14-35 (60906)
ತೇಷಾಂ ಬಾಣಸಹಸ್ರೌಘೈರಾಕೀರ್ಣಾ ವಸುಧಾಽಭವತ್।
ಅಂತರಿಕ್ಷಂ ಚ ಸಹಸಾ ಬಾಣಭೂತಮಭೂತ್ತದಾ॥ 9-14-36 (60907)
ಶರಾಂಧಕಾರಂ ಸಹಸಾ ಕೃತಂ ತೇನ ಸಮಂತತಃ।
ಅಭ್ರಚ್ಛಾಯೇವ ಸಂಜಜ್ಞೇ ಶರೈರ್ಮುಕ್ತೈರ್ಮಹಾತ್ಮಭಿಃ॥ 9-14-37 (60908)
ತತ್ರ ರಾಜಞ್ಶರೈರ್ಮುಕ್ತೈರ್ನಿರ್ಮುಕ್ತೈರಿವ ಪನ್ನೈಗಃ।
ಸ್ವರ್ಣಪುಂಖೈಃ ಪ್ರಕಾಶದ್ಭಿರ್ವ್ಯರೋಚಂತ ದಿಶಸ್ತದಾ॥ 9-14-38 (60909)
ತತ್ರಾದ್ಭುತಂ ಪರಂ ಚಕ್ರೇ ಶಲ್ಯಃ ಶತ್ರುನಿಬರ್ಹಣಃ।
ಯದೇಕಃ ಸಮರೇ ಶೂರೋ ಯೋಧಯಾಮಾಸ ವೈ ಬಹೂನ್॥ 9-14-39 (60910)
ಮದ್ರರಾಜಭುಜೋತ್ಸೃಷ್ಟೈಃ ಕಂಕಬರ್ಹಿಣವಾಜಿತೈಃ।
ಸಂಪತದ್ಭಿಃ ಶರೈರ್ಘೋರೈರವಾಕೀರ್ಯತ ಮೇದಿನೀ॥ 9-14-40 (60911)
ತತ್ರ ಶಲ್ಯರಥಂ ರಾಜನ್ವಿಚರಂತಂ ಮಹಾಹವೇ।
ಅಪಶ್ಯಾಮ ಯಥಾಪೂರ್ವಂ ಶಕ್ರಸ್ಯಾಸುರಸಂಕ್ಷಯೇ॥ ॥ 9-14-41 (60912)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಚತುರ್ದಶೋಽಧ್ಯಾಯಃ॥ 14 ॥
ಶಲ್ಯಪರ್ವ - ಅಧ್ಯಾಯ 015
॥ ಶ್ರೀಃ ॥
9.15. ಅಧ್ಯಾಯಃ 015
Mahabharata - Shalya Parva - Chapter Topics
ಶಲ್ಯಯುಧಿಷ್ಠಿರಯೋರ್ಯುದ್ಧಂ॥ 1 ॥Mahabharata - Shalya Parva - Chapter Text
9-15-0 (60913)
ಸಂಜಯ ಉವಾಚ। 9-15-0x (5108)
ತತಃ ಸೇನಾ ತವ ವಿಭೋ ಮದ್ರರಾಜಪುರಸ್ಕೃತಾ।
ಪುನರಭ್ಯದ್ರವತ್ಪಾರ್ಥಾನ್ವೇಗೇನ ಮಹತಾ ರಣೇ॥ 9-15-1 (60914)
ಪೀಡಿತಾಸ್ತಾವಕಾಃ ಸರ್ವೇ ಪ್ರಧಾವಂತೋ ರಣೋತ್ಕಟಾಃ।
ಕ್ಷಣೇನ ಚೈವ ಪಾರ್ಥಾಂಸ್ತೇ ಬಹುತ್ವಾತ್ಸಮಲೋಡಯನ್॥ 9-15-2 (60915)
ತೇ ವಧ್ಯಮಾನಾಃ ಸಮರೇ ಪಾಂಡವಾ ನಾವತಸ್ಥಿರೇ।
ಕ್ಷಣೇನೈವ ಮಹಾರಾಜ ಪಶ್ಯತೋಃ ಕೃಷ್ಣಪಾರ್ಥಯೋಃ॥ 9-15-3 (60916)
ತತೋ ಧನಂಜಯಃ ಕ್ರುದ್ಧಃ ಕೃಪಂ ಸಹ ಪದಾನುಗೈಃ।
ಅವಾಕಿರಚ್ಛರೌಘೇಣ ಕೃತವರ್ಮಾಣಮೇವ ಚ॥ 9-15-4 (60917)
ಶಕುನಿಂ ಸಹದೇವಸ್ತು ಸಹಸೈನ್ಯಮವಾಕಿರತ್।
ನಕುಲಃ ಪಾರ್ಶ್ವತಃ ಸ್ಥಿತ್ವಾ ಮದ್ರರಾಜಮಯೋಧಯತ್॥ 9-15-5 (60918)
ದ್ರೌಪದೇಯಾ ನರೇಂದ್ರಾಶ್ಚ ಭೂಯಿಷ್ಠಾನ್ಸಮವಾರಯನ್।
ದ್ರೋಣಪುತ್ರಂ ಚ ಪಾಂಚಾಲ್ಯಃ ಶಿಖಂಡೀ ಸಮವಾರಯತ್॥ 9-15-6 (60919)
ಭೀಮಸೇನಸ್ತು ರಾಜಾನಂ ಗದಾಪಾಣಿರವಾರಯತ್।
ಶಲ್ಯಂ ತು ಸಹ ಸೈನ್ಯೇನ ಕುಂತೀಪುತ್ರೋ ಯುಧಿಷ್ಠಿರಃ॥ 9-15-7 (60920)
ತತಃ ಸಮಭವದ್ಯುದ್ಧಂ ಸಂಸಕ್ತಂ ತತ್ರತತ್ರ ಹ।
ತಾವಕಾನಾಂ ಪರೇಷಾಂ ಚ ಸಂಗ್ರಾಮೇಷ್ವನಿವರ್ತಿನಾಂ॥ 9-15-8 (60921)
ತತ್ರ ಪಶ್ಯಾಮಹೇ ಕರ್ಮ ಶಲ್ಯಸ್ಯಾತಿಮಹದ್ರಣೇ।
ಯದೇಕಃ ಸರ್ವಸೈನ್ಯಾನಿ ಪಾಂಡವಾನಾಮಯೋಧಯತ್॥ 9-15-9 (60922)
ವ್ಯದೃಶ್ಯತ ತದಾ ಶಲ್ಯೋ ಯುಧಿಷ್ಠಿರಸಮೀಪತಃ।
ಕ್ರೂರಶ್ಚಂದ್ರಮಸೋಽಭ್ಯಾಶೇ ಶನೈಶ್ಚರ ಇವ ಗ್ರಹಃ॥ 9-15-10 (60923)
ಪೀಡಯಿತ್ವಾ ತು ರಾಜಾನಂ ಶರೈರಾಶೀವಿಷೋಪಮೈಃ।
ಅಭ್ಯಧಾವತ್ಪುನರ್ಭೀಮಂ ಶರವರ್ಷೈರವಾಕಿರತ್॥ 9-15-11 (60924)
ತಸ್ಯ ತಲ್ಲಾಘವಂ ದೃಷ್ಟ್ವಾ ತಥೈವ ಚ ಕೃತಾಸ್ತ್ರತಾಂ।
ಅಪೂಜಯನ್ನನೀಕಾನಿ ಪರೇಷಾಂ ತಾವಕಾನಿ ಚ॥ 9-15-12 (60925)
ಪೀಡ್ಯಮಾನಾಸ್ತು ಶಲ್ಯೇನ ಪಾಂಡವಾ ಭೃಶಾವಿಕ್ಷತಾಃ।
ಪ್ರಾದ್ರವಂತ ರಣಂ ಹಿತ್ವಾ ಕ್ರೋಶಮಾನೇ ಯುಧಿಷ್ಠಿರೇ॥ 9-15-13 (60926)
ವಧ್ಯಮಾನೇಷ್ವನೀಕೇಷು ಮದ್ರರಾಜೇನ ಪಾಂಡವಃ।
ಅಮರ್ಷವಶಮಾಪನ್ನೋ ಧರ್ಮರಾಜೋ ಯುಧಿಷ್ಠಿರಃ॥ 9-15-14 (60927)
ತತಃ ಪೌರುಷಮಾಸ್ಥಾಯ ಮದ್ರರಾಜಮತಾಡಯತ್।
ಜಯೋ ವಾಽಸ್ತು ವಧೋ ವೇತಿ ಕೃತಬುದ್ಧಿರ್ಮಹಾರಥಃ॥ 9-15-15 (60928)
ಸಮಾಹೂಯಾಬ್ರವೀತ್ಸರ್ವಾನ್ಭ್ರಾತೄನ್ಕೃಷ್ಣಂ ಚ ಪಾಂಡವಃ॥ 9-15-16 (60929)
ಭೀಷ್ಮೋ ದ್ರೋಣಶ್ಚ ಕರ್ಣಶ್ಚ ಯೇ ಚಾನ್ಯೇ ಪೃಥಿವೀಕ್ಷಿತಃ।
ಕೌರವಾರ್ಥೇ ಪರಾಕ್ರಾಂತಾಃ ಸಂಗ್ರಾಮೇ ನಿಧನಂ ಗತಾಃ।
ಯಥಾಭಾಗಂ ಯಥೋತ್ಸಾಹಂ ಭವಂತಃ ಕೃತಪೌರುಷಾಃ॥ 9-15-17 (60930)
ಭಾಗೋಽವಶಿಷ್ಟ ಏಕೋಽಯಂ ಮಮ ಶಲ್ಯೋ ಮಹಾರಥಃ।
ಸೋಽಹಮದ್ಯ ಯುಧಾ ಜೇತುಮಾಶಂಸೇ ಮದ್ರಕಾಧಿಪಂ॥ 9-15-18 (60931)
ತತ್ರ ಯನ್ಮಾನಸಂ ಮಹ್ಯಂ ತತ್ಸರ್ವಂ ನಿಗದಾಮಿ ವಃ।
ಚಕ್ರರಕ್ಷಾವಿಮೌ ವೀರೌ ಮಮ ಮಾದ್ರವತೀಸುತೌ॥ 9-15-19 (60932)
ಅಜೇಯೌ ವಾಸವೇನಾಪಿ ಸಮರೇ ಶೂರಸಂಮತೌ।
ಸಾಧ್ವಿಮೌ ಮಾತುಲಂ ಯುದ್ಧೇ ಕ್ಷತ್ರಧರ್ಮಪುರಸ್ಕೃತೌ॥ 9-15-20 (60933)
ಮದರ್ಥೇ ಪ್ರತಿಯುಧ್ಯೇತಾಂ ಮಾನಾರ್ಹೌ ಸತ್ಯಸಂಗರೌ।
ಮಾಂ ವಾ ಶಲ್ಯೋ ರಣೇ ಹಂತಾ ತಂ ವಾಽಹಂ ಭದ್ರಮಸ್ತು ವಃ।
ಇತಿ ಸತ್ಯಾಮಿಮಾಂ ವಾಣೀಂ ಲೋಕವೀರಾ ನಿಬೋಧತ॥ 9-15-21 (60934)
ಯೋತ್ಸ್ಯೇಽಹಂ ಮಾತುಲೇನಾದ್ಯ ಕ್ಷಾತ್ರಧರ್ಮೇಣ ಪಾರ್ಥಿವಾಃ।
ಸ್ವಮಂಶಮಭಿಸಂಧಾಯ ವಿಜಯಾಯೇತರಾಯ ವಾ॥ 9-15-22 (60935)
ತಸ್ಯ ಮೇಽಪ್ಯಧಿಕಂ ಶಸ್ತ್ರಂ ಸರ್ವೋಪಕರಣಾನಿ ಚ।
ಸಂಯುಜ್ಯಂತಾಂ ರಥೇ ಕ್ಷಿಪ್ರಂ ಶಾಸ್ತ್ರವದ್ರಥಯೋಜಕೈಃ॥ 9-15-23 (60936)
ಶೈನೇಯೋ ದಕ್ಷಿಣಂ ಚಕ್ರಂ ಧೃಷ್ಟದ್ಯುಂನಸ್ತಥೋತ್ತರಂ।
ಪೃಷ್ಠಗೋಪೋ ಭವತ್ವದ್ಯ ಮಮ ಪಾರ್ಥೋ ಧನಂಜಯಃ॥ 9-15-24 (60937)
ಪುರಃಸರೋ ಮಮಾದ್ಯಾಸ್ತು ಭೀಮಃ ಶಸ್ತ್ರಭೃತಾಂ ವರಃ।
ಏವಮಭ್ಯಧಿಕಃ ಶಲ್ಯಾದ್ಭವಿಷ್ಯಾಮಿ ಮಹಾಮೃಧೇ॥ 9-15-25 (60938)
ಏವಮುಕ್ತಾಸ್ತಥಾ ಚಕ್ರುಸ್ತದಾ ರಾಜ್ಞಃ ಪ್ರಿಯೈಷಿಣಃ॥ 9-15-26 (60939)
ತತಃ ಪ್ರಹರ್ಷಃ ಸೈವ್ಯಾನಾಂ ಪುನರಾಸೀತ್ತದಾಃ ಮೃಧೇ।
ಪಾಂಚಾಲಾನಾಂ ಸೋಮಕಾನಾಂ ಮಾತ್ಸ್ಯಾನಾಂ ಚ ವಿಶೇಷತಃ॥ 9-15-27 (60940)
ಪ್ರತಿಜ್ಞಾತಂ ಚ ಸಂಗ್ರಾಮೇ ಧರ್ಮರಾಜಸ್ಯ ಪೂಜಯನ್।
ತತಃ ಶಂಖಾಂಶ್ಚ ಭೇರೀಶ್ಚ ಶತಶಶ್ಚೈವ ಪುಷ್ಕರಾನ್।
ಅವಾದಯಂತ ಪಾಂಚಾಲಾಃ ಸಿಂಹನಾದಾಂಶ್ಚ ನೇದಿರೇ॥ 9-15-28 (60941)
ತೇಽಭ್ಯಧಾವಂತ ಸಂರಬ್ಧಾ ಮದ್ರರಾಜಂ ತರಸ್ವಿನಂ।
ಮಹತಾ ಹರ್ಷಜೇನಾಥ ನಾದೇನ ಕುರುಪುಂಗವಾಃ॥ 9-15-29 (60942)
ಹಾದೇನ ಗಜಘಂಟಾನಾಂ ಶಂಖಾನಾಂ ನಿನದೇನ ಚ।
ತೂರ್ಯಶಬ್ದೇನ ಮಹತಾ ನಾದಯಂತಶ್ಚ ಮೇದಿನೀಂ॥ 9-15-30 (60943)
ತಾನ್ಪ್ರತ್ಯಗೃಹ್ಣಾತ್ಪುತ್ರಸ್ತೇ ಮದ್ರರಾಜಶ್ಚ ವೀರ್ಯವಾನ್।
ಮಹಾಮೇಘಾನಿವ ಬಹೂಞ್ಶೈಲಾವಸ್ತೋದಯಾವುಭೌ॥ 9-15-31 (60944)
ಶಲ್ಯಸ್ತು ಸಮರಶ್ಲಾಘೀ ಧರ್ಮರಾಜಮರಿಂದಮಂ।
ವವರ್ಷ ಶರವರ್ಷೇಣ ಶಂಬರಂ ಮಘವಾ ಇವ॥ 9-15-32 (60945)
ತಥೈವ ಕುರುರಾಜೋಽಪಿ ಪ್ರಗೃಹ್ಯ ರುಚಿರಂ ಧನುಃ।
ದ್ರೋಣೋಪದೇಶಾನ್ವಿವಿಧಾಂದರ್ಶಯಾನೋ ಮಹಾಮನಾಃ।
ವವರ್ಷ ಶರವರ್ಷಾಣಿ ಚಿತ್ರಂ ಲಘು ಚ ಸುಷ್ಠು ಚ॥ 9-15-33 (60946)
ನ ಚಾಸ್ಯ ವಿವರಂ ಕಶ್ಚಿದ್ದದರ್ಶ ಚರತೋ ರಣೇ॥ 9-15-34 (60947)
ತಾವುಭೌ ವಿವಿಧೈರ್ಬಾಣೈಸ್ತತಕ್ಷಾತೇ ಪರಸ್ಪರಂ।
ಶಾರ್ದೂಲಾವಾಮಿಷಪ್ರೇಪ್ಸೂ ಪರಾಕ್ರಾಂತಾವಿವಾಹವೇ॥ 9-15-35 (60948)
ಭೀಮಸ್ತು ತವ ಪುತ್ರೇಣ ಯುದ್ಧಶೌಂಡೇನ ಸಂಗತಃ॥ 9-15-36 (60949)
ಪಾಂಚಾಲ್ಯಃ ಸಾತ್ಯಕಿಶ್ಚೈವ ಮಾದ್ರೀಪುತ್ರೌ ಚ ಪಾಂಡವೌ।
ಶಕುನಿಪ್ರಮುಖಾನ್ವೀರಾನ್ಪ್ರತ್ಯಗೃಹ್ಣನ್ಸಮಂತತಃ॥ 9-15-37 (60950)
ತದಾಸೀತ್ತುಮುಲಂ ಯುದ್ಧಂ ಪುನರೇವ ಜಯೈಷಿಣಾಂ।
ತಾವಕಾನಾಂ ಪರೇಷಾಂ ಚ ರಾಜಂದುರ್ಮಂತ್ರಿತೇ ತವ॥ 9-15-38 (60951)
ದುರ್ಯೋಧನಸ್ತು ಭೀಮಸ್ಯ ಶರೇಣಾನತಪರ್ವಣಾ।
ಚಿಚ್ಛೇದಾದಿಶ್ಯ ಸಂಗ್ರಾಮೇ ಧ್ವಜಂ ಹೇಮಪರಿಷ್ಕೃತಂ॥ 9-15-39 (60952)
ಸ ಕಿಂಕಿಣೀಕಜಾಲೇನ ಮಹತಾ ಚಾರುದರ್ಶನಃ।
ಪಪಾತ ರುಚಿರಃ ಸಿಂಹೋ ಭೀಮಸೇನಸ್ಯ ಪಶ್ಯತಃ॥ 9-15-40 (60953)
ಪುನಶ್ಚಾಸ್ಯ ಧನುಶ್ಚಿತ್ರಂ ಗಜರಾಜಕರೋಪಮಂ।
ಕ್ಷುರೇಣ ಶಿತಧಾರೇಣ ಪ್ರಚಕರ್ತ ನರಾಧಿಪಃ॥ 9-15-41 (60954)
ಸ ಚ್ಛಿನ್ನಧನ್ವಾ ತೇಜಸ್ವೀ ರಥಶಕ್ತ್ಯಾ ಸುತಂ ತವ।
ಬಿಭೇದೋರಸಿ ವಿಕ್ರಂಯ ಸ ರಥೋಪಸ್ಥ ಆವಿಶತ್॥ 9-15-42 (60955)
ತಸ್ಮಿನ್ಮೋಹಮನುಪ್ರಾಪ್ತೇ ಪುನರೇವ ವೃಕೋದರಃ।
ಯಂತುರೇವ ಶಿರಃ ಕಾಯಾತ್ಕ್ಷುರಪ್ರೇಣಾಹರತ್ತದಾ॥ 9-15-43 (60956)
ಹತಸೂತಾ ಹಯಾಸ್ತಸ್ಯ ರಥಮಾದಾಯ ಭಾರತ।
ವ್ಯದ್ರವಂತ ದಿಶೋ ರಾಜನ್ಹಾಹಾಕಾರಸ್ತದಾಽಭವತ್॥ 9-15-44 (60957)
ತಮಭ್ಯಧಾವಂಸ್ತ್ರಾಣಾರ್ಥಂ ದ್ರೋಣಪುತ್ರೋ ಮಹಾರಥಃ।
ಕೃಪಶ್ಚ ಕೃತವರ್ಮಾಂ ಚ ಪುತ್ರಂ ತೇ ಹಿ ಪರೀಪ್ಸವಃ॥ 9-15-45 (60958)
ತಸ್ಮಿನ್ವಿಲುಲಿತೇ ಸೈನ್ಯೇ ತ್ರಸ್ತಾಂಸ್ತಸ್ಯ ಪದಾನುಗಾನ್।
ಗಾಂಡೀವಧನ್ವಾ ವಿಸ್ಫಾರ್ಯ ಧನುಸ್ತಾನಹನಚ್ಛರೈಃ॥ 9-15-46 (60959)
ಯುಧಿಷ್ಠಿರಸ್ತು ಮದ್ರೇಶಮಭ್ಯಧಾವದಮರ್ಷಿತಃ।
ಸ್ವಯಂ ಸನ್ನೋದಯನ್ನಶ್ವಾಂದಂತವರ್ಣಾನ್ಮನೋಜವಾನ್॥ 9-15-47 (60960)
ತತ್ರಾಶ್ಚರ್ಯಪಮಶ್ಯಾಮ ಕುಂತೀಪುತ್ರೇ ಯುಧಿಷ್ಠಿರೇ।
ಪುರಾ ಭೂತ್ವಾ ಮೃದುರ್ದಾಂತೋ ಯತ್ತದಾ ದಾರುಣೋಽಭವತ್॥ 9-15-48 (60961)
ವಿವೃತಾಕ್ಷಶ್ಚ ಕೌಂತೇಯೋ ವೇಪಮಾನಶ್ಚ ಮನ್ಯುನಾ।
ಚಿಚ್ಛೇದ ಯೋಧಾನ್ನಿಶಿತೈಃ ಶರೈಃ ಶತಸಹಸ್ರಶಃ॥ 9-15-49 (60962)
ಯಾಂಯಾಂ ಪ್ರತ್ಯುದ್ಯಯೌ ಸೇನಾಂ ತಾಂತಾಂ ಜ್ಯೇಷ್ಠಃ ಸ ಪಾಂಡವಃ।
ಶರೈರಪಾತಯದ್ರಾಜನ್ಗಿರೀನ್ವಜ್ರೈರಿವೋತ್ತಮೈಃ॥ 9-15-50 (60963)
ಸಾಶ್ವಸೂತಧ್ವಜರಥಾನ್ರಥಿನಃ ಪಾತಯನ್ಬಹೂನ್।
ಅಕ್ರೀಡದೇಕೋ ಬಲವಾನ್ಪವನಸ್ತೋಯದಾನಿವ॥ 9-15-51 (60964)
ಸಾಶ್ವಾರೋಹಾಂಶ್ಚ ತುರಗಾನ್ಪತ್ತೀಂಶ್ಚೈವ ಸಹಸ್ರಧಾ।
ವ್ಯಪೋಥಯತ ಸಂಗ್ರಾಮೇ ಕ್ರುದ್ಧೋ ರುದ್ರಃ ಪಶೂನಿವ॥ 9-15-52 (60965)
ಶೂನ್ಯಮಾಯೋಧನಂ ಕೃತ್ವಾ ಶರವರ್ಷೈಃ ಸಮಂತತಃ।
ಅಭ್ಯದ್ರವತ ಮದ್ರೇಶಂ ತಿಷ್ಠತಿಷ್ಠೇತಿ ಚಾಬ್ರವೀತ್॥ 9-15-53 (60966)
ತಸ್ಯ ತಚ್ಚರಿತಂ ದೃಷ್ಟ್ವಾ ಸಂಗ್ರಾಮೇ ಭೀಮಕರ್ಮಣಃ।
ವಿತ್ರೇಸುಸ್ತಾವಕಾಃ ಸರ್ವೇ ಶಲ್ಯಸ್ತ್ವೇನಂ ಸಮಭ್ಯಯಾತ್॥ 9-15-54 (60967)
ತತಸ್ತೌ ಭೃಶಸಂಕ್ರುದ್ಧೌ ಪ್ರಧ್ಮಾಯ ಸಲಿಲೋದ್ಭವೌ।
ಸಮಾಹೂಯ ತದಾಽನ್ಯೋನ್ಯಂ ಭರ್ತ್ಸಯಂತೌ ಸಮೀಯತುಃ॥ 9-15-55 (60968)
ಶಲ್ಯಸ್ತು ಶರವರ್ಷೇಣ ಪೀಡಯಾಮಾಸ ಪಾಂಡವಂ।
ಮದ್ರರಾಜಂ ತು ಕೌಂತೇಯಃ ಶರವರ್ಷೈರವಾಕಿರತ್॥ 9-15-56 (60969)
ಅದೃಶ್ಯೇತಾಂ ತದಾ ರಾಜನ್ಕಂಕಪತ್ರಿಭಿರಾಚಿತೌ।
ಉದ್ಭಿನ್ನರುಧಿರೌ ಶೂರೌ ಮದ್ರರಾಜಯುಧಿಷ್ಠಿರೌ।
ಪುಷ್ಪಿತಾವಿವ ರೇಜಾತೇ ವನೇ ಶಾಲ್ಮಲಿಕಿಂಶುಕೌ॥ 9-15-57 (60970)
ದೀವ್ಯಮಾನೌ ಮಹಾತ್ಮಾನೌ ಪ್ರಾಣದ್ಯೂತೇನ ದುರ್ಮದೌ।
ದೃಷ್ಟ್ವಾ ಸರ್ವಾಣಿ ಸೈನ್ಯಾನಿ ನಾಧ್ಯವಸ್ಯಂಸ್ತಯೋರ್ಜಯಂ॥ 9-15-58 (60971)
ಹತ್ವಾ ಮದ್ರಾಧಿಪಂ ಪಾರ್ಥೋ ಭೋಕ್ಷ್ಯತೇಽದ್ಯ ವಸುಂಧರಾಂ।
ಶಲ್ಯೋ ವಾ ಪಾಂಡವಂ ಹತ್ವಾ ದದ್ಯಾದ್ದುರ್ಯೋಧನಾಯ ಗಾಂ॥ 9-15-59 (60972)
ಇತೀವ ನಿಶ್ಚಯೋ ನಾಭೂದ್ಯೋಧಾನಾಂ ತತ್ರ ಭಾರತ।
ಪ್ರದಕ್ಷಿಣಮಭೂತ್ಸರ್ವಂ ಧರ್ಮರಾಜಸ್ಯ ಯುಧ್ಯತಃ॥ 9-15-60 (60973)
ತತಃ ಶರಶತಂ ಶಲ್ಯೋ ಮುಮೋಚಾಶು ಯುಧಿಷ್ಠಿರೇ।
ಧನುಶ್ಚಾಸ್ಯ ಶಿತಾಗ್ರೇಣ ಬಾಣೇನ ನಿರುಕೃಂತತ॥ 9-15-61 (60974)
ಸೋಽನ್ಯತ್ಕಾರ್ಮುಕಮಾದಾಯ ಶಲ್ಯಂ ಶರಶತೈಸ್ತ್ರಿಭಿಃ।
ಅವಿಧ್ಯತ್ಕಾರ್ಮುಕಂ ಚಾಸ್ಯ ಕ್ಷುರೇಣ ನಿರಕೃಂತತ॥ 9-15-62 (60975)
ಅಥಾಸ್ಯ ನಿಜಘಾನಾಶ್ವಾಂಶ್ಚತುರೋ ನತಪರ್ವಭಿಃ।
ದ್ವಾಭ್ಯಾಮತಿಶಿತಾಗ್ರಾಭ್ಯಾಮುಭೌ ತತ್ಪಾರ್ಷ್ಣಿಸಾರಥೀ॥ 9-15-63 (60976)
ತತೋಽಸ್ಯ ದೀಪ್ಯಮಾನೇನ ಪೀತೇನ ನಿಶಿತೇನ ಚ।
ಪ್ರಮುಖೇ ವರ್ತಮಾನಸ್ಯ ಭಲ್ಲೇನಾಪಾಹರದ್ವೃಜಂ॥ 9-15-64 (60977)
ತತಃ ಪ್ರಭಗ್ನಂ ತತ್ಸೈನ್ಯಂ ದೌರ್ಯೋಧನಮರಿಂದಮ॥ 9-15-65 (60978)
ತತೋ ಮದ್ರಾಧಿಪಂ ದ್ರೌಣಿರಭ್ಯಧಾವತ್ತಥಾ ಕೃತಂ।
ಆರೋಪ್ಯ ಚೈನಂ ಸ್ವರಥಂ ತ್ವರಮಾಣಃ ಪ್ರದುದ್ರುವೇ॥ 9-15-66 (60979)
ಮುಹೂರ್ತಮಿವ ತೌ ಗತ್ವಾ ನರ್ದಮಾನೇ ಯುಧಿಷ್ಠಿರೇ।
ಗತ್ವಾ ತತೋ ಮದ್ರಪತಿರನ್ಯಂ ಸ್ಯಂದನಮಾಸ್ಥಿತಃ॥ 9-15-67 (60980)
ವಿಧಿವತ್ಕಲ್ಪಿತಂ ಶುಭ್ರಂ ಮಹಾಂಬುದನಿನಾದಿನಂ।
ಸಜ್ಜಯಂತ್ರೋಪಕರಣಂ ದ್ವಿಷತಾಂ ರೋಮಹರ್ಷಣಂ॥ 9-15-68 (60981)
ತಥಾನ್ಯದ್ಧನುರಾದಾಯ ಬಲವಾನ್ವೇಗವತ್ತರಂ॥
ಯುಧಿಷ್ಠಿರಂ ಮದ್ರಪತಿರ್ಭಿತ್ತ್ವಾ ಸಿಂಹ ಇವಾನದತ್॥ 9-15-69 (60982)
ತತಃ ಸ ಶರವರ್ಷೇಣ ಪರ್ಜನ್ಯ ಇವ ವೃಷ್ಟಿಮಾನ್।
ಅಭ್ಯವರ್ಷದಮೇಯಾತ್ಮಾ ಕ್ಷತ್ರಿಯಾನ್ಕ್ಷತ್ರಿಯರ್ಷಭಃ॥ 9-15-70 (60983)
ಸಾತ್ಯಕಿಂ ದಶಭಿರ್ವಿದ್ಧ್ವಾ ಭೀಮಸೇನಂ ತ್ರಿಭಿಃ ಶರೈಃ।
ಸಹದೇವಂ ತ್ರಿಭಿರ್ವಿದ್ಧಾ ಯುಧಿಷ್ಠಿರಮಪೀಡಯತ್॥ 9-15-71 (60984)
ತಾಂಸ್ತಾನನ್ಯಾನ್ಮಹೇಷ್ವಾಸಾನ್ಸಾಶ್ವಾನ್ಸರಥಕೂಬರಾನ್।
ಅರ್ದಯಾಮಾಸ ವಿಶಿಖೈರುಲ್ಕಾಭಿರಿವ ಕುಂಜರಾನ್॥ 9-15-72 (60985)
ಕುಂಜರಾನ್ಕುಂಜರಾರೋಹಾನಶ್ವಪ್ರಯಾಯಿನಃ।
ರಥಾಂಶ್ಚ ರಥಿಭಿಃ ಸಾರ್ಧಂ ಜಘಾನ ರಥಿನಾಂ ವರಃ॥ 9-15-73 (60986)
ಬಾಹೂಂಶ್ಚಿಚ್ಛೇದ ತರಸಾ ಸಾಯುಧಾನ್ಕೇತನಾನಿ ಚ।
ಚಕಾರ ಚ ಮಹೀಂ ಯೋಧೈಃ ಸ್ತೀರ್ಣಾಂ ವೇದೀಂ ಕುಶೈರಿವ॥ 9-15-74 (60987)
ತಥಾ ತಮರಿಸೈನ್ಯಾನಿ ಘ್ನಂತಂ ಮೃತ್ಯುಮಿವಾಂತಕಂ।
ಪರಿವವ್ರುರ್ಭೃಶಂ ಕ್ರುದ್ಧಾಃ ಪಾಂಡುಪಾಂಚಾಲಸೋಮಕಾಃ॥ ॥ 9-15-75 (60988)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಪಂಚದಶೋಽಧ್ಯಾಯಃ॥ 15 ॥
Mahabharata - Shalya Parva - Chapter Footnotes
9-15-42 ರಥಶಕ್ತ್ಯಾ ರಥಸ್ಥಯಾ ಶಕ್ತ್ಯಾ॥ 9-15-50 ಯಾಂ ಯಾಮಭ್ಯಗಮತ್ಸೇನಾಂ ತಾಂ ತಾಂ ವ್ಯನೀನಶತ್। ನ್ಯಪಾತಯತ ಕೌಂತೇಯೋ ಗಿರೀನ್ವಜ್ರ ಇವೋತ್ತಮಾನ್। ಇತಿ ಕ.ಖ.ಪಾಠಃ॥ 9-15-67 ಮುಹೂರ್ತಮಿವ ತಾನ್ಹತ್ವಾ ನರ್ದಮೀನೇ ಯುಧಿಷ್ಠಿರೇ ಇತಿ ಕ.ಖ.ಪಾಠಃ॥ 9-15-15 ಪಂಚದಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 016
॥ ಶ್ರೀಃ ॥
9.16. ಅಧ್ಯಾಯಃ 016
Mahabharata - Shalya Parva - Chapter Topics
ಯುಧಿಷ್ಠಿರೇಣ ಶಲ್ಯಶಲ್ಯಾನುಜಯೋರ್ವಧಃ॥ 1 ॥Mahabharata - Shalya Parva - Chapter Text
9-16-0 (60989)
ಸಂಜಯ ಉವಾಚ। 9-16-0x (5109)
ತಂ ಭೀಮಸೇನಶ್ಚ ಶಿನೇಶ್ಚ ನಪ್ತಾ
ಮಾದ್ಯಾಶ್ಚ ಪುತ್ರೌ ಪುರುಷಪ್ರವೀರೌ।
ಸಮಾಗತಂ ಭೀಮಬಲೇನ ರಾಜ್ಞಾ
ಪರ್ಯಾಪುರನ್ಯೋನ್ಯಮಥಾಹ್ವಯಂತ॥ 9-16-1 (60990)
ತತಸ್ತು ಶೂರಾಃ ಸಮರೇ ನರೇಂದ್ರ
ನರೇಶ್ವರಂ ಪ್ರಾಪ್ಯ ಯುಧಾಂ ವರಿಷ್ಠಂ।
ಆವಾರ್ಯ ಚೈನಂ ಸಮರೇ ನೃವೀರಾ
ಜಘ್ನುಃ ಶಿತೈಃ ಪತ್ರಿಭಿರುಗ್ರವೇಗೈಃ॥ 9-16-2 (60991)
ಸಂರಕ್ಷಿತೋ ಭೀಮಸೇನೇನ ರಾಜಾ
ಮಾದ್ರೀಸುತಾಭ್ಯಾಮಥ ಮಾಧವೇನ।
ಮದ್ರಾಧಿಪಂ ಪತ್ರಿಭಿರುಗ್ರವೇಗೈಃ
ಸ್ತನಾಂತರೇ ಧರ್ಮಸುತೋ ನಿಜಘ್ನೇ॥ 9-16-3 (60992)
ತತೋ ರಣೇ ತಾವಕಾನಾಂ ರಥೌಘಾಃ
ಸಮೀಕ್ಷ್ಯ ಮದ್ರಾಧಿಪತಿಂ ಶರಾರ್ತಂ।
ಪರ್ಯಾವವ್ರುಃ ಪ್ರವರಾಃ ಸರ್ವಯೋಧಾ
ದುರ್ಯೋಧನಸ್ಯಾನುಮತೇ ಪುರಸ್ತಾತ್॥ 9-16-4 (60993)
ತತೋ ದ್ರುತಂ ಮದ್ರಜನಾಧಿಪೋ ರಣೇ
ಯುಧಿಷ್ಠಿರಂ ಸಪ್ತಭಿರಭ್ಯವಿದ್ವ್ಯತ್।
ತಂ ಚಾಪಿ ಪಾರ್ಥೌ ನವಭಿಃ ಪೃಷತ್ಕೈ--
ರ್ವಿವ್ಯಾಧ ರಾಜಂಸ್ತುಮುಲೇ ಮಹಾತ್ಮಾ॥ 9-16-5 (60994)
ಆಕರ್ಣಪೂರ್ಣಾಯತಸಂಪ್ರಯುಕ್ತೈಃ
ಶರೈಸ್ತದಾ ಸಂಯತಿ ತೈಲಧೌತೈಃ।
ಅನ್ಯೋನ್ಯಮಾಚ್ಛಾದಯತಾಂ ಮಹಾರಥೌ
ಮದ್ರಾಧಿಪಶ್ಚಾಪಿ ಯುಧಿಷ್ಠಿರಶ್ಚ॥ 9-16-6 (60995)
ತತಸ್ತು ತೂರ್ಣಂ ಸಮರೇ ಮಹಾರಥೌ
ಪರಸ್ಪರಸ್ಯಾಂತರಮೀಕ್ಷಮಾಣೌ।
ಶರೈರ್ಭೃಶಂ ವಿವ್ಯಧತುರ್ನೃಪೋತ್ತಮೌ
ಮಹಬಲೌ ಶತ್ರುಭಿರಪ್ರಧೃಷ್ಯೌ॥ 9-16-7 (60996)
ತಯೋರ್ಧನುರ್ಜ್ಯಾತಲನಿಃಸ್ವನೋ ಮಹಾ--
ನ್ಮಹೇಂದ್ರವಜ್ರಾಶನಿತುಲ್ಯನಿಃ ಸ್ವನಃ।
ಪರಸ್ಪರಂ ಬಾಣಗಣೈರ್ಮಹಾತ್ಮನೋಃ
ಪ್ರವರ್ಷತೋರ್ಮದ್ರಪಪಾಂಡುವೀರಯೋಃ॥ 9-16-8 (60997)
ತೌ ಚೇರತುರ್ವ್ಯಾಘ್ರಶಿಶುಪ್ರಕಾಶೌ
ಮಹಾವನೇಷ್ವಾಮಿಷಗೃದ್ವಿನಾವಿವ।
ವಿಷಾಣಿನೌ ನಾಗವರಾವಿವೋಭೌ
ತತಕ್ಷತುಃ ಸಂಯತಿ ಜಾತದರ್ಪೌ॥ 9-16-9 (60998)
ತತಸ್ತು ಮದ್ರಾಧಿಪತಿರ್ಮಹಾತ್ಮಾ
ಯುಧಿಷ್ಠಿರಂ ಭೀಮಬಲಂ ಪ್ರಸಹ್ಯ।
ವಿವ್ಯಾಧ ವೀರಂ ಹೃದಯೇಽತಿವೇಗಂ
ಶರೇಣ ಸೂರ್ಯಾಗ್ನಿಸಮಪ್ರಭೇಣ॥ 9-16-10 (60999)
ತತೋಽತಿವಿದ್ಧೋಽಥ ಯುಧಿಷ್ಠಿರೋಽಪಿ
ಸುಸಂಪ್ರಯುಕ್ತೇನ ಶರೇಣ ರಾಜನ್।
ಜಘಾನ ಮದ್ರಾಧಿಪತಿಂ ಮಹಾತ್ಮಾ
ಮುದಂ ಚ ಲೇಭೇ ವೃಷಭಃ ಕುರೂಣಾಂ॥ 9-16-11 (61000)
ತತೋ ಮುಹೂರ್ತಾದಿವ ಪಾರ್ಥಿವೇಂದ್ರೋ
ಲಬ್ಧ್ವಾ ಸಂಜ್ಞಾಂ ಕ್ರೋಧಸಂರಕ್ತನೇತ್ರಃ।
ಶರೇಣ ಪಾರ್ಥಂ ತ್ವರಿತೋ ಜಘಾನ
ಸಹಸ್ರನೇತ್ರಪ್ರತಿಮಪ್ರಭಾವಃ॥ 9-16-12 (61001)
ತ್ವರಂಸ್ತತೋ ಧರ್ಮಸುತೋ ಮಹಾತ್ಮಾ
ಶಲ್ಯಸ್ಯ ಕೋಪಾನ್ನವಭಿಃ ಪೃಷತ್ಕೈಃ।
ಭಿತ್ತ್ವಾ ಹ್ಯುರಸ್ತಪನೀಯಂ ಚ ವರ್ಮ
ಜಘಾನ ಷಡ್ಭಿಸ್ತ್ವಪರೈಃ ಪೃಷತ್ಕೈಃ॥ 9-16-13 (61002)
ತತಸ್ತು ಮದ್ರಾಧಿಪತಿಃ ಪ್ರಕೃಷ್ಟಂ
ಧನುರ್ವಿಕೃಷ್ಯ ವ್ಯಸೃಜತ್ಪೃಷತ್ಕಾನ್।
ದ್ವಾಭ್ಯಾಂ ಶರಾಭ್ಯಾಂ ಚ ತಥೈವ ರಾಜ್ಞ--
ಶ್ಚಿಚ್ಛೇದ ಚಾಪಂ ಕುರುಪುಂಗವಸ್ಯ॥ 9-16-14 (61003)
ನವಂ ತತೋಽನ್ಯತ್ಸಮರೇ ಪ್ರಗೃಹ್ಯ
ರಾಜಾ ಧನುರ್ಧೋರತರಂ ಮಹಾತ್ಮಾ।
ಶಲ್ಯಂ ತು ವಿವ್ಯಾಧ ಶರೈಃ ಸಮಂತಾ--
ದ್ಯಥಾ ಮಹೇಂದ್ರೋ ನಮುಚಿಂ ಶಿತಾಗ್ರೈಃ॥ 9-16-15 (61004)
ತತಸ್ತು ಶಲ್ಯೋ ನವಭಿಃ ಪೃಷತ್ಕೈ--
ರ್ಭೀಮಸ್ಯ ರಾಜ್ಞಶ್ಚ ಯುಧಿಷ್ಠಿರಸ್ಯ।
ನಿಕೃತ್ಯ ರೌಕ್ಮೇ ಪಟುವರ್ಮಣೀ ತಯೋ--
ರ್ವಿದಾಸ್ಯಾಮಾಸ ಭುಜೌ ಮಹಾತ್ಮಾ॥ 9-16-16 (61005)
ತತೋಽಪರೇಣ ಜ್ವಲನಾರ್ಕತೇಜಸಾ
ಕ್ಷುರೇಣ ರಾಜ್ಞೋ ಧನುರುನ್ಮಮಾಥ।
ಕೃಪಶ್ಚ ತಸ್ಯೈವ ಜಘಾನ ಸೂತಂ
ಷಡ್ಭಿಃ ಶರೈಃ ಸೋಽಭಿಮುಖಃ ಪಪಾತ॥ 9-16-17 (61006)
ಮದ್ರಾಧಿಪಶ್ಚಾಪಿ ಯುಧಿಷ್ಠಿರಸ್ಯ
ಶರೈಶ್ಚತುರ್ಭಿರ್ನಿಜಘಾನ ವಾಹಾನ್।
ವಾಹಾಂಶ್ಚ ಹತ್ವಾ ವ್ಯಕರೋನ್ಮಹಾತ್ಮಾ
ಯೋಧಕ್ಷಯಂ ಧರ್ಮಸುತಸ್ಯ ರಾಜ್ಞಃ॥ 9-16-18 (61007)
`ಯದದ್ಭುತಂ ಕರ್ಮ ನ ಶಕ್ಯಮನ್ಯೈಃ
ಸುದುಃಸಹಂ ತತ್ಕೃತವಂತಮೇಕಂ।
ಶಲ್ಯೋ ನರೇಂದ್ರಃ ಸವಿಷಣ್ಣಭಾವಾ--
ದ್ವಿಚಿಂತಯಾಮಾಸ ಮೃದಂಗಕೇತುಃ॥ 9-16-19 (61008)
ಕಿಮೇತದಿಂದ್ರಾವರಜಸ್ಯ ವಾಕ್ಯಂ
ಮೋಘಂ ಭವತ್ಯದ್ಯ ವಿಧೇರ್ಬಲೇನ।
ಜಹೀತಿ ಶಲ್ಯಂ ಹ್ಯವದತ್ತದಾಽಽಜೌ
ನ ಲೋಕನಾಥಸ್ಯ ವಚೋಽನ್ಯಥಾ ಸ್ಯಾತ್॥' 9-16-20 (61009)
ತಥಾ ಕೃತೇ ರಾಜನಿ ಭೀಮಸೇನೋ
ಮದ್ರಾಧಿಪಸ್ಯಾಥ ತತೋ ಮಹಾತ್ಮಾ।
ಛಿತ್ತ್ವಾ ಧನುರ್ವೇಗವತಾ ಶರೇಣ
ದ್ವಾಭ್ಯಾಮವಿಧ್ಯತ್ಸುಭೃಶಂ ನರೇಂದ್ರಂ॥ 9-16-21 (61010)
ತಥಾಪರೇಣಾಸ್ಯ ಜಹಾರ ಯಂತುಃ
ಕಾಯಾಚ್ಛಿರಃ ಸಂಹನನೀಯಮಧ್ಯಾತ್।
ಜಘಾನ ಚಾಶ್ವಾಂಶ್ಚತುರಃ ಸುಶೀಘ್ರಂ
ತಥಾ ಭೃಶಂ ಕುಪಿತೋ ಭೀಮಸೇನಃ॥ 9-16-22 (61011)
ತಮಗ್ರಣೀಃ ಸರ್ವಧನುರ್ಧರಾಣಾ--
ಮೇಕಂ ಚರಂತಂ ಸಮರೇಽತಿವೇಗಂ।
ಭೀಮಃ ಶತೇನ ವ್ಯಕಿರಚ್ಛರಾಣಾಂ
ಮಾದ್ರೀಪುತ್ರಃ ಸಹದೇವಸ್ತಥೈವ॥ 9-16-23 (61012)
ತೈಃ ಸಾಯಕೈರ್ಮೋಹಿತಂ ವೀಕ್ಷ್ಯ ಶಲ್ಯಂ
ಭೀಮಃ ಶರೈರಸ್ಯ ಚಕರ್ತ ವರ್ಮ।
ಸ ಭೀಮಸೇನೇನ ನಿಕೃತ್ತವರ್ಮಾ
ಮದ್ರಾಧಿಪಶ್ಚರ್ಮ ಸಹಸ್ರತಾರಂ॥ 9-16-24 (61013)
ಪ್ರಗೃಹ್ಯ ಖಂಗಂ ಚ ರಥಾನ್ಮಹಾತ್ಮಾ
ಪ್ರಸ್ಕಂದ್ಯ ಕುಂತೀಸುತಮಭ್ಯಧಾವತ್।
ಛಿತ್ತ್ವಾ ರಥೇಷಾಂ ನಕುಲಸ್ಯ ಸೋಽಥ
ಯುಧಿಷ್ಠಿರಂ ಭೀಮಬಲೋಽಭ್ಯಧಾವತ್॥ 9-16-25 (61014)
ತಂ ಚಾಪಿ ರಾಜಾನಮಥೋತ್ಪತಂತಂ
ಕ್ರುದ್ಧಂ ಯಥೈವಾಂತಕಮಾಪತಂತಂ।
ಧೃಷ್ಟದ್ಯುಂನೋ ದ್ರೌಪದೇಯಾಃ ಶಿಖಂಡೀ
ಶಿನೇಶ್ಚ ನಪ್ತಾ ಸಹಸಾ ಪರೀಯುಃ॥ 9-16-26 (61015)
ಅಥಾಸ್ಯ ಚರ್ಮಾಪ್ರತಿಮಂ ನ್ಯಕೃಂತ--
ದ್ಭೀಮೋ ಮಹಾತ್ಮಾ ನವಭಿಃ ಪೃಷತ್ಕೈಃ।
ಖಂಗಂ ಚ ಭಲ್ಲೈರ್ನಿಚಕರ್ತ ಮುಷ್ಟೌ
ನದನ್ಪ್ರಹೃಷ್ಟಸ್ತವ ಸೈನ್ಯಮಧ್ಯೇ॥ 9-16-27 (61016)
ತತ್ಕರ್ಮ ಭೀಮಸ್ಯ ಸಮೀಕ್ಷ್ಯ ಹೃಷ್ಟಾ--
ಸ್ತೇ ಪಾಂಡವಾನಾಂ ಪ್ರವರಾ ರಥೌಘಾಃ।
ನಾದಂ ಚ ಚಕ್ರುರ್ಭೃಶಮುತ್ಸ್ಮಯಂತಃ
ಶಂಖಾಂಶ್ಚ ದಧ್ಮುಃ ಶಶಿಸನ್ನಿಕಾಶಾನ್॥ 9-16-28 (61017)
ತೇನಾಥ ಶಬ್ದೇನ ವಿಭೀಷಣೇನ
ತಥಾಽಭಿತಪ್ತಂ ಬಲಮಪ್ರಧೃಷ್ಯಂ।
ಸ್ವೇದಾಭಿಭೂತಂ ರುಧಿರೋಕ್ಷಿತಾಂಗಂ
ವಿಸಂಜ್ಞಕಲ್ಪಂ ಚ ತದಾ ವಿಷಣ್ಣಂ॥ 9-16-29 (61018)
ಸ ಮದ್ರರಾಜಃ ಸಹಸಾ ವಿಕೀರ್ಣೋ
ಭೀಮಾಗ್ರಗೈಃ ಪಾಂಡವಯೋಧಮುಖ್ಯೈಃ।
ಯುಧಿಷ್ಠಿರಸ್ಯಾಭಿಮುಖಂ ಜವೇನ
ಸಿಂಹೋ ಯಥಾ ಮೃಗಹೇತೋಃ ಪ್ರಯಾತಃ॥ 9-16-30 (61019)
ಸ ಧರ್ಮರಾಜೋ ನಿಹತಾಶ್ವಸೂತಃ
ಕ್ರೋಧೇನ ದೀಪ್ತೋ ಜ್ವಲನಪ್ರಕಾಶಃ।
ದೃಷ್ಟ್ವಾ ಚ ಮದ್ರಾಧಿಪತಿಂ ಸ್ಮ ತೂರ್ಣಂ
ಸಮಭ್ಯಧಾವತ್ತಮರಿಂ ಬಲೇನ॥ 9-16-31 (61020)
ಗೋವಿಂದವಾಕ್ಯಂ ತ್ವರಿತಂ ವಿಚಿಂತ್ಯ
ದಧ್ರೇ ಮತಿಂ ಶಲ್ಯವಿನಾಶನಾಯ।
ಸ ಧರ್ಮರಾಜೋ ನಿಹತಾಶ್ವಸೂತೋ
ರಥೇ ತಿಷ್ಠಞ್ಶಕ್ತಿಮಥಾನ್ವಕರ್ಷತ್॥ 9-16-32 (61021)
ತಚ್ಚxx ಶಲ್ಯಸ್ಯ ನಿಶಾಂಯ ಕರ್ಮ
ತಮಾತ್ಮನೋ ಭಾಗಮಥಾವಶಿಷ್ಟಂ।
ಕೃತ್ವಾ ಮನಃ ಶಲ್ಯವಧೇ ಮಹಾತ್ಮಾ
ಯಥೋಕ್ತಮಿಂದ್ರಾವರಜಸ್ಯ ಚಕ್ರೇ॥ 9-16-33 (61022)
ಸ ಧರ್ಮರಾಜೋ ಮಣಿಹೇಮದಂಡಾಂ
ಜಗ್ರಾಹ ಶಕ್ತಿಂ ಕನಕಪ್ರಕಾಶಾಂ।
ನೇತ್ರೇ ಚ ದೀಪ್ತೇ ಸಹಸಾ ವಿವೃತ್ಯ
ಮದ್ರಾಧಿಪಂ ಕ್ರುದ್ಧಮನಾ ನಿರೈಕ್ಷತ್॥ 9-16-34 (61023)
ನಿರೀಕ್ಷಿತೋ ಧರ್ಮಸುತೇನ ರಾಜ್ಞಾ
ಷೂತಾತ್ಮನಾ ನಿರ್ಹೃತಕಲ್ಮಷೇಣ।
ಆಸೀನ್ನ ಯದ್ಭಸ್ಮಸಾನ್ಮದ್ರರಾಜ--
ಸ್ತದದ್ಭುತಂ ಮೇ ಪ್ರತಿಭಾತಿ ರಾಜನ್॥ 9-16-35 (61024)
ತತಸ್ತು ಶಕ್ತಿಂ ರಚಿರೋಗ್ರದಂಡಾಂ
ಮಣಿಪ್ರವೇಕೋಜ್ಜ್ವಲಿತಾಂ ಪ್ರದೀಪ್ತಾಂ।
ಚಿಕ್ಷೇಪ ವೇಗಾತ್ಸುಭೃಶಂ ಮಹಾತ್ಮಾ
ಮದ್ರಾಧಿಪಾಯ ಪ್ರವರಃ ಕುರೂಣಾಂ॥ 9-16-36 (61025)
ದೀಪ್ತಾಮಥೈನಾಂ ಪ್ರಹಿತಾಂ ಬಲೇನ
ಸವಿಸ್ಫುಲಿಂಗಾಂ ಸಹಸಾಪತಂತೀಂ।
ಪ್ರೈಕ್ಷಂತ ಸರ್ವೇ ಕುರವಃ ಸಮೇತಾ
ದಿವೋ ಯುಗಾಂತೇ ಮಹತೀಮಿವೋಲ್ಕಾಂ॥ 9-16-37 (61026)
ತಾಂ ಕಾಲರಾತ್ರೀಮಿವ ಪಾಶಹಸ್ತಾಂ
ಯಮಸ್ಯ ಧಾತ್ರೀಮಿವ ಚೋಗ್ರರೂಪಾಂ।
ಸ ಬ್ರಹ್ಮದಂಡಪ್ರತಿಮಾಮಮೋಧಾಂ
ಸಸರ್ಜ ಯತ್ತೋ ಯುಧಿ ಧರ್ಮರಾಜಃ॥ 9-16-38 (61027)
ಗಂಧಸ್ರಗಗ್ರ್ಯಾಸನಪಾನಭೋಜನೈ--
ರಭ್ಯರ್ಚಿತಾಂ ಪಾಂಡುಸುತೈಃ ಪ್ರಯತ್ನಾತ್।
ಸಾಂವರ್ತಕಾಗ್ನಿಪ್ರತಿಮಾಂ ಜ್ವಲಂತೀಂ
ಕೃತ್ಯಾಮಥರ್ವಾಂಗಿರಸೀಮಿವೋಗ್ರಾಂ॥ 9-16-39 (61028)
ಈಶಾನಹೇತೋಃ ಪ್ರತಿನಿರ್ಮಿತಾಂ ತಾಂ
ತ್ವಷ್ಟ್ರಾ ರಿಪೂಣಾಮಸುದೇಹಭಕ್ಷ್ಯಾಂ।
ಭೂಂಯಂತರಿಕ್ಷದ್ಯುಜಲಾಶ್ರಯಾಣಿ
ಪ್ರಸಹ್ಯ ಭೂತಾನಿ ನಿಹಂತುಮೀಶಾಂ॥ 9-16-40 (61029)
ಘಣ಼್ಟಾಪತಾಕಾಂ ಮಣಿವಜ್ರಭೂಷಾಂ
ವೈದೂರ್ಯಚಿತ್ರಾಂ ತಪನೀಯದಂಡಾಂ।
ತ್ವಷ್ಟ್ರಾ ಪ್ರಯತ್ನಾನ್ನಿಯಮೇನ ಕ್ಲೃಪ್ತಾಂ
ಬ್ರಹ್ಮದ್ವಿಷಾಮಂತಕರೀಮಮಾಘಾಂ॥ 9-16-41 (61030)
ಬಲಪ್ರಯತ್ನಾದನಿರೋಧವೇಗಾಂ
ಮಂತ್ರೈಶ್ಚ ಘೋರೈರಪಿ ಪೂರಯಿತ್ವಾ।
ಸಸರ್ಜ ಮಾರ್ಗೇಣ ಚ ತಾಂ ಖಗಾನಾಂ
ವಧಾಯ ಮದ್ರಾಧಿಪತೇಸ್ತದಾನೀಂ॥ 9-16-42 (61031)
ಹತೋ ಹ್ಯಸಾವಿತ್ಯಭಿಗರ್ಜಮಾನೋ
ರುದ್ರೋಽಂಧಕಾಯಾಂತಕರಂ ಯಥೇಷುಂ।
ಪ್ರಸಾರ್ಯ ಬಾಹುಂ ಸುದೃಢಂ ಸುಪಾಣಿಂ
ಕ್ರೋಧೇನ ನೃತ್ಯನ್ನಿವ ಧರ್ಮರಾಜಃ॥ 9-16-43 (61032)
`ಸ್ಫುರತ್ಪ್ರಭಾಮಂಡಲಿನೋಂಶುಜಾಲೈ--
ರ್ಧರ್ಮಾತ್ಮನೋ ಮದ್ರವಿನಾಶಕಾಲೇ।
ಪುರತ್ರಯಪ್ರೋತ್ಸರಣೇ ಪುರಸ್ತಾ--
ನ್ಮಾಹೇಶ್ವರಂ ರೂಪಮಭೂತ್ತದಾನೀಂ॥ 9-16-44 (61033)
ಆವರ್ತನಾಕುಂಚಿತಬಾಹುದಂಡಃ
ಸಂಧ್ಯಾವಿಹಾರೀ ತನುವೃತ್ತಮಧ್ಯಃ।
ವಿಶಾಲವಕ್ಷಾ ಭಗವಾನ್ಹರೋ ಯಥಾ
ಸುದುರ್ನಿರೀಕ್ಷ್ಯೋಽಭವದರ್ಜುನಾಗ್ರಜಃ'॥ 9-16-45 (61034)
ತಾಂ ಸರ್ವಶಕ್ತ್ಯಾ ಪ್ರಹಿತಾಂ ಸುಶಕ್ತಿಂ
ಯುಧಿಷ್ಠಿರೇಣಾಪ್ರತಿವಾರ್ಯವೀರ್ಯಾಂ।
ಪ್ರತಿಗ್ರಹಾಯಾಭಿನನಂದ ಶಲ್ಯಃ
ಸಂಯಗ್ಘುತಾಮಗ್ನಿರಿವಾಜ್ಯಧಾರಾಂ॥ 9-16-46 (61035)
ಸಾ ತಸ್ಯ ವರ್ಮಾಭಿವಿದಾರ್ಯ ಶುಭ್ರ--
ಮುರೋ ವಿಶಾಲಂ ಚ ತಥೈವ ಭಿತ್ತ್ವಾ।
ವಿವೇಶ ಗಾಂ ತೋಯಮಿವಾಪ್ರಸಕ್ತಾ
ಯಶೋ ವಿಶಾಲಂ ನೃಪತೇರ್ಹರಂತೀ॥ 9-16-47 (61036)
ನಾಸಾಕ್ಷಿಕರ್ಣಾಸ್ಯವಿನಿಃ ಸೃತೇನ
ಪ್ರಸ್ಯಂದತಾ ಚ ವ್ರಣಸಂಭವೇನ।
ಸಂಸಿಕ್ತಗಾತ್ರೋ ರುಧಿರೇಣ ಸೋಽಭೂ--
ತ್ಕ್ರೌಂಚೋ ಯಥಾ ಸ್ಕಂದಹತೋ ಮಹಾದ್ರಿಃ॥ 9-16-48 (61037)
ಪ್ರಸಾರ್ಯ ಬಾಹೂ ಚ ರಥಾದ್ಗತೋ ಗಾಂ
ಸಂಛಿನ್ನವರ್ಮಾ ಕುರುನಂದನೇನ।
ಮಹೇಂದ್ರವಾಹಪ್ರತಿಮೋ ಮಹಾತ್ಮಾ
ವಜ್ರಾಹತಂ ಶೃಂಗಮಿವಾಚಲಸ್ಯ॥ 9-16-49 (61038)
ತತೋ ನಿಪತಿತಃ ಸೋಽಭೂದಿಂದ್ರಧ್ವಜ ಇವೋಚ್ಛ್ರಿತಃ।
ಬಾಹೂ ಪ್ರಸಾರ್ಯಾಭಿಮುಖೋ ಧರ್ಮರಾಜಸ್ಯ ಮದ್ರರಾಟ್।
ಸ ತಥಾ ಭಿನ್ನಸರ್ವಾಂಗೋ ರುಧಿರೇಣ ಸಮುಕ್ಷಿತಃ॥ 9-16-50 (61039)
ಪ್ರತ್ಯುದ್ಗತ ಇವ ಪ್ರೇಂಣಾ ಭೂಂಯಾ ಸ ನರಪುಂಗವಃ।
ಪ್ರಿಯಯಾ ಕಾಂತಯಾ ಕಾಂತಃ ಪತಮಾನ ಇವೋರಸಿ॥ 9-16-51 (61040)
ಚಿರಂ ಭುಕ್ತ್ವಾ ವಸುಮತೀಂ ಪ್ರಿಯಾಂ ಕಾಂತಾಮಿವ ಪ್ರಭುಃ।
ಸರ್ವೈರಂಗೈಃ ಸಮಾಶ್ಲಿಷ್ಯ ಪ್ರಸುಪ್ತ ಇವ ಚಾಭವತ್॥ 9-16-52 (61041)
ಧರ್ಂಯೇ ಧರ್ಮಾತ್ಮನಾ ಯುದ್ವೇ ನಿಹತೋ ಧರ್ಮಸೂನುನಾ।
ಸಂಯಕ್ಸ್ಫೀತ ಇವೋತ್ಸೃಷ್ಟಃ ಪ್ರಶಾಂತೋಽಗ್ನಿರಿವಾಧ್ವರೇ॥ 9-16-53 (61042)
ಶಕ್ತ್ಯಾ ವಿಭಿನ್ನಹೃದಯಂ ವಿಪ್ರವಿದ್ಧಾಯುಧಧ್ವಜಂ।
ಸಂಶಾಂತಮಪಿ ಮದ್ರೇಶಂ ಲಕ್ಷ್ಮೀರ್ನೈವ ವಿಮುಂಚತಿ॥ 9-16-54 (61043)
ತತೋ ಯುಧಿಷ್ಠಿರಶ್ಚಾಪಮಾದಾಯೇಂದ್ರಧನುಷ್ಪ್ರಭಂ।
ವ್ಯಧಮದ್ದ್ವಿಷತಃ ಸಂಖ್ಯೇ ಖಗರಾಡಿವ ಪನ್ನಗಾನ್।
ದೇಹಾನ್ಸುನಿಶಿತೈರ್ಭಲ್ಲೈ ರಿಪೂಣಾಂ ನಾಶಯನ್ಕ್ಷಣಾತ್॥ 9-16-55 (61044)
ತತಃ ಪಾರ್ಥಸ್ಯ ಬಾಣೌಘೈರಾವೃತಾಃ ಸೈನಿಕಾಸ್ತವ।
ನಿಮೀಲಿತಾಕ್ಷಾಃ ಕ್ಷಿಣ್ವಂತಿ ಭೃಶಮನ್ಯೋನ್ಯಕರ್ಶಿತಾಃ।
ಕ್ಷರಂತೋ ರುಧಿರಂ ದೇಹೈರ್ವಿಶಸ್ತ್ರಾಯುಧಜೀವಿತಾಃ॥ 9-16-56 (61045)
ತತಃ ಶಲ್ಯೇ ನಿಪತಿತೇ ಮದ್ರರಾಜಾನುಜೋ ಯುವಾ।
ಭ್ರಾತುಸ್ತುಲ್ಯೋ ಗುಣೈಃ ಸರ್ವೈ ರಥೀ ಪಾಂಡವಮಭ್ಯಯಾತ್॥ 9-16-57 (61046)
ವಿವ್ಯಾಧ ಚ ನರಶ್ರೇಷ್ಠೋ ನಾರಾಚೈರ್ಬಹುಭಿಸ್ತ್ವರನ್।
ಹತಸ್ಯಾಪಚಿತಿಂ ಭ್ರಾತುಶ್ಚಿಕೀಷುರ್ಯುದ್ಧದುರ್ಮದಃ॥ 9-16-58 (61047)
ತಂ ವಿವ್ಯಾಧಾಶುಗೈಃ ಷ಼ಡ್ಭಿರ್ಧರ್ಮರಾಜಸ್ತ್ವರನ್ನಿವ।
ಕಾರ್ಮುಕಂ ಚಾಸ್ಯ ಚಿಚ್ಛೇದ ಕ್ಷುರಾಭ್ಯಾಂ ಧ್ವಜಮೇವ ಚ॥ 9-16-59 (61048)
ತತೋಽಸ್ಯ ದೀಪ್ಯಮಾನೇನ ಸುದೃಢೇನ ಶಿತೇನ ಚ।
ಪ್ರಮುಖೇ ವರ್ತಮಾನಸ್ಯ ಭಲ್ಲೇನಾಪಾಹರಚ್ಛಿರಃ॥ 9-16-60 (61049)
ಸಕುಂಡಲಂ ತದ್ದದೃಶೇ ಪತಮಾನಂ ಶಿರೋ ರಥಾತ್।
ಪುಣ್ಯಕ್ಷಯಮನುಪ್ರಾಪ್ಯ ಪತನ್ಸ್ವರ್ಗಾದಿವ ಚ್ಯುತಃ॥ 9-16-61 (61050)
ತಸ್ಯಾಪಕೃತ್ತಶೀರ್ಷಂ ತು ಶರೀರಂ ಪತಿತಂ ರಥಾತ್।
ರುಧಿರೇಣಾವಸಿಕ್ತಾಂಗಂ ದೃಷ್ಟ್ವಾ ಸೈನ್ಯಮಭಜ್ಯತ॥ 9-16-62 (61051)
ವಿಚಿತ್ರಕವಚೇ ತಸ್ಮಿನ್ಹತೇ ಮದ್ರನೃಪಾನುಜೇ।
ಹಾಹಾಕಾರಂ ಪ್ರಕುರ್ವಾಣಾಃ ಕುರವೋಽಭಿಪ್ರದುದ್ರುವುಃ॥ 9-16-63 (61052)
ಶಲ್ಯಾನುಜಂ ಹತಂ ದೃಷ್ಟ್ವಾ ತಾವಕಾಸ್ತ್ಯಕ್ತಜೀವಿತಾಃ।
ವಿತ್ರೇಸುಃ ಪಾಂಡವಭಯಾತ್ಪ್ರವಿಧ್ವಸ್ತಾಸ್ತದಾ ಭೃಶಂ॥ 9-16-64 (61053)
ತಾಂಸ್ತಥಾ ಭಜ್ಯಮಾನಾಂಸ್ತು ಕೌರವಾನ್ಭರತರ್ಷಭ।
ಶಿನೇರ್ನಪ್ತಾಽಕಿರನ್ಬಾಣೈರಭ್ಯವರ್ತತ ಸಾತ್ಯಕಿಃ॥ 9-16-65 (61054)
ತಮಾಯಾಂತಂ ಮಹೇಷ್ವಾಸಂ ದುಷ್ಪ್ರಸಹ್ಯಂ ದುರಾಸದಂ।
ಹಾರ್ದಿಕ್ಯಸ್ತ್ವರಿತೋ ರಾಜನ್ಪ್ರತ್ಯಗೃಹ್ಣಾದಭೀತವತ್॥ 9-16-66 (61055)
ತೌ ಸಮೇತೌ ಮಹಾತ್ಮಾನೌ ವಾರ್ಷ್ಣೇಯೌ ವರವಾಜಿನೌ।
ಹಾರ್ದಿಕ್ಯಃ ಸಾತ್ಯಕಿಶ್ಚೈವ ಸಿಂಹಾವಿವ ಬಲೋತ್ಕಟೌ॥ 9-16-67 (61056)
ಇಷುಭಿರ್ವಿಮಲಾಭಾಸೈಶ್ಛಾದಯಂತೌ ಪರಸ್ಪರಂ।
ಅರ್ಚಿರ್ಭಿರಿವ ಸೂರ್ಯಸ್ಯ ದಿವಾಕರಸಮಪ್ರಭೌ॥ 9-16-68 (61057)
ಚಾಪಮಾರ್ಗಬಲೋದ್ವೂತಾನ್ಮಾರ್ಗಣಾನ್ವೃಷ್ಣಿಸಿಂಹಯೋಃ।
ಆಕಾಶಗಾನಪಶ್ಯಾಮ ಪತಂಗಾನಿವ ಶೀಘ್ರಗಾನ್॥ 9-16-69 (61058)
ಸಾತ್ಯಕಿಂ ದಶಭಿರ್ವಿದ್ಧ್ವಾ ಹಯಾಂಶ್ಚಾಸ್ಯ ತ್ರಿಭಿಃ ಶರೈಃ।
ಚಾಪಮೇಕೇನ ಚಿಚ್ಛೇದ ಹಾರ್ದಿಕ್ಯೋ ನತಪರ್ವಣಾ॥ 9-16-70 (61059)
ತನ್ನಿಕೃತ್ತಂ ಧನುಃಶ್ರೇಷ್ಠಮಪಾಸ್ಯ ಶಿನಿಪುಂಗವಃ।
ಅನ್ಯದಾದತ್ತ ವೇಗೇನ ಧನುರ್ಜಲದನಿಃಸ್ವನಂ॥ 9-16-71 (61060)
ತದಾದಾಯ ಧನುಃಶ್ರೇಷ್ಠಂ ವರಿಷ್ಠಃ ಸರ್ವಧನ್ವಿನಾಂ।
ಹಾರ್ದಿಕ್ಯಂ ದಶಭಿರ್ಬಾಣೈಃ ಪ್ರತ್ಯವಿಧ್ಯತ್ಸ್ತನಾಂತರೇ॥ 9-16-72 (61061)
ತತೋ ಯುಗಂ ರಥೇಷಾಂ ಚ ಚ್ಛಿತ್ತ್ವಾ ಭಲ್ಲೈಃ ಸುಸಂಯತೈಃ।
ಅಶ್ವಾಂಸ್ತಸ್ಯಾವಧೀತ್ತೂರ್ಣಮುಭೌ ಚ ಪಾರ್ಷ್ಣಿಸಾರಥೀ॥ 9-16-73 (61062)
ಹಾರ್ದಿಕ್ಯಂ ವಿರಥಂ ದೃಷ್ಟ್ವಾ ಕೃಪಃ ಶಾರದ್ವತಃ ಪ್ರಭೋ।
ಅಪೋವಾಹ ತತಃ ಕ್ಷಿಪ್ರಂ ರಥಮಾರೋಪ್ಯ ವೀರ್ಯವಾನ್॥ 9-16-74 (61063)
ಮದ್ರರಾಜೇ ಹತೇ ರಾಜನ್ವಿರಥೇ ಕೃತವರ್ಮಣಿ।
ದುರ್ಯೋಧನಬಲಂ ಸರ್ವಂ ಪುನರಾಸೀತ್ಪರಾಙ್ಮುಖಂ॥ 9-16-75 (61064)
ಸ್ವ ಪರೇ ನಾನ್ವಬುಧ್ಯಂತ ಸೈನ್ಯೇನ ರಜಸಾ ವೃತೇ।
ಬಲಂ ತು ಹತಭೂಯಿಷ್ಠಂ ತ್ರಸ್ತಮಾಸೀತ್ಪರಾಙ್ಮುಖಂ॥ 9-16-76 (61065)
ತತೋ ಮುಹೂರ್ತಾತ್ತೇಽಪಶ್ಯನ್ರಜೋ ಭೌಮಂ ಸಮುತ್ಥಿತಂ।
ವಿವಿಧೈಃ ಶೋಣಿತಸ್ರಾವೈಃ ಪ್ರಶಾಂತಂ ಪುರುಷರ್ಷಭ॥ 9-16-77 (61066)
ತತೋ ದುರ್ಯೋಧನೋ ದೃಷ್ಟ್ವಾ ಭಗ್ನಂ ಸ್ವಬಲಮಂತಿಕಾತ್।
ಜವೇನಾಪತತಃ ಪಾರ್ಥಾನೇಕಃ ಸರ್ವಾನವಾರಯತ್॥ 9-16-78 (61067)
ಪಾಂಡವಾನ್ಸರಥಾಂದೃಷ್ಟ್ವಾ ಧೃಷ್ಟದ್ಯುಂನಂ ಚ ಪಾರ್ಷತಂ।
ಆನರ್ತ್ತಂ ಚ ದುರಾಧರ್ಷಂ ಶಿತೈರ್ಬಾಣೈರವಾರಯತ್॥ 9-16-79 (61068)
ತಂ ಪರೇ ನಾಭ್ಯವರ್ತಂತ ಮರ್ತ್ಯಾ ಮೃತ್ಯುಮಿವಾಗತಂ।
ಅಥಾನ್ಯಂ ರಥಮಾಸ್ಥಾಯ ಹಾರ್ದಿಕ್ಯೋಽಪಿ ನ್ಯವರ್ತತ॥ 9-16-80 (61069)
ತತೋ ಯುಧಿಷ್ಠಿರೋ ರಾಜಾ ತ್ವರಮಾಣೋ ಮಹಾರಥಃ।
ಚತುರ್ಭಿರ್ನಿಜಘಾನಾಶ್ವಾನ್ಪತ್ರಿಭಿಃ ಕೃತವರ್ಮಣಃ।
ವಿವ್ಯಾಧ ಗೌತಮಂ ಚಾಪಿ ಷ಼ಡ್ಭಿರ್ಭಲ್ಲೈಃ ಸುತೇಜನೈಃ॥ 9-16-81 (61070)
ಅಶ್ವತ್ಥಾಮಾಃ ತತೋ ರಾಜ್ಞಾ ಹತಾಶ್ವಂ ವಿರಥೀಕೃತಂ।
ತಮಪೋವಾಹ ಹಾರ್ದಿಕ್ಯಂ ಸ್ವರಥೇನ ಯುಧಿಷ್ಠಿರಾತ್॥ 9-16-82 (61071)
ತತಃ ಶಾರದ್ವತಃ ಷಡ್ಭಿಃ ಪ್ರತ್ಯವಿಧ್ಯದ್ಯುಧಿಷ್ಠಿರಂ।
ವಿವ್ಯಾಧ ಚಾಶ್ವಾನ್ನಿಶಿತೈಸ್ತಸ್ಯಾಷ್ಟಾಭಿಃ ಶಿಲೀಮುಖೈಃ॥ 9-16-83 (61072)
ಏವಮೇತನ್ಮಹಾರಾಜ ಯುದ್ಧಶೇಷಮವರ್ತತ।
ತವ ದುರ್ಮಂತ್ರಿತೇ ರಾಜನ್ಸಹಪುತ್ರಸ್ಯ ಭಾರತ॥ 9-16-84 (61073)
ತಸ್ಮಿನ್ಮಹೇಷ್ವಾಸಧರೇ ವಿಶಸ್ತೇ
ಸಂಗ್ರಾಮಮಧ್ಯೇ ಕುರುಪುಂಗವೇನ।
ಪಾರ್ಥಾಃ ಸಮೇತಾಃ ಪರಮಪ್ರಹೃಷ್ಟಾಃ
ಶಂಖಾನ್ಪ್ರದಧ್ಮುರ್ಹತಮೀಕ್ಷ್ಯ ಶಲ್ಯಂ॥ 9-16-85 (61074)
ಯುಧಿಷ್ಠಿರಂ ಚ ಪ್ರಶಶಂಸುರಾಜೌ
ಪುರಾ ಸುರಾ ವೃತ್ರವಧೇ ಯಥೇಂದ್ರಂ।
ಚಕ್ರುಶ್ಚ ನಾನಾವಿಧವಾದ್ಯಶಬ್ದಾ--
ನ್ನಿನಾದಯಂತೋ ವಸುಧಾಂ ಸಮಂತಾತ್॥ ॥ 9-16-86 (61075)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಷೋಡಶೋಽಧ್ಯಾಯಃ॥ 16 ॥
Mahabharata - Shalya Parva - Chapter Footnotes
9-16-22 ಸಂಹನನೀಯೋ ದೃಢಸಂಧಿಕೋ ಮಧ್ಯೋ ಯಸ್ಯ ತಸ್ಮಾತ್ಕಾಯಾತ್॥ 9-16-47 ತೋಯಮಿವ ಸುಪ್ರವೇಶಾಂಗಾಂ। ಅಪ್ರಸಕ್ತಃ ಅಪ್ರತಿಹತಾ। ನೃಪತೇಃ ಶಲ್ಯಸ್ಯ॥ 9-16-16 ಷೋಡಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 017
॥ ಶ್ರೀಃ ॥
9.17. ಅಧ್ಯಾಯಃ 017
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-17-0 (61076)
ಸಂಜಯ ಉವಾಚ। 9-17-0x (5110)
ಶಲ್ಯೇಽಥ ನಿಹತೇ ರಾಜನ್ಮದ್ರರಾಜಪದಾನುಗಾಃ।
ರಥಾಃ ಸಪ್ತಶತಾ ವೀರಾ ದುದ್ರುವುರ್ಮಹತೋ ಬಲಾತ್॥ 9-17-1 (61077)
ದುರ್ಯೋಧನಸ್ತು ದ್ವಿರದಮಾರುಹ್ಯಾಚಲಸನ್ನಿಭಂ।
ಛತ್ರೇಣ ಧ್ರಿಯಮಾಣೇನ ವೀಜ್ಯಮಾನಶ್ಚ ಚಾಮರೈಃ।
ನ ಗಂತವ್ಯಂ ನ ಗಂತವ್ಯಮಿತಿ ಮದ್ರಾನವಾರಯತ್॥ 9-17-2 (61078)
ದುರ್ಯೋಧನೇನ ತೇ ವೀರಾ ವಾರ್ಯಮಾಣಾಃ ಪುನಃ ಪುನಃ।
ಯುಧಿಷ್ಠಿರಂ ಜಿಘಾಂಸಂತಃ ಪಾಂಡೂನಾಂ ಪ್ರಾವಿಶನ್ಬಲಂ॥ 9-17-3 (61079)
ತೇ ತು ಶೂರಾ ಮಹಾರಾಜ ಕೃತಚಿತ್ತಾಶ್ಚ ಯೋಧನೇ।
ಧನುಃಶಬ್ದಂ ಮಹತ್ಕೃತ್ವಾ ಸಹಾಯುಧ್ಯಂತ ಪಾಂಡವೈಃ॥ 9-17-4 (61080)
ಶ್ರುತ್ವಾ ಚ ನಿಹತಂ ಶಲ್ಯಂ ಧರ್ಮಪುತ್ರಂ ಚ ಪೀಡಿತಂ।
ಮದ್ರರಾಜಪ್ರಿಯೇ ಯುಕ್ತೈರ್ಮದ್ರಕಾಣಾಂ ಮಹಾರಥೈಃ॥ 9-17-5 (61081)
ಆಜಗಾಮ ತತಃ ಪಾರ್ಥೋ ಗಾಂಡೀವಂ ವಿಕ್ಷಿಪಂಧನುಃ।
ಪೂರಯನ್ರಥಘೋಷೇಣ ದಿಶಃ ಸರ್ವಾ ಮಹಾರಥಃ॥ 9-17-6 (61082)
ತತೋಽರ್ಜುನಶ್ಚ ಭೀಮಶ್ಚ ಮಾದ್ರೀಪುತ್ರೌ ಚ ಪಾಂಡವೌ।
ಸಾತ್ಯಕಿಶ್ಚ ನರವ್ಯಾಘ್ರೋ ದ್ರೌಪದೇಯಾಶ್ಚ ಸರ್ವಶಃ॥ 9-17-7 (61083)
ಧೃಷ್ಟದ್ಯುಂನಃ ಶಿಖಂಡೀ ಚ ಪಾಂಚಾಲಾಃ ಸಹ ಸೋಮಕೈಃ।
ಯುಧಿಷ್ಠಿರಂ ಪರೀಪ್ಸಂತಃ ಸಮಂತಾತ್ಪರ್ಯವಾರಯನ್॥ 9-17-8 (61084)
ತೇ ಸಮಂತಾತ್ಪರಿವೃತಾಃ ಪಾಂಡವೈಃ ಪುರುಷರ್ಷಭೈಃ।
ಕ್ಷೋಭಯಂತಿ ಸ್ಮ ತಾಂ ಸೇನಾಂ ಮಕರಾಃ ಸಾಗರಂ ಯಥಾ।
ವೃಕ್ಷಾನಿವ ಮಹಾವಾತಾಃ ಕಂಪಯಂತಿ ಸ್ಮ ತಾವಕಾಃ॥ 9-17-9 (61085)
ಪುರೋವಾತೇನ ಗಂಗೇವ--ಕ್ಷೋಭ್ಯಮಾಣಾ ಮಹಾನದೀ।
ಅಕ್ಷೋಭ್ಯತ ತದಾ ರಾಜನ್ಪಾಂಡೂನಾಂ ಧ್ವಜಿನೀ ತತಃ॥ 9-17-10 (61086)
ಪ್ರಸ್ಕಂದ್ಯ ಸೇನಾಂ ಮಹತೀಂ ಮಹಾತ್ಮಾನೋ ಮಹಾರಥಾಃ।
ಬಹವಶ್ಚುಕ್ರುಶುಸ್ತತ್ರ ಕ್ವ ಸ ರಾಜಾ ಯುಧಿಷ್ಠಿರಃ।
ಭ್ರಾತರೋ ವಾಽಸ್ಯ ತೇ ಶೂರಾ ದೃಶ್ಯಂತೇ ನೇಹ ಕೇಚನ॥ 9-17-11 (61087)
ಧೃಷ್ಟದ್ಯುಂನೋಽಥ ಶೈನೇಯೋ ದ್ರೌಪದೇಯಾಶ್ಚ ಸರ್ವಶಃ।
ಪಾಂಚಾಲಾಶ್ಚ ಮಹಾವೀರ್ಯಾಃ ಶಿಖಂಡೀ ಚ ಮಹಾರಥಃ॥ 9-17-12 (61088)
ಏವಂ ತಾನ್ವಾದಿನಃ ಶೂರಾಂದ್ರೌಪದೇಯಾ ಮಹಾರಥಾಃ।
ಅಭ್ಯಘ್ನನ್ಯುಯುಧಾನಶ್ಚ ಮದ್ರರಾಜಪದಾನುಗಾನ್॥ 9-17-13 (61089)
ಚಕ್ರೈರ್ವಿಮಥಿತೈಃ ಕೇಚಿತ್ಕೇಚಿಚ್ಛಿನ್ನೈರ್ಮಹಾಧ್ವಜೈಃ।
ಸಂಪ್ರದೃಶ್ಯಂತ ಸಮರೇ ತಾವಕಾ ನಿಹತಾಃ ಪರೈಃ॥ 9-17-14 (61090)
ಆಲೋಕ್ಯ ಪಾಂಡವಾನ್ಯುದ್ಧೇ ಯೋಧಾ ರಾಜನ್ಸಮಂತತಃ।
ವಾರ್ಯಮಾಣಾ ಯಯುರ್ವೇಗಾತ್ಪುತ್ರೇಣ ತವ ಭಾರತ॥ 9-17-15 (61091)
ದುರ್ಯೋಧನಶ್ಚ ತಾನ್ವೀರಾನ್ವಾರಯಾಮಾಸ ಸಾಂತ್ವಯನ್।
ನ ಚಾಸ್ಯ ಶಾಸನಂ ಕೇಚಿತ್ತತ್ರ ಚಕ್ರುರ್ಮಹಾರಥಾಃ॥ 9-17-16 (61092)
ತತೋ ಗಾಂಧಾರರಾಜಸ್ಯ ಪುತ್ರಃ ಶಕುನಿರಬ್ರವೀತ್।
ದುರ್ಯೋಧನಂ ಮಹಾರಾಜ ವಚನಂ ವಚನಕ್ಷಮಂ॥ 9-17-17 (61093)
ಕಿಂ ನಃ ಸಂಪ್ರೇಕ್ಷಮಾಣಾನಾಂ ಮದ್ರಾಣಾಂ ಹನ್ಯತೇ ಬಲಂ।
ನ ಯುಕ್ತಮೇತತ್ಸಮರೇ ತ್ವಯಿ ತಿಷ್ಠತಿ ಭಾರತ॥ 9-17-18 (61094)
ಸಹಿತೈರ್ನಾಮ ಯೋದ್ಧವ್ಯಮಿತ್ಯೇಷ ಸಮಯಃ ಕೃತಃ।
ಅಥ ಕಸ್ಮಾತ್ಸ್ಮರನ್ನೇವ ಘ್ನತೋ ಮರ್ಷಯಸೇ ನೃಪ॥ 9-17-19 (61095)
ದುರ್ಯೋಧನ ಉವಾಚ। 9-17-20x (5111)
ವಾರ್ಯಮಾಣಾ ಮಯಾ ಪೂರ್ವಂ ನೈತೇ ಚಕ್ರುರ್ವಚೋ ಮಮ।
ಏತೇ ವಿನಿಹತಾಃ ಸರ್ವೇ ಪ್ರಸ್ಕನ್ನಾಃ ಪಾಂಡುವಾಹಿನೀಂ॥ 9-17-20 (61096)
ಶಕುನಿರುವಾಚ। 9-17-21x (5112)
ನ ಭರ್ತುಃ ಶಾಸನಂ ವೀರಾ ರಣೇ ಕುರ್ವಂತ್ಯಮರ್ಷಿತಾಃ।
ಅಲಂ ಕ್ರೋದ್ವುಮಥೈತೇಷಾಂ ನಾಯಂ ಕಾಲ ಉಪೇಕ್ಷಿತುಂ॥ 9-17-21 (61097)
ಯಾಮಃ ಸರ್ವೇಽತ್ರ ಸಂಭೂಯ ಸವಾಜಿರಥಕುಂಜರಾಃ।
ಪರಿತ್ರಾತುಂ ಮಹೇಷ್ವಾಸಾನ್ಮದ್ರರಾಜಪದಾನುಗಾನ್॥ 9-17-22 (61098)
ಅನ್ಯೋನ್ಯಂ ಪರಿರಕ್ಷಾಮೋ ಯತ್ನೇನ ಮಹತಾ ನೃಪ।
ಏವಂ ಸರ್ವೇಽನುಸಂಚಿಂತ್ಯ ಪ್ರಯಯುರ್ಯತ್ರ ಸೈನಿಕಾಃ॥ 9-17-23 (61099)
ಸಂಜಯ ಉವಾಚ। 9-17-24x (5113)
ಏವಮುಕ್ತಸ್ತದಾ ರಾಜಾ ಬಲೇನ ಮಹತಾ ವೃತಃ।
ಪ್ರಯಯೌ ಸಿಂಹನಾದೇನ ಕಂಪಯನ್ನಿವ ಮೇದಿನೀಂ॥ 9-17-24 (61100)
ಹತ ವಿಧ್ಯತ ಗೃಹ್ಣೀತ ಪ್ರಹರಧ್ವಂ ನಿಕೃಂತತ।
ಇತ್ಯಾಸೀತ್ತುಮುಲಃ ಶಬ್ದಸ್ತವ ಸೈನ್ಯಸ್ಯ ಭಾರತ॥ 9-17-25 (61101)
ಪಾಂಡವಾಸ್ತು ರಣೇ ದೃಷ್ಟ್ವಾ ಮದ್ರರಾಜಪದಾನುಗಾನ್।
ಸಹಿತಾನಭ್ಯವರ್ತಂತಂ ಗುಲ್ಮಮಾಸ್ಥಾಯ ಮಧ್ಯಮಂ॥ 9-17-26 (61102)
ತೇ ಮುಹೂರ್ತಾದ್ರಣೇ ವೀರಾ ಹಸ್ತಾಹಸ್ತಿ ವಿಶಾಂಪತೇ।
ನಿಹತಾಃ ಪ್ರತ್ಯದೃಶ್ಯಂತ ಮದ್ರರಾಜಪದಾನುಗಾಃ॥ 9-17-27 (61103)
ತತೋ ನಃ ಸಂಪ್ರಯಾತಾನಾಂ ಹತಾ ಮದ್ರಾಸ್ತರಸ್ವಿನಃ।
ಹೃಷ್ಟಾಃ ಕಿಲಕಿಲಾಶಬ್ದಮಕುರ್ವನ್ಸಹಿತಾಃ ಪರೇ॥ 9-17-28 (61104)
ಅಥೋತ್ಥಿತಾನಿ ರುಂಡಾನಿ ಸಮದೃಶ್ಯಂತ ಸರ್ವಶಃ।
ಪಪಾತ ಮಹತೀ ಚೋಲ್ಕಾ ಮಧ್ಯೇನಾದಿತ್ಯಮಂಡಲಂ॥ 9-17-29 (61105)
ರಥೈರ್ಭಗ್ನಯುಗಾಕ್ಷೈಶ್ಚ ನಿಹತೈಶ್ಚ ಮಹಾರಥೈಃ।
ಅಶ್ವೈರ್ನಿಪಾತಿತೈಶ್ಚೈವ ಸಂಛನ್ನಾಽಭೂದ್ವಸುಂಧರಾ॥ 9-17-30 (61106)
ವಾತಾಯಮಾನೈಸ್ತುರಗೈರ್ಯುಗಾಸಕ್ತೈಸ್ತತಸ್ತತಃ।
ಅಕೃಷ್ಯಂತ ಮಹಾರಾಜ ಯೋಧಾಸ್ತತ್ರ ರಣಾಜಿರೇ॥ 9-17-31 (61107)
ಭಗ್ನಚಕ್ರಾನ್ರಥಾನ್ಕೇಚಿದಹರಂಸ್ತುರಗಾ ರಣೇ।
ರಥಾರ್ಧಂ ಕೇಚಿದಾದಾಯ ದಿಶೋ ದಶ ವಿಬಭ್ರಮುಃ।
ತತ್ರತತ್ರ ವ್ಯದೃಶ್ಯಂತ ಯೋಕ್ತ್ರೈಃ ಶ್ಲಿಷ್ಟಾಃ ಸ್ಮ ವಾಜಿನಃ॥ 9-17-32 (61108)
ರಥಿನಃ ಪತಮಾನಾಶ್ಚ ದೃಶ್ಯಂತೇ ಸ್ಮ ನರೋತ್ತಮಾಃ।
ಗಗನಾತ್ಪ್ರಚ್ಯುತಾಃ ಸಿದ್ಧಾಃ ಪುಣ್ಯಾನಾಮಿವ ಸಂಕ್ಷಯೇ॥ 9-17-33 (61109)
ನಿಹತೇಷು ಚ ಶೂರೇಷು ಮದ್ರರಾಜಾನುಗೇಷು ವೈ।
ಅಸ್ಮಾನಾಪತತಶ್ಚಾಪಿ ದೃಷ್ಟ್ವಾ ಪಾರ್ಥಾ ಮಹಾರಥಾಃ॥ 9-17-34 (61110)
ಅಭ್ಯವರ್ತಂತ ವೇಗೇನ ಜಯಗೃದ್ಧಾಃ ಪ್ರಹಾರಿಣಃ।
ಬಾಣಶಬ್ದರವಾನ್ಕೃತ್ವಾ ವಿಮಿಶ್ರಾಞ್ಶಂಖನಿಃಸ್ವನೈಃ॥ 9-17-35 (61111)
ಅಸ್ಮಾಂಸ್ತು ಪುನರಾಸಾದ್ಯ ಲಬ್ಧಲಕ್ಷಾಃ ಪ್ರಹಾರಿಣಃ।
ಶರಾಸನಾನಿ ಧುನ್ವಾನಾಃ ಸಿಂಹನಾದಾನ್ಪ್ರಚುಕ್ರುಶುಃ॥ 9-17-36 (61112)
ತತೋ ಹತಮಭಿಪ್ರೇಕ್ಷ್ಯ ಮದ್ರರಾಜಬಲಂ ಮಹತ್।
ಮದ್ರರಾಜಂ ಚ ಸಮರೇ ದೃಷ್ಟ್ವಾ ಶೂರಂ ನಿಪಾತಿತಂ।
ದುರ್ಯೋಧನಬಲಂ ಸರ್ವಂ ಪುನರಾಸೀತ್ಪರಾಙ್ಮುಖಂ॥ 9-17-37 (61113)
ವಧ್ಯಮಾನಂ ಮಹಾರಾಜ ಪಾಂಡವೈರ್ಜಿತಕಾಶಿಭಿಃ।
ದಿಶೋ ಭೇಜೇಽಥ ಸಂಭ್ರಾಂತಂ ತ್ರಾಸಿತಂ ದೃಢಧನ್ವಿಭಿಃ॥ ॥ 9-17-38 (61114)
ಇತಿ ಶ್ರೀಮನ್ಮಹಾಭಾರತೇ ಶಲ್ಯವಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಸಪ್ತದಶೋಽಧ್ಯಾಯಃ॥ 17 ॥
Mahabharata - Shalya Parva - Chapter Footnotes
9-17-20 ಪ್ರಸ್ಕನ್ನಾಃ ಪ್ರಪನ್ನಾಃ॥ 9-17-17 ಸಪ್ತದಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 018
॥ ಶ್ರೀಃ ॥
9.18. ಅಧ್ಯಾಯಃ 018
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-18-0 (61115)
ಸಂಜಯ ಉವಾಚ। 9-18-0x (5114)
ಪಾತಿತೇ ಯುಧಿ ದುರ್ಧರ್ಷೇ ಮದ್ರರಾಜೇ ಮಹಾರಥೇ।
ತಾವಕಾಸ್ತವ ಪುತ್ರಾಶ್ಚ ಪ್ರಾಯಶೋ ವಿಮುಖಾಽಭವನ್॥ 9-18-1 (61116)
ವಣಿಜೋ ನಾವಿ ಭಿನ್ನಾಯಾಂ ಯಥಾಗಾಧೇ ಮಹಾರ್ಣವೇ।
ಅಪಾರೇ ಪಾರಮಿಚ್ಛಂತೋ ಹತೇ ಶೂರೇ ಮಹಾತ್ಮನಿ॥ 9-18-2 (61117)
ಮದ್ರರಾಜೇ ಮಹಾರಾಜ ವಿತ್ರಸ್ತಾಃ ಶರವಿಕ್ಷತಾಃ।
ಅನಾಥಾ ನಾಥಮಿಚ್ಛಂತೋ ಮೃಗಾಃ ಸಿಂಹಾರ್ದಿತಾ ಇವ॥ 9-18-3 (61118)
ವೃಷಾ ಯಥಾ ಭಗ್ನಶೃಂಗಾಃ ಶೀರ್ಣದಂತಾ ಯಥಾ ಗಜಾಃ।
ಮಧ್ಯಾಹ್ನೇ ಪ್ರತ್ಯಪಾಯಾಮ ನಿರ್ಜಿತಾಽಜಾತಶತ್ರುಣಾ॥ 9-18-4 (61119)
ನ ಸಂಸ್ಥಾತುಮನೀಕಾನಿ ನ ಚ ರಾಜನ್ಪರಾಕ್ರಮೇ।
ಆಸೀದ್ಬುದ್ಧಿರ್ಹತೇ ಶಲ್ಯೇ ತವ ಯೋಧಸ್ಯ ಕಸ್ಯಚಿತ್॥ 9-18-5 (61120)
ಭೀಷ್ಮೇ ದ್ರೋಣೇ ಚ ನಿಹತೇ ಸೂತಪುತ್ರೇ ಚ ಪಾತಿತೇ।
ಯದ್ದುಃಖಂ ತವ ಯೋಧಾನಾಂ ಭಯಂ ಚಾಸೀದ್ವಿಶಾಂಪತೇ॥ 9-18-6 (61121)
ತದ್ಭಯಂ ಸ ಚ ನಃ ಶೋಕೋ ಭೂಯ ಏವಾಭ್ಯವರ್ತತ।
ನಿರಾಶಾಶ್ಚ ಜಯೇ ರಾಜನ್ಹತೇ ಶಲ್ಯೇ ಮಹಾರಥೇ॥ 9-18-7 (61122)
ಹತಪ್ರವೀರಾ ವಿಧ್ವಸ್ತಾ ನಿಕೃತ್ತಾಶ್ಚ ಶಿತೈಃ ಶರೈಃ।
ಮದ್ರರಾಜೇ ಹತೇ ರಾಜನ್ಯೋಧಾಸ್ತೇ ಪ್ರಾದ್ರವನ್ಭಯಾತ್॥ 9-18-8 (61123)
ಅಶ್ವಾನನ್ಯೇ ಗಜಾನನ್ಯೇ ರಥಾನನ್ಯೇ ಮಹಾರಥಾಃ।
ಆರುಹ್ಯ ಜವಸಂಪನ್ನಾ ಪಾದಾತಾಃ ಪ್ರಾದ್ರವಂಸ್ತಥಾ॥ 9-18-9 (61124)
ದ್ವಿಸಾಹಸ್ರಾಶ್ಚ ಮಹಾತಂಗಾ ಗಿರಿರೂಪಾಃ ಪ್ರಹಾರಿಣಃ।
xxಪ್ರಾದ್ರವನ್ಹತೇ ಶಲ್ಯೇ ಅಂಕುಶಾಂಗುಷ್ಠನೋದಿತಾಃ॥ 9-18-10 (61125)
ತೇ ರಣಾದ್ಭರತಶ್ರೇಷ್ಠ ತಾವಕಾಃ ಪ್ರಾದ್ರವಂದಿಶಃ।
ಧಾವತಶ್ಚಾಪ್ಯಪಶ್ಯಾಮ ಶ್ವಸಮಾನಾಞ್ಶರಾಹತಾನ್॥ 9-18-11 (61126)
ತಾನ್ಪ್ರಭಗ್ನಾನ್ಹತಾಂದೃಷ್ಟ್ವಾ ಹತೋತ್ಸಾಹಾನ್ಪರಾಜಿತಾನ್।
ಅಭ್ಯವರ್ತಂತ ಪಾಂಚಾಲಾಃ ಪಾಂಡವಾಶ್ಚ ಜಯೈಷಿಣಃ॥ 9-18-12 (61127)
ಬಾಣಶಬ್ದರವಾಶ್ಚಾಪಿ ಸಿಂಹನಾದಾಶ್ಚ ಪುಷ್ಕಲಾಃ।
ಶಂಖಶಬ್ದಶ್ಚ ಶೂರಾಣಾಂ ದಾರುಣಃ ಸಮಪದ್ಯತ॥ 9-18-13 (61128)
ದೃಷ್ಟ್ವಾ ತು ಕೌರವಂ ಸೈನ್ಯಂ ಭಯತ್ರಸ್ತಂ ಪ್ರವಿದ್ರುತಂ।
ಅನ್ಯೋನ್ಯಂ ಸಮಭಾಷಂತ ಪಾಂಚಾಲಾಃ ಪಾಂಡವೈಃ ಸಹ॥ 9-18-14 (61129)
ಅದ್ಯ ರಾಜಾ ಸತ್ಯಧೃತಿರ್ಹತಾಮಿತ್ರೋ ಯುಧಿಷ್ಠಿರಃ।
ಅದ್ಯ ದುರ್ಯೋಧನೋ ಹೀನೋ ದೀಪ್ತಯಾ ನೃಪತಿಶ್ರಿಯಾ॥ 9-18-15 (61130)
ಅದ್ಯ ಶ್ರುತ್ವಾ ಹತಂ ಪುತ್ರಂ ಧೃತರಾಷ್ಟ್ರೋ ಜನೇಶ್ವರಃ।
ನಿಃಸಂಜ್ಞಃ ಪತಿತೋ ಭೂಮೌ ಕಿಲ್ಬಿಷಂ ಪ್ರತಿಪತ್ಸ್ಯತೇ॥ 9-18-16 (61131)
ಅದ್ಯ ಜಾನಾತಿ ಬೀಭತ್ಸುಂ ಸಮರ್ಥಂ ಸ್ವಧನ್ವಿನಾಂ।
ಅದ್ಯಾತ್ಮಾನಂ ಚ ದುರ್ಮೇಧಾ ಗರ್ಹಯಿಷ್ಯತಿ ಪಾಪಕೃತ್॥ 9-18-17 (61132)
ಅದ್ಯ ಕ್ಷತ್ತುರ್ವಚಃ ಸತ್ಯಂ ಸ್ಮರತಾಂ ಬ್ರುವತೋ ಹಿತಂ।
ಅದ್ಯಪ್ರಭೃತಿ ಪಾರ್ಥಂ ಚ ಪ್ರೇಷ್ಯಭೂತ ಇವಾಚರನ್।
ವಿಜಾನಾತು ನೃಪೋ ದುಃಖಂ ಯತ್ಪ್ರಾಪ್ತಂ ಪಾಂಡುನಂದನೈಃ॥ 9-18-18 (61133)
ಅದ್ಯ ಕೃಷ್ಣಸ್ಯ ಮಾಹಾತ್ಂಯಂ ವಿಜಾನಾತು ಮಹೀಪತಿಃ।
ಅದ್ಯಾರ್ಜುನಧನುರ್ಘೋಷಂ ಘೋರಂ ಜಾನಾತು ಸಂಯುಗೇ॥ 9-18-19 (61134)
ಅತ್ತ್ರಾಣಾಂ ಚ ಬಲಂ ಸರ್ವಂ ಬಾಹ್ವೋಶ್ಚ ಬಲಮಾಹವೇ।
`ಪುತ್ರಾಣಾಂ ಚ ವಧಂ ಘೋರಂ ಭೀಮೇನ ಶ್ರೋಷ್ಯತೇ ನೃಪಃ'॥ 9-18-20 (61135)
ಅದ್ಯ ಜ್ಞಾಸ್ಯತಿ ಭೀಮಸ್ಯ ಬಲಂ ಘೋರಂ ಮಹಾತ್ಮನಃ।
ಹತೇ ದುರ್ಯೋಧನೇ ಯುದ್ಧೇ ಶಕ್ರೇಣೇವ ತು ಶಂಬರೇ॥ 9-18-21 (61136)
ಯತ್ಕೃತಂ ಭೀಮಸೇನೇನ ದುಃಶಾಸನವಧೇ ತದಾ।
ಕೋಽನ್ಯಃ ಕರ್ತಾಽಸ್ತಿ ತಲ್ಲೋಕೇ ಋತೇ ಭೀಮಾನ್ಮಹಾಬಲಾತ್। 9-18-22 (61137)
ಅದ್ಯ ಜ್ಯೇಷ್ಠಸ್ಯ ಜಾನೀತಾಂ ಪಾಂಡವಸ್ಯ ಪರಾಕ್ರಮಂ।
ಮದ್ರರಾಜಂ ಹತಂ ಶ್ರುತ್ವಾ ದೇವೈರಪಿ ಸುದುಃಸಹಂ॥ 9-18-23 (61138)
ಅದ್ಯ ಜ್ಞಾಸ್ಯತಿ ಸಂಗ್ರಾಮೇ ಮಾದ್ರೀಪುತ್ರೌ ಸುದುಃಸಹೌ।
ನಿಹತೇ ಸೌಬಲೇ ವೀರೇ ಗಾಂಧಾರೇಷು ಚ ಸರ್ವಶಃ॥ 9-18-24 (61139)
xxxx ನ ತೇಷಾಂ ಸ್ಯಾದ್ಯೇಷಾಂ ಯೋದ್ಧಾ ಧನಂಜಯಃ।
xxxxx ಧೃಷ್ಟದ್ಯುಂನಶ್ಚ ಪಾರ್ಷತಃ॥ 9-18-25 (61140)
xxxx ಪಂಚ ಮಾದ್ರೀಪುತ್ರೌ ಚ ಪಾಂಡವೌ।
ಶಿಖಂಡೀ ಚ ಮಹೇಷ್ವಾಸೋ ರಾಜಾ ಚೈವ ಯುಧಿಷ್ಠಿರಃ॥ 9-18-26 (61141)
ಯೇಷಾಂ ಚ ಜಗತೋ ನಾಥೋ ನಾಥಃ ಕೃಷ್ಣೋ ಜನಾರ್ದನಃ।
ಕಥಂ ತೇಷಾಂ ಜಯೋ ನ ಸ್ಯಾದ್ಯೇಷಾಂ ಧರ್ಮೋ ವ್ಯಪಾಶ್ರಯಃ॥ 9-18-27 (61142)
`ಲಾಭಸ್ತೇಷಾಂ ಜಯಸ್ತೇಷಾಂ ಕುತಸ್ತೇಷಾಂ ಪರಾಭವಃ।
ಯೇಷಾಂ ನಾಥೋ ಹೃಷೀಕೇಶಃ ಸರ್ವಲೋಕವಿಭುರ್ಹರಿಃ'॥ 9-18-28 (61143)
ಭೀಷ್ಮಂ ದ್ರೋಣಂ ಚ ಕರ್ಣಂ ಚ ಮದ್ರರಾಜಾನಮೇವ ಚ।
ತಥಾಽನ್ಯಾನ್ನೃಪತೀನ್ವೀರಾಞ್ಶತಶೋಽಥ ಸಹಸ್ರಶಃ॥ 9-18-29 (61144)
ಕೋಽನ್ಯಃ ಶಕ್ತೋ ರಣೇ ಜೇತುಮೃತೇ ಪಾರ್ಥಾದ್ಯುಧಿಷ್ಠಿರಾತ್।
ಯಸ್ಯ ನಾಥೋ ಹೃಷೀಕೇಶಃ ಸದಾ ಸತ್ಯಯಶೋನಿಧಿಃ॥ 9-18-30 (61145)
ಇತ್ಯೇವಂ ವದಮಾನಾಸ್ತೇ ಹರ್ಷೇಣ ಮಹತಾ ಯುತಾಃ।
ಪ್ರಭಗ್ನಾಂಸ್ತಾವಕಾನ್ಯೋಧಾನ್ಸಂಹೃಷ್ಟಾಃ ಪೃಷ್ಠತೋಽನ್ವಯುಃ॥ 9-18-31 (61146)
ಧನಂಜಯೋ ರಥಾನೀಕಮಭ್ಯವರ್ತತ ವೀರ್ಯವಾನ್।
ಮಾದ್ರೀಪುತ್ರೌ ಚ ಶಕುನಿಂ ಸಾತ್ಯಕಿಶ್ಚ ಮಹಾರಥಃ॥ 9-18-32 (61147)
ತಾನ್ಪ್ರೇಕ್ಷ್ಯ ದ್ರವತಃ ಸರ್ವಾನ್ಭೀಮಸೇನಭಯಾರ್ದಿತಾನ್।
ದುರ್ಯೋಧನಸ್ತದಾ ಸೂತಮಬ್ರವೀದ್ವಿಸ್ಮಯನ್ನಿವ॥ 9-18-33 (61148)
ಮಾಮತಿಕ್ರಮತೇ ಪಾರ್ಥೋ ಧನುಷ್ಪಾಣಿಮವಸ್ಥಿತಂ।
ಜಘನೇ ಸರ್ವಸೈನ್ಯಾನಾಂ ಶನೈರಶ್ವಾನ್ಪ್ರಚೋದಯ॥ 9-18-34 (61149)
ಜಘನೇ ಯುಧ್ಯಮಾನಂ ಹಿ ಕೌಂತೇಯೋ ಮಾಂ ನ ಸಂಶಯಃ।
ನೋತ್ಸಹೇದಭ್ಯತಿಕ್ರಾಂತುಂ ವೇಲಾಮಿವ ಮಹೋದಧಿಃ॥ 9-18-35 (61150)
ಪಶ್ಯ ಸೈನ್ಯಂ ಮಹತ್ಸೂತ ಪಾಂಡವೈಃ ಸಮಭಿದ್ರುತಂ।
ಸೈನ್ಯರೇಣುಂ ಸಮುದ್ಭೂತಂ ಪಶ್ಯ ಚೈನಂ ಸಮಂತತಃ॥ 9-18-36 (61151)
ಸಿಂಹನಾದಾಂಶ್ಚ ಸಮುದ್ಭೂತಂ ಪಶ್ಯ ಚೈನಂ ಸಮಂತತಃ॥
ತಸ್ಮಾದ್ಯಾಹಿ ಶನೈಃ ಸೂತ ಜಘನಂ ಪರಿಪಾಲಯ॥ 9-18-37 (61152)
ಮಯಿ ಸ್ಥಿತೇ ಚ ಸಮರೇ ನಿರುದ್ಧೇಷು ಚ ಪಾಂಡುಷು।
ಪುನರಾವರ್ತತೇ ತೂರ್ಣಂ ಮಾಮಕಂ ಬಲಮೋಜಸಾ॥ 9-18-38 (61153)
ತಚ್ಛ್ರುತ್ವಾ ತವ ಪುತ್ರಸ್ಯ ಶೂರಸ್ಯ ಸದೃಶಂ ವಚಃ।
ಸಾರಥಿರ್ಹೇಮಸಂಛನ್ನಾಞ್ಶರೈರಶ್ವಾನಚೋದಯತ್॥ 9-18-39 (61154)
ಗಜಾಶ್ವರಥಿಭಿರ್ಹೀನಾಸ್ತ್ಯಕ್ತಾತ್ಮಾನಃ ಪದಾತಯಃ।
ಏಕವಿಂಶತಿಸಾಹಸ್ರಾಃ ಸಂಯುಗಾಯಾವತಸ್ಥಿರೇ॥ 9-18-40 (61155)
ನಾನಾದೇಶಸಮುದ್ಭೂತಾ ನಾನಾರಂಜಿತವಾಸಸಃ।
ಅವಸ್ಥಿತಾಸ್ತದಾ ಯೋಧಾಃ ಪ್ರಾರ್ಥಯಂತೋ ಮಹದ್ಯಶಃ॥ 9-18-41 (61156)
ತೇಷಾಮಾಪತತಾಂ ತತ್ರ ಸಂಹೃಷ್ಟಾನಾಂ ಪರಸ್ಪರಂ।
ಸಂಮರ್ದಃ ಸುಮಹಾಂಚಜ್ಞೇ ಘೋರರೂಪೋ ಭಯಾನಕಃ॥ 9-18-42 (61157)
ಭೀಮಸೇನಂ ತದಾ ರಾಜಂಧೃಷ್ಟದ್ಯುಂನಂ ಚ ಪಾರ್ಷತಂ।
ಬಲೇನ ಚತುರಂಗೇಣ ನಾನಾದೇಶ್ಯಾನವಾರಯತ್॥ 9-18-43 (61158)
ಭೀಮಮೇವಾಭ್ಯವರ್ತಂತ ರಣೇಽನ್ಯೇ ತು ಪದಾತಯಃ।
ಪ್ರಕ್ಷ್ವೇಡ್ಯಾಸ್ಫೋಟ್ಯ ಸಂಹೃಷ್ಟಾ ವೀರಲೋಕಂ ಯಿಯಾಸವಃ॥ 9-18-44 (61159)
ಆಸಾದ್ಯ ಭೀಮಸೇನಂ ತು ಸಂರಬ್ಧಾ ಯುದ್ಧದುರ್ಮದಾಃ।
ಧಾರ್ತರಾಷ್ಟ್ರಾ ವಿನೇದುರ್ಹಿ ನಾನ್ಯಾಮಕಥನಯನ್ಕಥಾಂ।
ಪರಿವಾರ್ಯ ರಣೇ ಭೀಮಂ ನಿಜಘ್ನುಸ್ತೇ ಸಮಂತತಃ॥ 9-18-45 (61160)
ಸ ವಧ್ಯಮಾನಃ ಸಮರೇ ಪದಾತಿಗಣಸಂವೃತಃ।
ನ ಚಚಾಲ ತತಃ ಸ್ಥಾನಾನ್ಮೈನಾಕ ಇವ ಪರ್ವತಃ॥ 9-18-46 (61161)
ತೇ ತು ಕ್ರುದ್ಧಾ ಮಹಾರಾಜ ಪಾಂಡವಸ್ಯ ಮಹಾರಥಂ।
ನಿಗ್ರಹೀತುಂ ಪ್ರವೃತ್ತಾ ಹಿ ಯೋಧಾಂಶ್ಚಾನ್ಯಾನವಾರಯನ್॥ 9-18-47 (61162)
ಅಕ್ರುಧ್ಯತ ರಣೇ ಭೀಮಸ್ತೈಸ್ತದಾ ಪರ್ಯವಸ್ಥಿತೈಃ।
ಸೋಽವತೀರ್ಯ ರಥಾತ್ತೂರ್ಣಂ ಪದಾತಿಃ ಸಮವಸ್ಥಿತಃ॥ 9-18-48 (61163)
ಜಾತರೂಪಪ್ರತಿಚ್ಛನ್ನಾಂ ಪ್ರಗೃಹ್ಯ ಮಹತೀಂ ಗದಾಂ।
ಅವಧೀತ್ತಾವಕಾನ್ಯೋಧಾಂದಂಡಪಾಣಿರಿವಾಂತಕಃ॥ 9-18-49 (61164)
ರಥಾಶ್ವವಿಪ್ರಹೀಣಾಂಸ್ತು ತಾನ್ಭೀಮೋ ಗದಯಾ ಬಲೀ।
ಏಕವಿಂಶತಿಸಾಹಸ್ರಾನ್ಪದಾತೀನ್ಸಮಪೋಥಯತ್॥ 9-18-50 (61165)
ಹತ್ವಾ ತತ್ಪುರುಷಾನೀಕಂ ಭೀಮಃ ಸತ್ಯಪರಾಕ್ರಮಃ।
ಧೃಷ್ಟದ್ಯುಂನಂ ಪುರಸ್ಕೃತ್ಯ ನ ಚಿರಾತ್ಪ್ರತ್ಯದೃಶ್ಯತ॥ 9-18-51 (61166)
ಪಾದಾತಾ ನಿಹತಾ ಭೂಮೌ ಶಿಶ್ಯಿರೇ ರುಧಿರೋಕ್ಷಿತಃ।
ಸಂಭಗ್ನಾ ಇವ ವಾತೇನ ಕರ್ಣಿಕಾರಾಃ ಸುಪುಷ್ಪಿತಾಃ॥ 9-18-52 (61167)
ನಾನಾಶಸ್ತ್ರಸಮಾಯುಕ್ತಾ ನಾನಾಕುಂಡಲಧಾರಿಣಃ।
ನಾನಾಜಾತ್ಯಾ ಹತಾಸ್ತತ್ರ ನಾದೇಶಸಮಾಗತಾಃ॥ 9-18-53 (61168)
ಪತಾಕಾಧ್ವಜಸಂಛನ್ನಂ ಪದಾತೀನಾಂ ಮಹದ್ಬಲಂ।
ನಿಕೃತ್ತಂ ವಿಬಭೌ ರೌದ್ರಂ ಘೋರರೂಪಂ ಭಯಾವಹಂ॥ 9-18-54 (61169)
ಯುಧಿಷ್ಠಿರಪುರೋಗಾಶ್ಚ ಸಹಸೈನ್ಯಾ ಮಹಾರಥಾಃ।
ಅಭ್ಯಧಾವನ್ಮಹಾತ್ಮಾನಂ ಪುತ್ರಂ ದುರ್ಯೋಧನಂ ತವ॥ 9-18-55 (61170)
ತೇ ಸರ್ವೇ ತಾವಕಾಂದೃಷ್ಟ್ವಾ ಮಹೇಷ್ವಾಸಾನ್ಪರಾಙ್ಮುಖಾನ್।
ನಾಭ್ಯವರ್ತಂತ ತೇ ಪುತ್ರಂ ವೇಲಾಮಿವ ಮಹೋರ್ಮಯಃ॥ 9-18-56 (61171)
ತದದ್ಭುತಮಪಶ್ಯಾಮ ತವ ಪುತ್ರಸ್ಯ ಪೌರುಷಂ।
ಯದೇಕಂ ಸಹಿತಾಃ ಪಾರ್ಥಾ ನ ಶೇಕುರತಿವರ್ತಿತುಂ॥ 9-18-57 (61172)
ನಾತಿದೂರಾಪಯಾತಂ ತು ಕೃತಬುದ್ವಿ ಪಲಾಯನೇ।
ದುರ್ಯೋಧನಃ ಸ್ವಕಂ ಸೈನ್ಯಮಬ್ರವೀದ್ಭೃಶವಿಕ್ಷತಂ॥ 9-18-58 (61173)
ನ ತಂ ದೇಶಂ ಪ್ರಪಶ್ಯಾಮಿ ಪೃಥಿವ್ಯಾಂ ಪರ್ವತೇಷು ಚ।
ಯತ್ರ ಯಾತಾನ್ನ ವಾ ಹನ್ಯುಃ ಪಾಂಡವಾಃ ಕಿಂ ಸೃತೇನ ವಃ॥ 9-18-59 (61174)
ಅಲ್ಪಂ ಚ ಬಲಮೇತೇಷಾಂ ಕೃಷ್ಣೌ ಚ ಭೃಶವಿಕ್ಷತೌ।
ಯದಿ ಸರ್ವೇಽತ್ರ ತಿಷ್ಠಾಮೋ ಧ್ರುವಂ ನೋ ವಿಜಯೋ ಭವೇತ್॥ 9-18-60 (61175)
ವಿಪ್ರಯಾತಾಂಸ್ತು ವೋ ಭಿನ್ನಾನ್ಪಾಂಡವಾಃ ಕೃತವಿಪ್ರಿಯಾಃ।
ಅನುಯಾಯ ಹನಿಷ್ಯಂತಿ ಶ್ರೇಯಾನ್ನಃ ಸಮರೇ ವಧಃ॥ 9-18-61 (61176)
ಶೃಣ್ವಂತು ಕ್ಷತ್ರಿಯಾಃ ಸರ್ವೇ ಯಾವಂತೋಽತ್ರ ಸಮಾಗತಾಃ।
ಯದಾ ಶೂರಂ ಚ ಭೀರುಂ ಚ ಮಾರಯತ್ಯಂತಕಃ ಸದಾ॥ 9-18-62 (61177)
ಕೋ ನು ಮೂಢೋ ನ ಯುಧ್ಯೇತ ಪುರುಷಃ ಕ್ಷತ್ರಿಯೋ ಧ್ರುವಂ।
ಶ್ರೇಯಾನ್ನೋ ಭೀಮಸೇನಸ್ಯ ಕ್ರುದ್ಧಸ್ಯಾಭಿಮುಖೇ ಸ್ಥಿತಃ॥ 9-18-63 (61178)
ಸುಖಃ ಸಾಂಗ್ರಾಮಿಕೋ ಮೃತ್ಯುರ್ದುಃಖೋ ವ್ಯಾಧಿಜರಾದಿಭಿಃ।
ಮರ್ತ್ಯೇನಾವಶ್ಯಮರ್ತವ್ಯಂ ಗೃಹೇಷ್ವಪಿ ಕದಾಚನ॥ 9-18-64 (61179)
ಯುಧ್ಯತಃ ಕ್ಷತ್ರಧರ್ಮೇಣ ಮೃತ್ಯುರೇಷ ಸನಾತನಃ।
ಹತ್ವೇಹ ಸುಖಮಾಪ್ನೋತಿ ಹತಃ ಪ್ರೇತ್ಯ ಮಹತ್ಫಲಂ॥ 9-18-65 (61180)
ನ ಯುದ್ಧಧರ್ಮಾಚ್ಛ್ರೇಯಾನ್ವೈ ಪಂಥಾಃ ಸ್ವರ್ಗಸ್ಯ ಕೌರವಾಃ।
ಅಚಿರೇಣೈವ ತಾಂʼಲ್ಲೋಕಾನ್ಹತೋ ಯುದ್ಧೇ ಸಮಶ್ನುತೇ॥ 9-18-66 (61181)
ಶ್ರುತ್ವಾ ತದ್ವಚನಂ ತಸ್ಯ ಪೂಜಯಿತ್ವಾ ಚ ಪಾರ್ಥಿವಾಃ।
ಪುನರೇವಾಭ್ಯವರ್ತಂತ ಪಾಂಡವಾನಾತತಾಯಿನಃ॥ 9-18-67 (61182)
ತಾನಾಪತತ ಏವಾಶು ವ್ಯೂಢಾನೀಕಾಃ ಪ್ರಹಾರಿಣಃ।
ಪ್ರತ್ಯುದ್ಯಯುಸ್ತದಾ ಪಾರ್ಥಾ ಜಯಗೃದ್ಧಾಃ ಪ್ರಮನ್ಯವಃ॥ 9-18-68 (61183)
ಧನಂಜಯೋ ರಥೇನಾಜಾವಭ್ಯವರ್ತತ ವೀರ್ಯವಾನ್।
ವಿಶ್ರುತಂ ತ್ರಿಷು ಲೋಕೇಷು ವ್ಯಾಕ್ಷಿಪನ್ಗಾಂಡಿವಂ ಧನುಃ॥ 9-18-69 (61184)
ಮಾದ್ರೀಪುತ್ರೌ ಚ ಶಕುನಿಂ ಸಾತ್ಯಕಿಶ್ಚ ಮಹಾಬಲಃ।
ಜವೇನಾಭ್ಯಪತನ್ಹೃಷ್ಟಾ ಯತ್ತಾ ವೈ ತಾವಕಂ ಬಲಂ॥ ॥ 9-18-70 (61185)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಅಷ್ಟಾದಶೋಽಧ್ಯಾಯಃ॥ 18 ॥
Mahabharata - Shalya Parva - Chapter Footnotes
9-18-34 ನ ಮಾತೇಕ್ರಮತೇ ಪಾಥಃ ಇತಿ ಙ. ಪಾಠಃ। ನ ಮಾನಸಸ್ಯತೇ ಇತಿ ಕ.ಪಾಠಃ॥ 9-18-18 ಅಷ್ಟಾದಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 019
॥ ಶ್ರೀಃ ॥
9.19. ಅಧ್ಯಾಯಃ 019
Mahabharata - Shalya Parva - Chapter Topics
ಸಾತ್ಯಕಿನಾ ಸಾಲ್ವವಧಃ॥ 1 ॥Mahabharata - Shalya Parva - Chapter Text
9-19-0 (61186)
ಸಂಜರಾ ಉವಾಚ। 9-19-0x (5115)
ಸನ್ನಿವೃತ್ತೇಷು ಸೈನ್ಯೇಷು ಸಾಲ್ವೋ ಂಲೇಚ್ಛಗಣಾಧಿಪಃ।
ಅಭ್ಯದ್ರವತ್ಸುಸಂಕ್ರುದ್ಧಃ ಪಾಂಡವಾನಾಂ ಮಹದ್ಬಲಂ॥ 9-19-1 (61187)
ಆಸ್ಥಾಯ ಸುಮಹಾನಾಗಂ ಪ್ರಭಿನ್ನಂ ಪರ್ವತೋಪಮಂ।
ಸಪ್ತಮೈರಾವತಪ್ರಖ್ಯಮಮಿತ್ರಗಣಮರ್ದನಂ॥ 9-19-2 (61188)
ಯೋಽಸೌ ಮಹಾನ್ಭದ್ರಕುಲಪ್ರಸೂತಃ
ಸುಪೂಜಿತೋ ಧಾರ್ತರಾಷ್ಟ್ರೇಣ ನಿತ್ಯಂ।
ಸುಕಲ್ಪಿತಃ ಶಾಸ್ತ್ರವಿನಿಶ್ಚಯಜ್ಞೈಃ
ಸದೌಪವಾಹ್ಯಃ ಸಮರೇಷು ರಾಜನ್॥ 9-19-3 (61189)
ಐರಾವತಂ ದೈತ್ಯಗಣಾನ್ವಿಮೃದ್ರ--
ಞ್ಶಕ್ರೋ ಯಥಾ ಸಂಜನಯನ್ಭಯಾನಿ।
ತಮಾಸ್ಥಿತೋ ರಾಜವರೋ ಬಭೂವ
ಯಥೋದಯಸ್ಥಃ ಸವಿತಾ ಕ್ಷಪಾಂತೇ॥ 9-19-4 (61190)
ಸ ತೇನ ನಾಗಪ್ರವರೇಣ ರಾಜ--
ನ್ನಭ್ಯುದ್ಯಯೌ ಪಾಂಡುಸುತಾನ್ಸಮೇತಾನ್।
ಶಿತೈಃ ಪೃಷತ್ಕೈರ್ವಿದದಾರ ವೇಗೈ--
ರ್ಮಹೇಂದ್ರವಜ್ರಪ್ರತಿಮೈಃ ಸುಘೋರೈಃ॥ 9-19-5 (61191)
ತತಃ ಶರಾನ್ವೈ ಸೃಜತೋ ಮಹಾರಣೇ
ಯೋಧಾಂಶ್ಚ ರಾಜನ್ನಯತೋ ಯಮಾಲಯಂ।
ನಾಸ್ಯಾನತ್ರಂ ದದೃಶುಃ ಸ್ವೇ ಪರೇ ವಾ
ಯಥಾ ಪುರಾ ವಜ್ರಧರಸ್ಯ ದೈತ್ಯಾಃ॥ 9-19-6 (61192)
ತೇ ಪಾಂಡವಾಃ ಸೋಮಕಾಃ ಸೃಂಜಯಾಶ್ಚ
ತಮೇಕನಾಗಂ ದದೃಶುಃ ಸಮಂತಾತ್।
ಸಹಸ್ರಶೋ ವೈ ವಿಚರಂತಮೇಕಂ
ಯಥಾ ಮಹೇಂದ್ರಸ್ಯ ಗಜಂ ಸಮೀಪೇ॥ 9-19-7 (61193)
ಸಂದ್ರಾವ್ಯಮಾಣಂ ತು ಬಲಂ ಪರೇಷಾಂ
ಪರೇತಕಲ್ಪಂ ವಿಬಭೌ ಸಮಂತತಃ।
ನೈವಾವತಸ್ಥೇ ಸಮರೇ ಭೃಶಂ ಭಯಾ--
ದ್ವಿಮೃದ್ಯಮಾನಂ ತು ಪರಸ್ಪರಂ ತದಾ॥ 9-19-8 (61194)
ತತಃ ಪ್ರಭಗ್ನಾ ಸಹಸಾ ಮಹಾಚಮೂಃ
ಸಾ ಪಾಂಡವೀ ತೇನ ನರಾಧಿಪೇನ।
ದಿಶಶ್ಚತಸ್ರಃ ಸಹಸಾ ವಿಧಾವಿತಾ
ಗಜೇಂದ್ರವೇಗಂ ತಮಪಾರಯಂತೀ॥ 9-19-9 (61195)
ದೃಷ್ಟ್ವಾ ಚ ತಾಂ ವೇಗವತಾ ಪ್ರಭಗ್ನಾಂ
ಸರ್ವೇ ತ್ವದೀಯಾ ಯುಧಿ ಯೋಧಮುಖ್ಯಾಃ।
ಅಪೂಜಯಂಸ್ತೇ ತು ನರಾಧಿಪಂ ತಂ
ದಧ್ಮುಶ್ಚ ಶಂಖಾಞ್ಶಶಿಸನ್ನಿಕಾಶಾನ್॥ 9-19-10 (61196)
ಶ್ರುತ್ವಾ ನಿನಾದಂ ತ್ವಥ ಕೌರವಾಣಾಂ
ಹರ್ಷಾದ್ವಿಮುಕ್ತಂ ಸಹ ಶಂಖಶಬ್ದೈಃ।
ಸೇನಾಪತಿಃ ಪಾಂಡವಸೃಂಜಯಾನಾಂ
ಪಾಂಚಾಲಪುತ್ರೋ ಮಮೃಷೇ ನ ಕೋಪಾತ್॥ 9-19-11 (61197)
ತತಸ್ತು ತಂ ವೈ ದ್ವಿರದಂ ಮಹಾತ್ಮಾ
ಪ್ರತ್ಯುದ್ಯಯೌ ತ್ವರಮಾಣೋ ಜಯಾಯ।
ಜಂಭೋ ಯಥಾ ಶಕ್ರಸಮಾಗಮೇ ವೈ
ನಾಗೇಂದ್ರಮೈರಾವಣಮಿಂದ್ರವಾಹ್ಯಂ॥ 9-19-12 (61198)
ತಮಾಪತಂತಂ ಸಹಸಾ ತು ದೃಷ್ಟ್ವಾ
ಪಾಂಚಾಲಪುತ್ರಂ ಯುಧಿ ರಾಜಸಿಂಹಃ।
ತಂ ವೈ ದ್ವಿಪಂ ಪ್ರೇಷಯಾಮಾಸ ತೂರ್ಣಂ
ವಧಾಯ ರಾಜಂದ್ರುಪದಾತ್ಮಜಸ್ಯ॥ 9-19-13 (61199)
ಸ ತಂ ದ್ವಿಪೇಂದ್ರಂ ಸಹಸಾಪತಂತ--
ಮವಿಧ್ಯದಗ್ನಿಪ್ರತಿಮೈಃ ಪೃಷತ್ಕೈಃ।
ಕರ್ಮಾರಧೌತೈರ್ನಿಶಿತೈರ್ಜ್ವಲದ್ಭಿ--
ರ್ನಾರಾಚಮುಖ್ಯೈಸ್ತ್ರಿಭಿರುಗ್ರವೇಗೈಃ॥ 9-19-14 (61200)
ತತೋಽಪರಾನ್ಪಂಚಶತಾನ್ಮಹಾತ್ಮಾ
ನಾರಾಚಮುಖ್ಯಾನ್ವಿಸಸರ್ಜ ಕುಂಭೇ।
ಸ ತೈಸ್ತು ವಿದ್ಧಃ ಪರಮದ್ವಿಪೋ ರಣೇ
ತದಾ ಪರಾವೃತ್ಯ ಭೃಶಂ ಪ್ರದುದ್ರುವೇ॥ 9-19-15 (61201)
ತಂ ನಾಗರಾಜಂ ಸಹಸಾ ಪ್ರಣುನ್ನಂ
ವಿದ್ರಾವ್ಯಮಾಣಂ ವಿನಿವರ್ತ್ಯ ಸಾಲ್ವಃ।
ತೋತ್ರಾಂಕುಶೈಃ ಪ್ರೇಷಯಾಮಾಸ ತೂರ್ಣಂ
ಪಾಂಚಾಲರಾಜಸ್ಯ ಸುತಂ ಪ್ರದಿಶ್ಯ॥ 9-19-16 (61202)
ದೃಷ್ಟ್ವಾ ಪತಂತಂ ಸಹಸಾ ತು ನಾಗಂ
ಧೃಷ್ಟದ್ಯುಂನಃ ಸ್ವರಥಾಚ್ಛೀಘ್ರಮೇವ।
ಗದಾಂ ಪ್ರಗೃಹ್ಯೋಗ್ರಜವೇನ ವೀರೋ
ಭೂಮಿಂ ಪ್ರಪನ್ನೋ ಭಯವಿಹ್ವಲಾಂಗಃ॥ 9-19-17 (61203)
ಸ ತಂ ರಥಂ ಹೇಮವಿಭೂಷಿತಾಂಗಂ
ಸಾಶ್ವಂ ಸಸೂತಂ ಸಹಸಾ ವಿಮೃದ್ಯ।
ಉತ್ಕ್ಷಿಪ್ಯ ಹಸ್ತೇನ ನದನ್ಮಹಾದ್ವಿಪೋ
ವಿಪೋಥಯಾಮಾಸ ವಸುಂಧರಾತಲೇ॥ 9-19-18 (61204)
ಪಾಂಚಾಲರಾಜಸ್ಯ ಸುತಂ ಚ ದೃಷ್ಟ್ವಾ
ತದಾರ್ದಿತಂ ನಾಗವರೇಣ ತೇನ।
ತಮಭ್ಯಧಾವತ್ಸಹಸಾ ಜವೇನ
ಭೀಮಃ ಶಿಖಂಡೀ ಚ ಶಿನೇಶ್ಚ ನಪ್ತಾ॥ 9-19-19 (61205)
ಶರೈಶ್ಚ ವೇಗಂ ಸಹಸಾ ನಿಗೃಹ್ಯ
ತಸ್ಯಾಭಿತೋ ವ್ಯಾಪತತೋ ಗಜಸ್ಯ।
ಸ ಸಂಗೃಹೀತೋ ರಥಿಭಿರ್ಗಜೋ ವೈ
ಚಚಾಲ ತೈರ್ವಾರ್ಯಮಾಣಶ್ಚ ಸಂಖ್ಯೇ॥ 9-19-20 (61206)
ತತಃ ಪೃಷತ್ಕಾನ್ಪ್ರವವರ್ಷ ರಾಜಾ
ಸೂರ್ಯೋ ಯಥಾ ರಶ್ಮಿಜಾಲಂ ಸಮಂತಾತ್।
ತೈರಾಶುಗೈರ್ವಧ್ಯಮಾನಾ ರಥೌಘಾಃ
ಪ್ರದುದ್ರುವುಃ ಸಹಿತಾಸ್ತತ್ರತತ್ರ॥ 9-19-21 (61207)
ತತ್ಕರ್ಮ ಸಾಲ್ವಸ್ಯ ಸಮೀಕ್ಷ್ಯ ಸರ್ವೇ
ಪಾಂಚಾಲಪುತ್ರಾ ನೃಪ ಸೃಂಜಯಾಶ್ಚ।
ಹಾಹಾಕಾರೈರ್ನಾದಯಂತಿ ಸ್ಮ ಯುದ್ಧೇ
ದ್ವಿಪಂ ಸಮಂತಾದ್ರುರುಧುರ್ನರಾಗ್ರ್ಯಾಃ॥ 9-19-22 (61208)
ಪಾಂಚಾಲಪುತ್ರಸ್ತ್ವರಿತಸ್ತು ಶೂರೋ
ಗದಾಂ ಪ್ರಗೃಹ್ಯಾಚಲಶೃಂಗಕಲ್ಪಾಂ।
ಸಸಂಭ್ರಮಂ ಭಾರತ ಶತ್ರುಘಾತೀ
ಜವೇನ ವೀರೋಽನುಸಸಾರ ನಾಗಂ॥ 9-19-23 (61209)
ತತಸ್ತು ನಾಗಂ ಧರಣೀಧರಾಭಂ
ಮದಂ ಸ್ರವಂತಂ ಜಲದಪ್ರಕಾಶಂ।
ಗದಾಂ ಸಮಾತಿಧ್ಯ ಭೃಶಂ ಜಘಾನ
ಪಾಂಚಾಲರಾಜಸ್ಯ ಸುತಸ್ತರಸ್ವೀ॥ 9-19-24 (61210)
ಸ ಭಿನ್ನಕುಂಭಃ ಸಹಸಾ ವಿನದ್ಯ
ಮುಖಾತ್ಪ್ರಭೂತಂ ಕ್ಷತಜಂ ವಿಮುಂಚನ್।
ಪಪಾತ ನಾಗೋ ಧರಮೀಧರಾಭಃ
ಕ್ಷಿತಿಪ್ರಕಂಪಾಚ್ಚಲಿತೋ ಯಥಾಽದ್ರಿಃ॥ 9-19-25 (61211)
ನಿಪಾತ್ಯಮಾನೇ ತು ತದಾ ಗಜೇಂದ್ರೇ
ಹಾಹಾಕೃತೇ ತವ ಪುತ್ರಸ್ಯ ಸೈನ್ಯೇ।
ಸ ಸಾಲ್ವರಾಜಸ್ಯ ಶಿನಿಪ್ರವೀರೋ
ಜಹಾರ ಭಲ್ಲೇನ ಶಿರಃ ಶಿತೇನ॥ 9-19-26 (61212)
ಹೃತೋತ್ತಮಾಂಗೋ ಯುಧಿ ಸಾತ್ವತೇನ
ಪಪಾತ ಭೂಮೌ ಸಹ ನಾಗರಾಜ್ಞಾ।
ಯಥಾಽದ್ರಿಶೃಂಗಂ ಸುಮಹತ್ಪ್ರಣುನ್ನಂ
ವಜ್ರೇಣ ದೇವಾಧಿಪಚೋದಿತೇನ॥ ॥ 9-19-27 (61213)
ಇತಿ ಶ್ರೀಮನ್ಮಹಾಭಾರತೇ ಶಲ್ಯವಧಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಏಕೋನವಿಂಶೋಽಧ್ಯಾಯಃ॥ 19 ॥
ಶಲ್ಯಪರ್ವ - ಅಧ್ಯಾಯ 020
॥ ಶ್ರೀಃ ॥
9.20. ಅಧ್ಯಾಯಃ 020
Mahabharata - Shalya Parva - Chapter Topics
ಸಾತ್ಯಕಿನಾ ಕೃತವರ್ಮಪರಾಜಯಃ॥ 1 ॥Mahabharata - Shalya Parva - Chapter Text
9-20-0 (61214)
ಸಂಜಯ ಉವಾಚ। 9-20-0x (5116)
ತಸ್ಮಿಂಸ್ತು ನಿಹತೇ ಶೂರೇ ಸಾಲ್ವೇ ಸಮಿತಿಶೋಭನೇ।
ತವಾಭಜ್ಯದ್ಬಲಂ ವೇಗಾದ್ವಾತೇನೇವ ಮಹಾದ್ರುಮಃ॥ 9-20-1 (61215)
ತತ್ಪ್ರಭಗ್ನಂ ಬಲಂ ದೃಷ್ಟ್ವಾ ಕೃತವರ್ಮಾ ಮಹಾರಥಃ।
ದಧಾರ ಸಮರೇ ಶೂರಃ ಶತ್ರುಸೈನ್ಯಂ ಮಹಾಬಲಃ॥ 9-20-2 (61216)
ಸನ್ನಿವೃತ್ತಾಸ್ತು ತೇ ಶೂರಾ ದೃಷ್ಟ್ವಾ ಸಾತ್ವತಮಾಹವೇ।
ಶೈಲೋಪಮಂ ಸ್ಥಿರಂ ರಾಜನ್ಕೀರ್ಯಮಾಣಂ ಶರೈರ್ಯುಧಿ॥ 9-20-3 (61217)
ತತಃ ಪ್ರವವೃತೇ ಯುದ್ಧಂ ಕುರೂಣಾಂ ಪಾಂಡವೈಃ ಸಹ।
ನಿವೃತ್ತಾನಾಂ ಮಹಾರಾಜ ಮೃತ್ಯುಂ ಕೃತ್ವಾ ನಿವರ್ತನಂ॥ 9-20-4 (61218)
ತತ್ರಾಶ್ಚರ್ಯಮಭೂದ್ಯುದ್ವಂ ಸಾತ್ವತಸ್ಯ ಪರೈಃ ಸಹ।
ಯದೇಕೋ ವಾರಯಾಮಾಸ ಪಾಂಡುಸೇನಾಂ ದುರಾಸದಾಂ॥ 9-20-5 (61219)
ತೇಷಾಮನ್ಯೋನ್ಯಸುಹೃದಾಂ ಕೃತೇ ಕರ್ಮಣಿ ದುಷ್ಕರೇ।
ಸಿಂಹನಾದಃ ಪ್ರಹೃಷ್ಟಾನಾಂ ದಿವಿಸ್ಪೃಕ್ಸುಮಹಾನಭೂತ್॥ 9-20-6 (61220)
ತೇನ ಶಬ್ದೇನ ವಿತ್ರಸ್ತಾನ್ಪಾಂಚಾಲಾನ್ಭರತರ್ಷಭ।
ಶಿನೇರ್ನಪ್ತಾ ಮಹಾಬಾಹುರನ್ವಪದ್ಯತ ಸಾತ್ಯಕಿಃ॥ 9-20-7 (61221)
ಸ ಸಮಾಸಾದ್ಯ ರಾಜಾನಂ ಕ್ಷೇಮಧೂರ್ತಿಂ ಮಹಾಬಲಂ।
ಸಪ್ತಭಿರ್ನಿಶಿತೈರ್ಬಾಣೈರನಯದ್ಯಮಸಾದನಂ॥ 9-20-8 (61222)
ತಮಾಯಾಂತಂ ಮಹಾಬಾಹುಂ ಪ್ರವಪಂತಂ ಶಿತಾಞ್ಶರಾನ್।
ಜವೇನಾಭ್ಯಪತದ್ವೀಮಾನ್ಹಾರ್ದಿಕ್ಯಃ ಶಿನಿಪುಂಗವಂ॥ 9-20-9 (61223)
ತೌ ಸಿಂಹಾವಿವ ನರ್ದಂತೌ ಧನ್ವಿನೌ ರಥಿನಾಂ ವರೌ।
ಅನ್ಯೋನ್ಯಮಭಿಧಾವಂತೌ ಶಸ್ತ್ರಪ್ರವರಧಾರಿಣೌ॥ 9-20-10 (61224)
ಪಾಂಡವಾಃ ಸಹಪಾಂಚಾಲಾ ಯೋಧಾಶ್ಚಾನ್ಯೇ ನೃಪೋತ್ತಮಾಃ।
ಪ್ರೇಕ್ಷಕಾಃ ಸಮಪದ್ಯಂತ ತಯೋಃ ಪುರುಷಸಿಂಹಯೋಃ॥ 9-20-11 (61225)
ನಾರಾಚೈರ್ವತ್ಸದಂತೈಶ್ಚ ವೃಷ್ಣ್ಯಂಧಕಮಹಾರಥೌ।
ಅಭಿಜಘ್ನತುರನ್ಯೋನ್ಯಂ ಪ್ರಹೃಷ್ಟಾವಿವ ಕುಂಚರೌ॥ 9-20-12 (61226)
ಚರಂತೌ ವಿವಿಧಾನ್ಮಾರ್ಗಾನ್ಹಾರ್ದಿಕ್ಯಶಿನಿಪುಂಗವೌ।
ಮುಹುರಂತರ್ದಧಾತೇ ತೌ ಬಾಣವೃಷ್ಟ್ಯಾ ಪರಸ್ಪರಂ॥ 9-20-13 (61227)
ಚಾಪವೇಗಬಲೋದ್ವೂತಾನ್ಮಾರ್ಗಣಾನ್ವೃಷ್ಣಿಸಿಂಹಯೋಃ।
ಆಕಾಶೇ ಸಮಪಶ್ಯಾಮ ಪತಂಗಾನಿವ ಶೀಘ್ರಗಾನ್॥ 9-20-14 (61228)
ತಮೇಕಂ ಸತ್ಯಕರ್ಮಾಣಮಾಸಾದ್ಯ ಹೃದಿಕಾತ್ಮಜಃ।
ಅವಿಧ್ಯನ್ನಿಶಿತೈರ್ಬಾಣೈಶ್ಚತುರ್ಭಿಶ್ಚತುರೋ ಹಯಾನ್॥ 9-20-15 (61229)
ಸ ದೀರ್ಘಬಾಹುಃ ಸಂಕ್ರುದ್ಧಸ್ತೋತ್ರಾರ್ದಿತ ಇವ ದ್ವಿಪಃ।
ಅಷ್ಟಭಿಃ ಕೃತವರ್ಮಾಣಮವಿಧ್ಯತ್ಪರಮೇಷುಭಿಃ॥ 9-20-16 (61230)
ತತಃ ಪೂರ್ಣಾಯತೋತ್ಸೃಷ್ಟೈಃ ಕೃತವರ್ಮಾ ಶಿಲಾಶಿತೈಃ।
ಸಾತ್ಯಕಿಂ ತ್ರಿಭಿರಾಹತ್ಯ ಧನುರೇಕೇನ ಚಿಚ್ಛಿದೇ॥ 9-20-17 (61231)
ನಿಕೃತ್ತಂ ತದ್ಧನುಃಶ್ರೇಷ್ಠಮಪಾಸ್ಯ ಶಿನಿಪುಂಗವಃ।
ಅನ್ಯದಾದತ್ತ ವೇಗೇನ ಶೈನೇಯಃ ಸಶರಂ ಧನುಃ॥ 9-20-18 (61232)
ತದಾದಾಯ ಧನುಃಶ್ರೇಷ್ಠಂ ವರಿಷ್ಠಃ ಸರ್ವಧನ್ವಿನಾಂ।
ಆರೋಪ್ಯ ಚ ಧನುಃ ಶೀಘ್ರಂ ಮಹಾವೀರ್ಯೋ ಮಹಾಬಲಃ॥ 9-20-19 (61233)
ಅಮೃಷ್ಯಮಾಣೋ ಧನುಷಶ್ಛೇದನಂ ಕೃತವರ್ಮಣಾ।
ಕುಪಿತೋಽತಿರಥಃ ಶೀಘ್ರಂ ಕೃತವರ್ಮಾಣಮಭ್ಯಯಾತ್॥ 9-20-20 (61234)
ತತಃ ಸುನಿಶಿತೈರ್ಬಾಣೈರ್ದಶಭಿಃ ಶಿನಿಪುಂಗವಃ।
ಜಘಾನ ಸೂತಂ ಚಾಶ್ವಾಂಶ್ಚ ಧ್ವಜಂ ಚ ಕೃತವರ್ಮಣಃ॥ 9-20-21 (61235)
ತತೋ ರಾಜನ್ಮಹೇಷ್ವಾಸಃ ಕೃತವರ್ಮಾ ಮಹಾರಥಃ।
ಹತಾಶ್ವಸೂತಂ ಸಂಪ್ರೇಕ್ಷ್ಯ ರಥಂ ಹೇಮಪರಿಷ್ಕೃತಂ॥ 9-20-22 (61236)
ರೋಷೇಣ ಮಹತಾಽಽವಿಷ್ಟಃ ಶೂಲಮುದ್ಯಂಯ ಮಾರಿಷ।
ಚಿಕ್ಷೇಪ ಭುಜವೇಗೇನ ಜಿಘಾಂಸುಃ ಶಿನಿ ಪುಂಗವಂ॥ 9-20-23 (61237)
ತಚ್ಛೂಲಂ ಸಾತ್ವತೋ ಹ್ಯಾಜೌ ನಿರ್ಭಿದ್ಯ ನಿಶಿತೈಃ ಶರೈಃ।
ಚೂರ್ಣಿತಂ ಪಾತಯಾಮಾಸ ಮೋಹಯನ್ನಿವ ಮಾಧವಂ।
ತತೋಽಪರೇಣ ಭಲ್ಲೇನ ಹೃದ್ಯೇನಂ ಸಮತಾಡಯತ್॥ 9-20-24 (61238)
ಸುಯುದ್ವೇ ಯುಯುಧಾನೇನ ಹತಾಶ್ವೋ ಹತಸಾರಥಿಃ।
ಕೃತವರ್ಮಾ ಕೃತಾಸ್ತ್ರೇಣ ಧರಮೀಮನ್ವಪದ್ಯತ॥ 9-20-25 (61239)
ತಸ್ಮಿನ್ಸಾತ್ಯಕಿನಾ ವೀರೇ ದ್ವೈರಥೇ ವಿರಥೀಕೃತೇ।
ಸಮಪದ್ಯತ ಸರ್ವೇಷಾಂ ಸೈನ್ಯಾನಾಂ ಸುಮಹದ್ಭಯಂ॥ 9-20-26 (61240)
ಪುತ್ರಾಣಾಂ ತವ ಚಾತ್ಯರ್ಥಂ ವಿಷಾದಃ ಸಮಜಾಯತ।
ಹತಸೂತೇ ಹತಾಶ್ವೇ ತು ವಿರಥೇ ಕೃತವರ್ಮಣಿ॥ 9-20-27 (61241)
ಹತಾಶ್ವಂ ಚ ಸಮಾಲಕ್ಷ್ಯ ಹತಸೂತಮರಿಂದಮ।
ಅಭ್ಯಧಾವತ್ಕೃಪೋ ರಾಜಂಜಿಘಾಂಸುಃ ಶಿನಿಪುಂಗವಂ॥ 9-20-28 (61242)
ತಮಾರೋಪ್ಯ ರಥೋಪಸ್ಥೇ ಮಿಷತಾಂ ಸರ್ವಧನ್ವಿನಾಂ।
ಅಪೋವಾಹ ಮಹಾಬಾಹುಂ ತೂರ್ಣಮಾಯೋಧನಾದಪಿ॥ 9-20-29 (61243)
ಶೈನೇಯೇಽಧಿಷ್ಠಿತೇ ರಾಜನ್ವಿರಥೇ ಕೃತವರ್ಮಣಿ।
ದುರ್ಯೋಧನಬಲಂ ಸರ್ವಂ ಪುನರಾಸೀತ್ಪರಾಙ್ಮುಖಂ॥ 9-20-30 (61244)
ತತ್ಪರೇ ನಾನ್ವಬುಧ್ಯಂತ ಸೈನ್ಯೇನ ರಜಸಾ ವೃತಾಃ।
ತಾವಕಾಃ ಪ್ರದ್ರುತಾ ರಾಜಂದುರ್ಯೋಧನಮೃತೇ ನೃಪಂ॥ 9-20-31 (61245)
ದುರ್ಯೋಧನಸ್ತು ಸಂಪ್ರೇಕ್ಷ್ಯ ಭಗ್ನಂ ಸ್ವಬಲಮಂತಿಕಾತ್।
ಜವೇನಾಭ್ಯಪತತ್ತೂರ್ಣಂ ಸರ್ವಾಂಶ್ಚೈಕೋ ನ್ಯವಾರಯತ್॥ 9-20-32 (61246)
ಪಾಂಡೂಂಶ್ಚ ಸರ್ವಾನ್ಸಂಕ್ರುದ್ಧೋ ಧೃಷ್ಟದ್ಯುಂನಂ ಚ ಪಾರ್ಷತಂ।
ಶಿಖಂಡಿನಂ ದ್ರೌಪದೇಯಾನ್ಪಾಂಚಾಲಾನಾಂ ಚ ಯೇ ಗಣಾಃ॥ 9-20-33 (61247)
ಕೇಕಯಾನ್ಸೋಮಕಾಂಶ್ಚೈವ ಸೃಂಜಯಾಂಶ್ಚೈವ ಮಾರಿಷ।
ಅಸಂಭ್ರಮಂ ದುರಾಧರ್ಷಃ ಶಿತೈರ್ಬಾಣೈರವಾಕಿರತ್॥ 9-20-34 (61248)
ಅತಿಷ್ಠದಾಹವೇ ಯತ್ತಃ ಪುತ್ರಸ್ತವ ಮಹಾಬಲಃ।
ಯಥಾ ಯಜ್ಞೇ ಮಹಾನಗ್ನಿರ್ಮಂತ್ರಪೂತಃ ಪ್ರಕಾಶತೇ।
ತಥಾ ದುರ್ಯೋಧನೋ ರಾಜಾ ಸಂಗ್ರಾಮೇ ಸರ್ವತೋಽಭವತ್॥ 9-20-35 (61249)
ತಂ ಪರೇ ನಾಭ್ಯವರ್ತಂತ ಮರ್ತ್ಯಾ ಮೃತ್ಯುಮಿವಾಹವೇ।
ಅಥಾನ್ಯಂ ರಥಮಾಸ್ಥಾಯ ಹಾರ್ದಿಕ್ಯಃ ಸಮಪದ್ಯತ॥ ॥ 9-20-36 (61250)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಮಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ವಿಂಶೋಽಧ್ಯಾಯಃ॥ 20 ॥
Mahabharata - Shalya Parva - Chapter Footnotes
9-20-3 ಸಾತ್ವತಂ ಕೃತವರ್ಮಾಣಂ॥ 9-20-20 ವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 021
॥ ಶ್ರೀಃ ॥
9.21. ಅಧ್ಯಾಯಃ 021
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-21-0 (61251)
ಸಂಜಯ ಉವಾಚ। 9-21-0x (5117)
ಪುತ್ರಸ್ತು ತೇ ಮಹಾರಾಜ ರಥಸ್ಥೋ ರಥಿನಾಂ ವರಃ।
ದುರುತ್ಸಹೋ ಬಭೌ ಯುದ್ಧೇ ಯಥಾ ರುದ್ರಃ ಪ್ರತಾಪವಾನ್॥ 9-21-1 (61252)
ತಸ್ಯ ಬಾಣಸಹಸ್ರೈಸ್ತು ಪ್ರಚ್ಛನ್ನಾ ಹ್ಯಭವನ್ಮಹೀ।
ಪರಾಂಶ್ಚ ಸಿಷಿಚೇ ಬಾಣೈರ್ಧಾರಾಭಿರಿವ ಪರ್ವತಾನ್॥ 9-21-2 (61253)
ನ ಚ ಸೋಽಸ್ತಿ ಪುಮಾನ್ಕಶ್ಚಿತ್ಪಾಂಡವಾನಾಂ ಬಲಾರ್ಣವೇ।
ಹಯೋ ಗಜೋ ರಥೋ ವಾಽಪಿ ಯಃ ಸ್ಯಾದ್ಬಾಣೈರವಿಕ್ಷತಃ॥ 9-21-3 (61254)
ಯಂ ಯಂ ಹಿ ಸಮರೇ ಯೋಧಂ ಪ್ರಪಶ್ಯಾಮಿ ವಿಶಾಂಪತೇ।
ಸ ಸ ಬಾಣೈಶ್ಚಿತೋಽಭೂದ್ವೈ ಪುತ್ರೇಣ ತವ ಭಾರತ॥ 9-21-4 (61255)
ಯಥಾ ಸೈನ್ಯೇನ ರಜಸಾ ಸಮುದ್ಭೂತೇನ ವಾಹಿನೀ।
ಪ್ರತ್ಯದೃಶ್ಯತ ಸಂಛನ್ನಾ ತಥಾ ಬಾಣೈರ್ಮಹಾತ್ಮನಃ॥ 9-21-5 (61256)
ಬಾಣಭೂತಾಮಪಶ್ಯಾಮ ಪೃಥಿವೀಂ ಪೃಥಿವೀಪತೇ।
ದುರ್ಯೋಧನೇನ ಪ್ರಕೃತಾಂ ಕ್ಷಿಪ್ರಹಸ್ತೇನ ಧನ್ವಿನಾ॥ 9-21-6 (61257)
ತೇಷು ಯೋಧಸಹಸ್ರೇಷು ತಾವಕೇಷು ಪರೇಷು ಚ।
ನಾಸ್ತಿ ದುರ್ಯೋಧನಸಮಃ ಪುಮಾನಿತಿ ಮತಿರ್ಮಮ॥ 9-21-7 (61258)
ತತ್ರಾದ್ಭುತಮಪಶ್ಯಾಮ ತವ ಪುತ್ರಸ್ಯ ವಿಕ್ರಮಂ।
ಯದೇಕಂ ಸಹಿತಾಃ ಪಾರ್ಥಾ ನಾಭ್ಯವರ್ತಂತ ಭಾರತ॥ 9-21-8 (61259)
ಯುಧಿಷ್ಠಿರಂ ಶತೇನಾಜೌ ವಿವ್ಯಾಧ ಭರತರ್ಷಭ।
ಭೀಮಸೇನಂ ಚ ಸಪ್ತತ್ಯಾ ಸಹದೇವಂ ಚ ಪಂಚಭಿಃ॥ 9-21-9 (61260)
ನಕುಲಂ ಚ ಚತುಃಷಷ್ಟ್ಯಾ ಧೃಷ್ಟದ್ಯುಂನಂ ಚ ಪಂಚಭಿಃ।
ಪಂಚಭಿರ್ದ್ರೌಪದೇಯಾಂಶ್ಚ ತ್ರಿಭಿರ್ವಿವ್ಯಾಧ ಸಾತ್ಯಕಿಂ॥ 9-21-10 (61261)
ಧನುಶ್ಚಿಚ್ಛೇದ ಭಲ್ಲೇನ ಸಹದೇವಸ್ಯ ಮಾರಿಷ।
ತದಪಾಸ್ಯ ಧನುಶ್ಛಿನ್ನಂ ಮಾದ್ರೀಪುತ್ರಃ ಪ್ರತಾಪವಾನ್॥ 9-21-11 (61262)
ಅಭ್ಯದ್ರವತ ರಾಜಾನಂ ಪ್ರಗೃಹ್ಯಾನ್ಯನ್ಮಹದ್ಧನುಃ।
ತತೋ ದುರ್ಯೋಧನಂ ಸಂಖ್ಯೇ ವಿವ್ಯಾಧ ದಶಭಿಃ ಶರೈಃ॥ 9-21-12 (61263)
ನಕುಲಸ್ತು ತತೋ ವೀರೋ ರಾಜಾನಂ ನವಭಿಃ ಶರೈಃ।
ಘೋರರೂಪೈರ್ಮಹೇಷ್ವಾಸೋ ವಿವ್ಯಾಧ ಚ ನನಾದ ಚ॥ 9-21-13 (61264)
ಸಾತ್ಯಕಿಶ್ಚೈವ ರಾಜಾನಂ ಶರೇಣಾನತಪರ್ವಣಾ।
ದ್ರೌಪದೇಯಾಸ್ತ್ರಿಸಪ್ತತ್ಯಾ ಧರ್ಮರಾಜಶ್ಚ ಪಂಚಭಿಃ।
ಅಶೀತ್ಯಾ ಭೀಮಸೇನಶ್ಚ ಶರೈ ರಾಜಾನಮಾರ್ಪಯನ್॥ 9-21-14 (61265)
ಸಮಂತಾತ್ಕೀರ್ಯಮಾಣಸ್ತು ಬಾಣಸಂಘೈರ್ಮಹಾತ್ಮಭಿಃ।
ನ ಚಚಾಲ ಮಹಾರಾಜ ಸರ್ವಸೈನ್ಯಸ್ಯ ಪಶ್ಯತಃ॥ 9-21-15 (61266)
ಲಾಘವಾತ್ಸೌಷ್ಠವಾಚ್ಚಾಪಿ ವೀರ್ಯಾಚ್ಚಾಪಿ ಮಹಾತ್ಮನಃ।
ಅತಿ ಸರ್ವಾಣಿ ಭೂತಾನಿ ದದೃಶುಃ ಸರ್ವಪಾರ್ಥಿವಾಃ॥ 9-21-16 (61267)
ಧಾರ್ತರಾಷ್ಟ್ರಾ ಹಿ ರಾಜೇಂದ್ರ ಯೋಧಾಸ್ತು ಸ್ವಲ್ಪಮಂತರಂ।
ಅಪಶ್ಯಮಾನಾ ರಾಜಾನಂ ಪರ್ಯವರ್ತಂತ ದಂಶಿತಾಃ॥ 9-21-17 (61268)
ತೇಷಾಮಾಪತತಾಂ ಘೋರಸ್ತುಮುಲಃ ಸಮಪದ್ಯತ।
ಕ್ಷುಬ್ಧಸ್ಯ ಹಿ ಸಮುದ್ರಸ್ಯ ಪ್ರಾವೃಟ್ಕಾಲೇ ಯಥಾ ಸ್ವನಃ॥ 9-21-18 (61269)
ಸಮಾಸಾದ್ಯ ರಣೇ ತೇ ತು ರಾಜಾನಮಪರಾಜಿತಂ।
ಪ್ರತ್ಯುದ್ಯಯುರ್ಮಹೇಷ್ವಾಸಾಃ ಪಾಂಡವಾನಾತತಾಯಿನಃ॥ 9-21-19 (61270)
ಭೀಮಸೇನಂ ರಣೇ ಕ್ರುದ್ಧೋ ದ್ರೋಣಪುತ್ರೋ ನ್ಯವಾರಯತ್।
ತಯೋರ್ಬಾಣೈರ್ಮಹಾರಾಜ ಪ್ರಮುಕ್ತೈಃ ಸರ್ವತೋದಿಶಂ।
ನಾಜ್ಞಾಯಂತ ರಣೇ ವೀರಾ ನ ದಿಶಃ ಪ್ರದಿಶಸ್ತಥಾ॥ 9-21-20 (61271)
ತಾವುಭೌ ಕ್ರೂರಕರ್ಮಾಣಾವುಭೌ ಭಾರತದುಃಸಹೌ।
ಘೋರರೂಪಮಯುಧ್ಯೇತಾಂ ಕೃತಪ್ರತಿಕೃತೈಷಿಣೌ॥ 9-21-21 (61272)
ತ್ರಾಸಯಂತೌ ದಿಶಃ ಸರ್ವಾ ಜ್ಯಾಕ್ಷೇಪಕಠಿನತ್ವಚೌ।
ಶಕುನಿಸ್ತು ರಣೇ ವೀರೋ ಯುಧಿಷ್ಠಿರಮಪೀಡಯತ್॥ 9-21-22 (61273)
ತಸ್ಯಾಶ್ವಾಂಶ್ಚತುರೋ ಹತ್ವಾ ಸುಬಲಸ್ಯ ಸುತೋ ವಿಭೋ।
ನಾದಂ ಚಕಾರ ಬಲವತ್ಸರ್ವಸೈನ್ಯಾನಿ ಕಂಪಯನ್॥ 9-21-23 (61274)
ಏತಸ್ಮಿನ್ನಂತರೇ ವೀರಂ ರಾಜಾನಮಪರಾಜಿತಂ।
ಅಪೋವಾಹ ರಥೇನಾಜೌ ಸಹದೇವಃ ಪ್ರತಾಪವಾನ್॥ 9-21-24 (61275)
ಅಥಾನ್ಯಂ ರಥಮಾಸ್ಥಾಯ ಧರ್ಮಪುತ್ರೋ ಯುಧಿಷ್ಠಿರಃ।
ಶಕುನಿಂ ನವಭಿರ್ವಿದ್ಧ್ವಾ ಪುನರ್ವಿವ್ಯಾಧ ಪಂಚಭಿಃ।
ನನಾದ ಚ ಮಹಾನಾದಂ ಪ್ರವರಃ ಸರ್ವಧನ್ವಿನಾಂ॥ 9-21-25 (61276)
ತದ್ಯುದ್ಧಮಭವಚ್ಚಿತ್ರಂ ಘೋರರೂಪಂ ಚ ಮಾರಿಷ।
ಪ್ರೇಕ್ಷತಾಂ ಪ್ರೀತಿಜನನಂ ಸಿದ್ಧಚಾರಣಸೇವಿತಂ॥ 9-21-26 (61277)
ಉಲೂಕಸ್ತು ಮಹೇಷ್ವಾಸಂ ನಕುಲಂ ಯುದ್ಧದುರ್ಮದಂ।
ಅಭ್ಯವರ್ಷದಮೇಯಾತ್ಮಾ ಶರವರ್ಷೈಃ ಸಮಂತತಃ॥ 9-21-27 (61278)
ತಥೈವ ನಕುಲಃ ಶೂರಃ ಸೌಬಲಸ್ಯ ಸುತಂ ರಣೇ।
ಶರವರ್ಷೇಣ ಮಹತಾ ಸಮಂತಾತ್ಪರ್ಯವಾರಯತ್॥ 9-21-28 (61279)
ತೌ ತತ್ರ ಸಮರೇ ವೀರೌ ಕುಲಪುತ್ರೌ ಮಹಾರಥೌ।
ಯೋಧಯಂತಾವಪಶ್ಯೇತಾಂ ಕೃತಪ್ರತಿಕೃತೈಷಿಣೌ॥ 9-21-29 (61280)
ತಥೈವ ಕೃತವರ್ಮಾಣಂ ಶೈನೇಯಃ ಶತ್ರುತಾಪನಃ।
ಯೋಧಯಞ್ಶುಶುಭೇ ರಾಜನ್ಬಲಿಂ ಶಕ್ರ ಇವಾಹವೇ॥ 9-21-30 (61281)
ದುರ್ಯೋಧನೋ ಧನುಶ್ಛಿತ್ತ್ವಾ ಧೃಷ್ಟದ್ಯುಂನಸ್ಯ ಸಂಯುಗೇ।
ಅಥೈನಂ ಛಿನ್ನಧನ್ವಾನಂ ವಿವ್ಯಾಧ ನಿಶಿತೈಃ ಶರೈಃ॥ 9-21-31 (61282)
ಧೃಷ್ಟದ್ಯುಂನೋಽಪಿ ಸಮರೇ ಪ್ರಗೃಹ್ಯ ಪರಮಾಯುಧಂ।
ರಾಜಾನಂ ಯೋಧಯಾಮಾಸ ಪಶ್ಯತಾಂ ಸರ್ವಧನ್ವಿನಾಂ॥ 9-21-32 (61283)
ತಯೋರ್ಯುದ್ಧಂ ಮಹಚ್ಚಾಸೀತ್ಸಂಗ್ರಾಮೇ ಭರತರ್ಷಭ।
ಪ್ರಭಿನ್ನಯೋರ್ಯಥಾ ಸಕ್ತಂ ಮತ್ತಯೋರ್ವನಹಸ್ತಿನೋಃ॥ 9-21-33 (61284)
ಗೌತಮಸ್ತು ರಣೇ ಕ್ರುದ್ಧೋ ದ್ರೌಪದೇಯಾನ್ಮಹಾಬಾಲಾನ್।
ವಿವ್ಯಾಧ ಬಹುಭಿಃ ಶೂರಃ ಶರೈಃ ಸನ್ನತಪರ್ವಭಿಃ॥ 9-21-34 (61285)
ತಸ್ಯ ತೈರಭವದ್ಯುದ್ಧಮಿಂದ್ರಿಯೈರಿವ ದೇಹಿನಃ।
ಘೋರರೂಪಮಸಂವಾರ್ಯಂ ನಿರ್ಮರ್ಯಾದಮವರ್ತತ॥ 9-21-35 (61286)
ತೇ ಚ ಸಂಪೀಡಯಾಮಾಸುರಿಂದ್ರಿಯಾಣೀವ ಬಾಲಿಶಂ।
ಸ ಚ ತಾನ್ಪ್ರತಿಸಂರಬ್ಧಃ ಪ್ರತ್ಯಯೋಧಯದಾಹವೇ॥ 9-21-36 (61287)
ಏವಂ ಚಿತ್ರಮಭೂದ್ಯುದ್ಧಂ ತಸ್ಯ ತೈಃ ಸಹ ಭಾರತ।
ಉತ್ಥಾಯೋತ್ಥಾಯ ಹಿ ಯಥಾ ದೇಹಿನಾಮಿಂದ್ರಿಯೈರ್ವಿಭೋ॥ 9-21-37 (61288)
ನರಾಶ್ಚೈವ ನರೈಃ ಸಾರ್ಧಂ ದಂತಿನೋ ದಂತಿಭಿಸ್ತಥಾ।
ಹಯಾ ಹಯೈಃ ಸಮಾಸಕ್ತಾ ರಥಿನೋ ರಥಿಭಿಃ ಸಹ॥ 9-21-38 (61289)
ಸಂಕುಲಂ ಚಾಭವದ್ಭೂಯೋ ಘೋರರೂಪಂ ವಿಶಾಂಪತೇ॥ 9-21-39 (61290)
ಇದಂ ಚಿತ್ರಮಿದಂ ಘೋರಮಿದಂ ರೌದ್ರಮಿತಿ ಪ್ರಭೋ।
ಯುದ್ಧಾನ್ಯಾಸನ್ಮಹಾರಾಜ ಘೋರಾಂಣಿ ಚ ಬಹೂನಿ ಚ॥ 9-21-40 (61291)
ತೇ ಸಮಾಸಾದ್ಯ ಸಮರೇ ಪರಸ್ಪರಮರಿಂದಮಾಃ।
ವ್ಯನದಂಶ್ಚೈವ ಜಘ್ನುಶ್ಚ ಸಮಾತಾದ್ಯ ಮಹಾಹವೇ॥ 9-21-41 (61292)
ತೇಷಾಂ ಪತ್ರಸಮುದ್ಭೂತಂ ರಜಸ್ತೀವ್ರಮದೃಶ್ಯತ।
ವಾತೇನ ಚೋದ್ಧತಂ ರಾಜಂಧಾವದ್ಭಿಶ್ಚಾಶ್ವಸಾದಿಭಿಃ॥ 9-21-42 (61293)
ರಥನೇಮಿಸಮುದ್ಭೂತಂ ನಿಃಶ್ವಾಸೈಶ್ಚಾಪಿ ದಂತಿನಾಂ।
ರಜಃ ಸಂಧ್ಯಾಭ್ರಕಲಿಲಂ ದಿವಾಕರಪಥಂ ಯಯೌ॥ 9-21-43 (61294)
ರಜಸಾ ತೇನ ಸಂಪೃಕ್ತೋ ಭಾಸ್ಕರೋ ನಿಷ್ಪ್ರಭಃ ಕೃತಃ।
ಸಂಛಾದಿತಾಽಭವದ್ಭೂಮಿಸ್ತೇ ಚ ಶೂರಾ ಮಹಾರಥಾಃ॥ 9-21-44 (61295)
ಮುಹೂರ್ತಾದಿವ ಸಂವೃತ್ತಂ ನೀರಜಸ್ಕಂ ಸಮಂತತಃ।
ವೀರಶೋಣಿತಸಿಕ್ತಾಯಾಂ ಭೂಮೌ ಭರತಸತ್ತಮ॥ 9-21-45 (61296)
ಉಪಾಶಾಂಯತ್ತತಸ್ತೀವ್ರಂ ತದ್ರಜೋ ಘೋರದರ್ಶನಂ॥ 9-21-46 (61297)
ತತೋಽಪಶ್ಯಮಹಂ ಭೂಯೋ ದ್ವಂದ್ವಯುದ್ಧಾನಿ ಭಾರತ।
ಯಥಾಪ್ರಾಣಂ ಯಥಾಶ್ರೇಷ್ಠಂ ಮಧ್ಯಾಹ್ನೇ ವೈ ಸುದಾರುಣಂ॥ 9-21-47 (61298)
ವರ್ಮಣಾಂ ತತ್ರ ರಾಜೇಂದ್ರ ವ್ಯದೃಶ್ಯಂತೋಜ್ಜ್ವಲಾಃ ಪ್ರಭಾಃ।
ಶಬ್ದಶ್ಚ ತುಮುಲಃ ಸಂಖ್ಯೇ ಶರಾಣಾಂ ಪತತಾಮಭೂತ್
ಮಹಾವೇಣುವನಸ್ಯೇವ ದಹ್ಯಮಾನಸ್ಯ ಪರ್ವತೇ॥ ॥ 9-21-48 (61299)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಏಕವಿಂಶೋಽಧ್ಯಾಯಃ॥ 21 ॥
Mahabharata - Shalya Parva - Chapter Footnotes
9-21-42 ಪತ್ರಂ ವಾಹನಂ॥ 9-21-21 ಏಕವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 022
॥ ಶ್ರೀಃ ॥
9.22. ಅಧ್ಯಾಯಃ 022
Mahabharata - Shalya Parva - Chapter Topics
ಸಂಕುಲಯುದ್ಧಂ॥ 1 ॥Mahabharata - Shalya Parva - Chapter Text
9-22-0 (61300)
ಸಂಜಯ ಉವಾಚ। 9-22-0x (5118)
ವರ್ತಮಾನೇ ತದಾ ಯುದ್ಧೇ ಘೋರರೂಪೇ ಭಯಾನಕೇ।
ಅಭಜ್ಯತ ಬಲಂ ತತ್ರ ತವ ಪುತ್ರಸ್ಯ ಪಾಂಡವೈಃ॥ 9-22-1 (61301)
ತಾಂಸ್ತು ಸರ್ವಾನಯಂತೇನ ಸನ್ನಿವಾರ್ಯ ಮಹಾರಥಾಃ।
ಪುತ್ರಾಸ್ತೇ ಯೋಧಯಾಮಾಸುಃ ಪಾಂಡವಾನಾಮನೀಕಿನೀಂ॥ 9-22-2 (61302)
ನಿವೃತ್ತಾಃ ಸಹಸಾ ಯೋಧಾಸ್ತವ ಪುತ್ರಜಯೈಪಿಣಃ।
ಸನ್ನಿವೃತ್ತೇಷು ತೇಷ್ವೇವಂ ಯುದ್ಧಮಾಸೀತ್ಸುದಾರುಣಂ।
ತಾವಕಾನಾಂ ಪರೇಷಾಂ ಚ ದೇವಾಸುರರಣೋಪಭಂ॥ 9-22-3 (61303)
ಪರೇಷಾಂ ತಾವಕಾನಾಂ ಚ ನಾಸೀತ್ಕಶ್ಚಿತ್ಪರಾಙ್ಮುಖಃ॥ 9-22-4 (61304)
ಅನುಮಾನೇನ ಯುಧ್ಯಂತೇ ಸಂಜ್ಞಾಭಿಶ್ಚ ಪರಸ್ಪರಂ।
ತೇಷಾಂ ಕ್ಷಯೋ ಮಹಾನಾಸೀದ್ಯುಧ್ಯತಾಮಿತರೇತರಂ॥ 9-22-5 (61305)
ತತೋ ಯುಧಿಷ್ಠಿರೋ ರಾಜಾ ಕ್ರೋಧೇನ ಮಹತಾ ಯುತಃ।
ಜಿಗೀಷಮಾಣಃ ಸಂಗ್ರಾಮೇ ಧಾರ್ತರಾಷ್ಟ್ರಾನ್ಸರಾಜಕಾನ್॥ 9-22-6 (61306)
ತ್ರಿಭಿಃ ಶಾರದ್ವತಂ ವಿದ್ವ್ವಾ ರುಕ್ಮಪುಂಖೈಃ ಶಿಲಾಶಿತೈಃ।
ಚತುರ್ಭಿರ್ನಿಜಘಾನಾಶ್ವಾನ್ಕಲ್ಯಾಣಾನ್ಕೃತವರ್ಮಣಃ॥ 9-22-7 (61307)
ಅಶ್ವತ್ಥಾಮಾ ತು ಹಾರ್ದಿಕ್ಯಮಪೋವಾಹ ಯಶಸ್ವಿನಂ।
ಅಥ ಶಾರದ್ವತೋಽಷ್ಟಾಭಿಃ ಪ್ರತ್ಯವಿಧ್ಯದ್ಯುಧಿಷ್ಠಿರಂ॥ 9-22-8 (61308)
ತತೋ ದುರ್ಯೋಧನೋ ರಾಜಾ ರಥಾನ್ಸಪ್ತಶತಾನ್ರಣೇ।
ಪ್ರೈಷಯದ್ಯತ್ರ ರಾಜಾಽಸೌ ಧರ್ಮಪುತ್ರೋ ಯುಧಿಷ್ಠಿರಃ॥ 9-22-9 (61309)
ತೇ ರಥಾ ರಥಿಭಿರ್ಯುಕ್ತಾ ಮನೋಮಾರುತರಂಹಸಃ।
ಅಭ್ಯದ್ರವಂತ ಸಂಗ್ರಾಮೇ ಕೌಂತೇಯಸ್ಯ ರಥಂ ಪ್ರತಿ॥ 9-22-10 (61310)
ತೇ ಸಮಂತಾನ್ಮಹಾರಾಜ ಪರಿವಾರ್ಯ ಯುಧಿಷ್ಠಿರಂ।
ಅದೃಶ್ಯಂ ಸಾಯಕೈಶ್ಚಕ್ರುರ್ಮೇಘಾ ಇವ ದಿವಾಕರಂ॥ 9-22-11 (61311)
ತಂ ದೃಷ್ಟ್ವಾ ಧರ್ಮರಾಜಾನಂ ಕೌರವೇಯೈಸ್ತಥಾವೃತಂ।
ನಾಮೃಷ್ಯಂತ ಸುಸಂರಬ್ಧಾಃ ಶಿಖಂಡಿಪ್ರಮುಖಾ ರಥಾಃ॥ 9-22-12 (61312)
ರಥೈರಶ್ವವರೈರ್ಯುಕ್ತೈಃ ಕಿಂಕಿಣೀಜಾಲಸಂವೃತೈಃ।
ಆಜಗ್ಮುರಥ ರಕ್ಷಂತಃ ಕುಂತೀಪುತ್ರಂ ಯುಧಿಷ್ಠಿರಂ॥ 9-22-13 (61313)
ತತಃ ಪ್ರವವೃತೇ ರೌದ್ರಃ ಸಂಗ್ರಾಮಃ ಶೋಣಿತೋದಕಃ।
ಪಾಂಡವಾನಾಂ ಕುರೂಣಾಂ ಚ ಯಮರಾಷ್ಟ್ರವಿವರ್ಧನಃ॥ 9-22-14 (61314)
ರಥಾನ್ಸಪ್ತಶತಾನ್ಹತ್ವಾ ಕುರೂಣಾಮಾತತಾಯಿನಾಂ।
ಪಾಂಡವಾಃ ಸಹ ಪಾಂಚಾಲೈಃ ಪುನರೇವಾಭ್ಯವಾರಯನ್॥ 9-22-15 (61315)
ತತ್ರ ಯುದ್ಧಂ ಮಹಚ್ಚಾಸೀತ್ತವ ಪುತ್ರಸ್ಯ ಪಾಂಡವೈಃ।
ನ ಚ ತತ್ತಾದೃಶಂ ದೃಷ್ಟಂ ನೈವ ಚಾಪಿ ಪರಿಶ್ರುತಂ॥ 9-22-16 (61316)
ವರ್ತಮಾನೇ ತದಾ ಯುದ್ಧೇ ನಿರ್ಮರ್ಯಾದೇ ಸಮಂತತಃ।
ವಧ್ಯಮಾನೇಷು ಯೋಧೇಷು ತಾವಕೇಷ್ವಿತರೇಷು ಚ॥ 9-22-17 (61317)
ವಿನದತ್ಸು ಚ ಯೋಧೇಷು ಶಂಖವರ್ಯೈಶ್ಚ ಪೂರಿತೈಃ।
ಉತ್ಕ್ರುಷ್ಟೈಃ ಸಿಂಹನಾದೈಶ್ಚ ಗರ್ಜಿತೈಶ್ಚೈವ ಧನ್ವಿನಾಂ॥ 9-22-18 (61318)
ಅತಿಪ್ರವೃತ್ತೇ ಯುದ್ಧೇ ಚ ಛಿದ್ಯಮಾನೇಷು ಮರ್ಮಸು।
ಧಾವಮಾನೇಷು ಯೋಧೇಷು ಜಯಗೃದ್ಧಿಷು ಮಾರಿಷ॥ 9-22-19 (61319)
ಸಂಹಾರೇ ಸರ್ವತೋ ಜಾತೇ ಪೃಥಿವ್ಯಾಂ ಶೋಕಸಂಭವೇ।
ವಹ್ನೀನಾಮುತ್ತಮಸ್ತ್ರೀಣಾಂ ಸೀಮಂತೋದ್ಧರಣೇ ಕೃತೇ॥ 9-22-20 (61320)
ನಿರ್ಮರ್ಯಾದೇ ಮಹಾಯುದ್ಧೇ ವರ್ತಮಾನೇ ಸುದಾರುಣೇ।
ಪ್ರಾದುರಾಸನ್ವಿನಾಶಾಯ ತದೋತ್ಪಾತಾಃ ಸುದಾರುಣಾಃ॥ 9-22-21 (61321)
ಚಚಾಲ ಶಬ್ದಂ ಕುರ್ವಾಣಾ ಸಪರ್ವತವನಾ ಮಹೀ।
ಸದಂಡಾಃ ಸೋಲ್ಮುಕಾ ರಾಜನ್ಕೀರ್ಯಮಾಣಾಃ ಸಮಂತತಃ॥ 9-22-22 (61322)
ಉಲ್ಕಾಃ ಪೇತುರ್ದಿವೋ ಭೂಮಾವಾಹತ್ಯ ರವಿಮಂಡಲಂ।
ವಿಷ್ವಗ್ವಾತಾಃ ಪ್ರಾದುರಾಸನ್ನೀಚೈಃ ಶರ್ಕರವರ್ಷಿಣಃ॥ 9-22-23 (61323)
ಅಶ್ರೂಣಿ ಮುಮುಚುರ್ನಾಗಾ ವೇಪಥುಂ ಚಾಸ್ಪೃಶನ್ಭೃಶಂ।
ಏತಾಂಧೋರಾನನಾದೃತ್ಯ ಸಮುತ್ಪಾತಾನ್ಸುದಾರುಣಾನ್॥ 9-22-24 (61324)
ಪುನರ್ಯುದ್ಧಾಯ ಸಂಯತ್ತಾಃ ಕ್ಷತ್ರಿಯಾಸ್ತಸ್ಥುರವ್ಯಥಾಃ।
ರಮಣೀಯೇ ಕುರುಕ್ಷೇತ್ರೇ ಪುಣ್ಯೇ ಸ್ವರ್ಗಂ ಯಿಯಾಸವಃ॥ 9-22-25 (61325)
ತತೋ ಗಾಂಧಾರರಾಜಸ್ಯ ಪುತ್ರಃ ಶಕುನಿರಬ್ರವೀತ್।
ಯುಧ್ಯಧ್ವಮಗ್ರತೋ ಯಾವತ್ಪೃಷ್ಠತೋ ಹನ್ಮಿ ಪಾಂಡವಾನ್॥ 9-22-26 (61326)
ತತೋ ನಃ ಸಂಪ್ರಾಯಾತಾನಾಂ ಮದ್ರಯೋಧಾಸ್ತರಸ್ವಿನಃ।
ಹೃಷ್ಟಾಃ ಕಿಲಾಕಿಲಾಶಬ್ದಮಕುರ್ವತ ಪರೇ ತಥಾ॥ 9-22-27 (61327)
ಅಸ್ಮಾಂಸ್ತು ಪುನರಾಸಾದ್ಯ ಲಬ್ಧಲಕ್ಷಾ ದುರಾಸದಾಃ।
ಶರಾಸನಾನಿ ಧುನ್ವಂತಃ ಶರವರ್ಷೈರವಾಕಿರನ್॥ 9-22-28 (61328)
ತತೋ ಹತಂ ಪರೈಸ್ತತ್ರ ಮದ್ರರಾಜಬಲಂ ತದಾ।
ದುರ್ಯೋಧನಬಲಂ ದೃಷ್ಟ್ವಾ ಪುನರಾಸೀತ್ಪರಾಙ್ಮುಖಂ॥ 9-22-29 (61329)
ಗಾಂಧಾರರಾಜಸ್ತು ಪುನರ್ವಾಕ್ಯಮಾಹ ತತೋ ಬಲೀ।
ನಿವರ್ತಧ್ವಮಧರ್ಮಜ್ಞಾ ಯುಧ್ಯಧ್ವಂ ಕಿಂ ಸೃತೇನ ವಃ॥ 9-22-30 (61330)
ಅನೀಕಂ ದಶಸಾಹಸ್ರಮಶ್ವಾನಾಂ ಭರತರ್ಷಭ।
ಆಸೀದ್ಗಾಂಧಾರರಾಜಸ್ಯ ವಿಶಾಲಪ್ರಾಸಯೋಧಿನಾಂ॥ 9-22-31 (61331)
ಬಲೇನ ತೇನ ವಿಕ್ರಂಯ ವರ್ತಮಾನೇ ಜನಕ್ಷಯೇ।
ಪೃಷ್ಠತಃ ಪಾಂಡವಾನೀಕಮಭ್ಯಘ್ನನ್ನಿಶಿತೈಃ ಶರೈಃ॥ 9-22-32 (61332)
ತದಭ್ರಮಿವ ವಾತೇನ ಕ್ಷಿಪ್ಯಮಾಣಂ ಸಮಂತತಃ।
ಅಭಜ್ಯತ ಮಹಾರಾಜ ಪಾಂಡೂನಾಂ ಸುಮಹದ್ಬಲಂ॥ 9-22-33 (61333)
ತತೋ ಯುಧಿಷ್ಠಿರಃ ಪ್ರೇಕ್ಷ್ಯ ಭಗ್ನಂ ಸ್ವಬಲಮಂತಿಕಾತ್।
ಅಭ್ಯನೋದಯದವ್ಯಗ್ರಃ ಸಹದೇವಂ ಮಹಾಬಲಂ॥ 9-22-34 (61334)
ಅಸೌ ಸುಬಲಪುತ್ರೋ ನೋ ಜಘನಂ ಪೀಡ್ಯ ದಂಶಿತಃ।
ಸೈನ್ಯಾನಿ ಸೂದಯತ್ಯೇಷ ಪಶ್ಯ ಪಾಂಡವ ದುರ್ಮತಿಃ॥ 9-22-35 (61335)
ಗಚ್ಛ ತ್ವಂ ದ್ರೌಪದೇಯೈಶ್ಚ ಶಕುನಿಂ ಸೌಬಲಂ ಜಹಿ।
ರಥಾನೀಕಮಹಂ ಧಕ್ಷ್ಯೇ ಪಾಂಚಾಲಸಹಿತೋಽನಘ॥ 9-22-36 (61336)
ಗಚ್ಛಂತು ಕುಂಜರಾಃ ಸರ್ವೇ ವಾಜಿನಶ್ಚ ಸಹ ತ್ವಯಾ।
ಪಾದಾತಾಶ್ಚ ತ್ರಿಸಾಹಸ್ರಾಃ ಶಕುನಿಂ ತೈರ್ವೃತೋ ಜಹಿ॥ 9-22-37 (61337)
ತತೋ ಗಜಾಃ ಸಪ್ತಶತಾಶ್ಚಾಪಪಾಣಿಭಿರಾಸ್ಥಿತಾಃ।
ಪಂಚ ಚಾಶ್ವಸಹಸ್ರಾಣಿ ಸಹದೇವಶ್ಚ ವೀರ್ಯವಾನ್॥ 9-22-38 (61338)
ಪಾದಾತಾಶ್ಚ ತ್ರಿಸಾಹಸ್ರಾ ದ್ರೌಪದೇಯಾಶ್ಚ ಸರ್ವಶಃ।
ರಣೇ ಹ್ಯಭ್ಯದ್ರವಂಸ್ತೇ ತು ಶಕುನಿಂ ಯುದ್ಧದುರ್ಮದಂ॥ 9-22-39 (61339)
ತತಸ್ತು ಸೌಬಲೋ ರಾಜನ್ನಭ್ಯತಿಕ್ರಂಯ ಪಾಂಡವಾನ್।
ಜಘಾನ ಪೃಷ್ಠತಃ ಸೇನಾಂ ಜಯಗೃದ್ವಃ ಪ್ರತಾಪವಾನ್॥ 9-22-40 (61340)
ಅಶ್ವಾರೋಹಾಸ್ತು ಸಂರಬ್ಧಾಃ ಪಾಂಡವಾನಾಂ ತರಸ್ವಿನಾಂ।
ಪ್ರಾವಿಶನ್ಸೌಬಲಾನೀಕಮಭ್ಯತಿಕ್ರಂಯ ತಾನ್ರಥಾನ್॥ 9-22-41 (61341)
ತೇ ತತ್ರ ಸಾದಿನಃ ಶೂರಾಃ ಸೌಬಲಸ್ಯ ಮಹದ್ಬಲಂ।
ರಣಮಧ್ಯೇ ವ್ಯತಿಷ್ಠಂತ ಶರವರ್ಷೈರವಾಕಿರನ್॥ 9-22-42 (61342)
ತದುದ್ಯತಗದಾಪ್ರಾಸಮಕಾಪುರುಷಸೇವಿತಂ।
ಪ್ರಾವರ್ತತ ಮಹದ್ಯುದ್ಧಂ ರಾಜಂದುರ್ಮಂತ್ರಿತೇ ತವ॥ 9-22-43 (61343)
ಉಪಾರಮಂತ ಜ್ಯಾಶಬ್ದಾಃ ಪ್ರೇಕ್ಷಕಾ ರಥಿನೋಽಭವನ್।
ನ ಹಿ ಸ್ವೇಷಾಂ ಪರೇಷಾಂ ವಾ ವಿಶೇಷಃ ಪ್ರತ್ಯದೃಶ್ಯತ॥ 9-22-44 (61344)
ಶೂರಬಾಹುವಿಸೃಷ್ಟಾನಾಂ ಶಕ್ತೀನಾಂ ಭರತರ್ಷಭ।
ಜ್ಯೋತಿಷಾಮಿವ ಸಂಪಾತಮಪಶ್ಯನ್ಕುರುಪಾಂಡವಾಃ॥ 9-22-45 (61345)
ಋಷ್ಟಿಭಿರ್ವಿಮಲಾಭಿಶ್ಚ ತತ್ರತತ್ರ ವಿಶಾಂಪತೇ।
ಸಂಪತಂತೀಭಿರಾಕಾಶಮಾವೃತಂ ಬಹ್ವಶೋಭತ॥ 9-22-46 (61346)
ಪ್ರಾಸಾನಾಂ ಪತತಾಂ ರಾಜನ್ರೂಪಮಾಸೀತ್ಸಮಂತತಃ।
ಶಲಭಾನಾಮಿವಾಕಾಶೇ ತದಾ ಭರತಸತ್ತಮ॥ 9-22-47 (61347)
ರುಧಿರೋಕ್ಷಿತಸರ್ವಾಂಗಾ ವಿಪ್ರವಿದ್ಧೈರ್ನಿಯಂತೃಭಿಃ।
ಹಯಾಃ ಪರಿಪತಂತಿಸ್ಮ ಶತಶೋಽಥ ಸಹಸ್ರಶಃ॥ 9-22-48 (61348)
ಅನ್ಯೋನ್ಯಂ ಪರಿಪಿಷ್ಟಾಶ್ಚ ಸಮಾಸಾದ್ಯ ಪರಸ್ಪರಂ।
ಸುವಿಕ್ಷತಾಃ ಸ್ಮ ದೃಶ್ಯಂತೇ ವಮಂತೋ ರುಧಿರಂ ಮುಖೈಃ॥ 9-22-49 (61349)
ತತೋಽಭವತ್ತಮೋ ಘೋರಂ ಸೈನ್ಯೇನ ರಜಸಾ ವೃತಂ।
ತಾನಪಾಕ್ರಮತೋಽದ್ರಾಕ್ಷಂ ತಸ್ಮಾದ್ದೇಶಾದರಿಂದಮ॥ 9-22-50 (61350)
ಅಶ್ವಾನ್ರಾಜನ್ಮನುಷ್ಯಾಂಶ್ಚ ರಜಸಾ ಸಂವೃತೇ ಸತಿ।
ಭೂಮೌ ನಿಪತಿತಾಶ್ಚಾನ್ಯೇ ವಮಂತೋ ರುಧಿರಂ ಬಹು॥ 9-22-51 (61351)
ಕೇಶಾಕೇಶಿ ಸಮಾಲಗ್ನಾ ನ ಶೇಕುಶ್ಚೇಷ್ಟಿತುಂ ನರಾಃ।
ಅನ್ಯೋನ್ಯಮಶ್ವಪೃಷ್ಠೇಭ್ಯೋ ವಿಕರ್ಷಂತೋ ಮಹಾಬಲಾಃ॥ 9-22-52 (61352)
ಮಲ್ಲಾ ಇವ ಸಮಾಸಾದ್ಯ ನಿಜಘ್ನುರಿತರೇತರಂ।
ಅಶ್ವೈಶ್ಚ ವ್ಯಪಕೃಷ್ಯಂತ ಬಹವೋಽತ್ರ ಗತಾಸವಃ॥ 9-22-53 (61353)
ಭೂಮೌ ನಿಪತಿತಾಶ್ಚಾನ್ಯೇ ಬಹವೋ ವಿಜಯೈಷಿಣಃ।
ತತ್ರತತ್ರ ವ್ಯದೃಶ್ಯಂತ ಪುರುಷಾಃ ಶೂರಮಾನಿನಃ॥ 9-22-54 (61354)
ರಕ್ತೋಕ್ಷಿತೈಶ್ಛಿನ್ನಭುಜೈರವಕೃಷ್ಟಶಿರೋರುಹೈಃ।
ವ್ಯದೃಶ್ಯತ ಮಹೀ ಕೀರ್ಣಾ ಶತಶೋಽಥ ಸಹಸ್ರಶಃ॥ 9-22-55 (61355)
ದೂರಂ ನ ಶಕ್ಯಂ ತತ್ರಾಸೀದ್ಗಂತುಮಶ್ವೇನ ಕೇನಚಿತ್।
ಸಾಶ್ವಾರೋಹೈರ್ಹತೈರಶ್ವೈರಾವೃತೇ ವಸುಧಾತಲೇ॥ 9-22-56 (61356)
ರುಧಿರೋಕ್ಷಿತಸನ್ನಾಹೈರಾತ್ತಶಸ್ತ್ರೈರುದಾಯುಧೈಃ।
ನಾನಾಪ್ರಹರಣೈರ್ಘೋರೈಃ ಪರಸ್ಪರವಧೈಷಿಭಿಃ।
ಸುಸನ್ನಿಕೃಷ್ಟೇ ಸಂಗ್ರಾಮೇ ಹತಭೂಯಿಷ್ಠಸೈನಿಕೇ॥ 9-22-57 (61357)
ಸ ಮುಹೂರ್ತಂ ತತೋ ಯುದ್ಧ್ವಾ ಸೌಬಲೋಽಥ ವಿಶಾಂಪತೇ।
ಷಟ್ಸಾಹಸ್ರೈರ್ಹಯೈಃ ಶಿಷ್ಟೇರಪಾಯಾಚ್ಛಕುನಿಸ್ತತಃ॥ 9-22-58 (61358)
ತಥೈವ ಪಾಂಡವಾನೀಕಂ ರುಧಿರೇಣ ಸಮುಕ್ಷಿತಂ।
ಷಟ್ಸಾಹಸ್ರೈರ್ಹಯೈಃ ಶಿಷ್ಟೇರಪಾಯಾಚ್ಛ್ರಾಂತವಾಹನಂ॥ 9-22-59 (61359)
ಅಶ್ವಾರೋಹಾಶ್ಚ ಪಾಂಡೂನಾಮಬ್ರುವನ್ರುಧಿರೋಕ್ಷಿತಾಃ।
ಸುಸನ್ನಿಕೃಷ್ಟೇ ಸಂಗ್ರಾಮೇ ಭೂಯಿಷ್ಠೇ ತ್ಯಕ್ತಜೀವಿತಾಃ॥ 9-22-60 (61360)
ನ ಹಿ ಶಕ್ಯಂ ರಥೈರ್ಯೋದ್ಧುಂ ಕುತ ಏವ ಮಹಾಗಜೈಃ।
ರಥಾನೇವ ರಥಾ ಯಾಂತು ಕುಂಜರಾಃ ಕುಂಜರಾನಪಿ॥ 9-22-61 (61361)
ಪ್ರತಿಯಾತೋ ಹಿ ಶಕುನಿಃ ಸ್ವಮನೀಕಮವಸ್ಥಿತಃ।
ನ ಪುನಃ ಸೌಬಲೋ ರಾಜಾ ಯೋದ್ಧುಮಭ್ಯಾಗಮಿಷ್ಯತಿ॥ 9-22-62 (61362)
ತತಸ್ತು ದ್ರೌಪದೇಯಾಶ್ಚ ತೇ ಚ ಮತ್ತಾ ಮಹಾದ್ವಿಪಾಃ।
ಪ್ರಯಯುರ್ಯತ್ರ ಪಾಂಚಾಲ್ಯೋ ಧೃಷ್ಟದ್ಯುಂನೋ ಮಹಾರಥಃ॥ 9-22-63 (61363)
ಸಹದೇವೋಽಪಿ ಕೌರವ್ಯ ರಜೋಮೇಘೇ ಸಮುತ್ಥಿತೇ।
ಏಕಾಕೀ ಪ್ರಯಯೌ ತತ್ರ ಯತ್ರ ರಾಜಾ ಯುಧಿಷ್ಠಿರಃ॥ 9-22-64 (61364)
ತತಸ್ತೇಷು ಪ್ರಯಾತೇಷು ಶಕುನಿಃ ಸೌಬಲಃ ಪುನಃ।
ಪಾರ್ಶ್ವತೋಽಭ್ಯಹನತ್ಕ್ರುದ್ಧೋ ಧೃಷ್ಟದ್ಯುಂನಸ್ಯ ವಾಹಿನೀಂ॥ 9-22-65 (61365)
ತತ್ಪುನಸ್ತುಮುಲಂ ಯುದ್ಧಂ ಪ್ರಾಣಾಂಸ್ತ್ಯಕ್ತ್ವಾಽಭ್ಯವರ್ತತ।
ತಾವಕಾನಾಂ ಪರೇಷಾಂ ಚ ಪರಸ್ಪರವಧೈಷಿಣಾಂ॥ 9-22-66 (61366)
ತೇ ಚಾನ್ಯೋನ್ಯಮವೈಕ್ಷಂತ ತಸ್ಮಿನ್ವೀರಸಮಾಗಮೇ।
ಯೋಧಾಃ ಪರ್ಯಪತನ್ರಾಜಞ್ಶತಶೋಽಥ ಸಹಸ್ರಶಃ॥ 9-22-67 (61367)
ಅಸಿಭಿಶ್ಛಿದ್ಯಮಾನಾನಾಂ ಶಿರಸಾಂ ಲೋಕಸಂಕ್ಷಯೇ।
ಪ್ರಾದುರಾಸೀನ್ಮಹಾಞ್ಶಬ್ದಸ್ತಾಲಾನಾಂ ಪತತಾಮಿವ॥ 9-22-68 (61368)
ವಿಮುಕ್ತಾನಾಂ ಶರೀರಾಣಾಂ ಛಿನ್ನಾನಾಂ ಪತತಾಂ ಭುವಿ।
ಸಾಯುಧಾನಾಂ ಚ ಬಾಹೂನಾಮೂರೂಣಾಂ ಚ ವಿಶಾಂಪತೇ।
ಆಸೀತ್ಕಟಕಟಾಶಬ್ದಃ ಸುಮಹಾನ್ರೋಮಹರ್ಷಣಃ॥ 9-22-69 (61369)
ನಿಘ್ನಂತೋ ನಿಶಿತೈಃ ಶಸ್ತ್ರೈರ್ಭ್ರಾತೄನ್ಪುತ್ರಾನ್ಸಖೀನಪಿ।
ಯೋಧಾಃ ಪರಿಪತಂತಿ ಸ್ಮ ಯಥಾಽಽಮಿಷಕೃತೇ ಖಗಾಃ॥ 9-22-70 (61370)
ಅನ್ಯೋನ್ಯಂ ಪ್ರತಿಸಂರಬ್ಧಾಃ ಸಮಾಸಾದ್ಯ ಪರಸ್ಪರಂ।
ಅಹಂಪೂರ್ವಮಹಂಪೂರ್ವಮಿತಿ ನಿಘ್ನನ್ಸಹಸ್ರಶಃ॥ 9-22-71 (61371)
ಸಂಯಾತೇನಾಸನಭ್ರಷ್ಟೈರಶ್ವಾರೋಹೈರ್ಗತಾಸುಭಿಃ।
ಹಯಾಃ ಪರಿಪತಂತಿ ಸ್ಮ ಶತಶೋಽಥ ಸಹಸ್ರಶಃ॥ 9-22-72 (61372)
ಸ್ಫುರತಾಂ ಪ್ರತಿಪಿಷ್ಟಾನಾಮಶ್ವಾನಾಂ ಶೀಘ್ರಗಾಮಿನಾಂ।
ಸ್ತನತಾಂ ಚ ಮನುಷ್ಯಾಣಾಂ ಸನ್ನದ್ಧಾನಾಂ ವಿಶಾಂಪತೇ॥ 9-22-73 (61373)
ಶಕ್ತ್ಯೃಷ್ಟಿಪ್ರಾಸಶಬ್ದಶ್ಚ ತುಮುಲಃ ಸಮಪದ್ಯತ।
ಭಿಂದತಾಂ ಪರಮರ್ಮಾಣಿ ರಾಜಂದುರ್ಮಂತ್ರಿತೇ ತವ॥ 9-22-74 (61374)
ಶ್ರಮಾಭಿಭೂತಾಃ ಸಂರಬ್ಧಾ ಶ್ರಾಂತವಾಹಾಃ ಪಿಪಾಸವಃ।
ವಿಕ್ಷತಾಶ್ಚ ಶಿತೈಃ ಶಸ್ತ್ರೈರಭ್ಯವರ್ಂತತ ತಾವಕಾಃ॥ 9-22-75 (61375)
ಮತ್ತಾ ರುಧಿರಗಂಧೇನ ಬಹವೋಽತ್ರ ವಿಚೇತಸಃ।
ಜಘ್ನುಃ ಪರಾನ್ಸ್ವಕಾಂಶ್ಚೈವ ಪ್ರಾಪ್ತಾನ್ಪ್ರಾಪ್ತಾನನಂತರಾನ್॥ 9-22-76 (61376)
ಬಹವಶ್ಚ ಗತಪ್ರಾಣಾಃ ಕ್ಷತ್ರಿಯಾ ಜಯಗೃದ್ವಿನಃ।
ಭೂಮಾವಭ್ಯಪತನ್ರಾಜಞ್ಶರವೃಷ್ಟಿಭಿರಾವೃತಾಃ॥ 9-22-77 (61377)
ವೃಕಗೃಧ್ರಶೃಗಾಲಾನಾಂ ತುಮುಲೇ ಮೋದನೇಽಹನಿ।
ಆಸೀದ್ಬಲಕ್ಷಯೋ ಘೋರಸ್ತವ ಪುತ್ರಸ್ಯ ಪಶ್ಯತಃ॥ 9-22-78 (61378)
ನರಾಶ್ವಕಾಯೈಃ ಸಂಛನ್ನಾ ಭೂಮಿರಾಸೀದ್ವಿಶಾಂಪತೇ।
ರುಧಿರೋದಕಚಿತ್ರಾ ಚ ಭೀರೂಣಾಂ ಭಯವರ್ಧಿನೀ॥ 9-22-79 (61379)
ಅಸಿಭಿಃ ಪಟ್ಟಸೈಃ ಶೂಲೈಸ್ತಕ್ಷಮಾಣಾಃ ಪುನಃಪುನಃ।
ತಾವಕಾಃ ಪಾಣ಼್ವೇಯಾಶ್ಚ ನ ನ್ಯವರ್ತಂತ ಭಾರತ॥ 9-22-80 (61380)
ಪ್ರಹರಂತೋ ಯಥಾಶಕ್ತಿ ಯಾವತ್ಪ್ರಾಣಸ್ಯ ಧಾರಣಂ।
ಯೋಧಾಃ ಪರಿಪತಂತಿ ಸ್ಮ ವಮಂತೋ ರುಧಿರಂ ಮುಖೈಃ॥ 9-22-81 (61381)
ಶಿರೋ ಗೃಹೀತ್ವಾ ಕೇಶೇಷು ಕಬಂಧಃ ಸ ಪ್ರದೃಶ್ಯತೇ।
ಉದ್ಯಂಯ ಚ ಶಿತಂ ಖಂಗಂ ರುಧಿರೇಣ ಪರಿಪ್ಲುತಂ॥ 9-22-82 (61382)
ತಥೋತ್ಥಿತೇಷು ಬಹುಷು ಕಬಂಧೇಷು ನರಾಧಿಪ।
ತಥಾ ರುಧಿರಗಂಧೇನ ಯೋಧಾಃ ಕಶ್ಮಲಮಾವಿಶನ್॥ 9-22-83 (61383)
ಮಂದೀಭೂತೇ ತತಃ ಶಬ್ದೇ ಪಾಂಡವಾನಾಂ ಮಹದ್ಬಲಂ।
ಅಲ್ಪಾವಶಿಷ್ಟೈಸ್ತುರಗೈರಭ್ಯವರ್ತತ ಸೌಬಲಃ॥ 9-22-84 (61384)
ತತೋಽಭ್ಯಧಾವಂಸ್ತ್ವರಿತಾಃ ಪಾಂಡವಾ ಜಯಗೃದ್ವಿನಃ।
ಪದಾತಯಶ್ಚ ನಾಗಾಶ್ಚ ಸಾದಿನಶ್ಚೋದ್ಯತಾಯುಧಾಃ॥ 9-22-85 (61385)
ಕೋಷ್ಠಕೀಕೃತ್ಯ ಚಾಪ್ಯೇನಂ ಪರಿಕ್ಷಿಪ್ಯ ಚ ಸರ್ವಶಃ।
ಶಸ್ತ್ರೈರ್ನಾನಾವಿಧೈರ್ಜಘ್ನುರ್ಯುದ್ವಪಾರಂ ತಿತೀರ್ಷವಃ॥ 9-22-86 (61386)
ತ್ವದೀಯಾಸ್ತಾಂಸ್ತು ಸಂಪ್ರೇಕ್ಷ್ಯ ಸರ್ವತಃ ಸಮಭಿದ್ರುತಾನ್।
ರಥಾಶ್ವಪತ್ತಿದ್ವಿರದಾಃ ಪಾಂಡವಾನಭಿದುದ್ರುವುಃ॥ 9-22-87 (61387)
ಕೇಚಿತ್ಪದಾತಯಃ ಪದ್ಭಿರ್ಮುಷ್ಟಿಭಿಶ್ಚ ಪರಸ್ಪರಂ।
ನಿಜಘ್ನುಃ ಸಮರೇ ಶೂರಾಃ ಕ್ಷೀಣಶಸ್ತ್ರಾಸ್ತತೋಽಪತನ್॥ 9-22-88 (61388)
ರಥೇಭ್ಯೋ ರಥಿನಃ ಪೇತುರ್ದ್ವಿಪೇಭ್ಯೋ ಹಸ್ತಿಸಾದಿನಃ।
ವಿಮಾನೇಭ್ಯೋ ದಿವೋ ಭ್ರಷ್ಟಾಃ ಸಿದ್ವಾಃ ಪುಣ್ಯಕ್ಷಯಾದಿವ॥ 9-22-89 (61389)
ಏವಮನ್ಯೋನ್ಯಮಾಯತ್ತಾ ಯೋಧಾ ಜಘ್ನುರ್ಮಹಾಹವೇ।
ಪಿತೄನ್ಭ್ರಾತೄನ್ವಯಸ್ಯಾಂಶ್ಚ ಪುತ್ರಾನಪಿ ತಥಾ ಪರೇ॥ 9-22-90 (61390)
ಏವಮಾಸೀದಮರ್ಯಾದಂ ಯುದ್ವಂ ಭರತಸತ್ತಮ।
ಪ್ರಾಸಾಸಿಬಾಣಕಲಿಲಂ ವರ್ತಮಾನೇ ಸುದಾರುಣೇ॥ ॥ 9-22-91 (61391)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ದ್ವಾವಿಂಶೋಽಧ್ಯಾಯಃ॥ 22 ॥
ಶಲ್ಯಪರ್ವ - ಅಧ್ಯಾಯ 023
॥ ಶ್ರೀಃ ॥
9.23. ಅಧ್ಯಾಯಃ 023
Mahabharata - Shalya Parva - Chapter Topics
ಅರ್ಜುನೇನ ದುರ್ಯೋಧನಾಗರ್ಹಣಪೂರ್ವಕಂ ತತ್ಸೇನಾನಿಬರ್ಹಣಂ॥ 1 ॥Mahabharata - Shalya Parva - Chapter Text
9-23-0 (61392)
ಸಂಜಯ ಉವಾಚ। 9-23-0x (5119)
ಅಲ್ಪಾವಶಿಷ್ಟೇ ಸೈನ್ಯೇ ತು ಪಾಂಡವೈರ್ನಿಹತೇ ಬಲೇ।
ಅಶ್ವೈಃ ಸಪ್ತಸಹಸ್ರೈಸ್ತು ಉಪಾವರ್ತತ ಸೌಬಲಃ॥ 9-23-1 (61393)
ಸ ಯಾತ್ವಾ ವಾಹಿನೀಂ ತೂರ್ಣಂ ಚೋದಯಾನಃ ಸ್ವಕಾನ್ಯುಧಿ।
ಯುಧ್ಯಧ್ವಮಿತಿ ಸಂಹೃಷ್ಟಾಃ ಪುನಃಪುನರರಿಂದಮಾಃ॥ 9-23-2 (61394)
ಅಪೃಚ್ಛತ್ಕ್ಷತ್ರಿಯಾಂಸ್ತತ್ರ ಕ್ವ ನು ರಾಜಾ ಮಹಾಬಲಃ।
ಶಕುನೇಸ್ತದ್ವಚಃ ಶ್ರುತ್ವಾ ತಮೂಚುರ್ಭರತರ್ಷಭ॥ 9-23-3 (61395)
ಅಸೌ ತಿಷ್ಠತಿ ಕೌರವ್ಯೋ ರಣಮಧ್ಯೇ ಮಹಾಬಲಃ।
ಯತ್ರೈತತ್ಸುಮಹಚ್ಛತ್ರಂ ಪೂರ್ಣಚಂದ್ರಸಮಪ್ರಭಂ॥ 9-23-4 (61396)
ಯತ್ರ ತೇ ಸತನುತ್ರಾಣಾ ರಥಾಸ್ತಿಷ್ಠಂತಿ ದಂಶಿತಾಃ।
ಯತ್ರೈಷ ತುಮುಲಃ ಶಬ್ದಃ ಪರ್ಜನ್ಯನಿನದೋಪಮಃ॥ 9-23-5 (61397)
ತತ್ರ ಗಚ್ಛ ದ್ರುತಂ ರಾಜಂಸ್ತತೋ ದ್ರಕ್ಷ್ಯಸಿ ಕೌರವಂ।
ಏವಮುಕ್ತಸ್ತು ತೈರ್ಯೋಧೈಃ ಶಕುನಿಃ ಸೌಬಲಸ್ತದಾ॥ 9-23-6 (61398)
ಪ್ರಯಯೌ ತತ್ರ ಯತ್ರಾಸ್ತೇ ಪುತ್ರಸ್ತವ ನರಾಧಿಪ।
ಸರ್ವತಃ ಸಂವೃತೋ ವೀರೈಃ ಸಮರೇ ಚಿತ್ರಯೋಧಿಭಿಃ॥ 9-23-7 (61399)
ತತೋ ದುರ್ಯೋಧನಂ ದೃಷ್ಟ್ವಾ ರಥಾನೀಕೇ ವ್ಯವಸ್ಥಿತಂ।
ಸ ರಥಾಂಸ್ತಾವಕಾನ್ಸರ್ವಾನ್ಹರ್ಷಯಞ್ಶಕುನಿಸ್ತತಃ॥ 9-23-8 (61400)
ದುರ್ಯೋಧನಮಿದಂ ವಾಕ್ಯಂ ಹೃಷ್ಟರೂಪೋ ವಿಶಾಂಪತೇ।
ಕೃತಕಾರ್ಯಮಿವಾತ್ಮಾನಂ ಮನ್ಯಮಾನೋಽಬ್ರವೀನ್ನೃಪಂ॥ 9-23-9 (61401)
ಜಹಿ ರಾಜನ್ರಥಾನೀಕಮಶ್ವಾಃ ಸರ್ವೇ ಜಿತಾ ಮಯಾ।
ನಾತ್ಯಕ್ತ್ವಾ ಜೀವಿತಂ ಸಂಖ್ಯೇ ಶಕ್ಯೋ ಜೇತುಂ ಯುಧಿಷ್ಠಿರಃ॥ 9-23-10 (61402)
ಹತೇ ತಸ್ಮಿನ್ರಥಾನೀಕೇ ಪಾಂಡವೇನಾಭಿಪಾಲಿತೇ।
ಗಜಾನೇತಾನ್ಹನಿಷ್ಯಾಮಃ ಪದಾತೀಂಶ್ಚೇತರಾಂಸ್ತಥಾ॥ 9-23-11 (61403)
ಶ್ರುತ್ವಾ ತು ವಚನಂ ತಸ್ಯ ತಾವಕಾ ಜಯಗೃದ್ವಿನಃ।
ಜವೇನಾಭ್ಯಪತನ್ಹೃಷ್ಟಾಃ ಪಾಂಡವಾನಾಮನೀಕಿನೀಂ॥ 9-23-12 (61404)
ಬದ್ವನಿಸ್ತ್ರಿಂಶಹಸ್ತಾಶ್ಚ ಪ್ರಗೃಹೀತಶರಾಸನಾಃ।
ಶರಾಸನಾನಿ ಧೂನ್ವಾನಾಃ ಸಿಂಹನಾದಾನ್ಪ್ರಚಕ್ರಿರೇ॥ 9-23-13 (61405)
ತತೋ ಜ್ಯಾತಲನಿರ್ಧೋಷಃ ಪುನರಾಸೀದ್ವಿಶಾಂಪತೇ।
ಪ್ರಾದುರಾಸೀಚ್ಛರಾಣಾಂ ಚ ಸುಮುಕ್ತಾನಾಂ ಸುದಾರುಣಃ॥ 9-23-14 (61406)
ತಾನ್ಸಮೀಪಗತಾಂದೃಷ್ಟ್ವಾ ಜನಾನುದ್ಯತಕಾರ್ಮುಕಾನ್।
ಉವಾಚ ದೇವಕೀಪುತ್ರಂ ಕುಂತೀಪುತ್ರೋ ಧನಂಜಯಃ॥ 9-23-15 (61407)
ಚೋದಯಾಶ್ವಾನಸಂಭ್ರಾಂತಃ ಪ್ರವಿಶೈತದ್ಬಲಾರ್ಣವಂ।
ಅಂತಮದ್ಯ ಗಮಿಷ್ಯಾಮಿ ಶತ್ರೂಣಾಂ ನಿಶಿತೈಃ ಶರೈಃ॥ 9-23-16 (61408)
ಅಷ್ಟಾದಶ ದಿನಾನ್ಯದ್ಯ ಯುದ್ಧಸ್ಯಾಸ್ಯ ಜನಾರ್ದನ।
ವರ್ತಮಾನಸ್ಯ ಮಹತಃ ಸಮಾಸಾದ್ಯ ಪರಸ್ಪರಂ॥ 9-23-17 (61409)
ಅನಂತಕಲ್ಪಾ ಧ್ವಜಿನೀ ಭೂತ್ವಾ ಹ್ಯೇಷಾಂ ಮಹಾತ್ಮನಾಂ।
ಕ್ಷಯಮದ್ಯ ಗತಾ ಯುದ್ಧೇ ಪಶ್ಯ ದೈವಂ ಯಥಾವಿಧಂ॥ 9-23-18 (61410)
ಸಮುದ್ರಕಲ್ಪಂ ಚ ಬಲಂ ಧಾರ್ತರಾಷ್ಟ್ರಸ್ಯ ಮಾಧವ।
ಅಸ್ಮನಾಸಾದ್ಯ ಸಂಜಾತಂ ಗೋಷ್ಪದೋಪಮಮಚ್ಯುತ॥ 9-23-19 (61411)
ಹತೇ ಭೀಷ್ಮೇ ಧೀರ್ಮಮಾಸೀಚ್ಛಮಃ ಸ್ಯಾದಿತಿ ಮಾಧವ।
ನ ಚ ತತ್ಕೃತವಾನ್ಮೂಢೋ ಧಾರ್ತರಾಷ್ಟ್ರಃ ಸುಬಾಲಿಶಃ॥ 9-23-20 (61412)
ಉಕ್ತಂ ಭೀಷ್ಮೇಣ ಯದ್ವಾಕ್ಯಂ ಹಿತಂ ತಥ್ಯಂ ಚ ಮಾಧವ।
ತಚ್ಚಾಪಿ ನಾಸೌ ಕೃತವಾನ್ವೀತಬುದ್ಧಿಃ ಸುಯೋಧನಃ॥ 9-23-21 (61413)
ತಸ್ಮಿಂಸ್ತು ನಿಹತೇ ಭೀಷ್ಮೇ ಪ್ರಚ್ಯುತೇ ಪೃಥಿವೀಪತೌ।
ನ ಜಾನೇ ಕಾರಣಂ ಕಿಂತು ಯೇನ ಯುದ್ಧಮವರ್ತತ॥ 9-23-22 (61414)
ಮೂಢಾಂಸ್ತು ಸರ್ವಥಾ ಮನ್ಯೇ ಧಾರ್ತರಾಷ್ಟ್ರಾನ್ಸುಬಾಲಿಶಾನ್।
ಪತಿತೇ ಶಂತನೋಃ ಪುತ್ರೇ ಯೇಽಕಾರ್ಯುಃ ಸಂಯುಗಂ ಪುನಃ॥ 9-23-23 (61415)
ಅನಂತರಂ ಚ ನಿಹತೇ ದ್ರೋಣೇ ಬ್ರಹ್ಮವಿದಾಂ ವರೇ।
ರಾಧೇಯೇ ಚ ವಿಕರ್ಣೇ ಚ ನೈವ ಶಾಂಯತಿ ವೈಶಸಂ॥ 9-23-24 (61416)
ಅಲ್ಪಾವಶಿಷ್ಟೇ ಸೈನ್ಯೇಽಸ್ಮಿನ್ಸೂತಪುತ್ರೇ ಚ ಪಾತಿತೇ।
ಸಪುತ್ರೇ ವೈ ನರವ್ಯಾಘ್ರೇ ನೈವ ಶಾಂಯತಿ ವೈಶಸಂ॥ 9-23-25 (61417)
ಶ್ರುತಾಯುಷಿ ಹತೇ ವೀರೇ ಜಲಸಂಧೇ ಚ ಮಾಗಧೇ।
ಶ್ರುತಾಯುಧೇ ಚ ನೃಪತೌ ನೈವ ಶಾಂಯತಿ ವೈಶಸಂ॥ 9-23-26 (61418)
ಭೂರಿಶ್ರವಸಿ ಶಲ್ಯೇ ಚ ಸಾಲ್ಯೇ ಚೈವ ಜನಾರ್ದನ।
ಆವಂತ್ಯೇಷು ಚ ವೀರೇಷು ನೈವ ಶಾಂಯತಿ ವೈಶಸಂ॥ 9-23-27 (61419)
ಜಯದ್ರಥೇ ಚ ನಿಹತೇ ರಾಕ್ಷಸೇ ಚಾಪ್ಯಲಾಯುಧೇ।
ಬಾಹ್ಲಿಕೇ ಸೋಮದತ್ತೇ ಚ ನೈವ ಶಾಂಯತಿ ವೈಶಸಂ॥ 9-23-28 (61420)
ಭಗದತ್ತೇ ಹತೇ ಶೂರೇ ಕಾಂಭೋಜೇ ಚ ಸುದಾರುಣೇ।
ದುಃಶಾಸನೇ ಚ ನಿಹತೇ ನೈವ ಶಾಂಯತಿ ವೈಶಸಂ॥ 9-23-29 (61421)
ದೃಷ್ಟ್ವಾ ವಿನಿಹತಾಞ್ಶೂರಾನ್ಪೃಥಙ್ಮಾಣ಼್ಡಲಿಕಾನ್ನೃಪಾನ್।
ಬಲಿನಶ್ಚ ರಣೇ ಕೃಷ್ಣ ನೈವ ಶಾಂಯತಿ ವೈಶಸಂ॥ 9-23-30 (61422)
ಅಕ್ಷೌಹಿಣೀಪತೀಂದೃಷ್ಟ್ವಾ ಭೀಮಸೇನನಿಪಾತಿತಾನ್।
ಮೋಹಾದ್ವಾ ಯದಿ ವಾ ಲೋಭಾನ್ನೈವ ಶಾಂಯತಿ ವೈಶಸಂ॥ 9-23-31 (61423)
`ಹತಪ್ರವೀರಾಂ ವಿಧ್ವಸ್ತಾಂ ದೃಷ್ಟ್ವಾ ಚೇಮಾಂ ಚಮೂಂ ರಣೇ।
ಅಲಂಬಲೇ ಚ ನಿಹತೇ ನೈವ ಶಾಂಯತಿ ವೈಶಸಂ॥ 9-23-32 (61424)
ಭ್ರಾತೄನ್ವಿನಿಹತಾಂದೃಷ್ಟ್ವಾ ವಯಸ್ಯಾನ್ಮಾತುಲಾನಪಿ।
ಪುತ್ರಾನ್ವಿನಿಹತಾಂದೃಷ್ಟ್ವಾ ನೈವ ಶಾಂಯತಿ ವೈಶಸಂ'॥ 9-23-33 (61425)
ಕೋ ನು ರಾಜಕುಲೇ ಜಾತಃ ಕೌರವೇಷು ವಿಶೇಷತಃ।
ನಿರರ್ಥಕಂ ಮಹದ್ವೈರಂ ಕುರ್ಯಾದನ್ಯಃ ಸುಯೋಧನಾತ್॥ 9-23-34 (61426)
ಗುಣತೋಽಭ್ಯಧಿಕಾಂಜ್ಞಾತ್ವಾ ಬಲತಃ ಶೌರ್ಯತೋಪಿ ವಾ।
ಅಮೂಢಃ ಕೋ ನು ಯುಧ್ಯೇತ ಜಾನನ್ಪ್ರಾಜ್ಞೋ ಹಿತಾಹಿತಂ॥ 9-23-35 (61427)
ಕಿನ್ನು ತಸ್ಯ ಮನೋ ಹ್ಯಾಸೀತ್ತ್ವಯೋಕ್ತಸ್ಯ ಹಿತಂ ವಚಃ।
ಪ್ರಶಮೇ ಪಾಂಡವೈಃ ಸಾರ್ಧಂ ಸೋನ್ಯಸ್ಯ ಶೃಣುಯಾತ್ಕಥಂ॥ 9-23-36 (61428)
ಯೇನ ಶಾಂತನವೋ ಭೀಷ್ಮೋ ದ್ರೋಣೋ ವಿದುರ ಏವ ಚ।
ಪ್ರತ್ಯಾಖ್ಯಾತಾಃ ಶಂಮಸ್ಯಾರ್ಥೇ ಕಿನ್ನು ತಸ್ಯಾದ್ಯ ಭೇಷಜಂ॥ 9-23-37 (61429)
ಮೌರ್ಖ್ಯಾದ್ಯೇನ ಪಿತಾ ವೃದ್ವಃ ಪ್ರತ್ಯಾಖ್ಯಾತೋ ಜನಾರ್ದನ।
ತಥಾ ಮಾತಾ ಹಿತಂ ವಾಕ್ಯಂ ಭಾಷಮಾಣಾ ಹಿತೈಷಿಣೀ॥ 9-23-38 (61430)
ಪ್ರತ್ಯಾಖ್ಯಾತಾ ಹ್ಯಸತ್ಕೃತ್ಯ ಸ ಕಸ್ಮೈ ರೋಚಯೇದ್ವಚಃ।
ಕುಲಾಂತಕರಣೋ ವ್ಯಕ್ತಂ ಜಾತ ಏಷ ಜನಾರ್ದನ॥ 9-23-39 (61431)
ತಥಾಸ್ಯ ದೃಶ್ಯತೇ ಚೇಷ್ಟಾ ನೀತಿಶ್ಚೈವ ವಿಶಾಂಪತೇ।
ನೈಷ ದಾಸ್ಯತಿ ನೋ ರಾಜ್ಯಮಿತಿ ಮೇ ಮತಿರಚ್ಯುತ॥ 9-23-40 (61432)
ಉಕ್ತೋಽಹಂ ಬಹುಶಸ್ತಾತ ವಿದುರೇಣ ಮಹಾತ್ಮನಾ।
ನ ಜೀವಂದಾಸ್ಯತೇ ಭಾಗಂ ಧಾರ್ತರಾಷ್ಟ್ರಃ ಸುಯೋಧನಃ॥ 9-23-41 (61433)
ಯಾವತ್ಪ್ರಾಣಾ ಧರಿಷ್ಯಂತಿ ಧಾರ್ತರಾಷ್ಟ್ರಸ್ಯ ದುರ್ಮತೇಃ।
ತಾವದ್ಯುಷ್ಮಾಸ್ವಪಾಪೇಷು ಪ್ರಚರಿಷ್ಯತಿ ಪಾಪಕಂ॥ 9-23-42 (61434)
ನ ಚ ಯುಕ್ತೋಽನ್ಯಥಾ ಜೇತುಮೃತೇ ಯುದ್ಧೇನ ಮಾಧವ।
ಇತ್ಯಬ್ರವೀತ್ಸದಾ ಮಾಂ ಹಿ ವಿದುರಃ ಸತ್ಯದರ್ಶನಃ॥ 9-23-43 (61435)
ತತ್ಸರ್ವಮದ್ಯ ಜಾನಾಮಿ ವ್ಯವಸಾಯಂ ದುರಾತ್ಮನಃ।
ಯದುಕ್ತಂ ವಚನಂ ತೇನ ವಿದುರೇಣ ಮಹಾತ್ಮನಾ॥ 9-23-44 (61436)
ಯೋ ಹಿ ಶ್ರುತ್ವಾ ವಚಃ ಪಥ್ಯಂ ಜಾಮದಗ್ನ್ಯಾದ್ಯಥಾತಥಂ।
ಅವಾಮನ್ಯತ ದುರ್ಬುದ್ಧಿರ್ಧ್ರುವಂ ನಾಶಮುಖೇ ಸ್ಥಿತಃ॥ 9-23-45 (61437)
ಉಕ್ತಂ ಹಿ ಬಹುಭಿಃ ಸಿದ್ಧೈರ್ಜಾತಮಾತ್ರೇ ಸುಯೋಧನೇ।
ಏನಂ ಪ್ರಾಪ್ಯ ದುರಾತ್ಮಾನಂ ಕ್ಷಯಂ ಕ್ಷತ್ರಂ ಗಮಿಷ್ಯತಿ॥ 9-23-46 (61438)
ತದಿದಂ ವಚನಂ ತೇಷಾಂ ನಿರುಕ್ತಂ ವೈ ಜನಾರ್ದನ।
ಕ್ಷಯಂ ಯಾತಾ ಹಿ ರಾಜಾನೋ ದುರ್ಯೋಧನಕೃತೇ ಭೃಶಂ॥ 9-23-47 (61439)
ಸೋಽದ್ಯ ಸರ್ವಾನ್ರಣೇ ಯೋಧಾನ್ನಿಹನಿಷ್ಯಾಮಿ ಮಾಧವ॥ 9-23-48 (61440)
ಕ್ಷತ್ರಿಯೇಷು ಹತೇಷ್ವಾಶು ಶೂನ್ಯೇ ಚ ಶಿಬಿರೇ ಕೃತೇ।
ವಧಾಯ ಚಾತ್ಮನೋಽಸ್ಮಾಭಿಃ ಸಂಯುಗಂ ರೋಚಯಿಷ್ಯತಿ॥ 9-23-49 (61441)
ತದಂತಂ ಹಿ ಭವೇದ್ವೈರಮನುಮಾನೇನ ಮಾಧವ।
ಏವಂ ಪಶ್ಯಾಮಿ ವಾರ್ಷ್ಣೇಯ ಚಿಂತಯನ್ಪ್ರಜ್ಞಯಾ ಸ್ವಯಾ।
ವಿದುರಸ್ಯ ಚ ವಾಕ್ಯೇನ ಚೇಷ್ಟಯಾ ಚ ದುರಾತ್ಮನಃ॥ 9-23-50 (61442)
ತಸ್ಮಾದ್ಯಾಹಿ ಚಮೂಂ ವೀರ ಯಾವದ್ವನ್ಮಿ ಶಿತೈಃ ಶರೈಃ।
ದುರ್ಯೋಧನಂ ಮಹಾಬಾಹೋ ವಾಹಿನೀಂ ಚಾಸ್ಯ ಸಂಯುಗೇ॥ 9-23-51 (61443)
ಕ್ಷೇಮಮದ್ಯ ಕರಿಷ್ಯಾಮಿ ಧರ್ಮರಾಜಸ್ಯ ಮಾಧವ।
ಹತ್ವೈತದ್ದುರ್ಬಲಂ ಸೈನ್ಯಂ ಧಾರ್ತರಾಷ್ಟ್ರಸ್ಯ ಪಶ್ಯತಃ॥ 9-23-52 (61444)
ಸಂಜಯ ಉವಾಚ। 9-23-53x (5120)
ಅಭೀಶುಹಸ್ತೋ ದಾಶಾರ್ಹಸ್ತಥೋಕ್ತಃ ಸವ್ಯಸಾಚಿನಾ।
ತದ್ಬಲೌಘಮಮಿತ್ರಾಣಾಮಭೀತಃ ಪ್ರಾವಿಶದ್ಬಲಾತ್॥ 9-23-53 (61445)
ಶರಾಸನವನಂ ಘೋರಂ ಶಕ್ತಿಕಂಟಕಸಂಕುಲಂ।
ಗದಾಪರಿಘಪಾಷಾಣಂ ರಥನಾಗಮಹಾದ್ರುಮಂ॥ 9-23-54 (61446)
ಹಯಪತ್ತಿಲತಾಕೀರ್ಣಂ ಗಾಹಮಾನೋ ಮಹಾಯಶಾಃ।
ವ್ಯಚರತ್ತತ್ರ ಗೋವಿಂದೋ ರಥೇನಾತಿಪತಾಕಿನಾ॥ 9-23-55 (61447)
ತೇ ಹಯಾಃ ಪಾಂಡುರಾ ರಾಜನ್ವಹಂತೋಽರ್ಜುನಮಾಹವೇ।
ದಿಕ್ಷು ಸರ್ವಾಸ್ವದೃಶ್ಯಂತ ದಾಶಾರ್ಹೇಣ ಪ್ರಚೋದಿತಾಃ॥ 9-23-56 (61448)
ತತಃ ಪ್ರಾಯಾದ್ರಥೇನಾಜೌ ಸವ್ಯಸಾಚೀ ಪರಂತಪಃ।
ಕಿರಞ್ಶರಶತಾಂಸ್ತೀಕ್ಷ್ಣಾನ್ವಾರಿಧಾರಾ ಘನೋ ಯಥಾ॥ 9-23-57 (61449)
ಪ್ರಾದುರಾಸೀನ್ಮಹಾಞ್ಶಬ್ದಃ ಶರಾಣಾಂ ನತಪರ್ವಣಾಂ।
ಇಷುಭಿಶ್ಛಾದ್ಯಮಾನಾನಾಂ ಸಮರೇ ಸವ್ಯಸಾಚಿನಾ॥ 9-23-58 (61450)
ಅಸಜ್ಜಂತಸ್ತನುತ್ರೇಷು ಶರೌಘಾಃ ಪ್ರಾಪತನ್ಭುವಿ।
ಇಂದ್ರಾಶನಿಸಮಸ್ಪರ್ಶಾ ಗಾಂಡೀವಪ್ರೇಷಿತಾಃ ಶರಾಃ॥ 9-23-59 (61451)
ನರಾನ್ನಾಗಾನ್ಸಮಾಹತ್ಯ ಹಯಾಂಶ್ಚಾಪಿ ವಿಶಾಂಪತೇ।
ಅಪತಂತ ರಣೇ ಬಾಣಾಃ ಪತಂಗಾ ಇವ ಘೋಷಿಣಃ॥ 9-23-60 (61452)
ಆಸೀತ್ಸರ್ವಮವಚ್ಛನ್ನಂ ಗಾಂಡೀವಪ್ರೇಷಿತೈಃ ಶರೈಃ।
ನ ಪ್ರಾಜ್ಞಾಯಂತ ಸಮರೇ ದಿಶೋ ವಾ ಪ್ರದಿಶೋಪಿ ವಾ॥ 9-23-61 (61453)
ಸರ್ವಮಾಸೀಜ್ಜಗತ್ಪೂರ್ಣಂ ಪಾರ್ಥನಾಮಾಂಕಿತೈಃ ಶರೈಃ।
ರುಕ್ಮಪುಂಖೈಸ್ತೈಲಧೌತೈಃ ಕರ್ಮಾರಪರಿಮಾರ್ಜಿತೈಃ॥ 9-23-62 (61454)
ತೇ ದಹ್ಯಮಾನಾಃ ಪಾರ್ಥೇನ ಪಾವಕೇನೇವ ಕುಂಜರಾಃ।
ಪಾರ್ಥಂ ನ ಪ್ರಾಜಹುರ್ಘಾರಾ ವಧ್ಯಮಾನಾಃ ಶಿತೈಃ ಶರೈಃ॥ 9-23-63 (61455)
ಶರಚಾಪಧರಃ ಪಾರ್ಥಃ ಪ್ರಜ್ವಲನ್ನಿವ ಭಾಸ್ಕರಃ।
ದದಾಹ ಸಮರೇ ಯೋಧಾನ್ಕಕ್ಷಮಗ್ನಿರಿವ ಜ್ವಲನ್॥ 9-23-64 (61456)
ಯಥಾ ವನಾಂತೇ ವನಪೈರ್ವಿಸೃಷ್ಟಃ
ಕಕ್ಷಂ ದಹೇತ್ಕೃಷ್ಣಗತಿಃ ಸುಘೋಷಃ।
ಭೂರಿದ್ರುಮಂ ಶುಷ್ಕಲತಾವಿತಾನಂ
ಭೃಶಂ ಸಮೃದ್ಧೋ ಜ್ವಲನಃ ಪ್ರತಾಪೀ॥ 9-23-65 (61457)
ಏವಂ ಸ ನಾರಾಚಗಣಂಪ್ರತಾಪೀ
ಶರಾರ್ಚಿರುಚ್ಚಾವಚತಿಗ್ಮತೇಜಾಃ।
ದದಾಹ ಸರ್ವಾಂ ತವ ಪುತ್ರಸೇನಾ--
ಮಮೃಷ್ಯಮಾಣಸ್ತರಸಾ ತರಸ್ವೀ॥ 9-23-66 (61458)
ತಸ್ಯೇಷವಃ ಪ್ರಾಣಹರಾಃ ಸುಮುಕ್ತಾ
ನಾಸಜ್ಜನ್ವೈ ವರ್ಮಸು ರುಕ್ಮಪುಂಖಾಃ।
ನ ಚ ದ್ವಿತೀಯಂ ಪ್ರಮುಮೋಚ ಬಾಣಂ
ನರೇ ಹಯೇ ವಾ ಪರಮದ್ವಿಪೇ ವಾ॥ 9-23-67 (61459)
ಅನೇಕರೂಪಾಕೃತಿಭಿರ್ಹಿ ಬಾಣೈ--
ರ್ಮಹಾರಥಾನೀಕಮನುಪ್ರವಿಶ್ಯ।
ಸ ಏವ ಏಕಸ್ತವ ಪುತ್ರಸ್ಯ ಸೇನಾಂ
ಜಘಾನ ದೈತ್ಯಾನಿವ ವಜ್ರಪಾಣಿಃ॥ ॥ 9-23-68 (61460)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ತ್ರಯೋವಿಂಶೋಽಧ್ಯಾಯಃ॥ 23 ॥
Mahabharata - Shalya Parva - Chapter Footnotes
9-23-42 ಪಾಪಕಂ ಪ್ರಚರಿಷ್ಯತಿ ಆಚರಿಷ್ಯತಿ ಧಾರ್ತರಾಷ್ಟ್ರ ಇತಿ ಶೇಷಃ॥ 9-23-23 ತ್ರಯೋವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 024
॥ ಶ್ರೀಃ ॥
9.24. ಅಧ್ಯಾಯಃ 024
Mahabharata - Shalya Parva - Chapter Topics
ಧೃಷ್ಟದ್ಯುಂನಪರಾಜಿತೇನ ದುರ್ಯೋಧನೇನಾಶ್ವಾರೋಹಣೇನ ಪಲಾಯನಂ॥ 1 ॥ ಅಶ್ವತ್ಥಾಮಾದಿಭಿಸ್ತದನ್ವೇಷಣಂ॥ 2 ॥Mahabharata - Shalya Parva - Chapter Text
9-24-0 (61461)
ಸಂಜಯ ಉವಾಚ। 9-24-0x (5121)
ಯುಧ್ಯತಾಂ ಯತಮಾನಾನಾಂ ಶೂರಾಣಾಮನಿವರ್ತನಾಂ।
ಸಂಕಲ್ಪಮಕರೋನ್ಮೋಘಂ ಗಾಂಡೀವೇನ ಧನಂಜಯಃ॥ 9-24-1 (61462)
ಇಂದ್ರಾಶನಿಸಮಸ್ಪರ್ಶಾನವಿಷಹ್ಯಾನ್ಮಹೌಜಸಃ।
ವಿಸೃಜಂದೃಶ್ಯತೇ ಬಾಣಾಂಧಾರಾ ಮುಂಚನ್ನಿವಾಂಬುದಃ॥ 9-24-2 (61463)
ತತ್ಸೈನ್ಯಂ ಭರತಶ್ರೇಷ್ಠ ವಧ್ಯಮಾನಂ ಕಿರೀಟಿನಾ।
ಸಂಪ್ರದುದ್ರಾವ ಸಂಗ್ರಾಮಾತ್ತವ ಪುತ್ರಸ್ಯ ಪಶ್ಯತಃ॥ 9-24-3 (61464)
ಪಿತೄನ್ಭ್ರಾತೄನ್ಪರಿತ್ಯಜ್ಯ ವಯಸ್ಯಾನಪಿ ಚಾಪರೇ॥ 9-24-4 (61465)
ಹತಧುರ್ಯಾ ರಥಾಃ ಕೇಚಿದ್ಧತಸೂತಾಸ್ತಥಾ ಪರೇ।
ಭಗ್ನಾಕ್ಷಯುಗಚಕ್ರೇಷಾಃ ಕೇಚಿದಾಸನ್ವಿಶಾಂಪತೇ॥ 9-24-5 (61466)
ಅನ್ಯೇಷಾಂ ಸಾಯಕಾಃ ಕ್ಷೀಣಾಸ್ತಥಾಽನ್ಯೇ ಬಾಣಪೀಡಿತಾಃ।
ಅಕ್ಷತಾ ಯುಗಪತ್ಕೇಚಿತ್ಪ್ರಾದ್ರವನ್ಭಯಪೀಡಿತಾಃ॥ 9-24-6 (61467)
ಕೇಚಿತ್ಪುತ್ರಾನುಪಾದಾಯ ಹತಭೂಯಿಷ್ಠಬಾಂಧವಾಃ।
ವಿಚುಕ್ರುಶುಃ ಪಿತೄಂಸ್ತ್ವನ್ಯೇ ಸಹಾಯಾನಪರೇ ಪುನಃ॥ 9-24-7 (61468)
ಬಾಂಧವಾಂಶ್ಚ ನರವ್ಯಾಘ್ರ ಭ್ರಾತೄನ್ಸಂಬಂಧಿನಸ್ತಥಾ।
ದುದ್ರುವುಃ ಕೇಚಿದುತ್ಸೃಜ್ಯ ತತ್ರತತ್ರ ವಿಶಾಂಪತೇ॥ 9-24-8 (61469)
ಬಹವೋಽತ್ರ ಭೃಶಂ ವಿದ್ಧಾ ಮುಹ್ಯಮಾನಾ ಮಹಾರಥಾಃ।
ನಿಃಶ್ವಸಂತಿ ಸ್ಮ ದೃಶ್ಯಂತೇ ಪಾರ್ಥಬಾಣಹತಾ ನರಾಃ॥ 9-24-9 (61470)
ತಾನನ್ಯೇ ರಥಮಾರೋಪ್ಯ ಹ್ಯಾಶ್ವಾಸ್ಯ ಚ ಮುಹೂರ್ತಕಂ।
ವಿಶ್ರಾಂತಾಶ್ಚ ವಿತೃಷ್ಣಾಶ್ಚ ಪುನರ್ಯುದ್ಧಾಯ ಜಗ್ಮಿರೇ॥ 9-24-10 (61471)
ತಾನಪಾಸ್ಯ ಗತಾಃ ಕೇಚಿತ್ಪುನರೇವ ಯುಯುತ್ಸವಃ।
ಕುರ್ವಂತಸ್ತವ ಪುತ್ರಸ್ಯ ಶಾಸನಂ ಯುದ್ಧದುರ್ಮದಾಃ॥ 9-24-11 (61472)
ಪಾನೀಯಮಪರೇ ಪೀತ್ವಾ ಪರ್ಯಾಶ್ವಾಸ್ಯ ಚ ವಾಹನಂ।
ವರ್ಮಾಣಿ ಚ ಸಮಾರೋಪ್ಯ ಕೇಚಿದ್ಭರತಸತ್ತಮ॥ 9-24-12 (61473)
ಸಮಾಶ್ವಾಸ್ಯಾಪರೇ ಭ್ರಾತೄನ್ನಿಕ್ಷಿಪ್ಯ ಶಿಬಿರೇಽಪಿ ಚ।
ಪುತ್ರಾನನ್ಯೇ ಪಿತೄನನ್ಯೇ ಪುನರ್ಯುದ್ಧಮರೋಚಯನ್॥ 9-24-13 (61474)
ಸಜ್ಜಯಿತ್ವಾ ರಥಾನ್ಕೇಚಿದ್ಯಥಾಮುಖ್ಯಂ ವಿಶಾಂಪತೇ।
ಆವೃತ್ಯ ಪಾಂಡವಾನೀಕಂ ಪುನರ್ಯುದ್ಧಮರೋಚಯನ್॥ 9-24-14 (61475)
ತೇ ಶೂರಾಃ ಕಿಂಕಿಣೀಜಾಲೈಃ ಸಮಾಚ್ಛನ್ನಾ ಬಭಾಸಿರೇ।
ತ್ರೈಲೋಕ್ಯವಿಜಯೇ ಯುಕ್ತಾ ಯಥಾ ದೈತೇಯದಾನವಾಃ॥ 9-24-15 (61476)
ಆಗಂಯ ಸಹಸಾ ಕೇಚಿದ್ರಥೈಃ ಸ್ವರ್ಣವಿಭೂಷಿತೈಃ।
ಪಾಂಡವಾನಾಮನೀಕೇಷು ಧೃಷ್ಟದ್ಯುಂನಮಯೋಧಯನ್॥ 9-24-16 (61477)
ಧೃಷ್ಟದ್ಯುಂನೋಽಪಿ ಪಾಂಚಾಲ್ಯಃ ಶಿಖಂಡೀ ಚ ಮಹಾರಥಃ।
ನಾಕುಲಿಸ್ತು ಶತಾನೀಕೋ ರಥಾನೀಕಮಯೋಧಯನ್॥ 9-24-17 (61478)
ಪಾಂಚಾಲ್ಯಸ್ತು ತತಃ ಕ್ರುದ್ಧಃ ಸೈನ್ಯೇನ ಮಹತಾ ವೃತಃ।
ಅಭ್ಯದ್ರವತ್ಸುಸಂಕ್ರುದ್ಧಸ್ತಾವಕಾನ್ಹಂತುಮುದ್ಯತಃ॥ 9-24-18 (61479)
ತತಸ್ತ್ವಾಪತತಸ್ತಸ್ಯ ತವ ಪುತ್ರೋ ಜನಾಧಿಪ।
ಬಾಣಸಂಘಾನನೇಕಾನ್ವೈ ಪ್ರೇಷಯಾಮಾಸ ಭಾರತ॥ 9-24-19 (61480)
ಧೃಷ್ಟದ್ಯುಂನಸ್ತತೋ ರಾಜಂಸ್ತವ ಪುತ್ರೇಣ ಧನ್ವಿನಾ।
ನಾರಾಚೈರರ್ಧನಾರಾಚೈರ್ಬಹುಭಿಃ ಕ್ಷಿಪ್ರಕಾರಿಭಿಃ॥ 9-24-20 (61481)
ವತ್ಸದಂತೈಶ್ಚ ಬಾಣೈಶ್ಚ ಕರ್ಮಾರಪರಿಮಾರ್ಜಿತೈಃ।
ಅಶ್ವಾಂಶ್ಚ ಚತುರೋ ಹತ್ವಾ ಬಾಹ್ವೋರುರಸಿ ಚಾರ್ಪಿತಃ॥ 9-24-21 (61482)
ಸೋಽತಿವಿದ್ಧೋ ಮಹೇಷ್ವಾಸಸ್ತೋತ್ರಾರ್ದಿತ ಇವ ದ್ವಿಪಃ।
ತಸ್ಯಾಶ್ವಾಂಶ್ಚತುರೋ ಬಾಣೈಃ ಪ್ರೇಷಯಾಮಾಸ ಮೃತ್ಯವೇ।
ಸಾರಥೇಶ್ಚಾಸ್ಯ ಭಲ್ಲೇನ ಶಿರಃ ಕಾಯಾದಪಾಹರತ್॥ 9-24-22 (61483)
ತತೋ ದುರ್ಯೋಧನೋ ರಾಜಾ ಪೃಷ್ಠಮಾರುಹ್ಯ ವಾಜಿನಃ।
ಅಪಾಕ್ರಾಮದ್ವತರಥೋ ನಾತಿದೂರಮರಿಂದಮಃ॥ 9-24-23 (61484)
ದೃಷ್ಟಾ ತು ಹತವಿಕ್ರಾಂತಂ ಸ್ವಮನೀಕಂ ಮಹಾಬಲಃ।
ತವ ಪುತ್ರೋ ಮಹಾರಾಜ ಪ್ರಯಯೌ ಯತ್ರ ಸೌಬಲಃ॥ 9-24-24 (61485)
ತತೋ ರಥೇಷು ಭಗ್ನೇಷು ತ್ರಿಸಾಹಸ್ರಾ ಮಹಾದ್ವಿಪಾಃ।
ಪಾಂಡವಾನ್ರಥಿನಃ ಸರ್ವಾನ್ಸಮಂತಾತ್ಪರ್ಯವಾರಯನ್॥ 9-24-25 (61486)
ತೇ ವೃತಾಃ ಸಮರೇ ಪಂಚ ಗಜಾನೀಕೇನ ಭಾರತ।
ಅಶೋಭಂತ ಮಹಾರಾಜ ಗ್ರಹಾಸ್ತಾರಾಗಣೈರಿವ॥ 9-24-26 (61487)
ತತೋಽರ್ಜುನೋ ಮಹಾರಾಜ ಲಬ್ಧಲಕ್ಷೌ ಮಹಾಭುಜಃ।
ವಿನಿರ್ಯಯೌ ರಥೇನೈವ ಶ್ವೇತಾಶ್ವಃ ಕೃಷ್ಣಸಾರಥಿಃ॥ 9-24-27 (61488)
ತೈಃ ಸಮಂತಾತ್ಪರಿವೃತಃ ಕುಂಜರೈಃ ಪರ್ವತೋಪಮೈಃ।
ನಾರಾಚೈರ್ವಿಮಲೈಸ್ತೀಕ್ಷ್ಣೈರ್ಗಜಾನೀಕಮಯೋಧಯತ್॥ 9-24-28 (61489)
ತತ್ರೈಕಬಾಣನಿಹತಾನಪಶ್ಯಾಮ ಮಹಾಗಜಾನ್।
ಪತಿತಾನ್ಪಾತ್ಯಮಾನಾಂಶ್ಚ ನಿರ್ಭಿನ್ನಾನ್ಸವ್ಯಸಾಚಿನಾ॥ 9-24-29 (61490)
ಭೀಮಸೇನಸ್ತು ತಾಂದೃಷ್ಟ್ವಾ ನಾಗಾನ್ಮತ್ತಗಜೋಪಮಃ।
ಕರೇಣಾದಾಯ ಮಹತೀಂ ಗದಾಮಭ್ಯಪತದ್ಬಲೀ।
ಅಥಾಪ್ಲುತ್ಯ ರಥಾತ್ತೂರ್ಣಂ ದಂಡಪಾಣಿರಿವಾಂತಕಃ॥ 9-24-30 (61491)
ತಮುದ್ಯತಗದಂ ದೃಷ್ಟ್ವಾ ಪಾಂಡವಾನಾಂ ಮಹಾರಥಂ।
ವಿತ್ರೇಸುಸ್ತಾವಕಾಃ ಸೈನ್ಯಾಃ ಶಕೃನ್ಮೂತ್ರಂ ಚ ಸುಸ್ರುವುಃ॥ 9-24-31 (61492)
ಆವಿಗ್ನಂ ಚ ಬಲಂ ಸರ್ವಂ ಗದಾಹಸ್ತೇ ವೃಕೋದರೇ॥ 9-24-32 (61493)
ಗದಯಾ ಭೀಮಸೇನೇನ ಭಿನ್ನಕುಂಭಾನ್ನಿಪಾತಿತಾನ್।
ಧಾವಮಾನಾನಪಶ್ಯಾಮ ಕುಂಜರಾನ್ಪರ್ವತೋಪಮಾನ್॥ 9-24-33 (61494)
ಪ್ರಾದ್ರವನ್ಕುಂಜರಾಸ್ತೇ ತು ಭೀಮಸೇನಗದಾಹತಾಃ।
ಪೇತುರಾರ್ತಸ್ವರಂ ಕೃತ್ವಾ ಛಿನ್ನಪಕ್ಷಾ ಇವಾದ್ರಯಃ॥ 9-24-34 (61495)
ಪ್ರಭಿನ್ನಕುಂಭಾಂಸ್ತು ಬಹೂಂದ್ರವಮಾಣಾನಿತಸ್ತತಃ।
ಪತಮಾನಾಂಶ್ಚ ಸಂಪ್ರೇಕ್ಷ್ಯ ವಿತ್ರೇಸುಸ್ತವ ಸೈನಿಕಾಃ॥ 9-24-35 (61496)
ಯುಧಿಷ್ಠಿರೋಽಪಿ ಸಂಕ್ರುದ್ಧೋ ಮಾದ್ರೀಪುತ್ರೌ ಚ ಪಾಂಡವೌ।
ಗಾರ್ಧ್ರಪತ್ರೈಃ ಶಿತೈರ್ಬಾಣೈರ್ಜಘ್ನುರ್ವೈ ಗಜಯೋಧಿನಃ॥ 9-24-36 (61497)
ಧೃಷ್ಟದ್ಯುಂನಸ್ತು ಸಮರೇ ಪಾರಜಿತ್ಯ ನರಾಧಿಪಂ।
ಅಪಕ್ರಾಂತೇ ತವ ಸುತೇ ಹಯಪೃಷ್ಠೇ ಸಮಾಶ್ರಿತೇ॥ 9-24-37 (61498)
ದೃಷ್ಟ್ವಾ ಚ ಪಾಂಡವಾನ್ಸರ್ವಾನ್ಕುಂಚರೈಃ ಪರಿವಾರಿತಾನ್।
ಧೃಷ್ಟದ್ಯುಂನೋ ಮಹಾರಾಜ ಸಹಸಾ ಸಮುಪಾದ್ರವತ್॥ 9-24-38 (61499)
ಪುತ್ರಃ ಪಾಂಚಾಲರಾಜಸ್ಯ ಜಿಘಾಂಸುಃ ಕುಂಜರಾನ್ಯಯೌ।
ಅದೃಷ್ಟ್ವಾ ತು ರಥಾನೀಕೇ ದುರ್ಯೋಧನಮರಿಂದಮಂ॥ 9-24-39 (61500)
ಅಶ್ವತ್ಥಾಮಾ ಕೃಪಶ್ಚೈವ ಕೃತವರ್ಮಾ ಚ ಸಾತ್ವತಃ।
ಅಪೃಚ್ಛನ್ಕ್ಷತ್ರಿಯಾಂಸ್ತತ್ರ ಕ್ವ ನು ದುರ್ಯೋಧನೋ ಗತಃ॥ 9-24-40 (61501)
ತೇಽಪಶ್ಯಮಾನಾ ರಾಜಾನಂ ವರ್ತಮಾನೇ ಜನಕ್ಷಯೇ।
ಮನ್ವಾನಾ ನಿಹತಂ ತತ್ರ ತವ ಪುತ್ರಂ ಮಹಾರಥಾಃ।
ವಿವರ್ಣವದನಾ ಭೂತ್ವಾ ಪರ್ಯಪೃಚ್ಛಂತ ತೇ ಸುತಂ॥ 9-24-41 (61502)
ಆಹುಃ ಕೇಚಿದ್ವತೇ ಸೂತೇ ಪ್ರಯಾತೋ ಯತ್ರ ಸೌಬಲಃ।
ಹಿತ್ವಾ ಪಾಂಚಾಲರಾಜಸ್ಯ ತದನೀಕಂ ದುರುತ್ಸಹಂ॥ 9-24-42 (61503)
ಅಪರೇ ತ್ವಬ್ರುವಂಸ್ತತ್ರ ಕ್ಷತ್ರಿಯಾ ಭೃಶವಿಕ್ಷತಾಃ।
ದುರ್ಯೋಧನೇನ ಕಿಂ ಕಾರ್ಯಂ ದ್ರಕ್ಷ್ಯಧ್ವಂ ಯದಿ ಜೀವತಿ।
ಯುಧ್ಯಧ್ವಂ ಸಹಿತಾಃ ಸರ್ವೇ ಕಿಂ ವೋ ರಾಜಾ ಕರಿಷ್ಯತಿ॥ 9-24-43 (61504)
ತೇ ಕ್ಷತ್ರಿಯಾಃ ಕ್ಷತೈರ್ಗಾತ್ರೈರ್ಹತಭೂಯಿಷ್ಠವಾಹನಾಃ।
ಶರೈಃ ಸಂಪೀಡ್ಯಮಾನಾಸ್ತು ನಾತಿವ್ಯಕ್ತಮಥಾಬ್ರುವನ್॥ 9-24-44 (61505)
ಇದಂ ಸರ್ವಂ ಬಲಂ ಹನ್ಮೋ ಯೇನ ಸ್ಮ ಪರಿವಾರಿತಾಃ।
ಏತೇ ಸರ್ವೇ ಗಜಾನ್ಹತ್ವಾ ಉಪಯಾಂತಿ ಸ್ಮ ಪಾಂಡವಾಃ॥ 9-24-45 (61506)
ಶ್ರುತ್ವಾ ತು ವಚನಂ ತೇಷಾಮಶ್ವತ್ಥಾಮಾ ಮಹಾಬಲಃ।
ಭಿತ್ತ್ವಾ ಪಾಂಚಾಲರಾಜಸ್ಯ ತದನೀಕಂ ದುರುತ್ಸಹಂ॥ 9-24-46 (61507)
ಕೃಪಶ್ಚ ಕೃತವರ್ಮಾ ಚ ಪ್ರಯಯೌ ಯತ್ರ ಸೌಬಲಃ।
ರಥಾನೀಕಂ ಪರಿತ್ಯಜ್ಯ ಶೂರಾಃ ಸುದೃಢಧನ್ವಿನಃ॥ 9-24-47 (61508)
ತತಸ್ತೇಷು ಪ್ರಯಾತೇಷು ಧೃಷ್ಟದ್ಯುಂನಪುರಸ್ಕೃತಾಃ।
ಆಯಯುಃ ಪಾಂಡವಾ ರಾಜನ್ವಿನಿಘ್ನಂತಃ ಸ್ಮ ತಾವಕಾನ್॥ 9-24-48 (61509)
ದೃಷ್ಟ್ವಾ ತು ತಾನಾಪತತಃ ಸಂಪ್ರಹೃಷ್ಟಾನ್ಮಹಾರಥಾನ್।
ಪರಾಕ್ರಾಂತಾಸ್ತತೋ ವೀರಾ ನಿರಾಶಾ ಜೀವಿತೇ ತದಾ॥ 9-24-49 (61510)
ವಿವರ್ಣಮುಖಭೂಯಿಷ್ಠಮಭವತ್ತಾವಕಂ ಬಲಂ।
ಪರಿಕ್ಷೀಣಾಯುಧಾಂದೃಷ್ಟ್ವಾ ತಾನಹಂ ಪರಿವಾರಿತಾನ್॥ 9-24-50 (61511)
ರಾಜನ್ಬಲೇನ ತ್ರ್ಯಂಗೇನ ತ್ಯಕ್ತ್ವಾ ಜೀವಿತಮಾತ್ಮನಃ।
ಆತ್ಮನಾ ಪಂಚಮೋಽಯುಧ್ಯಂ ಪಾಂಚಾಲಸ್ಯ ಬಲೇನ ಹ॥ 9-24-51 (61512)
ತಸ್ಮಿಂದೇಶೇ ವ್ಯವಸ್ಥಾಯ ಯತ್ರ ಶಾರದ್ವತಃ ಸ್ಥಿತಃ।
ಸಂಪ್ರದ್ರುತಾ ವಯಂ ಪಂಚ ಕಿರೀಟಿಶರಪೀಡಿತಾಃ॥ 9-24-52 (61513)
ಧೃಷ್ಟದ್ಯುಂನಂ ಮಹಾರೌದ್ರಂ ತತ್ರ ನಾಭೂದ್ರಣೋ ಮಹಾನ್।
ಜಿತಾಸ್ತೇನ ವಯಂ ಸರ್ವೇ ವ್ಯಪಯಾಮ ರಣಾತ್ತತಃ॥ 9-24-53 (61514)
ಅಥಾಪಶ್ಯಂ ಸಾತ್ಯಕಿಂ ತಮುಪಾಯಾತಂ ಮಹಾರಥಂ।
ರಥೈಶ್ಚತುಃ ಶತೈರ್ವೀರೋ ಮಾಮಭ್ಯದ್ರವದಾಹವೇ॥ 9-24-54 (61515)
ಧೃಷ್ಟದ್ಯುಂನಾದಹಂ ಮುಕ್ತಃ ಕಂಛಿಛ್ರಾಂತವಾಹನಾತ್।
ಪತಿತೋ ಮಾಧವಾನೀಕಂ ದುಷ್ಕೃತೀ ನರಕಂ ಯಥಾ॥ 9-24-55 (61516)
ತತ್ರ ಯುದ್ಧಮಭೂದ್ಧೋರಂ ಮುಹೂರ್ತಮತಿದಾರುಣಂ॥ 9-24-56 (61517)
ಸಾತ್ಯಕಿಸ್ತು ಮಹಾಬಾಹುರ್ಮಮ ಹತ್ವಾ ಪರಿಚ್ಛದಂ।
ಜೀವಗ್ರಾಹಮಗೃಹ್ಣಾನ್ಮಾಂ ಮೂರ್ಚ್ಛಿತಂ ಪತಿತಂ ಭುವಿ॥ 9-24-57 (61518)
ತತೋ ಮುಹೂರ್ತಾದಿವ ತದ್ಗಜಾನೀಕಮವಿಧ್ಯತ।
ಗದಯಾ ಭೀಮಸೇನೇನ ನಾರಾಚೈರರ್ಜುನೇನ ಚ॥ 9-24-58 (61519)
ಅಭಿಪಿಷ್ಟೈರ್ಮಹಾನಾಗೈಃ ಸಮಂತಾತ್ಪರ್ವತೋಪಮೈಃ।
ನಾತಿಪ್ರಸಿದ್ಧೈವ ಗತಿಃ ಪಾಂಡವಾನಾಮಜಾಯತ॥ 9-24-59 (61520)
ರಥಮಾರ್ಗಂ ತತಶ್ಚಕ್ರೇ ಭೀಮಸೇನೋ ಮಹಾಬಲಃ।
ಪಾಂಡವಾನಾಂ ಮಹಾರಾಜ ವ್ಯಪಾಕರ್ಷನ್ಮಹಾಗಜಾನ್॥ 9-24-60 (61521)
ಅಶ್ವತ್ಥಾಮಾ ಕೃಪಶ್ಚೈವ ಕೃತವರ್ಮಾ ಚ ಸಾತ್ವತಃ।
ಅಪಶ್ಯಂತೋ ರಥಾನೀಕೇ ದುರ್ಯೋಧನಸಮರಿಂದಮಂ।
ರಾಜಾನಂ ಮೃಗಯಾಮಾಸುಸ್ತವ ಪುತ್ರಂ ಮಹಾರಥಂ॥ 9-24-61 (61522)
ಪರಿತ್ಯಜ್ಯ ಚ ಪಾಂಚಾಲ್ಯಂ ಪ್ರಯಾತಾ ಯತ್ರ ಸೌಬಲಃ।
ರಾಜ್ಞೋಽದರ್ಶನಸಂವಿಗ್ನಾ ವರ್ತಮಾನೋ ಜನಕ್ಷಯೇ॥ ॥ 9-24-62 (61523)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಚತುರ್ವಿಂಶೋಽಧ್ಯಾಯಃ॥ 24 ॥
Mahabharata - Shalya Parva - Chapter Footnotes
9-24-4 ಸಂಪ್ರದುದ್ರಾವೇತಿ ಪೂರ್ವಸ್ಥಂ ಸಂಪ್ರದುದ್ರುವುರಿತಿ ವಿಪರಿಣಾಮೇನ ಸಂಬಧ್ಯತೇ॥ 9-24-24 ಚತುರ್ವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 025
॥ ಶ್ರೀಃ ॥
9.25. ಅಧ್ಯಾಯಃ 025
Mahabharata - Shalya Parva - Chapter Topics
ಭೀಮೇನಾವಶಿಷ್ಟಾನಾಂ ದುರ್ಯೋಧನಾನುಜಾನಾಂ ವಧಃ॥ 1 ॥Mahabharata - Shalya Parva - Chapter Text
9-25-0 (61524)
ಸಂಜಯ ಉವಾಚ। 9-25-0x (5122)
ಗಜಾನೀಕೇ ಹತೇ ತಸ್ಮಿನ್ಪಾಂಡುಪುತ್ರೇಣ ಭಾರತ।
ವಧ್ಯಮಾನೇ ಬಲೇ ಚೈವ ಭೀಮಸೇನೇನ ಸಂಯುಗೇ॥ 9-25-1 (61525)
ಚರಂತಂ ಚ ಪ್ರಪಶ್ಯಾಮೋ ಭೀಮಸೇನಮರಿಂದಮಂ।
ದಂಡಹಸ್ತಂ ಯಥಾ ಕ್ರುದ್ವಮಂತಕಂ ಪ್ರಾಣಹಾರಿಣಂ॥ 9-25-2 (61526)
ಸಮೇತ್ಯ ಸಮರೇ ರಾಜನ್ಹತಶೇಷಾಃ ಸುತಾಸ್ತವ।
ಅದೃಶ್ಯಮಾನೇ ಕೌರವ್ಯೇ ಪುತ್ರೇ ದುರ್ಯೋಧನೇ ತವ।
ಸೋದರ್ಯಾಃ ಸಹಿತಾ ಭೂತ್ವಾ ಭೀಮಸೇನಮುಪಾದ್ರವನ್॥ 9-25-3 (61527)
ಶ್ರುತರ್ವಾ ಸಂಜಯಶ್ಚೈವ ಜಯತ್ಸೇನಃ ಶ್ರುತಾಂತಕಃ।
ದುರ್ವಿಮೋಚನಕಶ್ಚೈವ ತಥಾ ದುರ್ವಿಷಹೋ ಬಲೀ॥ 9-25-4 (61528)
ದುರ್ಮರ್ಷಣಃ ಸುಜಾತಶ್ಚ ಜೈತ್ರೋ ಭೂರಿಬಲೋ ರವಿಃ।
ಇತ್ಯೇತೇ ಸಹಿತಾ ಭೂತ್ವಾ ತವ ಪುತ್ರಾಃ ಸಮಂತತಃ।
ಭೀಮಸೇನಮಭಿದ್ರುತ್ಯ ರುರುಧುಃ ಸರ್ವತೋ ದಿಶಂ॥ 9-25-5 (61529)
ತತೋ ಭೀಮೋ ಮಹಾರಾಜ ಸ್ವರಥಂ ಪುನರಾಸ್ಥಿತಃ।
ಮುಮೋಚ ನಿಶಿತಾನ್ಬಾಣಾನ್ಪುತ್ರಾಣಾಂ ತವ ಮರ್ಮಸು॥ 9-25-6 (61530)
ತೇ ಕೀರ್ಯಮಾಣಾ ಭೀಮೇನ ಪುತ್ರಾಸ್ತವ ಮಹಾರಣೇ।
ಭೀಮಸೇನಮುಪಾಸೇದುಃ ಪ್ರವಾತಾ ಇವ ಕುಂಜರಂ॥ 9-25-7 (61531)
ತತಃ ಕ್ರುದ್ಧೋ ರಣೇ ಭೀಮಃ ಶಿರೋ ದುರ್ಮರ್ಷಣಸ್ಯ ಹ।
ಕ್ಷುರಪ್ರೇಣ ಪ್ರಮಥ್ಯಾಶು ಪಾತಯಾಮಾಸ ಭೂತಲೇ॥ 9-25-8 (61532)
ತತೋಽಪರೇಣ ಭಲ್ಲೇನ ಸರ್ವಾವರಣಭೇದಿನಾ।
ಶ್ರುತಾಂತಮವಧೀದ್ಬೀಮಸ್ತವ ಪುತ್ರಂ ಮಹಾರಥಃ॥ 9-25-9 (61533)
ಜಯತ್ಸೇನಂ ತತೋ ವಿದ್ವಾ ನಾರಾಚೇನ ಹಸನ್ನಿವ।
ಪಾತಯಾಮಾಸ ಕೌರವ್ಯಂ ರಥೋಪಸ್ಥಾದರಿಂದಮಃ।
ಸ ಪಪಾತ ರಥಾದ್ರಾಜನ್ಭೂಮೌ ತೂರ್ಣಂ ಮಮಾರ ಚ॥ 9-25-10 (61534)
ಶ್ರುತರ್ವಾ ತು ತತೋ ಭೀಮಂ ಕ್ರುದ್ಧೋ ವಿವ್ಯಾಧ ಮಾರಿಷ।
ಶತೇನ ಗೃಘ್ರವಾಜಾನಾಂ ಶರಾಣಾಂ ನತಪರ್ವಣಾಂ॥ 9-25-11 (61535)
ತತಃ ಕ್ರುದ್ಧೋ ರಣೇ ಭೀಮೋ ಜೈತ್ರಂ ಭೂರಿಬಲಂ ರವಿಂ।
ತ್ರೀನೇತಾಂಸ್ತ್ರಿಭಿರಾನರ್ಚ್ಛದ್ವಿಷಾಗ್ನಿಪ್ರತಿಮೈಃ ಶರೈಃ॥ 9-25-12 (61536)
ತೇ ಹತಾ ನ್ಯಪತನ್ಭೂಮೌ ಸ್ಯಂದನೇಭ್ಯೋ ಮಹಾರಥಾಃ।
ವಸಂತೇ ಪುಷ್ಪಶಬಲಾ ನಿಕೃತ್ತಾ ಇವ ಕಿಂಶುಕಾಃ॥ 9-25-13 (61537)
ತತೋಽಪರೇಣ ಭಲ್ಲೇನ ತೀಕ್ಷ್ಣೇನ ಚ ಪರಂತಪಃ।
ದುರ್ವಿಮೋಚನಮಾಹತ್ಯ ಪ್ರೇಷಯಾಮಾಸ ಮೃತ್ಯವೇ॥ 9-25-14 (61538)
ಸ ಹತಃ ಪ್ರಾಪತದ್ಭೂಮೌ ಸ್ವರಥಾದ್ರಥಿನಾಂ ವರಃ।
ಗಿರೇಸ್ತು ಕೂಟಜೋ ಭಗ್ನೋ ಮಾರುತೇನೇವ ಪಾದಪಃ॥ 9-25-15 (61539)
ದುಷ್ಪ್ರಧರ್ಷಂ ತತಶ್ಚೈವ ಸುಜಾತಂ ಚ ಸುತಂ ತವ।
ಏಕೈಕಂ ನ್ಯಹನತ್ಸಂಖ್ಯೇ ದ್ವಾಭ್ಯಾಂದ್ವಾಭ್ಯಾಂ ಚಮೂಮುಖೇ।
ತೌ ಶಿಲೀಮುಖವಿದ್ಧಾಂಗೌ ಪೇತತೂ ರಥಸತ್ತಮೌ॥ 9-25-16 (61540)
ತತಃ ಪತಂತಂ ಸಮರೇ ಅಭಿವೀಕ್ಷ್ಯ ಸುತಂ ತವ।
ಭಲ್ಲೇನ ಪಾತಯಾಮಾಸ ಭೀಮೋ ದುರ್ವಿಪಹಂ ರಣೇ॥ 9-25-17 (61541)
ಸ ಪಪಾತ ಹತೋ ಬಾಹಾತ್ಪಶ್ಯತಾಂ ಸರ್ವಧನ್ವಿನಾಂ॥ 9-25-18 (61542)
ದೃಷ್ಟ್ವಾ ತು ನಿಹತಾನ್ಭ್ರಾತೄನ್ವಹೂನೇಕೇನ ಸಂಯುಗೇ।
ಅಮರ್ಷಧಶಮಾಪಸಃ ಶ್ರುತರ್ವಾ ಭೀಮಮಭ್ಯಯಾತ್॥ 9-25-19 (61543)
ವಿಕ್ಷಿಪನ್ಸುಮಹಚ್ಚಾಪಂ ಕಾರ್ತಖರವಿಭೂಷಿತಂ।
ವಿಮೃಜನ್ಸಾಯಕಾಂಶ್ಚೈವ ವಿಷಾಗ್ನಿಪ್ರತಿಮಾನ್ವಹೂನ್॥ 9-25-20 (61544)
ಸ ತು ರಾಜಂಧನುಶ್ಛಿತ್ತ್ವಾ ಪಾಂಡವಸ್ಯ ಮಹಾಮೃಧೇ।
ಅಥೈನಂ ಛಿನ್ನಧನ್ವಾನಂ ವಿಂಶತ್ಯಾ ಸಮವಾಕಿರತ್॥ 9-25-21 (61545)
ತತೋಽನ್ಯದ್ಧನುರಾದಾಯ ಭೀಮಸೇನೋ ಮಹಾಬಲಃ।
ಅವಾಕಿರತ್ತವ ಸುತಂ ತಿಷ್ಠತಿಷ್ಠೇತಿ ಚಾಬ್ರವೀತ್॥ 9-25-22 (61546)
ಮಹದಾಸೀತ್ತಯೋರ್ಯುದ್ಧಂ ಚಿತ್ರರೂಪಂ ಭಯಾನಕಂ।
ಬಾದೃಶಂ ಸಮರೇ ಪೂರ್ವಂ ತಂಭವಾಸವಯೋರ್ಯುಧಿ॥ 9-25-23 (61547)
ತಯೋಸ್ತತ್ರ ಶಿತೈರ್ಗುಕ್ತೈರ್ಯಮದಂಡನಿಭೈಃ ಶರೈಃ।
ಸಮಾಚ್ಛಕಾಧಾರಾ ಸರ್ವಾ ತ್ವಂ ದಿಶೋ ವಿದಿಶಸ್ತಥಾ॥ 9-25-24 (61548)
ಅತಃ ಶ್ರುತರ್ವಾ ಸಂಕ್ರುದ್ಧೋ ಧನುರಾದಾಯ ಸಾಯಕೈಃ।
ಭೀಮಸೇನಂ ರಣೇ ರಾಜನ್ಬಾಹ್ವೋರುರಸಿ ಚಾರ್ಪಯತ್॥ 9-25-25 (61549)
ಸೋಽತಿವಿದ್ಧೋ ಮಹಾರಾಜ ತವ ಪುತ್ರೇಣ ಧನ್ವಿನಾ।
ಭೀಮಃ ಸಂಚುಕ್ಷುಭೇ ಕ್ರುದ್ಧಃ ಪರ್ವಣೀವ ಮಹೋದಧಿಃ॥ 9-25-26 (61550)
ತತೋ ಭೀಮೋ ರುಷಾವಿಷ್ಟಃ ಪುತ್ರಸ್ಯ ತವ ಮಾರಿಷ।
ಸಾರಥಿಂ ಚತುರಶ್ಚಾಶ್ವಾಞ್ಶರೈರ್ನಿನ್ಯೇ ಯಮಕ್ಷಯಂ॥ 9-25-27 (61551)
ವಿರಥಂ ತಂ ಸಮಾಲಕ್ಷ್ಯ ವಿಶಿಖೈರ್ಲೋಮವಾಹಿಭಿಃ।
ಅವಾಕಿರದಮೇಯಾತ್ಮಾ ದರ್ಶಯನ್ಪಾಣಿಲಾಘವಂ॥ 9-25-28 (61552)
ಶ್ರುತರ್ವಾ ವಿರಥೋ ರಾಜನ್ನಾದದೇ ಖಂಗಚರ್ಮಣೀ।
ಅಥಾಸ್ಯಾದದತಃ ಖಹ್ಗಂ ಶತಚಂದ್ರಂ ಚ ಭಾನುಮತ್।
ಕ್ಷುರಪ್ರೇಣಂ ಶಿರಃ ಕಾಯಾತ್ಪಾತಯಾಮಾಸ ಪಾಂಡವಃ॥ 9-25-29 (61553)
ಛಿನ್ನೋತ್ತಮಾಂಗಸ್ಯ ತತಃ ಕ್ಷುರಪ್ರೇಣ ಮಹಾತ್ಮನಾ।
ಪಪಾತ ಕಾಯಃ ಸ್ವರಥಾದ್ವಸುಧಾಮನುನಾದಯನ್॥ 9-25-30 (61554)
ತಸ್ಮಿನ್ನಿಪತಿತೇ ವೀರೇ ತಾವಕಾ ಭಯಮೋಹಿತಾಃ।
ಅಭ್ಯದ್ರವಂತ ಸಂಗ್ರಾಮೇ ಭೀಮಸೇನಂ ಯುಯುತ್ಸವಃ॥ 9-25-31 (61555)
ತಾನಾಪತತ ಏವಾಶು ಹತಶೇಷಾದ್ಬಲಾರ್ಣವಾತ್।
ದಂಶಿತಾನ್ಪ್ರತಿಜಗ್ರಾಹ ಭೀಮಸೇನಃ ಪ್ರತಾಪವಾನ್॥ 9-25-32 (61556)
ತೇ ತು ತಂ ವೈ ಸಮಾಸಾದ್ಯ ಪರಿವವ್ರುಃ ಸಮಂತತಃ॥ 9-25-33 (61557)
ತತಸ್ತು ಸಂವೃತೋ ಭೀಮಸ್ತಾವಕಾನ್ನಿಶಿತೈಃ ಶರೈಃ।
ಪೀಡಯಾಮಾಸ ತಾನ್ಸರ್ವಾನ್ಸಹಸ್ರಾಕ್ಷ ಇವಾಸುರಾನ್॥ 9-25-34 (61558)
ತತಃ ಪಂಚಶತಾನ್ಹತ್ವಾ ಸವರೂಥಾನ್ಮಹಾರಥಾನ್।
ಜಘಾನ ಕುಂಜರಾನೀಕಂ ಪುನಃ ಸಪ್ತಶತಂ ಯುಧಿ॥ 9-25-35 (61559)
ಹತ್ವಾ ಶತಸಹಸ್ರಾಣಿ ಪತ್ತೀನಾಂ ಪರಮೇಷುಭಿಃ।
ವಾಜಿನಾಂ ಚ ಶತಾನ್ಯಷ್ಟೌ ಪಾಂಡವಃ ಸ್ಮ ವಿರಾಜತೇ॥ 9-25-36 (61560)
ಭೀಮಸೇನಸ್ತು ಕೌಂತೇಯೋ ಹತ್ವಾ ಯುದ್ಧೇ ಸುತಾಂಸ್ತವ।
ಮೇನೇ ಕೃತಾರ್ಥಮಾತ್ಮಾನಂ ಸಫಲಂ ಜನ್ಮ ಚ ಪ್ರಭೋ॥ 9-25-37 (61561)
ತಂ ತಥಾ ಯುಧ್ಯಮಾನಂ ಚ ವಿನಿಘ್ನಂತಂ ಚ ತಾವಕಾನ್।
ಈಕ್ಷಿತುಂ ನೋತ್ಸಹಂತೇ ಸ್ಮ ತವ ಸೈನ್ಯಾ ನರಾಧಿಪ॥ 9-25-38 (61562)
ವಿದ್ರಾವ್ಯ ಚ ಕುರೂನ್ಸರ್ವಾಂಸ್ತಾಂಶ್ಚ ಹತ್ವಾ ಪದಾನುಗಾನ್।
ದೋರ್ಭ್ಯಾಂ ಶಬ್ದಂ ತತಶ್ಚಕ್ರೇ ತ್ರಾಸಯಾನೋ ಮಹಾದ್ವಿಪಾನ್॥ 9-25-39 (61563)
ಹತಭೂಯಿಷ್ಠಯೋಧಾ ತು ತವ ಸೇನಾ ವಿಶಾಮಂಪತೇ।
ಕಿಂಚಿಚ್ಛೇಷಾ ಮಹಾರಾಜ ಕೃಪಣಂ ಸಮಪದ್ಯತ॥ ॥ 9-25-40 (61564)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಪಂಚವಿಂಶೋಽಧ್ಯಾಯಃ॥ 25 ॥
Mahabharata - Shalya Parva - Chapter Footnotes
9-25-7 ಪ್ರವಣಾದಿವ ಕುಂಜರಮಿತಿ ಝ.ಪಾಠಃ॥ 9-25-25 ಪಂಚವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 026
॥ ಶ್ರೀಃ ॥
9.26. ಅಧ್ಯಾಯಃ 026
Mahabharata - Shalya Parva - Chapter Topics
ಕೃಷ್ಣಾರ್ಜುನಯೋಃ ಸಂವಾದಃ॥ 1 ॥ ಸಂಕುಲಯುದ್ಧಂ॥ 2 ॥ ಭೀಮೇನ ಸುದರ್ಶನನಾಂನೋ ದುರ್ಯೋಧನಾನುಜಸ್ಯ ವಧಃ॥ 3 ॥Mahabharata - Shalya Parva - Chapter Text
9-26-0 (61565)
ಸಂಜಯ ಉವಾಚ। 9-26-0x (5123)
ದುರ್ಯೋಧನೋ ಮಹಾರಾಜ ಸುದರ್ಶಶ್ಚಾಪಿ ತೇ ಸುತಃ।
ಹತಶೇಷೌ ತದಾ ಸಂಖ್ಯೇ ವಾಜಿಮಧ್ಯೇ ವ್ಯವಸ್ಥಿತೌ॥ 9-26-1 (61566)
ತತೋ ದುರ್ಯೋಧನಂ ದೃಷ್ಟ್ವಾ ವಾಜಿಮಧ್ಯೇ ವ್ಯವಸ್ಥಿತಂ।
ಉವಾಚ ದೇವಕೀಪುತ್ರಃ ಕುಂತೀಪುತ್ರಂ ಧನಂಜಯಂ॥ 9-26-2 (61567)
ಶತ್ರವೋ ಹತಭೂಯಿಷ್ಠಾ ಜ್ಞಾತಯಃ ಪರಿಪಾಲಿತಾಃ।
ಗೃಹೀತ್ವಾ ಸಂಜಯಂ ಚಾಸೌ ನಿವೃತ್ತಃ ಶಿನಿಪುಂಗವಃ॥ 9-26-3 (61568)
ಪರಿಶ್ರಾಂತಶ್ಚ ನಕುಲಃ ಸಹದೇವಶ್ಚ ಭಾರತ।
ಯೋಧಯಿತ್ವಾ ರಣೇ ಪಾಪಾಂಧಾರ್ತರಾಷ್ಟ್ರಾನ್ಸಹಾನುಗಾನ್॥ 9-26-4 (61569)
ದುರ್ಯೋಧನಮತಿಕ್ರಂಯ ತ್ರಯ ಏತೇ ವ್ಯವಸ್ಥಿಂತಾಃ।
ಕೃಪಶ್ಚ ಕೃತವರ್ಮಾ ಚ ದ್ರೌಣಿಶ್ಚೈವ ಮಹಾರಥಃ॥ 9-26-5 (61570)
ಅಸೌ ತಿಷ್ಠತಿ ಪಾಂಚಾಲ್ಯಃ ಶ್ರಿಯಾ ಪರಮಯಾ ಯುತಃ।
ದುರ್ಯೋಧನಬಲಂ ಹತ್ವಾ ಸಹ ಸರ್ವೈಃ ಪ್ರಭದ್ರಕೈಃ॥ 9-26-6 (61571)
ಅಸೌ ದುರ್ಯೋಧನಃ ಪಾರ್ಥ ವಾಜಿಮಧ್ಯೇ ವ್ಯವಸ್ಥಿತಃ।
ಛತ್ರೇಣ ಧ್ರಿಯಾಮಣೇನ ಪ್ರೇಕ್ಷಮಾಣೋ ಮುಹುರ್ಮುಹುಃ॥ 9-26-7 (61572)
ಪ್ರತಿವ್ಯೂಹ್ಯ ಬಲಂ ಸರ್ವಂ ರಣಮಧ್ಯೇ ವ್ಯವಸ್ಥಿತಃ।
ಏನಂ ಹತ್ವಾ ಶಿತೈರ್ಬಾಣೈಃ ಕೃತಕೃತ್ಯೋ ಭವಿಷ್ಯಸಿ॥ 9-26-8 (61573)
ಗಜಾನೀಕಂ ಹತಂ ದೃಷ್ಟ್ವಾ ತ್ವಾಂ ಚ ಪ್ರಾಪ್ತಮರಿಂದಮ।
ಯಾವನ್ನ ವಿದ್ರವಂತ್ಯೇತೇ ತಾವಜ್ಜಹಿ ಸುಯೋಧನ್ಸಂ॥ 9-26-9 (61574)
ಯಾತು ಕಶ್ಚಿತ್ತುಂ ಪಾಂಚಾಲ್ಯಂ ಕ್ಷಿಪ್ರಮಾಗಂಯತಾಮಿತಿ।
ಪರಿಶ್ರಾಂತಬಲಸ್ತಾತ ನೈಷ ಮುಚ್ಯೇತ ಕಿಲ್ಬಿಷೀ॥ 9-26-10 (61575)
ಹತ್ವಾ ತವ ಬಲಂ ಸರ್ವಂ ಸಂಗ್ರಮೇ ಧೃತರಾಷ್ಟ್ರಜಃ।
ಜಿತಾನ್ಪಾಂಡುಸುತಾನ್ಪ್ರತ್ವಾ ರೂಪಂ ಧಾರಯತೇ ಮಹತ್॥ 9-26-11 (61576)
ನಿಹತಂ ಸ್ವಬಲಂ ದೃಷ್ಟ್ವಾ ಪೀಡಿತಂ ಚಾಪಿ ಪಾಂಡವೈಃ।
ಧ್ರುವಮೇಷ್ಯತಿ ಸಂಗ್ರಮೇ ವಧಾಯೈವಾತ್ಮನೋ ನೃಪಃ॥ 9-26-12 (61577)
ಏವಮುಕ್ತಃ ಫಲ್ಗುನಸ್ತು ಕೃಷ್ಣಂ ವಚನಮಬ್ರವೀತ್।
ಧೃತರಾಷ್ಟ್ರಸುತಾಃ ಸರ್ವೇ ಹತಾ ಭೀಮೇನ ಮಾಧವ।
ಯಾವೇತಾವಾಸ್ಥಿತೌ ಕೃಷ್ಣ ತಾವದ್ಯ ನಭವಿಷ್ಯತಃ॥ 9-26-13 (61578)
ಹತೋ ಭೀಷ್ಮೋ ಹತೋ ದ್ರೋಣಃ ಕರ್ಣೋ ವೈಕರ್ತನೋ ಹತಃ।
ಮದ್ರರಾಜೋ ಹತಃ ಶಲ್ಯೋ ಹತಃ ಕೃಷ್ಣ ಜಯದ್ರಥಃ॥ 9-26-14 (61579)
ಹಯಾಃ ಪಂಚಶತಾಃ ಶಿಷ್ಟಾಃ ಶಕುನೇಃ ಸೌಬಲಸ್ಯ ಚ।
ರಥಾನಾಂ ತು ಶತೇ ಶಿಷ್ಟೇ ದ್ವೇ ಏವ ತು ಜನಾರ್ದನ।
ದಂತಿನಾಂ ಚ ಶತಂ ಸಾಗ್ರಂ ತ್ರಿಸಾಹಸ್ರಾಃ ಪದಾತಯಃ॥ 9-26-15 (61580)
ಅಶ್ವತ್ಥಾಮಾ ಕೃಪಶ್ಚೈವ ತ್ರಿಗರ್ತಾಧಿಪತಿಸ್ತಥಾ।
ಉಲೂಕಃ ಶಕುನಿಶ್ಚೈವ ಕೃತವರ್ಮಾ ಚ ಸಾತ್ವತಃ॥ 9-26-16 (61581)
ಏತದ್ಬಲಮಭೂಚ್ಛೇಷಂ ಧಾರ್ತರಾಷ್ಟ್ರಸ್ಯ ಮಾಧವ।
ಮೋಕ್ಷೋ ನ ನೂನಂ ಕಾಲಾತ್ತು ವಿದ್ಯತೇ ಭುವಿ ಕಸ್ಯಚಿತ್॥ 9-26-17 (61582)
ತಥಾ ವಿನಿಹತೇ ಸೈನ್ಯೇ ಪಶ್ಯ ದುರ್ಯೋಧನಂ ಸ್ಥಿತಂ।
ಅದ್ಯಾಹ್ನಾ ಹಿ ಮಹಾರಾಜೋ ಹತಾಮಿತ್ರೋ ಭವಿಷ್ಯತಿ।
ನ ಹಿ ಮೇ ಮೋಕ್ಷ್ಯತೇ ಕಶ್ಚಿತ್ಪರೇಷಾಮಿಹ ಚಿಂತಯೇ॥ 9-26-18 (61583)
ಯೇ ತ್ವದ್ಯ ಸಮರಂ ಕೃಷ್ಣ ನ ಹಾಸ್ಯಂತಿ ಮದೋತ್ಕಟಾಃ।
ತಾನ್ವೈ ಸರ್ವಾನ್ಹನಿಷ್ಯಾಮಿ ಯದ್ಯಪಿ ಸ್ಯುರಮಾನುಷಾಃ॥ 9-26-19 (61584)
ಅದ್ಯ ಯುದ್ಧೇ ಸಮುತ್ಪನ್ನಂ ದೀರ್ಘಂ ರಾಜ್ಞಃ ಪ್ರಜಾಗರಂ।
ಅಪನೇಷ್ಯಾಮಿ ಗಾಂಧಾರಿಂ ಘಾತಯಿತ್ವಾ ಶಿತೈಃ ಶರೈಃ॥ 9-26-20 (61585)
ನಿಕೃತ್ಯಾ ವೈ ದುರಾಚಾರೋ ಯಾನಿ ರತ್ನಾನಿ ಸೌಬಲಃ।
ಸಭಾಯಾಮಹರದ್ದ್ಯೂತೇ ಪುನಸ್ತಾನ್ಯಾಹರಾಂಯಹಂ॥ 9-26-21 (61586)
ಅದ್ಯ ವೇತ್ಸ್ಯಂತಿ ಮಚ್ಛಕ್ತಿಂ ಸರ್ವಾ ನಾಗಪುರೇ ಸ್ತ್ರಿಯಃ।
ಶ್ರುತ್ವಾ ಪತೀಂಶ್ಚ ಪುತ್ರಾಂಶ್ಚ ಪಾಂಡವೈರ್ನಿಹತಾನ್ಯುಧಿ॥ 9-26-22 (61587)
ಸಮಾಪ್ತಮದ್ಯ ವೈ ಕರ್ಮ ಸರ್ವಂ ಕೃಷ್ಣ ಭವಿಷ್ಯತಿ।
ಅದ್ಯ ದುರ್ಯೋಧನೋ ದೀಪ್ತಾಂ ಶ್ರಿಯಂ ಪ್ರಾಣಾಂಶ್ಚ ಮೋಕ್ಷ್ಯತಿ॥ 9-26-23 (61588)
ನಾಪಯಾತಿ ಭಯಾತ್ಕೃಷ್ಣ ಸಂಗ್ರಾಮಾದ್ಯದಿ ಚೇನ್ಮಮ।
ನಿಹತಂ ವಿದ್ಧಿ ವಾರ್ಷ್ಣೇಯ ಧಾರ್ತರಾಷ್ಟ್ರಂ ಸುಬಾಲಿಶಂ॥ 9-26-24 (61589)
ಮಮ ಹ್ಯೇತದಪರ್ಯಾಪ್ತಂ ವಾಜಿಬೃಂದಮರಿಂದಮ।
ಸೋಢುಂ ಜ್ಯಾತಲನಿರ್ಘೋಷಂ ಯಾಹಿ ಯಾವನ್ನಿಹನ್ಂಯಹಂ॥ 9-26-25 (61590)
ಸಂಜಯ ಉವಾಚ। 9-26-26x (5124)
ಏವಮುಕ್ತಸ್ತು ದಾಶಾರ್ಹಃ ಪಾಂಡವೇನ ಯಶಸ್ವಿನಾ।
ಅಚೋದಯದ್ಧಾಯನ್ರಾಜಂದುರ್ಯೋಧನಬಲಂ ಪ್ರತಿ॥ 9-26-26 (61591)
ತದನೀಕಮಭಿಪ್ರೇಕ್ಷ್ಯ ತ್ರಯಃ ಸಜ್ಜಾ ಮಹಾರಥಾಃ।
ಭೀಮಸೇನೋಽಕರ್ಜುನಶ್ಚೈವ ಸಹದೇವಶ್ಚ ಮಾರಿಷ।
ಪ್ರಯಯುಃ ಸಿಂಹನಾದೇನ ದುರ್ಯೋಧನಜಿಘಾಂಸಯಾ॥ 9-26-27 (61592)
ತಾನ್ಪ್ರೇಕ್ಷ್ಯ ಸಹಿತಾನ್ಸರ್ವಾಂಜವೇನೋದ್ಯತಕಾರ್ಮುಕಾನ್।
ಸೌಬಲೋಽಭ್ಯದ್ರವದ್ಯುದ್ಧೇ ಪಾಂಡವಾನಾತತಾಯಿನಃ॥ 9-26-28 (61593)
ಸುದರ್ಶನಸ್ತ್ವ ಮತೋ ಭೀಮಸೇನಂ ಸಮಭ್ಯಯಾತ್।
ಸುಶರ್ಮಾ ಶಕುನಿಶ್ಚೈವ ಯುಯುಧಾತೇ ಕಿರೀಟಿನಾ॥ 9-26-29 (61594)
ಸಹದೇವಂ ತವ ಸುತೋ ಹಯಪೃಷ್ಠಗತೋಽಭ್ಯಯಾತ್॥ 9-26-30 (61595)
ತತೋ ಹಿ ಯತ್ನತಃ ಕ್ಷಿಪ್ರಂ ತವಂ ಪುತ್ರೋ ಜನಾಧಿಪ।
ಪ್ರಾಸೇನ ಸಹದೇವಸ್ಯ ಶಿರಸಿ ಪ್ರಾಹರದ್ಭೃಶಂ॥ 9-26-31 (61596)
ಸೋಪಾವಿಶದ್ರಥೋಪಸ್ಥೇ ತವ ಸುತ್ರೇಣ ತಾಡಿತಃ।
ರುಧಿರಾಪ್ಲುತಸರ್ವಾಂಗ ಆಶೀವಿಷ ಇವ ಶ್ವಸನ್॥ 9-26-32 (61597)
ಪ್ರತಿಲಭ್ಯ ತತಃ ಸಂಜ್ಞಾಂ ಸಹದೇವೋ ವಿಶಾಂಪತೇ।
ದುರ್ಯೋಧನಂ ಶರೈಸ್ತೀಕ್ಷ್ಣೈಃ ಸಂಕ್ರುದ್ಧಃ ಸಮವಾಕಿರತ್॥ 9-26-33 (61598)
ಪಾರ್ಥೋಽಪಿ ಯುಧಿ ವಿಕ್ರಂಯ ಕುಂತೀಪುತ್ರೋ ಧನಂಜಯಃ।
ಶೂರಾಣಾಮಶ್ವಪೃಷ್ಠೇಭ್ಯಃ ಶಿರಾಂಸಿ ನಿಚಕರ್ತ ಹ॥ 9-26-34 (61599)
ತದನೀಕಂ ತದಾ ಪಾರ್ಥೋ ವ್ಯಧಮದ್ಬಹುಭಿಃ ಶರೈಃ।
ಪಾತಯಿತ್ವಾ ಹಯಾನ್ಸರ್ವಾಂಸ್ತ್ರಿಗರ್ತಾನಾಂ ರಥಾನ್ಯಯೌ॥ 9-26-35 (61600)
ತತಸ್ತೇ ಸಹಿತಾ ಭೂತ್ವಾ ತ್ರಿಗರ್ತಾನಾಂ ಮಹಾರಥಾಃ।
ಅರ್ಜುನಂ ವಾಸುದೇವಂ ಚ ಶರವರ್ಷೈರವಾಕಿರನ್॥ 9-26-36 (61601)
ಸತ್ಯಕರ್ಮಾಣಮಾಕ್ಷಿಪ್ಯ ಕ್ಷುರಪ್ರೇಣ ಮಹಾಯಶಾಃ।
ತತೋಽಸ್ಯ ಸ್ಯಂದನಸ್ಯೇಷಾಂ ಚಿಚ್ಛಿದೇ ಪಾಂಡುನಂದನಃ॥ 9-26-37 (61602)
ಶಿಲಾಶಿತೇನ ಚ ವಿಭೋ ಕ್ಷುರಪ್ರೇಣ ಮಹಾಯಶಾಃ।
ಶಿರಶ್ಚಿಚ್ಛೇದ ಸಹಸಾ ತಪ್ತಕುಂಡಲಭೂಷಣಂ॥ 9-26-38 (61603)
ಸತ್ಯೇಷುಮಥ ಚಾದತ್ತ ಯೋಧಾನಾಂ ಮಿಷತಾಂ ತತಃ।
ಯಥಾ ಸಿಂಹೋ ವನೇ ರಾಜನ್ಮೃಗಂ ಪರಿ ಬುಭುಕ್ಷಿತಃ॥ 9-26-39 (61604)
ತಂ ನಿಹತ್ಯ ತತಃ ಪಾರ್ಥಃ ಸುಶರ್ಮಾಣಂ ತ್ರಿಭಿಃ ಶರೈಃ।
ವಿದ್ಧ್ವಾ ತಾನಹನತ್ಸರ್ವಾನ್ರಥಾನ್ರುಕ್ಮವಿಭೂಓಷಿತಾನ್॥ 9-26-40 (61605)
ತತಃ ಪ್ರಾಯಾತ್ತ್ವರನ್ಪಾರ್ಥೋ ದೀರ್ಘಕಾಲಂ ಸುಸಂವೃತಂ।
ಮುಂಜನ್ಕ್ರೋಧವಿಷಂ ತೀಕ್ಷ್ಣಂ ಪ್ರಸ್ಥಲಾಧಿಪತಿಂ ಪ್ರತಿ॥ 9-26-41 (61606)
ತಮರ್ಜುನಃ ಪೃಷತ್ಕಾನಾಂ ಶತೇನ ಭರತರ್ಷಭ।
ಪೂರಯಿತ್ವಾ ತತೋ ವಾಹಾನ್ಪ್ರಾಹರತ್ತಸ್ಯ ಧನ್ವಿನಃ॥ 9-26-42 (61607)
ತತಃ ಶರಂ ಸಮಾದಾಯ ಯಮದಂಡೋಪಮಂ ತದಾ।
ಸುಶರ್ಮಾಣಂ ಸಮುದ್ದಿಶ್ಯ ಚಿಕ್ಷೇಪಾಶು ಹಸನ್ನಿವ॥ 9-26-43 (61608)
ಸ ಶರಃ ಪ್ರೇಷಿತಸ್ತೇನ ಕ್ರೋಧದೀಪ್ತೇನ ಧನ್ವಿನಾ।
ಸುಶರ್ಮಾಣಂ ಸಮಾಸಾದ್ಯ ಬಿಭೇದ ಹೃದಯಂ ರಣೇ॥ 9-26-44 (61609)
ಸ ಗತಾಸುರ್ಮಹಾರಾಜ ಪಪಾತ ಧರಣೀತಲೇ।
ನಂದಯನ್ಪಾಂಡವಾನ್ಸರ್ವಾನ್ವ್ಯಥಯಂಶ್ಚಾಪಿ ತಾವಕಾನ್॥ 9-26-45 (61610)
ಸುಶರ್ಮಾಣಂ ರಣೇ ಹತ್ವಾ ಪುತ್ರಾನಸ್ಯ ಮಹಾರಥಾನ್।
ಸಪ್ತ ಚಾಷ್ಟೌ ಚ ತ್ರಿಂಶಚ್ಚ ಸಾಯಕೈರನಯತ್ಕ್ಷಯಂ॥ 9-26-46 (61611)
ತತೋಽಸ್ಯ ನಿಶಿತೈರ್ಬಾಣೈಃ ಸರ್ವಾನ್ಹತ್ವಾ ಪದಾನುಗಾನ್।
ಅಭ್ಯಗಾದ್ಭಾರತೀಂ ಸೇನಾಂ ಹತಶೇಷಾಂ ಮಹಾರಥಃ॥ 9-26-47 (61612)
ಭೀಮಸ್ತು ಸಮರೇ ಕ್ರುದ್ಧಃ ಪುತ್ರಂ ತವ ಜನಾಧಿಪ।
ಸುದರ್ಶನಮದೃಶ್ಯಂತಂ ಶರೈಶ್ಚಕ್ರೇ ಹಸನ್ನಿವ॥ 9-26-48 (61613)
ತತೋಽಸ್ಯ ಪ್ರಹಸನ್ಕ್ರುದ್ಧಃ ಶಿರಃ ಕಾಯಾದಪಾಹರತ್।
ಕ್ಷುರಪ್ರೇಣ ಸುತೀಕ್ಷ್ಣೇನ ಸ ಹತಃ ಪ್ರಾಪತದ್ಭುವಿ॥ 9-26-49 (61614)
ತಸ್ಮಿಂಸ್ತು ನಿಹತೇ ವೀರೇ ತತಸ್ತಸ್ಯ ಪದಾನುಗಾಃ।
ಪರಿವವ್ರೂ ರಮೇ ಭೀಮಂ ಕಿರಂತೋ ವಿವಿಧಾಞ್ಶರಾನ್॥ 9-26-50 (61615)
ತತಸ್ತು ನಿಶಿತೈರ್ಬಾಣೈಸ್ತವಾನೀಕಂ ವೃಕೋದರಃ।
ಇಂದ್ರಾಶನಿಸಮಸ್ಪರ್ಶೈಃ ಸಮಂತಾತ್ಪರ್ಯವಾಕಿರತ್॥ 9-26-51 (61616)
ತತಃ ಕ್ಷಣೇನ ತದ್ಭೀಮೋ ನ್ಯಹನದ್ಭರತರ್ಷಭ॥ 9-26-52 (61617)
ತೇಷು ತೂತ್ಸಾದ್ಯಮಾನೇಷು ಸೇನಾಧ್ಯಕ್ಷಾ ಮಹಾರಥಾಃ।
ಭೀಮಸೇನಂ ಸಮಾಸಾದ್ಯ ತತೋಽಯುಧ್ಯಂತ ಭಾರತ॥ 9-26-53 (61618)
ಸ ತಾನ್ಸರ್ವಾಞ್ಶರೈರ್ಘೋರೈರವಾಕಿರತ ಪಾಂಡವಃ।
ತಥೈವ ತಾವಕಾ ರಾಜನ್ಪಾಂಡವೇಯಾನ್ಮಹಾರಥಾನ್।
ಶರವರ್ಷೇಣ ಮಹತಾ ಸಮಂತಾತ್ಪರ್ಯವಾರಯನ್॥ 9-26-54 (61619)
ವ್ಯಾಕುಲಂ ತದಭೂತ್ಸರ್ವಂ ಪಾಂಡವಾನಾಂ ಪರೈಃ ಸಹ।
ತಾವಕಾನಾಂ ಚ ಸಮರೇ ಪಾಂಡವೇಂಯೈರ್ಯುಯುತ್ಸತಾಂ॥ 9-26-55 (61620)
ತತ್ರ ಯೋಧಾಸ್ತದಾ ಪೇತುಃ ಪರಸ್ಪರಸಮಾಹತಾಃ।
ಉಭಯೋಃ ಸೇನಯೋ ರಾಜನ್ಸಂಶೋಚಂತಃ ಸ್ಮ ಬಾಂಧವಾನ್॥ ॥ 9-26-56 (61621)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಷಡ್ವಿಂಶೋಽಧ್ಯಾಯಃ॥ 26 ॥
Mahabharata - Shalya Parva - Chapter Footnotes
9-26-17 ಮೋಕ್ಷೋ ನೂನಂ ಕಾಲಸೃಷ್ಟಃ ಇತಿ ಕ.ಪಾಠಃ॥ 9-26-26 ಷಡ್ವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 027
॥ ಶ್ರೀಃ ॥
9.27. ಅಧ್ಯಾಯಃ 027
Mahabharata - Shalya Parva - Chapter Topics
ಸಹದೇವೇನ ಶಕುನ್ಯುಲೂಕಯೋರ್ವಧಃ॥ 1 ॥Mahabharata - Shalya Parva - Chapter Text
9-27-0 (61622)
ಸಂಜಯ ಉವಾಚ। 9-27-0x (5125)
ತಸ್ಮಿನ್ಪ್ರವೃತ್ತೇ ಸಂಗ್ರಾಮೇ ಗಜವಾಜಿನರಶ್ರೋ
ಶಕುನಿಃ ಸೌಬಲೋ ರಾಜನ್ಸಹದೇವಂ xxxxxxಯಾತ್॥ 9-27-1 (61623)
ತತೋಽಸ್ಯಾಪತತಸ್ತೂರ್ಣಂ ಸಹದೇವಃ ಪತಾಪವಾನ್।
ಶರೌಘಾನ್ಪ್ರೇಷಯಾಮಾಸ ಪತಂಗಾನಿವ ಶೀಘ್ರಗಾನ್।
ಉಲೂಕಂ ಚ ರಣೇ ರಾಜನ್ವಿವ್ಯಾಧ ದಶಭಿಃ ಶರೈಃ॥ 9-27-2 (61624)
ಶಕೃನಿಶ್ಚ ಮಹಾರಾಜ ಭೀಮಂ ವಿದ್ಧ್ವಾ ತ್ರಿಭಿಃ ಶರೈಃ।
ನವತ್ಯಾ ನಿಶಿತೈರ್ಬಾಣೈಃ ಸಹದೇವಮವಾಕಿರತ್॥ 9-27-3 (61625)
ತೇ ಶೂರಾಃ ಸಮರೇ ರಾಜನ್ಸಮಾಸಾದ್ಯ ಪರಸ್ಪರಂ।
ವಿವ್ಯಧುರ್ನಿಶಿತೈರ್ಬಾಣೈಃ ಕಂಕಬರ್ಹಿಣವಾಜಿತೈಃ।
ಸ್ವರ್ಣಪುಂಖೈಃ ಶಿಲಧೌತೈರಾಕರ್ಣಪ್ರಹಿತೈಃ ಶರೈಃ॥ 9-27-4 (61626)
ತೇಷಾಂ ಚಾಪಗುಣೋತ್ಸೃಷ್ಟಾ ಶರವೃಷ್ಟಿರ್ವಿಶಾಂಪತೇ।
ಆಚ್ಛಾದಯದ್ದಿಶಃ ಸರ್ವಾ ಧಾರಾಭಿರಿವ ತೋಯದಃ॥ 9-27-5 (61627)
ತತಃ ಕ್ರುದ್ಧೋ ರಣೇ ಭೀಮಃ ಸಹದೇವಶ್ಚ ಭಾರತ।
ಚೇರತುಃ ಕದನಂ ಸಂಖ್ಯೇ ಕುರ್ವಂತೌ ಸುಮಹಾಬಲೌ॥ 9-27-6 (61628)
ತಾಭ್ಯಾಂ ಶರಶತೈಶ್ಛನಂ ತದ್ಬಲಂ ತವ ಭಾರತ।
ಸಾಂಧಕಾರಮಿವಾಕಾಶಮಭವತ್ತತ್ರತತ್ರ ಹ॥ 9-27-7 (61629)
ಅಶ್ವೈರ್ವಿಪರಿಧಾವದ್ಭಿಃ ಶರಚ್ಛನ್ನೈರ್ವಿಶಾಂಪತೇ।
ತತ್ರತತ್ರ ಕೃತೋ ಮಾರ್ಗೋ ವಿಕರ್ಷದ್ಭಿರ್ಹತಾನ್ಬಹೂನ್॥ 9-27-8 (61630)
ನಿಹತಾನಾಂ ಹಯಾನಾಂ ಚ ಸಹೈವ ಹಯಸಾದಿಭಿಃ।
ವರ್ಮಭಿರ್ವಿನಿಕೃತ್ತೈಶ್ಚ ಪ್ರಾಸೈಶ್ಛಿನ್ನೈಶ್ಚ ಮಾರಿಷ॥ 9-27-9 (61631)
ಋಷ್ಟಿಭಿಃ ಶಕ್ತಿಭಿಶ್ಚೈವ ಸಾಸಿಪ್ರಾಸಪರಶ್ವಥೈಃ।
ಸಂಛನ್ನಾ ಪೃಥಿವೀ ಜಜ್ಞೇ ಕುಸುಮೈಃ ಶಬಲಾ ಇವ॥ 9-27-10 (61632)
ಯೋಧಾಸ್ತತ್ರ ಮಹಾರಾಜ ಸಮಾಸಾದ್ಯ ಪರಸ್ಪರಂ।
ವ್ಯಚರಂತ ರಣೇ ಕ್ರುದ್ಧಾ ವಿನಿಘ್ನಂತಃ ಪರಸ್ಪರಂ॥ 9-27-11 (61633)
ಉದ್ವೃತ್ತನಯನೈ ರೋಷಾತ್ಸಂದಷ್ಟೌಷ್ಠಪುಟೈರ್ಮುಖೈಃ।
ಸಕುಂಡಲೈರ್ಮಹೀ ಚ್ಛನ್ನಾ ಪದ್ಮಕಿಂಚಲ್ಕಸನ್ನಿಭೈಃ॥ 9-27-12 (61634)
ಭುಜೈಶ್ಛಿನ್ನೈರ್ಮಹಾರಾಜ ನಾಗರಾಜಕರೋಪಮೈಃ।
ಸಾಂಗದೈಃ ಸತನುತ್ರೈಶ್ಚ ಸಾಸಿಪ್ರಾಸಪರಶ್ವಥೈಃ॥ 9-27-13 (61635)
ಕಬಂಧೈರುತ್ಥಿತೈಶ್ಛಿನ್ನೈರ್ನೃತ್ಯದ್ಭಿಶ್ಚಾಪರೈರ್ಯುಧಿ।
ಕ್ರವ್ಯಾದಗಣಸಂಛನ್ನಾ ಘೋರಾಽಭೂತ್ಪೃಥಿವೀ ವಿಭೋ॥ 9-27-14 (61636)
ಅಲ್ಪಾವಶಿಷ್ಟೇ ಸೈನ್ಯೇ ತು ಕೌರವೇಯಾನ್ಮಹಾಹವೇ।
ಪ್ರಹೃಷ್ಟಾಃ ಪಾಂಡವಾ ಭೂತ್ವಾ ನಿನ್ಯಿರೇ ಯಮಸಾದನಂ॥ 9-27-15 (61637)
ಏತಸ್ಮಿನ್ನಂತರೇ ಶೂರಃ ಸೌಬಲೇಯಃ ಪ್ರತಾಪವಾನ್।
ಪ್ರಾಸೇನ ಸಹದೇವಸ್ಯ ಶಿರಸಿ ಪ್ರಾಹರದ್ಭೃಶಂ॥ 9-27-16 (61638)
ಸ ವಿಹ್ವಲೋ ಮಹಾರಾಜ ರಥೋಪಸ್ಥ ಉಪಾವಿಶತ್॥ 9-27-17 (61639)
ಸಹದೇವಂ ತಥಾ ದೃಷ್ಟ್ವಾ ಭೀಮಸೇನಃ ಪ್ರತಾಪವಾನ್।
ಸರ್ವಸೈನ್ಯಾನಿ ಸಂಕ್ರುದ್ಧೋ ವಾರಯಾಮಾಸ ಭಾರತ॥ 9-27-18 (61640)
ನಿರ್ಬಿಭೇದ ಚ ನಾರಾಚೈಃ ಶತಶೋಽಥ ಸಹಸ್ರಶಃ।
ಸ ನಿರ್ಭಿದ್ಯಾಕರೋಚ್ಚೈವ ಸಿಂಹನಾದಮರಿಂದಮಃ॥ 9-27-19 (61641)
ತೇನ ಶಭ್ದೇನ ವಿತ್ರಸ್ತಾಃ ಸರ್ವೇ ಸಹಯವಾರಣಾಃ।
ಪ್ರಾದ್ರವನ್ಸಹಸಾ ಭೀತಾಃ ಶಕುನೇಶ್ಚ ಪದಾನುಗಾಃ॥ 9-27-20 (61642)
ಪ್ರಭಗ್ನಾನಥ ತಾಂದೃಷ್ಟ್ವಾ ರಾಜಾ ದುರ್ಯೋಧನೋಽಬ್ರವೀತ್।
ನಿವರ್ತಧ್ವಮಧರ್ಮಜ್ಞಾ ಯುಧ್ಯಧ್ವಂ ಕಿಂ ಸೃತೇನ ವಃ॥ 9-27-21 (61643)
ಇಹ ಕೀರ್ತಿ ಸಮಾಧಾಯ ಪ್ರೇತ್ಯ ಲೋಕಾನ್ಸಮಶ್ನುತೇ।
ಪ್ರಾಣಾಂಜಹಾತಿ ಯೋ ಧೀರೋ ಯುದ್ಧೇ ಪೃಷ್ಠಮದರ್ಶಯನ್॥ 9-27-22 (61644)
ಏವಮುಕ್ತಾಸ್ತು ತೇ ರಾಜ್ಞಾ ಸೌಬಲಸ್ಯ ಪದಾನುಗಾಃ।
ಪಾಂಡವಾನಭ್ಯವರ್ತಂತ ಮೃತ್ಯುಂ ಕೃತ್ವಾ ನಿವರ್ತನಂ॥ 9-27-23 (61645)
ದ್ರವದ್ಭಿಸ್ತತ್ರ ರಾಜೇಂದ್ರ ಕೃತಃ ಶಬ್ದೋಽತಿದಾರುಣಃ।
ಕ್ಷುಬ್ಧಸಾಗರಸಂಕಾಶಃ ಕ್ಷುಭಿತೈಃ ಸರ್ವತೋ ದಿಶಂ॥ 9-27-24 (61646)
ತಾಂಸ್ತತಃ ಪುರತೋ ದೃಷ್ಟ್ವಾ ಸೌಬಲಸ್ಯ ಪದಾನುಗಾನ್।
ಪ್ರತ್ಯುದ್ಯಯುರ್ಮಹಾರಾಜ ಪಾಂಡವಾ ವಿಜಯೋದ್ಯತಾಃ॥ 9-27-25 (61647)
ಪ್ರತ್ಯಾಶ್ವಸ್ಯ ಚ ದುರ್ಧರ್ಷಃ ಸಹದೇವೋ ವಿಶಾಂಪತೇ।
ಶಕುನಿಂ ದಶಭಿರ್ವಿದ್ಧ್ವಾ ಹಯಾಂಶ್ಚಾಸ್ಯ ತ್ರಿಭಿಃ ಶರೈಃ।
ಧನುಶ್ಚಿಚ್ಛೇದ ಚ ಶರೈಃ ಸೌಬಲಸ್ಯ ಹಸನ್ನಿವ॥ 9-27-26 (61648)
ಅಥಾನ್ಯದ್ಧನುರಾದಾಯ ಶಕುನಿರ್ಯುದ್ಧದುರ್ಮದಃ।
ವಿವ್ಯಾಧ ನಕುಲಂ ಷಷ್ಟ್ಯಾ ಭೀಮಸೇನಂ ಚ ಸಪ್ತಾಭಿಃ॥ 9-27-27 (61649)
ಉಲೂಕೋಽಪಿ ಮಹಾರಾಜ ಭೀಮಂ ವಿವ್ಯಾಧ ಸಪ್ತಭಿಃ।
ಸಹದೇವಂ ಚ ಸಪ್ತತ್ಯಾ ಪರೀಪ್ಸನ್ಪಿತರಂ ರಣೇ॥ 9-27-28 (61650)
ತಂ ಭೀಮಸೇನಃ ಸಮರೇ ವಿವ್ಯಾಧ ನವಭಿಃ ಶರೈಃ।
ಶಕುನಿಂ ಚ ಚತುಃಷಷ್ಟ್ಯಾ ಪಾರ್ಶ್ವಸ್ಥಾಂಶ್ಚ ತ್ರಿಭಿಸ್ತ್ರಿಭಿಃ॥ 9-27-29 (61651)
ತೇ ಹನ್ಯಮಾನಾ ಭೀಮೇನ ನಾರಾಚೈಸ್ತೈಲಪಾಯಿತೈಃ।
ಸಹದೇವಂ ರಣೇ ಕ್ರುದ್ಧಾಶ್ಛಾದಯಞ್ಶರವೃಷ್ಟಿಭಿಃ।
ಪರ್ವತಂ ವಾರಿಧಾರಾಭಿಃ ಸವಿದ್ಯುತ ಇವಾಂಬುದಾಃ॥ 9-27-30 (61652)
ತತೋಽಸ್ಯಾಪತತಃ ಶೂರಃ ಸಹದೇವಃ ಪ್ರತಾಪವಾನ್।
ಉಲೂಕಸ್ಯ ಮಹಾರಾಜ ಭಲ್ಲೇನಾಪಾಹರಚ್ಛಿರಃ॥ 9-27-31 (61653)
ಸ ಜಗಾಮ ರಥಾದ್ಭೂಮಿಂ ಸಹದೇವೇನ ಪಾತಿತಃ।
ರುಧಿರಾಪ್ಲುತಸರ್ವಾಂಗೋ ನಂದಯನ್ಪಾಂಡವಾನ್ಯುಧಿ॥ 9-27-32 (61654)
ಪುತ್ರಂ ತು ನಿಹತಂ ದೃಷ್ಟ್ವಾ ಶಕುನಿಸ್ತತ್ರ ಭಾರತ।
ಸಾಶ್ರುಕಂಠೋ ವಿನಿಃಶ್ವಸ್ಯ ಕ್ಷತ್ತುರ್ವಾಕ್ಯಮನುಸ್ಮರನ್॥ 9-27-33 (61655)
ಚಿಂತಯಿತ್ವಾ ಮುಹೂರ್ತಂ ಸ ಬಾಷ್ಪಪೂರ್ಣೇಕ್ಷಣಃ ಶ್ವಸನ್।
ಸಹದೇವಂ ಸಮಾಸಾದ್ಯ ತ್ರಿಭಿರ್ವಿವ್ಯಾಧ ಸಾಯಕೈಃ॥ 9-27-34 (61656)
ತಾನಪಾಸ್ಯ ಶರಾನ್ಮುಕ್ತಾಞ್ಶರಸಂಘೈಃ ಪ್ರತಾಂಪವಾನ್।
ಸಹದೇವೋ ಮಹಾರಾಜ ಧನುಶ್ಚಿಚ್ಛೇದ ಸಂಯುಗೇ॥ 9-27-35 (61657)
ಛಿನ್ನೇ ಧನುಷಿ ರಾಜೇಂದ್ರ ಶಕುನಿಃ ಸೌಬಲಸ್ತದಾ।
ಪ್ರಗೃಹ್ಯ ವಿಪುಲಂ ಖಂಗಂ ಸಹದೇವಾಯ ಪ್ರಾಹಿಣೋತ್॥ 9-27-36 (61658)
ತಮಾಪತಂತಂ ಸಹಸಾ ಘೋರರೂಪಂ ವಿಶಾಂಪತೇ।
ದ್ವಿಧಾ ಚಿಚ್ಛೇದ ಸಮರೇ ಸೌಬಲಸ್ಯ ಹಸನ್ನಿವ॥ 9-27-37 (61659)
ಅಸಿಂ ದೃಷ್ಟ್ವಾ ದ್ವಿಧಾ ಚ್ಛಿನ್ನಂ ಪ್ರಗೃಹ್ಯ ಮಹತೀಂ ಗದಾಂ।
ಪ್ರಾಹಿಣೋತ್ಸಹದೇವಾಯ ಸಾ ಮೋಘಾ ನ್ಯಪತದ್ಭುವಿ॥ 9-27-38 (61660)
ತತಃ ಶಕ್ತಿಂ ಮಹಾಘೋರಾಂ ಕಾಲರಾತ್ರೀಮಿವೋದ್ಯತಾಂ।
ಪ್ರೇಷಯಾಮಾಸ ಸಕ್ರುದ್ಧಃ ಪಾಂಡವಂ ಪ್ರತಿ ಸೌಬಲಃ॥ 9-27-39 (61661)
ತಾಮಾಪತಂತೀಂ ಸಹಸಾ ಶರೈಃ ಕನಕಭೂಷಣೈಃ।
ತ್ರಿಧಾ ಚಿಚ್ಛೇದ ಸಮರೇ ಸಹದೇವೋ ಹಸನ್ನಿವ॥ 9-27-40 (61662)
ಸಾ ಪಪಾತ ತ್ರಿಧಾ ಚ್ಛಿನ್ನಾ ಭೂಮೌ ಕನಕಭೂಷಣಾ।
ಶೀರ್ಯಮಾಣಾ ಯಥಾ ದೀಪ್ತಾ ಗಗನಾದ್ವೈ ಶತಹದಾ॥ 9-27-41 (61663)
ಶಕ್ತಿಂ ವಿನಿಹತಾಂ ದೃಷ್ಟ್ವಾ ಸೌಬಲಂ ಚ ಭಯಾರ್ದಿತಂ।
ದುದ್ರುವುಸ್ತಾವಕಾಃ ಸರ್ವೇ ಭಯೇ ಜಾತೇ ಸಸೌಬಲಾಃ॥ 9-27-42 (61664)
ಅಥೋತ್ಕ್ರುಷ್ಟಂ ಮಹಚ್ಚಾಸೀತ್ಪಾಂಡವೈರ್ಜಿತಕಾಶಿಭಿಃ।
ಧಾರ್ತರಾಷ್ಟ್ರಾಸ್ತತಃ ಸರ್ವೇ ಪ್ರಾಯಶೋ ವಿಮುಖಾಽಭವನ್॥ 9-27-43 (61665)
ತಾನ್ವೈ ವಿಮನಸೋ ದೃಷ್ಟ್ವಾ ಮಾದ್ರೀಪುತ್ರಃ ಪ್ರತಾಪವಾನ್।
ಶರೈರನೇಕಸಾಹಸ್ರೈರ್ವಾರಯಾಮಾಸ ಸಂಯುಗೇ॥ 9-27-44 (61666)
ತತೋ ಗಾಂಧಾರಕೈರ್ಗುಪ್ತಂ ಪುಷ್ಟೈರಶ್ವೈರ್ಜಯೇ ಧೃತಂ।
ಆಸಸಾದ ರಮೇ ಯಾಂತಂ ಸಹದೇವೋಽಥ ಸೌಬಲಂ॥ 9-27-45 (61667)
ಸ್ವಮಂಶಮವಶಿಷ್ಟಂ ತಂ ಸಂಸ್ಮೃತ್ಯ ಶಕುನಿಂ ನೃಪ।
ರಥೇನ ಕಾಂಚನಾಂಗೇನ ಸಹದೇವಃ ಸಮಭ್ಯಯಾತ್॥ 9-27-46 (61668)
ಅಧಿಜ್ಯಂ ಬಲವತ್ಕೃತ್ವಾ ವ್ಯಾಕ್ಷಿಪನ್ಸುಮಹದ್ಧನುಃ।
ಸ ಸೌಬಲಮಭಿದ್ರುತ್ಯ ಗಾರ್ಧ್ರಪತ್ರೈಃ ಶಿಲಾಶಿತೈಃ॥ 9-27-47 (61669)
ಭೃಶಮಭ್ಯಹಂತ್ಕುದ್ಧಸ್ತೋತ್ರೈರಿವ ಮಹಾದ್ವಿಪಂ।
ಉವಾಚ ಚೈನಂ ಮೇಧಾವೀ ವಿಗೃಹ್ಯ ಸ್ಮಾರಯನ್ನಿವ॥ 9-27-48 (61670)
ಕ್ಷತ್ರಧರ್ಮೇ ಸ್ಥಿರೋ ಭೂತ್ವಾ ಯುಧ್ಯಸ್ವ ಪುರುಷೋ ಭವ।
ಯತ್ತದಾ ಭಾಷಸೇ ಮೂಢ ಗೃಹ್ಣನ್ನಕ್ಷಾನ್ಸಭಾತಲೇ।
ಫಲಮದ್ಯ ಪ್ರಪದ್ಯಸ್ವ ಕರ್ಮಣಸ್ತಸ್ಯ ದುರ್ಮತೇ॥ 9-27-49 (61671)
ನಿಹತಾಸ್ತೇ ದುರಾತ್ಮಾನೋ ಯೇಽಸ್ಮಾನವಹಸನ್ಪುರಾ।
ದುರ್ಯೋಧನಃ ಕುಲಾಂಗಾರಃ ಶಿಷ್ಟಸ್ತ್ವಂ ಚಾಸ್ಯ ಮಾತುಲಃ॥ 9-27-50 (61672)
ಅದ್ಯ ತೇ ನಿಹನಿಷ್ಯಾಮಿ ಕ್ಷುರೇಣೋನ್ಮಥಿತಂ ಶಿರಃ।
ವೃಕ್ಷಾತ್ಫಲಮಿವಾವಿದ್ವಂ ಲಗುಡೇನ ಪ್ರಮಾಥಿನಾ॥ 9-27-51 (61673)
ಏವಮುಕ್ತ್ವಾ ಮಹಾರಾಜ ಸಹದೇವೋ ಮಹಾಬಲಃ।
ಸಂಕ್ರುದ್ಧೋ ರಣಶಾರ್ದೂಲೋ ವೇಗೇನಾಭಿಜಗಾಮ ತಂ॥ 9-27-52 (61674)
ಅಭಿಗಂಯ ಸುದುರ್ಧರ್ಷಃ ಸಹದೇವೋ ಯುಧಾಂ ಪತಿಃ।
ವಿಕೃಷ್ಯ ಬಲವಚ್ಚಾಪಂ ಕ್ರೋಧೇನ ಪ್ರಜ್ವಲನ್ನಿವ॥ 9-27-53 (61675)
ಶಕುನಿಂ ದಶಭಿರ್ವಿದ್ಧ್ವಾ ಚತುರ್ಭಿಶ್ಚಾಸ್ಯ ವಾಜಿನಃ।
ಛತ್ರಂ ಧ್ವಜಂ ಧನುಶ್ಚಾಸ್ಯ ಚ್ಛಿತ್ತ್ವಾ ಸಿಂಹ ಇವಾನದತ್॥ 9-27-54 (61676)
ಛಿನ್ನಧ್ವಜಧನುಶ್ಛತ್ರಃ ಸಹದೇವೇನ ಸೌಬಲಃ।
ಕೃತೋ ವಿದ್ಧಶ್ಚ ಬಹುಭಿಃ ಸರ್ವಮರ್ಮಸು ಸಾಯಕೈಃ॥ 9-27-55 (61677)
ತತೋ ಭೂಯೋ ಮಹಾರಾಜ ಸಹದೇವಃ ಪ್ರತಾಪವಾನ್।
ಶಕುನೇಃ ಪ್ರೇಷಯಾನ್ಮಾಸ ಶರವೃಷ್ಟಿಂ ದುರಾಸದಾಂ॥ 9-27-56 (61678)
ತತಸ್ತು ಕ್ರುದ್ಧಃ ಸುಬಲಸ್ಯ ಪುತ್ರೋ
ಮಾದ್ರೀಸುತಂ ಸಹದೇವಂ ವಿಮರ್ದೇ।
ಪ್ರಾಸೇನ ಜಾಂಬೂನದಭೂಷಣೇನ
ಜಿಘಾಂಸುರೇಕೋಽಭಿಪಪಾತ ಶೀಘ್ರಂ॥ 9-27-57 (61679)
ಮಾದ್ರೀಸುತಸ್ತಸ್ಯ ಸಮುದ್ಯತಂ ತಂ
ಪ್ರಾಸಂ ಸುವೃತ್ತೌ ಚ ಭುಜೌ ರಣಾಗ್ರೇ।
ಭಲ್ಲೈಸ್ತ್ರಿಭಿರ್ಯುಗಪತ್ಸಂಚಕರ್ತ
ನನಾದ ಚೋಚ್ಚೈಸ್ತರಸಾಽಽಜಿಮಧ್ಯೇ॥ 9-27-58 (61680)
ತಸ್ಯಾಶುಕಾರೀ ಸುಸಮಾಹಿತೇನ
ಸುವರ್ಣಪುಂಖೇನ ದೃಢಾಯಸೇನ।
ಭಲ್ಲೇನ ಸರ್ವಾವರಣಾತಿಗೇನ
ಶಿರಃ ಶರೀರಾತ್ಪ್ರಮಮಾಥ ಭೂಯಃ॥ 9-27-59 (61681)
ಶರೇಣ ಕಾರ್ತಸ್ವರಭೂಷಿತೇನ
ದಿವಾಕರಾಭೇಣ ಸುಸಂಹಿತೇನ।
ಹೃತೋತ್ತಮಾಂಗೋ ಯುಧಿ ಪಾಂಡವೇನ
ಪಪಾತ ಭೂಮೌ ಸುಬಲಸ್ಯ ಪುತ್ರಃ॥ 9-27-60 (61682)
ಸ ತಚ್ಛಿರೋ ವೇಗವತಾ ಶರೇಣ
ಸುವರ್ಣಪುಂಖೇನ ಶಿಲಾಶಿತೇನ।
ಪ್ರಾವೇರಯತ್ಕುಪಿತಃ ಪಾಂಡುಪುತ್ರೋ
ಯತ್ತತ್ಕುರೂಣಾಮನಯಸ್ಯ ಮೂಲಂ॥ 9-27-61 (61683)
ಭುಜೌ ಸುವೃತ್ತೌ ಪ್ರಚಕರ್ತ ವೀರಃ
ಪಶ್ಚಾತ್ಕಬಂಧಂ ರುಧಿರಾವಸಿಕ್ತಂ।
ವಿಸ್ಪಂದಮಾನಂ ನಿಪಪಾತ ಘೋರಂ
ರಥೋತ್ತಮಾತ್ಪಾರ್ಥಿವ ಪಾರ್ಥಿವಸ್ಯ॥ 9-27-62 (61684)
ಹೃತೋತ್ತಮಾಂಗಂ ಶಕುನಿಂ ಸಮೀಕ್ಷ್ಯ
ಭೂಮೌ ಶಯಾನಂ ರುಧಿರಾರ್ದ್ರಗಾತ್ರಂ।
ಯೋಧಾಸ್ತ್ವದೀಯಾ ಭಯನಷ್ಟಸತ್ವಾ
ದಿಶಃ ಪ್ರಜಗ್ಮುಃ ಪ್ರಗೃಹೀತಶಸ್ತ್ರಾಃ॥ 9-27-63 (61685)
ಪ್ರವಿದ್ರುತಾಃ ಶುಷ್ಕಮುಖಾ ವಿಸಂಜ್ಞಾ
ಗಾಂಡೀವಘೋಷೇಣ ಸಮಾಹತಾಶ್ಚ।
ಭಯಾರ್ದಿತಾ ಭಗ್ನರಥಾಶ್ವನಾಗಾಃ
ಪದಾತಯಶ್ಚೈವ ಸಧಾರ್ತರಾಷ್ಟ್ರಾಃ॥ 9-27-64 (61686)
ತತೋ ರಥಾಚ್ಛಕುನಿಂ ಪಾತಯಿತ್ವಾ
ಮುದಾನ್ವಿತಾ ಭಾರತ ಪಾಂಡವೇಯಾಃ
ಶಂಕಾನ್ಪ್ರದಧ್ಯುಃ ಸಮರೇಽತಿಹೃಷ್ಟಾಃ
ಸಕೇಶವಾಃ ಸೈನಿಕಾನ್ಹರ್ಷಯಂತಃ॥ 9-27-65 (61687)
ತಂ ಚಾಪಿ ಸರ್ವೇ ಪ್ರತಿಪೂಜಯಂತೋ
ದೃಷ್ಟ್ವಾ ಬ್ರುವಾಣಾಃ ಸಹದೇವಮಾಜೌ।
ದಿಷ್ಟ್ಯಾ ಹತೋ ನೈಕೃತಿಕೋ ಮಹಾತ್ಮಾ
ಸಹಾತ್ಮಜೋ ವೀರ ರಣೇ ತ್ವಯೇತಿ॥ ॥ 9-27-66 (61688)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಶಲ್ಯವಧಪರ್ವಣಿ ಅಷ್ಟಾದಶದಿವಸಯುದ್ಧೇ ಸಪ್ತವಿಂಶೋಽಧ್ಯಾಯಃ॥ 27 ॥
Mahabharata - Shalya Parva - Chapter Footnotes
9-27-7 ಅಲಂಕೃತಮಿವಾಕಾಶಂ ಇತಿ ಕ.ಪಾಠಃ॥ 9-27-49 ಯತ್ತದಾ ಹೃಷ್ಯಸೇ ಮೃಢ ಗ್ಲಹನ್ನಕ್ಷೈಃ ಇತಿ ಝ.ಪಾಠಃ॥ 9-27-27 ಸಪ್ತವಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 028
॥ ಶ್ರೀಃ ॥
9.28. ಅಧ್ಯಾಯಃ 028
Mahabharata - Shalya Parva - Chapter Topics
ಹತಾವಶಿಷ್ಟೇ ಬಲೇ ಪಾಂಡವೈರ್ನಿಹತೇ ದುರ್ಯೋಧನೇನ ಪಲಾಯನೇ ನಿರ್ಧಾರಣಂ॥ 1 ॥Mahabharata - Shalya Parva - Chapter Text
9-28-0 (61689)
ಸ಼ಂಜಯ ಉವಾಚ। 9-28-0x (5126)
ತತಃ ಕ್ರುದ್ಧಾ ಮಹಾರಾಜ ಸೌಬಲಸ್ಯ ಪದಾನುಗಾಃ।
ತ್ಯಕ್ತ್ವಾ ಜೀವಿತಮಾಕ್ರಂದೇ ಪಾಂಡವಾನ್ಪರ್ಯವಾರಯನ್॥ 9-28-1 (61690)
ತಾನರ್ಜುನಃ ಪ್ರತ್ಯಗೃಹ್ಣಾತ್ಸಹದೇವಜಯೇ ಧೃತಃ।
ಭೀಮಸೇನಶ್ಚ ತೇಜಸ್ವೀ ಕ್ರುದ್ಧಾಶೀವಿಷದರ್ಶನಃ॥ 9-28-2 (61691)
ಶಕ್ತ್ಯೃ-ಷ್ಟಿಪ್ರಾಸಹಸ್ತಾನಾಂ ಸಹದೇವಂ ಜಿಘಾಂಸತಾಂ।
ಸಂಕಲ್ಪಮಕರೋನ್ಮೋಘಂ ಗಾಂಡೀವೇನ ಧನಂಜಯಃ॥ 9-28-3 (61692)
ಸಂಗೃಹೀತಾಯುಧಾನ್ಬಾಹೂನ್ಯೋಧಾನಾಮಭಿಧಾವತಾಂ।
ಭಲ್ಲೈಶ್ಚಿಚ್ಛೇದ ಬೀಭತ್ಸುಃ ಶಿರಾಂಸ್ಯಪಿ ಹಯಾನಪಿ॥ 9-28-4 (61693)
ತೇ ಹಯಾಃ ಪ್ರತ್ಯಪದ್ಯಂತ ವಸುಧಾಂ ವಿಗತಾಸವಃ।
ಚರತಾ ಲೋಕವೀರೇಣ ಪ್ರಹತಾಃ ಸವ್ಯಸಾಚಿನಾ॥ 9-28-5 (61694)
ತತೋ ದುರ್ಯೋಧನೋ ರಾಜಾ ದೃಷ್ಟ್ವಾ ಸ್ವಬಲಸಂಕ್ಷಯಂ।
ಹತಶೇಷಾನ್ಸಮಾನೀಯ ಕ್ರುದ್ಧೋ ರಥಗಣಾನ್ಬಹೂನ್॥ 9-28-6 (61695)
ಕುಂಜರಾಂಶ್ಚ ಹಯಾಂಶ್ಚೈವ ಪಾದಾತಾಂಶ್ಚ ಸಮಂತತಃ।
ಉವಾಚ ದುಃಖಿತಾನ್ಸರ್ವಾಂಧಾರ್ತರಾಷ್ಟ್ರ ಇದಂ ವಚಃ॥ 9-28-7 (61696)
ಸಮಾಸಾದ್ಯ ರಣೇ ಸರ್ವಾನ್ಪಾಂಡವಾನ್ಸಸುಹೃದ್ಗಣಾನ್।
ಪಾಂಚಾಲ್ಯಂ ಚಾಪಿ ಸಬಲಂ ಹತ್ವಾ ಶೀಘ್ರಂ ನ್ಯವರ್ತತ॥ 9-28-8 (61697)
ತಸ್ಯ ತೇ ಶಿರಸಾ ಗೃಹ್ಯ ವಚನಂ ಯುದ್ಧದುರ್ಮದಾಃ।
ಅಭ್ಯುದ್ಯಯೂ ರಣೇ ಪಾರ್ಥಾಂಸ್ತವ ಪುತ್ರಸ್ಯ ಶಾಸನಾತ್॥ 9-28-9 (61698)
ತಾನಭ್ಯಾಪತತಃ ಶೀಘ್ರಂ ಹತಶೇಷಾನ್ಮಹಾರಣೇ।
ಶರೈರಾಶೀವಿಷಾಕಾರೈಃ ಪಾಂಡವಾಃ ಸಮವಾಕಿರನ್॥ 9-28-10 (61699)
ತತ್ಸೈನ್ಯಂ ಭರತಶ್ರೇಷ್ಠ ಮುಹೂರ್ತೇನ ಮಹಾತ್ಮಭಿಃ।
ಅವಧ್ಯತ ರಣಂ ಪ್ರಾಪ್ಯ ತ್ರಾತಾರಂ ನಾಭ್ಯವಿಂದತ॥ 9-28-11 (61700)
ಪಲಾಯಮಾನಂ ತು ಭಯಾನ್ನಾವತಿಷ್ಠತಿ ದಂಶಿತಂ।
ಅಶ್ವೈರ್ವಿಪರಿಧಾವದ್ಭಿಃ ಸೈನ್ಯೇನ ರಜಸಾ ವೃತೇ॥ 9-28-12 (61701)
ನ ಪ್ರಾಜ್ಞಾಯಂತ ಸಮರೇ ದಿಶಃ ಸಪ್ರದಿಶಸ್ತಥಾ।
ತತಸ್ತು ಪಾಂಡವಾನೀಕಾನ್ನಿಃಸೃತ್ಯ ಬಹವೋ ಜನಾಃ॥ 9-28-13 (61702)
ಅಭ್ಯಘ್ನಂಸ್ತಾವಕಾನ್ಯುದ್ಧೇ ಮುಹೂರ್ತಾದಿವ ಭಾರತ।
ತತೋ ನಿಃಶೇಷಮಭವತ್ತತ್ಸನ್ಯಂ ತವ ಭಾರತ॥ 9-28-14 (61703)
ಅಕ್ಷೌಹಿಣ್ಯಃ ಸಮೇತಾಸ್ತು ತವ ಪುತ್ರಸ್ಯ ಭಾರತ।
ಏಕಾದಶ ಹತಾ ಯುದ್ಧೇ ತಾಃ ಪ್ರಭೋ ಪಾಂಡುಸೃಂಜಯೈಃ॥ 9-28-15 (61704)
ತೇಷು ರಾಜಸಹಸ್ರೇಷು ತಾವಕೇಷು ಮಹಾತ್ಮಸು।
ಏಕೋ ದುರ್ಯೋಧನೋ ರಾಜನ್ನದೃಶ್ಯತ ಭೃಶಂ ಕ್ಷತಃ॥ 9-28-16 (61705)
ತತೋ ವೀಕ್ಷ್ಯ ದಿಶಃ ಸರ್ವಾ ದೃಷ್ಟ್ವಾ ಶೂನ್ಯಾಂ ಚ ಮೇದಿನೀಂ।
ವಿಹೀನಃ ಸರ್ವಯೋಧೈಶ್ಚ ಪಾಂಡವಾನ್ವೀಕ್ಷ್ಯಂ ಸಂಯುಗೇ॥ 9-28-17 (61706)
ಮುದಿತಾನ್ಸರ್ವತಃ ಸಿದ್ಧಾನ್ನರ್ದಮಾನಾನ್ಸಮಂತತಃ।
ಬಾಣಶಬ್ದರವಾಂಶ್ಚೈವ ಶ್ರುತ್ವಾ ತೇಷಾಂ ಮಹಾತ್ಮನಾಂ॥ 9-28-18 (61707)
ದುರ್ಯೋಧನೋ ಮಹಾರಾಜ ಕಶ್ಮಲೇನಾಭಿಸಂವೃತಃ।
ಅಪಯೋ ಮನಶ್ಚಕ್ರೇ ವಿಹೀನಬಲವಾಹನಃ॥ ॥ 9-28-19 (61708)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟಾದಶದಿವಸಯುದ್ಧೇ ಅಷ್ಟಾವಿಂಶೋಽಧ್ಯಾಯಃ॥ 28 ॥
ಶಲ್ಯಪರ್ವ - ಅಧ್ಯಾಯ 029
॥ ಶ್ರೀಃ ॥
9.29. ಅಧ್ಯಾಯಃ 029
Mahabharata - Shalya Parva - Chapter Topics
ಪಾಂಡವೈರ್ನಿಹತಸಹಾಯಸ್ಯ ದುರ್ಯೋಧನಸ್ಯ ಗದಾಮಾದಾಯ ಹದಂ ಪ್ರತಿ ಪ್ರಸ್ಥಾನಂ॥ 1 ॥ ಸಂಜಯಸಂಹಾರಾಯಾಸಿಮುದ್ಯಚ್ಛತಾ ಸಾತ್ಯಕಿನಾ ವ್ಯಾಸವಚನಾತ್ತದ್ವಿಮೋಚನಂ॥ 2 ॥ ಹಾಸ್ತಿನಪುರಂ ಗಚ್ಛತಃ ಸಂಜಯಸ್ಯ ಮಧ್ಯೇಮಾರ್ಗಂ ದುರ್ಯೋಧನದರ್ಶನಂ॥ 3 ॥ ತೇನ ತಸ್ಮಿಂಧೃತರಾಷ್ಟ್ರಾಯ ಸ್ವವೃತ್ತಾಂತನಿವೇದನಚೋದನಪೂರ್ವಕಂ ಹದಂ ಪ್ರವಿಶ್ಯ ಮಾಯಯಾ ಜಲಸ್ತಂಭನಂ॥ 4 ॥ ತತ್ರಾಗತೈರ್ದ್ರೌಣಿಕೃಪಕೃತವರ್ಮಭಿಃ ಸಂಜಯಾದ್ದುರ್ಯೋಧನಸ್ಯ ಹದಪ್ರವೇಶಂ ವಿಜ್ಞಾಯ ವಿಲಪ್ಯ ಪುನಃ ಶಿಬಿರಗಮನಂ॥ 5 ॥ ತತೋ ವೃದ್ಧಪರಿಜನೈರ್ಯುಯುತ್ಸುನಾ ಚ ರಾಜದಾರಾಣಾಂ ನಗರಪ್ರಾಪಣಂ॥ 6 ॥Mahabharata - Shalya Parva - Chapter Text
9-29-0 (61709)
ಧೃತರಾಷ್ಟ್ರ ಉವಾಚ। 9-29-0x (5127)
ನಿಹತೇ ಮಾಮಕೇ ಸೈನ್ಯೇ ನಿಃಶೇಷೇ ಶಿಬಿರೇ ಕೃತೇ।
ಪಾಂಡವಾನಾಂ ಬಲೇ ಸೂತ ಕಿನ್ನು ಶೇಷಮಭೂತ್ತದಾ॥ 9-29-1 (61710)
ಏತನ್ಮೇ ಪೃಚ್ಛತೋ ಬ್ರೂಹಿ ಕುಶಲೋ ಹ್ಯಸಿ ಸಂಜಯ।
ಯಚ್ಚ ದುರ್ಯೋಧನೋ ಮಾನೀ ಕೃತವಾಂಸ್ತನಯೋ ಮಮ।
ವಲಕ್ಷಯಂ ತಥಾ ದೃಷ್ಟ್ವಾ ಸ ಏಕಃ ಪೃಥಿವೀಪತಿಃ॥ 9-29-2 (61711)
ಸಂಜಯ ಉವಾಚ। 9-29-3x (5128)
ರಥಾನಾಂ ದ್ವೇ ಸಹಸ್ರೇ ತು ಸಪ್ತ ನಾಗಶತಾನಿ ಚ।
ಪಂಚ ಚಾಶ್ವಸಹಸ್ರಾಣಿ ಪತ್ತೀನಾಮಯುತಾನಿ ಚ॥ 9-29-3 (61712)
ಏತಚ್ಛೇಷಮಭೂದ್ರಾಜನ್ಪಾಂಡವಾನಾಂ ಮಹದ್ಬಲಂ।
ಪರಿಗೃಹ್ಯ ಹಿ ಯದ್ಯುದ್ಧೇ ಧೃಷ್ಟದ್ಯುಂನೋ ವ್ಯವಸ್ಥಿತಃ॥ 9-29-4 (61713)
ಏಕಾಕೀ ಭರತಶ್ರೇಷ್ಠ ತತೋ ದುರ್ಯೋಧನೋ ನೃಪಃ।
ನಾಪಶ್ಯತ್ಸಮರೇ ಕಂಚಿತ್ಸಹಾಯಂ ರಥಿನಾಂ ವರಃ॥ 9-29-5 (61714)
ನರ್ದಮಾನಾನ್ಪರಾಂದೃಷ್ಟ್ವಾ ಸ್ವಬಲಸ್ಯ ಚ ಸಂಕ್ಷಯಂ।
ದೃಷ್ಟ್ವಾ ಭರತಶಾರ್ದೂಲಃ ಕಶ್ಮಲೇನಾಭಿಸಂವೃತಃ।
ಹತಂ ಸ್ವಹಯಮುತ್ಸೃಜ್ಯ ಪ್ರಾಙ್ಮುಖಃ ಪ್ರಾದ್ರಾವದ್ಭಯಾತ್॥ 9-29-6 (61715)
ಏಕಾದಶಚಮೂಭರ್ತಾ ಪುತ್ರೋ ದುರ್ಯೋಧನಸ್ತವ।
ಗದಾಮಾದಾಯ ತೇಜಸ್ವೀ ಪದಾತಿಃ ಪ್ರಸ್ಥಿತೋ ಹದಂ॥ 9-29-7 (61716)
ನಾತಿದೂರಂ ತತೋ ಗತ್ವಾ ಪದ್ಭ್ಯಾಮೇವ ನರಾಧಿಪಃ।
ಸಸ್ಮಾರ ವಚನಂ ಕ್ಷತ್ರುರ್ಧರ್ಮಶೀಲಸ್ಯ ಧೀಮತಃ॥ 9-29-8 (61717)
ಇದಂ ನೂನಂ ಮಹಾಪ್ರಾಜ್ಞೋ ವಿದುರೋ ದೃಷ್ಟ್ವಾನ್ಪುರಾ।
ಮಹದ್ವ್ಸನಮಸ್ಮಾಕಂ ಕ್ಷತ್ರಿಯಾಣಾಂ ಚ ಸರ್ವಶಃ॥ 9-29-9 (61718)
ಏವಂ ವಿಚಿಂತಯಾನಸ್ತು ಪ್ರವಿವಿಕ್ಷುರ್ಹದಂ ನೃಪಃ।
ದುಃಖಸಂತಪ್ತಹೃದಯೋ ದೃಷ್ಟ್ವಾ ರಾಜನ್ಬಲಕ್ಷಯಂ॥ 9-29-10 (61719)
`ದಶೈಕಾಕ್ಷೌಹಿಣೀಭರ್ತಾ ತದಾ ದುರ್ಯೋಧನೋಽಪಿ ಸನ್।
ಪ್ರಾಪ್ತವಾನ್ವ್ಯಸನಂ ತೀವ್ರಂ ದೈವಂ ಹಿ ಬಲವತ್ತರಂ'॥ 9-29-11 (61720)
ಪಾಂಡವಾಸ್ತು ಮಹಾರಾಜ ಧೃಷ್ಟದ್ಯುಂನಪುರೋಗಮಾಃ।
ಅಭ್ಯದ್ರವಂತ ಸಂಕ್ರುದ್ಧಾಸ್ತವ ರಾಜನ್ಬಲಂ ಪ್ರತಿ॥ 9-29-12 (61721)
ಶಕ್ತ್ಯೃಷ್ಟಿಪ್ರಾಸಹಸ್ತಾನಾಂ ಬಲಾನಾಮಭಿಗರ್ಜತಾಂ।
ಸಂಕಲ್ಪಮಕರೋನ್ಮೋಘಂ ಗಾಂಡೀವೇನ ಧನಂಜಯಃ॥ 9-29-13 (61722)
ತಾನ್ಹತ್ವಾ ನಿಶಿತೈರ್ವಾಣೈಃ ಸಾಮಾತ್ಯಾನ್ಸಹ ಬಂಧುಭಿಃ।
ರಥೇ ಶ್ವೇತಹಯೇ ತಿಷ್ಠನ್ನರ್ಜುನೋ ಬಹ್ವಶೋಭತ॥ 9-29-14 (61723)
ಸುಬಲಸ್ಯ ಹತೇ ಪುತ್ರೇ ಸವಾಜಿರಥಕುಂಜರೇ।
ಮಹಾವನಮಿವ ಚ್ಛಿನ್ನಮಭವತ್ತಾವಕಂ ಬಲಂ॥ 9-29-15 (61724)
ಅನೇಕಶತಸಾಹಸ್ರೇ ಬಲೇ ದುರ್ಯೋಧನಸ್ಯ ಹ।
ನಾನ್ಯೋ ಮಹಾರಥೋ ರಾಜಂಜೀವಮಾನೋ ವ್ಯದೃಶ್ಯತ॥ 9-29-16 (61725)
ದ್ರೋಣಪುತ್ರಾದೃತೇ ವೀರಾತ್ತಥೈವ ಕೃತವರ್ಮಣಃ।
ಕೃಪಾಚ್ಚ ಗೌತಮಾದ್ರಾಜನ್ಪಾರ್ಥಿವಾಚ್ಚ ತವಾತ್ಮಜಾತ್॥ 9-29-17 (61726)
ಧೃಷ್ಟದ್ಯುಂನಸ್ತು ಮಾಂ ದೃಷ್ಟ್ವಾ ಹಸನ್ಸಾತ್ಯಕಿಮಬ್ರವೀತ್।
ಕಿಮನೇನ ಗೃಹೀತೇನ ನಾನೇನಾರ್ಥೋಽಸ್ತಿ ಜೀವತಾ॥ 9-29-18 (61727)
ಧೃಷ್ಟದ್ಯುಂನವಚಃ ಶ್ರುತ್ವಾ ಶಿನೇರ್ನಪ್ತಾ ಮಹಾರಥಃ।
ಉದ್ಯಂಯ ನಿಶಿತಂ ಖಂಗಂ ಹಂತುಂ ಮಾಮುದ್ಯತಸ್ತದಾ॥ 9-29-19 (61728)
ತಮಾಗಂಯ ಮಹಾಪ್ರಾಜ್ಞಃ ಕೃಷ್ಣದ್ವೈಪಾಯನೋಽಬ್ರವೀತ್।
ಮುಚ್ಯತಾಂ ಸಂಜಯೋ ಜೀವನ್ನ ಹಂತವ್ಯಃ ಕಥಂಚನ॥ 9-29-20 (61729)
ದ್ವೈಪಾಯನವಚಃ ಶ್ರುತ್ವಾ ಶಿನೇರ್ನಪ್ತಾ ಕೃತಾಂಜಲಿಃ।
ತತೋ ಮಾಮಬ್ರವೀನ್ಮುಕ್ತ್ವಾ ಸ್ವಸ್ತಿ ಸಂಜಯ ಸಾಧಯ॥ 9-29-21 (61730)
ಅನುಜ್ಞಾತಸ್ತ್ವಹಂ ತೇನ ನ್ಯಸ್ತವರ್ಮಾ ನಿರಾಯುಧಃ।
ಪ್ರಾತಿಷ್ಠಂ ಯೇನ ನಗರಂ ಸಾಯಾಹ್ನೇ ರುಧಿರೋಕ್ಷಿತಃ॥ 9-29-22 (61731)
ಕ್ರೋಶಮಾತ್ರಮಪಕ್ರಾಂತಂ ಗದಾಪಾಣಿಮವಸ್ಥಿತಂ।
ಏಕಂ ದುರ್ಯೋಧನಂ ರಾಜನ್ನಪಶ್ಯಂ ಭೃಶವಿಕ್ಷತಂ॥ 9-29-23 (61732)
ಸ ತು ಮಾಮಶ್ರುಪೂರ್ಣಾಕ್ಷೋ ನಾಶಕ್ನೋದಭಿವೀಕ್ಷಿತುಂ।
ಉಪಪ್ರೈಕ್ಷತ ಮಾಂ ದೃಷ್ಟ್ವಾ ತಥಾ ದೀನಮವಸ್ಥಿತಂ॥ 9-29-24 (61733)
ತಂ ಚಾಹಮಪಿ ಶೋಚಂತಂ ದೃಷ್ಟ್ವೈಕಾಕಿನಮಾಹವೇ।
ಮುಹೂರ್ತಂ ನಾಶಕಂ ವಕ್ತುಮತಿದುಃಖಪರಿಪ್ಲುತಃ॥ 9-29-25 (61734)
`ಯಸ್ಯ ಮೂರ್ಧಾಭಿಷಿಕ್ತಾನಾಂ ಸಹಸ್ರಮಣಿಮೌಲಿನಾಂ।
ಆಹೃತ್ಯ ಚ ಕರಂ ಸರ್ವಂ ಸ್ವಸ್ಯ ವೇಶ್ಮ ಸಮಾಗತಂ॥ 9-29-26 (61735)
ಚತುಃಸಾಗರಪರ್ಯಂತಾ ಪೃಥಿವೀ ರತ್ನಭೂಷಿತಾ।
ಕರ್ಣೇನೈಕೇನ ಯಸ್ಯಾರ್ಥೇ ಕರಮಾಹಾರಿತಾ ಪುರಾ॥ 9-29-27 (61736)
ಯಸ್ಯಾಜ್ಞಾ ಪರರಾಷ್ಟ್ರೇಷು ಕರ್ಣೇನೈವ ಪ್ರಸಾರಿತಾ।
ನಾಭವದ್ಯಸ್ಯ ಶಸ್ತ್ರೇಷು ಖೇದೋ ರಾಜ್ಞಃ ಪ್ರಶಾಸತಃ॥ 9-29-28 (61737)
ಆಸೀನೋ ಹಾಸ್ತಿನಪುರೇ ಕ್ಷೇಮಂ ರಾಜ್ಯಮಕಂಟಕಂ।
ಅನ್ವಪಾಲಯದೈಶ್ವರ್ಯಾತ್ಕುಬೇರಮಪಿ ನಾಸ್ಮರತ್॥ 9-29-29 (61738)
ಭವನಾದ್ಭವನಂ ರಾಜನ್ಪ್ರಯಾತುಂ ಪೃಥಿವೀಪತೇ।
ದೇವಾಲಯಪ್ರದೇಶೇ ಚ ಪಂಥಾ ಯಸ್ಯ ಹಿರಣ್ಮಯಃ॥ 9-29-30 (61739)
ಪತಾಕಾವೃತಸೂರ್ಯಾಂಶುತೋರಣೋಚ್ಛ್ರಿತಶೋಭಿತಾಃ।
ಪ್ರಯಾಣೇ ಪೃಥಿವೀಭರ್ತುರ್ಧನ್ಯಾನಾಮಭವನ್ಗೃಹಾಃ॥ 9-29-31 (61740)
ಆರುಹ್ಯೈರಾವತಪ್ರಖ್ಯಂ ನಾಗಮಿಂದ್ರಸಮೋ ಬಲೀ।
ವಿಭೂತ್ಯಾ ಸುಮಹತ್ಯಾ ಯಃ ಪ್ರಯಾತಿ ಪೃಥಿವೀಪತೇ॥ 9-29-32 (61741)
ತಂ ಭೃಶಕ್ಷತಸರ್ವಾಂಗಂ ಪದ್ಧ್ಯಾಮೇವ ಧರಾತಲೇ।
ತಿಷ್ಠಂತಮೇಕಂ ದೃಷ್ಟ್ವಾ ತು ಮಮಾಭೂತ್ಕ್ಲೇಶ ಉತ್ತಮಃ॥ 9-29-33 (61742)
ತಸ್ಯ ಚೈವಂವಿಧಸ್ಯಾದ್ಯ ಜಗನ್ನಾಥಸ್ಯ ಭೂಪತೇ।
ಆಪದಪ್ರತಿಮೈವಾಭೂದ್ಬಲೀಯಾನ್ವಿಧಿರೇವ ಹಿ'॥ 9-29-34 (61743)
ತತೋಽಸ್ಮೈ ತದಹಂ ಸರ್ವಮುಕ್ತವಾನ್ಗ್ರಹಣಂ ತದಾ।
ದ್ವೈಪಾಯನಪ್ರಸಾದಾಚ್ಚ ಜೀವತೋ ಮೋಕ್ಷಮಾಹವೇ॥ 9-29-35 (61744)
ಸ ಮುಹೂರ್ತಮಿವ ಧ್ಯಾತ್ವಾ ಪ್ರತಿಲಭ್ಯ ಚ ಚೇತನಾಂ।
ಭ್ರಾತೄಂಶ್ಚ ಸರ್ವಸೈನ್ಯಾನಿ ಪರ್ಯಪೃಚ್ಛತ ಮಾಂ ತತಃ॥ 9-29-36 (61745)
ತಸ್ಮೈ ತದಹಮಾಚಕ್ಷೇ ಸರ್ವಂ ಪ್ರತ್ಯಕ್ಷದರ್ಶಿವಾನ್।
ಭ್ರಾತೄಶ್ಚ ನಿಹತಾನ್ಸರ್ವಾನ್ಸೈನ್ಯಂ ಚ ವಿನಿಪಾತಿತಂ॥ 9-29-37 (61746)
ತ್ರಯಃ ಕಿಲ ರಥಾಃ ಶಿಷ್ಟಾಸ್ತಾವಕಾನಾಂ ನರಾಧಿಪ।
ಇತಿ ಪ್ರಸ್ಥಾನಕಾಲೇ ಮಾಂ ಕೃಷ್ಣದ್ವೈಪಾಯನೋಽಬ್ರವೀತ್॥ 9-29-38 (61747)
ಸ ದೀರ್ಘಮಿವ ನಿಃಶ್ವಸ್ಯ ಪ್ರತ್ಯವೇಕ್ಷ್ಯ ಪುನಃ ಪುನಃ।
ಅಸೌ ಮಾಂ ಪಾಣಿನಾ ಸ್ಪೃಷ್ಟ್ವಾ ಪುತ್ರಸ್ತೇ ಪರ್ಯಭಾಷತ॥ 9-29-39 (61748)
ತ್ವದನ್ಯೋ ನೇಹ ಸಂಗ್ರಾಮೇ ಕಶ್ಚಿಜ್ಜೀವತಿ ಸಂಜಯ।
ದ್ವಿತೀಯಂ ನೇಹ ಪಶ್ಯಾಮಿ ಸಸಹಾಯಾಶ್ಚ ಪಾಣ಼್ಡವಾಃ॥ 9-29-40 (61749)
ಬ್ರೂಯಾಃ ಸಂಜಯ ರಾಜಾನಂ ಪಜ್ಞಾಚಕ್ಷುಷಮೀಶ್ವರಂ।
ದುರ್ಯೋಧನಸ್ತವ ಸುತಃ ಪ್ರವಿಷ್ಟೋ ಹದಮಿತ್ಯುತ॥ 9-29-41 (61750)
ಸುಹೃದ್ಭಿಸ್ತಾದೃಶೈರ್ಹೀನಃ ಪುತ್ರೈರ್ಭ್ರಾತೃಭಿರೇವ ಚ।
ಪಾಂಡವೈಶ್ಚ ಹೃತೇ ರಾಜ್ಯೇ ಕೋ ನು ಜೀವೇತ ಮಾದೃಶಃ॥ 9-29-42 (61751)
ಆಚಕ್ಷೀಥಾಃ ಸರ್ವಮಿದಂ ಮಾಂ ಚ ಮುಕ್ತಂ ಮಹಾಹವಾತ್।
ಆಸ್ಮಿಂಸ್ತೋಯಹದೇ ಗುಪ್ತಂ ಜೀವಂತಂ ಭೃಶವಿಕ್ಷತಂ॥ 9-29-43 (61752)
ಏವಮುಕ್ತ್ವಾ ಮಹಾರಾಜ ಪ್ರಾವಿಶತ್ತಂ ಮಹಾಹದಂ।
ಅಸ್ತಂಭಯತ ತೋಯಂ ಚ ಮಾಯಯಾ ಮನುಜಾಧಿಪಃ॥ 9-29-44 (61753)
ತಸ್ಮಿನ್ಹದಂ ಪ್ರವಿಷ್ಟೇ ತು ತ್ರೀನ್ರಥಾಞ್ಶ್ರಾಂತವಾಹನಾನ್।
ಅಪಶ್ಯಂ ಸಹಿತಾನೇಕಸ್ತಂ ದೇಶಂ ಸಮುಪೇಯುಷಃ॥ 9-29-45 (61754)
ಕೃಪಂ ಶಾರದ್ವತಂ ವೀರಂ ದ್ರೌಣಿಂ ಚ ರಥಿನಾಂ ವರಂ।
ಭೋಜಂ ಚ ಕೃತವರ್ಮಾಣಂ ಸಹಿತಾಞ್ಶರವಿಕ್ಷತಾನ್॥ 9-29-46 (61755)
ತೇ ಸರ್ವಂ ಮಾಮಭಿಪ್ರೇಕ್ಷ್ಯ ತೂರ್ಣಮಶ್ವಾನನೋದಯನ್।
ಉಪಯಾಯ ತು ಮಾಮೂಚುರ್ದಿಷ್ಟ್ಯಾ ಜೀವಸಿ ಸಂಜಯ॥ 9-29-47 (61756)
ಅಪೃಚ್ಛಂಶ್ಚೈವ ಮಾಂ ಸರ್ವೇ ಪುತ್ರಂ ತವ ಜನಾಧಿಪಂ।
ಕಚ್ಚಿದ್ದುರ್ಯೋಧನೋ ರಾಜಾ ಸ ನೋ ಜೀವತಿ ಸಂಜಯ॥ 9-29-48 (61757)
ಆಖ್ಯಾತವಾನಹಂ ತೇಭ್ಯಸ್ತದಾ ಕುಶಲಿನಂ ನೃಪಂ।
ತಚ್ಚೈವ ಸರ್ವಮಾಚಕ್ಷಂ ಯನ್ಮಾಂ ದುರ್ಯೋಧನೋಽಬ್ರವೀತ್॥ 9-29-49 (61758)
ಹದಂ ಚೈವಾಹಮಾಚಕ್ಷಂ ಯಂ ಪ್ರವಿಷ್ಟೋ ನರಾಧಿಪಃ।
ಅಶ್ವತ್ಥಾಮಾ ತು ತದ್ರಾಜನ್ನಿಶಂಯ ವಚನಂ ಮಮ॥ 9-29-50 (61759)
ತಂ ಹದಂ ವಿಪುಲಂ ಪ್ರೇಕ್ಷ್ಯ ಕರುಣಂ ಪರ್ಯದೇವಯತ್।
ಅಹೋ ಧಿಕ್ಸ ನ ಜಾನಾತಿ ಜೀವತೋಽಸ್ಮಾನ್ನರಾಧಿಪ।
ಪರ್ಯಾಪ್ತಾ ಹಿ ವಯಂ ತೇನ ಸಹ ಯೋಧಯಿತುಂ ಪರಾನ್॥ 9-29-51 (61760)
ತೇ ತು ತತ್ರ ಚಿರಂ ಕಾಲಂ ವಿಲಪ್ಯ ಚ ಮಹಾರಥಾಃ।
ಪ್ರಾದ್ರವನ್ರಥಿನಾಂ ಶ್ರೇಷ್ಠಾ ದೃಷ್ಟ್ವಾ ಪಾಂಡುಸುತಾನ್ರಣೇ॥ 9-29-52 (61761)
ತೇ ತು ಮಾಂ ರಥಮಾರೋಪ್ಯ ಕೃಪಸ್ಯ ಸುಪರಿಷ್ಕೃತಂ।
ಸೇನಾನಿವೇಶಮಾಜಗ್ಮುರ್ಹತಶೇಷಾಸ್ತ್ರಯೋ ರಥಾಃ॥ 9-29-53 (61762)
ತತ್ರ ಗುಲ್ಮಾಃ ಪರಿಕ್ಷಿಪ್ತಾಃ ಸೂರ್ಯೇ ಚಾಸ್ತಮಿತೇ ಸತಿ।
ಸರ್ವೇ ವಿಚುಕ್ರುಶುಃ ಶ್ರುತ್ವಾ ಪುತ್ರಾಣಾಂ ತವ ಸಂಕ್ಷಯಂ॥ 9-29-54 (61763)
ತತೋ ವೃದ್ಧಾ ಮಹಾರಾಜ ಯೋಷಿತಾಂ ರಕ್ಷಿಣೋ ನರಾಃ।
ರಾಜದಾರಾನುಪಾದಾಯ ಪಯಯುರ್ನಗರಂ ಪ್ರತಿ॥ 9-29-55 (61764)
ತತ್ರ ವಿಕ್ರೋಶಮಾನಾನಾಂ ರುದತೀನಾಂ ಚ ಸರ್ವಶಃ।
ಪ್ರಾದುರಾಸೀನ್ಮಹಾಞ್ಶಬ್ದಃ ಶ್ರುತ್ವಾ ತದ್ಬಲಸಂಕ್ಷಯಂ॥ 9-29-56 (61765)
ತತಸ್ತಾ ಯೋಷಿತೋ ರಾಜನ್ರುದಂತ್ಯೋ ವೈ ಮುಹುರ್ಮುಹುಃ।
ಕುರರ್ಯ ಇವ ಶಬ್ದೇನ ನಾದಯಂತ್ಯೋ ಮಹೀತಲಂ॥ 9-29-57 (61766)
ಆಜಘ್ನುಃ ಕರಜೈಶ್ಚಾಪಿ ಪಾಣಿಭಿಶ್ಚ ಶಿರಾಂಸ್ಯುತ।
ಲುಲುಚುಶ್ಚ ತದಾ ಕೇಶಾನ್ಕ್ರೋಶಂತ್ಯಸ್ತತ್ರತತ್ರ ಹ॥ 9-29-58 (61767)
ಹಾಹಾಕಾರವಿನಾದಿನ್ಯೋ ವಿನಿಘ್ನಂತ್ಯ ಉರಾಂಸಿ ಚ।
ಶೋಚಂತ್ಯಸ್ತತ್ರ ರುರುದುಃ ಕ್ರಂದಮಾನಾ ವಿಶಾಂಪತೇ॥ 9-29-59 (61768)
ತತೋ ದುರ್ಯೋಧನಾಮಾತ್ಯಾಃ ಸಾಶ್ರುಕಂಠಾ ಭೃಶಾತುರಾಃ।
ರಾಜದಾರಾನುಪಾಮಂತ್ರ್ಯ ಪ್ರಯಯುರ್ನಗರಂ ಪ್ರತಿ॥ 9-29-60 (61769)
ವೇತ್ರವ್ಯಾಸಕ್ತಹಸ್ತಾಶ್ಚ ದ್ವಾರಾಧ್ಯಕ್ಷಾ ವಿಶಾಂಪತೇ।
ಶಯನೀಯಾನಿ ಶುಭ್ರಾಣಿ ಸ್ಪರ್ಧ್ಯಾಸ್ತರಣವಂತಿ ಚ।
ಸಮಾದಾಯ ಯಯುಸ್ತೂರ್ಣಂ ನಗರಂ ದಾರರಕ್ಷಿಣಃ॥ 9-29-61 (61770)
ಆಸ್ಥಾಯಾಶ್ವತರೀಯುಕ್ತಾನ್ಸ್ಯಂದನಾನಪರೇ ಪುನಃ।
ಸ್ವಾನ್ಸ್ವಾಂದಾರಾನುಪಾದಾಯ ಪ್ರಯಯುರ್ನಗರಂ ಪ್ರತಿ॥ 9-29-62 (61771)
ಅದೃಷ್ಟಪೂರ್ವಾ ಯಾ ನಾರ್ಯೋ ಭಾಸ್ಕರೇಣಾಪಿ ವೇಶ್ಮಸು।
ದದೃಶುಸ್ತಾ ಮಹಾರಾಜ ಜನಾ ಯಾತಾಃ ಪುರಂ ಪ್ರತಿ॥ 9-29-63 (61772)
ತಾಃ ಸ್ತ್ರಿಯೋ ಭರತಶ್ರೇಷ್ಠ ಸೌಕುಮಾರ್ಯಸಮನ್ವಿತಾಃ।
ಪ್ರಯಯುರ್ನಗರಂ ತೂರ್ಣಂ ಹತಸ್ವಪತಿಬಾಂಧವಾಃ॥ 9-29-64 (61773)
ಆಗೋಪಾಲಾವಿಪಾಲೇಭ್ಯೋ ದ್ರವಂತೋ ನಗರಂ ಪ್ರತಿ।
ಯಯುರ್ಮನುಷ್ಯಾಃ ಸಂಭ್ರಾಂತಾ ಭೀಮಸೇನಭಯಾರ್ದಿತಾಃ॥ 9-29-65 (61774)
ಅಪಿಚೈಷಾಂ ಭಯಂ ತೀವ್ರಂ ಪಾರ್ಥೇಭ್ಯೋಽಭೂತ್ಸುದಾರುಣಂ।
ಪ್ರೇಕ್ಷಮಾಣಾಸ್ತದಾಽನ್ಯೋನ್ಯಮಾಧಾವನ್ನಗರಂ ಪ್ರತಿ॥ 9-29-66 (61775)
ತಸ್ಮಿಂಸ್ತಥಾ ವರ್ತಮಾನೇ ವಿದ್ರವೇ ಭೃಶದಾರುಣೇ।
ಯುಯುತ್ಸುಃ ಶೋಕಸಂಮೂಢಃ ಪ್ರಾಪ್ತಕಾಲಮಚಿಂತಯತ್॥ 9-29-67 (61776)
ಜಿತೋ ದುರ್ಯೋಧನಃ ಸಂಖ್ಯೇ ಪಾಂಡವೈರ್ಭೀಮವಿಕ್ರಮೈಃ।
ಏಕಾದಶಚಮೂಭರ್ತಾ ಭ್ರಾತರಶ್ಚಾಸ್ಯ ಸೂದಿತಾಃ॥ 9-29-68 (61777)
ಹತಾಶ್ಚ ಕುರವಃ ಸರ್ವೇ ಭೀಷ್ಮದ್ರೋಣಪುರಃ ಸರಾಃ।
ಅಹಮೇಕೋ ವಿಮುಕ್ತಸ್ತು ಭಾಗ್ಯಯೋಗಾದ್ಯದೃಚ್ಛಯಾ॥ 9-29-69 (61778)
ವಿದ್ರುತಾನಿ ಚ ಸರ್ವಾಣಿ ಶಿಬಿರಾದ್ವೈ ಸಮಂತತಃ।
[ಇತಸ್ತತಃ ಪಲಾಯಂತೇ ಹತನಾಥಾ ಹತೌಜಸಃ॥ 9-29-70 (61779)
ಅದೃಷ್ಟಪೂರ್ವಾ ದುಃಖಾರ್ತಾ ಭಯವ್ಯಾಕುಲಲೋಚನಾಃ।
ಹರಿಣಾ ಇವ ವಿತ್ರಸ್ತಾ ವೀಕ್ಷಮಾಣಾ ದಿಶೋ ದಶ]॥ 9-29-71 (61780)
ದುರ್ಯೋಧನಸ್ಯ ಸಚಿವಾ ಯೇ ಕೇಚಿದವಶೇಷಿತಾಃ।
ರಾಜದಾರಾನುಪಾದಾಯ ಪ್ರಯಯುರ್ನಗರಂ ಪ್ರತಿ।
ಪ್ರಾಪ್ತಕಾಲಮಹಂ ಮನ್ಯೇ ಪ್ರವೇಶಂ ತೈಃ ಸಹ ಪ್ರಭೋ॥ 9-29-72 (61781)
ಯುಧಿಷ್ಠಿರಮನುಜ್ಞಾಯ ವಾಸೂದೇವಂ ತಥೈವ ಚ।
ಏತಮರ್ಥಂ ಮಹಾಬಾಹುರುಭಯೋಃ ಸನ್ನ್ಯವೇದಯತ್॥ 9-29-73 (61782)
ತಸ್ಯ ಪ್ರೀತೋಽಭವದ್ರಾಜಾ ನಿತ್ಯಂ ಕರುಣವೇದಿತಾ।
ಪರಿಷ್ವಜ್ಯ ಮಹಾಬಾಹುರ್ವೈಶ್ಯಾಪುತ್ರಂ ವ್ಯಸರ್ಜಯತ್॥ 9-29-74 (61783)
ತತಃ ಸ ರಥಮಾಸ್ಥಾಯ ದ್ರುತಮಶ್ವಾನಚೋದಯತ್।
ಸಂವಾಹಯಿತವಾಂಶ್ಚಾಪಿ ರಾಜದಾರಾನ್ಪುರಂ ಪ್ರತಿ॥ 9-29-75 (61784)
ತೈಶ್ಚೈವ ಸಹಿತಃ ಕ್ಷಿಪ್ರಮಸ್ತಂ ಗಚ್ಛತಿ ಭಾಸ್ಕರೇ।
ಪ್ರವಿಷ್ಟೋ ಹಾಸ್ತಿನಪುರಂ ಬಾಷ್ಪಕಂಠೋಽಶ್ರುಲೋಚನಃ॥ 9-29-76 (61785)
ಅಪಶ್ಯತ ಮಹಾಪ್ರಾಜ್ಞಂ ವಿದುರಂ ಸಾಶ್ರುಲೋಚನಂ।
ರಾಜ್ಞಃ ಸಮೀಪಾನ್ನಿಷ್ಕ್ರಾಂತಂ ಶೋಕೋಪಹತಚೇತಸಂ॥ 9-29-77 (61786)
ತಮಬ್ರವೀತ್ಸತ್ಯಧೃತಿಃ ಪ್ರಣತಂ ತ್ವಗ್ರತಃ ಸ್ಥಿತಂ॥ 9-29-78 (61787)
ವಿದುರ ಉವಾಚ। 9-29-79x (5129)
ದಿಷ್ಟ್ಯಾ ಕುರುಕ್ಷಯೇ ವೃತ್ತೇ ಅಸ್ಮಿಂಸ್ತ್ವಂ ಪುತ್ರ ಜೀವಸಿ।
ವಿನಾ ರಾಜ್ಞಃ ಪರ್ವೇಶಾರ್ದ್ವೈ ಕಿಮಸಿ ತ್ವಮಿಹಾಗತಃ।
ಏತದ್ವೈ ಕಾರಣಂ ಸರ್ವಂ ವಿಸ್ತರೇಣ ನಿವೇದಯ॥ 9-29-79 (61788)
ಯುಯುತ್ಸುರುವಾಚ। 9-29-80x (5130)
ನಿಹತೇ ಶಕುನೌ ತತ್ರ ಸಜ್ಞಾತಿಸುತಬಾಂಧವೇ।
ಹತಶೇಷಪರೀವಾರೋ ರಾಜಾ ದುರ್ಯೋಧನಸ್ತತಃ।
ಸ್ವಕಂ ಸ ಹಯಮುತ್ಸೃಜ್ಯ ಪ್ರಾಙ್ಮುಖಃ ಪ್ರಾದ್ರವದ್ಭಯಾತ್॥ 9-29-80 (61789)
ಅಪಕ್ರಾಂತೇ ತು ನೃಪತೌ ಸ್ಕಂಧಾವಾರನಿವೇಶನಾತ್।
ಭಯವ್ಯಾಕುಲಿತಂ ಸರ್ವಂ ಪ್ರಾದ್ರಾವನ್ನಗರಂ ಪ್ರತಿ॥ 9-29-81 (61790)
ತತೋ ರಾಜ್ಞಃ ಕಲತ್ರಾಣಿ ಭ್ರಾತೄಣಾಂ ಚಾಸ್ಯ ಸರ್ವತಃ।
ವಾಹನೇಷು ಸಮಾರೋಪ್ಯ ಅಧ್ಯಕ್ಷಾಃ ಪ್ರಾದ್ರಾವನ್ಭಯಾತ್॥ 9-29-82 (61791)
ತತೋಽಹಂ ಸಮನುಜ್ಞಾಪ್ಯ ರಾಜಾನಂ ಸಹಕೇಶವಂ।
ಪ್ರವಿಷ್ಟೋ ಹಾಸ್ತಿನಪುರಂ ರಕ್ಷನ್ಲೋಕಸ್ಯ ವಾಚ್ಯತಾಂ॥ 9-29-83 (61792)
ಸಂಜಯ ಉವಾಚ। 9-29-84x (5131)
ಏತಚ್ಛ್ರುತ್ವಾ ತು ವಚನಂ ವೈಶ್ಯಾಪುತ್ರೇಣ ಭಾಷಿತಂ।
ಪ್ರಾಪ್ತಕಾಲಮಿತಿ ಜ್ಞಾತ್ವಾ ವಿದುರಃ ಸರ್ವಧರ್ಮವಿತ್।
ಅಪೂಜಯದಮೇಯಾತ್ಮಾ ಯುಯುತ್ಸುಂ ವಾಕ್ಯಮಬ್ರವೀತ್॥ 9-29-84 (61793)
ಪ್ರಾಪ್ತಕಾಲಮಿದಂ ಸರ್ವಂ ಬ್ರುವತಾ ಭರತಕ್ಷಯೇ।
[ರಕ್ಷಿತಃ ಕುಲಧರ್ಮಶ್ಚ ಸಾನುಕ್ರೋಶತಯಾ ತ್ವಯಾ॥ 9-29-85 (61794)
ದಿಷ್ಠ್ಯಾ ತ್ವಾಮಿಹ ಸಂಗ್ರಾಮ ದಸ್ಮಾದ್ವೀರಕ್ಷಯಾತ್ಪುರಂ।
ಸಮಾಗತಮಪಶ್ಯಾಮ ಹ್ಯಂಶುಮಂತಮಿವ ಪ್ರಜಾಃ॥ 9-29-86 (61795)
ಅಂಧಸ್ಯಂ ನೃಪತೇರ್ಯಷ್ಟಿರ್ಲುಬ್ಧಸ್ಯಾದೀರ್ಘದರ್ಶಿನಃ।
ಬಹುಶೋ ಯಾಚ್ಯಮಾನಸ್ಯ ದೈವೋಪಹತಚೇತಸಃ।
ತ್ವಮೇಕೋ ವ್ಯಸನಾರ್ತಸ್ಯ ಧ್ರಿಯಸೇ ಪುತ್ರ ಸರ್ವಥಾ]॥ 9-29-87 (61796)
ಅದ್ಯ ತ್ವಮಿಹ ವಿಶ್ರಾಂತಃ ಶ್ವೋಽಭಿಗಂತಾ ಯುಧಿಷ್ಠಿರಂ।
ಏತಾವದುಕ್ತ್ವಾ ವಚನಂ ವಿದುರಃ ಸಾಶ್ರುಲೋಚನಃ।
ಯುಯುತ್ಸುಂ ಸಮನುಜ್ಞಾಪ್ಯ ಪ್ರವಿವೇಶ ನೃಪಕ್ಷಯಂ॥ 9-29-88 (61797)
[ಪೌರಜಾನಪದೈರ್ದುಃಖಾದ್ಧಾಹೇತಿ ಭೃಶನಾದಿತಂ।
ನಿರಾನಂದಂ ಗತಶ್ರೀಕಂ ಹೃತಾರಾಮಮಿವಾಶಯಂ।
ಶೂನ್ಯರೂಪಮಪಧ್ವಸ್ತಂ ದುಃಖಾದ್ದುಃಖತರೋಽಭವತ್॥ 9-29-89 (61798)
ವಿದುರಃ ಸರ್ವಧರ್ಮಜ್ಞೋ ವಿಕ್ಲವೇನಾಂತರಾತ್ಮನಾ।
ವಿವೇಶ ನಗರೇ ರಾಜನ್ನಿಶಶ್ವಾಸ ಶನೈಃ ಶನೈಃ॥ 9-29-90 (61799)
ಯುಯುತ್ಸುರಪಿ ತಾಂ ರಾತ್ರಿಂ ಸ್ವಗೃಹೇ ನ್ಯವಸತ್ತದಾ।
ವಂದ್ಯಮಾನಃ ಸ್ವಕೈಶ್ಚಾಪಿ ನಾಭ್ಯನಂದತ್ಸುದುಃಖಿತಃ।
ಚಿಂತಯಾನಃ ಕ್ಷಯಂ ತೀವ್ರಂ ಭರತಾನಾಂ ಪರಸ್ಪರಂ॥ ॥ 9-29-91 (61800)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟಾದಶದಿವಸಯುದ್ಧೇ ಏಕೋನತ್ರಿಂಶೋಽಧ್ಯಾಯಃ॥ 29 ॥
Mahabharata - Shalya Parva - Chapter Footnotes
9-29-38 ಹತೋ ದುರ್ಯೋಧನ ಇತಿ ಕ.ಪಾಠಃ॥ 9-29-39 ಅಹಮೇಕೋಽವಶಿಷ್ಟಸ್ತು ಇತಿ ಕ.ಪಾಠಃ॥ 9-29-29 ಏಕೋನತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 030
॥ ಶ್ರೀಃ ॥
9.30. ಅಧ್ಯಾಯಃ 030
Mahabharata - Shalya Parva - Chapter Topics
ಕೃಪದ್ಗೌಣಿಕೃತವರ್ಮಸು ಹೃದಮೇತ್ಯ ದುರ್ಯೋಧನೇನ ಭಾಪಮಾಣೇಷು ತತ್ರ ಯದೃಚ್ಛೋಪಾಗತೈರ್ವ್ಯಾಧೈಸ್ತದ್ದರ್ಶನಂ॥ 1 ॥ ವ್ಯಾಧನಿವೇದನೇನ ಸಪರಿವಾರೈಃ ಪಾಣ಼್ಡವೈರ್ಹ್ರದಂ ಪ್ರತ್ಯಾಗಮನಂ॥ 2 ॥ ತದ್ದರ್ಶನೇನ ಕೃಪಾದಿಭಿರ್ದುರ್ಯೋಧನಾಭ್ಯನುಜ್ಞಾನೇನ ದೂರಸ್ಥನ್ಯಗ್ನೋಧತರುಮೇತ್ಯ ತನ್ಮೂಲೇ ಉಪವೇಶನಂ॥ 3 ॥ ದುರ್ಯೋಧನೇನ ಪುನರ್ಜಲಸ್ತಂಭನೇನ ಹ್ರದಪ್ರವೇಶನಂ॥ 4 ॥Mahabharata - Shalya Parva - Chapter Text
9-30-0 (61902)
`ಸಂಜಯ ಉವಾಚ। 9-30-0x (5133)
ಮುಹೂರ್ತಾದಿವ ರಾಜೇಂದ್ರ ಸರ್ವಂ ಶೂನ್ಯಮದೃಶ್ಯತ।
ಮತ್ತವಾರಣಸಂಘುಷ್ಟಂ ಶಿಬಿರಂ ವಿದ್ರುತೇ ಬಲೇ॥ 9-30-1 (61903)
ಯತ್ರ ಶಬ್ದೇನ ಮಹತಾ ನಾನ್ವಬುಧ್ಯನ್ಮಹಾರಥಾಃ।
ತತ್ರ ಶಬ್ದಂ ನ ಶೃಣುಮೋ ಮನುಷ್ಯಸ್ಯಾಪಿ ಕಸ್ಯಚಿತ್'॥ 9-30-2 (61904)
ಧೃತರಾಷ್ಟ್ರ ಉವಾಚ। 9-30-3x (5134)
ಹತೇಷು ಸರ್ವಸೈನ್ಯೇಷು ಪಾಂಡುಪುತ್ರೈ ರಣಾಜಿರೇ।
ಮಾಮಕಾಶ್ಚಾವಶಿಷ್ಟಾಸ್ತೇ ಕಿಮಕುರ್ವತ ಸಂಜಯ॥ 9-30-3 (61905)
ಕೃತವರ್ಮಾ ಕೃಪಶ್ಚೈವ ದ್ರೋಣಪುತ್ರಶ್ಚ ವೀರ್ಯವಾನ್।
ದುರ್ಯೋಧನಶ್ಚ ಮಂದಾತ್ಮಾ ರಾಜಾ ಕಿಮಕರೋತ್ತದಾ॥ 9-30-4 (61906)
ಸಂಜಯ ಉವಾಚ। 9-30-5x (5135)
ಸಂಪ್ರಾದ್ರುವತ್ಸು ದಾರೇಷು ಕ್ಷತ್ರಿಯಾಣಾಂ ಮಹಾತ್ಮನಾಂ।
ವಿದ್ರುತೇ ಶಿಬಿರೇ ಶೂನ್ಯೇ ಭೃಶೋದ್ವಿಗ್ನಾಸ್ತ್ರಯೋ ರಥಾಃ॥ 9-30-5 (61907)
ನಿಶಂಯ ಪಾಂಡುಪುತ್ರಾಣಾಂ ತದಾ ವೈಜಯಿನಾಂ ಸ್ವನಂ।
ವಿದ್ರುತಂ ಶಿಬಿರಂ ದೃಷ್ಟ್ವಾ ಸಾಯಾಹ್ನೇ ರಾಜಗೃದ್ವಿನಃ।
ಸ್ಥಾನಂ ನಾರೋಚಯಂಸ್ತತ್ರ ತತಸ್ತೇ ಹದಮಭ್ಯಯುಃ॥ 9-30-6 (61908)
ಯುಧಿಷ್ಠಿರೋಽಪಿ ಧರ್ಮಾತ್ಮಾ ಭ್ರಾತೃಭಿಃ ಸಹಿತೋ ರಣೇ।
ಹೃಷ್ಟಃ ಪರ್ಯಪತದ್ರಾಜಂದುರ್ಯೋಧನವಧೇಪ್ಸಯಾ॥ 9-30-7 (61909)
ಮಾರ್ಗಮಾಣಾಸ್ತು ಸಂಕ್ರುದ್ಧಾಸ್ತವ ಪುತ್ರಂ ಜಯೈಷಿಣಃ।
ಯತ್ನತೋಽನ್ವೇಷಮಾಣಾಸ್ತೇ ನೈವಾಪಶ್ಯಂಜನಾಧಿಪಂ॥ 9-30-8 (61910)
ಯದಾ ದುರ್ಯೋಧನೋ ಯುದ್ಧಂ ತ್ಯಕ್ತ್ವಾ ಪದ್ಭ್ಯಾಂ ಪರಾಕ್ರಮಮತ್।
ತಂ ಹದಂ ಪ್ರಾವಿಶಚ್ಚಾಪಿ ವಿಷ್ಟಭ್ಯಾಪಃ ಸ್ವಮಾಯಯಾ॥ 9-30-9 (61911)
ಯದಾ ತು ಪಾಂಡವಾಃ ಸರ್ವೇ ಸುಪರಿಶ್ರಾಂತವಾಹನಾಃ।
ತತಃ ಸ್ವಶಿಬಿರಂ ಪ್ರಾಪ್ಯ ವ್ಯತಿಷ್ಠಂತ ಸಸೈನಿಕಾಃ॥ 9-30-10 (61912)
ತತಃ ಕೃಪಶ್ಚ ದ್ರೌಣಿಶ್ಚ ಕೃತವರ್ಮಾ ಚ ಸಾತ್ವತಃ।
ಸನ್ನಿವಿಷ್ಟೇಷು ಪಾರ್ಥೇಷು ಪ್ರಯಯುಸ್ತಂ ಹದಂ ಶನೈಃ॥ 9-30-11 (61913)
ತೇ ತಂ ಹದಂ ಸಮಾಸಾದ್ಯ ಯತ್ರ ಶೇತೇ ಜನಾಧಿಪಃ।
ಅಭ್ಯಭಾಷಂತ ದುರ್ಧರ್ಷಂ ರಾಜಾನಂ ಸುಪ್ತಮಂಭಸಿ॥ 9-30-12 (61914)
ರಾಜನ್ನುತ್ತಿಷ್ಠ ಯುಧ್ಯಸ್ವ ಸಹಾಸ್ಮಾಭಿರ್ಯುಧಿಷ್ಠಿರಂ।
ಜಿತ್ವಾ ವಾ ಪೃಥಿವೀಂ ಭುಂಕ್ಷ್ವ ಹತೋ ವಾ ಸ್ವರ್ಗಮಾಪ್ನುಹಿ॥ 9-30-13 (61915)
ತೇಷಾಮಪಿ ಬಲಂ ಸರ್ವಂ ಹತಂ ದುರ್ಯೋಧನ ತ್ವಯಾ।
ಪ್ರತಿವಿದ್ಧಾಶ್ಚ ಭೂಯಿಷ್ಠಂ ಯೇ ಶಿಷ್ಟಾಸ್ತತ್ರ ಸೈನಿಕಾಃ॥ 9-30-14 (61916)
ನ ತೇ ವೇಗಂ ವಿಷಹಿತುಂ ಶಕ್ತಾಸ್ತವ ವಿಶಾಂಪತೇ।
ಅಸ್ಮಾಭಿರಪಿ ಗುಪ್ತಸ್ಯ ತಸ್ಮಾದುತ್ತಿಷ್ಠ ಭಾರತ॥ 9-30-15 (61917)
ದುರ್ಯೋಧನ ಉವಾಚ। 9-30-16x (5136)
ದಿಷ್ಟ್ಯಾ ಪಶ್ಯಾಮಿ ವೋ ಮುಕ್ತಾನೀದೃಶಾತ್ಪುರುಷಕ್ಷಯಾತ್।
ಪಾಂಡುಕೌರವಸಂಮರ್ದಾಜ್ಜೀವಮಾನಾನ್ನರರ್ಷಭಾನ್॥ 9-30-16 (61918)
ವಿಜೇಷ್ಯಾಮೋ ವಯಂ ಸರ್ವೇ ವಿಶ್ರಾಂತಾ ವಿಗತಕ್ಲಮಾಃ।
ಭವಂತಶ್ಚ ಪರಿಶ್ರಾಂತಾ ವಯಂ ಚ ಭೃಶವಿಕ್ಷತಾಃ।
ಉದೀರ್ಣಂ ಚ ಬಲಂ ತೇಷಾಂ ತೇನ ಯುದ್ಧಂ ನ ರೋಚಯೇ॥ 9-30-17 (61919)
ನ ತ್ವೇತದದ್ಭುತಂ ವೀರಾ ಯದ್ವೋ ಮಹದಿದಂ ಮನಃ।
ಅಸ್ಮಾಸು ಚ ಪರಾ ಶಕ್ತಿರ್ನ ತು ಕಾಲಃ ಪರಾಕ್ರಮೇ॥ 9-30-18 (61920)
ವಿಶ್ರಂಯೈಕಾಂ ನಿಶಾಮದ್ಯ ಭವದ್ಭಿಃ ಸಹಿತೋ ರಣೇ।
ಪ್ರತಿಯೋತ್ಸ್ಯಾಂಯಹಂ ಶತ್ರೂಞ್ಶ್ವೋ ನ ಸ್ಯಾಚ್ಚ ಶ್ರಮೋ ಮಮ॥ 9-28-19 (61921)
ಸಂಜಯ ಉವಾಚ। 9-28-20x (5137)
ಏವಮುಕ್ತೋಽಬ್ರವೀದ್ದ್ರೌಣೀ ರಾಜಾನಂ ಯುದ್ಧದುರ್ಮದಂ।
ಉತ್ತಿಷ್ಠ ರಾಜನ್ಭದ್ರಂ ತೇ ವಿಜೇಷ್ಯಾಮೋ ವಯಂ ಪರಾನ್॥ 9-28-20 (61922)
ಇಷ್ಟಾಪೂರ್ತೇನ ದಾನೇನ ಸತ್ಯೇನ ಚ ಜಪೇನ ಚ।
ಶಪೇ ರಾಜನ್ಯಥಾ ಹ್ಯದ್ಯ ನಿಹನಿಷ್ಯಾಮಿ ಸೋಮಕಾನ್॥ 9-28-21 (61923)
ಮಾ ಸ್ಮ ಯಜ್ಞಕೃತಾಂ ಪ್ರೀತಿಮಾಪ್ನುಯಾಂ ಸಜ್ಜನೋಚಿತಾಂ।
ಯದೀಮಾಂ ರಜನೀಂ ವ್ಯುಷ್ಟಾಂ ನ ಹಿ ಹನ್ಮಿ ಪರಾನ್ರಣೇ॥ 9-30-22 (61924)
ನಾಹತ್ವಾ ಸರ್ವಪಾಂಚಾಲಾನ್ವಿಮೋಕ್ಷ್ಯೇ ಕವಚಂ ವಿಭೋ।
ಉತ್ತಿಷ್ಠ ತ್ವಂ ಬ್ರವೀಂಯೇತತ್ತನ್ಮೇ ಶೃಣು ಜನಾಧಿಪ॥ 9-30-23 (61925)
ತೇಷು ಸಂಬಾಷಮಾಣೇಷು ವ್ಯಾಧಾಸ್ತಂ ದೇಶಮಾಯಯುಃ।
ಮಾಂಸಭಾರಪರಿಶ್ರಾಂತಾಃ ಪಾನೀಯಾರ್ಥಂ ಯದೃಚ್ಛಯಾ॥ 9-30-24 (61926)
ತೇ ಹಿ ನಿತ್ಯಂ ಮಹಾರಾಜ ಭೀಮಸೇನಸ್ಯ ಲುಬ್ಧಕಾಃ।
ಮಾಂಸಭಾರಾನುಪಾಜಹ್ನುರ್ಭಕ್ತ್ಯಾ ಪರಮಯಾ ವಿಭೋ॥ 9-30-25 (61927)
ತೇ ತತ್ರ ಧಿಷ್ಠಿತಾಸ್ತೇಷಾಂ ಸರ್ವಂ ತದ್ವಚನಂ ರಹಃ।
ದುರ್ಯೋಧನವಚಶ್ಚೈವ ಶುಶ್ರುವುಃ ಸಂಗತಾ ಮಿಥಃ॥ 9-30-26 (61928)
ತೇಽಪಿ ಸರ್ವೇ ಮಹೇಷ್ವಾಸಾ ಅಯುದ್ಧಾರ್ಥಿನಿ ಕೌರವೇ।
ನಿರ್ಬಂಧಂ ಪರಮಂ ಚಕ್ರುಸ್ತದಾ ವೈ ಯುದ್ಧಕಾಂಕ್ಷಿಣಃ॥ 9-30-27 (61929)
ತಾಂಸ್ತಥಾ ಸಮುದೀಕ್ಷ್ಯಾಥ ಕೌರವಾಣಾಂ ಮಹಾರಥಾನ್।
ಅಯುದ್ಧಮನಸಂ ಚೈವ ರಾಜಾನಂ ಸ್ಥಿತಮಂಭಸಿ॥ 9-30-28 (61930)
ತೇಷಾಂ ಶ್ರುತ್ವಾ ಚ ಸಂವಾದಂ ರಾಜ್ಞಶ್ಚ ಸಲಿಲೇ ಸತಃ।
ವ್ಯಾಧಾ ಹ್ಯಜಾನನ್ರಾಜೇಂದ್ರ ಸಲಿಲಸ್ಥಂ ಸುಯೋಧನಂ॥ 9-30-29 (61931)
ತೇ ಪೂರ್ವಂ ಪಾಂಡುಪುತ್ರೇಣ ಪೃಷ್ಟಾ ಹ್ಯಾಸನ್ಸುತಂ ತವ।
ಯದೃಚ್ಛೋಪಗತಾಸ್ತತ್ರ ರಾಜಾನಂ ಪರಿಮಾರ್ಗತಾ॥ 9-30-30 (61932)
ತತಸ್ತೇ ಪಾಂಡುಪುತ್ರಸ್ಯ ಸ್ಮೃತ್ವಾ ತದ್ಭಾಷಿತಂ ತದಾ।
ಅನ್ಯೋನ್ಯಮಬ್ರುವನ್ರಾಜನ್ಮೃಗವ್ಯಾಧಾಃ ಶನೈರಿವ॥ 9-30-31 (61933)
ದುರ್ಯೋಧನಂ ಖ್ಯಾಪಯಾಮೋ ಧನಂ ದಾಸ್ಯತಿ ಪಾಂಡವಃ।
ಸುವ್ಯಕ್ತಮಿಹ ನಃ ಖ್ಯಾತೋ ಹದೇ ದುರ್ಯೋಧನೋನೃಪಃ॥ 9-30-32 (61934)
ತಸ್ಮಾದ್ಗಚ್ಛಾಮಹೇ ಸರ್ವೇ ಯತ್ರ ರಾಜಾ ಯುಧಿಷ್ಠಿರಃ।
ಆಖ್ಯಾತುಂ ಸಲಿಲೇ ಸುಪ್ತಂ ದುರ್ಯೋಧನಮಮರ್ಷಣಂ॥ 9-30-33 (61935)
ಧೃತರಾಷ್ಟ್ರಾತ್ಮಜಂ ತಸ್ಮೈ ಭೀಮಸೇನಾಯ ಧೀಮತೇ।
ಶಯಾನಂ ಸಲಿಲೇ ಸರ್ವೇ ಕಥಯಾಮೋ ಧನುರ್ಭೃತೇ॥ 9-30-34 (61936)
ಸ ನೋ ದಾಸ್ಯತಿ ಸುಪ್ರೀತೋ ಧನಾನಿ ಬಹುಲಾನ್ಯುತ।
ಕಿಂ ನೋ ಮಾಂಸೇನ ಶುಷ್ಕೇಣ ಪರಿಕ್ಲಿಷ್ಟೇನ ಶೋಷಿಣಾ॥ 9-30-35 (61937)
ಏವಮುಕ್ತ್ವಾ ತು ತೇ ವ್ಯಾಧಾಃ ಸಂಪ್ರಹೃಷ್ಟಾ ಧನಾರ್ಥಿನಃ।
ಮಾಂಸಭಾರಾನುಪಾದಾಯ ಪ್ರಯಯುಃ ಶಿಬಿರಂ ಪ್ರತಿ॥ 9-30-36 (61938)
ಪಾಣ಼್ಡವಾಶ್ಚ ಮಹಾರಾಜ ಲಬ್ಧಲಕ್ಷಾಃ ಪ್ರಹಾರಿಣಃ।
ಅಪಶ್ಯಮಾನಾಃ ಸಮರೇ ದುರ್ಯೋಧನಮವಸ್ಥಿತಂ॥ 9-30-37 (61939)
ನಿಕೃತಿಜ್ಞಸ್ಯ ಪಾಪಸ್ಯ ತಸ್ಯಾಭಿಗಮನೇಪ್ಸಯಾ।
ಚಾರಾನ್ಸಂಪ್ರೇಷಯಾಮಾಸುಃ ಸಮಂತಾತ್ತದ್ರಣಾಜಿರೇ॥ 9-30-38 (61940)
ಆಗಂಯ ತು ತತಃ ಸರ್ವೇ ನಷ್ಟಂ ದುರ್ಯೋಧನಂ ನೃಪಂ।
ನ್ಯವೇದಯಂತ ಸಹಿತಾ ಧರ್ಮರಾಜಸ್ಯ ಸೈನಿಕಾಃ॥ 9-30-39 (61941)
ತೇಷಾಂ ತದ್ವಚನಂ ಶ್ರುತ್ವಾ ಚಾರಾಣಾಂ ಭರತರ್ಷಭ।
ಚಿಂತಾಮಭ್ಯಗಮತ್ತೀವ್ರಾಂ ನಿಶಶ್ವಾಸ ಚ ಪಾರ್ಥಿವಃ॥ 9-30-40 (61942)
`ಅರಿಶೇಷೇ ಜೀವತಿ ತು ಸಂದಿಗ್ಧೋ ವಿಜಯೋ ಭವೇತ್।
ರಾಜ್ಯಂ ಲಭೇ ಕಥಂ ತದ್ವಿ ಪೂಜಿತಂ ವಿಜಯಾದಿಭಿಃ'॥ 9-30-41 (61943)
ಅಥ ಸ್ಥಿತಾನಾಂ ಪಾಂಡೂನಾಂ ದೀನಾನಾಂ ಭರತರ್ಷಭ।
ತಸ್ಮಾದ್ದೇಶಾದಪಕ್ರಂಯ ತ್ವರಿತಾ ಲುಬ್ಧಕಾ ವಿಭೋ॥ 9-30-42 (61944)
ಆಜಗ್ಮುಃ ಶಿಬಿರಂ ಹೃಷ್ಟಾ ದೃಷ್ಟ್ವಾ ದುರ್ಯೋಧನಂ ನೃಪಂ।
ವಾರ್ಯಮಾಣಾಃ ಪ್ರವಿಷ್ಟಾಶ್ಚ ಭೀಮಸೇನಸ್ಯ ಪಶ್ಯತಃ॥ 9-30-43 (61945)
ತೇ ತು ಪಾಂಡವಮಾಸಾದ್ಯ ಭೀಮಸೇನಂ ಮಹಾಬಲಂ।
ತಸ್ಮೈ ತತ್ಸರ್ವಮಾಚಖ್ಯುರ್ಯದ್ವೃತ್ತಂ ಯಚ್ಚ ವೈ ಶ್ರುತಂ॥ 9-30-44 (61946)
ತತೋ ವೃಕೋದರೋ ರಾಜಂದತ್ತ್ವಾ ತೇಷಾಂ ಧನಂ ಬಹು।
ಧರ್ಮರಾಜಾಯ ತತ್ಸರ್ವಮಾಚಚಕ್ಷೇ ಪರಂತಪಃ॥ 9-30-45 (61947)
ಅಸೌ ದುರ್ಯೋಧನೋ ರಾಜನ್ವಿಜ್ಞಾತೋ ಮಮ ಲುಬ್ಧಕೈಃ।
ಸಂಸ್ತಭ್ಯ ಸಲಿಲಂ ಶೇತೇ ಯಸ್ಯಾರ್ಥೇ ಪರಿತಪ್ಯಸೇ॥ 9-30-46 (61948)
ತದ್ವಚೋ ಭೀಮಸೇನಸ್ಯ ಪ್ರಿಯಂ ಶ್ರುತ್ವಾ ವಿಶಾಂಪತೇ।
ಅಜಾತಶತ್ರುಃ ಕೌಂತೇಯೋ ಹೃಷ್ಟೋಽಭೂತ್ಸಹ ಸೋದರೈಃ॥ 9-30-47 (61949)
ತಂ ಚ ಶ್ರುತ್ವಾ ಮಹೇಷ್ವಾಸಂ ಪ್ರವಿಷ್ಟಂ ಸಲಿಲಹದೇ।
ಕ್ಷಿಪ್ರಮೇವ ತತೋಽಗಚ್ಛನ್ಪುರಸ್ಕೃತ್ಯ ಜನಾರ್ದನಂ॥ 9-30-48 (61950)
ತತಃ ಕಿಲಕಿಲಾಶಬ್ದಃ ಪ್ರಾದುರಾಸೀದ್ವಿಶಾಂಪತೇ।
ಪಾಂಡವಾನಾಂ ಪ್ರಹೃಷ್ಟಾನಾಂ ಪಾಂಚಾಲಾನಾಂ ಚ ಸರ್ವಶಃ॥ 9-30-49 (61951)
ಸಿಂಹನಾದಾಂಸ್ತತಶ್ಚಕ್ರುಃ ಕ್ಷ್ವೇಡಾಶ್ಚ ಭರತರ್ಷಭ।
ತ್ವರಿತಾಃ ಕ್ಷತ್ರಿಯಾ ರಾಜನ್ನುದಕ್ರೋಶನ್ಪರಸ್ಪರಂ॥ 9-30-50 (61952)
ಜ್ಞಾತಃ ಪಾಪೋ ಧಾರ್ತರಾಷ್ಟ್ರೋ ದೃಷ್ಟಶ್ಚೇತ್ಯಸಕೃದ್ರಣೇ।
ಪ್ರಾಕ್ರೋಶನ್ಸೋಮಕಾಸ್ತತ್ರ ಹೃಷ್ಟರೂಪಾಃ ಸಮಂತತಃ॥ 9-30-51 (61953)
ತೇಷಾಮಾಶು ಪ್ರಯಾತಾನಾಂ ರಥಾನಾಂ ತತ್ರ ವೇಗಿನಾಂ।
ವಭೂವ ತುಮುಲಃ ಶಬ್ದೋ ದಿವಸ್ಪೃಕ್ ಪೃಥಿವೀಪತೇ॥ 9-30-52 (61954)
ದುರ್ಯೋಧನಂ ಪರೀಪ್ಸಂತಸ್ತತ್ರತತ್ರ ಯುಧಿಷ್ಠಿರಂ।
ಅನ್ವಯುಸ್ತ್ವರಿತಾಸ್ತೇ ವೈ ರಾಜಾನಂ ಶ್ರಾಂತವಾಹನಾಃ॥ 9-30-53 (61955)
ಅರ್ಜುನೋ ಭೀಮಸೇನಶ್ಚ ಮಾದ್ರೀಪುತ್ರೌ ಚ ಪಾಂಡವೌ।
ಧೃಷ್ಟದ್ಯುಂನಶ್ಚ ಪಾಂಚಾಲ್ಯಃ ಶಿಖಂಡೀ ಚಾಪರಾಜಿತಃ॥ 9-30-54 (61956)
ಉತ್ತಮೌಜಾ ಯುಧಾಮನ್ಯುಃ ಸಾತ್ಯಕಿಶ್ಚ ಮಹಾರಥಃ।
ಪಾಂಚಾಲಾನಾಂ ಚ ಯೇ ಶಿಷ್ಟಾ ದ್ರೌಪದೇಯಾಶ್ಚ ಭಾರತ।
ಹಯಾಶ್ಚ ಸರ್ವೇ ನಾಗಾಶ್ಚ ಶತಶಶ್ಚ ಪದಾತಯಃ॥ 9-30-55 (61957)
ತತಃ ಪ್ರಾಪ್ತೋ ಮಹಾರಾಜ ಧರ್ಮರಾಜಃ ಪ್ರತಾಪವಾನ್।
ದ್ವೈಪಾಯನಹದಂ ಘೋರಂ ಯತ್ರ ದುರ್ಯೋಧನೋಽಭವತ್॥ 9-30-56 (61958)
ಶೀತಾಮಲಜಲಂ ಹೃದ್ಯಂ ದ್ವಿತೀಯಮಿವ ಸಾಗರಂ।
ಮಾಯಯಾ ಸಲಿಲಂ ಸ್ತಭ್ಯ ಯತ್ರಾಭೂತ್ತೇ ಸ್ಥಿತಃ ಸುತಃ॥ 9-30-57 (61959)
ಅತ್ಯದ್ಭುತೇನ ವಿಧಿನಾ ದೈವಯೋಗೇನ ಭಾರತ।
ಸಲಿಲಾಂತರ್ಗತಃ ಶೇತೇ ದುರ್ದರ್ಶಃ ಕಸ್ಯಚಿತ್ಪ್ರಭೋ। 9-30-58 (61960)
ಮಾನುಷಸ್ಯ ಮನುಷ್ಯೇಂದ್ರ ಗದಾಹಸ್ತೋ ಜನಾಧಿಪಃ॥ 9-30-59 (61961)
ತತೋ ದುರ್ಯೋಧನೋ ರಾಜಾ ಸಲಿಲಾಂತರ್ಗತೋ ವಸನ್।
ಶುಶ್ರುವೇ ತುಮುಲಂ ಶಬ್ದಂ ಜಲದೋಪಮನಿಃಸ್ವನಂ॥ 9-30-59 (61962)
ಯುಧಿಷ್ಠಿರಶ್ಚ ರಾಜೇಂದ್ರ ತಂ ಹದಂ ಸಹ ಸೋದರೈಃ।
ಆಜಗಾಮ ಮಹಾರಾಜ ತವ ಪುತ್ರವಧಾಯ ವೈ॥ 9-30-60 (61963)
ಮಹತಾ ಶಂಖನಾದೇನ ರಥನೇಮಿಸ್ವನೇನ ಚ।
ಊರ್ಧ್ವಂ ಧುನ್ವನ್ಮಹಾರೇಣುಂ ಕಂಪಯಂಶ್ಚಾಪಿ ಮೇದಿನೀಂ॥ 9-30-61 (61964)
ಯೌಧಿಷ್ಠಿರಸ್ಯ ಸೈನ್ಯಸ್ಯ ಶ್ರುತ್ವಾ ಶಬ್ದಂ ಮಹಾರಥಾಃ।
ಕೃತವರ್ಮಾ ಕೃಪೋ ದ್ರೌಣೀ ರಾಜಾನಮಿದಮಬ್ರುವನ್॥ 9-30-62 (61965)
ಇಮೇ ಹ್ಯಾಯಾಂತಿ ಸಂಹೃಷ್ಟಾಃ ಪಾಂಡವಾ ಜಿತಕಾಶಿನಃ।
ಅಪಯಾಸ್ಯಾಮಹೇ ತಾವದನುಜಾನಾತು ನೋ ಭವಾನ್॥ 9-30-63 (61966)
ದುರ್ಯೋಧನಸ್ತು ತಚ್ಛ್ರುತ್ವಾ ತೇಷಾಂ ತತ್ರ ತರಸ್ವಿನಾಂ।
ತಥೇತ್ಯುಕ್ತ್ವಾ ಹದಂ ತಂ ವೈ ಮಾಯಯಾಽಸ್ತಂಭಯತ್ಪ್ರಭೋ॥ 9-30-64 (61967)
ತೇ ತ್ವನುಜ್ಞಾಪ್ಯ ರಾಜಾನಂ ಭೃಶಂ ಶೋಕಪರಾಯಣಾಃ।
ಜಗ್ಮುರ್ದೂರೇ ಮಹಾರಾಜ ಕೃಪಪ್ರಭೃತಯೋ ರಥಾಃ॥ 9-30-65 (61968)
ತೇ ಗತ್ವಾ ದೂರಮಧ್ವಾನಂ ನ್ಯಗ್ರೋಧಂ ಪ್ರೇಕ್ಷ್ಯ ಮಾರಿಷ।
ನ್ಯವಿಶಂತ ಭೃಶಂ ಶ್ರಾಂತಾಶ್ಚಿಂತಯಂತೋ ನೃಪಂ ಪ್ರತಿ॥ 9-30-66 (61969)
ವಿಷ್ಟಭ್ಯ ಸಲಿಲಂ ಸುಪ್ತೋ ಧಾರ್ತರಾಷ್ಟ್ರೋ ಮಹಾಬಲಃ।
ಪಾಂಡವಾಶ್ಚಾಪಿ ಸಂಪ್ರಾಪ್ತಾಸ್ತಂ ದೇಶಂ ಯುದ್ಧಮೀಪ್ಸವಃ॥ 9-30-67 (61970)
ಕಥಂ ನು ಯುದ್ಧಂ ಭವಿತಾ ಕಥಂ ರಾಜಾ ಭವಿಷ್ಯತಿ।
ಕಥಂ ನು ಪಾಂಡವಾ ರಾಜನ್ಪ್ರತಿಪತ್ಸ್ಯಂತಿ ಕೌರವಂ॥ 9-30-68 (61971)
ಇತ್ಯೇವಂ ಚಿಂತಯಾನಾಸ್ತು ರಥೇಭ್ಯೋಽಶ್ವಾನ್ವಿಮುಚ್ಯ ತೇ।
ತತ್ರಾಸಾಂಚಕ್ರಿರೇ ರಾಜನ್ಕೃಪಪ್ರಭೃತಯೋ ರಥಾಃ॥ ॥ 9-30-69 (61972)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟಾದಶದಿವಸಯುದ್ಧೇ ತ್ರಿಂಶೋಽಧ್ಯಾಯಃ॥ 30 ॥
Mahabharata - Shalya Parva - Chapter Footnotes
9-30-18 ಅಸ್ಮಾಸು ಚ ಪರಾ ಭಕ್ತಿರ್ದರ್ಶಿತಾ ಕಾರ್ಯಗೌರವಾತ್। ಇತಿ ಙ. ಪಾಠಃ॥ 9-30-22 ಯಜ್ಞಕೃತಾಂ ಪ್ರೀತಿ ಯಜ್ಞಾದಿಜಸ್ಯ ಪುಣ್ಯಸ್ಯ ಫಲಂ॥ 9-30-39 ನಷ್ಟಂ ಅದೃಶ್ಯತ್ವಂ ಗತಂ ಲೀನಮಿತ್ಯರ್ಥಃ॥ 9-30-30 ತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 031
॥ ಶ್ರೀಃ ॥
9.31. ಅಧ್ಯಾಯಃ 031
Mahabharata - Shalya Parva - Chapter Topics
ಯುಧಿಷ್ಠಿರೇಣ ಹದಸ್ಥಂ ದುರ್ಯೋಧನಂ ಪ್ರತಿ ನಿಷ್ಠುರೋಕ್ತಿಭಿಃ ಸಂತರ್ಜನಂ॥ 1 ॥ ಯುಧಿಷ್ಠಿರದುರ್ಯೋಧನಯೋಃ ಸಂವಾದಃ॥ 2 ॥Mahabharata - Shalya Parva - Chapter Text
9-31-0 (61973)
ಸಂಜಯ ಉವಾಚ। 9-31-0x (5138)
ತತಸ್ತೇಷ್ವಪಯಾತೇಷು ರಥೇಷು ತ್ರಿಷು ಪಾಂಡವಾಃ।
ತಂ ಹದಂ ಪ್ರತ್ಯಪದ್ಯಂತ ಯತ್ರ ದುರ್ಯೋಧನೋಽಭವತ್॥ 9-31-1 (61974)
ಆಸಾದ್ಯ ಚ ಕುರುಶ್ರೇಷ್ಠ ತದಾ ದ್ವೈಪಾಯನಂ ಹದಂ।
ಸ್ತಂಭಿತಂ ಧಾರ್ತರಾಷ್ಟ್ರೇಣ ದೃಷ್ಟ್ವಾ ತಂ ಸಲಿಲಾಶಯಂ॥ 9-31-2 (61975)
ವಾಸುದೇವಮಿದಂ ವಾಕ್ಯಮಬ್ರವೀತ್ಕುರುನಂದನಃ।
ಪಶ್ಯೇಮಾಂ ಧಾರ್ತರಾಷ್ಟ್ರೇಣ ಮಾಯಾಮಪ್ಸು ಪ್ರಯೋಜಿತಾಂ॥ 9-31-3 (61976)
ವಿಷ್ಟಭ್ಯ ಸಲಿಲಂ ಶೇತೇ ನಾಸ್ಯ ಮಾನುಷತೋ ಭಯಂ।
ದೈವೀಂ ಮಾಯಾಮಿಮಾಂ ಕೃತ್ವಾ ಸಲಿಲಾಂತರ್ಗತೋ ಹ್ಯಯಂ॥ 9-31-4 (61977)
ನಿಕೃತ್ಯಾ ನಿಕೃತಿಪ್ರಜ್ಞೋ ನ ಮೇ ಜೀವನ್ವಿಮೋಕ್ಷ್ಯತೇ।
ಯದ್ಯಸ್ಯ ಸಮರೇ ಸಾಹ್ಯಂ ಕುರುತೇ ವಜ್ರಭೃತ್ಸ್ವಯಂ।
ತಥಾಪ್ಯೇನಂ ಹತಂ ಯುದ್ಧೇ ಲೋಕಾ ದ್ರಕ್ಷ್ಯಂತಿ ಮಾಧವ॥ 9-31-5 (61978)
ವಾಸುದೇವ ಉವಾಚ। 9-31-6x (5139)
ಮಾಯಾವಿನ ಇಮಾಂ ಮಾಯಾಂ ಮಾಯಯಾ ಜಹಿ ಭಾರತ।
ಮಾಯಾವೀ ಮಾಯಯಾ ವಧ್ಯಃ ಸತ್ಯಮೇತದ್ಯುಧಿಷ್ಠಿರ॥ 9-31-6 (61979)
ಕ್ರಿಯಾಭ್ಯುಪಾಯೈರ್ಬಹುಭಿರ್ಭಾಯಾಮಪ್ಸು ಪ್ರಯೋಜ್ಯ ಚ।
ಜಹಿ ತ್ವಂ ಭರತಶ್ರೇಷ್ಠ ಮಾಯಾತ್ಮಾನಂ ಸುಯೋಧನಂ॥ 9-31-7 (61980)
ಕ್ರಿಯಾಭ್ಯುಪಾಯೈರಿಂದ್ರೇಣ ನಿಹತಾ ದೈತ್ಯದಾನವಾಃ।
ಕ್ರಿಯಾಭ್ಯುಪಾಯೈರ್ಬಲಿಭಿರ್ಬಲಿರ್ಬದ್ಧೋ ಮಹಾತ್ಮನಾ॥ 9-31-8 (61981)
ಕ್ರಿಯಾಭ್ಯುಪಾಯಪೂರ್ವಂ ವೈ ಹಿರಣ್ಯಾಕ್ಷೋ ಮಹಾಸುರಃ।
ಹಿರಣ್ಯಕಶಿಪುಶ್ಚೈವ ಕ್ರಿಯಯೈವ ನಿಷೂದಿತೌ॥ 9-31-9 (61982)
ವೃತ್ರಶ್ಚ ನಿಹತೋ ರಾಜನ್ಕ್ರಿಯಯೈವ ಮಹಾಬಲಃ।
ತಥಾ ಪೌಲಸ್ತ್ಯತನಯೋ ರಾವಣೋ ನಾಮ ರಾಕ್ಷಸಃ।
ರಾಮೇಣ ನಿಹತೋ ರಾಜನ್ಸಾನುಬಂಧಃ ಸಹಾನುಗಃ॥ 9-31-10 (61983)
ಕ್ರಿಯಯಾ ಯೋಗಮಾಸ್ಥಾಯ ತಥಾ ತ್ವಮಪಿ ವಿಕ್ರಮ॥ 9-31-11 (61984)
ಕ್ರಿಯಾಭ್ಯುಪಾಯೈರ್ನಿಹತೌ ಮಯಾ ರಾಜನ್ಪುರಾತನೌ।
ತಾರಕಶ್ಚ ಮಹಾದೈತ್ಯೋ ವಿಪ್ರಚಿತ್ತಿಶ್ಚ ವೀರ್ಯವಾನ್॥ 9-31-12 (61985)
ವಾತಾಪಿರಿಲ್ವಲಶ್ಚೈವ ತ್ರಿಶಿರಾಶ್ಚ ತಥಾ ವಿಭೋ।
ಸುಂದೋಪಸುಂದಾವಸುರೌ ಕ್ರಿಯಯೈವ ನಿಷೂದಿತೌ॥ 9-31-13 (61986)
ಕ್ರಿಯಾಭ್ಯುಪಾಯೈರಿಂದ್ರೇಣ ತ್ರಿದಿವಂ ಭುಜ್ಯತೇ ವಿಭೋ।
ಕ್ರಿಯಾ ಬಲವತೀ ರಾಜನ್ನಾನ್ಯತ್ಕಿಂಚಿದ್ಯುಧಿಷ್ಠಿರ॥ 9-31-14 (61987)
ದೈತ್ಯಾಶ್ಚ ದಾನವಾಶ್ಚೈವ ರಾಕ್ಷಸಾಃ ಪಾರ್ಥಿವಾಸ್ತಥಾ।
ಕ್ರಿಯಾಭ್ಯುಪಾಯೈರ್ನಿಹತಾಃ ಕ್ರಿಯಾಂ ತಸ್ಮಾತ್ಸಮಾಚರ॥ 9-31-15 (61988)
ಸಂಜಯ ಉವಾಚ। 9-31-16x (5140)
ಇತ್ಯುಕ್ತೋ ವಾಸುದೇವೇನ ಪಾಂಡವಃ ಸಂಶಿತವ್ರತಃ।
ಜಲಸ್ಥಂ ತಂ ಮಹಾರಾಜ ತವ ಪುತ್ರಂ ಮಹಾಬಲಂ।
ಅಭ್ಯಭಾಷತ ಕೌಂತೇಯಃ ಪ್ರಹಸನ್ನಿವ ಭಾರತ॥ 9-31-16 (61989)
ಸುಯೋಧನ ಕಿಮರ್ಥೋಽಯಮಾರಂಭೋಽಪ್ಸು ಕೃತಸ್ತ್ವಯಾ।
ಸರ್ವಂ ಕ್ಷತ್ರಂ ಘಾತಯಿತ್ವಾ ಸ್ವಕುಲಂ ಚ ವಿಶಾಂಪತೇ॥ 9-31-17 (61990)
ಜಲಾಶಯಂ ಪ್ರವಿಷ್ಟೋಽದ್ಯ ವಾಂಛಂಜೀವಿತಮಾತ್ಮನಃ।
ಉತ್ತಿಷ್ಠ ರಾಜನ್ಯುಧ್ಯಸ್ವ ಸಹಾಸ್ಮಾಭಿಃ ಸುಯೋಧನ॥ 9-31-18 (61991)
ಸ ತೇ ದರ್ಪೋ ನರಶ್ರೇಷ್ಠ ಸ ಚ ಮಾನಃ ಕ್ವ ತೇ ಗತಃ।
ಯಸ್ತ್ವಂ ಸಂಸ್ತಭ್ಯ ಸಲಿಲಂ ಭೀತೋ ರಾಜನ್ವ್ಯವಸ್ಥಿತಃ॥ 9-31-19 (61992)
ಸರ್ವೇ ತ್ವಾಂ ಶೂರ ಇತ್ಯೇವಂ ಜನಾ ಜಲ್ಪಂತಿ ಸಂಸದಿ।
ವ್ಯರ್ಥಂ ತದ್ಭವತೋ ಮನ್ಯೇ ಶೌರ್ಯಂ ಸಲಿಲಶಾಯಿನಃ॥ 9-31-20 (61993)
ಉತ್ತಿಷ್ಠ ರಾಜನ್ಯುಧ್ಯಸ್ವ ಕ್ಷತ್ರಿಯೋಽಸಿ ಕುಲೋದ್ಭವಃ।
ಕೌರವೇಯೋ ವಿಶೇಷೇಣ ಕುಲಂ ಜನ್ಮ ಚ ಸಂಸ್ಮರ॥ 9-31-21 (61994)
ಸ ಕಥಂ ಕೌರವೇ ವಂಶೇ ಪ್ರಶಂಸಂಜನ್ಮ ಚಾತ್ಮನಃ।
ಯುದ್ವಾತ್ತ್ರಸ್ತತರಸ್ತೋಯಂ ಪ್ರವಿಶ್ಯ ಪ್ರತಿತಿಷ್ಠಸಿ॥ 9-31-22 (61995)
ಅಯುದ್ಧೇನ ವ್ಯವಸ್ಥಾನಂ ನೈಷ ಧರ್ಮಃ ಸನಾತನಃ॥ 9-31-23 (61996)
ಅನಾರ್ಯಜುಷ್ಟಮಸ್ವರ್ಗ್ಯಂ ರಣೇ ರಾಜನ್ಪಲಾಯನಂ।
ಕಥಂ ಪಾರಮಗತ್ವಾ ಹಿ ಯುದ್ಧೇ ತ್ವಂ ವೈ ಜಿಜೀವಿಷುಃ॥ 9-31-24 (61997)
ಇಮಾನ್ನಿಪತಿತಾಂದೃಷ್ಟ್ವಾ ಪುತ್ರಾನ್ಭ್ರಾತೄನ್ಪಿತೄಂಸ್ತಥಾ।
ಸಂಬಂಧಿನೋ ವಯಸ್ಯಾಂಶ್ಚ ಮಾತುಲಾನ್ಬಾಂಧವಾಂಸ್ತಥಾ।
ಘಾತಯಿತ್ವಾ ಕಥಂ ತಾತ ಹದೇ ತಿಷ್ಠತಿ ಸಾಂಪ್ರತಂ॥ 9-31-25 (61998)
ಶೂರಮಾನೀ ನ ಶೂರಸ್ತ್ವಂ ಮೃಷಾ ವದಸಿ ಭಾರತ।
ಶೂರೋಽಹಮಿತಿ ದುರ್ಬುದ್ಧೇ ಸರ್ವಲೋಕಸ್ಯ ಶೃಣ್ವತಃ॥ 9-31-26 (61999)
ನ ಹಿ ಶೂರಾಃ ಪಲಾಯಂತೇ ಶತ್ರೂಂದೃಷ್ಟ್ವಾ ಕಥಂಚನ।
ಬ್ರೂಹಿ ವಾ ತ್ವಂ ಯಯಾ ವೃತ್ತ್ಯಾ ಶೂರ ತ್ಯಜಸಿ ಸಂಗರಂ॥ 9-31-27 (62000)
ಸ ತ್ವಮುತ್ತಿಷ್ಠ ಯುಧ್ಯಸ್ವ ವಿಹಾಯ ಭಯಮಾತ್ಮನಃ।
ಘಾತಯಿತ್ವಾ ಸರ್ವಸೈನ್ಯಂ ಭ್ರಾತೄಂಶ್ಚೈವ ಸುಯೋಧನ॥ 9-31-28 (62001)
ನೇದಾನೀಂ ಜೀವಿತೇ ಬುದ್ಧಿಃ ಕಾರ್ಯಾ ಧರ್ಮಚಿಕೀರ್ಷಯಾ।
ಕ್ಷತ್ರಧರ್ಮಮುಪಾಶ್ರಿತ್ಯ ತ್ವದ್ವಿಧೇನ ಸುಯೋಧನ॥ 9-31-29 (62002)
ಯತ್ತು ಕರ್ಣಮುಪಾಶ್ರಿತ್ಯ ಶಕುನಿಂ ಚಾಪಿ ಸೌಬಲಂ।
ದುಃಶಾಸನಂ ಚ ಮೋಹಾತ್ತ್ವಮಾತ್ಮಾನಂ ನಾವಬುದ್ಧವಾನ್॥ 9-31-30 (62003)
ತತ್ಪಾಪಂ ಸುಮಹತ್ಕೃತ್ವಾ ಪ್ರತಿಯುಧ್ಯಸ್ವ ಭಾರತ।
ಕಥಂ ಹಿ ತ್ವದ್ವಿಧೋ ಮೋಹಾದ್ರೋಚಯೇತ ಪಲಾಯನಂ॥ 9-31-31 (62004)
ಕ್ವ ತೇ ತತ್ಪೌರುಷಂ ಯಾತಂ ಕ್ವ ಚ ಮಾನಃ ಸುಯೋಧನ।
ಕ್ವ ಚ ವಿಕ್ರಾಂತತಾ ಯಾತಾ ಕ್ವ ಚ ವಿಸ್ಫೂರ್ಜಿತಂ ಮಹತ್॥ 9-31-32 (62005)
ಕ್ವ ತೇ ಕೃತಾಸ್ತ್ರತಾ ಯಾತಾ ಕಿಂ ನು ಶೇಷೇ ಜಲಾಶಯೇ।
ಸ ತ್ವಮುತ್ತಿಷ್ಠ ಯುಧ್ಯಸ್ವ ಕ್ಷತ್ರಧರ್ಮೇಣ ಭಾರತ॥ 9-31-33 (62006)
ಅಸ್ಮಾಂಸ್ತು ವಾ ಪರಾಜಿತ್ಯ ಪ್ರಶಾಧಿ ಪೃಥಿವೀಮಿಮಾಂ।
ಅಥವಾ ನಿಹತೋಸ್ಮಾಭಿರ್ಭೂಮೌ ಸ್ವಪ್ಸ್ಯಸಿ ಭಾರತ॥ 9-31-34 (62007)
ಏಷ ತೇ ಪರಮೋ ಧರ್ಮಃ ಸೃಷ್ಟೋ ಧಾತ್ರಾ ಮಹಾತ್ಮನಾ।
ತಂ ಕುರುಷ್ವ ಯಥಾತಥ್ಯಂ ಪೌರುಷೇ ಸ್ವ ವ್ಯವಸ್ಥಿತಃ॥ 9-31-35 (62008)
ಸಂಜಯ ಉವಾಚ। 9-31-36x (5141)
ಏವಮುಕ್ತೋ ಮಹಾರಾಜ ಧರ್ಮಪುತ್ರೇಣ ಧೀಮತಾ।
ಸಲಿಲಸ್ಥಸ್ತವ ಸುತ ಇದಂ ವಚನಮಬ್ರವೀತ್॥ 9-31-36 (62009)
ನೈತಚ್ಚಿತ್ರಂ ಮಹಾರಾಜ ಯದ್ಭೀಃ ಪ್ರಾಣಿನಮಾವಿಶೇತ್।
ನ ಚ ಪ್ರಾಣಭಯಾದ್ಭೀತೋ ವ್ಯಪಯಾತೋಽಸ್ಮಿ ಭಾರತ॥ 9-31-37 (62010)
ಅರಥಶ್ಚಾನಿಷಂಗೀ ಚ ನಿಹತಃ ಪಾರ್ಷ್ಣಿಸಾರಥಿಃ।
ಏಕಶ್ಚಾಪ್ಯಗಣಃ ಸಂಖ್ಯೇ ಪ್ರತ್ಯಾಶ್ವಾಸಮರೋಚಯಂ॥ 9-31-38 (62011)
ನ ಪ್ರಾಣಹೇತೋರ್ನ ಭಯಾಶ್ಚ ವಿಷಾದಾದ್ವಿಶಾಂಪತೇ।
ಇದಮಂಭಃ ಪ್ರವಿಷ್ಟೋಽಸ್ಮಿ ಶ್ರಮಾತ್ತ್ವಿದಮನುಷ್ಠಿತಂ॥ 9-31-39 (62012)
ತ್ವಂ ಚಾಶ್ವಸಿಹಿ ಕೌಂತೇಯ ಯೇ ಚಾಪ್ಯನುಗತಾಸ್ತವ।
ಅಹಮುತ್ಥಾಯ ವಃ ಸರ್ವಾನ್ಪ್ರತಿಯೋತ್ಸ್ಯಾಮಿ ಸಂಯುಗೇ॥ 9-31-40 (62013)
ಯುಧಿಷ್ಠಿರ ಉವಾಚ। 9-31-41x (5142)
ಆಶ್ವಸ್ತಾ ಏವ ಸರ್ವೇ ಸ್ಮ ಚಿರಂ ತ್ವಾಂ ಮೃಗಯಾಮಹೇ।
ತದಿದಾನೀಂ ಸಮುತ್ತಿಷ್ಠ ಯುಧ್ಯಸ್ವೇಹ ಸುಯೋಧನ॥ 9-31-41 (62014)
ಹತ್ವಾ ವಾ ಸಮರೇ ಪಾರ್ಥಾನ್ಸ್ಫೀತಂ ರಾಜ್ಯಮವಾಪ್ನುಹಿ।
ನಿಹತೋ ವಾ ರಣೇಽಸ್ಮಾಭಿರ್ವೀರಲೋಕಮವಾಪ್ಸ್ಯಸಿ॥ 9-31-42 (62015)
ದುರ್ಯೋಧನ ಉವಾಚ। 9-31-43x (5143)
ಯದರ್ಥಂ ರಾಜ್ಯಮಿಚ್ಛಾಮಿ ಕುರೂಣಾಂ ಕುರುನಂದನ।
ತ ಇಮೇ ನಿಹತಾಃ ಸರ್ವೇ ಭ್ರಾತರೋ ಮೇ ಜನೇಶ್ವರ॥ 9-31-43 (62016)
ಕ್ಷೀಣರತ್ನಾಂ ಚ ಪೃಥಿವೀಂ ಹತಕ್ಷತ್ರಿಯಪುಂಗವಾಂ।
ನ ಹ್ಯುತ್ಸಹಾಂಯಹಂ ಭೋಕ್ತುಂ ವಿಧವಾಮಿವ ಯೋಷಿತಂ॥ 9-31-44 (62017)
ಅದ್ಯಾಪಿ ತ್ವಹಮಾಶಂಸೇ ತ್ವಾಂ ವಿಜೇತುಂ ಯುಧಿಷ್ಠಿರ।
ಭಂಕ್ತ್ವಾ ಪಾಂಚಾಲಪಾಂಡೂನಾಮುತ್ಸಾಹಂ ಭರತರ್ಷಭ॥ 9-31-45 (62018)
ನ ತ್ವಿದಾನೀಮಹಂ ಮನ್ಯೇ ಕಾರ್ಯಂ ಯುದ್ಧೇನ ಕರ್ಹಿಚಿತ್।
ದ್ರೋಣೇ ಕರ್ಣೇ ಚ ಸಂಶಾಂತೇ ನಿಹತೇ ಚ ಪಿತಾಮಹೇ॥ 9-31-46 (62019)
ಅಸ್ತ್ವಿದಾನೀಮಿಯಂ ರಾಜನ್ಕೇವಲಾ ಪೃಥಿವೀ ತವ।
ಅಸಹಾಯೋ ಹಿ ಕೋ ರಾಜಾ ರಾಜ್ಯಮಿಚ್ಛೇತ್ಪ್ರಶಾಸಿತುಂ॥ 9-31-47 (62020)
ಸುಹೃದಸ್ತಾದೃಶಾನ್ಹತ್ವಾ ಪುತ್ರಾನ್ಭ್ರಾತೄನ್ಪಿತೄನಪಿ।
ಭವದ್ಭಿಶ್ಚ ಹೃತೇ ರಾಜ್ಯೇ ಕೋ ನು ಜೀವೇತ ಮಾದೃಶಃ॥ 9-31-48 (62021)
ಅಹಂ ವನಂ ಗಮಿಷ್ಯಾಮಿ ಹ್ಯಜಿನೈಃ ಪ್ರತಿವಾಸಿತಃ।
ರತಿರ್ಹಿ ನಾಸ್ತಿ ಮೇ ರಾಜ್ಯೇ ಹತಪಕ್ಷಸ್ಯ ಭಾರತ॥ 9-31-49 (62022)
ಹತಬಾಂಧವಭೂಯಿಷ್ಠಾ ಹತಾಶ್ವಾ ಹತಕುಂಜರಾ।
ಏಷಾ ತೇ ಪೃಥಿವೀ ರಾಜನ್ಭುಂಕ್ಷೈನಾಂ ವಿಗತಜ್ವರಃ॥ 9-31-50 (62023)
ವನಮೇವ ಗಮಿಷ್ಯಾಮಿ ವಸಾನೋ ಮೃಗಚರ್ಮಣೀ।
ನ ಹಿ ಮೇ ನಿರ್ಜನಸ್ಯಾಸ್ತಿ ಜೀವಿತೇಽದ್ಯ ಸ್ಪೃಹಾ ವಿಭೋ॥ 9-31-51 (62024)
ಗಚ್ಛ ತ್ವಂ ಭುಂಕ್ಷ ರಾಜೇಂದ್ರ ಪೃಥಿವೀಂ ನಿಹತೇಶ್ವರಾಂ।
ಹತಯೋಧಾಂ ನಷ್ಟರತ್ನಾಂ ಶೀರ್ಣಕ್ಷತ್ರಾಂ ಯಥಾಸುಖಂ॥ 9-31-52 (62025)
[ಸಂಜಯ ಉವಾಚ। 9-31-53x (5144)
ದುರ್ಯೋಧನಂ ತವ ಸುತಂ ಸಲಿಲಸ್ಥಂ ಮಹಾಯಶಾಃ।
ಶ್ರುತ್ವಾ ತು ಕರುಣಂ ವಾಕ್ಯಮಭಾಷತ ಯುಧಿಷ್ಠಿರಃ॥] 9-31-53 (62026)
ಯುಧಿಷ್ಠಿರ ಉವಾಚ। 9-31-54x (5145)
ಆರ್ತಪ್ರಲಾಪಾನ್ಮಾ ತಾತ ಸಲಿಲಸ್ಥಃ ಪ್ರಭಾಷಥಾಃ।
ನೈತನ್ಮನಸಿ ಮೇ ರಾಜನ್ವಾಶಿತಂ ಶಕುನೇರಿವ॥ 9-31-54 (62027)
ಯದಿ ವಾಪಿ ಸಮರ್ಥಃ ಸ್ಯಾಸ್ತ್ವಂ ದಾನಾಯ ಸುಯೋಧನ।
ನಾಹಮಿಚ್ಛೇಯಮವನಿಂ ತ್ವಯಾ ದತ್ತಾಂ ಪ್ರಶಾಸಿತುಂ॥ 9-31-55 (62028)
ಅಧರ್ಮೇಣ ನ ಗೃಹ್ಣೀಯಾಂ ತ್ವಯಾ ದತ್ತಾಂ ಮಹೀಮಿಮಾಂ।
ನ ಹಿ ಧರ್ಮಃ ಸ್ಮೃತೋ ರಾಜನ್ಕ್ಷತ್ರಿಯಸ್ಯ ಪ್ರತಿಗ್ರಹಃ॥ 9-31-56 (62029)
ತ್ವಯಾ ದತ್ತಾಂ ನ ಚೇಚ್ಛೇಯಂ ಪೃಥಿವೀಮಖಿಲಾಮಹಂ।
ತ್ವಾಂ ತು ಯುದ್ಧೇ ವಿನಿರ್ಜಿತ್ಯ ಭೋಕ್ತಾಽಸ್ಮಿ ವಸುಧಾಮಿಮಾಂ॥ 9-31-57 (62030)
ಅನೀಶ್ವರಶ್ಚ ಪೃಥಿವೀಂ ಕಥಂ ತ್ವಂ ದಾತುಮಿಚ್ಛಸಿ।
ತ್ವಯೇಯಂ ಪೃಥಿವೀ ರಾಜನ್ಕಿಂ ನ ದತ್ತಾ ತದೈವ ಹಿ॥ 9-31-58 (62031)
ಧರ್ಮತೋ ಯಾಚಮಾನಾನಾಂ ಪ್ರಶಮಾರ್ಥಂ ಕುಲಸ್ಯ ನಃ।
ವಾರ್ಷ್ಣೇಯಂ ಪ್ರಥಮಂ ರಾಜನ್ಪ್ರತ್ಯಾಖ್ಯಾಯ ಮಹಾಬಾಲಂ॥ 9-31-59 (62032)
ಕಿಮಿದಾನೀಂ ದದಾಸಿ ತ್ವಂ ಕೋ ಹಿ ತೇ ಜಿತ್ತವಿಭ್ರಮಃ।
ಅಭಿಯುಕ್ತಸ್ತು ಕೋ ರಾಜಾ ದಾತುಮಿಚ್ಛೇದ್ಧಿ ಮೇದಿನೀಂ॥ 9-31-60 (62033)
ನ ತ್ವಮದ್ಯ ಮಹೀಂ ದಾತುಮೀಶಃ ಕೌರವನಂದನ।
ಆಚ್ಛೇತ್ತುಂ ವಾ ಬಲಾದ್ರಾಜನ್ಸ ಕಥಂ ದಾತುಮಿಚ್ಛಸಿ॥ 9-31-61 (62034)
ಮಾಂ ತು ನಿರ್ಜಿತ್ಯ ಸಂಗ್ರಾಮೇ ಪಾಲಯೇಮಾಂ ವಸುಂಧರಾಂ।
ಸೂಚ್ಯಗ್ರೇಣಾಪಿ ಯದ್ಭೂಮೇರಪಿ ಭಿದ್ಯೇತ ಭಾರತ॥ 9-31-62 (62035)
ತನ್ಮಾತ್ರಮಪಿ ತನ್ಮಹ್ಯಂ ನ ದದಾತಿ ಪುರಾ ಭವಾನ್।
ಸ ಕಥಂ ಪೃಥಿವೀಮೇತಾಂ ಪ್ರದದಾಸಿ ವಿಶಾಂಪತೇ॥ 9-31-63 (62036)
ಸೂಚ್ಯಗ್ರಂ ನಾತ್ಯಜಃ ಪೂರ್ವಂ ಸ ಕಥಂ ತ್ಯಜಸಿ ಕ್ಷಿತಿಂ॥ 9-31-64 (62037)
ಏವಮೈಶ್ವರ್ಯಮಾಸಾದ್ಯ ಪ್ರಶಾಸ್ಯ ಪೃಥಿವೀಮಿಮಾಂ।
ಕೋ ಹಿ ಮೂಢೋ ವ್ಯವಸ್ಯೇತ ಶತ್ರೋರ್ದಾತುಂ ವಸುಂಧರಾಂ॥ 9-31-65 (62038)
ತ್ವಂ ತು ಕೇವಲಮೌರ್ಖ್ಯೇಣ ವಿಮೂಢೋ ನಾವಬುಧ್ಯಸೇ।
ಪೃಥಿವೀಂ ದಾತುಕಾಮೋಽಪಿ ಜೀವಂಸ್ತ್ವಂ ನೈವ ಮೋಕ್ಷ್ಯಸೇ॥ 9-31-66 (62039)
ಅಸ್ಮಾನ್ವಾ ತ್ವಂ ಪರಾಜಿತ್ಯ ಪ್ರಶಾಧಿ ಪೃಥಿವೀಮಿಮಾಂ।
ಅಥವಾ ನಿಹತೋಽಸ್ಮಾಭಿರ್ವ್ರಜ ಲೋಕಾನನುತ್ತಮಾನ್॥ 9-31-67 (62040)
ಆವಯೋರ್ಜೀವತೋ ರಾಜನ್ಮಯಿ ಚ ತ್ವಯಿ ಚ ಧ್ರುವಂ।
ಸಂಶಯಃ ಸರ್ವಭೂತಾನಾಂ ವಿಜಯೇ ನೌ ಭವಿಷ್ಯತಿ॥ 9-31-68 (62041)
ಜೀವಿತಂ ತ್ವಯಿ ದುಷ್ಪ್ರಾಪಂ ಮಯಿ ಯತ್ಪರಿವರ್ತತೇ।
ಜೀವಯೇಯಮಹಂ ಕಾಮಂ ನ ತು ತ್ವಂ ಜೀವಿತುಂ ಕ್ಷಮಃ॥ 9-31-69 (62042)
ದಹನೇ ಹಿ ಕೃತೋ ಯತ್ನಸ್ತ್ವಯಾಽಸ್ಮಾಸು ವಿಶೇಷತಃ।
ಆಶೀವಿಷೈರ್ವಿಷೈಶ್ಚಾಪಿ ಜಲೇ ಜಾಪಿ ಪ್ರವೇಶನೈಃ।
ತ್ವಯಾ ವಿನಿಕೃತಾ ರಾಜನ್ರಾಜ್ಯಸ್ಯ ಹರಣೇನ ಚ॥ 9-31-70 (62043)
ಅಪ್ರಿಯಾಣಾಂ ಚ ವಚನೈರ್ದ್ರೌಪದ್ಯಾಃ ಕರ್ಷಣೇನ ಚ।
ಏತಸ್ಮಾತ್ಕಾರಣಾತ್ಪಾಪ ಜೀವಿತಂ ನ ವಿದ್ಯತೇ॥ 9-31-71 (62044)
ಉತ್ತಿಷ್ಠೋತ್ತಿಷ್ಠ ಯುಧ್ಯಸ್ವ ಯುದ್ಧೇ ಶ್ರೇಯೋ ಭವಿಷ್ಯತಿ॥ 9-31-72 (62045)
ಏವಂ ತು ವಿವಿಧಾ ವಾಚೋ ಜಯಯುಕ್ತಾಃ ಪುನಃಪುನಃ।
ಕೀರ್ತಯಂತಿ ಸ್ಮ ತೇ ವೀರಾಸ್ತತ್ರತತ್ರ ಜನಾಧಿಪ॥ ॥ 9-31-73 (62046)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟಾದಶದಿವಸಯುದ್ಧೇ ಏಕತ್ರಿಂಶೋಽಧ್ಯಾಯಃ॥ 31 ॥
Mahabharata - Shalya Parva - Chapter Footnotes
9-31-7 ಕಿಯಾಭ್ಯುಪಾಯೈಃ ಶತ್ರುಕಿಯಾನುರೂಪೈಃ ಪ್ರತೀಕಾರೈರ್ಘರ್ಂಯೈರಧರ್ಂಯೈರ್ವೇತ್ಯರ್ಥಃ। ಏತೇತು ಚ್ಛಲಕಾರಿಣಶ್ಛಲೈರೇವ ಹಂತವ್ಯಾ ಇತಿ ಭಾವಃ। ಮಾಯಯೈವ ಸುಯೋಧನಂ ಇತಿ ಕ.ಪಾಠಃ॥ 9-31-11 ವಿಕ್ರಮ ವಿಕ್ರಮಂ ಕುರುಷ್ವ ಕ್ರಿಯಯಾ ಯೋಗಮಾಸ್ಥಾಯ ಹತಸ್ತ್ವಾಷ್ಟ್ರೋಽಪಿ ವಿಕ್ರಮಾತ್ ಇತಿ ಕ.ಪಾಠಃ॥ 9-31-12 ಕ್ರಿಯಾಭ್ಯುಪಾಯೈರ್ನಿಹತೋ ಮಯೋ ನಾಮ ಮಹಾಸರಃ। ಇತಿ ಕ.ಪಾಠಃ॥ 9-31-27 ಹೇ ಶೂರೇತಿ ಸಾಧಿಕ್ಷೇಪಸಂಬೋಧನಂ। ಯಯಾ ವೃತ್ತ್ಯಾ ನಿಮಿತ್ತಭೂತಯಾ। ವಾನಪ್ರಸ್ಥತ್ವೇನ ವಾ ನ್ಯಸ್ತಶಸ್ತ್ರತ್ವೇನ ವಾ ಕ್ಲೀಬತ್ವೇನ ವಾ ತ್ವಂ ಸಂಗರಂ ತ್ಯಜಸಿ ತಾಂ ವೃತ್ತಿಂ ಬ್ರೂಹಿ। ನ ತ್ವಂ ವಾನಪ್ರಸ್ಥೋಽಸಿ ರಾಜ್ಯಾರ್ಥಿವಾತ್। ನಾಪಿ ನ್ಯಸ್ತಶಸ್ತ್ರೋ ಗದಾಧಾರಿತ್ವಾತ್। ಪರಿಶೇಷಾತ ಕ್ಲೀಬೋಽಸ್ಮೀತಿ ಮಾ ಭಾಷಸ್ವ। ಯುದ್ಧಂ ಕುರ್ವಿತಿ ಭಾವಃ॥ 9-31-32 ಪೌರುಷಂ ಯತ್ನಃ। ವಿಕ್ರಾಂತತಾ ಶೌರ್ಯಂ। ವಿಸ್ಫೂರ್ಜಿತಂ ಗರ್ಜನಂ॥ 9-31-49 ಹತಾಪತ್ಯಸ್ಯ ಭಾರತ ಇತಿ ಕ.ಪಾಠಃ॥ 9-31-52 ನಿಹತತ್ವಿಷಮಿತಿ ಕ.ಙ.ಪಾಠಃ॥ 9-31-31 ಏಕತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 032
॥ ಶ್ರೀಃ ॥
9.32. ಅಧ್ಯಾಯಃ 032
Mahabharata - Shalya Parva - Chapter Topics
ಯುಧಿಷ್ಠಿರಕಟುಭಾಷಣರುಷ್ಟೇನ ಸುಯೋಧನೇನ ಗದಯಾಸಹ ಹದಾದುತ್ಥಾನಂ॥ 1 ॥ ಯುಧಿಷ್ಠಿರದುರ್ಯೋಧನಯೋಃ ಸಂವಾದಃ॥ 2 ॥Mahabharata - Shalya Parva - Chapter Text
9-32-0 (62047)
ಧೃತರಾಷ್ಟ್ರ ಉವಾಚ। 9-32-0x (5146)
ಏವಂ ಸಂತರ್ಜ್ಯಮಾನಸ್ತು ಮಮ ಪುತ್ರೋ ಮಹೀಪತಿಃ।
ಪ್ರಕೃತ್ಯಾ ಮನ್ಯುಮಾನ್ವೀರಃ ಕಥಮಾಸೀತ್ಪರಂತಪಃ॥ 9-32-1 (62048)
ನ ಹಿ ಸಂತರ್ಜನಾ ತೇನ ಶ್ರುತಪೂರ್ವಾ ಕಥಂಚನ।
ರಾಜಭಾವೇನ ಮಾನ್ಯಶ್ಚ ಸರ್ವಲೋಕಸ್ಯ ಸೋಽಭವತ್॥ 9-32-2 (62049)
[ಯಸ್ಯಾತಪತ್ರಚ್ಛಾಯಾಪಿ ಸ್ವಕಾ ಭಾನೋಸ್ತಥಾ ಪ್ರಭಾ।
ಖೇದಾಯೈವಾಭಿಮಾನಿತ್ವಾತ್ಸಹೇತ್ಸೈವಂ ಕಥಂ ಗರಿಃ॥] 9-32-3 (62050)
ಇಯಂ ಚ ಪೃಥಿವೀ ಸರ್ವಾ ಸಂಲೇಚ್ಛಾಟವಿಕಾ ಭೃಶಂ।
ಪ್ರಸಾದಾದ್ಭ್ರಿಯತೇ ಯಸ್ಯ ಪ್ರತ್ಯಕ್ಷಂ ತವ ಸಂಜಯ॥ 9-32-4 (62051)
ಸ ತಥಾ ತರ್ಜ್ಯಮಾನಸ್ತು ಪಾಂಡುಪುತ್ರೈರ್ವಿಶೇಷತಃ।
ವಿಹೀನಶ್ಚ ಸ್ವಕೈರ್ಭೃತ್ಯೈರ್ನಿರ್ಜಿತೇ ಚಾವೃತೋ ಭೃಶಂ॥ 9-32-5 (62052)
ಸ ಶ್ರುತ್ವಾ ಕಟುಕಾ ವಾಚೋ ಜಯಯುಕ್ತಾಃ ಪುನಃಪುನಃ।
ಕಿಮಬ್ರವೀತ್ಪಾಂಡವೇಯಾಂಸ್ತನ್ಮಮಾಚಕ್ಷ್ವ ಸಂಜಯ॥ 9-32-6 (62053)
ಸಂಜಯ ಉವಾಚ। 9-32-7x (5147)
ತರ್ಜ್ಯಮಾನಸ್ತದಾ ರಾಜನ್ನುದಕಸ್ಥಸ್ತವಾತ್ಮಜಃ।
ಯುಧಿಷ್ಠಿರೇಣ ರಾಜೇಂದ್ರ ಭ್ರಾತೃಭಿಃ ಸಹಿತೇನ ಹ॥ 9-32-7 (62054)
ಶ್ರುತ್ವಾ ಸ ಕಟುಕಾ ವಾಚೋ ವಿಷಮಸ್ಥೋ ನರಾಧಿಪಃ।
ದೀರ್ಘಮುಷ್ಣಂ ಚ ನಿಃಶ್ವಸ್ಯ ಸಲಿಲಸ್ಥಃ ಪುನಃಪುನಃ॥ 9-32-8 (62055)
ಸಲಿಲಾಂತರ್ಗತೋ ರಾಜಾ ಧುನ್ವನ್ಹಸ್ತೌ ಪುನಃಪುನಃ।
ಮನಶ್ಚಕಾರ ಯುದ್ಧಾಯ ರಾಜಾನಂ ಚಾಭ್ಯಭಾಷತ॥ 9-32-9 (62056)
ಯೂಯಂ ಸಸುಹೃದಃ ಪಾರ್ಥಾಃ ಸರ್ವೇ ಸರಥವಾಹನಾಃ।
ಅಹಮೇಕಃ ಪರಿದ್ಯೂನೋ ವಿರಥೋ ಹತವಾಹನಃ॥ 9-32-10 (62057)
ಆತ್ತಶಸ್ತ್ರೈ ರಥೋಪೇತೈರ್ಬಹುಭಿಃ ಪರಿವಾಸ್ತಿಃ।
ಕಥಮೇಕಃ ಪದಾತಿಃ ಸನ್ನಶಸ್ತ್ರೋ ಯೋದ್ಧುಮುತ್ಸಹ॥ 9-32-11 (62058)
ಏಕೈಕಶಶ್ಚ ಮಾಂ ಯೂಯಂ ಯೋಧಯಧ್ವಂ ಯುಧಿಷ್ಠಿರ।
ನ ಹ್ಯೇಕೋ ಬಹುಭಿರ್ವೀರೈರ್ನ್ಯಾಯ್ಯೋ ಯೋಧಯಿತುಂ ಯುಧಿ॥ 9-32-12 (62059)
ವಿಶೇಷತೋ ವಿಕವಚಃ ಶ್ರಾಂತಶ್ಚಾಪತ್ಸಮಾಶ್ರಿತಃ।
ಭೃಶಂ ವಿಕ್ಷತಗಾತ್ರಶ್ಚ ಶ್ರಾಂತವಾಹನಸೈನಿಕಃ॥ 9-32-13 (62060)
ನ ಮೇ ತ್ವತ್ತೋ ಭಯಂ ರಾಜನ್ನ ಚ ಪಾರ್ಥಾದ್ವೃಕೋದರಾತ್।
ಫಲ್ಗುನಾದ್ವಾಸುದೇವಾದ್ವಾ ಪಾಂಚಾಲೇಭ್ಯೋಽಥವಾ ಪುನಃ॥ 9-32-14 (62061)
ಯಮಾಭ್ಯಾಂ ಯುಯುಧಾನಾದ್ವಾ ಯೇ ಚಾನ್ಯೇ ತವ ಸೈನಿಕಾಃ।
ಏಕಃ ಸರ್ವಾನಹಂ ಕ್ರುದ್ಧೋ ವಾರಯಿಷ್ಯೇ ಯುಧಿ ಸ್ಥಿತಃ॥ 9-32-15 (62062)
ಧರ್ಮಮೂಲಾ ಸತಾಂ ಕೀರ್ತಿರ್ಮನುಷ್ಯಾಣಾಂ ಜನಾಧಿಪ।
ಧರ್ಮಂ ಚೈವೇಹ ಕೀರ್ತಿಂ ಚ ಪಾಲಯನ್ಪ್ರಬ್ರವೀಂಯಹಂ॥ 9-32-16 (62063)
ಅಹಮುತ್ಥಾಯ ಸರ್ವಾನ್ವೈ ಪ್ರತಿಯೋತ್ಸ್ಯಾಮಿ ಸಂಯುಗೇ।
ಅನ್ವಭ್ಯಾಶಂ ಗತಾನ್ಸರ್ವಾನ್ನಿಹನಿಷ್ಯಾಮಿ ಭಾರತ॥ 9-32-17 (62064)
ಅದ್ಯ ವಃ ಸರಥಾನ್ಸಾಶ್ವಾನಶಸ್ತ್ರೋ ವಿರಥೋಽಪಿ ಸನ್।
ನಕ್ಷತ್ರಾಣೀವ ಸರ್ವಾಣಿ ಸವಿತಾ ರಾತ್ರಿಸಂಕ್ಷಯೇ॥ 9-32-18 (62065)
ತೇಜಸಾ ನಾಶಯಿಷ್ಯಾಮಿ ಸ್ಥಿರೀಭವತ ಪಾಣ಼್ಡವಾಃ।
ಅದ್ಯಾನೃಣ್ಯಂ ಗಮಿಷ್ಯಾಮಿ ಕ್ಷತ್ರಿಯಾಣಾಂ ಯಶಸ್ವಿನಾಂ॥ 9-32-19 (62066)
ಬಾಹ್ಲೀಕದ್ರೋಣಭೀಷ್ಮಾಣಾಂ ಕರ್ಣಸ್ಯ ಚ ಮಹಾತ್ಮನಃ।
ಜಯದ್ರಥಸ್ಯ ಶೂರಸ್ಯ ಭಗದತ್ತಸ್ಯ ಚೋಭಯೋಃ॥ 9-32-20 (62067)
ಮದ್ರರಾಜಸ್ಯ ಶಲ್ಯಸ್ಯ ಭೂರಿಶ್ರವಸ ಏವ ಚ।
ಪುತ್ರಾಣಾಂ ಭರತಶ್ರೇಷ್ಠ ಶಕುನೇಃ ಸೌಬಲಸ್ಯ ಚ॥ 9-32-21 (62068)
ಮೇತ್ರಾಣಾಂ ಸುಹೃದಾಂ ಚೈವ ಬಾಂಧವಾನಾಂ ತಥೈವ ಚ।
ಪ್ರಾನೃಣ್ಯಮದ್ಯ ಗಚ್ಛಾಮಿ ಹತ್ವಾ ತ್ವಾಂ ಭ್ರಾತೃಭಿಃ ಸಹ॥ 9-32-22 (62069)
ಸಂಜಯ ಉವಾಚ। 9-32-23x (5148)
ಏತಾವದುಕ್ತ್ವಾ ವಚನಂ ವಿರರಾಮ ಜನಾಧಿಪಃ।
`ಸಲಿಲಾಂತರ್ಗತಃ ಶ್ರೀಮಾನ್ಪುತ್ರೋ ದುರ್ಯೋಧನಸ್ತವ॥' 9-32-23 (62070)
ಯುಧಿಷ್ಠಿರ ಉವಾಚ। 9-32-24x (5149)
ದಿಷ್ಟ್ಯಾ ತ್ವಮಪಿ ಜಾನೀಷೇ ಕ್ಷತ್ರಧರ್ಮಂ ಸುಯೋಧನ।
ದಿಷ್ಟ್ಯಾ ತೇ ವರ್ತತೇ ಬುದ್ಧಿರ್ಯುದ್ಧಾಯೈವ ಮಹಾಭುಜ॥ 9-32-24 (62071)
ದಿಷ್ಟ್ಯಾ ಶೂರೋಽಸಿ ಗಾಂಧಾರೇ ದಿಷ್ಟ್ಯಾ ಜಾನಾಸಿ ಸಂಗರಂ।
ಯಸ್ತ್ವಮೇಕೋ ಹಿ ನಃ ಸರ್ವಾನ್ಸಂಗರೇ ಯೋದ್ಭುಮಿಚ್ಛಸಿ॥ 9-32-25 (62072)
ಏಕ ಏಕೇನ ಸಂಗಂಯ ಯತ್ತೇ ಸಂಮತಮಾಯುಧಂ।
ತತ್ತ್ವಮಾದಾಯ ಯುಧ್ಯಸ್ವ ಪ್ರೇಕ್ಷಕಾಸ್ತೇ ವಯಂ ಸ್ಥಿತಾಃ॥ 9-32-26 (62073)
ಅಯಮಿಷ್ಟಂ ಚ ತೇ ಕಾಮಂ ವೀರ ಭೂಯೋ ದದಾಂಯಹಂ।
ಹತ್ವೈಕಂ ಭವ ನೋ ರಾಜಾ ಹತೋ ವಾ ಸ್ವರ್ಗಮಾಪ್ನುಹಿ॥ 9-32-27 (62074)
ದುರ್ಯೋಧನ ಉವಾಚ। 9-32-28x (5150)
ಏಕಶ್ಚೇದ್ಯೋದ್ಭುಮಾಕ್ರಂದೇ ವರೋಽದ್ಯ ಮಮ ದೀಯತಾಂ।
ಆಯುಧಾನಾಮಿಯಂ ಚಾಪಿ ಮತಾ ಮೇ ಸತಂ ಗದಾ॥ 9-32-28 (62075)
ಭ್ರಾತಣಾಂ ಭವತಾಮೇಕಃ ಶಕ್ಯಂ ಮಾಂ ಯೋಽಭಿಮನ್ಯತೇ।
ಪದಾತಿರ್ಗದಯಾ ಸಂಖ್ಯೇ ಸ ಯುಧ್ಯತು ಮಯಾ ಸಹ॥ 9-32-29 (62076)
ವೃತ್ತಾನಿ ರಥಯುದ್ಧಾನಿ ವಿಚಿತ್ರಾಮಿ ಪದೇಪದೇ।
ಇದಮೇಕಂ ಗದಾಯುದ್ಧಂ ಭವತ್ವದ್ಯಾದ್ಭುತಂ ಮಹತ್॥ 9-32-30 (62077)
ಅನ್ನಾನಾಮಪಿ ಪರ್ಯಾಯಂ ಕರ್ತುಮಿಚ್ಛಂತಿ ಮಾನವಾಃ।
ಯುದ್ಧಾನಾಮಪಿ ಪರ್ಯಾಯೋ ಭವತ್ವನುಮತೇ ತವ॥ 9-32-31 (62078)
ಗದಯಾ ತ್ವಾಂ ಮಹಾಬಾಹೋ ವಿಜೇಷ್ಯಾಮಿ ಸಹಾನುಜಂ।
ಪಾಂಚಾಲಾನ್ಸೃಂಜಯಾಂಶ್ಚೈವ ಯೇ ಚಾನ್ಯೇ ತವ ಸೈನಿಕಾಃ।
ನ ಹಿ ಮೇ ಸಂಭ್ರಾಮೋ ಜಾತು ಶಕ್ರಾದಪಿ ಯುಧಿಷ್ಠಿರ॥ 9-32-32 (62079)
ಯುಧಿಷ್ಠಿರ ಉವಾಚ। 9-32-33x (5151)
ಉತ್ತಿಷ್ಠೋತ್ತಿಷ್ಠ ಗಾಂಧಾರೇ ಮಾಂ ಯೋಧಯ ಸುಯೋಧನ।
ಏಕ ಏಕೇನ ಸಂಗಂಯ ಸಂಯುಗೇ ಗದಯಾ ಬಲೀ॥ 9-32-33 (62080)
ಪುರುಷೋ ಭವ ಗಾಂಧಾರೇ ಯುಧ್ಯಸ್ವ ಸುಸಮಾಹಿತಃ।
ಅದ್ಯ ತೇ ಜೀವಿತಂ ನಾಸ್ತಿ ಯದೀಂದ್ರೋಪಿ ತವಾಶ್ರಯಃ॥ 9-32-34 (62081)
ಸಂಜಯ ಉವಾಚ। 9-32-35x (5152)
ಏತತ್ಸ ನರಶಾರ್ದೂಲೋ ನಾಮೃಷ್ಯತ ತವಾತ್ಮಜಃ।
ಸಲಿಲಾಂತರ್ಗತಃ ಶ್ವಭ್ರೇ ಮಹಾನಾಗ ಇವ ಶ್ವಸನ್॥ 9-32-35 (62082)
ತಥಾಽಸೌ ವಾಕ್ಪ್ರತೋದೇನ ತುದ್ಯಮಾನಃ ಪುನಃಪುನಃ।
ವಚೋ ನ ಮಮೃಷೇ ರಾಜನ್ನುತ್ತಮಾಶ್ವಃ ಕಶಾಮಿವ॥ 9-32-36 (62083)
ಸಂಕ್ಷೋಭ್ಯ ಸಲಿಲಂ ವೇಗಾದ್ಗದಾಮಾದಾಯ ವೀರ್ಯವಾನ್।
ಅದ್ರಿಸಾರಮಯೀಂ ಗುರ್ವೀಂ ಕಾಂಚನಾಂಗದಭೂಷಣಾಂ।
ಅಂತರ್ಜಲಾತ್ಸಮುತ್ತಸ್ಥೌ ನಾಗೇಂದ್ರ ಇವ ನಿಃಶ್ವಸನ್॥ 9-32-37 (62084)
ಸ ಭಿತ್ತ್ವಾ ಸ್ತಂಭಿತಂ ತೋಯಂ ಸ್ಕಂಧೇ ಕೃತ್ವಾಯಸೀಂ ಗದಾಂ।
ಉದತಿಷ್ಠತ ಪುತ್ರಸ್ತೇ ಪ್ರತಪನ್ರಶ್ಮಿವಾನಿವ॥ 9-32-38 (62085)
ತತಃ ಶೈಕ್ಯಾಯಸೀಂ ಗುರ್ವೀ ಜಾತರೂಪಪರಿಷ್ಕೃತಾಂ।
ಗದಾಂ ಪರಾಮೃಶದ್ಧೀಮಾಂಧಾರ್ತರಾಷ್ಟ್ರೋ ಮಹಾಬಲಃ॥ 9-32-39 (62086)
ಗದಾಹಸ್ತಂ ತು ತಂ ದೃಷ್ಟ್ವಾ ಸಶೃಂಗಮಿವ ಪರ್ವತಂ।
ಪ್ರಜಾನಾಮಿವ ಸಂಕ್ರುದ್ಧಂ ಶೂಲಪಾಣಿಮಿವ ಸ್ಥಿತಂ॥ 9-32-40 (62087)
*ಸಗದೋ ಭಾರತೋ ಭಾತಿ ಪ್ರತಪನ್ಭಾಸ್ಕರೋ ಯಥಾ*॥ 9-32-41 (62088)
ತಮುತ್ತೀರ್ಣಂ ಮಹಾಬಾಹುಂ ಗದಾಹಸ್ತಮರಿಂದಮಂ।
ಮೇನಿರೇ ಸರ್ವಭೂತಾನಿ ದಂಡಪಾಣಿಮಿವಾಂತಕಂ॥ 9-32-42 (62089)
ವಜ್ರಹಸ್ತಂ ಯಥಾ ಶಕ್ರಂ ಶೂಲಹಸ್ತಂ ಯಥಾ ಹರಂ।
ದದೃಶುಃ ಶರ್ವಪಾಂಚಾಲಾಃ ಪುತ್ರಂ ತವ ಜನಾಧಿಪ॥ 9-32-43 (62090)
ತಮುತ್ತೀರ್ಣಂ ತು ಸಂಪ್ರೇಕ್ಷ್ಯ ಸಮಹೃಷ್ಯಂತ ಸರ್ವಶಃ।
ಪಾಂಚಾಲಾಃ ಪಾಂಡವೇಯಾಶ್ಚ ತೇಽನ್ಯೋನ್ಯಸ್ಯ ತಲಾಂದದುಃ॥ 9-32-44 (62091)
ಅವಹಾಸಂ ತು ತಂ ಮತ್ವಾ ಪುತ್ರೋ ದುರ್ಯೋಧನಸ್ತವ।
ಉದ್ವೃತ್ಯ ನಯನೇ ಕ್ರುದ್ಧೋ ದಿಧಕ್ಷುರಿವ ಪಾಂಡವಾನ್॥ 9-32-45 (62092)
ತ್ರಿಶಿಖಾಂ ಭ್ರುಕುಟೀಂ ಕೃತ್ವಾ ಸಂದಷ್ಟದಶನಚ್ಛದಃ।
ಪ್ರತ್ಯುವಾಚ ತತಸ್ತಾನ್ವೈ ಪಾಂಡವಾನ್ಸಹ ಕೇಶವಾನ್॥ 9-32-46 (62093)
ದುರ್ಯೋಧನ ಉವಾಚ। 9-32-47x (5153)
ಅಸ್ಯಾವಹಾಸಸ್ಯ ಫಲಂ ಪ್ರತಿಮೋಕ್ಷ್ಯಥ ಪಾಂಡವಾಃ।
ಗಮಿಷ್ಯಥ ಹತಾಃ ಸದ್ಯಃ ಸಪಾಂಚಾಲಾ ಯಮಕ್ಷಯಂ॥ 9-32-47 (62094)
ಉತ್ಥಿಂತಶ್ಚ ಜಲಾತ್ತಸ್ಮಾತ್ಪುತ್ರೋ ದುರ್ಯೋಧನಸ್ತವ।
ಅತಿಷ್ಠತ ಗದಾಪಾಣೀ ರುಧಿರೇಣ ಸಮುಕ್ಷಿತಃ॥ 9-32-48 (62095)
ತಸ್ಯ ಶೋಣಿತದಿಗ್ಧಸ್ಯ ಸಲಿಲೇನ ಸಮುಕ್ಷಿತಂ।
ಶರೀರಂ ಸ್ಮ ತದಾ ಭಾತಿ ಸ್ರವನ್ನಿವ ಮಹೀಧಾರಃ॥ 9-32-49 (62096)
ತಮುದ್ಯತಗದಂ ವೀರಂ ಮೇನಿರೇ ತತ್ರ ಪಾಂಡವಾಃ।
ವೈವಸ್ವತಮಿವ ಕ್ರುದ್ಧಂ ಶೂಲಪಾಣಿಮಿವ ಸ್ಥಿತಂ॥ 9-32-50 (62097)
ಸ ಮೇಘನಿನದೋ ಹರ್ಷಾನ್ನರ್ದನ್ನಿವ ಚ ಗೋವೃಷಃ।
ಆಜುಹಾವ ತತಃ ಪಾರ್ಥಾನ್ಗದಯಾ ಯುಧಿ ವೀರ್ಯವಾನ್॥ 9-32-51 (62098)
ದುರ್ಯೋಧನ ಉವಾಚ। 9-32-52x (5154)
ಏಕೈಕೇನ ಚ ಮಾಂ ಯೂಯಮಾಸೀದತ ಯುಧಿಷ್ಠಿರ।
ನ ಹ್ಯೇಕೋ ಬಹುಭಿರ್ನ್ಯಾಯ್ಯೋ ವೀರೋ ಯೋಧಯಿತುಂ ಯುಧಿ॥ 9-32-52 (62099)
ನ್ಯಸ್ತವರ್ಮಾ ವಿಶೇಷೇಣ ಶ್ರಾಂತಶ್ಚಾಪ್ಸು ಪರಿಪ್ಲುತಃ।
ಭೃಶಂ ವಿಕ್ಷತಗಾತ್ರಶ್ಚ ಹತವಾಹನಸೈನಿಕಃ॥ 9-32-53 (62100)
[ಅವಶ್ಯಮೇವ ಯೋದ್ವವ್ಯಂ ಸರ್ವೈರೇವ ಮಯಾ ಸಹ।
ಯುಕ್ತಂ ತ್ವಯುಕ್ತಮಿತ್ಯೇತದ್ವೇತ್ಸಿ ತ್ವಂ ಚೈವ ಸರ್ವದಾ]॥ 9-32-54 (62101)
ಯುಧಿಷ್ಠಿರ ಉವಾಚ। 9-32-55x (5155)
ಮಾ ಭೂದಿಯಂ ತವ ಪ್ರಜ್ಞಾ ಕಥಮೇಕಂ ಸುಯೋಧನ।
ಯದಾಽಭಿಮನ್ಯುಂ ಬಹವೋ ಜಘ್ನುರ್ಯುಧಿ ಮಹಾರಥಾಃ॥ 9-32-55 (62102)
[ಕ್ಷತ್ರಧರ್ಮಂ ಭೃಶಂ ಕ್ರೂರಂ ನಿರಪೇಕ್ಷಂ ಸುನಿರ್ಘೃಣಂ।
ಅನ್ಯಥಾ ತು ಕಥಂ ಹನ್ಯುರಭಿಮನ್ಯುಂ ತಥಾಗತಂ॥ 9-32-56 (62103)
ಸರ್ವೇ ಭವಂತೋ ಧರ್ಮಜ್ಞಾಃ ಸರ್ವೇ ಶೂರಾಸ್ತನುತ್ಯಜಃ।
ನ್ಯಾಯೇನ ಯುಧ್ಯತಾಂ ಪ್ರೋಕ್ತಾ ಶಕ್ರಲೋಕಗತಿಃ ಪರಾ॥ 9-32-57 (62104)
ಯದ್ಯೇಕಸ್ತು ನ ಹಂತವ್ಯೋ ಬಹುಭಿರ್ಧರ್ಮ ಏವ ತು।
ತದಾಽಭಿಮನ್ಯುಂ ಬಹವೋ ನಿಜಘ್ನುಸ್ತ್ವನ್ಮತೇ ಕಥಂ॥ 9-32-58 (62105)
ಸರ್ವೋ ವಿಮೃಶತೇ ಜಂತುಃ ಕೃಚ್ಛ್ರಸ್ಥೋ ಧರ್ಮದರ್ಶನಂ।
ಪದಸ್ಥಃ ಪಿಹಿತಂ ದ್ವಾರಂ ಪರಲೋಕಸ್ಯ ಪಶ್ಯತಿ॥] 9-32-59 (62106)
ಆಮುಂಚ ಕವಚಂ ವೀರ ಮೂರ್ಧಜಾನ್ಯಮಯಸ್ವ ಚ।
ಯಚ್ಚಾನ್ಯದಪಿ ತೇ ನಾಸ್ತಿ ತದಪ್ಯಾದತ್ಸ್ವ ಭಾರತ॥ 9-32-60 (62107)
ಇಮಮೇಕಂ ಚ ತೇ ಕಾಮಂ ವೀರ ಭೂಯೋ ದದಾಂಯಹಂ।
ಪಂಚಾನಾಂ ಪಾಣ಼್ಡವೇಯಾನಾಂ ಯೇನ ತ್ವಂ ಯೋದ್ಧುಮಿಚ್ಛಸಿ॥ 9-32-61 (62108)
ತಂ ಹತ್ವಾ ವೈ ಭವಾರಾಜಾ ಹತೋ ವಾ ಸ್ವರ್ಗಮಾಪ್ನುಹಿ।
ಋತೇ ಚ ಜೀವಿತಾದ್ವೀರ ಯುದ್ಧೇ ಕಿಂ ಕುರ್ಮ ತೇ ಪ್ರಿಯಂ॥ 9-32-62 (62109)
ಸಂಜಯ ಉವಾಚ। 9-32-63x (5156)
ತತಸ್ತವ ಸುತೋ ರಾಜನ್ವರ್ಮ ಜಗ್ರಾಹ ಕಾಂಚನಂ।
ವಿಚಿತ್ರಂ ಚ ಶಿರಸ್ತ್ರಾಣಂ ಜಾಂಬೂನದಪರಿಷ್ಕೃತಂ॥ 9-32-63 (62110)
ಸೋಽವಬದ್ವಶಿರಸ್ತ್ರಾಣಃ ಶುಭಕಾಂಚನವರ್ಮಭೃತ್।
ರರಾಜ ರಾಜನ್ಪುತ್ರಸ್ತೇ ಕಾಂಚನಃ ಶೈಲರಾಡಿವ॥ 9-32-64 (62111)
ಸನ್ನದ್ಧಃ ಸಗತೋ ರಾಜನ್ಸಜ್ಜಃ ಸಂಗ್ರಾಮಮೂರ್ಧನಿ।
ಅಬ್ರವೀತ್ಪಾಣ಼್ಡವಾನ್ಸರ್ವಾನ್ಪುತ್ರೋ ದುರ್ಯೋಧನಸ್ತವ॥ 9-32-65 (62112)
ಭ್ರಾತೄಣಾಂ ಭವತಾಮೇಕೋ ಯುಧ್ಯತಾಂ ಗದಯಾ ಮಯಾ।
ಸಹದೇವೇನ ವಾ ಯೋತ್ಸ್ಯೇ ಭೀಮೇನ ನಕುಲೇನ ವಾ॥ 9-32-66 (62113)
ಅಥವಾ ಫಲ್ಗುನೇನಾದ್ಯ ತ್ವಯಾ ವಾ ಭರತರ್ಷಭ।
ಯೋತ್ಸ್ಯೇಽಹಂ ಸಂಗರಂ ಪ್ರಾಪ್ಯ ವಿಜೇಷ್ಯೇ ಚ ರಣಾಜಿರೇ॥ 9-32-67 (62114)
ಅಹಮದ್ಯ ಗಮಿಷ್ಯಾಮಿ ವೈರಸ್ಯಾಂತಂ ಸುದುರ್ಗಮಂ।
ಗದಯಾ ಪುರುಷವ್ಯಾಘ್ರ ಹೇಮಪಟ್ಟನಿಬದ್ಧಯಾ॥ 9-32-68 (62115)
ಗದಾಯುದ್ಧೇ ನ ಮೇ ಕಶ್ಚಿತ್ಸದೃಶೋಽಸ್ತೀತಿ ಚಿಂತಯೇ।
ಗದಯಾ ವೋ ಹನಿಷ್ಯಾಮಿ ಸರ್ವಾನೇವ ಸಮಾಗತಾನ್॥ 9-32-69 (62116)
ನ ಮೇ ಸಮರ್ಥಾಃ ಸರ್ವೇ ವೈ ಯೋದ್ಧುಂ ನ್ಯಾಯೇನ ಕೇಚನ।
ನ ಯುಕ್ತಮಾತ್ಮನಾ ವಕ್ತುಮೇವಂ ಗರ್ವೋದ್ಧತಂ ವಚಃ।
ಅಥವಾ ಸಫಲಂ ಹ್ಯೇತತ್ಕರಿಷ್ಯೇ ಭವತಾಂ ಪುರಃ॥ 9-32-70 (62117)
ಅಸ್ಮಿನ್ಮಹೂರ್ತೇ ಸತ್ಯಂ ವಾ ಮಿಥ್ಯಾ ವೈ ತದ್ಭವಿಷ್ಯತಿ।]
ಗೃಹ್ಣಾತು ಚ ಗದಾಂ ಯೋ ವೈ ಯೋತ್ಸ್ಯತೇಽದ್ಯ ಮಯಾ ಸಹ॥ ॥ 9-32-71 (62118)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ದ್ವಾತ್ರಿಂಶೋಽಧ್ಯಾಯಃ॥ 32 ॥
Mahabharata - Shalya Parva - Chapter Footnotes
9-32-3 ಆತಪತ್ರೇಣ ದುರ್ಯೋಧನಃ ಸೂರ್ಯಾದ್ರಕ್ಷಿತ ಇತ್ಯೇಷ ಪ್ರವಾದೋಽಪಿ ಯಸ್ಯ ನ ಸ ಇತಿ ಭಾವಃ॥ 9-32-10 ಪರಿದ್ಯೂನಃ ಪರಿಶ್ರಾಂತಃ॥ 9-32-27 ನಃ ಅಸ್ಮಾಕಂ ಪಂಚಾನಾಂ ಮಧ್ಯೇ ಏಕಮಪಿ ಹತ್ವಾ ತ್ವಂ ರಾಜಾ ಭವೇತ್ಯನ್ವಯಃ॥ 9-32-34 ಅದ್ಯ ತೇ ಜೀವಿತಂ ನಾಸ್ತಿ ಯದ್ಯಪಿ ತ್ವಂ ಮನೋಜವಃ ಇತಿ ಕ.ಙ.ಪಾಠಃ॥ 9-32-56 ಕ್ಷತ್ರಧರ್ಮಂ ಅಸ್ತೀತಿ ಶೇಷಃ। ಧರ್ಮೋಽಸ್ತ್ರೀ ಪುಣ್ಯಆಚಾರೇ ಇತಿ ಮೇದಿನೀ॥ 9-32-32 ದ್ವಾತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 033
॥ ಶ್ರೀಃ ॥
9.33. ಅಧ್ಯಾಯಃ 033
Mahabharata - Shalya Parva - Chapter Topics
ಯುಧಿಷ್ಠಿರೇಣ ದುರ್ಯೋಧನಂಪ್ರತಿ ಸ್ವೇಷ್ವನ್ಯತಮಪರಾಜಯೇನಾಪಿ ತಸ್ಯ ರಾಜ್ಯಪ್ರಾಪ್ತಿವಚನೇ ಕೃಷ್ಣೇನ ತಂಪ್ರತಿ ಸಕೋಪಂ ಭೀಮೇನಾಪಿ ದುರ್ಯೋಧನಪ ರಾಜಯೇ ಸ್ವಸ್ಯ ಸಂಶಯೋಕ್ತಿಃ॥ 1 ॥ ಭೀಮೇನ ಕೃಷ್ಣಂಪ್ರತಿ ಸ್ವಸಾಮರ್ಥ್ಯಪ್ರಕಥನಪೂರ್ವಕಂ ಸ್ವೇನ ದುರ್ಯೋಧನವಧಸ್ಯ ಸುಕರತ್ವೇ ಕಥಿತೇ ಕೃಷ್ಣಾದಿಭಿಸ್ತತ್ಪ್ರಶಂಸನಂ॥ 2 ॥ ಭೀಮದುರ್ಯೋಧನಯೋರ್ವೀರವಾದಪುರ್ವಕಂ ಯುದ್ಧೋದ್ಯಮಃ॥ 3 ॥Mahabharata - Shalya Parva - Chapter Text
9-33-0 (62119)
ಸಂಜಯ ಉವಾಚ। 9-33-0x (5157)
ಏವಂ ದುರ್ಯೋಧನೇ ರಾಜನ್ಗರ್ಜಮಾನೇ ಮುಹುರ್ಮುಹುಃ।
ಯುಧಿಷ್ಠಿರಸ್ಯ ಸಂಕ್ರುದ್ಧೋ ವಾಸುದೇವೋಽಬ್ರವೀದಿದಂ॥ 9-33-1 (62120)
ಯದೀ ನಾಮ ಹ್ಯಯಂ ಯೂದ್ಧೇ ವರಯೇತ್ತ್ವಾಂ ಯುಧಿಷ್ಠಿರ।
ಅರ್ಜುನಂ ನಕುಲಂ ಚೈವ ಸಹದೇವಮಥಾಪಿ ವಾ॥ 9-33-2 (62121)
ಕಿಮಿದಂ ಸಾಹಸಂ ರಾಜಂಸ್ತ್ವಯಾ ವ್ಯಾಹೃತಮೀದೃಶಂ।
ಏಕಮೇವ ನಿಹತ್ಯಾಜೌ ಭವ ರಾಜಾ ಕುರುಷ್ವಿತಿ॥ 9-33-3 (62122)
ಏತೇನ ಹಿ ಕೃತಾ ಯೋಗ್ಯಾ ವರ್ಷಾಣೀಹ ತ್ರಯೋದಶ।
ಆಯಸೇ ಪುರುಷೇ ರಾಜನ್ಭೀಮಸೇನಜಿಘಾಂಸಯಾ॥ 9-33-4 (62123)
ಕಥಂ ನಾಮ ಭವೇತ್ಕಾರ್ಯಮಸ್ಮಾದ್ವಿ ಭರತರ್ಷಭ।
ಸಾಹಸಂ ಕೃತವಾಂಸ್ತ್ವಂ ತು ಹ್ಯನುಕ್ರೋಶಾನ್ನೃಪೋತ್ತಮ॥ 9-33-5 (62124)
ನಾನ್ಯಮಸ್ಯಾನುಪಶ್ಯಾಮಿ ಪ್ರತಿಯೋದ್ಧಾರಮಾಹವೇ।
ಋತೇ ವೃಕೋದರಾತ್ಪಾರ್ಥಾತ್ಸ ಚ ನಾತಿಕೃತಶ್ರಮಃ॥ 9-33-6 (62125)
ತದಿದಂ ದ್ಯೂತಮಾರಬ್ಧಂ ಪುನರೇವ ಯಥಾ ಪುರಾ।
ವಿಷಮಂ ಶಕುನೇಶ್ಚೈವ ತವ ಚೈವ ವಿಶೇಷತಃ॥ 9-33-7 (62126)
ಬಲೀ ಭೀಮಃ ಸಮರ್ಥಶ್ಚ ಕೃತೀ ರಾಜಾ ಸುಯೋಧನಃ।
ಬಲವಾನ್ವಾ ಕೃತೀ ವೇತಿ ಕೃತೀ ರಾಜನ್ವಿಶಿಷ್ಯತೇ॥ 9-33-8 (62127)
ಸೋಽಯಂ ರಾಜಂಸ್ತ್ವಯಾ ಶತ್ರುಃ ಸಮೇ ಪಥಿ ನಿವೇಶಿತಃ।
ನ್ಯಸ್ತಶ್ಚಾತ್ಮಾ ಸುವಿಷಮೇ ಕೃಚ್ಛ್ರಮಾಪಾದಿತಾ ವಯಂ॥ 9-33-9 (62128)
ಕೋಽನು ಸರ್ವಾನ್ವಿನಿರ್ಜಿತ್ಯ ಶತ್ರೂನೇಕೇನ ವೈರಿಣಾ।
[ಕೃಚ್ಛ್ರಪ್ರಾಪ್ತೇನ ಚ ತಥಾ ಹಾರಯೇದ್ರಾಜ್ಯಮಾಗತಂ।]
ಪಾತಿತಶ್ಚೈಕಬಾಣೇನ ಶೋಚಯೇದೇವಮಾಹವೇ॥ 9-33-10 (62129)
ನ ಹಿ ಪಶ್ಯಾಮಿ ತಂ ಲೋಕೇ ಯೋಽದ್ಯ ದುರ್ಯೋಧನಂ ರಣೇ।
ಗದಾಹಸ್ತಂ ವಿಜೇತುಂ ವೈ ಶಕ್ತಃ ಸ್ಯಾದಮರೋಪಿ ಹಿ॥ 9-33-11 (62130)
ಫಲ್ಗುನೋ ವಾ ಭವಾನ್ವಾಥ ಮಾದ್ರೀಪುತ್ರಾವಥಾಪಿ ವಾ।
ನ ಸಮರ್ಥಾನಹಂ ಮನ್ಯೇ ಗದಾಹಸ್ತಸ್ಯ ಸಂಯುಗೇ॥ 9-33-12 (62131)
ನ ತ್ವಂ ಭೀಮೋ ನ ನಕುಲಃ ಸಹದೇವೋಽಥ ಫಲ್ಗುನಃ।
ಜೇತುಂ ನ್ಯಾಯೇನ ಶಕ್ತೋ ವೈ ಕೃತೀ ರಾಜಾ ಸುಯೋಧನಃ॥ 9-33-13 (62132)
ಸ ಕಥಂ ವದಸೇ ಶತ್ರುಂ ಯುಧ್ಯಸ್ವ ಗದಯೇತಿ ಹಿ।
ಏಕಂ ಚ ನೋ ನಿಹತ್ಯಾಜೌ ಭವ ರಾಜೇತಿ ಭಾರತ॥ 9-33-14 (62133)
ವೃಕೋದರಂ ಸಮಾಸಾದ್ಯ ಸಂಶಯೋ ವೈ ಜಯೇ ಹಿ ನಃ।
ನ್ಯಾಯತೋ ಯುಧ್ಯಮಾನಾನಾಂ ಕೃತೀ ಹ್ಯೇಷ ಮಹಾಬಲಃ॥ 9-33-15 (62134)
[ನೂನಂ ನ ರಾಜ್ಯಭಾಗೇಷಾ ಪಾಂಡೋಃ ಕುಂತ್ಯಾಶ್ಚ ಸಂತತಿಃ।
ಅತ್ಯಂತವನವಾಸಾಯ ಸೃಷ್ಟಾ ಭೈಕ್ಷ್ಯಾಯ ವಾ ಪುನಃ॥] 9-33-16 (62135)
ಭೀಮಸೇನ ಉವಾಚ। 9-33-17x (5158)
ಮಧುಸೂದನ ಮಾಕಾರ್ಷೀವಿಷಾದಂ ಯದುನಂದನ।
ಅದ್ಯ ಪಾರಂ ಗಮಿಷ್ಯಾಮಿ ವೈರಸ್ಯ ಭೃಶದುರ್ಗಮಂ॥ 9-33-17 (62136)
ಅಹಂ ಸುಯೋಧನಂ ಸಂಖ್ಯೇ ಹನಿಷ್ಯಾಮಿ ನ ಸಂಶಯಃ।
ವಿಜಯೋ ವೈ ಧ್ರುವಃ ಕೃಷ್ಣ ಧರ್ಮರಾಜಸ್ಯ ದೃಶ್ಯತೇ॥ 9-33-18 (62137)
ಅಧ್ಯರ್ಧೇನ ಗುಣೇನೇಯಂ ಗದಾ ಗುರುತರೀ ಮಮ।
ನ ತಥಾ ಧಾರ್ತರಾಷ್ಟ್ರಸ್ಯ ಮಾಕಾರ್ಷೀರ್ಮಾಧವ ವ್ಯಥಾಂ॥ 9-33-19 (62138)
ಅನಯಾ ಗದಯಾನಾಹಂ ಸಂಯುಗೇ ಯೋದ್ಧುಮುತ್ಸಹೇ।
ಭವಂತಃ ಪ್ರೇಕ್ಷಕಾಃ ಸರ್ವೇ ಮಮ ಸಂತು ಜನಾರ್ದನ॥ 9-33-20 (62139)
ಸಾಮರಾನಪಿ ಲೋಕಾಂಸ್ತ್ರೀನ್ನಾನಾಶಸ್ತ್ರಧರಾನ್ಯುಧಿ।
ಯೋಧಯೇಯಂ ರಣೇ ಕೃಷ್ಣ ಕಿಮುತಾದ್ಯ ಸುಯೋಧನಂ॥ 9-33-21 (62140)
ಸಂಜಯ ಉವಾಚ। 9-33-22x (5159)
ತಥಾ ಸಂಭಾಷಮಾಣಂ ತು ವಾಸುದೇವೋ ವೃಕೋದರಂ।
ಹೃಷ್ಟಃ ಸಂಪೂಜಯಾಮಾಸ ವಚನಂ ಚೇದಮಬ್ರವೀತ್॥ 9-33-22 (62141)
ತ್ವಾಮಾಶ್ರಿತ್ಯ ಮಹಾಬಾಹೋ ಧರ್ಮರಾಜೋ ಯುಧಿಷ್ಠಿರಃ।
ನಿಹತಾರಿಃ ಸ್ವಕಾಂ ದೀಪ್ತಾಂ ಶ್ರಿಯಂ ಪ್ರಾಪ್ನೋತ್ಯಸಂಶಯಂ॥ 9-33-23 (62142)
ತ್ವಯಾ ವಿನಿಹತಾಃ ಸರ್ವೇ ಧೃತರಾಷ್ಟ್ರಸುತಾ ರಣೇ।
ರಾಜಾನೋ ರಾಜಪುತ್ರಾಶ್ಚ ನಾಗಾಶ್ಚ ವಿನಿಪಾತಿತಾಃ॥ 9-33-24 (62143)
ಕಲಿಂಗಾ ಮಾಗಧಾಃ ಪ್ರಾಚ್ಯಾ ಗಾಂಧಾರಾಃ ಕುರವಸ್ತಥಾ।
ತ್ವಾಮಾಸಾದ್ಯ ಮಹಾಯುದ್ಧೇ ನಿಹತಾಃ ಪಾಂಡುನಂದನ॥ 9-33-25 (62144)
ಹತ್ವಾ ದುರ್ಯೋಧನಂ ಚಾಪಿ ಪ್ರಯಚ್ಛೋರ್ವೀಂ ಸಸಾಗರಾಂ।
ಧರ್ಮರಾಜಾಯ ಕೌಂತೇಯ ಯಥಾ ವಿಷ್ಣುಃ ಶಚೀಪತೇಃ॥ 9-33-26 (62145)
ತ್ವಾಂ ಚ ಪ್ರಾಪ್ಯ ರಣೇ ಪಾಪೋ ಧಾರ್ತರಾಷ್ಟ್ರೋ ವಿನಂಕ್ಷ್ಯತಿ।
ತ್ವಮಸ್ಯ ಸಕ್ಥಿನೀ ಭಂಕ್ತ್ವಾ ಪ್ರತಿಜ್ಞಾಂ ಪಾಲಯಿಷ್ಯಸಿ॥ 9-33-27 (62146)
ಯತ್ನೇನ ಹ ತ್ವಯಾ ಪಾಪೋ ಯೋದ್ಧವ್ಯೋ ಧೃತರಾಷ್ಟ್ರಜಃ।
ಕೃತೀ ಚ ಬಲವಾಂಶ್ಚೈವ ಯುದ್ಧಶೌಂಡಶ್ಚ ನಿತ್ಯದಾ॥ 9-33-28 (62147)
ತತಸ್ತು ಸಾತ್ಯಕೀ ರಾಜನ್ಪೂಜಯಾಮಾಸ ಪಾಂಡವಂ।
ವಿವಿಧಾಭಿಶ್ಚ ತಂ ವಾಗ್ಭಿರ್ಭಿಮಸೇನಂ ಜನೇಶ್ವರ॥ 9-33-29 (62148)
ಪಾಂಚಾಲಾಃ ಪಾಂಡವೇಯಾಶ್ಚ ಧರ್ಮರಾಜಪುರೋಗಮಾಃ।
ತದ್ವಚೋ ಭೀಮಸೇನಸ್ಯ ಸರ್ವ ಏವಾಭ್ಯಪೂಜಯನ್॥ 9-33-30 (62149)
ತತೋ ಭೀಮಬಲೋ ಭೀಮೋ ಯುಧಿಷ್ಠಿರಮಥಾಬ್ರವೀತ್।
ಸೃಂಜಯೈಃ ಸಹ ತಿಷ್ಠಂತಂ ತಪಂತಮಿವ ಭಾಸ್ಕರಂ॥ 9-33-31 (62150)
ಅಹಮೇತೇನ ಸಂಗಂಯ ಸಂಯುಗೇ ಯೋದ್ಧುಮುತ್ಸಹೇ।
ನ ಹಿ ಶಕ್ತೋ ರಣೇ ಜೇತುಂ ಮಾಮೇಷ ಪುರುಷಾಧಮಃ॥ 9-33-32 (62151)
ಅದ್ಯ ಕ್ರೋಧಂ ವಿಮೋಕ್ಷ್ಯಾಮಿ ನಿಹಿತಂ ಹೃದಯೇ ಭೃಶಂ।
ಸುಯೋಧನೇ ಧಾರ್ತರಾಷ್ಟ್ರೇ ಖಾಂಡವೇಽಗ್ನಿಮಿವಾರ್ಜುನಃ॥ 9-33-33 (62152)
ಶಲ್ಯಮದ್ಯೋದ್ಧರಿಷ್ಯಾಮಿ ತವ ಪಾಂಡವ ಹೃಚ್ಛಯಂ।
ನಿಹತೇ ಗದಯಾ ಪಾಪೇ ಅದ್ಯ ರಾಜನ್ಸುಖೀ ಭವ॥ 9-33-34 (62153)
ಅದ್ಯ ಕೀರ್ತಿಮಯೀಂ ಮಾಲಾಂ ಪ್ರಿತಮೋಕ್ಷ್ಯೇ ತವಾನಘ।
ಪ್ರಾಣಾಞ್ಶ್ರಿಯಂ ಚ ರಾಜ್ಯಂ ಚ ಮೋಕ್ಷ್ಯತೇಽದ್ಯ ಸುಯೋಧನಃ॥ 9-33-35 (62154)
ರಾಜಾ ಚ ಧೃತರಾಷ್ಟ್ರೋಽದ್ಯ ಶ್ರುತ್ವಾ ಪುತ್ರಂ ಮಯಾ ಹತಂ।
ಸ್ಮರಿಷ್ಯತ್ಯಶುಭಂ ಕರ್ಮ ಯತ್ತಚ್ಛಕುನಿಬುದ್ಧಿಜಂ॥ 9-33-36 (62155)
ಇತ್ಯುಕ್ತ್ವಾ ಭರತಶ್ರೇಷ್ಠೋ ಗದಾಮುದ್ಯಂಯ ವೀರ್ಯವಾನ್।
ಉದತಿಷ್ಠತ ಯುದ್ಧಾಯ ಶಕ್ರೋ ವೃತ್ರಮಿವಾಹ್ವಯನ್॥ 9-33-37 (62156)
[ತದಾಹ್ವಾನಮಮೃಷ್ಯನ್ವೈ ತವ ಪುತ್ರೋಽತಿವೀರ್ಯವಾನ್।
ಪ್ರತ್ಯುಪಸ್ಥಿತ ಏವಾಶು ಮತ್ತೋ ಮತ್ತಮಿವ ದ್ವಿಪಂ॥ 9-33-38 (62157)
ಗದಾಹಸ್ತಂ ತವ ಸುತಂ ಯುದ್ಧಾಯ ಸಮುಪಸ್ಥಿತಂ।
ದದೃಶುಃ ಪಾಂಡವಾಃ ಸರ್ವೇ ಕೈಲಾಸಮಿವ ಶೃಂಗಿಣಂ]॥ 9-33-39 (62158)
ತಮೇಕಾಕಿನಮಾಸಾದ್ಯ ಧಾರ್ತರಾಷ್ಟ್ರಂ ಮಹಾಬಲಂ।
ವಿಯೂಥಮಿವ ಮಾತಂಗಂ ಸಮಹೃಷ್ಯಂತ ಪಾಂಡವಾಃ॥ 9-33-40 (62159)
[ನ ಸಂಭ್ರಮೋ ನ ಚ ಭಯಂ ನ ಚ ಗ್ಲಾನಿರ್ನ ಚ ವ್ಯಥಾ।
ಆಸೀದ್ದುರ್ಯೋಧನಸ್ಯಾಪಿ ಸ್ಥಿತಃ ಸಿಂಹ ಇವಾಹವೇ]॥ 9-33-41 (62160)
ಸಮುದ್ಯತಗದಂ ದೃಷ್ಟ್ವಾ ಕೈಲಾಸಮಿವ ಶೃಂಗಿಯಾಂ।
ಭೀಮಸೇನಸ್ತದಾ ರಾಜಂದುರ್ಯೋಧನಮಥಾಬ್ರವೀತ್॥ 9-33-42 (62161)
ರಾಜ್ಞಾಪಿ ಧೃತರಾಷ್ಟ್ರೇಣ ತ್ವಯಾ ಚಾಸ್ಮಾಸು ಯತ್ಕೃತಂ।
ಸ್ಮರ ತದ್ದುಷ್ಕೃತಂ ಕರ್ಮಂ ಯದ್ಭೂತಂ ವಾರಣಾವತೇ। 9-33-43 (62162)
ದ್ರೌಪದೀ ಚ ಪರಾಮೃಷ್ಟಾ ಸಮಾಮಧ್ಯೇ ರಜಸ್ವಲಾ।
ದ್ಯೂತೇ ಚ ವಂಚಿತೋ ರಾಜಾ ಶಕೂನೇರ್ಬುದ್ಧಿಲಾಘವಾತ್॥ 9-33-44 (62163)
ಯಾನಿ ಚಾನ್ಯಾನಿ ದುಷ್ಟಾತ್ಮನ್ಪಾಪಾನಿ ಕೃತವಾನಸಿ।
ಅನಾಗಾಸು ಚ ಪಾರ್ಥೇಷು ತಸ್ಯ ಪಶ್ಯ ಮಹತ್ಫಲಂ॥ 9-33-45 (62164)
ತ್ವತ್ಕೃತೇ ನಿಹತಃ ಶೇತೇ ಶರತಲ್ಪೇ ಮಹಾಯಶಾಃ।
ಯಾಂಗೇಯೋ ಭರತಶ್ರೇಷ್ಠಃ ಸರ್ವೇಷಾಂ ನಃ ಪಿತಾಮಹಃ॥ 9-33-46 (62165)
ಹತೋ ದ್ರೋಣಶ್ಚ ಕರ್ಣಶ್ಚ ಇತಃ ಶಲ್ಯಃ ಪ್ರತಾಪವಾನ್।
ವೈರಾಗ್ನೇರಾದಿಕರ್ತಾ ಚ ಶಕುನಿರ್ನಿಹತೋ ರಣೇ॥ 9-33-47 (62166)
ಭ್ರಾತರಸ್ತೇ ಹತಾಃ ಶೂರಾಃ ಪುತ್ರಾಶ್ಚ ಸಹಸೈನಿಕಾಃ।
ರಾಜಾನಶ್ಚ ಹತಾಃ ಶೂರಾಃ ಸಮರೇಷ್ವನಿವರ್ತಿನಃ॥ 9-33-48 (62167)
ಏತೇ ಚಾನ್ಯೇ ಚ ನಿಹತಾ ಬಹವಃ ಕ್ಷತ್ರಿಯರ್ಷಭಾಃ।
ಪ್ರಾತಿಕಾಮೀ ತಥಾ ಪಾಪೋ ದ್ರೌಪದ್ಯಾಃ ಕ್ಲೇಶಕೃದ್ಧತಃ॥ 9-33-49 (62168)
ಅವಶಿಷ್ಟಸ್ತ್ವಮೇವೈಕಃ ಕುಲಘ್ನೋಽಧಮಪೂರುಷಃ।
ತ್ವಾಮಪ್ಯದ್ಯ ಹನಿಷ್ಯಾಮಿ ಗದಯಾ ನಾತ್ರ ಸಂಶಯಃ॥ 9-33-50 (62169)
ಅದ್ಯ ತೇಽಹಂ ರಣೇ ದರ್ಪಂ ಸರ್ವಂ ನಾಶಯಿತಾ ನೃಪ।
ರಾಜ್ಯಾಶಾಂ ವಿಪುಲಾಂ ಚಾಪಿ ಪಾಂಡವೇಷು ಚ ದುಷ್ಕೃತಂ॥ 9-33-51 (62170)
ದುರ್ಯೋಧನ ಉವಾಚ। 9-33-52x (5160)
ಕಿಂ ಕತ್ಥಿತೇನ ಬಹುನಾ ಯುಧ್ಯಸ್ವಾದ್ಯ ಮಯಾ ಸಹ।
ಅದ್ಯ ತೇಽಹಂ ವಿನೇಷ್ಯಾಮಿ ಯುದ್ಧಶ್ರದ್ಧಾಂ ವೃಕೋದರ॥ 9-33-52 (62171)
ಕಿಂ ನ ಪಶ್ಯಸಿ ಮಾಂ ಪಾಪ ಗದಾಯುದ್ಧೇ ವ್ಯವಸ್ಥಿತಂ।
ಹಿಮವಚ್ಛಿಖರಾಕಾರಾಂ ಪ್ರಗೃಹ್ಯ ಮಹತೀಂ ಗದಾಂ॥ 9-33-53 (62172)
ಗದಿನಂ ಕೋಽದ್ಯ ಮಾಂ ಪಾಪ ಹಂತುಮುತ್ಸಹತೇ ರಿಪುಃ।
ನ್ಯಾಯತೋ ಯುಧ್ಯಮಾನಶ್ಚ ದೇವೇಷ್ವಪಿ ಪುರಂದರಃ॥ 9-33-54 (62173)
ಮಾ ವೃಥಾ ಗರ್ಜ ಕೌಂತೇಯ ಶಾರದಾಭ್ರಮಿವಾಜಲಂ।
ದರ್ಶಯಸ್ವ ಬಲಂ ಯುದ್ಧೇ ಯಾವನ್ನಾಸೂನ್ನಿಹನ್ಮಿ ತೇ॥ 9-33-55 (62174)
ತಸ್ಯ ತದ್ವಚನಂ ಶ್ರುತ್ವಾ ಪಾಂಡವಾಃ ಸಹಸೃಂಜಯಾಃ।
ಸರ್ವೇ ಸಂಪೂಜಯಾಮಾಸುಸ್ತದ್ವಚೋ ವಿಜಿಗೀಷವಃ॥ 9-33-56 (62175)
ಉನ್ಮತ್ತಮಿವ ಮಾತಂಗಂ ತಲಶಬ್ದೇನ ಮಾನವಾಃ।
ಭೂಯಃ ಸಂಹರ್ಷಯಾಮಾಸೂ ರಾಜಂದುರ್ಯೋಧನಂ ದ್ವಿಷಃ॥ 9-33-57 (62176)
ಬೃಂಹಂತಿ ಕುಂಜರಾಸ್ತತ್ರ ಹಯಾ ಹೇಷಂತಿ ಚಾಸಕೃತ್।
ಶಸ್ತ್ರಾಣಿ ಸಂಪ್ರದೀಪ್ಯಂತೇ ಪಾಂಡವಾನಾಂ ಜಯೈಷಿಣಾಂ॥ ॥ 9-33-58 (62177)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ತ್ರಯಸ್ತ್ರಿಂಶೋಽಧ್ಯಾಯಃ॥ 33 ॥
Mahabharata - Shalya Parva - Chapter Footnotes
9-33-4 ಯೋಗ್ಯಾ ಅಭ್ಯಾಸಃ। ಯೋಗ್ಯಃ ಪ್ರವೀಣೇತ್ಯಾದ್ಯುಪಕ್ರಂಯ ಸ್ತ್ರ್ಯಭ್ಯಾಸಾರ್ಕಯೋಷಿತೋರಿತಿ ಮೇದಿನೀ॥ 9-33-7 ಶಕುನೇಶ್ಚ ತವ ಚ ಯಥಾಪುರಾ ತಥೈವೇದಮಿತಿ ಸಂಬಂಧಃ॥ 9-33-10 ಪಣಿತ್ವಾ ಚೈಕಪಾಣೇನ ರೋಚಯೇದೇವ ಮಾಹವಂ ಇತಿ ಝ.ಪಾಠಃ॥ 9-33-33 ತ್ರಯಸ್ತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 034
॥ ಶ್ರೀಃ ॥
9.34. ಅಧ್ಯಾಯಃ 034
Mahabharata - Shalya Parva - Chapter Topics
xxxxxxxxxx॥ 1 ॥ ತಸ್ಮಿನ್ಪಾಂಢವಾದಿಭಿರರ್ಚಿತೋಪವಿಷ್ಟೇ ಪುನರ್ಗದಾಯುದ್ಧಾರಂಭಃ॥ 2 ॥Mahabharata - Shalya Parva - Chapter Text
9-16-0 (62178)
ಸಂಜಯ ಉವಾಚ। 9-16-0x (5161)
xxxxxxxxxxxಸುಸಂವೃತ್ತೇ ಸುದಾರುಣೇ।
xxxxxxxxxxx ಪಾಂಡವೇಷು ಮಹಾತ್ಮಸು॥ 9-16-1 (62179)
ತತಸ್ತಾಲಧ್ವಜಕೇ ರಾಮಸ್ತಯೋರ್ಯುದ್ಧ ಉಪಸ್ಥಿತೇ।
ಶ್ರುತ್ವಾ ತಚ್ಛಿಷ್ಯಯೋ ರಾಜನ್ನಾಜಗಾಮ ಹಲಾಯುಧಃ॥ 9-16-2 (62180)
ತಂ ದೃಷ್ಟ್ವಾ ಪರಮಪ್ರೀತಾಃ ಪಾಂಡವಾಃ ಸಹಕೇಶವಾಃ।
ಉಪಗಂಯೋಪಸಂಗೃಹ್ಯ ವಿಧಿವತ್ಪ್ರತ್ಯಪೂಜಯನ್॥ 9-16-3 (62181)
ಪೂಜಯಿತ್ವಾ ತತಃ ಪಶ್ಚಾದಿದಂ ವಚನಮಬ್ರುವನ್।
ಶಿಷ್ಯಯೋಃ ಕೌಶಲಂ ಯುದ್ಧೇ ಪಶ್ಯ ರಾಮೇತಿ ಪಾರ್ಥಿವ॥ 9-16-4 (62182)
ಅಬ್ರವೀಚ್ಚ ತದಾ ರಾಮೋ ದೃಷ್ಟ್ವಾ ಕೃಷ್ಣಂ ಸಪಾಂಡವಂ।
ದುರ್ಯೋಧನಂ ಚ ಕೌರವ್ಯಂ ಗದಾಪಾಣಿಮವಸ್ಥಿತಂ॥ 9-16-5 (62183)
ರಾಮ ಉವಾಚ। 9-16-6x (5162)
ಚತ್ವಾರಿಂಶದಹಾನ್ಯದ್ಯ ದ್ವೇ ಚ ಮೇ ನಿಃಸೃತಸ್ಯ ವೈ।
ಪುಷ್ಯೇಣ ಸಂಪ್ರಯಾತೋಽಸ್ಮಿ ಶ್ರವಣೇ ಪುನರಾಗತಃ।
ಶಿಷ್ಯಯೋರ್ವೈ ಗದಾಯುದ್ಧಂ ದ್ರುಷ್ಟುಕಾಮೋಽಸ್ಮಿ ಮಾಧವ॥ 9-16-6 (62184)
ತತೋ ಯುಧಿಷ್ಠಿರೋ ರಾಜಾ ಪರಿಷ್ವಜ್ಯ ಹಲಾಯುಧಂ।
ಸ್ವಾಗತಂ ಕುಶಲಂ ಚಾಸ್ಮೈ ಪರ್ಯಪೃಚ್ಛದ್ಯಥಾತಥಂ॥ 9-16-7 (62185)
ಕೃಷ್ಣೌ ಚಾಪಿ ಮಹೇಷ್ವಾಸಾವಭಿವಾದ್ಯ ಹಲಾಯುಧಂ।
ಸಸ್ವಜಾತೇ ಪರಿಪ್ರೀತೌ ಪ್ರೀಯಮಾಣೌ ಯಶಸ್ವಿನೌ॥ 9-16-8 (62186)
ಮಾದ್ರೀಪುತ್ರೌ ತಥಾ ಶೂರೌ ದ್ರೌಪದ್ಯಾಃ ಪಂಚ ಚಾತ್ಮಜಾಃ।
ಅಭಿವಾದ್ಯ ಸ್ಥಿತಾ ರಾಜನ್ರೌಹಿಣೇಯಂ ಮಹಾಬಲಂ॥ 9-16-9 (62187)
ಭೀಮಸೇನೋಽಥ ಬಲವಾನ್ಪುತ್ರಸ್ತವ ಜನಾಧಿಪ।
ತಥೈವ ಚೋದ್ಯತಗದೌ ಪೂಜಯಾಮಾಸತುರ್ಬಲಂ॥ 9-16-10 (62188)
ಸ್ವಾಗತೇನ ಚ ತೇ ತತ್ರ ಪ್ರತಿಪೂಜ್ಯ ಪುನಃಪುನಃ।
ಪಶ್ಯ ಯುದ್ಧಂ ಮಹಾಬಾಹೋ ಇತಿ ತೇ ರಾಮಮಬ್ರುವನ್॥ 9-16-11 (62189)
ಏವಮುಚುರ್ಮಹಾತ್ಮಾನಂ ರೌಹಿಣೇಯಂ ನರಾಧಿಪಾಃ॥ 9-16-12 (62190)
ಪರಿಷ್ವಜ್ಯ ತದಾ ರಾಮಃ ಪಾಂಡವಾನ್ಸಹ ಸೃಂಜಯಾನ್।
ಅಪೃಚ್ಛತ್ಕುಶಲಂ ಸರ್ವಾನ್ಪಾರ್ಥಿವಾಂಶ್ಚಾಮಿತೌಜಸಃ।
ತಥೈವ ತೇ ಸಮಾಸಾದ್ಯ ಪಪ್ರಚ್ಛುಸ್ತಮನಾಮಯಂ॥ 9-16-13 (62191)
ಪ್ರತ್ಯಭ್ಯರ್ಚ್ಯ ಹಲೀ ಸರ್ವಾನ್ಕ್ಷತ್ರಿಯಾಂಶ್ಚ ಮಹಾತ್ಮನಃ।
ಕೃತ್ವಾ ಕುಶಲಸಂಪ್ರಶ್ನಂ ಸಂವಿದಂ ಚ ಯಥಾವಯಃ॥ 9-16-14 (62192)
ಜನಾರ್ದನಂ ಸಾತ್ಯಕಿಂ ಚ ಪ್ರೇಂಣಾ ಸಂಪರಿಷಸ್ವಜೇ।
ಮೂರ್ಧ್ನಿ ಚೈತಾವುಪಾಘ್ರಾಯ ಕುಶಲಂ ಪರ್ಯಪೃಚ್ಛತ॥ 9-16-15 (62193)
ತೌ ಚ ತಂ ವಿಧಿವದ್ರಾಜನ್ಪೂಜಯಾಮಾಸತುರ್ಗುರುಂ।
ಬ್ರಹ್ಮಾಣಾಮಿವ ದೇವೇಶಮಿಂದ್ರೋಪೇಂದ್ರೌ ಮುದಾನ್ವಿತೌ॥ 9-16-16 (62194)
ತತೋಽಬ್ರವೀದ್ಧರ್ಮಸುತೋ ರೌಹಿಣೇಯಮರಿಂದಮಂ।
ಇದಂ ಭ್ರಾತ್ರೋರ್ಮಹಾಯುದ್ಧಂ ಪಶ್ಯ ರಾಮೇತಿ ಭಾರತ॥ 9-16-17 (62195)
ತೇಷಾಂ ಮಧ್ಯೇ ಮಹಾಬಾಹುಃ ಶ್ರೀಮಾನ್ಕೇಶವಪೂರ್ವಜಃ।
ನ್ಯವಿಶತ್ಪರಮಪ್ರೀತಃ ಪೂಜ್ಯಮಾನೋ ಮಹಾರಥೈಃ॥ 9-16-18 (62196)
ಸ ಬಭೌ ರಾಜಮಧ್ಯಸ್ಥೋ ನೀಲವಾಸಾಃ ಸಿತಪ್ರಭಃ।
ದಿವೀವ ನಕ್ಷತ್ರಗಣೈಃ ಪರಿವೀತೋ ನಿಶಾಕರಃ॥ 9-16-19 (62197)
ತತಸ್ತಯೋಃ ಸನ್ನಿಪಾತಸ್ತುಮುಲೋ ರೋಮಹರ್ಷಣಃ।
ಆಸೀದಂತಕರೋ ರಾಜನ್ವೈರಸ್ಯಾಂತಂ ವಿಧಿತ್ಸತೋಃ॥ ॥ 9-16-20 (62198)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವಶಪರ್ವಣಿ ಅಷ್ಟಾದಶದಿವಸಯುದ್ಧೇ ಚತುಸ್ತ್ರಿಂಶೋಽಧ್ಯಾಯಃ॥ 34 ॥
ಶಲ್ಯಪರ್ವ - ಅಧ್ಯಾಯ 035
॥ ಶ್ರೀಃ ॥
9.35. ಅಧ್ಯಾಯಃ 035
Mahabharata - Shalya Parva - Chapter Topics
ಜನಮೇಜಯೇನ ವೈಶಂಪಾಯನಂಪ್ರತಿ ಬಲರಾಮಸ್ಯ ತೀರ್ಥಯಾತ್ರಾಪ್ರಕಾರಪ್ರಶ್ನಃ॥ 1 ॥ ತೇನ ತಂಪ್ರತಿ ತತ್ಕಥನಮುಪಕ್ರಂಯ ಪ್ರಭಾಸತೀರ್ಥಸ್ಯ ತತ್ಪದವಾಚ್ಯತ್ವೇ ಹೇತುಕಥನಂ॥ 2 ॥Mahabharata - Shalya Parva - Chapter Text
9-35-0 (62199)
ಜನಮೇಜಯ ಉವಾಚ। 9-35-0x (5163)
ಪೂರ್ವಮೇವ ಯದಾ ರಾಮಸ್ತಸ್ಮಿನ್ಯುದ್ಧ ಉಪಸ್ಥಿತೇ।
ಆಮಂತ್ರ್ಯ ಕೇಶವಂ ಯಾತೋ ವೃಷ್ಣಿಭಿಃ ಸಹಿತಃ ಪ್ರಭುಃ॥ 9-35-1 (62200)
ಸಾಹಾಯ್ಯಂ ಧಾರ್ತರಾಷ್ಟ್ರಸ್ಯ ನ ಚ ಕರ್ತಾಽಸ್ಮಿ ಕೇಶವ।
ನ ಚೈವ ಪಾಂಡುಪುತ್ರಾಣಾಂ ಗಮಿಷ್ಯಾಮಿ ಯಥಾಗತಂ॥ 9-35-2 (62201)
ಏವಮುಕ್ತ್ವಾ ತದಾ ರಾಮೋ ಯಾತಃ ಶತ್ರುನಿಬರ್ಹಣಃ।
ತಸ್ಯ ಚಾಗಮನಂ ಭೂಯೋ ಬ್ರಹ್ಮಞ್ಶಂ ಸಿತುಮರ್ಹಸಿ॥ 9-35-3 (62202)
ಆಖ್ಯಾಹಿ ಮೇ ವಿಸ್ತರಶಃ ಕಥಂ ರಾಮ ಉಪಸ್ಥಿತಃ।
ಕಥಂ ಚ ದೃಷ್ಟವಾನ್ಯುದ್ಧಂ ಕುಶಲೋ ಹ್ಯಸಿ ಸತ್ತಮ॥ 9-35-4 (62203)
ವೈಶಂಪಾಯನ ಉವಾಚ। 9-35-5x (5164)
ಉಪಪ್ಲಾವ್ಯೇ ನಿವಿಷ್ಟೇಷು ಪಾಂಡವೇಷು ಮಹಾತ್ಮಸು।
ಪ್ರೇಷಿತೋ ಧೃತರಾಷ್ಟ್ರಸ್ಯ ಸಮೀಪಂ ಮಧುಸೂದನಃ॥ 9-35-5 (62204)
ಶಮಂ ಪ್ರತಿ ಮಹಾಬಾಹೋ ಹಿತಾರ್ಥಂ ಸರ್ವದೇಹಿನಾಂ॥
ಸ ಗತ್ವಾ ಹಾಸ್ತಿನಪುರಂ ಧೃತರಾಷ್ಟ್ರಂ ಸಮೇತ್ಯ ಚ। 9-35-6 (62205)
ಉಕ್ತವಾನ್ವಚನಂ ಪಥ್ಯಂ ಹಿತಂ ಚೈವ ವಿಶೇಷತಃ॥ 9-35-7 (62206)
ನ ಚ ತತ್ಕೃತವಾನ್ರಾಜಾ ಯಥಾಽಖ್ಯಾತಂ ಹಿ ತತ್ಪುರಾ॥ 9-35-8 (62207)
ಅನವಾಪ್ಯ ಶಮಂ ತತ್ರ ಕೃಷ್ಣಃ ಪುರುಷಸತ್ತಮಃ।
ಆಗಚ್ಛತ ಮಹಾಬಾಹುರುಪಪ್ಲಾವ್ಯಂ ಜನಾಧಿಪ॥ 9-35-9 (62208)
ತತಃ ಪ್ರತ್ಯಾಗತಃ ಕೃಷ್ಣೋ ಧಾರ್ತರಾಷ್ಟ್ರವಿಸರ್ಜಿತಃ।
ಆಜಗಾಮ ನರವ್ಯಾಘ್ರಃ ಪಾಂಡವಾನಾಮನೀಕಿನೀಂ।
ಯಥೋಕ್ತಂ ಚ ಯಥಾವೃತ್ತಂ ಗತ್ವಾ ಪಾಂಡವಮಬ್ರವೀತ್॥ 9-35-10 (62209)
ನ ಕುರ್ವಂತಿ ವಚೋ ಮಹ್ಯಂ ಕುರವಃ ಕಾಲನೋದಿತಾಃ।
ನಿರ್ಗಚ್ಛಧ್ವ ಪಾಂಡವೇಯಾಃ ಪುಷ್ಯೇಣ ಸಹಿತಾ ಮಯಾ॥ 9-35-11 (62210)
ತತೋ ವಿಭಜ್ಯಮಾನೇಷು ಬಲೇಷು ಬಲಿನಾಂ ವರಃ।
ಪ್ರೋವಾಚ ಭ್ರಾತರಂ ಕೃಷ್ಣಂ ರೌಹಿಣೇಯೋ ಮಹಾಮನಾಃ॥ 9-35-12 (62211)
ತೇಷಾಮಪಿ ಮಹಾಬಾಹೋ ಸಾಹಾಯ್ಯಂ ಮಧುಸೂದನ।
ಕ್ರಿಯತಾಮಿತಿ ತತ್ಕೃಷ್ಣೋ ನಾಸ್ಯ ಚಕ್ರೇ ವಚಸ್ತದಾ॥ 9-35-13 (62212)
ತತೋ ಮನ್ಯುಪರೀತಾತ್ಮಾ ಜಗಾಮ ಯದುನಂದನಃ।
ತೀರ್ಥಯಾತ್ರಾಂ ಹಲಧರಃ ಸರಸ್ವತ್ಯಾಂ ಮಹಾಯಶಾಃ।
ಮೈತ್ರನಕ್ಷತ್ರಯೋಗೇ ಸ್ಮ ಸಹಿತಃ ಸರ್ವಯಾದವೈಃ॥ 9-35-14 (62213)
ಆಶ್ರಯಾಮಾಸ ಭೋಜಸ್ತು ದುರ್ಯೋಧನಮರಿಂದಮಃ।
ಯುಯುಧಾನೇನ ಸಹಿತೋ ವಾಸುದೇವಸ್ತು ಪಾಂಡವಾನ್॥ 9-35-15 (62214)
ರೌಹಿಣೇಯೇ ಗತೇ ಶೂರೇ ಪುಷ್ಯೇಣ ಮಧುಸೂದನಃ।
ಪಾಂಡವೇಯಾನ್ಪುರಸ್ಕೃತ್ಯ ಯಯಾವಭಿಮುಖಃ ಕೂರೂನ್॥ 9-35-16 (62215)
ಗಚ್ಛನ್ನೇವ ಪಥಿಸ್ಥಸ್ತು ರಾಮಃ ಪ್ರೇಷ್ಯಾನುವಾಚ ಹ।
ಸಂಭಾರಾಂಸ್ತೀರ್ಥಯಾತ್ರಾಯಾಂ ಸರ್ವೋಪಕರಣಾನಿ ಚ॥ 9-35-17 (62216)
ಆನಯಧ್ವಂ ದ್ವಾರಕಾಯಾ ಅಗ್ನೀನ್ವೈ ಯಾಜಕಾಂಸ್ತಥಾ।
ಸುವರ್ಣರಜನಂ ಚೈವ ಧೈನೂರ್ವಾಸಾಂಸಿ ವಾಜಿನಃ॥ 9-35-18 (62217)
ಕುಂಜರಾಂಶ್ಚ ರಥಾಂಶ್ಚೈವ ಖರೋಷ್ಟ್ರಂ ವಾಹನಾನಿ ಚ।
ಕ್ಷಿಪ್ರಮಾನೀಯತಾಂ ಸರ್ವಂ ತೀರ್ಥಹೇತೋಃ ಪರಿಚ್ಛದಂ॥ 9-35-19 (62218)
ಪ್ರತಿಸ್ರೋತಃ ಸರಸ್ವತ್ಯಾ ಗಚ್ಛಧ್ವಂ ಶೀಘ್ರಗಾಮಿನಃ।
ಋತ್ವಿಜಶ್ಚಾನಯಧ್ವಂ ವೈ ಶತಶಶ್ಚ ದ್ವಿಜರ್ಷಭಾನ್॥ 9-35-20 (62219)
ಏವಂ ಸಂದಿಶ್ಯ ತು ಪ್ರೇಷ್ಯಾನ್ಬಲದೇವೋ ಮಹಾಬಲಃ।
ತೀರ್ಥಯಾತ್ರಾಂ ಯಯೌ ರಾಜನ್ಕುರೂಣಾಂ ವೈಶಸೇ ತದಾ॥ 9-35-21 (62220)
ಸರಸ್ವತ್ಯಾಃ ಪ್ರತಿಸ್ರೋತಃ ಸಮುದ್ರಾದಭಿಜಗ್ಮಿವಾನ।
ರಾಮೋ ಯದೂತ್ತಮಃ ಶ್ರೀಮಾಂಸ್ತೀರ್ಥಯಾತ್ರಾಮನುಸ್ಮರನ್॥ 9-35-22 (62221)
ಋತ್ವಿಗ್ಭಿಶ್ಚ ಸುಹೃದ್ಭಿಶ್ಚ ಯಥಾಽನ್ಯೈರ್ದ್ವಿಜಸತ್ತಮೈಃ।
ರಥೈರ್ಗಜೈಸ್ತಥಾಽಶ್ವೈಶ್ಚ ಪ್ರೇಷ್ಯೈಶ್ಚ ಭರತರ್ಷಭ।
ಗೋಖರೋಷ್ಟ್ರಪ್ರಯುಕ್ತೈಶ್ಚ ಯಾನೈಶ್ಚ ಬಹುಭಿರ್ವೃತಃ॥ 9-35-23 (62222)
ಶ್ರಾಂತಾನಾಂ ಕ್ಲಾಂತಬಪುಷಾಂ ಶಿಶೂನಾಂ ವಿಪುಲಾಯುಷಾಂ।
ದೇಶೇದೇಶೇ ತು ದೇಯಾನಿ ದಾನಾನಿ ವಿವಿಧಾನಿ ಚ॥ 9-35-24 (62223)
ಅರ್ಚಾಯೈ ಚಾರ್ಥಿನಾಂ ರಾಜನ್ಕ್ಲೃಪ್ತಾನಿ ಬಹುಶಸ್ತಥಾ।
ತಾನಿ ಯಾನೀಹ ದೇಶೇಷು ಪ್ರತೀಕ್ಷಂತಿ ಸ್ಮ ಭಾರತ॥ 9-35-25 (62224)
ಬುಭುಕ್ಷಿತಾನಾಮರ್ಥಾಯ ಕ್ಲೃಪ್ತಮನ್ನಂ ಸಮಂತತಃ॥ 9-35-26 (62225)
ಯೋಯೋ ಯತ್ರ ದ್ವಿಜೋ ಭೋಜ್ಯಂ ಭೋಕ್ತುಂ ಕಾಮಯತೇ ತದಾ।
ತಸ್ಯತಸ್ಯ ತು ತತ್ರೈವಮುಪಜಹ್ರುಸ್ತದಾ ನೃಷ॥ 9-35-27 (62226)
ತತ್ರತತ್ರ ಸ್ಥಿತಾ ರಾಜನ್ರೌಹಿಣೇಯಸ್ಯ ಶಾಸನಾತ್।
ಭಕ್ಷ್ಯಪೇಯಸ್ಯ ಕುರ್ವಂತಿ ರಾಶೀಂಸ್ತತ್ರ ಸಮಂತತಃ॥ 9-35-28 (62227)
ವಾಸಾಂಸಿ ಚ ಮಹಾರ್ಹಾಣಿ ಪರ್ಯಂಕಾಸ್ತರಣಾನಿ ಚ।
ಪೂಜಾರ್ಥಂ ತತ್ರ ಕ್ಲೃಪ್ತಾನಿ ವಿಪ್ರಾಣಾಂ ಸುಖಮಿಚ್ಛತಾಂ॥ 9-35-29 (62228)
ಯತ್ರ ಯಃ ಸ್ವಪತೇ ವಿಪ್ರೋ ಯೋ ವಾ ಜಾಗರ್ತಿ ಭಾರತ।
ತತ್ರತತ್ರೈವ ಸರ್ವಸ್ಯ ಕ್ಲೃಪ್ತಂ ಸರ್ವಮಪಶ್ಯತ॥ 9-35-30 (62229)
ಯಥಾಸುಖಂ ಜನಃ ಸರ್ವೋ ಯಾತಿ ತಿಷ್ಠತಿ ವೈ ತದಾ।
ಯಾತುಕಾಮಸ್ಯ ಯಾನಾನಿ ಪಾನಾನಿ ತೃಷಿತಸ್ಯ ಚ॥ 9-35-31 (62230)
ಬುಭುಕ್ಷಿತಸ್ಯ ಚಾನ್ನಾನಿ ಸ್ವಾದೂನಿ ಭರತರ್ಷಭ।
ಉಪಜಹ್ರುರ್ನರಾಸ್ತತ್ರ ವಸ್ತ್ರಾಣ್ಯಾಭರಣಾನಿ ಚ॥ 9-35-32 (62231)
ಸ ಪಂಥಾಃ ಪ್ರಬಭೌ ರಾಜನ್ಸರ್ವಸ್ಯೈವ ಸುಖಾವಹಃ।
ಸ್ವರ್ಗೋಪಮಸ್ತದಾ ವೀರ ನರಾಣಾಂ ತತ್ರ ಗಚ್ಛತಾಂ॥ 9-35-33 (62232)
ನಿತ್ಯಪ್ರಮುದಿತೋಪೇತಃ ಸ್ವಾದುಭಕ್ಷ್ಯೋ ಜಲಾನ್ವಿತಃ।
ವಿಪಣ್ಯಾಪಣಪಣ್ಯಾನಂ ನಾನಾಜನಶತೈರ್ವೃತಃ।
ನಾನಾದ್ರುಮಲತೋಪೇತೋ ನಾನಾರತ್ನವಿಭೂಷಿತಃ॥ 9-35-34 (62233)
ತತೋ ಮಹಾತ್ಮಾ ನಿಯತೋ ಮನಸ್ವಿನಾಂ
ಪುಣ್ಯೇಷು ತೀರ್ಥೇಷು ವಸೂನಿ ರಾಜನ್।
ದದೌ ದ್ವಿಜೇಭ್ಯಃ ಕ್ರತುದಕ್ಷಿಣಾಶ್ಚ
ಯದುಪ್ರವೀರೋ ಹಲಭೃತ್ಪ್ರತೀತಃ॥ 9-35-35 (62234)
ದೋಗ್ಧ್ರೀಶ್ಚ ಧೇನೂಶ್ಚ ಸಹಸ್ರಶೋ ವೈ
ಸುವಾಸಸಃ ಕಾಂಚನಬದ್ಧಶೃಂಗೀಃ।
ಹಯಾಂಶ್ಚ ನಾನಾವಿಧದೇಶಜಾತಾನ್
ಯಾನಾನಿ ದಾಸಾಂಶ್ಚ ಶುಭಾಂದ್ವಿಜೇಭ್ಯಃ॥ 9-35-36 (62235)
ರತ್ನಾನಿ ಮುಕ್ತಾಮಣಿವಿದ್ರುಮಂ ಚಾ--
ಪ್ಯಗ್ರ್ಯಂ ಸುವರ್ಣಂ ರಜತಂ ಸುಶುಂದ್ವಂ।
ಅಯಸ್ಮಯಂ ತಾಂರಮಯಂ ಚ ಭಾಂಡಂ
ದದೌ ದ್ವಿಜಾತಿಪ್ರವರೇಷು ರಾಮಃ॥ 9-35-37 (62236)
ಏವಂ ಸ ವಿತ್ತಂ ಪ್ರದದೌ ಮಹಾತ್ಮಾ
ಸರಸ್ವತೀತೀರ್ಥಗತೇಷು ಭೂರಿ।
ಯಯೌ ಕ್ರಮೇಣಾಪ್ರತಿಮಪ್ರಭಾವ--
ಸ್ತತಃ ಕುರುಕ್ಷೇತ್ರಮುದಾರವೃತ್ತಃ॥ 9-35-38 (62237)
ಜನಮೇಜಯ ಉವಾಚ। 9-35-39x (5165)
ಸಾರಸ್ವತಾನಾಂ ತೀರ್ಥಾನಾಂ ಗುಣೋತ್ಪತ್ತಿಂ ವದಸ್ವ ಮೇ।
ಫಲಂ ಚ ದ್ವಿಪದಾಂ ಶ್ರೇಷ್ಠ ಕರ್ಮ ನಿರ್ವೃತ್ತಿಮೇವ ಚ॥ 9-35-39 (62238)
ಯಥಾಕ್ರಮೇಣ ಭಗವಂಸ್ತೀರ್ಥಾನಾಮನುಪೂರ್ವಶಃ।
ಬ್ರೂಹಿ ಬ್ರಹ್ಮವಿದಾಂ ಶ್ರೇಷ್ಠ ಪರಂ ಕೌತೂಹಲಂ ಹಿ ಮೇ॥ 9-35-40 (62239)
ವೈಶಂಪಾಯನ ಉವಾಚ। 9-35-41x (5166)
ತೀರ್ಥಾನಾಂ ಚ ಫಲಂ ರಾಜನ್ಗುಣೋತ್ಪತ್ತಿಂ ಚಂ ಸರ್ವಶಃ।
ಮಯೋಚ್ಯಮಾನಂ ವೈ ಪುಣ್ಯಂ ಶೃಣು ರಾಜೇಂದ್ರ ಕೃತ್ಸ್ನಶಃ॥ 9-35-41 (62240)
ಪೂರ್ವಂ ಮಹಾರಾಜ ಯದುಪ್ರವೀರ
ಋತ್ವಿಕ್ಸುಹೃದ್ವಿಪ್ರಗಣೈಶ್ಚ ಸಾರ್ಧಂ।
ಪುಣ್ಯಂ ಪ್ರಭಾಸಂ ಸಮುಪಾಜಗಾಮ
ಯತ್ರೋಡುರಾಢ್ಯಕ್ಷ್ಮಣಾ ಕ್ಷೀಯಮಾಣಃ॥ 9-35-42 (62241)
ವಿಮುಕ್ತಶಾಪಃ ಪುನರಾಪ್ಯ ತೇಜಃ
ಸರ್ವಂ ಜಗದ್ಭಾಸಯತೇ ನರೇಂದ್ರ।
ಏತತ್ತು ತೀರ್ಥಪ್ರವರಂ ಪೃಥಿವ್ಯಾಂ
ಪ್ರಭಾಸನಾತ್ತಸ್ಯ ತತಃ ಪ್ರಭಾಸಃ॥ ॥ 9-35-43 (62242)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟದಶದಿವಸಯುದ್ಧೇ ಪಂಚತ್ರಿಂಶೋಽಧ್ಯಾಯಃ॥ 35 ॥
Mahabharata - Shalya Parva - Chapter Footnotes
9-35-14 ಮೈತ್ರನಕ್ಷತ್ರಯೋಗೇ ಅನುರಾಧಾಯಾಂ॥ 9-35-15 ಭೋಜಃ ಕೃತವರ್ಮಾ॥ 9-35-16 ಪುಷ್ಯೇಣ ಹಿ ಪಾಂಡವೇಭ್ಯಃ ಪ್ರಯಾಣಂ ಅನುರಾಧಾತಸ್ತೀರ್ಥಯಾತ್ರಾರ್ಥಮಿತಿ ವಿವೇಕಃ॥ 9-35-34 ವಿಪಣಿಃ ಪಾಣ್ಯವೀಥಿಕಾ। ಆಪಣಾ ಹಟ್ಟಾಃ। ಪಣ್ಯಾನಿ ವಿಕ್ರೇಯದ್ರವ್ಯಾಣಿ॥ 9-35-35 ಕೃತದಕ್ಷಿಣಾಶ್ಚೇತಿ ಕ.ಙ.ಪಾಠಃ॥ 9-35-39 ಗುಣಾನ್ ರಮಣೀಯತ್ವಾದೀನ್। ಉತ್ಪತ್ತಿಂ ಸಂಭವಂ। ಕರ್ಮನಿರ್ವೃತ್ತಿಂ ತೀರ್ಥಯಾತ್ರಾವಿದಿಸಿದ್ಧಂ। ನಿವೃತ್ತಿಮಪಿ ಕರ್ಮಣಾಂ ಇತಿ ಕ.ಙ.ಪಾಠಃ॥ 9-35-40 ಯಥಾಕಮೇಣ ತೀರ್ಥಕಮಾಪೇಕ್ಷಯಾ ಅನುಪೂರ್ವಶಃ ಗುಣೋತ್ಪತ್ತ್ಯಾದಿಕ್ರಮಾಪೇಕ್ಷಯಾ॥ 9-35-43 ಪ್ರಭಾಸಃ ಪ್ರಭಾಸತ್ವಂ॥ 9-35-35 ಪಂಚತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 036
॥ ಶ್ರೀಃ ॥
9.36. ಅಧ್ಯಾಯಃ 036
Mahabharata - Shalya Parva - Chapter Topics
ಚಂದ್ರೇ ಸ್ವಭಾರ್ಯಾಸ್ವಶ್ವಿನ್ಯಾದಿದಂಕ್ಷಪುತ್ರೀಷು ಇತರೋಪೇಕ್ಷಣೇನ ರೋಹಿಣ್ಯಾಮೇವಾಸಕ್ತೇ ದಕ್ಷೇಣ ರೋಷಾಚ್ಚಂದ್ರೇ ಯಕ್ಷ್ಮಪ್ರಕ್ಷೇಪಃ॥ 1 ॥ ದೇವೈ ಪ್ರಸಾದಿತದಕ್ಷವಚನಾಚ್ಚಂದ್ರೇಣ ಪ್ರಭಾಸತೀರ್ಥನಿಮಜ್ಜನೇನ ಕ್ಷಯರೋಗಪರಿಹರಣಂ॥ 2 ॥ ಬಲಭದ್ರೇಣ ತತ್ತೀರ್ಥೇ ಮಜ್ಜನಾದಿ॥ 3 ॥Mahabharata - Shalya Parva - Chapter Text
9-36-0 (62243)
ಜನಮೇಜಯ ಉವಾಚ। 9-36-0x (5167)
ಕಿಮರ್ಥಂ ಭಗವಾನ್ಸೋಮೋ ಯಕ್ಷ್ಮಣಾ ಸಮಗೃಹ್ಯತ।
ಕಥಂ ಚ ತೀರ್ಥಪ್ರವರೇ ತಸ್ಮಿಂಶ್ಚಂದ್ರೋ ನ್ಯಮಜ್ಜತ॥ 9-36-1 (62244)
ಕಥಮಾಪ್ಲುತ್ಯ ತಸ್ಮಿಂಸ್ತು ಪುನರಾಪ್ಯಾಯಿತಃ ಶಶೀ।
ಏತನ್ಮೇ ಸರ್ವಮಾಚಕ್ಷ್ವ ವಿಸ್ತರೇಣ ಮಹಾಮುನೇ॥ 9-36-2 (62245)
ವೈಶಂಪಾಯನ ಉವಾಚ। 9-36-3x (5168)
ದಕ್ಷಸ್ಯ ತನಯಾಸ್ತಾತ ಪ್ರಾದುರಾಸನ್ವಿಶಾಂಪತೇ।
ಸ ಸಪ್ತವಿಂಶತಿಂ ಕನ್ಯಾ ದಕ್ಷ ಸೋಮಾಯ ವೈ ದದೌ॥ 9-36-3 (62246)
ನಕ್ಷತ್ರಯೋಗನಿರತಾಃ ಸಂಖ್ಯಾನಾರ್ಥಂ ಚ ತಾಭವನ್।
ಪತ್ನ್ಯೋ ವೈ ತಸ್ಯ ರಾಜೇಂದ್ರ ಸೋಮಸ್ಯ ಶುಭಕರ್ಮಣಃ॥ 9-36-4 (62247)
ತಾಸ್ತು ಸರ್ವಾ ವಿಶಾಲಾಕ್ಷ್ಯೋ ರೂಪೇಣಾಪ್ರತಿಮಾಽಭವನ್।
ಅತ್ಯರಿಚ್ಯತ ತಾಸಾಂ ತು ರೋಹಿಣೀ ರುಪಸಂಪದಾ॥ 9-36-5 (62248)
ತತಸ್ತಸ್ಯಾಂ ಸ ಭಗವಾನ್ಪ್ರೀತಿಂ ಚಕ್ರೇ ನಿಶಾಕರಃ।
ಸಾಽಸ್ಯ ಹೃದ್ಯಾ ಬಭೂವಾಥ ತಸ್ಮಾತ್ತಾಂ ಬುಭುಜೇ ಸದಾ॥ 9-36-6 (62249)
ತತಸ್ತಾಃ ಕುಪಿತಾಃ ಸರ್ವಾ ನಕ್ಷತ್ರಾಖ್ಯಾ ಮಹಾತ್ಮನಃ।
ತಾ ಗತ್ವಾ ಪಿತರಂ ಪ್ರಾಹುಃ ಪ್ರಜಾಪತಿಮತಂದ್ರಿತಾಃ॥ 9-36-7 (62250)
ಸೋಮೋ ವಸತಿ ನಾಸ್ಮಾಸು ರೋಹಿಣೀಂ ಭಜತೇ ಸದಾ।
ತಾ ವಯಂ ಸಹಿತಾಃ ಸರ್ವಾಸ್ತ್ವತ್ಸಕಾಶೇ ಪ್ರಜೇಶ್ವರ।
ವತ್ಸ್ಯಾಮೋ ನಿಯತಾಹಾರಾಸ್ತಪಶ್ಚರಣತತ್ಪರಾಃ॥ 9-36-8 (62251)
ಶ್ರುತ್ವಾ ತಾಸಾಂ ತು ವಚನಂ ದಕ್ಷಃ ಸೋಮಮಥಾಬ್ರವೀತ್।
ಸಮಂ ವರ್ತಸ್ವ ಸರ್ವಾಸು ಮಾ ತ್ವಾಽಧರ್ಮೋ ಮಹಾನ್ಸ್ಪೃಶೇತ್॥ 9-36-9 (62252)
ತಾಸ್ತು ಸರ್ವಾಽಬ್ರವೀದ್ದಕ್ಷೋ ಗಚ್ಛಧ್ವಂ ಶಶಿನೋಂತಿಕಂ।
ಸಮಂ ವತ್ಸ್ಯತಿ ಸರ್ವಾಸು ಚಂದ್ರಮಾ ಮಮ ಶಾಸನಾತ್॥ 9-36-10 (62253)
ವಿಸೃಷ್ಟಾಸ್ತಾಸ್ತಥಾ ಜಗ್ಮುಃ ಶೀತಾಶೋರ್ಭವನಂ ಶುಭಾಃ।
ತಥಾಽಪಿ ಸೋಮೋ ಭಗವಾನ್ಪುನರೇವ ಮಹೀಪತೇ।
ರೋಹಿಣ್ಯಾ ಸಾರ್ಧಮವಸತ್ಪ್ರೀಯಮಾಣೋ ಮುಹುರ್ಮುಹುಃ॥ 9-36-11 (62254)
ತತಸ್ತಾಃ ಸಹಿತಾಃ ಸರ್ವಾ ಭೂಯಃ ಪಿತರಮಬ್ರುವನ್॥ 9-36-12 (62255)
ಸೋಮೋ ವಸತಿ ನಾಸ್ಮಾಸು ನಾಕರೋದ್ವಚನಂ ತವ।
ತವ ಶುಶ್ರೂಷಣೇ ಯುಕ್ತಾ ವತ್ಸ್ಯಾಮೋ ಹಿ ತವಾಂತಿಕೇ॥ 9-36-13 (62256)
ತಾಸಾಂ ತದ್ವಚನಂ ಶ್ರುತ್ವಾ ದಕ್ಷಃ ಸೋಮಮಥಾಬ್ರವೀತ್।
ಸಮಂ ವರ್ತಸ್ವ ಸರ್ವಾಸು ಮಾ ತ್ವಾಂ ಶಪ್ಸ್ಯೇ ವಿರೋಚನ॥ 9-36-14 (62257)
ಅನಾದೃತ್ಯ ತು ತದ್ವಾಕ್ಯಂ ದಕ್ಷಸ್ಯ ಭಗವಾಞ್ಶಶೀ।
ರೋಹಿಣ್ಯಾ ಸಾರ್ಧಮವಸತ್ತತಸ್ತಾಃ ಕುಪಿತಾಃ ಪುನಃ॥ 9-36-15 (62258)
ಗತ್ವಾ ಚ ಪಿತರಂ ಪ್ರಾಹುಃ ಪ್ರಣಂಯ ಶಿರಸಾ ತದಾ।
ಸೋಮೋ ವಸತಿ ನಾಸ್ಮಾಸು ತಸ್ಮಾನ್ನಃ ಶರಣಂ ಭವ॥ 9-36-16 (62259)
ರೋಹಿಣ್ಯಾಮೇವ ಭಗವಾನ್ಸದಾ ವಸತಿ ಚಂದ್ರಮಾಃ।
ನ ತ್ವದ್ವಚೋ ಗಣಯತಿ ನಾಸ್ಮಾಸು ಸ್ನೇಹಮಿಚ್ಛತಿ॥ 9-36-17 (62260)
ತಸ್ಮಾನ್ನಸ್ತ್ರಾಹಿ ಸರ್ವಾ ವೈ ಯಥಾ ನಃ ಸೋಮ ಆವಿಶೇತ್।
ತಚ್ಛ್ರುತ್ವಾ ಭಗವಾನ್ಕ್ರುದ್ಧೋ ಯಕ್ಷ್ಮಾಣಂ ಪೃಥಿವೀಪತೇ॥ 9-36-18 (62261)
ಸಸರ್ಜ ರೋಷಾತ್ಸೋಮಾಯ ಸ ಚೋಡುಪತಿಮಾವಿಶತ್।
ಸ ಯಕ್ಷ್ಮಣಾಽಭಿಭೂತಾತ್ಮಾಕ್ಷೀಯತಾಹರಹಃ ಶಶೀ॥ 9-36-19 (62262)
ಯತ್ನಂ ಚಾಪ್ಯಕರೋದ್ರಾಜನ್ಮೋಕ್ಷಾರ್ಥಂ ತಸ್ಯ ಯಕ್ಷ್ಮಣಃ।
ಇಷ್ಟ್ವೇಷ್ಟಿಭಿರ್ಮಹಾರಾಜ ವಿವಿಧಾಭಿರ್ನಿಶಾಕರಃ॥ 9-36-20 (62263)
ನ ಚಾಮುಚ್ಯತ ಶಾಪಾದ್ವೈ ಕ್ಷಯಂ ಚೈವಾಧಿಗಚ್ಛತಿ।
ಕ್ಷೀಯಮಾಣೇ ತತಃ ಸೋಮೇ ಓಷಧ್ಯೋ ನ ಪ್ರಜಜ್ಞಿರೇ॥ 9-36-21 (62264)
ನಿರಾಸ್ವಾದರಸಾಃ ಸರ್ವಾ ಹತವೀರ್ಯಾಶ್ಚ ಸರ್ವಶಃ।
ಓಷಧೀನಾಂ ಕ್ಷಯೇ ಜಾತೇ ಪ್ರಾಣಿನಾಮಪಿ ಸಂಕ್ಷಯಃ॥ 9-36-22 (62265)
ಕೃಶಾಶ್ಚಾಸನ್ಪ್ರಜಾಃ ಸರ್ವಾಃ ಕ್ಷೀಯಮಾಣೇ ನಿಶಾಕರೇ।
ತತೋ ದೇವಾಃ ಸಮಾಗಂಯ ಸೋಮಮೂಚುರ್ಮಹೀಪತೇ॥ 9-36-23 (62266)
ಕಿಮಿದಂ ಭವತೋ ರೂಪಮೀದೃಶಂ ಸಂಪ್ರಕಾಶತೇ।
ಕಾರಣಂ ಬ್ರೂಹಿ ನಃ ಸರ್ವಂ ಯೇನೇದಂ ತೇ ಮಹದ್ಭಯಂ॥ 9-36-24 (62267)
ಶ್ರುತ್ವಾ ತು ಕಾರಣಂ ತ್ವತ್ತೋ ವಿಧಾಸ್ಯಾಮಸ್ತತೋ ವಯಂ।
ಏವಮುಕ್ತಃ ಪ್ರತ್ಯುವಾಚ ಸರ್ವಾಂಸ್ತಾಞ್ಶಶಲಕ್ಷಣಃ॥ 9-36-25 (62268)
ಶಾಪಸ್ಯ ಕಾರಮಂ ಚೈವ ಯಕ್ಷ್ಮಾಣಂ ಚ ತಥಾಽಽತ್ಮನಃ।
ದೇವಾಸ್ತಸ್ಯ ವಚಃ ಶ್ರುತ್ವಾ ಗತ್ವಾ ದಕ್ಷಮಥಾಽಬ್ರುವನ್॥ 9-36-26 (62269)
ಪ್ರಸೀದ ಭಗವನ್ಸೋಮೇ ಶಾಪೋಽಯಂ ವಿನಿವರ್ತ್ಯತಾಂ।
ಅಸೌ ಹಿ ಚಂದ್ರಮಾಃ ಕ್ಷೀಣಃ ಕಿಂಚಿಚ್ಛೇಷೋ ಹಿ ಲಕ್ಷ್ಯತೇ॥ 9-36-27 (62270)
ಕ್ಷಯಾಚ್ಚೈವಾಸ್ಯ ದೇವೇಶ ಪ್ರಜಾಶ್ಚೈವ ಗತಾಃ ಕ್ಷಯಂ।
ವೀರುದೋಷಧಯಶ್ಚೈವ ಬೀಜಾನಿ ವಿವಿಧಾನಿ ಚ।
ತಥಾ ನರಾ ಲೋಕಗುರೋ ಪ್ರಸಾದಂ ಕರ್ತುಮರ್ಹಸಿ॥ 9-36-28 (62271)
ಏವಮುಕ್ತಸ್ತತೋ ದೇವಾನ್ಪ್ರಾಹ ವಾಕ್ಯಂ ಪ್ರಜಾಪತಿಃ।
ನೈತಚ್ಛಕ್ಯಂ ಮಮ ವಚೋ ವ್ಯಾವರ್ತಯಿತುಮಂಜಸಾ॥ 9-36-29 (62272)
ಹೇತುನಾ ತು ಮಹಾಭಾಗಾ ನಿವರ್ತಿಷ್ಯತಿ ಕೇನಚಿತ್।
ಸಮಂ ವರ್ತತು ಸರ್ವಾಸು ಶಶೀ ಭಾರ್ಯಾಸು ನಿತ್ಯಶಃ॥ 9-36-30 (62273)
ಸರಸ್ವತ್ಯಾ ವರೇ ತೀರ್ಥೇ ನಿಮಜ್ಜಞ್ಶಶಲಕ್ಷಣಃ।
ಪುನರ್ವರ್ಧಿಷ್ಯತೇ ದೇವಾಸ್ತದ್ವೈ ಸತ್ಯಂ ವಚೋ ಮಮ॥ 9-36-31 (62274)
ಮಾಸಾರ್ಧಂ ಚ ಕ್ಷಯಂ ಸೋಮೋ ನಿತ್ಯಮೇವ ಗಮಿಷ್ಯತಿ।
ಮಾಸಾರ್ಧಂ ತು ಪುನರ್ವೃದ್ವಿಂ ಸತ್ಯಮೇತದ್ವಚೋ ಮಮ॥ 9-36-32 (62275)
ಸಮುದ್ರಂ ಪಶ್ಚಿಮಂ ಗತ್ವಾ ಸರಸ್ವತ್ಯಬ್ಧಿಸಂಗಮಂ।
ಆರಾಧಯತು ದೇವೇಶಂ ತತಃ ಕಾಂತಿಮವಾಪ್ಸ್ಯತಿ॥ 9-36-33 (62276)
ಸರಸ್ವತೀಂ ತತಃ ಸೋಮಃ ಸ ಜಗಾಮರ್ಷಿಶಾಸನಾತ್।
ಪ್ರಭಾಸಂ ಪ್ರಥಮಂ ತೀರ್ಥಂ ಸರಸ್ವತ್ಯಾ ಜಗಾಮ ಹ॥ 9-36-34 (62277)
ಅಮಾವಾಸ್ಯಾಂ ಮಹಾತೇಜಾಸ್ತತ್ರಾಮಜ್ಜನ್ಮಹಾದ್ಯುತಿಃ।
ಲೋಕಾನ್ಪ್ರಭಾಸಯಾಮಾಸ ಶೀತಾಂಶುತ್ವಮವಾಪ ಚ॥ 9-36-35 (62278)
ದೇವಾಸ್ತು ಸರ್ವೇ ರಾಜೇಂದ್ರ ಪ್ರಸಾದಂ ಪ್ರಾಪ್ಯ ಪುಷ್ಕಲಂ।
ಸೋಮೇನ ಸಹಿತಾ ಭೂತ್ವಾ ದಕ್ಷಸ್ಯ ಪ್ರಮುಖೇಽಭವನ್॥ 9-36-36 (62279)
ತತಃ ಪ್ರಜಾಪತಿಃ ಸರ್ವಾ ವಿಸಸರ್ಜಾಥ ದೇವತಾಃ।
ಸೋಮಂ ಚ ಭಗವಾನ್ಪ್ರೀತೋ ಭೂಯೋ ವಚನಮಬ್ರವೀತ್॥ 9-36-37 (62280)
ಮಾವಮಂಸ್ಥಾಃ ಸ್ತ್ರಿಯಃ ಪುತ್ರ ಮಾ ಚ ವಿಪ್ರಾನ್ಕದಾಚನ।
ಗಚ್ಛ ಯುಕ್ತಃ ಸದಾ ಭೂತ್ವಾ ಕುರು ವೈ ಶಾಸನಂ ಮಮ॥ 9-36-38 (62281)
ಸ ವಿಸೃಷ್ಟೋ ಮಹಾರಾಜ ಜಗಾಮಾಥ ಸ್ವಮಾಲಯಂ।
ಪ್ರಜಾಶ್ಚ ಮುದಿತಾ ಭೂತ್ವಾ ಈಜಿರೇ ಚ ಯಥಾ ಪುರಾ॥ 9-36-39 (62282)
ಏವಂ ತೇ ಸರ್ವಮಾಖ್ಯಾತಂ ಯಥಾ ಶಪ್ತೋ ನಿಶಾಕರಃ।
ಪ್ರಭಾಸಂ ಚ ಯಥಾ ತೀರ್ಥಂ ತೀರ್ಥಾನಾಂ ಪ್ರವರಂ ಮಹತ್॥ 9-36-40 (62283)
ಅಮಾವಾಸ್ಯಾಂ ಮಹಾರಾಜ ನಿತ್ಯಶಃ ಶಶಲಕ್ಷಣಃ।
ಸ್ನಾತ್ವಾಹ್ಯಾಪ್ಯಾಯತೇ ಶ್ರೀಮಾನ್ಪ್ರಭಾಸೇ ತೀರ್ಥಉತ್ತಮೇ॥ 9-36-41 (62284)
ಅತಶ್ಚೈತತ್ಪ್ರಜಾನಂತಿ ಪ್ರಭಾಸಮಿತಿ ಭೂಮಿಪ।
ಪ್ರಭಾಂ ಹಿ ಪರಮಾಂ ಲೇಭೇ ತಸ್ಮಿಂಶ್ಚಾಮಜ್ಜ್ಯ ಚಂದ್ರಮಾಃ॥ 9-36-42 (62285)
`ಲೋಕಾನ್ಪ್ರಭಾಸಯಾಮಾಸ ಪುಪೋಷ ಚ ವಪುಸ್ತಥಾ।
ತತ್ರ ಸ್ನಾತ್ವಾ ಹಲೀರಾಮೋ ದತ್ವಾ ಪ್ರೀತೋಽಥ ದಕ್ಷಿಣಾಃ'॥ 9-36-43 (62286)
ತತಸ್ತು ಚಮಸೋದ್ಭೇದಮಭೀತಸ್ತ್ವಗಮದ್ಬಲೀ।
ಚಮಸೋದ್ಭೇದ ಇತ್ಯೇವಂ ಯಂ ಜನಾಃ ಕಥಯಂತ್ಯುತ॥ 9-36-44 (62287)
ತತ್ರ ದತ್ತ್ವಾ ಚ ದಾನಾನಿ ವಿಶಿಷ್ಟಾನಿ ಹಲಾಯುಧಃ।
ಉಷಿತ್ವಾ ರಜನೀಮೇಕಾಂ ಸ್ನಾತ್ವಾ ಚ ವಿಧಿವತ್ತದಾ॥ 9-36-45 (62288)
ಉದಪಾನಮಥಾಗಚ್ಛತ್ತ್ವರಾವಾನ್ಕೇಶವಾಗ್ರಜಃ।
ಆದ್ಯಂ ಸ್ವಸ್ತ್ಯಯನಂ ಚೈವ ತತ್ರಾವಾಪ್ಯ ಮಹಾಬಲಃ॥ 9-36-46 (62289)
ಸ್ನಿಗ್ಧತ್ವಾದೋಷಧೀನಾಂ ಚ ಭೂಮೇಶ್ಚ ಜನಮೇಜಯ।
ಜಾನಂತಿ ಸಿದ್ಧಾ ರಾಜೇಂದ್ರ ನಿಗೂಢಾಂ ತಾಂ ಸರಸ್ವತೀಂ॥ ॥ 9-36-47 (62290)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟಾದಶದಿವಸಯುದ್ಧೇ ಷಟ್ತ್ರಿಂಶೋಽಧ್ಯಾಯಃ॥ 36 ॥
Mahabharata - Shalya Parva - Chapter Footnotes
9-36-9 ತ್ವಾ ತ್ವಾಂ ಅಧರ್ಮಃ ಮಾ ಸ್ಮೃಶೇತ್॥ 9-36-14 ವಿರೋಚನ ಹೇ ವಿಶೇಷೇಣ ರೋಚಮಾನ। ತ್ವಾಂ ಮಾಶಪ್ಸ್ಯೇ। ತವ ರೋಚನಾಂ ಶಾಪೇನ ನ ಹರಾಮಿ ತಥಾ ಯತಸ್ವೇತ್ಯರ್ಥಃ॥ 9-36-38 ಗಚ್ಛಯತಃ ಇತಿ ಕ.ಪಾಠಃ॥ 9-36-36 ಷಟತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 037
॥ ಶ್ರೀಃ ॥
9.37. ಅಧ್ಯಾಯಃ 037
Mahabharata - Shalya Parva - Chapter Topics
ಏಕತದ್ವಿತತ್ರಿತನಾಮಕಾನಾಂ ವಿಪ್ರಾಣಾಂ ಕಥಾ॥ 1 ॥Mahabharata - Shalya Parva - Chapter Text
9-37-0 (62291)
ವೈಶಂಪಾಯನ ಉವಾಚ। 9-37-0x (5169)
ತಸ್ಮಾನ್ನದೀಗತಂ ಚಾಪಿ ಹ್ಯುದಪಾನಂ ಯಶಸ್ವಿನಃ।
ತ್ರಿತಸ್ಯ ಚ ಮಹಾರಾಜ ಜಗಾಮಾಥ ಹಲಾಯುಧಃ॥ 9-37-1 (62292)
ತತ್ರ ದತ್ತ್ವಾ ಬಹುದ್ರವ್ಯಂ ಪೂಜಯಿತ್ವಾ ತಥಾ ದ್ವಿಜಾನ್।
ಉಪಸ್ಪೃಶ್ಯ ಚ ತತ್ರೈವ ಪ್ರಹೃಷ್ಟೋ ಮುಸಲಾಯುಧಃ॥ 9-37-2 (62293)
ತತ್ರ ಧರ್ಮಪರೋ ಹ್ಯಾಸೀತ್ತ್ರಿತಃ ಸ ಸುಮಹಾತಪಾಃ।
ಕೂಪೇ ಚ ವಸತಾ ತೇನ ಸೋಮಃ ಪೀತೋ ಮಹಾತ್ಮನಾ॥ 9-37-3 (62294)
ತತ್ರ ಚೈನಂ ಸಮುತ್ಸೃಜ್ಯ ಭ್ರಾತರೌ ಜಗ್ಮತುರ್ಗೃಹಾನ್।
ತತಸ್ತೌ ವೈ ಶಶಾಪಾಥ ತ್ರಿತೋ ಬ್ರಾಹ್ಮಣಸತ್ತಮಃ॥ 9-37-4 (62295)
ಜನಮೇಜಯ ಉವಾಚ। 9-37-5x (5170)
ಉದಪಾನಂ ಕಥಂ ಬ್ರಹ್ಮನ್ಕಥಂ ಚ ಸುಮಹಾತಪಾಃ।
ಪತಿತಃ ಕಿಂ ಚ ಸಂತ್ಯಕ್ತೋ ಭ್ರಾತೃಭ್ಯಾಂ ದ್ವಿಜಸತ್ತಮ॥ 9-37-5 (62296)
ಕೂಪೇ ಕಥಂ ಚ ಹಿತ್ವೈನಂ ಭ್ರಾತರೌ ಜಗ್ಮತುರ್ಗೃಹಾನ್।
ಕಥಂ ಚ ಯಾಜಯಾಮಾಸ ಪಪೌ ಸೋಮಂ ಚ ವೈ ಕಥಂ।
ಏತದಾಚಕ್ಷ್ವ ಮೇ ಬ್ರಹ್ಮನ್ಶ್ರೋತವ್ಯಂ ಯದಿ ಮನ್ಯಸೇ॥ 9-37-6 (62297)
ವೈಶಂಪಾಯನ ಉವಾಚ। 9-37-7x (5171)
ಆಸನ್ಪೂರ್ವಯುಗೇ ರಾಜನ್ಮುನಯೋ ಭ್ರಾತರಸ್ತ್ರಯಃ।
ಏಕತಶ್ಚ ದ್ವಿತಶ್ಚೈವ ತ್ರಿತಶ್ಚಾದಿತ್ಯಸನ್ನಿಭಾಃ॥ 9-37-7 (62298)
ಸರ್ವೇ ಪ್ರಜಾಪತಿಸಮಾಃ ಪ್ರಜಾವಂತಸ್ತಥೈವ ಚ।
ಬ್ರಹ್ಮಲೋಕಜಿತಾಃ ಸರ್ವೇ ತಪಸಾ ಬ್ರಹ್ಮವಾದಿನಃ॥ 9-37-8 (62299)
ತೇಷಾಂ ತು ತಪಸಾ ಪ್ರೀತೋ ನಿಯಮೇನ ದಮೇನ ಚ।
ಅಭವದ್ಗೌತಮೋ ನಿತ್ಯಂ ಪಿತಾ ಧರ್ಮರತಃ ಸದಾ॥ 9-37-9 (62300)
ಸ ತು ದೀರ್ಘೇಣ ಕಾಲೇನ ತೇಷಾಂ ಪ್ರೀತಿಮವಾಪ್ಯ ಚ।
ಜಗಾಮ ಭಗವಾನ್ಸ್ಥಾನಮನುರೂಪಮಿವಾತ್ಮನಃ॥ 9-37-10 (62301)
ರಾಜಾನಸ್ತಸ್ಯ ಯೇ ಹ್ಯಾಸನ್ಯಾಜ್ಯಾ ರಾಜನ್ಮಹಾತ್ಮನಃ।
ತೇ ಸರ್ವೇ ಸ್ವರ್ಗತೇ ತಸ್ಮಿಂಸ್ತಸ್ಯ ಪುತ್ರಾನಪೂಜಯನ್॥ 9-37-11 (62302)
ತೇಷಾಂ ತು ಕರ್ಮಣಾ ರಾಜಂಸ್ತಥಾ ಚಾಧ್ಯಯನೇನ ಚ।
ತ್ರಿತಃ ಸ ಶ್ರೇಷ್ಠತಾಂ ಪ್ರಾಪ ಯಥೈವಾಸ್ಯ ಪಿತಾ ತಥಾ॥ 9-37-12 (62303)
ತಥಾ ಸರ್ವೇ ಮಹಾಭಾಗಾ ಮುನಯಃ ಪುಣ್ಯಲಕ್ಷಣಾಃ।
ಅಪೂಜಯನ್ಮಹಾಭಾಗಂ ಯಥಾಸ್ಯ ಪಿತರಂ ತಥಾ॥ 9-37-13 (62304)
ಕದಾಚಿದ್ವಿ ತತೋ ರಾಜನ್ಭ್ರಾತರಾವೇಕತದ್ವಿತೌ।
ಯಜ್ಞಾರ್ಥಂ ಚಕ್ರತುಶ್ಚಿಂತಾಂ ತಥಾ ವಿತ್ತಾರ್ಥಮೇವ ಚ॥ 9-37-14 (62305)
ತಯೋರ್ಬುದ್ಧಿಃ ಸಮಭವತ್ತ್ರಿತಂ ಗೃಹ್ಯ ಪರಂತಪ।
ಯಾಜ್ಯಾನ್ಸರ್ವಾನುಪಾದಾಯ ಪ್ರತಿಗೃಹ್ಯ ಪಶೂಂಸ್ತತಃ।
ಸೋಮಂ ಪಾಸ್ಯಾಮಹೇ ಹೃಷ್ಟಾಃ ಪ್ರಾಪ್ಯ ಯಜ್ಞಂ ಮಹಾಫಲಂ॥ 9-37-15 (62306)
ಚಕ್ರುಶ್ಚೈವಂ ತಥಾ ರಾಜನ್ಭ್ರಾತರಸ್ತ್ರಯ ಏವ ಚ।
ಯಥಾ ತೇ ತು ಪರಿಕ್ರಂಯ ಯಾಜ್ಯಾನ್ಸರ್ವಾನ್ಪಶೂನ್ಪ್ರತಿ।
ಯಾಜಯಿತ್ವಾ ತತೋ ಯಾಜ್ಯಾಂʼಲ್ಲಬ್ಧ್ವಾ ತು ಸುಬಹೂನ್ಪಶೂನ್॥ 9-37-16 (62307)
ಯಾಜ್ಯೇನ ಕರ್ಮಣಾ ತೇನ ಪ್ರತಿಗೃಹ್ಯ ವಿಧಾನತಃ।
ಪ್ರಾಚೀಂ ದಿಶಂ ಮಹಾತ್ಮಾನ ಆಜಗ್ಮುಸ್ತೇ ಮಹರ್ಷಯಃ॥ 9-37-17 (62308)
ತ್ರಿತಸ್ತೇಷಾಂ ಮಹಾರಾಜ ಪುರಸ್ತಾದ್ಯಾತಿ ಹೃಷ್ಟವತ್।
ಏಕತಶ್ಚ ದ್ವಿತಶ್ಚೈವ ಪೃಷ್ಠತಃ ಕಾಲಯನ್ಪಶೂನ್॥ 9-37-18 (62309)
ತಯೋಶ್ಚಿಂತಾ ಸಮಭವದೇಕತಸ್ಯ ದ್ವಿತಸ್ಯ ಚ।
ಕಥಂ ಚ ಸ್ಯುರಿಮಾ ಗಾವ ಆವಾಭ್ಯಾಂ ಹಿ ವಿನಾ ತ್ರಿತಂ॥ 9-37-19 (62310)
ತಾವನ್ಯೋನ್ಯಂ ಸಮಾಭಾಷ್ಯ ಏಕತಶ್ಚ ದ್ವಿತಶ್ಚ ಹ।
ಯದೂಚತುರ್ಮಿಥಃ ಪಾಪೌ ತನ್ನಿಬೋಧ ಜನೇಶ್ವರ॥ 9-37-20 (62311)
ತ್ರಿತೋ ಯಜ್ಞೇಷು ಕುಶಲಸ್ತಥಾ ವೇದೇಷು ನಿಷ್ಠಿತಃ।
ತತಸ್ತ್ರಿತೋ ಬಹುತರಂ ಗಾವಃ ಸಮುಪಲಪ್ಸ್ಯತೇ॥ 9-37-21 (62312)
ತದಾವಾಂ ಸಹಿತೌ ಭೂತ್ವಾ ಗಾಃ ಪ್ರಕಾಲ್ಯ ವ್ರಜಾವಹೇ।
ತ್ರಿತೋಽಪಿ ಗಚ್ಛತಾಂ ಕಾಮಮಾವಾಭ್ಯಾಂ ವೈ ವಿನಾಕೃತಾಃ॥ 9-37-22 (62313)
ವೈಶಂಪಾಯನ ಉವಾಚ। 9-37-23x (5172)
ತೇಷಾಮಾಗಚ್ಛತಾಂ ರಾತ್ರೌ ಪಥಿಸ್ಥಾನಾಂ ವೃಕೋಽಭವತ್।
ತತ್ರ ಕೂಪೋ ವಿದೂರೇಽಭೂತ್ಸರಸ್ವತ್ಯಾಸ್ತಟೇ ಮಹಾನ್॥ 9-37-23 (62314)
ಅಥಂ ತ್ರಿತೋ ವೃಕಂ ದೃಷ್ಟ್ವಾ ಪಥಿ ತಿಷ್ಠಂತಮಗ್ರತಃ।
ತದ್ಭ್ಯಾದಪಸರ್ಪನ್ವೈ ತಸ್ಮಿನ್ಕೂಪೇ ಪಪಾತ ಹ।
ಅಗಾಧೇ ಸುಮಹಾಘೋರೇ ಸರ್ವಭೂತಭಯಂಕರೇ॥ 9-37-24 (62315)
ತ್ರಿತಸ್ತತೋ ಮಹಾರಾಜ ಕೂಪಸ್ಥೋ ಮುನಿಸತ್ತಮಃ।
ಆರ್ತನಾದಂ ತತಶ್ಚಕ್ರೇ ತೌ ತು ಶುಶ್ರುವತುರ್ಮುನೀ॥ 9-37-25 (62316)
ತ ಜ್ಞಾತ್ವಾ ಪತಿತಂ ಕೂಪೇ ಭ್ರಾತರಾವೇಕತದ್ವಿತೌ।
ವೃಕತ್ರಾಸಾಚ್ಚ ಲೋಭಾಚ್ಚ ಸಮುತ್ಸೃಜ್ಯ ಪ್ರಜಗ್ಮತುಃ॥ 9-37-26 (62317)
ಭ್ರಾತೃಭ್ಯಾಂ ಪಶುಲುಬ್ಧಾಭ್ಯಾಮುತ್ಸೃಷ್ಟಃ ಸ ಮಹಾತಪಾಃ।
ಉದಪಾನೇ ತದಾ ರಾಜನ್ನಿರ್ಜಲೇ ಪಾಂಸುಪಂವೃತೇ॥ 9-37-27 (62318)
ತ್ರಿತ ಆತ್ಮಾನಮಾಲಕ್ಷ್ಯ ಕೂಪೇ ವೀರುತ್ತೃಣಾವೃತೇ।
ನಿಮಗ್ನಂ ಭರತಶ್ರೇಷ್ಠ ನರಕೇ ದುಷ್ಕೃತೀ ಯಥಾ॥ 9-37-28 (62319)
ತತೋ ಹ್ಯಚಿಂತಯತ್ಪ್ರಾಜ್ಞೋ ಮೃತಭೂತೋ ಹ್ಯಸೋಮಪಃ।
ಸೋಮಃ ಕಥಂ ತು ಪಾತವ್ಯ ಇಹಸ್ಥೇನ ಮಯಾ ಭವೇತ್॥ 9-37-29 (62320)
ಸ ಏವಮಭಿಸಂಚಿಂತ್ಯ ತಸ್ಮಿನ್ಕೂಪೇ ಮಹಾತಪಾಃ।
ದದರ್ಶ ವೀರುಧಂ ತತ್ರ ಲಂಬಮಾನಾಂ ಯದೃಚ್ಛಯಾ॥ 9-37-30 (62321)
ಪಾಂಸುಗ್ರಸ್ತೇ ತತಃ ಕೂಪೇ ನ್ಯಖನತ್ಸಲಿಲಂ ಮುನಿಃ।
ಅಗ್ನೀನ್ಸಂಕಲ್ಪಯಾಮಾಸ ಹೋತೄನಾತ್ಮಾನಮೇವ ಚ॥ 9-37-31 (62322)
ತತಸ್ತಾಂ ವೀರುಧಂ ಸೋಮಂ ಸಂಕಲ್ಪ ಸುಮಹಾತಪಾಃ।
ಋಚೋ ಜಯೂಂಷಿ ಸಾಮಾನಿ ಮನಸಾ ಚಿಂತಯನ್ಮುನಿಃ॥ 9-37-32 (62323)
ಗ್ರಾವಾಣಃ ಶರ್ಕರಾಃ ಕೃತ್ವಾ ಪ್ರಚಕ್ರೇಽಭಿಷವಂ ನೃಪ।
ಆಜ್ಯಂ ಚ ಸಲಿಲಂ ಚಕ್ರೇ ಭಾಗಾಂಶ್ಚ ತ್ರಿದಿವೌಕಸಾಂ॥ 9-37-33 (62324)
ಸೋಮಸ್ಯಾಭಿಷವಸ್ಯಾಗ್ರೇ ಪ್ರವೃತ್ತಸ್ತುಮುಲೋ ಧ್ವನಿಃ।
ಸ ಚಾವಿಶದ್ದಿವಂ ರಾಜನ್ಸ್ವರಶ್ಚೈವ ತ್ರಿತಸ್ತ ವೈ॥ 9-37-34 (62325)
ಸಮವಾಪ ಚ ತಂ ಯಜ್ಞಾಂ ಯಥೋಕ್ತಂ ಬ್ರಹ್ಮವಾದಿಭಿಃ॥ 9-37-35 (62326)
ವರ್ತಮಾನೇ ಮಹಾಯಜ್ಞೇ ತ್ರಿತಸ್ಯ ಸುಮಹಾತ್ಮನಃ।
ಆವಿಗ್ನಂ ತ್ರಿದಿವಂ ಸರ್ವಂ ಕಾರಮಂ ಚ ನ ಬುಧ್ಯತೇ॥ 9-37-36 (62327)
ತತಃ ಸುತುಮುಲಂ ಶಬ್ದಂ ಶುಶ್ರಾವಾಥ ಬೃಹಸ್ಪತಿಃ।
ಶ್ರುತ್ವಾ ಚೈವಾಬ್ರವೀತ್ಸರ್ವಾಂದೇವಾಂದೇವಪುರೋಹಿತಃ॥ 9-37-37 (62328)
ತ್ರಿತಸ್ಯ ವರ್ತತೇ ಯಜ್ಞಸ್ತತ್ರ ಗಚ್ಛಾಮಹೇ ಸುರಾಃ।
ಸ ಹಿ ಕ್ರುದ್ಧಃ ಸೃಜೇದನ್ಯಾಂದೇವಾನಪಿ ಮಹಾತಪಾಃ॥ 9-37-38 (62329)
ತಚ್ಛ್ರುತ್ವಾ ವಚನಂ ತಸ್ಯ ಸಹಿತಾಃ ಸರ್ವದೇವತಾಃ।
ಪ್ರಯಯುಸ್ತತ್ರ ಯತ್ರಾಸ್ತೇ ತ್ರಿತಯಜ್ಞಶ್ಚ ವರ್ತತೇ॥ 9-37-39 (62330)
ತೇ ತತ್ರ ಗತ್ವಾ ವಿಬುಧಾಸ್ತಂ ಕೂಪಂ ಯತ್ರ ಸ ತ್ರಿತಃ।
ದದೃಶುಸ್ತಂ ಮಹಾತ್ಮಾನಂ ದೀಕ್ಷಿತಂ ಯಜ್ಞಕರ್ಮಸು॥ 9-37-40 (62331)
ದೃಷ್ಟ್ವಾ ಚೈನಂ ಮಹಾತ್ಮಾನಂ ಶ್ರಿಯಾ ಪರಮಯಾ ಯುತಂ।
ಊಚುಶ್ಚೈನಂ ಮಹಾಭಾಗಂ ಪ್ರಾಪ್ತಾ ಭಾಗಾರ್ಥಿನೋ ವಯಂ॥ 9-37-41 (62332)
ಅಥಾಬ್ರವೀದೃಷಿರ್ದೇವಾನ್ಪಶ್ಯಧ್ವಂ ಮಾಂ ದಿವೌಕಸಃ।
ಅಸ್ಮಿನ್ಪ್ರತಿಭಯೇ ಕೂಪೇ ನಿಮಗ್ನಂ ನಷ್ಟಚೇತಸಂ॥ 9-37-42 (62333)
ತತಸ್ತ್ರಿತೋ ಮಹಾರಾಜ ಭಾಗಾಂಸ್ತೇಷಾಂ ಯಥಾವಿಧಿ।
ಮಂತ್ರಯುಕ್ತಾನ್ಸಮದದಾತ್ತೇನ ಪ್ರೀತಾಸ್ತದಾಽಭವನ್॥ 9-37-43 (62334)
ತತೋ ಯಥಾವಿಧಿ ಪ್ರಾಪ್ತಾನ್ಭಾಗಾನ್ಪ್ರಾಪ್ಯ ದಿವೌಕಸಃ।
ಪ್ರೀತಾತ್ಮಾನೋ ದದುಸ್ತಸ್ಮೈ ವರಾನ್ಯಾನ್ಮನಸೇಚ್ಛತಿ॥ 9-37-44 (62335)
ಸ ತು ವವ್ರೇ ಲವರಂ ದೇವಾಂಸ್ತ್ರಾತುಮರ್ಹಥ ಮಾಮಿತಃ।
ಯಶ್ಚಾಂಭೋಪಸ್ಪೃಶೇತ್ಕೂಪೇ ಸ ಸೋಮಪಗತಿಂ ಲಭೇತ್॥ 9-37-45 (62336)
ತತ್ರ ಚೋರ್ಮಿಮತೀ ರಾಜನ್ನುತ್ಪಪಾತ ಸರಸ್ವತೀ।
ತಯೋತ್ಕ್ಷಿಪ್ತಸ್ತ್ರಿತಸ್ತಸ್ಥೌ ಪೂಜಯಂಸ್ತ್ರಿದಿವೌಕಸಃ॥ 9-37-46 (62337)
ತಥೇತಿ ಚೋಕ್ತ್ವಾ ವಿಬುಧಾ ಜಗ್ಮೂ ರಾಜನ್ಯಥಾಽಽಗತಾಃ।
ತ್ರಿತಶ್ಚಾಭ್ಯಾಗಮತ್ಪ್ರೀತಃ ಸ್ವಮೇವ ನಿಲಯಂ ತದಾ॥ 9-37-47 (62338)
ಕ್ರುದ್ಧಸ್ತು ಸ ಸಮಾಸಾದ್ಯ ತಾವೃಷೀ ಭ್ರಾತರೌ ತದಾ।
ಉವಾಚ ಪರುಷಂ ವಾಕ್ಯಂ ಶಶಾಪ ಚ ಮಹಾತಪಾಃ॥ 9-37-48 (62339)
ಪಶುಲುಬ್ಧೌ ಯುವಾಂ ಯಸ್ಮಾನ್ಮಾಮುತ್ಸೃಜ್ಯ ಪ್ರಧಾವಿತೌ।
ತಸ್ಮಾದ್ವೃಕಾಕೃತೀ ರೌದ್ರೌ ದಂಷ್ಟ್ರಿಣಾವಭಿತಶ್ಚರೌ॥ 9-37-49 (62340)
ಭವಿತಾರೌ ಮಯಾ ಶಪ್ತೌ ಪಾಪೇನಾನೇನ ಕರ್ಮಣಾ।
ಪ್ರಸವಶ್ಚೈವ ಯುವಯೋರ್ಗೋಲಾಂಗೂಲರ್ಕ್ಷವಾನರಾಃ॥ 9-37-50 (62341)
ಇತ್ಯುಕ್ತೇನ ತದಾ ತೇನ ಕ್ಷಣಾದೇವ ವಿಶಾಂಪತೇ।
ತಥಾಭೂತಾವದೃಶ್ಯೇತಾಂ ವಚನಾತ್ಸತ್ಯವಾದಿನಃ॥ 9-37-51 (62342)
ತತ್ರಾಪ್ಯಮಿತವಿಕ್ರಾಂತಃ ಸ್ಪೃಷ್ಟ್ವಾ ತೋಯಂ ಹಲಾಯುಧಃ।
ದತ್ತ್ವಾಚ ವಿವಿಧಾಂದೇಯಾನ್ಪೂಜಯಿತ್ವಾ ಚ ವೈ ದ್ವಿಜಾನ್॥ 9-37-52 (62343)
ಉದಪಾನಂ ಚ ತಂ ವೀಕ್ಷ್ಯ ಪ್ರಶಸ್ಯ ಚ ಪುನಃಪುನಃ।
ನದೀಗತಮದೀನಾತ್ಮಾ ಪ್ರಾಪ್ತೋ ವಿನಶನಂ ತದಾ॥ ॥ 9-37-53 (62344)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಸಪ್ತತ್ರಿಂಶೋಽಧ್ಯಾಯಃ॥ 37 ॥
Mahabharata - Shalya Parva - Chapter Footnotes
9-37-6 ಯಾಜಯಾಮಾಸ ಸ್ವಾರ್ಥೇ ಣಿಚ್ ಯಾಗಂ ಕೃತವಾನ್॥ 9-37-8 ಸರ್ವೇ ಪ್ರಜಾಪತಿಸುತಾಃ ಪ್ರಜಾಪತಯ ಏವ ಚ ಇತಿ ಕ.ಪಾಠಃ॥ 9-37-16 ಪಶೂನ್ಪ್ರತಿಪಶ್ವರ್ಥಂ। ದಕ್ಷಿಣಾರ್ಥಾ ಗಾಃ ಪ್ರಾಪ್ತುಮಿತ್ಯರ್ಥಃ॥ 9-37-18 ತ್ರಿತಶ್ಚಾಕಾಲಯನ್ಪಶೂನ್ ಇತಿ ಕ.ಪಾಠಃ॥ 9-37-23 ಪಥಿಸ್ಥಾನೇ ವೃಕೋಽಭವದಿತಿ ಕ.ಙ.ಪಾಠಃ॥ 9-37-45 ಯಶ್ಚೇಹೋಪಸ್ಪೃಶೇದಿತಿ ಝ.ಪಾಠಃ॥ 9-37-37 ಸಪ್ತತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 038
॥ ಶ್ರೀಃ ॥
9.38. ಅಧ್ಯಾಯಃ 038
Mahabharata - Shalya Parva - Chapter Topics
ಬಲಭದ್ರಸ್ಯ ಸರಸ್ವತೀತೀರಸ್ಥಾನಾನಾತೀರ್ಥಯಾತ್ರಾಪ್ರಕಾರವರ್ಣನಂ॥ 1 ॥ ತತ್ತತ್ತೀರ್ಥಮಹಿಮಾನುವರ್ಣನಂ ಚ॥ 2 ॥Mahabharata - Shalya Parva - Chapter Text
9-38-0 (62345)
ವೈಶಂಪಾಯನ ಉವಾಚ। 9-38-0x (5173)
ತತೋ ವಿನಶನಂ ರಾಜನ್ನಾಜಗಾಮ ಹಲಾಯುಧಃ।
ಶೂದ್ರಾಭೀರಾನ್ಪ್ರತಿ ದ್ವೇಷಾದ್ಯತ್ರ ನಷ್ಟಾ ಸರಸ್ವತೀ।
ತಸ್ಮಾತ್ತಾಮೃಷಯೋ ನಿತ್ಯಂ ಪ್ರಾಹುರ್ವಿನಶನೇತಿ ಚ॥ 9-38-1 (62346)
ತತ್ರಾಪ್ಯುಪಸ್ಪೃಶ್ಯ ಬಲಃ ಸರಸ್ವತ್ಯಾಂ ಮಹಾಬಲಃ।
ಸುಭೂಮಿಕಂ ತತೋಽಗಚ್ಛತ್ಸರಸ್ವತ್ಯಾಸ್ತಟೇ ವರೇ॥ 9-38-2 (62347)
ತತ್ರ ಚಾಪ್ಸರಸಃ ಶುಭ್ರಾ ನಿತ್ಯಕಾಲಮತಂದ್ರಿತಾಃ।
ಕ್ರೀಡಾಭಿರ್ವಿಮಲಾಭಿಶ್ಚ ಕ್ರೀಡಂತಿ ವಿಮಲಾನನಾಃ॥ 9-38-3 (62348)
ತತ್ರ ದೇವಾಃ ಸಗಂಧರ್ವಾ ಮಾಸಿಮಾಸಿ ಜನೇಶ್ವರ।
ಅಭಿಗಚ್ಛಂತಿ ತತ್ತೀರ್ಥಂ ಪುಣ್ಯಂ ಬ್ರಾಹ್ಮಣಸೇವಿತಂ॥ 9-38-4 (62349)
ತತ್ರ ನೃತ್ಯಂತಿ ಗಂಧರ್ವಾಸ್ತಥೈವಾಪ್ಸರಸಾಂ ಗಣಾಃ।
ಸಮೇತ್ಯ ಸಹಿತಾ ರಾಜನ್ಯಥಾಪ್ರಾಪ್ತಂ ಯಥಾಸುಖಂ॥ 9-38-5 (62350)
ತತ್ರ ಮೋದಂತಿ ದೇವಾಶ್ಚ ಪಿತರಶ್ಚ ಸವೀರುಧಃ।
ಪುಣ್ಯೈಃ ಪುಷ್ಪೈಃ ಸದಾ ದಿವ್ಯೈಃ ಕೀರ್ಯಮಾಣಾಃ ಪುನಃ ಪುನಃ॥ 9-38-6 (62351)
ಆಕ್ರೀಡಭೂಮಿಃ ಸಾ ರಾಜಂಸ್ತಾಸಾಮಪ್ಸರಸಾಂ ಶುಭಾ।
ಸುಭೂಮಿಕೇತಿ ವಿಖ್ಯಾತಾ ಸರಸ್ವತ್ಯಾಸ್ತಟೇ ವರೇ॥ 9-38-7 (62352)
ತತ್ರ ಸ್ನಾತ್ವಾ ಚ ದತ್ತ್ವಾ ಚ ವಸು ವಿಪ್ರೇಷು ಮಾಧವಃ।
ಶ್ರುತ್ವಾ ಗೀತಂ ಚ ತದ್ದಿವ್ಯಂ ವಾದಿತ್ರಾಣಾಂ ಚ ನಿಃಸ್ವನಂ॥ 9-38-8 (62353)
ಶಯ್ಯಾಶ್ಚ ವಿಪುಲಾ ದೃಷ್ಟ್ವಾ ದೇವಗಂಧರ್ವರಕ್ಷಸಾಂ।
ಗಂಧರ್ವಾಣಾಂ ತತಸ್ತೀರ್ಥಮಾಗಚ್ಛದ್ರೋಹಿಣೀಸುತಃ॥ 9-38-9 (62354)
ವಿಶ್ವಾವಸುಮುಖಾಸ್ತತ್ರ ಗಂಧರ್ವಾಪ್ಸರಸಾಂ ಗಣಾಃ।
ನೃತ್ತವಾದಿತ್ರಗೀತಂ ಚ ಕುರ್ನ್ವತಿ ಸುಮನೋರಮಂ॥ 9-38-10 (62355)
ತತ್ರ ದತ್ತ್ವಾ ಹಲಧರೋ ವಿಪ್ರೇಭ್ಯೋ ವಿವಿಧಂ ವಸು।
ಅಜಾವಿಕಂ ಗೋಖರೋಷ್ಟ್ರಂ ಸುವರ್ಣಂ ರಜತಂ ತಥಾ॥ 9-38-11 (62356)
ಭೋಜಯಿತ್ವಾ ದ್ವಿಜಾನ್ಕಾಮೈಃ ಸಂತರ್ಪ್ಯ ಚ ಮಹಾಧನೈಃ।
ಪ್ರಯಯೌ ಸಹಿತೋ ವಿಪ್ರೈಃ ಸ್ತೂಯಮಾನಶ್ಚ ಮಾಧವಃ॥ 9-38-12 (62357)
ತಸ್ಮಾದ್ಗಂಧರ್ವತೀರ್ಥಾಚ್ಚ ಮಹಾಬಾಹುರರಿಂದಮಃ।
ಗರ್ಗಸ್ರೋತೋ ಮಹಾತೀರ್ಥಮಾಜಗಾಮೈಕಕುಂಡಲೀ॥ 9-38-13 (62358)
ತತ್ರ ಗರ್ಗೇಣ ವೃದ್ಧೇನ ತಪಸಾ ಭಾವಿತಾತ್ಮನಾ।
ಕಾಲಜ್ಞಾನಗತಿಶ್ಚೈವ ಜ್ಯೋತಿಷಾಂ ಚ ವ್ಯತಿಕ್ರಮಃ॥ 9-38-14 (62359)
ಉತ್ಪಾತಾ ದಾರುಣಾಶ್ಚೈಕ ಶುಭಾಶ್ಚ ಜನಮೇಜಯ।
ಸರಸ್ವತ್ಯಾಃ ಶುಭೇ ತೀರ್ಥೇ ವಿದಿತಾ ವೈ ಮಹಾತ್ಮನಾ॥ 9-38-15 (62360)
ತಸ್ಯ ನಾಂನಾ ಚ ತತ್ತೀರ್ಥಂ ಗರ್ಗಸ್ರೋತ ಇತಿ ಸ್ಮೃತಂ॥ 9-38-16 (62361)
ತತ್ರ ಗರ್ಗಂ ಮಹಾಭಾಗಮೃಷಯಃ ಸುವ್ರತಾ ನೃಪ।
ಉಪಾಸಾಂಚಕ್ರಿರೇ ನಿತ್ಯಂ ಕಾಲಜ್ಞಾನಂ ಪ್ರತಿ ಪ್ರಭೋ॥ 9-38-17 (62362)
ತತ್ರ ಗತ್ವಾ ಮಹಾರಾಜ ಬಲಃ ಶ್ವೇತಾನುಲೇಪನಃ।
ವಿಧಿವದ್ವಿ ಧನಂ ದತ್ತ್ವಾ ಮುನೀನಾಂ ಭಾವಿತಾತ್ಮನಾಂ॥ 9-38-18 (62363)
ಉಚ್ಚಾವಚಾಂಸ್ತಥಾ ಭಕ್ಷ್ಯಾನ್ವಿಪ್ರೇಭ್ಯೋ ವಿಪ್ರದಾಯ ಸಃ।
ನೀಲವಾಸಾಸ್ತದಾಽಗಚ್ಛಚ್ಛಂಘತೀರ್ಥಂ ಮಹಾಯಶಾಃ॥ 9-38-19 (62364)
ತತ್ರಾಪಶ್ಯನ್ಮಹಾಶಂಖಂ ಮಹಾಮೇರುಮಿವೋಚ್ಛ್ರಿತಂ।
ಶ್ವೇತಪರ್ವತಸಂಕಾಶಮೃಷಿಸಂಘೈರ್ನಿಷೇವಿತಂ।
ಸರಸ್ವತ್ಯಾಸ್ತಟೇ ಜಾತಂ ನಗಂ ತಾಲಧ್ವಜೋ ಬಲೀ॥ 9-38-20 (62365)
ಯಕ್ಷಾ ವಿದ್ಯಾಧರಾಶ್ಚೈವ ರಾಕ್ಷಸಾಶ್ಚಾಮಿತೌಜಸಃ।
ಪಿಶಾಚಾಶ್ಚಾಮಿತಬಲಾ ಯತ್ರ ಸಿದ್ಧಾಃ ಸಹಸ್ರಶಃ॥ 9-38-21 (62366)
ತೇ ಸರ್ವೇ ಹ್ಯಶನಂ ತ್ಯಕ್ತ್ವಾ ಫಲಂ ತಸ್ಯ ವನಸ್ಪತೇಃ।
ವ್ರತೈಶ್ಚ ನಿಯಮೈಶ್ಚೈವ ಕಾಲೇಕಾಲೇ ಸ್ಮ ಭುಂಜತೇ॥ 9-38-22 (62367)
ಪ್ರಾಪ್ತೈಶ್ಚ ನಿಯಮೈಸ್ತೈಸ್ತೈರ್ವಿಚರಂತಃ ಪೃಥಕ್ಪೃಥಕ್।
ಅದೃಶ್ಯಮಾನಾ ಮನುಜೈರ್ವ್ಯಚರನ್ಪುರುಷರ್ಷಭ॥ 9-38-23 (62368)
ಏವಂ ಖ್ಯಾತೋ ನರವ್ಯಾಘ್ರ ಲೋಕೇಽಸ್ಮಿನ್ಸ ವನಸ್ಪತಿಃ।
ತತ್ರ ತೀರ್ಥಂ ಸರಸ್ವತ್ಯಾಃ ಪಾವನಂ ಲೋಕವಿಶ್ರುತಂ॥ 9-38-24 (62369)
ತಸ್ಮಿಂಶ್ಚ ಯದುಶಾರ್ದೂಲೋ ದತ್ತ್ವಾ ತೀರ್ಥೇ ಪಯಸ್ವಿನೀಃ।
ತಾಂರಾಯಸಾನಿ ಭಾಂಡಾನಿ ವಸ್ತ್ರಾಣಿ ವಿವಿಧಾನಿ ಚ॥ 9-38-25 (62370)
ಪೂಜಯಿತ್ವಾ ದ್ವಿಜಾಂಶ್ಚೈವ ಪೂಜಿತಶ್ಚ ತಪೋಧನೈಃ।
ಪುಣ್ಯಂ ನೈಸರ್ಗಿಕಂ ರಾಜನ್ನಾಜಗಾಮ ಹಲಾಯುಧಃ॥ 9-38-26 (62371)
ತತ್ರ ಗತ್ವಾ ಮುನೀಂದೃಷ್ಟ್ವಾ ನಾನಾವೇಷಧರಾನ್ಬಲಃ।
ಆಪ್ಲುತ್ಯ ಸಲಿಲೇ ಚಾಪಿ ಪೂಜಯಾಮಾಸ ವೈ ದ್ವಿಜಾನ್॥ 9-38-27 (62372)
ತಥೈವ ದತ್ತ್ವಾ ವಿಪ್ರೇಭ್ಯಃ ಪರಿಭೋಗಾನ್ಸುಪುಷ್ಕಲಾನ್।
ತತಃ ಪ್ರಾಯಾದ್ಬಲೋ ರಾಜಂದಕ್ಷಿಣೇನ ಸರಸ್ವತೀಂ॥ 9-38-28 (62373)
ಗತ್ವಾ ಚೈವಂ ಮಹಾಬಾಹುರ್ನಾತಿದೂರೇ ಮಹಾಯಶಾಃ।
ಧರ್ಮಾತ್ಮಾ ನಾಗಧನ್ವಾನಂ ತೀರ್ಥಮಾಗಮದಚ್ಯುತಃ॥ 9-38-29 (62374)
ಯತ್ರ ಪನ್ನಗರಾಜಸ್ಯ ವಾಸುಕೇಃ ಸನ್ನಿವೇಶನಂ।
ಮಹಾದ್ಯುತೇರ್ಮಹಾರಾಜ ಬಹುಭಿಃ ಪನ್ನಗೈರ್ವೃತಂ॥ 9-38-30 (62375)
ಋಷಿಣಾಂ ಹಿ ಸಹಸ್ರಾಣಿ ತತ್ರ ನಿತ್ಯಂ ಚತುರ್ದಶ।
ಯತ್ರ ದೇವಾಃ ಸಮಾಗಂಯ ವಾಸುಕಿಂ ಪನ್ನಗೋತ್ತಮಂ।
ಸರ್ವಪನ್ನಗರಾಜಾನಮಭ್ಯಷಿಂಚನ್ಯಥಾವಿಧಿ॥ 9-38-31 (62376)
ಪನ್ನಗೇಭ್ಯೋ ಭಯಂ ತತ್ರ ವಿದ್ಯತೇ ನ ಸ್ಮ ಪೌರವ॥ 9-38-32 (62377)
ತತ್ರಾಪಿ ವಿಧಿವದ್ದತ್ವಾ ವಿಪ್ರೇಭ್ಯೋ ರತ್ನಸಂಚಯಾನ್।
ಪ್ರಾಯಾತ್ಪ್ರಾಚೀಂ ದಿಶಂ ರಾಜಂಸ್ತತ್ರ ತೀರ್ಥಾನ್ಯನೇಕಶಃ॥ 9-38-33 (62378)
ಸಹಸ್ರಶತಸಂಖ್ಯಾನಿ ಪ್ರಥಿತಾನಿ ಪದೇಪದೇ।
ಆಪ್ಲುತ್ಯ ತತ್ರ ತೀರ್ಥೇಷು ಯಥೋಕ್ತಂ ತತ್ರ ಚರ್ಷಿಭಿಃ॥ 9-38-34 (62379)
ದತ್ತ್ವಾ ವಸು ದ್ವಿಜಾಗ್ರ್ಯೇಭ್ಯೋ ನಿರ್ಜಗಾಮ ಮಹಾಬಲಃ।
ತತ್ರಸ್ಥಾನೃಷಿಸಂಘಾಂಸ್ತಾನಭಿವಾದ್ಯ ಹಲಾಯುಧಃ॥ 9-38-35 (62380)
ತತೋ ರಾಮೋಽಗಮತ್ತೀರ್ಥಮೃಷಿಭಿಃ ಸೇಕ್ತಿಂ ಮಹತ್।
ಯತ್ರ ಭೂಯೋ ನಿವವೃತೇ ಪ್ರಾಙ್ಮುಖಾ ವೈ ಸರಸ್ವತೀ॥ 9-38-36 (62381)
ಋಷೀಣಾಂ ನೈಮಿಷೇಯಾಣಾವಮೇಕ್ಷಾರ್ಥಂ ಮಹಾತ್ಮನಾಂ।
ನಿವೃತ್ತಾಂ ತಾಂ ಸರಿಚ್ಛ್ರೇಷ್ಠಾಂ ತತ್ರ ದೃಷ್ಟ್ವಾ ತು ಲಾಂಗಲೀ।
ವಭೂವ ವಿಸ್ಮಿತೋ ರಾಜನ್ಬಲಃ ಶ್ವೇತಾನುಲೇಪನಃ॥ 9-38-37 (62382)
ಜನಮೇಜಯ ಉವಾಚ। 9-38-38x (5174)
ಕಸ್ಮಾತ್ಸರಸ್ವತೀ ಬ್ರಹ್ಮನ್ನಿವೃತ್ತಾ ಕಪ್ರಾಙ್ಮುಖೀ ಭವತ್।
ವ್ಯಾಖ್ಯಾತಮೇತದಿಚ್ಛಾಮಿ ಸರ್ವಮಧ್ವರ್ಯುಸತ್ತಮ॥ 9-38-38 (62383)
ಕಸ್ಮಿಂಶ್ಚಿತ್ಕಾರಣೇ ತತ್ರ ವಿಸ್ಮಿತೋ ಯದುನಂದನಃ।
ನಿವೃತ್ತಾ ಹೇತುನಾ ಕೇನ ಕಥಮೇವ ಸರಿದ್ವರಾ॥ 9-38-39 (62384)
ವೈಶಂಪಾಯನ ಉವಾಚ। 9-38-40x (5175)
ಪೂರ್ವಂ ಕೃತಯುಗೇ ರಾಜನ್ನೈಮಿಷೇಯಾಸ್ತಪಸ್ವಿನಃ।
ವರ್ತಮಾನೇ ಸುವಿಪುಲೇ ಸತ್ರೇ ದ್ವಾದಶವಾರ್ಷಿಕೇ॥ 9-38-40 (62385)
ಋಷಯೋ ಬಹವೋ ರಾಜಂಸ್ತತ್ಸತ್ರಮಭಿಪೇದಿರೇ।
ಉಷಿತ್ವಾ ಚ ಮಹಾಭಾಗಾಸ್ತಸ್ಮಿನ್ಸತ್ರೇ ಯಥಾವಿಧಿ॥ 9-38-41 (62386)
ನಿವೃತ್ತೇ ನೈಮಿಷೇ ಯೇ ವೈ ಸತ್ರೇ ದ್ವಾದಶವಾರ್ಷಿಕೇ।
ಆಜಗ್ಮುರ್ಋಷಯಸ್ತತ್ರ ಬಹವಸ್ತೀರ್ಥಕಾರಣಾತ್॥ 9-38-42 (62387)
ಋಷೀಣಾಂ ಬಹುಲತ್ವಾತ್ತು ಸರಸ್ವತ್ಯಾ ವಿಶಾಂಪತೇ।
ತೀರ್ಥಾನಿ ನಗರಾಯಂತೇ ಕೂಲೇ ವೈ ದಕ್ಷಿಣೋತ್ತರೇ॥ 9-38-43 (62388)
ಸಮಂತಪಂಚಕಂ ಯಾವತ್ತಾವತ್ತೇ ದ್ವಿಜಸತ್ತಮಾಃ।
ತೀರ್ಥಲೋಭಾನ್ನರವ್ಯಾಘ್ರ ನದ್ಯಾಸ್ತೀರಂ ಸಮಾಶ್ರಿತಾಃ॥ 9-38-44 (62389)
ಜುಹ್ವತಾಂ ತತ್ರ ತೇಷಾಂ ತು ಮುನೀನಾಂ ಭಾವಿತಾತ್ಮನಾಂ।
ಸ್ವಾಧ್ಯಾಯೇನಾತಿಮಹತಾ ಬಭೂವುಃ ಪೂರಿತಾ ದಿಶಃ॥ 9-38-45 (62390)
ಅಗ್ನಿಹೋತ್ರೈಸ್ತತಸ್ತೇಷಾಂ ಹೂಯಮಾನೈರ್ಮಹಾತ್ಮನಾಂ।
ಅಶೋಭತ ಸರಿಚ್ಛ್ರೇಷ್ಠಾ ದೀಪ್ಯಮಾನೈಃ ಸಮಂತತಃ॥ 9-38-46 (62391)
ವಾಲಖಿಲ್ಯಾ ಮಹಾರಾಜ ಅಶ್ಮಕುಟ್ಟಾಶ್ಚ ತಾಪಸಾಃ।
ದಂತೋಲೂಖಲಿನಶ್ಚಾನ್ಯೇ ಸಂಪ್ರಕ್ಷಾಲಾಸ್ತಥಾ ಪರೇ॥ 9-38-47 (62392)
ವಾಯುಭಕ್ಷಾ ಜಲಾಹಾರಾಃ ಪರ್ಣಭಕ್ಷಾಶ್ಚ ತಾಪಸಾಃ।
ನಾನಾನಿಯಮಯುಕ್ತಾಶ್ಚ ತಥಾ ಸ್ಥಂಡಿಲಶಾಯಿನಃ॥ 9-38-48 (62393)
ಆಸನ್ವೈ ಮುನಯಸ್ತವತ್ರ ಸರಸ್ವತ್ಯಾಃ ಸಮೀಪತಃ।
ಶೋಭಯಂತಃ ಸರಿಚ್ಛ್ರೇಷ್ಠಾಂ ಗಂಗಾಮಿವ ದಿವೌಕಸಃ॥ 9-38-49 (62394)
ಶತಶಶ್ಚ ಸಮಾಪೇತುರ್ಋಷಯಃ ಸತ್ರಯಾಜಿನಃ।
ತೇಽವಕಾಶಂ ನ ದದೃಶುಃ ಸರಸ್ವತ್ಯಾ ಮಹಾವ್ರತಾಃ।
ತೇಽವಕಾಶಂ ಚ ದದೃಶುಃ ಕುರುಕ್ಷೇತ್ರಂ (ತ್ರೇ) ಮಹಾವ್ರತಾಃ॥ 9-38-50 (62395)
ತತೋ ಯಜ್ಞೋಪವೀತೈಃ ಸ್ವೈಸ್ತತ್ರ ಕೃತ್ವಾ ಸರಸ್ವತೀಂ।
ಜುಹುವುಶ್ಚಾಗ್ನಿಹೋತ್ರಾಂಶ್ಚ ಚಕ್ರುಶ್ಚ ವಿವಿಧಾಃ ಕ್ರಿಯಾಃ॥ 9-38-51 (62396)
ತತಸ್ತಮೃಪಿಸಂಘಾತಂ ನಿರಾಶಂ ಚಿಂತಯಾನ್ವಿತಂ।
ದರ್ಶಯಾಮಾಸ ರಾಜೇಂದ್ರ ತೇಷಾಮರ್ಥೇ ಸರಸ್ವತೀ॥ 9-38-52 (62397)
ತತಃ ಕುಂಜಾನ್ಬಹೂನ್ಕೃತ್ವಾ ಸನ್ನಿವೃತ್ತಾ ಸರಸ್ವತೀ।
ಋಷೀಣಾಂ ಪುಣ್ಯತಪಸಾಂ ಕಾರುಣ್ಯಾಜ್ಜನಮೇಜಯ॥ 9-38-53 (62398)
ತತೋ ನಿವೃತ್ತ್ಯ ರಾಜೇಂದ್ರ ತೇಷಾಮರ್ಥೇ ಸರಸ್ವತೀ।
ಭೂಯಃ ಪ್ರತೀಚ್ಯಭಿಮುಖೀ ಪ್ರಸುಸ್ರಾವ ಸರಿದ್ವರಾ॥ 9-38-54 (62399)
ಅಮೋಘಾ ಗಮನಂ ಕೃತ್ವಾ ತೇಷಾಂ ಭೂಯೋ ಜಗಾಮ ಹ।
ಅತ್ಯದ್ಭುತಂ ಮಹಚ್ಚಕ್ರೇ ತದಾ ರಾಜನ್ಮಹಾನದೀ॥ 9-38-55 (62400)
ಏವಂ ಸ ಕುಂಜೋ ರಾಜನ್ವೈ ನೈಮಿಷೀಯ ಇತಿ ಸ್ಮೃತಃ।
ಕುರುಶ್ರೇಷ್ಠ ಕುರುಕ್ಷೇತ್ರೇ ಕುರುಷ್ವ ಮಹತೀಂ ಕ್ರಿಯಾಂ॥ 9-38-56 (62401)
ತತ್ರ ಕುಂಜಾನ್ಬಹೂಂದೃಷ್ಟ್ವಾ ನಿವೃತ್ತಾಂ ಚ ಸರಸ್ವತೀಂ।
ಬಭೂವ ವಿಸ್ಮಯಸ್ತತ್ರ ರಾಮಸ್ಯಾಥ ಮಹಾತ್ಮನಃ॥ 9-38-57 (62402)
ಉಪಸ್ಪೃಶ್ಯ ತು ತತ್ರಾಪಿ ವಿಧಿವದ್ಯದುನಂದನಃ।
ದತ್ತ್ವಾ ದೇಯಾಂದ್ವಿಜಾತಿಭ್ಯೋ ಭಾಂಡಾನಿ ವಿವಿಧಾನಿ ಚ॥ 9-38-58 (62403)
ಭಕ್ಷ್ಯಂ ಭೋಜ್ಯಂ ಕಚ ವಿವಿಧಂ ಬ್ರಾಹ್ಮಣೇಭ್ಯಃ ಪ್ರದಾಯ ಚ।
ತತಃ ಪ್ರಾಯಾದ್ಬಲೋ ರಾಜನ್ಪೂಜ್ಯಮಾನೋ ದ್ವಿಜಾತಿಭಿಃ॥ 9-38-59 (62404)
ಸರಸ್ವತೀತೀರ್ಥವರಂ ನಾನಾದ್ವಿಜಗಣಾಯುತಂ।
ಬದರೇಂಗುದಶ್ಯಾಮಾಕಾಪ್ಲುಕ್ಷಾಶ್ವತ್ಥಬಿಭೀತಕೈಃ॥ 9-38-60 (62405)
ಕಂಕೋಲೈಶ್ಚ ಪಲಾಶ್ಚೈಶ್ಚ ಕರೀರೈಃ ಪೀಲುಭಿಸ್ತಥಾ।
ಸರಸ್ವತೀತೀರ್ಥರುಹೈಸ್ತರುಭಿರ್ವಿವಿಧೈಸ್ತಥಾ॥ 9-38-61 (62406)
ಕರುಷಕವರೈಶ್ಚೈವ ಬಿಲ್ವೈರಾಂರಾತಕೈಸ್ತಥಾ।
ಅತಿಮುಕ್ತಕಷಂಡೈಶ್ಚ ಪಾರಿಜಾತೈಶ್ಚ ಶೋಭಿತಂ॥ 9-38-62 (62407)
ಕದಲೀವನಭೂಯಿಷ್ಠಂ ದೃಷ್ಟಿಕಾಂತಂ ಮನೋಹರಂ।
ವಾಯ್ವಂಬುಫಲಪರ್ಣಾದೈರ್ದಂತೋಲೂಖಲಿಕೈರಪಿ॥ 9-38-63 (62408)
ತಥಾಽಶ್ಮಕುಟ್ಟೈರ್ವಾತೇಯೈರ್ಮುನಿಭಿರ್ಬಹುಭಿರ್ವೃತಂ।
ಸ್ವಾಧ್ಯಾಯಘೋಷಸಂಘುಷ್ಟಂ ಮೃಗಯೂಥಶತಾಕುಲಂ॥ 9-38-64 (62409)
ಅಹಿಂಸ್ರೈರ್ಧರ್ಮಪರಮೈರ್ನೃಭಿರತ್ಯರ್ಥರೋವಿತಂ।
ಸಪ್ತಸಾರಸ್ವತಂ ತೀರ್ಥಮಾಜಗಾಮ ಹಲಾಯುಧಃ।
ಯತ್ರ ಮಂಕಣಕಃ ಸಿದ್ಧಸ್ತಪಸ್ತೇಪೇ ಮಹಾಮುನಿಃ॥ ॥ 9-38-65 (62410)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟವಿಂಶೋಽಧ್ಯಾಯಃ॥ 38 ॥
Mahabharata - Shalya Parva - Chapter Footnotes
9-38-1 ಶೂದ್ರಾಭೀರಾಂದ್ವಿಷ್ಟಮಾನಾ---ಇತಿ ಕ.ಪಾಠಃ॥ 9-38-3 ಶುಭ್ರಾಃ ಶುಚಯಃ॥ 9-38-9 ಛಾಯಾಶ್ಚ ವಿಪುಲಾ ಇತಿ ಙ.ಪಾಠಃ॥ 9-38-10 ಗಂಧರ್ವಾಪ್ಸರಸಾನ್ವಿಂತಾಃ ಇತಿ ಙ.ಪಾಠಃ॥ 9-38-17 ಕಾಲಜ್ಞಾನಾರ್ಥಂ॥ 9-38-20 ಶಂಖಂ ಶಂಖನಾಮಾನಂ। ನಗಂ ವೃಕ್ಷಂ॥ 9-38-26 ಪುಣ್ಯಂ ದ್ರೈತವನಂ ಇತಿ ಝ.ಪಾಠಃ॥ 9-38-37 ಅವೇಕ್ಷಾರ್ಯಮಿಷ್ಟಸಿದ್ಧ್ಯರ್ಥಂ॥ 9-38-38 ಇಚ್ಛಾಮಿ ಶ್ರೋತುಮಿತಿ ಶೇಷಃ॥ 9-38-51 ಯಜ್ಞೋಪವೀತೈಃ ಯಜ್ಞಸೂತ್ರೈಃ ನಿರಾಶಂ ಸರಸ್ವತೀಜಲಲಾಭೇ ಇತ್ಯರ್ಥಃ॥ 9-38-53 ಕುಜ್ಜಾನ್ ಆತ್ಮನೋ ವಾಸಸ್ಥಾನಾನಿ ತಿರ್ಥವಿಶೇಷಾನಿತ್ಯರ್ಥಃ॥ 9-38-38 ಅಷ್ಟತ್ರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 039
॥ ಶ್ರೀಃ ॥
9.39. ಅಧ್ಯಾಯಃ 039
Mahabharata - Shalya Parva - Chapter Topics
ಸರಸ್ವತ್ಯಾಃ ಸಪ್ತಧಾವಿಭಾಗೇ ಕಾರಣಾಭಿಧಾನಂ॥ 1 ॥ ಸಪ್ತಭಾಗಾನಾಂ ಕಸ್ಮಿಂಶ್ಚಿತ್ತೀರ್ಥೇ ಏಕೀಭವನಾತ್ತತ್ತೀರ್ಥಸ್ಯ ಸಪ್ತಸಾರಸ್ವತನಾಮಪ್ರಾಪ್ತಿಃ॥ 2 ॥ ಮಂಕಣಮುನಿಚರಿತಪ್ರತಿಪಾದನಂ॥ 3 ॥Mahabharata - Shalya Parva - Chapter Text
9-39-0 (62411)
ಜನಮೇಜಯ ಉವಾಚ। 9-39-0x (5176)
ಸಪ್ತಸಾರಸ್ವತಂ ಕಸ್ಮಾತ್ಕಶ್ಚ ಮಂಕಣಕೋ ಮುನಿಃ।
ಕಥಂ ಸಿದ್ಧಃ ಸ ಭಗವಾನ್ಕಶ್ಚಾಸ್ಯ ನಿಯಮೋಽಭವತ್॥ 9-39-1 (62412)
ಕಸ್ಯ ವಂಶೇ ಸಮುತ್ಪನ್ನಃ ಕಿಂ ಚಾಧೀತಂ ದ್ವಿಜೋತ್ತಮ।
ಏತನ್ಮೇ ಸರ್ವಮಾಚಕ್ಷ್ವ ಯಥಾತತ್ತ್ವಂ ಮಹಾಮುನೇ॥ 9-39-2 (62413)
ವೈಶಂಪಾಯನ ಉವಾಚ। 9-39-3x (5177)
ಸಪ್ತನದ್ಯಃ ಸರಸ್ವತ್ಯಾ ಯಾಭಿರ್ವ್ಯಾಪ್ತಮಿದಂ ಜಗತ್।
ಆಹೂತಾ ಬಲವದ್ಭಿರ್ಹಿ ತತ್ರತತ್ರ ಸರಸ್ವತೀ॥ 9-39-3 (62414)
ಸುಪ್ರಭಾ ಕಾಂಚನಾಕ್ಷೀ ಚ ವಿಶಾಲಾ ಚ ಮನೋರಮಾ।
ಸರಸ್ವತೀ ಚೌಘವತೀ ಸುರೇಣುರ್ವಿಮಲೋದಕಾ॥ 9-39-4 (62415)
ಪಿತಾಮಹಸ್ಯ ಮಹತೋ ವರ್ತಮಾನೇ ಮಹಾಮಖೇ।
ವಿತತೇ ಯಜ್ಞವಾಟೇ ಚ ಸಂಸಿದ್ಧೇಷು ದ್ವಿಜಾತಿಷು॥ 9-39-5 (62416)
ಪುಣ್ಯಾಹಘೋಷೈರ್ವಿಮಲೈರ್ವೇದಾನಾಂ ನಿನದೈಸ್ತಥಾ।
ದೇವೇಷು ಚೈವ ವ್ಯಗ್ರೇಷು ತಸ್ಮಿನ್ಯಜ್ಞವಿಧೌ ತದಾ॥ 9-39-6 (62417)
ತತ್ರ ಚೈವ ಮಹಾರಾಜ ದೀಕ್ಷಿತೇ ಪ್ರಪಿತಾಮಹೇ।
ಯಜತಸ್ತಸ್ಯ ಸತ್ರೇಣ ಸರ್ವಕಾಮಸಮೃದ್ವಿನಾ॥ 9-39-7 (62418)
ಮನಸಾ ಚಿಂತಿತಾ ಹ್ಯರ್ಥಾ ಧರ್ಮಾರ್ಥಕುಶಲೈಸ್ತದಾ।
ಉಪತಿಷ್ಠಂತಿ ರಾಜೇಂದ್ರ ದ್ವಿಜಾತೀಂಸ್ತತ್ರತತ್ರ ಹ॥ 9-39-8 (62419)
ಜಗುಶ್ಚ ತತ್ರ ಗಂಧರ್ವಾ ನನೃತುಶ್ಚಾಪ್ಸರೋಗಣಾಃ।
ವಾದಿತ್ರಾಣಿ ಚ ದಿವ್ಯಾನಿ ವಾದಯಾಮಾಸುರಂಜಸಾ॥ 9-39-9 (62420)
ತಸ್ಯ ಯಜ್ಞಸ್ಯ ಸಂಪತ್ತ್ಯಾ ತುತುಷುರ್ದೇವತಾಗಣಾಃ।
ವಿಸ್ಮಯಂ ಪರಮಂ ಜಗ್ಮುಃ ಕಿಮು ಮಾನುಷಯೋನಯಃ॥ 9-39-10 (62421)
ವರ್ತಮಾನೇ ಯಥಾ ಯಜ್ಞೇ ಪುಷ್ಕರಸ್ಥೇ ಪಿತಾಮಹೇ।
ಅಬ್ರುವನ್ನೃಷಯೋ ರಾಜನ್ನಾಯಂ ಯಜ್ಞೋ ಮಹಾಗುಣಃ॥ 9-39-11 (62422)
ನ ದೃಶ್ಯತೇ ಸರಿಚ್ಛ್ರೇಷ್ಠಾ ಯಸ್ಮಾದಿಹ ಸರಸ್ವತೀ।
ತಚ್ಛ್ರುತ್ವಾ ಭಗವಾನ್ಪ್ರೀತಃ ಸಸ್ಮಾರಾಥ ಸರಸ್ವತೀಂ॥ 9-39-12 (62423)
ಪಿತಾಮಹೇನ ಯಜತಾ ಆಹೂತಾ ಪುಷ್ಕರೇಷು ವೈ।
ಸುಪ್ರಭಾ ನಾಮ ರಾಜೇಂದ್ರ ನಾಂನಾ ತತ್ರ ಸರಸ್ವತೀ॥ 9-39-13 (62424)
ತಾಂ ದೃಷ್ಟ್ವಾ ಮುನಯಸ್ತುಷ್ಟಾಸ್ತ್ವರಾಯುಕ್ತಾಂ ಸರಸ್ವತೀಂ।
ಪಿತಾಮಹಂ ಮಾನಯಂತೀಂ ಕ್ರತುಂ ತೇ ಬಹುಮೇನಿರೇ॥ 9-39-14 (62425)
ಏವಮೇಷಾ ಸರಿಚ್ಛ್ರೇಷ್ಠಾ ಪುಷ್ಕರೇಷು ಸರಸ್ವತೀ।
ಪಿತಾಮಹಾರ್ಥಂ ಸಂಭೂತಾ ತುಷ್ಟ್ಯರ್ಥಂ ಚ ಮನೀಷಿಣಾಂ॥ 9-39-15 (62426)
ನೈಮಿಷೇ ಮುನಯೋ ರಾಜನ್ಸಮಾಗಂಯ ಸಮಾಸತೇ।
ತತ್ರ ಚಿತ್ರಾಃ ಕಥಾ ಹ್ಯಾಸನ್ವೇದಂ ಪ್ರತಿ ಜನೇಶ್ವರ॥ 9-39-16 (62427)
ಯತ್ರ ತೇ ಮುನಯೋ ಹ್ಯಾಸನ್ನಾನಾಸ್ವಾಧ್ಯಾಯವೇದಿನಃ।
ತೇ ಸಮಾಗಂಯ ಮುನಯಃ ಸಸ್ಮಾರುರ್ವೈ ಸರಸ್ವತೀಂ॥ 9-39-17 (62428)
ಸಾ ತು ಧ್ಯಾತಾ ಮಹಾರಾಜ ಮುನಿಭಿಃ ಸತ್ರಯಾಜಿಭಿಃ।
ಸಮಾಗತಾನಾಂ ರಾಜೇಂದ್ರ ಸಾಹಾಯ್ಯಾರ್ಥಂ ಮಹಾತ್ಮನಾಂ।
ಆಜಗಾಮ ಮಹಾಭಾಗಾ ತತ್ರ ಪುಣ್ಯಾ ಸರಸ್ವತೀ॥ 9-39-18 (62429)
ನೈಮಿಷೇ ಕಾಂಚನಾಕ್ಷೀ ತು ಮುನೀನಾಂ ಸತ್ರಾಯಾಜಿxxxಂ।
ಆಗತಾ ಸರಿತಾಂ ಶ್ರೇಷ್ಠಾ ತತ್ರ ಭಾರತ ಪೂಜಿತ॥ 9-39-19 (62430)
ಗಯಸ್ಯ ಯಜಮಾನಸ್ಯ ಗಯೇಷ್ವೇವ ಮಹಾಕ್ರತುಂ।
ಆಹೂತಾ ಸರಿತಾಂ ಶ್ರೇಷ್ಠಾ ಗಯಯಜ್ಞೇ ಸರಸ್ವತೀ॥ 9-39-20 (62431)
ಗಯಸ್ಯ ಯಜಮಾನಸ್ಯ ಗಯೇಷ್ವೇವ ಮಹಾಕ್ರತುಂ।
ವಿಶಾಲಾಂ ತು ಗಯಸ್ಯಾಹುರ್ಋಷಯಃ ಸಂಶಿತವ್ರತಾ॥ 9-39-21 (62432)
ಸರಿತ್ಸಾ ಹಿಮವತ್ಪಾರ್ಶ್ವಾತ್ಪ್ರಸ್ರುತಾ ಶೀಘ್ರಗಾಮಿನೀ।
ಔದ್ದಾಲಕೇಸ್ತಥಾ ಯಜ್ಞೇ ಯಜತಸ್ತಸ್ಯ ಭಾರತ॥ 9-39-22 (62433)
ಸಮೇತೇ ಸರ್ವತಃ ಸ್ಫೀತೇ ಮುನೀನಾಂ ಮಂಡಲೇ ತದಾ।
ಉತ್ತರೇ ಕೋಸಲಾಭಾಗೇ ಪುಣ್ಯೇ ರಾಜನ್ಮಹಾತ್ಮನಃ॥ 9-39-23 (62434)
ಔದ್ದಾಲಕೇನ ಯಜತಾ ಪೂರ್ವಂ ಧ್ಯಾತಾ ಸರಸ್ವತೀ।
ಆಜಗಾಮ ಸರಿಚ್ಛೇಷ್ಠಾ ತಂ ದೇಶಂ ಮುನಿಕಾರಣಾತ್॥ 9-39-24 (62435)
ಪೂಜ್ಯಮಾನಾ ಮುನಿಗಣೈರ್ವಲ್ಕಲಾಜಿನಸಂವೃತೈಃ।
ಮನೋಹರೇತಿ ವಿಖ್ಯಾತಾ ಸಾ ಹಿ ತೈರ್ಮನಸಾ ವೃತಾ॥ 9-39-25 (62436)
[ಸುರಣುಋಷಭೇ ದ್ವೀಪೇ ಪುಣ್ಯೇ ರಾಜರ್ಷಿಸೇವಿತೇ।]
ಕುರೋಶ್ಚ ಯಜಮಾನಸ್ಯ ಕುರುಕ್ಷೇತ್ರೇ ಮಹಾತ್ಮನಃ।
ಆಜಗಾಮ ಮಹಾಭಾಗಾ ಸರಿಚ್ಛ್ರೇಷ್ಠಾ ಸರಸ್ವತೀ॥ 9-39-26 (62437)
ಓಘವತ್ಯಪಿ ರಾಜೇಂದ್ರ ವಸಿಷ್ಠೇನ ಮಹಾತ್ಮನಾ।
ಸಮಾಹೂತಾ ಕುರುಕ್ಷೇತ್ರೇ ದಿವ್ಯತೋಯಾ ಸರಸ್ವತೀ॥ 9-39-27 (62438)
ದಕ್ಷೇಣ ಯಜತಾ ಚಾಪಿ ಗಂಗಾದ್ವಾರೇ ಸರಸ್ವತೀ।
ಸುವೇಣಿರಿತಿ ವಿಖ್ಯಾತಾ ಪ್ರಸ್ರುತಾ ಶೀಘ್ರಗಾಮಿನೀ॥ 9-39-28 (62439)
ವಿಮಲೋದಾ ಭಗವತೀ ಬ್ರಹ್ಮಣಾ ಯಜತಾ ಪುನಃ।
ಸಮಾಹೂತಾ ಯಯೌ ತತ್ರ ಪುಣ್ಯೇ ಹೈಮವತೇ ಗಿರೌ॥ 9-39-29 (62440)
ಏಕೀಭೂತಾಸ್ತತಸ್ತಾಸ್ತು ತಸ್ಮಿಂಸ್ತೀರ್ಥೇ ಸಮಾಗತಾಃ।
ಸಪ್ತಸಾರಸ್ವತಂ ತೀರ್ಥಂ ತತಸ್ತು ಪ್ರಥಿತಂ ಭುವಿ॥ 9-39-30 (62441)
ಇತಿ ಸಪ್ತಸರಸ್ವತ್ಯೋ ನಾಮತಃ ಪರಿಕೀರ್ತಿತಾಃ।
ಸಪ್ತಸಾರಸ್ವತಂ ಚೈವ ತೀರ್ಥಂ ಪುಣ್ಯಂ ತಥಾ ಸ್ಮೃತಂ॥ 9-39-31 (62442)
ಶೃಣು ಮಂಕಣಕಸ್ಯಾಪಿ ಕೌಮಾರಬ್ರಹ್ಮಚಾರಿಣಃ।
ಆಪಗಾಮವಗಾಢಸ್ಯ ರಾಜನ್ಪ್ರಕ್ರೀಡಿತಂ ಮಹತ್॥ 9-39-32 (62443)
ದೃಷ್ಟ್ವಾ ಯದೃಚ್ಛಯಾ ತತ್ರ ಸ್ತ್ರಿಯಮಂಭಸಿ ಭಾರತ।
ಸ್ನಾಯಂತೀಂ ರುಚಿರಾಪಾಂಗೀಂ ದಿಗ್ವಾಸಸಮನಿಂದಿತಾಂ। 9-39-33 (62444)
ಸರಸ್ವತ್ಯಾಂ ಮಹಾರಾಜ ಚಸ್ಕಂದೇ ವೀರ್ಯಮಂಭಸಿ॥
ತದ್ರೇತಃ ಸ ತು ಜಗ್ರಾಹ ಕಲಶೇ ವೈ ಮಹಾತಪಾಃ। 9-39-34 (62445)
`ಋಷಿಃ ಪರಮಧರ್ಮಾತ್ಮಾ ತದಾ ಪುರುಷಸತ್ತಮ'॥
ಸಪ್ತಧಾ ಪ್ರವಿಭಾಗಂ ತು ಕಲಶಸ್ಥಂ ಜಗಾಮ ಹ। 9-39-35 (62446)
ತತ್ರರ್ಷಯಃ ಸಪ್ತ ಜಾತಾ ಜಜ್ಞಿರೇ ಮರುತಾಂ ಗಣಾಃ॥
ವಾಯುವೇಗೋ ವಾಯುಬಲೋ ವಾಯುಹಾ ವಾಯುಮಂಡಲಃ। 9-39-36 (62447)
ವಾಯುಜ್ವಾಲೋ ವಾಯುರೇತಾ ವಾಯುಚಕ್ರಶ್ಚ ವೀರ್ಯವಾನ್।
ಮಹರ್ಷೇಶ್ಚರಿತಂ ಯಾದೃಕ್ ತ್ರಿಷು ಲೋಕೇಷು ವಿಶ್ರುತಂ॥ 9-39-37 (62448)
ಪುರಾ ಮಂಕಣಕಃ ಸಿದ್ಭಃ ಕುಶಾಗ್ರೇಣೇತಿ ನಃ ಶ್ರುತಂ।
ಕ್ಷತಃ ಕಿಲ ಕರೇ ರಾಜಂಸ್ತಸ್ಯ ಶಾಕರಸೋಽಸ್ರವತ್॥ 9-39-38 (62449)
ಸ ವೈ ಶಾಕರಸಂ ದೃಷ್ಟ್ವಾ ಹರ್ಷಾವಿಷ್ಟಃ ಪ್ರನೃತ್ತವಾನ್॥ 9-39-39 (62450)
ತತಸ್ತಸ್ಮಿನ್ಪ್ರನೃತ್ತೇ ವೈ ಸ್ಥಾವರಂ ಜಂಗಮಂ ಚ ಯತ್।
ಪ್ರನೃತ್ತಮುಭಯಂ ವೀರ ಸೇಜಸಾ ತಸ್ಯ ಮೋಹಿತಂ॥ 9-39-40 (62451)
ಬ್ರಹ್ಮಾದಿಭಿಃ ಸುರೈ ರಾಜನ್ನೃಷಿಭಿಶ್ಚ ತಪೋಧನೈಃ।
ವಿಜ್ಞಪ್ತೋ ವೈ ಮಹಾದೇವ ಋಷೇರರ್ಥೇ ನರಾಧಿಪ।
ನಾಯಂ ನೃತ್ಯೇದ್ಯಥಾ ದೇವ ತಥಾ ತ್ವಂ ಕರ್ತುಮರ್ಹಸಿ॥ 9-39-41 (62452)
ತತೋ ದೇವೋ ಮುನಿಂ ದೃಷ್ಟ್ವಾ ಹರ್ಷಾವಿಷ್ಟಮತೀವ ಹ।
ಸುಗಣಾಂ ಹಿತಕಾಮಾರ್ಥಂ ಮಹಾದೇವೋಽಭ್ಯಭಾಷತ॥ 9-39-42 (62453)
ಭೋಭೋ ಬ್ರಾಹ್ಮಣ ಧರ್ಮಜ್ಞ ಕಿಮರ್ಥಂ ನೃತ್ಯತೇ ಭವಾನ್।
ಹರ್ಷಸ್ಥಾನಂ ಕಿಮರ್ಥಂ ಚ ತವೇದಮಧಿಕಂ ಮುನೇ।
ತಪಸ್ವಿನೋ ಧರ್ಮಪಥೇ ಸ್ಥಿತಸ್ಯ ದ್ವಿಜಸತ್ತಮ॥ 9-39-43 (62454)
ಋಷಿರುವಾಚ। 9-39-44x (5178)
ಕಿಂ ನ ಪಶ್ಯಸಿ ಮೇ ಬ್ರಹ್ಮನ್ಕರಾಚ್ಛಾಕರಸಂ ಸ್ರುತಂ।
ಯಂ ದೃಷ್ಟ್ವಾ ಸಂಪ್ರನೃತ್ತೋ ವೈ ಹರ್ಷೇಣ ಮಹತಾ ವಿಭೋ॥ 9-39-44 (62455)
ತಂ ಪ್ರಹಸ್ಯಾಬ್ರವೀದ್ದೇವೋ ಮುನಿಂ ರಾಗೇಣ ಮೋಹಿತಂ।
ಅಹಂ ನ ವಿಸ್ಮಯಂ ವಿಪ್ರ ಗಚ್ಛಾಮೀತಿ ಪ್ರಪಶ್ಯ ಮಾಂ॥ 9-39-45 (62456)
ಏವಮುಕ್ತ್ವಾ ಮುನಿಶ್ರೇಷ್ಠಂ ಮಹಾದೇವೇನ ಧೀಮತಾ।
ಅಂಗುಲ್ಯಗ್ರೇಣ ರಾಜೇಂದ್ರಸ್ವಾಂಗುಷ್ಠಸ್ತಾಡಿತೋಽಭವತ್॥ 9-39-46 (62457)
ತತೋ ಭಸ್ಮ ಕ್ಷತಾದ್ರಾಜನ್ನಿರ್ಗತಂ ಹಿಮಸನ್ನಿಭಂ॥ 9-39-47 (62458)
ತದ್ದೃಷ್ಟ್ವಾ ವ್ರೀಡಿತೋ ರಾಜನ್ಸ ಮುನಿಃ ಪಾದಯೋರ್ಗತಃ।
ಮೇನೇ ದೇವಂ ಮಹಾದೇವಮಿದಂ ಚೋವಾಚ ವಿಸ್ಮಿತಃ॥ 9-39-48 (62459)
ನಾನ್ಯಂ ದೇವಾದಹಂ ಮನ್ಯೇ ರುದ್ರಾತ್ಪರತರಂ ಮಹತ್।
ಸುರಾಸುರಸ್ಯ ಜಗತೋ ಗತಿಸ್ತ್ವಮಸಿ ಶೂಲಧೃಕ್॥ 9-39-49 (62460)
ತ್ವಯಾ ಸೃಷ್ಟಮಿದಂ ವಿಶ್ವಂ ವದಂತೀಹ ಮನೀಷಿಣಃ।
ತ್ವಾಮೇವ ಸರ್ವಂ ವಿಶತಿ ಪುನರೇವ ಯುಗಕ್ಷಯೇ॥ 9-39-50 (62461)
ದೇವೈರಪಿ ನ ಶಕ್ಯಸ್ತ್ವಂ ಪರಿಜ್ಞಾತುಂ ಕುತೋ ಮಯಾ।
ತ್ವಯಿ ಸರ್ವೇ ಸ್ಮ ದೃಶ್ಯಂತೇ ಭಾವಾ ಯೇ ಜಗತಿ ಸ್ಥಿತಾಃ॥ 9-39-51 (62462)
ತ್ವಾಮುಪಾಸಂತ ವರದಂ ದೇವಾ ಬ್ರಹ್ಮಾದಯೋಽನಘ।
ಸರ್ವಸ್ತ್ವಮಸಿ ದೇವಾನಾಂ ಕರ್ತಾ ಕಾರಯಿತಾ ಚ ಹ॥ 9-39-52 (62463)
ತ್ವತ್ಪ್ರಸಾದಾತ್ಸುರಾಃ ಸರ್ವೇ ಮೋದಂತೀಹಾಕುತೋಭಯಾಃ।
`ತ್ವಂ ಪ್ರಭುಃ ಪರಮೈಶ್ವರ್ಯಾದಧಿಕಂ ಭಾಸಿ ಶಂಕರಃ॥ 9-39-53 (62464)
ತ್ವಯಿ ಬ್ರಹ್ಮಾ ಚ ವಿಷ್ಣುಶ್ಚ ಲೋಕಾನ್ಸಂಧಾಯ ತಿಷ್ಠತಃ।
ತ್ವನ್ಮೂಲಂ ಚ ಜಗತ್ಸರ್ವಂ ಭೂತಸ್ಥಾವರಜಂಗಮಂ॥ 9-39-54 (62465)
ಸ್ವರ್ಗಂ ಚ ಪರಮಂ ಸ್ಥಾನಂ ನೃಣಾಮಭ್ಯುದಯಾರ್ಥಿನಾಂ।
ದದಾಸಿ ಚ ಪ್ರಸನ್ನಸ್ತ್ವಂ ಭಕ್ತಾನಾಂ ಪರಮೇಶ್ವರ॥ 9-39-55 (62466)
ಅನಾವೃತ್ತಿಪದಂ ನೄಣಾಂ ನಿತ್ಯಂ ನಿಶ್ರೇಯಸಾರ್ಥಿನಾಂ।
ದದಾಸಿ ಕರ್ಮಿಣಾಂ ಕರ್ಮ ಭಾವಯಂಧ್ಯಾನಯೋಗತಃ॥ 9-39-56 (62467)
ನ ವೃಥಾಽಸ್ತಿ ಮಹಾದೇವ ಪ್ರಸಾದಸ್ತೇ ಮಹೇಶ್ವರ।
ಯಸ್ಮಾತ್ತ್ವಯೋಪಕರಣಾತ್ಕರೋಮಿ ಕಮಲೇಕ್ಷಣ॥ 9-39-57 (62468)
ಪ್ರಪದ್ಯೇ ಶರಣಂ ಶಂಭುಂ ಸರ್ವದಾ ಸರ್ವತಃ ಸ್ಥಿತಂ।
ಕರ್ಮಣಾ ಮನಸಾ ವಾಚಾ ತಮೇವಾಭಿಭಜಾಂಯಹಂ॥ 9-39-58 (62469)
ಜನಮೇಜಯ ಉವಾಚ।' 9-39-59x (5179)
ಏವಂ ಸ್ತುತ್ವಾ ಮಹಾದೇವಂ ಸ ಋಷಿಃ ಪ್ರಣತೋಽಭವತ್॥ 9-39-59 (62470)
ಯದಿದಂ ಚಾಪಲಂ ದೇವ ಕೃತಮೇತತ್ಸ್ಮಯಾದಿಕಂ।
ತತಃ ಪ್ರಸಾದಯಮಿ ತ್ವಾಂ ತಪೋ ಮೇ ನ ಕ್ಷರೇದಿತಿ॥ 9-39-60 (62471)
ತತೋ ದೇವಃ ಪ್ರೀತಮನಾಸ್ತಮೃಷಿಂ ಪುನರಬ್ರವೀತ್।
ತಪಸ್ತೇ ವರ್ಧತಾಂ ವಿಪ್ರ ಮತ್ಪ್ರಸಾದಾತ್ಸಹಸ್ರಧಾ॥ 9-39-61 (62472)
ಆಶ್ರಮೇ ಚೇಹ ವತ್ಸ್ಯಾಮಿ ತ್ವಯಾ ಸಾರ್ಧಮಹಂ ಸದಾ।
ಸಪ್ತಸಾರಸ್ವತೇ ಚಾಸ್ಮಿನ್ಯೋ ಮಾಮರ್ಚಿಷ್ಯತೇ ನರಃ॥ 9-39-62 (62473)
ನ ತಸ್ಯ ದುರ್ಲಭಂ ಕಿಂಚಿದ್ಧವಿತೇಹ ಪರತ್ರ ವಾ।
ಸಾರಸ್ವತಂ ಚ ತೇ ಲೋಕಂ ಗಮಿಷ್ಯಂತಿ ನ ಸಂಶಯಃ॥ 9-39-63 (62474)
ಏತನ್ಮಂಕಣಕಸ್ಯಾಪಿ ಚರಿತಂ ಭೂರಿತೇಜಸಃ।
ಸ ಹಿ ಪುತ್ರಃ ಸುಕನ್ಯಾಯಾಮುತ್ಪನ್ನೋ ಮಾತರಿಶ್ವನಾ॥ ॥ 9-39-64 (62475)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಏಕೋನಚತ್ವಾರಿಂಶೋಽಧ್ಯಾಯಃ॥ 39 ॥
Mahabharata - Shalya Parva - Chapter Footnotes
9-39-4 ವಿಶಾಲಾ ಸುತನುಸ್ತಥಾ। ಸರಸ್ವತ್ಯೋಘಮಾಲಾ ಚ ಸುವೇಣೀ ನಿರ್ಮಲೋದಕಾ ಇತಿ ಙ.ಪಾಠಃ। ಸರಸ್ವತ್ಯೂರ್ಮಿಮಾಲಾ ಚ ಸುವೇಣೀ ವಿಮಲೋದಕಾ ಇತಿ ಕ.ಪಾಠಃ॥ 9-39-17 ಸಸ್ಮರುಃ ಸ್ಮೃತವಂತಃ॥ 9-39-20 ಗಯೇಷು ಗಯದೇಶೇಷು॥ 9-39-25 ಮನೋರಮೇತಿ ವಿಖ್ಯಾತಾ ಸಾ ಹಿ ತೈರ್ಮನಸಾ ಕೃತಾ ಇತಿ ಝ.ಪಾಠಃ॥ 9-39-28 ಸುರೇಣುರಿತಿ ಝ.ಪಾಠಃ॥ 9-39-32 ರಾಜನ್ಪ್ರಜಪಿತಂ ಮಹತ್ ಇತಿ ಕ.ಪಾಠಃ॥ 9-39-33 ಸ್ನಾಯಂತೀಂ ಸ್ನಾಂತೀಂ॥ 9-39-36 ಮರುತಾಂ ಪ್ರಾಣವಾಯೂನಾಂ ಏಕೋನಪಂಚಾಶತಾಂ। ಏತೇಷಾಂ ತಪಸಾ ಮರುತೋ ದಿತ್ಯಾಮುತ್ಪನ್ನಾ ಇತಿ ಕಲ್ಪಾಂತರವಿಷಯೋಽಯಮರ್ಥಃ॥ 9-39-60 ಸ್ಮಯಾದಿಕಂ ಗರ್ದಾದಿಕಂ॥ 9-39-39 ಏಕೋನಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 040
॥ ಶ್ರೀಃ ॥
9.40. ಅಧ್ಯಾಯಃ 040
Mahabharata - Shalya Parva - Chapter Topics
ಬಲರಾಮಸ್ಯೌಶನಸತೀರ್ಥಗಮನಂ॥ 1 ॥ ತತ್ತೀರ್ಥಸ್ಯ ಕಪಾಲಮೋಚನನಾಮಪ್ರಾಪ್ತಿಹೇತೂಕ್ತಿಃ॥ 2 ॥ ಬಲಸ್ಯ ಉಶಂಗ್ವಾಶ್ರಮಗಮನಂ॥ 3 ॥ ಉಶಂಗುಚರಿತ್ರಕಥನಂ ಬಲಸ್ಯ ಪೃಥೂದಕತೀರ್ಥೇ ಸ್ನಾನದಾನಾದಿ॥ 4 ॥Mahabharata - Shalya Parva - Chapter Text
9-40-0 (62476)
ವೈಶಂಪಾಯನ ಉವಾಚ। 9-40-0x (5180)
ಉಷಿತ್ವಾ ತತ್ರ ರಾಮಸ್ತು ಸಂಪೂಜ್ಯಾಶ್ರಮವಾಸಿನಃ।
ತಥಾ ಮಂಕಣಕೇ ಪ್ರೀತಿಂ ಶುಭಾಂ ಚಕ್ರೇ ಹಲಾಯುಧಃ॥ 9-40-1 (62477)
ದತ್ತ್ವಾ ದಾನಂ ದ್ವಿಜಾತಿಭ್ಯೋ ರಜನೀಂ ತಾಮುಪೋಷ್ಯ ಚ।
ಪೂಜಿತೋ ಮುನಿಸಂಖೈಶ್ಚ ಪ್ರಾತರುತ್ಥಾಯ ಲಾಂಗಲೀ॥ 9-40-2 (62478)
ಅನುಜ್ಞಾಪ್ಯ ಮುನೀನ್ಸರ್ವಾನ್ಸ್ಪೃಷ್ಟ್ವಾ ತೋಯಂ ಚ ಭಾರತ।
ಪ್ರಯಯೌ ತ್ವರಿತೋ ರಾಮಸ್ತೀರ್ಥಹೇತೋರ್ಮಹಾಬಲಃ॥ 9-40-3 (62479)
ತತಸ್ತ್ವೌಶನಸಂ ತೀರ್ಥಮಾಜಗಾಮ ಹಲಾಯುಧಃ।
ಕಪಾಲಮೋಚನಂ ನಾಮ ಯತ್ರ ಮುಕ್ತೋ ಮಹಾಮುನಿಃ॥ 9-40-4 (62480)
ಮಹತಾ ಶಿರಸಾ ರಾಜನ್ಗ್ರಸ್ತಜಂಘೋ ಮಹೋದರಃ।
ರಾಕ್ಷಸಸ್ಯ ಮಹಾರಾಜ ರಾಮಕ್ಷಿಪ್ತಸ್ಯ ವೈ ಪುರಾ॥ 9-40-5 (62481)
ತತ್ರ ಪೂರ್ವಂ ತಪಸ್ತಪ್ತಂ ಕಾವ್ಯೇನ ಸುಮಹಾತ್ಮನಾ।
ಯತ್ರಾಸ್ಯ ನೀತಿರಖಿಲಾ ಪ್ರಾದುರ್ಭೂತಾ ಮಹಾತ್ಮನಃ।
ಯತ್ರಸ್ಥಶ್ಚಿಂತಯಾಮಾಸ ದೈತ್ಯದಾನವವಿಗ್ರಹಂ॥ 9-40-6 (62482)
ತತ್ಪ್ರಾಪ್ಯ ಚ ಬಲೋ ರಾಜಂಸ್ತೀರ್ಥಪ್ರವರಮುತ್ತಮಂ।
ವಿಧಿವದ್ವೈ ದದೌ ವಿತ್ತಂ ಬ್ರಾಹ್ಮಣಾನಾಂ ಮಹಾತ್ಮನಾಂ॥ 9-40-7 (62483)
ಜನಮೇಜಯ ಉವಾಚ। 9-40-8x (5181)
ಕಪಾಲಮೋಚನಂ ಬ್ರಹ್ಮನ್ಕಥಂ ಯತ್ರ ಮಹಾಮುನಿಃ।
ಮುಕ್ತಃ ಕಥಂ ಚಾಸ್ಯ ಶಿರೋ ಲಗ್ನಂ ಕೇನ ಚ ಹೇತುನಾ॥ 9-40-8 (62484)
ವೈಶಂಪಾಯನ ಉವಾಚ। 9-40-9x (5182)
ಪುರಾ ವೈ ದಂಡಕಾರಣ್ಯೇ ರಾಘವೇಣ ಮಹಾತ್ಮನಾ।
ವಸತಾ ರಾಜಶಾರ್ದೂಲ ರಾಕ್ಷಸಾಞ್ಶಮಯಿಷ್ಯತಾ॥ 9-40-9 (62485)
ಜನಸ್ಥಾನೇ ಶಿರಶ್ಛಿನ್ನಂ ರಾಕ್ಷಸಸ್ಯ ದುರಾತ್ಮನಃ।
ಕ್ಷುರೇಣ ಶಿತಧಾರೇಣ ತತ್ಪಣಾತ ಮಹಾವನೇ॥ 9-40-10 (62486)
ಮಹೋದರಸ್ಯ ತಲ್ಲಗ್ನಂ ಜಂಘಾಯಾಂ ವೈ ಯದೃಚ್ಛಯಾ।
ವನೇ ವಿಚರತೋ ರಾಜನ್ನಸ್ಥಿ ಭಿತ್ತ್ವಾಽಸ್ಫುರತ್ತದಾ॥ 9-40-11 (62487)
ಸ ತೇನ ಲಗ್ನೇನ ತದಾ ದ್ವಿಜಾತಿರ್ನ ಶಶಾಕ ಹ।
ಅಭಿಗಂತುಂ ಮಹಾಪ್ರಾಜ್ಞಸ್ತೀರ್ಥಾನ್ಯಾಯತನಾನಿ ಚ॥ 9-40-12 (62488)
ಸ ಪೂತಿನಾ ವಿಸ್ರವತಾ ವೇದನಾರ್ತೋ ಮಹಾಮುನಿಃ।
ಜಗಾಂ ಸರ್ವತೀರ್ಥಾನಿ ಪೃಥಿವ್ಯಾಂ ಚೇತಿ ನಃ ಶ್ರುತಂ॥ 9-40-13 (62489)
ಸ ಗತ್ವಾ ಸರಿತಃ ಸರ್ವಾಃ ಸಮುದ್ರಾಂಶ್ಚ ಮಹಾತಪಾಃ।
ಕಥಯಾಮಾಸ ತತ್ಸರ್ವಮೃಷೀಣಾಂ ಭಾವಿತಾತ್ಮನಾಂ॥ 9-40-14 (62490)
ಆಪ್ಲುತ್ಯ ಸರ್ವತೀರ್ಥೇಷು ನ ಚ ಮೋಕ್ಷಮವಾಪ್ತವಾನ್।
ಸ ತು ಶುಶ್ರಾವ ವಿಪ್ರೇಂದ್ರೋ ಮುನೀನಾಂ ವಚನಂ ಮಹತ್॥ 9-40-15 (62491)
ಸರಸ್ವತ್ಯಾಸ್ತೀರ್ಥವರಂ ಖ್ಯಾತಮೌಶನಸಂ ತದಾ।
ಸರ್ವಪಾಪಪ್ರಶಮನಂ ಸಿದ್ಧಿಕ್ಷೇತ್ರಮನುತ್ತಮಂ॥ 9-40-16 (62492)
ಸ ತು ಗತ್ವಾ ತತಸ್ತತ್ರ ತೀರ್ಥಮೌಶನಸಂ ದ್ವಿಜಃ॥ 9-40-17 (62493)
ತತ ಔಶನಸೇ ತೀರ್ಥೇ ತಸ್ಯೋಪಸ್ಪೃಶತಸ್ತದಾ।
xxx ಚ್ಛರಶ್ಚರಣಂ ಮುಕ್ತ್ವಾ ಪಪಾತಾಂತರ್ಜಲೇ ತದಾ॥ 9-40-18 (62494)
ವಿಮುಕ್ತಸ್ತೇನ ಶಿರಸಾ ಪರಂ ಸುಖಮವಾಪ ಹ।
ಸ ಚಾಪ್ಯಂತರ್ಜಲೇ ಮೂರ್ಧಾ ಜಗಾಮಾದರ್ಶನಂ ವಿಭೋ॥ 9-40-19 (62495)
ತತಃ ಸ ವಿರುಜೋ ರಾಜನ್ಪೂತಾತ್ಮಾ ವೀತಕಲ್ಮಷಃ।
ಆಜಗಾಮಾಶ್ರಮಂ ಪ್ರೀತಃ ಕೃತಕೃತ್ಯೋ ಮಹೋದರಃ॥ 9-40-20 (62496)
ಸೋಽಥ ಗತ್ವಾಽಽಶ್ರಮಂ ಪುಣ್ಯಂ ವಿಪ್ರಮುಕ್ತೋ ಮಹಾತಪಾಃ।
ಕಥಯಾಮಾಸ ತತ್ಸರ್ವಮೃಷೀಣಾಂ ಭಾವಿತಾತ್ಮನಾಂ॥ 9-40-21 (62497)
ತೇ ಶ್ರುತ್ವಾ ವಚನಂ ತಸ್ಯ ತತಸ್ತೀರ್ಥಸ್ಯ ಮಾನದ।
ಕಪಾಲಮೋಚನಮಿತಿ ನಾಮ ಚಕ್ರುಃ ಸಮಾಗತಾಃ॥ 9-40-22 (62498)
ಸ ಚಾಪಿ ತೀರ್ಥಪ್ರವರಂ ಪುನರ್ಗತ್ವಾ ಮಹಾನೃಷಿಃ।
ಪೀತ್ವಾ ಪಯಃಸುವಿಪುಲಂ ಸಿದ್ಧಿಮಾಯಾತ್ತದಾ ಮುನಿಃ॥ 9-40-23 (62499)
ತತ್ರ ದತ್ತ್ವಾ ಬಹೂಂದೇಯಾನ್ವಿಪ್ರಾನ್ಸಂಪೂಜ್ಯ ಮಾಧವಃ।
ಜಗಾಮ ತತ್ರ ರಾಜೇಂದ್ರ ಉಶಂಗೋರಾಶ್ರಮಂ ತದಾ॥ 9-40-24 (62500)
ಯತ್ರ ತಪ್ತಂ ತಪೋ ಘೋರಮಾರ್ಷ್ಟಿಷೇಣೇನ ಭಾರತ।
ಬ್ರಾಹ್ಮಣ್ಯಂ ಲಬ್ಧವಾನ್ಯತ್ರ ವಿಶ್ವಾಮಿತ್ರೋ ಮಹಾಮುನಿಃ॥ 9-40-25 (62501)
ಸರ್ವಕಾಮಸಮೃದ್ಧಂ ಚ ತದಾಶ್ರಮಪದಂ ಮಹತ್।
ಮುನಿಭಿರ್ಬ್ರಾಹ್ಮಣೈಶ್ಚೈವ ಸೇವಿತಂ ಸರ್ವದಾ ವಿಭೋ॥ 9-40-26 (62502)
ತತೋ ಹಲಧರಃ ಶ್ರೀಮಾನ್ಬ್ರಾಹ್ಮಣೈಃ ಪರಿವಾರಿತಃ।
ಜಗಾಮ ತತ್ರ ರಾಜೇಂದ್ರ ಉಶಂಗುಸ್ತನುಮತ್ಯಜತ್॥ 9-40-27 (62503)
ಉಶಂಗುರ್ಬ್ರಾಹ್ಮಣೋ ವೃದ್ಧಸ್ತಪೋನಿತ್ಯಶ್ಚ ಭಾರತ।
ದೇಹನ್ಯಾಸೇ ಕೃತಮನಾ ವಿಚಿಂತ್ಯ ಬಹುಧಾ ತದಾ॥ 9-40-28 (62504)
ತತಃ ಸರ್ವಾನುಪಾದಾಯ ತನಯಾನ್ವೈ ಮಹಾತಪಾಃ।
ಉಶಂಗುರಬ್ರವೀತ್ತತ್ರ ನಯಧ್ವಂ ಮಾಂ ಪೃಥೂದಕಂ॥ 9-40-29 (62505)
ವಿಜ್ಞಾಯಾತೀತವಯಸಮುಶಂಗುಂ ತೇ ತಪೋಧನಾಃ।
ತಂ ಚ ತೀರ್ಥಮಪಾನಿನ್ಯುಃ ಸರಸ್ವತ್ಯಾಸ್ತಪೋಧನಂ॥ 9-40-30 (62506)
ಸ ತೈಃ ಪುತ್ರೈಸ್ತದಾ ಧೀಮಾನಾನೀತೋ ವೈ ಸರಸ್ವತೀಂ।
ಪುಣ್ಯಾಂ ತೀರ್ಥಶತೋಪೇತಾಂ ವಿಪ್ರಸಂಘೈರ್ನಿಷೇವಿತಾಂ॥ 9-40-31 (62507)
ಸ ತತ್ರ ವಿಧಿನಾ ರಾಜನ್ನಾಪ್ಲುತ್ಯ ಸುಮಹಾತಪಾಃ।
ಜ್ಞಾತ್ವಾ ತೀರ್ಥಗುಣಾಂಶ್ಚೈವ ಪ್ರಾಹೇದಮೃಷಿಸತ್ತಮಃ।
ಸುಪ್ರೀತಃ ಪುರುಷವ್ಯಾಘ್ರ ಸರ್ವಾನ್ಪುತ್ರಾನುಪಾಸತಃ॥ 9-40-32 (62508)
ಸರಸ್ವತ್ಯುತ್ತರೇ ತೀರೇ ಯಸ್ತ್ಯಜೇದಾತ್ಮನಸ್ತನುಂ।
ಪೃಥೂದಕೇ ಜಪ್ಯಪರೋ ನೈನಂ ಶ್ವೋ ಮರಣಂ ತಪೇತ್॥ 9-40-33 (62509)
`ಇತ್ಯುಕ್ತ್ವಾ ಸ್ವಾಂ ತನುಂ ತ್ಯಕ್ತ್ವಾ ಪ್ರಪೇದೇ ವೈಷ್ಣವಂ ಪದಂ'।
ತತ್ರಾಪ್ಲುತ್ಯ ಸ ಧರ್ಮಾತ್ಮಾ ಉಪಸ್ಪೃಶ್ಯ ಹಲಾಯುಧಃ।
ದತ್ತ್ವಾ ಚೈವ ಬೂಹೂಂದೇಯಾನ್ವಿಪ್ರಾಣಾಂ ವಿಪ್ರವತ್ಸಲಃ॥ 9-40-34 (62510)
ಸಸರ್ಜ ಯತ್ರ ಭಗವಾಂʼಲ್ಲೋಕಾಂʼಲ್ಲೋಕಪಿತಾಮಹಃ॥ 9-40-35 (62511)
ಯತ್ರಾರ್ಷ್ಟಿಷೇಣಃ ಕೌರವ್ಯ ಬ್ರಾಹ್ಮಣ್ಯಂ ಸಂಶಿತವ್ರತಃ।
ತಪಸಾ ಮಹತಾ ರಾಜನ್ಪ್ರಾಪ್ತವಾನೃಷಿಸತ್ತಮಃ॥ 9-40-36 (62512)
ಸಿಂಧುದ್ವೀಪಶ್ಚ ರಾಜರ್ಷಿರ್ದೇವಾಪಿಶ್ಚ ಮಹಾತಪಾಃ।
ಬ್ರಾಹ್ಮಣ್ಯಂ ಲಬ್ಧವಾನ್ಯತ್ರ ವಿಶ್ವಾಮಿತ್ರಸ್ತಥಾ ಮುನಿಃ॥ 9-40-37 (62513)
ಮಹಾತಪಸ್ವೀಂ ಭಗವಾನುಗ್ರತೇಜಾ ಮಹಾತಪಾಃ।
ತತ್ರಾಜಗಾಮ ಬಲವಾನ್ಬಲಭದ್ರಃ ಪ್ರತಾಪವಾನ್॥ ॥ 9-40-38 (62514)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಚತ್ವಾರಿಂಶೋಽಧ್ಯಾಯಃ॥ 40 ॥
Mahabharata - Shalya Parva - Chapter Footnotes
9-40-17 ತೀರ್ಥಮುಪಾಸ್ಪೃಶದಿತಿ ಶೇಷಃ॥ 9-40-24 ತ್ರಿಶಂಖೋರಾಶ್ರಮಂ ತದಾ ಇತಿ ಕ.ಪಾಠಃ। ರುಶಂಗೋರಾಶ್ರಮಂ ತದಾ ಇತಿ ಝಂ. ಪಾಠಃ॥ 9-40-33 ಅಕ್ಷಯಂ ಸ್ವರ್ಗಮಾಪ್ನೋತೀತ್ಯರ್ಥಃ॥ 9-40-36 ಬ್ರಾಹ್ಮಣಂ ಬ್ರಹ್ಮಸನ್ಘಾತೋ ವೇದಸಮೂಹ ಇತಿ ಯಾವತ್। ತತಃ ಸ್ವಾರ್ಥೇ ಷ್ಯಞ್। ಬ್ರಾಹ್ಮಣಂ ಬ್ರಹ್ಮಸಂಘಾತೇ ಇತಿ ಮೇದಿನೀ॥ 9-40-40 ಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 041
॥ ಶ್ರೀಃ ॥
9.41. ಅಧ್ಯಾಯಃ 041
Mahabharata - Shalya Parva - Chapter Topics
ಆರ್ಷ್ಟಿಷೇಣೇನ ಪೃಥೂದಕತೀರ್ಥೇ ತಪಶ್ಚರ್ಯವಾ ಕೃತ್ಸ್ನವೇದಾಧಿಗಮಃ॥ 1 ॥ ವಿಶ್ವಾಮಿತ್ರಾದೀನಾಂ ತತ್ತತ್ತೀರ್ಥೇ ತಪಶ್ಚರ್ಯಯಾ ಬ್ರಾಹ್ಮಣ್ಯಾಧಿಗಮ॥ ಬಲಭದ್ರಸ್ಯ ತತ್ರ ಸ್ನಾನಾದಿಪೂರ್ವಕಂ ಬಕಾಶ್ರಮಂಪ್ರತಿ ಗಮನಂ॥ 3 ॥Mahabharata - Shalya Parva - Chapter Text
9-41-0 (62515)
ಜನಮೇಜಯ ಉವಾಚ। 9-41-0x (5183)
ಆರ್ಷ್ಟಿಷೇಣಸ್ತಥಾ ಬ್ರಹ್ಮನ್ವಿಪುಲಂ ತಪ್ತವಾಂಸ್ತಪಃ।
ಸಿಂಧುದ್ವೀಪಃ ಕಥಂ ಚಾಪಿ ಬ್ರಾಹ್ಮಣ್ಯಂ ಲಬ್ಧವಾಂಸ್ತದಾ॥ 9-41-1 (62516)
ದೇವಾಪಿಶ್ಚ ಕಥಂ ಬ್ರಹ್ಮನ್ವಿಶ್ವಾಮಿತ್ರಶ್ಚ ಸತ್ತಮ।
ತನ್ಮಮಾಚಕ್ಷ್ವ ಭಗವನ್ಪರಂ ಕೌತೂಹಲಂ ಹಿ ಮೇ॥ 9-41-2 (62517)
ವೈಶಂಪಾಯನ ಉವಾಚ। 9-41-3x (5184)
ಪುರಾ ಕೃತಯುಗೇ ರಾಜನ್ನಾರ್ಷ್ಟಿಷೇಣೋ ದ್ವಿಜೋತ್ತಮಃ।
ವಸನ್ಗುರುಕುಲೇ ನಿತ್ಯಂ ನಿತ್ಯಮಧ್ಯಯನೇ ರತಃ॥ 9-41-3 (62518)
ತಸ್ಯ ರಾಜನ್ಗುರುಕುಲೇ ವಸತೋ ನಿತ್ಯಮೇವ ಚ।
ಸಮಾಪ್ತಿಂ ನಾಗಮದ್ವಿದ್ಯಾ ನಾಪಿ ವೇದಾ ವಿಶಾಂಪತೇ॥ 9-41-4 (62519)
ಸ ನಿರ್ವಿಣ್ಣಸ್ತತೋ ರಾಜಂಸ್ತಪಸ್ತೇಪೇ ಮಹಾತಪಾಃ।
ತತೋ ವೈ ತಪಸಾ ತೇನ ಪ್ರಾಪ್ಯ ವೇದಾನನುತ್ತಮಾನ್॥ 9-41-5 (62520)
ಸ ವಿದ್ವಾನ್ವೇದಯುಕ್ತಶ್ಚ ಸಿದ್ಧಶ್ಚಾಪ್ಯೃಷಿಸತ್ತಮಃ।
ತತ್ರ ತೀರ್ಥೇ ವರಾನ್ಪ್ರಾದಾತ್ತ್ರೀನೇವ ಸುಮಹಾತಪಾಃ॥ 9-41-6 (62521)
ಅಸ್ಮಿಂಸ್ತೀರ್ಥೇ ಮಹಾನದ್ಯಾ ಅದ್ಯಪ್ರಭೃತಿ ಮಾನವಃ।
ಆಪ್ಲುತೋ ವಾಜಿಮೇಧಸ್ಯ ಫಲಂ ಪ್ರಾಪ್ಸ್ಯತಿ ಪುಷ್ಕಲಂ॥ 9-41-7 (62522)
ಅದ್ಯಪ್ರಭೃತಿ ನೈವಾತ್ರ ಭಯಂ ವ್ಯಾಲಾದ್ಭವಿಷ್ಯತಿ।
ಅಪಿ ಚಾಲ್ಪೇನ ಕಾಲೇನ ಫಲಂ ಪ್ರಾಪ್ಸ್ಯತಿ ಪುಷ್ಕಲಂ॥ 9-41-8 (62523)
ಏವಮುಕ್ತ್ವಾ ಮಹಾತೇಜಾ ಜಗಾಮ ತ್ರಿದಿವಂ ಮುನಿಃ।
ಏವಂ ಸಿದ್ವಃ ಸ ಭಗವಾನಾರ್ಷ್ಟಿಷೇಣಃ ಪ್ರತಾಪವಾನ್॥ 9-41-9 (62524)
ತಸ್ಮಿನ್ನೇವ ತದಾ ತೀರ್ಥೇ ಸಿಂಧುದ್ವೀಪಃ ಪ್ರತಾಪವಾನ್।
ದೇವಾಪಿಶ್ಚ ಮಹಾರಾಜ ಬ್ರಾಹ್ಮಣ್ಯಂ ಪ್ರಾಪತುರ್ಮಹತ್॥ 9-41-10 (62525)
ತಥಾಚ ಕೌಶಿಕಸ್ತಾತ ತಪೋನಿತ್ಯೋ ಜಿತೇಂದ್ರಿಯಃ।
ತಪಸಾ ವೈ ಸುತಪ್ತೇನ ಬ್ರಾಹ್ಮಣತ್ವಮವಾಪ್ತವಾನ್॥ 9-41-11 (62526)
ಗಾಧಿರ್ನಾಮ ಮಹಾನಾಸೀತ್ಕ್ಷತ್ರಿಯಃ ಪ್ರಥಿತೋ ಭುವಿ।
ತಸ್ಯ ಪುತ್ರೋಽಭವದ್ರಾಜನ್ವಿಶ್ವಾಮಿತ್ರಃ ಪ್ರತಾಪವಾನ್॥ 9-41-12 (62527)
ಸ ರಾಜಾ ಕೌಶಿಕಸ್ತಾತ ಮಹಾಯೋಗ್ಯಭವತ್ಕಿಲ।
ಸ ಪುತ್ರಮಭಿಷಿಚ್ಯಾಥ ವಿಶ್ವಾಮಿತ್ರಂ ಮಹಾತಪಾಃ॥ 9-41-13 (62528)
ದೇಹನ್ಯಾಸೇ ಮನಶ್ಚಕ್ರೇ ತಮೂಚುಃ ಪ್ರಣತಾಃ ಪ್ರಜಾಃ।
ನ ಗಂತವ್ಯಂ ಮಹಾಪ್ರಾಜ್ಞ ತ್ರಾಹಿ ಚಾಸ್ಮಾನ್ಮಹಾಭಯಾತ್॥ 9-41-14 (62529)
ಏವಮುಕ್ತಃ ಪ್ರತ್ಯುವಾಚ ತತೋ ಗಾಧಿಃ ಪ್ರಜಾಸ್ತತಃ।
ವಿಶ್ವಸ್ಯ ಜಗತೋ ಗೋಪ್ತಾ ಭವಿಷ್ಯತಿ ಸುತೋ ಮಮ॥ 9-41-15 (62530)
ಇತ್ಯುಕ್ತ್ವಾ ತು ತತೋ ಗಾಧಿರ್ವಿಶ್ವಾಮಿತ್ರಂ ನಿವೇಶ್ಯ ಚ।
ಜಗಾಮ ತ್ರಿದಿವಂ ರಾಜನ್ವಿಶ್ವಾಮಿತ್ರೋಽಭವನ್ನೃಪಃ॥ 9-41-16 (62531)
ನ ಸ ಶಕ್ನೋತಿ ಪೃಥಿವೀಂ ಯತ್ನವಾನಪಿ ರಕ್ಷಿತುಂ।
ತತಃ ಶುಶ್ರಾವ ರಾಜಾ ಸ ರಾಕ್ಷಸೇಭ್ಯೋ ಮಹಾಭಯಂ॥ 9-41-17 (62532)
ನಿರ್ಯಯೌ ನಗರಾಚ್ಚಾಪಿ ಚತುರಂಗಬಲಾನ್ವಿತಃ।
ಸ ಗತ್ವಾ ದೂರಮಧ್ವಾನಂ ವಸಿಷ್ಠಾಶ್ರಮಮಭ್ಯಯಾತ್॥ 9-41-18 (62533)
ತಸ್ಯ ತೇ ಸೈನಿಕಾ ರಾಜಂಶ್ಚಕ್ರುಸ್ತತ್ರಾನಯಾನ್ಬಹೂನ್।
ತತಸ್ತು ಭಗವಾನ್ವಿಪ್ರೋ ವಸಿಷ್ಠೋ ಶ್ರಮಮಭ್ಯಯಾತ್।
ದದೃಶೇಽಥ ತತಃ ಸರ್ವಂ ಭಜ್ಯಮಾನಂ ಮಹಾವ್ರನಂ॥ 9-41-19 (62534)
ತಸ್ಯ ಕ್ರುದ್ಧೋ ಮಹಾರಾಜ ವಸಿಷ್ಠೋ ಮುನಿಸತ್ತಮಃ।
ಸೃಜಸ್ವ ಶಬರಾನ್ಘೋರಾನಿತಿ ಸ್ವಾಂ ಗಾಮುವಾಚ ಹ॥ 9-41-20 (62535)
ತಥೋಕ್ತಾ ಸಾಽಸೃಜದ್ಧೇನುಃ ಪುರುಷಾನ್ಘೋರದರ್ಶನಾನ್।
ತೇ ತು ತದ್ಬಲಮಾಸಾದ್ಯ ಬಭಂಜುಃ ಸರ್ವತೋದಿಶಂ॥ 9-41-21 (62536)
ತಚ್ಛ್ರುತ್ವಾ ವಿದ್ರುತಂ ಸೈನ್ಯಂ ವಿಶ್ವಾಮಿತ್ರಸ್ತು ಗಾಧಿಜಃ।
ತಪಃ ಪರಂ ಮನ್ಯಮಾನಸ್ತಪಸ್ಯೇವ ಮನೋ ದಧೇ॥ 9-41-22 (62537)
ಸೋಽಸ್ಮಿಂಸ್ತೀರ್ಥವರೇ ರಾಜನ್ಸರಸ್ವತ್ಯಾಃ ಸಮಾಹಿತಃ।
ನಿಯಮೈಶ್ಚೋಪವಾಸೈಶ್ಚ ಕರ್ಶಯಂದೇಹಮಾತ್ಮನಃ॥ 9-41-23 (62538)
ಜಲಾಹಾರೋ ವಾಯುಭಕ್ಷಃ ಪರ್ಣಾಹಾರಶ್ಚ ಸೋಽಭವತ್।
ತಥಾ ಸ್ಥಂಡಿಲಶಾಯೀ ಚ ಯೇ ಚಾನ್ಯೇ ನಿಯಮಾಃಪೃಥಕ್॥ 9-41-24 (62539)
ಅಸಕೃತ್ತಸ್ಯ ದೇವಾಸ್ತು ವ್ರತವಿಘ್ನಂ ಪ್ರಚಕ್ರಿರೇ।
ನ ಚಾಸ್ಯ ನಿಯಮಾದ್ಬುದ್ಧಿರಪಯಾತಿ ಮಹಾತ್ಮನಃ॥ 9-41-25 (62540)
ತತಃ ಪರೇಣ ಯತ್ನೇನ ತಪ್ತ್ವಾ ಬಹುವಿಧಂ ತಪಃ।
ತೇಜಸಾ ಭಾಸ್ಕರಾಕಾರೋ ಗಾಧಿಜಃ ಸಮಪದ್ಯತ॥ 9-41-26 (62541)
ತಪಸಾ ತು ತಥಾಯುಕ್ತಂ ವಿಶ್ವಾಮಿತ್ರಂ ಪಿತಾಮಹಃ।
ಅಮನ್ಯತ ಮಹಾತೇಜಾ ವರದೋಽದರ್ಶಯತ್ತದಾ॥ 9-41-27 (62542)
ಸ ತು ವವ್ರೇ ವರಂ ರಾಜನ್ಸ್ಯಾಮಹಂ ಬ್ರಾಹ್ಮಣಸ್ತ್ವಿತಿ।
ತಥೇತಿ ಚಾಬ್ರವೀದ್ಬ್ರಹ್ಮಾ ಸರ್ವಲೋಕಪಿತಾಮಹಃ॥ 9-41-28 (62543)
ಸ ಲಬ್ಧ್ವಾ ತಪಸೋಗ್ರೇಣ ಬ್ರಾಹ್ಮಣತ್ವಂ ಮಹಾಯಶಾಃ।
ವಿಚಚಾರ ಮಹೀಂ ಕೃತ್ಸ್ನಾಂ ಕೃತಕಾಮಃ ಸುರೋಪಮಃ॥ 9-41-29 (62544)
ತಸ್ಮಿಂಸ್ತೀರ್ಥವರೇ ರಾಮಃ ಪ್ರದಾಯ ವಿವಿಧಂ ವಸು।
ಪಯಸ್ವಿನೀಸ್ತಥಾ ಧೇನೂರ್ಯಾನಾನಿ ಶಯನಾನಿ ಚ॥ 9-41-30 (62545)
ಅಥ ವಸ್ತ್ರಾಣ್ಯಲಂಕಾರಂ ಭಕ್ಷ್ಯಂ ಪೇಯಂ ಚ ಶೋಭನಂ।
ಅದದನ್ಮುದಿತೋ ರಾಜನ್ಪೂಜಯಿತ್ವಾ ದ್ವಿಜೋತ್ತಮಾನ್॥ 9-41-31 (62546)
ಯಯೌ ರಾಜಂಸ್ತತೋ ರಾಮೋ ಬಕಸ್ಯಾಶ್ರಮಮಂತಿಕಾತ್।
ಯತ್ರ ತೇಪೇ ತಪಸ್ತೀವ್ರಂ ದಾಲ್ಭ್ಯೋ ಬಕ ಇತಿ ಶ್ರುತಿಃ॥ ॥ 9-41-32 (62547)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಏಕಚತ್ವಾರಿಂಶೋಽಧ್ಯಾಯಃ॥ 41 ॥
ಶಲ್ಯಪರ್ವ - ಅಧ್ಯಾಯ 042
॥ ಶ್ರೀಃ ॥
9.42. ಅಧ್ಯಾಯಃ 042
Mahabharata - Shalya Parva - Chapter Topics
ಬಲದೇವಸ್ಯಾವಾಕೀರ್ಣತೀರ್ಥಗಮನಂ॥ 1 ॥ ಬಕಮುನಿಚರಿತ್ರಕಥನಂ॥ 2 ॥ ಬಲದೇವಸ್ಯ ತತೋ ವಸಿಷ್ಠಾಪವಾಹತೀರ್ಥಗಮನಂ॥ 3 ॥Mahabharata - Shalya Parva - Chapter Text
9-42-0 (62548)
ವೈಶಂಪಾಯನ ಉವಾಚ। 9-42-0x (5185)
ಬ್ರಹ್ಮಯೋನಿಭಿರಾಕೀರ್ಣಂ ಜಗಾಮ ಯದ್ವುನಂದನಃ।
ಯತ್ರ ದಾಲ್ಭ್ಯೋ ಬಕೋ ರಾಜನ್ಪಶ್ವರ್ಥ ಸುಮಹಾತಪಾಃ।
ಜುಹಾವ ಧೃತರಾಷ್ಟ್ರಸ್ಯ ರಾಷ್ಟ್ರಂ ಕೋಪಸಮನ್ವಿತಃ॥ 9-42-1 (62549)
ತಪಸಾ ಘೋರರೂಪೇಣ ಕರ್ಶಯಂದೇಹಮಾತ್ಮನಃ।
ಕ್ರೋಧೇನ ಮಹತಾಽಽವಿಷ್ಟೋ ಧರ್ಮಾತ್ಮಾ ವೈ ಪ್ರತಾಪವಾನ್॥ 9-42-2 (62550)
ಪುರಾ ಹಿ ನೈಮಿಶೀಯಾನಾಂ ಸತ್ರೇ ದ್ವಾದಶವಾರ್ಷಿಕೇ।
ವೃತ್ತೇ ವಿಶ್ವಜಿತೋಽಂತೇ ವೈ ಪಾಂಚಾಲಾನೃಷಯೋಽಗಮನ್॥ 9-42-3 (62551)
ತತ್ರೇಶ್ವರಮಯಾಚಂತ ದಕ್ಷಿಣಾರ್ಥಂ ಮನಸ್ವಿನಃ।
`ತತ್ರ ತೇ ಲೇಭಿರೇ ರಾಜನ್ಪಾಂಚಾಲೇಭ್ಯೋ ಮಹರ್ಷಯಃ।'
ಬಲಾನ್ವಿತಾನ್ವತ್ಸತರಾನ್ನಿರ್ವ್ಯಾಧೀನ್ಸಪ್ತವಿಂಶತಿಂ॥ 9-42-4 (62552)
ತಾನಬ್ರವೀದ್ಬಲೋ ದಾಲ್ಭ್ಯೋ ವಿಭಜಧ್ವಂ ಪಶೂನಿತಿ।
ಪಶೂನೇತಾನಹಂ ತ್ಯಕ್ತ್ವಾ ಭಿಕ್ಷಿಷ್ಯೇ ರಾಜಸತ್ತಮಂ॥ 9-42-5 (62553)
ಏವಮುಕ್ತ್ವಾ ವಕೋ ರಾಜನ್ನೃಷೀನ್ಸರ್ವಾಂನ್ಪ್ರತಾಪವಾನ್।
ಜಗಾಮ ಧೃತರಾಷ್ಟ್ರಸ್ಯ ಭವನಂ ಬ್ರಾಹ್ಮಣೋತ್ತಮಃ॥ 9-42-6 (62554)
ಸ ಸಮೀಪಗತೋ ಭೂತ್ವಾ ಧೃತರಾಷ್ಟ್ರಂ ಜನೇಶ್ವರಂ।
ಅಯಾಚತ ಪಶೂಂದಾಲ್ಭ್ಯಃ ಸ ಚೈನಂ ರುಷಿತೋಽಬ್ರವೀತ್॥ 9-42-7 (62555)
ಯದೃಚ್ಛಯಾ ಮೃತಾ ದೃಷ್ಟ್ವಾ ಗಾಸ್ತದಾ ನೃಪಸತ್ತಮಃ।
ಏತಾನ್ಪಶೂನ್ನಯ ಕ್ಷಿಪ್ರಂ ಬ್ರಹ್ಮಬಂಧೋ ಯದೀಚ್ಛಸಿ॥ 9-42-8 (62556)
ಋಷಿಸ್ತ್ವಥ ಬಕಃ ಕ್ರುದ್ಧಶ್ಚಿಂತಯಾಮಾಸ ಧರ್ಮವಿತ್।
ಅಹೋ ವತ ನೃಶಂಸಂ ವೈ ವಾಕ್ಯಮುಕ್ತೋಽಸ್ಮಿ ಸಂಸದಿ॥ 9-42-9 (62557)
ಚಿಂತಯಿತ್ವಾ ಮುಹೂರ್ತೇನ ರೋಷಾವಿಷ್ಟೋ ದ್ವಿಜೋತ್ತಮಃ।
ಮತಿಂ ಚಕ್ರೇ ವಿನಾಶಾಯ ಧೃತರಾಷ್ಟ್ರಸ್ಯ ಭೂಪತೇಃ॥ 9-42-10 (62558)
ಸ ತೂತ್ಕೃತ್ಯ ಮೃತಾನಾಂ ವೈ ಮಾಂಸಾನಿ ಮುನಿಸತ್ತಮಃ।
ಜುಹಾವ ಧೃತರಾಷ್ಟ್ರಸ್ಯ ರಾಷ್ಟ್ರಂ ನರಪತೇಃ ಪುರಾ॥ 9-42-11 (62559)
ಅವಾಕರ್ಣೇ ಸರಸ್ವತ್ಯಾಸ್ತೀರ್ಥೇ ಪ್ರಜ್ವಾಲ್ಯ ಪಾವಕಂ।
xxxx ದಾಲ್ಭ್ಯೋ ಮಹಾರಾಜ ನಿಯಮಂ ಪರಮಂ ಸ್ಥಿತಃ॥ 9-42-12 (62560)
ಸ ತೈರೇವ ಜುಹಾವಾಗ್ನೌ ರಾಷ್ಟ್ರಂ ಮಾಂಸೈರ್ಮಹಾತಪಃ॥ 9-42-13 (62561)
ತಸ್ಮಿಂಸ್ತು ವಿಧಿವತ್ಸತ್ರೇ ಸಂಪ್ರವೃತ್ತೇ ಸುದಾರುಣೇ।
ಅಕ್ಷೀಯತ ತತೋ ರಾಷ್ಟ್ರಂ ಧೃತರಾಷ್ಟ್ರಸ್ಯ ಪಾರ್ಥಿವ॥ 9-42-14 (62562)
ಛಿxxxಮಾನಂ xxxxxx ಪರಶುನಾ ವಿಭೋ
xxxxxxxxxxxx ವ್ಯವಕೀರ್ಥಮಚೇತನಂ॥ 9-42-15 (62563)
ದೃಷ್ಟ್ವಾ ತಥಾಽವಕೀರ್ಣಂ ತು ರಾಷ್ಟ್ರಂ ಚ ಮನುಜಾಧಿಪಃ।
ಬಭೂವ ದುರ್ಮನಾ ರಾಜಾ ಚಿಂತಯಾಮಾಸ ಚ ಪ್ರಭುಃ॥ 9-42-16 (62564)
xxxxxxxxxರದ್ಯತ್ರಂ ಬ್ರಾಹ್ಮಣೈಃ ಸಹಿತಃ ಪುರಾ।
xxxxxಗಚ್ಛತ್ತು ಕ್ಷೀಯತೇ ರಾಷ್ಟ್ರಮೇವ ಚ॥ 9-42-17 (62565)
ಯದಾ ಸ ಪಾರ್ಥಿವಃ ಖಿನ್ನಸ್ತೇ ಚ ವಿಪ್ರಾಸ್ತದಾಽನಘ॥ 9-42-18 (62566)
ಯದಾ ಚಾಪಿ ನ ಶಕ್ನೋತಿ ರಾಷ್ಟ್ರಂ ಮೋಕ್ಷಯಿತುಂ ನೃಪಃ।
ಅಥ ವಿಪ್ರಾದಿಕಾಂಸ್ತತ್ರ ಪಪ್ರಚ್ಛ ಜನಮೇಜಯ॥ 9-42-19 (62567)
ತತೋ ವಿಪ್ರಾದಿಕಾಃ ಪ್ರಾಹುಃ ಪಶುವಿಪ್ರಕೃತಸ್ತ್ವಯಾ।
ಮಾಂಸೈರಭಿಜುಹೋತೀದಂ ತವ ರಾಷ್ಟ್ರಂ ಮುನಿರ್ಬಕಃ॥ 9-42-20 (62568)
ತೇನ ತೇ ಹೂಯಮಾನಸ್ಯ ರಾಷ್ಟ್ರಸ್ಯಾಸ್ಯ ಕ್ಷಯೋ ಮಹಾನ್।
ತಸ್ಯೈತತ್ತಪಸಃ ಕರ್ಮ ಯೇನ ತೇಽದ್ಯ ಲಯೋ ಮಹಾನ್॥ 9-42-21 (62569)
`ಯದೀಚ್ಛಸಿ ಮಹಾಬಾಹೋ ಶಾಂತಿಂ ರಾಷ್ಟ್ರಸ್ಯ ಭೂಮಿಪ।'
ಅಪಾಂ ಕುಂಜೇ ಸರಸ್ವತ್ಯಾಸ್ತಂ ಪ್ರಸಾದಯ ಪಾರ್ಥಿವ॥ 9-42-22 (62570)
ವೈಶಂಪಾಯನ ಉವಾಚ। 9-42-23x (5186)
ಸರಸ್ವತೀಂ ತತೋ ಗತ್ವಾ ಸ ರಾಜಾ ಬಕಮಬ್ರವೀತ್।
ನಿಪತ್ಯ ಶಿರಸಾ ಭೂಮೌ ಪ್ರಾಂಜಲಿರ್ಭರತರ್ಷಭ॥ 9-42-23 (62571)
ಪ್ರಸಾದಯೇ ತ್ವಾಂ ಭಗವನ್ನಪರಾಧಂ ಕ್ಷಮಸ್ವ ಮೇ।
ಮಮ ದೀನಸ್ಯ ಲುಬ್ಧಸ್ಯ ಮೌರ್ಖ್ಯೇಣ ಹತಚೇತಸಃ।
ತ್ವಂ ಗತಿಸ್ತ್ವಂ ಚ ಮೇ ನಾಥಃ ಪ್ರಸಾದಂ ಕರ್ತುಮರ್ಹಸಿ॥ 9-42-24 (62572)
ತಂ ತಥಾ ವಿಲಪಂತಂ ತು ಶೋಕೋಪಹತಚೇತಸಂ।
ದೃಷ್ಟ್ವಾ ತಸ್ಯ ಕೃಪಾ ಜಜ್ಞೇ ರಾಷ್ಟ್ರಂ ತಸ್ಯ ವ್ಯಮೋಚಯತ್॥ 9-42-25 (62573)
ಋಷಿಃ ಪ್ರಸನ್ನಸ್ತಸ್ಯಾಭೂತ್ಸಂರಂಭಂ ಚ ವಿಹಾಯ ಸಃ।
ಮೋಕ್ಷಾರ್ಥಂ ತಸ್ಯ ರಾಜ್ಯಸ್ಯ ಜುಹಾವ ಪುನರಾಹುತಿಂ॥ 9-42-26 (62574)
ಮೋಕ್ಷಯಿತ್ವಾ ತತೋ ರ್ಷ್ಟ್ರಂ ಪ್ರತಿಗೃಹ್ಯ ಪಶೂನ್ಬಹೂನ್।
ಹೃಷ್ಟಾತ್ಮಾ ನೈಮಿಶಾರಣ್ಯಂ ಜಗಾಮ ಪುನರೇವ ಸಃ॥ 9-42-27 (62575)
ಧೃತರಾಷ್ಟ್ರೋಽಪಿ ಧರ್ಮಾತ್ಮಾ ಸ್ವಸ್ಥಚೇತಾ ಮಹಾಮನಾಃ।
ಸ್ವಮೇವ ನಗರಂ ರಾಜನ್ಪ್ರತಿಪೇದೇ ಮಹರ್ದ್ಧಿಮತ್॥ 9-42-28 (62576)
ತತ್ರ ತೀರ್ಥೇ ಮಹಾರಾಜ ಬೃಹಸ್ಪತಿರುದಾರಧೀಃ।
ಅಸುರಾಣಾಮಭಾವಾಯ ಭವಾಯ ಚ ದಿವೌಕಸಾಂ॥ 9-42-29 (62577)
ಮಾಂಸೈರಭಿಜುಹಾವೇಷ್ಟಿಮಕ್ಷೀಯಂತ ತತೋಽಸುರಾಃ।
ದೈವತೈರಪಿ ಸಂಭಗ್ನಾ ಜಿತಕಾಶಿಭಿರಾಹವೇ॥ 9-42-30 (62578)
ತತ್ರಾಪಿ ವಿಧಿವದ್ದತ್ತ್ವಾ ಬ್ರಾಹ್ಮಣೇಭ್ಯೋ ಮಹಾಯಶಾಃ।
ವಾಜಿನಃ ಕುಂಜರಾಂಶ್ಚೈವ ರಥಾಂಶ್ಚಶ್ವತರೀಯುತಾನ್॥ 9-42-31 (62579)
ರತ್ನಾನಿ ಚ ಮಹಾರ್ಹಾಣಿ ಧನಂ ಧಾನ್ಯಂ ಚ ಪುಷ್ಕಲಂ।
ಯಯೌ ತೀರ್ಥಂ ಮಹಾಬಾಹುರ್ಯಾಯಾತಂ ಪೃಥಿವೀಪತೇ॥ 9-42-32 (62580)
ತತ್ರ ಯಜ್ಞೇ ಯಯಾತೇಶ್ಚ ಮಹಾರಾಜ ಸರಸ್ವತೀ।
ಸರ್ಪಿಃ ಪಯಶ್ಚ ಸುಸ್ರಾವ ನಾಹುಷಸ್ಯ ಮಹಾತ್ಮನಃ॥ 9-42-33 (62581)
ತತ್ರೇಷ್ಟ್ವಾ ಪುರುಷವ್ಯಾಘ್ರೋ ಯಯಾತಿಃ ಪೃಥಿವೀಪತಿಃ।
ಆಕ್ರಾಮದೂರ್ಧ್ವಂ ಪುದಿತೋ ಲೇಭೇ ಲೋಕಾಂಶ್ಚ ಪುಷ್ಕಲಾನ್॥ 9-42-34 (62582)
ಪುನಸ್ತತ್ರ ಚ ರಾಜ್ಞಸ್ತು ಯಯಾತೇರ್ಯಜತಃ ಪ್ರಭೋಃ।
ಔದಾರ್ಯಂ ಪರಮಂ ಕೃತ್ವಾ ಭಕ್ತಿಂ ಚಾತ್ಮನಿ ಶಾಶ್ವತೀಂ।
ದದೌ ಕಾಮಾನ್ಬ್ರಾಹ್ಮಣೇಭ್ಯೋ ವಾನ್ಯಾನ್ಯೋ ಮನಸೇಚ್ಛತಿ॥ 9-42-35 (62583)
ಯೋ ಯತ್ರ ಸ್ಥಿತ ಏವೇಹ ಆಹೂತೋ ಯಜ್ಞಸಂಸ್ತರೇ।
ತಸ್ಯತಸ್ಯ ಸರಿಚ್ಛ್ರೇಷ್ಠಾ ಗೃಹಾದಿ ಶಯನಾದಿಕಂ।
ಷಡ್ರಸಂ ಭೋಜನಂ ಚೈವ ದಾನಂ ನಾನಾವಿಧಂ ತಥಾ॥ 9-42-36 (62584)
ತೇ ಮನ್ಯಮಾನಾ ರಾಜ್ಞಸ್ತು ಸಂಪ್ರದಾನಮನುತ್ತಮಂ।
ರಾಜಾನಂ ತುಷ್ಟುವುಃ ಪ್ರೀತಾ ದತ್ತ್ವಾ ಚೈವಾಶಿಷಃ ಶುಭಾಃ॥ 9-42-37 (62585)
ತತ್ರ ದೇವಾಃ ಸಗಂಧರ್ವಾಃ ಪ್ರೀತಾ ಯಜ್ಞಸ್ಯ ಸಂಪದಾ।
ವಿಸ್ಮಿತಾ ಮಾನುಷಾಶ್ಚಾಸಂದೃಷ್ಟ್ವಾ ತಾಂ ಯಜ್ಞಸಂಪದಂ॥ 9-42-38 (62586)
ತತಸ್ತಾಲಕೇತುರ್ಮಹಾಧರ್ಮಕೇತು--
ರ್ಮಹಾತ್ಮಾ ಕೃತಾತ್ಮಾ ಮಹಾದಾನನಿತ್ಯಃ।
ವಸಿಷ್ಠಾಪವಾಹಂ ಮಹಾಭೀಮವೇಗಂ
ಧೃತಾತ್ಮಾ ಜಿತಾತ್ಮಾ ಸಮಭ್ಯಾಜಗಾಮ॥ ॥ 9-42-39 (62587)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ದ್ವಿಚತ್ವಾರಿಂಶೋಽಧ್ಯಾಯಃ॥ 42 ॥
Mahabharata - Shalya Parva - Chapter Footnotes
9-42-1 ಬ್ರಹ್ಮಯೋನೇರವಾಕೀರ್ಣಮಿತಿ ಝ.ಪಾಠಃ। ತತ್ರ ಬ್ರಹ್ಮಯೋನೇಃ ಬ್ರಾಹ್ಮಣ್ಯೋತ್ಪಾದಕಾತ್ತೀರ್ಥಾದವಾಕೀರ್ಣಂ ನಾಮ ದ್ವಾಲ್ಭ್ಯಸೇವಿತಂ ತೀರ್ಥಂ ಜಗಾಮೇತ್ಯರ್ಥಃ ॥ 9-42-3 ಪಾಂಚಲಾನ್ವಿಶ್ವಜಿತೋ ಮಹತ್ಮಾಂತೇ ಅಗಮನ್॥ 9-42-4 ಈಶ್ವರಂ ಪಾಶ್ಚಾಲಸಜಂ॥ 9-42-5 xxxxxxxxxxx ಖಯಂ ತತ್ರ ಭಾಗಂ ನ ಗೃಹೀತವಾನಿತ್ಯರ್ಥಃ॥ 9-42-19 ಅಥ ವೈ ಪ್ರಾಶ್ನಿಕಾಂಸ್ತತ್ರೇತಿ ಝ ಪಾಠಃ॥ 9-42-42 ದ್ವಿಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 043
॥ ಶ್ರೀಃ ॥
9.43. ಅಧ್ಯಾಯಃ 043
Mahabharata - Shalya Parva - Chapter Topics
ವಸಿಷ್ಠಾಪವಾಹತೀರ್ಥಸ್ಯ ತನ್ನಾಮಪ್ರಾಪ್ತಿಪ್ರಕಾರಕಥನಂ॥ 1 ॥Mahabharata - Shalya Parva - Chapter Text
9-43-0 (62588)
ಜನಮೇಜಯ ಉವಾಚ। 9-43-0x (5187)
ವಸಿಷ್ಠಾಪವಾಹೋ ಬ್ರಹ್ಮನ್ವೈ ಭೀಮವೇಗಃ ಕಥಂ ನು ಸಃ।
ಕಿಮರ್ಥಂ ಚ ಸರಿಚ್ಛ್ರೇಷ್ಠಾ ತಮೃಷಿಂ ಪ್ರತ್ಯವಾಹಯತ್॥ 9-43-1 (62589)
ಕಥಮಸ್ಯಾಭವದ್ವೈರಂ ಕಾರಣಂ ಕಿಂ ಚ ತತ್ಪ್ರಭೋ।
ಶಂಸ ಪೃಷ್ಟೋ ಮಹಾಪ್ರಾಜ್ಞ ನ ಹಿ ತೃಪ್ಯಾಮಿ ಕಥ್ಯತಿ॥ 9-43-2 (62590)
ವೈಶಂಪಾಯನ ಉವಾಚ। 9-43-3x (5188)
ವಿಶ್ವಾಮಿತ್ರಸ್ಯ ವಿಪ್ರರ್ಷೇರ್ವಸಿಷ್ಠಸ್ಯ ಚ ಭಾರತ।
ಭೃಶಂ ವೈರಮಭೂದ್ರಾಜಂಸ್ತಪಃಸ್ಪರ್ಧಾಕೃತಂ ಮಹತ್॥ 9-43-3 (62591)
ಆಶ್ರಮೋ ವೈ ವಸಿಷ್ಠಸ್ಯ ಸ್ಥಾಣುತೀರ್ಥೇಽಭವನ್ಮಹಾನ್।
ಪೂರ್ವತಃ ಪಾರ್ಶ್ವತಶ್ಚಾಸೀದ್ವಿಶ್ವಾಮಿತ್ರಸ್ಯ ಧೀಮತಃ॥ 9-43-4 (62592)
ಯತ್ರ ಸ್ಥಾಣುರ್ಮಹಾರಾಜ ತಪ್ತವಾನ್ಪರಮಂ ತಪಃ।
ತತ್ರಾಸ್ಯ ಕರ್ಮ ತದ್ಧೋರಂ ಪ್ರವದಂತಿ ಮನೀಷಿಣಃ॥ 9-43-5 (62593)
ಯತ್ರೇಷ್ಟ್ವಾ ಭಗವಾನ್ಸ್ಥಾಣುಃ ಪೂಜಯಿತ್ವಾ ಸರಸ್ವತೀಂ।
ಸ್ಥಾಪಯಾಮಾಸ ತತ್ತೀರ್ಥಂ ಸ್ಥಾಣುತೀರ್ಥಮಿತಿ ಪ್ರಭೋ॥ 9-43-6 (62594)
ತತ್ರ ತೀರ್ಥೇ ಸುರಾಃ ಸ್ಕಂದಮಭ್ಯಷಿಂಚನ್ನರಾಧಿಪ।
ಸೈನಾಪತ್ಯೇನ ಮಹತಾ ಸುರಾರಿವಿನಿಬರ್ಹಣಂ॥ 9-43-7 (62595)
ತಸ್ಮಿನ್ಸಾರಸ್ವತೇ ತೀರ್ಥೇ ವಿಶ್ವಾಮಿತ್ರೋ ಮಹಾಮುನಿಃ।
ವಸಿಷ್ಠಂ ಚಾಲಯಾಮಾಸ ತಪಸೋಗ್ರೇಣ ತಚ್ಛೃಣು॥ 9-43-8 (62596)
ವಿಶ್ವಾಮಿತ್ರವಸಿಷ್ಠೌ ತಾವಹನ್ಯಹನಿ ಭಾರತ।
ಸ್ಪರ್ಧಾಂ ತಪಃ ಕೃತಾಂ ತೀವ್ರಾಂ ಚಕ್ರತುಸ್ತೌ ವತಪೋಧನೌ॥ 9-43-9 (62597)
ತತ್ರಾಪ್ಯಧಿಕಸಂತಪ್ತೋ ವಿಶ್ವಾಮಿತ್ರೋ ಮಹಾಮುನಿಃ।
ದೃಷ್ಟ್ವಾ ತೇಜೋ ವಸಿಷ್ಠಸ್ಯ ಚಿಂತಾಮಭಿಜಗಾಮ ಹ॥ 9-43-10 (62598)
ತಸ್ಯ ಬುದ್ಧಿರಿಯಂ ಹ್ಯಾಸೀದ್ಧರ್ಮನಿತ್ಯಸ್ಯ ಭಾರತ।
ಇದಂ ಸರಸ್ವತೀ ತೂರ್ಣಂ ಮತ್ಸಮೀಪಂ ತಪೋಧನಂ॥ 9-43-11 (62599)
ಆನಯಿಷ್ಯತಿ ವೇಗೇನ ವಸಿಷ್ಠಂ ಜಪತಾಂ ವರಂ।
ಇಹಾಗತಂ ದ್ವಿಜಶ್ರೇಷ್ಠಂ ಹನಿಷ್ಯಾಮಿ ನ ಸಂಶಯಃ॥ 9-43-12 (62600)
ಏವಂ ನಿಶ್ಚಿತ್ಯ ಭಗವಾನ್ವಿಶ್ವಾಮಿತ್ರೋ ಮಹಾಮುನಿಃ।
ಸಸ್ಮಾರ ಸರಿತಾಂ ಶ್ರೇಷ್ಠಾಂ ಕ್ರೋಧಸಂರಕ್ತಲೋಚನಃ॥ 9-43-13 (62601)
ಸಾ ಧ್ಯಾತಾ ಮುನಿನಾ ತೇನ ವ್ಯಾಕುಲತ್ವಂ ಜಗಾಮ ಹ।
ಗತ್ವಾ ಚೈನಂ ಮಹಾವೀರ್ಯಂ ಮಹಾಕೋಪಂ ಚ ಭಾಮಿನೀ॥ 9-43-14 (62602)
ತದಾ ತಂ ವೇಪಮಾನಾಂಗೀ ವಿವರ್ಣಾ ಪ್ರಾಂಜಲಿರ್ಭೃಶಂ।
ಉಪತಸ್ಥೇ ಮುನಿವರಂ ವಿಶ್ವಾಮಿತ್ರಂ ಸರಸ್ವತೀ॥ 9-43-15 (62603)
ಹತವೀರಾ ಯಥಾ ನಾರೀ ಸಾಽಭವದ್ದುಃಖಿತಾ ಭೃಶಂ।
ಬ್ರೂಹಿ ಕಿಂ ಕರವಾಣೀತಿ ಪ್ರೋವಾಚ ಮುನಿಸತ್ತಮಂ॥ 9-43-16 (62604)
ತಾಮುವಾಚ ಮುನಿಃ ಕ್ರುದ್ಧೋ ವಸಿಷ್ಠಂ ಶೀಘ್ರಮಾನಯ।
ಯಾವದೇನಂ ನಿಹನ್ಂಯದ್ಯ ತಚ್ಛ್ರುತ್ವಾ ವ್ಯಥಿತಾ ನದೀ॥ 9-43-17 (62605)
ಸಾಂಜಲಿಂ ತು ತತಃ ಕೃತ್ವಾ ಪುಂಡರೀಕನಿಭೇಕ್ಷಣಾ।
ಪ್ರಾಕಂಪತ ಭೃಶಂ ಭೀತಾ ವಾಯುನೇವಾಹತಾ ಲತಾ॥ 9-43-18 (62606)
ತಥಾರೂಪಾಂ ತು ತಾಂ ದೃಷ್ಟ್ವಾ ಮುನಿರಾಹ ಮಹಾನದೀಂ।
ಅವಿಚಾರಂ ವಸಿಷ್ಠಂ ತ್ವಮಾನಯಸ್ತ್ವಾಂತಿಕಂ ಮಮ॥ 9-43-19 (62607)
ಸಾ ತಸ್ಯ ವಚನಂ ಶ್ರುತ್ವಾ ಜ್ಞಾತ್ವಾ ಪಾಪಂ ಚಿಕೀರ್ಷಿತಂ।
ವಸಿಷ್ಠಸ್ಯ ಪ್ರಭಾವಂ ಚ ಜಾನಂತ್ಯಪ್ರತಿಮಂ ಭುವಿ॥ 9-43-20 (62608)
ಸಾಽಭಿಗಂಯ ವಸಿಷ್ಠಂ ಚ ಇದಮರ್ಥಮಚೋದಯತ್।
ಯದುಕ್ತಾ ಸರಿತಾಂಶ್ರೇಷ್ಠಾ ವಿಶ್ವಾಮಿತ್ರೇಣ ಧೀಮತಾ॥ 9-43-21 (62609)
ಉಭಯೋಃ ಶಾಪಯೋರ್ಭೀತಾ ವೇಪಮಾನಾ ಪುನಃಪುನಃ।
ಚಿಂತಯಿತ್ವಾ ಮಹಾಶಾಪಮೃಷಿವಿಪ್ರಾಸಿತಾ ಭೃಶಂ॥ 9-43-22 (62610)
ತಾಂ ಕೃಶಾಂ ಚ ವಿವರ್ಣಾಂ ಚ ದೃಷ್ಟ್ವಾ ಚಿಂತಾಸಮನ್ವಿತಾಂ।
ಉವಾಚ ರಾಜಂಧರ್ಮಾತ್ಮಾ ವಸಿಷ್ಠೋ ದ್ವಿಪದಾಂ ವರಃ॥ 9-43-23 (62611)
ಪಾಹ್ಯಾತ್ಮಾನಂ ಸರಿಚ್ಛೇಷ್ಠೇ ವಹ ಮಾಂ ಶೀಘ್ರಗಾಮಿನೀ।
ವಿಶ್ವಾಮಿತ್ರಃ ಶಪೇದ್ವಿ ತ್ವಾಂ ಮಾ ಕೃಥಾಸ್ತ್ವಂ ವಿಚಾರಣಾಂ॥ 9-43-24 (62612)
ತಸ್ಯ ತದ್ವಚನಂ ಶ್ರುತ್ವಾ ಕೃಪಾಶೀಲಸ್ಯ ಸಾ ಸರಿತ್।
ಚಿಂತಯಾಮಾಸ ಕೌರವ್ಯ ಕಿಂ ಕೃತ್ವಾ ಸುಕೃತಂ ಭವೇತ್॥ 9-43-25 (62613)
ತಸ್ಯಾಶ್ಚಿಂತಾ ಸಮುತ್ಪನ್ನಾ ವಸಿಷ್ಠೋ ಮಯ್ಯತೀವ ಹಿ।
ಕೃತವಾನ್ಹಿ ದಯಾಂ ನಿತ್ಯಂ ತಸ್ಯಾ ಕಾರ್ಯಂ ಹಿತಂ ಮಯಾ॥ 9-43-26 (62614)
ಅಥ ಕೂಲೇ ಸ್ವಕೇ ರಾಜಂಜಪಂತಮೃಷಿಸತ್ತಮಂ।
ಜುಹ್ವಾನಂ ಕೌಶಿಕಂ ಪ್ರೇಕ್ಷ್ಯ ಸರಸ್ವತ್ಯಭ್ಯಚಿಂತಯತ್॥ 9-43-27 (62615)
ಇದಮಂತರಮಿತ್ಯೇವಂ ತತಃ ಸಾ ಸರಿತಾಂ ವರಾ।
ಕೂಲಾಪಹಾರಮಕರೋತ್ಸ್ವೇನ ವೇಗೇನ ಸಾ ಸರಿತ್॥ 9-43-28 (62616)
ತೇನ ಕೂಲಾಪಹಾರೇಣ ಮೈತ್ರಾವರುಣಿರೌಹ್ಯತ।
ಉಹ್ಯಮಾನಃ ಸ ತುಷ್ಟಾವ ತದಾ ರಾಜನ್ಸರಸ್ವತೀಂ॥ 9-43-29 (62617)
ಪಿತಾಮಹಸ್ಯ ಸರಸಃ ಪ್ರವೃತ್ತಾಽಸಿ ಸರಸ್ವತಿ।
ವ್ಯಾಪ್ತಂ ಚೇದಂ ಜಗತ್ಸರ್ವಂ ತವೈವಾಂಭೋಭಿರುತ್ತಮೈಃ॥ 9-43-30 (62618)
ತ್ವಮೇವಾಕಾಶಗಾ ದೇವಿ ಮೇಘೇಷು ಸೃಜಸೇ ಪಯಃ।
ಸರ್ವಾಶ್ಚಾಪಸ್ತ್ವಮೇವೇತಿ ಯಥಾ ವಯಮಧೀಮಹಿ॥ 9-43-31 (62619)
ಪುಷ್ಟಿರ್ದ್ಯುತಿಸ್ತಥಾ ಕೀರ್ತಿಃ ಸಿದ್ಧಿರ್ಬುದ್ಧಿರಮಾ ತಥಾ।
ತ್ವಮೇವ ವಾಣೀ ಸ್ವಾಹಾ ತ್ವಂ ತವಾಯತ್ತಮಿದಂ ಜಗತ್।
ತ್ವಮೇವ ಸರ್ವಭೂತೇಷು ವಸಸೀಹ ಚತುರ್ವಿಧಾ॥ 9-43-32 (62620)
ವೈಶಂಪಾಯನ ಉವಾಚ। 9-43-33x (5189)
ಏವಂ ಸರಸ್ವತೀ ರಾಜನ್ಸ್ತೂಯಮಾನಾ ಮಹರ್ಷಿಣಾ।
ವೇಗೇನೋವಾಹ ತಂ ವಿಪ್ರಂ ವಿಶ್ವಾಮಿತ್ರಾಶ್ರಮಂ ಪ್ರತಿ॥ 9-43-33 (62621)
ನ್ಯವೇದಯತ ಚಾಕ್ಷೀಕ್ಷ್ಣಂ ವಿಶ್ವಾಮಿತ್ರಾಯ ತಂ ಮುನಿಂ॥ 9-43-34 (62622)
ತಮಾನೀತಂ ಸರಸ್ವತ್ಯಾ ದೃಷ್ಟ್ವಾ ಕೋಪಸಮನ್ವಿತಃ।
ಅಥಾನ್ವೇಷತ್ಪ್ರಹರಣಂ ವಸಿಷ್ಠಾಂತಕರಂ ತದಾ॥ 9-43-35 (62623)
ತಂ ತು ಕ್ರುದ್ಧಮಭಿಪ್ರೇಕ್ಷ್ಯ ಬ್ರಹ್ಮವಧ್ಯಾಭಯಾನ್ನದೀ।
ಅಪೋವಾಹ ವಸಿಷ್ಠಂ ತು ಪ್ರಾಚೀಂ ದಿಶಮತಂದ್ರಿತಾ।
ಉಭಯೋಃ ಕುರ್ವತೀ ವಾಕ್ಯಂ ವಂಚಯಿತ್ವಾ ಚ ಗಾಧಿಜಂ॥ 9-43-36 (62624)
ತತೋಪವಾಹಿತಂ ದೃಷ್ಟ್ವಾ ವಸಿಷ್ಠಮೃಷಿಸತ್ತಮಂ।
ಅಬ್ರವೀತ್ತ್ವಥ ಸಂಕ್ರುದ್ಧೋ ವಿಶ್ವಾಮಿತ್ರಃ ಸರಸ್ವತೀಂ॥ 9-43-37 (62625)
ಯಸ್ಮಾನ್ಮಾಂ ತ್ವಂ ಸರಿಚ್ಛ್ರೇಷ್ಠೇ ವಂಚಯಿತ್ವಾ ಪುನರ್ಗತಾ।
ಶೋಣಿತಂ ವಹ ಕಲ್ಯಾಣಿ ರಾಕ್ಷಸಾನಾಂ ಚ ಸಂಮತಂ॥ 9-43-38 (62626)
ತತಃ ಸರಸ್ವತೀ ಶಪ್ತಾ ವಿಶ್ವಾಮಿತ್ರೇಣ ಧೀಮತಾ।
ಅವಹಚ್ಛೋಣಿತೋನ್ಮಿಶ್ರಂ ತೋಯಂ ಸಂವತ್ಸರಂ ತದಾ॥ 9-43-39 (62627)
ಅಥರ್ಷಯಶ್ಚ ದೇವಾಶ್ಚ ಗಂಧರ್ವಾಪ್ಸರಸಸ್ತದಾ।
ಸರಸ್ವತೀಂ ತಥಾ ದೃಷ್ಟ್ವಾ ಬಭೂವುರ್ಭೃಶದುಃಖಿತಾಃ॥ 9-43-40 (62628)
ಏವಂ ವಸಿಷ್ಠಾಪವಾಹೋ ಲೋಕೇ ಖ್ಯಾತೋ ಜನಾಧಿಪ।
ಆಗಚ್ಛಚ್ಚ ಪುನರ್ಮಾರ್ಗಂ ಸ್ವಮೇವ ಸರಿತಾಂ ವರಾ॥ ॥ 9-43-41 (62629)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ತ್ರಿಚತ್ವಾರಿಂಶೋಽಧ್ಯಾಯಃ॥ 43 ॥
ಶಲ್ಯಪರ್ವ - ಅಧ್ಯಾಯ 044
॥ ಶ್ರೀಃ ॥
9.44. ಅಧ್ಯಾಯಃ 044
Mahabharata - Shalya Parva - Chapter Topics
ವಿಶ್ವಾಮಿತ್ರಶಾಪಾದ್ರುಧಿರಜಲಾಯಾಃ ಸರಸ್ವತ್ಯಾ ಋಷಿಭಿಸ್ವಪಸಾ ಶೋಧನಂ॥ 1 ॥ ಇಂದ್ರೇಣ ಸರಸ್ವತ್ಯರುಣಾಸಂಗಮೇ ಯಜನಾದಿನಾ ಬ್ರಹ್ಮಹತ್ಯಾಪರಿಹರಣಂ॥ 2 ॥ ಬಲರಾಮಸ್ಯ ತತ್ರ ಸ್ನಾನಾದಿಪೂರ್ವಕಂ ತಸ್ಮಾತ್ಸೋಮತೀರ್ಥಗಮನಂ॥ 3 ॥Mahabharata - Shalya Parva - Chapter Text
9-44-0 (62630)
ವೈಶಂಪಾಯನ ಉವಾಚ। 9-44-0x (5190)
ಸ ಶಪ್ತಾ ತೇನ ಕ್ರುದ್ಧೇನ ವಿಶ್ವಾಮಿತ್ರೇಣ ಧೀಮತಾ।
ತಸ್ಮಿಂಸ್ತೀರ್ಥವರೇ ಶುಭ್ರಂ ಶೋಣಿತಂ ಸಮುಪಾವಹತ್॥ 9-44-1 (62631)
ಅಥಾಜಗ್ಮುಸ್ತತೋ ರಾಜನ್ರಾಕ್ಷಸಾಸ್ತತ್ರ ಭಾರತ।
ತತ್ರ ತೇ ಶೋಣಿತಂ ಸರ್ವೇ ಪಿಬಂತಃ ಸುಖಮಾಸತೇ॥ 9-44-2 (62632)
ತೃಪ್ತಾಶ್ಚ ಸುಭೃಶಂ ತೇನ ಸುಖಿತಾ ವಿಗತಜ್ವರಾಃ।
ನೃತ್ಯಂತಶ್ಚ ಹಸಂತಶ್ಚ ಯಥಾ ಸ್ವರ್ಗಜಿತಸ್ತಥಾ॥ 9-44-3 (62633)
ಕಸ್ಯಚಿತ್ತ್ವಥ ಕಾಲಸ್ಯ ಋಷಯಃ ಸುತಪೋಧನಾಃ।
ತೀರ್ಥಯಾತ್ರಾಂ ಸಮಾಜಗ್ಮುಃ ಸರಸ್ವತ್ಯಾಂ ಮಹೀಪತೇ॥ 9-44-4 (62634)
ತೇಷು ಸರ್ವೇಷು ತೀರ್ಥೇಷು ಸ್ವಾಪ್ಲುತ್ಯ ಮುನಿಪುಂಗವಾಃ।
ಪ್ರಾಪ್ಯ ಪ್ರೀತಿಂ ಪರಾಂ ಚಾಪಿ ತಪೋಲುಪ್ಧಾ ವಿಶಾರದಾಃ॥ 9-44-5 (62635)
ಪ್ರಯಯುರ್ಹಿ ತತೋ ರಾಜನ್ಯೇನ ತೀರ್ಥಮಸೃಗ್ವಹಂ।
ಅಥಾಗಂಯ ಮಹಾಭಾಗಾಸ್ತತ್ತೀರ್ಥಂ ದಾರುಣಂ ತದಾ॥ 9-44-6 (62636)
ದೃಷ್ಟ್ವಾ ತೋಯಂ ಸರಸ್ವತ್ಯಾಃ ಶೋಣಿತೇನ ಪರಿಪ್ಲುತಂ।
ಪೀಯಮಾನಂ ಚ ರಕ್ಷೋಭಿರ್ಬಹುಭಿರ್ನೃಪಸತ್ತಮ॥ 9-44-7 (62637)
ತಾಂದೃಷ್ಟ್ವಾ ರಾಕ್ಷಸಾನ್ರಾಜನ್ಮುನಯಃ ಸಂಶಿತವ್ರತಾಃ।
ಪರಿತ್ರಾಣೇ ಸರಸ್ವತ್ಯಾಃ ಪರಂ ಯತ್ನಂ ಪ್ರಚಕ್ರಿರೇ॥ 9-44-8 (62638)
ತೇ ತು ಸರ್ವೇ ಮಹಾಭಾಗಾಃ ಸಮಾಗಂಯ ಮಹಾವ್ರತಾಃ।
ಆಹೂಯ ಸರಿತಾಂ ಶ್ರೇಷ್ಠಾಮಿದಂ ವಚನಮಬ್ರುವನ್॥ 9-44-9 (62639)
ಕಾರಣಂ ಬ್ರೂಹಿ ಕಲ್ಯಾಣಿ ಕಿಮರ್ಥಂ ತೇ ಹೃದೋ ಹ್ಯಯಂ।
ಏವಮಗ್ರಾಹ್ಯತಾಂ ಯಾತಃ ಶ್ರುತ್ವಾಽಧ್ಯಾಸ್ಯಾಮಹೇ ವಯಂ॥ 9-44-10 (62640)
ತತಃ ಸಾ ಸರ್ವಮಾಚಷ್ಟ ಯಥಾವೃತ್ತಂ ಪ್ರವೇಪತೀ।
ದುಃಖಿತಾಮಥ ತಾಂ ದೃಷ್ಟ್ವಾ ಊಚುಸ್ತೇ ವೈ ತಪೋಧನಾಃ॥ 9-44-11 (62641)
ಕಾರಣಂ ಶ್ರುತಮಸ್ಮಾಭಿಃ ಶಾಪಶ್ಚೈವ ಶ್ರುತೋಽನಘೇ।
ಕರಿಷ್ಯಂತಿ ತು ಯತ್ಪ್ರಾಪ್ತಂ ಸರ್ವ ಏವ ತಪೋಧನಾಃ॥ 9-44-12 (62642)
ಏವಮುಕ್ತ್ವಾ ಸರಿಚ್ಛ್ರೇಷ್ಠಾಮೂಚುಸ್ತೇಽಥ ಪರಸ್ಪರಂ।
ವಿಮೋಚಯಾಮಹೇ ಸರ್ವೇ ಶಾಪಾದೇತಾಂ ಸರಸ್ವತೀಂ॥ 9-44-13 (62643)
ತೇ ಸರ್ವೇ ಬ್ರಾಹ್ಮಣಾ ರಾಜಂಸ್ತಪೋಭಿರ್ನಿಯಮೈಸ್ತಥಾ।
ಉಪವಾಸೈಶ್ಚ ವಿವಿಧೈರ್ಯಮೈಃ ಕಷ್ಟವ್ರತೈಸ್ತಥಾ॥ 9-44-14 (62644)
ಆರಾಧ್ಯ ಪಶುಭರ್ತಾರಂ ಮಹಾದೇವಂ ಜಗತ್ಪತಿಂ।
ಮೋಕ್ಷಯಾಮಾಸುಸ್ತಾಂ ದೇವೀಂ ಸರಿಚ್ಛ್ರೇಷ್ಠಾಂ ಸರಸ್ವತೀಂ॥ 9-44-15 (62645)
ತೇಷಾಂ ತು ಸಾ ಪ್ರಭಾವೇಣ ಪ್ರಕೃತಿಸ್ಥಾ ಸರಸ್ವತೀ।
ಪ್ರಸನ್ನಸಲಿಲಾ ಜಜ್ಞೇ ಯಥಾ ಪೂರ್ವಂ ತಥೈವ ಹಿ।
ನಿರ್ಮುಕ್ತಾ ಚ ಸರಿಚ್ಛ್ರೇಷ್ಠಾ ವಿಬಭೌ ಸಾ ಯಥಾ ಪುರಾ॥ 9-44-16 (62646)
ದೃಷ್ಟ್ವಾ ತೋಯಂ ಸರಸ್ವತ್ಯಾ ಮುನಿಭಿಸ್ತೈಸ್ತಥಾ ಕೃತಂ।
ತಾನೇವ ಶರಣಂ ಜಗ್ಮೂ ರಾಕ್ಷಸಾಃ ಕ್ಷುಧಿತಾಸ್ತಥಾ॥ 9-44-17 (62647)
ಕೃತ್ವಾಂಜಲಿಂ ತತೋ ರಾಜನ್ರಾಕ್ಷಸಾಃ ಕ್ಷುಧಯಾಽರ್ದಿತಾಃ।
ಊಚುಸ್ತಾನ್ವೈ ಮುನೀನ್ಸರ್ವಾನ್ಕೃಪಾಯುಕ್ತಾನ್ಪುನಃಪುನಃ॥ 9-44-18 (62648)
ವಯಂ ಚ ಕ್ಷುಧಿತಾಶ್ಚೈವ ಧರ್ಮಾದ್ಧೀನಾಶ್ಚ ಶಾಶ್ವತಾತ್।
ನ ಚ ನಃ ಕಾಮಕಾರೋಽಯಂ ಯದ್ವಯಂ ಪಾಪಕಾರಿಣಾ॥ 9-44-19 (62649)
ಯುಷ್ಮಾಕಂ ಚಾಪ್ರಸಾದೇನ ದುಷ್ಕೃತೇನ ಚ ಕರ್ಮಣಾ।
ಪಕ್ಷೋಽಯಂ ವರ್ಧತೇಽಸ್ಮಾಕಂ ಯತಃ ಸ್ಮೋ ಬ್ರಹ್ಮರಾಕ್ಷಸಾಃ।
ಯೋಷಿತಾಂ ಚೈವ ಪಾಪೇನ ಯೋನಿದೋಷಕೃತೇನ ಚ॥ 9-44-20 (62650)
ಏವಂ ಹಿ ವೈಶ್ಯಶೂದ್ರಾಣಾಂ ಕ್ಷತ್ರಿಯಾಣಾಂ ತಥೈವ ಚ।
ಯೇ ಬ್ರಾಹ್ಮಣಾನ್ಪ್ರದ್ವಿಷಂತಿ ತೇ ಭವಂತೀಹ ರಾಕ್ಷಸಾಃ॥ 9-44-21 (62651)
`ಶಕ್ತಿಮಂತೋಽಪಿ ಯೇ ಕೇಚಿದಾಶ್ರಿತಾನಾಂ ಚ ರಕ್ಷಣಂ।
ನ ಕುರ್ವಂತಿ ಮನುಷ್ಯಾಸ್ತೇ ಸಂಭವಂತೀಹ ರಾಕ್ಷಸಾಃ'॥ 9-44-22 (62652)
ಆಚಾರ್ಯಮೃತ್ವಿಜಂ ಚೈವ ಗುರುಂ ವೃದ್ವಜನಂ ತಥಾ।
ಪ್ರಣಿನೋ ಯೇಽವಮನ್ಯಂತೇ ತೇ ಭವಂತೀಹ ರಾಕ್ಷಸಾಃ॥ 9-44-23 (62653)
ತತ್ಕುರುಧ್ವಮಿಹಾಸ್ಮಾಕಂ ತಾರಣಂ ದ್ವಿಜಸತ್ತಮಾಃ।
ಶಕ್ತಾ ಭವಂತಃ ಸರ್ವೇಷಾಂ ಲೋಕಾನಾಮಪಿ ತಾರಣೇ॥ 9-44-24 (62654)
ತೇಷಾಂ ತು ವಚನಂ ಶ್ರುತ್ವಾ ತುಷ್ಟುವುಸ್ತಾಂ ಮಹಾನದೀಂ।
ಮೋಕ್ಷಾರ್ಥಂ ರಕ್ಷಸಾಂ ತೇಷಾಮೂಚುಃ ಪ್ರಯತಮಾನಸಾಃ॥ 9-44-25 (62655)
ಋಷಯ ಊಚುಃ। 9-44-26x (5191)
ಕ್ಷುತಂ ಕೀಟಾವಪನ್ನಂ ಚ ಯಚ್ಚೋಚ್ಛಿಷ್ಟಾಚಿತಂ ಭವೇತ್।
ಸಕೇಶಮವಧೂತಂ ಚ ರುದಿತೋಪಹತಂ ಚ ಯತ್॥ 9-44-26 (62656)
ಶ್ವಭಿಃ ಸಂಸೃಷ್ಟಮನ್ನಂ ಚ ಭಾಗೋಽಸೌ ರಕ್ಷಸಾಮಿಹ।
ತಸ್ಮಾಜ್ಜ್ಞಾತ್ವಾ ಸದಾ ವಿದ್ವಾನೇತಾನ್ಯತ್ನಾದ್ವಿವರ್ಜಯೇತ್।
ರಾಕ್ಷಸಾನ್ನಮಸೌ ಭುಂಕ್ತೇ ಯೋ ಭುಂಕ್ತೇ ಹ್ಯನ್ನಮೀದೃಶಂ॥ 9-44-27 (62657)
ಶೋಧಯಿತ್ವಾ ತತಸ್ತೀರ್ಥಮೃಷಯಸ್ತೇ ತಪೋಧನಾಃ।
ಮೋಕ್ಷಾರ್ಥಂ ರಾಕ್ಷಸಾನಾಂ ಚ ನದೀಂ ತಾಂ ಪ್ರತ್ಯಚೋದಯನ್॥ 9-44-28 (62658)
ಮಹರ್ಷೀಣಾಂ ಮತಂ ಜ್ಞಾತ್ವಾ ತತಃ ಸಾ ಸರಿತಾಂ ವರಾ।
ಅರುಣಾಮಾನಯಾಮಾಸ ಸ್ವಾಂ ತನುಂ ಪುರುಷರ್ಷಭ॥ 9-44-29 (62659)
ತಸ್ಯಾಂತೇರಾಕ್ಷಸಾಃ ಸ್ನಾತ್ವಾ ತನೂಸ್ತ್ಯಕ್ತ್ವಾ ದಿವಂ ಗತಾಃ।
ಅರುಣಾಯಾಂ ಮಹಾರಾಜ ಬ್ರಹ್ಮವಧ್ಯಾಪಹಾ ಹಿ ಸಾ॥ 9-44-30 (62660)
ಏತಮರ್ಥಮಭಿಜ್ಞಾಯ ದೇವರಾಜಃ ಶತಕ್ರತುಃ।
ತಸ್ಮಿಂಸ್ತೀರ್ಥೇ ವರೇ ಸ್ನಾತ್ವಾ ವಿಮುಕ್ತಃ ಪಾಪ್ಮನಾ ಕಿಲ॥ 9-44-31 (62661)
ಜನಮೇಜಯ ಉವಾಚ। 9-44-32x (5192)
ಕಿಮರ್ಥಂ ಭಗವಾಞ್ಶಕ್ರೋ ಬ್ರಹ್ಮವಧ್ಯಾಮವಾಪ್ತವಾನ್।
ಕಥಮಸ್ಮಿಂಶ್ಚ ತೀರ್ಥೇ ವೈ ಆಪ್ಲುತ್ಯಾಕಲ್ಮಷೋಽಭವತ್॥ 9-44-32 (62662)
ವೈಶಂಪಾಯನ ಉವಾಚ। 9-44-33x (5193)
ಶೃಣುಷ್ವೈತದುಪಾಖ್ಯಾನಂ ಯಥಾವೃತ್ತಂ ಜನೇಶ್ವರ।
ಯಥಾ ಬಿಭೇದ ಸಮಯಂ ನಮುಚೇರ್ವಾಸವಃ ಪುರಾ॥ 9-44-33 (62663)
ಜಮುಚಿರ್ವಾಸವಾದ್ಭೀತಃ ಸೂರ್ಯರಶ್ಮಿಂ ಸಮಾವಿಶತ್।
ತೇನೇಂದ್ರಃ ಸಖ್ಯಮಕರೋತ್ಸಮಯಂ ಚೇದಮಬ್ರವೀತ್॥ 9-44-34 (62664)
ನ ಚಾರ್ದ್ರೇಣ ನ ಶುಷ್ಕೇಣ ನ ರಾತ್ರೌ ನಾಪಿ ಚಾಹನಿ।
ವಧಿಷ್ಯಾಂಯಸುರಶ್ರೇಷ್ಠ ಸಖೇ ಸತ್ಯೇನ ತೇ ಶಪೇ॥ 9-44-35 (62665)
ಏವಂ ಸ ಕೃತ್ವಾ ಸಮಯಂ ದೃಷ್ಟ್ವಾ ನೀಹಾಸ್ಮೀಶ್ವರಃ।
ಚಿಚ್ಛೇದಾಸ್ಯ ಶಿರೋ ರಾಜನ್ನಪಾಂ ಫೇನೇನ ವಾಸವಃ॥ 9-44-36 (62666)
ತಚ್ಛಿರೋ ನಮುಚೇಶ್ಛಿನ್ನಂ ಪೃಷ್ಠತಃ ಶಕ್ರಮನ್ವಿಯಾತ್।
ಭೋಭೋ ಮಿತ್ರಹ ಪಾಪೇತಿ ಬ್ರುವಾಣಂ ಶಕ್ರಮಂತಿಕಾತ್॥ 9-44-37 (62667)
ಏವಂ ಸ ಶಿರಸಾ ತೇನ ಚೋದ್ಯಮಾನಃ ಪುನಃ ಪುನಃ।
ಪಿತಾಮಹಾಯ ಸಂತಪ್ತ ಏತಮರ್ಥಂ ನ್ಯವೇದಯತ್॥ 9-44-38 (62668)
ತಮಬ್ರವೀಲ್ಲೋಕಗುರುರರುಣಾಯಾಂ ಯಥಾವಿಧಿ।
ಇಷ್ಟ್ವೋಪಸ್ಪೃಶ ದೇವೇಂದ್ರ ತೀರ್ಥೇ ಪಾಪಭಯಾಪಹೇ॥ 9-44-39 (62669)
[ಏಷಾ ಪುಣ್ಯಜಲಾ ಶಕ್ರ ಕೃತಾ ಮುನಿಭಿರೇವ ತು।
ನಿಗೂಢಮಸ್ಯಾಗಮನಮಿಹಾಸೀತ್ಪೂರ್ವಮೇವ ತು॥ 9-44-40 (62670)
ತತೋಽಭ್ಯೇತ್ಯಾರುಣಾಂ ದೇವೀಂ ಪ್ಲಾವಯಾಮಾಸ ವಾರಿಣಾ।
ಸರಸ್ವತ್ಯಾರುಣಾಯಾಶ್ಚ ಪುಣ್ಯೋಽಯಂ ಸಂಗಮೋ ಮಹಾನ್॥ 9-44-41 (62671)
ಇಹ ತ್ವಂ ಯಜ ದೇವೇಂದ್ರ ದದ ದಾನಾನ್ಯನೇಕಶಃ।
ಅತ್ರಾಪ್ಲುತ್ಯ ಸುಘೋರಾತ್ತ್ವಂ ಪಾತಕಾದ್ವಿಪ್ರಮೋಕ್ಷ್ಯಸೇ॥] 9-44-42 (62672)
ಇತ್ಯುಕ್ತಃ ಸ ಸರಸ್ವತ್ಯಾಃ ಕುಂಜೇ ವೈ ಜನಮೇಜಯ।
ಇಷ್ಟ್ವಾ ಯಥಾವದ್ಬಲಭಿದರುಣಾಯಾಮುಪಾಸ್ಪೃಶತ್॥ 9-44-43 (62673)
ಸ ಮುಕ್ತಃ ಪಾಪ್ಮನಾ ತೇನ ಬ್ರಹ್ಮವಧ್ಯಾಕೃತೇನ ಚ।
ಜಗಾಮ ಸಂಹೃಷ್ಟಮನಾಸ್ತ್ರಿದಿವಂ ತ್ರಿದಶೇಶ್ವರಃ॥ 9-44-44 (62674)
ಶಿರಸ್ತಚ್ಚಾಪಿ ನಮುಚೇಸ್ತತ್ರೈವಾಪ್ಲುತ್ಯ ಭಾರತ।
ಲೋಕಾನ್ಕಾಮದುಧಾತ್ಪ್ರಾಪ್ತಮಕ್ಷಯಾನ್ರಾಜಸತ್ತಮ॥ 9-44-45 (62675)
ವೈಶಪಾಯನ ಉವಾಚ। 9-44-46x (5194)
ತತ್ರಾಪ್ಯುಪಸ್ಪೃಶ್ಯ ಬಲೋ ಮಹಾತ್ಮಾ
ದತ್ತ್ವಾ ಚ ದಾನಾನಿ ಪೃಥಗ್ವಿಧಾನಿ।
ಅವಾಪ್ಯ ಧರ್ಮಂ ಪರಮಾರ್ಯಕರ್ಮಾ
ಜಗಾಮ ಸೋಮಸ್ಯ ಮಹತ್ಸುತೀರ್ಥಂ॥ 9-44-46 (62676)
ಯತ್ರಾಯಜದ್ರಾಜಸೂಯೇನ ಸೋಮಃ
ಸಾಕ್ಷಾತ್ಪುರಾ ವಿಧಿವತ್ಪಾರ್ಥಿವೇಂದ್ರ।
ಅತ್ರಿರ್ಧೀಮಾನ್ಬ್ರಹ್ಮಪುತ್ರೋ ಬಭೂವ
ಹೋತಾ ಯಸ್ಮಿನ್ಕ್ರತುಮುಖ್ಯೇ ಮಹಾತ್ಮಾ॥ 9-44-47 (62677)
ಯಸ್ಯಾಂತೇಽಭೂತ್ಸುಮಹದ್ದಾನವಾನಾಂ
ದೈತೇಯಾನಾಂ ರಾಕ್ಷಸಾನಾಂ ಚ ದೇವೈಃ।
ಸಂಗ್ರಾಮೋ ವೈ ತಾರಕಾಖ್ಯಃ ಸುತೀವ್ರೋ
ಯತ್ರ ಸ್ಕಂದಸ್ತಾರಕಾಖ್ಯಂ ಜಘಾನ॥ 9-44-48 (62678)
ಸೈನಾಪತ್ಯಂ ಲಬ್ಧವಾಂದೈವತಾನಾಂ
ಮಹಾಸೇನೋ ಯತ್ರ ದೈತ್ಯಾಂತಕರ್ತಾ।
ಸಾಕ್ಷಾಚ್ಚೈವಂ ನ್ಯವಸತ್ಕಾರ್ತಿಕೇಯಃ
ಸದಾ ಕುಮಾರೋ ಯತ್ರ ಸ ಪ್ಲುಕ್ಷರಾಜಃ॥ ॥ 9-44-49 (62679)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಚತುಶ್ಚತ್ವಾರಿಂಶೋಽಧ್ಯಾಯಃ॥ 44 ॥
Mahabharata - Shalya Parva - Chapter Footnotes
9-44-10 ಅಧ್ಯಾಸ್ಯಾಮಹೇ ಅಧ್ಯವಸಾಯಂ ಕರಿಷ್ಯಾಮಹೇ॥ 9-44-49 ಸದಾ ಕುಮಾರೋ ಯತ್ರ ನಕ್ಷತ್ರಧರ್ಮಾ ಇತಿ ಕ.ಪಾಠಃ। ಯತ್ರ ನಕ್ಷತ್ರಕಾಮಃ ಇತಿ ಙ.ಪಾಠಃ॥ 9-44-44 ಚತುಶ್ಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 045
॥ ಶ್ರೀಃ ॥
9.45. ಅಧ್ಯಾಯಃ 045
Mahabharata - Shalya Parva - Chapter Topics
ಕುಮಾರೋತ್ಪತ್ತಿವರ್ಣನಂ॥ 1 ॥Mahabharata - Shalya Parva - Chapter Text
9-45-0 (62680)
ಜನಮೇಜಯ ಉವಾಚ। 9-45-0x (5195)
ಸರಸ್ವತ್ಯಾಃ ಪ್ರಭಾವೋಽಯಮುಕ್ತಸ್ತೇ ದ್ವಿಜಸತ್ತಮ।
ಕುಮಾರಸ್ಯಾಭಿಷೇಕಂ ತು ಬ್ರಹ್ಮನ್ನಾಖ್ಯಾತುಮರ್ಹಸಿ॥ 9-45-1 (62681)
ಯಸ್ಮಿಂದೇಶೇ ಚ ಕಾಲೇ ಚ ಯಥಾ ಚ ವದತಾಂ ವರ।
ಯೈಶ್ಚಾಭಿಷಿಕ್ತೋ ಭಗವಾನ್ವಿಧಿನಾ ಯೇನ ಚ ಪ್ರಭುಃ॥ 9-45-2 (62682)
ಸ್ಕಂದೋ ಯಥಾ ಚ ದೈತ್ಯಾನಾಮಕರೋತ್ಕದನಂ ಮಹತ್।
ತಥಾ ಮೇ ಸರ್ವಮಾಚಕ್ಷ್ವ ಪರಂ ಕೌತೂಹಲಂ ಹಿ ಮೇ॥ 9-45-3 (62683)
ವೈಶಂಪಾಯನ ಉವಾಚ। 9-45-4x (5196)
ಕುರುವಂಶಸ್ಯ ಸದೃಶಂ ಕೌತೂಹಲಮಿದಂ ತವ।
ಹರ್ಷಮುತ್ಪಾದಯತ್ವೇವ ವಚೋ ಮೇ ಜನಮೇಜಯ॥ 9-45-4 (62684)
ಹಂತ ತೇ ಕಥಯಿಷ್ಯಾಮಿ ಶೃಣ್ವಾನಸ್ಯ ನರಾಧಿಪ।
ಅಭಿಷೇಕಂ ಕುಮಾರಸ್ಯ ಪ್ರಭಾವಂ ಚ ಮಹಾತ್ಮನಃ॥ 9-45-5 (62685)
ತೇಜೋ ಮಾಹೇಶ್ವರಂ ಸ್ಕನ್ನಮಗ್ನೌ ಪ್ರಪತಿತಂ ಪುರಾ।
ತತ್ಸರ್ವಂ ಭಗವಾನಗ್ನಿರ್ನಾಶಕದ್ಧರ್ತುಮಕ್ಷಯಂ॥ 9-45-6 (62686)
ತೇನ ಸೀದತಿ ತೇಜಸ್ವೀ ದೀಪ್ತಿಮಾನ್ಹವ್ಯವಾಹನಃ।
ನ ಚೈವಂ ಧಾರಯಾಮಾಸ ಬ್ರಹ್ಮಣೇ ಉಕ್ತವಾನ್ಪ್ರಭುಃ॥ 9-45-7 (62687)
ಸ ಗಂಗಾಮುಪಸಗಂಯ ನಿಯೋಗಾದ್ಬ್ರಹ್ಮಣಃ ಪ್ರಭುಃ।
ಗರ್ಭಮಾಹಿತವಾಂದಿವ್ಯಂ ಭಾಸ್ಕರೋಪಮತೇಜಸಂ॥ 9-45-8 (62688)
ಅಥ ಗಂಗಾಪಿ ತಂ ಗರ್ಭಮಸಹಂತೀ ವಿಧಾರಣೇ
ಉತ್ಸಸರ್ಜ ಗಿರೌ ರಂಯೇ ಹಿಮವತ್ಯಮರಾರ್ಚಿತೇ॥ 9-45-9 (62689)
ಸ ತತ್ರ ವವೃಧೇ ಲೋಕಾನಾವೃತ್ಯ ಜ್ವಲನಾತ್ಮಜಃ।
ದದೃಶುರ್ಜ್ವಲನಾಕಾರಂ ತಂ ಗರ್ಭಮಥ ಕೃತ್ತಿಕಾಃ॥ 9-45-10 (62690)
ಶರಸ್ತಂಬೇ ಮಹಾತ್ಮಾನಮನಲಾತ್ಮಜಮೀಶ್ವರಂ।
ಮಮಾಯಮಿತಿ ತಾಃ ಸರ್ವಾಃ ಪುತ್ರಾರ್ಥಿನ್ಯೋಽಭಿಚುಕ್ರುಶುಃ॥ 9-45-11 (62691)
ತಾಸಾಂ ವಿದಿತ್ವಾ ಭಾವಂ ತಂ ಮಾತೄಣಾಂ ಭಗವಾನ್ಪ್ರಭುಃ।
ಪ್ರಸ್ನುತಾನಾಂ ಪಯಃ ಷಡ್ಭಿರ್ವದನೈರಪಿಬತ್ತದಾ॥ 9-45-12 (62692)
ತಂ ಪ್ರಭಾವಂ ಸಮಾಲಕ್ಷ್ಯ ತಸ್ಯ ಬಾಲಸ್ಯ ಕೃತ್ತಿಕಾಃ।
ಪರಂ ವಿಸ್ಮಯಮಾಪನ್ನಾ ದೇವ್ಯೋ ದಿವ್ಯವಪುರ್ಧರಾಃ॥ 9-45-13 (62693)
ಯತ್ರೋತ್ಸೃಷ್ಟಶ್ಚ ಗರ್ಭಃ ಸ ಗಂಗಯಾ ನಿರಿಮೂರ್ಧನಿ।
ಸ ಶೈಲಃ ಕಾಂಚನಃ ಸರ್ವಃ ಸಂಬಭೌ ಮೇರುವತ್ತದಾ॥ 9-45-14 (62694)
ವರ್ಧತಾ ಚೈವ ಗರ್ಭೇಣ ಪೃಥಿವೀ ತೇನ ರಂಜಿತಾ।
ಅತಶ್ಚ ಸರ್ವೇ ಸಂವೃತ್ತಾ ಗಿರಯಃ ಕಾಂಚನಾತ್ಮಕಾಃ॥ 9-45-15 (62695)
ಕುಮಾರಃ ಸುಮಹಾವೀರ್ಯಃ ಕಾರ್ತಿಕೇಯ ಇತಿ ಸ್ಮೃತಃ।
ಗಾಂಗೇಯಃ ಪೂರ್ವಮಭವನ್ಮಹಾಕಾಯೋ ಬಲಾನ್ವಿತಃ॥ 9-45-16 (62696)
ಶಮೇನ ತಪಸಾ ಚೈವ ವೀರ್ಯೇಣ ಚ ಸಮನ್ವಿತಃ।
ವವೃಧೇಽತೀವ ರಾಜೇಂದ್ರ ಚಂದ್ರವತ್ಪ್ರಿಯದರ್ಶನಃ। 9-45-17 (62697)
ಸ ತಸ್ಮಿನ್ಕಾಂಚನೇ ದಿವ್ಯೇ ಶರಸ್ತಂಬೇ ಶ್ರಿಯಾ ವೃತಃ।
ಸ್ತಯಮಾನಃ ಸದಾ ಶೇತೇ ಗಂಧರ್ವೈರ್ಮುನಿಭಿಸ್ತಥಾ॥ 9-45-18 (62698)
ತಥೈನಮನ್ವನೃತ್ಯಂತ ದೇವಕನ್ಯಾಃ ಸಹಸ್ರಶಃ।
ದಿವ್ಯವಾದಿತ್ರನೃತ್ಯಜ್ಞಾಃ ಸ್ತುವಂತ್ಯಶ್ಚಾರುದರ್ಶನಾಃ॥ 9-45-19 (62699)
ಅನ್ವಯುಶ್ಚಾಗ್ನಯಃ ಸರ್ವೇ ಗಂಗಾ ಚ ಸರಿತಾಂ ವರಾ।
ದಧಾರ ಪೃಥಿವೀ ಚೈನಂ ಬಿಭ್ರತೀ ರೂಪಮುತ್ತಮಂ। 9-45-20 (62700)
ಜಾತಕರ್ಮಾದಿಕಾಸ್ತಸ್ಯ ಕ್ರಿಯಾಶ್ಚಕ್ರೇ ಬೃಹಸ್ಪತಿಃ।
ವೇದಶ್ಚೈನಂ ಚತುರ್ಮೂರ್ತಿರಪತಸ್ಥೇ ಕೃತಾಂಜಲಿಃ॥ 9-45-21 (62701)
ಧನುರ್ವೇದಶ್ಚತುಷ್ಪಾದಃ ಸಾಸ್ತ್ರಗ್ರಾಮಃ ಸಸಂಗ್ರಹಃ।
ತತ್ರೈನಂ ಸಮುಪಾತಿಷ್ಠತ್ಸಾಕ್ಷಾದ್ವಾಣೀ ಚ ಕೇವಲಾ॥ 9-45-22 (62702)
ಸ ದದರ್ಶ ಮಹಾತ್ಮಾನಂ ದೇವದೇವಮುಮಾಪತಿಃ।
ಶೈಲಪುತ್ರ್ಯಾ ಸಮಾಗಂಯಭೂತಸಂಘಶತೈರ್ವೃತಃ॥ 9-45-23 (62703)
ನಿಕಾಯಾ ಭೂತಸಂಘಾನಾಂ ಪರಮಾದ್ಭುತದರ್ಶನಾಃ।
ವಿಕೃತಾ ವಿಕೃತಾಕಾರಾ ವಿಕೃತಾಭರಣಧ್ವಜಾಃ॥ 9-45-24 (62704)
ವ್ಯಾಘ್ರಸಿಂಹರ್ಕ್ಷವದನಾ ಬಿಡಾಲಮಕರಾನನಾಃ।
ವೃಷದಂಶಮುಖಾಶ್ಚಾನ್ಯೇ ಗಜೋಷ್ಟ್ರವದನಾಸ್ತಥಾ॥ 9-45-25 (62705)
ಉಲೂಕವದನಾಃ ಕೇಚಿದ್ಗೃಧ್ರಗೋಮಾಯುದರ್ಶನಾಃ।
ಕ್ರೌಂಚಪಾರಾವತನಿಭೈರ್ವದನೈ ರಾಂಕವೈರಪಿ॥ 9-45-26 (62706)
ಶ್ವಾವಿಚ್ಛಲ್ಯಕಗೋಧಾನಾಮಜೈಡಕಗವಾಂ ತಥಾ।
ಸದೃಶಾನಿ ವಪೂಂಷ್ಯನ್ಯೇ ತತ್ರತತ್ರ ವ್ಯಧಾರಯನ್॥ 9-45-27 (62707)
ಕೇಚಿಚ್ಛೇಲಾಂಬುದಪ್ರಖ್ಯಾಶ್ಚಕ್ರಾಲಾತಗದಾಯುಧಾಃ।
ಕೇಚಿದಂಜನಪುಂಜಾಭಾಃ ಕೇಚಿಚ್ಛ್ವೇತಾಚಲಪ್ರಭಾಃ॥ 9-45-28 (62708)
ಸಪ್ತಮಾತೃಗಣಾಶ್ಚೈವ ಸಮಾಜಗ್ಮುರ್ವಿಶಾಂಪತೇ।
ಸಾಧ್ಯಾ ವಿಶ್ವೇಽಥ ಮರುತೋ ವಸವಃ ಪಿತರಸ್ತಥಾ॥ 9-45-29 (62709)
ರುದ್ರಾದಿತ್ಯಾಸ್ತಥಾ ಸಿದ್ಧಾ ಭುಜಗಾ ದಾನವಾಃ ಖಗಾಃ।
ಬ್ರಹ್ಮಾ ಸ್ವಯಂಭೂರ್ಭಗವಾನ್ಸಪುತ್ರಃ ಸಹವಿಷ್ಣುನಾ॥ 9-45-30 (62710)
ಶಕ್ರಸ್ತಥಾಽಭ್ಯಯಾದ್ದ್ರಷ್ಟುಂ ಕುಮಾರಮಮಿತಪ್ರಭಂ।
ನಾರದಪ್ರಮುಖಾಶ್ಚಾಪಿ ದೇವಗಂಧರ್ವಸತ್ತಮಾಃ॥ 9-45-31 (62711)
ದೇವರ್ಷಯಶ್ಚ ಸಿದ್ಧಾಶ್ಚ ಬೃಹಸ್ಪತಿಪುರೋಗಮಾಃ।
ಪಿತರೋ ಜಗತಃ ಶ್ರೇಷ್ಠಾ ದೇವಾನಾಮಪಿ ದೇವತಾಃ।
ತೇಽಪಿ ತತ್ರ ಸಮಾಜಗ್ಮುರ್ಯಾಮಾ ಧಾಮಾಶ್ಚ ಸರ್ವಶಃ॥ 9-45-32 (62712)
ಸ ತು ಬಾಲೋಽಪಿ ಬಲವಾನ್ಮಹಾಯೋಗಬಲಾನ್ವಿತಃ।
ಅಭ್ಯಾಜಗಾಮ ದೇವೇಶಂ ಶೂಲಹಸ್ತಂ ಪಿನಾಕಿನಂ॥ 9-45-33 (62713)
ತಮಾವ್ರಜಂತಮಾಲಕ್ಷ್ಯ ಶಿವಸ್ಯಾಸೀನ್ಮನೋಗತಂ।
ಯುಗಪಚ್ಛೈಲಪುತ್ರ್ಯಾಶ್ಚ ಗಂಗಾಯಾಃ ಪಾವಕಸ್ಯ ಚ॥ 9-45-34 (62714)
ಕಂ ನು ಪೂರ್ವಮಯಂ ಬಾಲೋ ಗೌರವಾದಭ್ಯುಪೈಷ್ಯತಿ।
ಅಪಿ ಮಾಮಿತಿ ಸರ್ವೇಷಾಂ ತೇಷಾಮಾಸೀನ್ಮನೋಗತಂ॥ 9-45-35 (62715)
ತೇಷಾಮೇತಮಭಿಪ್ರಾಯಂ ಚತುರ್ಣಾಮುಪಲಕ್ಷ್ಯ ಸಃ।
ಯುಗಪದ್ಯೋಗಮಾಸ್ಥಾಯ ಸಸರ್ಜ ವಿವಿಧಾಸ್ತನೂಃ॥ 9-45-36 (62716)
ತತೋಽಭವಚ್ಚತುರ್ಮೂರ್ತಿಃ ಕ್ಷಣೇನ ಭಗವಾನ್ಪ್ರಭುಃ।
ತಸ್ಯ ಶಾಖೋ ವಿಶಾಖಶ್ಚ ನೈಗಮೇಯಶ್ಚ ಪೃಷ್ಠತಃ॥ 9-45-37 (62717)
ಏವಂ ಸ ಕೃತ್ವಾ ಹ್ಯಾತ್ಮಾನಂ ಚತುರ್ಧಾ ಭಗವಾನ್ಪ್ರಭುಃ।
ಯತೋ ರುದ್ರಸ್ತತಃ ಸ್ಕಂದೋ ಜಗಾಮಾದ್ಭುತದರ್ಶನಃ॥ 9-45-38 (62718)
ವಿಶಾಖಸ್ತು ಯಯೌ ದೇವೀಂ ತತೋ ಗಿರಿವರಾತ್ಮಜಾಂ।
ಶಾಖೋ ಯಯೌ ಸ ಭಗವಾಂದಿವ್ಯಮೂರ್ತಿರ್ವಿಭಾವಸುಂ॥ 9-45-39 (62719)
ನೈಗಮೇಯೋಽಗಮದ್ಗಂಗಾಂ ಕುಮಾರಃ ಪಾವಕಪ್ರಭಃ॥ 9-45-40 (62720)
ಸರ್ವೇ ಭಾಸುರದೇಹಾಸ್ತೇ ಚತ್ವಾರಃ ಸಮರೂಪಿಣಃ।
ತಾನ್ಸಮಭ್ಯಯುರವ್ಯಗ್ರಾಸ್ತದದ್ಭುತಮಿವಾಭವತ್॥ 9-45-41 (62721)
ಹಾಹಾಕಾರೋ ಮಹಾನಾಸೀದ್ದೇವದಾನವರಕ್ಷಸಾಂ।
ತದ್ದೃಷ್ಟ್ವಾ ಮಹದಾಶ್ಚರ್ಯಮದ್ಭುತಂ ರೋಮಹರ್ಷಣಂ॥ 9-45-42 (62722)
ತತೋ ರುದ್ರಶ್ಚ ದೇವೀ ಚ ಪಾವಕಶ್ಚ ಪಿತಾಮಹಂ।
ಗಂಗಯಾ ಸಹಿತಾಃ ಸರ್ವೇ ಪ್ರಣಿಪೇತುರ್ಜಗತ್ಪತಿಂ॥ 9-45-43 (62723)
ಪ್ರಣಿಪತ್ಯ ತತಸ್ತೇ ತು ವಿಧಿವದ್ರಾಜಪುಂಗವ।
ಇದಮೂಚುರ್ವಚೋ ರಾಜನ್ಕಾರ್ತಿಕೇಯಪ್ರಿಯೇಪ್ಸಯಾ॥ 9-45-44 (62724)
ಅಸ್ಯ ಬಾಲಸ್ಯ ಭಗವನ್ನಾಧಿಪತ್ಯ ಯಥೇಪ್ಸಿತಂ।
ಅಸ್ಮತ್ಪ್ರಿಯಾರ್ಥಂ ದೇವೇಶ ಸದೃಶಂ ದಾತುಮರ್ಹಸಿ॥ 9-45-45 (62725)
ತತಃ ಸ ಭಗವಾಂಧೀಮಾನ್ಸರ್ವಲೋಕಪಿತಾಮಹಃ।
ಮನಸಾ ಚಿಂತಯಾಮಾಸ ಕಿಮಯಂ ಲಭತಾಮಿತಿ॥ 9-45-46 (62726)
ಐಶ್ವರ್ಯಾಣಿ ಚ ಸರ್ವಾಣಿ ದೇವಗಂಧರ್ವರಕ್ಷಸಾಂ।
ಭೂತಯಕ್ಷವಿಹಂಗಾನಾಂ ಪನ್ನಗಾನಾಂ ಚ ಸರ್ವಶಃ॥ 9-45-47 (62727)
ಸರ್ವಮೇವಾದಿದೇಶಾಸೌ ಕೌರವೇಯ ಮಹಾತ್ಮನಃ।
ಸಮರ್ಥಂ ಚ ತಮೈಶ್ವರ್ಯೇ ಮಹಾಮತಿರಮನ್ಯತ॥ 9-45-48 (62728)
ತತೋ ಮುಹೂರ್ತಂ ಸ ಧ್ಯಾತ್ವಾ ದೇವಾನಾಂ ಸ್ರೇಯಸಿ ಸ್ಥಿತಃ।
ಸೈನಾಪತ್ಯಂ ದದೌ ತಸ್ಮೈ ಸರ್ವ ಭೂತೇಷು ಭಾರತ॥ 9-45-49 (62729)
ಸರ್ವದೇವನಿಕಾಯಾನಾಂ ಯೇ ರಾಜಾನಃ ಪರಿಶ್ರುತಾಃ।
ತಾನ್ಸರ್ವಾನ್ವ್ಯಾದಿದೇಶಾಸ್ಮೈ ಸರ್ವಭೂತಪಿತಾಮಹಃ॥ 9-45-50 (62730)
ತತಃ ಕುಮಾರಮಾದಾಯ ದೇವಾ ಬ್ರಹ್ಮಪುರೋಗಮಾಃ।
ಅಭಿಷೇಕಾರ್ಥಮಾಜಗ್ಮುಃ ಶೈಲೇಂದ್ರಂ ಸಹಿತಾಸ್ತತಃ॥ 9-45-51 (62731)
ಪುಣ್ಯಾಂ ಹೈಮವತೀಂ ದೇವೀಂ ಸರಿಚ್ಛ್ರೇಷ್ಠಾಂ ಸರಸ್ವತೀಂ।
ಸಮಂತಪಂಚಕೇ ಯಾ ವೈ ತ್ರಿಷು ಲೋಕೇಷು ವಿಶ್ರುತಾ॥ 9-45-52 (62732)
ತತ್ರ ತೀರೇ ಸರಸ್ವತ್ಯಾಃ ಪುಣ್ಯೇ ಸರ್ವಗುಣಾನ್ವಿತೇ।
ನಿಷೇದುರ್ದೇವಗಂಧರ್ವಾಃ ಸರ್ವೇ ಸಂಪೂರ್ಣಮಾನಸಾಃ॥ ॥ 9-45-53 (62733)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಪಂಚಚತ್ವಾರಿಂಶೋಽಧ್ಯಾಯಃ॥ 45 ॥
Mahabharata - Shalya Parva - Chapter Footnotes
9-45-6 ತತ್ಸರ್ವಭಕ್ಷೋ ಭಗವಾನ್ನಾಶಕದ್ದಗ್ಧುಮಕ್ಷಯಮಿತಿ ಝ.ಪಾಠಃ॥ 9-45-7 ತೇನಾಸೀದತಿ ತೇಜಸ್ವೀ ಇತಿ ಝ.ಙ.ಪಾಠಃ॥ 9-45-25 ಬಿಡಾಲವೃಷದಂಶೌ ಮಾರ್ಜಾರಜಾತಿಭೇದೌ ತತ್ಸದೃಶಾನನೌ॥ 9-45-27 ಶ್ವಾನಶಲ್ಯಕಗೋಧಾನಾಮಿತಿ ಕ.ಪಾಠಃ॥ 9-45-37 ತಸ್ಯ ಸ್ಕಂದಸ್ಯ ಪೃಷ್ಠತಃ ಪಶ್ಚಾತ್ ಶಾಖವಿಶಾಖನೈಗಮೇಯಾಃ ಆಸನ್। ತೇ ಸ್ಕಂದೇನ ಸಹ ಚತ್ವಾರಃ॥ 9-45-39 ವಾಯುಮೂರ್ತಿರ್ವಿಭಾವಸುಮಿತಿ ಝ.ಪಾಠಃ॥ 9-45-42 ಅದ್ಭುತಮದೃಷ್ಟಪೂವಂ॥ 9-45-45 ಪಂಚಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 046
॥ ಶ್ರೀಃ ॥
9.46. ಅಧ್ಯಾಯಃ 046
Mahabharata - Shalya Parva - Chapter Topics
ಬೃಹಸ್ಪತ್ಯಾದಿಭಿಃ ಸ್ಕಂದಸ್ಯ ಸೈನಾಪತ್ಯೇಽಭಿಷೇಚನಂ॥ 1 ॥ ಬ್ರಹ್ಮಾದಿಭಿಃ ಸ್ಕಂದಾಯ ಸ್ವಸ್ವಪಾರಿಷದಾನಾಂ ದಾನಂ॥ 2 ॥Mahabharata - Shalya Parva - Chapter Text
9-46-0 (62734)
ವೈಶಂಪಾಯನ ಉವಾಚ। 9-46-0x (5197)
ತತೋಽಭಿಷೇಕಸಂಭಾರಾನ್ಸರ್ವಾನ್ಸಂಭೃತ್ಯ ಶಾಸ್ತ್ರತಃ।
ಬೃಹಸ್ಪತಿಃ ಸಮಿದ್ಧೇಽಗ್ನೌ ಜುಹಾವಾಗ್ನಿಂ ಯಥಾವಿಧಿ॥ 9-46-1 (62735)
ತತೋ ಹಿಮವತಾ ದತ್ತೇ ಮಣಿಪ್ರವರಶೋಭಿತೇ।
ದಿವ್ಯರತ್ನಾಚಿತೇ ಪುಣ್ಯೇ ನಿಷಣ್ಣಂ ಪರಮಾಸನೇ॥ 9-46-2 (62736)
ಸರ್ವಮಂಗಲಸಂಭಾರೈರ್ವಿಧಿಮಂತ್ರಪುರಸ್ಕೃತಂ।
ಆಭಿಷೇಚನಿಕಂ ದ್ರವ್ಯಂ ಗೃಹೀತ್ವಾ ದೇವತಾಗಣಾಃ॥ 9-46-3 (62737)
ಇಂದ್ರಾವಿಷ್ಣೂ ಮಹಾವೀರ್ಯೌ ಸೂರ್ಯೋಚಂದ್ರಮಸೌ ತಥಾ।
ಧಾತಾ ಚೈವ ವಿಧಾತಾ ಚ ತಥಾ ಚೈವಾನಿಲಾನಲೌ॥ 9-46-4 (62738)
ಪೂಷ್ಣಾ ಭಗೇನಾರ್ಯಂಣಾ ಚ ಅಂಶೇನ ಚ ವಿವಸ್ವತಾಂ।
ರುದ್ರಶ್ಚ ಸಹಿತೋ ಧೀಮಾನ್ಮಿತ್ರೇಣ ವರುಣೇನ ಚ॥ 9-46-5 (62739)
ರುದ್ರೈರ್ವಸುಭಿರಾದಿತ್ಯೈರಶ್ವಿಭ್ಯಾಂ ಚ ವೃತಃ ಪ್ರಭುಃ।
ವಿಶ್ವೈರ್ದೇವೈರ್ಮರುದ್ಭಿಶ್ಚ ಸಾಧ್ಯೈಶ್ಚ ಪಿತೃಭಿಃ ಸಹ॥ 9-46-6 (62740)
ಗಂಧರ್ವೈರಪ್ಸರೋಭಿಶ್ಚ ಯಕ್ಷರಾಕ್ಷಸಪನ್ನಗೈಃ।
ದೇವರ್ಷಿಭಿರಸಂಖ್ಯಾತೈಸ್ತಥಾ ಬ್ರಹ್ಮರ್ಷಿಭಿಸ್ತಥಾ॥ 9-46-7 (62741)
ವೈಖಾನಸೈರ್ವಾಲಖಿಲ್ಯೈರ್ವಾಯ್ವಾಹಾರೈರ್ಮರೀಚಿಪೈಃ।
ಭೃಗುಭಿಶ್ಚಾಂಗಿರೋಭಿಶ್ಚ ಯತಿಭಿಶ್ಚ ಮಹಾತ್ಮಭಿಃ॥ 9-46-8 (62742)
ಸರ್ವೈರ್ವಿದ್ಯಾಧರೈಃ ಪುಣ್ಯೈರ್ಯೋಗಸಿದ್ಧೈಸ್ತಥಾ ವೃತಃ।
ಪಿತಾಮಹಃ ಪುಲಸ್ತ್ಯಶ್ಚ ಪುಲಹಶ್ಚ ಮಹಾತಪಾಃ॥ 9-46-9 (62743)
ಅಂಗಿರಾಃ ಕಶ್ಯಪೋಽತ್ರಿಶ್ಚ ಮರೀಚಿರ್ಭೃಗುರೇವ ಚ।
ಕ್ರತುರ್ಹರಿಃ ಪ್ರಚೇತಾಶ್ಚ ಮನುರ್ದಕ್ಷಸ್ತಥೈವ ಚ॥ 9-46-10 (62744)
ಋತವಶ್ಚ ಗ್ರಹಾಶ್ಚೈವ ಜ್ಯೋತೀಂಷಿ ಚ ವಿಶಾಂಪತೇ।
ಮೂರ್ತಿಮತ್ಯಶ್ಚ ಸರಿತೋ ವೇದಾಶ್ಚೈವ ಸನಾತನಾಃ॥ 9-46-11 (62745)
ಸಮುದ್ರಾಶ್ಚ ಹದಾಶ್ಚೈವ ತೀರ್ಥಾನಿ ವಿವಿಧಾನಿ ಚ।
ಪೃಥಿವೀ ದ್ಯೌರ್ದಿಶಶ್ಚೈವ ಪಾದಪಾಶ್ಚ ಜನಾಧಿಪ॥ 9-46-12 (62746)
ಅದಿತಿರ್ದೇವಮಾತಾ ಚ ಹೀಃ ಶ್ರೀಃ ಸ್ವಾಹಾ ಸರಸ್ವತೀ।
ಉಮಾ ಶಚೀ ಸಿನೀವಾಲೀ ತಥೈವಾನುಮತಿಃ ಕುಹೂಃ॥ 9-46-13 (62747)
ರಾಕಾ ಚ ಧಿಷಣಾ ಚೈವ ಪತ್ನ್ಯಶ್ಚಾನ್ಯಾ ದಿವೌಕಸಾಂ।
ಹಿಮವಾಂಶ್ಚೈವ ವಿಂಧ್ಯಶ್ಚ ಮೇರುಶ್ಚಾನೇಕಶೃಂಗವಾನ್॥ 9-46-14 (62748)
ಐರಾವತಃ ಸಾನುಚರಃ ಕಲಾಃ ಕಾಷ್ಠಾಸ್ತಥೈವ ಚ।
ಮಾಸಾರ್ಧಮಾಸಾ ಋತವಸ್ತಥಾ ರಾತ್ರ್ಯಹನೀ ನೃಪ॥ 9-46-15 (62749)
ಉಚ್ಚೈಃ ಶ್ರವಾ ಹಯಶ್ರೇಷ್ಠೋ ನಾಗರಾಜಶ್ಚ ವಾಸುಕಿಃ।
ಅರುಣೋ ಗರುಡಶ್ಚೈವ ವೃಕ್ಷಾಶ್ಚೌಷಧಿಭಿಃ ಸಹ॥ 9-46-16 (62750)
ಧರ್ಮಶ್ಚ ಭಗವಾಂದೇವಃ ಸಮಾಜಗ್ಮುರ್ಹಿ ಸಂಗತಾಃ।
ಕಾಲೋ ಯಮಶ್ಚ ಮೃತ್ಯುಶ್ಚ ಯಮಸ್ಯಾನುಚರಾಶ್ಚ ಯೇ॥ 9-46-17 (62751)
ಬಹುಲತ್ವಾಚ್ಚ ನೋಕ್ತಾ ಯೇ ವಿವಿಧಾ ದೇವತಾಗಣಾಃ।
ತೇ ಕುಮಾರಾಭಿಷೇಕಾರ್ಷಂ ಸಮಾಜಗ್ಮುಸ್ತತಸ್ತತಃ॥ 9-46-18 (62752)
ಜಗೃಹುಸ್ತೇ ತದಾ ರಾಜನ್ಸರ್ವಂ ಏವ ದಿವೌಕಸಃ।
ಆಭಿಷೇಚನಿಕಂ ಭಾಂಡಂ ಮಂಗಲಾನಿ ಚ ಸರ್ವಶಃ॥ 9-46-19 (62753)
ದಿವ್ಯಸಂಭಾರಸಂಯುಕ್ತೈಃ ಕಲಶೈಃ ಕಾಂಚನೈರ್ನೃಪ।
ಸಾರಸ್ವತಾಭಿಃ ಪುಣ್ಯಾಭಿರದ್ಭಿಸ್ತಾಭಿರಲಂಕೃತಂ॥ 9-46-20 (62754)
ಅಭ್ಯಷಿಂಚನ್ಕುಮಾರಂ ವೈ ಸಂಪ್ರಹೃಷ್ಟಾ ದಿವೌಕಸಃ।
ಸೈನಾಪತ್ಯೇ ಮಹಾತ್ಮಾನಮಸುರಾಣಾಂ ಭಯಂಕರಂ॥ 9-46-21 (62755)
ಪುರಾ ಯಥಾ ಮಹಾರಾಜ ವರುಣಂ ವೈ ಜಲೇಶ್ವರಂ।
ತಥಾಽಭ್ಯಷಿಂಚದ್ಭಗವಾನ್ಸರ್ವಲೋಕಪಿತಾಮಹಃ॥ 9-46-22 (62756)
ಕಶ್ಯಪಶ್ಚ ಮಹಾತೇಜಾ ಯೇ ಚಾನ್ಯೇ ಸೋಕಕೀರ್ತಿತಾಃ।
ತಸ್ಮೈ ಬ್ರಹ್ಮಾ ದದೌ ಪ್ರೀತೋ ಬಲಿನೋ ವಾತರಂಹಸಃ॥ 9-46-23 (62757)
ಕಾಮವೀರ್ಯಧರಾನ್ಸಿದ್ಧಾನ್ಮಹಾಪಾರಿಷದಾನ್ಪ್ರಭುಃ।
ನಂದಿಸೇನಂ ಲೋಹಿತಾಕ್ಷಂ ಘಂಟಾಕಾರ್ಣಂ ಚ ಸಂಮತಂ॥ 9-46-24 (62758)
ಚತುರ್ಥಮಸ್ಯಾನುಚರಂ ಖ್ಯಾತಂ ಕುಮುದಮಾಲಿನಂ।
ತತ್ರ ಸ್ಥಾಣುರ್ಮಹಾತೇಜಾ ಮಹಾಪಾರಿಷದಂ ಪ್ರಭುಃ॥ 9-46-25 (62759)
ಮಾಯಾಶತಧರಂ ಕಾಮಂ ಕಾಮವೀರ್ಯಬಲಾನ್ವಿತಂ।
ದದೌ ಸ್ಕಂದಾಯ ರಾಜೇಂದ್ರ ಸುರಾರಿವಿನಿಬರ್ಹಣಂ॥ 9-46-26 (62760)
ಸಹಿ ದೇವಾಸುರೇ ಯುದ್ಧೇ ದೈತ್ಯಾನಾಂ ಭೀಮಕರ್ಮಣಾಂ।
ಜಘಾನ ದೋರ್ಭ್ಯಾಂ ಸಂಕ್ರುದ್ಧಃ ಪ್ರಯುತಾನಿ ಚತುರ್ದಶ॥ 9-46-27 (62761)
ತಥಾ ದೇವಾ ದದುಸ್ತಸ್ಮೈ ಸೇನಾಂ ನೈರ್ಋತಸಂಕುಲಾಂ।
ದೇವಶತ್ರುಕ್ಷಯಕರೀಮಜಯ್ಯಾಂ ವಿಶ್ವರೂಪಿಣೀಂ॥ 9-46-28 (62762)
ಜಯಶಬ್ದಂ ತಥಾ ಚಕ್ರುರ್ದೇವಾಃ ಸರ್ವೇ ಸವಾಸವಾಃ।
ಗಂಧರ್ವಾ ಯಕ್ಷರಕ್ಷಾಂಸಿ ಮುನಯಃ ಪಿತರಸ್ತಥಾ॥ 9-46-29 (62763)
ತತಃ ಪ್ರಾದಾದನುಚರೌ ಯಮಃ ಕಾಲೋಪಮಾವುಭೌ।
ಉನ್ಮಾಥಂ ಚ ಪ್ರಮಾಥಂ ಚ ಮಹಾವೀರ್ಯೌ ಮಹಾದ್ಯುತೀ॥ 9-46-30 (62764)
ಸುಭ್ರಾಜೋ ಭಾಸ್ವರಶ್ಚೈವ ಯೌ ತೌ ಸೂರ್ಯಾನುಯಾಯಿನೌ।
ತೌ ಸೂರ್ಯಃ ಕಾರ್ತಿಕೇಯಾಯ ದದೌ ಪ್ರೀತಃ ಪ್ರತಾಪವಾನ್॥ 9-46-31 (62765)
ಕೈಲಾಸಶೃಂಗಸಂಕಾಶೌ ಶ್ವೇತಮಾಲ್ಯಾನುಲೇಪನೌ।
ಸೋಮೋಽಪ್ಯನುಚರೌ ಪ್ರಾದಾನ್ಮಣಿಂ ಸುಮಣಿಮೇವ ಚ॥ 9-46-32 (62766)
ಜ್ವಾಲಾಜಿಹ್ವಂ ತಥಾ ಜ್ಯೋತಿರಾತ್ಮಜಾಯ ಹುತಾಶನಃ।
ದದಾವನುಚರೌ ಶೂರೌ ಪರಸೈನ್ಯಪ್ರಮಾಥಿನೌ॥ 9-46-33 (62767)
ಪರಿಧಂ ಚ ವಟಂ ಚೈವ ಭೀಮಂ ಚ ಸುಮಹಾಬಲಂ।
ದಹತಿಂ ದಹನಂ ಚೈವ ಪ್ರಚಂಡೌ ವೀರ್ಯಸಂಮತೌ॥ 9-46-34 (62768)
ಅಂಶೋಽಪ್ಯನುಚರಾನ್ಪಂಚ ದದೌ ಸ್ಕಂದಾಯ ಧೀಮತೇ।
ಉತ್ಕ್ರೋಶಂ ಸತ್ಕರಂ ಚೈವ ವಜ್ರದಂಡಧರಾವುಭೌ॥ 9-46-35 (62769)
ದದಾವನಲಪುತ್ರಾಯ ವಾಸವಃ ಪರವೀರಹಾ।
ತೌ ಹಿ ಶತ್ರೂನ್ಮಹೇಂದ್ರಾಸ್ಯ ಜಘ್ನತುಃ ಸಮರೇ ಬಹೂನ್॥ 9-46-36 (62770)
ಚಕ್ರಂ ವಿಕ್ರಮಕಂ ಚೈವ ಸಂಕ್ರಮಂ ಚ ಮಹಾಬಲಂ।
ಸ್ಕಂದಾಯ ತ್ರೀನನುಚರಾಂದದೌ ವಿಷ್ಣುರ್ಮಹಾಯಶಾಃ॥ 9-46-37 (62771)
ವರ್ಧನಂ ನಂದನಂ ಚೈವ ಸರ್ವವಿದ್ಯಾವಿಶಾರದೌ।
ಸ್ಕಂದಾಯ ದದತುಃ ಪ್ರೀತಾವಶ್ವಿನೌ ಭಿಷಜಾಂ ವರೌ॥ 9-46-38 (62772)
ಕಿಂದುಂ ಚ ಕುಸುಮಂ ಚೈವ ಕುಮುದಂ ಚ ಮಹಾಯಶಾಃ।
ಡಂಬರಾಡಂಬರೌ ಚೈವ ದದೌ ಧಾತಾ ಮಹಾತ್ಮನೇ॥ 9-46-39 (62773)
ವಕ್ರಾನುವಕ್ರೌ ಬಲಿನೌ ಮೇಷವಕ್ತ್ರೌ ಬಲೋತ್ಕಟೌ।
ದದೌ ತ್ವಷ್ಟಾ ಮಹಾಮಾಯೌ ಸ್ಕಂದಾಯಾನುಚರಾವುಭೌ॥ 9-46-40 (62774)
ಸುವ್ರತಂ ಸತ್ಯಸಂಧಂ ಚ ದದೌ ಮಿತ್ರೋ ಮಹಾತ್ಮನೇ।
ಕುಮಾರಾಯ ಮಹಾತ್ಮಾನೌ ತಪೋವಿದ್ಯಾಧರೌ ಪ್ರಭುಃ॥ 9-46-41 (62775)
ಸುದರ್ಶನೀಯೌ ವರದೌ ತ್ರಿಷು ಲೋಕೇಷು ವಿಶ್ರುತೌ।
ಸುವ್ರತಂ ಚ ಮಹಾತ್ಮಾನಂ ಶುಭಕರ್ಮಾಣಮೇವ ಚ॥ 9-46-42 (62776)
ಕಾರ್ತಿಕೇಯಾಯ ಸಂಪ್ರಾದಾದ್ವಿಧಾತಾ ಲೋಕವಿಶ್ರುತೌ।
ಪಾಣೀತಕಂ ಕಾಲಿಕಂ ಚ ಮಹಾಮಾಯಾವಿನಾವುಭೌ॥ 9-46-43 (62777)
ಪೂಷಾ ಚ ಪಾರ್ಷದೌ ಪ್ರಾದಾತ್ಕಾರ್ತಿಕೇಯಾಯ ಭಾರತ।
ಬಲಂ ಚಾತಿಬಲಂ ಚೈವ ಮಹಾವಕ್ತ್ರೌ ಮಹಾಬಲೌ॥ 9-46-44 (62778)
ಪ್ರದದೌ ಕಾರ್ತಿಕೇಯಾಯ ವಾಯುರ್ಭರತಸತ್ತಮ।
ಯಮಂ ಚಾತಿಯಮಂ ಚೈವ ತಿಮಿವಕ್ತ್ರೌ ಮಹಾಬಲೌ॥ 9-46-45 (62779)
ಪ್ರದದೌ ಕಾರ್ತಿಕೇಯಾಯ ವರುಣಃ ಸತ್ಯಸಂಗರಃ।
ಸುವರ್ಚಸಂ ಮಹಾತ್ಮಾನಂ ತಥೈವಾಪ್ಯತಿವರ್ಚಸಂ॥ 9-46-46 (62780)
ಹಿಮವಾನ್ಪ್ರದದೌ ರಾಜನ್ಹುತಾಶನಸುತಾಯ ವೈ।
ಕಾಂಚನಂ ಚ ಮಹಾತ್ಮಾನಂ ಮೇಘಮಾಲಿನಮೇವ ಚ॥ 9-46-47 (62781)
ದದಾವನುಚರೌ ಮೇರುರಗ್ನಿಪುತ್ರಾಯ ಭಾರತ।
ಸ್ಥಿರಂ ಚಾತಿಸ್ಥಿರಂ ಚೈವ ಮೇರುರೇವಾಪರೌ ದದೌ॥ 9-46-48 (62782)
ಮಹಾತ್ಮಾ ತ್ವಗ್ನಿಪುತ್ರಾಯ ಮಹಾಬಲಪರಾಕ್ರಮೌ।
ಉಚ್ಛೃಂಗಂ ಚಾತಿಶೃಂಗಂ ಚ ಮಹಾಪಾಷಾಣಯೋಧಿನೌ॥ 9-46-49 (62783)
ಪ್ರದದಾವಗ್ನಿಪುತ್ರಾಯ ವಿಂಧ್ಯಃ ಪಾರಿಷದಾವುಭೌ।
ಸಂಗ್ರಹಂ ವಿಗ್ರಹಂ ಚೈವ ಸಮುದ್ರೋಽಮಿ ಗದಾಧರೌ॥ 9-46-50 (62784)
ಪ್ರದದಾವಗ್ನಿಪುತ್ರಾಯ ಮಹಾಪಾರಿಷದಾವುಭೌ।
ಉನ್ಮಾದಂ ಶಂಕುಕರ್ಣಂ ಚ ಪುಷ್ಪದಂತಂ ತಥೈವ ಚ॥ 9-46-51 (62785)
ಪ್ರದದಾವಗ್ನಿಪುತ್ರಾಯ ಪಾರ್ವತೀ ಶುಭದರ್ಶನಾ।
ಜಯಂ ಮಹಾಜಯಂ ಚೈವ ಗಂಗಾ ಜ್ವಲನಸೂನವೇ॥ 9-46-52 (62786)
ಪ್ರದದೌ ಪುರುಷವ್ಯಾಘ್ರ ವಾಸುಕಿಃ ಪನ್ನಗೇಶ್ವರಃ।
ಏವಂ ಸಾಧ್ಯಾಶ್ಚ ರುದ್ರಾಶ್ಚ ವಸವಃ ಪಿತರಸ್ತಥಾ॥ 9-46-53 (62787)
ಸಾಗರಾಃ ಸರಿತಶ್ಚೈವ ಗಿರಯಶ್ಚ ಮಹಾಬಲಾಃ।
ದದುಃ ಸೇನಾಗಣಾಧ್ಯಕ್ಷಾಞ್ಶೂಲಪಟ್ಟಸಧಾರಿಣಃ॥ 9-46-54 (62788)
ದಿವ್ಯಪ್ರಹರಣೋಪೇತಾನ್ನಾನಾವೇಷವಿಭೂಷಿತಾನ್।
ಶೃಣು ನಾಮಾನಿ ಚಾಪ್ಯೇಷಾಂ ಯೇಽನ್ಯೇ ಸ್ಕಂದಸ್ಯ ಸೈನಿಕಾಃ॥ 9-46-55 (62789)
ವಿವಿಧಾಯುಧಸಂಪನ್ನಾಶ್ಚಿತ್ರಾಭರಣಭೂಷಿತಾಃ।
ಶಂಕುಕರ್ಣೋ ನಿಕುಂಭಶ್ಚ ಪದ್ಮಃ ಕುಮುದ ಏವ ಚ॥ 9-46-56 (62790)
ಅನಂತೋ ದ್ವಾದಶಭುಜಸ್ತಥಾ ಕೃಷ್ಣೋಪಕೃಷ್ಣಕೌ।
ಘ್ರಾಣಶ್ರವಾಃ ಕಪಿಸ್ಕಂಧಃ ಕಾಂಚನಾಕ್ಷೋ ಜಲಂಧಮಃ॥ 9-46-57 (62791)
ಅಕ್ಷಃ ಸಂತರ್ಜನೋ ರಾಜನ್ಕುನದೀಕಸ್ತಮೋಂತಕೃತ್।
ಏಕಾಕ್ಷೋ ದ್ವಾಶಾಕ್ಷಶ್ಚ ತಥೈವೈಕಜಟಃ ಪ್ರಭುಃ॥ 9-46-58 (62792)
ಸಹಸ್ರಬಾಹುರ್ವಿಕಟೋ ವ್ಯಾಘ್ರಾಕ್ಷಃ ಕ್ಷಿತಿಕಂಪನಃ।
ಪುಣ್ಯನಾಮಾ ಸುನಾಮಾ ಚ ಸುಚಕ್ರಃ ಪ್ರಿಯದರ್ಶನಃ॥ 9-46-59 (62793)
ಪರಿಶ್ರುತಃ ಕೋಕನದಃ ಪ್ರಿಯಮಾಲ್ಯಾನುಲೇಪನಃ।
ಅಜೋದರೋ ಗಜಶಿರಾಃ ಸ್ಕಂಧಾಕ್ಷಃ ಶತಲೋಚನಃ॥ 9-46-60 (62794)
ಜ್ವಾಲಾಜಿಹ್ವಃ ಕರಾಲಾಕ್ಷಃ ಶಿತಿಕೇಶೋ ಜಟೀ ಹರಿಃ।
ಪರಿಶ್ರುತಃ ಕೋಕನದಃ ಕೃಷ್ಣಕೇಶೋ ಜಟಾಧರಃ॥ 9-46-61 (62795)
ಚತುರ್ದಂಷ್ಟ್ರೋಽಷ್ಟಜಿಹ್ವಶ್ಚ ಮೇಘನಾದಃ ಪೃಥುಶ್ರವಾಃ।
ವಿದ್ಯುತಾಕ್ಷೋ ಧನುರ್ವಕ್ತ್ರೋ ಜಾಠರೋ ಮಾರುತಾಶನಃ॥ 9-46-62 (62796)
ಉದಾರಾಕ್ಷೋ ರಥಾಕ್ಷಶ್ಚ ವಜ್ರನಾಭೋ ವಸುಪ್ರಭಃ।
ಸಮುದ್ರವೇಗೋ ರಾಜೇಂದ್ರ ಶೈಲಕಂಪೀ ತಥೈವ ಚ॥ 9-46-63 (62797)
ವೃಷೋ ಮೇಷಃ ಪ್ರವಾಹಶ್ಚ ತಥಾ ನಂದೋಪನಂದಕೌ।
ಧೂಂರಃ ಶ್ವೇತಃ ಕಲಿಂಗಶ್ಚ ಸಿದ್ಧಾರ್ಥೋ ವರದಸ್ತಥಾ॥ 9-46-64 (62798)
ಪ್ರಿಯಕಶ್ಚೈವ ನಂದಶ್ಚ ಗೋನಂದಶ್ಚ ಪ್ರತಪವಾನ್।
ಆನಂದಶ್ಚ ಪ್ರಮೋದಶ್ಚ ಸ್ವಸ್ತಿಕೋ ಧ್ರುವಕಸ್ತಥಾ॥ 9-46-65 (62799)
ಕ್ಷೇಮವಾಹಃ ಸುವಾಹಶ್ಚ ಸಿದ್ಧಪಾತ್ರಶ್ಚ ಭಾರತ।
ಗೋವ್ರಜಃ ಕನಕಾಪೀಡೋ ಮಹಾಪಾರಿಷದೇಶ್ವರಃ॥ 9-46-66 (62800)
ಗಾಯನೋ ಹಸನಶ್ಚೈವ ಬಾಣಃ ಖಂಗಶ್ಚ ವೀರ್ಯವಾನ್।
ವೈತಾಲೀ ಗತಿತಾಲೀ ಚ ತಥಾ ಕಥಕವಾತಿಕೌ॥ 9-46-67 (62801)
ಹಂಸಜಃ ಪಂಕದಿಗ್ಧಾಂಗಃ ಸಮುದ್ರೋನ್ಮಾದನಶ್ಚ ಹ।
ರಣೋತ್ಕಟಃ ಪ್ರಹಾಸಶ್ಚ ಶ್ವೇತಸಿದ್ಧಶ್ಚ ನಂದನಃ॥ 9-46-68 (62802)
ಕಾಲಕಂಠಃ ಪ್ರಭಾಸಶ್ಚ ತಥಾ ಕುಂಭಾಂಡಕೋದರಃ।
ಕಾಲಕಕ್ಷಃ ಸಿತಶ್ಚೈವ ಭೂತಾನಾಂ ಮಥನಸ್ತಥಾ॥ 9-46-69 (62803)
ಯಜ್ಞವಾಹಃ ಸುವಾಹಶ್ಚ ದೇವಯಾಜೀ ಚ ಸೋಮಪಃ।
ಮಜ್ಜಾನಶ್ಚ ಮಹಾತೇಜಾಃ ಕ್ರಥಕ್ರಾಥೌ ಚ ಭಾರತ॥ 9-46-70 (62804)
ತುಹರಶ್ಚ ತುಹಾರಶ್ಚ ಚಿತ್ರದೇವಶ್ಚ ವೀರ್ಯವಾನ್।
ಮಧುರಃ ಸುಪ್ರಸಾದಶ್ಚ ಕಿರೀಟೀ ಚ ಮಹಾಬಲಃ॥ 9-46-71 (62805)
ವತ್ಸಲೋ ಮಧುವರ್ಣಶ್ಚ ಕಲಶೋದರ ಏವ ಚ।
ಧರ್ಮದೋ ಮನ್ಮಥಕರಃ ಸೂಚೀವಕ್ತ್ರಶ್ಚ ವೀರ್ಯವಾನ್॥ 9-46-72 (62806)
ಶ್ವೇತವಕ್ತ್ರಃ ಸುವಕ್ತ್ರಶ್ಚ ಚಾರುವಕ್ತ್ರಶ್ಚ ಪಾಂಡುರಃ।
ದಂಡಬಾಹುಃ ಸುಬಾಹುಶ್ಚ ರಜಃ ಕೋಕಿಲಕಸ್ತಥಾ॥ 9-46-73 (62807)
ಅಚಲಃ ಕನಕಾಕ್ಷಶ್ಚ ಬಾಲಾನಾಮಪಿ ಯಃ ಪ್ರಭುಃ।
ಸಂಚಾರಕಃ ಕೋಕನದೋ ಗೃಧ್ರಪತ್ರಶ್ಚ ಜಂಬುಕಃ॥ 9-46-74 (62808)
ಲೋಹಾಜವಕ್ತ್ರೋ ಜವನಃ ಕುಂಭವಕ್ತ್ರಶ್ಚ ಕುಂಭಕಃ।
ಸ್ವರ್ಣಗ್ರೀವಶ್ಚ ಕೃಷ್ಣೌಜಾ ಹಂಸವಕ್ತ್ರಶ್ಚ ಚಂದ್ರಭಃ॥ 9-46-75 (62809)
ಪಾಣಿಕೂರ್ಚಾಶ್ಚ ಶಂಬೂಕಃ ಪಂಚವಕ್ತ್ರಶ್ಚ ಶಿಕ್ಷಕಃ।
ಚಾಷವಕ್ತ್ರಕ್ಷ ಜಂಬೂಕಃ ಶಾಕವಕ್ತ್ರಶ್ಚ ಕುಂಜಲಃ॥ 9-46-76 (62810)
ಯೋಗಯೋಕ್ತಾ ಮಹಾತ್ಮಾನಃ ಸತತಂ ಬ್ರಾಹ್ಮಣಪ್ರಿಯಾಃ।
ಪೈತಾಮಹಾ ಮಹಾತ್ಮಾನೋ ಮಹಾಪಾರಿಷದಾಶ್ಚ ಯೇ॥ 9-46-77 (62811)
ಯೌವನಸ್ಥಾಶ್ಚ ಬಾಲಾಶ್ಚ ವೃದ್ಧಾಶ್ಚ ಜನಮೇಜಯ।
ಸಹಸ್ರಶಃ ಪಾರಿಷದಾಃ ಕುಮಾರಮುಪತಸ್ಥಿರೇ॥ 9-46-78 (62812)
ವಕ್ತ್ರೈರ್ನಾನಾವಿಧೈರ್ಯೇ ತು ಶೃಣು ತಾಂಚನಮೇಜಯ।
ಕೂರ್ಮಕುಕ್ಕುಟವಕ್ತ್ರಾಶ್ಚ ಶಶೋಲೂಕಮುಖಾಸ್ತಥಾ॥ 9-46-79 (62813)
ಖರೋಷ್ಟ್ರವದನಾಶ್ಚಾನ್ಯೇ ವರಾಹವದನಾಸ್ತಥಾ।
ಮಾರ್ಜಾರಶಶವಕ್ತಾಶ್ಚ ದೀರ್ಘವಕ್ತ್ರಾಶ್ಚ ಭಾರತ॥ 9-46-80 (62814)
ನಕುಲೋಲೂಕವಕ್ತ್ರಾಶ್ಚ ಕಾಕವಕ್ತ್ರಾಸ್ತಥಾ ಪರೇ।
ಆಖುಬಭ್ರುಕವಕ್ತ್ರಾಶ್ಚ ಮಯೂರವದನಾಸ್ತಥಾ॥ 9-46-81 (62815)
ಮತ್ಸ್ಯಮೇಷಾನನಾಶ್ಚಾನ್ಯೇ ಅಜಾವಿಮಹಿಷಾನನಾಃ।
ಋಕ್ಷಶಾರ್ದೂಲವಕ್ತ್ರಾಶ್ಚ ದ್ವೀತಿಸಿಂಹಾನನಾಸ್ತಥಾ॥ 9-46-82 (62816)
ಭೀಮಾ ಗಜಾನನಾಶ್ಚೈವ ತಥಾ ನಕ್ರಮುಖಾಶ್ಚ ಯೇ।
ಗರುಡಾನನಾಃ ಕಂಕುಮುಖಾ ವೃಕಕಾಕಮುಖಾಸ್ತಥಾ॥ 9-46-83 (62817)
ಗೋಖರೋಷ್ಟ್ರಮುಖಾಶ್ಚಾನ್ಯೇ ವೃಷದಂಶಮುಖಾಸ್ತಥಾ।
ಮಹಾಜಠರಪಾದಾಂಗಾಸ್ತಾರಕಾಕ್ಷಾಶ್ಚ ಭಾರತ॥ 9-46-84 (62818)
ಪಾರಾವತಮುಖಾಶ್ಚಾನ್ಯೇ ತಥಾ ವೃಷಮುಖಾಃ ಪರೇ।
ಕೋಕಿಲಾಭಾನನಾಶ್ಚಾನ್ಯೇ ಶ್ಯೇನತಿತ್ತಿರಿಕಾನನಾಃ॥ 9-46-85 (62819)
ಕೃಕಲಾಸಮುಖಾಶ್ಚೈವ ವಿರಜೋಂಬರಧಾರಿಣಃ।
ವ್ಯಾಲವಕ್ತ್ರಾಃ ಶೂಲಮುಖಾಶ್ಚಂಡವಕ್ತ್ರಾಃ ಶುಭಾನನಾಃ॥ 9-46-86 (62820)
ಆಶೀವಿಷಾಶ್ಚೀರಧರಾ ಗೋನಾಸಾವದನಾಸ್ತಥಾ।
ಸ್ಥೂಲೋದರಾಃ ಕೃಶಾಂಗಾಶ್ಚ ಸ್ಥೂಲಾಂಗಾಶ್ಚ ಕೃಶೋದರಾಃ॥ 9-46-87 (62821)
ಹಸ್ವಗ್ರೀವಾ ಮಹಾಕರ್ಣಾ ನಾನಾವ್ಯಾಲವಿಭೂಷಣಾಃ।
ಗಜೇಂದ್ರಚರ್ಮವಸನಾಸ್ತಥಾ ಕೃಷ್ಣಾಜಿನಾಂಬರಾಃ॥ 9-46-88 (62822)
ಸ್ಕಂಧೇಮುಖಾ ಮಹಾರಾಜ ತಥಾಪ್ಯುದರತೋಮುಖಾಃ।
ಪೃಷ್ಠೇಮುಖಾ ಹನುಮುಖಾಸ್ತಥಾ ಜಂಘಾಮುಖಾ ಅಪಿ॥ 9-46-89 (62823)
ಪಾರ್ಶ್ವಾನನಾಶ್ಚ ಬಹವೋ ನಾನಾದೇಶಮುಖಾಸ್ತಥಾ।
ತಥಾ ಕೀಟಪತಂಗಾನಾಂ ಸದೃಶಾಸ್ಯಾ ಗಣೇಶ್ವರಾಃ॥ 9-46-90 (62824)
ನಾನಾವ್ಯಾಲಮುಖಾಶ್ಚಾನ್ಯೇ ಬಹುಬಾಹುಶಿರೋಧರಾಃ।
ನಾನಾವೃಕ್ಷಭುಜಾಃ ಕೇಚಿತ್ಕಟಿಶೀರ್ಷಾಸ್ತಥಾ ಪರೇ॥ 9-46-91 (62825)
ಭುಜಂಗಭೋಗವದನಾ ನಾನಾಗುಲ್ಮನಿವಾಸಿನಃ।
ಚೀರಸಂವೃತಗಾತ್ರಾಶ್ಚ ನಾನಾಕನಕವಾಸಸಃ॥ 9-46-92 (62826)
ನಾನಾವೇಷಧರಾಶ್ಚೈವ ನಾನಾಮಾಲ್ಯಾನುಲೇಪನಾಃ।
ನಾನಾವಸ್ತ್ರಧರಾಶ್ಚೈವ ಚರ್ಮವಾಸಸ ಏವ ಚ॥ 9-46-93 (62827)
ಉಷ್ಣೀಷಿಣೋ ಮುಕುಟಿನಃ ಸುಗ್ರೀವಾಶ್ಚ ಸುವರ್ಚಸಃ।
ಕಿರೀಟಿನಃ ಪಂಚಶಿಖಾಸ್ತಥಾ ಕಾಂಚನಮೂರ್ಧಜಾಃ॥ 9-46-94 (62828)
ತ್ರಿಶಿಖಾ ದ್ವಿಶಿಖಾಶ್ಚೈವ ತಥಾ ಸಪ್ತಶಿಖಾಃ ಪರೇ।
ಶಿಖಂಡಿನೋ ಮುಕುಟಿನೋ ಮುಂಡಾಶ್ಚ ಜಟಿಲಾಸ್ತಥಾ॥ 9-46-95 (62829)
ಚಿತ್ರಮಾಲಾಧರಾಃ ಕೇಚಿತ್ಕೇಚಿದ್ರೋಮಾನನಾಸ್ತಥಾ।
ವಿಗ್ರಹೈಕರಸಾ ನಿತ್ಯಮಜೇತಾಃ ಸುರಸತ್ತಮೈಃ॥ 9-46-96 (62830)
ಕೃಷ್ಣಾ ನಿರ್ಮಾಂಸವಕ್ತ್ರಾಶ್ಚ ದೀರ್ಘಪೃಷ್ಠಾಸ್ತನೂದರಾಃ।
ಸ್ಥೂಲಪೃಷ್ಠಾ ಹಸ್ವಪೃಷ್ಠಾಃ ಪ್ರಲಂಬೋದರಮೇಹನಾಃ॥ 9-46-97 (62831)
ಮಹಾಭುಜಾ ಹಸ್ವಭುಜಾ ಹಸ್ವಗಾತ್ರಾಶ್ಚ ವಾಮನಾಃ।
ಕುಬ್ಜಾಶ್ಚ ಹಸ್ವಜಂಘಾಶ್ಚ ಹಸ್ತಿಕರ್ಣಶಿರೋಧರಾಃ॥ 9-46-98 (62832)
ಹಸ್ತಿನಾಸಾಃ ಕೂರ್ಮನಾಸಾ ವೃಕನಾಸಾಸ್ತಥಾ ಪರೇ।
ದೀರ್ಘೋಚ್ಛ್ವಾಸಾ ದೀರ್ಘಜಂಘಾ ವಿಕರಾಲಾ ಹ್ಯಧೋಮುಖಾಃ॥ 9-46-99 (62833)
ಮಹಾದಂಷ್ಟ್ರಾ ಹಸ್ವದಂಷ್ಟ್ರಾಶ್ಚತುರ್ದಂಷ್ಟ್ರಾಸ್ತಥಾ ಪರೇ।
ವಾರಮೇಂದ್ರನಿಭಾಶ್ಚಾನ್ಯೇ ಭೀಮಾ ರಾಜನ್ಸಹಸ್ರಶಃ॥ 9-46-100 (62834)
ಸುವಿಭಕ್ತಶರೀರಾಶ್ಚ ದೀಪ್ತಿಮಂತಃ ಸ್ವಲಂಕೃತಾಃ।
ಪಿಂಗಾಕ್ಷಾಃ ಶಂಕುಕರ್ಣಾಶ್ಚ ರಕ್ತನಾಸಾಶ್ಚ ಭಾರತ॥ 9-46-101 (62835)
ಪೃಥುದಂಷ್ಟ್ರಾ ಮಹಾದಂಷ್ಟ್ರಾಃ ಸ್ಥೂಲೌಷ್ಠಾ ಹರಿಮೂರ್ಧಜಾಃ।
ನಾನಾಪಾದೌಷ್ಠದಂಷ್ಟ್ರಾಶ್ಚ ನಾನಾಹಸ್ತಶಿರೋಧರಾಃ॥ 9-46-102 (62836)
ನಾನಾಚರ್ಮಭಿರಾಚ್ಛನ್ನಾ ನಾನಾಭಾಷಾಶ್ಚ ಭಾರತ।
ಕುಶಲಾ ದೇಶಭಾಷಾಸು ಜಲ್ಪಂತೋಽನ್ಯೋನ್ಯಮೀಶ್ವರಾಃ॥ 9-46-103 (62837)
ಹೃಷ್ಟಾಃ ಪರಿಪತಂತಿ ಸ್ಮ ಮಹಾಪಾರಿಷದಾಸ್ತಥಾ।
ದೀರ್ಘಗ್ರೀವಾ ದೀರ್ಘನಖಾ ದೀರ್ಘಪಾದಶಿರೋಭುಜಾಃ॥ 9-46-104 (62838)
ಪಿಂಗಾಕ್ಷಾ ನೀಲಕಂಠಾಶ್ಚ ಲಂಬಕರ್ಣಾಶ್ಚ ಭಾರತ।
ವೃಕೋದರನಿಭಾಶ್ಚೈವ ಕೇಚಿದಂಜನಸನ್ನಿಭಾಃ॥ 9-46-105 (62839)
ಶ್ವೇತಾಕ್ಷಾ ಲೋಹಿತಗ್ರೀವಾಃ ಪಿಂಗಾಕ್ಷಾಶ್ಚ ತಥಾ ಪರೇ।
ಕಲ್ಮಾಷಾ ಬಹವೋ ರಾಜಂಶ್ಚಿತ್ರವರ್ಣಾಶ್ಚ ಭಾರತ॥ 9-46-106 (62840)
ಚಾಮರಾಪೀಡಕನಿಭಾಃ ಶ್ವೇತಲೋಹಿತರಾಜಯಃ।
ನಾನಾವರ್ಣಾಃ ಸವರ್ಣಾಶ್ಚ ಮಯೂರಸದೃಶಪ್ರಭಾಃ॥ 9-46-107 (62841)
ಪುನಃ ಪ್ರಹರಣಾನ್ಯೇಷಾಂ ಕೀರ್ತ್ಯಮಾನಾನಿ ಮೇ ಶೃಣು।
ಶೇಷೈಃ ಕೃತಃ ಪಾರಿಷದೈರಾಯುಧಾನಾಂ ಪರಿಗ್ರಹಃ॥ 9-46-108 (62842)
ಪಾಶೋದ್ಯತಕರಾಃ ಕೇಚಿದ್ವ್ಯಾದಿತಾಸ್ಯಾಃ ಖರಾನನಾಃ।
ಪೃಷ್ಠಾಕ್ಷಾ ನೀಲಕಂಠಾಶ್ಚ ತಥಾ ಪರಿಘಬಾಹವಃ॥ 9-46-109 (62843)
ಶತಘ್ನೀಚಕ್ರಹಸ್ತಾಶ್ಚ ತಥಾ ಮುಸಲಪಾಣಯಃ।
ಅಸಿಮುದ್ಗ್ರರಹಸ್ತಾಶ್ಚ ದಂಡಹಸ್ತಾಶ್ಚ ಭಾರತ॥ 9-46-110 (62844)
ಗದಾಭುಶುಂಡಿಹಸ್ತಾಶ್ಚ ತಥಾ ತೋಮರಪಾಣಯಃ।
ಆಯುಧೈರ್ವಿವಿಧೈರ್ಘೋರೈರ್ಮಹಾತ್ಮಾನೋ ಮಹಾಜವಾಃ॥ 9-46-111 (62845)
ಮಹಾಬಲಾ ಮಹಾವೇಗಾ ಮಹಾಪಾರಿಷದಾಸ್ತಥಾ।
ಅಭಿಷೇಕಂ ಕುಮಾರಸ್ಯ ದೃಷ್ಟ್ವಾ ಹೃಷ್ಟಾ ರಣಪ್ರಿಯಾಃ॥ 9-46-112 (62846)
ಘಂಟಾಜಾಲಪಿನದ್ಧಾಂಗಾ ನನೃತುಸ್ತೇ ಮಹೌಜಸಃ।
ಏತೇ ಚಾನ್ಯೇ ಚ ಬಹವೋ ಮಹಾಪಾರಿಷದಾ ನೃಪ॥ 9-46-113 (62847)
ಉಪತಸ್ಥುರ್ಮಹಾತ್ಮಾನಂ ಕಾರ್ತಿಕೇಯಂ ಯಶಸ್ವಿನಂ।
ದಿವ್ಯಾಶ್ಚಾಪ್ಯಾಂತರಿಕ್ಷಾಶ್ಚ ಪಾರ್ಥಿವಾಶ್ಚಾನಿಲೋಪಮಾಃ॥ 9-46-114 (62848)
ವ್ಯಾದಿಷ್ಟಾ ದೈವತೈಃ ಶೂರಾಃ ಸ್ಕಂದಸ್ಯಾನುಚರಾಽಭವನ್।
ತಾದೃಶಾನಾಂ ಸಹಸ್ರಾಣಿ ಪ್ರಯುತಾನ್ಯರ್ಬುದಾನಿ ಚ।
ಅಭಿಷಿಕ್ತಂ ಮಹಾತ್ಮಾನಂ ಪರಿವಾರ್ಯೋಪತಸ್ಥಿರೇ॥ ॥ 9-46-115 (62849)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಷಟ್ಚತ್ವಾರಿಂಶೋಽಧ್ಯಾಯಃ॥ 46 ॥
Mahabharata - Shalya Parva - Chapter Footnotes
9-46-13 ನಾಗರಾಜಶ್ಚ ವಾಮನ ಇತಿ ಖ.ಪಾಠಃ॥ 9-46-45 ಘಸಂ ತ್ವಾತಿಘಸಂ ಚೈವೇತಿ ಖ.ಪಾಠಃ॥ 9-46-46 ಷಟ್ಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 047
॥ ಶ್ರೀಃ ॥
9.47. ಅಧ್ಯಾಯಃ 047
Mahabharata - Shalya Parva - Chapter Topics
ಕುಮಾರಮಾತೃಗಣಸ್ಯ ನಾಮಕೀರ್ತನಂ॥ 1 ॥ ಕುಮಾರೇಣ ತಾರಕಾಸುರವಧಃ ಕ್ರೌಂಚಪರ್ವತಭೇದನಂ ಚ॥ 2 ॥Mahabharata - Shalya Parva - Chapter Text
9-47-0 (62850)
ವೈಶಂಪಾಯನ ಉವಾಚ। 9-47-0x (5198)
ಶೃಣು ಮಾತೃಗಣಾನ್ರಾಜನ್ಕುಮಾರಾನುಚರಾನಿಮಾನ್।
ಕೀರ್ತ್ಯಮಾನಾನ್ಮಯಾ ವೀರ ಸಪತ್ನಗಣಸೂದನಾನ್॥ 9-47-1 (62851)
ಯಶಸ್ವಿನೀನಾಂ ಮಾತೄಣಾಂ ಶೃಣು ನಾಮಾನಿ ಭಾರತ
ಯಾಭಿರ್ವಾಯಪ್ತಾಸ್ತ್ರಯೋಲೋಕಾಃ ಕಲ್ಯಾಣೀಭಿಶ್ಚ ಭಾಗಶಃ॥ 9-47-2 (62852)
ಪ್ರಭಾವತೀ ವಿಶಾಲಾಕ್ಷೀ ಪಾಲಿತಾ ಗೋಸ್ತಾನೀ ತಥಾ।
ಶ್ರೀಮತೀ ಬಹುಲಾ ಚೈವ ತಥೈವ ಬಹುಪುತ್ರಿಕಾ॥ 9-47-3 (62853)
ಅಪ್ಸುಜಾತಾ ಚ ಗೋಪಾಲೀ ಬೃಹದಂಬಾಲಿಕಾ ತಥಾ।
ಜಯಾವತೀ ಮಾಲತಿಕಾ ಧ್ರುವರತ್ನಾ ಭಯಂಕರೀ॥ 9-47-4 (62854)
ವಸುದಾಮಾ ಚ ದಾಮಾ ಚ ವಿಶೋಕಾ ನಂದಿನೀ ತಥಾ।
ಏಕಚೂಡಾ ಮಹಾಚೂಡಾ ಚಕ್ರನೇಮಿಶ್ಚ ಭಾರತ॥ 9-47-5 (62855)
ಉತ್ತೇಜನೀ ಜಯತ್ಸೇನಾ ಕಮಲಾಕ್ಷ್ಯಥ ಶೋಭನಾ।
ಶತ್ರುಂಜಯಾ ತಥಾ ಚೈವ ಕ್ರೋಧನಾ ಶಲಭೀ ಖರೀ॥ 9-47-6 (62856)
ಮಾಧವೀ ಶುಭವಕ್ತ್ರಾ ಚ ತೀರ್ಥಸೇನಿಶ್ಚ ಭಾರತ।
ಗೀತಪ್ರಿಯಾ ಚ ಕಲ್ಯಾಣೀ ರುದ್ರರೋಮಾಽಮಿತಾಶನಾ॥ 9-47-7 (62857)
ಮೇಘಸ್ವನಾ ಭೋಗವತೀ ಸುಭ್ರೂಶ್ಚ ಕನಕಾವತೀ।
ಅಲಾತಾಕ್ಷೀ ವೀರ್ಯವತೀ ವಿದ್ಯುಜ್ಜಿಹ್ವಾ ಚ ಭಾರತ॥ 9-47-8 (62858)
ಪುನ್ನಾವತೀ ಸುನಕ್ಷತ್ರಾ ಕಂದರಾ ಬಹುಯೋಜನಾ।
ಸಂತಾನಿಕಾ ಚ ಕೌರವ್ಯ ಕಮಲಾ ಚ ಮಹಾಬಲಾ॥ 9-47-9 (62859)
ಸುದಾಮಾ ಬಹುದಾಮಾ ಚ ಸುಪ್ರಭಾ ಚ ಯಶಸ್ವಿನೀ।
ನೃತ್ಯಪ್ರಿಯಾ ಚ ರಾಜೇಂದ್ರ ಶತೋಲೂಖಲಮೇಖಲಾ॥ 9-47-10 (62860)
ಶತಘಂಟಾ ಶತಾನಂದಾ ಭಗನಂದಾ ಚ ಭಾವಿನೀ।
ವಪುಷ್ಮತೀ ಚಂದ್ರಶೀತಾ ಭದ್ರಕಾಲೀ ಚ ಭಾರತ॥ 9-47-11 (62861)
ಋಕ್ಷಾಂಬಿಕಾ ನಿಷ್ಕುಟಿಕಾ ವಾಮಾ ಚತ್ವರವಾಸಿನೀ।
ಸುಮಂಗಲಾ ಸ್ವಸ್ತಿಮತೀ ಬುದ್ಧಿಕಾಮಾ ಜಯಪ್ರಿಯಾ॥ 9-47-12 (62862)
ಧನದಾ ಸುಪ್ರಸಾದಾ ಚ ಭವದಾ ಚ ಜಲೇಶ್ವರೀ।
ಏಡೀ ಭೇಡೀ ಸಮೇಡೀ ಚ ವೇತಾಲಜನನೀ ತಥಾ॥ 9-47-13 (62863)
ಕಂಡೂತಿಃ ಕಾಲಿಕಾ ಚೈವ ದೇವಮಿತ್ರಾ ಚ ಭಾರತ।
ವಸುಶ್ರೀಃ ಕೋಟರಾ ಚೈವ ಚಿತ್ರಸೇನಾ ತಥಾಽಚಲಾ॥ 9-47-14 (62864)
ಕುಕ್ಕುಟಿಕಾ ಶಂಖಲಿಕಾ ತಥಾ ಶಕುನಿಕಾ ನೃಪ।
ಕುಂಡಾರಿಕಾ ಕೌಕುಲಿಕಾ ಕುಂಭಿಕಾಽಥ ಶತೋದರೀ॥ 9-47-15 (62865)
ಉತ್ಕ್ರಾಥಿನೀ ಜಲೇಲಾ ಚ ಮಹಾವೇಗಾ ಚ ಕಂಕಣಾ।
ಮನೋಜವಾ ಕಂಟಕಿನೀ ಪ್ರಘಸಾ ಪೂತನಾ ತಥಾ॥ 9-47-16 (62866)
ಕೇಶಯಂತ್ರೀ ತ್ರುಟಿರ್ವಾಮಾ ಕ್ರೋಶನಾಽಥ ತಡಿತ್ಪ್ರಭಾ।
ಮಂದೋದರೀ ಚ ಮುಂಡೀ ಚ ಕೋಟರಾ ಮೇಘವಾಹಿನೀ॥ 9-47-17 (62867)
ಸುಭಗಾ ಲಂಬಿನೀ ಲಂಬಾ ತಾಂರಚೂಡಾ ವಿಕಾಶಿನೀ।
ಊರ್ಧ್ವವೇಣೀಧರಾ ಚೈವ ಪಿಂಗಾಕ್ಷೀ ಲೋಹಮೇಖಲಾ॥ 9-47-18 (62868)
ಪೃಥುವಸ್ತ್ರಾ ಮಧುಲಿಕಾ ಮಧುಕುಂಭಾ ತಥೈವ ಚ।
ಪಕ್ಷಾಲಿಕಾ ಮತ್ಕುಲಿಕಾ ಜರಾಯುರ್ಜರ್ಜರಾನನಾ॥ 9-47-19 (62869)
ಖ್ಯಾತಾ ದಹದಹಾ ಚೈವ ತಥಾ ಧಮಧಮಾ ನೃಪ।
ಖಂಡಖಂಡಾ ಚ ರಾಜೇಂದ್ರ ಪೂಷಣಾ ಮಣಿಕುಟ್ಟಿಕಾ॥ 9-47-20 (62870)
ಅಮೋಘಾ ಚೈವ ಕೌರವ್ಯ ತಥಾ ಲಂಬಪಯೋಧರಾ।
ವೇಣುವೀಣಾಧರಾ ಚೈವ ಪಿಂಗಾಕ್ಷೀ ಲೋಹಮೇಖಲಾ॥ 9-47-21 (62871)
ಶಶೋಕೂಲಮುಖೀ ಕೃಷ್ಣಾ ಖರಜಂಘಾ ಮಹಾಜವಾ।
ಶಿಶುಮಾರಮುಖೀ ಶ್ವೇತಾ ಲೋಹಿತಾಕ್ಷೀ ವಿಭೀಷಣಾ॥ 9-47-22 (62872)
ಜಟಾಲಿಕಾ ಕಾಮಚರೀ ದೀರ್ಘಜಿಹ್ವಾ ಬಲೋತ್ಕಟಾ।
ಕಾಲೇಹಿಕಾ ವಾಮನಿಕಾ ಮುಕುಟಾ ಚೈವ ಭಾರತ॥ 9-47-23 (62873)
ಲೋಹಿತಾಕ್ಷೀ ಮಹಾಕಾಯಾ ಹರಿಪಿಂಡಾ ಚ ಭೂಮಿಪ।
ಏಕತ್ವಚಾ ಸುಕುಸುಮಾ ಕೃಷ್ಣಕರ್ಣೀ ಚ ಭಾರತ॥ 9-47-24 (62874)
ಕ್ಷುರಕರ್ಣೀ ಚತುಷ್ಕರ್ಣೀ ಕರ್ಣಪ್ರಾವರಣಾ ತಥಾ।
ಚತುಷ್ಪಥನಿಕೇತಾ ಚ ಗೋಕರ್ಣೀ ಮಹಿಷಾನನಾ॥ 9-47-25 (62875)
ಖರಕರ್ಣೀ ಮಹಾಕರ್ಣೀ ಭೇರೀಸ್ವನಮಹಾಸ್ವನಾ।
ಶಂಖಕುಂಭಶ್ರವಾಶ್ಚೈವ ಭಗದಾ ಚ ಮಹಾಬಲಾ॥ 9-47-26 (62876)
ಗಣಾ ಚ ಸುಗಣಾ ಚೈವ ತಥಾ ಭೀತ್ಯಥ ಕಾಮದಾ।
ಚತುಷ್ಪಥರತಾ ಚೈವ ಭೂತಿತೀರ್ಥಾನ್ಯಗೋಚರೀ॥ 9-47-27 (62877)
ಪಶುದಾ ವಿತ್ತದಾ ಚೈವ ಸುಖದಾ ಚ ಮಹಾಯಶಾಃ।
ಪಯೋದಾ ಗೋಮಹಿಷದಾ ಸವಿಶಾಲಾ ಚ ಭಾರತ॥ 9-47-28 (62878)
ಪ್ರತಿಷ್ಠಾ ಸುಪ್ರತಿಷ್ಠಾ ಚ ರೋಚಮಾನಾ ಸುರೋಚನಾ।
ನೌಕರ್ಣೀ ಮುಖಕರ್ಣೀ ಚ ವಿಶಿರಾ ಮಂಥಿನೀ ತಥಾ॥ 9-47-29 (62879)
ಏಕಚಂದ್ರಾ ಮೇಘಕರ್ಣಾ ಮೇಘಮಾಲಾ ವಿರೋಚನಾ।
ಏತಾಶ್ಚಾನ್ಯಾಶ್ಚ ಬಹವೋ ಮಾತರೋ ಭರತರ್ಷಭ॥ 9-47-30 (62880)
ಕಾರ್ತಿಕೇಯಾನುಯಾಯಿನ್ಯೋ ನಾನಾರೂಪಾಃ ಸಹಸ್ರಶಃ।
ದೀರ್ಘನಖ್ಯೋ ದೀರ್ಘದಂತ್ಯೋ ದೀರ್ಘತುಂಡ್ಶ್ಚ ಭಾರತ॥ 9-47-31 (62881)
ಸಬಲಾ ಮಧುರಾಶ್ಚೈವ ಯೌವನಸ್ಥಾಃ ಸ್ವಲಂಕೃತಾಃ।
ಮಾಹಾತ್ಂಯೇನ ಚ ಸಂಯುಕ್ತಾಃ ಕಾಮರೂಪಧರಾಸ್ತಥಾ॥ 9-47-32 (62882)
ನಿರ್ಮಾಸಗಾತ್ರ್ಯಃ ಶ್ವೇತಾಶ್ಚ ತಥಾ ಕಾಂಚನಸನ್ನಿಭಾಃ।
ಕೃಷ್ಣಮೇಘನಿಭಾಶ್ಚಾನ್ಯಾ ಧೂಂನಾಶ್ಚ ಭರತರ್ಷಭ॥ 9-47-33 (62883)
ಅರುಣಾಭಾ ಮಹಾಭೋಗಾ ದೀರ್ಘಕೇಶ್ಯಃ ಸಿತಾಂಬರಾಃ।
ಊರ್ಧ್ವವೇಣೀಧರಾಶ್ಚೈವ ಪಿಂಗಾಕ್ಷ್ಯೋ ಲಂಬಮೇಖಲಾಃ॥ 9-47-34 (62884)
ಲಂಬೋದರ್ಯೋ ಲಂಬಕರ್ಣಾಸ್ತಥಾ ಲಂಬಪಯೋಧರಾಃ।
ತಾಂರಾಕ್ಷ್ಯಸ್ತಾಂರವರ್ಣಾಶ್ಚ ಹರ್ಯಕ್ಷ್ಯಶ್ಚ ತಥಾಽಪರಾಃ॥ 9-47-35 (62885)
ವರದಾಃ ಕಾಮಚಾರಿಣ್ಯೋ ನಿತ್ಯಂ ಪ್ರಮುದಿತಾಸ್ತಥಾ।
ಯಾಂಯಾ ರೌದ್ರಾಸ್ತಥಾ ಸೌಂಯಾಃ ಕೌಬೇರ್ಯೋಽಥ ಮಹಾಬಲಾಃ॥ 9-47-36 (62886)
ವಾರುಣ್ಯೋಽಥ ಚ ಮಾಹೇಂದ್ಯಸ್ತಥಾಽಽಗ್ನೇಯ್ಯಃ ಪರಂತಪ।
ವಾಯವ್ಯಶ್ಚಾಥ ಕೌಮಾರ್ಯೋ ಬ್ರಾಹ್ಮಶ್ಚ ಭರತರ್ಷಭ॥ 9-47-37 (62887)
ವೈಷ್ಣವ್ಯಶ್ಚ ತಥಾ ಸೌರ್ಯೋ ವಾರಾಹ್ಯಶ್ಚ ಮಹಾಬಲಾಃ।
ರೂಪೇಣಾಪ್ಸರಸಾಂ ತುಲ್ಯಾ ಮನೋಹಾರ್ಯೋ ಮನೋರಮಾಃ॥ 9-47-38 (62888)
ಪರಪುಷ್ಟೋಪಮಾ ವಾಕ್ಯೇ ತಥರ್ದ್ಧ್ಯಾ ಧನದೋಪಮಾಃ।
ಶಕ್ರವೀರ್ಯೋಪಮಾ ಯುದ್ಧೇ ದೀಪ್ತಾ ವಹ್ನಿಸಮಾಸ್ತಥಾ॥ 9-47-39 (62889)
ಶತ್ರುಣಾಂ ವಿಗ್ರಹೇ ನಿತ್ಯಂ ಭಯದಾಸ್ತಾ ಭವಂತ್ಯುತ।
ಕಾಮರೂಪಧರಾಶ್ಚೈವ ಜವೇ ವಾಯುಸಮಾಸ್ತಥಾ॥ 9-47-40 (62890)
ಅಚಿಂತ್ಯಬಲವೀರ್ಯಾಶ್ಚ ತಥಾಽಚಿಂತ್ಯಪರಾಕ್ರಮಾಃ।
ವೃಕ್ಷಚತ್ವರವಾಸಿನ್ಯಶ್ಚತುಷ್ಪಥನಿಕೇತನಾಃ॥ 9-47-41 (62891)
ಗುಹಾಶ್ಮಶಾನವಾಸಿನ್ಯಃ ಶೈಲಪ್ರಸ್ರವಣಾಲಯಾಃ।
ನಾನಾಭರಣಧಾರಿಣ್ಯೋ ನಾನಾಮಾಲ್ಯಾಂಬರಾಸ್ತಥಾ॥ 9-47-42 (62892)
ನಾನಾವಿಚಿತ್ರವೇಷಾಶ್ಚ ನಾನಾಭಾಷಾಸ್ತಥೈವ ಚ।
ಏತೇ ಚಾನ್ಯೇ ಚ ಮಾತೄಣಾಂ ಗಣಾಃ ಶತ್ರುಭಯಂಕರಾಃ॥ 9-47-43 (62893)
ಅನುಜಗ್ಮುರ್ಮಹಾತ್ಮಾನಂ ತ್ರಿದಶೇಂದ್ರಸ್ಯ ಸಂಮತೇ।
ತತಃ ಶಕ್ತ್ಯಸ್ತ್ರಮದದದ್ಭಗವಾನ್ಪಾಕಶಾಸನಃ॥ 9-47-44 (62894)
ಗುಹಾಯ ರಾಜಶಾರ್ದೂಲ ವಿನಾಶಾಯ ಸುರದ್ವಿಷಾಂ।
ಮಹಾಸ್ವನಾಂ ಮಹಾಘಂಟಾಂ ದ್ಯೋತಮಾನಾಂ ಸಿತಪ್ರಭಾಂ॥ 9-47-45 (62895)
ಅರುಣಾದಿತ್ಯವರ್ಣಾಂ ಚ ಪತಾಕಾಂ ಭರತರ್ಷಭ।
ದದೌ ಪಶುಪತಿಸ್ತಸ್ಮೈ ಸರ್ವಭೂತಮಹಾಚಮೂಂ॥ 9-47-46 (62896)
ಉಗ್ರಾಂ ನಾನಾಪ್ರಹರಣಾಂ ತಪೋವೀರ್ಯಬಲಾನ್ವಿತಾಂ।
ಅಜೇಯಾಂ ಸ್ವಗಣೈರ್ಯುಕ್ತಾಂ ನಾಂನಾ ಸೇನಾಂ ಧನಂಜಯಾಂ॥ 9-47-47 (62897)
ರುದ್ರತುಲ್ಯಬಲೈರ್ಯುಕ್ತಾಂ ಯೋಧಾನಾಮಯುತೈಸ್ತ್ರಿಭಿಃ।
ನ ಸಾ ವಿಜಾನಾತಿ ರಣಾತ್ಕದಾಚಿದ್ವಿನಿವರ್ತಿತುಂ॥ 9-47-48 (62898)
ವಿಷ್ಣುರ್ದದೌ ವೈಜಯಂತೀಂ ಮಾಲಾಂ ಬಲವಿವರ್ಧಿನೀಂ।
ಉಮಾ ದದೌ ವಿರಜಸೀ ವಾಸಸೀ ರವಿಸಪ್ರಭೇ॥ 9-47-49 (62899)
ಗಂಗಾ ಕಮಂಡಲುಂ ದಿವ್ಯಮಮೃತೋದ್ಭವಮುತ್ತಮಂ।
ದದೌ ಪ್ರೀತ್ಯಾ ಕುಮಾರಾಯ ದಂಡಂ ಚೈವ ಬೃಹಸ್ಪತಿಃ॥ 9-47-50 (62900)
ಗರುಡೋ ದಯಿತಂ ಪುತ್ರಂ ಮಯರಂ ಚಿತ್ರಬರ್ಹಿಣಂ।
ಅರುಣಸ್ತಾಂರಚೂಡಂ ಚ ಪ್ರದದೌ ಚರಣಾಯುಧಂ॥ 9-47-51 (62901)
ಛಾಗಂ ತು ವರುಣೋ ರಾಜಾ ಬಲವೀರ್ಯಸಮನ್ವಿತಂ।
ಕೃಷ್ಣಾಜಿನಂ ತತೋ ಬ್ರಹ್ಮಾ ಬ್ರಹ್ಮಣ್ಯಾಯ ದದೌ ಪ್ರಭುಃ।
ಸಮರೇಷು ಜಯಂ ಚೈವ ಪ್ರದದೌ ಲೋಕಭಾವನಃ॥ 9-47-52 (62902)
ಸೈನಾಪತ್ಯಮನುಪ್ರಾಪ್ಯ ಸ್ಕಂದೋ ದೇವಗಣಸ್ಯ ಹ।
ಶುಶುಭೇ ಜ್ವಲಿತೋರ್ಚಿಷ್ಮಾಂದ್ವಿತೀಯ ಇವ ಪಾವಕಃ॥ 9-47-53 (62903)
ತತಃ ಪಾರಿಷದೈಶ್ಚೈವ ಮಾತೃಭಿಶ್ಚ ಸಮನ್ವಿತಃ।
ಯಯೌ ದೇತ್ಯವಿನಾಶಾಯ ಹ್ಲಾದಯನ್ಸುರಪುಂಗವಾನ್॥ 9-47-54 (62904)
ಸಾ ಸೇನಾ ನೈರ್ಋತೀ ಭೀಮಾ ಸಘಂಟೋಚ್ಛ್ರಿತಕೇತನಾ।
ಸಭೇರೀಶಂಖಮುರಜಾ ಸಾಯುಧಾ ಸಪತಾಕಿನೀ॥ 9-47-55 (62905)
ಶಾರದೀ ದ್ಯೌರಿವಾಭಾತಿ ಜ್ಯೋತಿರ್ಭಿರಿವ ಶೋಭಿತಾ॥ 9-47-56 (62906)
ತತೋ ದೇವನಿಕಾಯಾಸ್ತೇ ನಾನಾಭೂತಗಣಾಸ್ತಥಾ।
ವಾದಯಾಮಾಸುರವ್ಯಾಗ್ರಾ ಭೇರೀಃ ಶಂಖಾಂಶ್ಚ ಪುಷ್ಕಲಾನ್॥ 9-47-57 (62907)
ಪಟಹಾನ್ಝರ್ಝರಾಂಶ್ಚೈವ ಕ್ರಕಚಾನ್ಗೋವಿಷಾಣಿಕಾನ್।
ಆಡಂಬರಾನ್ಗೋಮುಖಾಂಶ್ಚ ಡಿಂಡಿಮಾಂಶ್ಚ ಮಹಾಸ್ವನಾನ್॥ 9-47-58 (62908)
ತುಷ್ಟುವುಸ್ತೇ ಕುಮಾರಂ ತು ಸರ್ವೇ ದೇವಾಃ ಸವಾಸವಾಃ।
ಜಗುಶ್ಚ ದೇವಗಂಧರ್ವಾ ನನೃತುಶ್ಚಾಪ್ಸರೋಗಣಾಃ॥ 9-47-59 (62909)
ತತಃ ಪ್ರೀತೋ ಮಹಾಸೇನಸ್ತ್ರಿದಶೇಭ್ಯೋ ವರಂ ದದೌ।
ರಿಪೂಂದಂತಾಽಸ್ಮಿ ಸಮರೇ ಯೇ ವೋ ವಧಚಿಕೀರ್ಷವಃ॥ 9-47-60 (62910)
ಪ್ರತಿಗೃಹ್ಯ ವರಂ ದೇವಾಸ್ತಸ್ಮಾದ್ವಿಬುಧಸತ್ತಮಾತ್।
ಪ್ರೀತಾತ್ಮಾನೋ ಮಹಾತ್ಮಾನೋ ಮೇನಿರೇ ನಿಹತಾನ್ರಿಪೂನ್॥ 9-47-61 (62911)
ಸರ್ವೇಷಾಂ ಭೂತಸಂಘಾನಾಂ ಹರ್ಷಾನ್ನಾದಃ ಸಮುತ್ಥಿತಃ।
ಅಪೂರಯತ ಲೋಕಾಂಸ್ತ್ರೀನ್ವರೇ ದತ್ತೇ ಮಹಾತ್ಮನಾ॥ 9-47-62 (62912)
ಸ ನಿರ್ಯಯೌ ಮಹಾಸೇನೋ ಮಹತ್ಯಾ ಸೇನಯಾ ವೃತಃ।
ವಧಾಯ ಯುಧಿ ದೈತ್ಯಾನಾಂ ರಕ್ಷಾರ್ಥಂ ಚ ದಿವೋಕಸಾಂ॥ 9-47-63 (62913)
ವ್ಯವಸಾಯೋ ಜಯೋ ಧರ್ಮಃ ಸಿದ್ಧಿರ್ಲಕ್ಷ್ಮೀರ್ಧೃತಿಃ ಸ್ಮೃತಿಃ।
ಮಹಾಸೇನಸ್ಯ ಸೈನ್ಯಾನಾಮಗ್ರೇ ಜಗ್ಮುರ್ನರಾಧಿಪ॥ 9-47-64 (62914)
ಸ ತಯಾ ಭೀಮಯಾ ದೇವಃ ಶುಲಮುದ್ಗರಹಸ್ತಯಾ।
ಜ್ವಲಿತಾಲಾತಧಾರಿಣ್ಯಾ ಚಿತ್ರಾಭರಣವರ್ಮಯಾ॥ 9-47-65 (62915)
ಗದಾಮುಸಲನಾರಾಚಶಕ್ತಿತೋಮರಹರತಯಾ।
ದೃಪ್ತಸಿಂಹನಿನಾದಿನ್ಯಾ ವಿನದ್ಯ ಪ್ರಯಯೌ ಗುಹಃ॥ 9-47-66 (62916)
`ತಂ ದಷ್ಟ್ವಾ ಸರ್ವದೈತೇಯಾ ರಾಕ್ಷಸಾ ದಾನವಾಸ್ತಥಾ।
ವ್ಯದ್ರವಂತ ದಿಶಃ ಸರ್ವಾ ಭಯೋದ್ವಿಗ್ನಾಃ ಸಮಂತತಃ॥ 9-47-67 (62917)
ಅಭ್ಯದ್ರವಂತ ದೇವಾಸ್ತಾನ್ವಿವಿಧಾಯುಧಪಾಣಯಃ।
ದೃಷ್ಟ್ವಾ ಚ ಸ ತತಃ ಕ್ರುದ್ಧಃ ಸ್ಕಂದಸ್ತೇಜೋಬಲಾನ್ವಿತಃ॥ 9-47-68 (62918)
ಶಕ್ತ್ಯಸ್ತ್ರಂ ಭಗವಾನ್ಭೀಮಂ ಪುನಃಪುನರವಾಕಿರತ್।
ಆದಧಚ್ಚಾತ್ಮನಸ್ತೇಜೋ ಹವಿಷೇದ್ಧ ಇವಾನಲಃ॥ 9-47-69 (62919)
ಅಭ್ಯಸ್ಯಮಾನೇ ಶಕ್ತ್ಯಸ್ತ್ರೇ ಸ್ಕಂದೇನಾಮಿತತೇಜಸಾ।
ಉಲ್ಕಾಜ್ವಾಲಾ ಮಹಾರಾಜ ಪಪಾತ ವಸುಧಾತಲೇ॥ 9-47-70 (62920)
ಸಂಹಾದಯಂತಶ್ಚ ತಥಾ ನಿರ್ಘಾತಾಶ್ಚಾಪತನ್ಕ್ಷಿಪೌ।
ಯಥಾಂತಕಾಲಸಮಯೇ ಸುಘೋರಾಃ ಸ್ಯುಸ್ತಥಾ ನೃಪ॥ 9-47-71 (62921)
ಕ್ಷಿಪ್ತಾ ಹ್ಯೇಕಾ ಯದಾ ಶಕ್ತಿಃ ಸುಘೋರಾಽನಲಸೂನುನಾ।
ತತಃ ಕೋಟ್ಯೋ ವಿನಿಷ್ಪೇತುಃ ಶಕ್ತೀನಾಂ ಭರತರ್ಷಭ॥ 9-47-72 (62922)
ತತಃ ಪ್ರೀತೋ ಮಹಾಸೇನೋ ಜಘಾನ ಭಗವಾನ್ಪ್ರಭುಃ।
ದೈತ್ಯೇಂದ್ರಂ ತಾರಕಂ ನಾಮ ಮಹಾಬಲಪರಾಕ್ರಮಂ॥ 9-47-73 (62923)
ವೃತಂ ದೈತ್ಯಾಯುತೈರ್ವೀರೈರ್ಬಲಿಭಿರ್ದಶಭಿರ್ನೃಪ।
ಮಹಿಷಂ ಚಾಷ್ಟಭಿಃ ಪದ್ಮೈರ್ವೃತಂ ಸಂಖ್ಯೇ ನಿಜಘ್ನಿವಾನ್॥ 9-47-74 (62924)
ತ್ರಿಪಾದಂ ಚಾಯುತಶತೈರ್ಜಘಾನ ದಶಭಿರ್ವೃತಂ।
ಹದೋದರಂ ನಿಖರ್ವೈಶ್ಚ ವೃತಂ ದಶಭಿರೀಶ್ವರಃ॥ 9-47-75 (62925)
ಜಘಾನಾನುಚರೈಃ ಸಾರ್ಧಂ ವಿವಿಧಾಯುಧಪಾಣಿಭಿಃ।
ತಥಾಽಕುರ್ವಂತ ವಿಪುಲಂ ನಾದಂ ವಧ್ಯತ್ಸು ಶತ್ರುಷು॥ 9-47-76 (62926)
ಕುಮಾರಾನುಚರಾ ರಾಜನ್ಪೂರಯಂತೋ ದಿಶೋ ದಶ।
ನನೃತುಶ್ಚ ವವಲ್ಗುಶ್ಚ ಜಹಸುಶ್ಚ ಮುದಾನ್ವಿತಾಃ॥ 9-47-77 (62927)
ಶಕ್ತ್ಯಸ್ತ್ರಸ್ಯ ತು ರಾಜೇಂದ್ರ ತತೋಽರ್ಚಿರ್ಭಿಃ ಸಮಂತತಃ।
ತ್ರೈಲೋಕ್ಯಂ ತ್ರಾಸಿತಂ ಸರ್ವಂ ಜೃಂಭಮಾಣಾಭಿರೇವ ಚ॥ 9-47-78 (62928)
ದಗ್ಧಾಃ ಸಹಸ್ರಶೋ ದೈತ್ಯಾ ನಾದೈಃ ಸ್ಕಂದಸ್ಯ ಚಾಪರೇ।
ಪತಾಕಯಾವಧೂತಾಶ್ಚ ಹತಾಃ ಕೇಚಿತ್ಸುರದ್ವಿಷಃ॥ 9-47-79 (62929)
ಕೇಚಿದ್ಧಂಟಾರವತ್ರಸ್ತಾ ನಿಷೇದುರ್ವಸುಧಾತಲೇ।
ಕೇಚಿತ್ಪ್ರಹರಣೈಶ್ಛಿನ್ನಾ ವಿನಿಷ್ಪೇತುರ್ಗತಾಯುಷಃ॥ 9-47-80 (62930)
ಏವಂ ಸುರದ್ವಿಷೋಽನೇಕಾನ್ಬಲವಾನಾತತಾಯಿನಃ।
ಜಘಾನ ಸಮರೇ ವೀರಃ ಕಾರ್ತಿಕೇಯೋ ಮಹಾಬಲಃ॥ 9-47-81 (62931)
ಬಾಣೋ ನಾಮಾಥ ದೈತೇಯೋ ಬಲೇಃ ಪುತ್ರೋ ಮಹಾಬಲಃ।
ಕ್ರೌಂಚಂ ಪರ್ವತಮಾಶ್ರಿತ್ಯ ದೇವಸಂಘಾನಬಾಧತ॥ 9-47-82 (62932)
ತಮಭ್ಯಯಾನ್ಮಹಾಸೇನಃ ಸುರಶತ್ರುಮುದಾರಧೀಃ।
ಸ ಕಾರ್ತಿಕೇಯಸ್ಯ ಭಯಾತ್ಕ್ರೌಂಚಂ ಶರಣಮೀಯಿವಾನ್॥ 9-47-83 (62933)
ತತಃ ಕ್ರೌಂಚಂ ಮಹಾಮನ್ಯುಃ ಕ್ರೌಂಚನಾದನಿನಾದಿತಂ।
ಶಕ್ತ್ಯಾ ಬಿಭೇದ ಭಗವಾನ್ಕಾರ್ತಿಕೇಯೋಽಗ್ನಿದತ್ತಯಾ॥ 9-47-84 (62934)
ಸಸಾಲಸ್ಕಂಧಶಬಲಂ ತ್ರಸ್ತವಾನರವಾರಣಂ।
ಪ್ರೋಂಕೀನೋದ್ಧಾಂತವಿಹಗಂ ವಿನಿಷ್ಪತಿತಪನ್ನಗಂ॥ 9-47-85 (62935)
ಗೋಲಾಂಗೂಲರ್ಕ್ಷಸಂಘೈಶ್ಚ ದ್ರವದ್ಭಿರನುನಾದಿತಂ।
ಕುರಂಗಮವಿನಿರ್ಘೋಷನಿನಾದಿತವನಾಂತರಂ॥ 9-47-86 (62936)
ವಿನಿಷ್ಪತದ್ಭಿಃ ಶರಭೈಃ ಸಿಂಹೈಶ್ಚ ಸಹಸಾ ದ್ರುತೈಃ।
ಶೋಚ್ಯಾಮಪಿ ದಶಾಂ ಪ್ರಾಪ್ತೋ ರರಾಜೇವ ಸಪರ್ವತಃ॥ 9-47-87 (62937)
ವಿದ್ಯಾಧರಾಃ ಸಮುತ್ಪೇತುಸ್ತಸ್ಯ ಶೃಂಗನಿವಾಸಿನಃ।
ಕಿನ್ನರಾಶ್ಚ ಸಮುದ್ವಿಗ್ನಾಃ ಶಕ್ತಿಪಾತರವೋದ್ಧತಾಃ॥ 9-47-88 (62938)
ತತೋ ದೈತ್ಯಾ ವಿನಿಷ್ಪೇತುಃ ಶತಶೋಽಥ ಸಹಸ್ರಶಃ।
ಪ್ರದೀಪ್ತಾತ್ಪರ್ವತಶ್ರೇಷ್ಠಾದ್ವಿಚಿತ್ರಾಭರಣಸ್ರಜಃ॥ 9-47-89 (62939)
ತಾನ್ನಿಜಘ್ನುರತಿಕ್ರಂಯ ಕುಮಾರಾಜುಚರಾ ಮೃಧೇ।
ಸ ಚೈವ ಭಗವಾನ್ಕ್ರುದ್ಧೋ ದೈತ್ಯೇಂದ್ರಸ್ಯ ಸುತಂ ತದಾ॥ 9-47-90 (62940)
ಸಹಾನುಜಂ ಜಘಾನಾಶು ವೃತ್ರಂ ದೇವಪತಿರ್ಯಥಾ।
ಬಿಭೇದ ಕ್ರೌಂಚಂ ಶಕ್ತ್ಯಾ ಚ ಪಾವಕಿಃ ಪರವೀರಹಾ॥ 9-47-91 (62941)
ಬಹುಧಾ ಚೈಕಧಾ ಚೈವ ಕೃತ್ವಾಽಽತ್ಮಾನಂ ಮಹಾಬಲಃ।
ಶಕ್ತಿಃ ಕ್ಷಿಪ್ತಾ ರಣೇ ತಸ್ಯ ಪಾಣಿಮೇತಿ ಪುನಃ ಪುನಃ॥ 9-47-92 (62942)
ಏವಂಪ್ರಭಾವೋ ಭಗವಾಂಸ್ತೇ ಭೂಯಶ್ಚ ಪಾವಕಿಃ।
ಶೌರ್ಯಾದ್ದ್ವಿಗುಣಯೋಗೇನ ತೇಜಸಾ ಯಶಸಾ ಶ್ರಿಯಾ॥ 9-47-93 (62943)
ಕ್ರೌಂಚಸ್ತೇ ವಿನಿರ್ಭಿನ್ನೋ ದೈತ್ಯಾಶ್ಚ ಶತಶೋ ಹತಾಃ॥ 9-47-94 (62944)
ತತಃ ಸ ಭಗವಾಂದೇವೋ ನಿಹತ್ಯ ವಿಬುಧದ್ವಿಷಃ।
ಸಭಾಜ್ಯಮಾನೋ ವಿಬುಧೈಃ ಪರಂ ಹರ್ಷಮವಾಪ ಹ॥ 9-47-95 (62945)
ತತೋ ದುಂದುಭಯೋ ರಾಜನ್ನೇದುಃ ಶಂಖಾಶ್ಚ ಭಾರತ।
ಮುಮುಚುರ್ದೇವಯೋಷಾಶ್ಚ ಪುಷ್ಪವರ್ಷಮನುತ್ತಮಂ।
ಯೋಗಿನಾಮೀಶ್ವರಂ ದೇವಂ ಶತಶೋಽಥ ಸಹಸ್ರಶಃ॥ 9-47-96 (62946)
ದಿವ್ಯಗಂಧಮುಪಾದಾಯ ವವೌ ಪುಣ್ಯಶ್ಚ ಮಾರುತಃ।
ಗಂಧರ್ವಾಸ್ತುಷ್ಟುವುಶ್ಚೈನಂ ಯಜ್ವಾನಶ್ಚ ಮಹರ್ಷಯಃ॥ 9-47-97 (62947)
ಕೇಚಿದನಂ ವ್ಯವಸ್ಯಾಂತಿ ಪಿತಾಮಹಸುತಂ ಪ್ರಭುಂ।
ಸನತ್ಕುಮಾರಂ ಸರ್ವೇಷಾಂ ಬ್ರಹ್ಮಯೋನಿಂ ತಮಗ್ರಜಂ॥ 9-47-98 (62948)
ಕೇಚಿನ್ಮಹೇಶ್ವರಸುತಂ ಕೇಚಿತ್ಪುತ್ರಂ ವಿಭಾವಸೋಃ।
ಉಮಾಯಾಃ ಕೃತ್ತಿಕಾನಾಂ ಚ ಗಂಗಾಯಾಶ್ಚ ವದಂತ್ಯುತ॥ 9-47-99 (62949)
ಏಕಧಾ ಚ ದ್ವಿಧಾ ಚೈವ ಚತುರ್ಧಾ ಚ ಮಹಾಬಲಂ।
ಯೋಗಿನಾಮೀಶ್ವರಂ ದೇವಂ ಶತಶೋಽಥ ಸಹಸ್ರಶಃ॥ 9-47-100 (62950)
ಏತತ್ತೇ ಕಥಿತಂ ರಾಜನ್ಕಾರ್ತಿಕೇಯಾಭಿಷೇಚನಂ।
ಶೃಣು ಚೈವ ಸರಸ್ವತ್ಯಾಸ್ತೀರ್ಥವಂಶಸ್ಯ ಪುಣ್ಯತಾಂ॥ 9-47-1 (62951)
ಬಭೂವ ತೀರ್ಥಪ್ರವರಂ ಹತೇಷು ಸುರಶತ್ರುಷು।
ಕುಮಾರೇಣ ಮಹಾರಾಜ ತ್ರಿವಿಷ್ಟಪಮಿವಾಪರಂ॥ 9-47-2 (62952)
ಐಶ್ವರ್ಯಾಣಿ ಚ ತತ್ರಸ್ಥೋ ದದಾವೀಶಃ ಪೃಥಕ್ಪೃಥಕ್।
ದದೌ ನೈರ್ಋತಮುಖ್ಯೇಭ್ಯಸ್ತ್ರೈಲೋಕ್ಯಂ ಪಾವಕಾತ್ಮಜಃ॥ 9-47-3 (62953)
ಏವಂ ಸ ಭಗವಾಂಸ್ತಸ್ಮಿಂಸ್ತೀರ್ಥೇ ದೈತ್ಯಕುಲಾಂತಕಃ।
ಅಭಿಷಿಕ್ತೋ ಮಹಾರಾಜ ದೇವಸೇನಾಪತಿಃ ಸುರೈಃ॥ 9-47-4 (62954)
ಔಶನಂ ನಾಮ ತತ್ತೀರ್ಥಂ ಯತ್ರ ಪೂರ್ವಮಪಾಂಪತಿಃ।
ಅಭಿಷಿಕ್ತಃ ಸುರಗಣೈರ್ವರುಣೋ ಭರತರ್ಷಭ॥ 9-47-5 (62955)
ಅಸ್ಮಿಂಸ್ತೀರ್ಥವರೇ ಸ್ನಾತ್ವಾ ಸ್ಕಂದಂ ಚಾಭ್ಯರ್ಚ್ಯ ಲಾಂಗಲೀ।
ಬ್ರಾಹ್ಮಣೇಭ್ಯೋದದೌ ರುಕ್ಮಂ ವಾಸಾಂಸ್ಯಾಭರಣಾನಿ ಚ॥ 9-47-6 (62956)
ಉಷಿತ್ವಾ ರಜನೀಂ ತತ್ರ ಮಾಧವಃ ಪರವೀರಹಾ।
ಪೂಜ್ಯತೀರ್ಥವರಂ ತಚ್ಚ ಸ್ಪೃಷ್ಟ್ವಾ ತೋಯಂ ಚ ಲಾಂಗಲೀ॥ 9-47-7 (62957)
ಹೃಷ್ಟಃ ಪ್ರೀತಮನಾಶ್ಚೈವ ಹ್ಯಭವನ್ಮಾಧವೋತ್ತಮಃ।
ಏತತ್ತೇ ಸರ್ವಮಾಖ್ಯಾತಂ ಯನ್ಮಾಂ ತ್ವಂ ಪರಿಪೃಚ್ಛಸಿ॥ 9-47-8 (62958)
ಯಥಾಽಭಿಷಿಕ್ತೋ ಭಗವಾನ್ಸ್ಕಂದೋ ದೇವೈಃ ಸಮಾಗತೈಃ।
`ಸೇನಾನೀಶ್ಚ ಕೃತೋ ರಾಜನ್ಬಾಲ ಏವ ಮಹಾಬಲಃ'॥ ॥ 9-47-9 (62959)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಸಪ್ತಚತ್ವಾರಿಂಶೋಽಧ್ಯಾಯಃ॥ 47 ॥
ಶಲ್ಯಪರ್ವ - ಅಧ್ಯಾಯ 048
॥ ಶ್ರೀಃ ॥
9.48. ಅಧ್ಯಾಯಃ 048
Mahabharata - Shalya Parva - Chapter Topics
ದೇವೈರ್ವರುಣಸ್ಯ ಜಲಾಧಿಪತ್ಯೇಽಭಿಷೇಚನಂ॥ 1 ॥ ಬಲಭದ್ರಸ್ಯಾಗ್ನಿತೀರ್ಥಕೌಬೇರತೀರ್ಥಗಮನಂ ತನ್ಮಹಿಮಾನುವರ್ಣನಂ ಚ॥ 2 ॥Mahabharata - Shalya Parva - Chapter Text
9-16-0 (62960)
ಜನಮೇಜಯ ಉವಾಚ। 9-16-0x (5199)
ಅತ್ಯದ್ಭುತಮಿದಂ ಬ್ರಹ್ಮಞ್ಶ್ರುತವಾನಸ್ಮಿ ತತ್ತ್ವತಃ।
ಅಭಿಷೇಕಂ ಕುಮಾರಸ್ಯ ವಿಸ್ತರೇಣ ಯಥಾವಿಧಿ॥ 9-16-1 (62961)
ಯಚ್ಛ್ರುತ್ವಾ ಪೂತಮಾತ್ಮಾನಂ ವಿಜಾನಾಮಿ ತಪೋಧನ।
ಪ್ರಹೃಷ್ಟಾನಿ ಚ ರೋಮಾಣಿ ಪ್ರಸನ್ನಂ ಚ ಮನೋ ಮಮ॥ 9-16-2 (62962)
ಅಭಿಷೇಕಂ ಕುಮಾರಸ್ಯ ದೈತ್ಯಾನಾಂ ಚ ವಧಂ ತಥಾ।
ಶ್ರುತ್ವಾ ಮೇ ಪರಮಾ ಪ್ರೀತಿರ್ಭೂಯಃ ಕೌತೂಹಲಂ ಹಿ ಮೇ॥ 9-16-3 (62963)
ಅಪಾಂಪತಿಃ ಕಥಂ ಹ್ಯಸ್ಮಿನ್ನಭಿಷಿಕ್ತಃ ಪುರಾ ಸುರೈಃ।
ತನ್ಮೇ ಬ್ರೂಹಿ ಮಹಾಪ್ರಜ್ಞ ಕುಶಲೋ ಹ್ಯಸಿ ಸತ್ತಮ॥ 9-16-4 (62964)
ವೈಶಂಪಾಯನ ಉವಾಚ। 9-16-5x (5200)
ಶೃಣು ರಾಜನ್ನಿದಂ ಚಿತ್ರಂ ಪೂರ್ವಕಾಲೇ ಯಥಾಽಭವತ್॥ 9-16-5 (62965)
ಆದೌ ಕೃತಯುಗೇ ರಾಜನ್ವರ್ತಮಾನೇ ಯಥಾವಿಧಿ।
ವರುಣಂ ದೇವತಾಃ ಸರ್ವಾಃ ಸಮೇತ್ಯೇದಮಥಾಬ್ರುವನ್॥ 9-16-6 (62966)
ಯಥಾಽಸ್ಮಾನ್ಸುರರಾಟ್ ಶಕ್ರೋ ಭಯೇಭ್ಯಃ ಪಾತಿ ಸರ್ವದಾ।
ತಥಾ ತ್ವಮಪಿ ಸರ್ವಾಸಾಂ ಸರಿತಾಂ ವೈ ಪತಿರ್ಭವ॥ 9-16-7 (62967)
ವಾಸಶ್ಚ ತೇ ಸದಾ ದೇವ ಸಾಗರೇ ಮಕರಾಲಯೇ।
ಸಮುದ್ರೋಽಯಂ ತವ ವಶೇ ಭವಿಷ್ಯತಿ ನದೀಪತಿಃ॥ 9-16-8 (62968)
ಸೋಮೇನ ಸಾರ್ಧಂ ಚ ತವ ಹಾನಿವೃದ್ವೀ ಭವಿಷ್ಯತಃ।
ಏವಮಸ್ತ್ವಿತಿ ತಾಂದೇವಾನ್ವರುಣೋ ವಾಕ್ಯಮಬ್ರವೀತ್॥ 9-16-9 (62969)
ಸಮಾಗಂಯ ತತಃ ಸರ್ವೇ ವರುಣಂ ಸಾಗರಾಲಯಂ।
ಅಪಾಂಪತಿಂ ಪ್ರಚಕ್ರುರ್ಹಿ ವಿಧಿದೃಷ್ಟೇನ ಕರ್ಮಣಾ॥ 9-16-10 (62970)
ಅಭಿಷಿಚ್ಯ ತತೋ ದೇವಾ ವರುಣಂ ಯಾದಸಾಂಪತಿಂ।
ಜಗ್ಮುಃ ಸ್ವಾನ್ಯೇವ ಸ್ಥಾನಾನಿ ಪೂಜಯಿತ್ವಾ ಜಲೇಶ್ವರಂ॥ 9-16-11 (62971)
ಅಭಿಷಿಕ್ತಸ್ತತೋ ದೇವೈರ್ವರುಣೋಽಪಿ ಮಹಾಯಶಾಃ।
ಸರಿತಃ ಸಾಗರಾಂಶ್ಚೈವ ನದಾಂಶ್ಚಾಪಿ ಸರಾಂಸಿ ಚ।
ಪಾಲಯಾಮಾಸ ವಿಧಿನಾ ಯಥಾ ದೇವಾಞ್ಶತಕ್ರತುಃ॥ 9-16-12 (62972)
ತತಸ್ತ್ರತ್ರಾಪ್ಯುಪಸ್ಪೃಶ್ಯ ದತ್ತ್ವಾ ಚ ವಿವಿಧಂ ವಸು।
ಅಗ್ನಿತೀರ್ಥಂ ಮಹಾಪ್ರಾಜ್ಞೋ ಜಗಾಮಾಥ ಪ್ರಲಂಬಹಾ।
ನಷ್ಟೋ ನ ದೃಶ್ಯತೇ ಯತ್ರ ಶಮೀಗರ್ಭೇ ದುತಾಶನಃ॥ 9-16-13 (62973)
ಲೋಕಾಲೋಕವಿನಾಶೇ ಚ ಪ್ರಾದುರ್ಭೂತೇ ತದಾಽನಘ।
ಉಪತಸ್ಥುಃ ಸುರಾ ಯತ್ರ ಸರ್ವಲೋಕಪಿತಾಮಹಂ॥ 9-16-14 (62974)
ಅಗ್ನಿಃ ಪ್ರನಷ್ಟೋ ಭಗವಾನ್ಕಾರಣಂ ಚ ನ ವಿದ್ಮಹೇ।
ಸರ್ವಭೂತಕ್ಷಯೋ ರಾಜನ್ಸಂಪಾದಯ ವಿಭೋಽನಲಂ॥ 9-16-15 (62975)
ಜನಮೇಜಯ ಉವಾಚ। 9-16-16x (5201)
ಕಿಮರ್ಥಂ ಭಗವಾನಗ್ನಿಃ ಪ್ರನಷ್ಟೋ ಲೋಕಭಾವನಾಃ।
ವಿಜ್ಞಾತಶ್ಚ ಕಥಂ ದೇವೈಸ್ತನ್ಮಮಾಚಕ್ಷ್ವ ತತ್ತ್ವತಃ॥ 9-16-16 (62976)
ವೈಶಂಪಾಯನ ಉವಾಚ। 9-16-17x (5202)
ಭೃಗೋಃ ಶಾಪಾದ್ಭೃಶಂ ಭೀತೋ ಜಾತವೇದಾಃ ಪ್ರತಾಪವಾನ್।
ಶಮೀಗರ್ಭಮಥಾಸಾದ್ಯ ನನಾಶ ಭಗವಾಂಸ್ತತಃ॥ 9-16-17 (62977)
ಪ್ರನಷ್ಟೇ ತು ತದಾ ವಹ್ನೌ ದೇವಾಃ ಸರ್ವೇ ಸವಾಸವಾಃ।
ಅನ್ವೈಷಂತ ತದಾ ನಷ್ಟಂ ಜ್ವಲನಂ ಭೃಶದುಃಖಿತಾಃ॥ 9-16-18 (62978)
ತತೋಽಗ್ನಿತೀರ್ಥಮಾಸಾದ್ಯ ಶಮೀಗರ್ಭಸ್ಥಮೇವ ಹಿ।
ದದೃಶುರ್ಜ್ವಲನಂ ತತ್ರ ವಸಮಾನಂ ಯಥಾವಿಧಿ॥ 9-16-19 (62979)
ದೇವಾಃ ಸರ್ವೇ ನರವ್ಯಾಘ್ರ ಬೃಹಸ್ಪತಿಪುರೋಗಮಾಃ।
ಜ್ವಲನಂ ತಂ ಸಮಾಸಾದ್ಯ ಪ್ರೀತಾಽಭೂವನ್ಸವಾಸವಾಃ॥ 9-16-20 (62980)
ಪುನರ್ಯಥಾಗತಂ ಜಗ್ಮುಃ ಸರ್ವಭಕ್ಷಶ್ಚ ಸೋಽಭವತ್।
ಭೃಗೋಃ ಶಾಪಾನ್ಮಹಾಭಾಗ ಯದುಕ್ತಂ ಬ್ರಹ್ಮವಾದಿನಾ॥ 9-16-21 (62981)
ತತ್ರಾಪ್ಯಾಪ್ಲುತ್ಯ ಮತಿಮಾನ್ಬ್ರಹ್ಮಶಾಪಾನ್ಮುಮೋಚ ಹ॥ 9-16-22 (62982)
ತತ್ರಾಪ್ಲುತ್ಯ ತತೋ ಬ್ರಹ್ಮಾ ಸಹ ದೇವೈಃ ಪ್ರಭುಃ ಪುರಾ।
ಸಸರ್ಜ ಚಾನ್ನಾನಿ ತಥಾ ದೇವತಾನಾಂ ಯಥಾವಿಧಿ॥ 9-16-23 (62983)
ತತ್ರ ಸ್ನಾತ್ವಾ ಚ ದತ್ತ್ವಾ ಚ ವಸೂನಿ ವಿವಿಧಾನಿ ಚ।
ಕೌಬೇರಂ ಪ್ರಯಯೌ ತೀರ್ಥಂ ಯತ್ರ ತಪ್ತ್ವಾ ಮಹತ್ತಪಃ॥ 9-16-24 (62984)
ಧನಾಧಿಪತ್ಯಂ ಸಂಪ್ರಾಪ್ತೋ ರಾಜನ್ನೈಲಬಿಲಃ ಪ್ರಭುಃ॥ 9-16-25 (62985)
ತತ್ರಸ್ಥಮೇವ ತಂ ರಾಜಂಧನಾನಿ ನಿಧಯಸ್ತಥಾ।
ಉಪತದ್ಧತುರ್ನರಶ್ರೇಷ್ಠ ತತ್ತೀರ್ಥಂ ಲಾಂಗಲೀ ಬಲಃ॥ 9-16-26 (62986)
ಗತ್ವಾ ಸ್ನಾತ್ವಾ ಚ ವಿಧಿವದ್ಬ್ರಾಹ್ಮಣೇಭ್ಯೋ ಧನಂ ದದೌ।
ದದೃಶೇ ತತ್ರ ತತ್ಸ್ಥಾನಂ ಕೌಬೇರೇ ಕಾನನೋತ್ತಮೇ॥ 9-16-27 (62987)
ಪುರಾ ಯತ್ರ ತಪಸ್ತಪ್ತಂ ವಿಪುಲಂ ಸುಮಹಾತ್ಮನಾ।
ಯಕ್ಷರಾಜ್ಞಾ ಕುಬೇರೇಣ ವರಾ ಲಬ್ಧಾಶ್ಚ ಪುಷ್ಕಲಾಃ॥ 9-16-28 (62988)
ಧನಾಧಿಪತ್ಯಂ ಸಖ್ಯಂ ಚ ರುದ್ರೇಣಾಮಿತತೇಜಸಾ।
ಸುರತ್ವಂ ಲೋಕಪಾಲತ್ವಂ ಪುತ್ರಂ ಚ ನಲಕೂಬರಂ॥ 9-16-29 (62989)
ಯತ್ರ ಲೇಭೇ ಮಹಾಬಾಹೋ ಧನಾಧಿಪತಿರಂಜಸಾ।
ಅಭಿಷಿಕ್ತಶ್ಚ ತತ್ರೈವ ಸಮಾಗಂಯ ಮರುದ್ಗಣೈಃ॥ 9-16-30 (62990)
ವಾಹನಂ ಚಾಸ್ಯ ತದ್ದತ್ತಂ ಹಂಸಯುಕ್ತಂ ಮನೋಜವಂ।
ವಿಮಾನಂ ಪುಷ್ಪಕಂ ದಿವ್ಯಂ ನೈರ್ಋತೈಶ್ವರ್ಯಮೇವ ಚ॥ 9-16-31 (62991)
ತತ್ರಾಪ್ಲುತ್ಯ ಬಲೋ ರಾಜಂದತ್ತ್ವಾ ದಾಯಾಂಶ್ಚ ಪುಷ್ಕಲಾನ್।
ಜಗಾಮ ತ್ವರಿತೋ ರಾಮಸ್ತೀರ್ಥಂ ಸ್ವೇತಾನುಲೇಪನಃ॥ 9-16-32 (62992)
ನಿಷೇವಿತಂ ಸರ್ವಸತ್ವೈರ್ನಾಂನಾ ಬದರಪಾಚನಂ।
ನಾನರ್ತುಕವನೋಪೇತಂ ಸದಾ ಪುಷ್ಪಫಲಂ ಶುಭಂ॥ ॥ 9-16-33 (62993)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಅಷ್ಟಚತ್ವಾರಿಂಶೋಽಧ್ಯಾಯಃ॥ 48 ॥
Mahabharata - Shalya Parva - Chapter Footnotes
9-16-25 ಐಲಬಿಲಃ ಕುಬೇರಃ॥ 9-16-48 ಅಷ್ಟಚತ್ವಾರಿಂಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 049
॥ ಶ್ರೀಃ ॥
9.49. ಅಧ್ಯಾಯಃ 049
Mahabharata - Shalya Parva - Chapter Topics
ಬಲರಾಮಸ್ಯ ಬದರಪಾಚನತೀರ್ಥಗಮನಂ॥ 1 ॥ ಶ್ರುತಾವತ್ಯರುಂಧತ್ಯೋರ್ಮಹಿಮಾನುವರ್ಣನಂ॥ 2 ॥Mahabharata - Shalya Parva - Chapter Text
9-49-0 (62994)
ವೈಶಂಪಾಯನ ಉವಾಚ। 9-49-0x (5203)
ತತಸ್ತೀರ್ಥವರಂ ರಾಮೋ ಯಯೌ ಬದರಪಾಚನಾಂ।
ತಪಸ್ವಿಸಿದ್ಧಚರಿತಂ ಯತ್ರ ಕನ್ಯಾ ಧೃತವ್ರತಾ॥ 9-49-1 (62995)
ಭರದ್ವಾಜಸ್ಯ ದುಹಿತಾ ರುಪೇಣಾಪ್ರತಿಮಾ ಭುವಿ।
ಶ್ರುತಾವತೀ ನಾಮ ವಿಭೋ ಕುಮಾರೀ ಬ್ರಹ್ಮಚಾರಿಣೀ॥ 9-49-2 (62996)
ತಪಶ್ಚಚಾರ ಸಾತ್ಯುಗ್ರಂ ನಿಯಮೈರ್ಬಹುಭಿರ್ವೃತಾ।
ಭರ್ತಾ ಮೇ ದೇವರಾಜಃ ಸ್ಯಾದಿತಿ ನಿಶ್ಚಿತ್ಯ ಭಾಮಿನೀ॥ 9-49-3 (62997)
ಸಮಾಸ್ತಸ್ಯಾ ವ್ಯತಿಕ್ರಾಂತಾ ಬಹ್ವ್ಯಃ ಕುರುಕುಲೋದ್ವಹ।
ಚರಂತ್ಯಾ ನಿಯಮಾಂಸ್ತಾಂಸ್ತಾಂಸ್ತ್ರೀಭಿಸ್ತೀವ್ರಾನ್ಸುದುಶ್ಚರಾನ್॥ 9-49-4 (62998)
ತಸ್ಯಾಸ್ತು ತೇನ ವೃತ್ತೇನ ತಪಸಾ ಚ ವಿಶಾಂಪತೇ।
ಭಕ್ತ್ಯಾ ಚ ಭಗವಾನ್ಪ್ರೀತಃ ಪರಯಾ ಪಾಕಶಾಸನಃ॥ 9-49-5 (62999)
ಆಜಗಾಮಾಶ್ರಮಂ ತಸ್ಯಾಸ್ತ್ರಿದಶಾಧಿಪತಿಃ ಪ್ರಭುಃ।
ಆಸ್ಥಾಯ ರೂಪಂ ವಿಪ್ರರ್ಷೇರ್ವಸಿಷ್ಠಸ್ಯ ಮಹಾತ್ಮನಃ॥ 9-49-6 (63000)
ಸಾ ತಂ ದೃಷ್ಟ್ವೋಗ್ರತಪಸಂ ವಸಿಷ್ಠಂ ತಪತಾಂ ವರಂ।
ಆಚಾರೈರ್ಮುನಿಭಿರ್ದೃಷ್ಟೈಃ ಪೂಜಯಾಮಾಸ ಭಾರತ॥ 9-49-7 (63001)
ಉವಾಚ ನಿಯಮಜ್ಞಾ ಚ ಕಲ್ಯಾಣೀ ಸಾ ಪ್ರಿಯಂವದಾ।
ಭಗವನ್ಮುನಿಶಾರ್ದೂಲ ಕಿಮಾಜ್ಞಾಪಯಸಿ ಪ್ರಭೋ॥ 9-49-8 (63002)
ಸರ್ವಮದ್ಯ ಯಥಾಶಕ್ತಿ ತವ ದಾಸ್ಯಾಮಿ ಸುವ್ರತ।
ಶಕ್ತ್ರಭಕ್ತ್ಯಾ ಚ ತೇ ಪಾಣಿಂ ನ ದಾಸ್ಯಾಮಿ ಕಥಂಚನ॥ 9-49-9 (63003)
ವ್ರತೈಶ್ಚ ನಿಯಮೈಶ್ಚೈವ ತಪಸಾ ಚ ತಪೋಧನ।
ಶಕ್ರಸ್ತೋಷಯಿತವ್ಯೋ ವೈ ಮಯಾ ತ್ರಿಭುವನೇಶ್ವರಃ॥ 9-49-10 (63004)
ಇತ್ಯುಕ್ತೋ ಭಗವಾಂದೇವಃ ಸ್ಮಯನ್ನಿವ ನಿರೀಕ್ಷ್ಯ ತಾಂ।
ಉವಾಚ ನಿಯಮಂ ಜ್ಞಾತ್ವಾ ಸಾಂತ್ವಯನ್ನಿವ ಭಾರತ॥ 9-49-11 (63005)
ಉಗ್ರಂ ತಪಶ್ಚರಸಿ ವೈ ವಿದಿತಾ ಮೇಽಸಿ ಸುವ್ರತೇ।
ಯದರ್ಥಮಯಮಾರಂಭಸ್ತವ ಕಲ್ಯಾಣಿ ಹೃದ್ಗತಃ॥ 9-49-12 (63006)
ತಚ್ಚ ಸರ್ವಂ ಯಥಾಭೂತಂ ಭವಿಷ್ಯತಿ ವರಾನನೇ।
ತಪಸಾ ಲಭ್ಯತೇ ಸರ್ವಂ ಯಥಾಭೂತಂ ಭವಿಷ್ಯತಿ॥ 9-49-13 (63007)
ಯಥಾ ಸ್ಥಾನಾನಿ ದಿವ್ಯಾನಿ ವಿಬುಧಾನಾಂ ಶುಭಾನನೇ।
ತಪಸಾ ತಾನಿ ಪ್ರಾಪ್ಯಾಣಿ ತಪೋಮೂಲಂ ಮಹಾತ್ಸುಖಂ॥ 9-49-14 (63008)
ಇತಿ ಕೃತ್ವಾ ತಪೋ ಘೋರಂ ದೇಹಂ ಸನ್ನ್ಯಸ್ಯ ಮಾನವಾಃ।
ದೇವತ್ವಂ ಯಾಂತಿ ಕಲ್ಯಾಣಿ ಶೃಣುಷ್ವೈಕಂ ವಚೋ ಮಮ॥ 9-49-15 (63009)
ಪ಼ಂಚ ಚೈತಾನಿ ಸುಭಗೇ ಬದರಾಣಿ ಶುಭವ್ರತೇ।
ಪಚೇತ್ಯುಕ್ತ್ವಾ ತು ಭಗವಾಂಜಗಾಮ ಬಲಸೂದನಃ॥ 9-49-16 (63010)
ಆಮಂತ್ರ್ಯ ತಾಂ ತು ಕಲ್ಯಾಣೀಂ ತತೋ ಜಪ್ಯಂ ಜಜಾಪ ಸಃ।
ಅವಿದೂರೇ ತತಸ್ತಸ್ಮಾದಾಶ್ರಮಾತ್ತೀರ್ಥಮುತ್ತಮಂ॥ 9-49-17 (63011)
ತಚ್ಚ ತೀರ್ಥಂ ಮಹಾರಾಜ ಯತ್ರ ಜಪ್ಯಂ ಜಜಾಪ ಸಃ।
ಇಂದ್ರತೀರ್ಥೇತಿವಿಖ್ಯಾತಂ ತ್ರಿಷು ಲೋಕೇಷು ಮಾನದ॥ 9-49-18 (63012)
ತಸ್ಯ ಜಿಜ್ಞಾಸನಾರ್ಥಂ ಸ ಭಗವಾನ್ಪಾಕಶಾಸನಃ।
ಬದರಾಣಾಮಪಚನಂ ಚಕಾರ ವಿಬುಧಾಧಿಪಃ॥ 9-49-19 (63013)
ತತಃ ಪ್ರತಪ್ತಾ ಸಾ ರಾಜನ್ವಾಗ್ಯತಾ ವಿಗತಕ್ಲಮಾ।
ತತ್ಪರಾ ಶುಚಿಸಂವೀತಾ ಪಾವಕೇ ಸಮಧಿಶ್ರಯತ್।
ಅಪಚದ್ರಾಜಶಾರ್ದೂಲ ಬದರಾಣಿ ಮಹಾವ್ರತಾ॥ 9-49-20 (63014)
ತಸ್ಯಾಃ ಪಚಂತ್ಯಾಃ ಸುಮಹಾನ್ಕಾಲೋಽಗಾತ್ಪುರುಷರ್ಷಭ।
ನ ಚ ಸ್ಮ ತಾನ್ಯಪಚ್ಯಂತ ದಿನಂ ಚ ಕ್ಷಯಮಭ್ಯಗಾತ್॥ 9-49-21 (63015)
ಹುತಾಶನೇನ ದಗ್ಧಶ್ಚ ಯಸ್ತಸ್ಯಾಃ ಕಾಷ್ಠಸಂಚಯಃ।
ಅಕಾಷ್ಠಮಗ್ನಿಂ ಸಾ ದೃಷ್ಟ್ವಾ ಸ್ವಶರೀರಮಥಾದಹತ್॥ 9-49-22 (63016)
ಪಾದೌ ಪ್ರಕ್ಷಿಪ್ಯ ಸಾ ಪೂರ್ವಂ ಪಾವಕೇ ಚಾರುದರ್ಶನಾ।
ದಗ್ಧೌ ದಗ್ಧೌ ಪುನಃ ಪಾದಾವುಪಾವರ್ತಯತಾನಘ॥ 9-49-23 (63017)
ಚರಣೇ ದಹ್ಯಮಾನೇ ಚ ನಾಚಿಂತಯದನಿಂದಿತಾ।
ದುಃಖಂ ಕಮಲಪತ್ರಾಕ್ಷೀ ಮಹರ್ಷಿಪ್ರಿಯಕಾಂಯಯಾ॥ 9-49-24 (63018)
ನ ವೈಮನಸ್ಯಂ ತಸ್ಯಾಸ್ತು ಮುಖಭೇದೋಽಥವಾಽಭವತ್।
ಶರೀರಮಗ್ನಿನಾ ದೀಪ್ಯ ಜಲಮಧ್ಯೇ ಯಥಾ ಸ್ಥಿತಾ॥ 9-49-25 (63019)
ತಚ್ಚಾಸ್ಯಾಃ ಪಚನೇ ಯತ್ನಂ ನ ನ್ಯವರ್ತತ ಭಾರತ।
ಸರ್ವಥಾ ಬದರಾಣ್ಯೇವ ಪಕ್ತವ್ಯಾನೀತಿ ಕನ್ಯಕಾ॥ 9-49-26 (63020)
ಸಾ ತನ್ಮನಸಿ ಕೃತ್ವೈವ ಮಹರ್ಷೇರ್ವಚನಂ ಶುಭಾ।
ಅಪಚದ್ಬದರಾಣ್ಯೇವ ನ ಚಾಪಚ್ಯಂತ ಭಾರತ॥ 9-49-27 (63021)
ತಸ್ಯಾಸ್ತು ಚರಣೌ ವಹ್ನಿರ್ದದಾಹ ಭಗವಾನ್ಸ್ವಯಂ।
ನ ಚ ತಸ್ಯಾ ಮನೋದುಃಖಂ ಸ್ವಲ್ಪಮಪ್ಯಭವತ್ತದಾ॥ 9-49-28 (63022)
ಅಥ ತತ್ಕರ್ಮ ದೃಷ್ಟ್ವಾಽಸ್ಯಾಃ ಪ್ರೀತಸ್ತ್ರಿಭುವನೇಶ್ವರಃ।
ತತಃ ಸಂದರ್ಶಯಾಮಾಸ ಕನ್ಯಾಯೈ ರೂಪಮಾತ್ಮನಃ॥ 9-49-29 (63023)
ಉವಾಚ ಚ ಸುರಶ್ರೇಷ್ಠಸ್ತಾಂ ಕನ್ಯಾಂ ಸುದೃಢವ್ರತಾಂ।
ಪ್ರೀತೋಽಸ್ಮಿ ತೇ ಶುಭೇ ಭಕ್ತ್ಯಾ ತಪಸಾ ನಿಯಮೇನ ಚ॥ 9-49-30 (63024)
ತಸ್ಮಾದ್ಯೋಽಭಿಮತಃ ಕಾಮಃ ಸ ತೇ ಸಂಪತ್ಸ್ಯತೇ ಶುಭೇ।
ದೇಹಂ ತ್ಯಕ್ತ್ವಾ ಮಹಾಭಾಗೇ ತ್ರಿದಿವೇ ಮಯಿ ವತ್ಸ್ಯಸಿ॥ 9-49-31 (63025)
ಇದಂ ಚ ತೇ ತೀರ್ಥವರಂ ಸ್ಥಿರಂ ಲೋಕೇ ಭವಿಷ್ಯತಿ।
ಸರ್ವಪಾಪಾಪಹಂ ಸುಭ್ರು ನಾಂನಾ ಬದರಪಾಚನಂ।
ವಿಖ್ಯಾತಂ ತ್ರಿಷು ಲೋಕೇಷು ಬ್ರಹ್ಮರ್ಷಿಭಿರಭಿಪ್ಲುತಂ॥ 9-49-32 (63026)
ಅಸ್ಮಿನ್ಖಲು ಮಹಾಭಾಗೇ ಶುಭೇ ತೀರ್ಥವರೇಽನಘೇ।
ತ್ಯಕ್ತ್ವಾ ಸಪ್ತರ್ಷಯೋ ಜಗ್ಮುರ್ಹಿಮವಂತಮರುಂಧತೀಂ॥ 9-49-33 (63027)
ತತಸ್ತೇ ವೈ ಮಹಾಭಾಗಾ ಗತ್ವಾ ತತ್ರ ಸುಸಂಶಿತಾಃ।
ವೃತ್ತ್ಯರ್ಥಂ ಫಲಮೂಲಾನಿ ಸಮಾಹರ್ತುಂ ಯಯುಃ ಕಿಲ॥ 9-49-34 (63028)
ತೇಷಾಂ ವೃತ್ತ್ಯರ್ಥಿನಾಂ ತತ್ರ ವಸತಾಂ ಹಿಮವದ್ವನೇ।
ಅನಾವೃಷ್ಟಿರನುಪ್ರಾಪ್ತಾ ತದಾ ದ್ವಾದಶವಾರ್ಷಿಕೀ॥ 9-49-35 (63029)
ತೇ ಕೃತ್ವಾ ಚಾಶ್ರಮಂ ತತ್ರ ನ್ಯವಸಂತ ತಪಸ್ವಿನಃ।
ಅರುಂಧತ್ಯಪಿ ಕಲ್ಯಾಣೀ ತಪೋನಿತ್ಯಾಽಭವತ್ತದಾ॥ 9-49-36 (63030)
ಅರುಂಧತೀಂ ತತೋ ದೃಷ್ಟ್ವಾ ತೀವ್ರಂ ನಿಯಮಮಾಸ್ಥಿತಾಂ।
ಅಥಾಗಮತ್ತ್ರಿನಯನಃ ಸುಪ್ರೀತೋ ವರದಸ್ತದಾ॥ 9-49-37 (63031)
ಬ್ರಾಹ್ಮಂ ರೂಪಂ ತತಃ ಕೃತ್ವಾ ಮಹಾದೇವೋ ಮಹಾಯಶಾಃ।
ತಾಮಭ್ಯೇತ್ಯಾಬ್ರವೀದ್ದೇವೋ ಭಿಕ್ಷಾಮಿಚ್ಛಾಂಯಹಂ ಶುಭೇ॥ 9-49-38 (63032)
ಪ್ರತ್ಯುವಾಚ ತತಃ ಸಾ ತಂ ಬ್ರಾಹ್ಮಣಂ ಚಾರುದರ್ಶನಾ।
ಕ್ಷೀಣೋಽನ್ನಸಂಚಯೋ ವಿಪ್ರ ಬದರಾಣೀಹ ಭಕ್ಷಯ॥ 9-49-39 (63033)
ತತೋಽಬ್ರವೀನ್ಮಹಾದೇವಃ ಪಚಸ್ವೈತಾನಿ ಸುವ್ರತೇ।
ಇತ್ಯುಕ್ತಾ ಸಾಽಪಚತ್ತಾನಿ ಬ್ರಾಹ್ಮಣಪ್ರಿಯಕಾಂಯಯಾ।
ಅಧಿಶ್ರಿತ್ಯ ಸಮಿದ್ಧೇಽಗ್ನೌ ಬದರಾಣಿ ಯಶಸ್ವಿನೀ॥ 9-49-40 (63034)
ದಿವ್ಯಾ ಮನೋರಮಾಃ ಪುಣ್ಯಾಃ ಕಥಾಃ ಶುಶ್ರಾವ ಸಾ ತದಾ।
ಅತೀತಾ ಸಾ ತ್ವನಾವೃಷ್ಟಿರ್ಘೋರಾ ದ್ವಾದಶವಾರ್ಷಿಕೀ॥ 9-49-41 (63035)
ಅನಶ್ನಂತ್ಯಾಃ ಪಚಂತ್ಯಾಶ್ಚ ಶೃಣ್ವಂತ್ಯಾಶ್ಚ ಕಥಾಃ ಶುಭಾಃ।
ದಿನೋಪಮಃ ಸ ತಸ್ಯಾಥ ಕಾಲೋಽತೀತಃ ಸುದಾರುಣಃ॥ 9-49-42 (63036)
ತತಸ್ತು ಮುನಯಃ ಪ್ರಾಪ್ತಾಃ ಫಲಾನ್ಯಾದಾಯ ಪರ್ವತಾತ್।
ತತಃ ಸ ಭಗವಾನ್ಪ್ರೀತಃ ಪ್ರೋವಾಚಾರುಂಧತೀಂ ತತಃ॥ 9-49-43 (63037)
ಉಪಸರ್ಪಸ್ವ ಧರ್ಮಜ್ಞೇ ಯಥಾಪೂರ್ವಮಿಮಾನೃಷೀನ್।
ಪ್ರೀತೋಽಸ್ಮಿ ತವ ಧರ್ಮಜ್ಞೇ ತಪಸಾ ನಿಯಮೇನ ಚ॥ 9-49-44 (63038)
ತತಃ ಸಂದರ್ಶಯಾಮಾಸ ಸ್ವರೂಪಂ ಭಗವಾನ್ಹರಃ।
ತತೋಽಬ್ರವೀತ್ತದಾ ತೇಭ್ಯಸ್ತಸ್ಯಾಶ್ಚ ಚರಿತಂ ಮಹತ್॥ 9-49-45 (63039)
ಭವದ್ಭಿರ್ಹಿಮವತ್ಪೃಷ್ಠೇ ಯತ್ತಪಃ ಸಮುಪಾರ್ಜಿತಂ।
ಅಸ್ಯಾಸ್ಚ ಯತ್ತಪೋ ವಿಪ್ರಾ ನ ಸಮಂ ತನ್ಮತಂ ಮಮ॥ 9-49-46 (63040)
ಅನಯಾ ಹಿ ತಪಸ್ವಿನ್ಯಾ ತಪಸ್ತಪ್ತಂ ಸುದುಶ್ಚರಂ।
ಅನಶ್ನಂತ್ಯಾ ಪಚಂತ್ಯಾ ಚ ಸಮಾ ದ್ವಾದಶ ಪಾರಿತಾಃ॥ 9-49-47 (63041)
ತತಃ ಪ್ರೋವಾಚ ಭಗವಾಂಸ್ತಾಮೇವಾರುಂಧತೀಂ ಪುನಃ।
ವರಂ ವೃಣೀಷ್ವ ಕಲ್ಯಾಣಿ ಯತ್ತೇಽಭಿಲಷಿತಂ ಹೃದಿ॥ 9-49-48 (63042)
ಸಾಽಬ್ರವೀತ್ಪೃಥುತಾಂರಾಕ್ಷೀ ದೇವಂ ಸಪ್ತರ್ಷಿಸಂಸದಿ।
ಭಗವಾನ್ಯದಿ ಮೇ ಪ್ರೀತಸ್ತೀರ್ಥಂ ಸ್ಯಾದಿದಮದ್ಭುತಂ॥ 9-49-49 (63043)
ಸಿದ್ಧದೇವರ್ಷಿದಯಿತಂ ನಾಂನಾ ಬದರಪಾಚನಂ।
ತಥಾಽಸ್ಮಿಂದೇವದೇವೇಶ ತ್ರಿರಾತ್ರಮುಷಿತಃ ಶುಚಿಃ॥ 9-49-50 (63044)
ಪ್ರಾಪ್ನುಯಾದುಪವಾಸೇನ ಫಲಂ ದ್ವಾದಶವಾರ್ಷಿಕಂ।
ಏವಮಸ್ತ್ವಿತಿ ತಾಂ ದೇವಃ ಪ್ರತ್ಯುವಾಚ ತಪಸ್ವಿನೀಂ॥ 9-49-51 (63045)
ಸಪ್ತರ್ಷಿಭಿಃ ಸ್ತುತೋ ದೇವಸ್ತತೋ ಲೋಕಂ ಯಯೌ ತದಾ।
ಋಷಯೋ ವಿಸ್ಮಯಂ ಜಗ್ಮುಸ್ತಾಂ ದೃಷ್ಟ್ವಾ ಚಾಪ್ಯರುಂಧತೀಂ।
ಅಶ್ರಾಂತಾಂ ಚಾವಿವರ್ಣಾಂ ಚ ಕ್ಷುತ್ಪಿಪಾಸಾಽಸಮಾಯುತಾಂ॥ 9-49-52 (63046)
ಏವಂ ಸಿದ್ಧಿಃ ಪರಾ ಪ್ರಾಪ್ತಾ ಅರುಂಧತ್ಯಾ ವಿಶುದ್ಧಯಾ।
ಯಥಾ ತ್ವಯಾ ಮಹಾಭಾಗೇ ಮದರ್ಥೇ ಸಂಶಿತವ್ರತೇ॥ 9-49-53 (63047)
ವಿಶೇಷೋ ಹಿ ತ್ವಯಾ ಭದ್ರೇ ವ್ರತೇ ಹ್ಯಸ್ಮಿನ್ಸಮರ್ಪಿತಃ।
ತಥಾ ಚೇದಂ ದದಾಂಯದ್ಯ ನಿಯಮೇನ ಸುತೋಷಿತಃ।
ವಿಶೇಷಂ ತವ ಕಲ್ಯಾಣಿ ಪ್ರಯಚ್ಛಾಮಿ ವರಂ ವರೇ॥ 9-49-54 (63048)
ಅರುಂಧತ್ಯಾ ವರಸ್ತಸ್ಯಾ ಯೋ ದತ್ತೋ ವೈ ಮಹಾತ್ಮನಾ।
ತಸ್ಯ ಚಾಹಂ ಪ್ರಭಾವೇನ ತವ ಕಲ್ಯಾಣಿ ತೇಜಸಾ।
ಪ್ರವಕ್ಷ್ಯಾಮಿ ಪರಂ ಭೂಯೋ ವರಮತ್ರ ಯಥಾವಿಧಿ॥ 9-49-55 (63049)
ಯಸ್ತ್ವೇಕಾಂ ರಜನೀಂ ತೀರ್ಥೇ ವತ್ಸ್ಯತೇ ಸುಸಮಾಹಿತಃ।
ಸಸ್ನಾತ್ವಾ ಪ್ರಾಪ್ಸ್ಯತೇ ಲೋಕಾಂದೇಹನ್ಯಾಸಾತ್ಸುದುರ್ಲಭಾನ್॥ 9-49-56 (63050)
ಇತ್ಯುಕ್ತ್ವಾ ಭಗವಾಂದೇವಃ ಸಹಸ್ರಾಕ್ಷಃ ಪ್ರತಾಪವಾನ್।
ಶ್ರುತಾವತೀಂ ತತಃ ಪುಣ್ಯಾಂ ಜಗಾಮ ತ್ರಿದಿವಂ ಪುನಃ॥ 9-49-57 (63051)
ಗತೇ ವಜ್ರಧರೇ ರಾಜಂಸ್ತತ್ರ ವರ್ಷಂ ಪಪಾತ ಹ।
ಪುಷ್ಪಾಣಾಂ ಭರತಶ್ರೇಷ್ಠ ದಿವ್ಯಾನಾಂ ಪುಣ್ಯಗಂಧಿನಾಂ॥ 9-49-58 (63052)
ದವದುಂದುಭಯಶ್ಚಾಪಿ ನೇದುಸ್ತತ್ರ ಮಹಾಸ್ವನಾಃ।
ಮಾರುತಶ್ಚ ವವೌ ಪುಣ್ಯಃ ಪುಣ್ಯಗಂಧೋ ವಿಶಾಂಪತೇ॥ 9-49-59 (63053)
ಉತ್ಸೃಜ್ಯ ತು ಶುಭಾ ದೇಹಂ ಜಗಾಮಾಸ್ಯ ಚ ಭಾರ್ಯತಾಂ।
ತಪಸೋಗ್ರೇಣ ತಂ ಲಬ್ಧ್ವಾ ತೇನ ರೇಮೇ ಸಹಾಚ್ಯುತ॥ 9-49-60 (63054)
ಜನಮೇಜಯ ಉವಾಚ। 9-49-61x (5204)
ಕಾ ತಸ್ಯಾ ಭಗವನ್ಮಾತಾ ಕ್ವ ಸಂವೃದ್ಧಾ ಚ ಶೋಭನಾ।
ಶ್ರೋತುಮಿಚ್ಛಾಂಯಹಂ ವಿಪ್ರ ಪರಂ ಕೌತೂಹಲಂ ಹಿ ಮೇ॥ 9-49-61 (63055)
ವೈಶಂಪಾಯನ ಉವಾಚ। 9-49-62x (5205)
ಭರದ್ವಾಜಸ್ಯ ವಿಪ್ರರ್ಷೇಃ ಸ್ಕನ್ನಂ ರೇತೋ ಮಹಾತ್ಮನಃ।
ದೃಷ್ಟ್ವಾಽಪ್ಸರಸಮಾಯಾಂತೀ ಘೃತಾಚೀಂ ಪೃಥಲೋಚನಾಂ॥ 9-49-62 (63056)
ಸ ತು ಜಗ್ರಾಹ ತದ್ರೇತಃ ಕರೇಣ ಜಪತಾಂ ವರಃ।
ತದಾಽಪತತ್ಪರ್ಣಪುಟೇ ತತ್ರ ಸಾ ಸಂಭವತ್ಸುತಾ॥ 9-49-63 (63057)
ತಸ್ಯಾಸ್ತು ಜಾತಕರ್ಮಾದಿ ಕೃತ್ವಾ ಸರ್ವಂ ತಪೋಧನಃ।
ನಾಮ ಚಾಸ್ಯಾಃ ಸ ಕೃತವಾನ್ಭರದ್ವಾಜೋ ಮಹಾಮುನಿಃ॥ 9-49-64 (63058)
ಶ್ರುತಾವತೀತಿ ಧರ್ಮಾತ್ಮಾ ದೇವರ್ಷಿಗಣಸಂಸದಿ।
ಸ್ವೇ ಚ ತಾಮಾಶ್ರಮೇ ನ್ಯಸ್ಯ ಜಗಾಮ ಹಿಮವದ್ವನಂ॥ 9-49-65 (63059)
ತತ್ರಾಪ್ಯುಪಸ್ಪೃಶ್ಯ ಮಹಾನುಭಾವೋ
ವಸೂನಿ ದತ್ತ್ವಾ ಚ ಮಹಾದ್ವಿಜೇಭ್ಯಃ।
ಜಗಾಮ ತೀರ್ಥಂ ಸುಸಮಾಹಿತಾತ್ಮಾ
ಶಕ್ರಸ್ಯ ವೃಷ್ಣಿಪ್ರವರಸ್ತದಾನೀಂ॥ ॥ 9-49-66 (63060)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಏಕೋನಪಂಚಾಶೋಽಧ್ಯಾಯಃ॥ 49 ॥
Mahabharata - Shalya Parva - Chapter Footnotes
9-49-23 ಉಪಾವರ್ತಯತ ಅಗ್ರೇಽಗ್ರೇ ಪ್ರಸಾರಿತವತೀ॥ 9-49-26 ತಚ್ಚಾಸ್ಯಾ ವಚನಂ ನಿತ್ಯಮವರ್ತದ್ವೃದಿ ಭಾರತ ಇತಿ ಝ.ಪಾಠಃ॥ 9-49-49 ಏಕೋನಪಂಚಾಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 050
॥ ಶ್ರೀಃ ॥
9.50. ಅಧ್ಯಾಯಃ 050
Mahabharata - Shalya Parva - Chapter Topics
ಬಲಭದ್ರಸ್ಯೇರದ್ರತೀರ್ಥಾದಿಗಮನಂ॥ 1 ॥ ತತ್ತತ್ತೀರ್ಥಮಾಹಾತ್ಂಯಕಥನಂ॥ 2 ॥Mahabharata - Shalya Parva - Chapter Text
9-50-0 (63061)
ವೈಶಂಪಾಯನ ಉವಾಚ। 9-50-0x (5206)
ಇಂದ್ರತೀರ್ಥಂ ತತೋ ಗತ್ವಾ ಯದೂನಾಂ ಪ್ರವರೋ ಬಲೀ।
ವಿಪ್ರೇಭ್ಯೋ ಧನರತ್ನಾನಿ ದದೌ ಸ್ನಾತ್ವಾ ಯಥಾವಿಧಿ॥ 9-50-1 (63062)
ತತ್ರ ಹ್ಯಮರರಾಜೋ ವೈ ಈಜೇ ಕ್ರತುಶತೇನ ಹ।
ಬೃಹಸ್ಪತೇಶ್ಚ ದೇವೇಶಃ ಪ್ರದದೌ ವಿಪುಲಂ ಧನಂ॥ 9-50-2 (63063)
ಅನರ್ಗಲಾನ್ಸಜಾರೂಥ್ಯಾನ್ಸರ್ವಾನ್ವಿವಿಧದಕ್ಷಿಣಾನ್।
ಆಜಹರ ಕ್ರತೂಂಸ್ತತ್ರ ಯಥೋಕ್ತಂ ವೇದಪಾರಗೈಃ॥ 9-50-3 (63064)
ತಾನ್ಕ್ರತೂನ್ಭರತಶ್ರೇಷ್ಠ ಶತಕೃತ್ವೋ ಮಹಾದ್ಯುತಿಃ।
ಪೂರಯಾಮಾಸ ವಿಧಿವತ್ತತಃ ಖ್ಯಾತಃ ಶತಕ್ರತುಃ॥ 9-50-4 (63065)
ತಸ್ಯ ನಾಂನಾ ತು ತತ್ತೀರ್ಥಂ ಶಿವಂ ಪುಣ್ಯಂ ಸನಾತನಂ।
ಇಂದ್ರತೀರ್ಥಮಿತಿ ಖ್ಯಾತಂ ಸರ್ವಪಾಪಪ್ರಮೋಚನಂ॥ 9-50-5 (63066)
ಉಪಸ್ಪೃಶ್ಯ ಚ ತತ್ರಾಪಿ ವಿಧಿವನ್ಮುಸಲಾಯುಧಃ।
ಬ್ರಾಹ್ಮಣಾನ್ಪೂಜಯಿತ್ವಾ ಚ ಪಾನಾಚ್ಛಾದುನಭೋಜನೈಃ॥ 9-50-6 (63067)
ಶುಭಂ ತೀರ್ಥವರಂ ತಸ್ಮಾದ್ರಾಮತೀರ್ಥಂ ಜಗಾಮ ಹ।
ಯತ್ರ ರಾಮೋ ಮಹಾಭಾಗೋ ಭಾರ್ಗವಃ ಸುಮಹಾತಪಾಃ॥ 9-50-7 (63068)
ಅಸಕೃತ್ಪೃಥಿವೀಂ ಕೃತ್ವಾ ಹತಕ್ಷತ್ರಿಯಪುಂಗವಾಂ।
ಉಪಾಧ್ಯಾಯಂ ಪುರಸ್ಕೃತ್ಯ ಕಾಶ್ಯಪಂ ಮುನಿಸತ್ತಮಂ॥ 9-50-8 (63069)
ಅಯಜದ್ವಾಜಪೇಯೇನ ಸೋಽಶ್ವಮೇಧಶತೇನ ಚ।
ಪ್ರದದೌ ದಕ್ಷಿಣಾರ್ಥಂ ಚ ಪೃಥಿವೀಂ ಸಾಗರಾಂಬರಾಂ॥ 9-50-9 (63070)
ರಾಮೋ ದತ್ತ್ವಾ ಧನಂ ತತ್ರ ದ್ವಿಜೇಭ್ಯೋ ಜನಮೇಜಯ।
ಉಪಸ್ಪೃಶ್ಯ ಯಥಾನ್ಯಾಯಂ ಪೂಜಯಿತ್ವಾ ತಥಾ ದ್ವಿಜಾನ್॥ 9-50-10 (63071)
ಪುಣ್ಯತೀರ್ಥೇ ಶುಭೇ ದೇಶೇ ವಸು ದತ್ತ್ವಾ ಹಲಾಯುಧಃ।
ಮುನೀಂಶ್ಚೈವಾಭಿವಾದ್ಯಾಥ ಯಮುನಾತೀರ್ಥಮಾಗಮತ್।
ಯತ್ರಾನಯಾಮಾಸ ತದಾ ರಾಜಸೂಯಮಪಾಂಪತಿಃ॥ 9-50-11 (63072)
ದಿತೇಃ ಸುತಾನ್ಮಹಾಭಾಗೋ ವರುಣೋ ವೈ ಸಿತಪ್ರಭಃ।
ಯತ್ರ ನಿರ್ಜಿತ್ಯ ಸಂಗ್ರಾಮೇ ಮಾನುಷಾಂದಾನವಾಂಸ್ತಥಾ।
ಗಂಧರ್ವಾನ್ರಾಕ್ಷಸಾಂಶ್ಚೈವ ವರುಣಃ ಪರವೀರಹಾ॥ 9-50-12 (63073)
ತಸ್ಮಿನ್ಕ್ರತುವರೇ ವೃತ್ತೇ ಸಂಗ್ರಾಮಃ ಸಮಜಾಯತ।
ದೇವಾನಾಂ ದಾನವಾನಾಂ ಚ ತ್ರೈಲೋಕ್ಯಸ್ಯ ಭಯಾವಹಃ॥ 9-50-13 (63074)
ರಾಜಸೂಯೇ ಕ್ರತುಶ್ರೇಷ್ಠೇ ನಿವೃತ್ತೇ ಜನಮೇಜಯ।
ಜಾಯತೇ ಸುಮಹಾಘೋರಃ ಸಂಕ್ಷಯಃ ಕ್ಷತ್ರಿಯಾನ್ಪ್ರತಿ॥ 9-50-14 (63075)
ಹಲಾಯುಧಸ್ತದಾ ರಾಮಸ್ತಸ್ಮಿಂಸ್ತೀರ್ಥವರೇ ಶುಭೇ।
ತತ್ರಸ್ನಾತ್ವಾ ಚ ದತ್ತ್ವಾ ಚ ದ್ವಿಜೇಭ್ಯೋ ವಸು ಮಾಧವಃ॥ 9-50-15 (63076)
ವನಮಾಲೀ ತತೋ ಹೃಷ್ಟಃ ಸ್ತೂಯಮಾನೋ ದ್ವಿಜಾತಿಭಿಃ।
ತಸ್ಮಾದಾದಿತ್ಯತೀರ್ಥಂ ಚ ಜಗಾಮ ಕಮಲೇಕ್ಷಣಃ॥ 9-50-16 (63077)
ಯತ್ರೇಷ್ಟ್ವಾ ಭಗವಾಂಜ್ಯೋತಿರ್ಭಾಸ್ಕರೋ ರಾಜಸತ್ತಮ।
ಜ್ಯೋತಿಷಾಮಾಧಿಪತ್ಯಂ ಚ ಪ್ರಭಾವಂ ಚಾಭ್ಯಪದ್ಯತ॥ 9-50-17 (63078)
ತಸ್ಯಾ ನದ್ಯಾಸ್ತು ತೀರೇ ವೈ ಸರ್ವೇ ದೇವಾಃ ಸವಾಸವಾಃ।
ವಿಶ್ವೇದೇವಾಃ ಸಮರುತೋ ಗಂಧರ್ವಾಪ್ಸರಸಶ್ಚ ಹ॥ 9-50-18 (63079)
ದ್ವೈಪಾಯನಃ ಶುಕಶ್ಚೈವ ಕೃಷ್ಣಶ್ಚ ಮಧುಸೂದನಃ।
ಯಕ್ಷಾಶ್ಚ ರಾಕ್ಷಸಾಶ್ಚೈವ ಪಿಶಾಚಾಶ್ಚ ವಿಶಾಂಪತೇ॥ 9-50-19 (63080)
ಏತೇ ಚಾನ್ಯೇ ಚ ಬಹವೋ ಯೋಗಸಿದ್ಧಾಃ ಸಹಸ್ರಶಃ।
ತಸ್ಮಿಂಸ್ತೀರ್ಥೇ ಸರಸ್ವತ್ಯಾಃ ಶಿವೇ ಪುಣ್ಯೇ ಪರಂತಪ॥ 9-50-20 (63081)
ತತ್ರ ಹತ್ವಾ ಪುರಾ ವಿಷ್ಣುರಸುರೌ ಮಧುಕೈಟಭೌ।
ಆಪ್ಲುತ್ಯ ಭರತಶ್ರೇಷ್ಠ ತೀರ್ಥಪ್ರವರ ಉತ್ತಮೇ॥ 9-50-21 (63082)
ದ್ವೈಪಾಯನಶ್ಚ ಧರ್ಮಾತ್ಮಾ ತತ್ರೈವಾಪ್ಲುತ್ಯ ಭಾರತ।
ಸಂಪ್ರಾಪ್ತಃ ಪರಮಂ ಯೋಗಂ ಸಿದ್ಧಿಂ ಚ ಪರಮಾಂ ಗತಃ॥ 9-50-22 (63083)
ಅಸಿತೋ ದೇವಲಶ್ಚೈವ ತಸ್ಮಿನ್ನೇವ ಮಹಾತಪಾಃ।
ಪರಮಂ ಯೋಗಮಾಸ್ಥಾಯ ಋಷಿರ್ಯೋಗಮವಾಪ್ತವಾನ್॥ ॥ 9-50-23 (63084)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಪಂಚಾಶೋಽಧ್ಯಾಯಃ॥ 50 ॥
Mahabharata - Shalya Parva - Chapter Footnotes
9-50-1 ಆನಯಾಮಾಸ ಮುನೀನಿತ್ಯನುಷಜ್ಜ್ಯತೇ। ರಾಜಸೂಯಂ ಕರ್ತುಮಿತಿ ಶೇಷಃ॥ 9-50-50 ಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 051
॥ ಶ್ರೀಃ ॥
9.51. ಅಧ್ಯಾಯಃ 051
Mahabharata - Shalya Parva - Chapter Topics
ದೇವಲಜೈಗೀಷವ್ಯಯೋಶ್ಚರಿತ್ರಕೀರ್ತನಂ॥ 1 ॥ ಬಲಭದ್ರಸ್ಯಾದಿತ್ಯತೀರ್ಥಾತ್ಸೋಮತೀರ್ಥಗಮನಂ॥ 2 ॥Mahabharata - Shalya Parva - Chapter Text
9-51-0 (63085)
ವೈಶಂಪಾಯನ ಉವಾಚ। 9-51-0x (5207)
ತಸ್ಮಿನ್ನೇವ ತು ಧರ್ಮಾತ್ಮಾ ವಸತಿ ಸ್ಮ ತಪೋಧನಃ।
ಗಾರ್ಹಿಸ್ಥ್ಯಂ ಧರ್ಮಮಾಸ್ಥಾಯ ಹ್ಯಸಿತೋ ದೇವಲಃ ಪುರಾ॥ 9-51-1 (63086)
ಧರ್ಮನಿತ್ಯಃ ಶುಚಿರ್ದಾಂತೋ ಯಜ್ಞಶೀಲೋ ಮಹಾತಪಾಃ।
ಕರ್ಮಣಾ ಮನಸಾ ವಾಚಾ ಸಮಃ ಸರ್ವೇಷು ಜಂತುಷು॥ 9-51-2 (63087)
ಅಕ್ರೋಧನೋ ಮಹಾರಾಜ ತುಲ್ಯನಿಂದಾತ್ಮಸಂಸ್ತುತಿಃ।
ಪ್ರಿಯಾಪ್ರಿಯೇ ತುಲ್ಯವೃತ್ತಿರ್ಯಮವತ್ಸಮದರ್ಶನಃ॥ 9-51-3 (63088)
ಕಾಂಚನೇ ಲೋಷ್ಠಕೇ ಚೈವ ಸಮದರ್ಶೀ ಮಹಾತಪಾಃ।
ದೇವಾನಪೂಜಯನ್ನಿತ್ಯಮತಿಥೀಂಶ್ಚ ದ್ವಿಜೈಃ ಸಹ।
ಬ್ರಹ್ಮಚರ್ಯರತೋ ನಿತ್ಯಂ ಸದಾ ಧರ್ಮಪರಾಯಣಃ॥ 9-51-4 (63089)
ತತೋಽಭ್ಯೇತ್ಯ ಮಹಾಭಾಗ ಯೋಗಮಾಸ್ಥಾಯ ಭಿಕ್ಷುಕಃ।
ಜೈಗೀಷವ್ಯೋ ಮುನಿರ್ಧೀಮಾಂಸ್ತಸ್ಮಿಂಸ್ತೀರ್ಥೇ ಸಮಾಹಿತಃ॥ 9-51-5 (63090)
ದೇವಲಸ್ಯಾಶ್ರಮೇ ರಾಜನ್ನ್ಯವಸತ್ಸ ಮಹಾದ್ಯುತಿಃ।
ಯೋಗನಿತ್ಯೋ ಮಹಾರಾಜ ಸಿದ್ಧಿಂ ಪ್ರಾಪ್ತೋ ಮಹಾತಪಾಃ॥ 9-51-6 (63091)
ತಂ ತತ್ರ ವಸಮಾನಂ ತು ಜೈಗೀಷವ್ಯಂ ಮಹಾಮುನಿಂ।
ದೇವಲೋ ದರ್ಶಯನ್ನೇವ ನೈವಾಯುಂಜತ ಧರ್ಮತಃ॥ 9-51-7 (63092)
ಏವಂ ತಯೋರ್ಮಹಾರಾಜ ದೀರ್ಘಕಾಲೋ ವ್ಯತಿಕ್ರಮತ್॥ 9-51-8 (63093)
ಜೈಗೀಷವ್ಯೋ ಮುನಿಸ್ತಂ ತು ದದರ್ಶಾಥ ಸ ಕೇವಲಂ।
ಆಹಾರಕಾಲೇ ಮತಿಮಾನ್ಪರಿವ್ರಾಡ್ ಜಮೇಜಯ॥ 9-51-9 (63094)
ಉಪಾತಿಷ್ಠತ ಧರ್ಮಜ್ಞೋ ಭೈಕ್ಷಕಾಲೇ ಸ ದೇವಲಂ।
ಗೌರವಂ ಪರಮಂ ಚಕ್ರೇ ಪ್ರೀತಿಂ ಚ ವಿಪುಲಾಂ ತಥಾ॥ 9-51-10 (63095)
ದೇವಲಸ್ತು ಯಥಾಶಕ್ತಿ ಪೂಜಯಾಮಾಸ ಭಾರತ।
ಋಷಿದೃಷ್ಟೇನ ವಿಧಿನಾ ಸಮಾ ಬಹೀಃ ಸಮಾಹಿತಃ॥ 9-51-11 (63096)
ಕದಾಚಿತ್ತಸ್ಯ ನೃಯತೇ ದೇವಲಸ್ಯ ಮಹಾತ್ಮನಃ।
ಚಿಂತಾ ಸುಮಹತೀ ಜಾತಾ ಮುನಿಂ ದೃಷ್ಟ್ವಾ ಮಹಾದ್ಯುತಿಂ॥ 9-51-12 (63097)
ಸಮಾಸ್ತು ಸಮತಿಕ್ರಾಂತಾ ಬಹ್ವ್ಯಃ ಪೂಜಯತೋ ಮಮ।
ನ ಚಾಯಮಲಸೋ ಭಿಕ್ಷುರಭ್ಯಭಾಷತ ಕಿಂಚನ॥ 9-51-13 (63098)
ಏವಂ ವಿಗಣಯನ್ನೇವ ಸ ಜಗಾಮ ಮಹೋದಧಿಂ।
ಅಂತರಿಕ್ಷಚರಃ ಶ್ರೀಮಾನ್ಕಲಶಂ ಗೃಹ್ಯ ದೇವಲಂ॥ 9-51-14 (63099)
ಗಚ್ಛನ್ನೇವ ಸ ಧರ್ಮಾತ್ಮಾ ಸಮುದ್ರಂ ಸರಿತಾಂ ಪರಿಂ।
ಜೈಗೀಷವ್ಯಂ ತತೋಽಪಶ್ಯದ್ರತಂ ಪ್ರಾಗೇವ ಭಾರತ॥ 9-51-15 (63100)
ತತಃ ಸವಿಸ್ಮಯಶ್ಚಿಂತಾಂ ಜಗಾಮಾಥಾಮಿತಪ್ರಭಃ।
ಕಥಂ ಸಿಕ್ಷುರಚಂ ಪ್ರಾಪ್ತಃ ಸಮುದ್ರೇ ಸ್ನಾತ ಏವ ಚ॥ 9-51-16 (63101)
ಇತ್ಯೇವಂ ಚಿಂತಯಾಮಾಸ ಮಹರ್ಷಿರಸಿತಸ್ತದಾ।
ಸ್ನಾತ್ವಾ ಸಖುದ್ರೇ ವಿಧಿವಚ್ಛುಚಿರ್ಜಪ್ಯಂ ಜಜಾಪ ಸಃ॥ 9-51-17 (63102)
ಕೃತಜxxxxx ಶ್ರೀಮಾನಾಶ್ರಯಂ ಚ ಜಗಾಮ ಹ।
xxxxxxxxxx ಗೃಹೀತ್ವಾ ಜನಮೇಜಯ॥ 9-51-18 (63103)
ತತಃ ಸ ಪ್ರವಿಶನ್ನೇವ ಸ್ವಮಾಶ್ರಮಪದಂ ಮುನಿಃ।
xxxxxxxxx ತತ್ರ ಜೈಗೀಷವ್ಯಮಪಶ್ಯತ॥ 9-51-19 (63104)
ನ ವ್ಯಾಹರತಿ ಚೈವೇನಂ ಜೈಗೀಷವ್ಯಃ ಕಥಂಚನ।
xxxxxxxx ವಸತಿ ಸ್ಮ ಮಹಾತಪಾಃ॥ 9-51-20 (63105)
ತಂ ದೃಷ್ಟ್ವಾ ಚಾಪ್ಲುತಂ ತೋಯೇ ಸಾಮರೇ ಸಾಗರೋಪಮಂ।
ಪ್ರವಿಷ್ಟxxxxx ಚಾಪಿ ಪೂರ್ವಮೇವ ದದರ್ಶ ಸಃ॥ 9-51-21 (63106)
xxxxx ದೇವಲೋ ರಾಜಂಶ್ಚಿಂತಯಾಮಾಸ ಬುದ್ಧಿಮಾನ್।
xxxxxxx ತಪಸೋ ಜೈಗೀಷವ್ಯಾಸ್ವ ಯೋಗಜಂ॥ 9-51-22 (63107)
ಚಿಂತಯಾಮಾಸ ರಾಜೇಂದ್ರ ತದಾ ಸ ಮುನಿಸತ್ತಮಃ।
ಮಯಾ ದೃಷ್ಟಃ ಸಮುದ್ರೇ ಚ ಆಶ್ರಮೇ ಚ ಕಥಂನ್ವಯಂ॥ 9-51-23 (63108)
ಏವಂ ವಿಗಣಯನ್ನೇವ ಸ ಮುನಿರ್ಮಂತ್ರಪಾರಗಃ।
ಉತ್ಪಪಾತಾಶ್ರಮಾತ್ತಸ್ಮಾದಂತರಿಕ್ಷಂ ವಿಶಾಂಪತೇ।
ಜಿಜ್ಞಾಸಾರ್ಥಂ ತದಾ ಭಿಕ್ಷೋರ್ಜೈಗೀಷವ್ಯಸ್ಯ ದೇವಲಃ॥ 9-51-24 (63109)
ಸೋಽಂತರಿಕ್ಷಚರಾನ್ಸಿದ್ಧಾನ್ಸಮಪಶ್ಯತ್ಸಮಾಹಿತಾನ್।
ಜೈಗೀಷವ್ಯಂ ಚ ತೈಃ ಸಿದ್ಧೈಃ ಪೂಜ್ಯಮಾನಮಪಶ್ಯತ॥ 9-51-25 (63110)
ತತೋಽಸಿತಃ ಸುಸಂರಬ್ಧೋ ವ್ಯವಸಾಯೀ ದೃಢವ್ರತಃ।
ಅಪಶ್ಯದ್ವೈ ದಿವಂ ಯಾತಂ ಜೈಗೀಷವ್ಯಂ ಸ ದೇವಲಃ॥ 9-51-26 (63111)
ತಸ್ಮಾಚ್ಚ ಪಿತೃಲೋಕಂ ತಂ ವ್ರಜಂತಂ ಸೋಽನ್ವಪಶ್ಯತ।
ಪಿತೃಲೋಕಾಚ್ಚ ತಂ ಯಾತಂ ಯಾಂಯಂ ಲೋಕಮಪಶ್ಯತ॥ 9-51-27 (63112)
`ತಸ್ಮಾದಾದಿತ್ಯಲೋಕಂ ಚ ವ್ರಜಂತಂ ಸೋಽನ್ವಪಶ್ಯತ।'
ತಸ್ಮಾದಪಿ ಸಮುತ್ಪತ್ಯ ಸೋಮಲೋಕಮಭಿಷ್ಟುತಂ।
ವ್ರಜಂತಮನ್ವಪಶ್ಯತ್ಸ ಜೈಗೀಷವ್ಯಂ ಸ ದೇವಲಃ॥ 9-51-28 (63113)
ಲೋಕಾನ್ಸಮುತ್ಪತಂತಂ ತು ಶುಭಾನೇಕಾಂತಯಾಜಿನಾಂ।
ತತೋಽಗ್ನಿಹೋತ್ರಿಣಾಂ ಲೋಕಾಂಸ್ತತಶ್ಚಾಪ್ಯುತ್ಪಪಾತ ಹ॥ 9-51-29 (63114)
ದರ್ಶಂ ಚ ಪೌರ್ಣಮಾಸಂ ಚ ಯೇ ಯಜಂತಿ ತಪೋಧನಾಃ।
ತೇಭ್ಯಃ ಸ ದದೃಶೇ ಧೀಮಾಂʼಲ್ಲೋಕೇಭ್ಯಃ ಪಶುಯಾಜಿನಾಂ।
ವ್ರಜಂತಂ ಲೋಕಮಮಲಮಪಶ್ಯದ್ದೇವಪೂಜಿತಂ॥ 9-51-30 (63115)
ಚಾತುರ್ಮಾಸ್ಯೈರ್ಬಹುವಿಧೈರ್ಯಜಂತೇ ಯೇ ತಪೋಧನಾಃ।
ತೇಷಾಂ ಸ್ಥಾನಂ ತತೋ ಯತಾಂ ತಥಾಽಗ್ನಿಷ್ಟೋಮಯಾಜಿನಾಂ॥ 9-51-31 (63116)
ಅಗ್ನಿಷ್ಟುತೇನ ಚ ತಥಾ ಯೇ ಯಜಂತಿ ತಪೋಧನಃ।
ತತ್ಸ್ಥಾನಮನುಸಂಪ್ರಾಪ್ತಮನ್ವಪಶ್ಯತ ದೇವಲಃ॥ 9-51-32 (63117)
ವಾಜಪೇಯಂ ಕ್ರತುವರಂ ತಥಾ ಬಹುಸುವರ್ಣಕಂ।
ಆಹರಂತಿ ಮಹಾಪ್ರಾಜ್ಞಾಸ್ತೇಷಾಂ ಲೋಕೇಷ್ವಪಶ್ಯತ॥ 9-51-33 (63118)
ಯಜಂತೇ ರಾಜಸೂಯೇನ ಪುಂಡರೀಕೇಣ ಚೈವ ಯೇ।
ತೇಷಾಂ ಲೋಕೇಷ್ವಪಶ್ಯಚ್ಚ ಜೈಗೀಷವ್ಯಂ ಸ ದೇವಲಃ॥ 9-51-34 (63119)
ಅಶ್ವಮೇಧಂ ಕ್ರತುವರಂ ನರಮೇಧಂ ತಥೈವ ಚ।
ಆಹರಂತಿ ನರಶ್ರೇಷ್ಠಾಸ್ತೇಷಾಂ ಲೋಕೇಷ್ವಪಶ್ಯತ॥ 9-51-35 (63120)
ಸರ್ವಮೇಧಂ ಚ ದುಷ್ಪ್ರಾಪಂ ತಥಾ ಸೌತ್ರಾಮಣಿಂ ಚ ಯೇ।
ತೇಷಾಂ ಲೋಕೇಷ್ವಪಶ್ಯಚ್ಚ ಜೈಗೀಷವ್ಯಂ ಸ ದೇವಲಃ॥ 9-51-36 (63121)
ದ್ವಾದಶಾಹೈಶ್ಚ ಸತ್ರೈಶ್ಚ ಯಜಂತೇ ವಿವಿಧೈರ್ನೃಪ।
ತೇಷಾಂ ಲೋಕೇಷ್ವಪಶ್ಯಚ್ಚ ಜೈಗೀಷವ್ಯಂ ಸ ದೇವಲಃ॥ 9-51-37 (63122)
ಮೈತ್ರಾವರುಣಯೋರ್ಲೋಕಾನಾದಿತ್ಯಾನಾಂ ತಥೈವ ಚ।
ಸಲೋಕತಾಮನುಪ್ರಾಪ್ತಮಪಶ್ಯತ ತತೋಽಸಿತಃ॥ 9-51-38 (63123)
ರುದ್ರಾಣಾಂ ಚ ವಸೂನಾಂ ಚ ಸ್ಥಾನಂ ಯಚ್ಚ ಬೃಹಸ್ಪತೇಃ।
ತಾನಿಂ ಸರ್ವಾಣ್ಯತೀತಂ ಚ ಸಮಪಶ್ಯತ್ತತೋಽಸಿತಃ॥ 9-51-39 (63124)
ಆರುಹ್ಯ ಚ ಗವಾಂ ಲೋಕಂ ಪ್ರಯಾಂತಂ ಬ್ರಹ್ಮಸತ್ರಿಣಾಂ।
ಲೋಕಾನಪಶ್ಯದ್ಗಚ್ಛಂತಂ ಜೈಗೀಷವ್ಯಂ ತತೋಽಸಿತಃ॥ 9-51-40 (63125)
ತ್ರೀಲ್ಲೋಂʼಕಾನ್ಪ್ರವರಾನ್ವಿಪ್ರಮುತ್ಪತಂತಂ ಸ್ವತೇಜಸಾ।
ಪತಿವ್ರತಾನಾಂ ಲೋಕಾಂಶ್ಚ ವ್ರಜಂತಂ ಸೋಽನ್ವಪಶ್ಯತ॥ 9-51-41 (63126)
ತತೋ ಮುನಿವರಂ ಭೂಯೋ ಜೈಗೀಷವ್ಯಮಥಾಸಿತಃ।
ನಾನ್ವಪಶ್ಯತ ಲೋಕಸ್ಥಮಂತರ್ಹಿತಮರಿಂದಮ॥ 9-51-42 (63127)
ಸೋಽಚಿಂತಯನ್ಮಹಾಭಾಗೋ ಜೈಗೀಷವ್ಯಸ್ಯ ದೇವಲಃ।
ಪ್ರಭಾವಂ ಸುವ್ರತತ್ವಂ ಚ ಸಿದ್ಧಿಂ ಯೋಗಸ್ಯ ಚಾತುಲಾಂ॥ 9-51-43 (63128)
ಅಸಿತೋಽಪೃಚ್ಛತ ತದಾ ಸಿದ್ಧಾಂʼಲ್ಲೋಕೇಷು ಸತ್ತಮಾನ್।
ಪ್ರಯತಃ ಪ್ರಾಂಜಲಿರ್ಭೂತ್ವಾ ಧೀರಸ್ತಾನ್ಬ್ರಹ್ಮಚಾರಿಣಃ॥ 9-51-44 (63129)
ಜೈಗೀಷವ್ಯಂ ನ ಪಶ್ಯಾಮಿ ತಂ ಶಂಸಂತು ತಪೋಧನಾಃ।
ಏತದಿಚ್ಛಾಂಯಹಂ ಶ್ರೋತುಂ ಪರಂ ಕೌತೂಹಲಂ ಹಿ ಮೇ॥ 9-51-45 (63130)
ಸಿದ್ಧಾ ಊಚುಃ। 9-51-46x (5208)
ಶೃಣು ದೇವಲ ಭೂತಾರ್ಥಂ ಶಂಸತಾಂ ನೋ ದೃಢವ್ರತ।
ಜೈಗೀಷವ್ಯೋ ಗತೋ ಲೋಕಂ ಶಾಶ್ವತಂ ಬ್ರಹ್ಮಣೋಕ್ಷಯಂ॥ 9-51-46 (63131)
ವೈಶಂಪಾಯನ ಉವಾಚ। 9-51-47x (5209)
ಸ ಶ್ರುತ್ವಾ ವಚನಂ ತೇಷಾಂ ಸಿದ್ಧಾನಾಂ ಬ್ರಹ್ಮಚಾರಿಣಾಂ।
ಅಸಿತಾ ದೇವಲಸ್ತೂರ್ಣಮುತ್ಪಪಾತ ಪಪಾತ ಚ॥ 9-51-47 (63132)
ತತಃ ಸಿದ್ಧಾಸ್ತ ಊಚುರ್ಹಿ ದೇವಲಂ ಪುನರೇವ ಹ।
ನ ದೇವಲಗತಿಸ್ತತ್ರ ತವ ಗಂತುಂ ತಪೋಧನ।
ಬ್ರಹ್ಮಣಃ ಸದನೇ ವಿಪ್ರ ಜೈಗೀಷವ್ಯೋ ಯದಾಪ್ತವಾನ್॥ 9-51-48 (63133)
ವೈಶಂಪಾಯನ ಉವಾಚ। 9-51-49x (5210)
ತೇಷಾಂ ತದ್ವಚನಂ ಶ್ರುತ್ವಾ ಸಿದ್ಧಾನಾಂ ದೇವಲಃ ಪುನಃ।
ಆನುಪೂರ್ವ್ಯೇಣ ಲೋಕಾಂಸ್ತಾನ್ಸರ್ವಾನವತತಾರ ಹ॥ 9-51-49 (63134)
ಸ್ವಮಾಶ್ರಮಪದಂ ಪುಣ್ಯಮಾಜಗಾಮ ಪತಂಗವತ್।
ಪ್ರವಿಶನ್ನೇವ ಚಾಪಶ್ಯಜ್ಜೈಗೀಷವ್ಯಂ ಸ ದೇವಲಃ॥ 9-51-50 (63135)
ತತೋ ಬುದ್ಧ್ಯಾ ವ್ಯಗಣಯದ್ದೇವಲೋ ಧರ್ಮಯುಕ್ತಯಾ।
ದೃಷ್ಟ್ವಾ ಪ್ರಭಾವಂ ತಪಸೋ ಜೈಗೀಷವ್ಯಸ್ಯ ಯೋಗಜಂ॥ 9-51-51 (63136)
ತತೋಽಬ್ರವಿನ್ಮಹಾತ್ಮಾನಂ ಜೈಗೀಷವ್ಯಂ ಸ ದೇವಲಃ।
ವಿನಯಾವನತೋ ರಾಜನ್ನುಪಸರ್ಪ್ಯ ಮಹಾಮುನಿಂ।
ಮೋಕ್ಷಧರ್ಮಂ ಸಮಾಸ್ಥಾತುಮಿಚ್ಛೇಯಂ ಭಗವನ್ನಹಂ॥ 9-51-52 (63137)
ತಸ್ಯ ತದ್ವಚನಂ ಶ್ರುತ್ವಾ ಉಪದೇಶಂ ಚಕಾರ ಸಃ।
ವಿಧಿಂ ಯೋಗಸ್ಯ ಪರಮಂ ಕಾರ್ಯಾಕಾರ್ಯಸ್ಯ ಶಾಸ್ತ್ರತಃ॥ 9-51-53 (63138)
ಸನ್ನಾಯೇ ಕೃತಬುದ್ಧಿಂ ತಂ ತತೋ ದೃಷ್ಟ್ವಾ ಮಹಾತಪಾಃ।
ಸರ್ವಾಶ್ಚಾಸ್ಯ ಕ್ರಿಯಾಶ್ಚಕ್ರೇ ವಿಧಿದೃಷ್ಟೇನ ಕರ್ಮಣಾ॥ 9-51-54 (63139)
ಸನ್ನ್ಯಾಸೇ ಕೃತಬುದ್ಧಿಂ ತಂ ಭೂತಾನಿ ಪಿತೃಭಿಃ ಸಹ।
ತತೋ ದೃಷ್ಟ್ವಾ ಪ್ರರುರುದುಃ ಕೋಽಸ್ಮಾನ್ಸಂವಿಭಜಿಷ್ಯತಿ॥ 9-51-55 (63140)
ದೇವಲಸ್ತು ವಚಃ ಶ್ರುತ್ವಾ ಭೂತಾನಾಂ ಕರುಣಂ ತಥಾ।
ದಿಶೋ ದಶ ವ್ಯಾಹರತಾಂ ಮೋಕ್ಷಂ ತ್ಯಕ್ತುಂ ಮನೋ ದಧೇ॥ 9-51-56 (63141)
ತತಸ್ತು ಫಲಮೂಲಾನಿ ಪವಿತ್ರಾಣಿ ಚ ಭಾರತ।
ಪುಷ್ಪಾಣ್ಯೋಷಧಯಶ್ಚೈವ ರೋರೂಯಂತೇ ಸಹಸ್ರಶಃ॥ 9-51-57 (63142)
ಪುನರ್ನೋ ದೇವಲಃ ಕ್ಷುದ್ರೋ ನೂನಂ ಛೇತ್ಸ್ಯತಿ ದುರ್ಮತಿಃ।
ಅಭಯಂ ಸರ್ವಭೂತೇಭ್ಯೋ ಯೋ ದತ್ತ್ವಾ ನಾವಬುಧ್ಯತೇ॥ 9-51-58 (63143)
ತತೋ ಭೂಯೋ ವ್ಯಗಣಯತ್ಸ್ವಬುದ್ಧ್ಯಾ ಮುನಿಸತ್ತಮಃ।
ಮೋಕ್ಷೇ ಗಾರ್ಹಸ್ಥ್ಯಧರ್ಮೇ ವಾ ಕಿನ್ನು ಶ್ರೇಯಸ್ಕರಂ ಭವೇತ್॥ 9-51-59 (63144)
ಇತಿ ನಿಶ್ಚಿತ್ಯ ಮನಸಾ ದೇವಲೋ ರಾಜಸತ್ತಮ।
ತ್ಯಕ್ತ್ವಾ ಗಾರ್ಹಸ್ಥ್ಯಧರ್ಮಂ ಸ ಮೋಕ್ಷಧರ್ಮಮರೋಚಯತ್॥ 9-51-60 (63145)
ಏವಮಾದೀನಿ ಸಂಚಿಂತ್ಯ ದೇವಲೋ ನಿಶ್ಚಯಾನ್ವಿತಃ।
ಪ್ರಾಪ್ತವಾನ್ಪರಮಾಂ ಸಿದ್ಧಿಂ ಪರಂ ಯೋಗಂ ಚ ಭಾರತ॥ 9-51-61 (63146)
ತತೋ ದೇವಾಃ ಸಮಾಗಂಯ ಬೃಹಸ್ಪತಿಪುರೋಗಮಾಃ।
ಜೈಗೀಷವ್ಯಂ ತಪಶ್ಚಾಸ್ಯ ಪ್ರಶಂಸಂತಿ ತಪಸ್ವಿನಃ॥ 9-51-62 (63147)
ಅಥಾಬ್ರವೀದೃಷಿವರೋ ದೇವಾನ್ವೈ ನಾರದಸ್ತಥಾ।
ಜೈಗೀಷವ್ಯೇ ತಪೋ ನಾಸ್ತಿ ವಿಸ್ಮಾಪಯತಿ ಯೋಽಸಿತಂ॥ 9-51-63 (63148)
ತಮೇವಂವಾದಿನಂ ಧೀರಂ ಪ್ರತ್ಯೂಚುಸ್ತೇ ದಿವೌಕಸಃ।
ನೈವಮಿತ್ಯೇವ ಶಂಸಂತೋ ಜೈಗೀಷವ್ಯಂ ಮಹಾಮುನಿಂ॥ 9-51-64 (63149)
ನಾತಃ ಪರತರಂ ಕಿಂಚಿತ್ತುಲ್ಯಮಸ್ತಿ ಪ್ರಭಾವತಃ।
ತೇಜಸಸ್ತಪಸಶ್ಚಾಸ್ಯ ಯೋಗಸ್ಯ ಚ ಮಹಾತ್ಮನಃ॥ 9-51-65 (63150)
ಏವಂ ಪ್ರಭಾವೋ ಧರ್ಮಾತ್ಮಾ ಜೈಗೀಷವ್ಯಸ್ತಥಾಽಸಿತಃ।
ತಯೋರಿದಂ ಸ್ಥಾನವರಂ ತೀರ್ಥಂ ಚೈವ ಮಹಾತ್ಮನೋಃ॥ 9-51-66 (63151)
ತತ್ರಾಪ್ಯುಪಸ್ಪೃಶ್ಯ ತತೋ ಮಹಾತ್ಮಾ
ದತ್ತ್ವಾ ಚ ವಿತ್ತಂ ಹಲಭೃದ್ದ್ವಿಜೇಭ್ಯಃ।
ಅವಾಪ್ಯ ಧರ್ಮಂ ಪರಮಾರ್ಥಕರ್ಮಾ
ಜಗಾಮ ಸೋಮಸ್ಯ ಮಹಾxxxxxxರ್ಥಂ। ॥ 9-51-67 (63152)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಏಕಪಂಚಾಶತ್ತಮೋಽಧ್ಯಾಯಃ॥ 51 ॥
Mahabharata - Shalya Parva - Chapter Footnotes
9-51-7 ನೈವಾಪುಂಚತ ಧರ್ಮತಃ ಇತಿ ಛ.ಪಾಠಃ॥ 9-51-8 ನ್ಯತಿಕ್ರಮತ್ ವ್ಯತ್ಯಕ್ರಾಮತ್॥ 9-51-16 ಅಸಿತಪ್ರಭ ಇತಿ ಛ.ಪಾಠಃ॥ 9-51-46 ಭೂತಾರ್ಥಂ ಯಥಾಭೂತಾರ್ಥಂ॥ 9-51-47 ಉತ್ಪಪಾತ ಬ್ರಹ್ಮಲೋಕಂ ಗಂತುಮಿತಿ ಶೇಷಃ। ಪಪಾತ ಚ ಗಗನಾತ್॥ 9-51-54 ಸರ್ವಾಃ ಕ್ರಿಯಾ ಉತ್ಸರ್ಗೇಷ್ಠ್ಯಾದಯಃ॥ 9-51-56 ಮೋಕ್ಷಂ ಸನ್ನ್ಯಾಸಂ ತ್ಯಕ್ತುಂ ಮನೋ ದಧೇ। ಉತ್ಸೃಷ್ಟಾ ನಾಮಗ್ನೀನಾಂ ಪುನರಾಧಾನಂ ಕರ್ತುಮೈಚ್ಛತ್॥ 9-51-66 ಅಸಿತೋ ದೇವಲ॥ 9-51-51 ಏಕಪಂಚಾಶತ್ತತೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 052
॥ ಶ್ರೀಃ ॥
9.52. ಅಧ್ಯಾಯಃ 052
Mahabharata - Shalya Parva - Chapter Topics
ದಧೀಚಿಸಾರಸ್ವತಯೋಶ್ಚರಿತವರ್ಣನಂ॥ 1 ॥Mahabharata - Shalya Parva - Chapter Text
9-52-0 (63153)
ವೈಶಂಪಾಯನ ಉವಾಚ। 9-52-0x (5211)
ಯತ್ರೇಜಿವಾನುಡುಪತೀ ರಾಜಸೂಯೇನ ಭಾರತ।
ಯಸ್ಮಿನ್ವೃತ್ತೇ ಮಹಾನಾಸೀತ್ಸಂಗ್ರಾಮಸ್ತಾರಕಾಮಯಃ॥ 9-52-1 (63154)
ತತ್ರಾಪ್ಯುಪಸ್ಪೃಶ್ಯ ಬಲೋ ದತ್ತ್ವಾ ದಾನಾನಿ ಚಾತ್ಮವಾನ್।
ಸಾರಸ್ವತಸ್ಯ ಧರ್ಮಾತ್ಮಾ ಮುನೇಸ್ತೀರ್ಥಂ ಜಗಾಮ ಹ॥ 9-52-2 (63155)
ಯತ್ರ ದ್ವಾದಶವಾರ್ಷಿಕ್ಯಾಮನಾವೃಷ್ಟ್ಯಾಂ ದ್ವಿಜೋತ್ತಮಾನ್।
ವೇದಾನಧ್ಯಾಪಯಾಮಾಸ ಪುರಾ ಸಾರಸ್ವತೋ ಮುನಿಃ॥ 9-52-3 (63156)
ಜನಮೇಜಯ ಉವಾಚ। 9-52-4x (5212)
ಕಥಂ ದ್ವಾದಶವಾರ್ಷಿಕ್ಯಾಮನಾವೃಷ್ಟ್ಯಾಂ ದ್ವಿಜೋತ್ತಮಾನ್।
ವೇದಾನಧ್ಯಾಪಯಾಮಾಸ ಪುರಾ ಸಾರಸ್ವತೋ ಮುನಿಃ॥ 9-52-4 (63157)
ವೈಶಂಪಾಯನ ಉವಾಚ। 9-52-5x (5213)
ಆಸೀತ್ಪೂರ್ವಂ ಮಹಾರಾಜ ಮುನಿರ್ಧೀಮಾನ್ಮಹಾತಪಾಃ।
ದಧೀಚಿರಿತಿ ವಿಖ್ಯಾತೋ ಬ್ರಹ್ಮಚಾರೀ ಜಿತೇಂದ್ರಿಯಃ॥ 9-52-5 (63158)
ತಸ್ಯಾತಿತಪಸಃ ಶಕ್ರೋ ಬಿಭೇತಿ ಸತತಂ ವಿಭೋ।
ನ ಸ ಲೋಭಯಿತುಂ ಶಕ್ಯಃ ಫಲೈರ್ಬಹುವಿಧೈರಪಿ॥ 9-52-6 (63159)
ಪ್ರಲೋಭನಾರ್ಥಂ ತಸ್ಯಾಥ ಪ್ರಾಹಿಣೋತ್ಪಾಕಶಾಸನಃ।
ದಿವ್ಯಾಮಪ್ಸರಸಂ ಪುಣ್ಯಾಂ ದರ್ಶನೀಯಾಮಲಂಬುಸಾಂ॥ 9-52-7 (63160)
ತಸ್ಯ ತರ್ಪಯತೋ ದೇವಾನ್ಸರಸ್ವತ್ಯಾಂ ಮಹಾತ್ಮನಃ।
ಸಮೀಪತೋ ಮಹಾರಾಜ ಸೋಪಾತಿಷ್ಠತ ಭಾಮಿನೀ॥ 9-52-8 (63161)
ತಾಂ ದಿವ್ಯವಪುಷಂ ದೃಷ್ಟ್ವಾ ತಸ್ಯರ್ಷೇರ್ಭಾವಿತಾತ್ಮನಃ।
ರೇತಃ ಸ್ಕನ್ನಂ ಸರಸ್ವತ್ಯಾಂ ತಸ್ಮಾ ಜಗ್ರಾಹ ನಿಂನಗಾ॥ 9-52-9 (63162)
ಕುಕ್ಷೌ ಚಾಪ್ಯದಧದ್ವೃಷ್ಟಾ ತದ್ರೇತಃ ಪುರುಷರ್ಷಭ।
ಸಾ ದಧಾರ ಚ ತಂ ಗರ್ಭಂ ಪುತ್ರಹೇತೋರ್ಮಹಾತ್ಮನಃ॥ಥ 9-52-10 (63163)
ಸುಷುವೇ ಚಾಪಿ ಸಮಯೇ ಪುತ್ರಂ ಸಾರಸ್ವತಂ ವರಂ।
ಜಗಾಮ ಪುತ್ರಮಾದಾಯ ತಮೃಷಿಂ ಪ್ರತಿ ಚ ಪ್ರಭೋ॥ 9-52-11 (63164)
ಋಷಿಸಂಸದಿ ತಂ ದೃಷ್ಟ್ವಾ ಸಾ ನದೀ ಮುನಿಸತ್ತಮಂ।
ತತಃ ಪ್ರೋವಾಚ ರಾಜೇಂದ್ರ ದದತೀ ಪುತ್ರಮಸ್ಯ ತಂ।
ಬ್ರಹ್ಮರ್ಷೇ ತವ ಪುತ್ರೋಽಯಂ ತ್ವದ್ಭಕ್ತ್ಯಾ ಧಾರಿತೋ ಮಯಾ॥ 9-52-12 (63165)
ದೃಷ್ಟ್ವಾ ತೇಽಪ್ಸರಸಂ ರೇತೋ ಯತ್ಸ್ಕನ್ನಂ ಪ್ರಾಗಲಂಬುಸಾಂ।
ತತ್ಕುಕ್ಷಿಣಾಽಹಂ ಬ್ರಹ್ಮರ್ಷೇ ತ್ವದ್ಭಕ್ತ್ಯಾ ಧೃತವತ್ಯಹಂ॥ 9-52-13 (63166)
ನ ವಿನಾಶಮಿದಂ ಗಚ್ಛೇತ್ತ್ವತ್ತೇಜ ಇತಿ ನಿಶ್ಚಯಾತ್।
ಪ್ರತಿಗೃಹ್ಣೀಷ್ವ ಪುತ್ರಂ ಸ್ವಂ ಮಯಾ ದತ್ತಮನಿಂದಿತಂ॥ 9-52-14 (63167)
ಇತ್ಯುಕ್ತಃ ಪ್ರತಿಜಗ್ರಾಹ ಪ್ರೀತಿಂ ಚಾವಾಪ ಪುಷ್ಕಲಾಂ।
ಪಿತೃವಚ್ಚೋಪಜಿಘ್ರತ್ತಂ ಮೂರ್ಧ್ನಿ ಪ್ರೇಂಣಾ ದ್ವಿಜೋತ್ತಮಃ॥ 9-52-15 (63168)
ಪರಿಷ್ವಜ್ಯ ಚಿರಂ ಕಾಲಂ ತದಾ ಭರತಸತ್ತಮ।
ಸರಸ್ವತ್ಯೈ ವರಂ ಪ್ರಾದಾತ್ಪ್ರೀಯಮಾಣೋ ಮಹಾಮುನಿಃ॥ 9-52-16 (63169)
ವಿಶ್ವೇದೇವಾಃ ಸಪಿತರೋ ಗಂಧರ್ವಾಪ್ಸರಸಾಂ ಗಣಾಃ।
ತೃಪ್ತಿಂ ಯಾಸ್ಯಂತಿ ಸುಭಗೇ ತರ್ಪ್ಯಮಾಣಾಸ್ತವಾಂಭಸಾ॥ 9-52-17 (63170)
ಇತ್ಯುಕ್ತ್ವಾ ಸ ತು ತುಷ್ಟಾವ ವಚೋಭಿರ್ವೈ ಮಹಾನದೀಂ।
ಪ್ರೀತಃ ಪರಮಹೃಷ್ಟಾತ್ಮಾ ಯಥಾವಚ್ಛೃಣು ಪಾರ್ಥಿವ॥ 9-52-18 (63171)
ದಧೀಚಿರುವಾಚ। 9-52-19x (5214)
ಪ್ರಸ್ರುತಾಽಸಿ ಮಹಾಭಾಗೇ ಸರಸೋ ಬ್ರಹ್ಮಣಃ ಪುರಾ।
ಜಾನಂತಿ ತ್ವಾಂ ಸರಿಚ್ಛ್ರೇಷ್ಠೇ ಮುನಯಃ ಸಂಶಿತವ್ರತಾಃ॥ 9-52-19 (63172)
ಮಮ ಪ್ರಿಯಕರೀ ಚಾಪಿ ಸತತಂ ಪ್ರಿಯದರ್ಶನೇ।
ತಸ್ಮಾತ್ಸಾರಸ್ವತಂ ಪುತ್ರಮದಧಾ ವರವರ್ಣಿನಿ॥ 9-52-20 (63173)
ತವೈವ ನಾಂನಾ ಪ್ರಥಿತಃ ಪುತ್ರಸ್ತೇ ಲೋಕಭಾವನಃ।
ಸಾರಸ್ವತ ಇತಿ ಖ್ಯಾತೋ ಭವಿಷ್ಯತಿ ಮಹಾತಪಾಃ॥ 9-52-21 (63174)
ಏಷ ದ್ವಾದಶವಾರ್ಷಿಕ್ಯಾಮನಾವೃಷ್ಟ್ಯಾಂ ದ್ವಿಜರ್ಷಭಾನ್।
ಸಾರಸ್ವತೋ ಮಹಾಭಾಗೇ ವೇದಾನಧ್ಯಾಪಯಿಷ್ಯತಿ॥ 9-52-22 (63175)
ಪುಣ್ಯಾಭ್ಯಶ್ಚ ಸರಿದ್ಭ್ಯಸ್ತ್ವಂ ಸದಾ ಪುಣ್ಯತಮಾ ಶುಭೇ।
ಭವಿಷ್ಯಸಿ ಮಹಾಭಾಗೇ ಮತ್ಪ್ರಸಾದಾತ್ಸರಸ್ವತಿ॥ 9-52-23 (63176)
ಏವಂ ಸ್ತ ಸಂಸ್ತುತಾ ತೇನ ವರಂ ಲಬ್ಧ್ವಾ ಮಹಾನದೀ।
ಪುತ್ರಮಾದಾಯ ಮುದಿತಾ ಜಗಾಮ ಭರತರ್ಷಭ॥ 9-52-24 (63177)
ಏತಸ್ಮಿನ್ನೇವ ಕಾಲೇ ತು ವಿರೋಧೇ ದೇವದಾನವೈಃ।
ಶಕ್ರಃ ಪ್ರಹರಣಾನ್ವಿಷೀ ಲೋಕಾಂಸ್ತ್ರೀನ್ವಿಚಚಾರ ಹ॥ 9-52-25 (63178)
ನ ಚೋಪಲೇಭೇ ಭಗವಾಞ್ಶಕ್ರಃ ಪ್ರಹರಣಂ ತದಾ।
ಯದ್ವೈ ತೇಷಾಂ ಭವೇದ್ಯೋಗ್ಯಂ ವಧಾಯ ವಿಬುಧದ್ವಿಷಾಂ॥ 9-52-26 (63179)
ತತೋಽಬ್ರವೀತ್ಸುರಾಞ್ಶಕ್ರೋ ನ ಮೇ ಶಕ್ಯಾಃ ಸುರಾರಯಃ।
ಋತೇಽಸ್ಥಿಭಿರ್ದಧೀಚಸ್ಯ ನಿಹಂತುಂ ತ್ರಿದಶದ್ವಿಷಃ॥ 9-52-27 (63180)
ತಸ್ಮಾದ್ಯತ್ನಾದೃಷಿಶ್ರೇಷ್ಠೋ ಯಾಚ್ಯತಾಂ ಕಾರ್ಯಸಿದ್ಧಯೇ।
ದಧೀಚಾಸ್ಥೀನಿ ದೇಹೀತಿ ತೈರ್ವಧಿಷ್ಯಾಮಹೇ ರಿಪೂನ್॥ 9-52-28 (63181)
ಸ ಚ ತೈರ್ಯಾಚಿತೋಽಸ್ಥೀನಿ ಯತ್ನಾದೃಷಿವರಸ್ತದಾ।
ಸಾಹಾಯ್ಯಂ ನಃ ಕುರುಷ್ವೇತಿ ಚಕಾರೈವಾವಿಚಾರಯನ್॥ 9-52-29 (63182)
ಸ ಲೋಕಾನಕ್ಷಯಾನ್ಪ್ರಾಪ್ತೋ ದೇವಪ್ರಿಯಕರಸ್ತದಾ।
ತಸ್ಯಾಸ್ಥಿಭಿರಥೋ ಶಕ್ರಃ ಸಂಪ್ರಹೃಷ್ಟಮನಾಸ್ತದಾ॥ 9-52-30 (63183)
ಕಾರಯಾಮಾಸ ದಿವ್ಯಾನಿ ನಾನಾಪ್ರಹರಣಾನ್ಯುತ।
ಗದಾ ವಜ್ರಾಣಿ ಚಕ್ರಾಣಿ ಗುರೂಂದಂಡಾಂಶ್ಚ ಪುಷ್ಕಲಾನ್॥ 9-52-31 (63184)
ಸ ಹಿ ತೀವ್ರೇಣ ತಪಸಾ ಸಂಭೃತಃ ಪರಮರ್ಷಿಣಾ।
ಪ್ರಜಾಪತಿಸುತೇನಾಥ ಭೃಗುಣಾ ಲೋಕಭಾವನಃ॥ 9-52-32 (63185)
ಅತಿಕಾಯಃ ಸ ತೇಜಸ್ವೀ ಲೋಕಸಾರೋ ವಿನಿರ್ಮಿತಃ।
ಜಜ್ಞೇ ಶೈಲಗುರುಃ ಪ್ರಾಂಶುರ್ಮಹಿಂನಾ ಪ್ರಥಿತಃ ಪ್ರಭುಃ॥ 9-52-33 (63186)
ನಿತ್ಯಮುದ್ವಿಜತೇ ಚಾಸ್ಯ ತೇಜಸಃ ಪಾಕಶಾಸನಃ॥ 9-52-34 (63187)
ತೇನ ವಜ್ರೇಣ ಭಗವಾನ್ಮಂತ್ರಯುಕ್ತೇನ ಭಾರತ।
ಭೃಶಂ ಕ್ರೋಧವಿಸೃಷ್ಟೇನ ಬ್ರಹ್ಮತೇಜೋದ್ಭವೇನ ಚ।
ದೈತ್ಯದಾನವವೀರಾಣಾಂ ಜಘಾನ ನವತೀರ್ನವ॥ 9-52-35 (63188)
ಅಥ ಕಾಲೇ ವ್ಯತಿಕ್ರಾಂತೇ ಮಹತ್ಯತಿಭಯಂಕರೀ।
ಅನಾವೃಷ್ಟಿರನುಪ್ರಾಪ್ತಾ ರಾಜಂದ್ವಾದಶವಾರ್ಷಿಕೀ॥ 9-52-36 (63189)
ತಸ್ಯಾಂ ದ್ವಾದಶವಾರ್ಷಿಕ್ಯಾಮನಾವೃಷ್ಟ್ಯಾಂ ಮಹರ್ಷಯಃ।
ವೃತ್ತ್ಯರ್ಥಂ ಪ್ರಾದ್ರವನ್ರಾಜನ್ಕ್ಷುಧಾರ್ತಾಃ ಸರ್ವತೋದಿಶಂ॥ 9-52-37 (63190)
ದಿಗ್ಭ್ಯಸ್ತಾನ್ಪ್ರದ್ರುತಾಂದೃಷ್ಟ್ವಾ ಮುನಿಃ ಸಾರಸ್ವತಸ್ತದಾ।
ಗಮನಾಯ ಮತಿಂ ಚಕ್ರೇ ತಂ ಪ್ರೋವಾಚ ಸರಸ್ವತೀ॥ 9-52-38 (63191)
ನ ಗಂತವ್ಯಮಿತಃ ಪುತ್ರ ತವಾಹಾರಮಹಂ ಸದಾ।
ದಾಸ್ಯಾಮಿ ಮತ್ಸ್ಯಪ್ರವರಾನುಷ್ಯತಾಮಿಹ ಭಾರತ॥ 9-52-39 (63192)
ಇತ್ಯುಕ್ತಸ್ತರ್ಪಯಾಮಾಸ ಸ ಪಿತೄಂದೇವತಾಸ್ತಥಾ।
ಆಹಾರಮಕರೋನ್ನಿತ್ಯಂ ಪ್ರಾಣಾನ್ವೇದಾಂಶ್ಚ ಧಾರಯನ್॥ 9-52-40 (63193)
ಅಥ ತಸ್ಯಾಮನಾವೃಷ್ಟ್ಯಾಮತೀತಾಯಾಂ ಮಹರ್ಷಯಃ।
ಅನ್ಯೋನ್ಯಂ ಪರಿಪಪ್ರಚ್ಛುಃ ಪುನಃ ಸ್ವಾಧ್ಯಾಯಕಾರಣಾತ್॥ 9-52-41 (63194)
ತೇಷಾಂ ಕ್ಷುಧಾಪರೀತಾನಾಂ ನಷ್ಟಾ ದೇವಾ ವಿಧಾವತಾಂ।
ಸರ್ವೇಷಾಮೇವ ರಾಜೇಂದ್ರ ನ ಕಿಚಿತ್ಪ್ರತಿಭಾತಿ ಹ॥ 9-52-42 (63195)
ಅಥ ಕಶ್ಚಿದೃಷಿಸ್ತೇಷಾಂ ಸಾರಸ್ವತಮುಪೇಯಿವಾನ್।
ಕುರ್ವಾಣಂ ಸಂಶಿತಾತ್ಮಾನಂ ಸ್ವಾಧ್ಯಾಯಮೃಷಿಸತ್ತಮಂ॥ 9-52-43 (63196)
ಸ ಗತ್ವಾಽಚಷ್ಟ ತೇಭ್ಯಶ್ಚ ಸಾರಸ್ವತಮೃಷಿಂ ಪ್ರಭುಂ।
ಸ್ವಾಧ್ಯಾಯಮಮರಪ್ರಖ್ಯಂ ಕುರ್ವಾಣಂ ವಿಜನೇ ವನೇ॥ 9-52-44 (63197)
ತತಃ ಸರ್ವೇ ಸಮಾಜಗ್ಮುಸ್ತತ್ರ ರಾಜನ್ಮಹರ್ಷಯಃ।
ಸಾರಸ್ವತಂ ಮುನಿಶ್ರೇಷ್ಠಮಿದಮೂಚುಃ ಸಮಾಗತಾಃ॥ 9-52-45 (63198)
ಅಸ್ಮಾನಧ್ಯಾಪಯಸ್ವೇತಿ ತಾನುವಾಚ ತತೋ ಮುನಿಃ।
ಶಿಷ್ಯತ್ವಮುಪಾಗಚ್ಛಧ್ವಂ ವಿಧಿನಾ ಚ ಮಮೇತ್ಯುತ॥ 9-52-46 (63199)
ತತ್ರಾಬ್ರುವನ್ಮುನಿಗಣಾ ಬಾಲಸ್ತ್ವಮಸಿ ಪುತ್ರಕ।
ಸ ತಾನಾಹ ನ ಮೇ ಧರ್ಮೋ ನಶ್ಯೇದಿತಿ ಪುನರ್ಮುನೀನ್॥ 9-52-47 (63200)
ಯೋ ಹ್ಯಧರ್ಮೇಣ ವೈ ಬ್ರೂಯಾದ್ಗೃಹ್ಣೀಯಾದ್ಯೋಽಪ್ಯಧರ್ಮತಃ।
ಂರಿಯೇತಾಂ ತಾವುಭೌ ಕ್ಷಿಪ್ರಂ ಸ್ಯಾತಾಂ ವಾ ವೈರಿಣಾವುಭೌ॥ 9-52-48 (63201)
ನ ಹಾಯನೈರ್ನ ಪಲಿತೈರ್ನ ವಿತ್ತೇನ ನ ಬಂಧುಭಿಃ।
ಋಷಯಶ್ಚಕ್ರಿರೇ ಧರ್ಮಂ ಯೋಽನೂಚಾನಃ ಸ ನೋ ಮಹಾನ್॥ 9-52-49 (63202)
ಏತಚ್ಛ್ರುತ್ವಾ ವಚಸ್ತಸ್ಯ ಮನುಯಸ್ತೇ ವಿಧಾನತಃ।
ತಸ್ಮಾದ್ವೇದಾನನುಪ್ರಾಪ್ಯ ಪುನರ್ಧರ್ಮಂ ಪ್ರಚಕ್ರಿರೇ॥ 9-52-50 (63203)
ಷಷ್ಟಿರ್ಮುನಿಸಹಸ್ರಾಣಿ ಶಿಷ್ಯತ್ವಂ ಪ್ರತಿಪೇದಿರೇ।
ಸಾರಸ್ವತಸ್ಯ ವಿಪ್ರರ್ಷೇರ್ವೇದಸ್ವಾಧ್ಯಾಯಕಾರಣಾತ್॥ 9-52-51 (63204)
ಮುಷ್ಟಿಂ ಮುಷ್ಟಿಂ ತತಃ ಸರ್ವೇ ದರ್ಭಾಣಾಂ ತೇ ಹ್ಯುಪಾಹರನ್।
ತಸ್ಯಾಸನಾರ್ಥಂ ವಿಪ್ರರ್ಷೇರ್ಬಾಲಸ್ಯಾಪಿ ವಶೇ ಸ್ಥಿತಾಃ॥ 9-52-52 (63205)
ತತ್ರಾಪಿ ದತ್ತ್ವಾ ವಸು ರೌಹಿಣೇಯೋ
ಮಹಾಬಲಃ ಕೇಶವಪೂರ್ವಜೋಽಥ
ಜಗಾಮ ತೀರ್ಥಂ ಮುದಿತಃ ಕ್ರಮೇಣ
ತಂ ವೃದ್ಧಕನ್ಯಾಶ್ರಮಮೇ ವ ವೀರಃ॥ ॥ 9-52-53 (63206)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ದ್ವಿಪಂಚಾಶತ್ತಮೋಽಧ್ಯಾಯಃ॥ 52 ॥
Mahabharata - Shalya Parva - Chapter Footnotes
9-52-5 ದಧೀಚ ಇತಿ ಇತಿ ಛ.ಝ.ಪಾಠಃ॥ 9-52-12 ಋಷಿಸಂಸಾದಿತಂ ದೃಷ್ಟ್ವೇತಿ ಕ.ಛ.ಪಾಠಃ। ತತ್ರ ಸಂಸಾದಿತಂ ಪರಿವಾರಿತಮಿತ್ಯರ್ಥಃ॥ 9-52-28 ದಧೀಚೋಽಸ್ಥೀನೀತಿ ಛ.ಪಾಠಃ॥ 9-52-29 ಪ್ರಾಣತ್ಯಾಗಂ ಕುರುಶ್ರೇಷ್ಠ ಚಕಾರೈವಾವಿಚಾರಯಷಿತಿ ಝ.ಪಾಠಃ॥ 9-52-34 ಅಸ್ಯ ಮುನೇಃ॥ 9-52-35 ತೇನ ತದಸ್ಥಿಜೇನ ವಜ್ರೇಣ ನವತೀರ್ನವ ದಶಾಧಿಕಾಂ ಅಷ್ಟಶತೀಮ॥ 9-52-52 ದ್ವಿಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 053
॥ ಶ್ರೀಃ ॥
9.53. ಅಧ್ಯಾಯಃ 053
Mahabharata - Shalya Parva - Chapter Topics
ವೃದ್ಧಕನ್ಯಾಚರಿತ್ರಕಥನಂ॥ 1 ॥Mahabharata - Shalya Parva - Chapter Text
9-53-0 (63207)
ಜನಮೇಜಯ ಉವಾಚ। 9-53-0x (5215)
ಕಥಂ ಕುಮಾರೀ ಭಗವಂಸ್ತಪೋಯುಕ್ತಾ ಹ್ಯಭೂತ್ಪುರಾ।
ಕಿಮರ್ಥಂ ಚ ತಪಸ್ತೇಪೇ ಕೋ ವಾಽಸ್ಯಾ ನಿಯಮೋಽಭವತ್॥ 9-53-1 (63208)
ಸುದುಷ್ಕರಮಿದಂ ಬ್ರಹ್ಮಂಸ್ತ್ವತ್ತಃ ಶ್ರುತಮನುತ್ತಮಂ।
ಆಖ್ಯಾಹಿ ತತ್ತ್ವಮಖಿಲಂ ಯಥಾ ತಪಸಿ ಸಾ ಸ್ಥಿತಾ॥ 9-53-2 (63209)
ವೈಶಂಪಾಯನ ಉವಾಚ। 9-53-3x (5216)
ಋಷಿರಾಸೀನ್ಮಹಾವೀರ್ಯಃ ಕುಣಿರ್ಗಾರ್ಗ್ಯೋ ಮಹಾಯಶಾಃ।
ಸ ತಪ್ತ್ವಾ ವಿಪುಲಂ ರಾಜಂಸ್ತಪೋ ವೈ ತಪತಾಂ ವರಃ।
ತಪಸಾಽಥ ಸುತಾಂ ಸುಭ್ರೂಂ ಸಮುತ್ಪಾದಿತವಾನ್ವಿಭುಃ॥ 9-53-3 (63210)
ತಾಂ ಚ ದೃಷ್ಟ್ವಾ ಮುನಿಃ ಪ್ರೀತಃ ಕುಣಿರ್ಗಾರ್ಗ್ಯೋ ಮಹಾಯಶಾಃ।
ಜಗಾಮ ತ್ರಿದಿವಂ ರಾಜನ್ಸಂತ್ಯಜ್ಯೇಹ ಕಲೇವರಂ॥ 9-53-4 (63211)
ಸುಭ್ರೂಃ ಸಾ ಹ್ಯಥ ಕಲ್ಯಾಣೀ ಪುಂಡರೀಕನಿಭೇಕ್ಷಣಾ।
ಮಹತಾ ತಪಸೋಗ್ರೇಣ ಕೃತ್ವಾಶ್ರಮಮನಿಂದಿತಾ॥ 9-53-5 (63212)
ಉಪವಾಸೈಃ ಪೂಜಯಂತೀ ಪಿತೄಂದೇವಾಂಶ್ಚ ಸಾ ಪುರಾ।
ತಸ್ಯಾಸ್ತು ತಪಸೋಗ್ರೇಣ ಮಹಾನ್ಕಾಲೋಽತ್ಯಗಾನ್ನೃಪ॥ 9-53-6 (63213)
ಸಾ ಪಿತ್ರಾ ದೀಯಮಾನಾಪಿ ಪತಿಂ ನೈಚ್ಛದನಿಂದಿತಾ।
ಆತ್ಮನಃ ಸದೃಶಂ ಸಾ ತು ಭರ್ತಾರಂ ನಾನ್ವಪಶ್ಯತ॥ 9-53-7 (63214)
ತತಃ ಸಾ ತಪಸೋಗ್ರೇಣ ಪೀಡಯಿತ್ವಾಽಽತ್ಮನಸ್ತನುಂ।
ಪಿತೃದೇವಾರ್ಚನರತಾ ಬಭೂವ ವಿಜನೇ ವನೇ॥ 9-53-8 (63215)
ಸಾಽಽತ್ಮಾನಂ ಮನ್ಯಮಾನಾ ತು ಕೃತಕೃತ್ಯಂ ಶ್ರಮಾನ್ವಿತಾ।
`ಜಗಾಮ ವೃದ್ಧಭಾವಂ ತು ಕೌಮಾರಬ್ರಹ್ಮಚಾರಿಣೀ'॥ 9-53-9 (63216)
ವಾರ್ಧಕೇನ ಚ ರಾಜೇಂದ್ರ ತಪಸಾ ಚೈವ ಕರ್ಶಿತಾ।
ಸಾ ನಾಶಕದ್ಯದಾ ಗಂತುಂ ಪದಾತ್ಪದಮಪಿ ಸ್ವಯಂ॥ 9-53-10 (63217)
ಚಕಾರ ಗಮನೇ ಬುದ್ಧಿಂ ಪರಲೋಕಾಯ ವೈ ತದಾ।
ಮೋಕ್ತುಕಾಮಾಂ ತು ತಾಂ ದೃಷ್ಟ್ವಾ ಶರೀರಂ ನಾರದೋಽಬ್ರವೀತ್॥ 9-53-11 (63218)
ಅಸಂಸ್ಕೃತಾಯಾಃ ಕನ್ಯಾಯಾಃ ಕುತೋ ಲೋಕಾಸ್ತವಾನಘೇ।
ಏವಂ ತು ಶ್ರುತಮಸ್ಮಾಭಿರ್ದೇವಲೋಕೇ ಮಹಾವ್ರತೇ॥ 9-53-12 (63219)
ತಪಃ ಪರಮಕಂ ಪ್ರಾಪ್ತಂ ನ ತು ಲೋಕಾಸ್ತ್ವಯಾ ಜಿತಾಃ।
ತನ್ನಾರದವಚಃ ಶ್ರುತ್ವಾ ಸಾಽಬ್ರವೀದೃಷಿಸಂಸದಿ॥ 9-53-13 (63220)
ತಪಸೋಽರ್ಧಂ ಪ್ರಯಚ್ಛಾಮಿ ಪಾಣಿಗ್ರಾಹಸ್ಯ ಸತ್ತಮಾಃ।
ಇತ್ಯುಕ್ತೇಽಸ್ಯಾಸ್ತು ಜಗ್ರಾಹ ಪಾಣಿಂ ಗಾಲವಸಂಭವಃ॥ 9-53-14 (63221)
ಋಷಿಃ ಪ್ರಾಕ್ ಶೃಂಗವಾನ್ನಾಮ ಸಮಯಂ ಚೇಮಮಬ್ರವೀತ್।
ಸಮಯೇನ ತವಾದ್ಯಾಹಂ ಪಾಣಿಂ ಸ್ಪ್ರಕ್ಷ್ಯಾಮಿ ಶೋಭನೇ॥ 9-53-15 (63222)
ಯದ್ಯೇಕರಾತ್ರಂ ವಸ್ತವ್ಯಂ ತ್ವಯಾ ಸಹ ಮಯೇತಿ ಹ।
ತಥೇತಿ ಸಾ ಪ್ರತಿಶ್ರುತ್ಯ ತಸ್ಮೈ ಪಾಣಿಂ ದದೌ ತದಾ॥ 9-53-16 (63223)
ಯಥಾದೃಷ್ಟೇನ ವಿಧಿನಾ ಹುತ್ವಾ ಚಾಗ್ನಿಂ ವಿಧಾನತಃ।
ಚಕ್ರೇ ಚ ಪಾಣಿಗ್ರಹಣಂ ತಸ್ಯೋದ್ವಾಹಂ ಚ ಗಾಲವಿಃ॥ 9-53-17 (63224)
ಸಾ ರಾತ್ರಾವಭವದ್ರಾಜಂಸ್ತರುಣೀ ವರವರ್ಣಿನೀ।
ದಿವ್ಯಾಭರಣವಸ್ತ್ರಾ ಚ ದಿವ್ಯಗಂಧಾನುಲೇಪನಾ॥ 9-53-18 (63225)
ತಾಂ ದೃಷ್ಟ್ವಾ ಗಾಲವಿಃ ಪ್ರೀತೋ ದೀಪಯಂತೀಮಿವ ಶ್ರಿಯಾ।
ಉವಾಸ ಚ ಕ್ಷಪಾಮೇಕಾಂ ಪ್ರಭಾತೇ ಸಾಽಬ್ರವೀಚ್ಚ ತಂ॥ 9-53-19 (63226)
ಯಸ್ತ್ವಯಾ ಸಮಯೋ ವಿಪ್ರ ಕೃತೋ ಮೇ ತಪತಾಂ ವರ।
ತೇನೋಷಿತಾಽಸ್ಮಿ ಭದ್ರಂ ತೇ ಸ್ವಸ್ತಿ ತೇಽಸ್ತು ವ್ರಜಾಂಯಹಂ॥ 9-53-20 (63227)
ಸಾ ತು ಧ್ಯಾತ್ವಾಽಬ್ರವೀದ್ಭೂಯೋ ಯೋಽಸ್ಮಿಂಸ್ತೀರ್ಥೇ ಸಮಾಹಿತಃ।
ವಸತೇ ರಜನೀಮೇಕಾಂ ತರ್ಪಯಿತ್ವಾ ದಿವೌಕಸಃ॥ 9-53-21 (63228)
ಚತ್ವಾರಿಂಶತಮಷ್ಟೌ ಚ ದ್ವೌ ಚಾಷ್ಟೌ ಸಂಯಗಾಚರೇತ್।
ಯೋ ಬ್ರಹ್ಮಚರ್ಯಂ ವರ್ಷಾಣಿ ಫಲಂ ತಸ್ಯ ಲಭೇತ ಸಃ॥ 9-53-22 (63229)
ಏವಮುಕ್ತ್ವಾ ತತಃ ಸಾಧ್ವೀ ದೇಹಂ ತ್ಯಕ್ತ್ವಾ ದಿವಂ ಗತಾ।
ಋಷಿರಪ್ಯಭವದ್ದೀನಸ್ತಸ್ಯಾ ರೂಪಂ ವಿಚಿಂತಯನ್॥ 9-53-23 (63230)
ಸಮಯೇನ ತಪೋಽರ್ಧಂ ಚ ಕೃಚ್ಛ್ರಾತ್ಪ್ರತಿಗೃಹೀತವಾನ್।
ಸಾಧಯಿತ್ವಾ ತದಾಽಽತ್ಮಾನಂ ತಸ್ಯಾಃ ಸ ಗತಿಮಾಪ್ತವಾನ್।
ದುಃಖಿತೋ ಭರತಶ್ರೇಷ್ಠ ತಸ್ಯಾ ರೂಪಬಲಾತ್ಕೃತಃ॥ 9-53-24 (63231)
ಏತತ್ತೇ ವೃದ್ವಕನ್ಯಾಯಾ ವ್ಯಾಖ್ಯಾತಂ ಚರಿತಂ ಮಹತ್।
ತಥೈವ ಬ್ರಹ್ಮಚರ್ಯಂ ಚ ಸ್ವರ್ಗಸ್ಯ ಚ ಗತಿಃ ಶುಭಾ॥ 9-53-25 (63232)
ತತ್ರಸ್ಥಶ್ಚಾಪಿ ಶುಶ್ರಾವ ಹತಂ ಶಲ್ಯಂ ಹಲಾಯುಧಃ॥ 9-53-26 (63233)
ತತ್ರಾಪಿ ದತ್ತ್ವಾ ದಾನಾನಿ ದ್ವಿಜಾತಿಭ್ಯಃ ಪರಂತಪಃ।
ಶುಶೋಚ ಶಲ್ಯಂ ಸಂಗ್ರಾಮೇ ನಿಹತಂ ಪಾಂಡವೈಸ್ತದಾ॥ 9-53-27 (63234)
ಸಮಂತಪಂಚಕದ್ವಾರಾತ್ತತೋ ನಿಷ್ಕ್ರಂಯ ಮಾಧವಃ।
ಪಪ್ರಚ್ಛರ್ಷಿಗಣಾರಾಮಃ ಕುರುಕ್ಷೇತ್ರಸ್ಯ ಯತ್ಫಲಂ॥ 9-53-28 (63235)
ತೇ ಪೃಷ್ಟಾ ಯದುಸಿಂಹೇನ ಕುರುಕ್ಷೇತ್ರಫಲಂ ವಿಭೋ
ಸಮಾಚಖ್ಯುರ್ಮಹಾತ್ಮಾನಸ್ತಸ್ಮೈ ಸರ್ವಂ ಯಥಾತಥಂ॥ ॥ 9-53-29 (63236)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ತ್ರಿಪಂಚಾಶತಮೋಽಧ್ಯಾಯಃ॥ 53 ॥
Mahabharata - Shalya Parva - Chapter Footnotes
9-53-3 ತಪಸಾ ಸಂಯುತಾ ಸುಭ್ರೂಃ ಸಮುತ್ಪನಃ ಇತಿ ಛ. ಪಾಠಃ॥ 9-53-22 ಚತ್ವಾರಿಂಶತಮಷ್ಟೌ ಚೇತಿ। ಪ್ರತಿವೇದಂ ದ್ವಾದಶವರ್ಷಾಣೀತಿ ವೇದಚತುಷ್ಟಯಾಧ್ಯಯನಾಯಾಷ್ಟಾಚತ್ವಾರಿಂಶದ್ವರ್ಷಾಣಿ। ತತೋ ದ್ವೈ ವತ್ಸರೌ ಸ್ನಾತಕೇನ ಗುರೋರಾನೃಣ್ಯಾರ್ಥಂ ಸೇವಾ ಕಾರ್ಯಾ। ತತೋಽಷ್ಟವಾರ್ಷಿಕೀಂ ಕನ್ಯಾಂ ಪರಿಣೀಯ ತಸ್ಯಾ ಯೌವನಾವಧ್ಯಷ್ಟವರ್ಷಾಣೀತ್ಯಷ್ಟಪಂಚಾಶದ್ವರ್ಷಾಣಿ ಬ್ರಹ್ಮಚರ್ಯಂ ಸರ್ವಸ್ಯೇಷ್ಟಂ॥ 9-53-24 ಸಂಗತಿಮನ್ವಿಯಾತ್ ಇತಿ ಛ. ಪಾಠಃ॥ 9-53-53 ತ್ರಿಪಂಚಾಶೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 054
॥ ಶ್ರೀಃ ॥
9.54. ಅಧ್ಯಾಯಃ 054
Mahabharata - Shalya Parva - Chapter Topics
ದಲಭದ್ರಾಯ ಮಹರ್ಷಿಭಿಃ ಕುರುಕ್ಷೇತ್ರಮಹಿಮಾನುವರ್ಣನಂ॥ 1 ॥Mahabharata - Shalya Parva - Chapter Text
9-54-0 (63237)
ಋಷಯ ಊಚುಃ। 9-54-0x (5217)
ಪ್ರಜಾಪತೇರುತ್ತರವೇದಿರುಚ್ಯತೇ
ಸನಾತನಂ ರಾಮ ಸಮಂತಪಂಚಕಂ।
ಸಮೀಜಿರೇ ಯತ್ರ ಪುರಾ ದಿವೌಕಸೋ
ವರೇಣ ಸತ್ರೇಣ ಮಹಾವರಪ್ರದಾಃ॥ 9-54-1 (63238)
ಪುರಾ ಚ ರಾಜರ್ಷಿವರೇಣ ಧೀಮತಾ
ಬಹೂನಿ ವರ್ಷಾಣ್ಯಮಿತೇನ ತೇಜಸಾ।
ಪ್ರಕೃಷ್ಟಮೇತತ್ಕುರುಣಾ ಮಹಾತ್ಮನಾ
ತತಃ ಕುರುಕ್ಷೇತ್ರಮಿತೀಹ ಪಪ್ರಥೇ॥ 9-54-2 (63239)
ರಾಮ ಉವಾಚ। 9-54-3x (5218)
ಕಿಮರ್ಥಂ ಕುರುಣಾ ಕೃಷ್ಟಂ ಕ್ಷೇತ್ರಮೇತನ್ಮಹಾತ್ಮನಾ।
ಏತದಿಚ್ಛಾಂಯಹಂ ಶ್ರೋತುಂ ಕಥ್ಯಮಾನಂ ತಪೋಧನಾಃ॥ 9-54-3 (63240)
ಋಷಯ ಊಚುಃ। 9-54-4x (5219)
ಪುರಾ ಕಿಲ ಕುರುಂ ರಾಮ ಕರ್ಷಂತಂ ಸತತೋತ್ಥಿತಂ।
ಅಭ್ಯೇತ್ಯ ಶಕ್ರಸ್ತ್ರಿದಿವಾತ್ಪರ್ಯಪೃಚ್ಛತ ಕಾರಣಂ॥ 9-54-4 (63241)
ಇಂದ್ರ ಉವಾಚ। 9-54-5x (5220)
ಕಿಮಿದಂ ವರ್ತತೇ ಕರ್ಮ ಪ್ರಯತ್ನೇನ ಪರೇಣ ಚ।
ರಾಜರ್ಷೇ ಕಿಮಭಿಪ್ರೇತ್ಯ ಯೇನೇಯಂ ಕೃಷ್ಯತೇ ಕ್ಷಿತಿಃ॥ 9-54-5 (63242)
ಕುರುರುವಾಚ। 9-54-6x (5221)
ಇಹ ಯೇ ಪುರುಷಾಃ ಕ್ಷೇತ್ರೇ ಜನಿಷ್ಯಂತಿ ಶತಕ್ರತೋ।
ತೇ ಗಮಿಷ್ಯಂತಿ ಸುಕೃತಾಂ ಲೋಕಾನ್ಪಾಪವಿವರ್ಜಿತಾನ್॥ 9-54-6 (63243)
ಅಪಹಾಸ್ಯ ತು ತಂ ಶಕ್ರೋ ಜಗಾಮ ತ್ರಿದಿವಂ ಪುನಃ।
ರಾಜರ್ಷಿರಪ್ಯನಿರ್ವಿಣ್ಣಃ ಕರ್ಷತ್ಯೇವ ವಸುಂಧರಾಂ॥ 9-54-7 (63244)
ಆಗಂಯಾಗಂಯ ಚೈವೈನಂ ಭೂಯೋಭೂಯೋಽಪಹಾಸ್ಯ ಚ।
ಶತ್ರಕ್ರತುರನಿರ್ವಿಣ್ಣಂ ಪೃಷ್ಟ್ವಾಪೃಷ್ಟ್ವಾ ಜಗಾಮ ಹ॥ 9-54-8 (63245)
ಯದಾ ತು ತಪಸೋಗ್ರೇಣ ಚಕರ್ಷ ವಸುಧಾಂ ನೃಪಃ।
ತತಃ ಶಕ್ರೋಽಬ್ರವೀದ್ದೇವಾನ್ರಾಜರ್ಷೇರ್ಯಚ್ಚಿಕೀರ್ಷಿತಂ॥ 9-54-9 (63246)
ಏತಚ್ಛ್ರುತ್ವಾಽಬ್ರುವಂದೇವಾಃ ಸಹಸ್ರಾಕ್ಷಮಿದಂ ವಚಃ।
ವರೇಣ ಚ್ಛಂದ್ಯತಾಂ ಶಕ್ರ ರಾಜರ್ಷಿರ್ಯದಿ ಶಕ್ಯತೇ॥ 9-54-10 (63247)
ಯದಿ ಹ್ಯತ್ರ ಪ್ರಸೂತಾ ವೈ ಸ್ವರ್ಗಂ ಗಚ್ಛಂತಿ ಮಾನವಾಃ।
ಅಸ್ಮಾನನಿಷ್ಟ್ವಾ ಕ್ರತುಭಿರ್ಭಾಗೋ ನೋ ನ ಭವಿಷ್ಯತಿ॥ 9-54-11 (63248)
ಆಗಂಯ ಚ ತತಃ ಶಕ್ರಸ್ತದಾ ರಾಜರ್ಷಿಮಬ್ರವೀತ್।
ಅಲಂ ಖೇದೇನ ಭವತಃ ಕ್ರಿಯತಾಂ ವಚನಂ ಮಮ॥ 9-54-12 (63249)
ಮಾನವಾ ಯೇ ನಿರಾಹಾರಾ ದೇಹಂ ತ್ಯಕ್ಷ್ಯಂತ್ಯತಂದ್ರಿತಾಃ।
ಯುಧಿ ವಾ ನಿಹತಾಃ ಸಂಯಗಪಿ ತಿರ್ಯಗ್ಗತಾ ನೃಪ॥ 9-54-13 (63250)
ತೇ ಸ್ವರ್ಗಭಾಜೋ ರಾಜೇಂದ್ರ ಭವಂತ್ವಿಹ ಹತಾಸ್ತು ಯೇ।
ತಥಾಸ್ತ್ವಿತಿ ತತೋ ರಾಜಾ ಕುರುಃ ಶಕ್ರಮುವಾಚ ಹ॥ 9-54-14 (63251)
ತತಸ್ತಮಭ್ಯನುಜ್ಞಾಪ್ಯ ಪ್ರಹೃಷ್ಟೇನಾಂತರಾತ್ಮನಾ।
ಜಗಾಮ ತ್ರಿದಿವಂ ಭೂಯಃ ಕ್ಷಿಪ್ರಂ ಬಲನಿಷೂದನಃ॥ 9-54-15 (63252)
ಏವಮೇತದ್ಯದುಶ್ರೇಷ್ಠ ಕೃಷ್ಟಂ ರಾಜರ್ಷಿಣಾ ಪುರಾ।
ಶಕ್ರೇಣ ಚಾಭ್ಯನುಜ್ಞಾತಃ ಪುಣ್ಯೇ ಪ್ರಾಣಾನ್ಮುಮೋಚ ಹ॥ 9-54-16 (63253)
[ಶಕ್ರೇಣ ಚಾಭ್ಯನುಜ್ಞಾತಂ ಬ್ರಾಹ್ಮದ್ಯೈಶ್ಚ ಸುರೈಸ್ತಥಾ।
ನಾತಃ ಪರತರಂ ಪುಣ್ಯಂ ಭೂಮೇಃ ಸ್ಥಾನಂ ಭವಿಷ್ಯತಿ॥ 9-54-17 (63254)
ಇಹ ತಪ್ಸ್ಯಂತಿ ಯೇ ಕೇಚಿತ್ತಪಃ ಪರಮಕಂ ನರಾಃ।
ದೇಹತ್ಯಾಗೇನ ತೇ ಸರ್ವೇ ಯಾಸ್ಯಂತಿ ಬ್ರಹ್ಮಣಃ ಕ್ಷಯಂ॥ 9-54-18 (63255)
ಯೇ ಪುನಃ ಪುಣ್ಯಭಾಜೋ ವೈ ದಾನಂ ದಾಸ್ಯಂತಿ ಮಾನವಾಃ।
ತೇಷಾಂ ಸಹಸ್ರಗುಣಿತಂ ಭವಿಷ್ಯತ್ಯಚಿರೇಣ ವೈ॥ 9-54-19 (63256)
ಯೇ ಚೇಹ ನಿತ್ಯಂ ಮನುಜಾ ನಿವತ್ಸ್ಯಂತಿ ಶುಭೈಷಿಣಃ।
ಯಮಸ್ಯ ವಿಷಯಂ ತೇ ತು ನ ದ್ರಕ್ಷ್ಯಂತಿ ಕದಾಚನ॥ 9-54-20 (63257)
ಯಕ್ಷ್ಯಂತಿ ಯೇ ಚ ಕ್ರತುಭಿರ್ಮಹದ್ಭಿರ್ಮನುಜೇಶ್ವರಾಃ।
ತೇಷಾಂ ತ್ರಿವಿಷ್ಟಪೇ ವಾಸೋ ಯಾವದ್ಭೂಮಿರ್ಧರಿಷ್ಯತಿ॥] 9-54-21 (63258)
ಅಪಿ ಚಾತ್ರ ಸ್ವಯಂ ಶಕ್ರೋ ಜಗೌ ಗಾಥಾಂ ಸುರಾಧಿಪಃ।
ಕುರುಕ್ಷೇತ್ರನಿಬದ್ಧಾಂ ವೈ ತಾಂ ಶೃಣುಷ್ವ ಹಲಾಯುಧ॥ 9-54-22 (63259)
ಪಾಂಸವೋಽಪಿ ಕುರುಕ್ಷೇತ್ರಾದ್ವಾಯುನಾ ಸಮುದೀರಿತಾಃ।
ಅಪಿ ದುಷ್ಕೃತಕರ್ಮಾಣಂ ನಯಂತಿ ಪರಮಾಂ ಗತಿಂ॥ 9-54-23 (63260)
`ಕುರುಕ್ಷೇತ್ರಂ ಗಮಿಷ್ಯಾಮಿ ಕುರುಕ್ಷೇತ್ರೇ ವಸಾಂಯಹಂ।
ಇತ್ಯೇವಂ ನಿಶ್ಚಿತೋ ಭೂತ್ವಾ ತೇನ ಸ್ವರ್ಗಂ ಗಮಿಷ್ಯತಿ॥ 9-54-24 (63261)
ಕುರುಕ್ಷೇತ್ರಂ ಗಮಿಷ್ಯಾಮಿ ಕುರುಕ್ಷೇತ್ರೇ ವಸಾಂಯಹಂ।
ತಥಾ ಸ್ಥಾನಂ ಚ ಮೌನಂ ಚ ವೀರಾಸನಮುಪಾಸ್ಮಹೇ॥ 9-54-25 (63262)
ಏವಂ ಪ್ರಲಪಮಾನೋಽಪಿ ಚಿಂತಯಂಶ್ಚ ಮುಹುರ್ಮುಹುಃ।
ದೂರಸ್ಥೋ ಯದಿ ವಾ ತಿಷ್ಠಂʼಲ್ಲಭೇತ್ಸ್ವರ್ಗಂ ಸುನಿಶ್ಚಿತಂ'॥ 9-54-26 (63263)
ಸುರರ್ಷಭಾ ಬ್ರಾಹ್ಮಣಸತ್ತಮಾಶ್ಚ
ತಥಾ ನೃಗಾದ್ಯಾ ನರದೇವಮುಖ್ಯಾಃ।
ಇಷ್ಟ್ವಾ ಮಹಾರ್ಹೈಃ ಕ್ರತುಭಿರ್ನೃಸಿಂಹ
ಸಂತ್ಯಜ್ಯ ದೇಹಾನ್ಸುಗತಿಂ ಪ್ರಪನ್ನಾಃ॥ 9-54-27 (63264)
ತಂರಂತುಕಾರಂತುಕಯೋರ್ಯದಂತರಂ
ರಾಮಹದಾನಾಂ ಚ ಮಚಕ್ರುಕಸ್ಯ ಚ।
ಏತತ್ಕುರುಕ್ಷೇತ್ರಸಮಂತಪಂಚಕಂ
ಪ್ರಜಾಪತೇರುತ್ತರವೇದಿರುಚ್ಯತೇ॥ 9-54-28 (63265)
ಶಿವಂ ಮಹಾಪುಣ್ಯಮಿದಂ ದಿವೌಕಸಾಂ
ಸುಸಂಮತಂ ಸ್ವರ್ಗಗುಣೈಃ ಸಮನ್ವಿತಂ।
ಅತಶ್ಚ ಸರ್ವೇ ನಿಹತಾ ನೃಪಾ ರಣೇ
ಯಾಸ್ಯಂತಿ ಪುಣ್ಯಾಂ ಗತಿಮಕ್ಷಯಾಂ ಸದಾ॥ 9-54-29 (63266)
[ಇತ್ಯುವಾಚ ಸ್ವಯಂ ಶಕ್ರಃ ಸಹ ಬ್ರಹ್ಮಾದಿಭಿಸ್ತದಾ।
ತಚ್ಚಾನುಮೋದಿತಂ ಸರ್ವಂ ಬ್ರಹ್ಮವಿಷ್ಣುಮಹೇಷ್ವರೈಃ]॥ ॥ 9-54-30 (63267)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಚತುಃಪಂಚಾಶತ್ತಮೋಽಧ್ಯಾಯಃ॥ 54 ॥
Mahabharata - Shalya Parva - Chapter Footnotes
9-54-2 ಪಪ್ರಥೇ ಪ್ರಸಿದ್ಧಂ ಬಭೂವ॥ 9-54-3 ಪರಿಷ್ಯಂತಿ ಶತಕ್ರತೋ ಇತಿ ಝ. ಪಾಠಃ॥ 9-54-11 ಪ್ರಮೀತಾ ವೈ ಇತಿ ಝ.ಪಾಠಃ॥ 9-54-18 ಬ್ರಹ್ಮಣಃ ಕ್ಷಯಂ ನಿವಾಸಂ॥ 9-54-28 ಆರುಂದುಕಾರುಂದಕಯೋರ್ಯದಂತರಂ ರಾಮಹ್ರದಾನಾ ಚ ಸಮಂದುಕಸ್ಯ ಇತಿ ಕ.ಪಾಠಃ। ಪರಮಂದುಕಸ್ಯೇತಿ ಙ.ಛ.ಪಾಠಃ॥ 9-54-54 ಚತುಃಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 055
॥ ಶ್ರೀಃ ॥
9.55. ಅಧ್ಯಾಯಃ 055
Mahabharata - Shalya Parva - Chapter Topics
ಮಿತ್ರಾವರುಣಾಶ್ರಮೇ ನಾರದಾದ್ಭೀಮದುರ್ಯೋಧನಯೋರ್ಗದಾಯುದ್ಧೋಪಕ್ರಮಶ್ರಾವಿಣಾ ಬಲರಾಮೇಣ ತದ್ದಿದೃಕ್ಷಯಾ ಕುರುಕ್ಷೇತ್ರಂ ಪ್ರತ್ಯಾಗಮನಂ॥ 1 ॥Mahabharata - Shalya Parva - Chapter Text
9-55-0 (63268)
ವೈಶಂಪಾಯನ ಉವಾಚ। 9-55-0x (5222)
ಕುರುಕ್ಷೇತ್ರಂ ತತೋ ದೃಷ್ಟ್ವಾ ದತ್ತ್ವಾ ದೇಯಾಂಶ್ಚ ಸಾತ್ವತಃ।
ಆಶ್ರಮಂ ಸುಮಹತ್ಪುಣ್ಯಮಗಮಜ್ಜನಮೇಜಯ॥ 9-55-1 (63269)
ಮಧೂಕಾಂರವಣೋಪೇತಂ ಪ್ಲುಕ್ಷನ್ಯಗ್ರೋಧಸಂಕುಲಂ।
ಚಿರಬಿಲ್ವಯುತಂ ಪುಣ್ಯಂ ಪನಸಾರ್ಜುನಸಂಕುಲಂ॥ 9-55-2 (63270)
ತಂ ದೃಷ್ಟ್ವಾ ಯಾದವಶ್ರೇಷ್ಠಃ ಪ್ರವರಂ ಪುಣ್ಯಲಕ್ಷಣಂ।
ಪಪ್ರಚ್ಛ ತಾನೃಷೀನ್ಸರ್ವಾನ್ಕಸ್ಯಾಶ್ರಮವರಸ್ತ್ವಯಂ॥ 9-55-3 (63271)
ತೇ ತು ಸರ್ವೇ ಮಹಾತ್ಮಾನಮೂಚೂ ರಾಜನ್ಹಲಾಯುಧಂ।
ಶೃಣು ವಿಸ್ತರಶೋ ರಾಮ ಯಸ್ಯಾಯಂ ಪೂರ್ವಮಾಶ್ರಮಃ॥ 9-55-4 (63272)
ಅತ್ರ ವಿಷ್ಣುಃ ಪುರಾ ದೇವಸ್ತಪ್ತವಾಂಸ್ತಪ ಉತ್ತಮಂ।
ಅತ್ರಾಸ್ಯ ವಿಧಿವದ್ಯಜ್ಞಾಃ ಸರ್ವೇ ವೃತ್ತಾಃ ಸನಾತನಾಃ॥ 9-55-5 (63273)
ಅತ್ರೈವ ಬ್ರಾಹ್ಮಣೀ ವೃದ್ವಾ ಕೌಮಾರಬ್ರಹ್ಮಚಾರಿಣೀ।
ಯೋಗಯುಕ್ತಾ ದಿವಂ ಯಾತಾ ತಪೋಯುಕ್ತಾ ವಿಶಾಂಪತೇ॥ 9-55-6 (63274)
ಬಭೂವ ಶ್ರೀಮತೀ ರಾಜಞ್ಶಾಂಡಿಲ್ಯಸ್ಯ ಮಹಾತ್ಮನಃ।
ಸುತಾ ಧೃತವ್ರತಾ ಸಾಧ್ವೀ ನಿಯತಾ ಬ್ರಹ್ಮಚಾರಿಣೀ॥ 9-55-7 (63275)
ಸಾಽಪಿ ಪ್ರಾಪ್ಯ ಪರಂ ಯೋಗಂ ಗತಾ ಸ್ವರ್ಗಮನುತ್ತಮಂ।
ಭುಕ್ತ್ವಾಽಶ್ರಮೇಽಶ್ವಮೇಧಸ್ಯ ಫಲಂ ಫಲವತಃ ಶುಭಂ॥ 9-55-8 (63276)
ಗತಾ ಸ್ವರ್ಗಂ ಮಹಾರಾಜ ಪೂಜಿತಾ ಚ ಮಹಾತ್ಮಭಿಃ।
ಅಭಿಗಂಯಾಶ್ರಮಂ ಪುಣ್ಯಂ ಸ ದೃಷ್ಟ್ವಾ ಯದುನಂದನಃ॥ 9-55-9 (63277)
ಋಷೀಂಸ್ತಾನಭಿವಾದ್ಯಾಥ ಪಾರ್ಶ್ವೇ ಹಿಮವತೋಽಚ್ಯುತಃ।
ಸಂಧ್ಯಾಕಾರ್ಯಾಣಿ ಸರ್ವಾಣಿ ನಿರ್ವರ್ತ್ಯಾರುರುಹೇಽಚಲಂ॥ 9-55-10 (63278)
ನಾತಿದೂರಂ ತತೋ ಗತ್ವಾ ನಗಂ ತಾಲಧ್ವಜೋ ಬಲೀ।
ಪುಣ್ಯೇ ತೀರ್ಥವರೇ ಸ್ನಾತ್ವಾ ವಿಸ್ಮಯಂ ಪರಮಂ ಗತಃ॥ 9-55-11 (63279)
ಪ್ರಭವಂ ಚ ಸರಸ್ವತ್ಯಾಃ ಪ್ಲಕ್ಷಪ್ರಸ್ರವಣಂ ಬಲಃ।
ಸಂಪ್ರಾಪ್ತಃ ಕಾರಪಚನಂ ತೀರ್ಥಪ್ರವರಮುತ್ತಮಂ॥ 9-55-12 (63280)
ಹಲಾಯುಧಸ್ತು ತತ್ರಾಪಿ ದತ್ತ್ವಾ ದಾನಂ ಮಹಾಬಲಃ।
ಆಪ್ಲುತಃ ಸಲಿಲೇ ಪುಣ್ಯೇ ಸುಶೀತೇ ವಿಮಲೇ ಶುಚೌ।
ಸಂತರ್ಪಯಾಮಾಸ ಪಿತೄಂದೇವಾಂಶ್ಚ ರಣದುರ್ಮದಃ॥ 9-55-13 (63281)
ತತ್ರೋಷ್ಯೈಕಾಂ ತು ರಜನೀಂ ಯತಿಭಿರ್ಬ್ರಾಹ್ಮಣೈಃ ಸಹ।
ಮಿತ್ರಾವರುಣಯೋಃ ಪುಣ್ಯಂ ಜಗಾಮಾಶ್ರಮಮಚ್ಯುತಃ॥ 9-55-14 (63282)
ಇಂದ್ರೋಽಗ್ನಿರರ್ಯಮಾ ಚೈವ ಯತ್ರ ಪ್ರಾಕ್ ಪ್ರೀತಿಮಾಪ್ನುವಂ।
ತಂ ದೇಶಂ ಕಾರಪಚನಾತ್ಸ ತಸ್ಮಾದಾಜಗಾಮಹ॥ 9-55-15 (63283)
ಸ್ನಾತ್ವಾ ತತ್ರ ಚ ಧರ್ಮಾತ್ಮಾ ಪರಾಂ ಪ್ರೀತಿಮವಾಪ್ಯ ಚ।
ಋಷಿಭಿಶ್ಚೈವ ಸಿದ್ಧೈಶ್ಚ ಸಹಿತೋ ವೈ ಮಹಾಬಲಃ।
ಉಪವಿಷ್ಟಃ ಕಥಾಃ ಶುಭ್ರಾಃ ಶುಶ್ರಾವ ಯದುಪುಂಗವಃ॥ 9-55-16 (63284)
ತಥಾ ತು ತಿಷ್ಠತಾಂ ತೇಷಾಂ ನಾರದೋ ಭಗವಾನೃಷಿಃ।
ಆಜಗಾಮಾಥ ತಂ ದೇಶಂ ಯತ್ರ ರಾಮೋ ವ್ಯವಸ್ಥಿತಃ॥ 9-55-17 (63285)
ಜಟಾಮಂಡಲಸಂವೀತಃ ಕುಶಚೀರೀ ಮಹಾತಪಾಃ।
ಹೇಮದಂಡಧರೋ ರಾಜನ್ಕಮಂಡಲುಧರಸ್ತಥಾ॥ 9-55-18 (63286)
ಮಹತೀಂ ಸುಖಶಬ್ದಾಂ ತಾಂ ಗೃಹ್ಯ ವೀಣಾಂ ಮನೋರಮಾಂ।
ನೃತ್ಯೇ ಗೀತೇ ಚ ಕುಶಲೋ ದೇವಬ್ರಾಹ್ಮಣಪೂಜಿತಃ॥ 9-55-19 (63287)
ಪ್ರಭವಃ ಕಲಹಾನಂ ಚ ನಿತ್ಯಂ ಚ ಕಲಹಪ್ರಿಯಃ।
ತಂ ದೇಶಮಗಮದ್ಯತ್ರ ಶ್ರೀಮಾನ್ರಾಮೋ ವ್ಯವಸ್ಥಿತಃ॥ 9-55-20 (63288)
ಪ್ರತ್ಯುತ್ಥಾಯ ಚ ತಂ ರಾಮಃ ಪೂಜಯಿತ್ವಾ ಯತವ್ರತಂ।
ದೇವರ್ಷಿಂ ಪರ್ಯಪೃಚ್ಛತ್ಸ ಯಥಾವೃತ್ತಂ ಕುರೂನ್ಪ್ರತಿ॥ 9-55-21 (63289)
ತದಾಽಸ್ಯಾಕಥಯದ್ರಾಜನ್ನಾರದಃ ಸರ್ವವೇದವಿತ್।
ಸರ್ವಮೇತದ್ಯಥಾವೃತ್ತಮತೀತಂ ಕುರುಸಂಕ್ಷಯಂ॥ 9-55-22 (63290)
ತತೋಽಬ್ರವೀದ್ರೌಹಿಣೇಯೋ ನಾರದಂ ದೀನಯಾ ಗಿರಾ।
ಕಿಮವಸ್ಥಂ ತು ತತ್ಕ್ಷತ್ರಂ ಯೇ ತು ತತ್ರಾಭವನ್ನೃಪಾಃ॥ 9-55-23 (63291)
ಶ್ರುತಮೇತನ್ಮಯಾ ಪೂರ್ವಂ ಸರ್ವಮೇವ ತಪೋಧನ।
ವಿಸ್ತರಶ್ರವಣೇ ಜಾತಂ ಕೌತೂಹಲಮತೀವ ಮೇ॥ 9-55-24 (63292)
ನಾರದ ಉವಾಚ। 9-55-25x (5223)
ಪೂರ್ವಮೇವ ಹತೋ ಭೀಷ್ಮೋ ದ್ರೋಣಃ ಸಿಂಧುಪತಿಸ್ತಥಾ।
ಹತೋ ವೈಕರ್ತನಃ ಕರ್ಣಃ ಪುತ್ರಾಶ್ಚಾಸ್ಯ ಮಹಾರಥಾಃ॥ 9-55-25 (63293)
ಭೂರಿಶ್ರವಾ ರೌಹಿಣೇಯ ಮದ್ರರಾಜಶ್ಚ ವೀರ್ಯವಾನ್।
ಏತೇ ಚಾನ್ಯೇ ಚ ಬಹವೋ ಹತಾಸ್ತತ್ರ ಮಹಾಬಲಾಃ॥ 9-55-26 (63294)
ಪ್ರಿಯಾನ್ಪ್ರಾಣಾನ್ಪರಿತ್ಯಜ್ಯ ಪ್ರಿಯಾರ್ಥಂ ಕೌರವಸ್ಯ ವೈ।
ರಾಜಾನೋ ರಾಜಪುತ್ರಾಶ್ಚ ಸಮರೇಷ್ವನಿವರ್ತಿನಃ॥ 9-55-27 (63295)
ಅಹತಾಂಸ್ತು ಮಹಾಬಾಹೋ ಶೃಣು ಮೇ ತತ್ರ ಮಾಧವ॥ 9-55-28 (63296)
ಧಾರ್ತರಾಷ್ಟ್ರಬಲೇ ಶೇಷಾಸ್ತ್ರಯಃ ಸಮಿತಿಮರ್ದನಾಃ।
ಕೃಪಶ್ಚ ಕೃತವರ್ಮಾ ಚ ದ್ರೋಣಪುತ್ರಶ್ಚ ವೀರ್ಯವಾನ್।
ತೇಽಪಿ ವೈ ವಿದ್ರುತಾ ರಾಮ ದಿಶೋ ದಶ ಭಯಾತ್ತದಾ॥ 9-55-29 (63297)
ದುರ್ಯೋಧನೋ ಹತೇ ಸೈನ್ಯೇ ವಿದ್ರುತೇಷು ಪದಾತಿಷು।
ಹದಂ ದ್ವೈಪಾಯನಂ ನಾಮ ವಿವೇಶ ಭೃಶದುಃಖಿತಃ॥ 9-55-30 (63298)
ಶಯಾನಂ ಧಾರ್ತರಾಷ್ಟ್ರಂ ತು ಸಲಿಲೇ ಸ್ತಂಭಿತೇ ತದಾ।
ಪಾಂಡವಾಃ ಸಹ ಕೃಷ್ಣೇನ ವಾಗ್ಭಿರುಗ್ರಾಭಿರಾರ್ದಯನ್॥ 9-55-31 (63299)
ಸ ತುದ್ಯಮಾನೋ ಬಲವಾನ್ವಾಗ್ಭೀ ರಾಮ ಸಮಂತತಃ।
ಉತ್ಥಿತಃ ಸ ಹದಾದ್ವೀರಃ ಪ್ರಗೃಹ್ಯ ಮಹತೀಂ ಗದಾಂ॥ 9-55-32 (63300)
ಸ ಚಾಪ್ಯುಪಾಗತೋ ಯೋದ್ಧುಂ ಭೀಮೇನ ಸಹ ಸಾಂಪ್ರತಂ।
ಭವಿಷ್ಯತಿ ತಯೋರದ್ಯ ಯುದ್ಧಂ ರಾಮ ಸುದಾರುಣಂ॥ 9-55-33 (63301)
ಯದಿ ಕೌತೂಹಲಂ ತೇಽಸ್ತಿ ವ್ರಜ ಮಾಧವ ಮಾ ಚಿರಂ।
ಪಶ್ಯ ಯುದ್ಧಂ ಮಹಾಘೋರಂ ಶಿಷ್ಯಯೋರ್ಯದಿ ಮನ್ಯಸೇ॥ 9-55-34 (63302)
ವೈಶಂಪಾಯನ ಉವಾಚ। 9-55-35x (5224)
ನಾರದಸ್ಯ ವಚಃ ಶ್ರುತ್ವಾ ತಾನಭ್ಯರ್ಚ್ಯ ದ್ವಿಜರ್ಷಭಾನ್।
ಸರ್ವಾನ್ವಿಸರ್ಜಯಾಮಾಸ ಯೇ ತೇನಾಭ್ಯಾಗತಾಃ ಸಹ।
ಗಂಯತಾಂ ದ್ವಾರಕಾಂ ಚೇತಿ ಸೋಽನ್ವಶಾದನುಯಾಯಿನಃ॥ 9-55-35 (63303)
ಸೋಽವತೀರ್ಯಾಚಲಶ್ರೇಷ್ಠಾತ್ಪ್ಲಕ್ಷಪ್ರಸ್ರವಣಾಚ್ಛುಭಾತ್।
ತತಃ ಪ್ರೀತಮನಾಃ ರಾಮಃ ಶ್ರುತಾ ತೀರ್ಥಫಲಂ ಮಹತ್।
ವಿಪ್ರಾಣಾಂ ಸನ್ನಿಧೌ ಶ್ಲೋಕಮಗಾಯದಿಮಮಚ್ಯುತಃ॥ 9-55-36 (63304)
ಸರಸ್ವತೀವಾಸಸಮಾ ಕುತೋ ರತಿಃ
ಸರಸ್ವತೀವಾಸಸಮಾಃ ಕುತೋ ಗುಣಾಃ।
ಸರಸ್ವತೀಂ ಪ್ರಾಪ್ಯ ದಿವಂ ಗತಾ ಜನಾಃ
ಸದಾ ಸ್ಮರಿಷ್ಯಂತಿ ನದೀಂ ಸರಸ್ವತೀಂ॥ 9-55-37 (63305)
ಸರಸ್ವತೀ ಸರ್ವನದೀಷು ಪುಣ್ಯಾ
ಸರಸ್ವತೀ ಲೋಕಶುಭಾವಹಾ ಸದಾ।
ಸರಸ್ವತೀಂ ಪ್ರಾಪ್ಯ ಜನಾಃ ಸುದುಷ್ಕೃತಂ
ಸದಾ ನ ಶೋಚಂತಿ ಪರತ್ರ ಚೇಹ ಚ॥ 9-55-38 (63306)
ತತೋ ಮುಹುರ್ಮುಹುಃ ಪ್ರೀತ್ಯಾ ಪ್ರೇಕ್ಷಮಾಣಃ ಸರಸ್ವತೀಂ।
ಹಯೈರ್ಯುಕ್ತಂ ರಥಂ ಶುಭ್ರಮಾರುರೋಹ ಪರಂತಪಃ॥ 9-55-39 (63307)
ಸ ಶೀಘ್ರಗಾಮಿನಾ ತೇನ ರಥೇನ ಯದುಪುಂಗವಃ।
ದಿದೃಕ್ಷುರಭಿಸಂಪ್ರಾಪ್ತಃ ಶಿಷ್ಯಯುದ್ವಮುಪಸ್ಥಿತಂ॥ 9-55-40 (63308)
ಏವಂ ತದಭವದ್ಯುದ್ವಂ ತುಮುಲಂ ಜನಮೇಜಯಂ।
ಯತ್ರ ದುಃಖಾನ್ವಿತೋ ರಾಜಾ ಧೃತರಾಷ್ಟ್ರೋಽಬ್ರವೀದಿದಂ॥ 9-55-41 (63309)
ಧೃತರಾಷ್ಟ್ರ ಉವಾಚ। 9-55-42x (5225)
ರಾಮ ಸನ್ನಿಹಿತಂ ಶ್ರುತ್ವಾ ಗದಾಯುದ್ಧ ಉಪಸ್ಥಿತೇ।
ಮಮ ಪುತ್ರಃ ಕಥಂ ಭೀಮಂ ಪ್ರತ್ಯಯುಧ್ಯತ ಸಂಜಯ॥ ॥ 9-55-42 (63310)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಹ್ರದಪ್ರವೇಶಪರ್ವಣಿ ಪಂಚಪಂಚಾಶತ್ತಮೋಽಧ್ಯಾಯಃ॥ 55 ॥ ಸಮಾಪ್ತಂ ಹದಪ್ರವೇಶಪರ್ವ ॥ 2 ॥
Mahabharata - Shalya Parva - Chapter Footnotes
9-55-10 ಸ್ಕಂಧಾವಾರಾಣಿ ಸರ್ವಾಣೀತಿ ಕ.ಙ.ಛ.ಪಾಠಃ॥ 9-55-12 ಪ್ಲಕ್ಷಪ್ರಸ್ರವಣಂ ವಿಲಮಿತಿ ಕ.ಪಾಠಃ॥ 9-55-19 ಕಚ್ಛಪೀಂ ಸುಖಶಬ್ದಾಂ ತಾಮಿತಿ ಕ.ಛ.ಝ.ಪಾಠಃ॥ 9-55-30 ದುರ್ಯೋಧನೋ ಹತೇ ಶಲ್ಯೇ ವಿದ್ರುತೇಷು ಕೃಪಾದಿಷು ಇತಿ ಝ.ಪಾಠಃ॥ 9-55-38 ಸರಸ್ವತೀಂ ಹೀನವಿದೇಶವಾಸಿನಃ ಸದಾ ರಮರಿಷ್ಯಂತಿ ಇತಿ ಙ.ಪಾಠಃ। ಸರಸ್ವತೀಹೀನವಿದೇಶವಾಸಿನಃ ಇತಿ ಕ.ಪಾಠಃ॥ 9-55-55 ಪಂಚಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 056
॥ ಶ್ರೀಃ ॥
9.56. ಅಧ್ಯಾಯಃ 056
Mahabharata - Shalya Parva - Chapter Topics
(ಅಥ ಗದಾಯುದ್ಧಪರ್ವ ॥ 3 ॥) ಗದಾಯುದ್ಧಾಯ ಸನ್ನದ್ಧಯೋರ್ಭೀಮದುರ್ಯೋಧನಯೋರ್ವರ್ಣನಂ॥ 1 ॥
Mahabharata - Shalya Parva - Chapter Text
9-56-0 (63311)
ಸಂಜಯ ಉವಾಚ। 9-56-0x (5226)
ರಾಮಸಾನ್ನಿಧ್ಯಮಾಗಂಯ ಪುತ್ರೋ ದುರ್ಯೋಧನಸ್ತವ।
ಯೋದ್ಧುಕಾಮೋ ಮಹಾಬಾಹುಃ ಸಮಹೃಷ್ಯತ ವೀರ್ಯವಾನ್॥ 9-56-1 (63312)
ದೃಷ್ಟ್ವಾ ಲಾಂಗಲಿನಂ ರಾಜಾ ಪ್ರತ್ಯುತ್ಥಾಯ ಚ ಭಾರತ।
ಪ್ರೀತ್ಯಾ* ಪರಮಯಾ ಯುಕ್ತೋ ಯುಧಿಷ್ಠಿರಮಥಾಬ್ರವೀತ್॥ 9-56-2 (63313)
ದುರ್ಯೋಧನ ಉವಾಚ। 9-56-3x (5227)
ಸಮಂತಪಂಚಕಂ ಪುಣ್ಯಮಿತೋ ಯಾಮ ವಿಶಾಂಪತೇ।
ಪ್ರಥಿತೋತ್ತರವೇದೀ ಸಾ ದೇವಲೋಕೇ ಪ್ರಜಾಪತೇಃ॥ 9-56-3 (63314)
ತಸ್ಮಿನ್ಮಹಾಪುಣ್ಯತಮೇ ತ್ರೈಲೋಕ್ಯಸ್ಯ ಸನಾತನೇ।
ಸಂಗ್ರಾಮೇ ನಿಧನಂ ಪ್ರಾಪ್ಯ ಧ್ರುವಂ ಸ್ವರ್ಗಂ ಗಮಿಷ್ಯಸಿ॥ 9-56-4 (63315)
ತಥೇತ್ಯುಕ್ತ್ವಾ ಮಹಾರಾಜ ಕುಂತೀಪುತ್ರೋ ಯುಧಿಷ್ಠಿರಃ।
ಸಮಂತಪಂಚಕಂ ವೀರಃ ಪ್ರಾಯಾದಭಿಮುಖಃ ಪ್ರಭುಃ॥ 9-56-5 (63316)
ತತೋ ದುರ್ಯೋಧನೋ ರಾಜಾ ಪ್ರಗೃಹ್ಯ ಮಹತೀಂ ಗದಾಂ।
ಪದ್ಧ್ಯಾಮಮರ್ಷೀ ದ್ಯುತಿಮಾನಗಚ್ಛತ್ಪಾಂಡವೈಃ ಸಹ॥ 9-56-6 (63317)
ತಥಾ ಯಾಂತಂ ಗದಾಹಸ್ತಂ ವರ್ಮಣಾ ಚಾಪಿ ದಂಶಿತಂ।
ಅಂತರಿಕ್ಷಚರಾ ದೇವಾಃ ಸಾಧುಸಾಧ್ವಿತ್ಯಪೂಜಯನ್॥ 9-56-7 (63318)
ವಾದಕಾಶ್ಚ ನರಾಸ್ತತ್ರ ದೃಷ್ಟ್ವಾ ತೇ ಹರ್ಷಮಾಗತಾಃ॥ 9-56-8 (63319)
ಸ ಪಾಂಡವೈಃ ಪರಿವೃತಃ ಕುರುರಾಜಸ್ತವಾತ್ಮಜಃ।
ಮತ್ತಸ್ಯೇವ ಗಜೇಂದ್ರಸ್ಯ ಗತಿಮಾಸ್ಥಾಯ ಸೋಽವ್ರಜತ್॥ 9-56-9 (63320)
ತತಃ ಶಂಖನಿನಾದೈಶ್ಚ ಭೇರೀಣಾಂ ಚ ಮಹಾಸ್ವನೈಃ।
ಸಿಂಹನಾದೈಶ್ಚ ಶೂರಾಣಾಂ ದಿಶಃ ಸರ್ವಾಃ ಪ್ರಪೂರಿತಾಃ॥ 9-56-10 (63321)
ತತಸ್ತೇ ತು ಕುರುಕ್ಷೇತ್ರಂ ಪ್ರಾಪ್ತಾ ನರವರೋತ್ತಮಾಃ।
ಪ್ರತೀಚ್ಯಭಿಮುಖಂ ದೇಶಂ ಯಥೋದ್ದಿಷ್ಟಂ ಸುತೇನ ತೇ।
ದಕ್ಷಿಣೇನ ಸರಸ್ವತ್ಯಾಃ ಸ್ವಯನಂ ತೀರ್ಥಮುತ್ತಮಂ॥ 9-56-11 (63322)
ತಸ್ಮಿಂದೇಶೇ ತ್ವನಿರಿಣೇ ತೇ ತು ಯುದ್ಧಮರೋಚಯನ್॥ 9-56-12 (63323)
ತತೋ ಭೀಮೋ ಮಹಾಕೋಟಿಂ ಗದಾಂ ಗೃಹ್ಯಾಥ ವರ್ಮಭೃತ್।
ಬಿಭ್ರದ್ರೂಪಂ ಮಹಾರಾಜ ಸದೃಶಂ ಹಿ ಗರುತ್ಮತಃ॥ 9-56-13 (63324)
ಅವಬದ್ಧಶಿರಸ್ತ್ರಾಣಃ ಶುದ್ಧಕಾಂಚನವರ್ಮಭೃತ್।
ರರಾಜ ರಾಜನ್ಪುತ್ರಸ್ತೇ ಕಾಂಚನಃ ಶೈಲರಾಡಿವ॥ 9-56-14 (63325)
ತೌ ತಥಾ ಸಂಗತೌ ವೀರೌ ಭೀಮದುರ್ಯೋಧನಾವುಭೌ।
ಸಂಯುಗೇ ಸಂಪ್ರಕಾಶೇತೇ ಸಂರಬ್ಧಾವಿವ ಕುಂಜರೌ॥ 9-56-15 (63326)
ರಥಮಂಡಲಮಧ್ಯಸ್ಥೌ ಭ್ರಾತರೌ ತೌ ನರರ್ಷಭೌ।
ಅಶೋಭೇತಾಂ ಮಹಾರಾಜ ಚಂದ್ರಸೂರ್ಯಾವಿವೋದಿತೌ॥ 9-56-16 (63327)
ತಾವನ್ಯೋನ್ಯಂ ನಿರೀಕ್ಷೇತಾಂ ಕ್ರುದ್ಧಾವಿವ ಮಹೋರಗೌ।
ದಹಂತೌ ಲೋಚನೈ ರಾಜನ್ಪರಸ್ಪರವಧೈಷಿಣೌ॥ 9-56-17 (63328)
ಸಂಪ್ರಹೃಷ್ಟಮನಾ ರಾಜನ್ಗದಾಮಾದಾಯ ಕೌರವಃ।
ಸೃಕ್ವಿಣೀ ಸಂಲಿಹನ್ರಾಜನ್ಕ್ರೋಧರಕ್ತೇಕ್ಷಣಃ ಶ್ವಸನ್॥ 9-56-18 (63329)
ತತೋ ದುರ್ಯೋಧನೋ ರಾಜನ್ಗದಾಮಾದಾಯ ವೀರ್ಯವಾನ್।
ಭೀಮಸೇನಮಭಿಪ್ರೇಕ್ಷ್ಯ ಗಜೋ ಗಜಮಿವಾಹ್ವಯತ್॥ 9-56-19 (63330)
ಅದ್ರಿಸಾರಮಯೀಂ ಭೀಮಸ್ತಥೈವಾದಾಯ ವೀರ್ಯವಾನ್।
ಆಹ್ವಯಾಮಾಸ ನೃಪತಿಂ ಸಿಂಹಃ ಸಿಂಹಂ ಯಥಾ ವನೇ॥ 9-56-20 (63331)
ತಾವುದ್ಯತಗದಾಪಾಣೀ ದುರ್ಯೋಧನವೃಕೋದರೌ।
ಸಂಯುಗೇ ಸಂಪ್ರಕಾಶೇತಾಂ ಗಿರೀ ಸಶಿಖರಾವಿವ॥ 9-56-21 (63332)
ತಾವುಭೌ ಸಮತಿಕ್ರುದ್ಧಾವುಭೌ ಭೀಮಪರಾಕ್ರಮೌ।
ಉಭೌ ಶಿಷ್ಯೌ ಗದಾಯುದ್ಧೇ ರೌಹಿಣೇಯಸ್ಯ ಧೀಮತಃ॥ 9-56-22 (63333)
ಉಭೌ ಸದೃಶಕರ್ಮಾಣೌ ವರುಣಸ್ಯ ಮಹಾಬಲೌ।
ವಾಸುದೇವಸ್ಯ ರಾಮಸ್ಯ ತಥಾ ವೈಶ್ರವಣಸ್ಯ ಚ॥ 9-56-23 (63334)
ಸದೃಶೌ ತೌ ಮಹಾರಾಜ ಮಧುಕೈಟಭಯೋರಪಿ।
ಉಭೌ ಸದೃಶಕರ್ಮಾಣೌ ತಥಾ ಸುಂದೋಪಸುಂದಯೋಃ॥ 9-56-24 (63335)
[ರಾಮರಾವಣಯೋಶ್ಚೈವ ವಾಲಿಸುಗ್ರೀವಯೋಸ್ತಥಾ]।
ತಥೈವ ಕಾಲಸ್ಯ ಸಮೌ ಮೃತ್ಯೋಶ್ಚೈವ ಪರಂತಪೌ॥ 9-56-25 (63336)
ಅನ್ಯೋನ್ಯಮಭಿಧಾವಂತೌ ಮತ್ತಾವಿವ ಮಹಾದ್ವಿಪೌ।
ವಾಸಿತಾಸಂಗಮೇ ದೃಪ್ತೌ ಶರದೀವ ಮದೋತ್ಕಟೌ॥ 9-56-26 (63337)
ಉಭೌ ಕ್ರೋಧವಿಷಂ ದೀಪ್ತಂ ವಮಂತಾವುರಗಾವಿವ।
ಅನ್ಯೋನ್ಯಮಭಿಸಂರಬ್ಧೌ ಪ್ರೇಕ್ಷಮಾಣಾವರಿಂದಮೌ॥ 9-56-27 (63338)
ಉಭೌ ಭರತಶಾರ್ದೂಲೌ ವಿಕ್ರಮೇಣ ಸಮನ್ವಿತೌ।
ಸಿಂಹಾವಿವ ದುರಾಧರ್ಷೌ ಗದಾಯುದ್ಧವಿಶಾರದೌ॥ 9-56-28 (63339)
ನಖದಂಷ್ಟ್ರಾಯುಧೌ ವೀರೌ ವ್ಯಾಘ್ರಾವಿವ ದುರುತ್ಸಹೌ।
ಪ್ರಜಾಸಂಹರಣೇ ಕ್ಷುಬ್ಧೌ ಸಮುದ್ರಾವಿವ ದುಸ್ತರೌ॥ 9-56-29 (63340)
ಲೋಹಿತಾಂಗಾವಿವ ಕ್ರುದ್ಧೌ ಪ್ರತಪಂತೌ ಮಹಾರಥೌ।
[ಪೂರ್ವಪಶ್ಚಿಮಜೌ ಮೇಘೌ ಪ್ರೇಕ್ಷಮಾಣಾವರಿಂದಮೌ॥ 9-56-30 (63341)
ಗರ್ಜಮಾನೌ ಸುವಿಷಮಂ ಕ್ಷರಂತೌ ಪ್ರಾವೃಷೀವ ಹಿ।
ರಶ್ಮಿಯುಕ್ತೌ ಮಹಾತ್ಮಾನೌ ದೀಪ್ತಿಮಂತೌ ಮಹಾಬಲೌ॥ 9-56-31 (63342)
ದದೃಶಾತೇ ಕುರುಶ್ರೇಷ್ಠೌ ಕಾಲಸೂರ್ಯಾವಿವೋದಿತೌ।
ವ್ಯಾಘ್ರಾವಿವ ಸುಸಂರಬ್ಧೌ ಗರ್ಜಂತಾವಿವತೋಯದೌ॥ 9-56-32 (63343)
ಜಹೃಷಾತೇ ಮಹಾಬಾಹು ಸಿಂಹಕೇಸರಿಣಾವಿವ।
ಗಜಾವಿವ ಸುಸಂರಬ್ಧೌ ಜ್ವಲಿತಾವಿವ ಪಾವಕೌ॥ 9-56-33 (63344)
ದದೃಶಾತೇ ಮಹಾತ್ಮಾನೌ ಸಶೃಂಗಾವಿವ ಪರ್ವತೌ।
ರೋಷಾತ್ಪ್ರಸ್ಫುರಮಾಣೋಷ್ಠೌ ನಿರೀಕ್ಷಂತೌ ಪರಸ್ಪರಂ॥ 9-56-34 (63345)
ತೌ ಸಮೇತೌ ಮಹಾತ್ಮಾನೌ ಗದಾಹಸ್ತೌ ನರೋತ್ತಮೌ।]
ಉಭೌ ಪರಮಸಂಹೃಷ್ಟಾವುಭೌ ಪರಮಸಂಮತೌ॥ 9-56-35 (63346)
ಸದಶ್ವಾವಿವ ಹೇಷಂತೌ ಬೃಂಹಂತಾವಿವ ಕುಂಜರೌ।
ವೃಷಭಾವಿವ ಗರ್ಜಂತೌ ದುರ್ಯೋಧನವೃಕೋದರೌ।
ದೈತ್ಯಾವಿವ ಬಲೋನ್ಮತ್ತೌ ರೇಜತುಸ್ತೌ ನರೋತ್ತಮೌ॥ 9-56-36 (63347)
ತತೋ ದುರ್ಯೋಧನೋ ರಾಜನ್ನಿದಮಾಹ ಯುಧಿಷ್ಠಿರಂ।
ಸೃಂಜಯೈಃ ಸಹ ತಿಷ್ಠಂತಂ ತಪಂತಮಿವ ಭಾಸ್ಕರಂ॥ 9-56-37 (63348)
ಇದಂ ವ್ಯವಸಿತಂ ಯುದ್ಧಂ ಮಮ ಭೀಮಸ್ಯ ಚೋಭಯೋಃ।
ಉಪೋಪವಿಷ್ಟಾಃ ಪಶ್ಯಧ್ವಂ ವಿಮರ್ದಂ ನೃಪಸತ್ತಮಾಃ॥ 9-56-38 (63349)
ತತಃ ಸಮುಪವಿಷ್ಟಂ ತತ್ಸುಮಹದ್ರಾಜಮಂಡಲಂ।
ವಿರಾಜಮಾನಂ ದದೃಶೇ ದಿವೀವಾದಿತ್ಯಮಂಡಲಂ॥ 9-56-39 (63350)
ತೇಷಾಂ ಮಧ್ಯೇ ಮಹಾಬಾಹುಃ ಶ್ರೀಮಾನ್ಕೇಶವಪೂರ್ವಜಃ।
ಉಪವಿಷ್ಟೋ ಮಹಾರಾಜ ಪೂಜ್ಯಮಾನಃ ಸಮಂತತಃ॥ 9-56-40 (63351)
ಶುಶುಭೇ ರಾಜಮಧ್ಯಸ್ಥೋ ನೀಲವಾಸಾಃ ಸಿತಪ್ರಭಃ।
ನಕ್ಷತ್ರೈರಿವ ಸಂಪೂರ್ಣೋ ವೃತೋ ನಿಶಿ ನಿಶಾಕರಃ॥ 9-56-41 (63352)
ತೌ ತಥಾ ತು ಮಹಾರಾಜ ಗದಾಹಸ್ತೌ ಸುದುಃಸಹೌ।
ಅನ್ಯೋನ್ಯಂ ವಾಗ್ಭಿರುಗ್ರಾಭಿಸ್ತಕ್ಷಮಾಣೌ ವ್ಯವಸ್ಥಿತೌ॥ 9-56-42 (63353)
ಅಪ್ರಿಯಾಣಿ ತತೋಽನ್ಯೋನ್ಯಮುಕ್ತ್ವಾ ತೌ ಕುರುಸತ್ತಮೌ।
ಉದೀಕ್ಷಂತೌ ಸ್ಥಿತೌ ತತ್ರ ವೃತ್ರಶಕ್ರೌ ಯಥಾಽಽಹವೇ॥ ॥ 9-56-43 (63354)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗಯಾದುದ್ಧಪರ್ವಣಿ ಷಟ್ಪಂಚಾಶತ್ತಮೋಽಧ್ಯಾಯಃ॥ 56 ॥ *ಏತಚ್ಛ್ಲೋಕಸ್ಯ ಸ್ಥಾನೇ ಝ.ಪುಸ್ತಕೇ ಅಧೋಲಿಖಿತಾಃ ಪಂಚ ಶ್ಲೋಕಾ ವರ್ತಂತೇ। ತೇ ಚ।
ಪ್ರೀತ್ಯಾ ಪರಮಯಾ ಯುಕ್ತಾಃ ಸಮಭ್ಯರ್ಚ್ಯ ಯಥಾವಿಧಿ।
ಆಸನಂ ಚ ದದೌ ತಸ್ಮೈ ಪರ್ಯಪೃಚ್ಛದನಾಮಯಂ॥ 9-56-1 (63355)
ತತೋ ಯುಧಿಷ್ಠಿರಂ ರಾಮೋ ವಾಕ್ಯಮೇತದುವಾಚ ಹ।
ಮಧುರಂ ಧರ್ಮಸಂಯುಕ್ತಂ ಶೂರಾಣಾಂ ಹಿತಮೇವ ಚ॥ 9-56-2 (63356)
ಮಯಾ ಶ್ರುತಂ ಕಥಯತಾಮೃಷೀಣಾಂ ರಾಜಸತ್ತಮ।
ಕುರುಕ್ಷೇತ್ರಂ ಪರಂ ಪುಣ್ಯಂ ಪಾವನಂ ಸ್ವರ್ಗ್ಯಮೇವ ಚ॥ 9-56-3 (63357)
ದೇವತೈರ್ಋಷಿಭಿರ್ಜುಷ್ಟಂ ಬ್ರಾಹ್ಮಣೈಶ್ಚ ಮಹಾತ್ಮಭಿಃ।
ತತ್ರ ವೈ ಯೋತ್ಸ್ಯಮಾನಾ ಯೇ ದೇಹಂ ತ್ಯಕ್ಷ್ಯಂತಿ ಮಾನವಾಃ॥ 9-56-4 (63358)
9-56-5 (63359)
ತೇಷಾಂ ಸ್ವರ್ಗೇ ಧ್ರುವೋ ವಾಸಃ ಶಕ್ರೇಣ ಸಹ ಮಾರಿಷ।
ತಸ್ಮಾತ್ಸಮಂತಪಂಚಕಮಿತೋ ಯಾಮ ದ್ರುತಂ ನೃಪ॥
Mahabharata - Shalya Parva - Chapter Footnotes
9-56-8 ವಾತಿಕಾಶ್ಚಾರಣಾ ಯೇ ತು ಇತಿ ಝ.ಪಾಠಃ। ತತ್ರ ವಾತಿಕಾಃ ವಾತೇನ ಸಹ ಗಚ್ಛಂತಿ ತೇ ಆಕಾಶಚಾರಿಣಃ। ಚಾರಣಾಃ ಸಿದ್ಧವಿಶೇಷಾ ಇತ್ಯರ್ಥಃ॥। 9-56-11 ಸ್ವಯನಂ ಸುಗತಿದಂ॥ 9-56-12 ಅನಿರಿಣೇ ಅನೂಷರೇ॥ 9-56-26 ವಾಸಿತಾಸಂಗಮೇ ಏಕಕರಿಣೀಸಂಗಮಾರ್ಥೇ ದೃಪ್ತೌ ಮೋಹಿತೌ॥ 9-56-30 ಲೋಹಿತಾಂಗೌ ದ್ವೌ ಕುಜಾವಿವೇತ್ಯಭೂತೋಪಮಾ॥ 9-56-33 ಜಹಷಾತೇ ಹರ್ಷಂ ಪ್ರಾಪತುಃ॥ 9-56-56 ಷಟ್ಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 057
॥ ಶ್ರೀಃ ॥
9.57. ಅಧ್ಯಾಯಃ 057
Mahabharata - Shalya Parva - Chapter Topics
ಭೀಮದುರ್ಯೋಧನಯೋರ್ವೀರವಾದಃ॥ 1 ॥Mahabharata - Shalya Parva - Chapter Text
9-57-0 (63360)
ವೈಶಂಪಾಯನ ಉವಾಚ। 9-57-0x (5228)
ತತೋ ವಾಗ್ಯುದ್ಧಮಭವತ್ತುಮುಲಂ ಜನಮೇಜಯ।
ಯತ್ರ ದುಃಖಾನ್ವಿತೋ ರಾಜಾ ಧೃತರಾಷ್ಟ್ರೋಽಬ್ರವೀದಿದಂ॥ 9-57-1 (63361)
ಧಿಗಸ್ತು ಖಲು ಮಾನುಷ್ಯಂ ಯಸ್ಯ ನಿಷ್ಠೇಯಮೀದೃಶೀ।
ಏಕಾದಶಚಮೂಭರ್ತಾ ಯತ್ರ ಪುತ್ರೋ ಮಮಾನಘ॥ 9-57-2 (63362)
ಆಜ್ಞಾಪ್ಯ ಸರ್ವಾನ್ನೃಪತೀನ್ಭುಕ್ತ್ವಾ ಚೇಮಾಂ ವಸುಂಧರಾಂ।
ಗದಾಮಾದಾಯ ಚೈಕಾಕೀ ಪದಾತಿಃ ಪ್ರಸ್ಥಿತೋ ರಣಂ॥ 9-57-3 (63363)
ಭೂತ್ವಾ ಹಿ ಜಗತೋ ನಾಥೋ ಹ್ಯನಾಥ ಇವ ಮೇ ಸುತಃ।
ಗದಾಮುದ್ಯಂಯ ಯೋ ಯಾತಿ ಕಿಮನ್ಯದ್ಭಾಗಧೇಯತಃ॥ 9-57-4 (63364)
ಅಹೋ ದುಃಖಂ ಮಹತ್ಪ್ರಾಪ್ತಂ ಪುತ್ರೇಣ ಮಮ ಸ಼ಂಜಯ।
ಏವಮುಕ್ತ್ವಾ ಸ ದುಃಖಾರ್ತೋ ವಿರರಾಮ ಜನಾಧಿಪಃ॥ 9-57-5 (63365)
ಸಂಜಯ ಉವಾಚ। 9-57-6x (5229)
ಸ ಮೇಘನಿನದೋ ಹರ್ಷಾನ್ನಿನದನ್ನಿವ ಗೋವೃಷಃ।
ಆಜುಹಾವ ತದಾ ಪಾರ್ಥಂ ಯುದ್ಧಾಯ ಯುಧಿ ವೀರ್ಯವಾನ್॥ 9-57-6 (63366)
ಭೀಮಮಾಹ್ವಯಮಾನೇ ತು ಕುರುರಾಜೇ ಮಹಾತ್ಮನಿ।
ಪ್ರಾದುರಾಸನ್ಸುಘೋರಾಣಿ ರೂಪಾಣಿ ವಿವಿಧಾನ್ಯುತ॥ 9-57-7 (63367)
ವವುರ್ವಾತಾಃ ಸನಿರ್ಘಾತಾಃ ಪಾಂಸುವರ್ಷಂ ಪಪಾತ ಚ।
ಬಭೂವುಶ್ಚ ದಿಶಃ ಸರ್ವಾಸ್ತಿಮಿರೇಣ ಸಮಾವೃತಾಃ॥ 9-57-8 (63368)
ಮಹಾಸ್ವನಾಃ ಸುನಿರ್ವಾತಾಸ್ತುಮುಲಾ ರೋಮಹರ್ಷಣಾಃ।
ಪೇತುಸ್ತಥೋಲ್ಕಾಃ ಶತಶಃ ಸ್ಫೋಟಯಂತ್ಯೋ ನಭಸ್ತಲಾತ್॥ 9-57-9 (63369)
ರಾಹುಶ್ಚಾಗ್ರಸದಾದಿತ್ಯಮಪರ್ವಣಿ ವಿಶಾಂಪತೇ।
ಚಕಂಪೇ ಚ ಮಹಾಕಂಪಂ ಪೃಥಿವೀ ಸವನದ್ರುಮಾ॥ 9-57-10 (63370)
ರೂಕ್ಷಾಶ್ಚ ವಾತಾಃ ಪ್ರವವುರ್ನೀಚೈಃ ಶರ್ಕರಕರ್ಷಿಣಃ।
ಗಿರೀಣಾಂ ಶಿಖರಾಣ್ಯೇವ ನ್ಯಪತಂತ ಮಹೀತಲೇ॥ 9-57-11 (63371)
ಮೃಗಾ ಬಹುವಿಧಾಕಾರಾಃ ಸಂಪತಂತಿ ದೀಶೋ ದಶ।
ದೀಪ್ತಾಃ ಶಿವಾಶ್ಚಾಪ್ಯನದನ್ಘೋರರೂಪಾಃ ಸುದಾರುಣಾಃ॥ 9-57-12 (63372)
ನಿರ್ಘಾತಾಶ್ಚ ಮಹಾಘೋರಾ ಬಭೂವೂ ರೋಮಹರ್ಷಣಾಃ।
ದೀಪ್ತಾಯಾಂ ದಿಶಿ ರಾಜೇಂದ್ರ ಮೃಗಾಶ್ಚಾಶುಭವಾದಿನಃ॥ 9-57-13 (63373)
ಉದಪಾನಗತಾಶ್ಚಾಪೋ ವ್ಯವರ್ಧಂತ ಸಮಂತತಃ।
ಅಶರೀರಾ ಮಹಾನಾದಾಃ ಶ್ರೂಯಂತೇ ಸ್ಮ ಭಯಾನಕಾಃ॥ 9-57-14 (63374)
ಏವಮಾದೀನಿ ದೃಷ್ಟ್ವಾ ಸ ನಿಮಿತ್ತಾನಿ ವೃಕೋದರಃ।
ಉವಾಚ ಭ್ರಾತರಂ ಜ್ಯೇಷ್ಠಂ ಧರ್ಮರಾಜಂ ಯುಧಿಷ್ಠಿರಂ॥ 9-57-15 (63375)
ಏಷ ಶಕ್ಯೋ ಮಯಾ ಜೇತುಂ ಮಂದಾತ್ಮಾ ಚ ಸುಯೋಧನಃ॥ 9-57-16 (63376)
ಅದ್ಯ ಕ್ರೋಧಂ ವಿಮೋಕ್ಷ್ಯಾಮಿ ನಿಗೂಢಂ ಹೃದಯೇಶಯಂ।
ಸುಯೋಧನೇ ಕೌರವೇಂದ್ರೇ ಖಾಂಡವೇಽಗ್ನಿಮಿವಾರ್ಜುನಃ॥ 9-57-17 (63377)
ಶಲ್ಯಮದ್ಯೋದ್ಧರಿಷ್ಯಾಮಿ ತವ ಪಾಂಡವ ಹೃಚ್ಛಯಂ।
ನಿಹತ್ಯ ಗದಯಾ ಪಾಪಮಿಮಂ ಕುರುಕುಲಾಂತಕಂ॥ 9-57-18 (63378)
ಅದ್ಯ ಕೀರ್ತಿಮಯೀಂ ಮಾಲಾಂ ಪ್ರತಿಮೋಕ್ಷ್ಯಾಂಯಹಂ ತ್ವಯಿ।
ಹತ್ವೇಮಂ ಪಾಪಕರ್ಮಾಣಂ ಗದಯಾ ರಣಮೂರ್ಧನಿ॥ 9-57-19 (63379)
ಅದ್ಯೋರುಗದಯಾ ರಾಜನ್ಭೇತ್ತಾಽಸ್ಮಿ ಸಮರೇಽನಯಾ।
ನಾಯಂ ಪ್ರವೇಷ್ಟಾ ನಗರಂ ಪುನರ್ವಾರಣಸಾಹ್ವಯಂ॥ 9-57-20 (63380)
ಸರ್ಪೋತ್ಸರ್ಗಸ್ಯ ಶಯನೇ ವಿಷದಾನಸ್ಯ ಭೋಜನೇ।
ಪ್ರಮಾಣಕೋಟ್ಯಾಂ ಪಾತಸ್ಯ ದಾಹಸ್ಯ ಜತುವೇಶ್ಮನಿ॥ 9-57-21 (63381)
ಸಭಾಯಾಮವಹಾಸಸ್ಯ ಸರ್ವಸ್ವಹರಣಸ್ಯ ಚ।
ವರ್ಷಮಜ್ಞಾತವಾಸಸ್ಯ ವನವಾಸಸ್ಯ ಚಾನಘ॥ 9-57-22 (63382)
ಅದ್ಯಾಂತಮೇಷಾಂ ದುಃಖಾನಾಂ ಗಂತಾಽಹಂ ಭರತರ್ಷಭ।
ಏಕಾಹ್ನಾ ವಿನಿಹತ್ಯೇಮಂ ಭವಿಷ್ಯಾಂಯಾತ್ಮನೋಽನೃಣಃ॥ 9-57-23 (63383)
ಅದ್ಯಾಯುರ್ಧಾರ್ತರಾಷ್ಟ್ರಸ್ಯ ದುರ್ಮತೇರಕೃತಾತ್ಮನಃ।
ಸಮಾಪ್ತಂ ಭರತಶ್ರೇಷ್ಠ ಮಾತಾಪಿತ್ರೋಶ್ಚ ದರ್ಶನಂ॥ 9-57-24 (63384)
ಅದ್ಯ ಸೌಖ್ಯಂ ತು ರಾಜೇಂದ್ರ ಕುರುರಾಜಸ್ಯ ದುರ್ಮತೇಃ।
ಸಮಾಪ್ತಂ ಚ ಮಹಾರಾಜ ನಾರೀಣಾಂ ದರ್ಶನಂ ಪುನಃ॥ 9-57-25 (63385)
ಅದ್ಯಾಯಂ ಕುರುರಾಜಸ್ಯ ಶಂತನೋಃ ಕುಲಪಾಂಸನಃ।
ಪ್ರಾಣಾಞ್ಶ್ರಿಯಂ ಚ ರಾಜ್ಯಂ ಚ ತ್ಯಕ್ತ್ವಾ ಶೇಷ್ಯತಿ ಭೂತಲೇ॥ 9-57-26 (63386)
ರಾಜಾ ಚ ಧೃತರಾಷ್ಟ್ರೋಽದ್ಯ ಶ್ರುತ್ವಾ ಪುತ್ರಂ ನಿಪಾತಿತಂ।
ಸ್ಮರಿಷ್ಯತ್ಯಶುಭಂ ಕರ್ಮ ಯತ್ತಚ್ಛಕುನಿಬುದ್ಧಿಜಂ॥ 9-57-27 (63387)
ಇತ್ಯುಕ್ತ್ವಾ ರಾಜಶಾರ್ದೂಲ ಗದಾಮಾದಾಯ ವೀರ್ಯವಾನ್।
ಅಭ್ಯತಿಷ್ಠತ ಯುದ್ಧಾಯ ಶಕ್ರೋ ವೃತ್ರಮಿವಾಹ್ವಯನ್॥ 9-57-28 (63388)
ತಮುದ್ಯತಗದಂ ದೃಷ್ಟ್ವಾ ಕೈಲಾಸಮಿವ ಶೃಂಗಿಣಂ।
ಭೀಮಸೇನಃ ಪುನಃ ಕ್ರುದ್ಧೋ ದುರ್ಯೋಧನಮುವಾಚ ಹ॥ 9-57-29 (63389)
ರಾಜ್ಞಶ್ಚ ಧೃತರಾಷ್ಟ್ರಸ್ಯ ತಥಾ ತ್ವಮಪಿ ಚಾತ್ಮನಃ।
ಸ್ಮರ ತದ್ದುಷ್ಕೃತಂ ಕರ್ಮ ಯದ್ವೃತ್ತಂ ವಾರಣಾವತೇ॥ 9-57-30 (63390)
ದ್ರೌಪದೀ ಚ ಪರಿಕ್ಲಿಷ್ಟಾ ಸಭಾಮಧ್ಯೇ ರಜಸ್ವಲಾ।
ದ್ಯೂತೇ ಚ ವಂಚಿತೋ ರಾಜಾ ಯತ್ತ್ವಯಾ ಸೌಬಲೇನ ಚ॥ 9-57-31 (63391)
ವನೇ ದುಃಖಂ ಚ ಯತ್ಪ್ರಾಪ್ತಮಸ್ಮಾಭಿಸ್ತ್ವತ್ಕೃತಂ ಮಹತ್।
ವಿರಾಟನಗರೇ ಚೈವ ಯೋನ್ಯಂತರಗತೈರಿವ।
ತತ್ಸರ್ವಂ ಪಾತಯಾಂಯದ್ಯ ದಿಷ್ಟ್ಯಾ ದೃಷ್ಟೋಽಸಿ ದುರ್ಮತೇ॥ 9-57-32 (63392)
ತ್ವತ್ಕೃತೇಽಸೌ ಹತಃ ಶೇತೇ ಶರತಲ್ಪೇ ಪಿತಾಮಹಃ।
ಗಾಂಗೇಯೋ ರಥಿನಾಂ ಶ್ರೇಷ್ಠೋ ರಥಿನಾ ಯಾಜ್ಞಸೇನಿನಾ॥ 9-57-33 (63393)
ಹತೋ ದ್ರೋಣಶ್ಚ ಕರ್ಣಶ್ಚ ತಥಾ ಶಲ್ಯಃ ಪ್ರತಾಪವಾನ್।
ವೈರಾಗ್ನೇರಾದಿಕರ್ತಾಸೌ ಶಕುನಿಃ ಸೌಬಲೋ ಹತಃ॥ 9-57-34 (63394)
ಪ್ರಾತಿಕಾಮೀ ತಥಾ ಪಾಪೋ ದ್ರೌಪದ್ಯಾಃ ಕ್ಲೇಶಕೃದ್ಧತಃ।
ಭ್ರಾತರಸ್ತೇ ಹತಾಃ ಸರ್ವೇ ಶೂರಾ ವಿಕ್ರಾಂತಯೋಧಿನಃ॥ 9-57-35 (63395)
ಏತೇ ಚಾನ್ಯೇ ಚ ಬಹವೋ ನಿಹತಾಸ್ತ್ವತ್ಕೃತೇ ನೃಪಾಃ।
ತ್ವಾಮದ್ಯ ನಿಹನಿಷ್ಯಾಮಿ ಗದಯಾ ನಾತ್ರ ಸಂಶಯಃ॥ 9-57-36 (63396)
ಇತ್ಯೇವಮುಚ್ಚೈ ರಾಜಾನಂ ಭಾಷಮಾಣಂ ವೃಕೋದರಂ।
ಉವಾಚ ಗತಭೀ ರಾಜನ್ಪುತ್ರಸ್ತೇ ಸತ್ಯವಿಕ್ರಮಃ॥ 9-57-37 (63397)
ಕಿಂ ಕತ್ಥನೇನ ಬಹುನಾ ಯುಧ್ಯಸ್ವೇಹ ವೃಕೋದರ।
ಅದ್ಯ ತೇಽಹಂ ವಿನೇಷ್ಯಾಮಿ ಯುದ್ಧಶ್ರದ್ಧಾಂ ಕುಲಾಧಮ॥ 9-57-38 (63398)
ಇತಿ ದುರ್ಯಾರ್ಧೇನೋಽಕ್ಷುದ್ರಸ್ತ್ವಯಾ ಕ್ಷುದ್ರಬಲೇನ ವೈ।
ಶಕ್ಯಸ್ರಾಸಯಿತುಂ ವಾಚಾ ನ ಚಾನ್ಯಃ ಪ್ರಾಕೃತೋ ಯಥಾ॥ 9-57-39 (63399)
ಚಿರಕಾಲೇಪ್ಸಿತಂ ದಿಷ್ಟ್ಯಾ ಹೃದಯಸ್ಥಮಿದಂ ಮಮ।
ತ್ವಯಾ ಸಹ ಗದಾಯುದ್ಧಂ ತ್ರಿದಶೈರುಪಪಾದಿತಂ॥ 9-57-40 (63400)
ಕಿಂ ವಾಚಾ ಬಹುನೋಕ್ತೇನ ಕತ್ಥಿತೇನ ಚ ದುರ್ಮತೇ।
ವಾಣೀ ಸಂಕೋಚ್ಯತಾಮೇಷಾ ಕರ್ಮಣಾ ಮಾ ಚಿರಂ ಕೃಥಾಃ॥ 9-57-41 (63401)
ತಸ್ಯ ತದ್ವಚನಂ ಶ್ರುತ್ವಾ ಸರ್ವ ಏವಾಭ್ಯಪೂಜಯನ್।
ರಾಜಾನಃ ಸೋಮಕಾಶ್ಚೈವ ಯೇ ತತ್ರಾಸನ್ಸಮಾಗತಾಃ॥ 9-57-42 (63402)
ತತಃ ಸಂಪೂಜಿತಃ ಸರ್ವೈಃ ಸಂಪ್ರಹೃಷ್ಟತನೂರುಹಃ।
ಭೂಯೋ ಧೀರಾಂ ಮತಿಂ ಚಕ್ರೇ ಯುದ್ಧಾಯ ಕುರುನಂದನಃ॥ 9-57-43 (63403)
ತಂ ಮತ್ತಮಿವ ಮಾತಂಗಂ ತಲಶಬ್ದೈರ್ನರಾಧಿಪಾಃ।
ಭೂಯಃ ಸಂಹರ್ಷಯಾಂಚಕ್ರುರ್ದುರ್ಯೋಧನಮಮರ್ಷಣಂ॥ 9-57-44 (63404)
ತಂ ಮಹಾತ್ಮಾ ಮಹಾತ್ಮಾನಂ ಗದಾಮುದ್ಯಂಯ ಪಾಂಡವಃ।
ಅಭಿದುದ್ರಾವ ವೇಗೇನ ಧಾರ್ತರಾಷ್ಟ್ರಂ ವೃಕೋದರಃ॥ 9-57-45 (63405)
ಬೃಂಹಂತಿ ಕುಂಚರಾಸ್ತತ್ರ ಹಯಾ ಹೇಷಂತಿ ಚಾಸಕೃತ್।
ಶಸ್ತ್ರಾಣಿ ಚಾಪ್ಯದೀಪ್ಯಂತ ಪಾಂಡವಾನಾಂ ಜಯೈಷಿಣಾಂ ॥ 9-57-46 (63406)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಕದಾಯುದ್ಧಪರ್ವಣಿ ಸಪ್ತಪಂಚಾಶತ್ತಮೋಽಧ್ಯಾಯಃ॥ 57 ॥
Mahabharata - Shalya Parva - Chapter Footnotes
9-57-16 ನೈಷ ಶಕ್ತೋ ರಣೇ ಜೇತುಂ ಮಂದಾತ್ಮಾ ಮಾಂ ಸುಯೋಧನ ಇತಿ ಝ.ಪಾಠಃ॥ 9-57-41 ವಾಣೀ ಸಂಪದ್ಯತಾಮಿತಿ ಝ.ಪಾಠಃ॥ 9-57-57 ಸಪ್ತಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 058
॥ ಶ್ರೀಃ ॥
9.58. ಅಧ್ಯಾಯಃ 058
Mahabharata - Shalya Parva - Chapter Topics
ಸಂಜಯ ಉವಾಚ।Mahabharata - Shalya Parva - Chapter Text
9-58-0 (63407)
ಸಂಜಯ ಉವಾಚ। 9-58-0x (5230)
ತತೋ ದುರ್ಯೋಧನೋ ದೃಷ್ಟ್ವಾ ಭೀಮಸೇನಂ ತಥಾಽಽಗತಂ।
ಪ್ರತ್ಯುದ್ಯಯಾವದೀನಾತ್ಮಾ ವೇಗೇನ ಮಹತಾ ನದನ್॥ 9-58-1 (63408)
ಸಮಾಪೇತತುರನ್ಯೋನ್ಯಂ ಶೃಂಗಿಣೌ ವೃಷಭಾವಿವ।
ಮಹಾನಿರ್ಘಾತಘೋಷಶ್ಚ ಪ್ರಹಾರಾಣಾಮಜಾಯತ॥ 9-58-2 (63409)
ಅಭವಚ್ಚ ತಯೋರ್ಯುದ್ವಂ ತುಮುಲಂ ರೋಮಹರ್ಷಣಂ।
ಜಿಘೃಕ್ಷತೋರ್ಯಥಾಽನ್ಯೋನ್ಯಮಿಂದ್ರಪ್ರಹ್ಲಾದಯೋರಿವ॥ 9-58-3 (63410)
ರುಧಿರೋಕ್ಷಿತಸರ್ವಾಂಗೌ ಗದಾಹಸ್ತೌ ಮನಸ್ವಿನೌ।
ದದೃಶಾತೇ ಮಹಾತ್ಮಾನೌ ಪುಷ್ಪಿತಾವಿವ ಕಿಂಶುಕೌ॥ 9-58-4 (63411)
ತಥಾ ತಸ್ಮಿನ್ಮಹಾಯುದ್ಧೇ ವರ್ತಮಾನೇ ಸುದಾರುಣೇ।
ಖದ್ಯೋತಸಂಖೈರಿವ ಖಂ ದರ್ಶನೀಯಂ ವ್ಯರೋಚತ॥ 9-58-5 (63412)
ತಥಾ ತಸ್ಮಿನ್ವರ್ತಮಾನೇ ಸಂಕುಲೇ ತುಮುಲೇ ಭೃಶಂ।
ಉಭಾವಪಿ ಪರಿಶ್ರಾಂತೌ ಯುಧ್ಯಮಾನಾವರಿಂದಮೌ॥ 9-58-6 (63413)
ತೌ ಮುಹೂರ್ತಂ ಸಮಾಶ್ವಸ್ಯ ಪುನರೇವ ಪರಂತಪೌ।
ಸಂಪ್ರಹಾರಯತಾಂ ಚಿತ್ರೇ ಸಂಪ್ರಗೃಹ್ಯ ಗದೇ ಶುಭೇ॥ 9-58-7 (63414)
ತೌ ತು ದೃಷ್ಟ್ವಾ ಮಹಾವೀರ್ಯೌ ಸಮಾಶ್ವಸ್ತೌ ನರರ್ಷಭೌ।
ಬಲಿನೌ ವಾರಣೌ ಯದ್ವದ್ವಾಸಿತಾರ್ಥೇ ಮದೋತ್ಕಟೌ॥ 9-58-8 (63415)
ಸಮಾನವೀರ್ಯೌ ಸಂಪ್ರೇಕ್ಷ್ಯ ಪ್ರಗೃಹೀತಗದಾವುಭೌ।
ಪ್ರಹರ್ಷಂ ಪರಮಂ ಜಗ್ಮುರ್ದೇವಗಂಧರ್ವದಾನವಾಃ॥ 9-58-9 (63416)
ಪ್ರಗೃಹೀತಗದೌ ದೃಷ್ಟ್ವಾ ದುರ್ಯೋಧನವೃಕೋದರೌ।
ಸಂಶಯಃ ಸರ್ವಭೂತಾನಾಂ ವಿಜಯೇ ಸಮಪದ್ಯತ॥ 9-58-10 (63417)
ಸಮಾಗಂಯ ತತೋ ಭೂಯೋ ಭ್ರಾತರೌ ಬಲಿನಾಂ ವರೌ।
ಅನ್ಯೋನ್ಯಸ್ಯಾಂತರಪ್ರೇಪ್ಸೂ ಪ್ರಚಕ್ರಾತೇಽಂತರಂ ಪ್ರತಿ॥ 9-58-11 (63418)
ಯಮದಂಡೋಪಮಾಂ ಗುರ್ವೀಮಿಂದ್ರಾಶನಿಮಿವೋದ್ಯತಾಂ।
ದದೃಶುಃ ಪ್ರೇಕ್ಷಕಾ ರಾಜನ್ರೌದ್ರೀಂ ವಿಶಸನೀಂ ಗದಾಂ॥ 9-58-12 (63419)
ಆವಿದ್ಧ್ಯತೋ ಗತಾಂ ತಸ್ಯ ಭೀಮಸೇನಸ್ಯ ಸಂಯುಗೇ।
ಶಬ್ದಃ ಸುತುಮುಲೋ ಘೋರೋ ಮುಹೂರ್ತಂ ಸಮಪದ್ಯತ॥ 9-58-13 (63420)
ಆವಿದ್ಧ್ಯಂತಮರಿಂ ಪ್ರೇಕ್ಷ್ಯ ಧಾರ್ತರಾಷ್ಟ್ರೋಽಥ ಪಾಂಡವಂ।
ಗದಾಮತುಲವೇಗಾಂ ತಾಂ ವಿಸ್ಮಿತಃ ಸಂಬಭೂವ ಹ॥ 9-58-14 (63421)
ಚರಂಶ್ಚ ವಿವಿಧಾನ್ಮಾರ್ಗಾನ್ಮಂಡಲಾನಿ ಚ ಭಾರತ।
ಅಶೋಭತ ತದಾ ವೀರೋ ಭೂಯ ಏವ ವೃಕೋದರಃ॥ 9-58-15 (63422)
ತೌ ಪರಸ್ಪರಮಾಸಾದ್ಯ ಯತ್ತಾವನ್ಯೋನ್ಯಸೂದನೇ।
ಮಾರ್ಜಾರಾವಿವ ಭಕ್ಷಾರ್ಥೇ ತತಕ್ಷಾತೇ ಮುಹುರ್ಮುಹುಃ॥ 9-58-16 (63423)
ಅಚರದ್ಭೀಮಸೇನಸ್ತು ಮಾರ್ಗಾನ್ಬಹುವಿಧಾಂಸ್ತಥಾ।
ಮಂಡಲಾನಿ ವಿಚಿತ್ರಾಣಿ ಗತಪ್ರತ್ಯಾಗತಾನಿ ಚ॥ 9-58-17 (63424)
ಗೋಮೂತ್ರಿಕಾಣಿ ಚಿತ್ರಾಣಿ ಸ್ಥಾನಾನಿ ವಿವಿಧಾನಿ ಚ।
ಪರಿಮೋಕ್ಷಂ ಪ್ರಹಾರಾಣಾಂ ವರ್ಜನಂ ಪರಿಧಾವನಂ॥ 9-58-18 (63425)
ಅಭಿದ್ರವಣಮಾಕ್ಷೇಪಮವಸ್ಥಾನಂ ಸವಿಗ್ರಹಂ।
ಮತ್ಸ್ಯೋದ್ವೃತ್ತಂ ಸೋರುವೃತ್ತಮವಪ್ಲುತಮುಪಪ್ಲುತಂ॥ 9-58-19 (63426)
ಉಪನ್ಯಸ್ತಮಪನ್ಯಸ್ತಂ ಗದಾಯುದ್ಧವಿಶಾರದೌ।
ಏವಂ ತೌ ವಿಚರಂತೌ ತು ನ್ಯಘ್ನತಾಂ ವೈ ಪರಸ್ಪರಂ॥ 9-58-20 (63427)
ವಂಚಯಾನೌ ಪುನಶ್ಚೈವ ಚೇರತುಃ ಕುರುಸತ್ತಮೌ।
ವಿಕ್ರೀಡಂತೌ ಸುಬಲಿನೌ ಮಂಡಲಾನಿ ವಿಚೇರತುಃ॥ 9-58-21 (63428)
[ತೌ ದರ್ಶಯಂತೌ ಸಮರೇ ಯುದ್ಧಕ್ರೀಡಾಂ ಸಮಂತತಃ।
ಗದಾಭ್ಯಾಂ ಸಹಸಾಽನ್ಯೋನ್ಯಮಾಜಘ್ನತುರರಿಂದಮೌ॥ 9-58-22 (63429)
ಪರಸ್ಪರಂ ಸಮಾಸಾದ್ಯ ದಂಷ್ಟ್ರಾಭ್ಯಾಂ ದ್ವಿರದೌ ಯಥಾ।
ಅಶೋಭೇತಾಂ ಮಹಾರಾಜ ಶೋಣಿತೇನ ಪರಿಪ್ಲುತೌ॥ 9-58-23 (63430)
ಏವಂ ತದಭವದ್ಯುದ್ಧಂ ಘೋರರೂಪಂ ಪರಂತಪ।
ಪರಿವೃತ್ತೇಽಹನಿ ಕ್ರೂರಂ ವೃತ್ರವಾಸವಯೋರಿವ॥] 9-58-24 (63431)
ಗದಾಹಸ್ತೌ ತತಸ್ತೌ ತು ಮಂಡಲಾವಸ್ಥಿತೌ ಬಲೀ।
ದಕ್ಷಿಣಂ ಮಂಡಲಂ ರಾಜಂಧಾರ್ತರಾಷ್ಟ್ರೋಽಭ್ಯವರ್ತತ।
ಸವ್ಯಂ ತು ಮಂಡಲಂ ತತ್ರ ಭೀಮಸೇನೋಽಭ್ಯವರ್ತತ॥ 9-58-25 (63432)
ತಥಾ ತು ಚರತಸ್ತಸ್ಯ ಭೀಮಸ್ಯ ರಣಮೂರ್ಧನಿ।
ದುರ್ಯೋಧನೋ ಮಹಾರಾಜ ಪಾರ್ಶ್ವದೇಶೇಽಭ್ಯತಾಡಯತ್॥ 9-58-26 (63433)
ಆಹತಸ್ತು ತತೋ ಭೀಮಃ ಪುತ್ರೇಣ ತವ ಭಾರತ।
ಆವಿಧ್ಯತ ಗದಾಂ ಗುವೀಂ ಪ್ರಹಾರಂ ತಮಚಿಂತಯನ್॥ 9-58-27 (63434)
ಇಂದ್ರಾಶನಿಸಮಾಂ ಘೋರಾಂ ಯಮದಂಡಮಿವೋದ್ಯತಾಂ।
ದದೃಶುಸ್ತೇ ಮಹಾರಾಜ ಭೀಮಸೇನಸ್ಯ ತಾಂ ಗದಾಂ॥ 9-58-28 (63435)
ಆವಿಧ್ಯಂತಂ ಗದಾಂ ದೃಷ್ಟ್ವಾ ಭೀಮಸೇನಂ ತವಾತ್ಮಜಃ।
ಸಮುದ್ಯಂಯ ಗದಾಂ ಘೋರಾಂ ಪ್ರತ್ಯವಿಧ್ಯತ್ಪರಂತಪಃ॥ 9-58-29 (63436)
ಗದಾಮಾರುತವೇಗೇನ ತವ ಪುತ್ರಸ್ಯ ಭಾರತ।
ಶಬ್ದ ಆಸೀತ್ಸುತುಮುಲಸ್ತೇಜಶ್ಚ ಸಮಜಾಯತ॥ 9-58-30 (63437)
ಸ ಚರನ್ವಿವಿಧಾನ್ಮಾರ್ಗಾನ್ಮಂಡಲಾನಿ ಚ ಭಾಗಶಃ।
ಸಮಶೋಭತ ತೇಜಸ್ವೀ ಭೂಯೋ ಭೀಮಾತ್ಸುಯೋಧನಃ॥ 9-58-31 (63438)
ಆವಿದ್ಧಾ ಸರ್ವವೇಗೇನ ಭೀಮೇನ ಮಹತೀ ಗದಾ।
ಸಧೂಮಂ ಸಾರ್ಚಿಷಂ ಚಾಗ್ನಿಂ ಮುಮೋಚೋಗ್ರಮಹಾಸ್ವನಾ॥ 9-58-32 (63439)
ಆಧೂತಾಂ ಭೀಮಸೇನೇನ ಗದಾಂ ದೃಷ್ಟ್ವಾ ಸುಯೋಧನಃ।
ಅದ್ರಿಸಾರಮಯೀಂ ಗುರ್ವೀಮಾವಿಧ್ಯನ್ಬಹ್ವಶೋಭತ॥ 9-58-33 (63440)
ಗದಾಮಾರುತವೇಗಂ ಹಿ ದೃಷ್ಟ್ವಾ ತಸ್ಯ ಮಹಾತ್ಮನಃ।
ಭಯಂ ವಿವೇಶ ಪಾಂಡೂಂಸ್ತು ಸರ್ವಾನೇವ ಸಸಾತ್ಯಕೀನ್॥ 9-58-34 (63441)
ತೌ ದರ್ಶಯಂತೌ ಸಮರೇ ಯುದ್ಧಕ್ರೀಡಾಂ ಸಮಂತತಃ।
ಗದಾಭ್ಯಾಂ ಸಹಸಾಽನ್ಯೋನ್ಯಮಾಜಘ್ನತುರರಿಂದಮೌ॥ 9-58-35 (63442)
ತೌ ಪರಸ್ಪರಮಾಸಾದ್ಯ ದಂಷ್ಟ್ರಾಭ್ಯಾಂ ದ್ವಿರದೌ ಯಥಾ।
ಅಶೋಭೇತಾಂ ಮಹಾರಾಜ ಶೋಣಿತೇನ ಪರಿಪ್ಲುತೌ॥ 9-58-36 (63443)
ಏವಂ ತದಭವದ್ಯುದ್ಧಂ ಘೋರರೂಪಮಸಂವೃತಂ।
ಪರಿವೃತ್ತೇಽಹನಿ ಕ್ರೂರಂ ವೃತ್ರವಾಸವಯೋರಿವ॥ 9-58-37 (63444)
ದೃಷ್ಟ್ವಾ ವ್ಯವಸ್ಥಿತಂ ಭೀಮಂ ತವ ಪುತ್ರೋ ಮಹಾಬಲಃ।
ಚರಂಶ್ಚಿತ್ರತರಾನ್ಮಾ ರ್ಗಾನ್ಕೌಂತೇಯಮಭಿದುದ್ರುವೇ॥ 9-58-38 (63445)
ತಸ್ಯ ಭೀಮೋ ಮಹಾವೇಗಾಂ ಜಾಂಬೂನದಪರಿಷ್ಕೃತಾಂ।
ಅತಿಕ್ರುದ್ಧಸ್ಯ ಕ್ರುದ್ಧಸ್ತು ತಾಡಯಾಮಾಸ ತಾಂ ಗದಾಂ॥ 9-58-39 (63446)
ಸವಿಸ್ಫುಲಿಂಗೋ ನಿರ್ಹಾದಸ್ತಯೋಸ್ತತ್ರಾಭಿಘಾತಜಃ।
ಪ್ರಾದುರಾಸೀನ್ಮಹಾರಾಜ ಘೃಷ್ಟಯೋರ್ವಜ್ರಯೋರಿವ॥ 9-58-40 (63447)
ವೇಗವತ್ಯಾ ತಯಾ ತತ್ರ ಭೀಮಸೇನಪ್ರಮುಕ್ತಯಾ।
ನಿಪತಂತ್ಯಾ ಮಹಾರಾಜ ಪೃಥಿವೀ ಸಮಕಂಪತ॥ 9-58-41 (63448)
ತಾಂ ನಾಮೃಷ್ಯತ ಕೌರವ್ಯೋ ಗದಾಂ ಪ್ರತಿಹತಾಂ ರಣೇ।
ಮತ್ತೋ ದ್ವಿಪ ಇವ ಕ್ರುದ್ಧಃ ಪ್ರತಿಕುಂಜರದರ್ಶನಾತ್॥ 9-58-42 (63449)
ಸ ಸವ್ಯಂ ಮಂಡಲಂ ರಾಜಾ ಉದ್ಧಾಂಯ ಕೃತನಿಶ್ಚಯಃ।
ಆಜಘ್ನೇ ಮೂರ್ಧ್ನಿ ಕೌಂತೇಯಂ ಗದಯಾ ಭೀಮವೇಗಯಾ॥ 9-58-43 (63450)
ತಯಾ ತ್ವಭಿಹತೋ ಭೀಮಃ ಪುತ್ರೇಣ ತವ ಪಾಂಡವಃ।
ನಾಕಂಪತ ಮಹಾರಾಜ ತದದ್ಭುತಮಿವಾಭವತ್॥ 9-58-44 (63451)
ಆಶ್ಚರ್ಯಂ ಚಾಪಿ ತದ್ರಾಜನ್ಸರ್ವಸೈನ್ಯಾನ್ಯಪೂಜಯನ್।
ಯದ್ಗದಾಭಿಹತೋ ಭೀಮೋ ನಾಕಂಪತ ಪದಾತ್ಪದಂ॥ 9-58-45 (63452)
ತತೋ ಗುರುತರಾಂ ದೀಪ್ತಾಂ ಗದಾಂ ಹೇಮಪರಿಷ್ಕೃತಾಂ।
ದುರ್ಯೋಧನಾಯ ವ್ಯಸೃಜದ್ಭೀಮೋ ಭೀಮಪರಾಕ್ರಮಃ॥ 9-58-46 (63453)
ತಂ ಪ್ರಹಾರಮಸಂಭ್ರಾಂತೋ ಲಾಘವೇನ ಮಹಾಬಲಃ।
ಮೋಘಂ ದುರ್ಯೋಧನಶ್ಚಕ್ರೇ ತತ್ರಾಭೂದ್ವಿಸ್ಮಯೋ ಮಹಾನ್॥ 9-58-47 (63454)
ಸಾ ತು ಮೋಘಾ ಗದಾ ರಾಜನ್ಪತಂತೀ ಭೀಮಚೋದಿತಾ।
ಚಾಲಯಾಮಾಸ ಪೃಥಿವೀಂ ಮಹಾನಿರ್ಘಾತನಿಃಸ್ವನಾಃ॥ 9-58-48 (63455)
ಆಸ್ಥಾಯ ಕೌಶಿಕಾನ್ಮಾರ್ಗಾನುತ್ಪತನ್ಸ ಪುನಃ ಪುನಃ।
ಗದಾನಿಪಾತಂ ಪ್ರಜ್ಞಾಯ ಭೀಮಸೇನಂ ಚ ವಂಚಿತಂ॥ 9-58-49 (63456)
ವಂಚಯಿತ್ವಾ ತದಾ ಭೀಮಂ ಗದಯಾ ಕುರುಸತ್ತಮಃ।
ತಾಡಯಾಮಾಸ ಸಂಕ್ರುದ್ಧೋ ವಕ್ಷೋದೇಶೇ ಮಹಾಬಲಃ॥ 9-58-50 (63457)
ಗದಯಾ ನಿಹತೋ ಭೀಮೋ ಮುಹ್ಯಮಾನೋ ಮಹಾರಣೇ।
ನಾಭ್ಯಮನ್ಯತ ಕರ್ತವ್ಯಂ ಪುತ್ರೇಣಾಭ್ಯಾಹತಸ್ತವ॥ 9-58-51 (63458)
ತಸ್ಮಿಂಸ್ತಥಾ ವರ್ತಮಾನೇ ರಾಜನ್ಸೋಮಕಪಾಣ಼್ಡವಾಃ।
ಭೃಶೋಪಹತಸಂಕಲ್ಪಾ ನಹೃಷ್ಟಮನಸೋಽಭವನ್॥ 9-58-52 (63459)
ಸ ತು ತೇನ ಪ್ರಹಾರೇಣ ಮಾತಂಗ ಇವ ರೋಷಿತಃ।
ಹಸ್ತಿವದ್ವಸ್ತಿಸಂಕಾಶಮಭಿದುದ್ರಾವ ತೇ ಸುತಂ॥ 9-58-53 (63460)
ತತಸ್ತು ತರಸಾ ಭೀಮೋ ಗದಯಾ ತನಯಂ ತವ।
ಅಭಿದುದ್ರಾವ ವೇಗೇನ ಸಿಂಹೋ ವನಗಜಂ ಯಥಾ॥ 9-58-54 (63461)
ಉಪಸೃತ್ಯ ತು ರಾಜಾನಂ ಗದಾಮೋಕ್ಷವಿಶಾರದಃ।
ಆವಿಧ್ಯತ ಗದಾಂ ರಾಜನ್ಸಮುದ್ದಿಶ್ಯ ಸುತಂ ತವ॥ 9-58-55 (63462)
ಅತಾಡಯದ್ಭೀಮಸೇನಃ ಪಾರ್ಶ್ವೇ ದುರ್ಯೋಧನಂ ತದಾ।
ಸ ವಿಹ್ವಲಃ ಪ್ರಹಾರೇಣ ಜಾನುಭ್ಯಾಮಗಮನ್ಮಹೀಂ॥ 9-58-56 (63463)
ತಸ್ಮಿನ್ಕುರುಕುಲಶ್ರೇಷ್ಠೇ ಜಾನುಭ್ಯಾಮವನೀಂ ಗತೇ।
ಉದತಿಷ್ಠತ್ತತೋ ನಾದಃ ಸೃಂಜಯಾನಾಂ ಜಗತ್ಪತೇ॥ 9-58-57 (63464)
ತೇಷಾಂ ತು ನಿನದಂ ಶ್ರುತ್ವಾ ಶೃಂಜಯಾನಾಂ ನರರ್ಷಭಃ।
ಅಮರ್ಷಾದ್ಭರತಶ್ರೇಷ್ಠ ಪುತ್ರಸ್ತೇ ಸಮಕುಪ್ಯತ॥ 9-58-58 (63465)
ಉತ್ಥಾಯ ತು ಮಹಾಬಾಹುರ್ಮಹಾನಾಗ ಇವ ಶ್ವಸನ್।
ದಿಧಕ್ಷನ್ನಿವ ನೇತ್ರಾಭ್ಯಾಂ ಭೀಮಸೇನಮವೈಕ್ಷತ॥ 9-58-59 (63466)
ತತಃ ಸ ಭರತಶ್ರೇಷ್ಠೋ ಗದಾಪಾಣಿರಭಿದ್ರವನ್।
ಪ್ರಮಥಿಷ್ಯನ್ನಿವ ಶಿರೋ ಭೀಮಸೇನಸ್ಯ ಸಂಯುಗೇ॥ 9-58-60 (63467)
ಸ ಮಹಾತ್ಮಾ ಮಹಾತ್ಮಾನಂ ಭೀಮಂ ಭೀಮಪರಾಕ್ರಮಃ।
ಅತಾಡಯಚ್ಛಂಖದೇಶೇ ನ ಚಚಾಲಾಚಲೋಪಮಃ॥ 9-58-61 (63468)
ಸ ಭೂಯಃ ಶುಶುಭೇ ಪಾರ್ಥಸ್ತಾಡಿತೋ ಗದಯಾ ರಣೇ।
ಉದ್ಭಿನ್ನರುಧಿರೋ ರಾಜನ್ಪ್ರಭಿನ್ನ ಇವ ಕುಂಚರಃ॥ 9-58-62 (63469)
ತತೋ ಗದಾಂ ವೀರಹಣೀಮಯೋಮಯೀಂ
ಪ್ರಗೃಹ್ಯ ವಜ್ರಾಶನಿತುಲ್ಯನಿಃಸ್ವನಾಂ।
ಅತಾಡಯಚ್ಛತ್ರುಮಮಿತ್ರಕರ್ಶನೋ
ಬಲೇನ ವಿಕ್ರಂಯ ಧನಂಜಯಾಗ್ರಜಃ॥ 9-58-63 (63470)
ಸ ಭೀಮಸೇನಾಭಿಹತಸ್ತವಾತ್ಮಜಃ
ಪಪಾತ ಸಂಕಂಪಿತದೇಹಬಂಧನಃ।
ಸುಪುಷ್ಪಿತೋ ಮಾರುತವೇಗತಾಡಿತೋ
ವನೇ ಮಹಾಸಾಲ ಇವಾವಘೂರ್ಣಿತಃ॥ 9-58-64 (63471)
ತತಃ ಪ್ರಣೇದುರ್ಜಹೃಷುಶ್ಚ ಪಾಂಡವಾಃ
ಸಮೀಕ್ಷ್ಯ ಪುತ್ರಂ ಪತಿತಂ ಕ್ಷಿತೌ ತವ।
ತತಃ ಸುತಸ್ತೇ ಪ್ರತಿಲಭ್ಯ ಚೇತನಾಂ
ಸಮುತ್ಪಪಾತ ದ್ವಿರದೋ ಯಥಾ ಹದಾತ್॥ 9-58-65 (63472)
ಸ ಪಾರ್ಥಿವೋ ನಿತ್ಯಮಮರ್ಷಿತಸ್ತದಾ
ಮಹಾರಥಃ ಶಿಕ್ಷಿತವತ್ಪರಿಭ್ರಮನ್।
ಅತಾಡಯತ್ಪಾಂಡವಮಗ್ರತಃ ಸ್ಥಿತಂ
ಸ ವಿಹ್ವಲಾಂಗೋ ಜಗತೀಮುಪಾಸ್ಪೃಶತ್॥ 9-58-66 (63473)
ಸ ಸಿಂಹನಾದಂ ವಿನನಾದ ಕೌರವೋ
ನಿಪಾತ್ಯ ಭೂಮೌ ಯುಧಿ ಭೀಮಮೋಜಸಾ।
ಬಿಭೇದ ಚೈವಾಶನಿತುಲ್ಯಮೋಜಸಾ
ಗದಾನಿಪಾತೇನ ಶರೀರರಕ್ಷಣಂ॥ 9-58-67 (63474)
ತತೋಽಂತರಿಕ್ಷೇ ನಿನದೋ ಮಹಾನಭೂ--
ದ್ದಿವೌಕಸಾಮಪ್ಸರಸಾಂ ಚ ನೇದುಷಾಂ।
ಪಪಾತ ಚೋಚ್ಚೈರಮರಪ್ರವೇರಿತಂ
ವಿಚಿತ್ರಪುಷ್ಪೋತ್ಕರವರ್ಷಮುತ್ತಮಂ॥ 9-58-68 (63475)
ತತಃ ಪರಾನಾವಿಶದುತ್ತಮಂ ಭಯಂ
ಸಮೀಕ್ಷ್ಯ ಭೂಮೌ ಪತಿತಂ ನರೋತ್ತಮಂ।
ಅಹೀಯಮಾನಂ ಚ ಬಲೇನ ಕೌರವಂ
ನಿಶಾಂಯ ಭೇದಂ ಸುದೃಢಸ್ಯ ವರ್ಮಣಃ॥ 9-58-69 (63476)
ತತೋ ಮುಹೂರ್ತಾದುಪಲಭ್ಯ ಚೇತನಾಂ
ಪ್ರಮೃಜ್ಯ ವಕ್ತ್ರಂ ರುಧಿರಾಕ್ತಮಾತ್ಮನಃ।
ಧೃತಿಂ ಸಮಾಲಂಬ್ಯ ವಿವೃತ್ಯ ಲೋಚನೇ
ಬಲೇನ ಸಂಸ್ತಭ್ಯ ವೃಕೋದರಃ ಸ್ಥಿತಃ॥ 9-58-70 (63477)
`ತತೋ ಯಮೌ ಯಮಸದೃಶೌ ಪರಾಕ್ರಮೇ
ಸಪಾರ್ಷತಃ ಶಿನಿತನಯಶ್ಚ ವೀರ್ಯವಾನ್।
ಸಮಾಹ್ವಯನ್ನಹಮಹಮಿತ್ಯಭಿತ್ವರಂ--
ಸ್ತವಾತ್ಮಜಂ ಸಮಭಿಯಯುರ್ವಧೈಷಿಣಃ॥ 9-58-71 (63478)
ನಿವರ್ತ್ಯ ತಾನ್ಪುನರಪಿ ಪಾಂಡವೋ ಬಲೀ
ತವಾತ್ಮಜಂ ಸ್ವಯಮಭಿಗಂಯ ಕಾಲವತ್।
ಚಚಾರ ಚಾಪ್ಯಪಗತಖೇದವೇಪಥುಃ
ಸುರೇಶ್ವರೋ ನಮುಚಿಮಿವೋತ್ತಮಂ ರಣೇ'॥ ॥ 9-58-72 (63479)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಅಷ್ಟಪಂಚಾಶತ್ತಮೋಽಧ್ಯಾಯಃ॥ 58 ॥
Mahabharata - Shalya Parva - Chapter Footnotes
9-58-3 ಜಿಗೀಷತೋರ್ಯಥೇತಿ ಝ.ಪಾಠಃ॥ 9-58-49 ಆಸ್ಥಾಯೇತಿ। ಕೌಶಿಕಾನ್ ಕುಶ ಉನ್ಮತ್ತಸ್ತದಾಚರಿತಾನ್ಮಾರ್ಗಾನಾಸ್ಥಾಯ ಪುನಃ ಪುನರುತ್ಪತನೇನ ವಂಚನೇನ ಚ ಭೀಮಮುನ್ಮತ್ತೀಕೃತ್ಯ ಗದಯಾ ತಾಡಯಾಮಾಸೇತಿ ದ್ವಯೋಃ ಸಂಬಂಧಃ॥ 9-58-52 ನಹೃಷ್ಟಮನಸಃ ಖಿನ್ನಚೇತಸಃ॥ 9-58-61 ಶಂಖದೇಶೇ ಲಲಾಟಪ್ರಾಂತ॥ 9-58-69 ನೇದುಷಾಂ ನಾದ ಕೃತವತೀನಾಂ॥ 9-58-58 ಅಷ್ಟಪಂಚಾಶತ್ತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 059
॥ ಶ್ರೀಃ ॥
9.59. ಅಧ್ಯಾಯಃ 059
Mahabharata - Shalya Parva - Chapter Topics
ಭೀಮಸೇನೇನ ದುರ್ಯೋಧನಸ್ಯೋರುಭೇದನಂ॥ 1 ॥Mahabharata - Shalya Parva - Chapter Text
9-59-0 (63480)
ಸಂಚಯ ಉವಾಚ। 9-59-0x (5231)
ಸಮುದೀರ್ಣಂ ತತೋ ದೃಷ್ಟ್ವಾ ಸಂಗ್ರಾಮಂ ಕುರುಮುಖ್ಯಯೋಃ।
ಅಬ್ರವೀದರ್ಜುನಸ್ತತ್ರ ವಾಸುದೇವಂ ಯಶಸ್ವಿನಂ॥ 9-59-1 (63481)
ಅನಯೋರ್ವೀರಯೋರ್ಯುದ್ಧೇ ಕೋ ಜ್ಯಾಯಾನ್ಭವತೋ ಮತಃ।
ಕಸ್ಯ ವಾ ಕೋ ಗುಣೋ ಜ್ಯಾಯಾನೇತದ್ವದ ಜನಾರ್ದನ॥ 9-59-2 (63482)
ವಾಸುದೇವ ಉವಾಚ। 9-59-3x (5232)
ಉಪದೇಶೋಽನಯೋಸ್ತುಲ್ಯೋ ಭೀಮಸ್ತು ಬಲವತ್ತರಃ।
ಕೃತೀ ಯತ್ನಪರಸ್ತ್ವೇಷ ಧಾರ್ತರಾಷ್ಟ್ರೋ ವೃಕೋದರಾತ್॥ 9-59-3 (63483)
ಭೀಮಸೇನಸ್ತು ಧರ್ಮೇಣ ಯುಧ್ಯಮಾನೋ ನ ಜೇಷ್ಯತಿ।
ಅನ್ಯಾಯೇನ ತು ಯುಧ್ಯನ್ವೈ ಹನ್ಯಾದೇವ ಸುಯೋಧನಂ॥ 9-59-4 (63484)
ಮಾಯಯಾ ನಿರ್ಜಿತಾ ದೇವೈರಸುರಾ ಇತಿ ನಃ ಶ್ರುತಂ।
ವಿರೋಚನಸ್ತು ಶಕ್ರೇಣ ಮಾಯಯಾ ನಿರ್ಜಿತಃ ಸ ವೈ॥ 9-59-5 (63485)
ಮಾಯಯಾ ಚಾಕ್ಷಿಪತ್ತೇಜೋ ವೃತ್ರಸ್ಯ ಬಲಸೂದನಃ।
ತಸ್ಮಾನ್ಮಾಯಾಮಯಂ ವೀರ ಆತಿಷ್ಠತು ವೃಕೋದರಃ॥ 9-59-6 (63486)
ಪ್ರತಿಜ್ಞಾತಂ ಚ ಭೀಮೇನ ದ್ಯೂತಕಾಲೇ ಧನಂಜಯ।
ಊರೂ ಭೇತ್ಸ್ಯಾಮಿ ತೇ ಸಂಖ್ಯೇ ಗದಯೇತಿ ಸುಯೋಧನಂ॥ 9-59-7 (63487)
ಸೋಽಯಂ ಪ್ರತಿಜ್ಞಾಂ ತಾಂ ಚಾಪಿ ಪಾರಯತ್ವರಿಕರ್ಶನಃ।
ಮಾಯಾವಿನಂ ತು ರಾಜಾನಂ ಮಾಯಯೈವ ನಿಕೃಂತತು॥ 9-59-8 (63488)
ಯದ್ಯೇಷ ಬಲಮಾಸ್ಥಾಯ ನ್ಯಾಯೇನ ಪ್ರಹರಿಷ್ಯತಿ।
ವಿಷಮಸ್ಥಸ್ತತೋ ರಾಜಾ ಭವಿಷ್ಯತಿ ಯುಧಿಷ್ಠಿರಃ॥ 9-59-9 (63489)
ಪುನರೇವ ತು ವಕ್ಷ್ಯಾಮಿ ಪಾಂಡವೇಯ ನಿಬೋಧ ಮೇ।
ಧರ್ಮರಾಜಾಪರಾಧೇನ ಭಯಂ ನಃ ಪುನರಾಗತಂ॥ 9-59-10 (63490)
ಕೃತ್ವಾ ಹಿ ಸುಮಹತ್ಕರ್ಮ ಹತ್ವಾ ಭೀಷ್ಮಮುಖಾನ್ಕುರೂನ್।
ಜಯಃ ಪ್ರಾಪ್ತೋ ಯಶಃ ಪ್ರಾಗ್ರ್ಯಂ ವೈರಂ ಚ ಪ್ರತಿಯಾತಿತಂ।
ತದೇವಂ ವಿಜಯಃ ಪ್ರಾಪ್ತಃ ಪುನಃ ಸಂಶಯಿತಃ ಕೃತಃ॥ 9-59-11 (63491)
ಅಬುದ್ಧಿರೇಷಾಂ ಮಹತೀ ಧರ್ಮರಾಜಸ್ಯ ಪಾಂಡವ।
ಯದೇಕವಿಜಯೇ ವೀರ ಪಣಿತಂ ಕೃತಮೀದೃಶಂ॥ 9-59-12 (63492)
ಸುಯೋಧನಃ ಕೃತೀ ವೀರ ಏಕಾಯನಗತಸ್ತಥಾ॥ 9-59-13 (63493)
ಅಪಿ ಚೋಶನಸಾ ಗೀತಃ ಶ್ರೂಯತೇಽಯಂ ಪುರಾತನಃ।
ಶ್ಲೋಕಸ್ತತ್ತ್ವಾರ್ಥಸಹಿತಸ್ತನ್ಮೇ ನಿಗದತಃ ಶೃಣು॥ 9-59-14 (63494)
ಪುನರಾವರ್ತಮಾನಾನಾಂ ಭಗ್ನಾನಾಂ ಜೀವಿತೈಷಿಣಾಂ।
ಭೇತವ್ಯಮರಿಶೇಷಾಣಾಮೇಕಾಯನಗತಾ ಹಿ ತೇ॥ 9-59-15 (63495)
[ಸಾಹಸೋತ್ಪತಿತಾನಾಂ ಚ ನಿರಾಶಾನಾಂ ಚ ಜೀವಿತೇ।
ನ ಶಕ್ಯಮಗ್ರತಃ ಸ್ಥಾತುಂ ಶಕ್ರೇಣಾಪಿ ಧನಂಜಯ]॥ 9-59-16 (63496)
ಸುಯೋಧನಮಿಮಂ ಭಗ್ನಂ ಹತಸೈನ್ಯಂ ಹದಂ ಗತಂ।
ಪರಾಜಿತಂ ವನಪ್ರೇಪ್ಸುಂ ನಿರಾಶಂ ರಾಜ್ಯಲಂಭನೇ।
ಕೋಽನ್ವಿಷ್ಯ ಸಂಯುಗೇ ಪ್ರಾಜ್ಞಃ ಪುನರ್ದ್ವಂದ್ವೇ ಸಮಾಹ್ವಯೇತ್॥ 9-59-17 (63497)
ಅಪಿ ನೋ ನಿರ್ಜಿತಂ ರಾಜ್ಯಂ ನ ಹರೇತ ಸುಯೋಧನಃ।
ಯಸ್ತ್ರಯೋದಶವರ್ಷಾಣಿ ಗದಯಾ ಕೃತನಿಶ್ರಮಃ।
ಚರತ್ಯೂರ್ಧ್ವಂ ಚ ತಿರ್ಯಕ್ವ ಭೀಮಸೇನಿಘಾಂಸಯಾ॥ 9-59-18 (63498)
ಏನಂ ಚೇನ್ನ ಮಹಾಬಾಹುರನ್ಯಾಯೇನ ಹನಿಷ್ಯತಿ।
ಏಷ ವಃ ಕೌರವೋ ರಾಜಾ ಧಾರ್ತರಾಷ್ಟ್ರೋ ಭವಿಷ್ಯತಿ॥ 9-59-19 (63499)
ಸಂಜಯ ಉವಾಚ। 9-59-20x (5233)
ಧನಂಜಯಸ್ತು ಶ್ರುತ್ವೈತತ್ಕೇಶವಸ್ಯ ಮಹಾತ್ಮನಃ।
ಪ್ರೇಕ್ಷತೋ ಭೀಮಸೇನಸ್ಯ ಸವ್ಯಮೂರುಮತಾಡಯತ್॥ 9-59-20 (63500)
ಗೃಹ್ಯ ಸಂಜ್ಞಾಂ ತತೋ ಭೀಮೋ ಗದಯಾ ವ್ಯಚರದ್ರಣೇ।
ಮಂಡಲಾನಿ ವಿಚಿತ್ರಾಣಿ ಯಮಕಾನೀತರಾಣಿ ಚ॥ 9-59-21 (63501)
ದಕ್ಷಿಣಂ ಮಂಡಲಂ ಸವ್ಯಂ ಗೋಮೂತ್ರಿಕಮಥಾಪಿ ಚ।
ವ್ಯಚರತ್ಪಾಂಡವೋ ರಾಜನ್ನರಿಂ ಸಂಮೋಹಯನ್ನಿವ॥ 9-59-22 (63502)
ತಥೈವ ತವ ಪುತ್ರೋಽಪಿ ಗದಾಮಾರ್ಗವಿಶಾರದಃ।
ವ್ಯಚರಲ್ಲಘು ಚಿತ್ರಂ ಚ ಭೀಮಸೇನಜಿಘಾಂಸಯಾ॥ 9-59-23 (63503)
ಆಧುನ್ವಂತೌ ಗದೇ ಘೋರೇ ಚಂದನಾಗರುರೂಷಿತೇ।
ವೈರಸ್ಯಾಂತಂ ಪರೀಪ್ಸಂತೌ ರಣೇ ಕ್ರುದ್ಧಾವಿವಾಂತಕೌ॥ 9-59-24 (63504)
ಅನ್ಯೋನ್ಯಂ ತೌ ಜಿಘಾಂಸಂತೌ ಪ್ರವೀರೌ ಪುರುಷರ್ಷಭೌ।
ಯುಯುಧಾತೇ ಗರುತ್ಮಂತೌ ಯಥಾ ನಾಗಾಮಿಷೈಷಿಣೌ॥ 9-59-25 (63505)
ಮಂಡಲಾನಿ ಬಿಚಿತ್ರಾಣಿ ಚರತೋರ್ನೃಪಭೀಮಯೋಃ।
ಗದಾಸಂಪಾತಜಾಸ್ತತ್ರ ಪ್ರಜಜ್ಞುಃ ಪಾವಕಾರ್ಚಿಷಃ॥ 9-59-26 (63506)
ಸಮಂ ಪ್ರಹರತೋಸ್ತತ್ರ ಶೂರಯೋರ್ಬಲಿನೋರ್ಮೃಧೇ।
ಕ್ಷುಬ್ಧಯೋರ್ವಾಯುನಾ ರಾಜಂದ್ವಯೋರಿವ ಸಮುದ್ರಯೋಃ॥ 9-59-27 (63507)
ತಯೋಃ ಪ್ರಹರತೋಸ್ತುಲ್ಯಂ ಮತ್ತಕುಂಜರಯೋರಿವ।
ಗದಾನಿರ್ಘಾತಸಂ ಹಾದಃ ಪ್ರಹಾರಾಣಾಮಜಾಯತ॥ 9-59-28 (63508)
ತಸ್ಮಿಂಸ್ತದಾ ಸಂಪ್ರಹಾರೇ ದಾರುಣೇ ಸಂಕುಲೇ ಭೃಶಂ।
ಉಭಾವಪಿ ಪರಿಶ್ರಾಂತೌ ಯುಧ್ಯಮಾನಾವರಿಂದಮೌ॥ 9-59-29 (63509)
ತೌ ಮುಹೂರ್ತೇ ಸಮಾಶ್ವಸ್ಯ ಪುನರೇವ ಪರಂತಪ।
ಅಭ್ಯಹಾರಯತಾಂ ಕ್ರುದ್ಧೌ ಪ್ರಗೃಹ್ಯ ಮಹತೀ ಗದೇ॥ 9-59-30 (63510)
ತಯೋಃ ಸಮಭವದ್ಯುದ್ಧಂ ಘೋರರೂಪಮಸಂವೃತಂ।
ಗದಾನಿಪಾತೈ ರಾಜೇಂದ್ರ ತಕ್ಷತೋರ್ವೈ ಪರಸ್ಪರಂ॥ 9-59-31 (63511)
ಸಮರೇ ಪ್ರದ್ರುತೌ ತೌ ತು ವೃಷಭಾಕ್ಷೌ ತರಸ್ವಿನೌ।
ಅನ್ಯೋನ್ಯಂ ಜಘ್ನತುರ್ವೀರೌ ಪಂಕಸ್ಥೌ ಮಹಿಷಾವಿವ॥ 9-59-32 (63512)
ಜರ್ಝರೀಕೃತಸರ್ವಾಂಗೌ ರುಧಿರೇಣಾಭಿಸಂಪ್ಲುತೌ।
ದದೃಶಾತೇ ಹಿಮವತಿ ಪುಷ್ಪಿತಾವಿವ ಕಿಂಶುಕೌ॥ 9-59-33 (63513)
ದುರ್ಯೋಧನಸ್ತು ಪಾರ್ಥೇನ ವಿವರೇ ಸಂಪ್ರದರ್ಶಿತೇ।
ಈಷದುತ್ಸ್ಮಯಮಾನಸ್ತು ಸಹಸಾ ಪ್ರಸಸಾರ ಹ॥ 9-59-34 (63514)
ತಮಭ್ಯಾಶಗತಂ ಪ್ರಾಜ್ಞಃ ಕ್ಷಣೇ ಪ್ರೇಕ್ಷ್ಯ ವೃಕೋದರಃ।
ಅವಾಕ್ಷಿಪದ್ಗದಾಂ ತಸ್ಮಿನ್ವೇಗೇನ ಮಹತಾ ಬತೀ॥ 9-59-35 (63515)
ಅವಕ್ಷೇಪಂ ತು ತಂ ದೃಷ್ಟ್ವಾ ಪುತ್ರಸ್ತವ ವಿಶಾಂಪತೇ।
ಅಪಾಸರ್ಪತ್ತತಃ ಸ್ಥಾನಾತ್ಸಾ ಮೋಘಾ ನ್ಯಪತದ್ಭುವಿ॥ 9-59-36 (63516)
ಮೋಕ್ಷಯಿತ್ವಾ ಪ್ರಹಾರಂ ತಂ ಸುತಸ್ತವ ಸುಸಂಭ್ರಮಾತ್।
ಭೀಮಸೇನಂ ಚ ಗದಯಾ ಪ್ರಾಹರತ್ಕುರುಸತ್ತಮ॥ 9-59-37 (63517)
ತಸ್ಯ ವಿಸ್ಯಂದಮಾನೇನ ರುಧಿರೇಣಾಮಿತೌಜಸಃ।
ಪ್ರಹಾರಗುರುಪಾತಾಚ ಮೂರ್ಛೇವ ಸಮಜಾಯತ॥ 9-59-38 (63518)
ತನ್ನಾವುಧ್ಯತ ಪುತ್ರಸ್ತೇ ಪೀಡಿತಂ ಪಾಂಡವಂ ರಣೇ।
ಧಾರಯಾಮಾಸ ಭೀಮೋಽಪಿ ಶರೀರಮತಿಪೀಡಿತಂ॥ 9-59-39 (63519)
ಅಮನ್ಯತ ಸ್ಥಿತಂ ಹ್ಯೇನಂ ಪ್ರಹರಿಷ್ಯಂತಮಾಹವೇ।
ಅತೋ ನ ಪ್ರಾಹರತ್ತಸ್ಮೈ ಪುನರೇವ ತವಾತ್ಮಜಃ॥ 9-59-40 (63520)
ತತೋ ಮುಹೂರ್ತನಾಶ್ವಸ್ಯ ದುರ್ಯೋಧನಮುಪಸ್ಥಿತಂ।
ದೇಗೇನಾಭ್ಯಯತದ್ರಾಜನ್ಗದಾಮಾದಾಯ ಪಾಂಡವಃ॥ 9-59-41 (63521)
ತಮಾಪತಂತಂ ಸಂಪ್ರೇಕ್ಷ್ಯ ಸಂರಬ್ಧಗಮಿತೌಜಸಂ।
ಮೋಧಮಸ್ಯ ಪ್ರಹಾರಂ ತಂ ಚಿಕೀರ್ಷುರ್ಭರತರ್ಷಭ॥ 9-59-42 (63522)
ಅವಸ್ಯಾನೇ ಮತಿಂ ಕೃತ್ವಾ ಪುತ್ರಂತವ ಮಹಾಮನಾಃ।
ಇಯೇಷೋತ್ಪತಿತುಂ ರಾಜಂಛಲಯಿಷ್ಯನ್ವೃಕೋದರಂ॥ 9-59-43 (63523)
ಅಬುಧ್ಯದ್ಭೀಮಸೇನಸ್ತು ರಾಜ್ಞಸ್ತಸ್ಯ ಚಿಕೀರ್ಷಿತಂ।
ಅಚಾಸ್ಯ ಸಮಮಿದ್ರುತ್ಯ ಸಮುತ್ಪತ್ಯ ಚ ಸಿಂಹವತ್॥ 9-59-44 (63524)
ಸತ್ಯಾ ವಂಚವತೋ ರಾಜನ್ಪುನರೇವೋತ್ಪತಿಷ್ಯತಃ।
ಊರುಭ್ಯಾಂ ಪ್ರಾಹಿಣೋದ್ರಾಜನ್ಗದಾಂ ವೇಗೇನ ಪಾಂಡವಃ॥ 9-59-45 (63525)
ಸಾ ವಜ್ರನಿಷ್ಪೇಷಸಮಾ ಪ್ರಹಿತಾ ಭೀಮಕರ್ಮಣಾ।
ಊರೂ ದುರ್ಯೋಧನಸ್ಯಾಥ ಬಭಂಜ ಪ್ರಿಯದರ್ಶನೌ॥ 9-59-46 (63526)
ಸ ಪಪಾತ ನರವ್ಯಾಘ್ರೋ ವಸುಧಾಮನುನಾದಯನ್।
ಭಗ್ನೋರುರ್ಭೀಮಸೇನೇನ ಪುತ್ರಸ್ತವ ಮಹೀಪತೇ॥ 9-59-47 (63527)
ವವುರ್ವಾತಾಃ ಸನಿರ್ಘಾತಾಃ ಪಾಂಸುವರ್ಷಂ ಪಪಾತ ಚ।
ಚಚಾಲ ಪೃಥಿವೀ ಚಾಪಿ ಸವೃಕ್ಷಕ್ಷುಪಪರ್ವತಾ॥ 9-59-48 (63528)
ತಸ್ಮಿನ್ನಿಪತಿತೇ ವೀರೇ ಪತ್ಯೌ ಸರ್ವಮಹೀಕ್ಷಿತಾಂ।
ಮಹಾಸ್ವನಾ ಪುನರ್ದೀಪ್ತಾ ಸನಿರ್ಘಾತಾ ಭಯಂಕರೀ।
ಪಪಾತ ಚೋಲ್ಕಾ ಮಹತೀ ಪತಿತೇ ಪೃಥಿವೀಪತೌ॥ 9-59-49 (63529)
ತಥಾ ಶೋಣಿತವರ್ಷಂ ಚ ಪಾಂಸುವರ್ಷಂ ಚ ಭಾರತ।
ವವರ್ಷ ಮಘವಾಂಸ್ತತ್ರ ತವ ಪುತ್ರೇ ನಿಪಾತಿತೇ॥ 9-59-50 (63530)
ಯಕ್ಷಾಣಾಂ ರಾಕ್ಷಸಾನಾಂ ಚ ಪಿಶಾಚಾನಾಂ ತಥೈವ ಚ।
ಅಂತರಿಕ್ಷೇ ಮಹಾನ್ನಾದಸ್ತತ್ರ ಭಾರತ ಶುಶ್ರುವೇ॥ 9-59-51 (63531)
ತೇನ ಶಬ್ದೇನ ಘೋರೇಣ ಮೃಗಾಣಾಮಥ ಪಕ್ಷಿಣಾಂ।
ಜಜ್ಞೇ ಘೋರತರಃ ಶಬ್ದೋ ಬಹೂನಾಂ ಸರ್ವತೋದಿಶಂ॥ 9-59-52 (63532)
ಯೇ ತತ್ರ ವಾಜಿನಃ ಶೇಷಾ ಗಜಾಶ್ಚ ಮನುಜೈಃ ಸಹ।
ಮುಮುಚುಸ್ತೇ ಮಹಾನಾದಂ ತವ ಪುತ್ರೇ ನಿಪಾತಿತೇ॥ 9-59-53 (63533)
ಬೇರೀಶಂಖಮೃದಂಗಾನಾಮಭವಚ್ಚ ಸ್ವನೋ ಮಹಾನ್।
ಅಂತರ್ಭೂಮಿಗತಶ್ಚೈವ ತವ ಪುತ್ರೇ ನಿಪಾತಿತೇ॥ 9-59-54 (63534)
[ಬಹುಪಾದೈರ್ಬಹುಭುಜೈಃ ಕಬಂಧೈರ್ಘೋರದರ್ಶನೈಃ।
ನೃತ್ಯದ್ಭಿರ್ಭಯದೈರ್ವ್ಯಾಪ್ತಾ ದಿಶಸ್ತತ್ರಾಭವನ್ನೃಪ॥ 9-59-55 (63535)
ಧ್ವಜವಂತೋಽಸ್ತ್ರವಂತಶ್ಚ ಶಸ್ತ್ರವಂತಸ್ತಥೈವ ಚ।
ಪ್ರಾಕಂಪಂತ ತತೋ ರಾಜಂಸ್ತವ ಪುತ್ರೇ ನಿಪಾತಿತೇ]॥ 9-59-56 (63536)
ಹದಾಃ ಕೂಪಾಶ್ಚ ರುಧಿರಮುದ್ವೇಮುರ್ನೃಪಸತ್ತಮ।
ನದ್ಯಶ್ಚ ಸುಮಹಾವೇಗಾಃ ಪ್ರತಿಸ್ರೋತೋವಹಾಽಭವನ್॥ 9-59-57 (63537)
ಪುಲ್ಲಿಂಗಾ ಇವ ನಾರ್ಯಸ್ತು ಸ್ತ್ರೀಲಿಂಗಾಃ ಪುರುಷಾಽಭವನ್।
ದುರ್ಯೋಧನೇ ತದಾ ರಾಜನ್ಪತಿತೇ ತನಯೇ ತವ॥ 9-59-58 (63538)
ದೃಷ್ಟ್ವಾ ತಾನದ್ಭುತೋತ್ಪಾತಾನ್ಪಾಂಚಾಲಾಃ ಪಾಂಡವೈಃ ಸಹ।
ಆವಿಗ್ನಮನಸಃ ಸರ್ವೇ ಬಭೂವುರ್ಭರತರ್ಷಭ॥ 9-59-59 (63539)
ಯಯುರ್ದೇವಾ ಯಥಾಕಾಮಂ ಗಂಧರ್ವಾಪ್ಸರಸಸ್ತಥಾ।
ಕಥಯಂತೋಽದ್ಭುತಂ ಯುದ್ಧಂ ಸುತಯೋಸ್ತವ ಭಾರತ॥ 9-59-60 (63540)
ತಥೈವ ಸಿದ್ಧಾ ರಾಜೇಂದ್ರ ತಥಾ ವಾತಿಕಚಾರಣಾಃ।
ನರಸಿಂಹೌ ಪ್ರಶಂಸಂತೌ ವಿಪ್ರಜಗ್ಮುರ್ಯಥಾಗತಂ॥ ॥ 9-59-61 (63541)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಏಕೋನಷಷ್ಟಿತಮೋಽಧ್ಯಾಯಃ॥ 59 ॥
Mahabharata - Shalya Parva - Chapter Footnotes
9-59-15 ಅರಿಶೇಷಾಣೋ ಪಂಚಂಯರ್ಥೇ ಷಷ್ಠೀ॥ 9-59-34 ಸಹಸೈವಾಭಿಸಾರಿತ ಇತಿ ಕ.ಛ.ಪಾಠಃ॥ 9-59-45 ಧೃತ್ಯಾ ವಂಚಯತ ಇತಿ ಕ.ಛ.ಪಾಠಃ॥ 9-59-48 ಕ್ಷುಪಃ ಕ್ಷುದ್ರವೃಕ್ಷಃ॥ 9-59-59 ಏಕೋನಷಷ್ಟಿತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 060
॥ ಶ್ರೀಃ ॥
9.60. ಅಧ್ಯಾಯಃ 060
Mahabharata - Shalya Parva - Chapter Topics
ಭೀಮಸೇನೇನ ದುರ್ಯೋಧನಾಪನಯಾನುಸ್ಮಾರಣಪೂರ್ವಕಂ ವಾಮಪಾದೇನ ತಚ್ಛಿರಸ್ತಾಡನಂ॥ 1 ॥ ಯುಧಿಷ್ಠಿರೇಣ ದುರ್ಯೋಧನಸಮಾಶ್ವಾಸನಂ॥ 2 ॥Mahabharata - Shalya Parva - Chapter Text
9-60-0 (63542)
ಸಂಜಯ ಉವಾಚ। 9-60-0x (5234)
ತಂ ಪಾತಿತಂ ತತೋ ದೃಷ್ಟ್ವಾ ಮಹಾಸಾಲಮಿವೋದ್ಗತಂ।
ಪ್ರಹೃಷ್ಟಮನಸಃ ಸರ್ವೇ ಬಭೂವುಸ್ತತ್ರ ಪಾಂಡವಾಃ॥ 9-60-1 (63543)
ಉನ್ಮತ್ತಮಿವ ಮಾತಂಗಂ ಸಿಂಹೇನ ವಿನಿಪಾತಿತಂ।
ದದೃಶುರ್ಹೃಷ್ಟರೋಮಾಣಃ ಸರ್ವೇ ತೇ ಚಾಪಿ ಸೋಮಕಾಃ॥ 9-60-2 (63544)
ತತೋ ದುರ್ಯೋಧನಂ ಹತ್ವಾ ಭೀಮಸೇನಃ ಪ್ರತಾಪವಾನ್।
ಪಾತಿತಂ ಕೌರವೇಂದ್ರಂ ತಮುಪಗಂಯೇದಮಬ್ರವೀತ್॥ 9-60-3 (63545)
ಗೌರ್ಗೌರಿತಿ ಪುರಾ ಮಂದ ದ್ರೌಪದೀಮೇಕವಾಸಸಂ।
ಯತ್ಸಭಾಯಾಂ ಹಸನ್ನಸ್ಮಾಂಸ್ತದಾ ವದಸಿ ದುರ್ಮತೇ।
ತಸ್ಯಾವಹಾಸಸ್ಯ ಫಲಮದ್ಯ ತ್ವಂ ಸಮವಾಪ್ನುಹಿ॥ 9-60-4 (63546)
ಏವಮುಕ್ತ್ವಾ ಸ ವಾಮೇನ ಪದಾ ಮೌಲಿಮುಪಾಸ್ಪೃಶತ್।
ಶಿರಶ್ಚ ರಾಜಸಿಂಹಸ್ಯ ಪಾದೇನ ಸಮಲೋಡಯತ್॥ 9-60-5 (63547)
ತಥೈವ ಕ್ರೋಧಸಂರಕ್ತೋ ಭೀಮಃ ಪರಬಲಾರ್ದನಃ।
ಪುನರೇವಾಬ್ರವೀದ್ವಾಕ್ಯಂ ಯತ್ತಚ್ಛೃಣು ನರಾಧಿಪ॥ 9-60-6 (63548)
ಯೇಽಸ್ಮಾನ್ಪುರಾ ಪ್ರನೃತ್ಯಂತಿ ಮೂಢಾ ಗೌರಿತಿ ಗೌರಿತಿ।
ತಾನ್ವಯಂ ಪ್ರತಿನೃತ್ಯಾಮಃ ಪುನರ್ಗೌರಿತಿ ಗೌರಿತಿ॥ 9-60-7 (63549)
ನಾಸ್ಮಾಕಂ ನಿಕೃತಿರ್ವಹ್ನಿರ್ನಾಕ್ಷದ್ಯೂತಂ ನ ವಂಚನಾ।
ಸ್ವಬಾಹುಬಲಮಾಶ್ರಿತ್ಯ ಪ್ರಬಾಧಾಮೋ ವಯಂ ರಿಪೂನ್॥ 9-60-8 (63550)
ಸೋಽವಾಪ್ಯ ವೈರಸ್ಯ ಚಿರಸ್ಯ ಪಾರಂ
ವೃಕೋದರಃ ಪ್ರಾಹ ಶನೈಃ ಪ್ರಹಸ್ಯ।
ಯುಧಿಷ್ಠಿರಂ ಕೇಶವಸೃಂಜಯಾಂಶ್ಚ
ಧನಂಜಯಂ ಮಾದ್ರವತೀಸುತೌ ಚ॥ 9-60-9 (63551)
ರಜಸ್ವಲಾ ದ್ರೌಪದೀಮಾನಯಂತೇ
ಯೇ ಚಾಪ್ಯಕುರ್ವಂತ ಸದಸ್ಯವಸ್ತ್ರಾಂ। 9-60-10cತಾನ್ಪಶ್ಯಧ್ವಂ ಪಾಂಡವೈರ್ಧಾರ್ತರಾಷ್ಟ್ರಾನ್
ರಣೇ ಹತಾಂಸ್ತಪಸಾ ಯಾಜ್ಞಸೇನ್ಯಾಃ॥ 9-60-10 (63552)
ಯೇ ನಃ ಪುರಾ ಷಂಢತಿಲಾನವೋಚನ್
ಕ್ರೂರಾ ರಾಜ್ಞೋ ಧೃತರಾಷ್ಟ್ರಸ್ಯ ಪುತ್ರಾಃ।
ತೇ ನೋ ಹತಾಃ ಸಗಣಾಃ ಸಾನುಬಂಧಾಃ
ಕಾಮಂ ಸ್ವರ್ಗಂ ನರಕಂ ವಾ ವ್ರಜಾಮಃ॥ 9-60-11 (63553)
ಪುನಶ್ಚ ರಾಜ್ಞಃ ಪತಿತಸ್ಯ ಭೂಮೌ
ಸ ತಾಂ ಗದಾಂ ಸ್ಕಂಧಗತಾಂ ಪ್ರಗೃಹ್ಯ।
ವಾಮೇನ ಪಾದೇನ ಶಿರಃ ಪ್ರಮೃದ್ಯ
ದುರ್ಯೋಧನಂ ನೈಕೃತಿಕೇತ್ಯವೋಚತ್॥ 9-60-12 (63554)
ಹೃಷ್ಟೇನ ರಾಜನ್ಕುರುಪಾರ್ಥಿವಸ್ಯ
ಕ್ಷುದ್ರಾತ್ಮನಾ ಭೀಮಸೇನೇನ ಪಾದಂ।
ದೃಷ್ಟ್ವಾ ಕೃತಂ ಮೂರ್ಧನಿ ನಾಭ್ಯನಂದನ್
ಧರ್ಮಾತ್ಮಾನಃ ಸೋಮಕಾನಾಂ ಪ್ರಬರ್ಹಾಃ॥ 9-60-13 (63555)
ತವ ಪುತ್ರಂ ತಥಾ ಹತ್ವಾ ಕತ್ಥಮಾನಂ ವೃಕೋದರಂ।
ನೃತ್ಯಮಾನಂ ಚ ಬಹುಶೋ ಧರ್ಮರಾಜೋಽಬ್ರವೀದಿದಂ॥ 9-60-14 (63556)
ಗತೋಽಸಿ ವೈರಸ್ಯಾನೃಣ್ಯಂ ಪ್ರತಿಜ್ಞಾ ಪೂರಿತಾ ತ್ವಯಾ।
ಶುಭೇನಾಥಾಶುಭೇನೈವ ಕರ್ಮಣಾ ವಿರಮಾಧುನಾ॥ 9-60-15 (63557)
ಮಾ ಶಿರೋಽಸ್ಯ ಪದಾಽಮರ್ದೀರ್ಮಾ ಧರ್ಮಸ್ತೇಽತಿಗೋ ಭವೇತ್।
ರಾಜಾ ಜ್ಞಾತಿರ್ಹತಶ್ಚಾಯಂ ನೈತನ್ನ್ಯಾಯ್ಯಂ ತವಾನಘ॥ 9-60-16 (63558)
ಏಕಾದಶಚಮೂನಾಥಂ ಕುರೂಣಾಮಧಿಪಂ ತಥಾ।
ಮಾಸ್ಪ್ರಾಕ್ಷೀರ್ಭೀಮ ಪಾದೇನ ರಾಜಾನಂ ಜ್ಞಾತಿಮೇವ ಚ॥ 9-60-17 (63559)
ಹತಬಂಧುರ್ಹತಾಮಾತ್ಯೋ ಭ್ರಷ್ಟಸೈನ್ಯೋ ಹತೋ ಮೃಧೇ।
ಸರ್ವಾಕಾರೇಣ ಶೋಚ್ಯೋಽಯಂ ನಾವಹಾಸ್ಯೋಽಯಮೀಶ್ವರಃ॥ 9-60-18 (63560)
ವಿಧ್ವಸ್ತೋಽಯಂ ಹತಾಮಾತ್ಯೋ ಹತಬಂಧುರ್ಹತಾತ್ಮಜಃ।
ಉತ್ಸನ್ನಪಿಂಡೋ ಭ್ರಾತಾ ಚ ನೈತನ್ನ್ಯಾಯ್ಯಂ ಕೃತಂ ತ್ವಯಾ॥ 9-60-19 (63561)
ಧಾರ್ಮಿಕೋ ಭೀಮಸೇನೋಽಸಾವಿತ್ಯಾಹುಸ್ತ್ವಾಂ ಪುರಾ ಜನಾಃ।
ಸ ಕಸ್ಮಾದ್ಭೀಮಸೇನ ತ್ವಂ ರಾಜಾನಮಧಿತಿಷ್ಠಸಿ॥ 9-60-20 (63562)
ಇತ್ಯುಕ್ತ್ವಾ ಭೀಮಸೇನಂ ತು ಸಾಶ್ರುಕಂಠೋ ಯುಧಿಷ್ಠಿರಃ।
ಉಪಸೃತ್ಯಾಬ್ರವೀದ್ದೀನೋ ದುರ್ಯೋಧನಮರಿಂದಮಂ॥ 9-60-21 (63563)
ತಾತ ಮನ್ಯುರ್ನ ತೇ ಕಾರ್ಯೋ ನಾತ್ಮಾ ಶೋಚ್ಯಸ್ತ್ವಯಾ ತಥಾ।
ನೂನಂ ಪೂರ್ವಕೃತಂ ಕರ್ಮ ಸುಘೋರಮನುಭೂಯತೇ॥ 9-60-22 (63564)
ಧಾತ್ರೋಪದಿಷ್ಟಂ ವಿಷಮಂ ನೂನಂ ಫಲಮಸಂಸ್ಕೃತಂ।
ಯದ್ವಯಂ ತ್ವಾಂ ಜಿಘಾಂಸಾಮಸ್ತ್ವಂ ಚಾಸ್ಮಾನ್ಕುರುಸತ್ತಮ॥ 9-60-23 (63565)
ಆತ್ಮನೋ ಹ್ಯಪರಾಧೇನ ಮಹದ್ವ್ಯಸನಮೀಹಶಂ।
ಪ್ರಾಪ್ತವಾನಸಿ ಯಲ್ಲೋಭಾನ್ಮದಾದ್ಬಾಲ್ಯಾಚ್ಚ ಭಾರತ॥ 9-60-24 (63566)
ಘಾತಯಿತ್ವಾ ವಯಸ್ಯಾಂಶ್ಚ ಭ್ರಾತೄನಥ ಪಿತೄಂಸ್ತಥಾ।
ಪುತ್ರಾನ್ಪೌತ್ರಾಂಸ್ತಥಾ ಚಾನ್ಯಾಂಸ್ತತೋಸಿ ನಿಧನಂ ಗತಃ॥ 9-60-25 (63567)
ತವಾಪರಾಧಾದಸ್ಮಾಭಿರ್ಭ್ರಾತರಸ್ತೇ ನಿಪಾತಿತಾಃ।
ನಿಹತಾ ಜ್ಞಾತಯಶ್ಚಾಪಿ ದಿಷ್ಟಂ ಮನ್ಯೇ ದುರತ್ಯಯಂ॥ 9-60-26 (63568)
[ಆತ್ಮಾ ನ ಶೋಚನೀಯಸ್ತೇ ಶ್ಲಾಘ್ಯೋ ಮೃತ್ಯುಸ್ತವಾನಘ।
ವಯಮೇವಾಧುನಾ ಶೋಚ್ಯಾಃ ಸರ್ವಾವಸ್ಥಾಸು ಕೌರವ॥ 9-60-27 (63569)
ಕೃಪಣಂ ವರ್ತಯಿಷ್ಯಾಮಸ್ತೈರ್ಹೀನಾ ಬಂಧುಭಿಃ ಪ್ರಿಯೈಃ।
ಭ್ರಾತೄಣಾಂ ಚೈವ ಪುತ್ರಾಣಾಂ ತಥಾ ವೈ ಶೋಕವಿಹ್ವಲಾಃ॥ 9-60-28 (63570)
ಕಥಂ ದ್ರಕ್ಷ್ಯಾಮಿ ವಿಧವಾ ವಧೂಃ ಶೋಕಪರಿಪ್ಲುತಾಃ।
ತ್ವಮೇಕಃ ಸುಸ್ಥಿತೋ ರಾಜನ್ಸ್ವರ್ಗೇ ತೇ ನಿಲಯೋ ಧ್ರುವಃ।
ವಯಂ ನರಕಸಂಜ್ಞಂ ವೈ ದುಃಖಂ ಪ್ರಾಪ್ಸ್ಯಾಮ ದಾರುಣಂ॥] 9-60-29 (63571)
ಸ್ನುಷಾಶ್ಚ ಪ್ರಸ್ನುಷಾಶ್ಚೈವ ಧೃತರಾಷ್ಟ್ರಸ್ಯ ವಿಹ್ವಲಾಃ।
ಗರ್ಹಯಿಷ್ಯಂತಿ ನೋ ನೂನಂ ವಿಧವಾಃ ಶೋಕಕರ್ಶಿತಾಃ॥ 9-60-30 (63572)
ಸಂಜಯ ಉವಾಚ। 9-60-31x (5235)
ಏವಮುಕ್ತ್ವಾ ಸುದುಃಖಾರ್ತೋ ನಿಶಶ್ವಾಸ ಸ ಪಾರ್ಥಿವಃ।
ವಿಲಲಾಪ ಚಿರಂ ಚಾಪಿ ಧರ್ಮಪುತ್ರೋ ಯುಧಿಷ್ಠಿರಃ॥ ॥ 9-60-31 (63573)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಷಷ್ಟಿತಮೋಽಧ್ಯಾಯಃ॥ 60 ॥
ಶಲ್ಯಪರ್ವ - ಅಧ್ಯಾಯ 061
॥ ಶ್ರೀಃ ॥
9.61. ಅಧ್ಯಾಯಃ 061
Mahabharata - Shalya Parva - Chapter Topics
ಭೀಮೇ ಅಪನಯಬುದ್ಧ್ಯಾ ಕ್ರುದ್ಧೇನ ಬಲರಾಮೇಣ ಲಾಂಗಲಮುದ್ಯಂಯ ತಂಪ್ರತ್ಯಭಿಗಮನಂ॥ 1 ॥ ಕೃಷ್ಣೇನ ತತ್ಸಾಂತ್ವನಂ ತತೋ ಬಲಸ್ಯ ದ್ವಾರಕಾಗಮನಂ॥ 2 ॥ ಯುಧಿಷ್ಠಿರಸ್ಯ ಕೃಷ್ಣೇನ ಭೀಮೇನ ಚ ಸಂಲಾಪಃ॥ 3 ॥Mahabharata - Shalya Parva - Chapter Text
9-61-0 (63574)
ಧೃತರಾಷ್ಟ್ರಾ ಉವಾಚ। 9-61-0x (5236)
ಅಧರ್ಮೇಣ ಹತಂ ದೃಷ್ಟ್ವಾ ರಾಜಾನಂ ಮಾಧವೋತ್ತಮಃ।
ಕಿಮಬ್ರವೀತ್ತದಾ ಸೂತ ಬಲದೇವೋ ಮಹಾಬಲಃ॥ 9-61-1 (63575)
ಗದಾಯುದ್ಧವಿಶೇಷಜ್ಞೋ ಗದಾಯುದ್ಧವಿಶಾರದಃ।
ಕೃತವಾನ್ರೌಹಿಣೇಯೋ ಯತ್ತನ್ಮಮಾಚಕ್ಷ್ವ ಸಂಜಯ॥ 9-61-2 (63576)
ಸಂಜಯ ಉವಾಚ। 9-61-3x (5237)
ಶಿರಸ್ಯಭಿಹತಂ ದೃಷ್ಟ್ವಾ ಭೀಮಸೇನೇನ ತೇ ಸುತಂ।
ರಾಮಃ ಪ್ರಹರತಾಂ ಶ್ರೇಷ್ಠಶ್ಚುಕ್ರೋಧ ಬಲವದ್ಬಲೀ॥ 9-61-3 (63577)
ತತೋ ಮಧ್ಯೇ ನರೇಂದ್ರಾಣಾಮೂರ್ಧ್ವಬಾಹುರ್ಹಲಾಯುಧಃ।
ಕುರ್ವನ್ನಾರ್ತಸ್ವರಂ ಘೋರಂ ಧಿಗ್ಧಿಗ್ಭೀಮೇತ್ಯುವಾಚ ಹ॥ 9-61-4 (63578)
ಅಹೋ ಧಿಗ್ಯದಧೋ ನಾಭೇಃ ಪ್ರಹೃತಂ ಧರ್ಮವಿಗ್ರಹೇ।
ನೈತದ್ದೃಷ್ಟಂ ಗದಾಯುದ್ಧೇ ಕೃತವಾನ್ಯದ್ವೃಕೋದರಃ॥ 9-61-5 (63579)
ಅಧೋ ನಾಭ್ಯಾ ನ ಹಂತವ್ಯಮಿತಿ ಶಾಸ್ತ್ರಸ್ಯ ನಿಶ್ಚಯಃ।
ಅಯಂ ತು ಶಾಸ್ತ್ರಮುತ್ಸೃಜ್ಯ ಸ್ವಚ್ಛಂದಾತ್ಸಂಪ್ರವರ್ತತೇ॥ 9-61-6 (63580)
ತಸ್ಯ ತತ್ತದ್ಬ್ರುವಾಣಸ್ಯ ರೋಷಃ ಸಮಭವನ್ಮಹಾನ್।
[ತತೋ ರಾಜಾನಮಾಲೋಕ್ಯ ರೋಷಸಂರಕ್ತಲೋಚನಃ।
ಬಲದೇವೋ ಮಹಾರಾಜ ತತೋ ವಚನಮಬ್ರವೀತ್॥ 9-61-7 (63581)
ನ ಚೈಷ ಪತಿತಃ ಕೃಷ್ಣ ಕೇವಲಂ ಮತ್ಸಮೋಽಸಮಃ।
ಆಶ್ರಿತಸ್ಯ ತು ದೌರ್ಬಲ್ಯಾದಾಶ್ರಯಃ ಪರಿಭರ್ತ್ಸ್ಯತೇ॥] 9-61-8 (63582)
ತತೋ ಲಾಂಗಲಮುದ್ಯಂಯ ಭೀಮಮಭ್ಯದ್ರವದ್ಬಲೀ॥ 9-61-9 (63583)
ತಸ್ಯೋರ್ಧ್ವಬಾಹೋಃ ಸದೃಶಂ ರೂಪಮಾಸೀನ್ಮಹಾತ್ಮನಃ।
ಬಹುಧಾತುವಿಚಿತ್ರಸ್ಯ ಶ್ವೇತಸ್ಯೇವ ಮಹಾಗಿರೇಃ॥ 9-61-10 (63584)
`ಭ್ರಾತೃಭಿಃ ಸಹಿತೋ ವೀರೈಃ ಸಾರ್ಜುನೈರಸ್ತ್ರಕೋವಿದೈಃ।
ನ ವಿವ್ಯಥೇ ಮಹಾರಾಜ ದೃಷ್ಟ್ವಾ ಹಲಧರಂ ಬಲೀ'॥ 9-61-11 (63585)
ಅಥ ರಾಮಂ ನಿಜಗ್ರಾಹ ಕೇಶವೋ ವಿನಯಾನ್ವಿತಃ।
ಬಾಹುಭ್ಯಾಂ ಪೀನವೃತ್ತಾಭ್ಯಾಂ ಪ್ರಯತ್ನಾದ್ಬಲವದ್ಬಲೀ॥ 9-61-12 (63586)
ಸಿತಾಸಿತೌ ಯದುವರೌ ಶುಶುಭಾತೇಽಧಿಕಂ ತದಾ।
`ಸಂಗತಾವಿವ ರಾಜೇಂದ್ರ ಕೈಲಾಸಾಂಜನಪರ್ವತೌ।
ನಭೋಗತೌ ಯಥಾ ರಾಜಂಶ್ಚಂದ್ರಸೂರ್ಯೌ ದಿನಕ್ಷಯೇ॥ 9-61-13 (63587)
ಉವಾಚ ಚೈನಂ ಸಂರಬ್ಧಂ ಶಮಯನ್ನಿವ ಕೇಶವಃ॥ 9-61-14 (63588)
ಆತ್ಮವೃದ್ಧಿರ್ಮಿತ್ರವೃದ್ಧಿರ್ಮಿತ್ರಮಿತ್ರೋದಯಸ್ತಥಾ।
ವಿಪರೀತಂ ದ್ವಿಷತ್ಸ್ವೇತತ್ಷಡ್ವಿಧಾ ವೃದ್ಧಿರಾತ್ಮನಃ॥ 9-61-15 (63589)
ಆತ್ಮನ್ಯಪಿ ಚ ಮಿತ್ರೇ ಚ ವಿಪರೀತಂ ಯದಾ ಭವೇತ್।
ತದಾ ವಿದ್ಯಾನ್ಮನೋಗ್ಲಾನಿಮಾಶು ಶಾಂತಿಕರೋ ಭವೇತ್॥ 9-61-16 (63590)
ಅಸ್ಮಾಕಂ ಸಹಜಂ ಮಿತ್ರಂ ಪಾಂಡವಾಃ ಶುದ್ಧಪೌರುಷಾಃ।
ಸ್ವಕಾಃ ಪಿತೃಷ್ವಸುಃ ಪುತ್ರಾಸ್ತೇ ಪರೈರ್ನಿಕೃತಾ ಭೃಶಂ॥ 9-61-17 (63591)
ಪ್ರತಿಜ್ಞಾಪಾಲನಂ ಧರ್ಮಃ ಕ್ಷತ್ರಿಯಸ್ಯೇತಿ ವೇತ್ಥ ತತ್॥ 9-61-18 (63592)
ಸುಯೋಧನಸ್ಯ ಗದಯಾ ಭಕ್ತಾಽಸ್ಂಯೂರೂ ಮಹಾಹವೇ।
ಇತಿ ಪೂರ್ವಂ ಪ್ರತಿಜ್ಞಾತಂ ಭೀಮೇನ ಹಿ ಸಭಾತಲೇ॥ 9-61-19 (63593)
ಮೈತ್ರೇಯೇಣಾಭಿಶಪ್ತಶ್ಚ ಪೂರ್ವಮೇವ ಮಹಾರ್ಷಿಣಾ।
ಊರೂ ತೇ ಭೇತ್ಸ್ಯತೇ ಭೀಮೋ ಗದಯೇತಿ ಪರಂತಪ।
ಅತೋ ದೋಷಂ ನ ಪಶ್ಯಾಮಿ ಮಾ ಕ್ರುಧ್ಯಸ್ವ ಪ್ರಲಂಬಹನ್॥ 9-61-20 (63594)
ಯೌನಃ ಸ್ವೈಃ ಸುಖಹಾರ್ದೈಶ್ಚ ಸಂಬಂಧಃ ಸಹ ಪಾಂಡವೈಃ।
ತೇಷಾಂ ವೃದ್ಧ್ಯಾ ಹಿ ವೃದ್ಧಿರ್ನೋ ಮಾ ಕ್ರುಧಃ ಪುರುಷರ್ಷಭ॥ 9-61-21 (63595)
ವಾಸುದೇವವಚಃ ಶ್ರುತ್ವಾ ಸೀರಭೃತ್ಪ್ರಾಹ ಧರ್ಮವಿತ್॥ 9-61-22 (63596)
ಧರ್ಮಶ್ಚ ಧಾರಿತಃ ಸದ್ಭಿಃ ಸ ಚ ದ್ವಾಭ್ಯಾಂ ನಿಯಚ್ಛತಿ।
ಅರ್ಥಶ್ಚಾಪ್ಯತಿಲುಬ್ಧಸ್ಯ ಕಾಮಶ್ಚಾತಿಪ್ರಸಂಗಿಣಃ॥ 9-61-23 (63597)
ಧರ್ಮಾರ್ಥೌ ಧರ್ಮಕಾಮೌ ಚ ಕಾಮಾರ್ಥೌ ಚಾಪ್ಯಪೀಡಯನ್।
ಧರ್ಮಾರ್ಥಕಾಮಾನ್ಯೋಽಭ್ಯೇತಿ ಸೋತ್ಯಂತಂ ಸುಖಮಶ್ನುತೇ॥ 9-61-24 (63598)
ತದಿದಂ ವ್ಯಾಕುಲಂ ಸರ್ವಂ ಕೃತಂ ಧರ್ಮಸ್ಯ ಪೀಡನಾತ್।
ಭೀಮಸೇನೇನ ಗೋವಿಂದ ಕಾಮಂ ತ್ವಂ ತು ಯಥಾಽಽತ್ಥ ಮಾಂ॥ 9-61-25 (63599)
ಕೃಷ್ಣ ಉವಾಚ। 9-61-26x (5238)
ಅರೋಷಣೋ ಹಿ ಧರ್ಮಾತ್ಮಾ ಸತತಂ ಧರ್ಮವತ್ಸಲಃ।
ಭವಾನ್ಪ್ರಖ್ಯಾಯತೇ ಲೋಕೇ ತಸ್ಮಾತ್ಸಂಶಾಂಯ ಮಾ ಕ್ರುಧಃ॥ 9-61-26 (63600)
ಪ್ರಾಪ್ತಂ ಕಲಿಯುಗಂ ವಿದ್ವಿ ಪ್ರತಿಜ್ಞಾಂ ಪಾಂಡವಸ್ಯ ಚ।
ಆನೃಣ್ಯಂ ಯಾತು ವೈರಸ್ಯ ಪ್ರತಿಜ್ಞಾಯಾಶ್ಚ ಪಾಂಡವಃ।
`ತತಃ ಪುರುಷಶಾರ್ದೂಲೋ ಹತ್ವಾ ನೈಕೃತಿಕಂ ರಣೇ॥ 9-61-27 (63601)
ನಿಕೃತ್ಯಾ ನಿಕೃತಿಪ್ರಜ್ಞಂ ಯೋ ಹನ್ಯಾದ್ವೈರಿಣಂ ರಣೇ।
ಅಧರ್ಮೋ ವಿದ್ಯತೇ ನಾತ್ರ ಯದ್ಭೀಮೋ ಹತವಾನ್ರಿಪುಂ॥ 9-61-28 (63602)
ಯುಧ್ಯಮಾನಂ ರಣೇ ವೀರಂ ಕುರುವೃಷ್ಣಿಯಶಸ್ಕರಂ।
ಅನೇನ ಕರ್ಣಃ ಸಂದಿಷ್ಟಃ ಪೃಷ್ಠತೋ ಧನುರಚ್ಛಿನತ್॥ 9-61-29 (63603)
ತತಃ ಸಂಛಿನ್ನಧನ್ವಾನಂ ವಿರಥಂ ಪೌರುಷೇ ಸ್ಥಿತಂ।
ವ್ಯಾಯುಧೀಕೃತ್ಯ ಬಹವಃ ಸೌಭದ್ರಮಪಲಾಯಿನಂ॥ 9-61-30 (63604)
ಜನ್ಮಪ್ರಭೃತಿ ಲುಬ್ಧಶ್ಚ ಪಾಪಾತ್ಮಾ ಚೈಷ ದುರ್ಮತಿಃ।
ನಿಹತೋ ಭೀಮಸೇನೇನ ದುರ್ಬುದ್ಧಿಃ ಕುಲಪಾಂಸನಃ॥ 9-61-31 (63605)
ಪ್ರತಿಜ್ಞಾಂ ಭೀಮಸೇನೇನ ತ್ರಯೋದಶಸಮಾರ್ಜಿತಾಂ।
ಕಿಮರ್ಥಂ ನಾಭಿಜಾನಾತಿ ಯುಧ್ಯಮಾನೋ ಹಿ ಶತ್ರುಭಿಃ॥ 9-61-32 (63606)
ಊರ್ಧ್ವಮಾಕ್ರಂಯ ವೇಗೇನ ಜಿಘಾಂಸಂತಂ ವೃಕೋದರಃ।
ಬಿಭೇದ ಗದಯಾ ಚೋರೂ ನ ಸ್ಥಾನೇ ನ ಚ ಮಂಡಲೇ'॥ 9-61-33 (63607)
ಸಂಜಯ ಉವಾಚ। 9-61-34x (5239)
ಧರ್ಮಚ್ಛಲಮಿಮಂ ಶ್ರುತ್ವಾ ಕೇಶವಾತ್ಸ ವಿಶಾಂಪತೇ।
ನೈವ ಪ್ರೀತಮಾನಾ ರಾಮೋ ವಚನಂ ಪ್ರಾಹ ಸಂಸದಿ॥ 9-61-34 (63608)
ಹತ್ವಾಽಧರ್ಮೇಣ ರಾಜಾನಂ ಧರ್ಮಾತ್ಮಾನಂ ಸುಯೋಧನಂ।
ಜಿಹ್ಮಯೋಧೀತಿ ಲೋಕೇಽಸ್ಮಿನ್ಖ್ಯಾತಿಂ ಯಾಸ್ಯತಿ ಪಾಂಡವಃ॥ 9-61-35 (63609)
ದುರ್ಯೋಧನೋಽಪಿ ಧರ್ಮಾತ್ಮಾ ಗತಿಂ ಯಾಸ್ಯತಿ ಶಾಶ್ವತೀಂ।
ಋಜುಯೋಧೀ ಹತೋ ರಾಜಾ ಧರ್ಮರಾಷ್ಟ್ರೋ ನರಾಧಿಪಃ॥ 9-61-36 (63610)
ಯುದ್ಧದೀಕ್ಷಾಂ ಪ್ರವಿಶ್ಯಾಜೌ ರಣಯಜ್ಞಂ ವಿತತ್ಯ ಚ।
ಹುತ್ವಾಽಽತ್ಮಾನಮಮಿತ್ರಾಗ್ನೌ ಪ್ರಾಪ ಚಾವಭೃಥಂ ಯಶಃ।
`ಸ್ವರ್ಗಂ ಗಂತಾ ಮಹಾರಾಜಃ ಸಸುಹೃಜ್ಜ್ಞಾತಿಬಾಂಧವಃ'॥ 9-61-37 (63611)
ಇತ್ಯುಕ್ತ್ವಾ ರಥಮಾಸ್ಥಾಯ ರೌಹಿಣೇಯಃ ಪ್ರತಾಪವಾನ್।
ಶ್ವೇತಾಭ್ರಶಿಖರಾಕಾರಃ ಪ್ರಯಯೌ ದ್ವಾರಕಾಂ ಪ್ರತಿ॥ 9-61-38 (63612)
ಪಾಂಚಾಲಾಶ್ಚ ಸವಾರ್ಷ್ಣೇಯಾಃ ಪಾಂಡವಾಶ್ಚ ವಿಶಾಂಪತೇ।
ರಾಮೇ ದ್ವಾರವತೀಂ ಯಾತೇ ನಾತಿಪ್ರಮನಸೋಽಭವನ್॥ 9-61-39 (63613)
ತತೋ ಯುಧಿಷ್ಠಿರಂ ದೀನಂ ಚಿಂತಾಪರಮಧೋಮುಖಂ।
ಶೋಕೋಪಹತಸಂಕಲ್ಪಂ ವಾಸುದೇವೋಽಬ್ರವೀದಿದಂ॥ 9-61-40 (63614)
ವಾಸುದೇವ ಉವಾಚ। 9-61-41x (5240)
ಧರ್ಮರಾಜ ಕಿಮರ್ಥಂ ತ್ವಮಧರ್ಮಮನುಮನ್ಯಸೇ।
ಹತಬಂಧೋರ್ಯದೇತಸ್ಯ ಪತಿತಸ್ಯ ವಿಚೇತಸಃ॥ 9-61-41 (63615)
ದುರ್ಯೋಧನಸ್ಯ ಭೀಮೇನ ಮೃದ್ಯಮಾನಂ ಶಿರಃ ಪದಾ।
ಉಪಪ್ರೇಕ್ಷಸಿ ಕಸ್ಮಾತ್ತ್ವಂ ಧರ್ಮಜ್ಞಃ ಸನ್ನರಾಧಿಪ॥ 9-61-42 (63616)
ಯುಧಿಷ್ಠಿರ ಉವಾಚ। 9-61-43x (5241)
ನ ಮಮೈತತ್ಪ್ರಿಯಂ ಕೃಷ್ಣ ಯದ್ರಾಜಾನಂ ವೃಕೋದರಃ।
ಪದಾ ಮೂರ್ಧ್ನ್ಯಸ್ಪೃಶತ್ಕ್ರೋಧಾನ್ನ ಚ ಹೃಷ್ಯೇ ಕುಲಕ್ಷಯೇ॥ 9-61-43 (63617)
ನಿಕೃತ್ಯಾ ನಿಕೃತಾ ನಿತ್ಯಂ ಧೃತರಾಷ್ಟ್ರಸುತೈರ್ವಯಂ।
ಬಹೂನಿ ಪರುಷಾಣ್ಯುಕ್ತ್ವಾ ವನಂ ಪ್ರಸ್ಥಾಪಿತಾ ವಯಂ॥ 9-61-44 (63618)
ಭೀಮಸೇನಸ್ಯ ತದ್ದುಃಖಮತೀವ ಹೃದಿ ವರ್ತತೇ।
ಇತಿ ಸಂಚಿಂತ್ಯ ವಾರ್ಷ್ಣೇಯ ಮಯೈತತ್ಸಮುಪೇಕ್ಷಿತಂ॥ 9-61-45 (63619)
ತಸ್ಮಾದ್ಧತ್ವಾಽಕೃತಪ್ರಜ್ಞಂ ಲುಬ್ಧಂ ಕಾಮವಶಾನುಗಂ।
ಲಭತಾಂ ಪಾಣ಼್ಡವಃ ಕಾಮಂ ಧರ್ಮೋಽಧರ್ಮೋಽಥವಾ ಕೃತಃ॥ 9-61-46 (63620)
ಸಂಜಯ ಉವಾಚ। 9-61-47x (5242)
ಇತ್ಯುಕ್ತವತಿ ಕೌಂತೇಯೇ ಧರ್ಮರಾಜೇ ಯುಧಿಷ್ಠಿರೇ।
ವಾಸುದೇವೋ ಮಹಾಬಾಹುರ್ಯುಧಿಷ್ಠಿರಮಭಾಷತ।
ಕಾಮಮಸ್ತ್ವೇತದಿತಿ ವೈ ಕೃಚ್ಛ್ರಾದ್ಯದುಕುಲೋದ್ವಹಃ॥ 9-61-47 (63621)
ಇತ್ಯುಕ್ತ್ವಾ ವಾಸುದೇವೋಽಪಿ ವಾಯುಪುತ್ರಪ್ರಿಯೇಪ್ಸಯಾ।
ಅನ್ವಮೋದತ ತತ್ಸರ್ವಂ ಯದ್ಭೀಮೇನ ಕೃತಂ ಯುಧಿ॥ 9-61-48 (63622)
`ಅರ್ಜುನೋಽಪಿ ಮಹಾಬಾಹುರಪ್ರೀತೇನಾಂತರಾತ್ಮನಾ।
ನೋವಾಚ ಕಿಂಚಿದ್ವಚನಂ ಭ್ರಾತರಂ ಸಾಧ್ವಸಾಧು ವಾ'॥ 9-61-49 (63623)
ಭೀಮಸೇನೋಽಪಿ ಹತ್ವಾಽಽಜೌ ತವ ಪುತ್ರಮಮರ್ಷಣಃ।
ಅಭಿವಾದ್ಯಾಗ್ರತಃ ಸ್ಥಿತ್ವಾ ಸಂಪ್ರಹೃಷ್ಟಃ ಕೃತಾಂಜಲಿಃ॥ 9-61-50 (63624)
ಪ್ರೋವಾಚ ಸುಮಹಾತೇಜಾ ಧರ್ಮರಾಜಂ ಯುಧಿಷ್ಠಿರಂ।
ಹರ್ಷಾದುತ್ಫುಲ್ಲನಯನೋ ಜಿತಕಾಶೀ ವಿಶಾಂಪತೇ॥ 9-61-51 (63625)
ತವಾದ್ಯ ಪೃಥಿವೀ ಸರ್ವಾ ಕ್ಷೇಮಾ ನಿಹತಕಂಟಕಾ।
ತಾಂ ಪ್ರಶಾಧಿ ಮಹಾರಾಜ ಸ್ವಧರ್ಮಮನುಪಾಲಯ॥ 9-61-52 (63626)
ಯಸ್ತು ಕರ್ತಾಽಸ್ಯ ವೈರಸ್ಯ ನಿಕೃತ್ಯಾ ನಿಕೃತಿಪ್ರಿಯಃ।
ಸೋಽಯಂ ವಿನಿಹತಃ ಶೇತೇ ಪೃಥಿವ್ಯಂ ಪೃಥಿವೀಪತೇ॥ 9-61-53 (63627)
ದುಃಶಾಸನಪ್ರಭೃತಯಃ ಸರ್ವೇ ತೇ ಚೋಗ್ರವಾದಿನಃ।
ರಾಧೇಯಃ ಶಕುನಿಶ್ಚೈವ ಹತಾಶ್ಚ ತವ ಶತ್ರವಃ॥ 9-61-54 (63628)
ಸೇಯಂ ರತ್ನಸಮಾಕೀರ್ಣಾ ಮಹೀ ಸವನಪರ್ವತಾ।
ಉಪಾವೃತ್ತಾ ಮಹಾರಾಜ ತ್ವಾಮದ್ಯ ನಿಹತದ್ವಿಷಂ॥ 9-61-55 (63629)
ಯುಧಿಷ್ಠಿರ ಉವಾಚ। 9-61-56x (5243)
ಗತೋ ವೈರಸ್ಯ ನಿಧನಂ ಹತೋ ರಾಜಾ ಸುಯೋಧನಃ।
ಕೃಷ್ಣಸ್ಯ ಮತಮಾಸ್ಥಾಯ ವಿಜಿತೇಯಂ ವಸುಂಧರಾ॥ 9-61-56 (63630)
ದಿಷ್ಟ್ಯಾ ಗತಸ್ತ್ವಮಾನೃಣ್ಯಂ ಮಾತುಃ ಕೋಪಸ್ಯ ಚೋಭಯೋಃ।
ದಿಷ್ಟ್ಯಾ ಜಯಸಿ ದುರ್ಧರ್ಷ ದಿಷ್ಟ್ಯಾ ಶತ್ರುರ್ನಿಪಾತಿತಃ॥ ॥ 9-61-57 (63631)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಏಕಷಷ್ಟಿತಮೋಽಧ್ಯಾಯಃ॥ 61 ॥
Mahabharata - Shalya Parva - Chapter Footnotes
9-61-15 ಆತ್ಮವೃದ್ಧಿಃ ಶತ್ರುಕ್ಷಯಃ ಸ್ವಮಿತ್ರಸ್ಯ ವೃದ್ಧಿಃ ಶತ್ರುಮಿತ್ರಸ್ಯ ಕ್ಷಯಃ ಸ್ವಮಿತ್ರಮಿತ್ರಸ್ಯ ವೃದ್ಧಿಃ ಶತ್ರುಮಿತ್ರಮಿತ್ರಸ್ಯ ಕ್ಷಯಃ ಏವಂ ಷಡ್ವಿಧಾ ಆತ್ಮನೋ ವೃದ್ಧಿಃ॥ 9-61-16 ಯದಿ ಚೋದಾತ್ಮನೋ ಗ್ಲಾನಿಸ್ತದಾ ಶಾಂತಿಕರ ಇತಿ ಕ.ಪಾಠಃ॥ 9-61-19 ಭಕ್ತಾ ಭಂಕ್ಷ್ಯೇ॥ 9-61-21 ಯೌನಃ ಯೋನಿನಿಮಿತ್ತಃ ಸಂಬಂಧಃ। ಅಸ್ಮಾಕಂ ಪಿತಾಮಹಃ ಪಾಂಡವಾನಾಂ ಮಾತಾಮಹಶ್ಚೈಕ ಇತಿ ಯೌನಸಂಬಂಧಃ॥ 9-61-22 ಸೀರಭೃತ್ ರಾಮಃ॥ 9-61-23 ಧರ್ಮಇತಿ। ನಿಯಚ್ಛತಿ ನಿಯಮಮೇತಿ ಅರ್ಥಕಾಮಾಭ್ಯಾಂ ಧರ್ಮಃ ಸಂಕೋಚಮೇತೀತ್ಸರ್ಥಃ॥ 9-61-24 ಧರ್ಮಾರ್ಥೌ ಕಾಮೇ ನಾಪೀಡಯನ್ ಧರ್ಮಕಾವರ್ಥೇನಾಪೀಡಯನ್ ಕಾಮಾರ್ಥೌ ಧರ್ಮೇಣ ಚಾಪೀಡಯನ್ನಿತ್ಯರ್ಥಃ॥ 9-61-25 ಕಾಮಂ ಯಥೇಷ್ಟಂ ತ್ವಂ ಮಾಂ ಪ್ರತಿ ಉಕ್ತವಾನಸಿ ನತು ಧರ್ಂಯೇ॥ 9-61-27 ಕಲಿಯುಗಾರಂಭೇ ಏತಾವತ್ಪಾಪಂ ನಾತೀವ ಖೇದಾವಹಮಿತಿ ಭಾವಃ॥ 9-61-41 ಅಧರ್ಮಮನುಪಶ್ಯಸೀತಿ ಕ.ಛ.ಪಾಠಃ॥ 9-61-46 ಧರ್ಮೋಽಧರ್ಮೇ ಚ ವಾ ಕೃತೇ ಇತಿ ಝ.ಪಾಠಃ॥ 9-61-62 ಏಕಷಷ್ಟಿತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 062
॥ ಶ್ರೀಃ ॥
9.62. ಅಧ್ಯಾಯಃ 062
Mahabharata - Shalya Parva - Chapter Topics
ಪಾಂಚಾಲಾದಿಭಿರ್ಭೀಮಸ್ತುತಿಃ॥ 1 ॥ ಕೃಷ್ಣಾದುರ್ಯೋಧನಯೋಃ ಪರಸ್ಪರಗರ್ಹಣಂ॥ 2 ॥ ದುರ್ಯೋಧನೇನಾತ್ಮಸ್ತುತೌ ತನ್ಮೂರ್ಧಿ ಗಂಧರ್ವೈಃ ಪುಷ್ಪವರ್ಷಣಂ॥ 3 ॥ ಭೀಷ್ಮಾದಿಮರಣೇನ ದುಃಖಿತಾನಾಂ ಪಾಂಡವಾನಾಂ ಕೃಷ್ಣೇನ ಸಮಾಶ್ವಾಸನಂ॥ 4 ॥Mahabharata - Shalya Parva - Chapter Text
9-62-0 (63632)
ಧೃತರಾಷ್ಟ್ರ ಉವಾಚ। 9-62-0x (5244)
ಹತಂ ದುರ್ಯೋಧನಂ ದೃಷ್ಟ್ವಾ ಭೀಮಸೇನೇನ ಸಂಯುಗೇ।
ಪಾಂಡವಾಃ ಸೃಂಜಯಾಶ್ಚೈವ ಕಿಮಕುರ್ವತ ಸಂಜಯ॥ 9-62-1 (63633)
ಸ಼ಂಜಯ ಉವಾಚ। 9-62-2x (5245)
ಹತಂ ದುರ್ಯೋಧನಂ ದೃಷ್ಟ್ವಾ ಭೀಮಸೇನೇನ ಸಂಯುಗೇ।
ಸಿಂಹೇನೇವ ಮಹಾರಾಜ ಮತ್ತಂ ವನಗಜಂ ಯಥಾ॥ 9-62-2 (63634)
ಪ್ರಹೃಷ್ಟಮನಸಸ್ತತ್ರ ಕೃಷ್ಣೇನ ಸಹ ಪಾಂಡವಾಃ।
ಪಾಂಚಾಲಾಃ ಸೃಂಜಯಾಶ್ಚೈವ ನಿಹತೇ ಕುರುನಂದನೇ।
ಆವಿಧ್ಯನ್ನುತ್ತರೀಯಾಣಿ ಸಿಂಹನಾದಾಂಶ್ಚ ನೇದಿರೇ॥ 9-62-3 (63635)
ನೈತಾನ್ಹರ್ಷಸಮಾವಿಷ್ಟಾನಿಯಂ ಸೇಹೇ ವಸುಂಧರಾ॥ 9-62-4 (63636)
ಧನೂಂಷ್ಯೇಕೇ ವ್ಯಾಕ್ಷಿಪಂತ ಜ್ಯಾಶ್ಚಾಪ್ಯನ್ಯೇ ತಥಾಽಕ್ಷಿಪನ್।
ದಧ್ಮುರನ್ಯೇ ಮಹಾಶಂಖಾನನ್ಯೇ ಜಘ್ನುಶ್ಚ ದುಂದುಭೀನ್॥ 9-62-5 (63637)
ಚಿಕೀಡುಶ್ಚ ತಥೈವಾನ್ಯೇ ಜಹಸುಶ್ಚ ತವಾಹಿತಾಃ।
ಅಬ್ರುವಂಶ್ಚಾಸಕೃದ್ವೀರಾ ಭೀಮಸೇನಮಿದಂ ವಚಃ॥ 9-62-6 (63638)
ದುಷ್ಕರಂ ಭವತಾ ಕರ್ಮ ರಣೇಽದ್ಯ ಸುಮಹತ್ಕೃತಂ।
ಕೌರವೇಯಂ ರಣೇ ಹತ್ವಾ ಗದಯಾಽತಿಕೃತಶ್ರಮಂ॥ 9-62-7 (63639)
ಇಂದ್ರೇಣೇವ ಹಿ ವೃತ್ರಸ್ಯ ವಧಂ ಪರಮಸಂಯುಗೇ।
ತ್ವಯಾ ಕೃತಮಮನ್ಯಂತ ಶತ್ರೋರ್ವಧಮಿಮಂ ಜನಾಃ॥ 9-62-8 (63640)
ಚರಂತಂ ವಿವಿಧಾನ್ಮಾರ್ಗಾನ್ಮಂಡಲಾನಿ ಚ ಸರ್ವಶಃ।
ದುರ್ಯೋಧನಮಿಮಂ ಶೂರಂ ಕೋಽನ್ಯೋ ಹನ್ಯಾದ್ವೃಕೋದರಾತ್॥ 9-62-9 (63641)
ವೈರಸ್ಯ ಚ ಗತಃ ಪಾರಂ ತ್ವಮಿಹಾನ್ಯೈಃ ಸುದುರ್ಗಮಂ।
ಅಶಕ್ಯಮೇತದನ್ಯೇನ ಸಂಪಾದಯಿತುಮೀದೃಶಂ॥ 9-62-10 (63642)
ಕುಂಜರೇಣೇವ ಮತ್ತೇನ ವೀರಸಂಗ್ರಾಮಮೂರ್ಧನಿ।
ದುರ್ಯೋಧಪಶಿರೋ ದಿಷ್ಟ್ಯಾ ಪಾದೇನ ಮೃದಿತಂ ತ್ವಯಾ॥ 9-62-11 (63643)
ಸಿಂಹೇನ ಮಹಿಷಸ್ಯೇವ ಕೃತ್ವಾ ಸಂಗರಮುತ್ತಮಂ।
ದುಃಶಾಸನಸ್ಯ ರುಧಿರಂ ದಿಷ್ಟ್ಯಾ ಪೀತಂ ತ್ವಯಾಽನಘ॥ 9-62-12 (63644)
ಯೇ ವಿಪ್ರಕುರ್ವನ್ರಾಜಾನಂ ಧರ್ಮಾತ್ಮಾನಂ ಯುಧಿಷ್ಠಿರಂ।
ಮೂರ್ಧ್ನಿ ತೇಷಾಂ ಕೃತಃ ಪಾದೋ ದಿಷ್ಟ್ಯಾ ತೇ ಸ್ವೇನ ಕರ್ಮಣಾ॥ 9-62-13 (63645)
ಅಮಿತ್ರಾಣಾಮಧಿಷ್ಠಾನಾದ್ವಧಾದ್ದುರ್ಯೋಧನಸ್ಯ ಚ।
ಭೀಮ ದಿಷ್ಟ್ಯಾ ಪೃಥಿವ್ಯಾಂ ತೇ ಪ್ರಥಿತಂ ಸುಮಹದ್ಯಶಃ॥ 9-62-14 (63646)
ಏವಂ ನೂನಂ ಹತೇ ವೃತ್ರೇ ಶಕ್ರಂ ನಂದಂತಿ ಬಂದಿನಃ।
ತಥಾ ತ್ವಾಂ ನಿಹತಾಮಿತ್ರಂ ವಯಂ ನಂದಾಮ ಭಾರತ॥ 9-62-15 (63647)
ದುರ್ಯೋಧನವಧೇ ಯಾನಿ ರೋಮಾಣಿ ಹೃಷಿತಾನಿ ನಃ।
ಅದ್ಯಾಪಿ ನ ವಿಕೃಷ್ಯಂತೇ ತಾನಿ ತದ್ವಿದ್ಧಿ ಭಾರತ।
ಇತ್ಯಬ್ರುನ್ಭೀಮಸೇನಂ ವಾತಿಕಾಸ್ತತ್ರ ಸಂಗತಾಃ॥ 9-62-16 (63648)
ತಾನ್ಹೃಷ್ಟಾನ್ಪುರುಷವ್ಯಾಘ್ರಾನ್ಪಾಂಚಾಲಾನ್ಪಾಂಡವೈಃ ಸಹ।
ಬ್ರುವತೋಽಸದೃಶಂ ತತ್ರ ಪ್ರೋವಾಚ ಮಧುಸೂದನಃ॥ 9-62-17 (63649)
ನ ನ್ಯಾಯ್ಯಂ ನಿಹತಂ ಶತ್ರುಂ ಭೂಯೋ ಹಂತುಂ ನರಾಧಿಪಾಃ।
ಅಸಕೃದ್ವಾಗ್ಭಿರುಗ್ರಾಭಿರ್ನಿಹತೋ ಹ್ಯೇಷ ಮಂದಧೀಃ॥ 9-62-18 (63650)
ತದೈವೈಷ ಹತಃ ಪಾಪೋ ಯದೈವ ನಿರಪತ್ರಪಃ।
ಲುಬ್ಧಃ ಪಾಪಸಹಾಯಶ್ಚ ಸುಹೃದಾಂ ಶಾಸನಾತಿಗಃ॥ 9-62-19 (63651)
ಬಹುಶೋ ವಿದುರದ್ರೋಣಕೃಪಗಾಂಗೇಯಸೃಂಜಯೈಃ।
ಪಾಂಡುಭ್ಯಃ ಪ್ರಾರ್ಥ್ಯಮಾನೋಽಪಿ ಪಿತ್ರ್ಯಮಂಶಂ ನ ದತ್ತವಾನ್॥ 9-62-20 (63652)
ನೈವ ತೇಭ್ಯೋಽದ್ಯ ಮಿತ್ರಂ ವಾ ಶತ್ರುರ್ವಾ ಪುರುಷಾಧಮಃ।
ಕಿಮನೇನ ವಿತುನ್ನೇನ ವಾಗ್ಭಿಃ ಕಾಷ್ಠಸಧರ್ಮಣಾ॥ 9-62-21 (63653)
ರಥೇಷ್ವಾರೋಹತ ಕ್ಷಿಪ್ರಂ ಗಚ್ಛಾಮೋ ವಸುಧಾಧಿಪಾಃ।
ದಿಷ್ಟ್ಯಾ ಹತೋಽಯಂ ಪಾಪಾತ್ಮಾ ಸಾಮಾತ್ಯಜ್ಞಾತಿಬಾಂಧವಃ॥ 9-62-22 (63654)
ಇತಿ ಶ್ರುತ್ವಾ ತ್ವಧಿಕ್ಷೇಪಂ ಕೃಷ್ಣಾದ್ದುರ್ಯೋಧನೋ ನೃಪಃ।
ಅಮರ್ಷವಶಮಾಪನ್ನ ಉದತಿಷ್ಠದ್ವಿಶಾಂಪತೇ॥ 9-62-23 (63655)
ಸ್ಫಿಗ್ದೇಶೇನೋಪವಿಷ್ಟಃ ಸ ದೋರ್ಭ್ಯಾಂ ವಿಷ್ಟಭ್ಯ ಮೇದಿನೀಂ।
ದೃಷ್ಟಿಂ ಭ್ರೂಸಂಕಟಾಂ ಕೃತ್ವಾ ವಾಸುದೇವೇ ನ್ಯಪಾತಯತ್॥ 9-62-24 (63656)
ಅರ್ಧೋನ್ನತಶರೀರಸ್ಯ ರೂಪಮಾಸೀನ್ನೃಪಸ್ಯ ತು।
ಕ್ರುದ್ಧಸ್ಯಾಶೀವಿಷಸ್ಯೇವ ಚ್ಛಿನ್ನಪುಚ್ಛಸ್ಯ ಭೋಗಿನಃ॥ 9-62-25 (63657)
ಪ್ರಾಣಾಂತಕರಿಣೀಂ ಘೋರಾಂ ವೇದನಾಮಪ್ಯಚಿಂತಯನ್।
ದುರ್ಯೋಧನೋ ವಾಸುದೇವಂ ವಾಗ್ಭಿರುಗ್ರಾಭಿರಾರ್ದಯತ್॥ 9-62-26 (63658)
ಕಂಸದಾಸಸ್ಯ ದಾಯಾದ ನ ತೇ ಲಜ್ಜಾಽಸ್ತ್ಯನೇನ ವೈ।
ಅಧರ್ಮೇಣ ಗದಾಯುದ್ಧೇ ಯದರ್ಹಂ ವಿನಿಪಾತಿತಃ।
ಊರೂಭಿಂಧೀತಿ ಭೀಮಸ್ಯ ಸ್ಮೃತಿಂ ಮಿಥ್ಯಾಪ್ರಯಚ್ಛತಾ॥ 9-62-27 (63659)
ಕಿಂ ನ ವಿಜ್ಞಾತಮೇತನ್ಮೇ ಯದರ್ಜುನಮವೋಚಥಾಃ।
ಘಾತಯಿತ್ವಾ ಮಹೀಪಾಲಾನೃಜುಯುದ್ಧಾನ್ಸಹಸ್ರಶಃ।
ಜಿಹ್ಮೈರುಪಾಯೈರ್ಬಹುಭಿರ್ನ ತೇ ಲಜ್ಜಾ ನ ತೇ ಘೃಣಾ॥ 9-62-28 (63660)
ಅಹನ್ಯಹನಿ ಶೂರಾಣಾಂ ಕುರ್ವಾಣಃ ಕದನಂ ಮಹತ್।
ಶಿಖಂಡಿನಂ ಪುರಸ್ಕೃತ್ಯ ಘಾತಿತಸ್ತೇ ಪಿತಾಮಹಃ॥ 9-62-29 (63661)
ಅಶ್ವತ್ಥಾಂನಃ ಸನಾಮಾನಂ ಹತ್ವಾ ನಾಗಂ ಸುದುರ್ಮತೇ।
ಆಚಾರ್ಯೋ ನ್ಯಾಸಿತಃ ಶಸ್ತ್ರಂ ಕಿಂ ತನ್ನ ವಿದಿತಂ ಮಯಾ॥ 9-62-30 (63662)
ಸ ಚಾನೇನ ನೃಶಂಸೇನ ಧೃಷ್ಟದ್ಯುಂನೇನ ವೀರ್ಯವಾನ್।
ಪಾತ್ಯಮಾನಸ್ತ್ವಯಾ ದೃಷ್ಟೋ ನ ಚೈನಂ ತ್ವಮವಾರಯಃ॥ 9-62-31 (63663)
ವಧಾರ್ಥಂ ಪಾಂಡುಪುತ್ರಸ್ಯ ಯಾಚಿತಾಂ ಶಕ್ತಿಮೇವ ಚ।
ಘಟೋತ್ಕಚೇ ವ್ಯಂಸಯತಃ ಕಸ್ತ್ವತ್ತಃ ಪಾಪಕೃತ್ತಮಃ॥ 9-62-32 (63664)
ಛಿನ್ನಹಸ್ತಃ ಪ್ರಾಯಗತಸ್ತಥಾ ಭೂರಿಶ್ರವಾ ಬಲೀ।
ತ್ವಯಾಽಭಿಸೃಷ್ಟೇನ ಹತಃ ಶೈನೇಯೇನ ದುರಾತ್ಮನಾ॥ 9-62-33 (63665)
ಕುರ್ವಾಣಶ್ಚೋತ್ತಮಂ ಕರ್ಮ ಕರ್ಣಃ ಪಾರ್ಥಜಿಗೀಷಯಾ।
ವ್ಯಂಸನೇನಾಶ್ವಸೇನಸ್ಯ ಪನ್ನಗೇಂದ್ರಸ್ಯ ವೈ ಪುನಃ॥ 9-62-34 (63666)
ಪುನಶ್ಚ ಪತಿತೇ ಚಕ್ರೇ ವ್ಯಸನಾರ್ತಃ ಪರಾಜಿತಃ।
ಪಾಪಿತಃ ಸಮರೇ ಕರ್ಣಶ್ಚಕ್ರವ್ಯಾಗ್ರೋಽಗ್ರಣೀರ್ನೃಣಾಂ॥ 9-62-35 (63667)
ಯದಿ ಮಾಂ ಚಾಪಿ ಕರ್ಣಂ ಚ ಭೀಷ್ಮದ್ರೋಣೌ ಚ ಸಂಯುಗೇ।
ಋಜುನಾ ಪ್ರತಿಯುಧ್ಯೇಥಾ ನ ತೇ ಸ್ಯಾದ್ವಿಜಯೋ ಧ್ರುವಂ॥ 9-62-36 (63668)
ತ್ವಯಾ ಪುನರನಾರ್ಯೇಣ ಜಿಹ್ಮಮಾರ್ಗೇಣ ಪಾರ್ಥಿವಾಃ।
ಸ್ವಧರ್ಮಮನುತಿಷ್ಠಂತೋ ವಯಂ ಚಾನ್ಯೇ ಚ ಘಾತಿತಾಃ॥ 9-62-37 (63669)
`ತ್ವಯಾ ಮಾಯಾವಿನಾ ಕೃಷ್ಣ ಮಾಯಾಂ ಕರ್ಮಪ್ರಮೋಷಿಣೀಂ।
ಕೃತ್ವಾ ಹತಃ ಸಿಂಧುಪತಿಃ ಕಿಂ ತನ್ನ ವಿದಿತಂ ಮಮ'॥ 9-62-38 (63670)
ವಾಸುದೇವ ಉವಾಚ। 9-62-39x (5246)
ಹತಸ್ತ್ವಮಸಿ ಗಾಂಧಾರೇ ಸಭ್ರಾತೃಸುತಬಾಂಧವಃ।
ಸಗಣಃ ಸಸುಹೃಚ್ಚೈವ ಪಾಪಂ ಮಾರ್ಗಮನುಷ್ಠಿತಃ॥ 9-62-39 (63671)
ತವೈವ ದುಷ್ಕೃತೈರ್ವೀರೌ ಭೀಷ್ಮದ್ರೋಣೌ ನಿಪಾತಿತೌ।
ಕರ್ಣಶ್ಚ ನಿಹತಃ ಸಂಖ್ಯೇ ತವ ಶೀಲಾನುವರ್ತಕಃ॥ 9-62-40 (63672)
ಯಾಚ್ಯಮಾನಂ ಮಯಾ ಮೂಢ ಪಿತ್ರ್ಯಮಂಶಂ ನ ದಿತ್ಸಸಿ।
ಪಾಂಡವೇಭ್ಯಃ ಸ್ವರಾಜ್ಯಂ ಚ ಲೋಭಾಚ್ಛಕುನಿನಿಶ್ಚಯಾತ್॥ 9-62-41 (63673)
ವಿಷಂ ತೇ ಭೀಮಸೇನಾಯ ದತ್ತಂ ಸರ್ವೇ ಚ ಪಾಂಡವಾಃ।
ಪ್ರದೀಪಿತಾ ಜತುಗೃಹೇ ಮಾತ್ರಾ ಸಹ ಸುದುರ್ಮತೇ॥ 9-62-42 (63674)
ಸಭಾಯಾಂ ಯಾಜ್ಞಸೇನೀ ಚ ಕೃಷ್ಟಾ ದ್ಯೂತೇ ರಜಸ್ವಲಾ।
ತದೈವ ತಾವದ್ದುಷ್ಟಾತ್ಮನ್ವಧ್ಯಸ್ತ್ವಂ ನಿರಪತ್ರಪ॥ 9-62-43 (63675)
ಅನಕ್ಷಜ್ಞಂ ಚ ಧರ್ಮಜ್ಞಂ ಸೌಬಲೇನಾಕ್ಷವೇದಿನಾ।
ನಿಕೃತ್ಯಾ ಯತ್ಪರಾಜೈಷೀಸ್ತಸ್ಮಾದಸಿ ಹತೋ ರಣೇ॥ 9-62-44 (63676)
ಜಯದ್ರಥೇನ ಪಾಪೇನ ಯತ್ಕೃಷ್ಣಾ ಕ್ಲೇಶಿತಾ ವನೇ।
ಯಾತೇಷು ಮೃಗಯಾಂ ಚೈವ ತೃಣಬಿಂದೋರಥಾಶ್ರಮಂ॥ 9-62-45 (63677)
ಅಭಿಮನ್ಯುಶ್ಚ ಯದ್ಬಾಲ ಏಕೋ ಬಹುಭಿರಾಹವೇ।
ತ್ವದ್ದೋಷೈರ್ನಿಹತಃ ಪಾಪ ತಸ್ಮಾದಸಿ ಹತೋ ರಣೇ॥ 9-62-46 (63678)
`ಕುರ್ವಾಣಂ ಕರ್ಮ ಸಮರೇ ಪಾಂಡವಾನರ್ಥಕಾಂಕ್ಷಿಣಂ।
ಯಚ್ಛಿಖಂಡ್ಯವಧೀದ್ಭೀಷ್ಮಂ ಮಿತ್ರಾರ್ಥೇ ನ ವ್ಯತಿಕ್ರಮಃ॥ 9-62-47 (63679)
ಸ್ವಧರ್ಮಂ ಪೃಷ್ಠತಃ ಕೃತ್ವಾ ಆಚಾರ್ಯಸ್ತ್ವತ್ಪ್ರಿಯೇಪ್ಸಯಾ।
ಪಾರ್ಷತೇನ ಹತಃ ಸಂಖ್ಯೇ ವರ್ತಮಾನೋಽಸತಾಂ ಪಥಿ॥ 9-62-48 (63680)
ಪ್ರತಿಜ್ಞಾಮಾತ್ಮನಃ ಸತ್ಯಾಂ ಚಿಕೀರ್ಷನ್ಸಮರೇ ನಿಪುಂ।
ಹತವಾನ್ಸಾತ್ವತೋ ವಿದ್ವಾನ್ಸೌಮದತ್ತಿಂ ಮಹಾರಥಂ॥ 9-62-49 (63681)
ಅರ್ಜುನಃ ಸಮರೇ ರಾಜನ್ಯುಧ್ಯಮಾನಃ ಕದಾಚನ।
ನಿಂದಿತಂ ಪುರುಷವ್ಯಾಘ್ರಃ ಕರೋತಿ ನ ಕಥಂಚನ॥ 9-62-50 (63682)
ಲಬ್ಧ್ವಾಽಪಿ ಬಹುಧಾ ಛಿದ್ರಂ ವೀರವೃತ್ತಮನುಸ್ಮರನ್।
ನಿಜಘಾನ ರಣೇ ಕರ್ಣಂ ಮೈವಂ ವೋಚಃ ಸುದುರ್ಮತೇ॥ 9-62-51 (63683)
ದೇವಾನಾಂ ಮತಮಾಜ್ಞಾಯ ತೇಷಾಂ ಪ್ರಿಯಹಿತೇಪ್ಸಯಾ।
ಅರ್ಜುನಸ್ಯ ಮಹಾನಾಗಂ ಮಯಾ ವ್ಯಂಸಿತಮಸ್ತ್ರಜಂ॥ 9-62-52 (63684)
ತ್ವಂ ಚ ಭೀಷ್ಮಶ್ಚ ಕರ್ಣಶ್ಚ ದ್ರೋಣೋ ದ್ರೌಣಾಯನಿಸ್ತಥಾ।
ವಿರಾಟನಗರೇ ತಸ್ಯ ಹ್ಯಾನೃಶಂಸ್ಯೇನ ಜೀವಿತಾಃ॥ 9-62-53 (63685)
ಸ್ಮರ ಪಾರ್ಥಸ್ಯ ವಿಕ್ರಾಂತಂ ಗಂಧರ್ವೇಷು ಕೃತಂ ತಥಾ।
ಅಧರ್ಮಂ ನಾತ್ರ ಗಾಂಧಾರೇ ಪಾಂಡವೈರ್ಯತ್ಕೃತಂ ತ್ವಯಿ॥ 9-62-54 (63686)
ಸ್ವಬಾಹುಬಲಮಾಸ್ಥಾಯ ಸ್ವಧರ್ಮೇಣ ಪರಂತಪಾಃ।
ಜಿತವಂತೋ ರಣೇ ವೀರಾಃ ಪಾಪೋಸಿ ನಿಧನಂ ಗತಃ'॥ 9-62-55 (63687)
[ಯಾನ್ಯಕಾರ್ಯಾಣಿ ಚಾಸ್ಮಾಕಂ ಕೃತಾನಿತಿ ಪ್ರಭಾಷಸೇ।
ವೈಗುಣ್ಯೇನ ತವಾತ್ಯರ್ಥಂ ಸರ್ವಂ ಹಿ ತದನುಷ್ಠಿತಂ॥ 9-62-56 (63688)
ಬೃಹಸ್ಪತೇರುಶನಸೋ ನೋಪದೇಶಃ ಶ್ರುತಸ್ತ್ವಯಾ।
ವೃದ್ಧಾ ನೋಪಾಸಿತಾಶ್ಚೈವ ಹಿತಂ ವಾಕ್ಯಂ ನ ತೇ ಶ್ರುತಭ್॥ 9-62-57 (63689)
ಲೋಭೇನಾತಿಬಲೇನ ತ್ವಂ ತೃಷ್ಣಯಾ ಚ ವಶೀಕೃತಃ।
ಕೃತವಾನಸ್ಯಕಾರ್ಯಾಣಿ ವಿಪಾಕಸ್ತಸ್ಯ ಭುಜ್ಯತಾಂ॥] 9-62-58 (63690)
ದುರ್ಯೋಧನ ಉವಾಚ। 9-62-59x (5247)
ಅಧೀತಂ ವಿಧಿವದ್ದತ್ತಂ ಭೂಃ ಪ್ರಭುಕ್ತಾ ಸಸಾಗರಾ।
ಮೂರ್ಧ್ನಿ ಸ್ಥಿಮಮಿತ್ರಾಣಾಂ ಕೋ ನು ಸ್ವಂತತರೋ ಮಯಾ॥ 9-62-59 (63691)
ಯದಿಷ್ಟಂ ಕ್ಷತ್ರಬಂಧೂನಾಂ ಸ್ವಧರ್ಮಮನುಪಶ್ಯತಾಂ।
ತದಿದಂ ನಿಧನಂ ಪ್ರಾಪ್ತಂ ಕೋ ನು ಸ್ವಂತತರೋ ಮಯಾ॥ 9-62-60 (63692)
ದೇವಾರ್ಹಾ ಮಾನುಷಾ ಭೋಗಾಃ ಪ್ರಾಪ್ತಾ ಅಸುಲಭಾ ನೃಪೈಃ।
ಐಶ್ವರ್ಯಂ ಚೋತ್ತಮಂ ಪ್ರಾಪ್ತಂ ಕೋ ನು ಸ್ವಂತತರೋ ಮಯಾ॥ 9-62-61 (63693)
ಸಸುಹೃತ್ಸಾನುಬಂಧಸ್ಚ ಸ್ವರ್ಗಂ ಗಂತಾಽಹಮಚ್ಯುತ।
ಯೂಯಂ ಗರ್ಹಿತಸಂಕಲ್ಪಾಃ ಶೋಚಂತೋ ವರ್ತಯಿಷ್ಯಥ॥ 9-62-62 (63694)
`ನ ಮೇ ವಿಷಾದೋ ಭೀಮೇನ ಪಾದೇನ ಶಿರ ಆಹತಂ।
ಕಾಕಾ ವಾ ಕಂಕಗೃಧ್ರಾ ವಾ ನಿಧಾಸ್ಯಂತಿ ಪದಂ ಕ್ಷಣಾತ್'॥ 9-62-63 (63695)
ಸಂಜಯ ಉವಾಚ। 9-62-64x (5248)
ಅಸ್ಯ ವಾಕ್ಯಸ್ಯ ನಿಧನೇ ಕುರುರಾಜಸ್ಯ ಧೀಮತಃ।
ಅಪತತ್ಸುಮಹದ್ವರ್ಷಂ ಪುಷ್ಪಾಣಾಂ ಪುಣ್ಯಗಂಧಿನಾಂ॥ 9-62-64 (63696)
ಅವಾದಯಂತ ಗಂಧರ್ವಾ ವಾದಿತ್ರಂ ಸುಮನೋಹರಂ॥ 9-62-65 (63697)
ಜಗುಶ್ಚಾಪ್ಸರಸೋ ರಾಜ್ಞೋ ಯಶಃ ಸಂಬದ್ಧಮೇವ ಚ।
ಸಿದ್ಧಾಶ್ಚ ಮುಮುಚುರ್ವಾಚಃ ಸಾಧುಸಾಧ್ವಿತಿ ಪಾರ್ಥಿವ॥ 9-62-66 (63698)
ವವೌ ಚ ಸುರಭಿರ್ವಾಯುಃ ಪುಣ್ಯಗಂಧೋ ಮೃದುಃಸುಖಃ।
ವ್ಯರಾಜಂಶ್ಚ ದಿಶಃ ಸರ್ವಾ ನಭೋ ವೈದೂರ್ಯಸನ್ನಿಭಂ॥ 9-62-67 (63699)
ಅತ್ಯದ್ಭುತಾನಿ ತೇ ದೃಷ್ಟ್ವಾ ವಾಸುದೇವಪುರೋಗಮಾಃ।
ದುರ್ಯೋಧನಸ್ಯ ಪೂಜಾಂ ತು ದೃಷ್ಟ್ವಾ ವ್ರೀಡಾಮುಪಾಗಮನ್॥ 9-62-68 (63700)
ಹತಾಂಶ್ಚಾಧರ್ಮತಃ ಶ್ರುತ್ವಾ ಶೋಕಾರ್ತಾಃ ಶುಶುಚುರ್ಹಿ ತೇ।
ಭೀಷ್ಮಂ ದ್ರೋಣಂ ತಥಾ ಕರ್ಣಂ ಭೂರಿಶ್ರವಸಮೇವ ಚ॥ 9-62-69 (63701)
ತಾಂಸ್ತು ಚಿಂತಾಪರಾಂದೃಷ್ಟ್ವಾ ಪಾಂಡವಾಂದೀನಚೇತಸಃ।
ಪ್ರೋವಾಚೇದಂ ವಚಃ ಕೃಷ್ಣೋ ಮೇಘದುಂದುಭಿನಿಸ್ವನಃ॥ 9-62-70 (63702)
ನೈಷ ಶಕ್ಯೋಽತಿಶೀಘ್ರಾಸ್ತ್ರಸ್ತೇ ಚ ಸರ್ವೇ ಮಹಾರಥಾಃ।
ಋಜುಯುದ್ಧೇನ ವಿಕ್ರಾಂತಾ ಹಂತುಂ ಯುಷ್ಮಾಭಿರಾಹವೇ॥ 9-62-71 (63703)
ಉಪಾಯಾನ್ನಿಹತಾ ಹ್ಯೇತೇ ಮಯಾ ತಸ್ಮಾನ್ನರಾಧಿಪಾಃ।
ಅನ್ಯಥಾ ಪಾಂಡವೇಯಾನಾಂ ನಾಭವಿಷ್ಯಜ್ಜಯಃ ಕ್ವಚಿತ್॥ 9-62-72 (63704)
ತೇ ಹಿ ಸರ್ವೇ ಮಹೇಷ್ವಾಸಾಶ್ಚತ್ವಾರೋಽತಿರಥಾ ಮುವಿ।
ಅಶಕ್ಯಾ ಧರ್ಮತೋ ಹಂತುಂ ಲೋಕಪಾಲೈರಪಿ ಸ್ವಯಂ॥ 9-62-73 (63705)
ತಥೈವಾಯಂ ಗದಾಪಾಣಿರ್ಧಾರ್ತರಾಷ್ಟ್ರೋ ಗತಶ್ರಮಃ।
ಅಶಕ್ಯೋ ಧರ್ಮತೋ ಹಂತುಂ ಕಾಲೇನಾಪಿ ದಿ ದಂಡಿನಾ॥ 9-62-74 (63706)
ನೈತನ್ಮನಸಿ ಕರ್ತವ್ಯಂ ಯದಯಂ ನಿಹತೋ ನೃಪಃ।
ಮಿಥ್ಯಾಚರ್ಯಾಚ್ಛಲೋಪಾಯೈರ್ಬಹವಃ ಶತ್ರವೋ ಹತಾಃ॥ 9-62-75 (63707)
ಪೂರ್ವೈರನುಗತೋ ಮಾರ್ಗೋ ದೇವೈರಸುರಘಾತಿಭಿಃ।
ಸದ್ಭಿಶ್ಚಾನುಗತಃ ಪಂಥಾಃ ಸರ್ವೈರನುಗಮಿಷ್ಯತೇ॥ 9-62-76 (63708)
`ಏವಂ ವಿಧಾತ್ರಾ ವಿಹಿತಂ ಸ್ವಯಮೇಷಾಂ ಮಹಾತ್ಮನಾಂ।
ದೈವಂ ಪುರುಷಕಾರೇಣ ನ ಶಕ್ಯಮತಿವರ್ತಿತುಂ॥ 9-62-77 (63709)
ಭೂತಂ ಭವ್ಯಂ ಭವಿಷ್ಯಚ್ಚ ನಿಮೇಷಾದ್ಯೋ ಹನಿಷ್ಯತಿ।
ಕೃತಾಂತಮನ್ಯಥಾ ಕರ್ತುಂ ನೇಚ್ಛೇತ್ಸೋಽಯಂ ಧನಂಜಯ॥' 9-62-78 (63710)
ಕೃತಕೃತ್ಯಾಃ ಸ್ಮ ಸಾಯಾಹ್ನೇ ನಿವಾಸಂ ರೋಚಯಾಮಹೇ।
ಸಾಶ್ವನಾಗರಥಾಃ ಸರ್ವೇ ವಿಶ್ರಾಂಯಂತು ನರಾಧಿಪಾಃ॥ 9-62-79 (63711)
ವಾಸುದೇವವಚಃ ಶ್ರುತ್ವಾ ತದಾನೀಂ ಪಾಂಡವೈಃ ಸಹ।
ಪಾಂಚಾಲಾ ಭೃಶಸಂಹೃಷ್ಟಾ ವಿನೇದುಃ ಸಿಂಹಸಂಘವತ್॥ 9-62-80 (63712)
ತತಃ ಪ್ರಾಧ್ಮಾಪಯಚ್ಛಂಖಂ ಪಾಂಚಜನ್ಯಂ ಜನಾರ್ದನಃ।
`ದೇವದತ್ತಂ ಪ್ರಹೃಷ್ಟಾತ್ಮಾ ಶಂಖಪ್ರವರಮರ್ಜುನಃ॥ 9-62-81 (63713)
ಅನಂತವಿಜಯಂ ರಾಜಾ ಕುಂತೀಪುತ್ರೋ ಯುಧಿಷ್ಠಿರಃ।
ಪೋಂಡ್ರಂ ದಧ್ಮೌ ಮಹಾಶಂಖಂ ಭೀಮಕರ್ಮಾ ವೃಕೋದರಃ॥ 9-62-82 (63714)
ನಕುಲಃ ಸಹದೇವಶ್ಚ ಸುಘೋಷಮಣಿಪುಷ್ಪಕೌ।
ಧೃಷ್ಟದ್ಯುಂನಸ್ತಥಾ ಜೈತ್ರಂ ಸಾತ್ಯಕಿರ್ನಂದಿವರ್ಧನಂ॥ 9-62-83 (63715)
ತೇಷಾಂ ನಾದೇನ ಮಹತಾ ಶಂಖಾನಾಂ ಭರತರ್ಷಭ।
ಆಪುಪೂರೇ ನಭಃ ಸರ್ವಂ ಪೃಥಿವೀ ಚ ಚಚಾಲ ಹ॥ 9-62-84 (63716)
ತತಃ ಶಂಖಾಶ್ಚ ಭೇರ್ಯಶ್ಚ ಪಣವಾನಕಗೋಮುಖಾಃ।
ಪಾಂಡುಸೈನ್ಯೇಷ್ವವಾದ್ಯಂತ ಸ ಶಬ್ದಸ್ತುಮುಲೋಽಭವತ್॥ 9-62-85 (63717)
ಅಸ್ತುವನ್ಪಾಂಡವಾನನ್ಯೇ ನಿರ್ಭೀಶ್ಚ ಸ್ತುತಿಮಂಗಲೈಃ'।
ಹೃಷ್ಟಾ ದುರ್ಯೋಧನಂ ದೃಷ್ಟ್ವಾ ನಿಹತಂ ಪುರುಷರ್ಷಭಾಃ॥ ॥ 9-62-86 (63718)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ದ್ವಿಷಷ್ಟಿತಮೋಽಧ್ಯಾಯಃ॥ 62 ॥
Mahabharata - Shalya Parva - Chapter Footnotes
9-62-21 ನೈಷ ಯೋಗ್ಯೋಽದ್ಯ ಮಿತ್ರಂ ವೇತಿ ಝ.ಪಾಠಃ॥ 9-62-62 ದ್ವಿಷಷ್ಟಿತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 063
॥ ಶ್ರೀಃ ॥
9.63. ಅಧ್ಯಾಯಃ 063
Mahabharata - Shalya Parva - Chapter Topics
ಪಾಂಚಾಲಾದಿಷು ಸ್ವಸ್ವಶಿಬಿರಾಣ್ಯುಪಗತೇಷು ಪಾಂಡವೈರ್ದುರ್ಯೋಧನಶಿಬಿರಮೇತ್ಯ ಸ್ವಸ್ವರಥೇಭ್ಯೋಽವತರಣಂ॥ 1 ॥ ಕೃಷ್ಣೇ ರಥಾತ್ಪ್ರಥಮಂ ಪಾರ್ಥಮವತಾರ್ಥ ಪಶ್ಚಾತ್ಸ್ವಯಮಪ್ಯವತೀರ್ಣೇ ಅಗ್ನಿನಾ ತದ್ಗ್ರಥಸ್ಯ ಭಸ್ಮೀಕರಣಂ॥ 2 ॥ ಕೃಷ್ಣೇನಾರ್ಜುನಂಪ್ರತಿ ರಥದಾಹಸ್ಯ ಕಾರಣಕಥನಂ॥ 3 ॥ ಕೃಷ್ಣಚೋದನಯಾ ಪಾಂಡವೈರೋಘವತೀತೀರೇ ರಾತ್ರೌ ನಿವಸನಂ॥ 4 ॥ ಕೃಷ್ಣೇನ ಯುಧಿಷ್ಠಿರಚೋದನಯಾ ಗಾಂಧಾರ್ಯಾಶ್ವಾಸನಾಯ ಹಾಸ್ತಿನಪುರಾಗಮನಂ॥ 5 ॥Mahabharata - Shalya Parva - Chapter Text
9-63-0 (63719)
ಸಂಜಯ ಉವಾಚ। 9-63-0x (5249)
ತತಸ್ತೇ ಪ್ರಯಯುಃ ಸರ್ವೇ ನಿವಾಸಾಯ ಮಹೀಕ್ಷಿತಃ।
ಶಂಖಾನ್ಪ್ರಧ್ಮಾಪಯಂತೋ ವೈ ಹೃಷ್ಟಾಃ ಪರಿಘಬಾಹವಃ॥ 9-63-1 (63720)
ಪಾಂಡವಾನ್ಗಚ್ಛತಶ್ಚಾಪಿ ಶಿಬಿರಂ ನೋ ವಿಶಾಂಪತೇ।
ಮಹೇಷ್ವಾಸೋಽನ್ವಗಾತ್ಪಶ್ಚಾದ್ಯುಯುತ್ಸುಃ ಸಾತ್ಯಕಿಸ್ತಥಾ॥ 9-63-2 (63721)
ಧೃಷ್ಟದ್ಯುಂನಃ ಶಿಖಂಡೀ ಚ ದ್ರೌಪದೇಯಾಶ್ಚ ಸರ್ವಶಃ।
ಸರ್ವೇ ಚಾನ್ಯೇ ಮಹೇಷ್ವಾಸಾ ಯಯುಃ ಸ್ವಶಿಬಿರಾಣ್ಯುತ॥ 9-63-3 (63722)
ತತಸ್ತೇ ಪ್ರಾವಿಶನ್ಪಾರ್ಥಾ ಹತತ್ವಿಟ್ಕಂ ಹತೇಶ್ವರಂ।
ದುರ್ಯೋಧನಸ್ಯ ಶಿಬಿರಂ ರಂಗವನ್ನಿಃಸೃತೇ ಜನೇ॥ 9-63-4 (63723)
ಗತೋತ್ಸವಂ ಪುರಮಿವ ಹೃತನಾಗಮಿವ ಹದಂ।
ಸ್ತ್ರೀವರ್ಷವರಭೂಯಿಷ್ಠಂ ವೃದ್ಧಾಮಾತ್ಯೈರಧಿಷ್ಠಿತಂ॥ 9-63-5 (63724)
ತತ್ರೈತಾನ್ಪರ್ಯುಪಾತಿಷ್ಠಂದುರ್ಯೋಧನ ಪುರಃಸರಾಃ।
ಕೃತಾಂಜಲಿಪುಟಾ ರಾಜನ್ಕಾಷಾಯಮಲಿನಾಂಬರಾಃ॥ 9-63-6 (63725)
ಶಿಬಿರಂ ಸಮನುಪ್ರಾಪ್ಯ ಕುರುರಾಜಸ್ಯ ಪಾಂಡವಾಃ।
ಅವತೇರುರ್ಮಹಾರಾಜ ರಥೇಭ್ಯೋ ರಥಸತ್ತಮಾಃ॥ 9-63-7 (63726)
ತತೋ ಗಾಂಡೀವಧನ್ವಾನಮಭ್ಯಭಾಷತ ಕೇಶವಃ।
ಸ್ಥಿತಃ ಪ್ರಿಯಹಿತೇ ನಿತ್ಯಮತೀವ ಭರತರ್ಷಭ॥ 9-63-8 (63727)
ಅವರೋಪಯ ಗಾಂಡೀವಮಕ್ಷಯೌ ಚ ಮಹೇಷುಧೀ।
ಅಥಾಹಮವರೋಕ್ಷ್ಯಾಮಿ ಪಶ್ಚಾದ್ಭರತಸತ್ತಮ।
ಸ್ವಯಂ ಚೈವಾವರೋಹ ತ್ವಮೇತಚ್ಛ್ರೇಯಸ್ತವಾನಘ॥ 9-63-9 (63728)
ತಚ್ಚಾಕರೋತ್ತಥಾ ವೀರಃ ಪಾಂಡುಪುತ್ರೋ ಧನಂಜಯಃ॥ 9-63-10 (63729)
ಅಥ ಪಶ್ಚಾತ್ತತಃ ಕೃಷ್ಣೋ ರಶ್ಮೀನುತ್ಸೃಜ್ಯ ವಾಜಿನಾಂ।
ಅವಾರೋಹತ ಮೇಧಾವೀ ರಥಾದ್ಗಾಂಡೀವಧನ್ವನಃ॥ 9-63-11 (63730)
ಅಥಾವತೀರ್ಣೇ ಭೂತಾನಾಮೀಶ್ವರೇ ಸುಮಹಾತ್ಮನಿ।
ಕಪಿರಪ್ಯಾಶ್ವಪಾಕ್ರಾಮತ್ಸಹದೇವೈರ್ಧ್ವಜಾಲಯೈಃ॥ 9-63-12 (63731)
ಸ ದಗ್ಧೋ ದ್ರೋಣಕರ್ಣಾಭ್ಯಾಂ ದಿವ್ಯೈರಸ್ತ್ರೈರ್ಮಹಾರಥಃ।
ಅಥ ದೀಪ್ತೋಽಗ್ನಿನಾ ಹ್ಯಾಶು ಪ್ರಜಜ್ವಾಲ ಮಹೀಪತೇ॥ 9-63-13 (63732)
ಸೋಪಾಸಂಗಃ ಸರಶ್ಮಿಶ್ಚ ಸಾಶ್ವಃ ಸಯುಗಬಂಧನಃ।
ಭಸ್ಮೀಭೂತೋಽಪತದ್ಭೂಮೌ ರಥೋ ಗಾಂಡೀವಧನ್ವನಃ॥ 9-63-14 (63733)
ತಂ ತಥಾ ಭಸ್ಮಭೂತಂ ತು ದೃಷ್ಟ್ವಾ ಪಾಂಡುಸುತಾಃ ಪ್ರಭೋ।
ಅಭವನ್ವಿಸ್ಮಿತಾ ರಾಜನ್ನರ್ಜುನಶ್ಚೇದಮಬ್ರವೀತ್॥ 9-63-15 (63734)
ಕೃತಾಂಜಲಿಃ ಸಪ್ರಣಯಂ ಪ್ರಣಿಪತ್ಯಾಭಿವಾದ್ಯ ಹ।
ಗೋವಂದ ಕಸ್ಮಾದ್ಭಗವನ್ರಥೋ ದಗ್ಧೋಽಯಮಗ್ನಿನಾ॥ 9-63-16 (63735)
ಕಿಮೇತನ್ಮಹದಾಶ್ಚರ್ಯಮಭವದ್ಯದುನಂದನ।
ತನ್ಮೇ ಬ್ರೂಹಿ ಮಹಾಬಾಹೋ ಶ್ರೋತವ್ಯಂ ಯದಿ ಮನ್ಯಸೇ॥ 9-63-17 (63736)
ವಾಸುದೇವ ಉವಾಚ। 9-63-18x (5250)
ದ್ರೋಣಕರ್ಣಾಸ್ತ್ರನಿರ್ದಗ್ಧಃ ಪೂರ್ವಮೇವಾಯಮರ್ಜುನ।
ಮದಾಸ್ಥಿತತ್ವಾತ್ಸಮರೇ ನ ವಿಶೀರ್ಣಃ ಪರಂತಪ॥ 9-63-18 (63737)
ಇದಾನೀಂ ತು ವಿಶೀರ್ಣೋಽಯಂ ದಗ್ಧೋ ಬ್ರಹ್ಮಾಸ್ತ್ರತೇಜಸಾ।
ಮಯಾ ವಿಮುಕ್ತಃ ಕೌಂತೇಯ ತ್ವಯ್ಯದ್ಯ ಕೃತಕರ್ಮಣಿ॥ 9-63-19 (63738)
ಸಂಜಯ ಉವಾಚ। 9-63-20x (5251)
ಈಷದುತ್ಸ್ಮಯಮಾನಸ್ತು ಭಗವಾನ್ಕೇಶವೋಽರಿಹಾ।
ಪರಿಷ್ವಜ್ಯ ಚ ರಾಜಾನಂ ಯುಧಿಷ್ಠಿರಮಭಾಷತ॥ 9-63-20 (63739)
ದಿಷ್ಟ್ಯಾ ಜಯಸಿ ಕೌಂತೇಯ ದಿಷ್ಟ್ಯಾ ತೇ ಶತ್ರವೋ ಜಿತಾಃ।
ದಿಷ್ಟ್ಯಾ ಗಾಂಡೀವಧನ್ವಾ ಚ ಭೀಮಸೇನಶ್ಚ ಪಾಂಡವಃ॥ 9-63-21 (63740)
ತ್ವಂ ಚಾಪಿ ಕುಶಲೀ ರಾಜನ್ಮಾದ್ರೀಪುತ್ರೌ ಚ ಪಾಂಡವೌ।
ಮುಕ್ತಾ ವೀರಕ್ಷಯಾದಿಸ್ಮಾತ್ಸಂಗ್ರಾಮಾನ್ನಿಹತದ್ವಿಷಃ।
ಕ್ಷಿಪ್ರಮುತ್ತರಕಾಲಾನಿ ಕುರು ಕಾರ್ಯಾಣಿ ಭಾರತ॥ 9-63-22 (63741)
ಉಪಯಾತಮುಪಪ್ಲಾವ್ಯಂ ಸಹ ಗಾಂಡೀವಧನ್ವನಾ।
ಆನೀಯ ಮಧುಪರ್ಕಂ ಮಾಂ ಯತ್ಪುರಾ ತ್ವಮವೋಚಥಾಃ॥ 9-63-23 (63742)
ಏಷ ಭ್ರಾತಾ ಸಖಾ ಚೈವ ತವ ಕೃಷ್ಣ ಧನಂಜಯಃ।
ರಕ್ಷಿತವ್ಯೋ ಮಹಾಬಾಹೋ ಸರ್ವಾಸ್ವಾಪತ್ಸ್ವಿತಿ ಪ್ರಭೋ॥ 9-63-24 (63743)
ತವ ಚೈವ ಬ್ರುವಾಣಸ್ಯ ತಥೇತ್ಯೇವಾಹಮಬ್ರುವಂ॥ 9-63-25 (63744)
ಸ ಸವ್ಯಸಾಚೀ ಗುಪ್ತಸ್ತೇ ವಿಜಯೀ ಚ ಜನೇಶ್ವರ। 9-63-26 (63745)
ಭ್ರಾತೃಭಿಃ ಸಹ ರಾಜೇಂದ್ರ ಶೂರಃ ಸತ್ಯಪರಾಕ್ರಮಃ।
ಮುಕ್ತೋ ವೀರಕ್ಷಯಾದಸ್ಮಾತ್ಸಂಗ್ರಾಮಾದ್ರೋಮಹರ್ಷಣಾತ್॥ 9-63-26 (63746)
ಏವಮುಕ್ತಸ್ತು ಕೃಷ್ಣೇನ ಧರ್ಮರಾಜೋ ಯುಧಿಷ್ಠಿರಃ।
ಹೃಷ್ಟರೋಮಾ ಮಹಾರಾಜ ಪ್ರತ್ಯುವಾಚ ಜನಾರ್ದನಂ॥ 9-63-27 (63747)
ಯುಧಿಷ್ಠಿರ ಉವಾಚ। 9-63-28x (5252)
ಪ್ರಮುಕ್ತಂ ದ್ರೋಣಕರ್ಣಾಭ್ಯಾಂ ಬ್ರಹ್ಮಾಸ್ತ್ರಮರಿಮರ್ದನ।
ಕಸ್ತ್ವದನ್ಯಃ ಸಹೇತ್ಸಾಕ್ಷಾದಪಿ ವಜ್ರೀ ಪುರಂದರಃ॥ 9-63-28 (63748)
ಭವತಸ್ತು ಪ್ರಸಾದೇನ ಸಂಗ್ರಾಮೇ ಬಹವೋ ಹತಾಃ।
ಮಹಾರಣಗತಃ ಪಾರ್ಥೋ ಯಚ್ಚ ನಾಸೀತ್ಪರಾಙ್ಮುಖಃ॥ 9-63-29 (63749)
ತಥಾ ತವ ಮಹಾಬಾಹೋ ಪರ್ಯಾಯೈರ್ಬಹುಭಿರ್ಮಯಾ।
ಕರ್ಮಣಆಮನುಸಂಧಾನಾತ್ತೇಜಸ್ವೀ ಜಗತಿ ಶ್ರುತಾ॥ 9-63-30 (63750)
ಉಪಪ್ಲಾವ್ಯೇ ಮಹರ್ಷಿರ್ಮೇ ಕೃಷ್ಣದ್ವೈಪಾಯನೋಽಬ್ರವೀತ್।
ಯತೋ ಧರ್ಮಸ್ತತಃ ಕೃಷ್ಣೋ ಯತಃ ಕೃಷ್ಣಸ್ತತೋ ಜಯಃ॥ 9-63-31 (63751)
`ಏವಮುಕ್ತಸ್ತತಃ ಕೃಷ್ಣಃ ಪ್ರತ್ಯುವಾಚ ಯುಧಿಷ್ಠಿರಂ।
ನ ತುಲ್ಯಾಶ್ಚಾರ್ಜುನಸ್ಯೇಹ ಬಲೇನ ಕುರುನಂದನ॥ 9-63-32 (63752)
ಸ ಏಷ ಸರ್ವಾಣ್ಯಸ್ತ್ರಾಣಿ ದಿವ್ಯಾನಿ ಪ್ರಾಪ್ಯ ಶಂಕರಾತ್।
ಸತ್ಸಮೋ ವಾ ವಿಶಿಷ್ಟೋ ವಾ ರಣೇ ತ್ವಮಿತಿ ಪಾಂಡವಃ।
ಅನುಜ್ಞಾತಃ ಪಾಂಡುಸುತಃ ಪುನಃ ಪ್ರತ್ಯಾಗಮನ್ಮಹೀಂ॥ 9-63-33 (63753)
ಭೂತಂ ಭವ್ಯಂ ಭವಿಷ್ಯಚ್ಚ ಅನುಜ್ಞಾತಸ್ತ್ವಯಾ ವಿಭೋ।
ನಿಮೇಷಾರ್ಧಾನ್ನರವ್ಯಾಘ್ರೋ ನಯೇದಿತಿ ಮತಿರ್ಮಮ॥ 9-63-34 (63754)
ದ್ರೋಣಂ ಭೀಷ್ಮಂ ಕೃಪಂ ಕರ್ಣಂ ದ್ರೋಣಪುತ್ರಂ ಜಯದ್ರಥಂ।
ನಿಹಂತುಂ ಶಕ್ನುಯಾತ್ಕ್ರುದ್ಧೋ ನಿಮೇಷಾರ್ಧಾದ್ಧನಂಜಯಃ॥ 9-63-35 (63755)
ಸದೇವಾಸುರಗಂಧರ್ವಾನ್ಸಯಕ್ಷೋರಗರಾಕ್ಷಸಾನ್।
ತ್ರೀನ್ವಾ ಲೋಕಾನ್ವಿಜೇತುಂ ಸ ಶಕ್ತಃ ಕಿಮಿಹ ಮಾನುಷಾನ್॥ 9-63-36 (63756)
ವಿಧಿನಾ ವಿಹಿತಂ ಚಾಸೌ ಮಯಾ ಸಂಚೋದಿತೋಽಪಿ ಸನ್।
ನ ಚಕಾರ ಮತಿಂ ಹಂತುಂ ತತಸ್ತೇ ಬಲವತ್ತರಾಃ॥ 9-63-37 (63757)
ಅತ್ರ ಗೀತಾ ಮಯಾ ಸುಷ್ಠು ಗಿರಃ ಸತ್ಯಾ ಮಹೀಪತೇ।
ದರ್ಸಿತಂ ಮಯಿ ಸರ್ವಂ ಚ ತೇನಾಸೌ ಜಿತವಾನ್ರಿಪೂನ್॥ 9-63-38 (63758)
ಅರ್ಜುನೋಽಪಿ ಮಹಾಬಾಹುರ್ಮಯಾ ತುಲ್ಯೋ ಮಹೀಪತೇ।
ಸ ಮಹೇಶ್ವರಲಬ್ಧಾಸ್ತ್ರಃ ಕಿಂ ನ ಕುರ್ಯಾದ್ವಿಭುಃ ಪ್ರಭೋ॥' 9-63-39 (63759)
ಇತ್ಯೇವಮುಕ್ತೇ ತೇ ವೀರಾಃ ಶಿಬಿರಂ ತವ ಭಾರತ।
ಪ್ರವಿಶ್ಯ ಪ್ರತ್ಯಪದ್ಯಂತ ಕೋಶರತ್ನರ್ಧಿಸಂಚಯಾನ್॥ 9-63-40 (63760)
ರಜತಂ ಜಾತರೂಪಂ ಚ ಮಣೀನಥ ಚ ಮೌಕ್ತಿಕಾನ್।
ಭೂಷಣಾನ್ಯಥ ಮುಖ್ಯಾನಿ ಕಂಬಲಾನ್ಯಜಿನಾನಿ ಚ॥ 9-63-41 (63761)
`ಗಜಾನಶ್ವಾನ್ರಥಾಂಶ್ಚೈವ ಮಹಾಂತಿ ಶಯನಾನಿ ಚ'।
ದಾಸೀದಾಸಮಸಂಖ್ಯೇಯಂ ರಾಜ್ಯೋಪಕರಣಾನಿ ಚ॥ 9-63-42 (63762)
ತೇ ಪ್ರಾಪ್ಯ ಧನಮಕ್ಷಯ್ಯಂ ತ್ವದೀಯಂ ಭರತರ್ಷಭ।
ಉದಕ್ರೋಶನ್ಮಹಾಭಾಗಾ ನರೇಂದ್ರ ವಿಜಿತಾರಯಃ॥ 9-63-43 (63763)
ತೇ ತು ವೀರಾಃ ಸಮಾಶ್ವಸ್ಯ ವಾಹನಾನ್ಯವಮುಚ್ಯ ಚ।
ಅತಿಷ್ಠಂತ ಮುಹುಃ ಸರ್ವೇ ಪಾಂಡವಾ ವಿಗತಜ್ವರಾಃ॥ 9-63-44 (63764)
ಅಥಾಬ್ರವೀನ್ಮಹಾರಾಜ ವಾಸುದೇವೋ ಮಹಾಯಶಾಃ।
ಅಸ್ಮಾಭಿರ್ಮಂಗಲಾರ್ಥಾಯ ವಸ್ತವ್ಯಂ ಶಿಬಿರಾದ್ಬಹಿಃ॥ 9-63-45 (63765)
ತಥೇತ್ಯುಕ್ತ್ವಾ ಹಿ ತೇ ಸರ್ವೇ ಪಾಂಡವಾಃ ಸಾತ್ಯಕಿಸ್ತಥಾ।
ವಾಸುದೇವೇನ ಸಹಿತಾ ಮಂಗಲಾರ್ಥಂ ಬಹಿರ್ಯಯುಃ॥ 9-63-46 (63766)
ತೇ ಸಮಾಸಾದ್ಯ ಸರಿತಂ ಪುಣ್ಯಾಮೋಘವತೀಂ ನೃಪ।
ನ್ಯವಸನ್ನಥ ತಾಂ ರಾತ್ರಿಂ ಪಾಂಡವಾ ಹತಶತ್ರವಃ॥ 9-63-47 (63767)
ಯುಧಿಷ್ಠಿರಸ್ತತೋ ರಾಜಾ ಪ್ರಾಪ್ತಕಾಲಮಚಿಂತಯನ್॥ 9-63-48 (63768)
ತತ್ರ ತೇ ಗಮನಂ ಮಾಪ್ತಂ ರೋಚತೇ ತವ ಮಾಧವ।
ಗಾಂಧಾರ್ಯಾಃ ಕ್ರೋಧದೀಪ್ತಾಯಾಃ ಪ್ರಶಮಾರ್ಥಮರಿಂದಮ॥ 9-63-49 (63769)
ಹೇತುಕಾರಣಯುಕ್ತೈಶ್ಚ ವಾಕ್ಯೈಃ ಕಾಲಸಮೀರಿತೈಃ।
ಕ್ಷಿಪ್ರಮೇವ ಮಹಾಭಾಗ ಗಾಂಧಾರೀಂ ಪ್ರಶಮಿಷ್ಯಸಿ।
ಪಿತಾಮಹಶ್ಚ ಭಗವಾನ್ವ್ಯಾಸಸ್ತತ್ರ ಭವಿಷ್ಯತಿ॥ 9-63-50 (63770)
ತತಃ ಸಂಪ್ರೇಷಯಾಮಾಸುರ್ಯಾದವಂ ನಾಗಸಾಹ್ವಯಂ॥ 9-63-51 (63771)
ಸ ಚ ಪ್ರಾಯಾಜ್ಜವೇನಾಶು ವಾಸುದೇವಃ ಪ್ರತಾಪವಾನ್।
ದಾರುಕಂ ರಥಮಾರೋಪ್ಯ ಯೇನ ರಾಜಾಽಂಬಿಕಾಸುತಃ॥ 9-63-52 (63772)
ತಮೂಚುಃ ಸಂಪ್ರಯಾಸ್ಯಂತಂ ಶೈಬ್ಯಸುಗ್ರೀವವಾಹನಂ।
ಪ್ರತ್ಯಾಶ್ವಾಸಯ ಗಾಂಧಾರೀಂ ಹತಪುತ್ರಾಂ ಯಶಸ್ವಿನೀಂ॥ 9-63-53 (63773)
ಸ ಪ್ರಾಯಾತ್ಪಾಂಡವೈರುಕ್ತಸ್ತತ್ಪುರಂ ಸಾತ್ವತಾಂ ವರಃ।
ಆಸಸಾದ ತತಃ ಕ್ಷಿಪ್ರಂ ಗಾಂಧಾರೀಂ ನಿಹತಾತ್ಮಜಾಂ॥ ॥ 9-63-54 (63774)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ತ್ರಿಷಷ್ಟಿತಮೋಽಧ್ಯಾಯಃ॥ 63 ॥
Mahabharata - Shalya Parva - Chapter Footnotes
9-63-5 ವರ್ಷವರಃ ಷಂಢಃ॥ 9-63-6 ದುರ್ಯೋಧನಸ್ಯ ಪುರಸರಾಃ ದುರ್ಯೋಧನಪುರಃ ಸರಾಃ॥ 9-63-30 ತೇಜಸ್ವೀತಿ ಗತಿಃ ಶ್ರುತಾ ಇತಿ ಛ.ಪಾಠಃ। ತಥೈವ ಚ ಮಹಾಬಾಹೋ ಮನುಸಂತಾನಂ ತೇಜಸಶ್ಚ ಗತೀಃ ಶುಭಾಃ ಇತಿ ಝ.ಪಾಠಃ॥ 9-63-63 ತ್ರಿಷಷ್ಟಿತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 064
॥ ಶ್ರೀಃ ॥
9.64. ಅಧ್ಯಾಯಃ 064
Mahabharata - Shalya Parva - Chapter Topics
ಜನಮೇಜಯೇನ ಗಾಂಧಾರ್ಯಾಶ್ವಾಸನಕಾರಣಪ್ರಶ್ನೇ ವೈಶಂಪಾಯನೇನ ತತ್ಕಥನಂ॥ 1 ॥ ಕೃಷ್ಣೇನ ಗಾಂಧಾರೀಧೃತರಾಷ್ಟ್ರೋ ಸಮಾಶ್ವಾಸ್ಯ ಪುನಃ ಪಾಂಡವಸಮೀಪಾಗಮನಂ॥ 2 ॥Mahabharata - Shalya Parva - Chapter Text
9-64-0 (63775)
ಜನಮೇಜಯ ಉವಾಚ। 9-64-0x (5253)
ಕಿಮರ್ಥಂ ದ್ವಿಜಶಾರ್ದೂಲ ಧರ್ಮರಾಜೋ ಯುಧಿಷ್ಠಿರಃ।
ಗಾಂಧಾರ್ಯಾಃ ಪ್ರೇಷಯಾಮಾಸ ವಾಸುದೇವಂ ಪರಂತಪಂ॥ 9-64-1 (63776)
ಯದಾ ಪೂರ್ವಂ ಗತಃ ಕೃಷ್ಣಃ ಶಮಾರ್ಥಂ ಕೌರವಾನ್ಪ್ರತಿ।
ನ ಚ ತಂ ಲಬ್ಧವಾನ್ಕಾಮಂ ತತೋ ಯುದ್ಧಮಭೂದಿದಂ॥ 9-64-2 (63777)
ನಿಹತೇಷು ತು ಯೋಧೇಷು ಹತೇ ದುರ್ಯೋಧನೇ ತದಾ।
ಪೃಥಿವ್ಯಾಂ ಪಾಂಡವೇಯಸ್ಯ ನಿಃಸಪತ್ನೇ ಕೃತೇ ಯುಧಿ॥ 9-64-3 (63778)
ವಿದ್ರುತೇ ಶಿಬಿರೇ ಶೂನ್ಯೇ ಪ್ರಾಪ್ತೇ ಯಶಸಿ ಚೋತ್ತಮೇ।
ಕಿಂ ತು ತತ್ಕಾರಣಂ ಬ್ರಹ್ಮನ್ಯೇನ ಕೃಷ್ಣೋ ಗತಃ ಪುನಃ॥ 9-64-4 (63779)
ನ ಚೈತತ್ಕಾರಣಂ ಬ್ರಹ್ಮನ್ನಲ್ಪಂ ವಿಪ್ರತಿಭಾತಿ ಮೇ।
ಯತ್ರಾಗಮದಮೇಯಾತ್ಮಾ ಸ್ವಯಮೇವ ಜನಾರ್ದನಃ॥ 9-64-5 (63780)
ತತ್ತ್ವತೋ ವೈ ಸಮಾಚಕ್ಷ್ವ ಸರ್ವಮಧ್ವರ್ಯುಸತ್ತಮ।
ಯಚ್ಚಾತ್ರ ಕಾರಣಂ ಬ್ರಹ್ಮನ್ಕಾರ್ಯಸ್ಯಾಸ್ಯ ವಿನಿಶ್ಚಯೇ॥ 9-64-6 (63781)
ವೈಶಂಪಾಯನ ಉವಾಚ। 9-64-7x (5254)
ತ್ವದ್ಯುಕ್ತೋಽಯಮನುಪ್ರಶ್ನೋ ಯನ್ಮಾಂ ಪೃಚ್ಛಸಿ ಪಾರ್ಥಿವ।
ತತ್ತೇಽಹಂ ಸಂಪ್ರವಕ್ಷ್ಯಾಮಿ ಯಥಾವದ್ಭರತರ್ಷಭ॥ 9-64-7 (63782)
ಹತಂ ದುರ್ಯೋಧನಂ ದೃಷ್ಟ್ವಾ ಭೀಮಸೇನೇನ ಸಂಯುಗೇ।
ವ್ಯುತ್ಕ್ರಂಯ ಸಮಯಂ ರಾಜಂಧಾರ್ತರಾಷ್ಟ್ರಂ ಮಹಾಬಲಂ॥ 9-64-8 (63783)
ಅನ್ಯಾಯೇನ ಹತಂ ದೃಷ್ಟ್ವಾ ಗದಾಯುದ್ಧೇನ ಭಾರತ।
ಯುಧಿಷ್ಠಿರಂ ಮಹಾರಾಜ ಮಹದ್ಭಯಮಥಾವಿಶತ್॥ 9-64-9 (63784)
ಸೋಽಚಿಂತಯನ್ಮಹಾಭಾಗಾಂ ಗಾಂಧಾರೀಂ ತಪಸಾನ್ವಿತಾಂ।
ಘೋರೇಣ ತಪಸಾ ಯುಕ್ತಾಂ ತ್ರೈಲೋಕ್ಯಮಪಿ ಸಾ ದಹೇತ್॥ 9-64-10 (63785)
ತಸ್ಯ ಚಿಂತಯಮಾನಸ್ಯ ಬುದ್ಧಿಃ ಸಮಭವತ್ತದಾ।
ಗಾಂಧಾರ್ಯಾಃ ಕ್ರೋಧದೀಪ್ತಾಯಾಃ ಪೂರ್ವಂ ಪ್ರಶಮನಂ ಭವೇತ್॥ 9-64-11 (63786)
ಸಾ ಹಿ ಪುತ್ರವಧಂ ಶ್ರುತ್ವಾ ಕೃತಮಸ್ಮಾಭಿರೀದೃಶಂ।
ಮಾನಸೇನಾಗ್ನಿನಾ ಕ್ರುದ್ಧಾ ಭಸ್ಮಸಾನ್ನಃ ಕರಿಷ್ಯತಿ॥ 9-64-12 (63787)
ಕಥಂ ದುಃಖಮಿದಂ ತೀವ್ರಂ ಗಾಂಧಾರೀ ಸಂಪ್ರಶಕ್ಷ್ಯತಿ।
ಶ್ರುತ್ವಾ ವಿನಿಹತಂ ಪುತ್ರಂ ಛಲೇನಾಜಿಹ್ಮಯೋಧಿನಂ॥ 9-64-13 (63788)
ಏವಂ ವಿಚಿಂತ್ಯ ಬಹುಧಾ ಭಯಶೋಕಸಮನ್ವಿತಃ।
ವಾಸುದೇವಮಿದಂ ವಾಕ್ಯಂ ಧರ್ಮರಾಜೋಽಭ್ಯಭಾಷತ॥ 9-64-14 (63789)
ತವ ಪ್ರಸಾದಾದ್ಗೋವಿಂದ ರಾಜ್ಯಂ ನಿಹತಕಂಟಕಂ।
ಅಪ್ರಾಪ್ಯಂ ಮನಸಾಽಪೀದಂ ಪ್ರಾಪ್ತಮಸ್ಮಾಭಿರಚ್ಯುತ॥ 9-64-15 (63790)
ಪ್ರತ್ಯಕ್ಷಂ ಮೇ ಮಹಾಬಾಹೋ ಸಂಗ್ರಾಮೇ ರೋಮಹರ್ಷಣೇ।
ವಿಮರ್ದಃ ಸುಮಹಾನ್ಪ್ರಾಪ್ತಸ್ತ್ವಯಾ ಯಾದವನಂದನ॥ 9-64-16 (63791)
ತ್ವಯಾ ದೇವಾಸುರೇ ಯುದ್ಧೇ ವಧಾರ್ಥಮಮರದ್ವಿಷಾಂ।
ಯಥಾ ಸಾಹ್ಯಂ ಪುರಾ ದತ್ತಂ ಹತಾಶ್ಚ ವಿಬುಧದ್ವಿಷಃ॥ 9-64-17 (63792)
ಸಾಹ್ಯಂ ತಥಾ ಮಹಾಬಾಹೋ ದತ್ತಮಸ್ಮಾಕಮಚ್ಯುತ।
ಸಾರಥ್ಯೇನ ಚ ವಾರ್ಷ್ಣೇಯ ಭವತಾ ಹಿ ಧೃತಾ ವಯಂ॥ 9-64-18 (63793)
ಯದಿ ನ ತ್ವಂ ಭವೇನ್ನಾಥಃ ಫಲ್ಗುನಸ್ಯ ಮಹಾರಣೇ।
ಕಥಂ ಶಕ್ಯೋ ರಣೇ ಜೇತುಂ ಭವೇದೇಷ ಬಲಾರ್ಣವಃ॥ 9-64-19 (63794)
ಗದಾಪ್ರಹಾರಾ ವಿಪುಲಾಃ ಪರಿಘೈಶ್ಚಾಪಿ ತಾಡನಂ।
ಶಕ್ತಿಭಿರ್ಭಿಂಡಿಪಾಲೈಶ್ಚ ತೋಮರೈಃ ಸಪರಶ್ವಥೈಃ॥ 9-64-20 (63795)
ಅಸ್ಮತ್ಕೃತೇ ತ್ವಯಾ ಕೃಷ್ಣ ವಾಚಃ ಸುಪರುಷಾಃ ಶ್ರುತಾಃ।
ಶಸ್ತ್ರಾಣಾಂ ಚ ನಿಪಾತಾ ವೈ ವಜ್ರಸ್ಪರ್ಶೋಪಮಾ ರಣೇ॥ 9-64-21 (63796)
ತೇ ಚ ತೇ ಸಫಲಾ ಜಾತಾ ಹತೇ ದುರ್ಯೋಧನೇಽಚ್ಯುತ।
ತತ್ಸರ್ವಂ ನ ಯಥಾ ನಶ್ಯೇತ್ಪುನಃ ಕೃಷ್ಣ ತಥಾ ಕುರು॥ 9-64-22 (63797)
ಸಂದೇಹಡೋಲಾಂ ಪ್ರಾಪ್ತಂ ನಶ್ಚೇತಃ ಕೃಷ್ಣ ಜಯೇ ಸತಿ।
ಗಾಂಧಾರ್ಯಾ ಹಿ ಮಹಾಬಾಹೋ ಕ್ರೋಧಂ ಶಮಯ ಮಾಧವ॥ 9-64-23 (63798)
ಸಾ ಹಿ ನಿತ್ಯಂ ಮಹಾಭಾಗಾ ತಪಸೋಗ್ರೇಣ ಕರ್ಶಿತಾ।
ಪುತ್ರಪೌತ್ರವಧಂ ಶ್ರುತ್ವಾ ಧ್ರುವಂ ನಃ ಸಂಪ್ರಧಕ್ಷ್ಯತಿ।
ತಸ್ಯಾ ಪ್ರಸಾದನಂ ವೀರ ಪ್ರಾಪ್ತಕಾಲಂ ಮತಂ ಮಮ॥ 9-64-24 (63799)
ಕಶ್ಚ ತಾಂ ಕ್ರೋಧಸಂದೀಪ್ತಾಂ ಪುತ್ರವ್ಯಸನಕರ್ಶಿತಾಂ।
ವೀಕ್ಷಿತುಂ ಪುರುಷಃ ಶಕ್ತಸ್ತ್ವಾಮೃತೇ ಪುರುಷೋತ್ತಮ॥ 9-64-25 (63800)
ತತ್ರ ಮೇ ಗಮನಂ ಪ್ರಾಪ್ತಂ ರೋಚತೇ ತವ ಮಾಧವ।
ಗಾಂಧಾರ್ಯಾಃ ಕ್ರೋಧದೀಪ್ತಾಯಾಃ ಪ್ರಶಮಾರ್ಥಮರಿಂದಮ॥ 9-64-26 (63801)
ತ್ವಂ ಹಿ ಕರ್ತಾ ವಿಕರ್ತಾ ಚ ಲೋಕಾನಾಂ ಪ್ರಭವಾವ್ಯಯಃ।
ಹೇತುಕಾರಣಸಂಯುಕ್ತೈರ್ವಾಕ್ಯೈಃ ಕಾಲಸಮೀರಿತೈಃ॥ 9-64-27 (63802)
ಕ್ಷಿಪ್ರಮೇವ ಮಹಾಬಾಹೋ ಗಾಂಧಾರೀಂ ಶಮಯಿಷ್ಯಸಿ।
ಪಿತಾಮಹಶ್ಚ ಭಗವಾನ್ಕೃಷ್ಣಸ್ತತ್ರ ಭವಿಷ್ಯತಿ॥ 9-64-28 (63803)
ಸರ್ವಥಾ ತೇ ಮಹಾಬಾಹೋ ಗಾಂಧಾರ್ಯಾಃ ಕ್ರೋಧನಾಶನಂ।
ಕರ್ತವ್ಯಂ ಸಾತ್ವತಾಂ ಶ್ರೇಷ್ಠ ಪಾಂಡವಾನಾಂ ಹಿತಾರ್ಥಿನಾ॥ 9-64-29 (63804)
ಧರ್ಮರಾಜಸ್ಯ ವಚನಂ ಶ್ರುತ್ವಾ ಯದುಕುಲೋದ್ವಹಃ।
ಆಮಂತ್ರ್ಯ ದಾರುಕಂ ಪ್ರಾಹ ರಥಃ ಸಂಜೋ ವಿಧೀಯತಾಂ॥ 9-64-30 (63805)
ಕೇಶವಸ್ಯ ವಚಃ ಶ್ರುತ್ವಾ ತ್ವರಮಾಣೋಽಥ ದಾರುಕಃ।
ನ್ಯವೇದಯದ್ರಥಂ ಸಜ್ಜಂ ಕೇಶವಾಯ ಮಹಾತ್ಮನೇ॥ 9-64-31 (63806)
ತಂ ರಥಂ ಯಾದವಶ್ರೇಷ್ಠಃ ಸಮಾರುಹ್ಯ ಪರಂತಪಃ।
ಜಗಾಮ ಹಾಸ್ತಿನಪುರಂ ತ್ವರಿತಃ ಕೇಶವೋ ವಿಭುಃ॥ 9-64-32 (63807)
ತತಃ ಪ್ರಾಯಾನ್ಮಹಾರಾಜ ಮಾಧವೋ ಭಗವಾನ್ರಥೀ।
ನಾಗಸಾಹ್ವಯಮಾಸಾದ್ಯ ಪ್ರವಿವೇಶ ಚ ವೀರ್ಯವಾನ್॥ 9-64-33 (63808)
ಪ್ರವಿಶ್ಯ ನಗರಂ ವೀರೋ ರಥಘೋಷೇಣ ನಾದಯನ್।
ವಿದಿತೋ ಧೃತರಾಷ್ಟ್ರಸ್ಯ ಸೋಽವತೀರ್ಯ ರಥೋತ್ತಮಾತ್।
ಅಭ್ಯಗಚ್ಛದದೀನಾತ್ಮಾ ಧೃತರಾಷ್ಟ್ರನಿವೇಶನಂ॥ 9-64-34 (63809)
ಪೂರ್ವಂ ಚಾಭಿಗತಂ ತತ್ರ ಸೋಽಪಶ್ಯದೃಷಿಸತ್ತಮಂ॥ 9-64-35 (63810)
ಪಾದೌ ಪ್ರಪೀಡ್ಯ ಕೃಷ್ಣಸ್ಯ ರಾಜ್ಞಶ್ಚಾಪಿ ಜನಾರ್ದನಃ।
ಅಭ್ಯವಾದಯದವ್ಯಗ್ರೋ ಗಾಂಧಾರೀಂ ಚಾಪಿ ಕೇಶವಃ॥ 9-64-36 (63811)
ತತಸ್ತು ಯಾದವಶ್ರೇಷ್ಠೋ ಧೃತರಾಷ್ಟ್ರಮಧೋಕ್ಷಜಃ।
ಪಾಣಿಮಾಲಂಬ್ಯ ರಾಜೇಂದ್ರ ಸುಸ್ವರಂ ಪ್ರರುರೋದ ಹ॥ 9-64-37 (63812)
ಸ ಮುಹೂರ್ತಾದಿವೋತ್ಸೃಜ್ಯ ಬಾಷ್ಪಂ ಶೋಕಸಮುದ್ಭವಂ।
ಪ್ರಕ್ಷಾಲ್ಯ ವಾರಿಣಾ ನೇತ್ರೇ ಹ್ಯಾಚಂಯ ಚ ಯಥಾವಿಧಿ।
ಉವಾಚ ಪ್ರಶ್ರಿತಂ ವಾಕ್ಯಂ ಧೃತರಾಷ್ಟ್ರಮರಿಂದಮಃ॥ 9-64-38 (63813)
ನ ತೇಽಸ್ತ್ಯವಿದಿತಂ ಕಿಂಚಿದ್ಭೂತಂ ಭವ್ಯಂ ಚ ಭಾರತ।
ಕಾಲಸ್ಯ ಚ ಯಥಾವೃತ್ತಂ ತತ್ತೇ ಸುವಿದಿತಂ ಪ್ರಭೋ॥ 9-64-39 (63814)
ಯದಿದಂ ಪಾಂಡವೈಃ ಸರ್ವೈಸ್ತವ ಚಿತ್ತಾನುರೋಧಿಭಿಃ।
ಕಥಂ ಕುಲಕ್ಷಯೋ ನ ಸ್ಯಾತ್ತಥಾ ಕ್ಷತ್ರಸ್ಯ ಭಾರತ॥ 9-64-40 (63815)
ಭ್ರಾತೃಭಿಃ ಸಮಯಂ ಕೃತ್ವಾ ಕ್ಷಾಂತವಾಂಧರ್ಮವತ್ಸಲಃ।
ದ್ಯೂತಚ್ಛಲಜಿತೈಃ ಶುದ್ವೈರ್ವನವಾಸೋ ಹ್ಯುಪಾಗತಃ॥ 9-64-41 (63816)
ಅಜ್ಞಾತವಾಸಚರ್ಯಾ ಚ ನಾನಾವೇಷಸಮಾವೃತೈಃ।
ಅನ್ಯೇ ಚ ಬಹವಃ ಕ್ಲೇಶಾಸ್ತ್ವಶಕ್ತೈರಿವ ಸರ್ವದಾ॥ 9-64-42 (63817)
ಮಯಾ ಚ ಸ್ವಯಮಾಗಂಯ ಯುದ್ಧಕಾಲ ಉಪಸ್ಥಿತೇ।
ಸರ್ವಲೋಕಸ್ಯ ಸಾನ್ನಿಧ್ಯೇಗ್ರಾಮಾಂಸ್ತ್ವಂ ಪಂಚಯಾಚಿತಃ॥ 9-64-43 (63818)
ತ್ವಯಾ ಕಾಲೋಪಸೃಷ್ಟೇನ ಲೋಭತೋ ನಾಪವರ್ಜಿತಾಃ।
ತವಾಪರಾಧಾನ್ನೃಪತೇ ಸರ್ವಂ ಕ್ಷತ್ರಂ ಕ್ಷಯಂ ಗತಂ॥ 9-64-44 (63819)
ಭೀಷ್ಮೇಣ ಸೋಮದತ್ತೇನ ಬಾಹ್ಲೀಕೇನ ಕೃಪೇಣ ಚ।
ದ್ರೋಣೇನ ಚ ಸಪುತ್ರೇಣ ವಿದುರೇಣ ಚ ಧೀಮತಾ।
ಯಾಚಿತಸ್ತ್ವಂ ಶಮಂ ನಿತ್ಯಂ ನ ಚ ತತ್ಕೃತವಾನಸಿ॥ 9-64-45 (63820)
ಕಾಲೋಪಹತಚಿತ್ತಾ ಹಿ ಸರ್ವೇ ಮುಹ್ಯಂತಿ ಭಾರತ।
ಯಥಾ ಮೂಢೋ ಭವಾನ್ಪೂರ್ವಮಸ್ಮಿನ್ನರ್ಥೇ ಸಮುದ್ಯತೇ॥ 9-64-46 (63821)
ಕಿಮನ್ಯತ್ಕಾಲಯೋಗಾದ್ಧಿ ದ್ವಿಷ್ಟಮೇವ ಪರಾಯಣಂ।
ಮಾ ಚ ದೋಷಾನ್ಮಹಾಪ್ರಾಜ್ಞ ಪಾಂಡವೇಷು ನಿವೇಶಯ॥ 9-64-47 (63822)
ಅಲ್ಪೋಪ್ಯತಿಕ್ರಮೋ ನಾಸ್ತಿ ಪಾಂಡವಾನಾಂ ಮಹಾತ್ಮನಾಂ।
ಧರ್ಮತೋ ನ್ಯಾಯತಶ್ಚೈವ ಸ್ನೇಹತಶ್ಚ ಪರಂತಪ॥ 9-64-48 (63823)
ಏತತ್ಸರ್ವಂ ತು ವಿಜ್ಞಾಯ ಹ್ಯಾತ್ಮದೋಷಕೃತಂ ಫಲಂ।
ತನ್ಮನ್ಯುಂ ಪಾಂಡುಪುತ್ರೇಷು ನ ಭವಾನ್ಕರ್ತುಮರ್ಹತಿ॥ 9-64-49 (63824)
ಕುಲಂ ವಂಶಶ್ಚ ಪಿಂಡಾಶ್ಚ ಯಚ್ಚ ಪುತ್ರಕೃತ ಫಲಂ।
ಗಾಂಧಾರ್ಯಾಸ್ತವ ವೈ ನಾಥ ಪಾಂಡವೇಷು ಪ್ರತಿಷ್ಠಿತಂ॥ 9-64-50 (63825)
ತ್ವಂ ಚೈವ ಕುರುಶಾರ್ದೂಲ ಗಾಂಧಾರೀ ಚ ಯಶಸ್ವಿನೀ।
ಮಾ ಶುಚೋ ನರಶಾರ್ದೂಲ ಪಾಂಡವಾನ್ಪ್ರತಿಕಿಲ್ಬಿಂ॥ 9-64-51 (63826)
ಏತತ್ಸರ್ವಮನುಧ್ಯಾಯ ಆತ್ಮನಶ್ಚ ವ್ಯತಿಕ್ರಮಂ।
ಶಿವೇನ ಪಾಂಡವಾಂಧ್ಯಾಹಿ ನಮಸ್ತೇ ಭರತರ್ಷಭ॥ 9-64-52 (63827)
ಜಾನಾಸಿ ಚ ಮಹಾಬಾಹೋ ಧರ್ಮರಾಜಸ್ಯ ಯಾ ತ್ವಯಿ।
ಭಕ್ತಿರ್ಭರತಶಾರ್ದೂಲ ಸ್ನೇಹಶ್ಚಾಪಿ ಸ್ವಭಾವತಃ॥ 9-64-53 (63828)
ಏತಚ್ಚ ಕದನಂ ಕೃತ್ವಾ ಶತ್ರೂಣಾಮಪಕಾರಿಣಾಂ।
ದಹ್ಯತೇ ಸ ದಿವಾರಾತ್ರೌ ನ ಚ ಶರ್ಮಾಧಿಗಚ್ಛತಿ॥ 9-64-54 (63829)
ತ್ವಾಂ ಚೈವ ನರಶಾರ್ದೂಲ ಗಾಂಧಾರೀಂ ಚ ಯಶಸ್ವಿನೀಂ।
ಸ ಶೋಚನ್ನರಶಾರ್ದೂಲಃ ಶಾಂತಿಂ ನೈವಾಧಿಗಚ್ಛತಿ॥ 9-64-55 (63830)
ಹಿಯಾ ಚ ಪರಯಾಽವಿಷ್ಟೋ ಭವಂತಂ ನಾಧಿಗಚ್ಛತಿ।
ಪುತ್ರಶೋಕಾಭಿಸಂತಪ್ತಂ ಬುದ್ಧಿವ್ಯಾಕುಲಿತೇಂದ್ರಿಯಂ॥ 9-64-56 (63831)
ಏವಮುಕ್ತ್ವಾ ಮಹಾರಾಜ ಧೃತರಾಷ್ಟ್ರಂ ಯದೂತ್ತಮಃ।
ಉವಾಚ ಪರಮಂ ವಾಕ್ಯಂ ಗಾಂಧಾರೀಂ ಶೋಕಕರ್ಶಿತಾಂ॥ 9-64-57 (63832)
ಸೌಬಲೇಯಿ ನಿಬೋಧ ತ್ವಂ ಯತ್ತ್ವಾಂ ವಕ್ಷ್ಯಾಮಿ ಸುವ್ರತೇ।
ತ್ವತ್ಸಮಾ ನಾಸ್ತಿ ಲೋಕೇಽಸ್ಮಿನ್ನದ್ಯ ಸೀಮಂತಿನೀ ಶುಭೇ॥ 9-64-58 (63833)
ಜಾನಾಸಿ ಚ ಯಥಾ ರಾಜ್ಞಿ ಸಭಾಯಾಂ ಮಮ ಸನ್ನಿಧೌ।
ಧರ್ಮಾರ್ಥಸಹಿತಂ ವಾಕ್ಯಮುಭಯೋಃ ಪಕ್ಷಯೋರ್ಹಿತಂ॥ 9-64-59 (63834)
ಉಕ್ತವತ್ಯಸಿ ಕಲ್ಯಾಣಿ ನ ಚ ತೇ ತನಯೈಃ ಕೃತಂ।
ದುರ್ಯೋಧನಸ್ತ್ವಯಾ ಚೋಕ್ತೋ ಜಯಾರ್ಥೀ ಪರುಷಂ ವಚಃ॥ 9-64-60 (63835)
ಶೃಣು ಮೂಢ ವಚೋ ಮಹ್ಯಂ ಯತೋ ಧರ್ಮಸ್ತತೋ ಜಯಃ।
ತದಿದಂ ಸಮನುಪ್ರಾಪ್ತಂ ತವ ವಾಕ್ಯಂ ನೃಪಾತ್ಮಜೇ॥ a6-64-61 (63836)
ಏವಂ ವಿದಿತ್ವಾ ಕಲ್ಯಾಣಿ ಮಾ ಸ್ಮ ಶೋಕೇ ಮನಃ ಕೃಥಾಃ।
ಪಾಂಡವಾನಾಂ ವಿನಾಶಾಯ ಮಾ ತೇ ಬುದ್ಧಿಃ ಕದಾಚನ॥ 9-64-62 (63837)
ಶಕ್ತಾ ಚಾಸಿ ಮಹಾಭಾಗೇ ಪೃಥಿವೀಂ ಸಚರಾಚರಾಂ।
ಚಕ್ಷುಷಾ ಕ್ರೋಧದೀಪ್ತೇನ ನಿರ್ದಗ್ಧುಂ ತಪಸೋ ಬಲಾತ್॥ 9-64-63 (63838)
ವಾಸುದೇವವಚಃ ಶ್ರುತ್ವಾ ಗಾಂಧಾರೀ ವಾಕ್ಯಮಬ್ರವೀತ್।
ಏವಮೇತನ್ಮಹಾಬಾಹೋ ಯಥಾ ವದಸಿ ಕೇಶವ॥ 9-64-64 (63839)
ಆಧಿಭಿರ್ದಹ್ಯಮಾನಾಯಾ ಮತಿಃ ಸಂಚಲಿತಾ ಮಮ।
ಸಾ ಮೇ ವ್ಯವಸ್ಥಿತಾ ಶ್ರುತ್ವಾ ತವ ವಾಕ್ಯಂ ಜನಾರ್ದನ॥ 9-64-65 (63840)
ರಾಜ್ಞಸ್ತ್ವಂಧಸ್ಯ ವೃದ್ಧಸ್ಯ ಹತಪುತ್ರಸ್ಯ ಕೇಶವ।
ತ್ವಂ ಗತಿಃ ಸಹಿತೈರ್ವೀರೈಃ ಪಾಂಡವೈರ್ದಿಪದಾ ವರ॥ 9-64-66 (63841)
ಏತಾವದುಕ್ತ್ವಾ ವಚನಂ ಮುಖಂ ಪ್ರಚ್ಛಾದ್ಯ ವಾಸಸಾ।
ಪುತ್ರಶೋಕಾಭಿಸಂತಪ್ತಾ ಗಾಂಧಾರೀ ಪ್ರರುರೋದ ಹ॥ 9-64-67 (63842)
ತತ ಏನಾಂ ಮಹಾಬಾಹುಃ ಕೇಶ್ವಃ ಶೋಕಕರ್ಶಿತಾಂ।
ಹೇತುಕಾರಣಸಂಯುಕ್ತೈರ್ವಾಕ್ಯೈರಾಶ್ವಾಸಯತ್ಪ್ರಭುಃ॥ 9-64-68 (63843)
ಸಮಾಶ್ವಾಸ್ಯ ಚ ಗಾಂಧಾರೀಂ ಧೃತರಾಷ್ಟ್ರಂ ಚ ಮಾಧವಃ।
ದ್ರೌಣಿಸಂಕಲ್ಪಿತಂ ಭಾವಮನ್ವಬುಧ್ಯತ ಕೇಶವಃ॥ 9-64-69 (63844)
ತತಸ್ತ್ವರಿತ ಉತ್ಥಾಯ ಪಾದೌ ಮೂರ್ಧ್ನಾ ಪ್ರಣಂಯ ಚ।
ದ್ವೈಪಾಯನಸ್ಯ ರಾಜೇಂದ್ರ ತತಃ ಕೌರವಮಬ್ರವೀತ್॥ 9-64-70 (63845)
ಆಪೃಚ್ಛೇ ತ್ವಾಂ ಕುರುಶ್ರೇಷ್ಠ ಮಾ ಚ ಶೋಕೇ ಮನಃ ಕೃಥಾಃ।
ದ್ರೌಣೇಃ ಪಾಪೋಸ್ತ್ಯಭಿಪ್ರಾಯಸ್ತೇನಾಸ್ಮಿ ಸಹಸೋತ್ಥಿತಃ॥ 9-64-71 (63846)
ಪಾಂಡವಾನಾಂ ವಧೇ ರಾತ್ರೌ ಬುದ್ಧಿಸ್ತೇನ ಪ್ರದರ್ಶಿತಾ॥ 9-64-72 (63847)
ಏತಚ್ಛ್ರುತ್ವಾ ತು ವಚನಂ ಗಾಂಧಾರ್ಯಾ ಸಹಿತೋಽಬ್ರವೀತ್।
ಧೃತರಾಷ್ಟ್ರೋ ಮಹಾಬಾಹುಃ ಕೇಶವಂ ಕೇಶಿಸೂದನಂ॥ 9-64-73 (63848)
ಶೀಘ್ರಂ ಗಚ್ಛ ಮಹಾಬಾಹೋ ಪಾಂಡವಾನ್ಪರಿಪಾಲಯ।
ಭೂಯಸ್ತ್ವಯಾ ಸಮೇಷ್ಯಾಮಿ ಕ್ಷಿಪ್ರಮೇವ ಜನಾರ್ದನ॥ 9-64-74 (63849)
ಪ್ರಾಯಾತ್ತತಸ್ತು ತ್ವರಿತೋ ದಾರುಕೇಣ ಸಹಾಚ್ಯುತಃ॥ 9-64-75 (63850)
ವಾಸುದೇವೇ ಗತೇ ರಾಜಂಧೃತರಾಷ್ಟ್ರಂ ಜನೇಶ್ವರಂ।
ಆಶ್ವಾಸಯದಮೇಯಾತ್ಮಾ ವ್ಯಾಸೋ ಲೋಕನಮಸ್ಕೃತಃ॥ 9-64-76 (63851)
ವಾಸುದೇವೋಽಪಿ ಧರ್ಮಾತ್ಮಾ ಕೃತಕೃತ್ಯೋ ಜಗಾಮ ಹ।
ಶಿಬಿರಂ ಹಾಸ್ತಿನಪುರಾದ್ದಿದೃಕ್ಷುಃ ಪಾಂಡವಾನ್ನೃಪ॥ 9-64-77 (63852)
ಆಗಂಯ ಶಿಬಿರಂ ರಾತ್ರೌ ಸೋಽಭ್ಯಗಚ್ಛತ ಪಾಂಡವಾನ್।
ತಚ್ಚ ತೇಭ್ಯಃ ಸಮಾಖ್ಯಾಯ ಸಹಿತಸ್ತೈಃ ಸಮಾಹಿತಃ॥ ॥ 9-64-78 (63853)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಚತುಃಷಷ್ಟಿತಮೋಽಧ್ಯಾಯಃ॥ 64 ॥
Mahabharata - Shalya Parva - Chapter Footnotes
9-64-27 ಹೇತುಕಾರಣಸಂಯುಕ್ತೈಃ ಹೇತವೋ ದೃಷ್ಟಾ ಅಪರಾಧಾಃ। ಕಾರಣಾನಿ ಅದೃಷ್ಟಾನ್ಯವಶ್ಯಂಭಾವೀನಿ ತೈರ್ಯುಕ್ತಾನಿ ತೈರ್ಯುಕ್ತಾನಿ ತೈಃ॥ 9-64-33 ಪ್ರಾಯಾದಗಚ್ಛತ್॥ 9-64-34 ವಿದಿತಂ ಧೃತಾರಾಷ್ಟ್ರಸ್ಯೇತಿ ಝ.ಪಾಠಃ॥ 9-64-36 ಕೃಷ್ಣಸ್ಯ ವ್ಯಾಸಸ್ಯ॥ 9-64-49 ಅಸೂಯಾಂ ಪಾಂಡುಪುತ್ರೋಷ್ವಿತಿ ಝ.ಪಾಠಃ॥ 9-64-64 ಚತುಃಷಷ್ಟಿತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 065
॥ ಶ್ರೀಃ ॥
9.65. ಅಧ್ಯಾಯಃ 065
Mahabharata - Shalya Parva - Chapter Topics
ಸಂಜಯೇನ ಧೃತರಾಷ್ಟ್ರಂಪ್ರತಿ ದುರ್ಯೋಧನವಿಲಾಪಪ್ರಕಾರಕಥನಂ॥ 1 ॥ ವಾದಿಕೈರಶ್ವತ್ಥಾಂನಿ ದುರ್ಯೋಧನಪಾತನನಿವೇದನಂ॥ 2 ॥Mahabharata - Shalya Parva - Chapter Text
9-65-0 (63854)
ಧೃತರಾಷ್ಟ್ರ ಉವಾಚ। 9-65-0x (5255)
ಅಧಿಷ್ಠಿತಃ ಪದಾ ಮೂರ್ಧ್ನಿ ಭಗ್ನಸಕ್ಥೋ ಮಹೀಂ ಗತಃ।
ಶೌಟೀರ್ಯಮಾನೀ ಪುತ್ರೋ ಮೇ ಕಿಮಭಾಷತ ಸಂಜಯ॥ 9-65-1 (63855)
ಅತ್ಯರ್ಥಂ ಕೋಪನೋ ರಾಜಾ ಜಾವೈರಶ್ಚ ಪಾಂಡುಷು।
ವ್ಯಸನಂ ಪರಮಂ ಪ್ರಾಪ್ತಃ ಕಿಮಾಹ ಪರಮಾಹವೇ॥ 9-65-2 (63856)
ಸಂಜಯ ಉವಾಚ। 9-65-3x (5256)
ಶೃಣು ರಾಜನ್ಪ್ರವಕ್ಷ್ಯಾಮಿ ಯಥಾವೃತ್ತಂ ನರಾಧಿಪ।
ರಾಜ್ಞಾ ಯದುಕ್ತಂ ಮಗ್ನೇನ ತಸ್ಮಿನ್ವ್ಯಸನಸಾಗರೇ॥ 9-65-3 (63857)
ಭಗ್ನಸಕ್ಥೋ ನೃಪೋ ರಾಜನ್ಪಾಂಸುನಾ ಸೋಽವಕುಂಠಿತಃ।
ಯಮಯನ್ಮೂರ್ಧಜಾಂಸ್ತತ್ರ ವೀಕ್ಷ್ಯ ಚೈವ ದಿಶೋ ದಶ॥ 9-65-4 (63858)
ಕೇಶಾನ್ನಿಯಸ್ಯ ಯತ್ನೇನ ನಿಃಶ್ವಸನ್ನುರಗೋ ಯಥಾ।
ಸಂರಂಭಾಶ್ರುಪರೀತಾಬ್ಯಾಂ ನೇತ್ರಾಭ್ಯಾಮಭಿವೀಕ್ಷ್ಯ ಮಾಂ॥ 9-65-5 (63859)
ಬಾಹೂ ಧರಣ್ಯಾಂ ನಿಷ್ಪಿಷ್ಯ ಸುದುರ್ಮತ್ತ ಇವ ದ್ವಿಪಃ।
ಪ್ರಕೀರ್ಣಾನ್ಮೂರ್ಧಜಾಂಧುನ್ವಂದಂತೈರ್ದಂತಾನುಪಸ್ಪೃಶನ್।
ಗರ್ಹಯನ್ಪಾಂಡವಂ ಜ್ಯೇಷ್ಠಂ ನಿಃಶ್ವಸ್ಯೇದಮಥಾಬ್ರವೀತ್॥ 9-65-6 (63860)
ಭೀಷ್ಮೇ ಶಾಂತನವೇ ನಾಥೇ ಕರ್ಣೇ ಶಸ್ತ್ರಭೃತಾಂ ವರೇ।
ಗೌತಮೇ ಶಕುನೌ ಚಾಪಿ ದ್ರೋಣೇ ಚಾಸ್ತ್ರಭೃತಾಂ ವರೇ॥ 9-65-7 (63861)
ಅಶ್ವತ್ಥಾಂನಿ ಯಥಾ ಶಲ್ಯೇ ಶೂರೇ ಚ ಕೃತವರ್ಮಣಿ।
ಅನ್ಯೇಷ್ವಪಿ ಚ ಶೂರೇಷು ನ್ಯಸ್ತಭಾರೋ ಮಹಾತ್ಮಸು।
ಇಮಾಮವಸ್ಥಾಂ ಪ್ರಾಪ್ತೋಽಸ್ಮಿ ಕಾಲೋ ಹಿ ದುರತಿಕ್ರಮಃ॥ 9-65-8 (63862)
ಏಕಾದಶಚಮೂಭರ್ತಾ ಸೋಽಹಮೇತಾಂ ದಶಾಂ ಗತಃ।
ಕಾಲಂ ಪ್ರಾಪ್ಯ ಮಹಾಬಾಹೋ ನ ಕಶ್ಚಿದತಿವರ್ತತೇ॥ 9-65-9 (63863)
ಆಖ್ಯಾತವ್ಯಂ ಮದೀಯಾನಾಂ ಯೇಽಸ್ಮಿಂಜೀವಂತಿ ಸಂಯುಗೇ।
ಯಥಾಽಹಂ ಭೀಮಸೇನೇನ ವ್ಯುತ್ಕ್ರಂಯ ಸಮಯಂ ಹತಃ॥ 9-65-10 (63864)
ಬಹೂನಿ ಸುನೃಶಂಸಾನಿ ಕೃತಾನಿ ಖಲು ಪಾಂಡವೈಃ।
ಭೂರಿಶ್ರವಸಿ ಕರ್ಣೇ ಚ ಭೀಷ್ಮೇ ದ್ರೋಣೇ ಚ ಧೀಮತಿ॥ 9-65-11 (63865)
ಇದಂ ಚ ಗರ್ಹಿತಂ ಕರ್ಮ ನೃಶಂಸೈಃ ಪಾಂಡವೈಃ ಕೃತಂ।
ಯೇನ ತೇ ವಾಚ್ಯತಾಂ ಸತ್ಸು ಗಮಿಷ್ಯಂತೀತಿ ಮೇ ಮತಿಃ॥ 9-65-12 (63866)
ಕಾ ಪ್ರೀತಿಃ ಸತ್ವಯುಕ್ತಸ್ಯ ಕೃತ್ವೋಪಾಧಿಕೃತಂ ಜಯಂ।
ಕೋ ವಾ ಸಮಯಭೇತ್ತಾರಂ ಬುಧಃ ಸಂಮಂತುಮರ್ಹತಿ॥ 9-65-13 (63867)
ಅಧರ್ಮೇಣ ಜಯಂ ಲಬ್ಧ್ವಾ ಕೋ ನು ಹೃಷ್ಯೇತ ಪಂಡಿತಃ।
ಯಥಾ ಸಂಹೃಷ್ಯತೇ ಪಾಪಃ ಪಾಂಡುಪುತ್ರೋ ವೃಕೋದರಃ॥ 9-65-14 (63868)
ಕಿನ್ನು ಚಿತ್ರಮಿತಸ್ತ್ವದ್ಯ ಭಗ್ನಸಕ್ಥಸ್ಯ ಯನ್ಮಮ।
ಕ್ರುದ್ಧೇನ ಭೀಮಸೇನೇನ ಪಾದೇನ ಮೃದಿತಂ ಶಿರಃ॥ 9-65-15 (63869)
ಪ್ರತಪಂತಂ ಶ್ರಿಯಾ ಜುಷ್ಟಂ ವರ್ತಮಾನಂ ಚ ಬಂಧುಷು।
ಏವಂ ಕುರ್ಯಾನ್ನರೋ ಯೋ ಹಿ ಸ ವೈ ಸ಼ಂಜಯ ಪೂರುಷಃ॥ 9-65-16 (63870)
ಅಭಿಜ್ಞೌ ಯುದ್ಧಧರ್ಮಸ್ಯ ಮಮ ಮಾತಾ ಪಿತಾ ಚ ಯೌ।
ತೌ ಹಿ ಸಂಜಯ ದುಃಖಾರ್ತೌ ವಿಜ್ಞಾಪ್ಯೌ ವಚನಾದ್ವಿ ಮೇ॥ 9-65-17 (63871)
ಇಷ್ಟಂ ಭೃತ್ಯಾ ಭೃತಾಃ ಸಂಯಗ್ಭೂಃ ಪ್ರಶಾಸ್ತಾ ಸಸಾಗರಾ।
ಮೂರ್ಧ್ನಿ ಸ್ಥಿತಮಮಿತ್ರಾಣಾಂ ಜೀವತಾಮೇವ ಸ಼ಂಜಯ॥ 9-65-18 (63872)
ದತ್ತಾ ದಾಯಾ ಯಥಾಶಕ್ತಿ ಮಿತ್ರಾಣಾಂ ಚ ಪ್ರಿಯಂ ಕೃತಂ।
ಅಮಿತ್ರಾ ಬಾಧಿತಾಃ ಸರ್ವೇ ಕೋ ನು ಸ್ವಂತತರೋ ಮಯಾ॥ 9-65-19 (63873)
ಮಾನಿತಾ ಬಾಂಧವಾಃ ಸರ್ವೇ ಮಾನ್ಯಃ ಸಂಪೂಜಿತೋ ಜನಃ।
ತ್ರಿತಯಂ ಸೇವಿತಂ ಸರ್ವಂ ಕೋ ನು ಸ್ವಂತತರೋ ಮಯಾ॥ 9-65-20 (63874)
ಆಜ್ಞಪ್ತಂ ನೃಪಮುಖ್ಯೇಷು ಮಾನಃ ಪ್ರಾಪ್ತಃ ಸುದುರ್ಲಭಃ।
ಆಜಾನೇಯೈಸ್ತಥಾ ಯಾತಂ ಕೋ ನು ಸ್ವಂತತರೋ ಮಯಾ॥ 9-65-21 (63875)
ಯಾತಾನಿ ಪರರಾಷ್ಟ್ರಾಣಿ ನೃಪಾ ಭುಕ್ತಾಶ್ಚ ದಾಸವತ್।
ಪ್ರಿಯೇಭ್ಯಃ ಪ್ರಕೃತಂ ಸಾಧು ಕೋ ನು ಸ್ವಂತತರೋ ಮಯಾ॥ 9-65-22 (63876)
ಅಧೀತಂ ವಿಧಿವದ್ದತ್ತಂ ಪ್ರಾಪ್ತಮಾಯುರ್ನಿರಾಮಯಂ।
ಸ್ವಧರ್ಮೇಣ ಜಿತಾ ಲೋಕಾಃ ಕೋ ನು ಸ್ವಂತತರೋ ಮಯಾ॥ 9-65-23 (63877)
ದಿಷ್ಟ್ಯಾ ನಾಹಂ ಜಿತಃ ಸಂಖ್ಯೇ ಪರಾನ್ಪ್ರೇಷ್ಯವದಾಶ್ರಿತಃ।
ದಿಷ್ಟ್ಯಾ ಮೇ ವಿಪುಲಾ ಲಕ್ಷ್ಮೀರ್ಮೃತೇ ತ್ವನ್ಯಗತಾ ವಿಭೋ॥ 9-65-24 (63878)
ಯದಿಷ್ಟಂ ಕ್ಷತ್ರಬಂಧೂನಾಂ ಸ್ವಧರ್ಮಮನುತಿಷ್ಠತಾಂ।
ನಿಧನಂ ತನ್ಮಯಾ ಪ್ರಾಪ್ತಂ ಕೋ ನು ಸ್ವಂತತರೋ ಮಯಾ॥ 9-65-25 (63879)
ದಿಷ್ಟ್ಯಾ ನಾಹಂ ಪರಾವೃತ್ತೋ ವೈರಾತ್ಪ್ರಾಕೃತವಂಜಿತಃ।
ದಿಷ್ಟ್ಯಾ ನ ವಿಮತಿಂ ಕಾಂಚಿದ್ಭಜಿತ್ವಾ ತು ಪರಾಜಿತಃ॥ 9-65-26 (63880)
ಸುಪ್ತಂ ವಾಽಥ ಪ್ರಮತ್ತಂ ವಾ ಯಥಾ ಹನ್ಯಾದ್ವಿಷೇಣ ವಾ।
ಏವಂ ವ್ಯುತ್ಕ್ರಾಂತಧರ್ಮೇಣ ವ್ಯುತ್ಕ್ರಂಯ ಸಮಯಂ ಹತಃ॥ 9-65-27 (63881)
ಅಶ್ಚತ್ಥಾಮಾ ಮಹಾಭಾಗಃ ಕೃತವರ್ಮಾ ಚ ಸಾತ್ವತಃ।
ಕೃಪಃ ಶಾರದ್ವತಶ್ಚೈವ ವಕ್ತವ್ಯಾ ವಚನಾನ್ಮಮ॥ 9-65-28 (63882)
ಅಧರ್ಮೇಣ ಪ್ರವೃತ್ತಾನಾಂ ಪಾಂಡವಾನಾಮನೇಕಶಃ।
ವಿಶ್ವಾಸಂ ಸಮಯಘ್ನಾನಾಂ ನ ಯೂಯಂ ಗಂತುಮರ್ಹಥ॥ 9-65-29 (63883)
ವಾರ್ತಿಕಾಂಶ್ಚಾಬ್ರವೀದ್ರಾಜಾ ಪುತ್ರಸ್ತೇ ಸತ್ಯವಿಕ್ರಮಃ।
ಅಧರ್ಮಾದ್ಭೀಮಸೇನೇನ ನಿಹತೋಽಹಂ ಯಥಾ ರಣೇ॥ 9-65-30 (63884)
ಸೋಽಹಂ ದ್ರೋಣಂ ಸ್ವರ್ಗಗತಂ ಕರ್ಣಶಲ್ಯಾವುಭೌ ತಥಾ।
ವೃಷಸೇನಂ ಮಹಾವೀರ್ಯಂ ಶಕುನಿಂ ಚಾಪಿ ಸೌಬಲಂ॥ 9-65-31 (63885)
ಜಲಸಂಧಂ ಮಹಾವೀರ್ಯಂ ಭಗದತ್ತಂ ಚ ಪಾರ್ಥಿವಂ।
ಸೋಮದತ್ತಂ ಮಹೇಷ್ವಾಸಂ ಸೈಂಧವಂ ಚ ಜಯದ್ರಥಂ॥ 9-65-32 (63886)
ದುಋಶಾಸನಪುರೋಗಾಂಶ್ಚ ಭ್ರಾತೄನಾತ್ಮಸಮಾಂಸ್ತಥಾ।
ದೌಃಶಾಸನಿಂ ಚ ವಿಕ್ರಾಂತಂ ಲಕ್ಷ್ಮಣಂ ಚಾತ್ಮಜಾವುಭೌ॥ 9-65-33 (63887)
ಏತಾಂಶ್ಚಾನ್ಯಾಂಶ್ಚ ಸುಬಹೂನ್ಮದೀಯಾಂಶ್ಚ ಸಹಸ್ರಶಃ।
ಪೃಷ್ಠತೋಽನುಗಮಿಷ್ಯಾಮಿ ಸಾರ್ಥಹೀನೋ ಯಥಾಽಧ್ವಗಃ॥ 9-65-34 (63888)
ಕಥಂ ಭ್ರಾತೄನ್ಹತಾಞ್ಶ್ರುತ್ವಾ ಭರ್ತಾರಂ ಚ ಸ್ವಸಾ ಮಮ।
ರೋರೂಯಾಮಾಣಾ ದುಃಖಾರ್ತಾ ದುಃಶಲಾ ಸಾ ಭವಿಷ್ಯತಿ॥ 9-65-35 (63889)
ಸ್ನುಷಾಭಿಃ ಪ್ರಸ್ನುಷಾಭಿಶ್ಚ ವೃದ್ಧೋ ರಾಜಾ ಪಿತಾ ಮಮ।
ಗಾಂಧಾರೀಸಹಿತಶ್ಚೈವ ಕಾ ಗತಿಂ ಪ್ರತಿಪತ್ಸ್ಯತಿ॥ 9-65-36 (63890)
ನೂನಂ ಲಕ್ಷ್ಮಣಮಾತಾಽಪಿ ಹತಪುತ್ರಾ ಹತೇಶ್ವರಾ।
ವಿನಾಶಂ ಯಾಸ್ಯತಿ ಕ್ಷಿಪ್ರಂ ಕಲ್ಯಾಣೀ ಪೃಥುಲೋಚನಾ॥ 9-65-37 (63891)
ಯದಿ ಜಾನಾತಿ ಚಾರ್ವಾಕಃ ಪರಿವ್ರಾದ್ವಾಗ್ವಿಶಾರದಃ।
ಕರಿಷ್ಯತಿ ಮಹಾಭಾಗೋ ಧ್ರುವಂ ಚಾಪಚಿತಿಂ ಮಮ॥ 9-65-38 (63892)
ಸಮಂತಪ಼ಂಚಕೇ ಪುಣ್ಯೇ ತ್ರಿಷು ಲೋಕೇಷು ವಿಶ್ರುತೇ।
ಅಹಂ ನಿಧನಮಾಸಾದ್ಯ ಲೋಕಾನ್ಪ್ರಾಪ್ಸ್ಯಾಮಿ ಶಾಶ್ವತಾನ್॥ 9-65-39 (63893)
ತತೋ ಜನಸಹಸ್ರಾಣಿ ಬಾಷ್ಪಪೂರ್ಣಾನಿ ದಿಶೋ ದಶ॥
ಸಸಾಗರವನಾ ಘೋರಾ ಪೃಥಿವೀ ಸಚರಾಚರಾ। 9-65-40 (63894)
ಚಚಾಲಾಥ ಸನಿರ್ಹಾದಾ ದಿಶಶ್ಚೈವಾವಿಲಾಽಭವನ್॥
ತೇ ದ್ರೋಣಪುತ್ರಮಾಸಾದ್ಯ ಯಥಾವೃತ್ತಂ ನ್ಯವೇದಯನ್। 9-65-41 (63895)
ವ್ಯವಹಾರಂ ಗದಾಯುದ್ಧೇ ಪಾರ್ಥಿವಸ್ಯ ಚ ಪಾತನಂ॥
ತದಾಖ್ಯಾಯ ತತಃ ಸರ್ವೇ ದ್ರೋಣಪುತ್ರಸ್ಯ ಭಾರತ। 9-65-42 (63896)
`ವಾದಿಕಾ ದುಃಖಸಂತಪ್ತಾಃ ಶೋಕೋಪಹತಚೇತಸಃ'।
ಧ್ಯಾತ್ವಾ ಚ ಸುಚಿರಂ ಕಾಲಂ ಜಗ್ಮುರಾರ್ತಾ ಯಥಾಗತಂ॥ ॥ 9-65-43 (63897)
ಇತಿ ಶ್ರೀಮನ್ಮಹಾಭಾರತೇ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಪಂಚಷಷ್ಟಿತಮೋಽಧ್ಯಾಯಃ॥ 65 ॥
Mahabharata - Shalya Parva - Chapter Footnotes
9-65-1 ಶೌಟೀರಃ ಶೂರಃ ಸ ಏವ ಶೌಟೀರ್ಯಮಾತ್ಮಾನಂ ಮನ್ಯತೇ ಶೌಟೀರ್ಯಮಾನೀ॥ 9-65-16 ಸ ವೈ ಸಂಜಯಪೂಜಿತ ಇತಿ ಝ.ಪಾಠಃ॥ 9-65-20 ಮಯಾ ಮತ್ತಃ॥ 9-65-30 ವಾರ್ತಿಕಾನ್ವಾರ್ತಾಹಾರಿಣಃ॥ 9-65-38 ಚಾರ್ವಾಕೋ ಬ್ರಾಹ್ಮಣವೇಷಧಾರೀ ರಾಕ್ಷಸಃ। ಅಪಚಿತಿಂ ಪ್ರತೀಕಾರಂ॥ 9-65-65 ಪಂಚಷಷ್ಟಿತಮೋಽಧ್ಯಾಯಃ॥ಶಲ್ಯಪರ್ವ - ಅಧ್ಯಾಯ 066
॥ ಶ್ರೀಃ ॥
9.66. ಅಧ್ಯಾಯಃ 066
Mahabharata - Shalya Parva - Chapter Topics
ದ್ರೌಣಿಕೃತಕೃತವರ್ಮಭಿರ್ದುರ್ಯೋಧನಸ್ಯ ಭೂಪತನದರ್ಶನೇನ ಶೋಚನಂ॥ 1 ॥ ದ್ರೌಣಿದುರ್ಯೋಧನಯೋಃ ಸಂಲಾಪಃ॥ 2 ॥ ದ್ರೌಣಿನಾ ರಾತ್ರೌ ಪಾಂಡವವಧಪ್ರತಿಜ್ಞಾನಂ॥ 3 ॥ ದುರ್ಯೋಧನವಚನಾತ್ ಕೃಪೇಣ ದ್ರೌಣೇಃ ಸೈನಾಪತ್ಯೇಽಫಿಷೇಚನಂ॥ 4 ॥Mahabharata - Shalya Parva - Chapter Text
9-66-0 (63898)
ಸಂಜಯ ಉವಾಚ। 9-66-0x (5257)
ವಾದಿಕಾನಾಂ ಸಕಾಶಾತ್ತು ಶ್ರುತ್ವಾ ದುರ್ಯೋಧನಂ ಹತಂ।
ಹತಶಿಷ್ಟಾಸ್ತದಾ ರಾಜನ್ಕೌರವಾಣಾಂ ಮಹಾರಥಾಃ॥ 9-66-1 (63899)
ವಿನಿರ್ಭಿನ್ನಾಃ ಶಿತೈರ್ಬಾಣೈರ್ಣದಾತೋಮರಶಕ್ತಿಭಿಃ।
ಅಶ್ವತ್ಥಾಮಾ ಕೃಪಶ್ಚೈವ ಕೃತವರ್ಮಾ ಚ ಸಾತ್ವತಃ।
ತ್ವರಿತಾ ಜವನೈರಶ್ವೈರಾಯೋಧನಮುಪಾಗಮನ್॥ 9-66-2 (63900)
ತತ್ರಾಪಶ್ಯನ್ಮಹಾತ್ಮಾನಂ ಧಾರ್ತರಾಷ್ಟ್ರಂ ನಿಪಾತಿತಂ।
ಪ್ರಭಗ್ನಂ ವಾಯುವೇಗೇನ ಮಹಾಸಾಲಂ ಯಥಾ ವನೇ॥ 9-66-3 (63901)
ಭೂಮೌ ವಿವೇಷ್ಟಮಾನಂ ತಂ ರುಧಿರೇಣ ಸಮುಕ್ಷಿತಂ।
ಮಹಾಗರ್ಜಾಮೇವಾರಣ್ಯೇ ವ್ಯಾಧೇನ ವಿನಿಪಾತಿತಂ॥ 9-66-4 (63902)
ವಿವರ್ತಮಾನಂ ಬಹುಶೋ ರುಧಿರೌಘಪರಿಪ್ಲುತಂ।
ಯದೃಚ್ಛಯಾ ನಿಪತಿತಂ ಚಂದ್ರಮಾದಿತ್ಯಗೋಚರಾತ್॥ 9-66-5 (63903)
ಯುಗಾಂತಮಾರುತೇನೇವ ಶೋಷಿತಂ ಮಕರಾಲಯಂ।
ಪೂರ್ಣಚಂದ್ರಮಿವ ವ್ಯೋಂನಿ ತುಷಾರಾವೃತಮಂಡಲಂ॥ 9-66-6 (63904)
ರೇಣುಧ್ವಸ್ತಂ ದೀರ್ಘಭುಜಂ ಮಾತಂಗಮಿವ ವಿಕ್ರಮೇ।
ವೃತಂ ಭೂತಗಣೈರ್ಘೋರೈಃ ಕ್ರವ್ಯಾದೈಶ್ಚ ಸಮಂತತಃ॥ 9-66-7 (63905)
ಯಥಾ ಧನಂ ಲಿಪ್ಸಮಾನೈರ್ಭೃತ್ಯೈರ್ನೃಪತಿಸತ್ತಮಂ।
ಭ್ರುಕುಟೀಕೃತವಕ್ತ್ರಾಂತಂ ಕ್ರೋಧಾದುದ್ವೃತ್ತಚಕ್ಷುಷಂ।
ಸಾಮರ್ಷಂ ತಂ ನರವ್ಯಾಘ್ರಂ ಭೌಮಂ ನಿಪತಿತಂ ತಥಾ॥ 9-66-8 (63906)
ತೇ ತಂ ದೃಷ್ಟ್ವಾ ಮಹೇಷ್ವಾಸಂ ಭೂತಲೇ ಪತಿತಂ ನೃಪಂ।
ಮೋಹಮಭ್ಯಾಗಮನ್ಸರ್ವೇ ಕೃಪಪ್ರಭೃತಯೋ ರಥಾಃ॥ 9-66-9 (63907)
ಅವತೀರ್ಯ ರಥೇಭ್ಯಶ್ಚ ಪ್ರಾದ್ರವನ್ರಾಜಸನ್ನಿಧೌ।
ದುರ್ಯೋಧನಂ ಚ ಸಂಪ್ರಾಪ್ಯ ಸರ್ವೇ ಭೂಮಾವುಪಾವಿಶನ್॥ 9-66-10 (63908)
ತತೋ ದ್ರೌಣಿರ್ಮಹಾರಾಜ ಬಾಷ್ಪಪೂರ್ಣೇಕ್ಷಣಃ ಶ್ವಸನ್।
ಉವಾಚ ಭರತಶ್ರೇಷ್ಠಂ ಸರ್ವಲೋಕೇಶ್ವರೇಶ್ವರಂ॥ 9-66-11 (63909)
ನ ನೂನಂ ವಿದ್ಯತೇ ಪುಣ್ಯಂ ಮಾನುಷೇ ಕಿಂಚಿದೇವ ಹಿ।
ಯತ್ರ ತ್ವಂ ಪುರುಷವ್ಯಾಘ್ರ ಶೇಷೇ ಪಾಂಸುಷು ರೂಷಿತಃ॥ 9-66-12 (63910)
ಭೂತ್ವಾ ಹಿ ನೃಪತಿಃ ಪೂರ್ವಂ ಸಮಾಜ್ಞಾಪ್ಯ ಚ ಮೇದಿನೀಂ।
ಕಥಮೇಕೋಽದ್ಯ ರಾಜೇಂದ್ರ ತಿಷ್ಠಸೇ ನಿರ್ಜನೇ ವನೇ॥ 9-66-13 (63911)
ದುಃಶಾಸನಂ ನ ಪಶ್ಯಾಮಿ ನಾಪಿ ಕರ್ಣಂ ಮಹಾರಥಂ।
ನಾಪಿ ತಾನ್ಸುಹೃದಃ ಸರ್ವಾನ್ಕಿಮಿದಂ ಭರತರ್ಷಭ॥ 9-66-14 (63912)
ದುಃಖಂ ನೂನಂ ಕೃತಾಂತಸ್ಯ ಗತಿಂ ಜ್ಞಾತುಂ ಕಥಂಚನ।
ಲೋಕನಾಥೋ ಭವಾನ್ಯತ್ರ ಶೇಷೇ ಪಾಂಸುಷು ರೂಷಿತಃ॥ 9-66-15 (63913)
ಏಷ ಮೂರ್ಧಾಭಿಷಿಕ್ತಾನಾಮಗ್ರೇ ಗತ್ವಾ ಪರಂತಪಃ।
ಸತೃಣಂ ಗ್ರಸತೇ ಪಾಂಸುಂ ಪಶ್ಯ ಕಾಲಸ್ಯ ಪರ್ಯಯಂ॥ 9-66-16 (63914)
ಕ್ವ ತೇ ತದಮಲಂ ಛತ್ರಂ ವ್ಯಜನಂ ಕ್ವ ಚ ಪಾರ್ಥಿವ।
ಸಾ ಚ ತೇ ಮಹತೀ ಸೇನಾ ಕ್ವ ಗತಾ ಪಾರ್ಥಿವೋತ್ತಮ॥ 9-66-17 (63915)
ದುರ್ವಿಜ್ಞೇಯಾ ಗತಿರ್ನೂನಂ ಕಾರ್ಯಾಣಾಂ ಕಾರಣಾಂತರೇ।
ಯೋ ವೈ ಲೋಕಗುರುರ್ನಾಥೋ ಭವಾನೇತಾಂ ದಶಾಂ ಗತಾಃ॥ 9-66-18 (63916)
ಅಧ್ರುವಾ ಸರ್ವಮರ್ತ್ಯೇಷು ಧ್ರುವೈವ ಶ್ರೀರ್ವಿಚಿಂತ್ಯತೇ।
ಭವತೋ ವ್ಯಸನಂ ದೃಷ್ಟ್ವಾ ಶಕ್ರವಿಸ್ಪರ್ಧಿನೋ ಭೃಶಂ॥ 9-66-19 (63917)
ತಸ್ಯ ತದ್ವಚನಂ ಶ್ರುತ್ವಾ ದುಃಖಿತಸ್ಯ ವಿಶೇಷತಃ।
ಉವಾಚ ರಾಜನ್ಪುತ್ರಸ್ತೇ ಪ್ರಾಪ್ತಕಾಲಮಿದಂ ವಚಃ॥ 9-66-20 (63918)
ವಿಮೃಜ್ಯ ನೇತ್ರೇ ಪಾಣಿಭ್ಯಾಂ ಶೋಕಜಂ ಬಾಷ್ಪಮುತ್ಸೃಜನ್।
ಕೃಪಾದೀನ್ಸ ತದಾ ವೀರಾನ್ಸರ್ವಾನೇವ ನರಾಧಿಪಃ॥ 9-66-21 (63919)
ಈದೃಶೋ ಲೋಕಧರ್ಮೋಽಯಂ ಧಾತ್ರಾ ನಿರ್ದಿಷ್ಟ ಉಚ್ಯತೇ।
ವಿನಾಶಃ ಸರ್ವಭೂತಾನಾಂ ಕಾಲಪರ್ಯಾಯಕಾರಿತಃ॥ 9-66-22 (63920)
ಸೋಽಯಂ ಮಾಂ ಸಮನುಪ್ರಾಪ್ತಃ ಪ್ರತ್ಯಕ್ಷೋ ಭವತಾಂ ಹಿ ಯಃ।
ಪೃಥಿವೀಂ ಪಾಲಯಿತ್ವಾಽಹಮೇತಾಂ ನಿಷ್ಠಾಮುಪಾಗತಃ॥ 9-66-23 (63921)
ದಿಷ್ಟ್ಯಾ ನಾಹಂ ಪರಾವೃತ್ತೋ ಯುದ್ಧೇ ಕಸ್ಯಾಂಚಿದಾಪದಿ।
ದಿಷ್ಟ್ಯಾಽಹಂ ನಿಹತಃ ಪಾಪೈಶ್ಚಲೇನೈವ ವಿಶೇಷತಃ॥ 9-66-24 (63922)
ಉತ್ಸಾಹಶ್ಚ ಕೃತೋ ನಿತ್ಯಂ ಮಯಾ ದಿಷ್ಟ್ಯಾ ಯುಯುತ್ಸತಾ।
ದಿಷ್ಟ್ಯಾ ಚಾಸ್ಮಿನ್ಹತೋ ಯುದ್ಧೇ ನಿಹತಜ್ಞಾತಿಬಾಂಧವಃ॥ 9-66-25 (63923)
ದಿಷ್ಟ್ಯಾ ಚ ವೋಽಹಂ ಪಶ್ಯಾಮಿ ಮುಕ್ತಾನಸ್ಮಾಜ್ಜನಕ್ಷಯಾತ್।
ಸ್ವಸ್ತಿಯುಕ್ತಾಂಶ್ಚ ಕಲ್ಯಾಣಾಂಸ್ತನ್ಮೇ ಪ್ರಿಯಮನುತ್ತಮಂ॥ 9-66-26 (63924)
ಮಾ ಭವಂತೋಽತ್ರ ತಪ್ಯಂತಾಂ ಸೌಹೃದಾನ್ನಿಧನೇನ ಮೇ।
ಯದಿ ವೇದಾಃ ಪ್ರಮಾಣಂ ವೋ ಜಿತಾ ಲೋಕಾ ಮಯಾಽಕ್ಷಯಾಃ॥ 9-66-27 (63925)
ಜಾನಮಾನಃ ಪ್ರಭಾವಂ ಚ ಕೃಷ್ಣಸ್ಯಾಮಿತತೇಜಸಃ।
ತೇನ ನ ಚ್ಯಾವಿತಶ್ಚಾಹಂ ಕ್ಷತ್ರಧರ್ಮಾತ್ಸ್ವನುಷ್ಠಿತಾತ್॥ 9-66-28 (63926)
ಸ ಮಯಾ ಸಮನುಪ್ರಾಪ್ತೋ ನಾಸ್ಮಿ ಶೋಚ್ಯಃ ಕಥಂಚನ।
ಕೃತಂ ಭವದ್ಭಿಃ ಸದೃಶಮನುರೂಪಮಿವಾತ್ಮನಃ।
ಯತಿತಂ ವಿಜಯೇ ಶಕ್ತ್ಯಾ ದೈವಂ ತು ದುರತಿಕ್ರಮಂ॥ 9-66-29 (63927)
ಏತಾವದುಕ್ತ್ವಾ ವಚನಂ ಬಾಷ್ಪವ್ಯಾಕುಲಲೋಚನಃ।
ತೂಷ್ಣೀಬಭೂವ ರಾಜೇಂದ್ರ ರುಜಾಽಸೌ ವಿಹ್ವಲೋ ಭೃಶಂ॥ 9-66-30 (63928)
ತಥಾ ದೃಷ್ಟ್ವಾ ತು ರಾಜಾನಂ ಬಾಷ್ಪಶೋಕಸಮನ್ವಿತಂ।
ದ್ರೌಣಿಃ ಕ್ರೋಧೇನ ಜಜ್ವಾಲ ಯಥಾ ವಹ್ನಿರ್ಜಗತ್ಕ್ಷಯೇ॥ 9-66-31 (63929)
ಸ ಚ ಕ್ರೋಧಸಮಾವಿಷ್ಟಃ ಪಾಣೌ ಪಾಣಿಂ ನಿಪೀಡ್ಯ ಚ।
ಬಾಷ್ಪವಿಹ್ವಲಯಾ ವಾಚಾ ರಾಜಾನಮಿದಮಬ್ರವೀತ್॥ 9-66-32 (63930)
ಪಿತಾ ಮೇ ನಿಹತಃ ಕ್ಷುದ್ರೈಃ ಸುನೃಶಂಸೇನ ಕರ್ಮಣಾ।
ನ ತಥಾ ತೇನ ತಪ್ಯಾಮಿ ತಥಾ ರಾಜಂಸ್ತ್ವಯಾಽದ್ಯ ವೈ॥ 9-66-33 (63931)
ಶೃಣು ಚೇದಂ ವಚೋ ಮಹ್ಯಂ ಸತ್ಯೇನ ವದತಃ ಪ್ರಭೋ।
ಇಷ್ಟಾಪೂರ್ತೇನ ದಾನೇನ ಧರ್ಮೇಣ ಸುಕೃತೇನ ಚ॥ 9-66-34 (63932)
ಅದ್ಯಾಹಂ ಸರ್ವಪಾಂಚಾಲಾನ್ವಾಸುದೇವಸ್ಯ ಪಶ್ಯತಃ।
ಅದ್ಯ ರಾತ್ರೌ ಮಹಾರಾಜ ನಿಹನಿಷ್ಯಾಮಿ ಪಾಂಡವಾನ್॥ 9-66-35 (63933)
ಅನುಜ್ಞಾಂ ತು ಮಹಾರಾಜ ಭವಾನ್ಮೇ ದಾತುಮರ್ಹತಿ॥ 9-66-36 (63934)
ತಚ್ಛ್ರುತ್ವಾ ವಚನಂ ದ್ರೌಣೇರ್ಧೃತರಾಷ್ಟ್ರ ತವಾತ್ಮಜಃ।
ಮನಸಃ ಪ್ರೀತಿಜನನಂ ಕೃಪಂ ವಚನಮಬ್ರವೀತ್। 9-66-37 (63935)
ದುರ್ಯೋಧನ ಉವಾಚ।
ಆಚಾರ್ಯ ಶೀಘ್ರಂ ಕಲಶಂ ಜಲಪೂರ್ಣಂ ಸಮಾನಯ॥ 9-66-37x (5258)
ಸ ತದ್ವಚನಮಾಜ್ಞಾಯ ರಾಜ್ಞೋ ಬ್ರಾಹ್ಮಣಸತ್ತಮಃ।
ಕಲಶಂ ಪೂರ್ಣಮಾದಾಯ ರಾಜ್ಞೋಽಂತಿಕಮುಪಾಗಮತ್॥ 9-66-38 (63936)
ತಮಬ್ರವೀನ್ಮಹಾರಾಜ ಪುತ್ರಸ್ತವ ವಿಶಾಂಪತೇ।
ಮಮಾಜ್ಞಯಾ ದ್ವಿಜಶ್ರೇಷ್ಠ ದ್ರೋಣಪುತ್ರೋಽಭಿಷಿಚ್ಯತಾಂ।
ಸೈನಾಪತ್ಯೇನ ಭದ್ರಂ ತೇ ಮಮ ಚೇದಿಚ್ಛಸಿ ಪ್ರಿಯಂ॥ 9-66-39 (63937)
ರಾಜ್ಞೋ ನಿಯೋಗಾದ್ಯೋದ್ವವ್ಯಂ ಬ್ರಾಹ್ಮಣೇನ ವಿಶೇಷತಃ।
ವರ್ತತಾ ಕ್ಷತ್ರಧರ್ಮೇಣ ಹ್ಯೇವಂ ಧರ್ಮವಿದೋ ವಿದುಃ॥ 9-66-40 (63938)
ರಾಜ್ಞಸ್ತು ವಚನಂ ಶ್ರುತ್ವಾ ಕೃಪಃ ಶಾರದ್ವತಸ್ತತಃ।
ದ್ರೌಣಿಂ ರಾಜ್ಞೋ ನಿಯೋಗೇನ ಸೈನಾಪತ್ಯೇಽಭ್ಯಷೇಚಯತ್॥ 9-66-41 (63939)
ಸೋಽಭಿಷಿಕ್ತೋ ಮಹಾರಾಜ ಪರಿಷ್ವಜ್ಯ ನೃಪೋತ್ತಮಂ।
ಪ್ರಯಯೌ ಸಿಂಹನಾದೇನ ದಿಶಃ ಸರ್ವಾ ವಿನಾದಯನ್॥ 9-66-42 (63940)
ದುರ್ಯೋಧನೋಽಪಿ ರಾಜೇಂದ್ರ ಶೋಣಿತೇನ ಪರಿಪ್ಲುತಃ।
ತಾಂ ನಿಶಾಂ ಪ್ರತಿಪೇದೇಽಥ ಸರ್ವಭೂತಭಯಾವಹಾಂ॥ 9-66-43 (63941)
ಅಪಕ್ರಂಯ ತು ತೇ ತೂರ್ಣಂ ತಸ್ಮಾದಾಯೋಧನಾನ್ನೃಪ।
ಶೋಕಸಂವಿಗ್ನಮನಸಶ್ಚಿಂತಾಮಾಪೇದಿರೇ ಭೃಶಂ॥ ॥ 9-66-44 (63942)
ಇತಿ ಶ್ರೀಮನ್ಮಹಾಭಾರತೇ ಶತಸಾಹಸ್ತ್ರಿಕಾಯಾಂ ಸಂಹಿತಾಯಾಂ ವೈಯಾಸಿಕ್ಯಾಂ ಶಲ್ಯಪರ್ವಣಿ ಗದಾಯುದ್ಧಪರ್ವಣಿ ಷಟ್ಷಷ್ಟಿತಮೋಽಧ್ಯಾಯಃ॥ 66 ॥ ॥ ಸಮಾಪ್ತಂ ಗದಾಯುದ್ಧಪರ್ವ ಶಲ್ಯಪರ್ವ ಚ॥ 9 ॥
ಅತಃ ಪರಂ ಸೌಪ್ತಿಕಂ ಪರ್ವ ಭವಿಷ್ಯತಿ। ತಸ್ಯಾಯಮಾದ್ಯಃ ಶ್ಲೋಕಃ। 9-66-1 (63943) 9-66-1x (5259) ಸಂಜಯ ಉವಾಚ। ತತಸ್ತೇ ಸಹಿತಾಃ ಸರ್ವೇ ಪ್ರಯಾತಾ ದಕ್ಷಿಣಾಮುಖಾಃ। ಉಪಾಸ್ತಮಯವೇಲಾಯಾಂ ಶಿಬಿರಾಭ್ಯಾಶಮಾಗತಾಃ॥