Kumbhaghonam Edition in Kannada Script
11. ಸ್ತ್ರೀಪರ್ವ
ಸ್ತ್ರೀಪರ್ವ - ಅಧ್ಯಾಯ 001
॥ ಶ್ರೀಃ ॥
11.1. ಅಧ್ಯಾಯಃ 001
Mahabharata - Strii Parva - Chapter Topics
ಸಂಜಯೇನ ಪುತ್ರಾದೀನ್ಪ್ರತಿ ಶೋಚತೋ ಧೃತರಾಷ್ಟ್ರಸ್ಯ ಸಮಾಶ್ವಾಸನಂ॥ 1 ॥Mahabharata - Strii Parva - Chapter Text
11-1-0 (64780)
ಶ್ರೀವೇದವ್ಯಾಸಾಯ ನಮಃ। 11-1-0x (5307)
ನಾರಾಯಣಂ ನಮಸ್ಕೃತ್ಯ ನರಂ ಚೈವ ನರೋತ್ತಮಂ।
ದೇವೀಂ ಸರಸ್ವತೀಂ ವ್ಯಾಸಂ ತತೋ ಜಯಮುದೀರಯೇತ್॥ 11-1-1 (64781)
ಜನಮೇಜಯ ಉವಾಚ। 11-1-1x (5308)
ಹತೇ ದುರ್ಯೋಧನೇ ಚೈವ ಹತೇ ಸೈನ್ಯೇ ಚ ಸರ್ವಶಃ।
ಧೃತರಾಷ್ಟ್ರೋ ಮಹಾರಾಜ ಶ್ರುತ್ವಾ ಕಿಮಕರೋನ್ಮುನೇ॥ 11-1-1 (64782)
ತಥೈವ ಕೌರವೋ ರಾಜಾ ಧರ್ಮಪುತ್ರೋ ಮಹಾಮನಾಃ।
ಕೃಪಪ್ರಭೃತಯಶ್ಚೈವ ಕಿಮಕುರ್ವತ ತೇ ತ್ರಯಃ॥ 11-1-2 (64783)
ಅಶ್ವತ್ಥಾಂನಃ ಕೃತಂ ಕರ್ಮ ಶಾಪಶ್ಚಾನ್ಯೋನ್ಯಕಾರಿತಃ।
ವೃತ್ತಾನ್ಮುತ್ರಂ ಬ್ರೂಹಿ ಯದಭಾಷತ ಸಂಜಯಃ॥ 11-1-3 (64784)
ವೈಶಂಪಾಯನ ಉವಾಚ। 11-1-4x (5309)
ಹತೇ ಪುತ್ರಶತೇ ದೀನಂ ಛಿನ್ನಶಾಖಮಿವ ದ್ರುಮಂ।
ಪುತ್ರಶೋಕಾಭಿಸನ್ಪ್ತಂ ಧೃತರಾಷ್ಟ್ರಂ ಮಹೀಪತಿಂ॥ 11-1-4 (64785)
ಧ್ಯಾನಮೂಕತ್ವಮಾಪನ್ನಂ ಚಿಂತಯಾ ಸಮಭಿಪ್ಲುತಂ।
ಸಂಜಯೋ ಜಯತಾಂ ಶ್ರೇಷ್ಠ ರಾಜಾನಂ ವಾಕ್ಯಮಬ್ರವೀತ್॥ 11-1-5 (64786)
ಕಿಂ ಶೋಚಸಿ ಮಹಾರಾಜ ನಾಸ್ತಿ ಶೋಕೇ ಸಹಾಯತಾ।
ಅಕ್ಷೌಹಿಣ್ಯೋ ಹತಾಶ್ಚಾಷ್ಟೌ ದಶ ಚೈವ ವಿಶಾಂಪತೇ।
ನಿರ್ಜಿತೇಯಂ ವಸುಮತೀ ಶೂನ್ಯಾ ಸ್ಥಾಸ್ಯತಿ ಕೇವಲಂ॥ 11-1-6 (64787)
ನಾನಾದಿಗ್ಭ್ಯಃ ಸಮಾಗಂಯ ನಾನಾಜಾತ್ಯಾ ನರಾಧಿಪಾಃ।
ಸಹಿತಾಸ್ವ ಪುತ್ರೇಣ ಸರ್ವೇ ವೈ ನಿಧನಂ ಗತಾಃ॥ 11-1-7 (64788)
ಪಿತೄಣಾಂ ಪುತ್ರಪೌತ್ರಾಣಾಂ ಜ್ಞಾತೀನಾಂ ಸುಹೃದಾಂ ತಥಾ।
ಗುರೂಣಾಂ ಚಾನುಪೂರ್ವ್ಯೇಣ ಯೇ ಚಾನ್ಯೇಽನುಚರಾ ಹತಾಃ।
ಪ್ರೇತಕಾರ್ಯಾಣಿ ಸರ್ವಾಣಿ ಕಾರಯಸ್ವ ನರಾಧಿಪ॥ 11-1-8 (64789)
ವೈಶಂಪಾಯನ ಉವಾಚ। 11-1-9x (5310)
ತಚ್ಛ್ರುತ್ವಾ ಕರುಣಂ ಪುತ್ರಪೌತ್ರವಧಾರ್ದಿತಃ।
ಪಪಾತ ಭುವಿ ದುರ್ಧರ್ಷೋ ವಾತಾಹತ ಇವ ದ್ರುಮಃ॥ 11-1-9 (64790)
ಧೃತರಾಷ್ಟ್ರ ಉವಾಚ। 11-1-10x (5311)
ಹತಪುತ್ರೋ ಹತಾಮಾತ್ಯೋ ಹತಸರ್ವಸುಹೃಜ್ಜನಃ।
ದುಃಖಂ ನೂನಂ ಗಮಿಷ್ಯಾಮಿ ವಿಚರನ್ಪೃಥಿವೀಮಿಮಾಂ॥ 11-1-10 (64791)
ಕಿನ್ನು ಬಂಧುವಿಹೀನಸ್ಯ ಜೀವಿತೇನ ಮಮಾದ್ಯ ವೈ।
ಲೂನಪಕ್ಷಸ್ಯ ಇವ ಮೇ ವೈನತೇಯಸ್ಯ ಸಂಜಯ॥ 11-1-11 (64792)
ಹೃತರಾಜ್ಯೋ ಹತಸುಹೃದ್ವತಪುತ್ರಶ್ಚ ವೈ ತಥಾ।
ನ ಭ್ರಾಜಿಷ್ಯೇ ಮಹಾಪ್ರಾಜ್ಞ ಕ್ಷೀಣರಶ್ಮಿರಿವಾಂಶುಮಾನ್॥ 11-1-12 (64793)
ನ ಕೃತಂ ಸುಹೃದಾಂ ವಾಕ್ಯಂ ಜಾಮದ್ಗ್ನ್ಯಸ್ಯ ಚ॥
ಸಭಾಮಧ್ಯೇ ತು ಕೃಷ್ಣೇನ ಯಚ್ಛ್ರೇಯೋಽಭಿಹಿತಂ ಮಮ। 11-1-13 (64794)
ಅಲಂ ವೈರೇಣ ತೇ ರಾಜನ್ಪುತ್ರಃ ಸಂಗೃದ್ಯತಾಮಿತಿ।
ತಚ್ಚ ವಾಕ್ಯಮಕೃತ್ವಾಽಹಂ ಭೃಶಂ ತಪ್ಯಾಮಿ ದುರ್ಮತಿಃ॥ 11-1-14 (64795)
ನ ಹಿ ಶ್ರೋತಾಽಸ್ಮಿ ಭೀಷ್ಮಸ್ಯ ಶರ್ಮಯುಕ್ತಂ ಪ್ರಭಾಷಿತಂ॥ 11-1-15 (64796)
ದುರ್ಯೋಧನಸ್ಯ ಚ ತಥಾ ವೃಷಭಸ್ಯೇವ ನರ್ದತಃ।
ದುಃಶಾಸನವಧಂ ಶ್ರುತ್ವಾ ಕರ್ಣಸ್ಯ ಚ ವಿಪರ್ಯಯಂ।
ದ್ರೋಣಸೂರ್ಯೋಪರಾಗಂ ಚ ಹೃದಯಂ ಮೇ ವಿದೀರ್ಯತೇ॥ 11-1-16 (64797)
ನ ಸ್ಮರಾಂಯಾತ್ಮನಃ ಕಿಂಚಿತ್ಪುರಾ ಸಂಜಯ ದುಷ್ಕೃತಂ।
ಯಸ್ಯೇದಂ ಫಲಮದ್ಯೇಹ ಮಯಾ ಮೂಢೇನ ಭುಜ್ಯತೇ॥ 11-1-17 (64798)
ನೂನಂ ವ್ಯಪಕೃತಂ ಕಿಂಚಿನ್ಮಯಾ ಪೂರ್ವೇಷು ಜನ್ಮಸು।
ಯೇನ ಮಾಂ ದುಃಖಭಾಗೇಷು ಧಾತಾ ಕರ್ಮಸು ಯುಕ್ತವಾನ್॥ 11-1-18 (64799)
ಪರಿಣಾಮಶ್ಚ ವಯಸಃ ಸರ್ವಬಂಧುಕ್ಷಯಶ್ಚ ಮೇ।
ಸುಹೃನ್ಮಿತ್ರವಿನಾಶಶ್ಚ ದೈವಯೋಗಾದುಪಾಗತಃ॥ 11-1-19 (64800)
ಕೋನ್ವಸ್ತಿ ದುಃಖಿತತರೋ ಮತ್ತೋಽನ್ಯೋ ಹಿ ಪುಮಾನ್ಭುವಿ॥ 11-1-20 (64801)
ತನ್ಮಾಮದ್ಯೈವ ಪಶ್ಯಂತು ಪಾಂಡವಾಃ ಸಂಶಿತವ್ರತಾಃ।
ವಿವೃತಂ ಬ್ರಹ್ಮಲೋಕಸ್ಯ ದೀರ್ಘಮಧ್ವಾನಮಾಸ್ಥಿತಂ॥ 11-1-21 (64802)
ವೈಶಂಪಾಯನ ಉವಾಚ। 11-1-22x (5312)
ತಸ್ಯ ಲಾಲಪ್ಯಮಾನಸ್ಯ ಬಹು ಶೋಕಂ ವಿಚಿನ್ವತಃ।
ಶೋಕಾಪಹಂ ನರೇಂದ್ರಸ್ಯ ಸಂಜಯೋ ವಾಕ್ಯಮಬ್ರವೀತ್॥ 11-1-22 (64803)
ಶೋಕಂ ರಾಜನ್ವ್ಯಪನುದ ಶ್ರುತಾಸ್ತೇ ವೇದನಿಶ್ಚಯಾಃ।
ಶಾಸ್ತ್ರಾಗಮಾಶ್ಚ ವಿವಿಧಾ ವೃದ್ಧೇಭ್ಯೋ ನೃಪಸತ್ತಮ॥ 11-1-23 (64804)
ಸೃಂಜಯೇ ಪುತ್ರಶೋಕಾರ್ತೇ ಯದೂರ್ಚುರ್ಮುನಯಃ ಪುರಾ।
ಯಥಾ ಯೌವನಜಂ ದರ್ಪಮಾಸ್ಥಿತೇ ತೇ ಸುತೇ ನೃಪ॥ 11-1-24 (64805)
ನ ತ್ವಯಾ ಸುಹೃದಾಂ ವಾಕ್ಯಂ ಬ್ರುವತಾಮವಧಾರಿತಂ।
ಸ್ವಾರ್ಥಶ್ಚ ನ ಕೃತಃ ಕಶ್ಚಿಲ್ಲುಬ್ಧೇನ ಫಲಗೃದ್ಧಿನಾ॥ 11-1-25 (64806)
ಅಸಿನೈವೈಕಧಾರೇಣ ಸ್ವಬುದ್ಧ್ಯಾ ತು ವಿಚೇಷ್ಟಿತಂ।
ಪ್ರಾಯಶೋಽವೃತ್ತಸಂಪನ್ನಾಃ ಸತತಂ ಪರ್ಯುಪಾಸಿತಾಃ॥ 11-1-26 (64807)
ಯಸ್ಯ ದುಃಶಾಸನೋ ಮಂತ್ರೀ ರಾಧೇಯಶ್ಚ ದುರಾತ್ಮವಾನ್।
ಶಕುನಿಶ್ಚೈವ ದುಷ್ಟಾತ್ಮಾ ಚಿತ್ರಸೇನಶ್ಚ ದುರ್ಮತಿಃ॥ 11-1-27 (64808)
ಅನಲ್ಪಂ ಯೇನ ವೈ ಸರ್ವಂ ಶಲ್ಯಭೂತಂ ಕೃತಂ ಜಗತ್।
ಕುರುವೃದ್ಧಸ್ಯ ಭೀಷ್ಮಸ್ಯ ಗಾಂಧಾರ್ಯಾ ವಿದುರಸ್ಯ ಚ॥ 11-1-28 (64809)
ದ್ರೋಣಸ್ಯ ಚ ಮಹಾರಾಜ ಕೃಪಸ್ಯ ಚ ಶರದ್ವತಃ।
ಕೃಷ್ಣಸ್ಯ ಚ ಮಹಾಬಾಹೋ ನಾರದಸ್ಯ ಚ ಧೀಮತಃ॥ 11-1-29 (64810)
ಋಷೀಣಾಂ ಚ ತಥಾಽನ್ಯೇಷಾಂ ವ್ಯಾಸಸ್ಯಾಮಿತತೇಜಸಃ।
ನ ಕೃತಂ ತೇನ ವಚನಂ ತವ ಪುತ್ರೇಣ ಭಾರತ।
ಕ್ಷಪಿತಾಃ ಕ್ಷತ್ರಿಯಾಃ ಸರ್ವೇ ಶತ್ರೂಣಾಂ ವರ್ಧಿತಂ ಯಶಃ॥ 11-1-30 (64811)
ಅಧರ್ಮಸಂಯುತಂ ಕಿಂಚಿನ್ನಿತ್ಯಂ ಯುದ್ಧಮಿತಿ ಬ್ರುವನ್।
ಮಧ್ಯಸ್ಥೋ ಹಿ ತ್ವಮಪ್ಯಾಸೀರ್ನ ಕ್ಷಮಂ ಕಿಂಚಿದುಕ್ತವಾನ್॥ 11-1-31 (64812)
ಧೂರ್ಧರೇಣ ತ್ವಯಾ ಭಾರಸ್ತುಲಯಾ ನ ಸಮಂ ಧೃತಃ॥ 11-1-32 (64813)
ಆದಾವೇವ ಮನುಷ್ಯೇಣ ವರ್ತಿತವ್ಯಂ ಯಥಾಕ್ರಮಂ।
ಯಥಾ ನಾತೀತಮರ್ಥಂ ವೈ ಪಶ್ಚಾತ್ತಾಪೇನ ಯುಜ್ಯತೇ॥ 11-1-33 (64814)
ಪುತ್ರಗೃದ್ಧ್ಯಾ ತ್ವಯಾ ರಾಜನ್ಪ್ರಿಯಂ ತಸ್ಯ ಚಿಕೀರ್ಷಿತಂ।
ಪಶ್ಚಾತ್ತಾಪಮಿಮಂ ಪ್ರಾಪ್ತೋ ನ ತ್ವಂ ಶೋಚಿತುಮರ್ಹಸಿ॥ 11-1-34 (64815)
ಮಧು ಯಃ ಕೇವಲಂ ದೃಷ್ಟ್ವಾ ಪ್ರಪಾತಂ ನಾನುಪಶ್ಯತಿ।
ಸ ಭ್ರಷ್ಟೋಮಧುಲೋಭೇನ ಶೋಚತ್ಯೇವ ಯಥಾ ಭವಾನ್॥ 11-1-35 (64816)
ಅರ್ಥಾನ್ನ ಶೋಚನ್ಪ್ರಾಪ್ನೋತಿ ನ ಶೋಚನ್ವಿಂದತೇ ಸುಖಂ।
ನ ಶೋಚಞ್ಶ್ರಿಯಮಾಪ್ನೋತಿ ನ ಶೋಚನ್ವಿಂದತೇ ಜಯಂ॥ 11-1-36 (64817)
ಸ್ವಯಮುತ್ಪಾದಯಿತ್ವಾಽಗ್ನಿಂ ಪರೀತಸ್ತೇನ ಯೋಽಗ್ನಿನಾ।
ದಹ್ಯಮಾನಃ ಪುನಸ್ತಾಪಂ ಭಜತೇ ನ ಸ ಪಂಡಿತಃ॥ 11-1-37 (64818)
ತ್ವಯೈವ ಸಸುತೇನಾಯಂ ವಾಕ್ಯವಾಯುಸಮೀರಿತಃ।
ಲೋಭಾಜ್ಯೇನ ಚ ಸಂಸಿಕ್ತೋ ಜ್ವಲಿತಃ ಪಾರ್ಥಪಾವಕಃ॥ 11-1-38 (64819)
ತಸ್ಮಿನ್ಸಮಿದ್ಧೇ ಪತಿತಾಃ ಶಲಭಾ ಇವ ತೇ ಸುತಾಃ।
ತಾನ್ಕೇಶವಾಗ್ನಿನಿರ್ದಗ್ಧಾನ್ನ ತ್ವಂ ಶೋಚಿತುಮರ್ಹಸಿ॥ 11-1-39 (64820)
ಯಚ್ಚಾಶ್ರುಪಾತಕಲಿಲಂ ವದನಂ ವಹಸೇ ನೃಪ।
ಅಶಾಸ್ತ್ರದೃಷ್ಟಮೇತದ್ಧಿ ನ ಪ್ರಶಂಸಂತಿ ಪಂಡಿತಾಃ॥ 11-1-40 (64821)
ವಿಸ್ಫುಲಿಂಗಾ ಇವ ಹ್ಯೇತಾಂದಹಂತಿ ಕಿಲ ಮಾನವಾನ್।
ಜಹೀಹಿ ಮನ್ಯುಂ ಬುದ್ಧ್ಯಾ ವೈ ಧಾಸ್ಯಾತ್ಮಾನಮಾತ್ಮನಾ॥ 41 ॥ 11-1-41 (64822)
ವೈಶಂಪಾಯನ ಉವಾಚ। 11-1-42x (5313)
ಏವಮಾಶ್ವಾಸಿತಂ ತೇನ ಸಂಜಯೇನ ಮಹಾತ್ಮನಾ।
ವಿದುರೋ ಭೂಯ ಏವಾಹ ಬುದ್ಧಿಪೂರ್ವಂ ಪರಂತಪ॥ ॥ 11-1-42 (64823)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಪ್ರಥಮೋಽಧ್ಯಾಯಃ॥ 1 ॥
Mahabharata - Strii Parva - Chapter Footnotes
11-1-3 ಅಶ್ವತ್ಥಾಂನಃ ಶ್ರುತಂ ಕರ್ಮ ಶಾಪಶ್ಚಾನ್ಯೋನ್ಯಕಾರಿತ ಇತಿ ಕ.ಪಾಠಃ। ಅಶ್ವತ್ಥಾನ್ನಃ ಶ್ರುತಂ ಕರ್ಮ ಶಾಪಾದನ್ಯೋನ್ಯಕರಿತಾದಿತಿ ಝ.ಪಾಠಃ। ತತ್ರ ಅನ್ಯೋನ್ಯಂ ಕಾರಿತಾತ್ಪಾಂಡವಾನಾಂ ಗರ್ಭೇ ಬ್ರಹ್ಮಶಿರೋಸ್ತ್ರಂ ಪತತ್ವಿತ್ಯಶ್ವತ್ಥಾನ್ನಾ ಶಾಪೋ ದತ್ತಃ। ಸಹಸ್ರವರ್ಷಾಣಿ ಗಲತ್ಕುಷ್ಠೋ ಭವಿಷ್ಯಸೀತ್ಯಶ್ವತ್ಥಾಂನಃ ಕೃಷ್ಣೇನ ಶಾಪೋ ದತ್ತ ಇತ್ಯರ್ಥಃ॥ 11-1-6 ಶೂನ್ಯಾ ರಾಜಭಿರ್ಹೀನಾ ॥ 11-1-8 ಗುರೂಣಾಂ ಚಾನುಪೂರ್ವ್ಯೇಣ ಪ್ರೇತಕಾರ್ಯಾಣಿ ಕಾರಯೇತಿ ಝ.ಪಾಠಃ। ತತ್ರ ಆನುಪೂರ್ವ್ಯೇಣೇತಿ। ಆದೌ ಹತಾನಾಮಾದಾವೇವ ಪಶ್ಚಾದ್ಧತಾನಾಂ ಪಶ್ಚಾದೇವೇತಿ ಪೌರ್ವಾಪರ್ಯೇಣ ಪ್ರೇತಾನಾಂ ಪರೇತಾನಾಂ ಕಾರ್ಯಾಣಿ ಪಾರಲೌಕಿಕಾನಿ ಕರ್ಮಾಣೀತ್ಯರ್ಥಃ॥ 11-1-15 ಶ್ರೋತಾಸ್ಮಿ ಶ್ರುತವಾನಸ್ಮಿ॥ 11-1-16 ವಿಪರ್ಯಯಂ ವಿನಾಶಂ॥ 11-1-21 ತನ್ಮಾಮಿತಿ। ಅದ್ಯೈವ ಪ್ರಾಣತ್ಯಾಗಂ ಕರಿಷ್ಯಾಮೀತ್ಯರ್ಥಃ॥ 11-1-22 ಶೋಕಂ ವಿತನ್ವತ ಇತಿ ಝ.ಪಾಠಃ। ತತ್ರ ವಿತನ್ವತಃ ವಿರಚಯತ ಇತ್ಯರ್ಥಃ॥ 11-1-23 ಅವೃತ್ತೇತಿ ಚ್ಛೇದಃ॥ 11-1-28 ಶಲ್ಯಶ್ಚ ಯೇನ ವೈ ಸರ್ವಂ ಇತಿ ಝ.ಪಾಠಃ। ತತ್ರ ಶಲ್ಯಶ್ಚ ಮಂತ್ರೀತಿ ಪೂರ್ವೇಣಾನ್ವಯಃ॥ 11-1-31 ನ ಧರ್ಮಃ ಸ ಕೃತಃ ಕಶ್ಚಿನ್ನಿತ್ಯಂ ಯುದ್ಧಮಭೀಪ್ಸತಾ। ಅಲ್ಪಬುದ್ಧಿರಹಕಾರೀ ನಿತ್ಯಂ ಯುದ್ಧಮಿತಿ ಬ್ರುವನ್। ಕ್ರೂರೋ ದುರ್ಮರ್ಷಣೋ ನಿತ್ಯಮಸಂತುಷ್ಟಶ್ಚ ವೀರ್ಯವಾನ್। ಶ್ರುತವಾನಸಿ ಮೇಧಾವೀ ಸತ್ಯವಾಂಶ್ಚೈವ ನಿತ್ಯದಾ। ನ ಮುಹ್ಯಾಂತೀದೃಶಾಃ ಸಂತೋ ಬುದ್ಧಿಮಂತೋ ಭವಾದೃಶಾಃ। ನ ಧರ್ಮಃ ಸತ್ಕೃತಃ ಕಶ್ಚಿತ್ತವ ಪುತ್ರೇಣ ಮಾರಿಷ। ಇತಿ ಝ.ಪಾಠಃ। ಅತ್ರ ಬ್ರುವನ್ ದುರ್ಯೋಧನಂ ಆಸೀದಿತಿ ಶೇಷಃ॥ 11-1-32 ದುರ್ಧರೇಣೇತಿ ಝ.ಟ.ಪಾಠಃ॥ 11-1-35 ಪ್ರಪಾತಂ ಪರ್ವತಾಗ್ರಾದ್ಭ್ರಂಶಂ॥ 11-1-41 ಜಹಿ ಮನ್ಯಂ ಸ್ವಬುದ್ಧ್ಯಾ ವೈ ಇತಿ ಕ.ಛ.ಟ.ಪಾಠಃ। ದಹಂತಿ ಶೋಕಾ ಇತ್ಯರ್ಥಾತ್। ಮನ್ಯುಂ ದೈನ್ಯಂ। ಮನ್ಯುರ್ದೈನ್ಯೇ ಕ್ರತೌ ಕ್ರುಧಿ ಇತ್ಯಮರಃ। ಆತ್ಮಾನಂ ಚಿತ್ತಂ ಆತ್ಮನಾ ಧೈರ್ಯೇಣ ಧಾರಯ। ಪ್ರಾಣಾನ್ಮಾತ್ಯಾಕ್ಷೀರಿತ್ಯರ್ಥಃ॥ 11-1-1 ಪ್ರಥಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 002
॥ ಶ್ರೀಃ ॥
11.2. ಅಧ್ಯಾಯಃ 002
Mahabharata - Strii Parva - Chapter Topics
ವಿದುರೇಣ ಶಾಸ್ತ್ರಾರ್ಥಕಥನೇನ ಧೃತರಾಷ್ಟ್ರಸ್ಯ ಶೋಕಾಪನೋದನಂ॥ 1 ॥Mahabharata - Strii Parva - Chapter Text
11-2-0 (64824)
ವೈಶಂಪಾಯನ ಉವಾಚ। 11-2-0x (5314)
ತತೋಽಮೃತರಸೈರ್ವಾಕ್ಯೈರ್ಹ್ಲಾದಯನ್ಪುರುಷರ್ಷಭಂ।
ವೈಚಿತ್ರವೀರ್ಯಂ ವಿದುರೋ ಯದುವಾಚ ನಿಬೋಧ ತತ್॥ 11-2-1 (64825)
ವಿದುರ ಉವಾಚ। 11-2-2x (5315)
ಉತ್ತಿಷ್ಠ ರಾಜನ್ಕಿಂ ಶೇಷೇ ಧಾರಯಾತ್ಮಾನಮಾತ್ಮನಾ।
ಏಷಾ ವೈ ಸರ್ವಸತ್ವಾನಾಂ ಲೋಕೇಶ್ವರ ಪರಾ ಗತಿಃ॥ 11-2-2 (64826)
ಸರ್ವೇ ಕ್ಷಯಾಂತಾ ನಿಚಯಾಃ ಪತನಾಂತಾಃ ಸಮುಚ್ಛ್ರಯಾಃ।
ಸಂಯೋಗಾ ವಿಪ್ರಯೋಗಾಂತಾ ಮರಣಾಂತಂ ಚ ಜೀವಿತಂ॥ 11-2-3 (64827)
ಯದಾ ಶೂರಂ ಚ ಭೀರುಂ ಚ ಯಮಃ ಕರ್ಷತಿ ಭಾರತ।
ತತ್ಕಿಂ ನ ಯೋತ್ಸ್ಯಂತಿ ಹಿ ತೇ ಕ್ಷತ್ರಿಯಾಃ ಕ್ಷತ್ರಿಯರ್ಷಭ॥ 11-2-4 (64828)
ಅಯುಧ್ಯಮಾನೋ ಂರಿಯತೇ ಯುಧ್ಯಮಾನಶ್ಚ ಜೀವತಿ।
ಕಾಲಂ ಪ್ರಾಪ್ಯ ಮಹಾರಾಜ ನ ಕಶ್ಚಿದತಿವರ್ತತೇ॥ 11-2-5 (64829)
ಅಭಾವಾದೀನಿ ಭೂತಾನಿ ಭಾವಮಧ್ಯಾನಿ ಭಾರತ।
ಅಭಾವನಿಧನಾನ್ಯೇವ ತತ್ರ ಕಾ ಪರಿದೇವನಾ॥ 11-2-6 (64830)
ನ ಶೋಚನ್ಮೃತಮನ್ವೇತಿ ನ ಶೋಚನ್ಂರಿಯತೇ ನರಃ।
ಏವಂ ಸಾಂಸಿದ್ಧಿಕೇ ಲೋಕೇ ಕಿಮರ್ಥಮನುಶೋಚಸಿ॥ 11-2-7 (64831)
ಕಾಲಃ ಕರ್ಷತಿ ಭೂತಾನಿ ಸರ್ವಾಣಿ ವಿವಿಧಾನ್ಯುತ।
ನ ಕಾಲಸ್ಯ ಪ್ರಿಯಃ ಕಶ್ಚಿನ್ನ ದ್ವೇಷ್ಯಃ ಕುರುಸತ್ತಮ॥ 11-2-8 (64832)
ಯಥಾ ವಾಯುಸ್ತೃಣಾಗ್ರಾಣಿ ಸಂವರ್ತಯತಿ ಸರ್ವಶಃ।
ತಥಾ ಕಾಲವಶಂ ಯಾಂತಿ ಭೂತಾನಿ ಭರತರ್ಷಭ॥ 11-2-9 (64833)
ಏಕಸಾರ್ಥಪ್ರಯಾತಾನಾಂ ಸರ್ವೇಷಾಂ ತತ್ರ ಗಾಮಿನಾಂ।
ಯಸ್ಯ ಕಾಲಃ ಸ ಯಾತ್ಯಗ್ರೇ ತತ್ರ ಕಾ ಪರಿದೇವನಾ॥ 11-2-10 (64834)
ನ ಚಾಪ್ಯೇತಾನ್ಹತಾನ್ಯುದ್ಧೇ ರಾಜಞ್ಶೋಚಿತುಮರ್ಹಸಿ।
ಪ್ರಮಾಣಂ ಯದಿ ಶಾಸ್ತ್ರಾಣಿ ಗತಾಸ್ತೇ ಪರಮಾಂ ಗತಿಂ॥ 11-2-11 (64835)
ಸರ್ವೇ ಸ್ವಾಧ್ಯಾಯವಂತೋ ಹಿ ಸರ್ವೇ ಚ ಚರಿತವ್ರತಾಃ।
ಸರ್ವೇ ಚಾಭಿಮುಖಾಃ ಕ್ಷೀಣಾಸ್ತತ್ರ ಕಾ ಪರಿದೇವನಾ॥ 11-2-12 (64836)
ಅದರ್ಶನಾದಾಪತಿತಾಃ ಪುನಶ್ಚಾದರ್ಶನಂ ಗತಾಃ।
ನೈತೇ ತವ ನ ತೇಷಾಂ ತ್ವಂ ತತ್ರ ಕಾ ಪರಿದೇವನಾ॥ 11-2-13 (64837)
ಹತೋ ಹಿ ಲಭತೇ ಸ್ವರ್ಗಂ ಜಿತ್ವಾ ಚ ಲಭತೇ ಯಶಃ।
ಉಭಯಂ ನೋ ಬಹುಗುಣಂ ನಾಸ್ತಿ ನಿಷ್ಫಲತಾ ರಣೇ॥ 11-2-14 (64838)
ತೇಷಾಂ ಕಾಮದುಘಾಂʼಲ್ಲೋಕಾನಿಂದ್ರಃ ಸಂಕಲ್ಪಯಿಷ್ಯತಿ।
ಇಂದ್ರಸ್ಯಾತಿಥಯೋ ಹ್ಯೇತೇ ಭವಂತಿ ಭರತರ್ಷಭ॥ 11-2-15 (64839)
ನ ಯಜ್ಞೈರ್ದಕ್ಷಿಣಾವದ್ಭಿರ್ನ ತಪೋಭಿರ್ನ ವಿದ್ಯಯಾ।
ಸ್ವರ್ಗಂ ಯಾಂತಿ ತಥಾ ಮರ್ತ್ಯಾ ಯಥಾ ಶೂರಾ ರಣೇ ಹತಾಃ॥ 11-2-16 (64840)
ಶರೀರಾಗ್ನಿಷು ಶೂರಾಣಾಂ ಜುಹುವುಸ್ತೇ ಶರಾಹುತೀಃ।
ಹೂಯಮಾನಾಞ್ಶರಾಂಶ್ಚೈವ ಸೇಹುಸ್ತೇಜಸ್ವಿನೋ ಮಿಥಃ॥ 11-2-17 (64841)
ಏವಂ ರಾಜಂಸ್ತವಾಚಕ್ಷೇ ಸ್ವರ್ಗ್ಯಂ ಪಂಥಾನಮುತ್ತಮಂ।
ನ ಯುದ್ಧಾದಧಿಕಂ ಕಿಂಚಿತ್ಕ್ಷತ್ರಿಯಸ್ಯೇಹ ವಿದ್ಯತೇ॥ 11-2-18 (64842)
ಕ್ಷತ್ರಿಯಾಸ್ತೇ ಮಹಾತ್ಮಾನಃ ಶೂರಾಃ ಸಮಿತಿಶೋಭನಾಃ।
ಆಶಿಷಃ ಪರಮಾಃ ಪ್ರಾಪ್ತಾ ನ ಶೋಚ್ಯಾಃ ಸರ್ವ ಏವ ಹಿ॥ 11-2-19 (64843)
ಆತ್ಮಾನಮಾತ್ಮನಾಽಽಶ್ವಾಸ್ಯ ಮಾ ಶುಚಃ ಪುರುಷರ್ಷಭ।
ನಾದ್ಯ ಶೋಕಾಭಿಭೂತಸ್ತ್ವಂ ಕಾಯಮುತ್ಸ್ರಷ್ಟುಮರ್ಹಸಿ॥ 11-2-20 (64844)
ಮಾತಾಪಿತೃಸಹಸ್ರಾಣಿ ಪುತ್ರದಾರಶತಾನಿ ಚ।
ಸಂಸಾರೇಷ್ವನುಭೂತಾನಿ ಕಸ್ಯ ತೇ ಕಸ್ಯ ವಾ ವಯಂ॥ 11-2-21 (64845)
ಶೋಕಸ್ಥಾನಸಹಸಾಣಿ ಭಯಸ್ಥಾನಶತಾನಿ ಚ।
ದಿವಸೇದಿವಸೇ ಮೂಢಮಾವಿಶಂತಿ ನ ಪಣ಼್ಡಿತಂ॥ 11-2-22 (64846)
ನ ಕಾಲಸ್ಯ ಪ್ರಿಯಃ ಕಶ್ಚಿನ್ನ ದ್ವೇಷ್ಯಃ ಕುರುಸತ್ತಮ।
ನ ಮಧ್ಯಸ್ಥಃ ಕ್ವಚಿತ್ಕಾಲಃ ಸರ್ವಂ ಕಾಲಃ ಪ್ರಕರ್ಷತಿ॥ 11-2-23 (64847)
ಕಾಲಃ ಪಚತಿ ಭೂತಾನಿ ಕಾಲಃ ಸಂಹರತೇ ಪ್ರಜಾಃ।
ಕಾಲಃ ಸುಪ್ತೇಷು ಜಾಗರ್ತಿ ಕಾಲೋ ಹಿ ದುರತಿಕ್ರಮಃ॥ 11-2-24 (64848)
ಅನಿತ್ಯಂ ಯೌವನಂ ರೂಪಂ ಜೀವಿತಂ ದ್ರವ್ಯಸಂಚಯಃ।
ಆರೋಗ್ಯಂ ಪ್ರಿಯಸಂವಾಸೋ ಗೃದ್ಧ್ಯೇದೇಷು ನ ಪಂಡಿತಃ॥ 11-2-25 (64849)
ನ ಜಾನಪದಿಕಂ ದುಃಖಮೇಕಃ ಶೋಚಿತುಮರ್ಹಸಿ।
ಅಪ್ಯಭಾವೇನ ಯುಜ್ಯೇತ ತಚ್ಚಾಸ್ಯ ನ ನಿವರ್ತತೇ॥ 11-2-26 (64850)
ಅಶೋಚನ್ಪ್ರತಿಕುರ್ವೀತ ಯದಿ ಪಶ್ಯೇತ್ಪರಾಕ್ರಮಂ।
ಭೈಷಜ್ಯಮೇತದ್ದುಃಖಸ್ಯ ಯದೇತನ್ನಾನುಚಿಂತಯೇತ್॥ 11-2-27 (64851)
ಚಿಂತ್ಯಮಾನಂ ಹಿ ನ ವ್ಯೇತಿ ಭೂಯಶ್ಚಾಪಿ ಪ್ರವರ್ಧತೇ॥
ಅನಿಷ್ಟಸಂಪ್ರಯೋಗಾಚ್ಚ ವಿಪ್ರಯೋಗಾತ್ಪ್ರಿಯಸ್ಯ ಚ। 11-2-28 (64852)
ಮಾನುಷಾ ಮಾನಸೈರ್ದುಃಖೈರ್ಯುಜ್ಯಂತೇ ಯೇಽಲ್ಪಬುದ್ಧಯಃ॥
ನಾರ್ಥೋ ನ ಧರ್ಮೋ ನ ಸುಖಂ ಯದೇತದನುಶೋಚತಿ। 11-2-29 (64853)
ತಚ್ಚ ನಾಪ್ನೋತಿ ಕಾರ್ಯಾರ್ಥಂ ತ್ರಿವರ್ಗಾಚ್ಚೈವ ಭ್ರಶ್ಯತೇ॥
ಅನ್ಯೋನ್ಯಬಾಧನಾವಸ್ಥಾಂ ಪ್ರಾಪ್ಯ ವೈಷಯಿಕೀಂ ನರಾಃ। 11-2-30 (64854)
ಅಸಂತುಷ್ಟಾಃ ಪ್ರಮುಹ್ಯಂತಿ ಸಂತೋಷಂ ಯಾಂತಿ ಪಂಡಿತಾಃ॥
ಪ್ರಜ್ಞಯಾ ಮಾನಸಂ ದುಃಖಂ ಹನ್ಯಾಚ್ಛಾರೀರಮೌಷಧೈಃ। 11-2-31 (64855)
ಏತದ್ವಿಜ್ಞಾನಸಾಮರ್ಥ್ಯಂ ನ ಬಾಲೈಃ ಸಮತಾಮಿಯಾತ್॥
ಶಯಾನಂ ಚಾನುಶೇತೇ ಹಿ ತಿಷ್ಠಂತಂ ಚಾನುತಿಷ್ಠತಿ। 11-2-32 (64856)
ಅನುಧಾವತಿ ಧಾವಂತಂ ಕರ್ಮ ಪೂರ್ವಕೃತಂ ನರಂ॥
ಯಸ್ಯಾಂಯಸ್ಯಾಮವಸ್ಥಾಯಾಂ ಯತ್ಕರೋತಿ ಶುಭಾಶುಭಂ। 11-2-33 (64857)
ತಸ್ಯಾಂತಸ್ಯಾಮವಸ್ಥಾಯಾಂ ತತ್ತತ್ಫಲಮವಾಪ್ನುತೇ॥
[ಯೇನಯೇನ ಶರೀರೇಣ ಯದ್ಯತ್ಕರ್ಮ ಕರೋತಿ ಯಃ। 11-2-34 (64858)
ತೇನತೇನ ಶರೀರೇಣ ತತ್ಫಲಂ ಸಮುಪಾಶ್ನುತೇ॥
ಆತ್ಮೈವ ಹ್ಯಾತ್ಮನಃ ಸಾಕ್ಷೀ ಕೃತಸ್ಯಾಪಕೃತಸ್ಯ ಚ॥ 11-2-35 (64859)
ಶುಭೇನ ಕರ್ಮಣಾ ಸೌಖ್ಯಂ ದುಃಖಂ ಪಾಪೇನ ಕರ್ಮಣಾ।
ಕೃತಂ ಭವತಿ ಸರ್ವತ್ರ ನಾಕೃತಂ ವಿದ್ಯತೇ ಕ್ವಚಿತ್॥ 11-2-36 (64860)
ನ ಹಿ ಜ್ಞಾನವಿರುದ್ಧೇಷು ಬಹ್ವಪಾಯೇಷು ಕರ್ಮಸು।
ಮೂಲಘಾತಿಷು ಸಜ್ಜಂತೇ ಬುದ್ಧಿಮಂತೋ ಭವದ್ವಿಘಾಃ॥] ॥ 11-2-37 (64861)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ದ್ವಿತೀಯೋಽಧ್ಯಾಯಃ॥ 2 ॥
Mahabharata - Strii Parva - Chapter Footnotes
11-2-2 ಏಷಾ ಮರಣಾಂತಾ। ಅತ ಉತ್ತಿಷ್ಠ ಶೋಕಂ ತ್ಯಜ॥ 11-2-6 ಅಭಾವಾದೀನಿ ದುಃಖಾನಿ ದುಃಖಮಧ್ಯಾನಿ ಭಾರತೇತಿ ಛ.ಪಾಠಃ॥ 11-2-8 ಸಾಂಸಿದ್ಧಿಕೇ ಸ್ವಭಾವಸಿದ್ಧೇ॥ 11-2-9 ಸಂವರ್ತಯತಿ ಸ್ವವಶಂ ನಯತಿ॥ 11-2-10 ತತ್ರ ಗಾಮಿನಾಂ ಪರತ್ರ ಗಮನಶೀಲಾನಾಂ ಯಸ್ಯ ಕಾಲ ಉಪಸ್ಥಿತಃ ಸೋಽಗ್ರೇ ಪ್ರಯಾತಿ॥ 11-2-13 ಅದರ್ಶನಾದಜ್ಞಾನಾತ್॥ 11-2-14 ನೋಽಸ್ಮಾಕಂ ಕ್ಷತ್ರಿಯಾಣಾಂ॥ 11-2-18 ಆಚಕ್ಷೇ ಕಥಯಾಮಿ॥ 11-2-26 ಅತಪದಿಕಂ ಸರ್ವಸಾಧಾರಣಂ। ಅಭಾವೇನ ಮರಣೇನ। ತಚ್ಚ ದುಃಖಂ ಚ॥ 11-2-30 ನಚ ನಾಪೈತಿ ಕಾರ್ಯಾರ್ಥಾತ್ತ್ರಿವರ್ಗಾಚ್ಚೈವ ಹೀಯತೇ ಇತಿ ಝ.ಪಾಠಃ। ತತ್ರ ಕಾರ್ಯಾರ್ಥಾನ್ನಾಪೈತೀತಿನಾಪಿತ್ವಪೈತ್ಯೇವೇತ್ಯರ್ಥಃ॥ 11-2-31 ಅನ್ಯಾಮನ್ಯಾಂ ಪನಾವಸ್ಥಾಂ ಪ್ರಾಪ್ಯ ವೈಶೇಷಿಕೀಂ ನರಾಃ। ಇತಿ ಝ.ಪಾಠಃ॥ 11-2-34 ಅವಸ್ಥಾಯಾಂ ಯೌವನಾದಿರೂಪಾಯಾಂ॥ 11-2-35 ಯೇನೇತಿ। ಸ್ಥೂಲೇನ ದೇಹೇನ ಕೃತೇ ತತ್ತೇನೈವ ಭುಜ್ಯತೇ। ಮನಃಕೃತ್ತಂ ಚೇತ್ತೇನೈವ ಭುಜ್ಯತೇ ಸ್ವಪ್ನಾದೌ॥ 11-2-2 ದ್ವಿತೀಯೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 003
॥ ಶ್ರೀಃ ॥
11.3. ಅಧ್ಯಾಯಃ 003
Mahabharata - Strii Parva - Chapter Topics
ವಿದುರೇಣ ಧೃತರಾಷ್ಟ್ರಕಾಪನೋದನಾಯ ಶಾಸ್ತ್ರಾರ್ಥಕಥನಂ॥ 1 ॥Mahabharata - Strii Parva - Chapter Text
11-3-0 (64862)
ವೃತರಾಷ್ಟ್ರ ಉವಾಚ। 11-3-0x (5316)
ಸುಮಾಷಿತಂ ಮಹಾಪ್ರಾಜ್ಞ ಶೋಕೋಽಯಂ ವಿಗತೋ ಮಮ।
ಭೂಯ ಏವ ತು ವಾಕ್ಯಾನಿ ಶ್ರೋತುಮಿಚ್ಛಾಮಿ ತತ್ತ್ವತಃ॥ 11-3-1 (64863)
ಅನಿಷ್ಟಾನಾಂ ಚ ಸಂಸರ್ಗಾದಿಷ್ಟಾನಾಂ ಚ ನಿವರ್ತನಾತ್।
ಕಥಂ ಹಿ ಮಾನಸಂ ದುಃಖಂ ವಿಪ್ರಯುಜ್ಯಂತಿ ಪಂಡಿತಾಃ॥ 11-3-2 (64864)
ವಿದುರ ಉವಾಚ। 11-3-3x (5317)
ವತೋಯತೋ ಮನೋ ದುಃಖಾತ್ಸುಖಾದ್ರ ವಿಪ್ರಮುಚ್ಯತೇ।
ತವತ್ತಸಃ ಶಗಂ ಲಬ್ಧ್ವಾ ಸುಗತಿಂ ವಿಂದತೇ ಬುಧಃ॥ 11-3-3 (64865)
ಅಶಾಧತಮಿದಂ ಸರ್ವಂ ಚಿಂತ್ಯಮಾನಂ ನರರ್ಷಭ।
ಕದಲೀಸನ್ನಿಭೋ ಲೋಕಃ ಸಾರೋ ಹ್ಯಸ್ಯ ನ ವಿದ್ಯತೇ॥ 11-3-4 (64866)
[ಯದಾ ಪ್ರಾಜ್ಞಾಶ್ಚ ಮೂಢಾಶ್ಚ ಧನವಂತೋಽಥ ನಿರ್ಧನಾಃ।
ಸರ್ವೇ ಪಿತೃವನಂ ಪ್ರಾಪ್ಯ ಸ್ವಪಂತಿ ವಿಗತಜ್ವರಾಃ॥ 11-3-5 (64867)
ನಿರ್ಮಾಂಸೈರಸ್ಥಿಭೂಯಿಷ್ಠೈರ್ಗಾತ್ರೈಃ ಸ್ನಾಯುನಿಬಂಧಿಭಿಃ।
ಕಿಂ ವಿಶೇಷಂ ಪ್ರಪಶ್ಯಂತಿ ತತ್ರ ತೇಷಾಂ ಪರೇ ಜನಾಃ॥ 11-3-6 (64868)
ಯೇನ ಪ್ರತ್ಯವಗಚ್ಛೇಯುಃ ಕುಲರೂಪವಿಶೇಷಣಂ।
ಕಸ್ಮಾದನ್ಯೋನ್ಯಮಿಚ್ಛಂತಿ ವಿಪ್ರಲಬ್ಧಧಿಯೋ ನರಾಃ॥] 11-3-7 (64869)
ಗೃಹಾಣ್ಯೇವ ಹಿ ಮರ್ತ್ಯಾನಾಮಾಹುರ್ದೇಹಾನಿ ಪಂಡಿತಾಃ।
ಕಾಲೇನ ವಿನಿಯುಜ್ಯಂತೇ ಸತ್ವಮೇಕಂ ತು ಶೋಭನಂ॥ 11-3-8 (64870)
ಯಥಾ ಜೀರ್ಣಮಜೀರ್ಣಂ ವಾ ವಸ್ತ್ರಂ ತ್ಯಕ್ತ್ವಾ ತು ಪೂರುಷಃ।
ಅನ್ಯದ್ರೋಚಯತೇ ವಸ್ತ್ರಮೇವಂ ದೇಹಾಃ ಶರೀರಿಣಾಂ॥ 11-3-9 (64871)
ವೈಚಿತ್ರವೀರ್ಯ ಸತ್ಯಂ ಹಿ ದುಃಖಂ ವಾ ಯದಿ ವಾ ಸುಖಂ।
ಪ್ರಾಪ್ನುವಂತೀಹ ಭೂತಾನಿ ಸ್ವಕೃತೇನೈವ ಕರ್ಮಣಾ॥ 11-3-10 (64872)
ಕರ್ಮಣಾ ಪ್ರಾಪ್ಯತೇ ಸ್ವರ್ಗಃ ಸುಖಂ ದುಃಖಂ ಚ ಭಾರತ।
ತತೋ ವಹತಿ ತಂ ಭಾರಮವಶಃ ಸ್ವವಶೋಽಪಿ ವಾ॥ 11-3-11 (64873)
ಯಥಾ ಚ ಮೃನ್ಮಯಂ ಭಾಂಡಂ ಚಕ್ರಾರೂಢಂ ವಿಪದ್ಯತೇ।
ಕಿಂಚಿತ್ಪ್ರಕ್ರಿಯಮಾಣಂ ವಾ ಕೃತಮಾತ್ರಮಥಾಪಿ ವಾ॥ 11-3-12 (64874)
ಹೀನಂ ವಾಽಪ್ಯವರೋಪ್ಯಂ ವಾ ಅವತೀರ್ಣಮಥಾಪಿ ವಾ।
ಆರ್ದ್ರಂ ವಾಽಪ್ಯಥವಾ ಶುಷ್ಕಂ ಪಚ್ಯಮಾನಮಥಾಪಿ ವಾ॥ 11-3-13 (64875)
ಅವತಾರ್ಯಂತಮಾಪಾಂಕಾದುದ್ಧೃತಂ ಚಾಪಿ ಭಾರತ।
ಅಥವಾ ಪರಿಭುಜ್ಜಂತಮೇವಂ ದೇಹಾಃ ಶರೀರಿಣಾಂ॥ 11-3-14 (64876)
ಗರ್ಭಸ್ಥೋ ವಾ ಪ್ರಸೂತೋ ವಾಽಪ್ಯಥವಾ ದಶರಾತ್ರಿಕಃ।
ಅರ್ಧಮಾಸಗತೋ ವಾಽಪಿ ಮಾಸಮಾತ್ರಗತೋಽಪಿ ವಾ॥ 11-3-15 (64877)
ಸಂವತ್ಸರಗತೋ ವಾಪಿ ದ್ವಿಸಂವತ್ಸರ ಏವ ವಾ।
ಯೌವನಸ್ಥೋಽಥ ಮಧ್ಯಸ್ಥೋ ವೃದ್ಧೋ ವಾಪಿ ವಿಪದ್ಯತೇ॥ 11-3-16 (64878)
ಪ್ರಾಕ್ಕರ್ಮಭಿಸ್ತು ಭೂತಾನಿ ಭವಂತಿ ನಭವಂತಿ ಚ।
ಏವಂ ಸಂಬರ್ಧಿತೇ ಲೋಕೇ ಕಿಮರ್ಥಮನುತಪ್ಯಸೇ॥ 11-3-17 (64879)
ಯಥಾ ತು ಸಲಿಲಂ ರಾಜನ್ಕ್ರೀಡಾರ್ಥಮನುಸಂಚರನ್।
ಉನ್ಮಜ್ಜೇಚ್ಚ ನಿಮಜ್ಜೇಚ್ಚ ಚೇಷ್ಟತೇ ಚ ನರಾಧಿಪ॥ 11-3-18 (64880)
ಏವಂ ಸಂಸಾರಗಹನೇ ಉನ್ಮಜ್ಜನನಿಮಜ್ಜನೇ।
ಕರ್ಮಯೋಗೇನ ಬಧ್ಯಂತೇ ಕ್ಲಿಶ್ಯಂತೇ ಚಾಲ್ಪಬುದ್ಧಯಃ॥ 11-3-19 (64881)
ಯೇ ತು ಪ್ರಾಜ್ಞಾಃ ಸ್ಥಿತಾ ಮಧ್ಯೇ ಸಂಸಾರಾಂತಗತೈಷಿಣಃ।
ಸಮಾಗಮಜ್ಞಾ ಭೂತಾನಾಂ ತೇ ಯಾಂತಿ ಪರಮಾಂ ಗತಿಂ॥ ॥ 11-3-20 (64882)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ತೃತೀಯೋಽಧ್ಯಾಯಃ॥ 3 ॥
Mahabharata - Strii Parva - Chapter Footnotes
11-3-1 ಸುಭಾಷಿತೈರಿತಿ ಝ.ಪಾಠಃ॥ 11-3-5 ಪಿತೃವನಂ ಮೃತ್ಯುಂ॥ 11-3-8 ಸಲ್ವಮೇಕಂ ತು ಶಾಸ್ವತಮಿತಿ ಝ.ಪಾಠಃ। ತತ್ರ ಸತ್ವಂ ಲಿಂಗಶರೀರಂ। ಶಾಶ್ವತಂ ಮೋಕ್ಷಪರ್ಯಂತಂ ಸ್ಥಾಯಿತ್ವಾತ್ ಇತ್ಯರ್ಥಃ॥ 11-3-13 ಅವರೋಪ್ಯಂತಮಿತಿಪಾಠೇ ಅವರೋಪ್ಯಮಾಣಂ॥ 11-3-14 ಆಪಾಕಾತ್ ಕುಲಾಲಕೃತಾತ್ ಪಾತ್ರಪಾಕಕೂಟಾತ್। ಅಥವಾ ಪರಿಭೃಜ್ಜಂತಮಿತಿ ಝ.ಪಾಠಃ॥ 11-3-19 ಏವಂ ಸಂಸಾರಗಹನಾದುನ್ಮಜ್ಜನನಿಮಜ್ಜನಾತ್ ಇತಿ ಕ.ಛ.ಟ.ಪಾಠಃ॥ 11-3-3 ತೃತೀಯೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 004
॥ ಶ್ರೀಃ ॥
11.4. ಅಧ್ಯಾಯಃ 004
Mahabharata - Strii Parva - Chapter Topics
ವಿದುರೇಣ ಧೃತರಾಷ್ಟ್ರಂಪ್ರತಿ ಜೀವಸ್ಯ ಗರ್ಭವಾಸಪ್ರಕಾರಕಥನಂ॥ 1 ॥Mahabharata - Strii Parva - Chapter Text
11-4-0 (64883)
ಧೃತರಾಷ್ಟ್ರ ಉವಾಚ। 11-4-0x (5318)
ಕಥಂ ಸಂಸಾರಗಹನಂ ವಿಜ್ಞೇಯಂ ವದತಾಂ ವರ।
ಏತದಿಚ್ಛಾಂಯಹಂ ಶ್ರೋತುಂ ತತ್ತ್ವಮಾಖ್ಯಾಹಿ ಪೃಚ್ಛತಃ॥ 11-4-1 (64884)
ವಿದುರ ಉವಾಚ। 11-4-2x (5319)
ಜನ್ಮಪ್ರಭೃತಿ ಭೂತಾನಾಂ ಕ್ರಿಯಾಃ ಸರ್ವಾಸ್ತು ಲಕ್ಷಯನ್।
ಪೂರ್ವಮೇವೇಹ ಕಲಿಲೇ ವಸತೇ ಕಿಂಚಿದಂತರಂ॥ 11-4-2 (64885)
ತತಃ ಸ ಪಂಚಮೇಽತೀತೇ ಮಾಸೇ ಮಾಂಸಮಕಲ್ಪಯತ್।
ತತಃ ಸರ್ವಾಂಗಸಂಪೂರ್ಣೋ ಗರ್ಭೋ ಮಾಸೇ ತು ಜಾಯತೇ॥ 11-4-3 (64886)
ಅಮೇಧ್ಯಮಧ್ಯೇ ವಸತಿ ಮಾಂಸಶೋಣಿತಲೇಪನೇ।
ತತಸ್ತು ವಾಯುವೇಗೇನ ಊರ್ಧ್ವಪಾದೋ ಹ್ಯಧೋಮುಖಃ॥ 11-4-4 (64887)
ಯೋನಿದ್ವಾರಮುಪಾಗಂಯ ಬಹೂನ್ಕ್ಲೇಶಾನ್ಸಮೃಚ್ಛತಿ।
ಯೋನಿಸಂಪೀಡನಾಚ್ಚೈವ ಪೂರ್ವಕರ್ಮಭಿರನ್ವಿತಃ॥ 11-4-5 (64888)
ತಸ್ಮಾನ್ಮುಕ್ತಃ ಸ ಸಂಸಾರಾದನ್ಯಾನ್ಪಶ್ಯತ್ಯುಪದ್ರವಾನ್।
ಗ್ರಹಾಸ್ತಮನುಚ್ಛಂತಿ ಸಾರಮೇಯಾ ಇವಾಮಿಷಂ॥ 11-4-6 (64889)
ತತಃ ಕಾಲಾಂತರೇ ಪ್ರಾಪ್ತೇ ವ್ಯಾಧಯಶ್ಚಾಪಿ ತಂ ತಥಾ।
ಉಪಸರ್ಪಂತಿ ಜೀವಂತಂ ಬಧ್ಯಮಾನಂ ಸ್ವಕರ್ಮಭಿಃ॥ 11-4-7 (64890)
ಬದ್ಧಮಿಂದ್ರಿಯಪಾಶೈಸ್ತಂ ಸಂಗಕಾಮುಕಮಾತುರಂ।
ವ್ಯಸನಾನ್ಯನುವರ್ತಂತೇ ವಿವಿಧಾನಿ ನರಾಧಿಪ॥ 11-4-8 (64891)
ಬಾಧ್ಯಮಾನಶ್ಚ ತೈರ್ಭೂಯೋ ನೈವ ತೃಪ್ತಿಮುಪೈತಿ ಸಃ।
[ತದಾ ನಾವೈತಿ ಚೈವಾಯಂ ಪ್ರಕುರ್ವನ್ಸಾಧ್ವಸಾಧು ವಾ॥] 11-4-9 (64892)
ತತ್ರೈನಂ ಪರಿಪಶ್ಯಂತಿ ಯೇ ಧ್ಯಾನಪರಿನಿಷ್ಠಿತಾಃ।
ಅಯಂ ನ ಬುಧ್ಯತೇ ತಾವದ್ಯಮಲೋಕಾದಿಹಾಗಮೇ॥ 11-4-10 (64893)
ಯಮದೂತೈರ್ವಿಕೃಷ್ಯಂಶ್ಚ ಮೃತ್ಯುಂ ಕಾಲೇನ ಗಚ್ಛತಿ।
ವಾಗ್ಘೀನಸ್ಯ ಚ ಯಾ ಮಾತ್ರಾ ಇಷ್ಟಾನಿಷ್ಟಕೃತಾಽಸ್ಯ ವೈ।
ಭೂಯ ಏವಾತ್ಮನಾಽಽತ್ಮಾನಂ ಬಧ್ಯಮಾನಮುಪೈತಿ ಸಃ॥ 11-4-11 (64894)
ಅಹೋ ವಿನಿಕೃತೋ ಲೋಕೋ ಲೋಭೇನ ಚ ವಶೀಕೃತಃ।
ಲೋಭಕ್ರೋಧಮದೋನ್ಮತ್ತೋ ನಾತ್ಮಾನಮವಬುಧ್ಯತೇ॥ 11-4-12 (64895)
ಕುಲೀನತ್ವೇ ಚ ರಮತೇ ದುಷ್ಕುಲೀನಾನ್ವಿಕುತ್ಸಯನ್।
ಧನದರ್ಪೇಣ ದೃಪ್ತಶ್ಚ ದರಿದ್ರಾನ್ಪರಿಕುತ್ಸಯನ್॥ 11-4-13 (64896)
ಮೂರ್ಖಾನಿತಿ ಪರಾನಾಹ ನಾತ್ಮಾನಂ ಸಮವೇಕ್ಷತೇ।
ದೋಷಾನ್ಕ್ಷಿಪತಿ ಚಾನ್ಯೇಷಾಂ ನಾತ್ಮಾನಂ ಶಾಸ್ತುಮಿಚ್ಛತಿ॥ 11-4-14 (64897)
ಯದಾ ಪ್ರಾಜ್ಞಾಶ್ಚ ಮೂರ್ಖಾಶ್ಚ ಧನವಂತಶ್ಚ ನಿರ್ಧನಾಃ।
ಕುಲೀನಾಶ್ಚಾಕುಲೀನಾಶ್ಚ ಮಾನಿನೋಽಥಾಪ್ಯಮಾನಿನಃ॥ 11-4-15 (64898)
ಸರ್ವೇ ಪಿತೃವನಂ ಪ್ರಾಪ್ತಾಃ ಸ್ವಪಂತಿ ವಿಗತತ್ವಚಃ।
ನಿರ್ಮಾಂಸೈರಸ್ಥಿಭೂಯಿಷ್ಠೈರ್ಗಾತ್ರೈಃ ಸ್ನಾಯುನಿಬಂಧನೈಃ॥ 11-4-16 (64899)
ಕಿಂ ವಿಶೇಷಂ ಪ್ರಪಶ್ಯಂತಿ ತತ್ರ ತೇಷಾಂ ಪರೇ ಜನಾಃ।
ಯೇನ ಪ್ರತ್ಯವಗಚ್ಛೇಯುಃ ಕುಲರೂಪವಿಶೇಷಣಂ॥ 11-4-17 (64900)
ಯದಾ ಸರ್ವೇ ಸಮಂ ನ್ಯಸ್ತಾಃ ಸ್ವಪಂತಿ ಧರಣೀತಲೇ।
ಕಸ್ಮಾದನ್ಯೋನ್ಯಮಿಚ್ಛಂತಿ ವಿಪ್ರಲಬ್ಧುಮಿಹಾಬುಧಾಃ॥ 11-4-18 (64901)
ಪ್ರತ್ಯಕ್ಷಂ ಚ ಪರೋಕ್ಷಂ ಚ ಯೋ ನಿಶಂಯ ಶ್ರುತಿಂ ತ್ವಿಮಾಂ।
[ಅಧ್ರುವೇ ಜೀವಲೋಕೇಽಸ್ಮಿನ್ಯೋ ಧರ್ಮಮನುಪಾಲಯನ್।]
ಜನ್ಮಪ್ರಭೃತಿ ವರ್ತೇತ ಪ್ರಾಪ್ನುಯಾತ್ಪರಮಾಂ ಗತಿಂ॥ 11-4-19 (64902)
ಏವಂ ಸರ್ವಂ ವಿದಿತ್ವಾ ವೈ ಯಸ್ತತ್ತ್ವಮನುವರ್ತತೇ।
ಸ ಪ್ರಮೋಕ್ಷಯತೇ ಚೈವ ಪಂಥಾನಂ ಮನುಜೇಶ್ವರ॥ ॥ 11-4-20 (64903)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಚತುರ್ಥೋಽಧ್ಯಾಯಃ॥ 4 ॥
Mahabharata - Strii Parva - Chapter Footnotes
11-4-2 ಕಲಿಲಂ ಶುಕಶೋಣಿತಸಂಯೋಗಃ। ಏಕರಾತ್ರೋಷಿತಂ ಕಲಿಲಂ ಭವತಿ ಪಂಚರಾತ್ರಾದ್ಬುದ್ಬುದ ಇತ್ಯಾದಿಶಾಸ್ತ್ರಾದ್ರಂಯತೇ। ತತ್ರ ಕಲಿಲೇ ವಸತೇ ಜೀವ ಇತಿ ಶೇಷಃ। ಕಿಂಚಿದಂತರಂ ಪೂರ್ವದಿನಾಪೇಕ್ಷಯಾ ವೃದ್ಧ್ಯವಸ್ಥಾಭೇದೇನ ಅಲ್ಪೇನ ಪರಿಮಾಣಾಂತರೇಣ॥ 11-4-5 ಪೂರ್ವಕರ್ಮಾಪದಾನತ ಇತಿ ಕ.ಪಾಠಃ॥ 11-4-6 ಮೃಗಯನ್ಪರ್ಯಟನ್ನಿತ್ಯಂ ಸಾರಮೇಯಾ ಇತಿ ಟ.ಪಾಠಃ॥ 11-4-4 ಚತುರ್ಥೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 005
॥ ಶ್ರೀಃ ॥
11.5. ಅಧ್ಯಾಯಃ 005
Mahabharata - Strii Parva - Chapter Topics
ವಿದುರೇಣ ಧೃತರಾಷ್ಟ್ರಂ ಪ್ರತಿ ಉತ್ತರಾಧ್ಯಾಯೇ ವಕ್ಷ್ಯಮಾಣಸಂಸಾರಾದೀನಾಂ ಕಾಂತಾರಾದಿತ್ವೇನ ರೂಪಣಂ॥ 1 ॥Mahabharata - Strii Parva - Chapter Text
11-5-0 (64904)
ಧೃತರಾಷ್ಟ್ರ ಉವಾಚ। 11-5-0x (5320)
ಯದಿದಂ ಧರ್ಮಗಹನಂ ಬುದ್ಧ್ಯಾ ಸಮನುಬುಧ್ಯತೇ।
ಏತದ್ವಿಸ್ತರತಃ ಸರ್ವಂ ಬುದ್ಧಿಮಾರ್ಗಂ ಪ್ರಶಂಸ ಮೇ॥ 11-5-1 (64905)
ವಿದುರ ಉವಾಚ। 11-5-2x (5321)
ಅತ್ರ ತೇ ಸರ್ವಯಿಷ್ಯಾಮಿ ನಮಸ್ಕೃತ್ವಾ ಸ್ವಯಂಭುವೇ।
ಯಥಾ ಸಂಸಾರಗಹನಂ ವದಂತಿ ಪರಮರ್ಷಯಃ॥ 11-5-2 (64906)
ಕಶ್ಚಿನ್ಮಹತಿ ಕಾಂತಾರೇ ವರ್ತಮಾನೋ ದ್ವಿಜಃ ಕಿಲ॥
ಮಹದ್ದುರ್ಗಮನುಪ್ರಾಪ್ತೋ ವನಂ ಕ್ರವ್ಯಾದಸಂಕುಲಂ॥ 11-5-3 (64907)
ಸಿಂಹವ್ಯಾಘ್ರಗಜರ್ಕ್ಷೌಘೈರತಿಘೋರಮಹಾಸ್ವನೈಃ।
ಪಿಶಿತಾದೈರತಿಭಯೈರ್ಮಹೋಗ್ರಾಕೃತಿಭಿಸ್ತಥಾ॥ 11-5-4 (64908)
ಸಮಂತಾತ್ಸಂಪರಿಕ್ಷಿಪ್ತಂ ಯಸ್ಮಾದ್ದ್ರಷ್ಟುರ್ಮಹದ್ಭಯಂ।
ತದಸ್ಯ ದೃಷ್ಟ್ವಾ ಹೃದಯಮುದ್ವೇಗಮಗಮತ್ಪರಂ॥ 11-5-5 (64909)
ಅಭ್ಯುಚ್ಛ್ರಯಂತಿ ರಮಾಣಿ ವಿಕ್ರಿಯಾಶ್ಚ ಪರಂತಪ।
ಸ ತದ್ವನಂ ವ್ಯನುಸರನ್ಸಂಪ್ರಧಾವನ್ನಿತಸ್ತತಃ॥ 11-5-6 (64910)
ವೀಕ್ಷಮಾಣೋ ದಿಶಃ ಸರ್ವಾಃ ಶರಣಂ ಕ್ವ ಭವೇದಿತಿ।
ಸ ತೇಷಾಂ ನಾಶಮನ್ವಿಚ್ಛನ್ಪ್ರದ್ರುತೋ ಭಯಪೀಡಿತಃ।
ನ ಚ ನಿರ್ಯಾತಿ ವೈ ದೂರಂ ನ ವಾ ತೈರ್ವಿಪ್ರಯುಜ್ಯತೇ॥ 11-5-7 (64911)
ಅಥಾಪಶ್ಯದ್ವನಂ ಗೂಢಂ ಸಮಂತಾದ್ವಾಗುರಾವೃತಂ।
ಬಾಹುಭ್ಯಾಂ ಸಂಪರಿಷ್ವಕ್ತಃ ಸ್ತ್ರಿಯಾ ಪರಮಘೋರಯಾ॥ 11-5-8 (64912)
ಪಂಚಶೀರ್ಷಧರೈರ್ನಾಗೈಃ ಶೈಲೈರಿವ ಸಮುನ್ನತೈಃ।
ನಭಃಸ್ಪೃಶೈರ್ಮಹಾವೃಕ್ಷೈಃ ಪರಿಕ್ಷಿಪ್ತಂ ಮಹಾವನಂ॥ 11-5-9 (64913)
ವನಮಧ್ಯೇ ಚ ತತ್ರಾಭೂದುದಪಾನಃ ಸಮಾವೃತಃ।
ವಲ್ಲೀಭಿಸ್ತೃಣನದ್ಧಾಭಿರ್ಗೂಢಾಭಿರಭಿಸಂವೃತಃ॥ 11-5-10 (64914)
ಪಪಾತ ಸ ದ್ವಿಜಸ್ತತ್ರ ನಿಗೂಢೇ ಸಲಿಲಾಶಯೇ।
ವಿಲಗ್ನಶ್ಚಾಭವತ್ತಸ್ಮಿಂʼಲ್ಲತಾಸಂತಾನಸಂಕುಲೇ॥ 11-5-11 (64915)
ಪನಸಸ್ಯ ಯಥಾ ಜಾತಂ ವೃಂತಬದ್ಧಂ ಮಹಾಫಲಂ।
ಸ ತಥಾ ಲಂಬತೇ ತತ್ರ ಹ್ಯೂರ್ಧ್ವಪಾದೋ ಹ್ಯಧಃ ಶಿರಾಃ॥ 11-5-12 (64916)
ಅಥ ತತ್ರಾಪಿ ಚಾನ್ಯೋಽಸ್ಯ ಭೂಯೋ ಜಾತ ಉಪದ್ರವಃ।
ಕೂಪಮಧ್ಯೇ ಮಹಾನಾಗಮಪಶ್ಯತ ಮಹಾಬಲಂ॥ 11-5-13 (64917)
ಕೂಪಪೀನಾಹವೇಲಾಯಾಮಪಶ್ಯತ್ ಮಹಾಗಜಂ॥ 11-5-14 (64918)
ಷಡ್ವಕ್ತ್ರಂ ಕೃಷ್ಣಶಬಲಂ ದ್ವಿಷಟ್ಕಪದಚಾರಿಣಂ।
ಕ್ರಮೇಣ ಪರಿಸರ್ಪಂತಂ ವಲ್ಲೀವೃಕ್ಷಸಮಾವೃತಂ॥ 11-5-15 (64919)
ತಸ್ಯ ಶಾಖಾಪ್ರಶಾಖಾಸು ವೃಕ್ಷಶಾಖಾವಲಂಬಿನಃ।
ನಾನಾರೂಪಾ ಮಧುಕರಾ ಘೋರರೂಪಾ ಭಯಾವಹಾಃ॥ 11-5-16 (64920)
ಆಸತೇ ಮಧು ಸಂವೃತ್ಯ ಪೂರ್ವಮೇವ ನಿಕೇತಜಾಃ।
ಭೂಯೋಭೂಯಃ ಸಮೀಹಂತೇ ಮಧೂನಿ ಭರತರ್ಷಭ॥ 11-5-17 (64921)
ಸ್ವಾದನೀಯಾನಿ ಭೂತಾನಾಂ ಯೈರ್ಬಾಲೋ ನ ವಿತೃಪ್ಯತೇ।
ತೇಷಾಂ ಮಧೂನಾಂ ಬಹುಧಾ ಧಾರಾ ಪ್ರಸ್ರವತೇ ತದಾ॥ 11-5-18 (64922)
ಆಲಂಬಮಾನಃ ಸ ಪುಮಾಂಧಾರಾಂ ಪಿಬತಿ ಸರ್ವದಾ।
ನ ಚಾಸ್ಯ ತೃಷ್ಣಾ ವಿರತಾ ಪಿಬಮಾನಸ್ಯ ಸಂಕಟೇ॥ 11-5-19 (64923)
ಅಭೀಪ್ಸತಿ ಚ ತಾಂ ನಿತ್ಯಮತೃಪ್ತಃ ಸ ಪುನಃ ಪುನಃ।
ನ ಚಾಸ್ಯ ಜೀವಿತೇ ರಾಜನ್ನಿರ್ವೇದಃ ಸಮಜಾಯತ॥ 11-5-20 (64924)
ತತ್ರೈವ ಚ ಮನುಷ್ಯಸ್ಯ ಜೀವಿತಾಶಾ ಪ್ರತಿಷ್ಠಿತಾ।
ಕೃಷ್ಣಾಃ ಶ್ವೇತಾಶ್ಚ ತಂ ವೃಕ್ಷಂ ನಿಕೃಂತಂತಿ ಸ್ಮ ಮೂಷಿಕಾಃ॥ 11-5-21 (64925)
ವ್ಯಾಲೈಶ್ಚ ತದ್ವನಂ ದುರ್ಗಂ ಸ್ತ್ರಿಯಾ ಚ ಪರಮೋಗ್ರಯಾ।
ಕೂಪಾಧಸ್ತಾಚ್ಚ ನಾಗೇನ ಪೀನಾಹೇ ಕುಂಜರೇಣ ಚ॥ 11-5-22 (64926)
ವೃಕ್ಷಪ್ರಪಾತಾಚ್ಚ ಭಯಂ ಮೂಷಿಕೇಭ್ಯಶ್ಚ ಪಂಚಮಂ।
ಮಧುಲೋಭಾನ್ಮಧುಕರೈಃ ಷಷ್ಠಮಾಹುರ್ಮಹದ್ಭಯಂ॥ 11-5-23 (64927)
ಏವಂ ಸ ವಸತೇ ತತ್ರ ಕ್ಷಿಪ್ತಃ ಸಂಸಾರಸಾಗರೇ।
ನ ಚೈವ ಜೀವಿತಾಶಾಯಾಂ ನಿರ್ವೇದಮುಪಗಚ್ಛತಿ॥ ॥ 11-5-24 (64928)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಪಂಚಮೋಽಧ್ಯಾಯಃ॥ 5 ॥
ಸ್ತ್ರೀಪರ್ವ - ಅಧ್ಯಾಯ 006
॥ ಶ್ರೀಃ ॥
11.6. ಅಧ್ಯಾಯಃ 006
Mahabharata - Strii Parva - Chapter Topics
ಪೂರ್ವಾಧ್ಯಾಯೇ ಕಾಂತಾರಾದಿತ್ವೇನ ರೂಪಿತಾನಾಂ ಸಂಸಾರಾದೀನಾಂ ಸ್ವಸ್ವಶಬ್ದೈಃ ಪ್ರತಿಪಾದನಂ॥ 1 ॥Mahabharata - Strii Parva - Chapter Text
11-6-0 (64929)
ಧೃತರಾಷ್ಟ್ರ ಉವಾಚ। 11-6-0x (5322)
ಅಹೋ ಖಲು ಮಹದ್ದುಃಖಂ ಕೃಚ್ಛ್ರವಾಸಂ ವಸತ್ಯಸೌ।
ಕಥಂ ತಸ್ಯ ರತಿಸ್ತತ್ರ ತುಷ್ಟಿರ್ವಾ ವದತಾಂ ವರ॥ 11-6-1 (64930)
ಸ ದೇಶಃ ಕ್ವನು ಯತ್ರಾಸೌ ವಸತೇ ಧರ್ಮಸಂಕಟೇ।
ಕಥಂ ವಾ ಸ ವಿಮುಚ್ಯೇತ ನರಸ್ತಸ್ಮಾನ್ಮಹಾಭಯಾತ್॥ 11-6-2 (64931)
ಏತನ್ಮೇ ಸರ್ವಮಾಚಕ್ಷ್ವ ಸಾಧು ಚೇಷ್ಟಾಮಹೇ ತದಾ।
ಕೃಪಾ ಮೇ ಮಹತೀ ಜಾತಾ ತಸ್ಯಾಭ್ಯುದ್ಧರಣೇನ ಹಿ॥ 11-6-3 (64932)
ವಿದುರ ಉವಾಚ। 11-6-4x (5323)
ಉಪಾಖ್ಯಾನಮಿದಂ ರಾಜನ್ಮೋಕ್ಷವಿದ್ಭಿರುದಾಹೃತಂ।
ಸುಗತಿಂ ವಿಂದತೇ ಯೇನ ಪರಲೋಕೇಷು ಮಾನವಃ॥ 11-6-4 (64933)
ಉಚ್ಯತೇ ಯತ್ತು ಕಾಂತಾರಂ ಮಹಾಸಂಸಾರ ಏವ ಸಃ।
ವನಂ ದುರ್ಗಂ ಹಿ ಯಚ್ಚೈತತ್ಸಂಸಾರಗಹನಂ ಹಿ ತತ್॥ 11-6-5 (64934)
ಯೇ ಚ ತೇ ಕಥಿತಾ ವ್ಯಾಲಾ ವ್ಯಾಧಯಸ್ತೇ ಪ್ರಕೀರ್ತಿತಾಃ॥ 11-6-6 (64935)
ಯಾ ಸಾ ನಾರೀ ಬೃಹತ್ಕಾಯಾ ಅಧ್ಯತಿಷ್ಠತ ತತ್ರ ವೈ।
ತಾಮಾಹುಸ್ತು ಜರಾಂ ಪ್ರಾಜ್ಞಾ ರೂಪವರ್ಣವಿನಾಶಿನೀಂ॥ 11-6-7 (64936)
ಸ ಯಸ್ತು ಕೂಪೋ ನೃಪತೇ ಸ ತು ದೇಹಃ ಶರೀರಿಣಾಂ।
ಯಸ್ತತ್ರ ವಸತೇಽಧಸ್ತಾನ್ಮಹಾಹಿಃ ಕಾಲ ಏವ ಸಃ।
ಅಂತಕಃ ಸರ್ವಭೂತಾನಾಂ ದೇಹಿನಾಂ ಪ್ರಾಣಾಹಾರ್ಯಸೌ॥ 11-6-8 (64937)
ಕೂಪಮಧ್ಯೇ ಚ ಯಾ ಜಾತಾ ವಲ್ಲೀ ಯತ್ರ ಸ ಮಾನವಃ।
ಪ್ರೋತೋ ಯಯಾಽಭವಲ್ಲಗ್ನೋ ಜೀವಿತಾಶಾ ಶರೀರಿಣಾಂ॥ 11-6-9 (64938)
ಸ ಯಸ್ತು ಕೂಪಪೀನಾಹೇ ತಂ ವೃಕ್ಷಂ ಪರಿಸರ್ಪತಿ।
ಷಡ್ವಕ್ತ್ರಃ ಕುಂಜರೋ ರಾಜನ್ಸ ತು ಸಂವತ್ಸರಃ ಸ್ಮೃತಃ॥ 11-6-10 (64939)
ಮುಖಾನಿ ಋತವೋ ಮಾಸಾಃ ಪಾದಾ ದ್ವಾದಶಾ ಕೀರ್ತಿತಾಃ।
ಯೇ ತು ವೃಂಕ್ಷಂ ನಿಕೃಂತಂತಿ ಮೂಷಿಕಾಃ ಪನ್ನಗಾಸ್ತಥಾ॥ 11-6-11 (64940)
ರಾತ್ರ್ಯಹಾನಿ ತು ತಾನ್ಯಾಹುರ್ಭೂತಾನಾಂ ಪರಿಚಿಂತಕಾಃ।
ಯೇ ತೇ ಮಧುಕರಾಸ್ತತ್ರ ಕಾಮಾಸ್ತೇ ಪರಿಕೀರ್ತಿತಾಃ॥ 11-6-12 (64941)
ಯಾಸ್ತು ತಾ ಬಹುಶೋ ಧಾರಾಃ ಸ್ರವಂತಿ ಮಧುನಿಸ್ರವಂ।
ತಾಂಸ್ತು ಕಾಮರಸಾನ್ವಿಂದ್ಯಾದ್ಯತ್ರ ಸಜ್ಜಂತಿ ಮಾನವಾಃ॥ 11-6-13 (64942)
ಏವಂ ಸಂಸಾರಚಕ್ರಸ್ಯ ಪರಿವೃತ್ತಿಂ ವಿದುರ್ಬುಧಾಃ।
ಯೇನ ಸಂಸಾರಚಕ್ರಸ್ಯ ಪಾಶಾಂಶ್ಛಿಂದಂತಿ ಸರ್ವಥಾ॥ ॥ 11-6-14 (64943)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಪಂಚಮೋಽಧ್ಯಾಯಃ॥ 5 ॥
Mahabharata - Strii Parva - Chapter Footnotes
11-6-4 ಉಪಮಾನಮಿದಂ ರಾಜನ್ನಿತಿ ಝ.ಪಾಠಃ॥ 11-6-6 ಷಷ್ಠೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 007
॥ ಶ್ರೀಃ ॥
11.7. ಅಧ್ಯಾಯಃ 007
Mahabharata - Strii Parva - Chapter Topics
ವಿದುರೇಣ ಧೃತರಾಷ್ಟ್ರಂಪ್ರತಿ ತತ್ತ್ವಕಥನಂ॥ 1 ॥Mahabharata - Strii Parva - Chapter Text
11-7-0 (64944)
ಧೃತರಾಷ್ಟ್ರ ಉವಾಚ। 11-7-0x (5324)
ಅಹೋಽಭಿಹಿತಮಾಖ್ಯಾನ ಭವತಾ ತತ್ತ್ವದರ್ಶಿನಾ।
ಭೂಯ ಏವ ತು ಮೇ ಹರ್ಷಃ ಶ್ರೋತುಂ ವಾಗಮೃತಂ ತವ॥ 11-7-1 (64945)
ವಿದುರ ಉವಾಚ। 11-7-2x (5325)
ಶೃಣು ಭೂಯಃ ಪ್ರವಕ್ಷ್ಯಾಮಿ ಮಾರ್ಗಸ್ಯೈತಸ್ಯ ವಿಸ್ತರಂ।
ಯಚ್ಛ್ರುತ್ವಾ ವಿಪ್ರಮುಚ್ಯಂತೇ ಸಂಸಾರಾದ್ವಿ ವಿಚಕ್ಷಣಾಃ॥ 11-7-2 (64946)
ಯಥಾ ತು ಪುರುಷೋ ರಾಜಂದೀರ್ಘಮಧ್ವಾನಮಾಸ್ಥಿತಃ।
ಕ್ವಚಿತ್ಕ್ವಚಿಚ್ಛ್ರಮಸ್ಥಾನಂ ಕುರುತೇ ವಾಸಮೇವ ವಾ॥ 11-7-3 (64947)
ಏವಂ ಸಂಸಾರಪರ್ಯಾಯೇ ಗರ್ಭವಾಸೇಷು ಭಾರತ।
ಕುರ್ವಂತಿ ದುರ್ಬುಧಾ ವಾಸಂ ಮುಚ್ಯಂತೇ ತತ್ರ ಪಂಡಿತಾಃ॥ 11-7-4 (64948)
ತಸ್ಮಾದಧ್ವಾನಮೇವೈತಮಾಹುಃ ಶಾಸ್ತ್ರವಿದೋ ಜನಾಃ।
ಯತ್ತತ್ಸಂಸಾರಗಹನಂ ವನಮಾಹುರ್ಮನೀಷಿಣಃ॥ 11-7-5 (64949)
ಸೋಯಂ ಲೋಕಸಮಾವರ್ತೋ ಮರ್ತ್ಯಾನಾಂ ಭರತರ್ಷಭ।
ಚರಾಣಾಂ ಸ್ಥಾವರಾಣಾಂ ಚ ನ ಗೃಧ್ಯೇತ್ತತ್ರ ಪಾಂಡಿತಃ॥ 11-7-6 (64950)
ಶಾರೀರಾ ಮಾನಸಾಶ್ಚೈವ ಮರ್ತ್ಯಾನಾಂ ವ್ಯಾಧಯಶ್ಚ ಯೇ।
ಪ್ರತ್ಯಕ್ಷಾಶ್ಚ ಪರೋಕ್ಷಾಶ್ಚ ತೇ ವ್ಯಾಲಾಃ ಕಥಿತಾ ಬುಧೈಃ॥ 11-7-7 (64951)
ಕ್ಲಿಶ್ಯಮಾನಾಶ್ಚ ತೈರ್ನಿತ್ಯಂ ಮಾರ್ಯಮಾಣಾಶ್ಚ ಭಾರತ।
ಸ್ವಕರ್ಮಭಿರ್ಮಹಾವ್ಯಾಲೈರ್ನೋದ್ವಿಜಂತ್ಯಲ್ಪಬುದ್ಧಯಃ॥ 11-7-8 (64952)
ಅಥಾಪಿ ತೈರ್ವಿಮುಚ್ಯೇತ ವ್ಯಾಧಿಭಿಃ ಪುರುಷೋ ನೃಪ।
ಆವೃಣೋತ್ಯೇವ ತಂ ಪಶ್ಚಾಜ್ಜರಾ ರೂಪವಿನಾಶಿನೀ॥ 11-7-9 (64953)
ಶಬ್ದರೂಪರಸಸ್ಪರ್ಶಗಂಧೈಶ್ಚ ವಿವಿಧೈರಪಿ।
ಮಜ್ಜಮಾನಂ ಮಹಾಪಂಕೇ ನಿರಾಲಂಬೇ ಸಮಂತತಃ॥ 11-7-10 (64954)
ಸಂವತ್ಸರರ್ತವೋ ಮಾಸಾಃ ಪಕ್ಷಾಹೋರಾತ್ರಸಂಧಯಃ।
ಕ್ರಮೇಣಾಸ್ಯ ಪ್ರವೃಜ್ಜಂತಿ ರೂಪಮಾಯುಸ್ತಥೈವ ಚ॥ 11-7-11 (64955)
ಏತೇ ಕಾಲಸ್ಯ ವಿಧಯೋ ನೈತಾಂಜಾನಾಂತಿ ದುರ್ಬುಧಾಃ।
ಧಾತ್ರಾಽಭಿಲಿಖಿತಾನ್ಯಾಹುಃ ಸರ್ವಭೂತಾನಿ ಕರ್ಮಣಾ॥ 11-7-12 (64956)
ರಥಃ ಶರೀರಂ ಭೂತಾನಾಂ ಸತ್ವಮಾಹುಸ್ತು ಸಾರಥಿಂ।
ಇಂದ್ರಿಯಾಣಿ ಹಯಾನಾಹುಃ ಕರ್ಮಬುದ್ವಿಸ್ತು ರಶ್ಮಯಃ॥ 11-7-13 (64957)
ತೇಷಾಂ ಹಯಾನಾಂ ಯೋ ವೇಗಂ ಧಾವತಾಮನು ಧಾವತಿ।
ಸತು ಸಂಸಾರಚಕ್ರೇಽಸ್ಮಿಂಶ್ಚಕ್ರವತ್ಪರಿವರ್ತತೇ॥ 11-7-14 (64958)
ಯಸ್ತಾನ್ಸಂಯಮತೇ ಬುದ್ಧ್ಯಾ ಸಂಯತೋ ನ ನಿವರ್ತತೇ।
ಯಸ್ತು ಸಂಸಾರಚಕ್ರೇಽಸ್ಮಿಂಶ್ಚಕ್ರವತ್ಪರಿವರ್ತತೇ॥ 11-7-15 (64959)
[ಭ್ರಮಮಾಣಾ ನ ಮುಹ್ಯಂತಿ ಸಂಸಾರೇ ನ ಭ್ರಮಂತಿ ತೇ।
ಸಂಸಾರೇ ಭ್ರಮತಾಂ ರಾಜಂದುಃಖಮೇತದ್ಧಿ ಜಾಯತೇ॥ 11-7-16 (64960)
ತಸ್ಪಾದಸ್ಯ ನಿವೃತ್ತ್ಯರ್ಥಂ ಯತ್ನಮೇವಾಚರೇದ್ಬುಧಃ।
ಉಪೇಕ್ಷಾ ನಾತ್ರ ಕರ್ತವ್ಯಾ ಶತಶಾಖಃ ಪ್ರವರ್ಧತೇ॥ 11-7-17 (64961)
ಯತೇಂದ್ರಿಯೋ ನರೋ ರಾಜನ್ಕ್ರೋಧಲೋಭನಿರಾಕೃತಃ।
ಸಂತುಷ್ಟಃ ಸತ್ಯವಾದೀ ಯಃ ಸ ಶಾಂತಿಮಧಿಗಚ್ಛತಿ॥] 11-7-18 (64962)
ಯಾಂಯಮಾಹೂ ರಥಂ ಹ್ಯೇನಂ ಮುಹ್ಯಂತೇ ಯೇನ ದುರ್ಬುಧಾಃ।
ಸ ಚೈತತ್ಪ್ರಾಪ್ನುಯಾದ್ರಾಜನ್ಯತ್ತ್ವಂ ಪ್ರಾಪ್ತೋ ನರಾಧಿಪ॥ 11-7-19 (64963)
ಅನುತರ್ಷುಲಮೇವೈತದ್ದುಃಖಂ ಭವತಿ ಮಾರಿಷ।
ರಾಜ್ಯನಾಶಃ ಸುಹೃನ್ನಾಶಃ ಸುತನಾಶಶ್ಚ ಭಾರತ।
ಸಾಧುಃ ಪರಮದುಃಖಾನಾಂ ದುಃಖಭೈಷಜ್ಯಮಾರಭೇತ್॥ 11-7-20 (64964)
ಜ್ಞಾನೌಷಧಮವಾಪ್ಯೇಹ ದೂರಪಾರಂ ಮಹೌಷಧಂ।
ಛಿಂದ್ಯಾದ್ದುಃಖಮಹಾವ್ಯಾಧಿಂ ನರಃ ಸಂಯತಮಾನಸಃ॥ 11-7-21 (64965)
ನ ವಿಕ್ರಮೋ ನ ಚಾಪ್ಯರ್ಥೋ ನ ಮಿತ್ರಂ ನ ಸುಹೃಜ್ಜನಃ।
ತಸ್ಮಾನ್ಮೋಚಯತೇ ದುಃಖಾದ್ಯಥಾತ್ಮಾ ಸ್ಥಿರನಿಶ್ಚಯಃ॥ 11-7-22 (64966)
ತಸ್ಮಾನ್ಮೈತ್ರಂ ಸಮಾಸ್ಥಾಯ ಶೀಲಮಾಪದಿ ಭಾರತ।
ದಮಸ್ತ್ಯಾಗೋಽಪ್ರಮಾದಶ್ಚ ತೇ ತ್ರಯೋ ಬ್ರಹ್ಮಣೋ ಹಯಾಃ॥ 11-7-23 (64967)
ಶೀಲರಶ್ಮಿಸಮಾಯುಕ್ತೇ ಸ್ಥಿತೋ ಯೋ ಮಾನಸೇ ರಥೇ।
ತ್ಯಕ್ತ್ವಾ ಮೃತ್ಯುಭಯಂ ರಾಜನ್ಬ್ರಹ್ಮಲೋಕಂ ಸ ಗಚ್ಛತಿ॥ 11-7-24 (64968)
ಅಭಯಂ ಸರ್ವಭೂತೇಭ್ಯೋ ಯೋ ದದಾತಿ ಮಹೀಪತೇ।
ಸ ಗಚ್ಛತಿ ಪರಂ ಸ್ಥಾನಂ ವಿಷ್ಣೋಃ ಪದಮನಾಮಯಂ॥ 11-7-25 (64969)
ನ ತತ್ಕ್ರತುಸಹಸ್ರೇಣ ನೋಪವಾಸೈಶ್ಚ ನಿತ್ಯಶಃ।
ಅಭಯಸ್ಯ ಚ ದಾನೇನ ಯತ್ಫಲಂ ಪ್ರಾಪ್ನುಯಾನ್ನರಃ॥ 11-7-26 (64970)
ನ ಹ್ಯಾತ್ಮನಃ ಪ್ರಿಯತರಂ ಕಿಂಚಿದ್ಭೂತೇಷು ನಿಶ್ಚಿತಂ।
ಅನಿಷ್ಟಂ ಸರ್ವಭೂತಾನಾಂ ಮರಣಂ ನಾಮ ಭಾರತ॥ 11-7-27 (64971)
ತಸ್ಮಾತ್ಸರ್ವೇಷು ಭೂತೇಷು ದಯಾ ಕಾರ್ಯಾ ವಿಪಶ್ಚಿತಾ॥ 11-7-28 (64972)
ನಾನಾಯೋಗಸಮಾಯುಕ್ತಾ ಬುದ್ಧಿಜಾಲೇನ ಸಂವೃತಾಃ।
ಅಸೂಕ್ಷ್ಮದೃಷ್ಟಯೋ ಮಂದಾ ಭ್ರಾಂಯಂತೇ ತತ್ರತತ್ರ ಹ।
ಸುಸೂಕ್ಷ್ಮದೃಷ್ಟಯೋ ರಾಜನ್ವ್ರಜಂತಿ ಬ್ರಹ್ಮಸಾಂಯತಾಂ॥ 11-7-29 (64973)
ಏವಂ ಜ್ಞಾತ್ವಾ ಮಹಾಪ್ರಾಜ್ಞ ಸ ತೇಷಾಮೌರ್ಧ್ವದೈಹಿಕಂ।
ಕರ್ತುಮರ್ಹತಿ ತೇನೈವ ಫಲ ಪ್ರಾಪ್ಸ್ಯತಿ ವೈ ಭವಾನ್॥ ॥ 11-7-30 (64974)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಸಪ್ತಮೋಽಧ್ಯಾಯಃ॥ 7 ॥
Mahabharata - Strii Parva - Chapter Footnotes
11-7-3 ಶ್ರಮಾಚ್ಛ್ರಾಂತ ಇತಿ ಝ.ಪಾಠಃ॥ 11-7-8 ವಾರ್ಯಮಾಣಾಶ್ಚ ಭಾರತೇತಿ ಝ.ಪಾಠಃ॥ 11-7-9 ಅಥಾಪಿ ತೈರ್ನ ಮುಚ್ಯೇತೇತಿ ಕ.ಪಾಠಃ॥ 11-7-10 ಮಜ್ಜಮಾಂಸಮಹಾಪಂಕೇ ಇತಿ ಝ.ಪಾಠಃ॥ 11-7-17 ಯೇ ತು ಸಂಸಾರಚಕ್ರೇಽಸ್ಮಿನ್ನಿತಿ ಝ.ಪಾಠಃ॥ 11-7-15 ಶತಶಾಸ್ವಃ ಸಂಸಾರವೃಕ್ಷಃ॥ 11-7-17 ಕ್ರೋಧಲೋಭೌ ನಿರಾಕೃತೌ ಯೇನ ಸಃ॥ 11-7-18 ಯಾಂಯಂ ಯೋಮಲೋಕಪ್ರಾಪಕಂ ಸಂಸಾರಗಹನಂ॥ 11-7-19 ಅನುತರ್ಷುಲಂ ತೃಷ್ಣಾಶೀಲಂ ಲಕ್ಷೀಕೃತ್ಯ। ಅನುಕರ್ಷಣಮೇನೈತದ್ದುಃಖಂ ನ ಭವತಿ ಭಾರತೇತಿ ಕ.ಛ.ಪಾಠಃ॥ 11-7-20 ದೂರಪಾರಂ ಬ್ರಹ್ಮಜ್ಞಾನಂ॥ 11-7-23 ಬ್ರಹ್ಮಣಃ ಬ್ರಹ್ಮಲೋಕಸ್ಯ ಪ್ರಾಪಕಾ ಇತಿ ಶೇಷಃ॥ 11-7-7 ಸಪ್ತಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 008
॥ ಶ್ರೀಃ ॥
11.8. ಅಧ್ಯಾಯಃ 008
Mahabharata - Strii Parva - Chapter Topics
ವ್ಯಾಸೇನ ಧೃತರಾಷ್ಟ್ರಸ್ಯ ಶೋಕಾಪನೋದನಂ॥ 1 ॥Mahabharata - Strii Parva - Chapter Text
11-8-0 (64975)
ವೈಶಂಪಾಯನ ಉವಾಚ। 11-8-0x (5326)
ವಿದುರಸ್ಯ ತು ತದ್ವಾಕ್ಯಂ ನಿಶಂಯ ಕುರುಸತ್ತಮಃ।
ಪುತ್ರಶೋಕಾಭಿಸಂತಪ್ತಃ ಪಪಾತ ಭುವಿ ಮೂರ್ಛಿತಃ॥ 11-8-1 (64976)
ತಂ ತಥಾ ಪತಿತಂ ಭೂಮೌ ನಿಃಸಂಜ್ಞಂ ಪ್ರೇಕ್ಷ್ಯ ಬಾಂಧವಾಃ।
ಕೃಷ್ಣದ್ವೈಪಾಯನಶ್ಚೈವ ಕ್ಷತ್ತಾ ಚ ವಿದುರಸ್ತಥಾ॥ 11-8-2 (64977)
ಸಂಜಯಃ ಸುಹೃದಶ್ಚಾನ್ಯೇ ದ್ವಾಸ್ಥಾ ಯೇ ಚಾಸ್ಯ ಸಂಮತಾಃ।
ಜಲೇನ ಸುಖಶೀತೇನ ತಾಲವೃಂತೈಶ್ಚ ಭಾರತ॥ 11-8-3 (64978)
ಪಸ್ಪರ್ಶುಶ್ಚ ಕರೈರ್ಗಾತ್ರಂ ವೀಜಮಾನಾಶ್ಚ ಯತ್ನತಃ।
ಅನ್ವಾಸತ ಚಿರಂ ಕಾಲಂ ಧೃತರಾಷ್ಟ್ರಂ ತಥಾವಿಧಂ॥ 11-8-4 (64979)
ಅಥ ದೀರ್ಘಸ್ಯ ಕಾಲಸ್ಯ ಲಬ್ಧಸ಼ಂಜ್ಞೋ ಮಹೀಪತಿಃ।
ವಿಲಲಾಪ ಚಿರಂ ಕಾಲಂ ಪುತ್ರಾಧಿಭಿರಭಿಪ್ಲುತಃ॥ 11-8-5 (64980)
ಧಿಗಸ್ತು ಖಲು ಮಾನುಷ್ಯಂ ಮಾನುಷ್ಯೇ ಚ ಪರಿಗ್ರಹಂ।
ಯತೋಮೂಲಾನಿ ದುಃಖಾನಿ ಸಂಭವಂತಿ ಪುನಃಪುನಃ॥ 11-8-6 (64981)
ಮಿತ್ರನಾಶೇಽರ್ಥನಾಶೇ ಚ ಜ್ಞಾತಿಸಂಬಂಧಿನಾಮಪಿ।
ಪ್ರಾಪ್ಯತೇ ಸುಮಹದ್ದುಃಖಂ ವಿಷಾಗ್ನಿಪ್ರತಿಮಂ ವಿಭೋ॥ 11-8-7 (64982)
ಯೇನ ದಹ್ಯಂತಿ ಗಾತ್ರಾಣಿ ಯೇನ ಪ್ರಜ್ಞಾ ವಿನಶ್ಯತಿ।
ಯೇನಾಭಿಭೂತಃ ಪುರುಷೋ ಮರಣಂ ಪ್ರತಿಪದ್ಯತೇ॥ 11-8-8 (64983)
ತದಿದಂ ಮರಣಂ ಪ್ರಾಪ್ತಂ ಮಯಾ ಭಾಗ್ಯವಿಪರ್ಯಯಾತ್।
[ತಸ್ಯಾಂತಂ ನಾಧಿಗಚ್ಛಾಮಿ ಋತೇ ಪ್ರಾಣವಿಮೋಕ್ಷಣಾತ್] 11-8-9 (64984)
ತಚ್ಚೈವಾಹಂ ಕರಿಷ್ಯಾಮಿ ಅದ್ಯೈವ ದ್ವಿಜಸತ್ತಮ।
ಇತ್ಯುಕ್ತ್ವಾ ತು ಮಹಾತ್ಮಾನಂ ಪಿತರಂ ಬ್ರಹ್ಮವಿತ್ತಮಂ॥ 11-8-10 (64985)
ಧೃತರಾಷ್ಟ್ರೋಽಭವನ್ಮೂಢಃ ಸ ಶೋಕಂ ಪರಮಂ ಗತಃ।
ಅಭೂಚ್ಚ ತೂಷ್ಣೀಂ ರಾಜಾಽಸೌ ಧ್ಯಾಯಮಾನೋ ಮಹೀಪತಿಃ॥ 11-8-11 (64986)
ತಸ್ಯ ತದ್ವಚನಂ ಶ್ರುತ್ವಾ ಕೃಷ್ಣದ್ವೈಪಾಯನಃ ಪ್ರಭುಃ।
ಪುತ್ರಶೋಕಾಭಿಸಂತಪ್ತಂ ಪುತ್ರಂ ವಚನಮಬ್ರವೀತ್॥ 11-8-12 (64987)
ವ್ಯಾಸ ಉವಾಚ। 11-8-13x (5327)
ಧೃತರಾಷ್ಟ್ರ ಮಹಾಬಾಹೋ ಶೃಣು ವಕ್ಷ್ಯಾಮಿ ಪುತ್ರಕ।
ಶ್ರುತವಾನಸಿ ಮೇಧಾವೀ ಧರ್ಮಾರ್ಥಕುಶಲಃ ಪ್ರಭೋ॥ 11-8-13 (64988)
ನ ತೇಽಸ್ತ್ಯವಿದಿತಂ ಕಿಂಚಿದ್ವೇದಿತವ್ಯಂ ಪರಂತಪ।
ಅನಿತ್ಯತಾಂ ಹಿ ಭೂತಾನಾಂ ವಿಜಾನಾಸಿ ನ ಸಂಶಯಃ॥ 11-8-14 (64989)
ಅಧ್ರುವೇ ಜೀವಲೋಕೇ ಚ ಸ್ಥಾನೇ ವಾ ಶಾಶ್ವತೇ ಸತಿ।
ಜೀವಿತೇ ಮರಣಾಂತೇ ಚ ಕಸ್ಮಾಚ್ಛೋಚಸಿ ಪುತ್ರಕ॥ 11-8-15 (64990)
ಪ್ರತ್ಯಕ್ಷಂ ತವ ರಾಜೇಂದ್ರ ವೈರಸ್ಯಾಸ್ಯ ಸಮುದ್ಭವಃ।
ಪುತ್ರಂ ತೇ ಕಾರಣಂ ಕೃತ್ವಾ ಕಾಲಯೋಗೇನ ನಿರ್ಮಿತಃ॥ 11-8-16 (64991)
ಅವಶ್ಯಂ ಭವಿತವ್ಯೇ ಚ ಕುರೂಣಾಂ ಸಂಕ್ಷಯೇ ನೃಪ।
ಕಸ್ಮಾಚ್ಛೋಚಸಿ ತಾಞ್ಶೂರಾನ್ಗತಾನ್ಪರಮಿಕಾಂ ಗತಿಂ॥ 11-8-17 (64992)
ಜಾನತಾ ಚ ಮಹಾಬಾಹೋ ವಿದುರೇಣ ಮಹಾತ್ಮನಾ।
ಯತಿತಂ ಸರ್ವಯತ್ನೇನ ಶಮಂ ಪ್ರತಿ ಜನೇಶ್ವರ॥ 11-8-18 (64993)
ನ ಚ ದೈವಕೃತೋ ಮಾರ್ಗಃ ಶಕ್ಯೋ ಭೂತೇನ ಕೇನಚಿತ್।
ಘಟತಾಽಪಿ ಚಿರಂ ಕಾಲಂ ನಿಯಂತುಮಿತಿ ಮೇ ಮತಿಃ॥ 11-8-19 (64994)
ದೇವತಾನಾಂ ಹಿ ಯತ್ಕಾರ್ಯಂ ಮಯಾ ಪ್ರತ್ಯಕ್ಷತಃ ಶ್ರುತಂ।
ತತ್ತೇಽಹಂ ಸಂಪ್ರವಕ್ಷ್ಯಾಮಿ ಯಥಾ ಸ್ಥೈರ್ಯಂ ಭವೇತ್ತವ॥ 11-8-20 (64995)
ಪುರಾಽಹಂ ಪರಿತೋ ಯಾತಃ ಸಭಾಮೈಂದ್ರೀಂ ಜಿತಕ್ಲಮಃ।
ಅಪಶ್ಯಂ ತತ್ರ ಚ ಸದಾ ಸಮವೇತಾಂದಿವೌಕಸಃ॥ 11-8-21 (64996)
ನಾರದಪ್ರಮುಖಾಂಶ್ಚಾಪಿ ಸರ್ವಾಂದೇವರ್ಷಿಸತ್ತಮಾನ್।
ತತ್ರ ಚಾಪಿ ಮಯಾ ದೃಷ್ಟಾ ಪೃಥಿವೀ ಪೃಥಿವೀಪತೇ॥ 11-8-22 (64997)
ಕಾರ್ಯಾರ್ಥಮುಪಸಂಪನ್ನಾ ದೇವತಾನಾಂ ಸಮೀಪತಃ।
ಉಪಗಂಯ ತದಾ ಧಾತ್ರೀ ದೇವಾನಾಹ ಸಮಾಗತಾನ್॥ 11-8-23 (64998)
ಯತ್ಕಾರ್ಯಂ ಮಮ ಯುಷ್ಮಾಭಿರ್ಬ್ರಹ್ಮಣಃ ಸದನೇ ತದಾ।
ಪ್ರತಿಜ್ಞಾತಂ ಮಹಾಭಾಗಾಸ್ತಚ್ಛೀಘ್ರಂ ಸಂವಿಧೀಯತಾಂ॥ 11-8-24 (64999)
ತಸ್ಯಾಸ್ತದ್ವಚನಂ ಶ್ರುತ್ವಾ ವಿಷ್ಣುರ್ಲೋಕನಮಸ್ಕೃತಃ।
ಉವಾಚ ವಾಕ್ಯಂ ಪ್ರಹಸನ್ಪ್ರಭುಸ್ತಾಂ ದೇವಸಂಸದಿ॥ 11-8-25 (65000)
ಧೃತರಾಷ್ಟ್ರಸ್ಯ ಪುತ್ರಾಣಾಂ ಯಸ್ತು ಜ್ಯೇಷ್ಠಃ ಶತಸ್ಯ ವೈ।
ದುರ್ಯೋಧನ ಇತಿ ಖ್ಯಾತಃ ಸ ತೇ ಕಾರ್ಯಂ ಕರಿಷ್ಯತಿ॥ 11-8-26 (65001)
ತಂ ಚ ಪ್ರಾಪ್ಯ ಮಹೀಪಾಲಂ ಕೃತಕೃತ್ಯಾ ಭವಿಷ್ಯಸಿ।
ತಸ್ಯಾರ್ಥೇ ಪೃಥಿವೀಪಾಲಾಃ ಕುರುಕ್ಷೇತ್ರಂ ಸಮಾಗತಾಃ॥ 11-8-27 (65002)
ಅನ್ಯೋನ್ಯಂ ಘಾತಯಿಷ್ಯಂತಿ ದೃಢೈಃ ಶಸ್ತ್ರೈಃ ಪ್ರಹಾರಿಣಃ।
ತತಸ್ತೇ ಭವಿತಾ ದೇವಿ ಭಾರಸ್ಯ ಯುಧಿ ನಾಶನಂ॥ 11-8-28 (65003)
ಗಚ್ಛ ಶೀಘ್ರಂ ಸ್ವಕಂ ಸ್ಥಾನಂ ಲೋಕಾಂಧಾರಯ ಶೋಭನೇ।
ಸ ಏಷ ತೇ ಸುತೋ ರಾಜಂʼಲ್ಲೋಕಸಂಹಾರಕಾರಣಾತ್॥ 11-8-29 (65004)
ಕಲೇರಂಶಃ ಸಮುತ್ಪನ್ನೋ ಗಾಂಧಾರ್ಯಾ ಜಠರೇ ನೃಪ।
ಅಮರ್ಷೀ ಬಲವಾಞ್ಶೂರಃ ಕ್ರೋಧನೋ ದುಷ್ಪ್ರಸಾಧನಃ॥ 11-8-30 (65005)
ದೈವಯೋಗಾತ್ಸಮುತ್ಪನ್ನಾ ಭ್ರಾತರಸ್ತಸ್ಯ ತಾದೃಶಾಃ।
ಶಕುನಿರ್ಮಾತುಲಶ್ಚೈವ ಕರ್ಣಶ್ಚ ಪರಮಃ ಸಖಾ॥ 11-8-31 (65006)
ಸಮುತ್ಪನ್ನಾ ವಿನಾಶಾರ್ಥಂ ಪೃಥಿವ್ಯಾಂ ಸಹಿತಾ ನೃಪಾಃ।
[ಯಾದೃಶೋ ಜಾಯತೇ ರಾಜಾ ತಾದೃಶೋಽಸ್ಯ ಜನೋ ಭವೇತ್॥ 11-8-32 (65007)
ಅಧರ್ಮೋ ಧರ್ಮತಾಂ ಯಾತಿ ಸ್ವಾಮೀ ಚೇದ್ಧಾರ್ಮಿಕೋ ಭವೇತ್।
ಸ್ವಾಮಿನೋ ಗುಣದೋಷಾಭ್ಯಾಂ ಭೃತ್ಯಾಃ ಸ್ಯುರ್ನಾತ್ರ ಸಂಶಯಃ॥ 11-8-33 (65008)
ದುಷ್ಟಂ ರಾಜಾನಮಾಸಾದ್ಯ ಗತಾಸ್ತೇ ತನಯಾ ನೃಪ।]
ಏತಮರ್ಥಂ ಮಹಾಬಾಹೋ ನಾರದೋ ವೇದ ತತ್ತ್ವವಿತ್॥ 11-8-34 (65009)
ಆತ್ಮಾಪರಾಧಾತ್ಪುತ್ರಾಸ್ತೇ ವಿನಷ್ಟಾಃ ಪೃಥಿವೀಪತೇ।
ಮಾ ತಾಞ್ಶೋಚಸ್ವ ರಾಜೇಂದ್ರ ನ ಹಿ ಶೋಕೇಽಸ್ತಿ ಕಾರಣಂ॥ 11-8-35 (65010)
ನ ಹಿ ತೇ ಪಾಂಡವಾಃ ಸ್ವಲ್ಪಮಪರಾಧ್ಯಂತಿ ಭಾರತ।
ಪುತ್ರಾಸ್ತವ ದುರಾತ್ಮಾನೋ ಯೈರಿಯಂ ಘಾತಿತಾ ಮಹೀ॥ 11-8-36 (65011)
ನಾರದೇನ ಚ ಭದ್ರಂ ತೇ ಪೂರ್ವಮೇವ ನ ಸಂಶಯಃ।
ಯುಧಿಷ್ಠಿರಸ್ಯ ಸಮಿತೌ ರಾಜಸೂಯೇ ನಿವೇದಿತಂ॥ 11-8-37 (65012)
ಪಾಂಡವಾಃ ಕೌರವಾಃ ಸರ್ವೇ ಸಮಾಸಾದ್ಯ ಪರಸ್ಪರಂ।
ನಭವಿಷ್ಯಂತಿ ಕೌಂತೇಯ ಯತ್ತೇ ಕೃತ್ಯಂ ತದಾಚರ॥ 11-8-38 (65013)
ನಾರದಸ್ಯ ವಚಃ ಶ್ರುತ್ವಾ ತಥಾಽಕುರ್ವತ ಪಾಂಡವಾಃ।
ಏತತ್ತೇ ಸರ್ವಮಾಖ್ಯಾತಂ ದೇವಗುಹ್ಯಂ ಸನಾತನಂ॥ 11-8-39 (65014)
ಕಥಂ ತೇ ಶೋಕನಾಶಃ ಸ್ಯಾತ್ಪ್ರಾಣೇಷು ಚ ದಯಾ ಪ್ರಭೋ।
ಸ್ನೇಹಶ್ಚ ಪಾಂಡುಪುತ್ರೇಷು ಜ್ಞಾತ್ವಾ ದೈವಕೃತಂ ವಿಧಿಂ॥ 11-8-40 (65015)
ಏಷ ಚಾರ್ಥೋ ಮಹಾಬಾಹೋ ಪೂರ್ವಮೇವ ಮಯಾ ಶ್ರುತಃ।
ಕಥಿತೋ ಧರ್ಮರಾಜಸ್ಯ ರಾಜಸೂಯೇ ಕುರೂತ್ತಮ॥ 11-8-41 (65016)
ಯತಿತಂ ಧರ್ಮಪುತ್ರೇಣ ಮಯಾ ಗುಹ್ಯೇ ನಿವೇದಿತೇ।
ಅವಿಗ್ರಹೇ ಕೌರವಾಣಾಂ ದೈವಂ ತು ಬಲವತ್ತರಂ॥ 11-8-42 (65017)
ಅನತಿಕ್ರಮಣೀಯೋ ಹಿ ವಿಧೀ ರಾಜನ್ಕಥಂಚನ।
ಕೃತಾಂತಸ್ಯ ತು ಭೂತೇನ ಸ್ಥಾವರೇಣ ಚರೇಣ ಚ॥ 11-8-43 (65018)
ಭವಾಂಧರ್ಮಪರೋ ಯತ್ರ ಬುದ್ಧಿಶ್ರೇಷ್ಠಶ್ಚ ಭಾರತ।
ಮುಹ್ಯತೇ ಪ್ರಾಣಿನಾಂ ಜ್ಞಾತ್ವಾ ಗತಿಂ ಚಾಗತಿಮೇವ ಚ॥ 11-8-44 (65019)
ತ್ವಾಂ ತು ಶೋಕೇನ ಸಂತಪ್ತಂ ಮುಹ್ಯಮಾನಂ ಮುಹುರ್ಮುಹುಃ।
ಜ್ಞಾತ್ವಾ ಯುಧಿಷ್ಠಿರೋ ರಾಜಾ ಪ್ರಾಣಾನಪಿ ಪರಿತ್ಯಜೇತ್॥ 11-8-45 (65020)
ಕೃಪಾಲುರ್ನಿತ್ಯಶೋ ವೀರಸ್ತಿರ್ಯಗ್ಯೋನಿಗತೇಷ್ವಪಿ।
ಸ ಕಥಂ ತ್ವಯಿ ರಾಜೇಂದ್ರ ಕೃಪಾಂ ನೈವ ಕರಿಷ್ಯತಿ॥ 11-8-46 (65021)
ಮಮ ಚೈವ ನಿಯೋಗೇನ ವಿಧೇಶ್ಚಾಪ್ಯನಿವರ್ತನಾಂ।
ಪಾಂಡವಾನಾಂ ಚ ಕಾರುಣ್ಯಾತ್ಪ್ರಾಣಾಂಧಾರಯ ಭಾರತ॥ 11-8-47 (65022)
ಏವಂ ತೇ ವರ್ತಮಾನಸ್ಯ ಲೋಕೇ ಕೀರ್ತಿರ್ಭವಿಷ್ಯತಿ।
ಧರ್ಮಾರ್ಥಃ ಸುಮಹಾಂಸ್ತಾತ ತಪ್ತಂ ಸ್ಯಾಚ್ಚ ತಪಶ್ಚಿರಾತ್॥ 11-8-48 (65023)
ಪುತ್ರಶೋಕಂ ಸಮುತ್ಪನ್ನಂ ಹುತಾಶಂ ಜ್ವಲಿತಂ ಯಥಾ।
ಪ್ರಜ್ಞಾಂಭಸಾ ಮಹಾರಾಜ ನಿರ್ವಾಪಯ ಸದಾ ಸತಾ॥ 11-8-49 (65024)
ವೈಶಂಪಾಯನ ಉವಾಚ। 11-8-50x (5328)
ತಚ್ಛ್ರುತ್ವಾ ತಸ್ಯ ವಚನಂ ವ್ಯಾಸಸ್ಯಾಮಿತತೇಜಸಃ।
ಮುಹೂರ್ತಂ ಸಮನುಧ್ಯಾಯಂಧೃತರಾಷ್ಟ್ರೋಽಭ್ಯಭಾಷತ॥ 11-8-50 (65025)
ಮಹತಾ ಶೋಕಜಾಲೇನ ಪ್ರಣುನ್ನೋಽಸ್ಮಿ ದ್ವಿಜೋತ್ತಮ।
ನಾತ್ಮಾನಮವಬುಧ್ಯಾಮಿ ಮುಹ್ಯಮಾನೋ ಮುಹುರ್ಮುಹುಃ॥ 11-8-51 (65026)
ಇದಂ ತು ವಚನಂ ಶ್ರುತ್ವಾ ತವ ದೇವನಿಯೋಗಜಂ।
ಧಾರಯಿಷ್ಯಾಂಯಹಂ ಪ್ರಾಣಾನ್ಯತಿಷ್ಯೇ ಚ ನ ಶೋಚಿತುಂ॥ 11-8-52 (65027)
ಏತಚ್ಛ್ರುತ್ವಾ ತು ವಚನಂ ವ್ಯಾಸಃ ಸತ್ಯವತೀಸುತಃ।
ಧೃತರಾಷ್ಟ್ರಸ್ಯ ರಾಜೇಂದ್ರ ತತ್ರೈವಾಂತರಧೀಯತ॥ ॥ 11-8-53 (65028)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಅಷ್ಟಮೋಽಧ್ಯಾಯಃ॥ 8 ॥*
Mahabharata - Strii Parva - Chapter Text
11-8-0 (65029)
[ಜನಮೇಜಯ ಉವಾಚ। 11-8-0x (5329)
ಗತೇ ಭಗವತಿ ವ್ಯಾಸೇ ಧೃತರಾಷ್ಟ್ರೋ ಮಹೀಪತಿಃ।
ಕಿಮಚೇಷ್ಟತ ವಿಪ್ರರ್ಷೇ ತನ್ಮೇ ವ್ಯಾಖ್ಯಾತುಮರ್ಹಸಿ॥ 11-8-1 (65030)
ತಥೈವ ಕೌರವೋ ರಾಜಾ ಧರ್ಮಪುತ್ರೋ ಮಹಾಮನಾಃ।
ಕೃಪಪ್ರಭೃತಯಶ್ಚೈವ ಕಿಮಕುರ್ವತ ತೇ ತ್ರಯಃ॥ 11-8-2 (65031)
ಅಶ್ವತ್ಥಾಂನಃ ಶ್ರುತಂ ಕರ್ಮ ಶಾಪಶ್ಚಾನ್ಯೋನ್ಯಕಾರಿತಃ।
ವೃತ್ತಾಂತಮುತ್ತರಂ ಬ್ರೂಹಿ ಯದಭಾಷತ ಸಂಜಯಃ॥ 11-8-3 (65032)
ವೈಶಂಪಾಯನ ಉವಾಚ। 11-8-4x (5330)
ಹತೇ ದುರ್ಯೋಧನೇ ಚೈವ ಹತೇ ಸೈನ್ಯೇ ಚ ಸರ್ವಶಃ।
ಸಂಜಯೋ ವಿಗತಪ್ರಜ್ಞೋ ಧೃತರಾಷ್ಟ್ರಮುಪಸ್ಥಿತಃ॥ 11-8-4 (65033)
ಸಂಜಯ ಉವಾಚ। 11-8-5x (5331)
ಆಗಂಯ ನಾನಾದೇಶೇಭ್ಯೋ ನಾನಾಜನಪದೇಶ್ವರಾಃ।
ಪಿತೃಲೋಕಂ ಗತಾ ರಾಜನ್ಸರ್ವೇ ತವ ಸುತೈಃ ಸಹ॥ 11-8-5 (65034)
ಯಾಚ್ಯಮಾನೇನ ಸತತಂ ತವ ಪುತ್ರೇಣ ಭಾರತ।
ಘಾತಿತಾ ಪೃಥಿವೀ ಸರ್ವಾ ವೈರಸ್ಯಾಂತಂ ವಿಧಿತ್ಸತಾ॥ 11-8-6 (65035)
ಪುತ್ರಾಣಾಮಥ ಪೌತ್ರಾಣಾಂ ಪಿತೄಣಾಂ ಚ ಮಹೀಪತೇ।
ಆನುಪೂರ್ವ್ಯೇಣ ಸರ್ವೇಷಾಂ ಪ್ರೇತಕಾರ್ಯಾಣಿ ಕಾರಯ॥ 11-8-7 (65036)
ವೈಶಂಪಾಯನ ಉವಾಚ। 11-8-8x (5332)
ತಚ್ಛ್ರುತ್ವಾ ವಚನಂ ಘೋರಂ ಸಂಜಯಸ್ಯ ಮಹೀಪತಿಃ।
ಗತಾಸುರಿವ ನಿಶ್ಚೇಷ್ಟೋ ನ್ಯಪತತ್ಪೃಥಿವೀತಲೇ॥ 11-8-8 (65037)
ತಂ ಶಯಾನಮುಪಾಗಂಯ ಪೃಥಿವ್ಯಾಂ ಪೃಥಿವೀಪತಿಂ।
ವಿದುರಃ ಸರ್ವಧರ್ಮಜ್ಞ ಇದಂ ವಚನಮಬ್ರವೀತ್॥ 11-8-9 (65038)
ಉತ್ತಿಷ್ಠ ರಾಜನ್ಕಿಂ ಶೇಷೇ ಮಾ ಶುಚೋ ಭರತರ್ಷಭ।
ಏಷಾ ವೈ ಸರ್ವಸತ್ವಾನಾಂ ಲೋಕೇಶ್ವರ ಪರಾ ಗತಿಃ॥ 11-8-10 (65039)
ಅಭಾವಾದೀನಿ ಭೂತಾನಿ ಭಾವಮಧ್ಯಾನಿ ಭಾರತ।
ಅಭಾವನಿಧನಾನ್ಯೇವ ತತ್ರ ಕಾ ಪರಿದೇವನಾ॥ 11-8-11 (65040)
ನ ಶೋಚನ್ಮೃತಮನ್ವೇತಿ ನ ಶೋಚನ್ಂರಿಯತೇ ನರಃ।
ಏವಂ ಸಾಂಸಿದ್ಧಿಕೇ ಲೋಕೇ ಕಿಮರ್ಥಮನುಶೋಚಸಿ॥ 11-8-12 (65041)
ಅಯುಧ್ಯಮಾನೋ ಂರಿಯತೇ ಯುಧ್ಯಮಾನಸ್ತು ಜೀವತಿ।
ಕಾಲಂ ಪ್ರಾಪ್ಯ ಮಹಾರಾಜ ನ ಕಶ್ಚಿದತಿವರ್ತತೇ॥ 11-8-13 (65042)
ಕಾಲಃ ಕರ್ಷತಿ ಭೂತಾನಿ ಸರ್ವಾಣಿ ವಿವಿಧಾನಿ ಚ।
ನ ಕಾಲಸ್ಯ ಪ್ರಿಯಃ ಕಶ್ಚಿನ್ನ ದ್ವೇಷ್ಯಃ ಕುರುಸತ್ತಮ॥ 11-8-14 (65043)
ಯಥಾ ವಾಯುಸ್ತೃಣಾಗ್ರಾಣಿ ಸಂವರ್ತಪತಿ ಸರ್ವತಃ।
ತಥಾ ಕಾಲವಶಂ ಯಾಂತಿ ಭೂತಾನಿ ಭರತರ್ಷಭ॥ 11-8-15 (65044)
ಏಕಸಾರ್ಥಪ್ರಯಾತಾನಾಂ ಸರ್ವೇಷಾಂ ತತ್ರ ಗಾಮಿನಾಂ।
ಯಸ್ಯ ಕಾಲಃ ಪ್ರಯಾತ್ಯಗ್ರೇ ತತ್ರ ಕಾ ಪರಿದೇವನಾ॥ 11-8-16 (65045)
ಯಾಂಶ್ಚಾಪಿ ನಿಹತಾನ್ಯುದ್ಧೇ ರಾಜಂಸ್ತ್ವಮನುಶೋಚಸಿ।
ನ ಶೋಚ್ಯಾ ಹಿ ಮಾಹತ್ಮಾನಃ ಸರ್ವೇ ತೇ ತ್ರಿದಿವಂ ಗತಾಃ॥ 11-8-17 (65046)
ನ ಯಜ್ಞೈರ್ದಕ್ಷಿಣಾವದ್ಭಿರ್ನ ತಪೋಭಿರ್ನ ವಿದ್ಯಯಾ।
ತಥಾ ಸ್ವರ್ಗಮುಪಾಯಾಂತಿ ಯಥಾ ಶೂರಾಸ್ತನುತ್ಯಜಃ॥ 11-8-18 (65047)
ಸರ್ವೇ ವೇದವಿದಃ ಶೂರಾಃ ಸರ್ವೇ ಸುಚರಿತವ್ರತಾಃ।
ಸರ್ವೇ ಚಾಭಿಮುಖಾಃ ಕ್ಷೀಣಾಸ್ತತ್ರ ಕಾ ಪರಿದೇವನಾ॥ 11-8-19 (65048)
ಶರೀರಾಗ್ನಿಷು ಶೂರಾಣಾಂ ಜುಹುವುಸ್ತೇ ಶರಾಹುತೀಃ।
ಹೂಯಮಾನಾಞ್ಶರಾಂಶ್ಚೈವ ಸೇಹುರುತ್ತಮಪೂರಷಾಃ॥ 11-8-20 (65049)
ಏವಂ ರಾಜಂಸ್ತವಾಚಕ್ಷೇ ಸ್ವರ್ಗ್ಯಂ ಪಂಥಾನಮುತ್ತಮಂ।
ನ ಯುದ್ಧಾದಧಿಕಂ ಕಿಂಚಿತ್ಕ್ಷತ್ರಿಯಸ್ಯೇಹ ವಿದ್ಯತೇ॥ 11-8-21 (65050)
ಕ್ಷತ್ರಿಯಾಸ್ತೇ ಮಹಾತ್ಮಾನಃ ಶೂರಾಃ ಸಮಿತಿಶೋಭನಾಃ।
ಆಶಿಷಂ ಪರಮಾಂ ಪ್ರಾಪ್ತಾ ನ ಶೋಚ್ಯಾಃ ಸರ್ವ ಏವ ಹಿ॥ 11-8-22 (65051)
ಆತ್ಮನಾಽಽತ್ಮಾನಮಾಶ್ವಾಸ್ಯ ಮಾ ಶುಚಃ ಪುರುಷರ್ಷಭ।
ನಾದ್ಯ ಶೋಕಾಭಿಭೂತಸ್ತ್ವಂ ಕಾರ್ಯಮುತ್ಸ್ನಷ್ಟುಮರ್ಹಸಿ॥ ॥ 11-8-23 (65052)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಅಧ್ಯಾಯಃ॥
Mahabharata - Strii Parva - Chapter Footnotes
11-8-29 ಕಾಲಃ ಸಂಹಾರಕಾರಣಾದಿತಿ ಕ.ಛ.ಠ.ಪಾಠಃ॥ 11-8-37 ನಾರದೇನ ಸಮಾಖ್ಯಾತಮಿತಿ ಕ.ಛ.ಠ.ಪಾಠಃ॥ 11-8-39 ತದಾಽಶೋಚಂತ ಪಾಂಡವಾ ಇತಿ ಝ.ಪಾಠಃ॥ 11-8-48 ಧರ್ಮಶ್ಚ ಸುಮಹಾಸ್ತಾತ ತಪ್ತಸ್ಯ ತಪಸಶ್ಚಿರಾದಿತಿ ಕ.ಛ.ಠ.ಪಾಠಃ॥ 11-8-8 ಅಷ್ಟಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 009
॥ ಶ್ರೀಃ ॥
11.9. ಅಧ್ಯಾಯಃ 009
Mahabharata - Strii Parva - Chapter Topics
ಧೃತರಾಷ್ಟ್ರೇಣ ಗಾಂಧರೀಪ್ರಭೃತಿಭಿಃ ಸ್ತ್ರೀಭಿಃ ಸಹ ಮೃತಜನಾವಲೋಕನಾಯ ರಣಾಂಕಣಂಪ್ರತಿ ಪ್ರಯಾಣಂ॥ 1 ॥Mahabharata - Strii Parva - Chapter Text
11-9-0 (65053)
`ಜನಮೇಜಯ ಉವಾಚ। 11-9-0x (5333)
ಗತೇ ವ್ಯಾಸೇ ತು ಧರ್ಮಾತ್ಮಾ ಧೃತರಾಷ್ಟ್ರೋ ಮಹೀಪತಿಃ।
ಕಿಮಚೇಷ್ಟತ ವಿಪ್ರರ್ಷೇ ತನ್ಮೇ ವ್ಯಾಖ್ಯಾತುಮರ್ಹಸಿ॥ 11-9-1 (65054)
ವೈಶಂಪಾಯನ ಉವಾಚ। 11-9-2x (5334)
ಏತಚ್ಛ್ರುತ್ವಾ ನರಶ್ರೇಷ್ಠಶ್ಚಿರಂ ಧ್ಯಾತ್ವಾ ತ್ವಚೇತನಃ।
ಸಂಜಯಂ ಯೋಜಯೇತ್ಯುಕ್ತ್ವಾ ವಿದುರಂ ಪ್ರತ್ಯಭಾಷತ॥ 11-9-2 (65055)
ಕ್ಷಿಪ್ರಮಾನಯ ಗಾಂಧಾರೀಂ ಸರ್ವಾಶ್ಚ ಭರತಸ್ತ್ರಿಯಃ।
ಕುಂತೀಂ ಚೈವ ತಥಾ ಕ್ಷತ್ತಃ ಸಮಾನಯ ಮಮಾಽಂತಿಕಂ'॥ 11-9-3 (65056)
ಏವಮುಕ್ತ್ವಾ ಸ ಧರ್ಮಾತ್ಮಾ ವಿದುರಂ ಧರ್ಮವಿತ್ತಮಂ।
ಶೋಕವಿಪ್ರಹತಜ್ಞಾನೋ ಯಾನಮೇವಾನ್ವರೋಹತ॥ 11-9-4 (65057)
ಗಾಂಧಾರೀ ಪುತ್ರಶೋಕಾರ್ತಾ ಭರ್ತುರ್ವಚನನೋದಿತಾ।
ಸಹ ಕುಂತ್ಯಾ ಯತೋ ರಾಜಾ ಸಹ ಸ್ತ್ರೀಭಿರುಪಾದ್ರವತ್॥ 11-9-5 (65058)
ತಾಃ ಸಮಾಸಾದ್ಯ ರಾಜಾನಂ ಭೃಶಂ ಶೋಕಸಮನ್ವಿತಾಃ।
ಆಮಂತ್ರ್ಯಾನ್ಯೋನ್ಯಮಾಯಸ್ತಾ ಭೃಶಮುಚ್ಚುಕ್ರುಶುಸ್ತತಃ॥ 11-9-6 (65059)
ತಾಃ ಸಮಾಶ್ವಾಸಯತ್ಕ್ಷತ್ತಾ ತಾಭ್ಯಶ್ಚಾರ್ತತರಃ ಸ್ವಯಂ।
ಅಶ್ರುಕಂಠೀಃ ಸಮಾರೋಪ್ಯ ತತೋಽಸೌ ನಿರ್ಯಯೌ ಪುರಾತ್॥ 11-9-7 (65060)
ತತಃ ಪ್ರಣಾದಃ ಸಂಜಜ್ಞೇ ಸರ್ವೇಷು ಕುರುವೇಶ್ಮಸು।
ಆಕುಮಾರಂ ಪುರಂ ಸರ್ವಮಭವಚ್ಛೋಕಕರ್ಶಿತಂ॥ 11-9-8 (65061)
ಅದೃಷ್ಟಪೂರ್ವಾ ಯಾ ನಾರ್ಯಃ ಪುರಾ ದೇವಗಣೈರಪಿ।
ಪೃಥಗ್ಜನೇನ ದೃಶ್ಯಂತೇ ತಾಸ್ತದಾ ನಿಹತೇಶ್ವರಾಃ॥ 11-9-9 (65062)
ಪ್ರಕೀರ್ಯ ಕೇಶಾನ್ಸುಶುಭಾನ್ಭೂಷಣಾನ್ಯವಮುಚ್ಯ ಚ।
ಏಕವಸ್ತ್ರಧರಾ ನಾರ್ಯಃ ಪರಿಪೇತುರನಾಥವತ್॥ 11-9-10 (65063)
ಶ್ವತೇಪರ್ವತರೂಪೇಭ್ಯೋ ಗೃಹೇಭ್ಯಸ್ತಾ ನಿರಾಕ್ರಮನ್।
ಗುಹಾಭ್ಯ ಇವ ಶೈಲಾನಾಂ ಪೃಷತ್ಯೋ ಹತಯೂಥಪಾಃ॥ 11-9-11 (65064)
ತಾನ್ಯುದೀರ್ಣಾನಿ ನಾರೀಣಾಂ ತದಾ ವೃಂದಾನ್ಯನೇಕಶಃ।
ಶೋಕಾರ್ತಾನ್ಯದ್ರವನ್ರಾಜನ್ಕಿಶೋರೀಣಾಮಿವಾಂಗಣೇ॥ 11-9-12 (65065)
ಪ್ರಗೃಹ್ಯ ಬಾಹೂನ್ಕ್ರೋಶಂತ್ಯಃ ಪುತ್ರಾನ್ಭ್ರಾತೄನ್ಪಿತೄನಪಿ।
ದರ್ಶಯಂತಿ ಹತಾ ಹಿ ಸ್ಮ ಯುಗಾಂತೇ ಲೋಕಸಂಕ್ಷಯಂ॥ 11-9-13 (65066)
ವಿಲಪಂತ್ಯೋ ರುದಂತ್ಯಶ್ಚ ಧಾವಮಾನಾಸ್ತತಸ್ತತಃ।
ಶೋಕೇನೋಪಹತಜ್ಞಾತಾಃ ಕರ್ತವ್ಯಂ ನ ಪ್ರಜಜ್ಞಿರೇ॥ 11-9-14 (65067)
ವ್ರೀಡಾಂ ಜಗ್ಮುಃ ಪುರಾ ಯಾಃ ಸ್ಮ ಸಖೀನಾಮಪಿ ಯೋಷಿತಃ।
ತಾ ಏಕವಸ್ತ್ರಾ ನಿರ್ಲಜ್ಜಾಃ ಶ್ವಶ್ರೂಣಾಂ ಪುರತೋಽಭವನ್॥ 11-9-15 (65068)
ಪರಸ್ಪರಂ ಸುಸೂಕ್ಷ್ಮೇಷು ಶೋಕೇಷ್ವಾಶ್ವಾಸಯಂತಿ ಯಾಃ।
ತಾಃ ಶೋಕವಿಹ್ವಲಾ ರಾಜನ್ನವೈಕ್ಷಂತ ಪರಸ್ಪರಂ॥ 11-9-16 (65069)
ತಾಭಿಃ ಪರಿವೃತೋ ರಾಜಾ ರುದತೀಭಿಃ ಸಹಸ್ರಶಃ।
ನಿರ್ಯಯೌ ನಗರಾದ್ದೀನಸ್ತೂರ್ಣಮಾಯೋಧನಂ ಪ್ರತಿ॥ 11-9-17 (65070)
ಶಿಲ್ಪಿನೋ ವಣಿಜೋ ವೈಶ್ಯಾಃ ಸರ್ವೇ ಕರ್ಮೋಪಜೀವಿನಃ।
ತೇ ಪಾರ್ಥಿವಂ ಪುರಸ್ಕೃತ್ಯ ನಿರ್ಯಯುರ್ನಗರಾದ್ಬಹಿಃ॥ 11-9-18 (65071)
ತೇಷಾಂ ವಿಕ್ರೋಶಮಾನಾನಾಮಾರ್ತಾನಾಂ ಕುರುಸಂಕ್ಷಯೇ।
ಪ್ರಾದುರಾಸೀನ್ಮಹಾಞ್ಶಬ್ದೋ ವ್ಯಥಯನ್ಭುವನಾನ್ಯುತ॥ 11-9-19 (65072)
ಯುಗಾಂತಕಾಲೇ ಸಂಪ್ರಾಪ್ತೇ ಭೂತಾನಾಂ ದಹ್ಯತಾಮಿವ।
ಅಭಾವಸ್ಯೋದಯಃ ಪ್ರಾಪ್ತ ಇತಿ ಭೂತಾನಿ ಮೇನಿರೇ॥ 11-9-20 (65073)
ಭೃಶಮುದ್ವಿಗ್ನಮನಸಸ್ತೇ ಪೌರಾಃ ಕುರುಸಂಕ್ಷಯೇ।
ಪ್ರಾಕ್ರೋಶಂತ ಮಹಾರಾಜ ಸ್ವನುರಕ್ತಾಸ್ತದಾ ಭೃಶಂ॥ ॥ 11-9-21 (65074)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ನವಮೋಽಧ್ಯಾಯಃ॥ 9 ॥
Mahabharata - Strii Parva - Chapter Text
11-9-0 (65075)
ವೈಶಂಪಾಯನ ಉವಾಚ। 11-9-0x (5335)
ವಿದುರಸ್ಯ ತು ತದ್ವಾಕ್ಯಂ ಶ್ರುತ್ವಾ ತು ಪುರುಷರ್ಷಭಃ।
ಯುಜ್ಯತಾಂ ಯಾನಮಿತ್ಯುಕ್ತ್ವಾ ಪುನರ್ವಚನಮವ್ರವೀತ್॥ 11-9-1 (65076)
ಧೃತರಾಷ್ಟ್ರ ಉವಾಚ। 11-9-2x (5336)
11-9-2 (65077)
ಶೀಘ್ರಮಾನಯ ಗಾಂಧಾರೀಂ ಸರ್ವಾಶ್ಚ ಭರತಸ್ತ್ರಿಯಃ।
ವಧೂಂ ಕುಂತೀಮುಪಾದಾಯ ಯಾಶ್ಚಾನ್ಯಾಸ್ತತ್ರ ಯೋಷಿತಃ॥
Mahabharata - Strii Parva - Chapter Footnotes
11-9-4 ವಿಗತಾ ಪ್ರಜ್ಞಾ ವ್ಯಾಸದತ್ತಂ ದಿವ್ಯಜ್ಞಾನಂ ಯಸ್ಯ ಸ ವಿಗತಪ್ರಜ್ಞಃ॥ 11-9-7 ಸಮಾರೋಪ್ಯ ವಾಹನೇಷ್ವಿತಿ ಶೇಷಃ॥ 11-9-11 ಶೋಕಸ್ಯಾತಿಗಾಢತ್ವಾತ್ಪುನರ್ವಿದುರೇಣೋಕ್ತಂ ಅಭಾವದೀನೀತ್ಯಾದಿ॥ 11-9-15 ಸಂವರ್ತಯತಿ ವರ್ತುಲಯತಿ ಕಂಪಯತಿ ವಾ॥ 11-9-21 ಆಚಕ್ಷೇ ಕಥಯಾಮಿ॥ 11-9-23 ಕಾರ್ಯಂ ಅವಶ್ಯಕರ್ತವ್ಯಮುದಕದಾನಾದಿ॥ 11-9-11 ಪೃಷತ್ಯಶ್ಚಿತ್ರಹರಿಣ್ಯಃ॥ 11-9-12 ಅಂಗಮೇ ನೃತ್ಯಶಿಕ್ಷಾಭೂಮೌ॥ 11-9-9 ನವಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 010
॥ ಶ್ರೀಃ ॥
11.10. ಅಧ್ಯಾಯಃ 010
Mahabharata - Strii Parva - Chapter Topics
ಮೃತಬಂಧುದಿದೃಕ್ಷಯಾ ಸಮರಭೂಮಿಂ ಗಚ್ಛತೋ ಧೃತರಾಷ್ಟ್ರಸ್ಯ ಮಧ್ಯೇಮಾರ್ಗಂ ಕೃಪಕೃತವರ್ಮದ್ರೌಣಿಭಿಃ ಸಮಾಗಮಃ॥ 1 ॥ ತೇಷಾಂ ತ್ರಯಾಣಾಂ ಧೃತರಾಷ್ಟ್ರಾಶ್ವಾಸನಪೂರ್ವಕಂಸ್ವಾಭಿಮತದೇಶಗಮನಂ॥ 2 ॥Mahabharata - Strii Parva - Chapter Text
11-10-0 (65078)
ವೈಶಂಪಾಯನ ಉವಾಚ। 11-10-0x (5337)
ಕ್ರೋಶಮಾತ್ರಂ ತತೋ ಗತ್ವಾ ದದೃಶುಸ್ತಾನ್ಮಹಾರಥಾನ್।
ಶಾರದ್ವತಂ ಕೃಪಂ ದ್ರೌಣಿಂ ಕೃತವರ್ಮಾಣಮೇವ ಚ॥ 11-10-1 (65079)
ತೇ ತು ದೃಷ್ಟ್ವೈವ ರಾಜಾನಂ ಪ್ರಜ್ಞಾಚಕ್ಷುಷಮೀಶ್ವರಂ।
ಅಶ್ರುಕಂಠಾ ವಿನಿಃಶ್ವಸ್ಯ ರುದಂತಮಿದಮಬ್ರುವನ್॥ 11-10-2 (65080)
ಪುತ್ರಸ್ತವ ಮಹಾರಾಜ ಕೃತ್ವಾ ಕರ್ಮ ಸುದುಷ್ಕರಂ।
ಗತಃ ಸಾನುಚರೋ ರಾಜಞ್ಶಕ್ರಲೋಕಂ ಮಹೀಪತೇ॥ 11-10-3 (65081)
ದುರ್ಯೋಧನಬಲಾನ್ಮುಕ್ತಾ ವಯಮೇವ ತ್ರಯೋ ರಥಾಃ।
ಸರ್ವಮನ್ಯತ್ಪರಿಕ್ಷೀಣಂ ಸೈನ್ಯಂ ತೇ ಭರತರ್ಷಭ॥ 11-10-4 (65082)
ಇತ್ಯೇವಮುಕ್ತ್ವಾ ರಾಜಾನಂ ಕೃಪಃ ಶಾರದ್ವತಸ್ತತಃ।
ಗಾಂಧಾರೀಂ ಪುತ್ರಶೋಕಾರ್ತಾಮಿದಂ ವಚನಮಬ್ರವೀತ್॥ 11-10-5 (65083)
ಅಭೀತಾ ಯುಧ್ಯಮಾನಾಸ್ತೇ ಘ್ನಂತಃ ಶತ್ರುಗಣಾನ್ಬಹೂನ್।
ವೀರಕರ್ಮಾಣಿ ಕುರ್ವಾಣಾಃ ಪುತ್ರಾಸ್ತೇ ನಿಧನಂ ಗತಾಃ॥ 11-10-6 (65084)
ಧ್ರವಂ ಸಂಪ್ರಾಪ್ಯ ಲೋಕಾಂಸ್ತೇ ನಿರ್ಮಲಾಞ್ಶಸ್ತ್ರನಿರ್ಜಿತಾನ್।
ಭಾಸ್ವರಂ ದೇಹಮಾಸ್ಥಾಯ ವಿಹರಂತ್ಯಮರಾ ಇವ॥ 11-10-7 (65085)
ಸರ್ವೇ ಹ್ಯಭಿಮುಖಾ ರಾಜ್ಞಿ ಯುಧ್ಯಮಾನಾ ಹತಾ ಯುಧಿ।
ನ ಹಿ ಕಶ್ಚಿದ್ಧಿ ಶೂರಾಣಾಂ ಯುಧ್ಯಮಾನಃ ಪರಾಙ್ಮುಖಃ।
ಶಸ್ತ್ರೇಣ ನಿಧನಂ ಪ್ರಾಪ್ತೋ ನ ಚ ಕಶ್ಚಿತ್ಕೃತಾಂಜಲಿಃ॥ 11-10-8 (65086)
ಏತಾಂ ತಾಂ ಕ್ಷತ್ರಿಯಸ್ಯಾಹುಃ ಪುರಾಣಾಃ ಪರಮಾಂ ಗತಿಂ।
ಶಸ್ತ್ರೇಣ ನಿಧನಂ ಸಂಖ್ಯೇ ತಾನ್ನ ಶೋಚಿತುಮರ್ಹಸಿ॥ 11-10-9 (65087)
ನ ಚಾಪಿ ಶತ್ರವಸ್ತೇಷಾಂ ಮುಚ್ಯಂತೇ ರಾಜ್ಞಿ ಪಾಂಡವಾಃ।
ಶೃಣು ಯತ್ಕೃತಮಸ್ಮಾಭಿರಶ್ವತ್ಥಾಮಪುರೋಗಮೈಃ॥ 11-10-10 (65088)
ಅಧರ್ಮೇಣ ಹತಂ ಶ್ರುತ್ವಾ ಭೀಮಸೇನೇನ ತೇ ಸುತಂ।
ಸುಪ್ತಂ ಶಿಬಿರಮಾಸಾದ್ಯ ಪಾಂಡೂನಾಂ ಕದನಂ ಕೃತಂ॥ 11-10-11 (65089)
ಪಾಂಚಾಲಾ ನಿಹತಾಃ ಸರ್ವೇ ಧೃಷ್ಟದ್ಯುಂನಪುರೋಗಮಾಃ।
ದ್ರುಪದಸ್ಯಾತ್ಮಜಾಶ್ಚೈವ ದ್ರೌಪದೇಯಾಶ್ಚ ಪಾತಿತಾಃ॥ 11-10-12 (65090)
ತಥಾ ವಿಶಸನಂ ಕೃತ್ವಾ ಪುತ್ರಶತ್ರುಗಣಸ್ಯ ತೇ।
ಪ್ರಾದ್ರವಾಮ ರಣೇ ಸ್ಥಾತುಂ ನ ಹಿ ಶಕ್ಷ್ಯಾಮಹೇ ತ್ರಯಃ॥ 11-10-13 (65091)
ತೇ ಹಿ ಶೂರಾ ಮಹೇಷ್ವಾಸಾಃ ಕ್ಷಿಪ್ರಮೇಷ್ಯಂತಿ ಪಾಂಡವಾಃ।
ಅಮರ್ಷವಶಮಾಪನ್ನಾ ವೈರಂ ಪ್ರತಿಜಿಹೀರ್ಷವಃ॥ 11-10-14 (65092)
ತೇ ಹತಾನಾತ್ಮಜಾಞ್ಶ್ರುತ್ವಾ ಪ್ರಮತ್ತಾಃ ಪುರುಷರ್ಷಭಾಃ।
ಅನ್ವಿಷ್ಯಂತಃ ಪದಂ ಶೂರಾಃ ಕ್ಷಿಪ್ರಮೇಷ್ಯಂತಿ ಪಾಂಡವಾಃ॥ 11-10-15 (65093)
ತೇಷಾಂ ತು ಕಿಲ್ಬಿಷಂ ಕೃತ್ವಾ ಸಂಸ್ಥಾತುಂ ನೋತ್ಸಹಾಮಹೇ।
ಅನುಜಾನೀಹಿ ನೋ ರಾಜ್ಞಿ ಮಾ ಚ ಶೋಕೇ ಮನಃ ಕೃಥಾಃ॥ 11-10-16 (65094)
ರಾಜಂಸ್ತ್ವಮನುಜಾನೀಹಿ ಧೈರ್ಯಮಾತಿಷ್ಠ ಚೋತ್ತಮಂ।
ದಿಷ್ಟಾಂತಂ ಪಶ್ಯ ಚಾಪಿ ತ್ವಂ ಕ್ಷಾತ್ರಂ ಧರ್ಮಂ ಚ ಕೇವಲಂ॥ 11-10-17 (65095)
ಇತ್ಯೇವಮುಕ್ತ್ವಾ ರಾಜಾನಂ ಕೃತ್ವಾ ಚಾಭಿಪ್ರದಕ್ಷಿಣಂ।
ಕೃಪಶ್ಚ ಕೃತವರ್ಮಾ ಚ ದ್ರೋಮಪುತ್ರಶ್ಚ ಭಾರತ॥ 11-10-18 (65096)
ಅವೇಕ್ಷಮಾಣಾ ರಾಜಾನಂ ಧೃತರಾಷ್ಟ್ರಂ ಮನೀಷಿಣಂ।
ಗಂಗಾಮನು ಮಹಾರಾಜ ತೂರ್ಣಮಶ್ವಾನಚೋದಯನ್॥ 11-10-19 (65097)
ಅಪಕ್ರಂಯ ತು ತೇ ರಾಜನ್ಸರ್ವ ಏವ ಮಹಾರಥಾಃ।
ಆಮಂತ್ರ್ಯಾನ್ಯೋನ್ಯಮುದ್ವಿಗ್ನಾಸ್ತ್ರಿಧಾ ತೇ ಪ್ರಯಯುಸ್ತದಾ॥ 11-10-20 (65098)
ಜಗಾಮ ಹಾಸ್ತಿನಪುರಂ ಕೃಪಃ ಶಾರದ್ವತಸ್ತದಾ।
ಸ್ವಮೇವ ರಾಷ್ಟ್ರಂ ಹಾರ್ದಿಕ್ಯೋ ದ್ರೌಣಿರ್ವ್ಯಾಸಾಶ್ರಮಂ ಯಯೌ॥ 11-10-21 (65099)
ಏವಂ ತೇ ಪ್ರಯಯುರ್ವೀರಾ ವೀಕ್ಷಮಾಣಾಃ ಪರಸ್ಪರಂ।
ಭಯಾರ್ತಾಃ ಪಾಂಡುಪುತ್ರಾಣಾಮಾಗಸ್ಕೃತ್ವಾ ಮಹಾತ್ಮನಾಂ॥ 11-10-22 (65100)
ಸಮೇತ್ಯ ವೀರಾ ರಾಜಾನಂ ತದಾ ತ್ವನುದಿತೇ ರಷೌ।
ವಿಪ್ರಜಗ್ಮುರ್ಮಹಾತ್ಮಾನೋ ಯಥೇಷ್ಟಕಮರಿಂದಮಾಃ॥ 11-10-23 (65101)
[ಸಮಾಸಾದ್ಯಾಥ ವೈ ದ್ರೌಣಿಂ ಪಾಂಡುಪುತ್ರಾ ಮಹಾರಥಾಃ।
ವ್ಯಜಯಂಸ್ತೇ ರಣೇ ರಾಜನ್ವಿಕ್ರಂಯ ತದನಂತರಂ॥] ॥ 11-10-24 (65102)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ದಶಮೋಽಧ್ಯಾಯಃ॥ 10 ॥
Mahabharata - Strii Parva - Chapter Footnotes
11-10-14 ವೈರಂ ಪ್ರತಿಚಿಕೀರ್ಷವ ಇತಿ ಕ.ಪಾಠಃ॥ 11-10-17 ದಿಷ್ಟಾಂತಂ ಮರಣಂ॥ 11-10-24 ತದನಂತರಂ ಕೃಪಾಚಾರ್ಯಕೃತವರ್ಮಭ್ಯಾಂ ವಿಯೋಗಾನಂತರಂ॥ 11-10-10 ದಶಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 011
॥ ಶ್ರೀಃ ॥
11.11. ಅಧ್ಯಾಯಃ 011
Mahabharata - Strii Parva - Chapter Topics
ಯುಧಿಷ್ಠಿರೇಣ ಕೃಷ್ಣಾದಿಭಿಃ ಸಹ ಧೃತರಾಷ್ಟ್ರಸಮೀಪಮೇತ್ಯಾಭಿವಾದನಂ॥ 1 ॥ ಧೃತರಾಷ್ಟ್ರೇಣ ಯುಧಿಷ್ಠಿರಂ ಮೃದುಲಮಾಲಿಂಘ್ಯ ಪಶ್ಚಾದ್ಭಾವಜ್ಞೇನ ಕೃಷ್ಣೇನ ಪುರತಃ ಸ್ಥಾಪಿತಲೋಹಭೀಮಸ್ಯ ದೃಢಾಲಿಂಗನೇನ ಭಂಜನಂ॥ 2 ॥Mahabharata - Strii Parva - Chapter Text
11-11-0 (65103)
ವೈಶಂಪಾಯನ ಉವಾಚ। 11-11-0x (5338)
ಹತೇಷು ಸರ್ವೇಸೈನ್ಯೇಷು ಧರ್ಮರಾಜೋ ಯುಧಿಷ್ಠಿರಃ।
ಶುಶ್ರುವೇ ಪಿತರಂ ವೃದ್ಧಂ ನಿರ್ಯಾಂತಂ ಗಜಸಾಹ್ವಯಾತ್॥ 11-11-1 (65104)
ಸೋಽಭ್ಯಯಾತ್ಪುತ್ರಶೋಕಾರ್ತಂ ಪುತ್ರಶೋಕಪರಿಪ್ಲುತಃ।
ಶೋಚಮಾನೋ ಮಹಾರಾಜ ಭ್ರಾತೃಭಿಃ ಸಹಿತಸ್ತದಾ॥ 11-11-2 (65105)
ಅನ್ವೀಯಮಾನೋ ವೀರೇಣ ದಾಶಾರ್ಹೇಣ ಮಹಾತ್ಮನಾ।
ಯುಯುಧಾನೇನ ಚ ತಥಾ ತಥೈವ ಚ ಯುಯುತ್ಸುನಾ॥ 11-11-3 (65106)
ತಮನ್ವಗಾತ್ಸುದುಃಖಾರ್ತಾ ದ್ರೌಪದೀಶೋಕಕರ್ಶಿತಾ।
ಸಹ ಪಾಂಚಾಲಯೋಷಿದ್ಭಿರ್ಯಾಸ್ತತ್ರಾಸನ್ಸಮಾಗತಾಃ॥ 11-11-4 (65107)
ಸಂಗ್ರಾಮಮನು ಬೃಂದಾನಿ ಸ್ತ್ರೀಣಾಂ ಭರತಸತ್ತಂ।
ಕುರರೀಣಾಮಿವಾರ್ತಾನಾಂ ಕ್ರೋಶಂತೀನಾಂ ದದರ್ಶ ಹ॥ 11-11-5 (65108)
ತಾಭಿಃ ಪರಿವೃತೋ ರಾಜಾ ಕ್ರೋಶಂತೀಭಿಃ ಸಹಸ್ರಶಃ।
ಊರ್ಧ್ವಬಾಹುಭಿರಾರ್ತಾಭೀ ರುದತೀಭಿಃ ಪ್ರಿಯಾಪ್ರಿಯೈಃ॥ 11-11-6 (65109)
ಕ ನು ಧರ್ಮಜ್ಞತಾ ರಾಜ್ಞಃ ಕ್ವ ನು ಸಾದ್ಯಾನೃಶಂಸತಾ।
ಯಚ್ಚಾವಧೀತ್ಪಿತೄನ್ಭ್ರಾತೄನ್ಗುರುಪುತ್ರಾನ್ಸಖೀನಪಿ॥ 11-11-7 (65110)
ಘಾತಯಿತ್ವಾ ಕಥಂ ದ್ರೋಣಂ ಭೀಷ್ಮಂ ಚಾಪಿ ಪಿತಾಮಹಂ।
ಮನಸ್ತೇಽಭೂನ್ಮಹಾಬಾಹೋ ಹತ್ವಾ ಚಾಪಿ ಜಯದ್ರಥಂ॥ 11-11-8 (65111)
ಕಿಂ ನು ರಾಜ್ಯೇನ ತೇ ಕಾರ್ಯಂ ಪಿತೄನ್ಭ್ರಾತೄನಪಶ್ಯತಃ।
ಅಭಿಮನ್ಯುಂ ಚ ದುರ್ಧರ್ಷಂ ದ್ರೌಪದೇಯಾಂಶ್ಚ ಭಾರತ॥ 11-11-9 (65112)
ವೈಶಂಪಾಯನ ಉವಾಚ। 11-11-10x (5339)
ಅತೀತ್ಯ ತಾ ಮಹಾಬಾಹುಃ ಕ್ರೋಶಂತೀಃ ಕುರರೀರಿವ।
ವವಂದೇ ಪಿತರಂ ಜ್ಯೇಷ್ಠಂ ಧರ್ಮರಾಜೋ ಯುಧಿಷ್ಠಿರಃ॥ 11-11-10 (65113)
ತತೋಽಭಿವಾದ್ಯ ಪಿತರಂ ಕ್ರಮೇಣಾಮಿತ್ರಕರ್ಶನಾಃ।
ನ್ಯವೇದಯಂತ ನಾಮಾನಿ ಪಾಂಡವಾಸ್ತೇಽಪಿ ಸರ್ವಶಃ॥ 11-11-11 (65114)
ತಮಾತ್ಮಜಾಂತಕರಣಂ ಪಿತಾ ಪುತ್ರವಧಾರ್ದಿತಃ।
ಅಪ್ರೀಯಮಾಣಃ ಶೋಕಾರ್ತಃ ಪಾಂಡವಂ ಪರಿಷಸ್ವಜೇ॥ 11-11-12 (65115)
ಧರ್ಮರಾಜಂ ಪರಿಷ್ವಜ್ಯ ಸಾಂತ್ವಯಿತ್ವಾ ಚ ಭಾರತ।
ದುಷ್ಟಾತ್ಮಾ ಭೀಮಮನ್ವೈಚ್ಛದ್ದಿಧಕ್ಷುರಿವ ಪಾವಕಃ॥ 11-11-13 (65116)
ಸ ಕೋಪಪಾವಕಸ್ತಸ್ಯ ಶೋಕವಾಯುಸಮೀರಿತಃ।
ಭೀಮಸೇನಮಯಂ ದಾವಂ ದಿಧಕ್ಷುರಿವ ದೃಶ್ಯತೇ॥ 11-11-14 (65117)
ತಸ್ಯ ಸಂಕಲ್ಪಮಾಜ್ಞಾಯ ಭೀಮಂ ಪ್ರತ್ಯಶುಭಂ ಹರಿಃ।
ಭೀಮಮಾಕ್ಷಿಪ್ಯ ಪಾಣಿಭ್ಯಾಂ ಪ್ರದದೌ ಭೀಮಮಾಯಸಂ॥ 11-11-15 (65118)
ಪ್ರಾಗೇವ ತು ಮಹಾಬುದ್ಧಿರ್ಬುದ್ಧ್ವಾ ತಸ್ಯೇಂಗಿತಂ ಹರಿಃ।
ಸಂವಿಧಾನಂ ಮಹಾಪ್ರಾಜ್ಞಸ್ತತ್ರ ಚಕ್ರೇ ಜನಾರ್ದನಃ॥ 11-11-16 (65119)
ಉಪಗುಹ್ಯೈವ ಪಾಣಿಭ್ಯಾಂ ಭೀಮಸೇನಮಯಸ್ಮಯಂ।
ಬಭಂಜ ಬಲವಾನ್ರಾಜಾ ಮನ್ಯಮಾನೋ ವೃಕೋದರಂ॥ 11-11-17 (65120)
ನಾಗಾಯುತಸಮಪ್ರಾಣಃ ಸ ರಾಜಾ ಭೀಮಮಾಯಸಂ।
ಭಂಕ್ತತ್ವಾ ವಿಮಥಿತೋರಸ್ಕಃ ಸುಸ್ರಾವ ರುಧಿರಂ ಮುಖಾತ್॥ 11-11-18 (65121)
ತತಃ ಪಪಾತ ಮೇದಿನ್ಯಾಂ ತಥೈವ ರುಧಿರೋಕ್ಷಿತಃ।
ಪ್ರಪುಷ್ಪಿತಾಗ್ರಶಿಖರಃ ಪಾರಿಜಾತ ಇವ ದ್ರುಮಃ॥ 11-11-19 (65122)
ಪ್ರತ್ಯಗೃಹ್ಣಾಚ್ಚ ತಂ ವಿದ್ವಾನ್ಸೂತೋ ಗಾವಲ್ಗಣಿಸ್ತದಾ।
ಮೈವಮಿತ್ಯಬ್ರವೀಚ್ಚೈನಂ ಶಮಯನ್ಸಾಂತ್ವಯನ್ನಿವ॥ 11-11-20 (65123)
ಹತೋ ಭೀಮ ಇತಿ ಜ್ಞಾತ್ವಾ ಗತಮನ್ಯುರ್ಮಹಾಮನಾಃ।
ಹಾಹಾಭೀಮೇತಿ ಚುಕ್ರೋಶ ನೃಪಃ ಶೋಕಸಮನ್ವಿತಃ॥ 11-11-21 (65124)
ತಂ ವಿದಿತ್ವಾ ಗತಕ್ರೋಧಂ ಭೀಮಸೇನವಧಾರ್ದಿತಂ।
ವಾಸುದೇವೋ ವರಃ ಪುಂಸಾಮಿದಂ ವಚನಮಬ್ರವೀತ್॥ 11-11-22 (65125)
ಮಾ ಶುಚೋ ಧೃತರಾಷ್ಟ್ರ ತ್ವಂ ನೈವ ಭೀಮಸ್ತ್ವಯಾ ಹತಃ।
ಆಯಸೀ ಪ್ರತಿಮಾ ಹ್ಯೇಷಾ ತ್ವಯಾ ನಿಷ್ಪಾತಿತಾ ವಿಭೋ॥ 11-11-23 (65126)
ತ್ವಾಂ ಕ್ರೋಧವಶಮಾಪನ್ನಂ ವಿದಿತ್ವಾ ಭರತರ್ಷಭ।
ಮಯಾಽಪಕೃಷ್ಟಃ ಕೌಂತೇಯೋ ಮೃತ್ಯೋರ್ದಂಷ್ಟ್ರಾಂತರಂ ಗತಃ॥ 11-11-24 (65127)
ನ ಹಿ ತೇ ರಾಜಶಾರ್ದೂಲ ಬಲೇ ತುಲ್ಯೋಽಸ್ತಿ ಕಶ್ಚನ।
ಕಃ ಸಹೇತ ಮಹಾಬಾಹೋ ಬಾಹ್ವೋರ್ವಿಗ್ರಹಣಂ ನರಃ॥ 11-11-25 (65128)
ಯಥಾಂತಕಮನುಪ್ರಾಪ್ಯ ಜೀವನ್ಕಶ್ಚಿನ್ನ ಮುಚ್ಯತೇ।
ಏವಂ ಬಾಹ್ವಂತರಂ ಪ್ರಾಪ್ಯ ತವ ಜೀವೇನ್ನ ಕಶ್ಚನ॥ 11-11-26 (65129)
ತಸ್ಮಾತ್ಪುತ್ರೇಣ ಯಾ ತೇಽಸೌ ಪ್ರತಿಮಾ ಕಾರಿತಾಽಽಯಸೀ।
ಭೀಮಸ್ಯ ಸೇಯಂ ಕೌರವ್ಯ ತವೈವೋಪಹೃತಾ ಮಯಾ॥ 11-11-27 (65130)
ಪುತ್ರಶೋಕಾಭಿಸಂತಪ್ತಂ ಧರ್ಮಾದಪಕೃತಂ ಮನಃ।
ತವ ರಾಜೇಂದ್ರ ತೇನ ತ್ವಂ ಭೀಮಸೇನಂ ಜಿಘಾಂಸಸಿ॥ 11-11-28 (65131)
ನ ತ್ವೇತತ್ತೇ ಕ್ಷಮಂ ರಾಜನ್ಹನ್ಯಾಸ್ತ್ವಂ ಯದ್ವೃಕೋದರಂ।
ನ ಹಿ ಪುತ್ರಾ ಮಹಾರಾಜ ಜೀವೇಯುಸ್ತೇ ಕಥಂಚನ॥ 11-11-29 (65132)
ತಸ್ಮಾದ್ಯತ್ಕೃತಮಸ್ಮಾಭಿರ್ಮನ್ಯಮಾನೈಃ ಶಮಂ ಪ್ರತಿ।
ಅನುಮನ್ಯಸ್ವ ತತ್ಸರ್ವಂ ಮಾ ಚ ಶೋಕೇ ಮನಃ ಕೃಥಾಃ॥ ॥ 11-11-30 (65133)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಏಕಾದಶೋಽಧ್ಯಾಯಃ॥ 11 ॥
Mahabharata - Strii Parva - Chapter Footnotes
11-11-5 ಸ ಗಂಗಾಮನ್ವಿತಿ ಝ.ಪಾಠಃ॥ 11-11-6 ಪ್ರಿಯಾಪ್ರಿಯೈಃ ಪಾಂಡವಾನಾಂ ಪ್ರಿಯಾಃ ಅಭಿಮನ್ಯುಪ್ರಭೃತಯಃ ಅಪ್ರಿಯಾಃ ದುರ್ಯೋಧನಾದಯಃ ತೈರ್ಹೇತುಭಿಃ ಕ್ರೋಶಂತೀಭಿರಿತಿ ಸಂಬಂಧಃ॥ 11-11-15 ಆಕ್ಷಿಪ್ಯ ನಿವಾರ್ಯ। ಆಯಸಂ ಲೋಹಮಯಂ॥ 11-11-21 ಸ ತು ಕೋಪಂ ಸಮುತ್ಸೃಜ್ಯೇತಿ ಝ.ಪಾಠಃ॥ 11-11-28 ಪುತ್ರೇತಿ ಧರ್ಮಾದಪಕೃತಮಾಲಿಂಗನಚ್ಛಲೇನ ಭೀಮವಧಃ ಕರ್ತವ್ಯ ಇತ್ಯಾಶಯಾ॥ 11-11-11 ಏಕಾದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 012
॥ ಶ್ರೀಃ ॥
11.12. ಅಧ್ಯಾಯಃ 012
Mahabharata - Strii Parva - Chapter Topics
ಕೃಷ್ಣವಾಕ್ಯಾದ್ರತಮನ್ಯುನಾ ಧೃತರಾಷ್ಟ್ರೇಣ ಭೀಮಾದೀನಾಮಾಲಿಂಗನಂ॥ 1 ॥Mahabharata - Strii Parva - Chapter Text
11-12-0 (65134)
ವೈಶಂಪಾಯನ ಉವಾಚ। 11-12-0x (5340)
ತತ ಏನಮುಪಾತಿಷ್ಠಞ್ಶೌಚಾರ್ಥಂ ಪರಿಚಾರಕಾಃ।
ಕೃತಶೌಚಂ ಪುನಶ್ಚೈನಂ ಓವಾಚ ಮಧುಸೂದನಃ॥ 11-12-1 (65135)
ರಾಜನ್ನಧೀತಾ ವೇದಾಸ್ತೇ ಶಾಸ್ತ್ರಾಣಿ ವಿವಿಧಾನಿ ಚ।
ಶ್ರುತಾನಿ ಚ ಪುರಾಣಾನಿ ರಾಜಧರ್ಮಾಶ್ಚ ಕೇವಲಾಃ॥ 11-12-2 (65136)
ಏವಂ ವಿದ್ವಾನ್ಮಹಾಪ್ರಾಜ್ಞಃ ಸಮರ್ಥಃ ಸನ್ಬಲಾಬಲೇ।
ಆತ್ಮಾಪರಾಧಾತ್ಕಸ್ಮಾತ್ತ್ವಂ ಕುರುಷೇ ಕೋಪಮೀದೃಶಂ॥ 11-12-3 (65137)
ಉಕ್ತವಾಂಸ್ತ್ವಾಂ ತದೈವಾಹಂ ಭೀಷ್ಮದ್ರೋಣೌ ಚ ಭಾರತ।
ವಿದುರಃ ಸಂಜಯಶ್ಚೈವ ವಾಕ್ಯಂ ರಾಜನ್ನ ತತ್ಕೃಥಾಃ॥ 11-12-4 (65138)
ಸ ವಾರ್ಯಮಾಣೋ ನಾಸ್ಮಾಕಮಕಾರ್ಷೀರ್ವಚನಂ ತದಾ।
ಪಾಂಡವಾನಧಿಕಾಂಚಾನನ್ಬಲೇ ಶೌರ್ಯೇ ಚ ಕೌರವ॥ 11-12-5 (65139)
ರಾಜಾ ಹಿ ಯಃ ಸ್ಥಿರಪ್ರಜ್ಞಃ ಸ್ವಯಂ ದೋಷಾನವೇಕ್ಷತೇ।
ದೇಶಕಾಲವಿಭಾಗಂ ಚ ಪರಂ ಶ್ರಯೇಃ ಸ ವಿಂದತಿ॥ 11-12-6 (65140)
ಉಚ್ಯಮಾನಸ್ತು ಯಃ ಶ್ರೇಯೋ ಗೃಹ್ಣೀತೇ ನೋ ಹಿತಾಹಿತೇ।
ಆಪದಃ ಸಮನುಪ್ರಾಪ್ಯ ಸೋಽಭ್ಯೇತಿ ವಿಲಯಂ ಕಿಲ॥ 11-12-7 (65141)
ತತೋಽನ್ಯವೃತ್ತಮಾತ್ಮಾನಂ ಸಮವೇಕ್ಷಸ್ವ ಭಾರತ।
ರಾಜಂಸ್ತ್ವಂ ಹ್ಯವಿಧೇಯಾತ್ಮಾ ದುರ್ಯೋಧನವಶೇ ಸ್ಥಿತಃ॥ 11-12-8 (65142)
ಆತ್ಮಾಪರಾಧಾದಾಪನ್ನಸ್ತತ್ಕಿಂ ಭೀಮಂ ಜಿಘಾಂಸಸಿ।
ತಸ್ಮಾತ್ಸಂಯಚ್ಛ ಕೋಪಂ ತ್ವಂ ಸ್ವಮನುಸ್ಮೃತ್ಯ ದುಷ್ಕೃತಂ॥ 11-12-9 (65143)
ಯಸ್ತು ತಾಂ ಸ್ಪರ್ಧಯಾ ಕ್ಷುದ್ರಃ ಪಾಂಚಾಲೀಮಾನಯತ್ಸಮಾಂ।
ಸ ಹತೋ ಭೀಮಸೇನೇನ ವೈರಂ ಪ್ರತಿಜಿಹೀರ್ಷತಾ॥ 11-12-10 (65144)
ಆತ್ಮನೋಽತಿಕ್ರಮಂ ಪಶ್ಯ ಪುಂತ್ರಸ್ಯ ಚ ದುರಾತ್ಮನಃ।
ಯದನಾಗಸಿ ಪಾಂಡೂನಾಂ ಪರಿತ್ಯಾಗಸ್ತ್ವಯಾ ಕೃತಃ॥ 11-12-11 (65145)
ವೈಶಂಪಾಯನ ಉವಾಚ। 11-12-12x (5341)
ಏವಮುಕ್ತಃ ಸ ಕೃಷ್ಣೇನ ಸರ್ವಂ ಸತ್ಯಂ ಜನಾಧಿಪ।
ಉವಾಚ ದೇವಕೀಪುತ್ರಂ ಧೃತರಾಷ್ಟ್ರೋ ಮಹೀಪತಿಃ॥ 11-12-12 (65146)
ಏವಮೇತನ್ಮಹಾಬಾಹೋ ಯಥಾ ವದಸಿ ಮಾಧವ।
ಪುತ್ರಸ್ನೇಹಸ್ತು ಬಲವಾಂಧರ್ಮಾನ್ಮಾಂ ಸಮಚಾಲಯತ್॥ 11-12-13 (65147)
ದಿಷ್ಟ್ಯಾ ತು ಪುರುಷವ್ಯಾಘ್ರೋ ಬಲವಾನ್ಸತ್ಯಕ್ತ್ರಿಮಃ।
ತ್ವದ್ಗುಪ್ತೋ ನಾಗಮತ್ಕೃಷ್ಣ ಭೀಮೋ ಬಾಹ್ವಂತರಂ ಮಮ॥ 11-12-14 (65148)
ಇದಾನೀಂ ತ್ವಹಮವ್ಯಗ್ರೋ ಗತಮನ್ಯುರ್ಗತಜ್ವರಃ।
ಮಧ್ಯಮಂ ಪಾಂಡವಂ ವೀರಂ ಸ್ಪಷ್ಟುಮಿಚ್ಛಾಮಿ ಮಾಧವ॥ 11-12-15 (65149)
ಹತೇಷು ಪಾರಥಿವೇಂದ್ರೇಷು ಪುತ್ರೇಷು ನಿಹತೇಷು ಚ।
ಪಾಂಡುಪುತ್ರೇಷು ಮೇ ಧರ್ಮಃ ಪ್ರೀತಿಶ್ಚಾಪ್ಯವತಿಷ್ಠತೇ॥ 11-12-16 (65150)
ತತಃ ಸ ಭೀಮಂ ಚ ಧನಂಜಯಂ ಚ
ಮಾದ್ಯಾಶ್ಚ ಪುತ್ರೌ ಪುರುಷಪ್ರವೀರೌ।
ಪಸ್ಪರ್ಶ ಗಾತ್ರೈಃ ಪ್ರರುದನ್ಸುಗಾತ್ರಾ--
ನಾಶ್ವಾಸ್ಯ ಕಲ್ಯಾಣಮುವಾಚ ಚೈನಾನ್॥ ॥ 11-12-17 (65151)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ದ್ವಾದಶೋಽಧ್ಯಾಯಃ॥ 12 ॥
Mahabharata - Strii Parva - Chapter Footnotes
11-12-4 ನ ತತ್ಕೃಥಾಃ ತತನ್ನ ಕೃತವಾನರೀ। ಅಡಭಾವ ಆರ್ಷಃ॥ 11-12-7 ಶ್ರೇಯೋ ಹಿತಾಹಿತೇ ಉಚ್ಯಮಾನೋ ನ ಗೃಹೀತ ಇತ್ಯನ್ವಯಃ॥ 11-12-10 ವೈರಂ ಪ್ರತಿಚಿಕೀರ್ಷತೇತಿ ಕ.ಪಾಠಃ॥ 11-12-11 ಅನಾಗಸಿ ಅಪರಾಧಾಭಾವೇ। ಪರಿತ್ಯಾಗೋ ರಾಜ್ಯಾಪ್ರದಾನೇನ ತಿರಸ್ಕಾರಃ॥ 11-12-12 ದ್ವಾದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 013
॥ ಶ್ರೀಃ ॥
11.13. ಅಧ್ಯಾಯಃ 013
Mahabharata - Strii Parva - Chapter Topics
ಕೃಷ್ಣಯುಧಿಷ್ಠಿರಾದಿಭಿರ್ಗಾಂಧಾರೀಸಮೀಪಗಮನಂ॥ 1 ॥ ಗಾಂಧಾರೀಂ ಯುಧಿಷ್ಠಿರಂಶಪ್ತುಕಾಮಾಂ ವಿಜ್ಞಾಯ ಪೂರ್ವಮೇವಾಗತೇನ ವ್ಯಾಸೇನ ಗಾಂಧಾರ್ಯಾಃ ಕೋಪಾಪನೋದನಂ॥ 2 ॥Mahabharata - Strii Parva - Chapter Text
11-13-0 (65152)
ವೈಶಂಪಾಯನ ಉವಾಚ। 11-13-0x (5342)
ಧೃತರಾಷ್ಟ್ರಾಭ್ಯನುಜ್ಞಾತಾಸ್ತತಸ್ತೇ ಕುರುಪುಂಗವಾಃ।
ಅಭ್ಯಯುರ್ಭ್ರಾತರಃ ಸರ್ವೇ ಗಾಂಧಾರೀಂ ಸಹಕೇಶವಾಃ॥ 11-13-1 (65153)
ತತೋ ಜ್ಞಾತ್ವಾ ಹತಾಮಿತ್ರಂ ಧರ್ಮರಾಜಂ ಯುಧಿಷ್ಠಿರಂ।
ಗಾಂಧಾರೀ ಪುತ್ರಶೋಕಾರ್ತಾ ಶಪ್ತುಮೈಚ್ಛದನಿಂದಿತಾ॥ 11-13-2 (65154)
ತಸ್ಯಾಃ ಪಾಪಮಭಿಪ್ರಾಯಂ ವಿದಿತ್ವಾ ಪಾಂಡವಾನ್ಪ್ರತಿ।
ಋಷಿರ್ಗಂಧವತೀಪುತ್ರಃ ಪ್ರಾಗೇವ ಸಮಬುಧ್ಯತ॥ 11-13-3 (65155)
ಸ ಗಂಗಾಯಾಮುಪಸ್ಪೃಶ್ಯ ಬ್ರಹ್ಮರ್ಷಿಃ ಪ್ರಯತಃ ಶುಚಿಃ।
ತಂ ದೇಶಮುಪಸಂಪೇದೇ ಪಾರಾಶರ್ಯೋ ಮನೋಜವಃ॥ 11-13-4 (65156)
ದಿವ್ಯೇನ ಚಕ್ಷುಷಾ ಜ್ಞಾತ್ವಾ ಮನಸಾಽನುದ್ಧತೇನ ಚ।
ಸರ್ವಪ್ರಾಣಭೃತಾಂ ಭಾವಂ ಸತತಂ ಸ ತು ಬೃಧ್ಯತಿ॥ 11-13-5 (65157)
ಸ ಸ್ನುಷಾಮಬ್ರವೀತ್ಕಾಲೇ ಕಲ್ಯಾಣಾನಿ ಮಹಾತಪಾಃ।
ಶಾಪಕಾಲಮವಾಕ್ಷಿಪ್ಯ ಶಮಕಾಲಮುದೀರಯನ್॥ 11-13-6 (65158)
ನ ಕೋಪಃ ಪಾಂಡವೇ ಕಾರ್ಯೋ ಗಾಂಧಾರಿ ಶಮಮಾಪ್ನುಹಿ।
ರಜೋ ನಿಗೃಹ್ಯತಾಂ ಚೈವ ಶೃಣು ಚೇದಂ ವಚೋ ಮಮ॥ 11-13-7 (65159)
ಪುರೋಕ್ತಾ ಯುದ್ಧಕಾಲೇ ತ್ವಂ ಪುತ್ರೇಣ ಜಯಮಿಚ್ಛತಾ।
ಜಯಮಾಶಾಸ್ವ ಮೇ ಮಾತರ್ಯುಧ್ಯಮಾನಸ್ಯ ಶತ್ರುಭಿಃ॥ 11-13-8 (65160)
ಸಾ ತಥಾ ಯಾಚ್ಯಮಾನಾ ತ್ವಂ ಯುದ್ಧಕಾಲೇ ಜಯೈಷಿಣಾ।
ಉಕ್ತವತ್ಯಸಿ ಕಲ್ಯಾಣಿ ಯತೋ ಧರ್ಮಸ್ತತೋ ಜಯಃ॥ 11-13-9 (65161)
ವಾಚಾಽಪ್ಯತೀತೇ ಮಾ ಕ್ರೋಧೇ ಮನಃ ಕುರು ಯಶಸ್ವಿನಿ।
ಸ್ಮರಾಮಿ ಭಾಷಮಾಣಾಂ ಹಿ ತ್ವಾಮಹಂ ಸತ್ಯವಾದಿನೀಂ॥ 11-13-10 (65162)
ವಿಗ್ರಹೇ ತುಮುಲೇ ರಾಜ್ಞಾಂ ಗತ್ವಾ ಪರಮಸಂಶಯಂ।
ಜಿತಂ ಪಾಂಡುಸುತೈರ್ಯುದ್ಧೇ ನೂನಂ ಧರ್ಮಸ್ತತೋಽಧಿಕಃ॥ 11-13-11 (65163)
ಕ್ಷಮಾಶೀಲಾ ಪುರಾ ಭೂತ್ವಾ ಸಾಽದ್ಯ ನ ಕ್ಷಮಸೇ ಕಥಂ।
ಅಧರ್ಮೇ ಜಹಿ ಧರ್ಮಜ್ಞೇ ಯತೋ ಧರ್ಮಸ್ತತೋ ಜಯಃ॥ 11-13-12 (65164)
ಸಾ ತ್ವಂ ಧರ್ಮಂ ಪರಿಸ್ಮೃತ್ಯ ವಾಚಂ ಚೋಕ್ತಾಂ ಮನಸ್ವಿನೀ।
ಕೋಪಂ ಸಂಯಚ್ಛ ಗಾಂಧಾರಿ ಪಾಂಡವೇಷು ಸುತೇಷು ತೇ॥ 11-13-13 (65165)
ಗಾಂಧಾರ್ಯುವಾಚ। 11-13-14x (5343)
ಭಗವನ್ನಾಭ್ಯಸೂಯಾಮಿ ನೈತಾನಿಚ್ಛಾಮಿ ನಶ್ಯತಃ।
ಪುತ್ರಶೋಕೇನ ತು ಬಲಾನ್ಮನೋ ವಿಹ್ವಲತೀವ ಮೇ॥ 11-13-14 (65166)
ಯಥೈವ ಕುಂತ್ಯಾ ಕೌಂತೇಯಾ ರಕ್ಷಿತವ್ಯಾಸ್ತಥಾ ಮಯಾ।
ತಥೈವ ಧೃತರಾಷ್ಟ್ರೇಣ ರಕ್ಷಿತವ್ಯಾ ಯಥಾ ತ್ವಯಾ॥ 11-13-15 (65167)
ದುಃಶಾಸನಾಪರಾಧೇನ ಶಕುನೇಃ ಸೌಬಲಸ್ಯ ಚ।
ಕರ್ಣದುರ್ಯೋಧನಾಭ್ಯಾಂ ಚ ಕೃತೋಽಯಂ ಕೃರುಸಂಕ್ಷಯಃ॥ 11-13-16 (65168)
ನಾಪರಾಧ್ಯತಿ ಬೀಭತ್ಸುರ್ನ ಚ ಪಾರ್ಥೋ ವೃಕೋದರಃ।
ನಕುಲಃ ಸದೇವಶ್ಚ ನೈವ ರಾಜಾ ಯುಧಿಷ್ಠಿರಃ॥ 11-13-17 (65169)
ಯುಧ್ಯಮಾನಾ ಹಿ ಕೌರವ್ಯಾಃ ಕೃತಮಾಮಾಃ ಪರಸ್ಪರಂ।
ನಿಹತಾಃ ಸಹಿತಾಶ್ಚಾನ್ಯೈಸ್ತತ್ರ ನಾಸ್ತ್ಯಪ್ರಿಯಂ ಮಮ॥ 11-13-18 (65170)
ಕಿಂ ತು ಕರ್ಮಾಕರೋದ್ಭೀಮೋ ವಾಸುದೇವಸ್ಯ ಪಶ್ಯತಃ।
ದುರ್ಯೋಧನಂ ಸಮಾಹೂಯ ಗದಾಯುರ್ದ್ಧ ಮಹಾಮನಾಃ॥ 11-13-19 (65171)
ಶಿಕ್ಷಯಾಽಭ್ಯಧಿಕಂ ಜ್ಞಾತ್ವಾ ಚರಂತಂ ಬಹುಧಾ ರಣೇ।
ಅಧೋ ನಾಭ್ಯಾಃ ಪ್ರಹೃತವಾಂಸ್ತನ್ಮೇ ಕೋಪಮವರ್ಧಯತ್॥ 11-13-20 (65172)
ಕಥಂ ನು ಧರ್ಮಂ ಧರ್ಮಜ್ಞಾಃ ಸಮುದ್ದಿಷ್ಟಂ ಮಹಾತ್ಮಭಿಃ।
ತ್ಯಜೇಯುರಾಹವೇ ಶೂರಾಃ ಪ್ರಾಣಹೇತೋಃ ಕಥಂಚನಃ॥ ॥ 11-13-21 (65173)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ತ್ರಯೋದಶೋಽಧ್ಯಾಯಃ॥ 13 ॥
Mahabharata - Strii Parva - Chapter Footnotes
11-13-10 ನ ಚಾಪ್ಯತೀತಾಂ ಗಾಂಧಾರಿ ವಾಚಂ ತೇ ವಿತಥಾಮಹಂ। ಸ್ಮರಾಮಿತೋಷಮಾಣಾಯಾಸ್ತಥಾ ಪ್ರಣಿಹಿತಾ ಹ್ಯಸಿ ಇತಿ ಝ.ಪಾಠೇ ಅಸ್ಯ ಏನಂ ದುರ್ಯೋಧನಂ ತೋಷಮಾಣಾಯಾ ಆಶೀರ್ವಚನೇನ ತೋಷಯಂತ್ಯಾಸ್ತೇ ತವ ತಾಂ ತಾಂ ವಾಚಂ ವಿತಥಾಂ ನ ಸ್ಮರಾಮೀತ್ಯನ್ವಯಃ॥ 11-13-13 ಸಾ ತ್ವಂ ಧರ್ಮ ಪರಿತ್ಯಜ್ಯ ವಾಚಾ ಚೋಕ್ತ್ವಾ ಮನಸ್ವಿನಿ। ಇಚಿ ಛ.ಟ.ಪಾಠಃ॥ 11-13-18 ಕೃತಮಾನಾಃ ಕೃತಾಹಕಾರಾಃ॥ 11-13-13 ತ್ರಯೋದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 014
॥ ಶ್ರೀಃ ॥
11.14. ಅಧ್ಯಾಯಃ 014
Mahabharata - Strii Parva - Chapter Topics
ಭೀಮಗಾಂಧಾರೀಸಂವಾದಃ॥ 1 ॥Mahabharata - Strii Parva - Chapter Text
11-14-0 (65174)
ವೈಶಂಪಾಯನ ಉವಾಚ। 11-14-0x (5344)
ತಚ್ಛ್ರುತ್ವಾ ವಚನಂ ತಸ್ಯಾ ಭೀಮಸೇನೋಽಥ ಭೀತವತ್।
ಗಾಂಧಾರೀಂ ಪ್ರತ್ಯುವಾಚೇದಂ ವಚಃ ಸಾನುನಯಂ ತದಾ॥ 11-14-1 (65175)
ಅಧರ್ಮೋ ಯದಿ ವಾ ಧರ್ಮಸ್ತ್ರಾಸಾತ್ತತ್ರ ಮಯಾ ಕೃತಃ।
ಆತ್ಮಾನಂ ತ್ರಾತುಕಾಮೇನ ತನ್ಮೇ ತ್ವಂ ಕ್ಷಂತುಮರ್ಹಸಿ॥ 11-14-2 (65176)
ನ ಹಿ ಯುದ್ಧೇನ ಪುತ್ರಸ್ತೇ ಧರ್ಮೇಣ ಸ ಮಹಾಬಲಃ।
ದುಃಶಕ್ಯಃ ಕೇನಚಿದ್ಧರ್ತುಮತೋ ವಿಷಮಮಾಚರಂ॥ 11-14-3 (65177)
ಅಧರ್ಮೇಣ ಜಿತಃ ಪೂರ್ವಂ ತೇನ ಚಾಪಿ ಯುಧಿಷ್ಠಿರಃ।
ನಿಕೃತಾಶ್ಚ ಸದೈವ ಸ್ಮ ತೋ ವಿಷಮಮಾಚರಂ॥ 11-14-4 (65178)
ಸೈನ್ಯಸ್ಯೈಕೋಽವಶಿಷ್ಟೋಽಯಂ ಗದಾಯುದ್ಧೇ ಚ ವೀರ್ಯವಾನ್।
ನ ತ್ಯಕ್ಷ್ಯತಿ ಹೃತಂ ರಾಜ್ಯಮಿತಿ ವೈ ತತ್ಕೃತಂ ಮಯಾ॥ 11-14-5 (65179)
ಏಕಪತ್ನೀಂ ಚ ಪಾಶ್ಚಾಲೀಮೇಕವಸ್ತ್ರಾಂ ರಜಸ್ವಲಾಂ।
ಭವತ್ಯಾ ವಿದಿತಂ ಸರ್ವಮುಕ್ತವಾನ್ಯತ್ಸುತಸ್ತವ॥ 11-14-6 (65180)
ಸುಯೋಧನಂ ತ್ವಸಂಹೃತ್ಯ ನ ಶಕ್ಯಾ ಭೂಃ ಸಸಾಗರಾ।
ಕೇವಲಾ ಭೋಕ್ತುಮಸ್ಮಾಭಿರತಶ್ಚೈತತ್ಕೃತಂ ಮಯಾ॥ 11-14-7 (65181)
ತಚ್ಚಾಪ್ಯಪ್ರಿಯಮಸ್ಮಾಕಂ ಪುತ್ರಸ್ತೇ ಸಮುಪಾಚರತ್।
ದ್ರೌಪದ್ಯಾ ಯತ್ಸಭಾಮಧ್ಯೇ ಸವ್ಯಮೂರುಮದರ್ಶಯತ್॥ 11-14-8 (65182)
ತತ್ರೈವ ವಧ್ಯಃ ಸೋಽಸ್ಮಾಕಂ ದುರಾಚಾರೋಽಪ್ಬ ತೇ ಸುತಃ।
ಧರ್ಮರಾಜಾಜ್ಞಯಾ ಚೈವ ಸ್ಥಿತಾಃ ಸ್ಮ ಸಮಯೇ ಪುರಾ॥ 11-14-9 (65183)
ವೈರಮುದ್ದೀಪಿತಂ ರಾಜ್ಞಿ ಪುತ್ರೇಣ ತವ ಯನ್ಮಹತ್।
ಕ್ಲೇಶಿತಾಶ್ಚ ವನೇ ನಿತ್ಯಂ ತತ ಏತತ್ಕೃತಂ ಮಯಾ॥ 11-14-10 (65184)
ವೈರಸ್ಯಾಸ್ಯ ಗತಾಃ ಪಾರಂ ಹತ್ವಾ ದುರ್ಯೋಧನಂ ರಣೇ।
ರಾಜ್ಯಂ ಯುಧಿಷ್ಠಿರೇ ಪ್ರಾಪ್ತೇ ವಯಂ ಚ ಗತಮನ್ಯವಃ॥ 11-14-11 (65185)
ಗಾಂಧಾರ್ಯುವಾಚ। 11-14-12x (5345)
ನ ತಸ್ಯೈವಂ ವಧಸ್ತಾತ ಯಂ ಪ್ರಶಂಸಸಿ ಮೇ ಸುತಂ।
ಕೃತವಾಂಶ್ಚಾಪಿ ತತ್ಸರ್ವಂ ಯದಿದಂ ಭಾಷಸೇ ಮಯಿ॥ 11-14-12 (65186)
ಹತಾಶ್ವೇ ನಕುಲೇ ಯತ್ತು ವೃಷಸೇನೇನ ಭಾರತ।
ಅಪಿಬಃ ಶೋಣಿತಂ ಸಂಖ್ಯೇ ದುಃಶಾಸನಶರೀರಜಂ॥ 11-14-13 (65187)
ಸದ್ಭಿರ್ವಿಗರ್ಹಿತಂ ಘೋರಮನಾರ್ಯಜನಸೇವಿತಂ।
ಕ್ರೂರಂ ಕರ್ಮಾಕೃಥಾಸ್ತಸ್ಮಾತ್ತದಯುಕ್ತಂ ವೃಕೋದರ॥ 11-14-14 (65188)
ಭೀಮ ಉವಾಚ। 11-14-15x (5346)
ಹತಾಶ್ವಂ ನಕುಲಂ ದೃಷ್ಟ್ವಾ ವೃಷಸೇನೇನ ಸಂಯುಗೇ।
ಶತ್ರೂಣಾಂ ತು ಪ್ರಹೃಷ್ಟಾನಾಂ ತ್ರಾಸಃ ಸಂಜನಿತೋ ಮಯಾ॥ 11-14-15 (65189)
`ಸ ಪ್ರತಿಜ್ಞಾಮಕರವಂ ಪಿಬಾಂಯಸೃಗರೇರಿತಿ'।
ರುಧಿರಂ ನಾತಿಚಕ್ರಾಮ ದಂತೋಷ್ಠಾದಂಬ ಮಾ ಶುಚಃ॥ 11-14-16 (65190)
[ಅನ್ಯಸ್ಯಾಪಿ ನ ಪಾತವ್ಯಂ ರುಧಿರಂ ಕಿಂಪುನಃ ಸ್ವಕಂ।
ಯಥೈವಾತ್ಮಾ ತಥಾ ಭ್ರಾತಾ ವಿಶೇಷೋ ನಾಸ್ತಿ ಕಶ್ಚನ॥ 11-14-17 (65191)
ವೈವಸ್ತಿತೋ ಹಿ ತದ್ವೇದ ಯಥಾವತ್ಕುಲನಂದಿನಿ।
ಮಾ ಕೃಥಾ ಹೃದಿ ತನ್ಮಾತರ್ನ ತತ್ಪೀತಂ ಮಯಾಽನಧೇ॥ 11-14-18 (65192)
ಕೇಶಪಕ್ಷಪರಾಮರ್ಶೇ ದ್ರೌಪದ್ಯಾ ದ್ಯೂತಕಾರಿತೇ।
ಕ್ರೋಧಾದ್ಯದಬ್ರವಂ ಚಾಹಂ ತಚ್ಚ ಮೇ ಹೃದಿ ವರ್ತತೇ॥ 11-14-19 (65193)
ಕ್ಷತ್ರಧರ್ಮಾಚ್ಚ್ಯುತೋ ರಾಜ್ಞಿ ಭವೇಯಂ ಶಾಶ್ವತೀಃ ಸಮಾಃ।
ಪ್ರತಿಜ್ಞಾಂ ತಾಮನಿಸ್ತೀರ್ಯ ತತಸ್ತತ್ಕೃತವಾನಹಂ॥ 11-14-20 (65194)
ಅನಿಗೃಹ್ಯ ಪುರಾ ಪುತ್ರಾನಸ್ಮಸ್ವನಪಕಾರಿಷು।
ನ ಮಮಾರ್ಹಸಿ ಕಲ್ಯಾಣಿ ದೋಷೇಣ ಪರಿಶಂಕಿತುಂ॥ 11-14-21 (65195)
ಗಾಂಧಾರ್ಯುವಾಚ। 11-14-22x (5347)
ವೃದ್ಧಸ್ಯಾಸ್ಯ ಶತಂ ಪುತ್ರಾನ್ನಿಘ್ನಂಸ್ತ್ವಮಪರಾಜಿತಃ।
ಕಸ್ಮಾನಾಶೇಷಯಃ ಕಂಚಿದ್ಯೇನಾಲ್ಪಮಪರಾಧಿತಂ॥ 11-14-22 (65196)
ಸಂತಾನಮಾವಯೋಸ್ತಾತ ವೃದ್ಧಯೋರ್ಹೃತರಾಜ್ಯಯೋಃ।
ನಾಶೇಷಯಃ ಕಥಂ ಯಷ್ಟಿಮೇಕಾಂ ವೃದ್ಧಯುಗಸ್ಯ ವೈ॥ 11-14-23 (65197)
ಶೇಷೇ ಹ್ಯವಸ್ಥಿತೇ ತಾತ ಪುತ್ರಾಣಾಮಲ್ಪಕೇಽಪಿ ಚ।
ಮಂದದುಃಖಂ ಭವೇದದ್ಯ ಯದಿ ತ್ವಂ ಧರ್ಮಮಾಚರೇಃ॥ ॥ 11-14-24 (65198)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಚತುರ್ದಶೋಽಧ್ಯಾಯಃ॥ 14 ॥
Mahabharata - Strii Parva - Chapter Footnotes
11-14-6 ಉಕ್ತವಾನ್ ನಹಿ ತೇ ಪತಯಃ ಸಂತೀತ್ಯಾದಿ। ರಾಜಪುತ್ರೀಂ ಚ ಪಾಂಚಲೀಮಿತಿ ಝ.ಪಾಠಃ॥ 11-14-14 ಚತುರ್ದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 015
॥ ಶ್ರೀಃ ॥
11.15. ಅಧ್ಯಾಯಃ 015
Mahabharata - Strii Parva - Chapter Topics
ಯುಧಿಷ್ಠಿರಾದಿಭಿರ್ಗಾಂಧಾರೀಕುಂತ್ಯೋರಭಿವಾದನಂ॥ 1 ॥ ಸಕುಂತ್ಯಾ ಗಾಂಧಾರ್ಯಾ ದ್ರೌಪದೀಸಮಾಶ್ವಾಸನಂ॥ 2 ॥Mahabharata - Strii Parva - Chapter Text
11-15-0 (65199)
ವೈಶಂಪಾಯನ ಉವಾಚ। 11-15-0x (5348)
ತಮೇವಮುಕ್ತ್ವಾ ಗಾಂಧಾರೀ ಯುಧಿಷ್ಠಿರಮಪೃಚ್ಛತ।
ಕ್ವ ಸ ರಾಜೇತಿ ಸಕ್ರೋಧಾ ಪುತ್ರಪೌತ್ರವಧಾರ್ದಿತಾ॥ 11-15-1 (65200)
ತಾಮಭ್ಯಗಚ್ಛತ್ಕೌಂತೇಯೋ ವೇಪಮಾನಃ ಕೃತಾಂಜಲಿಃ।
ಯುಧಿಷ್ಠಿರಸ್ತು ಗಾಂಧಾರೀಂ ಮಧುರಂ ವಾಕ್ಯಮಬ್ರವೀತ್॥ 11-15-2 (65201)
ಪುತ್ರಹಂತಾ ನೃಶಂಸೋಽಹಂ ತವ ದೇವಿ ಯುಧಿಷ್ಠಿರಃ।
ಶಾಪಾರ್ಹಃ ಪೃಥಿವೀನಾಶೇ ಹೇತುಭೂತಃ ಶಪಸ್ವ ಮಾಂ॥ 11-15-3 (65202)
ನಹಿ ಮೇ ಜೀವಿತೇನಾರ್ಥೋ ನ ರಾಜ್ಯೇನ ಸುಖೇನ ವಾ।
ತಾದೃಶಾನ್ಸುಹೃದೋ ಹತ್ವಾ ಪ್ರಮೂಢಸ್ಯ ಸುಹೃದ್ದ್ರುಹಃ॥ 11-15-4 (65203)
ತಮೇವಂವಾದಿನಂ ಭೀತಂ ಸನ್ನಿಕರ್ಷಾಗತಂ ತದಾ।
ನೋವಾಚ ಕಿಂಚಿದ್ಗಾಂಧಾರೀ ನಿಃಶ್ವಾಸಪರಮಾ ನೃಪ॥ 11-15-5 (65204)
ತಸ್ಮಾವನತದೇಹಸ್ಯ ಪಾದಯೋರ್ನಿಪತಿಷ್ಯತಃ।
ಯುಧಿಷ್ಠಿರಸ್ಯ ನೃಪತೇರ್ಧರ್ಮಜ್ಞಾ ದೀರ್ಘದರ್ಶಿನೀ॥ 11-15-6 (65205)
ಅಂಗುಲ್ಯಗ್ರಾಣಿ ದದೃಶೇ ದೇವೀ ಪಟ್ಟಾಂತರೇಣ ಸಾ।
ತತಃ ಸ ಕುನಖೀಭೂತೋ ದರ್ಶನೀಯನಖೋ ನೃಪಃ॥ 11-15-7 (65206)
ತಂ ದೃಷ್ಟ್ವಾ ಚಾರ್ಜುನೋಽಗಚ್ಛದ್ವಾಸುದೇವಸ್ಯ ಪೃಷ್ಠತಃ॥ 11-15-8 (65207)
ಏವಂ ಸಂಚೇಷ್ಟಮಾನಾಂಸ್ತಾನಿತಶ್ಚೇತಶ್ಚ ಭಾರತ।
ಗಾಂಧಾರೀ ವಿಗತಕ್ರೋಧಾ ಸಾಂತ್ವಯಾಮಾಸ ಮಾತೃವತ್॥ 11-15-9 (65208)
ತೇ ಪಾಂಡವಾ ಅನುಜ್ಞಾತಾ ಮಾತರಂ ವೀತಮತ್ಸರಾಃ।
ಅಭ್ಯಗಚ್ಛಂತ ಸಹಿತಾಃ ಪೃಥಾಂ ಪೃಥುವಲಕ್ಷಸಃ॥ 11-15-10 (65209)
ಚಿರಸ್ಯ ದೃಷ್ಟ್ವಾ ಪುತ್ರಾನ್ಸಾ ಪುತ್ರಾಧಿಭಿರಭಿಪ್ಲುತಾ।
ಬಾಷ್ಪಮಾಹಾರಯದ್ದೇವೀ ವಸ್ತ್ರೇಣಾವೃತ್ಯ ವೈ ಮುಖಂ॥ 11-15-11 (65210)
ತತೋ ಬಾಷ್ಪಂ ಸಮುತ್ಸೃಜ್ಯ ಸಹ ಪುತ್ರೈಸ್ತದಾ ಪೃಥಾ।
ಅಪಶ್ಯದೇನಾಞ್ಶಸ್ತ್ರೌಘೈರ್ಬಹುಧಾ ಪರಿವಿಕ್ಷತಾನ್॥ 11-15-12 (65211)
ಸಾ ತಾನೇಕೈಕಶಃ ಪುತ್ರಾನ್ಸಂಸ್ಪೃಶಂತೀ ಪುನಃಪುನಃ।
ಅನ್ವಶೋಚತ ದುಃಖಾರ್ತಾ ದ್ರೌಪದೀಂ ನಿಹತಾತ್ಮಜಾಂ।
ರುದಂತೀಮಥ ಪಾಂಚಾಲೀಂ ದದರ್ಶ ಪತಿತಾಂ ಭುವಿ॥ 11-15-13 (65212)
ದ್ರೌಪದ್ಯುವಾಚ। 11-15-14x (5349)
ಆರ್ಯೇ ಪೌತ್ರಾಸ್ತು ತೇ ಸರ್ವೇ ಸೌಭದ್ರಸಹಿತಾ ಗತಾಃ।
ನ ತ್ವಾಂ ತೇಽದ್ಯಾಭಿಗಚ್ಛಂತಿ ಚಿರಂ ದೃಷ್ಟ್ವಾ ಅನಿಂದಿತೇ।
ಕಿನ್ನು ರಾಜ್ಯೇನ ಮೇ ಕಾರ್ಯಂ ವಿಹೀನಾಯಾಃ ಸುತೈರ್ವರೈಃ॥ 11-15-14 (65213)
ತಾಂ ಸಮಾಶ್ವಾಸಯಾಮಾಸ ಪೃಥಾ ಪೃಥಲಲೋಚನಾ।
ಉತ್ಥಾಪ್ಯಾಂಕೇನ ಸುದತೀಂ ರುದತೀಂ ಶೋಕಕರ್ಶಿತಾಂ॥ 11-15-15 (65214)
ತಯೈವ ಸಹಿತಾ ಚಾಪಿ ಪುತ್ರೈರನುಗತಾ ಪೃಥಾ।
ಅಭ್ಯಗಚ್ಛತ ಗಾಂಧಾರೀಮಾರ್ತಾಮಾರ್ತತರಾ ಸ್ವಯಂ॥ 11-15-16 (65215)
ವೈಶಂಪಾಯನ ಉವಾಚ। 11-15-17x (5350)
ತಾಮುವಾಚಾಥ ಗಾಂಧಾರೀ ಸಹ ಕುಂತ್ಯಾ ಯಶಸ್ವಿನೀಂ।
ಮೈವಂ ಪುತ್ರೀತಿ ಶೋಕಾರ್ತಾ ಪಶ್ಯ ಮಾಮಪಿ ದುಃಖಿತಾಂ॥ 11-15-17 (65216)
ಮನ್ಯೇ ಲೋಕವಿನಾಶೋಽಯಂ ಕಾಲಪರ್ಯಾಯನೋದಿತಃ।
ಅವಶ್ಯಭಾವೀ ಸಂಪ್ರಾಪ್ತಃ ಸ್ವಭಾವಾದ್ರೋಮಹರ್ಷಣಃ॥ 11-15-18 (65217)
ಇದಂ ತತ್ಸಮನುಪ್ರಾಪ್ತಂ ವಿದುರಸ್ಯ ವಚೋ ಮಹತ್।
ಅಸಿದ್ಧಾನುನಯೇ ಕೃಷ್ಣೇ ಯದುವಾಚ ಮಹಾಮತಿಃ॥ 11-15-19 (65218)
ತಸ್ಮಿನ್ನಪರಿಹಾರ್ಯೇಽರ್ಥೇ ವ್ಯತೀತೇ ಚ ವಿಶೇಷತಃ।
ಮಾ ಶುಚೋ ನ ಹಿ ಶೋಚ್ಯಾಸ್ತೇ ಸಂಗ್ರಾಮೇ ನಿಧನಂ ಗತಾಃ॥ 11-15-20 (65219)
ಯಥೈವಾಹಂ ತಥೈವ ತ್ವಂ ಕೋ ವಾಮಾಶ್ವಾಸಯಿಷ್ಯತಿ।
ಮಮೈವ ಹ್ಯಪರಾಧೇನ ಕುಲಮಗ್ರ್ಯಂ ವಿನಾಶಿತಂ॥ ॥ 11-15-21 (65220)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಜಲಪ್ರದಾನಿಕಪರ್ವಣಿ ಪಂಚದಶೋಽಧ್ಯಾಯಃ॥ 15 ॥
Mahabharata - Strii Parva - Chapter Footnotes
11-15-7 ಕುನಖೀಭೂತೋ ಹಸ್ತದೇಶ ಇತಿ ಶೇಷಃ॥ 11-15-14 ಆರ್ಯೇ ಪೌತ್ರಾ ಹತಾಃ ಸರ್ವೇ ಇತಿ ಕ.ಛ.ಪಾಠಃ॥ 11-15-21 ವಾಂ ಆವಾಂ॥ 11-15-15 ಪಂಚದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 016
॥ ಶ್ರೀಃ ॥
11.16. ಅಧ್ಯಾಯಃ 016
Mahabharata - Strii Parva - Chapter Topics
ಗಾಂಧಾರ್ಯಾ ವ್ಯಾಸಪ್ರಸಾದಲಬ್ಧದಿವ್ಯಚಕ್ಷುಷಾ ರಣಾಂಕಣದರ್ಶಂನಂ॥ 1 ॥ ಧೃತರಾಷ್ಟ್ರಯುಧಿಷ್ಠಿರಾದೀನಾಂ ಸ್ತ್ರೀಭಿಃ ಸಹ ರಣಭೂಮಿಪ್ರವೇಶಃ॥ 2 ॥ ಸ್ತ್ರೀಣಾಂ ವಿಲಾಪಃ॥ 3 ॥ ಗಾಂಧಾರ್ಯಾ ಕೃಷ್ಣಾಯ ವಿಲಪತ್ಸ್ನುಷಾದಿಪ್ರದರ್ಶನಂ॥ 4 ॥Mahabharata - Strii Parva - Chapter Text
11-16-0 (65221)
ವೈಶಂಪಾಯನ ಉವಾಚ। 11-16-0x (5351)
ಏವಮುಕ್ತ್ವಾ ತು ಗಾಂಧಾರೀ ಕುರೂಣಾಮವಕರ್ತನಂ।
ಅಪಶ್ಯತ್ತತ್ರ ತಿಷ್ಠಂತೀ ಸರ್ವಂ ತತ್ರ ಯಥಾಸ್ಥಿತಂ॥ 11-16-1 (65222)
ಪತಿವ್ರತಾ ಮಹಾಭಾಗಾ ಸಮಾನವ್ರತಚಾರಿಣೀ।
ಉಗ್ರೇಣ ತಪಸಾ ಯುಕ್ತಾ ಸತತಂ ಸತ್ಯವಾದಿನೀ॥ 11-16-2 (65223)
ವರದಾನೇನ ಕೃಷ್ಣಸ್ಯ ಮಹರ್ಷೇಃ ಪುಣ್ಯಕರ್ಮಣಃ।
ದಿವ್ಯಜ್ಞಾನಬಲೋಪೇತಾ ವಿವಿಧಂ ಪರ್ಯದೇವಯತ್॥ 11-16-3 (65224)
ದದರ್ಶ ಸಾ ಬುದ್ಧಿಮತೀ ದೂರಾದಪಿ ಯಥಾಽಂತಿಕೇ।
ರಣಾಜಿರಂ ತದ್ವೀರಾಣಾಮದ್ಭುತಂ ರೋಮಹರ್ಷಣಂ॥ 11-16-4 (65225)
ಅಸ್ಥಿಕೇಶವಸಾಕೀರ್ಣಂ ಶೋಣಿತೌಘಪರಿಪ್ಲುತಂ।
ಶರೀರೈರ್ಬಹುಸಾಹಸ್ರೈರ್ವಿನಿಕೀರ್ಣಂ ಸಮಂತತಃ॥ 11-16-5 (65226)
ಗಜಾಶ್ವರಥಯೋಧಾನಾಮಾವೃತಂ ರುಧಿರಾವಿಲೈಃ।
ಶರೀರೈರಶಿರಸ್ಕೈಶ್ಚ ವಿದೇಹೈಶ್ಚ ಶಿರೋಗಣೈಃ॥ 11-16-6 (65227)
ಗಜಾಶ್ವನರವೀರಾಣಾಂ ನಿಃಸತ್ವೈರಭಿಸಂವೃತಂ।
ಸೃಗಾಲವಲಗೋಮಾಯುಕಂಕಕಾಕನಿಷೇವಿತಂ॥ 11-16-7 (65228)
ರಕ್ಷಸಾಂ ಪುರುಷಾದಾನಾ ಮೋದನಂ ಕುರರಾಕುಲಂ।
ಅಶಿವಾಭಿಃ ಶಿವಾಭಿಶ್ಚ ನಾದಿತಂ ಗೃಧ್ರಸೇವಿತಂ॥ 11-16-8 (65229)
ತತೋ ವ್ಯಾಸಾಭ್ಯನುಜ್ಞಾತೋ ಧೃತರಾಷ್ಟ್ರೋ ಮಹೀಪತಿಃ।
ಪಾಂಡುಪುತ್ರಾಶ್ಚ ತೇ ಸರ್ವೇ ಯುಧಿಷ್ಠಿರಪುರೋಗಮಾಃ॥ 11-16-9 (65230)
ವಾಸುದೇವಂ ಪುರಸ್ಕೃತ್ಯ ಹತಬಂಧುಂ ಚ ಪಾರ್ಥಿವಂ।
ಕುರುಸ್ತ್ರಿಯಃ ಸಮಾದಾಯ ಜಗ್ಮುರಾಯೋಧನಂ ಪ್ರತಿ॥ 11-16-10 (65231)
ಸಮಾಸಾದ್ಯ ಕುರುಕ್ಷೇತ್ರಂ ತಾಃ ಸ್ತ್ರಿಯೋ ನಿಹತೇಶ್ವರಾಃ।
ಅಪಶ್ಯಂತ ಹತಾಂಸ್ತತ್ರ ಪುತ್ರಾನ್ಭ್ರಾತೄನ್ಪಿತೄನ್ಪತೀನ್॥ 11-16-11 (65232)
ಕ್ರವ್ಯಾದೈರ್ಭಕ್ಷ್ಯಮಾಣಾಂಶ್ಚ ಗೋಮಾಯುವಲವಾಯಸೈಃ।
ಭೂತೈಃ ಪಿಶಾಚೈ ರಕ್ಷೋಭಿರ್ವಿವಿಧೈಶ್ಚ ನಿಶಾಚರೈಃ॥ 11-16-12 (65233)
ರುದ್ರಾಕ್ರೀಡನಿಭಂ ದೃಷ್ಟ್ವಾ ತದಾ ವಿಶಸನಂ ಸ್ತ್ರಿಯಃ।
ಕುರರ್ಯ ಇವ ಶೋಕಾರ್ತಾ ವಿಕ್ರೋಶಂತ್ಯೋ ನಿಪೇತಿರೇ॥ 11-16-13 (65234)
ಅದೃಷ್ಟಪೂರ್ವಂ ಪಶಂತ್ಯೋ ದುಃಖಾರ್ತಾ ಭರತಸ್ತ್ರಿಯಃ।
ಶರೀರೇಷು ಸ್ಖಲಂತ್ಯಶ್ಚ ನ್ಯಪತಂಶ್ಚ ಪರಾಸುವತ್॥ 11-16-14 (65235)
ಶ್ರಾಂತಾನಾಂ ಚಾಪ್ಯನಾಥಾನಾಂ ಕ್ರಂದಂತೀನಾಂ ಭೃಶಂ ತದಾ।
ಪಾಂಚಾಲಕುರುಯೋಷಾಣಾಂ ಕೃಪಣಂ ತದಭೂನ್ಮಹತ್॥ 11-16-15 (65236)
ದುಃಖೋಪಹತಚಿತ್ತಾಭಿಃ ಸಮಂತಾದನುನಾದಿತಂ।
ದೃಷ್ಟ್ವಾಽಽಯೋಧನಮತ್ಯುಗ್ರಂ ಧರ್ಮಜ್ಞಾ ಸುಬಲಾತ್ಮಜಾ॥ 11-16-16 (65237)
ತತಃ ಸಾ ಪುಂಡರೀಕಾಕ್ಷಮಾಮಂತ್ರ್ಯ ಪುರುಷೋತ್ತಮಂ।
ಕುರೂಣಾಂ ವೈಶಮಂ ದೃಷ್ಟ್ವಾ ಇದಂ ವಚನಮಬ್ರವೀತ್॥ 11-16-17 (65238)
ಪಶ್ಯೈತಾಃ ಪುಂಡರೀಕಾಕ್ಷ ಸ್ನುಷಾ ಮೇ ನಿಹತೇಶ್ವರಾಃ।
ಪ್ರಕೀರ್ಣಕೇಶಾಃ ಕ್ರೋಶಂತೀಃ ಕುರರೀರಿವ ಮಾಧವ॥ 11-16-18 (65239)
ಅಮೂಸ್ತ್ವಭಿಸಮಾಗಂಯ ಸ್ಮರಂತ್ಯೋ ಭರತರ್ಷಭಾನ್।
ಪೃಥಗೇವಾನುಪದ್ಯಂತೇ ಪುತ್ರಾನ್ಭ್ರಾತೄನ್ಪಿತೄನ್ಪತೀನ್॥ 11-16-19 (65240)
ವೀರಸೂಭಿರ್ಮಹಾಬಾಹೋ ಹತಪುತ್ರಾಭಿರಾವೃತಂ।
ಕ್ವಚಿಚ್ಚ ವೀರಪತ್ನೀಭಿರ್ಹತವೀರಾಭಿರಾವೃತಂ॥ 11-16-20 (65241)
ಶೋಭಿತಂ ಪುರುಷವ್ಯಾಘ್ರೈಃ ಕರ್ಣಭೀಷ್ಮಾಭಿಮನ್ಯುಭಿಃ।
ದ್ರೋಣದ್ರುಪದಶಲ್ಯೈಶ್ಚ ಜ್ವಲದ್ಭಿರಿವ ಪಾವಕೈಃ॥ 11-16-21 (65242)
ಕಾಂಚನೈಃ ಕವಚೈರ್ನಿಷ್ಕೈರ್ಮಣಿಭಿಶ್ಚ ಮಹಾಧನೈಃ।
ಅದ್ಭುತೈರ್ಹಸ್ತಕೇಯೂರೈಃ ಸ್ರಗ್ಭಿಶ್ಚ ಸಮಲಂಕೃತಂ॥ 11-16-22 (65243)
ವೀರಬಾಹುವಿಸೃಷ್ಟಾಭಿಃ ಶಕ್ತಿಭಿಃ ಪರಿಘೈರಪಿ।
ಖಂಗೈಶ್ಚ ವಿವಿಧೈಸ್ತೀಕ್ಷ್ಣೈಃ ಸಶರೈಶ್ಚ ಶರಾಸನೈಃ॥ 11-16-23 (65244)
ಕ್ರವ್ಯಾದಸಂಘೈರ್ಮುದಿತೈಸ್ತಿಷ್ಠದ್ಭಿಃ ಸಹಿತೈಃ ಕ್ವಚಿತ್।
ಕ್ವಚಿದಾಕ್ರೀಡಮಾನೈಶ್ಚ ಶಯಾನೈಶ್ಚಾಪರೈಃ ಕ್ವಚಿತ್॥ 11-16-24 (65245)
ಏತದೇವಂವಿಧಂ ವೀರ ಸಂಪಶ್ಯಾಯೋಧನಂ ವಿಭೋ।
`ತ್ವಯಾ ತು ಶ್ರಾವಿತಂ ಕರ್ಮ ಪುಷ್ಕರಾಕ್ಷ ಮಹಾದ್ಯುತೇ'।
ಪಶ್ಯಮಾನಾ ಹಿ ದಹ್ಯಾಮಿ ಶೋಕೇನಾಹಂ ಜನಾರ್ದನ॥ 11-16-25 (65246)
ಪಾಂಚಾಲಾನಾಂ ಕುರೂಣಾಂ ಚ ವಿನಾಶಂ ಮಧುಸೂದನ।
ಪಂಚಾನಾಮಪಿ ಭೂತಾನಾಮಹಂ ವಧಮಚಿಂತಯಂ॥ 11-16-26 (65247)
ತಾನ್ಸುಪರ್ಣಾಶ್ಚ ಗೃಧ್ರಾಶ್ಚ ಕರ್ಷಯಂತ್ಯಸೃಗುಕ್ಷಿತಾನ್।
ವಿಗೃಹ್ಯ ಚರಣೈರ್ಗೃಧ್ರಾ ಭಕ್ಷಯಂತಿ ಸಹಸ್ರಶಃ॥ 11-16-27 (65248)
ಜಯದ್ರಥಸ್ಯ ಕರ್ಣಸ್ಯ ತಥೈವ ದ್ರೋಮಭೀಷ್ಮಯೋಃ।
ಅಭಿಮನ್ಯೋರ್ವಿನಾಶಂ ಚ ಕಶ್ಚಿಂತಯಿತುಮರ್ಹತಿ॥ 11-16-28 (65249)
ಅವಧ್ಯಕಲ್ಪಾನ್ನಿಹತಾನ್ಗತಸತ್ವಾನಚೇತಸಃ।
ಗೃಧ್ರಕಂಕವಲಶ್ಯೇನಶ್ವಸೃಗಾಲಸಮಾವೃತಾನ್॥ 11-16-29 (65250)
ಅಮರ್ಷವಶಮಾಪನ್ನಾಂದುರ್ಯೋಧನವಶೇ ಸ್ಥಿತಾನ್।
ಪಶ್ಯೇಮಾನ್ಪುರುಷವ್ಯಾಘ್ರಾನ್ಸಂಶಾಂತಾನ್ಪಾವಕಾನಿವ ॥ 11-16-30 (65251)
ಶಯನಾನ್ಯುಚಿತಾಃ ಸರ್ವೇ ಮೃದೂನಿ ವಿಮಲಾನಿ ಚ।
ವಿಪನ್ನಾಸ್ತೇಽದ್ಯ ವಸುಧಾಂ ವಿವೃತಾಮಧಿಶೇರತೇ॥ 11-16-31 (65252)
ಬಂದಿಭಿಃ ಸತತಂ ಕಾಲೇ ಸ್ತುವದ್ಭಿರಭಿನಂದಿತಾಃ।
ಶಿವಾನಾಮಶಿವಾ ಘೋರಾಃ ಶೃಣ್ವಂತಿ ವಿವಿಧಾ ಗಿರಃ॥ 11-16-32 (65253)
ಯೇ ಪುರಾ ಶೇರತೇ ವೀರಾಃ ಶಯನೇಷು ಯಶಸ್ವಿನಃ।
ಚಂದನಾಗುರುದಿಗ್ಧಾಂಗಾಸ್ತೇಽದ್ಯ ಪಾಂಸುಷು ಶೇರತೇ॥ 11-16-33 (65254)
ತೇಷಾಮಾಭರಣಾನ್ಯೇತೇ ಗೃಘ್ರಗೋಮಾಯುವಾಯಸಾಃ।
ಆಕ್ಷಿಪಂತಿ ಶಿವಾ ಘೋರಾ ವಿನದಂತ್ಯಃ ಪುನಃ ಪುನಃ॥ 11-16-34 (65255)
ಬಾಣಾನ್ವನಿನಿಶಿತಾನ್ಪೀತಾನ್ನಿಸ್ತ್ರಿಂಶಾನ್ವಿಮಲಾ ಗದಾಃ।
ಯುದ್ಧಾಭಿಮಾನಿನಃ ಸರ್ವೇ ಜೀವಂತ ಇವ ಬಿಭ್ರತಿ॥ 11-16-35 (65256)
ಸುರೂಪವರ್ಣಾ ಬಹವಃ ಕ್ರವ್ಯಾದೈರವಘಟ್ಟಿತಾಃ।
ಋಷಭಪ್ರತಿರೂಪಾಕ್ಷಾಃ ಶೇರತೇ ಚ ಸಹಸ್ರಶಃ॥ 11-16-36 (65257)
ಅಪರೇ ಪುನರಾಲಿಂಗ್ಯ ಗದಾಃ ಪರಿಘಬಾಹವಃ।
ಶೇರತೇಽಭಿಮುಖಾಃ ಶೂರಾ ದಯಿತಾ ಇವ ಯೋಷಿತಃ॥ 11-16-37 (65258)
ಬಿಭ್ರತಃ ಕವಚಾನ್ಯನ್ಯೇ ವಿಮಲಾನ್ಯಾಯುಧಾನಿ ಚ।
ನ ಧರ್ಷಯಂತಿ ಕ್ರವ್ಯಾದಾ ಜೀವಂತೀತಿ ಜನಾರ್ದನ॥ 11-16-38 (65259)
ಕ್ರವ್ಯಾದೈಃ ಕೃಷ್ಯಮಾಣಾನಾಮಪರೇಷಾಂ ಮಹಾತ್ಮನಾಂ।
ಶಾತಕೌಂಭ್ಯಃ ಸ್ರಜಶ್ಚಿತ್ರಾ ವಿಪ್ರಕೀರ್ಣಾಃ ಸಮಂತತಃ॥ 11-16-39 (65260)
ಏತೇ ಗೋಮಾಯವೋ ಭೀಮಾ ನಿಹತಾನಾಂ ಯಶಸ್ವಿನಾಂ।
ಕಂಠಾಂತರಗತಾನ್ಹಾರಾನಾಕ್ಷಿಪಂತಿ ಸಹಸ್ರಶಃ॥ 11-16-40 (65261)
ಸರ್ವೇಷ್ವಪರರಾತ್ರೇಷು ಯಾನವಂದಂತ ಬಂದಿನಃ।
ಸ್ತುತಿಭಿಶ್ಚ ಪರಾರ್ಧ್ಯಾಭಿರುಪಚಾರೈಶ್ಚ ಶಿಕ್ಷಿತಾಃ॥ 11-16-41 (65262)
ತಾನದ್ಯ ಪರಿದೇವಂತಿ ದುಃಖಾರ್ತಾ ಪರಮಾಂಗನಾಃ।
ಕೃಪಣಾ ವೃಷ್ಣಿಶಾರ್ದೂಲ ದುಃಖಶೋಕಾರ್ದಿತಾ ಭೃಶಂ॥ 11-16-42 (65263)
ರಕ್ತೋತ್ಪಲವನಾನೀವ ವಿಭಾಂತಿ ರುಚಿರಾಣಿ ಚ।
ಮುಖಾನಿ ಪರಮಸ್ತ್ರೀಣಾಂ ಪರಿಶುಷ್ಕಾಣಿ ಕೇಶವ॥ 11-16-43 (65264)
ರುದಿತ್ವಾ ವಿರತಾ ಹ್ಯೇತಾ ಧ್ಯಾಯಂತ್ಯಃ ಸಪರಿಕ್ಲಮಾಃ।
ಕುರುಸ್ತ್ರಿಯೋಽಭಿಗಚ್ಛಂತಿ ತೇನ ತೇನೈವ ದುಃಖಿತಾಃ॥ 11-16-44 (65265)
ಏತಾನ್ಯಾದಿತ್ಯವರ್ಣಾನಿ ತಪಮೀಯನಿಭಾನಿ ಚ।
ಪಶ್ಯ ರೋದನತಾಂರಾಣಿ ವಕ್ತ್ರಾಣಿ ಕುರುಯೋಷಿತಾಂ॥ 11-16-45 (65266)
ಶ್ಯಾಮಾನಾಂ ವರವರ್ಣಾನಾಂ ಗೌರೀಣಾಮೇಕವಾಸಸಾಂ।
ದುರ್ಯೋಧನವರಸ್ತ್ರೀಣಾಂ ಪಶ್ಯ ವೃಂದಾನಿ ಕೇಶವ॥ 11-16-46 (65267)
ಆಸಾಮಪರಿಪೂರ್ಣಾರ್ಥಂ ನಿಶಂಯ ಪರಿದೇವಿತಂ।
ಇತರೇರಸಂಕ್ರಂದಾನ್ನ ವಿಜಾನಂತಿ ಯೋಷಿತಃ॥ 11-16-47 (65268)
ಏತಾ ದೀರ್ಘಮಿವೋಚ್ಛ್ವಸ್ಯ ವಿಕ್ರುಶ್ಯ ಚ ವಿಲಪ್ಯ ಚ।
ವಿಸ್ಪಂದಮಾನಾ ದುಃಖೇನ ವೀರಾ ಜಹತಿ ಜೀವಿತಂ॥ 11-16-48 (65269)
ಬಹ್ವ್ಯೋ ದೃಷ್ಟ್ವ ಶರೀರಾಣಿ ಕ್ರೋಶಂತಿ ವಿಲಪಂತಿ ಚ।
ಪಾಣಿಭಿಶ್ಚಾಪರಾ ಘ್ನಂತಿ ಶಿರಾಂಸಿ ಮೃದುಪಾಣಯಃ॥ 11-16-49 (65270)
ಶಿರೋಭಿಃ ಪತಿತೈರ್ಹಸ್ತೈಃ ಸರ್ವಾಂಗೈಃ ಖಂಡಶಃ ಕೃತೈಃ।
ಇತರೇತಸಂಪೃಕ್ತೈರಾಕೀರ್ಣಾ ಭಾತಿ ಮೇದಿನೀ॥ 11-16-50 (65271)
ವಿಶಿರಸ್ಕಾನಥೋ ಕಾಯಾಂದೃಷ್ಟ್ವಾ ಹ್ಯೇತಾನನಿಂದಿತಾನ್।
ಮುಹ್ಯಂತ್ಯನುಚಿತಾ ನಾರ್ಯೋ ವಿದೇಹಾನಿ ಶಿರಾಂಸಿ ಚ॥ 11-16-51 (65272)
ಶಿರಃ ಕಾಯೇನ ಸಂಧಾಯ ಪ್ರೇಕ್ಷಮಾಣಾ ವಿಚೇತಸಃ।
ಅಪಶ್ಯಂತ್ಯೋಽಪರಂ ತತ್ರ ನೇದಮಸ್ಯೇಽತಿ ದುಃಖಿತಾಃ॥ 11-16-52 (65273)
ಬಾಹೂರುಚರಣಾನನ್ಯಾನ್ವಿಶಿಖೋನ್ಮಥಿತಾನ್ಪೃಥಕ್।
ಸಂದಧತ್ಯೋಽಸುಖಾವಿಷ್ಟಾ ಮೂರ್ಛಂತ್ಯೇತಾಃ ಪುನಃಪುನಃ॥ 11-16-53 (65274)
ಉತ್ಕೃತ್ತಶಿರಸಶ್ಚಾನ್ಯಾನ್ವಿಜಗ್ಧಾನ್ಮೃಗಪಕ್ಷಿಭಿಃ।
ದೃಷ್ಟ್ವಾ ಕಾಶ್ಚಿನ್ನ ಜಾನಂತಿ ಭರ್ತೄನ್ಭರತಯೋಷಿತಃ॥ 11-16-54 (65275)
ಪಾಣಿಭಿಶ್ಚಾಪರಾ ಘ್ನಂತಿ ಶಿರಾಂಸಿ ಮಧುಸೂದನ।
ಪ್ರೇಕ್ಷ್ಯ ಭ್ರಾತೄನ್ಪಿತೄನ್ಪುತ್ರಾನ್ಪತೀಂಶ್ಚ ನಿಹತಾನ್ಪರೈಃ॥ 11-16-55 (65276)
ಬಾಹುಭಿಶ್ಚ ಸಖಂಗೈಶ್ಚ ಶಿರೋಭಿಶ್ಚ ಸಕುಂಡಲೈಃ।
ಅಗಂಯಕಲ್ಪಾ ಪೃಥಿವೀ ಮಾಂಸಶೋಣಿತಕರ್ದಮಾ।
ಬಭೂವ ಭರತಶ್ರೇಷ್ಠ ಪ್ರಾಣಿಭಿರ್ಗತಜೀವಿತೈಃ॥ 11-16-56 (65277)
ನ ದುಃಖೇಷೂಚಿತಾಃ ಪೂರ್ವಂ ದುಃಖಂ ಗಾಹಂತ್ಯನಿಂದಿತಾಃ।
ಭ್ರಾತೃಭಿಃ ಪತಿಭಿಃ ಪುತ್ರೈರುಪಾಕೀರ್ಣಾಂ ವಸುಂಧರಾಂ॥ 11-16-57 (65278)
ಯೂಥಾನೀವ ಕಿಶೋರೀಣಾಂ ಸುಕೇಶೀನಾಂ ಜನಾರ್ದನ।
ಸ್ನುಷಾಣಾಂ ಧೃತರಾಷ್ಟ್ರಸ್ಯ ಪಶ್ಯ ವೃಂದಾನ್ಯನೇಕಶಃ॥ 11-16-58 (65279)
ಇತೋ ದುಃಖತರಂ ಕಿನ್ನು ಕೇಶವ ಪ್ರತಿಭಾತಿ ಮೇ।
ಯದಿಮಾಃ ಕುರ್ವತೇ ಸರ್ವಾ ರವಮುಚ್ಚಾವಚಂ ಸ್ತ್ರಿಯಃ॥ 11-16-59 (65280)
ನೂನಮಾಚರಿತಂ ಪಾಪಂ ಮಯಾ ಪೂರ್ವೇಷು ಜನ್ಮಸು।
ಯಾ ಪಶ್ಯಾಮಿ ಹತಾನ್ಪುತ್ರಾನ್ಪೌತ್ರಾನ್ಭ್ರಾತೃಂಶ್ಚ ಮಾಧವ॥ 11-16-60 (65281)
ಏವಮಾರ್ತಾ ವಿಲಪತೀ ಸಮಾಭಾಷ್ಯ ಜನಾರ್ದನಂ।
ಗಾಂಧಾರೀ ಪುತ್ರಶೋಕಾರ್ತಾ ದ್ವದರ್ಶ ನಿಹತಂ ಸುತಂ॥ ॥ 11-16-61 (65282)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ಷೋಡಶೋಽಧ್ಯಾಯಃ॥ 16 ॥
Mahabharata - Strii Parva - Chapter Footnotes
11-16-1 ಅವಕರ್ತನಂ ಯುದ್ಧಸ್ಥಾನಂ। ಸರ್ವಂ ದಿವ್ಯೇನ ಚಕ್ಷುಷೇತಿ ಝ.ಪಾಠಃ॥ 11-16-26 ಪಂಚಾನಾಂ ಭೂತಾನಾಂ ಪೃಥಿವ್ಯಾದೀನಾಂ। ಕುರುಪಾಂಚಾಲವಧಾತ್ಕೃತ್ಸ್ನಂ ಪಾಂಚಭೌತಿಕಂ ಜಗನ್ನಷ್ಟಮಿತಿ ಭಾವಃ॥ 11-16-31 xxxxxxರ್ಯೇತಿ ಶೇಷಃ॥ 11-16-48 ಏತಾಃ ಶೋಚಂತೀರಭಿಲಕ್ಷ್ಯೇತಿ ಶೇಷಃ॥ 11-16-54 ವಿಜಗ್ಧಾನ್ಭಕ್ಷಿತಾನ್॥ 11-16-16 ಷೋಡಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 017
॥ ಶ್ರೀಃ ॥
11.17. ಅಧ್ಯಾಯಃ 017
Mahabharata - Strii Parva - Chapter Topics
ಗಾಂಧಾರ್ಯಾ ದುರ್ಯೋಧನಮಾಲಿಂಗ್ಯ ಪರಿದೇವನಂ॥ 1 ॥Mahabharata - Strii Parva - Chapter Text
11-17-0 (65283)
ವೈಶಂಪಾಯನ ಉವಾಚ। 11-17-0x (5352)
ದುರ್ಯೋಧನಂ ಹತಂ ದೃಷ್ಟ್ವಾ ಗಾಂಧಾರೀ ಶೋಕಕರ್ಶಿತಾ।
ಸಹಸಾ ನ್ಯಪತದ್ಭೂಮೌ ಛಿನ್ನೇವ ಕದಲೀ ವನೇ॥ 11-17-1 (65284)
ಸಾ ತು ಲಬ್ಧ್ವಾ ಪುನಃ ಸಂಜ್ಞಾಂ ವಿಕ್ರುಶ್ಯ ಚ ವಿಲಪ್ಯ ಚ।
ದುರ್ಯೋಧನಮಭಿಪ್ರೇಕ್ಷ್ಯ ಶಯಾನಂ ರುಧಿರೋಕ್ಷಿತಂ॥ 11-17-2 (65285)
ಪರಿಷ್ವಜ್ಯಾಥ ಗಾಂಧಾರೀ ಕೃಪಣಂ ಪರ್ಯದೇವಯತ್।
ಹಾಹಾಪುತ್ರೇತಿ ಶೋಕಾರ್ತಾ ವಿಲಲಾಪಾಕುಲೇಂದ್ರಿಯಾ॥ 11-17-3 (65286)
ಸುಗೂಢಜತ್ರು ವಿಪುಲಂ ಹಾರನಿಷ್ಕವಿಭೂಷಿತಂ।
ವಾರಿಣಾ ನೇತ್ರಜೇನೋರಃ ಸಿಂಚಂತೀ ಶೋಕತಾಪಿತಾ॥ 11-17-4 (65287)
ಸಮೀಪಸ್ಥಂ ಹೃಷೀಕೇಶಮಿದ ವಚನಮಬ್ರವೀತ್।
ಉಪಸ್ಥಿತೇಽಸ್ಮಿನ್ಸಂಗ್ರಾಮೇ ಜ್ಞಾತೀನಾಂ ಸಂಕ್ಷಯೇ ವಿಭೋ॥ 11-17-5 (65288)
ಮಾಮಯಂ ಪ್ರಾಹ ವಾರ್ಷ್ಣೇಯ ಪ್ರಾಂಚಲಿರ್ನೃಪಸತ್ತಮಃ।
ಅಸ್ಮಿಂಜ್ಞಾತಿಸಮುದ್ಧರ್ಷೇ ಜಯಮಂಬಾ ಬ್ರವೀತು ಮೇ॥ 11-17-6 (65289)
ಇತ್ಯುಕ್ತೇ ಜಾನತೀ ಸರ್ವಮಹಂ ಸ್ವವ್ಯಸನಾಗಮಂ।
ಅಬ್ರುವಂ ಪುರುಷವ್ಯಾಘ್ರ ಯತೋ ಧರ್ಮಸ್ತತೋ ಜಯಃ॥ 11-17-7 (65290)
ತಥಾ ತು ಯುವ್ಯಮಾನಸ್ತ್ವಂ ಸಂಪ್ರಗೃಹ್ಯ ಸುಪುತ್ರಕ।
ಧ್ರುವಂ ಶಖಜಿತಾಂʼಲ್ಲೋಕಾನ್ಪ್ರಾಪ್ಸ್ಯಸ್ಯಮರವತ್ಪ್ರಭೋ॥ 11-17-8 (65291)
ಇತ್ಯೇವxxx ಪೂರ್ವಂ ನೈವಂ ಶೋಚಾಮಿ ವೈ ಪ್ರಭೋ।
ಧೃತರಾಷ್ಟ್ರಂ ತು ಶೋಚಾಮಿ ಕೃಪಣಂ ಹತಬಾಂಧವಂ॥ 11-17-9 (65292)
ಅಮರ್ವಣಂ ಯುಧಾಂ ಶ್ರೇಷ್ಠಂ ಕೃತಾಸ್ತ್ರಂ ಯುದ್ಧದುರ್ಮದಂ।
ಶಯಾನಂ ವೀರಶಯನೇ ಪಶ್ಯ ಮಾಧವ ಮೇ ಸುತಂ॥ 11-17-10 (65293)
ಬೋಽಯಂ ಮೂರ್ಧಾವಸಿಕ್ತಾನಾಯೇ ಯಾತಿ ಪರಂತಪಃ।
ಸೋಽವಂ ಪಾಂಸುಷು ಶೇತೇಽದ್ಯ ಪಂಚ ಕಾಲಸ್ಯ ಪರ್ಯಯಂ॥ 11-17-11 (65294)
ದುವಂ ದುರ್ಯೋಧನೋ ವೀರೋ ಗತಿಂ ನ ಸುಲಭಾಂ ಗತಃ।
ತಥಾ ಹ್ಯಭಿxxxx ಶೇತೇ ಶಯನೇ ವೀರಸೇವಿತೇ॥ 11-17-12 (65295)
ಯಂ ಪುರಾ ಪರ್ಯುಪಾಸೀನಾ ಸಮಯಂತಿ ವರಸ್ತ್ರಿಯಃ।
ಸಂ ವೀರಶಯನೇ ಸುಪ್ತಂ ರಮಯಂತ್ಯಶಿವಾಃ ಶಿವಾಃ॥ 11-17-13 (65296)
ಯಂ ಪುರಾ ಪರ್ಯುಪಾಸೀನಾ ರಮಯಂತಿ ಮಹೀಕ್ಷಿತಃ।
ಮಹೀತಲಸ್ಯಂ ನಿಹತಂ ಗೃಧ್ರಾಸ್ತಂ ಪರ್ಯುಪಾಸತೇ॥ 11-17-14 (65297)
ಯಂ ಪುರಾ ವ್ಯಜನೈರಂಯೈರುಪವೀಜಂತಿ ಯೋಷಿತಃ।
ತಮದ್ಯ ಪಕ್ಷವ್ಯಜನೈ ರುಪವೀಜಂತಿ ಪಕ್ಷಿಣಃ॥ 11-17-15 (65298)
ಏಷ ಶೇತೇ ಮಹಾಬಾಹುರ್ಬಲವಾನ್ಸತ್ಯವಿಕ್ರಮಃ।
ಸಿಂಹೇನೇವ ದ್ವಿಪಃ ಸಂಖ್ಯೇ ಭೀಮಸೇನೇನ ಪಾತಿತಃ॥ 11-17-16 (65299)
ಪಶ್ಯ ದುರ್ಯೋಧನಂ ಕೃಷ್ಣ ಶಯಾನಂ ರುಧಿರೋಕ್ಷಿತಂ।
ನಿಹತಂ ಭೀಮಸೇನೇನ ಗದಾಂ ಸಂಮೃಜ್ಯ ಭಾರತ॥ 11-17-17 (65300)
ಅಕ್ಷೌಹಿಣೀರ್ಮಹಾಬಾಹುರ್ದಶ ಚೈಕಾಂ ಚ ಕೇಶವ।
ಆನಯದ್ಯಃ ಪುರಾ ಸಂಖ್ಯೇ ಸೋಽನಯಾನ್ನಿಧನಂ ಗತಃ॥ 11-17-18 (65301)
ಏಷ ದುರ್ಯೋಧನಃ ಶೇತೇ ಮಹೇಷ್ವಾಸೋ ಮಹಾಬಲಃ।
ಶಾರ್ದೂಲ ಇವ ಸಿಂಹೇನ ಭೀಮಸೇನೇನ ಪಾತಿತಃ॥ 11-17-19 (65302)
ವಿದುರಂ ಹ್ಯವಮತ್ಯೈಷ ಪಿತರಂ ಚೈವ ಮಂದಭಾಕ್।
ಬಾಲೋ ವೃದ್ಧಾವಮಾನೇನ ಮಂದೋ ಮೃತ್ಯುವಶಂ ಗತಃ॥ 11-17-20 (65303)
ನಿಃಸಪತ್ನಾ ಮಹೀ ಯಸ್ಯ ತ್ರಯೋದಶಸಮಾಃ ಸ್ಥಿತಾ।
ಸ ಶೇತೇ ನಿಹತೋ ಭೂಮೌ ಪುತ್ರೋ ಮೇ ಪೃಥಿವೀಪತಿಃ॥ 11-17-21 (65304)
ಅಪಶ್ಯಂ ಕೃಷ್ಣ ಪೃಥಿವೀಂ ಧಾರ್ತರಾಷ್ಟ್ರಾನುಶಾಸಿತಾಂ।
ಪೂರ್ಣಾಂ ಹಸ್ತಿಗವಾಶ್ವೈಶ್ಚ ವಾರ್ಷ್ಣೇಯ ನ ತು ತಚ್ಚಿರಂ॥ 11-17-22 (65305)
ತಾಮೇವಾದ್ಯ ಮಹಾಬಾಹೋ ಪಶ್ಯಾಂಯನ್ಯಾನುಶಾಸಿತಾಂ।
ಹೀನಾಂ ಹಸ್ತಿಗವಾಶ್ವೇನ ಕಿನ್ನು ಜೀವಾಮಿ ಮಾಧವ॥ 11-17-23 (65306)
ಇದಂ ಕಷ್ಟತರಂ ಪಶ್ಯ ಪುತ್ರಸ್ಯಾಪಿ ವಧಾನ್ಮಮ।
ಯಾ ಇಮಾಃ ಪರ್ಯುಪಾಸಂತೇ ಹತಾಞ್ಶೂರಾನ್ರಣೇ ಸ್ತ್ರಿಯಃ॥ 11-17-24 (65307)
ಪ್ರಕೀರ್ಣಕೇಶಾಂ ಸುಶ್ರೋಣೀಂ ದುರ್ಯೋಧನಭೂಜಾಂಕಗಾಂ।
ರುಕ್ಮವೇದಿನಿಭಾಂ ಪಶ್ಯ ಕೃಷ್ಣ ಲಕ್ಷ್ಮಣಮಾತರಂ॥ 11-17-25 (65308)
ನೂನಮೇಷಾ ಪುರಾ ಬಾಲಾ ಜೀವಮಾನೇ ಮಹಾಭುಜೇ।
ಭುಜಾವಾಶ್ರಿತ್ಯ ರಮತೇ ಸುಭುಜಸ್ಯ ಮನಸ್ವಿನೀ॥ 11-17-26 (65309)
ಕಥಂ ತು ಶತಧಾ ನೇದಂ ಹೃದಯಂ ಮಮ ದೀರ್ಯತೇ।
ಪಶ್ಯಂತ್ಯಾ ನಿಹತಂ ಪುತ್ರಂ ಪೌತ್ರೇಣ ಸಹಿತಂ ರಣೇ॥ 11-17-27 (65310)
ಪುತ್ರಂ ರುಧಿರಸಂಸಿಕ್ತಮುಪಜಿಘ್ರತ್ಯನಿಂದಿತಾ।
ದುರ್ಯೋಧನಂ ತು ವಾಮೋರೂಃ ಪಾಣಿನಾ ಪರಿಮಾರ್ಜತೀ॥ 11-17-28 (65311)
ಕಿನ್ನು ಶೋಚತಿ ಭರ್ತಾರಂ ಹತಪುತ್ರಂ ಮನಸ್ವಿನೀ।
ತಥಾ ಹ್ಯವಸ್ಥಿತಾ ಭಾತಿ ಪುತ್ರಂ ಚಾಪ್ಯಭಿವೀಕ್ಷ್ಯ ಸಾ॥ 11-17-29 (65312)
ಸ್ವಶಿರಃ ಪಂಚಶಾಖಾಭ್ಯಾಮಭಿಹತ್ಯಾಯತೇಕ್ಷಣಾ।
ಪತತ್ಯುರಸಿ ವೀರಸ್ಯ ಕುರುರಾಜಸ್ಯ ಮಾಧವ॥ 11-17-30 (65313)
ಪುಂಡರೀಕನಿಭಾ ಭಾತಿ ಪುಂಡರೀಕಾಂತರಪ್ರಭಾ।
ಮುಖಂ ಪ್ರಮೃಜ್ಯ ಪುತ್ರಸ್ಯ ಭರ್ತುಶ್ಚೈವ ತಪಸ್ವಿನೀ॥ 11-17-31 (65314)
ಯದಿ ಸತ್ಯಾಗಮಾಃ ಸಂತಿ ಯದಿ ವೈ ಶ್ರುತಯಸ್ತಥಾ।
ಧ್ರುವಂ ಲೋಕಾನವಾಪ್ತೋಽಯಂ ನೃಪೋ ಬಾಹುಬಲಾರ್ಜಿತಾನ್॥ ॥ 11-17-32 (65315)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ಸಪ್ತದಶೋಽಧ್ಯಾಯಃ॥ 17 ॥
Mahabharata - Strii Parva - Chapter Footnotes
11-17-27 ಪುತ್ರೇಣ ಸಹಿತಂ ರಣೇ ಇತಿ ಝ.ಪಾಠಃ॥ 11-17-30 ಪಂಚಶಾಖಾಭ್ಯಾಂ ಪಂಚಾಂಗುಲಿಭ್ಯಾಂ ಪಾಣಿಭ್ಯಾಂ॥ 11-17-17 ಸಪ್ತದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 018
॥ ಶ್ರೀಃ ॥
11.18. ಅಧ್ಯಾಯಃ 018
Mahabharata - Strii Parva - Chapter Topics
ಕೃಷ್ಣಂಪ್ರತಿ ಗಾಂಧಾರೀವಚನಂ॥ 1 ॥Mahabharata - Strii Parva - Chapter Text
11-18-0 (65316)
ಗಾಂಧಾರ್ಯುವಾಚ। 11-18-0x (5353)
ಪಶ್ಯ ಮಾಧವ ಪುತ್ರಾನ್ಮೇ ಶತಸಂಖ್ಯಾಂಜಿತಕ್ಲಮಾನ್।
ಗದಯಾ ಭೀಮಸೇನೇನ ಭೂಯಿಷ್ಠಂ ನಿಹತಾನ್ರಣೇ॥ 11-18-1 (65317)
ಇದಂ ದುಃಖತರಂ ಮೇಽದ್ಯ ಯದಿಮಾ ಮುಕ್ತಮೂರ್ಧಜಾಃ।
ಹತಪುತ್ರಾ ರಣೇ ಬಾಲಾಃ ಪರಿಧಾವಂತಿ ಮೇ ಸ್ನುಷಾಃ॥ 11-18-2 (65318)
ಪ್ರಾಸಾದತಲಚಾರಿಣ್ಯಶ್ಚರಮೈರ್ಭೂಷಣಾನ್ವಿತೈಃ।
ಕಾಯೇನಾದ್ಯ ಸ್ಪೃಶಂತೀಮಾಂ ರುಧಿರಾರ್ದ್ರಾಂ ವಸುಂಧರಾಂ॥ 11-18-3 (65319)
ಕೃಚ್ಛ್ರಾದುತ್ಸಾರಯಂತಿ ಸ್ಮ ಗೃಧ್ರಗೋಮಾಯುವಾಯಸಾನ್।
ದುಃಖೇನಾರ್ತಾ ವಿಘೂರ್ಣಂತ್ಯೋ ಮತ್ತಾ ಇವ ಚರಂತ್ಯುತ॥ 11-18-4 (65320)
ಏಷಾಽನ್ಯಾ ತ್ವನವದ್ಯಾಂಗೀ ಕರಸಂಮಿತಮಧ್ಯಮಾ।
ಘೋರಮಾಯೋಧನಂ ದೃಷ್ಟ್ವಾ ನಿಪತತ್ಯತಿದುಃಖಿತಾ॥ 11-18-5 (65321)
ದೃಷ್ಟ್ವಾ ಮೇ ಪಾರ್ಥಿವಸುತಾಮೇತಾಂ ಲಕ್ಷ್ಮಣಮಾತರಂ।
ರಾಜಪುತ್ರೀಂ ಮಹಾಬಾಹೋ ಮನೋ ನ ಹ್ಯುಪಶಾಂಯತಿ॥ 11-18-6 (65322)
ಭ್ರಾತೄಂಶ್ಚಾನ್ಯಾಃ ಪಿತೄಂಶ್ಚಾನ್ಯಾಃ ಪುತ್ರಾಂಶ್ಚ ನಿಹತಾನ್ಭುವಿ।
ದೃಷ್ಟ್ವಾ ಪರಿಪತಂತ್ಯೇಷಾಃ ಪ್ರಗೃಹ್ಯ ಸುಮಹಾಭುಜಾನ್॥ 11-18-7 (65323)
ಮಧ್ಯಮಾನಾಂ ತು ನಾರೀಣಾಂ ವೃದ್ಧಾನಾಂ ಚಾಪರಾಜಿತ।
ಆಕ್ರಂದಂ ಹತಬಂಧೂನಾ ದಾರುಣೇ ವೈಶಸೇ ಶೃಣು॥ 11-18-8 (65324)
ರಥನೀಡಾನಿ ದೇಹಾಂಶ್ಚ ಹತಾನಾಂ ಗಜವಾಜಿನಾಂ।
ಆಶ್ರಿತ್ಯ ಶ್ರಮಮೋಹಾರ್ತಾಃ ಸ್ಥಿತಾಃ ಪಶ್ಯ ಮಹಾಭುಜ॥ 11-18-9 (65325)
ಅನ್ಯಾ ಚಾಪಹೃತಂ ಕಾಯಾಚ್ಚಾರುಕುಂಡಲಮುನ್ನಸಂ।
ಸ್ವಸ್ಯ ಬಂಧೋಃ ಶಿರಃ ಕೃಷ್ಣ ಗೃಹೀತ್ವಾ ಪಶ್ಯ ತಿಷ್ಠತಿ॥ 11-18-10 (65326)
ಪೂರ್ವಜಾತಿಕೃತಂ ಪಾಪಂ ಮನ್ಯೇ ನಾಲ್ಪಮಿವಾನಘ।
ಏತಾಭಿರ್ನಿರವದ್ಯಾಭಿರ್ಮಯಾ ಚೈವಾಲ್ಪಪುಣ್ಯಯಾ।
ಯದಿದಂ ಧರ್ಮರಾಜೇನ ಘಾತಿತಂ ನೋ ಜನಾರ್ದನ॥ 11-18-11 (65327)
ನ ಹಿ ನಾಶೋಽಸ್ತಿ ವಾರ್ಷ್ಣೇಯ ಕರ್ಮಣೋಃ ಶುಭಪಾಪಯೋಃ॥ 11-18-12 (65328)
ಪ್ರತ್ಯಗ್ರವಯಸಃ ಪಶ್ಯ ದರ್ಶನೀಯಕುಚಾನನಾಃ।
ಕುಲೇಷು ಜಾತಾ ಹೀಮತ್ಯಃ ಕೃಷ್ಣಪಕ್ಷ್ಮಾಕ್ಷಿಮೂರ್ಧಜಾಃ॥ 11-18-13 (65329)
ಹಂಸಗದ್ಗದಭಾಷಿಣ್ಯೋ ದುಃಖಶೋಕಪ್ರಮೋಹಿತಾಃ।
ಸಾರಸ್ಯ ಇವ ವಾಶಂತ್ಯಃ ಪತಿತಾಃ ಪಶ್ಯ ಮಾಧವ॥ 11-18-14 (65330)
ಫುಲ್ಲುಪದ್ಯಪ್ರಕಾಶಾನಿ ಪುಂಡರೀಕಾಕ್ಷ ಯೋಷಿತಾಂ।
ಅನವದ್ಯಾನಿ ವಕ್ತ್ರಾಣಿ ತಾಪಯತ್ಯೇಷ ರಶ್ಮಿವಾನ್॥ 11-18-15 (65331)
ಸೇರ್ಷ್ಯಾಣಾಂ ಮಮ ಪುತ್ರಾಣಾಂ ವಾಸುದೇವಾವರೋಧನಂ।
ಮತ್ತಮಾತಂಗದರ್ಪಾಣಾಂ ಪಶ್ಯಂತ್ಯದ್ಯ ಪೃಥಗ್ಜನಾಃ॥ 11-18-16 (65332)
ಶತಚಂದ್ರಾಣಿ ಚರ್ಮಾಣಿ ಧ್ವಜಾಂಶ್ಚಾದಿತ್ಯವರ್ಚಸಃ।
ರೌಕ್ಮಾಣಿ ಚೈವ ವರ್ಮಾಣಿ ನಿಷ್ಕಾನಪಿ ಚ ಕಾಂಚನಾನ್॥ 11-18-17 (65333)
ಶಿರಸ್ತ್ರಾಣಾನಿ ಚೈತಾನಿ ಪುತ್ರಾಣಾಂ ಮೇ ಮಹೀತಲೇ।
ಪಶ್ಯ ದೀಪ್ತಾನಿ ಗೋವಿಂದ ಪಾವಕಾನ್ಸುಹುತಾನಿವ॥ 11-18-18 (65334)
ಏಷ ದುಃಶಾಸನಃ ಶೇತೇ ಶೂರೇಣಾಮಿತ್ರಘಾತಿನಾ।
ಪೀತಶೋಣಿxx ಸರ್ವಾಂಗೋ ಯುಧಿ ಭೀಮೇನ ಪಾತಿತಃ॥ 11-18-19 (65335)
ಗದಯಾ ಭೀಮಸೇನೇನ ಪಶ್ಯ ಮಾಧವ ಮೇ ಸುತಂ।
ದ್ಯೂತಕ್ಲೇಶಾನನುಸ್ಮೃತ್ಯ ದ್ರೌಪದೀಚೋದಿತೇನ ಚ॥ 11-18-20 (65336)
ಉಕ್ತಾ ಹ್ಯನೇನ ಪಾಂಚಾಲೀ ಸಭಾಯಾಂ ದ್ಯೂತನಿರ್ಜಿತಾ।
ಪ್ರಿಯಂ ಚಿಕೀರ್ಷತಾ ಭ್ರಾತುಃ ಕರ್ಣಸ್ಯ ಚ ಜನಾರ್ದನ॥ 11-18-21 (65337)
ಸಹೈವ ಸಹದೇವೇನ ನಕುಲೇನಾರ್ಜುನೇನ ಚ।
ದಾಸೀಭೂತಾಽಸಿ ಪಾಂಚಾಲಿ ಕ್ಷಿಪ್ರಂ ಪ್ರವಿಶ ನೋ ಗೃಹಾನ್॥ 11-18-22 (65338)
ತತೋಽಹಮಬ್ರುವಂ ಕೃಷ್ಣ ತದಾ ದುರ್ಯೋಧನಂ ನೃಪಂ।
ಮೃತ್ಯುಪಾಶಪರಿಕ್ಷಿಪ್ತಾಂ ದ್ರೌಪದೀಂ ಪುತ್ರ ವರ್ಜಯ॥ 11-18-23 (65339)
ನಿಬೋಧೈನಂ ಸುದುರ್ಬುದ್ಧಿಂ ಮಾತುಲಂ ಕಲಹಪ್ರಿಯಂ।
ಕ್ಷಿಪ್ರಮೇನಂ ಪರಿತ್ಯಜ್ಯ ಪುತ್ರ ಸಂಶಾಂಯ ಪಾಂಡವೈಃ॥ 11-18-24 (65340)
ನ ಬುದ್ಧ್ಯಸೇ ತ್ವಂ ದುರ್ಬುದ್ಧೇ ಭೀಮಸೇನಮಮರ್ಷಣಂ।
ವಾಂಗರಾಚೈಸ್ತುದಂಸ್ತೀಕ್ಷ್ಣೈರುಲ್ಕಾಭಿರಿವ ಕುಂಜರಂ॥ 11-18-25 (65341)
ತಾನೇವಂ ರಹಸಿ ಕ್ರುದ್ಧೋ ವಾಕ್ಶಲ್ಯಾನವಧಾರಯನ್।
ಉತ್ಸಸರ್ಜ ವಿಷಂ ತೇಷು ಸರ್ಪೋ ಗೋವೃಷಭೇಷ್ವಿವ॥ 11-18-26 (65342)
ಏಷ ದುಃಶಾಸನಃ ಶೇತೇ ವಿಕ್ಷಿಪ್ಯ ವಿಪುಲೌ ಭುಜೌ।
ನಿಹತೋ ಭೀಮಸೇನೇನ ಸಿಹೇನೇವ ಮಹಾಗಜಃ॥ 11-18-27 (65343)
ಅತ್ಯರ್ಥಮಕರೋದ್ರೌದ್ರಂ ಭೀಮಸೇನೋಽತ್ಯಮರ್ಷಣಃ।
ದುಃಶಾಸನಸ್ಯ ಯತ್ಕ್ರುದ್ಧೋಽಪಿಬಚ್ಛೋಣಿತಮಾಹವೇ॥ ॥ 11-18-28 (65344)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ಅಷ್ಟಾದಶೋಽಧ್ಯಾಯಃ॥ 18 ॥
Mahabharata - Strii Parva - Chapter Footnotes
11-18-5 ಕರಸಂಮಿತಮಧ್ಯಮಾ ಮುಷ್ಟಿಪ್ರಮಿತಮಧ್ಯಾ॥ 11-18-23 ಕ್ಷಿಪ್ತಂ ಶಕುನಿಂ ಪುತ್ರ ವಜೇಯೇತಿ ಝ.ಪಾಠಃ॥ 11-18-18 ಅಷ್ಟಾದಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 019
॥ ಶ್ರೀಃ ॥
11.19. ಅಧ್ಯಾಯಃ 019
Mahabharata - Strii Parva - Chapter Topics
ಕೃಷ್ಣಂಪ್ರತಿ ಗಾಂಧಾರೀವಚನಂ॥ 1 ॥Mahabharata - Strii Parva - Chapter Text
11-19-0 (65345)
ಗಾಂಧಾರ್ಯುವಾಚ। 11-19-0x (5354)
ಏಷ ಮಾಧವ ಪುತ್ರೋ ಮೇ ವಿಕರ್ಣಃ ಪಾಜ್ಞಸಂಮತಃ।
ಭೂಮೌ ವಿನಿಹತಃ ಶೇತೇ ಭೀಮೇನ ಶತಧಾ ಕೃತಃ॥ 11-19-1 (65346)
ಗಜಮಧ್ಯೇ ಹತಃ ಶೇತೇ ವಿಕರ್ಣೋ ಮಧುಸೂದನ।
ನೀಲಮೇಘಪರಿಕ್ಷಿಪ್ತಃ ಶರದೀವ ನಿಶಾಕರಃ॥ 11-19-2 (65347)
ಅಸ್ಯ ಚಾಪಗ್ರಹೇಣೈವ ಪಾಣಿಃ ಕೃತಕಿಣೋ ಮಹಾನ್।
ಕಥಂಚಿಚ್ಛಿದ್ಯತೇ ಗೃಧ್ರೈರತ್ತುಕಾಮೈಸ್ತಲತ್ರವಾನ್॥ 11-19-3 (65348)
ಅಸ್ಯ ಭಾರ್ಯಾಽಽಮಿಷಪ್ರೇಪ್ಸೂನ್ಗೃಧ್ರಕಾಕಾಂಸ್ತಪಸ್ವಿನೀ।
ವಾರಯತ್ಯನಿಶಂ ಬಾಲಾ ನ ಚ ಶಕ್ನೋತಿ ಮಾಧವ॥ 11-19-4 (65349)
ಯುವಾ ವೃಂದಾರಕಸಮೋ ವಿಕರ್ಣಃ ಪುರುಷರ್ಷಭ।
ಸುಖೋಷಿತಃ ಸುಖಾರ್ಹಶ್ಚ ಶೇತೇ ಪಾಂಸುಷು ಮಾಧವ॥ 11-19-5 (65350)
ಕರ್ಣಿನಾಲೀಕನಾರಾಚೈರ್ಭಿನ್ನಮರ್ಮಾಣಮಾಹವೇ।
ಅದ್ಯಾಪಿ ನ ಜಹಾತ್ಯೇನಂ ಲಕ್ಷ್ಮೀರ್ಭರತಸತ್ತಮಂ॥ 11-19-6 (65351)
ಏಷ ಸಂಗ್ರಾಮಶೂರಣೇ ಪ್ರತಿಜ್ಞಾಂ ಪಾಲಯಿಷ್ಯತಾ।
ದುರ್ಮುಖೋಽಭಿಮುಖಃ ಶೇತೇ ಹತೋಽರಿಗಣಹಾ ರಣೇ॥ 11-19-7 (65352)
ತಸ್ಯೈತದ್ವದನಂ ಕೃಷ್ಣ ಶ್ವಾಪದೈರರ್ಧಭಕ್ಷಿತಂ।
ವಿಭಾತ್ಯಭ್ಯಧಿಕಂ ತಾತ ಸಪ್ತಂಯಾಮಿವ ಚಂದ್ರಮಾಃ॥ 11-19-8 (65353)
ಶೂರಸ್ಯ ಹಿ ರಣೇ ಕೃಷ್ಣ ಪಶ್ಯಾನನಮಥೇದೃಶಂ।
ಸ ಕಥಂ ನಿಹತೋಽಮಿತ್ರೈಃ ಪಾಂಸೂನ್ಗ್ರಸತಿ ಮೇ ಸುತಃ॥ 11-19-9 (65354)
ಯಸ್ಯಾಹವಮುಖೇ ಸೌಂಯ ಸ್ಥಾತಾ ನೈವೋಪಪದ್ಯತೇ।
ಸ ಕಥಂ ದುರ್ಮುಖೋಽಮಿತ್ರೈರ್ಹತೋ ವಿಬುಧಲೋಕಜಿತ್॥ 11-19-10 (65355)
ಚಿತ್ರಸೇನಂ ಹತಂ ಭೂಮೌ ಶಯಾನಂ ಮಧುಸೂದನ।
ಧಾರ್ತರಾಷ್ಟ್ರಮಿಮಂ ಪಶ್ಯ ಪ್ರತಿಮಾನಂ ಧನುಷ್ಮತಾಂ॥ 11-19-11 (65356)
ತಂ ಚಿತ್ರಮಾಲ್ಯಾಭರಣಂ ಯುವತ್ಯಃ ಶೋಕಕರ್ಶಿತಾಃ।
ಕ್ರವ್ಯಾದಸಂಘೈಃ ಸಹಿತಾ ರುದಂತ್ಯಃ ಪರ್ಯುಪಾಸತೇ॥ 11-19-12 (65357)
ಸ್ತ್ರೀಣಾಂ ರುದಿತನಿರ್ಘೋಷಃ ಶ್ವಾಪದಾನಾಂ ಚ ಗರ್ಜಿತಂ।
ಚಿತ್ರರೂಪಮಿದಂ ಕೃಷ್ಣ ವಿಮೃಶ್ಯ ಪ್ರತಿಭಾತಿ ಮೇ॥ 11-19-13 (65358)
ಯುವಾ ವೃಂದಾರಕೋ ನಿತ್ಯಂ ಪ್ರವರಸ್ತ್ರೀನಿಷೇವಿತಃ।
ವಿವಿಂಶತಿರಸೌ ಶೇತೇ ಧ್ವಸ್ತಃ ಪಾಂಸುಷು ಮಾಧವ॥ 11-19-14 (65359)
ಶರಸಂಕೃತ್ತವರ್ಮಾಣಂ ವೀರಂ ವಿಶಸನೇ ಹತಂ।
ಪರಿವಾರ್ಯಾಸತೇ ಗೃಧ್ರಾಃ ಪರಿವಿಂಶಂ ವಿವಿಂಶತಿಂ॥ 11-19-15 (65360)
ಪ್ರವಿಶ್ಯ ಸಮರೇ ಶೂರಃ ಪಾಂಡವಾನಾಮನೀಕಿನೀಂ।
ಸ ವೀರಶಯನೇ ಶೇತೇ ಪರಃ ಸತ್ಪುರುಷೋಚಿತೇ॥ 11-19-16 (65361)
ಸ್ಮಿತೋಪಪನ್ನಂ ಸುನಸಂ ಸುಭ್ರು ತಾರಾಧಿಪೋಪಮಂ।
ಅತೀವ ಸೌಂಯವದನಂ ಕೃಷ್ಣ ಪಶ್ಯ ವಿವಿಂಶತೇಃ॥ 11-19-17 (65362)
ಯಂ ಸ್ಮ ತಂ ಪರ್ಯುಪಾಸಂತೇ ಬಹುಧಾ ವರಯೋಷಿತಃ।
ಕ್ರೀಡಂತಮಿವ ಗಂಧರ್ವಂ ದೇವಕನ್ಯಾಃ ಸಹಸ್ರಶಃ॥ 11-19-18 (65363)
ಹಂತಾರಂ ಪರಸೈನ್ಯಾನಾಂ ಶೂರಂ ಸಮಿತಿಶೋಭನಂ।
ನಿಬರ್ಹಣಮಮಿತ್ರಾಣಾಂ ದುಃಸಹಂ ವಿಷಹೇತ ಕಃ॥ 11-19-19 (65364)
ದುಃಸಹಸ್ಯೈತದಾಭಾತಿ ಶರೀರಂ ಸಂವೃತಂ ಶರೈಃ।
ಗಿರಿರಾತ್ಮರುಹೈಃ ಫುಲ್ಲೈಃ ಕರ್ಣಿಕಾರೈರಿವಾಚಿತಃ॥ 11-19-20 (65365)
ಶಾತಕೌಂಭ್ಯಾ ಸ್ರಜಾ ಭಾತಿ ಕವಚೇನ ಚ ಭಾಸ್ವತಾ।
ಅಗ್ನಿನೇವ ಗಿರಿಃ ಶ್ವೇತೋ ಗತಾಸುರಪಿ ದುಃಸಹಃ॥ ॥ 11-19-21 (65366)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ಏಕೋನವಿಂಶೋಽಧ್ಯಾಯಃ॥ 19 ॥
ಸ್ತ್ರೀಪರ್ವ - ಅಧ್ಯಾಯ 020
॥ ಶ್ರೀಃ ॥
11.20. ಅಧ್ಯಾಯಃ 020
Mahabharata - Strii Parva - Chapter Topics
ಕೃಷ್ಣಂಪ್ರತಿ ಗಾಂಧಾರ್ಯಾ ರುದಂತೀನಾಂ ಸ್ತ್ರೀಣಾಂ ಪ್ರದರ್ಶನಂ॥ 1 ॥Mahabharata - Strii Parva - Chapter Text
11-20-0 (65367)
ಗಾಂಧಾರ್ಯುವಾಚ। 11-20-0x (5355)
ಅಧ್ಯರ್ಧಗುಣಮಾಹುರ್ಯಂ ಬಲೇ ಶೌರ್ಯೇ ಚ ಕೇಶವ।
ಪಿತ್ರಾ ತ್ವಯಾ ಚ ದಾಶಾರ್ಹ ದೃಪ್ತಂ ಸಿಂಹಮಿವೋತ್ಕಟಂ॥ 11-20-1 (65368)
ಯೋ ಬಿಭೇದ ಚಮೂಮೇಕೋ ಮಮ ಪುತ್ರಸ್ಯ ದುರ್ಭಿದಾಂ।
ಸ ಭೂತ್ವಾ ಮೃತ್ಯುರನ್ಯೇಷಾಂ ಸ್ವಯಂ ಮೃತ್ಯುವಶಂ ಗತಃ॥ 11-20-2 (65369)
ತಸ್ಯೋಪಲಕ್ಷಯೇ ಕೃಷ್ಣ ಕಾರ್ಷ್ಣೇರಮಿತತೇಜಸಃ।
ಅಭಿಮನ್ಯೋರ್ಹತಸ್ಯಾಪಿ ಪ್ರಭಾ ನೈವೋಪಶಾಂಯತಿ॥ 11-20-3 (65370)
ಏಷಾ ವಿರಾಟದುಹಿತಾ ಸ್ನುಷಾ ಗಾಂಡೀವಧನ್ವನಃ।
ಹತಂ ಬಾಲಾ ಪತಿಂ ವೀರಂ ದೃಷ್ಟ್ವಾ ಶೋಚತ್ಯನಿಂದಿತಾ॥ 11-20-4 (65371)
ತಮೇಷಾ ಹಿ ಸಮಾಗಂಯ ಭಾರ್ಯಾ ಭರ್ತಾರಮಂತಿಕೇ।
ವಿರಾಟದುಹಿತಾ ಕೃಷ್ಣ ಪಾಣಿನಾ ಪರಿಮಾರ್ಜತಿ॥ 11-20-5 (65372)
ತಸ್ಯ ವಕ್ತ್ರಮುಪಾಘ್ರಾಯ ಸೌಭದ್ರಸ್ಯ ಮನಸ್ವಿನೀ।
ವಿಬುದ್ಧಕಮಲಾಕಾರಂ ಕಂಬುವೃತ್ತಶಿರೋಧರಂ॥ 11-20-6 (65373)
ಕಾಮರೂಪವತೀ ಚೈಷಾ ಪರಿಷ್ವಜತಿ ಭಾಮಿನೀ।
ಲಜ್ಜಮಾನಾ ಪುರಾ ಚೈನಂ ಮಾಧ್ವೀಕಮದಮೂರ್ಚ್ಛಿತಾ॥ 11-20-7 (65374)
ತಸ್ಯ ಕ್ಷತಜಸಂದಿಗ್ಧಂ ಜಾತರೂಪಪರಿಷ್ಕೃತಂ।
ವಿಮುಚ್ಯ ಕವಚಂ ಕೃಷ್ಣ ಶೀರಮಭಿವೀಕ್ಷತೇ॥ 11-20-8 (65375)
ಅವೇಕ್ಷಮಾಣಾ ತಂ ಬಾಲಾ ಕುಷ್ಣ ತ್ವಾಮಭಿಭಾಷತೇ।
ಅಯಂ ತೇ ಪುಂಡರೀಕಾಕ್ಷ ಕಸದೃಶಾಕ್ಷೋ ನಿಪಾತಿತಃ॥ 11-20-9 (65376)
ಬಲೇ ವೀರ್ಯೇ ಚ ಸದೃಶಸ್ತೇಜಸಾ ಚೈವ ತೇಽನಘ।
ರೂಪೇಣ ಚ ತಥಾಽತ್ಯರ್ಥಂ ಶೇತೇ ಭುವಿ ನಿಪಾತಿತಃ॥ 11-20-10 (65377)
ಅತ್ಯಂತಂ ಸುಕುಮಾರಸ್ಯ ರಾಂಕವಾಜಿನಶಾಯಿನಃ।
ಕಚ್ಚಿದದ್ಯ ಶರೀರಂ ತೇ ಭೂಮೌ ನ ಪರಿತಪ್ಯತೇ॥ 11-20-11 (65378)
ಮಾತಂಗಭುಜವರ್ಷ್ಣಾಣೌ ಜ್ಯಾಕ್ಷೇಪಕಠಿನತ್ವಚೌ।
ಕಾಂಚನಾಂಗದಿನೌ ಶೇತೇ ನಿಕ್ಷಿಪ್ಯ ವಿಪುಲೌ ಭುಜೌ।
ವ್ಯಾಯಂಯ ಬಹುಧಾ ನೂನಂ ಸುಖಸುಪ್ತಃ ಶ್ರಮಾದಿವ॥ 11-20-12 (65379)
ಏವಂ ವಿಲಪತೀಮಾರ್ತಾಂ ಕಿಂ ಮಾಂ ನ ಪ್ರತಿಭಾಷಸೇ।
ನ ಸ್ಮರಾಂಯಪರಾಧಂ ತೇ ಕಿಂ ಮಾಂ ನ ಪ್ರತಿಭಾಷಸೇ॥ 11-20-13 (65380)
ನನು ಮಾಂ ತ್ವಂ ಪುರಾ ದೂರಾದಭಿವೀಕ್ಷ್ಯಾಭಿಭಾಷಸೇ।
ನ ಸ್ಮರಾಂಯಪರಾಧಂ ಮೇ ಕಿಂ ಮಾಂ ನ ಪ್ರತಿಭಾಷಸೇ॥ 11-20-14 (65381)
ಆರ್ಯಾಮಾರ್ಯ ಸುಭದ್ರಾಂ ತವಮಿಮಾಂ ಶ್ಚ ತ್ರಿದಶೋಪಮಾನ್।
ಪಿತೄನ್ಮಾಂ ಚೈವ ದುಃಖಾರ್ತಾಂ ವಿಹಾಯ ಕ್ವ ಗಮಿಷ್ಯಸಿ॥ 11-20-15 (65382)
ತಸ್ಯ ಶೋಣಿತದಿಗ್ಧಾನ್ವೈ ಕೇಶಾನುನ್ನಂಯ ಪಾಣಿನಾ।
ಉತ್ಸಂಗೇ ವಕ್ತಮಾಧಾಯ ಜೀವಂತಮಿವ ಪೃಚ್ಛತಿ॥ 11-20-16 (65383)
ಸ್ವಸ್ರೀಯಂ ವಾಸುದೇವಸ್ಯ ಪುತ್ರಂ ಗಾಂಡೀವಧನ್ವನಃ।
ಕಥಂ ತ್ವಾಂ ರಣಮಧ್ಯಸ್ಥಂ ಜಘ್ರುರೇತೇ ಮಹಾರಥಾಃ॥ 11-20-17 (65384)
ಧಿಗಸ್ತು ಕ್ರೂರಕರ್ತೄಂಸ್ತಾನ್ಕೃಪಕರ್ಣಜಯದ್ರಥಾನ್।
ದ್ರೋಣದ್ರೌಣಾಯತನೀ ಚೋಭೌ ಯೈರಹಂ ವಿಧವಾ ಕೃತಾ॥ 11-20-18 (65385)
ರಥರ್ಷಭಾಣಾಂ ಸರ್ವೇಷಾಂ ಕಥಮಾಸೀತ್ತದಾ ಮನಃ।
ಬಾಲಂ ತ್ವಾಂ ಪಿರವಾರ್ಯೈಕಮನೇಕೇಷಾಂ ಚ ಜಘ್ನತಾಂ॥ 11-20-19 (65386)
ಕಥಂ ನು ಪಾಂಡವಾನಾಂ ಚ ಪಾಂಚಾಲಾನಾಂ ತು ಪಶ್ಯತಾಂ।
ತ್ವಂ ವೀರ ನಿಧನಂ ಪ್ರಾಪ್ತೋ ನಾಥವಾನ್ಸನ್ನನಾಥವತ್॥ 11-20-20 (65387)
ದೃಷ್ಟ್ವಾ ಬಹುಭಿರಾಕ್ರಂದೇ ನಿಹತಂ ತ್ವಾಂ ಪಿತಾ ತವ।
ವೀರಃ ಪುರುಷಶಾರ್ದೂಲಃ ಕಥಂ ಜೀವತಿ ಪಾಂಡವಃ॥ 11-20-21 (65388)
ನ ರಾಜ್ಯಲಾಭೋ ವಿಪುಲಃ ಶತ್ರೂಣಾಂ ಚ ಪರಾಭವಃ।
ಪ್ರೀತಿಂ ಧಾಸ್ಯತಿ ಪಾರ್ಥಾನಾಂ ತ್ವಾಮೃತೇ ಪುಷ್ಕರೇಕ್ಷಣ॥ 11-20-22 (65389)
ತವ ಶಸ್ತ್ರಜಿತಾಂʼಲ್ಲೋಕಾಂಧರ್ಮೇಣ ಚ ದಮೇನ ಚ।
ಕ್ಷಿಪ್ರಮನ್ವಾಗಮಿಷ್ಯಾಮಿ ತತ್ರ ಮಾಂ ಪ್ರತಿಪಾಲಯ॥ 11-20-23 (65390)
ದುರ್ಮರಂ ಪುನರಪ್ರಾಪ್ತೇ ಕಾಲೇ ಭವತಿ ಕೇನಚಿತ್।
ಯದಹಂ ತ್ವಾಂ ರಣೇ ದೃಷ್ಟ್ವಾ ಹತಂ ಜೀವಾಮಿ ದುರ್ಭಗಾ॥ 11-20-24 (65391)
ಕಾಮಿದಾನೀಂ ನರವ್ಯಾಘ್ರ ಶ್ಲಕ್ಷ್ಣಯಾ ಸ್ಮಿತಯಾ ಗಿರಾ।
ಪಿತೃಲೋಕೇ ಸಮೇತ್ಯಾನ್ಯಾಂ ಮಾಮಿವಾಮಂತ್ರಯಿಷ್ಯಸಿ॥ 11-20-25 (65392)
ನೂನಮಪ್ಸರಸಾಂ ಸ್ವರ್ಗೇ ಮನಾಂಸಿ ಪ್ರಮಥಿಷ್ಯಸಿ।
ಪರಮೇಣ ಚ ರೂಪೇಣ ಗಿರಾ ಚ ಸ್ಮಿತಪೂರ್ವಯಾ॥ 11-20-26 (65393)
ಪ್ರಾಪ್ಯ ಪುಣ್ಯಕೃತಾಂʼಲ್ಲೋಕಾನಪ್ಸರೋಭಿಃ ಸಮೇಯಿವಾನ್।
ಸೌಭದ್ರ ವಿಹನ್ಕಾಲೇ ಸ್ಮರೇಥಾಃ ಸುಕೃತಾನಿ ಮೇ॥ 11-20-27 (65394)
ಏತಾವಾನಿಹ ಸಂವಾಸೋ ವಿಹಿತಸ್ತೇ ಮಯಾ ಸಹ।
ಷಣ್ಮಾಸಾನ್ಸಪ್ತಮೇ ಮಾಸಿ ತ್ವಂ ವೀರ ನಿಧನಂ ಗತಃ॥ 11-20-28 (65395)
ಇತ್ಯುಕ್ತವಚನಾಮೇನಾಮಪಕರ್ಷಂತಿ ದುಃಖಿತಾಂ।
ಉತ್ತರಾಂ ಮೋಘಸಂಕಲ್ಪಾಂ ಮತ್ಸ್ಯರಾಜಕುಲಸ್ತ್ರಿಯಃ॥ 11-20-29 (65396)
ಉತ್ತರಾಮಪಕೃಷ್ಯೈನಾಮಾರ್ತಾಮಾರ್ತತರಾಃ ಸ್ವಯಂ।
ವಿರಾಟಂ ನಿಹತಂ ದೃಷ್ಟ್ವಾ ಕ್ರೋಶಂತಿ ವಿಲಪಂತಿ ಚ॥ 11-20-30 (65397)
ದ್ರೋಣಾಸ್ತ್ರಶರಸಂಕೃತ್ತಂ ಶಯಾನಂ ರುಧಿರೋಕ್ಷಿತಂ।
ವಿರಾಟಂ ವಿತುದಂತ್ಯೇತೇ ಗೃಧ್ರಗೋಮಾಯುವಾಯಸಾಃ॥ 11-20-31 (65398)
ವಿತುದ್ಯಮಾನಂ ವಿಹಗೈರ್ವಿರಾಟಮಸಿತೇಕ್ಷಣಾಃ।
ನ ಶಕ್ನುವಂತಿ ವಿಹಗಾನ್ನಿವಾರಯಿತುಮಾತುರಾಃ॥ 11-20-32 (65399)
ಆಸಾಮಾತಪತಪ್ತಾನಾಮಾಯಾಸೇನ ಚ ಯೋಷಿತಾಂ।
ಶ್ರಮೇಣ ಚ ವಿವರ್ಣಾನಾಂ ವಕ್ತ್ರಾಣಾಂ ವಿಪ್ಲುತಂ ವಪುಃ॥ 11-20-33 (65400)
ಉತ್ತರಂ ಚಾಭಿಮನ್ಯುಂ ಚ ಕಾಂಭೋಜಂ ಚ ಸುದಕ್ಷಿಣಂ।
ಕಾರ್ಷ್ಣಿನಾಽಭಿಹತಂ ಪಶ್ಯ ಲಕ್ಷ್ಮಣಂ ಪ್ರಿಯದರ್ಶನಂ। 11-20-34 (65401)
ಆಯೋಧನಶಿರೋಮಧ್ಯೇ ಶಯಾನಂ ಪಶ್ಯ ಮಾಧವ॥ ॥ 11-20-35 (65402)
ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ
Mahabharata - Strii Parva - Chapter Footnotes
11-20-1 ಅಧ್ಯರ್ಧಗುಣಂ ಸಾರ್ಧುಗುಣಂ॥ 1 ॥ 11-20-24 ದುಷ್ಕರಂ ಪುನರಪ್ರಾಪ್ತಂ ಕಾಲೇ ಭವತಿ ಕೇನಚಿತ್ ಇತಿ ಕ.ಪಾಠಃ। ದುಷ್ಕರಂ ಪ್ರತಿ ನ ಪ್ರಾಪ್ತಮಿತ್ಯಾದಿ ಛ.ಟ. ಪಾಠಃ॥ 11-20-33 ವಪುಃ ಶಸ್ತಾಕೃತಿಃ। ವಪುಃ ಕ್ಲೀಬಂ ತನೌ ಶಸ್ತಾಕೃತಾವಪೀತಿ ಮೇದಿನೀ॥ 11-20-20 ವಿಂಶತಿತಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 021
॥ ಶ್ರೀಃ ॥
11.21. ಅಧ್ಯಾಯಃ 021
Mahabharata - Strii Parva - Chapter Topics
ಗಾಂಧಾರ್ಯಾ ಕೃಷ್ಣಂಪ್ರತಿ ಬಾಹ್ಲಿಕಾದೀನಾಂ ತಥಾ ತತ್ಸ್ತ್ರೀಣಾಂ ಚ ಪ್ರದರ್ಶನಂ॥ 1 ॥Mahabharata - Strii Parva - Chapter Text
11-21-0 (65403)
ಗಾಂಧಾರ್ಯುವಾಚ। 11-21-0x (5356)
ಆವಂತ್ಯಂ ಭೀಮಸೇನೇನ ಭಕ್ಷಯಂತಿ ನಿಪಾತಿತಂ।
ಗೃಧ್ರಗೋಮಾಯವಃ ಶೂರಂ ದೂರಬಂಧುಮಬಂಧುವತ್॥ 11-21-1 (65404)
ತಂ ಪಶ್ಯ ಕದನಂ ಕೃತ್ವಾ ಶೂರಣಾಂ ಮಧುಸೂದನ।
ಶಯಾನಂ ವೀರಶಯನೇ ರುಧಿರೇಣ ಸಮುಕ್ಷಿತಂ॥ 11-21-2 (65405)
ತಂ ಸೃಗಾಲಾಶ್ಚ ಕಂಕಾಶ್ಚ ಕ್ರವ್ಯಾದಾಶ್ಚ ಪೃಥಗ್ವಿಧಾಃ।
ತೇನತೇನ ವಿಕರ್ಷಂತಿ ಪಶ್ಯ ಕಾಲಸ್ಯ ಪರ್ಯಯಂ॥ 11-21-3 (65406)
ಶಯಾನಂ ವೀರಶಯನೇ ಶೂರಮಾಕ್ರಂದಕಾರಿಣಂ।
ಆವಂತ್ಯಮಭಿತೋ ನಾರ್ಯೋ ರುದತ್ಯಃ ಪರ್ಯುಪಾಸತೇ॥ 11-21-4 (65407)
ಪ್ರಾತಿಪೇಯಂ ಮಹೇಷ್ವಾಸಂ ಹತ ಭೀಮೇನ ಬಾಹ್ಲಿಕಂ।
ಪ್ರಸುಪ್ತಮಿವ ಶಾರ್ದೂಲಂ ಪಶ್ಯ ಕೃಷ್ಣಮನಸ್ವಿನಂ॥ 11-21-5 (65408)
ಅತೀವ ಮುಖವರ್ಣೋಽಸ್ಯ ನಿಹತಸ್ಯಾಪಿ ಶೋಭತೇ।
ಸೋಮಸ್ಯವಾಭಿಪೂರ್ಣಸ್ಯ ಪೌರ್ಣಮಾಸ್ಯಾಂ ಸಮುದ್ಯತಃ॥ 11-21-6 (65409)
ಪುತ್ರಶೋಕಾಭಿತಪ್ತೇನ ಪ್ರತಿಜ್ಞಾಂ ಚಾಭಿರಕ್ಷತಾ।
ಪಾಕಶಾಸನಿನಾ ಸಂಖ್ಯೇ ವಾರ್ಧಕ್ಷತ್ರಿರ್ನಿಪಾತಿತಃ॥ 11-21-7 (65410)
ಏಕಾದಶಚಮೂರ್ಭಿತ್ತ್ವಾ ರಕ್ಷ್ಯಮಾಣಂ ಮಹಾತ್ಮಭಿಃ।
ಸತ್ಯಂ ಚಿಕೀರ್ಷತಾ ಪಶ್ಯ ಹತಮೇನಂ ಜಯದ್ರಥಂ॥ 11-21-8 (65411)
ಸಿಂಧುಸೌವೀರಭರ್ತಾರಂ ದರ್ಪಪೂರ್ಣಂ ಮನಸ್ವಿನಂ।
ಭಕ್ಷಯಂತಿ ಶಿವಾ ಗೃಧ್ರಾ ಜನಾರ್ದನ ಜಯದ್ರಥಂ॥ 11-21-9 (65412)
ಸಂರಕ್ಷ್ಯಮಾಣಂ ಭಾರ್ಯಾಭಿರನುರಕ್ತಾಭಿರಚ್ಯುತ।
ಭೀಷಯಂತ್ಯೋ ವಿಕರ್ಷಂತಿ ಗಹನಂ ನಿಂನಮಂತಿಕಾತ್॥ 11-21-10 (65413)
ತಮೇತಾಃ ಪರ್ಯುಪಾಸಂತೇ ವೀಕ್ಷಮಾಣಾ ಮಹಾಭುಜಂ।
ಸಿಂಧುಸೌವೀರಕಾಂಭೋಜಗಾಂಧಾರಯವನಸ್ತ್ರಿಯಃ॥ 11-21-11 (65414)
ಯದಾ ಕೃಷ್ಣಾಮುಪಾದಾಯ ಪ್ರಾದ್ರವತ್ಕೇಕಯೈಃ ಸಹ।
ತದೈವ ವಧ್ಯಃ ಪಾಂಡೂನಾಂ ಜನಾರ್ದನ ಜಯದ್ರಥಃ॥ 11-21-12 (65415)
ದುಃಶಲಾಂ ಮಾನಯದ್ಭಿಸ್ತು ತದಾ ಮುಕ್ತೋ ಜಯದ್ರಥಃ।
ಕಥಮದ್ಯ ನ ತಾಂ ಕೃಷ್ಣ ಮಾನಯಂತಿ ಸ್ಮ ತೇ ಪುನಃ॥ 11-21-13 (65416)
ಸೈಂಧವಂ ಮೇ ಸುತಾ ಬಾಲಾ ಪ್ರಸ್ಖಲಂತೀವ ದುಃಖಿತಾ।
ಪ್ರಮಾಪಯಂತೀ ಚಾತ್ಮಾನಮಾಕ್ರೋಶಂತೀವ ಪಾಂಡವಾನ್॥ 11-21-14 (65417)
ಕಿನ್ನು ದುಃಖತರಂ ಕೃಷ್ಣ ಪರಂ ಮಮ ಭವಿಷ್ಯತಿ।
ಯತ್ಸುತಾ ವಿಧವಾ ಬಾಲಾ ಸ್ನುಷಾಶ್ಚ ನಿಹತೇಶ್ವರಾಃ॥ 11-21-15 (65418)
ಹಾಹಾ ಧಿಗ್ಧುಃಶಲಾಂ ಪಶ್ಯ ವೀತಶೋಕಭಯಾಮಿವ।
ಭರ್ತುಃ ಶಿರ ಅಪಶ್ಯಂತೀಂ ಧಾವಮಾನಾಮಿತಸ್ತತಃ॥ 11-21-16 (65419)
ವಾರಯಾಮಾಸ ಯಃ ಸರ್ವಾನ್ಪಾಂಡವಾನ್ಪುತ್ರಗೃದ್ಧಿನಃ।
ಸ ಹತ್ವಾ ವಿಪುಲಾಃ ಸೇನಾಃ ಸ್ವಯಂ ಮೃತ್ಯುವಶಂ ಗತಃ॥ 11-21-17 (65420)
ತಂ ಮತ್ತಮಿವ ಮಾತಂಗಂ ವೀರಂ ಪರಮದುರ್ಜಯಂ।
ಪರಿವಾರ್ಯ ರುದಂತ್ಯೇತಾಃ ಸ್ತ್ರಿಯಶ್ಚಂದ್ರೋಪಮಾನನಾಃ॥ ॥ 11-21-18 (65421)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಮಿ ದ್ವಾವಿಂಶೋಽಧ್ಯಾಯಃ॥ 22 ॥
Mahabharata - Strii Parva - Chapter Footnotes
11-21-13 ಕಲಾವಶೇಷೋ ಹಿ ಇತಿ ಕ. ಪಾಠಃ॥ 11-21-14 ರೋರೂಯತೇ ದುಃಖಚಯಾಭಿತಪ್ತಾ ಇತಿ ಕ.ಟ.ಪಾಠಃ॥ 11-21-21 ಏಕವಿಂಶತಿತಮೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 022
॥ ಶ್ರೀಃ ॥
11.22. ಅಧ್ಯಾಯಃ 022
Mahabharata - Strii Parva - Chapter Topics
ಗಾಂಧಾರ್ಯಾ ಕೃಷ್ಣಂಪ್ರತಿ ಬಾಹ್ಲಿಕಾದೀನಾಂ ತಥಾ ತತ್ಸ್ತ್ರೀಣಾಂ ಚ ಪ್ರದರ್ಶನಂ॥ 1 ॥Mahabharata - Strii Parva - Chapter Text
11-22-0 (65422)
ಗಾಂಧಾರ್ಯುವಾಚ। 11-22-0x (5357)
ಆವನತ್ಯಂ ಭೀಮಸೇನೇನ ಭಕ್ಷಯಂತಿ ನಿಪಾತಿತಂ।
ಗೃಧ್ರಗೋಮಾಯವಃ ಶೂರಂ ದೂರಬಂಧುಮಬಂಧುವತ್॥ 11-22-1 (65423)
ತಂ ಪಶ್ಯ ಕದನಂ ಕೃತ್ವಾ ಶೂರಾಣಾಂ ಮಧುಸೂದನ।
ಶಯಾನಂ ವೀರಶಯನೇ ರುಧಿರೇಣ ಸಮುಕ್ಷಿತಂ॥ 11-22-2 (65424)
ತಂ ಸೃಗಾಲಾಶ್ಚ ಕಂಕಾಶ್ಚ ಕ್ರವ್ಯಾದಾಶ್ಚ ಪೃಥಗ್ವಿಧಾಃ।
ತೇನತೇನ ವಿಕರ್ಷಂತಿ ಪಶ್ಯ ಕಾಲಸ್ಯ ಪರ್ಯಯಂ॥ 11-22-3 (65425)
ಶಯಾನಂ ವೀರಶಯನೇ ಶೂರಮಾಕ್ರಂದಕಾರಿಣಂ।
ಆವಂತ್ಯಮಭಿತೋ ನಾರ್ಯೋ ರುದತ್ಯಃ ಪರ್ಯುಪಾಸತೇ॥ 11-22-4 (65426)
ಪ್ರಾತಿಪೇಯಂ ಮಹೇಷ್ವಾಸಂ ಹತಂ ಭೀಮೇನ ಬಾಹ್ಲಿಕಂ।
ಪ್ರಸುಪ್ತಮಿವ ಶಾರ್ದುಲಂ ಪಶ್ಯ ಕೃಷ್ಣಮನಸ್ವಿನಂ॥ 11-22-5 (65427)
ಅತೀವ ಮುಖವರ್ಣೋಽಸ್ಯ ನಿಹತಸ್ಯಾಪಿ ಶೋಭತೇ।
ಸೋಮಸ್ಯವಾಭಿಪೂರ್ಣಸ್ಯ ಪೌರ್ಣಮಾಸ್ಯಾಂ ಸಮುದ್ಯತಃ॥ 11-22-6 (65428)
ಪುತ್ರಶೋಕಾಭಿತಪ್ತೇನ ಪ್ರತಿಜ್ಞಾಂ ಚಾಭಿರಕ್ಷತಾ।
ಪಾಕಶಾಸನಿನಾ ಸಂಖ್ಯೇ ವಾರ್ಧಕ್ಷತ್ರಿರ್ನಿಪಾತಿತಃ॥ 11-22-7 (65429)
ಏಕಾದಶಚಮೂರ್ಭಿತ್ತ್ವಾ ರಕ್ಷ್ಯಮಾಣಂ ಮಹಾತ್ಮಭಿಃ।
ಸತ್ಯಂ ಚಿಕೀರ್ಷತಾ ಪಶ್ಯ ಹತಮೇನಂ ಜಯದ್ರಥಂ॥ 11-22-8 (65430)
ಸಿಂಧುಸೌವೀರಭರ್ತಾರಂ ದರ್ಪಪೂರ್ಣಂ ಮನಸ್ವಿನಂ।
ಭಕ್ಷಯಂತಿ ಶಿವಾ ಗೃಧ್ರಾ ಜನಾರ್ದನ ಜಯದ್ರಥಂ॥ 11-22-9 (65431)
ಸಂರಕ್ಷ್ಯಮಾಣಂ ಭಾರ್ಯಾಭಿರನುರಕ್ತಾಭಿರಚ್ಯುತ।
ಭೀಷಯಂತ್ಯೋ ವಿಕರ್ಷಂತಿ ಗಹನಂ ನಿಂನಮಂತಿಕಾತ್॥ 11-22-10 (65432)
ತಮೇತಾಃ ಪರ್ಯಪಾಸಂತೇ ವೀಕ್ಷಮಾಣಾ ಮಹಾಭುಜಂ।
ಸಿಂಧುಸೌವೀರಕಾಂಭೋಜಗಾಂಧಾರಯವನಸ್ತ್ರಿಯಃ॥ 11-22-11 (65433)
ಯದಾ ಕೃಷ್ಣಾಮುಪಾದಾಯ ಪ್ರಾದ್ರವತ್ಕೇಕಯೈಃ ಸಹ।
ತದೈವ ವಧ್ಯಃ ಪಾಂಡೂನಾಂ ಜನಾರ್ದನ ಜಯದ್ರಥಃ॥ 11-22-12 (65434)
ದುಃಶಲಾಂ ಮಾನಯದ್ಭಿಸ್ತು ತದಾ ಮುಕ್ತೋ ಜಯದ್ರಥಃ।
ಕಥಮದ್ಯ ನ ತಾಂ ಕೃಷ್ಣ ಮಾನಯಂತಿ ಸ್ಮ ತೇ ಪುನಃ॥ 11-22-13 (65435)
ಸೈಂಧವಂ ಮೇ ಸುತಾ ಬಾಲಾ ಪ್ರಸ್ಸ್ವಲಂತೀವ ದುಃಖಿತಾ।
ಪ್ರಮಾಪಯಂತೀ ಚಾತ್ಮಾನಮಾಕ್ರೋಶಂತೀವ ಪಾಂಡವಾನ್॥ 11-22-14 (65436)
ಕಿನ್ನು ದುಃಖತರಂ ಕೃಷ್ಣ ಪರಂ ಮಮ ಭವಿಷ್ಯತಿ।
ಯತ್ಸುತಾ ವಿಧವಾ ಬಾಲಾ ಸ್ನುಷಾಶ್ಚ ನಿಹತೇಶ್ವರಾಃ॥ 11-22-15 (65437)
ಹಾಹಾ ಧಿಗ್ಧುಃಶಲಾಂ ಪಶ್ಯ ವೀತಶೋಕಭಯಾಮಿವ।
ಭರ್ತುಃ ಶಿರ ಅಪಶ್ಯಂತೀಂ ಧಾವಮಾನಾಮಿತಸ್ತತಃ॥ 11-22-16 (65438)
ವಾರಯಾಮಾಸ ಯಃ ಸರ್ವಾನ್ಪಾಂಡವಾನ್ಪುತ್ರಗೃದ್ವಿನಃ।
ಸ ಹತ್ವಾ ವಿಪುಲಾಃ ಸೇನಾಃ ಸರ್ವಯಂ ಮೃತ್ಯುವಶಂ ಗತಃ॥ 11-22-17 (65439)
ತಂ ಮತ್ತಮಿವ ಮಾತಂಗಂ ವೀರಂ ಪರಮದುರ್ಜಯಂ।
ಪರಿವಾರ್ಯ ರುದಂತ್ಯೇತಾಃ ಸ್ತ್ರಿಯಶ್ಚಂದ್ರೋಪಮಾನನಾಃ॥ ॥ 11-22-18 (65440)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ದ್ವಾವಿಂಶೋಽಧ್ಯಾಯಃ॥ 22 ॥
Mahabharata - Strii Parva - Chapter Footnotes
11-22-7 ಬಾರ್ಧಕ್ಷತ್ರಿರ್ಜಯದ್ರಥಃ॥ 11-22-22 ದ್ವಾವಿಂಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 023
॥ ಶ್ರೀಃ ॥
11.23. ಅಧ್ಯಾಯಃ 023
Mahabharata - Strii Parva - Chapter Topics
ಕೃಷ್ಣಪ್ರತಿ ಗಾಂಧಾರ್ಯಾ ಭೀಷ್ಮದ್ರೋಣಾದಿಗುಣಾನುವರ್ಣನಪೂರ್ವಕಂ ತತ್ತಚ್ಛರೀರಾಣಾಂ ವಿಲಪಂತೀನಾಂ ತ್ತತ್ಸ್ತ್ರೀಣಾಂ ಚ ಪ್ರದರ್ಶನಂ॥ 1 ॥Mahabharata - Strii Parva - Chapter Text
11-23-0 (65441)
ಗಾಂಧಾರ್ಯುವಾಚ। 11-23-0x (5358)
ಏಷ ಶಲ್ಯೋ ಹತಃ ಶೇತೇ ಸಾಕ್ಷಾನ್ನಕುಲಮಾತುಲಃ।
ಧರ್ಮಜ್ಞೇನ ಹತಸ್ತಾತ ಧರ್ಮರಾಜೇನ ಸಂಯುಗೇ॥ 11-23-1 (65442)
ಯಸ್ತ್ವಯಾ ಸ್ಪರ್ಧತೇ ನಿತ್ಯಂ ಸರ್ವತ್ರ ಪುರುಷರ್ಷಭ।
ಸ ಏಷ ನಿಹತಃ ಶೇತೇ ಮದ್ರರಾಜೋ ಮಹಾಬಲಃ॥ 11-23-2 (65443)
`ಜಯದ್ರಥೇ ಯದಿ ಬ್ರೂಯುರುಪರೋಧಂ ಕಥಂಚನ।
ಮದ್ರಪುತ್ರೇ ಕಥಂ ಬ್ರೂಯುರುಪರೋಧಂ ವಿವಕ್ಷವಃ॥' 11-23-3 (65444)
ಯೇನ ಸಂಗೃಹ್ಣತಾ ತಾತ ರಥಮಾಧಿರಥೇರ್ಯುಧಿ।
ಜಯಾರ್ಥಂ ಪಾಂಡುಪುತ್ರಾಣಾಂ ತದಾ ತೇಜೋವಧಃ ಕೃತಃ॥ 11-23-4 (65445)
ಅಹೋ ಧಿಕ್ಫಶ್ಯ ಶಲ್ಯಸ್ಯ ಪೂರ್ಣಚಂದ್ರಸುದರ್ಶನಂ।
ಮುಖಂ ಪ್ದ್ಮಪಲಾಶಾಕ್ಷಂ ಕಾಕೈರಾದಷ್ಟಮವ್ರಣಂ॥ 11-23-5 (65446)
ಏಷಾ ಚಾಮೀಕರಾಭಸ್ಯ ತಪ್ತಕಾಂಚನಸಪ್ರಭಾ।
ಆಸ್ಯಾದ್ವಿನಿಃ ಸೃತಾ ಜಿಹ್ವಾ ಭಕ್ಷ್ಯತೇ ಕೃಷ್ಣ ಪಕ್ಷಿಭಿಃ॥ 11-23-6 (65447)
ಯುಧಿಷ್ಠಿರೇಣ ನಿಹತಂ ಶಲ್ಯಂ ಸಮಿತಿಶೋಭನಂ।
ರುದಂತ್ಯಃ ಪರ್ಯುಪಾಸಂತೇ ಮದ್ರರಾಜಂ ಕುಲಾಂಗನಾಃ॥ 11-23-7 (65448)
ಏತಾಃ ಸುಸೂಕ್ಷ್ಮವಸನಾ ಮದ್ರರಾಜಂ ನರರ್ಷಭಂ।
ಕ್ರೋಶಂತ್ಯೋಽಥ ಸಮಾಸಾದ್ಯ ಕ್ಷತ್ರಿಯಾಃ ಕ್ಷತ್ರಿಯರ್ಷಭಂ॥ 11-23-8 (65449)
ಶಲ್ಯಂ ನಿಪತಿತಂ ನಾರ್ಯಃ ಪರಿವಾರ್ಯಾಭಿತಃ ಸ್ಥಿತಾಃ।
ವಾಸಿತಾ ಗೃಷ್ಟಯಃ ಪಂಕೇ ಪರಿಮಗ್ನಮಿವರ್ಷಭಂ॥ 11-23-9 (65450)
ಶಲ್ಯಂ ಶರಣದಂ ಶೂರಂ ಪಶ್ಯೇಮಂ ವೃಷ್ಣಿನಂದನ।
ಶಯಾನಂ ವೀರಶಯನೇ ಶರೈರ್ವಿಶಕಲೀಕೃತಂ॥ 11-23-10 (65451)
ಏಷ ಶೈಲಾಲಯೋ ರಾಜಾ ಭಗದತ್ತಃ ಪ್ರತಾಪವಾನ್।
ಗಜಾಂಕುಶಧರಃ ಶ್ರೀಮಾಞ್ಶೇತೇ ಭುವಿ ನಿಪಾತಿತಃ॥ 11-23-11 (65452)
ಯಸ್ಯ ರುಕ್ಮಮಯೀ ಮಾಲಾ ಶಿರಸ್ಯೇಷಾ ವಿರಾಜತೇ।
ಶ್ವಾಪದೈರ್ಭಕ್ಷ್ಯಮಾಣಸ್ಯ ಶೋಭಯಂತೀವ ಮೂರ್ಧಜಾನ್॥ 11-23-12 (65453)
ಏತೇನ ಕಿಲ ಪಾರ್ಥಸ್ಯ ಯುದ್ಧಮಾಸೀತ್ಸುದಾರುಣಂ।
ರೋಮಹರ್ಷಣಮತ್ಯುಗ್ರಂ ಶಕ್ರಸ್ಯ ತ್ವಹಿನಾ ಯಥಾ॥ 11-23-13 (65454)
ಯೋಧಯಿತ್ವಾ ಮಾಹಾಬಾಹುರೇಷ ಪಾರ್ಥಂ ಧನಂಜಯಂ।
ಸಂಶಯಂ ಗಮಯಿತ್ವಾ ಚ ಕುಂತೀಪುತ್ರೇಣ ಪಾತಿತಃ॥ 11-23-14 (65455)
ಯಸ್ಯ ನಾಸ್ತಿ ಸಮೋ ಲೋಕೇ ಶೌರ್ಯೇ ವೀರ್ಯೇ ಚ ಕಶ್ಚನ್।
ಸ ಏಷ ನಿಹತಃ ಶೇತೇ ಭೀಷ್ಮೋ ಭೀಷ್ಮಕೃದಾಹವೇ॥ 11-23-15 (65456)
ಪಶ್ಯ ಶಾಂತನವಂ ಕೃಷ್ಣ ಶಯಾನಂ ಸೂರ್ಯವರ್ಚಸಂ।
ಯುಗಾಂತ ಇವ ಕಾಲೇನ ಪಾತಿತಂ ಸೂರ್ಯಮಂಬರಾತ್॥ 11-23-16 (65457)
ಏಷ ತಪ್ತ್ವಾ ರಣೇ ಶತ್ರೂಞ್ಶಸ್ತ್ರತಾಪೇನ ವೀರ್ಯವಾನ್।
ನರಸೂರ್ಯೋಽಸ್ತಮಭ್ಯೇತಿ ಸೂರ್ಯೋಽಸ್ತಮಿವ ಕೇಶವ॥ 11-23-17 (65458)
ಶರತಲ್ಪಗತಂ ಭೀಷ್ಮಮೂರ್ಧ್ವರೇತಸಮಚ್ಯುತಂ।
ಶಯಾನಂ ವೀರಶಯನೇ ಪಶ್ಯ ಶೂರನಿಷೇವಿತೇ॥ 11-23-18 (65459)
ಕರ್ಣಿನಾಲೀಕನಾರಾಚೈರಾಸ್ತೀರ್ಯ ಶಯನೋತ್ತಮಂ।
ಆವಿಶ್ಯ ಶೇತೇ ಭಗವಾನ್ಸ್ಕಂದಃ ಶರವಣಂ ಯಥಾ॥ 11-23-19 (65460)
ಅತೂಲಪೂರ್ಣಂ ಗಾಂಗೇಯಸ್ತ್ರಿಭಿರ್ಬಾಣೈಃ ಸಮನ್ವಿತಂ।
ಉಪಧಾಯೋಪಧಾನಾಗ್ರ್ಯಂ ದತ್ತಂ ಗಾಂಡೀವಧನ್ವನಾ॥ 11-23-20 (65461)
ಪಾಲಯಾನಃ ಪಿತುಃ ಶಾಸ್ತ್ರಮೂರ್ಧ್ವರೇತಾ ಮಹಾಯಶಾಃ।
ಏಷ ಶಾಂತನವಃ ಶೇತೇ ಮಾಧವಾಪ್ರತಿಮೋ ಯುಧಿ॥ 11-23-21 (65462)
ಧರ್ಮಾತ್ಮಾ ತಾತ ಸರ್ವಜ್ಞಃ ಪಾರಾವರ್ಯೇಣ ನಿರ್ಣಯೇ।
ಅಮರ್ತ್ಯ ಇವ ಮರ್ತ್ಯಃ ಸನ್ನೇಷ ಪ್ರಾಣಾನಧಾರಯತ್॥ 11-23-22 (65463)
ನಾಸ್ತಿ ಯುದ್ಧೇ ಕೃತೀ ಕಶ್ಚಿನ್ನ ವಿದ್ವಾನ್ನ ಪರಾಕ್ರಮೀ।
ಯತ್ರ ಶಾಂತನವೋ ಭೀಷ್ಮಃ ಶೇತೇಽದ್ಯ ನಿಹತಃ ಪರೈಃ॥ 11-23-23 (65464)
ಸ್ವಯಮೇತೇನ ಶೂರೇಣ ಪೃಚ್ಛಯಮಾನೇನ ಪಾಂಡವೈಃ।
ಧರ್ಮಜ್ಞೇನಾಹವೇ ಮೃತ್ಯುರಾದಿಷ್ಟಃ ಸತ್ಯವಾದಿನಾ॥ 11-23-24 (65465)
ಪ್ರನಷ್ಟಃ ಕುರುವಂಶಶ್ಚ ಪುನರ್ಯೇನ ಸಮುದ್ವೃತಃ।
ಸ ಗತಃ ಕುರುಭಿಃ ಸಾರ್ಧಂ ಮಹಾಬುದ್ಧಿಃ ಪರಾಭವಂ॥ 11-23-25 (65466)
ಧರ್ಮೇಣ ಕುರವಃ ಕೇನ ಪರಿದ್ರಕ್ಷ್ಯಂತಿ ಮಾಧವ।
ಹತೇ ದೇವವ್ರತೇ ಭೀಷ್ಮೇ ದೇವಕಲ್ಪೇ ನರರ್ಷಭೇ॥ 11-23-26 (65467)
ಅರ್ಜುನಸ್ಯ ವಿನೇತಾರಮಾಚಾರ್ಯಂ ಸಾತ್ಯಕೇಸ್ತಥಾ।
ತಂ ಪಶ್ಯ ಪತಿತಂ ದ್ರೋಣಂ ಕುರೂಣಾಂ ಗುರುಮುತ್ತಮಂ॥ 11-23-27 (65468)
ಅಸ್ತ್ರಂ ಚತುರ್ವಿಧಂ ವೇದ ಯಥೈವ ತ್ರಿದಶೇಶ್ವರಃ।
ಭಾರ್ಗವೋ ವಾ ಮಹಾವೀರ್ಯಸ್ತಥಾ ದ್ರೋಣೋಽಪಿ ಮಾಧವ॥ 11-23-28 (65469)
ಯಸ್ಯ ಪ್ರಸಾದಾದ್ಬೀಭತ್ಸುಃ ಪಾಂಡವಃ ಕರ್ಮ ದುಷ್ಕರಂ।
ಚಕಾರ ಸ ಹತಃ ಶೇತೇ ನೈನಮಸ್ತ್ರಾಣ್ಯಪಾಲಯನ್॥ 11-23-29 (65470)
ಯಂ ಪುರೋಧಾಯ ಕುರವ ಆಹ್ವಯಂತಿ ಸ್ಮ ಪಾಂಡವಾನ್।
ಸೋಽಯಂ ಶಸ್ತ್ರಭೃತಾಂ ಶ್ರೇಷ್ಠೋ ದ್ರೋಣಃ ಶಸ್ತ್ರಪೃಥಕ್ಕೃತಃ॥ 11-23-30 (65471)
ಯಸ್ಯ ನಿರ್ದಹತಃ ಸೇನಾಂ ಗತಿರಗ್ನರಿವಾಭವತ್।
ಸ ಭೂಮೌ ನಿಹತಃ ಶೇತೇ ಶಾಂತಾರ್ಚಿರಿವ ಪಾವಕಃ॥ 11-23-31 (65472)
ಧನುರ್ಮುಷ್ಟಿರಶೀರ್ಣಶ್ಚ ಹಸ್ತಾವಾಪಶ್ಚ ಮಾಧವ।
ದ್ರೋಣಸ್ಯ ನಿಹತಸ್ಯಾಪಿ ದೃಶ್ಯತೇ ಜೀವತೋ ಯಥಾ॥ 11-23-32 (65473)
ವೇದಾ ಯಸ್ಮಾಚ್ಚ ಚತ್ವಾರಃ ಸರ್ವಾಣ್ಯಸ್ತ್ರಾಣಿ ಕೇಶವ।
ಅನಪೇತಾನಿ ವೈ ಶೂರಾದ್ಯಥೈವಾದೌ ಪ್ರಜಾಪತೇಃ॥ 11-23-33 (65474)
ಚಂದನಾರ್ಹಾವಿಮೌ ತಸ್ಯ ಬಂದಿಭಿರ್ವಂದಿತೌ ಶುಭೌ।
ಗೋಮಾಯವೋ ವಿಕರ್ಷಂತಿ ಪಾದೌ ಶಿಷ್ಯಶತಾರ್ಚಿತೌ॥ 11-23-34 (65475)
ದ್ರೋಣಂ ದ್ರುಪದಪುತ್ರೇಣ ನಿಹತಂ ಮಧುಸೂದನ।
ಕೃಪೀ ಕೃಪಣಮನ್ವಾಸ್ತೇ ದುಃಖೋಪಹತಚೇತನಾ॥ 11-23-35 (65476)
ತಾಂ ಪಶ್ಯ ರುದತೀಮಾರ್ತಾಂ ಮುಕ್ತಕೇಶೀಮಧೋಮುಖೀಂ।
ಹತಂ ಪತಿಮುಪಾಸಂತೀಂ ದ್ರೋಣಂ ಶಸ್ತ್ರಭೃತಾಂ ವರಂ॥ 11-23-36 (65477)
ಬಾಣೈರ್ಭಿನ್ನತನುತ್ರಾಣಂ ಧೃಷ್ಟದ್ಯುಂನೇನ ಕೇಶವ।
ಉಪಾಸ್ತೇ ವೈ ಮೃಧೇ ದ್ರೋಣಂ ಜಟಿಲಾ ಬ್ರಹ್ಮಚಾರಿಣೀ॥ 11-23-37 (65478)
ಪ್ರೇತಕೃತ್ಯೇ ಚ ಯತತೇ ಕೃಪೀ ಕೃಪಣಮಾತುರಾ।
ಹತಸ್ಯ ಸಮರೇ ಭರ್ತುಃ ಸುಕುಮಾರೀ ಯಶಸ್ವಿನೀ॥ 11-23-38 (65479)
ಅಗ್ನೀನಾಧಾಯ ವಿವಿಧವಚ್ಚಿತಾಂ ಪ್ರಜ್ವಾಲ್ಯ ಸರ್ವತಃ।
ದ್ರೋಣಮಾಧಾಯ ಗಾಯಂತಿ ತ್ರೀಣಿ ಸಾಮಾನಿ ಸಾಮಗಾಃ॥ 11-23-39 (65480)
ಕುರ್ವಂತಿ ಚ ಚಿತಾಮೇತೇ ಜಟಿಲಾ ಬ್ರಹ್ಮಚಾರಿಣಃ।
ಧನುರ್ಭಿಃ ಶಕ್ತಿಭಿಶ್ಚೈವ ರಥನೀಡೈಶ್ಚ ಮಾಧವ॥ 11-23-40 (65481)
ಶರೈಶ್ಚ ವಿವಿಧೈರನ್ಯೈರ್ಧಕ್ಷ್ಯಂತೇ ಭೂರಿತೇಜಸಂ।
ತ ಏತೇ ದ್ರೋಣಮಾದಾಯ ಗಾಯಂತಿ ಚ ರುದಂತಿ ಚ॥ 11-23-41 (65482)
ಸಾಮಭಿಸ್ತ್ರಿಭಿರಂತಸ್ಥೈರನುಶಂಸಂತಿ ಚಾಪರೇ।
ಅಗ್ನಾವಗ್ನಿಂ ಸಮಾಧಾಯ ದ್ರೋಣಂ ಹುತ್ವಾ ಹುತಾಶನೇ॥ 11-23-42 (65483)
ಗಚ್ಛಂತ್ಯಭಿಮುಖಾ ಗಂಗಾಂ ದ್ರೋಣಶಿಷ್ಯಾ ದ್ವಿಜಾತಯಃ।
ಅಪಸವ್ಯಾಂ ಚಿತಿಂ ಕೃತ್ವಾ ಪುರಸ್ಕೃತ್ಯ ಕೃಪೀಂ ತಥಾ॥ ॥ 11-23-43 (65484)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ತ್ರಯೋವಿಂಶೋಽಧ್ಯಾಯಃ॥ 23 ॥
Mahabharata - Strii Parva - Chapter Footnotes
11-23-9 ಪರಿಮಗ್ನಿಮಿವ ದ್ವಿಪಮಿತಿ ಝ.ಪಾಠಃ॥ 11-23-13 ಅಹಿನಾ ವೃತ್ರಾಸುರೇಣ॥ 11-23-15 ಭೀಷ್ಮಕೃತ್ ಭಯಂಕರಕರ್ಮಕೃತ್॥ 11-23-21 ಶಾಸ್ತ್ರಂ ಆಜ್ಞಾಂ॥ 11-23-22 ನಿರ್ಣಿಯೇ ಪಾರಾವರ್ಯೇಣ । ಪರಾವರೌ ಪರಲೋಕೇಹಲೋಕೌ ತದ್ವಿಷಯೇಣ ಜ್ಞಾನೇನ। ತತ್ತ್ವಜ್ಞಾನಬಲೇನ ಪ್ರಾಣಾನಧಾರಯದಿತ್ಯರ್ಥಃ। ಪಾರಪರ್ಯೇಽಥ ನಿರ್ಣಯ ಇತಿ ಛ.ಪಾಠಃ। ಪಾರಾಶರ್ಯಸ್ಯ ನಿರ್ಣಯೇ ಇತಿ ಕ.ಟ.ಪಾಠಃ॥ 11-23-26 ಧರ್ಮೇಷು ಕುರವಃ ಕಂ ನು ಪರಿಪ್ರಕ್ಷ್ಯಂತಿ ಮಾಧವ। ಗತೇ ದೇವವ್ರತೇ ಸ್ವರ್ಗಂ ದೇವಕಲ್ಪೇ ನರರ್ಷಭೇ ಇತಿ ಝ.ಪಾಠಃ॥ 11-23-34 ಶಿಷ್ಯಶರಾರ್ಚಿತಾವಿತಿ ಕ.ಪಾಠಃ॥ 11-23-23 ತ್ರೋಯವಿಂಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 024
॥ ಶ್ರೀಃ ॥
11.24. ಅಧ್ಯಾಯಃ 024
Mahabharata - Strii Parva - Chapter Topics
ಕೃಷ್ಣಂಪ್ರತಿ ಗಾಂಧಾರ್ಯ ಭೂರಿಶ್ರವಃ ಪ್ರಭೃತಿಶರೀರಾಣಾಂ ತತ್ತಸ್ತ್ರೀಣಾಂ ಚ ಪ್ರದರ್ಶನಂ॥ 1 ॥Mahabharata - Strii Parva - Chapter Text
11-24-0 (65485)
ಗಾಂಧಾರ್ಯುವಾಚ। 11-24-0x (5359)
ಸೋಮದತ್ತಸುತಂ ಪಶ್ಯ ಯುಯುಧಾನೇನ ಪಾತಿತಂ।
ವಿತುದ್ಯಮಾನಂ ವಿಹಗೈರ್ಬಹುಭಿರ್ಮಾಧವಾಂತಿಕೇ॥ 11-24-1 (65486)
ಪುತ್ರಶೋಕಾಭಿಸಂತಪ್ತಃ ಶೋಮದತ್ತೋ ಜನಾರ್ದನ।
ಯುಯುಧಾನಂ ಮಹೇಷ್ವಾಸಂ ಗರ್ಹಯನ್ನಿವ ದೃಶ್ಯತೇ॥ 11-24-2 (65487)
ಅಸೌ ಹಿ ಭೂರಿಶ್ವಸೋ ಮಾತಾ ಶೋಕಪರಿಪ್ಲುತಾ।
ಆಶ್ವಾಸಯತಿ ಭರ್ತಾರಂ ಸೋಮದತ್ತಮನಿಂದಿತಾ॥ 11-24-3 (65488)
ದಿಷ್ಟ್ಯಾ ನೈನಂ ಮಹಾರಾಜ ದಾರುಣಂ ಭರತಕ್ಷಯಂ।
ಕುರುಸಂಕ್ರಂದನಂ ಘೋರಂ ಯುಗಾಂತಮನುಪಶ್ಯಸಿ॥ 11-24-4 (65489)
ದಿಷ್ಟ್ಯಾ ಯೂಪಧ್ವಜಂ ಪುತ್ರಂ ವೀರಂ ಭೂರಿಸಹಸ್ರದಂ।
ಅನೇಕಕ್ರತುಯಜ್ವಾನಂ ನಿಹತಂ ನಾನುಪಶ್ಯಸಿ॥ 11-24-5 (65490)
ದಿಷ್ಟ್ಯಾ ಸ್ನುಷಾಣಾಮಾಕ್ರಂದೇ ಘೋರಂ ವಿಲಪಿತಂ ಬಹು।
ನ ಶೃಣೋಷಿ ಮಹಾರಾಜ ಸಾರಸೀನಾಮಿವಾರ್ಣವೇ॥ 11-24-6 (65491)
ಏಕವಸ್ತ್ರಾಸ್ತು ಪಂಚೈತಾಃ ಪ್ರಕೀರ್ಣಾಸಿತಮೂರ್ಧಜಾಃ।
ಸ್ನುಷಾಸ್ತೇ ಪರಿಧಾವಂತಿ ಹತಾಪತ್ಯಾ ಹತೇಶ್ವರಾಃ॥ 11-24-7 (65492)
ಶ್ವಾಪದೈರ್ಭಕ್ಷ್ಯಮಾಣಂ ತ್ವಮಹೋ ದಿಷ್ಟ್ಯಾ ನ ಪಶ್ಯಸಿ।
ಛಿನ್ನಬಾಹುಂ ನರವ್ಯಾಘ್ರಮರ್ಜುನೇನ ನಿಪಾತಿತಂ॥ 11-24-8 (65493)
ಶಲಂ ವಿನಿಹತಂ ಸಂಖ್ಯೇ ಭೂರಿಶ್ರವಸಮೇವ ಚ।
ಸ್ನುಷಾಶ್ಚ ವಿವಿಧಾಃ ಸರ್ವಾ ದಿಷ್ಟ್ಯಾ ನಾದ್ಯೇಹ ಪಶ್ಯಸಿ॥ 11-24-9 (65494)
ದಿಷ್ಟ್ಯಾ ತತ್ಕಾಂಚನಂ ಛತ್ರಂ ಯೂಪಕೇತೋರ್ಮಹಾತ್ಮನಃ।
ವಿನೀಕೀರ್ಣಂ ರಥೋಪಸ್ಥೇ ಸೌಮದತ್ತೇರ್ನ ಪಶ್ಯಸಿ॥ 11-24-10 (65495)
ಅಮೂಸ್ತು ಭೂರಿಶ್ರವಸೋ ಭಾರ್ಯಾಃ ಸಾತ್ಯಕಿನಾ ಹತಂ।
ಪರಿವಾರ್ಯಾನುಶೋಚಂತಿ ಭರ್ತಾರಮಸಿತೇಕ್ಷಣಾಃ॥ 11-24-11 (65496)
ಏತಾ ವಿಲಪ್ಯ ಕರುಣಂ ಭರ್ತೃಶೋಕೇನ ಕರ್ಶಿತಾಃ।
ಪತಂತ್ಯಭಿಮುಖಾ ಭೂಮೌ ಕೃಪಣಂ ಬತ ಕೇಶವ॥ 11-24-12 (65497)
ಬೀಭತ್ಸುರತಿಬೀಭತ್ಸಂ ಕರ್ಮೇದಮಕರೋತ್ಕಥಂ।
ಪ್ರಮತ್ತಸ್ಯ ಯದಚ್ಛೈತ್ಸೀದ್ಬಾಹುಂ ಶೂರಸ್ಯ ಯಜ್ವನಃ॥ 11-24-13 (65498)
ತತಃ ಪಾಪತರಂ ಕರ್ಮ ಕೃತವಾನಪಿ ಸಾತ್ಯಕಿಃ।
ಯಸ್ಮಾತ್ಪ್ರಾಯೋಪವಿಷ್ಟಸ್ಯ ಪ್ರಾಹಾರ್ಷೀತ್ಸಂಶಿತಾತ್ಮನಃ॥ 11-24-14 (65499)
ಏಕೋ ದ್ವಾಭ್ಯಾಂ ಹತಃ ಶೇತೇ ಕ್ಷತ್ರಧರ್ಮೇಣ ಧಾರ್ಮಿಕಃ।
ಕಿನ್ನು ವಕ್ಷ್ಯತಿ ವೈ ಸತ್ಸು ಗೋಷ್ಠೀಷು ಚ ಸಭಾಸು ಚ॥ 11-24-15 (65500)
ಅಪುಣ್ಯಮಯಶಸ್ಯಂ ಚ ಕರ್ಮೇದಂ ಸಾತ್ಯಕಿಃ ಸ್ವಯಂ।
ಇತಿ ಯೂಪಧ್ವಜಸ್ಯೈತಾಃ ಸ್ತ್ರಿಯಃ ಕ್ರೋಶಂತಿ ಮಾಧವ॥ 11-24-16 (65501)
ಭಾರ್ಯಾ ಯೂಪಧ್ವಜಸ್ಯೈಷಾ ಕರಸಂಮಿತಮಧ್ಯಮಾ।
ಕೃತ್ವೋತ್ಸಂಗೇ ಭುಜಂ ಭರ್ತುಃ ಕೃಪಣಂ ಪರಿದೇವತಿ॥ 11-24-17 (65502)
ಅಯಂ ಸ ಹಂತಾ ಶೂರಾಣಾಂ ಮಿತ್ರಾಣಾಮಭಯಪ್ರದಃ।
ಪ್ರದಾತಾ ಗೋಸಹಸ್ರಾಣಾಂ ಕ್ಷತ್ರಿಯಾಂತಕರಃ ಕರಃ॥ 11-24-18 (65503)
ಅಯಂ ಸ ರಶನೋತ್ಕರ್ಷೀ ಪೀನಸ್ತನವಿಮರ್ದನಃ।
ನಾಭ್ಯೂರುಜಘನಸ್ಪರ್ಶೀ ನೀವೀವಿಸ್ರಂಸನಃ ಕರಃ॥ 11-24-19 (65504)
ವಾಸುದೇವಸ್ಯ ಸಾನ್ನಿಧ್ಯೇ ಪಾರ್ಥೇನಾಕ್ಲಿಷ್ಟಕರ್ಮಣಾ।
ಯುಧ್ಯತಃ ಸಮರೇಽನ್ಯೇನ ಪ್ರಮತ್ತಸ್ಯ ನಿಪಾತಿತಃ॥ 11-24-20 (65505)
ಕಿನ್ನು ವಕ್ಷ್ಯಸಿ ಸಂಸತ್ಸು ಕಥಾಸು ಚ ಜನಾರ್ದನ।
ಅರ್ಜುನಸ್ಯ ಮಹತ್ಕರ್ಮ ಸ್ವಯಂ ವಾ ಸ ಕಿರೀಟಭೃತ್॥ 11-24-21 (65506)
ಇತ್ಯೇವಂ ಗರ್ಹಯಿತ್ವೈಷಾ ತೂಷ್ಣೀಮಾಸ್ತೇ ವರಾಂಗನಾ।
ತಾಮೇತಾಮನುಶೋಚಂತಿ ಸಪತ್ನ್ಯಃ ಸ್ವಾಮಿವ ಸ್ನುಷಾಂ॥ 11-24-22 (65507)
ಗಾಂಧಾರರಾಜಃ ಶಕುನಿರ್ಬಲವಾನ್ಸತ್ಯವಿಕ್ರಮಃ।
ನಿಹತಃ ಸಹದೇವೇನ ಭಾಗಿನೇಮೇನ ಮಾತುಲಃ॥ 11-24-23 (65508)
ಯಃ ಪುರಾ ಹೇಮದಂಡಾಭ್ಯಾಂ ವ್ಯಜನಾಭ್ಯಾಂ ಸ್ಮ ವೀಜ್ಯತೇ।
ಸ ಏಷ ಪಕ್ಷಿಭಿಃ ಪಕ್ಷೈಃ ಶಯಾನ ಉಪವೀಜ್ಯತೇ॥ 11-24-24 (65509)
ಯಃ ಸ್ವರೂಪಾಣಿ ಕುರುತೇ ಶತಶೋಽಥ ಸಹಸ್ರಶಃ।
ತಸ್ಯ ಮಾಯಾವಿನೋ ಮಾಯಾ ದಗ್ಧಾಃ ಪಾಂಡವತೇಜಸಾ॥ 11-24-25 (65510)
ಮಾಯಯಾ ನಿಕೃತಿಪ್ರಜ್ಞೋ ಜಿತವಾನ್ಯೋ ಯುಧಿಷ್ಠಿರಂ।
ಸಭಾಯಾಂ ವಿಪುಲಂ ರಾಜ್ಯಂ ಸ ಜಹೌ ಜೀವಿತಂ ಕಥಂ॥ 11-24-26 (65511)
ಶಕುಂತಾಃ ಶಕುನಿಂ ಕೃಷ್ಣ ಸಮಂತಾತ್ಪರ್ಯುಪಾಸತೇ।
ಕಿತವಂ ಮಮ ಪುತ್ರಾಣಾಂ ವಿನಾಶಾಯೋಪಶಿಕ್ಷಿತಂ॥ 11-24-27 (65512)
ಏತೇನೈತನ್ಮಹದ್ವೈರಂ ಪ್ರಸಕ್ತಂ ಪಾಂಡವೈಃ ಸಹ।
ವಧಾಯ ಮಮ ಪುತ್ರಾಣಾಮಾತ್ಮನಃ ಸಗಣಸ್ಯ ಚ॥ 11-24-28 (65513)
ಯಥೈವ ಮಮ ಪುತ್ರಾಣಾಂ ಲೋಕಾಃ ಶಸ್ತ್ರಜಿತಾಃ ಪ್ರಭೋ।
ಏವಮಸ್ಯಾಪಿ ದುರ್ಬುದ್ಧೇರ್ಲೋಕಾಃ ಶಸ್ತ್ರೇಣ ವೈ ಜಿತಾಃ॥ 11-24-29 (65514)
ಕಥಂ ಚ ನಾಯಂ ತತ್ರಾಪಿ ಪುತ್ರಾನ್ಮೇ ಭ್ರಾತೃಭಿಃ ಸಹ।
ವಿರೋಧಯೇದೃಜುಪ್ರಜ್ಞಾನನೃಜುರ್ಮಧುಸೂದನ॥ ॥ 11-24-30 (65515)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ಚತುರ್ವಿಂಶೋಽಧ್ಯಾಯಃ॥ 24 ॥
Mahabharata - Strii Parva - Chapter Footnotes
11-24-13 ಬೀಭತ್ಸುರತಿನಿರ್ಮಲಕರ್ಮಾ। ಅತಿಬೀಭತ್ಸಂ ಅತಿಗರ್ಹಿತಂ॥ 11-24-15 ಅಕೋ ದ್ವಾಭ್ಯಾಂ ಹತಃ ಶೇಷೇ ತ್ವಮಧರ್ಮೇಣ ಧಾರ್ಮಿಕ ಇತಿ ಝ.ಪಾಠಃ॥ 11-24-26 ಸ ಪುನರ್ಜೀವಿತಂ ಜಿತ ಇತಿ ಝ.ಪಾಠಃ॥ 11-24-24 ಚತುರ್ವಿಂಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 025
॥ ಶ್ರೀಃ ॥
11.25. ಅಧ್ಯಾಯಃ 025
Mahabharata - Strii Parva - Chapter Topics
ಕೃಷ್ಣಂಪ್ರತಿ ಗಾಂಧಾರ್ಯಾ ಕುರುಪಾಂಡವಸಂಕ್ಷಯಸ್ಯ ಕೃಷ್ಣೋಪೇಕ್ಷಣಹೇತುಕತ್ವಕಥನಪೂರ್ವಕಂ ಸರ್ವಬಂಧುಸಂಕ್ಷಯಾಯ ಶಾಪದಾನಂ॥ 1 ॥Mahabharata - Strii Parva - Chapter Text
11-25-0 (65516)
ಗಾಂಧಾರ್ಯುವಾಚ। 11-25-0x (5360)
ಕಾಂಭೋಜಂ ಪಶ್ಯ ದುರ್ಧರ್ಷಂ ಕಾಂಭೋಜಾಸ್ತರಣೋಚಿತಂ।
ಶಯಾನಮೃಷಭಸ್ಕಂಧಂ ಹತಂ ಪಾಂಸುಷು ಮಾಧವ॥ 11-25-1 (65517)
ಅಸ್ಯ ಕ್ಷತಜಸಂದಿಗ್ಧೌ ಬಾಹೂ ಚಂದನರೂಷಿತೌ।
ಅವೇಕ್ಷ್ಯ ಕೃಪಣಂ ಭಾರ್ಯಾ ವಿಲಪತ್ಯತಿದುಃಖಿತಾ॥ 11-25-2 (65518)
ಇಮೌ ತೌ ಪರಿಘಪ್ರಖ್ಯೌ ಬಾಹೂ ಚಂದನರೂಷಿತೌ।
ಯಯೋರ್ವಿವರಮಾಪನ್ನಾಂ ನ ರತಿರ್ಮಾಂ ಪುರಾಽಜಹಾತ್॥ 11-25-3 (65519)
ಕಾಂ ಗತಿಂ ತು ಗಮಿಷ್ಯಾಮಿ ತ್ವಯಾ ಹೀನಾ ಜನೇಶ್ವರ।
ದೂರಬಂಧುರನಾಥಾ ಚ ವೇಪಂತೀ ಮಧುರಸ್ವರಾ॥ 11-25-4 (65520)
ಆತಪೇ ಕ್ಲಾಂಯಮಾನಾನಾಂ ವಿವಿಧಾನಾಮಿವ ಸ್ರುಜಾಂ।
ಕ್ಲಾಂತಾನಾಮಪಿ ನಾರೀಣಾಂ ಜಹಾತಿ ಶ್ರೀರ್ನ ವೈ ತನೂಃ॥ 11-25-5 (65521)
ಶಯಾನಮಭಿತಃ ಶೂರಂ ಕಾಲಿಂಗಂ ಮಧುಸೂದನ।
ಪಶ್ಯ ದೀಪ್ತಾಂಗದಯುತಂ ಪ್ರತಿಮಾನಂ ಧನುಷ್ಮತಾಂ॥ 11-25-6 (65522)
ಮಾಗಧಾನಾಮಧಿಪತಿಂ ಜಯತ್ಸೇನಂ ಜನಾರ್ದನ।
ಪರಿವಾರ್ಯ ಪ್ರರುದಿತಾ ಮಾಗಧ್ಯಃ ಪಶ್ಯ ಯೋಷಿತಃ॥ 11-25-7 (65523)
ಹರಿಣಾಯತನೇತ್ರಾಣಾಂ ಸುಸ್ವರಾಣಾಂ ಜನಾರ್ದನ।
ಮನಃ ಶ್ರುತಿಹರೋ ನಾದೋ ಮನೋ ಮೋಹಯತೀವ ಮೇ॥ 11-25-8 (65524)
ಪ್ರಕೀರ್ಣವಸ್ತ್ರಾಭರಣಾ ರುದತ್ಯಃ ಶೋಕಕರ್ಶಿತಾಃ।
ಸ್ವಾಸ್ತೀರ್ಣಶಯನೋಪೇತಾ ಮಾಗಧ್ಯಃ ಶೇರತೇ ಭುವಿ॥ 11-25-9 (65525)
ಕೋಸಲಾನಾಮಧಿಪತಿಂ ರಾಜಪುತ್ರಂ ಬೃಹದ್ಬಲಂ।
ಭರ್ತಾರಂ ಪರಿವಾರ್ಯೈತಾಃ ಪೃಥಕ್ಪ್ರರುದಿತಾಃ ಸ್ತ್ರಿಯಃ॥ 11-25-10 (65526)
ಅಸ್ಯ ಗಾತ್ರಗತಾನ್ಬಾಣಾನ್ಕಾರ್ಷ್ಣಿಬಾಹುಬಲೇರಿತಾನ್।
ಉದ್ಧರಂತ್ಯಸುಖಾವಿಷ್ಟಾ ಮೂರ್ಚ್ಛಮಾನಾಃ ಪುನಃ ಪುನಃ॥ 11-25-11 (65527)
ಆಸಾಂ ಸರ್ವಾನವದ್ಯಾನಾಮಾತಪೇನ ಪರಿಶ್ರಮಾತ್।
ಪ್ರಂಲಾನನಲಿನಾಭಾನಿ ಭಾಂತಿ ವಕ್ತ್ರಾಣಿ ಮಾಧವ॥ 11-25-12 (65528)
ದ್ರೋಣೇನ ನಿಹತಾಃ ಶೂರಾ ಶೇರತೇ ರುಚಿರಾಂಗದಾಃ।
ಧೃಷ್ಟದ್ಯುಂನಸುತಾಃ ಸರ್ವೇ ಶಿಶವೋ ಹೇಮಮಾಲಿನಃ॥ 11-25-13 (65529)
ರಥಾಗ್ನ್ಯಗಾರಂ ಚಾಪಾರ್ಚಿಂ ಶರಶಕ್ತಿಗದೇಂಧನಂ।
ದ್ರೋಣಮಾಸಾದ್ಯ ನಿರ್ದಗ್ಧಾಃ ಶಲಭಾ ಇವ ಪಾವಕಂ॥ 11-25-14 (65530)
ತಥೈವ ನಿಹತಾಃ ಶೂರಾಃ ಶೇರತೇ ರುಚಿರಾಂಗದಾಃ।
ದ್ರೋಣೇನಾಭಿಮುಖಾಃ ಸಂಖ್ಯೇ ಭ್ರಾತರಃ ಪಂಚ ಕೇಕಯಾಃ॥ 11-25-15 (65531)
ತಪ್ತಕಾಂಚನವರ್ಮಾಣಸ್ತಾಲಧ್ವಜಸ್ಥವ್ರಜಾಃ।
ಭಾಸಯಂತಿ ಮಹೀಂ ಭಾಸಾ ಜ್ವಲಿತಾ ಇವ ಪಾವಕಾಃ॥ 11-25-16 (65532)
ದ್ರೋಣೇನ ದ್ರುಪದಂ ಸಂಖ್ಯೇ ಪಶ್ಯ ಮಾಧವ ಪಾತಿತಂ।
ಮಹಾದ್ವಿಪಮಿವಾರಣ್ಯೇ ಸಿಂಹೇನ ಮಹತಾ ಹತಂ॥ 11-25-17 (65533)
ಪಾಂಚಾಲರಾಜ್ಞೋ ವಿಮಲಂ ಪುಂಡರೀಕಾಕ್ಷ ಪಾಂಡುರಂ।
ಆತಪತ್ರಂ ಸಮಾಭಾತಿ ಶರದೀವ ನಿಶಾಕರಃ॥ 11-25-18 (65534)
ಏತಾಸ್ತು ದ್ರುಪದಂ ವೃದ್ಧಂ ಸ್ನುಷಾ ಭಾರ್ಯಾಶ್ಚ ದುಃಖಿತಾಃ।
ದಗ್ಧ್ವಾ ಗಚ್ಛಂತಿ ಪಾಂಚಾಲರಾಜಾನಮಪಸವ್ಯತಃ॥ 11-25-19 (65535)
ಧೃಷ್ಟಕೇತುಂ ಮಹಾತ್ಮಾನಂ ಚೇದಿಪುಂಗವಮಂಗನಾಃ।
ದ್ರೋಣೇನ ನಿಹತಂ ಶೂರಂ ಹರಂತಿ ಹೃತಚೇತಸಃ॥ 11-25-20 (65536)
ದ್ರೋಣಾಸ್ತ್ರಮಭಿಹತ್ಯೈಷ ವಿಮರ್ದೇ ಮಧುಸೂದನ।
ಮಹೇಷ್ವಾಸೋ ಹತಃ ಶೇತೇ ವಜ್ರಾಹತ ಇವ ದ್ರುಮಃ॥ 11-25-21 (65537)
ಏಷ ಚೇದಿಪತಿಃ ಶೂರೋ ಧೃಷ್ಟಕೇತುರ್ಮಹಾರಥಃ।
ಶೇತೇ ವಿನಿಹತಃ ಸಂಖ್ಯೇ ಹತ್ವಾ ಶತ್ರೂನ್ಸಹಸ್ರಶಃ॥ 11-25-22 (65538)
ವಿತುದ್ಯಮಾನಂ ವಿಹಗೈಸ್ತಂ ಭಾರ್ಯಾಃ ಪರ್ಯುಪಾಶ್ರಿತಾಃ।
ಚೇದಿರಾಜಂ ಹೃಷೀಕೇಶ ಹತಂ ಸಬಲಬಾಂಧವಂ॥ 11-25-23 (65539)
ದಾಶಾರ್ಹಪುತ್ರಜಂ ವೀರಂ ಶಯಾನಂ ಸತ್ಯವಿಕ್ರಮಂ।
ಆರೋಪ್ಯಾಂಕೇ ರುದಂತ್ಯೇತಾಶ್ಚೇದಿರಾಜ ವರಾಂಗನಾಃ॥ 11-25-24 (65540)
ಅಸ್ಯ ಪುತ್ರಂ ಹೃಷೀಕೇಶ ಸುವಕ್ತ್ರಂ ಚಾರುಕುಂಡಲಂ।
ದ್ರೋಣೇನ ಸಮರೇ ಪಶ್ಯ ನಿಕೃತ್ತಂ ಬಹುಧಾ ಶರೈಃ॥ 11-25-25 (65541)
ಪಿತರಂ ನೂನಮಾಜಿಸ್ಥಂ ಯುಧ್ಯಮಾನಂ ಪರೈಃ ಸಹ।
ನಾಜಹಾತ್ಪಿತರಂ ವೀರಮದ್ಯಾಪಿ ಮಧುಸೂದನ॥ 11-25-26 (65542)
ಏವಂ ಮಮಾಪಿ ಪುತ್ರಸ್ಯ ಪುತ್ರಃ ಪಿತರಮನ್ವಗಾತ್।
ದುರ್ಯೋಧನಂ ಮಹಾಬಾಹೋ ಲಕ್ಷ್ಮಣಃ ಪರವೀರಹಾ॥ 11-25-27 (65543)
ವಿಂದಾನುವಿಂದಾವಾವಂತ್ಯೌ ಪತಿತೌ ಪಶ್ಯ ಮಾಧವ।
ಹಿಮಾಂತೇ ಪುಷ್ಪಿತೌ ಶಾಲೌ ಮರುತಾ ಗಲಿತಾವಿವ॥ 11-25-28 (65544)
ಕಾಂಚನಾಂಗದವರ್ಮಾಣೌ ಬಾಣಖಂಗಧನುರ್ಧರೌ।
ಋಷಭಪ್ರತಿರೂಪಾಕ್ಷೌ ಶಯಾನೌ ವಿಮಲಸ್ರಜೌ॥ 11-25-29 (65545)
ಅವಧ್ಯಾಃ ಪಾಂಡವಾಃ ಕೃಷ್ಣ ಸರ್ವ ಏವ ತ್ವಯಾ ಸಹ।
ಯೇ ಮುಕ್ತಾ ದ್ರೋಣಭೀಷ್ಮಾಭ್ಯಾಂ ಕರ್ಣಾದ್ವೈಕರ್ತನಾತ್ಕೃಪಾತ್॥ 11-25-30 (65546)
ದುರ್ಯೋಧನಾದ್ದ್ರೋಣಸುತಾತ್ಸೈಂಧವಾಚ್ಚ ಜಯದ್ರಥಾತ್।
ಸೋಮದತ್ತಾದ್ವಿಕರ್ಣಾಚ್ಚ ಶೂರಾಚ್ಚ ಕೃತವರ್ಮಣಃ॥ 11-25-31 (65547)
ಯೇ ಹನ್ಯುಃ ಶಸ್ತ್ರವೇಗೇನ ದೇವಾನಪಿ ನರರ್ಷಭಾಃ।
ತ ಇಮೇ ನಿಹತಾಃ ಸಂಖ್ಯೇ ಪಶ್ಯ ಕಾಲಸ್ಯ ಪರ್ಯಯಂ॥ 11-25-32 (65548)
ನಾತಿಭಾರೋಽಸ್ತಿ ದೈವಸ್ಯ ಧ್ರುವಂ ಮಾಧವ ಕಶ್ಚನ।
ಯದಿಮೇ ನಿಹತಾಃ ಶೂರಾಃ ಕ್ಷತ್ರಿಯೈಃ ಕ್ಷತ್ರಿಯರ್ಷಭಾಃ।
`ಶೂರಾಶ್ಚ ಕೃತವಿದ್ಯಾಶ್ಚ ಮಮ ಪುತ್ರಾ ಮನಸ್ವಿನಃ'॥ 11-25-33 (65549)
ತದೈವ ನಿಹತಾಃ ಕೃಷ್ಣ ಮಮ ಪುತ್ರಾಸ್ತರಸ್ವಿನಃ।
ಯದೈವಾಕೃತಕಾಮಸ್ತ್ವಮುಪಪ್ಲಾವ್ಯಂ ಗತಃ ಪುನಃ॥ 11-25-34 (65550)
ಶಂತನೋಶ್ಚೈವ ಪುತ್ರೇಣ ಪ್ರಾಜ್ಞೇನ ವಿದುರೇಣ ಚ।
ತದೈವೋಕ್ತಾಸ್ಮಿ ಮಾ ಸ್ನೇಹಂ ಕುರುಷ್ವಾತ್ಮಸುತೇಷ್ವಿತಿ॥ 11-25-35 (65551)
ತಯೋರ್ಹಿ ದರ್ಶನಂ ನೈತನ್ಮಿಥ್ಯಾ ಭವಿತುಮರ್ಹತಿ।
ಅಚಿರೇಣೈವ ಮೇ ಪುತ್ರಾ ಭಸ್ಮೀಭೂತಾ ಜನಾರ್ದನ॥ 11-25-36 (65552)
ವೈಶಂಪಾಯನ ಉವಾಚ। 11-25-37x (5361)
ಇತ್ಯುಕ್ತ್ವಾ ನ್ಯಪತದ್ಭೂಮೌ ಗಾಂಧಾರೀ ಶೋಕಮೂರ್ಚ್ಛಿತಾ।
ದುಃಖೋಪಹತವಿಜ್ಞಾನಾ ಧೈರ್ಯಮುತ್ಸೃಜ್ಯ ಭಾರತ॥ 11-25-37 (65553)
ತತಃ ಕೋಪಪರೀತಾಂಗೀ ಪುತ್ರಶೋಕಪರಿಪ್ಲುತಾ।
ಜಗಾದ ಶೌರಿಂ ದೋಷೇಣ ಗಾಂಧಾರೀ ವ್ಯಥಿತೇಂದ್ರಿಯಾ॥ 11-25-38 (65554)
ಗಾಂಧಾರ್ಯುವಾಚ। 11-25-39x (5362)
ಪಾಂಡವಾಃ ಧಾರ್ತರಾಷ್ಟ್ರಾಶ್ಚ ಕ್ರುದ್ಧಾಃ ಕೃಷ್ಣ ಪರಸ್ಪರಂ।
ಉಪೇಕ್ಷಿತಾ ವಿನಶ್ಯಂತಸ್ತ್ವಯಾ ಕಸ್ಮಾಜ್ಜನಾರ್ದನ ॥ 11-25-39 (65555)
ಶಕ್ತೇನ ಬಹುಭೃತ್ಯೇನ ವಿಪುಲೇ ತಿಷ್ಠತಾ ಬಲೇ।
ಉಭಯತ್ರ ಸಮರ್ಥೇನ ಶ್ರುತವಾಕ್ಯೇನ ಚೈವ ಹ॥ 11-25-40 (65556)
ಇಚ್ಛತೋಪೇಕ್ಷಿತೋ ನಾಶಃ ಕುರೂಣಾಂ ಮಧುಸೂದನ।
ಯಸ್ಮಾತ್ತ್ವಯಾ ಮಹಾಬಾಹೋ ಫಲಂ ತಸ್ಮಾದವಾಪ್ನುಹಿ॥ 11-25-41 (65557)
ಪತಿಶುಶ್ರೂಷಯಾ ಯನ್ಮೇ ತಪಃ ಕಿಂಚಿದುಪಾರ್ಜಿತಂ।
ತೇನ ತ್ವಾಂ ದುರವಾಪೇನ ಶಪೇ ಚಕ್ರಗದಾಧರಂ॥ 11-25-42 (65558)
ಯಸ್ಮಾತ್ಪರಸ್ಪರಂ ಘ್ನಂತೋ ಜ್ಞಾತಯಃ ಕುರುಪಾಂಡವಾಃ।
ಉಪೇಕ್ಷಿತಾಸ್ತೇ ಗೋವಿಂದ ತಸ್ಮಾಜ್ಜ್ಞಾತೀನ್ವಧಿಷ್ಯಸಿ॥ 11-25-43 (65559)
ತ್ವಮಪ್ಯುಪಸ್ಥಿತೇ ವರ್ಷೇ ಷಟ್ತ್ರಿಂಶೇ ಮಧುಸೂದನ।
ಹತಜ್ಞಾತಿರ್ಹತಾಮಾತ್ಯೋ ಹತಪುತ್ರೋ ವನೇಚರಃ॥ 11-25-44 (65560)
ಅನಾಥವದವಿಜ್ಞಾತೋ ಲೋಕೇಷ್ವನಭಿಲಕ್ಷಿತಃ।
ಕುತ್ಸಿತೇನಾಭ್ಯುಪಾಯೇನ ನಿಧನಂ ಸಮವಾಪ್ಸ್ಯಸಿ॥ 11-25-45 (65561)
ತವಾಪ್ಯೇವಂ ಹತಸುತಾ ನಿಹತಜ್ಞಾತಿಬಾಂಧವಾಃ।
ಸ್ತ್ರಿಯಃ ಪರಿಪತಿಷ್ಯಂತಿ ಯಥೈತಾ ಭರತಸ್ತ್ರಿಯಃ॥ 11-25-46 (65562)
ವೈಶಂಪಯನ ಉವಾಚ। 11-25-47x (5363)
ತಚ್ಛ್ರುತ್ವಾ ವಚನಂ ಘೋರಂ ವಾಸುದೇವೋ ಮಹಾಮನಾಃ।
ಉವಾಚ ದೇವೀಂ ಗಾಂಧಾರೀಮೀಷದಭ್ಯುತ್ಸ್ಮಯನ್ನಿವ॥ 11-25-47 (65563)
ಜಾನೇಽಹಮೇತದಪ್ಯೇವಂ ಚೀರ್ಣಂ ಚರಸಿ ಕ್ಷತ್ರಿಯೇ।
ದೈವಾದೇವ ವಿನಶ್ಯಂತಿ ವೃಷ್ಣಯೋ ನಾತ್ರ ಸಂಶಯಃ॥ 11-25-48 (65564)
ಸಂಹರ್ತಾ ವೃಷ್ಣಿಚಕ್ರಸ್ಯ ನಾನ್ಯೋ ಮದ್ವಿದ್ಯತೇ ಶುಭೇ।
ಅವಧ್ಯಾಸ್ತೇ ನರೈರನ್ಯೈರಪಿ ವಾ ದೇವದಾನವೈಃ॥ 11-25-49 (65565)
ಪರಸ್ಪರಕೃತಂ ನಾಶಂ ಯತಃ ಪ್ರಾಪ್ಸ್ಯಂತಿ ಯಾದವಾಃ।
ಇತ್ಯುಕ್ತವತಿ ದಾಶಾರ್ಹೇ ಪಾಂಡವಾಸ್ತ್ರಸ್ತಚೇತಸಃ।
ಬಭೂವುರ್ಭೃಶಸಂವಿಗ್ನಾ ನಿರಾಶಾಶ್ಚಾಪಿ ಜೀವಿತೇ॥ ॥ 11-25-50 (65566)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಸ್ತ್ರೀವಿಲಾಪಪರ್ವಣಿ ಪಂಚವಿಂಶೋಽಧ್ಯಾಯಃ॥ 25 ॥
Mahabharata - Strii Parva - Chapter Footnotes
11-25-1 ಕಾಂಭೋಜಾಸ್ತರಣಂ ಕಂಬಲವಿಶೇಷಃ॥ 11-25-3 ಬಾಹೂ ಶುಭತಲಾಂಗುಲೀ ಇತಿ ಝ.ಪಾಠಃ॥ 11-25-6 ದೀಪ್ತಾಂಗದಯುಗಪ್ರತಿನದ್ಧಮಹಾಭುಜಮಿತಿ ಝ.ಪಾಠಃ॥ 11-25-24 ದಾಶಾರ್ಹಪುತ್ರಜಮಿತ್ಯತ್ರ ಪುತ್ರ್ಯಾಮಪಿ ಪುತ್ರಶಬ್ದಃ॥ 11-25-26 ಪಿತರಮಿತಿ ಪಿತೃಪದಸ್ಯಾವೃತ್ತಿಃ ಶೋಕಾಕುಲತ್ವಾನ್ನ ದೋಷಾಯ॥ 11-25-36 ತಯೋರ್ಭೀಷ್ಮವಿದುರಯೋಃ ದರ್ಶನಂ ಅನಾಗತಾವೇಕ್ಷಣಂ॥ 11-25-38 ಜಗಾದಶೌರಿಂ ರೋಷಣೇತಿ ಟ.ಪಾಠಃ॥ 11-25-47 ಅಭ್ಯುತ್ಸ್ಮಯನ್ನೀಷದ್ಧ್ವಂಸಯನ್॥ 11-25-48 ಚೀರ್ಣಂ ಚರಸಿ ಮದನುಷ್ಟಿತಮೇವಾನುತಿಷ್ಠಸಿ। ಸ್ವತಪೋನಾಶಾರ್ಥಮಿತಿ ಭಾವಃ॥ 11-25-25 ಪಂಚವಿಂಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 026
॥ ಶ್ರೀಃ ॥
11.26. ಅಧ್ಯಾಯಃ 026
Mahabharata - Strii Parva - Chapter Topics
ಶೋಕಾದ್ಭುವಿ ಪತಿತಾಯಾ ಗಾಂಧಾರ್ಯಾಃ ಕೃಷ್ಣೇನಾಶ್ವಾಸನಂ॥ 1 ॥ ಯುಧಿಷ್ಠಿರಾಜ್ಞಯಾ ವಿದುರಸಂಜಯಾದಿಭಿರ್ಮೃತಾನಾಂ ದಾಹಕ್ರಿಯಾಕರಣಂ॥ 2 ॥Mahabharata - Strii Parva - Chapter Text
11-26-0 (65567)
ಶ್ರೀಭಗವಾನುವಾಚ। 11-26-0x (5364)
ಉತ್ತಿಷ್ಠೋತ್ತಿಷ್ಠ ಗಾಂಧಾರಿ ಮಾ ಚ ಶೋಕೇ ಮನಃ ಕೃಥಾಃ।
ತವೈವ ಹ್ಯಪರಾಧೇನ ಕುರವೋ ನಿಧನಂ ಗತಾಃ॥ 11-26-1 (65568)
ಯತ್ತ್ವಂ ಪುತ್ರಂ ದುರಾತ್ಮಾನಮೀರ್ಷುಮತ್ಯಂತಮಾನಿನಂ।
ದುರ್ಯೋಧನಂ ಪುರಸ್ಕೃತ್ಯ ದುಷ್ಕೃತಂ ಸಾಧು ಮನ್ಯಸೇ॥ 11-26-2 (65569)
ನಿಷ್ಠುರಂ ವೈರಪುರುಷಂ ವೃದ್ಧಾನಾಂ ಶಾಸನಾತಿಗಂ।
ಕಥಮಾತ್ಮಕೃತಂ ದೋಷಂ ಮಯ್ಯಾಧಾತುಮಿಹೇಚ್ಛಸಿ॥ 11-26-3 (65570)
ಮೃತಂ ವಾ ಯದಿ ವಾ ನಷ್ಟಂ ಯೋಽತೀತಮನುಶೋಚತಿ।
ದುಃಖೇನ ಲಭತೇ ದುಃಖಂ ದ್ವಾವನರ್ಥೌ ಪ್ರಪದ್ಯತೇ॥ 11-26-4 (65571)
ತಪೋರ್ಥೀಯಂ ಬ್ರಾಹ್ಮಣೀ ಧತ್ತ ಗರ್ಭಂ
ಗೌರ್ವೋಢಾರಂ ಧಾವಿತಾರಂ ತುರಂಗೀ।
ಶೂದ್ರಾ ದಾಸಂ ಪಶುಪಾಲಂ ಚ ವೈಶ್ಯಾ
ವಧಾರ್ಥೀಯಂ ತ್ವದ್ವಿಧಾ ರಾಜಪುತ್ರೀ॥ 11-26-5 (65572)
ವೈಶಂಪಾಯನ ಉವಾಚ। 11-26-6x (5365)
ತಚ್ಛ್ರುತ್ವಾ ವಾಸುದೇವಸ್ಯ ಪುನರುಕ್ತಂ ವಚೋಽಪ್ರಿಯಂ।
ತೂಷ್ಣೀಂ ಬಭೂವ ಗಾಂಧಾರೀ ಶೋಕವ್ಯಾಕುಲಲೋಚನಾ॥ 11-26-6 (65573)
ಧೃತರಾಷ್ಟ್ರಸ್ತು ರಾಜರ್ಷಿರ್ನಿಗೃಹ್ಯಾಬುದ್ಧಿಜಂ ತಮಃ।
ಪರ್ಯಪೃಚ್ಛತ ಧರ್ಮಜ್ಞೋ ಧರ್ಮರಾಜಂ ಯುಧಿಷ್ಠಿರಂ॥ 11-26-7 (65574)
ಜೀವತಾಂ ಪರಿಮಾಣಜ್ಞಃ ಸೈನ್ಯಾನಾಮಸಿ ಪಾಂಡವ।
ಹತಾನಾಂ ಯದಿ ಜಾನೀಷೇ ಪರಿಮಾಣಂ ವದಸ್ವಂ ಮೇ॥ 11-26-8 (65575)
ಯುಧಿಷ್ಠಿರ ಉವಾಚ। 11-26-9x (5366)
ದಶಾಯುತಸಹಸ್ರಾಣಿ ಸಹಸ್ರಾಣಿ ಚ ವಿಂಶತಿಃ।
ಕೋಟ್ಯಃ ಷಷ್ಟಿಶ್ಚ ಷಟ್ ಚೈವ ಹ್ಯಸ್ಮಿನ್ರಾಜನ್ಮೃಧೇ ಹತಾಃ॥ 11-26-9 (65576)
ಆಲಕ್ಷಾಣಾಂ ಚ ವೀರಾಣಾಂ ಸಹಸ್ರಾಣಿ ಚತುರ್ದಶ।
ದಶ ಚಾನ್ಯಾನಿ ರಾಜೇಂದ್ರ ಶತಂ ಷಷ್ಟಿಶ್ಚ ಭಾರತ॥ 11-26-10 (65577)
ಧೃತರಾಷ್ಟ್ರ ಉವಾಚ। 11-26-11x (5367)
ಯುಧಿಷ್ಠಿರಗತಿಂ ಕಾಂ ತೇ ಗತಾಃ ಪುರುಷಸತ್ತಮ।
ಆಚಕ್ಷ್ವ ಮೇ ಮಹಾಬಾಹೋ ಸರ್ವಜ್ಞೋ ಹ್ಯಸಿ ಮೇ ಮತಃ॥ 11-26-11 (65578)
ಯುಧಿಷ್ಠಿರ ಉವಾಚ। 11-26-12x (5368)
ಯೈರ್ಹುತಾನಿ ಶರೀರಾಣಿ ಹೃಷ್ಟೈಃ ಪರಮಸಂಯುಗೇ।
ದೇವರಾಜಸಮಾಂʼಲ್ಲೋಕಾನ್ಗತಾಸ್ತೇ ಸತ್ಯವಿಕ್ರಮಾಃ॥ 11-26-12 (65579)
ಯೇ ತ್ವಹೃಷ್ಟೇನ ಮನಸಾ ಮರ್ತವ್ಯಮಿತಿ ಭಾರತ।
ಯುಧ್ಯಮಾನಾ ಹತಾಃ ಸಂಖ್ಯೇ ಗಂಧರ್ವೈಃ ಸಹ ಸಂಗತಾಃ॥ 11-26-13 (65580)
ಯೇ ಚ ಸಂಗ್ರಾಮಭೂಮಿಷ್ಠಾ ಯಾಚಮಾನಾಃ ಪರಾಙ್ಮುಖಾಃ।
ಶಸ್ತ್ರೇಣ ನಿಧನಂ ಪ್ರಾಪ್ತಾ ಗತಾಸ್ತೇ ಗುಹ್ಯಕಾನ್ಪ್ರತಿ॥ 11-26-14 (65581)
ಪಾತ್ಯಮಾನಾಃ ಪರೈರ್ಯೇ ತು ಹೀಯಮಾನಾ ನಿರಾಯುಧಾಃ।
ಹೀನಿಷೇವಾ ಮಹಾತ್ಮಾನಃ ಪರಾನಭಿಮುಖಾ ರಣೇ॥ 11-26-15 (65582)
ಛಿದ್ಯಮಾನಾಃ ಶಿತೈಃ ಶಸ್ತ್ರೈಃ ಕ್ಷತ್ರಧರ್ಮಪರಾಯಣಾಃ।
ಹತಾಸ್ತೇ ಬ್ರಹ್ಮಸದನಂ ಗತಾ ವೀರಾಃ ಸುವರ್ಚಸಃ॥ 11-26-16 (65583)
ಯೇ ತ್ವತ್ರ ನಿಹತಾ ರಾಜನ್ನಂತರಾಯೋಧನಂ ಪ್ರತಿ।
ಯಥಾಕಥಂಚಿತ್ಪುರುಷಾಸ್ತೇ ಗತಾ ಹ್ಯುತ್ತರಾಂ ಗತಿಂ॥ 11-26-17 (65584)
ಧೃತರಾಷ್ಟ್ರ ಉವಾಚ। 11-26-18x (5369)
ಕೇನ ಜ್ಞಾನಬಲೇನೈವ ಪುತ್ರ ಪಶ್ಯಸಿ ಸಿದ್ಧವತ್।
ತನ್ಮೇ ವದ ಮಹಾಬಾಹೋ ಶ್ರೋತವ್ಯಂ ಯದಿ ವೈ ಮಯಾ॥ 11-26-18 (65585)
ಯುಧಿಷ್ಠಿರ ಉವಾಚ। 11-26-19x (5370)
ನಿದೇಶಾದ್ಭವತಃ ಪೂರ್ವಂ ವನೇ ವಿಚರತಾ ಮಯಾ।
ತೀರ್ಥಯಾತ್ರಾಪ್ರಸಂಗೇನ ಸಂಪ್ರಾಪ್ತೋಽಯಮನುಗ್ರಹಃ॥ 11-26-19 (65586)
ದೇವರ್ಷಿರ್ಲೋಮಶೋ ದೃಷ್ಟಸ್ತತಃ ಪ್ರಾಪ್ತೋಽಸ್ಂಯನುಸ್ಮೃತಿಂ।
ದಿವ್ಯಂ ಚಕ್ಷುರಪಿ ಪ್ರಾಪ್ತಂ ಜ್ಞಾನಯೋಗೇನ ವೈ ಪುರಾ॥ 11-26-20 (65587)
ಧೃತರಾಷ್ಟ್ರ ಉವಾಚ। 11-26-21x (5371)
ಯೇ ತ್ವನಾಥಾ ಜನಾಸ್ತಾತ ನಾಥವಂತಶ್ಚ ಪಾಣ಼್ಡವ।
ಕಚ್ಚಿತ್ತೇಷಾಂ ಶರೀರಾಣಿ ಧಕ್ಷ್ಯಂತಿ ವಿಧಿಪೂರ್ವಕಂ॥ 11-26-21 (65588)
ಯುಧಿಷ್ಠಿರ ಉವಾಚ। 11-26-22x (5372)
ನ ಯೇಷಾಂ ಶಾಂತಿಕರ್ತಾರೋ ನ ಚ ಯೇಽತ್ರಾಹಿತಾಗ್ನಯಃ।
ವಯಂ ಚ ತೇಷಾಂ ಕುರ್ಯಾಮೋ ಬಹುತ್ವಾತ್ತಾತ ಕರ್ಮಣಾಂ॥ 11-26-22 (65589)
ಯಾನ್ಸುಪರ್ಣಾಶ್ಚ ಗುಧ್ರಾಶ್ಚ ವಿಕರ್ಷಂತಿ ತತಸ್ತತಃ।
ತೇಷಾಂ ಸಂಕರ್ಷಣಾ ಲೋಕಾ ಭವಿಷ್ಯಂತಿ ನ ಸಂಶಯಃ॥ 11-26-23 (65590)
ವೈಶಂಪಾಯನ ಉವಾಚ। 11-26-24x (5373)
ಏವಮುಕ್ತ್ವಾ ಮಹಾರಾಜ ಕುಂತೀಪುತ್ರೋ ಯುಧಿಷ್ಠಿರಃ।
ಆದಿದೇಶ ಸುಧರ್ಮಾಣಂ ಧೌಂಯಂ ಸೂತಂ ಚ ಸಂಜಯಂ॥ 11-26-24 (65591)
ವಿದುರಂ ಚ ಮಹಾಬುದ್ಧಿಂ ಯುಯುತ್ಸುಂ ಚೈವ ಕೌರವಂ।
ಇಂದ್ರಸೇನಮುಖಾನ್ಭೃತ್ಯಾನ್ಸೂತಾಂಶ್ಚೈವ ಸಹಸ್ರಶಃ॥ 11-26-25 (65592)
ಭವಂತಃ ಕಾರಯಂತ್ವೇಷಾಂ ಪ್ರೇತಕಾರ್ಯಾಣ್ಯಶೇಷತಃ।
ಯಥಾ ನಾಥವತಾಂ ಕಿಂಚಿಚ್ಛರೀರಂ ನ ವಿನಶ್ಯತಿ॥ 11-26-26 (65593)
ಶಾಸನಾದ್ಧರ್ಮರಾಜಸ್ಯ ಕ್ಷತ್ತಾ ಸೂತಶ್ಚ ಸಂಜಯಃ।
ಸುಧರ್ಮಾ ಧೌಂಯಸಹಿತ ಇಂದ್ರಸೇನಾದಯಸ್ತಥಾ॥ 11-26-27 (65594)
ಚಂದನಾಗುರುಕಾಷ್ಠಾನಿ ತಥಾ ಕಾಲೀಯಕಾನ್ಯುತ।
ಘೃತಂ ತೈಲಂ ಚ ಗಂಧಾಂಶ್ಚ ಕ್ಷೌಮಾಣಿ ವಸನಾನಿ ಚ॥ 11-26-28 (65595)
ಸಮಾಹೃತ್ಯ ಮಹಾರ್ಹಾಣಿ ದಾರುಣಾಂ ಚೈವ ಸಂಚಯಾನ್।
ರಥಾಂಶ್ಚ ಮೃದಿತಾಸ್ತತ್ರ ನಾನಾಪ್ರಹರಣಾನಿ ಚ॥ 11-26-29 (65596)
ಚಿತಾಃ ಕೃತ್ವಾ ಪ್ರಯತ್ನೇನ ಯಥಾಮುಖ್ಯಾನ್ನರಾಧಿಪಾನ್।
ದಾಹಯಾಮಾಸುರವ್ಯಾಗ್ರಾಃ ಶಾಸ್ತ್ರದೃಷ್ಟೇನ ಕರ್ಮಣಾ॥ 11-26-30 (65597)
ದುರ್ಯೋಧನಂ ಚ ರಾಜಾನಂ ಭ್ರಾತೄಂಶ್ಚಾಸ್ಯ ಕರ್ಮಣಾ॥
ಶಲ್ಯಂ ಶಲಂ ಚ ರಾಜಾನಂ ಭೂರಿಶ್ರವಸಮೇವ ಚ॥ 11-26-31 (65598)
ಜಯದ್ರಥಂ ಚ ರಾಜಾನಮಭಿಮನ್ಯುಂ ಚ ಭಾರತ।
ದೌಃಶಾಸನಿಂ ಲಕ್ಷ್ಮಣಂ ಚ ಧೃಷ್ಟಕೇತುಂ ಚ ಪಾರ್ಥಿವಂ॥ 11-26-32 (65599)
ಬೃಹದ್ವಲಂ ಸೋಮದತ್ತಂ ಸೃಂಜಯಂ ಚ ಮಹಾರಥಂ।
ರಾಜಾನಂ ಕ್ಷೇಮಧನ್ವಾನಂ ವಿರಾಟದ್ರುಪದೌ ತಥಾ॥ 11-26-33 (65600)
ಶಿಖಂಡಿನಂ ಚ ಪಾಂಚಾಲ್ಯಂ ಧೃಷ್ಟದ್ಯುಂನಂ ಚ ಪಾರ್ಷತಂ।
ಯುಧಾಮನ್ಯುಂ ಚ ವಿಕ್ರಾಂತಮುತ್ತಮೌಜಸಮೇವ ಚ॥ 11-26-34 (65601)
ಕೌಸಲ್ಯಂ ದ್ರೌಪದೇಯಾಂಶ್ಚ ಶಕುನಿಂ ಚಾಪಿ ಸೌಬಲಂ।
ಅಚಲಂ ವೃಷಕಂ ಚೈವ ಭಗದತ್ತೇ ಚ ಪಾರ್ಥಿವಂ॥ 11-26-35 (65602)
ಕರ್ಣಂ ವೈಕರ್ತನಂ ಚೈವ ಸಹಪುತ್ರಮಮರ್ಷಣಂ।
ಕೇಕಯಾಂಶ್ಚ ಮಹೇಷ್ವಾಸಾಂಸ್ತ್ರಿಗರ್ತಾಂಶ್ಚ ಮಹಾರಥಾನ್॥ 11-26-36 (65603)
ಘಟೋತ್ಕಚಂ ರಾಕ್ಷಸೇಂದ್ರಂ ಬಕಭ್ರಾತರಮೇವ ಚ।
ಅಲಂಬುಸಂ ರಾಕ್ಷಸೇಂದ್ರಂ ಜಲಸಂಧಂ ಚ ಪಾರ್ಥಿವಂ॥ 11-26-37 (65604)
ಏತಾಂಶ್ಚಾನ್ಯಾಂಸ್ಚ ಸುಬಹೂನ್ಪಾರ್ಥಿವಾಂಶ್ಚ ಸಹಸ್ರಶಃ।
ಧೃತಧಾರಾಹುತೈರ್ದೀಪ್ತೈಃ ಪಾವಕೈಃ ಸಮದಾಹಯನ್। 11-26-38 (65605)
ಪಿತೃಮೇಧಾಶ್ಚ ಕೇಷಾಂಚಿತ್ಪ್ರಾವರ್ತಂತ ಮಹಾತ್ಮನಾಂ।
ಸಾಮಭಿಶ್ಚಾಪ್ಯಗಾಯಂತ ತೇಽನ್ವಶಾಸತ ಚಾಪರೈಃ॥ 11-26-39 (65606)
ಸಾಂನಾಮೃಚಾಂ ಚ ನಾದೇನ ಸ್ತ್ರೀಣಾಂ ಚ ರುದಿತಸ್ವನೈಃ।
ಕಶ್ಮಲಂ ಸರ್ವಭೂತಾನಾಂ ನಿಶಾಯಾಂ ಸಮಪದ್ಯತ॥ 11-26-40 (65607)
ಹುತಾಶ್ಚ ತತ್ಪ್ರದೀಪ್ತಾಶ್ಚ ದೀಪ್ಯಮಾನಾಶ್ಚ ಪಾವಕಾಃ।
ನಭಸೀವಾನ್ವದೃಶ್ಯಂತ ಗ್ರಹಾಸ್ತನ್ವಭ್ರಸಂವೃತಾಃ॥ 11-26-41 (65608)
ಯೇ ಚಾಪ್ಯನಾಥಾಸ್ತತ್ರಾಸನ್ನಾನಾದೇಶಸಮಾಗತಾಃ।
ತಾಂಶ್ಚ ಸರ್ವಾನ್ಸಮಾನೀಯ ರಾಶೀಕೃತ್ವಾ ಸಹಸ್ರಶಃ॥ 11-26-42 (65609)
ಚಿತ್ವಾ ದಾರುಭಿರವ್ಯಗ್ರೈಃ ಪ್ರಭೂತೈಃ ಸ್ನೇಹಪಾಚಿತೈಃ।
ದಾಹಯಾಮಾಸ ತಾನ್ಸರ್ವಾನ್ವಿದುರೋ ರಾಜಶಾಸನಾತ್॥ 11-26-43 (65610)
ಕಾರಯಿತ್ವಾ ಕ್ರಿಯಾಸ್ತೇಷಾಂ ಕುರುರಾಜೋ ಯುಧಿಷ್ಠಿರಃ।
ಧೃತರಾಷ್ಟ್ರಂ ಪುರಸ್ಕೃತ್ಯ ಗಂಗಾಮಭಿಮುಖೋಽಗಮತ್॥ ॥ 11-26-44 (65611)
ಇತಿ ಶ್ರೀಮನ್ಮಹಾಭಾರತೇ ಸ್ತ್ರೀಪರ್ವಣಿ ಶ್ರಾದ್ಧಪರ್ವಣಿ ಷಡ್ವಿಂಶೋಽಧ್ಯಾಯಃ॥ 26 ॥
Mahabharata - Strii Parva - Chapter Footnotes
11-26-2 ದುಷ್ಕೃತಂ ದುರಾಚರಿತಂ ಸ್ವಕೀಯಂ॥ 11-26-3 ವೈರಪ್ರಿಯಂ ಪುರುಷಂ xxxxಷಂ॥ 11-264- ದ್ವೌ ಪೂರ್ವಾಪರದುಃಖದ್ವಯರೂಪೌ॥ 11-26-5 ತಪೋರೂಪಾಯಾರ್ಥಾಯ ಉತ್ಪನ್ನಂ ತಪೋರ್ಥೀಯಂ। ತ್ವದ್ವಿಧಾ ವಧಾರ್ಥೀಯಮೇವ ಗರ್ಭಂ ಧತ್ತೇ। ಅನ್ಯಾ ತು ಜಯಾರ್ಥೀಯಂ ಕೀರ್ತ್ಯಾದ್ಯರ್ಥೀಯಮಪೀತಿ ಭಾವಃ। ತಪೋರ್ಥಿನಂ, ವಧಾರ್ಥಿನಂ ಇತಿ ಕ.ಪಾಠಃ॥ 11-26-17 ತೇ ಗತಾಸ್ತೂತ್ತರಾನ್ಕುರೂನಿತಿ ಛ.ಪಾಠಃ। ತೇ ಗತಾಸ್ತೂತ್ತಮಾಂ ಗತಿಮಿತಿ ಟ.ಪಾಠಃ। ತೇ ಗತಾ ಹ್ಯಧಮಾಂ ಗತಿಮಿತಿ ಕ.ಪಾಠಃ॥ 11-26-24 ಸುಧರ್ಮಾಣಂ ದುರ್ಯೋಧನಪುರೋಹಿತಂ॥ 11-26-43 ಸ್ನೇಹಪಾಚಿತೈಃ ಸ್ನೇಹಸಂಯುಕ್ತೈಃ॥ 11-26-26 ಷಡ್ವಿಂಶೋಽಧ್ಯಾಯಃ॥ಸ್ತ್ರೀಪರ್ವ - ಅಧ್ಯಾಯ 027
॥ ಶ್ರೀಃ ॥
11.27. ಅಧ್ಯಾಯಃ 027
Mahabharata - Strii Parva - Chapter Topics
ಮೃತಾನಾಮುದಕದಾನಾಯ ಧೃತರಾಷ್ಟ್ರಯುಧಿಷ್ಠಿರಾದಿಭಿರ್ಗಂಗಾತೀರಗಮನಂ॥ 1 ॥ ಉದಕದಾನಾರಂಭೇ ಕುಂತ್ಯಾ ಯುಧಿಷ್ಠಿರಂಪ್ರತಿ ಕರ್ಣಸ್ಯ ಸ್ವಪುತ್ರತ್ವಕಥನಪೂರ್ವಕಂ ತಸ್ಯಾ ಉದಕದಾನಚೋದನಾ॥ 2 ॥ ಧೃತರಾಷ್ಟ್ರಯುಧಿಷ್ಠಿರಾದಿಭಿರ್ಬಂಧುಭ್ಯೋ ಜಲದಾನಂ॥ 3 ॥Mahabharata - Strii Parva - Chapter Text
11-27-0 (65612)
ವೈಶಂಪಾಯನ ಉವಾಚ। 11-27-0x (5374)
ತೇ ಸಮಾಸಾದ್ಯ ಗಂಗಾಂ ತು ಶಿವಾಂ ಪುಣ್ಯಜಲಾನ್ವಿತಾಂ।
ಹ್ಲಾದಿನೀಂ ಚ ಪ್ರಸನ್ನಾಂ ಚ ಮಹಾರೂಪಾಂ ಮಹಾವನಾಂ॥ 11-27-1 (65613)
ಭೂಷಣಾನ್ಯುತ್ತರೀಯಾಣಿ ವೇಷ್ಟನಾನ್ಯವಮುಚ್ಯ ಚ।
`ಕವಚಾನಿ ವಿಚಿತ್ರಾಣಿ ಗಂಗಾಮವಜಗಾಹಿರೇ'॥ 11-27-2 (65614)
ತತಃ ಪಿತೄಣಾಂ ಭ್ರಾತೄಣಾಂ ಪೌತ್ರಾಣಾಂ ಸ್ವಜನಸ್ಯ ಚ।
ಪುತ್ರಾಣಾಮಾರ್ಯಕಾಣಾಂ ಚ ಪತೀನಾಂ ಚ ಕುರುಸ್ತ್ರಿಯಃ॥ 11-27-3 (65615)
ಉದಕಂ ಚಕ್ರಿರೇ ಸರ್ವಾ ರುದಂತ್ಯೋ ಭೃಶದುಃಖಿತಾಃ।
ಸುಹೃದಾಂ ಚಾಪಿ ಧರ್ಮಜ್ಞಾಃ ಪ್ರಚಕ್ರುಃ ಸಲಿಲಕ್ರಿಯಾಂ॥ 11-27-4 (65616)
ಉದಕೇ ಕ್ರಿಯಮಾಣೇ ತು ವೀರಾಣಾಂ ವಿರಪತ್ನಿಭಿಃ।
ಸೂಪತೀರ್ಥಾಽಭವದ್ಗಂಗಾ ಭೂಯೋ ವಿಪ್ರಸಸಾರ ಚ॥ 11-27-5 (65617)
ತನ್ಮಹೋದಧಿಸಂಕಾಶಂ ನಿರಾನಂದಮನುತ್ಸವಂ।
ವೀರಪತ್ನೀಭಿರಾಕೀರ್ಣಂ ಗಂಗಾತೀರಮಶೋಭತ॥ 11-27-6 (65618)
ತತಃ ಕುಂತೀ ಮಹಾರಾಜ ರುದಂತೀ ಶೋಕಕರ್ಶಿತಾ।
ವ್ರೀಡಯಾ ಮಂದಯಾ ವಾಚಾ ಪುತ್ರಾನ್ವಚನಮಬ್ರವೀತ್॥ 11-27-7 (65619)
ಯಃ ಸ ವೀರೋ ಮಹೇಷ್ವಾಸೋ ರಥಯೂಥಪಯೂಥಪಃ।
ಅರ್ಜುನೇನ ಹತಃ ಸಂಖ್ಯೇ ವೀರಲಕ್ಷಣಲಕ್ಷಿತಃ॥ 11-27-8 (65620)
ಯಂ ಸೂತಪುತ್ರಂ ಮನ್ಯಧ್ವಂ ರಾಧೇಯಮಿತಿ ಪಾಂಡವಾಃ।
ಯೋ ವ್ಯರಾಜಚ್ಚಮೂಮಧ್ಯೇ ದಿವಾಕರ ಇವ ಪ್ರಭುಃ॥ 11-27-9 (65621)
ಪ್ರತ್ಯಯುಧ್ಯತ ವಃ ಸರ್ವಾನ್ಪುರಾ ಯಃ ಸಪದಾನುಗಾನ್।
ದುರ್ಯೋಧನಬಲಂ ಸರ್ವಂ ಯಃ ಪ್ರಕರ್ಷನ್ವ್ಯರೋಚತ॥ 11-27-10 (65622)
ಯಸ್ಯ ನಾಸ್ತಿ ಸಮೋ ವೀರ್ಯೇ ಪೃಥಿವ್ಯಾಮಪಿ ಕಶ್ಚನ।
ಯೋ ವೃಣೀತ ಯಶಃ ಶೂರಃ ಪ್ರಾಣೈರಪಿ ಸದಾ ಭುವಿ॥ 11-27-11 (65623)
ಕರ್ಣಸ್ಯ ಸತ್ಯಸಂಧಸ್ಯ ಸಂಗ್ರಾಮೇಷ್ವಪಲಾಯಿನಃ।
ಕುರುಧ್ವಮುದಕಂ ತಸ್ಯ ಭ್ರಾತುರಕ್ಲಿಷ್ಟಕರ್ಮಣಃ॥ 11-27-12 (65624)
ಸ ಹಿ ವಃ ಪೂರ್ವಜೋ ಭ್ರಾತಾ ಭಾಸ್ಕರಾನ್ಮಯ್ಯಜಾಯತ।
ಕುಂಡಲೀ ಕವಚೀ ಶೂರೋ ದಿವಾಕರಸಮಪ್ರಭಃ॥ 11-27-13 (65625)
ಶ್ರುತ್ವಾ ತು ಪಾಂಡವಾಃ ಸರ್ವೇ ಮಾತುರ್ವಚನಮಪ್ರಿಯಂ।
ಕರ್ಣಮೇವಾನುಶೋಚಂತೋ ಭೂಯಶ್ಚಾತ್ಯಾತುರಾ ಭವನ್॥ 11-27-14 (65626)
ತತಃ ಸ ಪುರುಷವ್ಯಾಘ್ರಃ ರುಂತೀಪುತ್ರೋ ಯುಧಿಷ್ಠಿರಃ।
ಉವಾಚ ಮಾತರಂ ವೀರೋ ನಿಃಶ್ವಸನ್ನಿವ ಪನ್ನಗಃ॥ 11-27-15 (65627)
ಯಃ ಶರೋರ್ಮಿರ್ಧ್ವಜಾವರ್ತೋ ಮಹಾಭುಜಮಹಾಗ್ರಹಃ।
ತಲಶಬ್ದಪ್ರಣುದಿತೋ ಮಹಾರಥಮಹಾಗ್ರಹಃ॥ 11-27-16 (65628)
ಯಸ್ಯೇಷುಪಾತಮಾಸಾದ್ಯ ಕೋಽನ್ಯಸ್ತಿಷ್ಠೇದ್ಧನಂಜಯಾತ್।
ಕಥಂ ಪುತ್ರೋ ಭವತ್ಯಾಃ ಸ ದೇವಗರ್ಭಃ ಪುರಾಽಭವತ್।
`ಕುಂಡಲೀ ಕವಚೀ ಶೂರೋ ದಿವಾಕರಸಮಪ್ರಭಃ॥ 11-27-17 (65629)
ಯಸ್ಯ ಬಾಹುಪ್ರತಾಪೇನ ತಾಪಿತಾಃ ಸರ್ವತೋ ವಯಂ।
ತಮಗ್ನಿಮಿವ ವಸ್ತ್ರೇಣ ಕಥಂ ಛಾದಿತವತ್ಯಸಿ॥ 11-27-18 (65630)
ಯಸ್ಯ ಬಾಹುಪ್ರಭಾವೇನ ವೈರಮಸ್ಮಾಸ್ವರೋಚಯತ್।
ಸುಯೋಧನಸ್ತು ತಂ ಜ್ಯೇಷ್ಠಂ ಕಥಂ ನೋದಿತವತ್ಯಸಿ॥ 11-27-19 (65631)
ತಥಾ ಕರ್ಣಂ ಮಹೇಷ್ವಾಸಂ ಧಾರ್ತರಾಷ್ಟ್ರೈರುಪಾಸಿತಂ।
ಉಪಾಸಿತಂ ಯಥಾಽಸ್ಮಾಭಿರ್ಬಲಂ ಗಾಂಡೀವಧನ್ವನಃ॥ 11-27-20 (65632)
ಭೂಮಿಪಾನಾಂ ಚ ಸರ್ವೇಷಾಂ ಬಲಂ ಬಲವತಾಂ ವರಃ।
ನಾನ್ಯಃ ಕುಂತೀಸುತಾತ್ಕರ್ಣಾದಗೃಹ್ಣಾದ್ರಥಿನೋ ರಥೀ॥ 11-27-21 (65633)
ಸ ನಃ ಪ್ರಥಮಜೋ ಭ್ರಾತಾ ಸರ್ವಶಸ್ತ್ರಭೃತಾಂ ವರಃ।
ಅಸೂತ ತಂ ಭವತ್ಯಗ್ರೇ ಕಥಮದ್ಭುತವಿಕ್ರಮಂ॥ 11-27-22 (65634)
ಅಹೋ ಭವತ್ಯಾ ಮಂತ್ರಸ್ಯ ಗೂಹನೇನ ವಯಂ ಹತಾಃ।
ನಿಧನೇನ ಹಿ ಕರ್ಣಸ್ಯ ಪೀಡಿತಾಸ್ತು ಸಬಾಂಧವಾಃ॥ 11-27-23 (65635)
ಅಭಿಮನ್ಯೋರ್ವಿನಾಶೇನ ದ್ರೌಪದೇಯವಧೇನ ಚ।
ಪಾಂಚಾಲಾನಾಂ ವಿನಾಶೇನ, ಕುರೂಣಾಂ ಘಾತನಾದಪಿ॥ 11-27-24 (65636)
ತತಃ ಶತಗುಣಂ ದುಃಖಮಿದಮಾಪತಿತಂ ಮಹತ್।
ಕರ್ಣಮೇವಾನುಶೋಚಾಪಿ ದಹ್ಯಾಂಯಗ್ನಾವಿವಾಹಿತಃ॥ 11-27-25 (65637)
ನೇಹ ಸ್ಮ ಕಿಂಚಿದಪ್ರಾಪ್ಯ ಭವೇದಪಿ ದಿವಿ ಸ್ಥಿತಂ।
ನ ಚೇದಂ ವೈಶಸಂ ಘೋರಕಂ ಕೌರವಾಂತಕರಂ ಭವೇತ್॥ 11-27-26 (65638)
ಏವಂ ವಿಲಪ್ಯ ಬಹುಲಂ ಧರ್ಮರಾಜೋ ಯುಧಿಷ್ಠಿರಃ।
ವ್ಯರುದಚ್ಛನಕೈಃ ರಾಜಂಶ್ಚಕಾರಾಸ್ಯೋದಕಂ ಪ್ರಭುಃ॥ 11-27-27 (65639)
ತತೋ ವಿನೇದುಃ ಸಹಸಾ ಸ್ತ್ರಿಯಸ್ತಾಃ ಖಲು ಸರ್ವಶಃ।
ಅಭಿತೋ ಯಾಃ ಸ್ಥಿತಾಸ್ತತ್ರ ತಸ್ಮಿನ್ನುದಕಕರ್ಮಣಿ॥ 11-27-28 (65640)
ತತ ಆನಾಯಯಾಮಾಸ ಕರ್ಣಸ್ಯ ಸಪರಿಚ್ಛದಾಃ।
ಸ್ತ್ರಿಯಃ ಕುರುಪತಿರ್ಧೀಮಾನ್ಭ್ರಾತುಃ ಪ್ರೇಂಣಾ ಯುಧಿಷ್ಠಿರಃ॥ 11-27-29 (65641)
ಸ ತಾಭಿಃ ಸಹ ಧರ್ಮಾತ್ಮಾ ಪ್ರೇತಕೃತ್ಯಮನಂತರಂ।
`ಸರ್ವಂ ಚಕಾರ ಕರ್ಣಸ್ಯ ವಿಧಿವದ್ಭೂರಿದಕ್ಷಿಣಂ॥ 11-27-30 (65642)
ಸ ರಾಜಾ ಧೃತರಾಷ್ಟ್ರಶ್ಚ ಕೃತ್ವಾ ಜಲಮತಂದ್ರಿತಃ।
ಸಮುತ್ತತಾರ ಗಂಗಾಯಾ ಭಾರ್ಯಯಾ ಸಹ ಭಾರತ॥' 11-27-31 (65643)
[ಪಾಪೇನಾಸೌ ಮಯಾ ಶ್ರೇಷ್ಠೋ ಭ್ರಾತಾ ಜ್ಞಾತಿರ್ನಿಪಾತಿತಃ।
ಅತೋ ಮನಸಿ ಯದ್ಗುಹ್ಯಂ ಸ್ತ್ರೀಣಾಂ ತನ್ನ ಭವಿಷ್ಯತಿ॥ 11-27-32 (65644)
ಇತ್ಯುಕ್ತ್ವಾ ಸ ತು ಗಂಗಾಯಾ ಉತ್ತತಾರಾಕುಲೇಂದ್ರಿಯಃ।
ಭ್ರಾತೃಭಿಃ ಸಹಿತಃ ಸರ್ವೈರ್ಗಂಗಾತೀರಮುಪೇಯಿವಾನ್॥] ॥ 11-27-33 (65645)
ಇತಿ ಶ್ರೀಮನ್ಮಹಾಭಾರತೇ ಶತಸಾಹಸ್ರಿಕಾಯಾಂ ಸಂಹಿತಾಯಾಂ ವೈಯಾಸಿಕ್ಯಾಂ ಸ್ತ್ರೀಪರ್ವಣಿ ಶ್ರಾದ್ಧಪರ್ವಣಿ ಸಪ್ತವಿಂಶೋಽಧ್ಯಾಯಃ॥ 27 ॥
ಅತಃ ಪರಂಶಾಂತಿಪರ್ವ ಭವಿಷ್ಯತಿ ತಸ್ಯಾಯಮಾದ್ಯಃ ಶ್ಲೋಕಃ। 11-27-1 (65646)
11-27-1x (5375)
ವೈಶಂಪಾಯನ ಉವಾಚ।
ಕೃತ್ವೋದಕಂ ತೇ ಸುಹೃದಾಂ ಸರ್ವೇಷಾಂ ಪಾಂಡುನಂದನಾಃ।
ವಿದುರೇ ಧೃತರಾಷ್ಟ್ರಶ್ಚ ಸರ್ವಾಶ್ಚ ಭರತಸ್ತ್ರಿಯಃ॥