%@@1
% File name             : mbhK10.itx
%--------------------------------------------
% Text title            : 10 sauptikaparva
% Author                : Veda Vyasa
% Language              : sanskrit
% Subject               : /hindu/philosohphy/religion
% Description/comments  : Mahabharata - Southern Recension - Kumbhaghonam Edition
% Based on the `Southern Recension' of the MahAbhArata, edited by Krishnacharya
% 1906-1914
% Transliterated by     : Prof. Shrinivasa Varakhedi >worked on this with the
% support of his research team members, Prof. K. V. Ramakrishnamacharyulu, Prof.
% Amba Kulakarni, Prof. Prahladachar,  members of MSP Bangalore and many others
% Proofread by          : 
% Latest update         : October 13, 2013
% Send corrections to   : sanskrit at cheerful dot c om
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.3
% Site access           : http://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
%@@1
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. 10. sauptikaparva Kumbhaghonam Edition ..}##
\itxtitle{.. 10\. sauptikaparva ..}##\endtitles ##


\medskip\hrule\medskip
sauptikaparva \- adhyAya 001
.. shrIH ..
10\.1\. adhyAyaH 1

##Mahabharata - Sauptika Parva - Chapter Topics##
sa~njayadhR^itarAShTrayoH saMlApaH .. 1 ..
drauNikR^ipakR^itavarmabhirvanamadhyametya nyagrodhasyAdhastAdupaveshanam
.. 2 ..
tatra rAtrau ghUkena bahukAkAvadhadarshinA drauNinA tadvatsvenApi
pANDavavadhanirdhAraNam .. 3 ..
tataH kR^ipakR^itavarmANau samudbaudhya svakartavyakathanaprArthanA .. 4 ..

##Mahabharata - Sauptika Parva - Chapter Text##

10\-1\-0 (63944)
shrIvedavyAsAya namaH. 10\-1\-0x (5260)
nArAyaNaM namaskR^itya naraM chaiva narottamam .
devIM sarasvatIM vyAsaM tato jayamudIrayet .. 10\-1\-1 (63945)
sa~njaya uvAcha. 10\-1\-1x (5261)
tataste sahitAH sarve prayAtA dakShiNAmukhAH .
upAstamayavelAyAM shibirAbhyAshamAgatAH .. 10\-1\-1 (63946)
vimuchya vAhAMstvaritA bhItAH samanubodhanAt .
gahanaM deshamAsAdya prachChannA nyavishanta te .. 10\-1\-2 (63947)
senAniveshamabhito nAtidUramavasthitAH .
[nikR^ittA nishitaiH shastraiH samantAtkShatavikShatAH.]
dIrghamuShNaM cha niHshvasya pANDavAnanvachintayan ..  10\-1\-3 (63948)
shrutvA cha ninadaM ghoraM pANDavAnAM jayaiShiNAm .
anusArabhayAdbhItAH prA~NmukhAH prAdravanpunaH .. 10\-1\-4 (63949)
te muhUrtAttato gatvA shrAntavAhA pipAsitAH .
nAmR^iShyanta maheShvAsAH krodhAmarShavasha~NgatAH .. 10\-1\-5 (63950)
rAj~no vadhena santaptA muhUrtaM samavasthitAH ..  10\-1\-6 (63951)
dhR^itarAShTra uvAcha. 10\-1\-7x (5262)
ashraddheyamidaM karma kR^itaM mImena sa~njaya .
yatsa nAgAyutaprANaH putro mama nipAtitaH .. 10\-1\-7 (63952)
avadhyaH sarvabhUtAnAM vajrasaMhanano yuvA .
pANDavaiH samare putro nihato mama nipAtitaH .. 10\-1\-8 (63953)
na diShTamabhyatikrAntuM shakyaM gAvalgaNe naraiH .
yatsametya raNe pArthaiH putro mama nipAtitaH .. 10\-1\-9 (63954)
adrisAramayaM nUnaM hR^idayaM mama sa~njaya .
hataM putrashataM shrutvA yanna dIrNaM sahasradhA .. 10\-1\-10 (63955)
kathaM hi vR^iddhamithunaM hataputraM bhaviShyati .
na hyahaM pANDuputrasya viShaye vastumutsahe .. 10\-1\-11 (63956)
kathaM rAj~naH pitA bhUtvA svayaM rAjA cha sa~njaya .
preShyabhUtaH pravarteyaM pANDaveyasya shAsanAt .. 10\-1\-12 (63957)
prabhujya pR^ithivIM sarvAM sthitA mUrdhani sa~njaya .
kathamadya bhaviShyAmi shrotuM shakShyAmi sa~njaya.  10\-1\-13 (63958)
yena putrashataM pUrNamekena nihataM mama ..
kR^itaM satyaM vachastasya vidurasya mahAtmanaH.  10\-1\-14 (63959)
akurvatA vachastasya mama putreNa sa~njaya ..
adharmeNa hate tAta putre duryodhane mama.  10\-1\-15 (63960)
kR^itavarmA kR^ipo drauNiH kimakurvata sa~njaya ..  10\-1\-16 (63961)
sa~njaya uvAcha. 10\-1\-17x (5263)
gatvA tu tAvakA rAjannAtidUraM manasvinaH .
apashyanta vanaM ghoraM nAnAdrumalatAvR^itam .. 10\-1\-17 (63962)
te muhUrtaM tu vishramya labdhatoyairhayottamaiH .
sUryAstamayavelAyAM kauraveyasya shAsanAt .. 10\-1\-18 (63963)
nAnAmR^igagaNairjuShTaM nAnApakShibhirAkulam .
nAnAdrumalatAchChannaM nAnAvyAlaniShevitam .. 10\-1\-19 (63964)
nAnAtoyasamAkIrNaistaTAkairupashobhitam .
padminIshatasa~nChannaM nIlotpalasamAyutam .. 10\-1\-20 (63965)
pravishya tadvanaM ghoraM vIkShamANAH samantataH .
shAkhAsahasrasa~nChannaM nyagrodhaM dadR^ishustataH .. 10\-1\-21 (63966)
upetya tu tadA rAjannyagrodhaM te mahArathAH .
dadR^ishurdvipadAM shreShThAH shreShThaM taM vai vanaspatim .. 10\-1\-22 (63967)
te.avatIrya rathebhyashcha vipramuchya cha vAjinaH .
upaspR^ishya yathAnyAyaM sandhyAmanvAsata prabho .. 10\-1\-23 (63968)
tato.astaM parvatashreShThamanuprApte divAkare .
sarvasya jagato dhAtrI sharvarI pratyapadyata .. 10\-1\-24 (63969)
grahanakShatratArAbhiH prakIrNAbhirala~NkR^itam .
nabhoM.ashukamivAbhAti prekShaNIyaM samantataH .. 10\-1\-25 (63970)
ichChayA te pravalganti ye satvA rAtrichAriNaH .
divAcharAshcha ye satvAste nidrAvashamAgatAH .. 10\-1\-26 (63971)
rAtri~ncharANAM satvAnAM ninAdo.abhUtsudAruNaH .
kravyAdAshcha pramuditA ghorA prAptA cha sharvarI .. 10\-1\-27 (63972)
tasminrAtrimukhe ghore duHkhashokasamanvitAH .
kR^itavarmA kR^ipo drauNirupopavivishuH samam .. 10\-1\-28 (63973)
upopaviShTAH shochanto nyagrodhasya samIpataH .
tamevArthamatikrAntaM kurupANDavayoH kShayam .. 10\-1\-29 (63974)
nidrayA cha parItA~NgA niShedurdharaNItale .
shrameNa sudR^iDhaM yuktA vikShatA vividhaiH sharaiH .. 10\-1\-30 (63975)
tato nidrAvashaM prAptau kR^ipabhojau mahAbAlau .
sukhochitAvaduHkhArhau niShaNNau dharaNItale .. 10\-1\-31 (63976)
tau tu suptau mahArAja tasmindeshe mahArathau .
[mahArhashayanopetau bhUmAveva hyanAthavat ..]  10\-1\-32 (63977)
krodhAmarShavashaM prApto droNaputrastu bhArata .
na vai sma sa jagAmAtha nidrAM sarpa iva shvasan .. 10\-1\-33 (63978)
na lebhe sa tu nidrAM vai dahyamAno.atimanyunA .
vIkShA~nchakre mahAbAhustadvanaM ghoradarshanam .. 10\-1\-34 (63979)
vIkShamANo vanoddeshaM nAnAsatvairniShevitam .
apashyata mahAbAhurnyagrodhaM vAyasAvR^itam .. 10\-1\-35 (63980)
tatra kAkasahasrANi tAM nishAM paryaNAmayan .
sukhaM svapantaH kauravya pR^ithakpR^ithagupAshrayAH .. 10\-1\-36 (63981)
supteShu teShu kAkeShu visrabdheShu samantataH .
so.apashyatsahasA yAntamulUkaM ghoradarshanam .. 10\-1\-37 (63982)
mahAsvanaM mahAkAyaM haryakShaM babhrupi~Ngalam .
sutIkShNaghoNAnakharaM suparNamiva vegitam .. 10\-1\-38 (63983)
so.atha shabdaM mR^iduM kR^itvA lIyamAna ivANDajaH .
nyagrodhasya tataH sAkhAM pAtayAmAsa bhArata .. 10\-1\-39 (63984)
sannipatya tu shAkhAyAM nyagrodhasya viha~NgamaH .
suptA~njaghAna visrabdhAnvAyasAnvAyasAntakaH .. 10\-1\-40 (63985)
keShA~nchidachChinatpakShA~nshirAMsi cha chakarta ha .
charaNAMshchaiva keShA~nchidbabha~nja charaNAyudhaH .. 10\-1\-41 (63986)
kShaNenAghnatsa balavAnye.asya dR^iShTipathe sthitAH ..  10\-1\-42 (63987)
teShAM sharIrAvayavaiH sharIraishcha vishAmpate .
nyagrodhamaNDalaM sarvaM sa~nChannaM parvatopamam .. 10\-1\-43 (63988)
tAMstu hatvA tataH kAkAnkaushiko mudito.abhavat .
pratikR^itya yathAkAmaM shatrUNAM shatrusUdanaH .. 10\-1\-44 (63989)
taddR^iShTvA tAdR^ishaM karma kaushikena kR^itaM nishi .
tadbhAve kR^itasa~Nkalpo drauNireko.anvachintayat .. 10\-1\-45 (63990)
upadeshaH kR^ito.anena pakShiNA mama saMyuge .
shatrUNAM kShapaNaM yuktaM prAptaH kAlashcha me mataH .. 10\-1\-46 (63991)
nAdya shakyaM mayA hantuM pANDavA jitakAshinaH .
balavantaH kR^itotsAhA labdhalakShAH prahAriNaH .. 10\-1\-47 (63992)
rAj~naH sakAshe teShAM cha pratij~nAto vadho mayA .
pata~NgAgnisamAM vR^ittimAsyAyAtmavinAshinIm .. 10\-1\-48 (63993)
nyAyato yudhyamAnasya prANatyAgo na saMshayaH .
ChadmanA tu bhavetsidviH shatrUNAM cha kShayo mahAn .. 10\-1\-49 (63994)
tatra sashayitAdarthAdyo.artho niHsaMshayo bhavet .
taM janA bahumanyante ye.arthashAstravishAradAH .. 10\-1\-50 (63995)
yachchApyatra bhavetkAryaM garhitaM lokaninditam .
kartavyaM tanmanuShyeNa kShatradharmeNa vartatA .. 10\-1\-51 (63996)
ninditAni cha karmANi kutsitAni padepade .
sopadhAni kR^itAnyeva pANDavairakR^itAtmabhiH .. 10\-1\-52 (63997)
asminnarthe purA gItAH shrUyante dharmavittamaiH .
shlokA nyAyamavekShadbhistattvArthAstattvadarshibhiH .. 10\-1\-53 (63998)
parishrAnte vidIrNe vA bhu~njAne vA.api shatrubhiH .
prasthAne vA praveshe vA prahartavyaM riporbalam .. 10\-1\-54 (63999)
nidrArtamardharAtre cha tathA naShTapraNAyakam .
bhinnayodhaM balaM yachcha dvidhA yuktaM cha yadbhavet .. 10\-1\-55 (64000)
ityevaM nishchayaM chakre suptAnAM nishi mAraNe .
pANDUnAM saha pA~nchAlairdroNaputraH pratApavAn .. 10\-1\-56 (64001)
sa krUrAM matimAsthAya vinishchitya muhurmuhuH .
suptau prAbodhayattau tu mAtulaM bhojameva cha .. 10\-1\-57 (64002)
tau prabuddhau mahAtmAnau kR^ipabhojau mahAbAlau .
nottaraM pratipadyetAM tatra yuktaM hiyA vR^itau .. 10\-1\-58 (64003)
sa muhUrtamiva dhyAtvA tAvubhau vAkyamabravIt ..  10\-1\-59 (64004)
hato duryodhano rAjA ekavIro mabAhalaH .
yasyArthe vairamasmAbhirAsaktaM pANDavaiH saha .. 10\-1\-60 (64005)
ekAkI bahubhiH kShudrairAhave shuddhavikramaH .
pAtito bhImasenena ekAdashachamUpatiH .. 10\-1\-61 (64006)
vR^ikodareNa kShudreNa sunR^ishaMsamidaM kR^itam .
mUrdhAbhiShiktasya shiraH pAdena parimR^idgatA .. 10\-1\-62 (64007)
vinardanti cha pA~nchAlAH kShvelanti cha hasanti cha .
dhamanti sha~NkhA~nshatasho hR^iShTA ghnanti cha dundubhIn .. 10\-1\-63 (64008)
vAditraghoShastumulo vimishraH sha~NkhaniHsvanaiH .
anilenerito ghoro dishaH pUrayatIva ha .. 10\-1\-64 (64009)
ashvAnAM heShamANAnAM gajAnAM chaiva bR^iMhatAm .
siMhanAdashcha shUrANAM shrUyate sumahAnayam .. 10\-1\-65 (64010)
dishaM prAchIM samAshritya hR^iShTAnAM gachChatAM bhR^isham .
rathanemisvanAshchaiva shrUyante romaharShaNAH .. 10\-1\-66 (64011)
pANDavairdhArtarAShTrANAM yadidaM kadanaM kR^itam .
vayameva trayaH shiShTA asminmahati vaishase .. 10\-1\-67 (64012)
kechinnAgashataprANAH kechitsarvAstrakovidAH .
nihatAH pANDavairyasminmanye kAlasya paryayam .. 10\-1\-68 (64013)
evametena bhAvyaM hi nUnaM kAryeNa tattvataH .
yathA hyasyedR^ishI niShThA kR^ite yatne.api duShkare .. 10\-1\-69 (64014)
bhavatostu yadi praj~nA na mohAdapachIyate .
vyasane.asminmahatyarthe yannaH shreyastaduchyatAm .. .. 10\-1\-70 (64015)

iti shrImanmahAbhArate sauptikaparvaNi prathamo.adhyAyaH .. 1 ..
##Mahabharata - Sauptika Parva - Chapter Footnotes##

10\-1\-1 tataH duryodhanena sainApatye.ashvatthAmno.abhiShekAnantaraM
te ashvatthAmakR^ipAchAryakR^itavarmANaH ..
10\-1\-2 shibiranikaTasthaM deshaM AsAdya vAhAnvimuchya nyavishanteti yojanA ..
10\-1\-4 anusAraH pR^iShThagamanam . prAdravanniti punarvAhAnyojayitveti
gamyate ..
10\-1\-6 rAj~no duryodhanasya ..
10\-1\-20 nAnApuShpopashobhitamiti jha.pAThaH ..
10\-1\-23 anvAsata upAsitavantaH ..
10\-1\-25 aMshukaM vastram ..
10\-1\-32 shayanopetau prAgiti sheShaH ..
10\-1\-36 paryaNAmayan pariNItavanta Asan ..
10\-1\-38 haryakShyaM harinmaNinibhalochanam . ShANA nAsA ..
10\-1\-1 prathamo.adhyAyaH ..

\medskip\hrule\medskip
sauptikaparva \- adhyAya 002
.. shrIH ..
10\.2\. adhyAyaH 2

##Mahabharata - Sauptika Parva - Chapter Topics##
kR^ipeNa drauNimprati kartavyopadeshaH .. 1 ..

##Mahabharata - Sauptika Parva - Chapter Text##

10\-2\-0 (64016)
kR^ipa uvAcha. 10\-2\-0x (5264)
shrutaM te vachanaM sarvaM hetuyuktaM mayA vibho .
mamApi tu vachaH ki~nchichChR^iNuShvAdya mahAbhuja .. 10\-2\-1 (64017)
AbaddhA mAnuShAH sarve nibaddhAH karmaNordvayoH .
daive puruShakAre cha paraM tAbhyAM na vidyate .. 10\-2\-2 (64018)
na hi daivena sidhyanti kAryANyekena sattama .
na chApi karmaNaikena dvAbhyAM siddhistu yogataH .. 10\-2\-3 (64019)
tAbhyAmubhAbhyAM sarvArthA nibaddhA adhamottamAH .
pravR^ittAshchaiva dR^ishyante nivR^ittAshchaiva sarvashaH .. 10\-2\-4 (64020)
parjanyaH parvate varShankinnu sAdhayate phalam .
kR^iShTe kShetre tathA varShankiM na sAdhayate phalam .. 10\-2\-5 (64021)
utthAnaM chApi daivasya hyanutthAnaM cha daivatam .
vyarthaM bhavati sarvatra pUrvastatra vinishchayaH .. 10\-2\-6 (64022)
suvR^iShTe cha yathA deve samyak kShetre cha karShite .
bIjaM mahAguNaM bhUyAttathA siddhirhi mAnuShI .. 10\-2\-7 (64023)
tayordaivaM tu dushchintyaM svavashenaiva vartate .
prAj~nAH puruShakAre tu vartante devamAsthitAH .. 10\-2\-8 (64024)
tAbhyAM sarve hi kAryArthA manuShyANAM nararShabha .
vicheShTantaH sma dR^ishyante nivR^ittAstu tathaiva cha .. 10\-2\-9 (64025)
kR^itaH puruShakArashcha so.api daivena sidhyati .
tathAsya karmaNaH karturabhinirvartate phalam .. 10\-2\-10 (64026)
utthAnaM cha manuShyANAM dakShANAM daivavarjitam .
abhalaM dR^ishyate loke samyagapyupapAditam .. 10\-2\-11 (64027)
tatrAlasA manuShyANAM ye bhavantyamanasvinaH .
utthAnaM te vigarhanti prAj~nAnAM tanna rochate .. 10\-2\-12 (64028)
prAyasho hi kR^itaM karma nAphalaM dR^ishyate bhuvi .
akR^itvA cha punarduHkhaM karma pashyenmahAphalam .. 10\-2\-13 (64029)
chaShTAmakurvaMllabhate yadi ki~nchidyadR^ichChayA .
yo vA na labhate kR^itvA durdarshau tAvubhAvapi .. 10\-2\-14 (64030)
shaknoti jIvituM dakSho nAlasaH sukhamedhate .
dR^ishyante jIvaloke.asmindakShAH prAyo hitaiShiNaH .. 10\-2\-15 (64031)
yadi dakShaH samArambhAtkarmaNo nAshnute phalam .
nAsya vAchyaM bhavetki~nchillabdhavyaM vA.adhigachChati .. 10\-2\-16 (64032)
nAkR^itvA karma loke hi phalaM vindati karhichit .
sa tu vaktavyatAM yAti dveShyo bhavati bhUyashaH .. 10\-2\-17 (64033)
evametadanAdR^itya vartate yastvato.anyathA .
sa karotyAtmano.anarthAneSha buddhimatAM nayaH .. 10\-2\-18 (64034)
hInaM puruShakAreNa yadi daivena vA punaH .
kAraNAbhyAmathaitAbhyAmutthAnamaphalaM bhavet .. 10\-2\-19 (64035)
hInaM puruShakAreNa karma tviha na sidhyati ..  10\-2\-20 (64036)
daivatebhyo namaskR^itya yastvarthAnsamyagIhate .
dakSho dAkShiNyasampanno na sa moghairvihanyate .. 10\-2\-21 (64037)
samyagIhA punariyaM yA bR^iddhAnupasevate .
ApR^ichChati cha yachChreyaH karoti cha hitaM vachaH .. 10\-2\-22 (64038)
utthAyotthAya hi sadA praShTavyA vR^iddhasammatAH .
te sma yoge paraM mUlaM tanmUlA siddhiruchyate .. 10\-2\-23 (64039)
vR^iddhAnAM vachanaM shrutvA yo.abhyutthAnaM prayojayet .
utthAnasya phalaM samyaktadA sa labhate.achirAt .. 10\-2\-24 (64040)
rAgAtkrodhAdbhayAllobhAdyo.arthAnIheta mAnavaH .
anIshashchAvamAnI cha sa shIghraM bhrashyate shriyaH .. 10\-2\-25 (64041)
soyaM duryodhanenArtho lubdhenAdIrghadarshinA .
asamarthaH samArabdho mUDhatvAdavichinantitaH .. 10\-2\-26 (64042)
hitabuddhInanAdR^itya sammantryAsAdhubhiH saha .
vAryamANo.akarodvairaM pANDavairguNavattaraiH .. 10\-2\-27 (64043)
pUrvamapyatiduHshIlo na dhairyaM kartumarhati .
tapatyarthe vipanne hi mitrANAM na kR^itaM vachaH .. 10\-2\-28 (64044)
anuvartAmahe yattu taM vayaM pApapUruSham .
asmAnapyanayastasmAtprApto.ayaM dAruNo mahAn .. 10\-2\-29 (64045)
aena tu mamAdyApi vyasanenopatApitA .
buddhishchintayate ki~nchitsvaM shreyo nAvabudhyate .. 10\-2\-30 (64046)
muhyatA tu manuShyeNa praShTavyAH suhR^ido janAH .
tatrAsya buddhirvinayastatra shreyashcha pashyati .. 10\-2\-31 (64047)
tato.asya mUlaM kAryANAM buddhyA nishchitya vai budhAH'.
te.atra pR^iShTA yathA brUyustatkartavyaM tathA bhavet .. 10\-2\-32 (64048)
te vayaM dhR^itarAShTraM cha gAndhArIM cha yashasvinIm .
upapR^ichChAmahe gatvA viduraM cha mahAmatim .. 10\-2\-33 (64049)
te pR^iShTAstu vadeyuryachChreyo naH samanantaram .
tadasmAbhiH punaH kAryamiti me naiShThikI matiH .. 10\-2\-34 (64050)
anArambhAttu kAryANAM nArthaH sampadyate kvachit ..  10\-2\-35 (64051)
kR^ite puruShakAre tu yeShAM kAryaM na sidhyati .
daivenopahatAste tu nAtra kAryA vichAraNA .. .. 10\-2\-36 (64052)

iti shrImanmahAbhArate sauptikaparvaNi dvitIyo.adhyAyaH .. 2 ..
##Mahabharata - Sauptika Parva - Chapter Footnotes##

10\-2\-2 daive AsamantAt baddhAH puruShakAre nihInatayA baddhAH . tena
daivaM pradhAnaM puruShakAra upasarjanamityuktaM bhavati. ArambhA mAnuShAH
sarve iti ka.pAThaH ..
10\-2\-6 utthAnamiti . daivasya pradhAnasyotthAnaM puruShakAro vyarthaM
bhavati tathA.anutthAnamutthAnahInaM daivamapi vyarthamiti pakShadvayaM
sarvatra vyavasyati tatra pUrvaeva pakShaH shreyAnityarthaH ..
10\-2\-9 vicheShTantaH pravR^ittA dR^ishyante lokadR^iShThyetyarthaH ..
10\-2\-13 karmAkR^itvA duHkhaM pashyedityApi prAyasho.asti ..
10\-2\-14 durdarshau durlabhau ..
10\-2\-16 sparshaM chAsyAdhigachChatIti Cha.pAThaH . tatra asya karmaNaH
sparshaM lokasya sambandhaM chAdhigachChati lokapriyaH syAdityarthaH ..
10\-2\-17 akR^itvA karma yo loke phalaM vindati dhiShThita iti jha.pAThaH
. tatra adakShastu paraprayatnArjitena jIvannapi bhoktumevAyaM samartho
nArjayitumiti nindyata iti bhAvaH ..
10\-2\-18 etat daivadAkShyayoH sAhityam . anyathA tayoranyatarAlambanena ..
10\-2\-23 yoge alabdhalAbhe ..
10\-2\-25 anIshaH ajitachittaH . avamAnI paramavajAnan ..
10\-2\-2 dvitIyo.adhyAyaH ..


\medskip\hrule\medskip
sauptikaparva \- adhyAya 003
.. shrIH ..
10\.3\. adhyAyaH 3

##Mahabharata - Sauptika Parva - Chapter Topics##
drauNinA kR^ipavachanamanAdR^itya kR^ipakR^itavarmaNoH purataH nishi
prasuptapANDupA~nchAlahananapratij~nAnam .. 1 ..

##Mahabharata - Sauptika Parva - Chapter Text##

10\-3\-0 (64053)
sa~njaya uvAcha. 10\-3\-0x (5265)
kR^ipasya vachanaM shrutvA dharmArthasahitaM shubham .
ashvatthAmA mahArAja duHkhashokasamanvitaH .. 10\-3\-1 (64054)
dahyamAnastu shokena pradIptenAgninA yathA .
krUraM manastataH kR^itvA tAvabhau pratyabhAShata .. 10\-3\-2 (64055)
puruShepuruShe buddhiryAyA bhavati shobhanA .
tuShyanti cha pR^ithaksarve praj~nayA te svayAsvayA .. 10\-3\-3 (64056)
sarvo hi manyate loka AtmAnaM buddhimattaram .
sarvasyAtmA bahumataH sarvotmAnaM prashaMsati .. 10\-3\-4 (64057)
sarvasya hi svakA praj~nA sAdhuvAde pratiShThitA .
parabuddhiM cha nindanti svAM prashaMsanti chAsakR^it .. 10\-3\-5 (64058)
kAraNAntarayogena yeShAM saMvadate matiH .
te.anyonyena cha tuShyanti bahumanyanti chAsakR^it .. 10\-3\-6 (64059)
tasyaiva tu manuShyasya sAsA buddhistadAtadA .
kAlayoge viparyAsaM prApyAnyonyaM vipadyate .. 10\-3\-7 (64060)
anityatvAttu chittAnAM manuShyANAM visheShataH .
chittavaiklabyamAsAdya sAsA buddhiH prajAyate .. 10\-3\-8 (64061)
yathA hi vaidyaH kushalo j~nAtvA vyAdhiM yathAvidhi .
bhaiShajyaM kurute yogAtprashamArthamiti prabho .. 10\-3\-9 (64062)
evaM kAryasya yogAtprashamArthamiti prabho ..
praj~nayA cha svayA yuktyA tAM cha gR^ihNanti vai budhAH .. 10\-3\-10 (64063)
anyayA yauvane bAlye buddhyA bhavati mohitaH .
madhye.anyayA jarAyAM tu sonyAM rochayate matim .. 10\-3\-11 (64064)
vyasana vA mahAghoraM samR^iddhiM chApi tAdR^ishIm .
avApya puruSho bhoja kurute buddhivaikR^itam .. 10\-3\-12 (64065)
ekasminneva puruShe sAsA buddhistadAtadA .
bhavatyanityA praj~nA hi sA tasyaiva na rochate .. 10\-3\-13 (64066)
nishchitya tu yathApraj~naM yAM matiM sAdhu pashyati .
tayA prakurute bhAvaM sA tasyodyogakArikA .. 10\-3\-14 (64067)
sarvo hi puruSho bhoja sAdhvetaditi nishchitaH .
kartumArabhate prItiM maraNAdiShu karmasu .. 10\-3\-15 (64068)
sarve hi yuktAM vij~nAya praj~nAM vApi svakAM narAH .
cheShTante vividhAM cheShTAM hitamityeva jAnate .. 10\-3\-16 (64069)
upajAtA vyasanajA yeyamadya matirmama .
yuvayostAM pravakShyAmi sarveShAM shokanAshinIm .. 10\-3\-17 (64070)
prajApatiH prajAH sR^iShTvA karma tAsu vidhAya cha .
varNevarNe samAdhatta hyekaikaM guNavattaram .. 10\-3\-18 (64071)
brAhmaNe vedamagryaM tu kShatriye teja uttamam .
dAkShyaM vaishye cha shUdre cha sarvavarNAnukUlatAm .. 10\-3\-19 (64072)
adAnto brAhmaNo.asAdhurnistejAH kShatriyo mR^itaH .
adakSho nindyate vaishyaH shUdrashcha pratikUlavAn .. 10\-3\-20 (64073)
so.asmi jAtaH kule shreShThe brAhmaNairabhipUjite .
mandabhAgyatayA.asmyetaM kShatradharmamanuShThitaH .. 10\-3\-21 (64074)
kShatradharmaM viditvA.ahaM yadi brAhmaNyamAshritaH .
prakariShye mahatkarma na me tatsAdhusammatam .. 10\-3\-22 (64075)
dhArayitvA dhanurdivyaM divyAnyastrANi chAhave .
pitaraM nihataM dR^iShTvA kinnu vakShyAmi saMsadi .. 10\-3\-23 (64076)
so.ahamadya yathAkAmaM kShatradharmamavApya cha .
gantA.asmi padavIM rAj~naH pitushchApi mahAtmanaH .. 10\-3\-24 (64077)
adya svapsyanti pA~nchAlA vishvastA jitakAshinaH .
vimuktayugyakavachA harSheNa cha samanvitAH .
vayaM jitA matAshchaiShAM shrAntA vyAyAmakarshitAH ..  10\-3\-25 (64078)
teShAM nishi prasuptAnAM susthAnAM shibire svake .
avaskandaM kariShyAmi shibirasyAdya duShkaram .. 10\-3\-26 (64079)
tAnavaskandya shibire pretabhUtAnachetasaH .
sUdayiShyAmi vikramya maghavAniva dAnavAn .. 10\-3\-27 (64080)
adya tAnsahitAnsarvAndhR^iShTadyumnapurogamAn .
sUdayiShyAmi vikramya kakShaM dIpta ivAnalaH .. 10\-3\-28 (64081)
nihatya chaiva pA~nchAlA~nshAntiM labdhA.asmi sattama ..  10\-3\-29 (64082)
pA~nchAleShu chariShyAmi sUdayannadya saMyuge .
pinAkapANiH sa~NkruddhaH svayaM rudraH pashuShviva .. 10\-3\-30 (64083)
adyAhaM sarvapA~nchAlAnnikR^ityA cha nikR^iShya cha .
ardayiShyAmi saMhR^iShTo raNe pANDusutAMstathA .
`sUdayiShyAmi sa~NkruddhaH pashUniva pinAkadhR^it'..  10\-3\-31 (64084)
adyAhaM sarvapA~nchAlaiH kR^itvA bhUmiM sharIriNIm .
prahR^ityaikena shastreNa bhaviShyAmyanR^iNaH pituH .. 10\-3\-32 (64085)
duryodhanasya karNasya bhIShmasaindhavayorapi .
gamiShyAmi nishAvelAM padavImadya durgamAm .. 10\-3\-33 (64086)
adya pA~nchAlarAjasya dhR^iShTadyumnasya vai nishi .
virAtre pramathiShyAmi pashoriva shiro balAt .. 10\-3\-34 (64087)
adya pA~nchAlapANDUnAM shayitAnAM shiro nishi .
kha~Ngena nishitenAjau pramathiShyAmi gautama .. 10\-3\-35 (64088)
adya pA~nchAlasenAM tAM nihatya nishi sauptike .
kR^itakR^ityaH sukhI chaiva bhaviShyAmi mahAmate .. .. 10\-3\-36 (64089)

iti shrImanmahAbhArate sauptikaparvaNi tR^itIyo.adhyAyaH .. 3 ..
##Mahabharata - Sauptika Parva - Chapter Footnotes##

10\-3\-4 sarvotmAnamityatra sarva AtmAnamiti chChedaH . sandhirArShaH ..
10\-3\-6 yoge yeShAM samA gatiriti jha.pAThaH . tatra yoge samudAye ityarthaH ..
10\-3\-10 tAM cha nindanti mAnavA iti jha.pAThaH ..
10\-3\-12 he bhoja he kR^itavarman . ekameva sambodhayan kR^ipasya
vachasi anAdaraM sUchayati ..
10\-3\-13 bhavatyakR^itavuddhitvAditi jha.pAThaH . tatra akR^itadharmatvAt
avasarAnurodhAt. idAnIM mama shAntibuddhirna rochate ityarthaH ..
10\-3\-20 kShatriyo.adhama iti jha.pAThaH ..
10\-3\-22 viditvA Ashritya ..
10\-3\-24 gantAsmi gamiShyAmi . padavIM AnR^iNyam ..
10\-3\-33 gamayiShyAmi pA~nchAlAnpadavImadya durgamAmiti jha.pAThaH ..
10\-3\-3 tR^itIyo.adhyAyaH ..


\medskip\hrule\medskip
sauptikaparva \- adhyAya 004
.. shrIH ..
10\.4\. adhyAyaH 4

##Mahabharata - Sauptika Parva - Chapter Topics##
drauNikR^ipayoH saMvAdaH .. 1 ..

##Mahabharata - Sauptika Parva - Chapter Text##

10\-4\-0 (64090)
kR^ipa uvAcha. 10\-4\-0x (5266)
diShTyA te pratikartavye matirjAteyamachyuta .
na tvAM vArayituM shakto vajrapANirapi svayam .. 10\-4\-1 (64091)
anuyAsyAvahe tvAM tu prabhAte sahitAvubhau .
adya rAtrau vishramasva vimuktakavachadhvajaH .. 10\-4\-2 (64092)
ahaM tvAmanuyAsyAmi kR^itavarmA cha sAtvataH .
parAnabhimukhaM yAntaM rathAvAsthAya daMshitau .. 10\-4\-3 (64093)
AvAbhyAM sahitaH shatrU~nshvo nihantA samAgame .
vikramya rathinAM shreShTha pA~nchAlAnsapadAnugAn .. 10\-4\-4 (64094)
shaktastvamasi vikramya vishramasva nishAmimAm .
chiraM te jAgratastAta svapa tAvannishAmimAm .. 10\-4\-5 (64095)
vishrAntashcha vinidrashcha svasthachittashcha mAnada .
sametya samare shatrUnvadhiShyasi na saMshayaH .. 10\-4\-6 (64096)
na hi tvAM rathinAM shreShThaM pragR^ihItavarAyudham .
jetumutsahate kashchidapi deveShu pAvakiH .. 10\-4\-7 (64097)
kR^ipeNa sahitaM yAntaM guptaM cha kR^itavarmaNA .
ko drauNiM yudhi saMrabdhaM yodhayedapi devarAT .. 10\-4\-8 (64098)
te vayaM nishi vishrAntA vinidrA vigatajvarAH .
prabhAtAyAM rajanyAM vai nihaniShyAma shAtravAn .. 10\-4\-9 (64099)
tava hyastrANi divyAni mama chaiva na saMshayaH .
sAtvatopi maheShvAso nityaM yuddheShu kovidaH .. 10\-4\-10 (64100)
te vayaM sahitAstAta sarvA~nshatrUnsamAgatAn .
prasahya samare hatvA prItiM prApsyAma puShkalAm .. 10\-4\-11 (64101)
vishramasva tvamavyagraH svapa chemAM nishAM sukham .
ahaM cha kR^itavarmA cha prabhAte tvAM narottamam .. 10\-4\-12 (64102)
anuyAsyAva sahitau dhanvinau paratApanau .
rathinaM tvarayA yAntaM rathamAsthAya daMshitau .. 10\-4\-13 (64103)
sa gatvA shibiraM teShAM nAma vishrAvya chAhave .
tataH kartA.asi shatrUNAM yudhyatAM kadanaM mahat .. 10\-4\-14 (64104)
kR^itvA cha kadanaM teShAM prabhAte vimale.ahani .
viharasva yathA shakraH sUdayitvA mahAsurAn .. 10\-4\-15 (64105)
tvaM hi shakto raNe jetuM pA~nchAlAnAM varUthinIm .
daityasenAmiva kruddhaH sarvadAnavasUdanaH .. 10\-4\-16 (64106)
mayA tvAM sahitaM sa~Nkhye guptaM cha kR^itavarmaNA .
na saheta vibhuH sAkShAdvajrapANirapi svayam .. 10\-4\-17 (64107)
na chAhaM samare tAta kR^itavarmA na chaiva hi .
anirjitya raNe pANDUnapayAsyAmi karhichit .. 10\-4\-18 (64108)
hatvA cha samare kShudrAnpA~nchAlAnpANDubhiH saha .
nivartiShyAmahe sarve hatA vA svargagA vayam .. 10\-4\-19 (64109)
sarvopAyaiH sahAyAste prabhAte vayamAhave .
satyametanmahAbAho prabravImi tavAnagha .. 10\-4\-20 (64110)
evamuktastato drauNikramAtulena hitaM vachaH .
abravInmAtulaM rAjankrodhAdudvR^itya lochane .. 10\-4\-21 (64111)
Aturasya kuto nidrA narasyAmarShitasya cha .
arthAMshchintayatashchApi kAmayAnasya vA punaH .. 10\-4\-22 (64112)
tadidaM samanuprAptaM pashya me.adya chatuShTayam .
yasya bhAgashchaturtho me svapnamahnAya nAshayet .. 10\-4\-23 (64113)
kiM nAma duHkhaM loke.asminpiturvadhamanusmaran .
hR^idayaM nirdahanme.adya rAtryahAni na shAmyati .. 10\-4\-24 (64114)
yathA cha nihataH pApaiH pitA mama visheShataH .
pratyakShamapi te sarvaM tanme marmANi kR^intati .. 10\-4\-25 (64115)
kathaM hi mAdR^isho loke muhUrtamapi jIvati .
droNahanteti yadvAchaH pA~nchAlAnAM shR^iNomyaham .. 10\-4\-26 (64116)
dhR^iShTadyumnamahatvA tu nAdaM jIvitumutsahe .
sa me piturvadhAdvadhyaH pA~nchAlA ye cha sa~NgatAH .. 10\-4\-27 (64117)
vilApo bhagnasakthasya yastu rAj~no mayA shrutaH .
sa punarhR^idayaM kasya krUrasyApi na nirdahet .. 10\-4\-28 (64118)
kasya hyakaruNasyApi netrAbhyAmashru nAvrajet .
nR^ipaterbhagnasakthasya shrutvA tAdR^igvachaH punaH .. 10\-4\-29 (64119)
yashchAyaM mitrapakSho me mayi jIvati nirjitaH .
shokaM me vardhayatyeSha vArivega ivArNavam .. 10\-4\-30 (64120)
ekAgnamanaso me.adya kuto nidrA kutaH sukham ..  10\-4\-31 (64121)
vAsudevArjunAbhyAM cha tAnahaM parirakShitAn .
aviShahyatamAnmanye mahendreNApi sattama .. 10\-4\-32 (64122)
na chApi shaktaH saMyantumasmAtkAryAtkatha~nchana .
taM na pashyAmi loke.asminyo mAM kopAnnivartayet .. 10\-4\-33 (64123)
iti me nishchitA buddhireShA sAdhumatA mama ..  10\-4\-34 (64124)
vAdikaiH kathyamAnastu mitrANAM me parAbhavaH .
pANDavAnAM cha vijayaTo hR^idayaM dahatIva me .. 10\-4\-35 (64125)
ahaM tu kadanaM kR^itvA shatrUNAmadya sauptike .
tato vishramitA chaiva svaptA cha vigatajvaraH .. .. 10\-4\-36 (64126)

iti shrImanmahAbhArate sauptikaparvaNi chaturtho.adhyAyaH .. 4 ..
##Mahabharata - Sauptika Parva - Chapter Footnotes##

10\-4\-4 nihantA nihaniShyasi ..
10\-4\-23 chaturtha AturAdInAM chaturNAM madhye eko bhAgaH amarShaH . me
mama svapnaM ahvAya jhaTiti nAshayet. tasmAt svapetyuktaM tanna yujyate ..
23 ..
10\-4\-24 anusmaran anusmarataH . na shAmyati amarSha ityarthaH ..
10\-4\-36 svaptA svapsyAmi ..
10\-4\-4 chaturtho.adhyAyaH ..

\medskip\hrule\medskip
sauptikaparva \- adhyAya 005
.. shrIH ..
10\.5\. adhyAyaH 5

##Mahabharata - Sauptika Parva - Chapter Topics##
kR^ipeNa prasuptamAraNasyAdhArmikatvakathanena pratiShedhane.api
pitR^ivadhAmarShiNA drauNinA jighAMsayA ripushiviradvAragamanam .. 1 ..
kR^ipakR^itavarmashyAmapi sauhArdAttadanugamanam .. 2 ..

##Mahabharata - Sauptika Parva - Chapter Text##

10\-5\-0 (64127)
kR^ipa uvAcha. 10\-5\-0x (5267)
shushrUShurapi durmedhAH puruSho.aniyatendriyaH .
nAlaM vedayituM kR^itsnau dharmArthAviti me matiH .. 10\-5\-1 (64128)
tathaiva tAvanmedhAvI vinayaM yo na shikShate .
na cha ki~nchana jAnAti so.api dharmArthanishchayam .. 10\-5\-2 (64129)
[chiraM hyapi jaDaH shUraH paNDitaM paryupAsya ha .
na sa dharmAnvijAnAti darvI sUparasAniva .. 10\-5\-3 (64130)
muhUrtamapi taM prAj~naH paNDitaM paryupAsya hi .
kShipraM dharmAnvijAnAti jihvA sUparasAniva .. 10\-5\-4 (64131)
shushrUShustveva medhAvI puruSho niyatendriyaH .
jAnIyAdAgamAnsarvAngrAhyaM cha na virodhayet .. 10\-5\-5 (64132)
anayastvavamAnI yo durAtmA pApapUruShaH .
diShTamutsR^ijya kalyANaM karoti bahupAtakam .. 10\-5\-6 (64133)
nAthavantaM tu suhR^idaH pratiShedhanti pAtakAt .
nivartate tu lakShmIvAnnAlakShmIvAnnivartate .. 10\-5\-7 (64134)
yathA hyuchchAvachairvAkyaiH kShiptachitto niyamyate .
tathaiva suhR^idA shakyo nashakyastvavasIdati .. 10\-5\-8 (64135)
tathaiva suhR^ido.aprAj~nAnkurvANAnkarma pApakam .
prAj~nAH sampratiShedhanti yathAshakti punaHpunaH .. 10\-5\-9 (64136)
sa kalyANe manaH kR^itvA niyamyAtmAnamAtmanA .
kuru me vachanaM tAta yena pashchAnna tapsyase .. 10\-5\-10 (64137)
na vadhaH pUjyate loke suptAnAmiha dharmataH .
tathaiva nyastashastrANAM vimuktarathavAjinAm .. 10\-5\-11 (64138)
ye va brUyustavAsmIti ye cha syuH sharaNAgatAH .
vimuktamUrdhajA ye cha ye chApi hatavAhanAH .. 10\-5\-12 (64139)
adya svapsyanti pA~nchAlA vimuktakavachA vibho .
vishvastA rajanIM sarve pretA iva vichetasaH .. 10\-5\-13 (64140)
yasteShAM tadavasthAnAM druhyeta puruSho.anR^ijuH .
vyaktaM sa narake majjedagAdhe vipule.apluve .. 10\-5\-14 (64141)
sarvAstraviduShAM loke shreShThastvamasi vishrutaH .
na cha te jAtu loke.asminsusUkShmamapi kilbiSham .. 10\-5\-15 (64142)
tvaM punaH sUryasa~NkAshaH shvobhUta udite ravau .
prakAshe sarvabhUtAnAM vijetA yudhi shAtravAn .. 10\-5\-16 (64143)
asambhAvitarUpaM hi tvayi karma vigarhitam .
shukle raktamiva nyastaM bhavediti matirmama .. 10\-5\-17 (64144)
ashvatthAmovAcha. 10\-5\-18x (5268)
evameva yathA.a.attha tvamanushAsasi mAtula .
taistu pUrvamayaM setuH samantAdvihvalIkR^itaH .. 10\-5\-18 (64145)
pratyakShaM bhUmipAlAnAM bhavatAM chApi sannidhau .
nyastashastro mama pitA dhR^iShTadyumnena pAtitaH .. 10\-5\-19 (64146)
karNashcha patite chakre utthAsyanrathinAM varaH .
uttame vyasane magno hato gANDIvadhanvanA .. 10\-5\-20 (64147)
tathA shAntanavo bhIShmo nyastashastro nirAyudhaH .
shikhaNDinaM puraskR^itya hato gANDIvadhanvanA .. 10\-5\-21 (64148)
bhUrishravA maheShvAsastathA prAyagato raNe .
kroshatAM bUmipAlAnAM yuyudhAnena pAtitaH .. 10\-5\-22 (64149)
duryodhanashcha bhImena sametya gadayA mR^idhe .
pashyatAM bhUmipAlAnAmadharmeNa nipAtitaH .. 10\-5\-23 (64150)
ekAkI bahubhistatra parivArya mahArathaiH .
adharmeNa naravyAghro bhImasenena pAtitaH .. 10\-5\-24 (64151)
vilApo bhagnasakthasya yo me rAj~naH parishrutaH .
vAdikAnAM kathayatAM sa me marmANi kR^intati .. 10\-5\-25 (64152)
evaM chAdhArmikAH pApAH pA~nchAlA bhinnasatavaH .
tAnevaM bhinnamaryAdAnkiM bhavAnna vigarhati .. 10\-5\-26 (64153)
pitR^ihantR^InahaM hatvA pA~nchAlAnnishi sauptike .
kAmaM kITaH pata~Ngo vA janma prApya bhavAmi vai .. 10\-5\-27 (64154)
tvare chAhamanenAdya yadidaM me chikIrShitam .
tasya me tvaramANasya kuto nidrA kutaH sukham .. 10\-5\-28 (64155)
na sa jAtaH pumA.Nlloke kashchinna sa bhaviShyati .
yo me vyAvartayedetAM vadhe teShAM kR^itAM matim .. 10\-5\-29 (64156)
sa~njaya uvAcha. 10\-5\-30x (5269)
evamuktvA mahArAja droNaputraH pratApavAn .
ekAnte yojayitvA.ashvAnprAyAdabhimukhaH parAn .. 10\-5\-30 (64157)
tamabrUtAM mahAtmAnau bhojashAradvatAvubhau .
kimayaM syandano yuktaH kiM cha kAryaM chikIrShitam .. 10\-5\-31 (64158)
ekasAmarthaprayAtau svastvayA saha nararShabha .
samaduHkhasukhau chApi tasmAchChaMsitumarhasi .. 10\-5\-32 (64159)
ashvatthAmA tuM sa~NkruddhaH piturvadhamanusmaran .
tAbhyAM tathyaM tathA.a.achakhyau yadasyAtmachikIrShitam .. 10\-5\-33 (64160)
hatvA shatasahasrANi yodhAnAM nishitaiH sharaiH .
nyastashastro mama pitA dhR^iShTadyumnena pAtitaH .. 10\-5\-34 (64161)
taM tathaiva vadhiShyAmi nyastavarmANamadya vai .
putraM pA~nchAlarAjasya pApaM pApena karmaNA .. 10\-5\-35 (64162)
tathA vinihataH pApaH pA~nchAlyaH pashuvanmayA .
shastreNa vijitA.NllokAnnApnuyAditi me matiH .. 10\-5\-36 (64163)
kShipraM sannadvakavachau sakha~NgAvAttakArmukau .
mAmevAdya pratIkShetAM rathavaryau parantapau .. 10\-5\-37 (64164)
ityuktvA rathamAsthAya prAyAdabhimukhaH parAn .
tamanvagAtkR^ipo rAjankR^itavarmA cha sAtvataH .. 10\-5\-38 (64165)
te prayAtA vyarochanta parAnabhimukhAstrayaH .
hUyamAnA yathA yaj~ne samiddhA havyavAhanAH .. 10\-5\-39 (64166)
yayushcha shibiraM teShAM samprasuptajanaM vibho .
dvAradeshamanuprApya drauNistasthau mahArathaH .. .. 10\-5\-40 (64167)

iti shrImanmahAbhArate sauptikaparvaNi pa~nchamo.adhyAyaH .. 5 ..
##Mahabharata - Sauptika Parva - Chapter Footnotes##

10\-5\-1 ashushrUShUH sudurmedhA iti ~Na.pAThaH . durmedhAH
mUDhaH. aniyatetichChedaH ..
10\-5\-6 aneya iti jha.pAThaH . tatra aneyaH sanmArgaM
netumashakyaH. diShTamupadiShTam ..
10\-5\-8 uchchAvachaiH sargairiti ka.Cha.pAThaH ..
10\-5\-14 aplave iti chChedaH ..
10\-5\-23 adharmeNa nAbheradhastAtprahAreNa ..
10\-5\-32 nAvAM sha~NkitumarhasIti jha.pAThaH ..
10\-5\-36 shastrAgnivarjitA.NllokAnprApruyAditi me matiH iti ~Na.pAThaH ..
10\-5\-5 pa~nchamo.adhyAyaH ..

\medskip\hrule\medskip
sauptikaparva \- adhyAya 006
.. shrIH ..
10\.6\. adhyAyaH 6

##Mahabharata - Sauptika Parva - Chapter Topics##
ashvatthAmnaH shibiradvArasthamahAbhUtadarshanam .. 1 ..
bhUtajigIShayA drauNivisR^iShTAnAmastrashastrANAM bhUtena grasanam .. 2 ..
tatashchiMtAtAntashcha drauNermahAdevopAsanAdhyavasAyaH .. 3 ..

##Mahabharata - Sauptika Parva - Chapter Text##

10\-6\-0 (64168)
dhR^itarAShTra uvAcha. 10\-6\-0x (5270)
dvAradeshe tato drauNimavasthitamavekShya tau .
akurvatAM bhojakR^ipau kiM sa~njaya vadasva me .. 10\-6\-1 (64169)
sa~njaya uvAcha. 10\-6\-2x (5271)
kR^itavarmANamAmantrya kR^ipaM cha sa mahArathaH .
drauNirmanyuparItAtmA shibiradvAramAsadat .. 10\-6\-2 (64170)
tatra bhUtaM mahAkAyaM chandrArkasadR^ishadyutim .
so.apashyaddvAramAvR^itya tiShThantaM romaharShaNam .. 10\-6\-3 (64171)
vasAnaM charma vaiyAghraM vasArudhiravisravam .
kR^iShNAjinottarAsa~NgaM nAgayaj~nopavItinam .. 10\-6\-4 (64172)
bAhubhiH svAyatairbhImairnAnApraharaNodyataiH .
baddhA~NgadamahAsarpaM jvAlAmAlAkulAnanam .. 10\-6\-5 (64173)
daMShTrAkarAlavadanaM vyAditAsyaM bhayAnakam .
nayanAnAM sahasraishcha vichitrairabhibhUShitam .. 10\-6\-6 (64174)
naiva tasya vapuH shakyaM pravaktuM veSha eva cha .
sarvathA tu tadAlakShya sphuTeyurapi parvatAH .. 10\-6\-7 (64175)
tasyAsyanAsikAbhyAM cha shravaNAbhyAM cha sarvashaH .
tebhyashchAkShisahasrebhyaH prAdurAsanmahArchiShaH .. 10\-6\-8 (64176)
tathA tejomarIchibhyaH sha~NkhachakragadAdharAH .
prAdurAsanhR^iShIkeshAH shatasho.atha sahasrashaH .. 10\-6\-9 (64177)
tadatyadbhutamAlokya bhUtaM lokabhaya~Nkaram .
drauNiravyathito divyairastravarShairavAkirat .. 10\-6\-10 (64178)
drauNimuktA~nCharAMstAMstu tadbhUtaM mahadagrasat .
udadheriva vAryoghAnpAvako baDabAmukhaH .. 10\-6\-11 (64179)
ashvatthAmA tu samprekShya sharaughAMstAnnirarthakAn .
rathashaktiM mumochAsmai dIptAmagnishikhAmiva .. 10\-6\-12 (64180)
sA tamAhatya dIptAgrA rathashaktiradIryata .
yugAnte sUryamAhatya maholkeva divashchyutA .. 10\-6\-13 (64181)
atha hematsaruM divyaM kha~NgamAkAshavarchasam ..
koshAtsamudbabarhAshu bilAddIptamivoragam .. 10\-6\-14 (64182)
tataH kha~NgavaraM dhImAnbhUtAya prAhiNottadA .
sa tadAsAdya bhUtaM vai vilayaM tUlavadyayau .. 10\-6\-15 (64183)
tataH sa kupito drauNirindraketunibhAM gadAm .
jvalantIM prAhiNottasmai bhUtaM tAmapi chAgrasat .. 10\-6\-16 (64184)
tataH sarvAyudhAbhAve vIkShamANastatastataH .
apashyatkR^itamAkAshamanAkAshaM janArdanaiH .. 10\-6\-17 (64185)
tadadbhutatamaM dR^iShTvA droNaputro nirAyudhaH .
achintayatsusantrastaH kR^ipabhojavachaH smaran .. 10\-6\-18 (64186)
bruvatAmapriyaM pathyaM suhR^idAM na shR^imoti yaH .
sa shochatyApadaM prApya thA.ahamavamatya tau .. 10\-6\-19 (64187)
shAstradR^iShTAnavidvAnyaH samatItya jighAMsati .
sa pathaH prachyuto dharmyAtkupathe pratihanyate .. 10\-6\-20 (64188)
gobrAhmaNanR^ipastrIShu sakhyurmAturgurostathA .
vR^iddhabAlajaDAndheShu suptabhItotthiteShu cha .. 10\-6\-21 (64189)
mattonmattapramatteShu na shastrANi cha mAtayet .
ityevaM gurubhiH pUrvamupadiShTaM nR^iNAM sadA .. 10\-6\-22 (64190)
so.ahamutkramya panthAnaM shAstradR^iShTaM sanAtanam .
amArgeNaivamArabhya ghorAmApadamAgataH .. 10\-6\-23 (64191)
tAM chApadaM ghoratarAM pravadanti manIShiNaH .
yadudyamya mahatkR^ityaM bhayAdapi nivartate .. 10\-6\-24 (64192)
ashakyaM chaiva kaH kartuM shaktaH shaktibalAdiha .
na hi daivAdgarIyo vai mAnuShyaM ki~nchidiShyate .. 10\-6\-25 (64193)
mAnuShyaM kurvataH karma yadi daivAnna sidhyati .
sa pathaH prachyuto dharmyAdvipadaM pratipadyate .. 10\-6\-26 (64194)
pratij~nAnaM hyavij~nAnaM pravadanti manIShiNaH .
yadArabhya kriyAM kA~nchidbhayAdiha nivartate .. 10\-6\-27 (64195)
tadidaM duShpraNItena bhayaM mA samupasthitam .
na hi droNasutaH sa~Nkhye nivarteta katha~nchana .. 10\-6\-28 (64196)
idaM cha sumahadbhUtaM daivadaNDamivodyatam .
na chaitadabhijAnAmi chintayannapi sarvathA .. 10\-6\-29 (64197)
dhruvaM yeyamadharmeNa prahitA kaluShA matiH .
tasyAH phalamidaM ghoraM pratighAtAya kalpate .. 10\-6\-30 (64198)
tadidaM daivavihitaM mama sa~Nkhye nivartanam .
nAnyatra daivAdudyantumiha shakyaM katha~nchana .. 10\-6\-31 (64199)
so.ahamadya mahAdevaM prapadye sharaNaM vibhum .
daivadaNDamimaM ghoraM sa hi me nAshayiShyati .. 10\-6\-32 (64200)
kapardinaM prapadye.ahaM devadevamumApatim .
kapAlamAlinaM rudraM bhaganetraharaM haram .. 10\-6\-33 (64201)
sa hi devo.atyagAddevAMstapasA vikrameNa cha .
tasmAchCharaNamabhyeShye girishaM shUlapANinam .. .. 10\-6\-34 (64202)

iti shrImanmahAbhArate sauptikaparvaNi ShaShTho.adhyAyaH .. 6 ..
##Mahabharata - Sauptika Parva - Chapter Footnotes##

10\-6\-12 rathashaktiM chakram ..
10\-6\-13 yugmAnte sUryamiti jha.pAThaH tatra yugmAnte mithunarAsherante
atidIptaM ityarthaH ..
10\-6\-15 vilaM nakulavadyayau iti jha.pAThaH ..
10\-6\-17 anAkAshaM niravakAsham ..
10\-6\-6 ShaShTho.adhyAyaH ..

\medskip\hrule\medskip
sauptikaparva \- adhyAya 007
.. shrIH ..
10\.7\. adhyAyaH 7

##Mahabharata - Sauptika Parva - Chapter Topics##
drauNinA shivastutiH .. 1 ..
drauNeH purataH kA~nchanavedyAmagnyudbhavaH .. 2 ..
drauNeH samIpe nAnAvidhabhIShaNabhUtagaNAnAmAgamanam .. 3 ..
shivena Atmano haviShTvakalpanapUrvakamagnau praviShTAya drauNaye
kha~NgadAnapUrvakaM tachCharIrapraveshaH .. 4 ..
punarashvatthAmnaH shibiragamanam .. 5 ..

##Mahabharata - Sauptika Parva - Chapter Text##

10\-7\-0 (64203)
sa~njaya uvAcha. 10\-7\-0x (5272)
evaM sa~nchintayitvA tu droNaputro vishAmpate .
avatIrya rathopasthAddadhyau sa prayataH sthitaH .. 10\-7\-1 (64204)
drauNiruvAcha. 10\-7\-2x (5273)
ugraM sthANuM shivaM rudraM sharvamIshAnamIshvaram .
girishaM varadaM devaM bhavabhAvanamavyayam .. 10\-7\-2 (64205)
shitikaNThamajaM rudraM dakShakratuharaM haram .
vishvarUpaM virUpAkShaM bahurUpamumApatim .. 10\-7\-3 (64206)
shmashAnavAsinaM dR^iptaM mahAgaNapatiM vibhum .
khaTvA~NgadhAriNaM muNDaM jaTilaM brahmachAriNam .. 10\-7\-4 (64207)
manasA hyanuchintyainaM duShkareNAlpachetasA .
adya bhUtopahAreNa yakShye tripurAghAtinam .. 10\-7\-5 (64208)
xxtutaM stutyaM stUyamAnamamoghaM kR^ittivAsasam .
vilohitaM nIlakaNThamasahyaM durnivAraNam .. 10\-7\-6 (64209)
shukraM vishvasR^ijaM brahma brahmachAriNameva cha .
vratavantaM taponiShThamanantaM tapatAM gatim .. 10\-7\-7 (64210)
bahurUpaM gaNAdhyakShaM tryakShaM pAriShadapriyam .
dhanAdhyakShapriyasakhaM gaurIhR^idayavallabham .. 10\-7\-8 (64211)
kumArapitaraM pi~NgaM govR^iShottamavAhanam .
kuttivAsasamatyugramAtoShaNatatparam .. 10\-7\-9 (64212)
paraM parebhyaH paramaM paraM yasmAnna vidyate .
iShvastrottamabhartAraM digantaM desharakShiNam .. 10\-7\-10 (64213)
hiraNyakavachaM devaM chandramaulivibhUShaNam .
prapadye sharaNaM devaM parameNa samAdhinA .. 10\-7\-11 (64214)
imAM chedApadaM ghorAM tarAmyadya sudustarAm .
sarvabhUtopahAreNa yakShye.ahaM shuchinA shuchim .. 10\-7\-12 (64215)
iti tasya vyavasitaM j~nAtvA yogAtsukarmaNaH .
purastAtkA~nchanI vedI prAdurAsInmahAtmanaH .. 10\-7\-13 (64216)
tasyAM vedyAM tadA rAjaMshchitrabhAnurajAyata .
sa disho vidishaH khaM cha jvAlAbhiriva pUrayan .. 10\-7\-14 (64217)
dIptAsyanayanAshchAtra naikapAdashirodharAH .
[ratnachitrA~NgadadharAH samudyatakarAstathAH ..]  10\-7\-15 (64218)
dvipAH shailapratIkAshAH prAdurAsanmahAgaNAH .
shvavarAhoShTrarUpAshcha hayagomAyugomukhAH .. 10\-7\-16 (64219)
R^ikShamArjAravadanA vyAghradvIpimukhAstathA .
kAkavaktrAH pluvamukhAH shukavaktrAstathaiva cha .. 10\-7\-17 (64220)
mahAjagaravaktrAshcha haMsavaktrAH shitaprabhAH .
dArvAghATamukhAshchApi chAShavaktrAshcha bhArata .. 10\-7\-18 (64221)
kUrmanakramukhAshchaiva shiMshumAramukhAstathA .
mahAmakaravaktrAshcha timivaktrAstathaiva cha .. 10\-7\-19 (64222)
harivaktrAH krau~nchamukhAH kapotAbhamukhAstathA .
pArAvatamukhAshchaiva madguvaktrAstathaiva cha .. 10\-7\-20 (64223)
pANikarNAH sahasrAkShAstathaiva cha mahodarAH .
nirmAMsAH kAkavaktrAshcha shyenavaktrAshcha bhArata .. 10\-7\-21 (64224)
tathaivAshiraso rAjannR^ikShavaktrAshcha bhIShaNAH .
pradIptanetrajihvAshcha jvAlAvarNAstathaiva cha .. 10\-7\-22 (64225)
jvAlAkeshAshcha rAjendra jvaladromachaturbhujAH .
meShavaktrAstathaivAnye tathA ChAgamukhA nR^ipa .. 10\-7\-23 (64226)
sha~NkhAbhAH sha~NkhavaktrAshcha sha~NkhavarNAstathaiva cha .
sha~NkhamAlAparikarAH shahkhadhvanisamasvanAH .. 10\-7\-24 (64227)
jaTAdharAH pa~nchashikhAstathA muNDAH kR^ishodarAH .
chaturdaMShTrAshchaturjihvAH sha~NkukarNAH kirITinaH .. 10\-7\-25 (64228)
mau~njIdharAshcha rAjendra tathA ku~nchitamUrdhajAH .
uShNIShiNaH kuNDalinashchAruvaktrAH svala~NkR^itAH .. 10\-7\-26 (64229)
padmotpalApIDadharAstathA mukuTadhAriNaH .
mahAtmyena cha saMyuktAH shatasho.atha sahasrashaH .. 10\-7\-27 (64230)
shataghnIchakrahastAshcha tathA musalapANayaH .
bhushuNDIpAshahastAshcha daNDahastAshcha bhArata .. 10\-7\-28 (64231)
pR^iShTheShu baddheShudhayashchitrabANotkaTAstathA .
sadhvajAH sapatAkAshcha saghaNTAH saparashvathAH .. 10\-7\-29 (64232)
mahApAshodyatakarAstathA laguDapANayaH .
sthUNAhastAH kha~NgahastAH sarpochChritakirITinaH .. 10\-7\-30 (64233)
mahAsarpA~NgadadharAshchitrAbharaNadhAriNaH .
rajodhvajAH pa~NkadigdhAH sarve chitrAmbarasrajaH .
nIlA~NgAH pi~NgalA~NgAshcha muNDavaktAstathaiva cha ..  10\-7\-31 (64234)
bherIsha~NkhamR^ida~NgAMshcha jharjharAnakagomukhAn .
avAdayanpAriShadAH prahR^iShTAH kanakaprabhAH .. 10\-7\-32 (64235)
gAyamAnAstathaivAnye saMhR^iShTAH puruSharShabhAH .
la~NghayantaH pluvantashcha valgantashcha mahArathAH .. 10\-7\-33 (64236)
dhAvanto javanAshchaNDAH pAvakodvUtamUrdhajAH .
mattA iva mahAnAgA vinadanto muhurmuhuH .. 10\-7\-34 (64237)
subhImA ghorarUpAshcha shUlapaTTasapANayaH .
nAnAvirAgavasanAshchitramAlyAnulepanAH .. 10\-7\-35 (64238)
ratnachitrA~NgadadharAH samudyatakarAstathA .
hantAro dviShatAM shUrAH prasahyAsahyavikramAH .. 10\-7\-36 (64239)
pAtAro.asR^igvasAjyAnAM mAMsAntrakR^itabhojanAH .
chUDAlAH karNikArAshcha prahR^iShTAH piTharodarAH .. 10\-7\-37 (64240)
atihasvAtidIrghAshcha pralambAshchAtibhairavAH .
vikaTAH kAlalaMboShThA bR^ihachChephANDapiNDikAH .. 10\-7\-38 (64241)
mahArhanAnAvikaTA muNDAshcha jaTilAH pare .
sArkendugrahanakShatrAM dyAM kuryuste mahItale .. 10\-7\-39 (64242)
utsaheraMshcha ye hantuM bhUtagrAmaM chaturvidham .
ye cha vItabhayA nityaM harasya bhrukuTIsahAH .. 10\-7\-40 (64243)
kAmakArakarA nityaM trailokyasyeshvareshvarAH .
nityAnandapramuditA vAgIshA vItamatsarAH .. 10\-7\-41 (64244)
prApyAShTaguNamaishvaryaM ye na yAsyanti vai smayam .
yeShAM vismayate nityaM bhagavAnkarmabhirharaH .. 10\-7\-42 (64245)
manovAkkarmabhiryuktairnityamArAdhitashcha yaiH .
manovAkkarmabhirbhaktAnpAti putrAnivaurasAn .. 10\-7\-43 (64246)
pibanto.asR^igvasAshchAnye kruddhA brahmadviShAM sadA .
chaturvidhAtmakaM somaM ye pibanti cha sarvadA .. 10\-7\-44 (64247)
shrutena brahmacharyeNa tapasA cha damena cha .
ye samArAdhya shUlA~NkaM bhavasAyujyamAgatAH .. 10\-7\-45 (64248)
yairAtmabhUtairbhagavAnpArvatyA cha maheshvaraH .
mahAbhUtagaNairbhu~Nkte bhUtabhavyabhavatprabhuH .. 10\-7\-46 (64249)
nAnAvAditrahasitakShveDitotkR^iShTagarjitaiH .
santrAsayantaste vishvamashvatthAmAnamabhyayuH .. 10\-7\-47 (64250)
saMstuvanto mahAdevaM bhAH kurvANAH suvarchasaH .
vivardhayiShavo drauNermahimAnaM mahAtmanaH .. 10\-7\-48 (64251)
jij~nAsamAnAstattejaH sauptikaM cha didR^ikShavaH .
bhImograparighAlAtashUlapaTTasapANayaH .
ghorarUpAH samAjagmurbhUtasa~NghAH sahasrashaH ..  10\-7\-49 (64252)
janayeyurbhayaM ye sma trailokyasyApi darshanAt .
na cha tAnprekShamANo.api vyathAmupajagAma ha .. 10\-7\-50 (64253)
atha drauNirdhanuShpANirbaddhagodhA~NgulitravAn .
svayamevAtmanAtmAnamupahAramupAharat .. 10\-7\-51 (64254)
dhanUMShi samidhastatra pavitrANi sitAH sharAH .
havirAtmavatashchAtmA tasminbhArata karmaNi .. 10\-7\-52 (64255)
tataH saumyena mantreNa droNaputraH pratApavAn .
upahAraM mahAmanyurathAtmAnamupAharat .. 10\-7\-53 (64256)
taM rudraM raudrakarmANaM raudraiH karmabhirachyutam .
abhiShTutya mahAtmAnamityuvAcha kR^itA~njaliH .. 10\-7\-54 (64257)
drauNiruvAcha. 10\-7\-55x (5274)
imamAtmAnamadyAhaM jAtamA~Ngirase kule .
svagnau juhomi bhagavanpratigR^ihNIShva mAM balim .. 10\-7\-55 (64258)
bhavadbhaktyA mahAdeva pasmeNa samAdhinA .
asyAmApadi vishvAtmannupAkurmI tavAgrataH .. 10\-7\-56 (64259)
tvayi sarvANi bhUtAni sarvabhUteShu chAsi vai .
guNAnAM hi pradhAnAnAM kaivalyaM tvayi tiShThati .. 10\-7\-57 (64260)
sarvabhUtAshraya vibho havirbhUtamavasthitam .
pratigR^ihANa mAM deva yadyashakyAH pare mayA .. 10\-7\-58 (64261)
ityuktvA drauNirAsthAya tAM devIM dIptapAvakAm .
santyajyAtmAnamAruhya kR^iShNavartmanyupAvishat .. 10\-7\-59 (64262)
tamUrdhvabAhuM nishcheShTaM dR^iShTvA havirupasthitam .
abravIdbhagavAnsAkShAnmahAdevo hasanniva .. 10\-7\-60 (64263)
satyashauchArjavatyAgaistapasA niyamena cha .
kShAntyA bhaktyA cha dhR^ityA cha karmaNA manasA girA .. 10\-7\-61 (64264)
yathAvadahamArAdvaH kR^iShNenAkliShTakarmaNA .
tasmAdiShTatamaH kR^iShNAdanyo mama na vidyate .. 10\-7\-62 (64265)
kurvatA tAta sammAnaM tvAM cha jij~nAsatA mayA .
pA~nchAlAH sarvadA guptA mAyAshcha bahushaH kR^itAH .. 10\-7\-63 (64266)
kR^itastasyaiva sammAnaM pA~nchAlAnrakShatA mayA .
abhibhUtAstu kAlena naiShAmadyAsti jIvitam .. 10\-7\-64 (64267)
evamuktvA mahAtmAnaM bhagavAnAtmanastanum .
Avivesha dadau chAsmai vimalaM kha~Ngamuttamam .. 10\-7\-65 (64268)
athAviShTo bhagavatA bhUyo jajvAla tejasA .
vegavAMshchAbhavadyuddhe devasR^iShTena tejasA .. 10\-7\-66 (64269)
taM dR^iShTvA tAni bhUtAni rakShAMsi cha samAdravan .
abhitaH shibiraM yAntaM droNaputraM mahAratham .
devadevaM haraM sthAuM yAntaM sAkShAdiveshvaram .. ..  10\-7\-67 (64270)

iti shrImanmahAbhArate sauptikaparvaNi saptamo.adhyAyaH .. 7 ..
##Mahabharata - Sauptika Parva - Chapter Footnotes##

10\-7\-1 rathopasthAddadhyau sa prayataH sthitaH iti ka.pAThaH ..
10\-7\-5 so.ahamAtmopahAreNeti jha.pAThaH ..
10\-7\-9 umAbhUShaNatatparamiti jha.pAThaH ..
10\-7\-11 hiraNyadaNDakavachaM chArumaulivibhUShaNamiti ka.pAThaH ..
10\-7\-17 pluvamukhAH maNDUkavaktAH ..
10\-7\-18 dArvAghATaH pakShivisheShaH . mahAgajasavakAshcheti ka.pAThaH ..
10\-7\-38 piNDikA jAnunoradhaH\-\-\-pashchAdbhAgaH ..
10\-7\-53 saumyena somadaivatyena mantreNa ..
10\-7\-7 saptamo.adhyAyaH ..

\medskip\hrule\medskip
sauptikaparva \- adhyAya 008
.. shrIH ..
10\.8\. adhyAyaH 8

##Mahabharata - Sauptika Parva - Chapter Topics##
shibiradvAre kR^ipakR^itavarmANau saMsthApyAntaH praviShTena drauNinA
dhR^iShTadyumnAdipA~nchAlAnAM draupadeyAdInAM cha vadhaH .. 1 ..
bhayAdvahirniShkrAntAnAM kR^ipakR^itavarmakShyAM vadhaH .. 2 ..

##Mahabharata - Sauptika Parva - Chapter Text##

10\-8\-0 (64271)
dhR^itarAShTra uvAcha. 10\-8\-0x (5275)
tathA prayAte shibiraM droNaputre mahArathe .
kachchitkR^ipashcha bhojashcha bhayArtau na vyavartatAm .. 10\-8\-1 (64272)
kachchinna vAritau kShudrau rakShibhirnopalakShitau .
asahyamiti manvAnau na nivR^ittau mahArathau .. 10\-8\-2 (64273)
kachchidunmathya shibiraM hatvA somakapANDavAn .
`kR^itA pratij~nA saphalA kachchitsa~njaya sA nishi'.. 10\-8\-3 (64274)
duryodhanasya padavIM kachchitparamikAM raNe .
`gatvAtiShThadasau drauNiH kR^itvA karma suduShkaram .. 10\-8\-4 (64275)
dhR^iShTadyumnashikhaNDibhyAM draupadyAshcha sutaiH kila .
sa~nChannA medinI suptairnihataiH pANDusainikaiH .. 10\-8\-5 (64276)
pA~nchAlairvA vinihataiH shayAnai rudhirokShitaiH .
kachchinmahItalaM ChannaM tanmamAchakShva sa~njaya'.. 10\-8\-6 (64277)
[pA~nchAlairnihatau vIrau kachchittu svapatAM kShitau .
kachchittAbhyAM kR^itaM karma tanmamAchakShva sa~njaya ..]  10\-8\-7 (64278)
sa~njaya uvAcha. 10\-8\-8x (5276)
tasminprayAte shibiraM droNaputre mahAtmani .
kR^ipashcha kR^itavarmA cha drauNimevAbhyavartatAm .. 10\-8\-8 (64279)
ashvatthAmA tu tau dR^iShTvA yatnavantau mahArathau .
prahR^iShTaH shanakai rAjannidaM vachanamabravIt .. 10\-8\-9 (64280)
yattau bhavantau paryAptau sarvakShatrasya nAshane .
kimpunaryodhasheShasya prasuptasya visheShataH .. 10\-8\-10 (64281)
ahaM pravekShye shibiraM chariShyAmi cha kAlavat .
yathA na kashchidapi vAM jIvanmuchyeta mAnavaH .
tathA bhavaddhyAM kAryaM syAditi me nishchitA matiH ..  10\-8\-11 (64282)
ityuktvA prAvishaddrauNiH pArthAnAM shibiraM mahat .
advAreNAbhyavaskandya vihAya bhayamAtmanaH .. 10\-8\-12 (64283)
sa pravishya mahAbAhuruddeshaj~nashcha tasya ha .
`drauNiH paramasa~NkruddhastejasA prajvalanniva .
tataH paryacharatsarvaM samprasuptaM janaM nishi'..  10\-8\-13 (64284)
dhR^iShTadyumnasya nilayaM shanakairabhyupAgamat ..  10\-8\-14 (64285)
te tu kR^itvA mahatkarma shrAntAshcha balavadraNe .
prasuptA vai suvishvastAH svasainyaparivAritAH .. 10\-8\-15 (64286)
atha pravishya tadveshma dhR^iShTadyumnasya bhArata .
pA~nchAlyaM shayane drauNirapashyatsuptamantikAt .. 10\-8\-16 (64287)
kShaumAvadAte mahati spardvyAstaraNasaMvR^ite .
mAlyapravarasaMyukte dhUpaishchUrNaishcha vAsite .. 10\-8\-17 (64288)
taM shayAnaM mahAtmAnaM visrabdhamakutobhayam .
apothayata pAdena shayanasthaM mahIpate .. 10\-8\-18 (64289)
sambudhya charaNasparshAdutthAya raNadurmadaH .
abhyajAnAdameyAtmA droNaputraM mahAratham .. 10\-8\-19 (64290)
tamutpatantaM shayanAdashvatthAmA mahAbalaH .
kesheShvAlabhya pANibhyAM niShpipeSha mahItale .. 10\-8\-20 (64291)
sa balAttena niShpiShTaH sAdhvasena cha bhArata .
abhyAkrAntashcha nidrAndho nAshakachcheShTituM tadA .. 10\-8\-21 (64292)
`niShpiShya tu tato bhUmau pA~nchAlyaM drauNira~njasA .
dhanuSho jyAM vimuchyAshu krUrabuddhiramarShaNaH .. 10\-8\-22 (64293)
tasya kaNThe.atha baddhvA tAM tvaritaH krodhamUrchChitaH.'
drauNiH krUraM manaH kR^itvA pA~nchAlyamavadhIttadA ..  10\-8\-23 (64294)
tamAkramya padA rAjankaNThe chorasi pAdayoH .
tadantaM visphurantaM cha pashumAramamArayat .. 10\-8\-24 (64295)
`sa vAryamANastarasA balAdbalavatA balI'.
tudannakhaistu sa drauNiM nAtivyaktamudAharat .. 10\-8\-25 (64296)
AchAryaputra shastreNa jahi mAM mA chiraM kR^ithAH .
tvatkR^ite sukR^itAM lokAngachCheyaM dvipadAMvara .. 10\-8\-26 (64297)
evamuktvA tu vachanaM virarAma parantapaH .
sutaH pA~nchAlarAjasya AkrAnto balinA bhR^isham .. 10\-8\-27 (64298)
tasyAvyaktAM tu tAM vachaM saMshrutya drauNirabravIt .
AchAryaghAtinAM lokA na santi kulapAMsana .
tasmAchChastreNa nidhanaM na tvamarhasi durmate ..  10\-8\-28 (64299)
`nR^ishaMsenAtivR^ittena tvayA me nihataH pitA .
tasmAttvamapi vadhyashcha nR^ishaMsena nR^ishaMsakR^it ..'  10\-8\-29 (64300)
evaM bruvANastaM vIraM siMho mattamiva dvipam .
marmasvabhyavadhItkruddhaH pAdaghAtaiH sudAruNaiH .. 10\-8\-30 (64301)
tasya vIrasya shabdena mAryamANasya veshmani .
abudhyanta mahArAja striyo ye chAsya rakShiNaH .. 10\-8\-31 (64302)
te dR^iShTvA dharShayantaM tamatimAnuShavikramam .
bhUtamityadhyavasyanto na sma pravyAharanbhayAt .. 10\-8\-32 (64303)
taM tu tenAbhyupAyena gamayitvA yamakShayam .
adhyatiShThata tejasvI rathaM prApya sudarshanam .. 10\-8\-33 (64304)
sa tasya bhavanAdrAjanniShkramyAnAdayandishaH .
rathena shibiraM prAyAjjighAMsurdviShato balI .. 10\-8\-34 (64305)
apakrAnte tatastasmindroNaputre mahArathe .
sahitaiH rakShibhiH sarvaiH prANeduryoShitastadA .. 10\-8\-35 (64306)
rAjAnaM nihataM dR^iShTvA bhR^ishaM shokaparAyaNAH .
vyAkroshankShatriyAH sarve dhR^iShTadyumnasya bhArata .. 10\-8\-36 (64307)
tAsAM tu tena shabdena samIpe kShatriyarShabhAH .
sambhrAntAH samanahyanta kimetaditi chAbruvan .. 10\-8\-37 (64308)
striyastu rAjanvitrastA bhAradvAjaM nirIkShya tAH .
abrundInakaNThena kShipramAdravateti vai .. 10\-8\-38 (64309)
rAkShaso vA manuShyo vA nainaM jAnIma konvayam .
hatvA pA~nchAlarAjAnaM rathamAruhya tiShThati .. 10\-8\-39 (64310)
tataste yodhamukhyAstaM sahasA paryavArayan .
sa tAnApatataH sarvAnrudrAstreNa vyapothayat .. 10\-8\-40 (64311)
dhR^iShTadyumnaM cha hatvA sa tAMshchaivAsya padAnugAn .
apashyachChayane suptamuttamaujasamantike .. 10\-8\-41 (64312)
tamapyAkramya pAdena kaNThe chorasi tejasA .
tathaiva mArayAmAsa vinardantamarindamam .. 10\-8\-42 (64313)
yudhAmanyushcha vikrAnto matvA taM rAkShasaM sma saH .
gadAmudyamya vegena hR^idi drauNimatADayat .. 10\-8\-43 (64314)
`gadAprahArAbhihato nAchaladdrauNirAhave'.
tamabhidrutya vegena kShitau chainamapAtayat .. 10\-8\-44 (64315)
visphurantaM cha pashuvattathaivainamamArayat .
tathA sa vIro hatvA taM tato.anyAnsamupAdravat .. 10\-8\-45 (64316)
saMsuptAneva rAjendra tatra tatra mahArathAn .
pA~nchAlavIrAnAkramya kruddho nyahanadantike .
sphurato vepamAnAMshcha shamiteva pashUnmakhe ..  10\-8\-46 (64317)
tato nistriMshamAdAya jaghAnAnyAnpR^ithakpR^ithak .
bhAgasho vicharanmArgAnasiyudvavishAradaH .. 10\-8\-47 (64318)
tathaiva gulme samprekShya shayAnAnmadhyagaulmikAn .
shrAntAnvyastAyudhAnsarvAnasinaiva vyapothayat .. 10\-8\-48 (64319)
yodhAnashvAndvipAMshchaiva prAchChinatsa varAsinA .
rudhirokShitasarvA~NgaH kAlasR^iShTa ivAntakaH .. 10\-8\-49 (64320)
visphuradbhishcha tairdrauNirnistriMshasyodyamena cha .
avakShepeNa chaivAsestridhA raktokShito.abhavat .. 10\-8\-50 (64321)
tasya lohitaraktasya dIptakha~Ngasya yudhyataH .
amAnuSha ivAkAro babhau paramabhIShaNaH .. 10\-8\-51 (64322)
ye tvajAgranta kauravya te.api shabdena mohitAH .
vIkShamANAstu te tatra drauNiM dR^iShTvA pravivyathuH .. 10\-8\-52 (64323)
tadrUpaM tasya te dR^iShTvA kShatriyAH shatrukarshanam .
rAkShasaM manyamAnAstaM nayanAni nyamIlayan .. 10\-8\-53 (64324)
sa ghorarUpo vyacharatkAlavachChibire tadA .
apashyaddraupadIputrAnavashiShTAMshcha somakAn .. 10\-8\-54 (64325)
tena shabdena vitrastA dhanurhastA mahArathAH .
dhR^iShTadyumnaM hataM shrutvA draupadeyA vishAmpate .
avAkira~nsharavrAtairbhAradvAjamabhItavat ..  10\-8\-55 (64326)
tatastena ninAdena samprabuddhAH prabhadrakAH .
shilImukhaiH shikhaNDI cha droNaputraM samArdayan .. 10\-8\-56 (64327)
bhAradvAjaH sa tAndR^iShTvA sharavarShANi varShataH .
nanAda balavannAdaM jighAMsustAnmahArathAn .. 10\-8\-57 (64328)
tataH paramasa~NkruddhaH piturvadhamanusmaran .
avaruhya rathopasthAttvaramANo.abhidudruve .. 10\-8\-58 (64329)
sahasrachandravimalaM gR^ihItvA charma saMyuge .
kha~NgaM cha vimalaM divyaM jAtarUpapariShkR^itam .
draupadeyAnabhidrutya kha~Ngena vyadhamadbalI ..  10\-8\-59 (64330)
tataH sa narashArdUlaH prativindhyaM mahAhave .
kukShideshe.avadhIdrAjansa hato nyapatadbhuvi .. 10\-8\-60 (64331)
prAsena viddhvA drauNiM tu sutasomaH pratApavAn .
punashchAsiM samudyamya droNaputramupAdravat .. 10\-8\-61 (64332)
sutasomasya sAsiM taM bAhuM ChittvA nararShabha .
punarapyAhanatpArshve sa bhinnahR^idayo.apatat .. 10\-8\-62 (64333)
nAkulistu shatAnIko rathachakreNa vIryavAn .
dorbhyAmutkShipya vegena vakShasyenamatADayat .. 10\-8\-63 (64334)
atADayachChatAnIkaM muktachakraM dvijastu saH .
sa vihvalo yayau bhUmiM tato.asyApAharachChiraH .. 10\-8\-64 (64335)
shrutakarmA tu parighaM ghoraM gR^ihya durAsadam .
atADayatsamudyamya vegena drauNimutsmayan .. 10\-8\-65 (64336)
sa tu taM shrutakarmANamAsye jaghne varAsinA .
sa hato nyapatadbhUmau vimUrdhA vikR^itAnanaH .. 10\-8\-66 (64337)
tena shabdena vIrastu shrutakIrtirabudhyata .
ashvatthAmAnamAsAdya sharavarShairavAkirat .. 10\-8\-67 (64338)
`sharairAchChAditastena droNaputro mahArathaH .
adR^ishyata mahArAja shvAvichChalalato yathA ..'  10\-8\-68 (64339)
tasyApi sharavarShANi charmaNA prativArya saH .
sakuNDalaM shiraH kAyAdvAjamAnamapAharat .. 10\-8\-69 (64340)
tato bhIShmanihantAraM saha sarvaiH prabhadrakaiH .
Ahanatsarvato vIraM nAnApraharaNairbalAt .. 10\-8\-70 (64341)
shilImukhena chApyenaM bhruvormadhye samArpayat ..  10\-8\-71 (64342)
sa tu krodhasamAviShTo droNaputro mahAbalaH .
shikhaNDinaM samAsAdya dvidhA chichCheda sosinA .. 10\-8\-72 (64343)
shikhaNDinaM tato hatvA krodhAviShTaH parantapaH .
prabhadrakagaNAnsarvAnabhidudrAva vegavAn .. 10\-8\-73 (64344)
yachcha shiShTaM virATasya balaM tu bhR^ishamAdravat .
drupadasya cha putrANAM pautrANAM suhR^idAmapi .
chakAra kadanaM ghoraM dR^iShTvA tatra mahAbalaH ..  10\-8\-74 (64345)
anyAnanyAMshcha puruShAnabhisR^ityAbhisR^itya cha .
nyakR^intadasinA drauNirasimArgavishAradaH .. 10\-8\-75 (64346)
kAlIM raktAsyanayanAM raktamAlyAnulepanAm .
raktAmbaradharAM ghorAM pAshahastAM kuTumbinIm .. 10\-8\-76 (64347)
dadR^ishuH kAlarAtriM te smayamAnAmiva sthitAm .
narAshvaku~njarAnpAshairbaddhA ghoraiH pratasthuShIm .. 10\-8\-77 (64348)
vahantIM vividhAnpretAnpAshabadvAnvimUrdhajAn .
tathaiva cha sadA rAjannyastashastrAnmahArathAn .. 10\-8\-78 (64349)
svapne suptAnnayantIM tAM rAtriShvanyAsu mAriSha .
dadR^ishuryodhamukhyAste ghnantaM drauNiM cha nityadA .. 10\-8\-79 (64350)
yataH prabhR^iti sa~NgrAmaH kurupANDavasenayoH .
tataH prabhR^iti tAM kanyAmapashyandrauNimeva cha .. 10\-8\-80 (64351)
tAMstu daivahatAnpUrvaM pashchAddrauNirvyapAtayat .
trAsayansarvabhUtAni vinadanbhairavAnravAn .. 10\-8\-81 (64352)
tadanusmR^itya te vIrA darshanaM pUrvakAlikam .
idaM tadityamanyanta daivenopanipIDitAH .. 10\-8\-82 (64353)
tatastena ninAdena pratyabudhyanta dhanvinaH .
shibire pANDaveyAnAM shatasho.atha sahasrashaH .. 10\-8\-83 (64354)
so.achChinatkasyachitpadau jaghanaM chaiva kasyachit .
kAMshchidbibhedapArshveShu kAlasR^iShTa ivAntakaH .. 10\-8\-84 (64355)
atyugrapratipiShTaishcha nadadbhishcha bhR^ishotkaTaiH .
gajAshvamathitaishchAnyairmahI kIrNA.abhavatprabho .. 10\-8\-85 (64356)
kroshatAM kimidaM ko.ayaM kaH shabdaH kinnu kiM kR^itam .
pA~nchAlAnAM tathA drauNirantakaH samapadyata .. 10\-8\-86 (64357)
apetashastrasannAhAnsannadvAnpANDusR^i~njayAn .
prAhiNonmR^ityulokAya drauNiH praharatAM varaH .. 10\-8\-87 (64358)
tatastachChastravitrastA bhayAdabhyapatannarAH .
nidrAndhA naShTasaMj~nAshcha tatratatra nipetire .. 10\-8\-88 (64359)
UrustambhagR^ihItAshcha kashmalAbhihataujasaH .
vinadanto bhR^ishaM trastA niraikShanta parasparam .. 10\-8\-89 (64360)
tato rathaM punardrauNirAsthito bhImadarshanaH .
dhanuShpANiH sharairanyAnpraiShayadvai yamakShayam .. 10\-8\-90 (64361)
punarutpatatashchApi dUrAdapi narottamAn .
shUrAnsampatatashchAnyAnkAlarAtryai nyavedayat .. 10\-8\-91 (64362)
tathaiva syandanAgreNa pramathansa vyarochata .
sharavarShaishcha vividhairavarShachChAtravAMstataH .. 10\-8\-92 (64363)
punashcha suvichitreNa shatachandreNa charmaNA .
tena chAkAshavarNena tathAcharata so.asinA .. 10\-8\-93 (64364)
tathA sa shibiraM teShAM drauNirAhavadurmadaH .
vyakShobhayata rAjendra mahAhdamiva dvipaH .. 10\-8\-94 (64365)
utpetustena shabdena yodhA rAjanvichetasaH .
nidrArtAshcha bhayArtAshcha vyadhAvanta tatastataH .. 10\-8\-95 (64366)
visvaraM chukrushushchAnye bahvabadvaM tathA.avadan .
na cha sma pratyapadyanta shastrANi vasanAni cha .. 10\-8\-96 (64367)
vimuktakeshAshchApyanye nAbhyajAnanparasparam .
utpatanto.apata~nshrAntAH kechittatrAbhramaMstadA .
purIShamasR^ijankechitkechinmUtraM prasusruvuH ..  10\-8\-97 (64368)
bandhanAni cha rAjendra sa~nChidya turagA dvipAH .
samaM paryapataMshchAnye kurvanto mahadAkulam .. 10\-8\-98 (64369)
tatra kechinnarA bhItA vyalIyanta mahItale .
tathaiva tAnnipatitAnapiMShangajavAjinaH .. 10\-8\-99 (64370)
tasmiMstathA vartamAne rakShAMsi puruSharShabha .
hR^iShTAni vyanadannuchchairmudA yuktAni sattama .. 10\-8\-100 (64371)
sa shabdaH prerito rAjanbhUtasa~NghairmudA yutaiH .
apUrayaddishaH sarvA divaM chAtimahAnsvanaH .. 10\-8\-101 (64372)
teShAmArtaravaM shrutvA vitrastA gajavAjinaH .
muktAH paryapatanrAjanmR^idgantaH shibire janam .. 10\-8\-102 (64373)
taistatra paridhAvadbhishcharaNodIritaM rajaH .
akarochChibire teShAM rajanyAM dviguNaM tamaH .. 10\-8\-103 (64374)
tasmiMstamasi sa~njAte pramUDhAH sarvato janAH .
nAjAnanpitaraH putrAnbhrAtR^InbhrAtara eva cha .. 10\-8\-104 (64375)
gajo rAjAnatikramya nirmanuShyA hayA hayAn .
atADayaMstathA.abha~njaMstathA.amR^idgaMshcha bhArata .. 10\-8\-105 (64376)
te bhagnAH prapatanti sma mR^idrantashcha parasparam .
nyapAtayaMstathA chAnyAnpAtayitvA tadA.apiShan .. 10\-8\-106 (64377)
vichetasaH sanidrAshcha tamasA chAvR^itA narAH .
jaghruH svAneva tatrAtha kAlenaiva prachoditAH .. 10\-8\-107 (64378)
tyaktvAdvArANi cha dvAsthAstathAgulmAnigaulmikAH .
prAdravanta yathAshakti kAMdishIkA vichetasaH .. 10\-8\-108 (64379)
vipranaShTAshcha te.anyonyaM nAjAnantastathA vibho .
kroshantastAta putreti daivopahatachetasaH .. 10\-8\-109 (64380)
palAyatAM dishasteShAM svAnapyutsR^ijya bAndhavAn .
gotranAmabhiranyonyamAkrandanta tato janAH .. 10\-8\-110 (64381)
hAhAkAraM cha kurvANAH pR^ithivyAM sherate pare .
tAnbuddhA raNamadhye.asau droNaputro vyapothayat .. 10\-8\-111 (64382)
tatrApare vadhyamAnA muhurmahurachetasaH .
shibirAnniShpatanti sma kShatriyA bhayapIDitAH .. 10\-8\-112 (64383)
tAMstu niShpatitAMstrastA~nshibirAjjIvitaiShiNaH .
kR^itavarmA kR^ipashchaiva dvAradeshe nijaghnatuH .. 10\-8\-113 (64384)
visastayantrakavachAnmuktakeshAnkR^itA~njalIn .
vepamAnAnkShitau bhItAntraiva kAMshchidamuchyatAm .. 10\-8\-114 (64385)
nAmuchyata tayoH kashchinniShkrAntaH shibirAdbahiH ..
kR^ipashchaiva mahArAja hArdikyashchaiva durmatiH.  10\-8\-115 (64386)
bhUyashchaiva chikIrShantau drauNaputrasya tau priyam .
triShu desheShu dadatuH shibirasya hutAshanam .. 10\-8\-116 (64387)
tataH prakAshe shibire kha~Ngena pitR^inandanaH .
ashvatthAmA mahArAja vyacharatkR^itahastavat .. 10\-8\-117 (64388)
kAMshchidApatato vIrAnaparAMshchaiva dhAvataH .
vyayojayata kha~Ngena prANairdvijavarottamaH .. 10\-8\-118 (64389)
kAMshchidyodhAnsa kha~Ngena madhye sa~nChidya vIryavAn .
ashAtayaddroNaputraH saMrabdhastilakANDavat .. 10\-8\-119 (64390)
ninadadbhirbhR^ishAyastairnarAshvadviradottamaiH .
patitairabhavatkIrNA medinI bharatarShabha .. 10\-8\-120 (64391)
mAnuShANAM sahasreShu hateShu patiteShu cha .
udatiShThankabandhAni bahUnyutthAya chApatan .. 10\-8\-121 (64392)
sAyudhAnsA~NgadAnbAhUnvichakarta shirAMsi cha .
hastihastopamAnUrUnhastAnpAdAMshcha bhArata .. 10\-8\-122 (64393)
pR^iShThachChinnAnpArshvachChinnA~nshirashChinnAMstathAparAn .
sa mahAtmAkaroddrauNiH kAMshchichchApi parA~NmukhAn .. 10\-8\-123 (64394)
madhyadeshe narAnanyAMshchichChedAnyAMshcha karNataH .
aMsadeshe nihatyAnyAnkAye prAveshayachChiraH .. 10\-8\-124 (64395)
evaM hi bahubhiH shastrairghnato.api balavattarAn .
tamasA rajanI ghorA babhau dAruNadarshanA .. 10\-8\-125 (64396)
ki~nchitprANaishcha puruShairhataishchAnyaiH sahasrashaH .
bahunA cha gajAshvena bhUtabhUdbhImadarshanA .. 10\-8\-126 (64397)
yakSharakShaHsamAkIrNe rathAshvadvipadAruNe .
kruddhena droNaputreNa sa~nChinnAH prApatanbhuvi .
bhrAtR^Inanye pitR^Inanye putrAnanye vichukrushuH ..  10\-8\-127 (64398)
kechidUchurna tatkruddhairdhArtarAShTraiH kR^itaM raNe .
yatkR^itaM naH prasuptAnAM rakShobhiH krUgkarmabhiH .
asAnnidhyAdvi pArthAnAmidaM vaH kadanaM kR^itam ..  10\-8\-128 (64399)
na chAsurairna gandharvairna yakShairna cha rAkShasaiH .
shakyo vijetuM kaunteyo netA yasya janArdanaH .
brahmaNyaH matyavAgdAntaH sarvabhUtAnukampakaH ..  10\-8\-129 (64400)
na cha suptaM pramattaM vA nyastashastraM kR^itA~njalim .
dhAvantaM muktakeshaM vA hanti pArtho dhana~njayaH .. 10\-8\-130 (64401)
tadidaM naH kR^itaM ghoraM rakShobhiH krUrakarmabhiH .
iti lAlapyamAnAH sma sherate bahavo janAH .. 10\-8\-131 (64402)
stanatAM cha manuShyANAmapareShAM cha kUjatAm .
tato muhUrtAtprAshAmyatsa shabdastumulo mahAn .. 10\-8\-132 (64403)
shoNitavyatiShiktAyAM vasudhAyAM cha bhUmipa .
tadrajastumulaM ghoraM kShaNenAntaradhIyata .. 10\-8\-133 (64404)
sa cheShTamAnAnudvignAnnirutsAhAnsahasrashaH .
nyapAtayannarAnkrudvaH pashUnpashupatiryathA .. 10\-8\-134 (64405)
anyonyaM sampariShvajya shayAnA~njIvato.aparAn .
saMlInAnyudhyamAnAMshcha sarvAndrauNirapothayat .. 10\-8\-135 (64406)
brahmamAnA hutAshena vadhyamAnAshcha tena te .
parasparaM tadA yodhAnanayadyamasAdanam .. 10\-8\-136 (64407)
tasyA rajanyAstvardhena pANDavAnAM mahadbalam .
gamayAmAsa rAjendra drauNiryamaniveshanam .. 10\-8\-137 (64408)
nishAcharANAM satvAnAM rAtriH sA harShavardhinI .
AsInnaragajAshvAnAM raudrI kShayakarI bhR^isham .. 10\-8\-138 (64409)
tatrAdR^ishyanta rakShAMsi pishAchAshcha pR^ithagvidhAH .
khAdanto naramAMsAni pibantaH shoNitAni cha .. 10\-8\-139 (64410)
karAlAH pi~NgalA raudrAH shailadantA rajasvalAH .
jaTilA bhImavaktrAshcha pa~nchapAdA mahodarAH .. 10\-8\-140 (64411)
pa~nchAda~Ngulayo rUkShA virUpA bhairavasvanAH .
gajAnanAshcha hasvAshcha nIlavarNA bibhIShaNAH .. 10\-8\-141 (64412)
saputradArAH sukrUrAH sudurdarshAH sunirghR^iNAH .
vividhAni cha rUpANi tatrAdR^ishyanta rakShasAm .. 10\-8\-142 (64413)
pItvA cha shoNitaM hR^iShTAH prAnR^ityangaNasho.apare .
idaM paramidaM medhyamidaM svAdviti chAbruvan .. 10\-8\-143 (64414)
medomajjAsthiraktAnAM mAMsAnAM cha bhR^ishAshitAH .
pare mAMsAni khAdantaH kravyAdA mAMsajIvinaH .. 10\-8\-144 (64415)
vasAshchaivApare pItvA paryadhAvanvikukShikAH .
nAnAvaktrAstathA raudrAH kravyAdAH pishitAshanAH .. 10\-8\-145 (64416)
ayutAni cha tatrAsanprayutAnyarbudAni cha .
rakShasAM ghorarUpANAM mahatAM krurakarmaNAm .. 10\-8\-146 (64417)
muditAnAM vitR^iptAnAM tasminmahati vaishase .
sametAni bahUnyAsanbhUtAni cha janAdhipa.  10\-8\-147 (64418)
evaMvidhA hi sA rAtriH somakAnAM janakShaye .
prasuptAnAM pramattAnAmAsItsubhR^ishadAruNA .. 10\-8\-148 (64419)
asaMshayaM hi kAlasya paryAyo duratikramaH .
tAdR^ishA nihatA yatra kR^itvA.asmAkaM janakShayam .. 10\-8\-149 (64420)
dhR^itarAShTra uvAcha. 10\-8\-150x (5277)
prAgeva sumahatkarma drauNiretanmahArathaH .
nAkarodIdR^ishaM kasmAnmatputravijaye dhR^itaH .. 10\-8\-150 (64421)
atha kasmAdvate kShatre karmedaM kR^itavAnasau .
droNaputro mahAtmA sa tanme shaMsitumarhasi .. 10\-8\-151 (64422)
sa~njaya uvAcha. 10\-8\-152x (5278)
teShAM nUnaM bhayAnnAsau kR^itavAnkurunandana .
asAnnidhyAddhi pArthAnAM keshavasya cha dhImataH .
sAtyakeshchApi karmedaM dromaputreNa sAdhitam ..  10\-8\-152 (64423)
ko hi teShAM samakShaM tAnhanyAdapi marutpatiH .
etadIdR^ishakaM vR^ittaM rAjansuptajane vibho .. 10\-8\-153 (64424)
tato janakShayaM kR^itvA pANDavAnAM mahAtyayam .
pratyUShakAle shibirAtpratigantumiyeSha saH .. 10\-8\-154 (64425)
nR^ishoNitAvasiktasya drauNerAsIdasitsaruH .
pANinA saha saMshliShTa ekIbhUta iva prabho .. 10\-8\-155 (64426)
sa niHsheShAnarInkR^itvA virarAma nishAkShaye .
yugAnte sarvabhUtAni bhasma kR^itveva pAvakaH .. 10\-8\-156 (64427)
yathApratij~naM tatkarma kR^itvA drauNAyaniH prabho .
durgamAM padavIM gachChanpiturAsIdgatajvaraH .. 10\-8\-157 (64428)
yathaiva saMsuptajane shibire prAvishannishi .
tathaiva hatvA niHshabdo nishchakrAma nararShabhaH .. 10\-8\-158 (64429)
niShkramya shibirAttasmAttAbhyAM sa~Ngamya vIryavAn .
Achakhyau karma tatsarvaM hR^iShTaH saMharShayanvibho .. 10\-8\-159 (64430)
tAvathAchakhyatustasmai priyaM priyakarau tadA .
pA~nchAlAnsR^i~njayAMshchaiva vinikR^ittAnsahasrashaH .. 10\-8\-160 (64431)
prItyA chochchairudrakroshaMstathaivAsphoTayaMstalAn .
diShTyAdiShTyeti chAnyonyaM sametyochurmahArathAH .. 10\-8\-161 (64432)
paryaShvajattato drauNistAbhyAM sampratinanditaH .
idaM harShAttu sumahadAdade vAkyamuttamam .. 10\-8\-162 (64433)
pA~nchAlA nihatAH sarve draupadeyAshcha sarvashaH .
somakA matsyasheShAshcha sarve vinihatA mayA .. 10\-8\-163 (64434)
idAnIM kR^itakR^ityAH sma yAma tatraiva mA chiram .
yadi jIvati no rAjA tasmai shaMsAmahe priyam .. .. 10\-8\-164 (64435)

iti shrImanmahAbhArate sauptikaparvaNi aShTamo.adhyAyaH .. 8 ..
##Mahabharata - Sauptika Parva - Chapter Footnotes##

10\-8\-7 pA~nchAlaiH pUrvaM nihatau santau svapatAM kachchit kopAt
svapatAM pA~nchAlAnAM karma vadhAkhyaM tAbhyAM kachchitkR^itamiti
sambandhaH ..
10\-8\-8 shibiradvAryatiShThatAmiti jha.pAThaH ..
10\-8\-11 vAM yuvAM prApyeti sheShaH ..
10\-8\-13 uddeshaj~naH dhR^iShTadyumnasthalaj~naH ..
10\-8\-30 pAdAShThIlairiti jha.pAThaH . tatra pAdAShThIlaiH
pAdagranthibhiH. pArShNighAtairityarthaH ..
10\-8\-50 taishChinnagAtrairvisphuradbhisteShAM sharIrAduchchaladbhI
raktabindubhirityarthaH ..
10\-8\-87 pANDusR^i~njayAn pANDavasambandhinaH sR^i~njayAn
. pANDorgotrApatyAni sR^i~njayAshcha tAnvA ..
10\-8\-105 abha~njan gAtrANyanamayan . amR^idran parasparaM marditavantaH ..
10\-8\-106 apiShan apiMShan ..
10\-8\-144 bhR^ishAshitAH bhR^ishaM saMntarpitAH ..
10\-8\-145 vikukShikAH vipulakukShayaH ..
10\-8\-8 aShTamo.adhyAyaH ..

\medskip\hrule\medskip
sauptikaparva \- adhyAya 009
.. shrIH ..
10\.9\. adhyAyaH 9

##Mahabharata - Sauptika Parva - Chapter Topics##
drauNikR^ipakR^itavarmabhirduryodhanametya shochanam .. 1 ..
duryodhanamprati drauNinA suptajavadhakathanam .. 2 ..
duryodhanena prANatyAgaH .. 3 ..
drauNyAdInAM nagaragamanam .. 4 ..
sa~njayasya vyAsAnugrahaprAptadivyaj~nAnanAshaH .. 5 ..

##Mahabharata - Sauptika Parva - Chapter Text##

10\-9\-0 (64436)
sa~njaya uvAcha. 10\-9\-0x (5279)
te hatvA sarvapA~nchAlAndraupadeyAMshcha sarvashaH .
AgachChansahitAstatra yatra duryodhano hataH .. 10\-9\-1 (64437)
gatvA chainamapashyanta ki~nchitprANaM janAdhipam .
tato rathebhyaH praskandya parivavrustavAtmajam .. 10\-9\-2 (64438)
taM bhagrasakthaM rAjendra kR^ichChraprANamachetasam .
vamantaM rudhiraM vaktrAdapashyanvasudhAtale .. 10\-9\-3 (64439)
vR^itaM samantAdbahubhiH shvApadairghoradarshanaiH .
sAlAvR^ikagaNaishchaiva bhakShayiShyadbhirantikAt .. 10\-9\-4 (64440)
nirAyantaM kR^ichChrAttA~nshvApadAMshcha chikhAdiShUn .
viveShTamAnamurubhyAM subhR^ishaM gADhavedanam .. 10\-9\-5 (64441)
taM shayAnaM tathA dR^iShTvA bhUmau surudhirokShitam .
hatashiShTAstrayo vIrAH shokArtAH paryadevayan .
ashvatthAmA kR^ipashchaiva kR^itavarmA cha sAtvataH ..  10\-9\-6 (64442)
taistribhiH shoNitAdigdhaurniH shvasadbhirmahArathaiH .
shushubhe sa vR^ito rAjA vedI tribhirivAgnibhiH .. 10\-9\-7 (64443)
te taM shayAnaM samprekShya rAjAnamatathochitam .
aviShahyena duHkhena tataste rurudustrayaH .. 10\-9\-8 (64444)
tatastu rudhiraM hastairmukhAnnirmR^ijya tasya hi .
raNe rAj~naH shayAnasya kR^ipaH samparyadevayat .. 10\-9\-9 (64445)
kR^ipa uvAcha. 10\-9\-10x (5280)
na daivasyAtibhAro.asti yadayaM rudhirokShitaH .
ekAdashachamUbhartA shete duryodhano hataH .. 10\-9\-10 (64446)
pashya chAmIkarAbhasya chAmIkaravibhUShitAm .
gadAM gadApriyasyemAM samIpe patitAM bhuvi .. 10\-9\-11 (64447)
iyamenaM gadA shUraM na jahAti raNeraNe .
svargAyApi vrajantaM hi na jahAti yashasvinam .. 10\-9\-12 (64448)
pashyemAM saha vIreNa jAmbUnadavibhUShitAm .
shayAnAM shayane harmye bhAryAM prItimatImiva .. 10\-9\-13 (64449)
yo.ayaM mUrdhAbhiShiktAnAmagre yAti parantapaH .
sa hato grasate pAMsUnpashya kAlasaya paryayam .. 10\-9\-14 (64450)
yenAjau nihatA bhUmau sherate kShatriyarShabhAH .
sa bhUmau nihataH shete kururAjaH parairayam .. 10\-9\-15 (64451)
bhayAnnamanti rAjAno yasya sma shatasa~NghashaH .
sa vIrashayane shete kravyAdbhiH parivAritaH .. 10\-9\-16 (64452)
yamupAsannR^ipAH pUrvamarthahetormahIpatim .
upAtpate cha taM hyadya kravyAdA mAMsagR^iddhinaH .. 10\-9\-17 (64453)
sa~njaya uvAcha. 10\-9\-18x (5281)
taM shayAnaM kurushreShThaM tato bharatasattamam .
ashvatthAmA samAli~Ngya karuNaM paryadevayat .. 10\-9\-18 (64454)
AhustvAM rAjashArdUla mukhyaM sarvadhanuShmatAm .
dhanAdhyakShopamaM yuddhe shiShyaM sa~NkarShaNasya cha .. 10\-9\-19 (64455)
kathaM vivaramadrAkShIdbhImasenastavAnagha .
balinaM kR^itino nityaM sUdaH pApAtmavAnnR^ipa .. 10\-9\-20 (64456)
kAlo nUnaM mahArAja loke.asminbalavattaraH .
pashyAmo nihataM tvAM cha bhImasenena saMyuge .. 10\-9\-21 (64457)
kathaM tvAM sarvadharmaj~naM kShudraH pApo vR^ikodaraH .
nikR^ityA hatavAnmando nUna kAlo duratyayaH .. 10\-9\-22 (64458)
dvandvayuddhe hyadharmeNa samAhUyaujasA mR^idhe .
gadayA bhImasenena nirbhagne sakthinI tava .. 10\-9\-23 (64459)
adharmeNa hatasyAjau mR^idyamAnaM padA shiraH .
ya upekShitavAnkShudraM dhiktamastu\-\-yudhiShThiram .. 10\-9\-24 (64460)
yuddheShvapavadiShyanti yodhA nUnaM vR^ikodaram .
yAvatsthAsyanti bhUtAni nikR^ityA hyasi pAtitaH .. 10\-9\-25 (64461)
nanu rAmo.abravIdrAjaMstvAM sadA yadunandanaH .
duryodhanasamo nAsti gadAyAmiti vIryavAn .. 10\-9\-26 (64462)
shlAghate tvAM hi vArShNeyo rAjansaMsatsu bhArata .
sa shiShyo mama kauravyo gadAyuddha iti prabho .. 10\-9\-27 (64463)
yAM gatiM kShatriyasyAhuH prashastAM paramarShayaH .
hatasyAbhimukhasyAjau prAptastvamasi tAM gatim .. 10\-9\-28 (64464)
duryodhana na shochAmi tvAmahaM puruSharShabha .
hataputrau tu shochAmi gAndhArIM piraM cha te .. 10\-9\-29 (64465)
dvAvanAthau kR^itau vIra tvayA nAthena vardhitau .
bhikShukau vichariShyete shochantau pR^ithivImimAm .. 10\-9\-30 (64466)
ghigastu kR^iShNaM vArShNeyamarjunaM chApi durmatim .
dharmaj~namAnimau yau tvAM vadhyamAnamupekShatAm .. 10\-9\-31 (64467)
pANDavAshchApi te sarve kiM vakShyanti narAdhipa .
kathaM duryodhano.asmAbhirhata ityanapatrapAH .. 10\-9\-32 (64468)
dhanyastvamasi gAndhAre yasvamAyodhane hataH .
prayAto.abhimukhaH shatrUndharmeNa puruSharShabha .. 10\-9\-33 (64469)
hataputrA hi gAndhArI nihataj~nAtibAndhavA .
praj~nAchakShushcha durdharShaH kAM dashAM pratipatsyate .. 10\-9\-34 (64470)
dhigastu kR^itavarmANaM mAM kR^ipaM cha mahAratham .
ye vayaM na gatAH svargaM tvAM puraskR^itya pArthivam .. 10\-9\-35 (64471)
dAtAraM sarvakAmAnAM rakShitAraM prajAhitam .
yadvayaM nAnugachChAma tvAM dhigasmAnnarAdhamAn .. 10\-9\-36 (64472)
kR^ipasya tava vIryeNa mama chaiva pitushcha me .
sabhR^ityAnAM naravyAghra ratnavanti gR^ihANi cha .. 10\-9\-37 (64473)
tava prasAdAdasmAbhiH samitraiH saha bAndhavaiH .
avAptAH kratavo mukhyA bahavo bhUridakShiNAH .. 10\-9\-38 (64474)
kutashchApIdR^ishaM pApAH pravartiShyAmahe vayam .
yAdR^ishena puraskR^itya tvaM gataH sarvapArthivAn .. 10\-9\-39 (64475)
vayameva trayo rAjangachChantaM paramAM gatim .
yadvai tvAM nAnugachChAbhastena tapsyAmahe vayam.  10\-9\-40 (64476)
tatsvargahInA hInArthAH smarantaH sukR^itasya te .
kiM nAma tadbhavetkarma yena tvAM na vrajAma vai .. 10\-9\-41 (64477)
duHkhaM nUna kurushreShTha chariShyAma mahImimAm .
hInAnAM nastvayA rAjankutaH shAntiH kutaH sukhaM .. 10\-9\-42 (64478)
gatvaiva tu mahArAja sametya cha mahArathAn .
yathAjyeShThaM yathAshreShThaM pUjayervachanAnmama .. 10\-9\-43 (64479)
AchAryaM pUjayitvA cha ketuM sarvadhanuShmatAm .
hataM mayA.adya shaMshethA dR^iShTadyumnaM narAdhipa .. 10\-9\-44 (64480)
pariShvajethA rAjAnaM bAhlikaM sumahAratham .
saindhavaM somadattaM cha bhUrishravasameva cha .. 10\-9\-45 (64481)
tathA pUrvagatAnanyAnsvarge pArthivasatmAn .
asmadvAkyAtpariShvajya sampR^ichChesvamanAmayam .. 10\-9\-46 (64482)
sa~njaya uvAcha. 10\-9\-47x (5282)
ityevamukvA rAjAnaM bhagnasakthamachetasam .
ashvatthAmA laghuprANaM punarvachanamabravIt .. 10\-9\-47 (64483)
duryodhana jIvasi chedvAkyaM shrotramukhaM shR^iNu .
sap pANDavataH shiShTA dhArtarAShTrAstrayo vayam .. 10\-9\-48 (64484)
te chaiva bhrAtaraH pa~ncha vAsudevo.atha sAtyakiH .
ahaM cha kR^itavarmA cha kR^ipaH shAradvatastathA .. 10\-9\-49 (64485)
draupadeyA hatAH sarve dhR^iShTadyumnasya chAtmajAH .
pa~nchAlA nihatAH sarve matsyasheShaM cha bhArata .. 10\-9\-50 (64486)
kR^ite pratikR^itaM pashya hataputrA hi pANDavAH .
sauptike shibiraM teShAM hataM sanaravAhanam .. 10\-9\-51 (64487)
mayA cha pApakarmA.asau dhR^iShTadyumno mahIpate .
pravishya shibiraM rAtrau pashumAreNa mAritaH .. 10\-9\-52 (64488)
duryodhanastu tAM vAchaM nishamya manasaH priyAm .
pratilabhya punashcheta idaM vachanamabravIt .. 10\-9\-53 (64489)
na me.akarotdgA~Ngeyo na karNo na cha te pitA .
yattvayA kR^ipabhojAbhyAM sahitenAdya me kR^itam .. 10\-9\-54 (64490)
sa cha senApatiH kShudro hataH sArdhaM shikhaNDinA .
tena manye maghavatA samamAtmAnamadya vai .. 10\-9\-55 (64491)
svasti prApnuta bhadraM vaH svarge naH sa~NgamaH punaH .
ityevamuktvA putraste kururAjo mahAmanAH .. 10\-9\-56 (64492)
prANAnupAsR^ijadvIraH suhR^idAM duHkhamAdadhat .
apAkrAmaddivaM puNyAM sharIraM kShitimAvishat .. 10\-9\-57 (64493)
evaM te nidhanaM yAtaH putro duryodhano nR^ipa .
agre yAtvA raNe shUraH pashrAdvinihataH paraiH .. 10\-9\-58 (64494)
tathaiva te pariShvaktAH pariShvajya cha te nR^ipam .
punaH punaH prekShamANAH svakAnAruruhU rathAn .. 10\-9\-59 (64495)
ityevaM droNaputrasya nishamya karuNAM giram .
pratyUShakAle shokArtAH prAdravannagaraM prati .. 10\-9\-60 (64496)
evameSha kShayo vR^ittaH kurupANDavasenayoH .
ghoro vishasano raudro rAjandurmantrite tava .. 10\-9\-61 (64497)
tava putre gate svargaM shokArsya mamAnagha .
R^iShidattaM pranaShTaM taddivyadarshitvamadya vai .. 10\-9\-62 (64498)
vaishampAyana uvAcha. 10\-9\-63x (5283)
iti shrutvA sa nR^ipatirj~nAtiputravadhaM tadA .
niHshvasya dIrghamuShNaM cha tatashchintAparo.abhavat .. .. 10\-9\-63 (64499)

iti shrImanmahAbhArate sauptikaparvaNi navamo.adhyAyaH .. 9 ..
##Mahabharata - Sauptika Parva - Chapter Footnotes##

10\-9\-17 upAsata dvijAH pUrvamarthahetoryamIshvaramiti jha.pAThaH ..
10\-9\-23 dharmayuddhe hyadharmeNeti jha.pAThaH ..
10\-9\-9 navamo.adhyAyaH ..

\medskip\hrule\medskip
sauptikaparva \- adhyAya 010
.. shrIH ..
10\.10\. adhyAyaH 10

##Mahabharata - Sauptika Parva - Chapter Topics##
daivAdurvaritena dR^iShTadyumnasArathinA yudhiShThirAya rAtrau
vR^ittashibiravR^ittAntavinedanam .. 1 ..
tachChravaNena draupadyAnayanAya nakulabhAdishya shibirabhuvamupAgatavatA
yudhiShThireNa gR^itanijajanAvalokanena paridevanam .. 2 ..

##Mahabharata - Sauptika Parva - Chapter Text##

10\-10\-0 (64500)
vaishampAyana uvAcha. 10\-10\-0x (5284)
tasyAM rAtryAM vyatItAyAM dhR^iShTadyumnasya sArathiH .
gatvA shashaMsa pANDubhyaH sauptike kadanaM kR^itam .. 10\-10\-1 (64501)
sUta uvAcha. 10\-10\-2x (5285)
draupadeyA hatA rAjandrupadasvAtmajaiH saha .
pramattA nishi vishvastAH svapantaH shibire svake .. 10\-10\-2 (64502)
gautamena nR^ishaMsena bhojena kR^itavarmaNA .
ashvatthAnnA cha pApena hataM vaH shibiraM nishi .. 10\-10\-3 (64503)
etairnaragajAshvAnAM prAsashaktiparashvayaiH .
sahasrAmi vikR^indbhirniH sheShaM shibiraM kR^itam .. 10\-10\-4 (64504)
`##xxxxxx##vihagaphalabhAranatasya ha.'
##xxxxxxx##mahato vanasyeva parashvathaiH .
##xxxxxxxx## sumahA~nshabdo balasya tava bhArata ..  10\-10\-5 (64505)
mahameko.abashiShTastu tasmAtsainyAmahIpate .
muktaH katha~nchiddharmAtmanvyagrAchcha kR^itavarmaNaH .. 10\-10\-6 (64506)
tachChrutvA vAkyamashivaM kuntIputro yudhiShThiraH .
papAta mahyAM dharmAtmA putrashokasamanvitaH .. 10\-10\-7 (64507)
patantaM tamatikramya parijagrAha sAtyakiH .
bhImaseno.arjunashchaiva mAdrIputrau cha pANDavau .. 10\-10\-8 (64508)
labdhachetAstu kaunteyaH shokavihvalayA girA .
jitvA shatrU~njitaH pashchAtparyadevayadArtavat .. 10\-10\-9 (64509)
`agamyA gatirarthAnAM karmaNAmIshvarasya cha'.
durvidA gatirarthAnAmapi ye divyachakShuShaH .
jIyamAnA jayantyanye jayamAnA vayaM jitAH ..  10\-10\-10 (64510)
hatvA bhrAtR^InvayasyAMshcha pitR^InputrAnsuhR^idgaNAn .
bandhUnamAtyAnpautrAMshcha jitvA sarvA~njitA vayam .. 10\-10\-11 (64511)
anartho hyarthasa~NkAshastathA.anartho.arthadarshanaH .
jayo.ayamajayAkAro jayastasmAtparAjayaH .. 10\-10\-12 (64512)
yajjitvA tapyate pashchAdApanna iva durmatiH .
kathaM manyeta vijayaM tato jitataraH paraiH .. 10\-10\-13 (64513)
yeShAmarthAya pApaM syAdvijayasya suhR^idvadhaiH .
nirjitairapramattairhi vijitA jitakAshinaH .. 10\-10\-14 (64514)
karNinAlIkadaMShTrasya sva~Ngajihvasya saMyuge .
chApavyAttAsyaraudrasya jyAtalasvananAdinaH .. 10\-10\-15 (64515)
kruddhasya narasiMhasya sa~NgrAmeShvapalAyinaH .
ye vyamu~nchanta karNasya pramAdAtta ime hatAH .. 10\-10\-16 (64516)
rathahadaM sharavarShormimantaM
ratnAchitaM vAhanayodhabR^indam .
shaktyR^iShTimInadhvajanAganakraM
sharAsanAvartamaheShuphenam ..  10\-10\-17 (64517)
sa~NgrAmachandrodayavegavelaM
droNArNavaM jyAtalanemighoSham .
ye teruruchchAvachashastranaubhi\-\-
ste rAjaputrA nihatAH pramAdAt ..  10\-10\-18 (64518)
na hi pramAdAtparamasti kashcha\-\-
dvadho narANAmiha jIvaloke .
pramattamarthA hi naraM samantA\-\-
ttyajantyanarthAshcha samAvishanti ..  10\-10\-19 (64519)
dhvajottamAgrochChritadhUmaketuM
sharArchiShaM dIptamahApatAkam .
mahAdhanurjyAtalanemighoShaM
tanutranAnAvidhashastrahomam ..  10\-10\-20 (64520)
mahAchamUkakShadavAbhipannaM
mahAhave bhIShmamahAdavAgnim .
ye teruruchchAvachashastravegai\-\-
ste rAjaputrA nihatAH pramAdAt ..  10\-10\-21 (64521)
na hi pramattena nareNa shakya\-\-
mAptuM vasu shrIrvipulaM yasho vA .
pashyApramAdena nihatya shatrU\-\-
nsarvAnmahendraM sukhamedhamAnam ..  10\-10\-22 (64522)
indropamAnpArthivaputrapautrA\-\-
npashyAvisheSheNa hatAnpramAdAt .
tIrtvA samudraM jaNijaH samR^idvA .
magnAH kunadyAmiva sIdamAnAH ..  10\-10\-23 (64523)
amarShitairye nihatA narendrA
niHsaMshayaM te tridivaM prapannAH .
kR^iShNAM tu shochAmi kathaM nu sAdhvI
shokArNavaM sA viShahiShyatIti ..  10\-10\-24 (64524)
bhAtR^iMshcha putrAMshcha hatAnnishamya
pA~nchAlasarAjaM pitaraM cha vR^idvam .
dhruvaM visa~nj~nA patitA pR^ithivyAM
sA shoShyate shokakR^ishA~NgayaShTiH ..  10\-10\-25 (64525)
tachChokajaM duHkhamapArayantI
kathaM bhaviShyatyuchitA sukhAnAm .
rorUyate j~nAtivadhAbhitaptA
pradahvamAneva hutAshanena ..  10\-10\-26 (64526)
ityevamArtaH paridevayansa
rAjAja kurUNAM nakulaM babhAShe .
gachChAnyainAmiha mandabhAgyAM
samAtR^ipakShAmiti rAjaputrIm ..  10\-10\-27 (64527)
mAdrIsutastatparigR^ihya vAkyaM
dharmeNa dharmaprathamasya rAj~naH .
yayau rathenAlayamAshudevyAH
pA~nchAlarAjasya cha yatra dArAH ..  10\-10\-28 (64528)
prasthApya mAdrIsutamAjamIDhaH
shokArditastaiH sahitaH suhR^idbhiH .
rorUyamANaH prayayau sutAnA\-\-
mAyodhanaM bhUtagaNAnukIrNam ..  10\-10\-29 (64529)
sa tatpravishyAshivamugrarUpaM
dadarsha putrAnsuhR^idaH sakhIMshcha .
bhUmau shayAnAnrudhirArdragAtrA\-\-
nvibhinnadehAnprahR^itottamA~NgAn ..  10\-10\-30 (64530)
sa tAMstu dR^iShTvA bhR^ishamArtarUpo
yudhiShThiro dharmabhR^itAM variShThaH .
uchchaiH prachukrosha cha kauravAgryaH
papAta chorvyAM sagaNo visaMj~naH .. ..  10\-10\-31 (64531)

iti shrImanmahAbhArate sauptikaparvaNi aiShIkaparvaNi dashamo.adhyAyaH .. 10 ..
##Mahabharata - Sauptika Parva - Chapter Footnotes##

10\-10\-8 ##xxxxxxxx##tyaktvA patantam ..
10\-10\-10 anye shatravaH . jayamAnAH jayantaH. jitAnAM jayo jayatAM
parAjayaH phalato.abhUditi mahadAshcharyamityarthaH ..
10\-10\-13 pashchAtsa pApa iva durmatiriti ka.pAThaH ..
10\-10\-16 vyamu~nchanta muktAH . karNasya
karNAt. pramAdAdasmatkR^itAdasAnnidhyAt ..
10\-10\-17 vAhanavAjiyuktamiti jha.pAThaH ..
10\-10\-20 tanutrANi nAnAShidhAni shaskarANi cha teShAM homaH prakShepo
yatra taM tanutranAnAvidhashastrahomam ..
10\-10\-21 bhIShmamayaM bhIShmapradhAnaM agnidAham . bhIShmarUpeNa agninA
dAhamityarthaH ..
10\-10\-24 nihatAH shayAnA iti jha.pAThaH ..
10\-10\-10 dashamo.adhyAyaH ..

\medskip\hrule\medskip
sauptikaparva \- adhyAya 011
.. shrIH ..
10\.11\. adhyAyaH 11

##Mahabharata - Sauptika Parva - Chapter Topics##
makulena yudhiShThirasamoShaM prati draupathAnayanam .. 1 ..
draupadyA drauNimastakamaNiharaNachoditena bhImena nakulasArathinA
rathena drauNivabhrAya prasthAnam .. 2 ..

##Mahabharata - Sauptika Parva - Chapter Text##

10\-11\-0 (64532)
vaishampAyana uvAcha. 10\-11\-0x (5286)
sa dR^iShTvA nihatAnsa~Nkhye putrAnpAtraunsakhIMstathA .
mahAduHkhaparItAtmA babhUva janamejaya .. 10\-11\-1 (64533)
tatastasya mahA~nshokaH prAdurAsInmahAtmanaH .
smarataH putrapautrAMstAnbhrAtR^InsuhR^ida eva cha .. 10\-11\-2 (64534)
tamashruparipUrNAkShaM vepamAnamachetasam .
suhR^ido bhR^ishasaMvignAH sAMtvayA~nchakrire tadA .. 10\-11\-3 (64535)
`kR^itvA tu vidhivatteShAM putrANAmamitaujasAm .
pretakAryANi sarveShAM babhUva bhR^ishaduHkhitaH'.. 10\-11\-4 (64536)
tasminmuhUrte javanairvAjibhirhemamAlibhiH .
nakulaH kR^iShNayA sArdhamupAyAtparamArtayA .. 10\-11\-5 (64537)
upaplAvyaM gatA sA tu shrutvA sumahadapriyam .
tadA vinAshaM sarveShAM putrANAM vyathitendriyA .. 10\-11\-6 (64538)
kampamAneva kadalI vAtenAbhisamIritA .
kR^iShNA rAjAnamAsAdya shokArtA nyapatadbhuvi .. 10\-11\-7 (64539)
na babhau vadanaM tasyA rudantyAH shokakarshitam .
phullapadmapalAshAkShyA meghAvR^ita ivoDurAT .. 10\-11\-8 (64540)
tatastAM patitAM dR^iShTvA saMrambhI satyavikramaH .
vAhubhyAM parijagrAha samutpatya vR^ikodaraH .. 10\-11\-9 (64541)
sA samAshvAsitA tena bhImasenena bhAminI .
rudatI pANDavajyeShThamidaM vachanamabravIt .. 10\-11\-10 (64542)
diShTyA rAjannavApyemAmakhilAM bhokShyase mahIm .
AtmajAnkShatradharmeNa sampradAya yamAya vai .. 10\-11\-11 (64543)
diShTyA sarvAstrakushalaM mattamAta~NgAminam .
avApya pR^ithivIM kR^itsnAM saubhadraM na smariShyasi .. 10\-11\-12 (64544)
AtmajAnkShatradharmeNa shrutvA shUrAnnipAtitAn .
sthito rAjye mayA sArdhaM viharanna smariShyasi .. 10\-11\-13 (64545)
prasuptAnAM vadhaM shrutvA drauNinA pApakarmaNA .
shoko mAM dahate gADho hutAshana ivAshrayam .. 10\-11\-14 (64546)
tasya pApakR^ito drauNerna chedadya durAtmanaH .
hiyate sAnubandhasya yudhi vikramya jIvitam .. 10\-11\-15 (64547)
ihaiva prAyamAsiShye tannibodhata pANDavAH .
na chetphalamavApnoti drauNiH pApasya karmaNaH .. 10\-11\-16 (64548)
evamaktvA tataH kR^iShNA pANDavaM pratyupAvishat .
yudhiShThiraM yAj~nasenI dharmarAjaM yashasvinI .. 10\-11\-17 (64549)
dR^iShTvopaviShTAM rAjA tu pANDavo mahiShIM priyAm .
pratyuvAcha sa dharmAtmA draupadIM chArudarshanAm .. 10\-11\-18 (64550)
kShatradharmeNa dharmaj~ne prAptAste nidhanaM shubhe .
putrAste bhrAtarashchaiva tAnna shochitumarhasi .. 10\-11\-19 (64551)
sa kalyANi vanaM durgaM dUraM drauNirito gataH .
tasya tvaM pAtanaM sa~Nkhye kathaM j~nAsyasi shobhane .. 10\-11\-20 (64552)
draupadyuvAcha. 10\-11\-21x (5287)
droNaputrasya sahajo maNiH shirasi me shrutaH .
nihatya sa~Nkhye taM pApaM pashyeyaM maNimAhR^itam .
drauNeH shirasa utkR^itya jIveyamiti me matiH ..  10\-11\-21 (64553)
ityuktvA pANDavaM kR^iShNA rAjAnaM chArudarshanA .
bhImasenakare spR^iShTvA kupitA vAkyamabravIt .. 10\-11\-22 (64554)
trAtumarhasi mAM bhIma kShatradharmamanusmaran .
jahi taM pApakarmANaM shambaraM saghavAniva .. 10\-11\-23 (64555)
na hi te vikrame tulyaH pumAnastIha kashchana .
shrutaM tatsarvalokeShu paramavyasane tathA .. 10\-11\-24 (64556)
dvIpo.abhUstvaM hi pArthAnAM nagare vAraNAvate .
hiDimbadarshane chaiva tathAM tvamabhavo gatiH .. 10\-11\-25 (64557)
tathA virATanagare kIchakena bhR^ishArditAm .
mAmapyudvR^itavAnkR^ichChrAtpaulomIM maghavAniva .. 10\-11\-26 (64558)
yathaitAnyakR^ithAH pArtha mahAkarmANi vai purA .
tathA drauNimamitraghna vinihatya sukhI bhava .. 10\-11\-27 (64559)
vaishampAyana uvAcha. 10\-11\-28x (5288)
tasyA bahuvidhaM duHkhaM nishamya paridevitam .
na chAmarShata kaunteyo bhImaseno mahAbalaH .. 10\-11\-28 (64560)
sa kA~nchanavichitrA~NgamAruroha mahAratham .
AdAya ruchiraM chitraM samArgaNaguNaM dhanuH .. 10\-11\-29 (64561)
nakulaM sArathiM kR^itvA droNaputravadhe dhR^itaH .
visphArya sasharaM chApaM tUrNamashvAnachodayat .. 10\-11\-30 (64562)
te hayAH puruShavyAghra dIpyamAnAH svatejasA .
vahantaH sahasA jagmurharayaH shIghragAminaH .. 10\-11\-31 (64563)
shibirAtsvAdgR^ihItvA sa rathasya padamachyutaH .
`droNaputragatenAshu yayau mArgeNa bhArata'.. .. 10\-11\-32 (64564)

iti shrImanmahAbhArate sauptikaparvaNi aiShIkaparvaNi ekAdasho.adhyAyaH .. 11 ..
##Mahabharata - Sauptika Parva - Chapter Footnotes##

10\-11\-11 diShThyeti . putranAshApekShayA rAjyaprAptisukhaM tava
mahadityadhikShepaH ..
10\-11\-11 ekAdasho.adhyAyaH ..

\medskip\hrule\medskip
sauptikaparva \- adhyAya 012
.. shrIH ..
10\.12\. adhyAyaH 12

##Mahabharata - Sauptika Parva - Chapter Topics##
drauNijighAMsayA bhIme pratigate kR^iShNena yudhiShThiramprati
drauNidaushshIlyAdikathanapUrvakaM bhImasya tato rakShaNIyatvakathanam
.. 1 ..

##Mahabharata - Sauptika Parva - Chapter Text##

10\-12\-0 (64565)
vaishampAyana uvAcha. 10\-12\-0x (5289)
tasminprayAte durdharShe yadUnAmR^iShabhastataH .
abravItpuNDarIkAkShaH kuntIputraM yudhiShThiram .. 10\-12\-1 (64566)
eSha pANDave te bhrAtA putrashokaparAyaNaH .
jighAMsurdrauNimAkrande eka evAbhidhAvati .. 10\-12\-2 (64567)
bhImaH priyaste sarvebhyo bhrAtR^ibhyo bharatarShabha .
taM kR^ichChragatamadya tvaM kasmAnnAbhyupapadyase .. 10\-12\-3 (64568)
yattadAchaShTa putrAya droNaH parapura~njayaH .
astraM brahmashiro nAma daheta pR^ithivImapi .. 10\-12\-4 (64569)
tanmahAtmA mahAbhAgaH ketuH sarvadhanuShmatAm .
pratyapAyadAchAryaH prIyamANo dhana~njayam .. 10\-12\-5 (64570)
taM putro.apyeka evainamanvayAchadamarShaNaH .
tataH provAcha putrAya nAtihR^iShTamanA iva .. 10\-12\-6 (64571)
viditaM chApalaM hyAsIdAtmajasya durAtmanaH .
sarvadharmavidAchAryaH so.anvashAsatsutaM tataH .. 10\-12\-7 (64572)
paramApadgatenApi na sma tAta tvayA raNe .
idamastraM prayoktavyaM mAnuSheShu visheShataH .. 10\-12\-8 (64573)
ityuktvAnguruH putraM droNaH pashchAthoktavAn .
na tvaM jAtu satAM mArge sthAteti puruSharShabha .. 10\-12\-9 (64574)
sa tadAj~nAya duShTAtmA piturvachanamapriyam .
nirAshaH sarvakalyANaiH shokAtparyacharanmahIm .. 10\-12\-10 (64575)
tatastadA kurushreShTha vanasthe tvayi bhArata .
avasaddvArakAmetya vR^iShNibhiH paramArchitaH .. 10\-12\-11 (64576)
sa kadAchitsamudrAnte vasandvAravatImanu .
eka ekaM samAgamya mAmuvAcha hasanniva .. 10\-12\-12 (64577)
yattadugraM tapaH kR^iShNa charannamitavikramaH .
agastyAdbhAratAchAryaH pratyapadyata me pitA .. 10\-12\-13 (64578)
astraM brahmashiro nAma devagandharvapUjitam .
tadadya mayi dAshArha yathA pitari me tathA .. 10\-12\-14 (64579)
asmattasdupAdAya divyamastraM yadUttama .
mamApyasraM prayachCha tvaM chakraM ripuhaNaM raNe .. 10\-12\-15 (64580)
sa rAjanprIyamANena mayApyuktaH kR^itA~njaliH .
yAchamAnaH prayatnena matto.astraM bharatarShabha .. 10\-12\-16 (64581)
devadAnavagandharvamanuShyapatagoragAH .
na samA mama vIryasya shatAMshenApi piNDitAH .. 10\-12\-17 (64582)
idaM dhanuriyaM shaktiridaM chakramiyaM gadA .
yadyadichChasi chedasraM mattastattaddadAmi te .. 10\-12\-18 (64583)
yachChaknoShi samudyantuM prayoktumapi vA raNe .
tadgR^ihANa vinA.astreNa yanme dAtumabhIpsasi .. 10\-12\-19 (64584)
sa sunAbhaM sahasrAraM vajranAbhamayasmayam .
vavre chakraM mahAbhAgo mattaH spardhanmayA saha .. 10\-12\-20 (64585)
gR^ihANa chakramityukto mayA tu tadanantaram .
jagrAhotpatya sahasA chakraM savyena pANinA .. 10\-12\-21 (64586)
na chainamashakatsthAnAtsa~nchAlayitumapyuta .
athainaM dakShiNenApi grahItumupachakrame .. 10\-12\-22 (64587)
sarvayatnena tenApi gR^ihya nainamakampayat ..  10\-12\-23 (64588)
tataH sarvabalenApi yadainaM na shashAka ha .
udyantuM vA chAlayituM drauNiH paramadurmanAH .
kR^itvA yatnaM parishrAntaH sa nyavartata bhArata ..  10\-12\-24 (64589)
nivR^itmanasaM tasmAdabhiprAyAdvichetasam .
ahamAmantrya saMvignamashvatthAmAnamabruvam .. 10\-12\-25 (64590)
yaH sa daivamanuShyeShu pramANaM paramaM gataH .
gANDIvadhanvA shvetAshchaH kapipravaraketanaH .. 10\-12\-26 (64591)
yaH sAkShAddevadeveshaM shitikaNThamumApatim .
dvandvayuddhe purA jiShNustoShayAmAsa sha~Nkaram .. 10\-12\-27 (64592)
yasmAtpriyataro nAsti mamAnyaH puruSho bhuvi .
nAdeyaM yasya me ki~nchidapi prANAnmahAtmanaH .. 10\-12\-28 (64593)
tenApi suhR^idA brahmanpArthenAkliShTakarmaNA .
nokpUrvamidaM vAkyaM yastvaM mAmabhibhAShase .. 10\-12\-29 (64594)
brahmacharyaM mahaddhoraM tIrvA dvAdashavArShikam .
himavatpArshvamAsthAya yo mayA tapasA.a.arjitaH .. 10\-12\-30 (64595)
samAnavratachAriNyAM rukmiNyAM yo.anvajAyata .
sanatkumArastejasvI pradyumno nAma me sutaH .. 10\-12\-31 (64596)
tenApyetanmahaddivyaM chakramapratimaM raNe .
na prArthitamabhUnmUDha taditaM prArthitaM tvayA .. 10\-12\-32 (64597)
rAmeNAtibalenaitannoktapUrvaM kadAchana .
na gadena sAmbena yadidaM prArthitaM tvayA .. 10\-12\-33 (64598)
dvArakAvAsibhishchAnyairvR^iShNyandhakamahArathaiH .
noktapUrvamidaM kShudraM tadidaM prArthitaM tvayA .. 10\-12\-34 (64599)
bhAratAchAryaputrastvaM mAnitaH sarvayAdavaiH .
chakreNa rathinAM shreShTha kaM nu tAta yuyutsase .. 10\-12\-35 (64600)
evamukto mayA drauNirmAmidaM pratyuvAcha ha .
prayujya bhavate pUjAM yotsye kR^iShNa tvayA saha .. 10\-12\-36 (64601)
prArthitaM te mayA chakraM devadAnavapUjitam .
ajeyaH syAmiti vibho satyamedbravImi te .. 10\-12\-37 (64602)
so.ahaM taddurlabhaM chakramanavApyaiva keshava .
pratiyAsyAmi govinda shivenAbhivadasva mAm .. 10\-12\-38 (64603)
etatsunAbhaM bhojAnAmR^iShabheNa tvayA dhR^itam .
chakramapratichakreNa bhuvi nAnyo.abhipadyate .. 10\-12\-39 (64604)
etAvaduktvA drauNirmAM yugyAnashvAndhanAni cha .
AdAyopayayau kAle ratnAni vavidhAni cha .. 10\-12\-40 (64605)
sa saMrambhI durAtmA cha chapalaH krUra eva cha .
veda chAsraM brahmashirastasmAdrakShyo vR^ikodaraH .. .. 10\-12\-41 (64606)

iti shrImanmahAbhArate sauptikaparvaNi aiShIkaparvaNi dvAsho.adhyAyaH .. 12 ..
##Mahabharata - Sauptika Parva - Chapter Footnotes##

10\-12\-11 me mahyaM dAtumichChasi tena vinApi gR^ihANa . tvadIye.astre
mamechChA nAstIti bhAvaH ..
10\-12\-12 dvAdasho.adhyAyaH ..

\medskip\hrule\medskip
sauptikaparva \- adhyAya 013
.. shrIH ..
10\.13\. adhyAyaH 13

##Mahabharata - Sauptika Parva - Chapter Topics##
kR^iShNAdibhirbhAgIrathItIre vyAsasamIpasamAsInadrauNidarshanam .. 1 ..
taddarshinA drauNinA apANDavahetorbrahmashirostraprayogaH .. 2 ..

##Mahabharata - Sauptika Parva - Chapter Text##

10\-13\-0 (64607)
vaishampAyana uvAcha. 10\-13\-0x (5290)
evamuktvA kurushreShThaM sarvayAdavanandanaH .
sarvAyudhavaropetamAruroha rathottamam .. 10\-13\-1 (64608)
yuktaM paramakAmbhojaisturagairhemamAlibhiH .
uditAdityasa~NkAshaM sarvaratnavibhUShitam .. 10\-13\-2 (64609)
dakShiNe hyAvahachChaibyaH sugrIvaH savyato dhuram .
NarShNivAhau tu tasyAstAM meghapuShpabalAhakau .. 10\-13\-3 (64610)
vishvakarmakR^itA divyA ratnadhAtuvibhUShitA .
uchChritA cha rathe tasmindhvajayaShTiradR^ishyata .. 10\-13\-4 (64611)
vainateyaH sthitastasyAM prabhAmaNDalarashmivAn ..
tasya satyavataH keturbhujagAriradR^ishyata .. 10\-13\-5 (64612)
athArohaddhR^iShIkeshaH ketuH sarvadhanuShmatAm .
arjunaH sa cha dharmAtmA kururAjo yudhiShThiraH .. 10\-13\-6 (64613)
ashobhetAM mahAtmAnau dAshArhamabhitaH sthitau .
rathasthaM shAr~NgadhanvAnamashvinAviva vAsavam .. 10\-13\-7 (64614)
ubhAvAropya dAshArhaH syandanaM lokapUjitam .
pratodena javopetAnparamAshvAnachodayat .. 10\-13\-8 (64615)
te hayAH sahasotpeturgR^ihItvA syandanottamam .
AsthitaM pANDaveyAbhyAM yadUnAmR^iShabheNa cha .. 10\-13\-9 (64616)
vahatAM shAr~NgadhanvAnamashvAnAM shIghragAminAm .
prAdurAsInmahA~nshabdaH pakShiNAM patatAmiva .. 10\-13\-10 (64617)
te samarthA mahAbAhuM kShaNena bharatarShabha .
bhImasenaM maheShvAsamanusasruH suvegitAH .. 10\-13\-11 (64618)
krodhadIptaM tu kaunteyaM dviShadarthe samudyatam .
nAshaknuvanvArayituM sametyApi mahArathAH .. 10\-13\-12 (64619)
sa teShAmagrataH shUraH shrImatAM dR^iDhadhanvinAm .
yayau bhAgIrathItIraM haribhirbhR^ishavegitaiH .
yatra sa shrUyate drauNiH putrahantA durAtmavAn ..  10\-13\-13 (64620)
sa dadarsha mahAtmAnamudakAnte yashasvinam .
kR^iShNadvaipAyanaM vyAsamAsInamR^iShibhiH saha .. 10\-13\-14 (64621)
taM chaiva krUrakarmANaM ghR^itAktaM kushachIriNam .
rajasA dhvastamAsInaM dadarsha drauNimantike .. 10\-13\-15 (64622)
tamabhyadhAvatkaunteyaH pragR^ihya sasharaM dhanuH .
bhImaseno mahAbAhustiShThatiShTheti chAbravIt .. 10\-13\-16 (64623)
taM dR^iShTvA bhImakarmANaM pragR^ihItasharAsanam .
bhrAtarau pR^iShThatashchAsya janArdanarathe sthitau .
vyathitAtmA.abhavaddrauNiH prAptaM chedamamanyata ..  10\-13\-17 (64624)
sa taddivyamadInAtmA paramAsramachintayat .
jagrAha cha sharaiShIkAM drauNiH savyena pANinA .. 10\-13\-18 (64625)
sa tAmApadamAsAdya divyamastramudairayat .
amR^iShyamANastA~nChUrAndivyAyudhadharAnsthitAn .
apANDavAyeti ruShA vAchamutsR^ijya dAruNam ..  10\-13\-19 (64626)
ityuktvA rAjashArdUla droNaputraH pratApavAn .
sarvalokapramohArthaM tadasraM pramumocha ha .. 10\-13\-20 (64627)
tatastasyAmiShIkAyAM pAvakaH samajAyata .
pradhakShyanniva lokAMstrInkAlAnkayamopamaH .. .. 10\-13\-21 (64628)

iti shrImanmahAbhArate sauptikaparvaNi aiShIkaparvaNi trayodhasho.adhyAyaH
.. 13 ..
##Mahabharata - Sauptika Parva - Chapter Footnotes##

10\-13\-19 apANDavAya pANDavAnAmabhAvAya ..
10\-13\-13 trayodasho.adhyAyaH ..

\medskip\hrule\medskip
sauptikaparva \- adhyAya 014
.. shrIH ..
10\.14\. adhyAyaH 14

##Mahabharata - Sauptika Parva - Chapter Topics##
arjunena kR^iShNAj~nayA drauNyastrapratyastraprayogaH .. 1 ..

##Mahabharata - Sauptika Parva - Chapter Text##

10\-14\-0 (64629)
vaishampAyana uvAcha. 10\-14\-0x (5291)
i~Ngitenaiva dAshArhastasyAbhiprAyamAditaH .
drauNerbuddhA mahAbAhurarjunaM pratyabhAShata .. 10\-14\-1 (64630)
arjunArjuna yaddivyamastraM te hR^idi vartate .
droNopadiShTaM tasyAyaM kAlaH samprati pANDava .. 10\-14\-2 (64631)
bhrAtR^INAmAtmanashchaiva paritrANAya bhArata .
visR^ijaitattvamapyAjAvastramastranivAraNam .. 10\-14\-3 (64632)
keshavenaivamukto.atha pANDavaH paravIrahA .
avAtaradrathAttUrNaM pragR^ihya sasharaM dhanuH .. 10\-14\-4 (64633)
pUrvamAchAryaputrAya tato.anantaramAtmane .
bhrAtR^ibhyashchaiva sarvebhyaH svastItyuktvA parantapaH .. 10\-14\-5 (64634)
devatAbhyo namaskR^itya gurubhyashchaiva sarvashaH .
utsasarja shivaM dhyAyannastramastreNa shAmyatAm .. 10\-14\-6 (64635)
tatastadasraM sahasA sR^iShTaM gANDIvadhanvanA .
prajajvAla mahArchiShmadyugAntAnalasannibham .. 10\-14\-7 (64636)
tathaiva droNaputrasya tadastraM tigmatejasaH .
prajajvAla mahAjvAlaM tejomaNDalasaMvR^itam .. 10\-14\-8 (64637)
nirghAtA bahavashchAsanpeturulkAH sahasrashaH .
mahadbhayaM cha bhUtAnAM sarveShAM samajAyata .. 10\-14\-9 (64638)
sashabdamabhavadvyoma jvAlAmAlAkulaM bhR^isham .
chachAla cha mahI kR^itsnA saparvatavanadrumA .. 10\-14\-10 (64639)
tAvastratejasA lokAMstrAsayantau tataH sthitau .
maharShI sahitau tatra darshayAmAsatustadA .. 10\-14\-11 (64640)
nAradaH sarvadharmAtmA bharatAnAM pitAmahaH .
ubhau shamayituM vIrau bhAradvAjadhana~njayau .. 10\-14\-12 (64641)
tau munI sarvadharmaj~nau sarvabhUtahitaipiNau .
dIptayorasrayormadhye sthitau paramatejasau .. 10\-14\-13 (64642)
tadantaramanAdhR^iShyAvupagamya yashasvinau .
AstAmR^iShivarau tatra jvalitAviva pAvakau .. 10\-14\-14 (64643)
prANabhR^idbhiranAdhR^iShyau devadAnavasammatau .
astratejaH shamayituM lokAnAM hitakAmyayA .. 10\-14\-15 (64644)
R^iShI UchatuH. 10\-14\-16x (5292)
mahAstraviduShaH pUrve ye.apyatItA mahArathAH .
naitadasraM manuShyeShu taiH prayuktaM katha~nchana .
kimidaM sAhasaM vIrau kR^itavantau mahAtyayam .. ..  10\-14\-16 (64645)

iti shrImanmahAbhArate sauptikaparvaNi aiShIkaparvami chaturdasho.adhyAyaH
.. 14 ..

\medskip\hrule\medskip
sauptikaparva \- adhyAya 015
.. shrIH ..
10\.15\. adhyAyaH 15

##Mahabharata - Sauptika Parva - Chapter Topics##
arjunena vyAsanAradabhAvAnurodhena svaprayuktabrahmashirostrapratisaMhAraH
.. 1 ..
kR^iShNenAshvatthAmAnaM prati uttarAgarbhe aiShIkAstrapAte.api
mR^itashishoH svena samujjIvanapratij~nA .. 2 ..
brahmacharyAbhAvAdasrapratisaMhArAsamarthena drauNinA
vyAsakR^iShNAvanAdR^isya pANvagarbheShvaiShIkAstrotsarjanam .. 3 ..

##Mahabharata - Sauptika Parva - Chapter Text##

10\-15\-0 (64646)
vaishampAyana uvAcha. 10\-15\-0x (5293)
dR^iShTaiva munishArdUlau tAvagnisamatejasau .
`gANDIvadhanvA sa~nchintya prAptakAlaM mahArathaH.'
sa~njahAra sharaM divyaM tvaramANo dhana~njayaH ..  10\-15\-1 (64647)
uvAcha vachanaM shreShThastAvR^iShI prA~njalistadA .
pramuktamastramastreNa shAmyatAmiti vai mayA .. 10\-15\-2 (64648)
saMhR^ite paramAstre.asminsarvAnasmAnasheShataH .
pApakarmA dhruvaM drauNiH pradhakShyatyastratejasA .. 10\-15\-3 (64649)
yadatra hitamasmAkaM lokAnAM chaiva sarvathA .
bhavantau devasa~NkAshau tathA sammantumarhataH .. 10\-15\-4 (64650)
ityuktvA sa~njahArAstraM punareva dhana~njayaH .
saMhAro duShkarassya devairapi hi saMyuge .. 10\-15\-5 (64651)
visR^iShTasya raNe tasya paramAstrasya sa~Ngrahe .
ashaktaH pANDavAdanyaH sAkShAdapi shatakratuH .. 10\-15\-6 (64652)
brahmatejodbhavaM taddhi visR^iShTamakR^itAtmanA .
na shakyamAvartayituM brahmacharyavratAdR^ite .. 10\-15\-7 (64653)
achIrNabrahmacharyo yaH sR^iShTvA.a.avaryate punaH .
tadastraM sAnubandhasya mUrdhAnaM tasya kR^intati .. 10\-15\-8 (64654)
brahmachArI vratI chApi duravApamavApya tat .
paramavyasanArto.api nArjuno.astraM vyamu~nchata .. 10\-15\-9 (64655)
satyavratadharaH shUro brahmachArI cha pANDavaH .
guruvartI cha tenAstraM sa~njahArArjunaH punaH .. 10\-15\-10 (64656)
drauNirapyatha samprebhya so.antarA tAvR^iShI sthitau .
na shashAka punarghoramastraM saMhartumojasA .. 10\-15\-11 (64657)
ashaktaH pratisaMhAre paramAstrasya saMyuge .
drauNirdInamanA rAjandvaipAyanamabhAShata .. 10\-15\-12 (64658)
uttamavyasanArtena prANatrANamabhIpsunA .
mayaitadastramutsR^iShTaM bhImasenabhayAnmune .. 10\-15\-13 (64659)
adharmashcha kR^ito.anena dhArtarAShTraM jighAMsatA .
mithyAchAreNa bhagavanbhImasenena saMyuge .. 10\-15\-14 (64660)
ataH sR^iShTamidaM brahmanmayA.astramakR^itAtmanA .
tasya bhUyo.api saMhAraM kartuM nAhamihotsahe .. 10\-15\-15 (64661)
nisR^iShTaM hi mayA divyametadastraM durAsadam .
apANDavAyeti mune vahnitejo.anumantrya vai .. 10\-15\-16 (64662)
tadidaM pANDaveyAnAmantAyaivAbhisaMhitam .
adya pANDusutAnsarvA~njIvitAdvaMshayiShyati .. 10\-15\-17 (64663)
kR^itaM pApamidaM brahmanroShAviShTena chetasA .
vadhamAshAsya pArthAnAM mayAstraM sR^ijatA raNe .. 10\-15\-18 (64664)
vyAsa uvAcha.  10\-15\-19 (64665)
astraM brahmashirastAta vidvAnpArtho dhana~njayaH .
utsR^iShTavAnahiMsArthaM na roSheNa tavAhave .. 10\-15\-19 (64666)
astramastreNa tu rame tava saMshamayiShyatA .
visR^iShTamarjunenedaM punashcha pratisaMhR^itam .. 10\-15\-20 (64667)
brahmAstramapyavApyaitadupadeshAtpitustava .
kShatradharmAnmahAbAhurnAkampata dhana~njayaH .. 10\-15\-21 (64668)
evaM dhR^itimataH sAdhoH sarvAstraviduShaH sataH .
sabhrAtR^ibandhoH kasmAttvaM vadhamasya chikIrShasi .. 10\-15\-22 (64669)
astraM brahmashiro yatra paramAstreNa vadhyate .
samA dvAdasha parjanyastadrAShTraM nAbhivarShati .. 10\-15\-23 (64670)
etadarthaM mahAbAhuH shaktimAnapi pANDavaH .
na vihanyAttadastraM tu prajAhitachikIrShayA .. 10\-15\-24 (64671)
pANDavAstvaM cha rAShTraM cha sadA saMrakShyameva naH .
tasmAtsaMhara divyaM tvamastramenmahAbhuja .. 10\-15\-25 (64672)
aroShastava chaivAstu pArthAH santu nirAmayAH .
na hyadharmeNa rAjarShiH pANDavo jetumichChati.  10\-15\-26 (64673)
maNiM chaiva prayachChAdya yaste shirasi tiShThati .
etadAdAya te prAmAnpratidAsyanti pANDavAH .. 10\-15\-27 (64674)
drauNiruvAcha. 10\-15\-28x (5294)
pANDavairyAni ratnAni yachchAnyatkauravairdhanam .
avAptamiha tebhyo.ayaM maNirmama vishiShyate .. 10\-15\-28 (64675)
yamAbadhya bhayaM nAsti shastravyAdhikShudhAshrayam .
devebhyo dAnavebhyo vA nAgebhyo vA katha~nchana .. 10\-15\-29 (64676)
na cha rakShogaNabhayaM na taskarabhayaM tathA .
evaMvIryo maNirayaM na me tyAjyaH katha~nchana .. 10\-15\-30 (64677)
yattu me bhagavAnAha tanme kAryamanantaram .
ayaM maNirayaM chAhamiShIkA tu patiShyati .
garbheShu pANDuputrANAmutrAyAstathodare ..  10\-15\-31 (64678)
vaishampAyana uvAcha. 10\-15\-32x (5295)
prAha droNasutaM tatra vyAsaH paramadurmanAH ..  10\-15\-32 (64679)
evaM kuru na chAnyatra buddhiH kAryA katha~nchana .
garbheShu pANDaveyAnAM visR^ijyaitadupArama .. 10\-15\-33 (64680)
`tamuvAcha hR^iShIkeshaH pANDavAnAM hite mataH .
bhaviShyamekamutsR^ijya garbheShvastraM nipAtyatAm .. 10\-15\-34 (64681)
ahamenaM dadAmyeShAM piNDadaM kIrtivardhanam .
rAjarShiM puNyakarmANamanekakratuyAjinam .. 10\-15\-35 (64682)
evaM kuru na chAnyA te buddhiH kAryA katha~nchana .
AgarbhAtpANDaveyAnAM kR^itvA pAtaM vina~NkShyati'.. 10\-15\-36 (64683)
evaM bruvANaM govindaM vR^iShabhaM sarvasAtvatAm .
drauNiH paramasa~NkruddhaH pratyuvAchedamuttaram .. 10\-15\-37 (64684)
naitadevaM yadAttha tvaM pakShapAtena keshava .
vachanAtpuNDarIkAkSha tava madvAkyamanyathA .. 10\-15\-38 (64685)
patiShyatyetadastraM vai garbhe tasyA mayodyatam .
virATaduhituH kR^iShNa yaM tvaM rakShitumarhasi .. 10\-15\-39 (64686)
vAsudeva uvAcha. 10\-15\-40x (5296)
amoghaH paramAstrasya pAtastvadya bhaviShyati .
`abhimanyoH sR^ijaiShIkAM garbhasthaH shAmyatAM shishuH .. 10\-15\-40 (64687)
ahamenaM mR^itaM jAtaM jIvayiShyAmi bAlakam'.
sa tu garbho mR^ito jAto dIrghamAyuravApsyati .. 10\-15\-41 (64688)
`ityuktaH pratyuvAchainaM droNaputraH smayanniva .
yadyastradagdhaM govinda jIvayasyevamastviti'.. 10\-15\-42 (64689)
tataH paramamastraM tu drauNirudyatamAhave .
dvaipAyanamanAdR^itya garbheShu pramumocha ha .. .. 10\-15\-43 (64690)

iti shrImanmahAbhArate sauptikaparvaNi aiShIkaparvaNi
pa~nchadasho.adhyAyaH .. 15 ..
##Mahabharata - Sauptika Parva - Chapter Footnotes##

10\-15\-8 Avartayate upasaMharati ..
10\-15\-27 evaM jIvitamAdAya tava yAsyanti pANDavAH . iti ka.pAThaH ..
10\-15\-29 mama vadhyamayaM nAstIti ka.pAThaH ..
10\-15\-15 pa~nchadasho.adhyAyaH ..

\medskip\hrule\medskip
sauptikaparva \- adhyAya 016
.. shrIH ..
10\.16\. adhyAyaH 16

##Mahabharata - Sauptika Parva - Chapter Topics##
kR^iShNena svavachanolla~NghanenAstraprayokturashvatthAmnaH shApadAnAM
vyAsena tadanumodanaM cha .. 1 ..
bhImena drauNimastakamaNidA nena draupadIsamAshvAsanam .. 2 ..
yudhiShThireNa draupadIvachanAtsvamastake tanmaNidhAraNam .. 3 ..

##Mahabharata - Sauptika Parva - Chapter Text##

10\-16\-0 (64691)
vaishampAyana uvAcha. 10\-16\-0x (5297)
tadAj~nAya hR^iShIkesho vikR^iShTaM pApakarmaNA .
hR^iShyamANa idaM vAkyaM drauNiM pratyabravIttadA .. 10\-16\-1 (64692)
virATasya sutAM pUrvaM snuShAM gANDIvadhanvanaH .
upaplAvyagatAM dR^iShTvA R^itavAgbrahmaNo.abravIt .. 10\-16\-2 (64693)
parikShINeShu kuruShu putrastava bhaviShyati .
etadasya parikShittvaM garbhasthasya bhaviShyati .. 10\-16\-3 (64694)
tasya tadvachanaM sAdhoH satyamedbhaviShyati .
parikShidbhavitA hyeShAM punarvaMshakaraH sutaH .. 10\-16\-4 (64695)
tvAM tu kApuruShaM pApaM viMduH sarve manIShiNaH .
asakR^itpApakarmANaM bAlajIvitaghAtakam .. 10\-16\-5 (64696)
tasmAttvamasya pApasya karmaNaH phalamApnuhi .
trINi varShasahasrANi chariShyasi mahImimAm .. 10\-16\-6 (64697)
aprApnuvankvachitkA~nchitsaMvidaM jAtu kenachit .
nirjanAnasahAyastvaM deshAnpravichariShyasi .. 10\-16\-7 (64698)
bhavitrI na hi te kShudra janamadhyeShu saMsthitiH .
pUyashoNigandhI cha durgakAntArasaMshrayaH.  10\-16\-8 (64699)
vichariShyasi pApAtmaMshchirameko vasundharAm ..
vayaH prApya parikShittuM devavratamavApya cha.  10\-16\-9 (64700)
kR^ipAchChAradvatAchChUraH sarvAstrANyupapatsyate ..
viditvA paramAstrANi kShatradharmavrate sthitaH.  10\-16\-10 (64701)
ShaShTiM varShAmi dharmAtmA vasudhAM pAlayiShyati ..
itashchordhvaM mahAbAhuH kururAjo bhaviShyati.  10\-16\-11 (64702)
parikShinnAma nR^ipatirmiShataste sudurmate ..
[ahaM taM jIvayiShyAmi dagdhaM shastrAgnitejasA].  10\-16\-12 (64703)
pashya me tapaso vIryaM satyasya cha narAdhama ..  10\-16\-13 (64704)
vyAsa uvAcha .
yasmAdanAdR^itya kR^itaM tvayA.asmAnkarma dAruNam .
brAhmaNasya satashchedaM vR^ittamanyAyavartinaH ..  10\-16\-13x (5298)
tasmAdyaddevakIputra ukvAnuttamaM vachaH .
AlokAttava tadbhAvi kShudrakarmanvrajeti ha .. 10\-16\-14 (64705)
ashvatthAmovAcha. 10\-16\-15x (5299)
sahaiva bhavatA brahmansthAsyAmi puruSheShviha .
satyavAgastu bhagavAnayaM cha puruShottamaH .. 10\-16\-15 (64706)
vaishampAyana uvAcha. 10\-16\-16x (5300)
pradAyAtha maNiM drauNiH pANDavAnAM mahAtmanAm .
jagAma vimanAsteShAM sarveShAM pashyatAM vanam .. 10\-16\-16 (64707)
pANDavAshcha sadAshArhAstAnR^iShInabhivAdya cha .
kR^iShNadvaipAyanaM chaiva nAradaM chaiva parvatam .. 10\-16\-17 (64708)
droNaputrasya sahajaM maNimAdAya satvarAH .
draupadImabhyadhAvanta prAyopetAM manasvinIm .. 10\-16\-18 (64709)
vaishampayana uvAcha. 10\-16\-19x (5301)
tataste puruShavyAghrAH sadashvairanilopamaiH .
abhyayuH sahadAshArhAH shibiraM punareva hi .. 10\-16\-19 (64710)
avatIrya rathebhyastu tvaramANA mahArathAH .
dadR^ishurdraupadIM hR^iShTAmArtAmArtatarAH svayam .. 10\-16\-20 (64711)
tAmupetya nirAnandAM duHkhashokasamanvitAm .
parivArya vyatiShThanta pANDavAH sahakeshavAH .. 10\-16\-21 (64712)
tato rAj~nA.abhyanuj~nAto bhImaseno mahAbalaH .
pradadau taM maNiM divyaM vachanaM chedamabravIt .. 10\-16\-22 (64713)
ayaM bhadre tava maNiH putrahantA jitashcha te .
uttiShTha shokamutsR^ijya kShAtradharmamanusmara .. 10\-16\-23 (64714)
prayANe vAsudevasya shamArthavasitekShaNe .
yAnyuktAni tvayA bhIru vAkyAni madhughAtini .. 10\-16\-24 (64715)
naiva me patayaH santi na putrA bhrAtaro na cha .
na vai tvamiti govinda shamamichChati rAjani .. 10\-16\-25 (64716)
uktavatyasi tIvrANi vAkyAni puruShottamam .
kShatradharmAnurUpANi tAni saMsmartumarhasi .. 10\-16\-26 (64717)
hato duryodhanaH pApo rAjyasya paripanthikaH .
duHshAsanasya rudhiraM pItaM visphurato mayA .. 10\-16\-27 (64718)
vairasya gatamAnR^iNyaM na sma vAchyA vivakShatAm .
jitvA mukto droNaputro brAhmaNyAdgauraveNa cha .. 10\-16\-28 (64719)
yasho.asya patitaM devi sharIraM tvavasheShitam .
viyojitashcha maNinA bhraMshitashchAyudhaM bhuvi .. 10\-16\-29 (64720)
draupadyuvAcha. 10\-16\-30x (5302)
kevalAnR^iNyamAptA.asmi guruputro gururmama .
shirasyetaM maNiM rAjA grahItumanagho.arhati .. 10\-16\-30 (64721)
taM gR^ihItvA tato rAjA shirasyevAkarottadA .
guroruchCheShamityeva draupadyA vachanAdapi .. 10\-16\-31 (64722)
tato divyaM maNivaraM shirasA dhArayanprabhuH .
shushubhe sa tadA rAjA sachandra iva parvataH .. 10\-16\-32 (64723)
uttasthau putrashokArtA tataH kR^iShNA manasvinI .
kR^iShNaM chApi mahAbAhuH paripaprachCha dharmarAT .. .. 10\-16\-33 (64724)

iti shrImanmahAbhArate sauptikaparvaNi aiShIkaparvaNi ShoDasho.adhyAyaH .. 16 ..
##Mahabharata - Sauptika Parva - Chapter Footnotes##

10\-16\-7 saMvidaM saMlApam ..
10\-16\-18 prAyopetAM maraNArthaM yo niyamastenopetAm ..
10\-16\-20 hR^iShTAmashvatthAmnaH parAbhavena . ArtAM putrAdeH shokena ..
10\-16\-24 madhughAtini madhudaityahantarI ..
10\-16\-28 vivakShatAM vaktumichChatAM vAchyAH nindyAH naiva sma ..
10\-16\-16 ShoDasho.adhyAyaH ..

\medskip\hrule\medskip
sauptikaparva \- adhyAya 017
.. shrIH ..
10\.17\. adhyAyaH 17

##Mahabharata - Sauptika Parva - Chapter Topics##
yudhiShThireNa drauNerekasya bahumAraNashaktiprashne kR^iShNena
rudraprasAdAdityuktvA rudramahimakathanam .. 1 ..

##Mahabharata - Sauptika Parva - Chapter Text##

10\-17\-0 (64725)
vaishampAyana uvAcha. 10\-17\-0x (5303)
hateShu sarvasainyeShu sauptikai tai rathaistribhiH .
shochanyudhiShThiro rAjA dAshArhamidamabravIt .. 10\-17\-1 (64726)
kathaM nu kR^iShNa pApena kShudreNa shaThabuddhinA .
drauNinA nihatAH sarve mama putrA mahArathAH .. 10\-17\-2 (64727)
tathA kR^itAsravikrAntAH sa~NgrAmeShvapalAyinaH .
drupadasyAtmajAshchaiva droNaputreNa pAtitAH .. 10\-17\-3 (64728)
yasya droNo maheShvAso na prAdAdAhave mukham .
nijaghne rathinAM shreShThaM dhR^iShTadyumnaM kathaM nu saH .. 10\-17\-4 (64729)
kinnu tena kR^itaM karma tathAyuktaM nararShabha .
yadekaH samare sarvAnavadhInno guroH sutaH .. 10\-17\-5 (64730)
shrIbhagavAnuvAcha. 10\-17\-6x (5304)
nUnaM sa devadevAnAmIshvareshvaramavyayam .
jagAma sharaNaM drauNirekastenAvadhIdbahUn .. 10\-17\-6 (64731)
prasanno hi mahAdevo dadyAdamaratAmapi .
vIryaM cha girisho dadyAdyenendramapi shAtayet .. 10\-17\-7 (64732)
vedAhaM hi mahAdevaM tattvena bharatarShabha .
yAni chAsyapurANAni karmANi vividhAni cha .. 10\-17\-8 (64733)
AdireSha hi bhUtAnAM madhyamantashcha bhArata .
vicheShTate jagachchedaM sarvamasyaiva karmaNA .. 10\-17\-9 (64734)
evaM sisR^ikShurbhUtAni dadarsha prathamaM vibhuH .
pitAmaho.abravIchchainaM bhUtAni sR^ija mAchiram .. 10\-17\-10 (64735)
harikeshastathetyukvA dIrghadarshI tadA prabhuH .
dIrghakAlaM tapastepe magno.ambhasi mahAtapAH .. 10\-17\-11 (64736)
sumahAntaM tataH kAlaM pratIkShyainaM pitAmahaH .
sraShTAraM sarvabhUtAnAM sasarja manasA.aparam .. 10\-17\-12 (64737)
so.abravIdvAtaraM dR^iShTvA girishaM suptamambhasi .
yadi me nAgrajo.astyanyastataH srakShyAmyahaM prajAH .. 10\-17\-13 (64738)
tamabravItpitA nAsti tvadanyaH puruSho.agrajaH .
sthANureSha jale magno visrabdhaH kuru vai prajAH .. 10\-17\-14 (64739)
bhUtAnyanvasR^ijatsapta dakShaH kShipraM prajApatiH .
yairimaM vyakarotsarvaM bhUtagrAmaM chaturvidham .. 10\-17\-15 (64740)
tAH sR^iShTamAtrAH kShudhitAH prajAH sarvAH prajApatim .
bibhakShayivo rAjansahasA prAdravaMstadA .. 10\-17\-16 (64741)
sa bhakShyamANastrANArthI pitAmahamupAdravat .
Abhyo mAM bhagavAMstrAtu vR^ittirAsAM vidhIyatAm .. 10\-17\-17 (64742)
tatastAbhyo dadAvannamoShadhIH sthAvarANi cha .
ja~NgamAni cha bhUtAni durbalAni balIyasAm .. 10\-17\-18 (64743)
vihitAnnAH prajAstAstu jagmustuShTA yathAgatam .
tato vavR^idhire rAjanprItimatyaH svayoniShu .. 10\-17\-19 (64744)
bhUtagrAme vivR^idve tu sR^iShTe devAsure tadA .
udatiShThajjalAjjyeShThaH prajAshchemA dadarsha saH .. 10\-17\-20 (64745)
bahurUpAH prajAH sR^iShTA vivR^iddhAshcha svatejasA .
chukrodha balavaddR^iShTvA li~NgaM svaM chApyavidhyata .. 10\-17\-21 (64746)
tatpraviddhaM tathA bhUmau tathaiva pratyatiShThata .
tamuvAchAvyayo brahmA vachobhiH shamayanniva .. 10\-17\-22 (64747)
kiM kR^itaM salile sharva chirakAlasthitena te .
kimarthaM chedamutpAdya li~NgaM bhUmau praveshitam .. 10\-17\-23 (64748)
so.abravIjjAtasaMrambhastathA lokagururgurum .
prajAH sR^iShTAH pareNemAH kiM kariShyAmyanena vai .. 10\-17\-24 (64749)
prajAH sR^iShTAH pareNemAH prajArthaM me pitAmaha .
oShadhyaH parivarteranyathaivaM satataM prajAH .. 10\-17\-25 (64750)
evamuktvA sa sakrodho jagAma vimanA bhavaH .
girermu~njavataH pAdaM tapastaptuM mahAtapAH .. .. 10\-17\-26 (64751)

iti shrImanmahAbhArate sauptikaparvaNi aiShIkaparvaNi saptadasho.adhyAyaH
.. 17 ..

\medskip\hrule\medskip
sauptikaparva \- adhyAya 018
.. shrIH ..
10\.18\. adhyAyaH 18

##Mahabharata - Sauptika Parva - Chapter Topics##
kR^iShNena yudhiShThiramprati rudrasya kopaprasAdAkShyAM devAnAM
yaj~nanAshatatpravR^ittikathanapUrvakaM tata evAshvatthAmadvArA
putrAdivadha sambhavakathanam .. 1 ..

##Mahabharata - Sauptika Parva - Chapter Text##

10\-18\-0 (64752)
kashrIbhagavAnuvAcha. 10\-18\-0x (5305)
tato devayuge.atIte devA vai samakalpayan .
yaj~navedapramANena vidhivadyaShTumIpsavaH .. 10\-18\-1 (64753)
kalpayAmAsuratha te sAdhanAni havIMShi cha .
bhAgArhA devatAshchaiva yaj~niyaM dravyameva cha .. 10\-18\-2 (64754)
tA vai rudramajAnantyo yAthAtathyena devatAH .
nAkalpayanta devasya sthANorbhAgaM narAdhipa .. 10\-18\-3 (64755)
so.akalpyamAne bhAge tu kR^ittivAsA makhe.amaraiH .
tapasA yaj~namanvichChandhanurAdau sasarja ha .. 10\-18\-4 (64756)
lokayaj~naH kriyAyaj~no gR^ihayaj~naH sanAtanaH .
pa~nchabhUtanR^iyaj~nashcha jaj~ne sarvamidaM jagat .. 10\-18\-5 (64757)
lokayaj~nairnR^iyaj~naishcha kapardI vidadhe dhanuH .
dhanuH sR^iShTamabhUttasya ShaShTikiShkupramANataH .. 10\-18\-6 (64758)
vaShaTkAro.abhavajjyA tu dhanuShastasya bhArata .
yaj~nA~NgAni cha chatvAri tasya sannahane.abhavan .. 10\-18\-7 (64759)
tataH kruddho mahAdevasdupAdAya kArmukam .
AjagAmAtha tatraiva yatra devAH samIjire .. 10\-18\-8 (64760)
tamAtkArmukaM dR^iShTvA brahmachAriNamavyayam .
vivyathe pR^ithivI devI parvatAshcha chakampire .. 10\-18\-9 (64761)
na vavau pavanashchaiva nAgnirjajvAla vaidhitaH .
vyabhramachchApi saMvignaM divi nakShatramaNDalam .. 10\-18\-10 (64762)
na babhau bhAskarashchApi somaH shrImuktamaNDalaH .
timireNAkulaM sarvamAkAshaM chAbhavR^idvR^itam .. 10\-18\-11 (64763)
abhibhUtAstato devA viShayAnna prajaj~nire .
na pratyabhAchcha yaj~naH sa devatAstresire tathA .. 10\-18\-12 (64764)
tataH sa yaj~naM vivyAdha raudreNa hR^idi patriNA .
apakrAnstato yaj~no mR^igo bhUtvA sapAvakaH .. 10\-18\-13 (64765)
sa tu tenaiva rUpeNa divistho vai vyarAjata .
anvIyamAno rudreNa yudhiShThira nabhastale .. 10\-18\-14 (64766)
apakrAnte tato yaj~ne saMj~nA na pratyabhAtsurAn .
naShTasaMj~neShu deveShu na prAj~nAyata ki~nchana .. 10\-18\-15 (64767)
tryambakaH saviturbAhU bhagasya nayane tathA .
pUShNashcha dashanAnkruddho dhanuShkoTyA vyashAtayat .. 10\-18\-16 (64768)
prAdravan tato devA yaj~nA~NgAni cha sarvashaH .
kechittatraiva ghUrNanto gatAsava ivAbhavan .. 10\-18\-17 (64769)
sa tu vidrAvya tatsarvaM shitikamTho.avahasya cha .
avaShTabhya dhanuShkoTiM rurodha vibudhAMstataH .. 10\-18\-18 (64770)
tato vAgamarairuktA jyAM tasya dhanuSho.achChinat .
atha tatsahasA rAjaMshChinnajyaM visphuraddhanuH .. 10\-18\-19 (64771)
tato vidhanuShaM devA devashreShThamupAgaman .
sharaNaM saha yaj~nena prasAdaM chAkarotprabhuH .. 10\-18\-20 (64772)
tataH prasanno bhagavAnprAsyatkopaM jalAshaye .
sa jalaM pAvako bhUtvA shoShayatyanishaM prabho .. 10\-18\-21 (64773)
bhagasya nayane chaiva bAhU cha savitustathA .
prAdAtpUShNashcha dashanAnpunaryaj~nAMshcha pANDava .. 10\-18\-22 (64774)
tataH susthamidaM sarvaM babhUva punareva hi .
sarvANi cha havIMShyasya devA bhAgamakalpayan .. 10\-18\-23 (64775)
tasminkruddhe.abhavatsarvamasusthaM bhuvanaM prabho .
prasanne cha punaH susthaM jagadbhavati bhArata .. 10\-18\-24 (64776)
tataste nihatAH sarve tava putrA mahArathAH .
anye cha bahavaH shUrAH pA~nchAlasya padAnugAH .. 10\-18\-25 (64777)
na tanmanasi karvyaM na cha taddrauNinA kR^itam .
mahAdevaprasAdaH sa kurukAryamanantaram .. .. 10\-18\-26 (64778)

iti shrImanmahAbhArate shatasAhasrikAyAM saMhitAyAM vaiyAsikyAM
sauptikaparvaNi aiShIkaparvaNi aShTAdasho.adhyAyaH .. 18 .. samAptaM
aiShIkaparva  .. 2 .. sauptikaparva cha samAptam.. 10 ..
asyAnanraM strIparva bhaviShyati
tasyAyamAdyaH shlokaH.  10\-18\-1 (64779)
10\-18\-1x (5306)
janamejaya uvAcha .
hate duryodhane chaiva hate sainye cha sarvashaH .
dhR^itarAShTro mahArAja shrutvA kimakaronmune ..
##Mahabharata - Sauptika Parva - Chapter Footnotes##

10\-18\-5 lokayaj~no lokeShaNA sarvo mAM sAdhumeva jAnAtviti
vAsanArUpaH . kriyAyaj~naH garbhAdhAnAdisaMskArarUpaH. gR^ihayaj~naH
patnIsAdhyAgnihotrAdiH. pa~nchabhUtanR^iyaj~naH pa~nchabhUtAnAM
guNaiH shabdAdibhiryA nR^iNAM prItistadrUpaH. viShayajaM
sukhamityarthaH. etaireva chaturbhiryaj~naiH sarvaM jagatsR^iShTam ..
10\-18\-6 tatra madhyamayoH shAstroktayoryaj~nayornAshArthaM
prathamacharamayaj~nAbhyAmIshvaro dhanuH kR^itavAn kiShkurhastaH ..
10\-18\-18 aShTAdasho.adhyAyaH ..

##

\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}