%@@1
% File name             : mbhK17.itx
%--------------------------------------------
% Text title            : 17 mahAprasthAnikaparva
% Author                : Veda Vyasa
% Language              : sanskrit
% Subject               : /hindu/philosohphy/religion
% Description/comments  : Mahabharata - Southern Recension - Kumbhaghonam Edition
% Based on the `Southern Recension' of the MahAbhArata, edited by Krishnacharya
% 1906-1914
% Transliterated by     : Prof. Shrinivasa Varakhedi >worked on this with the
% support of his research team members, Prof. K. V. Ramakrishnamacharyulu, Prof.
% Amba Kulakarni, Prof. Prahladachar,  members of MSP Bangalore and many others
% Proofread by          : 
% Latest update         : October 13, 2013
% Send corrections to   : sanskrit at cheerful dot c om
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.3
% Site access           : http://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
%@@1
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. 17. mahAprasthAnikaparva Kumbhaghonam Edition ..}##
\itxtitle{.. 17\. mahAprasthAnikaparva ..}##\endtitles ##


\medskip\hrule\medskip
mahAprasthAnikaparva \- adhyAya 001
.. shrIH ..
17\.1\. adhyAyaH 1

##Mahabharata - Mahaprasthanika Parva - Chapter Topics##
bhrAtR^ibhirdraupadyA cha saha svarge jigamiShuNA yudhiShThireNa yuyutsau
rAjyabhAraniveshanapUrvakaM parikShito rAjye.abhiShechanam .. 1 ..
tathA kR^ichChrAtpaurAnumatisaMpAdanena valkaladhAraNAdipUrvakaM shunA
saha gR^ihAtprasthAnam .. 2 ..
arjunena madhyemArgamagnivachasA saniSha~Ngasya gANDIvasya varuNoddeshena
samudre prakShepaNam .. 3 ..

##Mahabharata - Mahaprasthanika Parva - Chapter Text##

shrIvedavyAsAya namaH .
nArAyaNaM namaskR^itya naraM chaiva narottamam .
devIM sarasvatIM vyAsaM tato jayamudIrayet .. 17\-1\-1 (98316)
janamejaya uvAcha. 17\-1\-1x (8075)
evaM vR^iShNyandhakakule shrutvA mausalamAhavam .
pANDavAH kimakurvanta tathA kR^iShNe divaM gate .. 17\-1\-1 (98317)
vaishampAyana uvAcha. 17\-1\-2x (8076)
shrutvaivaM kauravo rAjA vR^iShNInAM kadanaM mahat .
prasthAne matimAdhAya vAkyamarjunamabravIt .. 17\-1\-2 (98318)
kAlaH pachati bhatAni sarvANyeva mahAmate .
kAlapAshamahaM manye tvamapi draShTumarhasi .. 17\-1\-3 (98319)
ityuktaH sa tu kaunteyaH kAlaH kAla iti bruvan .
anvapadyata tadvAkyaM bhrAturjyeShThasya dhImataH .. 17\-1\-4 (98320)
arjunasya mataM j~nAtvA bhImaseno yamau tathA .
anvapadyanta tadvAkyaM yaduktaM savyasAchinA .. 17\-1\-5 (98321)
tato yuyutsumAnAyya pravrajandharmakAmyayA .
rAjyaM paridadau sarvaM vaishyAputre yudhiShThiraH .. 17\-1\-6 (98322)
abhiMShichya svarAjye cha rAjAnaM cha parikShitam .
duHkhArtashchAbravIdrAjA subhadrAM pANDavAgrajaH .. 17\-1\-7 (98323)
eSha putrasya putraste kururAjo bhaviShyati .
yadUnAM parisheShashcha vajro rAjA kR^itashcha ha .. 17\-1\-8 (98324)
parikShiddhAstinapure shakraprasthe cha yAdavaH .
vajro rAjA tvayA rakShyo mA chAdharme manaH kR^ithAH .. 17\-1\-9 (98325)
ityuktvA dharmarAjAH sa vAsudevasya dhImataH .
mAtulasya cha vR^iddhasya rAmadInAM tathaiva cha .. 17\-1\-10 (98326)
bhrAtR^ibhiH saha dharmAtmA kR^itvodakamatandritaH .
shrAddhAnyaddishya sarveShAM chakAra vidivattadA .. 17\-1\-11 (98327)
dvaipAyanaM nAradaM cha mArkaNDeyaM tapodhanam .
bhAradvAjaM yAj~navalkyaM harimuddishya yatnavAn .
abhojayatsvAdu bhojyaM kIrtayitvA cha shAr~NgiNaM ..  17\-1\-12 (98328)
dadau ratnAni vAsAMsi grAmAnashvAnrathAMstathA .
striyashcha dvijamukhyebhyastadA shatasahasrashaH .. 17\-1\-13 (98329)
kR^ipamabhyarchya cha gurumatha paurapuraskR^itam .
`AhUya bharatashreShTha saMniveshyAsane tadA.'
shiShyaM parikShitaM tasmai tadau bharatasattamaH ..  17\-1\-14 (98330)
tatastu prakR^itIH sarvAH samAnAyya yudhiShThiraH .
sarvamAchaShTa rAjarShikIrShitamathAtmanaH .. 17\-1\-15 (98331)
te shrutvaiva vachastasya paurajAnapadA janAH .
bhR^ishamudvigramanaso nAbhyanandanta tadvachaH .. 17\-1\-16 (98332)
naivaM kartavyamiti te tadochustaM janAdhipam .
na cha rAjA tathA.akArShItkAlaparyAyadharmivit .. 17\-1\-17 (98333)
tato.anumAnya dharmAtmA paurajAnapadaM janam .
gamanAya matiM chakre kR^iShNasya gamanAdapi .. 17\-1\-18 (98334)
`vartamAne vivAde tu vAstuvikrayiNaM prati .
dhanechChA yugapatprAptA kShetratasvAmibhUbhR^itAm .. 17\-1\-19 (98335)
prAptaM kaliyugaM j~nAtvA sahadevo hasanniva .
rAj~nastu kathayAmAsa dharmo naShTastu sa~NkaraH .. 17\-1\-20 (98336)
shrutvA tu durmanA rAjA paryAptaM jIvanaM mama.'
iti sma rAjA kauravyo dharmaputro yudhiShThiraH .
utsR^ijyAbharaNAnya~NgAjjagR^ihe valkalAnyuta ..  17\-1\-21 (98337)
bhImArjunayamAshchaiva draupadI cha yashasvinI .
tathaiva jagR^ihuH sarve valkalAni narAdhipa .. 17\-1\-22 (98338)
vidhivatkArayitveShTiM naiShThikIM bharatarShabha .
samutsR^ijyApsu sarve.agnInpratasthurnarapu~NgavAH .. 17\-1\-23 (98339)
tataH praruruduH sarvAH striMyo dR^iShTvA narottamAn .
prasthitAndraupadIShaShThAnpurA dyUtajitAnyathA .. 17\-1\-24 (98340)
harSho.abhavachcha sarveShAM bhrAtR^INAM gamanaM prati .
yudhiShThiramataM j~nAtvA vR^iShNikShayamavekShya cha.  17\-1\-25 (98341)
bhrAtaraH pa~ncha kR^iShNA cha ShaShThI shvA chaiva saptamaH .
AtmanA saptamo rAjA niryayau gajasAhvayAt .
paurairanugato dUraM sarvairantaHpuraistathA ..  17\-1\-26 (98342)
na chainamashakatkashchinnivartasveti bhAShitum .
nyavartanta tataH sarve narA nagaravAsinaH .. 17\-1\-27 (98343)
kR^ipaprabhR^itayashchaiva yuyutsuM paryavArayan .
vivesha ga~NgAM kauravya ulUpI bhujagAtmajA .. 17\-1\-28 (98344)
chitrA~NgadA yayau chApi maNalUrapuraM prati .
shiShTAH parikShitaM tvanyA mAtaraH paryavArayan .. 17\-1\-29 (98345)
pANDavAshcha mahAtmAno draupadI cha yashasvinI .
kR^itopavAsAH kauravya prayayuH prA~NmukhAstataH .. 17\-1\-30 (98346)
yogayuktA mahAtmAnastyAgadharmamupeyuShaH .
abhijagmurbahUndesAnsaritaH sAgarAMstathA .. 17\-1\-31 (98347)
yudhiShThiro yayAvagre bhImastu tadanantaram .
arjunastasya chAnveva yamau chApi yathAkramama .. 17\-1\-32 (98348)
pR^iShThatastu varArohA shyAmA padmadalekShaNA .
draupadI yoShitAMshreShThA yayau bharatasattama.  17\-1\-33 (98349)
shvA chaivAnuyAyAvekaH prasthitAnpANDavAnvanam .
krameNi te yayurvIrA lauhityaM salilArNavam .. 17\-1\-34 (98350)
gANDIvaM tu dhanurdivyaM na mumocha dhanaMjayaH .
ratnalobhAnmahArAja te chAkShayye maheShudhI .. 17\-1\-35 (98351)
agniM te dadR^ishustatra sthitaM shailamivAgrataH .
mArgamAvR^itya tiShThantaM sAkShAtpuruShavigraham .. 17\-1\-36 (98352)
tato devaH sa saptArchiH pANDavAnidamabravIt .
bhobho pANDusutA vIrAH pAvakaM mAM nibodhata .. 17\-1\-37 (98353)
yudhiShThira mahAbAho bhImasena paraMtapa .
arjunAshvisutau vIrau nibodhata vacho mama .. 17\-1\-38 (98354)
ahamagniH kurushreShThA mayA dagdhaM cha khANDavam .
arjunasya prabhAvena tathA nArAyaNasya cha .. 17\-1\-39 (98355)
ayaM vaH phalguno bhrAtA gANDIvaM paramAyudham .
parityajya vane yAtu nAnenArthosti kashchana .. 17\-1\-40 (98356)
chakraratnaM tu yatkR^iShNe sthitamAsInmahAtmani .
gataM tachcha punarhaste kAlenaiShyati tasya ha .. 17\-1\-41 (98357)
varuNAdAhR^itaM pUrvaM mayaitatpArthakAraNAt .
gANDIvaM dhanuShAM shreShThaM varuNAyaiva dIyatAm .. 17\-1\-42 (98358)
tataste bhrAtaraH sarve dhanaMjayamachodayan .
sa jale prAkShipachchaitattathA.akShayye maheShudhI .. 17\-1\-43 (98359)
tato.agnirbharatashreShTha tatraivAntaradhIyata .
yayuscha pANDavA vIrAstataste dakShiNAmukhAH .. 17\-1\-44 (98360)
tataste tUttareNaiva tIreNa lavaNAMbhasaH .
jagmurbharatashArdUla dishaM dakShiNapashchimAm .. 17\-1\-45 (98361)
tataH punaH samAvR^ittAH pashchimAM dishameva te .
dadR^ishurdvArakAM chApi sAgareNa pariplutAm .. 17\-1\-46 (98362)
udIchIM punarAvR^ittya yayurbharatasattamAH .
prAdakShiNyaM chikIrShantaH pR^ithivyA yogadharmiNaH .. .. 17\-1\-47 (98363)

iti shrImanmahAbhArate mahAprasthAnikaparvaNi prathamo.adhyAyaH .. 1 ..
##Mahabharata - Mahaprasthanika Parva - Chapter Footnotes##

7\-1\-2 prasthAne svargaM gantuM gR^ihAnniHsaraNe ..
7\-1\-3 pAshaM tatkR^itamAkarShaM maraNamitiyAvat . tadahaM manye
a~NgIkaromi. tvamapyetaddraShTumAlochitum ..
7\-1\-5 kAlaH kAla iti nityArthe dvitvam . aparihAryaH kAlo mR^ityuH
so.adyaivAstu kiM chireNetyAshayaH ..
7\-1\-6 dharmakAmyayA pravajannatUdvegena . paridadau tadadhInaM
kR^itavAn. tasyAbhiSheke.anadhikArAt ..
7\-1\-7 svarAjye hAstinapure ..
7\-1\-9 adharme parikShidvajrayorbAlayorarakShaNaje . mahAprasthAnamiyaM
mA kuryAditi bhAvaH ..
7\-1\-13 striyo dAsIH ..
7\-1\-18 anumAnyAnumatipradaM kR^itvA ..
7\-1\-23 naiShThikIM pAryantikIM utsargeShTimityarthaH
. AtmanyagnInsamAropyApsvagnInutsR^ijyeti j~neyam ..
7\-1\-29 anyA yudhiShThirAdInAM bhAryAH shra_utasomAdInAM mAtaraH ..
7\-1\-34 lauhityaM udayAchalaprAntasthaM samudrama ..
7\-1\-40 anena gANDIvena . arthaH prayojanam ..
7\-1\-41 kAlena avatArAntare ..

\medskip\hrule\medskip
mahAprasthAnikaparva \- adhyAya 002
.. shrIH ..
17\.2\. adhyAyaH 2

##Mahabharata - Mahaprasthanika Parva - Chapter Topics##
merugiriMprati gachChantaM yudhiShThiraM jyeShThyakramAdanugachChatsu
daupadyAdiShu yogabhraMshAtkrameNa bhUmau nipatatsu bhImaprashnAttaM
prati yudhiShThireNa teShAM patane hetukathanam .. 1 ..
tathA tataH shunA kevalamanugamyamAnena satA purogamanam .. 2 ..

##Mahabharata - Mahaprasthanika Parva - Chapter Text##

vaishampAyana uvAcha .
tataste niyatAtmAna udIchIM dishamAsthitAH .
dadR^ishuryogayuktAshcha himavantaM mahAgirim .. 17\-2\-1 (98364)
taM chApyatikramantaste dadR^ishurvAlukArNavam .
avaikShanta mahAshailaM meruM shikhariNAM varam .. 17\-2\-2 (98365)
teShAM tu gachChatAM shIghraM sarveShAM yogadhArmiNAm .
yAj~nasenI bhraShTayogA nipapAta mahItale .. 17\-2\-3 (98366)
tAM tu prapatitAM dR^iShTvA bhImaseno mahAbalaH .
uvAcha dharmarAjAnaM yAj~nasenImavekShya ha .. 17\-2\-4 (98367)
nAdharmashcharitaH kashchidrAjaputryA paraMtapa .
kAraNaM kiMnu tadbrUhi yatkR^iShNA patitA bhuvi .. 17\-2\-5 (98368)
yudhiShThira uvAcha. 17\-2\-6x (8077)
pakShapAto mahAnasyA visheSheNa dhanaMjaye .
tasyaitatphalamadyaiShA bhu~Nkte puruShasattama .. 17\-2\-6 (98369)
vaishampAyana uvAcha. 17\-2\-7x (8078)
evamuktvA.anavekShyainAM yayau bharatasattamaH .
samAdhAya mano dhImAndharmAtmA puruSharShabhaH .. 17\-2\-7 (98370)
sahadevastato vidvAnnipapAta mahItale .
taM chApi patitaM dR^iShTvA bhImo rAjAnamabravIt .. 17\-2\-8 (98371)
yo.ayamasmAsu sarveShu shushrUShuranahaMkR^itaH .
soyaM mAdravatIputraH kasmAnnipatito bhuvi .. 17\-2\-9 (98372)
yudhiShThira uvAcha. 17\-2\-10x (8079)
AtmanaH sadR^ishaM prAj~naM naiSho.amanyata ka~nchana .
tena doSheNa patito vidvAneSha nR^ipAtmajaH .. 17\-2\-10 (98373)
vaishampAyana uvAcha. 17\-2\-11x (8080)
ityuktvA taM samutsR^ijya sahadevaM yayau tadA .
bhrAtR^ibhiH saha kaunteyaH shunA chaiva yudhiShThiraH .. 17\-2\-11 (98374)
kR^iShNaM nipatitAM dR^iShTvA sahadevaM cha pANDavam .
Arto bandhupriyaH shUro nakulo nipapAta ha .. 17\-2\-12 (98375)
tasminnipatite vIre nakule chArudarshane .
punareva tadA bhImo rAjAnamidamabravIt .. 17\-2\-13 (98376)
yo.ayamakShatadharmAtmA bhrAtA vachanakArakaH .
rUpeNApratimo loke nakulaH patito bhuvi .. 17\-2\-14 (98377)
ityukto bhImasenena pratyuvAcha yudhiShThiraH .
nakulaM prati dharmAtmA sarvabuddhimatAMvaraH .. 17\-2\-15 (98378)
rUpeNi matsamo nAsti kashchidityasya darshanam .
adhikashchAhamevaika ityasya manasi sthitam .. 17\-2\-16 (98379)
nakulaH patitastasmAdAgachCha tvaM vR^ikodara .
yasya yadvihitaM vIra so.avashyaM tadupAshnute .. 17\-2\-17 (98380)
tAMstu prapatitAndR^iShTvA pANDavaH shvetavAhanaH .
papAta shokasaMtaptastatonu paravIrahA .. 17\-2\-18 (98381)
tasmiMstu puruShavyAghre patite shakratejasi .
mriyamANe durAdharShe bhImo rAjAnamabravIt .. 17\-2\-19 (98382)
anR^itaM na smarAmyasya svaireShvapi mahAtmanaH .
atha kasya vikAro.ayaM yenAyaM patito bhuvi .. 17\-2\-20 (98383)
yudhiShThira uvAcha. 17\-2\-21x (8081)
ekohaM nirdaheyaM vai shatrUnityarjuno.abravIt .
na cha tatkR^itavAneSha shUramAnI tatopatat .. 17\-2\-21 (98384)
avamene dhanurgrAhAneSha sarvAMshcha phalgunaH .
tathA chaitanna tu tathA kartavyaM bhUtimichChatA .. 17\-2\-22 (98385)
vaishampAyana uvAcha. 17\-2\-23x (8082)
ityuktvA prasthito rAjA bhImotha nipapAta ha .
patitashchAbravIdbhImo dharmarAjaM yudhiShThiram .. 17\-2\-23 (98386)
bhobho rAjannavekShasva patitohaM priyastava .
kiMnimittaM cha patanaM brUhi me yadi vettha ha .. 17\-2\-24 (98387)
yudhiShThira uvAcha. 17\-2\-25x (8083)
atibhuktaM cha bhavatA prANena cha vikatthase .
anavekShya paraM pArtha tenAsi patitaH kShitau .. 17\-2\-25 (98388)
ityuktvA taM mahAbAhurjagAmAnavalokayan .
shvApyekonuyayau yaste bahushaH kIrtito mayA .. .. 17\-2\-26 (98389)

iti shrImanmahAbhArate mahAprasthAnikaparvaNi dvitIyo.adhyAyaH .. 2 ..
##Mahabharata - Mahaprasthanika Parva - Chapter Footnotes##

7\-2\-1 tato diktrayapradakShiNIkaraNAnantaram . yogayuktAH samAhitamanasaH ..
7\-2\-3 bhraShTayogA dhyAnAt skhalitamAnasA ..
7\-2\-7 anavekShya svargAntarAyarUpaH sneho mAbhUditi bhAvaH ..

\medskip\hrule\medskip
mahAprasthAnikaparva \- adhyAya 003
.. shrIH ..
17\.3\. adhyAyaH 3

##Mahabharata - Mahaprasthanika Parva - Chapter Topics##
shunA saha gachChantaM yudhiShThiraM prati indreNa svargagamanAya
nijaratArohaNachodanA .. 1 ..
yudhiShThire shunA vinA rathArohaNamarochayamAne yamena
nijasvarUpaprakAshanena tatprashaMsanam .. 2 ..
tato yamendrAdibhI rathena svargaM prApitena yudhiShThireNa
tatra bhImAdyadarshanAdindraMprati bhrAtrAdInvinA svasya
svargepyanabhiruchikathanapUrvakaM tatsamIpagamanechChAnivedanam .. 3 ..

##Mahabharata - Mahaprasthanika Parva - Chapter Text##

vaishampAyana uvAcha .
tataH sannAdaya~nshakro divaM bhUmiM cha sarvashaH .
rathenopayayau pArthamArohetyabravIchcha tam .. 17\-3\-1 (98390)
svabhrAtR^InpatitAndR^iShTvA dharmarAjo yudhiShThiraH .
abravIchChokasaMtaptaH sahasrAkShamidaM vachaH .. 17\-3\-2 (98391)
bhrAtaraH patitA me.atra gachCheyuste mayA saha .
na vinA bhrAtR^ibhiH svargamichChe gantuM sureshvara .. 17\-3\-3 (98392)
sukumArI sukhArhA cha rAjaputrI puraMdara .
sA.asmAbhiH saha gachCheta tadbhavAnanumanyatAm .. 17\-3\-4 (98393)
shakra uvAcha. 17\-3\-5x (8084)
bhrAtR^IndrakShyasi svarge tvamagratastridivaM gatAn .
kR^iShNayA sahitAnsarvAnmA shucho bharatarShabha .. 17\-3\-5 (98394)
nikShipya mAnuShaM dehaM gatAste bharatarShabha .
anena tvaM sharIreNa svargaM gantA na saMshayaH .. 17\-3\-6 (98395)
yudhiShThira uvAcha. 17\-3\-7x (8085)
ayaM shvA bhUtabhavyesha bhakto mAM nityameva ha .
sa gachCheta mayA sArdhamAnR^ishaMsyA hi me matiH .. 17\-3\-7 (98396)
shakra uvAcha. 17\-3\-8x (8086)
amartyatvaM matsamatvaM cha rAja\-
~nshriyaM kR^itsnAM mahatIM chaiva siddhim .
saMprAptodya svargasukhAni cha tvaM
tyaja shvAnaM nAtra nR^ishaMsamasti ..  17\-3\-8 (98397)
yudhiShThira uvAcha. 17\-3\-9x (8087)
anAryamAryeNi sahasranetra
shakyaM kartuM duShkarametadArya .
mA me shriyA sa~NgamanaM tayA.astu
yasyAH kR^ite bhaktajanaM tyajeyam ..  17\-3\-9 (98398)
indra uvAcha. 17\-3\-10x (8088)
svarge loke shvavatAM nAsti dhiShNya\-
miShTApUrtaM krodhavashA haranti .
tato vichAryi kriyatAM dharmarAja
tyaja shvAnaM nAtra nR^ishaMsamasti.  17\-3\-10 (98399)
yudhiShThira uvAcha. 17\-3\-11x (8089)
bhaktatyAgaM prAhuratyantapApaM
tulyaM loke brahmavadhyAkR^itena .
tasmAnnAhaM jAtu katha~nchanAdya
tyakShyAmyenaM svasukhArthI mahendraH ..  17\-3\-11 (98400)
bhItaM bhaktaM nAnyadastIti chArtaM
prAptaM kShINaM rakShaNe prANalipsum .
prANatyAgAdapyahaM naiva moktuM
yateyaM vai nityametadvrataM me ..  17\-3\-12 (98401)
indra uvAcha. 17\-3\-13x (8090)
shunA dR^iShTaM krodhavashA haranti
yaddattamiShTaM vivR^itamatho hutaM cha .
tasmAchChunastyAgamimaM kuruShva
shunastyAgAtprApsyase devalokam ..  17\-3\-13 (98402)
tyaktvA bhrAtR^IndayitAM chApi kR^iShNAM
prApto lokaH karmaNA svena vIra .
shvAnaM chainaM na tyajase kathaM nu
tyAgaM kR^itsnaM chAsthito muhyase.adya ..  17\-3\-14 (98403)
yudhiShThira uvAcha. 17\-3\-15x (8091)
na vidyate saMdhirathApi vigraho
mR^itairmartyairiti lokeShu niShThA .
na te mayA jIvayituM hi shakyA\-
statastyAgasteShu kR^ito na jIvatAm ..  17\-3\-15 (98404)
pratipradAnaM sharaNAgatasya
striyA vadho brAhmaNasvApahAraH .
mitradrohastAni chatvAri shakra
bhaktatyAgashchaiva samo mato me ..  17\-3\-16 (98405)
vaishampAyana uvAcha. 17\-3\-17x (8092)
taddharmarAjasya vacho nishamya
dharmasvarUpI bhagavAnuvAcha .
yudhiShThiraM prItiyukto narendraM
shlakShNairvAkyaiH saMstavasaMprayuktaiH ..  17\-3\-17 (98406)
abhijAtosi rAjendra piturvR^ittena medhayA .
anukrosheni chAnena sarvabhUteShu bhArata .. 17\-3\-18 (98407)
purA dvaitavane chAsi mayA putra parIkShitaH .
pAnIyArthe parAkrAntA yatra te bhrAtaro hatAH .. 17\-3\-19 (98408)
bhImArjunau parityajya yatra tvaM bhrAtarAvubhau .
mAtroH sAmyamabhIpsanvai nakulaM jIvamichChasi .. 17\-3\-20 (98409)
ayaM shvA bhakta ityevaM tyakto devarathastvayA .
tasmAtsvarge na te tulyaH kashchidasti narAdhipaH .. 17\-3\-21 (98410)
atastavAkShayA lokAH svasharIreNa bhArata .
prAptosi bharatashreShTha divyAM gatimanuttamAm .. 17\-3\-22 (98411)
vaishampAyana uvAcha. 17\-3\-23x (8093)
tato dharmashcha shakrashcha marutashchAshvinAvapi .
devA devarShayashchaiva rathamAropya pANDavam .. 17\-3\-23 (98412)
prayayuH svairvimAnaiste siddhAH kAmavihAriNaH .
sarve virajasaH puNyAH puNyavAgbuddhikarmiNaH .. 17\-3\-24 (98413)
sa taM rathaM samAsthAya rAjA kurukulodvahaH .
UrdhvamAchakrame shIghraM tejasA.a.avR^ityarodasI .. 17\-3\-25 (98414)
tato devanikAyyastho nAradaH sarvalokavit .
uvAchochchaistadA vAkyaM bR^ihadvAdI bR^ihattapAH .. 17\-3\-26 (98415)
ye.api rAjarShayaH pUrve te chApi samupasthitAH .
kIti prachChAdya teShAM vai kururAjo.adhitiShThati .. 17\-3\-27 (98416)
lokAnAvR^itya yashasA tejasA vR^ittasaMpadA .
svasharIreNa samprAptaM nAnyaM shushrama pANDavAt .. 17\-3\-28 (98417)
tejAMsi yAni dR^iShTAni bhUmiShThena tvayA vibho .
veshmAni bhuvi devAnAM pashyAmUni sahasrashaH .. 17\-3\-29 (98418)
nAradasya vachaH shrutvA rAjA vachanamabravIt .
bhrAtR^InapashyandharmAtmA svapakShAMshchaiva pArthivAn .. 17\-3\-30 (98419)
shubhaM vA yadi vA pApaM bhrAtR^INAM sthAnamadya me .
tadeva prAptumichChAmi lokAnyAnna kAmaye .. 17\-3\-31 (98420)
rAj~nastu vachanaM shrutvA devarAjaH puraMdaraH .
AnR^ishaMsyasamAyuktaM pratyuvAcha yudhiShThiram .. 17\-3\-32 (98421)
sthAne.asminvasa rAjendra karmabhirnirjite shubhaiH .
kiM tvaM mAnuShyakaM snehamadyApi parikarShasi .. 17\-3\-33 (98422)
siddhiM prAptosi paramAM yatA nAnyaH pumAnkvachit .
naiva te bhrAtaraH sthAnaM samprAptAH kurunandana .. 17\-3\-34 (98423)
adyApi mAnuSho bhAvaH spR^ishate tvAM narAdhipa .
svargo.ayaM pashya devarShInsiddhAMshcha tridivAlayAn .. 17\-3\-35 (98424)
yudhiShThirastu devendramevaMvAdinamIshvaram .
punarevAbravIddhImAnidaM vachanamarthavat .. 17\-3\-36 (98425)
tairvinA notsahe vastumiha daityanibarhaNa .
gantumichChAmi tatrAhaM yatra me bhrAtaro gatAH .. 17\-3\-37 (98426)
yatra sA bR^ihatI shyAmA buddhisattvaguNAnvitA .
draupadI yoShitAMshreShThA yatra chaiva sutA mama .. .. 17\-3\-38 (98427)

iti shrImanmahAbhArate mahAprasthAnikaparvaNi tR^itIyo.adhyAyaH .. 3
.. mahAprasthAnikaM parvaM samAptam.. 17 ..

ataH paraM svargArohaNaparvaH tasyAyamAdyaH shlokaH .
janamejaya uvAcha .
svargaM triviShTapaM prApya mama pUrvapitAmahAH .
pANDavA dhArtarAShTrAshcha kAni sthAnAni bhejire .. 1 ..
idaM mahAprasthAnikaM parva kuMbhaghoNasyena ##TI.Ar## .
kR^iShNamAchAryeNa ##TI.Ar## .
vyAsAchAryeNa cha mumbayyAM nirNayasAgaramudrAyantre mudrApitam .
shakAbdAH 1832 sana 1910\.
##Mahabharata - Mahaprasthanika Parva - Chapter Footnotes##

17\-3\-8 aspR^ishyasya saMtyAga nR^ishaMsaM nirdayatvaM nAsti ..
17\-3\-10 shvavatAmashuchitvAddhiShNyaM sthAnaM svarge nAsti . krodhavashA
nAma devagaNA ashucheriShTApUrtaphalaM ghnanti ..
17\-3\-18 abhijAtosi kulInosi . pituH pANDoH ..
17\-3\-26 nikAyyastho nivAsasthaH ..
17\-3\-27 samupasthitAH smR^itiviShayAH santi ..
17\-3\-31 yadeva bhrAtR^INAM sthAnaM prAptumichChAmi ..
31


##

\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}