Kumbhaghonam Edition in Tamil Script
10. ஸௌப்திகபர்வ
ஸௌப்திகபர்வ - அத்⁴யாய 001
॥ ஶ்ரீ: ॥
10.1. அத்⁴யாய: 001
Mahabharata - Sauptika Parva - Chapter Topics
ஸஞ்ஜயத்⁴ருʼதராஷ்ட்ரயோ: ஸம்ʼலாப:॥ 1 ॥ த்³ரௌணிக்ருʼபக்ருʼதவர்மபி⁴ர்வனமத்⁴யமேத்ய ந்யக்³ரோத⁴ஸ்யாத⁴ஸ்தாது³பவேஶனம்॥ 2 ॥ தத்ர ராத்ரௌ கூ⁴கேன ப³ஹுகாகாவத⁴த³ர்ஶினா த்³ரௌணினா தத்³வத்ஸ்வேனாபி பாண்ட³வவத⁴னிர்தா⁴ரணம்॥ 3 ॥ தத: க்ருʼபக்ருʼதவர்மாணௌ ஸமுத்³பௌ³த்⁴ய ஸ்வகர்தவ்யகத²னப்ரார்த²னா॥ 4 ॥Mahabharata - Sauptika Parva - Chapter Text
10-1-0 (63944)
ஶ்ரீவேத³வ்யாஸாய நம:। 10-1-0x (5260)
நாராயணம்ʼ நமஸ்க்ருʼத்ய நரம்ʼ சைவ நரோத்தமம்।
தே³வீம்ʼ ஸரஸ்வதீம்ʼ வ்யாஸம்ʼ ததோ ஜயமுதீ³ரயேத்॥ 10-1-1 (63945)
ஸஞ்ஜய உவாச। 10-1-1x (5261)
ததஸ்தே ஸஹிதா: ஸர்வே ப்ரயாதா த³க்ஷிணாமுகா²:।
உபாஸ்தமயவேலாயாம்ʼ ஶிபி³ராப்⁴யாஶமாக³தா:॥ 10-1-1 (63946)
விமுச்ய வாஹாம்ʼஸ்த்வரிதா பீ⁴தா: ஸமனுபோ³த⁴னாத்।
க³ஹனம்ʼ தே³ஶமாஸாத்³ய ப்ரச்ச²ன்னா ந்யவிஶந்த தே॥ 10-1-2 (63947)
ஸேனானிவேஶமபி⁴தோ நாதிதூ³ரமவஸ்தி²தா:।
[நிக்ருʼத்தா நிஶிதை: ஶஸ்த்ரை: ஸமந்தாத்க்ஷதவிக்ஷதா:।]
தீ³ர்க⁴முஷ்ணம்ʼ ச நி:ஶ்வஸ்ய பாண்ட³வானந்வசிந்தயன்॥ 10-1-3 (63948)
ஶ்ருத்வா ச நினத³ம்ʼ கோ⁴ரம்ʼ பாண்ட³வானாம்ʼ ஜயைஷிணாம்।
அனுஸாரப⁴யாத்³பீ⁴தா: ப்ராங்முகா²: ப்ராத்³ரவன்புன:॥ 10-1-4 (63949)
தே முஹூர்தாத்ததோ க³த்வா ஶ்ராந்தவாஹா பிபாஸிதா:।
நாம்ருʼஷ்யந்த மஹேஷ்வாஸா: க்ரோதா⁴மர்ஷவஶங்க³தா:॥ 10-1-5 (63950)
ராஜ்ஞோ வதே⁴ந ஸந்தப்தா முஹூர்தம்ʼ ஸமவஸ்தி²தா:॥ 10-1-6 (63951)
த்⁴ருʼதராஷ்ட்ர உவாச। 10-1-7x (5262)
அஶ்ரத்³தே⁴யமித³ம்ʼ கர்ம க்ருʼதம்ʼ மீமேன ஸஞ்ஜய।
யத்ஸ நாகா³யுதப்ராண: புத்ரோ மம நிபாதித:॥ 10-1-7 (63952)
அவத்⁴ய: ஸர்வபூ⁴தானாம்ʼ வஜ்ரஸம்ʼஹனநோ யுவா।
பாண்ட³வை: ஸமரே புத்ரோ நிஹதோ மம நிபாதித:॥ 10-1-8 (63953)
ந தி³ஷ்டமப்⁴யதிக்ராந்தும்ʼ ஶக்யம்ʼ கா³வல்க³ணே நரை:।
யத்ஸமேத்ய ரணே பார்தை²: புத்ரோ மம நிபாதித:॥ 10-1-9 (63954)
அத்³ரிஸாரமயம்ʼ நூனம்ʼ ஹ்ருʼத³யம்ʼ மம ஸஞ்ஜய।
ஹதம்ʼ புத்ரஶதம்ʼ ஶ்ருத்வா யன்ன தீ³ர்ணம்ʼ ஸஹஸ்ரதா⁴॥ 10-1-10 (63955)
கத²ம்ʼ ஹி வ்ருʼத்³த⁴மிது²நம்ʼ ஹதபுத்ரம்ʼ ப⁴விஷ்யதி।
ந ஹ்யஹம்ʼ பாண்டு³புத்ரஸ்ய விஷயே வஸ்துமுத்ஸஹே॥ 10-1-11 (63956)
கத²ம்ʼ ராஜ்ஞ: பிதா பூ⁴த்வா ஸ்வயம்ʼ ராஜா ச ஸஞ்ஜய।
ப்ரேஷ்யபூ⁴த: ப்ரவர்தேயம்ʼ பாண்ட³வேயஸ்ய ஶாஸனாத்॥ 10-1-12 (63957)
ப்ரபு⁴ஜ்ய ப்ருʼதி²வீம்ʼ ஸர்வாம்ʼ ஸ்தி²தா மூர்த⁴னி ஸஞ்ஜய।
கத²மத்³ய ப⁴விஷ்யாமி ஶ்ரோதும்ʼ ஶக்ஷ்யாமி ஸஞ்ஜய। 10-1-13 (63958)
யேன புத்ரஶதம்ʼ பூர்ணமேகேன நிஹதம்ʼ மம॥
க்ருʼதம்ʼ ஸத்யம்ʼ வசஸ்தஸ்ய விது³ரஸ்ய மஹாத்மன:। 10-1-14 (63959)
அகுர்வதா வசஸ்தஸ்ய மம புத்ரேண ஸஞ்ஜய॥
அத⁴ர்மேண ஹதே தாத புத்ரே து³ர்யோத⁴னே மம। 10-1-15 (63960)
க்ருʼதவர்மா க்ருʼபோ த்³ரௌணி: கிமகுர்வத ஸஞ்ஜய॥ 10-1-16 (63961)
ஸஞ்ஜய உவாச। 10-1-17x (5263)
க³த்வா து தாவகா ராஜன்னாதிதூ³ரம்ʼ மனஸ்வின:।
அபஶ்யந்த வனம்ʼ கோ⁴ரம்ʼ நானாத்³ருமலதாவ்ருʼதம்॥ 10-1-17 (63962)
தே முஹூர்தம்ʼ து விஶ்ரம்ய லப்³த⁴தோயைர்ஹயோத்தமை:।
ஸூர்யாஸ்தமயவேலாயாம்ʼ கௌரவேயஸ்ய ஶாஸனாத்॥ 10-1-18 (63963)
நானாம்ருʼக³க³ணைர்ஜுஷ்டம்ʼ நானாபக்ஷிபி⁴ராகுலம்।
நானாத்³ருமலதாச்ச²ன்னம்ʼ நானாவ்யாலனிஷேவிதம்॥ 10-1-19 (63964)
நானாதோயஸமாகீர்ணைஸ்தடாகைருபஶோபி⁴தம்।
பத்³மினீஶதஸஞ்ச²ன்னம்ʼ நீலோத்பலஸமாயுதம்॥ 10-1-20 (63965)
ப்ரவிஶ்ய தத்³வனம்ʼ கோ⁴ரம்ʼ வீக்ஷமாணா: ஸமந்தத:।
ஶாகா²ஸஹஸ்ரஸஞ்ச²ன்னம்ʼ ந்யக்³ரோத⁴ம்ʼ த³த்³ருʼஶுஸ்தத:॥ 10-1-21 (63966)
உபேத்ய து ததா³ ராஜன்ன்யக்³ரோத⁴ம்ʼ தே மஹாரதா²:।
த³த்³ருʼஶுர்த்³விபதா³ம்ʼ ஶ்ரேஷ்டா²: ஶ்ரேஷ்ட²ம்ʼ தம்ʼ வை வனஸ்பதிம்॥ 10-1-22 (63967)
தே(அ)வதீர்ய ரதே²ப்⁴யஶ்ச விப்ரமுச்ய ச வாஜின:।
உபஸ்ப்ருʼஶ்ய யதா²ந்யாயம்ʼ ஸந்த்⁴யாமன்வாஸத ப்ரபோ⁴॥ 10-1-23 (63968)
ததோ(அ)ஸ்தம்ʼ பர்வதஶ்ரேஷ்ட²மனுப்ராப்தே தி³வாகரே।
ஸர்வஸ்ய ஜக³தோ தா⁴த்ரீ ஶர்வரீ ப்ரத்யபத்³யத॥ 10-1-24 (63969)
க்³ரஹனக்ஷத்ரதாராபி⁴: ப்ரகீர்ணாபி⁴ரலங்க்ருʼதம்।
நபோ⁴ம்ʼ(அ)ஶுகமிவாபா⁴தி ப்ரேக்ஷணீயம்ʼ ஸமந்தத:॥ 10-1-25 (63970)
இச்ச²யா தே ப்ரவல்க³ந்தி யே ஸத்வா ராத்ரிசாரிண:।
தி³வாசராஶ்ச யே ஸத்வாஸ்தே நித்³ராவஶமாக³தா:॥ 10-1-26 (63971)
ராத்ரிஞ்சராணாம்ʼ ஸத்வானாம்ʼ நினாதோ³(அ)பூ⁴த்ஸுதா³ருண:।
க்ரவ்யாதா³ஶ்ச ப்ரமுதி³தா கோ⁴ரா ப்ராப்தா ச ஶர்வரீ॥ 10-1-27 (63972)
தஸ்மின்ராத்ரிமுகே² கோ⁴ரே து³:க²ஶோகஸமன்விதா:।
க்ருʼதவர்மா க்ருʼபோ த்³ரௌணிருபோபவிவிஶு: ஸமம்॥ 10-1-28 (63973)
உபோபவிஷ்டா: ஶோசந்தோ ந்யக்³ரோத⁴ஸ்ய ஸமீபத:।
தமேவார்த²மதிக்ராந்தம்ʼ குருபாண்ட³வயோ: க்ஷயம்॥ 10-1-29 (63974)
நித்³ரயா ச பரீதாங்கா³ நிஷேது³ர்த⁴ரணீதலே।
ஶ்ரமேண ஸுத்³ருʼட⁴ம்ʼ யுக்தா விக்ஷதா விவிதை⁴: ஶரை:॥ 10-1-30 (63975)
ததோ நித்³ராவஶம்ʼ ப்ராப்தௌ க்ருʼபபோ⁴ஜௌ மஹாபா³லௌ।
ஸுகோ²சிதாவது³:கா²ர்ஹௌ நிஷண்ணௌ த⁴ரணீதலே॥ 10-1-31 (63976)
தௌ து ஸுப்தௌ மஹாராஜ தஸ்மிந்தே³ஶே மஹாரதௌ²।
[மஹார்ஹஶயனோபேதௌ பூ⁴மாவேவ ஹ்யனாத²வத்॥] 10-1-32 (63977)
க்ரோதா⁴மர்ஷவஶம்ʼ ப்ராப்தோ த்³ரோணபுத்ரஸ்து பா⁴ரத।
ந வை ஸ்ம ஸ ஜகா³மாத² நித்³ராம்ʼ ஸர்ப இவ ஶ்வஸன்॥ 10-1-33 (63978)
ந லேபே⁴ ஸ து நித்³ராம்ʼ வை த³ஹ்யமானோ(அ)திமன்யுனா।
வீக்ஷாஞ்சக்ரே மஹாபா³ஹுஸ்தத்³வனம்ʼ கோ⁴ரத³ர்ஶனம்॥ 10-1-34 (63979)
வீக்ஷமாணோ வனோத்³தே³ஶம்ʼ நானாஸத்வைர்னிஷேவிதம்।
அபஶ்யத மஹாபா³ஹுர்ன்யக்³ரோத⁴ம்ʼ வாயஸாவ்ருʼதம்॥ 10-1-35 (63980)
தத்ர காகஸஹஸ்ராணி தாம்ʼ நிஶாம்ʼ பர்யணாமயன்।
ஸுக²ம்ʼ ஸ்வபந்த: கௌரவ்ய ப்ருʼத²க்ப்ருʼத²கு³பாஶ்ரயா:॥ 10-1-36 (63981)
ஸுப்தேஷு தேஷு காகேஷு விஸ்ரப்³தே⁴ஷு ஸமந்தத:।
ஸோ(அ)பஶ்யத்ஸஹஸா யாந்தமுலூகம்ʼ கோ⁴ரத³ர்ஶனம்॥ 10-1-37 (63982)
மஹாஸ்வனம்ʼ மஹாகாயம்ʼ ஹர்யக்ஷம்ʼ ப³ப்⁴ருபிங்க³லம்।
ஸுதீக்ஷ்ணகோ⁴ணானக²ரம்ʼ ஸுபர்ணமிவ வேகி³தம்॥ 10-1-38 (63983)
ஸோ(அ)த² ஶப்³த³ம்ʼ ம்ருʼது³ம்ʼ க்ருʼத்வா லீயமான இவாண்·ட³ஜ:।
ந்யக்³ரோத⁴ஸ்ய தத: ஸாகா²ம்ʼ பாதயாமாஸ பா⁴ரத॥ 10-1-39 (63984)
ஸன்னிபத்ய து ஶாகா²யாம்ʼ ந்யக்³ரோத⁴ஸ்ய விஹங்க³ம:।
ஸுப்தாஞ்ஜகா⁴ந விஸ்ரப்³தா⁴ந்வாயஸான்வாயஸாந்தக:॥ 10-1-40 (63985)
கேஷாஞ்சித³ச்சி²நத்பக்ஷாஞ்ஶிராம்ʼஸி ச சகர்த ஹ।
சரணாம்ʼஶ்சைவ கேஷாஞ்சித்³ப³ப⁴ஞ்ஜ சரணாயுத⁴:॥ 10-1-41 (63986)
க்ஷணேனாக்⁴நத்ஸ ப³லவான்யே(அ)ஸ்ய த்³ருʼஷ்டிபதே² ஸ்தி²தா:॥ 10-1-42 (63987)
தேஷாம்ʼ ஶரீராவயவை: ஶரீரைஶ்ச விஶாம்பதே।
ந்யக்³ரோத⁴மண்ட³லம்ʼ ஸர்வம்ʼ ஸஞ்ச²ன்னம்ʼ பர்வதோபமம்॥ 10-1-43 (63988)
தாம்ʼஸ்து ஹத்வா தத: காகான்கௌஶிகோ முதி³தோ(அ)ப⁴வத்।
ப்ரதிக்ருʼத்ய யதா²காமம்ʼ ஶத்ரூணாம்ʼ ஶத்ருஸூத³ன:॥ 10-1-44 (63989)
தத்³த்³ருʼஷ்ட்வா தாத்³ருʼஶம்ʼ கர்ம கௌஶிகேன க்ருʼதம்ʼ நிஶி।
தத்³பா⁴வே க்ருʼதஸங்கல்போ த்³ரௌணிரேகோ(அ)ன்வசிந்தயத்॥ 10-1-45 (63990)
உபதே³ஶ: க்ருʼதோ(அ)னேன பக்ஷிணா மம ஸம்ʼயுகே³।
ஶத்ரூணாம்ʼ க்ஷபணம்ʼ யுக்தம்ʼ ப்ராப்த: காலஶ்ச மே மத:॥ 10-1-46 (63991)
நாத்³ய ஶக்யம்ʼ மயா ஹந்தும்ʼ பாண்ட³வா ஜிதகாஶின:।
ப³லவந்த: க்ருʼதோத்ஸாஹா லப்³த⁴லக்ஷா: ப்ரஹாரிண:॥ 10-1-47 (63992)
ராஜ்ஞ: ஸகாஶே தேஷாம்ʼ ச ப்ரதிஜ்ஞாதோ வதோ⁴ மயா।
பதங்கா³க்³நிஸமாம்ʼ வ்ருʼத்திமாஸ்யாயாத்மவினாஶினீம்॥ 10-1-48 (63993)
ந்யாயதோ யுத்⁴யமானஸ்ய ப்ராணத்யாகோ³ ந ஸம்ʼஶய:।
ச²த்³மனா து ப⁴வேத்ஸித்³வி: ஶத்ரூணாம்ʼ ச க்ஷயோ மஹான்॥ 10-1-49 (63994)
தத்ர ஸஶயிதாத³ர்தா²த்³யோ(அ)ர்தோ² நி:ஸம்ʼஶயோ ப⁴வேத்।
தம்ʼ ஜனா ப³ஹுமன்யந்தே யே(அ)ர்த²ஶாஸ்த்ரவிஶாரதா³:॥ 10-1-50 (63995)
யச்சாப்யத்ர ப⁴வேத்கார்யம்ʼ க³ர்ஹிதம்ʼ லோகனிந்தி³தம்।
கர்தவ்யம்ʼ தன்மனுஷ்யேண க்ஷத்ரத⁴ர்மேண வர்ததா॥ 10-1-51 (63996)
நிந்தி³தானி ச கர்மாணி குத்ஸிதானி பதே³பதே³।
ஸோபதா⁴நி க்ருʼதான்யேவ பாண்ட³வைரக்ருʼதாத்மபி⁴:॥ 10-1-52 (63997)
அஸ்மின்னர்தே² புரா கீ³தா: ஶ்ரூயந்தே த⁴ர்மவித்தமை:।
ஶ்லோகா ந்யாயமவேக்ஷத்³பி⁴ஸ்தத்த்வார்தா²ஸ்தத்த்வத³ர்ஶிபி⁴:॥ 10-1-53 (63998)
பரிஶ்ராந்தே விதீ³ர்ணே வா பு⁴ஞ்ஜானே வா(அ)பி ஶத்ருபி⁴:।
ப்ரஸ்தா²நே வா ப்ரவேஶே வா ப்ரஹர்தவ்யம்ʼ ரிபோர்ப³லம்॥ 10-1-54 (63999)
நித்³ரார்தமர்த⁴ராத்ரே ச ததா² நஷ்டப்ரணாயகம்।
பி⁴ந்னயோத⁴ம்ʼ ப³லம்ʼ யச்ச த்³விதா⁴ யுக்தம்ʼ ச யத்³ப⁴வேத்॥ 10-1-55 (64000)
இத்யேவம்ʼ நிஶ்சயம்ʼ சக்ரே ஸுப்தானாம்ʼ நிஶி மாரணே।
பாண்டூ³நாம்ʼ ஸஹ பாஞ்சாலைர்த்³ரோணபுத்ர: ப்ரதாபவான்॥ 10-1-56 (64001)
ஸ க்ரூராம்ʼ மதிமாஸ்தா²ய வினிஶ்சித்ய முஹுர்முஹு:।
ஸுப்தௌ ப்ராபோ³த⁴யத்தௌ து மாதுலம்ʼ போ⁴ஜமேவ ச॥ 10-1-57 (64002)
தௌ ப்ரபு³த்³தௌ⁴ மஹாத்மானௌ க்ருʼபபோ⁴ஜௌ மஹாபா³லௌ।
நோத்தரம்ʼ ப்ரதிபத்³யேதாம்ʼ தத்ர யுக்தம்ʼ ஹியா வ்ருʼதௌ॥ 10-1-58 (64003)
ஸ முஹூர்தமிவ த்⁴யாத்வா தாவுபௌ⁴ வாக்யமப்³ரவீத்॥ 10-1-59 (64004)
ஹதோ து³ர்யோத⁴னோ ராஜா ஏகவீரோ மபா³ஹல:।
யஸ்யார்தே² வைரமஸ்மாபி⁴ராஸக்தம்ʼ பாண்ட³வை: ஸஹ॥ 10-1-60 (64005)
ஏகாகீ ப³ஹுபி⁴: க்ஷுத்³ரைராஹவே ஶுத்³த⁴விக்ரம:।
பாதிதோ பீ⁴மஸேனேன ஏகாத³ஶசமூபதி:॥ 10-1-61 (64006)
வ்ருʼகோத³ரேண க்ஷுத்³ரேண ஸுன்ருʼஶம்ʼஸமித³ம்ʼ க்ருʼதம்।
மூர்தா⁴பி⁴ஷிக்தஸ்ய ஶிர: பாதே³ந பரிம்ருʼத்³க³தா॥ 10-1-62 (64007)
வினர்த³ந்தி ச பாஞ்சாலா: க்ஷ்வேலந்தி ச ஹஸந்தி ச।
த⁴மந்தி ஶங்கா²ஞ்ஶதஶோ ஹ்ருʼஷ்டா க்⁴நந்தி ச து³ந்து³பீ⁴ந்॥ 10-1-63 (64008)
வாதி³த்ரகோ⁴ஷஸ்துமுலோ விமிஶ்ர: ஶங்க²னி:ஸ்வனை:।
அனிலேனேரிதோ கோ⁴ரோ தி³ஶ: பூரயதீவ ஹ॥ 10-1-64 (64009)
அஶ்வானாம்ʼ ஹேஷமாணானாம்ʼ க³ஜானாம்ʼ சைவ ப்³ருʼம்ʼஹதாம்।
ஸிம்ʼஹனாத³ஶ்ச ஶூராணாம்ʼ ஶ்ரூயதே ஸுமஹானயம்॥ 10-1-65 (64010)
தி³ஶம்ʼ ப்ராசீம்ʼ ஸமாஶ்ரித்ய ஹ்ருʼஷ்டானாம்ʼ க³ச்ச²தாம்ʼ ப்⁴ருʼஶம்।
ரத²னேமிஸ்வனாஶ்சைவ ஶ்ரூயந்தே ரோமஹர்ஷணா:॥ 10-1-66 (64011)
பாண்ட³வைர்தா⁴ர்தராஷ்ட்ராணாம்ʼ யதி³த³ம்ʼ கத³னம்ʼ க்ருʼதம்।
வயமேவ த்ரய: ஶிஷ்டா அஸ்மின்மஹதி வைஶஸே॥ 10-1-67 (64012)
கேசின்னாக³ஶதப்ராணா: கேசித்ஸர்வாஸ்த்ரகோவிதா³:।
நிஹதா: பாண்ட³வைர்யஸ்மின்மன்யே காலஸ்ய பர்யயம்॥ 10-1-68 (64013)
ஏவமேதேன பா⁴வ்யம்ʼ ஹி நூனம்ʼ கார்யேண தத்த்வத:।
யதா² ஹ்யஸ்யேத்³ருʼஶீ நிஷ்டா² க்ருʼதே யத்னே(அ)பி து³ஷ்கரே॥ 10-1-69 (64014)
ப⁴வதோஸ்து யதி³ ப்ரஜ்ஞா ந மோஹாத³பசீயதே।
வ்யஸனே(அ)ஸ்மின்மஹத்யர்தே² யன்ன: ஶ்ரேயஸ்தது³ச்யதாம்॥ ॥ 10-1-70 (64015)
இதி ஶ்ரீமன்மஹாபா⁴ரதே ஸௌப்திகபர்வணி ப்ரத²மோ(அ)த்⁴யாய:॥ 1 ॥
Mahabharata - Sauptika Parva - Chapter Footnotes
10-1-1 தத: து³ர்யோத⁴னேன ஸைனாபத்யே(அ)ஶ்வத்தா²ம்னோ(அ)பி⁴ஷேகானந்தரம்ʼ தே அஶ்வத்தா²மக்ருʼபாசார்யக்ருʼதவர்மாண:॥ 10-1-2 ஶிபி³ரனிகடஸ்த²ம்ʼ தே³ஶம்ʼ ஆஸாத்³ய வாஹான்விமுச்ய ந்யவிஶந்தேதி யோஜனா॥ 10-1-4 அனுஸார: ப்ருʼஷ்ட²க³மனம்। ப்ராத்³ரவன்னிதி புனர்வாஹான்யோஜயித்வேதி க³ம்யதே॥ 10-1-6 ராஜ்ஞோ து³ர்யோத⁴னஸ்ய॥ 10-1-20 நானாபுஷ்போபஶோபி⁴தமிதி ஜ².பாட²:॥ 10-1-23 அன்வாஸத உபாஸிதவந்த:॥ 10-1-25 அம்ʼஶுகம்ʼ வஸ்த்ரம்॥ 10-1-32 ஶயனோபேதௌ ப்ராகி³தி ஶேஷ:॥ 10-1-36 பர்யணாமயன் பரிணீதவந்த ஆஸன்॥ 10-1-38 ஹர்யக்ஷ்யம்ʼ ஹரின்மணினிப⁴லோசனம்। ஷாணா நாஸா॥ 10-1-1 ப்ரத²மோ(அ)த்⁴யாய:॥ஸௌப்திகபர்வ - அத்⁴யாய 002
॥ ஶ்ரீ: ॥
10.2. அத்⁴யாய: 002
Mahabharata - Sauptika Parva - Chapter Topics
க்ருʼபேண த்³ரௌணிம்ப்ரதி கர்தவ்யோபதே³ஶ:॥ 1 ॥Mahabharata - Sauptika Parva - Chapter Text
10-2-0 (64016)
க்ருʼப உவாச। 10-2-0x (5264)
ஶ்ருதம்ʼ தே வசனம்ʼ ஸர்வம்ʼ ஹேதுயுக்தம்ʼ மயா விபோ⁴।
மமாபி து வச: கிஞ்சிச்ச்²ருʼணுஷ்வாத்³ய மஹாபு⁴ஜ॥ 10-2-1 (64017)
ஆப³த்³தா⁴ மானுஷா: ஸர்வே நிப³த்³தா⁴: கர்மணோர்த்³வயோ:।
தை³வே புருஷகாரே ச பரம்ʼ தாப்⁴யாம்ʼ ந வித்³யதே॥ 10-2-2 (64018)
ந ஹி தை³வேன ஸித்⁴யந்தி கார்யாண்யேகேன ஸத்தம।
ந சாபி கர்மணைகேன த்³வாப்⁴யாம்ʼ ஸித்³தி⁴ஸ்து யோக³த:॥ 10-2-3 (64019)
தாப்⁴யாமுபா⁴ப்⁴யாம்ʼ ஸர்வார்தா² நிப³த்³தா⁴ அத⁴மோத்தமா:।
ப்ரவ்ருʼத்தாஶ்சைவ த்³ருʼஶ்யந்தே நிவ்ருʼத்தாஶ்சைவ ஸர்வஶ:॥ 10-2-4 (64020)
பர்ஜன்ய: பர்வதே வர்ஷன்கின்னு ஸாத⁴யதே ப²லம்।
க்ருʼஷ்டே க்ஷேத்ரே ததா² வர்ஷன்கிம்ʼ ந ஸாத⁴யதே ப²லம்॥ 10-2-5 (64021)
உத்தா²நம்ʼ சாபி தை³வஸ்ய ஹ்யனுத்தா²நம்ʼ ச தை³வதம்।
வ்யர்த²ம்ʼ ப⁴வதி ஸர்வத்ர பூர்வஸ்தத்ர வினிஶ்சய:॥ 10-2-6 (64022)
ஸுவ்ருʼஷ்டே ச யதா² தே³வே ஸம்யக் க்ஷேத்ரே ச கர்ஷிதே।
பீ³ஜம்ʼ மஹாகு³ணம்ʼ பூ⁴யாத்ததா² ஸித்³தி⁴ர்ஹி மானுஷீ॥ 10-2-7 (64023)
தயோர்தை³வம்ʼ து து³ஶ்சிந்த்யம்ʼ ஸ்வவஶேனைவ வர்ததே।
ப்ராஜ்ஞா: புருஷகாரே து வர்தந்தே தே³வமாஸ்தி²தா:॥ 10-2-8 (64024)
தாப்⁴யாம்ʼ ஸர்வே ஹி கார்யார்தா² மனுஷ்யாணாம்ʼ நரர்ஷப⁴।
விசேஷ்டந்த: ஸ்ம த்³ருʼஶ்யந்தே நிவ்ருʼத்தாஸ்து ததை²வ ச॥ 10-2-9 (64025)
க்ருʼத: புருஷகாரஶ்ச ஸோ(அ)பி தை³வேன ஸித்⁴யதி।
ததா²ஸ்ய கர்மண: கர்துரபி⁴நிர்வர்ததே ப²லம்॥ 10-2-10 (64026)
உத்தா²நம்ʼ ச மனுஷ்யாணாம்ʼ த³க்ஷாணாம்ʼ தை³வவர்ஜிதம்।
அப⁴லம்ʼ த்³ருʼஶ்யதே லோகே ஸம்யக³ப்யுபபாதி³தம்॥ 10-2-11 (64027)
தத்ராலஸா மனுஷ்யாணாம்ʼ யே ப⁴வந்த்யமனஸ்வின:।
உத்தா²நம்ʼ தே விக³ர்ஹந்தி ப்ராஜ்ஞானாம்ʼ தன்ன ரோசதே॥ 10-2-12 (64028)
ப்ராயஶோ ஹி க்ருʼதம்ʼ கர்ம நாப²லம்ʼ த்³ருʼஶ்யதே பு⁴வி।
அக்ருʼத்வா ச புனர்து³:க²ம்ʼ கர்ம பஶ்யேன்மஹாப²லம்॥ 10-2-13 (64029)
சஷ்டாமகுர்வம்ʼல்லப⁴தே யதி³ கிஞ்சித்³யத்³ருʼச்ச²யா।
யோ வா ந லப⁴தே க்ருʼத்வா து³ர்த³ர்ஶௌ தாவுபா⁴வபி॥ 10-2-14 (64030)
ஶக்னோதி ஜீவிதும்ʼ த³க்ஷோ நாலஸ: ஸுக²மேத⁴தே।
த்³ருʼஶ்யந்தே ஜீவலோகே(அ)ஸ்மிந்த³க்ஷா: ப்ராயோ ஹிதைஷிண:॥ 10-2-15 (64031)
யதி³ த³க்ஷ: ஸமாரம்பா⁴த்கர்மணோ நாஶ்னுதே ப²லம்।
நாஸ்ய வாச்யம்ʼ ப⁴வேத்கிஞ்சில்லப்³த⁴வ்யம்ʼ வா(அ)தி⁴க³ச்ச²தி॥ 10-2-16 (64032)
நாக்ருʼத்வா கர்ம லோகே ஹி ப²லம்ʼ விந்த³தி கர்ஹிசித்।
ஸ து வக்தவ்யதாம்ʼ யாதி த்³வேஷ்யோ ப⁴வதி பூ⁴யஶ:॥ 10-2-17 (64033)
ஏவமேதத³னாத்³ருʼத்ய வர்ததே யஸ்த்வதோ(அ)ன்யதா²।
ஸ கரோத்யாத்மனோ(அ)னர்தா²நேஷ பு³த்³தி⁴மதாம்ʼ நய:॥ 10-2-18 (64034)
ஹீனம்ʼ புருஷகாரேண யதி³ தை³வேன வா புன:।
காரணாப்⁴யாமதை²தாப்⁴யாமுத்தா²நமப²லம்ʼ ப⁴வேத்॥ 10-2-19 (64035)
ஹீனம்ʼ புருஷகாரேண கர்ம த்விஹ ந ஸித்⁴யதி॥ 10-2-20 (64036)
தை³வதேப்⁴யோ நமஸ்க்ருʼத்ய யஸ்த்வர்தா²ந்ஸம்யகீ³ஹதே।
த³க்ஷோ தா³க்ஷிண்யஸம்பன்னோ ந ஸ மோகை⁴ர்விஹன்யதே॥ 10-2-21 (64037)
ஸம்யகீ³ஹா புனரியம்ʼ யா ப்³ருʼத்³தா⁴நுபஸேவதே।
ஆப்ருʼச்ச²தி ச யச்ச்²ரேய: கரோதி ச ஹிதம்ʼ வச:॥ 10-2-22 (64038)
உத்தா²யோத்தா²ய ஹி ஸதா³ ப்ரஷ்டவ்யா வ்ருʼத்³த⁴ஸம்மதா:।
தே ஸ்ம யோகே³ பரம்ʼ மூலம்ʼ தன்மூலா ஸித்³தி⁴ருச்யதே॥ 10-2-23 (64039)
வ்ருʼத்³தா⁴நாம்ʼ வசனம்ʼ ஶ்ருத்வா யோ(அ)ப்⁴யுத்தா²நம்ʼ ப்ரயோஜயேத்।
உத்தா²நஸ்ய ப²லம்ʼ ஸம்யக்ததா³ ஸ லப⁴தே(அ)சிராத்॥ 10-2-24 (64040)
ராகா³த்க்ரோதா⁴த்³ப⁴யால்லோபா⁴த்³யோ(அ)ர்தா²நீஹேத மானவ:।
அனீஶஶ்சாவமானீ ச ஸ ஶீக்⁴ரம்ʼ ப்⁴ரஶ்யதே ஶ்ரிய:॥ 10-2-25 (64041)
ஸோயம்ʼ து³ர்யோத⁴னேனார்தோ² லுப்³தே⁴நாதீ³ர்க⁴த³ர்ஶினா।
அஸமர்த²: ஸமாரப்³தோ⁴ மூட⁴த்வாத³விசினந்தித:॥ 10-2-26 (64042)
ஹிதபு³த்³தீ⁴நனாத்³ருʼத்ய ஸம்மந்த்ர்யாஸாது⁴பி⁴: ஸஹ।
வார்யமாணோ(அ)கரோத்³வைரம்ʼ பாண்ட³வைர்கு³ணவத்தரை:॥ 10-2-27 (64043)
பூர்வமப்யதிது³:ஶீலோ ந தை⁴ர்யம்ʼ கர்துமர்ஹதி।
தபத்யர்தே² விபன்னே ஹி மித்ராணாம்ʼ ந க்ருʼதம்ʼ வச:॥ 10-2-28 (64044)
அனுவர்தாமஹே யத்து தம்ʼ வயம்ʼ பாபபூருஷம்।
அஸ்மானப்யனயஸ்தஸ்மாத்ப்ராப்தோ(அ)யம்ʼ தா³ருணோ மஹான்॥ 10-2-29 (64045)
அேன து மமாத்³யாபி வ்யஸனேனோபதாபிதா।
பு³த்³தி⁴ஶ்சிந்தயதே கிஞ்சித்ஸ்வம்ʼ ஶ்ரேயோ நாவபு³த்⁴யதே॥ 10-2-30 (64046)
முஹ்யதா து மனுஷ்யேண ப்ரஷ்டவ்யா: ஸுஹ்ருʼதோ³ ஜனா:।
தத்ராஸ்ய பு³த்³தி⁴ர்வினயஸ்தத்ர ஶ்ரேயஶ்ச பஶ்யதி॥ 10-2-31 (64047)
ததோ(அ)ஸ்ய மூலம்ʼ கார்யாணாம்ʼ பு³த்³த்⁴யா நிஶ்சித்ய வை பு³தா⁴:'।
தே(அ)த்ர ப்ருʼஷ்டா யதா² ப்³ரூயுஸ்தத்கர்தவ்யம்ʼ ததா² ப⁴வேத்॥ 10-2-32 (64048)
தே வயம்ʼ த்⁴ருʼதராஷ்ட்ரம்ʼ ச கா³ந்தா⁴ரீம்ʼ ச யஶஸ்வினீம்।
உபப்ருʼச்சா²மஹே க³த்வா விது³ரம்ʼ ச மஹாமதிம்॥ 10-2-33 (64049)
தே ப்ருʼஷ்டாஸ்து வதே³யுர்யச்ச்²ரேயோ ந: ஸமனந்தரம்।
தத³ஸ்மாபி⁴: புன: கார்யமிதி மே நைஷ்டி²கீ மதி:॥ 10-2-34 (64050)
அனாரம்பா⁴த்து கார்யாணாம்ʼ நார்த²: ஸம்பத்³யதே க்வசித்॥ 10-2-35 (64051)
க்ருʼதே புருஷகாரே து யேஷாம்ʼ கார்யம்ʼ ந ஸித்⁴யதி।
தை³வேனோபஹதாஸ்தே து நாத்ர கார்யா விசாரணா॥ ॥ 10-2-36 (64052)
இதி ஶ்ரீமன்மஹாபா⁴ரதே ஸௌப்திகபர்வணி த்³விதீயோ(அ)த்⁴யாய:॥ 2 ॥
Mahabharata - Sauptika Parva - Chapter Footnotes
10-2-2 தை³வே ஆஸமந்தாத் ப³த்³தா⁴: புருஷகாரே நிஹீனதயா ப³த்³தா⁴:। தேன தை³வம்ʼ ப்ரதா⁴நம்ʼ புருஷகார உபஸர்ஜனமித்யுக்தம்ʼ ப⁴வதி। ஆரம்பா⁴ மானுஷா: ஸர்வே இதி க.பாட²:॥ 10-2-6 உத்தா²நமிதி। தை³வஸ்ய ப்ரதா⁴நஸ்யோத்தா²நம்ʼ புருஷகாரோ வ்யர்த²ம்ʼ ப⁴வதி ததா²(அ)னுத்தா²நமுத்தா²நஹீனம்ʼ தை³வமபி வ்யர்த²மிதி பக்ஷத்³வயம்ʼ ஸர்வத்ர வ்யவஸ்யதி தத்ர பூர்வஏவ பக்ஷ: ஶ்ரேயானித்யர்த²:॥ 10-2-9 விசேஷ்டந்த: ப்ரவ்ருʼத்தா த்³ருʼஶ்யந்தே லோகத்³ருʼஷ்ட்²யேத்யர்த²:॥ 10-2-13 கர்மாக்ருʼத்வா து³:க²ம்ʼ பஶ்யேதி³த்யாபி ப்ராயஶோ(அ)ஸ்தி॥ 10-2-14 து³ர்த³ர்ஶௌ து³ர்லபௌ⁴॥ 10-2-16 ஸ்பர்ஶம்ʼ சாஸ்யாதி⁴க³ச்ச²தீதி ச².பாட²:। தத்ர அஸ்ய கர்மண: ஸ்பர்ஶம்ʼ லோகஸ்ய ஸம்ப³ந்த⁴ம்ʼ சாதி⁴க³ச்ச²தி லோகப்ரிய: ஸ்யாதி³த்யர்த²:॥ 10-2-17 அக்ருʼத்வா கர்ம யோ லோகே ப²லம்ʼ விந்த³தி தி⁴ஷ்டி²த இதி ஜ².பாட²:। தத்ர அத³க்ஷஸ்து பரப்ரயத்னார்ஜிதேன ஜீவன்னபி போ⁴க்துமேவாயம்ʼ ஸமர்தோ² நார்ஜயிதுமிதி நிந்த்³யத இதி பா⁴வ:॥ 10-2-18 ஏதத் தை³வதா³க்ஷ்யயோ: ஸாஹித்யம்। அன்யதா² தயோரன்யதராலம்ப³னேன॥ 10-2-23 யோகே³ அலப்³த⁴லாபே⁴॥ 10-2-25 அனீஶ: அஜிதசித்த:। அவமானீ பரமவஜானந்॥ 10-2-2 த்³விதீயோ(அ)த்⁴யாய:॥ஸௌப்திகபர்வ - அத்⁴யாய 003
॥ ஶ்ரீ: ॥
10.3. அத்⁴யாய: 003
Mahabharata - Sauptika Parva - Chapter Topics
த்³ரௌணினா க்ருʼபவசனமனாத்³ருʼத்ய க்ருʼபக்ருʼதவர்மணோ: புரத: நிஶி ப்ரஸுப்தபாண்டு³பாஞ்சாலஹனநப்ரதிஜ்ஞானம்॥ 1 ॥Mahabharata - Sauptika Parva - Chapter Text
10-3-0 (64053)
ஸஞ்ஜய உவாச। 10-3-0x (5265)
க்ருʼபஸ்ய வசனம்ʼ ஶ்ருத்வா த⁴ர்மார்த²ஸஹிதம்ʼ ஶுப⁴ம்।
அஶ்வத்தா²மா மஹாராஜ து³:க²ஶோகஸமன்வித:॥ 10-3-1 (64054)
த³ஹ்யமானஸ்து ஶோகேன ப்ரதீ³ப்தேனாக்³நினா யதா²।
க்ரூரம்ʼ மனஸ்தத: க்ருʼத்வா தாவபௌ⁴ ப்ரத்யபா⁴ஷத॥ 10-3-2 (64055)
புருஷேபுருஷே பு³த்³தி⁴ர்யாயா ப⁴வதி ஶோப⁴னா।
துஷ்யந்தி ச ப்ருʼத²க்ஸர்வே ப்ரஜ்ஞயா தே ஸ்வயாஸ்வயா॥ 10-3-3 (64056)
ஸர்வோ ஹி மன்யதே லோக ஆத்மானம்ʼ பு³த்³தி⁴மத்தரம்।
ஸர்வஸ்யாத்மா ப³ஹுமத: ஸர்வோத்மானம்ʼ ப்ரஶம்ʼஸதி॥ 10-3-4 (64057)
ஸர்வஸ்ய ஹி ஸ்வகா ப்ரஜ்ஞா ஸாது⁴வாதே³ ப்ரதிஷ்டி²தா।
பரபு³த்³தி⁴ம்ʼ ச நிந்த³ந்தி ஸ்வாம்ʼ ப்ரஶம்ʼஸந்தி சாஸக்ருʼத்॥ 10-3-5 (64058)
காரணாந்தரயோகே³ந யேஷாம்ʼ ஸம்ʼவத³தே மதி:।
தே(அ)ன்யோன்யேன ச துஷ்யந்தி ப³ஹுமன்யந்தி சாஸக்ருʼத்॥ 10-3-6 (64059)
தஸ்யைவ து மனுஷ்யஸ்ய ஸாஸா பு³த்³தி⁴ஸ்ததா³ததா³।
காலயோகே³ விபர்யாஸம்ʼ ப்ராப்யான்யோன்யம்ʼ விபத்³யதே॥ 10-3-7 (64060)
அனித்யத்வாத்து சித்தானாம்ʼ மனுஷ்யாணாம்ʼ விஶேஷத:।
சித்தவைக்லப்³யமாஸாத்³ய ஸாஸா பு³த்³தி⁴: ப்ரஜாயதே॥ 10-3-8 (64061)
யதா² ஹி வைத்³ய: குஶலோ ஜ்ஞாத்வா வ்யாதி⁴ம்ʼ யதா²விதி⁴।
பை⁴ஷஜ்யம்ʼ குருதே யோகா³த்ப்ரஶமார்த²மிதி ப்ரபோ⁴॥ 10-3-9 (64062)
ஏவம்ʼ கார்யஸ்ய யோகா³த்ப்ரஶமார்த²மிதி ப்ரபோ⁴॥
ப்ரஜ்ஞயா ச ஸ்வயா யுக்த்யா தாம்ʼ ச க்³ருʼஹ்ணந்தி வை பு³தா⁴:॥ 10-3-10 (64063)
அன்யயா யௌவனே பா³ல்யே பு³த்³த்⁴யா ப⁴வதி மோஹித:।
மத்⁴யே(அ)ன்யயா ஜராயாம்ʼ து ஸோன்யாம்ʼ ரோசயதே மதிம்॥ 10-3-11 (64064)
வ்யஸன வா மஹாகோ⁴ரம்ʼ ஸம்ருʼத்³தி⁴ம்ʼ சாபி தாத்³ருʼஶீம்।
அவாப்ய புருஷோ போ⁴ஜ குருதே பு³த்³தி⁴வைக்ருʼதம்॥ 10-3-12 (64065)
ஏகஸ்மின்னேவ புருஷே ஸாஸா பு³த்³தி⁴ஸ்ததா³ததா³।
ப⁴வத்யனித்யா ப்ரஜ்ஞா ஹி ஸா தஸ்யைவ ந ரோசதே॥ 10-3-13 (64066)
நிஶ்சித்ய து யதா²ப்ரஜ்ஞம்ʼ யாம்ʼ மதிம்ʼ ஸாது⁴ பஶ்யதி।
தயா ப்ரகுருதே பா⁴வம்ʼ ஸா தஸ்யோத்³யோக³காரிகா॥ 10-3-14 (64067)
ஸர்வோ ஹி புருஷோ போ⁴ஜ ஸாத்⁴வேததி³தி நிஶ்சித:।
கர்துமாரப⁴தே ப்ரீதிம்ʼ மரணாதி³ஷு கர்மஸு॥ 10-3-15 (64068)
ஸர்வே ஹி யுக்தாம்ʼ விஜ்ஞாய ப்ரஜ்ஞாம்ʼ வாபி ஸ்வகாம்ʼ நரா:।
சேஷ்டந்தே விவிதா⁴ம்ʼ சேஷ்டாம்ʼ ஹிதமித்யேவ ஜானதே॥ 10-3-16 (64069)
உபஜாதா வ்யஸனஜா யேயமத்³ய மதிர்மம।
யுவயோஸ்தாம்ʼ ப்ரவக்ஷ்யாமி ஸர்வேஷாம்ʼ ஶோகனாஶினீம்॥ 10-3-17 (64070)
ப்ரஜாபதி: ப்ரஜா: ஸ்ருʼஷ்ட்வா கர்ம தாஸு விதா⁴ய ச।
வர்ணேவர்ணே ஸமாத⁴த்த ஹ்யேகைகம்ʼ கு³ணவத்தரம்॥ 10-3-18 (64071)
ப்³ராஹ்மணே வேத³மக்³ர்யம்ʼ து க்ஷத்ரியே தேஜ உத்தமம்।
தா³க்ஷ்யம்ʼ வைஶ்யே ச ஶூத்³ரே ச ஸர்வவர்ணானுகூலதாம்॥ 10-3-19 (64072)
அதா³ந்தோ ப்³ராஹ்மணோ(அ)ஸாது⁴ர்னிஸ்தேஜா: க்ஷத்ரியோ ம்ருʼத:।
அத³க்ஷோ நிந்த்³யதே வைஶ்ய: ஶூத்³ரஶ்ச ப்ரதிகூலவான்॥ 10-3-20 (64073)
ஸோ(அ)ஸ்மி ஜாத: குலே ஶ்ரேஷ்டே² ப்³ராஹ்மணைரபி⁴பூஜிதே।
மந்த³பா⁴க்³யதயா(அ)ஸ்ம்யேதம்ʼ க்ஷத்ரத⁴ர்மமனுஷ்டி²த:॥ 10-3-21 (64074)
க்ஷத்ரத⁴ர்மம்ʼ விதி³த்வா(அ)ஹம்ʼ யதி³ ப்³ராஹ்மண்யமாஶ்ரித:।
ப்ரகரிஷ்யே மஹத்கர்ம ந மே தத்ஸாது⁴ஸம்மதம்॥ 10-3-22 (64075)
தா⁴ரயித்வா த⁴னுர்தி³வ்யம்ʼ தி³வ்யான்யஸ்த்ராணி சாஹவே।
பிதரம்ʼ நிஹதம்ʼ த்³ருʼஷ்ட்வா கின்னு வக்ஷ்யாமி ஸம்ʼஸதி³॥ 10-3-23 (64076)
ஸோ(அ)ஹமத்³ய யதா²காமம்ʼ க்ஷத்ரத⁴ர்மமவாப்ய ச।
க³ந்தா(அ)ஸ்மி பத³வீம்ʼ ராஜ்ஞ: பிதுஶ்சாபி மஹாத்மன:॥ 10-3-24 (64077)
அத்³ய ஸ்வப்ஸ்யந்தி பாஞ்சாலா விஶ்வஸ்தா ஜிதகாஶின:।
விமுக்தயுக்³யகவசா ஹர்ஷேண ச ஸமன்விதா:।
வயம்ʼ ஜிதா மதாஶ்சைஷாம்ʼ ஶ்ராந்தா வ்யாயாமகர்ஶிதா:॥ 10-3-25 (64078)
தேஷாம்ʼ நிஶி ப்ரஸுப்தானாம்ʼ ஸுஸ்தா²நாம்ʼ ஶிபி³ரே ஸ்வகே।
அவஸ்கந்த³ம்ʼ கரிஷ்யாமி ஶிபி³ரஸ்யாத்³ய து³ஷ்கரம்॥ 10-3-26 (64079)
தானவஸ்கந்த்³ய ஶிபி³ரே ப்ரேதபூ⁴தானசேதஸ:।
ஸூத³யிஷ்யாமி விக்ரம்ய மக⁴வானிவ தா³நவான்॥ 10-3-27 (64080)
அத்³ய தான்ஸஹிதான்ஸர்வாந்த்⁴ருʼஷ்டத்³யும்னபுரோக³மான்।
ஸூத³யிஷ்யாமி விக்ரம்ய கக்ஷம்ʼ தீ³ப்த இவானல:॥ 10-3-28 (64081)
நிஹத்ய சைவ பாஞ்சாலாஞ்ஶாந்திம்ʼ லப்³தா⁴(அ)ஸ்மி ஸத்தம॥ 10-3-29 (64082)
பாஞ்சாலேஷு சரிஷ்யாமி ஸூத³யன்னத்³ய ஸம்ʼயுகே³।
பினாகபாணி: ஸங்க்ருத்³த⁴: ஸ்வயம்ʼ ருத்³ர: பஶுஷ்விவ॥ 10-3-30 (64083)
அத்³யாஹம்ʼ ஸர்வபாஞ்சாலான்னிக்ருʼத்யா ச நிக்ருʼஷ்ய ச।
அர்த³யிஷ்யாமி ஸம்ʼஹ்ருʼஷ்டோ ரணே பாண்டு³ஸுதாம்ʼஸ்ததா²।
`ஸூத³யிஷ்யாமி ஸங்க்ருத்³த⁴: பஶூனிவ பினாகத்⁴ருʼத்'॥ 10-3-31 (64084)
அத்³யாஹம்ʼ ஸர்வபாஞ்சாலை: க்ருʼத்வா பூ⁴மிம்ʼ ஶரீரிணீம்।
ப்ரஹ்ருʼத்யைகேன ஶஸ்த்ரேண ப⁴விஷ்யாம்யன்ருʼண: பிது:॥ 10-3-32 (64085)
து³ர்யோத⁴னஸ்ய கர்ணஸ்ய பீ⁴ஷ்மஸைந்த⁴வயோரபி।
க³மிஷ்யாமி நிஶாவேலாம்ʼ பத³வீமத்³ய து³ர்க³மாம்॥ 10-3-33 (64086)
அத்³ய பாஞ்சாலராஜஸ்ய த்⁴ருʼஷ்டத்³யும்னஸ்ய வை நிஶி।
விராத்ரே ப்ரமதி²ஷ்யாமி பஶோரிவ ஶிரோ ப³லாத்॥ 10-3-34 (64087)
அத்³ய பாஞ்சாலபாண்டூ³நாம்ʼ ஶயிதானாம்ʼ ஶிரோ நிஶி।
க²ங்கே³ந நிஶிதேனாஜௌ ப்ரமதி²ஷ்யாமி கௌ³தம॥ 10-3-35 (64088)
அத்³ய பாஞ்சாலஸேனாம்ʼ தாம்ʼ நிஹத்ய நிஶி ஸௌப்திகே।
க்ருʼதக்ருʼத்ய: ஸுகீ² சைவ ப⁴விஷ்யாமி மஹாமதே॥ ॥ 10-3-36 (64089)
இதி ஶ்ரீமன்மஹாபா⁴ரதே ஸௌப்திகபர்வணி த்ருʼதீயோ(அ)த்⁴யாய:॥ 3 ॥
Mahabharata - Sauptika Parva - Chapter Footnotes
10-3-4 ஸர்வோத்மானமித்யத்ர ஸர்வ ஆத்மானமிதி ச்சே²த³:। ஸந்தி⁴ரார்ஷ:॥ 10-3-6 யோகே³ யேஷாம்ʼ ஸமா க³திரிதி ஜ².பாட²:। தத்ர யோகே³ ஸமுதா³யே இத்யர்த²:॥ 10-3-10 தாம்ʼ ச நிந்த³ந்தி மானவா இதி ஜ².பாட²:॥ 10-3-12 ஹே போ⁴ஜ ஹே க்ருʼதவர்மன்। ஏகமேவ ஸம்போ³த⁴யன் க்ருʼபஸ்ய வசஸி அனாத³ரம்ʼ ஸூசயதி॥ 10-3-13 ப⁴வத்யக்ருʼதவுத்³தி⁴த்வாதி³தி ஜ².பாட²:। தத்ர அக்ருʼதத⁴ர்மத்வாத் அவஸரானுரோதா⁴த்। இதா³நீம்ʼ மம ஶாந்திபு³த்³தி⁴ர்ன ரோசதே இத்யர்த²:॥ 10-3-20 க்ஷத்ரியோ(அ)த⁴ம இதி ஜ².பாட²:॥ 10-3-22 விதி³த்வா ஆஶ்ரித்ய॥ 10-3-24 க³ந்தாஸ்மி க³மிஷ்யாமி। பத³வீம்ʼ ஆன்ருʼண்யம்॥ 10-3-33 க³மயிஷ்யாமி பாஞ்சாலான்பத³வீமத்³ய து³ர்க³மாமிதி ஜ².பாட²:॥ 10-3-3 த்ருʼதீயோ(அ)த்⁴யாய:॥ஸௌப்திகபர்வ - அத்⁴யாய 004
॥ ஶ்ரீ: ॥
10.4. அத்⁴யாய: 004
Mahabharata - Sauptika Parva - Chapter Topics
த்³ரௌணிக்ருʼபயோ: ஸம்ʼவாத³:॥ 1 ॥Mahabharata - Sauptika Parva - Chapter Text
10-4-0 (64090)
க்ருʼப உவாச। 10-4-0x (5266)
தி³ஷ்ட்யா தே ப்ரதிகர்தவ்யே மதிர்ஜாதேயமச்யுத।
ந த்வாம்ʼ வாரயிதும்ʼ ஶக்தோ வஜ்ரபாணிரபி ஸ்வயம்॥ 10-4-1 (64091)
அனுயாஸ்யாவஹே த்வாம்ʼ து ப்ரபா⁴தே ஸஹிதாவுபௌ⁴।
அத்³ய ராத்ரௌ விஶ்ரமஸ்வ விமுக்தகவசத்⁴வஜ:॥ 10-4-2 (64092)
அஹம்ʼ த்வாமனுயாஸ்யாமி க்ருʼதவர்மா ச ஸாத்வத:।
பரானபி⁴முக²ம்ʼ யாந்தம்ʼ ரதா²வாஸ்தா²ய த³ம்ʼஶிதௌ॥ 10-4-3 (64093)
ஆவாப்⁴யாம்ʼ ஸஹித: ஶத்ரூஞ்ஶ்வோ நிஹந்தா ஸமாக³மே।
விக்ரம்ய ரதி²நாம்ʼ ஶ்ரேஷ்ட² பாஞ்சாலான்ஸபதா³நுகா³ந்॥ 10-4-4 (64094)
ஶக்தஸ்த்வமஸி விக்ரம்ய விஶ்ரமஸ்வ நிஶாமிமாம்।
சிரம்ʼ தே ஜாக்³ரதஸ்தாத ஸ்வப தாவன்னிஶாமிமாம்॥ 10-4-5 (64095)
விஶ்ராந்தஶ்ச வினித்³ரஶ்ச ஸ்வஸ்த²சித்தஶ்ச மானத³।
ஸமேத்ய ஸமரே ஶத்ரூன்வதி⁴ஷ்யஸி ந ஸம்ʼஶய:॥ 10-4-6 (64096)
ந ஹி த்வாம்ʼ ரதி²நாம்ʼ ஶ்ரேஷ்ட²ம்ʼ ப்ரக்³ருʼஹீதவராயுத⁴ம்।
ஜேதுமுத்ஸஹதே கஶ்சித³பி தே³வேஷு பாவகி:॥ 10-4-7 (64097)
க்ருʼபேண ஸஹிதம்ʼ யாந்தம்ʼ கு³ப்தம்ʼ ச க்ருʼதவர்மணா।
கோ த்³ரௌணிம்ʼ யுதி⁴ ஸம்ʼரப்³த⁴ம்ʼ யோத⁴யேத³பி தே³வராட்॥ 10-4-8 (64098)
தே வயம்ʼ நிஶி விஶ்ராந்தா வினித்³ரா விக³தஜ்வரா:।
ப்ரபா⁴தாயாம்ʼ ரஜன்யாம்ʼ வை நிஹனிஷ்யாம ஶாத்ரவான்॥ 10-4-9 (64099)
தவ ஹ்யஸ்த்ராணி தி³வ்யானி மம சைவ ந ஸம்ʼஶய:।
ஸாத்வதோபி மஹேஷ்வாஸோ நித்யம்ʼ யுத்³தே⁴ஷு கோவித³:॥ 10-4-10 (64100)
தே வயம்ʼ ஸஹிதாஸ்தாத ஸர்வாஞ்ஶத்ரூன்ஸமாக³தான்।
ப்ரஸஹ்ய ஸமரே ஹத்வா ப்ரீதிம்ʼ ப்ராப்ஸ்யாம புஷ்கலாம்॥ 10-4-11 (64101)
விஶ்ரமஸ்வ த்வமவ்யக்³ர: ஸ்வப சேமாம்ʼ நிஶாம்ʼ ஸுக²ம்।
அஹம்ʼ ச க்ருʼதவர்மா ச ப்ரபா⁴தே த்வாம்ʼ நரோத்தமம்॥ 10-4-12 (64102)
அனுயாஸ்யாவ ஸஹிதௌ த⁴ன்வினௌ பரதாபனௌ।
ரதி²நம்ʼ த்வரயா யாந்தம்ʼ ரத²மாஸ்தா²ய த³ம்ʼஶிதௌ॥ 10-4-13 (64103)
ஸ க³த்வா ஶிபி³ரம்ʼ தேஷாம்ʼ நாம விஶ்ராவ்ய சாஹவே।
தத: கர்தா(அ)ஸி ஶத்ரூணாம்ʼ யுத்⁴யதாம்ʼ கத³னம்ʼ மஹத்॥ 10-4-14 (64104)
க்ருʼத்வா ச கத³னம்ʼ தேஷாம்ʼ ப்ரபா⁴தே விமலே(அ)ஹனி।
விஹரஸ்வ யதா² ஶக்ர: ஸூத³யித்வா மஹாஸுரான்॥ 10-4-15 (64105)
த்வம்ʼ ஹி ஶக்தோ ரணே ஜேதும்ʼ பாஞ்சாலானாம்ʼ வரூதி²நீம்।
தை³த்யஸேனாமிவ க்ருத்³த⁴: ஸர்வதா³நவஸூத³ன:॥ 10-4-16 (64106)
மயா த்வாம்ʼ ஸஹிதம்ʼ ஸங்க்²யே கு³ப்தம்ʼ ச க்ருʼதவர்மணா।
ந ஸஹேத விபு⁴: ஸாக்ஷாத்³வஜ்ரபாணிரபி ஸ்வயம்॥ 10-4-17 (64107)
ந சாஹம்ʼ ஸமரே தாத க்ருʼதவர்மா ந சைவ ஹி।
அனிர்ஜித்ய ரணே பாண்டூ³நபயாஸ்யாமி கர்ஹிசித்॥ 10-4-18 (64108)
ஹத்வா ச ஸமரே க்ஷுத்³ரான்பாஞ்சாலான்பாண்டு³பி⁴: ஸஹ।
நிவர்திஷ்யாமஹே ஸர்வே ஹதா வா ஸ்வர்க³கா³ வயம்॥ 10-4-19 (64109)
ஸர்வோபாயை: ஸஹாயாஸ்தே ப்ரபா⁴தே வயமாஹவே।
ஸத்யமேதன்மஹாபா³ஹோ ப்ரப்³ரவீமி தவானக⁴॥ 10-4-20 (64110)
ஏவமுக்தஸ்ததோ த்³ரௌணிக்ரமாதுலேன ஹிதம்ʼ வச:।
அப்³ரவீன்மாதுலம்ʼ ராஜன்க்ரோதா⁴து³த்³வ்ருʼத்ய லோசனே॥ 10-4-21 (64111)
ஆதுரஸ்ய குதோ நித்³ரா நரஸ்யாமர்ஷிதஸ்ய ச।
அர்தா²ம்ʼஶ்சிந்தயதஶ்சாபி காமயானஸ்ய வா புன:॥ 10-4-22 (64112)
ததி³த³ம்ʼ ஸமனுப்ராப்தம்ʼ பஶ்ய மே(அ)த்³ய சதுஷ்டயம்।
யஸ்ய பா⁴க³ஶ்சதுர்தோ² மே ஸ்வப்னமஹ்னாய நாஶயேத்॥ 10-4-23 (64113)
கிம்ʼ நாம து³:க²ம்ʼ லோகே(அ)ஸ்மின்பிதுர்வத⁴மனுஸ்மரன்।
ஹ்ருʼத³யம்ʼ நிர்த³ஹன்மே(அ)த்³ய ராத்ர்யஹானி ந ஶாம்யதி॥ 10-4-24 (64114)
யதா² ச நிஹத: பாபை: பிதா மம விஶேஷத:।
ப்ரத்யக்ஷமபி தே ஸர்வம்ʼ தன்மே மர்மாணி க்ருʼந்ததி॥ 10-4-25 (64115)
கத²ம்ʼ ஹி மாத்³ருʼஶோ லோகே முஹூர்தமபி ஜீவதி।
த்³ரோணஹந்தேதி யத்³வாச: பாஞ்சாலானாம்ʼ ஶ்ருʼணோம்யஹம்॥ 10-4-26 (64116)
த்⁴ருʼஷ்டத்³யும்னமஹத்வா து நாத³ம்ʼ ஜீவிதுமுத்ஸஹே।
ஸ மே பிதுர்வதா⁴த்³வத்⁴ய: பாஞ்சாலா யே ச ஸங்க³தா:॥ 10-4-27 (64117)
விலாபோ ப⁴க்³நஸக்த²ஸ்ய யஸ்து ராஜ்ஞோ மயா ஶ்ருத:।
ஸ புனர்ஹ்ருʼத³யம்ʼ கஸ்ய க்ரூரஸ்யாபி ந நிர்த³ஹேத்॥ 10-4-28 (64118)
கஸ்ய ஹ்யகருணஸ்யாபி நேத்ராப்⁴யாமஶ்ரு நாவ்ரஜேத்।
ந்ருʼபதேர்ப⁴க்³நஸக்த²ஸ்ய ஶ்ருத்வா தாத்³ருʼக்³வச: புன:॥ 10-4-29 (64119)
யஶ்சாயம்ʼ மித்ரபக்ஷோ மே மயி ஜீவதி நிர்ஜித:।
ஶோகம்ʼ மே வர்த⁴யத்யேஷ வாரிவேக³ இவார்ணவம்॥ 10-4-30 (64120)
ஏகாக்³நமனஸோ மே(அ)த்³ய குதோ நித்³ரா குத: ஸுக²ம்॥ 10-4-31 (64121)
வாஸுதே³வார்ஜுனாப்⁴யாம்ʼ ச தானஹம்ʼ பரிரக்ஷிதான்।
அவிஷஹ்யதமான்மன்யே மஹேந்த்³ரேணாபி ஸத்தம॥ 10-4-32 (64122)
ந சாபி ஶக்த: ஸம்ʼயந்துமஸ்மாத்கார்யாத்கத²ஞ்சன।
தம்ʼ ந பஶ்யாமி லோகே(அ)ஸ்மின்யோ மாம்ʼ கோபான்னிவர்தயேத்॥ 10-4-33 (64123)
இதி மே நிஶ்சிதா பு³த்³தி⁴ரேஷா ஸாது⁴மதா மம॥ 10-4-34 (64124)
வாதி³கை: கத்²யமானஸ்து மித்ராணாம்ʼ மே பராப⁴வ:।
பாண்ட³வானாம்ʼ ச விஜயடோ ஹ்ருʼத³யம்ʼ த³ஹதீவ மே॥ 10-4-35 (64125)
அஹம்ʼ து கத³னம்ʼ க்ருʼத்வா ஶத்ரூணாமத்³ய ஸௌப்திகே।
ததோ விஶ்ரமிதா சைவ ஸ்வப்தா ச விக³தஜ்வர:॥ ॥ 10-4-36 (64126)
இதி ஶ்ரீமன்மஹாபா⁴ரதே ஸௌப்திகபர்வணி சதுர்தோ²(அ)த்⁴யாய:॥ 4 ॥
Mahabharata - Sauptika Parva - Chapter Footnotes
10-4-4 நிஹந்தா நிஹனிஷ்யஸி॥ 10-4-23 சதுர்த² ஆதுராதீ³நாம்ʼ சதுர்ணாம்ʼ மத்⁴யே ஏகோ பா⁴க³: அமர்ஷ:। மே மம ஸ்வப்னம்ʼ அஹ்வாய ஜ²டிதி நாஶயேத்। தஸ்மாத் ஸ்வபேத்யுக்தம்ʼ தன்ன யுஜ்யதே॥ 23 ॥ 10-4-24 அனுஸ்மரன் அனுஸ்மரத:। ந ஶாம்யதி அமர்ஷ இத்யர்த²:॥ 10-4-36 ஸ்வப்தா ஸ்வப்ஸ்யாமி॥ 10-4-4 சதுர்தோ²(அ)த்⁴யாய:॥ஸௌப்திகபர்வ - அத்⁴யாய 005
॥ ஶ்ரீ: ॥
10.5. அத்⁴யாய: 005
Mahabharata - Sauptika Parva - Chapter Topics
க்ருʼபேண ப்ரஸுப்தமாரணஸ்யாதா⁴ர்மிகத்வகத²னேன ப்ரதிஷேத⁴னே(அ)பி பித்ருʼவதா⁴மர்ஷிணா த்³ரௌணினா ஜிகா⁴ம்ʼஸயா ரிபுஶிவிரத்³வாரக³மனம்॥ 1 ॥ க்ருʼபக்ருʼதவர்மஶ்யாமபி ஸௌஹார்தா³த்தத³னுக³மனம்॥ 2 ॥Mahabharata - Sauptika Parva - Chapter Text
10-5-0 (64127)
க்ருʼப உவாச। 10-5-0x (5267)
ஶுஶ்ரூஷுரபி து³ர்மேதா⁴: புருஷோ(அ)னியதேந்த்³ரிய:।
நாலம்ʼ வேத³யிதும்ʼ க்ருʼத்ஸ்னௌ த⁴ர்மார்தா²விதி மே மதி:॥ 10-5-1 (64128)
ததை²வ தாவன்மேதா⁴வீ வினயம்ʼ யோ ந ஶிக்ஷதே।
ந ச கிஞ்சன ஜானாதி ஸோ(அ)பி த⁴ர்மார்த²னிஶ்சயம்॥ 10-5-2 (64129)
[சிரம்ʼ ஹ்யபி ஜட³: ஶூர: பண்டி³தம்ʼ பர்யுபாஸ்ய ஹ।
ந ஸ த⁴ர்மான்விஜானாதி த³ர்வீ ஸூபரஸானிவ॥ 10-5-3 (64130)
முஹூர்தமபி தம்ʼ ப்ராஜ்ஞ: பண்டி³தம்ʼ பர்யுபாஸ்ய ஹி।
க்ஷிப்ரம்ʼ த⁴ர்மான்விஜானாதி ஜிஹ்வா ஸூபரஸானிவ॥ 10-5-4 (64131)
ஶுஶ்ரூஷுஸ்த்வேவ மேதா⁴வீ புருஷோ நியதேந்த்³ரிய:।
ஜானீயாதா³க³மான்ஸர்வான்க்³ராஹ்யம்ʼ ச ந விரோத⁴யேத்॥ 10-5-5 (64132)
அனயஸ்த்வவமானீ யோ து³ராத்மா பாபபூருஷ:।
தி³ஷ்டமுத்ஸ்ருʼஜ்ய கல்யாணம்ʼ கரோதி ப³ஹுபாதகம்॥ 10-5-6 (64133)
நாத²வந்தம்ʼ து ஸுஹ்ருʼத³: ப்ரதிஷேத⁴ந்தி பாதகாத்।
நிவர்ததே து லக்ஷ்மீவான்னாலக்ஷ்மீவான்னிவர்ததே॥ 10-5-7 (64134)
யதா² ஹ்யுச்சாவசைர்வாக்யை: க்ஷிப்தசித்தோ நியம்யதே।
ததை²வ ஸுஹ்ருʼதா³ ஶக்யோ நஶக்யஸ்த்வவஸீத³தி॥ 10-5-8 (64135)
ததை²வ ஸுஹ்ருʼதோ³(அ)ப்ராஜ்ஞான்குர்வாணான்கர்ம பாபகம்।
ப்ராஜ்ஞா: ஸம்ப்ரதிஷேத⁴ந்தி யதா²ஶக்தி புன:புன:॥ 10-5-9 (64136)
ஸ கல்யாணே மன: க்ருʼத்வா நியம்யாத்மானமாத்மனா।
குரு மே வசனம்ʼ தாத யேன பஶ்சான்ன தப்ஸ்யஸே॥ 10-5-10 (64137)
ந வத⁴: பூஜ்யதே லோகே ஸுப்தானாமிஹ த⁴ர்மத:।
ததை²வ ந்யஸ்தஶஸ்த்ராணாம்ʼ விமுக்தரத²வாஜினாம்॥ 10-5-11 (64138)
யே வ ப்³ரூயுஸ்தவாஸ்மீதி யே ச ஸ்யு: ஶரணாக³தா:।
விமுக்தமூர்த⁴ஜா யே ச யே சாபி ஹதவாஹனா:॥ 10-5-12 (64139)
அத்³ய ஸ்வப்ஸ்யந்தி பாஞ்சாலா விமுக்தகவசா விபோ⁴।
விஶ்வஸ்தா ரஜனீம்ʼ ஸர்வே ப்ரேதா இவ விசேதஸ:॥ 10-5-13 (64140)
யஸ்தேஷாம்ʼ தத³வஸ்தா²நாம்ʼ த்³ருஹ்யேத புருஷோ(அ)ன்ருʼஜு:।
வ்யக்தம்ʼ ஸ நரகே மஜ்ஜேத³கா³தே⁴ விபுலே(அ)ப்லுவே॥ 10-5-14 (64141)
ஸர்வாஸ்த்ரவிது³ஷாம்ʼ லோகே ஶ்ரேஷ்ட²ஸ்த்வமஸி விஶ்ருத:।
ந ச தே ஜாது லோகே(அ)ஸ்மின்ஸுஸூக்ஷ்மமபி கில்பி³ஷம்॥ 10-5-15 (64142)
த்வம்ʼ புன: ஸூர்யஸங்காஶ: ஶ்வோபூ⁴த உதி³தே ரவௌ।
ப்ரகாஶே ஸர்வபூ⁴தானாம்ʼ விஜேதா யுதி⁴ ஶாத்ரவான்॥ 10-5-16 (64143)
அஸம்பா⁴விதரூபம்ʼ ஹி த்வயி கர்ம விக³ர்ஹிதம்।
ஶுக்லே ரக்தமிவ ந்யஸ்தம்ʼ ப⁴வேதி³தி மதிர்மம॥ 10-5-17 (64144)
அஶ்வத்தா²மோவாச। 10-5-18x (5268)
ஏவமேவ யதா²(அ)(அ)த்த² த்வமனுஶாஸஸி மாதுல।
தைஸ்து பூர்வமயம்ʼ ஸேது: ஸமந்தாத்³விஹ்வலீக்ருʼத:॥ 10-5-18 (64145)
ப்ரத்யக்ஷம்ʼ பூ⁴மிபாலானாம்ʼ ப⁴வதாம்ʼ சாபி ஸன்னிதௌ⁴।
ந்யஸ்தஶஸ்த்ரோ மம பிதா த்⁴ருʼஷ்டத்³யும்னேன பாதித:॥ 10-5-19 (64146)
கர்ணஶ்ச பதிதே சக்ரே உத்தா²ஸ்யன்ரதி²நாம்ʼ வர:।
உத்தமே வ்யஸனே மக்³நோ ஹதோ கா³ண்டீ³வத⁴ன்வனா॥ 10-5-20 (64147)
ததா² ஶாந்தனவோ பீ⁴ஷ்மோ ந்யஸ்தஶஸ்த்ரோ நிராயுத⁴:।
ஶிக²ண்டி³நம்ʼ புரஸ்க்ருʼத்ய ஹதோ கா³ண்டீ³வத⁴ன்வனா॥ 10-5-21 (64148)
பூ⁴ரிஶ்ரவா மஹேஷ்வாஸஸ்ததா² ப்ராயக³தோ ரணே।
க்ரோஶதாம்ʼ பூ³மிபாலானாம்ʼ யுயுதா⁴நேன பாதித:॥ 10-5-22 (64149)
து³ர்யோத⁴னஶ்ச பீ⁴மேன ஸமேத்ய க³த³யா ம்ருʼதே⁴।
பஶ்யதாம்ʼ பூ⁴மிபாலானாமத⁴ர்மேண நிபாதித:॥ 10-5-23 (64150)
ஏகாகீ ப³ஹுபி⁴ஸ்தத்ர பரிவார்ய மஹாரதை²:।
அத⁴ர்மேண நரவ்யாக்⁴ரோ பீ⁴மஸேனேன பாதித:॥ 10-5-24 (64151)
விலாபோ ப⁴க்³நஸக்த²ஸ்ய யோ மே ராஜ்ஞ: பரிஶ்ருத:।
வாதி³கானாம்ʼ கத²யதாம்ʼ ஸ மே மர்மாணி க்ருʼந்ததி॥ 10-5-25 (64152)
ஏவம்ʼ சாதா⁴ர்மிகா: பாபா: பாஞ்சாலா பி⁴ந்னஸதவ:।
தானேவம்ʼ பி⁴ந்னமர்யாதா³ந்கிம்ʼ ப⁴வான்ன விக³ர்ஹதி॥ 10-5-26 (64153)
பித்ருʼஹந்த்ரூʼனஹம்ʼ ஹத்வா பாஞ்சாலான்னிஶி ஸௌப்திகே।
காமம்ʼ கீட: பதங்கோ³ வா ஜன்ம ப்ராப்ய ப⁴வாமி வை॥ 10-5-27 (64154)
த்வரே சாஹமனேனாத்³ய யதி³த³ம்ʼ மே சிகீர்ஷிதம்।
தஸ்ய மே த்வரமாணஸ்ய குதோ நித்³ரா குத: ஸுக²ம்॥ 10-5-28 (64155)
ந ஸ ஜாத: புமாம்̐ல்லோகே கஶ்சின்ன ஸ ப⁴விஷ்யதி।
யோ மே வ்யாவர்தயேதே³தாம்ʼ வதே⁴ தேஷாம்ʼ க்ருʼதாம்ʼ மதிம்॥ 10-5-29 (64156)
ஸஞ்ஜய உவாச। 10-5-30x (5269)
ஏவமுக்த்வா மஹாராஜ த்³ரோணபுத்ர: ப்ரதாபவான்।
ஏகாந்தே யோஜயித்வா(அ)ஶ்வான்ப்ராயாத³பி⁴முக²: பரான்॥ 10-5-30 (64157)
தமப்³ரூதாம்ʼ மஹாத்மானௌ போ⁴ஜஶாரத்³வதாவுபௌ⁴।
கிமயம்ʼ ஸ்யந்த³னோ யுக்த: கிம்ʼ ச கார்யம்ʼ சிகீர்ஷிதம்॥ 10-5-31 (64158)
ஏகஸாமர்த²ப்ரயாதௌ ஸ்வஸ்த்வயா ஸஹ நரர்ஷப⁴।
ஸமது³:க²ஸுகௌ² சாபி தஸ்மாச்ச²ம்ʼஸிதுமர்ஹஸி॥ 10-5-32 (64159)
அஶ்வத்தா²மா தும்ʼ ஸங்க்ருத்³த⁴: பிதுர்வத⁴மனுஸ்மரன்।
தாப்⁴யாம்ʼ தத்²யம்ʼ ததா²(அ)(அ)சக்²யௌ யத³ஸ்யாத்மசிகீர்ஷிதம்॥ 10-5-33 (64160)
ஹத்வா ஶதஸஹஸ்ராணி யோதா⁴நாம்ʼ நிஶிதை: ஶரை:।
ந்யஸ்தஶஸ்த்ரோ மம பிதா த்⁴ருʼஷ்டத்³யும்னேன பாதித:॥ 10-5-34 (64161)
தம்ʼ ததை²வ வதி⁴ஷ்யாமி ந்யஸ்தவர்மாணமத்³ய வை।
புத்ரம்ʼ பாஞ்சாலராஜஸ்ய பாபம்ʼ பாபேன கர்மணா॥ 10-5-35 (64162)
ததா² வினிஹத: பாப: பாஞ்சால்ய: பஶுவன்மயா।
ஶஸ்த்ரேண விஜிதாம்̐ல்லோகான்னாப்னுயாதி³தி மே மதி:॥ 10-5-36 (64163)
க்ஷிப்ரம்ʼ ஸன்னத்³வகவசௌ ஸக²ங்கா³வாத்தகார்முகௌ।
மாமேவாத்³ய ப்ரதீக்ஷேதாம்ʼ ரத²வர்யௌ பரந்தபௌ॥ 10-5-37 (64164)
இத்யுக்த்வா ரத²மாஸ்தா²ய ப்ராயாத³பி⁴முக²: பரான்।
தமன்வகா³த்க்ருʼபோ ராஜன்க்ருʼதவர்மா ச ஸாத்வத:॥ 10-5-38 (64165)
தே ப்ரயாதா வ்யரோசந்த பரானபி⁴முகா²ஸ்த்ரய:।
ஹூயமானா யதா² யஜ்ஞே ஸமித்³தா⁴ ஹவ்யவாஹனா:॥ 10-5-39 (64166)
யயுஶ்ச ஶிபி³ரம்ʼ தேஷாம்ʼ ஸம்ப்ரஸுப்தஜனம்ʼ விபோ⁴।
த்³வாரதே³ஶமனுப்ராப்ய த்³ரௌணிஸ்தஸ்தௌ² மஹாரத²:॥ ॥ 10-5-40 (64167)
இதி ஶ்ரீமன்மஹாபா⁴ரதே ஸௌப்திகபர்வணி பஞ்சமோ(அ)த்⁴யாய:॥ 5 ॥
Mahabharata - Sauptika Parva - Chapter Footnotes
10-5-1 அஶுஶ்ரூஷூ: ஸுது³ர்மேதா⁴ இதி ங.பாட²:। து³ர்மேதா⁴: மூட⁴:। அனியதேதிச்சே²த³:॥ 10-5-6 அனேய இதி ஜ².பாட²:। தத்ர அனேய: ஸன்மார்க³ம்ʼ நேதுமஶக்ய:। தி³ஷ்டமுபதி³ஷ்டம்॥ 10-5-8 உச்சாவசை: ஸர்கை³ரிதி க.ச².பாட²:॥ 10-5-14 அப்லவே இதி ச்சே²த³:॥ 10-5-23 அத⁴ர்மேண நாபே⁴ரத⁴ஸ்தாத்ப்ரஹாரேண॥ 10-5-32 நாவாம்ʼ ஶங்கிதுமர்ஹஸீதி ஜ².பாட²:॥ 10-5-36 ஶஸ்த்ராக்³நிவர்ஜிதாம்̐ல்லோகான்ப்ராப்ருயாதி³தி மே மதி: இதி ங.பாட²:॥ 10-5-5 பஞ்சமோ(அ)த்⁴யாய:॥ஸௌப்திகபர்வ - அத்⁴யாய 006
॥ ஶ்ரீ: ॥
10.6. அத்⁴யாய: 006
Mahabharata - Sauptika Parva - Chapter Topics
அஶ்வத்தா²ம்ன: ஶிபி³ரத்³வாரஸ்த²மஹாபூ⁴தத³ர்ஶனம்॥ 1 ॥ பூ⁴தஜிகீ³ஷயா த்³ரௌணிவிஸ்ருʼஷ்டானாமஸ்த்ரஶஸ்த்ராணாம்ʼ பூ⁴தேன க்³ரஸனம்॥ 2 ॥ ததஶ்சிந்தாதாந்தஶ்ச த்³ரௌணேர்மஹாதே³வோபாஸனாத்⁴யவஸாய:॥ 3 ॥Mahabharata - Sauptika Parva - Chapter Text
10-6-0 (64168)
த்⁴ருʼதராஷ்ட்ர உவாச। 10-6-0x (5270)
த்³வாரதே³ஶே ததோ த்³ரௌணிமவஸ்தி²தமவேக்ஷ்ய தௌ।
அகுர்வதாம்ʼ போ⁴ஜக்ருʼபௌ கிம்ʼ ஸஞ்ஜய வத³ஸ்வ மே॥ 10-6-1 (64169)
ஸ·ஞ்ஜய உவாச। 10-6-2x (5271)
க்ருʼதவர்மாணமாமந்த்ர்ய க்ருʼபம்ʼ ச ஸ மஹாரத²:।
த்³ரௌணிர்மன்யுபரீதாத்மா ஶிபி³ரத்³வாரமாஸத³த்॥ 10-6-2 (64170)
தத்ர பூ⁴தம்ʼ மஹாகாயம்ʼ சந்த்³ரார்கஸத்³ருʼஶத்³யுதிம்।
ஸோ(அ)பஶ்யத்³த்³வாரமாவ்ருʼத்ய திஷ்ட²ந்தம்ʼ ரோமஹர்ஷணம்॥ 10-6-3 (64171)
வஸானம்ʼ சர்ம வையாக்⁴ரம்ʼ வஸாருதி⁴ரவிஸ்ரவம்।
க்ருʼஷ்ணாஜினோத்தராஸங்க³ம்ʼ நாக³யஜ்ஞோபவீதினம்॥ 10-6-4 (64172)
பா³ஹுபி⁴: ஸ்வாயதைர்பீ⁴மைர்னானாப்ரஹரணோத்³யதை:।
ப³த்³தா⁴ங்க³த³மஹாஸர்பம்ʼ ஜ்வாலாமாலாகுலானநம்॥ 10-6-5 (64173)
த³ம்ʼஷ்ட்ராகராலவத³னம்ʼ வ்யாதி³தாஸ்யம்ʼ ப⁴யானகம்।
நயனானாம்ʼ ஸஹஸ்ரைஶ்ச விசித்ரைரபி⁴பூ⁴ஷிதம்॥ 10-6-6 (64174)
நைவ தஸ்ய வபு: ஶக்யம்ʼ ப்ரவக்தும்ʼ வேஷ ஏவ ச।
ஸர்வதா² து ததா³லக்ஷ்ய ஸ்பு²டேயுரபி பர்வதா:॥ 10-6-7 (64175)
தஸ்யாஸ்யனாஸிகாப்⁴யாம்ʼ ச ஶ்ரவணாப்⁴யாம்ʼ ச ஸர்வஶ:।
தேப்⁴யஶ்சாக்ஷிஸஹஸ்ரேப்⁴ய: ப்ராது³ராஸன்மஹார்சிஷ:॥ 10-6-8 (64176)
ததா² தேஜோமரீசிப்⁴ய: ஶங்க²சக்ரக³தா³த⁴ரா:।
ப்ராது³ராஸன்ஹ்ருʼஷீகேஶா: ஶதஶோ(அ)த² ஸஹஸ்ரஶ:॥ 10-6-9 (64177)
தத³த்யத்³பு⁴தமாலோக்ய பூ⁴தம்ʼ லோகப⁴யங்கரம்।
த்³ரௌணிரவ்யதி²தோ தி³வ்யைரஸ்த்ரவர்ஷைரவாகிரத்॥ 10-6-10 (64178)
த்³ரௌணிமுக்தாஞ்ச²ராம்ʼஸ்தாம்ʼஸ்து தத்³பூ⁴தம்ʼ மஹத³க்³ரஸத்।
உத³தே⁴ரிவ வார்யோகா⁴ந்பாவகோ ப³ட³பா³முக²:॥ 10-6-11 (64179)
அஶ்வத்தா²மா து ஸம்ப்ரேக்ஷ்ய ஶரௌகா⁴ம்ʼஸ்தான்னிரர்த²கான்।
ரத²ஶக்திம்ʼ முமோசாஸ்மை தீ³ப்தாமக்³நிஶிகா²மிவ॥ 10-6-12 (64180)
ஸா தமாஹத்ய தீ³ப்தாக்³ரா ரத²ஶக்திரதீ³ர்யத।
யுகா³ந்தே ஸூர்யமாஹத்ய மஹோல்கேவ தி³வஶ்ச்யுதா॥ 10-6-13 (64181)
அத² ஹேமத்ஸரும்ʼ தி³வ்யம்ʼ க²ங்க³மாகாஶவர்சஸம்॥
கோஶாத்ஸமுத்³ப³ப³ர்ஹாஶு பி³லாத்³தீ³ப்தமிவோரக³ம்॥ 10-6-14 (64182)
தத: க²ங்க³வரம்ʼ தீ⁴மான்பூ⁴தாய ப்ராஹிணோத்ததா³।
ஸ ததா³ஸாத்³ய பூ⁴தம்ʼ வை விலயம்ʼ தூலவத்³யயௌ॥ 10-6-15 (64183)
தத: ஸ குபிதோ த்³ரௌணிரிந்த்³ரகேதுனிபா⁴ம்ʼ க³தா³ம்।
ஜ்வலந்தீம்ʼ ப்ராஹிணோத்தஸ்மை பூ⁴தம்ʼ தாமபி சாக்³ரஸத்॥ 10-6-16 (64184)
தத: ஸர்வாயுதா⁴பா⁴வே வீக்ஷமாணஸ்ததஸ்தத:।
அபஶ்யத்க்ருʼதமாகாஶமனாகாஶம்ʼ ஜனார்த³னை:॥ 10-6-17 (64185)
தத³த்³பு⁴ததமம்ʼ த்³ருʼஷ்ட்வா த்³ரோணபுத்ரோ நிராயுத⁴:।
அசிந்தயத்ஸுஸந்த்ரஸ்த: க்ருʼபபோ⁴ஜவச: ஸ்மரன்॥ 10-6-18 (64186)
ப்³ருவதாமப்ரியம்ʼ பத்²யம்ʼ ஸுஹ்ருʼதா³ம்ʼ ந ஶ்ருʼமோதி ய:।
ஸ ஶோசத்யாபத³ம்ʼ ப்ராப்ய தா²(அ)ஹமவமத்ய தௌ॥ 10-6-19 (64187)
ஶாஸ்த்ரத்³ருʼஷ்டானவித்³வான்ய: ஸமதீத்ய ஜிகா⁴ம்ʼஸதி।
ஸ பத²: ப்ரச்யுதோ த⁴ர்ம்யாத்குபதே² ப்ரதிஹன்யதே॥ 10-6-20 (64188)
கோ³ப்³ராஹ்மணன்ருʼபஸ்த்ரீஷு ஸக்²யுர்மாதுர்கு³ரோஸ்ததா²।
வ்ருʼத்³த⁴பா³லஜடா³ந்தே⁴ஷு ஸுப்தபீ⁴தோத்தி²தேஷு ச॥ 10-6-21 (64189)
மத்தோன்மத்தப்ரமத்தேஷு ந ஶஸ்த்ராணி ச மாதயேத்।
இத்யேவம்ʼ கு³ருபி⁴: பூர்வமுபதி³ஷ்டம்ʼ ந்ருʼணாம்ʼ ஸதா³॥ 10-6-22 (64190)
ஸோ(அ)ஹமுத்க்ரம்ய பந்தா²நம்ʼ ஶாஸ்த்ரத்³ருʼஷ்டம்ʼ ஸனாதனம்।
அமார்கே³ணைவமாரப்⁴ய கோ⁴ராமாபத³மாக³த:॥ 10-6-23 (64191)
தாம்ʼ சாபத³ம்ʼ கோ⁴ரதராம்ʼ ப்ரவத³ந்தி மனீஷிண:।
யது³த்³யம்ய மஹத்க்ருʼத்யம்ʼ ப⁴யாத³பி நிவர்ததே॥ 10-6-24 (64192)
அஶக்யம்ʼ சைவ க: கர்தும்ʼ ஶக்த: ஶக்திப³லாதி³ஹ।
ந ஹி தை³வாத்³க³ரீயோ வை மானுஷ்யம்ʼ கிஞ்சிதி³ஷ்யதே॥ 10-6-25 (64193)
மானுஷ்யம்ʼ குர்வத: கர்ம யதி³ தை³வான்ன ஸித்⁴யதி।
ஸ பத²: ப்ரச்யுதோ த⁴ர்ம்யாத்³விபத³ம்ʼ ப்ரதிபத்³யதே॥ 10-6-26 (64194)
ப்ரதிஜ்ஞானம்ʼ ஹ்யவிஜ்ஞானம்ʼ ப்ரவத³ந்தி மனீஷிண:।
யதா³ரப்⁴ய க்ரியாம்ʼ காஞ்சித்³ப⁴யாதி³ஹ நிவர்ததே॥ 10-6-27 (64195)
ததி³த³ம்ʼ து³ஷ்ப்ரணீதேன ப⁴யம்ʼ மா ஸமுபஸ்தி²தம்।
ந ஹி த்³ரோணஸுத: ஸங்க்²யே நிவர்தேத கத²ஞ்சன॥ 10-6-28 (64196)
இத³ம்ʼ ச ஸுமஹத்³பூ⁴தம்ʼ தை³வத³ண்ட³மிவோத்³யதம்।
ந சைதத³பி⁴ஜானாமி சிந்தயன்னபி ஸர்வதா²॥ 10-6-29 (64197)
த்⁴ருவம்ʼ யேயமத⁴ர்மேண ப்ரஹிதா கலுஷா மதி:।
தஸ்யா: ப²லமித³ம்ʼ கோ⁴ரம்ʼ ப்ரதிகா⁴தாய கல்பதே॥ 10-6-30 (64198)
ததி³த³ம்ʼ தை³வவிஹிதம்ʼ மம ஸங்க்²யே நிவர்தனம்।
நான்யத்ர தை³வாது³த்³யந்துமிஹ ஶக்யம்ʼ கத²ஞ்சன॥ 10-6-31 (64199)
ஸோ(அ)ஹமத்³ய மஹாதே³வம்ʼ ப்ரபத்³யே ஶரணம்ʼ விபு⁴ம்।
தை³வத³ண்ட³மிமம்ʼ கோ⁴ரம்ʼ ஸ ஹி மே நாஶயிஷ்யதி॥ 10-6-32 (64200)
கபர்தி³நம்ʼ ப்ரபத்³யே(அ)ஹம்ʼ தே³வதே³வமுமாபதிம்।
கபாலமாலினம்ʼ ருத்³ரம்ʼ ப⁴க³னேத்ரஹரம்ʼ ஹரம்॥ 10-6-33 (64201)
ஸ ஹி தே³வோ(அ)த்யகா³த்³தே³வாம்ʼஸ்தபஸா விக்ரமேண ச।
தஸ்மாச்ச²ரணமப்⁴யேஷ்யே கி³ரிஶம்ʼ ஶூலபாணினம்॥ ॥ 10-6-34 (64202)
இதி ஶ்ரீமன்மஹாபா⁴ரதே ஸௌப்திகபர்வணி ஷஷ்டோ²(அ)த்⁴யாய:॥ 6 ॥
Mahabharata - Sauptika Parva - Chapter Footnotes
10-6-12 ரத²ஶக்திம்ʼ சக்ரம்॥ 10-6-13 யுக்³மாந்தே ஸூர்யமிதி ஜ².பாட²: தத்ர யுக்³மாந்தே மிது²நராஶேரந்தே அதிதீ³ப்தம்ʼ இத்யர்த²:॥ 10-6-15 விலம்ʼ நகுலவத்³யயௌ இதி ஜ².பாட²:॥ 10-6-17 அனாகாஶம்ʼ நிரவகாஶம்॥ 10-6-6 ஷஷ்டோ²(அ)த்⁴யாய:॥ஸௌப்திகபர்வ - அத்⁴யாய 007
॥ ஶ்ரீ: ॥
10.7. அத்⁴யாய: 007
Mahabharata - Sauptika Parva - Chapter Topics
த்³ரௌணினா ஶிவஸ்துதி:॥ 1 ॥ த்³ரௌணே: புரத: காஞ்சனவேத்³யாமக்³ந்யுத்³ப⁴வ:॥ 2 ॥ த்³ரௌணே: ஸமீபே நானாவித⁴பீ⁴ஷணபூ⁴தக³ணானாமாக³மனம்॥ 3 ॥ ஶிவேன ஆத்மனோ ஹவிஷ்ட்வகல்பனபூர்வகமக்³நௌ ப்ரவிஷ்டாய த்³ரௌணயே க²ங்க³தா³நபூர்வகம்ʼ தச்ச²ரீரப்ரவேஶ:॥ 4 ॥ புனரஶ்வத்தா²ம்ன: ஶிபி³ரக³மனம்॥ 5 ॥Mahabharata - Sauptika Parva - Chapter Text
10-7-0 (64203)
ஸஞ்ஜய உவாச। 10-7-0x (5272)
ஏவம்ʼ ஸஞ்சிந்தயித்வா து த்³ரோணபுத்ரோ விஶாம்பதே।
அவதீர்ய ரதோ²பஸ்தா²த்³த³த்⁴யௌ ஸ ப்ரயத: ஸ்தி²த:॥ 10-7-1 (64204)
த்³ரௌணிருவாச। 10-7-2x (5273)
உக்³ரம்ʼ ஸ்தா²ணும்ʼ ஶிவம்ʼ ருத்³ரம்ʼ ஶர்வமீஶானமீஶ்வரம்।
கி³ரிஶம்ʼ வரத³ம்ʼ தே³வம்ʼ ப⁴வபா⁴வனமவ்யயம்॥ 10-7-2 (64205)
ஶிதிகண்ட²மஜம்ʼ ருத்³ரம்ʼ த³க்ஷக்ரதுஹரம்ʼ ஹரம்।
விஶ்வரூபம்ʼ விரூபாக்ஷம்ʼ ப³ஹுரூபமுமாபதிம்॥ 10-7-3 (64206)
ஶ்மஶானவாஸினம்ʼ த்³ருʼப்தம்ʼ மஹாக³ணபதிம்ʼ விபு⁴ம்।
க²ட்வாங்க³தா⁴ரிணம்ʼ முண்ட³ம்ʼ ஜடிலம்ʼ ப்³ரஹ்மசாரிணம்॥ 10-7-4 (64207)
மனஸா ஹ்யனுசிந்த்யைனம்ʼ து³ஷ்கரேணால்பசேதஸா।
அத்³ய பூ⁴தோபஹாரேண யக்ஷ்யே த்ரிபுராகா⁴தினம்॥ 10-7-5 (64208)
xxதுதம்ʼ ஸ்துத்யம்ʼ ஸ்தூயமானமமோக⁴ம்ʼ க்ருʼத்திவாஸஸம்।
விலோஹிதம்ʼ நீலகண்ட²மஸஹ்யம்ʼ து³ர்னிவாரணம்॥ 10-7-6 (64209)
ஶுக்ரம்ʼ விஶ்வஸ்ருʼஜம்ʼ ப்³ரஹ்ம ப்³ரஹ்மசாரிணமேவ ச।
வ்ரதவந்தம்ʼ தபோனிஷ்ட²மனந்தம்ʼ தபதாம்ʼ க³திம்॥ 10-7-7 (64210)
ப³ஹுரூபம்ʼ க³ணாத்⁴யக்ஷம்ʼ த்ர்யக்ஷம்ʼ பாரிஷத³ப்ரியம்।
த⁴னாத்⁴யக்ஷப்ரியஸக²ம்ʼ கௌ³ரீஹ்ருʼத³யவல்லப⁴ம்॥ 10-7-8 (64211)
குமாரபிதரம்ʼ பிங்க³ம்ʼ கோ³வ்ருʼஷோத்தமவாஹனம்।
குத்திவாஸஸமத்யுக்³ரமாதோஷணதத்பரம்॥ 10-7-9 (64212)
பரம்ʼ பரேப்⁴ய: பரமம்ʼ பரம்ʼ யஸ்மான்ன வித்³யதே।
இஷ்வஸ்த்ரோத்தமப⁴ர்தாரம்ʼ தி³க³ந்தம்ʼ தே³ஶரக்ஷிணம்॥ 10-7-10 (64213)
ஹிரண்யகவசம்ʼ தே³வம்ʼ சந்த்³ரமௌலிவிபூ⁴ஷணம்।
ப்ரபத்³யே ஶரணம்ʼ தே³வம்ʼ பரமேண ஸமாதி⁴நா॥ 10-7-11 (64214)
இமாம்ʼ சேதா³பத³ம்ʼ கோ⁴ராம்ʼ தராம்யத்³ய ஸுது³ஸ்தராம்।
ஸர்வபூ⁴தோபஹாரேண யக்ஷ்யே(அ)ஹம்ʼ ஶுசினா ஶுசிம்॥ 10-7-12 (64215)
இதி தஸ்ய வ்யவஸிதம்ʼ ஜ்ஞாத்வா யோகா³த்ஸுகர்மண:।
புரஸ்தாத்காஞ்சனீ வேதீ³ ப்ராது³ராஸீன்மஹாத்மன:॥ 10-7-13 (64216)
தஸ்யாம்ʼ வேத்³யாம்ʼ ததா³ ராஜம்ʼஶ்சித்ரபா⁴நுரஜாயத।
ஸ தி³ஶோ விதி³ஶ: க²ம்ʼ ச ஜ்வாலாபி⁴ரிவ பூரயன்॥ 10-7-14 (64217)
தீ³ப்தாஸ்யனயனாஶ்சாத்ர நைகபாத³ஶிரோத⁴ரா:।
[ரத்னசித்ராங்க³த³த⁴ரா: ஸமுத்³யதகராஸ்ததா²:॥] 10-7-15 (64218)
த்³விபா: ஶைலப்ரதீகாஶா: ப்ராது³ராஸன்மஹாக³ணா:।
ஶ்வவராஹோஷ்ட்ரரூபாஶ்ச ஹயகோ³மாயுகோ³முகா²:॥ 10-7-16 (64219)
ருʼக்ஷமார்ஜாரவத³னா வ்யாக்⁴ரத்³வீபிமுகா²ஸ்ததா²।
காகவக்த்ரா: ப்லுவமுகா²: ஶுகவக்த்ராஸ்ததை²வ ச॥ 10-7-17 (64220)
மஹாஜக³ரவக்த்ராஶ்ச ஹம்ʼஸவக்த்ரா: ஶிதப்ரபா⁴:।
தா³ர்வாகா⁴டமுகா²ஶ்சாபி சாஷவக்த்ராஶ்ச பா⁴ரத॥ 10-7-18 (64221)
கூர்மனக்ரமுகா²ஶ்சைவ ஶிம்ʼஶுமாரமுகா²ஸ்ததா²।
மஹாமகரவக்த்ராஶ்ச திமிவக்த்ராஸ்ததை²வ ச॥ 10-7-19 (64222)
ஹரிவக்த்ரா: க்ரௌஞ்சமுகா²: கபோதாப⁴முகா²ஸ்ததா²।
பாராவதமுகா²ஶ்சைவ மத்³கு³வக்த்ராஸ்ததை²வ ச॥ 10-7-20 (64223)
பாணிகர்ணா: ஸஹஸ்ராக்ஷாஸ்ததை²வ ச மஹோத³ரா:।
நிர்மாம்ʼஸா: காகவக்த்ராஶ்ச ஶ்யேனவக்த்ராஶ்ச பா⁴ரத॥ 10-7-21 (64224)
ததை²வாஶிரஸோ ராஜன்ன்ருʼக்ஷவக்த்ராஶ்ச பீ⁴ஷணா:।
ப்ரதீ³ப்தனேத்ரஜிஹ்வாஶ்ச ஜ்வாலாவர்ணாஸ்ததை²வ ச॥ 10-7-22 (64225)
ஜ்வாலாகேஶாஶ்ச ராஜேந்த்³ர ஜ்வலத்³ரோமசதுர்பு⁴ஜா:।
மேஷவக்த்ராஸ்ததை²வான்யே ததா² சா²க³முகா² ந்ருʼப॥ 10-7-23 (64226)
ஶங்கா²பா⁴: ஶங்க²வக்த்ராஶ்ச ஶங்க²வர்ணாஸ்ததை²வ ச।
ஶங்க²மாலாபரிகரா: ஶஹ்க²த்⁴வனிஸமஸ்வனா:॥ 10-7-24 (64227)
ஜடாத⁴ரா: ப·ஞ்சஶிகா²ஸ்ததா² முண்டா³: க்ருʼஶோத³ரா:।
சதுர்த³ம்ʼஷ்ட்ராஶ்சதுர்ஜிஹ்வா: ஶங்குகர்ணா: கிரீடின:॥ 10-7-25 (64228)
மௌஞ்ஜீத⁴ராஶ்ச ராஜேந்த்³ர ததா² குஞ்சிதமூர்த⁴ஜா:।
உஷ்ணீஷிண: குண்ட³லினஶ்சாருவக்த்ரா: ஸ்வலங்க்ருʼதா:॥ 10-7-26 (64229)
பத்³மோத்பலாபீட³த⁴ராஸ்ததா² முகுடதா⁴ரிண:।
மஹாத்ம்யேன ச ஸம்ʼயுக்தா: ஶதஶோ(அ)த² ஸஹஸ்ரஶ:॥ 10-7-27 (64230)
ஶதக்⁴நீசக்ரஹஸ்தாஶ்ச ததா² முஸலபாணய:।
பு⁴ஶுண்டீ³பாஶஹஸ்தாஶ்ச த³ண்·ட³ஹஸ்தாஶ்ச பா⁴ரத॥ 10-7-28 (64231)
ப்ருʼஷ்டே²ஷு ப³த்³தே⁴ஷுத⁴யஶ்சித்ரபா³ணோத்கடாஸ்ததா²।
ஸத்⁴வஜா: ஸபதாகாஶ்ச ஸக⁴ண்டா: ஸபரஶ்வதா²:॥ 10-7-29 (64232)
மஹாபாஶோத்³யதகராஸ்ததா² லகு³ட³பாணய:।
ஸ்தூ²ணாஹஸ்தா: க²ங்க³ஹஸ்தா: ஸர்போச்ச்²ரிதகிரீடின:॥ 10-7-30 (64233)
மஹாஸர்பாங்க³த³த⁴ராஶ்சித்ராப⁴ரணதா⁴ரிண:।
ரஜோத்⁴வஜா: பங்கதி³க்³தா⁴: ஸர்வே சித்ராம்ப³ரஸ்ரஜ:।
நீலாங்கா³: பிங்க³லாங்கா³ஶ்ச முண்ட³வக்தாஸ்ததை²வ ச॥ 10-7-31 (64234)
பே⁴ரீஶங்க²ம்ருʼத³ங்கா³ம்ʼஶ்ச ஜ²ர்ஜ²ரானககோ³முகா²ந்।
அவாத³யன்பாரிஷதா³: ப்ரஹ்ருʼஷ்டா: கனகப்ரபா⁴:॥ 10-7-32 (64235)
கா³யமானாஸ்ததை²வான்யே ஸம்ʼஹ்ருʼஷ்டா: புருஷர்ஷபா⁴:।
லங்க⁴யந்த: ப்லுவந்தஶ்ச வல்க³ந்தஶ்ச மஹாரதா²:॥ 10-7-33 (64236)
தா⁴வந்தோ ஜவனாஶ்சண்டா³: பாவகோத்³வூதமூர்த⁴ஜா:।
மத்தா இவ மஹானாகா³ வினத³ந்தோ முஹுர்முஹு:॥ 10-7-34 (64237)
ஸுபீ⁴மா கோ⁴ரரூபாஶ்ச ஶூலபட்டஸபாணய:।
நானாவிராக³வஸனாஶ்சித்ரமால்யானுலேபனா:॥ 10-7-35 (64238)
ரத்னசித்ராங்க³த³த⁴ரா: ஸமுத்³யதகராஸ்ததா²।
ஹந்தாரோ த்³விஷதாம்ʼ ஶூரா: ப்ரஸஹ்யாஸஹ்யவிக்ரமா:॥ 10-7-36 (64239)
பாதாரோ(அ)ஸ்ருʼக்³வஸாஜ்யானாம்ʼ மாம்ʼஸாந்த்ரக்ருʼதபோ⁴ஜனா:।
சூடா³லா: கர்ணிகாராஶ்ச ப்ரஹ்ருʼஷ்டா: பிட²ரோத³ரா:॥ 10-7-37 (64240)
அதிஹஸ்வாதிதீ³ர்கா⁴ஶ்ச ப்ரலம்பா³ஶ்சாதிபை⁴ரவா:।
விகடா: காலலம்போ³ஷ்டா² ப்³ருʼஹச்சே²பா²ண்ட³பிண்டி³கா:॥ 10-7-38 (64241)
மஹார்ஹனானாவிகடா முண்டா³ஶ்ச ஜடிலா: பரே।
ஸார்கேந்து³க்³ரஹனக்ஷத்ராம்ʼ த்³யாம்ʼ குர்யுஸ்தே மஹீதலே॥ 10-7-39 (64242)
உத்ஸஹேரம்ʼஶ்ச யே ஹந்தும்ʼ பூ⁴தக்³ராமம்ʼ சதுர்வித⁴ம்।
யே ச வீதப⁴யா நித்யம்ʼ ஹரஸ்ய ப்⁴ருகுடீஸஹா:॥ 10-7-40 (64243)
காமகாரகரா நித்யம்ʼ த்ரைலோக்யஸ்யேஶ்வரேஶ்வரா:।
நித்யானந்த³ப்ரமுதி³தா வாகீ³ஶா வீதமத்ஸரா:॥ 10-7-41 (64244)
ப்ராப்யாஷ்டகு³ணமைஶ்வர்யம்ʼ யே ந யாஸ்யந்தி வை ஸ்மயம்।
யேஷாம்ʼ விஸ்மயதே நித்யம்ʼ ப⁴க³வான்கர்மபி⁴ர்ஹர:॥ 10-7-42 (64245)
மனோவாக்கர்மபி⁴ர்யுக்தைர்னித்யமாராதி⁴தஶ்ச யை:।
மனோவாக்கர்மபி⁴ர்ப⁴க்தான்பாதி புத்ரானிவௌரஸான்॥ 10-7-43 (64246)
பிப³ந்தோ(அ)ஸ்ருʼக்³வஸாஶ்சான்யே க்ருத்³தா⁴ ப்³ரஹ்மத்³விஷாம்ʼ ஸதா³।
சதுர்விதா⁴த்மகம்ʼ ஸோமம்ʼ யே பிப³ந்தி ச ஸர்வதா³॥ 10-7-44 (64247)
ஶ்ருதேன ப்³ரஹ்மசர்யேண தபஸா ச த³மேன ச।
யே ஸமாராத்⁴ய ஶூலாங்கம்ʼ ப⁴வஸாயுஜ்யமாக³தா:॥ 10-7-45 (64248)
யைராத்மபூ⁴தைர்ப⁴க³வான்பார்வத்யா ச மஹேஶ்வர:।
மஹாபூ⁴தக³ணைர்பு⁴ங்க்தே பூ⁴தப⁴வ்யப⁴வத்ப்ரபு⁴:॥ 10-7-46 (64249)
நானாவாதி³த்ரஹஸிதக்ஷ்வேடி³தோத்க்ருʼஷ்டக³ர்ஜிதை:।
ஸந்த்ராஸயந்தஸ்தே விஶ்வமஶ்வத்தா²மானமப்⁴யயு:॥ 10-7-47 (64250)
ஸம்ʼஸ்துவந்தோ மஹாதே³வம்ʼ பா⁴: குர்வாணா: ஸுவர்சஸ:।
விவர்த⁴யிஷவோ த்³ரௌணேர்மஹிமானம்ʼ மஹாத்மன:॥ 10-7-48 (64251)
ஜிஜ்ஞாஸமானாஸ்தத்தேஜ: ஸௌப்திகம்ʼ ச தி³த்³ருʼக்ஷவ:।
பீ⁴மோக்³ரபரிகா⁴லாதஶூலபட்டஸபாணய:।
கோ⁴ரரூபா: ஸமாஜக்³முர்பூ⁴தஸங்கா⁴: ஸஹஸ்ரஶ:॥ 10-7-49 (64252)
ஜனயேயுர்ப⁴யம்ʼ யே ஸ்ம த்ரைலோக்யஸ்யாபி த³ர்ஶனாத்।
ந ச தான்ப்ரேக்ஷமாணோ(அ)பி வ்யதா²முபஜகா³ம ஹ॥ 10-7-50 (64253)
அத² த்³ரௌணிர்த⁴னுஷ்பாணிர்ப³த்³த⁴கோ³தா⁴ங்கு³லித்ரவான்।
ஸ்வயமேவாத்மனாத்மானமுபஹாரமுபாஹரத்॥ 10-7-51 (64254)
த⁴னூம்ʼஷி ஸமித⁴ஸ்தத்ர பவித்ராணி ஸிதா: ஶரா:।
ஹவிராத்மவதஶ்சாத்மா தஸ்மின்பா⁴ரத கர்மணி॥ 10-7-52 (64255)
தத: ஸௌம்யேன மந்த்ரேண த்³ரோணபுத்ர: ப்ரதாபவான்।
உபஹாரம்ʼ மஹாமன்யுரதா²த்மானமுபாஹரத்॥ 10-7-53 (64256)
தம்ʼ ருத்³ரம்ʼ ரௌத்³ரகர்மாணம்ʼ ரௌத்³ரை: கர்மபி⁴ரச்யுதம்।
அபி⁴ஷ்டுத்ய மஹாத்மானமித்யுவாச க்ருʼதாஞ்ஜலி:॥ 10-7-54 (64257)
த்³ரௌணிருவாச। 10-7-55x (5274)
இமமாத்மானமத்³யாஹம்ʼ ஜாதமாங்கி³ரஸே குலே।
ஸ்வக்³நௌ ஜுஹோமி ப⁴க³வன்ப்ரதிக்³ருʼஹ்ணீஷ்வ மாம்ʼ ப³லிம்॥ 10-7-55 (64258)
ப⁴வத்³ப⁴க்த்யா மஹாதே³வ பஸ்மேண ஸமாதி⁴நா।
அஸ்யாமாபதி³ விஶ்வாத்மன்னுபாகுர்மீ தவாக்³ரத:॥ 10-7-56 (64259)
த்வயி ஸர்வாணி பூ⁴தானி ஸர்வபூ⁴தேஷு சாஸி வை।
கு³ணானாம்ʼ ஹி ப்ரதா⁴நானாம்ʼ கைவல்யம்ʼ த்வயி திஷ்ட²தி॥ 10-7-57 (64260)
ஸர்வபூ⁴தாஶ்ரய விபோ⁴ ஹவிர்பூ⁴தமவஸ்தி²தம்।
ப்ரதிக்³ருʼஹாண மாம்ʼ தே³வ யத்³யஶக்யா: பரே மயா॥ 10-7-58 (64261)
இத்யுக்த்வா த்³ரௌணிராஸ்தா²ய தாம்ʼ தே³வீம்ʼ தீ³ப்தபாவகாம்।
ஸந்த்யஜ்யாத்மானமாருஹ்ய க்ருʼஷ்ணவர்த்மன்யுபாவிஶத்॥ 10-7-59 (64262)
தமூர்த்⁴வபா³ஹும்ʼ நிஶ்சேஷ்டம்ʼ த்³ருʼஷ்ட்வா ஹவிருபஸ்தி²தம்।
அப்³ரவீத்³ப⁴க³வான்ஸாக்ஷான்மஹாதே³வோ ஹஸன்னிவ॥ 10-7-60 (64263)
ஸத்யஶௌசார்ஜவத்யாகை³ஸ்தபஸா நியமேன ச।
க்ஷாந்த்யா ப⁴க்த்யா ச த்⁴ருʼத்யா ச கர்மணா மனஸா கி³ரா॥ 10-7-61 (64264)
யதா²வத³ஹமாராத்³வ: க்ருʼஷ்ணேனாக்லிஷ்டகர்மணா।
தஸ்மாதி³ஷ்டதம: க்ருʼஷ்ணாத³ன்யோ மம ந வித்³யதே॥ 10-7-62 (64265)
குர்வதா தாத ஸம்மானம்ʼ த்வாம்ʼ ச ஜிஜ்ஞாஸதா மயா।
பாஞ்சாலா: ஸர்வதா³ கு³ப்தா மாயாஶ்ச ப³ஹுஶ: க்ருʼதா:॥ 10-7-63 (64266)
க்ருʼதஸ்தஸ்யைவ ஸம்மானம்ʼ பாஞ்சாலான்ரக்ஷதா மயா।
அபி⁴பூ⁴தாஸ்து காலேன நைஷாமத்³யாஸ்தி ஜீவிதம்॥ 10-7-64 (64267)
ஏவமுக்த்வா மஹாத்மானம்ʼ ப⁴க³வானாத்மனஸ்தனும்।
ஆவிவேஶ த³தௌ³ சாஸ்மை விமலம்ʼ க²ங்க³முத்தமம்॥ 10-7-65 (64268)
அதா²விஷ்டோ ப⁴க³வதா பூ⁴யோ ஜஜ்வால தேஜஸா।
வேக³வாம்ʼஶ்சாப⁴வத்³யுத்³தே⁴ தே³வஸ்ருʼஷ்டேன தேஜஸா॥ 10-7-66 (64269)
தம்ʼ த்³ருʼஷ்ட்வா தானி பூ⁴தானி ரக்ஷாம்ʼஸி ச ஸமாத்³ரவன்।
அபி⁴த: ஶிபி³ரம்ʼ யாந்தம்ʼ த்³ரோணபுத்ரம்ʼ மஹாரத²ம்।
தே³வதே³வம்ʼ ஹரம்ʼ ஸ்தா²உம்ʼ யாந்தம்ʼ ஸாக்ஷாதி³வேஶ்வரம்॥ ॥ 10-7-67 (64270)
இதி ஶ்ரீமன்மஹாபா⁴ரதே ஸௌப்திகபர்வணி ஸப்தமோ(அ)த்⁴யாய:॥ 7 ॥
Mahabharata - Sauptika Parva - Chapter Footnotes
10-7-1 ரதோ²பஸ்தா²த்³த³த்⁴யௌ ஸ ப்ரயத: ஸ்தி²த: இதி க.பாட²:॥ 10-7-5 ஸோ(அ)ஹமாத்மோபஹாரேணேதி ஜ².பாட²:॥ 10-7-9 உமாபூ⁴ஷணதத்பரமிதி ஜ².பாட²:॥ 10-7-11 ஹிரண்யத³ண்·ட³கவசம்ʼ சாருமௌலிவிபூ⁴ஷணமிதி க.பாட²:॥ 10-7-17 ப்லுவமுகா²: மண்டூ³கவக்தா:॥ 10-7-18 தா³ர்வாகா⁴ட: பக்ஷிவிஶேஷ:। மஹாக³ஜஸவகாஶ்சேதி க.பாட²:॥ 10-7-38 பிண்·டி³கா ஜானுனோரத⁴:---பஶ்சாத்³பா⁴க³:॥ 10-7-53 ஸௌம்யேன ஸோமதை³வத்யேன மந்த்ரேண॥ 10-7-7 ஸப்தமோ(அ)த்⁴யாய:॥ஸௌப்திகபர்வ - அத்⁴யாய 008
॥ ஶ்ரீ: ॥
10.8. அத்⁴யாய: 008
Mahabharata - Sauptika Parva - Chapter Topics
ஶிபி³ரத்³வாரே க்ருʼபக்ருʼதவர்மாணௌ ஸம்ʼஸ்தா²ப்யாந்த: ப்ரவிஷ்டேன த்³ரௌணினா த்⁴ருʼஷ்டத்³யும்னாதி³பாஞ்சாலானாம்ʼ த்³ரௌபதே³யாதீ³நாம்ʼ ச வத⁴:॥ 1 ॥ ப⁴யாத்³வஹிர்னிஷ்க்ராந்தானாம்ʼ க்ருʼபக்ருʼதவர்மக்ஷ்யாம்ʼ வத⁴:॥ 2 ॥Mahabharata - Sauptika Parva - Chapter Text
10-8-0 (64271)
த்⁴ருʼதராஷ்ட்ர உவாச। 10-8-0x (5275)
ததா² ப்ரயாதே ஶிபி³ரம்ʼ த்³ரோணபுத்ரே மஹாரதே²।
கச்சித்க்ருʼபஶ்ச போ⁴ஜஶ்ச ப⁴யார்தௌ ந வ்யவர்ததாம்॥ 10-8-1 (64272)
கச்சின்ன வாரிதௌ க்ஷுத்³ரௌ ரக்ஷிபி⁴ர்னோபலக்ஷிதௌ।
அஸஹ்யமிதி மன்வானௌ ந நிவ்ருʼத்தௌ மஹாரதௌ²॥ 10-8-2 (64273)
கச்சிது³ந்மத்²ய ஶிபி³ரம்ʼ ஹத்வா ஸோமகபாண்ட³வான்।
`க்ருʼதா ப்ரதிஜ்ஞா ஸப²லா கச்சித்ஸஞ்ஜய ஸா நிஶி'॥ 10-8-3 (64274)
து³ர்யோத⁴னஸ்ய பத³வீம்ʼ கச்சித்பரமிகாம்ʼ ரணே।
`க³த்வாதிஷ்ட²த³ஸௌ த்³ரௌணி: க்ருʼத்வா கர்ம ஸுது³ஷ்கரம்॥ 10-8-4 (64275)
த்⁴ருʼஷ்டத்³யும்னஶிக²ண்டி³ப்⁴யாம்ʼ த்³ரௌபத்³யாஶ்ச ஸுதை: கில।
ஸஞ்ச²ன்னா மேதி³நீ ஸுப்தைர்னிஹதை: பாண்டு³ஸைனிகை:॥ 10-8-5 (64276)
பாஞ்சாலைர்வா வினிஹதை: ஶயானை ருதி⁴ரோக்ஷிதை:।
கச்சின்மஹீதலம்ʼ ச²ன்னம்ʼ தன்மமாசக்ஷ்வ ஸஞ்ஜய'॥ 10-8-6 (64277)
[பாஞ்சாலைர்னிஹதௌ வீரௌ கச்சித்து ஸ்வபதாம்ʼ க்ஷிதௌ।
கச்சித்தாப்⁴யாம்ʼ க்ருʼதம்ʼ கர்ம தன்மமாசக்ஷ்வ ஸஞ்ஜய॥] 10-8-7 (64278)
ஸஞ்ஜய உவாச। 10-8-8x (5276)
தஸ்மின்ப்ரயாதே ஶிபி³ரம்ʼ த்³ரோணபுத்ரே மஹாத்மனி।
க்ருʼபஶ்ச க்ருʼதவர்மா ச த்³ரௌணிமேவாப்⁴யவர்ததாம்॥ 10-8-8 (64279)
அஶ்வத்தா²மா து தௌ த்³ருʼஷ்ட்வா யத்னவந்தௌ மஹாரதௌ²।
ப்ரஹ்ருʼஷ்ட: ஶனகை ராஜன்னித³ம்ʼ வசனமப்³ரவீத்॥ 10-8-9 (64280)
யத்தௌ ப⁴வந்தௌ பர்யாப்தௌ ஸர்வக்ஷத்ரஸ்ய நாஶனே।
கிம்புனர்யோத⁴ஶேஷஸ்ய ப்ரஸுப்தஸ்ய விஶேஷத:॥ 10-8-10 (64281)
அஹம்ʼ ப்ரவேக்ஷ்யே ஶிபி³ரம்ʼ சரிஷ்யாமி ச காலவத்।
யதா² ந கஶ்சித³பி வாம்ʼ ஜீவன்முச்யேத மானவ:।
ததா² ப⁴வத்³த்⁴யாம்ʼ கார்யம்ʼ ஸ்யாதி³தி மே நிஶ்சிதா மதி:॥ 10-8-11 (64282)
இத்யுக்த்வா ப்ராவிஶத்³த்³ரௌணி: பார்தா²நாம்ʼ ஶிபி³ரம்ʼ மஹத்।
அத்³வாரேணாப்⁴யவஸ்கந்த்³ய விஹாய ப⁴யமாத்மன:॥ 10-8-12 (64283)
ஸ ப்ரவிஶ்ய மஹாபா³ஹுருத்³தே³ஶஜ்ஞஶ்ச தஸ்ய ஹ।
`த்³ரௌணி: பரமஸங்க்ருத்³த⁴ஸ்தேஜஸா ப்ரஜ்வலன்னிவ।
தத: பர்யசரத்ஸர்வம்ʼ ஸம்ப்ரஸுப்தம்ʼ ஜனம்ʼ நிஶி'॥ 10-8-13 (64284)
த்⁴ருʼஷ்டத்³யும்னஸ்ய நிலயம்ʼ ஶனகைரப்⁴யுபாக³மத்॥ 10-8-14 (64285)
தே து க்ருʼத்வா மஹத்கர்ம ஶ்ராந்தாஶ்ச ப³லவத்³ரணே।
ப்ரஸுப்தா வை ஸுவிஶ்வஸ்தா: ஸ்வஸைன்யபரிவாரிதா:॥ 10-8-15 (64286)
அத² ப்ரவிஶ்ய தத்³வேஶ்ம த்⁴ருʼஷ்டத்³யும்னஸ்ய பா⁴ரத।
பாஞ்சால்யம்ʼ ஶயனே த்³ரௌணிரபஶ்யத்ஸுப்தமந்திகாத்॥ 10-8-16 (64287)
க்ஷௌமாவதா³தே மஹதி ஸ்பர்த்³வ்யாஸ்தரணஸம்ʼவ்ருʼதே।
மால்யப்ரவரஸம்ʼயுக்தே தூ⁴பைஶ்சூர்ணைஶ்ச வாஸிதே॥ 10-8-17 (64288)
தம்ʼ ஶயானம்ʼ மஹாத்மானம்ʼ விஸ்ரப்³த⁴மகுதோப⁴யம்।
அபோத²யத பாதே³ந ஶயனஸ்த²ம்ʼ மஹீபதே॥ 10-8-18 (64289)
ஸம்பு³த்⁴ய சரணஸ்பர்ஶாது³த்தா²ய ரணது³ர்மத³:।
அப்⁴யஜானாத³மேயாத்மா த்³ரோணபுத்ரம்ʼ மஹாரத²ம்॥ 10-8-19 (64290)
தமுத்பதந்தம்ʼ ஶயனாத³ஶ்வத்தா²மா மஹாப³ல:।
கேஶேஷ்வாலப்⁴ய பாணிப்⁴யாம்ʼ நிஷ்பிபேஷ மஹீதலே॥ 10-8-20 (64291)
ஸ ப³லாத்தேன நிஷ்பிஷ்ட: ஸாத்⁴வஸேன ச பா⁴ரத।
அப்⁴யாக்ராந்தஶ்ச நித்³ராந்தோ⁴ நாஶகச்சேஷ்டிதும்ʼ ததா³॥ 10-8-21 (64292)
`நிஷ்பிஷ்ய து ததோ பூ⁴மௌ பாஞ்சால்யம்ʼ த்³ரௌணிரஞ்ஜஸா।
த⁴னுஷோ ஜ்யாம்ʼ விமுச்யாஶு க்ரூரபு³த்³தி⁴ரமர்ஷண:॥ 10-8-22 (64293)
தஸ்ய கண்டே²(அ)த² ப³த்³த்⁴வா தாம்ʼ த்வரித: க்ரோத⁴மூர்ச்சி²த:।'
த்³ரௌணி: க்ரூரம்ʼ மன: க்ருʼத்வா பாஞ்சால்யமவதீ⁴த்ததா³॥ 10-8-23 (64294)
தமாக்ரம்ய பதா³ ராஜன்கண்டே² சோரஸி பாத³யோ:।
தத³ந்தம்ʼ விஸ்பு²ரந்தம்ʼ ச பஶுமாரமமாரயத்॥ 10-8-24 (64295)
`ஸ வார்யமாணஸ்தரஸா ப³லாத்³ப³லவதா ப³லீ'।
துத³ன்னகை²ஸ்து ஸ த்³ரௌணிம்ʼ நாதிவ்யக்தமுதா³ஹரத்॥ 10-8-25 (64296)
ஆசார்யபுத்ர ஶஸ்த்ரேண ஜஹி மாம்ʼ மா சிரம்ʼ க்ருʼதா²:।
த்வத்க்ருʼதே ஸுக்ருʼதாம்ʼ லோகான்க³ச்சே²யம்ʼ த்³விபதா³ம்ʼவர॥ 10-8-26 (64297)
ஏவமுக்த்வா து வசனம்ʼ விரராம பரந்தப:।
ஸுத: பாஞ்சாலராஜஸ்ய ஆக்ராந்தோ ப³லினா ப்⁴ருʼஶம்॥ 10-8-27 (64298)
தஸ்யாவ்யக்தாம்ʼ து தாம்ʼ வசம்ʼ ஸம்ʼஶ்ருத்ய த்³ரௌணிரப்³ரவீத்।
ஆசார்யகா⁴தினாம்ʼ லோகா ந ஸந்தி குலபாம்ʼஸன।
தஸ்மாச்ச²ஸ்த்ரேண நித⁴னம்ʼ ந த்வமர்ஹஸி து³ர்மதே॥ 10-8-28 (64299)
`ந்ருʼஶம்ʼஸேனாதிவ்ருʼத்தேன த்வயா மே நிஹத: பிதா।
தஸ்மாத்த்வமபி வத்⁴யஶ்ச ந்ருʼஶம்ʼஸேன ந்ருʼஶம்ʼஸக்ருʼத்॥' 10-8-29 (64300)
ஏவம்ʼ ப்³ருவாணஸ்தம்ʼ வீரம்ʼ ஸிம்ʼஹோ மத்தமிவ த்³விபம்।
மர்மஸ்வப்⁴யவதீ⁴த்க்ருத்³த⁴: பாத³கா⁴தை: ஸுதா³ருணை:॥ 10-8-30 (64301)
தஸ்ய வீரஸ்ய ஶப்³தே³ந மார்யமாணஸ்ய வேஶ்மனி।
அபு³த்⁴யந்த மஹாராஜ ஸ்த்ரியோ யே சாஸ்ய ரக்ஷிண:॥ 10-8-31 (64302)
தே த்³ருʼஷ்ட்வா த⁴ர்ஷயந்தம்ʼ தமதிமானுஷவிக்ரமம்।
பூ⁴தமித்யத்⁴யவஸ்யந்தோ ந ஸ்ம ப்ரவ்யாஹரன்ப⁴யாத்॥ 10-8-32 (64303)
தம்ʼ து தேனாப்⁴யுபாயேன க³மயித்வா யமக்ஷயம்।
அத்⁴யதிஷ்ட²த தேஜஸ்வீ ரத²ம்ʼ ப்ராப்ய ஸுத³ர்ஶனம்॥ 10-8-33 (64304)
ஸ தஸ்ய ப⁴வனாத்³ராஜன்னிஷ்க்ரம்யானாத³யந்தி³ஶ:।
ரதே²ந ஶிபி³ரம்ʼ ப்ராயாஜ்ஜிகா⁴ம்ʼஸுர்த்³விஷதோ ப³லீ॥ 10-8-34 (64305)
அபக்ராந்தே ததஸ்தஸ்மிந்த்³ரோணபுத்ரே மஹாரதே²।
ஸஹிதை: ரக்ஷிபி⁴: ஸர்வை: ப்ராணேது³ர்யோஷிதஸ்ததா³॥ 10-8-35 (64306)
ராஜானம்ʼ நிஹதம்ʼ த்³ருʼஷ்ட்வா ப்⁴ருʼஶம்ʼ ஶோகபராயணா:।
வ்யாக்ரோஶன்க்ஷத்ரியா: ஸர்வே த்⁴ருʼஷ்டத்³யும்னஸ்ய பா⁴ரத॥ 10-8-36 (64307)
தாஸாம்ʼ து தேன ஶப்³தே³ந ஸமீபே க்ஷத்ரியர்ஷபா⁴:।
ஸம்ப்⁴ராந்தா: ஸமனஹ்யந்த கிமேததி³தி சாப்³ருவன்॥ 10-8-37 (64308)
ஸ்த்ரியஸ்து ராஜன்வித்ரஸ்தா பா⁴ரத்³வாஜம்ʼ நிரீக்ஷ்ய தா:।
அப்³ருந்தீ³நகண்டே²ந க்ஷிப்ரமாத்³ரவதேதி வை॥ 10-8-38 (64309)
ராக்ஷஸோ வா மனுஷ்யோ வா நைனம்ʼ ஜானீம கோன்வயம்।
ஹத்வா பாஞ்சாலராஜானம்ʼ ரத²மாருஹ்ய திஷ்ட²தி॥ 10-8-39 (64310)
ததஸ்தே யோத⁴முக்²யாஸ்தம்ʼ ஸஹஸா பர்யவாரயன்।
ஸ தானாபதத: ஸர்வான்ருத்³ராஸ்த்ரேண வ்யபோத²யத்॥ 10-8-40 (64311)
த்⁴ருʼஷ்டத்³யும்னம்ʼ ச ஹத்வா ஸ தாம்ʼஶ்சைவாஸ்ய பதா³நுகா³ந்।
அபஶ்யச்ச²யனே ஸுப்தமுத்தமௌஜஸமந்திகே॥ 10-8-41 (64312)
தமப்யாக்ரம்ய பாதே³ந கண்டே² சோரஸி தேஜஸா।
ததை²வ மாரயாமாஸ வினர்த³ந்தமரிந்த³மம்॥ 10-8-42 (64313)
யுதா⁴மன்யுஶ்ச விக்ராந்தோ மத்வா தம்ʼ ராக்ஷஸம்ʼ ஸ்ம ஸ:।
க³தா³முத்³யம்ய வேகே³ந ஹ்ருʼதி³ த்³ரௌணிமதாட³யத்॥ 10-8-43 (64314)
`க³தா³ப்ரஹாராபி⁴ஹதோ நாசலத்³த்³ரௌணிராஹவே'।
தமபி⁴த்³ருத்ய வேகே³ந க்ஷிதௌ சைனமபாதயத்॥ 10-8-44 (64315)
விஸ்பு²ரந்தம்ʼ ச பஶுவத்ததை²வைனமமாரயத்।
ததா² ஸ வீரோ ஹத்வா தம்ʼ ததோ(அ)ன்யான்ஸமுபாத்³ரவத்॥ 10-8-45 (64316)
ஸம்ʼஸுப்தானேவ ராஜேந்த்³ர தத்ர தத்ர மஹாரதா²ந்।
பாஞ்சாலவீரானாக்ரம்ய க்ருத்³தோ⁴ ந்யஹனத³ந்திகே।
ஸ்பு²ரதோ வேபமானாம்ʼஶ்ச ஶமிதேவ பஶூன்மகே²॥ 10-8-46 (64317)
ததோ நிஸ்த்ரிம்ʼஶமாதா³ய ஜகா⁴நான்யான்ப்ருʼத²க்ப்ருʼத²க்।
பா⁴க³ஶோ விசரன்மார்கா³நஸியுத்³வவிஶாரத³:॥ 10-8-47 (64318)
ததை²வ கு³ல்மே ஸம்ப்ரேக்ஷ்ய ஶயானான்மத்⁴யகௌ³ல்மிகான்।
ஶ்ராந்தான்வ்யஸ்தாயுதா⁴ந்ஸர்வானஸினைவ வ்யபோத²யத்॥ 10-8-48 (64319)
யோதா⁴நஶ்வாந்த்³விபாம்ʼஶ்சைவ ப்ராச்சி²நத்ஸ வராஸினா।
ருதி⁴ரோக்ஷிதஸர்வாங்க³: காலஸ்ருʼஷ்ட இவாந்தக:॥ 10-8-49 (64320)
விஸ்பு²ரத்³பி⁴ஶ்ச தைர்த்³ரௌணிர்னிஸ்த்ரிம்ʼஶஸ்யோத்³யமேன ச।
அவக்ஷேபேண சைவாஸேஸ்த்ரிதா⁴ ரக்தோக்ஷிதோ(அ)ப⁴வத்॥ 10-8-50 (64321)
தஸ்ய லோஹிதரக்தஸ்ய தீ³ப்தக²ங்க³ஸ்ய யுத்⁴யத:।
அமானுஷ இவாகாரோ ப³பௌ⁴ பரமபீ⁴ஷண:॥ 10-8-51 (64322)
யே த்வஜாக்³ரந்த கௌரவ்ய தே(அ)பி ஶப்³தே³ந மோஹிதா:।
வீக்ஷமாணாஸ்து தே தத்ர த்³ரௌணிம்ʼ த்³ருʼஷ்ட்வா ப்ரவிவ்யது²:॥ 10-8-52 (64323)
தத்³ரூபம்ʼ தஸ்ய தே த்³ருʼஷ்ட்வா க்ஷத்ரியா: ஶத்ருகர்ஶனம்।
ராக்ஷஸம்ʼ மன்யமானாஸ்தம்ʼ நயனானி ந்யமீலயன்॥ 10-8-53 (64324)
ஸ கோ⁴ரரூபோ வ்யசரத்காலவச்சி²பி³ரே ததா³।
அபஶ்யத்³த்³ரௌபதீ³புத்ரானவஶிஷ்டாம்ʼஶ்ச ஸோமகான்॥ 10-8-54 (64325)
தேன ஶப்³தே³ந வித்ரஸ்தா த⁴னுர்ஹஸ்தா மஹாரதா²:।
த்⁴ருʼஷ்டத்³யும்னம்ʼ ஹதம்ʼ ஶ்ருத்வா த்³ரௌபதே³யா விஶாம்பதே।
அவாகிரஞ்ஶரவ்ராதைர்பா⁴ரத்³வாஜமபீ⁴தவத்॥ 10-8-55 (64326)
ததஸ்தேன நினாதே³ந ஸம்ப்ரபு³த்³தா⁴: ப்ரப⁴த்³ரகா:।
ஶிலீமுகை²: ஶிக²ண்டீ³ ச த்³ரோணபுத்ரம்ʼ ஸமார்த³யன்॥ 10-8-56 (64327)
பா⁴ரத்³வாஜ: ஸ தாந்த்³ருʼஷ்ட்வா ஶரவர்ஷாணி வர்ஷத:।
நனாத³ ப³லவன்னாத³ம்ʼ ஜிகா⁴ம்ʼஸுஸ்தான்மஹாரதா²ந்॥ 10-8-57 (64328)
தத: பரமஸங்க்ருத்³த⁴: பிதுர்வத⁴மனுஸ்மரன்।
அவருஹ்ய ரதோ²பஸ்தா²த்த்வரமாணோ(அ)பி⁴து³த்³ருவே॥ 10-8-58 (64329)
ஸஹஸ்ரசந்த்³ரவிமலம்ʼ க்³ருʼஹீத்வா சர்ம ஸம்ʼயுகே³।
க²ங்க³ம்ʼ ச விமலம்ʼ தி³வ்யம்ʼ ஜாதரூபபரிஷ்க்ருʼதம்।
த்³ரௌபதே³யானபி⁴த்³ருத்ய க²ங்கே³ந வ்யத⁴மத்³ப³லீ॥ 10-8-59 (64330)
தத: ஸ நரஶார்தூ³ல: ப்ரதிவிந்த்⁴யம்ʼ மஹாஹவே।
குக்ஷிதே³ஶே(அ)வதீ⁴த்³ராஜன்ஸ ஹதோ ந்யபதத்³பு⁴வி॥ 10-8-60 (64331)
ப்ராஸேன வித்³த்⁴வா த்³ரௌணிம்ʼ து ஸுதஸோம: ப்ரதாபவான்।
புனஶ்சாஸிம்ʼ ஸமுத்³யம்ய த்³ரோணபுத்ரமுபாத்³ரவத்॥ 10-8-61 (64332)
ஸுதஸோமஸ்ய ஸாஸிம்ʼ தம்ʼ பா³ஹும்ʼ சி²த்த்வா நரர்ஷப⁴।
புனரப்யாஹனத்பார்ஶ்வே ஸ பி⁴ந்னஹ்ருʼத³யோ(அ)பதத்॥ 10-8-62 (64333)
நாகுலிஸ்து ஶதானீகோ ரத²சக்ரேண வீர்யவான்।
தோ³ர்ப்⁴யாமுத்க்ஷிப்ய வேகே³ந வக்ஷஸ்யேனமதாட³யத்॥ 10-8-63 (64334)
அதாட³யச்ச²தானீகம்ʼ முக்தசக்ரம்ʼ த்³விஜஸ்து ஸ:।
ஸ விஹ்வலோ யயௌ பூ⁴மிம்ʼ ததோ(அ)ஸ்யாபாஹரச்சி²ர:॥ 10-8-64 (64335)
ஶ்ருதகர்மா து பரிக⁴ம்ʼ கோ⁴ரம்ʼ க்³ருʼஹ்ய து³ராஸத³ம்।
அதாட³யத்ஸமுத்³யம்ய வேகே³ந த்³ரௌணிமுத்ஸ்மயன்॥ 10-8-65 (64336)
ஸ து தம்ʼ ஶ்ருதகர்மாணமாஸ்யே ஜக்⁴நே வராஸினா।
ஸ ஹதோ ந்யபதத்³பூ⁴மௌ விமூர்தா⁴ விக்ருʼதானந:॥ 10-8-66 (64337)
தேன ஶப்³தே³ந வீரஸ்து ஶ்ருதகீர்திரபு³த்⁴யத।
அஶ்வத்தா²மானமாஸாத்³ய ஶரவர்ஷைரவாகிரத்॥ 10-8-67 (64338)
`ஶரைராச்சா²தி³தஸ்தேன த்³ரோணபுத்ரோ மஹாரத²:।
அத்³ருʼஶ்யத மஹாராஜ ஶ்வாவிச்ச²லலதோ யதா²॥' 10-8-68 (64339)
தஸ்யாபி ஶரவர்ஷாணி சர்மணா ப்ரதிவார்ய ஸ:।
ஸகுண்ட³லம்ʼ ஶிர: காயாத்³வாஜமானமபாஹரத்॥ 10-8-69 (64340)
ததோ பீ⁴ஷ்மனிஹந்தாரம்ʼ ஸஹ ஸர்வை: ப்ரப⁴த்³ரகை:।
ஆஹனத்ஸர்வதோ வீரம்ʼ நானாப்ரஹரணைர்ப³லாத்॥ 10-8-70 (64341)
ஶிலீமுகே²ந சாப்யேனம்ʼ ப்⁴ருவோர்மத்⁴யே ஸமார்பயத்॥ 10-8-71 (64342)
ஸ து க்ரோத⁴ஸமாவிஷ்டோ த்³ரோணபுத்ரோ மஹாப³ல:।
ஶிக²ண்டி³நம்ʼ ஸமாஸாத்³ய த்³விதா⁴ சிச்சே²த³ ஸோஸினா॥ 10-8-72 (64343)
ஶிக²ண்·டி³நம்ʼ ததோ ஹத்வா க்ரோதா⁴விஷ்ட: பரந்தப:।
ப்ரப⁴த்³ரகக³ணான்ஸர்வானபி⁴து³த்³ராவ வேக³வான்॥ 10-8-73 (64344)
யச்ச ஶிஷ்டம்ʼ விராடஸ்ய ப³லம்ʼ து ப்⁴ருʼஶமாத்³ரவத்।
த்³ருபத³ஸ்ய ச புத்ராணாம்ʼ பௌத்ராணாம்ʼ ஸுஹ்ருʼதா³மபி।
சகார கத³னம்ʼ கோ⁴ரம்ʼ த்³ருʼஷ்ட்வா தத்ர மஹாப³ல:॥ 10-8-74 (64345)
அன்யானந்யாம்ʼஶ்ச புருஷானபி⁴ஸ்ருʼத்யாபி⁴ஸ்ருʼத்ய ச।
ந்யக்ருʼந்தத³ஸினா த்³ரௌணிரஸிமார்க³விஶாரத³:॥ 10-8-75 (64346)
காலீம்ʼ ரக்தாஸ்யனயனாம்ʼ ரக்தமால்யானுலேபனாம்।
ரக்தாம்ப³ரத⁴ராம்ʼ கோ⁴ராம்ʼ பாஶஹஸ்தாம்ʼ குடும்பி³நீம்॥ 10-8-76 (64347)
த³த்³ருʼஶு: காலராத்ரிம்ʼ தே ஸ்மயமானாமிவ ஸ்தி²தாம்।
நராஶ்வகுஞ்ஜரான்பாஶைர்ப³த்³தா⁴ கோ⁴ரை: ப்ரதஸ்து²ஷீம்॥ 10-8-77 (64348)
வஹந்தீம்ʼ விவிதா⁴ந்ப்ரேதான்பாஶப³த்³வான்விமூர்த⁴ஜான்।
ததை²வ ச ஸதா³ ராஜன்ன்யஸ்தஶஸ்த்ரான்மஹாரதா²ந்॥ 10-8-78 (64349)
ஸ்வப்னே ஸுப்தான்னயந்தீம்ʼ தாம்ʼ ராத்ரிஷ்வன்யாஸு மாரிஷ।
த³த்³ருʼஶுர்யோத⁴முக்²யாஸ்தே க்⁴நந்தம்ʼ த்³ரௌணிம்ʼ ச நித்யதா³॥ 10-8-79 (64350)
யத: ப்ரப்⁴ருʼதி ஸங்க்³ராம: குருபாண்ட³வஸேனயோ:।
தத: ப்ரப்⁴ருʼதி தாம்ʼ கன்யாமபஶ்யந்த்³ரௌணிமேவ ச॥ 10-8-80 (64351)
தாம்ʼஸ்து தை³வஹதான்பூர்வம்ʼ பஶ்சாத்³த்³ரௌணிர்வ்யபாதயத்।
த்ராஸயன்ஸர்வபூ⁴தானி வினத³ன்பை⁴ரவான்ரவான்॥ 10-8-81 (64352)
தத³னுஸ்ம்ருʼத்ய தே வீரா த³ர்ஶனம்ʼ பூர்வகாலிகம்।
இத³ம்ʼ ததி³த்யமன்யந்த தை³வேனோபனிபீடி³தா:॥ 10-8-82 (64353)
ததஸ்தேன நினாதே³ந ப்ரத்யபு³த்⁴யந்த த⁴ன்வின:।
ஶிபி³ரே பாண்ட³வேயானாம்ʼ ஶதஶோ(அ)த² ஸஹஸ்ரஶ:॥ 10-8-83 (64354)
ஸோ(அ)ச்சி²நத்கஸ்யசித்பதௌ³ ஜக⁴னம்ʼ சைவ கஸ்யசித்।
காம்ʼஶ்சித்³பி³பே⁴த³பார்ஶ்வேஷு காலஸ்ருʼஷ்ட இவாந்தக:॥ 10-8-84 (64355)
அத்யுக்³ரப்ரதிபிஷ்டைஶ்ச நத³த்³பி⁴ஶ்ச ப்⁴ருʼஶோத்கடை:।
க³ஜாஶ்வமதி²தைஶ்சான்யைர்மஹீ கீர்ணா(அ)ப⁴வத்ப்ரபோ⁴॥ 10-8-85 (64356)
க்ரோஶதாம்ʼ கிமித³ம்ʼ கோ(அ)யம்ʼ க: ஶப்³த³: கின்னு கிம்ʼ க்ருʼதம்।
பாஞ்சாலானாம்ʼ ததா² த்³ரௌணிரந்தக: ஸமபத்³யத॥ 10-8-86 (64357)
அபேதஶஸ்த்ரஸன்னாஹான்ஸன்னத்³வான்பாண்டு³ஸ்ருʼஞ்ஜயான்।
ப்ராஹிணோன்ம்ருʼத்யுலோகாய த்³ரௌணி: ப்ரஹரதாம்ʼ வர:॥ 10-8-87 (64358)
ததஸ்தச்ச²ஸ்த்ரவித்ரஸ்தா ப⁴யாத³ப்⁴யபதன்னரா:।
நித்³ராந்தா⁴ நஷ்டஸஞ்ஜ்ஞாஶ்ச தத்ரதத்ர நிபேதிரே॥ 10-8-88 (64359)
ஊருஸ்தம்ப⁴க்³ருʼஹீதாஶ்ச கஶ்மலாபி⁴ஹதௌஜஸ:।
வினத³ந்தோ ப்⁴ருʼஶம்ʼ த்ரஸ்தா நிரைக்ஷந்த பரஸ்பரம்॥ 10-8-89 (64360)
ததோ ரத²ம்ʼ புனர்த்³ரௌணிராஸ்தி²தோ பீ⁴மத³ர்ஶன:।
த⁴னுஷ்பாணி: ஶரைரன்யான்ப்ரைஷயத்³வை யமக்ஷயம்॥ 10-8-90 (64361)
புனருத்பததஶ்சாபி தூ³ராத³பி நரோத்தமான்।
ஶூரான்ஸம்பததஶ்சான்யான்காலராத்ர்யை ந்யவேத³யத்॥ 10-8-91 (64362)
ததை²வ ஸ்யந்த³னாக்³ரேண ப்ரமத²ன்ஸ வ்யரோசத।
ஶரவர்ஷைஶ்ச விவிதை⁴ரவர்ஷச்சா²த்ரவாம்ʼஸ்தத:॥ 10-8-92 (64363)
புனஶ்ச ஸுவிசித்ரேண ஶதசந்த்³ரேண சர்மணா।
தேன சாகாஶவர்ணேன ததா²சரத ஸோ(அ)ஸினா॥ 10-8-93 (64364)
ததா² ஸ ஶிபி³ரம்ʼ தேஷாம்ʼ த்³ரௌணிராஹவது³ர்மத³:।
வ்யக்ஷோப⁴யத ராஜேந்த்³ர மஹாஹ்த³மிவ த்³விப:॥ 10-8-94 (64365)
உத்பேதுஸ்தேன ஶப்³தே³ந யோதா⁴ ராஜன்விசேதஸ:।
நித்³ரார்தாஶ்ச ப⁴யார்தாஶ்ச வ்யதா⁴வந்த ததஸ்தத:॥ 10-8-95 (64366)
விஸ்வரம்ʼ சுக்ருஶுஶ்சான்யே ப³ஹ்வப³த்³வம்ʼ ததா²(அ)வத³ன்।
ந ச ஸ்ம ப்ரத்யபத்³யந்த ஶஸ்த்ராணி வஸனானி ச॥ 10-8-96 (64367)
விமுக்தகேஶாஶ்சாப்யன்யே நாப்⁴யஜானந்பரஸ்பரம்।
உத்பதந்தோ(அ)பதஞ்ஶ்ராந்தா: கேசித்தத்ராப்⁴ரமம்ʼஸ்ததா³।
புரீஷமஸ்ருʼஜன்கேசித்கேசின்மூத்ரம்ʼ ப்ரஸுஸ்ருவு:॥ 10-8-97 (64368)
ப³ந்த⁴னானி ச ராஜேந்த்³ர ஸஞ்சி²த்³ய துரகா³ த்³விபா:।
ஸமம்ʼ பர்யபதம்ʼஶ்சான்யே குர்வந்தோ மஹதா³குலம்॥ 10-8-98 (64369)
தத்ர கேசின்னரா பீ⁴தா வ்யலீயந்த மஹீதலே।
ததை²வ தான்னிபதிதானபிம்ʼஷன்க³ஜவாஜின:॥ 10-8-99 (64370)
தஸ்மிம்ʼஸ்ததா² வர்தமானே ரக்ஷாம்ʼஸி புருஷர்ஷப⁴।
ஹ்ருʼஷ்டானி வ்யனத³ன்னுச்சைர்முதா³ யுக்தானி ஸத்தம॥ 10-8-100 (64371)
ஸ ஶப்³த³: ப்ரேரிதோ ராஜன்பூ⁴தஸங்கை⁴ர்முதா³ யுதை:।
அபூரயத்³தி³ஶ: ஸர்வா தி³வம்ʼ சாதிமஹான்ஸ்வன:॥ 10-8-101 (64372)
தேஷாமார்தரவம்ʼ ஶ்ருத்வா வித்ரஸ்தா க³ஜவாஜின:।
முக்தா: பர்யபதன்ராஜன்ம்ருʼத்³க³ந்த: ஶிபி³ரே ஜனம்॥ 10-8-102 (64373)
தைஸ்தத்ர பரிதா⁴வத்³பி⁴ஶ்சரணோதீ³ரிதம்ʼ ரஜ:।
அகரோச்சி²பி³ரே தேஷாம்ʼ ரஜன்யாம்ʼ த்³விகு³ணம்ʼ தம:॥ 10-8-103 (64374)
தஸ்மிம்ʼஸ்தமஸி ஸஞ்ஜாதே ப்ரமூடா⁴: ஸர்வதோ ஜனா:।
நாஜானந்பிதர: புத்ரான்ப்⁴ராத்ரூʼன்ப்⁴ராதர ஏவ ச॥ 10-8-104 (64375)
க³ஜோ ராஜானதிக்ரம்ய நிர்மனுஷ்யா ஹயா ஹயான்।
அதாட³யம்ʼஸ்ததா²(அ)ப⁴ஞ்ஜம்ʼஸ்ததா²(அ)ம்ருʼத்³க³ம்ʼஶ்ச பா⁴ரத॥ 10-8-105 (64376)
தே ப⁴க்³நா: ப்ரபதந்தி ஸ்ம ம்ருʼத்³ரந்தஶ்ச பரஸ்பரம்।
ந்யபாதயம்ʼஸ்ததா² சான்யான்பாதயித்வா ததா³(அ)பிஷன்॥ 10-8-106 (64377)
விசேதஸ: ஸனித்³ராஶ்ச தமஸா சாவ்ருʼதா நரா:।
ஜக்⁴ரு: ஸ்வானேவ தத்ராத² காலேனைவ ப்ரசோதி³தா:॥ 10-8-107 (64378)
த்யக்த்வாத்³வாராணி ச த்³வாஸ்தா²ஸ்ததா²கு³ல்மானிகௌ³ல்மிகா:।
ப்ராத்³ரவந்த யதா²ஶக்தி காந்தி³ஶீகா விசேதஸ:॥ 10-8-108 (64379)
விப்ரனஷ்டாஶ்ச தே(அ)ன்யோன்யம்ʼ நாஜானந்தஸ்ததா² விபோ⁴।
க்ரோஶந்தஸ்தாத புத்ரேதி தை³வோபஹதசேதஸ:॥ 10-8-109 (64380)
பலாயதாம்ʼ தி³ஶஸ்தேஷாம்ʼ ஸ்வானப்யுத்ஸ்ருʼஜ்ய பா³ந்த⁴வான்।
கோ³த்ரனாமபி⁴ரன்யோன்யமாக்ரந்த³ந்த ததோ ஜனா:॥ 10-8-110 (64381)
ஹாஹாகாரம்ʼ ச குர்வாணா: ப்ருʼதி²வ்யாம்ʼ ஶேரதே பரே।
தான்பு³த்³தா⁴ ரணமத்⁴யே(அ)ஸௌ த்³ரோணபுத்ரோ வ்யபோத²யத்॥ 10-8-111 (64382)
தத்ராபரே வத்⁴யமானா முஹுர்மஹுரசேதஸ:।
ஶிபி³ரான்னிஷ்பதந்தி ஸ்ம க்ஷத்ரியா ப⁴யபீடி³தா:॥ 10-8-112 (64383)
தாம்ʼஸ்து நிஷ்பதிதாம்ʼஸ்த்ரஸ்தாஞ்ஶிபி³ராஜ்ஜீவிதைஷிண:।
க்ருʼதவர்மா க்ருʼபஶ்சைவ த்³வாரதே³ஶே நிஜக்⁴நது:॥ 10-8-113 (64384)
விஸஸ்தயந்த்ரகவசான்முக்தகேஶான்க்ருʼதாஞ்ஜலீன்।
வேபமானான்க்ஷிதௌ பீ⁴தாந்த்ரைவ காம்ʼஶ்சித³முச்யதாம்॥ 10-8-114 (64385)
நாமுச்யத தயோ: கஶ்சின்னிஷ்க்ராந்த: ஶிபி³ராத்³ப³ஹி:॥
க்ருʼபஶ்சைவ மஹாராஜ ஹார்தி³க்யஶ்சைவ து³ர்மதி:। 10-8-115 (64386)
பூ⁴யஶ்சைவ சிகீர்ஷந்தௌ த்³ரௌணபுத்ரஸ்ய தௌ ப்ரியம்।
த்ரிஷு தே³ஶேஷு த³த³து: ஶிபி³ரஸ்ய ஹுதாஶனம்॥ 10-8-116 (64387)
தத: ப்ரகாஶே ஶிபி³ரே க²ங்கே³ந பித்ருʼனந்த³ன:।
அஶ்வத்தா²மா மஹாராஜ வ்யசரத்க்ருʼதஹஸ்தவத்॥ 10-8-117 (64388)
காம்ʼஶ்சிதா³பததோ வீரானபராம்ʼஶ்சைவ தா⁴வத:।
வ்யயோஜயத க²ங்கே³ந ப்ராணைர்த்³விஜவரோத்தம:॥ 10-8-118 (64389)
காம்ʼஶ்சித்³யோதா⁴ந்ஸ க²ங்கே³ந மத்⁴யே ஸஞ்சி²த்³ய வீர்யவான்।
அஶாதயத்³த்³ரோணபுத்ர: ஸம்ʼரப்³த⁴ஸ்திலகாண்ட³வத்॥ 10-8-119 (64390)
நினத³த்³பி⁴ர்ப்⁴ருʼஶாயஸ்தைர்னராஶ்வத்³விரதோ³த்தமை:।
பதிதைரப⁴வத்கீர்ணா மேதி³நீ ப⁴ரதர்ஷப⁴॥ 10-8-120 (64391)
மானுஷாணாம்ʼ ஸஹஸ்ரேஷு ஹதேஷு பதிதேஷு ச।
உத³திஷ்ட²ன்கப³ந்தா⁴நி ப³ஹூன்யுத்தா²ய சாபதன்॥ 10-8-121 (64392)
ஸாயுதா⁴ந்ஸாங்க³தா³ந்பா³ஹூன்விசகர்த ஶிராம்ʼஸி ச।
ஹஸ்திஹஸ்தோபமானூரூன்ஹஸ்தான்பாதா³ம்ʼஶ்ச பா⁴ரத॥ 10-8-122 (64393)
ப்ருʼஷ்ட²ச்சி²ந்னான்பார்ஶ்வச்சி²ந்னாஞ்ஶிரஶ்சி²ந்னாம்ʼஸ்ததா²பரான்।
ஸ மஹாத்மாகரோத்³த்³ரௌணி: காம்ʼஶ்சிச்சாபி பராங்முகா²ந்॥ 10-8-123 (64394)
மத்⁴யதே³ஶே நரானந்யாம்ʼஶ்சிச்சே²தா³ந்யாம்ʼஶ்ச கர்ணத:।
அம்ʼஸதே³ஶே நிஹத்யான்யான்காயே ப்ராவேஶயச்சி²ர:॥ 10-8-124 (64395)
ஏவம்ʼ ஹி ப³ஹுபி⁴: ஶஸ்த்ரைர்க்⁴நதோ(அ)பி ப³லவத்தரான்।
தமஸா ரஜனீ கோ⁴ரா ப³பௌ⁴ தா³ருணத³ர்ஶனா॥ 10-8-125 (64396)
கிஞ்சித்ப்ராணைஶ்ச புருஷைர்ஹதைஶ்சான்யை: ஸஹஸ்ரஶ:।
ப³ஹுனா ச க³ஜாஶ்வேன பூ⁴தபூ⁴த்³பீ⁴மத³ர்ஶனா॥ 10-8-126 (64397)
யக்ஷரக்ஷ:ஸமாகீர்ணே ரதா²ஶ்வத்³விபதா³ருணே।
க்ருத்³தே⁴ந த்³ரோணபுத்ரேண ஸஞ்சி²ந்னா: ப்ராபதன்பு⁴வி।
ப்⁴ராத்ரூʼனந்யே பித்ரூʼனந்யே புத்ரானந்யே விசுக்ருஶு:॥ 10-8-127 (64398)
கேசிதூ³சுர்ன தத்க்ருத்³தை⁴ர்தா⁴ர்தராஷ்ட்ரை: க்ருʼதம்ʼ ரணே।
யத்க்ருʼதம்ʼ ந: ப்ரஸுப்தானாம்ʼ ரக்ஷோபி⁴: க்ரூக்³கர்மபி⁴:।
அஸான்னித்⁴யாத்³வி பார்தா²நாமித³ம்ʼ வ: கத³னம்ʼ க்ருʼதம்॥ 10-8-128 (64399)
ந சாஸுரைர்ன க³ந்த⁴ர்வைர்ன யக்ஷைர்ன ச ராக்ஷஸை:।
ஶக்யோ விஜேதும்ʼ கௌந்தேயோ நேதா யஸ்ய ஜனார்த³ன:।
ப்³ரஹ்மண்ய: மத்யவாக்³தா³ந்த: ஸர்வபூ⁴தானுகம்பக:॥ 10-8-129 (64400)
ந ச ஸுப்தம்ʼ ப்ரமத்தம்ʼ வா ந்யஸ்தஶஸ்த்ரம்ʼ க்ருʼதாஞ்ஜலிம்।
தா⁴வந்தம்ʼ முக்தகேஶம்ʼ வா ஹந்தி பார்தோ² த⁴னஞ்ஜய:॥ 10-8-130 (64401)
ததி³த³ம்ʼ ந: க்ருʼதம்ʼ கோ⁴ரம்ʼ ரக்ஷோபி⁴: க்ரூரகர்மபி⁴:।
இதி லாலப்யமானா: ஸ்ம ஶேரதே ப³ஹவோ ஜனா:॥ 10-8-131 (64402)
ஸ்தனதாம்ʼ ச மனுஷ்யாணாமபரேஷாம்ʼ ச கூஜதாம்।
ததோ முஹூர்தாத்ப்ராஶாம்யத்ஸ ஶப்³த³ஸ்துமுலோ மஹான்॥ 10-8-132 (64403)
ஶோணிதவ்யதிஷிக்தாயாம்ʼ வஸுதா⁴யாம்ʼ ச பூ⁴மிப।
தத்³ரஜஸ்துமுலம்ʼ கோ⁴ரம்ʼ க்ஷணேனாந்தரதீ⁴யத॥ 10-8-133 (64404)
ஸ சேஷ்டமானானுத்³விக்³நான்னிருத்ஸாஹான்ஸஹஸ்ரஶ:।
ந்யபாதயன்னரான்க்ருத்³வ: பஶூன்பஶுபதிர்யதா²॥ 10-8-134 (64405)
அன்யோன்யம்ʼ ஸம்பரிஷ்வஜ்ய ஶயானாஞ்ஜீவதோ(அ)பரான்।
ஸம்ʼலீனான்யுத்⁴யமானாம்ʼஶ்ச ஸர்வாந்த்³ரௌணிரபோத²யத்॥ 10-8-135 (64406)
ப்³ரஹ்மமானா ஹுதாஶேன வத்⁴யமானாஶ்ச தேன தே।
பரஸ்பரம்ʼ ததா³ யோதா⁴நனயத்³யமஸாத³னம்॥ 10-8-136 (64407)
தஸ்யா ரஜன்யாஸ்த்வர்தே⁴ந பாண்ட³வானாம்ʼ மஹத்³ப³லம்।
க³மயாமாஸ ராஜேந்த்³ர த்³ரௌணிர்யமனிவேஶனம்॥ 10-8-137 (64408)
நிஶாசராணாம்ʼ ஸத்வானாம்ʼ ராத்ரி: ஸா ஹர்ஷவர்தி⁴நீ।
ஆஸீன்னரக³ஜாஶ்வானாம்ʼ ரௌத்³ரீ க்ஷயகரீ ப்⁴ருʼஶம்॥ 10-8-138 (64409)
தத்ராத்³ருʼஶ்யந்த ரக்ஷாம்ʼஸி பிஶாசாஶ்ச ப்ருʼத²க்³விதா⁴:।
கா²த³ந்தோ நரமாம்ʼஸானி பிப³ந்த: ஶோணிதானி ச॥ 10-8-139 (64410)
கராலா: பிங்க³லா ரௌத்³ரா: ஶைலத³ந்தா ரஜஸ்வலா:।
ஜடிலா பீ⁴மவக்த்ராஶ்ச பஞ்சபாதா³ மஹோத³ரா:॥ 10-8-140 (64411)
பஞ்சாத³ங்கு³லயோ ரூக்ஷா விரூபா பை⁴ரவஸ்வனா:।
க³ஜானநாஶ்ச ஹஸ்வாஶ்ச நீலவர்ணா பி³பீ⁴ஷணா:॥ 10-8-141 (64412)
ஸபுத்ரதா³ரா: ஸுக்ரூரா: ஸுது³ர்த³ர்ஶா: ஸுனிர்க்⁴ருʼணா:।
விவிதா⁴நி ச ரூபாணி தத்ராத்³ருʼஶ்யந்த ரக்ஷஸாம்॥ 10-8-142 (64413)
பீத்வா ச ஶோணிதம்ʼ ஹ்ருʼஷ்டா: ப்ரான்ருʼத்யன்க³ணஶோ(அ)பரே।
இத³ம்ʼ பரமித³ம்ʼ மேத்⁴யமித³ம்ʼ ஸ்வாத்³விதி சாப்³ருவன்॥ 10-8-143 (64414)
மேதோ³மஜ்ஜாஸ்தி²ரக்தானாம்ʼ மாம்ʼஸானாம்ʼ ச ப்⁴ருʼஶாஶிதா:।
பரே மாம்ʼஸானி கா²த³ந்த: க்ரவ்யாதா³ மாம்ʼஸஜீவின:॥ 10-8-144 (64415)
வஸாஶ்சைவாபரே பீத்வா பர்யதா⁴வன்விகுக்ஷிகா:।
நானாவக்த்ராஸ்ததா² ரௌத்³ரா: க்ரவ்யாதா³: பிஶிதாஶனா:॥ 10-8-145 (64416)
அயுதானி ச தத்ராஸன்ப்ரயுதான்யர்பு³தா³நி ச।
ரக்ஷஸாம்ʼ கோ⁴ரரூபாணாம்ʼ மஹதாம்ʼ க்ருரகர்மணாம்॥ 10-8-146 (64417)
முதி³தானாம்ʼ வித்ருʼப்தானாம்ʼ தஸ்மின்மஹதி வைஶஸே।
ஸமேதானி ப³ஹூன்யாஸன்பூ⁴தானி ச ஜனாதி⁴ப। 10-8-147 (64418)
ஏவம்ʼவிதா⁴ ஹி ஸா ராத்ரி: ஸோமகானாம்ʼ ஜனக்ஷயே।
ப்ரஸுப்தானாம்ʼ ப்ரமத்தானாமாஸீத்ஸுப்⁴ருʼஶதா³ருணா॥ 10-8-148 (64419)
அஸம்ʼஶயம்ʼ ஹி காலஸ்ய பர்யாயோ து³ரதிக்ரம:।
தாத்³ருʼஶா நிஹதா யத்ர க்ருʼத்வா(அ)ஸ்மாகம்ʼ ஜனக்ஷயம்॥ 10-8-149 (64420)
த்⁴ருʼதராஷ்ட்ர உவாச। 10-8-150x (5277)
ப்ராகே³வ ஸுமஹத்கர்ம த்³ரௌணிரேதன்மஹாரத²:।
நாகரோதீ³த்³ருʼஶம்ʼ கஸ்மான்மத்புத்ரவிஜயே த்⁴ருʼத:॥ 10-8-150 (64421)
அத² கஸ்மாத்³வதே க்ஷத்ரே கர்மேத³ம்ʼ க்ருʼதவானஸௌ।
த்³ரோணபுத்ரோ மஹாத்மா ஸ தன்மே ஶம்ʼஸிதுமர்ஹஸி॥ 10-8-151 (64422)
ஸஞ்ஜய உவாச। 10-8-152x (5278)
தேஷாம்ʼ நூனம்ʼ ப⁴யான்னாஸௌ க்ருʼதவான்குருனந்த³ன।
அஸான்னித்⁴யாத்³தி⁴ பார்தா²நாம்ʼ கேஶவஸ்ய ச தீ⁴மத:।
ஸாத்யகேஶ்சாபி கர்மேத³ம்ʼ த்³ரோமபுத்ரேண ஸாதி⁴தம்॥ 10-8-152 (64423)
கோ ஹி தேஷாம்ʼ ஸமக்ஷம்ʼ தான்ஹன்யாத³பி மருத்பதி:।
ஏததீ³த்³ருʼஶகம்ʼ வ்ருʼத்தம்ʼ ராஜன்ஸுப்தஜனே விபோ⁴॥ 10-8-153 (64424)
ததோ ஜனக்ஷயம்ʼ க்ருʼத்வா பாண்ட³வானாம்ʼ மஹாத்யயம்।
ப்ரத்யூஷகாலே ஶிபி³ராத்ப்ரதிக³ந்துமியேஷ ஸ:॥ 10-8-154 (64425)
ந்ருʼஶோணிதாவஸிக்தஸ்ய த்³ரௌணேராஸீத³ஸித்ஸரு:।
பாணினா ஸஹ ஸம்ʼஶ்லிஷ்ட ஏகீபூ⁴த இவ ப்ரபோ⁴॥ 10-8-155 (64426)
ஸ நி:ஶேஷானரீன்க்ருʼத்வா விரராம நிஶாக்ஷயே।
யுகா³ந்தே ஸர்வபூ⁴தானி ப⁴ஸ்ம க்ருʼத்வேவ பாவக:॥ 10-8-156 (64427)
யதா²ப்ரதிஜ்ஞம்ʼ தத்கர்ம க்ருʼத்வா த்³ரௌணாயனி: ப்ரபோ⁴।
து³ர்க³மாம்ʼ பத³வீம்ʼ க³ச்ச²ன்பிதுராஸீத்³க³தஜ்வர:॥ 10-8-157 (64428)
யதை²வ ஸம்ʼஸுப்தஜனே ஶிபி³ரே ப்ராவிஶன்னிஶி।
ததை²வ ஹத்வா நி:ஶப்³தோ³ நிஶ்சக்ராம நரர்ஷப⁴:॥ 10-8-158 (64429)
நிஷ்க்ரம்ய ஶிபி³ராத்தஸ்மாத்தாப்⁴யாம்ʼ ஸங்க³ம்ய வீர்யவான்।
ஆசக்²யௌ கர்ம தத்ஸர்வம்ʼ ஹ்ருʼஷ்ட: ஸம்ʼஹர்ஷயன்விபோ⁴॥ 10-8-159 (64430)
தாவதா²சக்²யதுஸ்தஸ்மை ப்ரியம்ʼ ப்ரியகரௌ ததா³।
பாஞ்சாலான்ஸ்ருʼஞ்ஜயாம்ʼஶ்சைவ வினிக்ருʼத்தான்ஸஹஸ்ரஶ:॥ 10-8-160 (64431)
ப்ரீத்யா சோச்சைருத்³ரக்ரோஶம்ʼஸ்ததை²வாஸ்போ²டயம்ʼஸ்தலான்।
தி³ஷ்ட்யாதி³ஷ்ட்யேதி சான்யோன்யம்ʼ ஸமேத்யோசுர்மஹாரதா²:॥ 10-8-161 (64432)
பர்யஷ்வஜத்ததோ த்³ரௌணிஸ்தாப்⁴யாம்ʼ ஸம்ப்ரதினந்தி³த:।
இத³ம்ʼ ஹர்ஷாத்து ஸுமஹதா³த³தே³ வாக்யமுத்தமம்॥ 10-8-162 (64433)
பாஞ்சாலா நிஹதா: ஸர்வே த்³ரௌபதே³யாஶ்ச ஸர்வஶ:।
ஸோமகா மத்ஸ்யஶேஷாஶ்ச ஸர்வே வினிஹதா மயா॥ 10-8-163 (64434)
இதா³நீம்ʼ க்ருʼதக்ருʼத்யா: ஸ்ம யாம தத்ரைவ மா சிரம்।
யதி³ ஜீவதி நோ ராஜா தஸ்மை ஶம்ʼஸாமஹே ப்ரியம்॥ ॥ 10-8-164 (64435)
இதி ஶ்ரீமன்மஹாபா⁴ரதே ஸௌப்திகபர்வணி அஷ்டமோ(அ)த்⁴யாய:॥ 8 ॥
Mahabharata - Sauptika Parva - Chapter Footnotes
10-8-7 பாஞ்சாலை: பூர்வம்ʼ நிஹதௌ ஸந்தௌ ஸ்வபதாம்ʼ கச்சித் கோபாத் ஸ்வபதாம்ʼ பாஞ்சாலானாம்ʼ கர்ம வதா⁴க்²யம்ʼ தாப்⁴யாம்ʼ கச்சித்க்ருʼதமிதி ஸம்ப³ந்த⁴:॥ 10-8-8 ஶிபி³ரத்³வார்யதிஷ்ட²தாமிதி ஜ².பாட²:॥ 10-8-11 வாம்ʼ யுவாம்ʼ ப்ராப்யேதி ஶேஷ:॥ 10-8-13 உத்³தே³ஶஜ்ஞ: த்⁴ருʼஷ்டத்³யும்னஸ்த²லஜ்ஞ:॥ 10-8-30 பாதா³ஷ்டீ²லைரிதி ஜ².பாட²:। தத்ர பாதா³ஷ்டீ²லை: பாத³க்³ரந்தி²பி⁴:। பார்ஷ்ணிகா⁴தைரித்யர்த²:॥ 10-8-50 தைஶ்சி²ந்னகா³த்ரைர்விஸ்பு²ரத்³பி⁴ஸ்தேஷாம்ʼ ஶரீராது³ச்சலத்³பீ⁴ ரக்தபி³ந்து³பி⁴ரித்யர்த²:॥ 10-8-87 பாண்டு³ஸ்ருʼஞ்ஜயான் பாண்·ட³வஸம்ப³ந்தி⁴ந: ஸ்ருʼஞ்ஜயான்। பாண்டோ³ர்கோ³த்ராபத்யானி ஸ்ருʼஞ்ஜயாஶ்ச தான்வா॥ 10-8-105 அப⁴ஞ்ஜன் கா³த்ராண்யனமயன்। அம்ருʼத்³ரன் பரஸ்பரம்ʼ மர்தி³தவந்த:॥ 10-8-106 அபிஷன் அபிம்ʼஷன்॥ 10-8-144 ப்⁴ருʼஶாஶிதா: ப்⁴ருʼஶம்ʼ ஸம்ʼந்தர்பிதா:॥ 10-8-145 விகுக்ஷிகா: விபுலகுக்ஷய:॥ 10-8-8 அஷ்டமோ(அ)த்⁴யாய:॥ஸௌப்திகபர்வ - அத்⁴யாய 009
॥ ஶ்ரீ: ॥
10.9. அத்⁴யாய: 009
Mahabharata - Sauptika Parva - Chapter Topics
த்³ரௌணிக்ருʼபக்ருʼதவர்மபி⁴ர்து³ர்யோத⁴னமேத்ய ஶோசனம்॥ 1 ॥ து³ர்யோத⁴னம்ப்ரதி த்³ரௌணினா ஸுப்தஜவத⁴கத²னம்॥ 2 ॥ து³ர்யோத⁴னேன ப்ராணத்யாக³:॥ 3 ॥ த்³ரௌண்யாதீ³நாம்ʼ நக³ரக³மனம்॥ 4 ॥ ஸஞ்ஜயஸ்ய வ்யாஸானுக்³ரஹப்ராப்ததி³வ்யஜ்ஞானநாஶ:॥ 5 ॥Mahabharata - Sauptika Parva - Chapter Text
10-9-0 (64436)
ஸஞ்ஜய உவாச। 10-9-0x (5279)
தே ஹத்வா ஸர்வபாஞ்சாலாந்த்³ரௌபதே³யாம்ʼஶ்ச ஸர்வஶ:।
ஆக³ச்ச²ன்ஸஹிதாஸ்தத்ர யத்ர து³ர்யோத⁴னோ ஹத:॥ 10-9-1 (64437)
க³த்வா சைனமபஶ்யந்த கிஞ்சித்ப்ராணம்ʼ ஜனாதி⁴பம்।
ததோ ரதே²ப்⁴ய: ப்ரஸ்கந்த்³ய பரிவவ்ருஸ்தவாத்மஜம்॥ 10-9-2 (64438)
தம்ʼ ப⁴க்³ரஸக்த²ம்ʼ ராஜேந்த்³ர க்ருʼச்ச்²ரப்ராணமசேதஸம்।
வமந்தம்ʼ ருதி⁴ரம்ʼ வக்த்ராத³பஶ்யன்வஸுதா⁴தலே॥ 10-9-3 (64439)
வ்ருʼதம்ʼ ஸமந்தாத்³ப³ஹுபி⁴: ஶ்வாபதை³ர்கோ⁴ரத³ர்ஶனை:।
ஸாலாவ்ருʼகக³ணைஶ்சைவ ப⁴க்ஷயிஷ்யத்³பி⁴ரந்திகாத்॥ 10-9-4 (64440)
நிராயந்தம்ʼ க்ருʼச்ச்²ராத்தாஞ்ஶ்வாபதா³ம்ʼஶ்ச சிகா²தி³ஷூன்।
விவேஷ்டமானமுருப்⁴யாம்ʼ ஸுப்⁴ருʼஶம்ʼ கா³ட⁴வேத³னம்॥ 10-9-5 (64441)
தம்ʼ ஶயானம்ʼ ததா² த்³ருʼஷ்ட்வா பூ⁴மௌ ஸுருதி⁴ரோக்ஷிதம்।
ஹதஶிஷ்டாஸ்த்ரயோ வீரா: ஶோகார்தா: பர்யதே³வயன்।
அஶ்வத்தா²மா க்ருʼபஶ்சைவ க்ருʼதவர்மா ச ஸாத்வத:॥ 10-9-6 (64442)
தைஸ்த்ரிபி⁴: ஶோணிதாதி³க்³தௌ⁴ர்னி: ஶ்வஸத்³பி⁴ர்மஹாரதை²:।
ஶுஶுபே⁴ ஸ வ்ருʼதோ ராஜா வேதீ³ த்ரிபி⁴ரிவாக்³நிபி⁴:॥ 10-9-7 (64443)
தே தம்ʼ ஶயானம்ʼ ஸம்ப்ரேக்ஷ்ய ராஜானமததோ²சிதம்।
அவிஷஹ்யேன து³:கே²ந ததஸ்தே ருருது³ஸ்த்ரய:॥ 10-9-8 (64444)
ததஸ்து ருதி⁴ரம்ʼ ஹஸ்தைர்முகா²ந்னிர்ம்ருʼஜ்ய தஸ்ய ஹி।
ரணே ராஜ்ஞ: ஶயானஸ்ய க்ருʼப: ஸம்பர்யதே³வயத்॥ 10-9-9 (64445)
க்ருʼப உவாச। 10-9-10x (5280)
ந தை³வஸ்யாதிபா⁴ரோ(அ)ஸ்தி யத³யம்ʼ ருதி⁴ரோக்ஷித:।
ஏகாத³ஶசமூப⁴ர்தா ஶேதே து³ர்யோத⁴னோ ஹத:॥ 10-9-10 (64446)
பஶ்ய சாமீகராப⁴ஸ்ய சாமீகரவிபூ⁴ஷிதாம்।
க³தா³ம்ʼ க³தா³ப்ரியஸ்யேமாம்ʼ ஸமீபே பதிதாம்ʼ பு⁴வி॥ 10-9-11 (64447)
இயமேனம்ʼ க³தா³ ஶூரம்ʼ ந ஜஹாதி ரணேரணே।
ஸ்வர்கா³யாபி வ்ரஜந்தம்ʼ ஹி ந ஜஹாதி யஶஸ்வினம்॥ 10-9-12 (64448)
பஶ்யேமாம்ʼ ஸஹ வீரேண ஜாம்பூ³நத³விபூ⁴ஷிதாம்।
ஶயானாம்ʼ ஶயனே ஹர்ம்யே பா⁴ர்யாம்ʼ ப்ரீதிமதீமிவ॥ 10-9-13 (64449)
யோ(அ)யம்ʼ மூர்தா⁴பி⁴ஷிக்தானாமக்³ரே யாதி பரந்தப:।
ஸ ஹதோ க்³ரஸதே பாம்ʼஸூன்பஶ்ய காலஸய பர்யயம்॥ 10-9-14 (64450)
யேனாஜௌ நிஹதா பூ⁴மௌ ஶேரதே க்ஷத்ரியர்ஷபா⁴:।
ஸ பூ⁴மௌ நிஹத: ஶேதே குருராஜ: பரைரயம்॥ 10-9-15 (64451)
ப⁴யான்னமந்தி ராஜானோ யஸ்ய ஸ்ம ஶதஸங்க⁴ஶ:।
ஸ வீரஶயனே ஶேதே க்ரவ்யாத்³பி⁴: பரிவாரித:॥ 10-9-16 (64452)
யமுபாஸன்ன்ருʼபா: பூர்வமர்த²ஹேதோர்மஹீபதிம்।
உபாத்பதே ச தம்ʼ ஹ்யத்³ய க்ரவ்யாதா³ மாம்ʼஸக்³ருʼத்³தி⁴ந:॥ 10-9-17 (64453)
ஸஞ்ஜய உவாச। 10-9-18x (5281)
தம்ʼ ஶயானம்ʼ குருஶ்ரேஷ்ட²ம்ʼ ததோ ப⁴ரதஸத்தமம்।
அஶ்வத்தா²மா ஸமாலிங்க்³ய கருணம்ʼ பர்யதே³வயத்॥ 10-9-18 (64454)
ஆஹுஸ்த்வாம்ʼ ராஜஶார்தூ³ல முக்²யம்ʼ ஸர்வத⁴னுஷ்மதாம்।
த⁴னாத்⁴யக்ஷோபமம்ʼ யுத்³தே⁴ ஶிஷ்யம்ʼ ஸங்கர்ஷணஸ்ய ச॥ 10-9-19 (64455)
கத²ம்ʼ விவரமத்³ராக்ஷீத்³பீ⁴மஸேனஸ்தவானக⁴।
ப³லினம்ʼ க்ருʼதினோ நித்யம்ʼ ஸூத³: பாபாத்மவான்ன்ருʼப॥ 10-9-20 (64456)
காலோ நூனம்ʼ மஹாராஜ லோகே(அ)ஸ்மின்ப³லவத்தர:।
பஶ்யாமோ நிஹதம்ʼ த்வாம்ʼ ச பீ⁴மஸேனேன ஸம்ʼயுகே³॥ 10-9-21 (64457)
கத²ம்ʼ த்வாம்ʼ ஸர்வத⁴ர்மஜ்ஞம்ʼ க்ஷுத்³ர: பாபோ வ்ருʼகோத³ர:।
நிக்ருʼத்யா ஹதவான்மந்தோ³ நூன காலோ து³ரத்யய:॥ 10-9-22 (64458)
த்³வந்த்³வயுத்³தே⁴ ஹ்யத⁴ர்மேண ஸமாஹூயௌஜஸா ம்ருʼதே⁴।
க³த³யா பீ⁴மஸேனேன நிர்ப⁴க்³நே ஸக்தி²நீ தவ॥ 10-9-23 (64459)
அத⁴ர்மேண ஹதஸ்யாஜௌ ம்ருʼத்³யமானம்ʼ பதா³ ஶிர:।
ய உபேக்ஷிதவான்க்ஷுத்³ரம்ʼ தி⁴க்தமஸ்து--யுதி⁴ஷ்டி²ரம்॥ 10-9-24 (64460)
யுத்³தே⁴ஷ்வபவதி³ஷ்யந்தி யோதா⁴ நூனம்ʼ வ்ருʼகோத³ரம்।
யாவத்ஸ்தா²ஸ்யந்தி பூ⁴தானி நிக்ருʼத்யா ஹ்யஸி பாதித:॥ 10-9-25 (64461)
நனு ராமோ(அ)ப்³ரவீத்³ராஜம்ʼஸ்த்வாம்ʼ ஸதா³ யது³நந்த³ன:।
து³ர்யோத⁴னஸமோ நாஸ்தி க³தா³யாமிதி வீர்யவான்॥ 10-9-26 (64462)
ஶ்லாக⁴தே த்வாம்ʼ ஹி வார்ஷ்ணேயோ ராஜன்ஸம்ʼஸத்ஸு பா⁴ரத।
ஸ ஶிஷ்யோ மம கௌரவ்யோ க³தா³யுத்³த⁴ இதி ப்ரபோ⁴॥ 10-9-27 (64463)
யாம்ʼ க³திம்ʼ க்ஷத்ரியஸ்யாஹு: ப்ரஶஸ்தாம்ʼ பரமர்ஷய:।
ஹதஸ்யாபி⁴முக²ஸ்யாஜௌ ப்ராப்தஸ்த்வமஸி தாம்ʼ க³திம்॥ 10-9-28 (64464)
து³ர்யோத⁴ன ந ஶோசாமி த்வாமஹம்ʼ புருஷர்ஷப⁴।
ஹதபுத்ரௌ து ஶோசாமி கா³ந்தா⁴ரீம்ʼ பிரம்ʼ ச தே॥ 10-9-29 (64465)
த்³வாவனாதௌ² க்ருʼதௌ வீர த்வயா நாதே²ந வர்தி⁴தௌ।
பி⁴க்ஷுகௌ விசரிஷ்யேதே ஶோசந்தௌ ப்ருʼதி²வீமிமாம்॥ 10-9-30 (64466)
கி⁴க³ஸ்து க்ருʼஷ்ணம்ʼ வார்ஷ்ணேயமர்ஜுனம்ʼ சாபி து³ர்மதிம்।
த⁴ர்மஜ்ஞமானிமௌ யௌ த்வாம்ʼ வத்⁴யமானமுபேக்ஷதாம்॥ 10-9-31 (64467)
பாண்ட³வாஶ்சாபி தே ஸர்வே கிம்ʼ வக்ஷ்யந்தி நராதி⁴ப।
கத²ம்ʼ து³ர்யோத⁴னோ(அ)ஸ்மாபி⁴ர்ஹத இத்யனபத்ரபா:॥ 10-9-32 (64468)
த⁴ன்யஸ்த்வமஸி கா³ந்தா⁴ரே யஸ்வமாயோத⁴னே ஹத:।
ப்ரயாதோ(அ)பி⁴முக²: ஶத்ரூந்த⁴ர்மேண புருஷர்ஷப⁴॥ 10-9-33 (64469)
ஹதபுத்ரா ஹி கா³ந்தா⁴ரீ நிஹதஜ்ஞாதிபா³ந்த⁴வா।
ப்ரஜ்ஞாசக்ஷுஶ்ச து³ர்த⁴ர்ஷ: காம்ʼ த³ஶாம்ʼ ப்ரதிபத்ஸ்யதே॥ 10-9-34 (64470)
தி⁴க³ஸ்து க்ருʼதவர்மாணம்ʼ மாம்ʼ க்ருʼபம்ʼ ச மஹாரத²ம்।
யே வயம்ʼ ந க³தா: ஸ்வர்க³ம்ʼ த்வாம்ʼ புரஸ்க்ருʼத்ய பார்தி²வம்॥ 10-9-35 (64471)
தா³தாரம்ʼ ஸர்வகாமானாம்ʼ ரக்ஷிதாரம்ʼ ப்ரஜாஹிதம்।
யத்³வயம்ʼ நானுக³ச்சா²ம த்வாம்ʼ தி⁴க³ஸ்மான்னராத⁴மான்॥ 10-9-36 (64472)
க்ருʼபஸ்ய தவ வீர்யேண மம சைவ பிதுஶ்ச மே।
ஸப்⁴ருʼத்யானாம்ʼ நரவ்யாக்⁴ர ரத்னவந்தி க்³ருʼஹாணி ச॥ 10-9-37 (64473)
தவ ப்ரஸாதா³த³ஸ்மாபி⁴: ஸமித்ரை: ஸஹ பா³ந்த⁴வை:।
அவாப்தா: க்ரதவோ முக்²யா ப³ஹவோ பூ⁴ரித³க்ஷிணா:॥ 10-9-38 (64474)
குதஶ்சாபீத்³ருʼஶம்ʼ பாபா: ப்ரவர்திஷ்யாமஹே வயம்।
யாத்³ருʼஶேன புரஸ்க்ருʼத்ய த்வம்ʼ க³த: ஸர்வபார்தி²வான்॥ 10-9-39 (64475)
வயமேவ த்ரயோ ராஜன்க³ச்ச²ந்தம்ʼ பரமாம்ʼ க³திம்।
யத்³வை த்வாம்ʼ நானுக³ச்சா²ப⁴ஸ்தேன தப்ஸ்யாமஹே வயம்। 10-9-40 (64476)
தத்ஸ்வர்க³ஹீனா ஹீனார்தா²: ஸ்மரந்த: ஸுக்ருʼதஸ்ய தே।
கிம்ʼ நாம தத்³ப⁴வேத்கர்ம யேன த்வாம்ʼ ந வ்ரஜாம வை॥ 10-9-41 (64477)
து³:க²ம்ʼ நூன குருஶ்ரேஷ்ட² சரிஷ்யாம மஹீமிமாம்।
ஹீனானாம்ʼ நஸ்த்வயா ராஜன்குத: ஶாந்தி: குத: ஸுக²ம்ʼ॥ 10-9-42 (64478)
க³த்வைவ து மஹாராஜ ஸமேத்ய ச மஹாரதா²ந்।
யதா²ஜ்யேஷ்ட²ம்ʼ யதா²ஶ்ரேஷ்ட²ம்ʼ பூஜயேர்வசனான்மம॥ 10-9-43 (64479)
ஆசார்யம்ʼ பூஜயித்வா ச கேதும்ʼ ஸர்வத⁴னுஷ்மதாம்।
ஹதம்ʼ மயா(அ)த்³ய ஶம்ʼஶேதா² த்³ருʼஷ்டத்³யும்னம்ʼ நராதி⁴ப॥ 10-9-44 (64480)
பரிஷ்வஜேதா² ராஜானம்ʼ பா³ஹ்லிகம்ʼ ஸுமஹாரத²ம்।
ஸைந்த⁴வம்ʼ ஸோமத³த்தம்ʼ ச பூ⁴ரிஶ்ரவஸமேவ ச॥ 10-9-45 (64481)
ததா² பூர்வக³தானந்யான்ஸ்வர்கே³ பார்தி²வஸத்மான்।
அஸ்மத்³வாக்யாத்பரிஷ்வஜ்ய ஸம்ப்ருʼச்சே²ஸ்வமனாமயம்॥ 10-9-46 (64482)
ஸஞ்ஜய உவாச। 10-9-47x (5282)
இத்யேவமுக்வா ராஜானம்ʼ ப⁴க்³நஸக்த²மசேதஸம்।
அஶ்வத்தா²மா லகு⁴ப்ராணம்ʼ புனர்வசனமப்³ரவீத்॥ 10-9-47 (64483)
து³ர்யோத⁴ன ஜீவஸி சேத்³வாக்யம்ʼ ஶ்ரோத்ரமுக²ம்ʼ ஶ்ருʼணு।
ஸப் பாண்ட³வத: ஶிஷ்டா தா⁴ர்தராஷ்ட்ராஸ்த்ரயோ வயம்॥ 10-9-48 (64484)
தே சைவ ப்⁴ராதர: பஞ்ச வாஸுதே³வோ(அ)த² ஸாத்யகி:।
அஹம்ʼ ச க்ருʼதவர்மா ச க்ருʼப: ஶாரத்³வதஸ்ததா²॥ 10-9-49 (64485)
த்³ரௌபதே³யா ஹதா: ஸர்வே த்⁴ருʼஷ்டத்³யும்னஸ்ய சாத்மஜா:।
பஞ்சாலா நிஹதா: ஸர்வே மத்ஸ்யஶேஷம்ʼ ச பா⁴ரத॥ 10-9-50 (64486)
க்ருʼதே ப்ரதிக்ருʼதம்ʼ பஶ்ய ஹதபுத்ரா ஹி பாண்ட³வா:।
ஸௌப்திகே ஶிபி³ரம்ʼ தேஷாம்ʼ ஹதம்ʼ ஸனரவாஹனம்॥ 10-9-51 (64487)
மயா ச பாபகர்மா(அ)ஸௌ த்⁴ருʼஷ்டத்³யும்னோ மஹீபதே।
ப்ரவிஶ்ய ஶிபி³ரம்ʼ ராத்ரௌ பஶுமாரேண மாரித:॥ 10-9-52 (64488)
து³ர்யோத⁴னஸ்து தாம்ʼ வாசம்ʼ நிஶம்ய மனஸ: ப்ரியாம்।
ப்ரதிலப்⁴ய புனஶ்சேத இத³ம்ʼ வசனமப்³ரவீத்॥ 10-9-53 (64489)
ந மே(அ)கரோத்த்³கா³ங்கே³யோ ந கர்ணோ ந ச தே பிதா।
யத்த்வயா க்ருʼபபோ⁴ஜாப்⁴யாம்ʼ ஸஹிதேனாத்³ய மே க்ருʼதம்॥ 10-9-54 (64490)
ஸ ச ஸேனாபதி: க்ஷுத்³ரோ ஹத: ஸார்த⁴ம்ʼ ஶிக²ண்டி³நா।
தேன மன்யே மக⁴வதா ஸமமாத்மானமத்³ய வை॥ 10-9-55 (64491)
ஸ்வஸ்தி ப்ராப்னுத ப⁴த்³ரம்ʼ வ: ஸ்வர்கே³ ந: ஸங்க³ம: புன:।
இத்யேவமுக்த்வா புத்ரஸ்தே குருராஜோ மஹாமனா:॥ 10-9-56 (64492)
ப்ராணானுபாஸ்ருʼஜத்³வீர: ஸுஹ்ருʼதா³ம்ʼ து³:க²மாத³த⁴த்।
அபாக்ராமத்³தி³வம்ʼ புண்யாம்ʼ ஶரீரம்ʼ க்ஷிதிமாவிஶத்॥ 10-9-57 (64493)
ஏவம்ʼ தே நித⁴னம்ʼ யாத: புத்ரோ து³ர்யோத⁴னோ ந்ருʼப।
அக்³ரே யாத்வா ரணே ஶூர: பஶ்ராத்³வினிஹத: பரை:॥ 10-9-58 (64494)
ததை²வ தே பரிஷ்வக்தா: பரிஷ்வஜ்ய ச தே ந்ருʼபம்।
புன: புன: ப்ரேக்ஷமாணா: ஸ்வகானாருருஹூ ரதா²ந்॥ 10-9-59 (64495)
இத்யேவம்ʼ த்³ரோணபுத்ரஸ்ய நிஶம்ய கருணாம்ʼ கி³ரம்।
ப்ரத்யூஷகாலே ஶோகார்தா: ப்ராத்³ரவன்னக³ரம்ʼ ப்ரதி॥ 10-9-60 (64496)
ஏவமேஷ க்ஷயோ வ்ருʼத்த: குருபாண்ட³வஸேனயோ:।
கோ⁴ரோ விஶஸனோ ரௌத்³ரோ ராஜந்து³ர்மந்த்ரிதே தவ॥ 10-9-61 (64497)
தவ புத்ரே க³தே ஸ்வர்க³ம்ʼ ஶோகார்ஸ்ய மமானக⁴।
ருʼஷித³த்தம்ʼ ப்ரனஷ்டம்ʼ தத்³தி³வ்யத³ர்ஶித்வமத்³ய வை॥ 10-9-62 (64498)
வைஶம்பாயன உவாச। 10-9-63x (5283)
இதி ஶ்ருத்வா ஸ ந்ருʼபதிர்ஜ்ஞாதிபுத்ரவத⁴ம்ʼ ததா³।
நி:ஶ்வஸ்ய தீ³ர்க⁴முஷ்ணம்ʼ ச ததஶ்சிந்தாபரோ(அ)ப⁴வத்॥ ॥ 10-9-63 (64499)
இதி ஶ்ரீமன்மஹாபா⁴ரதே ஸௌப்திகபர்வணி நவமோ(அ)த்⁴யாய:॥ 9 ॥
Mahabharata - Sauptika Parva - Chapter Footnotes
10-9-17 உபாஸத த்³விஜா: பூர்வமர்த²ஹேதோர்யமீஶ்வரமிதி ஜ².பாட²:॥ 10-9-23 த⁴ர்மயுத்³தே⁴ ஹ்யத⁴ர்மேணேதி ஜ².பாட²:॥ 10-9-9 நவமோ(அ)த்⁴யாய:॥ஸௌப்திகபர்வ - அத்⁴யாய 010
॥ ஶ்ரீ: ॥
10.10. அத்⁴யாய: 010
Mahabharata - Sauptika Parva - Chapter Topics
தை³வாது³ர்வரிதேன த்³ருʼஷ்டத்³யும்னஸாரதி²நா யுதி⁴ஷ்டி²ராய ராத்ரௌ வ்ருʼத்தஶிபி³ரவ்ருʼத்தாந்தவினேத³னம்॥ 1 ॥ தச்ச்²ரவணேன த்³ரௌபத்³யானயனாய நகுலபா⁴தி³ஶ்ய ஶிபி³ரபு⁴வமுபாக³தவதா யுதி⁴ஷ்டி²ரேண க்³ருʼதனிஜஜனாவலோகனேன பரிதே³வனம்॥ 2 ॥Mahabharata - Sauptika Parva - Chapter Text
10-10-0 (64500)
வைஶம்பாயன உவாச। 10-10-0x (5284)
தஸ்யாம்ʼ ராத்ர்யாம்ʼ வ்யதீதாயாம்ʼ த்⁴ருʼஷ்டத்³யும்னஸ்ய ஸாரதி²:।
க³த்வா ஶஶம்ʼஸ பாண்டு³ப்⁴ய: ஸௌப்திகே கத³னம்ʼ க்ருʼதம்॥ 10-10-1 (64501)
ஸூத உவாச। 10-10-2x (5285)
த்³ரௌபதே³யா ஹதா ராஜந்த்³ருபத³ஸ்வாத்மஜை: ஸஹ।
ப்ரமத்தா நிஶி விஶ்வஸ்தா: ஸ்வபந்த: ஶிபி³ரே ஸ்வகே॥ 10-10-2 (64502)
கௌ³தமேன ந்ருʼஶம்ʼஸேன போ⁴ஜேன க்ருʼதவர்மணா।
அஶ்வத்தா²ந்னா ச பாபேன ஹதம்ʼ வ: ஶிபி³ரம்ʼ நிஶி॥ 10-10-3 (64503)
ஏதைர்னரக³ஜாஶ்வானாம்ʼ ப்ராஸஶக்திபரஶ்வயை:।
ஸஹஸ்ராமி விக்ருʼந்த்³பி⁴ர்னி: ஶேஷம்ʼ ஶிபி³ரம்ʼ க்ருʼதம்॥ 10-10-4 (64504)
`xxxxxxவிஹக³ப²லபா⁴ரனதஸ்ய ஹ।'
xxxxxxxமஹதோ வனஸ்யேவ பரஶ்வதை²:।
xxxxxxxx ஸுமஹாஞ்ஶப்³தோ³ ப³லஸ்ய தவ பா⁴ரத॥ 10-10-5 (64505)
மஹமேகோ(அ)ப³ஶிஷ்டஸ்து தஸ்மாத்ஸைன்யாமஹீபதே।
முக்த: கத²ஞ்சித்³த⁴ர்மாத்மன்வ்யக்³ராச்ச க்ருʼதவர்மண:॥ 10-10-6 (64506)
தச்ச்²ருத்வா வாக்யமஶிவம்ʼ குந்தீபுத்ரோ யுதி⁴ஷ்டி²ர:।
பபாத மஹ்யாம்ʼ த⁴ர்மாத்மா புத்ரஶோகஸமன்வித:॥ 10-10-7 (64507)
பதந்தம்ʼ தமதிக்ரம்ய பரிஜக்³ராஹ ஸாத்யகி:।
பீ⁴மஸேனோ(அ)ர்ஜுனஶ்சைவ மாத்³ரீபுத்ரௌ ச பாண்ட³வௌ॥ 10-10-8 (64508)
லப்³த⁴சேதாஸ்து கௌந்தேய: ஶோகவிஹ்வலயா கி³ரா।
ஜித்வா ஶத்ரூஞ்ஜித: பஶ்சாத்பர்யதே³வயதா³ர்தவத்॥ 10-10-9 (64509)
`அக³ம்யா க³திரர்தா²நாம்ʼ கர்மணாமீஶ்வரஸ்ய ச'।
து³ர்விதா³ க³திரர்தா²நாமபி யே தி³வ்யசக்ஷுஷ:।
ஜீயமானா ஜயந்த்யன்யே ஜயமானா வயம்ʼ ஜிதா:॥ 10-10-10 (64510)
ஹத்வா ப்⁴ராத்ரூʼன்வயஸ்யாம்ʼஶ்ச பித்ரூʼன்புத்ரான்ஸுஹ்ருʼத்³க³ணான்।
ப³ந்தூ⁴நமாத்யான்பௌத்ராம்ʼஶ்ச ஜித்வா ஸர்வாஞ்ஜிதா வயம்॥ 10-10-11 (64511)
அனர்தோ² ஹ்யர்த²ஸங்காஶஸ்ததா²(அ)னர்தோ²(அ)ர்த²த³ர்ஶன:।
ஜயோ(அ)யமஜயாகாரோ ஜயஸ்தஸ்மாத்பராஜய:॥ 10-10-12 (64512)
யஜ்ஜித்வா தப்யதே பஶ்சாதா³பன்ன இவ து³ர்மதி:।
கத²ம்ʼ மன்யேத விஜயம்ʼ ததோ ஜிததர: பரை:॥ 10-10-13 (64513)
யேஷாமர்தா²ய பாபம்ʼ ஸ்யாத்³விஜயஸ்ய ஸுஹ்ருʼத்³வதை⁴:।
நிர்ஜிதைரப்ரமத்தைர்ஹி விஜிதா ஜிதகாஶின:॥ 10-10-14 (64514)
கர்ணினாலீகத³ம்ʼஷ்ட்ரஸ்ய ஸ்வங்க³ஜிஹ்வஸ்ய ஸம்ʼயுகே³।
சாபவ்யாத்தாஸ்யரௌத்³ரஸ்ய ஜ்யாதலஸ்வனநாதி³ந:॥ 10-10-15 (64515)
க்ருத்³த⁴ஸ்ய நரஸிம்ʼஹஸ்ய ஸங்க்³ராமேஷ்வபலாயின:।
யே வ்யமுஞ்சந்த கர்ணஸ்ய ப்ரமாதா³த்த இமே ஹதா:॥ 10-10-16 (64516)
ரத²ஹத³ம்ʼ ஶரவர்ஷோர்மிமந்தம்ʼ
ரத்னாசிதம்ʼ வாஹனயோத⁴ப்³ருʼந்த³ம்।
ஶக்த்ய்ருʼஷ்டிமீனத்⁴வஜனாக³னக்ரம்ʼ
ஶராஸனாவர்தமஹேஷுபே²நம்॥ 10-10-17 (64517)
ஸங்க்³ராமசந்த்³ரோத³யவேக³வேலம்ʼ
த்³ரோணார்ணவம்ʼ ஜ்யாதலனேமிகோ⁴ஷம்।
யே தேருருச்சாவசஶஸ்த்ரனௌபி⁴--
ஸ்தே ராஜபுத்ரா நிஹதா: ப்ரமாதா³த்॥ 10-10-18 (64518)
ந ஹி ப்ரமாதா³த்பரமஸ்தி கஶ்ச--
த்³வதோ⁴ நராணாமிஹ ஜீவலோகே।
ப்ரமத்தமர்தா² ஹி நரம்ʼ ஸமந்தா--
த்த்யஜந்த்யனர்தா²ஶ்ச ஸமாவிஶந்தி॥ 10-10-19 (64519)
த்⁴வஜோத்தமாக்³ரோச்ச்²ரிததூ⁴மகேதும்ʼ
ஶரார்சிஷம்ʼ தீ³ப்தமஹாபதாகம்।
மஹாத⁴னுர்ஜ்யாதலனேமிகோ⁴ஷம்ʼ
தனுத்ரனானாவித⁴ஶஸ்த்ரஹோமம்॥ 10-10-20 (64520)
மஹாசமூகக்ஷத³வாபி⁴பன்னம்ʼ
மஹாஹவே பீ⁴ஷ்மமஹாத³வாக்³நிம்।
யே தேருருச்சாவசஶஸ்த்ரவேகை³--
ஸ்தே ராஜபுத்ரா நிஹதா: ப்ரமாதா³த்॥ 10-10-21 (64521)
ந ஹி ப்ரமத்தேன நரேண ஶக்ய--
மாப்தும்ʼ வஸு ஶ்ரீர்விபுலம்ʼ யஶோ வா।
பஶ்யாப்ரமாதே³ந நிஹத்ய ஶத்ரூ--
ந்ஸர்வான்மஹேந்த்³ரம்ʼ ஸுக²மேத⁴மானம்॥ 10-10-22 (64522)
இந்த்³ரோபமான்பார்தி²வபுத்ரபௌத்ரா--
ந்பஶ்யாவிஶேஷேண ஹதான்ப்ரமாதா³த்।
தீர்த்வா ஸமுத்³ரம்ʼ ஜணிஜ: ஸம்ருʼத்³வா।
மக்³நா: குனத்³யாமிவ ஸீத³மானா:॥ 10-10-23 (64523)
அமர்ஷிதைர்யே நிஹதா நரேந்த்³ரா
நி:ஸம்ʼஶயம்ʼ தே த்ரிதி³வம்ʼ ப்ரபன்னா:।
க்ருʼஷ்ணாம்ʼ து ஶோசாமி கத²ம்ʼ நு ஸாத்⁴வீ
ஶோகார்ணவம்ʼ ஸா விஷஹிஷ்யதீதி॥ 10-10-24 (64524)
பா⁴த்ருʼம்ʼஶ்ச புத்ராம்ʼஶ்ச ஹதான்னிஶம்ய
பாஞ்சாலஸராஜம்ʼ பிதரம்ʼ ச வ்ருʼத்³வம்।
த்⁴ருவம்ʼ விஸஞ்ஜ்ஞா பதிதா ப்ருʼதி²வ்யாம்ʼ
ஸா ஶோஷ்யதே ஶோகக்ருʼஶாங்க³யஷ்டி:॥ 10-10-25 (64525)
தச்சோ²கஜம்ʼ து³:க²மபாரயந்தீ
கத²ம்ʼ ப⁴விஷ்யத்யுசிதா ஸுகா²நாம்।
ரோரூயதே ஜ்ஞாதிவதா⁴பி⁴தப்தா
ப்ரத³ஹ்வமானேவ ஹுதாஶனேன॥ 10-10-26 (64526)
இத்யேவமார்த: பரிதே³வயன்ஸ
ராஜாஜ குரூணாம்ʼ நகுலம்ʼ ப³பா⁴ஷே।
க³ச்சா²ந்யைனாமிஹ மந்த³பா⁴க்³யாம்ʼ
ஸமாத்ருʼபக்ஷாமிதி ராஜபுத்ரீம்॥ 10-10-27 (64527)
மாத்³ரீஸுதஸ்தத்பரிக்³ருʼஹ்ய வாக்யம்ʼ
த⁴ர்மேண த⁴ர்மப்ரத²மஸ்ய ராஜ்ஞ:।
யயௌ ரதே²நாலயமாஶுதே³வ்யா:
பாஞ்சாலராஜஸ்ய ச யத்ர தா³ரா:॥ 10-10-28 (64528)
ப்ரஸ்தா²ப்ய மாத்³ரீஸுதமாஜமீட⁴:
ஶோகார்தி³தஸ்தை: ஸஹித: ஸுஹ்ருʼத்³பி⁴:।
ரோரூயமாண: ப்ரயயௌ ஸுதானா--
மாயோத⁴னம்ʼ பூ⁴தக³ணானுகீர்ணம்॥ 10-10-29 (64529)
ஸ தத்ப்ரவிஶ்யாஶிவமுக்³ரரூபம்ʼ
த³த³ர்ஶ புத்ரான்ஸுஹ்ருʼத³: ஸகீ²ம்ʼஶ்ச।
பூ⁴மௌ ஶயானான்ருதி⁴ரார்த்³ரகா³த்ரா--
ந்விபி⁴ந்னதே³ஹான்ப்ரஹ்ருʼதோத்தமாங்கா³ந்॥ 10-10-30 (64530)
ஸ தாம்ʼஸ்து த்³ருʼஷ்ட்வா ப்⁴ருʼஶமார்தரூபோ
யுதி⁴ஷ்டி²ரோ த⁴ர்மப்⁴ருʼதாம்ʼ வரிஷ்ட²:।
உச்சை: ப்ரசுக்ரோஶ ச கௌரவாக்³ர்ய:
பபாத சோர்வ்யாம்ʼ ஸக³ணோ விஸஞ்ஜ்ஞ:॥ ॥ 10-10-31 (64531)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி த³ஶமோ(அ)த்⁴யாய:॥ 10 ॥
Mahabharata - Sauptika Parva - Chapter Footnotes
10-10-8 xxxxxxxxத்யக்த்வா பதந்தம்॥ 10-10-10 அன்யே ஶத்ரவ:। ஜயமானா: ஜயந்த:। ஜிதானாம்ʼ ஜயோ ஜயதாம்ʼ பராஜய: ப²லதோ(அ)பூ⁴தி³தி மஹதா³ஶ்சர்யமித்யர்த²:॥ 10-10-13 பஶ்சாத்ஸ பாப இவ து³ர்மதிரிதி க.பாட²:॥ 10-10-16 வ்யமுஞ்சந்த முக்தா:। கர்ணஸ்ய கர்ணாத்। ப்ரமாதா³த³ஸ்மத்க்ருʼதாத³ஸான்னித்⁴யாத்॥ 10-10-17 வாஹனவாஜியுக்தமிதி ஜ².பாட²:॥ 10-10-20 தனுத்ராணி நானாஷிதா⁴நி ஶஸ்கராணி ச தேஷாம்ʼ ஹோம: ப்ரக்ஷேபோ யத்ர தம்ʼ தனுத்ரனானாவித⁴ஶஸ்த்ரஹோமம்॥ 10-10-21 பீ⁴ஷ்மமயம்ʼ பீ⁴ஷ்மப்ரதா⁴நம்ʼ அக்³நிதா³ஹம்। பீ⁴ஷ்மரூபேண அக்³நினா தா³ஹமித்யர்த²:॥ 10-10-24 நிஹதா: ஶயானா இதி ஜ².பாட²:॥ 10-10-10 த³ஶமோ(அ)த்⁴யாய:॥ஸௌப்திகபர்வ - அத்⁴யாய 011
॥ ஶ்ரீ: ॥
10.11. அத்⁴யாய: 011
Mahabharata - Sauptika Parva - Chapter Topics
மகுலேன யுதி⁴ஷ்டி²ரஸமோஷம்ʼ ப்ரதி த்³ரௌபதா²நயனம்॥ 1 ॥ த்³ரௌபத்³யா த்³ரௌணிமஸ்தகமணிஹரணசோதி³தேன பீ⁴மேன நகுலஸாரதி²நா ரதே²ந த்³ரௌணிவப்⁴ராய ப்ரஸ்தா²நம்॥ 2 ॥Mahabharata - Sauptika Parva - Chapter Text
10-11-0 (64532)
வைஶம்பாயன உவாச। 10-11-0x (5286)
ஸ த்³ருʼஷ்ட்வா நிஹதான்ஸங்க்²யே புத்ரான்பாத்ரௌன்ஸகீ²ம்ʼஸ்ததா²।
மஹாது³:க²பரீதாத்மா ப³பூ⁴வ ஜனமேஜய॥ 10-11-1 (64533)
ததஸ்தஸ்ய மஹாஞ்ஶோக: ப்ராது³ராஸீன்மஹாத்மன:।
ஸ்மரத: புத்ரபௌத்ராம்ʼஸ்தான்ப்⁴ராத்ரூʼன்ஸுஹ்ருʼத³ ஏவ ச॥ 10-11-2 (64534)
தமஶ்ருபரிபூர்ணாக்ஷம்ʼ வேபமானமசேதஸம்।
ஸுஹ்ருʼதோ³ ப்⁴ருʼஶஸம்ʼவிக்³நா: ஸாந்த்வயாஞ்சக்ரிரே ததா³॥ 10-11-3 (64535)
`க்ருʼத்வா து விதி⁴வத்தேஷாம்ʼ புத்ராணாமமிதௌஜஸாம்।
ப்ரேதகார்யாணி ஸர்வேஷாம்ʼ ப³பூ⁴வ ப்⁴ருʼஶது³:கி²த:'॥ 10-11-4 (64536)
தஸ்மின்முஹூர்தே ஜவனைர்வாஜிபி⁴ர்ஹேமமாலிபி⁴:।
நகுல: க்ருʼஷ்ணயா ஸார்த⁴முபாயாத்பரமார்தயா॥ 10-11-5 (64537)
உபப்லாவ்யம்ʼ க³தா ஸா து ஶ்ருத்வா ஸுமஹத³ப்ரியம்।
ததா³ வினாஶம்ʼ ஸர்வேஷாம்ʼ புத்ராணாம்ʼ வ்யதி²தேந்த்³ரியா॥ 10-11-6 (64538)
கம்பமானேவ கத³லீ வாதேனாபி⁴ஸமீரிதா।
க்ருʼஷ்ணா ராஜானமாஸாத்³ய ஶோகார்தா ந்யபதத்³பு⁴வி॥ 10-11-7 (64539)
ந ப³பௌ⁴ வத³னம்ʼ தஸ்யா ருத³ந்த்யா: ஶோககர்ஶிதம்।
பு²ல்லபத்³மபலாஶாக்ஷ்யா மேகா⁴வ்ருʼத இவோடு³ராட்॥ 10-11-8 (64540)
ததஸ்தாம்ʼ பதிதாம்ʼ த்³ருʼஷ்ட்வா ஸம்ʼரம்பீ⁴ ஸத்யவிக்ரம:।
வாஹுப்⁴யாம்ʼ பரிஜக்³ராஹ ஸமுத்பத்ய வ்ருʼகோத³ர:॥ 10-11-9 (64541)
ஸா ஸமாஶ்வாஸிதா தேன பீ⁴மஸேனேன பா⁴மினீ।
ருத³தீ பாண்ட³வஜ்யேஷ்ட²மித³ம்ʼ வசனமப்³ரவீத்॥ 10-11-10 (64542)
தி³ஷ்ட்யா ராஜன்னவாப்யேமாமகி²லாம்ʼ போ⁴க்ஷ்யஸே மஹீம்।
ஆத்மஜான்க்ஷத்ரத⁴ர்மேண ஸம்ப்ரதா³ய யமாய வை॥ 10-11-11 (64543)
தி³ஷ்ட்யா ஸர்வாஸ்த்ரகுஶலம்ʼ மத்தமாதங்கா³மினம்।
அவாப்ய ப்ருʼதி²வீம்ʼ க்ருʼத்ஸ்னாம்ʼ ஸௌப⁴த்³ரம்ʼ ந ஸ்மரிஷ்யஸி॥ 10-11-12 (64544)
ஆத்மஜான்க்ஷத்ரத⁴ர்மேண ஶ்ருத்வா ஶூரான்னிபாதிதான்।
ஸ்தி²தோ ராஜ்யே மயா ஸார்த⁴ம்ʼ விஹரன்ன ஸ்மரிஷ்யஸி॥ 10-11-13 (64545)
ப்ரஸுப்தானாம்ʼ வத⁴ம்ʼ ஶ்ருத்வா த்³ரௌணினா பாபகர்மணா।
ஶோகோ மாம்ʼ த³ஹதே கா³டோ⁴ ஹுதாஶன இவாஶ்ரயம்॥ 10-11-14 (64546)
தஸ்ய பாபக்ருʼதோ த்³ரௌணேர்ன சேத³த்³ய து³ராத்மன:।
ஹியதே ஸானுப³ந்த⁴ஸ்ய யுதி⁴ விக்ரம்ய ஜீவிதம்॥ 10-11-15 (64547)
இஹைவ ப்ராயமாஸிஷ்யே தன்னிபோ³த⁴த பாண்ட³வா:।
ந சேத்ப²லமவாப்னோதி த்³ரௌணி: பாபஸ்ய கர்மண:॥ 10-11-16 (64548)
ஏவமக்த்வா தத: க்ருʼஷ்ணா பாண்ட³வம்ʼ ப்ரத்யுபாவிஶத்।
யுதி⁴ஷ்டி²ரம்ʼ யாஜ்ஞஸேனீ த⁴ர்மராஜம்ʼ யஶஸ்வினீ॥ 10-11-17 (64549)
த்³ருʼஷ்ட்வோபவிஷ்டாம்ʼ ராஜா து பாண்ட³வோ மஹிஷீம்ʼ ப்ரியாம்।
ப்ரத்யுவாச ஸ த⁴ர்மாத்மா த்³ரௌபதீ³ம்ʼ சாருத³ர்ஶனாம்॥ 10-11-18 (64550)
க்ஷத்ரத⁴ர்மேண த⁴ர்மஜ்ஞே ப்ராப்தாஸ்தே நித⁴னம்ʼ ஶுபே⁴।
புத்ராஸ்தே ப்⁴ராதரஶ்சைவ தான்ன ஶோசிதுமர்ஹஸி॥ 10-11-19 (64551)
ஸ கல்யாணி வனம்ʼ து³ர்க³ம்ʼ தூ³ரம்ʼ த்³ரௌணிரிதோ க³த:।
தஸ்ய த்வம்ʼ பாதனம்ʼ ஸங்க்²யே கத²ம்ʼ ஜ்ஞாஸ்யஸி ஶோப⁴னே॥ 10-11-20 (64552)
த்³ரௌபத்³யுவாச। 10-11-21x (5287)
த்³ரோணபுத்ரஸ்ய ஸஹஜோ மணி: ஶிரஸி மே ஶ்ருத:।
நிஹத்ய ஸங்க்²யே தம்ʼ பாபம்ʼ பஶ்யேயம்ʼ மணிமாஹ்ருʼதம்।
த்³ரௌணே: ஶிரஸ உத்க்ருʼத்ய ஜீவேயமிதி மே மதி:॥ 10-11-21 (64553)
இத்யுக்த்வா பாண்ட³வம்ʼ க்ருʼஷ்ணா ராஜானம்ʼ சாருத³ர்ஶனா।
பீ⁴மஸேனகரே ஸ்ப்ருʼஷ்ட்வா குபிதா வாக்யமப்³ரவீத்॥ 10-11-22 (64554)
த்ராதுமர்ஹஸி மாம்ʼ பீ⁴ம க்ஷத்ரத⁴ர்மமனுஸ்மரன்।
ஜஹி தம்ʼ பாபகர்மாணம்ʼ ஶம்ப³ரம்ʼ ஸக⁴வானிவ॥ 10-11-23 (64555)
ந ஹி தே விக்ரமே துல்ய: புமானஸ்தீஹ கஶ்சன।
ஶ்ருதம்ʼ தத்ஸர்வலோகேஷு பரமவ்யஸனே ததா²॥ 10-11-24 (64556)
த்³வீபோ(அ)பூ⁴ஸ்த்வம்ʼ ஹி பார்தா²நாம்ʼ நக³ரே வாரணாவதே।
ஹிடி³ம்ப³த³ர்ஶனே சைவ ததா²ம்ʼ த்வமப⁴வோ க³தி:॥ 10-11-25 (64557)
ததா² விராடனக³ரே கீசகேன ப்⁴ருʼஶார்தி³தாம்।
மாமப்யுத்³வ்ருʼதவான்க்ருʼச்ச்²ராத்பௌலோமீம்ʼ மக⁴வானிவ॥ 10-11-26 (64558)
யதை²தான்யக்ருʼதா²: பார்த² மஹாகர்மாணி வை புரா।
ததா² த்³ரௌணிமமித்ரக்⁴ந வினிஹத்ய ஸுகீ² ப⁴வ॥ 10-11-27 (64559)
வைஶம்பாயன உவாச। 10-11-28x (5288)
தஸ்யா ப³ஹுவித⁴ம்ʼ து³:க²ம்ʼ நிஶம்ய பரிதே³விதம்।
ந சாமர்ஷத கௌந்தேயோ பீ⁴மஸேனோ மஹாப³ல:॥ 10-11-28 (64560)
ஸ காஞ்சனவிசித்ராங்க³மாருரோஹ மஹாரத²ம்।
ஆதா³ய ருசிரம்ʼ சித்ரம்ʼ ஸமார்க³ணகு³ணம்ʼ த⁴னு:॥ 10-11-29 (64561)
நகுலம்ʼ ஸாரதி²ம்ʼ க்ருʼத்வா த்³ரோணபுத்ரவதே⁴ த்⁴ருʼத:।
விஸ்பா²ர்ய ஸஶரம்ʼ சாபம்ʼ தூர்ணமஶ்வானசோத³யத்॥ 10-11-30 (64562)
தே ஹயா: புருஷவ்யாக்⁴ர தீ³ப்யமானா: ஸ்வதேஜஸா।
வஹந்த: ஸஹஸா ஜக்³முர்ஹரய: ஶீக்⁴ரகா³மின:॥ 10-11-31 (64563)
ஶிபி³ராத்ஸ்வாத்³க்³ருʼஹீத்வா ஸ ரத²ஸ்ய பத³மச்யுத:।
`த்³ரோணபுத்ரக³தேனாஶு யயௌ மார்கே³ண பா⁴ரத'॥ ॥ 10-11-32 (64564)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி ஏகாத³ஶோ(அ)த்⁴யாய:॥ 11 ॥
Mahabharata - Sauptika Parva - Chapter Footnotes
10-11-11 தி³ஷ்ட்²யேதி। புத்ரனாஶாபேக்ஷயா ராஜ்யப்ராப்திஸுக²ம்ʼ தவ மஹதி³த்யதி⁴க்ஷேப:॥ 10-11-11 ஏகாத³ஶோ(அ)த்⁴யாய:॥ஸௌப்திகபர்வ - அத்⁴யாய 012
॥ ஶ்ரீ: ॥
10.12. அத்⁴யாய: 012
Mahabharata - Sauptika Parva - Chapter Topics
த்³ரௌணிஜிகா⁴ம்ʼஸயா பீ⁴மே ப்ரதிக³தே க்ருʼஷ்ணேன யுதி⁴ஷ்டி²ரம்ப்ரதி த்³ரௌணிதௌ³ஶ்ஶீல்யாதி³கத²னபூர்வகம்ʼ பீ⁴மஸ்ய ததோ ரக்ஷணீயத்வகத²னம்॥ 1 ॥Mahabharata - Sauptika Parva - Chapter Text
10-12-0 (64565)
வைஶம்பாயன உவாச। 10-12-0x (5289)
தஸ்மின்ப்ரயாதே து³ர்த⁴ர்ஷே யதூ³நாம்ருʼஷப⁴ஸ்தத:।
அப்³ரவீத்புண்ட³ரீகாக்ஷ: குந்தீபுத்ரம்ʼ யுதி⁴ஷ்டி²ரம்॥ 10-12-1 (64566)
ஏஷ பாண்·ட³வே தே ப்⁴ராதா புத்ரஶோகபராயண:।
ஜிகா⁴ம்ʼஸுர்த்³ரௌணிமாக்ரந்தே³ ஏக ஏவாபி⁴தா⁴வதி॥ 10-12-2 (64567)
பீ⁴ம: ப்ரியஸ்தே ஸர்வேப்⁴யோ ப்⁴ராத்ருʼப்⁴யோ ப⁴ரதர்ஷப⁴।
தம்ʼ க்ருʼச்ச்²ரக³தமத்³ய த்வம்ʼ கஸ்மான்னாப்⁴யுபபத்³யஸே॥ 10-12-3 (64568)
யத்ததா³சஷ்ட புத்ராய த்³ரோண: பரபுரஞ்ஜய:।
அஸ்த்ரம்ʼ ப்³ரஹ்மஶிரோ நாம த³ஹேத ப்ருʼதி²வீமபி॥ 10-12-4 (64569)
தன்மஹாத்மா மஹாபா⁴க³: கேது: ஸர்வத⁴னுஷ்மதாம்।
ப்ரத்யபாயதா³சார்ய: ப்ரீயமாணோ த⁴னஞ்ஜயம்॥ 10-12-5 (64570)
தம்ʼ புத்ரோ(அ)ப்யேக ஏவைனமன்வயாசத³மர்ஷண:।
தத: ப்ரோவாச புத்ராய நாதிஹ்ருʼஷ்டமனா இவ॥ 10-12-6 (64571)
விதி³தம்ʼ சாபலம்ʼ ஹ்யாஸீதா³த்மஜஸ்ய து³ராத்மன:।
ஸர்வத⁴ர்மவிதா³சார்ய: ஸோ(அ)ன்வஶாஸத்ஸுதம்ʼ தத:॥ 10-12-7 (64572)
பரமாபத்³க³தேனாபி ந ஸ்ம தாத த்வயா ரணே।
இத³மஸ்த்ரம்ʼ ப்ரயோக்தவ்யம்ʼ மானுஷேஷு விஶேஷத:॥ 10-12-8 (64573)
இத்யுக்த்வான்கு³ரு: புத்ரம்ʼ த்³ரோண: பஶ்சாதோ²க்தவான்।
ந த்வம்ʼ ஜாது ஸதாம்ʼ மார்கே³ ஸ்தா²தேதி புருஷர்ஷப⁴॥ 10-12-9 (64574)
ஸ ததா³ஜ்ஞாய து³ஷ்டாத்மா பிதுர்வசனமப்ரியம்।
நிராஶ: ஸர்வகல்யாணை: ஶோகாத்பர்யசரன்மஹீம்॥ 10-12-10 (64575)
ததஸ்ததா³ குருஶ்ரேஷ்ட² வனஸ்தே² த்வயி பா⁴ரத।
அவஸத்³த்³வாரகாமேத்ய வ்ருʼஷ்ணிபி⁴: பரமார்சித:॥ 10-12-11 (64576)
ஸ கதா³சித்ஸமுத்³ராந்தே வஸந்த்³வாரவதீமனு।
ஏக ஏகம்ʼ ஸமாக³ம்ய மாமுவாச ஹஸன்னிவ॥ 10-12-12 (64577)
யத்தது³க்³ரம்ʼ தப: க்ருʼஷ்ண சரன்னமிதவிக்ரம:।
அக³ஸ்த்யாத்³பா⁴ரதாசார்ய: ப்ரத்யபத்³யத மே பிதா॥ 10-12-13 (64578)
அஸ்த்ரம்ʼ ப்³ரஹ்மஶிரோ நாம தே³வக³ந்த⁴ர்வபூஜிதம்।
தத³த்³ய மயி தா³ஶார்ஹ யதா² பிதரி மே ததா²॥ 10-12-14 (64579)
அஸ்மத்தஸ்து³பாதா³ய தி³வ்யமஸ்த்ரம்ʼ யதூ³த்தம।
மமாப்யஸ்ரம்ʼ ப்ரயச்ச² த்வம்ʼ சக்ரம்ʼ ரிபுஹணம்ʼ ரணே॥ 10-12-15 (64580)
ஸ ராஜன்ப்ரீயமாணேன மயாப்யுக்த: க்ருʼதாஞ்ஜலி:।
யாசமான: ப்ரயத்னேன மத்தோ(அ)ஸ்த்ரம்ʼ ப⁴ரதர்ஷப⁴॥ 10-12-16 (64581)
தே³வதா³நவக³ந்த⁴ர்வமனுஷ்யபதகோ³ரகா³:।
ந ஸமா மம வீர்யஸ்ய ஶதாம்ʼஶேனாபி பிண்டி³தா:॥ 10-12-17 (64582)
இத³ம்ʼ த⁴னுரியம்ʼ ஶக்திரித³ம்ʼ சக்ரமியம்ʼ க³தா³।
யத்³யதி³ச்ச²ஸி சேத³ஸ்ரம்ʼ மத்தஸ்தத்தத்³த³தா³மி தே॥ 10-12-18 (64583)
யச்ச²க்னோஷி ஸமுத்³யந்தும்ʼ ப்ரயோக்துமபி வா ரணே।
தத்³க்³ருʼஹாண வினா(அ)ஸ்த்ரேண யன்மே தா³துமபீ⁴ப்ஸஸி॥ 10-12-19 (64584)
ஸ ஸுனாப⁴ம்ʼ ஸஹஸ்ராரம்ʼ வஜ்ரனாப⁴மயஸ்மயம்।
வவ்ரே சக்ரம்ʼ மஹாபா⁴கோ³ மத்த: ஸ்பர்த⁴ன்மயா ஸஹ॥ 10-12-20 (64585)
க்³ருʼஹாண சக்ரமித்யுக்தோ மயா து தத³னந்தரம்।
ஜக்³ராஹோத்பத்ய ஸஹஸா சக்ரம்ʼ ஸவ்யேன பாணினா॥ 10-12-21 (64586)
ந சைனமஶகத்ஸ்தா²நாத்ஸஞ்சாலயிதுமப்யுத।
அதை²நம்ʼ த³க்ஷிணேனாபி க்³ரஹீதுமுபசக்ரமே॥ 10-12-22 (64587)
ஸர்வயத்னேன தேனாபி க்³ருʼஹ்ய நைனமகம்பயத்॥ 10-12-23 (64588)
தத: ஸர்வப³லேனாபி யதை³நம்ʼ ந ஶஶாக ஹ।
உத்³யந்தும்ʼ வா சாலயிதும்ʼ த்³ரௌணி: பரமது³ர்மனா:।
க்ருʼத்வா யத்னம்ʼ பரிஶ்ராந்த: ஸ ந்யவர்தத பா⁴ரத॥ 10-12-24 (64589)
நிவ்ருʼத்மனஸம்ʼ தஸ்மாத³பி⁴ப்ராயாத்³விசேதஸம்।
அஹமாமந்த்ர்ய ஸம்ʼவிக்³நமஶ்வத்தா²மானமப்³ருவம்॥ 10-12-25 (64590)
ய: ஸ தை³வமனுஷ்யேஷு ப்ரமாணம்ʼ பரமம்ʼ க³த:।
கா³ண்டீ³வத⁴ன்வா ஶ்வேதாஶ்ச: கபிப்ரவரகேதன:॥ 10-12-26 (64591)
ய: ஸாக்ஷாத்³தே³வதே³வேஶம்ʼ ஶிதிகண்ட²முமாபதிம்।
த்³வந்த்³வயுத்³தே⁴ புரா ஜிஷ்ணுஸ்தோஷயாமாஸ ஶங்கரம்॥ 10-12-27 (64592)
யஸ்மாத்ப்ரியதரோ நாஸ்தி மமான்ய: புருஷோ பு⁴வி।
நாதே³யம்ʼ யஸ்ய மே கிஞ்சித³பி ப்ராணான்மஹாத்மன:॥ 10-12-28 (64593)
தேனாபி ஸுஹ்ருʼதா³ ப்³ரஹ்மன்பார்தே²நாக்லிஷ்டகர்மணா।
நோக்பூர்வமித³ம்ʼ வாக்யம்ʼ யஸ்த்வம்ʼ மாமபி⁴பா⁴ஷஸே॥ 10-12-29 (64594)
ப்³ரஹ்மசர்யம்ʼ மஹத்³தோ⁴ரம்ʼ தீர்வா த்³வாத³ஶவார்ஷிகம்।
ஹிமவத்பார்ஶ்வமாஸ்தா²ய யோ மயா தபஸா(அ)(அ)ர்ஜித:॥ 10-12-30 (64595)
ஸமானவ்ரதசாரிண்யாம்ʼ ருக்மிண்யாம்ʼ யோ(அ)ன்வஜாயத।
ஸனத்குமாரஸ்தேஜஸ்வீ ப்ரத்³யும்னோ நாம மே ஸுத:॥ 10-12-31 (64596)
தேனாப்யேதன்மஹத்³தி³வ்யம்ʼ சக்ரமப்ரதிமம்ʼ ரணே।
ந ப்ரார்தி²தமபூ⁴ந்மூட⁴ ததி³தம்ʼ ப்ரார்தி²தம்ʼ த்வயா॥ 10-12-32 (64597)
ராமேணாதிப³லேனைதன்னோக்தபூர்வம்ʼ கதா³சன।
ந க³தே³ந ஸாம்பே³ந யதி³த³ம்ʼ ப்ரார்தி²தம்ʼ த்வயா॥ 10-12-33 (64598)
த்³வாரகாவாஸிபி⁴ஶ்சான்யைர்வ்ருʼஷ்ண்யந்த⁴கமஹாரதை²:।
நோக்தபூர்வமித³ம்ʼ க்ஷுத்³ரம்ʼ ததி³த³ம்ʼ ப்ரார்தி²தம்ʼ த்வயா॥ 10-12-34 (64599)
பா⁴ரதாசார்யபுத்ரஸ்த்வம்ʼ மானித: ஸர்வயாத³வை:।
சக்ரேண ரதி²நாம்ʼ ஶ்ரேஷ்ட² கம்ʼ நு தாத யுயுத்ஸஸே॥ 10-12-35 (64600)
ஏவமுக்தோ மயா த்³ரௌணிர்மாமித³ம்ʼ ப்ரத்யுவாச ஹ।
ப்ரயுஜ்ய ப⁴வதே பூஜாம்ʼ யோத்ஸ்யே க்ருʼஷ்ண த்வயா ஸஹ॥ 10-12-36 (64601)
ப்ரார்தி²தம்ʼ தே மயா சக்ரம்ʼ தே³வதா³நவபூஜிதம்।
அஜேய: ஸ்யாமிதி விபோ⁴ ஸத்யமேத்³ப்³ரவீமி தே॥ 10-12-37 (64602)
ஸோ(அ)ஹம்ʼ தத்³து³ர்லப⁴ம்ʼ சக்ரமனவாப்யைவ கேஶவ।
ப்ரதியாஸ்யாமி கோ³விந்த³ ஶிவேனாபி⁴வத³ஸ்வ மாம்॥ 10-12-38 (64603)
ஏதத்ஸுனாப⁴ம்ʼ போ⁴ஜானாம்ருʼஷபே⁴ண த்வயா த்⁴ருʼதம்।
சக்ரமப்ரதிசக்ரேண பு⁴வி நான்யோ(அ)பி⁴பத்³யதே॥ 10-12-39 (64604)
ஏதாவது³க்த்வா த்³ரௌணிர்மாம்ʼ யுக்³யானஶ்வாந்த⁴னானி ச।
ஆதா³யோபயயௌ காலே ரத்னானி வவிதா⁴நி ச॥ 10-12-40 (64605)
ஸ ஸம்ʼரம்பீ⁴ து³ராத்மா ச சபல: க்ரூர ஏவ ச।
வேத³ சாஸ்ரம்ʼ ப்³ரஹ்மஶிரஸ்தஸ்மாத்³ரக்ஷ்யோ வ்ருʼகோத³ர:॥ ॥ 10-12-41 (64606)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி த்³வாஶோ(அ)த்⁴யாய:॥ 12 ॥
Mahabharata - Sauptika Parva - Chapter Footnotes
10-12-11 மே மஹ்யம்ʼ தா³துமிச்ச²ஸி தேன வினாபி க்³ருʼஹாண। த்வதீ³யே(அ)ஸ்த்ரே மமேச்சா² நாஸ்தீதி பா⁴வ:॥ 10-12-12 த்³வாத³ஶோ(அ)த்⁴யாய:॥ஸௌப்திகபர்வ - அத்⁴யாய 013
॥ ஶ்ரீ: ॥
10.13. அத்⁴யாய: 013
Mahabharata - Sauptika Parva - Chapter Topics
க்ருʼஷ்ணாதி³பி⁴ர்பா⁴கீ³ரதீ²தீரே வ்யாஸஸமீபஸமாஸீனத்³ரௌணித³ர்ஶனம்॥ 1 ॥ தத்³த³ர்ஶினா த்³ரௌணினா அபாண்ட³வஹேதோர்ப்³ரஹ்மஶிரோஸ்த்ரப்ரயோக³:॥ 2 ॥Mahabharata - Sauptika Parva - Chapter Text
10-13-0 (64607)
வைஶம்பாயன உவாச। 10-13-0x (5290)
ஏவமுக்த்வா குருஶ்ரேஷ்ட²ம்ʼ ஸர்வயாத³வனந்த³ன:।
ஸர்வாயுத⁴வரோபேதமாருரோஹ ரதோ²த்தமம்॥ 10-13-1 (64608)
யுக்தம்ʼ பரமகாம்போ⁴ஜைஸ்துரகை³ர்ஹேமமாலிபி⁴:।
உதி³தாதி³த்யஸங்காஶம்ʼ ஸர்வரத்னவிபூ⁴ஷிதம்॥ 10-13-2 (64609)
த³க்ஷிணே ஹ்யாவஹச்சை²ப்³ய: ஸுக்³ரீவ: ஸவ்யதோ து⁴ரம்।
ணர்ஷ்ணிவாஹௌ து தஸ்யாஸ்தாம்ʼ மேக⁴புஷ்பப³லாஹகௌ॥ 10-13-3 (64610)
விஶ்வகர்மக்ருʼதா தி³வ்யா ரத்னதா⁴துவிபூ⁴ஷிதா।
உச்ச்²ரிதா ச ரதே² தஸ்மிந்த்⁴வஜயஷ்டிரத்³ருʼஶ்யத॥ 10-13-4 (64611)
வைனதேய: ஸ்தி²தஸ்தஸ்யாம்ʼ ப்ரபா⁴மண்ட³லரஶ்மிவான்॥
தஸ்ய ஸத்யவத: கேதுர்பு⁴ஜகா³ரிரத்³ருʼஶ்யத॥ 10-13-5 (64612)
அதா²ரோஹத்³த்⁴ருʼஷீகேஶ: கேது: ஸர்வத⁴னுஷ்மதாம்।
அர்ஜுன: ஸ ச த⁴ர்மாத்மா குருராஜோ யுதி⁴ஷ்டி²ர:॥ 10-13-6 (64613)
அஶோபே⁴தாம்ʼ மஹாத்மானௌ தா³ஶார்ஹமபி⁴த: ஸ்தி²தௌ।
ரத²ஸ்த²ம்ʼ ஶார்ங்க³த⁴ன்வானமஶ்வினாவிவ வாஸவம்॥ 10-13-7 (64614)
உபா⁴வாரோப்ய தா³ஶார்ஹ: ஸ்யந்த³னம்ʼ லோகபூஜிதம்।
ப்ரதோதே³ந ஜவோபேதான்பரமாஶ்வானசோத³யத்॥ 10-13-8 (64615)
தே ஹயா: ஸஹஸோத்பேதுர்க்³ருʼஹீத்வா ஸ்யந்த³னோத்தமம்।
ஆஸ்தி²தம்ʼ பாண்ட³வேயாப்⁴யாம்ʼ யதூ³நாம்ருʼஷபே⁴ண ச॥ 10-13-9 (64616)
வஹதாம்ʼ ஶார்ங்க³த⁴ன்வானமஶ்வானாம்ʼ ஶீக்⁴ரகா³மினாம்।
ப்ராது³ராஸீன்மஹாஞ்ஶப்³த³: பக்ஷிணாம்ʼ பததாமிவ॥ 10-13-10 (64617)
தே ஸமர்தா² மஹாபா³ஹும்ʼ க்ஷணேன ப⁴ரதர்ஷப⁴।
பீ⁴மஸேனம்ʼ மஹேஷ்வாஸமனுஸஸ்ரு: ஸுவேகி³தா:॥ 10-13-11 (64618)
க்ரோத⁴தீ³ப்தம்ʼ து கௌந்தேயம்ʼ த்³விஷத³ர்தே² ஸமுத்³யதம்।
நாஶக்னுவன்வாரயிதும்ʼ ஸமேத்யாபி மஹாரதா²:॥ 10-13-12 (64619)
ஸ தேஷாமக்³ரத: ஶூர: ஶ்ரீமதாம்ʼ த்³ருʼட⁴த⁴ன்வினாம்।
யயௌ பா⁴கீ³ரதீ²தீரம்ʼ ஹரிபி⁴ர்ப்⁴ருʼஶவேகி³தை:।
யத்ர ஸ ஶ்ரூயதே த்³ரௌணி: புத்ரஹந்தா து³ராத்மவான்॥ 10-13-13 (64620)
ஸ த³த³ர்ஶ மஹாத்மானமுத³காந்தே யஶஸ்வினம்।
க்ருʼஷ்ணத்³வைபாயனம்ʼ வ்யாஸமாஸீனம்ருʼஷிபி⁴: ஸஹ॥ 10-13-14 (64621)
தம்ʼ சைவ க்ரூரகர்மாணம்ʼ க்⁴ருʼதாக்தம்ʼ குஶசீரிணம்।
ரஜஸா த்⁴வஸ்தமாஸீனம்ʼ த³த³ர்ஶ த்³ரௌணிமந்திகே॥ 10-13-15 (64622)
தமப்⁴யதா⁴வத்கௌந்தேய: ப்ரக்³ருʼஹ்ய ஸஶரம்ʼ த⁴னு:।
பீ⁴மஸேனோ மஹாபா³ஹுஸ்திஷ்ட²திஷ்டே²தி சாப்³ரவீத்॥ 10-13-16 (64623)
தம்ʼ த்³ருʼஷ்ட்வா பீ⁴மகர்மாணம்ʼ ப்ரக்³ருʼஹீதஶராஸனம்।
ப்⁴ராதரௌ ப்ருʼஷ்ட²தஶ்சாஸ்ய ஜனார்த³னரதே² ஸ்தி²தௌ।
வ்யதி²தாத்மா(அ)ப⁴வத்³த்³ரௌணி: ப்ராப்தம்ʼ சேத³மமன்யத॥ 10-13-17 (64624)
ஸ தத்³தி³வ்யமதீ³நாத்மா பரமாஸ்ரமசிந்தயத்।
ஜக்³ராஹ ச ஶரைஷீகாம்ʼ த்³ரௌணி: ஸவ்யேன பாணினா॥ 10-13-18 (64625)
ஸ தாமாபத³மாஸாத்³ய தி³வ்யமஸ்த்ரமுதை³ரயத்।
அம்ருʼஷ்யமாணஸ்தாஞ்சூ²ராந்தி³வ்யாயுத⁴த⁴ரான்ஸ்தி²தான்।
அபாண்ட³வாயேதி ருஷா வாசமுத்ஸ்ருʼஜ்ய தா³ருணம்॥ 10-13-19 (64626)
இத்யுக்த்வா ராஜஶார்தூ³ல த்³ரோணபுத்ர: ப்ரதாபவான்।
ஸர்வலோகப்ரமோஹார்த²ம்ʼ தத³ஸ்ரம்ʼ ப்ரமுமோச ஹ॥ 10-13-20 (64627)
ததஸ்தஸ்யாமிஷீகாயாம்ʼ பாவக: ஸமஜாயத।
ப்ரத⁴க்ஷ்யன்னிவ லோகாம்ʼஸ்த்ரீன்காலான்கயமோபம:॥ ॥ 10-13-21 (64628)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி த்ரயோத⁴ஶோ(அ)த்⁴யாய:॥ 13 ॥
Mahabharata - Sauptika Parva - Chapter Footnotes
10-13-19 அபாண்ட³வாய பாண்·ட³வானாமபா⁴வாய॥ 10-13-13 த்ரயோத³ஶோ(அ)த்⁴யாய:॥ஸௌப்திகபர்வ - அத்⁴யாய 014
॥ ஶ்ரீ: ॥
10.14. அத்⁴யாய: 014
Mahabharata - Sauptika Parva - Chapter Topics
அர்ஜுனேன க்ருʼஷ்ணாஜ்ஞயா த்³ரௌண்யஸ்த்ரப்ரத்யஸ்த்ரப்ரயோக³:॥ 1 ॥Mahabharata - Sauptika Parva - Chapter Text
10-14-0 (64629)
வைஶம்பாயன உவாச। 10-14-0x (5291)
இங்கி³தேனைவ தா³ஶார்ஹஸ்தஸ்யாபி⁴ப்ராயமாதி³த:।
த்³ரௌணேர்பு³த்³தா⁴ மஹாபா³ஹுரர்ஜுனம்ʼ ப்ரத்யபா⁴ஷத॥ 10-14-1 (64630)
அர்ஜுனார்ஜுன யத்³தி³வ்யமஸ்த்ரம்ʼ தே ஹ்ருʼதி³ வர்ததே।
த்³ரோணோபதி³ஷ்டம்ʼ தஸ்யாயம்ʼ கால: ஸம்ப்ரதி பாண்ட³வ॥ 10-14-2 (64631)
ப்⁴ராத்ரூʼணாமாத்மனஶ்சைவ பரித்ராணாய பா⁴ரத।
விஸ்ருʼஜைதத்த்வமப்யாஜாவஸ்த்ரமஸ்த்ரனிவாரணம்॥ 10-14-3 (64632)
கேஶவேனைவமுக்தோ(அ)த² பாண்ட³வ: பரவீரஹா।
அவாதரத்³ரதா²த்தூர்ணம்ʼ ப்ரக்³ருʼஹ்ய ஸஶரம்ʼ த⁴னு:॥ 10-14-4 (64633)
பூர்வமாசார்யபுத்ராய ததோ(அ)னந்தரமாத்மனே।
ப்⁴ராத்ருʼப்⁴யஶ்சைவ ஸர்வேப்⁴ய: ஸ்வஸ்தீத்யுக்த்வா பரந்தப:॥ 10-14-5 (64634)
தே³வதாப்⁴யோ நமஸ்க்ருʼத்ய கு³ருப்⁴யஶ்சைவ ஸர்வஶ:।
உத்ஸஸர்ஜ ஶிவம்ʼ த்⁴யாயன்னஸ்த்ரமஸ்த்ரேண ஶாம்யதாம்॥ 10-14-6 (64635)
ததஸ்தத³ஸ்ரம்ʼ ஸஹஸா ஸ்ருʼஷ்டம்ʼ கா³ண்டீ³வத⁴ன்வனா।
ப்ரஜஜ்வால மஹார்சிஷ்மத்³யுகா³ந்தானலஸன்னிப⁴ம்॥ 10-14-7 (64636)
ததை²வ த்³ரோணபுத்ரஸ்ய தத³ஸ்த்ரம்ʼ திக்³மதேஜஸ:।
ப்ரஜஜ்வால மஹாஜ்வாலம்ʼ தேஜோமண்ட³லஸம்ʼவ்ருʼதம்॥ 10-14-8 (64637)
நிர்கா⁴தா ப³ஹவஶ்சாஸன்பேதுருல்கா: ஸஹஸ்ரஶ:।
மஹத்³ப⁴யம்ʼ ச பூ⁴தானாம்ʼ ஸர்வேஷாம்ʼ ஸமஜாயத॥ 10-14-9 (64638)
ஸஶப்³த³மப⁴வத்³வ்யோம ஜ்வாலாமாலாகுலம்ʼ ப்⁴ருʼஶம்।
சசால ச மஹீ க்ருʼத்ஸ்னா ஸபர்வதவனத்³ருமா॥ 10-14-10 (64639)
தாவஸ்த்ரதேஜஸா லோகாம்ʼஸ்த்ராஸயந்தௌ தத: ஸ்தி²தௌ।
மஹர்ஷீ ஸஹிதௌ தத்ர த³ர்ஶயாமாஸதுஸ்ததா³॥ 10-14-11 (64640)
நாரத³: ஸர்வத⁴ர்மாத்மா ப⁴ரதானாம்ʼ பிதாமஹ:।
உபௌ⁴ ஶமயிதும்ʼ வீரௌ பா⁴ரத்³வாஜத⁴னஞ்ஜயௌ॥ 10-14-12 (64641)
தௌ முனீ ஸர்வத⁴ர்மஜ்ஞௌ ஸர்வபூ⁴தஹிதைபிணௌ।
தீ³ப்தயோரஸ்ரயோர்மத்⁴யே ஸ்தி²தௌ பரமதேஜஸௌ॥ 10-14-13 (64642)
தத³ந்தரமனாத்⁴ருʼஷ்யாவுபக³ம்ய யஶஸ்வினௌ।
ஆஸ்தாம்ருʼஷிவரௌ தத்ர ஜ்வலிதாவிவ பாவகௌ॥ 10-14-14 (64643)
ப்ராணப்⁴ருʼத்³பி⁴ரனாத்⁴ருʼஷ்யௌ தே³வதா³நவஸம்மதௌ।
அஸ்த்ரதேஜ: ஶமயிதும்ʼ லோகானாம்ʼ ஹிதகாம்யயா॥ 10-14-15 (64644)
ருʼஷீ ஊசது:। 10-14-16x (5292)
மஹாஸ்த்ரவிது³ஷ: பூர்வே யே(அ)ப்யதீதா மஹாரதா²:।
நைதத³ஸ்ரம்ʼ மனுஷ்யேஷு தை: ப்ரயுக்தம்ʼ கத²ஞ்சன।
கிமித³ம்ʼ ஸாஹஸம்ʼ வீரௌ க்ருʼதவந்தௌ மஹாத்யயம்॥ ॥ 10-14-16 (64645)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வமி சதுர்த³ஶோ(அ)த்⁴யாய:॥ 14 ॥
ஸௌப்திகபர்வ - அத்⁴யாய 015
॥ ஶ்ரீ: ॥
10.15. அத்⁴யாய: 015
Mahabharata - Sauptika Parva - Chapter Topics
அர்ஜுனேன வ்யாஸனாரத³பா⁴வானுரோதே⁴ந ஸ்வப்ரயுக்தப்³ரஹ்மஶிரோஸ்த்ரப்ரதிஸம்ʼஹார:॥ 1 ॥ க்ருʼஷ்ணேனாஶ்வத்தா²மானம்ʼ ப்ரதி உத்தராக³ர்பே⁴ ஐஷீகாஸ்த்ரபாதே(அ)பி ம்ருʼதஶிஶோ: ஸ்வேன ஸமுஜ்ஜீவனப்ரதிஜ்ஞா॥ 2 ॥ ப்³ரஹ்மசர்யாபா⁴வாத³ஸ்ரப்ரதிஸம்ʼஹாராஸமர்தே²ந த்³ரௌணினா வ்யாஸக்ருʼஷ்ணாவனாத்³ருʼஸ்ய பாண்வக³ர்பே⁴ஷ்வைஷீகாஸ்த்ரோத்ஸர்ஜனம்॥ 3 ॥Mahabharata - Sauptika Parva - Chapter Text
10-15-0 (64646)
வைஶம்பாயன உவாச। 10-15-0x (5293)
த்³ருʼஷ்டைவ முனிஶார்தூ³லௌ தாவக்³நிஸமதேஜஸௌ।
`கா³ண்டீ³வத⁴ன்வா ஸஞ்சிந்த்ய ப்ராப்தகாலம்ʼ மஹாரத²:।'
ஸஞ்ஜஹார ஶரம்ʼ தி³வ்யம்ʼ த்வரமாணோ த⁴னஞ்ஜய:॥ 10-15-1 (64647)
உவாச வசனம்ʼ ஶ்ரேஷ்ட²ஸ்தாவ்ருʼஷீ ப்ராஞ்ஜலிஸ்ததா³।
ப்ரமுக்தமஸ்த்ரமஸ்த்ரேண ஶாம்யதாமிதி வை மயா॥ 10-15-2 (64648)
ஸம்ʼஹ்ருʼதே பரமாஸ்த்ரே(அ)ஸ்மின்ஸர்வானஸ்மானஶேஷத:।
பாபகர்மா த்⁴ருவம்ʼ த்³ரௌணி: ப்ரத⁴க்ஷ்யத்யஸ்த்ரதேஜஸா॥ 10-15-3 (64649)
யத³த்ர ஹிதமஸ்மாகம்ʼ லோகானாம்ʼ சைவ ஸர்வதா²।
ப⁴வந்தௌ தே³வஸங்காஶௌ ததா² ஸம்மந்துமர்ஹத:॥ 10-15-4 (64650)
இத்யுக்த்வா ஸஞ்ஜஹாராஸ்த்ரம்ʼ புனரேவ த⁴னஞ்ஜய:।
ஸம்ʼஹாரோ து³ஷ்கரஸ்ஸ்ய தே³வைரபி ஹி ஸம்ʼயுகே³॥ 10-15-5 (64651)
விஸ்ருʼஷ்டஸ்ய ரணே தஸ்ய பரமாஸ்த்ரஸ்ய ஸங்க்³ரஹே।
அஶக்த: பாண்ட³வாத³ன்ய: ஸாக்ஷாத³பி ஶதக்ரது:॥ 10-15-6 (64652)
ப்³ரஹ்மதேஜோத்³ப⁴வம்ʼ தத்³தி⁴ விஸ்ருʼஷ்டமக்ருʼதாத்மனா।
ந ஶக்யமாவர்தயிதும்ʼ ப்³ரஹ்மசர்யவ்ரதாத்³ருʼதே॥ 10-15-7 (64653)
அசீர்ணப்³ரஹ்மசர்யோ ய: ஸ்ருʼஷ்ட்வா(அ)(அ)வர்யதே புன:।
தத³ஸ்த்ரம்ʼ ஸானுப³ந்த⁴ஸ்ய மூர்தா⁴நம்ʼ தஸ்ய க்ருʼந்ததி॥ 10-15-8 (64654)
ப்³ரஹ்மசாரீ வ்ரதீ சாபி து³ரவாபமவாப்ய தத்।
பரமவ்யஸனார்தோ(அ)பி நார்ஜுனோ(அ)ஸ்த்ரம்ʼ வ்யமுஞ்சத॥ 10-15-9 (64655)
ஸத்யவ்ரதத⁴ர: ஶூரோ ப்³ரஹ்மசாரீ ச பாண்·ட³வ:।
கு³ருவர்தீ ச தேனாஸ்த்ரம்ʼ ஸஞ்ஜஹாரார்ஜுன: புன:॥ 10-15-10 (64656)
த்³ரௌணிரப்யத² ஸம்ப்ரேப்⁴ய ஸோ(அ)ந்தரா தாவ்ருʼஷீ ஸ்தி²தௌ।
ந ஶஶாக புனர்கோ⁴ரமஸ்த்ரம்ʼ ஸம்ʼஹர்துமோஜஸா॥ 10-15-11 (64657)
அஶக்த: ப்ரதிஸம்ʼஹாரே பரமாஸ்த்ரஸ்ய ஸம்ʼயுகே³।
த்³ரௌணிர்தீ³நமனா ராஜந்த்³வைபாயனமபா⁴ஷத॥ 10-15-12 (64658)
உத்தமவ்யஸனார்தேன ப்ராணத்ராணமபீ⁴ப்ஸுனா।
மயைதத³ஸ்த்ரமுத்ஸ்ருʼஷ்டம்ʼ பீ⁴மஸேனப⁴யான்முனே॥ 10-15-13 (64659)
அத⁴ர்மஶ்ச க்ருʼதோ(அ)னேன தா⁴ர்தராஷ்ட்ரம்ʼ ஜிகா⁴ம்ʼஸதா।
மித்²யாசாரேண ப⁴க³வன்பீ⁴மஸேனேன ஸம்ʼயுகே³॥ 10-15-14 (64660)
அத: ஸ்ருʼஷ்டமித³ம்ʼ ப்³ரஹ்மன்மயா(அ)ஸ்த்ரமக்ருʼதாத்மனா।
தஸ்ய பூ⁴யோ(அ)பி ஸம்ʼஹாரம்ʼ கர்தும்ʼ நாஹமிஹோத்ஸஹே॥ 10-15-15 (64661)
நிஸ்ருʼஷ்டம்ʼ ஹி மயா தி³வ்யமேதத³ஸ்த்ரம்ʼ து³ராஸத³ம்।
அபாண்ட³வாயேதி முனே வஹ்னிதேஜோ(அ)னுமந்த்ர்ய வை॥ 10-15-16 (64662)
ததி³த³ம்ʼ பாண்ட³வேயானாமந்தாயைவாபி⁴ஸம்ʼஹிதம்।
அத்³ய பாண்டு³ஸுதான்ஸர்வாஞ்ஜீவிதாத்³வம்ʼஶயிஷ்யதி॥ 10-15-17 (64663)
க்ருʼதம்ʼ பாபமித³ம்ʼ ப்³ரஹ்மன்ரோஷாவிஷ்டேன சேதஸா।
வத⁴மாஶாஸ்ய பார்தா²நாம்ʼ மயாஸ்த்ரம்ʼ ஸ்ருʼஜதா ரணே॥ 10-15-18 (64664)
வ்யாஸ உவாச। 10-15-19 (64665)
அஸ்த்ரம்ʼ ப்³ரஹ்மஶிரஸ்தாத வித்³வான்பார்தோ² த⁴னஞ்ஜய:।
உத்ஸ்ருʼஷ்டவானஹிம்ʼஸார்த²ம்ʼ ந ரோஷேண தவாஹவே॥ 10-15-19 (64666)
அஸ்த்ரமஸ்த்ரேண து ரமே தவ ஸம்ʼஶமயிஷ்யதா।
விஸ்ருʼஷ்டமர்ஜுனேனேத³ம்ʼ புனஶ்ச ப்ரதிஸம்ʼஹ்ருʼதம்॥ 10-15-20 (64667)
ப்³ரஹ்மாஸ்த்ரமப்யவாப்யைதது³பதே³ஶாத்பிதுஸ்தவ।
க்ஷத்ரத⁴ர்மான்மஹாபா³ஹுர்னாகம்பத த⁴னஞ்ஜய:॥ 10-15-21 (64668)
ஏவம்ʼ த்⁴ருʼதிமத: ஸாதோ⁴: ஸர்வாஸ்த்ரவிது³ஷ: ஸத:।
ஸப்⁴ராத்ருʼப³ந்தோ⁴: கஸ்மாத்த்வம்ʼ வத⁴மஸ்ய சிகீர்ஷஸி॥ 10-15-22 (64669)
அஸ்த்ரம்ʼ ப்³ரஹ்மஶிரோ யத்ர பரமாஸ்த்ரேண வத்⁴யதே।
ஸமா த்³வாத³ஶ பர்ஜன்யஸ்தத்³ராஷ்ட்ரம்ʼ நாபி⁴வர்ஷதி॥ 10-15-23 (64670)
ஏதத³ர்த²ம்ʼ மஹாபா³ஹு: ஶக்திமானபி பாண்ட³வ:।
ந விஹன்யாத்தத³ஸ்த்ரம்ʼ து ப்ரஜாஹிதசிகீர்ஷயா॥ 10-15-24 (64671)
பாண்ட³வாஸ்த்வம்ʼ ச ராஷ்ட்ரம்ʼ ச ஸதா³ ஸம்ʼரக்ஷ்யமேவ ந:।
தஸ்மாத்ஸம்ʼஹர தி³வ்யம்ʼ த்வமஸ்த்ரமேன்மஹாபு⁴ஜ॥ 10-15-25 (64672)
அரோஷஸ்தவ சைவாஸ்து பார்தா²: ஸந்து நிராமயா:।
ந ஹ்யத⁴ர்மேண ராஜர்ஷி: பாண்ட³வோ ஜேதுமிச்ச²தி। 10-15-26 (64673)
மணிம்ʼ சைவ ப்ரயச்சா²த்³ய யஸ்தே ஶிரஸி திஷ்ட²தி।
ஏததா³தா³ய தே ப்ராமான்ப்ரதிதா³ஸ்யந்தி பாண்ட³வா:॥ 10-15-27 (64674)
த்³ரௌணிருவாச। 10-15-28x (5294)
பாண்ட³வைர்யானி ரத்னானி யச்சான்யத்கௌரவைர்த⁴னம்।
அவாப்தமிஹ தேப்⁴யோ(அ)யம்ʼ மணிர்மம விஶிஷ்யதே॥ 10-15-28 (64675)
யமாப³த்⁴ய ப⁴யம்ʼ நாஸ்தி ஶஸ்த்ரவ்யாதி⁴க்ஷுதா⁴ஶ்ரயம்।
தே³வேப்⁴யோ தா³நவேப்⁴யோ வா நாகே³ப்⁴யோ வா கத²ஞ்சன॥ 10-15-29 (64676)
ந ச ரக்ஷோக³ணப⁴யம்ʼ ந தஸ்கரப⁴யம்ʼ ததா²।
ஏவம்ʼவீர்யோ மணிரயம்ʼ ந மே த்யாஜ்ய: கத²ஞ்சன॥ 10-15-30 (64677)
யத்து மே ப⁴க³வானாஹ தன்மே கார்யமனந்தரம்।
அயம்ʼ மணிரயம்ʼ சாஹமிஷீகா து பதிஷ்யதி।
க³ர்பே⁴ஷு பாண்டு³புத்ராணாமுத்ராயாஸ்ததோ²த³ரே॥ 10-15-31 (64678)
வைஶம்பாயன உவாச। 10-15-32x (5295)
ப்ராஹ த்³ரோணஸுதம்ʼ தத்ர வ்யாஸ: பரமது³ர்மனா:॥ 10-15-32 (64679)
ஏவம்ʼ குரு ந சான்யத்ர பு³த்³தி⁴: கார்யா கத²ஞ்சன।
க³ர்பே⁴ஷு பாண்ட³வேயானாம்ʼ விஸ்ருʼஜ்யைதது³பாரம॥ 10-15-33 (64680)
`தமுவாச ஹ்ருʼஷீகேஶ: பாண்ட³வானாம்ʼ ஹிதே மத:।
ப⁴விஷ்யமேகமுத்ஸ்ருʼஜ்ய க³ர்பே⁴ஷ்வஸ்த்ரம்ʼ நிபாத்யதாம்॥ 10-15-34 (64681)
அஹமேனம்ʼ த³தா³ம்யேஷாம்ʼ பிண்ட³த³ம்ʼ கீர்திவர்த⁴னம்।
ராஜர்ஷிம்ʼ புண்யகர்மாணமனேகக்ரதுயாஜினம்॥ 10-15-35 (64682)
ஏவம்ʼ குரு ந சான்யா தே பு³த்³தி⁴: கார்யா கத²ஞ்சன।
ஆக³ர்பா⁴த்பாண்ட³வேயானாம்ʼ க்ருʼத்வா பாதம்ʼ வினங்க்ஷ்யதி'॥ 10-15-36 (64683)
ஏவம்ʼ ப்³ருவாணம்ʼ கோ³விந்த³ம்ʼ வ்ருʼஷப⁴ம்ʼ ஸர்வஸாத்வதாம்।
த்³ரௌணி: பரமஸங்க்ருத்³த⁴: ப்ரத்யுவாசேத³முத்தரம்॥ 10-15-37 (64684)
நைததே³வம்ʼ யதா³த்த² த்வம்ʼ பக்ஷபாதேன கேஶவ।
வசனாத்புண்ட³ரீகாக்ஷ தவ மத்³வாக்யமன்யதா²॥ 10-15-38 (64685)
பதிஷ்யத்யேதத³ஸ்த்ரம்ʼ வை க³ர்பே⁴ தஸ்யா மயோத்³யதம்।
விராடது³ஹிது: க்ருʼஷ்ண யம்ʼ த்வம்ʼ ரக்ஷிதுமர்ஹஸி॥ 10-15-39 (64686)
வாஸுதே³வ உவாச। 10-15-40x (5296)
அமோக⁴: பரமாஸ்த்ரஸ்ய பாதஸ்த்வத்³ய ப⁴விஷ்யதி।
`அபி⁴மன்யோ: ஸ்ருʼஜைஷீகாம்ʼ க³ர்ப⁴ஸ்த²: ஶாம்யதாம்ʼ ஶிஶு:॥ 10-15-40 (64687)
அஹமேனம்ʼ ம்ருʼதம்ʼ ஜாதம்ʼ ஜீவயிஷ்யாமி பா³லகம்'।
ஸ து க³ர்போ⁴ ம்ருʼதோ ஜாதோ தீ³ர்க⁴மாயுரவாப்ஸ்யதி॥ 10-15-41 (64688)
`இத்யுக்த: ப்ரத்யுவாசைனம்ʼ த்³ரோணபுத்ர: ஸ்மயன்னிவ।
யத்³யஸ்த்ரத³க்³த⁴ம்ʼ கோ³விந்த³ ஜீவயஸ்யேவமஸ்த்விதி'॥ 10-15-42 (64689)
தத: பரமமஸ்த்ரம்ʼ து த்³ரௌணிருத்³யதமாஹவே।
த்³வைபாயனமனாத்³ருʼத்ய க³ர்பே⁴ஷு ப்ரமுமோச ஹ॥ ॥ 10-15-43 (64690)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி பஞ்சத³ஶோ(அ)த்⁴யாய:॥ 15 ॥
Mahabharata - Sauptika Parva - Chapter Footnotes
10-15-8 ஆவர்தயதே உபஸம்ʼஹரதி॥ 10-15-27 ஏவம்ʼ ஜீவிதமாதா³ய தவ யாஸ்யந்தி பாண்ட³வா:। இதி க.பாட²:॥ 10-15-29 மம வத்⁴யமயம்ʼ நாஸ்தீதி க.பாட²:॥ 10-15-15 பஞ்சத³ஶோ(அ)த்⁴யாய:॥ஸௌப்திகபர்வ - அத்⁴யாய 016
॥ ஶ்ரீ: ॥
10.16. அத்⁴யாய: 016
Mahabharata - Sauptika Parva - Chapter Topics
க்ருʼஷ்ணேன ஸ்வவசனோல்லங்க⁴னேனாஸ்த்ரப்ரயோக்துரஶ்வத்தா²ம்ன: ஶாபதா³நாம்ʼ வ்யாஸேன தத³னுமோத³னம்ʼ ச॥ 1 ॥ பீ⁴மேன த்³ரௌணிமஸ்தகமணிதா³ நேன த்³ரௌபதீ³ஸமாஶ்வாஸனம்॥ 2 ॥ யுதி⁴ஷ்டி²ரேண த்³ரௌபதீ³வசனாத்ஸ்வமஸ்தகே தன்மணிதா⁴ரணம்॥ 3 ॥Mahabharata - Sauptika Parva - Chapter Text
10-16-0 (64691)
வைஶம்பாயன உவாச। 10-16-0x (5297)
ததா³ஜ்ஞாய ஹ்ருʼஷீகேஶோ விக்ருʼஷ்டம்ʼ பாபகர்மணா।
ஹ்ருʼஷ்யமாண இத³ம்ʼ வாக்யம்ʼ த்³ரௌணிம்ʼ ப்ரத்யப்³ரவீத்ததா³॥ 10-16-1 (64692)
விராடஸ்ய ஸுதாம்ʼ பூர்வம்ʼ ஸ்னுஷாம்ʼ கா³ண்டீ³வத⁴ன்வன:।
உபப்லாவ்யக³தாம்ʼ த்³ருʼஷ்ட்வா ருʼதவாக்³ப்³ரஹ்மணோ(அ)ப்³ரவீத்॥ 10-16-2 (64693)
பரிக்ஷீணேஷு குருஷு புத்ரஸ்தவ ப⁴விஷ்யதி।
ஏதத³ஸ்ய பரிக்ஷித்த்வம்ʼ க³ர்ப⁴ஸ்த²ஸ்ய ப⁴விஷ்யதி॥ 10-16-3 (64694)
தஸ்ய தத்³வசனம்ʼ ஸாதோ⁴: ஸத்யமேத்³ப⁴விஷ்யதி।
பரிக்ஷித்³ப⁴விதா ஹ்யேஷாம்ʼ புனர்வம்ʼஶகர: ஸுத:॥ 10-16-4 (64695)
த்வாம்ʼ து காபுருஷம்ʼ பாபம்ʼ விந்து³: ஸர்வே மனீஷிண:।
அஸக்ருʼத்பாபகர்மாணம்ʼ பா³லஜீவிதகா⁴தகம்॥ 10-16-5 (64696)
தஸ்மாத்த்வமஸ்ய பாபஸ்ய கர்மண: ப²லமாப்னுஹி।
த்ரீணி வர்ஷஸஹஸ்ராணி சரிஷ்யஸி மஹீமிமாம்॥ 10-16-6 (64697)
அப்ராப்னுவன்க்வசித்காஞ்சித்ஸம்ʼவித³ம்ʼ ஜாது கேனசித்।
நிர்ஜனானஸஹாயஸ்த்வம்ʼ தே³ஶான்ப்ரவிசரிஷ்யஸி॥ 10-16-7 (64698)
ப⁴வித்ரீ ந ஹி தே க்ஷுத்³ர ஜனமத்⁴யேஷு ஸம்ʼஸ்தி²தி:।
பூயஶோணிக³ந்தீ⁴ ச து³ர்க³காந்தாரஸம்ʼஶ்ரய:। 10-16-8 (64699)
விசரிஷ்யஸி பாபாத்மம்ʼஶ்சிரமேகோ வஸுந்த⁴ராம்॥
வய: ப்ராப்ய பரிக்ஷித்தும்ʼ தே³வவ்ரதமவாப்ய ச। 10-16-9 (64700)
க்ருʼபாச்சா²ரத்³வதாச்சூ²ர: ஸர்வாஸ்த்ராண்யுபபத்ஸ்யதே॥
விதி³த்வா பரமாஸ்த்ராணி க்ஷத்ரத⁴ர்மவ்ரதே ஸ்தி²த:। 10-16-10 (64701)
ஷஷ்டிம்ʼ வர்ஷாமி த⁴ர்மாத்மா வஸுதா⁴ம்ʼ பாலயிஷ்யதி॥
இதஶ்சோர்த்⁴வம்ʼ மஹாபா³ஹு: குருராஜோ ப⁴விஷ்யதி। 10-16-11 (64702)
பரிக்ஷின்னாம ந்ருʼபதிர்மிஷதஸ்தே ஸுது³ர்மதே॥
[அஹம்ʼ தம்ʼ ஜீவயிஷ்யாமி த³க்³த⁴ம்ʼ ஶஸ்த்ராக்³நிதேஜஸா]। 10-16-12 (64703)
பஶ்ய மே தபஸோ வீர்யம்ʼ ஸத்யஸ்ய ச நராத⁴ம॥ 10-16-13 (64704)
வ்யாஸ உவாச।
யஸ்மாத³னாத்³ருʼத்ய க்ருʼதம்ʼ த்வயா(அ)ஸ்மான்கர்ம தா³ருணம்।
ப்³ராஹ்மணஸ்ய ஸதஶ்சேத³ம்ʼ வ்ருʼத்தமன்யாயவர்தின:॥ 10-16-13x (5298)
தஸ்மாத்³யத்³தே³வகீபுத்ர உக்வானுத்தமம்ʼ வச:।
ஆலோகாத்தவ தத்³பா⁴வி க்ஷுத்³ரகர்மன்வ்ரஜேதி ஹ॥ 10-16-14 (64705)
அஶ்வத்தா²மோவாச। 10-16-15x (5299)
ஸஹைவ ப⁴வதா ப்³ரஹ்மன்ஸ்தா²ஸ்யாமி புருஷேஷ்விஹ।
ஸத்யவாக³ஸ்து ப⁴க³வானயம்ʼ ச புருஷோத்தம:॥ 10-16-15 (64706)
வைஶம்பாயன உவாச। 10-16-16x (5300)
ப்ரதா³யாத² மணிம்ʼ த்³ரௌணி: பாண்ட³வானாம்ʼ மஹாத்மனாம்।
ஜகா³ம விமனாஸ்தேஷாம்ʼ ஸர்வேஷாம்ʼ பஶ்யதாம்ʼ வனம்॥ 10-16-16 (64707)
பாண்ட³வாஶ்ச ஸதா³ஶார்ஹாஸ்தான்ருʼஷீனபி⁴வாத்³ய ச।
க்ருʼஷ்ணத்³வைபாயனம்ʼ சைவ நாரத³ம்ʼ சைவ பர்வதம்॥ 10-16-17 (64708)
த்³ரோணபுத்ரஸ்ய ஸஹஜம்ʼ மணிமாதா³ய ஸத்வரா:।
த்³ரௌபதீ³மப்⁴யதா⁴வந்த ப்ராயோபேதாம்ʼ மனஸ்வினீம்॥ 10-16-18 (64709)
வைஶம்பயன உவாச। 10-16-19x (5301)
ததஸ்தே புருஷவ்யாக்⁴ரா: ஸத³ஶ்வைரனிலோபமை:।
அப்⁴யயு: ஸஹதா³ஶார்ஹா: ஶிபி³ரம்ʼ புனரேவ ஹி॥ 10-16-19 (64710)
அவதீர்ய ரதே²ப்⁴யஸ்து த்வரமாணா மஹாரதா²:।
த³த்³ருʼஶுர்த்³ரௌபதீ³ம்ʼ ஹ்ருʼஷ்டாமார்தாமார்ததரா: ஸ்வயம்॥ 10-16-20 (64711)
தாமுபேத்ய நிரானந்தா³ம்ʼ து³:க²ஶோகஸமன்விதாம்।
பரிவார்ய வ்யதிஷ்ட²ந்த பாண்ட³வா: ஸஹகேஶவா:॥ 10-16-21 (64712)
ததோ ராஜ்ஞா(அ)ப்⁴யனுஜ்ஞாதோ பீ⁴மஸேனோ மஹாப³ல:।
ப்ரத³தௌ³ தம்ʼ மணிம்ʼ தி³வ்யம்ʼ வசனம்ʼ சேத³மப்³ரவீத்॥ 10-16-22 (64713)
அயம்ʼ ப⁴த்³ரே தவ மணி: புத்ரஹந்தா ஜிதஶ்ச தே।
உத்திஷ்ட² ஶோகமுத்ஸ்ருʼஜ்ய க்ஷாத்ரத⁴ர்மமனுஸ்மர॥ 10-16-23 (64714)
ப்ரயாணே வாஸுதே³வஸ்ய ஶமார்த²வஸிதேக்ஷணே।
யான்யுக்தானி த்வயா பீ⁴ரு வாக்யானி மது⁴கா⁴தினி॥ 10-16-24 (64715)
நைவ மே பதய: ஸந்தி ந புத்ரா ப்⁴ராதரோ ந ச।
ந வை த்வமிதி கோ³விந்த³ ஶமமிச்ச²தி ராஜனி॥ 10-16-25 (64716)
உக்தவத்யஸி தீவ்ராணி வாக்யானி புருஷோத்தமம்।
க்ஷத்ரத⁴ர்மானுரூபாணி தானி ஸம்ʼஸ்மர்துமர்ஹஸி॥ 10-16-26 (64717)
ஹதோ து³ர்யோத⁴ன: பாபோ ராஜ்யஸ்ய பரிபந்தி²க:।
து³:ஶாஸனஸ்ய ருதி⁴ரம்ʼ பீதம்ʼ விஸ்பு²ரதோ மயா॥ 10-16-27 (64718)
வைரஸ்ய க³தமான்ருʼண்யம்ʼ ந ஸ்ம வாச்யா விவக்ஷதாம்।
ஜித்வா முக்தோ த்³ரோணபுத்ரோ ப்³ராஹ்மண்யாத்³கௌ³ரவேண ச॥ 10-16-28 (64719)
யஶோ(அ)ஸ்ய பதிதம்ʼ தே³வி ஶரீரம்ʼ த்வவஶேஷிதம்।
வியோஜிதஶ்ச மணினா ப்⁴ரம்ʼஶிதஶ்சாயுத⁴ம்ʼ பு⁴வி॥ 10-16-29 (64720)
த்³ரௌபத்³யுவாச। 10-16-30x (5302)
கேவலான்ருʼண்யமாப்தா(அ)ஸ்மி கு³ருபுத்ரோ கு³ருர்மம।
ஶிரஸ்யேதம்ʼ மணிம்ʼ ராஜா க்³ரஹீதுமனகோ⁴(அ)ர்ஹதி॥ 10-16-30 (64721)
தம்ʼ க்³ருʼஹீத்வா ததோ ராஜா ஶிரஸ்யேவாகரோத்ததா³।
கு³ரோருச்சே²ஷமித்யேவ த்³ரௌபத்³யா வசனாத³பி॥ 10-16-31 (64722)
ததோ தி³வ்யம்ʼ மணிவரம்ʼ ஶிரஸா தா⁴ரயன்ப்ரபு⁴:।
ஶுஶுபே⁴ ஸ ததா³ ராஜா ஸசந்த்³ர இவ பர்வத:॥ 10-16-32 (64723)
உத்தஸ்தௌ² புத்ரஶோகார்தா தத: க்ருʼஷ்ணா மனஸ்வினீ।
க்ருʼஷ்ணம்ʼ சாபி மஹாபா³ஹு: பரிபப்ரச்ச² த⁴ர்மராட்॥ ॥ 10-16-33 (64724)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி ஷோட³ஶோ(அ)த்⁴யாய:॥ 16 ॥
Mahabharata - Sauptika Parva - Chapter Footnotes
10-16-7 ஸம்ʼவித³ம்ʼ ஸம்ʼலாபம்॥ 10-16-18 ப்ராயோபேதாம்ʼ மரணார்த²ம்ʼ யோ நியமஸ்தேனோபேதாம்॥ 10-16-20 ஹ்ருʼஷ்டாமஶ்வத்தா²ம்ன: பராப⁴வேன। ஆர்தாம்ʼ புத்ராதே³: ஶோகேன॥ 10-16-24 மது⁴கா⁴தினி மது⁴தை³த்யஹந்தரீ॥ 10-16-28 விவக்ஷதாம்ʼ வக்துமிச்ச²தாம்ʼ வாச்யா: நிந்த்³யா: நைவ ஸ்ம॥ 10-16-16 ஷோட³ஶோ(அ)த்⁴யாய:॥ஸௌப்திகபர்வ - அத்⁴யாய 017
॥ ஶ்ரீ: ॥
10.17. அத்⁴யாய: 017
Mahabharata - Sauptika Parva - Chapter Topics
யுதி⁴ஷ்டி²ரேண த்³ரௌணேரேகஸ்ய ப³ஹுமாரணஶக்திப்ரஶ்னே க்ருʼஷ்ணேன ருத்³ரப்ரஸாதா³தி³த்யுக்த்வா ருத்³ரமஹிமகத²னம்॥ 1 ॥Mahabharata - Sauptika Parva - Chapter Text
10-17-0 (64725)
வைஶம்பாயன உவாச। 10-17-0x (5303)
ஹதேஷு ஸர்வஸைன்யேஷு ஸௌப்திகை தை ரதை²ஸ்த்ரிபி⁴:।
ஶோசன்யுதி⁴ஷ்டி²ரோ ராஜா தா³ஶார்ஹமித³மப்³ரவீத்॥ 10-17-1 (64726)
கத²ம்ʼ நு க்ருʼஷ்ண பாபேன க்ஷுத்³ரேண ஶட²பு³த்³தி⁴நா।
த்³ரௌணினா நிஹதா: ஸர்வே மம புத்ரா மஹாரதா²:॥ 10-17-2 (64727)
ததா² க்ருʼதாஸ்ரவிக்ராந்தா: ஸங்க்³ராமேஷ்வபலாயின:।
த்³ருபத³ஸ்யாத்மஜாஶ்சைவ த்³ரோணபுத்ரேண பாதிதா:॥ 10-17-3 (64728)
யஸ்ய த்³ரோணோ மஹேஷ்வாஸோ ந ப்ராதா³தா³ஹவே முக²ம்।
நிஜக்⁴நே ரதி²நாம்ʼ ஶ்ரேஷ்ட²ம்ʼ த்⁴ருʼஷ்டத்³யும்னம்ʼ கத²ம்ʼ நு ஸ:॥ 10-17-4 (64729)
கின்னு தேன க்ருʼதம்ʼ கர்ம ததா²யுக்தம்ʼ நரர்ஷப⁴।
யதே³க: ஸமரே ஸர்வானவதீ⁴ந்னோ கு³ரோ: ஸுத:॥ 10-17-5 (64730)
ஶ்ரீப⁴க³வானுவாச। 10-17-6x (5304)
நூனம்ʼ ஸ தே³வதே³வானாமீஶ்வரேஶ்வரமவ்யயம்।
ஜகா³ம ஶரணம்ʼ த்³ரௌணிரேகஸ்தேனாவதீ⁴த்³ப³ஹூன்॥ 10-17-6 (64731)
ப்ரஸன்னோ ஹி மஹாதே³வோ த³த்³யாத³மரதாமபி।
வீர்யம்ʼ ச கி³ரிஶோ த³த்³யாத்³யேனேந்த்³ரமபி ஶாதயேத்॥ 10-17-7 (64732)
வேதா³ஹம்ʼ ஹி மஹாதே³வம்ʼ தத்த்வேன ப⁴ரதர்ஷப⁴।
யானி சாஸ்யபுராணானி கர்மாணி விவிதா⁴நி ச॥ 10-17-8 (64733)
ஆதி³ரேஷ ஹி பூ⁴தானாம்ʼ மத்⁴யமந்தஶ்ச பா⁴ரத।
விசேஷ்டதே ஜக³ச்சேத³ம்ʼ ஸர்வமஸ்யைவ கர்மணா॥ 10-17-9 (64734)
ஏவம்ʼ ஸிஸ்ருʼக்ஷுர்பூ⁴தானி த³த³ர்ஶ ப்ரத²மம்ʼ விபு⁴:।
பிதாமஹோ(அ)ப்³ரவீச்சைனம்ʼ பூ⁴தானி ஸ்ருʼஜ மாசிரம்॥ 10-17-10 (64735)
ஹரிகேஶஸ்ததே²த்யுக்வா தீ³ர்க⁴த³ர்ஶீ ததா³ ப்ரபு⁴:।
தீ³ர்க⁴காலம்ʼ தபஸ்தேபே மக்³நோ(அ)ம்ப⁴ஸி மஹாதபா:॥ 10-17-11 (64736)
ஸுமஹாந்தம்ʼ தத: காலம்ʼ ப்ரதீக்ஷ்யைனம்ʼ பிதாமஹ:।
ஸ்ரஷ்டாரம்ʼ ஸர்வபூ⁴தானாம்ʼ ஸஸர்ஜ மனஸா(அ)பரம்॥ 10-17-12 (64737)
ஸோ(அ)ப்³ரவீத்³வாதரம்ʼ த்³ருʼஷ்ட்வா கி³ரிஶம்ʼ ஸுப்தமம்ப⁴ஸி।
யதி³ மே நாக்³ரஜோ(அ)ஸ்த்யன்யஸ்தத: ஸ்ரக்ஷ்யாம்யஹம்ʼ ப்ரஜா:॥ 10-17-13 (64738)
தமப்³ரவீத்பிதா நாஸ்தி த்வத³ன்ய: புருஷோ(அ)க்³ரஜ:।
ஸ்தா²ணுரேஷ ஜலே மக்³நோ விஸ்ரப்³த⁴: குரு வை ப்ரஜா:॥ 10-17-14 (64739)
பூ⁴தான்யன்வஸ்ருʼஜத்ஸப்த த³க்ஷ: க்ஷிப்ரம்ʼ ப்ரஜாபதி:।
யைரிமம்ʼ வ்யகரோத்ஸர்வம்ʼ பூ⁴தக்³ராமம்ʼ சதுர்வித⁴ம்॥ 10-17-15 (64740)
தா: ஸ்ருʼஷ்டமாத்ரா: க்ஷுதி⁴தா: ப்ரஜா: ஸர்வா: ப்ரஜாபதிம்।
பி³ப⁴க்ஷயிவோ ராஜன்ஸஹஸா ப்ராத்³ரவம்ʼஸ்ததா³॥ 10-17-16 (64741)
ஸ ப⁴க்ஷ்யமாணஸ்த்ராணார்தீ² பிதாமஹமுபாத்³ரவத்।
ஆப்⁴யோ மாம்ʼ ப⁴க³வாம்ʼஸ்த்ராது வ்ருʼத்திராஸாம்ʼ விதீ⁴யதாம்॥ 10-17-17 (64742)
ததஸ்தாப்⁴யோ த³தா³வன்னமோஷதீ⁴: ஸ்தா²வராணி ச।
ஜங்க³மானி ச பூ⁴தானி து³ர்ப³லானி ப³லீயஸாம்॥ 10-17-18 (64743)
விஹிதான்னா: ப்ரஜாஸ்தாஸ்து ஜக்³முஸ்துஷ்டா யதா²க³தம்।
ததோ வவ்ருʼதி⁴ரே ராஜன்ப்ரீதிமத்ய: ஸ்வயோனிஷு॥ 10-17-19 (64744)
பூ⁴தக்³ராமே விவ்ருʼத்³வே து ஸ்ருʼஷ்டே தே³வாஸுரே ததா³।
உத³திஷ்ட²ஜ்ஜலாஜ்ஜ்யேஷ்ட²: ப்ரஜாஶ்சேமா த³த³ர்ஶ ஸ:॥ 10-17-20 (64745)
ப³ஹுரூபா: ப்ரஜா: ஸ்ருʼஷ்டா விவ்ருʼத்³தா⁴ஶ்ச ஸ்வதேஜஸா।
சுக்ரோத⁴ ப³லவத்³த்³ருʼஷ்ட்வா லிங்க³ம்ʼ ஸ்வம்ʼ சாப்யவித்⁴யத॥ 10-17-21 (64746)
தத்ப்ரவித்³த⁴ம்ʼ ததா² பூ⁴மௌ ததை²வ ப்ரத்யதிஷ்ட²த।
தமுவாசாவ்யயோ ப்³ரஹ்மா வசோபி⁴: ஶமயன்னிவ॥ 10-17-22 (64747)
கிம்ʼ க்ருʼதம்ʼ ஸலிலே ஶர்வ சிரகாலஸ்தி²தேன தே।
கிமர்த²ம்ʼ சேத³முத்பாத்³ய லிங்க³ம்ʼ பூ⁴மௌ ப்ரவேஶிதம்॥ 10-17-23 (64748)
ஸோ(அ)ப்³ரவீஜ்ஜாதஸம்ʼரம்ப⁴ஸ்ததா² லோககு³ருர்கு³ரும்।
ப்ரஜா: ஸ்ருʼஷ்டா: பரேணேமா: கிம்ʼ கரிஷ்யாம்யனேன வை॥ 10-17-24 (64749)
ப்ரஜா: ஸ்ருʼஷ்டா: பரேணேமா: ப்ரஜார்த²ம்ʼ மே பிதாமஹ।
ஓஷத்⁴ய: பரிவர்தேரன்யதை²வம்ʼ ஸததம்ʼ ப்ரஜா:॥ 10-17-25 (64750)
ஏவமுக்த்வா ஸ ஸக்ரோதோ⁴ ஜகா³ம விமனா ப⁴வ:।
கி³ரேர்முஞ்ஜவத: பாத³ம்ʼ தபஸ்தப்தும்ʼ மஹாதபா:॥ ॥ 10-17-26 (64751)
இதி ஶ்ரீமன்மஹாபா⁴ரதே ஸௌப்திகபர்வணி ஐஷீகபர்வணி ஸப்தத³ஶோ(அ)த்⁴யாய:॥ 17 ॥
ஸௌப்திகபர்வ - அத்⁴யாய 018
॥ ஶ்ரீ: ॥
10.18. அத்⁴யாய: 018
Mahabharata - Sauptika Parva - Chapter Topics
க்ருʼஷ்ணேன யுதி⁴ஷ்டி²ரம்ப்ரதி ருத்³ரஸ்ய கோபப்ரஸாதா³க்ஷ்யாம்ʼ தே³வானாம்ʼ யஜ்ஞனாஶதத்ப்ரவ்ருʼத்திகத²னபூர்வகம்ʼ தத ஏவாஶ்வத்தா²மத்³வாரா புத்ராதி³வத⁴ ஸம்ப⁴வகத²னம்॥ 1 ॥Mahabharata - Sauptika Parva - Chapter Text
10-18-0 (64752)
கஶ்ரீப⁴க³வானுவாச। 10-18-0x (5305)
ததோ தே³வயுகே³(அ)தீதே தே³வா வை ஸமகல்பயன்।
யஜ்ஞவேத³ப்ரமாணேன விதி⁴வத்³யஷ்டுமீப்ஸவ:॥ 10-18-1 (64753)
கல்பயாமாஸுரத² தே ஸாத⁴னானி ஹவீம்ʼஷி ச।
பா⁴கா³ர்ஹா தே³வதாஶ்சைவ யஜ்ஞியம்ʼ த்³ரவ்யமேவ ச॥ 10-18-2 (64754)
தா வை ருத்³ரமஜானந்த்யோ யாதா²தத்²யேன தே³வதா:।
நாகல்பயந்த தே³வஸ்ய ஸ்தா²ணோர்பா⁴க³ம்ʼ நராதி⁴ப॥ 10-18-3 (64755)
ஸோ(அ)கல்ப்யமானே பா⁴கே³ து க்ருʼத்திவாஸா மகே²(அ)மரை:।
தபஸா யஜ்ஞமன்விச்ச²ந்த⁴னுராதௌ³ ஸஸர்ஜ ஹ॥ 10-18-4 (64756)
லோகயஜ்ஞ: க்ரியாயஜ்ஞோ க்³ருʼஹயஜ்ஞ: ஸனாதன:।
பஞ்சபூ⁴தன்ருʼயஜ்ஞஶ்ச ஜஜ்ஞே ஸர்வமித³ம்ʼ ஜக³த்॥ 10-18-5 (64757)
லோகயஜ்ஞைர்ன்ருʼயஜ்ஞைஶ்ச கபர்தீ³ வித³தே⁴ த⁴னு:।
த⁴னு: ஸ்ருʼஷ்டமபூ⁴த்தஸ்ய ஷஷ்டிகிஷ்குப்ரமாணத:॥ 10-18-6 (64758)
வஷட்காரோ(அ)ப⁴வஜ்ஜ்யா து த⁴னுஷஸ்தஸ்ய பா⁴ரத।
யஜ்ஞாங்கா³நி ச சத்வாரி தஸ்ய ஸன்னஹனே(அ)ப⁴வன்॥ 10-18-7 (64759)
தத: க்ருத்³தோ⁴ மஹாதே³வஸ்து³பாதா³ய கார்முகம்।
ஆஜகா³மாத² தத்ரைவ யத்ர தே³வா: ஸமீஜிரே॥ 10-18-8 (64760)
தமாத்கார்முகம்ʼ த்³ருʼஷ்ட்வா ப்³ரஹ்மசாரிணமவ்யயம்।
விவ்யதே² ப்ருʼதி²வீ தே³வீ பர்வதாஶ்ச சகம்பிரே॥ 10-18-9 (64761)
ந வவௌ பவனஶ்சைவ நாக்³நிர்ஜஜ்வால வைதி⁴த:।
வ்யப்⁴ரமச்சாபி ஸம்ʼவிக்³நம்ʼ தி³வி நக்ஷத்ரமண்ட³லம்॥ 10-18-10 (64762)
ந ப³பௌ⁴ பா⁴ஸ்கரஶ்சாபி ஸோம: ஶ்ரீமுக்தமண்ட³ல:।
திமிரேணாகுலம்ʼ ஸர்வமாகாஶம்ʼ சாப⁴வ்ருʼத்³வ்ருʼதம்॥ 10-18-11 (64763)
அபி⁴பூ⁴தாஸ்ததோ தே³வா விஷயான்ன ப்ரஜஜ்ஞிரே।
ந ப்ரத்யபா⁴ச்ச யஜ்ஞ: ஸ தே³வதாஸ்த்ரேஸிரே ததா²॥ 10-18-12 (64764)
தத: ஸ யஜ்ஞம்ʼ விவ்யாத⁴ ரௌத்³ரேண ஹ்ருʼதி³ பத்ரிணா।
அபக்ரான்ஸ்ததோ யஜ்ஞோ ம்ருʼகோ³ பூ⁴த்வா ஸபாவக:॥ 10-18-13 (64765)
ஸ து தேனைவ ரூபேண தி³விஸ்தோ² வை வ்யராஜத।
அன்வீயமானோ ருத்³ரேண யுதி⁴ஷ்டி²ர நப⁴ஸ்தலே॥ 10-18-14 (64766)
அபக்ராந்தே ததோ யஜ்ஞே ஸஞ்ஜ்ஞா ந ப்ரத்யபா⁴த்ஸுரான்।
நஷ்டஸஞ்ஜ்ஞேஷு தே³வேஷு ந ப்ராஜ்ஞாயத கிஞ்சன॥ 10-18-15 (64767)
த்ர்யம்ப³க: ஸவிதுர்பா³ஹூ ப⁴க³ஸ்ய நயனே ததா²।
பூஷ்ணஶ்ச த³ஶனான்க்ருத்³தோ⁴ த⁴னுஷ்கோட்யா வ்யஶாதயத்॥ 10-18-16 (64768)
ப்ராத்³ரவன் ததோ தே³வா யஜ்ஞாங்கா³நி ச ஸர்வஶ:।
கேசித்தத்ரைவ கூ⁴ர்ணந்தோ க³தாஸவ இவாப⁴வன்॥ 10-18-17 (64769)
ஸ து வித்³ராவ்ய தத்ஸர்வம்ʼ ஶிதிகம்டோ²(அ)வஹஸ்ய ச।
அவஷ்டப்⁴ய த⁴னுஷ்கோடிம்ʼ ருரோத⁴ விபு³தா⁴ம்ʼஸ்தத:॥ 10-18-18 (64770)
ததோ வாக³மரைருக்தா ஜ்யாம்ʼ தஸ்ய த⁴னுஷோ(அ)ச்சி²நத்।
அத² தத்ஸஹஸா ராஜம்ʼஶ்சி²ந்னஜ்யம்ʼ விஸ்பு²ரத்³த⁴னு:॥ 10-18-19 (64771)
ததோ வித⁴னுஷம்ʼ தே³வா தே³வஶ்ரேஷ்ட²முபாக³மன்।
ஶரணம்ʼ ஸஹ யஜ்ஞேன ப்ரஸாத³ம்ʼ சாகரோத்ப்ரபு⁴:॥ 10-18-20 (64772)
தத: ப்ரஸன்னோ ப⁴க³வான்ப்ராஸ்யத்கோபம்ʼ ஜலாஶயே।
ஸ ஜலம்ʼ பாவகோ பூ⁴த்வா ஶோஷயத்யனிஶம்ʼ ப்ரபோ⁴॥ 10-18-21 (64773)
ப⁴க³ஸ்ய நயனே சைவ பா³ஹூ ச ஸவிதுஸ்ததா²।
ப்ராதா³த்பூஷ்ணஶ்ச த³ஶனான்புனர்யஜ்ஞாம்ʼஶ்ச பாண்ட³வ॥ 10-18-22 (64774)
தத: ஸுஸ்த²மித³ம்ʼ ஸர்வம்ʼ ப³பூ⁴வ புனரேவ ஹி।
ஸர்வாணி ச ஹவீம்ʼஷ்யஸ்ய தே³வா பா⁴க³மகல்பயன்॥ 10-18-23 (64775)
தஸ்மின்க்ருத்³தே⁴(அ)ப⁴வத்ஸர்வமஸுஸ்த²ம்ʼ பு⁴வனம்ʼ ப்ரபோ⁴।
ப்ரஸன்னே ச புன: ஸுஸ்த²ம்ʼ ஜக³த்³ப⁴வதி பா⁴ரத॥ 10-18-24 (64776)
ததஸ்தே நிஹதா: ஸர்வே தவ புத்ரா மஹாரதா²:।
அன்யே ச ப³ஹவ: ஶூரா: பாஞ்சாலஸ்ய பதா³நுகா³:॥ 10-18-25 (64777)
ந தன்மனஸி கர்வ்யம்ʼ ந ச தத்³த்³ரௌணினா க்ருʼதம்।
மஹாதே³வப்ரஸாத³: ஸ குருகார்யமனந்தரம்॥ ॥ 10-18-26 (64778)