%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
%                   machine-readable Text of the mahaabhaarata
%                       based on the poona critical edition
%                              produced by muneo tokunaga
%                                   kyoto, japan
%                             completed on november 14, 1991
%                 the first revised version(v1): september 16, 1994
%
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
======================================================================
==  The files in this directory are revised versions of the         ==
==  digital files produced by Professor Muneo Tokunaga, Kyoto       ==
==  University, and copyrighted by him. I am grateful to Professor  ==
==  Tokunaga for his agreement to this use of his original files    ==
==  and for permitting the revised versions to be made publicly     ==
==  available.                                                      ==
======================================================================
==  Dr J. D. Smith                *              jds10@cam.ac.uk    ==
==  http://bombay.oriental.cam.ac.uk/index.html                     ==
======================================================================
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
% ITRANS conversion questions to: Avinash Chopde <avinash@acm.org>
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. mahaabhaarata..}##\setcounter{section}{11}##
##\begin{center}##
\section{shaa.ntiparva.n}
##\end{center}##
##\begin{multicols}{2}\obeylines##

\medskip\hrule\medskip\centerline{\Largedvng 1}
 vaizampaayana

kR^itodakAste suhR^ida.n sarveShAM pANDunandanAH . 
viduro dhR^itarAShTrashcha sarvAshcha bharata striyaH .. 1..\\
tatra te sumahAtmAno nyavasankurunandanAH . 
shauchaM nivartayiShyanto mAsamekaM bahiH purAt .. 2..\\
kR^itodaka.n tu rAjAnaM dharmAtmAna.n yudhiShThiram . 
abhijagmurmahAtmAnaH siddhA brahmarShisattamAH .. 3..\\
dvaipAyano nAradashcha devalashcha mahAnR^iShiH . 
devasthAnashcha kaNvashcha teShA.n shiShyAshcha sattamAH .. 4..\\
anye cha veda vidvA.nsaH kR^itapraGYA dvijAtayaH . 
gR^ihasthAH snAtakAH sarve dadR^ishuH kurusattamam .. 5..\\
abhigamya mahAtmAnaH pUjitAshcha yathAvidhi . 
AsaneShu mahArheShu vivishuste maharShayaH .. 6..\\
pratigR^ihya tataH pUjA.n tatkAlasadR^ishIM tadA . 
paryupAsanyathAnyAyaM parivArya yudhiShThiram .. 7..\\
puNye bhAgIrathI tIre shokavyAkula chetasam . 
AshvAsayanto rAjAna.n viprAH shatasahasrashaH .. 8..\\
nAradastvabravItkAle dharmAtmAna.n yudhiShThiram . 
vichArya munibhiH sArdha.n tatkAlasadR^isha.n vachaH .. 9..\\
bhavato bAhuvIryeNa prasAdAnmAdhavasya cha . 
jiteyamavaniH kR^itsnA dharmeNa cha yudhiShThiraH .. 10..\\
diShTyA muktAH sma sa~NgrAmAdasmAllokabhaya~NkarAt . 
kShatradharmaratashchApi kachchinmodasi pANDava .. 11..\\
kachchichcha nihatAmitraH prINAsi suhR^ido nR^ipa . 
kachchichchhriyamimAM prApya na tvA.n shokaH prabAdhate .. 12..\\

 yudhisthira

vijiteyaM mahIkR^itsnA kR^iShNa bAhubalAshrayAt . 
brAhmaNAnAM prasAdena bhImArjunabalena cha .. 13..\\
ida.n tu me mahadduHkha.n vartate hR^idi nityadA . 
kR^itvA GYAtikShayamimaM mahAnta.n lobhakAritam .. 14..\\
saubhadra.n draupadeyAMshcha ghAtayitvA priyAnsutAn . 
jayo.ayamajayAkAro bhagavanpratibhAti me .. 15..\\
kiM nu vakShyati vArShNeyI vadhUrme madhusUdanam . 
dvArakAvAsinI kR^iShNamitaH pratigata.n harim .. 16..\\
draupadI hataputreya.n kR^ipaNA hatabAndhavA . 
asmatpriyahite yuktA bhUyo pIDayatIva mAm .. 17..\\
idamanyachcha bhagavanyattvA.n vakShyAmi nArada . 
mantrasa.nvaraNenAsmi kuntyA duHkhena yojitaH .. 18..\\
yo.asau nAgAyuta balo loke.apratiratho raNe . 
si.nhakhela gatirdhImAnghR^iNI dAnto yatavrataH .. 19..\\
Ashramo dhArtarAShTrANAM mAnI tIkShNaparAkramaH . 
amarShI nityasa.nrambhI kSheptAsmAka.n raNe raNe .. 20..\\
shIghrAstrashchitrayodhI cha kR^itI chAdbhutavikramaH . 
gUDhotpannaH sutaH kuntyA bhrAtAsmAka.n cha sodaraH .. 21..\\
toyakarmaNi ya.n kuntI kathayAmAsa sUryajam . 
putra.n sarvaguNopetamavakIrNa.n jale purA .. 22..\\
ya.n sUtaputraM loko.ayaM rAdheya.n chApyamanyata . 
sa jyeShThaputraH kuntyA vai bhrAtAsmAka.n cha mAtR^ijaH .. 23..\\
ajAnatA mayA sa~Nkhye rAjyalubdhena ghAtitaH . 
tanme dahati gAtrANi tUlarAshimivAnalaH .. 24..\\
na hi ta.n veda pArtho.api bhrAtaraM shvetavAhanaH . 
nAhaM na bhImo na yamau sa tvasmAnveda suvrataH .. 25..\\
gatA kila pR^ithA tasya sakAshamiti naH shrutam . 
asmAka.n shama kAmA vai tva.n cha putro mametyatha .. 26..\\
pR^ithAyA na kR^itaH kAmastena chApi mahAtmanA . 
ati pashchAdidaM mAtaryavochaditi naH shrutam .. 27..\\
na hi shakShyAmyaha.n tyaktuM nR^ipaM duryodhana.n raNe . 
anArya.n cha nR^isha.nsaM cha kR^itaghnaM cha hi me bhavet .. 28..\\
yudhiShThireNa sandhi.n chayadi kuryAM mate tava . 
bhIto raNe shvetavAhAditi mAM ma.nsyate janaH .. 29..\\
so.ahaM nirjitya samare vijaya.n saha keshavam . 
sandhAsye dharmaputreNa pashchAditi cha so.abravIt .. 30..\\
tamavochatkila pR^ithA punaH pR^ithula vakShasam . 
chaturNAmabhaya.n dehi kAma.n yudhyasva phalgunam .. 31..\\
so.abravInmAtara.n dhImAnvepamAnaH kR^itA~njaliH . 
prAptAnviShahyAMshchaturo na haniShyAmi te sutAn .. 32..\\
pa~nchaiva hi sutA mAtarbhaviShyanti hi te dhruvam . 
sa karNA vA hate pArthe sArjunA vA hate mayi .. 33..\\
taM putragR^iddhinI bhUyo mAtAputramathAbravIt . 
bhrAtR^INA.n svasti kurvIthA yeShAM svasti chikIrShasi .. 34..\\
tamevamuktvA tu pR^ithA visR^ijyopayayau gR^ihAn . 
so.arjunena hato vIro bhrAtA bhrAtrA sahodaraH .. 35..\\
na chaiva vivR^ito mantraH pR^ithAyAstasya vA mune . 
atha shUro maheShvAsaH pArthenAsau nipAtitaH .. 36..\\
aha.n tvaGYAsiShaM pashchAtsvasodaryaM dvijottama . 
pUrvajaM bhrAtara.n karNaM pR^ithAyA vachanAtprabho .. 37..\\
tena me dUyate.atIva hR^idayaM bhrAtR^ighAtinaH . 
karNArjuna sahAyo.aha.n jayeyamapi vAsavam .. 38..\\
sabhAyA.n klishyamAnasya dhArtarAShTrairdurAtmabhiH . 
sahasotpatitaH krodhaH karNa.n dR^iShTvA prashAmyati .. 39..\\
yadAyhyasya giro rUkShAH shR^iNomi kaTukodayAH . 
sabhAyA.n gadato dyUte duryodhanahitaiShiNaH .. 40..\\
tadA nashyati me krodhaH pAdau tasya nirIkShya ha . 
kuntyA hi sadR^ishau pAdau karNasyeti matirmama .. 41..\\
sAdR^ishya hetumanvichchhanpR^ithAyAstava chaiva ha . 
kAraNaM nAdhigachchhAmi katha.n chidapi chintayan .. 42..\\
kathaM nu tasya sa~NgrAme pR^ithivI chakramagrasat . 
katha.n cha shapto bhrAtA me tattva.n vaktumihArhasi .. 43..\\
shrotumichchhAmi bhagava.nstvattaH sarva.n yathAtatham . 
bhavAnhi sarvavidvidvA.Nlloke veda kR^itAkR^itam .. 44..\\
\medskip\hrule\medskip\centerline{\Largedvng 2}
 vaizampaayana

sa evamuktastu munirnArado vadatA.n varaH . 
kathayAmAsa tatsarva.n yathA shaptaH sasUtajaH .. 1..\\
evametanmahAbAho yathA vadasi bhArata . 
na karNArjunayoH ki.n chidaviShahyaM bhavedraNe .. 2..\\
guhyametattu devAnA.n kathayiShyAmi te nR^ipa . 
tannibodha mahArAja yathAvR^ittamidaM purA .. 3..\\
kShatra.n svarga.n kathaM gachchhechchhastra pUtamiti prabho . 
sa~NgharShajananastasmAtkanyA garbho vinirmitaH .. 4..\\
sa bAlastejasA yuktaH sUtaputratvamAgataH . 
chakArA~NgirasA.n shreShThe dhanurveda.n gurau tava .. 5..\\
sabalaM bhImasenasya phalgunasya cha lAghavam . 
buddhi.n cha tava rAjendra yamayorvinayaM tathA .. 6..\\
sakhya.n cha vAsudevena bAlye gANDivadhanvanaH . 
prajAnAmanurAga.n cha chintayAno vyadahyata .. 7..\\
sa sakhyamagamadbAlye rAGYA duryodhanena vai . 
yuShmAbhirnityasandviShTo daivAchchApi svabhAvataH .. 8..\\
vidyAdhikamathAlakShya dhanurvede dhana~njayam . 
droNa.n rahasyupAgamya karNo vachanamabravIt .. 9..\\
brahmAsta.n vettumichchhAmi sa rahasyanivartanam . 
arjunena samo yuddhe bhaveyamiti me matiH .. 10..\\
samaH putreShu cha snehaH shiShyeShu cha tava dhruvam . 
tvatprasAdAnna mAM brUyurakR^itAstra.n vichakShaNAH .. 11..\\
droNastathoktaH karNena sApekShaH phalgunaM prati . 
daurAtmya.n chApi karNasya viditvA tamuvAcha ha .. 12..\\
brahmAstaM brAhmaNo vidyAdyathAvachcharitavrataH . 
kShatriyo vA tapasvI yo nAnyo vidyAtkatha.n chana .. 13..\\
ityukto.a~NgirasA.n shreShThamAmantrya pratipUjya cha . 
jagAma sahasA rAmaM mahendraM parvataM prati .. 14..\\
sa tu rAmamupAgamya shirasAbhipraNamya cha . 
brAhmaNo bhArgavo.asmIti gauraveNAbhyagachchhata .. 15..\\
rAmastaM pratijagrAha pR^iShTvA gotrAdi sarvashaH . 
uShyatA.n svAgata.n cheti prItimAMshchAbhavadbhR^isham .. 16..\\
tatra karNasya vasato mahendre parvatottame . 
gandharvai rAkShasairyakShairdevaishchAsItsamAgamaH .. 17..\\
sa tatreShvastramakarodbhR^igushreShThAdyathAvidhi . 
priyashchAbhavadatyartha.n devagandharvarakShasAm .. 18..\\
sa kadA chitsamudrAnte vicharannAshramAntike . 
ekaH khaDgadhanuH pANiH parichakrAma sUta jaH .. 19..\\
so.agnihotraprasaktasya kasya chidbrahmavAdinaH . 
jaghAnAGYAnataH pArtha homadhenu.n yadR^ichchhayA .. 20..\\
tadaGYAnakR^itaM matvA brAhmaNAya nyavedayat . 
karNaH prasAdayaMshchainamidamityabravIdvachaH .. 21..\\
abuddhi pUrvaM bhagavandhenureShA hatA tava . 
mayA tatra prasAdaM me kuruShveti punaH punaH .. 22..\\
ta.n sa vipro.abravItkruddho vAchA nirbhartsayanniva . 
durAchAra vadhArhastvaM phalaM prApnuhi durmate .. 23..\\
yena vispardhase nitya.n yadartha.n ghaTase.anisham . 
yudhyatastena te pApabhUmishchakra.n grasiShyati .. 24..\\
tatashchakre mahI graste mUrdhAna.n te vichetasaH . 
pAtayiShyati vikramya shatrurgachchha narAdhama .. 25..\\
yatheya.n gaurhatA mUDha pramattena tvayA mama . 
pramattasyaivamevAnyaH shiraste pAtayiShyati .. 26..\\
tataH prasAdayAmAsa punasta.n dvijasattamam . 
gobhirdhanaishcha ratnaishcha sa chainaM punarabravIt .. 27..\\
nedaM madvyAhR^ita.n kuryAtsarvaloko.api vai mR^iShA . 
gachchha vA tiShTha vA yadvA kArya.n te tatsamAchara .. 28..\\
ityukto brAhmaNenAtha karNo dainyAdadhomukhaH . 
rAmamabhyAgamadbhItastadeva manasA smaran .. 29..\\
\medskip\hrule\medskip\centerline{\Largedvng 3}
 naarada

karNasya bAhuvIryeNa prashrayeNa damena cha . 
tutoSha bhR^igushArdUlo gurushushrUShayA tathA .. 1..\\
tasmai sa vidhivatkR^itsnaM brahmAstra.n sa nivartanam . 
provAchAkhilamavyagra.n tapasvI sutapasvine .. 2..\\
viditAstrastataH karNo ramamANo.a.ashrame bhR^igoH . 
chakAra vai dhanurvede yatnamadbhutavikramaH .. 3..\\
tataH kadA chidrAmastu charannAshramamantikAt . 
karNena sahito dhImAnupavAsena karshitaH .. 4..\\
suShvApa jAmadagnyo vai visrambhotpanna sauhR^idaH . 
karNasyotsa~Nga AdhAya shiro klAntamanA guruH .. 5..\\
atha kR^imiH shleShma mayo mA.nsashoNitabhojanaH . 
dAruNo dAruNasparshaH karNasyAbhyAshamAgamat .. 6..\\
sa tasyorumathAsAdya bibheda rudhirAshanaH . 
na chainamashakatkSheptu.n hantuM vApi gurorbhayAt .. 7..\\
sandashyamAno.api tathA kR^imiNA tena bhArata . 
guru prabodha sha~NkI cha tamupaikShata sUta jaH .. 8..\\
karNastu vedanA.n dhairyAdasahyA.n vinigR^ihya tAm . 
akampannavyathaMshchaiva dhArayAmAsa bhArgavam .. 9..\\
yadA tu ridhireNA~Nge parispR^iShTo bhR^igUdvahaH . 
tadAbudhyata tejasvI santaptashchedamabravIt .. 10..\\
aho.asmyashuchitAM prAptaH kimida.n kriyate tvayA . 
kathayasva bhaya.n tyaktvA yAthAtathyamidaM mama .. 11..\\
tasya karNastadAchaShTa kR^imiNA paribhakShaNam . 
dadarsha rAmasta.n chApi kR^imi.n sUkara saMnibham .. 12..\\
aShTa pAda.n tIkShNadaMShTra.n sUchIbhiriva sa.nvR^itam . 
romabhiH saMniruddhA~NgamalarkaM nAma nAmataH .. 13..\\
sa dR^iShTamAtro rAmeNa kR^imiH prANAnavAsR^ijat . 
tasminnevAsR^iksa~Nklinne tadadbhutamivAbhavat .. 14..\\
tato.antarikShe dadR^ishe vishvarUpaH karAlavAn . 
rAkShaso lohitagrIvaH kR^iShNA~Ngo meghavAhanaH .. 15..\\
sa rAma prA~njalirbhUtvA babhAShe pUrNamAnasaH . 
svasti te bhR^igushArdUla gamiShyAmi yathAgatam .. 16..\\
mokShito narakAdasmi bhavatA munisattama . 
bhadra.n cha te.asu nandishcha priyaM me bhavatA kR^itam .. 17..\\
tamuvAchaM mahAbAhurjAmadagnyaH pratApavAn . 
kastva.n kasmAchcha narakaM pratipanno bravIhi tat .. 18..\\
so.abravIdahamAsaM prAggR^itso nAma mahAsuraH . 
purA devayuge tAta bhR^igostulyavayA iva .. 19..\\
so.ahaM bhR^igorsudayitAM bhAryAmapaharaM balAt . 
maharSherabhishApena kR^imibhUto.apataM bhuvi .. 20..\\
abravIttu sa mA.n krodhAttava pUrvapitAmahaH . 
mUtra shleShmAshanaH pApanirayaM pratipatsyase .. 21..\\
shApasyAnto bhavedbrahmannityeva.n tamathAbruvam . 
bhavitA bhArgave rAma iti mAmabravIdbhR^iguH .. 22..\\
so.ahametA.n gatiM prApto yathA na kushalaM tathA . 
tvayA sAdho samAgamya vimuktaH pApayonitaH .. 23..\\
evamuktvA namaskR^itya yayau rAmaM mahAsuraH . 
rAmaH karNa.n tu sa krodamida.n vachanamabravIt .. 24..\\
ati duHkhamidaM mUDha na jAtu brAhmaNaH sahet . 
kShatriyasyaiva te dhairya.n kAmayA satyamuchyatAm .. 25..\\
tamuvAcha tataH karNaH shApabhItaH prasAdayan . 
brahmakShatrAntare sUta.n jAtaM mA.n viddhi bhArgava .. 26..\\
rAdheyaH karNa iti mAM pravadanti janA bhuvi . 
prasAda.n kuru me brahmannastralubdhasya bhArgava .. 27..\\
pitA gururna sandeho veda vidyA pradaH prabhuH . 
ato bhArgava ityuktaM mayA gotra.n tavAntike .. 28..\\
tamuvAcha bhR^igushreShThaH saroShaH prahasanniva . 
bhUmau nipatita.n dIna.n vepamAna kR^itA~njalim .. 29..\\
yasmAnmithyopacharito astralobhAdiha tvayA . 
tasmAdetaddhi te mUDha brahmAstraM pratibhAsyati .. 30..\\
anyatra vadhakAlAtte sadR^ishena sameyuShaH . 
abrAhmaNe na hi brahma dhruva.n tiShThetkadA chana .. 31..\\
gachchhedAnIM na te sthAnamanR^itasyeha vidyate . 
na tvayA sadR^isho yuddhe bhavitA kshatriyo bhuvi .. 32..\\
evamuktastu rAmeNa nyAyenopajagAma saH . 
duryodhanamupAgamya kR^itAstro.asmIti chAbravIt .. 33..\\
\medskip\hrule\medskip\centerline{\Largedvng 4}
 naarada

karNastu samavApyaitadastraM bhArgavanandanAt . 
duryodhanena sahito mumude bharatarShabha .. 1..\\
tataH kadA chidrAjAnaH samAjagmuH svaya.nvare . 
kali~Nga viShaye rAjanrAGYashchitrA~Ngadasya cha .. 2..\\
shrImadrAjapuraM nAma nagara.n tatra bhArata . 
rAjAnaH shatashastatra kanyArtha.n samupAgaman .. 3..\\
shutvA duryodhanastatra sametAnsarvapArthivAn . 
rathena kA~nchanA~Ngena karNena sahito yayau .. 4..\\
tataH svaya.nvare tasminsampravR^itte mahotsave . 
samApeturnR^ipatayaH kanyArthe nR^ipasattama .. 5..\\
shishupAlo jarAsandho bhIShmako vakra eva cha . 
kapota romA nIlashcha rukmI cha dR^iDhavikramaH .. 6..\\
sR^igAlashcha mahArAja strI rAjyAdhipatishcha yaH . 
ashokaH shatadhanvA cha bhojo vIrashcha nAmataH .. 7..\\
ete chAnye cha bahavo dakShiNA.n dishamAshritAH . 
mlechchhAchAryAshcha rAjAnaH prAchyodIchyashcha bhArata .. 8..\\
kA~nchanA~NgadinaH sarve baddhajAmbUnada srajaH . 
sarve bhAsvaradehAshcha vyAghrA iva madotkaTAH .. 9..\\
tataH samupaviShTeShu teShu rAjasu bhArata . 
vivesha ra~Nga.n sA kanyA dhAtrI varShadharAnvitA .. 10..\\
tataH saMshrAvyamANeShu rAGYAM nAmasu bhArata . 
atyakrAmaddhArtarAShTra.n sA kanyA varavarNinI .. 11..\\
duryodhanastu kauravyo nAmarShayata la~Nghanam . 
pratyaShedhachcha tA.n kanyAmasatkR^itya narAdhipAn .. 12..\\
sa vIryamadamattatvAdbhIShmadroNAvupAshritaH . 
rathamAropya tA.n kanyAmAjuhAva narAdhipAn .. 13..\\
tamanvayAdrathI khaDgI bhaddha godhA~NgulitravAn . 
karNaH shasta bhR^itA.n shreShThaH pR^iShThataH puruSharShabha .. 14..\\
tato vimardaH sumahAnrAGYAmAsIdyudhiShThiraH . 
saMnahyatA.n tanutrANi rathAnyojayatAm api .. 15..\\
te.abhyadhAvanta sa~NkruddhAH karNaduryodhanAvubhau . 
sharavarShANi mu~nchanto meghAH parvatayoriva .. 16..\\
karNasteShAmApatatAmekaikena kShureNa ha . 
dhanUMShi sa sharAvApAnyapAtayata bhUtale .. 17..\\
tato vidhanuShaH kAMshchitkAMshchidudyatakArmukAn . 
kAMshchidudvahato bANAnrathashakti gadAstathA .. 18..\\
lAghavAdAkulI kR^ityakarNaH praharatA.n varaH . 
hatasUtAMshcha bhUyiShThAnavajigye narAdhipAn .. 19..\\
te svaya.n tvarayanto.ashvAnyAhi yAhIti vAdinaH . 
vyapeyuste raNa.n hitvA rAjAno bhagnamAnasAH .. 20..\\
duryodhanastu karNena pAlyamAno.abhyayAttadA . 
hR^iShTaH kanyAmupAdAya naragaM nAgasAhvayam .. 21..\\
\medskip\hrule\medskip\centerline{\Largedvng 5}
 naarada

AviShkR^itabala.n karNa.n GYAtvA rAjA tu mAgadhaH . 
AhvayaddvairathenAjau jarAsandho mahIpatiH .. 1..\\
tayoH samabhavadyuddha.n divyAstraviduShordvayoH . 
yudhi nAnApraharaNairanyonyamabhivarShatoH .. 2..\\
kShINabANau vi dhanuShau bhagnakhaDgau mahI.n gatau . 
bAhubhiH samasa~njetAmubhAvapi balAnvitau .. 3..\\
bAhukaNTaka yuddhena tasya karNo.atha yudhyataH . 
bibheda sandhi.n dehasya jarayA shleShitasya ha .. 4..\\
sa vikAra.n sharIrasya dR^iShTvA nR^ipatirAtmanaH . 
prIto.asmItyabravItkarNa.n vairamutsR^ijya bhArata .. 5..\\
prItyA dadau sa karNAya mAlinIM nagarIm atha . 
a~NgeShu narashArdUla sa rAjAsItsapatnajit .. 6..\\
pAlayAmAsa champA.n tu karNaH parabalArdanaH . 
duryodhanasyAnumate tavApi vidita.n tathA .. 7..\\
eva.n shastrapratApena prathitaH so.abhavatkShitau . 
tvaddhitArtha.n surendreNa bhikShito varma kuNDale .. 8..\\
sa divye sahaje prAdAtkuNDale paramArchite . 
sahaja.n kavachaM chaiva mohito deva mAyayA .. 9..\\
vimuktaH kuNDalAbhyA.n cha sahajena cha varmaNA . 
nihato vijayenAjau vAsudevasya pashyataH .. 10..\\
brAhmaNasyAbhishApena rAmasya cha mahAtmanaH . 
kuntyAshcha varadAnena mAyayA cha shatakratoH .. 11..\\
bhIShmAvamAnAtsa~NkhyAyA.n rathAnAmardhakIrtanAt . 
shalyAttejovadhAchchApi vAsudeva nayena cha .. 12..\\
rudrasya devarAjasya yamasya varuNasya cha . 
kubera droNayoshchaiva kR^ipasya cha mahAtmanaH .. 13..\\
astrANi divyAnyAdAya yudhi gANDIvadhanvanA . 
hato vaikartanaH karNo divAkarasamadyutiH .. 14..\\
eva.n shaptastava bhrAtA bahubhishchApi va~nchitaH . 
na shochyaH sa naravyAghro yuddhe hi nidhana.n gataH .. 15..\\
\medskip\hrule\medskip\centerline{\Largedvng 6}
 vaizampaayana

etAvaduktvA devarShirvirarAma sa nAradaH . 
yudhiShThirastu rAjarShirdadhyau shokapariplutaH .. 1..\\
ta.n dInamanasa.n vIramadho vadanamAtulam . 
niHshvasanta.n yathA nAgaM paryashrunayana.n tathA .. 2..\\
kuntI shokaparItA~NgI duHkhopahata chetanA . 
abravInmadhurAbhAShA kAle vachanamarthavat .. 3..\\
yudhiShThira mahAbAho naina.n shochitumarhasi . 
jahi shokaM mahAprAGYa shR^iNu cheda.n vacho mama .. 4..\\
yatitaH sa mayA pUrvaM bhrAtrya.n GYApayitu.n tava . 
bhAskareNa cha devena pitrA dharmabhR^itA.n vara .. 5..\\
yadvAchya.n hitakAmena suhR^idA bhUtimichchhatA . 
tathA divAkareNoktaH svapnAnte mama chAgrataH .. 6..\\
na chainamashakadbhAnuraha.n vA snehakAraNaiH . 
purA pratyanunetu.n vA netuM vApyekatA.n tvayA .. 7..\\
tataH kAlaparItaH sa vairasyoddhukShaNe rataH . 
pratIpa kArI yuShmAkamiti chopekShito mayA .. 8..\\
ityukto dharmarAjastu mAtrA bAShpAkulekShaNaH . 
uvAcha vAkya.n dharmAtmA shokavyAkula chetanaH .. 9..\\
bhavatyA gUDhamantratvAtpIDito.asmItyuvAcha tAm . 
shashApa cha mahAtejAH sarvalokeShu cha striyaH . 
na guhya.n dhArayiShyantItyatiduHkha samanvitaH .. 10..\\
sa rAjA putrapautrANA.n sambandhisuhR^idA.n tathA . 
smarannudvignahR^idayo babhUvAsvastha chetanaH .. 11..\\
tataH shokaparItAtmA sa dhUma iva pAvakaH . 
nirvedamakaroddhImAnrAjA santApapIDitaH .. 12..\\
\medskip\hrule\medskip\centerline{\Largedvng 7}
 vaizampaayana

yudhiShThirastu dharmAtmA shokavyAkula chetanaH . 
shushocha duHkhasantaptaH smR^itvA karNaM mahAratham .. 1..\\
AviShTo duHkhashokAbhyAM niHshvasaMshcha punaH punaH . 
dR^iShTvArjunamuvAcheda.n vachanaM shokakarshitaH .. 2..\\
yadbhaikShamAchariShyAma vR^iShNyandhakapure vayam . 
GYAtInniShpuruShAnkR^itvA nemAM prApsyAma durgatim .. 3..\\
amitrA naH samR^iddhArthA vR^ittArthAH kuravaH kila . 
AtmAnamAtmanA hatvA ki.n dharmaphalamApnumaH .. 4..\\
dhigastu kShAtramAchAra.n dhigastu balamaurasam . 
dhigastvamarSha.n yenemAmApada.n gamitA vayam .. 5..\\
sAdhu kShamA damaH shauchamavairodhyamamatsaraH . 
ahi.nsA satyavachanaM nityAni vanachAriNAm .. 6..\\
vaya.n tu lobhAnmohAchcha stambhaM mAnaM cha saMshritAH . 
imAmavasthAmApannA rAjyalesha bubhukShayA .. 7..\\
trailokyasyApi rAjyena nAsmAnkashchitpraharShayet . 
bAndhavAnnihatAndR^iShTvA pR^ithivyAmAmiShaiShiNaH .. 8..\\
te vayaM pR^ithivI hetoravadhyAnpR^ithivIsamAn . 
samparityajya jIvAmo hInArthA hatabAndhavAH .. 9..\\
AmiShe gR^idhyamAnAnAmashunAM naH shunAm iva . 
AmiSha.n chaiva no naShTamAmiShasya cha bhojinaH .. 10..\\
na pR^ithivyA sakalayA na suvarNasya rAshibhiH . 
na gavAshvena sarveNa te tyAjyA ya ime hatAH .. 11..\\
sa.nyuktAH kAmamanyubhyA.n krodhAmarShasamanvitAH . 
mR^ityuyAna.n samAruhya gatA vaivasvatakShayam .. 12..\\
bahukalyANamichchhanta Ihante pitaraH sutAn . 
tapasA brahmacharyeNa vandanena titikShayA .. 13..\\
upavAsaistathejyAbhirvratakautuka ma~NgalaiH . 
labhante mAtaro garbhA.nstAnmAsAndasha bibhrati .. 14..\\
yadi svasti prajAyante jAtA jIvanti vA yadi . 
sambhAvitA jAtabalAste dadyuryadi naH sukham . 
iha chAmutra chaiveti kR^ipaNAH phalahetukAH .. 15..\\
tAsAmaya.n samArambho nivR^ittaH kevalo.aphalaH . 
yadAsAM nihatAH putrA yuvAno mR^iShTakuNDalAH .. 16..\\
abhuktvA pArthivAnbhogAnR^iNAnyanavadAya cha . 
pitR^ibhyo devatAbhyashcha gatA vaivasvatakShayam .. 17..\\
yadaiShAma~Ngapitarau jAtau kAmamayAviva . 
sa~njAtabalarUpeShu tadaiva nihatA nR^ipAH .. 18..\\
sa.nyuktAH kAmamanyubhyA.n krodhaharShAsama~njasAH . 
na te janma phala.n kiM chidbhoktAro jAtu karhi chit .. 19..\\
pA~nchAlAnA.n kurUNAM cha hatA eva hi ye.ahatAH . 
te vaya.n tvadhamA.NllokAnprapadyema svakarmabhiH .. 20..\\
vayamevAsya lokasya vinAshe kAraNa.n smR^itAH . 
dhR^itarAShTrasya putreNa nikR^ityA pratyapatsmahi .. 21..\\
sadaiva nikR^itipraGYo dveShTA mAyopajIvanaH . 
mithyavR^ittaH sa satatamasmAsvanapakAriShu .. 22..\\
aMshakAmA vaya.n te cha na chAsmAbhirna tairjitam . 
na tairbhukteyamavanirna nAryo gItavAditam .. 23..\\
nAmAtya samitau kathyaM na cha shrutavatA.n shrutam . 
na ratnAni parArdhyAni na bhUrna draviNAgamaH .. 24..\\
R^iddhimasmAsu tA.n dR^iShTvA vivarNo hariNaH kR^ishaH . 
dhR^itarAShTrasya nR^ipateH saubalena niveditaH .. 25..\\
taM pitA putragR^iddhitvAdanumene.anaye sthitam . 
anavekShyaiSha pitara.n gA~Ngeya.n viduraM tathA . 
asaMshaya.n dhR^itarAShTro yathaivAhaM tathAgataH .. 26..\\
aniyamyAshuchi.n lubdhaM putra.n kAmavashAnugam . 
patito yashaso dIptAdghAtayitvA sahodarAn .. 27..\\
imau vR^iddhau cha shokAgnau prakShipya sa suyodhanaH . 
asmatpradveSha sa.nyuktaH pApabuddhiH sadaiva hi .. 28..\\
ko hi bandhuH kulInaH sa.nstathA brUyAtsuhR^ijjane . 
yathAsAvuktavAnkShudro yuyutsurvR^iShNisaMnidhau .. 29..\\
Atmano hi vaya.n doShAdvinaShTAH shAshvatIH samAH . 
pradahanto dishaH sarvAstejasA bhAskarA iva .. 30..\\
so.asmAka.n vairapuruSho durmantri pragraha.n gataH . 
duryodhanakR^ite hyetatkulaM no vinipAtitam . 
avadhyAnA.n vadha.n kR^itvA loke prAptAH sma vAchyatAm .. 31..\\
kulasyAsyAnta karaNa.n durmatiM pApakAriNam . 
rAjA rAShTreshvara.n kR^itvA dhR^itarAShTro.adya shochati .. 32..\\
hatAH shUrAH kR^itaM pApa.n viShayaH svo vinAshitaH . 
hatvA no vigato manyuH shoko mA.n rundhayatyayam .. 33..\\
dhana~njaya kR^itaM pApa.n kalyANenopahanyate . 
tyAgavAMshcha punaH pApaM nAla.n kartumiti shrutiH .. 34..\\
tyAgavA~njanma maraNe nApnotIti shrutiryadA . 
prAptavarmA kR^itamatirbrahma sampadyate tadA .. 35..\\
sadhana~njaya nirdvandvo munirGYAnasamanvitaH . 
vanamAmantrya vaH sarvAngamiShyAmi parantapa .. 36..\\
na hi kR^itsnatamo dharmaH shakyaH prAptumiti shrutiH . 
parigrahavatA tanme pratyakShamarisUdana .. 37..\\
mayA nisR^iShTaM pApa.n hi parigrahamabhIpsatA . 
janma kShayanimitta.n cha shakyaM prAptumiti shrutiH .. 38..\\
sa parigrahamutsR^ijya kR^itsna.n rAjya.n tathaiva cha . 
gamiShyAmi vinirmukto vishoko vi jvarastathA .. 39..\\
prashAdhi tvamimAmurvI.n kShemAM nihatakaNTakAm . 
na mamArtho.asti rAjyena na bhogairvA kurUttama .. 40..\\
etAvaduktvA vachana.n dharmarAjo yudhiShThiraH . 
vyupAramattataH pArthaH kanIyAnpratyabhAShata .. 41..\\
\medskip\hrule\medskip\centerline{\Largedvng 8}
 vaizampaayana

athArjuna uvAchedamadhikShipta ivAkShamI . 
abhinItatara.n vAkya.n dR^iDhavAdaparAkramaH .. 1..\\
darshayannaindrirAtmAnamugramugraparAkramaH . 
smayamAno mahAtejAH sR^ikkiNI sa.nlihanmuhuH .. 2..\\
aho duHkhamaho kR^ichchhramaho vaiklavyamuttamam . 
yatkR^itvAmAnuSha.n karma tyajethAH shriyamuttamAm .. 3..\\
shatrUnhatvA mahI.n labdhvA svadharmeNopapAditAm . 
hatAmitraH katha.n sarva.n tyajethA buddhilAghavAt .. 4..\\
klIbasya hi kuto rAjya.n dIrghasUtrasya vA punaH . 
kimartha.n cha mahIpAlAnavadhIH krodhamUrchhitaH .. 5..\\
yo hyAjijIviShedbhaikShya.n karmaNA naiva kena chit . 
samArambhAnbubhUSheta hatasvastiraki~ncanaH . 
sarvalokeShu vikhyAto na putrapashusa.nhitaH .. 6..\\
kApAlIM nR^ipa pApiShThA.n vR^ittimAsthAya jIvataH . 
santyajya rAjyamR^iddha.n te loko.ayaM ki.n vadiShyati .. 7..\\
sarvArambhAnsamutsR^ijya hatasvastiraki~ncanaH . 
kasmAdAsha.nsase bhaikShya.n chartuM prAkR^itavatprabho .. 8..\\
asminrAjakule jAto jitvA kR^itsnA.n vasundharAm . 
dharmArthAvakhilau hitvA vanaM mauDhyAtpratiShThase .. 9..\\
yadImAni havIMShIha vimathiShyantyasAdhavaH . 
bhavatA viprahINAni prApta.n tvAmeva kilbiSham .. 10..\\
Aki~ncanyamanAshAsyamiti vai nahuSho.abravIt . 
kR^ityA nR^isha.nsA hyadhane dhigastvadhanatAm iha .. 11..\\
ashvastanamR^iShINA.n hi vidyate veda tadbhavAn . 
ya.n tvimaM dharmamityAhurdhanAdeSha pravartate .. 12..\\
dharma.n sa.nharate tasya dhanaM harati yasya yaH . 
hriyamANe dhane rAjanvaya.n kasya kShamemahi .. 13..\\
abhishastavatprapashyanti daridraM pArshvataH sthitam . 
dAridryaM pAtaka.n loke kastachchha.nsitumarhati .. 14..\\
patitaH shochyate rAjannirdhanashchApi shochyate . 
visheShaM nAdhigachchhAmi patitasyAdhanasya cha .. 15..\\
arthebhyo hi vivR^iddhebhyaH sambhR^itebhyastatastataH . 
kriyAH sarvAH pravartante parvatebhya ivApa gAH .. 16..\\
ardhAddharmashcha kAmashcha svargashchaiva narAdhipa . 
prANayAtrA hi lokasya vinArthaM na prasidhyati .. 17..\\
arthena hi vihInasya puruShasyAlpamedhasaH . 
vyuchchhidyante kriyAH sarvA grIShme ku sarito yathA .. 18..\\
yasyArthAstasya mitrANi yasyArthAstasya bAndhavAH . 
yasyArthAH sa pumA.Nlloke yasyArthAH sa cha paNDitaH .. 19..\\
adhanenArthakAmena nArthaH shakyo vivitsatA . 
arthairarthA nibadhyante gajairiva mahAgajAH .. 20..\\
dharmaH kAmashcha svargashcha harShaH krodhaH shruta.n damaH . 
arthAdetAni sarvANi pravartante narAdhipa .. 21..\\
dhanAtkulaM prabhavati dhanAddharmaH pravartate . 
nAdhanasyAstyaya.n loko na paraH puruShottama .. 22..\\
nAdhano dharmakR^ityAni yathAvadanutiShThati . 
dhanAddhi dharmaH sravati shailAdgirinadI yathA .. 23..\\
yaH kR^ishAshvaH kR^isha gavaH kR^isha bhR^ityaH kR^ishAtithiH . 
sa vai rAjankR^isho nAma na sharIrakR^ishaH kR^ishaH .. 24..\\
avekShasva yathAnyAyaM pashya devAsura.n yathA . 
rAjankimanyajGYAtInA.n vadhAdR^idhyanti devatAH .. 25..\\
na cheddhartavyamanyasya katha.n taddharmamArabhet . 
etAvAneva vedeShu nishchayaH kavibhiH kR^itaH .. 26..\\
adhyetavyA trayI vidyA bhavitavya.n vipashchitA . 
sarvathA dhanamAhArya.n yaShTavya.n chApi yatnataH .. 27..\\
krohAddevairavAptAni divi sthAnAni sarvashaH . 
iti devA vyavasitA vedavAdAshcha shAshvatAH .. 28..\\
adhIyante tapasyanti yajante yAjayanti cha . 
kR^itsna.n tadeva cha shreyo yadapyAdadate.anyataH .. 29..\\
na pashyAmo.anapahR^ita.n dhanaM kiM chitkva chidvayam . 
evameva hi rAjAno jayanti pR^ithivImimAm .. 30..\\
jitvA mamatvaM bruvate putrA iva piturdhane . 
rAjarShayo jitasvargA dharmo hyeShAM nigadyate .. 31..\\
yathaiva pUrNAdudadheH syandantyApo disho dasha . 
eva.n rAjakulAdvittaM pR^ithivIM pratitiShThati .. 32..\\
AsIdiya.n dilIpasya nR^igasya nahuShasya cha . 
ambarIShasya mAndhAtuH pR^ithivI sA tvayi sthitA .. 33..\\
sa tvA.n dravyamayo yaGYaH samprAptaH sarvadakShiNaH . 
ta.n chenna yajase rAjanprAptastvaM devakilbiSham .. 34..\\
yeShA.n rAjAshvamedhena yajate dakShiNAvatA . 
upetya tasyAvabhR^ithaM pUtAH sarve bhavanti te .. 35..\\
vishvarUpo mahAdevaH sarvamedhe mahAmakhe . 
juhAva sarvabhUtAni tathaivAtmAnamAtmanA .. 36..\\
shAshvato.ayaM bhUtipatho nAsyAntamanushushruma . 
mahAndAsharathaH panthA mA rAjankApatha.n gamaH .. 37..\\
\medskip\hrule\medskip\centerline{\Largedvng 9}
 yudhisthira

muhUrta.n tAvadekAgro manaH shrotre.antarAtmani . 
dhArayitvApi te shrutvA rochatA.n vachanaM mama .. 1..\\
sArthagamyamahaM mArgaM na jAtu tvatkR^ite punaH . 
gachchheya.n tadgamiShyAmi hitvA grAmyasukhAnyuta .. 2..\\
kShemyashchaikAkinA gamyaH panthAH ko.astIti pR^ichchha mAm . 
atha vA nechchhasi praShTumapR^ichchhannapi me shR^iNu .. 3..\\
hitvA grAmyasukhAchAra.n tapyamAno mahattapaH . 
araNye phalamUlAshI chariShyAmi mR^igaiH saha .. 4..\\
juhvAno.agni.n yathAkAlamubhau kAlAvupaspR^ishan . 
kR^ishaH parimitAhArashcharma chIrajaTA dharaH .. 5..\\
shItavAtAtapa sahaH kShutpipAsAshramakShamaH . 
tapasA vidhidR^iShTena sharIramupashoShayan .. 6..\\
manaHkarNasukhA nitya.n shR^iNvannuchchAvachA giraH . 
muditAnAmaraNyeShu vasatAM mR^igapakShiNAm .. 7..\\
AjighranpeshalAngandhAnphullAnA.n vR^ikShavIrudhAm . 
nAnArUpAnvane pashyanramaNIyAnvanaukasaH .. 8..\\
vAna prasthajanasyApi darshana.n kulavAsinaH . 
nApriyANyAchariShyAmi kiM punargrAmavAsinAm .. 9..\\
ekAntashIlI vimR^ishanpakvApakvena vartayan . 
pitR^IndevAMshcha vanyena vAgbhiradbhish cha tarpayan .. 10..\\
evamAraNya shAstrANAmugramugratara.n vidhim . 
sevamAnaH pratIkShiShye dehasyAsya samApanam .. 11..\\
atha vaiko.ahamekAhamekaikasminvanaspatau . 
charanbhaikShyaM munirmuNDaH kShapayiShye kalevaram .. 12..\\
pA.nsubhiH samavachchhannaH shUnyAgAra pratishrayaH . 
vR^ikShamUlaniketo vA tyaktasarvapriyApriyaH .. 13..\\
na shochanna prahR^iShyaMshcha tulyanindAtmasa.nstutiH . 
nirAshIrnirmamo bhUtvA nirdvandvo niShparigrahaH .. 14..\\
AtmArAmaH prasannAtmA jaDAndhabadhirAkR^itiH . 
akurvANaH paraiH kA.n chitsa.nvidaM jAtu kena chit .. 15..\\
ja~NgamAja~NgamAnsarvAnna vihi.nsaMshchaturvidhAn . 
prajAH sarvAH svadharmasthAH samaH prANabhR^itaH prati .. 16..\\
na chApyavahasanka.n chinna kurvanbhrukuTIM kva chit . 
prasannavadano nitya.n sarvendriyasusa.nyataH .. 17..\\
apR^ichchhankasya chinmArga.n vrajanyenaiva kena chit . 
na deshaM na disha.n kAM chidgantumichchhanvisheShataH .. 18..\\
gamane nirapekShashcha pashchAdanavalokayan . 
R^ijuH praNihito gachchha.nstrasa sthAvaravarjakaH .. 19..\\
svabhAvastu prayAtyagre prabhavantyashanAnyapi . 
dvandvAni cha viruddhAni tAni sarvANyachintayan .. 20..\\
alpa.n vAsvAdu vA bhojyaM pUrvAlAbhena jAtuchit . 
anyeShvapi chara.NllAbhamalAbhe sapta pUrayan .. 21..\\
vi dhUme nyastamusale vya~NgAre bhuktavajjane . 
atItapAtra sa~ncAre kAle vigatabhikShuke .. 22..\\
ekakAla.n charanbhaikShyaM gR^ihe dve chaiva pa~ncha cha . 
spR^ihA pAshAnvimuchyAha.n chariShyAmi mahImimAm .. 23..\\
na jijIviShuvatki.n chinna mumUrShuvadAcharan . 
jIvitaM maraNa.n chaiva nAbhinandanna cha dviShan .. 24..\\
vAsyaika.n takShato bAhuM chandanenaikamukShataH . 
nAkalyANaM na kalyANa.n chintayannubhayostayoH .. 25..\\
yAH kAshchijjIvatA shakyAH kartumabhyudaya kriyAH . 
sarvAstAH samabhityajya nimeShAdi vyavasthitaH .. 26..\\
teShu nityamasaktashcha tyaktasarvendriyakriyaH . 
suparityakta sa~NkalpaH sunirNiktAtma kalmaShaH .. 27..\\
vimuktaH sarvasa~Ngebhyo vyatItaH sarvavAgurAH . 
na vashe kasya chittiShThansa dharmA mAtarishvanaH .. 28..\\
vItarAgashcharanneva.n tuShTiM prApsyAmi shAshvatIm . 
tR^iShNayA hi mahatpApamaGYAnAdasmi kAritaH .. 29..\\
kushalAkushalAnyeke kR^itvA karmANi mAnavAH . 
kAryakAraNa saMshliShTa.n svajanaM nAmabibhratI .. 30..\\
AyuSho.ante prahAyeda.n kShINaprAyaM kalevaram . 
pratigR^ihNAti tatpApa.n kartuH karmaphala.n hi tat .. 31..\\
eva.n sa.nsArachakre.asminvyAviddhe rathachakravat . 
sameti bhUtagrAmo.ayaM bhUtagrAmeNa kAryavAn .. 32..\\
janmamR^ityujarAvyAdhivedanAbhirupadrutam . 
asAramimamasvanta.n sa.nsAra.n tyajataH sukham .. 33..\\
divaH patatsu deveShu sthAnebhyashcha maharShiShu . 
ko hi nAma bhavenArthI bhavetkAraNatattvavit .. 34..\\
kR^itvA hi vividha.n karma tattadvividhalakShaNam . 
pArthivairnR^ipatiH svalpaiH kAraNaireva badhyate .. 35..\\
tasmAtpraGYAmR^itamida.n chirAnmAM pratyupasthitam . 
tatprApya prArthaye sthAnamavyaya.n shAshvata.n dhruvam .. 36..\\
etayA satata.n vR^ittyA charannevaM prakArayA . 
deha.n sa.nsthApayiShyAmi nirbhayaM mArgamAsthitaH .. 37..\\
\medskip\hrule\medskip\centerline{\Largedvng 10}
 bhiima

shrotriyasyeva te rAjanmandakasyAvipashchitaH . 
anuvAka hatA buddhirnaiShA tattvArtha darshinI .. 1..\\
Alasye kR^itachittasya rAjadharmAnasUyataH . 
vinAshe dhArtarAShTrANA.n kiM phalaM bharatarShabha .. 2..\\
kShamAnukampA kAruNyamAnR^isha.nsyaM na vidyate . 
kShAtramAcharato mArgamapi bandhostvadantare .. 3..\\
yadImAM bhavato buddhi.n vidyAma vayamIdR^ishIm . 
shastraM naiva grahIShyAmo na vadhiShyAma ka.n chana .. 4..\\
bhaikShyamevAchariShyAma sharIrasyA vimokShaNAt . 
na cheda.n dAruNa.n yuddhamabhaviShyanmahIkShitAm .. 5..\\
prANasyAnnamida.n sarvamiti vai kavayo viduH . 
sthAvara.n ja~NgamaM chaiva sarvaM prANasya bhojanam .. 6..\\
AdadAnasya chedrAjya.n ye ke chitparipanthinaH . 
hantavyAsta iti prAGYAH kShatradharmavido viduH .. 7..\\
te sa doShA hatAsmAbhI rAjyasya paripanthinaH . 
tAnhatvA bhu~NkShva dharmeNa yudhiShThira mahImimAm .. 8..\\
yathA hi puruShaH khAtvA kUpamaprApya chodakam . 
pa~Nkadigdho nivarteta karmedaM nastathopamam .. 9..\\
yathAruhya mahAvR^ikShamapahR^itya tato madhu . 
aprAshya nidhana.n gachchhetkarmedaM nastathopamam .. 10..\\
yathA mahAntamadhvAnamAshayA puruShaH patan . 
sa nirAsho nivarteta karmedaM nastathopamam .. 11..\\
yathA shatrUnghAtayitvA puruShaH kurusattama . 
AtmAna.n ghAtayetpashchAtkarmedaM nastathAvidham .. 12..\\
yathAnna.n kShudhito labdhvA na bhu~njIta yadR^ichchhayA . 
kAmI cha kAminI.n labdhvA karmedaM nastathAvidham .. 13..\\
vayamevAtra garhyA hi ye vayaM mandachetasaH . 
tvA.n rAjannanugachchhAmo jyeShTho.ayamiti bhArata .. 14..\\
vaya.n hi bAhubalinaH kR^itavidyA manasvinaH . 
klIbasya vAkye tiShThAmo yathaivAshaktayastathA .. 15..\\
agatInkAgatInasmAnnaShTArthAnarthasiddhaye . 
katha.n vai nAnupashyeyurjanAH pashyanti yAdR^isham .. 16..\\
ApatkAle hi saMnyAsaH kartavya iti shiShyate . 
jarayAbhiparItena shatrubhirvya.nsitena cha .. 17..\\
tasmAdiha kR^itapraGYAstyAgaM na parichakShate . 
dharmavyatikrama.n chedaM manyante sUkShmadarshinaH .. 18..\\
katha.n tasmAtsamutpannastanniShThastadupAshrayaH . 
tadeva nindannAsIta shraddhA vAnyatra gR^ihyate .. 19..\\
shriyA vihInairadhanairnAstikaiH sampravartitam . 
vedavAdasya viGYAna.n satyAbhAsamivAnR^itam .. 20..\\
shakya.n tu mauNDyamAsthAya bibhratAtmAnamAtmanA . 
dharmachchhadma samAsthAya AsituM na tu jIvitum .. 21..\\
shakyaM punararaNyeShu sukhamekena jIvitum . 
abibhratA putrapautrAndevarShInatithInpitR^In .. 22..\\
neme mR^igAH svargajito na varAhA na pakShiNaH . 
athaitena prakAreNa puNyamAhurna tA~njanAH .. 23..\\
yadi saMnyAsataH siddhi.n rAjankashchidavApnuyAt . 
parvatAshcha drumAshchaiva kShipra.n siddhimavApnuyuH .. 24..\\
ete hi nityasaMnyAsA dR^ishyante nirupadravAH . 
aparigrahavantashcha satata.n chAtmachAriNaH .. 25..\\
atha chedAtmabhAgyeShu nAnyeShA.n siddhimashnute . 
tasmAtkarmaiva kartavyaM nAsti siddhirakarmaNaH .. 26..\\
audakAH sR^iShTayashchaiva jantavaH siddhimApnuyuH . 
yeShAmAtmaiva bhartavyo nAnyaH kash chana vidyate .. 27..\\
avekShasva yathA svaiH svaiH karmabhirvyApR^ita.n jagat . 
tasmAtkarmaiva kartavyaM nAsti siddhirakarmaNaH .. 28..\\
\medskip\hrule\medskip\centerline{\Largedvng 11}
 arjuna

atraivodAharantImamitihAsaM purAtanam . 
tApasaiH saha sa.nvAda.n shakrasya bharatarShabha .. 1..\\
ke chidgR^ihAnparityajya vanamabhyagamandvijAH . 
ajAtashmashravo mandAH kule jAtAH pravavrajuH .. 2..\\
dharmo.ayamiti manvAnA brahmacharye vyavasthitAH . 
tyaktvA gR^ihAnpitR^IMshchaiva tAnindro.anvakR^ipAyata .. 3..\\
tAnAbabhAShe bhagavAnpakShI bhUtvA hiranmayaH . 
suduShkaraM manuShyaishcha yatkR^ita.n vighasAshibhiH .. 4..\\
puNya.n cha bata karmaiShAM prashastaM chaiva jIvitam . 
sa.nsiddhAste gatiM mukhyAM prAptA dharmaparAyaNAH .. 5..\\

 rsarah

aho batAya.n shakunirvighasAshAnprasha.nsati . 
asmAnnUnamaya.n shAsti vaya.n cha vighasAshinaH .. 6..\\

 zakuni

nAha.n yuShmAnprasha.nsAmi pa~NkadigdhAnrajasvalAn . 
uchchhiShTa bhojino mandAnanye vai vighasAshinaH .. 7..\\

 rsayah

ida.n shreyo paramiti vayamevAbhyupAsmahe . 
shakune brUhi yachchhreyo bhR^isha.n vai shraddadhAma te .. 8..\\

 zakuni

yadi mAM nAbhisha~Nkadhva.n vibhAjyAtmAnamAtmanA . 
tato.aha.n vaH pravakShyAmi yAthA tathyaM hitaM vachaH .. 9..\\

 rsayah

shR^iNumaste vachastAta panthAno viditAstava . 
niyoge chaiva dharmAtmansthAtumichchhAmi shAdhi naH .. 10..\\

 zakuni

chatuShpadA.n gauH pravarA lohAnAM kA~nchana.n varam . 
shabdAnAM pravaro mantro brAhmaNo dvipadA.n varaH .. 11..\\
mantrAya.n jAtakarmAdi brAhmaNasya vidhIyate . 
jIvato yo yathAkAla.n shmashAnanidhanAditi .. 12..\\
karmANi vaidikAnyasya svargyaH panthAstvanuttamaH . 
atha sarvANi karmANi mantrasiddhAni chakShate .. 13..\\
AmnAyadR^iDhavAdIni tathA siddhiriheShyate . 
mAsArdha mAsA R^itava Aditya shashitArakam .. 14..\\
Ihante sarvabhUtAni tadR^ita.n karmasa~NginAm . 
siddhikShetramidaM puNyamayamevAshramo mahAn .. 15..\\
atha ye karma nindanto manuShyAH kApatha.n gatAH . 
mUDhAnAmarthahInAnA.n teShAm enastu vidyate .. 16..\\
deva vaMshAnpitR^ivaMshAnbrahma vaMshAMshcha shAshvatAn . 
santyajya mUDhA vartante tato yAntyashrutI patham .. 17..\\
etadvo.astu tapo yukta.n dadAnItyR^iShichoditam . 
tasmAttadadhyavasatastapasvitapa uchyate .. 18..\\
deva vaMshAnpitR^ivaMshAnbrahma vaMshAMshcha shAshvatAn . 
sa.nvibhajya guroshcharyA.n tadvai duShkaramuchyate .. 19..\\
devA vai duShkara.n kR^itvA vibhUtiM paramAM gatAH . 
tasmAdgArhasthyamudvoDhu.n duShkaraM prabravImi vaH .. 20..\\
tapo shreShThaM prajAnA.n hi mUlametanna saMshayaH . 
kuTumba vidhinAnena yasminsarvaM pratiShThitam .. 21..\\
etadvidustapo viprA dvandvAtItA vimatsarAH . 
tasmAdvanaM madhyama.n cha lokeShu tapa uchyate .. 22..\\
durAdharShaM pada.n chaiva gachchhanti vighasAshinaH . 
sAyamprAtarvibhajyAnna.n svakuTumbe yathAvidhi .. 23..\\
dattvAtithibhyo devaibhyaH pitR^ibhyaH svajanasya cha . 
avashiShTAni ye.ashnAti tAnAhurvighasAshinaH .. 24..\\
tasmAtsvadharmamAsthAya suvratAH satyavAdinaH . 
lokasya guravo bhUtvA te bhavantyanupaskR^itAH .. 25..\\
tridivaM prApya shakrasya svargaloke vimatsarAH . 
vasanti shAshvatIrvarShA janA duShkarakAriNaH .. 26..\\
tataste tadvacho shrutvA tasya dharmArthasa.nhitam . 
utsR^ijya nAstika gati.n gArhasthyaM dharmamAshritAH .. 27..\\
tasmAttvamapi durdharSha dhairyamAlambya shAshvatam . 
prashAdhi pR^ithivI.n kR^itsnA.n hatAmitrAM narottama .. 28..\\
\medskip\hrule\medskip\centerline{\Largedvng 12}
 vaizampaayana

arjunasya vacho shrutvA nakulo vAkyamabravIt . 
rAjAnamabhisamprekShya sarvadharmabhR^itA.n varam .. 1..\\
anurudhya mahAprAGYo bhrAtushchittamarindamaH . 
vyUDhoraH ko mahAbAhustAmrAsyo mita bhAShitA .. 2..\\
vishAkha yUpe devAnA.n sarveShAmagnayashchitAH . 
tasmAdviddhi mahArAja devAnkarma pathi sthitAn .. 3..\\
anAstikAnAstikAnAM prANadAH pitarash cha ye . 
te.api karmaiva kurvanti vidhiM pashyasva pArthiva . 
vedavAdApaviddhA.nstu tAnviddhi bhR^ishanAstikAn .. 4..\\
na hi vedoktamutsR^ijya vipraH sarveShu karmasu . 
deva yAnena nAkasya pR^iShThamApnoti bhArata .. 5..\\
atyAshramAnaya.n sarvAnityAhurveda nishchayAH . 
brAhmaNAH shrutisampannAstAnnibodha janAdhipa .. 6..\\
vittAni dharmalabdhAni kratumukhyeShvavAsR^ijan . 
kR^itAtmasu mahArAja sa vai tyAgI smR^ito naraH .. 7..\\
anavekShya sukhAdAna.n tathevordhvaM pratiShThitaH . 
AtmatyAgI mahArAja sa tyAgI tAmasaH prabho .. 8..\\
aniketaH paripatanvR^ikShamUlAshrayo muniH . 
apAchakaH sadA yogI sa tyAgI pArtha bhikShukaH .. 9..\\
krodhaharShAvanAdR^itya paishunya.n cha vishAM pate . 
vipro vedAnadhIte yaH sa tyAgI guru pUjakaH .. 10..\\
AshramA.nstulayA sarvAndhR^itAnAhurmanIShiNaH . 
ekataste trayo rAjangR^ihasthAshrama ekataH .. 11..\\
samIkShate tu yo.artha.n vai kAmasvarga.n cha bhArata . 
ayaM panthA maharShINAmiya.n lokavidA.n gatiH .. 12..\\
iti yaH kurute bhAva.n sa tyAgI bharatarShabha . 
na yaH parityajya gR^ihAnvanameti vimUDhavat .. 13..\\
yadA kAmAnsamIkSheta dharmavaita.nsiko.anR^ijuH . 
athainaM mR^ityupAshena kaNThe badhnAti mR^ityurAj .. 14..\\
abhimAna kR^ita.n karma naitatphalavaduchyate . 
tyAgayuktaM mahArAja sarvameva mahAphalam .. 15..\\
shamo damastapo dAna.n satyaM shauchamathArjavam . 
yaGYo dhR^itishcha dharmashcha nityamArSho vidhiH smR^itaH .. 16..\\
pitR^idevAtithi kR^ite samArambho.atra shasyate . 
atraiva hi mahArAja trivargaH kevalaM phalam .. 17..\\
etasminvartamAnasya vidhau vipraniShevite . 
tyAginaH prakR^itasyeha nochchhittirvidyate kva chit .. 18..\\
asR^ijaddhi prajA rAjanprajApatirakalmaShaH . 
mA.n yakShyantIti shAntAtmA yaGYairvividhadakShiNaiH .. 19..\\
vIrudhashchaiva vR^ikShAMshcha yaGYArtha.n cha tathauShadhIH . 
pashUMshchaiva tathA medhyAnyaGYArthAni havIMShi cha .. 20..\\
gR^ihasthAshramiNastachcha yaGYakarma virodhakam . 
tasmAdgArhasthyameveha duShkara.n durlabhaM tathA .. 21..\\
tatsamprApya gR^ihasthA ye pashudhAnya samanvitAH . 
na yajante mahArAja shAshvata.n teShu kilbiSham .. 22..\\
svAdhyAyayaGYA R^iShayo GYAnayaGYAstathApare . 
athApare mahAyaGYAnmanasaiva vitanvate .. 23..\\
eva.n dAnasamAdhAnaM mArgamAtiShThato nR^ipa . 
dvijAterbrahmabhUtasya spR^ihayanti divaukasaH .. 24..\\
sa ratnAni vichitrANi sambhR^itAni tatastataH . 
makheShvanabhisantyajya nAstikyamabhijalpasi . 
kuTumbamAsthite tyAgaM na pashyAmi narAdhipa .. 25..\\
rAjasUyAshvamedheShu sarvamedheShu vA punaH . 
ya chAnye kratavastAta brAhmaNairabhipUjitAH . 
tairyajasva mahArAja shakro devapatiryathA .. 26..\\
rAGYaH pramAdadoSheNa dasyubhiH parimuShyatAm . 
asharaNyaH prajAnA.n yaH sa rAjA kaliruchyate .. 27..\\
ashvAngAshchaiva dAsIshcha kareNUshcha svala.n kR^itAH . 
grAmA~njanapadAMshchaiva kShetrANi cha gR^ihANi cha .. 28..\\
apradAya dvijAtibhyo mAtsaryAviShTa chetasaH . 
vaya.n te rAjakalayo bhaviShyAmo vishAM pate .. 29..\\
adAtAro.asharaNyAshcha rAjakilbiSha bhAginaH . 
duHkhAnAmeva bhoktAro na sukhAnA.n kadA chana .. 30..\\
aniShTvA cha mahAyaGYairakR^itvAcha pitR^isvadhAm . 
tIrtheShvanabhisantyajya pravrajiShyasi chedatha .. 31..\\
chhinnAbhramiva gantAsi vilayaM mAruteritam . 
lokayorubhayorbhraShTo hyantarAle vyavasthitaH .. 32..\\
antarbahishcha yatki.n chinmano vyAsa~Nga kArakam . 
parityajya bhavettyAgI na yo hitvA pratiShThate .. 33..\\
etasminvartamAnasya vidhau vipraniShevite . 
brAhmaNasya mahArAja nochchhittirvidyate kva chit .. 34..\\
nihatya shatrU.nstarasA samR^iddhAn 
shakro yathA daitya balAni sa~Nkhye . 
kaH pArtha shochennirataH svadharme 
pUrvaiH smR^ite pArthiva shiShTajuShTe .. 35..\\
kShAtreNa dharmeNa parAkrameNa 
jitvA mahIM mantravidbhyaH pradAya . 
nAkasya pR^iShThe.asi narendra gantA 
na shochitavyaM bhavatAdya pArtha .. 36..\\
\medskip\hrule\medskip\centerline{\Largedvng 13}
 sahadeva

na bAhya.n dravyamutsR^ijya siddhirbhavati bhArata . 
shArIra.n dravyamutsR^ijya siddhirbhavati vA na vA .. 1..\\
bAhyadravyavimuktasya sharIreShu cha gR^idhyataH . 
yo dharmo yatsukha.n vA syAddviShatA.n tattathAstu naH .. 2..\\
shArIra.n dravyamutsR^ijya pR^ithivImanushAsataH . 
yo dharmo yatsukha.n vA syAtsuhR^idA.n tattathAstu naH .. 3..\\
dvyakSharastu bhavenmR^ityustryakSharaM brahma shAshvatam . 
mameti cha bhavenmR^ityurna mameti cha shAshvatam .. 4..\\
brahma mR^ityU cha tau rAjannAtmanyeva samAshritau . 
adR^ishyamAnau bhUtAni yodhayetAmasaMshayam .. 5..\\
avinAsho.asya sattvasya niyato yadi bhArata . 
bhittvA sharIraM bhUtAnAM na hi.nsA pratipatsyate .. 6..\\
athApi cha sahotpattiH sattvasya pralayastathA . 
naShTe sharIre naShTa.n syAdvR^ithA cha syAtkriyA pathaH .. 7..\\
tasmAdekAntamutsR^ijya pUrvaiH pUrvataraishcha yaH . 
panthA niShevitaH sadbhiH sa niShevyo vijAnatA .. 8..\\
labdhvApi pR^ithivI.n kR^itsnA.n sahasthAvaraja~NgamAm . 
na bhu~Nkte yo nR^ipaH samya~NniShphala.n tasya jIvitam .. 9..\\
atha vA vasato rAjanvane vanyena jIvataH . 
dravyeShu yasya mamatA mR^ityorAsye sa vartate .. 10..\\
bAhyAbhyantara bhUtAnA.n svabhAvaM pashya bhArata . 
ye tu pashyanti tadbhAvaM muchyante mahato bhayAt .. 11..\\
bhavAnpitA bhavAnmAtA bhavAnbhrAtA bhavAnguruH . 
duHkhapralApAnArtasya tasmAnme kShantumarhasi .. 12..\\
tathya.n vA yadi vAtathyaM yanmayaitatprabhAShitam . 
tadviddhi pR^ithivIpAla bhaktyA bharatasattama .. 13..\\
\medskip\hrule\medskip\centerline{\Largedvng 14}
 vaizampaayana

avyAharati kaunteye dharmarAje yudhiShThire . 
bhrAtR^INAM bruvatA.n tA.nstAnvividhAnveda nishchayAn .. 1..\\
mahAbhijana sampannA shrImatyAyatalochanA . 
abhyabhAShata rAjendra.n draupadI.n yoShitAM varA .. 2..\\
AsInamR^iShabha.n rAGYAM bhrAtR^ibhiH parivAritam . 
si.nhashArdUlasadR^ishairvAraNairiva yUthapam .. 3..\\
abhimAnavatI nitya.n visheSheNa yudhiShThire . 
lAlitA satata.n rAGYA dharmaGYA dharmadarshinI .. 4..\\
Amantrya vipulashroNI sAmnA paramavalgunA . 
bhartAramabhisamprekShya tato vachanamabravIt .. 5..\\
ime te bhrAtaraH pArtha shuShyanta stokakA iva . 
vAvAshyamAnAstiShThanti na chainAnabhinandase .. 6..\\
nandayaitAnmahArAja mattAniva mahAdvipAn . 
upapannena vAkyena satata.n duHkhabhAginaH .. 7..\\
katha.n dvaitavane rAjanpUrvamuktvA tathA vachaH . 
bhrAtR^InetAnsma sahitA~nshItavAtAtapArditAn .. 8..\\
vaya.n duryodhana.n hatvA mR^idhe bhokShyAma medinIm . 
sampUrNA.n sarvakAmAnAmAhave vijayaiShiNaH .. 9..\\
virathAshcha rathAnkR^itvA nihatya cha mahAgajAn . 
sa.nstIrya cha rathairbhUmi.n sa sAdibhirarindamAH .. 10..\\
yajatA.n vividhairyaGYaiH samR^iddhairAptadakShiNaiH . 
vanavAsa kR^ita.n duHkhaM bhaviShyati sukhAya naH .. 11..\\
ityetAnevamuktvA tva.n svaya.n dharmabhR^itAM vara . 
kathamadya punarvIra viniha.nsi manA.nsyuta .. 12..\\
na klIbo vasudhAM bhu~Nkte na klIbo dhanamashnute . 
na klIbasya gR^ihe putrA matsyAH pa~Nka ivAsate .. 13..\\
nAdaNDaH kShatriyo bhAti nAdaNDo bhUtimashnute . 
nAdaNDasya prajA rAjNaH sukhamedhanti bhArata .. 14..\\
mitratA sarvabhUteShu dAnamadhyayana.n tapaH . 
brAhmaNasyaiSha dharmaH syAnna rAGYo rAjasattama .. 15..\\
asatAM pratiShedhashcha satA.n cha paripAlayan . 
eSha rAGYAM paro dharmaH samare chApalAyanam .. 16..\\
yasminkShamA cha krodhashcha dAnAdAne bhayAbhaye . 
nigrahAnugrahau chobhau sa vai dharmaviduchyate .. 17..\\
na shrutena na dAnena na sAntvena na chejyayA . 
tvayeyaM pR^ithivI labdhA notkochena tathApyuta .. 18..\\
yattadbalamamitrANA.n tathA vIra samudyatam . 
hastyashvarathasampanna.n tribhira~Ngairmahattaram .. 19..\\
rakShita.n droNakarNAbhyAmashvatthAmnA kR^ipeNa cha . 
tattvayA nihata.n vIra tasmAdbhu~NkShva vasundharAm .. 20..\\
jambUdvIpo mahArAja nAnAjanapadAyutaH . 
tvayA puruShashArdUla daNDena mR^iditaH prabho .. 21..\\
jambUdvIpena sadR^ishaH krau~nchadvIpo narAdhipa . 
apareNa mahAmerordaNDena mR^iditastvayA .. 22..\\
krau~nchadvIpena sadR^ishaH shAkadvIpo narAdhipa . 
pUrveNa tu mahAmerordaNDena mR^iditastvayA .. 23..\\
uttareNa mahAmeroH shAkadvIpena saMmitaH . 
bhadrAshvaH puruShavyAghra daNDena mR^iditastvayA .. 24..\\
dvIpAshcha sAntaradvIpA nAnAjanapadAlayAH . 
vigAhya sAgara.n vIra daNDena mR^iditAstvayA .. 25..\\
etAnyapratimAni tva.n kR^itvA karmANi bhArata . 
na prIyase mahArAja pUjyamAno dvijAtibhiH .. 26..\\
sa tvaM bhrAtR^InimAndR^iShTvA pratinandasva bhArata . 
R^iShabhAniva saMmattAngajendrAnUrjitAniva .. 27..\\
amara pratimAH sarve shatrusAhAH parantapAH . 
eko.api hi sukhAyaiShA.n kShamaH syAditi me matiH .. 28..\\
kiM punaH puruShavyAghrAH patayo me nararShabhAH . 
samastAnIndriyANIva sharIrasya vicheShTane .. 29..\\
anR^itaM mAbravIchchhvashrUH sarvaGYA sarvadarshinI . 
yudhiShThirastvAM pA~nchAli sukhe dhAsyatyanuttame .. 30..\\
hatvA rAjasahasrANi bahUnyAshu parAkramaH . 
tadvyartha.n samprapashyAmi mohAttava janAdhipa .. 31..\\
yeShAmunmattako jyeShThaH sarve tasyopachAriNaH . 
tavonmAdena rAjendra sonmAdAH sarvapANDavAH .. 32..\\
yadi hi syuranunmattA bhrAtaraste janAdhipa . 
baddhvA tvAM nAstikaiH sArdhaM prashAseyurvasundharAm .. 33..\\
kurute mUDhameva.n hi yaH shreyo nAdhigachchhati . 
dhUpaira~njana yogaish cha nasya karmabhireva cha . 
bheShajaiH sa chikitsyaH syAdya unmArgeNa gachchhati .. 34..\\
sAha.n sarvAdhamA loke strINAM bharatasattama . 
tathA vinikR^itAmitrairyAhamichchhAmi jIvitum .. 35..\\
eteShA.n yatamAnAnAmutpadyante tu sampadaH . 
tva.n tu sarvAM mahI.n labdhvA kuruShe svayamApadam .. 36..\\
yathAstA.n saMmatau rAGYAM pR^ithivyAM rAjasattamau . 
mAndhAtA chAmbarIShashcha tathA rAjanvirAjase .. 37..\\
prashAdhi pR^ithivI.n devIM prajA dharmeNa pAlayan . 
sa parvata vanadvIpAM mA rAjanvimanA bhava .. 38..\\
yajasva vividhairyaGYairjuhvannagnInprayachchha cha . 
purANi bhogAnvAsA.nsi dvijAtibhyo nR^ipottama .. 39..\\
\medskip\hrule\medskip\centerline{\Largedvng 15}
 vaizampaayana

yAGYasenyA vacho shrutvA punarevArjuno.abravIt . 
anumAnya mahAbAhu.n jyeShThaM bhrAtaramIshvaram .. 1..\\
daNDaH shAsti prajAH sarvA daNDa evAbhirakShati . 
daNDaH supteShu jAgarti daNDa.n dharma.n vidurbudhAH .. 2..\\
dharma.n sa.nrakShate daNDastathevArthaM narAdhipa . 
kAma.n sa.nrakShate daNDastrivargo daNDa uchyate .. 3..\\
daNDena rakShyate dhAnya.n dhanaM daNDena rakShyate . 
etadvidvannupAdatsva svabhAvaM pashya laukikam .. 4..\\
rAjadaNDabhayAdeke pApAH pApaM na kurvate . 
yamadaNDabhayAdeke paralokabhayAdapi .. 5..\\
parasparabhayAdeke pApAH pApaM na kurvate . 
eva.n sA.nsiddhike loke sarva.n daNDe pratiShThitam .. 6..\\
daNDasyaiva bhayAdeke na khAdanti parasparam . 
andhe tamasi majjeyuryadi daNDo na pAlayet .. 7..\\
yasmAdadAntAndamayatyashiShTAndaNDayatyapi . 
damanAddaNDanAchchaiva tasmAddaNDa.n vidurbudhAH .. 8..\\
vAchi daNDo brAhmaNAnA.n kShatriyANAM bhujArpaNam . 
dAnadaNDaH smR^ito vaishyo nirdaNDaH shUdra uchyate .. 9..\\
asaMmohAya martyAnAmarthasa.nrakShaNAya cha . 
maryAdA sthApitA loke daNDasa~nj~nA vishAM pate .. 10..\\
yatra shyAmo lohitAkSho daNDashcharati sUnR^itaH . 
prajAstatra na muhyanti netA chetsAdhu pashyati .. 11..\\
brahma chArI gR^ihasthashcha vAnaprastho.atha bhikShukaH . 
daNDasyaiva bhayAdete manuShyA vartmani sthitAH .. 12..\\
nAbhIto yajate rAjannAbhIto dAtumichchhati . 
nAbhItaH puruShaH kashchitsamaye sthAtumichchhati .. 13..\\
nAchchhittvA paramarmANi nAkR^itvA karma dAruNam . 
nAhatvA matsyaghAtIva prApnoti mahatI.n shriyam .. 14..\\
nAghnataH kIrtirastIha na vittaM na punaH prajAH . 
indro vR^itravadhenaiva mahendraH samapadyata .. 15..\\
ya eva devA hantArastA.Nlloko.archayate bhR^isham . 
hantA rudrastathA skandaH shakro.agnirvaruNo yamaH .. 16..\\
hantA kAlastathA vAyurmR^ityurvaishravaNo raviH . 
vasavo marutaH sAdhyA vishve devAshcha bhArata .. 17..\\
etAndevAnnamasyanti pratApa praNatA janAH . 
na brahmANaM na dhAtAraM na pUShANa.n kathaM chana .. 18..\\
madhyasthAnsarvabhUteShu dAntA~nshama parAyaNAn . 
yajante mAnavAH ke chitprashAntAH sarvakarmasu .. 19..\\
na hi pashyAmi jIvanta.n loke ka.n chidahi.nsayA . 
sattvaiH sattvAni jIvanti durbalairbalavattarAH .. 20..\\
nakulo mUShakAnatti biDAlo nakula.n tathA . 
biDAlamatti shvA rAja~nshvAna.n vyAlamR^igastathA .. 21..\\
tAnatti puruShaH sarvAnpashya dharmo yathAgataH . 
prANasyAnnamida.n sarva.n ja~NgamaM sthAvaraM cha yat .. 22..\\
vidhAna.n deva vihitaM tatra vidvAnna muhyate . 
yathA sR^iShTo.asi rAjendra tathA bhavitumarhasi .. 23..\\
vinItakrodhaharShA hi mandA vanamupAshritAH . 
vinA vadhaM na kurvanti tApasAH prANayApanam .. 24..\\
udake bahavaH prANAH pR^ithivyA.n cha phaleShu cha . 
na cha kashchinna tAnhanti kimanyatprANayApanAt .. 25..\\
sUkShmayonIni bhUtAni tarka gamyAni kAni chit . 
pakShmaNo.api nipAtena yeShA.n syAtskandhaparyayaH .. 26..\\
grAmAnniShkramya munayo vigatakrodhamatsarAH . 
vane kuTumba dharmANo dR^ishyante parimohitAH .. 27..\\
bhUmiM bhittvauShadhIshchhittvA vR^ikShAdInaNDajAnpashUn . 
manuShyAstanvate yaGYA.nste svargaM prApnuvanti cha .. 28..\\
daNDanItyAM praNItAyA.n sarve sidhyantyupakramAH . 
kaunteya sarvabhUtAnA.n tatra me nAsti saMshayaH .. 29..\\
daNDashchenna bhavelloke vyanashiShyannimAH prajAH . 
shUle matsyAnivApakShyandurbalAnbalavattarAH .. 30..\\
satya.n chedaM brahmaNA pUrvamuktaM 
daNDaH prajA rakShati sAdhu nItaH . 
pashyAgnayashcha pratishAmyantyabhItAH 
santarjitA daNDabhayAjjvalanti .. 31..\\
andha.n tama iveda.n syAnna praGYAyeta kiM chana . 
daNDashchenna bhavelloke vibhajansAdhvasAdhunI .. 32..\\
ye.api sambhinnamaryAdA nAstikA veda nindakAH . 
te.api bhogAya kalpante daNDenopanipIDitAH .. 33..\\
sarvo daNDajito loko durlabho hi shuchirnaraH . 
daNDasya hi bhayAdbhIto bhogAyeha prakalpate .. 34..\\
chAturvarNyApramohAya sunIta nayanAya cha . 
daNDo vidhAtrA vihito dharmArthAvvabhirakShitum .. 35..\\
yadi daNDAnna bibhyeyurvayA.nsi shvApadAni cha . 
adyuH pashUnmanuShyAMshcha yaGYArthAni havIMShi cha .. 36..\\
na brahmacharyadhIyIta kalyANI gaurna duhyate . 
na kanyodvahana.n gachchhedyadi daNDo na pAlayet .. 37..\\
vishvalopaH pravarteta bhidyeransarvasetavaH . 
mamatvaM na prajAnIyuryadi daNDo na pAlayet .. 38..\\
na sa.nvatsarasatrANi tiShTheyurakutobhayAH . 
vidhivaddakShiNAvanti yadi daNDo na pAlayet .. 39..\\
chareyurnAshrame dharma.n yathoktaM vidhimAshritAH . 
na vidyAM prApnuyAtkashchidyadi daNDo na pAlayet .. 40..\\
na choShTrA na balIvardA nAshvAshvatara gardabhAH . 
yuktA vaheyuryAnAni yadi daNDo na pAlayet .. 41..\\
na preShyA vachana.n kuryurna bAlo jAtu karhi chit . 
tiShThetpitR^imate dharme yadi daNDo na pAlayet .. 42..\\
daNDe sthitAH prajAH sarvA bhaya.n daNDa.n vidurbudhAH . 
daNDe svargo manuShyANA.n loko.aya.n cha pratiShThitaH .. 43..\\
na tatra kUTaM pApa.n vA va~nchanA vApi dR^iShyate . 
yatra daNDaH suvihitashcharatyarivinAshanaH .. 44..\\
haviH shvA prapibeddhR^iShTo daNDash chennodyato bhavet . 
haretkAkaH puroDAsha.n yadi daNDo na pAlayet .. 45..\\
yadida.n dharmato rAjya.n vihitaM yadyadharmataH . 
kAryastatra na shoko vai bhu~NkShva bhogAnyajasva cha .. 46..\\
sukhena dharma.n shrImantashcharanti shuchi vAsasaH . 
sa.nvasantaH priyairdArairbhu~njAnAshchAnnamuttamam .. 47..\\
arthe sarve samArambhAH samAyattA na saMshayaH . 
sa cha daNDe samAyattaH pashya daNDasya gauravam .. 48..\\
lokayAtrArthameveha dharmapravachana.n kR^itam . 
ahi.nsA sAdhu hi.nseti shreyAndharmaparigrahaH .. 49..\\
nAtyanta guNavAnkashchinna chApyatyantanirguNaH . 
ubhaya.n sarvakAryeShu dR^ishyate sAdhvasAdhu cha .. 50..\\
pashUnA.n vR^iShaNa.n chhittvA tato bhindanti nastakAn . 
kR^iShanti bahavo bhArAnbadhnanti damayanti cha .. 51..\\
evaM paryAkule loke vipathe jarjarIkR^ite . 
taistairnyAyairmahArAja purANa.n dharmamAchara .. 52..\\
jaya dehi prajA rakSha dharma.n samanupAlaya . 
amitrA~njahi kaunteya mitrANi paripAlaya .. 53..\\
mA cha te nighnataH shatrUnmanyurbhavatu bhArata . 
na tatra kilbiSha.n kiM chitkartuM bhavati bhArata .. 54..\\
AtatAyI hi yo hanyAdAtatAyinamAgatam . 
na tena bhrUNahA sa syAnmanyustaM manyumR^ichchhati .. 55..\\
avadhyaH sarvabhUtAnAmantarAtmA na saMshayaH . 
avadhye chAtmani katha.n vadhyo bhavati kena chit .. 56..\\
yathA hi puruShaH shAlAM punaH sampravishennavAm . 
eva.n jIvaH sharIrANi tAni tAni prapadyate .. 57..\\
dehAnpurANAnutsR^ijya navAnsampratipadyate . 
evaM mR^ityumukhaM prAhurye janAstattvadarshinaH .. 58..\\
\medskip\hrule\medskip\centerline{\Largedvng 16}
 vaizampaayana

arjunasya vacho shrutvA bhImaseno.atyamarShaNaH . 
dhairyamAsthAya tejasvI jyeShThaM bhrAtaramabravIt .. 1..\\
rAjanviditadharmo.asi na te.astyaviditaM bhuvi . 
upashikShAma te vR^itta.n sadaiva na cha shaknumaH .. 2..\\
na vakShyAmi na vakShyAmItyevaM me manasi sthitam . 
ati duHkhAttu vakShyAmi tannibodha janAdhipa .. 3..\\
bhavatastu pramohena sarva.n saMshayita.n kR^itam . 
viklavatva.n cha naH prAptamabalatvaM tathaiva cha .. 4..\\
katha.n hi rAjA lokasya sarvashAstravishAradaH . 
mohamApadyate dainyAdyathA ku puruShastathA .. 5..\\
Agatishcha gatishchaiva lokasya viditA tava . 
AyatyA.n cha tadAtve cha na te.astyaviditaM prabho .. 6..\\
eva~Ngate mahArAja rAjyaM prati janAdhipa . 
hetumatra pravakShyAmi tadihaikamanAH shR^iNu .. 7..\\
dvididho jAyate vyAdhiH shArIro mAnasastathA . 
paraspara.n tayorjanma nirdvandvaM nopalabhyate .. 8..\\
shArIrAjjAyate vyAdhirmAnaso nAtra saMshayaH . 
mAnasAjjAyate vyAdhiH shArIra iti nishchayaH .. 9..\\
shArIra mAnase duHkhe yo.atIte anushochati . 
duHkhena labhate duHkha.n dvAvanarthau prapadyate .. 10..\\
shItoShNe chaiva vAyushcha trayaH shArIra jA guNAH . 
teShA.n guNAnA.n sAmyaM cha tadAhuH svasthalakShaNam .. 11..\\
teShAmanyatamotseke vidhAnamupadiShyate . 
uShNena bAdhyate shIta.n shItenoShNaM prabAdhyate .. 12..\\
sattva.n rajo tamo chaiva mAnasAH syustrayo guNAH . 
harSheNa bAdhyate shoko harShaH shokena bAdhyate .. 13..\\
kashchitsukhe vartamAno duHkhasya smartumichchhati . 
kashchidduHkhe vartamAnaH sukhasya smartumichchhati .. 14..\\
sa tvaM na duHkhI duHkhasya na sukhI cha sukhasya cha . 
na duHkhI sukhajAtasya na sukhI duHkhajasya vA .. 15..\\
smartumarhasi kauravya diShTa.n tu balavattaram . 
atha vA te svabhAvo.aya.n yena pArthiva kR^iShyase .. 16..\\
dR^iShTvA sabhA gatA.n kR^iShNAmekavastrA.n rajasvalAm . 
miShatAM pANDuputrANAM na tasya smartumarhasi .. 17..\\
pravrAjana.n cha nagarAdajinaishcha nivAsanam . 
mahAraNyanivAsash cha na tasya smartumarhasi .. 18..\\
jaTAsurAtpariklesha.n chitrasenena chAhavam . 
saindhavAchcha pariklesha.n katha.n vismR^itavAnasi . 
punaraGYAtacharyAyA.n kIchakena padA vadham .. 19..\\
yachcha te droNa bhIShmAbhyA.n yuddhamAsIdarindama . 
manasaikena te yuddhamida.n ghoramupasthitam .. 20..\\
yatra nAsti sharaiH kAryaM na mitrairna cha bandhubhiH . 
Atmanaikena yoddhavya.n tatte yuddhamupasthitam .. 21..\\
tasminnanirjite yuddhe praNAnyadi ha mokShyase . 
anya.n deha.n samAsthAya punastenaiva yotsyase .. 22..\\
tasmAdadyaiva gantavya.n yuddhasya bharatarShabha . 
etajjitvA mahArAja kR^itakR^ityo bhaviShyasi .. 23..\\
etAM buddhi.n vinishchitya bhUtAnAmAgati.n gatim . 
pitR^ipaitAmahe vR^itte shAdhi rAjya.n yathochitam .. 24..\\
diShTyA duryodhanaH pApo nihataH sAnugo yudhi . 
draupadyAH keshapakShasya diShTyA tvaM padavI.n gataH .. 25..\\
yajasva vAjimedhena vidhivaddakShiNAvatA . 
vaya.n te ki~NkarAH pArtha vAsudevashcha vIryavAn .. 26..\\
\medskip\hrule\medskip\centerline{\Largedvng 17}
 yudhisthira

asantoShaH pramAdashcha mado rAgo.aprashAntatA . 
balaM moho.abhimAnashcha udvegashchApi sarvashaH .. 1..\\
ebhiH pApmabhirAviShTo rAjya.n tvamabhikA~NkShasi . 
nirAmiSho vinirmuktaH prashAntaH susukhI bhava .. 2..\\
ya imAmakhilAM bhUmi.n shiShyAdeko mahIpatiH . 
tasyApyudaramevaika.n kimidaM tvaM prasha.nsasi .. 3..\\
nAhnA pUrayitu.n shakyA na mAsena nararShabha . 
apUryAM pUrayannichchhAmAyuShApi na shaknuyAt .. 4..\\
yatheddhaH prajvalatyagnirasamiddhaH prashAmyati . 
alpAhAratayA tvagni.n shamayaudaryamutthitam . 
jayodaraM pR^ithivyA te shreyo nirjitayA jitam .. 5..\\
mAnuShAnkAmabhogA.nstvamaishvarya.n cha prasha.nsasi . 
abhogino.abalAshchaiva yAnti sthAnamanuttamam .. 6..\\
yogakShemau cha rAShTrasya dharmAdharmau tvayi sthitau . 
muchyasva mahato bhArAttyAgamevAbhisaMshraya .. 7..\\
ekodara kR^ite vyAghraH karoti vighasaM bahu . 
tamanye.apyupajIvanti mandavega.n charA mR^igAH .. 8..\\
viShayAnpratisa.nhR^itya saMnyAsa.n kurute yatiH . 
na cha tuShyanti rAjAnaH pashya buddhyantara.n yathA .. 9..\\
patrAhArairashmakuTTairdantolUkhalikaistathA . 
abbhakShairvAyubhakShaishcha tairayaM narako jitaH .. 10..\\
yashchemA.n vasudhA.n kR^itsnAM prashAsedakhilAM nR^ipaH . 
tulyAshma kA~nchano yashcha sa kR^itArtho na pArthivaH .. 11..\\
sa~NkalpeShu nirArambho nirAsho nirmamo bhava . 
vishoka.n sthAnamAtiShTha iha chAmutra chAvyayam .. 12..\\
nirAmiShA na shochanti shochasi tva.n kimAmiSham . 
parityajyAmiSha.n sarvaM mR^iShAvAdAtpramokShyase .. 13..\\
panthAnau pitR^iyAnashcha deva yAnashcha vishrutau . 
IjAnAH pitR^iyAnena deva yAnena mokShiNaH .. 14..\\
tapasA brahmacharyeNa svAdhyAyena cha pAvitAH . 
vimuchya dehAnvai bhAnti mR^ityoraviShaya.n gatAH .. 15..\\
AmiShaM bandhana.n loke karmehokta.n tathAmiSham . 
tAbhyA.n vimuktaH pAshAbhyAM padamApnoti tatparam .. 16..\\
api gAthAmimA.n gItAM janakena vadantyuta . 
nirdvandvena vimuktena mokSha.n samanupashyatA .. 17..\\
anantaM bata me vitta.n yasya me nAsti ki.n chana . 
mithilAyAM pradIptAyAM na me dahyati ki.n chana .. 18..\\
praGYA prasAdamAruhya na shochyA~nshochato janAn . 
jagatIsthAnivAdristho mandabuddhInavekShate .. 19..\\
dR^ishyaM pashyati yaH pashyansa chakShuShmAnsa buddhimAn . 
aGYAtAnA.n cha viGYAnAtsambodhAdbuddhiruchyate .. 20..\\
yastu vAcha.n vijAnAti bahumAnamiyAtsa vai . 
brahma bhAvaprasUtAnA.n vaidyAnAM bhAvitAtmanAm .. 21..\\
yadA bhUtapR^ithagbhAvamekasthamanupashyati . 
tata eva cha vistAraM brahma sampadyate tadA .. 22..\\
te janAnA.n gati.n yAnti nAvidvA.nso.alpachetasaH . 
nAbuddhayo nAtapasaH sarvaM buddhau pratiShThitam .. 23..\\
\medskip\hrule\medskip\centerline{\Largedvng 18}
 vaizampaayana

tUShNImbhUta.n tu rAjAnaM punarevArjuno.abravIt . 
santaptaH shokaduHkhAbhyA.n rAGYo vAkshalya pIDitaH .. 1..\\
kathayanti purAvR^ittamitihAsamima.n janAH . 
videharAGYaH sa.nvAdaM bhAryayA saha bhArata .. 2..\\
utsR^ijya rAjyaM bhaikShArtha.n kR^itabuddhiM janeshvaram . 
videharAjaM mahiShI duHkhitA pratyabhAShata .. 3..\\
dhanAyapatyaM mitrANi ratnAni vividhAni cha . 
panthAnaM pAvana.n hitvA janako mauNDyamAsthitaH .. 4..\\
ta.n dadarsha priyA bhAryA bhaikShya vR^ittimaki~ncanam . 
dhAnA muShTimupAsInaM nirIha.n gatamatsaram .. 5..\\
tamuvAcha samAgamya bhartAramakutobhayam . 
kruddhA manasvinI bhAryA vivikte hetumadvachaH .. 6..\\
kathamutsR^ijya rAjya.n sva.n dhanadhAnya samAchitam . 
kApAlI.n vR^ittimAsthAya dhAnA muShTirvane.acharaH .. 7..\\
pratiGYA te.anyathA rAjanvicheShTA chAnyathA tava . 
yadrAjyaM mahadutsR^ijya svalpe tuShyasi pArthiva .. 8..\\
naitenAtithayo rAjandevarShipitarastathA . 
shakyamadya tvayA bhartuM moghaste.ayaM parishramaH .. 9..\\
devatAtithibhishchaiva pitR^ibhishchaiva pArthiva . 
sarvairetaiH parityaktaH parivrajasi niShkriyaH .. 10..\\
yastva.n traividya vR^iddhAnAM brAhmaNAnA.n sahasrashaH . 
bhartA bhUtvA cha lokasya so.adyAnyairbhR^itimichchhasi .. 11..\\
shriya.n hitvA pradIptA.n tvaM shvavatsamprati vIkShyase . 
aputrA jananI te.adya kausalyA chApatistvayA .. 12..\\
ashItirdharmakAmAstvA.n kShatriyAH paryupAsate . 
tvadAshAmabhikA~NkShantyaH kR^ipaNAH phalahetukAH .. 13..\\
tAshcha tva.n viphalAH kurvankAlM lokAnnu gamiShyasi . 
rAjansaMshayite mokShe paratantreShu dehiShu .. 14..\\
naiva te.asti paro loko nAparaH pApakarmaNaH . 
dharmyAndArAnparityajya yastvamichchhasi jIvitum .. 15..\\
srajo gandhAnala.n kArAnvAsA.nsi vividhAni cha . 
kimarthamabhisantyajya parivrajasi niShkriyaH .. 16..\\
nipAna.n sarvabhUtAnAM bhUtvA tvaM pAvanaM mahat . 
ADhyo vanaspatirbhUtvA so.adyAnyAnparyupAsase .. 17..\\
khAdanti hastinaM nyAse kravyAdA bahavo.apyuta . 
bahavaH kR^imayashchaiva kiM punastvAm anarthakam .. 18..\\
ya imA.n kuNDikAM bhindyAntriviShTabdhaM cha te haret . 
vAso chApaharettasminkatha.n te mAnasaM bhavet .. 19..\\
yastvaya.n sarvamutsR^ijya dhAnA muShTiparigrahaH . 
yadAnena sama.n sarva.n kimidaM mama dIyate . 
dhAnA muShTirihArthashchetpratiGYA te vinashyati .. 20..\\
kA vAha.n tava ko me tvaM ko.adya te mayyanugrahaH . 
prashAdhi pR^ithivI.n rAjanyatra te.anugraho bhavet . 
prAsAda.n shayanaM yAnaM vAsA.nsyAbharaNAni cha .. 21..\\
shriyA nirAshairadhanaistyaktamitrairaki~ncanaiH . 
saukhikaiH sambhR^itAnarthAnyaH santyajasi kiM nu tat .. 22..\\
yo.atyantaM pratigR^ihNIyAdyashcha dadyAtsadaiva hi . 
tayostvamantara.n viddhi shreyA.nstAbhyA.n ka uchyate .. 23..\\
sadaiva yAchamAneShu satsu dambhavivarjiShu . 
eteShu dakShiNA dattA dAvAgnAviva durhutam .. 24..\\
jAtavedA yathA rAjannAdagdhvaivopashAmyati . 
sadaiva yAchamAno vai tathA shAmyati na dvijaH .. 25..\\
satA.n cha vedA annaM cha loke.asminprakR^itirdhruvA . 
na cheddAtA bhaveddAtA kutaH syurmokShakA~NkShiNaH .. 26..\\
annAdgR^ihasthA loke.asminbhikShavastata eva cha . 
annAtprANaH prabhavati annadaH prANado bhavet .. 27..\\
gR^ihasthaibhyo.abhinirvR^ittA gR^ihasthAneva saMshritAH . 
prabhava.n cha pratiShThAM cha dAntA nindanta Asate .. 28..\\
tyAgAnna bhikShuka.n vidyAnna mauNDyAnna cha yAchanAt . 
R^ijustu yo.artha.n tyajati ta.n sukhaM viddhi bhikShukam .. 29..\\
asaktaH saktavadgachchhanniHsa~Ngo muktabandhanaH . 
samaH shatrau cha mitre cha sa vai mukto mahIpate .. 30..\\
parivrajanti dAnArthaM muNDAH kAShAyavAsasaH . 
sitA bahuvidhaiH pAshaiH sa~ncinvanto vR^ithAmiSham .. 31..\\
trayI.n cha nAma vArtAM cha tyaktvA putrA.nstyajanti ye . 
triviShTabdha.n cha vAso cha pratigR^ihNantyabuddhayaH .. 32..\\
aniShkaShAye kAShAyamIhArthamiti viddhi tat . 
dharmadhvajAnAM muNDAnA.n vR^ittyarthamiti me matiH .. 33..\\
kAShAyairajinaishchIrairnagnAnmuNDA~njaTAdharAn . 
bibhratsAdhUnmahArAja jaya lokA~njitendriyaH .. 34..\\
agnyAdheyAni gurvarthAnkratUnsa pashudakShiNAn . 
dadAtyaharahaH pUrva.n ko nu dharmatarastataH .. 35..\\
tattvaGYo janako rAjA loke.asminniti gIyate . 
so.apyAsInmohasampanno mA mohavashamanvagAH .. 36..\\
eva.n dharmamanukrAnta.n sadA dAnaparairnaraiH . 
AnR^isha.nsya guNopetaiH kAmakrodhavivarjitAH .. 37..\\
pAlayantaH prajAshchaiva dAnamuttamamAsthitAH . 
iShTA.NllokAnavApsyAmo brahmaNyAH satyavAdinaH .. 38..\\
\medskip\hrule\medskip\centerline{\Largedvng 19}
 yudhisthira

vedAha.n tAta shAstrANi aparANi parANi cha . 
ubhaya.n veda vachana.n kuru karma tyajeti cha .. 1..\\
AkulAni cha shAstrANi hetubhishchitritAni cha . 
nishchayashchaiva yanmAtro vedAha.n ta.n yathAvidhi .. 2..\\
tva.n tu kevalamastraGYo vIravratamanuShThitaH . 
shAstrArtha.n tattvato gantuM na samarthaH kathaM chana .. 3..\\
shAstrArthasUkShma darshI yo dharmanishchaya kovidaH . 
tenApyevaM na vAchyo.aha.n yadi dharmaM prapashyasi .. 4..\\
bhrAtR^isauhR^idamAsthAya yadukta.n vachana.n tvayA . 
nyAyya.n yukta.n cha kaunteya prIto.ahaM tena te.arjuna .. 5..\\
yuddhadharmeShu sarveShu kriyANAM naipuNeShu cha . 
na tvayA sadR^ishaH kashchittriShu lokeShu vidyate .. 6..\\
dharmasUkShma.n tu yadvAkyaM tatra duShprataraM tvayA . 
dhana~njaya na me buddhimabhisha~Nkitumarhasi .. 7..\\
yuddhashAstravideva tvaM na vR^iddhAH sevitAstvayA . 
samAsa vistara vidAM na teShA.n vetShi nishchayam .. 8..\\
tapastyAgo vidhiriti nishchayastApadhImatAm . 
paraM para.n jyAya eShA.n saiShA naiHshreyasI gatiH .. 9..\\
na tvetanmanyase pArtha na jyAyo.asti dhanAditi . 
atra te vartayiShyAmi yathA naitatpradhAnataH .. 10..\\
tapaHsvAdhyAyashIlA hi dR^ishyante dhArmikA janAH . 
R^iShayastapasA yuktA yeShA.n lokAH sanAtanAH .. 11..\\
ajAtashmashravo dhIrAstathAnye vanavAsinaH . 
anantA adhanA eva svAdhyAyena diva.n gatAH .. 12..\\
uttareNa tu panthAnamAryA viShayanigrahAt . 
abuddhi ja.n tamastyaktvA lokA.nstyAgavatAM gatAH .. 13..\\
dakShiNena tu panthAna.n yaM bhAsvantaM prapashyasi . 
ete kriyAvatA.n lokA ye shmashAnAni bhejire .. 14..\\
anirdeshyA gatiH sA tu yAM prapashyanti mokShiNaH . 
tasmAttyAgaH pradhAneShTaH sa tu duHkhaH praveditum .. 15..\\
anusR^itya tu shAstrANi kavayaH samavasthitAH . 
apIha syAdapIha syAtsArAsAra didR^iShkayA .. 16..\\
vedavAdAnatikramya shAstrANyAraNyakAni cha . 
vipATya kadalI skandha.n sAra.n dadR^ishire na te .. 17..\\
athaikAnta vyudAsena sharIre pa~ncha bhautike . 
ichchhA dveShasamAyuktamAtmAnaM prAhuri~NgitaiH .. 18..\\
agrAhyashchakShuShA so.api anirdeshya.n cha tadgirA . 
karmahetupuraskAraM bhUteShu parivartate .. 19..\\
kalyANa gochara.n kR^itvA manastR^iShNAM nigR^ihya cha . 
karma santatimutsR^ijya syAnnirAlambanaH sukhI .. 20..\\
asminneva.n sUkShmagamye mArge sadbhirniShevite . 
kathamarthamanarthADhyamarjuna tvaM prasha.nsasi .. 21..\\
pUrvashAstravido hyeva.n janAH pashyanti bhArata . 
kriyAsu niratA nitya.n dAne yaGYe cha karmaNi .. 22..\\
bhavanti sudurAvartA hetumanto.api paNDitAH . 
dR^iDhapUrvashrutA mUDhA naitadastIti vAdinaH .. 23..\\
amR^itasyAvamantAro vaktAro janasa.nsadi . 
charanti vasudhA.n kR^itsnA.n vAvadUkA bahushrutAH .. 24..\\
yAnvayaM nAbhijAnImaH kastA~nGYAtumihArhati . 
evaM prAGYAnsatashchApi mahataH shAstravittamAn .. 25..\\
tapasA mahadApnoti buddhyA vai vindate mahat . 
tyAgena sukhamApnoti sadA kaunteya dharmavit .. 26..\\
\medskip\hrule\medskip\centerline{\Largedvng 20}
 vaizampaayana

tasminvAkyAntare vaktA devasthAno mahAtapAH . 
abhinItatara.n vAkyamityuvAcha yudhiShThiram .. 1..\\
yadvacho phalgunenoktaM na jyAyo.asti dhanAditi . 
atra te vartayiShyAmi tadekAgramanAH shR^iNu .. 2..\\
ajAtashatro dharmeNa kR^itsnA te vasudhA jitA . 
tA.n jitvA na vR^ithA rAja.nstvaM parityaktumarhasi .. 3..\\
chatuShpadI hi niHshreNI karmaNyeShA pratiShThitA . 
tA.n krameNa mahAbAho yathAvajjaya pArthiva .. 4..\\
tasmAtpArtha mahAyaGYairyajasva bahu dakShiNaiH . 
svAdhyAyayaGYA R^iShayo GYAnayaGYAstathApare .. 5..\\
karma niShThA.nstu budhyethAstapo niShThAMshcha bhArata . 
vaikhAnasAnA.n rAjendra vachanaM shrUyate yathA .. 6..\\
Ihate dhanahetoryastasyAnIhA garIyasI . 
bhUyAndoShaH pravardheta yasta.n dhanamapAshrayet .. 7..\\
kR^ichchhrAchcha dravyasa.nhAra.n kurvanti dhanakAraNAt . 
dhanena tR^iShito.abuddhyA bhrUNa hatyAM na budhyate .. 8..\\
anarhate yaddadAti na dadAti yadarhate . 
anarhArhApariGYAnAddAnadharmo.api duShkaraH .. 9..\\
yaGYAya sR^iShTAni dhanAni dhAtrA 
yaShTAdiShTaH puruSho rakShitA cha . 
tasmAtsarva.n yaGYa evopayojyaM 
dhana.n tato.anantara eva kAmaH .. 10..\\
yaGYairindro vividhairannavadbhir 
devAnsarvAnabhyayAnmahaujAH . 
tenendratvaM prApya vibhrAjate.asau 
tasmAdyaGYe sarvamevopayojyam .. 11..\\
mahAdevaH sarvamedhe mahAtmA 
hutvAtmAna.n devadevo vibhUtaH . 
vishvA.NllokAnvyApya viShTabhya kIrtyA 
virochate dyutimAnkR^itti vAsAH .. 12..\\
AvikShitaH pArthivo vai maruttaH 
svR^iddhyA martyo yo.ayajaddevarAjam . 
yaGYe yasya shrIH svaya.n saMniviShTA 
yasminbhANDa.n kA~nchana.n sarvamAsIt .. 13..\\
harishchandraH pArthivendraH shrutaste 
yaGYairiShTvA puNyakR^idvItashokaH . 
R^iddhyA shakra.n yo.ajayanmAnuShaH sa.ns 
tasmAdyaGYe sarvamevopayojyam .. 14..\\
\medskip\hrule\medskip\centerline{\Largedvng 21}
 devasthaana

atraivodAharantImamitihAsaM purAtanam . 
indreNa samaye pR^iShTo yaduvAcha bR^ihaspatiH .. 1..\\
santoSho vai svargatamaH santoShaH parama.n sukham . 
tuShTerna ki.n chitparataH susamyakparitiShThati .. 2..\\
yadA sa.nharate kAmAnkUrmo.a~NgAnIva sarvashaH . 
tadAtma jyotirAtmaiva svAtmanaiva prasIdati .. 3..\\
na bibheti yadA chAya.n yadA chAsmAnna bibhyati . 
kAmadveShau cha jayati tadAtmAnaM prapashyati .. 4..\\
yadAsau sarvabhUtAnAM na krudhyati na duShyati . 
karmaNA manasA vAchA brahma sampadyate tadA .. 5..\\
eva.n kaunteya bhUtAni taM taM dharmaM tathA tathA . 
tadA tadA prapashyanti tasmAdbudhyasva bhArata .. 6..\\
anye shamaM prasha.nsanti vyAyAmamapare tathA . 
naikaM na chApara.n ke chidubhayaM cha tathApare .. 7..\\
yaGYameke prasha.nsanti saMnyAsamapare janAH . 
dAnameke prasha.nsanti ke chideva pratigraham . 
ke chitsarvaM parityajya tUShNI.n dhyAyanta Asate .. 8..\\
rAjyameke prasha.nsanti sarveShAM paripAlanam . 
hatvA bhittvA cha chhittvA cha ke chidekAntashIlinaH .. 9..\\
etatsarva.n samAlokya budhAnAmeSha nishchayaH . 
adroheNaiva bhUtAnA.n yo dharmaH sa satAM mataH .. 10..\\
adrohaH satyavachana.n sa.nvibhAgo dhR^itiH kShamA . 
prajanaH sveShu dAreShu mArdava.n hrIrachApalam .. 11..\\
dhana.n dharmapradhAneShTaM manuH svAyambhuvo.abravIt . 
tasmAdevaM prayatnena kaunteya paripAlaya .. 12..\\
yo hi rAjye sthitaH shashvadvashItulyapriyApriyaH . 
kShatriyo yaGYashiShTAshI rAjashAstrArtha tattvavit .. 13..\\
asAdhu nigraharataH sAdhUnAM pragrahe rataH . 
dharme vartmani sa.nsthApya prajA varteta dharmavit .. 14..\\
putra sa~NkrAmita shrIstu vane vanyena vartayan . 
vidhinA shrAmaNenaiva kuryAtkAlamatandritaH .. 15..\\
ya eva.n vartate rAjA rAjadharmavinishchitaH . 
tasyAya.n cha parashchaiva lokaH syAtsaphalo nR^ipa . 
nirvANa.n tu suduShpAraM bahuvighnaM cha me matam .. 16..\\
eva.n dharmamanukrAntAH satyadAnatapaH parAH . 
AnR^isha.nsya guNairyuktAH kAmakrodhavivarjitAH .. 17..\\
prajAnAM pAlane yuktA damamuttamamAsthitAH . 
gobrAhmaNArtha.n yuddhena samprAptA gatimuttamAm .. 18..\\
eva.n rudrAH sa vasavastathAdityAH parantapa . 
sAdhyA rAjarShisa~NghAshcha dharmameta.n samAshritAH . 
apramattAstataH svargaM prAptAH puNyaiH svakarmabhiH .. 19..\\
\medskip\hrule\medskip\centerline{\Largedvng 22}
 vaizampaayana

tasminvAkyAntare vAkyaM punarevArjuno.abravIt . 
viShaNNamanasa.n jyeShThamidaM bhrAtaramIshvaram .. 1..\\
kShatradharmeNa dharmaGYa prApya rAjyamanuttamam . 
jitvA chArInnarashreShTha tapyate kiM bhavAnbhR^isham .. 2..\\
kShatriyANAM mahArAja sa~NgrAme nidhana.n smR^itam . 
vishiShTaM bahubhiryaGYaiH kShatradharmamanusmara .. 3..\\
brAhmaNAnA.n tapastyAgaH pretya dharmavidhiH smR^itaH . 
kShatriyANA.n cha vihita.n sa~NgrAme nidhanaM vibho .. 4..\\
kShatradharmo mahAraudraH shastranitya iti smR^itaH . 
vadhashcha bharatashreShTha kAle shastreNa sa.nyuge .. 5..\\
brAhmaNasyApi chedrAjankShatradharmeNa tiShThataH . 
prashasta.n jIvita.n loke kShatraM hi brahma sa.nsthitam .. 6..\\
na tyAgo na punaryAch~nA na tapo manujeshvara . 
kShatriyasya vidhIyante na parasvopajIvanam .. 7..\\
sa bhavAnsarvadharmaGYaH sarvAtmA bharatarShabha . 
rAjA manIShI nipuNo loke dR^iShTaparAvaraH .. 8..\\
tyaktvA santApaja.n shoka.n daMshito bhava karmaNi . 
kShatriyasya visheSheNa hR^idaya.n vajrasa.nhatam .. 9..\\
jitvArInkShatradharmeNa prApya rAjyamakaNTakam . 
vijitAtmA manuShyendra yaGYadAnaparo bhava .. 10..\\
indro vai brahmaNaH putraH karmaNA kShatriyo.abhavat . 
GYAtInAM pApavR^ittInA.n jaghAna navatIrnava .. 11..\\
tachchAsya karma pUjya.n hi prashasya.n cha vishAM pate . 
tena chendratvamApede devAnAmiti naH shrutam .. 12..\\
sa tva.n yaGYairmahArAja yajasva bahu dakShiNaiH . 
yathaivendro manuShyendra chirAya vigatajvaraH .. 13..\\
mA tvameva~Ngate ki.n chitkShatriyarShabha shochithAH . 
gatAste kShatradharmeNa shastrapUtAH parA.n gatim .. 14..\\
bhavitavya.n tathA tachcha yadvR^ittaM bharatarShabha . 
diShTa.n hi rAjashArdUla na shakyamativartitum .. 15..\\
\medskip\hrule\medskip\centerline{\Largedvng 23}
 vaizampaayana

evamuktastu kaunteya guDAkeshena bhArata . 
novAcha ki.n chitkauravyastato dvaipAyano.abravIt .. 1..\\
bIbhatsorvachana.n samyaksatyametadyudhiShThira . 
shAstradR^iShTaH paro dharmaH smR^ito gArhasthya AshramaH .. 2..\\
svadharma.n chara dharmaGYa yathAshAstra.n yathAvidhi . 
na hi gArhasthyamutsR^ijya tavAraNya.n vidhIyate .. 3..\\
gR^ihastha.n hi sadA devAH pitara R^iShayastathA . 
bhR^ityAshchaivopajIvanti tAnbhajasva mahIpate .. 4..\\
vayA.nsi pashavashchaiva bhUtAni cha mahIpate . 
gR^ihasthaireva dhAryante tasmAjjyeShThAshramo gR^ihI .. 5..\\
so.aya.n chaturNAmeteShAmAshramANAM durAcharaH . 
ta.n charAvimanAH pArtha dushcharaM durbalendriyaiH .. 6..\\
veda GYAna.n cha te kR^itsnaM tapo cha charitaM mahat . 
pitR^ipaitAmahe rAjye dhuramudvoDhumarhasi .. 7..\\
tapoyaGYastathA vidyA bhaikShamindriyanigrahaH . 
dhyAnamekAntashIlatva.n tuShTirdAnaM cha shaktitaH .. 8..\\
brAhmaNAnAM mahArAja cheShTAH sa.nsiddhi kArikAH . 
kShatriyANA.n cha vakShyAmi tavApi viditaM punaH .. 9..\\
yaGYo vidyA samutthAnamasantoShaH shriyaM prati . 
daNDadhAraNamatyugraM prajAnAM paripAlanam .. 10..\\
veda GYAna.n tathA kR^itsnaM tapo sucharitaM tathA . 
draviNopArjanaM bhUri pAtreShu pratipAdanam .. 11..\\
etAni rAGYA.n karmANi sukR^itAni vishAM pate . 
ima.n lokamamuM lokaM sAdhayantIti naH shrutam .. 12..\\
teShA.n jyAyastu kaunteya daNDadhAraNamuchyate . 
bala.n hi kShatriye nityaM bale daNDaH samAhitaH .. 13..\\
etAshcheShTAH kShatriyANA.n rAjansa.nsiddhi kArikAH . 
api gAthAmimA.n chApi bR^ihaspatirabhAShata .. 14..\\
bhUmiretau nigirati sarpo bilashayAniva . 
rAjAna.n chAviroddhAraM brAhmaNaM chApravAsinam .. 15..\\
sudyumnashchApi rAjarShiH shrUyate daNDadhAraNAt . 
prAptavAnparamA.n siddhi.n dakShaH prAchetaso yathA .. 16..\\
\medskip\hrule\medskip\centerline{\Largedvng 24}
 yudhisthira

bhagavankarmaNA kena sudyumno vasudhAdhipaH . 
sa.nsiddhiM paramAM prAptaH shrotumichchhAmi taM nR^ipam .. 1..\\

 vyaasa

atrApyudAharantImamitihAsaM purAtanam . 
sha~Nkhashcha likhitashchAstAM bhrAtarau sa.nyata vratau .. 2..\\
tayorAvasathAvAstA.n ramaNIyau pR^ithakpR^ithak . 
nityapuShpaphalairvR^ikShairupetau bAhudAm anu .. 3..\\
tatastadAchillikhitaH sha~NkhasyAshramamAgamat . 
yadR^ichchhayApi sha~Nkho.atha niShkrAnto.abhavadAshramAt .. 4..\\
so.abhigamyAshramaM bhrAtuH sha~Nkhasya likhitastadA . 
phalAni shAtayAmAsa samyakpariNatAnyuta .. 5..\\
tAnyupAdAya visrabdho bhakShayAmAsa sa dvijaH . 
tasmiMshcha bhakShayatyeva sha~Nkho.apyAshramamAgamat .. 6..\\
bhakShayanta.n tu taM dR^iShTvA sha~Nkho bhrAtaramabravIt . 
kutaH phalAnyavAptAni hetunA kena khAdasi .. 7..\\
so.abravIdbhrAtara.n jyeShThamupaspR^ishyAbhivAdya cha . 
ita eva gR^ihItAni mayeti prahasanniva .. 8..\\
tamabravIttadA sha~NkhastIvrakopasamanvitaH . 
steya.n tvayA kR^itamidaM phalAnyAdadatA svayam . 
gachchha rAjAnamAsAdya svakarma prathayasva vai .. 9..\\
adattAdAnameveda.n kR^itaM pArthiva sattama . 
stenaM mA.n tva.n viditvA cha svadharmamanupAlaya . 
shIghra.n dhAraya chaurasya mama daNDaM narAdhipa .. 10..\\
ityuktastasya vachanAtsudyumna.n vasudhAdhipam . 
abhyagachchhanmahAbAho likhitaH saMshitavrataH .. 11..\\
sudyumnastvAnta pAlaibhyaH shrutvA likhitamAgatam . 
abhyagachchhatsahAmAtyaH padbhyAmeva nareshvaraH .. 12..\\
tamabravItsamAgatya sa rAjA brahma vittamam . 
kimAgamanamAchakShva bhagavankR^itameva tat .. 13..\\
evamuktaH sa viprarShiH sudyumnamidamabravIt . 
pratishrauShi kariShyeti shrutvA tatkartumarhasi .. 14..\\
anisR^iShTAni guruNA phalAni puruSharShabha . 
bhakShitAni mayA rAja.nstatra mA.n shAdhi mAchiram .. 15..\\

 sudyumna

pramANa.n chenmato rAjA bhavato daNDadhAraNe . 
anuGYAyAmapi tathA hetuH syAdbrAhmaNarShabha .. 16..\\
sa bhavAnabhyanuGYAtaH shuchi karmA mahAvrataH . 
brUhi kAmAnato.anyA.nstva.n kariShyAmi hi te vachaH .. 17..\\

 vyaasa

chhandyamAno.api brahmarShiH pArthivena mahAtmanA . 
nAnya.n vai varayAmAsa tasmAddaNDAdR^ite varam .. 18..\\
tataH sa pR^ithivIpAlo likhitasya mahAtmanaH . 
karau prachchhedayAmAsa dhR^itadaNDo jagAma saH .. 19..\\
sa gatvA bhrAtara.n sha~NkhamArtarUpo.abravIdidam . 
dhR^itadaNDasya durbhuddherbhagavankShantumarhasi .. 20..\\

 zankha

na kupye tava dharmaGYa na cha dUShayase mama . 
dharmo tu te vyatikrAntastataste niShkR^itiH kR^itA .. 21..\\
sa gatvA bAhudA.n shIghra.n tarpayasva yathAvidhi . 
devAnpitR^InR^iShIMshchaiva mA chAdharme mano kR^ithAH .. 22..\\

 vyaasa

tasya tadvachana.n shrutvA sha~Nkhasya likhitastadA . 
avagAhyApagAM puNyAmudakArdhaM prachakrame .. 23..\\
prAdurAstA.n tatastasya karau jalaja saMnibhau . 
tataH sa vismito bhrAturdarshayAmAsa tau karau .. 24..\\
tatastamabravIchchha~Nkhastapaseda.n kR^itaM mayA . 
mA cha te.atra vi sha~NkA bhUddaivameva vidhIyate .. 25..\\

 lihita

kiM nu nAha.n tvayA pUtaH pUrvameva mahAdyute . 
yasya te tapaso vIryamIdR^isha.n dvijasattama .. 26..\\

 zankha

evametanmayA kAryaM nAha.n daNDadharastava . 
sa cha pUto narapatistva.n chApi pitR^ibhiH saha .. 27..\\

 vyaasa

sa rAjA pANDavashreShTha shreShTho vai tena karmaNA . 
prAptavAnparamA.n siddhi.n dakShaH prAchetaso yathA .. 28..\\
eSha dharmaH kShatriyANAM prajAnAM paripAlanam . 
utpathe.asminmahArAja mA cha shoke mano kR^ithAH .. 29..\\
bhrAturasya hita.n vAkyaM shR^iNu dharmaGYa sattama . 
daNDa eva hi rAjendra kShatradharmo na muNDanam .. 30..\\
\medskip\hrule\medskip\centerline{\Largedvng 25}
 vaizampaayana

punareva maharShista.n kR^iShNadvaipAyano.abravIt . 
ajAtashatru.n kaunteyamida.n vachanamarthavat .. 1..\\
araNye vasatA.n tAta bhrAtR^INAM te tapasvinAm . 
manorathA mahArAja ye tatrAsanyudhiShThira .. 2..\\
tAnime bharatashreShTha prApnuvantu mahArathAH . 
prashAdhi pR^ithivIM pArtha yayAtiriva nAhuShaH .. 3..\\
araNye duHkhavasatiranubhUtA tapasvibhiH . 
duHkhasyAnte naravyAghrAH sukha.n tvanubhavantvime .. 4..\\
dharmamartha.n cha kAmaM cha bhrAtR^ibhiH saha bhArata . 
anubhUya tataH pashchAtprasthAtAsi vishAM pate .. 5..\\
atithInA.n cha pitR^INAM devatAnAM cha bhArata . 
AnR^iNya.n gachchha kaunteya tataH svargaM gamiShyasi .. 6..\\
sarvamedhAshvamedhAbhyA.n yajasva kurunandana . 
tataH pashchAnmahArAja gamiShyasi parA.n gatim .. 7..\\
bhrAtR^IMshcha sarvAnkratubhiH sa.nyojya bahu dakShiNaiH . 
samprAptaH kIrtimatulAM pANDaveya bhaviShyasi .. 8..\\
vidma te puruShavyAghra vachana.n kurunandana . 
shR^iNu machcha yathA kurvandharmAnna chyavate nR^ipaH .. 9..\\
AdadAnasya cha dhanaM nigraha.n cha yudhiShThira . 
samAna.n dharmakushalAH sthApayanti nareshvara .. 10..\\
deshakAlapratIkShe yo dasyordarshayate nR^ipaH . 
shAstrajAM buddhimAsthAya nainasA sa hi yujyate .. 11..\\
AdAya baliShaDbhAga.n yo rAShTraM nAbhirakShati . 
pratigR^ihNAti tatpApa.n chaturthAMshena pArthivaH .. 12..\\
nibodha cha yathAtiShThandharmAnna chyavate nR^ipaH . 
nigrahAddharmashAstrANAmanurudhyannapetabhIH . 
kAmakrodhAvanAdR^itya piteva samadarshanaH .. 13..\\
daivenopahate rAjA karmakAle mahAdyute . 
pramAdayati tatkarma na tatrAhurati kramam .. 14..\\
tarasA buddhipUrva.n vA nigrAhyA eva shatravaH . 
pApaiH saha na sandadhyAdrAShTraM paNyaM na kArayet .. 15..\\
shUrAshchAryAshcha satkAryA vidvA.nsashcha yudhiShThira . 
gomato dhaninashchaiva paripAlyA visheShataH .. 16..\\
vyavahAreShu dharmyeShu niyojyAshcha bahushrutAH . 
guNayukte.api naikasminvishvasyAchcha vichakShaNaH .. 17..\\
arakShitA durvinIto mAnI stabdho.abhyasUyakaH . 
enasA yujyate rAjA durdAnta iti chochyate .. 18..\\
ye.arakShyamANA hIyante daivenopahate nR^ipe . 
taskaraishchApi hanyante sarva.n tadrAjakilbiSham .. 19..\\
sumantrite sunIte cha vidhivachchopapAdite . 
pauruShe karmaNi kR^ite nAstyadharmo yudhiShThira .. 20..\\
vipadyante samArambhAH sidhyantyapi cha daivataH . 
kR^ite puruShakAre tu naino spR^ishati pArthivam .. 21..\\
atra te rAjashArdUla vartayiShye kathAmimAm . 
yadvR^ittaM pUrvarAjarSherhayagrIvasya pArthiva .. 22..\\
shatrUnhatvA hatasyAjau shUrasyAkliShTa karmaNaH . 
asahAyasya dhIrasya nirjitasya yudhiShThira .. 23..\\
yatkarma vai nigrahe shAtravANAM 
yogashchAgryaH pAlane mAnavAnAm . 
kR^itvA karma prApya kIrti.n suyuddhe 
vAjigrIvo modate devaloke .. 24..\\
santyaktAtmA samareShvAtatAyI 
shastraishchhinno dasyubhirardyamAnaH . 
ashvagrIvaH karma shIlo mahAtmA 
sa.nsiddhAtmA modate devaloke .. 25..\\
dhanuryUpo rashanA jyA sharaH sruk 
sruvaH kha~Ngo rudhira.n yatra chAjyam . 
ratho vedI kAmago yuddhamagnish 
chAturhotra.n chaturo vAjimukhyAH .. 26..\\
hutvA tasminyaGYavahnAvathArIn 
pApAnmukto rAjasi.nhastarasvI . 
prANAnhutvA chAvabhR^ithe raNe sa 
vAjigrIvo modate devaloke .. 27..\\
rAShTra.n rakShanbuddhipUrvaM nayena 
santyaktAtmA yaGYashIlo mahAtmA . 
sarvA.NllokAnvyApya kIrtyA manasvI 
vAjigrIvo modate devaloke .. 28..\\
daivI.n siddhiM mAnuShI.n daNDanItiM 
yoganyAyaiH pAlayitvA mahI.n cha . 
tasmAdrAjA dharmashIlo mahAtmA 
hayagrIvo modate svargaloke .. 29..\\
vidvA.nstyAgI shraddadhAnaH kR^itaGYas 
tyaktvA lokaM mAnuSha.n karmakR^itvA . 
medhAvinA.n viduShAM saMmatAnAM 
tanutyajA.n lokamAkramya rAjA .. 30..\\
samyagvedAnprApya shAstrANyadhItya 
samyagrAShTraM pAlayitvA mahAtmA . 
chAturvarNya.n sthApayitvA svadharme 
vAjigrIvo modate devaloke .. 31..\\
jitvA sa~NgrAmAnpAlayitvA prajAsh cha 
somaM pItvA tarpayitvA dvijAgryAn . 
yuktyA daNDa.n dhArayitvA prajAnAM 
yuddhe kShINo modate devaloke .. 32..\\
vR^itta.n yasya shlAghanIyaM manuShyAH 
santo vidvA.nsashchArhayantyarhaNIyAH . 
svarga.n jitvA vIralokAMshcha gatvA 
siddhiM prAptaH puNyakIrtirmahAtmA .. 33..\\
\medskip\hrule\medskip\centerline{\Largedvng 26}
 vaizampaayana

dvaipAyana vacho shrutvA kupite cha dhana~njaye . 
vyAsamAmantrya kaunteyaH pratyuvAcha yudhiShThiraH .. 1..\\
na pArthivamida.n rAjyaM na cha bhogAH pR^ithagvidhAH . 
prINayanti mano me.adya shoko mAM nardayatyayam .. 2..\\
shrutvA cha vIra hInAnAmaputrANA.n cha yoShitAm . 
paridevayamAnAnA.n shAntiM nopalabhe mune .. 3..\\
ityuktaH pratyuvAcheda.n vyAso yogavidAM varaH . 
yudhiShThiraM mahAprAGYa.n dharmaGYo veda pAragaH .. 4..\\
na karmaNA labhyate chintayA vA 
nApyasya dAtA puruShasya kash chit . 
paryAya yogAdvihita.n vidhAtrA 
kAlena sarva.n labhate manuShyaH .. 5..\\
na buddhishAstrAdhyayanena shakyaM 
prAptu.n visheShairmanujairakAle . 
mUrkho.api prApnoti kadA chidarthAn 
kAlo hi kAryaM prati nirvisheShaH .. 6..\\
nAbhUti kAle cha phala.n dadAti 
shilpaM na mantrAshcha tathauShadhAni . 
tAnyeva kAlena samAhitAni 
sidhyanti chedhyanti cha bhUtakAle .. 7..\\
kAlena shIghrAH pravivAnti vAtAH 
kAlena vR^iShTirjaladAnupaiti . 
kAlena padmotpalavajjala.n cha 
kAlena puShyanti nagA vaneShu .. 8..\\
kAlena kR^iShNAshcha sitAshcha rAtryaH 
kAlena chandraH paripUrNabimbaH . 
nAkAlataH puShpaphalaM nagAnAM 
nAkAlavegAH sarito vahanti .. 9..\\
nAkAlamattAH khaga pannagAsh cha 
mR^igadvipAH shailamahAgrahAsh cha . 
nAkAlataH strIShu bhavanti garbhA 
nAyAntyakAle shishiroShNa varShAH .. 10..\\
nAkAlato mriyate jAyate vA 
nAkAlato vyAharate cha bAlaH . 
nAkAlato yauvanamabhyupaiti 
nAkAlato rohati bIjamuptam .. 11..\\
nAkAlato bhAnurupaiti yogaM 
nAkAlato.asta.n girimabhyupaiti . 
nAkAlato vardhate hIyate cha 
chandraH samudrashcha mahormimAlI .. 12..\\
atrApyudAharantImamitihAsaM purAtanam . 
gIta.n rAGYA senajitA duHkhArtena yudhiShThira .. 13..\\
sarvAnevaiSha paryAyo martyAnspR^ishati dustaraH . 
kAlena paripakvA hi mriyante sarvamAnavAH .. 14..\\
ghnanti chAnyAnnarA rAja.nstAnapyanye narAstathA . 
sa~nj~naiShA laukikI rAjanna hinasti na hanyate .. 15..\\
hantIti manyate kashchinna hantItyapi chApare . 
svabhAvatastu niyatau bhUtAnAM prabhavApyayau .. 16..\\
naShTe dhane vA dAre vA putre pitari vA mR^ite . 
aho kaShTamiti dhyAya~nshokasyApachiti.n charet .. 17..\\
sa ki.n shochasi mUDhaH sa~nshochyaH kimanushochasi . 
pashya duHkheShu duHkhAni bhayeShu cha bhayAnyapi .. 18..\\
AtmApi chAyaM na mama sarvApi pR^ithivI mama . 
yathA mama tathAnyeShAmiti pashyanna muhyati .. 19..\\
shokasthAna sahasrANi harShasthAna shatAni cha . 
divase divase mUDhamAvishanti na paNDitam .. 20..\\
evametAni kAlena priya dveShyANi bhAgashaH . 
jIveShu parivartante duHkhAni cha sukhAni cha .. 21..\\
duHkhamevAsti na sukha.n tasmAttadupalabhyate . 
tR^iShNArti prabhava.n duHkhaM duHkhArti prabhava.n sukham .. 22..\\
sukhasyAnantara.n duHkhaM duHkhasyAnantara.n sukham . 
na nitya.n labhate duHkhaM na nityaM labhate sukham .. 23..\\
sukhamante hi duHkhAnA.n duHkhamante sukhasya cha . 
tasmAdetaddvaya.n jahyAdya ichchhechchhAshvata.n sukham .. 24..\\
yannimittaM bhavechchhokastApo vA duHkhamUrchhitaH . 
Ayaso vApi yanmUlastadekA~Ngamapi tyajet .. 25..\\
sukha.n vA yadi vA duHkhaM priyaM vA yadi vApriyam . 
prAptaM prAptamupAsIta hR^idayenAparAjitaH .. 26..\\
IShadapya~NgadArANAM putrANA.n vA charApriyam . 
tato GYAsyasi kaH kasya kena vA kathameva vA .. 27..\\
ye cha mUDhatamA loke ye cha buddheH para.n gatAH . 
ta eva sukhamedhante madhyaH kleshena yujyate .. 28..\\
ityabravInmahAprAGYo yudhiShThira sa senajit . 
parAvaraGYo lokasya dharmavitsukhaduHkhavit .. 29..\\
sukhI parasya yo duHkhe na jAtu sa sukhI bhavet . 
duHkhAnA.n hi kShayo nAsti jAyate hyaparAtparam .. 30..\\
sukha.n cha duHkhaM cha bhavAbhavau cha 
lAbhAlAbhau maraNa.n jIvitaM cha . 
paryAyashaH sarvamiha spR^ishanti 
tasmAddhIro naiva hR^iShyenna kupyet .. 31..\\
dIkShA.n yaGYe pAlanaM yuddhamAhur 
yoga.n rAShTre daNDanItyA cha samyak . 
vittatyAga.n dakShiNAnAM cha yaGYe 
samyagGYAnaM pAvanAnIti vidyAt .. 32..\\
rakShanrAShTraM buddhipUrvaM nayena 
santyaktAtmA yaGYashIlo mahAtmA . 
sarvA.NllokAndharmamUrtyA charaMshchApy 
Urdhva.n dehAnmodate devaloke .. 33..\\
jitvA sa~NgrAmAnpAlayitvA cha rAShTraM 
somaM pItvA vardhayitvA prajAsh cha . 
yuktyA daNDa.n dhArayitvA prajAnAM 
yuddhe kShINo modate devaloke .. 34..\\
samyagvedAnprApya shAstrANyadhItya 
samyagrAShTraM pAlayitvA cha rAjA . 
chAturvarNya.n sthApayitvA svadharme 
pUtAtmA vai modate devaloke .. 35..\\
yasya vR^ittaM namasyanti svargasthasyApi mAnavAH . 
paurajAnapadAmAtyAH sa rAjA rAjasattamaH .. 36..\\
\medskip\hrule\medskip\centerline{\Largedvng 27}
 yudhisthira

abhimanyau hate bAle draupadyAstanayeShu cha . 
dhR^iShTadyumne virAte cha drupade cha mahIpatau .. 1..\\
vasuSheNe cha dharmaGYe dhR^iShTaketau cha pArthive . 
tathAnyeShu narendreShu nAnAdeshyeShu sa~Ngame .. 2..\\
na vimu~nchati mA.n shoko GYAtighAtinamAturam . 
rAjyakAmukamatyugra.n svavaMshochchheda kArakam .. 3..\\
yasyA~Nke krIDamAnena mayA vai parivartitam . 
sa mayA rAjyalubdhena gA~Ngeyo vinipAtitaH .. 4..\\
yadA hyena.n vighUrNantamapashyaM pArtha sAyakaiH . 
kampamAna.n yathA vajraiH prekShamANaM shikhaNDinam .. 5..\\
jIrNa.n si.nhamiva prAMshuM narasi.nhaM pitAmaham . 
kIryamANa.n sharaistIkShNairdR^iShTvA me vyathitaM manaH .. 6..\\
prA~Nmukha.n sIdamAna.n cha rathAdapachyutaM sharaiH . 
ghUrNamAna.n yathA shaila.n tadA me kashmalo.abhavat .. 7..\\
yaH sa bANadhanuShpANiryodhayAmAsa bhArgavam . 
bahUnyahAni kauravyaH kurukShetre mahAmR^idhe .. 8..\\
sametaM pArthiva.n kShatra.n vAraNasyAM nadI sutaH . 
kanyArthamAhvayadvIro rathenaikena sa.nyuge .. 9..\\
yena chogrAyudho rAjA chakravartI durAsadaH . 
dagdhaH shastrapratApena sa mayA yudhi ghAtitaH .. 10..\\
svayaM mR^ityu.n rakShamANaH pA~nchAlyaM yaH shikhaNDinam . 
na bANaiH pAtayAmAsa so.arjunena nipAtitaH .. 11..\\
yadainaM patitaM bhUmAvapashya.n rudhirokShitam . 
tadaivAvishadatyugro jvaro me munisattama . 
yena sa.nvardhitA bAlA yena sma parirakShitAH .. 12..\\
sa mayA rAjyalubdhena pApena guru ghAtinA . 
alpakAlasya rAjyasya kR^ite mUDhena ghAtitaH .. 13..\\
AchAryashcha maheShvAsaH sarvapArthivapUjitaH . 
abhigamya raNe mithyA pApenoktaH sutaM prati .. 14..\\
tanme dahati gAtrANi yanmA.n gururabhAShata . 
satyavAkyo hi rAja.nstva.n yadi jIvati me sutaH . 
satyaM mA marshayanvipro mayi tatparipR^iShTavAn .. 15..\\
ku~njara.n chAntaraM kR^itvA mithyopacharitaM mayA . 
subhR^isha.n rAjyalubdhena pApena guru ghAtinA .. 16..\\
satyaka~nchukamAsthAya mayokto gururAhave . 
ashvatthAmA hata iti ku~njare vinipAtite . 
kAnnu lokAngamiShyAmi kR^itvA tatkarma dAruNam .. 17..\\
aghAtaya.n cha yatkarNa.n samareShvapalAyinam . 
jyeShThaM bhrAtaramatyugra.n ko mattaH pApakR^ittamaH .. 18..\\
abhimanyu.n cha yadbAlaM jAta.n si.nhamivAdriShu . 
prAveshayamaha.n lubdho vAhinI.n droNa pAlitAm .. 19..\\
tadA prabhR^iti bIbhatsuM na shaknomi nirIkShitum . 
kR^iShNa.n cha puNDarIkAkShaM kilbiShI bhrUNa hA yathA .. 20..\\
draupadI.n chApyaduHkhArhAM pa~ncha putra vinAkR^itAm . 
shochAmi pR^ithivI.n hInAM pa~nchabhiH parvatairiva .. 21..\\
so.ahamAgaH karaH pApaH pR^ithivI nAsha kArakaH . 
AsIna evameveda.n shoShayiShye kalevaram .. 22..\\
prAyopaviShTa.n jAnIdhvamadya mAM guru ghAtinam . 
jAtiShvanyAsvapi yathA na bhaveya.n kulAnta kR^it .. 23..\\
na bhokShye na cha pAnIyamupayokShye katha.n chana . 
shoShayiShye priyAnprANAniha stho.aha.n tapodhana .. 24..\\
yatheShTa.n gamyatAM kAmamanujAne prasAdya vaH . 
sarve mAmanujAnIta tyakShyAmIda.n kalevaram .. 25..\\

 vaizampaayana

tameva.n vAdinaM pArthaM bandhushokena vihvalam . 
maivamityabravIdvyAso nigR^ihya munisattamaH .. 26..\\
ati velaM mahArAja na shoka.n kartumarhasi . 
punaruktaM pravakShyAmi diShTametaditi prabho .. 27..\\
sa.nyogA viprayogAshcha jAtAnAM prANinA.n dhruvam . 
budbudA iva toyeShu bhavanti na bhavanti cha .. 28..\\
sarve kShayAntA nichayAH patanAntAH samuchchhrayAH . 
sa.nyogA viprayogAntA maraNAnta.n hi jIvitam .. 29..\\
sukha.n duHkhAntamAlasyaM dAkShyaM duHkha.n sukhodayam . 
bhUtiH shrIrhrIrdhR^itiH siddhirnAdakShe nivasantyuta .. 30..\\
nAla.n sukhAya suhR^ido nAla.n duHkhAya durhR^idaH . 
na cha praGYAlamarthaibhyo na sukhaibhyo.apyala.n dhanam .. 31..\\
yathA sR^iShTo.asi kaunteya dhAtrA karmasu tatkuru . 
ata eva hi siddhiste neshastvamAtmanA nR^ipa .. 32..\\
\medskip\hrule\medskip\centerline{\Largedvng 28}
 vaizampaayana

GYAtishokAbhitaptasya prANAnabhyutsikR^ikShataH . 
jyeShThasya pANDuputrasya vyAsaH shokamapAnudat .. 1..\\

 vyaasa

atrApyudAharantImamitihAsaM purAtanam . 
ashmagItaM naravyAghra tannibodha yudhiShThira .. 2..\\
ashmAnaM brAhmaNaM prAGYa.n vaideho janako nR^ipaH . 
saMshayaM paripaprachchha duHkhashoka pariplutaH .. 3..\\

 janaka

Agame yadi vApAye GYAtInA.n draviNasya cha . 
nareNa pratipattavya.n kalyANaM kathamichchhatA .. 4..\\

 azman

utpannamimamAtmAnaM narasyAnantara.n tataH . 
tAni tAnyabhivartante duHkhAni cha sukhAni cha .. 5..\\
teShAmanyatarApattau yadyadevopasevate . 
tattaddhi chetanAmasya haratyabhramivAnilaH .. 6..\\
abhijAto.asmi siddho.asmi nAsmi kevalamAnuShaH . 
ityeva.n hetubhistasya tribhishchittaM prasichyati .. 7..\\
sa prasikta manA bhogAnvisR^ijya pitR^isa~ncitAn . 
parikShINaH parasvAnAmAdAna.n sAdhu manyate .. 8..\\
tamatikrAnta maryAdamAdadAnamasAmpratam . 
pratiShedhanti rAjAno lubdhA mR^igamiveShubhiH .. 9..\\
ye cha viMshativarShA vA triMshadvarShAshcha mAnavAH . 
pareNa te varShashatAnna bhaviShyanti pArthiva .. 10..\\
teShAM paramaduHkhAnAM buddhyA bheShajamAdishet . 
sarvaprANabhR^itA.n vR^ittaM prekShamANastatastataH .. 11..\\
mAnasAnAM punaryonirduHkhAnA.n chittavibhramaH . 
aniShTopanipAto vA tR^itIyaM nopapadyate .. 12..\\
evametAni duHkhAni tAni tAnIha mAnavam . 
vividhAnyupavartante tathA sA.nsparshakAni cha .. 13..\\
jarAmR^ityU ha bhUtAni khAditArau vR^ikAviva . 
balinA.n durbalAnAM cha hrasvAnAM mahatAm api .. 14..\\
na kashchijjAtvatikrAmejjarAmR^ityU ha mAnavaH . 
api sAgaraparyantA.n vijityemAM vasundharAm .. 15..\\
sukha.n vA yadi vA duHkhaM bhUtAnAM paryupasthitam . 
prAptavyamavashaiH sarvaM parihAro na vidyate .. 16..\\
pUrve vayasi madhye vApyuttame vA narAdhipa . 
avarjanIyAste.arthA vai kA~NkShitAshcha tato.anyathA .. 17..\\
supriyairviprayogashcha samprayogastathApriyaiH . 
arthAnarthau sukha.n duHkha.n vidhAnamanuvartate .. 18..\\
prAdurbhAvashcha bhUtAnA.n dehanyAsastathaiva cha . 
prApti vyAyAmayogashcha sarvametatpratiShThitam .. 19..\\
gandhavarNarasasparshA nivartante svabhAvataH . 
tathaiva sukhaduHkhAni vidhAnamanuvartate .. 20..\\
Asana.n shayanaM yAnamutthAnaM pAnabhojanam . 
niyata.n sarvabhUtAnA.n kAlenaiva bhavantyuta .. 21..\\
vaidyAshchApyAturAH santi balavantaH sudurbalAH . 
strImantashcha tathA ShaNDhA vichitraH kAlaparyayaH .. 22..\\
kule janma tathA vIryamArogya.n dhairyameva cha . 
saubhagyamupabhogash cha bhavitavyena labhyate .. 23..\\
santi putrAH subahavo daridrANAmanichchhatAm . 
bahUnAmichchhatAM nAsti samR^iddhAnA.n vicheShTatAm .. 24..\\
vyAdhiragnirjala.n shastraM bubhukShA shvApadaM viSham . 
rajjvA cha maraNa.n jantoruchchAchcha patanaM tathA .. 25..\\
niryANa.n yasya yaddiShTa.n tena gachchhati hetunA . 
dR^ishyate nAbhyatikrAmannatikrAnto na vA punaH .. 26..\\
dR^ishyate hi yuvaiveha vinashyanvasumAnnaraH . 
daridrashcha parikliShTaH shatavarSho janAdhipa .. 27..\\
aki~ncanAshcha dR^ishyante puruShAshchirajIvinaH . 
samR^iddhe cha kule jAtA vinashyanti pata~Ngavat .. 28..\\
prAyeNa shrImatA.n loke bhoktuM shaktirna vidyate . 
kAShThAnyapi hi jIrvante daridrANAM narAdhipa .. 29..\\
ahametatkaromIti manyate kAlachoditaH . 
yadyadiShTamasantoShAddurAtmA pApamAcharan .. 30..\\
striyo.akShA mR^igayA pAnaM prasa~NgAnninditA budhaiH . 
dR^ishyante chApi bahavaH samprasaktA bahushrutAH .. 31..\\
iti kAlena sarvArthAnIpsitAnIpsitAni cha . 
spR^ishanti sarvabhUtAni nimittaM nopalabhyate .. 32..\\
vAyumAkAshamagni.n cha chandrAdityAvahaH kShape . 
jyotIMShi saritaH shailAnkaH karoti bibharti vA .. 33..\\
shItamuShNa.n tathA varShaM kAlena parivartate . 
evameva manuShyANA.n sukhaduHkhe nararShabha .. 34..\\
nauShadhAni na shAstrANi na homA na punarjapAH . 
trAyante mR^ityunopeta.n jarayA vApi mAnavam .. 35..\\
yathA kAShTha.n cha kAShThaM cha sameyAtAM mahodadhau . 
sametya cha vyatIyAtA.n tadvadbhUtasamAgamaH .. 36..\\
ye chApi puruShaiH strIbhirgItavAdyairupasthitAH . 
ye chAnAthAH parAnnAdAH kAlasteShu samakriyaH .. 37..\\
mAtR^ipitR^isahasrANi putradArashatAni cha . 
sa.nsAreShvanubhUtAni kasya te kasya vA vayam .. 38..\\
naivAsya kashchidbhavitA nAyaM bhavati kasya chit . 
pathi sa~Ngatameveda.n dArabandhusuhR^idgaNaiH .. 39..\\
kvAsa.n kvAsmi gamiShyAmi ko nvahaM kimihAsthitaH . 
kasmAtkamanushocheyamityeva.n sthApayenmanaH . 
anitye priya sa.nvAse sa.nsAre chakravadgatau .. 40..\\
na dR^iShTapUrvaM pratyakShaM paraloka.n vidurbudhAH . 
AgamA.nstvanatikramya shraddhAtavyaM bubhUShatA .. 41..\\
kurvIta pitR^idaivatya.n dharmANi cha samAcharet . 
yajechcha vidvAnvidhivattrivarga.n chApyanuvrajet .. 42..\\
saMnimajjajjagadida.n gambhIre kAlasAgare . 
jarAmR^ityumahAgrAhe na kash chidavabudhyate .. 43..\\
AyurvedamadhIyAnAH kevala.n sa parigraham . 
dR^ishyante bahavo vaidyA vyAdhibhiH samabhiplutAH .. 44..\\
te pibantaH kaShAyAMshcha sarpIMShi vividhAni cha . 
na mR^ityumativartante velAmiva mahodadhiH .. 45..\\
rasAyana vidashchaiva suprayukta rasAyanAH . 
dR^ishyante jarayA bhagnA nagA nAgairivottamaiH .. 46..\\
tathaiva tapasopetAH svAdhyAyAbhyasane ratAH . 
dAtAro yaGYashIlAshcha na taranti jarAntakau .. 47..\\
na hyahAni nivartante na mAsA na punaH samAH . 
jAtAnA.n sarvabhUtAnAM na pakShA na punaH kShapAH .. 48..\\
so.aya.n vipulamadhvAna.n kAlena dhruvamadhruvaH . 
naro.avashaH samabhyeti sarvabhUtaniShevitam .. 49..\\
deho vA jIvato.abhyeti jIvo vAbhyeti dehataH . 
pathi sa~Ngatameveda.n dArairanyaishcha bandhubhiH .. 50..\\
nAyamatyantasa.nvAso labhyate jAtu kena chit . 
api svena sharIreNa kimutAnyena kena chit .. 51..\\
kva nu te.adya pitA rAjankva nu te.adya pitAmahaH . 
na tvaM pashyasi tAnadya na tvAM pashyanti te.api cha .. 52..\\
na hyeva puruSho draShTA svargasya narakasya vA . 
Agamastu satA.n chakShurnR^ipate tamihAchara .. 53..\\
charitabrahma charyo hi prajAyeta yajeta cha . 
pitR^ideva maharShINAmAnR^iNyAyAnasUyakaH .. 54..\\
sa yaGYashIlaH prajane niviShTaH 
prAgbrahma chArI pravibhakta pakShaH . 
ArAdhayansvargamima.n cha lokaM 
para.n cha muktvA hR^idayavyalIkam .. 55..\\
samyagghi dharma.n charato nR^ipasya 
dravyANi chApyAharato yathAvat . 
pravR^itta chakrasya yasho.abhivardhate 
sarveShu lokeShu charAchareShu .. 56..\\

 vyaasa

ityevamAGYAya videharAjo 
vAkya.n samagraM paripUrNahetuH . 
ashmAnamAmantrya vishuddhabuddhir 
yayau gR^iha.n svaM prati shAntashokaH .. 57..\\
tathA tvamapyachyuta mu~ncha shokam 
uttiShTha shakropama harShamehi . 
kShAtreNa dharmeNa mahI jitA te 
tAM bhu~NkShva kuntIsuta mA viShAdIH .. 58..\\
\medskip\hrule\medskip\centerline{\Largedvng 29}
 vaizampaayana

avyAharati kaunteye dharmaputre yudhiShThire . 
guDAkesho hR^iShIkeshamabhyabhAShata pANDavaH .. 1..\\
GYAtishokAbhisantapto dharmarAjaH parantapaH . 
eSha shokArNave magnastamAshvAsaya mAdhava .. 2..\\
sarve sma te saMshayitAH punareva janArdana . 
asya shokaM mahAbAho praNAshayitumarhasi .. 3..\\
evamuktastu govindo vijayena mahAtmanA . 
paryavartata rAjAnaM puNDarIkekShaNo.achyutaH .. 4..\\
anatikramaNIyo hi dharmarAjasya keshavaH . 
bAlyAtprabhR^iti govindaH prItyA chAbhyadhiko.arjunAt .. 5..\\
sampragR^ihya mahAbAhurbhuja.n chandanabhUShitam . 
shailastambhopama.n shauriruvAchAbhivinodayan .. 6..\\
shushubhe vadana.n tasya sudaMShTraM chArulochanam . 
vyAkoshamiva vispaShTaM padma.n sUryavibodhitam .. 7..\\
mA kR^ithAH puruShavyAghra shoka.n tvaM gAtrashoShaNam . 
na hi te sulabhA bhUyo ye hatAsminraNAjire .. 8..\\
svapnalabdhA yathA lAbhA vi tathAH pratibodhane . 
eva.n te kShatriyA rAjanye vyatItA mahAraNe .. 9..\\
sarve hyabhimukhAH shUrA vigatA raNashobhinaH . 
naiShA.n kashchitpR^iShThato vA palAyanvApi pAtitaH .. 10..\\
sarve tyaktvAtmanaH prANAnyuddhvA vIrA mahAhave . 
shastrapUtA divaM prAptA na tA~nshochitumarhasi .. 11..\\
atraivodAharantImamitihAsaM purAtanam . 
sR^i~njayaM putrashokArta.n yathAyaM prAha nAradaH .. 12..\\
sukhaduHkhairaha.n tvaM cha prajAH sarvAshcha sR^i~njaya . 
avimukta.n chariShyAmastatra kA paridevanA .. 13..\\
mahAbhAgyaM para.n rAGYA.n kIrtyamAnaM mayA shR^iNu . 
gachchhAvadhAnaM nR^ipate tato duHkhaM prahAsyasi .. 14..\\
mR^itAnmahAnubhAvA.nstva.n shrutvaiva tu mahIpatIn . 
shrutvApanaya santApa.n shR^iNu vistarashash cha me .. 15..\\
AvikShitaM maruttaM me mR^ita.n sR^i~njaya shushruhi . 
yasya sendrAH sa varuNA bR^ihaspatipurogamAH . 
devA vishvasR^ijo rAGYo yaGYamIyurmahAtmanaH .. 16..\\
yaH spardhAmanayachchhakra.n devarAja.n shatakratum . 
shakra priyaiShI ya.n vidvAnpratyAchaShTa bR^ihaspatiH . 
sa.nvarto yAjayAmAsa yaM pIDArthaM bR^ihaspateH .. 17..\\
yasminprashAsati satAM nR^ipatau nR^ipasattama . 
akR^iShTapachyA pR^ithivI vibabhau chaityamAlinI .. 18..\\
AvikShitasya vai satre vishve devAH sabhA sadaH . 
marutaH pariveShTAraH sAdhyAshchAsanmahAtmanaH .. 19..\\
marudgaNA maruttasya yatsomamapibanta te . 
devAnmanuShyAngandharvAnatyarichyanta dakShiNAH .. 20..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 21..\\
suhotra.n chedvaitithinaM mR^ita.n sR^i~njaya shushruma . 
yasmai hiraNya.n vavR^iShe magahvAnparivatsaram .. 22..\\
satyanAmA vasumatI yaM prApyAsIjjanAdhipa . 
hiraNyamavahannadyastasmi~njanapadeshvare .. 23..\\
kUrmAnkarkaTakAnnakrAnmakarA~nshiMshukAnapi . 
nadIShvapAtayadrAjanmaghavA lokapUjitaH .. 24..\\
hairaNyAnpatitAndR^iShTvA matsyAnmakarakachchhapAn . 
sahasrasho.atha shatashastato.asmayata vaitithiH .. 25..\\
taddhiraNyamaparyantamAvR^itta.n kurujA~Ngale . 
IjAno vitate yaGYe brAhmaNebhyaH samAhitaH .. 26..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH . 
adakShiNamayajvAna.n shvaitya saMshAmya mA shuchaH .. 27..\\
a~NgaM bR^ihadratha.n chaiva mR^ita.n shushruma sR^i~njaya . 
yaH sahasra.n sahasrANAM shvetAnashvAnavAsR^ijat .. 28..\\
sahasra.n cha sahasrANAM kanyA hemavibhUShitAH . 
IjAno vitate yaGYe dakShiNAmatyakAlayat .. 29..\\
shata.n shatasahasrANAM vR^iShANAM hemamAlinAm . 
gavA.n sahasrAnuchara.n dakShiNAmatyakAlayat .. 30..\\
a~Ngasya yajamAnasya tadA viShNupade girau . 
amAdyadindraH somena dakShiNAbhirdvijAtayaH .. 31..\\
yasya yaGYeShu rAjendra shatasa~NkhyeShu vai punaH . 
devAnmanuShyAngandharvAnatyarichyanta dakShiNAH .. 32..\\
na jAto janitA chAnyaH pumAnyastatpradAsyati . 
yada~NgaH pradadau vitta.n somasa.nsthAsu saptasu .. 33..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 34..\\
shibimaushInara.n chaiva mR^ita.n shushruma sR^i~njaya . 
ya imAM pR^ithivI.n kR^itsnAM charmavatsamaveShTayat .. 35..\\
mahatA rathaghoSheNa pR^ithivImanunAdayan . 
ekachhatrAM mahI.n chakre jaitreNaika rathena yaH .. 36..\\
yAvadadya gavAshva.n syAdAraNyaiH pashubhiH saha . 
tAvatIH pradadau gAH sa shibiraushInaro.adhvare .. 37..\\
nodyantAra.n dhuraM tasya kaM chinmene prajApatiH . 
na bhUtaM na bhaviShyanta.n sarvarAjasu bhArata . 
anyatraushInarAchchhaibyAdrAjarSherindra vikramAt .. 38..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH . 
adakShiNamayajvAna.n ta.n vai saMshAmya mA shuchaH .. 39..\\
bharata.n chaiva dauHShantiM mR^ita.n sR^i~njaya shushruma . 
shAkuntaliM maheShvAsaM bhUri draviNa tejasam .. 40..\\
yo baddhvA triMshato hyashvAndevaibhyo yamunAm anu . 
sarasvatI.n viMshati.n cha ga~NgAmanu chaturdasha .. 41..\\
ashvamedha sahasreNa rAjasUya shatena cha . 
iShTavAnsa mahAtejA dauHShantirbharataH purA .. 42..\\
bharatasya mahatkarma sarvarAjasu pArthivAH . 
khaM martyA iva bAhubhyAM nAnugantumashaknuvan .. 43..\\
para.n sahasrAdyo baddhvA hayAnvedIM vichitya cha . 
sahasra.n yatra padmAnA.n kaNvAya bharato dadau .. 44..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 45..\\
rAma.n dAsharathiM chaiva mR^ita.n shushruma sR^i~njaya . 
yo.anvakampata vai nityaM prajAH putrAnivaurasAn .. 46..\\
vidhavA yasya viShaye nAnAthAH kAshchanAbhavan . 
sarvasyAsItpitR^isamo rAmo rAjya.n yadAnvashAt .. 47..\\
kAlavarShAshcha parjanyAH sasyAni rasavanti cha . 
nitya.n subhikShamevAsIdrAme rAjyaM prashAsati .. 48..\\
prANino nApsu majjanti nAnarthe pAvako.adahat . 
na vyAlajaM bhaya.n chAsIdrAme rAjyaM prashAsati .. 49..\\
AsanvarShasahasrANi tathA putrasahasrikAH . 
arogAH sarvasiddhArthAH prajA rAme prashAsati .. 50..\\
nAnyonyena vivAdo.abhUtstrINAmapi kuto nR^iNAm . 
dharmanityAH prajAshchAsanrAme rAjyaM prashAsati .. 51..\\
nityapuShpaphalAshchaiva pAdapA nirupadravAH . 
sarvA droNa dughA gAvo rAme rAjyaM prashAsati .. 52..\\
sa chaturdasha varShANi vane proShya mahAtapAH . 
dashAshvamedhA~njArUthyAnAjahAra nirargalAn .. 53..\\
shyAmo yuvA lohitAkSho mattavAraNavikramaH . 
dashavarShasahasrANi rAmo rAjyamakArayat .. 54..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 55..\\
bhagIratha.n cha rAjAnaM mR^ita.n shushruma sR^i~njaya . 
yasyednro vitate yaGYe somaM pItvA madotkaTaH .. 56..\\
asurANA.n sahasrANi bahUni surasattamaH . 
ajayadbAhuvIryeNa bhagavAnpAkashAsanaH .. 57..\\
yaH sahasra.n sahasrANA.n kanyA hemavibhUShitAH . 
IjAno vitate yaGYe dakShiNAmatyakAlayat .. 58..\\
sarvA rathagatAH kanyA rathAH sarve chaturyujaH . 
rathe rathe shataM nAgAH padmino hemamAlinaH .. 59..\\
sahasramashvA ekaika.n hastinaM pR^iShThato.anvayuH . 
gavA.n sahasramashve.ashve sahasra.n gavyajAvikam .. 60..\\
upahvare nivasato yasyA~Nke niShasAda ha . 
ga~NgA bhAgIrathI tasmAdurvashI hyabhavatpurA .. 61..\\
bhUridakShiNamikShvAku.n yajamAnaM bhagIratham . 
trilokapatha gA ga~NgA duhitR^itvamupeyiShI .. 62..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 63..\\
dilIpa.n chaivailavilaM mR^ita.n shushruma sR^i~njaya . 
yasya karmANi bhUrINi kathayanti dvijAtayaH .. 64..\\
imA.n vai vasu sampannAM vasudhAM vasudhAdhipaH . 
dadau tasminmahAyaGYe brAhmaNaibhyaH samAhitaH .. 65..\\
tasyeha yajamAnasya yaGYe yaGYe purohitaH . 
sahasra.n vAraNAnhaimAndakShiNAmatyakAlayat .. 66..\\
yasya yaGYe mahAnAsIdyUpaH shrImAnhiraNmayaH . 
ta.n devAH karma kurvANAH shakra jyeShThA upAshrayan .. 67..\\
chaShAlo yasya sauvarNastasminyUpe hiraNmaye . 
nanR^iturdevagandharvAH ShaTsahasrANi saptadhA .. 68..\\
avAdayattatra vINAM madhye vishvAvasuH svayam . 
sarvabhUtAnyamanyanta mama vAdayatItyayam .. 69..\\
etadrAGYo dilIpasya rAjAno nAnuchakrire . 
yatstriyo hemasampannAH pathi mattAH sma sherate .. 70..\\
rAjAnamugradhanvAna.n dilIpa.n satyavAdinam . 
ye.apashyansumahAtmAna.n te.api svargajito narAH .. 71..\\
trayaH shabdA na jIryante dilIpasya niveshane . 
svAdhyAyaghoSho jyAghoSho dIyatAm iti chaiva hi .. 72..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 73..\\
mAndhAtAra.n yauvanAshvaM mR^itaM shushruma sR^i~njaya . 
ya.n devA maruto garbhaM pituH pArshvAdapAharan .. 74..\\
sa.nvR^iddho yuvanAshvasya jaThare yo mahAtmanaH . 
pR^iShadAjyodbhavaH shrImA.nstrilokavijayI nR^ipaH .. 75..\\
ya.n dR^iShTvA piturutsa~Nge shayAnaM devarUpiNam . 
anyonyamabruvandevAH kamaya.n dhAsyatIti vai .. 76..\\
mAmeva dhAsyatItyevamindro abhyavapadyata . 
mAndhAteti tatastasya nAma chakre shatakratuH .. 77..\\
tatastu payaso dhArAM puShTi hetormahAtmanaH . 
tasyAsye yauvanAshvasya pANirindrasya chAsravat .. 78..\\
taM pibanpANimindrasya samAmahnA vyavardhata . 
sa AsIddvAdasha samo dvAdashAhena pArthiva .. 79..\\
tamiyaM pR^ithivI sarvA ekAhnA samapadyata . 
dharmAtmAnaM mahAtmAna.n shUramindrasamaM yudhi .. 80..\\
ya A~NgAra.n hi nR^ipatiM maruttamasita.n gayam . 
a~NgaM bR^ihadratha.n chaiva mAndhAtA samare.ajayat .. 81..\\
yauvanAshvo yadA~NgAra.n samare samayodhayat . 
visphArairdhanuSho devA dyaurabhedIti menire .. 82..\\
yataH sUrya udeti sma yatra cha pratitiShThati . 
sarva.n tadyauvanAshvasya mAndhAtuH kShetramuchyate .. 83..\\
ashvamedha shateneShTvA rAjasUya shatena cha . 
adadAdrohitAnmatsyAnbrAhmaNaibhyo mahIpatiH .. 84..\\
hairaNyAnyojanotsedhAnAyatAndashayojanam . 
atiriktAndvijAtibhyo vyabhajannitare janAH .. 85..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 86..\\
yayAtiM nAhuSha.n chaiva mR^ita.n shushruma sR^i~njaya . 
ya imAM pR^ithivI.n sarvAM vijitya saha sAgarAm .. 87..\\
shamyA pAtenAbhyatIyAdvedIbhishchitrayannR^ipa . 
IjAnaH kratubhiH puNyaiH paryagachchhadvasundharAm .. 88..\\
iShTvA kratusahasreNa vAjimedhashatena cha . 
tarpayAmAsa devendra.n tribhiH kA~nchanaparvataiH .. 89..\\
vyUDhe devAsure yuddhe hatvA daiteya dAnavAn . 
vyabhajatpR^ithivI.n kR^itsnA.n yayAtirnahuShAtmajaH .. 90..\\
anteShu putrAnnikShipya yadudruhyu purogamAn . 
pUru.n rAjye.abhiShichya sve sadAraH prasthito vanam .. 91..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 92..\\
ambarISha.n cha nAbhAgaM mR^ita.n shushruma sR^i~njaya . 
yaM prajA vavrire puNya.n goptAraM nR^ipasattama .. 93..\\
yaH sahasra.n sahasrANAM rAGYAmayuta yAjinAm . 
IjAno vitate yaGYe brAhmaNaibhyaH samAhitaH .. 94..\\
naitatpUrve janAshchakrurna kariShyanti chApare . 
ityambarIShaM nAbhAgamanvamodanta dakShiNAH .. 95..\\
shata.n rAjasahasrANi shataM rAjashatAni cha . 
sarve.ashvamedhairIjAnAste.abhyayurdakShiNAyanam .. 96..\\
sa chenmamAra sR^i~njaya chaturbhadra tarastvayA . 
putrAtpuNyatarashchaiva mA putramanutapyathAH .. 97..\\
shashabindu.n chaitrarathaM mR^ita.n shushruma sR^i~njaya . 
yasya bhAryA sahasrANA.n shatamAsInmahAtmanaH .. 98..\\
sahasra.n tu sahasrANA.n yasyAsa~nshAsha bindavaH . 
hiraNyakavachAH sarve sarve chottamadhanvinaH .. 99..\\
shata.n kanyA rAjaputramekaikaM pR^iShThato.anvayuH . 
kanyA.n kanyA.n shataM nAgA nAgaM nAgaM shataM rathAH .. 100..\\
ratha.n rathaM shata.n chAshvA deshajA hemamAlinaH . 
ashvamashva.n shata.n gAvo gAM gAM tadvadajAvikam .. 101..\\
etaddhanamaparyantamashvamedhe mahAmakhe . 
shashabindurmahArAja brAhmaNaibhyaH samAdishat .. 102..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 103..\\
gayamAmUrtarayasaM mR^ita.n shushruma sR^i~njaya . 
yaH sa varShashata.n rAjA hutashiShTAshano.abhavat .. 104..\\
yasmai vahnirvarAnprAdAttato vavre varAngayaH . 
dadato me.akShayA chAstu dharme shraddhA cha vardhatAm .. 105..\\
mano me ramatA.n satye tvatprasAdAddhutAshana . 
lebhe cha kAmA.nstAnsarvAnpAvakAditi naH shrutam .. 106..\\
darshena paurNamAsena chAturmAsyaiH punaH punaH . 
ayajatsa mahAtejAH sahasraM parivatsarAn .. 107..\\
shata.n gavA.n sahasrANi shatamashvashatAni cha . 
utthAyotthAya vai prAdAtsahasraM parivatsarAn .. 108..\\
tarpayAmAsa somena devAnvittairdvijAnapi . 
pitR^InsvadhAbhiH kAmaishcha striyaH svAH puruSharShabha .. 109..\\
sauvarNAM pR^ithivI.n kR^itvA dashavyAmAM dvirAyatAm . 
dakShimAmadadadrAjA vAjimedhamahAmakhe .. 110..\\
yAvatyaH sikatA rAjanga~NgAyAH puruSharShabha . 
tAvatIreva gAH prAdAdAmUrtarayaso gayaH .. 111..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 112..\\
ranti deva.n cha sA~NkR^ityaM mR^ita.n shushruma sR^i~njaya . 
samyagArAdhya yaH shakra.n varaM lebhe mahAyashAH .. 113..\\
anna.n cha no bahu bhavedatithIMsh cha labhemahi . 
shraddhA cha no mA vyagamanmA cha yAchiShma ka.n chana .. 114..\\
upAtiShThanta pashavaH svaya.n ta.n saMshitavratam . 
grAmyAraNyA mahAtmAna.n ranti devaM yashasvinam .. 115..\\
mahAnadI charma rAsherutkledAtsusruve yataH . 
tatashcharmaNvatItyeva.n vikhyAtA sA mahAnadI .. 116..\\
brAhmaNaibhyo dadau niShkAnsadasi pratate nR^ipaH . 
tubhya.n tubhyaM niShkamiti yatrAkroshanti vai dvijAH . 
sahasra.n tubhyamityuktvA brAhmaNAnsma prapadyate .. 117..\\
anvAhAryopakaraNa.n dravyopakaraNaM cha yat . 
ghaTAH sthAlyaH kaTAhAshcha pAtryashcha piTharA api . 
na tatki.n chidasauvarNa.n ranti devasya dhImataH .. 118..\\
sA~NkR^ite ranti devasya yA.n rAtrimavasadgR^ihe . 
Alabhyanta shata.n gAvaH sahasrANi cha viMshatiH .. 119..\\
tatra sma sUdAH kroshanti sumR^iShTamaNikuNDalAH . 
sUpabhUyiShThamashnIdhvaM nAdya mA.nsa.n yathA purA .. 120..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 121..\\
sagara.n cha mahAtmAnaM mR^ita.n shushruma sR^i~njaya . 
aikShvAkaM puruShavyAghramati mAnuShavikramam .. 122..\\
ShaShTiH putrasahasrANi ya.n yAntaM pR^iShThato.anvayuH . 
nakShatrarAja.n varShAnte vyabhre jyotirgaNA iva .. 123..\\
ekachhatrA mahI yasya praNatA hyabhavatpurA . 
yo.ashvamedha sahasreNa tarpayAmAsa devatAH .. 124..\\
yaH prAdAtkA~nchanastambhaM prAsAda.n sarvakA~nchanam . 
pUrNaM padmadalAkShINA.n strINAM shayanasa~Nkulam .. 125..\\
dvijAtibhyo.anurUpaibhyaH kAmAnuchchAvachA.nstathA . 
yasyAdeshena tadvitta.n vyabhajanta dvijAtayaH .. 126..\\
khAnayAmAsa yaH kopAtpR^ithivI.n sAgarA~NkitAm . 
yasya nAmnA samudrashcha sAgaratvamupAgataH .. 127..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 128..\\
rAjAna.n cha pR^ithu.n vainyaM mR^itaM shushruma sR^i~njaya . 
yamabhyaShi~nchansambhUya mahAraNye maharShayaH .. 129..\\
prathayiShyati vai lokAnpR^ithurityeva shabditaH . 
kShatAchcha nastrAyatIti sa tasmAtkShatriyaH smR^itaH .. 130..\\
pR^ithu.n vainyaM prajA dR^iShTvA raktAH smeti yadabruvan . 
tato rAjeti nAmAsya anurAgAdajAyata .. 131..\\
akR^iShTapachyA pR^ithivI puTake puTake madhu . 
sarvA droNa dughA gAvo vainyasyAsanprashAsataH .. 132..\\
arogAH sarvasiddhArthA manuShyA akutobhayAH . 
yathAbhikAmamavasankShetreShu cha gR^iheShu cha .. 133..\\
ApaH sa.nstambhire yasya samudrasya yiyAsataH . 
saritashchAnudIryanta dhvajasa~Ngashcha nAbhavat .. 134..\\
hairaNyA.nstrinalotsedhAnparvatAnekaviMshatim . 
brAhmaNaibhyo dadau rAjA yo.ashvamedhe mahAmakhe .. 135..\\
sa chenmamAra sR^i~njaya chaturbhadratarastvayA . 
putrAtpuNyatarashchaiva mA putramanutapyathAH .. 136..\\
ki.n vai tUShNI.n dhyAyasi sR^i~njaya tvaM 
na me rAjanvAchamimA.n shR^iNoShi . 
na chenmogha.n vipralaptaM mayedaM 
pathyaM mumUrShoriva samyaguktam .. 137..\\

 srnjaya

shR^iNomi te nArada vAchametAM 
vichitrArthA.n srajamiva puNyagandhAm . 
rAjarShINAM puNyakR^itAM mahAtmanAM 
kIrtyA yuktA.n shokanirNAshanArtham .. 138..\\
na te mogha.n vipralaptaM maharShe 
dR^iShTvaiva tvAM nAradAha.n vi shokaH . 
shushrUShe te vachanaM brahmavAdin 
na te tR^ipyAmyamR^itasyeva pAnAt .. 139..\\
amoghadarshinmama chetprasAdaM 
sutAgha dagdhasya vibho prakuryAH . 
mR^itasya sa~njIvanamadya me syAt 
tava prasAdAtsuta sa~Ngamash cha .. 140..\\

 naarada

yaste putro dayito.aya.n viyAtaH 
svarNaShThIvI yamadAtparvataste . 
punaste taM putramaha.n dadAmi 
hiraNyanAbha.n varShasahasriNa.n cha .. 141..\\
\medskip\hrule\medskip\centerline{\Largedvng 30}
 yudhisthira

sa katha.n kA~nchanaShThIvI sR^i~njayasya suto.abhavat . 
parvatena kimartha.n cha dattaH kena mamAra cha .. 1..\\
yadA varShasahasrAyustadA bhavati mAnavaH . 
kathamaprAptakaumAraH sR^i~njayasya suto mR^itaH .. 2..\\
utAho nAmamAtra.n vai suvarNaShThIvino.abhavat . 
tathya.n vA kA~nchanaShThIvItyetadichchhAmi veditum .. 3..\\

 vaasudeva

atra te kathayiShyAmi yathAvR^itta.n janeshvara . 
nAradaH parvatashchaiva prAgR^iShI lokapUjitau .. 4..\\
mAtulo bhAgineyashcha devalokAdihAgatau . 
vihartu kAmau samprItyA mAnuShyeShu purA prabhU .. 5..\\
haviH pavitrabhojyena deva bhojyena chaiva ha . 
nArado mAtulashchaiva bhAgineyashcha parvataH .. 6..\\
tAvubhau tapasopetAvavanI talachAriNau . 
bhu~njAnau mAnuShAnbhogAnyathAvatparyadhAvatAm .. 7..\\
prItimantau mudA yuktau samaya.n tatra chakratuH . 
yo bhaveddhR^idi sa~NkalpaH shubho vA yadi vAshubhaH . 
anyonyasya sa Akhyeyo mR^iShA shApo.anyathA bhavet .. 8..\\
tau tatheti pratiGYAya maharShI lokapUjitau . 
sR^i~njaya.n shvaityamabhyetya rAjAnamidamUchatuH .. 9..\\
AvAM bhavati vatsyAvaH ka.n chitkAla.n hitAya te . 
yathAvatpR^ithivIpAlAvayoH praguNI bhava . 
tatheti kR^itvA tau rAjA satkR^ityopachachAra ha .. 10..\\
tataH kadA chittau rAjA mahAtmAnau tathAgatau . 
abravItparamaprItaH suteya.n varavarNinI .. 11..\\
ekaiva mama kanyaiShA yuvAM parichariShyati . 
darshanIyAnavadyA~NgI shIlavR^ittasamanvitA . 
sukumArI kumArI cha padmaki~njalka saMnibhA .. 12..\\
parama.n saumya ityuktastAbhyAM rAjA shashAsa tAm . 
kanye viprAvupachara devavatpitR^ivachcha ha .. 13..\\
sA tu kanyA tathetyuktvA pitara.n dharmachAriNI . 
yathAnidesha.n rAGYastau satkR^ityopachachAra ha .. 14..\\
tasyAstathopachAreNa rUpeNApratimena cha . 
nArada.n hR^ichchhayastUrNaM sahasaivAnvapadyata .. 15..\\
vavR^idhe cha tatastasya hR^idi kAmo mahAtmanaH . 
yathA shuklasya pakShasya pravR^ittAvuDurATshanaiH .. 16..\\
na cha taM bhAgineyAya parvatAya mahAtmane . 
shasha.nsa manmatha.n tIvra.n vrIDamAnaH sa dharmavit .. 17..\\
tapasA che~NgitenAtha parvato.atha bubodha tat . 
kAmArtaM nArada.n kruddhaH shashApainaM tato bhR^isham .. 18..\\
kR^itvA samayamavyagro bhavAnvai sahito mayA . 
yo bhaveddhR^idi sa~NkalpaH shubho vA yadi vAshubhaH .. 19..\\
anyonyasya sa Akhyeya iti tadvai mR^iShA kR^itam . 
bhavatA vachanaM brahma.nstasmAdetadvadAmyaham .. 20..\\
na hi kAmaM pravartantaM bhavAnAchaShTa me purA . 
sukumAryA.n kumAryAM te tasmAdeSha shapAmyaham .. 21..\\
brahmavAdI gururyasmAttapasvI brahmaNash cha san . 
akArShIH samayabhraMshamAvAbhyA.n yaH kR^ito mithaH .. 22..\\
shapsye tasmAtsusa~Nkruddho bhavanta.n taM nibodha me . 
sukumArI cha te bhAryA bhaviShyati na saMshayaH .. 23..\\
vAnara.n chaiva kanyA tvA.n vivAhAtprabhR^iti prabho . 
sandrakShyanti narAshchAnye svarUpeNa vinAkR^itam .. 24..\\
sa tadvAkya.n tu viGYAya nAradaH parvatAttadA . 
ashapattamapi krodhAdbhAgineya.n sa mAtulaH .. 25..\\
tapasA brahmacharyeNa satyena cha damena cha . 
yukto.api dharmanityashcha na svargavAsamApsyasi .. 26..\\
tau tu shaptvA bhR^isha.n kruddhau parasparamamarShaNau . 
pratijagmaturanyonya.n kruddhA iva gajottamau .. 27..\\
parvataH pR^ithivI.n kR^itsnA.n vichachAra mahAmuniH . 
pUjyamAno yathAnyAya.n tejasA svena bhArata .. 28..\\
atha tAmalabhatkanyAM nAradaH sR^i~njayAtma jAm . 
dharmeNa dharmapravaraH sukumArImaninditAm .. 29..\\
sA tu kanyA yathA shApaM nArada.n taM dadarsha ha . 
pANigrahaNa mantrANAM prayogAdeva vAnaram .. 30..\\
sukumArI cha devarShi.n vAnarapratimAnanam . 
naivAvamanyata tadA prItimatyeva chAbhavat .. 31..\\
upatasthe cha bhartAraM na chAnyaM manasApyagAt . 
devaM muni.n vA yakShaM vA patitve pativatsalA .. 32..\\
tataH kadA chidbhagavAnparvato.anusasAra ha . 
vana.n virahita.n kiM chittatrApashyatsa nAradam .. 33..\\
tato.abhivAdya provAcha nAradaM parvatastadA . 
bhavAnprasAda.n kurutA.n svargA deshAya me prabho .. 34..\\
tamuvAcha tato dR^iShTvA parvataM nAradastadA . 
kR^itA~njalimupAsIna.n dInaM dInataraH svayam .. 35..\\
tvayAhaM prathama.n shapto vAnaro tvaM bhaviShyasi . 
ityuktena mayA pashchAchchhaptastvamapi matsarAt . 
adya prabhR^iti vai vAsa.n svarge nAvApsyasIti ha .. 36..\\
tava naitaddhi sadR^ishaM putra sthAne hi me bhavAn . 
nivartayetA.n tau shApamanyo.anyena tadA munI .. 37..\\
shrIsamR^iddha.n tadA dR^iShTvA nAradaM devarUpiNam . 
sukumArI pradudrAva parapatyabhisha~NkayA .. 38..\\
tAM parvatastato dR^iShTvA pradravantImaninditAm . 
abravIttava bhartaiSha nAtra kAryA vichAraNA .. 39..\\
R^iShiH paramadharmAtmA nArado bhagavAnprabhuH . 
tavaivAbhedya hR^idayo mA te bhUdatra saMshayaH .. 40..\\
sAnunItA bahuvidhaM parvatena mahAtmanA . 
shApadoSha.n cha taM bhartuH shrutvA svAM prakR^itiM gatA . 
parvato.atha yayau svargaM nArado.atha yayau gR^ihAn .. 41..\\
pratyakShakarmA sarvasya nArado.ayaM mahAnR^iShiH . 
eSha vakShyati vai pR^iShTo yathAvR^ittaM narottama .. 42..\\
\medskip\hrule\medskip\centerline{\Largedvng 31}
 vaizampaayana

tato rAjA pANDusuto nAradaM pratyabhAShata . 
bhagava~nshrotumichchhAmi suvarNaShThIvi sambhavam .. 1..\\
evamuktaH sa cha munirdharmarAjena nAradaH . 
AchachakShe yathAvR^itta.n suvarNaShThIvinaM prati .. 2..\\
evametanmahArAja yathAya.n keshavo.abravIt . 
kAryasyAsya tu yachchheSha.n tatte vakShyAmi pR^ichchhataH .. 3..\\
aha.n cha parvatashchaiva svasrIyo me mahAmuniH . 
vastu kAmAvabhigatau sR^i~njaya.n jayatA.n varam .. 4..\\
tatra sampUjitau tena vidhidR^iShTena karmaNA . 
sarvakAmaiH suvihitau nivasAvo.asya veshmani .. 5..\\
vyatikrAntAsu varShAsu samaye gamanasya cha . 
parvato mAmuvAcheda.n kAle vachanamarthavat .. 6..\\
AvAmasya narendrasya gR^ihe paramapUjitau . 
uShitau samaye brahmaMshchintyatAmatra sAmpratam .. 7..\\
tato.ahamabruva.n rAjanparvataM shubhadarshanam . 
sarvametattvayi vibho bhAgineyopapadyate .. 8..\\
vareNa chhandyatA.n rAjA labhatAM yadyadichchhati . 
AvayostapasA siddhiM prApnotu yadi manyase .. 9..\\
tata AhUya rAjAna.n sR^i~njayaM shubhadarshanam . 
parvato.anumata.n vAkyamuvAcha munipu~NgavaH .. 10..\\
prItau svo nR^ipa satkAraistava hyArjavasambhR^itaiH . 
AvAbhyAmabhyanuGYAto varaM nR^ivara chintaya .. 11..\\
devAnAmavihi.nsAyA.n yadbhavenmAnuShakShamam . 
tadgR^ihANa mahArAja pUjArho nau mato bhavAn .. 12..\\

 srnjaya

prItau bhavantau yadi me kR^itametAvatA mama . 
eSha eva paro lAbho nirvR^itto me mahAphalaH .. 13..\\

 naarada

tameva.n vAdinaM bhUyaH parvataH pratyabhAShata . 
vR^iNIShva rAjansa~Nkalpo yaste hR^idi chira.n sthitaH .. 14..\\

 srnjaya

abhIpsAmi suta.n vIraM vIryavanta.n dR^iDhavratam . 
AyuShmantaM mahAbhAga.n devarAjasamadyutim .. 15..\\

 parvata

bhaviShyatyeSha te kAmo na tvAyuShmAnbhaviShyati . 
devarAjAbhibhUtyartha.n sa~Nkalpo hyeSha te hR^idi .. 16..\\
suvarNaShThIvanAchchaiva svarNaShThIvI bhaviShyati . 
rakShyashcha devarAjAtsa devarAjasamadyutiH .. 17..\\

 naarada

tachchhrutvA sR^i~njayo vAkyaM parvatasya mahAtmanaH . 
prasAdayAmAsa tadA naitadevaM bhavediti .. 18..\\
AyuShmAnme bhavetputro bhavatastapasA mune . 
na cha taM parvataH ki.n chiduvAchendra vyapekShayA .. 19..\\
tamahaM nR^ipati.n dInamabruvaM punareva tu . 
smartavyo.ahaM mahArAja darshayiShyAmi te smR^itaH .. 20..\\
aha.n te dayitaM putraM pretarAjavashaM gatam . 
punardAsyAmi tadrUpaM mA shuchaH pR^ithivIpate .. 21..\\
evamuktvA tu nR^ipatiM prayAtau svo yathepsitam . 
sR^i~njayashcha yathAkAmaM pravivesha svamandiram .. 22..\\
sR^i~njayasyAtha rAjarSheH kasmiMshchitkAlaparyaye . 
jaGYe putro mahAvIryastejasA prajvalanniva .. 23..\\
vavR^idhe sa yathAkAla.n sarasIva mahotpalam . 
babhUva kA~nchanaShThIvI yathArthaM nAma tasya tat .. 24..\\
tadadbhutatama.n loke paprathe kurusattama . 
bubudhe tachcha devendro varadAnaM mahAtmanoH .. 25..\\
tatastvabhibhavAdbhIto bR^ihaspatimate sthitaH . 
kumArasyAntara prekShI babhUva balavR^itra hA .. 26..\\
chodayAmAsa vajra.n sa divyAstraM mUrti sa.nsthitam . 
vyAghro bhUtvA jahIma.n tva.n rAjaputramiti prabho .. 27..\\
vivR^iddhaH kila vIryeNa mAmeSho.abhibhaviShyati . 
sR^i~njayasya suto vajrayathainaM parvato dadau .. 28..\\
evamuktastu shakreNa varjo bara pura~njayaH . 
kumArasyAntara prekShI nityamevAnvapadyata .. 29..\\
sR^i~njayo.api sutaM prApya devarAjasamadyutim . 
hR^iShTaH sAntaHpuro rAjA vananityo.abhavattadA .. 30..\\
tato bhAgIrathI tIre kadA chidvananirjhare . 
dhAtrI dvitIyo bAlaH sa krIDArthaM paryadhAvata .. 31..\\
pa~nchavarShaka deshIyo bAlo nAgendra vikramaH . 
sahasotpatita.n vyAghramAsasAda mahAbalaH .. 32..\\
tena chaiva viniShpiShTo vepamAno nR^ipAtma jaH . 
vyasuH papAta medinyA.n tato dhAtrI vichukrushe .. 33..\\
hatvA tu rAjaputra.n sa tatraivAntaradhIyata . 
shArdUlo devarAjasya mAyayAntarhitastadA .. 34..\\
dhAtryAstu ninada.n shrutvA rudatyAH paramArtavat . 
abhyadhAvata ta.n desha.n svayameva mahIpatiH .. 35..\\
sa dadarsha gatAsu.n ta.n shayAnaM pItashoNitam . 
kumAra.n vigatAnandaM nishAkaramiva chyutam .. 36..\\
sa tamutsa~NgamAropya paripIDita vakShasam . 
putra.n rudhirasa.nsiktaM paryadevayadAturaH .. 37..\\
tatastA mAtarastasya rudantyaH shokakarshitAH . 
abhyadhAvanta ta.n desha.n yatra rAjA sa sR^i~njayaH .. 38..\\
tataH sa rAjA sasmAra mAmantargatamAnasaH . 
tachchAha.n chintita.n GYAtvA gatavA.nstasya darshanam .. 39..\\
sa mayaitAni vAkyAni shrAvitaH shokalAlasaH . 
yAni te yaduvIreNa kathitAni mahIpate .. 40..\\
sa~njIvitashchApi mayA vAsavAnumate tadA . 
bhavitavya.n tathA tachcha na tachchhakyamato.anyathA .. 41..\\
ata Urdhva.n kumAraH sasvarNa ShThIvI mahAyashAH . 
chittaM prasAdayAmAsa piturmAtushcha vIryavAn .. 42..\\
kArayAmAsa rAjya.n sa pitari svargate vibhuH . 
varShANAmekashatavatsahasraM bhImavikramaH .. 43..\\
tata iShTvA mahAyaGYairbahubhirbhUridakShiNaiH . 
tarpayAmAsa devAMshcha pitR^IMshchaiva mahAdyutiH .. 44..\\
utpAdya cha bahUnputrAnkulasantAna kAriNaH . 
kAlena mahatA rAjankAladharmamupeyivAn .. 45..\\
sa tva.n rAjendra sa~njAtaM shokametannivartaya . 
yathA tvA.n keshavaH prAha vyAsashcha sumahAtapAH .. 46..\\
pitR^ipaitAmaha.n rAjyamAsthAya duramudvaha . 
iShTvA puNyairmahAyaGYairiShTA.NllokAnavApsyasi .. 47..\\
\medskip\hrule\medskip\centerline{\Largedvng 32}
 vaizampaayana

tUShNImbhUta.n tu rAjAna.n shochamAnaM yudhiShThiram . 
tapasvI dharmatattvaGYaH kR^iShNadvaipAyano.abravIt .. 1..\\
prajAnAM pAlana.n dharmo rAGYA.n rAjIvalochana . 
dharmaH pramANa.n lokasya nitya.n dharmAnuvartanam .. 2..\\
anutiShThasva vai rAjanpitR^ipaitAmahaM padam . 
brAhmaNeShu cha yo dharmaH sa nityo veda nishchitaH .. 3..\\
tatpramANaM pramANAnA.n shAshvataM bharatarShabha . 
tasya dharmasya kR^itsnasya kShatriyaH parirakShitA .. 4..\\
tathA yaH pratihantyasya shAsana.n viShaye naraH . 
sa bAhubhyA.n vinigrAhyo lokayAtrA vighAtakaH .. 5..\\
pramANamapramANa.n yaH kuryAnmohavasha.n gataH . 
bhR^ityo va yadi vA putrastapasvI vApi kash chana . 
pApAnsarvairupAyaistAnniyachchhedghAtayeta vA .. 6..\\
ato.anyathA vartamAno rAjA prApnoti kilbiSham . 
dharma.n vinashyamAnaM hi yo na rakShetsa dharmahA .. 7..\\
te tvayA dharmahantAro nihatAH sapadAnugAH . 
svadharme vartamAnastva.n kiM nu shochasi pANDava . 
rAjA hi hanyAddadyAchcha prajA rakShechcha dharmataH .. 8..\\

 yudhisthira

na te.abhisha~Nke vachana.n yadbravIShi tapodhana . 
aparokSho hi tedharmaH sarvadharmabhR^itA.n vara .. 9..\\
mayA hyavadhyA bahavo ghAtitA rAjyakAraNAt . 
tAnyakAryANi me brahmandananti cha tapanti cha .. 10..\\

 vyaasa

Ishvaro vA bhavetkartA puruSho vApi bhArata . 
haTho vA vartate loke karma ja.n vA phalaM smR^itam .. 11..\\
IshvareNa niyuktA hi sAdhvasAdhu cha pArthiva . 
kurvanti puruShAH karmaphalamIshvara gAmi tat .. 12..\\
yathA hi puruShashchhindyAdvR^ikShaM parashunA vane . 
chhettureva bhavetpApaM parashorna katha.n chana .. 13..\\
atha vA tadupAdAnAtprApnuyuH karmaNaH phalam . 
daNDashastrakR^itaM pApaM puruShe tanna vidyate .. 14..\\
na chaitadiShTa.n kaunteya yadanyena phalaM kR^itam . 
prApnuyAditi tasmAchcha Ishvare tanniveshaya .. 15..\\
atha vA puruShaH kartA karmaNoH shubhapApayoH . 
na para.n vidyate tasmAdevamanyachchhubha.n kuru .. 16..\\
na hi kashchitkva chidrAjandiShTAtpratinivartate . 
daNDashastrakR^itaM pApaM puruShe tanna vidyate .. 17..\\
yadi vA manyase rAjanhaThe lokaM pratiShThitam . 
evamapyashubha.n karma na bhUtaM na bhaviShyati .. 18..\\
athAbhipattirlokasya kartavyA shubhapApayoH . 
abhipannatama.n loke rAGYAmudyatadaNDanam .. 19..\\
athApi loke karmANi samAvartanta bhArata . 
shubhAshubhaphala.n cheme prApnuvantIti me matiH .. 20..\\
eva.n satyaM shubhAdesha.n karmaNastatphalaM dhruvam . 
tyaja tadrAjashArdUla maiva.n shoke mano kR^ithAH .. 21..\\
svadharme vartamAnasya sApavAde.api bhArata . 
evamAtmaparityAgastava rAjanna shobhanaH .. 22..\\
vihitAnIha kaunteya prAyashchittAni karmiNAm . 
sharIravA.nstAni kuryAdasharIraH parAbhavet .. 23..\\
tadrAja~njIvamAnastvaM prAyashchitta.n chariShyasi . 
prAyashchittamakR^itvA tu pretya taptAsi bhArata .. 24..\\
\medskip\hrule\medskip\centerline{\Largedvng 33}
 yudhisthira

hatAH putrAshcha pautrAshcha bhrAtaraH pitarastathA . 
shvashurA guravashchaiva mAtulAH sapitAmahAH .. 1..\\
kShatriyAshcha mahAtmAnaH sambandhisuhR^idastathA . 
vayasyA GYAtayashchaiva bhrAtarashcha pitAmaha .. 2..\\
bahavashcha manuShyendrA nAnAdeshasamAgatAH . 
ghAtitA rAjyalubdhena mayaikena pitAmaha .. 3..\\
tA.nstAdR^ishAnaha.n hatvA dharmanityAnmahIkShitaH . 
asakR^itsomapAnvIrAnkiM prApsyAmi tapodhana .. 4..\\
dahyAmyanishamadyAha.n chintayAnaH punaH punaH . 
hInAM pArthiva si.nhaistaiH shrImadbhiH pR^ithivImimAm .. 5..\\
dR^iShTvA GYAtivadha.n ghora.n hatAMshcha shatashaH parAn . 
koTishashcha narAnanyAnparitapye pitAmaha .. 6..\\
kA nu tAsA.n varastrINAmavasthAdya bhaviShyati . 
vihInAnA.n svatanayaiH patibhirbhrAtR^ibhistathA .. 7..\\
asmAnantakarAnghorAnpANDavAnvR^iShNisa.nhitAn . 
AkroshantyaH kR^ishA dInA nipatantyashcha bhUtale .. 8..\\
apashyantyaH pitR^InbhrAtR^InpatInputrAMshcha yoShitaH . 
tyaktvA prANAnpriyAnsarvA gamiShyanti yamakShayam .. 9..\\
vatsalatvAddvijashreShTha tatra me nAsti saMshayaH . 
vyakta.n saukShmyAchcha dharmasya prApsyAmaH strIvadhaM vayam .. 10..\\
te vaya.n suhR^ido hatvA kR^itvA pApamanantakam . 
narake nipatiShyAmo hyadhaHshirasa eva cha .. 11..\\
sharIrANi vimokShyAmastapasogreNa sattama . 
AshramAMshcha visheShA.nstvaM mamAchakShva pitAmaha .. 12..\\
\medskip\hrule\medskip\centerline{\Largedvng 34}
 vaizampaayana

yudhiShThirasya tadvAkya.n shrutvA dvaipAyanastadA . 
samIkShya nipuNaM buddhyA R^iShiH provAcha pANDavam .. 1..\\
mA viShAda.n kR^ithA rAjankShatradharmamanusmara . 
svadharmeNa hatA hyete kShatriyAH kShatriyarShabha .. 2..\\
kA~NkShamANAH shriya.n kR^itsnAM pR^ithivyAM cha mahadyashaH . 
kR^itAntavidhisa.nyuktAH kAlena nidhana.n gatAH .. 3..\\
na tva.n hantA na bhImo.api nArjuno na yamAvapi . 
kAlaH paryAya dharmeNa prANAnAdatta dehinAm .. 4..\\
na yasya mAtA pitarau nAnugrAhyo.asti kash chana . 
karma sAkShI prajAnA.n yastena kAlena sa.nhR^itAH .. 5..\\
hetumAtramida.n tasya kAlasya puruSharShabha . 
yaddhanti bhUtairbhUtAni tadasmai rUpamaishvaram .. 6..\\
karma mUrtyAtmaka.n viddhi sAkShiNaM shubhapApayoH . 
sukhaduHkhaguNodarka.n kAlaM kAlaphalapradam .. 7..\\
teShAmapi mahAbAho karmANi parichintaya . 
vinAshahetukAritve yaiste kAlavasha.n gatAH .. 8..\\
Atmanashcha vijAnIhi niyamavratashIlatAm . 
yadA tvamIdR^isha.n karma vidhinAkramya kAritaH .. 9..\\
tvaShTeva vihita.n yantraM yathA sthApayiturvashe . 
karmaNA kAlayuktena tathedaM bhrAmyate jagat .. 10..\\
puruShasya hi dR^iShTvemAmutpattimanimittataH . 
yadR^ichchhayA vinAsha.n cha shokaharShAvanarthakau .. 11..\\
vyalIka.n chApi yattvatra chittavaita.nsikaM tava . 
tadarthamiShyate rAjanprAyashchitta.n tadAchara .. 12..\\
ida.n cha shrUyate pArtha yuddhe devAsure purA . 
asurA bhrAtaro jyeShThA devAshchApi yavIyasaH .. 13..\\
teShAmapi shrInimittaM mahAnAsItsamuchchhrayaH . 
yuddha.n varShasahasrANi dvAtriMshadabhavatkila .. 14..\\
ekArNavAM mahI.n kR^itvA rudhireNa pariplutAm . 
jaghnurdaityA.nstadA devAstridiva.n chaiva lebhire .. 15..\\
tathaiva pR^ithivI.n labdhvA brAhmaNA veda pAragAH . 
saMshritA dAnavAnA.n vai sAhyArthe darpamohitAH .. 16..\\
shAlA vR^ikA iti khyAtAstriShu lokeShu bhArata . 
aShTAshIti sahasrANi te chApi vibudhairhatAH .. 17..\\
dharmavyuchchhittimichchhanto ye.adharmasya pravartakAH . 
hantavyAste durAtmAno devairdaityA ivolvaNAH .. 18..\\
eka.n hatvA yadi kule shiShTAnAM syAdanAmayam . 
kula.n hatvAtha rAShTraM vA na tadvR^ittopaghAtakam .. 19..\\
adharmarUpo dharmo hi kashchidasti narAdhipa . 
dharmashchAdharmarUpo.asti tachcha GYeya.n vipashchitA .. 20..\\
tasmAtsa.nstambhayAtmAna.n shrutavAnasi pANDava . 
devaiH pUrvagataM mArgamanuyAto.asi bhArata .. 21..\\
na hIdR^ishA gamiShyanti narakaM pANDavarShabha . 
bhrAtR^InAshvAsayaitA.nstva.n suhR^idashcha parantapa .. 22..\\
yo hi pApasamArambhe kArye tadbhAvabhAvitaH . 
kurvannapi tathaiva syAtkR^itvA cha nirapatrapaH .. 23..\\
tasmi.nstatkaluSha.n sarvaM samAptamiti shabditam . 
prAyashchittaM na tasyAsti hrAso vA pApakarmaNaH .. 24..\\
tva.n tu shuklAbhijAtIyaH paradoSheNa kAritaH . 
anichchhamAnaH karmeda.n kR^itvA cha paritapyase .. 25..\\
ashvamedho mahAyaGYaH prAyashchittamudAhR^itam . 
tamAhara mahArAja vi pApmaivaM bhaviShyasi .. 26..\\
marudbhiH saha jitvArInmaghavAnpAkashAsanaH . 
ekaika.n kratumAhR^itya shatakR^itvaH shatakratuH .. 27..\\
pUtapApmA jitasvargo lokAnprApya sukhodayAn . 
marudgaNavR^itaH shakraH shushubhe bhAsayandishaH .. 28..\\
svargaloke mahIyantamapsarobhiH shachIpatim . 
R^iShayaH paryupAsante devAshcha vibudheshvaram .. 29..\\
so.aya.n tvamiha sa~NkrAnto vikrameNa vasundharAm . 
nirjitAshcha mahIpAlA vikrameNa tvayAnagha .. 30..\\
teShAM purANi rAShTrANi gatvA rAjansuhR^idvR^itaH . 
bhrAtR^InputrAMshcha pautrAMshcha sve sve rAjye.abhiShechaya .. 31..\\
bAlAnapi cha garbhasthAnsAntvAni samudAcharan . 
ra~njayanprakR^itIH sarvAH paripAhi vasundharAm .. 32..\\
kumAro nAsti yeShA.n cha kanyAstatrAbhiShechaya . 
kAmAshayo hi strI vargaH shokamevaM prahAsyati .. 33..\\
evamAshvAsana.n kR^itvA sarvarAShTreShu bhArata . 
yajasva vAjimedhena yathendro vijayI purA .. 34..\\
ashochyAste mahAtmAnaH kShatriyAH kShatriyarShabha . 
svakarmabhirgatA nAsha.n kR^itAntabalamohitAH .. 35..\\
avAptaH kShatradharmaste rAjyaM prAptamakalmaSham . 
charasva dharma.n kaunteya shreyAnyaH pretya bhAvikaH .. 36..\\
\medskip\hrule\medskip\centerline{\Largedvng 35}
 yudhisthira

kAni kR^itveha karmANi prAyashchittIyate naraH . 
ki.n kR^itvA chaiva muchyeta tanme brUhi pitAmahaH .. 1..\\

 vyaasa

akurvanvihita.n karma pratiShiddhAni chAcharan . 
prAyashchittIyate hyevaM naro mithyA cha vartayan .. 2..\\
sUryeNAbhyudito yashcha brahma chArI bhavatyuta . 
tathA sUryAbhinirmuktaH kunakhI shyAvadannapi .. 3..\\
parivittiH parivettA brahmojjho yashcha kutsakaH . 
didhiShU patistathA yaH syAdagre didhiShureva cha .. 4..\\
avakIrNI bhavedyashcha dvijAtivadhakastathA . 
atIrthe brahmaNastyAgI tIrthe chApratipAdakaH .. 5..\\
grAmayAjI cha kaunteya rAGYashcha parivikrayI . 
shUdra strIvadhako yashcha pUrvaH pUrvastu garhitaH .. 6..\\
vR^ithA pashusamAlambhI vanadAhasya kArakaH . 
anR^itenopachartA cha pratiroddhA gurostathA .. 7..\\
yashchAgnInapavidhyeta tathaiva brahma vikrayI . 
etAnyenA.nsi sarvANi vyutkrAnta samayashcha yaH .. 8..\\
akAryANyapi vakShyAmi yAni tAni nibodha me . 
lokaveda viruddhAni tAnyekAgramanAH shR^iNu .. 9..\\
svadharmasya parityAgaH paradharmasya cha kriyA . 
ayAjya yAjana.n chaiva tathAbhakShyasya bhakShaNam .. 10..\\
sharaNAgata santyAgo bhR^ityasyAbharaNa.n tathA . 
rasAnA.n vikrayashchApi tiryagyonivadhastathA .. 11..\\
AdhAnAdIni karmANi shaktimAnna karoti yaH . 
aprayachchhaMshcha sarvANi nitya.n deyAni bhArata .. 12..\\
dakShiNAnAmadAna.n cha brAhmaNa svAbhimarshanam . 
sarvANyetAnyakAryANi prAhurdharmavido janAH .. 13..\\
pitrA vibhajate putro yashcha syAdguru talpa gaH . 
aprajAyannadharmeNa bhavatyAdharmiko janaH .. 14..\\
uktAnyetAni karmANi vistareNetareNa cha . 
yAni kurvannakurvaMshcha prAyashchittIyate janaH .. 15..\\
etAnyeva tu karmANi kriyamANAni mAnavAn . 
yeShu yeShu nimitteShu na limpantyatha tachchhR^iNu .. 16..\\
pragR^ihya shastramAyAntamapi vedAntaga.n raNe . 
jighA.nsantaM nihatyAjau na tena brahma hA bhavet .. 17..\\
api chApyatra kaunteya mantro vedeShu paThyate . 
veda pramANa vihita.n taM dharmaM prabravImi te .. 18..\\
apetaM brAhmaNa.n vR^ittAdyo hanyAdAtatAyinam . 
na tena brahma hA sa syAnmanyustaM manyumR^ichchhati .. 19..\\
prANAtyaye tathAGYAnAdAcharanmadirAm api . 
achodito dharmaparaH punaH sa.nskAramarhati .. 20..\\
etatte sarvamAkhyAta.n kaunteyAbhakShya bhakShaNam . 
prAyashchIta vidhAnena sarvametena shudhyati .. 21..\\
guru talpa.n hi gurvarthe na dUShayati mAnavam . 
uddAlakaH shvetaketu.n janayAmAsa shiShyataH .. 22..\\
steya.n kurva.nstu gurvarthamApatsu na nibadhyate . 
bahushaH kAmakAreNa na chedyaH sampravartate .. 23..\\
anyatra brAhmaNa svebhya AdadAno na duShyati . 
svayamaprAshitA yashcha na sa pApena lipyate .. 24..\\
prANatrANe.anR^ita.n vAchyamAtmano vA parasya vA . 
gurvarthe strIShu chaiva syAdvivAha karaNeShu cha .. 25..\\
nAvartate vrata.n svapne shukramokShe katha.n chana . 
AjyahomaH samiddhe.agnau prAyashchitta.n vidhIyate .. 26..\\
pArivittya.n cha patite nAsti pravrajite tathA . 
bhikShite pAradArya.n cha na taddharmasya dUShakam .. 27..\\
vR^ithA pashusamAlambhaM naiva kuryAnna kArayet . 
anugrahaH pashUNA.n hi sa.nskAro vidhichoditaH .. 28..\\
anarhe brAhmaNe dattamaGYAnAttanna dUShakam . 
sa kAraNa.n tathA tIrthe.atIrthe vA pratipAdanam .. 29..\\
striyastathApachAriNyo niShkR^itiH syAdadUShikA . 
api sA pUyate tena na tu bhartA praduShyate .. 30..\\
tattva.n GYAtvA tu somasya vikrayaH syAdadUShakaH . 
asamarthasya bhR^ityasya visargaH syAdadoShavAn . 
vanadAho gavAmarthe kriyamANo na dUShakaH .. 31..\\
uktAnyetAni karmANi yAni kurvanna duShyati . 
prAyashchittAni vakShyAmi vistareNaiva bhArata .. 32..\\
\medskip\hrule\medskip\centerline{\Largedvng 36}
 vyaasa

tapasA karmabhishchaiva pradAnena cha bhArata . 
punAti pApaM puruShaH pUtash chenna pravartate .. 1..\\
ekakAla.n tu bhu~njAnashcharanbhaikSha.n svakarmakR^it . 
kapAlapANiH khaTvA~NgI brahma chArI sadotthitaH .. 2..\\
anasUyuradhaH shAyI karma loke prakAshayan . 
pUrNairdvAdashabhirvarShairbrahma hA vipramuchyate .. 3..\\
ShaDbhirvarShaiH kR^ichchhrabhojI brahma hA pUyate naraH . 
mAse mAse samashna.nstu tribhirvarShaiH pramuchyate .. 4..\\
sa.nvatsareNa mAsAshI pUyate nAtra saMshayaH . 
tathaivoparamanrAjansvalpenApi pramuchyate .. 5..\\
kratunA chAshvamedhena pUyate nAtra saMshayaH . 
ya chAsyAvabhR^ithe snAnti ke chideva.nvidhA narAH .. 6..\\
te sarve pUtapApmAno bhavantIti parA shrutiH . 
brAhmaNArthe hato yuddhe muchyate brahmahatyayA .. 7..\\
gavA.n shatasahasra.n tu pAtrebhyaH pratipAdayan . 
brahma hA vipramuchyeta sarvapApebhya eva cha .. 8..\\
kapilAnA.n sahasrANi yo dadyAtpa~nchaviMshatim . 
dogdhrINA.n sa cha pApebhyaH sarvebhyo vipramuchyate .. 9..\\
gosahasra.n sa vatsAnA.n dogdhrINAM prANasaMshaye . 
sAdhubhyo vai daridrebhyo dattvA muchyeta kilbiShAt .. 10..\\
shata.n tai yastu kAmbojAnbrAhmaNebhyaH prayachchhati . 
niyatebhyo mahIpAla sa cha pApAtpramuchyate .. 11..\\
manoratha.n tu yo dadyAdekasmA api bhArata . 
na kIrtayeta dattvA yaH sa cha pApAtpramuchyate .. 12..\\
surA pAna.n sakR^itpItvA yo.agnivarNAM pibeddvijaH . 
sa pAvayatyathAtmAnamiha loke paratra cha .. 13..\\
meruprapAtaM prapata~njvalana.n vA samAvishan . 
mahAprasthAnamAtiShThanmuchyate sarvakilbiShaiH .. 14..\\
bR^ihaspatisaveneShTvA surA po brAhmaNaH punaH . 
samitiM brAhmaNairgachchhediti vai brAhmaNI shrutiH .. 15..\\
bhUmipradAna.n kuryAdyaH surAM pItvA vimatsaraH . 
punarna cha pibedrAjansa.nskR^itaH shudhyate naraH .. 16..\\
guru talpI shilA.n taptAmAyasImadhisa.nvishet . 
pANAvAdhAya vA shephaM pravrajedUrdhvadarshanaH .. 17..\\
sharIrasya vimokSheNa muchyate karmaNo.ashubhAt . 
karmabhyo vipramuchyante yattAH sa.nvatsara.n striyaH .. 18..\\
mahAvrata.n charedyastu dadyAtsarvasvameva tu . 
gurvarthe vA hato yuddhe sa muchyetkarmaNo.ashubhAt .. 19..\\
anR^itenopachartA cha pratiroddhA gurostathA . 
upahR^itya priya.n tasmai tasmAtpApAtpramuchyate .. 20..\\
avakIrNi nimitta.n tu brahmahatyA vrataM charet . 
kharacharma vAsAH ShaNmAsa.n tathA muchyeta kilbiShAt .. 21..\\
paradArApahArI cha parasyApaharanvasu . 
sa.nvatsara.n vratI bhUtvA tathA muchyeta kilbiShAt .. 22..\\
steya.n tu yasyApaharettasmai dadyAtsama.n vasu . 
vividhenAbhyupAyena tena muchyeta kilbiShAt .. 23..\\
kR^ichchhrAddvAdasha rAtreNa svabhyastena dashAvaram . 
parivettA bhavetpUtaH parivittishcha bhArata .. 24..\\
niveshya.n tu bhavettena sadA tArayitA pitR^In . 
na tu striyA bhaveddoSho na tu sA tena lipyate .. 25..\\
bhajane hyR^itunA shuddha.n chAturmAsya.n vidhIyate . 
striyastena vishudhyanti iti dharmavido viduH .. 26..\\
striyastvAsha~NkitAH pApairnopagamyA hi jAnatA . 
rajasA tA vishudhyante bhasmanA bhAjana.n yathA .. 27..\\
chatuShpAtsakalo dharmo brAhmaNAnA.n vidhIyate . 
pAdAvakR^iShTo rAjanye tathA dharmo vidhIyate .. 28..\\
tathA vaishye cha shUdre cha pAdaH pAdo vidhIyate . 
vidyAdeva.nvidhenaiShA.n gurulAghava nishchayam .. 29..\\
tiryagyonivadha.n kR^itvA drumAMshchhittvetarAnbahUn . 
trirAtra.n vAyubhakShaH syAtkarma cha prathayennaraH .. 30..\\
agamyA gamane rAjanprAyashchitta.n vidhIyate . 
Ardra vastreNa ShaNmAsa.n vihAryaM bhasmashAyinA .. 31..\\
eSha eva tu sarveShAmakAryANA.n vidhirbhavet . 
brAhmaNoktena vidhinA dR^iShTAntAgamahetubhiH .. 32..\\
sAvitrImapyadhIyAnaH shuchau deshe mitAshanaH . 
ahi.nsro.amandako.ajalpanmuchyate sarvakilbiShaiH .. 33..\\
ahaHsu satata.n tiShThedabhyAkAshaM nishi svapet . 
trirahnastrirnishAyAshcha sa vAsA jalamAvishet .. 34..\\
strI shUdra patitAMshchApi nAbhibhAShedvratAnvitaH . 
pApAnyaGYAnataH kR^itvA muchyedeva.n vrato dvijaH .. 35..\\
shubhAshubhaphalaM pretya labhate bhUtasAkShikaH . 
atirichyettayoryattu tatkartA labhate phalam .. 36..\\
tasmAddAnena tapasA karmaNA cha shubhaM phalam . 
vardhayedashubha.n kR^itvA yathA syAdatirekavAn .. 37..\\
kuryAchchhubhAni karmANi nimitte pApakarmaNAm . 
dadyAnnitya.n cha vittAni tathA muchyeta kilbiShAt .. 38..\\
anurUpa.n hi pApasya prAyashchittamudAhR^itam . 
mahApAtaka varja.n tu prAyashchitta.n vidhIyate .. 39..\\
bhakShyAbhakShyeShu sarveShu vAchyAvAchye tathaiva cha . 
aGYAnaGYAnayo rAjanvihitAnyanujAnate .. 40..\\
jAnatA tu kR^itaM pApa.n guru sarvaM bhavatyuta . 
aGYAnAtskhalite doShe prAyashchitta.n vidhIyate .. 41..\\
shakyate vidhinA pApa.n yathoktena vyapohitum . 
Astike shraddadhAne tu vidhireSha vidhIyate .. 42..\\
nAstikAshraddadhAneShu puruSheShu kadA chana . 
dambhadoShapradhAneShu vidhireSha na dR^ishyate .. 43..\\
shiShTAchArashcha shiShTashcha dharmo dharmabhR^itA.n vara . 
sevitavyo naravyAghra pretya cheha sukhArthinA .. 44..\\
sa rAjanmokShyase pApAttena pUrveNa hetunA . 
trANArtha.n vA vadhenaiShAmatha vA nR^ipa karmaNA .. 45..\\
atha vA te ghR^iNA kA chitprAyashchitta.n chariShyasi . 
mA tvevAnArya juShTena karmaNA nidhana.n gamaH .. 46..\\
\medskip\hrule\medskip\centerline{\Largedvng 37}
 vaizampaayana

evamukto bhagavatA dharmarAjo yudhiShThiraH . 
chintayitvA muhUrta.n tu pratyuvAcha tapodhanam .. 1..\\
kiM bhakShya.n kimabhakShyaM cha kiM cha deyaM prashasyate . 
ki.n cha pAtramapAtra.n vA tanme brUhi pitAmaha .. 2..\\

 vyaasa

atrApyudAharantImamitihAsaM purAtanam . 
siddhAnA.n chaiva sa.nvAdaM manoshchaiva prajApateH .. 3..\\
siddhAstapovrataparAH samAgamya purA vibhum . 
dharmaM paprachchhurAsInamAdi kAle prajApatim .. 4..\\
kathamanna.n kathaM dAnaM kathamadhyayanaM tapaH . 
kAryAkArya.n cha naH sarva.n sha.nsa vai tvaM prajApate .. 5..\\
tairevamukto bhagavAnmanuH svAyambhuvo.abravIt . 
shushrUShadhva.n yathAvR^itta.n dharmaM vyAsa samAsataH .. 6..\\
adattasyAnupAdAna.n dAnamadhyayanaM tapaH . 
ahi.nsA satyamakrodhaH kShamejyA dharmalakShaNam .. 7..\\
ya eva dharmaH so.adharmo.adeshe.akAle pratiShThitaH . 
AdAnamanR^ita.n hi.nsA dharmo vyAvasthikaH smR^itaH .. 8..\\
dvividhau chApyubhAvetau dharmAdharmau vijAnatAm . 
apravR^ittiH pravR^ittishcha dvaividhya.n lokavedayoH .. 9..\\
apravR^itteramartyatvaM martyatva.n karmaNaH phalam . 
ashubhasyAshubha.n vidyAchchhubhasya shubhameva cha .. 10..\\
etayoshchobhayoH syAtA.n shubhAshubhatayA tathA . 
daiva.n cha daivayuktaM cha prANashcha pralayash cha ha .. 11..\\
aprekShA pUrvakaraNAdashubhAnA.n shubhaM phalam . 
UrdhvaM bhavati sandehAdiha dR^iShTArthameva vA . 
aprekShA pUrvakaraNAtprAyashchitta.n vidhIyate .. 12..\\
krodhamohakR^ite chaiva dR^iShTAntAgamahetubhiH . 
sharIrANAmupaklesho manasashcha priyApriye . 
tadauShadhaishcha mantraishcha prAyashchittaishcha shAmyati .. 13..\\
jAtishreNyadhivAsAnA.n kuladharmAMshcha sarvataH . 
varjayenna hi ta.n dharma.n yeShAM dharmo na vidyate .. 14..\\
dashavA veda shAstraGYAstrayo vA dharmapAThakAH . 
yadbrUyuH kArya utpanne sa dharmo dharmasaMshaye .. 15..\\
aruNA mR^ittikA chaiva tathA chaiva pipIlakAH . 
shreShmAtakastathA viprairabhakShya.n viShameva cha .. 16..\\
abhakShyA brAhmaNairmatsyAH shakalairye vivarjitAH . 
chatuShpAtkachchhapAdanyo maNDUkA jalajAsh cha ye .. 17..\\
bhAsA ha.nsAH suparNAshcha chakravAkA bakAH plavAH . 
ka~Nko madgushcha gR^idhrAshcha kAlolUka.n tathaiva cha .. 18..\\
kravyAdAH pakShiNaH sarve chatuShpAdAshcha daMShTriNaH . 
yeShA.n chobhayato dantAshchaturdaMShTrAshcha sarvashaH .. 19..\\
eDakAshvakharoShTrINA.n sUtikAnA.n gavAm api . 
mAnuShINAM mR^igINA.n cha na pibedbrAhmaNaH payaH .. 20..\\
pretAnna.n sUtikAnna.n cha yachcha kiM chidanirdasham . 
abhojya.n chApyapeyaM cha dhenvA dugdhamanirdasham .. 21..\\
takShNashcharmAvakartushcha puMshchalyA rajakasya cha . 
chikitsakasya yachchAnnamabhojya.n rakShiNastathA .. 22..\\
gaNagrAmAbhishastAnA.n ra~Nga strI jIvinash cha ye . 
parivitti napuMShA.n cha bandi dyUtavidAM tathA .. 23..\\
vAryamANAhR^ita.n chAnna.n shuktaM paryuShitaM cha yat . 
surAnugatamuchchhiShTamabhojya.n sheShita.n cha yat .. 24..\\
piShTa mA.nsekShu shAkAnA.n vikArAH payasastathA . 
saktu dhAnA karambhAshcha nopabhojyAshchirasthitAH .. 25..\\
pAyasa.n kR^isaraM mA.nsamapUpAshcha vR^ithA kR^itAH . 
abhojyAshchApyabhakShyAshcha brAhmaNairgR^ihamedhibhiH .. 26..\\
devAnpitR^InmanuShyAMshcha munIngR^ihyAshcha devatAH . 
pUjayitvA tataH pashchAdgR^ihastho bhoktumarhati .. 27..\\
yathA pravrajito bhikShurgR^ihasthaH svagR^ihe vaset . 
eva.nvR^ittaH priyairdAraiH sa.nvasandharmamApnuyAt .. 28..\\
na dadyAdyashase dAnaM na bhayAnnopakAriNe . 
na nR^ittagItashIleShu hAsakeShu cha dhArmikaH .. 29..\\
na matte naiva chonmatte na stene na chikitsake . 
na vAgghIne vivarNe vA nA~NgahIne na vAmane .. 30..\\
na durjane dauShkule vA vratairvA yo na sa.nskR^itaH . 
ashrotriye mR^ita.n dAnaM brAhmaNe.abrahma vAdini .. 31..\\
asamyakchaiva yaddattamasamyakcha pratigrahaH . 
ubhayoH syAdanarthAya dAturAdAtureva cha .. 32..\\
yathA khadiramAlambya shilA.n vApyarNava.n taran . 
majjate majjate tadvaddAtA yashcha pratIchchhakaH .. 33..\\
kAShThairArdrairyathA vahnirupastIrNo na dIpyate . 
tapaHsvAdhyAyachAritraireva.n hInaH pratigrahI .. 34..\\
kapAle yadvadApaH syuH shvadR^itau vA yathA payaH . 
AshrayasthAnadoSheNa vR^ittahIne tathA shrutam .. 35..\\
nirmantro nirvrato yaH syAdashAstraGYo.anasUyakaH . 
anukroshAtpradAtavya.n dIneShveva nareShvapi .. 36..\\
na vai deyamanukroshAddInAyApyapakAriNe . 
AptAcharitamityeva dharma ityeva vA punaH .. 37..\\
niShkAraNa.n sma taddattaM brAhmaNe dharmavarjite . 
bhavedapAtra doSheNa na me.atrAsti vichAraNA .. 38..\\
yathA dAru mayo hastI yathA charmamayo mR^igaH . 
brAhmaNashchAnadhIyAnastrayaste nAma dhArakAH .. 39..\\
yathA ShaNDho.aphalaH strIShu yathA gaurgavi chAphalA . 
shakunirvApyapakShaH syAnnirmantro brAhmaNastathA .. 40..\\
grAmadhAnya.n yathA shUnyaM yathA kUpashcha nirjalaH . 
yathA hutamanagnau cha tathaiva syAnnirAkR^itau .. 41..\\
devatAnAM pitR^INA.n cha havyakavya vinAshanaH . 
shatrurarthaharo mUrkho na lokAnprAptumarhati .. 42..\\
etatte kathita.n sarvaM yathAvR^ittaM yudhiShThira . 
samAsena mahaddhyetachchhrotavyaM bharatarShabha .. 43..\\
\medskip\hrule\medskip\centerline{\Largedvng 38}
 yudhisthira

shrotumichchhAmi bhagavanvistareNa mahAmune . 
rAjadharmAndvijashreShTha chAturvarNyasya chAkhilAn .. 1..\\
Apatsu cha yathA nItirvidhAtavyA mahIkShitA . 
dharmyamAlambya panthAna.n vijayeya.n kathaM mahIm .. 2..\\
prAyashchitta kathA hyeShA bhakShyAbhakShya vivardhitA . 
kautUhalAnupravaNA harSha.n janayatIva me .. 3..\\
dharmacharyA cha rAjya.n cha nityameva virudhyate . 
yena muhyati me chetashchintayAnasya nityashaH .. 4..\\

 vaizampaayana

tamuvAcha mahAtejA vyAso veda vidA.n varaH . 
nArada.n samabhiprekShya sarva.n jAnanpurAtanam .. 5..\\
shrotumichchhasi cheddharmAnakhilena yudhiShThira . 
praihi bhIShmaM mahAbAho vR^iddha.n kurupitAmaham .. 6..\\
sa te sarvarahasyeShu saMshayAnmanasi sthitAn . 
chhettrA bhAgIrathI putraH sarvaGYaH sarvadharmavit .. 7..\\
janayAmAsa ya.n devI divyA tripatha gA nadI . 
sAkShAddadarsha yo devAnsarvA~nshakrapurogamAn .. 8..\\
bR^ihaspatipuro gAMshcha devarShInasakR^itprabhuH . 
toShayitvopachAreNa rAjanItimadhItavAn .. 9..\\
ushanA veda yachchhAstra.n devAsuragururdvijaH . 
tachcha sarva.n sa vaiyAkhyaM prAptavAnkurusattamaH .. 10..\\
bhArgavAchchyavanAchchApi vedAna~NgopabR^i.nhitAn . 
pratipede mahAbuddhirvasiShThAchcha yatavratAt .. 11..\\
pitAmahasuta.n jyeShThaM kumAraM dIptatejasam . 
adhyAtmagatitattvaGYamupAshikShata yaH purA .. 12..\\
mArkaNDeya mukhAtkR^itsna.n yati dharmamavAptavAn . 
rAmAdastrANi shakrAchcha prAptavAnbharatarShabha .. 13..\\
mR^ityurAtmechchhayA yasya jAtasya manujeShvapi . 
tathAnapatyasya sataH puNyalokA divi shrutAH .. 14..\\
yasya brahmarShayaH puNyA nityamAsansabhA sadaH . 
yasya nAvidita.n kiM chijGYAnaGYeyeShu vidyate .. 15..\\
sa te vakShyati dharmaGYaH sUkShmadharmArthatattvavit . 
tamabhyehi purA prANAnsa vimu~nchati dharmavit .. 16..\\
evamuktastu kaunteyo dIrghapraGYo mahAdyutiH . 
uvAcha vadatA.n shreShThaM vyAsaM satyavatI sutam .. 17..\\
vaishasa.n sumahatkR^itvA GYAtInAM lomaharShaNam . 
AgaH kR^itsarvalokasya pR^ithivI nAsha kArakaH .. 18..\\
ghAtayitvA tamevAjau chhalenAjihma yodhinam . 
upasampraShTumarhAmi tamaha.n kena hetunA .. 19..\\
tatastaM nR^ipatishreShTha.n chAturvarNyahitepsayA . 
punarAha mahAbAhuryadushreShTho mahAdyutiH .. 20..\\
nedAnImatinirbandha.n shoke kartumihArhasi . 
yadAha bhagavAnvyAsastatkuruShva nR^ipottama .. 21..\\
brAhmaNAstvAM mahAbAho bhrAtarashcha mahaujasaH . 
parjanyamiva gharmArtA Asha.nsAnA upAsate .. 22..\\
hatashiShTAshcha rAjAnaH kR^itsna.n chaiva samAgatam . 
chAturvarNyaM mahArAja rAShTra.n te kurujA~Ngalam .. 23..\\
priyArthamapi chaiteShAM brAhmaNAnAM mahAtmanAm . 
niyogAdasya cha gurorvyAsasyAmita tejasaH .. 24..\\
suhR^idA.n chAsmadAdInAM draupadyAshcha parantapa . 
kuru priyamamitraghna lokasya cha hita.n kuru .. 25..\\
evamuktastu kR^iShNena rAjA rAjIvalochanaH . 
hitArtha.n sarvalokasya samuttasthau mahAtapAH .. 26..\\
so.anunIto naravyAghro viShTara shravasA svayam . 
dvaipAyanena cha tathA devasthAnena jiShNunA .. 27..\\
etaishchAnyaishcha bahubhiranunIto yudhiShThiraH . 
vyajahAnmAnasa.n duHkha.n santApaM cha mahAmanAH .. 28..\\
shrutavAkyaH shrutanidhiH shrutashravya vishAradaH . 
vyavasya manasaH shAntimagachchhatpANDunandanaH .. 29..\\
sa taiH parivR^ito rAjA nakShatrairiva chandramAH . 
dhR^itarAShTraM puraskR^itya svapuraM pravivesha ha .. 30..\\
pravivikShuH sa dharmaGYaH kuntIputro yudhiShThiraH . 
archayAmAsa devAMshcha brAhmaNAMshcha sahasrashaH .. 31..\\
tato rathaM nava.n shubhra.n kambalAjina sa.nvR^itam . 
yukta.n ShoDashabhirgobhiH pANDuraiH shubhalakShaNaiH .. 32..\\
mantrairabhyarchitaH puNyaiH stUyamAno maharShibhiH . 
Aruroha yathA devaH somo.amR^itamaya.n ratham .. 33..\\
jagrAha rashmInkaunteyo bhImo bhImaparAkramaH . 
arjunaH pANDura.n chhatraM dhArayAmAsa bhAnumat .. 34..\\
dhriyamANa.n tu tachchhatraM pANDuraM tasya mUrdhani . 
shushubhe tArakA rAjasitamabhramivAmbare .. 35..\\
chAmaravyajane chAsya vIrau jagR^ihatustadA . 
chandrarashmiprabhe shubhre mAdrIputrAvala.n kR^ite .. 36..\\
te pa~ncha rathamAsthAya bhrAtaraH samala.n kR^itAH . 
bhUtAnIva samastAni rAjandadR^ishire tadA .. 37..\\
AsthAya tu ratha.n shubhraM yuktamashvairmahAjavaiH . 
anvayAtpR^iShThato rAjanyuyutsuH pANDavAgra jam .. 38..\\
ratha.n hemamayaM shubhraM sainyasugrIva yojitam . 
saha sAtyakinA kR^iShNaH samAsthAyAnvayAtkurUn .. 39..\\
narayAnena tu jyeShThaH pitrA pArthasya bhArata . 
agrato dharmarAjasya gAndhArI sahito yayau .. 40..\\
kuru striyashcha tAH sarvAH kuntI kR^iShNA cha draupadI . 
yAnairuchchAvachairjagmurvidureNa puraskR^itAH .. 41..\\
tato rathAshcha bahulA nAgAshcha samala.n kR^itAH . 
pAdAtAshcha hayAshchaiva pR^iShThataH samanuvrajan .. 42..\\
tato vaitAlikaiH sUtairmAgadhaishcha subhAShitaiH . 
stUyamAno yayau rAjA nagaraM nAgasAhvayam .. 43..\\
tatprayANaM mahAbAhorbabhUvApratimaM bhuvi . 
AkulAkulamutsR^iShTa.n hR^iShTapuShTa janAnvitam .. 44..\\
abhiyAne tu pArthasya narairnagaravAsibhiH . 
nagara.n rAjamArgashcha yathAvatsamala.n kR^itam .. 45..\\
pANDureNa cha mAlyena patAkAbhishcha vedibhiH . 
sa.nvR^ito rAjamArgashcha dhUpanaishcha sudhUpitaH .. 46..\\
atha chUrNaishcha gandhAnAM nAnApuShpaiH priya~NgubhiH . 
mAlyadAmabhirAsaktai rAjaveshmAbhisa.nvR^itam .. 47..\\
kumbhAshcha nagaradvAri vAripUrNA dR^iDhA navAH . 
kanyAH sumanasashchhAgAH sthApitAstatra tatra ha .. 48..\\
tathA svala.n kR^itadvAraM nagaraM pANDunandanaH . 
stUyamAnaH shubhairvAkyaiH pravivesha suhR^idvR^itaH .. 49..\\
\medskip\hrule\medskip\centerline{\Largedvng 39}
 vaizampaayana

praveshane tu pArthAnA.n janasya puravAsinaH . 
didR^ikShUNA.n sahasrANi samAjagmurbahUnyatha .. 1..\\
sa rAjamArgaH shushubhe samala.n kR^itachatvaraH . 
yathA chandrodaye rAjanvardhamAno mahodadhiH .. 2..\\
gR^ihANi rAjamArge tu ratnavanti bR^ihanti cha . 
prAkampanteva bhAreNa strINAM pUrNAni bhArata .. 3..\\
tAH shanairiva savrIDaM prashasha.nsuryudhiShThiram . 
bhImasenArjunau chaiva mAdrIputrau cha pANDavau .. 4..\\
dhanyA tvamasi pA~nchAli yA tvaM puruShasattamAn . 
upatiShThasi kalyANi maharShIniva gautamI .. 5..\\
tava karmANyamoghAni vratacharyA cha bhAmini . 
iti kR^iShNAM mahArAja prashasha.nsustadA striyaH .. 6..\\
prasha.nsA vachanaistAsAM mithaH shabdaishcha bhArata . 
prItijaishcha tadA shabdaiH puramAsItsamAkulam .. 7..\\
tamatItya yathA yukta.n rAjamArgaM yudhiShThira . 
ala.n kR^ita.n shobhamAnamupAyAdrAjaveshma ha .. 8..\\
tataH prakR^itayaH sarvAH paurajAnapadAstathA . 
UchuH kathAH karNasukhAH samupetya tatastataH .. 9..\\
diShTyA jayasi rAjendra shatrU~nshatrunisUdana . 
diShTyA rAjyaM punaH prApta.n dharmeNa cha balena cha .. 10..\\
bhava nastvaM mahArAja rAjeha sharadA.n shatam . 
prajAH pAlaya dharmeNa yathendrastridivaM nR^ipa .. 11..\\
eva.n rAjakuladvAri ma~NgalairabhipUjitaH . 
AshIrvAdAndvijairuktAnpratigR^ihya samantataH .. 12..\\
pravishya bhavana.n rAjA devarAjagR^ihopamam . 
shrutvA vijayasa.nyukta.n rathAtpashchAdavAtarat .. 13..\\
pravishyAbhyantara.n shrImAndaivatAnyabhigamya cha . 
pUjayAmAsa ratnaishcha gandhairmAlyaishcha sarvashaH .. 14..\\
nishchakrAma tataH shrImAnpunareva mahAyashAH . 
dadarsha brAhmaNAMshchaiva so.abhirUpAnupasthitAn .. 15..\\
sa sa.nvR^itastadA viprairAshIrvAdavivakShubhiH . 
shushubhe vimalashchandrastArAgaNavR^ito yathA .. 16..\\
tAnsa sampUjayAmAsa kaunteyo vidhivaddvijAn . 
dhaumya.n guruM puraskR^itya jyeShThaM pitarameva cha .. 17..\\
sumanomodakai ratnairhiraNyena cha bhUriNA . 
gobhirvastraishcha rAjendra vividhaishcha kimichchhakaiH .. 18..\\
tataH puNyAhaghoSho.abhUddiva.n stabdhveva bhArata . 
suhR^idA.n harShajananaH puNyaH shrutisukhAvahaH .. 19..\\
ha.nsavanneduShA.n rAjandvijAnA.n tatra bhAratI . 
shushruve vedaviduShAM puShkalArtha padAkSharA .. 20..\\
tato dundubhinirghoShaH sha~NkhAnA.n cha manoramaH . 
jayaM pravadatA.n tatra svanaH prAdurabhUnnR^ipa .. 21..\\
niHshabde cha sthite tatra tato viprajane punaH . 
rAjAnaM brAhmaNa chhadmA chArvAko rAkShaso.abravIt .. 22..\\
tatra duryodhana sakhA bhikShurUpeNa sa.nvR^itaH . 
sA~NkhyaH shikhI tridaNDI cha dhR^iShTo vigatasAdhvasaH .. 23..\\
vR^itaH sarvaistadA viprairAshIrvAdavivakShubhiH . 
para.n sahasrai rAjendra tapo niyamasa.nsthitaiH .. 24..\\
sa duShTaH pApamAsha.nsanpANDavAnAM mahAtmanAm . 
anAmantryaiva tAnviprA.nstamuvAcha mahIpatim .. 25..\\
ime prAhurdvijAH sarve samAropya vacho mayi . 
dhigbhavanta.n ku nR^ipati.n GYAtighAtinamastu vai .. 26..\\
ki.n te rAjyena kaunteya kR^itvema.n GYAtisa~NkShayam . 
ghAtayitvA gurUMshchaiva mR^ita.n shreyo na jIvitam .. 27..\\
iti te vai dvijAH shrutvA tasya ghorasya rakShasaH . 
vivyathushchukrushushchaiva tasya vAkyapradharShitAH .. 28..\\
tataste brAhmaNAH sarve sa cha rAjA yudhiShThiraH . 
vrIDitAH paramodvignAstUShNImAsanvishAM pate .. 29..\\

 yudhisthira

prasIdantu bhavanto me praNatasyAbhiyAchataH . 
pratyApanna.n vyasaninaM na mA.n dhikkartumarhatha .. 30..\\

 vaizampaayana

tato rAjanbrAhmaNAste sarva eva vishAM pate . 
Uchurnaitadvacho.asmAka.n shrIrastu tava pArthiva .. 31..\\
jaGYushchaiva mahAtmAnastatasta.n GYAnachakShuShA . 
brAhmaNA veda vidvA.nsastapobhirvimalI kR^itAH .. 32..\\

 braahmanaah

eSha duryodhana sakhA chArvAko nAma rAkShasaH . 
parivrAjakarUpeNa hita.n tasya chikIrShati .. 33..\\
na vayaM brUma dharmAtmanvyetu te bhayamIdR^isham . 
upatiShThatu kalyANaM bhavantaM bhrAtR^ibhiH saha .. 34..\\

 vaizampaayana

tataste brAhmaNAH sarve hu~NkAraiH krodhamUrchhitAH . 
nirbhartsayantaH shuchayo nijaghnuH pAparAkShasam .. 35..\\
sa papAta vinirdagdhastejasA brahmavAdinAm . 
mahendrAshaninirdagdhaH pAdapo.a~NkuravAniva .. 36..\\
pUjitAshcha yayurviprA rAjAnamabhinandya tam . 
rAjA cha harShamApede pANDavaH sa suhR^ijjanaH .. 37..\\

 vaasudeva

brAhmaNAstAta loke.asminnarchanIyAH sadA mama . 
ete bhUmicharA devA vAgviShAH suprasAdakAH .. 38..\\
purA kR^itayuge tAta chArvAko nAma rAkShasaH . 
tapastepe mahAbAho badaryAM bahu vatsaram .. 39..\\
chhandyamAno vareNAtha brAhmaNA sa punaH punaH . 
abhaya.n sarvabhUtebhyo varayAmAsa bhArata .. 40..\\
dvijAvamAnAdanyatra prAdAdvaramamuttamam . 
abhaya.n sarvabhUtebhyastatastasmai jagatprabhuH .. 41..\\
sa tu labdhavaraH pApo devAnamitavikramaH . 
rAkShasastApayAmAsa tIvrakarmA mahAbalaH .. 42..\\
tato devAH sametyAtha brAhmaNamidamabruvan . 
vadhAya rakShasastasya balaviprakR^itAstadA .. 43..\\
tAnuvAchAvyayo devo vihita.n tatra vai mayA . 
yathAsya bhavitA mR^ityurachireNaiva bhArata .. 44..\\
rAjA duryodhano nAma sakhAsya bhavitA nR^ipa . 
tasya snehAvabaddho.asau brAhmaNAnavamasyate .. 45..\\
tatraina.n ruShitA viprA viprakArapradharShitAH . 
dhakShyanti vAgbalAH pApa.n tato nAshaM gamiShyati .. 46..\\
sa eSha nihataH shete brahmadaNDena rAkShasaH . 
chArvAko nR^ipatishreShTha mA shucho bharatarShabha .. 47..\\
hatAste kShatradharmeNa GYAtayastava pArthiva . 
svargatAshcha mahAtmAno vIrAH kShatriya pu~NgavAH .. 48..\\
sa tvamAtiShTha kalyANaM mA te bhUdglAnirachyuta . 
shatrU~njahi prajA rakSha dvijAMshcha pratipAlaya .. 49..\\
\medskip\hrule\medskip\centerline{\Largedvng 40}
 vaizampaayana

tataH kuntIsuto rAjA gatamanyurgatajvaraH . 
kA~nchane prA~Nmukho hR^iShTo nyaShIdatparamAsane .. 1..\\
tamevAbhimukhau pIThe sevyAstaraNa sa.nvR^ite . 
sAtyakirvAsudevashcha niShIdaturarindamau .. 2..\\
madhye kR^itvA tu rAjAnaM bhImasenArjunAvubhau . 
niShIdaturmahAtmAnau shlakShNayormaNipIThayoH .. 3..\\
dAnte shayyAsane shubhre jAmbUnadavibhUShite . 
pR^ithApi sahadevena sahAste nakulena cha .. 4..\\
sudharmA viduro dhaumyo dhR^itarAShTrashcha kauravaH . 
niShedurjvalanAkAreShvAsaneShu pR^ithakpR^ithak .. 5..\\
yuyutsuH sa~njayashchaiva gAndhArI cha yashasvinI . 
dhR^itarAShTro yato rAjA tataH sarva upAvishan .. 6..\\
tatropaviShTo dharmAtmA shvetAH sumanaso.aspR^ishat . 
svastikAnakShatAnbhUmi.n suvarNaM rajataM maNIn .. 7..\\
tataH prakR^itayaH sarvAH puraskR^itya purohitam . 
dadR^ishurdharmarAjAnamAdAya bahu ma~Ngalam .. 8..\\
pR^ithivI.n cha suvarNaM cha ratnAni vividhAni cha . 
AbhiShechanikaM bhANDa.n sarvasambhAra sambhR^itam .. 9..\\
kA~nchanaudumbarAstatra rAjatAH pR^ithivI mayAH . 
pUrNakumbhAH sumanaso lAjA barhIMShi gorasAH .. 10..\\
shamI palAshapuMnAgAH samidho madhusarpiShI . 
sruva audumbaraH sha~NkhAstathA hemavibhUShitAH .. 11..\\
dAshArheNAbhyanuGYAtastatra dhaumyaH purohitaH . 
prAgudakpravaNA.n vedIM lakShaNenopalipya ha .. 12..\\
vyAghracharmottare shlakShNe sarvatobhadra Asane . 
dR^iDhapAdapratiShThAne hutAshanasamatviShi .. 13..\\
upaveshya mahAtmAna.n kR^iShNAM cha drupadAtma jAm . 
juhAva pAvaka.n dhImAnvidhimantrapuraskR^itam .. 14..\\
abhyaShi~nchatpatiM pR^ithvyAH kuntIputra.n yudhiShThiram . 
dhR^itarAShTrashcha rAjarShiH sarvAH prakR^itayastathA .. 15..\\
tato.anuvAdayAmAsuH paNavAnakadundubhIH . 
dharmarAjo.api tatsarvaM pratijagrAha dharmataH .. 16..\\
pUjayAmAsa tAMshchApi vidhivadbhUridakShiNaH . 
tato niShkasahasreNa brAhmaNAnsvasti vAchayat . 
vedAdhyayanasampannA~nshIlavR^ittasamanvitAn .. 17..\\
te prItA brAhmaNA rAjansvastyUchurjayameva cha . 
ha.nsA iva cha nardantaH prashasha.nsuryudhiShThiram .. 18..\\
yudhiShThira mahAbAho diShTyA jayasi pANDava . 
diShTyA svadharmaM prApto.asi vikrameNa mahAdyute .. 19..\\
diShTyA gANDIvadhanvA cha bhImasenashcha pANDavaH . 
tva.n chApi kushalI rAjanmAdrIputrau cha pANDavau .. 20..\\
muktA vIra kShayAdasmAtsa~NgrAmAnnihatadviShaH . 
kShipramuttarakAlAni kuru kAryANi pANDava .. 21..\\
tataH pratyarchitaH sadbhirdharmarAjo yudhiShThiraH . 
pratipede mahadrAjya.n suhR^idbhiH saha bhArata .. 22..\\
\medskip\hrule\medskip\centerline{\Largedvng 41}
 vaizampaayana

prakR^itInA.n tu tadvAkyaM deshakAlopasa.nhitam . 
shrutvA yudhiShThiro rAjAthottaraM pratyabhAShata .. 1..\\
dhanyAH pANDusutA loke yeShAM brAhmaNapu~NgavAH . 
tathyAnvApyatha vAtathyAnguNAnAhuH samAgatAH .. 2..\\
anugrAhyA vayaM nUnaM bhavatAmiti me matiH . 
yatraiva.n guNasampannAnasmAnbrUtha vimatsarAH .. 3..\\
dhR^itarAShTro mahArAjaH pitA no daivataM param . 
sAshane.asya priye chaiva stheyaM matpriya kA~NkShibhiH .. 4..\\
etadartha.n hi jIvAmi kR^itvA GYAtivadhaM mahat . 
asya shushrUShaNa.n kAryaM mayA nityamatandriNA .. 5..\\
yadi chAhamanugrAhyo bhavatA.n suhR^idA.n tataH . 
dhR^itarAShTre yathApUrva.n vR^ittiM vartitumarhatha .. 6..\\
eSha nAtho hi jagato bhavatA.n cha mayA saha . 
asyaiva pR^ithivI kR^itsnA pANDavAH sarva eva cha . 
etanmanasi kartavyaM bhavadbhirvachanaM mama .. 7..\\
anugamya cha rAjAna.n yatheShTa.n gamyatAm iti . 
paurajAnapadAnsarvAnvisR^ijya kurunandanaH . 
yauvarAjyena kauravyo bhImasenamayojayat .. 8..\\
mantre cha nishchaye chaiva ShA~NguNyasya cha chintane . 
viduraM buddhisampannaM prItimAnvai samAdishat .. 9..\\
kR^itAkR^ita pariGYAne tathAya vyayachintane . 
sa~njaya.n yojayAmAsa R^iddhamR^iddhairguNairyutam .. 10..\\
balasya parimANe cha bhakta vetanayostathA . 
nakula.n vyAdishadrAjA karmiNAmanvavekShaNe .. 11..\\
parachakroparodhe cha dR^iptAnA.n chAvamardane . 
yudhiShThiro mahArAjaH phalguna.n vyAdidesha ha .. 12..\\
dvijAnA.n veda kAryeShu kAryeShvanyeShu chaiva hi . 
dhaumyaM purodhasA.n shreShThaM vyAdidesha parantapaH .. 13..\\
sahadeva.n samIpasthaM nityameva samAdishat . 
tena gopyo hi nR^ipatiH sarvAvastho vishAM pate .. 14..\\
yAnyAnamanyadyogyAMshcha yeShu yeShviha karmasu . 
tA.nstA.nsteShveva yuyuje prIyamANo mahIpatiH .. 15..\\
vidura.n sa~njaya.n chaiva yuyutsuM cha mahAmatim . 
abravItparavIra ghno dharmAtmA dharmavatsalaH .. 16..\\
utthAyotthAya yatkAryamasya rAGYaH piturmama . 
sarvaM bhavadbhiH kartavyamapramattairyathAtatham .. 17..\\
paurajAnapadAnA.n cha yAni kAryANi nityashaH . 
rAjAna.n samanuGYApya tAni kAryANi dharmataH .. 18..\\
\medskip\hrule\medskip\centerline{\Largedvng 42}
 vaizampaayana

tato yudhiShThiro rAjA GYAtInA.n ye hatA mR^idhe . 
shrAddhAni kArayAmAsa teShAM pR^ithagudAradhIH .. 1..\\
dhR^itarAShTro dadau rAjA putrANAm aurdhvadehikam . 
sarvakAmaguNopetamanna.n gAshcha dhanAni cha . 
ratnAni cha vichitrANi mahArhANi mahAyashAH .. 2..\\
yudhiShThirastu karNasya droNasya cha mahAtmanaH . 
dhR^iShTadyumnAbhimanyubhyA.n haiDimbasya cha rakShasaH .. 3..\\
virATaprabhR^itInA.n cha suhR^idAmupakAriNAm . 
drupada draupadeyAnA.n draupadyA sahito dadau .. 4..\\
brAhmaNAnA.n sahasrANi pR^ithagekaikamuddishan . 
dhanaishcha vastrai ratnaishcha gobhish cha samatarpayat .. 5..\\
ye chAnye pR^ithivIpAlA yeShAM nAsti suhR^ijjanaH . 
uddishyoddishya teShA.n cha chakre rAjaurdhvadaihikam .. 6..\\
sabhAH prapAshcha vividhAstaDAgAni cha pANDavaH . 
suhR^idA.n kArayAmAsa sarveShAm aurdhvadaihikam .. 7..\\
sa teShAmanR^iNo bhUtvA gatvA lokeShvavAchyatAm . 
kR^itakR^ityo.abhavadrAjA prajA dharmeNa pAlayan .. 8..\\
dhR^itarAShTra.n yathApUrva.n gAndhArIM viduraM tathA . 
sarvAMshcha kauravAmAtyAnbhR^ityAMshcha samapUjayat .. 9..\\
yAshcha tatra striyaH kAshchiddhatavIrA hatAtma jAH . 
sarvAstAH kauravo rAjA sampUjyApAlayadghR^iNI .. 10..\\
dInAndha kR^ipaNAnA.n cha gR^ihAchchhAdana bhojanaiH . 
AnR^isha.nsya paro rAjA chakArAnugrahaM prabhuH .. 11..\\
sa vijitya mahI.n kR^itsnAmAnR^iNyaM prApya vairiShu . 
niHsapatnaH sukhI rAjA vijahAra yudhiShThiraH .. 12..\\
\medskip\hrule\medskip\centerline{\Largedvng 43}
 vaizampaayana

abhiShikto mahAprAGYo rAjyaM prApya yudhiShThiraH . 
dAshArhaM puNDarIkAkShamuvAcha prA~njaliH shuchiH .. 1..\\
tava kR^iShNa prasAdena nayena cha balena cha . 
buddhyA cha yadushArdUla tathA vikramaNena cha .. 2..\\
punaH prAptamida.n rAjyaM pitR^ipaitAmahaM mayA . 
namaste puNDarIkAkSha punaH punararindama .. 3..\\
tvAmekamAhuH puruSha.n tvAmAhuH sAtvatAM patim . 
nAmabhistvAM bahuvidhaiH stuvanti paramarShayaH .. 4..\\
vishvakarmannamaste.astu vishvAtmanvishvasambhava . 
viShNo jiShNo hare kR^iShNa vaikuNTha puruShottama .. 5..\\
adityAH saptarAtra.n tu purANe garbhatAM gataH . 
pR^ishni garbhastvamevaikastriyuga.n tvA.n vadantyapi .. 6..\\
shuchi shravA hR^iShIkesho ghR^itArchirha.nsa uchyase . 
trichakShuH shambhurekastva.n vibhurdAmodaro.api cha .. 7..\\
varAho.agnirbR^ihadbhAnurvR^iShaNastArkShya lakShaNaH . 
anIka sAhaH puruShaH shipi viShTa uru kramaH .. 8..\\
vAchiShTha ugraH senAnIH satyo vAjasanirguhaH . 
achyutashchyAvano.arINA.n sa~NkR^itirvikR^itirvR^iShaH .. 9..\\
kR^itavartmA tvamevAdrirvR^iShagarbho vR^iShA kapiH . 
sindhukShidUrmistrikakuttridhAmA trivR^idachyuta .. 10..\\
sa.nrAdvirATsvarATchaiva surarADdharmado bhavaH . 
vibhurbhUrabhibhUH kR^iShNaH kR^iShNavartmA tvameva cha .. 11..\\
sviShTakR^idbhiShagAvartaH kapilastva.n cha vAmanaH . 
yaGYo dhruvaH pata~Ngash cha jayatsenastvamuchyase .. 12..\\
shikhaNDI nahuSho babhrurdivaspR^iktvaM punarvasuH . 
subabhrurukSho rukmastva.n suSheNo dundubhistathA .. 13..\\
gabhastinemiH shrIpadmaM puShkaraM puShpadhAraNaH . 
R^ibhurvibhuH sarvasUkShmastva.n sAvitra.n cha paThyase .. 14..\\
ambhonidhistvaM brahmA tvaM pavitra.n dhAma dhanva cha . 
hiraNyagarbha.n tvAmAhuH svadhA svAhA cha keshava .. 15..\\
yonistvamasya pralayashcha kR^iShNa 
tvameveda.n sR^ijasi vishvamagre . 
vishva.n chedaM tvadvashe vishvayone 
namo.astu te shAr~NgachakrAsi pANe .. 16..\\
eva.n stuto dharmarAjena kR^iShNaH 
sabhAmadhye prItimAnpuShkarAkShaH . 
tamabhyanandadbhArataM puShkalAbhir 
vAgbhirjyeShThaM pANDava.n yAdavAgryaH .. 17..\\
\medskip\hrule\medskip\centerline{\Largedvng 44}
 vaizampaayana

tato visarjayAmAsa sarvAH prakR^itayo nR^ipaH . 
vivishushchAbhyanuGYAtA yathA svAni gR^ihANi cha .. 1..\\
tato yudhiShThiro rAjA bhImaM bhImaparAkramam . 
sAntvayannabravIddhImAnarjuna.n yamajau tathA .. 2..\\
shatrubhirvividhaiH shastraiH kR^ittadehA mahAraNe . 
shrAntA bhavantaH subhR^isha.n tApitAH shokamanyubhiH .. 3..\\
araNye duHkhavasatIrmatkR^ite puruShottamAH . 
bhavadbhiranubhUtAshcha yathA ku puruShaistathA .. 4..\\
yathAsukha.n yathAjoSha.n jayo.ayamanubhUyatAm . 
vishrAntA.NllabdhaviGYAnA~nshvaH sametAsi vaH punaH .. 5..\\
tato duryodhana gR^ihaM prAsAdairupashobhitam . 
bahuratnasamAkIrNa.n dAsIdAsa samAkulam .. 6..\\
dhR^itarAShTrAbhyanuGYAtaM bhrAtrA datta.n vR^ikodaraH . 
pratipede mahAbAhurmandaraM maghavAniva .. 7..\\
yathA duryodhana gR^iha.n tathA duHshAsanasya cha . 
prAsAdamAlA sa.nyukta.n hematoraNa bhIShitam .. 8..\\
dAsIdAsa susampUrNaM prabhUtadhanadhAnyavat . 
pratipede mahAbAhurarjuno rAjashAsanAt .. 9..\\
durmarShaNasya bhavana.n duHshAsana gR^ihAdvaram . 
kuberabhavanaprakhyaM maNihemavibhUShitam .. 10..\\
nakulAya varArhAya karshitAya mahAvane . 
dadau prIto mahArAja dharmarAjo yudhiShThiraH .. 11..\\
durmukhasya cha veshmAgrya.n shrImatkanakabhUShitam . 
pUrNaM padmadalAkShINA.n strINAM shayanasa~Nkulam .. 12..\\
pradadau sahadevAya satataM priyakAriNe . 
mumude tachcha labdhvA sa kailAsa.n dhanado yathA .. 13..\\
yuyutsurvidurashchaiva sa~njayashcha mahAdyutiH . 
sudharmA chaiva dhaumyashcha yathA sva.n jagmurAlayAn .. 14..\\
saha sAtyakinA shaurirarjunasya niveshanam . 
vivesha puruShavyAghro vyAghro giriguhAm iva .. 15..\\
tatra bhakShAnna pAnaiste samupetAH sukhoShitAH . 
sukhaprabuddhA rAjAnamupatasthuryudhiShThiram .. 16..\\
\medskip\hrule\medskip\centerline{\Largedvng 45}
 janamejaya

prApya rAjyaM mahAtejA dharmarAjo yudhiShThiraH . 
yadanyadakarodvipra tanme vaktumihArhasi .. 1..\\
bhagavAnvA hR^iShIkeshastrailokyasya paro guruH . 
R^iShe yadakarodvIrastachcha vyAkhyAtumarhasi .. 2..\\

 vaizampaayana

shR^iNu rAjendra tattvena kIrtyamAnaM mayAnagha . 
vAsudevaM puraskR^itya yadakurvata pANDavAH .. 3..\\
prApya rAjyaM mahAtejA dharmarAjo yudhiShThiraH . 
chAturvarNya.n yathAyogaM sve sve dharme nyaveshayat .. 4..\\
brAhmaNAnA.n sahasra.n cha snAtakAnAM mahAtmanAm . 
sahasraniShkamekaika.n vAchayAmAsa pANDavaH .. 5..\\
tathAnujIvino bhR^ityAnsaMshritAnatithInapi . 
kAmaiH santarpayAmAsa kR^ipaNA.nstarkakAnapi .. 6..\\
purohitAya dhaumyAya prAdAdayutashaH sa gAH . 
dhana.n suvarNaM rajataM vAsA.nsi vividhAni cha .. 7..\\
kR^ipAya cha mahArAja guruvR^ittamavartata . 
vidurAya cha dharmAtmA pUjA.n chakre yatavrataH .. 8..\\
bhakShAnna pAnairvividhairvAsobhiH shayanAsanaiH . 
sarvAnsantoShayAmAsa saMshritAndadatA.n varaH .. 9..\\
labdhaprashamana.n kR^itvA sa rAjA rAjasattama . 
yuyutsordhAtarAShTrasya pUjA.n chakre mahAyashAH .. 10..\\
dhR^itarAShTrAya tadrAjyagAndhAryai vidurAya cha . 
nivedya svasthavadrAjannAste rAjA yudhiShThiraH .. 11..\\
tathA sarva.n sa nagaraM prasAdya janamejaya . 
vAsudevaM mahAtmAnamabhyagachchhatkR^itA~njaliH .. 12..\\
tato mahati parya~Nke maNikA~nchanabhUShite . 
dadarsha kR^iShNamAsInaM nIlaM merAvivAmbudam .. 13..\\
jAjvalyamAna.n vapuShA divyAbharaNabhUShitam . 
pItakausheyasa.nvIta.n hemnIvopahitaM maNim .. 14..\\
kaustubhena uraHsthena maNinAbhi virAjitam . 
udyatevodaya.n shailaM sUryeNApta kirITinam . 
naupamya.n vidyate yasya triShu lokeShu ki.n chana .. 15..\\
so.abhigamya mahAtmAna.n viShNuM puruShavigraham . 
uvAcha madhurAbhAShaH smitapUrvamida.n tadA .. 16..\\
sukhena te nishA kachchidvyuShTA buddhimatA.n vara . 
kachchijGYAnAni sarvANi prasannAni tavAchyuta .. 17..\\
tava hyAshritya tA.n devIM buddhiM buddhimatA.n vara . 
vaya.n rAjyamanuprAptAH pR^ithivI cha vashe sthitA .. 18..\\
bhavatprasAdAdbhagava.nstrilokagativikrama . 
jayaH prApto yashashchAgryaM na cha dharmAchchyutA vayam .. 19..\\
ta.n tathA bhAShamANaM tu dharmarAja.n yudhiShThiram . 
novAcha bhagavAnki.n chiddhyAnamevAnvapadyata .. 20..\\
\medskip\hrule\medskip\centerline{\Largedvng 46}
 yudhisthira

kimidaM paramAshcharya.n dhyAyasyamitavikrama . 
kachchillokatrayasyAsya svasti lokaparAyaNa .. 1..\\
chaturtha.n dhyAnamArgaM tvamAlambya puruShottama . 
apakrAnto yato deva tena me vismitaM manaH .. 2..\\
nigR^ihIto hi vAyuste pa~ncha karmA sharIragaH . 
indriyANi cha sarvANi manasi sthApitAni te .. 3..\\
indriyANi manashchaiva buddhau sa.nveshitAni te . 
sarvashchaiva gaNo devakShetraGYe te niveshitaH .. 4..\\
ne~Nganti tava romANi sthirA buddhistathA manaH . 
sthANukuDya shilA bhUto nirIhashchAsi mAdhava .. 5..\\
yathA dIpo nivAtastho niri~Ngo jvalate.achyuta . 
tathAsi bhagavandeva nishchalo dR^iDhanishchayaH .. 6..\\
yadi shrotumihArhAmi na rahasyacha te yadi . 
chhindhi me saMshaya.n deva prapannAyAbhiyAchate .. 7..\\
tva.n hi kartA vikartA cha tva.n kSharaM chAkSharaM cha hi . 
anAdi nidhanashchAdyastvameva puruShottama .. 8..\\
tvatprapannAya bhaktAya shirasA praNatAya cha . 
dhyAnasyAsya yathAtattvaM brUhi dharmabhR^itA.n vara .. 9..\\

 vaizampaayana

tataH svagochare nyasya mano buddhIndriyANi cha . 
smitapUrvamuvAchedaM bhagavAnvAsavAnujaH .. 10..\\
sharatalpagato bhIShmaH shAmyanniva hutAshanaH . 
mA.n dhyAti puruShavyAghrastato me tadgataM manaH .. 11..\\
yasya jyAtalanirghoSha.n visphUrjitamivAshaneH . 
na saheddevarAjo.api tamasmi manasA gataH .. 12..\\
yenAbhidrutya tarasA samasta.n rAjamaNDalam . 
UDhAstisraH purA kanyAstamasmi manasA gatAH .. 13..\\
trayo viMshatirAtra.n yo yodhayAmAsa bhArgavam . 
na cha rAmeNa nistIrNastamasmi manasA gataH .. 14..\\
ya.n ga~NgA garbhavidhinA dhArayAmAsa pArthivam . 
vasiShTha shiShya.n taM tAta manasAsmi gato nR^ipa .. 15..\\
divyAstrANi mahAtejA yo dhArayati buddhimAn . 
sA~NgAMshcha chaturo vedA.nstamasmi manasA gataH .. 16..\\
rAmasya dayita.n shiShya.n jAmadagnyasya pANDava . 
AdhAra.n sarvavidyAnA.n tamasmi manasA gataH .. 17..\\
ekIkR^ityendriya grAmaM manaH sa.nyamya medhayA . 
sharaNaM mAmupAgachchhattato me tadgataM manaH .. 18..\\
sa hi bhUta.n cha bhavyaM cha bhavachcha puruSharShabha . 
vetti dharmabhR^itA.n shreShThastato me tadgataM manaH .. 19..\\
tasminhi puruShavyAghre karmabhiH svairdiva.n gate . 
bhaviShyati mahI pArtha naShTachandreva sharvarI .. 20..\\
tadyudhiShThira gA~NgeyaM bhIShmaM bhImaparAkramam . 
abhigamyopasa~NgR^ihya pR^ichchha yatte manogatam .. 21..\\
chAturvedya.n chAturhotraM chAturAshramyameva cha . 
chAturvarNyasya dharma.n cha pR^ichchhainaM pR^ithivIpate .. 22..\\
tasminnastamite bhIShme kauravANA.n dhurandhare . 
GYAnAnyalpI bhaviShyanti tasmAttvA.n chodayAmyaham .. 23..\\
tachchhrutvA vAsudevasya tathya.n vachanamuttamam . 
sAshrukaNThaH sa dharmaGYo janArdanamuvAcha ha .. 24..\\
yadbhavAnAha bhIShmasya prabhAvaM prati mAdhava . 
tathA tannAtra sandeho vidyate mama mAnada .. 25..\\
mahAbhAgya.n hi bhIShmasya prabhAvashcha mahAtmanaH . 
shrutaM mayA kathayatAM brAhmaNAnAM mahAtmanAm .. 26..\\
bhavAMshcha kartA lokAnA.n yadvravItyaru sUdana . 
tathA tadanabhidhyeya.n vAkyaM yAdavanandana .. 27..\\
yatastvanugraha kR^itA buddhiste mayi mAdhava . 
tvAmagrataH puraskR^itya bhIShmaM pashyAmahe vayam .. 28..\\
AvR^itte bhagavatyarke sa hi lokAngamiShyati . 
tvaddarshanaM mahAbAho tasmAdarhati kauravaH .. 29..\\
tava hyAdyasya devasya kSharasyaivAkSharasya cha . 
darshana.n tasya lAbhaH syAttva.n hi brahma mayo nidhiH .. 30..\\
shrutvaitaddharmarAjasya vachanaM madhusUdanaH . 
pArshvastha.n sAtyakiM prAha ratho me yujyatAm iti .. 31..\\
sAtyakistUpaniShkramya keshavasya samIpataH . 
dArukaM prAha kR^iShNasya yujyatA.n ratha ityuta .. 32..\\
sa sAtyakerAshu vacho nishamya 
rathottama.n kA~nchanabhIShitA~Ngam . 
masAragalvarkamayairvibha~Ngair 
vibhUShita.n hemapinaddha chakram .. 33..\\
divAkarAMshu prabhamAshu gAminaM 
vichitranAnA maNiratnabhUShitam . 
navodita.n sUryamiva pratApinaM 
vichitratArkShya dhvajinaM patAkinam .. 34..\\
sugrIva sainyapramukhairvarAshvair 
manojavaiH kA~nchanabhUShitA~NgaiH . 
suyuktamAvedayadachyutAya 
kR^itA~njalirdAruko rAjasi.nha .. 35..\\
\medskip\hrule\medskip\centerline{\Largedvng 47}
 janamejaya

sharatalpe shayAnastu bharatAnAM pitAmahaH . 
kathamutsR^iShTavAndeha.n kaM cha yogamadhArayat .. 1..\\

 vaizampaayana

shR^iNuShvAvahito rAja~nshuchirbhUtvA samAhitaH . 
bhIShmasya kurushArdUla dehotsargaM mahAtmanaH .. 2..\\
nivR^ittamAtre tvayana uttare vai divAkare . 
samAveshayadAtmAnamAtmanyeva samAhitaH .. 3..\\
vikIrNAMshurivAdityo bhIShmaH sharashataishchitaH . 
shishye paramayA lakShmyA vR^ito brAhmaNasattamaiH .. 4..\\
vyAsena veda shravasA nAradena surarShiNA . 
devasthAnena vAtsyena tathAshmaka sumantunA .. 5..\\
etaishchAnyairmunigaNairmahAbhAgairmahAtmabhiH . 
shraddhA damapuraskArairvR^itashchandra iva grahaiH .. 6..\\
bhIShmastu puruShavyAghraH karmaNA manasA girA . 
sharatalpagataH kR^iShNaM pradadhyau prA~njaliH sthitaH .. 7..\\
svareNa puShTanAdena tuShTAva madhusUdanam . 
yogeshvaraM padmanAbha.n viShNu.n jiShNuM jagatpatim .. 8..\\
kR^itA~njaliH shuchirbhUtvA vAgvidAM pravaraH prabhum . 
bhIShmaH paramadharmAtmA vAsudevamathAstuvat .. 9..\\
ArirAdhayiShuH kR^iShNa.n vAcha.n jigamiShAmi yAm . 
tayA vyAsa samAsinyA prIyatAM puruShottamaH .. 10..\\
shuchiH shuchi Shada.n ha.nsa.n tatparaH parameShThinam . 
yuktvA sarvAtmanAtmAna.n taM prapadye prajApatim .. 11..\\
yasminvishvAni bhUtAni tiShThanti cha vishanti cha . 
guNabhUtAni bhUteshe sUtre maNigaNA iva .. 12..\\
yasminnitye tate tantau dR^iDhe sragiva tiShThati . 
sadasadgrathita.n vishvaM vishvA~Nge vishvakarmaNi .. 13..\\
hari.n sahasrashirasaM sahasracharaNekShaNam . 
prAhurnArAyaNa.n deva.n yaM vishvasya parAyaNam .. 14..\\
aNIyasAmaNIyA.nsa.n sthaviShTha.n cha sthavIyasAm . 
garIyasA.n gariShThaM cha shreShThaM cha shreyasAm api .. 15..\\
ya.n vAkeShvanuvAkeShu niShatsUpaniShatsu cha . 
gR^iNanti satyakarmANa.n satyaM satyeShu sAmasu .. 16..\\
chaturbhishchaturAtmAna.n sattvasthaM sAtvatAM patim . 
ya.n divyairdevamarchanti guhyaiH paramanAmabhiH .. 17..\\
ya.n devaM devakI devI vasudevAdajIjanat . 
bhaumasya brahmaNo guptyai dIptamagnimivAraNiH .. 18..\\
yamananyo vyapetAshIrAtmAna.n vItakalmaSham . 
iShTvAnantyAya govindaM pashyatyAtmanyavasthitam .. 19..\\
purANe puruShaH prokto brahmA prokto yugAdiShu . 
kShaye sa~NkarShaNaH proktastamupAsyamupAsmahe .. 20..\\
ati vAyvindra karmANamati sUryAgnitejasam . 
ati buddhIndriyAtmAna.n taM prapadye prajApatim .. 21..\\
ya.n vai vishvasya kartAra.n jagatastasthuShAM patim . 
vadanti jagato.adhyakShamakSharaM paramaM padam .. 22..\\
hiraNyavarNa.n ya.n garbhamaditirdaitya nAshanam . 
eka.n dvAdashadhA jaGYe tasmai sUryAtmane namaH .. 23..\\
shukle devAnpitR^InkR^iShNe tarpayatyamR^itena yaH . 
yashcha rAjA dvijAtInA.n tasmai somAtmane namaH .. 24..\\
mahatastamasaH pAre puruSha.n jvalanadyutim . 
ya.n GYAtvA mR^ityumatyeti tasmai GYeyAtmane namaH .. 25..\\
yaM bR^ihantaM bR^ihatyukthe yamagnau yaM mahAdhvare . 
ya.n viprasa~NghA gAyanti tasmai vedAtmane namaH .. 26..\\
R^igyajuH sAma dhAmAna.n dashArdha havirAkR^itim . 
ya.n sapta tantu.n tanvanti tasmai yaGYAtmane namaH .. 27..\\
yaH suparNo yajurnAma chhando gAtrastrivR^ichchhirAH . 
rathantara bR^ihatyakShastasmai stotrAtmane namaH .. 28..\\
yaH sahasrasave satre jaGYe vishvasR^ijAmR^iShiH . 
hiraNyavarNaH shakunistasmai ha.nsAtmane namaH .. 29..\\
padA~Nga.n sandhiparvANaM svaravya~njana lakShaNam . 
yamAhurakSharaM nitya.n tasmai vAgAtmane namaH .. 30..\\
yashchinoti satA.n setumR^itenAmR^ita yoninA . 
dharmArthavyavahArA~Ngaistasmai satyAtmane namaH .. 31..\\
yaM pR^ithagdharmacharaNAH pR^ithagdharmaphalaiShiNaH . 
pR^ithagdharmaiH samarchanti tasmai dharmAtmane namaH .. 32..\\
ya.n ta.n vyaktasthamavyaktaM vichinvanti maharShayaH . 
kShetre kShetraGYamAsIna.n tasmai kShetrAtmane namaH .. 33..\\
ya.n dR^igAtmAnamAtmastha.n vR^itaM ShoDashabhirguNaiH . 
prAhuH sapta dasha.n sA~NkhyAstasmai sA~NkhyAtmane namaH .. 34..\\
ya.n vinidrA jitashvAsAH sattvasthAH sa.nyatendriyAH . 
jyotiH pashyanti yu~njAnAstasmai yogAtmane namaH .. 35..\\
apuNya puNyoparame yaM punarbhava nirbhayAH . 
shAntAH saMnyAsino yAnti tasmai mokShAtmane namaH .. 36..\\
yo.asau yugasahasrAnte pradIptArchirvibhAvasu . 
sambhakShayati bhUtAni tasmai ghorAtmane namaH .. 37..\\
sambhakShya sarvabhUtAni kR^itvA chaikArNava.n jagat . 
bAlaH svapiti yashchaikastasmai mAyAtmane namaH .. 38..\\
sahasrashirase tasmai puruShAyAmitAtmane . 
chatuHsamudraparyAya yoganidrAtmane namaH .. 39..\\
ajasya nAbhAvadhyeka.n yasminvishvaM pratiShThitam . 
puShkaraM puShkarAkShasya tasmai padmAtmane namaH .. 40..\\
yasya kesheShu jImUtA nadyaH sarvA~NgasandhiShu . 
kukShau samudrAshchatvArastasmai toyAtmane namaH .. 41..\\
yugeShvAvartate yo.aMshairdinartvanaya hAyanaiH . 
sarga pralayayoH kartA tasmai kAlAtmane namaH .. 42..\\
brahma vaktraM bhujau kShatra.n kR^itsnamUrUdara.n vishaH . 
pAdau yasyAshritAH shUdrAstasmai varNAtmane namaH .. 43..\\
yasyAgnirAsya.n dyaurmUrdhA khaM nAbhishcharaNau kShitiH . 
sUryashchakShurdishaH shrotre tasmai lokAtmane namaH .. 44..\\
viShaye vartamAnAnA.n ya.n taM vaisheShikairguNaiH . 
prAhurviShayagoptAra.n tasmai goptrAtmane namaH .. 45..\\
annapAnendhana mayo rasaprANavivardhanaH . 
yo dhArayati bhUtAni tasmai prANAtmane namaH .. 46..\\
paraH kAlAtparo yaGYAtparaH sadasatoshcha yaH . 
anAdirAdirvishvasya tasmai vishvAtmane namaH .. 47..\\
yo mohayati bhUtAni sneharAgAnubandhanaiH . 
sargasya rakShaNArthAya tasmai mohAtmane namaH .. 48..\\
AtmaGYAnamida.n GYAnaM GYAtvA pa~nchasvavasthitam . 
ya.n GYAnino.adhigachchhanti tasmai GYAnAtmane namaH .. 49..\\
aprameyasharIrAya sarvato.ananta chakShuShe . 
apAraparimeyAya tasmai chintyAtmane namaH .. 50..\\
jaTine daDine nitya.n lambodara sharIriNe . 
kamaNDaluniSha~NgAya tasmai brahmAtmane namaH .. 51..\\
shUline tridasheshAya tryambakAya mahAtmane . 
bhasma digdhordhva li~NgAya tasmai rudrAtmane namaH .. 52..\\
pa~ncha bhUtAtmabhUtAya bhUtAdi nidhanAtmane . 
akrodha droha mohAya tasmai shAntAtmane namaH .. 53..\\
yasminsarva.n yataH sarvaM yaH sarvaM sarvatashcha yaH . 
yashcha sarvamayo nitya.n tasmai sarvAtmane namaH .. 54..\\
vishvakarmannamaste.astu vishvAtmanvishvasambhava . 
apavargo.asi bhUtAnAM pa~nchAnAM parataH sthitaH .. 55..\\
namaste triShu lokeShu namaste paratastriShu . 
namaste dikShu sarvAsu tva.n hi sarvaparAyaNam .. 56..\\
namaste bhagavanviShNo lokAnAM prabhavApyaya . 
tva.n hi kartA hR^iShIkesha sa.nhartA chAparAjitaH .. 57..\\
tena pashyAmi te divyAnbhAvAnhi triShu vartmasu . 
tachcha pashyAmi tattvena yatte rUpa.n sanAtanam .. 58..\\
diva.n te shirasA vyAptaM padbhyAM devI vasundharA . 
vikrameNa trayo lokAH puruSho.asi sanAtanaH .. 59..\\
atasI puShpasa~NkAshaM pItavAsasamachyutam . 
ye namasyanti govindaM na teShA.n vidyate bhayam .. 60..\\
yathA viShNumaya.n satyaM yathA viShNumayaM haviH . 
yathA viShNumaya.n sarvaM pApmA me nashyatA.n tathA .. 61..\\
tvAM prapannAya bhaktAya gatimiShTA.n jigIShave . 
yachchhreyaH puNDarIkAkSha taddhyAyasva surottama .. 62..\\
iti vidyA tapo yonirayonirviShNurIDitaH . 
vAgyaGYenArchito devaH prIyatAM mejanArdanaH .. 63..\\
etAvaduktvA vachanaM bhIShmastadgatamAnasaH . 
nama ityeva kR^iShNAya praNAmamakarottadA .. 64..\\
abhigamya tu yogena bhaktiM bhIShmasya mAdhavaH . 
traikAlya darshana.n GYAna.n divyaM dAtuM yayau hariH .. 65..\\
tasminnuparate shabde tataste brahmavAdinaH . 
bhIShma.n vAgbhirbAShpakaNThAstamAnarchurmahAmatim .. 66..\\
te stuvantashcha viprAgryAH keshavaM puruShottamam . 
bhIShma.n cha shanakaiH sarve prashasha.nsuH punaH punaH .. 67..\\
viditvA bhaktiyoga.n tu bhIShmasya puruShottamaH . 
sahasotthAya sa.nhR^iShTo yAnamevAnvapadyata .. 68..\\
keshavaH sAtyakishchaiva rathenaikena jagmatuH . 
apareNa mahAtmAnau yudhiShThira dhana~njayau .. 69..\\
bhImaseno yamau chobhau rathameka.n samAsthitau . 
kR^ipo yuyutsuH sUtashcha sa~njayashchApara.n ratham .. 70..\\
te rathairnagarAkAraiH prayAtAH puruSharShabhAH . 
nemighoSheNa mahatA kampayanto vasundharAm .. 71..\\
tato giraH puruShavarastavAnvitA 
dvijeritAH pathi sumanAH sa shushruve . 
kR^itA~njaliM praNatamathApara.n janaM 
sa keshi hA muditamanAbhyanandata .. 72..\\
\medskip\hrule\medskip\centerline{\Largedvng 48}
 vaizampaayana

tataH sa cha hR^iShIkeshaH sa cha rAjA yudhiShThiraH . 
kR^ipAdayashcha te sarve chatvAraH pANDavAsh cha ha .. 1..\\
rathaiste nagarAkAraiH patAkAdhvajashobhitaiH . 
yayurAshu kurukShetra.n vAjibhiH shIghragAmibhiH .. 2..\\
te.avatIrya kurukShetra.n keshamajjAsthi sa~Nkulam . 
dehanyAsaH kR^ito yatra kShatriyaistairmahAtmabhiH .. 3..\\
gajAshvadehAsthi chayaiH parvatairiva sa~ncitam . 
narashIrSha kapAlaishcha sha~Nkhairiva samAchitam .. 4..\\
chitA sahasrairnichita.n varma shastrasamAkulam . 
ApAnabhUmi.n kAlasya tadA bhuktojjhitAm iva .. 5..\\
bhUtasa~NghAnucharita.n rakShogaNaniShevitam . 
pashyantaste kurukShetra.n yayurAshu mahArathAH .. 6..\\
gachchhanneva mahAbAhuH sarvayAdavanandanaH . 
yudhiShThirAya provAcha jAmadagnyasya vikramam .. 7..\\
amI rAmahradAH pa~ncha dR^ishyante pArtha dUrataH . 
yeShu santarpayAmAsa pUrvAnkShatriya shoNitaiH .. 8..\\
trisapta kR^itvo vasudhA.n kR^itvA niHkShatriyAM prabhuH . 
ihedAnI.n tato rAmaH karmaNo virarAma ha .. 9..\\

 yudhisthira

triH saptakR^itvaH pR^ithivI kR^itA niHkShatriyA tadA . 
rAmeNeti yadAttha tvamatra me saMshayo mahAn .. 10..\\
kShatrabIja.n yadA dagdhaM rAmeNa yadupu~Ngava . 
kathaM bhUyaH samutpattiH kShatrasyAmita vikrama .. 11..\\
mahAtmanA bhagavatA rAmeNa yadupu~Ngava . 
kathamutsAdita.n kShatraM katha.n vR^itthiM punargatam .. 12..\\
mahAbhArata yuddhe hi koTishaH kShatriyA hatAH . 
tathAbhUchcha mahI kIrNA kShatriyairvadatA.n vara .. 13..\\
evaM me chhindhi vArShNeya saMshaya.n tArkShya ketana . 
Agamo hi paraH kR^iShNa tvatto no vAsavAnuja .. 14..\\

 vaizampaayana

tato vrajanneva gadAgra jaH prabhuH 
shasha.nsa tasmai nikhilena tattvataH . 
yudhiShThirAyApratimaujase tadA 
yathAbhavatkShatriya sa~NkulA mahI .. 15..\\
\medskip\hrule\medskip\centerline{\Largedvng 49}
 vaasudeva

shR^iNu kaunteya rAmasya mayA yAvatparishrutam . 
maharShINA.n kathayatAM kAraNaM tasya janma cha .. 1..\\
yathA cha jAmadagnyena koTishaH kShatriyA hatAH . 
udbhUtA rAjavaMsheShu ye bhUyo bhArate hatAH .. 2..\\
jahnorajahnustanayo ballavastasya chAtmajaH . 
kushiko nAma dharmaGYastasya putro mahIpatiH .. 3..\\
ugra.n tapaH samAtiShThatsahasrAkShasamo bhuvi . 
putra.n labheyamajita.n trilokeshvaramityuta .. 4..\\
tamugratapasa.n dR^iShTvA sahasrAkShaH purandaraH . 
samarthaH putra janane svayamevaitya bhArata .. 5..\\
putratvamagamadrAja.nstasya lokeshvareshvaraH . 
gAdhirnAmAbhavatputraH kaushikaH pAkashAsanaH .. 6..\\
tasya kanyAbhavadrAjannAmnA satyavatI prabho . 
tA.n gAdhiH kavi putrAya sa R^ichIkAya dadau prabhuH .. 7..\\
tataH prItastu kaunteya bhArgavaH kurunandana . 
putrArthe shrapayAmAsa charu.n gAdhestathaiva cha .. 8..\\
AhUya chAha tAM bhAryAmR^ichIko bhArgavastadA . 
upayojyashcharuraya.n tvayA mAtrApyayaM tava .. 9..\\
tasyA janiShyate putro dIptimAnkShatriyarShabhaH . 
ajayyaH kShatriyairloke kShatriyarShabha sUdanaH .. 10..\\
tavApi putra.n kalyANi dhR^itimantaM tapo.anvitam . 
shamAtmaka.n dvijashreShThaM charureSha vidhAsyati .. 11..\\
ityevamuktvA tAM bhAryAmR^ichIko bhR^igunandanaH . 
tapasyabhirato dhImA~njagAmAraNyameva ha .. 12..\\
etasminneva kAle tu tIrthayAtrA paro nR^ipaH . 
gAdhiH sadAraH samprApta R^ichIkasyAshramaM prati .. 13..\\
charudvaya.n gR^ihItvA tu rAjansatyavatI tadA . 
bharturvAkyAdathAvyagrA mAtre hR^iShTA nyavedayat .. 14..\\
mAtA tu tasyAH kaunteya duhitre sva.n charuM dadau . 
tasyAshcharumathAGYAtamAtmasa.nstha.n chakAra ha .. 15..\\
atha satyavatI garbha.n kShatriyAntakaraM tadA . 
dhArayAmAsa dIptena vapuShA ghoradarshanam .. 16..\\
tAmR^ichIkastadA dR^iShTvA dhyAnayogena vai tataH . 
abravIdrAjashArdUla svAM bhAryA.n varavarNinIm .. 17..\\
mAtrAsi vya.nsitA bhadre charuvyatyAsa hetunA . 
janiShyate hi te putraH krUrakarmA mahAbalaH .. 18..\\
janiShyate hi te bhrAtA brahmabhUtastapodhanaH . 
vishva.n hi brahma tapasA mayA tatra samarpitam .. 19..\\
saivamuktA mahAbhAgA bhartrA satyavatI tadA . 
papAta shirasA tasmai vepantI chAbravIdidam .. 20..\\
nArho.asi bhagavannadya vaktumeva.nvidha.n vachaH . 
brAhmaNApasadaM putraM prApsyasIti mahAmune .. 21..\\

 rchiika

naiSha sa~NkalpitaH kAmo mayA bhadre tathA tvayi . 
ugrakarmA bhavetputrashcharurmAtA cha kAraNam .. 22..\\

 savyavatii

ichchha.NllokAnapi mune sR^ijethAH kiM punarmama . 
shamAtmakamR^ijuM putra.n labheya.n japatAM vara .. 23..\\

 rchiika

noktapUrvaM mayA bhadre svaireShvapyanR^ita.n vachaH . 
kimutAgni.n samAdhAya mantravachcharusAdhane .. 24..\\

 satyavatii

kAmamevaM bhavetpautro mameha tava chaiva ha . 
shamAtmakamR^ijuM putra.n labheya.n japatAM vara .. 25..\\

 rchiika

putre nAsti visheSho me pautre vA varavarNini . 
yathA tvayokta.n tu vachastathA bhadre bhaviShyati .. 26..\\

 vaasudeva

tataH satyavatI putra.n janayAmAsa bhArgavam . 
tapasyabhirata.n shAnta.n jamadagniM shamAtmakam .. 27..\\
vishvAmitra.n cha dAyAdaM gAdhiH kushikanandanaH . 
prApa brahmarShisamita.n vishvena brahmaNA yutam .. 28..\\
ArchIko janayAmAsa jamadagni.n sudAruNam . 
savra vidyAnta ga.n shreShTha.n dhanurvede cha pAragam . 
rAma.n kShatriya hantAraM pradIptamiva pAvakam .. 29..\\
etasminneva kAle tu kR^itavIryAtma jo balI . 
arjuno nAma tejasvI kShatriyo haihayAnvayaH .. 30..\\
dadAha pR^ithivI.n sarvAM sapta dvIpAM sa pattanAm . 
svabAhvastrabalainAjau dharmeNa parameNa cha .. 31..\\
tR^iShitena sa kauravya bhikShitashchitrabhAnunA . 
sahasrabAhurvikrAntaH prAdAdbhikShAmathAgnaye .. 32..\\
grAmAnpurANi ghoShAMshcha pattanAni cha vIryavAn . 
jajvAla tasya bANaistu chitrabhAnurdidhakShayA .. 33..\\
sa tasya puruShendrasya prabhAvena mahAtapAH . 
dadAha kArtavIryasya shailAnatha vanAni cha .. 34..\\
sa shUnyamAshramAraNya.n varuNasyAtma jasya tat . 
dadAha pavaneneddhashchitrabhAnuH sa haihayaH .. 35..\\
Apavasta.n tato roShAchchhashApArjunamachyuta . 
dagdhe.a.ashrame mahArAja kArtavIryeNa vIryavAn .. 36..\\
tvayA na varjitaM mohAdyasmAdvanamidaM mama . 
dagdha.n tasmAdraNe rAmo bAhU.nste chhetsyate.arjuna .. 37..\\
arjunastu mahArAja balI nitya.n shamAtmakaH . 
brahmaNyashcha sharaNyashcha dAtA shUrashcha bhArata .. 38..\\
tasya putrAH subalinaH shApenAsanpiturvadhe . 
nimittamavaliptA vai nR^isha.nsAshchaiva nityadA .. 39..\\
jamadagnidhenvAste vatsamAninyurbharatarShabha . 
aGYAta.n kArtavIryasya haihayendrasya dhImataH .. 40..\\
tato.arjunasya bAhU.nstu chhittvA vai pauruShAnvitaH . 
ta.n ruvanta.n tato vatsaM jAmadagnyaH svamAshramam . 
pratyAnayata rAjendra teShAmantaHpurAtprabhuH .. 41..\\
arjunasya sutAste tu sambhUyAbuddhayastadA . 
gatvAshramamasambuddha.n jamadagnermahAtmanaH .. 42..\\
apAtayanta bhallAgraiH shiraH kAyAnnarAdhipa . 
samitkushArtha.n rAmasya nirgatasya mahAtmanaH .. 43..\\
tataH pitR^ivadhAmarShAdrAmaH paramamanyumAn . 
niHkShatriyAM pratishrutya mahI.n shastramagR^ihNata .. 44..\\
tataH sa bhR^igushArdUlaH kArtavIryasya vIryavAn . 
vikramya nijaghAnAshu putrAnpautrAMshcha sarvashaH .. 45..\\
sa haihaya sahasrANi hatvA paramamanyumAn . 
chakAra bhArgavo rAjanmahI.n shoNitakardamAm .. 46..\\
sa tathA sumahAtejAH kR^itvA niHkShatriyAM mahIm . 
kR^ipayA parayAviShTo vanameva jagAma ha .. 47..\\
tato varShasahasreShu samatIteShu keShu chit . 
kShobha.n samprAptavA.nstIvraM prakR^ityA kopanaH prabhuH .. 48..\\
vishvAmitasya pautrastu raibhya putro mahAtapAH . 
parAvasurmahArAja kShiptvAha janasa.nsadi .. 49..\\
ye te yayAti patane yaGYe santaH samAgatAH . 
pratardanaprabhR^itayo rAma ki.n kShatriyA na te .. 50..\\
mithyApratiGYo rAma tva.n katthase janasa.nsadi . 
bhayAtkShatriya vIrANAM parvata.n samupAshritaH .. 51..\\
sa punaH kShatriya shataiH pR^ithivImanusantatAm . 
parAvasostadA shrutvA shastra.n jagrAha bhArgavaH .. 52..\\
tato ye kShatriyA rAja~nshatashastena jIvitAH . 
te vivR^iddhA mahAvIryAH pR^ithivIpatayo.abhavan .. 53..\\
sa punastA~njaghAnAshu bAlAnapi narAdhipa . 
garbhasthaistu mahI vyAptA punarevAbhavattadA .. 54..\\
jAta.n jAta.n sa garbhaM tu punareva jaghAna ha . 
arakShaMshcha sutAnkAMshchittadA kShatriya yoShitaH .. 55..\\
triH saptakR^itvaH pR^ithivI.n kR^itvA niHkShatriyAM prabhuH . 
dakShiNAmashvamedhAnte kashyapAyAdadattataH .. 56..\\
kShatriyANA.n tu sheShArthaM kareNoddishya kashyapaH . 
srukpragraha vatA rAja~nshrImAnvAkyamathAbravIt .. 57..\\
gachchha pAra.n samudrasya dakShiNasya mahAmune . 
na te madviShaye rAma vastavyamiha karhi chit .. 58..\\
tataH shUrpAraka.n desha.n sAgarastasya nirmame . 
santrAsAjjAmadagnyasya so.aparAntaM mahItalam .. 59..\\
kashyapastu mahArAja pratigR^ihya mahImimAm . 
kR^itvA brAhmaNa sa.nsthA.n vai pravivesha mahAvanam .. 60..\\
tataH shUdrAshcha vaishyAshcha yathA svairaprachAriNaH . 
avartanta dvijAgryANA.n dAreShu bharatarShabha .. 61..\\
arAjake jIvaloke durbalA balavattaraiH . 
bAdhyante na cha vitteShu prabhutvamiha kasya chit .. 62..\\
tataH kAlena pR^ithivI pravivesha rasAtalam . 
arakShyamANA vidhivatkShatriyairdharmarakShibhiH .. 63..\\
UruNA dhArayAmAsa kashyapaH pR^ithivI.n tataH . 
nimajjantI.n tadA rAja.nstenorvIti mahI smR^itA .. 64..\\
rakShiNashcha samuddishya prAyAchatpR^ithivI tadA . 
prasAdya kashyapa.n devI kShatriyAnbAhushAlinaH .. 65..\\
santi brahmanmayA guptA nR^iShu kShatriya pu~NgavAH . 
haihayAnA.n kule jAtAste sa.nrakShantu mAM mune .. 66..\\
asti paurava dAyAdo viDUratha sutaH prabho . 
R^ikShaiH sa.nvardhito vipra R^ikShavatyeva parvate .. 67..\\
tathAnukampamAnena yajvanAthAmitaujasA . 
parAshareNa dAyAdaH saudAsasyAbhirakShitaH .. 68..\\
sarvakarmANi kurute tasyarSheH shUdravaddhi saH . 
sarvakarmetyabhikhyAtaH sa mA.n rakShatu pArthiva .. 69..\\
shibeH putro mahAtejA gopatirnAma nAmataH . 
vane sa.nrakShito gobhiH so.abhirakShatu mAM mune .. 70..\\
pratardanasya putrastu vatso nAma mahAyashAH . 
vatsaiH sa.nvardhito goShThe sa mA.n rakShatu pArthivaH .. 71..\\
dadhi vAhana pautrastu putro divi rathasya ha . 
a~NgaH sa gautamenApi ga~NgAkUle.abhirakShitaH .. 72..\\
bR^ihadratho mahAbAhurbhuvi bhUtipuraskR^itaH . 
golA~NgUlairmahAbhAgo gR^idhrakUTe.abhirakShitaH .. 73..\\
maruttasyAnvavAye tu kShatriyAsturvasostrayaH . 
marutpatisamA vIrye samudreNAbhirakShitAH .. 74..\\
ete kShatriya dAyAdAstatra tatra parishrutAH . 
samya~NmAmabhirakShantu tataH sthAsyAmi nishchalA .. 75..\\
eteShAM pitarashchaiva tathaiva cha pitAmahAH . 
madarthaM nihatA yuddhe rAmeNAkliShTakarmaNA .. 76..\\
teShAmapachitishchaiva mayA kAryA na saMshayaH . 
na hyaha.n kAmaye nityamavikrAntena rakShaNam .. 77..\\
tataH pR^ithivyA nirdiShTA.nstAnsamAnIya kashyapaH . 
abhyaShi~nchanmahIpAlAnkShatriyAnvIryasaMmatAn .. 78..\\
teShAM putrAshcha pautrAshcha yeShA.n vaMshAH pratiShThitAH . 
evametatpurAvR^itta.n yanmAM pR^ichchhasi pANDava .. 79..\\

 v

evaM bruvanneva yadupraviro 
yudhiShThira.n dharmabhR^itA.n variShTham . 
rathena tenAshu yayau yathArko 
vishanprabhAbhirbhagavA.nstrilokam .. 80..\\
\medskip\hrule\medskip\centerline{\Largedvng 50}
 vaizampaayana

tato rAmasya tatkarma shrutvA rAjA yudhiShThiraH . 
vismayaM parama.n gatvA pratyuvAcha janArdanam .. 1..\\
aho rAmasya vArShNeya shakrasyeva mahAtmanaH . 
vikramo yena vasudhA krodhAnniHkShatriyA kR^itA .. 2..\\
gobhiH samudreNa tathA golA~NgUlarkSha vAnaraiH . 
guptA rAma bhayodvignAH kShatriyANA.n kulodvahAH .. 3..\\
aho dhanyo hi loko.aya.n sa bhAgyAshcha narA bhuvi . 
yatra karmedR^isha.n dharmyaM dvijena kR^itamachyuta .. 4..\\
tathA yAntau tadA tAta tAvachyutayudhiShThirau . 
jagmaturyatra gA~NgeyaH sharatalpagataH prabhuH .. 5..\\
tataste dadR^ishurbhIShma.n sharaprastara shAyinam . 
svarashmi jAlasa.nvIta.n sAyaM sUryamivAnalam .. 6..\\
upAsyamAnaM munibhirdevairiva shatakratum . 
deshe paramadharmiShThe nadI moghavatIm anu .. 7..\\
dUrAdeva tamAlokya kR^iShNo rAjA cha dharmarAT . 
chatvAraH pANDavAshchaiva te cha shAradvatAdayaH .. 8..\\
avaskandyAtha vAhebhyaH sa.nyamya prachalaM manaH . 
ekIkR^ityendriya grAmamupatasthurmahAmunIn .. 9..\\
abhivAdya cha govindaH sAtyakiste cha kauravAH . 
vyAsAdI.nstAnR^iShInpashchAdgA~Ngeyamupatasthire .. 10..\\
tapovR^iddhi.n tataH pR^iShTvA gA~Ngeya.n yadukauravAH . 
parivArya tataH sarve niSheduH puruSharShabhAH .. 11..\\
tato nishamya gA~Ngeya.n shAmyamAnamivAnalam . 
ki.n chiddInamanA bhIShmamiti hovAcha keshavaH .. 12..\\
kachchijGYAnAni te rAjanprasannAni yathA purA . 
kachchidavyA kulA chaiva buddhiste vadatA.n vara .. 13..\\
sharAbhighAtaduH khAtte kachchidgAtraM na dUyate . 
mAnasAdapi duHkhAddhi shArIraM balavattaram .. 14..\\
varadAnAtpituH kAma.n chhanda mR^ityurasi prabho . 
shantanordharmashIlasya na tvetachchhama kAraNam .. 15..\\
susUkShmo.apIha dehe vai shalyo janayate rujam . 
kiM punaH sharasa~NghAtaishchitasya tava bhArata .. 16..\\
kAmaM naitattavAkhyeyaM prANinAM prabhavApyayau . 
bhavAnhyupadishechchhreyo devAnAmapi bhArata .. 17..\\
yaddhi bhUtaM bhaviShyachcha bhavachcha puruSharShabha . 
sarva.n tajGYAnavR^iddhasya tava pANAvivAhitam .. 18..\\
sa.nsArashchaiva bhUtAnA.n dharmasya cha phalodayaH . 
viditaste mahAprAGYa tva.n hi brahma mayo nidhiH .. 19..\\
tvA.n hi rAjye sthitaM sphIte samagrA~NgamarogiNam . 
strIsahasraiH parivR^itaM pashyAmIhordhva retasam .. 20..\\
R^ite shAntanavAdbhIShmAttriShu lokeShu pArthiva . 
satyasandhAnmahAvIryAchchhUrAddharmaika tatparAt .. 21..\\
mR^ityumAvArya tarasA sharaprastara shAyinaH . 
nisarga prabhava.n kiM chinna cha tAtAnushushruma .. 22..\\
satye tapasi dAne cha yaGYAdhikaraNe tathA . 
dhanurvede cha vede cha nitya.n chaivAnvavekShaNe .. 23..\\
anR^isha.nsa.n shuchi.n dAntaM sarvabhUtahite ratam . 
mahAratha.n tvatsadR^ishaM na kaM chidanushushruma .. 24..\\
tva.n hi devAnsa gandharvAnsa surAsurarAkShasAn . 
shakta ekarathenaiva vijetuM nAtra saMshayaH .. 25..\\
tva.n hi bhIShma mahAbAho vasUnAM vAsavopamaH . 
nitya.n vipraiH samAkhyAto navamo.anavamo guNaiH .. 26..\\
aha.n hi tvAbhijAnAmi yastvaM puruShasattama . 
tridasheShvapi vikhyAtaH svashaktyA sumahAbalaH .. 27..\\
manuShyeShu manuShyendra na dR^iShTo na cha me shrutaH . 
bhavato yo guNaistulyaH pR^ithivyAM puruShaH kva chit .. 28..\\
tva.n hi sarvairguNai rAjandevAnapyatirichyase . 
tapasA hi bhavA~nshaktaH sraShTu.n lokAMshcharAcharAn .. 29..\\
tadasya tapyamAnasya GYAtInA.n sa~NkShayeNa vai . 
jyeShThasya pANDuputrasya shokaM bhIShma vyapAnuda .. 30..\\
ye hi dharmAH samAkhyAtAshchAturvarNyasya bhArata . 
chAturAshramya sa.nsR^iShTAste sarve viditAstava .. 31..\\
chAturvedye cha ye proktAshchAturhotre cha bhArata . 
sA~Nkhye yoge cha niyatA ye cha dharmAH sanAtanAH .. 32..\\
chAturvarNyena yash chaiko dharmo na sma virudhyate . 
sevyamAnaH sa chaivAdyo gA~Ngeya viditastava .. 33..\\
itihAsa purANa.n cha kArtsnyena viditaM tava . 
dharmashAstra.n cha sakalaM nityaM manasi te sthitam .. 34..\\
ye cha ke chana loke.asminnarthAH saMshaya kArakAH . 
teShA.n chhettA nAsti loke tvadanyaH puruSharShabha .. 35..\\
sa pANDaveyasya manaH samutthitaM 
narendra shoka.n vyapakarSha medhayA . 
bhavadvidhA hyuttamabuddhivistarA 
vimuhyamAnasya janasya shAntaye .. 36..\\
\medskip\hrule\medskip\centerline{\Largedvng 51}
 vaizampaayana

shrutvA tu vachanaM bhIShmo vAsudevasya dhImataH . 
ki.n chidunnAmya vadanaM prA~njalirvAkyamabravIt .. 1..\\
namaste bhagavanviShNo lokAnAM nidhanodbhava . 
tva.n hi kartA hR^iShIkesha sa.nhartA chAparAjitaH .. 2..\\
vishvakarmannamaste.astu vishvAtmanvishvasambhava . 
apavargo.asi bhUtAnAM pa~nchAnAM parataH sthitaH .. 3..\\
namaste triShu lokeShu namaste paratantriShu . 
yogeshvara namaste.astu tva.n hi sarvaparAyaNam .. 4..\\
matsaMshrita.n yadAttha tvaM vachaH puruShasattama . 
tena pashyAmi te divyAnbhAvAnhi triShu vartmasu .. 5..\\
tachcha pashyAmi tattvena yatte rUpa.n sanAtanam . 
sapta mArgA niruddhAste vAyoramitatejasaH .. 6..\\
diva.n te shirasA vyAptaM padbhyAM devI vasundharA . 
disho bhujau ravishchakShurvIrye shakraH pratiShThitaH .. 7..\\
atasI puShpasa~NkAshaM pItavAsasamachyutam . 
vapurhyanumimImaste meghasyeva sa vidyutaH .. 8..\\
tvatprapannAya bhaktAya gatimiShTA.n jigIShave . 
yachchhreyaH puNDarIkAkSha taddhyAyasva surottama .. 9..\\

 vaasudeva

yataH khalu parA bhaktirmayi te puruSharShabha . 
tato vapurmayA divya.n tava rAjanpradarshitam .. 10..\\
na hyabhaktAya rAjendra bhaktAyAnR^ijave na cha . 
darshayAmyahamAtmAnaM na chAdAntAya bhArata .. 11..\\
bhavA.nstu mama bhaktashcha nitya.n chArjavamAsthitaH . 
dame tapasi satye cha dAne cha nirataH shuchiH .. 12..\\
arhastvaM bhIShma mA.n draShTuM tapasA svena pArthiva . 
tava hyupasthitA lokA yebhyo nAvartate punaH .. 13..\\
pa~nchA shata.n ShaTcha kurupravIra 
sheSha.n dinAnAM tava jIvitasya . 
tataH shubhaiH karmaphalodayaistvaM 
sameShyase bhIShma vimuchya deham .. 14..\\
ete hi devA vasavo vimAnAny 
AsthAya sarve jvalitAgnikalpAH . 
antarhitAstvAM pratipAlayanti 
kAShThAM prapadyantamudakpata~Ngam .. 15..\\
vyAvR^ittamAtre bhagavatyudIchIM 
sUrye disha.n kAlavashAtprapanne . 
gantAsi lokAnpuruShapravIra 
nAvartate yAnupalabhya vidvAn .. 16..\\
amu.n cha lokaM tvayi bhIShma yAte 
GYAnAni na~NkShyantyakhilena vIra . 
ataH sma sarve tvayi saMnikarShaM 
samAgatA dharmavivechanAya .. 17..\\
tajGYAtishokopahatashrutAya 
satyAbhisandhAya yudhiShThirAya . 
prabrUhi dharmArthasamAdhi yuktam 
arthya.n vacho.asyApanudAsya shokam .. 18..\\
\medskip\hrule\medskip\centerline{\Largedvng 52}
 vaizampaayana

tataH kR^iShNasya tadvAkya.n dharmArthasahita.n hitam . 
shrutvA shAntanavo bhIShmaH pratyuvAcha kR^itA~njaliH .. 1..\\
lokanAtha mahAbAho shiva nArAyaNAchyuta . 
tava vAkyamabhishrutya harSheNAsmi pariplutaH .. 2..\\
ki.n chAhamabhidhAsyAmi vAkpate tava saMnidhau . 
yadA vAcho gata.n sarva.n tava vAchi samAhitam .. 3..\\
yaddhi ki.n chitkR^ita.n loke kartavyaM kriyate cha yat . 
tvattastanniHsR^ita.n devalokA buddhimayA hi te .. 4..\\
kathayeddevaloka.n yo devarAjasamIpataH . 
dharmakAmArtha shAstrANA.n so.arthAnbrUyAttavAgrataH .. 5..\\
sharAbhighAtAdvyathitaM mano me madhusUdana . 
gAtrANi chAvasIdanti na cha buddhiH prasIdati .. 6..\\
na cha me pratibhA kA chidasti ki.n chitprabhAShitum . 
pIDyamAnasya govinda viShAnala samaiH sharaiH .. 7..\\
balaM medhAH prajarati prANAH santvarayanti cha . 
marmANi paritapyante bhrAnta.n chetastathaiva cha .. 8..\\
daurbAlyAtsajjate vAnme sa katha.n vaktumutsahe . 
sAdhu me tvaM prasIdasva dAshArha kulanandana .. 9..\\
tatkShamasva mahAbAho na brUyA.n kiM chidachyuta . 
tvatsaMnidhau chasIdeta vAchaH patirapi bruvan .. 10..\\
na dishaH samprajAnAmi nAkAshaM na cha medinIm . 
kevala.n tava vIryeNa tiShThAmi madhusUdana .. 11..\\
svayameva prabho tasmAddharmarAjasya yaddhitam . 
tadbravIhyAshu sarveShAmAgamAnA.n tvamAgamaH .. 12..\\
katha.n tvayi sthite loke shAshvate lokakartari . 
prabrUyAnmadvidhaH kashchidgurau shiShya iva sthite .. 13..\\

 vaasudeva

upapannamida.n vAkya.n kauravANAM dhurandhare . 
mahAvIrye mahAsattve sthite sarvArthadarshini .. 14..\\
yachcha mAmAttha gA~Ngeya bANaghAta rujaM prati . 
gR^ihANAtra varaM bhIShma matprasAda kR^ita.n vibho .. 15..\\
na te glAnirna te mUrchhA na dAho na cha te rujA . 
prabhaviShyanti gA~Ngeya kShutpipAse na chApyuta .. 16..\\
GYAnAni cha samagrANi pratibhAsyanti te.anagha . 
na cha te kva chidAsaktirbuddheH prAdurbhaviShyati .. 17..\\
sattvastha.n cha mano nityaM tava bhIShma bhaviShyati . 
rajastamobhyA.n rahita.n ghanairmukta ivodu rAT .. 18..\\
yadyachcha dharmasa.nyuktamarthayuktamathApi vA . 
chintayiShyasi tatrAgryA buddhistava bhaviShyati .. 19..\\
ima.n cha rAjashArdUla bhUtagrAmaM chaturvidham . 
chakShurdivya.n samAshritya drakShyasyamitavikrama .. 20..\\
chaturvidhaM prajA jAla.n sa.nyukto GYAnachakShuShA . 
bhIShma drakShyasi tattvena jale mIna ivAmale .. 21..\\

 vaizampaayana

tataste vyAsa sahitAH sarva eva maharShayaH . 
R^igyajuH sAma sa.nyuktairvachobhiH kR^iShNamarchayan .. 22..\\
tataH sarvArtava.n divyaM puShpavarShaM nabhastalAt . 
papAta yatra vArShNeyaH sa gA~NgeyaH sa pANDavaH .. 23..\\
vAditrANi cha divyAni jagushchApsarasA.n gaNAH . 
na chAhitamaniShTa.n vA ki.n chittatra vyadR^ishyata .. 24..\\
vavau shivaH sukho vAyuH sarvagandhavahaH shuchiH . 
shAntAyA.n dishi shAntAshcha prAvadanmR^igapakShiNaH .. 25..\\
tato muhUrtAdbhagavAnsahasrAMshurdivAkaraH . 
dahanvanamivaikAnte pratIchyAM pratyadR^ishyata .. 26..\\
tato maharShayaH sarve samutthAya janArdanam . 
bhIShmamAmantrayA.n chakrU rAjAnaM chayudhiShThiram .. 27..\\
tataH praNAmamakarotkeshavaH pANDavastathA . 
sAtyakiH sa~njayashchaiva sa cha shAradvataH kR^ipaH .. 28..\\
tataste dharmaniratAH samyaktairabhipUjitAH . 
shvaH sameShyAma ityuktvA yatheShTa.n tvaritA yayuH .. 29..\\
tathaivAmantrya gA~Ngeya.n keshavaste cha pANDavAH . 
pradakShiNamupAvR^itya rathAnAruruhuH shubhAn .. 30..\\
tato rathaiH kA~nchanadanta kUbarair 
mahIdharAbhaiH sa madaishcha dantibhiH . 
hayaiH suparNairiva chAshugAmibhiH 
padAtibhishchAtta sharAsanAdibhiH .. 31..\\
yayau rathAnAM purato hi sA chamUs 
tathaiva pashchAdati mAtrasAriNI . 
purashcha pashchAchcha yathA mahAnadI 
purarkSha vanta.n girimetya narmadA .. 32..\\
tataH purastAdbhagavAnnishAkaraH 
samutthitastAmabhiharShayaMshchamUm . 
divAkarApIta rasAstathauShadhIH 
punaH svakenaiva guNena yojayan .. 33..\\
tataH pura.n surapurasaMnibha dyuti 
pravishya te yaduvR^iShapANDavAstadA . 
yathochitAnbhavanavarAnsamAvisha~n 
shramAnvitA mR^igapatayo guhA iva .. 34..\\
\medskip\hrule\medskip\centerline{\Largedvng 53}
 vaizampaayana

tataH pravishya bhavanaM prasupto madhusUdanaH . 
yAmamAtrAvasheShAyA.n yAminyAM pratyabudhyata .. 1..\\
sa dhyAnapathamAshritya sarvaGYAnAni mAdhavaH . 
avalokya tataH pashchAddadhyau brahma sanAtanam .. 2..\\
tataH shrutipurANa GYAH shikShitA raktakaNThinaH . 
astuvanvishvakarmANa.n vAsudevaM prajApatim .. 3..\\
paThanti pANisvanikAstathA gAyanti gAyanAH . 
sha~NkhAnaka mR^ida~NgAMshcha pravAdyanta sahasrashaH .. 4..\\
vINA paNavaveNUnA.n svanashchAti manoramaH . 
prahAsa iva vistIrNaH shushruve tasya veshmanaH .. 5..\\
tathA yudhiShThirasyApi rAGYo ma~Ngalasa.nhitAH . 
uchcherurmadhurA vAcho gItavAditrasa.nhitAH .. 6..\\
tata utthAya dAshArhaH snAtaH prA~njalirachyutaH . 
japtvA guhyaM mahAbAhuragnInAshritya tasthivAn .. 7..\\
tataH sahasraviprANA.n chaturveda vidAM tathA . 
gavA.n sahasreNaikaikaM vAchayAmAsa mAdhavaH .. 8..\\
ma~NgalAlambhana.n kR^itvA AtmAnamavalokya cha . 
Adarshe vimale kR^iShNastataH sAtyakimabravIt .. 9..\\
gachchha shaineya jAnIhi gatvA rAjaniveshanam . 
api sajjo mahAtejA bhIShma.n draShTu.n yuthiShThiraH .. 10..\\
tataH kR^iShNasya vachanAtsAtyakistvarito yayau . 
upagamya cha rAjAna.n yudhiShThiramuvAcha ha .. 11..\\
yukto rathavaro rAjanvAsudevasya dhImataH . 
samIpamApageyasya prayAsyati janArdanaH .. 12..\\
bhavatpratIkShaH kR^iShNo.asau dharmarAja mahAdyute . 
yadatrAnantara.n kR^ityaM tadbhavAnkartumarhati .. 13..\\

 yudhisthira

yujyatAM me rathavaraH phalgunApratima dyute . 
na sainikaishcha yAtavya.n yAsyAmo vayameva hi .. 14..\\
na cha pIDayitavyo me bhIShmo dharmabhR^itA.n varaH . 
ataH puraHsarAshchApi nivartantu dhana~njaya .. 15..\\
adya prabhR^iti gA~NgeyaH para.n guhyaM pravakShyati . 
tato nechchhAmi kaunteya pR^ithagjanasamAgamam .. 16..\\

 vaizampaayana

tadvAkyamAkarNya tathA kuntIputro dhana~njayaH . 
yukta.n rathavara.n tasmA AchachakShe nararShabha .. 17..\\
tato yudhiShThiro rAjA yamau bhImArjunAvapi . 
bhUtAnIva samastAni yayuH kR^iShNa niveshanam .. 18..\\
Agachchhatsvatha kR^iShNo.api pANDaveShu mahAtmasu . 
shaineya sahito dhImAnrathamevAnvapadyata .. 19..\\
rathasthAH sa.nvida.n kR^itvA sukhAM pR^iShTvA cha sharvarIm . 
meghaghoShai rathavaraiH prayayuste mahArathAH .. 20..\\
meghapuShpaM balAha.n cha sainya.n sugrIvameva cha . 
dArukashchodayAmAsa vAsudevasya vAjinaH .. 21..\\
te hayA vAsudevasya dArukeNa prachoditAH . 
gA.n khurAgraistathA rAja.NllikhantaH prayayustadA .. 22..\\
te grasanta ivAkAsha.n vegavanto mahAbalAH . 
kShetra.n dharmasya kR^itsnasya kurukShetramavAtaran .. 23..\\
tato yayuryatra bhIShmaH sharatalpagataH prabhuH . 
Aste brahmarShibhiH sArdhaM brahmA devagaNairyathA .. 24..\\
tato.avatIrya govindo rathAtsa cha yudhiShThiraH . 
bhImo gANDIvadhanvA cha yamau sAtyakireva cha . 
R^iShInabhyarchayAmAsuH karAnudyamya dakShiNAn .. 25..\\
sa taiH parivR^ito rAjA nakShatrairiva chandramAH . 
abhyAjagAma gA~NgeyaM brahmANamiva vAsavaH .. 26..\\
sharatalpe shayAna.n tamAdityaM patita.n yathA . 
dadarsha sa mahAbAhurbhayAdAgatasAdhvasaH .. 27..\\
\medskip\hrule\medskip\centerline{\Largedvng 54}
 janamejaya

dharmAtmani mahAsattve satyasandhe jitAtmani . 
devavrate mahAbhAge sharatalpagate.achyute .. 1..\\
shayAne vIrashayane bhIShme shantanunandane . 
gA~Ngeye puruShavyAghre pANDavaiH paryupasthite .. 2..\\
kAH kathAH samavartanta tasminvIra samAgame . 
hateShu sarvasainyeShu tanme sha.nsa mahAmune .. 3..\\

 vaiz

sharatalpagate bhIShme kauravANA.n dhurandhare . 
AjagmurR^iShayaH siddhA nAradapramukhA nR^ipa .. 4..\\
hatashiShTAshcha rAjAno yudhiShThirapurogamAH . 
dhR^itarAShTrashcha kR^iShNashcha bhImArjunayamAstathA .. 5..\\
te.abhigamya mahAtmAno bharatAnAM pitA maham . 
anvashochanta gA~NgeyamAdityaM patita.n yathA .. 6..\\
muhUrtamiva cha dhyAtvA nArado deva darshanaH . 
uvAcha pANDavAnsarvAnhatashiShTAMshcha pArthivAn .. 7..\\
prAptakAla.n cha AchakShe bhIShmo.ayamanuyujyatAm . 
astameti hi gA~Ngeyo bhAnumAniva bhArata .. 8..\\
ayaM prANAnutsisR^ikShusta.n sarve.abhyetya pR^ichchhata . 
kR^itsnAnhi vividhAndharmAMshchAturvarNyasya vettyayam .. 9..\\
eSha vR^iddhaH purA lokAnsamprApnoti tanutyajAm . 
ta.n shIghramanuyu~njadhvaM saMshayAnmanasi sthitAn .. 10..\\
evamuktA nAradena bhIShmamIyurnarAdhipAH . 
praShTu.n chAshaknuvantaste vIkShAM chakruH parasparam .. 11..\\
athovAcha hR^iShIkeshaM pANDuputro yudhiShThiraH . 
nAnyastvaddevakIputra shaktaH praShTuM pitA maham .. 12..\\
pravyAharaya durdharSha tvamagre madhusUdana . 
tva.n hi nastAta sarveShAM sarvadharmaviduttamaH .. 13..\\
evamuktaH pANDavena bhagavAnkeshavastadA . 
abhigamya durAdharShaM pravyAharayadachyutaH .. 14..\\
kachchitsukhena rajanI vyuShTA te rAjasattama . 
vispaShTa lakShaNA buddhiH kachchichchopasthitA tava .. 15..\\
kachchijGYAnani sarvANi pratibhAnti cha te.anagha . 
na glAyate cha hR^idayaM na cha te vyAkulaM manaH .. 16..\\
dAho mohaH shramashchaiva klamo glAnistathA rujA . 
tava prasAdAdgovinda sadyo vyapagatAnagha .. 17..\\
yachcha bhUtaM bhaviShyachcha bhavachcha paramadyute . 
tatsarvamanupashyAmi pANau phalamivAhitam .. 18..\\
vedoktAshchaiva ye dharmA vedAntanihitAsh cha ye . 
tAnsarvAnsamprapashyAmi varadAnAttavAchyuta .. 19..\\
shiShTaishcha dharmo yaH proktaH sa cha me hR^idi vartate . 
deshajAtikulAnA.n cha dharmaGYo.asmi janArdana .. 20..\\
chaturShvAshramadharmeShu yo.arthaH sa cha hR^idi sthitaH . 
rAjadharmAMshcha sakalAnavagachchhAmi keshava .. 21..\\
yatra yatra cha vaktavya.n tadvakShyAmi janArdana . 
tava prasAdAddhi shubhA mano me buddhirAvishat .. 22..\\
yuveva chAsmi sa.nvR^ittastvadanudhyAna bR^i.nhitaH . 
vaktu.n shreyaH samartho.asmi tvatprasAdAjjanArdana .. 23..\\
svaya.n kimarthaM tubhavA~nshreyo na prAha pANDavam . 
ki.n te vivakShitaM chAtra tadAshu vada mAdhava .. 24..\\
yashasaH shreyasashchaiva mUlaM mA.n viddhi kaurava . 
mattaH sarve.abhinirvR^ittA bhAvAH sadasadAtmakAH .. 25..\\
shItAMshushchandra ityukte ko loke vismayiShyati . 
tathaiva yashasA pUrNe mayi ko vismayiShyati .. 26..\\
Adheya.n tu mayA bhUyo yashastava mahAdyute . 
tato me vipulA buddhistvayi bhIShma samAhitA .. 27..\\
yAvaddhi pR^itivI pAla pR^ithivI sthAsyate dhruvA . 
tAvattavAkShayA kIrtirlokAnanu chariShyati .. 28..\\
yachcha tva.n vakShyase bhIShma pANDavAyAnupR^ichchhate . 
veda pravAdA iva te sthAsyanti vasudhAtale .. 29..\\
yashchaitena pramANena yokShyatyAtmAnamAtmanA . 
saphala.n sarvapuNyAnAM pretya chAnubhaviShyati .. 30..\\
etasmAtkAraNAdbhIShma matirdivyA mahAhite . 
dattA yasho vipratheta kathaM bhUyastaveti ha .. 31..\\
yAvaddhi prathate loke puruShasya yasho bhuvi . 
tAvattasyAkShaya.n sthAnaM bhavatIti vinishchitam .. 32..\\
rAjAno hatashiShTAstvA.n rAjannabhita Asate . 
dharmAnanuyuyukShantastebhyaH prabrUhi bhArata .. 33..\\
bhavAnhi vayasA vR^iddhaH shrutAchAra samanvitaH . 
kushalo rAjadharmANAM pUrveShAmaparAsh cha ye .. 34..\\
janmaprabhR^iti te kashchidvR^ijinaM na dadarsha ha . 
GYAtAramanudharmANA.n tvA.n viduH sarvapArthivAH .. 35..\\
tebhyaH piteva putrebhyo rAjanbrUhi paraM nayam . 
R^iShayashcha hi devAshcha tvayA nityamupAsitAH .. 36..\\
tasmAdvaktavyameveha tvayA pashyAmyasheShataH . 
dharmA~nshushrUShamANebhyaH pR^iShTena cha satA punaH .. 37..\\
vaktavya.n viduShA cheti dharmamAhurmanIShiNaH . 
apratibruvataH kaShTo doSho hi bhavati prabho .. 38..\\
tasmAtputraishcha pautraishcha dharmAnpR^iShTaH sanAtanAn . 
vidvA~njiGYAsamAnaistvaM prabrUhi bharatarShabha .. 39..\\
\medskip\hrule\medskip\centerline{\Largedvng 55}
 vaizampaayana

athAbravInmahAtejA vAkya.n kauravanandanaH . 
hanta dharmAnpravakShyAmi dR^iDhe vAnmanasI mama .. 1..\\
tava prasAdAdgovinda bhUtAtmA hyasi shAshvataH . 
yudhiShThirastu mA.n rAjA dharmAnsamanupR^ichchhatu .. 2..\\
evaM prIto bhaviShyAmi dharmAnvakShyAmi chAnagha . 
yasminrAjarShayaH sarve sa mAM pR^ichchhatu pANDavaH .. 3..\\
sarveShA.n dIptayashasAM kurUNAM dharmachAriNAm . 
yasya nAsti samaH kashchitsa mAM pR^ichchhatu pANDavaH .. 4..\\
dhR^itirdamo brahmacharya.n kShamA dharmashcha nityadA . 
yasminnojashcha tejashcha sa mAM pR^ichchhatu pANDavaH .. 5..\\
satya.n dAnaM tapaH shaucha.n shAntirdAkShyamasambhramaH . 
yasminnetAni sarvANi sa mAM pR^ichchhatu pANDavaH .. 6..\\
yo na kAmAnna sa.nrambhAnna bhayAnnArthakAraNAt . 
kuryAdadharma.n dharmAtmA sa mAM pR^ichchhatu pANDavaH .. 7..\\
sambandhino.atithInbhR^ityAnsaMshritopAshritAMshcha yaH . 
saMmAnayati satkR^itya sa mAM pR^ichchhatu pANDavaH .. 8..\\
satyanitya.n kShamA nityo GYAnanityo.atithipriyaH . 
yo dadAti satAM nitya.n sa mAM pR^ichchhatu pANDavaH .. 9..\\
ijyAdhyayana nityashcha dharme cha nirataH sadA . 
shAntaH shrutarahasyashcha sa mAM pR^ichchhatu pANDavaH .. 10..\\
lajjayA parayopeto dharmAtmA sa yudhiShThiraH . 
abhishApabhayAdbhIto bhavantaM nopasarpati .. 11..\\
lokasya kadana.n kR^itvA lokanAtho vishAM pate . 
abhishApabhayAdbhIto bhavantaM nopasarpati .. 12..\\
pUjyAnmAnyAMshcha bhaktAMshcha gurUnsambandhibAndhavAn . 
arghyArhAniShubhirhatvA bhavantaM nopasarpati .. 13..\\
brAhmaNAnA.n yathA dharmo dAnamadhyayana.n tapaH . 
kShatriyANA.n tathA kR^iShNa samare dehapAtanam .. 14..\\
pitR^InpitA mahAnputrAngurUnsambandhibAndhavAn . 
mithyA pravR^ittAnyaH sa~Nkhye nihanyAddharma eva saH .. 15..\\
samayatyAgino lubdhAngurUnapi cha keshava . 
nihanti samare pApAnkShatriyo yaH sa dharmavit .. 16..\\
AhUtena raNe nitya.n yoddhavya.n kShatrabandhunA . 
dharmya.n svargya.n cha lokyaM cha yuddhaM hi manurabravIt .. 17..\\
evamuktastu bhIShmeNa dharmarAjo yudhiShThiraH . 
vinItavadupAgamya tasthau sandarshane.agrataH .. 18..\\
athAsya pAdau jagrAha bhIShmashchAbhinananda tam . 
mUrdhni chainamupAghrAya niShIdetyabravIttadA .. 19..\\
tamuvAchAtha gA~Ngeya R^iShabhaH sarvadhanvinAm . 
pR^ichchha mA.n tAta visrabdhaM mA bhaistvaM kurusattama .. 20..\\
\medskip\hrule\medskip\centerline{\Largedvng 56}
praNipatya hR^iShIkeshamabhivAdya pitA maham . 
anumAnya gurUnsarvAnparyapR^ichchhadyudhiShThiraH .. 1..\\
rAjya.n vai paramo dharma iti dharmavido viduH . 
mahAntametaM bhAra.n cha manye tadbrUhi pArthiva .. 2..\\
rAjadharmAnvisheSheNa kathayasva pitA maha . 
sarvasya jIvalokasya rAjadharmAH parAyaNam .. 3..\\
trivargo.atra samAsakto rAjadharmeShu kaurava . 
mokShadharmashcha vispaShTaH sakalo.atra samAhitaH .. 4..\\
yathA hi rashmayo.ashvasya dviradasyA~Nkusho yathA . 
narendra dharmo lokasya tathA pragrahaNa.n smR^itam .. 5..\\
atra vai sampramUDhe tu dharme rAjarShisevite . 
lokasya sa.nsthA na bhavetsarva.n cha vyAkulaM bhavet .. 6..\\
udayanhi yathA sUryo nAshayatyAsura.n tapaH . 
rAjadharmAstathAlokyAmAkShipantyashubhA.n gatim .. 7..\\
tadagre rAjadharmANAmarthatattvaM pitA maha . 
prabrUhi bharatashreShTha tva.n hi buddhimatAM varaH .. 8..\\
Agamashcha parastvattaH sarveShAM naH parantapa . 
bhavanta.n hi paraM buddhau vAsudevo.abhimanyate .. 9..\\
namo dharmAya mahate namaH kR^iShNAya vedhase . 
brAhmaNebhyo namaskR^itya dharmAnvakShyAmi shAshvatAn .. 10..\\
shR^iNu kArtsnyena mattastva.n rAjadharmAnyudhiShThira . 
niruchyamAnAnniyato yachchAnyadabhivA~nchhasi .. 11..\\
AdAveva kurushreShTha rAGYA ra~njana kAmyayA . 
devatAnA.n dvijAnAM cha vartitavya.n yathAvidhi .. 12..\\
daivatAnyarchayitvA hi brAhmaNAMshcha kurUdvaha . 
AnR^iNya.n yAti dharmasya lokena cha sa mAnyate .. 13..\\
utthAne cha sadA putra prayatethA yudhiShThira . 
na hyutthAnamR^ite daiva.n rAGYAm arthaprasiddhaye .. 14..\\
sAdhAraNa.n dvaya.n hyetaddaivamutthAnameva cha . 
pauruSha.n hi paraM manye daivaM nishchityamuchyate .. 15..\\
vipanne cha samArambhe santApaM mA sma vai kR^ithAH . 
ghaTate vinayastAta rAGYAmeSha nayaH paraH .. 16..\\
na hi satyAdR^ite ki.n chidrAGYA.n vai siddhikAraNam . 
satye hi rAjA nirataH pretya cheha hi nandati .. 17..\\
R^iShINAmapi rAjendra satyameva para.n dhanam . 
tathA rAGYaH para.n satyAnnAnyadvishvAsakAraNam .. 18..\\
guNavA~nshIlavAndAnto mR^idurdharmyo jitendriyaH . 
sudarshaH sthUlalakShyashcha na bhrashyeta sadA shriyaH .. 19..\\
Arjava.n sarvakAryeShu shrayethAH kurunandana . 
punarnayavichAreNa trayI sa.nvaraNena cha .. 20..\\
mR^idurhi rAjA satata.n la~Nghyo bhavati sarvashaH . 
tIkShNAchchodvijate lokastasmAdubhayamAchara .. 21..\\
adaNDyAshchaiva te nitya.n viprAH syurdadatAM vara . 
bhUtametatpara.n loke brAhmaNA nAma bhArata .. 22..\\
manunA chApi rAjendra gItau shlokau mahAtmanA . 
dharmeShu sveShu kauravya hR^idi tau kartumarhasi .. 23..\\
adbhyo.agnirbrahmataH kShatramashmano lohamutthitam . 
teShA.n sarvatra ga.n tejaH svAsu yoniShu shAmyati .. 24..\\
ayo hanti yadAshmAnamagnishchApo.abhipadyate . 
brahma cha kShatriyo dveShTi tadA sIdanti te trayaH .. 25..\\
etajGYAtvA mahArAja namasyA eva te dvijAH . 
bhaumaM brahma dvijashreShThA dhArayanti shamAnvitAH .. 26..\\
eva.n chaiva naravyAghra lokatantra vighAtakAH . 
nigrAhyA eva satataM bAhubhyA.n ye syurIdR^ishAH .. 27..\\
shlokau choshanasA gItau purA tAta maharShiNA . 
tau nibodha mahAprAGYa tvamekAgramanA nR^ipa .. 28..\\
udyamya shastramAyAntamapi vedAntaga.n raNe . 
nigR^ihNIyAtsvadharmeNa dharmApekShI nareshvaraH .. 29..\\
vinashyamAna.n dharma.n hi yo rakShati sa dharmavit . 
na tena bhrUNa hA sa syAnmanyustaM manumR^ichchhati .. 30..\\
eva.n chaiva narashreShTha rakShyA eva dvijAtayaH . 
svaparAdhAnapi hi tAnviShayAnte samutsR^ijet .. 31..\\
abhishastamapi hyeShA.n kR^ipAyIta vishAM pate . 
brahmaghne guru talpe cha bhrUNahatye tathaiva cha .. 32..\\
rAjadveShTe cha viprasya viShayAnte visarjanam . 
vidhIyate na shArIraM bhayameShA.n kadA chana .. 33..\\
dayitAshcha narAste syurnityaM puruShasattama . 
na koshaH paramo hyanyo rAGYAM puruShasa~ncayAt .. 34..\\
durgeShu cha mahArAja ShaTsu ye shAstranishchitAH . 
sarveShu teShu manyante naradurga.n sudustaram .. 35..\\
tasmAnnitya.n dayA kAryA chAturvarNye vipashchitA . 
dharmAtmA satyavAkchaiva rAjA ra~njayati prajAH .. 36..\\
na cha kShAntena te bhAvyaM nityaM puruShasattama . 
adharmyo hi mR^idU rAjA kShamA vAniva ku~njaraH .. 37..\\
bArhaspatye cha shAstre vai shlokA viniyatAH purA . 
asminnarthe mahArAja tanme nigadataH shR^iNu .. 38..\\
kShamamANaM nR^ipaM nityaM nIchaH paribhavejjanaH . 
hastiyantA gajasyeva shira evArurukShati .. 39..\\
tasmAnnaiva mR^idurnitya.n tIkShNo vApi bhavennR^ipaH . 
vasante.arka iva shrImAnna shIto na cha gharmadaH .. 40..\\
pratyakSheNAnumAnena tathaupamyopadeshataH . 
parIkShyAste mahArAja sve pare chaiva sarvadA .. 41..\\
vyasanAni cha sarvANi tyajethA bhUridakShiNa . 
na chaiva na prayu~njIta sa~Nga.n tu parivarjayet .. 42..\\
nitya.n hi vyasanI loke paribhUto bhavatyuta . 
udvejayati loka.n chApyati dveShI mahIpatiH .. 43..\\
bhavitavya.n sadA rAGYA garbhiNI sahadharmiNA . 
kAraNa.n cha mahArAja shR^iNu yenedamiShyate .. 44..\\
yathA hi garbhiNI hitvA svaM priyaM manaso.anugam . 
garbhasya hitamAdhatte tathA rAGYApyasaMshayam .. 45..\\
vartitavya.n kurushreShTha nityaM dharmAnuvartinA . 
svaM priya.n samabhityajya yadyallokahitaM bhavet .. 46..\\
na santyAjya.n cha te dhairyaM kadA chidapi pANDava . 
dhIrasya spaShTa daNDasya na hyAGYA pratihanyate .. 47..\\
parihAsashcha bhR^ityaiste na nitya.n vadatAM vara . 
kartavyo rAjashArdUla doShamatra hi me shR^iNu .. 48..\\
avamanyanti bhartAra.n sa.nharShAdupajIvinaH . 
sve sthAne na cha tiShThanti la~Nghayanti hi tadvachaH .. 49..\\
preShyamANA vikalpante guhya.n chApyanuyu~njate . 
ayAchya.n chaiva yAchante.abhojyAnyAhArayanti cha .. 50..\\
krudhyanti paridIpyanti bhImamadhyAsate.asya cha . 
utkochairva~nchanAbhishcha kAryANyanuvihanti cha .. 51..\\
jarjara.n chAsya viShayaM kurvanti pratirUpakaiH . 
strIrakShibhishcha sajjante tulyaveShA bhavanti cha .. 52..\\
vAta.n ShaShThIvana.n chaiva kurvate chAsya saMnidhau . 
nirlajjA narashArdUla vyAharanti cha tadvachaH .. 53..\\
haya.n vA dantinaM vApi rathaM nR^ipatisaMmatam . 
adhirohantyanAdR^itya harShule pArthive mR^idau .. 54..\\
ida.n te duShkara.n rAjannidaM te durvicheShTitam . 
ityeva.n suhR^ido nAma bruvanti pariShadgatAH .. 55..\\
kruddhe chAsminhasantyeva na cha hR^iShyanti pUjitAH . 
sa~NgharShashIlAshcha sadA bhavantyanyonyakAraNAt .. 56..\\
visra.nsayanti mantra.n cha vivR^iNvanti cha duShkR^itam . 
lIlayA chaiva kurvanti sAvaGYAstasya shAsanam . 
ala.n karaNa bhojyaM cha tathA snAnAnulepanam .. 57..\\
helamAnA naravyAghra svasthAstasyopaShR^iNvate . 
nindanti svAnadhIkArAnsantyajanti cha bhArata .. 58..\\
na vR^ittyA parituShyanti rAjadeya.n haranti cha . 
krIDitu.n tena chechchhanti sasUtreNeva pakShiNA . 
asmatpraNeyo rAjeti loke chaiva vadantyuta .. 59..\\
ete chaivApare chaiva doShAH prAdurbhavantyuta . 
nR^ipatau mArdavopete harShule cha yudhiShThira .. 60..\\
\medskip\hrule\medskip\centerline{\Largedvng 57}
 bhiisma

nityodyuktena vai rAGYA bhavitavya.n yudhiShThira . 
prashAmyate cha rAjA hi nArIvodyama varjitaH .. 1..\\
bhagavAnushanA chAha shlokamatra vishAM pate . 
tamihaikamanA rAjangadatastvaM nibodha me .. 2..\\
dvAvetau grasate bhUmiH sarpo bilashayAniva . 
rAjAna.n chAviroddhAraM brAhmaNaM chApravAsinam .. 3..\\
tadetannarashArdUla hR^idi tva.n kartumarhasi . 
sandheyAnapi sandhatsva virodhyAMsh cha virodhaya .. 4..\\
saptA~Nge yashcha te rAjye vaiparItya.n samAcharet . 
gururvA yadi vA mitraM pratihantavya eva saH .. 5..\\
maruttena hi rAGYAya.n gItaH shlokaH purAtanaH . 
rAjyAdhikAre rAjendra bR^ihaspatimataH purA .. 6..\\
gurorapyavaliptasya kAryAkAryamajAnataH . 
utpathapratipannasya parityAgo vidhIyate .. 7..\\
bAhoH putreNa rAGYA cha sagareNeha dhImatA . 
asama~njAH suto jyeShThastyaktaH paurahitaiShiNA .. 8..\\
asama~njAH sarayvAM prAkpaurANAM bAlakAnnR^ipa . 
nyamajjayadataH pitrA nirbhartsya sa vivAsitaH .. 9..\\
R^iShiNoddAlakenApi shvetaketurmahAtapAH . 
mithyA viprAnupacharansantyakto dayitaH sutaH .. 10..\\
lokara~njanamevAtra rAGYA.n dharmaH sanAtanaH . 
satyasya rakShaNa.n chaiva vyavahArasya chArjavam .. 11..\\
na hi.nsyAtparavittAni deya.n kAle cha dApayet . 
vikrAntaH satyavAkkShAnto nR^ipo na chalate pathaH .. 12..\\
guptamantro jitakrodho shAstrArthagatanishchayaH . 
dharme chArthe cha kAme cha mokShe cha satata.n rataH .. 13..\\
trayyA sa.nvR^itarandhrashcha rAjA bhavitumarhati . 
vR^ijinasya narendrANAM nAnyatsa.nvaraNAtparam .. 14..\\
chAturvarNyasya dharmAshcha rakShitavyA mahIkShitA . 
dharmasa~NkararakShA hi rAGYA.n dharmaH sanAtanaH .. 15..\\
na vishvasechcha nR^ipatirna chAtyarthaM na vishvaset . 
ShADguNya guNadoShAMshcha nityaM buddhyAvalokayet .. 16..\\
dviTchhidradarshi nR^ipatirnityameva prashasyate . 
trivargaviditArthashcha yuktachAropadhishcha yaH .. 17..\\
koshasyopArjana ratiryama vaishravaNopamaH . 
vettA cha dashavargasya sthAnavR^iddhi kShayAtmanaH .. 18..\\
abhR^itAnAM bhavedbhartA bhR^itAnA.n chAnvavekShakaH . 
nR^ipatiH sumukhashcha syAtsmitapUrvAbhibhAShitA .. 19..\\
upAsitA cha vR^iddhAnA.n jitatandrIralolupaH . 
satA.n vR^itte sthitamatiH santo hyAchAra darshinaH .. 20..\\
na chAdadIta vittAni satA.n hastAtkadA chana . 
asadbhyastu samAdadyAtsadbhyaH sampratipAdayet .. 21..\\
svayaM prahartAdAtA cha vashyAtmA vashya sAdhanaH . 
kAle dAtA cha bhoktA cha shuddhAchArastathaiva cha .. 22..\\
shUrAnbhaktAnasa.nhAryAnkule jAtAnarogiNaH . 
shiShTA~nshiShTAbhisambandhAnmAnino nAvamAninaH .. 23..\\
vidyA vido lokavidaH paralokAnvavekShakAn . 
dharmeShu niratAnsAdhUnachalAnachalAniva .. 24..\\
sahAyAnsatata.n kuryAdrAjA bhUtipuraskR^itaH . 
taistulyashcha bhavedbhogaishchhatramAtrA GYayAdhikaH .. 25..\\
pratyakShA cha parokShA cha vR^ittishchAsya bhavetsadA . 
eva.n kR^itvA narendro hi na khedamiha vindati .. 26..\\
sarvAti sha~NkI nR^ipatiryash cha sarvaharo bhavet . 
sa kShipramanR^ijurlubdhaH svajanenaiva bAdhyate .. 27..\\
shuchistu pR^ithivIpAlo lokachittagrahe rataH . 
na patatyaribhirgrastaH patitashchAvatiShThate .. 28..\\
akrodhano.athAvyasanI mR^idu daNDo jitendriyaH . 
rAjA bhavati bhUtAnA.n vishvAsyo himavAniva .. 29..\\
prAGYo nyAyaguNopetaH pararandhreShu tatparaH . 
sudarshaH sarvavarNAnAM nayApanayavittathA .. 30..\\
kShiprakArI jitakrodhaH suprasAdo mahAmanAH . 
aroga prakR^itiryuktaH kriyA vAnavikatthanaH .. 31..\\
ArabdhAnyeva kAryANi na paryavasitAni cha . 
yasya rAGYaH pradR^ishyante sa rAjA rAjasattamaH .. 32..\\
putrA iva piturgehe viShaye yasya mAnavAH . 
nirbhayA vichariShyanti sa rAjA rAjasattamaH .. 33..\\
agUDha vibhavA yasya paurA rAShTranivAsinaH . 
nayApanayavettAraH sa rAjA rAjasattamaH .. 34..\\
svakarmaniratA yasya janA viShayavAsinaH . 
asa~NghAta ratA dAntAH pAlyamAnA yathAvidhi .. 35..\\
vashyA neyA vinItAshcha na cha sa~NgharShashIlinaH . 
viShaye dAnaruchayo narA yasya sa pArthivaH .. 36..\\
na yasya kUTakapaTaM na mAyA na cha matsaraH . 
viShaye bhUmipAlasya tasya dharmaH sanAtanaH .. 37..\\
yaH satkaroti GYAnAni neyaH paurahite rataH . 
satA.n dharmAnugastyAgI sa rAjA rAjyamarhati .. 38..\\
yasya chArashcha mantrashcha nityachaiva kR^itAkR^ite . 
na GYAyate hi ripubhiH sa rAjA rAjyamarhati .. 39..\\
shlokashchAyaM purA gIto bhArgaveNa mahAtmanA . 
AkhyAte rAmacharite nR^ipatiM prati bhArata .. 40..\\
rAjAnaM prathama.n vindettato bhAryA.n tato dhanam . 
rAjanyasati lokasya kuto bhAryA kuto dhanam .. 41..\\
tadrAjanrAjasi.nhAnAM nAnyo dharmaH sanAtanaH . 
R^ite rakShA.n suvispaShTAM rakShA lokasya dhAraNam .. 42..\\
prAchetasena manunA shlokau chemAvudAhR^itau . 
rAjadharmeShu rAjendra tAvihaikamanAH shR^iNu .. 43..\\
ShaDetAnpuruSho jahyAdbhinnAM nAvamivArNave . 
apravaktAramAchAryamanadhIyAnamR^itvijam .. 44..\\
arakShitAra.n rAjAnaM bhAryA.n chApriya vAdinAm . 
grAmakAma.n cha gopAla.n vanakAmaM cha nApitam .. 45..\\
\medskip\hrule\medskip\centerline{\Largedvng 58}
 bhiisma

etatte rAjadharmANAM nava nIta.n yudhiShThira . 
bR^ihaspatirhi bhagavAnnAnya.n dharmaM prasha.nsati .. 1..\\
vishAlAkShashcha bhagavAnkAvyashchaiva mahAtapAH . 
sahasrAkSho mahendrashcha tathA prAchetaso manuH .. 2..\\
bharadvAjashcha bhagavA.nstathA gaura shirA muniH . 
rAjashAstrapraNetAro brahmaNyA brahmavAdinaH .. 3..\\
rakShAmeva prasha.nsanti dharma.n dharmabhR^itA.n vara . 
rAGYA.n rAjIvatAmrAkSha sAdhana.n chAtra vai shR^iNu .. 4..\\
chArashcha praNidhishchaiva kAle dAnamamatsaraH . 
yuktyAdAnaM na chAdAnamayogena yudhiShThira .. 5..\\
satA.n sa~NgrahaNaM shaurya.n dAkShyaM satyaM prajAhitam . 
anArjavairArjavaishcha shatrupakShasya bhedanam .. 6..\\
sAdhUnAmaparityAgaH kulInAnA.n cha dhAraNam . 
nichayashcha nicheyAnA.n sevA buddhimatAm api .. 7..\\
balAnA.n harShaNaM nityaM prajAnAmanvavekShaNam . 
kAryeShvakhedaH koshasya tathaiva cha vivardhanam .. 8..\\
puraguptiravishvAsaH paurasa~NghAta bhedanam . 
ketanAnA.n cha jIrNAnAmavekShA chaiva sIdatAm .. 9..\\
dvividhasya cha daNDasya prayogaH kAlachoditaH . 
arimadhya stha mitrANA.n yathAvachchAnvavekShaNam .. 10..\\
upajApashcha bhR^ityAnAmAtmanaH paradarshanAt . 
avishvAsaH svaya.n chaiva parasyAshvAsanaM tathA .. 11..\\
nItidharmAnusaraNaM nityamutthAnameva cha . 
ripUNAmanavaGYAnaM nitya.n chAnArya varjanam .. 12..\\
utthAna.n hi narendrANAM bR^ihaspatirabhAShata . 
rAjadharmasya yanmUla.n shlokAMshchAtra nibodha me .. 13..\\
utthAnenAmR^ita.n labdhamutthAnenAsurA hatAH . 
utthAnena mahendreNa shraiShThyaM prApta.n divIha cha .. 14..\\
utthAna dhIraH puruSho vAgdhIrAnadhitiShThati . 
utthAna dhIra.n vAgdhIrA ramayanta upAsate .. 15..\\
utthAna hIno rAjA hi buddhimAnapi nityashaH . 
dharShaNIyo ripUNA.n styAdbhuja~Nga iva nirviShaH .. 16..\\
na cha shatruravaGYeyo durbalo.api balIyasA . 
alpo.api hi dahatyagnirviShamalpa.n hinasti cha .. 17..\\
ekAshvenApi sambhUtaH shatrurdurga samAshritaH . 
ta.n taM tApayate deshamapi rAGYaH samR^iddhinaH .. 18..\\
rAGYo rahasya.n yadvAkya.n jayArthaM lokasa~NgrahaH . 
hR^idi yachchAsya jihma.n syAtkAraNArtha.n cha yadbhavet .. 19..\\
yachchAsya kArya.n vR^ijinamArjavenaiva dhAryate . 
dambhanArthAya lokasya dharmiShThAmAcharetkriyAm .. 20..\\
rAjya.n hi sumahattantra.n durdhAryamakR^itAtmabhiH . 
na shakyaM mR^idunA voDhumAghAta sthAnamuttamam .. 21..\\
rAjya.n sarvAmiShaM nityamArjaveneha dhAryate . 
tasmAnmishreNa satata.n vartitavyaM yudhiShThira .. 22..\\
yadyapyasya vipattiH syAdrakShamANasya vai prajAH . 
so.apyasya vipulo dharma eva.nvR^ittA hi bhUmipAH .. 23..\\
eSha te rAjadharmANA.n leshaH samanuvarNitaH . 
bhUyaste yatra sandehastadbrUhi vadatA.n vara .. 24..\\
tato vyAsashcha bhagavAndevasthAno.ashmanA saha . 
vAsudevaH kR^ipashchaiva sAtyakiH sa~njayastathA .. 25..\\
sAdhu sAdhviti sa.nhR^iShTAH puShyamANairivAnanaiH . 
astuva.nste naravyAghraM bhIShma.n dharmabhR^itA.n varam .. 26..\\
tato dInamanA bhIShmamuvAcha kurusattamaH . 
netrAbhyAmashrupUrNAbhyAM pAdau tasya shanaiH spR^ishan .. 27..\\
shva idAnI.n svasandehaM prakShyAmi tvaM pitA maha . 
upaiti savitApyasta.n rasamApIya pArthivam .. 28..\\
tato dvijAtInAmivAdya keshavaH 
kR^ipashcha te chaiva yudhiShThirAdayaH . 
pradakShiNIkR^itya mahAnadI sutaM 
tato rathAnAruruhurmudA yutAH .. 29..\\
dR^iShadvatI.n chApyavagAhya suvratAH 
kR^itoda kAryAH kR^itajapya ma~NgalAH . 
upAsya sandhyA.n vidhivatparantapAs 
tataH pura.n te vivishurgajAhvayam .. 30..\\
\medskip\hrule\medskip\centerline{\Largedvng 59}
tataH kAlya.n samutthAya kR^itapaurvAhNika kriyAH . 
yayuste nagarAkArai rathaiH pANDava yAdavAH .. 1..\\
prapadya cha kurukShetraM bhIShmamAsAdya chAnagham . 
sukhA.n cha rajanIM pR^iShTvA gA~Ngeya.n rathinAM varam .. 2..\\
vyAsAdInabhivAdyarShInsarvaistaishchAbhinanditAH . 
niShedurabhito bhIShmaM parivArya samantataH .. 3..\\
tato rAjA mahAtejA dharmarAjo yudhiShThiraH . 
abravItprA~njalirbhIShmaM pratipUjyAbhivAdya cha .. 4..\\
ya eSha rAjA rAjeti shabdashcharati bhArata . 
kathameSha samutpannastanme brUhi pitA maha .. 5..\\
tulyapANishirogrIvastulyabuddhIndriyAtmakaH . 
tulyaduHkhasukhAtmA cha tulyapR^iShTha bhujodaraH .. 6..\\
tulyashukrAsthi majjashcha tulyamA.nsAsR^igeva cha . 
niHshvAsochchhAva tulyashcha tulyaprANasharIravAn .. 7..\\
samAnajanma maraNaH samaH sarvaguNairnR^iNAm . 
vishiShTa buddhI~nshUrAMshcha kathameko.adhitiShThati .. 8..\\
kathameko mahI.n kR^itsnA.n vIra shUrArya sa~NkulAm . 
rakShatyapi cha loko.asya prasAdamabhivA~nchhati .. 9..\\
ekasya cha prasAdena kR^itsno lokaH prasIdati . 
vyAkulenAkulaH sarvo bhavatIti vinishchayaH .. 10..\\
etadichchhAmyaha.n sarva.n tattvena bharatarShabha . 
shrotu.n tanme yathA vattvaM prabrUhi vadatA.n vara .. 11..\\
naitatkAraNamalpa.n hi bhaviShyati viShAM pate . 
yadekasmi~njagatsarva.n deva vadyAti saMnatim .. 12..\\

 bhiisma

niyatastvaM narashreShTha shR^iNu sarvamasheShataH . 
yathA rAjyasamutpannamAdau kR^itayuge.abhavat .. 13..\\
naiva rAjyaM na rAjAsInna daNDo na cha dANDikaH . 
dharmeNaiva prajAH sarvA rakShanti cha parasparam .. 14..\\
pAlayAnAstathAnyonyaM narA dharmeNa bhArata . 
khedaM paramamAjagmustatastAnmoha Avishat .. 15..\\
te mohavashamApannA mAnavA manujarShabha . 
pratipattivimohAchcha dharmasteShAmanInashat .. 16..\\
naShTAyAM pratipattau tu mohavashyA narAstadA . 
lobhasya vashamApannAH sarve bhAratasattama .. 17..\\
aprAptasyAbhimarsha.n tu kurvanto manujAstataH . 
kAmo nAmAparastatra samapadyata vai prabho .. 18..\\
tA.nstu kAmavashaM prAptAnrAgo nAma samaspR^ishat . 
raktAshcha nAbhyajAnanta kAryAkArya.n yudhiShThira .. 19..\\
agamyAgamana.n chaiva vAchyAvAchyaM tathaiva cha . 
bhakShyAbhakShya.n cha rAjendra doShAdoShaM cha nAtyajan .. 20..\\
viplute naraloke.asmi.nstato brahma nanAsha ha . 
nAshAchcha brahmaNo rAjandharmo nAshamathAgamat .. 21..\\
naShTe brahmaNi dharme cha devAstrAsamathAgaman . 
te trastA narashArdUla brahmANa.n sharaNaM yayuH .. 22..\\
prapadya bhagavanta.n te devA lokapitA maham . 
UchuH prA~njalayaH sarve duHkhashokabhayArditAH .. 23..\\
bhagavannaralokasthaM naShTaM brahma sanAtanam . 
lobhamohAdibhirbhAvaistato no bhayamAvishat .. 24..\\
brahmaNashcha praNAshena dharmo.apyanashadIshvara . 
tataH sma samatA.n yAtA martyaistribhuvaneshvara .. 25..\\
adho hi varShamasmAkaM martyAstUrdhva pravarShiNaH . 
kriyA vyuparamAtteShA.n tato.agachchhAma saMshayam .. 26..\\
atra niHshreyasa.n yannastaddhyAyasva pitA maha . 
tvatprabhAvasamuttho.asau prabhAvo no vinashyati .. 27..\\
tAnuvAcha surAnsarvAnsvayaM bhUrbhagavA.nstataH . 
shreyo.aha.n chintayiShyAmi vyetu vo bhIH surarShabhAH .. 28..\\
tato.adhyAyasahasrANA.n shata.n chakre svabuddhijam . 
yatra dharmastathaivArthaH kAmashchaivAnuvarNitaH .. 29..\\
trivarga iti vikhyAto gaNa eSha svayaM bhuvA . 
chaturtho mokSha ityeva pR^ithagarthaH pR^ithaggaNaH .. 30..\\
mokShasyApi trivargo.anyaH proktaH sattva.n rajastamaH . 
sthAna.n vR^iddhiH kShayashchaiva trivargashchaiva daNDajaH .. 31..\\
AtmA deshashcha kAlashchApyupAyAH kR^ityameva cha . 
sahAyAH kAraNa.n chaiva ShaDvargo nItijaH smR^itaH .. 32..\\
trayI chAnvIkShikI chaiva vArtA cha bharatarShabha . 
daNDanItishcha vipulA vidyAstatra nidarshitAH .. 33..\\
amAtyarakShA praNidhI rAjaputrasya rakShaNam . 
chArashcha vividhopAyaH praNidhishcha pR^ithagvidhaH .. 34..\\
sAma chopapradAna.n cha bhedo daNDashcha pANDava . 
upekShA pa~nchamI chAtra kArtsnyena samudAhR^itA .. 35..\\
mantrashcha varNitaH kR^itsnastathA bhedArtha eva cha . 
vibhraMshashchaiva mantrasya siddhyasiddhyosh cha yatphalam .. 36..\\
sandhishcha vividhAbhikhyo hIno madhyastathottamaH . 
bhayasatkAra vittAkhyaH kArtsnyena parivarNitaH .. 37..\\
yAtrA kAlAshcha chatvArastrivargasya cha vistaraH . 
vijayo dharmayuktashcha tathArtha vijayash cha ha .. 38..\\
Asurashchaiva vijayastathA kArtsnyena varNitaH . 
lakShaNaM pa~nchavargasya trividha.n chAtra varNitam .. 39..\\
prakAshashchAprakAshashcha daNDo.atha parishabditaH . 
prakAsho.aShTa vidhastatra guhyastu bahuvistaraH .. 40..\\
rathA nAgA hayAshchaiva pAdAtAshchaiva pANDava . 
viShTirnAvashcharAshchaiva deshikAH pathi chAShTakam .. 41..\\
a~NgAnyetAni kauravya prakAshAni balasya tu . 
ja~NgamAja~NgamAshchoktAshchUrNayogA viShAdayaH .. 42..\\
sparshe chAbhyavahArye chApyupAMshurvividhaH smR^itaH . 
arimitramudAsIna ityete.apyanuvarNitAH .. 43..\\
kR^itsnA mArgaguNAshchaiva tathA bhUmiguNAsh cha ha . 
AtmarakShaNamAshvAsaH spashAnA.n chAnvavekShaNam .. 44..\\
kalpanA vividhAshchApi nR^inAgarathavAjinAm . 
vyUhAshcha vividhAbhikhyA vichitra.n yuddhakaushalam .. 45..\\
utpAtAshcha nipAtAshcha suyuddha.n supalAyanam . 
shastrANAM pAyana GYAna.n tathaiva bharatarShabha .. 46..\\
balavyasanamukta.n cha tathaiva balaharShaNam . 
pIDanAskanda kAlashcha bhayakAlashcha pANDava .. 47..\\
tathA khAta vidhAna.n cha yogasa~ncAra eva cha . 
chaurATavyabalaishchograiH pararAShTrasya pIDanam .. 48..\\
agnidairgaradaishchaiva pratirUpaka chArakaiH . 
shreNi mukhyopajApena vIrudhash chhedanena cha .. 49..\\
dUShaNena cha nAgAnAmAsha~NkA jananena cha . 
Arodhanena bhaktasya pathashchopArjanena cha .. 50..\\
saptA~Ngasya cha rAjyasya hrAsa vR^iddhisama~njasam . 
dUta sAmarthya yogashcha rAShTrasya cha vivardhanam .. 51..\\
arimadhya stha mitrANA.n samyakchoktaM prapa~nchanam . 
avamardaH pratIghAtastathaiva cha balIyasAm .. 52..\\
vyavahAraH susUkShmashcha tathA kaNTaka shodhanam . 
shamo vyAyAmayogashcha yogo dravyasya sa~ncayaH .. 53..\\
abhR^itAnA.n cha bharaNaM bhR^itAnAM chAnvavekShaNam . 
arthakAle pradAna.n cha vyasaneShvaprasa~NgitA .. 54..\\
tathA rAjaguNAshchaiva senApatiguNAsh cha ye . 
kAraNasya cha kartushcha guNadoShAstathaiva cha .. 55..\\
duShTe~Ngita.n cha vividha.n vR^ittishchaivAnujIvinAm . 
sha~Nkitatva.n cha sarvasya pramAdasya cha varjanam .. 56..\\
alabdhalipsA labdhasya tathaiva cha vivardhanam . 
pradAna.n cha vivR^iddhasya pAtrebhyo vidhivattathA .. 57..\\
visargo.arthasya dharmArthamarthArtha.n kAmahetunA . 
chaturtho vyasanAghAte tathaivAtrAnuvarNitaH .. 58..\\
krodhajAni tathogrANi kAmajAni tathaiva cha . 
dashoktAni kurushreShTha vyasanAnyatra chaiva ha .. 59..\\
mR^igayAkShAstathA pAna.n striyashcha bharatarShabha . 
kAmajAnyAhurAchAryAH proktAnIha svayaM bhuvA .. 60..\\
vAkpAruShya.n tathogratvaM daNDapAruShyameva cha . 
Atmano nigrahastyAgo.athArtha dUShaNameva cha .. 61..\\
yantrANi vividhAnyeva kriyAsteShA.n cha varNitAH . 
avamardaH pratIghAtaH ketanAnA.n cha bha~njanam .. 62..\\
chaityadrumANAmAmardo rodhaH karmAnta nAshanam . 
apaskaro.atha gamana.n tathopAsyA cha varNitA .. 63..\\
paNavAnakasha~NkhAnAM bherINA.n cha yudhA.n vara . 
upArjana.n cha dravyANAM paramarma cha tAni ShaT .. 64..\\
labdhasya cha prashamana.n satA.n chaiva hi pUjanam . 
vidvadbhirekIbhAvashcha prAtarhomavidhiGYatA .. 65..\\
ma~NgalAlambhana.n chaiva sharIrasya pratikriyA . 
AhArayojana.n chaiva nityamAstikyameva cha .. 66..\\
ekena cha yathottheya.n satyatvaM madhurA giraH . 
utsavAnA.n samAjAnA.n kriyAH ketana jAstathA .. 67..\\
pratyakShA cha parokShA cha sarvAdhikaraNeShu cha . 
vR^ittirbharatashArdUla nitya.n chaivAnvavekShaNam .. 68..\\
adaNDyatva.n cha viprANA.n yuktyA daNDanipAtanam . 
anujIvi svajAtibhyo guNeShu parirakShaNam .. 69..\\
rakShaNa.n chaiva paurANA.n svarAShTrasya vivardhanam . 
maNDalasthA cha yA chintA rAjandvAdasha rAjikA .. 70..\\
dvA saptati matishchaiva proktA yA cha svayaM bhuvA . 
deshajAtikulAnA.n cha dharmAH samanuvarNitAH .. 71..\\
dharmashchArthashcha kAmashcha mokShashchAtrAnuvarNitaH . 
upAyashchArthalipsA cha vividhA bhUridakShiNAH .. 72..\\
mUlakarma kriyA chAtra mAyAyogashcha varNitaH . 
dUShaNa.n srotasAmatra varNita.n cha sthirAmbhasAm .. 73..\\
yairyairupAyairlokashcha na chaledArya vartmanaH . 
tatsarva.n rAjashArdUla nItishAstre.anuvarNitam .. 74..\\
etatkR^itvA shubha.n shAstra.n tataH sa bhagavAnprabhuH . 
devAnuvAcha sa.nhR^iShTaH sarvA~nshakrapurogamAn .. 75..\\
upakArAya lokasya trivargasthApanAya cha . 
nava nIta.n sarasvatyA buddhireShA prabhAvitA .. 76..\\
daNDena sahitA hyeShA lokarakShaNa kArikA . 
nigrahAnugraha ratA lokAnanu chariShyati .. 77..\\
daNDena nIyate cheya.n daNDaM nayati chApyuta . 
daNDanItiriti proktA trI.NllokAnanuvartate .. 78..\\
ShADguNya guNasAraiShA sthAsyatyagre mahAtmasu . 
mahattvAttasya daNDasya nItirvispaShTa lakShaNA .. 79..\\
nayachArashcha vipulo yena sarvamida.n tatam . 
Agamashcha purANAnAM maharShINA.n cha sambhavaH .. 80..\\
tIrthavaMshashcha vaMshashcha nakShatrANA.n yudhiShThira . 
sakala.n chAturAshramyaM chAturhotraM tathaiva cha .. 81..\\
chAturvarNya.n tathaivAtra chAturvedyaM cha varNitam . 
itihAsopavedAshcha nyAyaH kR^itsnashcha varNitaH .. 82..\\
tapo GYAnamahi.nsA cha satyAsatye nayaH paraH . 
vR^iddhopasevA dAna.n cha shauchamutthAnameva cha .. 83..\\
sarvabhUtAnukampA cha sarvamatropavarNitam . 
bhuvi vAcho gata.n yachcha tachcha sarvaM samarpitam .. 84..\\
tasminpaitAmahe shAstre pANDavaitadasaMshayam . 
dharmArthakAmamokShashcha sakalA hyatra shabditAH .. 85..\\
tatastAM bhagavAnnItiM pUrva.n jagrAha sha~NkaraH . 
bahurUpo vishAlAkShaH shivaH sthANurumApatiH .. 86..\\
yugAnAmAyuSho hrAsa.n viGYAya bhagavA~nshivaH . 
sa~ncikShepa tataH shAstraM mahArthaM brahmaNA kR^itam .. 87..\\
vaishAlAkShamiti prokta.n tadindraH pratyapadyata . 
dasha dhyAya sahasrANi subrahmaNyo mahAtapAH .. 88..\\
bhagavAnapi tachchhAstra.n sa~ncikShepa purandaraH . 
sahasraiH pa~nchabhistAta yaduktaM bAhudantakam .. 89..\\
adhyAyAnA.n sahasraistu tribhireva bR^ihaspatiH . 
sa~ncikShepeshvaro buddhyA bArhaspatya.n taduchyate .. 90..\\
adhyAyAnA.n sahasreNa kAvyaH sa~NkShepamabravIt . 
tachchhAstramamitapraGYo yogAchAryo mahAtapAH .. 91..\\
eva.n lokAnurodhena shAstrametanmaharShibhiH . 
sa~NkShiptamAyurviGYAya martyAnA.n hrAsi pANDava .. 92..\\
atha devAH samAgamya viShNumUchuH prajApatim . 
eko yo.arhati martyebhyaH shraiShThya.n ta.n vai samAdisha .. 93..\\
tataH sa~ncintya bhagavAndevo nArAyaNaH prabhuH . 
taijasa.n vai virajasaM so.asR^ijanmAnasaM sutam .. 94..\\
virAjAstu mahAbhAga vibhutvaM bhuvi naichchhata . 
nyAsAyaivAbhavadbuddhiH praNItA tasya pANDava .. 95..\\
kIrtimA.nstasya putro.abhUtso.api pa~nchAtigo.abhavat . 
kardamastasya cha sutaH so.apyatapyanmahattapaH .. 96..\\
prajApateH kardamasya ana~Ngo nAma vai sutaH . 
prajAnA.n rakShitA sAdhurdaNDanIti vishAradaH .. 97..\\
ana~Nga putro.ati balo nItimAnadhigamya vai . 
abhipede mahI rAjyamathendriya vasho.abhavat .. 98..\\
mR^ityostu duhitA rAjansunIthA nAma mAnasI . 
prakhyAtA triShu lokeShu yA sA venamajIjanat .. 99..\\
taM prajAsu vidharmANa.n rAgadveShavashAnugam . 
mantrapUtaiH kushairjaghnurR^iShayo brahmavAdinaH .. 100..\\
mamanthurdakShiNa.n chorumR^iShayastasya mantrataH . 
tato.asya vikR^ito jaGYe hrasvA~NgaH puruSho bhuvi .. 101..\\
dagdhasthANupratIkAsho raktAkShaH kR^iShNa mUrdha jaH . 
niShIdetyevamUchustamR^iShayo brahmavAdinaH .. 102..\\
tasmAnniShAdAH sambhUtAH krUrAH shailavanAshrayAH . 
ye chAnye vindhyanilayA mlechchhAH shatasahasrashaH .. 103..\\
bhUyo.asya dakShiNaM pANiM mamanthuste maharShayaH . 
tataH puruSha utpanno rUpeNendra ivAparaH .. 104..\\
kavachI baddhanistriMshaH sa sharaH sa sharAsanaH . 
vedavedA~Ngavichchaiva dhanurvede cha pAragaH .. 105..\\
ta.n daNDanItiH sakalA shritA rAjannarottamam . 
tataH sa prA~njalirvainyo maharShI.nstAnuvAcha ha .. 106..\\
susUkShmA me samutpannA buddhirdharmArthadarshinI . 
anayA kiM mayA kArya.n tanme tattvena sha.nsata .. 107..\\
yanmAM bhavanto vakShyanti kAryamarthasamanvitam . 
tadaha.n vai kariShyAmi nAtra kAryA vichAraNA .. 108..\\
tamUchuratha devAste te chaiva paramarShayaH . 
niyato yatra dharmo vai tamasha~NkaH samAchara .. 109..\\
priyApriye parityajya samaH sarveShu jantuShu . 
kAmakrodhau cha lobha.n cha mAnaM chotsR^ijya dUrataH .. 110..\\
yashcha dharmAtpravichalelloke kashchana mAnavaH . 
nigrAhyaste sa bAhubhyA.n shashvaddharmamavekShataH .. 111..\\
pratiGYA.n chAdhirohasva manasA karmaNA girA . 
pAlayiShyAmyahaM bhaumaM brahma ityeva chAsakR^it .. 112..\\
yashchAtra dharmanItyukto daNDanIti vyapAshrayaH . 
tamasha~NkaH kariShyAmi svavasho na kadA chana .. 113..\\
adaNDyA me dvijAshcheti pratijAnIShva chAbhibho . 
loka.n cha sa~NkarAtkR^itsnAttrAtAsmIti parantapa .. 114..\\
vainyastatastAnuvAcha devAnR^iShipurogamAn . 
brAhmaNA me sahAyAshchedevamastu surarShabhAH .. 115..\\
evamastviti vainyastu tairukto brahmavAdibhiH . 
purodhAshchAbhavattasya shukro brahma mayo nidhiH .. 116..\\
mantriNo vAlakhilyAstu sArasvatyo gaNo hyabhUt . 
maharShirbhagavAngargastasya sA.nvatsaro.abhavat .. 117..\\
AtmanAShTama ityeva shrutireShA parA nR^iShu . 
utpannau bandinau chAsya tatpUrvau sUtamAgadhau .. 118..\\
samatA.n vasudhAyAshcha sa samyagupapAdayat . 
vaiShamya.n hi paraM bhUmerAsIditi ha naH shrutam .. 119..\\
sa viShNunA cha devena shakreNa vibudhaiH saha . 
R^iShibhishcha prajApAlye brahmaNA chAbhiShechitaH .. 120..\\
ta.n sAkShAtpR^ithivI bheje ratnAnyAdAya pANDava . 
sAgaraH saritAM bhartA himavAMshchAchalottamaH .. 121..\\
shakrashcha dhanamakShayyaM prAdAttasya yudhiShThira . 
rukma.n chApi mahAmeruH svayaM kanakaparvataH .. 122..\\
yakSharAkShasa bhartA cha bhagavAnnaravAhanaH . 
dharme chArthe cha kAme cha samarthaM pradadau dhanam .. 123..\\
hayA rathAshcha nAgAshcha koTishaH puruShAstathA . 
prAdurbabhUvurvainyasya chintanAdeva pANDava . 
na jarA na cha durbhikShaM nAdhano vyAdhayastathA .. 124..\\
sarIsR^ipebhyaH stenebhyo na chAnyonyAtkadA chana . 
bhayamutpadyate tatra tasya rAGYo.abhirakShaNAt .. 125..\\
teneyaM pR^ithivI dugdhA sasyAni dasha sapta cha . 
yakSharAkShasa nAgaishchApIpShita.n yasya yasya yat .. 126..\\
tena dharmottarashchAya.n kR^ito loko mahAtmanA . 
ra~njitAshcha prajAH sarvAstena rAjeti shabdyate .. 127..\\
brAhmaNAnA.n kShatatrANAttataH kShatriya uchyate . 
prathitA dhanatashcheyaM pR^ithivI sAdhubhiH smR^itA .. 128..\\
sthApana.n chAkarodviShNuH svayameva satAtanaH . 
nAtivartiShyate kashchidrAja.nstvAmiti pArthiva .. 129..\\
tapasA bhagavAnviShNurAvivesha cha bhUmipam . 
deva vannaradevAnAM namate yajjagannR^ipa .. 130..\\
daNDanItyA cha satata.n rakShita.n taM nareshvara . 
nAdharShayattataH kashchichchAranityAchcha darshanAt .. 131..\\
AtmanA karaNaishchaiva samasyeha mahIkShitaH . 
ko heturyadvashe tiShThelloko daivAdR^ite guNAt .. 132..\\
viShNorlalATAtkamala.n sauvarNamabhavattadA . 
shrIH sambhUtA yato devI patnI dharmasya dhImataH .. 133..\\
shriyaH sakAshAdarthashcha jAto dharmeNa pANDava . 
atha dharmastathaivArthaH shrIshcha rAjye pratiShThitA .. 134..\\
sukR^itasya kShayAchchaiva svarlokAdetya medinIm . 
pArthivo jAyate tAta daNDanIti vashAnugaH .. 135..\\
mahattvena cha sa.nyukto vaiShNavena naro bhuvi . 
buddhyA bhavati sa.nyukto mAhAtmya.n chAdhigachchhati .. 136..\\
sthApanAmatha devAnAM na kash chidativartate . 
tiShThatyekasya cha vashe ta.n chedanuvidhIyate .. 137..\\
shubha.n hi karma rAjendra shubhatvAyopakalpate . 
tulyasyaikasya yasyAya.n loko vachasi tiShThati .. 138..\\
yo hyasya mukhamadrAkShItsomya so.asya vashAnugaH . 
subhaga.n chArthavantaM cha rUpavantaM cha pashyati .. 139..\\
tato jagati rAjendra satata.n shabditaM budhaiH . 
devAshcha naradevAshcha tulyA iti vishAM pate .. 140..\\
etatte sarvamAkhyAtaM mahattvaM prati rAjasu . 
kArtsnyena bharatashreShTha kimanyadiha vartatAm .. 141..\\
\medskip\hrule\medskip\centerline{\Largedvng 60}
 vaizampaayana

tataH punaH sa gA~NgeyamabhivAdya pitA maham . 
prA~njalirniyato bhUtvA paryapR^ichchhadyudhiShThira .. 1..\\
ke dharmAH sarvavarNAnA.n chAturvarNyasya ke pR^ithak . 
chaturNAmAshramANA.n cha rAja dharmAshcha ke matAH .. 2..\\
kena svidvardhate rAShTra.n rAjA kena vivardhate . 
kena paurAshcha bhR^ityAshcha vardhane bharatarShabha .. 3..\\
kosha.n daNDaM cha durgaM cha sahAyAnmantriNastathA . 
R^itvikpurohitAchAryAnkIdR^ishAnvarjayennR^ipaH .. 4..\\
keShu vishvasitavya.n syAdrAGYA.n kasyAM chidApadi . 
kuto vAtmA dR^iDho rakShyastanme brUhi pitA maha .. 5..\\
namo dharmAya mahate namaH kR^iShNAya vedhase . 
brAhmaNebhyo namaskR^itvA dharmAnvakShyAmi shAshvatAn .. 6..\\
akrodhaH satyavachana.n sa.nvibhAgaH kShamA tathA . 
prajanaH sveShu dAreShu shauchamadroha eva cha .. 7..\\
ArjavaM bhR^ityabharaNaM navaite sArvavarNikAH . 
brAhmaNasya tu yo dharmasta.n te vakShyAmi kevalam .. 8..\\
damameva mahArAja dharmamAhuH purAtanam . 
svAdhyAyo.adhyApana.n chaiva tatra karma samApyate .. 9..\\
ta.n chedvittamupAgachchhedvartamAna.n svakarmaNi . 
akurvANa.n vikarmANi shAntaM praGYAna tarpitam .. 10..\\
kurvItApatya santAnamatho dadyAdyajeta cha . 
sa.nvibhajya hi bhoktavya.n dhana.n sadbhiritIShyate .. 11..\\
pariniShThita kAryastu svAdhyAyenaiva brAhmaNaH . 
kuryAdanyanna vA kuryAnmaitro brAhmaNa uchyate .. 12..\\
kShatriyasyApi yo dharmasta.n te vakShyAmi bhArata . 
dadyAdrAjA na yAcheta yajeta na tu yAjayet .. 13..\\
nAdhyApayedadhIyIta prajAshcha paripAlayet . 
nityodyukto dasyu vadhe raNe kuryAtparAkramam .. 14..\\
ye cha kratubhirIjAnAH shrutavantashcha bhUmipAH . 
ya evAhava jetArasta eShA.n lokajittamAH .. 15..\\
avikShatena dehena samarAdyo nivartate . 
kShatriyo nAsya tatkarma prasha.nsanti purA vidaH .. 16..\\
vadha.n hi kShatrabandhUnA.n dharmamAhuH pradhAnataH . 
nAsya kR^ityatama.n kiM chidanyaddasyu nibarhaNAt .. 17..\\
dAnamadhyayana.n yaGYo yogaH kShemo vidhIyate . 
tasmAdrAGYA visheSheNa yoddhavya.n dharmamIpShatA .. 18..\\
sveShu dharmeShvavasthApya prajAH sarvA mahIpatiH . 
dharmeNa sarvakR^ityAni samaniShThAni kArayet .. 19..\\
pariniShThita kAryaH syAnnR^ipatiH paripAlanAt . 
kuryAdanyanna vA kuryAdaindro rAjanya uchyate .. 20..\\
vaishyasyApIha yo dharmasta.n te vakShyAmi bhArata . 
dAnamadhyayana.n yaGYaH shauchena dhanasa~ncayaH .. 21..\\
pitR^ivatpAlayedvaishyo yuktaH sarvapashUniha . 
vikarma tadbhavedanyatkarma yadyatsamAcharet . 
rakShayA sa hi teShA.n vai mahatsukhamavApnuyAt .. 22..\\
prajApatirhi vaishyAya sR^iShTvA paridade pashUn . 
brAhmaNAya cha rAGYe cha sarvAH paridade prajAH .. 23..\\
tasya vR^ittiM pravakShyAmi yachcha tasyopajIvanam . 
ShaNNAmekAM pibeddhenu.n shatAchcha mithunaM haret .. 24..\\
laye cha saptamo bhAgastathA shR^i~Nge kalA khure . 
sasyasya sarvabIjAnAmeShA sA.nvatsarI bhR^itiH .. 25..\\
na cha vaishyasya kAmaH syAnna rakSheyaM pashUniti . 
vaishye chechchhati nAnyena rakShitavyAH katha.n chana .. 26..\\
shUdrasyApi hi yo dharmasta.n te vakShyAmi bhArata . 
prajApatirhi varNAnA.n dAsa.n shUdramakalpayat .. 27..\\
tasmAchchhUdrasya varNAnAM paricharyA vidhIyate . 
teShA.n shushrUShaNAchchaiva mahatsukhamavApnuyAt .. 28..\\
shUdra etAnparicharettrInvarNAnanasUyakaH . 
sa~ncayAMshcha na kurvIta jAtu shUdraH katha.n chana .. 29..\\
pApIyAnhi dhana.n labdhvA vashe kuryAdgarIyasaH . 
rAGYA vA samanuGYAtaH kAma.n kurvIta dhArmikaH .. 30..\\
tasya vR^ittiM pravakShyAmi yachcha tasyopajIvanam . 
avashya bharaNIyo hi varNAnA.n shUdra uchyate .. 31..\\
chhatra.n veShTanamaushIramupAnadvyajanAni cha . 
yAtayAmAni deyAni shUdrAya parichAriNe .. 32..\\
adhAryANi vishIrNAni vasanAni dvijAtibhiH . 
shUdrAyaiva vidheyAni tasya dharmadhana.n hi tat .. 33..\\
yashcha kashchiddvijAtInA.n shUdraH shushrUShurAvrajet . 
kalpyA.n tasya tu tenAhurvR^ittiM dharmavido janAH . 
deyaH piNDo.anapetAya bhartavyau vR^iddhadurbalau .. 34..\\
shUdreNa cha na hAtavyo bhartA kasyA.n chidApadi . 
atirekeNa bhartavyo bhartA dravyaparikShaye . 
na hi svamasti shUdrasya bhartR^ihArya dhano hyasau .. 35..\\
uktastrayANA.n varNAnAM yaGYastrayyeva bhArata . 
svAhAkAranamaH kArau mantraH shUdre vidhIyate .. 36..\\
tAbhyA.n shUdraH pAkayaGYairyajeta vratavAnsvayam . 
pUrNapAtra mayImAhuH pAkayaGYasya dakShiNAm .. 37..\\
shUdraH paijavano nAma sahasrANA.n shata.n dadau . 
aindrAgnena vidhAnena dakShiNAmiti naH shrutam .. 38..\\
ato hi sarvavarNAnA.n shraddhA yaGYo vidhIyate . 
daivata.n hi mahachchhraddhA pavitraM yajatA.n cha yat .. 39..\\
daivataM parama.n viprAH svena svena parasparam . 
ayajanniha satraiste taistaiH kAmaiH sanAtanaiH .. 40..\\
sa.nsR^iShTA brAhmaNaireva triShu varNeShu sR^iShTayaH . 
devAnAmapi ye devA yadbrUyuste para.n hi tat . 
tasmAdvarNaiH sarvayaGYAH sa.nsR^ijyante na kAmyayA .. 41..\\
R^igyajuH sAma vitpUjyo nitya.n syAddeva vaddvijaH . 
anR^igyajurasAmA tu prAjApatya upadravaH .. 42..\\
yaGYo manIShayA tAta sarvavarNeShu bhArata . 
nAsya yaGYahano devA Ihante netare janAH . 
tasmAtsarveShu varNeShu shraddhA yaGYo vidhIyate .. 43..\\
sva.n daivataM brAhmaNAH svena nityaM 
parAnvarNAnayajannevamAsIt . 
ArochitA naH sumahAnsa dharmaH 
sR^iShTo brahmaNA triShu varNeShu dR^iShTaH .. 44..\\
tasmAdvarNA R^ijavo jAtidharmAH 
sa.nsR^ijyante tasya vipAka eShaH . 
eka.n sAma yajurekamR^igekA 
viprashchaiko.anishchayasteShu dR^iShTaH .. 45..\\
atra gAthA yaGYagItAH kIrtayanti purA vidaH . 
vaikhAnasAnA.n rAjendra munInAM yaShTumichchhatAm .. 46..\\
udite.anudite vApi shraddadhAno jitendriyaH . 
vahni.n juhoti dharmeNa shraddhA vai kAraNaM mahat .. 47..\\
yatskannamasya tatpUrva.n yadaskannna.n taduttaram . 
bahUni yaGYarUpANi nAnA karmaphalAni cha .. 48..\\
tAni yaH sa.nvijAnAti GYAnanishchaya nishchitaH . 
dvijAtiH shraddhayopetaH sa yaShTuM puruSho.arhati .. 49..\\
steno vA yadi vA pApo yadi vA pApakR^ittamaH . 
yaShTumichchhati yaGYa.n yaH sAdhumeva vadanti tam .. 50..\\
R^iShayastaM prasha.nsanti sAdhu chaitadasaMshayam . 
sarvathA sarvavarNairhi yaShTavyamiti nishchayaH . 
na hi yaGYasama.n kiM chittriShu lokeShu vidyate .. 51..\\
tasmAdyaShTavyamityAhuH puruSheNAnasUyatA . 
shraddhA pavitramAshritya yathAshakti prayachchhatA .. 52..\\
\medskip\hrule\medskip\centerline{\Largedvng 61}
 bhiisma

AshramANAM mahAbAho shR^iNu satyaparAkrama . 
chaturNAmiha varNAnA.n karmANi cha yudhiShThira .. 1..\\
vAnaprasthaM bhaikSha charyA.n gArhasthyaM cha mahAshramam . 
brahmacharyAshramaM prAhushchaturthaM brAhmaNairvR^itam .. 2..\\
jaTA karaNa sa.nskAra.n dvijAtitvamavApya cha . 
AdhAnAdIni karmANi prApya vedamadhItya cha .. 3..\\
sadAro vApyadAro vA AtmavAnsa.nyatendriyaH . 
vAnaprasthAshrama.n gachchhetkR^itakR^ityo gR^ihAshramAt .. 4..\\
tatrAraNyaka shAstrANi samadhItya sa dharmavit . 
UrdhvaretAH prajAyitvA gachchhatyakSharasAtmatAm .. 5..\\
etAnyeva nimittAni munInAmUrdhvaretasAm . 
kartavyAnIha vipreNa rAjannAdau vipashchitA .. 6..\\
charitabrahma charyasya brAhmaNasya vishAM pate . 
bhaikSha charyAsvadhIkAraH prashasta iha mokShiNaH .. 7..\\
yatrAstamita shAyI syAnniragniraniketanaH . 
yathopalabdha jIvI syAnmunirdAnto jitendriyaH .. 8..\\
nirAshIH syAtsarvasamo nirbhogo nirvikAra vAn . 
vipraH kShemAshramaprApto gachchhatyakSharasAtmatAm .. 9..\\
adhItya vedAnkR^itasarvakR^ityaH 
santAnamutpAdya sukhAni bhuktvA . 
samAhitaH prachareddushchara.n taM 
gArhasthya dharmaM munidharmadR^iShTam .. 10..\\
svadAratuShTa R^itukAlagAmI 
niyoga sevI na shaTho na jihmaH . 
mitAshano deva paraH kR^itaGYaH 
satyo mR^idushchAnR^isha.nsaH kShamA vAn .. 11..\\
dAnto vidheyo havyakavye.apramatto 
annasya dAtA satata.n dvijebhyaH . 
amatsarI sarvali~Ngi pradAtA 
vaitAna nityashcha gR^ihAshramI syAt .. 12..\\
athAtra nArAyaNa gItamAhur 
maharShayastAta mahAnubhAvAH . 
mahArthamatyarthatapaH prayuktaM 
taduchyamAna.n hi mayA nibodha .. 13..\\
satyArjava.n chAtithi pUjanaM cha 
dharmastathArthashcharatishcha dAre . 
niShevitavyAni sukhAni loke 
hyasminpare chaiva mataM mamaitat .. 14..\\
bharaNaM putradArANA.n vedAnAM pAraNa.n tathA . 
satA.n tamAshramashreShTha.n vadanti paramarShayaH .. 15..\\
eva.n hi yo brAhmaNo yaGYashIlo 
gArhasthyamadhyAvasate yathA vat . 
gR^ihastha vR^ittiM pravishodhya samyak 
svarge viShuddhaM phalamApnute saH .. 16..\\
tasya dehaparityAgAdiShTAH kAmAkShayA matAH . 
AnantyAyopatiShThanti sarvato.akShishiromukhAH .. 17..\\
khAdanneko japannekaH sarpanneko yudhiShThira . 
ekasminneva AchArye shushrUShurmalapa~NkavAn .. 18..\\
brahma chArI vratI nityaM nitya.n dIkShA paro vashI . 
avichArya tathA veda.n kR^ityaM kurvanvasetsadA .. 19..\\
shushrUShA.n satata.n kurvanguroH sampraNameta cha . 
ShaTkarmasvanivR^ittashcha na pravR^ittashcha sarvashaH .. 20..\\
na charatyadhikAreNa sevita.n dviShato na cha . 
eSho.a.ashramapadastAta brahmachAriNa iShyate .. 21..\\
\medskip\hrule\medskip\centerline{\Largedvng 62}
 yudhisthira

shivAnsukhAnmahodarkAnahi.nsrA.NllokasaMmatAn . 
brUhi dharmAnsukhopAyAnmadvidhAnA.n sukhAvahAn .. 1..\\
brAhmaNasyeha chatvAra AshramA vihitAH prabho . 
varNAstAnanuvartante trayo bharatasattama .. 2..\\
uktAni karmANi bahUni rAjan 
svargyANi rAjanya parAyaNAni . 
nemAni dR^iShTAnta vidhau smR^itAni 
kShAtre hi sarva.n vihitaM yathA vat .. 3..\\
kShAtrANi vaishyAni cha sevamAnaH 
shaudrANi karmANi cha brAhmaNaH san . 
asmi.Nlloke nindito mandachetAH 
pare cha loke nirayaM prayAti .. 4..\\
yA sa~nj~nA vihitA loke dAse shuni vR^ike pashau . 
vikarmaNi sthite vipre tA.n sa~nj~nA.n kuru pANDava .. 5..\\
ShaTkarma sampravR^ittasya AshrameShu chaturShvapi . 
sarvadharmopapannasya sambhUtasya kR^itAtmanaH .. 6..\\
brAhmaNasya vishuddhasya tapasyabhiratasya cha . 
nirAshiSho vadAnyasya lokA hyakSharasa~nj~nitAH .. 7..\\
yo yasminkurute karma yAdR^isha.n yena yatra cha . 
tAdR^isha.n tAdR^ishenaiva sa guNaM pratipadyate .. 8..\\
vR^iddhyA kR^iShivaNiktvena jIva sa~njIvanena cha . 
vettumarhasi rAjendra svAdhyAyagaNitaM mahat .. 9..\\
kAlasa~ncoditaH kAlaH kAlaparyAya nishchitaH . 
uttamAdhamamadhyAni karmANi kurute.avashaH .. 10..\\
antavanti pradAnAni purA shreyaH karANi cha . 
svakarmanirato loko hyakSharaH sarvato mukhaH .. 11..\\
\medskip\hrule\medskip\centerline{\Largedvng 63}
jyA karShaNa.n shatrunibarhaNa.n cha 
kR^iShirvaNijyA pashupAlana.n cha . 
shushrUShaNa.n chApi tathArtha hetor 
akAryametatparama.n dvijasya .. 1..\\
sevya.n tu brahma ShaTkarma gR^ihasthena manIShiNA . 
kR^itakR^ityasya chAraNye vAso viprasya shasyate .. 2..\\
rAjapraiShya.n kR^iShidhanaM jIvanaM cha vaNijyayA . 
kauTilya.n kauTaleyaM cha kusIdaM cha vivarjayet .. 3..\\
shUdro rAjanbhavati brahma bandhur 
dushchAritryo yashcha dharmAdapetaH . 
vR^iShalI patiH pishuno nartakash cha 
grAmapraiShyo yashcha bhavedvikarmA .. 4..\\
japanvedAnajapaMshchApi rAjan 
samaH shUdrairdAsavachchApi bhojyaH . 
ete sarve shUdra samA bhavanti 
rAjannetAnvarjayeddevakR^itye .. 5..\\
nirmaryAde chAshane krUra vR^ittau 
hi.nsAtmake tyaktadharmasvavR^itte . 
havya.n kavya.n yAni chAnyAni rAjan 
deyAnyadeyAni bhavanti tasmin .. 6..\\
tasmAddharmo vihito brAhmaNasya 
damaH shaucha.n chArjavaM chApi rAjan . 
tathA viprasyAshramAH sarva eva 
purA rAjanbrahmaNA vai nisR^iShTAH .. 7..\\
yaH syAddAntaH somapa Arya shIlaH 
sAnukroshaH sarvasaho nirAshIH . 
R^ijurmR^iduranR^isha.nsaH kShamAvAn 
sa vai vipro netaraH pApakarmA .. 8..\\
shUdra.n vaishyaM rAjaputra.n cha rAja.Nl 
lokAH sarve saMshritA dharmakAmAH . 
tasmAdvarNA~njAtidharmeShu saktAn 
matvA viShNurnechchhati pANDuputra .. 9..\\
loke cheda.n sarvalokasya na syAch 
chAturvarNya.n vedavAdAshcha na syuH . 
sarvAshchejyAH sarvalokakriyAsh cha 
sadyaH sarve chAshramasthA na vai syuH .. 10..\\
yashcha trayANA.n varNAnAmichchhedAshramasevanam . 
kartumAshramadR^iShTAMshcha dharmA.nstA~nshR^iNu pANDava .. 11..\\
shushrUShA kR^itakR^ityasya kR^itasantAna karmaNaH . 
abhyanuGYApya rAjAna.n shUdrasya jagatIpate .. 12..\\
alpAntaragatasyApi dasha dharmagatasya vA . 
AshramA vihitAH sarve varjayitvA nirAshiSham .. 13..\\
bhaikSha charyAM na tuprAhustasya taddharmachAriNaH . 
tathA vaishyasya rAjendra rAjaputrasya chaiSha hi .. 14..\\
kR^itakR^ityo vayo.atIto rAGYo kR^itaparishramaH . 
vaishyo gachchhedanuGYAtI nR^ipeNAshramamaNDalam .. 15..\\
vedAnadhItya dharmeNa rAjashAstrANi chAnagha . 
santAnAdIni karmANi kR^itvA somaM niShevya cha .. 16..\\
pAlayitvA prajAH sarvA dharmeNa vadatA.n vara . 
rAjasUyAshvamedhAdInmakhAnanyA.nstathaiva cha .. 17..\\
samAnIya yathA pATha.n viprebhyo dattadakShiNaH . 
sa~NgrAme vijayaM prApya tathAlpa.n yadi vA bahu .. 18..\\
sthApayitvA prajA pAlaM putra.n rAjye cha pANDava . 
anyagotraM prashasta.n vA kShatriya.n kShatriyarShabha .. 19..\\
archayitvA pitR^InsamyakpitR^iyaGYairyathAvidhi . 
devAnyaGYairR^iShInvedairarchitvA chaiva yatnataH .. 20..\\
antakAle cha samprApte ya ichchhedAshramAntaram . 
AnupUrvyAshramAnrAjangatvA siddhimavApnuyAt .. 21..\\
rAjarShitvena rAjendra bhaikSha charyAdhva sevayA . 
apetagR^ihadharmo.api charejjIvitakAmyayA .. 22..\\
na chaitannaiShThika.n karma trayANAM bharatarShabha . 
chaturNA.n rAjashArdUla prAhurAshramavAsinAm .. 23..\\
bahvAyatta.n kShatriyairmAnavAnAM 
lokashreShTha.n dharmamAsevamAnaiH . 
sarve dharmAH sopadharmAstrayANAM 
rAGYo dharmAditi vedAchchhR^iNomi .. 24..\\
yathA rAjanhastipade padAni 
sa.nlIyante sarvasattvodbhavAni . 
eva.n dharmAnrAjadharmeShu sarvAn 
sarvAvastha.n sampralInAnnibodha .. 25..\\
alpAshrayAnalpaphalAnvadanti 
dharmAnanyAndharmavido manuShyAH . 
mahAshrayaM bahukalyANa rUpaM 
kShAtra.n dharmaM netaraM prAhurAryAH .. 26..\\
sarve dharmA rAjadharmapradhAnAH 
sarve dharmAH pAlyamAnA bhavanti . 
sarvatyAgo rAjadharmeShu rAja.ns 
tyAge chAhurdharmamagryaM purANam .. 27..\\
majjettrayI daNDanItau hatAyAM 
sarve dharmA na bhaveyurviruddhAH . 
sarve dharmAshchAshramANA.n gatAH syuH 
kShAtre tyakte rAjadharme purANe .. 28..\\
sarve tyAgA rAjadharmeShu dR^iShTAH 
sarvA dIkShA rAjadharmeShu choktAH . 
sarve yogA rAjadharmeShu choktAH 
sarve lokA rAjadharmAnpraviShTAH .. 29..\\
yathA jIvAH prakR^itau vadhyamAnA 
dharmAshritAnAmupapIDanAya . 
eva.n dharmA rAjadharmairviyuktAH 
sarvAvasthaM nAdriyante svadharmam .. 30..\\
\medskip\hrule\medskip\centerline{\Largedvng 64}
chAturAshramya dharmAshcha jAtidharmAshcha pANDava . 
lokapAlottarAshchaiva kShAtre dharme vyavasthitAH .. 1..\\
sarvANyetAni dharmANi kShAtre bharatasattama . 
nirAshiSho jIvaloke kShAtre dharme vyavasthitAH .. 2..\\
apratyakShaM bahu dvAra.n dharmamAshramavAsinAm . 
prarUpayanti tadbhAvamAgamaireva shAshvatam .. 3..\\
apare vachanaiH puNyairvAdino lokanishchayam . 
anishchaya GYA dharmANAmadR^iShTAnte pare ratAH .. 4..\\
pratyakShasukhabhUyiShThamAtmasAkShikamachchhalam . 
sarvalokahita.n dharmaM kShatriyeShu pratiShThitam .. 5..\\
dharmAshramavyavasinAM brAhmaNAnA.n yudhiShThira . 
yathA trayANA.n varNAnAM sa~NkhyAtopashrutiH purA . 
rAjadharmeShvanupamA lokyA sucharitairiha .. 6..\\
udAhR^ita.n te rAjendra yathA viShNuM mahaujasam . 
sarvabhUteshvara.n devaM prabhuM nArAyaNaM purA . 
jagmuH subahavaH shUrA rAjAno daNDanItaye .. 7..\\
ekaikamAtmanaH karma tulayitvAshrame purA . 
rAjAnaH paryupAtiShThandR^iShTAnta vachane sthitAH .. 8..\\
sAdhyA devA vasavashchAshvinau cha 
rudrAshcha vishve marutA.n gaNAsh cha . 
sR^iShTAH purA Adidevena devA 
kShAtre dharme vartayante cha siddhAH .. 9..\\
atra te vartayiShyAmi dharmamarthavinishchayam . 
nirmaryAde vartamAne dAnavaikAyane kR^ite . 
babhUva rAjA rAjendra mAndhAtA nAma vIryavAn .. 10..\\
purA vasu matI pAlo yaGYa.n chakre didR^ikShayA . 
anAdimadhyanidhana.n devaM nArAyaNaM prati .. 11..\\
sa rAjA rAjashArdUla mAndhAtA parameShThinaH . 
jagrAha shirasA pAdau yaGYe viShNormahAtmanaH .. 12..\\
darshayAmAsa ta.n viShNU rUpamAsthAya vAsavam . 
sa pArthivairvR^itaH sadbhirarchayAmAsa taM prabhum .. 13..\\
tasya pArthiva sa~Nghasya tasya chaiva mahAtmanaH . 
sa.nvAdo.ayaM mahAnAsIdviShNuM prati mahAdyute .. 14..\\
kimiShyate dharmabhR^itA.n variShTha 
yaddraShTukAmo.asi tamaprameyam . 
ananta mAyAmita sattvavIryaM 
nArAyaNa.n hyAdidevaM purANam .. 15..\\
nAsau devo vishvarUpo mayApi 
shakyo draShTuM brahmaNA vApi sAkShAt . 
ye.anye kAmAstava rAjanhR^idi sthA 
dAsyAmi tA.nstva.n hi martyeShu rAjA .. 16..\\
satye sthito dharmaparo jitendriyaH 
shUro dR^iDhaM prItirataH surANAm . 
buddhyA bhaktyA chottamashraddhayA cha 
tataste.aha.n dadmi vara.n yatheShTam .. 17..\\
asaMshayaM bhagavannAdidevaM 
drakShyAmyaha.n shirasAhaM prasAdya . 
tyaktvA bhogAndharmakAmo hyaraNyam 
ichchhe gantu.n satpathaM lokajuShTam .. 18..\\
kShAtrAddharmAdvipulAdaprameyAl 
lokAH prAptAH sthApita.n svaM yashash cha . 
dharmo yo.asAvAdidevAtpravR^itto 
lokajyeShThastaM na jAnAmi kartum .. 19..\\
asainiko.adharmaparashcharethAH 
parA.n gati.n lapsyase chApramattaH . 
kShAtro dharmo hyAdidevAtpravR^ittaH 
pashchAdanye sheShabhUtAshcha dharmAH .. 20..\\
sheShAH sR^iShTA hyantavanto hyanantAH 
suprasthAnAH kShatradharmAvishiShTAH . 
asmindharme sarvadharmAH praviShTAs 
tasmAddharma.n shreShThamimaM vadanti .. 21..\\
karmaNA vai purA devA R^iShayashchAmitaujasaH . 
trAtAH sarve pramathyArInkShatradharmeNa viShNunA .. 22..\\
yadi hyasau bhagavAnnAnahiShyad 
ripUnsarvAnvasu mAnaprameyaH . 
na brAhmaNA na cha lokAdi kartA 
na saddharmA nAdi dharmA bhaveyuH .. 23..\\
imAmurvIM na jayedvikrameNa 
deva shreShTho.asau purA chedameyaH . 
chAturvarNya.n chAturAshramya dharmAH 
sarve na syurbrahmaNo vai vinAshAt .. 24..\\
dR^iShTA dharmAH shatadhA shAshvatena 
kShAtreNa dharmeNa punaH pravR^ittAH . 
yuge yuge hyAdi dharmAH pravR^ittA 
lokajyeShTha.n kShatradharma.n vadanti .. 25..\\
AtmatyAgaH sarvabhUtAnukampA 
lokaGYAnaM mokShaNaM pAlana.n cha . 
viShaNNAnAM mokShaNaM pIDitAnAM 
kShAtre dharme vidyate pArthivAnAm .. 26..\\
nirmaryAdAH kAmamanyupravR^ittA 
bhItA rAGYo nAdhigachchhanti pApam . 
shiShTAshchAnye sarvadharmopapannAH 
sAdhvAchArAH sAdhu dharma.n charanti .. 27..\\
putra vatparipAlyAni li~NgadharmeNa pArthivaiH . 
loke bhUtAni sarvANi vicharanti na saMshayaH .. 28..\\
sarvadharmapara.n kShatra.n lokajyeShThaM sanAtanam . 
shashvadakSharaparyantamakShara.n sarvato mukham .. 29..\\
\medskip\hrule\medskip\centerline{\Largedvng 65}
eva.n vIryaH sarvadharmopapannaH 
kShAtraH shreShThaH sarvadharmeShu dharmaH . 
pAlyo yuShmAbhirlokasi.nhairudArair 
viparyaye syAdabhAvaH prajAnAm .. 1..\\
bhuvaH sa.nskAra.n rAjasa.nskArayogam 
abhaikSha charyAM pAlana.n cha prajAnAm . 
vidyAdrAjA sarvabhUtAnukampAM 
dehatyAga.n chAhave dharmamagryam .. 2..\\
tyAga.n shreShThaM munayo vai vadanti 
sarvashreShTho yaH sharIra.n tyajeta . 
nitya.n tyakta.n rAjadharmeShu sarvaM 
pratyakSha.n te bhUmipAlAH sadaite .. 3..\\
bahushrutyA gurushushrUShayA vA 
parasya vA sa.nhananAdvadanti . 
nitya.n dharmaM kShatriyo brahmachArI 
charedeko hyAshrama.n dharmakAmaH .. 4..\\
sAmAnyArthe vyavahAre pravR^itte 
priyApriye varjayanneva yatnAt . 
chAturvarNyasthApanAtpAlanAchcha 
taistairyogairniyamairaurasaish cha .. 5..\\
sarvodyogairAshrama.n dharmamAhuH 
kShAtra.n jyeShTha.n sarvadharmopapannam . 
sva.n sva.n dharmaM ye na charanti varNAs 
tA.nstAndharmAnayathA vadvadanti .. 6..\\
nirmaryAde nityamarthe vinaShTAn 
AhustAnvai pashubhUtAnmanuShyAn . 
yathA nIti.n gamayatyarthalobhAch 
chhreyA.nstasmAdAshramaH kShatradharmaH .. 7..\\
traividyAnA.n yA gatirbrAhmaNAnAM 
yashchaivokto.athAshramo brAhmaNAnAm . 
etatkarma brAhmaNasyAhuragryam 
anyatkurva~nshUdra vachchhastra vadhyaH .. 8..\\
chAturAshramya dharmAshcha veda dharmAshcha pArthiva . 
brAhmaNenAnugantavyA nAnyo vidyAtkatha.n chana .. 9..\\
anyathA vartamAnasya na sA vR^ittiH prakalpyate . 
karmaNA vyajyate dharmo yathaiva shvA tathaiva saH .. 10..\\
yo vikarma sthito vipro na sa sanmAnamarhati . 
karmasvanupayu~njAnamavishvAsya.n hi taM viduH .. 11..\\
ete dharmAH sarvavarNAshcha vIrair 
utkraShTavyAH kShatriyaireSha dharmaH . 
tasmAjjyeShThA rAjadharmA na chAnye 
vIryajyeShThA vIradharmA matA ye .. 12..\\
yavanAH kirAtA gAndhArAshchInAH shabara barbarAH . 
shakAstuShArAH kahvAshcha pahlavAshchAndhra madrakAH .. 13..\\
oDrAH pulindA ramaThAH kAchA mlechchhAshcha sarvashaH . 
brahmakShatraprasUtAshcha vaishyAH shUdrAshcha mAnavAH .. 14..\\
katha.n dharmaM chareyuste sarve viShayavAsinaH . 
madvidhaishcha katha.n sthApyAH sarve te dasyu jIvinaH .. 15..\\
etadichchhAmyaha.n shrotuM bhagava.nstadbravIhi me . 
tvaM bandhubhUto hyasmAka.n kShatriyANA.n sureshvara .. 16..\\
mAtApitryorhi kartavyA shushrUShA sarvadasyubhiH . 
AchArya gurushushrUShA tathaivAshramavAsinAm .. 17..\\
bhUmipAlAnA.n cha shushrUShA kartavyA sarvadasyubhiH . 
veda dharmakriyAshchaiva teShA.n dharmo vidhIyate .. 18..\\
pitR^iyaGYAstathA kUpAH prapAshcha shayanAni cha . 
dAnAni cha yathAkAla.n dvijeShu dadyureva te .. 19..\\
ahi.nsA satyamakrodho vR^itti dAyAnupAlanam . 
bharaNaM putradArANA.n shauchamadroha eva cha .. 20..\\
dakShiNA sarvayaGYAnA.n dAtavyA bhUtimichchhatA . 
pAkayaGYA mahArhAshcha kartavyAH sarvadasyubhiH .. 21..\\
etAnyevaM prakArANi vihitAni purAnagha . 
sarvalokasya karmANi kartavyAnIha pArthiva .. 22..\\
dR^ishyante mAnavA loke sarvavarNeShu dasyavaH . 
li~NgAntare vartamAnA AshrameShu chaturShvapi .. 23..\\
vinaShTAyA.n daNDanItau rAjadharme nirAkR^ite . 
sampramuhyanti bhUtAni rAjadaurAtmyato nR^ipa .. 24..\\
asa~NkhyAtA bhaviShyanti bhikShavo li~NginastathA . 
AshramANA.n vikalpAshcha nivR^itte.asminkR^ite yuge .. 25..\\
ashR^iNvAnAH purANAnA.n dharmANAM pravarA gatIH . 
utpathaM pratipatsyante kAmamanyusamIritAH .. 26..\\
yadA nivartyate pApo daNDanItyA mahAtmabhiH . 
tadA dharmo na chalate sadbhUtaH shAshvataH paraH .. 27..\\
paralokaguru.n chaiva rAjAna.n yo.avamanyate . 
na tasya dattaM na hutaM na shrAddhaM phalati kva chit .. 28..\\
mAnuShANAmadhipati.n devabhUta.n sanAtanam . 
devAshcha bahu manyante dharmakAmaM nareshvaram .. 29..\\
prajApatirhi bhagavAnyaH sarvamasR^ijajjagat . 
sa pravR^itti nivR^ittyartha.n dharmANAM kShatramichchhati .. 30..\\
pravR^ittasya hi dharmasya buddhyA yaH smarate gatim . 
sa me mAnyashcha pUjyashcha tatra kShatraM pratiShThitam .. 31..\\
evamuktvA sa bhagavAnmarudgaNavR^itaH prabhuH . 
jagAma bhavana.n viShNurakSharaM paramaM padam .. 32..\\
evaM pravartite dharme purA sucharite.anagha . 
kaH kShatramavamanyeta chetanA vAnbahushrutaH .. 33..\\
anyAyena pravR^ittAni nivR^ittAni tathaiva cha . 
antarA vilaya.n yAnti yathA pathi vichakShuShaH .. 34..\\
Adau pravartite chakre tathaivAdi parAyaNe . 
vartasva puruShavyAghra sa.nvijAnAmi te.anagha .. 35..\\
\medskip\hrule\medskip\centerline{\Largedvng 66}
shrutA me kathitAH pUrvaishchatvAro mAnavAshramAH . 
vyAkhyAnameShAmAchakShva pR^ichchhato me pitA maha .. 1..\\
viditAH sarva eveha dharmAstava yudhiShThira . 
yathA mama mahAbAho viditAH sAdhu saMmatAH .. 2..\\
yattu li~NgAntara gataM pR^ichchhase mA.n yudhiShThira . 
dharma.n dharmabhR^itA.n shreShTha tannibodha narAdhipa .. 3..\\
sarvANyetAni kaunteya vidyante manujarShabha . 
sAdhvAchAra pravR^ittAnA.n chAturAshramya karmaNAm .. 4..\\
akAma dveShayuktasya daNDanItyA yudhiShThira . 
samekShiNashcha bhUteShu bhaikShAshramapadaM bhavet .. 5..\\
vettyAdAna visarga.n yo nigrahAnugrahau tathA . 
yathoktavR^ittervIrasya kShemAshramapadaM bhavet .. 6..\\
GYAtisambandhimitrANi vyApannAni yudhiShThira . 
samabhyuddharamANasya dIkShAshramapadaM bhavet .. 7..\\
AhnikaM bhUtayaGYAMshcha pitR^iyaGYAMshcha mAnuShAn . 
kurvataH pArtha vipulAnvanyAshramapadaM bhavet .. 8..\\
pAlanAtsarvabhUtAnA.n svarAShTra paripAlanAt . 
dIkShA bahuvidhA rAGYo vanyAshramapadaM bhavet .. 9..\\
vedAdhyayananityatva.n kShamAthAchArya pUjanam . 
tathopAdhyAya shushrUShA brahmAshramapadaM bhavet .. 10..\\
ajihmamashaThaM mArga.n sevamAnasya bhArata . 
sarvadA sarvabhUteShu brahmAshramapadaM bhavet .. 11..\\
vAna prastheShu vipreShu traividyeShu cha bhArata . 
prayachchhato.arthAnvipulAnvanyAshramapadaM bhavet .. 12..\\
sarvabhUteShvanukrosha.n kurvatastasya bhArata . 
AnR^isha.nsya pravR^ittasya sarvAvasthaM padaM bhavet .. 13..\\
bAlavR^iddheShu kauravya sarvAvastha.n yudhiShThira . 
anukrosha.n vidadhataH sarvAvasthaM padaM bhavet .. 14..\\
balAtkR^iteShu bhUteShu paritrANa.n kurUdvaha . 
sharaNAgateShu kauravya kurvangArhasthyamAvaset .. 15..\\
charAcharANAM bhUtAnA.n rakShAmapi cha sarvashaH . 
yathArha pUjA.n cha sadA kurvangArhasthyamAvaset .. 16..\\
jyeShThAnujyeShTha patnInAM bhrAtR^INAM putra naptR^iNAm . 
nigrahAnugrahau pArtha gArhasthyamiti tattapaH .. 17..\\
sAdhUnAmarchanIyAnAM prajAsu viditAtmanAm . 
pAlanaM puruShavyAghra gR^ihAshramapadaM bhavet .. 18..\\
AshramasthAni sarvANi yastu veshmani bhArata . 
AdadIteha bhojyena tadgArhasthya.n yudhiShThira .. 19..\\
yaH sthitaH puruSho dharme dhAtrA sR^iShTe yathArthavat . 
AshramANA.n sa sarveShAM phalaM prApnotyanuttamam .. 20..\\
yasminna nashyanti guNAH kaunteya puruShe sadA . 
Ashramastha.n tamapyAhurnarashreShTha.n yudhiShThira .. 21..\\
sthAnamAna.n vayo mAna.n kulamAnaM tathaiva cha . 
kurvanvasati sarveShu hyAshrameShu yudhiShThira .. 22..\\
deshadharmAMshcha kaunteya kuladharmA.nstathaiva cha . 
pAlayanpuruShavyAghra rAjA sarvAshramI bhavet .. 23..\\
kAle vibhUtiM bhUtAnAmupahArA.nstathaiva cha . 
arhayanpuruShavyAghra sAdhUnAmAshrame vaset .. 24..\\
dasha dharmagatashchApi yo dharmaM pratyavekShate . 
sarvalokasya kaunteya rAjA bhavati so.a.ashramI .. 25..\\
ye dharmakushalA loke dharma.n kurvanti sAdhavaH . 
pAlitA yasya viShaye pAdo.aMshastasya bhUpateH .. 26..\\
dharmArAmAndharmaparAnye na rakShanti mAnavAn . 
pArthivAH puruShavyAghra teShAM pApa.n haranti te .. 27..\\
ye cha rakShA sahAyAH syuH pArthivAnA.n yudhiShThira . 
te chaivAMsha harAH sarve dharme parakR^ite.anagha .. 28..\\
sarvAshramapade hyAhurgArhasthya.n dIptanirNayam . 
pAvanaM puruShavyAghra ya.n vayaM paryupAsmahe .. 29..\\
Atmopamastu bhUteShu yo vai bhavati mAnavaH . 
nyastadaNDo jitakrodhaH sa pretya labhate sukham .. 30..\\
dharmotthitA sattvavIryA dharmasetu vaTAkarA . 
tyAgavAtAdhva gA shIghrA naustvA santArayiShyati .. 31..\\
yadA nivR^ittaH sarvasmAtkAmo yo.asya hR^idi sthitaH . 
tadA bhavati sattvasthastato brahma samashnute .. 32..\\
suprasannastu bhAvena yogena cha narAdhipa . 
dharmaM puruShashArdUla prApsyase pAlane rataH .. 33..\\
vedAdhyayanashIlAnA.n viprANAM sAdhu karmaNAm . 
pAlane yatnamAtiShTha sarvalokasya chAnagha .. 34..\\
vanecharati yo dharmamAshrameShu cha bhArata . 
rakShayA tachchhataguNa.n dharmaM prApnoti pArthivaH .. 35..\\
eSha te vividho dharmaH pANDavashreShTha kIrtitaH . 
anutiShTha tvamena.n vai pUrvairdR^iShTaM sanAtanam .. 36..\\
chAturAshramyamekAgraH chAturvarNya.n cha pANDava . 
dharmaM puruShashArdUla prApsyase pAlane rataH .. 37..\\
\medskip\hrule\medskip\centerline{\Largedvng 67}
chAturAshramya ukto.atra chAturvarNyastathaiva cha . 
rAShTrasya yatkR^itya tama.n tanme brUhi pitA maha .. 1..\\
rAShTrasyaitatkR^ityatama.n rAGYa evAbhiShechanam . 
anindramabala.n rAShTra.n dasyavo.abhibhavanti cha .. 2..\\
arAjakeShu rAShTreShu dharmo na vyavatiShThate . 
paraspara.n cha khAdanti sarvathA dhigarAjakam .. 3..\\
indramenaM pravR^iNute yadrAjAnamitiH shrutiH . 
yathaivendrastathA rAjA sampUjyo bhUtimichchhatA .. 4..\\
nArAjakeShu rAShTreShu vastavyamiti vaidikam . 
nArAjakeShu rAShTreShu havyamagnirvahatyapi .. 5..\\
atha chedabhivarteta rAjyArthI balavattaraH . 
arAjakAni rAShTrANi hatarAjAni vA punaH .. 6..\\
pratyudgamyAbhipUjyaH syAdetadatra sumantritam . 
na hi pApAtpApataramasti ki.n chidarAjakAt .. 7..\\
sa chetsamanupashyeta samagra.n kushalaM bhavet . 
balavAnhi prakupitaH kuryAnniHsheShatAm api .. 8..\\
bhUyA.nsa.n labhate kleshaM yA gaurbhavati durduhA . 
suduhA yA tu bhavati naiva tA.n kleshayantyuta .. 9..\\
yadataptaM praNamati na tatsantApayantyuta . 
yachcha svayaM nata.n dAru na tatsaMnAmayantyapi .. 10..\\
etayopamayA dhIraH saMnameta balIyase . 
indrAya sa praNamate namate yo balIyase .. 11..\\
tasmAdrAjaiva kartavyaH satataM bhUtimichchhatA . 
na dhanArtho na dArArthasteShA.n yeShAmarAjakam .. 12..\\
prIyate hi haranpApaH paravittamarAjake . 
yadAsya uddharantyanye tadA rAjAnamichchhati .. 13..\\
pApA api tadA kShemaM na labhante kadA chana . 
ekasya hi dvau harato dvayosh cha bahavo.apare .. 14..\\
adAsaH kriyate dAso hriyante cha balAtstriyaH . 
etasmAtkAraNAddevAH prajA pAlAnprachakrire .. 15..\\
rAjA chenna bhave loke pR^ithivyA.n daNDadhArakaH . 
shUle matsyAnivApakShyandurbalAnbalavattarAH .. 16..\\
arAjakAH prajAH pUrva.n vineshuriti naH shrutam . 
parasparaM bhakShayanto matsyA iva jale kR^ishAn .. 17..\\
tAH sametya tatashchakruH samayAniti naH shrutam . 
vAkkrUro daNDapuruSho yashcha syAtpAradArikaH . 
yashcha na svamathAdadyAttyAjyA nastAdR^ishA iti .. 18..\\
vishvAsanArtha.n varNAnAM sarveShAmavisheShataH . 
tAstathA samaya.n kR^itvA samaye nAvatasthire .. 19..\\
sahitAstAstadA jagmurasukhArtAH pitA maham . 
anIshvarA vinashyAmo bhagavannIshvara.n disha .. 20..\\
yaM pUjayema sambhUya yashcha naH paripAlayet . 
tAbhyo manu.n vyAdidesha manurnAbhinananda tAH .. 21..\\
bibhemi karmaNaH krUrAdrAjya.n hi bhR^ishaduShkaram . 
visheShato manuShyeShu mithyAvR^ittiShu nityadA .. 22..\\
tamabruvanprajA mA bhaiH karmaNaino gamiShyati . 
pashUnAmadhipa~nchA shaddhiraNyasya tathaiva cha . 
dhAnyasya dashamaM bhAga.n dAsyAmaH koshavardhanam .. 23..\\
mukhyena shastrapatreNa ye manuShyAH pradhAnataH . 
bhavanta.n te.anuyAsyanti mahendramiva devatAH .. 24..\\
sa tva.n jAtabalo rAjanduShpradharShaH pratApa vAn . 
sukhe dhAsyasi naH sarvAnkubera iva nairR^itAn .. 25..\\
ya.n cha dharmaM chariShyanti prajA rAGYA surakShitAH . 
chaturtha.n tasya dharmasya tvatsa.nsthaM no bhaviShyati .. 26..\\
tena dharmeNa mahatA sukhalabdhena bhAvitaH . 
pAhyasmAnsarvato rAjandevAniva shatakratuH .. 27..\\
vijayAyAshu niryAhi pratapanrashmimAniva . 
mAna.n vidhama shatrUNA.n dharmo jayatu naH sadA .. 28..\\
sa niryayau mahAtejA balena mahatA vR^itaH . 
mahAbhijana sampannastejasA prajvalanniva .. 29..\\
tasya tAM mahimA.n dR^iShTvA mahendrasyeva devatAH . 
apatatrasire sarve svadharme cha dadhurmanaH .. 30..\\
tato mahIM pariyayau parjanya iva vR^iShTimAn . 
shamayansarvataH pApAnsvakarmasu cha yojayan .. 31..\\
eva.n ye bhUtimichchheyuH pR^ithivyAM mAnavAH kva chit . 
kuryU rAjAnamevAgre prajAnugraha kAraNAt .. 32..\\
namasyeyushcha taM bhaktyA shiShyA iva guru.n sadA . 
devA iva sahasrAkShaM prajA rAjAnamantike .. 33..\\
satkR^ita.n svajaneneha paro.api bahu manyate . 
svajanena tvavaGYAtaM pare paribhavantyuta .. 34..\\
rAGYaH paraiH paribhavaH sarveShAmasukhAvahaH . 
tasmAchchhatra.n cha patraM cha vAsA.nsyAbharaNAni cha .. 35..\\
bhojanAnyatha pAnAni rAGYe dadyurgR^ihANi cha . 
AsanAni cha shayyAshcha sarvopakaraNAni cha .. 36..\\
guptAtmA syAddurAdharShaH smitapUrvAbhibhAShitA . 
AbhAShitashcha madhuraM pratibhASheta mAnavAn .. 37..\\
kR^itaGYo dR^iDhabhaktiH syAtsa.nvibhAgI jitendriyaH . 
IkShitaH prativIkSheta mR^idu charju cha valgu cha .. 38..\\
\medskip\hrule\medskip\centerline{\Largedvng 68}
kimAhurdaivata.n viprA rAjAnaM bharatarShabha . 
manuShyANAmadhipati.n tanme brUhi pitA maha .. 1..\\
atrApyudAharantImamitihAsaM purAtanam . 
bR^ihaspati.n vasu manA yathA paprachchha bhArata .. 2..\\
rAjA vasu manA nAma kausalyo dhImatA.n varaH . 
maharShiM paripaprachchha kR^itapraGYo bR^ihaspatim .. 3..\\
sarva.n vainayika.n kR^itvA vinayaGYo bR^ihaspateH . 
dakShiNAnantaro bhUtvA praNamya vidhipUrvakam .. 4..\\
vidhiM paprachchha rAjyasya sarvabhUtahite rataH . 
prajAnA.n hitamanvichchhandharmamUlaM vishAM pate .. 5..\\
kena bhUtAni vardhante kShaya.n gachchhanti kena cha . 
kamarchanto mahAprAGYa sukhamatyantamApnuyuH .. 6..\\
iti pR^iShTo mahArAGYA kausalyenAmitaujasA . 
rAjasatkAramavyagraH shasha.nsAsmai bR^ihaspatiH .. 7..\\
rAjamUlo mahArAja dharmo lokasya lakShyate . 
prajA rAjabhayAdeva na khAdanti parasparam .. 8..\\
rAjA hyevAkhila.n lokaM samudIrNaM samutsukam . 
prasAdayati dharmeNa prasAdya cha virAjate .. 9..\\
yathA hyanudaye rAjanbhUtAni shashisUryayoH . 
andhe tamasi majjeyurapashyantaH parasparam .. 10..\\
yathA hyanudake matsyA nirAkrande viha~NgamAH . 
vihareyuryathAkAmamabhisR^itya punaH punaH .. 11..\\
vimathyAtikrameraMshcha viShahyApi parasparam . 
abhAvamachireNaiva gachchheyurnAtra saMshayaH .. 12..\\
evameva vinA rAGYA vinashyeyurimAH prajAH . 
andhe tamasi majjeyuragopAH pashavo yathA .. 13..\\
hareyurbalavanto hi durbalAnAM parigrahAn . 
hanyurvyAyachchhamAnAMshcha yadi rAjA na pAlayet .. 14..\\
yAna.n vastramala.n kArAnratnAni vividhAni cha . 
hareyuH sahasA pApA yadi rAjA na pAlayet .. 15..\\
mamedamiti loke.asminna bhavetsamparigrahaH . 
vishvalopaH pravarteta yadi rAjA na pAlayet .. 16..\\
mAtaraM pitara.n vR^iddhamAchAryamatithi.n gurum . 
klishnIyurapi hi.nsyurvA yadi rAjA na pAlayet .. 17..\\
patedbahuvidha.n shastraM bahudhA dharmachAriShu . 
adharmaH pragR^ihItaH syAdyadi rAjA na pAlayet .. 18..\\
vadhabandhapariklesho nityamarthavatAM bhavet . 
mamatva.n cha na vindeyuryadi rAjA na pAlayet .. 19..\\
antashchAkAshameva syAlloko.aya.n dasyu sAdbhavet . 
patechcha naraka.n ghora.n yadi rAjA na pAlayet .. 20..\\
na yonipoSho varteta na kR^iShirna vaNikpathaH . 
majjeddharmastrayI na syAdyadi rAjA na pAlayet .. 21..\\
na yaGYAH sampravarteranvidhivatsvAptadakShiNAH . 
na vivAhAH samAjA vA yadi rAjA na pAlayet .. 22..\\
na vR^iShAH sampravarteranna mathyeraMshcha gargarAH . 
ghoShAH praNAsha.n gachchheyuryadi rAjA na pAlayet .. 23..\\
trastamudvignahR^idaya.n hAhAbhUtamachetanam . 
kShaNena vinashetsarva.n yadi rAjA na pAlayet .. 24..\\
na sa.nvatsarasatrANi tiShTheyurakutobhayAH . 
vidhivaddakShiNA vanti yadi rAjA na pAlayet .. 25..\\
brAhmaNAshchaturo vedAnnAdhIyera.nstapasvinaH . 
vidyA snAtAstapaH snAtA yadi rAjA na pAlayet .. 26..\\
hasto hasta.n sa muShNIyAdbhidyeransarvasetavaH . 
bhayArta.n vidravetsarvaM yadi rAjA na pAlayet .. 27..\\
na labheddharmasaMshleSha.n hataviprahato janaH . 
kartA svechchhendriyo gachchhedyadi rAjA na pAlayet .. 28..\\
anayAH sampravarteranbhavedvai varNasa~NkaraH . 
durbhikShamAvishedrAShTra.n yadi rAjA na pAlayet .. 29..\\
vivR^itya hi yathAkAma.n gR^ihadvArANi sherate . 
manuShyA rakShitA rAGYA samantAdakutobhayAH .. 30..\\
nAkruShTa.n sahate kashchitkuto hastasya la~Nghanam . 
yadi rAjA manuShyeShu trAtA bhavati dhArmikaH .. 31..\\
striyashchApuruShA mArga.n sarvAla.n kArabhUShitAH . 
nirbhayAH pratipadyante yadA rakShati bhUmipaH .. 32..\\
dharmameva prapadyante na hi.nsanti parasparam . 
anugR^ihNanti chAnyonya.n yadA rakShati bhUmipaH .. 33..\\
yajante cha trayo varNA mahAyaGYaiH pR^ithagvidhaiH . 
yuktAshchAdhIyate shAstra.n yadA rakShati bhUmipaH .. 34..\\
vArtA mUlo hyaya.n lokastrayyA vai dhAryate sadA . 
tatsarva.n vartate samyagyadA rakShati bhUmipaH .. 35..\\
yadA rAjA dhura.n shreShThAmAdAya vahati prajAH . 
mahatA balayogena tadA lokaH prasIdati .. 36..\\
yasyAbhAve cha bhUtAnAmabhAvaH syAtsamantataH . 
bhAve cha bhAvo nityaH syAtkastaM na pratipUjayet .. 37..\\
tasya yo vahate bhAra.n sarvalokasukhAvaham . 
tiShThetpriyahite rAGYa ubhau lokau hi yo jayet .. 38..\\
yastasya puruShaH pApaM manasApyanuchintayet . 
asaMshayamiha kliShTaH pretyApi narakaM patet .. 39..\\
na hi jAtvavamantavyo manuShya iti bhUmipaH . 
mahatI devatA hyeShA nararUpeNa tiShThati .. 40..\\
kurute pa~ncharUpANi kAlayuktAni yaH sadA . 
bhavatyagnistathAdityo mR^ityurvaishravaNo yamaH .. 41..\\
yadA hyAsIdataH pApAndahatyugreNa tejasA . 
mithyopacharito rAjA tadA bhavati pAvakaH .. 42..\\
yadA pashyati chAreNa sarvabhUtAni bhUmipaH . 
kShema.n cha kR^itvA vrajati tadA bhavati bhAskaraH .. 43..\\
ashuchIMshcha yadA kruddhaH kShiNoti shatasho narAn . 
saputrapautrAnsAmAtyA.nstadA bhavati so.antakaH .. 44..\\
yadA tvadhArmikAnsarvA.nstIkShNairdaNDairniyachchhati . 
dhArmikAMshchAnugR^ihNAti bhavatyatha yamastadA .. 45..\\
yadA tu dhanadhArAbhistarpayatyupakAriNaH . 
Achchhinatti cha ratnAni vividhAnyapakAriNAm .. 46..\\
shriya.n dadAti kasmai chitkasmAchchidapakarShati . 
tadA vaishravaNo rAja.Nlloke bhavati bhUmipaH .. 47..\\
nAsyApavAde sthAtavya.n dakSheNAkliShTa karmaNA . 
dharmyamAkA~NkShatA lAbhamIshvarasyAnasUyatA .. 48..\\
na hi rAGYaH pratIpAni kurvansukhamavApnuyAt . 
putro bhrAtA vayasyo vA yadyapyAtmasamo bhavet .. 49..\\
kuryAtkR^iShNa gatiH sheSha.n jvalito.anilasArathiH . 
na tu rAGYAbhipannasya sheSha.n kva chana vidyate .. 50..\\
tasya sarvANi rakShyANi dUrataH parivarjayet . 
mR^ityoriva jugupseta rAjasvaharaNAnnaraH .. 51..\\
nashyedabhimR^ishansadyo mR^igaH kUTamiva spR^ishan . 
Atmasvamiva sa.nrakShedrAjasvamiha buddhimAn .. 52..\\
mahAntaM naraka.n ghoramapratiShThamachetasaH . 
patanti chiraratrAya rAjavittApahAriNaH .. 53..\\
rAjA bhojo virATsamrATkShatriyo bhUpatirnR^ipaH . 
ya eva.n stUyate shabdaiH kastaM nArchitumichchhati .. 54..\\
tasmAdbubhUShurniyato jitAtmA sa.nyatendriyaH . 
medhA vi smR^itimAndakShaH saMshrayeta mahIpatim .. 55..\\
kR^itaGYaM prAGYamakShudra.n dR^iDhabhaktiM jitendriyam . 
dharmanitya.n sthitaM sthityAM mantriNaM pUjayennR^ipaH .. 56..\\
dR^iTha bhakti.n kR^itapraGYaM dharmaGYa.n sa.nyatendriyam . 
shUramakShudra karmANaM niShiddha janamAshrayet .. 57..\\
rAjA pragalbhaM puruSha.n karoti 
rAjA kR^ishaM bR^i.nhayate manuShyam . 
rAjAbhipannasya kutaH sukhAni 
rAjAbhyupeta.n sukhina.n karoti .. 58..\\
rAjA prajAnA.n hR^idaya.n garIyo 
gatiH pratiShThA sukhamuttama.n cha . 
yamAshritA lokamimaM para.n cha 
jayanti samyakpuruShA narendram .. 59..\\
narAdhipashchApyanushiShya medinIM 
damena satyena cha sauhR^idena . 
mahadbhiriShTvA kratubhirmahAyashAs 
triviShTape sthAnamupaiti satkR^itam .. 60..\\
sa evamukto guruNA kausalyo rAjasattamaH . 
prayatnAtkR^itavAnvIraH prajAnAM paripAlanam .. 61..\\
\medskip\hrule\medskip\centerline{\Largedvng 69}
pArthivena visheSheNa ki.n kAryamavashiShyate . 
katha.n rakShyo janapadaH kathaM rakShyAshcha shatravaH .. 1..\\
katha.n chAraM prayu~njIta varNAnvishvAsayetkatham . 
kathaM bhR^ityAnkatha.n dArAnkathaM putrAMshcha bhArata .. 2..\\
rAjavR^ittaM mahArAja shR^iNuShvAvahito.akhilam . 
yatkAryaM pArthivenAdau pArthiva prakR^itena vA .. 3..\\
AtmA jeyaH sadA rAGYA tato jeyAshcha shatravaH . 
ajitAtmA narapatirvijayeta katha.n ripUn .. 4..\\
etAvAnAtmavijayaH pa~nchavarga vinigrahaH . 
jitendriyo narapatirbAdhitu.n shaknuyAdarIn .. 5..\\
nyaseta gulmAndurgeShu sandhau cha kurunandana . 
nagaropavane chaiva purodyAneShu chaiva ha .. 6..\\
sa.nsthAneShu cha sarveShu pureShu nagarasya cha . 
madhye cha narashArdUla tathA rAjaniveshane .. 7..\\
praNidhIMshcha tataH kuryAjjaDAndhabadhirAkR^itIn . 
pu.nsaH parIkShitAnprAGYAnkShutpipAsAtapa kShamAn .. 8..\\
amAtyeShu cha sarveShu mitreShu trividheShu cha . 
putreShu cha mahArAja praNidadhyAtsamAhitaH .. 9..\\
pure janapade chaiva tathA sAmantarAjasu . 
yathA na vidyuranyonyaM praNidheyAstathA hi te .. 10..\\
chArAMshcha vidyAtprahitAnpareNa bharatarShabha . 
ApaNeShu vihAreShu samavAyeShu bhikShuShu .. 11..\\
ArAmeShu tathodyAne paNDitAnA.n samAgame . 
vesheShu chatvare chaiva sabhAsvAvasatheShu cha .. 12..\\
eva.n vihanyAchchAreNa parachAraM vichakShaNaH . 
chAreNa vihata.n sarvaM hataM bhavati pANDava .. 13..\\
yadA tu hInaM nR^ipatirvidyAdAtmAnamAtmanA . 
amAtyaiH saha saMmantrya kuryAtsandhiM balIyasA .. 14..\\
aGYAyamAno hInatve kuryAtsandhiM pareNa vai . 
lipsurvA ka.n chidevArthaM tvaramANo vichakShaNaH .. 15..\\
guNavanto mahotsAhA dharmaGYAH sAdhavash cha ye . 
sandadhIta nR^ipastaishcha rAShTra.n dharmeNa pAlayan .. 16..\\
uchchhidyamAnamAtmAna.n GYAtvA rAjA mahAmatiH . 
pUrvApakAriNo hanyAllokadviShTAMshcha sarvashaH .. 17..\\
yo nopakartu.n shaknoti nApakartuM mahIpatiH . 
ashakyarUpashchoddhartumupekShyastAdR^isho bhavet .. 18..\\
yAtrA.n yAyAdaviGYAtamanAkrandamanantaram . 
vyAsakta.n cha pramattaM cha durbalaM cha vichakShaNaH .. 19..\\
yAtrAmAGYApayedvIraH kalya puShTabalI sukhI . 
pUrva.n kR^itvA vidhAnaM cha yAtrAyAM nagare tathA .. 20..\\
na cha vashyo bhavedasya nR^ipo yadyapi vIryavAn . 
hInashcha balavIryAbhyA.n karshaya.nstaM parAvaset .. 21..\\
rAShTra.n cha pIDayettasya shastrAgniviShamUrchhanaiH . 
amAtyavallabhAnA.n cha vivAdA.nstasya kArayet . 
varjanIya.n sadA yuddhaM rAjyakAmena dhImatA .. 22..\\
upAyaistribhirAdAnamarthasyAha bR^ihaspatiH . 
sAntvenAnupradAnena bhedena cha narAdhipa . 
yamartha.n shaknuyAtprAptu.n tena tuShyeddhi paNDitaH .. 23..\\
AdadIta bali.n chaiva prajAbhyaH kurunandana . 
ShaDbhAgamamitapraGYastAsAmevAbhiguptaye .. 24..\\
dasha dharmagatebhyo yadvasu bahvalpameva cha . 
tannAdadIta sahasA paurANA.n rakShaNAya vai .. 25..\\
yathA putrAstathA paurA draShTavyAste na saMshayaH . 
bhaktishchaiShAM prakartavyA vyavahAre pradarshite .. 26..\\
suta.n cha sthApayedrAjA rAGYa.n sarvArthadarshinam . 
vyavahAreShu satata.n tatra rAjya.n vyavasthitam .. 27..\\
Akare lavaNe shulke tare nAgavane tathA . 
nyasedamAtyAnnR^ipatiH svAptAnvA puruShAnhitAn .. 28..\\
samyagdaNDadharo nitya.n rAjA dharmamavApnuyAt . 
nR^ipasya satata.n daNDaH samyagdharme prashasyate .. 29..\\
vedavedA~NgavitprAGYaH sutapasvI nR^ipo bhavet . 
dAnashIlashcha satata.n yaGYashIlashcha bhArata .. 30..\\
ete guNAH samastAH syurnR^ipasya satata.n sthirAH . 
kriyA lope tu nR^ipateH kutaH svargaH kuto yashaH .. 31..\\
yadA tu pIDito rAjA bhavedrAGYA balIyasA . 
tridhA tvAkrandya mitrANi vidhAnamupakalpayet .. 32..\\
ghoShAnnyaseta mArgeShu grAmAnutthApayedapi . 
praveshayechcha tAnsarvA~nshAkhA nagarakeShvapi .. 33..\\
ye guptAshchaiva durgAshcha deshAsteShu praveshayet . 
dhanino balamukhyAMshcha sAntvayitvA punaH punaH .. 34..\\
sasyAbhihAra.n kuryAchcha svayameva narAdhipaH . 
asambhave praveshasya dAhayedagninA bhR^isham .. 35..\\
kShetrastheShu cha sasyeShu shatrorupajapennarAn . 
vinAshayedvA sarvasvaM balenAtha svakena vai .. 36..\\
nadIShu mArgeShu sadA sa~NkramAnavasAdayet . 
jalaM nisrAvayetsarvamanisrAvya.n cha dUShayet .. 37..\\
tadAtvenAyatIbhishcha vivadanbhUmyanantaram . 
pratIghAtaH parasyAjau mitra kAle.apyupasthite .. 38..\\
durgANA.n chAbhito rAjA mUlachhedaM prakArayet . 
sarveShA.n kShudravR^ikShANAM chaityavR^ikShAnvivarjayet .. 39..\\
pravR^iddhAnA.n cha vR^ikShANA.n shAkhAH prachchhedayettathA . 
chaityAnA.n sarvathA varjyamapi patrasya pAtanam .. 40..\\
prakaNThIH kArayetsamyagAkAshajananIstathA . 
ApUrayechcha parikhAH sthANunakra jhaShAkulAH .. 41..\\
kaDa~Nga dvArakANi syuruchchhvAsArthe purasya ha . 
teShA.n cha dvAravadguptiH kAryA sarvAtmanA bhavet .. 42..\\
dvAreShu cha gurUNyeva yantrANi sthApayetsadA . 
AropayechchhataghnIshcha svAdhInAni cha kArayet .. 43..\\
kAShThAni chAbhihAryANi tathA kUpAMshcha khAnayet . 
saMshodhayettathA kUpAnkR^itAnpUrvaM payo.arthibhiH .. 44..\\
tR^iNachhannAni veshmAni pa~NkenApi pralepayet . 
nirharechcha tR^iNaM mAse chaitre vahni bhayAtpuraH .. 45..\\
naktameva cha bhaktAni pAchayeta narAdhipaH . 
na divAgnirjvaledgehe varjayitvAgnihotrikam .. 46..\\
karmArAriShTa shAlAsu jvaledagniH samAhitaH . 
gR^ihANi cha pravishyAtha vidheyaH syAddhutAshanaH .. 47..\\
mahAdaNDashcha tasya syAdyasyAgnirvai divA bhavet . 
praghoShayedathaiva.n cha rakShaNArthaM purasya vai .. 48..\\
bhikShukAMshchAkrikAMshchaiva kShIbonmattAnkushIlavAn . 
bAhyAnkuryAnnarashreShTha doShAya syurhi te.anyathA .. 49..\\
chatvareShu cha tIrtheShu sabhAsvAvasatheShu cha . 
yathArha varNaM praNidhi.n kuryAtsarvatra pArthivaH .. 50..\\
vishAlAnrAjamArgAMshcha kArayeta narAdhipaH . 
prapAshcha vipaNIshchaiva yathoddesha.n samAdishet .. 51..\\
bhANDAgArAyudhAgArAndhAnyAgArAMshcha sarvashaH . 
ashvAgArAngajAgArAnbalAdhikaraNAni cha .. 52..\\
parikhAshchaiva kauravya pratolIH sa~NkaTAni cha . 
na jAtu kashchitpashyettu guhyametadyudhiShThira .. 53..\\
atha saMnichaya.n kuryAdrAjA parabalArditaH . 
tailaM madhu ghR^ita.n sasyamauShadhAni cha sarvashaH .. 54..\\
a~NgArakusha mu~njAnAM palAshasharaparNinAm . 
yavasendhana digdhAnA.n kArayeta cha sa~ncayAn .. 55..\\
AyudhAnA.n cha sarveShA.n shaktyR^iShTi prAsavarmaNAm . 
sa~ncayAnevamAdInA.n kArayeta narAdhipaH .. 56..\\
auShadhAni cha sarvANi mUlAni cha phalAni cha . 
chaturvidhAMshcha vaidyAnvai sa~NgR^ihNIyAdvisheShataH .. 57..\\
naTAshcha nartakAshchaiva mallA mAyA vinastathA . 
shobhayeyuH puravaraM modayeyushcha sarvashaH .. 58..\\
yataH sha~NkA bhavechchApi bhR^ityato vApi mantritaH . 
paurebhyo nR^ipatervApi svAdhInAnkArayeta tAn .. 59..\\
kR^ite karmaNi rAjendra pUjayeddhanasa~ncayaiH . 
mAnena cha yathArheNa sAntvena vividhena cha .. 60..\\
nirvedayitvA tu para.n hatvA vA kurunandana . 
gatAnR^iNyo bhavedrAjA yathAshAstreShu darshitam .. 61..\\
rAGYA saptaiva rakShyANi tAni chApi nibodha me . 
AtmAmAtyashcha koshashcha daNDo mitrANi chaiva hi .. 62..\\
tathA janapadashchaiva pura.n cha kurunandana . 
etatsaptAtmaka.n rAjyaM paripAlyaM prayatnataH .. 63..\\
ShADguNya.n cha trivargaM cha trivargamaparaM tathA . 
yo vetti puruShavyAghra sa bhunakti mahImimAm .. 64..\\
ShADguNyamiti yatprokta.n tannibodha yudhiShThira . 
sandhAyAsanamityeva yAtrA sandhAnameva cha .. 65..\\
vigR^ihyAsanamityeva yAtrA.n samparigR^ihya cha . 
dvaidhI bhAvastathAnyeShA.n saMshrayo.atha parasya cha .. 66..\\
trivargashchApi yaH proktastamihaikamanAH shR^iNu . 
kShayaH sthAna.n cha vR^iddhishcha trivargamaparaM tathA .. 67..\\
dharmashchArthashcha kAmashcha sevitavyo.atha kAlataH . 
dharmeNa hi mahIpAlashchiraM pAlayate mahIm .. 68..\\
asminnarthe cha yau shlokau gItAva~NgirasA svayam . 
yAdavI putra bhadra.n te shrotumarhasi tAvapi .. 69..\\
kR^itvA sarvANi kAryANi samyaksampAlya medinIm . 
pAlayitvA tathA paurAnparatra sukhamedhate .. 70..\\
ki.n tasya tapasA rAGYaH kiM cha tasyAdhvarairapi . 
apAlitAH prajA yasya sarvA dharmavinAkR^itAH .. 71..\\
\medskip\hrule\medskip\centerline{\Largedvng 70}
daNDanItishcha rAjA cha samastau tAvubhAvapi . 
tasya ki.n kurvataH siddhyai tanme brUhi pitA maha .. 1..\\
mahAbhAgya.n daNDanItyAH siddhaiH shabdaiH sa hetukaiH . 
shR^iNu me sha.nsato rAjanyathA vadiha bhArata .. 2..\\
daNDanItiH svadharmebhyashchAturvarNyaM niyachchhati . 
prayuktA svAminA samyagadharmebhyash cha yachchhati .. 3..\\
chAturvarNye svadharmasthe maryAdAnAmasa~Nkare . 
daNDanIti kR^ite kSheme prajAnAm akutobhaye .. 4..\\
some prayatna.n kurvanti trayo varNA yathAvidhi . 
tasmAddevamanuShyANA.n sukhaM viddhi samAhitam .. 5..\\
kAlo vA kAraNa.n rAGYo rAjA vA kAlakAraNam . 
iti te saMshayo mA bhUdrAjA kAlasya kAraNam .. 6..\\
daNDanItyA yadA rAjA samyakkArtsnyena vartate . 
tadA kR^itayugaM nAma kAlaH shreShThaH pravartate .. 7..\\
bhavetkR^itayuge dharmo nAdharmo vidyate kva chit . 
sarveShAmeva varNAnAM nAdharme ramate manaH .. 8..\\
yogakShemAH pravartante prajAnAM nAtra saMshayaH . 
vaidikAni cha karmANi bhavantyaviguNAnyuta .. 9..\\
R^itavashcha sukhAH sarve bhavantyuta nirAmayAH . 
prasIdanti narANA.n cha svaravarNamanA.nsi cha .. 10..\\
vyAdhayo na bhavantyatra nAlpAyurdR^ishyate naraH . 
vidhavA na bhavantyatra nR^isha.nso nAbhijAyate .. 11..\\
akR^iShTapachyo pR^ithivI bhavantyoShadhayastathA . 
tvakpatraphalamUlAni vIryavanti bhavanti cha .. 12..\\
nAdharmo vidyate tatra dharma eva tu kevalaH . 
iti kArtayugAnetAnguNAnviddhi yudhiShThira .. 13..\\
daNDanItyA yadA rAjA trInaMshAnanuvartate . 
chaturthamaMshamutsR^ijya tadA tretA pravartate .. 14..\\
ashubhasya chaturthA.n shastrInaMshAnanuvartate . 
kR^iShTapachyaiva pR^ithivI bhavantyoShadhayastathA .. 15..\\
ardha.n tyaktvA yadA rAjA nItyardhamanuvartate . 
tatastu dvAparaM nAma sa kAlaH sampravartate .. 16..\\
ashubhasya tadA ardha.n dvAvaMshAvanuvartate . 
kR^iShTapachyaiva pR^ithivI bhavatyalpaphalA tathA .. 17..\\
daNDanItiM parityajya yadA kArtsnyena bhUmipaH . 
prajAH klishnAtyayogena pravishyati tadA kaliH .. 18..\\
kalAvadharmo bhUyiShTha.n dharmo bhavati tu kva chit . 
sarveShAmeva varNAnA.n svadharmAchchyavate manaH .. 19..\\
shUdrA bhaikSheNa jIvanti brAhmaNAH paricharyayA . 
yogakShemasya nAshashcha vartate varNasa~NkaraH .. 20..\\
vaidikAni cha karmANi bhavanti vi guNAnyuta . 
R^itavo na sukhAH sarve bhavantyAmayinastathA .. 21..\\
hrasanti cha manuShyANA.n svaravarNamanA.nsyuta . 
vyAdhayashcha bhavantyatra mriyante chAgatAyuShaH .. 22..\\
vidhavAshcha bhavantyatra nR^isha.nsA jAyate prajA . 
kva chidvarShati parjanyaH kva chitsasyaM prarohati .. 23..\\
rasAH sarve kShaya.n yAnti yadA nechchhati bhUmipaH . 
prajAH sa.nrakShitu.n samyagdaNDanIti samAhitaH .. 24..\\
rAjA kR^itayugasraShTA tretAyA dvAparasya cha . 
yugasya cha chaturthasya rAjA bhavati kAraNam .. 25..\\
kR^itasya karaNAdrAjA svargamatyantamashnute . 
tretAyAH karaNAdrAjA svargaM nAtyantamashnute .. 26..\\
pravartanAddvAparasya yathAbhAgamupAshnute . 
kaleH pravartanAdrAjA pApamatyantamashnute .. 27..\\
tato vasati duShkarmA narake shAshvatIH samAH . 
prajAnA.n kalmaShe magno.akIrthiM pApaM cha vindati .. 28..\\
daNDanItiM puraskR^itya vijAna kShatriyaH sadA . 
anavApta.n cha lipseta labdhaM cha paripAlayet .. 29..\\
lokasya sImanta karI maryAdA lokabhAvanI . 
samya~NnItA daNDanItiryathA mAtA yathA pitA .. 30..\\
yasyAM bhavanti bhUtAni tadviddhi bharatarShabha . 
eSha eva paro dharmo yadrAjA daNDanIti mAn .. 31..\\
tasmAtkauravya dharmeNa prajAH pAlaya nItimAn . 
eva.nvR^ittaH prajA rakShansvarga.n jetAsi durjayam .. 32..\\
\medskip\hrule\medskip\centerline{\Largedvng 71}
kena vR^ittena vR^ittaGYa vartamAno mahIpatiH . 
sukhenArthAnsukhodarkAniha cha pretya chApnuyAt .. 1..\\
iya.n guNAnA.n ShaTtriMshatShaTtriMshadguNasa.nyutA . 
yAnguNA.nstu guNopetaH kurvanguNamavApnuyAt .. 2..\\
chareddharmAnakaTuko mu~nchetsnehaM na nAstikaH . 
anR^isha.nsashcharedartha.n charetkAmamanuddhataH .. 3..\\
priyaM brUyAdakR^ipaNaH shUraH syAdavikatthanaH . 
dAtA nApAtra varShI syAtpragalbhaH syAdaniShThuraH .. 4..\\
sandadhIta na chAnAryairvigR^iNIyAnna bandhubhiH . 
nAnAptaiH kArayechchAra.n kuryAtkAryamapIDayA .. 5..\\
arthAnbrUyAnna chAsatsu guNAnbrUyAnna chAtmanaH . 
AdadyAnna cha sAdhubhyo nAsatpuruShamAshrayet .. 6..\\
nAparIkShya nayeddaNDaM na cha matraM prakAshayet . 
visR^ijenna cha lubdhyebhyo vishvasennApakAriShu .. 7..\\
anIrShurguptadAraH syAchchokShaH syAdaghR^iNI nR^ipaH . 
striya.n seveta nAtyarthaM mR^iShTaM bhu~njIta nAhitam .. 8..\\
astabdhaH pUjayenmAnyAngurUnsevedamAyayA . 
archeddevAnna dambhena shriyamichchhedakutsitAm .. 9..\\
seveta praNaya.n hitvA dakShaH syAnna tvakAlavit . 
sAntvayenna cha bhogArthamanugR^ihNanna chAkShipet .. 10..\\
praharenna tvaviGYAya hatvA shatrUnna sheShayet . 
krodha.n kuryAnna chAkasmAnmR^iduH syAnnApakAriShu .. 11..\\
eva.n charasva rAjyastho yadi shreya ihechchhasi . 
ato.anyathA narapatirbhayamR^ichchhatyanuttamam .. 12..\\
iti sarvAnguNAnetAnyathoktAnyo.anuvartate . 
anubhUyeha bhadrANi pretya svargaM mahIyate .. 13..\\
ida.n vachaH shAntanavasya shushruvAn 
yudhiShThiraH pANDavamukhyasa.nvR^itaH . 
tadA vavande cha pitA mahaM nR^ipo 
yathoktametachcha chakAra buddhimAn .. 14..\\
\medskip\hrule\medskip\centerline{\Largedvng 72}
katha.n rAjA prajA rakShannAdhibandhena yujyate . 
dharme cha nAparAdhnoti tanme brUhi pitA maha .. 1..\\
samAsenaiva te tAta dharmAnvakShyAmi nishchitAn . 
vistareNa hi dharmANAM na jAtvantamavApnuyAt .. 2..\\
dharmaniShThA~nshrutavato veda vratasamAhitAn . 
architAnvAsayethAstva.n gR^ihe guNavato dvijAn .. 3..\\
pratyutthAyopasa~NgR^ihya charaNAvabhivAdya cha . 
atha sarvANi kurvIthAH kAryANi sa purohitaH .. 4..\\
dharmakAryANi nirvartya ma~NgalAni prayujya cha . 
brAhmaNAnvAchayethAstvamarthasiddhi jayAshiShaH .. 5..\\
Arjavena cha sampanno dhR^ityA buddhyA cha bhArata . 
arthArthaM parigR^ihNIyAtkAmakrodhau cha varjayet .. 6..\\
kAmakrodhau puraskR^itya yo.artha.n rAjAnutiShThati . 
na sa dharmaM na chApyarthaM parigR^ihNAti bAlishaH .. 7..\\
mA sma lubdhAMshcha mUrkhAMshcha kAme chArtheShu yUyujaH . 
alubdhAnbuddhisampannAnsarvakarmasu yojayet .. 8..\\
mUrkho hyadhikR^ito.artheShu kAryANAmavishAradaH . 
prajAH klishnAtyayogena kAmadveShasamanvitaH .. 9..\\
baliShaShThena shulkena daNDenAthAparAdhinAm . 
shAstranItena lipsethA vetanena dhanAgamam .. 10..\\
dApayitvA kara.n dharmya.n rAShTraM nityaM yathAvidhi . 
asheShAnkalpayedrAjA yogakShemAnatandritaH .. 11..\\
gopAyitAra.n dAtAraM dharmanityamatandritam . 
akAma dveShasa.nyuktamanurajyanti mAnavAH .. 12..\\
mA smAdharmeNa lAbhena lipsethAstva.n dhanAgamam . 
dharmArthAvadhruvau tasya yo.apashAstraparo bhavet .. 13..\\
apa shAstraparo rAjA sa~ncayAnnAdhigachchhati . 
asthAne chAsya tadvitta.n sarvameva vinashyati .. 14..\\
arthamUlo.apa hi.nsA.n cha kurute svayamAtmanaH . 
karairashAstradR^iShTairhi mohAtsampIDayanprajAH .. 15..\\
UdhashchhindyAddhi yo dhenvAH kShIrArthI na labhetpayaH . 
eva.n rAShTramayogena pIDitaM na vivardhate .. 16..\\
yo hi dogdhrImupAste tu sa nitya.n labhate payaH . 
eva.n rAShTramupAyena bhu~njAno labhate phalam .. 17..\\
atha rAShTramupAyena bhujyamAna.n surakShitam . 
janayatyatulAM nitya.n koshavR^iddhi.n yudhiShThira .. 18..\\
dogdhi dhAnya.n hiraNya.n cha prajA rAGYi surakShitA . 
nitya.n svebhyaH parebhyashcha tR^iptA mAtA yathA payaH .. 19..\\
mAlA kAropamo rAjanbhava mA~NgArikopamaH . 
tathAyuktashchira.n rAShTraM bhoktuM shakyasi pAlayan .. 20..\\
parachakrAbhiyAnena yadi te syAddhanakShayaH . 
atha sAmnaiva lipsethA dhanamabrAhmaNeShu yat .. 21..\\
mA sma te brAhmaNa.n dR^iShTvA dhanasthaM prachalenmanaH . 
antyAyAmapyavasthAyA.n kimu sphItasya bhArata .. 22..\\
dhanAni tebhyo dadyAstva.n yathAshakti yathArhataH . 
sAntvayanparirakShaMshcha svargamApsyasi durjayam .. 23..\\
eva.n dharmeNa vR^ittena prajAstvaM paripAlayan . 
svantaM puNya.n yasho vantaM prApsyase kurunandana .. 24..\\
dharmeNa vyavahAreNa prajAH pAlaya pANDava . 
yudhiShThira tathAyukto nAdhibandhena yokShyase .. 25..\\
eSha eva paro dharmo yadrAjA rakShate prajAH . 
bhUtAnA.n hi yathA dharme rakShaNa.n cha parA dayA .. 26..\\
tasmAdevaM para.n dharmaM manyante dharmakovidAH . 
yadrAjA rakShaNe yukto bhUteShu kurute dayAm .. 27..\\
yadahnA kurute pApamarakShanbhayataH prajAH . 
rAjA varShasahasreNa tasyAntamadhigachchhati .. 28..\\
yadahnA kurute puNyaM prajA dharmeNa pAlayan . 
dashavarShasahasrANi tasya bhu~Nkte phala.n divi .. 29..\\
sviShTiH svadhItiH sutapA lokA~njayati yAvataH . 
kShaNena tAnavApnoti prajA dharmeNa pAlayan .. 30..\\
eva.n dharmaM prayatnena kaunteya paripAlayan . 
iha puNyaphala.n labdhvA nAdhibandhena yokShyase .. 31..\\
svargaloke cha mahatI.n shriyaM prApsyasi pANDava . 
asambhavashcha dharmANAmIdR^ishAnAmarAjasu . 
tasmAdrAjaiva nAnyo.asti yo mahatphalamApnuyAt .. 32..\\
sa rAjyamR^iddhimatprApya dharmeNa paripAlayan . 
indra.n tarpaya somena kAmaishcha suhR^ido janAn .. 33..\\
\medskip\hrule\medskip\centerline{\Largedvng 73}
ya eva tu sato rakShedasatash cha nibarhayet . 
sa eva rAGYA kartavyo rAjanrAjapurohitaH .. 1..\\
atrApyudAharantImamitihAsaM purAtanam . 
purUravasa ailasya sa.nvAdaM mAtarishvanaH .. 2..\\
kutaH svidbrAhmaNo jAto varNAshchApi kutastrayaH . 
kasmAchcha bhavati shreyAnetadvAyo vichakShva me .. 3..\\
brahmaNo mukhataH sR^iShTo brAhmaNo rAjasattama . 
bAhubhyA.n kShatriyaH sR^iShTa UrubhyA.n vaishya uchyate .. 4..\\
varNAnAM paricharyArtha.n trayANAM puruSharShabha . 
varNashchaturthaH pashchAttu padbhyA.n shUdro vinirmitaH .. 5..\\
brAhmaNo jAtamAtrastu pR^ithivImanvajAyata . 
IshvaraH sarvabhUtAnA.n dharmakoshasya guptaye .. 6..\\
tataH pR^ithivyA goptAra.n kShatriyaM daNDadhAriNam . 
dvitIya.n varNamakarotprajAnAm anuguptaye .. 7..\\
vaishyastu dhanadhAnyena trInvarNAnbibhR^iyAdimAn . 
shUdro hyenAnparicharediti brahmAnushAsanam .. 8..\\
dvijasya kShatrabandhorvA kasyeyaM pR^ithivI bhavet . 
dharmataH saha vittena samyagvAyo prachakShva me .. 9..\\
viprasya sarvamevaitadyatki.n chijjagatI gatam . 
jyeShThenAbhijaneneha taddharmakushalA viduH .. 10..\\
svameva brAhmaNo bhu~Nkte sva.n vaste sva.n dadAti cha . 
gururhi sarvavarNAnA.n jyeShThaH shreShThashcha vai dvijaH .. 11..\\
patyabhAve yathA strI hi devara.n kurute patim . 
AnantaryAttathA kShatraM pR^ithivI kurute patim .. 12..\\
eSha te prathamaH kalpa Apadyanyo bhavedataH . 
yadi svarge para.n sthAna.n dharmataH parimArgasi .. 13..\\
yaH kashchidvijayedbhUmiM brAhmaNAya nivedayet . 
shrutavR^ittopapannAya dharmaGYAya tapasvine .. 14..\\
svadharmaparitR^iptAya yo na vittaparo bhavet . 
yo rAjAnaM nayedbuddhyA sarvataH paripUrNayA .. 15..\\
brAhmaNo hi kule jAtaH kR^itapraGYo vinItavAk . 
shreyo nayati rAjAnaM bruvaMshchitrA.n sarasvatIm .. 16..\\
rAjA charati ya.n dharmaM brAhmaNena nidarshitam . 
shushrUShuranaha.nvAdI kShatradharmavrate sthitaH .. 17..\\
tAvatA sa kR^itapraGYashchira.n yashasi tiShThati . 
tasya dharmasya sarvasya bhAgI rAjapurohitaH .. 18..\\
evameva prajA sarvA rAjAnamabhisaMshritAH . 
samyagvR^ittAH svadharmasthA na kutashchidbhayAnvitAH .. 19..\\
rAShTre charanti ya.n dharma.n rAGYA sAdhvabhirakShitAH . 
chaturtha.n tasya dharmasya rAjA bhAga.n sa vindati .. 20..\\
devA manuShyAH pitaro gandharvoragarAkShasAH . 
yaGYamevopajIvanti nAsti cheShTamarAjake .. 21..\\
ito dattena jIvanti devatAH pitarastathA . 
rAjanyevAsya dharmasya yogakShemaH pratiShThitaH .. 22..\\
chhAyAyAmapsu vAyau cha sukhamuShNe.adhigachchhati . 
agnau vAsasi sUrye cha sukha.n shIte.adhigachchhati .. 23..\\
shabde sparshe rase rUpe gandhe cha ramate manaH . 
teShu bhogeShu sarveShu na bhIto labhate sukham .. 24..\\
abhayasyaiva yo dAtA tasyaiva sumahatphalam . 
na hi prANasama.n dAnaM triShu lokeShu vidyate .. 25..\\
indro rAjA yamo rAjA dharmo rAjA tathaiva cha . 
rAjA bibharti rUpANi rAGYA sarvamida.n dhR^itam .. 26..\\
\medskip\hrule\medskip\centerline{\Largedvng 74}
rAGYA purohitaH kAryo bhavedvidvAnbahushrutaH . 
ubhau samIkShya dharmArthAvaprameyAvanantaram .. 1..\\
dharmAtmA dharmavidyeShA.n rAGYAM rAjanpurohitaH . 
rAjA chaiva.n guNo yeShAM kushalaM teShu sarvashaH .. 2..\\
ubhau prajA vardhayato devAnpUrvAnparAnpitR^In . 
yau sameyAsthitau dharme shraddheyau sutapasvinau .. 3..\\
parasparasya suhR^idau saMmatau samachetanau . 
brahmakShatrasya saMmAnAtprajAH sukhamavApnuyuH .. 4..\\
vimAnanAttayoreva prajA nashyeyureva ha . 
brahmakShatra.n hi sarveShA.n dharmANAM mUlamuchyate .. 5..\\
atrApyudAharantImamitihAsaM purAtanam . 
aila kashyapa sa.nvAda.n taM nibodha yudhiShThira .. 6..\\
yadA hi brahma prajahAti kShatraM 
kShatra.n yadA vA prajahAti brahma . 
anvagbala.n katame.asminbhajante 
tathAbalya.n katame.asminviyanti .. 7..\\
vyR^iddha.n rAShTraM bhavati kShatriyasya 
brahmakShatra.n yatra virudhyate ha . 
anvagbala.n dasyavastadbhajante 
.abalya.n tathA tatra viyanti santaH .. 8..\\
naiShAmukShA vardhate nota usrA 
na gargaro mathyate no yajante . 
naiShAM putrA vedamadhIyate cha 
yadA brahmakShatriyAH santyajanti .. 9..\\
naiShAmukShAvardhate jAtu gehe 
nAdhIyate sa prajA no yajante . 
apadhvastA dasyu bhUtA bhavanti 
ye brAhmaNAH kShatriyAnsantyajanti .. 10..\\
etau hi nityasa.nyuktAvitaretara dhAraNe . 
kShatra.n hi brahmaNo yoniryoniH kShatrasya cha dvijAH .. 11..\\
ubhAvetau nityamabhiprapannau 
samprApaturmahatI.n shrIpratiShThAm . 
tayoH sandhirbhidyate chetpurANas 
tataH sarvaM bhavati hi sampramUDham .. 12..\\
nAtra plava.n labhate pAragAmI 
mahAgAdhe nauriva sampraNunnA . 
chAturvarNyaM bhavati cha sampramUDhaM 
tataH prajAH kShayasa.nsthA bhavanti .. 13..\\
brahma vR^ikSho rakShyamANo madhu hemacha varShati . 
arakShyamANaH satatamashrupApa.n cha varShati .. 14..\\
abrahma chArI charaNAdapeto 
yadA brahmA brahmaNi trANamichchhet . 
Ashcharyasho varShati tatra devas 
tatrAbhIkShNa.n duH sahAshchAvishanti .. 15..\\
striya.n hatvA brAhmaNaM vApi pApaH 
sabhAyA.n yatra labhate.anuvAdam . 
rAGYaH sakAshe na bibheti chApi 
tato bhaya.n jAyate kShatriyasya .. 16..\\
pApaiH pApe kriyamANe.ativelaM 
tato rudro jAyate deva eShaH . 
pApaiH pApAH sa~njanayanti rudraM 
tataH sarvAnsAdhvasAdhUnhinasti .. 17..\\
kuto rudraH kIdR^isho vApi rudraH 
sattvaiH sattva.n dR^ishyate vadhyamAnam . 
etadvidvankashyapa me prachakShva 
yato rudro jAyate deva eShaH .. 18..\\
AtmA rudro hR^idaye mAnavAnAM 
sva.n sva.n dehaM paradehaM cha hanti . 
vAtotpAtaiH sadR^isha.n rudramAhur 
dAvairjImUtaiH sadR^isha.n rUpamasya .. 19..\\
na vai vAtaM parivR^inoti kash chin 
na jImUto varShati naiva dAvaH . 
tathAyukto dR^ishyate mAnaveShu 
kAmadveShAdbadhyate muchyate cha .. 20..\\
yathaika gehe jAtavedAH pradIptaH 
kR^itsna.n grAmaM pradahetsa tvarA vAn . 
vimohana.n kurute deva eSha 
tataH sarva.n spR^ishyate puNyapApaiH .. 21..\\
yadi daNDaH spR^ishate puNyabhAjaM 
pApaiH pApe kriyamANe.avisheShAt . 
kasya hetoH sukR^itaM nAma kuryAd 
duShkR^ita.n vA kasya hetorna kuryAt .. 22..\\
asantyAgAtpApakR^itAmapApa.ns 
tulyo daNDaH spR^ishyate mishrabhAvAt . 
shuShkeNArdra.n dahyate mishrabhAvAn 
na mishraH syAtpApakR^idbhiH katha.n chit .. 23..\\
sAdhvasAdhUndhArayatIha bhUmiH 
sAdhvasAdhU.nstApayatIha sUryaH . 
sAdhvasAdhUnvAtayatIha vAyur 
ApastathA sAdhvasAdhUnvahanti .. 24..\\
evamasminvartate loka eva 
nAmutraiva.n vartate rAjaputra . 
pretyaitayorantaravAnvisheSho 
yo vai puNya.n charate yashcha pApam .. 25..\\
puNyasya loko madhumAndhR^itArchir 
hiraNyajyotiramR^itasya nAbhiH . 
tatra pretya modate brahmachArI 
na tatra mR^ityurna jarA nota duHkham .. 26..\\
pApasya loko nirayo.aprakAsho 
nitya.n duHkhaH shokabhUyiShTha eva . 
tatrAtmAna.n shochate pApakarmA 
bahvIH samAH prapatannapratiShThaH .. 27..\\
mitho bhedAdbrAhmaNakShatriyANAM 
prajA duHkha.n duH sahaM chAvishanti . 
eva.n GYAtvA kArya eveha vidvAn 
purohito naikavidyo nR^ipeNa .. 28..\\
ta.n chaivAnvabhiShichyeta tathA dharmo vidhIyate . 
agryo hi brAhmaNaH proktaH sarvasyaiveha dharmataH .. 29..\\
pUrva.n hi brAhmaNAH sR^iShTA iti dharmavido viduH . 
jyeShThenAbhijanenAsya prApta.n sarvaM yaduttaram .. 30..\\
tasmAnmAnyashcha pUjyashcha brAhmaNaH prasR^itAgra bhuk . 
sarva.n shreShThaM variShTha.n cha nivedyaM tasya dharmataH .. 31..\\
avashyametatkartavya.n rAGYA balavatApi hi . 
brahma vardhayati kShatra.n kShatrato brahma vardhate .. 32..\\
\medskip\hrule\medskip\centerline{\Largedvng 75}
yogakShemo hi rAShTrasya rAjanyAyatta uchyate . 
yogakShemashcha rAGYo.api samAyatta purohite .. 1..\\
yatAdR^iShTaM bhayaM brahma prajAnA.n shamayatyuta . 
dR^iShTa.n cha rAjA bAhubhyAM tadrAShTra.n sukhamedhate .. 2..\\
atrApyudAharantImamitihAsaM purAtanam . 
muchukundasya sa.nvAda.n rAGYo vaishravaNasya cha .. 3..\\
muchukundo vijityemAM pR^ithivIM pR^ithivIpatiH . 
jiGYAsamAnaH svabalamabhyayAdalakAdhipam .. 4..\\
tato vaishravaNo rAjA rakShA.nsi samavAsR^ijat . 
te balAnyavamR^idnantaH prAchara.nstasya nairR^itAH .. 5..\\
sa hanyamAne saintye sve muchukundo narAdhipaH . 
garhayAmAsa vidvA.nsaM purohitamarindamaH .. 6..\\
tata ugra.n tapastaptvA vasiShTho brahma vittamaH . 
rakShA.nsyapAvadhIttatra panthAna.n chApyavindata .. 7..\\
tato vaishravaNo rAjA muchukundamadarshayat . 
vadhyamAneShu sainyeShu vachana.n chedamabravIt .. 8..\\
tvatto hi balinaH pUrve rAjAnaH sa purohitAH . 
na chaiva.n samavarta.nste yathA tvamiha vartase .. 9..\\
te khalvapi kR^itAstrAshcha balavantashcha bhUmipAH . 
Agamya paryupAsante mAmIsha.n sukhaduHkhayoH .. 10..\\
yadyasti bAhuvIrya.n te taddarshayitumarhasi . 
kiM brAhmaNa balena tvamati mAtraM pravartase .. 11..\\
muchukundastataH kruddhaH pratyuvAcha dhaneshvaram . 
nyAyapUrvamasa.nrabdhamasambhrAntamida.n vachaH .. 12..\\
brahmakShatramida.n sR^iShTamekayonisvayaM bhuvA . 
pR^ithagbalavidhAna.n cha tallokaM parirakShati .. 13..\\
tapo mantrabalaM nityaM brAhmaNeShu pratiShThitam . 
astrabAhubalaM nitya.n kShatriyeShu pratiShThitam .. 14..\\
tAbhyA.n sambhUya kartavyaM prajAnAM paripAlanam . 
tathA cha mAM pravartanta.n garhayasyalakAdhipa .. 15..\\
tato.abravIdvaishravaNo rAjAna.n sa purohitam . 
nAha.n rAjyamanirdiShTa.n kasmai chidvidadhAmyuta .. 16..\\
nAchhinde chApi nirdiShTamiti jAnIhi pArthiva . 
prashAdhi pR^ithivI.n vIra maddattAmakhilAmimAm .. 17..\\
nAha.n rAjyaM bhavaddattaM bhoktumichchhAmi pArthiva . 
bAhuvIryArjita.n rAjyamashnIyAmiti kAmaye .. 18..\\
tato vaishravaNo rAjA vismayaM parama.n yayau . 
kShatradharme sthita.n dR^iShTvA muchukundamasambhramam .. 19..\\
tato rAjA muchukundaH so.anvashAsadvasundharAm . 
bAhuvIryArjitA.n samyakkShatradharmamanuvrataH .. 20..\\
eva.n yo brahma vidrAjA brahmapUrvaM pravartate . 
jayatyavijitAmurvI.n yashashcha mahadashnute .. 21..\\
nityodako brAhmaNaH syAnnityashastrashcha kShatriyaH . 
tayorhi sarvamAyatta.n yatki.n chijjagatI gatam .. 22..\\
\medskip\hrule\medskip\centerline{\Largedvng 76}
yayA vR^ittyA mahIpAlo vivardhayati mAnavAn . 
puNyAMshcha lokA~njayati tanme brUhi pitA maha .. 1..\\
dAnashIlo bhavedrAjA yaGYashIlashcha bhArata . 
upavAsatapaH shIlaH prajAnAM pAlane rataH .. 2..\\
sarAshchaiva prajA nitya.n rAjA dharmeNa pAlayet . 
utthAnenApramAdena pUjayechchaiva dhArmikAn .. 3..\\
rAGYA hi pUjito dharmastataH sarvatra pUjyate . 
yadyadAcharate rAjA tatprajAnA.n hi rochate .. 4..\\
nityamudyatadaNDashcha bhavenmR^ityurivAriShu . 
nihanyAtsarvato dasyUnna kAmAtkasya chitkShamet .. 5..\\
ya.n hi dharma.n charantIha prajA rAGYA surakShitAH . 
chaturtha.n tasya dharmasya rAjA bhArata vindati .. 6..\\
yadadhIte yadyajate yaddadAti yadarchati . 
rAjA chaturtha bhAktasya prajA dharmeNa pAlayan .. 7..\\
yadrAShTre.akushala.n kiM chidrAGYo.arakShayataH prajAH . 
chaturtha.n tasya pApasya rAjA bhArata vindati .. 8..\\
apyAhuH sarvameveti bhUyo.ardhamiti nishchayaH . 
karmaNaH pR^ithivIpAla nR^isha.nso.anR^itavAgapi . 
tAdR^ishAtkilbiShAdrAjA shR^iNu yena pramuchyate .. 9..\\
pratyAhartumashakya.n syAddhana.n chorairhR^itaM yadi . 
svakoshAttatpradeya.n syAdashaktenopajIvatA .. 10..\\
sarvavarNaiH sadA rakShyaM brahma svaM brAhmaNAstathA . 
na stheya.n viShaye teShu yo.apakuryAddvijAtiShu .. 11..\\
brahma sve rakShyamANe hi sarvaM bhavati rakShitam . 
teShAM prasAde nirvR^itte kR^itakR^ityo bhavennR^ipaH .. 12..\\
parjanyamiva bhUtAni mahAdrumamiva dvijAH . 
narAstamupajIvanti nR^ipa.n sarvArthasAdhakam .. 13..\\
na hi kAmAtmanA rAGYA satata.n shaThabuddhinA . 
nR^isha.nsenAti lubdhena shakyAH pAlayituM prajAH .. 14..\\
nAha.n rAjyasukhAnveShI rAjyamichchhAmyapi kShaNam . 
dharmArtha.n rochaye rAjya.n dharmashchAtra na vidyate .. 15..\\
tadalaM mama rAjyena yatra dharmo na vidyate . 
vanameva gamiShyAmi tasmAddharmachikIrShayA .. 16..\\
tatra medhyeShvaraNyeShu nyastadaNDo jitendriyaH . 
dharmamArAdhayiShyAmi munirmUlaphalAshanaH .. 17..\\
vedAha.n tava yA buddhirAnR^isha.nsya guNaiva sA . 
na cha shuddhAnR^isha.nsyena shakyaM mahadupAsitum .. 18..\\
api tu tvA mR^idu.n dAntamatyAryamati dhArmikam . 
klIba.n dharmaghR^iNAyuktaM na loko bahu manyate .. 19..\\
rAjadharmAnavekShasva pitR^ipaitAmahochitAn . 
naitadrAGYAmatho vR^itta.n yathA tvaM sthAtumichchhasi .. 20..\\
na hi vaiklavya sa.nsR^iShTamAnR^isha.nsyamihAsthitaH . 
prajApAlanasambhUtaM prAptA dharmaphala.n hyasi .. 21..\\
na hyetAmAshiShaM pANDurna cha kuntyanvayAchata . 
na chaitAM praGYatA.n tAta yayA charasi medhayA .. 22..\\
shauryaM bala.n cha sattvaM cha pitA tava sadAbravIt . 
mAhAtmyaM balamaudArya.n tava kuntyanvayAchata .. 23..\\
nitya.n svAhA svadhA nityamubhe mAnuShadaivate . 
putreShvAshAsate nityaM pitaro daivatAni cha .. 24..\\
dAnamadhyayana.n yaGYaH prajAnAM paripAlanam . 
dharmametamadharma.n vA janmanaivAbhyajAyithAH .. 25..\\
kAle dhuri niyuktAnA.n vahatAM bhAra Ahite . 
sIdatAmapi kaunteya na kIrtiravasIdati .. 26..\\
samantato viniyato vahatyaskhalito hi yaH . 
nirdoShakarmavachanAtsiddhiH karmaNa eva sA .. 27..\\
naikAnta vinipAtena vichachAreha kash chana . 
dharmI gR^ihI vA rAjA vA brahma chAryatha vA punaH .. 28..\\
alpa.n tu sAdhu bhUyiShTha.n yatkarmodArameva tat . 
kR^itamevAkR^itAchchhreyo na pApIyo.astyakarmaNaH .. 29..\\
yadA kulIno dharmaGYaH prApnotyaishvaryamuttamam . 
yogakShemastadA rAjankushalAyaiva kalpate .. 30..\\
dAnenAnyaM balenAnyamanya.n sUnR^itayA girA . 
sarvataH parigR^ihNIyAdrAjyaM prApyeha dhArmikaH .. 31..\\
ya.n hi vaidyAH kule jAtA avR^itti bhayapIDitAH . 
prApya tR^iptAH pratiShThanti dharmaH ko.abhyadhikastataH .. 32..\\
kiM nvataH parama.n svargya.n kA nvataH prItiruttamA . 
kiM nvataH paramaishvaryaM brUhi me yadi manyase .. 33..\\
yasminpratiShThitAH samyakkShema.n vindanti tatkShaNam . 
sasvargajittamo.asmAka.n satyametadbravImi te .. 34..\\
tvameva prItimA.nstasmAtkurUNA.n kurusattama . 
bhava rAjA jaya svarga.n sato rakShAsato jahi .. 35..\\
anu tvA tAta jIvantu suhR^idaH sAdhubhiH saha . 
parjanyamiva bhUtAni svAdu drumamivANDa jAH .. 36..\\
dhR^iShTa.n shUraM prahartAramanR^isha.nsa.n jitendriyam . 
vatsala.n sa.nvibhaktAramanu jIvantu tvA.n janAH .. 37..\\
\medskip\hrule\medskip\centerline{\Largedvng 77}
svakarmaNyapare yuktAstathaivAnye vi karmaNi . 
teShA.n visheShamAchakShva brAhmaNAnAM pitA maha .. 1..\\
vidyA lakShaNasampannAH sarvatrAmnAya darshinaH . 
ete brahma samA rAjanbrAhmaNAH parikIrtitAH .. 2..\\
R^itvigAchArya sampannAH sveShu karmasvavasthitAH . 
ete devasamA rAjanbrAhmaNAnAM bhavantyuta .. 3..\\
R^itvikpurohito mantrI dUto.athArthAnushAsakaH . 
ete kShatrasamA rAjanbrAhmaNAnAM bhavantyuta .. 4..\\
ashvArohA gajArohA rathino.atha padAtayaH . 
ete vaishya samA rAjanbrAhmaNAnAM bhavantyuta .. 5..\\
janma karma vihInA ye kadaryA brahma bandhavaH . 
ete shUdra samA rAjanbrAhmaNAnAM bhavantyuta .. 6..\\
ashrotriyAH sarva eva sarve chAnAhitAgnayaH . 
tAnsarvAndhArmiko rAjA bali.n viShTi.n cha kArayet .. 7..\\
AhvAyakA devalakA nakShatragrAma yAjakAH . 
ete brAhmaNa chaNDAlA mahApathika pa~nchamAH .. 8..\\
etebhyo balimAdadyAddhInakosho mahIpatiH . 
R^ite brahma samebhyash cha devakalpebhya eva cha .. 9..\\
abrAhmaNAnA.n vittasya svAmI rAjeti vaidikam . 
brAhmaNAnA.n cha ye ke chidvi karma sthA bhavantyuta .. 10..\\
vi karma sthAstu nopekShyA jAtu rAGYA katha.n chana . 
niyamyAH sa.nvibhajyAshcha dharmAnugraha kAmyayA .. 11..\\
yasya sma viShaye rAGYaH steno bhavati vai dvihaH . 
rAGYa evAparAdha.n taM manyante tadvido janAH .. 12..\\
avR^ittyA yo bhavetsteno veda vitsnAtakastathA . 
rAjansa rAGYA bhartavya iti dharmavido viduH .. 13..\\
sa chenno parivarteta kR^itavR^ittiH parantapa . 
tato nivAsanIyaH syAttasmAddeshAtsa bAndhavaH .. 14..\\
\medskip\hrule\medskip\centerline{\Largedvng 78}
keShA.n rAjA prabhavati vittasya bharatarShabha . 
kayA cha vR^ittyA varteta tanme brUhi pitA maha .. 1..\\
abrAhmaNAnA.n vittasya svAmI rAjeti vaidikam . 
brAhmaNAnA.n cha ye ke chidvi karma sthA bhavantyuta .. 2..\\
vi karma sthAshcha nopekShyA viprA rAGYA katha.n chana . 
iti rAGYAM purAvR^ittamabhijalpanti sAdhavaH .. 3..\\
yasya sma viShaye rAGYaH steno bhavati vai dvijaH . 
rAGYa evAparAdha.n taM manyante kilbiShaM nR^ipa .. 4..\\
abhi shastamivAtmAnaM manyante tena karmaNA . 
tasmAdrAjarShayaH sarve brAhmaNAnanvapAlayan .. 5..\\
atrApyudAharantImamitihAsaM purAtanam . 
gIta.n kekayarAjena hriyamANena rakShasA .. 6..\\
kekayAnAmadhipati.n rakSho jagrAha dAruNam . 
svAdhyAyenAnvita.n rAjannaraNye saMshitavratam .. 7..\\
na me steno janapade na kadaryo na madya paH . 
nAnAhitAgnirnAyajvA mAmakAntaramAvishaH .. 8..\\
na cha me brAhmaNo.avidvAnnAvratI nApyasoma paH . 
nAnAhitAgnirviShaye mAmakAntaramAvishaH .. 9..\\
nAnApta dakShiNairyaGYairyajante viShaye mama . 
adhIte nAvratI kashchinmAmakAntaramAvishaH .. 10..\\
adhIyate.adhyApayanti yajante yAjayanti cha . 
dadati pratigR^ihNanti ShaTsu karmasvavasthitAH .. 11..\\
pUjitAH sa.nvibhaktAshcha mR^idavaH satyavAdinaH . 
brAhmaNA me svakarma sthA mAmakAntaramAvishaH .. 12..\\
na yAchante prayachhanti satyadharmavishAradAH . 
nAdhyApayantyadhIyante yajante na cha yAjakAH .. 13..\\
brAhmaNAnparirakShanti sa~NgrAmeShvapalAyinaH . 
kShatriyA me svakarma sthA mAmakAntaramAvishaH .. 14..\\
kR^iShigorakSha vANijyamupajIvantyamAyayA . 
apramattAH kriyA vantaH suvratAH satyavAdinaH .. 15..\\
sa.nvibhAga.n dama.n shauchaM sauhR^idaM cha vyapAshritAH . 
mama vaishyAH svakarma sthA mAmakAntaramAvishaH .. 16..\\
trInvarNAnanutiShThanti yathA vadanasUyakAH . 
mama shUdrAH svakarma sthA mAmakAntaramAvishaH .. 17..\\
kR^ipaNAnAtha vR^iddhAnA.n durbalAtura yoShitAm . 
sa.nvibhaktAsmi sarveShAM mAmakAntaramAvishaH .. 18..\\
kuladeshAdi dharmANAM prasthitAnA.n yathAvidhi . 
avyuchchhettAsmi sarveShAM mAmakAntaramAvishaH .. 19..\\
tapasvino me viShaye pUjitAH paripAlitAH . 
sa.nvibhaktAshcha satkR^itya mAmakAntaramAvishaH .. 20..\\
nAsa.nvibhajya bhoktAsmi na vishAmi parastriyam . 
svatantro jAtu na krIDe mAmakAntaramAvishaH .. 21..\\
nAbrahma chArI bhikShA vAnbhikShurvAbrahma chArikaH . 
anR^itvija.n hutaM nAsti mAmakAntaramAvishaH .. 22..\\
nAvajAnAmyaha.n vR^iddhAnna vaidyAnna tapasvinaH . 
rAShTre svapapti jAgarmi mAmakAntaramAvishaH .. 23..\\
vedAdhyayanasampannastapasvI sarvadharmavit . 
svAmI sarvasya rAjyasya shrImAnmama purohitaH .. 24..\\
dAnena divyAnabhivA~nchhAmi lokAn 
satyenAtho brAhmaNAnA.n cha guptyA . 
shushrUShayA chApi gurUnupaimi 
na me bhaya.n vidyate rAkShasebhyaH .. 25..\\
na me rAShTre vidhavA brahma bandhur 
na brAhmaNaH kR^ipaNo nota choraH . 
na pArajAyI na cha pApakarmA 
na me bhaya.n vidyate rAkShasebhyaH .. 26..\\
na me shastrairanirbhinnama~Nge dvya~Ngulamantaram . 
dharmArtha.n yudhyamAnasya mAmakAntaramAvishaH .. 27..\\
gobrAhmaNe cha yaGYe cha nitya.n svastyayanaM mama . 
AshAsate janA rAShTre mAmakAntaramAvishaH .. 28..\\
yasmAtsarvAsvavasthAsu dharmamevAnvavekShase . 
tasmAtprApnuhi kaikeya gR^ihAnsvasti vrajAmyaham .. 29..\\
yeShA.n gobrAhmaNA rakShyAH prajA rakShyAsh cha kekaya . 
na rakShobhyo bhaya.n teShAM kuta eva tu mAnuShAt .. 30..\\
yeShAM purogamA viprA yeShAM brahmabalaM balam . 
priyAtithyAstathA dArAste vai svargajito narAH .. 31..\\
tasmAddvijAtInrakSheta te hi rakShanti rakShitAH . 
AshIreShAM bhavedrAGYA.n rAShTraM samyakpravardhate .. 32..\\
tasmAdrAGYA visheSheNa vi karma sthA dvijAtayaH . 
niyamyAH sa.nvibhajyAshcha prajAnugraha kAraNAt .. 33..\\
ya eva.n vartate rAjA paurajAnapadeShviha . 
anubhUyeha bhadrANi prApnotIndra sa lokatAm .. 34..\\
\medskip\hrule\medskip\centerline{\Largedvng 79}
vyAkhyAtA kShatradharmeNa vR^ittirApatsu bhArata . 
katha.n chidvaishya dharmeNa jIvedvA brAhmaNo na vA .. 1..\\
ashaktaH kShatradharmeNa vaishya dharmeNa vartayet . 
kR^iShigorakShamAsthAya vyasane vR^itti sa~NkShaye .. 2..\\
kAni paNyAni vikrINansvargalokAnna hIyate . 
brAhmaNo vaishya dharmeNa vartayanbharatarShabha .. 3..\\
surA lavaNamityeva tilAnkeShariNaH pashUn . 
R^iShabhAnmadhu mA.nsa.n cha kR^itAnnaM cha yudhiShThira .. 4..\\
sarvAsvavasthAsvetAni brAhmaNaH parivarjayet . 
eteShA.n vikrayAttAta brAhmaNo narakaM vrajet .. 5..\\
ajo.agnirvaruNo meShaH sUryo.ashvaH pR^ithivI virAT . 
dhenuryaGYashcha somashcha na vikreyAH katha.n chana .. 6..\\
pakvenAmasya nimayaM na prasha.nsanti sAdhavaH . 
nimayetpakvamAmena bhojanArthAya bhArata .. 7..\\
vaya.n siddhamashiShyAmo bhavAnsAdhayatAm idam . 
eva.n samIkShya nimayannAdharmo.asti kadA chana .. 8..\\
atra te vartayiShyAmi yathA dharmaH purAtanaH . 
vyavahAra pravR^ittAnA.n tannibodha yudhiShThira .. 9..\\
bhavate.aha.n dadAnIdaM bhavAnetatprayachchhatu . 
ruchite vartate dharmo na balAtsampravartate .. 10..\\
ityeva.n sampravartanta vyavahArAH purAtanAH . 
R^iShINAmitareShA.n cha sAdhu chedamasaMshayam .. 11..\\
yatha tAta yadA sarvAH shastramAdadate prajAH . 
vyutkrAmanti svadharmebhyaH kShatrasya kShIyate balam .. 12..\\
rAjA trAtA na loke syAtki.n tadA syAtparAyaNam . 
etanme saMshayaM brUhi vistareNa pitA maha .. 13..\\
dAnena tapasA yaGYairadroheNa damena cha . 
brAhmaNa pramukhA varNAH kShemamichchheyurAtmanaH .. 14..\\
teShA.n ye vedabalinasta utthAya samantataH . 
rAGYo bala.n vardhayeyurmahendrasyeva devatAH .. 15..\\
rAGYo hi kShIyamANasya brahmaivAhuH parAyaNam . 
tasmAdbrahmabalenaiva samuttheya.n vijAnatA .. 16..\\
yadA tu vijayI rAjA kShema.n rAShTre.abhisandadhet . 
tadA varNA yathAdharmamAvisheyuH svakarmasu .. 17..\\
unmaryAde pravR^itte tu dasyubhiH sa~Nkare kR^ite . 
sarve varNA na duShyeyuH shastravanto yudhiShThira .. 18..\\
atha chetsarvataH kShatraM praduShyedbrAhmaNAnprati . 
kastasya brAhmaNastrAtA ko dharmaH kiM parAyaNam .. 19..\\
tapasA brahmacharyeNa shastreNa cha balena cha . 
amAyayA mAyayA cha niyantavya.n tadA bhavet .. 20..\\
kShatrasyAbhipravR^iddhasya brAhmaNeShu visheShataH . 
brahmaiva saMniyantR^isyAtkShatra.n hi brahma sambhavam .. 21..\\
adbhyo.agnirbrahma taH kShatramashmano lohamutthitam . 
teShA.n sarvattra ga.n tejaH svAsu yoniShu shAmyati .. 22..\\
yadA chhinattyayo.ashmAnamagnishchApo.abhipadyate . 
kShatra.n cha brAhmaNaM dveShTi tadA shAmyanti te trayaH .. 23..\\
tasmAdbrahmaNi shAmyanti kShatriyANA.n yudhiShThira . 
asmudIrNAnyajeyAni tejA.nsi cha balAni cha .. 24..\\
brahma vIrye mR^idU bhUte kShatravIrye cha durbale . 
duShTeShu sarvavarNeShu brAhmaNAnprati sarvashaH .. 25..\\
ye tatra yuddha.n kurvanti tyaktvA jIvitamAtmanaH . 
brAhmaNAnparirakShanto dharmamAtmAnameva cha .. 26..\\
mano vino manyumantaH puNyalokA bhavanti te . 
brAhmaNartha.n hi sarveShAM shastragrahaNamiShyate .. 27..\\
ati sviShTa svadhItAnA.n lokAnati tapasvinAm . 
anAshakAgnyorvishatA.n shUrA yAnti parA.n gatim . 
evamevAtmanastyAgAnnAnya.n dharma.n vidurjanAH .. 28..\\
tebhyo namashcha bhadra.n cha ye sharIrANi juhvati . 
brahma dviSho niyachchhantasteShAM no.astu sa lokatA . 
brahmalokajitaH svargyAnvIrA.nstAnmanurabravIt .. 29..\\
yathAshvamedhAvabhR^ithe snAtAH pUtA bhavantyuta . 
duShkR^itaH sukR^itashchaiva tathA shastrahatA raNe .. 30..\\
bhavatyadharmo dharmo hi dharmAdharmAvubhAvapi . 
kAraNAddeshakAlasya deshakAlaH sa tAdR^ishaH .. 31..\\
maitrAH krUrANi kurvanti jayanti svargamuttamam . 
dharmyAH pApAni kurvanto gachchhanti paramA.n gatim .. 32..\\
brAhmaNastriShu kAleShu shastra.n gR^ihNanna duShyati . 
AtmatrANe varNadoShe durgasya niyameShu cha .. 33..\\
abhyutthite dasyu bale kShatrArthe varNasa~Nkare . 
sampramUDheShu varNeShu yadyanyo.abhibhavedbalI .. 34..\\
brAhmaNo yadi vA vaishyaH shUdro vA rAjasattama . 
dasyubhyo.atha prajA rakSheddaNDa.n dharmeNa dhArayan .. 35..\\
kArya.n kuryAnna vA kuryAtsa.nvAryo vA bhavenna vA . 
na sma shastra.n grahItavyamanyatra kShatrabandhutaH .. 36..\\
apAre yo bhavetpAramaplave yaH plavo bhavet . 
shUdro vA yadi vApyanyaH sarvathA mAnamarhati .. 37..\\
yamAshritya narA rAjanvartayeyuryathAsukham . 
anAthAH pAlyamAnA vai dasyubhiH paripIDitAH .. 38..\\
tameva pUjayera.nste prItyA svamiva bAndhavam . 
mahaddhyabhIkShNa.n kauravya kartA sanmAnamarhati .. 39..\\
kimukShNAvahatA kR^itya.n kiM dhenvA chApyadugdhayA . 
vandhyayA bhAryayA ko.arthaH ko.artho rAGYApyarakShatA .. 40..\\
yathA dAru mayo hastI yathA charmamayo mR^igaH . 
yathA hyanetraH shakaTaH pathi kShetra.n yathoSharam .. 41..\\
evaM brahmAnadhIyAna.n rAjA yashcha na rakShitA . 
na varShati cha yo meghaH sarva ete nirarthakAH .. 42..\\
nitya.n yastu sato rakShedasatash cha nibarhayet . 
sa eva rAjA kartavyastena sarvamida.n dhR^itam .. 43..\\
\medskip\hrule\medskip\centerline{\Largedvng 80}
kva samutthAH katha.n shIlA R^itvijaH syuH pitA maha . 
katha.n vidhAshcha rAjendra tadbrUhi vadatAM vara .. 1..\\
pratikarma purAchAra R^itvijA.n sma vidhIyate . 
Adau chhandA.nsi viGYAya dvijAnA.n shrutameva cha .. 2..\\
ye tvekaratayo nitya.n dhIrA nApriya vAdinaH . 
parasparasya suhR^idaH saMmatAH samadarshinaH .. 3..\\
yeShvAnR^isha.nsya.n satya.n chApyahi.nsA tapa Arjavam . 
adroho nAbhimAnashcha hrIstitikShA damaH shamaH .. 4..\\
hrImAnsatyadhR^itirdAnto bhUtAnAmavihi.nsakaH . 
akAma dveShasa.nyuktastribhiH shuklaiH samanvitaH .. 5..\\
ahi.nsako GYAnatR^iptaH sa brahmAsanamarhati . 
ete mahartvijastAta sarve mAnyA yathAtatham .. 6..\\
yadida.n veda vachana.n dakShiNAsu vidhIyate . 
ida.n deyamidaM deyaM na kva chidvyavatiShThate .. 7..\\
nedaM prati dhana.n shAstramApaddharmamashAstrataH . 
AGYA shAstrasya ghoreyaM na shakti.n samavekShate .. 8..\\
shraddhAmArabhya yaShTavyamityeShA vaidikI shrutiH . 
mithyopetasya yaGYasya kimu shraddhA kariShyati .. 9..\\
na vedAnAM paribhavAnna shAThyena na mAyayA . 
kashchinmahadavApnoti mA te bhUdbuddhirIdR^ishI .. 10..\\
yaGYA~Nga.n dakShiNAstAta vedAnAM parivR^i.nhaNam . 
na mantrA dakShiNA hInAstArayanti katha.n chana .. 11..\\
shaktistu pUrNapAtreNa saMmitAnavamA bhavet . 
avashya.n tAta yaShTavyaM tribhirvarNairyathAvidhi .. 12..\\
somo rAjA brAhmaNAnAmityeShA vaidikI shrutiH . 
ta.n cha vikretumichchhanti na vR^ithA vR^ittiriShyate . 
tena krItena dharmeNa tato yaGYaH pratAyate .. 13..\\
ityeva.n dharmataH khyAtamR^iShibhirdharmavAdibhiH . 
pumAnyaGYashcha somashcha nyAyavR^itto yathA bhavet . 
anyAya vR^ittaH puruSho na parasya na chAtmanaH .. 14..\\
sharIra.n yaGYapAtrANi ityeShA shrUyate shrutiH . 
tAni samyakpraNItAni brAhmaNAnAM mahAtmanAm .. 15..\\
tapoyaGYAdapi shreShThamityeShA paramA shrutiH . 
tatte tapaH pravakShyAmi vidva.nstadapi me shR^iNu .. 16..\\
ahi.nsA satyavachanamAnR^isha.nsya.n damo ghR^iNA . 
etattapo vidurdhIrA na sharIrasya shoShaNam .. 17..\\
apramANya.n cha vedAnA.n shAstrANAM chAti la~Nghanam . 
avyavasthA cha sarvatra tadvai nAshanamAtmanaH .. 18..\\
nibodha dasha hotR^INA.n vidhAnaM pArtha yAdR^isham . 
chittiH srukchittamAjya.n cha pavitra.n GYAnamuttamam .. 19..\\
sarva.n jihmaM mR^ityupadamArjavaM brahmaNaH padam . 
etAvA~nGYAnaviShayaH kiM pralApaH kariShyati .. 20..\\
\medskip\hrule\medskip\centerline{\Largedvng 81}
yadapyalpatara.n karma tadapyekena duShkaram . 
puruSheNAsahAyena kimu rAjyaM pitA maha .. 1..\\
ki.n shIlaH kiM samAchAro rAGYo.arthasachivo bhavet . 
kIdR^ishe vishvasedrAjA kIdR^ishe nApi vishvaset .. 2..\\
chaturvidhAni mitrANi rAGYA.n rAjanbhavantyuta . 
sahArtho bhajamAnashcha sahajaH kR^itrimastathA .. 3..\\
dharmAtmA pa~nchamaM mitra.n sa tu naikasya na dvayoH . 
yato dharmastato vA syAnmadhyastho vA tato bhavet .. 4..\\
yastasyArtho na rocheta na ta.n tasya prakAshayet . 
dharmAdharmeNa rAjAnashcharanti vijigIShavaH .. 5..\\
chaturNAM madhyamau shreShThau nitya.n sha~Nkyau tathAparau . 
sarve nitya.n sha~NkitavyAH pratyakSha.n kAryamAtmanaH .. 6..\\
na hi rAGYA pramAdo vai kartavyo mitra rakShaNe . 
pramAdina.n hi rAjAnaM lokAH paribhavantyuta .. 7..\\
asAdhuH sAdhutAmeti sAdhurbhavati dAruNaH . 
arishcha mitraM bhavati mitra.n chApi praduShyati .. 8..\\
anitya chittaH puruShastasminko jAtu vishvaset . 
tasmAtpradhAna.n yatkAryaM pratyakSha.n tatsamAcharet .. 9..\\
ekAntena hi vishvAsaH kR^itsno dharmArthanAshakaH . 
avishvAsashcha sarvatra mR^ityunA na vishiShyate .. 10..\\
akAlamR^ityurvishvAso vishvasanhi vipadyate . 
yasminkaroti vishvAsamichchhatastasya jIvati .. 11..\\
tasmAdvishvasitavya.n cha sha~NkitavyaM cha keShu chit . 
eShA nItigatistAta lakShmIshchaiva sanAtanI .. 12..\\
yaM manyeta mamAbhAvAdimamarthAgamaH spR^ishet . 
nitya.n tasmAchchha~NkitavyamamitraM ta.n vidurbudhAH .. 13..\\
yasya kShetrAdapyudaka.n kShetramanyasya gachchhati . 
na tatrAnichchhatastasya bhidyeransarvasetavaH .. 14..\\
tathaivAtyudakAdbhItastasya bhedanamichchhati . 
yameva.n lakShaNaM vidyAttamamitraM vinirdishet .. 15..\\
yaH samR^iddhyA na tuShyeta kShaye dInataro bhavet . 
etaduttamamitrasya nimittamabhichakShate .. 16..\\
yaM manyeta mamAbhAvAdasyAbhAvo bhavediti . 
tasminkurvIta vishvAsa.n yathA pitari vai tathA .. 17..\\
ta.n shaktyA vardhamAnashcha sarvataH paribR^i.nhayet . 
nitya.n kShatAdvArayati yo dharmeShvapi karmasu .. 18..\\
kShatAdbhIta.n vijAnIyAduttamaM mitra lakShaNam . 
ye tasya kShatamichchhanti te tasya ripavaH smR^itAH .. 19..\\
vyasanAnnityabhIto.asau samR^iddhyAmeva tR^ipyate . 
yatsyAdeva.nvidhaM mitra.n tadAtmasamamuchyate .. 20..\\
rUpavarNasvaropetastitikShuranasUyakaH . 
kulInaH shIlasampannaH sa te syAtpratyanantaraH .. 21..\\
medhA vI smR^itimAndakShaH prakR^ityA chAnR^isha.nsa vAn . 
yo mAnito.amAnito vA na sandUShyetkadA chana .. 22..\\
R^itvigvA yadi vAchAryaH sakhA vAtyanta sa.nstutaH . 
gR^ihe vasedamAtyaste yaH syAtparamapUjitaH .. 23..\\
sa te vidyAtparaM mantraM prakR^iti.n chArthadharmayoH . 
vishvAsaste bhavettatra yathA pitari vai tathA .. 24..\\
naiva dvau na trayaH kAryA na mR^iShyeranparasparam . 
ekArthAdeva bhUtAnAM bhedo bhavati sarvadA .. 25..\\
kIrtipradhAno yashcha syAdyashcha syAtsamaye sthitaH . 
samarthAnyashcha na dveShTi samarthAnkurute cha yaH .. 26..\\
yo na kAmAdbhayAllobhAtkrodhAdvA dharmamutsR^ijet . 
dakShaH paryAptavachanaH sa te syAtpratyanantaraH .. 27..\\
shUrashchAryashcha vidvAMshcha pratipattivishAradaH . 
kulInaH shIlasampannastitikShuranasUyakaH .. 28..\\
ete hyamAtyAH kartavyAH sarvakarmasvavasthitAH . 
pUjitAH sa.nvibhaktAshcha susahAyAH svanuShThitAH .. 29..\\
kR^itsnamete vinikShiptAH pratirUpeShu karmasu . 
yuktA mahatsu kAryeShu shreyA.nsyutpAdayanti cha .. 30..\\
ete karmANi kurvanti spardhamAnA mithaH sadA . 
anutiShThanti chaivArthAnAchakShANAH parasparam .. 31..\\
GYAtibhyashchaiva bibhyethA mR^ityoriva yataH sadA . 
uparAjeva rAjardhi.n GYAtirna sahate sadA .. 32..\\
R^ijormR^idorvadAnyasya hrImataH satyavAdinaH . 
nAnyo GYAtermahAbAho vinAshamabhinandati .. 33..\\
aGYAtitA nAtisukhA nAvaGYeyAstvataH param . 
aGYAti mantaM puruShaM pare paribhavantyuta .. 34..\\
nikR^itasya narairanyairGYAtireva parAyaNam . 
nAnyairnikAra.n sahate GYAterGYAtiH kadA chana .. 35..\\
AtmAnameva jAnAti nikR^itaM bAndhavairapi . 
teShu santi guNAshchaiva nairguNya.n teShu lakShyate .. 36..\\
nAGYAtiranugR^ihNAti nAGYAtirdigdhamasyati . 
ubhaya.n GYAtilokeShu dR^ishyate sAdhvasAdhu cha .. 37..\\
tAnmAnayetpUjayechcha nitya.n vAchA cha karmaNA . 
kuryAchcha priyametebhyo nApriya.n kiM chidAcharet .. 38..\\
vishvastavadavishvastasteShu varteta sarvadA . 
na hi doSho guNo veti nispR^iktasteShu dR^ishyate .. 39..\\
tasyaiva.n vartamAnasya puruShasyApramAdinaH . 
amitrAH samprasIdanti tathA mitrI bhavantyapi .. 40..\\
ya eva.n vartate nityaM GYAtisambandhimaNDale . 
mitreShvamitreShvaishvarye chira.n yashasi tiShThati .. 41..\\
\medskip\hrule\medskip\centerline{\Largedvng 82}
evamagrAhyake tasmi~nGYAtisambandhimaNDale . 
mitreShvamitreShvapi cha kathaM bhAvo vibhAvyate .. 1..\\
atrApyudAharantImamitihAsaM purAtanam . 
vAsudevasya sa.nvAda.n surarShernAradasya cha .. 2..\\
nAsuhR^itparamaM mantraM nAradArhati veditum . 
apaNDito vApi suhR^itpaNDito vApi nAtmavAn .. 3..\\
sa te sauhR^idamAsthAya ki.n chidvakShyAmi nArada . 
kR^itsnA.n cha buddhi.n samprekShya sampR^ichchhe tridivaM gama .. 4..\\
dAsyamaishvaryavAdena GYAtInA.n vai karomyaham . 
ardhabhoktAsmi bhogAnA.n vAgduruktAni cha kShame .. 5..\\
araNImagnikAmo vA mathnAti hR^idayaM mama . 
vAchA durukta.n devarShe tanme dahati nityadA .. 6..\\
bala.n sa~NkarShaNe nityaM saukumAryaM punargade . 
rUpeNa mattaH pradyumnaH so.asahAyo.asmi nArava .. 7..\\
anye hi sumahAbhAgA balavanto durAsadAH . 
nityotthAnena sampannA nAradAndhakavR^iShNayaH .. 8..\\
yasya na syurna vai sa syAdyasya syuH kR^ichchhrameva tat . 
dvAbhyAM nivArito nitya.n vR^iNomyekataraM na cha .. 9..\\
syAtA.n yasyAhukAkrUrau kiM nu duHkhatara.n tataH . 
yasya vApi na tau syAtA.n kiM nu duHkhataraM tataH .. 10..\\
so.aha.n kitava mAteva dvayorapi mahAmune . 
ekasya jayamAsha.nse dvitIyasyAparAjayam .. 11..\\
mamaiva.n klishyamAnasya nAradobhayataH sadA . 
vaktumarhasi yachchhreyo GYAtInAmAtmanastathA .. 12..\\
Apado dvividhAH kR^iShNa bAhyAshchAbhyantarAsh cha ha . 
prAdurbhavanti vArShNeya svakR^itA yadi vAnyataH .. 13..\\
seyamAbhyantarA tubhyamApatkR^ichchhrA svakarma jA . 
akrUra bhojaprabhavAH sarve hyete tadanvayAH .. 14..\\
arthahetorhi kAmAdvAdvArA bIbhatsayApi vA . 
AtmanA prAptamaishvaryamanyatra pratipAditam .. 15..\\
kR^itamUlamidAnI.n tajjAtashabda.n sahAyavat . 
na shakyaM punarAdAtu.n vAntamannamiva tvayA .. 16..\\
babhrUgrasenayo rAjyaM nAptu.n shakya.n kathaM chana . 
GYAtibheda bhayAtkR^iShNa tvayA chApi visheShataH .. 17..\\
tachchetsidhyetprayatnena kR^itvA karma suduSh karam . 
mahAkShayavyaya.n vA syAdvinAsho vA punarbhavet .. 18..\\
anAyasena shastreNa mR^idunA hR^idayachhidA . 
jihvAmuddhara sarveShAM parimR^ijyAnumR^ijya cha .. 19..\\
anAyasaM mune shastraM mR^idu vidyAmaha.n katham . 
yenaiShAmuddhare jihvAM parimR^ijyAnumR^ijya cha .. 20..\\
shaktyAnna dAna.n satata.n titikShA dama Arjavam . 
yathArha pratipUjA cha shastrametadanAyasam .. 21..\\
GYAtInA.n vaktukAmAnA.n kaTUni cha laghUni cha . 
girA tva.n hR^idayaM vAchaM shamayasva manA.nsi cha .. 22..\\
nAmahA puruShaH kashchinnAnAtmA nAsahAya vAn . 
mahatI.n dhuramAdatte tAmudyamyorasA vaha .. 23..\\
sarva eva guruM bhAramanaDvAnvahate same . 
durge pratIkaH sugavo bhAra.n vahati durvaham .. 24..\\
bhedAdvinAshaH sa~NghAnA.n sa~Nghamukhyo.asi keshava . 
yathA tvAM prApya notsIdedaya.n sa~NghastathA kuru .. 25..\\
nAnyatra buddhikShAntibhyAM nAnyatrendriya nigrahAt . 
nAnyatra dhanasantyAgAdgaNaH prAGYe.avatiShThate .. 26..\\
dhanya.n yashasyamAyuShyaM svapakShodbhAvanaM shubham . 
GYAtInAmavinAshaH syAdyathA kR^iShNa tathA kuru .. 27..\\
AyatyA.n cha tadAtve cha na te.astyaviditaM prabho . 
ShADguNyasya vidhAnena yAtrA yAnavidhau tathA .. 28..\\
mAdhavAH kukurA bhojAH sarve chAndhakavR^iShNayaH . 
tvayyAsaktA mahAbAho lokA lokeshvarAsh cha ye .. 29..\\
upAsate hi tvadbuddhimR^iShayashchApi mAdhava . 
tva.n guruH sarvabhUtAnAM jAnIShe tvaM gatAgatam . 
tvAmAsAdya yadushreShThamedhante GYAtinaH sukham .. 30..\\
\medskip\hrule\medskip\centerline{\Largedvng 83}
eShA prathamato vR^ittirdvitIyA.n shR^iNu bhArata . 
yaH kashchijjanayedartha.n rAGYA rakShyaH sa mAnavaH .. 1..\\
hriyamANamamAtyena bhR^ito vA yadi vAbhR^itaH . 
yo rAjakoshaM nashyantamAchakShIta yudhiShThira .. 2..\\
shrotavya.n tasya cha raho rakShyashchAmAtya to bhavet . 
amAtyA hyupahantAraM bhUyiShTha.n ghnanti bhArata .. 3..\\
rAjakoshasya goptAra.n rAjakoshavilopakAH . 
sametya sarve bAdhante sa vinashyatyarakShitaH .. 4..\\
atrApyudAharantImamitihAsaM purAtanam . 
muniH kAlaka vR^ikShIyaH kausalya.n yaduvAcha ha .. 5..\\
kosalAnAmAdhipatya.n samprApte kShemadarshini . 
muniH kAlaka vR^ikShIya AjagAmeti naH shrutam .. 6..\\
sa kAkaM pa~njare baddhA viShaya.n kShemadarshinaH . 
pUrvaM paryacharadyuktaH pravR^ittyarthI punaH punaH .. 7..\\
adhIye vAyasI.n vidyAM sha.nsanti mama vAyasAH . 
anAgatamatIta.n cha yachcha samprati vartate .. 8..\\
iti rAShTre paripatanbahushaH puruShaiH saha . 
sarveShA.n rAjayuktAnA.n duShkR^itaM paripR^iShTavAn .. 9..\\
sa buddhvA tasya rAShTrasya vyavasAya.n hi sarvashaH . 
rAjayuktApachArAMshcha sarvAnbuddhvA tatastataH .. 10..\\
tameva kAkamAdAya rAjAna.n draShTumAgamat . 
sarvaGYo.asmIti vachanaM bruvANaH saMshitavrataH .. 11..\\
sa sma kausalyamAgamya rAjAmAtyamala.n kR^itam . 
prAha kAkasya vachanAdamutreda.n tvayA kR^itam .. 12..\\
asau chAsau cha jAnIte rAjakoshastvayA hR^itaH . 
evamAkhyAti kAko.aya.n tachchhIghramanugamyatAm .. 13..\\
tathAnyAnapi sa prAha rAjakoshaharAnsadA . 
na chAsya vachana.n kiM chidakR^ita.n shrUyate kva chit .. 14..\\
tena viprakR^itAH sarve rAjayuktAH kurUdvaha . 
tamatikramya suptasya nishi kAkamapothayan .. 15..\\
vAyasa.n tu vinirbhinnaM dR^iShTvA bANena pa~njare . 
pUrvAhne brAhmaNo vAkya.n kShemadarshinamabravIt .. 16..\\
rAja.nstvAmabhaya.n yAche prabhuM prANadhaneshvaram . 
anuGYAtastvayA brUyA.n vachana.n tvatpurohitam .. 17..\\
mitrArthamabhisantapto bhaktyA sarvAtmanA gataH . 
aya.n tavArtha.n harate yo brUyAdakShamAnvitaH .. 18..\\
sambubodhayiShurmitra.n sadashvamiva sArathiH . 
ati manyuprasakto hi prasajya hitakAraNam .. 19..\\
tathAvidhasya suhR^idaH kShantavya.n sa.nvijAnatA . 
aishvaryamichchhatA nityaM puruSheNa bubhUShatA .. 20..\\
ta.n rAjA pratyuvAchedaM yanmA ki.n chidbhavAnvadet . 
kasmAdahaM na kShameyamAkA~NkShannAtmano hitam .. 21..\\
brAhmaNa pratijAnIhi prabrUhi yadi chechchhasi . 
kariShyAmi hi te vAkya.n yadyanmAM vipra vakShyasi .. 22..\\
GYAtvA nayAnapAyAMshcha bhR^ityataste bhayAni cha . 
bhaktyA vR^itti.n samAkhyAtuM bhavato.antikamAgamam .. 23..\\
prAgevoktashcha doSho.ayamAchAryairnR^ipa sevinAm . 
agatIka gatirhyeShA yA rAGYA saha jIvikA .. 24..\\
AshIviShaishcha tasyAhuH sa~Ngata.n yasya rAjabhiH . 
bahumitrAshcha rAjAno bahumitrAstathaiva cha .. 25..\\
tebhyaH sarvebhya evAhaurbhaya.n rAjopasevinAm . 
athaiShAmekato rAjanmuhUrtAdeva bhIrbhavet .. 26..\\
naikAntenApramAdo hi kartu.n shakyo mahIpatau . 
na tu pramAdaH kartavyaH katha.n chidbhUtimichchhatA .. 27..\\
pramAdAddhi skhaledrAjA skhalite nAsti jIvitam . 
agni.n dIptamivAsIdedrAjAnamupashikShitaH .. 28..\\
AshIviShamiva kruddhaM prabhuM prANadhaneshvaram . 
yatnenopacharennityaM nAhamasmIti mAnavaH .. 29..\\
durvyAhR^itAchchha~NkamAno duShkR^itAdduradhiShThitAt . 
durAsitAddurvrajitAdi~NgitAda~NgacheShTitAt .. 30..\\
devateva hi sarvArthAnkuryAdrAjA prasAditaH . 
vaishvAnara iva kruddhaH sa mUlamapi nirdahet . 
iti rAjanmayaH prAha vartate cha tathaiva tat .. 31..\\
atha bhUyA.nsamevArtha.n kariShyAmi punaH punaH . 
dadAtyasmadvidho.amAtyo buddhisAhAyyamApadi .. 32..\\
vAyasashchaiva me rAjannantakAyAbhisa.nhitaH . 
na cha me.atra bhavAngarhyo nacha yeShAM bhavAnpriyaH . 
hitAhitA.nstu budhyethA mA parokShamatirbhava .. 33..\\
ye tvAdAna parA eva vasanti bhavato gR^ihe . 
abhUti kAmA bhUtAnA.n tAdR^ishairme.abhisa.nhitam .. 34..\\
ye vA bhavadvinAshena rAjyamichchhantyanantaram . 
antarairabhisandhAya rAjansidhyanti nAnyathA .. 35..\\
teShAmahaM bhayAdrAjangamiShyAmyanyamAshramam . 
tairhi me sandhito bANaH kAke nipatitaH prabho .. 36..\\
chhadmanA mama kAkashcha gamito yamasAdanam . 
dR^iShTa.n hyetanmayA rAja.nstapo dIrgheNa chakShuShA .. 37..\\
bahu nakrajhaShagrAhA.n timi~NgilagaNAyutAm . 
kAkena baDishenemAmatArSha.n tvAmahaM nadIm .. 38..\\
sthAnvashmakaNTaka vatI.n vyAghrasi.nhagajAkulAm . 
durAsadA.n duShpraveshAM guhA.n haimavatIm iva .. 39..\\
agninA tAmasa.n durgaM naubhirApyaM cha gamyate . 
rAjadurgAvataraNe nopAyaM paNDitA viduH .. 40..\\
gahanaM bhavato rAjyamandhakAratamo vR^itam . 
neha vishvasitu.n shakyaM bhavatApi kuto mayA .. 41..\\
ato nAya.n shubho vAsastulye sadasatI iha . 
vadho hyevAtra sukR^ite duShkR^ite na cha saMshayaH .. 42..\\
nyAyato duShkR^ite ghAtaH sukR^ite syAtkatha.n vadhaH . 
neha yukta.n chira.n sthAtuM javenAto vrajedbudhaH .. 43..\\
sItA nAma nadI rAjanplavo yasyAM nimajjati . 
tathopamAmimAM manye vAgurA.n sarvaghAtinIm .. 44..\\
madhu pratApo hi bhavAnbhojana.n viShasa.nyutam . 
asatAmiva te bhAvo vartate na satAm iva . 
AshIviShaiH parivR^itaH kUpastvamiva pArthiva .. 45..\\
durga tIrthA bR^ihatkUlA karIrI vetrasa.nyutA . 
nadI madhurapAnIyA yathA rAja.nstathA bhavAn . 
shvagR^idhragomAyu yuto rAjaha.nsa samo hyasi .. 46..\\
yathAshritya mahAvR^ikSha.n kakShaH sa.nvardhate mahAn . 
tatasta.n sa.nvR^iNotyeva tamatItya cha vardhate .. 47..\\
tenaivopendhano nUna.n dAvo dahati dAruNaH . 
tathopamA hyamAtyAste rAja.nstAnparishodhaya .. 48..\\
bhavataiva kR^itA rAjanbhavatA paripAlitAH . 
bhavantaM paryavaGYAya jighA.nsanti bhavatpriyam .. 49..\\
uShita.n sha~NkamAnena pramAdaM parirakShatA . 
antaH sarpa ivAgAre vIra patnyA ivAlaye . 
shIla.n jiGYAsamAnena rAGYashcha saha jIvinA .. 50..\\
kachchijjitendriyo rAjA kachchidabhyantarA jitAH . 
kachchideShAM priyo rAjA kachchidrAGYaH priyAH prajAH .. 51..\\
jiGYAsuriha samprAptastavAha.n rAjasattama . 
tasya me rochase rAjankShudhitasyeva bhojanam .. 52..\\
amAtyA me na rochante vi tR^iShNasya yathodakam . 
bhavato.arthakR^idityeva mayi doSho hi taiH kR^itaH . 
vidyate kAraNaM nAnyaditi me nAtra saMshayaH .. 53..\\
na hi teShAmaha.n drugdhastatteShAM doShavadgatam . 
arerhi durhatAdbheyaM bhagnapR^iShTAdivoragAt .. 54..\\
bhUyasA paribarheNa satkAreNa cha bhUyasA . 
pUjito brAhmaNashreShTha bhUyo vasa gR^ihe mama .. 55..\\
ye tvAM brAhmaNa nechchhanti na te vatsyanti me gR^ihe . 
bhavataiva hi tajGYeya.n yadidAnIm anantaram .. 56..\\
yathA syAdduShkR^ito daNDo yathA cha sukR^ita.n kR^itam . 
tathA samIkShya bhagava~nshreyase viniyu~NkShva mAm .. 57..\\
adarshayannima.n doShamekaikaM durbalaM kuru . 
tataH kAraNamAGYAya puruShaM puruSha.n jahi .. 58..\\
ekadoShA hi bahavo mR^idnIyurapi kaNTakAn . 
mantrabheda bhayAdrAja.nstasmAdetadbravImi te .. 59..\\
vaya.n tu brAhmaNA nAma mR^idu daNDAH kR^ipA lavaH . 
svasti chechchhAmi bhavataH pareShA.n cha yathAtmanaH .. 60..\\
rAjannAtmAnamAchakShe sambandhI bhavato hyaham . 
muniH kAlaka vR^ikShIya ityevamabhisa~nj~nitaH .. 61..\\
pituH sakhA cha bhavataH saMmataH satyasa~NgaraH . 
vyApanne bhavato rAjye rAjanpitari sa.nsthite .. 62..\\
sarvakAmAnparityajya tapastapta.n tadA mayA . 
snehAttvAM prabravImyetanmA bhUyo vibhramediti .. 63..\\
ubhe dR^iShTvA duHkhasukhe rAjyaM prApya yadR^ichchhayA . 
rAjyenAmAtya sa.nsthena katha.n rAjanpramAdyasi .. 64..\\
tato rAjakule nAndI sa~njaGYe bhUyasI punaH . 
purohita kule chaiva samprApte brAhmaNarShabha .. 65..\\
ekachhatrAM mahI.n kR^itvA kausalyAya yashasvine . 
muniH kAlaka vR^ikShIya Ije kratubhiruttamaiH .. 66..\\
hita.n tadvachana.n shrutvA kausalyo.anvashiShanmahIm . 
tathA cha kR^itavAnrAjA yathokta.n tena bhArata .. 67..\\
\medskip\hrule\medskip\centerline{\Largedvng 84}
hrIniShedhAH sadA santaH satyArjava samanvitAH . 
shaktAH kathayitu.n samyakte tava syuH sabhA sadaH .. 1..\\
atyADhyAMshchAti shUrAMshcha brAhmaNAMshcha bahushrutAn . 
susantuShTAMshcha kaunteya mahotsAhAMsh cha karmasu .. 2..\\
etAnsahAyA.NllipsethAH sarvAsvApatsu bhArata . 
kulInaH pUjito nityaM na hi shaktiM nigUhati .. 3..\\
prasanna.n hyaprasannaM vA pIDitaM hR^itameva vA . 
Avartayati bhUyiShTha.n tadeko hyanupAlitaH .. 4..\\
kulInA deshajAH prAGYA rUpavanto bahushrutAH . 
pragalbhAshchAnuraktAshcha te tava syuH parichchhadAH .. 5..\\
dauShkuleyAshcha lubdhAshcha nR^isha.nsA nirapatrapAH . 
te tvA.n tAta niSheveyuryAvadArdhaka pANayaH .. 6..\\
arthamAnArghya satkArairbhogairuchchAvachaiH priyAn . 
yAnarthabhAjo manyethAste te syuH sukhabhAginaH .. 7..\\
abhinna vR^ittA vidvA.nsaH sadvR^ittAshcharitavratAH . 
na tvAM nityArthino jahyurakShudrAH satyavAdinaH .. 8..\\
anAryA ye na jAnanti samayaM mandachetasaH . 
tebhyaH pratijugupsethA jAnIyAH samayachyutAn .. 9..\\
naikamichchhedgaNa.n hitvA syAchchedanyatara grahaH . 
yastveko bahubhiH shreyAnkAma.n tena gaNaM tyajet .. 10..\\
shreyaso lakShaNa.n hyetadvikramo yasya dR^ishyate . 
kIrtipradhAno yashcha syAtsamaye yashcha tiShThati .. 11..\\
samarthAnpUjayedyashcha nAsparthyaiH spardhate cha yaH . 
na cha kAmAdbhayAtkrodhAllobhAdvA dharmamutsR^ijet .. 12..\\
amAnI satyavAkshakto jitAtmA mAnyamAnitA . 
sa te mantrasahAyaH syAtsarvAvasthaM parIkShitaH .. 13..\\
kulInaH satyasampannastitikShurdakSha AtmavAn . 
shUraH kR^itaGYaH satyashcha shreyasaH pArtha lakShaNam .. 14..\\
tasyaiva.n vartamAnasya puruShasya vijAnataH . 
amitrAH samprasIdanti tato mitrI bhavantyapi .. 15..\\
ata UrdhvamamAtyAnAM parIkSheta guNAguNAn . 
sa.nyatAtmA kR^itapraGYo bhUtikAmashcha bhUmipaH .. 16..\\
sambaddhAH puruShairAptairabhijAtaiH svadeshajaiH . 
ahAryairavyabhIchAraiH sarvataH suparIkShitaiH .. 17..\\
yodhAH srauvAstathA maulAstathaivAnye.apyavaH kR^itAH . 
kartavyA bhUtikAmena puruSheNa bubhUShatA .. 18..\\
yeShA.n vainayikI buddhiH prakR^itA chaiva shobhanA . 
tejo dhairya.n kShamA shauchamanurAga sthitirdhR^itiH .. 19..\\
parIkShita guNAnnityaM prauDha bhAvAndhurandharAn . 
pa~nchopadhA vyatItAMshcha kuryAdrAjArtha kAriNaH .. 20..\\
paryAptavachanAnvIrAnpratipattivishAradAn . 
kulInAnsatyasampannAni~Ngita GYAnaniShThurAn .. 21..\\
deshakAlavidhAnaGYAnbhartR^ikAryahitaiShiNaH . 
nityamartheShu sarveShu rAjA kurvIta mantriNaH .. 22..\\
hInatejA hyasa.nhR^iShTo naiva jAtu vyavasyati . 
avashya.n janayatyeva sarvakarmasu saMshayAn .. 23..\\
evamalpashruto mantrI kalyANAbhijano.apyuta . 
dharmArthakAmayukto.api nAlaM mantraM parIkShitum .. 24..\\
tathaivAnabhijAto.api kAmamastu bahushrutaH . 
anAyaka ivAchakShurmuhyatyUhyeShu karmasu .. 25..\\
yo vA hyasthirasa~Nkalpo buddhimAnAgatAgamaH . 
upAyaGYo.api nAla.n sa karma yApayitu.n chiram .. 26..\\
kevalAtpunarAchArAtkarmaNo nopapadyate . 
parimarsho visheShANAmashrutasyeha durmateH .. 27..\\
mantriNyananurakte tu vishvAso na hi vidyate . 
tasmAdananuraktAya naiva mantraM prakAshayet .. 28..\\
vyathayeddhi sa rAjAnaM mantribhiH sahito.anR^ijuH . 
mArutopahata chhidraiH pravishyAgniriva drumam .. 29..\\
sa~NkrudhyatyekadA svAmI sthAnAchchaivApakarShati . 
vAchA kShipati sa.nrabdhastataH pashchAtprasIdati .. 30..\\
tAni tAnyanuraktena shakyAnyanutitikShitum . 
mantriNA.n cha bhavetkrodho visphUrjitamivAshaneH .. 31..\\
yastu sa.nharate tAni bhartuH priyachikIrShayA . 
samAnasukhaduHkha.n taM pR^ichchhedartheShu mAnavam .. 32..\\
anR^ijustvanurakto.api sampannashchetarairguNaiH . 
rAGYaH praGYAna yukto.api na mantra.n shrotumarhati .. 33..\\
yo.amitraiH saha sambaddho na paurAnbahu manyate . 
sa suhR^ittAdR^isho rAGYo na mantra.n shrotumarhati .. 34..\\
avidvAnashuchiH stabdhaH shatrusevI vikatthanaH . 
sa suhR^itkrodhano lubdho na mantra.n shrotumarhati .. 35..\\
AgantushchAnurakto.api kAmamastu bahushrutaH . 
satkR^itaH sa.nvibhakto vA na mantra.n shrotumarhati .. 36..\\
yastvalpenApi kAryeNa sakR^idAkShArito bhavet . 
punaranyairguNairyukto na mantra.n shrotumarhati .. 37..\\
kR^itapraGYashcha medhA vI budho jAnapadaH shuchiH . 
sarvakarmasu yaH shuddhaH sa mantra.n shrotumarhati .. 38..\\
GYAnaviGYAnasampannaH prakR^itiGYaH parAtmanoH . 
suhR^idAtmasamo rAGYo sa mantra.n shrotumarhati .. 39..\\
satyavAkshIlasampanno gambhIraH sa trapo mR^iduH . 
pitR^ipaitAmaho yaH syAtsa mantra.n shrotumarhati .. 40..\\
santuShTaH saMmataH satyaH shauTIre dveShyapApakaH . 
mantravitkAlavichchhUraH sa mantra.n shrotumarhati .. 41..\\
sarvaloka.n samaM shaktaH sAntvena kurute vashe . 
tasmai mantraH prayoktavyo daNDamAdhitsatA nR^ipa .. 42..\\
paurajAnapadA yasminvishvAsa.n dharmato gatAH . 
yoddhA nayavipashchichcha sa mantra.n shrotumarhati .. 43..\\
tasmAtsarvairguNairetairupapannAH supUjitAH . 
mantriNaH prakR^itiGYAH syustryavarA mahadIpsavaH .. 44..\\
svAsu prakR^itiShu chhidra.n lakShayeranparasya cha . 
mantriNo mantramUla.n hi rAGYo rAShTraM vivardhate .. 45..\\
nAsya chhidraM paraH pashyechchhidreShu paramanviyAt . 
gUhetkUrma ivA~NgAni rakShedvivaramAtmanaH .. 46..\\
mantragrAhA hi rAjyasya mantriNo ye manIShiNaH . 
mantrasa.nhanano rAjA mantrA~NgAnItaro janaH .. 47..\\
rAjyaM praNidhi mUla.n hi mantrasAraM prachakShate . 
svAmina.n tvanuvartanti vR^ittyarthamiha mantriNaH .. 48..\\
sa vinIya madakrodhau mAnamIrShyA.n cha nirvR^itaH . 
nityaM pa~nchopadhAtItairmantrayetsaha mantribhiH .. 49..\\
teShA.n trayANA.n vividhaM vimarshaM 
budhyeta chitta.n viniveshya tatra . 
svanishchaya.n taM paranishchayaM cha 
nivedayeduttaramantrakAle .. 50..\\
dharmArthakAmaGYamupetya pR^ichchhed 
yukto guruM brAhmaNamuttamArtham . 
niShThA kR^itA tena yadA saha syAt 
ta.n tatra mArgaM praNayedasaktam .. 51..\\
eva.n sadA mantrayitavyamAhur 
ye mantratattvArthavinishchayaGYAH . 
tasmAttvamevaM praNayeH sadaiva 
mantraM prajA sa~NgrahaNe samartham .. 52..\\
na vAmanAH kubja kR^ishA na kha~njA 
nAndhA jaDAH strI na na pu.nsaka.n cha . 
na chAtra tirya~Nna puro na pashchAn 
nordhvaM na chAdhaH prachareta kash chit .. 53..\\
Aruhya vAtAyanameva shUnyaM 
sthalaM prakAsha.n kushakAshahInam . 
vAga~NgadoShAnparihR^itya mantraM 
saMmantrayetkAryamahIna kAlam .. 54..\\
\medskip\hrule\medskip\centerline{\Largedvng 85}
atrApyudAharantImamitihAsaM purAtanam . 
bR^ihaspateshcha sa.nvAda.n shakrasya cha yudhiShThira .. 1..\\
ki.n svidekapadaM brahmanpuruShaH samyagAcharan . 
pramANa.n sarvabhUtAnAM yashashchaivApnuyAnmahat .. 2..\\
sAntvamekapada.n shakra puruShaH samyagAcharan . 
pramANa.n sarvabhUtAnAM yashashchaivApnuyAnmahat .. 3..\\
etadekapada.n shakra sarvalokasukhAvaham . 
AcharansarvabhUteShu priyo bhavati sarvadA .. 4..\\
yo hi nAbhAShate ki.n chitsatataM bhrukuTI mukhaH . 
dveShyo bhavati bhUtAnA.n sa sAntvamiha nAcharan .. 5..\\
yastu pUrvamabhiprekShya pUrvamevAbhibhAShate . 
smitapUrvAbhibhAShI cha tasya lokaH prasIdati .. 6..\\
dAnameva hi sarvatra sAntvenAnabhijalpitam . 
na prINayati bhUtAni nirvya~njamamivAshanam .. 7..\\
adAtA hyapi bhUtAnAM madhurAmIrayangiram . 
sarvalokamima.n shakra sAntvena kurute vashe .. 8..\\
tasmAtsAntvaM prakartavya.n daNDamAdhitsatAm iha . 
phala.n cha janayatyevaM na chAsyodvijate janaH .. 9..\\
sukR^itasya hi sAntvasya shlakShNasya madhurasya cha . 
samyagAsevyamAnasya tulya.n jAtu na vidyate .. 10..\\
ityuktaH kR^itavAnsarva.n tathA shakraH purodhasA . 
tathA tvamapi kaunteya samyagetatsamAchara .. 11..\\
\medskip\hrule\medskip\centerline{\Largedvng 86}
katha.n svidiha rAjendra pAlayanpArthiva prajAH . 
prati dharma.n visheSheNa kIrtimApnoti shAshvatIm .. 1..\\
vyavahAreNa shuddhena prajApAlanatatparaH . 
prApya dharma.n cha kIrtiM cha lokAvApnotyubhau shuchiH .. 2..\\
kIdR^isha.n vyavahAra.n tu kaishcha vyavaharennR^ipaH . 
etatpR^iShTo mahAprAGYa yathA vadvaktumarhasi .. 3..\\
ye chaite pUrvakathitA guNAste puruShaM prati . 
naikasminpuruShe hyete vidyanta iti me matiH .. 4..\\
evametanmahAprAGYa yathA vadasi buddhimAn . 
durlabhaH puruShaH kashchidebhirguNaguNairyutaH .. 5..\\
ki.n tu sa~NkShepa taH shIlaM prayatne neha durlabham . 
vakShyAmi tu yathAmAtyAnyAdR^ishAMshcha kariShyasi .. 6..\\
chaturo brAhmaNAnvaidyAnpragalbhAnsAttvikA~nshuchIn . 
trIMshcha shUdrAnvinItAMshcha shuchInkarmaNi pUrvake .. 7..\\
aShTAbhishcha guNairyukta.n sUtaM paurANika.n charet . 
pa~nchAshadvarShavayasaM pragalbhamanasUyakam .. 8..\\
matismR^itisamAyukta.n vinItaM samadarshanam . 
kArye vivadamAnAnA.n shaktamartheShvalolupam .. 9..\\
vivarjitAnA.n vyasanaiH sughoraiH saptabhirbhR^isham . 
aShTAnAM mantriNAM madhye mantra.n rAjopadhArayet .. 10..\\
tataH sampeShayedrAShTre rAShTrAyAtha cha darshayet . 
anena vyavahAreNa draShTavyAste prajAH sadA .. 11..\\
na chApi gUDha.n kAryaM te grAhyaM kAryopaghAtakam . 
kArye khalu vipanne tvA.n so.adharmastAMshcha pIDayet .. 12..\\
vidravechchaiva rAShTra.n te shyenAtpakShigaNA iva . 
parisravechcha satataM naurvishIrNeva sAgare .. 13..\\
prajAH pAlayato.asamyagadharmeNeha bhUpateH . 
hArdaM bhaya.n sambhavati svargashchAsya virudhyate .. 14..\\
atha yo.adharmataH pAti rAjAmAtyo.atha vAtma jaH . 
dharmAsane niyuktaH sandharmamUlaM nararShabha .. 15..\\
kAryeShvadhi kR^itAH samyagakurvanto nR^ipAnugAH . 
AtmAnaM purataH kR^itvA yAnyadhaH saha pArthivAH .. 16..\\
balAtkR^itAnAM balibhiH kR^ipaNaM bahu jalpatAm . 
nAtho vai bhUmipo nityamanAthAnAM nR^iNAM bhavet .. 17..\\
tataH sAkShibala.n sAdhu dvaidhe vAdakR^itaM bhavet . 
asAkShikamanAtha.n vA parIkShya.n tadvisheShataH .. 18..\\
aparAdhAnurUpa.n cha daNDaM pApeShu pAtayet . 
udvejayeddhanairR^iddhAndaridrAnvadhabAndhanaiH .. 19..\\
vinayairapi durvR^ittAnprahArairapi pArthivaH . 
sAntvenopapradAnena shiShTAMshcha paripAlayet .. 20..\\
rAGYo vadha.n chikIrShedyastasya chitro vadho bhavet . 
AjIvakasya stenasya varNasa~Nkarakasya cha .. 21..\\
samyakpraNayato daNDaM bhUmipasya vishAM pate . 
yuktasya vA nAstyadharmo dharma eveha shAshvataH .. 22..\\
kAmakAreNa daNDa.n tu yaH kuryAdavichakShaNaH . 
sa ihAkIrti sa.nyukto mR^ito narakamApnuyAt .. 23..\\
na parasya shravAdeva pareShA.n daNDamarpayet . 
AgamAnugama.n kR^itvA badhnIyAnmokShayeta vA .. 24..\\
na tu hanyAnnR^ipo jAtu dUta.n kasyAM chidApadi . 
dUtasya hantA nirayamAvishetsachivaiH saha .. 25..\\
yathoktavAdina.n dUtaM kShatradharmarato nR^ipaH . 
yo hanyAtpitarastasya bhrUNa hatyAmavApnuyuH .. 26..\\
kulInaH shIlasampanno vAgmI dakShaH priya.nvadaH . 
yathoktavAdI smR^itimAndUtaH syAtsaptabhirguNaiH .. 27..\\
etaireva guNairyuktaH pratIhAro.asya rakShitA . 
shiro rakShashcha bhavati guNairetaiH samanvitaH .. 28..\\
dharmArthashAstratattvaGYaH sandhivigrahako bhavet . 
matimAndhR^itimAndhImAnrahasyavinigUhitA .. 29..\\
kulInaH satyasampannaH shakto.amAtyaH prasha.nsitaH . 
etaireva guNairyuktastathA senApatirbhavet .. 30..\\
vyUha yantrAyudhIyAnA.n tattvaGYo vikramAnvitaH . 
varShashItoShNavAtAnA.n sahiShNuH pararandhri vit .. 31..\\
vishvAsayetparAMshchaiva vishvasenna tu kasya chit . 
putreShvapi hi rAjendra vishvAso na prashasyate .. 32..\\
etachchhAstrArtha tattva.n tu tavAkhyAtaM mayAnagha . 
avishvAso narendrANA.n guhyaM paramamuchyate .. 33..\\
\medskip\hrule\medskip\centerline{\Largedvng 87}
katha.n vidhaM puraM rAjA svayamAvastumarhati . 
kR^ita.n vA kArayitvA vA tanme brUhi pitA maha .. 1..\\
yatra kaunteya vastavya.n saputrabhrAtR^ibandhunA . 
nyAyya.n tatra paripraShTuM gupti.n vR^ittiM cha bhArata .. 2..\\
tasmAtte vartayiShyAmi durgakarmavisheShataH . 
shrutvA tathAvidhAtavyamanuShTheya.n cha yatnataH .. 3..\\
ShaDvidha.n durgamAsthAya purANyatha niveshayet . 
sarvasampatpradhAna.n yadbAhulyaM vApi sambhavet .. 4..\\
dhanva durgaM mahI durga.n giridurgaM tathaiva cha . 
manuShyadurgamabdurga.n vanadurga.n cha tAni ShaT .. 5..\\
yatpura.n durga sampannaM dhAnyAyudha samanvitam . 
dR^iDhaprAkAraparikha.n hastyashvarathasa~Nkulam .. 6..\\
vidvA.nsaH shilpino yatra nichayAshcha susa~ncitAH . 
dhArmikashcha jano yatra dAkShyamuttamamAsthitaH .. 7..\\
Urvo vi naranAgAshva.n chatvarApaNashobhitam . 
prasiddha vyavahAra.n cha prashAntamakutobhayam .. 8..\\
suprabha.n sAnunAda.n cha suprashasta niveshanam . 
shUrADhya janasampannaM brahmaghoShAnunAditam .. 9..\\
samAjotsavasampanna.n sadA pUjita daivatam . 
vashyAmAtya balo rAjA tatpura.n svayamAvaset .. 10..\\
tatra koshaM balaM mitra.n vyavahAra.n cha vardhayet . 
pure janapade chaiva sarvadoShAnnivartayet .. 11..\\
bhANDAgArAyudhAgAraM prayatnenAbhivardhayet . 
nichayAnvardhayetsarvA.nstathA yantragadA gadAn .. 12..\\
kAShThalohatuShA~NgAradArushR^i~NgAsthivaiNavAn . 
majjA snehavasA kShaudramauShadha grAmameva cha .. 13..\\
shaNa.n sarjarasa.n dhAnyamAyudhAni sharA.nstathA . 
charma snAyu tathA vetraM mu~nja balbaja dhanvanAn .. 14..\\
AshayAshchoda pAnAshcha prabhUtasalilA varAH . 
niroddhavyAH sadA rAGYA kShIriNashcha mahIruhAH .. 15..\\
satkR^itAshcha prayatnena AchAryartvikpurohitAH . 
maheShvAsAH sthapatayaH sA.nvatsara chikitsakAH .. 16..\\
prAGYA medhA vino dAntA dakShAH shUrA bahushrutAH . 
kulInAH sattvasampannA yuktAH sarveShu karmasu .. 17..\\
pUjayeddhArmikAnrAjA nigR^ihNIyAdadhArmikAn . 
niyu~njyAchcha prayatnena sarvavarNAnsvakarmasu .. 18..\\
bAhyamAbhyantara.n chaiva paurajAnapadaM janam . 
chAraiH suvidita.n kR^itvA tataH karma prayojayet .. 19..\\
chArAnmantra.n cha koshaM cha mantraM chaiva visheShataH . 
anutiShThetsvaya.n rAjA sarvaM hyatra pratiShThitam .. 20..\\
udAsInAri mitrANA.n sarvameva chikIrShitam . 
pure janapade chaiva GYAtavya.n chArachakShuShA .. 21..\\
tatastathAvidhAtavya.n sarvamevApramAda taH . 
bhaktAnpujayatA nitya.n dviShatashcha nigR^ihNatA .. 22..\\
yaShTtavya.n kratubhirnityaM dAtavyaM chApyapIDayA . 
prajAnA.n rakShaNa.n kAryaM na kAryaM karma garhitam .. 23..\\
kR^ipaNAnAtha vR^iddhAnA.n vidhavAnA.n cha yoShitAm . 
yogakShema.n cha vR^ittiM cha nityameva prakalpayet .. 24..\\
AshrameShu yathAkAla.n chela bhAjanabhojanam . 
sadaivopaharedrAjA satkR^ityAnavamanya cha .. 25..\\
AtmAna.n sarvakAryANi tApase rAjyameva cha . 
nivedayetprayatnena tiShThetprahvashcha sarvadA .. 26..\\
sarvArthatyAgina.n rAjA kule jAtaM bahushrutam . 
pUjayettAdR^isha.n dR^iShTvA shayanAsanabhojanaiH .. 27..\\
tasminkurvIta vishvAsa.n rAjA kasyA.n chidApadi . 
tApaseShu hi vishvAsamapi kurvanti dasyavaH .. 28..\\
tasminnidhInAdadhIta praGYAM paryAdadIta cha . 
na chApyabhIkShNa.n seveta bhR^ishaM vA pratipUjayet .. 29..\\
anyaH kAryaH svarAShTreShu pararAShTreShu chAparaH . 
aTavIShvaparaH kAryaH sAmantanagareShu cha .. 30..\\
teShu satkArasa.nskArAnsa.nvibhAgAMshcha kArayet . 
pararAShTrATavI stheShu yathA svaviShaye tathA .. 31..\\
te kasyA.n chidavasthAyA.n sharaNaM sharaNArthine . 
rAGYe dadyuryathAkAma.n tApasAH saMshitavratAH .. 32..\\
eSha te lakShaNoddeshaH sa~NkShepeNa prakIrtitaH . 
yAdR^ishaM nagara.n rAjA svayamAvastumarhati .. 33..\\
\medskip\hrule\medskip\centerline{\Largedvng 88}
rAShTragupti.n cha me rAjanrAShTrasyaiva cha sa~Ngraham . 
samyagjiGYAsamAnAya prabrUhi bharatarShabha .. 1..\\
rAShTragupti.n cha te samyagrAShTrasyaiva cha sa~Ngraham . 
hanta sarvaM pravakShyAmi tattvamekamanAH shR^iNu .. 2..\\
grAmasyAdhipatiH kAryo dasha grAmyastathAparaH . 
dviguNAyAH shatasyaiva.n sahasrasya cha kArayet .. 3..\\
grAme yAngrAmadoShAMshcha grAmikaH paripAlayet . 
tAnbrUyAddasha pAyAsau sa tu viMshatipAya vai .. 4..\\
so.api viMshatyadhipatirvR^itta.n jAnapade jane . 
grAmANA.n shatapAlAya sarvameva nivedayet .. 5..\\
yAni gramINa bhojyAni grAmikastAnyupAshnuyAt . 
dasha pastena bhartavyastenApi dviguNAdhipaH .. 6..\\
grAma.n grAmashatAdhyakSho bhoktumarhati satkR^itaH . 
mahAntaM bharatashreShTha susphIta janasa~Nkulam . 
tatra hyanekamAyatta.n rAGYo bhavati bhArata .. 7..\\
shAkhA nagaramarhastu sahasrapatiruttamam . 
dhAnyahairaNyabhogena bhoktu.n rAShTriya udyataH .. 8..\\
tathA yadgrAmakR^itya.n syAdgrAmikR^itya.n cha te svayam . 
dharmaGYaH sachivaH kashchittatprapashyedatandritaH .. 9..\\
nagare nagare cha syAdekaH sarvArthachintakaH . 
uchchaiH sthAne ghorarUpo nakShatrANAmiva grahaH . 
bhavetsa tAnparikrAmetsarvAneva sadA svayam .. 10..\\
vikraya.n krayamadhvAnaM bhaktaM cha sa parivyayam . 
yogakShema.n cha samprekShya vaNijaH kArayetkarAn .. 11..\\
utpatti.n dAnavR^ittiM cha shilpa.n samprekShya chAsakR^it . 
shilpapratikarAneva shilpinaH prati kArayet .. 12..\\
uchchAvachakarA nyAyyAH pUrvarAGYA.n yudhiShThira . 
yathA yathA na hIyera.nstathA kuryAnmahIpatiH .. 13..\\
phala.n karma cha samprekShya tataH sarvaM prakalpayet . 
phala.n karma cha nirhetu na kashchitsampravartayet .. 14..\\
yathA rAjA cha kartA cha syAtA.n karmaNi bhAginau . 
samavekShya tathA rAGYA praNeyAH satata.n karAH .. 15..\\
nochchhindyAdAtmano mUlaM pareShA.n vApi tR^iShNayA . 
IhA dvArANi sa.nrudhya rAjA samprIti darshanaH .. 16..\\
pradviShanti parikhyAta.n rAjAnamati khAdanam . 
pradviShTasya kutaH shreyaH sampriyo labhate priyam .. 17..\\
vatsaupamyena dogdhavya.n rAShTramakShINa buddhinA . 
bhR^ito vatso jAtabalaH pIDA.n sahati bhArata .. 18..\\
na karma kurute vatso bhR^isha.n dugdho yudhiShThira . 
rAShTramapyatidugdha.n hi na karma kurute mahat .. 19..\\
yo rAShTramanugR^ihNAti parigR^ihya svayaM nR^ipaH . 
sa~njAtamupajIvansa labhate sumahatphalam .. 20..\\
Apadartha.n hi nichayAnrAjAna iha chinvate . 
rAShTra.n cha koshabhUta.n syAtkosho veshma gatastathA .. 21..\\
paurajAnapadAnsarvAnsaMshritopAshritA.nstathA . 
yathAshaktyanukampeta sarvAnabhyantarAnapi .. 22..\\
bAhya.n janaM bhedayitvA bhoktavyo madhyamaH sukham . 
evaM na samprakupyante janAH sukhitaduHkhitAH .. 23..\\
prAgeva tu karAdAnamanubhAShya punaH punaH . 
saMnipatya svaviShaye bhaya.n rAShTre pradarshayet .. 24..\\
iyamApatsamutpannA parachakrabhayaM mahat . 
api nAntAya kalpeta veNoriva phalAgamaH .. 25..\\
arayo me samutthAya bahubhirdasyubhiH saha . 
idamAtmavadhAyaiva rAShTramichchhanti bAdhitum .. 26..\\
asyAmApadi ghorAyA.n samprApte dAruNe bhaye . 
paritrANAya bhavatAM prArthayiShye dhanAni vaH .. 27..\\
pratidAsye cha bhavatA.n sarva.n chAhaM bhayakShaye . 
nArayaH pratidAsyanti yaddhareyurbalAditaH .. 28..\\
kalatramAditaH kR^itvA nashyetsva.n svayameva hi . 
api chetputradArArthamarthasa~ncaya iShyate .. 29..\\
nandAmi vaH prabhAvena putrANAm iva chodaye . 
yathAshaktyanugR^ihNAmi rAShTrasyApIDayA cha vaH .. 30..\\
Apatsveva cha boDhavyaM bhavadbhiH sadgavairiva . 
na vaH priya tara.n kAryaM dhanaM kasyAM chidApadi .. 31..\\
iti vAchA madhurayA shlakShNayA sopachArayA . 
svarashmInabhyavasR^ijedyugamAdAya kAlavit .. 32..\\
prachAraM bhR^ityabharaNa.n vyaya.n gogrAma to bhayam . 
yogakShema.n cha samprekShya gominaH kArayetkarAn .. 33..\\
upekShitA hi nashyeyurgomino.araNyavAsinaH . 
tasmAtteShu visheSheNa mR^idupUrva.n samAcharet .. 34..\\
sAntvana.n rakShaNa.n dAnamavasthA chApyabhIkShNashaH . 
gominAM pArtha kartavya.n sa.nvibhAgAH priyANi cha .. 35..\\
ajasramupayoktavyaM phala.n gomiShu sarvataH . 
prabhAvayati rAShTra.n cha vyavahAraM kR^iShiM tathA .. 36..\\
tasmAdgomiShu yatnena prIti.n kuryAdvichakShaNaH . 
dayAvAnapramattashcha karAnsampraNayanmR^idUn .. 37..\\
sarvatra kShemacharaNa.n sulabha.n tAta gomibhiH . 
na hyataH sadR^isha.n kiM chiddhanamasti yudhiShThira .. 38..\\
\medskip\hrule\medskip\centerline{\Largedvng 89}
yadA rAjA samartho.api koshArthI syAnmahAmate . 
kathaM pravarteta tadA tanme brUhi pitA maha .. 1..\\
yathAdesha.n yathAkAlamapi chaiva yathAbalam . 
anushiShyAtprajA rAjA dharmArthI taddhite rataH .. 2..\\
yathA tAsA.n cha manyeta shreya Atmana eva cha . 
tathA dharmyANi sarvANi rAjA rAShTre pravartayet .. 3..\\
madhu doha.n duhedrAShTraM bhramarAnna vipAtayet . 
vatsApekShI duhechchaiva stanAMshcha na vikuTTayet .. 4..\\
jalaukA vatpibedrAShTraM mR^idunaiva narAdhipa . 
vyAghrIva cha haretputramadaShTvA mA patediti .. 5..\\
alpenAlpena deyena vardhamAnaM pradApayet . 
tato bhUyastato bhUyaH kAma.n vR^iddhiM samAcharet .. 6..\\
damayanniva damyAnA.n shashvadbhAraM pravardhayet . 
mR^idupUrvaM prayatnena pAshAnabhyavahArayet .. 7..\\
sakR^itpAshAvakIrNAste na bhaviShyanti durdamAH . 
uchiteneva bhoktavyAste bhaviShyanti yatnataH .. 8..\\
tasmAtsarvasamArambho durlabhaH puruShavrajaH . 
yathAmukhyAnsAntvayitvA bhoktavya itaro janaH .. 9..\\
tatastAnbhedayitvAtha parasparavivakShitAn . 
bhu~njIta sAntvayitvaiva yathAsukhamayatna taH .. 10..\\
na chAsthAne na chAkAle karAnebhyo.anupAtayet . 
AnupUrvyeNa sAntvena yathAkAla.n yathAvidhi .. 11..\\
upAyAnprabravImyetAnna me mAyA vivakShitA . 
anupAyena damayanprakopayati vAjinaH .. 12..\\
pAnAgArANi veshAshcha vesha prApaNikAstathA . 
kushIlavAH sa kitavA ye chAnye ke chidIdR^ishAH .. 13..\\
niyamyAH sarva evaite ye rAShTrasyopaghAtakAH . 
ete rAShTre hi tiShThanto bAdhante bhadrikAH prajAH .. 14..\\
na kena chidyAchitavyaH kashchitki.n chidanApadi . 
iti vyavasthA bhUtAnAM purastAnmanunA kR^itA .. 15..\\
sarve tathA na jIveyurna kuryuH karma chediha . 
sarva eva trayo lokA na bhaveyurasaMshayam .. 16..\\
prabhurniyamane rAjA ya etAnna niyachchhati . 
bhu~Nkte sa tasya pApasya chaturbhAgamiti shrutiH . 
tathA kR^itasya dharmasya chaturbhAgamupAshnute .. 17..\\
sthAnAnyetAni sa~Ngamya prasa~Nge bhUtinAshanaH . 
kAmaprasaktaH puruShaH kimakArya.n vivarjayet .. 18..\\
Apadyeva tu yAcheranyeShAM nAsti parigrahaH . 
dAtavya.n dharmatastebhyastvanukroshAddayArthinA .. 19..\\
mA te rAShTre yAchanakA mA te bhUyushcha dasyavaH . 
iShTAdAtAra evaite naite bhUtasya bhAvakAH .. 20..\\
ye bhUtAnyanugR^ihNanti vardhayanti cha ye prajAH . 
te te rAShTre pravartantAM mA bhUtAnAmabhAvakAH .. 21..\\
daNDyAste cha mahArAja dhanAdAna prayojanAH . 
prayoga.n kArayeyustAnyathAbali karA.nstathA .. 22..\\
kR^iShigorakShya vANijya.n yachchAnyatki.n chidIdR^isham . 
puruShaiH kArayetkarma bahubhiH saha karmibhiH .. 23..\\
narashchetkR^iShigorakShya.n vANijya.n chApyanuShThitaH . 
saMshaya.n labhate ki.n chittena rAjA vigarhyate .. 24..\\
dhaninaH pUjayennitya.n yAnAchchhAdanabhojanaiH . 
vaktavyAshchAnugR^ihNIdhvaM pUjAH saha mayeti ha .. 25..\\
a~NgametanmahadrAGYA.n dhanino nAma bhArata . 
kakuda.n sarvabhUtAnA.n dhanastho nAtra saMshayaH .. 26..\\
prAGYaH shUro dhanasthashcha svAmI dhArmika eva cha . 
tapasvI satyavAdI cha buddhimAMshchAbhirakShati .. 27..\\
tasmAdeteShu sarveShu prItimAnbhava pArthiva . 
satyamArjavamakrodhamAnR^isha.nsya.n cha pAlaya .. 28..\\
eva.n daNDaM cha koshaM cha mitraM bhUmiM cha lapsyase . 
satyArjava paro rAjanmitra koshasamanvitaH .. 29..\\
\medskip\hrule\medskip\centerline{\Largedvng 90}
vanaspatInbhakShyaphalAnna chhindyurviShaye tava . 
brAhmaNAnAM mUlaphala.n dharmyamAhurmanIShiNaH .. 1..\\
brAhmaNebhyo.atirikta.n cha bhu~njIrannitare janAH . 
na brAhmaNoparodhena haredanyaH katha.n chana .. 2..\\
viprashchettyAgamAtiShThedAkhyAyAvR^itti karshitaH . 
parikalpyAsya vR^ittiH syAtsadArasya narAdhipa .. 3..\\
sa chennopanivarteta vAchyo brAhmaNa sa.nsadi . 
kasminnidAnIM maryAdAmaya.n lokaH kariShyati .. 4..\\
asaMshayaM nivarteta na chedvakShyatyataH param . 
pUrvaM parokSha.n kartavyametatkaunteya shAsanam .. 5..\\
AhuretajjanA brahmanna chaitachchhraddadhAmyaham . 
nimantryashcha bhavedbhogairavR^ittyA chettadAcharet .. 6..\\
kR^iShigorakShya vANijya.n lokAnAmiha jIvanam . 
Urdhva.n chaiva trayI vidyA sA bhUtAnbhAvayatyuta .. 7..\\
tasyAM prayatamAnAyA.n ye syustatparipanthinaH . 
dasyavastadvadhAyeha brahmA kShatramathAsR^ijat .. 8..\\
shatrU~njahi prajA rakSha yajasva kratubhirnR^ipa . 
yudhyasva samare vIro bhUtvA kauravanandana .. 9..\\
sa.nrakShyAnpAlayedrAjA yaH sa rAjArya kR^ittamaH . 
ye ke chittAnna rakShanti tairartho nAsti kash chana .. 10..\\
sadaiva rAGYA boddhavya.n sarvalokAdyudhiShThira . 
tasmAddhetorhi bhu~njIta manuShyAneva mAnavaH .. 11..\\
antarebhyaH parAnrakShanparebhyaH punarantarAn . 
parAnparebhyaH svAnsvebhyaH sarvAnpAlaya nityadA .. 12..\\
AtmAna.n sarvato rakShanrAjA rakSheta medinIm . 
AtmamUlamida.n sarvamAhurhi viduSho janAH .. 13..\\
ki.n chhidraM ko.anuSha~Ngo me ki.n vAstyavinipAtitam . 
kuto mAmAsraveddoSha iti nitya.n vichintayet .. 14..\\
guptaishchArairanumataiH pR^ithivImanuchArayet . 
sunIta.n yadi me vR^ittaM prasha.nsanti na vA punaH . 
kachchidrochejjanapade kachchidrAShTre cha me yashaH .. 15..\\
dharmaGYAnA.n dhR^itimatA.n sa~NgrAmeShvapalAyinAm . 
rAShTra.n cha ye.anujIvanti ye cha rAGYo.anujIvinaH .. 16..\\
amAtyAnA.n cha sarveShAM madhyasthAnAM cha sarvashaH . 
ye cha tvAbhiprasha.nseyurnindeyuratha vA punaH . 
sarvAnsupariNItA.nstAnkArayeta yudhiShThira .. 17..\\
ekAntena hi sarveShAM na shakya.n tAta rochitum . 
mitrAmitramatho madhya.n sarvabhUteShu bhArata .. 18..\\
tulyabAhubalAnA.n cha guNairapi niShevinAm . 
katha.n syAdadhikaH kashchitsa tu bhu~njIta mAnavAn .. 19..\\
ye charA hyacharAnadyuradaMShTrAndaMShTriNastathA . 
AshIviShA iva kruddhA bhujagA bhujagAniva .. 20..\\
etebhyashchApramattaH syAtsadA yatto yudhiShThira . 
bhAruNDa sadR^ishA hyete nipatanti pramAdyataH .. 21..\\
kachchitte vaNijo rAShTre nodvijante karArditAH . 
krINanto bahu vAlpena kAntArakR^itanishramAH .. 22..\\
kachchitkR^iShikarA rAShTraM na jahatyati pIDitAH . 
ye vahanti dhura.n rAGYAM sambharantItarAnapi .. 23..\\
ito dattena jIvanti devA pitR^igaNAstathA . 
manuShyoragarakShA.nsi vayA.nsi pashavastathA .. 24..\\
eShA te rAShTravR^ittishcha rAShTraguptishcha bhArata . 
etamevArthamAshritya bhUyo vakShyAmi pANDava .. 25..\\
\medskip\hrule\medskip\centerline{\Largedvng 91}
yAna~NgirAH kShatradharmAnutathyo brahma vittamaH . 
mAndhAtre yauvanAshvAya prItimAnabhyabhAShata .. 1..\\
sa yathAnushashAsainamutathyo brahma vittamaH . 
tatte sarvaM pravakShyAmi nikhilena yudhiShThira .. 2..\\
dharmAya rAjA bhavati na kAmakaraNAya tu . 
mAndhAtareva.n jAnIhi rAjA lokasya rakShitA .. 3..\\
rAjA charati vai dharma.n devatvAyaiva gachchhati . 
na cheddharma.n sa charati narakAyaiva gachchhati .. 4..\\
dharme tiShThanti bhUtAni dharmo rAjani tiShThati . 
ta.n rAjA sAdhu yaH shAsti sa rAjA pR^ithivIpatiH .. 5..\\
rAjA paramadharmAtmA lakShmIvAnpApa uchyate . 
devAshcha garhA.n gachchhanti dharmo nAstIti chochyate .. 6..\\
adharme vartamAnAnAmarthasiddhiH pradR^ishyate . 
tadeva ma~Ngala.n sarvaM lokaH samanuvartate .. 7..\\
uchchhidyate dharmavR^ittamadharmo vartate mahAn . 
bhayamAhurdivArAtra.n yadA pApo na vAryate .. 8..\\
na vedAnanuvartanti vratavanto dvijAtayaH . 
na yaGYA.nstanvate viprA yadA pApo na vAryate .. 9..\\
vadhyAnAmiva sarveShAM mano bhavati vihvalam . 
manuShyANAM mahArAja yadA pApo na vAryate .. 10..\\
ubhau lokAvabhiprekShya rAjAnamR^iShayaH svayam . 
asR^ijansumahadbhUtamaya.n dharmo bhaviShyati .. 11..\\
yasmindharmo virAjeta ta.n rAjAnaM prachakShate . 
yasminvilIyate dharma.n taM devA veShala.n viduH .. 12..\\
vR^iSho hi bhagavAndharmo yastasya kurute hyalam . 
vR^iShala.n ta.n vidurdevAstasmAddharmaM na lopayet .. 13..\\
dharme vardhati vardhanti sarvabhUtAni sarvadA . 
tasminhrasati hIyante tasmAddharmaM pravardhayet .. 14..\\
dhanAtsravati dharmo hi dhAraNAdveti nishchayaH . 
akAryANAM manuShyendra sa sImAnta karaH smR^itaH .. 15..\\
prabhavArtha.n hi bhUtAnA.n dharmaH sR^iShTaH svayaM bhuvA . 
tasmAtpravardhayeddharmaM prajAnugraha kAraNAt .. 16..\\
tasmAddhi rAjashArdUla dharmaH shreShTha iti smR^itaH . 
sa rAjA yaH prajAH shAsti sAdhu kR^itpuruSharShabhaH .. 17..\\
kAmakrodhAvanAdR^itya dharmamevAnupAlayet . 
dharmaH shreyaH karatamo rAGYAM bharatasattama .. 18..\\
dharmasya brAhmaNA yonistasmAttAnpUjayetsadA . 
brAhmaNAnA.n cha mAndhAtaH kAmAnkuryAdamatsarI .. 19..\\
teShA.n hyakAma karaNAdrAGYaH sa~njAyate bhayam . 
mitrANi cha na vardhante tathAmitrI bhavantyapi .. 20..\\
brAhmaNAnvai tadAsUyAdyadA vairochano baliH . 
athAsmAchchhrIrapAkrAmadyAsminnAsItpratApinI .. 21..\\
tatastasmAdapakramya sAgachchhatpAkashAsanam . 
atha so.anvatapatpashchAchchhriya.n dR^iShTvA purandare .. 22..\\
etatphalamasUyAyA abhimAnasya chAbhibho . 
tasmAdbudhyasva mAndhAtarmA tvA jahyAtpratApinI .. 23..\\
darpo nAma shriyaH putro jaGYe.adharmAditi shrutiH . 
tena devAsurA rAjannItAH subahusho vasham .. 24..\\
rAjarShayashcha bahavastasmAdbudhyasva pArthiva . 
rAjA bhavati ta.n jitvA dAsastena parAjitaH .. 25..\\
sa yathA darpasahitamadharmaM nAnusevate . 
tathA vartasva mAndhAtashchira.n chetsthAtumichchhasi .. 26..\\
mattAtpramattAtpogaNDAdunmattAchcha visheShataH . 
tadabhyAsAdupAvartAdahitAnA.n cha sevanAt .. 27..\\
nigR^ihItAdamAtyAchcha strIbhyashchaiva visheShataH . 
parvatAdviShamAddurgAddhastino.ashvAtsarIsR^ipAt .. 28..\\
etebhyo nityayattaH syAnnakta~ncaryA.n cha varjayet . 
atyAya.n chAti mAnaM cha dambhaM krodhaM cha varjayet .. 29..\\
aviGYAtAsu cha strIShu klIbAsu svairiNIShu cha . 
parabhAryAsu kanyAsu nAcharenmaithunaM nR^ipaH .. 30..\\
kuleShu pAparakShA.nsi jAyante varNasa~NkarAt . 
apumA.nso.a~NgahInAshcha sthUlajihvA vichetasaH .. 31..\\
ete chAnye cha jAyante yadA rAjA pramAdyati . 
tasmAdrAGYA visheSheNa vartitavyaM prajAhite .. 32..\\
kShatriyasya pramattasya doShaH sa~njAyate mahAn . 
adharmAH sampravartante prajA sa~NkarakArakAH .. 33..\\
ashIte vidyate shIta.n shIte shItaM na vidyate . 
avR^iShTirati vR^iShTishcha vyAdhishchAvishati prajAH .. 34..\\
nakShatrANyupatiShThanti grahA ghorAstathApare . 
utpAtAshchAtra dR^ishyante bahavo rAjanAshanAH .. 35..\\
arakShitAtmA yo rAjA prajAshchApi na rakShati . 
prajAshcha tasya kShIyante tAshcha so.anu vinashyati .. 36..\\
dvAvAdadAte hyekasya dvayosh cha bahavo.apare . 
kumAryaH sampralupyante tadAhurnR^ipa dUShaNam .. 37..\\
mamaitaditi naikasya manuShyeShvavatiShThate . 
tyaktvA dharma.n yadA rAjA pramAdamanutiShThati .. 38..\\
\medskip\hrule\medskip\centerline{\Largedvng 92}
kAlavarShI cha parjanyo dharmachArI cha pArthivaH . 
sampadyadaiShA bhavati sA bibharti sukhaM prajAH .. 1..\\
yo na jAnAti nirhantu.n vastrANAM rajako malam . 
raktAni vA shodhayitu.n yathA nAsti tathaiva saH .. 2..\\
evameva dvijendrANA.n kShatriyANA.n vishAm api . 
shUdrAshchaturNA.n varNAnAM nAnA karmasvavasthitAH .. 3..\\
karma shUdre kR^iShirvaishye daNDanItishcha rAjani . 
brahmacharya.n tapo mantrAH satyaM chApi dvijAtiShu .. 4..\\
teShA.n yaH kShatriyo veda vastrANAmiva shodhanam . 
shIladoShAnvinirhantu.n sa pitA sa prajApatiH .. 5..\\
kR^ita.n tretA dvAparashcha kalishcha bharatarShabha . 
rAjavR^ittAni sarvANi rAjaiva yugamuchyate .. 6..\\
chAturvarNya.n tathA vedAshchAturAshramyameva cha . 
sarvaM pramuhyate hyetadyadA rAjA pramAdyati .. 7..\\
rAjaiva kartA bhUtAnA.n rAjaiva cha vinAshakaH . 
dharmAtmA yaH sa kartA syAdadharmAtmA vinAshakaH .. 8..\\
rAGYo bhAryAshcha putrAshcha bAndhavAH suhR^idastathA . 
sametya sarve shochanti yadA rAjA pramAdyati .. 9..\\
hastino.ashvAshcha gAvashchApyuShTrAshvatara gardabhAH . 
adharmavR^itte nR^ipatau sarve sIdanti pArthiva .. 10..\\
durbalArthaM bala.n sR^iShTa.n dhAtrA mAndhAtaruchyate . 
abala.n tanmahadbhUta.n yasminsarvaM pratiShThitam .. 11..\\
yachcha bhUta.n sa bhajate bhUtA ye cha tadanvayAH . 
adharmasthe hi nR^ipatau sarve sIdanti pArthiva .. 12..\\
durbalasya hi yachchakShurmunerAshIviShasya cha . 
aviShahya tamaM manye mA sma durbalamAsadaH .. 13..\\
durbalA.nstAta budhyethA nityamevAvimAnitAn . 
mA tvA.n durbalachakShUMShi pradaheyuH sa bAndhavam .. 14..\\
na hi durbaladagdhasya kule ki.n chitprarohati . 
AmUlaM nirdahatyeva mA sma durbalamAsadaH .. 15..\\
abala.n vai balAchchhreyo yachchAti balavadbalam . 
balasyAbala dagdhasya na ki.n chidavashiShyate .. 16..\\
vimAnito hatotkruShTastrAtAra.n chenna vindati . 
amAnuSha kR^itastatra daNDo hanti narAdhipam .. 17..\\
mA sma tAta bale stheyA bAdhiShThA mApi durbalam . 
mA tvA durbalachakShUMShi dhakShyantyagnirivAshrayam .. 18..\\
yAni mithyAbhishastAnAM patantyashrUNi rodatAm . 
tAni putrAnpashUnghnanti teShAM mithyAbhishAsatAm .. 19..\\
yadi nAtmani putreShu na chetpautreShu naptR^iShu . 
na hi pApa.n kR^itaM karma sadyaH phalati gauriva .. 20..\\
yatrAbalo vadhyamAnastrAtAraM nAdhigachchhati . 
mahAndaivakR^itastatra daNDaH patati dAruNaH .. 21..\\
yuktA yadA jAnapadA bhikShante brAhmaNA iva . 
abhIkShNaM bhikShudoSheNa rAjAna.n ghnanti tAdR^ishAH .. 22..\\
rAGYo yadA janapade bahavo rAjapUruShAH . 
anayenopavartante tadrAGYaH kilbiShaM mahat .. 23..\\
yadA yuktA nayantyarthAnkAmAdarthavashena vA . 
kR^ipaNa.n yAchamAnAnA.n tadrAGYo vaishasaM mahat .. 24..\\
mahAvR^ikSho jAyate vardhate cha 
ta.n chaiva bhUtAni samAshrayanti . 
yadA vR^ikShashchhidyate dahyate vA 
tadAshrayA aniketA bhavanti .. 25..\\
yadA rAShTre dharmamagrya.n charanti 
sa.nskAra.n vA rAjaguNaM bruvANAH . 
tairevAdharmashcharito dharmamohAt 
tUrNa.n jahyAtsukR^itaM duShkR^itaM cha .. 26..\\
yatra pApA jyAyamAnAsh charanti 
satA.n kalirvindati tatra rAGYaH . 
yadA rAjA shAsti narAnnashiShyAn 
na tadrAGYya vardhate bhUmipAla .. 27..\\
yashchAmAtyaM mAnayitvA yathArhaM 
mantre cha yuddhe cha nR^ipo niyuGYyAt . 
pravardhate tasya rAShTraM nR^ipasya 
bhu~Nkte mahI.n chApyakhilAM chirAya .. 28..\\
atrApi sukR^ita.n karma vAchaM chaiva subhAShitAm . 
samIkShya pUjayanrAjA dharmaM prApnotyanuttamam .. 29..\\
sa.nvibhajya yadA bhu~Nkte na chAnyAnavamanyate . 
nihanti balina.n dR^ipta.n sa rAGYo dharma uchyate .. 30..\\
trAyate hi yadA sarva.n vAchA kAyena karmaNA . 
putrasyApi na mR^iShyechcha sa rAGYo dharma uchyate .. 31..\\
yadA shAraNikAnrAjA putra vatparirakShati . 
bhinatti na cha maryAdA.n sa rAGYo dharma uchyate .. 32..\\
yadApta dakShiNairyaGYairyajate shraddhayAnvitaH . 
kAmadveShAvanAdR^itya sa rAGYo dharma uchyate .. 33..\\
kR^ipaNAnAtha vR^iddhAnA.n yadAshru vyapamArShTi vai . 
harSha.n sa~njanayannR^INAM sa rAGYo dharma uchyate .. 34..\\
vivardhayati mitrANi tathArIMshchApakarShati . 
sampUjayati sAdhUMshcha sa rAGYo dharma uchyate .. 35..\\
satyaM pAlayati prAptyA nityaM bhUmiM prayachchhati . 
pUjayatyatithInbhR^ityAnsa rAGYo dharma uchyate .. 36..\\
nigrahAnugrahau chobhau yatra syAtAM pratiShThitau . 
asmi.Nlloke pare chaiva rAjA tatprApnute phalam .. 37..\\
yamo rAjA dhArmikANAM mAndhAtaH parameshvaraH . 
sa.nyachchhanbhavati prANAnna sa.nyachchha.nstu pApakaH .. 38..\\
R^itvikpurohitAchAryAnsatkR^ityAnavamanya cha . 
yadA samyakpragR^ihNAti sa rAGYo dharma uchyate .. 39..\\
yamo yachchhati bhUtAni sarvANyevAvisheShataH . 
tasya rAGYAnukartavya.n yantavyA vidhivatprajAH .. 40..\\
sahasrAkSheNa rAjA hi sarva evopamIyate . 
sa pashyati hi ya.n dharma.n sa dharmaH puruSharShabha .. 41..\\
apramAdena shikShethAH kShamAM buddhi.n dhR^itiM matim . 
bhUtAnA.n sattvajiGYAsAM sAdhvasAdhu cha sarvadA .. 42..\\
sa~NgrahaH sarvabhUtAnA.n dAnaM cha madhurA cha vAk . 
paurajAnapadAshchaiva goptavyAH svA yathA prajAH .. 43..\\
na jAtvadakSho nR^ipatiH prajAH shaknoti rakShitum . 
bharo hi sumahA.nstAta rAjyaM nAma suduShkaram .. 44..\\
taddaNDavinnR^ipaH prAGYaH shUraH shaknoti rakShitum . 
na hi shakyamadaNDena klIbenAbuddhinApi vA .. 45..\\
abhirUpaiH kule jAtairdakShairbhaktairbahushrutaiH . 
sarvA buddhIH parIkShethAstApasAshramiNAm api .. 46..\\
tatastva.n sarvabhUtAnA.n dharmaM vetsyasi vai param . 
svadeshe paradeshe vA na te dharmo vinashyati .. 47..\\
dharmashchArthashcha kAmash cha dharma evottaro bhavet . 
asmi.Nlloke pare chaiva dharmavitsukhamedhate .. 48..\\
tyajanti dArAnprANAMshcha manuShyAH pratipUjitAH . 
sa~Ngrahashchaiva bhUtAnA.n dAnaM cha madhurA cha vAk .. 49..\\
apramAdashcha shaucha.n cha tAta bhUtikaraM mahat . 
etebhyashchaiva mAndhAtaH satataM mA pramAdithAH .. 50..\\
apramatto bhavedrAjA chhidradarshI parAtmanoH . 
nAsya chhidraM paraH pashyechchhidreShu paramanviyAt .. 51..\\
etadvR^itta.n vAsavasya yamasya varuNasya cha . 
rAjarShINA.n cha sarveShAM tattvamapyanupAlaya .. 52..\\
tatkuruShva mahArAja vR^itta.n rAjarShisevitam . 
AtiShTha divyaM panthAnamahnAya bharatarShabha .. 53..\\
dharmavR^itta.n hi rAjAnaM pretya cheha cha bhArata . 
devarShipitR^igandharvAH kIrtayantyamitaujasaH .. 54..\\
sa evamukto mAndhAtA tenotathyena bhArata . 
kR^itavAnavisha~NkastadekaH prApa cha medinIm .. 55..\\
bhavAnapi tathA samya~NmAndhAteva mahIpatiH . 
dharma.n kR^itvA mahI.n rakShansvarge sthAnamavApsyasi .. 56..\\
\medskip\hrule\medskip\centerline{\Largedvng 93}
katha.n dharme sthAtumichchhanrAjA varteta dhArmikaH . 
pR^ichchhAmi tvA kurushreShTha tanme brUhi pitA maha .. 1..\\
atrApyudAharantImamitihAsaM purAtanam . 
gIta.n dR^iShTArthatattvena vAmadevena dhImatA .. 2..\\
rAjA vasu manA nAma kausalyo balavA~nshuchiH . 
maharShiM paripaprachchha vAmadeva.n yasho vinam .. 3..\\
dharmArthasahita.n vAkyaM bhagavannanushAdhi mAm . 
yena vR^ittena vai tiShThanna chyaveya.n svadharmataH .. 4..\\
tamabravIdvAmadevastapasvI japatA.n varaH . 
hemavarNamupAsIna.n yayAtimiva nAhuSham .. 5..\\
dharmamevAnuvartasva na dharmAdvidyate param . 
dharme sthitA hi rAjAno jayanti pR^ithivImimAm .. 6..\\
arthasiddheH para.n dharmaM manyate yo mahIpatiH . 
R^itA.n cha kurute buddhi.n sa dharmeNa virochate .. 7..\\
adharmadarshI yo rAjA balAdeva pravartate . 
kShipramevApayAto.asmAdubhau prathamamadhyamau .. 8..\\
asatpApiShTha sachivo vadhyo lokasya dharmahA . 
sahaiva parivAreNa kShipramevAvasIdati .. 9..\\
arthAnAmananuShThAtA kAmachArI vikatthanaH . 
api sarvAM mahI.n labdhvA kShiprameva vinashyati .. 10..\\
athAdadAnaH kalyANamanasUyurjitendriyaH . 
vardhate matimAnrAjA srotobhiriva sAgaraH .. 11..\\
na pUrNo.asmIti manyeta dharmataH kAmato.arthataH . 
buddhito mitra tashchApi satata.n vasudhAdhipaH .. 12..\\
eteShveva hi sarveShu lokayAtrA pratiShThitA . 
etAni shR^iNva.Nllabhate yashaH kIrti.n shriyaH prajAH .. 13..\\
eva.n yo dharmasa.nrambhI dharmArthaparichintakaH . 
arthAnsamIkShyArabhate sa dhruvaM mahadashnute .. 14..\\
adAtA hyanati sneho daNDenAvartayanprajAH . 
sAhasa prakR^itIrAjA kShiprameva vinashyati .. 15..\\
atha pApa.n kR^itaM buddhyA na cha pashyatyabuddhi mAn . 
akIrtyApi samAyukto mR^ito narakamashnute .. 16..\\
atha mAnayiturdAtuH shuklasya rasavedinaH . 
vyasana.n svamivotpannaM vijighA.nsanti mAnavAH .. 17..\\
yasya nAsti gururdharme na chAnyAnanupR^ichchhati . 
sukhatantro.arthalAbheShu nachiraM mahadashnute .. 18..\\
guru pradhAno dharmeShu svayamarthAnvavekShitA . 
dharmapradhAno lokeShu suchiraM mahadashnute .. 19..\\
\medskip\hrule\medskip\centerline{\Largedvng 94}
yatrAdharmaM praNayate durbale balavattaraH . 
tA.n vR^ittimupajIvanti ye bhavanti tadanvayAH .. 1..\\
rAjAnamanuvartante taM pApAbhipravartakam . 
avinIta manuShya.n tatkShipra.n rAShTraM vinashyati .. 2..\\
yadvR^ittimupajIvanti prakR^itisthasya mAnavAH . 
tadeva viShamasthasya svajano.api na mR^iShyate .. 3..\\
sAhasa prakR^itiryatra kurute ki.n chidulbaNam . 
ashAstralakShaNo rAjA kShiprameva vinashyati .. 4..\\
yo.atyantAcharitA.n vR^itti.n kShatriyo nAnuvartate . 
jitAnAmajitAnA.n cha kShatradharmAdapaiti saH .. 5..\\
dviShanta.n kR^itakarmANaM gR^ihItvA nR^ipatI raNe . 
yo na mAnayate dveShAtkShatradharmAdapaiti saH .. 6..\\
shaktaH syAtsumukho rAjA kuryAtkAruNyamApadi . 
priyo bhavati bhUtAnAM na cha vibhrashyate shriyaH .. 7..\\
apriya.n yasya kurvIta bhUyastasya priya.n charet . 
nachireNa priyaH sa syAdyo.apriyaH priyamAcharet .. 8..\\
mR^iShAvAdaM pariharetkuryAtpriyamayAchitaH . 
na cha kAmAnna sa.nrambhAnna dveShAddharmamutsR^ijet .. 9..\\
nApatrapeta prashneShu nAbhibhavyA.n gira.n sR^ijet . 
na tvareta na chAsUyettathA sa~NgR^ihyate paraH .. 10..\\
priye nAtibhR^isha.n hR^iShyedapriye na cha sa~njvaret . 
na muhyedarthakR^ichchhreShu prajAhitamanusmaran .. 11..\\
yaH priya.n kurute nityaM guNato vasudhAdhipaH . 
tasya karmANi sidhyanti na cha santyajyate shriyA .. 12..\\
nivR^ittaM pratikUlebhyo vartamAnamanupriye . 
bhaktaM bhajeta nR^ipatistadvai vR^itta.n satAm iha .. 13..\\
aprakIrNendriyaM prAGYamatyantAnugata.n shuchim . 
shakta.n chaivAnuraktaM cha yu~njyAnmahati karmaNi .. 14..\\
evameva guNairyukto yo na rajyati bhUmipam . 
bharturartheShvasUyantaM na ta.n yu~njIta karmaNi .. 15..\\
mUDhamaindriyaka.n lubdhamanArya charitaM shaTham . 
anatItopadha.n hi.nsra.n durbuddhimabahushrutam .. 16..\\
tyaktopAttaM madya rata.n dyUtastrI mR^igayA param . 
kArye mahati yo yu~njyAddhIyate sa nR^ipaH shriyaH .. 17..\\
rakShitAtmA tu yo rAjA rakShyAnyashchAnurakShati . 
prajAshcha tasya vardhante dhruva.n cha mahadashnute .. 18..\\
ye ke chidbhUmipatayastAnsarvAnanvavekShayet . 
suhR^idbhiranabhikhyAtaistena rAjA na riShyate .. 19..\\
apakR^itya balasthasya dUrastho.asmIti nAshvaset . 
shyenAnucharitairhyete nipatanti pramAdyataH .. 20..\\
dR^iDhamUlastvaduShTAtmA viditvA balamAtmanaH . 
abalAnabhiyu~njIta na tu ye balavattarAH .. 21..\\
vikrameNa mahI.n labdhvA prajA dharmeNa pAlayan . 
Ahave nidhana.n kuryAdrAjA dharmaparAyaNaH .. 22..\\
maraNAntamida.n sarvaM neha ki.n chidanAmayam . 
tasmAddharme sthito rAjA prajA dharmeNa pAlayet .. 23..\\
rakShAdhikaraNa.n yuddha.n tathA dharmAnushAsanam . 
mantrachintya.n sukha.n kAle pa~nchabhirvardhate mahI .. 24..\\
etAni yasya guptAni sa rAjA rAjasattama . 
satata.n vartamAno.atra rAjA bhu~Nkte mahImimAm .. 25..\\
naitAnyekena shakyAni sAtatyenAnvavekShitum . 
eteShvAptAnpratiShThApya rAjA bhu~Nkte mahI.n chiram .. 26..\\
dAtAra.n sa.nvibhaktAraM mArdavopagataM shuchim . 
asantyakta manuShya.n cha taM janAH kurvate priyam .. 27..\\
yastu niHshreyasa.n GYAtvA GYAna.n tatpratipadyate . 
Atmano matamutsR^ijya ta.n loko.anuvidhIyate .. 28..\\
yo.arthakAmasya vachanaM prAtikUlyAnna mR^iShyate . 
shR^iNoti pratikUlAni vi manA nachirAdiva .. 29..\\
agrAmyacharitAM buddhimatyanta.n yo na budhyate . 
jitAnAmajitAnA.n cha kShatradharmAdapaiti saH .. 30..\\
mukhyAnamAtyAnyo hitvA nihInAnkurute priyAn . 
sa vai vyasanamAsAdya gAdha mArto na vindati .. 31..\\
yaH kalyANa guNA~nGYAtIndveShAnnaivAbhimanyate . 
adR^iDhAtmA dR^iDhakrodho nAsyArtho ramate.antike .. 32..\\
atha yo guNasampannAnhR^idayasyApriyAnapi . 
priyeNa kurute vashyAMshchira.n yashasi tiShThati .. 33..\\
nAkAle praNayedarthAnnApriye jAtu sa~njvaret . 
priye nAtibhR^isha.n hR^iShyedyujyetArogya karmaNi .. 34..\\
ke mAnuraktA rAjAnaH ke bhayAtsamupAshritAH . 
madhyastha doShAH ke chaiShAmiti nitya.n vichintayet .. 35..\\
na jAtu balavAnbhUtvA durbale vishvasetkva chit . 
bhAruNDa sadR^ishA hyete nipatanti pramAdyataH .. 36..\\
api sarvairguNairyuktaM bhartAraM priyavAdinam . 
abhidruhyati pApAtmA tasmAddhi vibhiShejjanAt .. 37..\\
etA.n rAjopaniShadaM yayAtiH smAha nAhuShaH . 
manuShyavijaye yukto hanti shatrUnanuttamAn .. 38..\\
\medskip\hrule\medskip\centerline{\Largedvng 95}
ayuddhenaiva vijaya.n vardhayedvasudhAdhipaH . 
jaghanyamAhurvijaya.n yo yuddhena narAdhipa .. 1..\\
na chApyalabdha.n lipseta mUle nAtidR^iDhe sati . 
na hi durbalamUlasya rAGYo lAbho vidhIyate .. 2..\\
yasya sphIto janapadaH sampannaH priya rAjakaH . 
santuShTapuShTasachivo dR^iDhamUlaH sa pArthivaH .. 3..\\
yasya yodhAH susantuShTAH sAntvitAH sUpadhAsthitAH . 
alpenApi sa daNDena mahI.n jayati bhUmipaH .. 4..\\
paurajAnapadA yasya svanuraktAH supUjitAH . 
sadhanA dhAnyavantashcha dR^iDhamUlaH sa pArthivaH .. 5..\\
prabhAvakAlAvadhikau yadA manyeta chAtmanaH . 
tadA lipseta medhA vI parabhUmi.n dhanAnyuta .. 6..\\
bhogeShvadayamAnasya bhUteShu cha dayA vataH . 
vardhate tvaramANasya viShayo rakShitAtmanaH .. 7..\\
takShatyAtmAnamevaiSha vanaM parashunA yathA . 
yaH samyagvartamAneShu sveShu mithyA pravartate .. 8..\\
na vai dviShantaH kShIyante rAGYo nityamapi ghnataH . 
krodhaM niyantu.n yo veda tasya dveShTA na vidyate .. 9..\\
yadArya janavidviShTa.n karma tannAcharedbudhaH . 
yatkalyANamabhidhyAyettatrAtmAnaM niyojayet .. 10..\\
nainamanye.avajAnanti nAtmanA paritapyate . 
kR^ityasheSheNa yo rAjA sukhAnyanububhUShati .. 11..\\
ida.n vR^ittaM manuShyeShu vartate yo mahIpatiH . 
ubhau lokau vinirjitya vijaye sampratiShThate .. 12..\\
ityukto vAmadevena sarva.n tatkR^itavAnnR^ipaH . 
tathA kurva.nstvamapyetau lokau jetA na saMshayaH .. 13..\\
\medskip\hrule\medskip\centerline{\Largedvng 96}
atha yo vijigISheta kShatriyaH kShatriya.n yudhi . 
kastasya dharmyo vijaya etatpR^iShTo bravIhi me .. 1..\\
sa sahAyo.asahAyo vA rAShTramAgamya bhUmipaH . 
brUyAdaha.n vo rAjeti rakShiShyAmi cha vaH sadA .. 2..\\
mama dharmyaM bali.n dattaki.n vA mAM pratipatsyatha . 
te chettamAgata.n tatra vR^iNuyuH kushalaM bhavet .. 3..\\
te chedakShatriyAH santo virudhyeyuH katha.n chana . 
sarvopAyairniyantavyA vi karma sthA narAdhipa .. 4..\\
ashakta.n kShatriyaM matvA shastraM gR^ihNAtyathAparaH . 
trANAyApyasamartha.n taM manyamAnamatIva cha .. 5..\\
atha yaH kShatriyo rAjA kShatriyaM pratyupAvrajet . 
katha.n sa pratiyoddhavyastanme brUhi pitA maha .. 6..\\
nAsaMnaddho nAkavacho yoddhavyaH kShatriyo raNe . 
eka ekena vAchyashcha visR^ijasva kShipAmi cha .. 7..\\
sa chetsaMnaddha AgachchhetsaMnaddhavya.n tato bhavet . 
sa chetsa sainya Agachchhetsa sainyastamathAhvayet .. 8..\\
sa chennikR^ityA yudhyeta nikR^ityA taM prayodhayet . 
atha cheddharmato yudhyeddharmeNaiva nivArayet .. 9..\\
nAshvena rathina.n yAyAdudiyAdrathinaM rathI . 
vyasane na prahartavyaM na bhItAya jitAya cha .. 10..\\
neShurlipto na karNI syAdasatAmetadAyudham . 
jayArthameva yoddhavyaM na krudhyedajighA.nsataH .. 11..\\
sAdhUnA.n tu mitho bhedAtsAdhushchedvyasanI bhavet . 
savraNo nAbhihantavyo nAnapatyaH katha.n chana .. 12..\\
bhagnashastro vipannAshvashchhinnajyo hatavAhanaH . 
chikitsyaH syAtsvaviShaye prApyo vA svagR^ihAnbhavet . 
nirvraNo.api cha moktavya eSha dharmaH sanAtanaH .. 13..\\
tasmAddharmeNa yoddhavyaM manuH svAyambhuvo.abravIt . 
satsu nitya.n satA.n dharmastamAsthAya na nAshayet .. 14..\\
yo vai jayatyadharmeNa kShatriyo vardhamAnakaH . 
AtmAnamAtmanA hanti pApo nikR^itijIvanaH .. 15..\\
karma chaitadasAdhUnAmasAdhu.n sAdhunA jayet . 
dharmeNa nidhana.n shreyo na jayaH pApakarmaNA .. 16..\\
nAdharmashcharito rAjansadyaH phalati gauriva . 
mUlAnyasya prashAkhAsh cha dahansamanugachchhati .. 17..\\
pApena karmaNo vitta.n labdhvA pApaH prahR^iShyati . 
sa vardhamAnaH steyena pApaH pApe prasajjati .. 18..\\
na dharmo.astIti manvAnaH shuchInavahasanniva . 
ashraddadhAna bhAvAchcha vinAshamupagachchhati .. 19..\\
sa baddhovAruNaiH pAshairamartya iva manyate . 
mahAdR^itirivAdhmAtaH svakR^itena vivardhate .. 20..\\
tataH sa mUlo hriyate nadIkUlAdiva drumaH . 
athainamabhinindanti bhinna.n kumbhamivAshmani . 
tasmAddharmeNa vijaya.n kAma.n lipseta bhUmipaH .. 21..\\
\medskip\hrule\medskip\centerline{\Largedvng 97}
nAdharmeNa mahI.n jetu.n lipseta jagatIpatiH . 
adharmavijaya.n labdhvA ko.anumanyeta bhUmipaH .. 1..\\
adharmayukto vijayo hyadhruvo.asvargya eva cha . 
sAdayatyeSha rAjAnaM mahI.n cha bharatarShabha .. 2..\\
vishIrNakavacha.n chaiva tavAsmIti cha vAdinam . 
kR^itA~njaliM nyastashastra.n gR^ihItvA na vihi.nsayet .. 3..\\
balenAvajito yashcha na ta.n yudhyeta bhUmipaH . 
sa.nvatsara.n vipraNayettasmAjjAtaH punarbhavet .. 4..\\
nArvAksa.nvatsarAtkanyA spraShTavyA vikramAhR^itA . 
evameva dhana.n sarvaM yachchAnyatsahasAhR^itam .. 5..\\
na tu vandhya.n dhanaM tiShThetpibeyurbrAhmaNAH payaH . 
yu~njIranvApyanaDuhaH kShantavya.n vA tadA bhavet .. 6..\\
rAGYA rAjaiva yoddhavyastathA dharmo vidhIyate . 
nAnyo rAjAnamabhyasedarAjanyaH katha.n chana .. 7..\\
anIkayoH sa.nhatayoryadIyAdbrAhmaNo.antarA . 
shAntimichchhannubhayato na yoddhavya.n tadA bhavet . 
maryAdA.n shAshvatIM bhindyAdbrAhmaNaM yo.abhila~Nghayet .. 8..\\
atha chella~NghayedenAM maryAdA.n kShatriya bruvaH . 
aprashasyastadUrdhva.n syAdanAdeyashcha sa.nsadi .. 9..\\
yA tu dharmavipopena maryAdA bhedanena cha . 
tA.n vR^ittiM nAnuvarteta vijigIShurmahIpatiH . 
dharmalabdhAddhi vijayAtko lAbho.abhyadhiko bhavet .. 10..\\
sahasA nAmya bhUtAni kShiprameva prasAdayet . 
sAntvena bhogadAnena sa rAGYAM paramo nayaH .. 11..\\
bhujyamAnA hyayogena svarAShTrAdabhitApitAH . 
amitrAnparyupAsIranvyasanaughapratIkShiNaH .. 12..\\
amitropagraha.n chAsya te kuryuH kShipramApadi . 
sanduShTAH sarvato rAjanrAjavyasanakA~NkShiNaH .. 13..\\
nAmitro vinikartavyo nAtichhedyaH katha.n chana . 
jIvita.n hyapyati chhinnaH santyajatyekadA naraH .. 14..\\
alpenApi hi sa.nyuktastuShyatyevAparAdhikaH . 
shuddha.n jIvitamevApi tAdR^isho bahu manyate .. 15..\\
yasya sphIto janapadaH sampannaH priya rAjakaH . 
santuShTabhR^ityasachivo dR^iDhamUlaH sa pArthivaH .. 16..\\
R^itvikpurohitAchAryA ye chAnye shrutasaMmatAH . 
pUjArhAH pUjitA yasya sa vai lokajiduchyate .. 17..\\
etenaiva cha vR^ittena mahIM prApa surottamaH . 
anveva chaindra.n vijayaM vyajigIShanta pArthivAH .. 18..\\
bhUmivarjaM pura.n rAjA jitvA rAjAnamAhave . 
amR^itAshchauShadhIH shashvadAjahAra pratardanaH .. 19..\\
agnihotrANyagnisheSha.n havirbhAjanameva cha . 
AjahAra divodAsastato viprakR^ito.abhavat .. 20..\\
sarAjakAni rAShTrANi nAbhAgo dakShiNA.n dadau . 
anyatra shrotriya svAchcha tApasa svAchcha bhArata .. 21..\\
uchchAvachAni vR^ittAni dharmaGYAnA.n yudhiShThira . 
AsanrAGYAM purANAnA.n sarva.n tanmama rochate .. 22..\\
sarvavidyAtirekAdvA jayamichchhenmahIpatiH . 
na mAyayA na dambhena ya ichchhedbhUtimAtmanaH .. 23..\\
\medskip\hrule\medskip\centerline{\Largedvng 98}
kShatradharmAnna pApIyAndharmo.asti bharatarShabha . 
abhiyAne cha yuddhe cha rAjA hanti mahAjanam .. 1..\\
atha sma karmaNA yena lokA~njayati pArthivaH . 
vidva~njiGYAsamAnAya prabrUhi bharatarShabha .. 2..\\
nigraheNa cha pApAnA.n sAdhUnAM pragraheNa cha . 
yaGYairdAnaishcha rAjAno bhavanti shuchayo.amalAH .. 3..\\
uparundhanti rAjAno bhUtAni vijayArthinaH . 
ta eva vijayaM prApya vardhayanti punaH prajAH .. 4..\\
apavidhyanti pApAni dAnayaGYatapo balaiH . 
anugraheNa bhUtAnAM puNyameShAM pravardhate .. 5..\\
yathaiva kShetranirdAtA nirdanvai kShetramekadA . 
hinasti kakSha.n dhAnyaM cha na cha dhAnya.n vinashyati .. 6..\\
eva.n shastrANi mu~nchanto ghnanti vadhyAnathaika dA . 
tasyaiShA niShkR^itiH kR^itsnA bhUtAnAM bhAvanaM punaH .. 7..\\
yo bhUtAni dhanajyAnAdvadhAtkleshAchcha rakShati . 
dasyubhyaH prANadAnAtsadhanadaH sukhado virAT .. 8..\\
sa sarvayaGYairIjAno rAjAthAbhaya dakShiNaiH . 
anubhUyeha bhadrANi prApnodindra sa lokatAm .. 9..\\
brAhmaNArthe samutpanne yo.abhiniHsR^itya yudhyate . 
AtmAna.n yUpamuchchhritya sa yaGYo.ananta dakShiNaH .. 10..\\
abhIto vikira~nshatrUnpratigR^ihNa~nsharA.nstathA . 
na tasmAttridashAH shreyo bhuvi pashyanti ki.n chana .. 11..\\
tasya yAvanti shastrANi tvachaM bhindanti sa.nyuge . 
tAvataH so.ashnute lokAnsarvakAmaduho.akShayAn .. 12..\\
na tasya rudhira.n gAtrAdAvedhebhyaH pravartate . 
sa ha tenaiva raktena sarvapApaiH pramuchyate .. 13..\\
yAni duHkhAni sahate vraNAnAmabhitApane . 
na tato.asti tapo bhUya iti dharmavido viduH .. 14..\\
pR^iShThato bhIravaH sa~Nkhye vartante.adhama pUruShAH . 
shUrAchchharaNamichchhantaH parjanyAdiva jIvanam .. 15..\\
yadi shUrastathA kSheme pratirakShettathA bhaye . 
pratirUpa.n janAH kuryurna cha tadvartate tathA .. 16..\\
yadi te kR^itamAGYAya namaH kuryuH sadaiva tam . 
yuktaM nyAyya.n cha kuryuste na cha tadvartate tathA .. 17..\\
puruShANA.n samAnAnA.n dR^ishyate mahadantaram . 
sa~NgrAme.anIka velAyAmutkruShTe.abhipatatsu cha .. 18..\\
patatyabhimukhaH shUraH parAnbhIruH palAyate . 
AsthAyAsvargyamadhvAna.n sahAyAnviShame tyajan .. 19..\\
mA sma tA.nstAdR^ishA.nstAta janiShThAH puruShAdhamAn . 
ye sahAyAnraNe hitvA svasti manto gR^ihAnyayuH .. 20..\\
asvasti tebhyaH kurvanti devA indrapurogamAH . 
tyAgena yaH sahAyAnA.n svAnprANA.nstrAtumichchhati .. 21..\\
ta.n hanyuH kAShThaloShTairvA dayeyurvA kaTAgninA . 
pashuvanmArayeyurvA kShatriyA ye syurIdR^ishAH .. 22..\\
adharmaH kShatriyasyaiSha yachchhayyA maraNaM bhavet . 
visR^ija~nshreShma pittAni kR^ipaNaM paridevayan .. 23..\\
avikShatena dehena pralaya.n yo.adhigachchhati . 
kShatriyo nAsya tatkarma prasha.nsanti purA vidaH .. 24..\\
na gR^ihe maraNa.n tAta kShatriyANAM prashasyate . 
shauTIrANAmashauTIramadharmya.n kR^ipaNaM cha tat .. 25..\\
ida.n duHkhamaho kaShTaM pApIya iti niShTanan . 
pratidhvasta mukhaH pUtiramAtyAnbahu shochayan .. 26..\\
arogANA.n spR^ihayate muhurmR^ityumapIchchhati . 
vIro dR^ipto.abhimAnI cha nedR^ishaM mR^ityumarhati .. 27..\\
raNeShu kadana.n kR^itvA GYAtibhiH parivAritaH . 
tIkShNaiH shastraiH suvikliShTaH kShatriyo mR^ityumarhati .. 28..\\
shUro hi satyamanyubhyAmAviShTo yudhyate bhR^isham . 
kR^ityamAnAni gAtrANi parairnaivAvabudhyate .. 29..\\
sa sa~Nkhye nidhanaM prApya prashasta.n lokapUjitam . 
svadharma.n vipulaM prApya shakrasyaiti sa lokatAm .. 30..\\
sarvo yodhaH para.n tyaktumAviShTastyaktajIvitaH . 
prApnotIndrasya sAlokya.n shUraH pR^iShThamadarshayan .. 31..\\
\medskip\hrule\medskip\centerline{\Largedvng 99}
ke lokA yudhyamAnAnA.n shUrANAmanivartinAm . 
bhavanti nidhanaM prApya tanme brUhi pitA maha .. 1..\\
atrApyudAharantImamitihAsaM purAtanam . 
ambarIShasya sa.nvAdamindrasya cha yudhiShThira .. 2..\\
ambarISho hi nAbhAgaH svarga.n gatvA sudurlabham . 
dadarsha suralokastha.n shakreNa sachivaM saha .. 3..\\
sarvatejomaya.n divya.n vimAnavaramAsthitam . 
uparyupari gachchhanta.n svaM vai senApatiM prabhum .. 4..\\
sa dR^iShTvopari gachchhanta.n senApatimudAradhIH . 
R^iddhi.n dR^iShTvA sudevasya vismitaH prAha vAsavam .. 5..\\
sAgarAntAM mahI.n kR^itsnAmanushiShya yathAvidhi . 
chAturvarNye yathAshAstraM pravR^itto dharmakAmyayA .. 6..\\
brahmacharyeNa ghoreNa AchArya kulasevayA . 
vedAnadhItya dharmeNa rAjashAstra.n cha kevalam .. 7..\\
atithInannapAnena pitR^IMshcha svadhayA tathA . 
R^iShInsvAdhyAyadIkShAbhirdevAnyaGYairanuttamaiH .. 8..\\
kShatradharme sthito bhUtvA yathAshAstra.n yathAvidhi . 
udIkShamANaH pR^itanA.n jayAmi yudhi vAsava .. 9..\\
devarAjasudevo.ayaM mama senApatiH purA . 
AsIdyodhaH prashAntAtmA so.aya.n kasmAdatIva mAm .. 10..\\
nAnena kratubhirmukhyairiShTaM naiva dvijAtayaH . 
tarpitA vidhivachchhakra so.aya.n kasmAdatIva mAm .. 11..\\
etasya vitatastAta sudevasya babhUva ha . 
sa~NgrAmayaGYaH sumahAnyashchAnyo yudhyate naraH .. 12..\\
saMnaddho dIkShitaH sarvo yodhaH prApya chamUmukham . 
yuddhayaGYAdhikAra stho bhavatIti vinishchayaH .. 13..\\
kAni yaGYe havIMShyatra kimAjya.n kA cha dakShiNA . 
R^itvijashchAtra ke proktAstanme brUhi shatakrato .. 14..\\
R^itvijaH ku~njarAstatra vAjino.adhvaryavastathA . 
havIMShi paramA.nsAni rudhira.n tvAjyameva cha .. 15..\\
sR^igAlagR^idhrakAkolAH sadasyAstatra satriNaH . 
AjyasheShaM pibantyete haviH prAshnanti chAdhvare .. 16..\\
prAsatomarasa~NghAtAH khaDgashaktiparashvadhAH . 
jvalanto nishitAH pItAH sruchastasyAtha satriNaH .. 17..\\
chApavegAyatastIkShNaH parakAyAvadAraNaH . 
R^ijuH sunishitaH pItaH sAyako.asya sruvo mahAn .. 18..\\
dvIpicharmAvanaddhashcha nAgadantakR^itatsaruH . 
hastihastagataH khaDgaH sphyo bhavettasya sa.nyuge .. 19..\\
jvalitairnishitaiH pItaiH prAsashaktiparashvadhaiH . 
shakyAyasamayaistIkShNairabhighAto bhavedvasu .. 20..\\
AvegAdyattu rudhira.n sa~NgrAme syandate bhuvi . 
sAsya pUrNAhutirhotre samR^iddhA sarvakAmadhuk .. 21..\\
chhindhi bhindhIti yasyaitachchhrUyate vAhinImukhe . 
sAmAni sAma gAstasya gAyanti yamasAdane .. 22..\\
havirdhAna.n tu tasyAhuH pareShA.n vAhinImukham . 
ku~njarANA.n hayAnA.n cha varmiNAM cha samuchchayaH . 
agniH shyenachito nAma tasya yaGYe vidhIyate .. 23..\\
uttiShThanti kabandho.atra sahasre nihate tu yaH . 
sa yUpastasya shUrasya khAdiro.aShTAshriruchyate .. 24..\\
iDopahUta.n kroshanti ku~njarA a~NkusheritAH . 
vyAghuShTa talanAdena vaShaTkAreNa pArthiva . 
udgAtA tava sa~NgrAme trisAmA dundubhiH smR^itaH .. 25..\\
brahma sve hriyamANe yaH priyA.n yuddhe tanu.n tyajet . 
AtmAna.n yUpamuchchhritya sa yaGYo.ananta dakShiNaH .. 26..\\
bharturarthe tu yaH shUro vikramedvAhinImukhe . 
bhayAnna cha nivarteta tasya lokA yathA mama .. 27..\\
nIlachandrAkR^itaiH khaDgairbAhubhiH parighopamaiH . 
yasya vedirupastIrNA tasya lokA yathA mama .. 28..\\
yastu nAvekShate ka.n chitsahAya.n vijaye sthitaH . 
vigAhya vAhinImadhya.n tasya lokA yathA mama .. 29..\\
yasya tomarasa~NghATA bherI maNDUkakachchhapA . 
vIrAsthi sharkarA durgA mA.nsashoNitakardamA .. 30..\\
asi charma plavA sindhuH keshashaivalashAdvalA . 
ashvanAgarathaishchaiva sambhinnaiH kR^itasa~NkramA .. 31..\\
patAkAdhvajavAnIrA hatavAhana vAhinI . 
shoNitodA susampUrNA dustarA pAragairnaraiH .. 32..\\
hatanAgamahAnakrA paralokavahAshivA . 
R^iShTikhaDgadhvajAnUkA gR^idhraka~NkavaDaplavA .. 33..\\
puruShAdAnucharitA bhIrUNA.n kashmalAvahA . 
nadI yodhamahAyaGYe tadasyAvabhR^itha.n smR^itam .. 34..\\
vedI yasya tvamitrANA.n shirobhiravakIryate . 
ashvaskandhairjaga skandhaistasya lokA yathA mama .. 35..\\
patnI shAlA kR^itA yasya pareShA.n vAhinImukham . 
havirdhAna.n svavAhinyastadasyAhurmanIShiNaH .. 36..\\
sadashchAntara yodhAgnirAgnIdhrashchottarA.n disham . 
shatrusenA kalatrasya sarvalokAnadUrataH .. 37..\\
yadA tUbhaya to vyAho bhavatyAkAshamagrataH . 
sAsya vedI tathA yaGYe nitya.n vedAstrayo.agnayaH .. 38..\\
yastu yodhaH parAvR^ittaH santrasto hanyate paraiH . 
apratiShTha.n sa narakaM yAti nAstyatra saMshayaH .. 39..\\
yasya shoNitavegena nadI syAtsamabhiplutA . 
keshamA.nsAsthi sa~NkIrNA sa gachchhetparamA.n gatim .. 40..\\
yastu senApati.n hatvA tadyAnamadhirohati . 
sa viShNuvikrama krAmI bR^ihaspatisamaH kratuH .. 41..\\
nAyaka.n vA pramANaM vA yo vA syAttatra pUjitaH . 
jIvagrAhaM nigR^ihNAti tasya lokA yathA mama .. 42..\\
Ahave nihata.n shUraM na shocheta kadA chana . 
ashochyo hi hataH shUraH svargaloke mahIyate .. 43..\\
na hyannaM nodaka.n tasya na snAnaM nApyashauchakam . 
hatasya kartumichchhanti tasya lokA~nshR^iNuShva me .. 44..\\
varApsaraH sahasrANi shUramAyodhane hatam . 
tvaramANA hi dhAvanti mama bhartA bhavediti .. 45..\\
etattapashcha puNya.n cha dharmashchaiva sanAtanaH . 
chatvArashchAshramAstasya yo yuddhe na palAyate .. 46..\\
vR^iddhaM balaM na hantavyaM naiva strI na cha vai dvijaH . 
tR^iNapUrNamukhashchaiva tavAsmIti cha yo vadet .. 47..\\
aha.n vR^itraM balaM pAkaM shatamAyaM virochanam . 
durAvArya.n cha namuchiM naikamAyaM cha shambaram .. 48..\\
viprachitti.n cha daiteyaM danoH putrAshcha sarvashaH . 
prahrAda.n cha nihatyAjau tato devAdhipo.abhavam .. 49..\\
ityetachchhakra vachanaM nishamya pratigR^ihya cha . 
yodhAnAmAtmanaH siddhimambarISho.abhipannavAn .. 50..\\
\medskip\hrule\medskip\centerline{\Largedvng 100}
atrApyudAharantImamitihAsaM purAtanam . 
pratardano maithilashcha sa~NgrAma.n yatra chakratuH .. 1..\\
yaGYopavItI sa~NgrAme janako maithilo yathA . 
yodhAnuddharShayAmAsa tannibodha yudhiShThira .. 2..\\
janako maithilo rAjA mahAtmA sarvatattvavit . 
yodhAnsvAndarshayAmAsa svargaM narakameva cha .. 3..\\
abhItAnAmime lokA bhAsvanto hanta pashyata . 
pUrNA gandharvakanyAbhiH sarvakAmaduho.akShayAH .. 4..\\
ime palAyamAnAnAM narakAH pratyupasthitAH . 
akIrtiH shAshvatI chaiva patitavyamanantaram .. 5..\\
tAndR^iShTvArInvijayato bhUtvA santyAga buddhayaH . 
narakasyApratiShThasya mA bhUtavashavartinaH .. 6..\\
tyAgamUla.n hi shUrANAM svargadvAramanuttamam . 
ityuktAste nR^ipatinA yodhAH parapura~njaya .. 7..\\
vyajayanta raNe shatrUnharShayanto janeshvaram . 
tasmAdAtmavatA nitya.n sthAtavyaM raNamUrdhani .. 8..\\
gajAnA.n rathino madhye rathAnAmanu sAdinaH . 
sAdinAmantarA sthApyaM pAdAtamiha daMshitam .. 9..\\
ya eva.n vyUhate rAjA sa nitya.n jayate dviShaH . 
tasmAdeva.nvidhAtavyaM nityameva yudhiShThira .. 10..\\
sarve sukR^itamichchhantaH suyuddhenAti manyavaH . 
kShobhayeyuranIkAni sAgaraM makarA iva .. 11..\\
harShayeyurviShaNNAMshcha vyavasthApya parasparam . 
jitA.n cha bhUmi.n rakSheta bhagnAnnAtyanusArayet .. 12..\\
punarAvartamAnAnAM nirAshAnA.n cha jIvite . 
na vegaH susaho rAja.nstasmAnnAtyanusArayet .. 13..\\
na hi prahartumichchhanti shUrAH prAdravatAM bhayAt . 
tasmAtpalAyamAnAnA.n kuryAnnAtyanusAraNam .. 14..\\
charANAmacharA hyannamadaMShTrA daMShTriNAm api . 
apANayaH pANimatAmanna.n shUrasya kAtarAH .. 15..\\
samAnapR^iShThodara pANipAdAH 
pashchAchchhUraM bhIravo.anuvrajanti . 
ato bhayArtAH praNipatya bhUyaH 
kR^itvA~njalInupatiShThanti shUrAn .. 16..\\
shUra bAhuShu loko.aya.n lambate putra vatsadA . 
tasmAtsarvAsvavasthAsu shUraH saMmAnamarhati .. 17..\\
na hi shauryAtpara.n kiM chittriShu lokeShu vidyate . 
shUraH sarvaM pAlayati sarva.n shUre pratiShThitam .. 18..\\
\medskip\hrule\medskip\centerline{\Largedvng 101}
yathA jayArthinaH senAM nayanti bharatarShabha . 
IShaddharmaM prapIDyApi tanme brUhi pitA maha .. 1..\\
satyena hi sthitA dharmA upapattyA tathApare . 
sAdhvAchAratayA ke chittathaivaupayikA api . 
upAyadharmAnvakShyAmi siddhArthAnarthadharmayoH .. 2..\\
nirmaryAdA dasyavastu bhavanti paripanthinaH . 
teShAM prativighAtArthaM pravakShyAmyatha naigamam . 
kAryANA.n samprasiddhyartha.n tAnupAyAnnibodha me .. 3..\\
ubhe praGYe veditavye R^ijvI vakrA cha bhArata . 
jAnanvakrAM na seveta pratibAdheta chAgatAm .. 4..\\
amitrA eva rAjAnaM bhedenopacharantyuta . 
tA.n rAjA nikR^iti.n jAnanyathAmitrAnprabAdhate .. 5..\\
gajAnAM pArshvacharmANi govR^iShAjagarANi cha . 
shalya ka~NkaTa lohAni tanutrANi matAni cha .. 6..\\
shitapItAni shastrANi saMnAhAH pItalohitAH . 
nAnA ra~njana raktAH syuH patAkAH ketavash cha te .. 7..\\
R^iShTayastomarAH khaDgA nishitAshcha parashvadhAH . 
phalakAnyatha charmANi pratikalpyAnyanekashaH . 
abhInItAni shastrANi yodhAshcha kR^itanishramAH .. 8..\\
chaitryA.n vA mArgashIrShyAM vA senAyogaH prashasyate . 
pakvasasyA hi pR^ithivI bhavatyambumatI tathA .. 9..\\
naivAti shIto nAtyuShNaH kAlo bhavati bhArata . 
tasmAttadA yojayeta pareShA.n vyasaneShu vA . 
eteShu yogAH senAyAH prashastAH parabAdhane .. 10..\\
jalavA.nstR^iNavAnmArgaH samo gamyaH prashasyate . 
chArairhi vihitAbhyAsaH kushalairvanagocharaiH .. 11..\\
navyAraNyairna shakyeta gantuM mR^igagaNairiva . 
tasmAtsarvAsu senAsu yojayanti jayArthinaH .. 12..\\
AvAsastoyavAndurgaH prayAkAshaH prashasyate . 
pareShAmupasarpANAM pratiShedhastathA bhavet .. 13..\\
AkAsha.n tu vanAbhyAshe manyante guNavattaram . 
bahubhirguNajAtaistu ye yuddhakushalA janAH .. 14..\\
upanyAso.apasarpANAM padAtInA.n cha gUhanam . 
atha shatrupratIghAtamApadarthaM parAyaNam .. 15..\\
saptarShInpR^iShThataH kR^itvA yudhyerannachalA iva . 
anena vidhinA rAja~njigIShetApi durjayAn .. 16..\\
yato vAyuryataH sUryo yataH shukrastato jayaH . 
pUrvaM pUrva.n jyAya eShA.n saMnipAte yudhiShThira .. 17..\\
akardamAmanudakAmamaryAdAmaloShTakAm . 
ashvabhUmiM prasha.nsanti ye yuddhakushalA janAH .. 18..\\
samA nirudakAkAshA rathabhUmiH prashasyate . 
nIchadrumA mahAkakShA sodakA hastiyodhinAm .. 19..\\
bahu durgA mahAvR^ikShA vetraveNubhirAstR^itA . 
padAtInA.n kShamA bhUmiH parvatopavanAni cha .. 20..\\
padAtibahulA senA dR^iDhA bhavati bhArata . 
rathAshvabahulA senA sudineShu prashasyate .. 21..\\
padAtinAgabahulA prAvR^iTkAle prashasyate . 
guNAnetAnprasa~NkhyAya deshakAlau prayojayet .. 22..\\
eva.n sa~ncintya yo yAti tithi nakShatrapUjitaH . 
vijaya.n labhate nityaM senAM samyakprayojayan .. 23..\\
prasuptA.nstR^iShitA~nshrAntAnprakIrNAnnAbhighAtayet . 
mokShe prayANe chalane pAnabhojana kAlayoH .. 24..\\
ati kShiptAnvyatikShiptAnvihatAnpratanU kR^itAn . 
suvisrambhAnkR^itArambhAnupanyAsa pratApinAn . 
bahishcharAnupanyAsAnkR^itvA veshmAnusAriNaH .. 25..\\
pAramparyAgate dvAre ye ke chidanuvartinaH . 
paricharyA varoddhAro ye cha ke chana valginaH .. 26..\\
anIka.n ye prabhindanti bhinnaM ye sthagayanti cha . 
samAnAshana pAnAste kAryA dviguNavetanAH .. 27..\\
dashAdhipatayaH kAryAH shatAdhipatayastathA . 
teShA.n sahasrAdhipati.n kuryAchchhUramatandritam .. 28..\\
yathAmukhya.n saMnipAtya vaktavyAH sma shapAmahe . 
yathA jayArtha.n sa~NgrAme na jahyAma parasparam .. 29..\\
ihaiva te nivartantA.n ye naH ke chana bhIravaH . 
na ghAtayeyuH pradara.n kurvANAstumule sati .. 30..\\
AtmAna.n cha svapakShaM cha palAyanhanti sa.nyuge . 
dravyanAsho vadho.akIrtirayashashcha palAyane .. 31..\\
amanoGYA sukhA vAchaH puruShasya palAyataH . 
pratispandauShTha dantasya nyastasarvAyudhasya cha .. 32..\\
hitvA palAyamAnasya sahAyAnprANasaMshaye . 
amitrairanubaddhasya dviShatAmastu nastathA .. 33..\\
manuShyApasadA hyete ye bhavanti parA~NmukhAH . 
rAshivardhana mAtrAste naiva te pretya no iha .. 34..\\
amitrA hR^iShTamanasaH pratyudyAnti palAyinam . 
jayina.n suhR^idastAta vandanairma~Ngalena cha .. 35..\\
yasya sma vyasane rAjannanumodanti shatravaH . 
tadasahya tara.n duHkhamahaM manye vadhAdapi .. 36..\\
shriya.n jAnIta dharmasya mUla.n sarvasukhasya cha . 
sA bhIrUNAM parAnyAti shUrastAm adhigachchhati .. 37..\\
te vaya.n svargamichchhantaH sa~NgrAme tyaktajIvitAH . 
jayanto vadhyamAnA vA prAptumarhAma sadgatim .. 38..\\
eva.n saMshapta shapathAH samabhityaktajIvitAH . 
amitravAhinI.n vIrAH sampragAhantyabhIravaH .. 39..\\
agrataH puruShAnIkamasi charma vatAM bhavet . 
pR^iShThataH shakaTAnIka.n kalatraM madhyatastathA .. 40..\\
pareShAM pratighAtArthaM padAtInA.n cha gUhanam . 
api hyasminpare gR^iddhA bhaveyurye purogamAH .. 41..\\
ye purastAdabhimatAH sattvavanto mano vinaH . 
te pUrvamabhivartera.nstAnanvagitare janAH .. 42..\\
api choddharShaNa.n kAryaM bhIrUNAmapi yatnataH . 
skandhadarshanamAtra.n tu tiShTheyurvA samIpataH .. 43..\\
sa.nhatAnyodhayedalpAnkAma.n vistArayedbahUn . 
suchI mukhamanIka.n syAdalpAnAM bahubhiH saha .. 44..\\
samprayuddhe prahR^iShTe vA satya.n vAyadi vAnR^itam . 
pragR^ihya bAhUnkrosheta bhagnA bhagnAH parA iti .. 45..\\
AgataM no mitrabalaM praharadhvamabhItavat . 
shabdavanto.anudhAveyuH kurvanto bhairava.n ravam .. 46..\\
kShveDAH kila kilAH sha~NkhAH krakachA goviShANikAn . 
bherImR^ida~NgapaNavAnnAdayeyurshcha ku~njarAn .. 47..\\
\medskip\hrule\medskip\centerline{\Largedvng 102}
 y

ki.n shIlAH kiM samutthAnAH katha.nrUpAshcha bhArata . 
ki.n saMnAhAH kathaM shastrA janAH syuH sa.nyuge nR^ipa .. 1..\\

 bh

yathAcharitamevAtra shastrapatra.n vidhIyate . 
AchArAdeva puruShastathA karmasu vartate .. 2..\\
gAndhArAH sindhusauvIrA nakharaprAsayodhinaH . 
AbhIravaH subalinastadbala.n sarvapAragam .. 3..\\
sarvashastreShu kushalAH sattvavanto hyushInarAH . 
prAchyA mAta~NgayuddheShu kushalAH shaThayodhinaH .. 4..\\
tathA yavanakAmbojA mathurAmabhitash cha ye . 
ete niyuddha kushalA dAkShiNAtyAsi charmiNaH .. 5..\\
sarvatra shUrA jAyante mahAsattvA mahAbalAH . 
prAya eSha samuddiShTo lakShaNAni tu me shR^iNu .. 6..\\
si.nhashArdUlavAnnetrAH sinha shArdUlagAminaH . 
pArAvata kuli~NgAkShAH sarve shUrAH pramAthinaH .. 7..\\
mR^igasvarA dvIpinetrA R^iShabhAkShAstathApare . 
pravAdinaH suchaNDAshcha krodhinaH kiMnarI svanAH .. 8..\\
meghasvanAH kruddha mukhAH ke chitkarabha nisvanAH . 
jihmanAsAnuja~NghAshcha dUragA dUrapAtinaH .. 9..\\
viDAla kubjAstanavastanu keshAstanutvachaH . 
shUrAshchapala chittAshcha te bhavanti durAsadAH .. 10..\\
godhA nimIlitAH ke chinmR^idu prakR^itayo.api cha . 
tura~NgagatinirghoShAste narAH pArayiShNavaH .. 11..\\
susa.nhatAH pratanavo vyUDhoraskAH susa.nsthitAH . 
pravAditena nR^ityanti hR^iShyanti kalaheShu cha .. 12..\\
ganbhIrAkShA niHsR^itAkShAH pi~NgalA bhrukuTI mukhAH . 
nakulAkShAstathA chaiva sarve shUrAstanutyajaH .. 13..\\
jihmAkShAH pralalATAshcha nirmA.nsa hanavo.api cha . 
vakrabAhva~NgulI saktAH kR^ishA dhamani santatAH .. 14..\\
pravishantyativegena samparAye.abhyupasthite . 
vAraNA iva saMmattAste bhavanti durAsadAH .. 15..\\
dIptasphuTita keshAntAH sthUlapArshva hanU mukhAH . 
unnatA.nsA pR^ithugrIvA vikaTAH sthUlapiNDikA .. 16..\\
udvR^ittAshchaiva sugrIvA vinatA vihagA iva . 
piNDa shIrshAhi vaktrAshcha vR^iShadaMsha mukhA iva .. 17..\\
ugrasvanA manyumanto yuddheShvArAva sAriNaH . 
adharmaGYAvaliptAshcha ghorA raudrapradarshinaH .. 18..\\
tyaktAtmAnaH sarva ete antyajA hyanivartinaH . 
puraskAryAH sadA sainye hanyate ghnanti chApi te .. 19..\\
adhArmikA bhinnavR^ittAH sAdhvevaiShAM parAbhavaH . 
evameva prakupyanti rAGYo.apyete hyabhIkShNashaH .. 20..\\
\medskip\hrule\medskip\centerline{\Largedvng 103}
 y

jaitryA vA kAni rUpANi bhavanti puruSharShabha . 
pR^itanAyAH prashastAni tAnIhechchhAmi veditum .. 1..\\

 bh

jaitryA vA yAni rUpANi bhavanti puruSharShabha . 
pR^itanAyAH prashastAni tAni vakShyAmi sarvashaH .. 2..\\
daivaM pUrva.n vikurute mAnuShe kAlachodite . 
tadvidvA.nso.anupashyanti GYAnadIrgheNa chakShuShA .. 3..\\
prAyashchitta vidhi.n chAtra japahomAMshcha tadviduH . 
ma~NgalAni cha kurvantaH shamayantyahitAnyapi .. 4..\\
udIrNamanaso yodhA vAhanAni cha bhArata . 
yasyAM bhavanti senAyA.n dhruvaM tasyAM jaya.n vadet .. 5..\\
anvenA.n vAyavo vAnti tathaivendra dhanUMShi cha . 
anuplavante meghAshcha tathAdityasya rashmayaH .. 6..\\
gomAyavashchAnulomA vaDA gR^idhrAshcha sarvashaH . 
AchareyuryadA senA.n tadA siddhiranuttamA .. 7..\\
prasannabhAH pAvaka UrdhvarashmiH 
pradakShiNAvartashikho vidhUmaH . 
puNyA gandhAshchAhutInAM pravAnti 
jayasyaitadbhAvino rUpamAhuH .. 8..\\
gambhIrashabdAshcha mahAsvanAsh cha 
sha~NkhAshcha bheryash cha nadanti yatra . 
yuyutsavashchApratIpA bhavanti 
jayasyaitadbhAvino rUpamAhuH .. 9..\\
iShTA mR^igAH pR^iShThato vAmatash cha 
samprasthitAnA.n cha gamiShyatAM cha . 
jighA.nsatA.n dakShiNAH siddhimAhur 
ye tvagrataste pratiShedhayanti .. 10..\\
ma~Ngalya shabdAH shakunA vadanti 
ha.nsAH krau~nchAH shatapatrAshcha chAShAH . 
hR^iShTA yodhAH sattvavanto bhavanti 
jayasyaitadbhAvino rUpamAhuH .. 11..\\
shastraiH pataiH kavachairketubhish cha 
subhAnubhirmukhavarNaishcha yUnAm . 
bhrAjiShmatI duShpratiprekShaNIyA 
yeShA.n chamUste.abhibhavanti shatrUn .. 12..\\
shushrUShavashchAnabhimAninash cha 
paraspara.n sauhR^idamAsthitAsh cha . 
yeShA.n yodhAH shauchamanuShThitAsh cha 
jayasyaitadbhAvino rUpamAhuH .. 13..\\
shabdAH sparshAstathA gandhA vicharanti manaHpriyAH . 
dhairya.n chAvishate yodhAnvijayasya mukhaM tu tat .. 14..\\
iShTo vAmaH praviShTasya dakShiNaH pravivikShataH . 
pashchAtsa.nsAdhayatyarthaM purastAtpratiShedhati .. 15..\\
sambhR^itya mahatI.n senA.n chatura~NgAM yudhiShThira . 
sAmnaivAvartane pUrvaM prayatethAstatho yudhi .. 16..\\
jaghanya eSha vijayo yadyuddhaM nAma bhArata . 
yAdR^ichchhiko yudhi jayo daivo veti vichAraNam .. 17..\\
apAmiva mahAvegastrastA mR^igagaNA iva . 
durnivAryatamA chaiva prabhagnA mahatI chamUH .. 18..\\
bhagnA ityeva bhajyante vidvA.nso.api na kAraNam . 
udArasArA mahatI rurusa~NghopamA chamUH .. 19..\\
parasparaGYAH sa.nhR^iShTAstyaktaprANAH sunishchitAH . 
api pa~nchAshatiH shUrA mR^idnanti paravAhinIm .. 20..\\
atha vA pa~ncha ShaTsapta sahitAH kR^itanishchayAH . 
kulInAH pUjitAH samyagvijayantIha shAtravAn .. 21..\\
saMnipAto na gantavyaH shakye sati katha.n chana . 
sAntvabheda pradAnAnA.n yuddhamuttaramuchyate .. 22..\\
sa.nsarpaNAddhi senAyA bhayaM bhIrUnprabAdhate . 
vajrAdiva prajvalitAdiya.n kva nu patiShyati .. 23..\\
abhiprayAtA.n samitiM GYAtvA ye pratiyAntyatha . 
teShA.n spandanti gAtrANi yodhAnAM viShayasya cha .. 24..\\
viShayo vyathate rAjansarvaH sasthANu ja~NgamaH . 
shastrapratApa taptAnAM majjA sIdati dehinAm .. 25..\\
teShA.n sAntva.n krUra mishraM praNetavyaM punaH punaH . 
sampIDyamAnA hi pare yogamAyAnti sarvashaH .. 26..\\
antarANA.n cha bhedArthaM chArAnabhyavachArayet . 
yashcha tasmAtparo rAjA tena sandhiH prashasyate .. 27..\\
na hi tasyAnyathA pIDA shakyA kartu.n tathAvidhA . 
yathA sArdhamamitreNa sarvataH pratibAdhanam .. 28..\\
kShamA vai sAdhu mAyA hi na hi sAdhvakShamA sadA . 
kShamAyAshchAkShamAyAshcha viddhi pArtha prayojanam .. 29..\\
vijitya kShamamANasya yasho rAGYo.abhivardhate . 
mahAparAdhA hyapyasminvishvasanti hi shatravaH .. 30..\\
manyate karshayitvA tu kShamA sAdhviti shambaraH . 
asantapta.n tu yaddAru pratyeti prakR^itiM punaH .. 31..\\
naitatprasha.nsantyAchAryA na cha sAdhu nidarshanam . 
akleshenAvinAshena niyantavyAH svaputravat .. 32..\\
dveShyo bhavati bhUtAnAmugro rAjA yudhiShThira . 
mR^idumapyavamanyante tasmAdubhaya bhAgbhavet .. 33..\\
prahariShyanpriyaM brUyAtpraharannapi bhArata . 
prahR^itya cha kR^ipAyeta shochanniva rudanniva .. 34..\\
na me priya.n yatsa hataH samprAhaivaM puro vachaH . 
na chakartha cha me vAkyamuchyamAnaH punaH punaH .. 35..\\
aho jIvitamAkA~NkShe nedR^isho vadhamarhati . 
sudurlabhAH supuruShAH sa~NgrAmeShvapalAyinaH .. 36..\\
kR^itaM mamApriya.n tena yenAyaM nihato mR^idhe . 
iti vAchA vadanhantR^InpUjayeta rahogataH .. 37..\\
hantR^INA.n chAhatAnAM cha yatkuryuraparAdhinaH . 
kroshedbAhuM pragR^ihyApi chikIrSha~njanasa~Ngraham .. 38..\\
eva.n sarvAsvavasthAsu sAntvapUrvaM samAcharan . 
priyo bhavati bhUtAnA.n dharmaGYo vItabhIrnR^ipaH .. 39..\\
vishvAsa.n chAtra gachchhanti sarvabhUtAni bhArata . 
vishvastaH shakyate bhoktu.n yathAkAmamupasthitaH .. 40..\\
tasmAdvishvAsayedrAjA sarvabhUtAnyamAyayA . 
sarvataH parirakShechcha yo mahIM bhoktumichchhati .. 41..\\
\medskip\hrule\medskip\centerline{\Largedvng 104}
 y

kathaM mR^idau katha.n tIkShNe mahApakShe cha pArthiva . 
arau varteta nR^ipatistanme brUhi pitAmaha .. 1..\\

 bh

atrApyudAharantImamitihAsaM purAtanam . 
bR^ihaspateshcha sa.nvAdamindrasya cha yudhiShThira .. 2..\\
bR^ihaspati.n devapatirabhivAdya kR^itA~njaliH . 
upasa~Ngamya paprachchha vAsavaH paravIrahA .. 3..\\
ahiteShu kathaM brahmanvartayeyamatandritaH . 
asamuchchhidya chaivainAnniyachchheyamupAyataH .. 4..\\
senayorvyatiSha~NgeNa jayaH sAdhAraNo bhavet . 
ki.n kurvANaM na mAM jahyAjjvalitA shrIH pratApinI .. 5..\\
tato dharmArthakAmAnA.n kushalaH pratibhAnavAn . 
rAjadharmavidhAnaGYaH pratyuvAcha purandaram .. 6..\\
na jAtu kalahenechchhenniyantumapakAriNaH . 
bAla sa.nsevita.n hyetadyadamarSho yadakShamA . 
na shatrurvivR^itaH kAryo vadhamasyAbhikA~NkShatA .. 7..\\
krodhaM balamamarSha.n cha niyamyAtmajamAtmani . 
amitramupaseveta vishvastavadavishvasan .. 8..\\
priyameva vadennityaM nApriya.n kiM chidAcharet . 
viramechchhuShka vairebhyaH kaNThAyAsa.n cha varjayet .. 9..\\
yathA vaita.nsiko yukto dvijAnA.n sadR^ishasvanaH . 
tAndvijAnkurute vashyA.nstathAyukto mahIpatiH . 
vasha.n chopanayechchhatrUnnihanyAchcha purandara .. 10..\\
na nityaM paribhUyArInsukha.n svapiti vAsava . 
jAgartyeva cha duShTAtmA sa~Nkare.agnirivotthitaH .. 11..\\
na saMnipAtaH kartavyaH sAmAnye vijaye sati . 
vishvAsyaivopasaMnyAsyo vashe kR^itvA ripuH prabho .. 12..\\
sampradhArya sahAmAtyairmantravidbhirmahAtmabhiH . 
upekShamANo.avaGYAte hR^idayenAparAjitaH .. 13..\\
athAsya praharetkAle ki.n chidvichalite pade . 
daNDa.n cha dUShayedasya puruShairAptakAribhiH .. 14..\\
AdimadhyAvasAnaGYaH prachchhanna.n cha vichArayet . 
balAni dUShayedasya jAnaMshchaiva pramANataH .. 15..\\
bhedenopapradAnena sa.nsR^ijannauShadhaistathA . 
na tveva chela sa.nsarga.n rachayedaribhiH saha .. 16..\\
dIrghakAlamapi kShAntvA vihanyAdeva shAtavAn . 
kAlAkA~NkShI yAmayechcha yathA viShrambhamApnuyuH .. 17..\\
na sadyo.arInvinirhanyAddR^iShTasya vijayo.ajvaraH . 
na yaH shalya.n ghaTTayati navaM cha kurute vraNam .. 18..\\
prApte cha praharetkAle na sa sa.nvartate punaH . 
hantukAmasya devendra puruShasya ripuM prati .. 19..\\
yaH kAlo hi vyatikrAmetpuruSha.n kAlakA~NkShiNam . 
durlabhaH sa punaH kAlaH kAladharmachikIrShuNA .. 20..\\
aurjasthya.n vijayedevaM sa~NgR^ihNansAdhu saMmatAn . 
kAlena sAdhayennityaM nAprApte.abhinipIDayet .. 21..\\
vihAya kAma.n krodhaM cha tathAha~NkArameva cha . 
yukto vivaramanvichchhedahitAnAM purandara .. 22..\\
mArdava.n daNDa AlasyaM pramAdash cha surottama . 
mAyAshcha vividhAH shakra sAdhayantyavichakShaNam .. 23..\\
nihatyaitAni chatvAri mAyAM pratividhAya cha . 
tataH shaknoti shatrUNAM prahartumavichArayan .. 24..\\
yadaivaikena shakyeta guhya.n kartuM tadAcharet . 
yachchhanti sachivA guhyaM mitho vidrAvayantyapi .. 25..\\
ashakyamiti kR^itvA vA tato.anyaiH sa.nvida.n charet . 
brahmadaNDamadR^iShTeShu dR^iShTeShu chatura~NgiNIm .. 26..\\
bheda.n cha prathama.n yu~njyAttUShNIM daNDaM tathaiva cha . 
kAle prayojayedrAjA tasmi.nstasmi.nstadA tadA .. 27..\\
praNipAta.n cha gachchheta kAle shatrorbalIyasaH . 
yukto.asya vadhamanvichchhedapramattaH pramAdyataH .. 28..\\
praNipAtena dAnena vAchA madhurayA bruvan . 
amitramupaseveta na tu jAtu visha~Nkayet .. 29..\\
sthAnAni sha~NkitAnA.n cha nityameva vivarjayet . 
na cha teShvAshvaseddrugdhvA jAgartIha nirAkR^itAH .. 30..\\
na hyato duShkara.n karma kiM chidasti surottama . 
yathA vividhavR^ittAnAmaishvaryamamarAdhipa .. 31..\\
tathA vividhashIlAnAmapi sambhava uchyate . 
yateta yogamAsthAya mitrAmitrAnavArayan .. 32..\\
mR^idumapyavamanyante tIkShNAdudvijate janaH . 
mAtIkShNo mAmR^idurbhUstva.n tIkShNo bhava mR^idurbhava .. 33..\\
yathA vapre vegavati sarvataH samplutodake . 
nitya.n vivaraNAdbAdhastathA rAjyaM pramAdyataH .. 34..\\
na banUnabhiyu~njIta yaugapadyena shAtravAn . 
sAmnA dAnena bhedena daNDena cha purandara .. 35..\\
ekaikameShAM niShpiMSha~nshiShTeShu nipuNa.n charet . 
na cha shakto.api medhAvI sarvAnevArabhennR^ipaH .. 36..\\
yadA syAnmahatI senA hayanAgarathAkulA . 
padAtiyantra bahulA svanuraktA ShaDa~NginI .. 37..\\
yadA bahuvidhA.n vR^iddhiM manyate pratilomataH . 
tadA vR^ivR^itya prahareddasyUnAmavichArayan .. 38..\\
na sAma daNDopaniShatprashasyate 
na mArdava.n shatruShu yAtrikaM sadA . 
na sasyaghAto na cha sa~NkarakriyA 
na chApi bhUyaH prakR^itervichAraNA .. 39..\\
mAyA vibhedAnupasarjanAni 
pApa.n tathaiva spasha samprayogAt . 
AptairmanuShyairupachArayeta 
pureShu rAShTreShu cha samprayuktaH .. 40..\\
purANi chaiShAmanusR^itya bhUmipAH 
pureShu bhogAnnikhilAnihAjayan . 
pureShu nIti.n vihitAM yathAvidhi 
prayojayanto baha vR^itra sUdana .. 41..\\
pradAya gUDhAni vasUni nAma 
prachchhidya bhogAnavadhAya cha svAn . 
duShTAH svadoShairiti kIrtayitvA 
pureShu rAShTreShu cha yojayanti .. 42..\\
tathaiva chAnyai ratishAstravedibhiH 
svala~NkR^itaiH shAstravidhAnadR^iShTibhiH . 
sushikShitairbhAShya kathA vishAradaiH 
pareShu kR^ityAnupadhArayasva .. 43..\\

 indra

kAni li~NgAni duShTasya bhavanti dvijasattama . 
katha.n duShTa.n vijAnIyAdetatpR^iShTo bravIhi me .. 44..\\

 brhaspati

parokShamaguNAnAha sadguNAnabhyasUyati . 
parairvA kIrtyamAneShu tUShNImAste parA~NmukhaH .. 45..\\
tUShNIM bhAve.api hi GYAnaM na chedbhavati kAraNam . 
vishvAsamoShThasandaMsha.n shirasash cha prakampanam .. 46..\\
karotyabhIkShNa.n sa.nsR^iShTamasa.nsR^iShTashcha bhAShate . 
adR^iShTito vikurute dR^iShTvA vA nAbhibhAShate .. 47..\\
pR^ithagetya samashnAti nedamadya yathAvidhi . 
Asane shayane yAne bhAvA lakShyA visheShataH .. 48..\\
ArtirArte priye prItiretAvanmitra lakShaNam . 
viparIta.n tu boddhavyamarilakShaNameva tat .. 49..\\
etAnyeva.n yathoktAni budhyethAstridashAdhipa . 
puruShANAM praduShTAnA.n svabhAvo balavattaraH .. 50..\\
iti duShTasya viGYAnamukta.n te surasattama . 
nishAmya shAstratattvArtha.n yathAvadamareshvaraH .. 51..\\

 bh

sa tadvachaH shatrunibarhaNe ratas 
tathA chakArAvitathaM bR^ihaspateH . 
chachAra kAle vijayAya chArihA 
vasha.n cha shatrUnanayatpurandaraH .. 52..\\
\medskip\hrule\medskip\centerline{\Largedvng 105}
 y

dhArmiko.arthAnasamprApya rAjAmAtyaiH prabAdhitaH . 
chyutaH koshAchcha daNDAchcha sukhamichchhankatha.n charet .. 1..\\

 bh

atrAya.n kShemadarshIyamitihAso.anugIyate . 
tatte.aha.n sampravakShyAmi tannibodha yudhiShThira .. 2..\\
kShemadarshaM nR^ipasuta.n yatra kShINabalaM purA . 
muniH kAlaka vR^ikShIya AjagAmeti naH shrutam . 
taM paprachchhopasa~NgR^ihya kR^ichchhrAmApadamAsthitaH .. 3..\\
artheShu bhAgI puruSha IhamAnaH punaH punaH . 
alabdhvA madvidho rAjyaM brahmanki.n kartumarhati .. 4..\\
anyatra maraNAtsteyAdanyatra parasaMshrayAt . 
kShudrAdanyatra chAchArAttanmamAchakShva sattama .. 5..\\
vyAdhinA chAbhipannasya mAnasenetareNa vA . 
bahushrutaH kR^itapraGYastvadvidhaH karaNaM bhavet .. 6..\\
nirvidya hi naraH kAmAnniyamya sukhamedhate . 
tyaktvA prIti.n cha shokaM cha labdhvAprIti maya.n vasu .. 7..\\
sukhamarthAshraya.n yeShAmanushochAmi tAnaham . 
mama hyarthAH subahavo naShTAH svapna ivAgatAH .. 8..\\
duShkaraM bata kurvanti mahato.arthA.nstyajanti ye . 
vaya.n tvenAnparityaktumasato.api na shaknumaH .. 9..\\
imAmavasthA.n samprApta.n dInamArtaM shriyash chyutam . 
yadanyatsukhamastIha tadbrahmannanushAdhi mAm .. 10..\\
kausalyenaivamuktastu rAjaputreNa dhImatA . 
muniH kAlaka vR^ikShIyaH pratyuvAcha mahAdyutiH .. 11..\\
purastAdeva te buddhiriya.n kAryA vijAnataH . 
anitya.n sarvamevedamaha.n cha mama chAsti yat .. 12..\\
yatki.n chinmanyase.astIti sarvaM nAstIti viddhi tat . 
evaM na vyathate prAGYaH kR^ichchhrAmapyApada.n gataH .. 13..\\
yaddhi bhUtaM bhaviShyachcha dhruva.n tanna bhaviShyati . 
eva.n viditavedyastvamadharmebhyaH pramokShyase .. 14..\\
yachcha pUrve samAhAre yachcha pUrvatare pare . 
sarva.n tannAsti tachchaiva tajGYAtvA ko.anusa~njvaret .. 15..\\
bhUtvA cha na bhavatyetadabhUtvA cha bhavatyapi . 
shoke na hyasti sAmarthya.n shoka.n kuryAtkathaM naraH .. 16..\\
kva nu te.adya pitA rAjankva nu te.adya pitAmaha . 
na tvaM pashyasi tAnadya na tvA pashyanti te.api cha .. 17..\\
Atmano.adhruvatAM pashya.nstA.nstva.n kimanushochasi . 
buddhyA chaivAnubudhyasva dhruva.n hi na bhaviShyasi .. 18..\\
aha.n cha tvaM cha nR^ipate shatravaH suhR^idash cha te . 
avashyaM na bhaviShyAmaH sarva.n cha na bhaviShyati .. 19..\\
ye tu viMshativarShA vai triMshadvarShAshcha mAnavAH . 
arvAgeva hi te sarve mariShyanti sharachchhatAt .. 20..\\
api chenmahato vittAdvipramuchyeta pUruShaH . 
naitanmameti tanmatvA kurvIta priyamAtmanaH .. 21..\\
anAgata.n ya na mameti vidyAd 
atikrAnta.n yanna mameti vidyAt . 
diShTaM balIya iti manyamAnAs 
te paNDitAstatsatA.n sthAnamAhuH .. 22..\\
anADhyAshchApi jIvanti rAjya.n chApyanushAsate . 
buddhipauruSha sampannAstvayA tulyAdhikA janAH .. 23..\\
na cha tvamiva shochanti tasmAttvamapi mA shuchaH . 
kiM nu tva.n tairna vai shreyA.nstulyo vA buddhipauruShaiH .. 24..\\

 raajaputra

yAdR^ichchhikaM mamAsIttadrAjyamityeva chintaye . 
hriyate sarvameveda.n kAlena mahatA dvija .. 25..\\
tasyaiva.n hriyamANasya srotaseva tapodhana . 
phalametatprapashyAmi yathA labdhena vartaye .. 26..\\

 muni

anAgatamatIta.n cha yathAtathya vinishchayAt . 
nAnushochasi kausalya sarvArtheShu tathA bhava .. 27..\\
avApyAnkAmayasvArthAnnAnavApyAnkadA chana . 
pratyutpannAnanubhavanmA shuchastvamanAgatAn .. 28..\\
yathA labdhopapannArthastathA kausalya ra.nsyase . 
kachchichchhuddha svabhAvena shriyA hIno na shochasi .. 29..\\
purastAdbhUtapUrvatvAddhIna bhAgyo hi durmatiH . 
dhAtAra.n garhate nitya.n labdhArthAMshcha na mR^iShyate .. 30..\\
anarhAnapi chaivAnyAnmanyate shrImato janAn . 
etasmAtkAraNAdetadduHkhaM bhUyo.anuvartate .. 31..\\
IrShyAtichchheda sampannA rAjanpuruShamAninaH . 
kachchittvaM na tathA prAGYa matsarI kosalAdhipa .. 32..\\
sahasva shriyamanyeShA.n yadyapi tvayi nAsti sA . 
anyatrApi satI.n lakShmI.n kushalA bhu~njate janAH . 
abhiviShyandate shrIrhi satyapi dviShato janAt .. 33..\\
shriya.n cha putrapautraM cha manuShyA dharmachAriNaH . 
tyAgadharmavido vIrAH svayameva tyajantyuta .. 34..\\
bahu sa~Nkasuka.n dR^iShTvA vivitsA sAdhanena cha . 
tathAnye santyajantyenaM matvA paramadurlabham .. 35..\\
tvaM punaH prAGYa rUpaH sankR^ipaNaM paritapyase . 
akAmyAnkAmayAno.arthAnparAchInAnupadrutAn .. 36..\\
tAM buddhimupajiGYAsustvamevainAnparityaja . 
anarthAMshchArtharUpeNa arthAMshchAnartha rUpataH .. 37..\\
arthAyaiva hi keShA.n chiddhananAsho bhavatyuta . 
anantya.n ta.n sukhaM matvA shriyamanyaH parIkShate .. 38..\\
ramamANaH shriyA kashchinnAnyachchhreyo.abhimanyate . 
tathA tasyehamAnasya samArambho vinashyati .. 39..\\
kR^ichchhrAllabdhamabhipreta.n yadA kausalya nashyati . 
tadA nirvidyate so.arthAtparibhagna kramo naraH .. 40..\\
dharmameke.abhipadyante kalyANAbhijanA narAH . 
paratra sukhamichhanto nirvidyeyushcha laukikAt .. 41..\\
jIvita.n santyajantyeke dhanalobha parA narAH . 
na jIvitArthaM manyante puruShA hi dhanAdR^ite .. 42..\\
pashya teShA.n kR^ipaNatAM pashya teShAmabuddhitAm . 
adhruve jIvite mohAdarthatR^iShNAmupAshritAH .. 43..\\
sa~ncaye cha vinAshAnte maraNAnte cha jIvite . 
sa.nyoge viprayogAnte ko nu vipraNayenmanaH .. 44..\\
dhana.n vA puruShaM rAjanpuruSho vA punardhanam . 
avashyaM prajahAtyetattadvidvAnko.anusa~njvaret .. 45..\\
anyeShAmapi nashyanti suhR^idashcha dhanAni cha . 
pashya buddhyA manuShyANA.n rAjannApadamAtmanaH . 
niyachchha yachchha sa.nyachchha indriyANi mano giram .. 46..\\
pratiShiddhAnavApyeShu durlabheShvahiteShu cha . 
pratikR^iShTeShu bhAveShu vyatikR^iShTeShvasambhave . 
praGYAna tR^ipto vikrAntastvadvidho nAnushochati .. 47..\\
alpamichchhannachapalo mR^idurdAntaH susaMshitaH . 
brahmacharyopapannash cha tvadvidho naiva muhyati .. 48..\\
na tveva jAlmI.n kApAlI.n vR^ittimeShitumarhasi . 
nR^isha.nsavR^ittiM pApiShThA.n duHkhAM kApuruShochitAm .. 49..\\
api mUlaphalAjIvo ramasvaiko mahAvane . 
vAgyataH sa~NgR^ihItAtmA sarvabhUtadayAnvitaH .. 50..\\
sadR^ishaM paNDitasyaitadIShA dantena dantinA . 
yadeko ramate.araNye yachchApyalpena tuShyati .. 51..\\
mahAhradaH sa~NkShubhita Atmanaiva prasIdati . 
etadeva~NgatasyAha.n sukhaM pashyAmi kevalam .. 52..\\
asambhave shriyo rAjanhInasya sachivAdibhiH . 
daive pratiniviShTe cha ki.n shreyo manyate bhavAn .. 53..\\
\medskip\hrule\medskip\centerline{\Largedvng 106}
 muni

atha chetpauruSha.n kiM chitkShatriyAtmani pashyasi . 
bravImi hanta te nIti.n rAjyasya pratipattaye .. 1..\\
tA.n chechchhakShyasyanuShThAtuM karma chaiva kariShyasi . 
shR^iNu sarvamasheSheNa yattvA.n vakShyAmi tattvataH .. 2..\\
AchariShyasi chetkarma mahato.arthAnavApsyasi . 
rAjya.n rAjyasya mantraM vA mahatI vA punaH shriyam . 
yadyetadrochate rAjanpunarbrUhi bravImi te .. 3..\\

 raajaputra

bravItu bhagavAnnItimupapanno.asmyahaM prabho . 
amoghamidamadyAstu tvayA saha samAgatam .. 4..\\

 muni

hitvA stambha.n cha mAnaM cha krodhaharShau bhayaM tathA . 
pratyamitraM niShevasva praNipatya kR^itA~njaliH .. 5..\\
tamuttamena shauchena karmaNA chAbhirAdhaya . 
dAtumarhati te vR^itti.n vaidehaH satyasa~NgaraH .. 6..\\
pramANa.n sarvabhUteShu pragraha.n cha gamiShyasi . 
tataH sahAyAnsotsAhA.Nllapsyase.avyasanA~nshuchIn .. 7..\\
vartamAnaH svashAstre vai sa.nyatAtmA jitendriyaH . 
abhyuddharati chAtmAnaM prasAdayati cha prajAH .. 8..\\
tenaiva tva.n dhR^itimatA shrImatA chAbhisatkR^itaH . 
pramANa.n sarvabhUteShu gatvA pragrahaNaM mahat .. 9..\\
tataH suhR^idbala.n labdhvA mantrayitvA sumantritam . 
antarairbhedayitvArInbilvaM bilvena shAtaya . 
parairvA sa.nvida.n kR^itvA balamapyasya ghAtaya .. 10..\\
alabhyA ye shubhA bhAvAH striyashchAchchhAdanAni cha . 
shayyAsanAni yAnAni mahArhANi gR^ihANi cha .. 11..\\
pakShiNo mR^igajAtAni rasA gandhAH phalAni cha . 
teShveva sajjayethAstva.n yathA nashyetsvayaM paraH .. 12..\\
yadyeva pratiSheddhavyo yadyupekShaNamarhati . 
na jAtu vivR^itaH kAryaH shatrurvinayamichchhatA .. 13..\\
vasasva paramAmitra viShaye prAGYasaMmate . 
bhajasva shvetakAkIyairmitrAdhamamanarthakaiH .. 14..\\
ArambhAMshchAsya mahato duShkarA.nstvaM prayojaya . 
nadI bandhavirodhAMshcha balavadbhirvirudhyatAm .. 15..\\
udyAnAni mahArhANi shayanAnyAsanAni cha . 
pratibhoga sukhenaiva koshamasya virechaya .. 16..\\
yaGYadAnaprasha.nsAsmai brAhmaNeShvanuvarNyatAm . 
te tvatpriya.n kariShyanti taM cheShyanti vR^ikA iva .. 17..\\
asaMshayaM puNyashIlaH prApnoti paramA.n gatim . 
triviShTape puNyatama.n sthAnaM prApnoti pArthivaH . 
koshakShaye tvamitrANA.n vasha.n kausalya gachchhati .. 18..\\
ubhayatra prasaktasya dharme chAdharma eva cha . 
balArtha mUla.n vyuchchhidyettena nandanti shatravaH .. 19..\\
nindyAsya mAnuSha.n karma daivamasyopavarNaya . 
asaMshaya.n daivaparaH kShiprameva vinashyati .. 20..\\
yAjayaina.n vishvajitA sarvasvena viyujyatAm . 
tato gachchhatvasiddhArthaH pIDyamAno mahAjanam .. 21..\\
tyAgadharmavidaM muNDa.n kaM chidasyopavarNaya . 
api tyAgaM bubhUSheta kachchidgachchhedanAmayam .. 22..\\
siddhenauShadha yogena sarvashatruvinAshinA . 
nAgAnashvAnmanuShyAMshcha kR^itakairupaghAtaya .. 23..\\
ete chAnye cha bahavo dambhayogAH sunishchitAH . 
shakyA viShahatA kartuM na klIbena nR^ipAtmaja .. 24..\\
\medskip\hrule\medskip\centerline{\Largedvng 107}
 r

na nikR^ityA na dambhena brahmannichchhAmi jIvitum . 
nAdharmayuktAnIchchheyamarthAnsumahato.apyaham .. 1..\\
purastAdeva bhagavanmayaitadapavarjitam . 
yena mAM nAbhisha~Nketa yadvA kR^itsna.n hitaM bhavet .. 2..\\
AnR^isha.nsyena dharmeNa loke hyasmi~njijIviShuH . 
nAhametadala.n kartuM naitanmayyupapadyate .. 3..\\

 manu

upapannastvametena yathA kShatriya bhAShase . 
prakR^ityA hyupapanno.asi buddhyA chAdbhutadarshana .. 4..\\
ubhayoreva vAmarthe yatiShye tava tasya cha . 
saMshleSha.n vA kariShyAmi shAshvataM hyanapAyinam .. 5..\\
tvAdR^isha.n hi kule jAtamanR^isha.nsaM bahushrutam . 
amAtya.n ko na kurvIta rAjyapraNaya kovidam .. 6..\\
yastvaM pravrajito rAjyAdvyasana.n chottamaM gataH . 
AnR^isha.nsyena vR^ittena kShatriyechchhasi jIvitum .. 7..\\
AgantA madgR^iha.n tAta vaidehaH satyasa~NgaraH . 
yatAha.n taM niyoShkyAmi tatkariShyatyasaMshayam .. 8..\\

 bh

tata AhUya vaidehaM munirvachanamabravIt . 
aya.n rAjakule jAto viditAbhyantaro mama .. 9..\\
Adarsha iva shuddhAtmA shAradashchandramA iva . 
nAsminpashyAmi vR^ijina.n sarvato me parIkShitaH .. 10..\\
tena te sandhirevAstu vishvasAsminyathA mayi . 
na rAjyamanamAtyena shakya.n shAstumamitrahan . 
amAtyaH shUra eva syAdbuddhisampanna eva cha .. 11..\\
amAtyaH shUra eva syAdbuddhisampanna eva cha . 
tAbhyA.n chaiva bhaya.n rAGYaH pashya rAjyasya yojanam . 
dharmAtmanA.n kva chilloke nAnyAsti gatirIdR^ishI .. 12..\\
kR^itAtmA rAjaputro.aya.n satAM mArgamanuShThitaH . 
sa.nsevyamAnaH shatrU.nste gR^ihNIyAnmahato gaNAn .. 13..\\
yadyayaM pratiyudhyettvA.n svakarma kShatriyasya tat . 
jigIShamANastvA.n yuddhe pitR^ipaitAmahe pade .. 14..\\
tva.n chApi prati yudhyethA vijigIShu vrate sthitaH . 
ayuddhvaiva niyogAnme vashe vaideha te sthitaH .. 15..\\
sa tva.n dharmamavekShasva tyaktvAdharmamasAmpratam . 
na hi kAmAnna cha drohAtsvadharma.n hAtumarhasi .. 16..\\
naiva nitya.n jayastAta naiva nityaM parAjayaH . 
tasmAdbhojayitavyashcha bhoktavyashcha paro janaH .. 17..\\
Atmanyeva hi sandR^ishyAvubhau jayaparAjayau . 
niHsheSha kAriNA.n tAta niHsheSha karaNAdbhayam .. 18..\\
ityuktaH pratyuvAcheda.n vachanaM brAhmaNarShabham . 
abhipUjyAbhisatkR^itya pUjArhamanumAnya cha .. 19..\\
yathA brUyAnmahAprAGYo yathA brUyAdbahushrutaH . 
shreyaH kAmo yathA brUyAdubhayoryatkShamaM bhavet .. 20..\\
tathA vachanamukto.asmi kariShyAmi cha tattathA . 
etaddhi parama.n shreyo na me.atrAsti vichAraNA .. 21..\\
tataH kaushalyamAhUya vaideho vAkyamabravIt . 
dharmato nItitashchaiva balena cha jito mayA .. 22..\\
so.aha.n tvayA tvAtmaguNairjitaH pArthiva sattama . 
AtmAnamanavaGYAya jitavadvartatAM bhavAn .. 23..\\
nAvamanye cha te buddhiM nAvamanye cha pauruSham . 
nAvamanye jayAmIti jitavadvartatAM bhavAn .. 24..\\
yathAvatpUjito rAjangR^iha.n gantAsi me gR^ihAt . 
tataH sampUjya tau vipra.n vishvastau jagmaturgR^ihAn .. 25..\\
vaidehastvatha kausalyaM praveshya gR^ihama~njasA . 
pAdyArghya madhuparkaistaM pUjArhaM pratyapUjayat .. 26..\\
dadau duhitara.n chAsmai ratnAni vividhAni cha . 
eSha rAGYAM paro dharmaH sahyau jayaparAjayau .. 27..\\
\medskip\hrule\medskip\centerline{\Largedvng 108}
 y

brAhmaNakShatriyavishA.n shUdrANA.n cha parantapa . 
dharmo vR^itta.n cha vR^ittishcha vR^ittyupAyaphalAni cha .. 1..\\
rAGYA.n vR^itta.n cha koshashcha koshasa~njananaM mahat . 
amAtyaguNavR^iddhishcha prakR^itInA.n cha vardhanam .. 2..\\
ShADguNya guNakalpashcha senA nItistathaiva cha . 
duShTasya cha pariGYAnamaduShTasya cha lakShaNam .. 3..\\
samahInAdhikAnA.n cha yathAvallakShaNochchayaH . 
madhyamasya cha tuShTyartha.n yathA stheyaM vivardhatA .. 4..\\
kShINasa~Ngraha vR^ittishcha yathAvatsamprakIrtitA . 
labhunAdesha rUpeNa grantha yogena bhArata .. 5..\\
vijigIShostathA vR^ittamukta.n chaiva tathaiva te . 
gaNAnA.n vR^ittimichchhAmi shrotuM matimatAM vara .. 6..\\
yathA gaNAH pravardhante na bhidyante cha bhArata . 
arInhi vijigIShante suhR^idaH prApnuvanti cha .. 7..\\
bhedamUlo vinAsho hi gaNAnAm upalabhyate . 
mantrasa.nvaraNa.n duHkhaM bahUnAmiti me matiH .. 8..\\
etadichchhAmyaha.n shrotuM nikhilena parantapa . 
yathA cha te na bhidyera.nstachcha me brUhi pArthiva .. 9..\\

 bh

gaNAnA.n cha kulAnAM cha rAGYAM cha bharatarShabha . 
vairasandIpanAvetau lobhAmarShau janAdhipa .. 10..\\
lobhameko hi vR^iNute tato.amarShamanantaram . 
tau kShayavyaya sa.nyuktAvanyonyajanitAshrayau .. 11..\\
chAramantrabalAdAnaiH sAmadAnavibhedanaiH . 
kShayavyaya bhayopAyaiH karshayantItaretaram .. 12..\\
tatra dAnena bhidyante gaNAH sa~NghAtavR^ittayaH . 
bhinnA vimanasaH sarve gachchhantyarivashaM bhayAt .. 13..\\
bhedAdgaNA vinashyanti bhinnAH sUpajapAH paraiH . 
tasmAtsa~NghAtayogeShu prayaterangaNAH sadA .. 14..\\
arthA hyevAdhigamyante sa~NghAtabalapauruShAt . 
bAhyAshcha maitrI.n kurvanti teShu sa~NghAtavR^ittiShu .. 15..\\
GYAnavR^iddhAnprasha.nsantaH shushrUShantaH parasparam . 
vinivR^ittAbhisandhAnAH sukhamedhanti sarvashaH .. 16..\\
dharmiShThAnvyavahArAMshcha sthApayantashcha shAstrataH . 
yathAvatsampravartanto vivardhante gaNottamAH .. 17..\\
putrAnbhrAtR^InnigR^ihNanto vinaye cha sadA ratAH . 
vinItAMshcha pragR^ihNanto vivardhante gaNottamAH .. 18..\\
chAramantravidhAneShu koshasaMnichayeShu cha . 
nityayuktA mahAbAho vardhante sarvato gaNAH .. 19..\\
prAGYA~nshUrAnmaheShvAsAnkarmasu sthirapauruShAn . 
mAnayantaH sadA yuktA vivardhante gaNA nR^ipa .. 20..\\
dravyavantashcha shUrAshcha shastraGYAH shAstrapAragAH . 
kR^ichchhrAsvApatsu saMmUDhAngaNAnuttArayanti te .. 21..\\
krodho bhedo bhayo daNDaH karshanaM nigraho vadhaH . 
nayantyarivasha.n sadyo gaNAnbharatasattama .. 22..\\
tasmAnmAnayitavyAste gaNamukhyAH pradhAnataH . 
lokayAtrA samAyattA bhUyasI teShu pArthiva .. 23..\\
mantraguptiH pradhAneShu chArashchAmitrakarshana . 
na gaNAH kR^itsnasho mantra.n shrotumarhanti bhArata .. 24..\\
gaNamukhyaistu sambhUya kArya.n gaNahitaM mithaH . 
pR^ithaggaNasya bhinnasya vimatasya tato.anyathA . 
arthAH pratyavasIdanti tathAnarthA bhavanti cha .. 25..\\
teShAmanyonyabhinnAnA.n svashaktimanutiShThatAm . 
nigrahaH paNDitaiH kAryaH kShiprameva pradhAnataH .. 26..\\
kuleShu kalahA jAtAH kulavR^iddhairupekShitAH . 
gotrasya rAjankurvanti gaNasambheda kArikAm .. 27..\\
AbhyantaraM bhaya.n rakShyaM surakShyaM bAhyato bhayam . 
abhyantarAdbhaya.n jAta.n sadyo mUlaM nikR^intati .. 28..\\
akasmAtkrodhalobhAdvA mohAdvApi svabhAvajAt . 
anyonyaM nAbhibhAShante tatparAbhava lakShaNam .. 29..\\
jAtyA cha sadR^ishAH sarve kulena sadR^ishAstathA . 
na tu shauryeNa buddhyA vA rUpadravyeNa vA punaH .. 30..\\
bhedAchchaiva pramAdAchcha nAmyante ripubhirgaNAH . 
tasmAtsa~NghAtamevAhurgaNAnA.n sharaNaM mahat .. 31..\\
\medskip\hrule\medskip\centerline{\Largedvng 109}
 y

mahAnaya.n dharmapatho bahushAkhashcha bhArata . 
ki.n svideveha dharmANAmanuShTheyatamaM matam .. 1..\\
ki.n kArya.n sarvadharmANAM garIyo bhavato matam . 
yathAyaM puruSho dharmamiha cha pretya chApnuyAt .. 2..\\

 bh

mAtApitrorgurUNA.n cha pUjA bahumatA mama . 
atra yukto naro lokAnyashashcha mahadashnute .. 3..\\
yadete hyabhijAnIyuH karma tAta supUjitAH . 
dharmya.n dharmaviruddha.n vA tatkartavyaM yudhiShThira .. 4..\\
na tairanabhyanuGYAto dharmamanyaM prakalpayet . 
yamete.abhyanujAnIyuH sa dharma iti nishchayaH .. 5..\\
eta eva trayo lokA eta evAshramAstrayaH . 
eta eva trayo vedA eta eva trayo.agnayaH .. 6..\\
pitA hyagnirgArhapatyo mAtAgnirdakShiNaH smR^itaH . 
gururAhavanIyastu sAgnitretA garIyasI .. 7..\\
triShvapramAdyanneteShu trI.NllokAnavajeShyasi . 
pitR^ivR^ittyA tvima.n lokaM mAtR^ivR^ittyA tathAparam . 
brahmalokaM purorvR^ittyA nityameva chariShyasi .. 8..\\
samyageteShu vartasva triShu lokeShu bhArata . 
yashaH prApsyasi bhadra.n te dharmaM cha sumahAphalam .. 9..\\
naitAnatishayejjAtu nAtyashnIyAnna dUShayet . 
nityaM paricharechchaiva tadvai sukR^itamuttamam . 
kIrtiM puNya.n yasho lokAnprApsyase cha janAdhipa .. 10..\\
sarve tasyAdR^itA lokA yasyaite traya AdR^itAH . 
anAdR^itAstu yasyaite sarvAstasyAphalAH kriyAH .. 11..\\
naivAyaM na paro lokastasya chaiva parantapa . 
amAnitA nityameva yasyaite guravastrayaH .. 12..\\
na chAsminna pare loke yashastasya prakAshate . 
na chAnyadapi kalyANaM pAratra.n samudAhR^itam .. 13..\\
tebhya eva tu tatsarva.n kR^ityayA visR^ijAmyaham . 
tadAsInme shataguNa.n sahasraguNameva cha . 
tasmAnme samprakAshante trayo lokA yudhiShThira .. 14..\\
dashaiva tu sadAchAryaH shrotriyAnatirichyate . 
dashAchAryAnupAdhyAya upAdhyAyAnpitA dasha .. 15..\\
pitR^Indasha tu mAtaikA sarvA.n vA pR^ithivIm api . 
gurutvenAbhibhavati nAsti mAtR^isamo guruH . 
gururgarIyAnpitR^ito mAtR^itashcheti me matiH .. 16..\\
ubhau hi mAtA pitarau janmani vyupayujyataH . 
sharIrametau sR^ijataH pitA mAtA cha bhArata . 
AchArya shiShTA yA jAtiH sA divyA sAjarA marA .. 17..\\
avadhyA hi sadA mAtA pitA chApyapakAriNau . 
na sanduShyati tatkR^itvA na cha te dUShayanti tam . 
dharmAya yatamAnAnA.n vidurdevAH saharShibhiH .. 18..\\
ya AvR^iNotyavitathena karNAv 
R^itaM bruvannamR^ita.n samprayachchhan . 
ta.n vai manye pitaraM mAtara.n cha 
tasmai na druhyetkR^itamasya jAnan .. 19..\\
vidyA.n shrutvA ye guruM nAdriyante 
pratyAsannaM manasA karmaNA vA . 
yathaiva te gurubhirbhAvanIyAs 
tathA teShA.n guravo.apyarchanIyAH .. 20..\\
tasmAtpUjayitavyAshcha sa.nvibhajyAshcha yatnataH . 
guravo.archayitavyAshcha purANa.n dharmamichchhatA .. 21..\\
yena prItAshcha pitarastena prItaH pitAmahaH . 
priNAti mAtara.n yena pR^ithivI tena pUjitA .. 22..\\
yena prINAtyupAdhyAya.n tena syAdbrahma pUjitam . 
mAtR^itaH pitR^itashchaiva tasmAtpUjyatamo guruH . 
R^iShayashcha hi devAya prIyante pitR^ibhiH saha .. 23..\\
na kena chana vR^ittena hyavaGYeyo gururbhavet . 
na cha mAtA na cha pitA tAdR^isho yAdR^isho guruH .. 24..\\
na te.avamAnamarhanti na cha te dUShayanti tam . 
gurUNAmeva satkAra.n vidurdevAH saharShibhiH .. 25..\\
upAdhyAyaM pitaraM mAtara.n cha 
ye.abhidruhyanti manasA karmaNA vA . 
teShAM pApaM bhrUNahatyAvishiShTaM 
tasmAnnAnyaH pApakR^idasti loke .. 26..\\
mitra druhaH kR^itaghnasya strIghnasya pishunasya cha . 
chaturNA.n vayameteShAM niShkR^itiM nAnushushrumaH .. 27..\\
etatsarvamatideshena sR^iShTaM 
yatkartavyaM puruSheNeha loke . 
etachchhreyo nAnyadasmAdvishiShTaM 
sarvAndharmAnanusR^ityaitaduktam .. 28..\\
\medskip\hrule\medskip\centerline{\Largedvng 110}
 y

katha.n dharme sthAtumichchhannaro varteta bhArata . 
vidva~njiGYAsamAnAya prabrUhi bharatarShabha .. 1..\\
satya.n chaivAnR^itaM chobhe lokAnAvR^itya tiShThataH . 
tayoH kimAcharedrAjanpuruSho dharmanishchitAH .. 2..\\
ki.n svitsatya.n kR^imanR^itaM kiM sviddharmyaM sanAtanam . 
kasminkAle vadetsatya.n kasminkAle.anR^ita.n vadet .. 3..\\

 bh

satyasya vachana.n sAdhu na satyAdvidyate param . 
yadbhUloke sudurGYAta.n tatte vakShyAmi bhArata .. 4..\\
bhavetsatyaM na vaktavya.n vaktavyamanR^itaM bhavet . 
yatrAnR^itaM bhavetsatya.n satyaM vApyanR^itaM bhavet .. 5..\\
tAdR^ishe muhyate bAlo yatra satyamaniShThitam . 
satyAnR^ite vinishchitya tato bhavati dharmavit .. 6..\\
apyanAryo.akR^itapraGYaH puruSho.api sudAruNaH . 
sumahatprApnuyAtpuNyaM balAko.andhavadhAdiva .. 7..\\
kimAshcharya.n cha yanmUDho dharmakAmo.apyadharmavit . 
sumahatprApnuyAtpApa.n ga~NgAyAmiva kaushikaH .. 8..\\
tAdR^isho.ayamanuprashno yatra dharmaH sudurvachaH . 
duShkaraH pratisa~NkhyAtu.n tarkeNAtra vyavasyati .. 9..\\
prabhAvArthAya bhUtAnA.n dharmapravachanaM kR^itam . 
yatsyAdahi.nsA sa.nyukta.n sa dharma iti nishchayaH .. 10..\\
dhAraNAddharma ityAhurdharmeNa vidhR^itAH prajAH . 
yatsyAddhAraNa sa.nyukta.n sa dharma iti nishchayaH .. 11..\\
shrutidharma iti hyeke netyAhurapare janAH . 
na tu tatpratyasUyAmo na hi sarva.n vidhIyate .. 12..\\
ye.anyAyena jihIrShanto dhanamichchhanti karhi chit . 
tebhyastanna tadAkhyeya.n sa dharma iti nishchayaH .. 13..\\
akUjanena chenmokSho nAtra kUjetkatha.n chana . 
avashya.n kUjitavya.n vA sha~NkeranvApyakUjanAt .. 14..\\
shreyastatrAnR^ita.n vaktuM satyAditi vichAritam . 
yaH pApaiH saha sambandhAnmuchyate shapathAditi .. 15..\\
na cha tebhyo dhana.n deya.n shakye sati kathaM chana . 
pApebhyo hi dhana.n dattaM dAtAramapi pIDayet .. 16..\\
svasharIroparodhena varamAdAtumichchhataH . 
satyasampratipattyartha.n ye brUyuH sAkShiNaH kva chit . 
anuktvA tatra tadvAchya.n sarve te.anR^itavAdinaH .. 17..\\
prANAtyaye vivAhe cha vaktavyamanR^itaM bhavet . 
arthasya rakShaNArthAya pareShA.n dharmakAraNAt . 
pareShA.n dharmamAkA~NkShannIchaH syAddharmabhikShukaH .. 18..\\
pratishrutya tu dAtavya.n shvaH kAryastu balAtkR^itaH . 
yaH kashchiddharmasamayAtprachyuto.adharmamAsthitaH .. 19..\\
shaThaH svadharmamutsR^ijya tamichchhedupajIvitum . 
sarvopAyairnihantavyaH pApo nikR^itijIvanaH .. 20..\\
dhanamityeva pApAnA.n sarveShAmiha nishchayaH . 
ye.aviShahyA hyasambhojyA nikR^ityA patana.n gatAH .. 21..\\
chyutA devamanuShyebhyo yathA pretAstathaiva te . 
dhanAdAnAdduHkhatara.n jIvitAdviprayojanam .. 22..\\
aya.n vo rochatA.n dharma iti vAchyaH prayatnataH . 
na kashchidasti pApAnA.n dharma ityeSha nishchayaH .. 23..\\
tathAgata.n cha yo hanyAnnAsau pApena lipyate . 
svakarmaNA hata.n hanti hata eva sa hanyate . 
teShu yaH samaya.n kashchitkurvIta hatabuddhiShu .. 24..\\
yathA kAkashcha gR^idhrashcha tathaivopadhi jIvinaH . 
Urdhva.n dehavimokShAnte bhavantyetAsu yoniShu .. 25..\\
yasminyathA vartate yo manuShyas 
tasmi.nstathA vartitavya.n sa dharmaH . 
mAyAchAro mAyayA vartitavyaH 
sAdhvAchAraH sAdhunA pratyudeyaH .. 26..\\
\medskip\hrule\medskip\centerline{\Largedvng 111}
 y

klishyamAneShu bhUteShu taistairbhAvaistatastataH . 
durgANyatitaredyena tanme brUhi pitAmaha .. 1..\\

 bh

AshrameShu yathokteShu yathokta.n ye dvijAtayaH . 
vartante sa.nyatAtmAno durgANyatitaranti te .. 2..\\
ye dambhAnna japanti sma yeShA.n vR^ittishcha sa.nvR^itA . 
viShayAMshcha nigR^ihNanti durgANyatitaranti te .. 3..\\
vAsayantyatithInnityaM nitya.n ye chAnasUyakAH . 
nitya.n svAdhyAyashIlAshcha durgANyatitaranti te .. 4..\\
mAtApitroshcha ye vR^itti.n vartante dharmakovidAH . 
varjayanti divA svapna.n durgANyatitaranti te .. 5..\\
sveShu dAreShu vartante nyAyavR^itteShvR^itAvR^itau . 
agnihotraparAH santo durgANyatitaranti te .. 6..\\
ye na lobhAnnayantyarthAnrAjAno rajasAvR^itAH . 
viShayAnparirakShanto durgANyatitaranti te .. 7..\\
AhaveShu cha ye shUrAstyaktvA maraNajaM bhayam . 
dharmeNa jayamichchhanto durgANyatitaranti te .. 8..\\
ye pApAni na kurvanti karmaNA manasA girA . 
nikShiptadaNDA bhUteShu durgANyatitaranti te .. 9..\\
ye vadantIha satyAni prANatyAge.apyupasthite . 
pramANa bhUtA bhUtAnA.n durgANyatitaranti te .. 10..\\
anadhyAyeShu ye viprAH svAdhyAyaM naiva kurvate . 
taponityAH sutapaso durgANyatitaranti te .. 11..\\
karmANyakuhakArthAni yeShA.n vAchashcha sUnR^itAH . 
yeShAmarthAshcha sAdhvarthA durgANyatitaranti te .. 12..\\
ye tapashcha tapasyanti kaumAra brahmachAriNaH . 
vidyA veda vrataH snAtA durgANyatitaranti te .. 13..\\
ye cha saMshAnta rajasaH saMshAnta tamasash cha ye . 
satye sthitA mahAtmAno durgANyatitaranti te .. 14..\\
yeShAM na kash chittrasati trasanti na cha kasya chit . 
yeShAmAtmasamo loko durgANyatitaranti te .. 15..\\
parashriyA na tapyante ye santaH puruSharShabhAH . 
grAmyAdannAnnivR^ittAshcha durgANyatitaranti te .. 16..\\
sarvAndevAnnamasyanti sarvAndharmAMshcha shR^iNvate . 
ye shraddadhAnA dAntAshcha durgANyatitaranti te .. 17..\\
ye na mAnitamichchhanti mAnayanti cha ye param . 
mAnyamAnA na manyante durgANyatitaranti te .. 18..\\
ye shrAddhAni cha kurvanti tithyA.n tithyAM prajArthinaH . 
suvishuddhena manasA durgANyatitaranti te .. 19..\\
ye krodhaM naiva kurvanti kruddhAnsaMshamayanti cha . 
na cha kupyanti bhR^ityebhyo durgANyatitaranti te .. 20..\\
madhu mA.nsa.n cha ye nitya.n varjayantIha mAnavAH . 
janmaprabhR^iti madya.n cha durgANyatitaranti te .. 21..\\
yAtrArthaM bhojana.n yeShAM santAnArtha.n cha maithunam . 
vAksatyavachanArthAya durgANyatitaranti te .. 22..\\
Ishvara.n sarvabhUtAnA.n jagataH prabhavApyayam . 
bhaktA nArAyaNa.n ye cha durgANyatitaranti te .. 23..\\
ya eSha raktapadmAkShaH pItavAsA mahAbhujaH . 
suhR^idbhrAtA cha mitra.n cha sambandhI cha tavAchyutaH .. 24..\\
ya imAnsakalA.NllokAMshcharmavatpariveShTayet . 
ichchhanprabhurachintyAtmA govindaH puruShottamaH .. 25..\\
sthitaH priyahite jiShNoH sa eva puruSharShabha . 
rAja.nstava cha durdharSho vaikuNThaH puruShottamaH .. 26..\\
ya ena.n saMshrayantIha bhaktyA nArAyaNaM harim . 
te tarantIha durgANi na me.atrAsti vichAraNA .. 27..\\
durgAtitaraNa.n ye cha paThanti shrAvayanti cha . 
pAThayanti cha viprebhyo durgANyatitaranti te .. 28..\\
iti kR^ityasamuddeshaH kIrtitaste mayAnagha . 
santaredyena durgANi paratreha cha mAnavaH .. 29..\\
\medskip\hrule\medskip\centerline{\Largedvng 112}
 y

asaumyAH saumya rUpeNa saumyAshchAsaumya darshinaH . 
IdR^ishAnpuruShA.nstAta katha.n vidyAmahe vayam .. 1..\\

 bh

atrApyudAharantImamitihAsaM purAtanam . 
vyAghragomAyu sa.nvAda.n taM nibodha yudhiShThira .. 2..\\
purikAyAM puri purA shrImatyAM pauriko nR^ipaH . 
parahi.nsA ruchiH krUro babhUva puruShAdhamaH .. 3..\\
sa tvAyuShi parikShINe jagAmAnIpsitA.n gatim . 
gomAyutva.n cha samprApto dUShitaH pUrvakarmaNA .. 4..\\
sa.nsmR^itya pUrvajAti.n sa nivedaM parama.n gataH . 
na bhakShayati mA.nsAni parairupahR^itAnyapi .. 5..\\
ahi.nsraH sarvabhUteShu satyavAksudR^iDha vrataH . 
chakAra cha yathAkAmamAhAraM patitaiH phalaiH .. 6..\\
shmashAne tasya chAvAso gomAyoH saMmato.abhavat . 
janma bhUmyanurodhAchcha nAnyadvAsamarochayat .. 7..\\
tasya shauchamamR^iShyantaH sarve te saha jAtayaH . 
chAlayanti sma tAM buddhi.n vachanaiH prashrayottaraiH .. 8..\\
vasanpitR^ivane raudre shaucha.n lapsitumichchhasi . 
iya.n vipratipattiste yadA tvaM pishitAshanaH .. 9..\\
tatsamo vA bhavAsmAbhirbhakShyAndAsyAmahe vayam . 
bhu~NkShva shauchaM parityajya yaddhi bhukta.n tadasti te .. 10..\\
iti teShA.n vachaH shrutvA pratyuvAcha samAhitaH . 
madhuraiH prashritairvAkyairhetumadbhiraniShThuraiH .. 11..\\
apramANaM prasUtirme shIlataH kriyate kulam . 
prArthayiShye tu tatkarma yena vistIryate yashaH .. 12..\\
shmashAne yadi vAso me samAdhirme nishAmyatAm . 
AtmA phalati karmANi nAshramo dharmalakShaNam .. 13..\\
Ashramye yo dvija.n hanyAdgAM vA dadyAdanAshrame . 
kiM nu tatpAtakaM na syAttadvA datta.n vR^ithA bhavet .. 14..\\
bhavantaH sarvalobhena kevalaM bhakShaNe ratAH . 
anubandhe tu ye doShAstAnna pashyanti mohitAH .. 15..\\
apratyaya kR^itA.n garhyAmarthApanaya dUShitAm . 
iha chAmutra chAniShTA.n tasmAdvR^ittiM na rochaye .. 16..\\
ta.n shuchiM paNDitaM matvA shArdUlaH khyAtavikramaH . 
kR^itvAtma sadR^ishAM pUjA.n sAchivye.avardhayatsvayam .. 17..\\
saumya viGYAta rUpastva.n gachchha yAtrAM mayA saha . 
vriyantAmIpsitA bhogAH parihAryAshcha puShkalAH .. 18..\\
tIkShNA vayamiti khyAtA bhavato GYApayAmahe . 
mR^idupUrva.n ghAtinaste shreyashchAdhigamiShyati .. 19..\\
atha sampUjya tadvAkyaM mR^igendrasya mahAtmanaH . 
gomAyuH prashrita.n vAkyaM babhAShe ki.n chidAnataH .. 20..\\
sadR^ishaM mR^igarAjaitattava vAkyaM madantare . 
yatsahAyAnmR^igayase dharmArthakushalA~nshuchIn .. 21..\\
na shakyamanamAtyena mahattvamanushAsitum . 
duShTAmAtyena vA vIra sharIraparipanthinA .. 22..\\
sahAyAnanuraktA.nstu yatetAnupasa.nhitAn . 
parasparamasa~NghuShTAnvijigIShUnalolupAn .. 23..\\
tAnatItopadhAnprAGYAnhite yuktAnmanasvinaH . 
pUjayethA mahAbhAgAnyathAchAryAnyathA pitR^In .. 24..\\
na tvevaM mama santoShAdrochate.anyanmR^igAdhipa . 
na kAmaye sukhAnbhogAnaishvarya.n vA tvadAshrayam .. 25..\\
na yokShyati hi me shIla.n tava bhR^ityaiH purAtanaiH . 
te tvA.n vibhedayiShyanti duHkhashIlA madantare .. 26..\\
saMshrayaH shlAghanIyastvamanyeShAmapi bhAsvatAm . 
kR^itAtmA sumahAbhAgaH pApakeShvapyadAruNaH .. 27..\\
dIrghadarshI mahotsAhaH sthUlalakShyo mahAbalaH . 
kR^itI chAmogha kartAsi bhAvyaishcha samala~NkR^itaH .. 28..\\
ki.n tu svenAsmi santuShTo duHkhA vR^ittiranuShThitA . 
sevAyAshchApi nAbhiGYaH svachchhandena vanecharaH .. 29..\\
rAjopakrosha doShAshcha sarve saMshrayavAsinAm . 
vanacharyA cha niHsa~NgA nirbhayA niravagrahA .. 30..\\
nR^ipeNAhUyamAnasya yattiShThati bhaya.n hR^idi . 
na tattiShThati tuShTAnA.n vane mUlaphalAshinAm .. 31..\\
pAnIya.n vA nirAyAsaM svAdvannaM vA bhayottaram . 
vichArya khalu pashyAmi tatsukha.n yatra nirvR^itiH .. 32..\\
aparAdhairna tAvanto bhR^ityAH shiShTA narAdhipaiH . 
upaghAtairyathA bhR^ityA dUShitA nidhana.n gatAH .. 33..\\
yadi tvetanmayA kAryaM mR^igendro yadi manyate . 
samaya.n kR^itamichchhAmi vartitavya.n yathA mayi .. 34..\\
madIyA mAnanIyAste shrotavya.n cha hita.n vachaH . 
kalpitA yA cha te vR^ittiH sA bhavettava susthirA .. 35..\\
na mantrayeyamanyaiste sachivaiH saha karhi chit . 
nItimantaH parIpsanto vR^ithA brUyuH pare mayi .. 36..\\
eka ekena sa~Ngamya raho brUyA.n hita.n tava . 
na cha te GYAtikAryeShu praShTavyo.aha.n hitAhite .. 37..\\
mayA saMmantrya pashchAchcha na hi.nsyAH sachivAstvayA . 
madIyAnA.n cha kupito mA tvaM daNDaM nipAtayeH .. 38..\\
evamastviti tenAsau mR^igendreNAbhipUjitaH . 
prAptavAnmatisAchivya.n gomAyurvyAghrayonitaH .. 39..\\
ta.n tathA satkR^itaM dR^iShTvA yujyamAnaM cha karmaNi . 
prAdviShankR^itasa~NghAtAH pUrvabhR^ityA muhurmuhuH .. 40..\\
mitra buddhyA cha gomAyu.n sAntvayitvA praveshya cha . 
doSheShu samatAM netumaichchhannashubha buddhayaH .. 41..\\
anyathA hyuchitAH pUrvaM paradravyApahAriNaH . 
ashaktAH ki.n chidAdAtuM dravyaM gomAyuyantritAH .. 42..\\
vyutthAna.n chAtra kA~NkShadbhiH kathAbhiH pravilobhyate . 
dhanena mahatA chaiva buddhirasya vilobhyate .. 43..\\
na chApi sa mahAprAGYastasmAddhairyAchchachAla ha . 
athAsya samaya.n kR^itvA vinAshAya sthitAH pare .. 44..\\
Ipsita.n cha mR^igendrasya mA.nsa.n yattatra sa.nskR^itam . 
apanIya svaya.n taddhi tairnyastaM tasya veshmani .. 45..\\
yadartha.n chApyapahR^ita.n yena yachchaiva mantritam . 
tasya tadvidita.n sarva.n kAraNArthaM cha marShitam .. 46..\\
samayo.aya.n kR^itastena sAchivyamupagachchhatA . 
nopaghAtastvayA grAhyo rAjanmaitrImihechchhatA .. 47..\\
bhojane chopahartavye tanmA.nsaM na sma dR^ishyate . 
mR^igarAjena chAGYaptaM mR^igyatA.n chora ityuta .. 48..\\
kR^itakaishchApi tanmA.nsaM mR^igendrAyopavarNitam . 
sachivenopanIta.n te viduShA prAGYamAnina .. 49..\\
saroShastvatha shArdUlaH shrutvA gomAyuchApalam . 
babhUvAmarShito rAjA vadha.n chAsyAbhyarochayat .. 50..\\
chhidra.n tu tasya taddR^iShTvA prochuste pUrvamantriNaH . 
sarveShAmeva so.asmAka.n vR^itti bha~NgeShu vartate .. 51..\\
ida.n chAsyedR^ishaM karma vAllabhyena tu rakShyate . 
shrutashcha svAminA pUrva.n yAdR^isho naiva tAdR^ishaH .. 52..\\
vAnmAtreNaiva dharmiShThaH svabhAvena tu dAruNaH . 
dharmachchhadmA hyayaM pApo vR^ithAchAra parigrahaH . 
kAryArthaM bhojanArtheShu vrateShu kR^itavA~nshramam .. 53..\\
mA.nsApanayana.n GYAtvA vyAghrasteShA.n tu tadvachaH . 
AGYApayAmAsa tadA gomAyurvadhyatAm iti .. 54..\\
shArdUlavachana.n shrutvA shArdUlajananI tataH . 
mR^igarAja.n hitairvAkyaiH sambodhayitumAgamat .. 55..\\
putra naitattvayA grAhya.n kapaTArambha sa.nvR^itam . 
karmasa~NgharShajairdoShairduShyatyashuchibhiH shuchiH .. 56..\\
nochchhrita.n sahate kashchitprakriyA vairakArikA . 
shucherapi hi yuktasya doSha eva nipAtyate .. 57..\\
lubdhAnA.n shuchayo dveShyAH kAtarANA.n tarasvinaH . 
mUrkhANAM paNDitA dveShyA daridrANAM mahAdhanAH . 
adhArmikANA.n dharmiShThA virUpANA.n surUpakAH .. 58..\\
bahavaH paNDitA lubdhAH sarve mAyopajIvinaH . 
kuryurdoShamadoShasya bR^ihaspatimaterapi .. 59..\\
shUnyAttachcha gR^ihAnmA.nsa.n yadadyApahR^ita.n tava . 
nechchhate dIyamAna.n cha sAdhu tAvadvimR^ishyatAm .. 60..\\
asatyAH satyasa~NkAshAH satyAshchAsatya darshinaH . 
dR^ishyante vidhinA bhAvAsteShu yuktaM parIkShaNam .. 61..\\
talavaddR^ishyate vyoma khadyoto havyavAD iva . 
na chaivAsti tala.n vyomni na khadyote hutAshanaH .. 62..\\
tasmAtpratyakShadR^iShTo.api yuktamarthaH parIkShitum . 
parIkShya GYApayanhyarthAnna pashchAtparitapyate .. 63..\\
na duShkaramidaM putra yatprabhurghAtayetparam . 
shlAghanIyA cha varyA cha loke prabhavatA.n kShamA .. 64..\\
sthApito.ayaM putra tvayA sAmanteShvadhi vishrutaH . 
duHkhenAsAdyate pAtra.n dhAryatAmeSha te suhR^it .. 65..\\
dUShitaM paradoShairhi gR^ihNIte yo.anyathA shuchim . 
svaya.n sandUShitAmAtyaH kShiprameva vinashyati .. 66..\\
tasmAdathAri sa~NghAtAdgomAyoH kashchidAgataH . 
dharmAtmA tena chAkhyAta.n yathaitatkapaTa.n kR^itam .. 67..\\
tato viGYAta chAritraH satkR^itya sa vimokShitaH . 
pariShvaktashcha sa snehaM mR^igendreNa punaH punaH .. 68..\\
anuGYApya mR^igendra.n tu gomAyurnItishAstravit . 
tenAmarSheNa santaptaH prAyamAsitumaichchhata .. 69..\\
shArdUlastatra gomAyu.n snehAtprasruta lochanaH . 
avArayatsa dharmiShThaM pUjayA pratipUjayan .. 70..\\
ta.n sa gomAyurAlokya snehAdAgatasambhramam . 
babhAShe praNato vAkyaM bAShpagadgadayA girA .. 71..\\
pUjito.aha.n tvayA pUrvaM pashchAchchaiva vimAnitaH . 
pareShAmAspadaM nIto vastuM nArhAmyaha.n tvayi .. 72..\\
svasantuShTAshchyutAH sthAnAnmAnAtpatyavaropitAH . 
svaya.n chopahR^itA bhR^ityA ye chApyupahR^itAH paraiH .. 73..\\
parikShINAshcha lubdhAshcha krUrAH kArAbhitApitAH . 
hR^itasvA mAnino ye cha tyaktopAttA mahepsavaH .. 74..\\
santApitAshcha ye ke chidvyasanauga pratIkShiNaH . 
antarhitAH sopahitAH sarve te parasAdhanAH .. 75..\\
avamAnena yuktasya sthApitasya cha me punaH . 
katha.n yAsyasi vishvAsamahameShyAmi vA punaH .. 76..\\
samartha iti sa~NgR^ihya sthApayitvA parIkShya cha . 
kR^ita.n cha samayaM bhittvA tvayAhamavamAnitaH .. 77..\\
prathama.n yaH samAkhyAtaH shIlavAniti sa.nsadi . 
na vAchya.n tasya vaiguNyaM pratiGYAM parirakShatA .. 78..\\
eva.n chAvamatasyeha vishvAsaM kiM prayAsyasi . 
tvayi chaiva hyavishvAse mamodvego bhaviShyati .. 79..\\
sha~NkitastvamahaM bhItaH pare chhindrAnudarshinaH . 
asnigdhAshchaiva dustoShAH karma chaitadbahuchchhalam .. 80..\\
duHkhena shleShyate bhinna.n shliShTa.n duHkhena bhidyate . 
bhinnashliShTA tu yA prItirna sA snehena vartate .. 81..\\
kashchideva hi bhItastu dR^ishyate na parAtmanoH . 
kAryApekShA hi vartante bhAvAH snigdhAstu durlabhAH .. 82..\\
suduHkhaM puruShaGYAna.n chitta.n hyeShAM chalAchalam . 
samartho vApyashakto vA shateShveko.adhigamyate .. 83..\\
akasmAtprakriyA nR^INAmakasmAchchApakarShaNam . 
shubhAshubhe mahattva.n cha prakartuM buddhilAghavAt .. 84..\\
evaM bahuvidha.n sAntvamuktvA dharmArthahetumat . 
prasAdayitvA rAjAna.n gomAyurvanamabhyagAt .. 85..\\
agR^ihyAnunaya.n tasya mR^igendrasya sa buddhimAn . 
gomAyuH prAyamAsInastyaktva deha.n diva.n yayau .. 86..\\
\medskip\hrule\medskip\centerline{\Largedvng 113}
 y

kiM pArthivena kartavya.n kiM cha kR^itvA sukhI bhavet . 
tanmamAchakShva tattvena sarva.n dharmabhR^itA.n vara .. 1..\\

 bh

hanta te.ahaM pravakShyAmi shR^iNu kAryaika nishchayam . 
yathA rAGYeha kartavya.n yachcha kR^itvA sukhI bhavet .. 2..\\
na tveva.n vartitavyaM sma yathedamanushushrumaH . 
uShTrasya sumahadvR^itta.n tannibodha yudhiShThira .. 3..\\
jAtismaro mahAnuShTraH prAjApatya yugodbhavaH . 
tapaH sumahadAtiShThadaraNye saMshitavrataH .. 4..\\
tapasastasya chAnte vai prItimAnabhavatprabhuH . 
vareNa chhandayAmAsa tatashchainaM pitAmahaH .. 5..\\

 u

bhagava.nstvatprasAdAnme dIrghA prIvA bhavediyam . 
yojanAnA.n shataM sAgraM yA gachchhechcharituM vibho .. 6..\\

 bh

evamastviti choktaH sa varadena mahAtmanA . 
pratilabhya vara.n shreShThaM yayAvuShTraH svakaM vanam .. 7..\\
sa chakAra tadAlasya.n varadAnAtsa durmatiH . 
na chaichchhachcharitu.n gantuM durAtmA kAlamohitaH .. 8..\\
sa kadA chitprasAryaiva.n tAM grIvA.n shatayojanAm . 
chachArAshrAnta hR^idayo vAtashchAgAttato mahAn .. 9..\\
sa guhAyA.n shirogrIvaM nidhAya pashurAtmanaH . 
AstAtha varShamabhyAgAtsumahatplAvayajjagat .. 10..\\
atha shItaparItA~Ngo jambukaH kShuchchhramAnvitaH . 
sadArastA.n guhAmAshu pravivesha jalArditaH .. 11..\\
sa dR^iShTvA mA.nsajIvI tu subhR^isha.n kShuchchhramAnvitaH . 
abhakShayattato grIvAmuShTrasya bharatarShabha .. 12..\\
yadyA tvabudhyatAtmAnaM bhakShyamANa.n sa vai pashuH . 
tadA sa~Nkochane yatnamakarodbhR^ishaduHkhitaH .. 13..\\
yAvadUrdhvamadhashchaiva prIvA.n sa~NkShipate pashuH . 
tAvattena sadAreNa jambukena sa bhakShitaH .. 14..\\
sa hatvA bhakShayitvA cha jambukoShTra.n tatastadA . 
vigate vAtavarShe cha nishchakrAma guhA mukhAt .. 15..\\
eva.n durbuddhinA prAptamuShTreNa nidhanaM tadA . 
Alasyasya kramAtpashya mahaddoShamupAgatam .. 16..\\
tvamapyeta.n vidhi.n tyaktvA yogena niyatendriyaH . 
vartasva buddhimUla.n hi vijayaM manurabravIt .. 17..\\
buddhishreShThAni karmANi bAhumadhyAni bhArata . 
tAni ja~NghA jaghanyAni bhArapratyavarANi cha .. 18..\\
rAjya.n tiShThati dakShasya sa~NgR^ihItendriyasya cha . 
guptamantrashrutavataH susahAyasya chAnagha .. 19..\\
parIkShya kAriNo.arthAshcha tiShThantIha yudhiShThira . 
sahAyayuktena mahIkR^itsnA shakyA prashAsitum .. 20..\\
ida.n hi sadbhiH kathitaM vidhiGYaiH 
purA mahendrapratimaprabhAva . 
mayApi chokta.n tava shAstradR^iShTyA 
tvamatra yuktaH pracharasva rAjan .. 21..\\
\medskip\hrule\medskip\centerline{\Largedvng 114}
 y

rAjA rAjyamanuprApya durbalo bharatarShabha . 
amitrasyAtivR^iddhasya katha.n tiShThedasAdhanaH .. 1..\\

 bh

atrApyudAharantImamitihAsaM purAtanam . 
saritA.n chaiva sa.nvAda.n sAgarasya cha bhArata .. 2..\\
surArinilayaH shashvatsAgaraH saritAM patiH . 
paprachchha saritaH sarvAH saMshaya.n jAtamAtmanaH .. 3..\\
sa mUlashAkhAnpashyAmi nihatAMshchhAyino drumAn . 
yuShpAbhiriha pUrNAbhiranyA.nstatra na vetasam .. 4..\\
akAyashchAlpasArashcha vetasaH kUlajashcha vaH . 
avaGYAya na shakyo vA ki.n chidvA tena vaH kR^itam .. 5..\\
tadaha.n shrotumichchhAmi sarvAsAm eva vo matam . 
yathA kUlAni chemAni bhittvA nAnIyate vasham .. 6..\\
tataH prAha nadI ga~NgA vAkyamuttaramarthavat . 
hetumadgrAhaka.n chaiva sAgara.n saritAM patim .. 7..\\
tiShThantyete yathAsthAnaM nagA hyekaniketanAH . 
tatastyajanti tatsthAnaM prAtilomyAdachetasaH .. 8..\\
vetaso vegamAyAnta.n dR^iShTvA namati netaraH . 
sa cha vege.abhyatikrAnte sthAnamAsAdya tiShThati .. 9..\\
kAlaGYaH samayaGYashcha sadA vashyashcha no drumaH . 
anulomastathAstabdhastena nAbhyeti vetasaH .. 10..\\
mArutodaka vegena ye namantyunnamanti cha . 
oShadhyaH pAdapA gulmA na te yAnti parAbhavam .. 11..\\
yo hi shatrorvivR^iddhasya prabhorvadhavinAshane . 
pUrvaM na sahate vega.n kShiprameva sa nashyati .. 12..\\
sArAsAraM bala.n vIryamAtmano dviShatashcha yaH . 
jAnanvicharati prAGYo na sa yAti parAbhavam .. 13..\\
evameva yadA vidvAnmanyetAtibala.n ripum . 
saMshrayedvaitasI.n vR^ittimevaM praGYAna lakShaNam .. 14..\\
\medskip\hrule\medskip\centerline{\Largedvng 115}
 y

vidvAnmUrkha pragalbhena mR^idustIkShNena bhArata . 
AkrushyamAnaH sadasi katha.n kuryAdarindama .. 1..\\

 bh

shrUyatAM pR^ithivIpAla yathaiSho.artho.anugIyate . 
sadA suchetAH sahate narasyehAlpa chetasaH .. 2..\\
aruShyankrushyamAnasya sukR^itaM nAma vindati . 
duShkR^ita.n chAtmano marShI ruShyatyevApamArShTi vai .. 3..\\
TiTTibha.n tamupekSheta vAshamAnamivAturam . 
lokavidveShamApanno niShphalaM pratipadyate .. 4..\\
iti sa shlAghate nitya.n tena pApena karmaNA . 
idamukto mayA kashchitsaMmato janasa.nsadi . 
sa tatra vrIDitaH shuShko mR^itakalpo.avatiShThati .. 5..\\
shlAghannashlAghanIyena karmaNA nirapatrapaH . 
upekShitavyo dAntena tAdR^ishaH puruShAdhamaH .. 6..\\
yadyadbrUyAdalpamatistattadasya sahetsadA . 
prAkR^ito hi prasha.nsanvA nindanvA ki.n kariShyati . 
vane kAka ivAbuddhirvAshamAno nirarthakam .. 7..\\
yadi vAgbhiH prayogaH syAtprayoge pApakarmaNaH . 
vAgevArtho bhavettasya na hyevArtho jighA.nsataH .. 8..\\
niSheka.n viparItaM sa AchaShTe vR^ittacheShTayA . 
mayUra iva kaupInaM nR^ityansandarshayanniva .. 9..\\
yasyAvAchyaM na loke.asti nAkArya.n vApi ki.n chana . 
vAchan.n tena na sandadhyAchchhuchiH sa~NkliShTakarmaNA .. 10..\\
pratyakSha.n guNavAdI yaH parokShaM tu vinindakaH . 
sa mAnavaH shvavalloke naShTalokaparAyaNaH .. 11..\\
tAdR^igjanashatasyApi yaddadAti juhoti cha . 
parokSheNApavAdena tannAshayati sa kShaNAt .. 12..\\
tasmAtprAGYo naraH sadyastAdR^ishaM pApachetasam . 
varjayetsAdhubhirvarjya.n sArameyAmiShaM yathA .. 13..\\
parivAdaM bruvANo hi durAtmA vai mahAtmane . 
prakAshayati doShAnsvAnsarpaH phaNamivochchhritam .. 14..\\
ta.n svakarmANi kurvANaM prati kartuM ya ichchhati . 
bhasma kUTa ivAbuddhiH kharo rajasi majjati .. 15..\\
manuShyashAlA vR^ikamaprashAntaM 
janApavAde satataM niviShTam . 
mAta~NgamunmattamivonnadantaM 
tyajeta ta.n shvAnamivAtiraudram .. 16..\\
adhIra juShTe pathi vartamAnaM 
damAdapeta.n vinayAchcha pApam . 
arivrataM nityamabhUti kAmaM 
dhigastu taM pApamatiM manuShyam .. 17..\\
pratyuchyamAnastu hi bhUya ebhir 
nishAmya mA bhUstvamathArtarUpaH . 
uchchasya nIchena hi samprayogaM 
vigarhayanti sthirabuddhayo ye .. 18..\\
R^iddho dashArdhena hi tADayedvA 
sa pA.nsubhirvApakirettuShairvA . 
vivR^itya dantAshcha vibhIShayedvA 
siddha.n hi mUrkhe kupite nR^isha.nse .. 19..\\
vigarhaNAM paramadurAtmanA kR^itAM 
saheta yaH sa.nsadi durjanAnnaraH . 
paThedida.n chApi nidarshana.n sadA 
na vAnmaya.n sa labhati ki.n chidapriyam .. 20..\\
\medskip\hrule\medskip\centerline{\Largedvng 116}
 y

pitAmaha mahAprAGYa saMshayo me mahAnayan . 
sachchhettavyastvayA rAjanbhavAnkulakaro hi naH .. 1..\\
puruShANAmaya.n tAta durvR^ittAnAM durAtmanAm . 
kathito vAkyasa~ncArastato viGYApayAmi te .. 2..\\
yaddhita.n rAjyatantrasya kulasya cha sukhodayam . 
AyatyA.n cha tadAtve cha kShemavR^iddhi karaM cha yat .. 3..\\
putrapautrAbhirAma.n cha rAShTravR^iddhi karaM cha yat . 
annapAne sharIre cha hita.n yattadbravIhi me .. 4..\\
abhiShikto hi yo rAjA rAjyastho mitra sa.nvR^itaH . 
asuhR^itsamupeto vA sa katha.n ra~njayetprajAH .. 5..\\
yo hyasatpragraha ratiH sneharAgabalAtkR^itaH . 
indriyANAmanIshatvAdasajjanabubhUShakaH .. 6..\\
tasya bhR^ityA viguNatA.n yAnti sarve kulodgatAH . 
na cha bhR^ityaphalairarthaiH sa rAjA samprayujyate .. 7..\\
etAnme saMshayasthasya rAjadharmAnsudurlabhAn . 
bR^ihaspatisamo budhyA bhavA~nsha.nsitumarhati .. 8..\\
sha.nsitA puruShavyAghra tvaM naH kulahite rataH . 
kShattA chaiva paTu praGYo yo naH sha.nsati sarvadA .. 9..\\
tvattaH kulahita.n vAkyaM shrutvA rAjyahitodayam . 
amR^itasyAvyayasyeva tR^iptaH svapsyAmyaha.n sukham .. 10..\\
kIdR^iShAH saMnikarShasthA bhR^ityAH syurvA guNAnvitAH . 
kIdR^ishaiH ki.n kulInairvA saha yAtrA vidhIyate .. 11..\\
na hyeko bhR^ityarahito rAjA bhavati rakShitA . 
rAjya.n chedaM janaH sarvastatkulIno.abhisha.nsati .. 12..\\
na hi prashAstu.n rAjyaM hi shakyamekena bhArata . 
asahAyavatA tAta naivArthAH ke chidapyuta . 
labdhu.n labdhvA chApi sadA rakShituM bharatarShabha .. 13..\\

 bh

yasya bhR^ityajanaH sarvo GYAnaviGYAnakovidaH . 
hitaiShI kulajaH snigdhaH sa rAjyaphalamashnute .. 14..\\
mantriNo yasya kulajA asa.nhAryAH sahoShitAH . 
nR^ipatermatidAH santi sambandha GYAnakovidAH .. 15..\\
anAgatavidhAtAraH kAlaGYAnavishAradAH . 
atikrAntamashochantaH sa rAjyaphalamashnute .. 16..\\
samaduHkhasukhA yasya sahAyAH satyakAriNaH . 
arthachintAparA yasya sa rAjyaphalamashnute .. 17..\\
yasya nArto janapadaH saMnikarSha gataH sadA . 
akShudraH satpathAlambI sa rAjyaphalabhAgbhavet .. 18..\\
koshAkSha paTala.n yasya koshavR^iddhi karairjanaiH . 
AptaistuShTaishcha satata.n dhAryate sa nR^ipottamaH .. 19..\\
koShThAgAramasa.nhAryairAptaiH sa~ncayatatparaiH . 
pAtrabhUtairalubdhaishcha pAlyamAna.n guNI bhavet .. 20..\\
vyavahArashcha nagare yasya karmaphalodayaH . 
dR^ishyate sha~NkhalikhitaH sa dharmaphalabhAgbhavet .. 21..\\
sa~NgR^ihItamanuShyashcha yo rAjA rAjadharmavit . 
ShaDvargaM pratigR^ihNansa dharmAtphalamupAshnute .. 22..\\
\medskip\hrule\medskip\centerline{\Largedvng 117}
 bh

atrApyudAharantImamitihAsaM purAtanam . 
nidarshana kara.n loke sajjanAcharitaM sadA .. 1..\\
asyaivArthasya sadR^isha.n yachchhrutaM me tapovane . 
jAmadagnyasya rAmasya yaduktamR^iShisattamaiH .. 2..\\
vane mahati kasmiMshchidamanuShyaniShevite . 
R^iShirmUlaphalAhAro niyato niyatendriyaH .. 3..\\
dIkShA damaparaH shAntaH svAdhyAyaparamaH shuchiH . 
upavAsavishuddhAtmA satata.n satpathe sthitaH .. 4..\\
tasya sandR^ishya sadbhAvamupaviShTasya dhImataH . 
sarvasattvAH samIpasthA bhavanti vanachAriNaH .. 5..\\
si.nhavyAghrAH sa sharabhA mattAshchaiva mahAgajAH . 
dvIpinaH kha~Nga bhallUkA ye chAnye bhImadarshanAH .. 6..\\
te sukhaprashnadAH sarve bhavanti kShatajAshanAH . 
tasyarShershiShyavachchaiva nyagbhUtAH priyakAriNaH .. 7..\\
dattvA cha te sukhaprashna.n sarve yAnti yathAgatam . 
grAmyastvekaH pashustatra nAjahAchchhvA mahAmunim .. 8..\\
bhakto.anuraktaH satatamupavAsakR^isho.abalaH . 
phalamUlotkarAhAraH shAntaH shiShTAkR^itiryathA .. 9..\\
tasyarSherupaviShTasya pAdamUle mahAmuneH . 
manuShyavadgato bhAvaH snehabaddho.abhavadbhR^isham .. 10..\\
tato.abhyayAnmahAvIryo dvIpI kShatajabhojanaH . 
shvArthamatyantasanduShTaH krUraH kAla ivAntakaH .. 11..\\
lelihyamAnastR^iShitaH puchchhAsphoTana tatparaH . 
vyAditAsyaH kShudhA bhagnaH prArthayAnastadAmiSham .. 12..\\
ta.n dR^iShTvA krUramAyAntaM jIvitArthI narAdhipaH . 
provAcha shvA muni.n tatra yattachchhR^iNu mahAmate .. 13..\\
shvashatrurbhagavannatra dvIpI mA.n hantumichchhati . 
tvatprasAdAdbhayaM na syAttasmAnmama mahAmune .. 14..\\

 muni

na bhaya.n dvIpinaH kAryaM mR^ityutaste kathaM chana . 
eSha shvarUparahito dvIpI bhavasi putraka .. 15..\\

 bh

tataH shvA dvIpitAM nIto jAmbUnadanibhAkR^itiH . 
chitrA~Ngo visphuranhR^iShTo vane vasati nirbhayaH .. 16..\\
tato.abhyayAnmahAraudro vyAditAsyaH kShudhAnvitaH . 
dvIpina.n lelihadvaktro vyAghro rudhiralAlasaH .. 17..\\
vyAghra.n dR^iShTvA kShudhA bhagnaM daMShTriNa.n vanagocharam . 
dvIpI jIvitarakShArthamR^iShi.n sharaNameyivAn .. 18..\\
tataH sa.nvAsaja.n snehamR^iShiNA kurvatA sadA . 
sa dvIpI vyAghratAM nIto ripubhirbalavattaraH . 
tato dR^iShTvA sa shArdUlo nAbhyaha.nsta.n vishAM pate .. 19..\\
sa tu shvA vyAghratAM prApya balavAnpishitAshanaH . 
na mUlaphalabhogeShu spR^ihAmapyakarottadA .. 20..\\
yathA mR^igapatirnityaM prakA~NkShati vanaukasaH . 
tathaiva sa mahArAja vyAghraH samabhavattadA .. 21..\\
vyAghrastUTaja mUlasthastR^iptaH supto hatairmR^igaiH . 
nAgashchAgAttamuddeshaM matto megha ivotthitaH .. 22..\\
prabhinnakaraTaH prAMshuH padmI vitatamastakaH . 
suviShANo mahAkAyo meghagambhIra nisvanaH .. 23..\\
ta.n dR^iShTvA ku~njaraM mattamAyAntaM madagarvitam . 
vyAghro hastibhayAttrastastamR^iShi.n sharaNaM yayau .. 24..\\
tato.anayatku~njaratA.n ta.n vyAghramR^iShisattamaH . 
mahAmeghopama.n dR^iShTvA ta.n sa bhIto.abhavadgajaH .. 25..\\
tataH kamalaShaNDAni shallakI gahanAni cha . 
vyacharatsa mudA yuktaH padmareNu vibhUShitaH .. 26..\\
kadA chidramamANasya hastinaH sumukha.n tadA . 
R^iShestasyoTajasthasya kAlo.agachchhannnishA nisham .. 27..\\
athAjagAma ta.n deshaM keSharI keSharAruNaH . 
girikandarajo bhImaH si.nho nAgakulAntakaH .. 28..\\
ta.n dR^iShTvA si.nhamAyAntaM nAgaH si.nhabhayAkulaH . 
R^iShi.n sharaNamApede vepamAno bhayAturaH .. 29..\\
tataH sa si.nhatAM nIto nAgendro muninA tadA . 
vanyaM nAgaNayatsi.nha.n tulyajAtisamanvayAt .. 30..\\
dR^iShTvA cha so.anashatsi.nho vanyo bhI sannavAgbalaH . 
sa chAshrame.avasatsi.nhastasminneva vane sukhI .. 31..\\
na tvanye kShudrapashavastapovananivAsinaH . 
vyadR^ishyanta bhayatrastA jIvitAkA~NkShiNaH sadA .. 32..\\
kadA chitkAlayogena sarvaprANi vihi.nsakaH . 
balavAnkShatajAhAro nAnA sattvabhaya~NkaraH .. 33..\\
aShTa pAdUrdhvacharaNaH sharabho vanagocharaH . 
ta.n si.nhaM hantumAgachchhanmunestasya niveshanam .. 34..\\
taM muniH sharabha.n chakre balotkaTamarindama . 
tataH sa sharabho vanyo muneH sharabhamagrataH . 
dR^iShTvA balinamatyugra.n druta.n samprAdravadbhayAt .. 35..\\
sa eva.n sharabhasthAne nyasto vai muninA tadA . 
muneH pArshvagato nitya.n shArabhyaM sukhamAptavAn .. 36..\\
tataH sharabhasantrastAH sarve mR^igagaNA vanAt . 
dishaH samprAdravanrAjanbhayAjjIvitakA~NkShiNaH .. 37..\\
sharabho.apyatisanduShTo nityaM prANivadhe rataH . 
phalamUlAshana.n shAntaM naichchhatsa pishitAshanaH .. 38..\\
tato rudhiratarSheNa balinA sharabho.anvitaH . 
iyeSha taM muni.n hantumakR^itaGYaH shvayonijaH .. 39..\\
tatastena tapaH shaktyA vidito GYAnachakShuShA . 
viGYAya cha mahAprAGYo muniH shvAna.n tamuktavAn .. 40..\\
shvA tva.n dvIpitvamApanno dvIpI vyAghratvamAgataH . 
vyAghro nAgo madapaTurnAgaH si.nhatvamAptavAn .. 41..\\
si.nho.atibalasa.nyukto bhUyaH sharabhatA.n gataH . 
mayA snehaparItena na vimR^iShTaH kulAnvayaH .. 42..\\
yasmAdevamapApaM mAM pApahi.nsitumichhasi . 
tasmAtsvayonimApannaH shvaiva tva.n hi bhaviShyasi .. 43..\\
tato munijanadveShAdduShTAtmA shvA kR^ito.abudhaH . 
R^iShiNA sharabhaH shaptaH sva.n rUpaM punarAptavAn .. 44..\\
\medskip\hrule\medskip\centerline{\Largedvng 118}
 bh

sa shvA prakR^itimApannaH para.n dainyamupAgamat . 
R^iShiNA hu~NkR^itaH pApastapovanabahiShkR^itaH .. 1..\\
eva.n rAGYA matimatA viditvA shIlashauchatAm . 
ArjavaM prakR^iti.n sattva.n kulaM vR^ittaM shrutaM damam .. 2..\\
anukroshaM bala.n vIryaM bhAvaM samprashama.n kShamAm . 
bhR^ityA ye yatra yogyAH syustatra sthApyAH sushikShitAH .. 3..\\
nAparIkShya mahIpAlaH prakartuM bhR^ityamarhati . 
akulIna narAkIrNo na rAjA sukhamedhate .. 4..\\
kulajaH prakR^ito rAGYA tatkulInatayA sadA . 
na pApe kurute buddhiM nindyamAno.apyanAgasi .. 5..\\
akulInastu puruShaH prakR^itaH sAdhu sa~NkShayAt . 
durlabhaishvaryatAM prApto ninditaH shatrutA.n vrajet .. 6..\\
kulIna.n shikShitaM prAGYaM GYAnaviGYAnakovidam . 
sarvashAstrArtha tattvaGYa.n sahiShNu.n deshajaM tathA .. 7..\\
kR^itaGYaM balavanta.n cha kShAntaM dAntaM jitendriyam . 
alubdha.n labdhasantuShTaM svAmimitra bubhUShakam .. 8..\\
sachiva.n deshakAlaGYa.n sarvasa~NgrahaNe ratam . 
satkR^ita.n yuktamanasaM hitaiShiNamatandritam .. 9..\\
yuktAchAra.n svaviShaye sandhivigrahakovidam . 
rAGYastrivargavettAraM paurajAnapada priyam .. 10..\\
khAtaka vyUha tattvaGYaM balaharShaNa kovidam . 
i~NgitAkAra tattvaGYa.n yAtrA yAnavishAradam .. 11..\\
hastishikShAsu tattvaGYamaha.n kAravivarjitam . 
pragalbha.n dakShiNaM dAntaM balina.n yuktakAriNam .. 12..\\
chokSha.n chokSha janAkIrNa.n suveShaM sukhadarshanam . 
nAyakaM nItikushala.n guNaShaShTyA samanvitam .. 13..\\
astabdhaM prashrita.n shaktaM mR^idu vAdinameva cha . 
dhIra.n shlakShNaM maharddhi.n cha deshakAlopapAdakam .. 14..\\
sachiva.n yaH prakurute na chainamavamanyate . 
tasya vistIryate rAjya.n jyotsnA grahapateriva .. 15..\\
etaireva guNairyukto rAjA shAstravishAradaH . 
eShTavyo dharmaparamaH prajApAlanatatparaH .. 16..\\
dhIro marShI shuchiH shIghraH kAle puruShakAravit . 
shushrUShuH shrutavA~nshrotA UhApoha vishAradaH .. 17..\\
medhAvI dhAraNA yukto yathAnyAyopapAdakaH . 
dAntaH sadA priyAbhAShI kShamAvAMsh cha viparyaye .. 18..\\
dAnAchchhede svaya.n kArI sudvAraH sukhadarshanaH . 
Artahastaprado nityamAptaM manyo naye rataH .. 19..\\
nAha.n vAdI na nirdvandvo na yatki.n chana kArakaH . 
kR^ite karmaNyamoghAnA.n kartA bhR^ityajanapriyaH .. 20..\\
sa~NgR^ihItajano.astabdhaH prasannavadanaH sadA . 
dAtA bhR^ityajanAvekShI na krodhI sumahAmanAH .. 21..\\
yuktadaNDo na nirdaNDo dharmakAryAnushAsakaH . 
chAranetraH parAvekShI dharmArthakushalaH sadA .. 22..\\
rAjA guNashatAkIrNa eShTavyastAdR^isho bhavet . 
yodhAshchaiva manuShyendra sarvairguNaguNairvR^itAH .. 23..\\
anveShTavyAH supuruShAH sahAyA rAjyadhAraNAH . 
na vimAnayitavyAshcha rAGYA vR^iddhimabhIpsatA .. 24..\\
yodhAH samarashauTIrAH kR^itaGYA astrakovidAH . 
dharmashAstrasamAyuktAH padAtijanasa.nyutAH .. 25..\\
arthamAnavivR^iddhAshcha rathacharyA vishAradAH . 
iShvastrakushalA yasya tasyeyaM nR^ipatermahI .. 26..\\
sarvasa~NgrahaNe yukto nR^ipo bhavati yaH sadA . 
utthAna shIlo mitrADhyaH sa rAjA rAjasattamaH .. 27..\\
shakyA ashvasahasreNa vIrAroheNa bhArata . 
sa~NgR^ihItamanuShyeNa kR^itsnA jetu.n vasundharA .. 28..\\
\medskip\hrule\medskip\centerline{\Largedvng 119}
 bh

eva.n shunA samAnbhR^ityAnsvasthAne yo narAdhipaH . 
niyojayati kR^ityeShu sa rAjyaphalamashnute .. 1..\\
na shvA svasthAnamutkramya pramANamabhi satkR^itaH . 
AropyaH shvA svakAtsthAnAdutkramyAnyatprapadyate .. 2..\\
svajAtikulasampannAH sveShu karmasvava sthitAH . 
prakartavyA budhA bhR^ityA nAsthAne prakriyA kShamA .. 3..\\
anurUpANi karmANi bhR^ityebhyo yaH prayachchhati . 
sa bhR^ityaguNasampanna.n rAjA phalamupAshnute .. 4..\\
sharabhaH sharabhasthAne si.nhaH si.nha ivorjitaH . 
vyAghro vyAghra iva sthApyo dvIpI dvIpI yathAtathA .. 5..\\
karmasvihAnurUpeShu nyasyA bhR^ityA yathAvidhi . 
pratilomaM na bhR^ityAste sthApyAH karmaphalaiShiNA .. 6..\\
yaH pramANamatikramya pratilomaM narAdhipaH . 
bhR^ityAnsthApayate.abuddhirna sa ra~njayate prajAH .. 7..\\
na bAlishA na cha kShudrA na chApratimitendriyAH . 
nAkulInA narAH pArshve sthApyA rAGYA hitaiShiNA .. 8..\\
sAdhavaH kushalAH shUrA GYAnavanto.anasUyakAH . 
akShudrAH shuchayo dakShA narAH syuH pAripArshvakAH .. 9..\\
nyagbhUtAstatparAH kShAntAshchaukShAH prakR^itijAH shubhAH . 
sve sve sthAne.aparikruShTAste syU rAGYo bahishcharAH .. 10..\\
si.nhasya satataM pArshve si.nha eva jano bhavet . 
asi.nhaH si.nhasahitaH si.nhavallabhate phalam .. 11..\\
yastu si.nhaH shvabhiH kIrNaH si.nhakarmaphale rataH . 
na sa si.nhaphalaM bhoktu.n shaktaH shvabhirupAsitaH .. 12..\\
evametairmanuShyendra shUraiH prAGYairbahushrutaiH . 
kulInaiH saha shakyeta kR^itsnA.n jetu.n vasundharAm .. 13..\\
nAvaidyo nAnR^ijuH pArshve nAvidyo nAmahA dhanaH . 
sa~NgrAhyo vasudhA pAlairbhR^ityo bhR^ityavatA.n vara .. 14..\\
bANavadvisR^itA yAnti svAmikAryaparA janAH . 
ye bhR^ityAH pArthiva hitAsteShA.n sAntvaM prayojayet .. 15..\\
koshashcha satata.n rakShyo yatnamAsthAya rAjabhiH . 
koshamUlA hi rAjAnaH koshamUlakaro bhava .. 16..\\
koShThAgAra.n cha te nitya.n sphItaM dhAnyaiH susa~ncitam . 
sadAstu satsu saMnyasta.n dhanadhAnya paro bhava .. 17..\\
nityayuktAshcha te bhR^ityA bhavantu raNakovidAH . 
vAjinA.n cha prayogeShu vaishAradyamiheShyate .. 18..\\
GYAtibandhujanAvekShI mitra sambandhisa.nvR^itaH . 
paurakAryahitAnveShI bhava kauravanandana .. 19..\\
eShA te naiShThikI buddhiH praGYA chAbhihitA mayA . 
shvA te nidarshana.n tAta kiM bhUyaH shrotumichchhasi .. 20..\\
\medskip\hrule\medskip\centerline{\Largedvng 120}
 y

rAjavR^ittAnyanekAni tvayA proktAni bhArata . 
pUrvaiH pUrvaniyuktAni rAjadharmArthavedibhiH .. 1..\\
tadeva vistareNoktaM pUrvairdR^iShTa.n satAM matam . 
praNaya.n rAjadharmANAM prabrUhi bharatarShabha .. 2..\\

 bh

rakShaNa.n sarvabhUtAnAmiti kShatre paraM matam . 
tadyathA rakShaNa.n kuryAttathA shR^iNu mahIpate .. 3..\\
yathA barhANi chitrANi bibharti bhujagAshanaH . 
tathA bahuvidha.n rAjA rUpa.n kurvIta dharmavit .. 4..\\
taikShNya.n jihmatvamAdAntya.n satyamArjavameva cha . 
madhyasthaH sattvamAtiShTha.nstathA vai sukhamR^ichchhati .. 5..\\
yasminnarthe hita.n yatsyAttadvarNaM rUpamAvishet . 
bahurUpasya rAGYo hi sUkShmo.apyartho na sIdati .. 6..\\
nitya.n rakShita mantraH syAdyathA mUkaH sharachchhikhI . 
shlakShNAkShara tanuH shrImAnbhavechchhAstra vishAradaH .. 7..\\
ApaddvAreShu yattaH syAjjalaprasravaNeShviva . 
shailavarShodakAnIva dvijAnsiddhAnsamAshrayet .. 8..\\
arthakAmaH shikhA.n rAjA kuryAddharmadhvajopamAm . 
nityamudyatadaNDaH syAdAcharechchApramAdataH . 
loke chAya vyayau dR^iShTvA vR^ikShAdvR^ikShamivAplavan .. 9..\\
mR^ijAvAnsyAtsvayUthyeShu bhAvAni charaNaiH kShipet . 
jAtapakShaH parispandedrakShedvaikalyamAtmanaH .. 10..\\
doShAnvivR^iNuyAchchhatroH parapakShAnvidhUnayet . 
kAnaneShviva puShpANi barhIvArthAnsamAcharet .. 11..\\
uchchhritAnAshrayetsphItAnnarendrAnachalopamAn . 
shrayechchhAyAmaviGYAtA.n gupta.n sharaNamAshrayet .. 12..\\
prAvR^iShIvAsita grIvo majjeta nishi nirjane . 
mAyUreNa guNenaiva strIbhishchAlakShitash charet . 
na jahyAchcha tanutrANa.n rakShedAtmAnamAtmanA .. 13..\\
chArabhUmiShvabhigamAnpAshAMsh cha parivarjayet . 
pIDayechchApi tAM bhUmiM praNashyedgahane punaH .. 14..\\
hanyAtkruddhAnativiShAnye jihmagatayo.ahitAn . 
nAshrayedbAla barhANi sannivAsAni vAsayet .. 15..\\
sadA barhi nibhaH kAmaM prasakti kR^itamAcharet . 
sarvatashchAdadetpraGYAM pata~NgAngahaneShviva . 
evaM mayUravadrAjA svarAShTraM paripAlayet .. 16..\\
AtmavR^iddhi karIM nIti.n vidadhIta vichakShaNaH . 
Atmasa.nyamanaM buddhyA parabuddhyAvatAraNam . 
buddhyA chAtmaguNaprAptiretachchhAstra nidarshanam .. 17..\\
para.n chAshvAsayetsAmnA svashaktiM chopalakShayet . 
AtmanaH parimarshena buddhiM buddhyA vichArayet . 
sAntvayogamatiH prAGYaH kAryAkAryavichArakaH .. 18..\\
nigUDha buddhirdhIraH syAdvaktavye vakShyate tathA . 
saMnikR^iShTA.n kathAM prAGYo yadi buddhyA bR^ihaspatiH . 
svabhAvameShyate tapta.n kR^iShNAyasamivodake .. 19..\\
anuyu~njIta kR^ityAni sarvANyeva mahIpatiH . 
AgamairupadiShTAni svasya chaiva parasya cha .. 20..\\
kShudra.n krUraM tathA prAGYa.n shUraM chArthavishAradam . 
svakarmaNi niyu~njIta ye chAnye vachanAdhikAH .. 21..\\
apyadR^iShTvA niyuktAni anurUpeShu karmasu . 
sarvA.nstAnanuvarteta svarA.nstantrIrivAyatA .. 22..\\
dharmANAmavirodhena sarveShAM priyamAcharet . 
mamAyamiti rAjA yaH sa parvata ivAchalaH .. 23..\\
vyavasAya.n samAdhAya sUryo rashmimivAyatAm . 
dharmamevAbhirakSheta kR^itvA tulye priyApriye .. 24..\\
kulaprakR^itideshAnA.n dharmaGYAnmR^idubhAShiNaH . 
madhye vayasi nirdoShAnhite yuktA~njitendriyAn .. 25..\\
alubhA~nshikShitAndAntAndharmeShu pariniShThitAn . 
sthApayetsarvakAryeShu rAjA dharmArtharakShiNaH .. 26..\\
etenaivaprakAreNa kR^ityAnAmAgati.n gatim . 
yuktaH samanutiShTheta tuShTashchArairupaskR^itaH .. 27..\\
amoghakrodhaharShasya svaya.n kR^ityAnvavekShiNaH . 
Atmapratyaya koshasya vasudhaiva vasundharA .. 28..\\
vyaktashchAnugraho yasya yathArthashchApi nigrahaH . 
guptAtmA guptarAShTrashcha sa rAjA rAjadharmavit .. 29..\\
nitya.n rAShTramavekSheta gobhiH sUrya ivotpatan . 
chArAMshcha na charAnvidyAttathA buddhyA na sa~njvaret .. 30..\\
kAlaprAptamupAdadyAnnArtha.n rAjA prasUchayet . 
ahanyahani sanduhyAnmahI.n gAmiva buddhimAn .. 31..\\
yathAkrameNa puShpebhyashchinoti madhu ShaTpadaH . 
tathA dravyamupAdAya rAjA kurvIta sa~ncayam .. 32..\\
yaddhi guptAvashiShTa.n syAttaddhita.n dharmakAmayoH . 
sa~ncayAnuvisargI syAdrAjA shAstravidAtmavAn .. 33..\\
nAlpamarthaM paribhavennAvamanyeta shAtravAn . 
buddhyAvabudhyedAtmAnaM na chAbuddhiShu vishvaset .. 34..\\
dhR^itirdAkShya.n sa.nyamo buddhiragryA 
dhairya.n shaurya.n deshakAlo.apramAdaH . 
svalpasya vA mahato vApi vR^iddhau 
dhanasyaitAnyaShTa samindhanAni .. 35..\\
agnistoko vardhate hyAjyasikto 
bIja.n chaikaM bahusAhasrameti . 
kShayodayau vipulau saMnishAmya 
tasmAdalpaM nAvamanyeta vidvAn .. 36..\\
bAlo.abAlaH sthaviro vA ripur 
yaH sadA pramattaM puruShaM nihanyAt . 
kAlenAnyastasya mUla.n hareta 
kAlaGYAtA pArthivAnA.n variShThaH .. 37..\\
haretkIrti.n dharmamasyoparundhyAd 
arthe dIrgha.n vIryamasyopahanyAt . 
ripurdveShTA durbalo vA balI 
vA tasmAchchhatrau naiva heDedyatAtmA .. 38..\\
kShaya.n shatroH sa~ncayaM pAlana.n chApy 
ubhau chArthau sahitau dharmakAmau . 
atashchAnyanmatimAnsandadhIta 
tasmAdrAjA buddhimanta.n shrayeta .. 39..\\
buddhirdIptA balavanta.n hinasti 
balaM buddhyA vardhate pAlyamAnam . 
shatrurbuddhyA sIdate vardhamAno 
buddheH pashchAtkarma yattatprashastam .. 40..\\
sarvAnkAmAnkAmayAno hi dhIraH 
sattvenAlpenAplute hInadehaH . 
yathAtmAnaM prArthayate.arthamAnaiH 
shreyaH pAtraM pUrayate hyanalpam .. 41..\\
tasmAdrAjA pragR^ihItaH pareShu 
mUla.n lakShmyAH sarvato.abhyAdadIta . 
dIrgha.n kAlamapi sampIDyamAno 
vidyutsampAtamiva mAnorjitaH syAt .. 42..\\
vidyA tapo vA vipula.n dhana.n vA 
sarvametadvyavasAyena shakyam . 
brahma yattaM nivasati dehavatsu 
tasmAdvidyAdvyavasAyaM prabhUtam .. 43..\\
yatrAsate matimanto manasvinaH 
shakro viShNuryatra sarasvatI cha . 
vasanti bhUtAni cha yatra nityaM 
tasmAdvidvAnnAvamanyeta deham .. 44..\\
lubdha.n hanyAtsampradAnena nityaM 
lubdhastR^iptiM paravittasya naiti . 
sarvo lubdhaH karma guNopabhoge 
yo.arthairhIno dharmakAmau jahAti .. 45..\\
dhanaM bhojyaM putradAra.n samR^iddhiM 
sarvo lubdhaH prArthayate pareShAm . 
lubdhe doShAH sambhavantIha sarve 
tasmAdrAjA na pragR^ihNIta lubdhAn .. 46..\\
sandarshane satpuruSha.n jaghanyamapi chodayet . 
ArambhAndviShatAM prAGYaH sarvAnarthA.nstu sUdayet .. 47..\\
dharmAnviteShu viGYAto mantrI guptashcha pANDava . 
Apto rAjankulInashcha paryApto rAjyasa~Ngrahe .. 48..\\
vidhipravR^ittAnnaradeva dharmAn 
uktAnsamAsena nibodha buddhyA . 
imAnvidadhyAdvyanusR^itya yo vai 
rAjA mahIM pAlayitu.n sa shaktaH .. 49..\\
anItija.n yadyavidhAnajaM sukhaM 
haTha praNIta.n vividhaM pradR^ishyate . 
na vidyate tasya gatirmahIpater 
na vidyate rAShTrajamuttama.n sukham .. 50..\\
dhanairvishiShTAnmatishIlapUjitAn 
guNopapannAnyudhi dR^iShTavikramAn . 
guNeShu dR^iShTAnachirAdihAtmavAn 
sato.abhisandhAya nihanti shAtravAn .. 51..\\
pashyedupAyAnvividhaiH kriyApathair 
na chAnupAyena matiM niveshayet . 
shriya.n vishiShTAM vipulaM yasho dhanaM 
na doShadarshI puruShaH samashnute .. 52..\\
prItipravR^ittau vinivartane tathA 
suhR^itsu viGYAya nivR^itya chobhayoH . 
yadeva mitra.n guru bharamAvahet 
tadeva susnigdhamudAharedbudhaH .. 53..\\
etAnmayoktA.nstava rAjadharmAn 
nR^iNA.n cha guptau matimAdadhatsva . 
avApsyase puNyaphala.n sukhena 
sarvo hi lokottama dharmamUlaH .. 54..\\
\medskip\hrule\medskip\centerline{\Largedvng 121}
 y

ayaM pitAmahenokto rAjadharmaH sanAtanaH . 
Ishvarashcha mahAdaNDo daNDe sarvaM pratiShThitam .. 1..\\
devatAnAmR^iShINA.n cha pitR^INAM cha mahAtmanAm . 
yakSharakShaHpishAchAnAM martyAnA.n cha visheShataH .. 2..\\
sarveShAM prANinA.n loke tiryakShvapi nivAsinAm . 
sarvavyApI mahAtejA daNDaH shreyAniti prabho .. 3..\\
ityetaduktaM bhavatA sarva.n daNDyaM charAcharam . 
dR^ishyate lokamAsakta.n sa surAsuramAnuSham .. 4..\\
etadichchhAmyaha.n GYAtu.n tattvena bharatarShabha . 
ko daNDaH kIdR^isho daNDaH ki.n rUpaH kiM parAyaNaH .. 5..\\
kimAtmakaH kathaM bhUtaH kati mUrtiH kathaM prabhuH . 
jAgarti sa katha.n daNDaH prajAsvavahitAtmakaH .. 6..\\
kashcha pUrvAparamida.n jAgarti paripAlayan . 
kashcha viGYAyate pUrva.n ko.aparo daNDasa~nj~nitaH . 
ki.n sa.nsthashcha bhaveddaNDaH kA chAsya gatiriShyate .. 7..\\

 bh

shR^iNu kauravya yo daNDo vyavahAryo yathA cha saH . 
yasminhi sarvamAyatta.n sa daNDa iha kevalaH .. 8..\\
dharmasyAkhyA mahArAja vyavahAra itIShyate . 
tasya lopaH kathaM na syAllokeShvavahitAtmanaH . 
ityartha.n vyavahArasya vyavahAratvamiShyate .. 9..\\
api chaitatpurA rAjanmanunA proktamAditaH . 
supraNItena daNDena priyApriya samAtmanA . 
prajA rakShati yaH samyagdharma eva sa kevalaH .. 10..\\
athoktametadvachanaM prAgeva manunA purA . 
janma chokta.n vasiShThena brahmaNo vachanaM mahat .. 11..\\
prAgida.n vachanaM proktamataH prAgvachanaM viduH . 
vyavahArasya chAkhyAnAdvyavahAra ihochyate .. 12..\\
daNDAttrivargaH satata.n supraNItAtpravartate . 
daiva.n hi paramo daNDdo rUpato.agnirivochchhikhaH .. 13..\\
nIlotpaladala shyAmashchaturdaMShTrashchaturbhujaH . 
aShTa pAnnaikanayanaH sha~NkukarNordhva romavAn .. 14..\\
jaTI dvijihvastAmrAsyo mR^igarAjatanuchchhadaH . 
etadrUpaM bibhartyugra.n daNDo nityaM durAvaraH .. 15..\\
asirgadA dhanuH shaktistrishUlaM mudgaraH sharaH . 
musalaM parashushchakraM prAso daNDarShTi tomarAH .. 16..\\
sarvapraharaNIyAni santi yAnIha kAni chit . 
daNDa eva hi sarvAtmA loke charati mUrtimAn .. 17..\\
bhindaMshchhindanrujankR^intandArayanpATaya.nstathA . 
ghAtayannabhidhAvaMshcha daNDa eva charatyuta .. 18..\\
asirvishasano dharmastIkShNavartmA durAsadaH . 
shrIgarbho vijayaH shAstA vyavahAraH prajAgaraH .. 19..\\
shAstraM brAhmaNamantrashcha shAstA prAgvachana.n gataH . 
dharmapAlo.akSharo devaH satyago nityago grahaH .. 20..\\
asa~Ngo rudra tanayo manujyeShThaH shiva.n karaH . 
nAmAnyetAni daNDasya kIrtitAni yudhiShThira .. 21..\\
daNDo hi bhagavAnviShNuryaGYo nArAyaNaH prabhuH . 
shashvadrUpaM mahadbibhranmahApuruSha uchyate .. 22..\\
yathoktA brahma kanyeti lakShmIrnItiH sarasvatI . 
daNDanItirjagaddhAtrI daNDo hi bahu vigrahaH .. 23..\\
arthAnarthau sukha.n duHkhaM dharmAdharmau balAbale . 
daurbhAgyaM bhAgadheya.n cha puNyApuNye guNAguNau .. 24..\\
kAmAkAmAvR^iturmAsaH sharvarI divasaH kShaNaH . 
aprasAdaH prasAdashcha harShaH krodhaH shamo damaH .. 25..\\
daivaM puruShakArashcha mokShAmokShau bhayAbhaye . 
hi.nsAhi.nse tapoyaGYaH sa.nyamo.atha viShAviSham .. 26..\\
antashchAdishcha madhya.n cha kR^ityAnAM cha prapa~nchanam . 
madaH pramAdo darpashcha dambho dhairyaM nayAnayau .. 27..\\
ashaktiH shaktirityeva mAnastambhau vyayAvyayau . 
vinayashcha visargashcha kAlAkAlau cha bhArata .. 28..\\
anR^ita.n GYAGYatA satyaM shraddhAshraddhe tathaiva cha . 
klIbatA vyavasAyashcha lAbhAlAbhau jayAjayau .. 29..\\
tIkShNatA mR^idutA mR^ityurAgamAnAgamau tathA . 
virAddhishchaiva rAdhishcha kAryAkArye balAbale .. 30..\\
asUyA chAnasUyA cha dharmAdharmau tathaiva cha . 
apatrapAnapatrape hrIshcha sampadvipachcha ha .. 31..\\
tejaH karmaNi pANDitya.n vAkshaktistattvabuddhitA . 
eva.n daNDasya kauravya loke.asminbahurUpatA .. 32..\\
na syAdyadIha daNDo vai pramatheyuH parasparam . 
bhayAddaNDasya chAnyonya.n ghnanti naiva yudhiShThira .. 33..\\
daNDena rakShyamANA hi rAjannaharahaH prajAH . 
rAjAna.n vardhayantIha tasmAddaNDaH parAyaNam .. 34..\\
vyavasthApayati kShipramima.n lokaM nareshvara . 
satye vyavasthito dharmo brAhmaNeShvavatiShThate .. 35..\\
dharmayuktA dvijAH shreShThA veda yuktA bhavanti cha . 
babhUva yaGYo vedebhyo yaGYaH prINAti devatAH .. 36..\\
prItAshcha devatA nityamindre paridadatyuta . 
anna.n dadAti shakrashchApyanugR^ihNannimAH prajAH .. 37..\\
prANAshcha sarvabhUtAnAM nityamanne pratiShThitAH . 
tasmAtprajAH pratiShThante daNDo jAgarti tAsu cha .. 38..\\
evaM prayojanashchaiva daNDaH kShatriyatA.n gataH . 
rakShanprajAH prajAgarti nitya.n suvihito.akSharaH .. 39..\\
IshvaraH puruShaH prANaH sattva.n vittaM prajApatiH . 
bhUtAtmA jIva ityeva nAmabhiH prochyate.aShTabhiH .. 40..\\
adadaddaNDa evAsmai dhruvamaishvaryameva cha . 
bale nayashcha sa.nyuktaH sadA pa~ncha vidhAtmakaH .. 41..\\
kulabAhudhanAmAtyAH praGYA choktA balAni cha . 
AhArya.n chAShTakairdravyairbalamanyadyudhiShThira .. 42..\\
hastino.ashvA rathAH pattirnAvo viShTistathaiva cha . 
daishikAshchArakAshchaiva tadaShTA~NgaM bala.n smR^itam .. 43..\\
aShTA~Ngasya tu yuktasya hastino hastiyAyinaH . 
ashvArohAH padAtAshcha mantriNo rasadAsh cha ye .. 44..\\
bhikShukAH prADvivAkAshcha mauhUrtA daivachintakAH . 
kosho mitrANi dhAnya.n cha sarvopakaraNAni cha .. 45..\\
sapta prakR^itichAShTA~Nga.n sharIramiha yadviduH . 
rAjyasya daNDa evA~Nga.n daNDaH prabhava eva cha .. 46..\\
IshvareNa prayatnena dhAraNe kShatriyasya hi . 
daNDo dattaH samAnAtmA daNDo hIda.n sanAtanam . 
rAGYAM pUjyatamo nAnyo yathA dharmapradarshanaH .. 47..\\
brahmaNA lokarakShArtha.n svadharmasthApanAya cha . 
bhartR^ipratyaya utpanno vyavahArastathAparaH . 
tasmAdyaH sahito dR^iShTo bhartR^ipratyaya lakShaNaH .. 48..\\
vyavahArastu vedAtmA veda pratyaya uchyate . 
maulashcha narashArdUla shAstroktashcha tathAparaH .. 49..\\
ukto yashchApi daNDo.asau bhartR^ipratyaya lakShaNaH . 
GYeyo na sa narendrastho daNDapratyaya eva cha .. 50..\\
daNDapratyaya dR^iShTo.api vyavahArAtmakaH smR^itaH . 
vyavahAraH smR^ito yashcha sa veda viShayAtmakaH .. 51..\\
yashcha veda prasUtAtmA sa dharmo guNadarshakaH . 
dharmapratyaya utpanno yathAdharmaH kR^itAtmabhiH .. 52..\\
vyavahAraH prajA goptA brahma diShTo yudhiShThira . 
trIndhArayati lokAnvai satyAtmA bhUtivardhanaH .. 53..\\
yashcha daNDaH sa dR^iShTo no vyavahAraH sanAtanaH . 
vyavahArashcha yo dR^iShTaH sa dharma iti naH shrutaH . 
yashcha vedaH sa vai dharmo yashcha dharmaH sa satpathaH .. 54..\\
brahmA prajApatiH pUrvaM babhUvAtha pitAmahaH . 
lokAnA.n sa hi sarveShAM sa surAsurarakShasAm . 
sa manuShyoragavatA.n kartA chaiva sa bhUtakR^it .. 55..\\
tato no vyavahAro.ayaM bhartR^ipratyaya lakShaNaH . 
tasmAdidamavochAma vyavahAra nidarshanam .. 56..\\
mAtA pitA cha bhrAtA cha bhAryA chAtha purohitaH . 
nAdaNDyo vidyate rAGYA.n yaH svadharme na tiShThati .. 57..\\
\medskip\hrule\medskip\centerline{\Largedvng 122}
 bh

atrApyudAharantImamitihAsaM purAtanam . 
a~NgeShu rAjA dyutimAnvasu homa iti shrutaH .. 1..\\
sa rAjA dharmanityaH sansaha patnyA mahAtapAH . 
mu~nja pR^iShTha.n jagAmAtha devarShigaNapUjitam .. 2..\\
tatra shR^i~Nge himavato merau kanakaparvate . 
yatra mu~njavaTe rAmo jaTA haraNamAdishat .. 3..\\
tadA prabhR^iti rAjendra R^iShibhiH saMshitavrataiH . 
mu~nja pR^iShTha iti proktaH sa desho rudra sevitaH .. 4..\\
sa tatra bahubhiryuktaH sadA shrutimayairguNaiH . 
brAhmaNAnAmanumato devarShisadR^isho.abhavat .. 5..\\
ta.n kadA chidadInAtmA sakhA shakrasya mAnitaH . 
abhyAgachchhanmahIpAlo mAndhAtA shatrukarshanaH .. 6..\\
so.abhisR^itya tu mAndhAtA vasu homaM narAdhipam . 
dR^iShTvA prakR^iShTa.n tapasA vinayenAbhyatiShThata .. 7..\\
vasu homo.api rAGYo vai gAmarghya.n cha nyavedayat . 
aShTA~Ngasya cha rAjyasya paprachchha kushala.n tadA .. 8..\\
sadbhirAcharitaM pUrva.n yathAvadanuyAyinam . 
apR^ichchhadvasu homasta.n rAjanki.n karavANi te .. 9..\\
so.abravItparamaprIto mAndhAtA rAjasattamam . 
vasu homaM mahAprAGYamAsIna.n kurunandana .. 10..\\
bR^ihaspatermata.n rAjannadhItaM sakala.n tvayA . 
tathaivaushanasa.n shAstraM viGYAta.n te narAdhipa .. 11..\\
tadaha.n shrotumichchhAmi daNDa utpadyate katham . 
ki.n vApi pUrva.n jAgarti kiM vA paramamuchyate .. 12..\\
katha.n kShatriya sa.nsthashcha daNDaH sampratyavasthitaH . 
brUhi me sumahAprAGYa dadAmyAchArya vetanam .. 13..\\

 vasuhoma

shR^iNu rAjanyathA daNDaH sambhUto lokasa~NgrahaH . 
prajA vinayarakShArtha.n dharmasyAtmA sanAtanaH .. 14..\\
brahmA yiyakShurbhagavAnsarvalokapitAmahaH . 
R^itvijaM nAtmanA tulya.n dadarsheti hi naH shrutam .. 15..\\
sa garbha.n shirasA devo varShapUgAnadhArayat . 
pUrNe varShasahasre tu sa garbhaH kShuvato.apatat .. 16..\\
sa kShupo nAma sambhUtaH prajApatirarindama . 
R^itvigAsIttadA rAjanyaGYe tasya mahAtmanaH .. 17..\\
tasminpravR^itte satre tu brahmaNaH pArthivarShabha . 
hR^iShTarUpaprachAratvAddaNDaH so.antarhito.abhavat .. 18..\\
tasminnantarhite chAtha prajAnA.n sa~Nkaro.abhavat . 
naiva kAryaM na chAkAryaM bhojyAbhojyaM na vidyate .. 19..\\
peyApeya.n kutaH siddhirhisanti cha parasparam . 
gamyAgamya.n tadA nAsItparasva.n svaM cha vai samam .. 20..\\
paraspara.n vilumpante sArameyA ivAmiSham . 
abalaM balino jaghnurnirmaryAdamavartata .. 21..\\
tataH pitAmaho viShNuM bhagavanta.n sanAtanam . 
sampUjya varada.n devaM mahAdevamathAbravIt .. 22..\\
atra sAdhvanukampA.n vai kartumarhasi kevalam . 
sa~Nkaro na bhavedatra yathA vai tadvidhIyatAm .. 23..\\
tataH sa bhagavAndhyAtvA chira.n shUlajaTA dharaH . 
AtmAnamAtmanA daNDamasR^ijaddevasattamaH .. 24..\\
tasmAchcha dharmacharaNAM nIti.n devI.n sarasvatIm . 
asR^ijaddaNDanItiH sA triShu lokeShu vishrutA .. 25..\\
bhUyaH sa bhagavAndhyAtvA chira.n shUlavarAyudhaH . 
tasya tasya nikAyasya chakAraikaikamIsharam .. 26..\\
devAnAmIshvara.n chakre devaM dashashatekShaNam . 
yama.n vaivasvata.n chApi pitR^INAm akarotpatim .. 27..\\
dhanAnA.n rakShasA.n chApi kuberamapi cheshvaram . 
parvatAnAM patiM meru.n saritA.n cha mahodadhim .. 28..\\
apA.n rAjye surANA.n cha vidadhe varuNaM prabhum . 
mR^ityuM prANeshvaramatho tejasA.n cha hutAshanam .. 29..\\
rudrANAmapi cheshAna.n goptAra.n vidadhe prabhuH . 
mahAtmAnaM mahAdeva.n vishAlAkShaM sanAtanam .. 30..\\
vasiShThamIsha.n viprANAM vasUnA.n jAtavedasam . 
tejasAM bhAskara.n chakre nakShatrANAM nishAkaram .. 31..\\
vIrudhAmaMshumanta.n cha bhUtAnAM cha prabhu.n varam . 
kumAra.n dvAdasha bhuja.n skandaM rAjAnamAdishat .. 32..\\
kAla.n sarveshamakarotsa.nhAra vinayAtmakam . 
mR^ityoshchaturvibhAgasya duHkhasya cha sukhasya cha .. 33..\\
IshvaraH sarvadehastu rAjarAjo dhanAdhipaH . 
sarveShAmeva rudrANA.n shUlapANiriti shrutiH .. 34..\\
tamekaM brahmaNaH putramanujAta.n kShupaM dadau . 
prajAnAmadhipa.n shreShThaM sarvadharmabhR^itAm api .. 35..\\
mahAdevastatastasminvR^itte yaGYe yathAvidhi . 
daNDa.n dharmasya goptAra.n viShNave satkR^itaM dadau .. 36..\\
viShNura~Ngirase prAdAda~NgirA munisattamaH . 
prAdAdindra marIchibhyAM marIchirbhR^igave dadau .. 37..\\
bhR^igurdadAvR^iShibhyastu ta.n daNDaM dharmasa.nhitam . 
R^iShayo lokapAlebhyo lokapAlAH kShupAya cha .. 38..\\
kShupastu manave prAdAdAdityatanayAya cha . 
putrebhyaH shrAddhadevastu sUkShmadharmArthakAraNAt . 
ta.n dadau sUryaputrastu manurvai rakShaNAtmakam .. 39..\\
vibhajya daNDaH kartavyo dharmeNa na yadR^ichchhayA . 
durvAchA nigraho bandho hiraNyaM bAhyataH kriyA .. 40..\\
vya~Ngatva.n cha sharIrasya vadho vA nAlpakAraNAt . 
sharIrapIDAstAstAstu dehatyAgo vivAsanam .. 41..\\
AnupUrvyA cha daNDo.asau prajA jAgarti pAlayan . 
indro jAgarti bhagavAnindrAdagnirvibhAvasuH .. 42..\\
agnerjAgarti varuNo varuNAchcha prajApatiH . 
prajApatestato dharmo jAgarti vinayAtmakaH .. 43..\\
dharmAchcha brahmaNaH putro vyavasAyaH sanAtanaH . 
vyavasAyAttatastejo jAgarti paripAlayan .. 44..\\
oShadhyastejasastasmAdoShadhibhyashcha parvatAH . 
parvatebhyashcha jAgarti raso rasaguNAttathA .. 45..\\
jAgarti nirR^itirdevI jyotIMShi nirR^iterapi . 
vedAH pratiShThA jyotirbhyastato hayashirAH prabhuH .. 46..\\
brahmA pitAmahastasmAjjAgarti prabhuravyayaH . 
pitAmahAnmahAdevo jAgarti bhagavA~nshivaH .. 47..\\
vishve devAH shivAchchApi vishvebhyashcha tatharShayaH . 
R^iShibhyo bhagavAnsomaH somAddevAH sanAtanAH .. 48..\\
devebhyo brAhmaNA loke jAgratItyupadhAraya . 
brAhmaNebhyashcha rAjanyA lokAnrakShanti dharmataH . 
sthAvara.n ja~NgamaM chaiva kShatriyebhyaH sanAtanam .. 49..\\
prajA jAgrati loke.asmindaNDo jAgarti tAsu cha . 
sarvasa~NkShepako daNDaH pitAmahasamaH prabhuH .. 50..\\
jAgarti kAlaH pUrva.n cha madhye chAnte cha bhArata . 
IshvaraH sarvalokasya mahAdevaH prajApatiH .. 51..\\
devadevaH shivaH sharvo jAgarti satataM prabhuH . 
kapardI sha~Nkaro rudro bhavaH sthANurumApatiH .. 52..\\
ityeSha daNDo vikhyAta Adau madhye tathAvare . 
bhUmipAlo yathAnyAya.n vartetAnena dharmavit .. 53..\\

 bh

itIda.n vasu homasya shR^iNuyAdyo mataM naraH . 
shrutvA cha samyagvarteta sa kAmAnApnuyAnnR^ipaH .. 54..\\
iti te sarvamAkhyAta.n yo daNDo manujarShabha . 
niyantA sarvalokasya dharmAkrAntasya bhArata .. 55..\\
\medskip\hrule\medskip\centerline{\Largedvng 123}
 y

tAta dharmArthakAmAnA.n shrotumichchhAmi nishchayam . 
lokayAtrA hi kArtsnyena triShveteShu pratiShThitA .. 1..\\
dharmArthakAmAH kiM mUlAstrayANAM prabhavashcha kaH . 
anyonya.n chAnuShajjante vartante cha pR^ithakpR^ithak .. 2..\\

 bh

yadA te syuH sumanaso lokasa.nsthArtha nishchaye . 
kAlaprabhava sa.nsthAsu sajjante cha trayastadA .. 3..\\
dharmamUlastu deho.arthaH kAmo.arthaphalamuchyate . 
sa~NkalpamUlAste sarve sa~Nkalpo viShayAtmakaH .. 4..\\
viShayAshchaiva kArtsnyena sarva AhArasiddhaye . 
mUlametattrivargasya nivR^ittirmokSha uchyate .. 5..\\
dharmaH sharIrasa~NguptirdharmArtha.n chArtha iShyate . 
kAmo ratiphalashchAtra sarve chaite rajasvalAH .. 6..\\
saMnikR^iShTAMshcharedenAnna chainAnmanasA tyajet . 
vimuktastamasA sarvAndharmAdInkAmanaiShThikAn .. 7..\\
shreShTha buddhistrivargasya yadayaM prApnuyAtkShaNAt . 
buddhyA budhyedihArthe na tadahnA tu nikR^iShTayA .. 8..\\
apadhyAna malo dharmo malo.arthasya nigUhanam . 
sampramoda malaH kAmo bhUyaH svaguNavartitaH .. 9..\\
atrApyudAharantImamitihAsaM purAtanam . 
kAmandasya cha sa.nvAdama~NgAriShThasya chobhayoH .. 10..\\
kAmandamR^iShimAsInamabhivAdya narAdhipaH . 
a~NgAriShTho.atha paprachchha kR^itvA samayaparyayam .. 11..\\
yaH pApa.n kurute rAjA kAmamohabalAtkR^itaH . 
pratyAsannasya tasyarShe ki.n syAtpApapraNAshanam .. 12..\\
adharmo dharma iti hi yo.aGYAnAdAcharediha . 
ta.n chApi prathita.n loke kathaM rAjA nivartayet .. 13..\\

 k

yo dharmArthau samutsR^ijya kAmamevAnuvartate . 
sa dharmArthaparityAgAtpraGYA nAshamihArchhati .. 14..\\
praGYA praNAshako mohastathA dharmArthanAshakaH . 
tasmAnnAstikatA chaiva durAchArashcha jAyate .. 15..\\
durAchArAnyadA rAjA praduShTAnna niyachchhati . 
tasmAdudvijate lokaH sarpAdveshma gatAdiva .. 16..\\
taM prajA nAnuvartante brAhmaNA na cha sAdhavaH . 
tataH sa~NkShayamApnoti tathA vadhyatvameti cha .. 17..\\
apadhvastastvavamato duHkha.n jIvati jIvitam . 
jIvechcha yadapadhvastastachchhuddhaM maraNaM bhavet .. 18..\\
atraitadAhurAchAryAH pApasya cha nibarhaNam . 
sevitavyA trayI vidyA satkAro brAhmaNeShu cha .. 19..\\
mahAmanA bhaveddharme vivahechcha mahAkule . 
brAhmaNAMshchApi seveta kShamA yuktAnmanasvinaH .. 20..\\
japedudakashIlaH syAtsumukho nAnyadAsthitaH . 
dharmAnvitAnsampravishedbahiH kR^itvaiva duShkR^itIn .. 21..\\
prasAdayenmadhuraya vAchApyatha cha karmaNA . 
ityasmIti vadennityaM pareShA.n kIrtayanguNAn .. 22..\\
apApo hyevamAchAraH kShipraM bahumato bhavet . 
pApAnyapi cha kR^ichchhrANi shamayennAtra saMshayaH .. 23..\\
guravo.api para.n dharma.n yadbrUyustattathA kuru . 
gurUNA.n hi prasAdAddhi shreyaH paramavApsyasi .. 24..\\
\medskip\hrule\medskip\centerline{\Largedvng 124}
 y

ime janA narashreShTha prasha.nsanti sadA bhuvi . 
dharmasya shIlamevAdau tato me saMshayo mahAn .. 1..\\
yadi tachchhakyamasmAbhirGYAtu.n dharmabhR^itA.n vara . 
shrotumichchhAmi tatsarva.n yathaitadupalabhyate .. 2..\\
kathaM nu prApyate shIla.n shrotumichchhAmi bhArata . 
ki.n lakShaNa.n cha tatproktaM brUhi me vadatAM vara .. 3..\\

 bh

purA duryodhaneneha dhR^itarAShTrAya mAnada . 
AkhyAta.n tapyamAnena shriyaM dR^iShTvA tathAgatAm .. 4..\\
indraprasthe mahArAja tava sa bhrAtR^ikasya ha . 
sabhAyA.n chAvahasanaM tatsarva.n shR^iNu bhArata .. 5..\\
bhavatastA.n sabhA.n dR^iShTvA samR^iddhiM chApyanuttamAm . 
duryodhanastadAsInaH sarvaM pitre nyavedayat .. 6..\\
shrutvA cha dhR^itarAShTro.api duryodhana vachastadA . 
abravItkarNa sahita.n duryodhanamida.n vachaH .. 7..\\
kimartha.n tapyase putra shrotumichchhAmi tattvataH . 
shrutvA tvAmanuneShyAmi yadi samyagbhaviShyasi .. 8..\\
yathA tvaM mahadaishvaryaM prAptaH parapura~njaya . 
ki~NkarA bhrAtaraH sarve mitrAH sambandhinastathA .. 9..\\
AchchhAdayasi prAvArAnashnAsi pishitaudanam . 
AjAneyA vahanti tvA.n kasmAchchhochasi putraka .. 10..\\

 d

dasha tAni sahasrANi snAtakAnAM mahAtmanAm . 
bhu~njate rukmapAtrIShu yudhiShThira niveshane .. 11..\\
dR^iShTvA cha tA.n sabhA.n divyAM divyapuShpaphalAnvitAm . 
ashvA.nstittira kalmAShAnratnAni vividhAni cha .. 12..\\
dR^iShTvA tAM pANDaveyAnAmR^iddhimindropamA.n shubhAm . 
amitrANA.n sumahatImanushochAmi mAnada .. 13..\\

 dh

yadIchchhasi shriya.n tAta yAdR^ishIM tA.n yudhiShThire . 
vishiShTA.n vA naravyAghra shIlavAnbhava putraka .. 14..\\
shIlena hi trayo lokAH shakyA jetuM na saMshayaH . 
na hi ki.n chidasAdhya.n vai loke shIlavatAM bhavet .. 15..\\
ekarAtreNa mAndhAtA tryaheNa janamejayaH . 
saptarAtreNa nAbhAgaH pR^ithivIM pratipedivAn .. 16..\\
ete hi pArthivAH sarve shIlavanto damAnvitAH . 
atasteShA.n guNakrItA vasudhA svayamAgamat .. 17..\\
atrApyudAharantImamitihAsaM purAtanam . 
nAradena purA prokta.n shIlamAshritya bhArata .. 18..\\
prahrAdena hR^ita.n rAjyaM mahendrasya mahAtmanaH . 
shIlamAshritya daityena trailokya.n cha vashIkR^itam .. 19..\\
tato bR^ihaspati.n shakraH prA~njaliH samupasthitaH . 
uvAcha cha mahAprAGYaH shreya ichchhAmi veditum .. 20..\\
tato bR^ihaspatistasmai GYAnaM naiHshreyasaM param . 
kathayAmAsa bhagavAndevendrAya kurUdvaha .. 21..\\
etAvachchhreya ityeva bR^ihaspatirabhAShata . 
indrastu bhUyaH paprachchha kva visheSho bhavediti .. 22..\\

 b

visheSho.asti mahA.nstAta bhArgavasya mahAtmanaH . 
tatrAgamaya bhadra.n te bhUya eva purandara .. 23..\\

 dh

Atmanastu tataH shreyo bhArgavAtsumahAyashAH . 
GYAnamAgamayatprItyA punaH sa paramadyutiH .. 24..\\
tenApi samanuGYAto bhAgaveNa mahAtmanA . 
shreyo.astIti punarbhUyaH shukramAha shatakratuH .. 25..\\
bhArgavastvAha dharmaGYaH prahrAdasya mahAtmanaH . 
GYAnamasti visheSheNa tato hR^iShTash cha so.abhavat .. 26..\\
sa tato brAhmaNo bhUtvA prahrAdaM pAkashAsanaH . 
sR^itvA provAcha medhAvI shreya ichchhAmi veditum .. 27..\\
prahrAdastvabravIdvipra.n kShaNo nAsti dvijarShabha . 
trailokyarAjye saktasya tato nopadishAmi te .. 28..\\
brAhmaNastvabravIdvAkya.n kasminkAle kShaNo bhavet . 
tatopadiShTamichchhAmi yadyatkAryAntaraM bhavet .. 29..\\
tataH prIto.abhavadrAjA prahrAdo brahmavAdine . 
tathetyuktvA shubhe kAle GYAnatattva.n dadau tadA .. 30..\\
brAhmaNo.api yathAnyAya.n guruvR^ittimanuttamAm . 
chakAra sarvabhAvena yadvatsa manasechchhati .. 31..\\
pR^iShThashcha tena bahushaH prApta.n kathamarindama . 
trailokyarAjya.n dharmaGYa kAraNaM tadbravIhi me .. 32..\\

 p

nAsUyAmi dvijashreShTha rAjAsmIti kadA chana . 
kavyAni vadatA.n tAta sa.nyachchhAmi vahAmi cha .. 33..\\
te visrabdhAH prabhAShante sa.nyachchhanti cha mA.n sadA . 
te mA kavya pade sakta.n shushrUShumanasUyakam .. 34..\\
dharmAtmAna.n jitakrodha.n sa.nyataM sa.nyatendriyam . 
samAchinvanti shAstAraH kShaudraM madhviva makShikAH .. 35..\\
so.aha.n vAgagrapiShTAnAM rasAnAmavalehitA . 
svajAtyAnadhitiShThAmi nakShatrANIva chandramAH .. 36..\\
etatpR^ithivyAmamR^itametachchakShuranuttamam . 
yadbrAhmaNa mukhe kavyametachchhrutvA pravartate .. 37..\\

 dh

etAvachchhreya ityAha prahrAdo brahmavAdinam . 
shushrUShitastena tadA daityendro vAkyamabravIt .. 38..\\
yathAvadguruvR^ittyA te prIto.asmi dvijasattama . 
vara.n vR^iNIShva bhadra.n te pradAtAsmi na saMshayaH .. 39..\\
kR^itamityeva daityendramuvAcha sa cha vai dvijaH . 
prahrAdastvabravItprIto gR^ihyatA.n vara ityuta .. 40..\\

 br

yadi rAjanprasannastvaM mama chechchhasi cheddhitam . 
bhavataH shIlamichchhAmi prAptumeSha varo mama .. 41..\\

 dh

tataH prItashcha daityendro bhaya.n chAsyAbhavanmahat . 
vare pradiShTe vipreNa nAlpatejAyamityuta .. 42..\\
evamastviti taM prAha prahrAdo vismitastadA . 
upAkR^itya tu viprAya vara.n duHkhAnvito.abhavat .. 43..\\
datte vare gate vipre chintAsInmahatI tataH . 
prahrAdasya mahArAja nishchayaM na cha jagmivAn .. 44..\\
tasya chintayatastAta chhAyA bhUtaM mahAdyute . 
tejo vigrahavattAta sharIramajahAttadA .. 45..\\
tamapR^ichchhanmahAkAyaM prahrAdaH ko bhavAniti . 
pratyAha nanu shIlo.asmi tyakto gachchhAmyaha.n tvayA .. 46..\\
tasmindvija vare rAjanvatsyAmyahamaninditam . 
yo.asau shiShyatvamAgamya tvayi nitya.n samAhitaH . 
ityuktvAntarhita.n tadvai shakraM chAnvavishatprabho .. 47..\\
tasmi.nstejasi yAte tu tAdR^igrUpastato.aparaH . 
sharIrAnniHsR^itastasya ko bhavAniti chAbravIt .. 48..\\
dharmaM prahrAda mA.n viddhi yatrAsau dvijasattamaH . 
tatra yAsyAmi daityendra yataH shIla.n tato hyaham .. 49..\\
tato.aparo mahArAja prajvajanniva tejasA . 
sharIrAnniHsR^itastasya prahrAdasya mahAtmanaH .. 50..\\
ko bhavAniti pR^iShTashcha tamAha sa mahAdyutiH . 
satyamasmyasurendrAgrya yAsye.aha.n dharmamanviha .. 51..\\
tasminnanugate dharmaM puruShe puruSho.aparaH . 
nishchakrAma tatastasmAtpR^iShThashchAha mahAtmanA . 
vR^ittaM prahrAda mA.n viddhi yataH satya.n tato hyaham .. 52..\\
tasmingate mahAshvetaH sharIrAttasya niryayau . 
pR^iShTashchAha bala.n viddhi yato vR^ittamaha.n tataH . 
ityuktvA cha yayau tatra yato vR^ittaM narAdhipa .. 53..\\
tataH prabhAmayI devI sharIrAttasya niryayau . 
tAmapR^ichchhatsa daityendraH sA shrIrityevamabravIt .. 54..\\
uShitAsmi sukha.n vIra tvayi satyaparAkrame . 
tvayA tyaktA gamiShyAmi bala.n yatra tato hyaham .. 55..\\
tato bhayaM prAdurAsItprahrAdasya mahAtmanaH . 
apR^ichchhata cha tAM bhUyaH kva yAsi kamalAlaye .. 56..\\
tva.n hi satyavratA devI lokasya parameshvarI . 
kashchAsau brAhmaNashreShThastattvamichchhAmi veditum .. 57..\\

 zrii

sa shakro brahma chArI cha yastvayA chopashikShitaH . 
trailokye te yadaishvarya.n tattenApahR^itaM prabho .. 58..\\
shIlena hi tvayA lokAH sarve dharmaGYa nirjitAH . 
tadviGYAya mahendreNa tava shIla.n hR^itaM prabho .. 59..\\
dharmaH satya.n tathA vR^ittaM balaM chaiva tathA hyaham . 
shIlamUlA mahAprAGYa sadA nAstyatra saMshayaH .. 60..\\

 bh

evamuktvA gatA tu shrIste cha sarve yudhiShThira . 
duryodhanastu pitaraM bhUya evAbravIdidam .. 61..\\
shIlasya tattvamichchhAmi vettu.n kauravanandana . 
prApyate cha yathA shIla.n tamupAya.n vadasva me .. 62..\\

 dh

sopAyaM pUrvamuddiShTaM prahrAdena mahAtmanA . 
sa~NkShepatastu shIlasya shR^iNu prAptiM narAdhipa .. 63..\\
adrohaH sarvabhUteShu karmaNA manasA girA . 
anugrahashcha dAna.n cha shIlametatprashasyate .. 64..\\
yadanyeShA.n hitaM na syAdAtmanaH karma pauruSham . 
apatrapeta vA yena na tatkuryAtkatha.n chana .. 65..\\
tattu karma tathA kuryAdyena shlAgheta sa.nsadi . 
etachchhIla.n samAsena kathita.n kurusattama .. 66..\\
yadyapyashIlA nR^ipate prApnuvanti kva chichchhriyam . 
na bhu~njate chira.n tAta sa mUlAsh cha patanti te .. 67..\\
etadviditvA tattvena shIlavAnbhava putraka . 
yadIchchhasi shriya.n tAta suvishiShTA.n yudhiShThirAt .. 68..\\

 bh

etatkathitavAnputre dhR^itarAShTro narAdhipa . 
etatkuruShva kaunteya tataH prApsyasi tatphalam .. 69..\\
\medskip\hrule\medskip\centerline{\Largedvng 125}
 y

shIlaM pradhAnaM puruShe kathita.n te pitAmaha . 
kathamAshA samutpannA yA cha sA tadvadasva me .. 1..\\
saMshayo me mahAneSha samutpannaH pitAmaha . 
chhettA cha tasya nAnyo.asti tvattaH parapura~njaya .. 2..\\
pitAmahAshA mahatI mamAsIddhi suyodhane . 
prApte yuddhe tu yadyukta.n tatkartAyamiti prabho .. 3..\\
sarvasyAshA sumahatI puruShasyopajAyate . 
tasyA.n vihanyamAnAyA.n duHkho mR^ityurasaMshayam .. 4..\\
so.aha.n hatAsho durbuddhiH kR^itastena durAtmanA . 
dhArtarAShTreNa rAjendra pashya mandAtmatAM mama .. 5..\\
AshAM mahattarAM manye parvatAdapi sa drumAt . 
AkAshAdapi vA rAjannaprameyaiva vA punaH .. 6..\\
eShA chaiva kurushreShTha durvichintyA sudurlabhA . 
durlabhatvAchcha pashyAmi kimanyaddurlabha.n tataH .. 7..\\

 bh

atra te vartayiShyAmi yudhiShThira nibodha tat . 
itihAsa.n sumitrasya nirvR^ittamR^iShabhasya cha .. 8..\\
sumitro nAma rAjarShirhaihayo mR^igayA.n gataH . 
sasAra sa mR^iga.n viddhvA bANena nataparvaNA .. 9..\\
sa mR^igo bANamAdAya yayAvamitavikramaH . 
sa cha rAjA balI tUrNa.n sasAra mR^igamantikAt .. 10..\\
tato nimna.n sthala.n chaiva sa mR^igo.adravadAshugaH . 
muhUrtameva rAjendra samena sa pathAgamat .. 11..\\
tataH sa rAjA tAruNyAdaurasena balena cha . 
sasAra bANAsanabhR^itsakhaDgo ha.nsavattadA .. 12..\\
tIrtvA nadAnnadIMshchaiva palvalAni vanAni cha . 
atikramyAbhyatikramya sasAraiva vanecharan .. 13..\\
sa tu kAmAnmR^igo rAjannAsAdyAsAdya taM nR^ipam . 
punarabhyeti javano javena mahatA tataH .. 14..\\
sa tasya bANairbahubhiH samabhyasto vanecharaH . 
prakrIDanniva rAjendra punarabhyeti chAntikam .. 15..\\
punashcha javamAsthAya javano mR^igayUthapaH . 
atItyAtItya rAjendra punarabhyeti chAntikam .. 16..\\
tasya marmachchhida.n ghora.n sumitro.amitrakarshanaH . 
samAdAya sharashreShTha.n kArmukAnniravAsR^ijat .. 17..\\
tato gavyUti mAtreNa mR^igayUthapa yUthapaH . 
tasya bAna patha.n tyaktvA tasthivAnprahasanniva .. 18..\\
tasminnipatite bANe bhUmau prajalite tataH . 
pravivesha mahAraNyaM mR^igo rAjApyathAdravat .. 19..\\
pravishya tu mahAraNya.n tApasAnAmathAshramam . 
AsasAda tato rAjA shrAntashchopAvishatpunaH .. 20..\\
ta.n kArmukadharaM dR^iShTvA shramArtaM kShudhitaM tadA . 
sametya R^iShayastasminpUjA.n chakruryathAvidhi .. 21..\\
R^iShayo rAjashArdUlamapR^ichchhansvaM prayojanam . 
kena bhadra mukhArthena samprApto.asi tapovanam .. 22..\\
padAtirbaddhanistriMsho dhanvI bANI nareshvara . 
etadichchhAma viGYAtu.n kutaH prApto.asi mAnada . 
kasminkule hi jAtastva.n kiMnAmAsi bravIhi naH .. 23..\\
tataH sa rAjA sarvebhyo dvijebhyaH puruSharShabha . 
Achakhyau tadyathAnyAyaM paricharyA.n cha bhArata .. 24..\\
haihayAnA.n kule jAtaH sumitro mitranandanaH . 
charAmi mR^igayUthAni nighnanbANaiH sahasrashaH . 
balena mahatA guptaH sAmAtyaH sAvarodhanaH .. 25..\\
mR^igastu viddho bANena mayA sarati shalyavAn . 
ta.n dravantamanu prApto vanametadyadR^ichchhayA . 
bhavatsakAshe naShTashrIrhatAshaH shramakarshitaH .. 26..\\
kiM nu duHkhamato.anyadvai yadaha.n shramakarshitaH . 
bhavatAmAshramaM prApto hatAsho naShTalakShaNaH .. 27..\\
na rAjyalakShaNatyAgo na purasya tapodhanAH . 
duHkha.n karoti tattIvra.n yathAshA vihatA mama .. 28..\\
himavAnvA mahAshailaH samudro vA mahodadhiH . 
mahattvAnnAnvapadyetA.n rodasyorantaraM yathA . 
AshAyAstapasi shreShThAstathA nAntamaha.n gataH .. 29..\\
bhavatA.n viditaM sarvaM sarvaGYA hi tapodhanAH . 
bhavantaH sumahAbhAgAstasmAtprakShyAmi saMshayam .. 30..\\
AshAvAnpuruSho yaH syAdantarikShamathApi vA . 
kiM nu jyAyastara.n loke mahattvAtpratibhAti vaH . 
etadichchhAmi tattvena shrotu.n kimiha durlabham .. 31..\\
yadi guhya.n taponityA na vo brUteha mAchiram . 
na hi guhyamataH shrotumichchhAmi dvijapu~NgavAH .. 32..\\
bhavattapo vighAto vA yena syAdvirame tataH . 
yadi vAsti kathA yogo yo.ayaM prashno mayeritaH .. 33..\\
etatkAraNasAmagrya.n shrotumichchhAmi tattvataH . 
bhavanto hi taponityA brUyuretatsamAhitAH .. 34..\\
\medskip\hrule\medskip\centerline{\Largedvng 126}
 bh

tatasteShA.n samastAnAmR^iShINAmR^iShisattamaH . 
R^iShabho nAma viprarShiH smayanniva tato.abravIt .. 1..\\
purAha.n rAjashArdUla tIrthAnyanucharanprabho . 
samAsAditavAndivyaM naranArAyaNAshramam .. 2..\\
yatra sA badarI ramyA hrado vaihAyasastathA . 
yatra chAshvashirA rAjanvedAnpaThati shAshvatAn .. 3..\\
tasminsarasi kR^itvAha.n vidhivattarpaNaM purA . 
pitR^INA.n devatAnAM cha tato.a.ashramamiyAM tadA .. 4..\\
remAte yatra tau nityaM naranArAyaNAvR^iShI . 
adUrAdAshrama.n kaM chidvAsArthamagamaM tataH .. 5..\\
tatashchIrAjinadhara.n kR^ishamuchchamatIva cha . 
adrAkShamR^iShimAyAnta.n tanuM nAma tapo nidhim .. 6..\\
anyairnarairmahAbAho vapuShAShTa guNAnvitam . 
kR^ishatA chApi rAjarShe na dR^iShTA tAdR^ishI kva chit .. 7..\\
sharIramapi rAjendra tasya kAniShThikA samam . 
grIvA bAhU tathA pAdau keshAshchAdbhutadarshanAH .. 8..\\
shiraH kAyAnurUpa.n cha karNau nete tathaiva cha . 
tasya vAkchaiva cheShTA cha sAmAnye rAjasattama .. 9..\\
dR^iShTvAha.n taM kR^isha.n vipraM bhItaH paramadurmanAH . 
pAdau tasyAbhivAdyAtha sthitaH prA~njaliragrataH .. 10..\\
nivedya nAmagotra.n cha pitaraM cha nararShabha . 
pradiShTe chAsane tena shanairahamupAvisham .. 11..\\
tataH sa kathayAmAsa kathA dharmArthasa.nhitAH . 
R^iShimadhye mahArAja tatra dharmabhR^itA.n varaH .. 12..\\
tasmi.nstu kathayatyeva rAjA rAjIvalochanaH . 
upAyAjjavanairashvaiH sabalaH sAvarodhanaH .. 13..\\
smaranputramaraNye vai naShTaM paramadurmanAH . 
bhUridyumna pitA dhImAnraghushreShTho mahAyashAH .. 14..\\
iha drakShyAmi taM putra.n drakShyAmIheti pArthivaH . 
evamAshAkR^ito rAjaMshcharanvanamidaM purA .. 15..\\
durlabhaH sa mayA draShTuM nUnaM paramadhArmikaH . 
ekaH putro mahAraNye naShTa ityasakR^ittadA .. 16..\\
durlabhaH sa mayA draShTumAshA cha mahatI mama . 
tayA parItagAtro.ahaM mumUrShurnAtra saMshayaH .. 17..\\
etachchhrutvA sa bhagavA.nstanurmunivarottamaH . 
avAkshirA dhyAnaparo muhUrtamiva tasthivAn .. 18..\\
tamanudhyAntamAlakShya rAjA paramadurmanAH . 
uvAcha vAkya.n dInAtmA mandaM mandamivAsakR^it .. 19..\\
durlabha.n kiM nu viprarShe AshAyAshchaiva kiM bhavet . 
bravItu bhagavAnetadyadi guhyaM na tanmayi .. 20..\\
maharShirbhagavA.nstena pUrvamAsIdvimAnitaH . 
bAlishAM buddhimAsthAya mandabhAgyatayAtmanaH .. 21..\\
arthayankalasha.n rAjankA~nchanaM valkalAni cha . 
nirviNNaH sa tu viprarShirnirAshaH samapadyata .. 22..\\
evamuktvAbhivAdyAtha tamR^iShi.n lokapUjitam . 
shrAnto nyaShIdaddharmAtmA yathA tvaM narasattama .. 23..\\
arghya.n tataH samAnIya pAdyaM chaiva mahAnR^iShiH . 
AraNyakena vidhinA rAGYe sarvaM nyavedayat .. 24..\\
tataste munayaH sarve parivArya nararShabham . 
upAvishanpuraskR^itya saptarShaya iva dhruvam .. 25..\\
apR^ichchhaMshchaiva te tatra rAjAnamaparAjitam . 
prayojanamida.n sarvamAshramasya praveshanam .. 26..\\

 raajaa

vIra dyumna iti khyAto rAjAha.n dikShu vishrutaH . 
bhUri dyumna.n sutaM naShTamanveShTuM vanamAgataH .. 27..\\
ekaputraH sa viprAgrya bAla eva cha so.anagha . 
na dR^ishyate vane chAsmi.nstamanveShTu.n charAmyaham .. 28..\\

 rsabha

evamukte tu vachane rAGYA muniradhomukhaH . 
tUShNImevAbhavattatra na cha pratyuktavAnnR^ipam .. 29..\\
sa hi tena purA vipro rAGYA nAtyartha mAnitaH . 
AshA kR^isha.n cha rAjendra tapo dIrgha.n samAsthitaH .. 30..\\
pratigrahamaha.n rAGYAM na kariShye katha.n chana . 
anyeShA.n chaiva varNAnAmiti kR^itvA dhiyaM tadA .. 31..\\
AshA hi puruShaM bAla.n lAlApayati tasthuShI . 
tAmaha.n vyapaneShyAmi iti kR^itvA vyavasthitaH .. 32..\\

 r

AshAyAH ki.n kR^ishatvaM cha kiM cheha bhuvi durlabham . 
bravItu bhagavAnetattva.n hi dharmArthadarshivAn .. 33..\\

 rsabha

tataH sa.nsmR^itya tatsarva.n smArayiShyannivAbravIt . 
rAjAnaM bhagavAnviprastataH kR^isha tanustanuH .. 34..\\
kR^ishatve na sama.n rAjannAshAyA vidyate nR^ipa . 
tasyA vai durlabhatvAttu prArthitAH pArthivA mayA .. 35..\\

 r

kR^ishAkR^ishe mayA brahmangR^ihIte vachanAttava . 
durlabhatva.n cha tasyaiva veda vAkyamiva dvija .. 36..\\
saMshayastu mahAprAGYa sa~njAto hR^idaye mama . 
tanme sattama tattvena vaktumarhasi pR^ichchhataH .. 37..\\
tvattaH kR^ishatara.n kiM nu bravItu bhagavAnidam . 
yadi guhyaM na te vipra loke.asminkiM nu durlabham .. 38..\\

 krzaatanu

durlabho.apyatha vA nAsti yo.arthI dhR^itimivApnuyAt . 
sudurlabhatarastAta yo.arthinaM nAvamanyate .. 39..\\
saMshrutya nopakriyate para.n shaktyA yathArhataH . 
saktA yA sarvabhUteShu sAshA kR^ishatarI mayA .. 40..\\
ekaputraH pitA putre naShTe vA proShite tathA . 
pravR^itti.n yo na jAnAti sAshA kR^ishatarI mayA .. 41..\\
prasave chaiva nArINA.n vR^iddhAnAM putra kAritA . 
tathA narendra dhaninAmAshA kR^ishatarI mayA .. 42..\\

 rsabha

etachchhrutvA tato rAjansa rAjA sAvarodhanaH . 
sa.nspR^ishya pAdau shirasA nipapAta dvijarShabhe .. 43..\\

 raajaa

prasAdaye tvA bhagavanputreNechchhAmi sa~Ngatim . 
vR^iNIShva cha vara.n vipra yamichchhasi yathAvidhi .. 44..\\

 rsabha

abravIchcha hi ta.n vAkyaM rAjA rAjIvalochanaH . 
satyametadyathA vipra tvayoktaM nAstyato mR^iShA .. 45..\\
tataH prahasya bhagavA.nstanurdharmabhR^itA.n varaH . 
putramasyAnayatkShipra.n tapasA cha shrutena cha .. 46..\\
ta.n samAnAyya putra.n tu tadopAlabhya pArthivam . 
AtmAna.n darshayAmAsa dharmaM dharmabhR^itA.n varaH .. 47..\\
sandarshayitvA chAtmAna.n divyamadbhutadarshanam . 
vipApmA vigatakrodhashchachAra vanamantikAt .. 48..\\
etaddR^iShTaM mayA rAja.nstatashcha vachana.n shrutam . 
AshAmapanayasvAshu tataH kR^ishatarImimAm .. 49..\\

 bh

sa tatrokto mahArAja R^iShabheNa mahAtmanA . 
sumitro.apanayatkShipramAshA.n kR^ishatarIM tadA .. 50..\\
eva.n tvamapi kaunteya shrutvA vANImimAM mama . 
sthiro bhava yathA rAjanhimavAnachalottamaH .. 51..\\
tva.n hi draShTA cha shrotA cha kR^ichchhreShvarthakR^iteShviha . 
shrutvA mama mahArAja na santaptumihArhasi .. 52..\\
\medskip\hrule\medskip\centerline{\Largedvng 127}
 y

nAmR^itasyeva paryAptirmamAsti bruvati tvayi . 
tasmAtkathaya bhUyastva.n dharmameva pitAmaha .. 1..\\

 bh

atrApyudAharantImamitihAsaM purAtanam . 
gautamasya cha sa.nvAda.n yamasya cha mahAtmanaH .. 2..\\
pAriyAtra giriM prApya gautamasyAshramo mahAn . 
uvAsa gautamo yatra kAla.n tadapi me shR^iNu .. 3..\\
ShaShTi.n varShasahasrANi so.atapyadgautamastapaH . 
tamugratapasa.n yukta.n tapasA bhAvitaM munim .. 4..\\
upayAto naravyAghra lokapAlo yamastadA . 
tamapashyatsutapasamR^iShi.n vai gautamaM munim .. 5..\\
sa ta.n viditvA brahmarShiryamamAgatamojasA . 
prA~njaliH prayato bhUtvA upasR^iptastapodhanaH .. 6..\\
ta.n dharmarAjo dR^iShTvaiva namaskR^itya nararShabham . 
nyamantrayata dharmeNa kriyatA.n kimiti bruvan .. 7..\\

 g

mAtA pitR^ibhyAmAnR^iNya.n kiM kR^itvA samavApnuyAt . 
katha.n cha lokAnashnAti puruSho durlabhA~nshubhAn .. 8..\\

 y

tapaH shauchavatA nitya.n satyadharmaratena cha . 
mAtApitroraharahaH pUjana.n kAryama~njasA .. 9..\\
ashvamedhaishcha yaShTavyaM bahubhiH svAptadakShiNaiH . 
tena lokAnupAshnAti puruSho.adbhutadarshanAn .. 10..\\
\medskip\hrule\medskip\centerline{\Largedvng 128}
 y

mitraiH prahIyamANasya bahvamitrasya kA gatiH . 
rAGYaH sa~NkShINa koshasya balahInasya bhArata .. 1..\\
duShTAmatya sahAyasya sruta mantrasya sarvataH . 
rAjyAtprachyavamAnasya gatimanyAmapashyataH .. 2..\\
parachakrAbhiyAtasya durlabhasya balIyasA . 
asa.nvihita rAShTrasya deshakAlAvajAnataH .. 3..\\
aprApya.n cha bhavetsAntvaM bhedo vApyatipIDanAt . 
jIvita.n chArthahetorvA tatra ki.n sukR^itaM bhavet .. 4..\\

 bh

guhyaM mA dharmamaprAkShIratIva bharatarShabha . 
apR^iShTo notsahe vaktu.n dharmamena.n yudhiShThira .. 5..\\
dharmo hyaNIyAnvachanAdbuddheshcha bharatarShabha . 
shrutvopAsya sadAchAraiH sAdhurbhavati sa kva chit .. 6..\\
karmaNA buddhipUrveNa bhavatyADhyo na vA punaH . 
tAdR^isho.ayamanuprashnaH sa vyavasyastvayA dhiyA .. 7..\\
upAya.n dharmabahula.n yAtrArthaM shR^iNu bhArata . 
nAhametAdR^isha.n dharmaM bubhUShe dharmakAraNAt . 
duHkhAdAna ihADhyeShu syAttu pashchAtkShamo mataH .. 8..\\
anugamya gatInA.n cha sarvAsAmeva nishchayam . 
yathA yathA hi puruSho nitya.n shAstramavekShate . 
tathA tathA vijAnAti viGYAna.n chAsya rochate .. 9..\\
aviGYAnAdayogashcha puruShasyopajAyate . 
aviGYAnAdayogo hi yogo bhUtikaraH punaH .. 10..\\
asha~NkamAno vachanamanasUyurida.n shR^iNu . 
rAGYaH koshakShayAdeva jAyate balasa~NkShayaH .. 11..\\
kosha.n sa~njanayedrAjA nirjalebhyo yathA jalam . 
kAlaM prApyAnugR^ihNIyAdeSha dharmo.atra sAmpratam .. 12..\\
upAyadharmaM prApyainaM pUrvairAcharita.n janaiH . 
anyo dharmaH samarthAnAmApatsvanyashcha bhArata .. 13..\\
prAkkoshaH prochyate dharmo buddhirdharmAdgarIyasI . 
dharmaM prApya nyAyavR^ittimabalIyAnna vindati .. 14..\\
yasmAddhanasyopapattirekAntena na vidyate . 
tasmAdApadyadharmo.api shrUyate dharmalakShaNaH .. 15..\\
adharmo jAyate yasminniti vai kavayo viduH . 
anantaraH kShatriyasya iti vai vichikitsase .. 16..\\
yathAsya dharmo na glAyenneyAchchhatruvasha.n yathA . 
tatkartavyamihetyAhurnAtmAnamavasAdayet .. 17..\\
sannAtmA naiva dharmasya na parasya na chAtmanaH . 
sarvopAyairujjihIrShedAtmAnamiti nishchayaH .. 18..\\
tatra dharmavidA.n tAta nishchayo dharmanaupuNe . 
udyamo jIvana.n kShatre bAhuvIryAditi shrutiH .. 19..\\
kShatriyo vR^itti sa.nrodhe kasya nAdAtumarhati . 
anyatra tApasa svAchcha brAhmaNa svAchcha bhArata .. 20..\\
yathA vai brAhmaNaH sIdannayAjyamapi yAjayet . 
abhojyAnnAni chAshnIyAttathedaM nAtra saMshayaH .. 21..\\
pIDitasya kimadvAramutpatho nidhR^itasya vA . 
advArataH pradravati yadA bhavati pIDitaH .. 22..\\
tasya koshabalajyAnyA sarvalokaparAbhavaH . 
bhaikSha charyA na vihitA na cha viTshUdra jIvikA .. 23..\\
svadharmAnantarA vR^ittiryAnyAnanupajIvataH . 
vahataH prathama.n kalpamanukalpena jIvanam .. 24..\\
Apadgatena dharmANAmanyAyenopajIvanam . 
api hyetadbrAhmaNeShu dR^iShTa.n vR^itti parikShaye .. 25..\\
kShatriye saMshayaH kaH syAdityetannishchita.n sadA . 
AdadIta vishiShTebhyo nAvasIdetkatha.n chana .. 26..\\
hantAra.n rakShitAra.n cha prajAnAM kShatriyaM viduH . 
tasmAtsa.nrakShatA kAryamAdAna.n kShatrabandhunA .. 27..\\
anyatra rAjanhi.nsAyA vR^ittirnehAsti kasya chit . 
apyaraNyasamutthasya ekasya charato muneH .. 28..\\
na sha~NkhalikhitA.n vR^ittiM shakyamAsthAya jIvitum . 
visheShataH kurushreShTha prajApAlanamIpsatA .. 29..\\
parasparAbhisa.nrakShA rAGYA rAShTreNa chApadi . 
nityameveha kartavyA eSha dharmaH sanAtanaH .. 30..\\
rAjA rAShTra.n yathApatsu dravyaughaiH parirakShati . 
rAShTreNa rAjA vyasane parirakShyastathA bhavet .. 31..\\
kosha.n daNDaM balaM mitra.n yadanyadapi sa~ncitam . 
na kurvItAntara.n rAShTre rAjA parigate kShudhA .. 32..\\
bIjaM bhaktena sampAdyamiti dharmavido viduH . 
atraitachchhambarasyAhurmahAmAyasya darshanam .. 33..\\
dhiktasya jIvita.n rAGYo rAShTre yasyAvasIdati . 
avR^ittyAntya manuShyo.api yo vai veda shibervachaH .. 34..\\
rAGYaH koshabalaM mUla.n koshamUlaM punarbalam . 
tanmUla.n sarvadharmANA.n dharmamUlAH punaH prajAH .. 35..\\
nAnyAnapIDayitveha koshaH shakyaH kuto balam . 
tadarthaM pIDayitvA cha doShaM na prAptumarhati .. 36..\\
akAryamapi yaGYArtha.n kriyate yaGYakarmasu . 
etasmAtkAraNAdrAjA na doShaM prAptumarhati .. 37..\\
arthArthamanyadbhavati viparItamathAparam . 
anarthArthamathApyanyattatsarva.n hyarthalakShaNam . 
evaM buddhyA samprapashyenmedhAvI kAryanishchayam .. 38..\\
yaGYArthamanyadbhavati yaGYe nArthastathAparaH . 
yaGYasyArthArthamevAnyattatsarva.n yaGYasAdhanam .. 39..\\
upamAmatra vakShyAmi dharmatattvaprakAshinIm . 
yUpa.n chhindanti yaGYArthaM tatra ye paripanthinaH .. 40..\\
drumAH ke chana sAmantA dhruva.n chhindanti tAnapi . 
te chApi nipatanto.anyAnnighnanti cha vanaspatIn .. 41..\\
eva.n koshasya mahato ye narAH paripanthinaH . 
tAnahatvA na pashyAmi siddhimatra parantapa .. 42..\\
dhanena jayate lokAvubhau paramima.n tathA . 
satya.n cha dharmavachana.n yathA nAstyadhanastathA .. 43..\\
sarvopAyairAdadIta dhana.n yaGYaprayojanam . 
na tulyadoShaH syAdeva.n kAryAkAryeShu bhArata .. 44..\\
naitau sambhavato rAjankatha.n chidapi bhArata . 
na hyaraNyeShu pashyAmi dhanavR^iddhAnaha.n kva chit .. 45..\\
yadida.n dR^ishyate vittaM pR^ithivyAmiha kiM chana . 
mameda.n syAnmamedaM syAdityaya.n kA~NkShate janaH .. 46..\\
na cha rAjyasamo dharmaH kashchidasti parantapa . 
dharma.n sha.nsanti te rAGYAmApadarthamito.anyathA .. 47..\\
dAnena karmaNA chAnye tapasAnye tapasvinaH . 
buddhyA dAkShyeNa chApyanye chinvanti dhanasa~ncayAn .. 48..\\
adhana.n durbalaM prAhurdhanena balavAnbhavet . 
sarva.n dhanavataH prApya.n sarvaM tarati koshavAn . 
koshAddharmashcha kAmashcha paro lokastathApyayam .. 49..\\
\medskip\hrule\medskip\centerline{\Largedvng 129}
 y

kShINasya dIrghasUtrasya sAnukroshasya bandhuShu . 
virakta paurarAShTrasya nirdravya nichayasya cha .. 1..\\
parisha~Nkita mukhyasya sruta mantrasya bhArata . 
asambhAvita mitrasya bhinnAmAtyasya sarvashaH .. 2..\\
parachakrAbhiyAtasya durbalasya balIyasA . 
Apanna chetaso brUhi ki.n kAryamavashiShyate .. 3..\\

 bh

bAhyashchedvijigIShuH syAddharmArthakushalaH shuchiH . 
javena sandhi.n kurvIta pUrvAnpUrvA vimokShayan .. 4..\\
adharmavijigIShushchedbalavAnpApanishchayaH . 
AtmanaH saMnirodhena sandhi.n tenAbhiyojayet .. 5..\\
apAsya rAjadhAnI.n vA taredanyena vApadam . 
tadbhAvabhAve dravyANi jIvanpunarupArjayet .. 6..\\
yAstu syuH kevalatyAgAchchhaktyAstaritumApadaH . 
kastatrAdhikamAtmAna.n santyajedarthadharmavit .. 7..\\
avarodhAjjugupseta kA sapatnadhane dayA . 
na tvevAtmA pradAtavyaH shakye sati katha.n chana .. 8..\\

 y

Abhyantare prakupite bAhye chopanipIDite . 
kShINe koshe srute mantre ki.n kAryamavashiShyate .. 9..\\

 bh

kShipra.n vA sandhikAmaH syAtkShipraM vA tIkShNavikramaH . 
padApanayana.n kShiprametAvatsAmparAyikam .. 10..\\
anuraktena puShTena hR^iShTena jagatIpate . 
alpenApi hi sainyena mahI.n jayati pArthivaH .. 11..\\
hato vA divamArohedvijayI kShitimAvaset . 
yuddhe tu santyajanprANA~nshakrasyaiti salokatAm .. 12..\\
sarvalokAgama.n kR^itvA mR^idutvaM gantumeva cha . 
vishvAsAdvinaya.n kuryAdvyavasyedvApyupAnahau .. 13..\\
apakramitumichchhedvA yathAkAma.n tu sAntvayet . 
vili~NgamitvA mitreNa tataH svayamupakramet .. 14..\\
\medskip\hrule\medskip\centerline{\Largedvng 130}
 y

hIne paramake dharme sarvalokAtila~Nghini . 
sarvasmindasyu sAdbhUte pR^ithivyAmupajIvane .. 1..\\
kenAsminbrAhmaNo jIvejjaghanye kAla Agate . 
asantyajanputrapautrAnanukroshAtpitAmaha .. 2..\\

 bh

viGYAnabalamAsthAya jIvitavya.n tathAgate . 
sarva.n sAdhvarthamevedamasAdhvarthaM na ki.n chana .. 3..\\
asAdhubhyo nirAdAya sAdhubhyo yaH prayachchhati . 
AtmAna.n sa~Nkrama.n kR^itvA kR^itsnadharmavideva saH .. 4..\\
suroSheNAtmano rAjanrAjye sthitimakopayan . 
adattamapyAdadIta dAturvittaM mameti vA .. 5..\\
viGYAnabalapUto yo vartate ninditeShvapi . 
vR^ittaviGYAnavAndhIraH kasta.n ki.n vaktumarhasi .. 6..\\
yeShAM balakR^itA vR^ittirnaiShAmanyAbhirochate . 
tejasAbhipravardhante balavanto yudhiShThira .. 7..\\
yadeva prakR^ita.n shAstramavisheSheNa vindati . 
tadeva madhyAH sevante medhAvI chApyathottaram .. 8..\\
R^itvikpurohitAchAryAnsatkR^itairabhipUjitAn . 
na brAhmaNAnyAtayeta doShAnprApnoti yAtayan .. 9..\\
etatpramANa.n lokasya chakShureta sanAtanam . 
tatpramANo.avagAheta tena tatsAdhvasAdhu vA .. 10..\\
bahUni grAmavAstavyA roShAdbrUyuH parasparam . 
na teShA.n vachanAdrAjA satkuryAdyAtayeta vA .. 11..\\
na vAchyaH parivAdo vai na shrotavyaH katha.n chana . 
karNAveva pidhAtavyau prastheya.n vA tato.anyataH .. 12..\\
na vai satA.n vR^ittametatparivAdo na paishunam . 
guNAnAmeva vaktAraH santaH satsu yudhiShThira .. 13..\\
yathA samadhurau damyau sudAntau sAdhu vAhinau . 
dhuramudyamya vahatastathA varteta vai nR^ipaH . 
yathA yathAsya vahataH sahAyAH syustathApare .. 14..\\
AchArameva manyante garIyo dharmalakShaNam . 
apare naivamichchhanti ye sha~Nkhalikhita priyAH . 
mArdavAdatha lobhAdvA te brUyurvAkyamIdR^isham .. 15..\\
ArShamapyatra pashyanti vikarmasthasya yApanam . 
na chArShAtsadR^isha.n kiM chitpramANa.n vidyate kva chit .. 16..\\
devA api vikarmastha.n yAtayanti narAdhamam . 
vyAjena vindanvitta.n hi dharmAttu parihIyate .. 17..\\
sarvataH satkR^itaH sadbhirbhUtiprabhava kAraNaiH . 
hR^idayenAbhyanuGYAto yo dharmasta.n vyavasyati .. 18..\\
yashchaturguNasampanna.n dharma.n veda sa dharmavit . 
aheriva hi dharmasya pada.n duHkhaM gaveShitum .. 19..\\
yathA mR^igasya viddhasya mR^igavyAdhaH padaM nayet . 
kakShe rudhirapAtena tathA dharmapadaM nayet .. 20..\\
eva.n sadbhirvinItena pathA gantavyamachyuta . 
rAjarShINA.n vR^ittametadavagachchha yudhiShThira .. 21..\\
\medskip\hrule\medskip\centerline{\Largedvng 131}
 bh

svarAShTrAtpararAShTrAchcha kosha.n sa~njanayennR^ipaH . 
koshAddhi dharmaH kaunteya rAjyamUlaH pravartate .. 1..\\
tasmAtsa~njanayetkosha.n sa.nhR^itya paripAlayet . 
paripAlyAnugR^ihNIyAdeSha dharmaH sanAtanaH .. 2..\\
na koshaH shuddhashauchena na nR^isha.nsena jAyate . 
padaM madhyamamAsthAya koshasa~NgrahaNa.n charet .. 3..\\
abalasya kutaH kosho hyakoshasya kuto balam . 
abalasya kuto rAjyamarAGYaH shrIH kuto bhavet .. 4..\\
uchchairvR^itteH shriyo hAniryathaiva maraNa.n tathA . 
tasmAtkoshaM balaM mitrANyatha rAjA vivardhayet .. 5..\\
hInakosha.n hi rAjAnamavajAnanti mAnavAH . 
na chAsyAlpena tuShyanti kAryamabhyutsahanti cha .. 6..\\
shriyo hi kAraNAdrAjA satkriyA.n labhate parAm . 
sAsya gUhati pApAni vAso guhyamiva striyAH .. 7..\\
R^iddhimasyAnuvartante purA viprakR^itA janAH . 
shAlA vR^ikA ivAjasra.n jighA.nsUniva vindati . 
IdR^ishasya kuto rAGYaH sukhaM bharatasattama .. 8..\\
udyachchhedeva na glAyedudyamo hyeva pauruSham . 
apyaparvaNi bhajyeta na nameteha kasya chit .. 9..\\
apyaraNya.n samAshritya charerdasyu gaNaiH saha . 
na tvevoddhR^ita maryAdairdasyubhiH sahitash charet . 
dasyUnA.n sulabhA senA raudrakarmasu bhArata .. 10..\\
ekAntena hyamaryAdAtsarvo.apyudvijate janaH . 
dasyavo.apyupasha~Nkante niranukrosha kAriNaH .. 11..\\
sthApayedeva maryAdA.n janachittaprasAdinIm . 
alpApyatheha maryAdA loke bhavati pUjitA .. 12..\\
nAya.n loko.asti na para iti vyavasito janaH . 
nAla.n gantuM cha vishvAsaM nAstike bhayasha~Nkini .. 13..\\
yathA sadbhiH parAdAnamahi.nsA dasyubhistathA . 
anurajyanti bhUtAni samaryAdeShu dasyuShu .. 14..\\
ayudhyamAnasya vadho dArAmarshaH kR^itaghnatA . 
brahmavittasya chAdAnaM niHsheSha karaNa.n tathA . 
striyA moShaH paristhAna.n dasyuShvetadvigarhitam .. 15..\\
sa eSha eva bhavati dasyuretAni varjayan . 
abhisandadhate ye na vinAshAyAsya bhArata . 
nasheShamevopAlabhya na kurvantIti nishchayaH .. 16..\\
tasmAtsasheSha.n kartavya.n svAdhInamapi dasyubhiH . 
na balastho.ahamasmIti nR^isha.nsAni samAcharet .. 17..\\
sasheShakAriNastAta sheShaM pashyanti sarvataH . 
niHsheSha kAriNo nityamasheSha karaNAdbhayam .. 18..\\
\medskip\hrule\medskip\centerline{\Largedvng 132}
 bh

atra karmAnta vachana.n kIrtayanti purAvidaH . 
pratyakShAveva dharmArthau kShatriyasya vijAnataH . 
tatra na vyavadhAtavyaM parokShA dharmayApanA .. 1..\\
adharmo dharma ityetadyathA vR^ikapada.n tathA . 
dharmAdharmaphale jAtu na dadarsheha kash chana .. 2..\\
bubhUShedbalavAneva sarvaM balavato vashe . 
shriyaM balamamAtyAMshcha balavAniha vindati .. 3..\\
yo hyanADhyaH sa patitastaduchchhiShTa.n yadalpakam . 
bahvapathyaM balavati na ki.n chittrAyate bhayAt .. 4..\\
ubhau satyAdhikArau tau trAyete mahato bhayAt . 
ati dharmAdbalaM manye balAddharmaH pravartate .. 5..\\
bale pratiShThito dharmo dharaNyAmiva ja~NgamaH . 
dhUmo vAyoriva vashaM bala.n dharmo.anuvartate .. 6..\\
anIshvare bala.n dharmo druma.n vallIva saMshritA . 
vashyo balavatA.n dharmaH sukhaM bhogavatAm iva . 
nAstyasAdhyaM balavatA.n sarvaM balavatAM shuchi .. 7..\\
durAchAraH kShINabalaH parimANaM niyachchhati . 
atha tasmAdudvijate sarvo loko vR^ikAdiva .. 8..\\
apadhvasto hyavamato duHkha.n jIvati jIvitam . 
jIvita.n yadavakShiptaM yathaiva maraNa.n tathA .. 9..\\
yadenamAhuH pApena chAritreNa vinikShatam . 
sa bhR^isha.n tapyate.anena vAkshalyena parikShataH .. 10..\\
atraitadAhurAchAryAH pApasya parimokShaNe . 
trayI.n vidyAM niSheveta tathopAsIta sa dvijAn .. 11..\\
prasAdayenmadhurayA vAchApyatha cha karmaNA . 
mahAmanAshchaiva bhavedvivahechcha mahAkule .. 12..\\
ityasmIti vadedevaM pareShA.n kIrtayanguNAn . 
japedudakashIlaH syAtpeshalo nAtijalpanaH .. 13..\\
brahmakShatra.n sampravishedbahu kR^itvA suduShkaram . 
uchyamAno.api lokena bahu tattadachintayan .. 14..\\
apApo hyevamAchAraH kShipraM bahumato bhavet . 
sukha.n vitta.n cha bhu~njIta vR^ittenAnena gopayet . 
loke cha labhate pUjAM paratra cha mahatphalam .. 15..\\
\medskip\hrule\medskip\centerline{\Largedvng 133}
 bh

atrApyudAharantImamitihAsaM purAtanam . 
yathA dasyuH samaryAdaH pretya bhAve na nashyati .. 1..\\
prahartA matimA~nshUraH shrutavAnanR^isha.nsavAn . 
rakShannakShayiNa.n dharmaM brahmaNyo guru pUjakaH .. 2..\\
niShAdyA.n kShatriyAjjAtaH kShatradharmAnupAlakaH . 
kApavyo nAma naiShAdirdasyutvAtsiddhimAptavAn .. 3..\\
araNye sAya pUrvAhNe mR^igayUthaprakopitA . 
vidhiGYo mR^igajAtInAM nipAnAnA.n cha kovidaH .. 4..\\
sarvakAnana deshaGYaH pAriyAtra charaH sadA . 
dharmaGYaH sarvabhUtAnAmamogheShurdR^iDhAyudhaH .. 5..\\
apyanekashatAH senA eka eva jigAya saH . 
sa vR^iddhAvandhapitarau mahAraNye.abhyapUjayat .. 6..\\
madhu mA.nsairmUlaphalairannairuchchAvachairapi . 
satkR^itya bhojayAmAsa samyakparichachAra cha .. 7..\\
AraNyakAnpravrajitAnbrAhmaNAnparipAlayan . 
api tebhyo mR^igAnhatvA ninAya cha mahAvane .. 8..\\
ye sma na pratigR^ihNanti dasyu bhojanasha~NkayA . 
teShAmAsajya geheShu kAlya eva sa gachchhati .. 9..\\
taM bahUni sahasrANi grAmaNitve.abhivavrire . 
nirmaryAdAni dasyUnAM niranukrosha kAriNAm .. 10..\\

 dasyavah

muhUrtadeshakAlaGYa prAGYa shIladR^iDhAyudha . 
grAmaNIrbhava no mukhyaH sarveShAmeva saMmataH .. 11..\\
yathA yathA vakShyasi naH kariShyAmastathA tathA . 
pAlayAsmAnyathAnyAya.n yathA mAtA yathA pitA .. 12..\\

 k

mA vadhIstva.n striyaM bhIruM mA shishuM mA tapasvinam . 
nAyudhyamAno hantavyo na cha grAhyA balAtstriyaH .. 13..\\
sarvathA strI na hantavyA sarvasattveShu yudhyatA . 
nitya.n gobrAhmaNe svasti yoddhavyaM cha tadarthataH .. 14..\\
sasya.n cha nApahantavya.n sIravighnaM cha mA kR^ithAH . 
pUjyante yatra devAshcha pitaro.atithayastathA .. 15..\\
sarvabhUteShvapi cha vai brAhmaNo mokShamarhati . 
kAryA chApachitisteShA.n sarvasvenApi yA bhavet .. 16..\\
yasya hyete sampraruShTA mantrayanti parAbhavam . 
na tasya triShu lokeShu trAtA bhavati kash chana .. 17..\\
yo brAhmaNAnparibhavedvinAsha.n vApi rochayet . 
sUryodaya ivAvashya.n dhruvaM tasya parAbhavaH .. 18..\\
ihaiva phalamAsInaH pratyAkA~NkShati shaktitaH . 
ye ye no na pradAsyanti tA.nstAnsenAbhiyAsyati .. 19..\\
shiShTyartha.n vihito daNDo na vadhArthaM vinishchayaH . 
ye cha shiShTAnprabAdhante dharmasteShA.n vadhaH smR^itaH .. 20..\\
ye hi rAShTroparodhena vR^itti.n kurvanti ke chana . 
tadeva te.anu mIyante kuNapa.n kR^imayo yathA .. 21..\\
ye punardharmashAstreNa varteranniha dasyavaH . 
api te dasyavo bhUtvA kShipra.n siddhimavApnuyuH .. 22..\\

 bh

tatsarvamupachakruste kApavyasyAnushAsanam . 
vR^itti.n cha lebhire sarve pApebhyashchApyupAraman .. 23..\\
kApavyaH karmaNA tena mahatI.n siddhimAptavAn . 
sAdhUnAmAcharankShema.n dasyUnpApAnnivartayan .. 24..\\
ida.n kApavya charita.n yo nityamanukIrtayet . 
nAraNyebhyaH sa bhUtebhyo bhayamArchhetkadA chana .. 25..\\
bhaya.n tasya na martyebhyo nAmartyebhyaH kathaM chana . 
na sato nAsato rAjansa hyaraNyeShu gopatiH .. 26..\\
\medskip\hrule\medskip\centerline{\Largedvng 134}
 bh

atra gAthA brahma gItAH kIrtayanti purAvidaH . 
yena mArgeNa rAjAnaH kosha.n sa~njanayanti cha .. 1..\\
na dhana.n yaGYashIlAnAM hArya.n deva svameva tat . 
dasyUnAM niShkriyANA.n cha kShatriyo hartumarhati .. 2..\\
imAH prajAH kShatriyANA.n rakShyAshchAdyAshcha bhArata . 
dhana.n hi kShatriyasyeha dvitIyasya na vidyate .. 3..\\
tadasya syAdbalArtha.n vA dhanaM yaGYArthameva vA . 
abhogyA hyoShadhIshchhittvA bhogyA eva pachantyuta .. 4..\\
yo vai na devAnna pitR^Inna martyAnhaviShArchati . 
AnantikA.n tAM dhanitAmAhurveda vido janAH .. 5..\\
harettaddraviNa.n rAjandhArmikaH pR^ithivIpatiH . 
na hi tatprINayellokAnna kosha.n tadvidhaM nR^ipaH .. 6..\\
asAdhubhyo nirAdAya sAdhubhyo yaH prayachchhati . 
AtmAna.n sa~Nkrama.n kR^itvA manye dharmavideva saH .. 7..\\
audbhijjA jantavaH ke chidyuktavAcho yathAtathA . 
aniShTataH sambhavanti tathA yaGYaH pratAyate .. 8..\\
yathaiva daMsha mashaka.n yathA chANDa pipIlikam . 
saiva vR^ittirayaGYeShu tathA dharmo vidhIyate .. 9..\\
yathA hyakasmAdbhavati bhUmau pA.nsutR^iNolapam . 
tathaiveha bhaveddharmaH sUkShmaH sUkShmataro.api cha .. 10..\\
\medskip\hrule\medskip\centerline{\Largedvng 135}
 bh

atraiva chedamavyagraH shR^iNvAkhyAnamanuttamam . 
dIrghasUtra.n samAshritya kAryAkAryavinishchaye .. 1..\\
nAtigAdhe jalasthAye suhR^idaH shakulAstrayaH . 
prabhUtamatsye kaunteya babhUvuH sahachAriNaH .. 2..\\
atraikaH prAptakAlaGYo dIrghadarshI tathAparaH . 
dIrghasUtrashcha tatraikastrayANA.n jalachAriNAm .. 3..\\
kadA chittajjalasthAyaM matsyabandhAH samantataH . 
niHsrAvayAmAsuratho nimneShu vividhairmukhaiH .. 4..\\
prakShIyamANa.n taM buddhvA jalasthAyaM bhayAgame . 
avravIddIrghadarshI tu tAvubhau suhR^idau tadA .. 5..\\
iyamApatsamutpannA sarveShA.n salilaukasAm . 
shIghramanyatra gachchhAmaH panthA yAvanna duShyati .. 6..\\
anAgatamanartha.n hi sunayairyaH prabAdhate . 
na sa saMshayamApnoti rochatA.n vAM vrajAmahe .. 7..\\
dIrghasUtrastu yastatra so.abravItsamyaguchyate . 
na tu kAryA tvarA yAvaditi me nishchitA matiH .. 8..\\
atha sampratipattiGYaH prAbravIddIrghadarshinam . 
prApte kAle na me ki.n chinnyAyataH parihAsyate .. 9..\\
evamukto nirAkrAmaddIrghadarshI mahAmatiH . 
jagAma srotasaikena gambhIrasalilAshayam .. 10..\\
tataH prasruta toya.n ta.n samIkShya salilAshayam . 
babandhurvividhairyogairmatsyAnmatsyopajIvinaH .. 11..\\
viloDyamAne tasmi.nstu srota toye jalAshaye . 
agachchhadgrahaNa.n tatra dIrghasUtraH sahAparaiH .. 12..\\
uddAna.n kriyamANaM cha matsyAnA.n vIkShya rajjubhiH . 
pravishyAntaramanyeShAmagrasatpratipattimAn .. 13..\\
grastameva taduddAna.n gR^ihItvAsta tathaiva saH . 
sarvAneva tu tA.nstatra te vidurgrathitA iti .. 14..\\
tataH prakShAlyamAneShu matsyeShu vimale jale . 
taktvA rajju.n vimukto.abhUchchhIghraM sampratipattimAn .. 15..\\
dIrghasUtrastu mandAtmA hInabuddhirachetanaH . 
maraNaM prAptavAnmUDho yathaivopahatendriyaH .. 16..\\
evaM prAptatama.n kAla.n yo mohAnnAvabudhyate . 
sa vinashyati vai kShipra.n dIrghasUtro yathA jhaShaH .. 17..\\
Adau na kurute shreyaH kushalo.asmIti yaH pumAn . 
sa saMshayamavApnoti yathA sampratipattimAn .. 18..\\
anAgatavidhAna.n tu yo naraH kurute kShamam . 
shreyaH prApnoti so.atyartha.n dIrghadarshI yathA hyasau .. 19..\\
kalAH kAShThA muhUrtAshcha dinA nADyaH kShaNA lavAH . 
pakShA mAsAshcha R^itavastulyAH sa.nvatsarANi cha .. 20..\\
pR^ithivIdesha ityuktaH kAlaH sa cha na dR^ishyate . 
abhipretArtha siddhyarthaM nyAyato yachcha tattathA .. 21..\\
etau dharmArthashAstreShu mokShashAstreShu charShibhiH . 
pradhAnAviti nirdiShTau kAmeshAbhimatau nR^iNAm .. 22..\\
parIkShya kArI yuktastu samyaksamupapAdayet . 
deshakAlAvabhipretau tAbhyAM phalamavApnuyAt .. 23..\\
\medskip\hrule\medskip\centerline{\Largedvng 136}
 y

sarvatra buddhiH kathitA shreShThA te bharatarShabha . 
anAgatA tathotpannA dIrghasUtrA vinAshinI .. 1..\\
tadichchhAmi parAM buddhi.n shrotuM bharatasattama . 
yathA rAjanna muhyeta shatrubhiH parivAritaH .. 2..\\
dharmArthakushalaprAGYa sarvashAstravishArada . 
pR^ichchhAmi tvA kuru kshreShTha tanme vyAkhyAtumarhasi .. 3..\\
shatrubhirbahubhirgrasto yathA varteta pArthivaH . 
etadichchhAmyaha.n shrotuM sarvameva yathAvidhi .. 4..\\
viShamastha.n hi rAjAnaM shatravaH paripanthinaH . 
bahavo.apyekamuddhartu.n yatante pUrvatApitAH .. 5..\\
sarvataH prArthyamAnena durbalena mahAbalaiH . 
ekenaivAsahAyena shakya.n sthAtu.n kathaM bhavet .. 6..\\
kathaM mitramari.n chaiva vindeta bharatarShabha . 
cheShTitavya.n kathaM chAtha shatrormitrasya chAntare .. 7..\\
praGYAta lakShaNe rAjannamitre mitratA.n gate . 
kathaM nu puruShaH kuryAtki.n vA kR^itvA sukhI bhavet .. 8..\\
vigraha.n kena vA kuryAtsandhi.n vA kena yojayet . 
katha.n vA shatrumadhyastho vartetAbalavAniti .. 9..\\
etadvai sarvakR^ityAnAM para.n kR^ityaM parantapa . 
naitasya kashchidvaktAsti shrotA chApi sudurlabhaH .. 10..\\
R^ite shAntanavAdbhIShmAtsatyasandhAjjitendriyAt . 
tadanviShya mahAbAho sarvametadvadasva me .. 11..\\

 bh

tvadyukto.ayamanuprashno yudhiShThira guNodayaH . 
shR^iNu me putra kArtsnyena guhyamApatsu bhArata .. 12..\\
amitro mitratA.n yAti mitra.n chApi praduShyati . 
sAmarthya yogAtkAryANA.n tadgatyA hi sadAgatiH .. 13..\\
tasmAdvishvasitavya.n cha vigrahaM cha samAcharet . 
desha.n kAlaM cha viGYAya kAryAkAryavinishchaye .. 14..\\
sandhAtavyaM budhairnitya.n vyavasya.n cha hitArthibhiH . 
amitrairapi sandheyaM prANA rakShyAshcha bhArata .. 15..\\
yo hyamitrairnaro nityaM na sandadhyAdapaNDitaH . 
na so.arthamApnuyAtki.n chitphalAnyapi cha bhArata .. 16..\\
yastvamitreNa sandhatte mitreNa cha virudhyate . 
arthayukti.n samAlokya sumahadvindate phalam .. 17..\\
atrApyudAharantImamitihAsaM purAtanam . 
mArjArasya cha sa.nvAdaM nyagrodhe mUShakasya cha .. 18..\\
vane mahati kasmiMshchinnyagrodhaH sumahAnabhUt . 
latA jAlaparichchhanno nAnAdvija gaNAyutaH .. 19..\\
skandhavAnmeghasa~NkAshaH shItachchhAyo manoramaH . 
vairantyamabhito jAtastarurvyAlamR^igAkulaH .. 20..\\
tasya mUla.n samAshritya kR^itvA shatamukhaM bilam . 
vasati sma mahAprAGYaH palito nAma mUShakaH .. 21..\\
shAkhAshcha tasya saMshritya vasati sma sukhaM puraH . 
lomasho nAma mArjAraH pakShisattvAvasAdakaH .. 22..\\
tatra chAgatya chANDAlo vairantya kR^itaketanaH . 
ayojayattamunmAthaM nityamasta.n gate ravau .. 23..\\
tatra snAyumayAnpAshAnyathAvatsaMnidhAya saH . 
gR^iha.n gatvA sukha.n shete prabhAtAmeti sharvarIm .. 24..\\
tatra sma nityaM badhyante naktaM bahuvidhA mR^igAH . 
kadA chittatra mArjArastvapramatto.apyabadhyata .. 25..\\
tasminbaddhe mahAprAGYaH shatrau nityAtatAyini . 
ta.n kAlaM palito GYAtvA vichachAra sunirbhayaH .. 26..\\
tenAnucharatA tasminvane vishvastachAriNA . 
bhakSha.n vicharamANena nachirAddR^iShTamAmiSham .. 27..\\
sa tamunmAthamAruhya tadAmiShamabhakShayat . 
tasyopari sapatnasya baddhasya manasA hasan .. 28..\\
AmiShe tu prasaktaH sa kadA chidavalokayan . 
apashyadapara.n ghoramAtmanaH shatrumAgatam .. 29..\\
sharaprasUna sa~NkAshaM mahI vivara shAyinam . 
nakula.n harikaM nAma chapala.n tAmralochanam .. 30..\\
tena mUShaka gandhena tvaramANamupAgatam . 
bhakShArtha.n lelihadvaktraM bhUmAvUrdhvamukhaM sthitam .. 31..\\
shakhA gatamari.n chAnyadapashyatkoTarAlayam . 
ulUka.n chandrakaM nAma tIkShNatuNDaM kShapAcharam .. 32..\\
gatasya viShaya.n tasya nakulolUkayostadA . 
athAsyAsIdiya.n chintA tatprApya sumahadbhayam .. 33..\\
ApadyasyA.n sukaShTAyAM maraNe samupasthite . 
samantAdbhaya utpanne katha.n kArya.n hitaiShiNA .. 34..\\
sa tathA sarvato ruddhaH sarvatra samadarshanaH . 
abhavadbhayasantaptashchakre chemAM parA.n gatim .. 35..\\
ApadvinAshabhUyiShThA shataikIya.n cha jIvitam . 
samanta saMshayA cheyamasmAnApadupasthitA .. 36..\\
gata.n hi sahasA bhUmiM nakulo mAM samApnuyAt . 
ulUkashcheha tiShThantaM mArjAraH pAshasa~NkShayAt .. 37..\\
na tvevAsmadvidhaH prAGYaH saMmoha.n gantumarhati . 
kariShye jIvite yatna.n yAvaduchchhvAsanigraham .. 38..\\
na hi buddhyAnvitAH prAGYA nItishAstravishAradAH . 
sambhramantyApadaM prApya mahato.arthAnavApya cha .. 39..\\
na tvanyAmiha mArjArAdgatiM pashyAmi sAmpratam . 
viShamastho hyaya.n jantuH kR^ityaM chAsya mahanmayA .. 40..\\
jIvitArthI katha.n tvadya prArthitaH shatrubhistribhiH . 
tasmAdimamaha.n shatruM mArjAraM saMshrayAmi vai .. 41..\\
kShatravidyA.n samAshritya hitamasyopadhAraye . 
yenema.n shatrusa~NghAtaM matipUrveNa va~nchaye .. 42..\\
ayamatyantashatrurme vaiShamyaM parama.n gataH . 
mUDho grAhayitu.n svArthaM sa~NgatyA yadi shakyate .. 43..\\
kadA chidvyasanaM prApya sandhi.n kuryAnmayA saha . 
balinA saMniviShTasya shatrorapi parigrahaH . 
kArya ityAhurAchAryA viShame jIvitArthinA .. 44..\\
shreyAnhi paNDitaH shatrurna cha mitramapaNDitam . 
mama hyamitre mArjAre jIvita.n sampratiShThitam .. 45..\\
hantaina.n sampravakShyAmi hetumAtmAbhirakShaNe . 
apIdAnImaya.n shatruH sa~NgatyA paNDito bhavet .. 46..\\
tato.arthagatitattvaGYaH sandhivigrahakAlavit . 
sAntvapUrvamida.n vAkyaM mArjAraM mUShako.abravIt .. 47..\\
sauhR^idena bhibhAShe tvA kachchinmArjArajIvasi . 
jIvita.n hi tavechchhAmi shreyaH sAdhAraNaM hi nau .. 48..\\
na te saumya viShattavya.n jIviShyasi yathA purA . 
aha.n tvAmuddhariShyAmi prANA~njahyA.n hi te kR^ite .. 49..\\
asti kashchidupAyo.atra puShkalaH pratibhAti mAm . 
yena shakyastvayA mokShaH prAptu.n shreyo yathA mayA .. 50..\\
mayA hyupAyo dR^iShTo.aya.n vichArya matimAtmanaH . 
AtmArtha.n cha tvadarthaM cha shreyaH sAdhAraNa.n hi nau .. 51..\\
ida.n hi nakulolUkaM pApabuddhyabhitaH sthitam . 
na dharShayati mArjAratena me svasti sAmpratam .. 52..\\
kUjaMshchapala netro.aya.n kaushiko mAM nirIkShate . 
nagashAkhA grahastiShTha.nstasyAhaM bhR^ishamudvije .. 53..\\
satA.n sAptapadaM sakhyaM sa vAso me.asi paNDitaH . 
sA.nvAsyaka.n kariShyAmi nAsti te mR^ityuto bhayam .. 54..\\
na hi shaknoShi mArjArapAsha.n chhettu.n vinA mayA . 
aha.n chhetsyAmi te pAsha.n yadi mAM tvaM na hi.nsasi .. 55..\\
tvamAshrito nagasyAgraM mUla.n tvahamupAshritaH . 
chiroShitAvihAvA.n vai vR^ikShe.asminviditaM hi te .. 56..\\
yasminnAshvasate kashchidyashcha nAshvasate kva chit . 
na tau dhIrAH prasha.nsanti nityamudvignachetasau .. 57..\\
tasmAdvivardhatAM prItiH satyA sa~Ngatirastu nau . 
kAlAtItamapArtha.n hi na prasha.nsanti paNDitAH .. 58..\\
arthayuktimimA.n tAvadyathA bhUtAM nishAmaya . 
tava jIvitamichchhAmi tvaM mamechchhasi jIvitam .. 59..\\
kashchittarati kAShThena sugambhIrAM mahAnadIm . 
sa tArayati tatkAShTha.n sa cha kAShThena tAryate .. 60..\\
IdR^isho nau samAyogo bhaviShyati sunistaram . 
aha.n tvAM tArayiShyAmi tvaM cha mAM tArayiShyasi .. 61..\\
evamuktvA tu palitastadarthamubhayorhitam . 
hetumadgrahaNIya.n cha kAlAkA~NkShI vyapaikShata .. 62..\\
atha suvyAhR^ita.n tasya shrutvA shatrurvichakShaNaH . 
hetumadgrahaNIyArthaM mArjAro vAkyamabravIt .. 63..\\
buddhimAnvAkyasampannastadvAkyamanuvarNayan . 
tAmavasthAmavekShyAntyA.n sAmnaiva pratyapUjayat .. 64..\\
tatastIkShNAgradashano vaiDUryamaNilochanaH . 
mUShakaM mandamudvIkShya mArjAro lomasho.abravIt .. 65..\\
nandAmi saumya bhadra.n te yo mAM jIvantamichchhasi . 
shreyashcha yadi jAnIShe kriyatAM mA vichAraya .. 66..\\
aha.n hi dR^iDhamApannastvamApannataro mayA . 
dvayorApannayoH sandhiH kriyatAM mA vichAraya .. 67..\\
vidhatsva prAptakAla.n yatkAryaM sidhyatu chAvayoH . 
mayi kR^ichchhrAdvinirmukte na vina~NkShyati te kR^itam .. 68..\\
nyastamAno.asmi bhakto.asmi shiShyastvaddhitakR^ittathA . 
nideshavashavartI cha bhavanta.n sharaNa.n gataH .. 69..\\
ityevamuktaH palito mArjAra.n vashamAgatam . 
vAkya.n hitamuvAchedamabhinItArthamarthavat .. 70..\\
udAra.n yadbhavAnAha naitachchitraM bhavadvidhe . 
vidito yastu mArgo me hitArtha.n shR^iNu taM mama .. 71..\\
aha.n tvAnupravekShyAmi nakulAnme mahadbhayam . 
trAyasva mAM mA vadhIshcha shakto.asmi tava mokShaNe .. 72..\\
ulUkAchchaiva mA.n rakSha kShudraH prArthayate hi mAm . 
aha.n chhetsyAmi te pAshAnsakhe satyena te shape .. 73..\\
tadvachaH sa~Ngata.n shrutvA lomasho yuktamarthavat . 
harShAdudvIkShya palita.n svAgatenAbhyapUjayat .. 74..\\
sa ta.n sampUjya palitaM mArjAraH sauhR^ide sthitaH . 
suvichintyAbravIddhIraH prItastvarita eva hi .. 75..\\
kShipramAgachchha bhadra.n te tvaM me prANasamaH sakhA . 
tava prAGYa prasAdAddhi kShipraM prApsyAmi jIvitam .. 76..\\
yadyadeva~NgatenAdya shakya.n kartuM mayA tava . 
tadAGYApaya kartAha.n sandhirevAstu nau sakhe .. 77..\\
asmAtte saMshayAnmuktaH sa mitra gaNabAndhavaH . 
sarvakAryANi kartAhaM priyANi cha hitAni cha .. 78..\\
muktashcha vyasanAdasmAtsaumyAhamapi nAma te . 
prItimutpAdayeya.n cha pratikartuM cha shaknuyAm .. 79..\\
grAhayitvA tu ta.n svArthaM mArjAraM mUShakastadA . 
pravivesha suvisrabdhaH samyagarthAMshchachAra ha .. 80..\\
evamAshvasito vidvAnmArjAreNa sa mUShakaH . 
mArjArorasi visrabdhaH suShvApa pitR^imAtR^ivat .. 81..\\
lIna.n tu tasya gAtreShu mArjArasyAtha mUShakam . 
tau dR^iShTvA nakulolUkau nirAshau jagmaturgR^ihAn .. 82..\\
lInastu tasya gAtreShu palito deshakAlavit . 
chichchheda pAshAnnR^ipate kAlAkA~NkShI shanaiH shanaiH .. 83..\\
atha bandhaparikliShTo mArjAro vIkShya mUShakam . 
chhindanta.n vai tadA pAshAnatvaranta.n tvarAnvitaH .. 84..\\
tamatvarantaM palitaM pAshAnA.n chhedane tadA . 
sa~ncodayitumArebhe mArjAro mUShaka.n tadA .. 85..\\
ki.n saumya nAbhitvarase ki.n kR^itArtho.avamanyase . 
chhindhi pAshAnamitraghna purA shvapacha eti saH .. 86..\\
ityuktastvaratA tena matimAnpalito.abravIt . 
mArjAramakR^itapraGYa.n vashyamAtmahitaM vachaH .. 87..\\
tUShNIM bhava na te saumya tvarA kAryA na sambhramaH . 
vayamevAtra kAlaGYA na kAlaH parihAsyate .. 88..\\
akAle kR^ityamArabdha.n kartuM nArthAya kalpate . 
tadeva kAla ArabdhaM mahate.arthAya kalpate .. 89..\\
akAlavipramuktAnme tvatta eva bhayaM bhavet . 
tasmAtkAlaM pratIkShasva kimiti tvarase sakhe .. 90..\\
yAvatpashyAmi chaNDAlamAyAnta.n shastrapANinam . 
tatashchhetsyAmi te pAshaM prApte sAdhAraNe bhaye .. 91..\\
tasminkAle pramuktastva.n tarumevAdhirohasi . 
na hi te jIvitAdanyatki.n chitkR^ityaM bhaviShyati .. 92..\\
tato bhavatyatikrAnte traste bhIte cha lomasha . 
ahaM bilaM pravekShyAmi bhavATshAkhA.n gamiShyati .. 93..\\
evamuktastu mArjAro mUShakeNAtmano hitam . 
vachana.n vAkyatattvaGYo jIvitArthI mahAmatiH .. 94..\\
athAtmakR^itya tvaritaH samyakprashrayamAcharan . 
uvAcha lomasho vAkyaM mUShaka.n chirakAriNam .. 95..\\
na hyevaM mitrakAryANi prItyA kurvanti sAdhavaH . 
yathA tvaM mokShitaH kR^ichchhrAttvaramANena vai mayA .. 96..\\
tAthaiva tvaramANena tvayA kArya.n hitaM mama . 
yatna.n kuru mahAprAGYa yathA svastyAvayorbhavet .. 97..\\
atha vA pUrvavaira.n tva.n smarankAlaM vikarShasi . 
pashya duShkR^itakarmatva.n vyaktamAyuH kShayo mama .. 98..\\
yachcha ki.n chinmayAGYAnAtpurastAdvipriyaM kR^itam . 
na tanmanasi kartavya.n kShamaye tvAM prasIda me .. 99..\\
tameva.n vAdinaM prAGYaH shAstravidbuddhisaMmataH . 
uvAcheda.n vachaH shreShThaM mArjAraM mUShakastadA .. 100..\\
shrutaM me tava mArjArasvamarthaM parigR^ihNataH . 
mamApi tva.n vijAnIhi svamarthaM parigR^ihNataH .. 101..\\
yanmitraM bhItavatsAdhya.n yanmitra bhayasa.nhitam . 
surakShita.n tataH kAryaM pANiH sarpamukhAdiva .. 102..\\
kR^itvA balavatA sandhimAtmAna.n yo na rakShati . 
apathyamiva tadbhukta.n tasyAnarthAya kalpate .. 103..\\
na kashchitkasya chinmitraM na kashchitkasya chitsuhR^it . 
arthairarthA nibadhyante gajairvanagajA iva .. 104..\\
na hi kashchitkR^ite kArye kartAra.n samavekShate . 
tasmAtsarvANi kAryANi sAvasheShANi kArayet .. 105..\\
tasminkAle.api cha bhavAndivA kIrtibhayAnvitaH . 
mama na grahaNe shaktaH palAyanaparAyaNaH .. 106..\\
chhinna.n tu tantu bAhulyaM tantureko.avasheShitaH . 
chhetsyAmyaha.n tadapyAshu nirvR^ito bhava lomasha .. 107..\\
tayoH sa.nvadatoreva.n tathaivApannayordvayoH . 
kShaya.n jagAma sA rAtrirlomashaM chAvishadbhayam .. 108..\\
tataH prabhAtasamaye vikR^itaH kR^iShNapi~NgalaH . 
sthUlasphigvikacho rUkShaH shvachakraparivAritaH .. 109..\\
sha~NkukarNo mahAvaktraH palito ghoradarshanaH . 
parigho nAma chaNDAlaH shastrapANiradR^ishyata .. 110..\\
ta.n dR^iShTvA yamadUtAbhaM mArjArastrastachetanaH . 
uvAcha palitaM bhItaH kimidAnI.n kariShyasi .. 111..\\
atha chApi susantrastau ta.n dR^iShTvA ghoradarshanam . 
kShaNena nakulolUkau nairAshya.n jagmatustadA .. 112..\\
balinau matimantau cha sa~NghAta.n chApyupAgatau . 
ashakyau sunayAttasmAtsampradharShayituM balAt .. 113..\\
kAryArtha.n kR^itasandhI tau dR^iShTvA mArjAramUShakau . 
ulUka nakulau tUrNa.n jagmatuH sva.n svamAlayam .. 114..\\
tatashchichchheda ta.n tantuM mArjArasya sa mUShakaH . 
vipramukto.atha mArjArastamevAbhyapataddrumam .. 115..\\
sa cha tasmAdbhayAnmukto mukto ghoreNa shatruNA . 
bila.n vivesha palitaH shAkhAM bheje cha lomashaH .. 116..\\
unmAthamapyathAdAya chaNDAlo vIkShya sarvashaH . 
vihatAshaH kShaNenAtha tasmAddeshAdapAkramat . 
jagAma cha svabhavana.n chaNDAlo bharatarShabha .. 117..\\
tatastasmAdbhayAnmukto durlabhaM prApya jIvitam . 
bilasthaM pAdapAgrasthaH palita.n lomasho.abravIt .. 118..\\
akR^itvA sa.nvida.n kAM chitsahasAhamupaplutaH . 
kR^itaGYa.n kR^itakalyANaM kachchinmAM nAbhisha~Nkase .. 119..\\
gatvA cha mama vishvAsa.n dattvA cha mama jIvitam . 
mitropabhoga samaye ki.n tvaM naivopasarpasi .. 120..\\
kR^itvA hi pUrvaM mitrANi yaH pashchAnnAnutiShThati . 
na sa mitrANi labhate kR^ichchhrAsvApatsu durmatiH .. 121..\\
tatkR^ito.aha.n tvayA mitra.n sAmarthyAdAtmanaH sakhe . 
sa mAM mitratvamApannamupabhoktu.n tvamarhasi .. 122..\\
yAni me santi mitrANi ye cha me santi bAndhavAH . 
sarve tvAM pUjayiShyanti shiShyA gurumiva priyam .. 123..\\
aha.n cha pUjayiShye tvA.n samitragaNabAndhavam . 
jIvitasya pradAtAra.n kR^itaGYaH ko na pUjayet .. 124..\\
Ishravo me bhavAnastu sharIrasya gR^ihasya cha . 
arthAnA.n chaiva sarveShAmanushAstA cha me bhava .. 125..\\
amAtyo me bhava prAGYa piteva hi prashAdhi mAm . 
na te.asti bhayamasmatto jIvitenAtmanaH shape .. 126..\\
buddhyA tvamushanAH sAkShAdbale tvadhikR^itA vayam . 
tvanmantrabalayukto hi vindeta jayameva ha .. 127..\\
evamuktaH para.n sAntvaM mArjAreNa sa mUShakaH . 
uvAcha paramArthaGYaH shlakShNamAtmahita.n vachaH .. 128..\\
yadbhavAnAha tatsarvaM mayA te lomasha shrutam . 
mamApi tAvadbruvataH shR^iNu yatpratibhAti mAm .. 129..\\
veditavyAni mitrANi boddhavyAshchApi shatravaH . 
etatsusUkShma.n loke.asmindR^ishyate prAGYasaMmatam .. 130..\\
shatrurUpAshcha suhR^ido mitrarUpAshcha shatravaH . 
sAntvitAste na budhyante rAgalobha vasha~NgatAH .. 131..\\
nAsti jAtyA ripurnAma mitraM nAma na vidyate . 
sAmarthya yogAjjAyante mitrANi ripavastathA .. 132..\\
yo yasmi~njIvati svArthaM pashyettAvatsa jIvati . 
sa tasya tAvanmitra.n syAdyAvanna syAdviparyayaH .. 133..\\
nAsti maitrI sthirA nAma na cha dhruvamasauhR^idam . 
arthayuktyA hi jAyante mitrANi ripavastathA .. 134..\\
mitra.n cha shatrutAmeti kasmiMshchitkAlaparyaye . 
shatrushcha mitratAmeti svArtho hi balavattaraH .. 135..\\
yo vishvasati mitreShu na chAshvasati shatruShu . 
arthayuktimaviGYAya chalita.n tasya jIvitam .. 136..\\
arthayuktimaviGYAya yaH shubhe kurute matim . 
mitre vA yadi vA shatrau tasyApi chalitA matiH .. 137..\\
na vishvasedavishvaste vishvaste.api na vishvaset . 
vishvAsAdbhayamutpannaM mUlAnyapi nikR^intati .. 138..\\
arthayuktyA hi deshyante pitA mAtA sutAstathA . 
mAtulA bhAgineyAshcha tathA sambandhibAndhavAH .. 139..\\
putra.n hi mAtA pitaru tyajataH patitaM priyam . 
loko rakShati chAtmAnaM pashya svArthasya sAratAm .. 140..\\
taM manye nikR^itipraGYa.n yo mokShaM pratyanantaram . 
kR^ityaM mR^igayase kartu.n sukhopAyamasaMshayam .. 141..\\
asminnilaya eva tvaM nyagrodhAdavatAritaH . 
pUrvaM niviShTamunmAtha.n chapalatvAnna buddhivAn .. 142..\\
Atmanashchapalo nAsti kuto.anyeShAM bhaviShyati . 
tasmAtsarvANi kAryANi chapalo hantyasaMshayam .. 143..\\
bravIti madhura.n kaM chitpriyo me ha bhavAniti . 
tanmithyA karaNa.n sarvaM vistareNApi me shR^iNu .. 144..\\
kAraNAtpriyatAmeti dveShyo bhavati kAraNAt . 
arthArthI jIvaloko.ayaM na kashchitkasya chitpriyaH .. 145..\\
sakhya.n sodarayorbhrAtrordampatyorvA parasparam . 
kasya chinnAbhijAnAmi prItiM niShkAraNAm iha .. 146..\\
yadyapi bhrAtaraH kruddhA mAryA vA kAraNAntare . 
svabhAvataste prIyante netaraH prIyate janaH .. 147..\\
priyo bhavati dAnena priyavAdena chAparaH . 
mantrahoma japairanyaH kAryArthaM prIyate janaH .. 148..\\
utpanne kAraNe prItirnAsti nau kAraNAntare . 
pradhvaste kAraNasthAne sA prItirvinivartate .. 149..\\
kiM nu tatkAraNaM manye yanAhaM bhavataH priyaH . 
anyatrAbhyavahArArthAttatrApi cha budhA vayam .. 150..\\
kAlo hetu.n vikurute svArthastamanuvartate . 
svArthaM prAGYo.abhijAnAti prAGYa.n loko.anuvartate .. 151..\\
na tvIdR^isha.n tvayA vAchya.n viduShi svArthapaNDite . 
akAle.aviShamasthasya svArthaheturaya.n tava .. 152..\\
tasmAnnAha.n chale svArthAtsusthitaH sandhivigrahe . 
abhrANAmiva rUpANi vikurvanti kShaNe kShaNe .. 153..\\
adyaiva hi ripurbhUtvA punaradyaiva sauhR^idam . 
punashcha ripuradyaiva yuktInAM pashya chApalam .. 154..\\
AsIttAvattu maitrI nau yAvaddheturabhUtpurA . 
sA gatA saha tenaiva kAlayuktena hetunA .. 155..\\
tva.n hi me.atyantataH shatruH sAmarthyAnmitratA.n gataH . 
tatkR^ityamabhinirvR^ittaM prakR^itiH shatrutA.n gatA .. 156..\\
so.ahamevaM praNItAni GYAtvA shAstrANi tattvataH . 
pravisheya.n kathaM pAshaM tvatkR^itaM tadvadasva me .. 157..\\
tvadvIryeNa vimukto.ahaM madvIryeNa tathA bhavAn . 
anyonyAnugrahe vR^itte nAsti bhUyaH samAgamaH .. 158..\\
tva.n hi saumya kR^itArtho.adya nirvR^ittArthAstathA vayam . 
na te.astyanyanmayA kR^itya.n kiM chidanyatra bhakShaNAt .. 159..\\
ahamannaM bhavAnbhoktA durbalo.ahaM bhavAnbalI . 
nAvayorvidyate sandhirniyukte viShame bale .. 160..\\
saMmanye.aha.n tava praGYA.n yanmokShAtpratyanantaram . 
bhakShyaM mR^igayase nUna.n sukhopAyamasaMshayam .. 161..\\
bhakShyArthameva baddhastva.n sa muktaH prasR^itaH kShudhA . 
shAstraGYamabhisandhAya nUnaM bhakShayitAdya mAm .. 162..\\
jAnAmi kShudhita.n hi tvAmAhArasamayash cha te . 
sa tvaM mAmabhisandhAya bhakShyaM mR^igayase punaH .. 163..\\
yachchApi putradAra.n sva.n tatsaMnisR^ijase mayi . 
shushrUShAM nAma me kartu.n sakhe mama na tatkShamam .. 164..\\
tvayA mA.n sahita.n dR^iShTvA priyA bhAryA sutAsh cha ye . 
kasmAnmA.n te na khAdeyurhR^iShTAH praNayinastvayi .. 165..\\
nAha.n tvayA sameShyAmi vR^itto hetuH samAgame . 
shiva.n dhyAyasva me.atrasthaH sukR^ita.n smaryate yadi .. 166..\\
shatrorannAdya bhUtaH sankliShTasya kShudhitasya cha . 
bhakShyaM mR^igayamANasya kaH prAGYo viShaya.n vrajet .. 167..\\
svasti te.astu gamiShyAmi dUrAdapi tavodvije . 
nAha.n tvayA sameShyAmi nirvR^ito bhava lomasha .. 168..\\
balavatsaMnikarSho hi na kadA chitprashasyate . 
prashAntAdapi me prAGYa bhetavyaM balinaH sadA .. 169..\\
yadi tvarthena me kAryaM brUhi ki.n karavANi te . 
kAma.n sarvaM pradAsyAmi na tvAtmAna.n kadA chana .. 170..\\
AtmArthe santatistyAjyA rAjya.n ratna.n dhanaM tathA . 
api sarvasvamutsR^ijya rakShedAtmAnamAtmanA .. 171..\\
aishvaryadhanaratnAnAM pratyamitre.api tiShThatAm . 
dR^iShTA hi punarAvR^ittirjIvitAmiti naH shrutam .. 172..\\
na tvAtmanaH sampradAna.n dhanaratnavadiShyate . 
AtmA tu sarvato rakShyo dArairapi dhanairapi .. 173..\\
AtmarakShita tantrANA.n suparIkShita kAriNAm . 
Apado nopapadyante puruShANA.n svadoShajAH .. 174..\\
shatrUnsamyagvijAnanti durbalA ye balIyasaH . 
teShAM na chAlyate buddhirAtmArtha.n kR^itanishchayA .. 175..\\
ityabhivyaktamevAsau palitenAvabhartsitaH . 
mArjAro vrIDito bhUtvA mUShaka.n vAkyamabravIt .. 176..\\
saMmanye.aha.n tava praGYA.n yastvaM mama hite rataH . 
uktavAnarthatattvena mayA sambhinnadarshanaH .. 177..\\
na tu mAmanyathA sAdho tva.n viGYAtumihArhasi . 
prANapradAnaja.n tvatto mama sauhR^idamAgatam .. 178..\\
dharmaGYo.asmi guNaGYo.asmi kR^itaGYo.asmi visheShataH . 
mitreShu vatsalashchAsmi tvadvidheShu visheShataH .. 179..\\
tanmAmeva~Ngate sAdho na yAvayitumarhasi . 
tvayA hi yAvyamAno.ahaM prANA~njahyA.n sabAndhavaH .. 180..\\
dhikshabdo hi budhairdR^iShTo madvidheShu manasviShu . 
maraNa.n dharmatattvaGYa na mA.n sha~Nkitumarhasi .. 181..\\
iti sa.nstUyamAno hi mArjAreNa sa mUShakaH . 
manasA bhAvagambhIraM mArjAra.n vAkyamabravIt .. 182..\\
sAdhurbhavA~nshrutArtho.asmi prIyate na cha vishvase . 
sa.nstavairvA dhanaughairvA nAha.n shakyaH punastvayA .. 183..\\
na hyamitravasha.n yAnti prAGYA niShkaraNaM sakhe . 
asminnarthe cha gAthe dve nibodhoshanasA kR^ite .. 184..\\
shatrusAdhAraNe kR^itye kR^itvA sandhiM balIyasA . 
samAhitashcharedyuktyA kR^itArthashcha na vishvaset .. 185..\\
tasmAtsarvAsvavasthAsu rakShe~njIvitamAtmanaH . 
dravyANi santatishchaiva sarvaM bhavati jIvataH .. 186..\\
sa~NkShepo nItishAstrANAmavishvAsaH paro mataH . 
nR^iShu tasmAdavishvAsaH puShkala.n hitamAtmanaH .. 187..\\
vadhyante na hyavishvastAH shatrubhirdurbalA api . 
vishvastAstvAshu vadhyante balavanto.api durbalaiH .. 188..\\
tvadvidhebhyo mayA hyAtmA rakShyo mArjArasarvadA . 
rakSha tvamapi chAtmAna.n chaNDAlA~njAtikilbiShAt .. 189..\\
sa tasya bruvatastveva.n santrAsA~njAtasAdhvasaH . 
svabali.n hi javenAshu mArjAraH prayayau tataH .. 190..\\
tataH shAstrArthatattvaGYo buddhisAmarthyamAtmanaH . 
vishrAvya palitaH prAGYo bilamanya~njagAma ha .. 191..\\
evaM praGYAvatA buddhyA durbalena mahAbalAH . 
ekena bahavo.amitrAH sandhi.n kurvIta paNDitaH .. 192..\\
ariNApi samarthena sandhi.n kurvIta paNDitaH . 
mUShakashcha viDAlashcha muktAvanyonyasaMshrayAt .. 193..\\
ityeSha kShatradharmasya mayA mArgo.anudarshitaH . 
vistareNa mahIpAla sa~NkShepeNa punaH shR^iNu .. 194..\\
anyonyakR^itavairau tu chakratuH prItimuttamAm . 
anyonyamabhisandhAtumabhUchchaiva tayormatiH .. 195..\\
tatra prAGYo.abhisandhatte samyagbuddhibalAshrayAt . 
abhisandhIyate prAGYaH pramAdAdapi chAbudhaiH .. 196..\\
tasmAdabhItavadbhIto vishvastavadavishvasan . 
na hyapramattashchalati chalito vA vinashyati .. 197..\\
kAlena ripuNA sandhiH kAle mitreNa vigrahaH . 
kArya ityeva tattvaGYAH prAjurnitya.n yudhiShThira .. 198..\\
evaM matvA mahArAja shAstrArthamabhigamya cha . 
abhiyukto.apramattashcha prAgbhayAdbhItavachcharet .. 199..\\
bhItavatsa.nvidhiH kAryaH pratisandhistathaiva cha . 
bhayAdutpadyate buddhirapramattAbhiyogajA .. 200..\\
na bhaya.n vidyate rAjanbhItasyAnAgate bhaye . 
abhItasya tu visrambhAtsumahA~njAyate bhayam .. 201..\\
na bhIruriti chAtyantaM mantro.adeyaH katha.n chana . 
aviGYAnAddhi viGYAte gachchhedAspada darshiShu .. 202..\\
tasmAdabhItavadbhIto vishvastavadavishvasan . 
kAryANA.n gurutAM buddhvA nAnR^itaM kiM chidAcharet .. 203..\\
evametanmayA proktamitihAsa.n yudhiShThira . 
shrutvA tva.n suhR^idAM madhye yathAvatsamupAchara .. 204..\\
upalabhya mati.n chAgryAmarimitrAntaraM tathA . 
sandhivigrahakAla.n cha mokShopAyaM tathApadi .. 205..\\
shatrusAdhAraNe kR^itye kR^itvA sandhiM balIyasA . 
samAgama.n charedyuktyA kR^itArtho na cha vishvaset .. 206..\\
aviruddhA.n trivargeNa nItimetA.n yudhiShThira . 
abhyuttiShTha shrutAdasmAdbhUyastva.n ra~njayanprajAH .. 207..\\
brAhmaNaishchApi te sArdha.n yAtrA bhavatu pANDava . 
brAhmaNA hi para.n shreyo divi cheha cha bhArata .. 208..\\
ete dharmasya vettAraH kR^itaGYAH satataM prabho . 
pUjitAH shubhakarmANaH pUrvajityA narAdhipa .. 209..\\
rAjya.n shreyaH paraM rAjanyashaH kIrti.n cha lapsyase . 
kulasya santati.n chaiva yathAnyAya.n yathAkramam .. 210..\\
dvayorimaM bhArata sandhivigrahaM 
subhAShitaM buddhivisheShakAritam . 
tathAnvavekShya kShitipena sarvadA 
niShevitavyaM nR^ipa shatrumaNDale .. 211..\\
\medskip\hrule\medskip\centerline{\Largedvng 137}
 y

ukto mantro mahAbAho na vishvAso.asti shatruShu . 
katha.n hi rAjA varteta yadi sarvatra nAshvaset .. 1..\\
vishvAsAddhi para.n rAGYo rAjannutpadyate bhayam . 
katha.n vai nAshvasanrAjA shatrU~njayati pArthiva .. 2..\\
etanme saMshaya.n chhindhi mano me sampramuhyati . 
avishvAsa kathAmetAmupashrutya pitAmaha .. 3..\\

 bh

shR^iNu kaunteya yo vR^itto brahmadattaniveshane . 
pUjanyA saha sa.nvAdo brahmadattasya pArthiva .. 4..\\
kAmpilye brahmadattasya antaHpuranivAsinI . 
pUjanI nAma shakunI dIrghakAla.n sahoShitA .. 5..\\
rutaGYA sarvabhUtAnA.n yathA vai jIva jIvakaH . 
sarvaGYA sarvadharmaGYA tiryagyonigatApi sA .. 6..\\
abhiprajAtA sA tatra putrameka.n suvarchasam . 
samakAla.n cha rAGYo.api devyAH putro vyajAyata .. 7..\\
samudratIra.n gatvA sA tvAjahAra phaladvayam . 
puShTyartha.n cha svaputrasya rAjaputrasya chaiva ha .. 8..\\
phalameka.n sutAyAdAdrAjaputrAya chAparam . 
amR^itAsvAda sadR^ishaM balatejo vivardhanam . 
tatrAgachchhatparA.n vR^iddhiM rAjaputraH phalAshanAt .. 9..\\
dhAtryA hastagatashchApi tenAkrIData pakShiNA . 
shUnye tu tamupAdAya pakShiNa.n samajAtakam . 
hatvA tataH sa rAjendra dhAtryA hastamupAgamat .. 10..\\
atha sA shakunI rAjannAgamatphalahArikA . 
apashyannihataM putra.n tena bAlena bhUtale .. 11..\\
bAShpapUrNamukhI dInA dR^iShTvA sA tu hata.n sutam . 
pUjanI duHkhasantaptA rudatI vAkyamabravIt .. 12..\\
kShatriye sa~NgataM nAsti na prItirna cha sauhR^idam . 
kAraNe sambhajantIha kR^itArthAH santyajanti cha .. 13..\\
kShatriyeShu na vishvAsaH kAryaH sarvopaghAtiShu . 
apakR^ityApi satata.n sAntvayanti nirarthakam .. 14..\\
ahamasya karomyadya sadR^ishI.n vairayAtanAm . 
kR^itaghnasya nR^isha.nsasya bhR^isha.n vishvAsaghAtinaH .. 15..\\
saha sa~njAtavR^iddhasya tathaiva saha bhojinaH . 
sharaNA gatasya cha vadhastrividha.n hyasya kilbiSham .. 16..\\
ityuktvA charaNAbhyA.n tu netre nR^ipasutasya sA . 
bhittvA svasthA tata idaM pUjanI vAkyamabravIt .. 17..\\
ichchhayaiva kR^itaM pApa.n sadya evopasarpati . 
kR^itapratikriya.n teShAM na nashyati shubhAshubham .. 18..\\
pApa.n karmakR^itaM kiM chinna tasminyadi vidyate . 
nipAtyate.asya putreShu na chetpautreShu naptR^iShu .. 19..\\

 b

asti vai kR^itamasmAbhirasti pratikR^ita.n tvayA . 
ubhaya.n tatsamIbhUta.n vasa pUjani mA gamaH .. 20..\\

 p

sakR^itkR^itAparAdhasya tatraiva parilambataH . 
na tadbudhAH prasha.nsanti shreyastatrApasarpaNam .. 21..\\
sAntve prayukte nR^ipate kR^itavaire na vishvaset . 
kShipraM prabadhyate mUDho na hi vairaM prashAmyati .. 22..\\
anyonya.n kR^itavairANAM putrapautraM nigachchhati . 
putrapautre vinaShTe tu paralokaM nigachchhati .. 23..\\
sarveShA.n kR^itavairANAmavishvAsaH sukhAvahaH . 
ekAntato na vishvAsaH kAryo vishvAsaghAtakaH .. 24..\\
na vishvasedavishvaste vishvaste.api na vishvaset . 
kAma.n vishvAsayedanyAnpareShA.n tu na vishvaset .. 25..\\
mAtA pitA bAndhavAnAM pariShThau 
bhAryA jarA bIjamAtra.n tu putraH . 
bhrAtA shatruH klinnapANirvayasya 
AtmA hyekaH sukhaduHkhasya vettA .. 26..\\
anyonyakR^itavairANAM na sandhirupapadyate . 
sa cha heturatikrAnto yadarthamahamAvasam .. 27..\\
pUjitasyArtha mAnAbhyA.n jantoH pUrvApakAriNaH . 
cheto bhavatyavishvastaM pUrva.n trAsayate balAt .. 28..\\
pUrva.n saMmAnanA yatra pashchAchchaiva vimAnanA . 
jahyAtta.n sattvavAnvAsaM saMmAnita vimAnitaH .. 29..\\
uShitAsmi tavAgAre dIrghakAlamahi.nsitA . 
tadida.n vairamutpannaM sukhamAssva vrajAmyaham .. 30..\\

 b

yatkR^ite pratikuryAdvai na sa tatrAparAdhnuyAt . 
anR^iNastena bhavati vasa pUjAni mA gamaH .. 31..\\

 p

na kR^itasya na kartushcha sakhya.n sandhIyate punaH . 
hR^idaya.n tatra jAnAti kartushchaiva kR^itasya cha .. 32..\\

 b

kR^itasya chaiva kartushcha sakhya.n sandhIyate punaH . 
vairasyopashamo dR^iShTaH pApaM nopAshnute punaH .. 33..\\

 p

nAsti vairamupakrAnta.n sAntvito.asmIti nAshvaset . 
vishvAsAdbadhyate bAlastasmAchchhreyo hyadarshanam .. 34..\\
tarasA ye na shakyante shastraiH sunishitairapi . 
sAmnA te vinigR^ihyante gajA iva kareNubhiH .. 35..\\

 b

sa.nvAsAjjAyate sneho jIvitAntakareShvapi . 
anyonyasya cha vishvAsaH shvapachena shuno yathA .. 36..\\
anyonyakR^itavairANA.n sa.nvAsAnmR^idutA.n gatam . 
naiva tiShThati tadvairaM puShkarasthamivodakam .. 37..\\

 p

vairaM pa~ncha samutthAna.n tachcha budhyanti paNDitAH . 
strIkR^ita.n vAstujaM vAgjaM sasapatnAparAdhajam .. 38..\\
tatra dAtA nihantavyaH kShatriyeNa visheShataH . 
prakAsha.n vAprakAshaM vA buddhvA deshabalAdikam .. 39..\\
kR^itavaire na vishvAsaH kAryastviha suhR^idyapi . 
chhanna.n santiShThate vaira.n gUDho.agniriva dAruShu .. 40..\\
na vittena na pAruShyairna sAntvena na cha shrutaiH . 
vairAgniH shAmyate rAjannaurvAgniriva sAgare .. 41..\\
na hi vairAgnirudbhUtaH karma vApyaparAdhajam . 
shAmyatyadagdhvA nR^ipate vinA hyekatara kShayAt .. 42..\\
satkR^itasyArtha mAnAbhyA.n syAttu pUrvApakAriNaH . 
naiva shAntirna vishvAsaH karma trAsayate balAt .. 43..\\
naivApakAre kasmiMshchidaha.n tvayi tathA bhavAn . 
vishvAsAduShitA pUrvaM nedAnI.n vishvasAmyaham .. 44..\\

 b

kAlena kriyate kArya.n tathaiva vividhAH kriyAH . 
kAlenaiva pravartante kaH kasyehAparAdhyati .. 45..\\
tulya.n chobhe pravartete maraNaM janma chaiva ha . 
kAryate chaiva kAlena tannimitta.n hi jIvati .. 46..\\
badhyante yugapatke chidekaikasya na chApare . 
kAlo dahati pUtAni samprApyAgnirivendhanam .. 47..\\
nAhaM pramANaM naiva tvamanyonyakaraNe shubhe . 
kAlo nityamupAdhatte sukha.n duHkhaM cha dehinAm .. 48..\\
eva.n vaseha sa snehA yathAkAlamahi.nsitA . 
yatkR^ita.n tachcha me kShAntaM tvaM chaiva kShama pUjani .. 49..\\

 p

yadi kAlaH pramANa.n te na vairaM kasya chidbhavet . 
kasmAttvapachiti.n yAnti bAndhavA bAndhave hate .. 50..\\
kasmAddevAsurAH pUrvamanyonyamabhijaghnire . 
yadi kAlena niryANa.n sukhaduHkhe bhavAbhavau .. 51..\\
bhiShajo bheShaja.n kartuM kasmAdichchhanti rogiNe . 
yadi kAlena pachyante bheShajaiH kiM prayojanam .. 52..\\
pralApaH kriyate kasmAtsumahA~nshokamUrchhitaiH . 
yadi kAlaH pramANa.n te kasmAddharmo.asti kartR^iShu .. 53..\\
tava putro mamApatya.n hatavAnhi.nsito mayA . 
anantara.n tvayA chAhaM bandhanIyA mahIpate .. 54..\\
aha.n hi putrashokena kR^itapApA tavAtmaje . 
tathA tvayA prahartavyaM mayi tattva.n cha me shR^iNu .. 55..\\
bhakShArtha.n krIDanArtha.n vA narA vA~nchhanti pakShiNaH . 
tR^itIyo nAsti sa.nyogo vadhabandhAdR^ite kShamaH .. 56..\\
vadhabandhabhayAdeke mokShatantramupAgatAH . 
maraNotpAtaja.n duHkhamAhurdharmavido janAH .. 57..\\
sarvasya dayitAH prANAH sarvasya dayitAH sutAH . 
duHkhAdudvijate sarvaH sarvasya sukhamIpsitam .. 58..\\
duHkha.n jarA brahmadattaduHkhamarthaviparyayaH . 
duHkha.n chAniShTa sa.nvAso duHkhamiShTaviyogajam .. 59..\\
vairabandhakR^ita.n duHkha.n hi.nsAjaM strIkR^itaM tathA . 
duHkha.n sukhena satata.n janAdviparivartate .. 60..\\
na duHkhaM paraduHkhe vai ke chidAhurabuddhayaH . 
yo duHkhaM nAbhijAnAti sa jalpati mahAjane .. 61..\\
yastu shochati duHkhArtaH sa katha.n vaktumutsahet . 
rasaGYaH sarvaduHkhasya yathAtmani tathA pare .. 62..\\
yatkR^ita.n te mayA rAja.nstvayA cha mama yatkR^itam . 
na tadvarShashataiH shakya.n vyapohitumarindama .. 63..\\
AvayoH kR^itamanyonya.n tatra sandhirna vidyate . 
smR^itvA smR^itvA hi te putraM nava.n vairaM bhaviShyati .. 64..\\
vairamantikamAsajya yaH prIti.n kartumichchhati . 
mR^inmayasyeva bhagnasya tasya sandhirna vidyate .. 65..\\
nishchitashchArthashAstraGYairavishvAsaH sukhodayaH . 
ushanAshchAtha gAthe dve prahrAdAyAbravItpurA .. 66..\\
ye vairiNaH shraddadhate satye satyetare.api vA . 
te shraddadhAnA vadhyante madhu shuShkakR^iNairyathA .. 67..\\
na hi vairANi shAmyanti kuleShvA dashamAdyugAt . 
AkhyAtArashcha vidyante kule chedvidyate pumAn .. 68..\\
upaguhya hi vairANi sAntvayanti narAdhipAH . 
athainaM pratipiMShanti pUrNa.n ghaTamivAshmani .. 69..\\
sadA na vishvasedrAjanpApa.n kR^itveha kasya chit . 
apakR^itya pareShA.n hi vishvAsAdduHkhamashnute .. 70..\\

 b

nAvishvAsAchchinvate.arhAnnehante chApi ki.n chana . 
bhayAdekatarAnnityaM mR^itakalpA bhavanti cha .. 71..\\

 p

yasyeha vraNinau pAdau padbhyA.n cha parisarpati . 
kShaNyete tasya tau pAdau suguptamabhidhAvataH .. 72..\\
netrAbhyA.n sa rujAbhyAM yaH prativAtamudIkShate . 
tasya vAyurujAtyarthaM netrayorbhavati dhruvam .. 73..\\
duShTaM panthAnamAshritya yo mohAdabhipadyate . 
Atmano balamaGYatvA tadanta.n tasya jIvitam .. 74..\\
yastu varShamaviGYAya kShetra.n kR^iShati mAnavaH . 
hInaM puruShakAreNa sasyaM naivApnute punaH .. 75..\\
yashcha tikta.n kaShAya.n vApyAsvAda vidhuraM hitam . 
AhAra.n kurute nitya.n so.amR^itatvAya kalpate .. 76..\\
pathyaM bhuktvA naro lobhAdyo.anyadashnAti bhojanam . 
pariNAmamaviGYAya tadanta.n tasya jIvitam .. 77..\\
daivaM puruShakArashcha sthitAvanyonyasaMshrayAt . 
udAttAnA.n karma tantraM daivaM klIbA upAsate .. 78..\\
karma chAtmahita.n kAryaM tIkShNa.n vA yadi vA mR^idu . 
grasyate.akarma shIlastu sadAnarthairaki~ncanaH .. 79..\\
tasmAtsaMshayite.apyarthe kArya eva parAkramaH . 
sarvasvamapi santyajya kAryamAtmahitaM naraiH .. 80..\\
vidyA shaurya.n cha dAkShyaM cha balaM dhairyaM cha pa~nchakam . 
mitrANi sahajAnyAhurvartayantIha yairbudhAH .. 81..\\
niveshana.n cha kupyaM cha kShetraM bhAryA suhR^ijjanaH . 
etAnyupachitAnyAhuH sarvatra labhate pumAn .. 82..\\
sarvatra ramate prAGYaH sarvatra cha virochate . 
na vibhIShayate ka.n chidbhIShito na bibheti cha .. 83..\\
nityaM buddhimato hyarthaH svalpako.api vivardhate . 
dAkShyeNa kurute karma sa.nyamAtpratitiShThati .. 84..\\
gR^ihasnehAvabaddhAnAM narANAmalpamedhasAm . 
kustrI khAdati mA.nsAni mAghamA segavAm iva .. 85..\\
gR^iha.n kShetrANi mitrANi svadesha iti chApare . 
ityevamavasIdanti narA buddhiviparyaye .. 86..\\
utpatetsarujAddeshAdvyAdhidurbhikSha pIDitAt . 
anyatra vastu.n gachchhedvA vasedvA nityamAnitaH .. 87..\\
tasmAdanyatra yAsyAmi vastuM nAhamihotsahe . 
kR^itametadanAhArya.n tava putreNa pArthiva .. 88..\\
kubhAryA.n cha kuputraM cha kurAjAnaM kusauhR^idam . 
kusambandha.n kudeshaM cha dUrataH parivarjayet .. 89..\\
kumitre nAsti vishvAsaH kubhAryAyA.n kuto ratiH . 
kurAjye nirvR^itirnAsti kudeshe na prajIvyate .. 90..\\
kumitre sa~NgataM nAsti nityamasthirasauhR^ide . 
avamAnaH kusambandhe bhavatyarthaviparyaye .. 91..\\
sA bhAryA yA priyaM brUte saputro yatra nirvR^itiH . 
tanmitra.n yatra vishvAsaH sa desho yatra jIvyate .. 92..\\
yatra nAsti balAtkAraH sa rAjA tIvrashAsanaH . 
na chaiva hyabhisambandho daridra.n yo bubhUShati .. 93..\\
bhAryA desho.atha mitrANi putra sambandhibAndhavAH . 
etatsarva.n guNavati dharmanetre mahIpatau .. 94..\\
adharmaGYasya vilayaM prajA gachchhantyanigrahAt . 
rAjA mUla.n trivargasya apramatto.anupAlayan .. 95..\\
baliShaDbhAgamuddhR^itya bali.n tamupayojayet . 
na rakShati prajAH samyagyaH sa pArthiva taskaraH .. 96..\\
dattvAbhaya.n yaH svayameva rAjA 
na tatpramANa.n kurute yathAvat . 
sa sarvalokAdupalabhya pApam 
adharmabuddhirnirayaM prayAti .. 97..\\
dattvAbhaya.n yaH sma rAjA pramANa.n kurute sadA . 
sa sarvasukhakR^ijGYeyaH prajA dharmeNa pAlayan .. 98..\\
pitA mAtA gururgoptA vahnirvaishravaNo yamaH . 
sapta rAGYo guNAnetAnmanurAha prajApatiH .. 99..\\
pitA hi rAjA rAShTrasya prajAnA.n yo.anukampakaH . 
tasminmithyA praNIte hi tiryaggachchhati mAnavaH .. 100..\\
sambhAvayati mAteva dInamabhyavapadyate . 
dahatyagnirivAniShTAnyamayanbhavate yamaH .. 101..\\
iShTeShu visR^ijatyarthAnkubera iva kAmadaH . 
gururdharmopadeshena goptA cha paripAlanAt .. 102..\\
yastu ra~njayate rAjA paurajAnapadAnguNaiH . 
na tasya bhrashyate rAjya.n guNadharmAnupAlanAt .. 103..\\
svaya.n samupajAnanhi paurajAnapada kriyAH . 
sa sukhaM modate bhUpa iha loke paratra cha .. 104..\\
nityodvignAH prajA yasya karabhAra prapIDitAH . 
anarthairvipralupyante sa gachchhati parAbhavam .. 105..\\
prajA yasya vivardhante sarasIva mahotpalam . 
sa sarvayaGYaphalabhAgrAjA loke mahIyate .. 106..\\
balinA vigraho rAjanna katha.n chitprashasyate . 
balinA vigR^ihItasya kuto rAjya.n kutaH sukham .. 107..\\

 bh

saivamuktvA shakunikA brahmadattaM narAdhipam . 
rAjAna.n samanuGYApya jagAmAthepsitA.n disham .. 108..\\
etatte brahmadattasya pUjanyA saha bhAShitam . 
mayoktaM bharatashreShTha kimanyachchhrotumichchhasi .. 109..\\
\medskip\hrule\medskip\centerline{\Largedvng 138}
 y

yugakShayAtparikShINe dharme loke cha bhArata . 
dasyubhiH pIDyamAne cha katha.n stheyaM pitAmaha .. 1..\\

 bh

hanta te kathyayiShyAmi nItimApatsu bhArata . 
utsR^ijyApi ghR^iNA.n kAle yathA varteta bhUmipaH .. 2..\\
atrApyudAharantImamitihAsaM purAtanam . 
bharadvAjasya sa.nvAda.n rAGYaH shatru.n tapasya cha .. 3..\\
rAjA shatru.n tapo nAma sauvIrANAM mahArathaH . 
kaNi~Nkamupasa~Ngamya paprachchhArtha vinishchayam .. 4..\\
alabdhasya katha.n lipsA labdha.n kena vivardhate . 
vardhitaM pAlayetkena pAlitaM praNayetkatham .. 5..\\
tasmai vinishchayArtha.n sa paripR^iShTArtha nishchayaH . 
uvAcha brAhmaNo vAkyamida.n hetumaduttaram .. 6..\\
nityamudyatadaNDaH syAnnitya.n vivR^itapauruShaH . 
achchhidrashchhidradarshI cha pareShA.n vivarAnugaH .. 7..\\
nityamudyatadaNDasya bhR^ishamudvijate janaH . 
tasmAtsarvANi bhUtAni daNDenaiva prarodhayet .. 8..\\
evameva prasha.nsanti paNDitAstattvadarshinaH . 
tasmAchchatuShTaye tasminpradhAno daNDa uchyate .. 9..\\
chhinnamUle hyadhiShThAne sarve tajjIvino hatAH . 
katha.n hi shAkhAstiShTheyushchhinnamUle vanaspatau .. 10..\\
mUlamevAditashchhindyAtparapakShasya paNDitaH . 
tataH sahAyAnpakSha.n cha sarvamevAnusArayet .. 11..\\
sumantrita.n suvikrAntaM suyuddhaM supalAyitam . 
ApadAM padakAleShu kurvIta na vichArayet .. 12..\\
vAnmAtreNa vinItaH syAddhR^idayena yathA kShuraH . 
shlakShNapUrvAbhibhAShI cha kAmakrodhau vivarjayet .. 13..\\
sapatnasahite kArye kR^itvA sandhiM na vishvaset . 
apakrAmettataH kShipra.n kR^itakAryo vichakShaNaH .. 14..\\
shatru.n cha mitrarUpeNa sAntvenaivAbhisAntvayet . 
nityashashchodvijettasmAtsarpAdveshma gatAdiva .. 15..\\
yasya buddhiM paribhavettamatItena sAntvayet . 
anAgatena duShpraGYaM pratyutpannena paNDitam .. 16..\\
a~njali.n shapathaM sAntvaM praNamya shirasA vadet . 
ashruprapAtana.n chaiva kartavyaM bhUtimichchhatA .. 17..\\
vahedamitra.n skandhena yAvatkAlaviparyayaH . 
athainamAgate kAle bhindyAdghaTamivAshmani .. 18..\\
muhUrtamapi rAjendra tindukAlAtavajjvalet . 
na tuShAgnirivAnarchirdhUmAyeta narash chiram .. 19..\\
nAnarthakenArthavattva.n kR^itaghnena samAcharet . 
arthe tu shakyate bhoktu.n kR^itakAryo.avamanyate . 
tasmAtsarvANi kAryANi sAvasheShANi kArayet .. 20..\\
kokilasya varAhasya meroH shUnyasya veshmanaH . 
vyADasya bhaktichitrasya yachchhreShTha.n tatsamAcharet .. 21..\\
utthAyotthAya gachchhechcha nityayukto riporgR^ihAn . 
kushala.n chApi pR^ichchheta yadyapyakushalaM bhavet .. 22..\\
nAlasAH prApnuvantyarthAnna klIbA na cha mAninaH . 
na cha lokaravAdbhItA na cha shashvatpratIkShiNaH .. 23..\\
nAsya chhidraM paro vidyAdvidyAchchhidraM parasya tu . 
gUhetkUrma ivA~NgAni rakShedvivaramAtmanaH .. 24..\\
bakavachchintayedarthAnsi.nhavachcha parAkramet . 
vR^ikavachchAvalumpeta shashavachcha niviShpatet .. 25..\\
pAnamakShAstathA nAryo mR^igayA gItavAditam . 
etAni yuktyA seveta prasa~Ngo hyatra doShavAn .. 26..\\
kuryAtkR^iNamaya.n chApa.n shayIta mR^igashAyikAm . 
andhaH syAdandhavelAyAM bAdhiryamapi saMshrayet .. 27..\\
desha.n kAla.n samAsAdya vikrameta vichakShaNaH . 
deshakAlAbhyatIto hi vikramo niShphalo bhavet .. 28..\\
kAlAkAlau sampradhArya balAbalamathAtmanaH . 
parasparabala.n GYAtvA tathAtmAnaM niyojayet .. 29..\\
daNDenopanata.n shatruM yo rAjA na niyachchhati . 
sa mR^ityumupagUhyAste garbhamashvatarI yathA .. 30..\\
supuShpitaH syAdaphalaH phalavAnsyAddurAruhaH . 
AmaH syAtpakvasa~NkAsho na cha shIryeta kasya chit .. 31..\\
AshA.n kAlavatIM kuryAttAM cha vighnena yojayet . 
vighnaM nimittato brUyAnnimitta.n chApi hetutaH .. 32..\\
bhItavatsa.nvidhAtavya.n yAvadbhayamanAgatam . 
Agata.n tu bhayaM dR^iShTvA prahartavyamabhItavat .. 33..\\
na saMshayamanAruhya naro bhadrANi pashyati . 
saMshayaM punarAruhya yadi jIvati pashyati .. 34..\\
anAgata.n vijAnIyAdyachchhedbhayamupasthitam . 
punarvR^iddhikShayAtki.n chidabhivR^ittaM nishAmayet .. 35..\\
pratyupasthita kAlasya sukhasya parivarjanam . 
anAgatasukhAshA cha naiSha buddhimatAM nayaH .. 36..\\
yo.ariNA saha sandhAya sukha.n svapiti vishvasan . 
sa vR^ikShAgra prasupto vA patitaH pratibudhyate .. 37..\\
karmaNA yena teneha mR^idunA dAruNena vA . 
uddhareddInamAtmAna.n samartho dharmamAcharet .. 38..\\
ye sapatnAH sapatnAnA.n sarvA.nstAnapavatsayet . 
AtmanashchApi boddhavyAshchArAH praNihitaH paraiH .. 39..\\
chAraH suvihitaH kArya Atmano.atha parasya cha . 
pAShaNDA.nstApasAdIMshcha pararAShTraM praveshayet .. 40..\\
udyAneShu vihAreShu prapAsvAvasatheShu cha . 
pAnAgAreShu vesheShu tIrtheShu cha sabhAsu cha .. 41..\\
dharmAbhichAriNaH pApAshchArA lokasya kaNTakAH . 
samAgachchhanti tAnbuddhvA niyachchhechchhamayedapi .. 42..\\
na vishvasedavishvaste vishvaste nApi vishvaset . 
vishvastaM bhayamanveti nAparIkShya cha vishvaset .. 43..\\
vishvAsayitvA tu para.n tattvabhUtena hetunA . 
athAsya praharetkAle ki.n chidvichalite pade .. 44..\\
asha~Nkyamapi sha~Nketa nitya.n sha~Nketa sha~NkitAt . 
bhaya.n hi sha~NkitAjjAtaM sa mUlamapi kR^intati .. 45..\\
avadhAnena maunena kAShAyeNa jaTAjinaiH . 
vishvAsayitvA dveShTAramavalumpedyathA vR^ikaH .. 46..\\
putro vA yadi vA bhrAtA pitA vA yadi vA suhR^it . 
arthasya vighna.n kurvANA hantavyA bhUtivardhanAH .. 47..\\
gurorapyavaliptasya kAryAkAryamajAnataH . 
utpathapratipannasya daNDo bhavati shAsanam .. 48..\\
pratyutthAnAbhivAdAbhyA.n sampradAnena kasya chit . 
pratipuShkala ghAtI syAttIkShNatuNDa iva dvijaH .. 49..\\
nAchhittvA paramarmANi nAkR^itvA karma dAruNam . 
nAhatvA matsyaghAtIva prApnoti paramA.n shriyam .. 50..\\
nAsti jAtyA ripurnAma mitraM nAma na vidyate . 
sAmarthya yogAjjAyante mitrANi ripavastathA .. 51..\\
amitraM naiva mu~ncheta bruvanta.n karuNAnyapi . 
duHkha.n tatra na kurvIta hanyAtpUrvApakAriNam .. 52..\\
sa~NgrahAnugrahe yatnaH sadA kAryo.anasUyatA . 
nigrahashchApi yatnena kartavyo bhUtimichchhatA .. 53..\\
prahariShyanpriyaM brUyAtprahR^ityApi priyottaram . 
api chAsya shirashchhittvA rudyAchchhochedathApi vA .. 54..\\
nimantrayeta sAntvena saMmAnena titikShayA . 
AshA kAraNamityetatkartavyaM bhUtimichchhatA .. 55..\\
na shuShkavaira.n kurvIta na bAhubhyAM nadIM taret . 
apArthakamanAyuShya.n goviShANasya bhakShaNam . 
dantAshcha parighR^iShyante rasashchApi na labhyate .. 56..\\
trivarge trividhA pIDAnubandhAstraya eva cha . 
anubandha vadhau GYAtvA pIDA.n hi parivarjayet .. 57..\\
R^iNa sheSho.agnisheShashcha shatrusheShastathaiva cha . 
punaH punarvivardheta svalpo.apyanivAritaH .. 58..\\
vardhamAnamR^iNa.n tiShThatparibhUtAshcha shatravaH . 
Avahantyanaya.n tIvra.n vyAdhayashchApyupekShitAH .. 59..\\
nAsamyakkR^itakArI syAdapramattaH sadA bhavet . 
kaNTako.api hi dushchhinno vikAra.n kurute chiram .. 60..\\
vadhena cha manuShyANAM mArgANA.n dUShaNena cha . 
AkarANA.n vinAshaishcha pararAShTraM vinAshayet .. 61..\\
gR^idhradR^iShTirbakAlInaH shvacheShTaH si.nhavikramaH . 
anudvignaH kAkasha~NkI bhuja~Ngacharita.n charet .. 62..\\
shreNi mukhyopajApeShu vallabhAnunayeShu cha . 
amAtyAnparirakSheta bhedasa~NghAtayorapi .. 63..\\
mR^idurityavamanyante tIkShNa ityudvijanti cha . 
tIkShNakAle cha tIkShNaH syAnmR^idu kAle mR^idurbhavet .. 64..\\
mR^idunA sumR^ida.n hanti mR^idunA hanti dAruNam . 
nAsAdhyaM mR^idunA ki.n chittasmAttIkShNataraM mR^idu .. 65..\\
kAle mR^iduryo bhavati kAle bhavati dAruNaH . 
sa sAdhayati kR^ityAni shatrUMshchaivAdhitiShThati .. 66..\\
paNDitena viruddhaH sandUre.asmIti na vishvaset . 
dIrghau buddhimato bAhU yAbhyA.n hi.nsati hi.nsitaH .. 67..\\
na tattaredyasya na pAramuttaren 
na taddharedyatpunarAharetparaH . 
na tatkhanedyasya na mUlamutkhanen 
na ta.n hanyAdyasya shiro na pAtayet .. 68..\\
itIdamukta.n vR^ijinAbhisa.nhitaM 
na chaitadevaM puruShaH samAcharet . 
paraprayukta.n tu kathaM nishAmayed 
ato mayoktaM bhavato hitArthinA .. 69..\\
yathAvadukta.n vachanaM hita.n tadA 
nishamya vipreNa suvIra rAShTriyaH . 
tathAkarodvAkyamadInachetanaH 
shriya.n cha dIptAM bubhuje sa bAndhavaH .. 70..\\
\medskip\hrule\medskip\centerline{\Largedvng 139}
 y

hIne paramake dharme sarvalokAtila~Nghini . 
adharme dharmatAM nIte dharme chAdharmatA.n gate .. 1..\\
maryAdAsu prabhinnAsu kShubhite dharmanishchaye . 
rAjabhiH pIDite loke chorairvApi vishAM pate .. 2..\\
sarvAshrameShu mUDheShu karmasUpahateShu cha . 
kAmAnmohAchcha lobhAchcha bhayaM pashyatsu bhArata .. 3..\\
avishvasteShu sarveShu nityabhIteShu pArthiva . 
nikR^ityA hanyamAneShu va~nchayatsu parasparam .. 4..\\
sampradIpteShu desheShu brAhmaNye chAbhipIDite . 
avarShati cha parjanye mitho bhede samutthite .. 5..\\
sarvasmindasyu sAdbhUte pR^ithivyAmupajIvane . 
kena svidbrAhmaNo jIvejjaghanye kAla Agate .. 6..\\
atityakShuH putrapautrAnanukroshAnnarAdhipa . 
kathamApatsu varteta tanme brUhi pitAmaha .. 7..\\
katha.n cha rAjA varteta loke kaluShatAM gate . 
kathamarthAchcha dharmAchcha na hIyeta parantapa .. 8..\\

 bh

rAjamUlA mahArAja yogakShema suvR^iShTayaH . 
prajAsu vyAdhayashchaiva maraNa.n cha bhayAni cha .. 9..\\
kR^ita.n tretA dvAparashcha kalishcha bharatarShabha . 
rAjamUlAni sarvANi mama nAstyatra saMshayaH .. 10..\\
tasmi.nstvabhyAgate kAle prajAnA.n doShakArake . 
viGYAnabalamAsthAya jIvitavya.n tadA bhavet .. 11..\\
atrApyudAharantImamitihAsaM purAtanam . 
vishvAmitrasya sa.nvAda.n chaNDAlasya cha pakkaNe .. 12..\\
tretA dvAparayoH sandhau purA daivavidhikramAt . 
anAvR^iShTirabhUdghorA rAjandvAdasha vArShikI .. 13..\\
prajAnAmabhivR^iddhAnA.n yugAnte paryupasthite . 
tretA nirmokSha samaye dvAparapratipAdane .. 14..\\
na vavarSha sahasrAkShaH pratilomo.abhavadguruH . 
jagAma dakShiNaM mArga.n somo vyAvR^ittalakShaNaH .. 15..\\
nAvashyAyo.api rAtryante kuta evAbhra rAjayaH . 
nadyaH sa~NkShiptatoyaughAH kva chidantargatAbhavan .. 16..\\
sarA.nsi saritashchaiva kUpAH prasravaNAni cha . 
hatatviTkAnyalakShyanta nisargAddaivakAritAt .. 17..\\
upashuShka jalasthAyA vinivR^ittasabhA prapA . 
nivR^ittayaGYasvAdhyAyA nirvaShaTkArama~NgalA .. 18..\\
utsannakR^iShi gorakShyA nivR^ittavipaNApaNA . 
nivR^ittapUgasamayA sampranaShTa mahotsavA .. 19..\\
asthi ka~NkAla sa~NkIrNA hAhAbhUtajanAkulA . 
shUnyabhUyiShTha nagarA dagdhagrAma niveshanA .. 20..\\
kva chichchoraiH kva chichchhastraiH kva chidrAjabhirAturaiH . 
parasparabhayAchchaiva shUnyabhUyiShTha nirjanA .. 21..\\
gatadaivatasa~NkalpA vR^iddhabAla vinAkR^itA . 
gojAvi mahiShairhInA parasparaharA harA .. 22..\\
hataviprA hatA rakShA pranaShTauShadhi sa~ncayA . 
shyAva bhUtanaraprAyA babhUva vasudhA tadA .. 23..\\
tasminpratibhaye kAle kShINe dharme yudhiShThira . 
babhramuH kShudhitA martyAH khAdantaH sma parasparam .. 24..\\
R^iShayo niyamA.nstyaktvA parityaktAgnidaivatAH . 
AshramAnsamparityajya paryadhAvannitastataH .. 25..\\
vishvAmitro.atha bhagavAnmaharShiraniketanaH . 
kShudhA parigato dhImAnsamantAtparyadhAvata .. 26..\\
sa kadA chitparipata~nshvapachAnAM niveshanam . 
hi.nsrANAM prANihantR^INAmAsasAda vane kva chit .. 27..\\
vibhinnakalashAkIrNa.n shvacharmAchchhAdanAyutam . 
varAhakharabhagnAsthi kapAlaghaTa sa~Nkulam .. 28..\\
mR^itachela paristIrNaM nirmAlya kR^itabhUShaNam . 
sarpanirmoka mAlAbhiH kR^itachihnakuTI maTham .. 29..\\
ulUka pakShadhvajibhirdevatAyatanairvR^itam . 
lohaghaNTA pariShkAra.n shvayUthaparivAritam .. 30..\\
tatpravishya kShudhAviShTo gAdheH putro mahAnR^iShiH . 
AhArAnveShaNe yuktaH para.n yatnaM samAsthitaH .. 31..\\
na cha kva chidavindatsa bhikShamANo.api kaushikaH . 
mA.nsamannaM mUlaphalamanyadvA tatra ki.n chana .. 32..\\
aho kR^ichchhraM mayA prAptamiti nishchitya kaushikaH . 
papAta bhUmau daurbAlyAttasmiMshchaNDAla pakkaNe .. 33..\\
chintayAmAsa sa muniH kiM nu me sukR^itaM bhavet . 
katha.n vR^ithA na mR^ityuH syAditi pArthiva sattama .. 34..\\
sa dadarsha shvamA.nsasya kutantI.n vitatAM muniH . 
chaNDAlasya gR^ihe rAjansadyaH shastrahatasya cha .. 35..\\
sa chintayAmAsa tadA steya.n kAryamito mayA . 
na hIdAnImupAyo.anyo vidyate prANadhAraNe .. 36..\\
Apatsu vihita.n steyaM vishiShTa samahInataH . 
paraM paraM bhavetpUrvamasteyamiti nishchayaH .. 37..\\
hInAdAdeyamAdau syAtsamAnAttadanantaram . 
asambhavAdAdadIta vishiShTAdapi dhArmikAt .. 38..\\
so.ahamantAvasAnAnA.n haramANaH parigrahAt . 
na steya doShaM pashyAmi hariShyAmetadAmiSham .. 39..\\
etAM buddhi.n samAsthAya vishvAmitro mahAmuniH . 
tasmindeshe prasuShvApa patito yatra bhArata .. 40..\\
sa vigADhAM nishA.n dR^iShTvA supte chaNDAla pakkaNe . 
shanairutthAya bhagavAnpravivesha kuTI maTham .. 41..\\
sa supta eva chaNDAlaH shreShmApihita lochanaH . 
paribhinna svaro rUkSha uvAchApriya darshanaH .. 42..\\
kaH kutantI.n ghaTTayati supte chaNDAla pakkaNe . 
jAgarmi nAvasupto.asmi hato.asIti cha dAruNaH .. 43..\\
vishvAmitro.ahamityeva sahasA tamuvAcha saH . 
sahasAbhyAgata bhayaH sodvegastena karmaNA .. 44..\\
chaNDAlastadvachaH shrutvA maharSherbhAvitAtmanaH . 
shayanAdupasambhrAnta iyeShotpatitu.n tataH .. 45..\\
sa visR^ijyAshru netrAbhyAM bahumAnAtkR^itA~njaliH . 
uvAcha kaushika.n rAtrau brahmanki.n te chikIrShitam .. 46..\\
vishvAmitrastu mAta~NgamuvAcha parisAntvayan . 
kShudhito.aha.n gataprANo hariShyAmi shvajAghanIm .. 47..\\
avasIdanti me prANAH smR^itirme nashyati kShudhA . 
svadharmaM budhyamAno.api hariShyAmi shvajAghanIm .. 48..\\
aTanbhaikShaM na vindAmi yadA yuShmAkamAlaye . 
tadA buddhiH kR^itA pApe hariShyAmi shvajAghanIm .. 49..\\
tR^iShitaH kaluShaM pAtA nAsti hrIrashanArthinaH . 
kShuddharma.n dUShayatyatra hariShyAmi shvajAghanIm .. 50..\\
agnirmukhaM purodhAshcha devAnA.n shuchi pAdvibhuH . 
yathA sa sarvabhugbrahmA tathA mA.n viddhi dharmataH .. 51..\\
tamuvAcha sa chaNDAlo maharShe shR^iNu me vachaH . 
shrutvA tathA samAtiShTha yathA dharmAnna hIyase .. 52..\\
mR^igANAmadhama.n shvAnaM pravadanti manIShiNaH . 
tasyApyadhama uddeshaH sharIrasyoru jAghanI .. 53..\\
neda.n samyagvyavasitaM maharShe karma vaikR^itam . 
chaNDAla svasya haraNamabhakShyasya visheShataH .. 54..\\
sAdhvanyamanupashya tvamupAyaM prANadhAraNe . 
na mA.nsalobhAttapaso nAshaste syAnmahAmune .. 55..\\
jAnato.avihito mArgo na kAryo dharmasa~NkaraH . 
mA sma dharmaM parityAkShIstva.n hi dharmaviduttamaH .. 56..\\
vishvAmitrastato rAjannityukto bharatarShabha . 
kShudhArtaH pratyuvAchedaM punareva mahAmuniH .. 57..\\
nirAhArasya sumahAnmama kAlo.abhidhAvataH . 
na vidyate.abhyupAyashcha kashchinme prANadhAraNe .. 58..\\
yena tena visheSheNa karmaNA yena kena chit . 
abhyujjIvetsIdamAnaH samartho dharmamAcharet .. 59..\\
aindro dharmaH kShatriyANAM brAhmaNAnAmathAgnikaH . 
brahma vahnirmama balaM bhakShyAmi samaya.n kShudhA .. 60..\\
yathA yathA vai jIveddhi tatkartavyamapIDayA . 
jIvitaM maraNAchchhreyo jIvandharmamavApnuyAt .. 61..\\
so.aha.n jIvitamAkA~NkShannabhakShasyApi bhakShaNam . 
vyavasye buddhipUrva.n vai tadbhavAnanumanyatAm .. 62..\\
jIvandharma.n chariShyAmi praNotsyAmyashubhAni cha . 
tapobhirvidyayA chaiva jyotIMShIva mahattamaH .. 63..\\

 zvapacha

naitatkhAdanprApsyase prANamanyaM 
nAyurdIrghaM nAmR^itasyeva tR^iptim . 
bhikShAmanyAM bhikSha mAte mano.astu 
shvabhakShaNe shvA hyabhakSho dvijAnAm .. 64..\\

 vi

na durbhikShe sulabhaM mA.nsamanyach 
chhvapAka nAnnaM na cha me.asti vittam . 
kShudhArtashchAhamagatirnirAshaH 
shvamA.nse chAsminShaDrasAnsAdhu manye .. 65..\\

 z

pa~ncha pa~nchanakhA bhakShyA brahmakShatrasya vai dvija . 
yadi shAstraM pramANa.n te mAbhakShye mAnasaM kR^ithAH .. 66..\\

 v

agastyenAsuro jagdho vAtApiH kShudhitena vai . 
ahamApadgataH kShubdho bhakShayiShye shvajAghanIm .. 67..\\

 z

bhikShAmanyAmAhareti na chaitatkartumarhasi . 
na nUna.n kAryametadvai hara kAma.n shvajAghanIm .. 68..\\

 vi

shiShTA vai kAraNa.n dharme tadvR^ittamanuvartaye . 
parAM medhyAshanAdetAM bhakShyAM manye shvajAghanIm .. 69..\\

 z

asatA yatsamAchIrNaM na sa dharmaH sanAtanaH . 
nAvR^ittamanukArya.n vai mA chhalenAnR^ita.n kR^ithAH .. 70..\\

 vi

na pAtakaM nAvamatamR^iShiH sankartumarhasi . 
samau cha shvamR^igau manye tasmAdbhakShyA shvajAghanI .. 71..\\

 z

yadbrAhmaNArthe kR^itamarthitena 
tenarShiNA tachcha bhakShyAdhikAram . 
sa vai dharmo yatra na pApamasti 
sarvairupAyairhi sa rakShitavyaH .. 72..\\

 vi

mitra.n cha me brAhmaNashchAyamAtmA 
priyashcha me pUjyatamash cha loke . 
taM bhartu kAmo.ahamimA.n hariShye 
nR^isha.nsAnAmIdR^ishAnAM na bibhye .. 73..\\

 z

kAmaM narA jIvita.n santyajanti 
na chAbhakShyaiH pratikurvanti tatra . 
sarvAnkAmAnprApnuvantIha vidvan 
priyasva kAma.n sahitaH kShudhA vai .. 74..\\

 vi

sthAne tAvatsaMshayaH pretya bhAve 
niHsaMshaya.n karmaNA.n vA vinAshaH . 
ahaM punarvarta ityAshayAtmA 
mUla.n rakShanbhakShayiShyAmyabhakShyam .. 75..\\
buddhyAtmake vyastamastIti tuShTo 
mohAdekatva.n yathA charma chakShuH . 
yadyapyenaH saMshayAdAcharAmi 
nAhaM bhaviShyAmi yathA tvameva .. 76..\\

 z

patanIyamida.n duHkhamiti me vartate matiH . 
duShkR^itI brAhmaNa.n santaM yastvAmahamupAlabhe .. 77..\\

 vi

pibantyevodaka.n gAvo maNDUkeShu ruvatsvapi . 
na te.adhikAro dharme.asti mA bhUrAtmaprasha.nsakaH .. 78..\\

 z

suhR^idbhUtvAnushAsmi tvA kR^ipA hi tvayi me dvija . 
tadeva.n shreya Adhatsva mA lobhAchchhvAnamAdithAH .. 79..\\

 vi

suhR^inme tva.n sukhepsushchedApado mAM samuddhara . 
jAne.aha.n dharmato.a.atmAna.n shvAnImutsR^ija jAghanIm .. 80..\\

 z

naivotsahe bhavate dAtumetAM 
nopekShitu.n hriyamANaM svamannam . 
ubhau syAvaH svamalenAvaliptau 
dAtAha.n cha tvaM cha vipra pratIchchhan .. 81..\\

 vi

adyAhametadvR^ijina.n karmakR^itvA 
jIvaMshchariShyAmi mahApavitram . 
prapUtAtmA dharmamevAbhipatsye 
yadetayorguru tadvai bravIhi .. 82..\\

 z

Atmaiva sAkShI kila lokakR^itye 
tvameva jAnAsi yadatra duShTam . 
yo hyAdriyedbhakShyamiti shvamA.nsaM 
manye na tasyAsti vivarjanIyam .. 83..\\

 vi

upAdAne khAdane vAsya doShaH 
kAryo nyAyairnityamatrApavAdaH . 
yasminna hi.nsA nAnR^ite vAkyalesho 
bhakShyakriyA tatra na tadgarIyaH .. 84..\\

 z

yadyeSha hetustava khAdanasya 
na te vedaH kAraNaM nAnyadharmaH . 
tasmAdabhakShye bhakShaNAdvA dvijendra 
doShaM na pashyAmi yathedamAttha .. 85..\\

 vi

na pAtakaM bhakShaNamasya dR^iShTaM 
surAM pItvA patatItIha shabdaH . 
anyonyakarmANi tathA tathaiva 
na lesha mAtreNa kR^itya.n hinasti .. 86..\\

 z

asthAnato hInataH kutsitAdvA 
ta.n vidvA.nsaM bAdhate sAdhuvR^ittam . 
sthAnaM punaryo labhate niSha~NgAt 
tenApi daNDaH sahitavya eva .. 87..\\

 bh

evamuktvA nivavR^ite mAta~NgaH kaushika.n tadA . 
vishvAmitro jahAraiva kR^itabuddhiH shvajAghanIm .. 88..\\
tato jagrAha pa~nchA~NgI.n jIvitArthI mahAmuniH . 
sadArastAmupAkR^itya vane yAto mahAmuniH .. 89..\\
etasminneva kAle tu pravavarShAtha vAsavaH . 
sa~njIvayanprajAH sarvA janayAmAsa chauShadhIH .. 90..\\
vishvAmitro.api bhagavA.nstapasA dagdhakilbiShaH . 
kAlena mahatA siddhimavApa paramAdbhutAm .. 91..\\
eva.n vidvAnadInAtmA vyasanastho jijIviShuH . 
sarvopAyairupAyaGYo dInamAtmAnamuddharet .. 92..\\
etAM buddhi.n samAsthAya jIvitavyaM sadA bhavet . 
jIvanpuNyamavApnoti naro bhadrANi pashyati .. 93..\\
tasmAtkaunteya viduShA dharmAdharmavinishchaye . 
buddhimAsthAya loke.asminvartitavya.n yatAtmanA .. 94..\\
\medskip\hrule\medskip\centerline{\Largedvng 140}
 y

yadida.n ghoramuddiShTamashraddheyamivAnR^itam . 
asti sviddasyu maryAdA yAmahaM parivarjaye .. 1..\\
saMmuhyAmi viShIdAmi dharmo me shithilI kR^itaH . 
udyamaM nAdhigachchhAmi kutash chitparichintayan .. 2..\\

 bh

naitachchhuddhAgamAdeva tava dharmAnushAsanam . 
praGYA samavatAro.aya.n kavibhiH sambhR^itaM madhu .. 3..\\
bahvyaH pratividhAtavyAH praGYA rAGYA tatastataH . 
naikashAkhena dharmeNa yAtraiShA sampravartate .. 4..\\
buddhisa~njanana.n rAGYA.n dharmamAcharatAM sadA . 
jayo bhavati kauravya tadA tadviddhi me vachaH .. 5..\\
buddhishreShThA hi rAjAno jayanti vijayaiShiNaH . 
dharmaH pratividhAtavyo buddhyA rAGYA tatastataH .. 6..\\
naikashAkena dharmeNa rAGYA.n dharmo vidhIyate . 
durbalasya kutaH praGYA purastAdanudAhR^itA .. 7..\\
advaidhaGYaH pathi dvaidhe saMshayaM prAptumarhati . 
buddhidvaidha.n veditavyaM purastAdeva bhArata .. 8..\\
pArshvataH karaNaM praGYA viShUchI tvApagA iva . 
janastUchchArita.n dharma.n vijAnAtyanyathAnyathA .. 9..\\
samyagviGYAninaH ke chinmithyA viGYAnino.apare . 
tadvai yathAtathaM buddhvA GYAnamAdadate satAm .. 10..\\
parimuShNanti shAstrANi dharmasya paripanthinaH . 
vaiShamyamarthavidyAnAM nairarthyAtkhyApayanti te .. 11..\\
AjijIviShavo vidyA.n yashaH kAmAH samantataH . 
te sarve narapApiShThA dharmasya paripanthinaH .. 12..\\
apakva matayo mandA na jAnanti yathAtatham . 
sadA hyashAstrakushalAH sarvatrApariniShThitAH .. 13..\\
parimuShNanti shAstrANi shAstradoShAnudarshinaH . 
viGYAnamatha vidyAnAM na samyagiti vartate .. 14..\\
nindayA paravidyAnA.n svAM vidyA.n khyApayanti ye . 
vAgastrA vAkchhurImattvA dugdha vidyA phalA iva .. 15..\\
tAnvidyA vaNijo viddhi rakShasAniva bhArata . 
vyAjena kR^itsno vidito dharmaste parihAsyate . 
na dharmavachana.n vAchA na buddhyA cheti naH shrutam .. 16..\\
iti bArhaspata.n GYAnaM provAcha maghavA svayam . 
na tveva vachana.n kiM chidanimittAdihochyate .. 17..\\
svavinItena shAstreNa vyavasyanti tathApare . 
lokayAtrAmihaike tu dharmamAhurmanIShiNaH .. 18..\\
samuddiShTa.n satA.n dharmaM svayamUhenna paNDitaH . 
amarShAchchhAstra saMmohAdaviGYAnAchcha bhArata .. 19..\\
shAstraM prAGYasya vadataH samUhe yAtyadarshanam . 
AgatAgamayA buddhyA vachanena prashasyate .. 20..\\
aGYAnAjGYAnahetutvAdvachana.n sAdhu manyate . 
anapAhatamevedaM neda.n shAstramapArthakam .. 21..\\
daiteyAnushanAH prAha saMshayachchhedane purA . 
GYAnamavyapadeshya.n hi yathA nAsti tathaiva tat .. 22..\\
tena tva.n chhinnamUlena kaM toShayitumarhasi . 
atathya vihita.n yo vA nedaM vAkyamupAshnuyAt .. 23..\\
ugrAyaiva hi sR^iShTo.asi karmaNe na tvavekShase . 
a~NgemAmanvavekShasva rAjanItiM bubhUShitam . 
yayA pramuchyate tvanyo yadartha.n cha pramodate .. 24..\\
ajo.ashvaH kShatramityetatsadR^ishaM brahmaNA kR^itam . 
tasmAdabhIShNa bhUtAnA.n yAtrA kA chitprasidhyati .. 25..\\
yastvavadhyavadhe doShaH sa vadhyasyAvadhe smR^itaH . 
eShaiva khalu maryAdA yAmayaM parivarjayet .. 26..\\
tasmAttIkShNaH prajA rAjA svadharme sthApayeduta . 
anyonyaM bhakShayanto hi prachareyurvR^ikA iva .. 27..\\
yasya dasyu gaNA rAShTre dhvA~NkShA matsyA~njalAdiva . 
viharanti parasvAni sa vai kShatriyapA.nsanaH .. 28..\\
kulInAnsachivAnkR^itvA veda vidyA samanvitAn . 
prashAdhi pR^ithivI.n rAjanprajA dharmeNa pAlayan .. 29..\\
vihInajamakarmANa.n yaH pragR^ihNAti bhUmipaH . 
ubhayasyAvisheShaGYastadvai kShatraM napu.nsakam .. 30..\\
naivograM naiva chAnugra.n dharmeNeha prashasyate . 
ubhayaM na vyatikrAmedugro bhUtvA mR^idurbhava .. 31..\\
kaShTaH kShatriya dharmo.aya.n sauhR^ida.n tvayi yatsthitam . 
ugre karmaNi sR^iShTo.asi tasmAdrAjyaM prashAdhi vai .. 32..\\
ashiShTa nigraho nitya.n shiShTasya paripAlanam . 
iti shakro.abravIddhImAnApatsu bharatarShabha .. 33..\\

 y

asti sviddasyu maryAdA yAmanyo nAtila~Nghayet . 
pR^ichchhAmi tvA.n satAM shreShTha tanme brUhi pitAmaha .. 34..\\

 bh

brAhmaNAneva seveta vidyA vR^iddhA.nstapasvinaH . 
shrutachAritravR^ittADhyAnpavitra.n hyetaduttamam .. 35..\\
yA devatAsu vR^ittiste sAstu vipreShu sarvadA . 
kruddhairhi vipraiH karmANi kR^itAni bahudhA nR^ipa .. 36..\\
teShAM prItyA yasho mukhyamaprItyA tu viparyayaH . 
prItyA hyamR^itavadviprAH kruddhAshchaiva yathA viSham .. 37..\\
\medskip\hrule\medskip\centerline{\Largedvng 141}
 y

pitAmaha mahAprAGYa sarvashAstravishArada . 
sharaNaM pAlayAnasya yo dharmasta.n vadasva me .. 1..\\

 bh

mahAndharmo mahArAja sharaNAgata pAlane . 
arhaH praShTuM bhavAMshchaiva prashnaM bharatasattama .. 2..\\
nR^igaprabhR^itayo rAjanrAjAnaH sharaNAgatAn . 
paripAlya mahArAja sa.nsiddhiM paramA.n gatAH .. 3..\\
shrUyate hi kapotena shatruH sharaNamAgataH . 
pUjitashcha yathAnyAya.n svaishcha mA.nsairnimantritaH .. 4..\\

 y

katha.n kapotena purA shatruH sharaNamAgataH . 
svamA.nsairbhojitaH kA.n cha gati.n lebhe sa bhArata .. 5..\\

 bh

shR^iNu rAjankathA.n divyA.n sarvapApapraNAshinIm . 
nR^ipatermuchukundasya kathitAM bhArgaveNa ha .. 6..\\
imamarthaM purA pArtha muchukundo narAdhipaH . 
bhArgavaM paripaprachchha praNato bharatarShabha .. 7..\\
tasmai shushrUShamANAya bhArgavo.akathayatkathAm . 
iya.n yathA kapotena siddhiH prAptA narAdhipa .. 8..\\
dharmanishchaya sa.nyuktA.n kAmArthasahitAM kathAm . 
shR^iNuShvAvahito rAjangadato me mahAbhuja .. 9..\\
kashchitkShudrasamAchAraH pR^ithivyA.n kAlasaMmataH . 
chachAra pR^ithivIM pApo ghoraH shakunilubdhakaH .. 10..\\
kAkola iva kR^iShNA~Ngo rUkShaH pApasamAhitaH . 
yavamadhyaH kR^isha grIvo hrasvapAdo mahAhanuH .. 11..\\
naiva tasya suhR^itkashchinna sambandhI na bAndhavaH . 
sa hi taiH samparityaktastena ghoreNa karmaNA .. 12..\\
sa vai kShArakamAdAya dvijAnhatvA vane sadA . 
chakAra vikraya.n teShAM pata~NgAnAM narAdhipa .. 13..\\
eva.n tu vartamAnasya tasya vR^ittiM durAtmanaH . 
agamatsumahAnkAlo na chAdharmamabudhyata .. 14..\\
tasya bhAryA sahAyasya ramamANasya shAshvatam . 
daivayogavimUDhasya nAnyA vR^ittirarochata .. 15..\\
tataH kadA chittasyAtha vanasthasya samudgataH . 
pAtayanniva vR^ikShA.nstAnsumahAnvAtasambhramaH .. 16..\\
meghasa~NkulamAkAsha.n vidyunmaNDalamaNDitam . 
sa~nchanna.n sumuhUrtena nau sthAneneva sAgaraH .. 17..\\
vAridhArA samUhaishcha samprahR^iShTaH shatakratuH . 
kShaNena pUrayAmAsa salilena vasundharAm .. 18..\\
tato dhArAkule loke sambhramannaShTachetanaH . 
shItArtastadvana.n sarvamAkulenAntarAtmanA .. 19..\\
naiva nimna.n sthalaM vApi so.avindata viha~NgahA . 
pUrito hi jalaughena mArgastasya vanasya vai .. 20..\\
pakShiNo vAtavegena hatA lInAstadAbhavan . 
mR^igAH si.nhA varAhAshcha sthalAnyAshritya tasthire .. 21..\\
mahatA vAtavarSheNa trAsitAste vanaukasaH . 
bhayArtAshcha kShudhArtAshcha babhramuH sahitA vane .. 22..\\
sa tu shItahatairgAtrairjagAmaiva na tasthivAn . 
so.apashyadvanaShaNDeShu meghanIla.n vanaspatim .. 23..\\
tArADhya.n kumudAkAramAkAshaM nirmalaM cha ha . 
meghairmuktaM nabho dR^iShTvA lubdhakaH shItavihvalaH .. 24..\\
disho.avalokayAmAsa velA.n chaiva durAtmavAn . 
dUre grAmaniveshashcha tasmAddeshAditi prabho . 
kR^itabuddhirvane tasminvastu.n tA.n rajanIM tadA .. 25..\\
so.a~njaliM prayataH kR^itvA vAkyamAha vanaspatim . 
sharaNa.n yAmi yAnyasmindaivatAnIha bhArata .. 26..\\
sa shilAyA.n shiraH kR^itvA parNAnyAstIrya bhUtale . 
duHkhena mahatAviShTastataH suShvApa pakShihA .. 27..\\
\medskip\hrule\medskip\centerline{\Largedvng 142}
 bh

atha vR^ikShasya shAkhAyA.n viha~NgaH sa suhR^ijjanaH . 
dIrghakAloShito rAja.nstatra chitratanU ruhaH .. 1..\\
tasya kAlya.n gatA bhAryA charituM nAbhyavartata . 
prAptA.n cha rajanIM dR^iShTvA sa pakShI paryatapyata .. 2..\\
vAtavarShaM mahachchAsInna chAgachchhati me priyA . 
kiM nu tatkAraNa.n yena sAdyApi na nivartate .. 3..\\
api svasti bhavettasyAH priyAyA mama kAnane . 
tayA virahita.n hIdaM shUnyamadya gR^ihaM mama .. 4..\\
yadi sA raktanetrAntA chitrA~NgI madhurasvarA . 
adya nAbhyeti me kAntA na kArya.n jIvitena me .. 5..\\
patidharmaratA sAdhvI prANebhyo.api garIyasI . 
sA hi shrAnta.n kShudhArtaM cha jAnIte mAM tapasvinI .. 6..\\
anuraktA hitA chaiva snigdhA chaiva pativratA . 
yasya vai tAdR^ishI bhAryA dhanyaH sa manujo bhuvi .. 7..\\
bhAryA hi paramo nAthaH puruShasyeha paThyate . 
asahAyasya loke.asmi.NllokayAtrA sahAyinI .. 8..\\
tathA rogAbhibhUtasya nitya.n kR^ichchhragatasya cha . 
nAsti bhAryAsama.n kiM chinnarasyArtasya bheShajam .. 9..\\
nAsti bhAryAsamo bandhurnAsti bhAryAsamA gatiH . 
nAsti bhAryAsamo loke sahAyo dharmasAdhanaH .. 10..\\
eva.n vipalatastasya dvijasyArtasya tatra vai . 
gR^ihItA shakunaghnena bhAryA shushrAva bhAratIm .. 11..\\
na sA strItyabhibhAShA syAdyasyA bhartA na tuShyati . 
agnisAkShikamapyetadbhartA hi sharaNa.n striyaH .. 12..\\
iti sa~ncintya duHkhArtA bhartAra.n duHkhitaM tadA . 
kapotI lubdhakenAtha yattA vachanamabravIt .. 13..\\
hanta vakShyAmi te shreyaH shrutvA cha kuru tattathA . 
sharaNAgata santrAtA bhava kAnta visheShataH .. 14..\\
eSha shAkunikaH shete tava vAsa.n samAshritaH . 
shItArtashcha kShudhArtashcha pUjAm asmai prayojaya .. 15..\\
yo hi kashchiddvija.n hanyAdgAM vA lokasya mAtaram . 
sharaNAgata.n cha yo hanyAttulyaM teShAM cha pAtakam .. 16..\\
yAsmAka.n vihitA vR^ittiH kApotI jAtidharmataH . 
sA nyAyyAtmavatA nitya.n tvadvidhenAbhivartitum .. 17..\\
yastu dharma.n yathAshakti gR^ihastho hyanuvartate . 
sa pretya labhate lokAnakShayAniti shushruma .. 18..\\
sa tva.n santAnavAnadya putravAnapi cha dvija . 
tatsvadehe dayA.n tyaktvA dharmArthau parigR^ihya vai . 
pUjAmasmai prayu~NkShva tvaM prIyetAsya mano yathA .. 19..\\
iti sA shakunI vAkya.n kShArakasthA tapasvinI . 
atiduHkhAnvitA prochya bhartAra.n samudaikShata .. 20..\\
sa patnyA vachana.n shrutvA dharmayukti samanvitam . 
harSheNa mahatA yukto bAShpavyAkulalochanaH .. 21..\\
ta.n vai shAkunika.n dR^iShTvA vidhidR^iShTena karmaNA . 
pUjayAmAsa yatnena sa pakShI pakShijIvinam .. 22..\\
uvAcha cha svAgata.n te brUhi kiM karavANyaham . 
santApashcha na kartavyaH svagR^ihe vartate bhavAn .. 23..\\
tadbravItu bhavAnkShipra.n kiM karomi kimichchhasi . 
praNayena bravImi tvA.n tva.n hi naH sharaNAgataH .. 24..\\
sharaNAgatasya kartavyamAtithyamiha yatnataH . 
pa~ncha yaGYapravR^ittena gR^ihasthena visheShataH .. 25..\\
pa~ncha yaGYA.nstu yo mohAnna karoti gR^ihAshramI . 
tasya nAyaM nacha paro loko bhavati dharmataH .. 26..\\
tadbrUhi tva.n suvisrabdho yattvaM vAchA vadiShyasi . 
tatkariShyAmyaha.n sarvaM mA tvaM loke manaH kR^ithAH .. 27..\\
tasya tadvachana.n shrutvA shakunerlubdhako.abravIt . 
bAdhate khalu mA shIta.n himatrANaM vidhIyatAm .. 28..\\
evamuktastataH pakShI parNAnyAstIrya bhUtale . 
yathA shuShkANi yatnena jvalanArtha.n druta.n yayau .. 29..\\
sa gatvA~NgAra karmAnta.n gR^ihItvAgnimathAgamat . 
tataH shuShkeShu parNeShu pAvaka.n so.abhyadIdipat .. 30..\\
susandIptaM mahatkR^itvA tamAha sharaNAgatam . 
pratApaya suvisrabdha.n svagAtrANyakutobhayaH .. 31..\\
sa tathoktastathetyuktvA lubdho gAtrANyatApayat . 
agnipratyAgata prANastataH prAha viha~Ngamam .. 32..\\
dattamAhAramichchhAmi tvayA kShudbAdhate hi mAm . 
tadvachaH sa pratishrutya vAkyamAha viha~NgamaH .. 33..\\
na me.asti vibhavo yena nAshayAmi tava kShudhAm . 
utpannena hi jIvAmo vayaM nitya.n vanaukasaH .. 34..\\
sa~ncayo nAsti chAsmAkaM munInAmiva kAnane . 
ityuktvA sa tadA tatra vivarNavadano.abhavat .. 35..\\
kathaM nu khalu kartavyamiti chintAparaH sadA . 
babhUva bharatashreShTha garhayanvR^ittimAtmanaH .. 36..\\
muhUrtAllabdhasa~nj~nastu sa pakShI pakShighAtakam . 
uvAcha tarpayiShye tvAM muhUrtaM pratipAlaya .. 37..\\
ityuktvA shuShkaparNaiH sa samprajvAlya hutAshanam . 
harSheNa mahatA yuktaH kapotaH punarabravIt .. 38..\\
devAnA.n cha munInAM cha pitR^INAM cha mahAtmanAm . 
shrutapUrvo mayA dharmo mahAnatithipUjane .. 39..\\
kuruShvAnugrahaM me.adya satyametadbravImi te . 
nishchitA khalu me buddhiratithipratipUjane .. 40..\\
tataH satyapratiGYo vai sa pakShI prahasanniva . 
tamagni.n triH parikramya pravivesha mahIpate .. 41..\\
agnimadhyaM praviShTa.n ta lubdho dR^iShTvAtha pakShiNam . 
chintayAmAsa manasA kimidaM nu kR^itaM mayA .. 42..\\
aho mama nR^isha.nsasya garhitasya svakarmaNA . 
adharmaH sumahAnghoro bhaviShyati na saMshayaH .. 43..\\
evaM bahuvidhaM bhUri vilalApa sa lubdhakaH . 
garhayansvAni karmANi dvija.n dR^iShTvA tathAgatam .. 44..\\
\medskip\hrule\medskip\centerline{\Largedvng 143}
 bh

tatasta.n lubdhakaH pashyankR^ipayAbhipariplutaH . 
kapotamagnau patita.n vAkyaM punaruvAcha ha .. 1..\\
kimIdR^ishaM nR^isha.nsena mayA kR^itamabuddhinA . 
bhaviShyati hi me nityaM pAtaka.n hR^idi jIvataH .. 2..\\
sa vinindannathAtmAnaM punaH punaruvAcha ha . 
dhinmAmastu sudurbuddhi.n sadA nikR^itinishchayam . 
shubha.n karma parityajya yo.aha.n shakunilubdhakaH .. 3..\\
nR^isha.nsasya mamAdyAyaM pratyAdesho na saMshayaH . 
dattaH svamA.nsa.n dadatA kapotena mahAtmanA .. 4..\\
so.aha.n tyakShye priyAnprANAnputradAra.n visR^ijya cha . 
upadiShTo hi me dharmaH kapotenAtidharmiNA .. 5..\\
adya prabhR^iti deha.n svaM sarvabhogairvivarjitam . 
yathA svalpa.n jalaM grIShme shoShayiShyAmyahaM tathA .. 6..\\
kShutpipAsAtapa sahaH kR^isho dhamani santataH . 
upavAsairbahuvidhaishchariShye pAralaukikam .. 7..\\
aho dehapradAnena darshitAtithi pUjanA . 
tasmAddharma.n chariShyAmi dharmo hi paramA gatiH . 
dR^iShTo hi dharmo dharmiShThairyAdR^isho vihagottame .. 8..\\
evamuktvA vinishchitya raudrakarmA sa lubdhakaH . 
mahAprasthAnamAshritya prayayau saMshitavrataH .. 9..\\
tato yaShTi.n shalAkAshcha kShArakaM pa~njara.n tathA . 
tAMshcha baddhA kapotAnsa sampramuchyotsasarja ha .. 10..\\
\medskip\hrule\medskip\centerline{\Largedvng 144}
 bh

tato gate shAkunike kapotI prAha duHkhitA . 
sa.nsmR^itya bhartAramatho rudatI shokamUrchhitA .. 1..\\
nAha.n te vipriyaM kAnta kadA chidapi sa.nsmare . 
sarvA vai vidhavA nArI bahuputrApi khechara . 
shochyA bhavati bandhUnAM patihInA manasvinI .. 2..\\
lAlitAha.n tvayA nityaM bahumAnAchcha sAntvitA . 
vachanairmadhuraiH snigdhairasakR^itsumanoharaiH .. 3..\\
kandareShu cha shailAnAM nadInAM nirjhareShu cha . 
drumAgreShu cha ramyeShu ramitAha.n tvayA priya .. 4..\\
AkAshagamane chaiva sukhitAha.n tvayA sukham . 
vihR^itAsmi tvayA kAnta tanme nAdyAsti ki.n chana .. 5..\\
mita.n dadAti hi pitA mitaM mAtA mita.n sutaH . 
amitasya tu dAtAraM bhartAra.n kA na pUjayet .. 6..\\
nAsti bhartR^isamo nAtho na cha bhartR^isama.n sukham . 
visR^ijya dhanasarvasvaM bhartA vai sharaNa.n striyAH .. 7..\\
na kAryamiha me nAtha jIvitena tvayA vinA . 
patihInApi kA nArI satI jIvitumutsahet .. 8..\\
eva.n vilapya bahudhA karuNaM sA suduHkhitA . 
pativratA sampradIptaM pravivesha hutAshanam .. 9..\\
tatashchitrAmbara dharaM bhartAra.n sAnvapashyata . 
vimAnastha.n sukR^itibhiH pUjyamAnaM mahAtmabhiH .. 10..\\
chitramAlyAmbaradhara.n sarvAbharaNabhUShitam . 
vimAnashakta koTIbhirAvR^itaM puNyakIrtibhiH .. 11..\\
tataH svargagataH pakShI bhAryayA saha sa~NgataH . 
karmaNA pUjitastena reme tatra sabhAryayA .. 12..\\
\medskip\hrule\medskip\centerline{\Largedvng 145}
 bh

vimAnasthau tu tau rAja.Nllubdhako vai dadarsha ha . 
dR^iShTvA tau dampatI duHkhAdachintayata sadgatim .. 1..\\
kIdR^isheneha tapasA gachchheyaM paramA.n gatim . 
iti buddhyA vinishchitya gamanAyopachakrame .. 2..\\
mahAprasthAnamAshritya lubdhakaH pakShijIvanaH . 
nishcheShTo mArutAhAro nirmamaH svargakA~NkShayA .. 3..\\
tato.apashyatsuvistIrNa.n hR^idyaM padmavibhUShitam . 
nAnAdvija gaNAkIrNa.n saraH shItajalaM shubham . 
pipAsArtho.api taddR^iShTvA tR^iptaH syAnnAtra saMshayaH .. 4..\\
upavAsakR^isho.atyartha.n sa tu pArthiva lubdhakaH . 
upasarpata sa.nhR^iShTaH shvApadAdhyuShita.n vanam .. 5..\\
mahAntaM nishchaya.n kR^itvA lubdhakaH pravivesha ha . 
pravishanneva cha vanaM nigR^ihItaH sa kaNTakaiH .. 6..\\
sa kaNTaka vibhugnA~Ngo lohitArdrIkR^itachchhaviH . 
babhrAma tasminvijane nAnAmR^igasamAkule .. 7..\\
tato drumANAM mahatAM pavanena vane tadA . 
udatiShThata sa~NgharShAtsumahAnhavyavAhanaH .. 8..\\
tadvana.n vR^iShka sa~NkIrNaM latA viTapa sa~Nkulam . 
dadAha pAvakaH kruddho yugAntAgnisamaprabhaH .. 9..\\
sa jvAlaiH pavanoddhUtairvisphuli~NgaiH samanvitaH . 
dadAha tadvana.n ghoraM mR^igapakShisamAkulam .. 10..\\
tataH sa dehamokShArtha.n samprahR^iShTena chetasA . 
abhyadhAvata sa.nvR^iddhaM pAvaka.n lubdhakastadA .. 11..\\
tatastenAgninA dagdho lubdhako naShTakilbiShaH . 
jagAma paramA.n siddhi.n tadA bharatasattama .. 12..\\
tataH svargasthamAtmAna.n so.apashyadvigatajvaraH . 
yakShagandharvasiddhAnAM madhye bhrAjantamindravat .. 13..\\
eva.n khalu kapotashcha kapotI cha pativratA . 
lubdhakena saha svarga.n gatAH puNyena karmaNA .. 14..\\
yApi chaiva.n vidhA nArI bhartAramanuvartate . 
virAjate hi sA kShipra.n kapotIva divi sthitAH .. 15..\\
evametatpurAvR^itta.n lubdhakasya mahAtmanaH . 
kapotasya cha dharmiShThA gatiH puNyena karmaNA .. 16..\\
yashcheda.n shR^iNuyAnnityaM yashchedaM parikIrtayet . 
nAshubha.n vidyate tasya manasApi pramAdyataH .. 17..\\
yudhiShThira mahAneSha dharmo dharmabhR^itA.n vara . 
goghneShvapi bhavedasminniShkR^itiH pApakarmaNaH . 
niShkR^itirna bhavettasminyo hanyAchchharaNAgatam .. 18..\\
\medskip\hrule\medskip\centerline{\Largedvng 146}
 y

abuddhi pUrva.n yaH pApa.n kuryAdbharatasattama . 
muchyate sa katha.n tasmAdenasastadvadasva me .. 1..\\

 bh

atra te varNayiShye.ahamitihAsaM purAtanam . 
indrotaH shaunako vipro yadAha janamejayam .. 2..\\
AsIdrAjA mahAvIryaH pArikShijjanamejayaH . 
abuddhi pUrvaM brahmahatyA tamAgachchhanmahIpatim .. 3..\\
taM brAhmaNAH sarva eva tatyajuH sa purohitAH . 
jagAma sa vana.n rAjA dahyamAno divAnisham .. 4..\\
sa prajAbhiH parityaktashchakAra kushalaM mahat . 
ativela.n tapastepe dahyamAnaH sa manyunA .. 5..\\
tatretihAsa.n vakShyAmi dharmasyAsyopabR^i.nhaNam . 
dahyamAnaH pApakR^ityA jagAma janamejayaH .. 6..\\
variShyamANa indrota.n shaunakaM saMshitavratam . 
samAsAdyopajagrAha pAdayoH paripIDayan .. 7..\\
tato bhIto mahApraGYo jagarhe subhR^isha.n tadA . 
kartA pApasya mahato bhrUNahA kimihAgataH .. 8..\\
ki.n tavAsmAsu kartavyaM mAmA sprAkShIH kathaM chana . 
gachchha gachchha na te sthAnaM prINAtyasmAniha dhruvam .. 9..\\
rudhirasyeva te gandhaH shavasyeva cha darshanam . 
ashivaH shiva sa~NkAsho mR^ito jIvannivATasi .. 10..\\
antarmR^ityurashuddhAtmA pApamevAnuchintayan . 
prabudhyase prasvapiShi vartase charase sukhI .. 11..\\
mogha.n te jIvita.n rAjanparikliShTaM cha jIvasi . 
pApAyeva cha sR^iShTo.asi karmaNe ha yavIyase .. 12..\\
bahukalyANamichchhanta Ihante pitaraH sutAn . 
tapasA devatejyAbhirvandanena titikShayA .. 13..\\
pitR^ivaMshamimaM pashya tvatkR^ite naraka.n gatam . 
nirarthAH sarva evaiShAmAshA bandhAstvadAshrayAH .. 14..\\
yAnpUjayanto vindanti svargamAyuryashaH sukham . 
teShu te satata.n dveSho brAhmaNeShu nirarthakaH .. 15..\\
ima.n lokaM vimuchya tvamavA~NmUrdhA patiShyasi . 
ashAshvatIH shAshvatIshcha samAH pApena karmaNA .. 16..\\
adyamAno jantu gR^idhraiH shitikaNThairayomukhair . 
tato.api punarAvR^ittaH pApayoni.n gamiShyasi .. 17..\\
yadidaM manyase rAjannAyamasti paraH kutaH . 
pratismArayitArastvA.n yamadUtA yamakShaye .. 18..\\
\medskip\hrule\medskip\centerline{\Largedvng 147}
 bh

evamuktaH pratyuvAcha taM muni.n janamejayaH . 
garhyaM bhavAngarhayati nindyaM nindati mA bhavAn .. 1..\\
dhikkAryaM mA dhikkurute tasmAttvAhaM prasAdaye . 
sarva.n hIdaM svakR^itaM me jvalAmyagnAvivAhitaH .. 2..\\
svakarmANyabhisandhAya nAbhinandati me manaH . 
prAptaM nUnaM mayA ghoraM bhaya.n vaivasvatAdapi .. 3..\\
tattu shalyamanirhR^itya katha.n shakShyAmi jIvitum . 
sarvamanyUnvinIya tvamabhi mA vada shaunaka .. 4..\\
mahAnasaM brAhmaNAnAM bhaviShyAmyarthavAnpunaH . 
astu sheSha.n kulasyAsya mA parAbhUdidaM kulam .. 5..\\
na hi no brahma shaptAnA.n sheSho bhavitumarhati . 
shrutIralabhamAnAnA.n sa.nvidaM veda nishchayAt .. 6..\\
nirvidyamAnaH subhR^ishaM bhUyo vakShyAmi sAmpratam . 
bhUyashchaivAbhina~NkShanti nirdharmA nirjapA iva .. 7..\\
arvAkcha pratitiShThanti pulinda shabarA iva . 
na hyayaGYA amu.n lokaM prApnuvanti katha.n chana .. 8..\\
aviGYAyaiva me praGYAM bAlasyeva supaNDitaH . 
brahmanpiteva putrebhyaH prati mA.n vA~nchha shaunakaH .. 9..\\

 z

kimAshcharya.n yataH prAGYo bahu kuryAddhi sAmpratam . 
iti vai paNDito bhUtvA bhUtAnAM nopatapyati .. 10..\\
praGYA prAsAdamAruhya ashochyaH shochate janAn . 
jagatIsthAnivAdristhaH praGYayA pratipashyati .. 11..\\
na chopalabhate tatra na cha kAryANi pashyati . 
nirviNNAtmA parokSho vA dhikkR^itaH sarvasAdhuShu .. 12..\\
viditvobhayato vIryaM mAhAtmya.n veda Agame . 
kuruShveha mahAshAntiM brahmA sharaNamastu te .. 13..\\
tadvai pAratrika.n chAru brAhmaNAnAmakupyatAm . 
atha chettapyase pApairdharma.n chedanupashyasi .. 14..\\

 j

anutapye cha pApena na chAdharma.n charAmyaham . 
bubhUShuM bhajamAna.n cha prativA~nchhAmi shaunaka .. 15..\\

 z

chhittvA stambha.n cha mAnaM cha prItimichchhAmi te nR^ipa . 
sarvabhUtahite tiShTha dharma.n chaiva pratismara .. 16..\\
na bhayAnna cha kArpaNyAnna lobhAttvAmupAhvaye . 
tAM me devA gira.n satyAM shR^iNvantu brAhmaNaiH saha .. 17..\\
so.ahaM na kena chichchArthI tvA.n cha dharmamupAhvaye . 
kroshatA.n sarvabhUtAnAmaho dhigiti kurvatAm .. 18..\\
vakShyanti mAmadharmaGYA vakShyantyasuhR^ido janAH . 
vAchastAH suhR^idaH shrutvA sa~njvariShyanti me bhR^isham .. 19..\\
ke chideva mahAprAGYAH pariGYAsyanti kAryatAm . 
jAnIhi me kR^ita.n tAta brAhmaNAnprati bhArata .. 20..\\
yathA te matkR^ite kShema.n labhera.nstattathA kuru . 
pratijAnIhi chAdrohaM brAhmaNAnAM narAdhipa .. 21..\\

 j

naiva vAchA na manasA na punarjAtu karmaNA . 
drogdhAsmi brAhmaNAnvipra charaNAveva te spR^ishe .. 22..\\
\medskip\hrule\medskip\centerline{\Largedvng 148}
 z

tasmAtte.ahaM pravakShyAmi dharmamAvR^ittachetase . 
shrImAnmahAbalastuShTo yastva.n dharmamavekShase . 
purastAddAruNo bhUtvA suchitratarameva tat .. 1..\\
anugR^ihNanti bhUtAni svena vR^ittena pArthiva . 
kR^itsne nUna.n sadasatI iti loko vyavasyati . 
yatra tva.n tAdR^isho bhUtvA dharmamadyAnupashyasi .. 2..\\
hitvA suruchiraM bhakShyaM bhogAMshcha tapa AsthitaH . 
ityetadapi bhUtAnAmadbhuta.n janamejaya .. 3..\\
yo durbalo bhaveddAtA kR^ipaNo vA tapodhanaH . 
anAshcharya.n tadityAhurnAtidUre hi vartate .. 4..\\
etadeva hi kArpaNya.n samagramasamIkShitam . 
tasmAtsamIkShayaiva syAdbhavettasmi.nstato guNaH .. 5..\\
yaGYo dAna.n dayA vedAH satyaM cha pR^ithivIpate . 
pa~nchaitAni pavitrANi ShaShTha.n sucharita.n tapaH .. 6..\\
tadeva rAGYAM paramaM pavitra.n janamejaya . 
tena samyaggR^ihItena shreyA.nsa.n dharmamApsyasi .. 7..\\
puNyadeshAbhigamanaM pavitraM parama.n smR^itam . 
api hyudAharantImA gAthA gItA yayAtinA .. 8..\\
yo martyaH pratipadyeta AyurjIveta vA punaH . 
yaGYamekAntataH kR^itvA tatsaMnyasya tapash charet .. 9..\\
puNyamAhuH kurukShetra.n sarasvatyAM pR^ithUdakam . 
yatrAvagAhya pItvA vA naiva.n shvo maraNa.n tapet .. 10..\\
mahAsuraH puShkarANi prabhAsottara mAnase . 
kAloda.n tveva gantAsi labdhAyurjIvite punaH .. 11..\\
sarasvatI dR^iShadvatyau sevamAno.anusa~ncareH . 
svAdhyAyashIlaH sthAneShu sarveShu samupaspR^isheH .. 12..\\
tyAgadharmaM pavitrANA.n saMnyAsaM paramabravIt . 
atrApyudAharantImA gAthAH satyavatA kR^itAH .. 13..\\
yathA kumAraH satyo vai na puNyo na cha pApakR^it . 
na hyasti sarvabhUteShu duHkhamasminkutaH sukham .. 14..\\
evaM prakR^itibhUtAnA.n sarvasa.nsarga yAyinAm . 
tyajatA.n jIvitaM prAyo vivR^ite puNyapAtake .. 15..\\
yattveva rAGYo jyAyo vai kAryANA.n tadvadAmi te . 
balena sa.nvibhAgaishcha jaya svargaM punIShva cha .. 16..\\
yasyaivaM balamojashcha sa dharmasya prabhurnaraH . 
brAhmaNAnA.n sukhArtha.n tvaM paryehi pR^ithivImimAm .. 17..\\
yathaivainAnpurAkShaipsIstathaivainAnprasAdaya . 
api dhikkriyamANo.api tyajyamAno.apyanekadhA .. 18..\\
Atmano darshana.n vidvannAhantAsmIti mA krudhaH . 
ghaTamAnaH svakAryeShu kuru naiHshreyasaM param .. 19..\\
himAgni ghorasadR^isho rAjA bhavati kash chana . 
lA~NgalAshani kalpo vA bhavatyanyaH parantapa .. 20..\\
na niHsheSheNa mantavyamachikitsyena vA punaH . 
na jAtu nAhamasmIti prasaktavyamasAdhuShu .. 21..\\
vikarmaNA tapyamAnaH pAdAtpApasya muchyate . 
naitatkAryaM punariti dvitIyAtparimuchyate . 
chariShye dharmameveti tR^itIyAtparimuchyate .. 22..\\
kalyANananumantavyaM puruSheNa bubhUShatA . 
ye sugandhIni sevante tathA gandhA bhavanti te . 
ye durgandhIni sevante tathA gandhA bhavanti te .. 23..\\
tapashcharyA paraH sadyaH pApAddhi parimuchyate . 
sa.nvatsaramupAsyAgnimabhishastaH pramuchyate . 
trINi varShANyupAsyAgniM bhrUNahA vipramuchyate .. 24..\\
yAvataH prANino hanyAttajjAtIyAnsvabhAvataH . 
pramIyamANAnunmochya bhrUNahA vipramuchyate .. 25..\\
api vApsu nimajjeta trirjapannagha marShaNam . 
yathAshvamedhAvabhR^ithastathA tanmanurabravIt .. 26..\\
kShipraM praNudate pApa.n satkAraM labhate tathA . 
api chainaM prasIdanti bhUtAni jaDa mUkavat .. 27..\\
bR^ihaspati.n deva guru.n surAsurAH 
sametya sarve nR^ipate.anvayu~njan . 
dharme phala.n vettha kR^ite maharShe 
tathetarasminnarake pApaloke .. 28..\\
ubhe tu yasya sukR^ite bhavetAM 
ki.n svittayostatra jayottaraM syAt . 
AchakShva naH karmaphalaM maharShe 
kathaM pApaM nudate puNyashIlaH .. 29..\\

 b

kR^itvA pApaM pUrvamabuddhipUrvaM 
puNyAni yaH kurute buddhipUrvam . 
sa tatpApaM nudate puNyashIlo 
vAso yathA malina.n kShAra yuktyA .. 30..\\
pApa.n kR^itvA na manyeta nAhamasmIti pUruShaH . 
chikIrShedeva kalyANa.n shraddadhAno.anasUyakaH .. 31..\\
chhidrANi vasanasyeva sAdhunA vivR^iNoti yaH . 
yaH pApaM puruShaH kR^itvA kalyANamabhipadyate .. 32..\\
yathAdityaH punarudya.nstamaH sarva.n vyapohati . 
kalyANamAcharanneva.n sarvaM pApaM vyapohati .. 33..\\

 bh

evamuktvA sa rAjAnamindroto janamejayam . 
yAjayAmAsa vidhivadvAjimedhena shaunakaH .. 34..\\
tataH sa rAjA vyapanItakalmaShaH 
shriyA yutaH prajvalitAgnirUpayA . 
vivesha rAjya.n svamamitrakarshano 
diva.n yathA pUrNavapurnishAkaraH .. 35..\\
\medskip\hrule\medskip\centerline{\Largedvng 149}
 bh

shR^iNu pArtha yathAvR^ittamitihAsaM purAtanam . 
gR^idhrajambuka sa.nvAda.n yo vR^itto vaidishe purA .. 1..\\
duHkhitAH ke chidAdAya bAlamaprAptayauvanam . 
kulasarvasva bhUta.n vai rudantaH shokavihvalAH .. 2..\\
bAlaM mR^ita.n gR^ihItvAtha shmashAnAbhimukhAH sthitAH . 
a~NkenA~Nka.n cha sa~Nkramya rurudurbhUtale tadA .. 3..\\
teShA.n ruditashabdena gR^idhro.abhyetya vacho.abravIt . 
ekAtmakamima.n loke tyaktvA gachchhata mAchiram .. 4..\\
iha pu.nsA.n sahasrANi strIsahasrANi chaiva hi . 
samAnItAni kAlena ki.n te vai jAtvabAndhavAH .. 5..\\
sampashyata jagatsarva.n sukhaduHkhairadhiShThitam . 
sa.nyogo viprayogashcha paryAyeNopalabhyate .. 6..\\
gR^ihItvA ye cha gachchhanti ye.anuyAnti cha tAnmR^itAn . 
te.apyAyuShaH pramANena svena gachchhanti jantavaH .. 7..\\
ala.n sthitvA shmashAne.asmingR^idhragomAyusa~Nkule . 
ka~NkAla bahule ghore sarvaprANi bhaya~Nkare .. 8..\\
na punarjIvitaH kashchitkAladharmamupAgataH . 
priyo vA yadi vA dveShyaH prANinA.n gatirIdR^ishI .. 9..\\
sarveNa khalu martavyaM martyaloke prasUyatA . 
kR^itAntavihite mArge ko mR^ita.n jIvayiShyati .. 10..\\
karmAnta vihite loke chAsta.n gachchhati bhAskare . 
gamyatA.n svamadhiShThAnaM sutasnehaM visR^ijya vai .. 11..\\
tato gR^idhravachaH shrutvA vikroshantastadA nR^ipa . 
bAndhavAste.abhyagachchhanta putramutsR^ijya bhUtale .. 12..\\
vinishchityAtha cha tataH santyajantaH svamAtmajam . 
nirAshA jIvite tasya mArgamAruhya dhiShThitAH .. 13..\\
dhvA~NkShAbhra samavarNastu bilAnniHsR^itya jambukaH . 
gachchhamAnAnsma tAnAha nirghR^iNAH khalu mAnavAH .. 14..\\
Adityo.aya.n sthito mUDhAH sneha.n kuruta mA bhayam . 
bahurUpo muhUrtashcha jIvetApi kadA chana .. 15..\\
yUyaM bhUmau vinikShipya putrasneha vinAkR^itAH . 
shmashAne putramutsR^ijya kasmAdgachchhatha nirghR^iNAH .. 16..\\
na vo.astyasminsute sneho bAle madhurabhAShiNi . 
yasya bhAShita mAtreNa prasAdamupagachchhatha .. 17..\\
na pashyatha sutasneha.n yAdR^ishaH pashupakShiNAm . 
na yeShA.n dhArayitvA tAnkashchidasti phalAgamaH .. 18..\\
chatuShpAtpakShikITAnAM prANinA.n snehasa~NginAm . 
paralokagatisthAnAM muniyaGYakriyA iva .. 19..\\
teShAM putrAbhirAmANAm iha loke paratra cha . 
na guNo dR^ishyate kashchitprajAH sandhArayanti cha .. 20..\\
apashyatAM priyAnputrAnnaiShA.n shoko.anutiShThati . 
na cha puShNanti sa.nvR^iddhAste mAtA pitarau kva chit .. 21..\\
mAnuShANA.n kutaH sneho yeShA.n shoko bhaviShyati . 
ima.n kulakaraM putraM kathaM tyaktvA gamiShyatha .. 22..\\
chiraM mu~nchata bAShpa.n cha chira.n snehena pashyata . 
eva.nvidhAni hIShTAni dustyajAni visheShataH .. 23..\\
kShINasyAthAbhiyuktasya shmashAnAbhimukhasya cha . 
bAndhavA yatra tiShThanti tatrAnyo nAvatiShThate .. 24..\\
sarvasya dayitAH prANAH sarvaH sneha.n cha vindati . 
tiryagyoniShvapi satA.n snehaM pashyata yAdR^isham .. 25..\\
tyaktvA katha.n gachchhethemaM padmalolAyatAkShakam . 
yathA navodvAha kR^ita.n snAnamAlyavibhUShitam .. 26..\\

 bh

jambukasya vachaH shrutvA kR^ipaNaM paridevataH . 
nyavartanta tadA sarve shavArtha.n te sma mAnuShAH .. 27..\\

 grdhra

aho dhiksunR^isha.nsena jambukenAlpa medhasA . 
kShudreNoktA hInasattvA mAnuShAH kiM nivartatha .. 28..\\
pa~ncha bhUtaparityakta.n shUnya.n kAShThatvamAgatam . 
kasmAchchhochatha nishcheShTamAtmAna.n kiM na shochatha .. 29..\\
tapaH kuruta vai tIvraM muchyadhva.n yena kilbiShAt . 
tapasA labhyate sarva.n vilApaH ki.n kariShyati .. 30..\\
aniShTAni cha bhAgyAni jAnIta saha mUrtibhiH . 
yena gachchhati loko.aya.n dattvA shokamanantakam .. 31..\\
dhana.n gAshcha suvarNaM cha maNiratnamathApi cha . 
apatya.n cha tapo mUlaM tapoyogAchcha labhyate .. 32..\\
yathA kR^itA cha bhUteShu prApyate sukhaduHkhitA . 
gR^ihItvA jAyate janturduHkhAni cha sukhAni cha .. 33..\\
na karmaNA pituH putraH pitA vA putrakarmaNA . 
mArgeNAnyena gachchhanti tyaktvA sukR^itaduShkR^ite .. 34..\\
dharma.n charata yatnena tathAdharmAnnivartata . 
vartadhva.n cha yathAkAlaM daivateShu dvijeShu cha .. 35..\\
shoka.n tyajata dainyaM cha sutasnehAnnivartata . 
tyajyatAmayamAkAshe tataH shIghraM nivartata .. 36..\\
yatkaroti shubha.n karma tathAdharma.n sudAruNam . 
tatkartaiva samashnAti bAndhavAnA.n kimatra hi .. 37..\\
iha tyaktvA na tiShThanti bAndhavA bAndhavaM priyam . 
snehamutsR^ijya gachchhanti bAShpapUrNAvilekShaNAH .. 38..\\
prAGYo vA yadi vA mUrkhaH sadhano nirdhano.api vA . 
sarvaH kAlavasha.n yAti shubhAshubhasamanvitaH .. 39..\\
ki.n kariShyatha shochitvA mR^itaM kimanushochatha . 
sarvasya hi prabhuH kAlo dharmataH samadarshanaH .. 40..\\
yauvanasthAMshcha bAlAMshcha vR^iddhAngarbhagatAnapi . 
sarvAnAvishate mR^ityurevaM bhUtamida.n jagat .. 41..\\

 j

aho mandI kR^itaH sneho gR^idhreNehAlpa medhasA . 
putrasnehAbhibhUtAnA.n yuShmAkaM shochatAM bhR^isham .. 42..\\
samaiH samyakprayuktaishcha vachanaiH prashrayottaraiH . 
yadgachchhatha jalasthAya.n snehamutsR^ijya dustyajam .. 43..\\
aho putra viyogena mR^itashUnyopasevanAt . 
kroshatA.n vai bhR^isha.n duHkhaM vivatsAnAM gavAm iva .. 44..\\
adya shoka.n vijAnAmi mAnuShANAM mahItale . 
sneha.n hi karuNa.n dR^iShTvA mamApyashrUNyathAgaman .. 45..\\
yatno hi satata.n kAryaH kR^ito daivena sidhyati . 
daivaM puruShakArashcha kR^itAntenopapadyate .. 46..\\
anirvedaH sadA kAryo nirvedAddhi kutaH sukham . 
prayatnAtprApyate hyarthaH kasmAdgachchhatha nirdayAH .. 47..\\
AtmamA.nsopavR^itta.n cha sharIrArdhamayIM tanum . 
pitR^INA.n vaMshakartAraM vane tyaktvA kva yAsyatha .. 48..\\
atha vAsta.n gate sUrye sandhyAkAla upasthite . 
tato neShyatha vA putramihasthA vA bhaviShyatha .. 49..\\

 g

adya varShasahasraM me sAgra.n jAtasya mAnuShAH . 
na cha pashyAmi jIvantaM mR^ita.n strI puMnapu.nsakam .. 50..\\
mR^itA garbheShu jAyante mriyante jAtamAtrakAH . 
vikramanto mriyante cha yauvanasthAstathApare .. 51..\\
anityAnIha bhAgyAni chatuShpAtpakShiNAm api . 
ja~NgamAja~NgamAnA.n chApyAyuragre.avatiShThate .. 52..\\
iShTadAraviyuktAshcha putrashokAnvitAstathA . 
dahyamAnAH sma shokena gR^iha.n gachchhanti nityadA .. 53..\\
aniShTAnA.n sahasrANi tatheShTAnAM shatAni cha . 
utsR^ijyeha prayAtA vai bAndhavA bhR^ishaduHkhitAH .. 54..\\
tyajyatAmeSha nistejAH shUnyaH kAShThatvamAgataH . 
anyadehaviShakto hi shAva.n kAShThamupAsate .. 55..\\
bhrAntajIvasya vai bAShpa.n kasmAddhitvA na gachchhata . 
nirarthako hyaya.n sneho nirarthashcha parigrahaH .. 56..\\
na chakShurbhyAM na karNAbhyA.n saMshR^iNoti samIkShate . 
tasmAdena.n samutsR^ijya svagR^ihAngachchhatAshu vai .. 57..\\
mokShadharmAshritairvAkyairhetumadbhiraniShTuraiH . 
mayoktA gachchhata kShipra.n svaM svameva niveshanam .. 58..\\
praGYA viGYAnayuktena buddhisa~nj~nA pradAyinA . 
vachana.n shrAvitA rUkShaM mAnuShAH saMnivartate .. 59..\\

 j

ima.n kanakavarNAbhaM bhUShaNaiH samala~NkR^itam . 
gR^idhravAkyAtkathaM putra.n tyajadhvaM pitR^ipiNDadam .. 60..\\
na snehasya virodho.asti vilAparuditasya vai . 
mR^itasyAsya parityAgAttApo vai bhavitA dhruvam .. 61..\\
shrUyate shambuke shUdre hate brAhmaNa dArakaH . 
jIvito dharmamAsAdya rAmAtsatyaparAkramAt .. 62..\\
tathA shvetasya rAjarSherbAlo diShTAntamAgataH . 
shvo.abhUte dharmanityena mR^itaH sa~njIvitaH punaH .. 63..\\
tathA kashchidbhavetsiddho munirvA devatApi vA . 
kR^ipaNAnAmanukrosha.n kuryAdvo rudatAm iha .. 64..\\

 bh

ityuktAH saMnyavartanta shokArtAH putravatsalAH . 
a~Nke shiraH samAdhAya rurudurbahuvistaram .. 65..\\

 g

ashrupAta pariklinnaH pANisparshana pIDitaH . 
dharmarAja prayogAchcha dIrghAM nidrAM praveshitaH .. 66..\\
tapasApi hi sa.nyukto na kAle nopahanyate . 
sarvasnehAvasAna.n tadidaM tatpretapattanam .. 67..\\
bAlavR^iddhasahasrANi sadA santyajya bAndhavAH . 
dinAni chaiva rAtrIshcha duHkha.n tiShThanti bhUtale .. 68..\\
alaM nirbandhamAgamya shokasya parivAraNam . 
apratyaya.n kuto hyasya punaradyeha jIvitam .. 69..\\
naiSha jambuka vAkyena punaH prApsyati jIvitam . 
mR^itasyotsR^iShTa dehasya punardeho na vidyate .. 70..\\
na vai mUrti pradAnena na jambuka shatairapi . 
shakyo jIvayitu.n hyeSha bAlo varShashatairapi .. 71..\\
api rudraH kumAro vA brahmA vA viShNureva vA . 
varamasmai prayachchheyustato jIvedaya.n shishuH .. 72..\\
na cha bAShpavimokSheNa na chAshvAsa kR^itena vai . 
na dIrgharuditeneha punarjIvo bhaviShyati .. 73..\\
aha.n cha kroShTukashchaiva yUyaM chaivAsya bAndhavAH . 
dharmAdharmau gR^ihItveha sarve vartAmahe.adhvani .. 74..\\
apriyaM paruSha.n chApi paradrohaM parastriyam . 
adharmamanR^ita.n chaiva dUrAtprAGYo nivartayet .. 75..\\
satya.n dharma.n shubhaM nyAyyaM prANinAM mahatIM dayAm . 
ajihmatvamashAThya.n cha yatnataH parimArgata .. 76..\\
mAtaraM pitara.n chaiva bAndhavAnsuhR^idastathA . 
jIvato ye na pashyanti teShA.n dharmaviparyayaH .. 77..\\
yo na pashyati chakShurbhyAM ne~Ngate cha katha.n chana . 
tasya niShThAvasAnAnte rudantaH ki.n kariShyatha .. 78..\\

 bh

ityuktAsta.n suta.n tyaktvA bhUmau shokapariplutAH . 
dahyamAnAH sutasnehAtprayayurbAndhavA gR^ihAn .. 79..\\

 j

dAruNo martyaloko.aya.n sarvaprANi vinAshanaH . 
iShTabandhuviyogashcha tathaivAlpa.n cha jIvitam .. 80..\\
bahvalIkamasatya.n cha prativAdApriya.n vadam . 
imaM prekShya punarbhAva.n duHkhashokAbhivardhanam .. 81..\\
na me mAnuShaloko.ayaM muhUrtamapi rochate . 
aho dhiggR^idhravAkyena saMnivartatha mAnuShAH .. 82..\\
pradIptAH putrashokena yathaivAbuddhayastathA . 
katha.n gachchhatha sa snehAH sutasneha.n visR^ijya cha . 
shrutvA gR^idhrasya vachanaM pApasyehAkR^itAtmanaH .. 83..\\
sukhasyAnantara.n duHkhaM duHkhasyAnantara.n sukham . 
sukhaduHkhAnvite loke nehAstyekamanantakam .. 84..\\
ima.n kShititale nyasya bAla.n rUpasamanvitam . 
kulashokAkaraM mUDhAH putra.n tyaktvA kva yAsyatha .. 85..\\
rUpayauvana sampanna.n dyotamAnamiva shriyA . 
jIvantamevaM pashyAmi manasA nAtra saMshayaH .. 86..\\
vinAshashchApyanarho.asya sukhaM prApsyatha mAnuShAH . 
putrashokAgnidagdhAnAM mR^itamapyadya vaH kShamam .. 87..\\
duHkhasambhAvanA.n kR^itvA dhArayitvA svaya.n sukham . 
tyaktvA gamiShyatha kvAdya samutsR^ijyAlpa buddhivat .. 88..\\

 bh

tathA dharmavirodhena priya mithyAbhidhyAyinA . 
shmashAnavAsinA nitya.n rAtriM mR^igayatA tadA .. 89..\\
tato madhyasthatAM nItA vachanairamR^itopamaiH . 
jambukena svakAryArthaM bAndhavAstasya dhiShThitAH .. 90..\\

 g

ayaM pretasamAkIrNo yakSharAkShasa sevitaH . 
dAruNaH kAnanoddeshaH kaushikairabhinAditaH .. 91..\\
bhImaH sughorashcha tathA nIlameghasamaprabhaH . 
asmi~nshavaM parityajya pretakAryANyupAsata .. 92..\\
bhAnuryAvanna yAtyasta.n yAvachcha vimalA dishaH . 
tAvadenaM parityajya pretakAryANyupAsata .. 93..\\
nadanti paruSha.n shyenAH shivAH kroshanti dAruNAH . 
mR^igendrAH pratinandanti ravirasta.n cha gachchhati .. 94..\\
chitAdhUmena nIlena sa.nrajyante cha pAdapAH . 
shmashAne cha nirAhArAH pratinandanti dehinaH .. 95..\\
sarve vikrAntavIryAshcha asmindeshe sudAruNAH . 
yuShmAnpradharShayiShyanti vikR^itA mA.nsabhojanAH .. 96..\\
dUrAchchAya.n vanoddesho bhayamatra bhaviShyati . 
tyajyatA.n kAShThabhUto.ayaM mR^iShyatAM jAmbuka.n vachaH .. 97..\\
yadi jambuka vAkyAni niShphalAnyanR^itAni cha . 
shroShyatha bhraShTaviGYAnAstataH sarve vina~NkShyatha .. 98..\\

 j

sthIyatAM neha bhetavya.n yAvattapati bhAskaraH . 
tAvadasminsutasnehAdanirvedena vartata .. 99..\\
svaira.n rudata visrabdhAH svairaM snehena pashyata . 
sthIyatA.n yAvadAdityaH kiM vaH kravyAdabhAShitaiH .. 100..\\
yadi gR^idhrasya vAkyAni tIvrANi rabhasAni cha . 
gR^ihNIta mohitAtmAnaH suto vo na bhaviShyati .. 101..\\

 bh

gR^idhro.anastamite tvAha gate.astamiti jambukaH . 
mR^itasya taM parijanamUchatustau kShudhAnvitau .. 102..\\
svakAryadakShiNau rAjangR^idhro jambuka eva cha . 
kShutpipAsAparishrAntau shAstramAlambya jalpataH .. 103..\\
tayorviGYAnaviduShordvayorjambuka patriNoH . 
vAkyairamR^itakalpairhi prAtiShThanta vrajanti cha .. 104..\\
shokadainya samAviShTA rudantastasthire tadA . 
svakAryakushalAbhyA.n te sambhrAmyante ha naipuNAt .. 105..\\
tathA tayorvivadatorviGYAnaviduShordvayoH . 
bAndhavAnA.n sthitAnA.n cha upAtiShThata sha~NkaraH .. 106..\\
tatastAnAha manujAnvarado.asmIti shUlabhR^it . 
te pratyUchurida.n vAkya.n duHkhitAH praNatAH sthitAH .. 107..\\
ekaputra vihInAnA.n sarveShA.n jIvitArthinAm . 
putrasya no jIva dAnAjjivita.n dAtumarhasi .. 108..\\
evamuktaH sa bhagavAnvAripUrNena pANinA . 
jIva.n tasmai kumArAya prAdAdvarShashatAya vai .. 109..\\
tathA gomAyugR^idhrAbhyAmadadatkShudvinAshanam . 
varaM pinAkI bhagavAnsarvabhUtahite rataH .. 110..\\
tataH praNamya ta.n deva.n shreyo harShasamanvitAH . 
kR^itakR^ityAH sukha.n hR^iShTAH prAtiShThanta tadA vibho .. 111..\\
anirvedena dIrgheNa nishchayena dhruveNa cha . 
devadeva prasAdAchcha kShipraM phalamavApyate .. 112..\\
pashya devasya sa.nyogaM bAndhavAnA.n cha nishchayam . 
kR^ipaNAnA.n hi rudatA.n kR^itamashrupramArjanam .. 113..\\
pashya chAlpena kAlena nishchayAnveShaNena cha . 
prasAda.n sha~NkarAtprApya duHkhitAH sukhamApnuvan .. 114..\\
te vismitAH prahR^iShTAshcha putra sa~njIvanAtpunaH . 
babhUvurbharatashreShTha prasAdAchchha~Nkarasya vai .. 115..\\
tataste tvaritA rAja~nshrutvA.n shokamaghodbhavam . 
vivishuH putramAdAya nagara.n hR^iShTamAnasAH . 
eShA buddhiH samastAnA.n chAturvarNye nidarshitA .. 116..\\
dharmArthamokShasa.nyuktamitihAsamima.n shubham . 
shrutvA manuShyaH satatamiha pretya cha modate .. 117..\\
\medskip\hrule\medskip\centerline{\Largedvng 150}
 bh

atrApyudAharantImamitihAsaM purAtanam . 
sa.nvAdaM bharatashreShTha shalmaleH pavanasya cha .. 1..\\
himavanta.n samAsAdya mahAnAsIdvanaspatiH . 
varShapUgAbhisa.nvR^iddhaH shAkhA skandhapalAshavAn .. 2..\\
tatra sma mattA mAta~NgA dharmArtAH shramakarshitAH . 
vishramanti mahAbAho tathAnyA mR^igajAtayaH .. 3..\\
nalva mAtraparINAho ghanachchhAyo vanaspatiH . 
shukashArika sa~NghuShTaH phalavAnpuShpavAnapi .. 4..\\
sArthikA vaNijashchApi tApasAshcha vanaukasaH . 
vasanti vAsAnmArgasthAH suramye tarusattame .. 5..\\
tasyA tA vipulAH shAkhA dR^iShTvA skandhAMshcha sarvataH . 
abhigamyAbravIdenaM nArado bharatarShabha .. 6..\\
aho nu ramaNIyastvamaho chAsi manoramaH . 
prIyAmahe tvayA nitya.n tarupravara shalmale .. 7..\\
sadaiva shakunAstAta mR^igAshchAdhastathA gajAH . 
vasanti tava sa.nhR^iShTA manoharatarAstathA .. 8..\\
tava shAkhA mahAshAkha skandha.n cha vipulaM tathA . 
na vai prabhagnAnpashyAmi mArutena katha.n chana .. 9..\\
kiM nu te mArutastAta prItimAnatha vA suhR^it . 
tvA.n rakShati sadA yena vane.asminpavano dhruvam .. 10..\\
vivAnhi pavanaH sthAnAdvR^ikShAnuchchAvachAnapi . 
parvatAnA.n cha shikharANyAchAlayati vegavAn .. 11..\\
shoShayatyeva pAtAla.n vivAngandhavahaH shuchiH . 
hradAMshcha saritashchaiva sAgarAMsh cha tathaiva ha .. 12..\\
tvA.n sa.nrakSheta pavanaH sakhitvena na saMshayaH . 
tasmAdbahala shAkho.asi parNavAnpuShpavAnapi .. 13..\\
ida.n cha ramaNIyaM te pratibhAti vanaspate . 
yadime vihagAstAta ramante muditAstvayi .. 14..\\
eShAM pR^ithaksamastAnA.n shrUyate madhuraH svaraH . 
puShpasaMmodane kAle vAshatA.n sumanoharam .. 15..\\
tatheme muditA nAgAH svayUthakulashobhinaH . 
dharmArtAstvA.n samAsAdya sukhaM vindanti shalmale .. 16..\\
tathaiva mR^igajAtIbhiranyAbhirupashobhase . 
tathA sArthAdhivAsaishcha shobhase meruvaddruma .. 17..\\
brAhmaNaishcha tapaHsiddhaistApasaiH shramaNairapi . 
triviShTapasamaM manye tavAyatanameva ha .. 18..\\
bandhutvAdatha vA sakhyAchchhalmale nAtra saMshayaH . 
pAlayatyeva satataM bhImaH sarvatra go.anilaH .. 19..\\
nyagbhAvaM parama.n vAyoH shalmale tvamupAgataH . 
tavAhamasmIti sadA yena rakShati mArutaH .. 20..\\
na taM pashyAmyaha.n vR^ikShaM parvataM vApi ta.n dR^iDham . 
yo na vAyubalAdbhagnaH pR^ithivyAmiti me matiH .. 21..\\
tvaM punaH kAraNairnUna.n shalmale rakShyase sadA . 
vAyunA saparIvArastena tiShThasyasaMshayam .. 22..\\

 zalmali

na me vAyuH sakhA brahmanna bandhurna cha me suhR^it . 
parameShThI tathA naiva yena rakShati mAnilaH .. 23..\\
mama tejobala.n vAyorbhImamapi hi nArada . 
kalAmaShTAdashIM prANairna me prApnoti mArutaH .. 24..\\
Agachchhanparamo vAyurmayA viShTambhito balAt . 
rujandrumAnparvatAMshcha yachchAnyadapi ki.n chana .. 25..\\
sa mayA bahusho bhagnaH prabha~njanvai prabha~njanaH . 
tasmAnna bibhye devarShe kruddhAdapi samIraNAt .. 26..\\

 n

shalmale viparIta.n te darshanaM nAtra saMshayaH . 
na hi vAyorbalenAsti bhUta.n tulyabalaM kva chit .. 27..\\
indro yamo vaishravaNo varuNashcha jaleshvaraH . 
na te.api tulyA marutaH kiM punastva.n vanaspate .. 28..\\
yaddhi ki.n chidiha prANi shalmale cheShTate bhuvi . 
sarvatra bhagavAnvAyushcheShTA prANakaraH prabhuH .. 29..\\
eSha cheShTayate samyakprANinaH samyagAyataH . 
asamyagAyato bhUyashcheShTate vikR^ito nR^iShu .. 30..\\
sa tvameva.nvidha.n vAyuM sarvasattvabhR^itAM varam . 
na pUjayasi pUjya.n taM kimanyadbuddhilAghavAt .. 31..\\
asArashchAsi durbuddhe kevalaM bahu bhAShase . 
krodhAdibhiravachchhanno mithyA vadasi shalmale .. 32..\\
mama roShaH samutpannastvayyeva.n samprabhAShati . 
bravImyeSha svaya.n vAyostava durbhAShitaM bahu .. 33..\\
chandanaiH spandanaiH shAlaiH saralairdevadArubhiH . 
vetasairbandhanaishchApi ye chAnye balavattarAH .. 34..\\
taishchApi naiva.n durbuddhe kShipto vAyuH kR^itAtmabhiH . 
te hi jAnanti vAyoshcha balamAtmana eva cha .. 35..\\
tasmAtte vai namasyanti shvasana.n drumasattamAH . 
tva.n tu mohAnna jAnIShe vAyorbalamanantakam .. 36..\\
\medskip\hrule\medskip\centerline{\Largedvng 151}
 bh

evamuktvA tu rAjendra shalmaliM brahmavittamaH . 
nAradaH pavane sarva.n shalmalervAkyamabravIt .. 1..\\
himavatpR^iShThajaH kashchichchhalmaliH parivAravAn . 
bR^ihanmUlo bR^ihachchhAkhaH sa tvA.n vAyo.avamanyate .. 2..\\
bahUnyAkShepa yuktAni tvAmAha vachanAni saH . 
na yuktAni mayA vAyo tAni vaktu.n tvayi prabho .. 3..\\
jAnAmi tvAmaha.n vAyo sarvaprANabhR^itAM varam . 
variShTha.n cha gariShThaM cha krodhe vaivasvata.n yathA .. 4..\\
eva.n tu vachana.n shrutvA nAradasya samIraNaH . 
shalmali.n tamupAgamya kruddho vachanamabravIt .. 5..\\
shalmale nArade yattattvayoktaM madvigarhaNam . 
aha.n vAyuH prabhAva.n te darshayAmyAtmano balam .. 6..\\
nAha.n tvA nAbhijAnAmi viditashchAsi me druma . 
pitAmahaH prajA sarge tvayi vishrAntavAnprabhuH .. 7..\\
tasya vishramaNAdeva prasAdo yaH kR^itastava . 
rakShyase tena durbuddhe nAtma vIryAddrumAdhama .. 8..\\
yanmA tvamavajAnIShe yathAnyaM prAkR^ita.n tathA . 
darshayAmyeSha AtmAna.n yathA mAm avabhotsyase .. 9..\\
evamuktastataH prAha shalmaliH prahasanniva . 
pavanatva.n vane kruddho darshayAtmAnamAtmanA .. 10..\\
mayi vai tyajyatA.n krodhaH kiM me kruddhaH kariShyasi . 
na te bibhemi pavanayadyapi tva.n svayamprabhuH .. 11..\\
ityevamuktaH pavanaH shva ityevAbravIdvachaH . 
darshayiShyAmi te tejastato rAtrirupAgamat .. 12..\\
atha nishchitya manasA shalmalirvAtakAritam . 
pashyamAnastadAtmAnamasamaM mAtarishvanaH .. 13..\\
nArade yanmayA proktaM pavanaM prati tanmR^iShA . 
asamartho hyaha.n vAyorbalena balavAnhi saH .. 14..\\
mAruto balavAnnitya.n yathainaM nArado.abravIt . 
aha.n hi durbalo.anyebhyo vR^ikShebhyo nAtra saMshayaH .. 15..\\
ki.n tu buddhyA samo nAsti mama kashchidvanaspatiH . 
tadahaM buddhimAsthAya bhayaM mokShye samIraNAt .. 16..\\
yadi tAM buddhimAsthAya chareyuH parNino vane . 
ariShTAH syuH sadA kruddhAtpavanAnnAtra saMshayaH .. 17..\\
te.atra bAlA na jAnanti yathA nainAnsamIraNaH . 
samIrayeta sa~Nkruddho yathA jAnAmyaha.n tathA .. 18..\\
tato nishchitya manasA shalmaliH kShubhitastadA . 
shAkhAH skandhAnprashAkhAshcha svayameva vyashAtayat .. 19..\\
sa parityajya shAkhAshcha patrANi kusumAni cha . 
prabhAte vAyumAyAntaM pratyaikShata vanaspatiH .. 20..\\
tataH kruddhaH shvasanvAyuH pAtayanvai mahAdrumAn . 
AjagAmAtha ta.n desha.n sthito yatra sa shalmaliH .. 21..\\
ta.n hInaparNaM patitAgra shAkhaM 
vishIrNapuShpaM prasamIkShya vAyuH . 
uvAcha vAkya.n smayamAna enaM 
mudA yuta.n shalmaliM rugNashAkham .. 22..\\
ahamapyevameva tvA.n kurvANaH shalmale ruShA . 
AtmanA yatkR^ita.n kR^itsna.n shAkhAnAmapakarShaNam .. 23..\\
hInapuShpAgra shAkhastva.n shIrNA~Nkura palAshavAn . 
Atmadurmantriteneha madvIryavashago.abhavaH .. 24..\\
etachchhrutvA vacho vAyoH shalmalirvrIDitastadA . 
atapyata vachaH smR^itvA nArado yattadabravIt .. 25..\\
eva.n yo rAjashArdUla durbalaH sanbalIyasA . 
vairamAsajjate bAlastapyate shalmaliryathA .. 26..\\
tasmAdvairaM na kurvIta durbalo balavattaraiH . 
shocheddhi vaira.n kurvANo yathA vai shalmalistathA .. 27..\\
na hi vairaM mahAtmAno vivR^iNvantyapakAriShu . 
shanaiH shanairmahArAja darshayanti sma te balam .. 28..\\
vairaM na kurvIta naro durbuddhirbuddhijIvinA . 
buddhirbuddhimato yAti tUleShviva hutAshanaH .. 29..\\
na hi buddhyA sama.n kiM chidvidyate puruShe nR^ipa . 
tathA balena rAjendra na samo.astIti chintayet .. 30..\\
tasmAtkShameta bAlAya jaDAya badhirAya cha . 
balAdhikAya rAjendra taddR^iShTa.n tvayi shatruhan .. 31..\\
akShauhiNyo dashaikA cha sapta chaiva mahAdyute . 
balena na samA rAjannarjunasya mahAtmanaH .. 32..\\
hatAstAshchaiva bhagnAshcha pANDavena yashasvinA . 
charatA balamAsthAya pAkashAsaninA mR^idhe .. 33..\\
uktAste rAjadharmAshcha ApaddharmAshcha bhArata . 
vistareNa mahArAja kiM bhUyaH prabravImi te .. 34..\\
\medskip\hrule\medskip\centerline{\Largedvng 152}
 y

pApasya yadadhiShThAna.n yataH pApaM pravartate . 
etadichchhAmyaha.n GYAtu.n tattvena bharatarShabha .. 1..\\

 bh

pApasya yadadhiShThAna.n tachchhR^iNuShva narAdhipa . 
eko lobho mahAgrAho lobhAtpApaM pravartate .. 2..\\
ataH pApamadharmashcha tathA duHkhamanuttamam . 
nikR^ityA mUlametaddhi yena pApakR^ito janAH .. 3..\\
lobhAtkrodhaH prabhavati lobhAtkAmaH pravartate . 
lobhAnmohashcha mAyA cha mAnastambhaH parAsutA .. 4..\\
akShamA hrIparityAgaH shrInAsho dharmasa~NkShayaH . 
abhidhyA praGYatA chaiva sarva.n lobhAtpravartate .. 5..\\
anyAyashchAvitarkashcha vikarmasu cha yAH kriyAH . 
kUTavidyAdayashchaiva rUpaishvaryamadastathA .. 6..\\
sarvabhUteShvavishvAsaH sarvabhUteShvanArjavam . 
sarvabhUteShvabhidrohaH sarvabhUteShvayuktatA . 
haraNaM paravittAnAM paradArAbhimarshanam .. 7..\\
vAgvego mAnaso vego nindA vegastathaiva cha . 
upasthodarayorvego mR^ityuvegashcha dAruNaH .. 8..\\
IrShyA vegashcha balavAnmithyA vegashcha dustyajaH . 
rasavegashcha durvAraH shrotravegashcha duHsahaH .. 9..\\
kutsA vikatthA mAtsaryaM pApa.n duShkarakAritA . 
sAhasAnA.n cha sarveShAmakAryANAM kriyAstathA .. 10..\\
jAtau bAlye.atha kaumAre yauvane chApi mAnavaH . 
na santyajatyAtmakarma yanna jIryati jIryataH .. 11..\\
yo na pUrayitu.n shakyo lobhaH prAptyA kurUdvaha . 
nitya.n gambhIratoyAbhirApagAbhirivodadhiH . 
na prahR^iShyati lAbhairyo yashcha kAmairna tR^ipyati .. 12..\\
yo na devairna gandharvairnAsurairna mahoragaiH . 
GYAyate nR^ipa tattvena sarvairbhUtagaNaistathA . 
sa lobhaH saha mohena vijetavyo jitAtmanA .. 13..\\
dambho drohashcha nindA cha paishunyaM matsarastathA . 
bhavantyetAni kauravya lubdhAnAmakR^itAtmanAm .. 14..\\
sumahAntyapi shAstrANi dhArayanti bahushrutAH . 
chhettAraH saMshayAnA.n cha klishyantIhAlpa buddhayaH .. 15..\\
dveShakrodhaprasaktAshcha shiShTAchAra bahiShkR^itAH . 
antaH kShurA vAnmadhurAH kUpAshchhannAstR^iNairiva . 
dharmavaita.nsikAH kShudrA muShNanti dhvajino jagat .. 16..\\
kurvate cha bahUnmArgA.nstA.nstAnhetubalAshritAH . 
sarvaM mArga.n vilumpanti lobhAGYAneShu niShThitAH .. 17..\\
dharmasyAhriyamANasya lobhagrastairdurAtmabhiH . 
yAyA vikriyate sa.nsthA tataH sAbhiprapadyate .. 18..\\
darpaH krodho madaH svapno harShaH shoko.atimAnitA . 
tata eva hi kauravya dR^ishyante lubdha buddhiShu . 
etAnashiShTAnbudhyasva nitya.n lobhasamanvitAn .. 19..\\
shiShTA.nstu paripR^ichchhethA yAnvakShyAmi shuchivratAn . 
yeShu vR^itti bhayaM nAsti paralokabhayaM na cha .. 20..\\
nAmiSheShu prasa~Ngo.asti na priyeShvapriyeShu cha . 
shiShTAchAraH priyo yeShu damo yeShu pratiShThitaH .. 21..\\
sukha.n duHkhaM para.n yeShAM satyaM yeShAM parAyaNam . 
dAtAro na gR^ihItAro dayAvantastathaiva cha .. 22..\\
pitR^idevAtitheyAshcha nityodyuktAstathaiva cha . 
sarvopakAriNo dhIrAH sarvadharmAnupAlakAH .. 23..\\
sarvabhUtahitAshchaiva sarvadeyAshcha bhArata . 
na te chAlayitu.n shakyA dharmavyApAra pAragAH .. 24..\\
na teShAM bhidyate vR^itta.n yatpurA sAdhubhiH kR^itam . 
na trAsino na chapalA na raudrAH satpathe sthitAH .. 25..\\
te sevyAH sAdhubhirnitya.n yeShvahi.nsA pratiShThitA . 
kAmakrodhavyapetA ye nirmamA niraha~NkR^itAH . 
suvratAH sthiramaryAdAstAnupAssva cha pR^ichchha cha .. 26..\\
na gavArtha.n yasho.arthaM vA dharmasteShAM yudhiShThira . 
avashya kArya ityeva sharIrasya kriyAstathA .. 27..\\
na bhaya.n krodhachApalyaM na shokasteShu vidyate . 
na dharmadhvajinashchaiva na guhya.n kiM chidAsthitAH .. 28..\\
yeShvalobhastathAmoho ye cha satyArjave ratAH . 
teShu kaunteya rajyethA yeShvatandrI kR^itaM manaH .. 29..\\
ye na hR^iShyanti lAbheShu nAlAbheShu vyathanti cha . 
nirmamA niraha~NkArAH sattvasthAH samadarshinaH .. 30..\\
lAbhAlAbhau sukhaduHkhe cha tAta 
priyApriye maraNa.n jIvitaM cha . 
samAni yeShA.n sthiravikramANAM 
buddhAtmanA.n sattvamavasthitAnAm .. 31..\\
sukhapriyaistAnsumahApratApAn 
yatto.apramattashcha samarthayethAH . 
daivAtsarve guNavanto bhavanti 
shubhAshubhA vAkpralApA yathaiva .. 32..\\
\medskip\hrule\medskip\centerline{\Largedvng 153}
 y

anarthAnAmadhiShThAnamukto lobhaH pitAmaha . 
aGYAnamapi vai tAta shrotumichchhAmi tattvataH .. 1..\\

 bh

karoti pApa.n yo.aGYAnAnnAtmano vetti cha kShamam . 
pradveShTi sAdhuvR^ittAMshcha sa lokasyaiti vAchyatAm .. 2..\\
aGYAnAnniraya.n yAti tathAGYAnena durgatim . 
aGYAnAtkleshamApnoti tathApatsu nimajjati .. 3..\\

 y

aGYAnasya pravR^itti.n cha sthAna.n vR^iddhiM kShayodayau . 
mUla.n yoga.n gatiM kAlaM kAraNaM hetumeva cha .. 4..\\
shrotumichchhAmi tattvena yathAvadiha pArthiva . 
aGYAnaprabhava.n hIdaM yadduHkhamupalabhyate .. 5..\\

 bh

rAgo dveShastathA moho harShaH shoko.abhimAnitA . 
kAmaH krodhashcha darpashcha tandrIrAlasyameva cha .. 6..\\
ichchhA dveShastathA tApaH paravR^iddhyupatApitA . 
aGYAnametannirdiShTaM pApAnA.n chaiva yAH kriyAH .. 7..\\
etayA yA pravR^ittishcha vR^iddhyAdInyAMshcha pR^ichchhasi . 
vistareNa mahAbAho shR^iNu tachcha vishAM pate .. 8..\\
ubhAvetau samaphalau samadoShau cha bhArata . 
aGYAna.n chAtilobhashchApyekaM jAnIhi pArthiva .. 9..\\
lobhaprabhavamaGYAna.n vR^iddhaM bhUyaH pravardhate . 
sthAne sthAna.n kShaye kShaiNyamupaiti vividhAM gatim .. 10..\\
mUla.n lobhasya mahataH kAlAtma gatireva cha . 
chhinne.achchhinne tathA lobhe kAraNa.n kAla eva hi .. 11..\\
tasyAGYAnAttu lobho hi lobhAdaGYAnameva cha . 
sarve doShAstathA lobhAttasmAllobha.n vivarjayet .. 12..\\
janako yuvanAshvashcha vR^iShAdarbhiH prasenajit . 
lobhakShayAddivaM prAptAstathaivAnye janAdhipAH .. 13..\\
pratyakSha.n tu kurushreShTha tyaja lobhamihAtmanA . 
tyaktvA lobha.n sukhaM loke pretya chAnuchariShyasi .. 14..\\
\medskip\hrule\medskip\centerline{\Largedvng 154}
 y

svAdhyAyakR^itayatnasya brAhmaNasya pitAmaha . 
dharmakAmasya dharmAtmankiM nu shreya ihochyate .. 1..\\
bahudhA dharshane loke shreyo yadiha manyase . 
asmi.Nlloke pare chaiva tanme brUhi pitAmaha .. 2..\\
mahAnaya.n dharmapatho bahushAkhashcha bhArata . 
ki.n svideveha dharmANAmanuShTheyatamaM matam .. 3..\\
dharmasya mahato rAjanbahushAkhasya tattvataH . 
yanmUlaM parama.n tAta tatsarvaM brUhyatandritaH .. 4..\\

 bh

hanta te kathayiShyAmi yena shreyaH prapatsyase . 
pItvAmR^itamiva prAGYo GYAnatR^ipto bhaviShyasi .. 5..\\
dharmasya vidhayo naike te te proktA maharShibhiH . 
sva.n svaM viGYAnamAshritya damasteShAM parAyaNam .. 6..\\
damaM niHshreyasaM prAhurvR^iddhA nishchayadarshinaH . 
brAhmaNasya visheSheNa damo dharmaH sanAtanaH .. 7..\\
nAdAntasya kriyA siddhiryathAvadupalabhyate . 
damo dAna.n tathA yaGYAnadhItaM chAtivartate .. 8..\\
damastejo vardhayati pavitra.n cha damaH param . 
vipApmA tejasA yuktaH puruSho vindate mahat .. 9..\\
damena sadR^isha.n dharmaM nAnya.n lokeShu shushruma . 
damo hi paramo loke prashastaH sarvadharmiNAm .. 10..\\
pretya chApi manuShyendra parama.n vindate sukham . 
damena hi samAyukto mahAnta.n dharmamashnute .. 11..\\
sukha.n dAntaH prasvapiti sukhaM cha pratibudhyate . 
sukhaM paryeti lokAMshcha manashchAsya prasIdati .. 12..\\
adAntaH puruShaH kleshamabhIkShNaM pratipadyate . 
anarthAMshcha bahUnanyAnprasR^ijatyAtmadoShajAn .. 13..\\
AshrameShu chaturShvAhurdamamevottama.n vratam . 
tasya li~NgAni vakShyAmi yeShA.n samudayo damaH .. 14..\\
kShamA dhR^itirahi.nsA cha samatA satyamArjavam . 
indriyAvajayo dAkShyaM mArdava.n hrIrachApalam .. 15..\\
akArpaNyamasa.nrambhaH santoShaH priyavAditA . 
avivitsAnasUyA chApyeShA.n samudayo damaH .. 16..\\
guru pUjA cha kauravya dayA bhUteShvapaishunam . 
janavAdo.amR^iShA vAdaH stutinindA vivarjanam .. 17..\\
kAmaH krodhashcha lobhashcha darpaH stambho vikatthanam . 
moha IrShyAvamAnashchetyetaddAnto na sevate .. 18..\\
anindito hyakAmAtmAthAlpechchho.athAnasUyakaH . 
samudrakalpaH sa naro na kadA chana pUryate .. 19..\\
aha.n tvayi mama tvaM cha mayi te teShu chApyaham . 
pUrvasambandhisa.nyogAnnaitaddAnto niShevate .. 20..\\
sarvA grAmyAstathAraNyA yAshcha loke pravR^ittayaH . 
nindA.n chaiva prasha.nsAM cha yo nAshrayati muchyate .. 21..\\
maitro.atha shIlasampannaH susahAya parashcha yaH . 
muktashcha vividhaiH sa~Ngaistasya pretya mahatphalam .. 22..\\
suvR^ittaH shIlasampannaH prasannAtmAtmavidbudhaH . 
prApyeha loke satkAra.n sugatiM pratipadyate .. 23..\\
karma yachchhubhameveha sadbhirAcharita.n cha yat . 
tadeva GYAnayuktasya munerdharmo na hIyate .. 24..\\
niShkramya vanamAsthAya GYAnayukto jitendriyaH . 
kAlAkA~NkShI charannevaM brahmabhUyAya kalpate .. 25..\\
abhaya.n yasya bhUtebhyo bhUtAnAmabhayaM yataH . 
tasya dehAdvimuktasya bhayaM nAsti kutash chana .. 26..\\
avAchinoti karmANi na cha samprachinoti ha . 
samaH sarveShu bhUteShu maitrAyaNa gatish charet .. 27..\\
shakunInAmivAkAshe jale vAri charasya vA . 
yathAgatirna dR^ishyeta tathA tasya na saMshayaH .. 28..\\
gR^ihAnutsR^ijya yo rAjanmokShamevAbhipadyate . 
lokAstejomayAstasya kalpante shAshvatIH samAH .. 29..\\
saMnyasya sarvakarmANi saMnyasya vidhivattapaH . 
saMnyasya vividhA vidyAH sarva.n saMnyasya chaiva ha .. 30..\\
kAmeShu chApyanAvR^ittaH prasannAtmAtmavichchhuchiH . 
prApyeha loke satkAra.n svargaM samabhipadyate .. 31..\\
yachcha paitAmaha.n sthAnaM brahmarAshi samudbhavam . 
guhAyAM pihitaM nitya.n taddamenAbhipadyate .. 32..\\
GYAnArAmasya buddhasya sarvabhUtAvirodhinaH . 
nAvR^itti bhayamastIha paraloke bhaya.n kutaH .. 33..\\
eka eva dame doSho dvitIyo nopapadyate . 
yadena.n kShamayA yuktamashaktaM manyate janaH .. 34..\\
etasya tu mahAprAGYa doShasya sumahAnguNaH . 
kShamAyA.n vipulA lokAH sulabhA hi sahiShNunA .. 35..\\
dAntasya kimaraNyena tathAdAntasya bhArata . 
yatraiva hi vaseddAntastadaraNya.n sa AshramaH .. 36..\\

 v

etadbhIShmasya vachana.n shrutvA rAjA yudhiShThiraH . 
amR^iteneva santR^iptaH prahR^iShTaH samapadyata .. 37..\\
punashcha paripaprachchha bhIShma.n dharmabhR^itA.n varam . 
tapaH prati sa chovAcha tasmai sarva.n kurUdvaha .. 38..\\
\medskip\hrule\medskip\centerline{\Largedvng 155}
 bh

sarvametattapo mUla.n kavayaH parichakShate . 
na hyatapta tapA mUDhaH kriyAphalamavApyate .. 1..\\
prajApatirida.n sarva.n tapasaivAsR^ijatprabhuH . 
tathaiva vedAnR^iShayastapasA pratipedire .. 2..\\
tapaso hyAnupUrvyeNa phalamUlAnilAshanAH . 
trI.NllokA.nstapasA siddhAH pashyanti susamAhitAH .. 3..\\
auShadhAnyagadAdIni tisro vidyAshcha sa.nskR^itAH . 
tapasaiva hi sidhyanti tapo mUla.n hi sAdhanam .. 4..\\
yaddurApa.n durAmnAyaM durAdharShaM durutsaham . 
sarva.n tattapasA shakyaM tapo hi duratikramam .. 5..\\
surApo.asaMmatAdAyI bhrUNahA gurutalpagaH . 
tapasaiva sutaptena naraH pApAdvimuchyate .. 6..\\
tapaso bahurUpasya taistairdvAraiH pravartataH . 
nivR^ittyA vartamAnasya tapo nAnashanAtparam .. 7..\\
ahi.nsA satyavachana.n dAnamindriyanigrahaH . 
etebhyo hi mahArAja tapo nAnashanAtparam .. 8..\\
na duShkaratara.n dAnAnnAtimAtaramAshramaH . 
traividyebhyaH paraM nAsti saMnyAsaH parama.n tapaH .. 9..\\
indriyANIha rakShanti dhanadhAnyAbhiguptaye . 
tasmAdarthe cha dharme cha tapo nAnashanAtparam .. 10..\\
R^iShayaH pitaro devA manuShyA mR^igasattamAH . 
yAni chAnyAni bhUtAni sthAvarANi charANi cha .. 11..\\
tapaH parAyaNAH sarve sidhyanti tapasA cha te . 
ityeva.n tapasA devA mahattvaM chApyavApnuvan .. 12..\\
imAnIShTa vibhAgAni phalAni tapasA sadA . 
tapasA shakyate prAptu.n devatvamapi nishchayAt .. 13..\\
\medskip\hrule\medskip\centerline{\Largedvng 156}
 y

satya.n dharme prasha.nsanti viprarShipitR^idevatAH . 
satyamichchhAmyaha.n shrotu.n tanme brUhi pitAmaha .. 1..\\
satya.n ki.n lakShaNaM rAjankathaM vA tadavApyate . 
satyaM prApya bhavetki.n cha kathaM chaiva taduchyate .. 2..\\

 bh

chAturvarNyasya dharmANA.n sa~Nkaro na prashasyate . 
avikAritama.n satyaM sarvavarNeShu bhArata .. 3..\\
satya.n satsu sadA dharmaH satya.n dharmaH sanAtanaH . 
satyameva namasyeta satya.n hi paramA gatiH .. 4..\\
satya.n dharmastapoyogaH satyaM brahma sanAtanam . 
satya.n yaGYaH paraH proktaH satye sarvaM pratiShThitam .. 5..\\
AchArAniha satyasya yathAvadanupUrvashaH . 
lakShaNa.n cha pravakShyAmi satyasyeha yathAkramam .. 6..\\
prApyate hi yathAsatya.n tachcha shrotuM tvamarhasi . 
satya.n trayodasha vidha.n sarvalokeShu bhArata .. 7..\\
satya.n cha samatA chaiva damashchaiva na saMshayaH . 
amAtsarya.n kShamA chaiva hrIstitikShAnasUyatA .. 8..\\
tyAgo dhyAnamathAryatva.n dhR^itishcha satata.n sthirA . 
ahi.nsA chaiva rAjendra satyAkArAstrayodasha .. 9..\\
satyaM nAmAvyayaM nityamavikAri tathaiva cha . 
sarvadharmAviruddha.n cha yogenaitadavApyate .. 10..\\
AtmanIShTe tathAniShTe ripau cha samatA tathA . 
ichchhA dveShakShayaM prApya kAmakrodhakShaya.n tathA .. 11..\\
damo nAnyaspR^ihA nitya.n dhairyaM gAmbhIryameva cha . 
abhaya.n krodhashamana.n GYAnenaitadavApyate .. 12..\\
amAtsaryaM budhAH prAhurdAna.n dharme cha sa.nyamam . 
avasthitena nitya.n cha satyenAmatsarI bhavet .. 13..\\
akShamAyAH kShamAyAshcha priyANIhApriyANi cha . 
kShamate sarvataH sAdhuH sAdhvApnoti cha satyavAn .. 14..\\
kalyANa.n kurute gADha.n hrImAnna shlAghate kva chit . 
prashAntavAnmanA nitya.n hrIstu dharmAdavApyate .. 15..\\
dharmArthahetoH kShamate titikShA kShAntiruchyate . 
lokasa~NgrahaNArtha.n tu sA tu dhairyeNa labhyate .. 16..\\
tyAgaH snehasya yastyAgo viShayANA.n tathaiva cha . 
rAgadveShaprahINasya tyAgo bhavati nAnyathA .. 17..\\
AryatA nAma bhUtAnA.n yaH karoti prayatnataH . 
shubha.n karma nirAkAro vItarAgatvameva cha .. 18..\\
dhR^itirnAma sukhe duHkhe yathA nApnoti vikriyAm . 
tAM bhajeta sadA prAGYo ya ichchhedbhUtimAtmanaH .. 19..\\
sarvathA kShamiNA bhAvya.n tathA satyapareNa cha . 
vItaharShabhayakrodho dhR^itimApnoti paNDitaH .. 20..\\
adrohaH sarvabhUteShu karmaNA manasA girA . 
anugrahashcha dAna.n cha satAM dharmaH sanAtanaH .. 21..\\
ete trayodashAkArAH pR^ithaksatyaika lakShaNAH . 
bhajante satyameveha bR^i.nhayanti cha bhArata .. 22..\\
nAntaH shakyo guNAnA.n hi vaktuM satyasya bhArata . 
ataH satyaM prasha.nsanti viprAH sa pitR^idevatAH .. 23..\\
nAsti satyAtparo dharmo nAnR^itAtpAtakaM param . 
sthitirhi satya.n dharmasya tasmAtsatyaM na lopayet .. 24..\\
upaiti satyAddAna.n hi tathA yaGYAH sa dakShiNAH . 
vratAgnihotra.n vedAshcha ye chAnye dharmanishchayAH .. 25..\\
ashvamedha sahasra.n cha satyaM cha tulayA dhR^itam . 
ashvamedha sahasrAddhi satyamevAtirichyate .. 26..\\
\medskip\hrule\medskip\centerline{\Largedvng 157}
 y

yataH prabhavati krodhaH kAmashcha bharatarShabha . 
shokamohau vivitsA cha parAsutva.n tathA madaH .. 1..\\
lobho mAtsaryamIrShyA cha kutsAsUyA kR^ipA tathA . 
etatsarvaM mahAprAGYa yAthAtathyena me vada .. 2..\\

 bh

trayodashaite.atibalAH shatravaH prANinA.n smR^itAH . 
upAsate mahArAja samastAH puruShAniha .. 3..\\
ete pramattaM puruShamapramattA nudanti hi . 
vR^ikA iva vilumpanti dR^iShTvaiva puruShetarAn .. 4..\\
ebhyaH pravartate duHkhamebhyaH pApaM pravartate . 
iti martyo vijAnIyAtsatataM bharatarShabha .. 5..\\
eteShAmudaya.n sthAna.n kShayaM cha puruShottama . 
hanta te vartayiShyAmi tanme nigadataH shR^iNu .. 6..\\
lobhAtkrodhaH prabhavati paradoShairudIryate . 
kShamayA tiShThate rAja~nshrImAMsh cha vinivartate .. 7..\\
sa~NkalpAjjAyate kAmaH sevyamAno vivardhate . 
avadya darshanAdvyeti tattvaGYAnA cha dhImatAm .. 8..\\
viruddhAni hi shAstrANi pashyantIhAlpa buddhayaH . 
vivitsA jAyate tatra tattvaGYAnAnnivartate .. 9..\\
prIteH shokaH prabhavati viyogAttasya dehinaH . 
yadA nirarthaka.n vetti tadA sadyaH praNashyati .. 10..\\
parAsutA krodhalobhAdabhyAsAchcha pravartate . 
dayayA sarvabhUtAnAM nirvedAtsA nivartate .. 11..\\
sattvatyAgAttu mAtsaryamahitAni cha sevate . 
etattu kShIyate tAta sAdhUnAmupasevanAt .. 12..\\
kulAjGYAnAttathaishvaryAnmado bhavati dehinAm . 
ebhireva tu viGYAtairmadaH sadyaH praNashyati .. 13..\\
IrShyA kAmAtprabhavati sa~NgharShAchchaiva bhArata . 
itareShA.n tu martyAnAM praGYayA sA praNashyati .. 14..\\
vibhramAllokabAhyAnA.n dveShyairvAkyairasa~NgataiH . 
kutsA sa~njAyate rAjannupekShAbhiH prashAmyati .. 15..\\
pratikartumashakyAya balasthAyApakAriNe . 
asUyA jAyate tIvrA kAruNyAdvinivartate .. 16..\\
kR^ipaNAnsatata.n dR^iShTvA tataH sa~njAyate kR^ipA . 
dharmaniShThA.n yadA vetti tadA shAmyati sA kR^ipA .. 17..\\
etanyeva jitAnyAhuH prashamAchcha trayodasha . 
ete hi dhArtarAShTrANA.n sarve doShAstrayodasha . 
tvayA sarvAtmanA nitya.n vijitA jeShyase cha tAn .. 18..\\
\medskip\hrule\medskip\centerline{\Largedvng 158}
 y

AnR^isha.nsya.n vijAnAmi darshanena satAM sadA . 
nR^isha.nsAnna vijAnAmi teShA.n karma cha bhArata .. 1..\\
kaNTakAnkUpamagni.n cha varjayanti yathA narAH . 
tathA nR^isha.nsakarmANa.n varjayanti narA naram .. 2..\\
nR^isha.nso hyadhamo nityaM pretya cheha cha bhArata . 
tasmAdbravIhi kauravya tasya dharmavinishchayam .. 3..\\

 bh

spR^ihAsyAntarhitA chaiva viditArthA cha karmaNA . 
AkroShTA krushyate chaiva bandhitA badhyate cha yaH .. 4..\\
dattAnukIrti viShamaH kShudro naikR^itikaH shaThaH . 
asambhogI cha mAnI cha tathA sa~NgI vikatthanaH .. 5..\\
sarvAtisha~NkI paruSho bAlishaH kR^ipaNastathA . 
varga prasha.nsI satatamAshramadveShasa~NkarI .. 6..\\
hi.nsAvihArI satatamavisheSha guNAguNaH . 
bahvalIko manasvI cha lubdho.atyarthaM nR^isha.nsakR^it .. 7..\\
dharmashIla.n guNopetaM pApa ityavagachchhati . 
AtmashIlAnumAnena na vishvasiti kasya chit .. 8..\\
pareShA.n yatra doShaH syAttadguhyaM samprakAshayet . 
samAneShveva doSheShu vR^ittyarthamupaghAtayet .. 9..\\
tathopakAriNa.n chaiva manyate va~nchitaM param . 
dattvApi cha dhana.n kAle santapatyupakAriNe .. 10..\\
bhakShyaM bhojyamatho lehya.n yachchAnyatsAdhu bhojanam . 
prekShamANeShu yo.ashnIyAnnR^isha.nsa iti ta.n viduH .. 11..\\
brAhmaNebhyaH pradAyAgra.n yaH suhR^idbhiH sahAshnute . 
sa pretya labhate svargamiha chAnantyamashnute .. 12..\\
eSha te bharatashreShTha nR^isha.nsaH parikIrtitaH . 
sadA vivarjanIyo vai puruSheNa bubhUShatA .. 13..\\
\medskip\hrule\medskip\centerline{\Largedvng 159}
 bh

kR^itArtho yakShyamANashcha sarvavedAntagashcha yaH . 
AchArya pitR^ibhAryArtha.n svAdhyAyArthamathApi vA .. 1..\\
ete vai sAdhavo dR^iShTA brAhmaNA dharmabhikShavaH . 
asvebhyo deyametebhyo dAna.n vidyA visheShataH .. 2..\\
anyatra dakShiNA yAtu deyA bharatasattama . 
anyebhyo hi bahirvedyAM nAkR^itAnna.n vidhIyate .. 3..\\
sarvaratnAni rAjA cha yathArhaM pratipAdayet . 
brAhmaNAshchaiva yaGYAshcha sahAnnAH saha dakShiNAH .. 4..\\
yasya traivArShikaM bhaktaM paryAptaM bhR^ityavR^ittaye . 
adhika.n vApi vidyeta sa somaM pAtumarhati .. 5..\\
yaGYashchetpratividdhaH syAda~Ngenaikena yajvanaH . 
brAhmaNasya visheSheNa dhArmike sati rAjani .. 6..\\
yo vaishyaH syAdbahu pashurhInakraturasomapaH . 
kuTumbAttasya taddravya.n yaGYArthaM pArthivo haret .. 7..\\
AharedveshmataH ki.n chitkAma.n shUdrasya dravyataH . 
na hi veshmani shUdrasya kashchidasti parigrahaH .. 8..\\
yo.anAhitAgniH shatagurayajvA cha sahasraguH . 
tayorapi kuTumbAbhyAmAharedavichArayan .. 9..\\
adAtR^ibhyo harennitya.n vyAkhyApya nR^ipatiH prabho . 
tathA hyAcharato dharmo nR^ipateH syAdathAkhilaH .. 10..\\
tathaiva saptame bhakte bhaktAni ShaDanashnatA . 
ashvastana vidhAnena hartavya.n hInakarmaNaH . 
khalAtkShetrAttathAgArAdyato vApyupapadyate .. 11..\\
AkhyAtavyaM nR^ipasyaitatpR^ichchhato.apR^ichchhato.api vA . 
na tasmai dhArayeddaNDa.n rAjA dharmeNa dharmavit .. 12..\\
kShatriyasya hi bAlishyAdbrAhmaNaH klishyate kShudhA . 
shrutashIle samAGYAya vR^ittimasya prakalpayet . 
athainaM parirakSheta pitA putramivaurasam .. 13..\\
iShTi.n vaishvAnarIM nityaM nirvapedabda paryaye . 
avikalpaH purA dharmo dharmavAdaistu kevalam .. 14..\\
vishvaistu devaiH sAdhyaishcha brAhmaNaishcha maharShibhiH . 
Apatsu maraNAdbhItairli~NgapratinidhiH kR^itaH .. 15..\\
prabhuH prathamakalpasya yo.anukalpena vartate . 
na sAmparAyika.n tasya durmatervidyate phalam .. 16..\\
na brAhmaNAnvedayeta kashchidrAjani mAnavaH . 
avIryo vedanAdvidyAtsuvIryo vIryavattaram .. 17..\\
tasmAdrAGYA sadA tejo duHsahaM brahmavAdinAm . 
mantA shAstA vidhAtA cha brAhmaNo deva uchyate . 
tasminnAkushalaM brUyAnna shuktAmIrayedgiram .. 18..\\
kShatriyo bAhuvIryeNa taratyApadamAtmanaH . 
dhanena vaishyaH shUdrashcha mantrairhomaishcha vai dvijaH .. 19..\\
na vai kanyA na yuvatirnAmantro na cha bAlishaH . 
pariveShTAgnihotrasya bhavennAsa.nskR^itastathA . 
narake nipatantyete juhvAnAH sa cha yasya tat .. 20..\\
prAjApatyamadattvAshvamagnyAdheyasya dakShiNAm . 
anAhitAgniriti sa prochyate dharmadarshibhiH .. 21..\\
puNyAnyanyAni kurvIta shraddadhAno jitendriyaH . 
anApta dakShiNairyaGYairna yajeta katha.n chana .. 22..\\
prajAH pashUMshcha svarga.n cha hanti yaGYo hyadakShiNaH . 
indriyANi yashaH kIrtimAyushchAsyopakR^intati .. 23..\\
udakyA hyAsate ye cha ye cha ke chidanagnayaH . 
kula.n chAshrotriya.n yeShAM sarve te shUdra dharmiNaH .. 24..\\
udapAnodake grAme brAhmaNo vR^iShalI patiH . 
uShitvA dvAdasha samAH shUdra karmeha gachchhati .. 25..\\
anaryA.n shayane bibhradujjhanbibhrachcha yo dvijAm . 
abrAhmaNo manyamAnastR^iNeShvAsIta pR^iShThataH . 
tathA sa shudhyate rAja~nshR^iNu chAtra vacho mama .. 26..\\
yadekarAtreNa karoti pApaM 
kR^iShNa.n varNaM brAhmaNaH sevamAnaH . 
sthAnAsanAbhyA.n vicharanvratI sa.ns 
tribhirvarShaiH shamayedAtmapApam .. 27..\\
na narma yukta.n vachanaM hinasti 
na strIShu rAjanna vivAha kAle . 
na gurvarthe nAtmano jIvitArthe 
pa~nchAnR^itAnyAhurapAtakAni .. 28..\\
shraddadhAnaH shubhA.n vidyAM hInAdapi samAcharet . 
suvarNamapi chAmedhyAdAdadIteti dhAraNA .. 29..\\
strIratna.n duShkulAchchApi viShAdapyamR^itaM pibet . 
aduShTA hi striyo ratnamApa ityeva dharmataH .. 30..\\
gobrAhmaNa hitArtha.n cha varNAnA.n sa~NkareShu cha . 
gR^ihNIyAttu dhanurvaishyaH paritrANAya chAtmanaH .. 31..\\
surA pAnaM brahmahatyA guru talpamathApi vA . 
anirdeshyAni manyante prANAntAnIti dhAraNA .. 32..\\
suvarNaharaNa.n stainyaM viprA sa~Ngashcha pAtakam . 
viharanmadya pAna.n chApyagamyA gamanaM tathA .. 33..\\
patitaiH samprayogAchcha brAhmaNairyonitastathA . 
achireNa mahArAja tAdR^isho vai bhavatyuta .. 34..\\
sa.nvatsareNa patati patitena sahAcharan . 
yAjana dhyApanAdyaunAnna tu yAnAsanAshanAt .. 35..\\
etAni cha tato.anyAni nirdeshyAnIti dhAraNA . 
nirdeshyakena vidhinA kAlenAvyasanI bhavet .. 36..\\
anna.n tirya~Nna hotavyaM pretakarmaNyapAtite . 
triShu tveteShu pUrveShu na kurvIta vichAraNAm .. 37..\\
amAtyAnvA gurUnvApi jahyAddharmeNa dhArmikaH . 
prAyashchittamakurvANairnaitairarhati sa.nvidam .. 38..\\
adharmakArI dharmeNa tapasA hanti kilbiSham . 
bruvanstena iti stena.n tAvatprApnoti kilbiSham . 
astena.n stena ityuktvA dviguNaM pApamApnuyAt .. 39..\\
tribhAgaM brahmahatyAyAH kanyA prApnoti duShyatI . 
yastu dUShayitA tasyAH sheShaM prApnoti kilbiSham .. 40..\\
brAhmaNAyAvagUryeha spR^iShTvA gurutaraM bhavet . 
varShANA.n hi shataM pApaH pratiShThAM nAdhigachchhati .. 41..\\
sahasra.n tveva varShANAM nipAtya narake vaset . 
tasmAnnaivAvagUryAddhi naiva jAtu nipAtayet .. 42..\\
shoNita.n yAvataH pA.nsUnsa~NgR^ihNIyAddvija kShatAt . 
tAvatIH sa sabhA rAjannarake parivartate .. 43..\\
bhrUNahAhavamadhye tu shudhyate shastrapAtitaH . 
AtmAna.n juhuyAdvahnau samiddhe tena shudhyati .. 44..\\
surApo vAruNImuShNAM pItvA pApAdvimuchyate . 
tayA sa kAye nirdagdhe mR^ityunA pretya shudhyati . 
lokAMshcha labhate vipro nAnyathA labhate hi saH .. 45..\\
guru talpamadhiShThAya durAtmA pApachetanaH . 
sUrmI.n jvalantImAshliShya mR^ityunA sa vishudhyati .. 46..\\
atha vA shishnavR^iShaNAvAdAyA~njalinA svayam . 
nairR^itI.n dishamAsthAya nipatetsa tvajihmagaH .. 47..\\
brAhmaNArthe.api vA prANAnsantyajettena shudhyati . 
ashvamedhena vApIShTvA gomedhenApi vA punaH . 
agniShTomena vA samyagiha pretya cha pUyate .. 48..\\
tathaiva dvAdasha samAH kapAlI brahmahA bhavet . 
brahma chAri charedbhaikSha.n svakarmodAharanmuniH .. 49..\\
eva.n vA tapasA yukto brahmahA savanI bhavet . 
eva.n vA garbhamaGYAtA chAtreyIM yo.abhigachchhati . 
dviguNA brahmahatyA vayAtreyI vyasane bhavet .. 50..\\
surApo niyatAhAro brahma chArI kShamA charaH . 
Urdhva.n tribhyo.atha varShebhyo jayetAgniShTutA param . 
R^iShabhaika sahasra.n gA dattvA shubhamavApnuyAt .. 51..\\
vaishya.n hatvA tu varShe dve R^iShabhaika shatAshcha gAH . 
shUdra.n hatvAbdamevaikamR^iShabhaikAdashAshcha gAH .. 52..\\
shvabarbara kharAnhatvA shaudrameva vrata.n charet . 
mArjArachASha maNDUkAnkAkaM bhAsa.n cha mUShakam .. 53..\\
uktaH pashusamo dharmo rAjanprANi nipAtanAt . 
prAyashchittAnyathAnyAni pravakShyAmyanupUrvashaH .. 54..\\
talpe chAnyasya chaurye cha pR^ithaksa.nvatsara.n charet . 
trINi shrotriya bhAryAyAM paradAre tu dve smR^ite .. 55..\\
kAle chaturthe bhu~njAno brahma chArI vratI bhavet . 
sthAnAsanAbhyA.n viharettrirahno.abhyuditAdapaH . 
evameva nirAchAnto yashchAgnInapavidhyati .. 56..\\
tyajatyakAraNe yashcha pitaraM mAtara.n tathA . 
patitaH syAtsa kauravya tathA dharmeShu nishchayaH .. 57..\\
grAsAchchhAdanamatyartha.n dadyAditi nidarshanam . 
bhAryAyA.n vyabhichAriNyAM niruddhAyAM visheShataH . 
yatpu.nsAM paradAreShu tachchainA.n chArayedvratam .. 58..\\
shreyA.nsa.n shayane hitvA yA pApIyA.nsamR^ichchhati . 
shvabhistA.n khAdayedrAjA sa.nsthAne bahu sa.nvR^ite .. 59..\\
pumA.nsaM bandhayetprAGYaH shayane tapta Ayase . 
apyAdadhIta dArUNi tatra dahyeta pApakR^it .. 60..\\
eSha daNDo mahArAja strINAM bhartR^ivyatikrame . 
sa.nvatsarAbhishastasya duShTasya dviguNo bhavet .. 61..\\
dve tasya trINi varShANi chatvAri saha sevinaH . 
kucharaH pa~nchavarShANi charedbhaikShaM munivrataH .. 62..\\
parivittiH parivettA yayA cha parividyate . 
pANigrAhashcha dharmeNa sarve te patitAH smR^itAH .. 63..\\
chareyuH sarva evaite vIrahA yadvrata.n charet . 
chAndrAyaNa.n charenmAsaM kR^ichchhra.n vA pApashuddhaye .. 64..\\
parivettA prayachchheta parivittAya tA.n snuShAm . 
jyeShThena tvabhyanuGYAto yavIyAnpratyanantaram . 
enaso mokShamApnoti sA cha tau chaiva dharmataH .. 65..\\
amAnuShIShu govarjamanAvR^iShTirna duShyati . 
adhiShThAtAramattAraM pashUnAM puruSha.n viduH .. 66..\\
paridhAyordhva vAla.n tu pAtramAdAya mR^inmayam . 
charetsapta gR^ihAnbhaikSha.n svakarma parikIrtayan .. 67..\\
tatraiva labdhabhojI syAddvAdashAhAtsa shudhyati . 
charetsa.nvatsara.n chApi tadvrata.n yannirAkR^iti .. 68..\\
bhavettu mAnuSheShvevaM prAyashchittamanuttamam . 
dAna.n vAdAna sakteShu sarvameva prakalpayet . 
anAstikeShu gomAtraM prANamekaM prachakShate .. 69..\\
shvavarAha manuShyANA.n kukkuTasya kharasya cha . 
mA.nsaM mUtra purISha.n cha prAshya sa.nskAramarhati .. 70..\\
brAhmaNasya surApasya gandhamAghrAya somapaH . 
apastryahaM pibeduShNAstryahamuShNaM payaH pibet . 
tryahamuShNa.n ghR^itaM pItvA vAyubhakSho bhavettryaham .. 71..\\
evametatsamuddiShTaM prAyashchitta.n sanAtanam . 
brAhmaNasya visheSheNa tattvaGYAnena jAyate .. 72..\\
\medskip\hrule\medskip\centerline{\Largedvng 160}
 v

kathAntaramathAsAdya khaDgayuddhavishAradaH . 
nakulaH sharatalpasthamidamAha pitAmaham .. 1..\\
dhanuH praharaNa.n shreShThamiti vAdaH pitAmaha . 
matastu mama dharmaGYa khaDga eva susaMshitaH .. 2..\\
vishIrNe kArmuke rAjanprakShINeShu cha vAjiShu . 
khaDgena shakyate yuddhe sAdhvAtmA parirakShitum .. 3..\\
sharAsanadharAMshchaiva gadA shaktidharA.nstathA . 
ekaH khaDgadharo vIraH samarthaH pratibAdhitum .. 4..\\
atra me saMshayashchaiva kautUhalamatIva cha . 
ki.n svitpraharaNaM shreShThaM sarvayuddheShu pArthiva .. 5..\\
katha.n chotpAditaH khaDgaH kasyArthAya cha kena vA . 
pUrvAchArya.n cha khaDgasya prabrUhi prapitAmaha .. 6..\\
tasya tadvachana.n shrutvA mAdrIputrasya dhImataH . 
sarvakaushala sa.nyukta.n sUkShmachitrArthavachchhubham .. 7..\\
tatastasyottara.n vAkyaM svaravarNopapAditam . 
shikShA nyAyopasampanna.n droNashiShyAya pR^ichchhate .. 8..\\
uvAcha sarvadharmaGYo dhanurvedasya pAragaH . 
sharatalpagato bhIShmo nakulAya mahAtmane .. 9..\\
tattva.n shR^iNuShva mAdreya yadetatparipR^ichchhasi . 
prabodhito.asmi bhavatA dhAtumAniva parvataH .. 10..\\
salilaikArNava.n tAta purA sarvamabhUdidam . 
niShprakampamanAkAshamanirdeshya mahItalam .. 11..\\
tamaH sa.nvR^itamasparshamatigambhIra darshanam . 
niHshabda.n chAprameyaM cha tatra jaGYe pitAmahaH .. 12..\\
so.asR^ijadvAyumagni.n cha bhAskaraM chApi vIryavAn . 
AkAshamasR^ijachchordhvamadho bhUmi.n cha nairR^itim .. 13..\\
nabhaH sa chandra tAra.n cha nakShatrANi grahA.nstathA . 
sa.nvatsarAnahorAtrAnR^itUnatha lavAnkShaNAn .. 14..\\
tataH sharIra.n lokasthaM sthApayitvA pitAmahaH . 
janayAmAsa bhagavAnputrAnuttamatejasaH .. 15..\\
marIchimR^iShimatri.n cha pulastyaM pulahaM kratum . 
vasiShThA~Ngirasau chobhau rudra.n cha prabhumIshvaram .. 16..\\
prAchetasastathA dakShaH kanyA ShaShThimajIjanat . 
tA vai brahmarShayaH sarvAH prajArthaM pratipedire .. 17..\\
tAbhyo vishvAni bhUtAni devAH pitR^igaNAstathA . 
gandharvApsarasashchaiva rakShA.nsi vividhAni cha .. 18..\\
patatrimR^igamInAshcha plava~NgAshcha mahoragAH . 
nAnAkR^iti balAshchAnye jalakShitivichAriNaH .. 19..\\
audbhidAH svedajAshchaiva aNDajAshcha jarAyujAH . 
jaGYe tAta tathA sarva.n jagatsthAvaraja~Ngamam .. 20..\\
bhUtasargamima.n kR^itvA sarvalokapitAmahaH . 
shAshvata.n veda paThita.n dharmaM cha yuyuje punaH .. 21..\\
tasmindharme sthitA devAH sahAchArya purohitAH . 
AdityA vasavo rudrAH sa sAdhyA marudashvinaH .. 22..\\
bhR^igvatrya~NgirasaH siddhAH kAshyapashcha tapodhanaH . 
vasiShTha gautamAgastyAstathA nArada parvatau .. 23..\\
R^iShayo vAlakhilyAshcha prabhAsAH sikatAstathA . 
ghR^itAchAH somavAyavyA vaikhAnasa marIchipAH .. 24..\\
akR^iShTAshchaiva ha.nsAshcha R^iShayo.athAgniyonijAH . 
vAnaprasthAH pR^ishnayashcha sthitA brahmAnushAsane .. 25..\\
dAnavendrAstvatikramya tatpitAmaha shAsanam . 
dharmasyApachaya.n chakruH krodhalobha samanvitAH .. 26..\\
hiraNyakashipushchaiva hiraNyAkSho virochanaH . 
shambaro viprachittishcha prahrAdo namuchirbaliH .. 27..\\
ete chAnye cha bahavaH sagaNA daityadAnavAH . 
dharmasetumatikramya remire.adharmanishchayAH .. 28..\\
sarve sma tulyajAtIyA yathA devAstathA vayam . 
ityeva.n hetumAsthAya spardhamAnAH surarShibhiH .. 29..\\
na priyaM nApyanukrosha.n chakrurbhUteShu bhArata . 
trInupAyAnatikramya daNDena rurudhuH prajAH . 
na jagmuH sa.nvida.n taishcha darpAdasurasattamAH .. 30..\\
atha vai bhagavAnbrahmA brahmarShibhirupasthitaH . 
tadA himavataH pR^iShThe suramye padmatArake .. 31..\\
shatayojanavistAre maNimuktA chayAchite . 
tasmingirivare putra puShpitadrumakAnane . 
tasthau sa vibudhashreShTho brahmA lokArtha siddhaye .. 32..\\
tato varShasahasrAnte vitAnamakarotprabhuH . 
vidhinA kalpadR^iShTena yathoktenopapAditam .. 33..\\
R^iShibhiryaGYapaTubhiryathAvatkarma kartR^ibhiH . 
marudbhiH parisa.nstIrNa.n dIpyamAnaishcha pAvakaiH .. 34..\\
kA~nchanairyaGYabhANDaishcha bhrAjiShNubhirala~NkR^itam . 
vR^ita.n devagaNaishchaiva prababhau yaGYamaNDalam .. 35..\\
tathA brahmarShibhishchaiva sadasyairupashobhitam . 
tatra ghoratama.n vR^ittamR^iShINAM me parishrutam .. 36..\\
chandramA vimala.n vyoma yathAbhyudita tArakam . 
vidAryAgni.n tathA bhUtamutthita.n shrUyate tataH .. 37..\\
nIlotpalasavarNAbha.n tIkShNadaMShTraM kR^ishodaram . 
prAMshu durdarshana.n chaivApyatitejastathaiva cha .. 38..\\
tasminnutpatamAne cha prachachAla vasundharA . 
tatrormi kalilAvartashchukShubhe cha mahArNavaH .. 39..\\
peturulkA mahotpAtAH shAkhAshcha mumuchurdrumAH . 
aprasannA dishaH sarvAH pavanashchAshivo vavau . 
muhurmuhushcha bhUtAni prAvyathanta bhayAttathA .. 40..\\
tataH sutumula.n dR^iShTvA tadadbhutamupasthitam . 
maharShisuragandharvAnuvAchedaM pitAmahaH .. 41..\\
mayaitachchintitaM bhUtamasirnAmaiSha vIryavAn . 
rakShaNArthAya lokasya vadhAya cha suradviShAm .. 42..\\
tatastadrUpamutsR^ijya babhau nistriMsha eva saH . 
vimalastIkShNadhArashcha kAlAntaka ivodyataH .. 43..\\
tatasta.n shitikaNThAya rudrAyarShabha ketave . 
brahmA dadAvasi.n dIptamadharmaprativAraNam .. 44..\\
tataH sa bhagavAnrudro brahmarShigaNasa.nstutaH . 
pragR^ihyAsimameyAtmA rUpamanyachchakAra ha .. 45..\\
chaturbAhuH spR^ishanmUrdhnA bhUsthito.api nabhastalam . 
UrdhvadR^iShTirmahAli~Ngo mukhAjjvAlAH samutsR^ijan . 
vikurvanbahudhA varNAnnIlapANDura lohitAn .. 46..\\
bibhratkR^iShNAjina.n vAso hemapravara tArakam . 
netra.n chaika.n lalATena bhAskarapratimaM mahat . 
shushubhAte cha vimale dve netre kR^iShNapi~Ngale .. 47..\\
tato devo mahAdevaH shUlapANirbhagAkShi hA . 
sampragR^ihya tu nistriMsha.n kAlArkAnala saMnibham .. 48..\\
trikUTa.n charma chodyamya sa vidyutamivAmbudam . 
chachAra vividhAnmArgAnmahAbalaparAkramaH . 
vidhunvannasimAkAshe dAnavAnta chikIrShayA .. 49..\\
tasya nAda.n vinadato mahAhAsa.n cha mu~nchataH . 
babhau pratibhaya.n rUpa.n tadA rudrasya bhArata .. 50..\\
tadrUpadhAriNa.n rudraM raudrakarma chikIrShavaH . 
nishamya dAnavAH sarve hR^iShTAH samabhidudruvuH .. 51..\\
ashmabhishchApyavarShanta pradIptaishcha tatholmukaiH . 
ghoraiH praharaNaishchAnyaiH shitadhArairayomukhaiH .. 52..\\
tatastaddAnavAnIka.n sampraNetAramachyutam . 
rudra khaDgabaloddhUtaM prachachAla mumoha cha .. 53..\\
chitra.n shIghrataratvAchcha charantamasi dhAriNam . 
tamekamasurAH sarve sahasramiti menire .. 54..\\
chhindanbhindanrujankR^intandArayanpramathannapi . 
acharaddaitya sa~NgheShu rudro.agniriva kakShagaH .. 55..\\
asi vegaprarugNAste chhinnabAhUruvakShasaH . 
samprakR^ittottamA~NgAshcha petururvyAM mahAsurAH .. 56..\\
apare dAnavA bhagnA rudra ghAtAvapIDitAH . 
anyonyamabhinardanto dishaH sampratipedire .. 57..\\
bhUmi.n ke chitpravivishuH parvatAnapare tathA . 
apare jagmurAkAshamapare.ambhaH samAvishan .. 58..\\
tasminmahati sa.nvR^itte samare bhR^ishadAruNe . 
babhau bhUmiH pratibhayA tadA rudhirakardamA .. 59..\\
dAnavAnA.n sharIraishcha mahadbhiH shoNitokShitaiH . 
samAkIrNA mahAbAho shailairiva sa kiMshukaiH .. 60..\\
rudhireNa pariklinnA prababhau vasudhA tadA . 
raktArdra vasanA shyAmA nArIva madavihvalA .. 61..\\
sa rudro dAnavAnhatvA kR^itvA dharmottara.n jagat . 
raudra.n rUpaM vihAyAshu chakre rUpaM shivaM shivaH .. 62..\\
tato maharShayaH sarve sarve devagaNAstathA . 
jayenAdbhuta kalpena devadevamathArchayan .. 63..\\
tataH sa bhagavAnrudro dAnava kShatajokShitam . 
asi.n dharmasya goptAraM dadau satkR^itya viShNave .. 64..\\
viShNurmarIchaye prAdAnmarIchirbhagavAMsh cha tam . 
maharShibhyo dadau khaDgamR^iShayo vAsavAya tu .. 65..\\
mahendro lokapAlebhyo lokapAlAstu putraka . 
manave sUryaputrAya daduH khaDga.n suvistaram .. 66..\\
Uchushchaina.n tathaivAdyaM mAnuShANAM tvamIshvaraH . 
asinA dharmagarbheNa pAlayasva prajA iti .. 67..\\
dharmasetumatikrAntAH sUkShmasthUlArtha kAraNAt . 
vibhajya daNDa.n rakShyAH syurdharmato na yadR^ichchhayA .. 68..\\
durvAchA nigraho daNDo hiraNyabahulastathA . 
vya~Ngana.n cha sharIrasya vadho vAnalpa kAraNAt .. 69..\\
aseretAni rUpANi durvAchAdIni nirdishet . 
asereva pramANAni parimANa vyatikramAt .. 70..\\
adhisR^ijyAtha putra.n svaM prajAnAmadhipa.n tataH . 
manuH prajAnA.n rakShArtha.n kShupAya pradadAvasim .. 71..\\
kShupAjjagrAha chekShvAkuriShkvAkoshcha purUravAH . 
Ayushcha tasmAllebhe taM nahuShash cha tato bhuvi .. 72..\\
yayAtirnahuShAchchApi pUrustasmAchcha labdhavAn . 
AmUrtarayasastasmAttato bhUmishayo nR^ipaH .. 73..\\
bharatashchApi dauHShantirlebhe bhUmishayAdasim . 
tasmAchcha lebhe dharmaGYo rAjannaiDabiDastathA .. 74..\\
tatashchaiDabiDAllebhe dhundhumAro janeshvaraH . 
dhundhumArAchcha kAmbojo muchukundastato.alabhat .. 75..\\
muchukundAnmaruttashcha maruttAdapi raivataH . 
raivatAdyuvanAshvashcha yuvanAshvAttato raghuH .. 76..\\
iShkvAku vaMshajastasmAddhariNAshvaH pratApavAn . 
hariNAshvAdasi.n lebhe shunakaH shunakAdapi .. 77..\\
ushInaro vai dharmAtmA tasmAdbhojAH sa yAdavAH . 
yadubhyashcha shibirlebhe shibeshchApi pratardanaH .. 78..\\
pratardanAdaShTakashcha rushadashvo.aShTakAdapi . 
rushadashvAdbharadvAjo droNastasmAtkR^ipastataH . 
tatastvaM bhrAtR^ibhiH sArdhaM paramAsimavAptavAn .. 79..\\
kR^ittikAshchAsya nakShatramaseragnish cha daivatam . 
rohiNyo gotramasyAtha rudrashcha gururuttamaH .. 80..\\
aseraShTau cha nAmAni rahasyAni nibodha me . 
pANDaveya sadA yAni kIrtaya.Nllabhate jayam .. 81..\\
asirvishasanaH khaDgastIkShNavartmA durAsadaH . 
shrIgarbho vijayashchaiva dharmapAlastathaiva cha .. 82..\\
agryaH praharaNAnA.n cha khaDgo mAdravatIsuta . 
maheshvara praNItashcha purANe nishchaya.n gataH .. 83..\\
pR^ithustUtpAdayAmAsa dhanurAdyamarindama . 
teneyaM pR^ithivI pUrva.n vainyena parirakShitA .. 84..\\
tadetadArShaM mAdreya pramANa.n kartumarhasi . 
aseshcha pUjA kartavyA sadA yuddhavishAradaiH .. 85..\\
ityeSha prathamaH kalpo vyAkhyAtaste suvistaraH . 
aserutpattisa.nsargo yathAvadbharatarShabha .. 86..\\
sarvathaitadiha shrutvA khaDgasAdhanamuttamam . 
labhate puruShaH kIrtiM pretya chAnantyamashnute .. 87..\\
\medskip\hrule\medskip\centerline{\Largedvng 161}
 v

ityuktavati bhIShme tu tUShNI bhUte yudhiShThiraH . 
paprachchhAvasara.n gatvA bhrAtR^Invidura pa~nchamAn .. 1..\\
dharme chArthe cha kAme cha lokavR^ittiH samAhitA . 
teShA.n garIyAnkatamo madhyamaH ko laghushcha kaH .. 2..\\
kasmiMshchAtmA niyantavyastrivargavijayAya vai . 
santuShTA naiShThika.n vAkyaM yathAvadvaktumarhatha .. 3..\\
tato.arthagatitattvaGYaH prathamaM pratibhAnavAn . 
jagAda virudo vAkya.n dharmashAstramanusmaran .. 4..\\
bAhushrutya.n tapastyAgaH shraddhA yaGYakriyA kShamA . 
bhAvashuddhirdayA satya.n sa.nyamashchAtmasampadaH .. 5..\\
etadevAbhipadyasva mA te bhUchchalitaM manaH . 
etanmUlau hi dharmArthAvetadekapada.n hitam .. 6..\\
dharmeNaivarShayastIrNA dharme lokAH pratiShThitAH . 
dharmeNa devA divigA dharme chArthaH samAhitaH .. 7..\\
dharmo rAjanguNashreShTho madhyamo hyartha uchyate . 
kAmo yavIyAniti cha pravadanti manIShiNaH . 
tasmAddharmapradhAnena bhavitavya.n yatAtmanA .. 8..\\
samAptavachane tasminnarthashAstravishAradaH . 
pArtho vAkyArthatattvaGYo jagau vAkyamatandritaH .. 9..\\
karmabhUmiriya.n rAjanniha vArtA prashasyate . 
kR^iShivANijya gorakShya.n shilpAni vividhAni cha .. 10..\\
artha ityeva sarveShA.n karmaNAmavyatikramaH . 
na R^ite.arthena vartete dharmakAmAviti shrutiH .. 11..\\
vijayI hyarthavAndharmamArAdhayitumuttamam . 
kAma.n cha charitu.n shakto duShprApamakR^itAtmabhiH .. 12..\\
arthasyAvayavAvetau dharmakAmAviti shrutiH . 
arthasiddhyA hi nirvR^ittAvubhAvetau bhaviShyataH .. 13..\\
udbhUtArtha.n hi puruShaM vishiShTatara yonayaH . 
brahmANamiva bhUtAni satataM paryupAsate .. 14..\\
jaTAjinadharA dAntAH pa~NkadigdhA jitendriyAH . 
muNDA nistantavashchApi vasantyarthArthinaH pR^ithak .. 15..\\
kAShAyavasanAshchAnye shmashrulA hrIsusa.nvR^itAH . 
vidvA.nsashchaiva shAntAshcha muktAH sarvaparigrahaiH .. 16..\\
arthArthinaH santi ke chidapare svargakA~NkShiNaH . 
kulapratyAgamAshchaike sva.n svaM mArgamanuShThitAH .. 17..\\
AstikA nAstikAshchaiva niyatAH sa.nyame pare . 
apraGYAna.n tamo bhUtaM praGYAnaM tu prakAshatA .. 18..\\
bhR^ityAnbhogairdviSho daNDairyo yojayati so.arthavAn . 
etanmatimatA.n shreShTha mataM mama yathAtatham . 
anayostu nibodha tva.n vachanaM vAkyakaNThayoH .. 19..\\
tato dharmArthakushalau mAdrIputrAvanantaram . 
nakulaH sahadevashcha vAkya.n jagadatuH param .. 20..\\
AsInashcha shayAnashcha vicharannapi cha sthitaH . 
arthayoga.n dR^iDhaM kuryAdyogairuchchAvachairapi .. 21..\\
asmi.nstu vai susa.nvR^itte durlabhe paramapriya . 
iha kAmAnavApnoti pratyakShaM nAtra saMshayaH .. 22..\\
yo.artho dharmeNa sa.nyukto dharmo yashchArthasa.nyutaH . 
madhvivAmR^ita sa.nyukta.n tasmAdetau matAviha .. 23..\\
anarthasya na kAmo.asti tathArtho.adharmiNaH kutaH . 
tasmAdudvijate loko dharmArthAdyo bahiShkR^itaH .. 24..\\
tasmAddharmapradhAnena sAdhyo.arthaH sa.nyatAtmanA . 
vishvasteShu cha bhUteShu kalpate sarva eva hi .. 25..\\
dharma.n samAcharetpUrva.n tathArthaM dharmasa.nyutam . 
tataH kAma.n charetpashchAtsiddhArthasya hi tatphalam .. 26..\\
virematustu tadvAkyamuktvA tAvashvinoH sutau . 
bhImasenastadA vAkyamida.n vaktuM prachakrame .. 27..\\
nAkAmaH kAmayatyarthaM nAkAmo dharmamichchhati . 
nAkAmaH kAmayAno.asti tasmAtkAmo vishiShyate .. 28..\\
kAmena yuktA R^iShayastapasyeva samAhitAH . 
palAshaphalamUlAshA vAyubhakShAH susa.nyatAH .. 29..\\
vedopavAdeShvapare yuktAH svAdhyAyapAragAH . 
shrAddhayaGYakriyAyA.n cha tathA dAnapratigrahe .. 30..\\
vaNijaH karShakA gopAH kAravaH shilpinastathA . 
daivakarma kR^itashchaiva yuktAH kAmena karmasu .. 31..\\
samudra.n chAvishantyanye narAH kAmena sa.nyutAH . 
kAmo hi vividhAkAraH sarva.n kAmena santatam .. 32..\\
nAsti nAsInnAbhaviShyadbhUta.n kAmAtmakAtparam . 
etatsAraM mahArAja dharmArthAvatra saMshritau .. 33..\\
nava nIta.n yathA dadhnastathA kAmo.arthadharmataH . 
shreyastaila.n cha piNyAkAddhR^ita.n shreya udashvitaH .. 34..\\
shreyaH puShpaphala.n kAShThAtkAmo dharmArthayorvaraH . 
puShpito madhviva rasaH kAmAtsa~njAyate sukham .. 35..\\
suchAru veShAbhirala~NkR^itAbhir 
madotkaTAbhiH priyavAdinIbhiH . 
ramasva yoShAbhirupetya kAmaM 
kAmo hi rAja.nstarasAbhipAtI .. 36..\\
buddhirmamaiShA pariShatsthitasya 
mA bhUdvichArastava dharmaputra . 
syAtsa.nhita.n sadbhiraphalgusAraM 
sametya vAkyaM paramAnR^isha.nsyam .. 37..\\
dharmArthakAmAH samameva sevyA 
yastvekasevI sa naro jaghanyaH . 
dvayostu dakShaM pravadanti madhyaM 
sa uttamo yo niratistrivarge .. 38..\\
prAGYaH suhR^ichchandanasAralipto 
vichitramAlyAbharaNairupetaH . 
tato vachaH sa~NgrahavigraheNa 
proktvA yavIyAnvirarAma bhImaH .. 39..\\
tato muhUrtAdatha dharmarAjo 
vAkyAni teShAm anuchintya samyak . 
uvAcha vAchAvitatha.n smayanvai 
bahushruto dharmabhR^itA.n variShThaH .. 40..\\
niHsaMshayaM nishchita dharmashAstrAH 
sarve bhavanto viditapramANAH . 
viGYAtu kAmasya mameha vAkyam 
ukta.n yadvai naiShThika.n tachchhrutaM me . 
iha tvavashya.n gadato mamApi 
vAkyaM nibodhadhvamananyabhAvAH .. 41..\\
yo vai na pApe nirato na puNye 
nArthe na dharme manujo na kAme . 
vimuktadoShaH samaloShTa kA~nchanaH 
sa muchyate duHkhasukhArtha siddheH .. 42..\\
bhUtAni jAtI maraNAnvitAni 
jarA vikAraishcha samanvitAni . 
bhUyashcha taistaiH pratibodhitAni 
mokShaM prasha.nsanti na ta.n cha vidmaH .. 43..\\
snehe na buddhasya na santi tAnIty 
eva.n svayambhUrbhagavAnuvAcha . 
budhAshcha nirvANaparA vadanti 
tasmAnna kuryAtpriyamapriya.n cha .. 44..\\
etatpradhAnaM na tu kAmakAro 
yathA niyukto.asmi tathA charAmi . 
bhUtAni sarvANi vidhirniyu~Nkte 
vidhirbalIyAniti vittasarve .. 45..\\
na karmaNApnotyanavApyamarthaM 
yadbhAvi sarvaM bhavatIti vitta . 
trivargahIno.api hi vindate.arthaM 
tasmAdida.n lokahitAya guhyam .. 46..\\
tatastadagrya.n vachanaM mano.anugaM 
samastamAGYAya tato.atihetumat . 
tadA praNedushcha jaharShire cha te 
kurupravIrAya cha chakrura~njalIn .. 47..\\
suchAru varNAkShara shabdabhUShitAM 
mano.anugAM nirdhuta vAkyakaNTakAm . 
nishamya tAM pArthiva pArtha bhAShitAM 
giraM narendrAH prashasha.nsureva te . 
punashcha paprachchha saridvarAsutaM 
tataH para.n dharmamahIna sattvaH .. 48..\\
\medskip\hrule\medskip\centerline{\Largedvng 162}
 y

pitAmaha mahAprAGYa kurUNA.n kIrtivardhana . 
prashna.n kaM chitpravakShyAmi tanme vyAkhyAtumarhasi .. 1..\\
kIdR^ishA mAnavAH saumyAH kaiH prItiH paramA bhavet . 
AyatyA.n cha tadAtve cha ke kShamAstAnvadasva me .. 2..\\
na hi tatra dhana.n sphItaM na cha sambandhibAndhavAH . 
tiShThanti yatra suhR^idastiShThantIti matirmama .. 3..\\
durlabho hi suhR^ichchhrotA durlabhashcha hitaH suhR^it . 
etaddharmabhR^itA.n shreShTha sarvaM vyAkhyAtumarhasi .. 4..\\

 bh

sandheyAnpuruShAnrAjannasandheyAMshcha tattvataH . 
vadato me nibodha tvaM nikhilena yudhiShThira .. 5..\\
lubdhaH krUrastyaktadharmA nikR^itaH shaTha eva cha . 
kShudraH pApasamAchAraH sarvasha~NkI tathAlasaH .. 6..\\
dIrghasUtro.anR^ijuH kaShTo guru dArapradharShakaH . 
vyasane yaH parityAgI durAtmA nirapatrapaH .. 7..\\
sarvataH pApadarshI cha nAstiko veda nindakaH . 
samprakIrNendriyo loke yaH kAmaniratash charet .. 8..\\
asatyo lokavidviShTaH samaye chAnavasthitaH . 
pishuno.athAkR^ita praGYo matsarI pApanishchayaH .. 9..\\
duHshIlo.athAkR^itAtmA cha nR^isha.nsaH kitavastathA . 
mitrairarthakR^itI nityamichchhatyarthaparashcha yaH .. 10..\\
vahatashcha yathAshakti yo na tuShyati mandadhIH . 
amitramiva yo bhu~Nkte sadA mitraM nararShabha .. 11..\\
asthAna krodhano yashcha akasmAchcha virajyate . 
suhR^idashchaiva kalyANAnAshu tyajati kilbiShI .. 12..\\
alpe.apyapakR^ite mUDhastathAGYAnAtkR^ite.api cha . 
kAryopasevI mitreShu mitra dveShI narAdhipa .. 13..\\
shatrurmitra mukho yashcha jihmaprekShI vilobhanaH . 
na rajyati cha kalyANe yastyajettAdR^ishaM naram .. 14..\\
pAnapo dveShaNaH krUro nirghR^iNaH paruShastathA . 
paropatApI mitradhruktathA prANivadhe rataH .. 15..\\
kR^itaghnashchAdhamo loke na sandheyaH katha.n chana . 
chhidrAnveShI na sandheyaH sandheyAnapi me shR^iNu .. 16..\\
kulInA vAkyasampannA GYAnaviGYAnakovidAH . 
mitraGYAshcha kR^itaGYAshcha sarvaGYAH shokavarjitAH .. 17..\\
mAdhuryaguNasampannAH satyasandhA jitendriyAH . 
vyAyAmashIlAH satataM bhR^itaputrAH kulodgatAH .. 18..\\
rUpavanto guNopetAstathAlubdhA jitashramAH . 
doShairviyuktAH prathitaiste grAhyAH pArthivena ha .. 19..\\
yathAshakti samAchArAH santastuShyanti hi prabho . 
nAsthAne krodhavantashcha na chAkasmAdvirAgiNaH .. 20..\\
viraktAshcha na ruShyanti manasApyarthakovidAH . 
AtmAnaM pIDayitvApi suhR^itkAryaparAyaNAH . 
na virajyanti mitrebhyo vAso raktamivAvikam .. 21..\\
doShAMshcha lobhamohAdInartheShu yuvatiShvatha . 
na darshayanti suhR^idA.n vishvastA bandhuvatsalAH .. 22..\\
loShTa kA~nchanatulyArthAH suhR^itsvashaTha buddhayaH . 
ye charantyanabhImAnA nisR^iShTArtha vibhUShaNAH . 
sa~NgR^ihNantaH parijana.n svAmyarthaparamAH sadA .. 23..\\
IdR^ishaiH puruShashreShThaiH sandhi.n yaH kurute nR^ipaH . 
tasya vistIryate rAShTra.n jyotsnA grahapateriva .. 24..\\
shAstranityA jitakrodhA balavanto raNapriyAH . 
kShAntAH shIlaguNopetAH sandheyAH puruShottamAH .. 25..\\
ye cha doShasamAyuktA narAH proktA mayAnagha . 
teShAmapyadhamo rAjankR^itaghno mitra ghAtakaH . 
tyaktavyaH sa durAchAraH sarveShAmiti nishchayaH .. 26..\\

 y

vistareNArtha sambandha.n shrotumichchhAmi pArthiva . 
mitradrohI kR^itaghnashcha yaH proktasta.n cha me vada .. 27..\\

 bh

hanta te vartayiShye.ahamitihAsaM purAtanam . 
udIchyA.n dishi yadvR^ittaM mlechchheShu manujAdhipa .. 28..\\
brAhmaNo madhyadeshIyaH kR^iShNA~Ngo brahma varjitaH . 
grAmaM prekShya janAkIrNaM prAvishadbhaikSha kA~NkShayA .. 29..\\
tatra dasyurdhanayutaH sarvavarNavisheShavit . 
brahmaNyaH satyasandhashcha dAne cha nirato.abhavat .. 30..\\
tasya kShayamupAgamya tato bhikShAmayAchata . 
pratishraya.n cha vAsArthaM bhikShAM chaivAtha vArShikIm .. 31..\\
prAdAttasmai sa viprAya vastra.n cha sadR^ishaM navam . 
nArI.n chApi vayo petAM bhartrA virahitAM tadA .. 32..\\
etatsamprApya hR^iShTAtmA dasyoH sarva.n dvijastadA . 
tasmingR^ihavare rAja.nstayA reme sa gautamaH .. 33..\\
kuTumbArtheShu dasyoH sa sAhAyya.n chApyathAkarot . 
tatrAvasatso.atha varShAH samR^iddhe shabarAlaye . 
bANavedhye para.n yatnamakarochchaiva gautamaH .. 34..\\
vakrA~NgA.nstu sa nitya.n vai sarvato bANagochare . 
jaghAna gautamo rAjanyathA dasyu gaNastathA .. 35..\\
hi.nsA paro ghR^iNA hInaH sadA prANivadhe rataH . 
gautamaH saMnikarSheNa dasyubhiH samatAmiyAt .. 36..\\
tathA tu vasatastasya dasyu grAme sukha.n tadA . 
agachchhanbahavo mAsA nighnataH pakShiNo bahUn .. 37..\\
tataH kadA chidaparo dvijasta.n deshamAgamat . 
jaTI chIrAjinadharaH svAdhyAyaparamaH shuchiH .. 38..\\
vinIto niyatAhAro brahmaNyo vedapAragaH . 
sa brahma chArI taddeshyaH sakhA tasyaiva supriyam . 
ta.n dasyu grAmamagamadyatrAsau gautamo.abhavat .. 39..\\
sa tu vipra gR^ihAnveShI shUdrAnna parivarjakaH . 
grAme dasyu janAkIrNe vyacharatsarvatodisham .. 40..\\
tataH sa gautama gR^ihaM pravivesha dvijottamaH . 
gautamashchApi samprAptastAvanyonyena sa~Ngatau .. 41..\\
vakrA~NgabhArahasta.n taM dhanuShpANiM kR^itAgasam . 
rudhireNAvasiktA~Nga.n gR^ihadvAramupAgatam .. 42..\\
ta.n dR^iShTvA puruShAdAbhamapadhvastaM kShayAgatam . 
abhiGYAya dvijo vrIDAmagamadvAkyamAha cha .. 43..\\
kimida.n kuruShe mauDhyAdviprastva.n hi kulodgataH . 
madhyadeshapariGYAto dasyu bhAva.n gataH katham .. 44..\\
pUrvAnsmara dvijAgryA.nstAnprakhyAtAnvedapAragAn . 
yeShA.n vaMshe.abhijAtastvamIdR^ishaH kulapA.nsanaH .. 45..\\
avabudhyAtmanAtmAna.n satyaM shIlaM shruta.n damam . 
anukrosha.n cha sa.nsmR^itya tyaja vAsamimaM dvija .. 46..\\
evamuktaH sasuhR^idA tadA tena hitaiShiNA . 
pratyuvAcha tato rAjanvinishchitya tadArtavat .. 47..\\
adhano.asmi dvijashreShTha na cha vedavidapyaham . 
vR^ittyarthamiha samprApta.n viddhi mA.n dvijasattama .. 48..\\
tvaddarshanAttu viprarShe kR^itArtha.n vedmyaha.n dvija . 
AtmAna.n saha yAsyAvaH shvo vasAdyeha sharvarIm .. 49..\\
\medskip\hrule\medskip\centerline{\Largedvng 163}
 bh

tasyAM nishAyA.n vyuShTAyA.n gate tasmindvijottame . 
niShkramya gautamo.agachchhatsamudraM prati bhArata .. 1..\\
sAmudrakAnsa vaNijastato.apashyatsthitAnpathi . 
sa tena sArthena saha prayayau sAgaraM prati .. 2..\\
sa tu sArtho mahArAja kasmiMsh chidgirigahvare . 
mattena dviradenAtha nihataH prAyasho.abhavat .. 3..\\
sa katha.n chittatastasmAtsArthAnmukto dvijastadA . 
kAndigbhUto jIvitArthI pradudrAvottarA.n disham .. 4..\\
sa sarvataH paribhraShTaH sArthAddeshAttathArthataH . 
ekAkI vyadravattatra vane kiM puruSho yathA .. 5..\\
sa panthAnamathAsAdya samudrAbhisara.n tadA . 
AsasAda vana.n ramyaM mahatpuShpitapAdapam .. 6..\\
sarvartukairAmravanaiH puShpitairupashobhitam . 
nandanoddesha sadR^isha.n yakShakiMnarasevitam .. 7..\\
shAlatAladhavAshvatthatvachAguru vanaistathA . 
chandanasya cha mukhyasya pAdapairupashobhitam . 
giriprastheShu ramyeShu shubheShu susugandhiShu .. 8..\\
samantato dvijashreShThA valgu kUjanti tatra vai . 
manuShyavadanAstvanye bhAruNDA iti vishrutAH . 
bhUli~NgashakunAshchAnye samudra.n sarvato.abhavan .. 9..\\
sa tAnyatimanoGYAni viha~NgAbhirutAni vai . 
shR^iNvansuramaNIyAni vipro.agachchhata gautamaH .. 10..\\
tato.apashyatsuramye sa suvarNasikatAchite . 
deshabhAge same chitre svargoddesha samaprabhe .. 11..\\
shriyA juShTaM mahAvR^ikShaM nyagrodhaM parimaNDalam . 
shAkhAbhiranurUpAbhirbhUShita.n chhatrasaMnibham .. 12..\\
tasya mUla.n susa.nsiktaM varachandana vAriNA . 
divyapuShpAnvita.n shrImatpitAmaha sadopamam .. 13..\\
ta.n dR^iShTvA gautamaH prIto munikAntamanuttamam . 
medhya.n suragR^iha prakhyaM puShpitaiH pAdapairvR^itam . 
tamAgamya mudA yuktastasyAdhastAdupAvishat .. 14..\\
tatrAsInasya kauravya gautamasya sukhaH shivaH . 
puShpANi samupaspR^ishya pravavAvanilaH shuchiH . 
hlAdayansarvagAtrANi gautamasya tadA nR^ipa .. 15..\\
sa tu vipraH parishrAntaH spR^iShTaH puNyena vAyunA . 
sukhamAsAdya suShvApa bhAskarashchAstamabhyagAt .. 16..\\
tato.astaM bhAskare yAte sandhyAkAla upasthite . 
AjagAma svabhavanaM brahmalokAtkhagottamaH .. 17..\\
nADI ja~Ngha iti khyAto dayito brahmaNaH sakhA . 
bakarAjo mahAprAGYaH kashyapasyAtmasambhavaH .. 18..\\
rAjadharmeti vikhyAto babhUvApratimo bhuvi . 
devakanyA sutaH shrImAnvidvAndevapatiprabhaH .. 19..\\
mR^iShTahATaka sa~nchanno bhUShaNairarkasaMnibhaiH . 
bhUShitaH sarvagAtreShu devagarbhaH shriyA jvalan .. 20..\\
tamAgata.n dvijaM dR^iShTvA vismito gautamo.abhavat . 
kShutpipAsAparItAtmA hi.nsArthI chApyavaikShata .. 21..\\

 raajadharma

svAgataM bhavate vipra diShTyA prApto.asi me gR^iham . 
asta.n cha savitA yAtaH sandhyeya.n samupasthitA .. 22..\\
mama tvaM nilayaM prAptaH priyAtithiraninditaH . 
pUjito yAsyasi prAtarvidhidR^iShTena karmaNA .. 23..\\
\medskip\hrule\medskip\centerline{\Largedvng 164}
 bh

gira.n tAM madhurA.n shrutvA gautamo vismitastadA . 
kautUhalAnvito rAjanrAjadharmANamaikShata .. 1..\\

 r

bhoH kashyapasya putro.ahaM mAtA dAkShAyaNI cha me . 
atithistva.n guNopetaH svAgataM te dvijarShabha .. 2..\\

 bh

tasmai dattvA sa satkAra.n vidhidR^iShTena karmaNA . 
shAlapuShpamayI.n divyAM bR^isI.n samupakalpayat .. 3..\\
bhagIratha rathAkrAntAndeshAnga~NgA niShevitAn . 
ye charanti mahAmInAstAMshcha tasyAnvakalpayat .. 4..\\
vahni.n chApi susandIptaM mInAMshchaiva supIvarAn . 
sa gautamAyAtithaye nyavedayata kAshyapaH .. 5..\\
bhuktavanta.n cha ta.n vipraM prItAtmAnaM mahAmanAH . 
klamApanayanArtha.n sa pakShAbhyAmabhyavIjayat .. 6..\\
tato vishrAntamAsIna.n gotra prashnamapR^ichchhata . 
so.abravIdgautamo.asmIti brAhma nAnyadudAharat .. 7..\\
tasmai parNamaya.n divyaM divyapuShpAdhivAsitam . 
gandhADhya.n shayanaM prAdAtsa shishye tatra vai sukham .. 8..\\
athopaviShTa.n shayane gautamaM bakarATtadA . 
paprachchha kAshyapo vAgmI kimAgamanakAraNam .. 9..\\
tato.abravIdgautamasta.n daridro.ahaM mahAmate . 
samudragamanAkA~NkShI dravyArthamiti bhArata .. 10..\\
ta.n kAshyapo.abravItprIto notkaNThAM kartumarhasi . 
kR^itakAryo dvijashreShTha sa dravyo yAsyase gR^ihAn .. 11..\\
chaturvidhA hyarthagatirbR^ihaspatimata.n yathA . 
pAramparya.n tathA daivaM karma mitramiti prabho .. 12..\\
prAdurbhUto.asmi te mitra.n suhR^ittva.n cha mama tvayi . 
so.aha.n tathA yatiShyAmi bhaviShyasi yathArthavAn .. 13..\\
tataH prabhAtasamaye sukhaM pR^iShTvAbravIdidam . 
gachchha saumya pathAnena kR^itakR^ityo bhaviShyasi .. 14..\\
itastriyojana.n gatvA rAkShasAdhipatirmahAn . 
virUpAkSha iti khyAtaH sakhA mama mahAbalaH .. 15..\\
ta.n gachchha dvijamukhya tvaM mama vAkyaprachoditaH . 
kAmAnabhIpsitA.nstubhya.n dAtA nAstyatra saMshayaH .. 16..\\
ityuktaH prayayau rAjangautamo vigataklamaH . 
phalAnyamR^itakalpAni bhakShayansma yatheShTataH .. 17..\\
chandanAgurumukhyAni tvakpatrANA.n vanAni cha . 
tasminpathi mahArAja sevamAno druta.n yayau .. 18..\\
tato meruvrajaM nAma nagara.n shailatoraNam . 
shailaprAkAravapra.n cha shailayantrArgalaM tathA .. 19..\\
viditashchAbhavattasya rAkShasendrasya dhImataH . 
prahitaH suhR^idA rAjanprIyatA vai priyAtithiH .. 20..\\
tataH sa rAkShasendraH svAnpreShyAnAha yudhiShThira . 
gautamo nagaradvArAchchhIghramAnIyatAm iti .. 21..\\
tataH puravarAttasmAtpuruShAH shvetaveShTanAH . 
gautametyabhibhAShantaH puradvAramupAgaman .. 22..\\
te tamUchurmahArAja preShyA rakShaHpaterdvijam . 
tvarasva tUrNamAgachchha rAjA tvA.n draShTumichchhati .. 23..\\
rAkShasAdhipatirvIro virUpAkSha iti shrutaH . 
sa tvA.n tvarati vai draShTuM tatkShipra.n sa.nvidhIyatAm .. 24..\\
tataH sa prAdravadvipro vismayAdvigataklamaH . 
gautamo nagararddhi.n tAM pashyanparamavismitaH .. 25..\\
taireva sahito rAGYo veshma tUrNamupAdravat . 
darshana.n rAkShasendrasya kA~NkShamANo dvijastadA .. 26..\\
\medskip\hrule\medskip\centerline{\Largedvng 165}
 bh

tataH sa vidito rAGYaH pravishya gR^ihamuttamam . 
pUjito rAkShasendreNa niShasAdAsanottame .. 1..\\
pR^iShTashcha gotra charaNa.n svAdhyAyaM brahma chArikam . 
na tatra vyAjahArAnyadgotra mAtrAdR^ite dvijaH .. 2..\\
brahma varchasa hInasya svAdhyAyaviratasya cha . 
gotra mAtravido rAjA nivAsa.n samapR^ichchhata .. 3..\\
kva te nivAsaH kalyANa ki.n gotrA brAhmaNI cha te . 
tattvaM brUhi na bhIH kAryA vishramasva yathAsukham .. 4..\\

 g

madhyadeshaprasUto.aha.n vAso me shabarAlaye . 
shUdrA punarbhUrbhAryA me satyametadbravImi te .. 5..\\

 bh

tato rAjA vimamR^ishe katha.n kAryamidaM bhavet . 
katha.n vA sukR^itaM me syAditi buddhyAnvachintayat .. 6..\\
aya.n vai jananAdvipraH suhR^ittasya mahAtmanaH . 
sampreShitashcha tenAya.n kAshyapena mamAntikam .. 7..\\
tasya priya.n kariShyAmi sa hi mAmAshritaH sadA . 
bhrAtA me bAndhavashchAsau sakhA cha hR^idaya~NgamaH .. 8..\\
kArttikyAmadya bhoktAraH sahasraM me dvijottamAH . 
tatrAyamapi bhoktA vai deyamasmai cha me dhanam .. 9..\\
tataH sahasra.n viprANAM viduShAM samala~NkR^itam . 
snAtAnAmanusamprAptamahata kShaumavAsasAm .. 10..\\
tAnAgatAndvijashreShThAnvirUpAkSho vishAM pate . 
yathArhaM pratijagrAha vidhidR^iShTena karmaNA .. 11..\\
bR^isyasteShA.n tu saMnyastA rAkShasendrasya shAsanAt . 
bhUmau varakuthAstIrNAH preShyairbharatasattama .. 12..\\
tAsu te pUjitA rAGYA niShaNNA dvijasattamAH . 
vyarAjanta mahArAja nakShatrapatayo yathA .. 13..\\
tato jAmbUnadAH pAtrIrvajrA~NkA vimalAH shubhAH . 
varAnna pUrNA viprebhyaH prAdAnmadhu ghR^itAplutAH .. 14..\\
tasya nitya.n tathAShADhyAM mAghyAM cha bahavo dvijAH . 
IpsitaM bhojanavara.n labhante satkR^itaM sadA .. 15..\\
visheShatastu kArttikyA.n dvijebhyaH samprayachchhati . 
sharadvyapAye ratnAni paurNamAsyAmiti shrutiH .. 16..\\
suvarNa.n rajata.n chaiva maNInatha cha mauktikam . 
varjAnmahAdhanAMshchaiva vaiDUryAjina rA~NkavAn .. 17..\\
ratnarAshInvinikShipya dakShiNArthe sa bhArata . 
tataH prAha dvijashreShThAnvirUpAkSho mahAyashAH .. 18..\\
gR^ihNIta ratnAnyetAni yathotsAha.n yatheShTataH . 
yeShu yeShu cha bhANDeShu bhukta.n vo dvijasattamAH . 
tAnyevAdAya gachchhadhva.n svaveshmAnIti bhArata .. 19..\\
ityuktavachane tasminrAkShasendre mahAtmani . 
yatheShTa.n tAni ratnAni jagR^ihurbrAhmaNarShabhAH .. 20..\\
tato mahArhaiste sarve ratnairabhyarchitAH shubhaiH . 
brAhmaNA mR^iShTavasanAH suprItAH sma tadAbhavan .. 21..\\
tatastAnrAkShasendrAshcha dvijAnAha punarvachaH . 
nAnA digAgatAnrAjanrAkShasAnpratiShidhya vai .. 22..\\
adhyaika divasa.n viprA na vo.astIha bhaya.n kva chit . 
rAkShasebhyaH pramodadhvamiShTato yAtamA chiram .. 23..\\
tataH pradudruvuH sarve vipra sa~NghAH samantataH . 
gautamo.api suvarNasya bhAramAdAya sa tvaraH .. 24..\\
kR^ichchhrAtsamudvahanvIra nyagrodha.n samupAgamat . 
nyaShIdachcha parishrAntaH klAntashcha kShudhitash cha ha .. 25..\\
tatastamAbhyagAdrAjanrAjadharmA khagottamaH . 
svAgatenAbhyanandachcha gautamaM mitravatsalaH .. 26..\\
tasya pakShAgra vikShepaiH klama.n vyapanayatkhagaH . 
pUjA.n chApyakaroddhImAnbhojanaM chApyakalpayat .. 27..\\
sa bhuktavAnsuvishrAnto gautamo.achintayattadA . 
hATakasyAbhirUpasya bhAro.aya.n sumahAnmayA . 
gR^ihIto lobhamohAdvai dUra.n cha gamanaM mama .. 28..\\
na chAsti pathi bhoktavyaM prANasandhAraNaM mama . 
ki.n kR^itvA dhArayeya.n vai praNAnityabhyachintayat .. 29..\\
tataH sa pathi bhoktavyaM prekShamANo na ki.n chana . 
kR^itaghnaH puruShavyAghra manasedamachintayat .. 30..\\
ayaM bakapatiH pArshve mA.nsarAshiH sthito mama . 
ima.n hatvA gR^ihItvAcha yAsye.ahaM samabhidrutam .. 31..\\
\medskip\hrule\medskip\centerline{\Largedvng 166}
 bh

atha tatra mahArchiShmAnanalo vAtasArathiH . 
tasyAvidUre rakShArtha.n khagendreNa kR^ito.abhavat .. 1..\\
sa chApi pArshve suShvApa vishvasto bakarATtadA . 
kR^itaghnastu sa duShTAtmA ta.n jighA.nsurajAgarat .. 2..\\
tato.alAtena dIptena vishvastaM nijaghAna tam . 
nihatya cha mudA yuktaH so.anubandhaM na dR^iShTavAn .. 3..\\
sa ta.n vipakSha romANa.n kR^itvAgnAvapachattadA . 
ta.n gR^ihItvA suvarNaM cha yayau drutataraM dvijaH .. 4..\\
tato.anyasmingate chAhni virUpAkSho.abravItsutam . 
na prekShe rAjadharmANamadya putra khagottamam .. 5..\\
sa pUrvasandhyAM brahmANa.n vandituM yAti sarvadA . 
mA.n chAdR^iShTvA kadA chitsa na gachchhati gR^ihAnkhagaH .. 6..\\
ubhe dvirAtra.n sandhye vai nAbhyagAtsa mamAlayam . 
tasmAnna shudhyate bhAvo mama sa GYAyatA.n suhR^it .. 7..\\
svAdhyAyena viyukto hi brahma varchasa varjitaH . 
ta.n gatastatra me sha~NkA hanyAtta.n sa dvijAdhamaH .. 8..\\
durAchArastu durbuddhiri~NgitairlakShito mayA . 
niShkriyo dAruNAkAraH kR^iShNo dasyurivAdhamaH .. 9..\\
gautamaH sa gatastatra tenodvignaM mano mama . 
putra shIghramito gatvA rAjadharmaniveshanam . 
GYAyatA.n sa vishuddhAtmA yadi jIvati mAchiram .. 10..\\
sa evamuktastvarito rakShobhiH sahito yayau . 
nyagrodha.n tatra chApashyatka~NkAla.n rAjadharmaNaH .. 11..\\
sa rudannagamatputro rAkShasendrasya dhImataH . 
tvaramANaH para.n shaktyA gautama grahaNAya vai .. 12..\\
tato.avidUre jagR^ihurgautama.n rAkShasAstadA . 
rAjadharmasharIra.n cha pakShAsthi charaNojjhitam .. 13..\\
tamAdAyAtha rakShA.nsi drutaM meruvraja.n yayuH . 
rAGYashcha darshayAmAsuH sharIra.n rAjadharmaNaH . 
kR^itaghnaM puruSha.n taM cha gautamaM pApachetasam .. 14..\\
ruroda rAjA ta.n dR^iShTvA sAmAtyaH sa purohitaH . 
ArtanAdashcha sumahAnabhUttasya niveshane .. 15..\\
sa strI kumAra.n cha puraM babhUvAsvastha mAnasam . 
athAbravInnR^ipaH putraM pApo.aya.n vadhyatAm iti .. 16..\\
asya mA.nsairime sarve viharantu yatheShTataH . 
pApAchAraH pApakarmA pApAtmA pApanishchayaH . 
hantavyo.ayaM mama matirbhavadbhiriti rAkShasAH .. 17..\\
ityuktA rAkShasendreNa rAkShasA ghoravikramAH . 
naichchhanta taM bhakShayituM pApakarmAyamityuta .. 18..\\
dasyUnA.n dIyatAmeSha sAdhvadya puruShAdhamaH . 
ityUchustaM mahArAja rAkShasendraM nishAcharAH .. 19..\\
shirobhishcha gatA bhUmimUchU rakShogaNAdhipam . 
na dAtumarhasi tvaM no bhakShaNAyAsya kilbiSham .. 20..\\
evamastviti tAnAha rAkShasendro nishAcharAn . 
dasyUnA.n dIyatAmeSha kR^itaghno.adyaiva rAkShasAH .. 21..\\
ityukte tasya te dAsAH shUlamudgara pANayaH . 
chhittvA ta.n khaNDashaH pApaM dasyubhyaH pradadustadA .. 22..\\
dasyavashchApi naichchhanta tamattuM pApakAriNam . 
kravyAdA api rAjendra kR^itaghnaM nopabhu~njate .. 23..\\
brahmaghne cha surApe cha chore bhagnavrate tathA . 
niShkR^itirvihitA rAjankR^itaghne nAsti niShkR^itiH .. 24..\\
mitradrohI nR^isha.nsashcha kR^itaghnashcha narAdhamaH . 
kravyAdaiH kR^imibhishchAnyairna bhujyante hi tAdR^ishAH .. 25..\\
\medskip\hrule\medskip\centerline{\Largedvng 167}
 bh

tatashchitAM bakapateH kArayAmAsa rAkShasaH . 
ratnairgandhaishcha bahubhirvastraishcha samala~NkR^itAm .. 1..\\
tatra prajvAlya nR^ipate bakarAjaM pratAvapAn . 
pretakAryANi vidhivadrAkShasendrashchakAra ha .. 2..\\
tasminkAle.atha surabhirdevI dAkShAyaNI shubhA . 
upariShTAttatastasya sA babhUva payasvinI .. 3..\\
tasyA vaktrAchchyutaH phenaH kShIramishrastadAnagha . 
so.apatadvai tatastasyA.n chitAyA.n rAjadharmaNaH .. 4..\\
tataH sa~njIvitastena bakarAjastadAnagha . 
utpatya cha sameyAya virUpAkShaM bakAdhipaH .. 5..\\
tato.abhyayAddevarAjo virUpAkShapura.n tadA . 
prAha cheda.n virUpAkSha.n diShTyAyaM jIvatItyuta .. 6..\\
shrAvayAmAsa chendrasta.n virUpAkShaM purAtanam . 
yathA shApaH purA datto brahmaNA rAjadharmaNaH .. 7..\\
yadA bakapatI rAjanbrahmANaM nopasarpati . 
tato roShAdidaM prAha bakendrAya pitAmahaH .. 8..\\
yasmAnmUDho mama sado nAgato.asau bakAdhamaH . 
tasmAdvadha.n sa duShTAtmA nachirAtsamavApsyati .. 9..\\
tadAya.n tasya vachanAnnihato gautamena vai . 
tenaivAmR^ita siktashcha punaH sa~njIvito bakaH .. 10..\\
rAjadharmA tataH prAha praNipatya purandaram . 
yadi te.anugraha kR^itA mayi buddhiH purandara . 
sakhAyaM me sudayita.n gautamaM jIvayetyuta .. 11..\\
tasya vAkya.n samAGYAya vAsavaH puruSharShabha . 
sa~njIvayitvA sakhye vai prAdAtta.n gautamaM tadA .. 12..\\
sa bhANDopaskara.n rAja.nstamAsAdya bakAdhipaH . 
sampariShvajya suhR^idaM prItyA paramayA yutaH .. 13..\\
atha taM pApakarmANa.n rAjadharmA bakAdhipaH . 
visarjayitvA sadhanaM pravivesha svamAlayam .. 14..\\
yathochita.n cha sa bako yayau brahma sadastadA . 
brahmA cha taM mahAtmAnamAtithyenAbhyapUjayat .. 15..\\
gautamashchApi samprApya punasta.n shabarAlayam . 
shUdrAyA.n janayAmAsa putrAnduShkR^itakAriNaH .. 16..\\
shApashcha sumahA.nstasya dattaH suragaNaistadA . 
kukShau punarbhvAM bhAryAyA.n janayitvA chirAtsutAn . 
nirayaM prApsyati mahatkR^itaghno.ayamiti prabho .. 17..\\
etatprAha purA sarvaM nArado mama bhArata . 
sa.nsmR^itya chApi sumahadAkhyAnaM puruSharShabha . 
mayApi bhavate sarva.n yathAvadupavarNitam .. 18..\\
kutaH kR^itaghnasya yashaH kutaH sthAna.n kutaH sukham . 
ashraddheyaH kR^itaghno hi kR^itaghne nAsti niShkR^itiH .. 19..\\
mitradroho na kartavyaH puruSheNa visheShataH . 
mitra dhrunniraya.n ghoramanantaM pratipadyate .. 20..\\
kR^itaGYena sadA bhAvyaM mitra kAmena chAnagha . 
mitrAtprabhavate satyaM mitrAtprabhavate balam . 
satkArairuttamairmitraM pUjayeta vichakShaNaH .. 21..\\
parityAjyo budhaiH pApaH kR^itaghno nirapatrapaH . 
mitradrohI kulA~NgAraH pApakarmA narAdhamaH .. 22..\\
eSha dharmabhR^itA.n shreShTha proktaH pApo mayA tava . 
mitradrohI kR^itaghno vai kiM bhUyaH shrotumichchhasi .. 23..\\

 v

etachchhrutvA tadA vAkyaM bhIShmeNoktaM mahAtmanA . 
yudhiShThiraH prItamanA babhUva janamejaya .. 24..\\
\medskip\hrule\medskip\centerline{\Largedvng 168}
 y

dharmAH pitAmahenoktA rAjadharmAshritAH shubhAH . 
dharmamAshramiNA.n shreShThaM vaktumarhasi pArthiva .. 1..\\

 bhiisma

sarvatra vihito dharmaH svargyaH satyaphala.n tapaH . 
bahu dvArasya dharmasya nehAsti viphalA kriyA .. 2..\\
yasminyasmi.nstu vinaye yo yo yAti vinishchayam . 
sa tamevAbhijAnAti nAnyaM bharatasattama .. 3..\\
yathA yathA cha paryeti lokatantramasAravat . 
tathA tathA virAgo.atra jAyate nAtra saMshayaH .. 4..\\
eva.n vyavasite loke bahudoShe yudhiShThira . 
AtmamokShanimitta.n vai yateta matimAnnaraH .. 5..\\

 y

naShTe dhane vA dAre vA putre pitari vA mR^ite . 
yayA buddhyA nudechchhoka.n tanme brUhi pitAmaha .. 6..\\

 bhii

naShTe dhane vA dAre vA putre pitari vA mR^ite . 
aho duHkhamiti dhyAya~nshokasyApachiti.n charet .. 7..\\
atrApyudAharantImamitihAsaM purAtanam . 
yathA senajita.n vipraH kashchidityabravIdvachaH .. 8..\\
putrashokAbhisantapta.n rAjAnaM shokavihvalam . 
viShannavadana.n dR^iShTvA vipro vachanamabravIt .. 9..\\
kiM nu khalvasi mUDhastva.n shochyaH kimanushochasi . 
yadA tvAmapi shochantaH shochyA yAsyanti tA.n gatim .. 10..\\
tva.n chaivAhaM cha ye chAnye tvA.n rAjanparyupAsate . 
sarve tatra gamiShyAmo yata evAgatA vayam .. 11..\\

 senajit

kA buddhiH ki.n tapo vipra kaH samAdhistapodhana . 
ki.n GYAna.n kiM shrutaM vA te yatprApya na viShIdasi .. 12..\\

 braahmana

pashya bhUtAni duHkhena vyatiShaktAni sarvashaH . 
AtmApi chAyaM na mama sarvA vA pR^ithivI mama .. 13..\\
yathA mama tathAnyeShAmiti buddhyA na me vyathA . 
etAM buddhimahaM prApya na prahR^iShye na cha vyathe .. 14..\\
yathA kAShTha.n cha kAShThaM cha sameyAtAM mahodadhau . 
sametya cha vyapeyAtA.n tadvadbhUtasamAgamaH .. 15..\\
evaM putrAshcha pautrAshcha GYAtayo bAndhavAstathA . 
teShu sneho na kartavyo viprayogo hi tairdhruvam .. 16..\\
adarshanAdApatitaH punashchAdarshana.n gataH . 
na tvAsau veda na tva.n taM kaH sankamanushochasi .. 17..\\
tR^iShNArti prabhava.n duHkhaM duHkhArti prabhava.n sukham . 
sukhAtsa~njAyate duHkhamevametatpunaH punaH . 
sukhasyAnantara.n duHkhaM duHkhasyAnantara.n sukham .. 18..\\
sukhAttva.n duHkhamApannaH punarApatsyase sukham . 
na nitya.n labhate duHkhaM na nityaM labhate sukham .. 19..\\
nAla.n sukhAya suhR^ido nAla.n duHkhAya shatravaH . 
na cha praGYAlamarthAnAM na sukhAnAmala.n dhanam .. 20..\\
na buddhirdhanalAbhAya na jAdyamasamR^iddhaye . 
lokaparyAya vR^ittAntaM prAGYo jAnAti netaraH .. 21..\\
buddhimanta.n cha mUDhaM cha shUraM bhIruM jadaM kavim . 
durbalaM balavanta.n cha bhAginaM bhajate sukham .. 22..\\
dhenurvatsasya gopasya svAminastaskarasya cha . 
payaH pibati yastasyA dhenustasyeti nishchayaH .. 23..\\
ye cha mUDhatamA loke ye cha buddheH para.n gatAH . 
te narAH sukhamedhante klishyatyantarito janaH .. 24..\\
antyeShu remire dhIrA na te madhyeShu remire . 
antya prApti.n sukhAmAhurduHkhamantaramantayoH .. 25..\\
ye tu buddhisukhaM prAptA dvandvAtItA vimatsarAH . 
tAnnaivArthA na chAnarthA vyathayanti kadA chana .. 26..\\
atha ye buddhimaprAptA vyatikrAntAshcha mUDhatAm . 
te.ativelaM prahR^iShyanti santApamupayAnti cha .. 27..\\
nityapramuditA mUDhA divi devagaNA iva . 
avalepena mahatA paridR^ibdhA vichetasaH .. 28..\\
sukha.n duHkhAntamAlasyaM duHkhaM dAkShya.n sukhodayam . 
bhUtishchaiva shriyA sArdha.n dakShe vasati nAlase .. 29..\\
sukha.n vA yadi vA duHkha.n dveShyaM vA yadi vA priyam . 
prAptaM prAptamupAsIta hR^idayenAparAjitaH .. 30..\\
shokasthAna sahasrANi harShasthAna shatAni cha . 
divase divase mUDhamAvishanti na paNDitam .. 31..\\
buddhimanta.n kR^itapraGYa.n shushrUsumanasUyakam . 
dAnta.n jitendriyaM chApi shoko na spR^ishate naram .. 32..\\
etAM buddhi.n samAsthAya guptachittashcharedbudhaH . 
udayAstamayaGYa.n hi na shokaH sprastumarhati .. 33..\\
yannimittaM bhavechchhokastrAso vA duHkhameva vA . 
AyAso vA yatomUlastadekA~Ngamapi tyajet .. 34..\\
yadyattyajati kAmAnA.n tatsukhasyAbhipUryate . 
kAmAnusArI puruShaH kAmAnanu vinashyati .. 35..\\
yachcha kAmasukha.n loke yachcha divyaM mahatsukham . 
tR^iShNA kShayasukhasyaite nArhataH sodashI.n kalAm .. 36..\\
pUrvadehakR^ita.n karma shubha.n vA yadi vAshubham . 
prAGYaM mUDha.n tathA shUraM bhajate yAdR^ishaM kR^itam .. 37..\\
evameva kilaitAni priyANyevApriyANi cha . 
jIveShu parivartante duHkhAni cha sukhAni cha .. 38..\\
tadevaM buddhimAsthAya sukha.n jIvedguNAnvitaH . 
sarvAnkAmA~njugupseta sa~NgAnkurvIta pR^iShThataH . 
vR^itta eSha hR^idi praudho mR^ityureSha manomayaH .. 39..\\
yadA sa.nharate kAmAnkUrmo.a~NgAnIva sarvashaH . 
tadAtmajyotirAtmA cha Atmanyeva prasIdati .. 40..\\
ki.n chideva mamatvena yadA bhavati kalpitam . 
tadeva paritApArtha.n sarvaM sampadyate tadA .. 41..\\
na bibheti yadA chAya.n yadA chAsmAnna bibhyati . 
yadA nechchhati na dveShTi brahma sampadyate tadA .. 42..\\
ubhe satyAnR^ite tyaktvA shokAnandau bhayAbhaye . 
priyApriye parityajya prashAntAtmA bhaviShyasi .. 43..\\
yadA na kurute dhIraH sarvabhUteShu pApakam . 
karmaNA manasA vAchA brahma sampadyate tadA .. 44..\\
yA dustyajA durmatibhiryA na jIryati jIryataH . 
yo.asau prANAntiko rogastA.n tR^iShNAM tyajataH sukham .. 45..\\
atra pi~NgalayA gItA gAthAH shrUyanti pArthiva . 
yathA sA kR^ichchhrakAle.api lebhe dharma.n sanAtanam .. 46..\\
sa~Nkete pi~NgalA veshyA kAntenAsIdvinAkR^itA . 
atha kR^ichchhragatA shAntAM buddhimAsthApayattadA .. 47..\\

 pingalaa

unmattAhamanunmatta.n kAntamanvavasaM chiram . 
antike ramaNa.n santaM nainamadhyagamaM purA .. 48..\\
ekasthUnaM navadvAramapidhAsyAmyagArakam . 
kA hi kAntamihAyAntamaya.n kAnteti mansyate .. 49..\\
akAmAH kAmarUpeNa dhUrtA narakarUpiNaH . 
na punarva~nchayiShyanti pratibuddhAsmi jAgR^imi .. 50..\\
anartho.api bhavatyartho daivAtpUrvakR^itena vA . 
sambuddhAhaM nirAkArA nAhamadyAjitendriyA .. 51..\\
sukhaM nirAshaH svapiti nairAshyaM parama.n sukham . 
AshAmanAshA.n kR^itvA hi sukha.n svapiti pi~NgalA .. 52..\\

 bhii

etaishchAnyaishcha viprasya hetumadbhiH prabhAShitaiH . 
paryavasthApito rAjA senajinmumude sukham .. 53..\\
\medskip\hrule\medskip\centerline{\Largedvng 169}
 y

atikrAmati kAle.asminsarvabhUtakShayAvahe . 
ki.n shreyaH pratipadyeta tanme brUhi pitAmaha .. 1..\\

 bhiisma

atrApyudAharantImamitihAsaM purAtanam . 
pituH putreNa sa.nvAda.n tannibodha yudhiShThira .. 2..\\
dvijAteH kasya chitpArtha svAdhyAyaniratasya vai . 
babhUva putro medhAvI medhAvI nAma nAmataH .. 3..\\
so.abravItpitaraM putraH svAdhyAyakaraNe ratam . 
mokShadharmArthakushalo lokatattvavichakShaNaH .. 4..\\
dhIraH ki.n svittAta kuryAtprajAnan 
kShipra.n hyAyurbhrashyate mAnavAnAm . 
pitastadAchakShva yathArthayogaM 
mamAnupUrvyA yena dharma.n chareyam .. 5..\\

 pitaa

vedAnadhItya brahmacharyeNa putra 
putrAnichchhetpAvanArthaM pitR^INAm . 
agnInAdhAya vidhivachcheShTayaGYo 
vanaM pravishyAtha munirbubhUset .. 6..\\

 putra

evamabhyAhate loke samantAtparivArite . 
amoghAsu patantIShu ki.n dhIra iva bhAShase .. 7..\\

 pitaa

kathamabhyAhato lokaH kena vA parivAritaH . 
amoghAH kAH patantIha kiM nu bhIsayasIva mAm .. 8..\\

 putra

mR^ityunAbhyAhato loko jarayA parivAritaH . 
ahorAtrAH patantyete nanu kasmAnna budhyase .. 9..\\
yadAhametajjAnAmi na mR^ityustiShThatIti ha . 
so.aha.n kathaM pratIkShiShye jAlenApihitash charan .. 10..\\
rAtryA.n rAtryAM vyatItAyAmAyuralpataraM yadA . 
gAdhodake matsya iva sukha.n vindeta kastadA . 
tadeva vandhya.n divasamiti vidyAdvichakShaNaH .. 11..\\
anavApteShu kAmeShu mR^ityurabhyeti mAnavam . 
shaspAnIva vichinvantamanyatra gatamAnasam . 
vR^ikIvoraNamAsAdya mR^ityurAdAya gachchhati .. 12..\\
adyaiva kuru yachchhreyo mA tvA kAlo.atyagAdayam . 
akR^iteShveva kAryeShu mR^ityurvai samprakarShati .. 13..\\
shvaH kAryamadya kurvIta pUrvAhne chAparAhnikam . 
na hi pratIkShate mR^ityuH kR^ita.n vAsya na vA kR^itam . 
ko hi jAnAti kasyAdya mR^ityusenA nivekShyate .. 14..\\
yuvaiva dharmashIlaH syAdanimitta.n hi jIvitam . 
kR^ite dharme bhavetkIrtiriha pretya cha vai sukham .. 15..\\
mohena hi samAviShTaH putradArArthamudyataH . 
kR^itvA kAryamakArya.n vA puShTimeShAM prayachchhati .. 16..\\
taM putrapashusaMmatta.n vyAsaktamanasaM naram . 
supta.n vyAghraM mahaugho vA mR^ityurAdAya gachchhati .. 17..\\
sa~ncinvAnakamevaika.n kAmAnAmavitR^iptakam . 
vyAghraH pashumivAdAya mR^ityurAdAya gachchhati .. 18..\\
ida.n kR^itamidaM kAryamidamanyatkR^itAkR^itam . 
evamIhA sukhAsakta.n kR^itAntaH kurute vashe .. 19..\\
kR^itAnAM phalamaprApta.n karmaNAM phalasa~Nginam . 
kShetrApana gR^ihAsaktaM mR^ityurAdAya gachchhati .. 20..\\
mR^ityurjarA cha vyAdhishcha duHkha.n chAneka kAraNam . 
anuShakta.n yadA dehe kiM svastha iva tiShThasi .. 21..\\
jAtamevAntako.antAya jarA chAnveti dehinam . 
anuShaktA dvayenaite bhAvAH sthAvaraja~NgamAH .. 22..\\
mR^ityorvA gR^ihamevaitadyA grAme vasato ratiH . 
devAmAmeSha vai goShTho yadaraNyamiti shrutiH .. 23..\\
nibandhanI rajjureShA yA grAme vasato ratiH . 
chhittvainA.n sukR^ito yAnti nainA.n chhindanti duShkR^itaH .. 24..\\
na hi.nsayati yaH prAnAnmanovAkkAyahetubhiH . 
jIvitArthApanayanaiH karmabhirna sa badhyate .. 25..\\
na mR^ityusenAmAyAntI.n jAtu kashchitprabAdhate . 
R^ite satyamasantyAjya.n satye hyamR^itamAshritam .. 26..\\
tasmAtsatyavratAchAraH satyayogaparAyanaH . 
satyArAmaH samo dAntaH satyenaivAntaka.n jayet .. 27..\\
amR^ita.n chaiva mR^ityushcha dvayaM dehe pratiShThitam . 
mR^ityumApadyate mohAtsatyenApadyate.amR^itam .. 28..\\
so.aha.n hyahi.nsraH satyArthI kAmakrodhabahiShkR^itaH . 
samaduHkhasukhaH kShemI mR^ityu.n hAsyAmyamartyavat .. 29..\\
shAnti yaGYarato dAnto brahma yaGYe sthito muniH . 
vA~NmanaH karma yaGYashcha bhaviShyAmyudagAyane .. 30..\\
pashuyaGYaiH katha.n hi.nsrairmAdR^isho yastumarhati . 
antavadbhiruta prAGYaH kShatrayaGYaiH pishAchavat .. 31..\\
yasya vA~NmanasI syAtA.n samyakpranihite sadA . 
tapastyAgashcha yogashcha sa vai sarvamavApnuyAt .. 32..\\
nAsti vidyA sama.n chakShurnAsti vidyA samaM balam . 
nAsti rAgasama.n duHkhaM nAsti tyAgasama.n sukham .. 33..\\
AtmanyevAtmanA jAta AtmaniShTho.aprajo.api vA . 
Atmanyeva bhaviShyAmi na mA.n tArayati prajA .. 34..\\
naitAdR^ishaM brAhmaNasyAsti vittaM 
yathaikatA samatA satyatA cha . 
shIle sthitirdanda nidhAnamArjavaM 
tatastatashchoparamaH kriyAbhyaH .. 35..\\
ki.n te dhanairbAndhavairvApi kiM te 
ki.n te dArairbrAhmaNa yo mariShyasi . 
AtmAnamanvichchha guhAM praviShTaM 
pitAmahaste kva gataH pitA cha .. 36..\\

 bhiisma

putrasyaitadvachaH shrutvA tathAkArShItpitA nR^ipa . 
tathA tvamapi vartasya satyadharmaparAyanaH .. 37..\\
\medskip\hrule\medskip\centerline{\Largedvng 170}
 y

dhanino vAdhanA ye cha vartayanti svatantriNaH . 
sukhaduHkhAgamasteShA.n kaH katha.n vA pitAmaha .. 1..\\

 bhiisma

atrApyudAharantImamitihAsaM purAtanam . 
shamyAkena vimuktena gIta.n shAnti gatena ha .. 2..\\
abravInmAM purA kashchidbrAhmaNastyAgamAsthitaH . 
klishyamAnaH kudAreNa kuchailena bubhukShayA .. 3..\\
utpannamiha loke vai janmaprabhR^iti mAnavam . 
vividhAnyupavartante duHkhAni cha sukhAni cha .. 4..\\
tayorekatare mArge yadyenamabhisaMnayet . 
na sukhaM prApya sa.nhR^iShyenna duHkhaM prApya sa~njvaret .. 5..\\
na vai charasi yachchhreya Atmano vA yadIhase . 
akAmAtmApi hi sadA dhuramudyamya chaiva hi .. 6..\\
aki~ncanaH paripatansukhamAsvAdayiShyasi . 
aki~ncanaH sukha.n shete samuttiShThati chaiva hi .. 7..\\
Aki~ncanya.n sukhaM loke pathyaM shivamanAmayam . 
anamitramatho hyetaddurlabha.n sulabhaM satAm .. 8..\\
aki~ncanasya shuddhasya upapannasya sarvashaH . 
avekShamANastrI.NllokAnna tulyamupalakShaye .. 9..\\
Aki~ncanya.n cha rAjyaM cha tulayA samatolayam . 
atyarichyata dAridrya.n rAjyAdapi guNAdhikam .. 10..\\
Aki~ncanye cha rAjye cha visheShaH sumahAnayam . 
nityodvigno hi dhanavAnmR^ityorAsya gato yathA .. 11..\\
naivAsyAgnirna chAdityo na mR^ityurna cha dasyavaH . 
prabhavanti dhanajyAni nirmuktasya nirAshiShaH .. 12..\\
ta.n vai sadA kAmacharamanupastIrNa shAyinam . 
bAhUpadhAna.n shAmyantaM prasha.nsanti divaukasaH .. 13..\\
dhanavAnkrodhalobhAbhyAmAviShTo naShTa chetanaH . 
tiryagIkShaH shuShkamukhaH pApako bhrukutImukhaH .. 14..\\
nirdashaMshchAdharauShTha.n cha kruddho dAruNabhAShitA . 
kastamichchhetparidraShTu.n dAtumichchhati chenmahIm .. 15..\\
shriyA hyabhIskna.n sa.nvAso mohayatyavichakShaNam . 
sA tasya chitta.n harati shAradAbhramivAnilaH .. 16..\\
athaina.n rUpamAnashcha dhanamAnash cha vindati . 
abhijAto.asmi siddho.asmi nAsmi kevalamAnuShaH . 
ityebhiH kAraNaistasya tribhirchittaM prasichyate .. 17..\\
sa prasikta mano bhogAnvisR^ijya pitR^isa~ncitAn . 
parikShINaH parasvAnAmAdAna.n sAdhu manyate .. 18..\\
tamatikrAnta maryAdamAdadAna.n tatastataH . 
pratiShedhanti rAjAno lubdhA mR^igamiveShubhiH .. 19..\\
evametAni duHkhAni tAni tAnIha mAnavam . 
vividhAnyupavartante gAtrasa.nsparshajAni cha .. 20..\\
teShAM paramaduHkhAnAM buddhyA bhaiShajyamAcharet . 
lokadharma.n samAGYAya dhruvANAmadhruvaiH saha .. 21..\\
nAtyaktvA sukhamApnoti nAtyaktvA vindate param . 
nAtyaktvA chAbhayaH shete tyaktvA sarva.n sukhI bhava .. 22..\\
ityetaddhAstinapure brAhmaNenopavarNitam . 
shamyAkena purA mahya.n tasmAttyAgaH paro mataH .. 23..\\
\medskip\hrule\medskip\centerline{\Largedvng 171}
 yudhisthira

IhamAnaH samArambhAnyadi nAsAdayeddhanam . 
dhanatR^iShNAbhibhUtashcha ki.n kurvansukhamApnuyAt .. 1..\\

 bhiisma

sarvasAmyamanAyAsaH satyavAkya.n cha bhArata . 
nirvedashchAvivitsA cha yasya syAtsa sukhI naraH .. 2..\\
etAnyeva padAnyAhuH pa~ncha vR^iddhAH prashAntaye . 
eSha svargashcha dharmashcha sukha.n chAnuttama.n satAm .. 3..\\
atrApyudAharantImamitihAsaM purAtanam . 
nirvedAnma~NkinA gIta.n tannibodha yudhiShThira .. 4..\\
IhamAno dhanaM ma~Nkirbhagnehashcha punaH punaH . 
kena chiddhanasheSheNa krItavAndamya goyugam .. 5..\\
susambaddhau tu tau damyau damanAyAbhiniHsR^itau . 
AsInamuShTraM madhyena sahasaivAbhyadhAvatAm .. 6..\\
tayoH samprAptayoruShTraH skandhadeshamamarShaNaH . 
utthAyotkShipya tau damyau prasasAra mahAjavaH .. 7..\\
hriyamANau tu tau damyau tenoShTreNa pramAthinA . 
mriyamANau cha samprekShya ma~NkistatrAbravIdidam .. 8..\\
na chaivAvihita.n shakya.n dakSheNApIhituM dhanam . 
yuktena shraddhayA samyagIhA.n samanutiShThatA .. 9..\\
kR^itasya pUrva.n chAnarthairyuktasyApyanutiShThataH . 
imaM pashyata sa~NgatyA mama daivamupaplavam .. 10..\\
udyamyodyamya me damyau viShameneva gachchhati . 
utkShipya kAkatAlIyamunmAtheneva jambukaH .. 11..\\
manI voShTrasya lambete priyau vatsatarau mama . 
shuddha.n hi daivamevedamato naivAsti pauruSham .. 12..\\
yadi vApyupapadyeta pauruShaM nAma karhi chit . 
anviShyamANa.n tadapi daivamevAvatiShThate .. 13..\\
tasmAnnirveda eveha gantavyaH sukhamIpsatA . 
sukha.n svapiti nirviNNo nirAshashchArthasAdhane .. 14..\\
aho samyakshukenokta.n sarvataH parimuchyatA . 
pratiShThatA mahAraNya.n janakasya niveshanAt .. 15..\\
yaH kAmAnprApnuyAtsarvAnyashchainAnkevalA.nstyajet . 
prApanAtsarvakAmAnAM parityAgo vishiShyate .. 16..\\
nAnta.n sarvavivitsAnA.n gatapUrvo.asti kash chana . 
sharIre jIvite chaiva tR^iShNA mandasya vardhate .. 17..\\
nivartasva vivitsAbhyaH shAmya nirvidya mAmaka . 
asakR^ichchAsi nikR^ito na cha nirvidyase tano .. 18..\\
yadi nAha.n vinAshyaste yadyevaM ramase mayA . 
mA mA.n yojaya lobhena vR^ithA tvaM vittakAmuka .. 19..\\
sa~ncita.n sa~ncita.n dravyaM naShTaM tava punaH punaH . 
kadA vimokShyase mUDha dhanehA.n dhanakAmuka .. 20..\\
aho nu mama bAlishya.n yo.aha.n krIdanakastava . 
kiM naiva jAtu puruShaH pareShAM preShyatAmiyAt .. 21..\\
na pUrve nApare jAtu kAmAnAmantamApnuvan . 
tyaktvA sarvasamArambhAnpratibuddho.asmi jAgR^imi .. 22..\\
nUna.n te hR^idayaM kAmavajra sAramayaM dR^idham . 
yadanarthashatAviShTa.n shatadhA na vidIryate .. 23..\\
tyajAmi kAmatvA.n chaiva yachcha kiM chitpriyaM tava . 
tavAha.n sukhamanvichchhannAtmanyupalabhe sukham .. 24..\\
kAmajAnAmi te mUla.n sa~NkalpAtkila jAyase . 
na tvA.n sa~NkalpayiShyAmi samUlo na bhaviShyati .. 25..\\
IhA dhanasya na sukhA labdhvA chintA cha bhUyasI . 
labdhAnAsho yathA mR^ityurlabdhaM bhavati vA na vA .. 26..\\
paretya yo na labhate tato duHkhataraM nu kim . 
na cha tuShyati labdhena bhUya eva cha mArgati .. 27..\\
anutarShula evArthaH svAdu gA~Ngamivodakam . 
madvilApanametattu pratibuddho.asmi santyaja .. 28..\\
ya imaM mAmaka.n dehaM bhUtagrAmaH samAshritaH . 
sa yAtvito yathAkAma.n vasatAM vA yathAsukham .. 29..\\
na yuShmAsviha me prItiH kAmalobhAnusAriShu . 
tasmAdutsR^ijya sarvAnvaH satyamevAshrayAmyaham .. 30..\\
sarvabhUtAnyaha.n dehe pashyanmanasi chAtmanaH . 
yoge buddhi.n shrute sattvaM mano brahmaNi dhArayan .. 31..\\
vihariShyAmyanAsaktaH sukhI lokAnnirAmayaH . 
yathA mA tvaM punarnaiva.n duHkheShu pranidhAsyasi .. 32..\\
tvayA hi me pranunnasya gatiranyA na vidyate . 
tR^iShNA shokashramANA.n hi tva.n kAmaprabhavaH sadA .. 33..\\
dhananAsho.adhika.n duHkhaM manye sarvamahattaram . 
GYAtayo hyavamanyante mitrANi cha dhanachyutam .. 34..\\
avaGYAna sahasraistu doShAH kastatarAdhane . 
dhane sukhakalA yA cha sApi duHkhairvidhIyate .. 35..\\
dhanamasyeti puruShaM purA nighnanti dasyavaH . 
klishyanti vividhairdandairnityamudvejayanti cha .. 36..\\
mandalolupatA duHkhamiti buddhi.n chirAnmayA . 
yadyadAlambase kAmatattadevAnurudhyase .. 37..\\
atattvaGYo.asi bAlashcha dustoSho.apUraNo.analaH . 
naiva tva.n vettha sulabhaM naiva tvaM vettha durlabham .. 38..\\
pAtAlamiva duShpUro mA.n duHkhairyoktumichchhasi . 
nAhamadya samAveShTu.n shakyaH kAmapunastvayA .. 39..\\
nirvedamahamAsAdya dravyanAshAdyadR^ichchhayA . 
nirvR^itiM paramAM prApya nAdya kAmAnvichintaye .. 40..\\
atikleshAnsahAmIha nAhaM budhyAmyabuddhimAn . 
nikR^ito dhananAshena shaye sarvA~NgavijvaraH .. 41..\\
parityajAmi kAmatvA.n hitvA sarvamanogatIH . 
na tvaM mayA punaH kAmanasyoteneva ra.nsyase .. 42..\\
kShamiShye.akShamamANAnAM na hi.nsiShye cha hi.nsitaH . 
dveShya muktaH priya.n vakShyAmyanAdR^itya tadapriyam .. 43..\\
tR^iptaH svasthendriyo nitya.n yathA labdhena vartayan . 
na sakAma.n kariShyAmi tvAmaha.n shatrumAtmanaH .. 44..\\
nirvedaM nirvR^iti.n tR^ipti.n shAntiM satyaM damaM kShamAm . 
sarvabhUtadayA.n chaiva viddhi mA.n sharaNAgatam .. 45..\\
tasmAtkAmashcha lobhashcha tR^iShNA kArpaNyameva cha . 
tyajantu mAM pratiShThanta.n sattvastho hyasmi sAmpratam .. 46..\\
prahAya kAma.n lobha.n cha krodhaM pAruShyameva cha . 
nAdya lobhavashaM prApto duHkhaM prApsyAmyanAtmavAn .. 47..\\
yadyattyajati kAmAnA.n tatsukhasyAbhipUryate . 
kAmasya vashago nitya.n duHkhameva prapadyate .. 48..\\
kAmAnvyudasya dhunute yatki.n chitpuruSho rajaH . 
kAmakrodhodbhava.n duHkhamahrIraratireva cha .. 49..\\
eSha brahma praviShTo.aha.n grIsme shItamiva hradam . 
shAmyAmi parinirvAmi sukhamAse cha kevalam .. 50..\\
yachcha kAmasukha.n loke yachcha divyaM mahatsukham . 
tR^iShNA kShayasukhasyaite nArhataH sodashI.n kalAm .. 51..\\
AtmanA saptama.n kAma.n hatvA shatrumivottamam . 
prApyAvadhyaM brahma pura.n rAjeva syAmahaM sukhI .. 52..\\
etAM buddhi.n samAsthAya ma~NkirnirvedamAgataH . 
sarvAnkAmAnparityajya prApya brahma mahatsukham .. 53..\\
damya nAsha kR^ite ma~Nkiramaratva.n kilAgamat . 
achhinatkAmamUla.n sa tena prApa mahatsukham .. 54..\\
atrApyudAharantImamitihAsaM purAtanam . 
gIta.n videharAjena janakena prashAmyatA .. 55..\\
anantaM bata me vitta.n yasya me nAsti ki.n chana . 
mithilAyAM pradIptAyAM na me dahyati ki.n chana .. 56..\\
atraivodAharantImaM bodhyasya padasa~ncayam . 
nirvedaM prati vinyastaM pratibodha yudhiShThira .. 57..\\
bodhya.n dAntamR^iShi.n rAjA nahuShaH paryapR^ichchhata . 
nirvedAchchhAntimApanna.n shAntaM praGYAna tarpitam .. 58..\\
upadeshaM mahAprAGYa shamasyopadishasva me . 
kAM buddhi.n samanudhyAya shAntashcharasi nirvR^itaH .. 59..\\

 bodhya

upadeshena vartAmi nAnushAsmIha ka.n chana . 
lakShaNa.n tasya vakShye.ahaM tatsvayaM pravimR^ishyatAm .. 60..\\
pi~NgalA kuraraH sarpaH sAra~NgAnveShaNa.n vane . 
iShukAraH kumArI cha sa ete guravo mama .. 61..\\
\medskip\hrule\medskip\centerline{\Largedvng 172}
 yudhisthira

kena vR^ittena vR^ittaGYa vItashokashcharenmahIm . 
ki.n cha kurvannaro loke prApnoti paramAM gatim .. 1..\\

 bhiisma

atrApyudAharantImamitihAsaM purAtanam . 
prahrAdasya cha sa.nvAdaM munerAjagarasya cha .. 2..\\
charantaM brAhmaNa.n kaM chitkalya chittamanAmayam . 
paprachchha rAjanprahrAdo buddhimAnprAGYasaMmataH .. 3..\\
svasthaH shakto mR^idurdAnto nirvivitso.anasUyakaH . 
suvAgbahumato loke prAGYashcharasi bAlavat .. 4..\\
naiva prArthayase lAbhaM nAlAbheShvanushochasi . 
nityatR^ipta iva brahmanna ki.n chidavamanyase .. 5..\\
srotasA hriyamANAsu prajAsvavimanA iva . 
dharmakAmArtha kAryeShu kUtastha iva lakShyase .. 6..\\
nAnutiShThasi dharmArdhau na kAme chApi vartase . 
indriyArthAnanAdR^itya muktashcharasi sAkShivat .. 7..\\
kA nu praGYA shruta.n vA kiM vR^ittirvA kA nu te mune . 
kShipramAchakShva me brahma~nshreyo yadiha manyase .. 8..\\
anuyuktaH sa medhAvI lokadharmavidhAnavit . 
uvAcha shlakShNayA vAchA prahrAdamanapArthayA .. 9..\\
pashyanprahrAda bhUtAnAmutpattimanimittataH . 
hrAsa.n vR^iddhiM vinAsha.n cha na prahR^iShye na cha vyathe .. 10..\\
svabhAvAdeva sandR^ishya vartamAnAH pravR^ittayaH . 
svabhAvaniratAH sarvAH paritapye na kena chit .. 11..\\
pashyanprahrAda sa.nyogAnviprayoga parAyanAn . 
sa~ncayAMshcha vinAshAntAnna kva chidvidadhe manaH .. 12..\\
antavanti cha bhUtAni guNayuktAni pashyataH . 
utpattinidhanaGYasya ki.n kAryamavashiShyate .. 13..\\
jalajAnAmapi hyantaM paryAyenopalakShaye . 
mahatAmapi kAyAnA.n sUkShmANA.n cha mahodadhau .. 14..\\
ja~Ngama sthAvarANA.n cha bhUtAnAmasurAdhipa . 
pArthivAnAmapi vyaktaM mR^ityuM pashyAmi sarvashaH .. 15..\\
antarikShacharANA.n cha dAnavottama pakShiNAm . 
uttiShThati yathAkAlaM mR^ityurbalavatAm api .. 16..\\
divi saMsharamANAni hrasvAni cha mahAnti cha . 
jyotI.nsi cha yathAkAlaM patamAnAni lakShaye .. 17..\\
iti bhUtAni sampashyannanuShaktAni mR^ityunA . 
sarvasAmAnyato vidvAnkR^itakR^ityaH sukha.n svape .. 18..\\
sumahAntamapi grAsa.n grase labdha.n yadR^ichchhayA . 
shaye punarabhu~njAno divasAni bahUnyapi .. 19..\\
Asravatyapi mAmannaM punarbahuguNaM bahu . 
punaralpaguNa.n stokaM punarnaivopapadyate .. 20..\\
kanAnkadA chitkhAdAmi pinyAkamapi cha grase . 
bhakShaye shAlimA.nsAni bhakShAMshchochAvachAnpunaH .. 21..\\
shaye kadA chitparya~Nke bhUmAvapi punaH shaye . 
prAsAde.api cha me shayyA kadA chidupapadyate .. 22..\\
dhArayAmi cha chIrANi shAnI.n kShaumAjinAni cha . 
mahArhANi cha vAsA.nsi dhArayAmyahamekadA .. 23..\\
na saMnipatita.n dharmyamupabhoga.n yadR^ichchhayA . 
pratyAchakShe na chApyenamanurudhye sudurlabham .. 24..\\
achalamanidhana.n shivaM vishokaM 
shuchimatula.n viduShAM mate niviShTam . 
anabhimatamasevita.n cha mUDhair 
vratamidamAjagara.n shuchishcharAmi .. 25..\\
achalita matirachyutaH svadharmAt 
parimita sa.nsaraNaH parAvaraGYaH . 
vigatabhayakaShAyalobhamoho 
vratamidamAjagara.n shuchishcharAmi .. 26..\\
aniyataphalabhakShya bhojyapeyaM 
vidhiparinAma vibhaktadeshakAlam . 
hR^idayasukhamasevita.n kadaryair 
vratamidamAjagara.n shuchishcharAmi .. 27..\\
idamidamiti tR^iShNayAbhibhUtaM 
janamanavAptadhana.n viShIda mAnam . 
nipunamanunishAmya tattvabuddhyA 
vratamidamAjagara.n shuchishcharAmi .. 28..\\
bahuvidhamanudR^ishya chArthahetoH 
kR^ipaNamihAryamanAryamAshrayantam . 
upashama ruchirAtmavAnprashAnto 
vratamidamAjagara.n shuchishcharAmi .. 29..\\
sukhamasukhamanarthamarthalAbhaM 
ratimaratiM maraNa.n cha jIvitaM cha . 
vidhiniyatamavekShya tattvato.ahaM 
vratamidamAjagara.n shuchishcharAmi .. 30..\\
apagatabhayarAgamohadarpo 
dhR^itimatibuddhisamanvitaH prashAntaH . 
upagataphalabhogino nishAmya 
vratamidamAjagara.n shuchishcharAmi .. 31..\\
aniyatashayanAsanaH prakR^ityA 
damaniyama vratasatyashauchayuktaH . 
apagataphalasa~ncayaH prahR^iShTo 
vratamidamAjagara.n shuchishcharAmi .. 32..\\
abhigatamasukhArthamIhanArthair 
upagatabuddhiravekShya chAtmasa.nsthaH . 
tR^iShitamaniyataM mano niyantuM 
vratamidamAjagara.n shuchishcharAmi .. 33..\\
na hR^idayamanurudhyate mano vA 
priya sukhadurlabhatAmanityatA.n cha . 
tadubhayamupalakShayannivAhaM 
vratamidamAjagara.n shuchishcharAmi .. 34..\\
bahu kathitamida.n hi buddhimadbhiH 
kavibhirabhiprathayadbhirAtmakIrtim . 
idamidamiti tatra tatra tattat 
svaparamatairgahanaM pratarkayadbhiH .. 35..\\
tadahamanunishAmya viprayAtaM 
pR^ithagabhipannamihAbudhairmanuShyaiH . 
anavasitamananta doShapAraM 
nR^iShu viharAmi vinItaroShatR^iShNaH .. 36..\\

 bhii

ajagara charita.n vrataM mahAtmA 
yeha naro.anucharedvinItarAgaH . 
apagatabhayamanyulobha mohaH 
sa khalu sukhI viharedima.n vihAram .. 37..\\
\medskip\hrule\medskip\centerline{\Largedvng 173}
 yudhisthira

bAndhavAH karma vitta.n vA praGYA veha pitAmaha . 
narasya kA pratiShThA syAdetatpR^iShTho vadasva me .. 1..\\

 bhiisma

praGYA pratiShThA bhUtAnAM praGYA lAbhaH paro mataH . 
praGYA niHshreyasI loke praGYA svargo mataH satAm .. 2..\\
praGYayA prApitArtho hi baliraishvaryasa~NkShaye . 
prahrAdo namuchirma~NkistasyAH ki.n vidyate param .. 3..\\
atrApyudAharantImamitihAsaM purAtanam . 
indra kAshyapa sa.nvAda.n tannibodha yudhiShThira .. 4..\\
vaishyaH kashchidR^iShi.n tAta kAshyapa.n saMshitavratam . 
rathena pAtayAmAsa shrImAndR^iptastapasvinam .. 5..\\
ArtaH sa patitaH kruddhastyaktvAtmAnamathAbravIt . 
mariShyAmyadhanasyeha jIvitArtho na vidyate .. 6..\\
tathA mumUrShamAsInamakUjantamachetasam . 
indraH sR^igAlarUpeNa babhAse kruddha mAnasam .. 7..\\
manuShyayonimichchhanti sarvabhUtAni sarvashaH . 
manuShyatve cha vipratva.n sarva evAbhinandati .. 8..\\
manuShyo brAhmaNashchApi shrotriyashchAsi kAshyapa . 
sudurlabhamavApyaitadadoShAnmartumichchhasi .. 9..\\
sarve lAbhAH sAbhimAnA iti satyA bata shrutiH . 
santoShaNIya rUpo.asi lobhAdyadabhimanyase .. 10..\\
aho siddhArthatA teShA.n yeShAM santIha pAnayaH . 
pAnimadbhyaH spR^ihAsmAka.n yathA tava dhanasya vai .. 11..\\
na pAni lAbhAdadhiko lAbhaH kash chana vidyate . 
apAnitvAdvayaM brahmankantakAnnoddharAmahe .. 12..\\
atha yeShAM punaH pAnI devadattau dashA~NgulI . 
uddharanti kR^imIna~NgAddashamAnAnkasanti cha .. 13..\\
himavarShAtapAnA.n cha paritrANAni kurvate . 
chelamanna.n sukhaM shayyAM nivAta.n chopabhuGYate .. 14..\\
adhiShThAya cha gA.n loke bhuGYate vAhayanti cha . 
upAyairbahubhishchaiva vashyAnAtmani kurvate .. 15..\\
ye khalvajihvAH kR^ipaNA alpaprAnA apAnayaH . 
sahante tAni duHkhAni diShTyA tvaM na tathA mune .. 16..\\
diShTyA tvaM na sR^igAlo vai na kR^imirna cha mUShakaH . 
na sarpo na cha mandUko na chAnyaH pApayonijaH .. 17..\\
etAvatApi lAbhena toShTumarhasi kAshyapa . 
kiM punaryo.asi sattvAnA.n sarveShAM brAhmaNottamaH .. 18..\\
ime mA.n kR^imayo.adanti teShAmuddharaNAya me . 
nAsti shaktirapAnitvAtpashyAvasthAmimAM mama .. 19..\\
akAryamiti chaivemaM nAtmAna.n santyajAmyaham . 
netaH pApIyasI.n yoniM pateyamaparAm iti .. 20..\\
madhye vai pApayonInA.n sArgAlI yAmaha.n gataH . 
pApIyasyo bahutarA ito.anyAH pApayonayaH .. 21..\\
jAtyaivaike sukhatarAH santyanye bhR^ishaduHkhitAH . 
naikAnta sukhameveha kva chitpashyAmi kasya chit .. 22..\\
manuShyA hyAdhyatAM prApya rAjyamichchhantyanantaram . 
rAjyAddevatvamichchhanti devatvAdindratAm api .. 23..\\
bhavestva.n yadyapi tvAdhyo na rAjA na cha daivatam . 
devatvaM prApya chendratvaM naiva tuShyestathA sati .. 24..\\
na tR^iptiH priya lAbhe.asti tR^iShNA nAdbhiH prashAmyati . 
samprajvalati sA bhUyaH samidbhiriva pAvakaH .. 25..\\
astyeva tvayi shoko vai harShashchAsti tathA tvayi . 
sukhaduHkhe tathA chobhe tatra kA paridevanA .. 26..\\
parichchhidyaiva kAmAnA.n sarveShA.n chaiva karmaNAm . 
mUla.n rundhIndriya grAmaM shakuntAniva pa~njare .. 27..\\
na khalvapyarasaGYasya kAmaH kva chana jAyate . 
sa.nsparshAddarshanAdvApi shravaNAdvApi jAyate .. 28..\\
na tva.n smarasi vAruNyA latvAkAnA.n cha pakShiNAm . 
tAbhyA.n chAbhyadhiko bhakShyo na kash chidvidyate kva chit .. 29..\\
yAni chAnyAni dUreShu bhakShyabhojyAni kAshyapa . 
yeShAmabhukta pUrva.n te teShAmasmR^itireva cha .. 30..\\
aprAshanamasa.nsparshamasandarshanameva cha . 
puruShasyaiSha niyamo manye shreyo na saMshayaH .. 31..\\
pAnimanto dhanairyuktA balavanto na saMshayaH . 
manuShyA mAnuShaireva dAsatvamupapAditAH .. 32..\\
vadhabandhaparikleshaiH klishyante cha punaH punaH . 
te khalvapi ramante cha modante cha hasanti cha .. 33..\\
apare bAhubalinaH kR^itavidyA manasvinaH . 
jugupsitA.n sukR^ipaNAM pApAM vR^ittimupAsate .. 34..\\
utsahante cha te vR^ittimanyAm apyupasevitum . 
svakarmaNA tu niyataM bhavitavya.n tu tattathA .. 35..\\
na pulkaso na chandAla AtmAna.n tyaktumichchhati . 
asantuShTaH svayA yonyA mAyAM pashyasva yAdR^ishIm .. 36..\\
dR^iShTvA kunInpakShahatAnmanuShyAnAmayAvinaH . 
susampUrNaH svayA yonyA labdhalAbho.asi kAshyapa .. 37..\\
yadi brAhmaNa dehaste nirAta~Nko nirAmayaH . 
a~NgAni cha samagrANi na cha lokeShu dhikkR^itaH .. 38..\\
na kena chitpravAdena satyenaivApahAriNA . 
dharmAyottiShTha viprarShe nAtmAna.n tyaktumarhasi .. 39..\\
yadi brahma~nshR^iNoShyetachchhraddadhAsi cha me vachaH . 
vedoktasya cha dharmasya phalaM mukhyamavApsyasi .. 40..\\
svAdhyAyamagnisa.nskAramapramatto.anupAlaya . 
satya.n damaM cha dAnaM cha spardhiShThA mA cha kena chit .. 41..\\
ye ke chana svadhyayanAH prAptA yajana yAjanam . 
katha.n te jAtu shocheyurdhyAyeyurvApyashobhanam .. 42..\\
ichchhantaste vihArAya sukhaM mahadavApnuyuH . 
uta jAtAH sunakShatre sutIrthAH sumuhUrtajAH .. 43..\\
nakShatreShvAsureShvanye dustIrthA durmuhUrtajAH . 
sampatantyAsurI.n yoniM yaGYaprasava varjitAm .. 44..\\
ahamAsaM paNDitako haituko veda nindakaH . 
AnvIkShikI.n tarka vidyAmanurakto nirarthikAm .. 45..\\
hetuvAdAnpravaditA vaktA sa.nsatsu hetumat . 
AkroShTA chAbhivaktA cha brahma yaGYeShu vai dvijAn .. 46..\\
nAstikaH sarvasha~NkI cha mUrkhaH paNDitamAnikaH . 
tasyeyaM phalanirvR^ittiH sR^igAlatvaM mama dvija .. 47..\\
api jAtu tathA tatsyAdahorAtra shatairapi . 
yadahaM mAnuShI.n yoniM sR^igAlaH prApnuyAM punaH .. 48..\\
santuShTashchApramattashcha yaGYadAnatapo ratiH . 
GYeya GYAtA bhaveya.n vai varjya varjayitA tathA .. 49..\\
tataH sa munirutthAya kAshyapastamuvAcha ha . 
aho bahAsi kushalo buddhimAniti vismitaH .. 50..\\
samavaikShata ta.n vipro GYAnadIrgheNa chakShuShA . 
dadarsha chaina.n devAnAmindraM deva.n shachIpatim .. 51..\\
tataH sampUjayAmAsa kAshyapo harivAhanam . 
anuGYAtashcha tenAtha pravivesha svamAshramam .. 52..\\
\medskip\hrule\medskip\centerline{\Largedvng 174}
 yudhisthira

yadyasti dattamiShTa.n vA tapastapta.n tathaiva cha . 
gurUNA.n chApi shushrUsA tanme brUhi pitAmaha .. 1..\\

 bhiisma

AtmanAnartha yuktena pApe nivishate manaH . 
sa karma kaluSha.n kR^itvA kleshe mahati dhIyate .. 2..\\
durbhikShAdeva durbhikSha.n kleshAtkleshaM bhayAdbhayam . 
mR^itebhyaH pramR^ita.n yAnti daridrAH pApakAriNaH .. 3..\\
utsavAdutsava.n yAnti svargAtsvargaM sukhAtsukham . 
shraddadhAnAshcha dAntAshcha dhanAdhyAH shubhakAriNaH .. 4..\\
vyAlaku~njaradurgeShu sarpachora bhayeShu cha . 
hastAvApena gachchhanti nAstikAH kimataH param .. 5..\\
priya devAtitheyAshcha vadAnyAH priya sAdhavaH . 
kShemyamAtmavatAM mArgamAsthitA hastadakShiNam .. 6..\\
pulAkA iva dhAnyeShu puttikA iva pakShiShu . 
tadvidhAste manuShyeShu yeShA.n dharmo na kAraNam .. 7..\\
sushIghramapi dhAvanta.n vidhAnamanudhAvati . 
shete saha shayAnena yena yena yathA kR^itam .. 8..\\
upatiShThati tiShThanta.n gachchhantamanugachchhati . 
karoti kurvataH karma chhAyevAnuvidhIyate .. 9..\\
yena yena yathA yadyatpurA karma samAchitam . 
tattadeva naro bhu~Nkte nitya.n vihitamAtmanA .. 10..\\
svakarmaphalavikShipta.n vidhAnaparirakShitam . 
bhUtagrAmamima.n kAlaH samantAtparikarShati .. 11..\\
achodyamAnAni yathA puShpAni cha phalAni cha . 
svakAlaM nAtivartante tathA karma purA kR^itam .. 12..\\
saMmAnashchAvamAnashcha lAbhAlAbhau kShayodayau . 
pravR^ittA vinivartante vidhAnAnte punaH punaH .. 13..\\
AtmanA vihita.n duHkhamAtmanA vihita.n sukham . 
garbhashayyAmupAdAya bhujyate paurvadehikam .. 14..\\
bAlo yuvA cha vR^iddhashcha yatkaroti shubhAshubham . 
tasyA.n tasyAmavasthAyAM bhu~Nkte janmani janmani .. 15..\\
yathA dhenu sahasreShu vatso vindati mAtaram . 
tathA pUrvakR^ita.n karma kartAramanugachchhati .. 16..\\
samunnamagrato vastraM pashchAchchhudhyati karmaNA . 
upavAsaiH prataptAnA.n dIrgha.n sukhamanantakam .. 17..\\
dIrghakAlena tapasA sevitena tapovane . 
dharmanirdhUtapApAnA.n sa.nsidhyante manorathAH .. 18..\\
shakunInAmivAkAshe matsyAnAm iva chodake . 
pada.n yathA na dR^ishyeta tathA GYAnavidA.n gatiH .. 19..\\
alamanyairupAlambhairkIrtitaishcha vyatikramaiH . 
peshala.n chAnurUpaM cha kartavya.n hitamAtmanaH .. 20..\\
\medskip\hrule\medskip\centerline{\Largedvng 175}
 y

kutaH sR^iShTamida.n vishva.n jagatsthAvaraja~Ngamam . 
pralaye cha kamabhyeti tanme brUhi pitAmaha .. 1..\\
sasAgaraH sagaganaH sashailaH sabalAhakaH . 
sabhUmiH sAgnipavano loko.aya.n kena nirmitaH .. 2..\\
satha.n sR^iShTAni bhUtAni kathaM varNavibhaktayaH . 
shauchAshaucha.n kathaM teShAM dharmAdharmAvatho katham .. 3..\\
kIdR^isho jIvatA.n jIvaH kva vA gachchhanti ye mR^itAH . 
asmAllokAdamu.n lokaM sarvaM sha.nsatu no bhavAn .. 4..\\

 bhs

atrApyudAharantImamitihAsaM purAtanam . 
bhR^iguNAbhihita.n shreShThaM bharadvAjAya pR^ichchhate .. 5..\\
kailAsashikhare dR^iShTvA dIpyamAnamivaujasA . 
bhR^iguM maharShimAsInaM bharadvAjo.anvapR^ichchhata .. 6..\\
sasAgaraH sagaganaH sashailaH sabalAhakaH . 
sabhUmiH sAgnipavano loko.aya.n kena nirmitaH .. 7..\\
katha.n sR^iShTAni bhUtAni kathaM varNavibhaktayaH . 
shauchAshaucha.n kathaM teShAM dharmAdharmAvatho katham .. 8..\\
kIdR^isho jIvatA.n jIvaH kva vA gachchhanti ye mR^itAH . 
paralokamima.n chApi sarva.n sha.nsatu no bhagAn .. 9..\\
eva.n sa bhagavAnpR^iShTo bharadvAjena saMshayam . 
maharShirbrahma sa~NkAshaH sarva.n tasmai tato.abravIt .. 10..\\
mAnaso nAma vikhyAtaH shrutapUrvo maharShibhiH . 
anAdi nidhano devastathAbhedyo.ajarAmaraH .. 11..\\
avyakta iti vikhyAtaH shAshvato.athAkSharo.avyayaH . 
yataH sR^iShTAni bhUtAni jAyante cha mriyanti cha .. 12..\\
so.asR^ijatprathama.n devo mahAntaM nAma nAmataH . 
AkAshamiti vikhyAta.n sarvabhUtadharaH prabhuH .. 13..\\
AkAshAdabhavadvAri salilAdagnimArutau . 
agnimAruta sa.nyogAttataH samabhavanmahI .. 14..\\
tatastejomaya.n divyaM padma.n sR^iShTaM svayambhuvA . 
tasmAtpadmAtsamabhavadbrahmA vedamayo nidhiH .. 15..\\
aha~NkAra iti khyAtaH sarvabhUtAtmabhUtakR^it . 
brahmA vai sumahAtejA ya ete pa~ncha dhAtavaH .. 16..\\
shailAstasyAsthi sa~nj~nAstu medo mA.nsa.n va medinI . 
samudrAstasya rudhiramAkAshamudara.n tathA .. 17..\\
pavanashchaiva niHshvAsastejo.agnirnimnagAH sirAH . 
agnIsomau tu chandrArkau nayane tasya vishrute .. 18..\\
nabhashchordhva.n shirastasya kShitiH pAdau disho bhujau . 
durviGYeyo hyanantatvAtsiddhairapi na saMshayaH .. 19..\\
sa eva bhagavAnviShNurananta iti vishrutaH . 
sarvabhUtAtmabhUtastho durviGYeyo.akR^itAtmabhiH .. 20..\\
aha~NkArasya yaH sraShTA sarvabhUtabhavAya vai . 
yataH samabhavadvishvaM pR^iShTo.aha.n yadiha tvayA .. 21..\\

 bharadvaaja

gaganasya dishA.n chaiva bhUtalasyAnilasya cha . 
kAnyatra parimAnAni saMshaya.n chhindhi me.arthataH .. 22..\\

 bhrgu

anantametadAkAsha.n siddhachAraNasevitam . 
ramyaM nAnAshrayAkIrNa.n yasyAnto nAdhigamyate .. 23..\\
Urdhva.n gateradhastAttu chandrAdityau na dR^ishyataH . 
tatra devAH svaya.n dIptA bhAsvarAshchAgnivarchasaH .. 24..\\
te chApyantaM na pashyanti nabhasaH prathitaujasaH . 
durgamatvAdanantatvAditi me viddhi mAnada .. 25..\\
upariShTopariShTAttu prajvaladbhiH svayamprabhaiH . 
niruddhametadAkAshamaprameya.n surairapi .. 26..\\
pR^ithivyante samudrAstu samudrAnte tamaH smR^itam . 
tamaso.ante jalaM prAhurjalasyAnte.agnireva cha .. 27..\\
rasAtalAnte salila.n jalAnte pannagAdhipaH . 
tadante punarAkAshamAkAshAnte punarjalam .. 28..\\
evamantaM bhagavataH pramAna.n salilasya cha . 
agnimAruta toyebhyo durGYeya.n daivatairapi .. 29..\\
agnimAruta toyAnA.n varNAH kShititalasya cha . 
AkAshasadR^ishA hyete bhidyante tattvadarshanAt .. 30..\\
pathanti chaiva munayaH shAstreShu vividheShu cha . 
trailokye sAgare chaiva pramAna.n vihitaM yathA . 
adR^ishyAya tvagamyAya kaH pramAnamudAharet .. 31..\\
siddhAnA.n devatAnAM cha yadA parimitA gatiH . 
tadA gaunamanantasya nAmAnanteti vishrutam . 
nAmadheyAnurUpasya mAnasasya mahAtmanaH .. 32..\\
yadA tu divya.n tadrUpa.n hrasate vardhate punaH . 
ko.anyastadveditu.n shakto yo.api syAttadvidho.aparaH .. 33..\\
tataH puShkarataH sR^iShTaH sarvaGYo mUrtimAnprabhuH . 
brahmA dharmamayaH pUrvaH prajApatiranuttamaH .. 34..\\

 bha

puShkarAdyadi sambhUto jyeShThaM bhavati puShkaram . 
brahmANaM pUrvaja.n chAha bhavAnsandeha eva me .. 35..\\

 bh

mAnasasyeha yA mUrtirbrahmatva.n samupAgatA . 
tasyAsana vidhAnArthaM pR^ithivI padmamuchyate .. 36..\\
kanikA tasya padyasya merurgaganamuchchhritaH . 
tasya madhye sthito lokAnsR^ijate jagataH prabhuH .. 37..\\
\medskip\hrule\medskip\centerline{\Largedvng 176}
 bharadvaaja

prajA visarga.n vividha.n kathaM sa sR^ijate prabhuH . 
merumadhye sthito brahmA tadbrUhi dvijasattama .. 1..\\

 bhrgu

prajA visarga.n vividhaM mAnaso manasAsR^ijat . 
sandhukShaNArthaM bhUtAnA.n sR^iShTaM prathamato jalam .. 2..\\
yatprAnAH sarvabhUtAnA.n vardhante yena cha prajAH . 
parityaktAshcha nashyanti teneda.n sarvamAvR^itam .. 3..\\
pR^ithivI parvatA meghA mUrtimantash cha ye pare . 
sarva.n tadvAruNa.n GYeyamApastastambhire punaH .. 4..\\

 bha

katha.n salilamutpanna.n kathaM chaivAgnimArutau . 
katha.n cha medinI sR^iShTetyatra me saMshayo mahAn .. 5..\\

 bh

brahmakalpe purA brahmanbrahmarShINA.n samAgame . 
lokasambhava sandehaH samutpanno mahAtmanAm .. 6..\\
te.atiShThandhyAnamAlambya maunamAsthAya nishchalAH . 
tyaktAhArAH pavanapA divya.n varShashata.n dvijAH .. 7..\\
teShA.n dharmamayI vANI sarveShA.n shrotramAgamat . 
divyA sarasvatI tatra sambabhUva nabhastalAt .. 8..\\
purA stimitaniHshabdamAkAshamachalopamam . 
naShTa chandrArkapavanaM prasuptamiva sambabhau .. 9..\\
tataH salilamutpanna.n tamasIvAparaM tamaH . 
tasmAchcha salilotpIdAdudatiShThata mArutaH .. 10..\\
yathA bhAjanamachchhidraM niHshabdamiva lakShyate . 
tachchAmbhasA pUryamANa.n sashambda.n kurute.anilaH .. 11..\\
tathA salilasa.nruddhe nabhaso.ante nirantare . 
bhittvArNava tala.n vAyuH samutpatati ghoShavAn .. 12..\\
sa eSha charate vAyurarNavotpIda sambhavaH . 
AkAshasthAnamAsAdya prashAntiM nAdhigachchhati .. 13..\\
tasminvAyvambusa~NgharShe dIptatejA mahAbalaH . 
prAdurbhavatyUrdhvashikhaH kR^itvA vitimiraM nabhaH .. 14..\\
agniH pavanasa.nyuktaH khAtsamutpatate jalam . 
so.agnirmAruta sa.nyogAdghanatvamupapadyate .. 15..\\
tasyAkAshe nipatitaH snehastiShThati yo.aparaH . 
sa sa~NghAtatvamApanno bhUmitvamupagachchhati .. 16..\\
rasAnA.n sarvagandhAnAM snehAnAM prAninA.n tathA . 
bhUmiryoniriha GYeyA yasyA.n sarvaM prasUyate .. 17..\\
\medskip\hrule\medskip\centerline{\Largedvng 177}
 bharadvaaja

ete te dhAtavaH pa~ncha brahmA yAnasR^ijatpurA . 
AvR^itA yairime lokA mahAbhUtAbhisa~nj~nitaiH .. 1..\\
yadAsR^ijatsahasrANi bhUtAnA.n sa mahAmatiH . 
pa~nchAnAmeva bhUtatva.n katha.n samupapadyate .. 2..\\

 bhrgu

amitAnAM mahAshabdo yAnti bhUtAni sambhavam . 
tatasteShAM mahAbhUtashabdo.ayamupapadyate .. 3..\\
cheShTA vayUH khamAkAsamUShmAgniH salila.n dravaH . 
pR^ithivI chAtra sa~NghAtaH sharIraM pA~ncha bhautikam .. 4..\\
ityetaiH pa~nchabhirbhUtairyukta.n sthAvaraja~Ngamam . 
shrotra.n ghrANa.n rasaH sparsho dR^iShTishchendriyasa~nj~nitAH .. 5..\\

 bha

pa~nchabhiryadi bhUtaistu yuktAH sthAvaraja~NgamAH . 
sthAvarANAM na dR^ishyante sharIre pa~ncha dhAtavaH .. 6..\\
anUsmanAmacheShTAnA.n ghanAnAM chaiva tattvataH . 
vR^ikShANAM nopalabhyante sharIre pa~ncha dhAtavaH .. 7..\\
na shR^iNvanti na pashyanti na gandharasavedinaH . 
na cha sparsha.n vijAnanti te kathaM pA~ncha bhautikAH .. 8..\\
adravatvAdanagnitvAdabhaumatvAdavAyutaH . 
AkAshasyAprameyatvAdvR^ikShANAM nAsti bhautikam .. 9..\\

 bh

ghanAnAmapi vR^ikShANAmAkAsho.asti na saMshayaH . 
teShAM puShpa phale vyaktirnitya.n samupalabhyate .. 10..\\
UShmato glAna parNAnA.n tvakphalaM puShpameva cha . 
mlAyate chaiva shItena sparshastenAtra vidyate .. 11..\\
vAyvagnyashani niShpeShaiH phalapuShpa.n vishIryate . 
shrotreNa gR^ihyate shabdastasmAchchhR^iNvanti pAdapAH .. 12..\\
vallI veShTayate vR^ikSha.n sarvatash chaiva gachchhati . 
na hyadR^iShTeshcha mArgo.asti tasmAtpashyanti pAdapAH .. 13..\\
puNyApuNyaistathA gandhairdhUpaish cha vividhairapi . 
arogAH puShpitAH santi tasmAjjighranti pAdapAH .. 14..\\
pAdaiH salilapAna.n cha vyAdhInAmapi darshanam . 
vyAdhipratikriyatvAchcha vidyate rasana.n drume .. 15..\\
vaktreNotpala nAlena yathordhva.n jalamAdadet . 
tathA pavanasa.nyuktaH pAdaiH pibati pAdapAH .. 16..\\
grahaNAtsukhaduHkhasya chhinnasya cha virohaNAt . 
jIvaM pashyAmi vR^ikShANAmachaitanyaM na vidyate .. 17..\\
tena tajjalamAdatta.n jarayatyagnimArutau . 
AhAraparinAmAchcha sneho vR^iddhishcha jAyate .. 18..\\
ja~NgamAnA.n cha sarveShA.n sharIre pa~ncha dhAtavaH . 
pratyekashaH prabhidyante yaiH sharIra.n vicheShTate .. 19..\\
tvakcha mA.nsa.n tathAsthIni majjA snAyu cha pa~nchamam . 
ityetadiha sa~NkhyAta.n sharIre pR^ithivI mayam .. 20..\\
tejo.agnishcha tathA krodhashchakShurUShmA tathaiva cha . 
agnirjarayate chApi pa~nchAgneyAH sharIriNaH .. 21..\\
shrotra.n ghrANamathAsyaM cha hR^idayaM koShThameva cha . 
AkAshAtprAninAmete sharIre pa~ncha dhAtavaH .. 22..\\
shleShmA pittamatha svedo vasA shonitameva cha . 
ityApaH pa~nchadhA dehe bhavanti prAninA.n sadA .. 23..\\
prAnAtprAnIyate prAnI vyAnAdvyAyachchhate tathA . 
gachchhatyapAno.avAkchaiva samAno hR^idyavasthitha .. 24..\\
udAnAduchchhvasiti cha pratibhedAchcha bhAsate . 
ityete vAyavaH pa~ncha cheShTayantIha dehinam .. 25..\\
bhUmergandhaguNAnvetti rasa.n chAdbhyaH sharIravAn . 
jyotiH pashyati chakShurbhyA.n sparshaM vetti cha vAyunA .. 26..\\
tasya gandhasya vakShyAmi vistarAbhihitAnguNAn . 
iShTashchAniShTa gandhashcha madhuraH katureva cha .. 27..\\
nirhArI sa.nhataH snigdho rUkSho vishada eva cha . 
evaM navavidho GYeyaH pArthivo gandhavistaraH .. 28..\\
shabdaH sparshashcha rUpa.n cha rasashchApAM guNAH smR^itAH . 
rasaGYAna.n tu vakShyAmi tanme nigadataH shR^iNu .. 29..\\
raso bahuvidhaH proktaH sUribhiH prathitAtmabhiH . 
madhuro lavanastiktaH kasAyo.amlaH katustathA . 
eSha ShaDvidha vistAro raso vAri mayaH smR^itaH .. 30..\\
shabdaH sparshashcha rUpa.n cha triguNaM jyotiruchyate . 
jyotiH pashyati rUpANi rUpa.n cha bahudhA smR^itam .. 31..\\
hrasvo dIrghastathA sthUlashchaturasro.anu vR^ittavAn . 
shuklaH kR^iShNastathA rakto nIlaH pIto.aruNastathA . 
eva.n dvAdasha vistAro jyotI rUpaguNa smR^itaH .. 32..\\
shabdasparshau tu viGYeyau dviguNo vAyuruchyate . 
vAyavyastu guNaH sparshaH sparshashcha bahudhA smR^itaH .. 33..\\
kathinashchikkanaH shlakShNaH pichchhalo mR^idu dAruNaH . 
uShNaH shItaH sukho duHkhaH snigdho vishada eva cha . 
eva.n dvAdasha vistAro vAyavyo guNa uchyate .. 34..\\
tatraikaguNamAkAsha.n shabda ityeva tatsmR^itam . 
tasya shabdasya vakShyAmi vistara.n vividhAtmakam .. 35..\\
ShaDja R^iShabhagAndhArau madhyamaH pa~nchamastathA . 
dhaivatashchApi viGYeyastathA chApi niShAdakaH .. 36..\\
eSha sapta vidhaH prokto guNa AkAshalakShaNaH . 
traisvaryeNa tu sarvatra sthito.api patahAdiShu .. 37..\\
AkAshaja.n shabdamAhurebhirvAyuguNaiH saha . 
avyAhataishchetayate na vetti viShamAgataiH .. 38..\\
ApyAyante cha te nitya.n dhAtavastaistu dhAtubhiH . 
Apo.agnirmArutashchaiva nitya.n jAgrati dehiShu .. 39..\\
\medskip\hrule\medskip\centerline{\Largedvng 178}
 bharadvaaja

pArthiva.n dhAtumAshritya shArIro.agniH kathaM bhavet . 
avakAsha visheSheNa katha.n vartayate.anilaH .. 1..\\

 bhrgu

vAyorgatimahaM brahmankIrtayiShyAmi te.anagha . 
prAninAmanilo dehAnyathA cheShTayate balI .. 2..\\
shrito mUrdhAnamagnistu sharIraM paripAlayan . 
prAno mUrdhani chAgnau cha vartamAno vicheShTate .. 3..\\
sajantuH sarvabhUtAtmA puruShaH sa sanAtanaH . 
mano buddhiraha~NkAro bhUtAni viShayAshcha saH .. 4..\\
eva.n tviha sa sarvatra prAnena paripAlyate . 
pR^iShThatashcha samAnena svA.n svA.n gatimupAshritaH .. 5..\\
vasti mUla.n gudaM chaiva pAvakaM cha samAshritaH . 
vahanmUtraM purIsa.n chApyapAnaH parivartate .. 6..\\
prayatne karmaNi bale ya ekastriShu vartate . 
udAna iti taM prAhuradhyAtmaviduSho janAH .. 7..\\
sandhiShvapi cha sarveShu saMniviShTastathAnilaH . 
sharIreShu manuShyANA.n vyAna ityupadishyate .. 8..\\
dhAtuShvagnistu vitataH samAnena samIritaH . 
rasAndhAtUMshcha doShAMshcha vartayannavatiShThati .. 9..\\
apAna prANayormadhye prANApAna samAhitaH . 
samanvitaH svadhiShThAnaH samyakpachati pAvakaH .. 10..\\
Asya.n hi pAyu sa.nyuktamante syAdguda sa~nj~nitam . 
srotastasmAtprajAyante sarvasrotA.nsi dehinAm .. 11..\\
prAnAnA.n saMnipAtAchcha saMnipAtaH prajAyate . 
UShmA chAgniriti GYeyo yo.annaM pachati dehinAm .. 12..\\
agnivegavahaH prAno gudAnte pratihanyate . 
sa UrdhvamAgamya punaH samutkShipati pAvakam .. 13..\\
pakvAshayastvadho nAbherUrdhvamAmAshayaH sthitaH . 
nAbhimadhye sharIrasya sarve prAnAH samAhitAH .. 14..\\
prasR^itA hR^idayAtsarve tiryagUrdhamadhastathA . 
vahantyannarasAnnAdyo.adasha prANa prachoditAH .. 15..\\
eSha mArgo.atha yogAnA.n yena gachchhanti tatpadam . 
jitaklamAsanA dhIrA mUrdhanyAtmAnamAdadhuH .. 16..\\
eva.n sarveShu vihitaH prANApAneShu dehinAm . 
tasminsthito nityamagniH sthAlyAmiva samAhitaH .. 17..\\
\medskip\hrule\medskip\centerline{\Largedvng 179}
 bharadvaaja

yadi prAnAyate vAyurvAyureva vicheShTate . 
shvasityAbhAsate chaiva tasmAjjIvo nirarthakaH .. 1..\\
yadyUShma bhAva Agneyo vahninA pachyate yadi . 
agnirjarayate chaiva tasmAjjIvo nirarthakaH .. 2..\\
jantoH pramIyamAnasya jIvo naivopalabhyate . 
vAyureva jahAtyenamUShma bhAvashcha nashyati .. 3..\\
yadi vAtopamo jIvaH saMshleSho yadi vAyunA . 
vAyumandalavaddR^ishyo gachchhetsaha marudgaNaiH .. 4..\\
shleSho yadi cha vAtena yadi tasmAtpranashyati . 
mahArNava vimuktatvAdanyatsalilabhAjanam .. 5..\\
kUpe vA salila.n dadyAtpradIpa.n vA hutAshane . 
prakShiptaM nashyati kShipra.n yathA nashyatyasau tathA .. 6..\\
pa~ncha sAdhAraNe hyasmi~nsharIre jIvita.n kutaH . 
yeShAmanyatara tyAgAchchaturNAM nAsti sa~NgrahaH .. 7..\\
nashyantyApo hyanAhArAdvAyuruchchhvAsanigrahAt . 
nashyate koShTha bhedAtkhamagnirnashyatyabhojanAt .. 8..\\
vyAdhivraNa parikleshairmedinI chaiva shIryate . 
pIDite.anyatare hyeShA.n saghAto yAti pa~nchadhA .. 9..\\
tasminpa~nchatvamApanne jIvaH kimanudhAvati . 
ki.n vedayati vA jIvaH kiM shR^iNoti bravIti vA .. 10..\\
eShA gauH paralokastha.n tArayiShyati mAm iti . 
yo dattvA mriyate jantuH sA gauH ka.n tArayiShyati .. 11..\\
gaushcha pratigrahItA cha dAtA chaiva sama.n yadA . 
ihaiva vilaya.n yAnti kutasteShAM samAgamaH .. 12..\\
vihagairupayuktasya shailAgrAtpatitasya vA . 
agninA chopayuktasya kutaH sa~njIvanaM punaH .. 13..\\
chhinnasya yadi vR^ikShasya na mUlaM pratirohati . 
bIjAnyasya pravartante mR^itaH kva punareShyati .. 14..\\
bIjamAtraM purA sR^iShTa.n yadetatparivartate . 
mR^itA mR^itAH pranashyanti bIjAdbIjaM pravartate .. 15..\\
\medskip\hrule\medskip\centerline{\Largedvng 180}
 bhrgu

na pranAsho.asti jIvAnA.n dattasya cha kR^itasya cha . 
yAti dehAntaraM prAnI sharIra.n tu vishIryate .. 1..\\
na sharIrAshrito jIvastasminnaShTe pranashyati . 
yathA samitsu dagdhAsu na pranashyati pAvakaH .. 2..\\

 bharadvaaja

agneryathAtathA tasya yadi nAsho na vidyate . 
indhanasyopayogAnte sa chAgnirnopalabhyate .. 3..\\
nashyatItyeva jAnAmi shAntamagnimanindhanam . 
gatiryasya pramAna.n vA sa.nsthAnaM vA na dR^ishyate .. 4..\\

 bh

samidhAmupayogAnte sannevAgnirna dR^ishyate . 
AkAshAnugatatvAddhi durgrahaH sa nirAshrahaH .. 5..\\
tathA sharIrasantyAge jIvo hyAkAshavatsthitaH . 
na gR^ihyate susUkShmatvAdyathA jyotirna saMshayaH .. 6..\\
prAnAndhArayate hyagniH sa jIva upadhAryatAm . 
vAyusandhAraNo hyagnirnashyatyuchchhvAsanigrahAt .. 7..\\
tasminnaShTe sharIrAgnau sharIra.n tadachetanam . 
patita.n yAti bhUmitvamayana.n tasya hi kShitiH .. 8..\\
ja~NgamAnA.n hi sarveShAM sthAvarANA.n tathaiva cha . 
AkAshaM pavano.abhyeti jyotistamanugachchhati . 
tatra trayANAmekatva.n dvayaM bhUmau pratiShThitam .. 9..\\
yatra kha.n tatra pavanastatrAgniryatra mArutaH . 
amUrtayaste viGYeyA Apo mUrtAstathA kShitiH .. 10..\\

 bha

yadyagnimArutau bhUmiH khamApashcha sharIriShu . 
jIvaH ki.n lakShaNastatretyetadAchakShva me.anagha .. 11..\\
pa~nchAtmake pa~ncha ratau pa~ncha viGYAnasa.nyute . 
sharIre prAninA.n jIva.n GYAtumichchhAmi yAdR^isham .. 12..\\
mA.nsashonita sa~NghAte medaH snAyvasthi sa~ncaye . 
bhidyamAne sharIre tu jIvo naivopalabhyate .. 13..\\
yadyajIva.n sharIra.n tu pa~ncha bhUtasamanvitam . 
shArIre mAnase duHkhe kastA.n vedayate rujam .. 14..\\
shR^iNoti kathita.n jIvaH karNAbhyAM na shR^iNoti tat . 
maharShe manasi vyagre tasmAjjIvo nirarthakaH .. 15..\\
sarvaM pashyati yaddR^ishyaM mano yuktena chakShuShA . 
manasi vyAkule taddhi pashyannapi na pashyati .. 16..\\
na pashyati na cha brUte na shR^iNoti na jighrati . 
na cha sparsharasau vetti nidrAvashagataH punaH .. 17..\\
hR^iShyati krudhyati cha kaH shochatyudvijate cha kaH . 
ichchhati dhyAyati dveShTi vAchamIrayate cha kaH .. 18..\\

 bh

na pa~ncha sAdhAraNamatra ki.n chich 
chharIrameko vahate.antarAtmA . 
sa vetti gandhAMshcha rasA~nshruti.n cha 
sparsha.n cha rUpaM cha guNAsh cha ye.anye .. 19..\\
pa~nchAtmake pa~ncha guNapradarshI 
sa sarvagAtrAnugato.antarAtmA . 
sa vetti duHkhAni sukhAni chAtra 
tadviprayogAttu na vetti dehaH .. 20..\\
yadA na rUpaM na sparsho nosma bhAvashcha pAvake . 
tadA shAnte sharIrAgnau deha.n tyaktvA sa nashyati .. 21..\\
ammaya.n sarvamevedamApo mUrtiH sharIriNAm . 
tatrAtmA mAnaso brahmA sarvabhUteShu lokakR^it .. 22..\\
AtmAna.n ta.n vijAnIhi sarvaloha hitAtmakam . 
tasminyaH saMshrito dehe hyabbinduriva puShkare .. 23..\\
kShetraGYa.n ta.n vijAnIhi nityaM lokahitAtmakam . 
tamo rajashcha sattva.n cha viddhi jIva guNAnimAn .. 24..\\
sachetana.n jIva guNa.n vadanti 
sa cheShTate cheShTayate cha sarvam . 
tataH para.n kShetravida.n vadanti 
prAvatayadyo bhuvanAni sapta .. 25..\\
na jIvanAsho.asti hi dehabhede 
mithyaitadAhurmR^ita ityabuddhAH . 
jIvastu dehAntaritaH prayAti 
dashArdhataivAsya sharIrabhedaH .. 26..\\
eva.n sarveShu bhUteShu gUdhashcharati sa.nvR^itaH . 
dR^ishyate tvagryayA buddhyA sUkShmayA tattvadarshibhiH .. 27..\\
taM pUrvApararAtreShu yuGYAnaH satataM budhaH . 
laghvAhAro vishuddhAtmA pashyatyAtmAnamAtmani .. 28..\\
chittasya hi prasAdena hitvA karma shubhAshubham . 
prasannAtmAtmani sthitvA sukhamakShayamashnute .. 29..\\
mAnaso.agniH sharIreShu jIva ityabhidhIyate . 
sR^iShTiH prajApatereShA bhUtAdhyAtma vinishchaye .. 30..\\
\medskip\hrule\medskip\centerline{\Largedvng 181}
 bhrgu

asR^ijadbrAhmaNAneva pUrvaM brahmA prajApatiH . 
Atmatejo.abhinirvR^ittAnbhAskarAgnisamaprabhAn .. 1..\\
tataH satya.n cha dharmaM cha tapo brahma cha shAshvatam . 
AchAra.n chaiva shauchaM cha svargAya vidadhe prabhuH .. 2..\\
devadAnavagandharvadaityAsuramahoragAH . 
yakSharAskasa nAgAshcha pishAchA manujAstathA .. 3..\\
brAhmaNAH kShatriyA vaishyAH shUdrAsh cha dvijasattama . 
ye chAnye bhUtasa~NghAnA.n sa~NghAstAMshchApi nirmame .. 4..\\
brAhmaNAnA.n sito varNaH kShatriyANA.n tu lohitaH . 
vaishyAnAM pItako varNaH shUdrANAmasitastathA .. 5..\\

 bha

chAturvarNyasya varNena yadi varNo vibhajyate . 
sarveShA.n khalu varNAnAM dR^ishyate varNasa~NkaraH .. 6..\\
kAmaH krodho bhaya.n lobhaH shokashchintA kShudhA shramaH . 
sarveShAM naH prabhavati kasmAdvarNo vibhajyate .. 7..\\
svedamUtra purIShANi shleShmA pitta.n sashonitam . 
tanuH kSharati sarveShA.n kasmAdvarNo vibhajyate .. 8..\\
ja~NgamAnAmasa~NkhyeyAH sthAvarANA.n cha jAtayaH . 
teShA.n vividhavarNAnA.n kuto varNavinishchayaH .. 9..\\

 bh

na visheSho.asti varNAnA.n sarvaM brAhmamida.n jagat . 
brahmaNA pUrvasR^iShTa.n hi karmabhirvarNatA.n gatam .. 10..\\
kAmabhoga priyAstIkShNAH krodhanAH priya sAhasAH . 
tyaktasvadharmA raktA~NgAste dvijAH kShatratA.n gatAH .. 11..\\
goShu vR^ittid.n samAdhAya pItAH kR^iShyupajIvinaH . 
svadharmaM nAnutiShThanti te dvijA vaishyatA.n gatAH .. 12..\\
hi.nsAnR^ita priyA lubdhAH sarvakarmopajIvinaH . 
kR^iShNAH shauchaparibhraShTAste dvijAH shUdratA.n gatAH .. 13..\\
ityetairkarmabhirvyastA dvijA varNAntara.n gatAH . 
dharmo yaGYakriyA chaiShAM nityaM na pratiShidhyate .. 14..\\
varNAshchatvAra ete hi yeShAM brAhmI sarasvatI . 
vihitA brahmaNA pUrva.n lobhAttvaGYAnatA.n gatAH .. 15..\\
brAhmaNA dharmatantrasthAstapasteShAM na nashyati . 
brahma dhArayatAM nitya.n vratAni niyamA.nstathA .. 16..\\
brahma chaitatpurA sR^iShTa.n ye na jAnantyatadvidaH . 
teShAM bahuvidhAstvanyAstatra tatra hi jAtayaH .. 17..\\
pishAchA rAkShasAH pretA bahudhA mlechchha jAtayaH . 
pranasta GYAnaviGYAnAH svachchhandAchAra cheShTitAH .. 18..\\
prajA brAhmaNa sa.nskArAH svadharmakR^itanishchayAH . 
R^iShibhiH svena tapasA sR^ijyante chApare paraiH .. 19..\\
Adideva samudbhUtA brahma mUlAkShayAvyayA . 
sA sR^iShTirmAnasI nAma dharmatantra parAyanA .. 20..\\
\medskip\hrule\medskip\centerline{\Largedvng 182}
 bharadvaaja

brAhmaNaH kena bhavati kShatriyo vA dvijottama . 
vaishyaH shUdrashcha viprarShe tadbrUhi vadatA.n vara .. 1..\\

 bhrgu

jAtakarmAdibhiryastu sa.nskAraiH sa.nskR^itaH shuchiH . 
vedAdhyayanasampannaH saH sukarmasvavasthitaH .. 2..\\
shauchAchAra sthitaH samyagvighasAsI gurupriyaH . 
nityavratI satyaparaH sa vai brAhmaNa uchyate .. 3..\\
satya.n dAnaM damo droha AnR^isha.nsyaM kShamA ghR^iNA . 
tapashcha dR^ishyate yatra sa brAhmaNa iti smR^itaH .. 4..\\
kShatraja.n sevate karma vedAdhyayanasaMmataH . 
dAnAdAna ratiryashcha sa vai kShatriya uchyate .. 5..\\
kR^iShigorakShya vAnijya.n yo vishatyanishaM shuchiH . 
vedAdhyayanasampannaH sa vaishya iti sa~nj~nitaH .. 6..\\
sarvabhakSha ratirnitya.n sarvakarma karo.ashuchiH . 
tyaktavedastvanAchAraH sa vai shUdra iti smR^itaH .. 7..\\
shUdre chaitadbhavellakShya.n dvije chaitanna vidyate . 
na vai shUdro bhavechchhUdro brAhmaNo na cha brAhmaNaH .. 8..\\
sarvopAyaistu lobhasya krodhasya cha vinigrahaH . 
etatpavitra.n GYAtavya.n tathA chaivAtma sa.nyamaH .. 9..\\
nitya.n krodhAttapo rakShechchhriya.n rakSheta matsarAt . 
vidyAM mAnAvamAnAbhyAmAtmAna.n tu pramAdataH .. 10..\\
yasya sarve samArambhA nirAshIrbandhanAstviha . 
tyAge yasya huta.n sarvaM sa tyAgI sa cha buddhimAn .. 11..\\
ahi.nsraH sarvabhUtAnAM maitrAyaNa gatash charet . 
avisrambhe na gantavya.n visrambhe dhArayenmanaH .. 12..\\
parigrahAnparityajya bhavedbuddhyA jitendriyaH . 
ashoka.n sthAnamAtiShThediha chAmutra chAbhayam .. 13..\\
taponityena dAntena muninA sa.nyatAtmanA . 
ajita.n jetukAmena bhAvya.n sa~NgeShvasa~NginA .. 14..\\
indriyairgR^ihyate yadyattattadvyaktamiti sthitiH . 
avyaktamiti viGYeya.n li~NgagrAhyamatIndriyam .. 15..\\
manaH prANe nigR^ihNIyAtprANaM brahmANi dhArayet . 
nirvAnAdeva nirvAno na cha ki.n chidvichintayet . 
sukha.n vai brAhmaNo brahma sa vai tenAdhigachchhati .. 16..\\
shauchena satata.n yuktastathAchAra samanvitaH . 
sAnukroshashcha bhUteShu taddvijAtiShu lakShaNam .. 17..\\
\medskip\hrule\medskip\centerline{\Largedvng 183}
 bhrgu

satyaM brahma tapaH satya.n satyaM sR^ijati cha prajAH . 
satyena dhAryate lokaH svarga.n satyena gachchhati .. 1..\\
anR^ita.n tamaso rUpaM tamasA nIyate hyadhaH . 
tamo grastA na pashyanti prakAsha.n tamasAvR^itam .. 2..\\
svargaH prakAsha ityAhurnaraka.n tama eva cha . 
satyAnR^itAttadubhayaM prApyate jagatIcharaiH .. 3..\\
tatra tveva.nvidhA vR^ittirloke satyAnR^itA bhavet . 
dharmAdharmau prakAshashcha tamo duHkha.n sukha.n tathA .. 4..\\
\noindent
tatra yatsatya.n sa dharmo yo dharmaH sa prakAsho yaH prakAshastatsukhamiti
1 
tatra yadanR^ita.n so.adharmo yo.adharmastattamo yattamastadduHkhamiti
2 
.. 5.. 
atrochyate
1\\
shArIrairmAnasairduHkhaiH sukhaishchApyasukhodayaiH . 
lokasR^iShTiM prapashyanto na muhyanti vichakShaNAH .. 6..\\
tatra duHkhavimokShArthaM prayateta vichakShaNaH . 
sukha.n hyanityaM bhUtAnAm iha loke paratra cha .. 7..\\
rAhugrastasya somasya yathA jyotsnA na bhAsate . 
tathA tamo.abhibhUtAnAM bhUtAnAM bhrashyate sukham .. 8..\\
\noindent
tatkhalu dvividha.n sukhamuchyate shArIraM mAnasa.n cha
1 
iha khalvamuShmiMshcha loke sarvArambhapravR^ittayaH sukhArthAbhidhIyante
2 
na hyatastrivargaphala.n vishiShTataramasti
3 
saiSha kAmyo guNavisheSho dharmArthayorArambhastaddheturasyotpattiH sukhaprayojanA
4 
.. 9..\\

 bharadvAja uvAcha

\noindent
yadetadbhavatAbhihita.n sukhAnAM paramAH striya iti tanna gR^ihnImaH
1 
na hyeShAmR^iShINAM mahati sthitAnAmaprApyaiSha guNavisheSho na chainamabhilasanti
2 
shrUyate cha bhagavA.nstrilokakR^idbrahmA prabhvekAkI tiShThati
3 
brahmachArI na kAmasukheShvAtmAnamavadadhAti
4 
api cha bhagavAnvishveshvaromA patiH kAmamabhivartamAnamana~Ngatvena shamamanayat
5 
tasmAdbrUmo na mahAtmabhirayaM pratigR^ihIto na tveSha tAvadvishiShTo guNa iti naitadbhagavataH pratyemi
6 
bhagavatA tUkta.n sukhAnAM paramAH striya iti
7 
lokapravAdo.api cha bhavati dvividhaH phalodayaH sukR^itAtsukhamavApyate duShkR^itAdduHkhamiti
8 
atrochyatAm
9 
.. 10..\\

 bhR^iguruvAcha

\noindent
anR^itAtkhalu tamaH prAdurbhUta.n tamograstA adharmamevAnuvartante na dharmam
1 
krodhalobha mohamAnAnR^itAdibhiravachchhannA na khalvasmi.Nlloke na chAmutra sukhamApnuvanti
2 
vividhavyAdhigaNopatApairavakIryante
3 
vadhabandharoga parikleshAdibhishcha kShutpipAsA shramakR^itairupatApairupatapyante
4 
chaNDa vAtAtyuShNAtishIta kR^itaishcha pratibhayaiH shArIrairduHkhairupatapyante
5 
bandhudhanavinAsha viprayoga kR^itaishcha mAnasaiH shokairabhibhUyante jarAmR^ityukR^itaishchAnyairiti
6 
.. 11.. 
yastvetaiH shArIrairmAnasairduHkhairna spR^ishyate sa sukha.n veda
1 
na chaite doShAH svarge prAdurbhavanti
2 
tatra bhavati khalu
3 
.. 12..\\
susukhaH pavanaH svarge gandhashcha surabhistathA . 
kShutpipAsA shramo nAsti na jarA na cha pApakam .. 13..\\
nityameva sukha.n svarge sukha.n duHkhamihobhayam . 
narake duHkhamevAhuH sama.n tu paramaM padam .. 14..\\
pR^ithivI sarvabhUtAnA.n janitrI tavidhAH striyaH . 
pumAnprajApatistatra shukra.n tejomaya.n viduH .. 15..\\
ityetallokanirmAnaM brahmaNA vihitaM purA . 
prajA viparivartante svaiH svaiH karmabhirAvR^itAH .. 16..\\
\medskip\hrule\medskip\centerline{\Largedvng 184}
 bharadvaaja

dAnasya kiM phalaM prAhurdharmasya charitasya cha . 
tapasashcha sutaptasya svAdhyAyasya hutasya cha .. 1..\\

 bhrgu

hutena shAmyate pApa.n svAdhyAye shAntiruttamA . 
dAnena bhoga ityAhustapasA sarvamApnuyAt .. 2..\\
dAna.n tu dvividhaM prAhuH paratrArthamihaiva cha . 
sadbhyo yaddIyate ki.n chittatparatropatiShThati .. 3..\\
asatsu dIyate yattu taddAnamiha bhujyate . 
yAdR^isha.n dIyate dAnaM tAdR^ishaM phalamApyate .. 4..\\

 bha

ki.n kasya dharmacharaNaM ki.n vA dharmasya lakShaNam . 
dharmaH kati vidho vApi tadbhavAnvaktumarhati .. 5..\\

 bh

svadharmacharaNe yuktA ye bhavanti manIsinaH . 
teShA.n dharmaphalApAptiryo.anyathA sa vimuhyati .. 6..\\

 bha

yadetachchAturAshramyaM brahmarShivihitaM purA . 
teShA.n sve sve ya AchArAstAnme vaktumihArhasi .. 7..\\

 bhR^iguruvAcha

\noindent
pUrvameva bhagavatA lokahitamanutiShThatA dharmasa.nrakShaNArthamAshramAshchatvAro.abhinirdistAH
1 
tatra guru kulavAsameva tAvatprathamamAshramamudAharanti
2 
samyagatra shauchasa.nskAra vinayaniyama pranIto vinItAtmobhe sandhye bhAskarAgnidaivatAnyupasthAya vihAya tandrAlasye gurorabhivAdanavedAbhyAsa shravaNapavitrI kR^itAntarAtmA trisavanamupaspR^ishya brahmacharyAgniparicharaNa guru shushrUsA nityo bhaikShAdi sarvaniveditAntarAtmA guruvachananirdeshAnuShThAnApratikUlo guru prasAdalabdhasvAdhyAyatatparaH syAt
3 
.. 8.. 
bhavati chAtra shlokaH
1\\
guru.n yastu samArAdhya dvijo vedamavApnuyAt . 
tasya svargaphalAvAptiH sidhyate chAsya mAnasam .. 9..\\
\noindent
gArhasthya.n khalu dvitIyamAshrama.n vadanti
1 
tasya samudAchAra lakShaNa.n sarvamanuvyAkhyAsyAmaH
2 
samAvR^ittAnA.n sadArANAM sahadharmacharyA phalArthinA.n gR^ihAshramo vidhIyate
3 
dharmArthakAmAvAptirhyatra trivargasAdhanamaveskyAgarhitena karmaNA dhanAnyAdAya svAdhyAyaprakarShopalabdhena brahmarShinirmitena vAdirsAragatena vA havyaniyamAbhyAsa daivataprasAdopalabdhena vA dhanena gR^ihastho gArhasthyaM pravartayet
4 
taddhi sarvAshramANAM mUlamudAharanti
5 
guru kulavAsinaH parivrAjakA ye chAnye sa~Nkalpita vrataniyama dharmAnuShThAyinasteShAmapyata eva bhikShA balisa.nvibhAgAH pravartante
6 
.. 10.. 
vAnaprasthAnA.n dravyopaskAra iti prAyashaH khalvete sAdhavaH sAdhu pathyadarshanAH svAdhyAyaprasa~NginastIrthAbhigamana deshadarshanArthaM pR^ithivIM paryatanti
1 
teShAM pratyutthAnAbhivAdanAnasUyAvAkpradAnasaumukhyashaktyAsana shayanAbhyavahAra satkriyAsh cheti
2 
.. 11.. 
bhavati chAtra shlokaH
1\\
atithiryasya bhagnAsho gR^ihAtpratinivartate . 
sa dattvA duShkR^ita.n tasmai puNyamAdAya gachchhati .. 12..\\
\noindent
api chAtra yaGYakriyAbhirdevatAH prIyante nivApena pitaro vedAbhyAsa shravaNadhAraNenarShayaH
1 
apatyotpAdanena prajApatiriti
2 
.. 13.. 
shlokau chAtra bhavataH
1\\
vatsalAH sarvabhUtAnA.n vAchyAH shrotrasukhA giraH . 
parivAdopaghAtau cha pAruShya.n chAtra garhitam .. 14..\\
avaGYAnamaha~NkAro dambhashchaiva vigarhitaH . 
ahi.nsA satyamakrodhaH sarvAshramagata.n tapaH .. 15..\\
\noindent
api chAtra mAlyAbharaNa vastrAbhya~Nga gandhopabhoga nR^ittagItavAditrashrutisukhanayanAbhirAma sandarshanAnAM prAptirbhakShyabhojya peya lehyachosyAnAmabhyavahAryANA.n vividhAnAmupabhogaH svadAravihArasantoShaH kAmasukhAvAptiriti
1 
.. 16..\\
trivargaguNanirvR^ittiryasya nitya.n gR^ihAshrame . 
sa sukhAnyanubhUyeha shiShTAnA.n gatimApnuyAt .. 17..\\
u~nchhavR^ittirgR^ihastho yaH svadharmacharaNe rataH . 
tyaktakAmasukhArambhastasya svargo na durlabhaH .. 18..\\
\medskip\hrule\medskip\centerline{\Largedvng 185}
 bh

\noindent
vAnaprasthAH khalvR^iShidharmamanusarantaH puNyAni tIrthAni nadIprasravaNAni suvivikteShvaraNyeShu mR^igamahiSha varAhasR^imara gajAkIrNeShu tapasyanto.anusa~ncaranti
1 
tyaktagrAmya vastrAhAropabhogA vanyauShadhi mUlaphalaparNaparimita vichitraniyatAhArAH sthAnAsanino bhUmipAsAnasikatA sharkarA vAlukA bhasmashAyinaH kAshakusha charma valkalasa.nvR^itA~NgAH keshashmashrunakharomadhAriNo niyatakAlopasparshanAskanna homabalikAlAnuShThAyinaH samitkusha kusumopahAra homArjana labdhavishrAmAH shItosna pavananiShTapta vibhinnasarvatvacho vividhaniyama yogacharyA vihita dharmAnuShThAna hR^itamA.nsa shonitAstvagasthi bhUtA dhR^itiparAH sattvayogAchchharIrANyudvahanti
2 
.. 1..\\
yastvetAM niyatashcharyAM brahmarShivihitA.n charet . 
sa dahedagnivaddoShA~njayellokAMshcha durjayAn .. 2..\\
\noindent
parivrAjakAnAM punarAchArastadyathA
1 
vimuchyAgnidhanakalatra paribarha sa~NgAnAtmanaH snehapAshAnavadhUya parivrajanti samalostAshma kA~nchanAstrivargapravR^itteShvArambheShvasaktabuddhayo.arimitrodAsIneShu tulyavR^ittayaH sthAvarajarAyu jAndaja svedajodbhijjAnAM bhUtAnA.n vA~NmanaH karmabhiranabhidrohiNo.aniketAH parvata pulinavR^ikShamUladevatAyatanAnyanucharanto vAsArthamupeyurnagara.n grAmaM vA nagare pa~ncharAtrikA grAmaika rAtrikAH
2 
pravishya cha prANa dhAraNa mAtrArtha.n dvijAtInAM bhavanAnyasa~NkIrNa karmaNAmupatiShTheyuH pAtrapatitAyAchita bhaikShAH kAmakrodhadarpa mohalobha kArpaNyadambhaparivAdAbhimAna hi.nsA nivR^ittA iti
3 
.. 3.. 
bhavati chAtra shlokaH
1\\
abhaya.n sarvabhUtebhyo dattvA charati yo muniH . 
na tasya sarvabhUtebhyo bhayamutpadyate kva chit .. 4..\\
kR^itvAgnihotra.n svasharIrasa.nsthaM 
shArIramagni.n svamukhe juhoti . 
yo bhaikSha charyopagatairhavirbhish 
chitAgninA.n sa vyatiyAti lokAn .. 5..\\
mokShAshrama.n yaH kurute yathoktaM 
shuchiH susa~Nkalpita buddhiyuktaH . 
anindhana.n jyotiriva prashAntaM 
sa brahmaloka.n shrayate dvijAtiH .. 6..\\

 bha

asmAllokAtparo lokaH shrUyate nopalabhyate . 
tamaha.n GYAtumichchhAmi tadbhavAnvaktumarhati .. 7..\\

 bh

uttare himavatpArshve puNye sarvaguNAnvite . 
puNyaH kShemyashcha kAmyash cha sa varo loka uchyate .. 8..\\
tatra hyapApakarmANaH shuchayo.atyantanirmalAH . 
lobhamohaparityaktA mAnavA nirupadravAH .. 9..\\
sasvargasadR^isho deshastatra hyuktAH shubhA guNAH . 
kAle mR^ityuH prabhavati spR^ishanti vyAdhayo na cha .. 10..\\
na lobhaH paradAreShu svadAranirato janaH . 
na chAnyonya vadhastatra dravyeShu na cha vismayaH . 
parokShadharmo naivAsti sandeho nApi jAyate .. 11..\\
kR^itasya tu phala.n tatra pratyakShamupakabhyate . 
shayyA yAnAsanopetAH prAsAdabhavanAshrayAH . 
sarvakAmairvR^itAH ke chiddhemAbharaNa bhIsitAH .. 12..\\
prANa dhAraNa mAtra.n tu keShAM chidupapadyate . 
shrameNa mahatA ke chitkurvanti prANadhAraNam .. 13..\\
iha dharmaparAH ke chitke chinnaikR^itikA narAH . 
sukhitA duHkhitAH ke chinnirdhanA dhanino.apare .. 14..\\
iha shramo bhayaM mohaH kShudhA tIvrA cha jAyate . 
lobhashchArthakR^ito nR^INA.n yena muhyanti paNDitAH .. 15..\\
iha chintA bahuvidhA dharmAdharmasya karmaNaH . 
yastadvedobhayaM prAGYaH pApnamA na sa lipyate .. 16..\\
sopadhaM nikR^itiH steyaM parivAdo.abhyasUyatA . 
paropadhAto hi.nsA cha paishunyamanR^ita.n tathA .. 17..\\
etAnAsevate yastu tapastasya prahIyate . 
yastvetAnnAcharedvidvA.nstapastasyAbhivardhate .. 18..\\
karmabhUmiriya.n loka iha kR^itvA shubhAshubham . 
shubhaiH shubhamavApnoti kR^itvAshubhamato.anyathA .. 19..\\
iha prajApatiH pUrva.n devAH sarShigaNAstathA . 
iShTveShTa tapasaH pUtA brahmalokamupAshritAH .. 20..\\
uttaraH pR^ithivI bhAgaH sarvapuNyatamaH shubhaH . 
ihatyAstatra jAyante ye vai puNyakR^ito janAH .. 21..\\
asatkarmANi kurvantastiryagyoniShu chApare . 
kShINAyuShastathaivAnye nashyanti pR^ithivItale .. 22..\\
anyonyabhakShaNe saktA lobhamohasamanvitAH . 
ihaiva parivartante na te yAntyuttarA.n disham .. 23..\\
ye gurUnupasevante niyatA brahmachAriNaH . 
panthAna.n sarvalokAnA.n te jAnanti manIsinaH .. 24..\\
ityukto.ayaM mayA dharmaH sa~NkShepAdbrahmanirmitaH . 
dharmAdharmau hi lokasya yo vai vetti sa buddhimAn .. 25..\\

 bhiisma

ityukto bhR^iguNA rAjanbharadvAjaH pratApavAn . 
bhR^iguM paramadharmAtmA vismitaH pratyapUjayat .. 26..\\
eSha te prabhavo rAja~njagataH samprakIrtitaH . 
nikhilena mahAprAGYa kiM bhUyaH shrotumichchhasi .. 27..\\
\medskip\hrule\medskip\centerline{\Largedvng 186}
 y

AchArasya vidhi.n tAta prochyamAnaM tvayAnagha . 
shrotumichchhAmi dharmaGYa sarvaGYo hyasi me mataH .. 1..\\

 bhiisma

durAchArA durvicheShTA duShpraGYAH priya sAhasAH . 
asanto hyabhivikhyAtAH santashchAchAra lakShaNAH .. 2..\\
purIsa.n yadi vA mUtraM ye na kurvanti mAnavAH . 
rAjamArge gavAM madhye dhAnyamadhye cha te shubhAH .. 3..\\
shauchamAvashyaka.n kR^itvA devatAnAM cha tarpaNam . 
dharmamAhurmanuShyANAmupaspR^ishya nadI.n taret .. 4..\\
sUrya.n sadopatiShThena na svapyAdbhAskarodaye . 
sAyamprAtarjapansandhyA.n tiShThetpUrvAM tathAparAm .. 5..\\
pa~nchArdhro bhojana.n kuryAtprA~Nmukho maunamAsthitaH . 
na nidedannabhakShyAMshcha svAdvasvAdu cha bhakShayet .. 6..\\
nArdra pAniH samuttiShThennArdra pAdaH svapennishi . 
devarShinArada proktametadAchAra lakShaNam .. 7..\\
shuchi kAmamanadvAha.n deva goShThaM chatuShpatham . 
brAhmaNa.n dhArmikaM chaiva nityaM kuryAtpradakShiNam .. 8..\\
atithInA.n cha sarveShAM preShyAnA.n svajanasya cha . 
sAmAnyaM bhojanaM bhR^ityaiH puruShasya prashasyate .. 9..\\
sAyamprAtarmanuShyANAmashana.n devanirmitam . 
nAntarA bhojana.n dR^iShTamupavAsI tathA bhavet .. 10..\\
homakAle tathA juhvannR^itukAle tathA vrajan . 
ananyastrI janaH prAGYo brahmachArI tathA bhavet .. 11..\\
amR^itaM brAhmaNochchhiShTa.n jananyA hR^idayaM kR^itam . 
upAsIta janaH satya.n satyaM santa upAsate .. 12..\\
yajuShA sa.nskR^itaM mA.nsaM nivR^itto mAma bhakShaNAt . 
na bhakShayedvR^ithA mA.nsaM pR^iShThamA.nsa.n cha varjayet .. 13..\\
svadeshe paradeshe vA atithiM nopavAsayet . 
kAmya.n karmaphala.n labdhvA gurUNAmupapAdayet .. 14..\\
gurubhya Asana.n deyaM kartavyaM chAbhivAdanam . 
gurUnabhyarchya yujyante AyuShA yashasA shriyA .. 15..\\
nekShetAdityamudyantaM na cha nagnAM parastriyam . 
maithuna.n samaye dharmya.n guhyaM chaiva samAcharet .. 16..\\
tIrthAnA.n hR^idaya.n tIrthaM shuchInAM hR^idayaM shuchiH . 
sarvamArya kR^ita.n shauchaM vAlasa.nsparshanAni cha .. 17..\\
darshane darshane nitya.n sukhaprashnamudAharet . 
sAyamprAtarcha viprANAM pradiShTamabhivAdanam .. 18..\\
deva goShThe gavAM madhye brAhmaNAnA.n kriyA pathe . 
svAdhyAye bhojane chaiva dakShiNaM pAnimuddharet .. 19..\\
panyAnA.n shobhanaM panya.n kR^iShINAM bAdyate kR^iShiH . 
bahu kAra.n cha sasyAnA.n vAhye vAhyaM tathA gavAm .. 20..\\
sampannaM bhojane nityaM pAnIye tarpaNa.n tathA . 
sushR^itaM pAyase brUyAdyavAgvA.n kR^isare tathA .. 21..\\
shmashrukarmaNi samprApte kShute snAne.atha bhojane . 
vyAdhitAnA.n cha sarveShAmAyuShyamabhinandanam .. 22..\\
pratyAdityaM na meheta na pashyedAtmanaH shakR^it . 
suta striyA cha shayana.n saha bhojya.n cha varjayet .. 23..\\
tva.n kAraM nAmadheyaM cha jyeShThAnAM parivarjayet . 
avarANA.n samAnAnAmubhayeShAM na duShyati .. 24..\\
hR^idayaM pApavR^ittAnAM pApamAkhyAti vaikR^itam . 
GYAnapUrva.n vinashyanti gUhamAnA mahAjane .. 25..\\
GYAnapUrva.n kR^itaM pApaM chhAdayantyabahushrutAH . 
nainaM manuShyAH pashyanti pashyanti tridivaukasaH .. 26..\\
pApena hi kR^itaM pApaM pApamevAnuvartate . 
dhArmikeNa kR^ito dharmaH kartAramanuvartate .. 27..\\
pApa.n kR^itaM na smaratIha mUDho 
vivartamAnasya tadeti kartuH . 
pAhuryathA chandramupaiti chApi 
tathAbudhaM pApamupaiti karma .. 28..\\
AshayA sa~ncita.n dravya.n yatkAle neha bhujyate . 
tadbudhA na prashansanti maraNaM na pratikShate .. 29..\\
mAnasa.n sarvabhUtAnA.n dharmamAhurmanIsinaH . 
tasmAtsarveShu bhUteShu manasA shivamAcharet .. 30..\\
eka eva chareddharmaM nAsti dharme sahAyatA . 
kevala.n vidhimAsAdya sahAyaH ki.n kariShyati .. 31..\\
devA yonirmanuShyANA.n devAnAmamR^itaM divi . 
pretya bhAve sukha.n dharmAchchhashvattairupabhujyate .. 32..\\
\medskip\hrule\medskip\centerline{\Largedvng 187}
 y

adhyAtmaM nAma yadidaM puruShasyeha chintyate . 
yadadhyAtma.n yatashchaitattanme brUhi pitAmaha .. 1..\\

 bhii

adhyAtmamiti mAM pArtha yadetadanupR^ichchhasi . 
tadvyAkhyAsyAmi te tAta shreyaskaratara.n sukham .. 2..\\
yajGYAtvA puruSho loke prIti.n saukhya.n cha vindati . 
phalalAbhashcha sadyaH syAtsarvabhUtahita.n cha tat .. 3..\\
pR^ithivI vAyurAkAshamApo jyotishcha pa~nchamam . 
mahAbhUtAni bhUtAnA.n sarveShAM prabhavApyayau .. 4..\\
tataH sR^iShTAni tatraiva tAni yAnti punaH punaH . 
mahAbhUtAni bhUteShu sAgarasyormayo yathA .. 5..\\
prasArya cha yathA~NgAni kUrmaH sa.nharate punaH . 
tadvadbhUtAni bhUtAtmA sR^iShTvA sa.nharate punaH .. 6..\\
mahAbhUtAni pa~nchaiva sarvabhUteShu bhUtakR^it . 
akarotteShu vaiShamya.n tattu jIvo.anu pashyati .. 7..\\
shabdaH shrotra.n tathA khAni trayamAkAshayonijam . 
vAyostvaksparshacheShTAshcha vAgityetachchatuShTayam .. 8..\\
rUpa.n chakShustathA paktistrividhaM teja uchyate . 
rasaH kledashcha jihvA cha trayo jalaguNAH smR^itAH .. 9..\\
ghreya.n ghrANa.n sharIraM cha te tu bhUmiguNAstrayaH . 
mahAbhUtAni pa~nchaiva sastha.n tu mana uchyate .. 10..\\
indriyANi manashchaiva viGYAnAnyasya bhArata . 
saptamI buddhirityAhuH kShetraGYaH punarastamaH .. 11..\\
chakShurAlokanAyaiva saMshaya.n kurute manaH . 
buddhiradhyavasAyAya kShetraGYaH sAkShivatsthitaH .. 12..\\
UrdhvaM pAdatalAbhyA.n yadarvAgUrdhva.n cha pashyati . 
etena sarvameveda.n viddhyabhivyAptamantaram .. 13..\\
puruShe chendriyANIha veditavyAni kR^itsnashaH . 
tamo rajashcha sattva.n cha viddhi bhAvA.nstadAshrayAn .. 14..\\
etAM buddhvA naro buddhyA bhUtAnAmAgati.n gatim . 
samavekShya shanaishchaiva labhate shamamuttamam .. 15..\\
guNAnnenIyate buddhirbuddhirevendriyANyapi . 
manaHShaShThAni sarvANi buddhyabhAve kuto guNAH .. 16..\\
iti tanmayamevaitatsarva.n sthAvaraja~Ngamam . 
pralIyate chodbhavati tasmAnnirdishyate tathA .. 17..\\
yena pashyati tachchakShuH shR^iNoti shrotramuchyate . 
jighrati ghrANamityAhU rasa.n jAnAti jihvayA .. 18..\\
tvachA spR^ishati cha sparshAnbuddhirvikriyate.asakR^it . 
yena sa~Nkalpayatyartha.n kiM chidbhavati tanmanaH .. 19..\\
adhiShThAnAni buddherhi pR^ithagarthAni pa~nchadhA . 
pa~nchendriyANi yAnyAhustAnyadR^ishyo.adhitiShThati .. 20..\\
puruShAdhiShThitA buddhistriShu bhAveShu vartate . 
kadA chillabhate prIti.n kadA chidanushochati .. 21..\\
na sukhena na duHkhena kadA chidapi vartate . 
evaM narANAM manasi triShu bhAveShvavasthitA .. 22..\\
seyaM bhAvAtmikA bhAvA.nstrInetAnnAtivartate . 
saritA.n sArago bhartA mahAvelAmivormimAn .. 23..\\
atibhAva gatA buddhirbhAve manasi vartate . 
pravartamAna.n hi rajastadbhAvamanuvartate .. 24..\\
indriyANi hi sarvANi pradarshayati sA sadA . 
prItiH sattva.n rajaH shokastamo mohashcha te trayaH .. 25..\\
ye ye cha bhAvA loke.asminsarveShveteShu te triShu . 
iti buddhigatiH sarvA vyAkhyAtA tava bhArata .. 26..\\
indriyANi cha sarvANi vijetavyAni dhImatA . 
sattva.n rajastamashchaiva prANinAM saMshritAH sadA .. 27..\\
trividhA vedanA chaiva sarvasattveShu dR^ishyate . 
sAttvikI rAjasI chaiva tamasI cheti bhArata .. 28..\\
sukhasparshaH sattvaguNo duHkhasparsho rajoguNaH . 
tamo guNena sa.nyuktau bhavato.avyAvahArikau .. 29..\\
tatra yatprItisa.nyukta.n kAye manasi vA bhavet . 
vartate sAttviko bhAva ityavekSheta tattadA .. 30..\\
atha yadduHkhasa.nyuktamatuShTikaramAtmanaH . 
pravR^itta.n raja ityeva tannasa.nrabhya chintayet .. 31..\\
atha yanmohasa.nyuktamavyaktamiva yadbhavet . 
apratarkyamaviGYeya.n tamastadupadhArayet .. 32..\\
praharShaH prItirAnandaH sukha.n saMshAnta chittatA . 
katha.n chidabhivartanta ityete sAttvikA guNAH .. 33..\\
atuShTiH paritApashcha shoko lobhastathAkShamA . 
li~NgAni rajasastAni dR^ishyante hetvahetubhiH .. 34..\\
abhimAnastathA mohaH pramAdaH svapnatandritA . 
katha.n chidabhivartante vividhAstAmasA guNAH .. 35..\\
dUragaM bahudhA gAmi prArthanA saMshayAtmakam . 
manaH suniyata.n yasya sa sukhI pretya cheha cha .. 36..\\
sattvakShetraGYayoretadantaraM pashya sUkShmayoH . 
sR^ijate tu guNAneka eko na sR^ijate guNAH .. 37..\\
mashakodumbarau chApi samprayuktau yathA sadA . 
anyonyamanyau cha yathA samprayogastathA tayoH .. 38..\\
pR^ithagbhUtau prakR^ityA tau samprayuktau cha sarvadA . 
yathAmatsyo jala.n chaiva samprayuktau tathaiva tau .. 39..\\
na guNA vidurAtmAna.n sa guNAnvetti sarvashaH . 
paridrastA guNAnA.n cha sa.nsrastA manyate sadA .. 40..\\
indriyaistu pradIpArtha.n kurute buddhisaptamaiH . 
nirvicheShTairajAnadbhiH paramAtmA pradIpavat .. 41..\\
sR^ijate hi guNAnsattva.n kShetraGYaH paripashyati . 
samprayogastayoreSha sattvakShetraGYayordhruvaH .. 42..\\
Ashrayo nAsti sattvasya kShetraGYasya cha kash chana . 
sattvaM manaH sa.nsR^ijati na guNAnvai kadA chana .. 43..\\
rashmI.nsteShA.n sa manasA yadA samya~N niyachchhati . 
tadA prakAshate.asyAtmA ghate dIpo jvalanniva .. 44..\\
tyaktvA yaH prAkR^ita.n karma nityamAtmaratirmuniH . 
sarvabhUtAtmabhUtaH syAtsa gachchhetparamA.n gatim .. 45..\\
yathA vAri charaH pakShI lipyamAno na lipyate . 
evameva kR^itapraGYo bhUteShu parivartate .. 46..\\
eva.n svabhAvamevaitatsvabuddhyA viharennaraH . 
ashochannaprahR^iShyaMshcha charedvigatamatsaraH .. 47..\\
svabhAvasiddhyA sa.nsiddhAnsa nitya.n sR^ijate guNAn . 
UrNa nAbhiryathA sraShTA viGYeyAstantuvadguNAH .. 48..\\
pradhvastA na nivartante nivR^ittirnopalabhyate . 
pratyakSheNa parokSha.n tadanumAnena sidhyati .. 49..\\
evameke vyavasyanti nivR^ittiriti chApare . 
ubhaya.n sampradhAryaitadadhyavasyedyathAmati .. 50..\\
itIma.n hR^idayagranthiM buddhibheda maya.n dR^idham . 
vimuchya sukhamAsIta na shochechchhinnasaMshayaH .. 51..\\
malinAH prApnuyuH shuddhi.n yathA pUrNAM nadIM narAH . 
avagAhya suvidva.nso viddhi GYAnamida.n tathA .. 52..\\
mahAnadI.n hi pAraGYastapyate na taranyathA . 
eva.n ye viduradhyAtma.n kaivalyaM GYAnamuttamam .. 53..\\
etAM buddhvA naraH sarvAM bhUtAnAmAgati.n gatim . 
avekShya cha shanairbuddhyA labhate shaM para.n tataH .. 54..\\
trivargo yasya viditaH prAgjyotiH sa vimuchyate . 
anviShya manasA yuktastattvadarshI nirutsukaH .. 55..\\
na chAtmA shakyate draShTumindriyeShu vibhAgashaH . 
tatra tatra visR^iShTeShu durjayeShvakR^itAtmabhiH .. 56..\\
etadbuddhvA bhavedbuddhaH kimanyadbuddha lakShaNam . 
viGYAya taddhi manyante kR^itakR^ityA manIsinaH .. 57..\\
na bhavati viduShA.n tato bhayaM 
yadaviduShA.n sumahadbhayaM bhavet . 
na hi gatiradhikAsti kasya chit 
sati hi guNe pravadantyatulyatAm .. 58..\\
yatkarotyanabhisandhi pUrvakaM 
tachcha nirnudati yatpurA kR^itam . 
nApriya.n tadubhayaM kutaH priyaM 
tasya tajjanayatIha kurvataH .. 59..\\
loka AturajanAnvirAviNas 
tattadeva bahu pashya shochataH . 
tatra pashya kushalAnashochato 
ye vidustadubhayaM pada.n sadA .. 60..\\
\medskip\hrule\medskip\centerline{\Largedvng 188}
 bhiisma

hanta vakShyAmi te pArtha dhyAnayoga.n chaturvidham . 
ya.n GYAtvA shAshvatIM siddhi.n gachchhanti paramarShayaH .. 1..\\
yathA svanuShThita.n dhyAnaM tathA kurvanti yoginaH . 
maharShayo GYAnatR^iptA nirvAna gatamAnasAH .. 2..\\
nAvartante punaH pArtha muktAH sa.nsAradoShataH . 
janma doShaparikShINAH svabhAve paryavasthitAH .. 3..\\
nirdvandvA nityasattvasthA vimuktA nityamAshritAH . 
asa~NgInyavivAdAni manaH shAnti karANi cha .. 4..\\
tatra svAdhyAyasaMshliShTamekAgra.n dhArayenmanaH . 
piNDIkR^ityendriya grAmamAsInaH kAsthavanmuniH .. 5..\\
shabdaM na vindechchhrotreNa sparsha.n tvachA na vedayet . 
rUpaM na chakShuShA vidyAjjihvayA na rasA.nstathA .. 6..\\
ghreyANyapi cha sarvANi jahyAddhyAnena yogavit . 
pa~nchavarga pramAthIni nechchhechchaitAni vIryavAn .. 7..\\
tato manasi sa.nsajya pa~nchavarga.n vichakShaNaH . 
samAdadhyAnmano bhrAntamindriyaiH saha pa~nchabhiH .. 8..\\
visa~ncAri nirAlambaM pa~ncha dvAra.n chalAchalam . 
pUrve dhyAnapathe dhIraH samAdadhyAnmano.antaram .. 9..\\
indriyANi manashchaiva yadA piNDIkarotyayam . 
eSha dhyAnapathaH pUrvo mayA samanuvarNitaH .. 10..\\
tasya tatpUrvasa.nruddhaM manaH sasthamanantaram . 
sphuriShyati samudbhrAnta.n vidyudambudhare yathA .. 11..\\
jalabinduryathA lolaH parNasthaH sarvatashchalaH . 
evamevAsya tachchittaM bhavati dhyAnavartmani .. 12..\\
samAhita.n kShaNaM kiM chiddhyAnavartmani tiShThati . 
punarvAyupathaM bhrAntaM mano bhavati vAyuvat .. 13..\\
anirvedo gataklesho gatatandrIramatsaraH . 
samAdadhyAtpunashcheto dhyAnena dhyAnayogavit .. 14..\\
vichArashcha vitarkashcha vivekashchopajAyate . 
muneH samAdadhAnasya prathama.n dhyAnamAditaH .. 15..\\
manasA klishyamAnastu samAdhAna.n cha kArayet . 
na nirvedaM munirgachchhetkuryAdevAtmano hitam .. 16..\\
pA.nsubhasma karIsAnA.n yathA vai rAshayashchitAH . 
sahasA vAriNA siktA na yAnti paribhAvanAm .. 17..\\
ki.n chitsnigdha.n yathA cha syAchchhuShka chUrNamabhAvitam . 
kramashastu shanairgachchhetsarva.n tatparibhAvanam .. 18..\\
evamevendriya grAma.n shanaiH samparibhAvayet . 
sa.nharetkramashashchaiva sa samyakprashamiShyati .. 19..\\
svayameva manashchaiva pa~nchavargashcha bhArata . 
pUrva.n dhyAnapathaM prApya nityayogena shAmyati .. 20..\\
na tatpuruShakAreNa na cha daivena kena chit . 
sukhameShyati tattasya yadeva.n sa.nyatAtmanaH .. 21..\\
sukhena tena sa.nyukto ra.nsyate dhyAnakarmaNi . 
gachchhanti yogino hyevaM nirvAna.n tannirAmayam .. 22..\\
\medskip\hrule\medskip\centerline{\Largedvng 189}
 y

chAturAshramyamukta.n te rAjadharmAstathaiva cha . 
nAnAshrayAshcha bahava itihAsAH pR^ithagvidhAH .. 1..\\
shrutAstvattaH kathAshchaiva dharmayuktA mahAmate . 
sandeho.asti tu kashchinme tadbhavAnvaktumarhati .. 2..\\
jApakAnAM phalAvApti.n shrotumichchhAmi bhArata . 
kiM phala.n japatAmuktaM kva vA tiShThanti jApakAH .. 3..\\
japasya cha vidhi.n kR^itsna.n vaktumarhasi me.anagha . 
jApakA iti ki.n chaitatsA~NkhyayogakriyA vidhiH .. 4..\\
ki.n yaGYavidhirevaiSha kimetajjapyamuchyate . 
etanme sarvamAchakShva sarvaGYo hyasi me mataH .. 5..\\

 bhii

atrApyudAharantImamitihAsaM purAtanam . 
yamasya yatpurAvR^itta.n kAlasya brAhmaNasya cha .. 6..\\
saMnyAsa eva vedAnte vartate japanaM prati . 
vedavAdAbhinirvR^ittA shAntirbrahmaNyavasthitau . 
mArgau tAvapyubhAvetau saMshritau na cha saMshritau .. 7..\\
yathA saMshrUyate rAjankAraNa.n chAtra vakShyate . 
manaH samAdhiratrApi tathendriya jayaH smR^itaH .. 8..\\
satyamagniparIchAro viviktAnA.n cha sevanam . 
dhyAna.n tapo damaH kShAntiranasUyA mitAshanam .. 9..\\
viShayapratisa.nhAro mita jalpastathA shamaH . 
eva pravR^ittako dharmo nivR^ittakamatho shR^iNu .. 10..\\
yathA nivartate karma japato brahmachAriNaH . 
etatsarvamasheSheNa yathoktaM parivarjayet . 
trividhaM mArgamAsAdya vyaktAvyaktamanAshrayam .. 11..\\
kushochchaya niShaNNaH sankusha hastaH kushaiH shikhI . 
chIraiH parivR^itastasminmadhye chhannaH kushaistathA .. 12..\\
viShayebhyo namaskuryAdviShayAnna cha bhAvayet . 
sAmyamutpAdya manaso manasyeva mano dadhat .. 13..\\
taddhiyA dhyAyati brahma japanvai sa.nhitA.n hitAm . 
saMnyasyatyatha vA tA.n vai samAdhau paryavasthitaH .. 14..\\
dhyAnamutpAdayatyatra sa.nhitA balasaMshrayAt . 
shuddhAtmA tapasA dAnto nivR^ittadveShakAmavAn .. 15..\\
arAgamoho nirdvandvo na shochati na sajjate . 
na kartAkaraNIyAnAM na kAryANAmiti sthitiH .. 16..\\
na chAha~NkAra yogena manaH prasthApayetkva chit . 
na chAtmagrahaNe yukto nAvamAnI na chAkriyaH .. 17..\\
dhyAnakriyA paro yukto dhyAnavAndhyAnanishchayaH . 
dhyAne samAdhimutpAdya tadapi tyajati kramAt .. 18..\\
sa vai tasyAmavasthAyA.n sarvatyAgakR^itaH sukhI . 
nirIhastyajati prAnAnbrAhmI.n saMshrayate tanum .. 19..\\
atha vA nechchhate tatra brahma kAyaniShevaNam . 
utkrAmati cha mArgastho naiva kva chana jAyate .. 20..\\
Atmabuddhi.n samAsthAya shAntI bhUto nirAmayaH . 
amR^ita.n virajaH shuddhamAtmAnaM pratipadyate .. 21..\\
\medskip\hrule\medskip\centerline{\Largedvng 190}
 y

gatInAmuttamA prAptiH kathitA jApakeShviha . 
ekaivaiShA gatisteShAmuta yAntyaparAm api .. 1..\\

 bhii

shR^iNuShvAvahito rAja~njApakAnA.n gati.n vibho . 
yathA gachchhanti nirayamanekaM puruSharShabha .. 2..\\
yathoktametatpUrva.n yo nAnutiShThati jApakaH . 
ekadeshakriyashchAtra niraya.n sa nigachchhati .. 3..\\
avaGYAnena kurute na tuShyati na shochati . 
IdR^isho jApako yAti nirayaM nAtra saMshayaH .. 4..\\
aha~NkArakR^itashchaiva sarve nirayagAminaH . 
parAvamAnI puruSho bhavitA nirayopagaH .. 5..\\
abhidhyA pUrvaka.n japyaM kurute yashcha mohitaH . 
yatrAbhidhyA.n sa kurute taM vai nirayamR^ichchhati .. 6..\\
athaishvaryapravR^ittaH sa~njApakastatra rajyate . 
sa eva nirayastasya nAsau tasmAtpramuchyate .. 7..\\
rAgeNa jApako japya.n kurute tatra mohitaH . 
yatrAsya rAgaH patati tatra tatropajAyate .. 8..\\
durbuddhirakR^itapraGYashchale manasi tiShThati . 
chalAmeva gati.n yAti nirayaM vAdhigachchhati .. 9..\\
akR^itapraGYako bAlo moha.n gachchhati jApakaH . 
sa mohAnniraya.n yAti tatra gatvAnushochati .. 10..\\
dR^idha grAhI karomIti japya.n japati jApakaH . 
na sampUrNo na vA yukto niraya.n so.adhigachchhati .. 11..\\

 y

animittaM para.n yattadavyaktaM brahmaNi sthitam . 
sadbhUto jApakaH kasmAtsa sharIramathAvishet .. 12..\\

 bhii

duShpraGYAnena nirayA bahavaH samudAhR^itAH . 
prashasta.n jApakatvaM cha doShAshchaite tadAtmakAH .. 13..\\
\medskip\hrule\medskip\centerline{\Largedvng 191}
 y

kIdR^isho jApako yAti niraya.n varNayasva me . 
kautUhala.n hi me jAta.n tadbhavAnvaktumarhati .. 1..\\

 bhii

dharmasyAMshaH prasUto.asi dharmiShTho.asi svabhAvataH . 
dharmamUlAshraya.n vAkyaM shR^iNuShvAvahito.anagha .. 2..\\
amUni yAni sthAnAni devAnAM paramAtmanAm . 
nAnA sa.nsthAna varNAni nAnArUpaphalAni cha .. 3..\\
divyAni kAmachArINi vimAnAni sabhAstathA . 
AkrIdA vividhA rAjanpadminyashchAmalodakAH .. 4..\\
chaturNA.n lokapAlAnAM shukrasyAtha bR^ihaspateH . 
marutA.n vishvadevAnAM sAdhyAnAmashvinorapi .. 5..\\
rudrAditya vasUnA.n cha tathAnyeShAM divaukasAm . 
ete vai nirayAstAta sthAnasya paramAtmanaH .. 6..\\
abhaya.n chAnimittaM cha na cha kleshabhayAvR^itam . 
dvAbhyAM mukta.n tribhirmuktamastAbhistribhireva cha .. 7..\\
chaturlakShaNavarja.n tu chaturkAraNa varjitam . 
apraharShamanAnandamashoka.n vigataklamam .. 8..\\
kAlaH sampachyate tatra na kAlastatra vai prabhuH . 
sa kAlasya prabhU rAjansvargasyApi tatheshvaraH .. 9..\\
AtmakevalatAM prAptastatra gatvA na shochati . 
IdR^ishaM parama.n sthAnaM nirayAste cha tAdR^ishAH .. 10..\\
ete te nirayAH proktAH sarva eva yathAtatham . 
tasya sthAnavarasyeha sarve nirayasa~nj~nitAH .. 11..\\
\medskip\hrule\medskip\centerline{\Largedvng 192}
 y

kAlamR^ityuyamAnA.n cha brAhmaNasya cha sattama . 
vivAdo vyAhR^itaH pUrva.n tadbhavAnvaktumarhati .. 1..\\

 bhii

atrApyudAharantImamitihAsaM purAtanam . 
ikShvAkoH sUryaputrasya yadvR^ittaM brAhmaNasya cha .. 2..\\
kAlasya mR^ityoshcha tathA yadvR^itta.n tannibodha me . 
yathA sa teShA.n sa.nvAdo yasminsthAne.api chAbhavat .. 3..\\
brAhmaNo jApakaH kashchiddharmavR^itto mahAyashAH . 
ShaDa~NgavinmahAprAGYaH paippalAdiH sa kaushikaH .. 4..\\
tasyAparokSha.n viGYAnaM ShaDa~NgeShu tathaiva cha . 
vedeShu chaiva niShNAto himavatpAdasaMshrayaH .. 5..\\
so.antyaM brAhma.n tapastepe sa.nhitA.n sa.nyato japan . 
tasya varShasahasra.n tu niyamena tathAgatam .. 6..\\
sa devyA darshitaH sAkShAtprItAsmIti tadA kila . 
japyamAvartaya.nstUsnIM na cha tA.n kiM chidabravIt .. 7..\\
tasyAnukampayA devI prItA samabhavattadA . 
veda mAtA tatastasya tajjapya.n samapUjayat .. 8..\\
samAptajapyastUtthAya shirasA pAdayostathA . 
papAta devyA dharmAtmA vachana.n chedamabravIt .. 9..\\
diShTyA devi prasannA tva.n darshanaM chAgatA mama . 
yadi vApi prasannAsi japye me ramatAM manaH .. 10..\\

 saavitrii

kiM prArthayasi viprarShe ki.n cheShTaM karavANi te . 
prabrUhi japatA.n shreShTha sarva.n tatte bhaviShyati .. 11..\\

 bhii

ityuktaH sa tadA devyA vipraH provAcha dharmavit . 
japyaM prati mamechchheya.n vardhatviti punaH punaH .. 12..\\
manasashchasamAdhirme vardhetAharahaH shubhe . 
tattatheti tato devI madhuraM pratyabhAsata .. 13..\\
ida.n chaivAparaM prAha devI tatpriyakAmyayA . 
nirayaM naiva yAtAsi yatra yAtA dvijarShabhAH .. 14..\\
yAsyasi brahmaNaH sthAnamanimittamaninditam . 
sAdhaye bhavitA chaitadyattvayAhamihArthitA .. 15..\\
niyato japa chaikAgro dharmastvA.n samupaiShyati . 
kAlo mR^ityuryamashchaiva samAyAsyanti te.antikam . 
bhavitA cha vivAdo.atra tava teShA.n cha dharmataH .. 16..\\
evamuktvA ghavagatI jagAma bhavana.n svakam . 
brAhmaNo.api japannAste divya.n varShashata.n tadA .. 17..\\
samApte niyame tasminnatha viprasya dhImataH . 
sAkShAtprItastadA dharmo darshayAmAsa ta.n dvijam .. 18..\\

 dharma

dvijAte pashya mA.n dharmamahaM tvAM draShTumAgataH . 
japyasya cha phala.n yatte samprApta.n tachcha me shR^iNu .. 19..\\
jitA lokAstvayA sarve ye divyA ye cha mAnuShAH . 
devAnAM nirayAnsAdho sarvAnutkramya yAsyasi .. 20..\\
prANa tyAga.n kuru mune gachchha lokAnyathepsitAn . 
tyaktvAtmanaH sharIra.n cha tato lokAnavApsyasi .. 21..\\

 braahmana

kR^ita.n lokairhi me dharmagachchha cha tvaM yathAsukham . 
bahuduHkhasukha.n dehaM notsR^ijeyamaha.n vibho .. 22..\\

 dharma

avashyaM bhoH sharIra.n te tyaktavyaM munipu~Ngava . 
svarga ArohyatA.n vipra kiM vA te rochate.anagha .. 23..\\

 braahmana

na rochaye svargavasa.n vinA dehAdahaM vibho . 
gachchha dharmana me shraddhA svarga.n gantu.n vinAtmanA .. 24..\\

 dharma

ala.n dehe manaH kR^itvA tyaktvA deha.n sukhI bhava . 
gachchha lokAnarajaso yatra gatvA na shochati .. 25..\\

 braahmana

rame japanmahAbhAga kR^ita.n lokaiH sanAtanaiH . 
sasharIreNa gantavyo mayA svargo na vA vibho .. 26..\\

 dharma

yadi tvaM nechchhasi tyaktu.n sharIraM pashya va dvija . 
eSha kAlastathA mR^ityuryamashcha tvAmupAgatAH .. 27..\\

 bhiisma

atha vaivasvataH kAlo mR^ityushcha tritaya.n vibho . 
brAhmaNa.n taM mahAbhAgamupAgamyedamabruvan .. 28..\\
tapaso.asya sutaptasya tathA sucharitasya cha . 
phalaprAptistava shreShThA yamo.aha.n tvAm upabruve .. 29..\\
yathAvadasya japyasya phalaM prAptastvamuttamam . 
kAlaste svargamArodhu.n kAlo.ahaM tvAmupAgataH .. 30..\\
mR^ityuM mA vidhidharmaGYa rUpiNa.n svayamAgatam . 
kAlena chodita.n vipra tvAm ito netumadya vai .. 31..\\

 braahmana

svAgata.n sUryaputrAya kAlAya cha mahAtmane . 
mR^ityave chAtha dharmAya ki.n kAryaM karavANi vaH .. 32..\\

 bhii

arghyaM pAdya.n cha dattvA sa tebhyastatra samAgame . 
abravItparamaprItaH svashaktyA ki.n karomi vaH .. 33..\\
tasminnevAtha kAle tu tIrthayAtrAmupAgataH . 
ikShvAkuragamattatra sametA yatra te vibho .. 34..\\
sarvAneva tu rAjarShiH sampUjyAbhipranamya cha . 
kushalaprashnamakarotsarveShA.n rAjasattamaH .. 35..\\
tasmai so.athAsana.n dattvA pAdyamarghyaM tathaiva cha . 
abravIdbrAhmaNo vAkya.n kR^itvA kushalasa.nvidam .. 36..\\
svAgata.n te mahArAja brUhi yadyadihechchhasi . 
svashaktyA ki.n karomIha tadbhavAnprabravItu me .. 37..\\

 raajaa

rAjAhaM brAhmaNashcha tva.n yadi saH karma sa.nsthitaH . 
dadAmi vasu ki.n chitte prArthitaM tadvadasva me .. 38..\\

 braa

dvividhA brAhmaNA rAjandharmashcha dvividhaH smR^itaH . 
pravR^ittashcha nivR^ittashcha nivR^itto.asmi pratigrahAt .. 39..\\
tebhyaH prayachchha dAnAni ye pravR^ittA narAdhipa . 
ahaM na pratigR^ihNAmi kimiShTa.n kiM dadAni te . 
brUhi tvaM nR^ipatishreShTha tapasA sAdhayAmi kim .. 40..\\

 raa

kShatriyo.ahaM na jAnAmi dehIti vachana.n kva chit . 
prayachchha yuddhamityeva.n vAdinaH smo dvijottama .. 41..\\

 braa

tuShyasi tva.n svadharmeNa tathA tuShTA vayaM nR^ipa . 
anyonyasyottaraM nAsti yadiShTa.n tatsamAchara .. 42..\\

 raa

svashaktyAha.n dadAnIti tvayA pUrvaM prabhAsitam . 
yAche tvA.n diyatAM mahyaM japyasyAsya phalaM dvija .. 43..\\

 braa

yuddhaM mama sadA vANI yAchatIti vikatthase . 
na cha yuddhaM mayA sArdha.n kimartha.n yAchase punaH .. 44..\\

 raa

vAgvajrA brAhmaNA proktAH kShatriyA bAhujIvinaH . 
vAgyuddha.n tadidaM tIvraM mama vipra tvayA saha .. 45..\\

 braa

saivAdyApi pratiGYA me svashaktyA kiM pradIyatAm . 
brUhi dAsyAmi rAjendra vibhave sati mAchiram .. 46..\\

 raa

yattadvarShashataM pUrNa.n japya.n vai japatA tvayA . 
phalaM prApta.n tatprayachchha mama ditsurbhavAnyadi .. 47..\\

 braa

parama.n gR^ihyatAM tasya phala.n yajjapitaM mayA . 
ardha.n tvamavichAreNa phalaM tasya samApnuhi .. 48..\\
atha vA sarvameveha japyakaM mAmakaM phalam . 
rAjanprApnuhi kAma.n tva.n yadi sarvamihechchhasi .. 49..\\

 raa

kR^ita.n sarveNa bhadra.n te japyaM yadyAchitaM mayA . 
svasti te.astu gamiShyAmi ki.n chatasya phala.n vada .. 50..\\

 braa

phalaprAptiM na jAnAmi datta.n yajjapitaM mayA . 
aya.n dharmashcha kAlashcha yamo mR^ityushcha sAkShiNaH .. 51..\\

 raa

aGYAtamasya dharmasya phalaM me ki.n kariShyati . 
prApnotu tatphala.n vipro nAhamichchhe sasaMshayam .. 52..\\

 braa

nAdade.aparavaktavya.n datta.n vAchA phalaM mayA . 
vAkyaM pramAna.n rAjarShe mamApi tava chaiva hi .. 53..\\
nAbhisandhirmayA japye kR^itapUrvaH katha.n chana . 
japyasya rAjashArdUla katha.n GYAsyAmyahaM phalam .. 54..\\
dadasveti tvayA chokta.n dadAmIti tathA mayA . 
na vAcha.n dUsayiShyAmi satya.n rakSha sthiro bhava .. 55..\\
athaiva.n vadato me.adya vachanaM na kariShyasi . 
mahAnadharmo bhavitA tava rAjanmR^iShA kR^itaH .. 56..\\
na yukta.n tu mR^iShA vANI tvayA vaktumarindama . 
tathA mayApyabhyadhikaM mR^iShA vaktuM na shakyate .. 57..\\
saMshruta.n cha mayA pUrvaM dadAnItyavichAritam . 
tadgR^ihNIsvAvichAreNa yadi satye sthito bhavAn .. 58..\\
ihAgamya hi mA.n rAja~njApyaM phalamayAchithAH . 
tanmannisR^iShTa.n gR^ihNIsva bhava satye sthiro.api cha .. 59..\\
nAya.n loko.asti na paro na cha pUrvAnsa tArayet . 
kuta evAvarAnrAjanmR^iShAvAdaparAyanaH .. 60..\\
na yaGYAdhyayane dAnaM niyamAstArayanti hi . 
tathA satyaM pare loke yathA vai puruSharShabha .. 61..\\
tapA.nsi yAni chIrNAni chariShyasi cha yattapaH . 
samAH shataiH sahasraishcha tatsatyAnna vishiShyate .. 62..\\
satyamekAkSharaM brahmasatyamekAkShara.n tapaH . 
satyamekAkSharo yaGYaH satyamekAkShara.n shrutam .. 63..\\
satya.n vedeShu jAgarti phalaM satye paraM smR^itam . 
satyAddharmo damashchaiva sarva.n satye pratiShThitam .. 64..\\
satya.n vedAstathA~NgAni satyaM yaGYastathA vidhiH . 
vratacharyAstathA satyamo~NkAraH satyameva cha .. 65..\\
prAninA.n janana.n satyaM satyaM santatireva cha . 
satyena vAyurabhyeti satyena tapate raviH .. 66..\\
satyena chAgnirdahati svargaH satye pratiShThitaH . 
satya.n yaGYastapo vedAH stobhA mantrAH sarasvatI .. 67..\\
tulAmAropito dharmaH satya.n chaiveti naH shrutam . 
samA.n kakShAM dhArayato yataH satyaM tato.adhikam .. 68..\\
yato dharmastataH satya.n sarvaM satyena vardhate . 
kimarthamanR^ita.n karma kartu.n rAja.nstvamichchhasi .. 69..\\
satye kuru sthiraM bhAvaM mA rAjannanR^ita.n kR^ithAH . 
kasmAttvamanR^ita.n vAkya.n dehIti kuruShe.ashubham .. 70..\\
yadi japyaphala.n dattaM mayA nesiShyase nR^ipa . 
svadharmebhyaH paribhraShTo lokAnanuchariShyasi .. 71..\\
saMshrutya yo na ditseta yAchitvA yash cha nechchhati . 
ubhAvAnR^itikAvetau na mR^iShA kartumarhasi .. 72..\\

 raa

yoddhavya.n rakShitavya.n cha kShatradharmaH kila dvija . 
dAtAraH kShatriyAH proktA gR^ihNIyAM bhavataH katham .. 73..\\

 braa

na chhandayAmi te rAjannApi te gR^ihamAvrajam . 
ihAgamya tu yAchitvA na gR^ihNIse punaH katham .. 74..\\

 dharma

avivAdo.astu yuvayorvittaM mA.n dharmamAgatam . 
dvijo dAnaphalairyukto rAjA satyaphalena cha .. 75..\\

 svarga

svargaM mA.n viddhi rAjendra rUpiNaM svayamAgatam . 
avivAdo.astu yuvayorubhau tulyaphalau yuvAm .. 76..\\

 raa

kR^ita.n svargeNa me kArya.n gachchha svargayathAsukham . 
vipro yadIchchhate dAtuM pratIchchhatu cha me dhanam .. 77..\\

 braa

bAlye yadi syAdaGYAnAnmayA hastaH prasAritaH . 
nivR^itti lakShaNa.n dharmamupAse sa.nhitAM japan .. 78..\\
nivR^ittaM mA.n chira.n rAjanvipraM lobhayase katham . 
svena kArya.n kariShyAmi tvatto nechchhe phalaM nR^ipa . 
tapaHsvAdhyaya shIlo.ahaM nivR^ittashcha pratigrahAt .. 79..\\

 raa

yadi vipra nisR^iShTa.n te japyasya phalamuttamam . 
Avayoryatphala.n kiM chitsahitaM nau tadastviha .. 80..\\
dvijAH pratigrahe yuktA dAtAro rAjavaMshajAH . 
yadi dharmaH shruto vipra sahaiva phalamastu nau .. 81..\\
mA vA bhUtsaha bhojyaM nau madIyaM phalamApnuhi . 
pratIchchha matkR^ita.n dharma.n yadi te mayyanugrahaH .. 82..\\

 bhii

tato vikR^itacheShTau dvau puruShau samupasthitau . 
gR^ihItvAnyonyamAveShTya kuchelAvUchaturvachaH .. 83..\\
na me dhArayasItyeko dhArayAmIti chAparaH . 
ihAsti nau vivAdo.ayamaya.n rAjAnushAsakaH .. 84..\\
satyaM bravImyahamidaM na me dhArayate bhavAn . 
anR^ita.n vadasIha tvamR^iNa.n te dhArayAmyaham .. 85..\\
tAvubhau bhR^ishasantaptau rAjAnamidamUchatuH . 
parIkShyatA.n yathA syAva nAvAm iha vigarhitau .. 86..\\

 vikrta

dhArayAmi naravyAghra vikR^itasyeha goH phalam . 
dadatashcha na gR^ihNAti vikR^ito me mahIpate .. 87..\\

 viruupa

na me dhArayate ki.n chidvirUpo.ayaM narAdhipa . 
mithyA bravItyaya.n hi tvA mithyAbhAsaM narAdhipa .. 88..\\

 raa

virUpaki.n dhArayate bhavAnasya vadasva me . 
shrutvA tathA kariShyAmItyevaM me dhIyate matiH .. 89..\\

 viruupa

shR^iNuShvAvahito rAjanyathaitaddhArayAmyaham . 
vikR^itasyAsya rAjarShe nikhilena nararShabha .. 90..\\
anena dharmaprAptyartha.n shubhA dattA purAnagha . 
dhenurviprAya rAjarShe tapaHsvAdhyAyashIline .. 91..\\
tasyAshchAyaM mayA rAjanphalamabhyetya yAchitaH . 
vikR^itena cha me datta.n vishUdhenAntarAtmanA .. 92..\\
tato me sukR^ita.n karmakR^itamAtmavishuddhaye . 
gAvau hi kapile krItvA vatsale bahu dohane .. 93..\\
te cho~nchha vR^ittaye rAjanmayA samapavarjite . 
yathAvidhi yathAshraddha.n tadasyAhaM punaH prabho .. 94..\\
ihAdya vai gR^ihItvA tatprayachchhe dviguNaM phalam . 
ekasyAH puruShavyAghra kaH shuddhaH ko.atra doShavAn .. 95..\\
eva.n vivadamAnau svastvAmihAbhyAgatau nR^ipa . 
kuru dharmamadharma.n vA vinaye nau samAdhaya .. 96..\\
yadi nechchhati me dAna.n yathAdattamanena vai . 
bhavAnatra sthiro bhUtvA mArge sthApayatu prabhuH .. 97..\\

 raa

dIyamAnaM na gR^ihNAsi R^iNa.n kasmAttvamadya vai . 
yathaiva te.abhyanuGYAta.n tathA gR^ihNIsva mAchiram .. 98..\\

 vikrta

dIyatAmityanenokta.n dadAnIti tathA mayA . 
nAyaM me dhArayatyatra gamyatA.n yatra vA~nchhati .. 99..\\

 raa

dadato.asya na gR^ihNAsi viShamaM pratibhAti me . 
dandyo hi tvaM mama mato nAstyatra khalu saMshayaH .. 100..\\

 vikrta

mayAsya datta.n rAjarShe gR^ihNIyA.n tatkathaM punaH . 
kAmamatrAparAdho me dandyamAGYApaya prabho .. 101..\\

 viruupa

dIyamAna.n yadi mayA nesiShyasi katha.n chana . 
niya.nsyati tvA nR^ipatiraya.n dharmAnushAsakaH .. 102..\\

 vikrta

svaM mayA yAchiteneha datta.n kathamihAdya tat . 
gR^ihNIyA.n gachchhatu bhavAnabhyanuGYAM dadAni te .. 103..\\

 braa

shrutametattvayA rAjannanayoH kathita.n dvayoH . 
pratiGYAtaM mayA yatte tadgR^ihANAvichAritam .. 104..\\

 raa

prastuta.n sumahatkAryamAvayorgahvaraM yathA . 
jApakasya dR^idhI kAraH kathametadbhaviShyati .. 105..\\
yadi tAvanna gR^ihNAmi brAhmaNenApavarjitam . 
kathaM na lipyeyamaha.n doSheNa mahatAdya vai .. 106..\\

 bhii

tau chovAcha sa rAjarShiH kR^itakAryau gamiShyathaH . 
nedAnIM mAmihAsAdya rAjadharmo bhavenmR^iShA .. 107..\\
svadharmaH paripAlyashcha rAGYAmeSha vinishchayaH . 
vipra dharmashcha sugururmAmanAtmAnamAvishat .. 108..\\

 braa

gR^ihANa dhAraye.aha.n te yAchitaM te shrutaM mayA . 
na chedgrahIShyase rAja~nshapiShye tvAM na saMshayaH .. 109..\\

 raa

dhigrAjadharma.n yasyAya.n kAryasyeha vinishchayaH . 
ityarthaM me grahItavya.n kathaM tulyaM bhavediti .. 110..\\
eSha pAnirapUrvaM bho nikShepArthaM prasAritaH . 
yanme dhArayase vipra tadidAnIM pradIyatAm .. 111..\\

 braa

sa.nhitA japatA yAvAnmayA kashchidguNaH kR^itaH . 
tatsarvaM pratigR^ihNIsva yadi ki.n chidihAsti me .. 112..\\

 raa

jalametannipatitaM mama pAnau dvijottama . 
samamastu sahaivAstu pratigR^ihNAtu vai bhavAn .. 113..\\

 viruupa

kAmakrodhau viddhi nau tvamAvAbhyA.n kArito bhavAn . 
sameti cha yadukta.n te samA lokAstavAsya cha .. 114..\\
nAya.n dhArayate kiM chijjiGYAsA tvatkR^ite kR^itA . 
kAlo dharmastathA mR^ityuH kAmakrodhau tathA yuvAm .. 115..\\
sarvamanyonyanikase nighR^iShTaM pashyatastava . 
gachchha lokA~njitAnsvena karmaNA yatra vA~nchhati .. 116..\\

 bhii

jApakAnAM phalAvAptirmayA te samprakIrtitA . 
gatiH sthAna.n cha lokAshcha jApakena yathA jitAH .. 117..\\
prayAti sa.nhitAdhyAyI brAhmaNaM parameShThinam . 
atha vAgni.n samAyAti sUryamAvishate.api vA .. 118..\\
sa taijasena bhAvena yadi tatrAshnute ratim . 
guNA.nsteShA.n samAdatte rAgeNa pratimohitaH .. 119..\\
eva.n some tathA vAyau bhUmyAkAsha sharIragaH . 
sarAgastatra vasati guNA.nsteShA.n samAcharan .. 120..\\
atha tatra virAgI sa gachchhati tvatha saMshayam . 
paramavyayamichchhansa tamevAvishate punaH .. 121..\\
amR^itAchchAmR^itaM prAptaH shItI bhUto nirAtmavAn . 
brahmabhUtaH sa nirdvandvaH sukhI shAnto nirAmayaH .. 122..\\
brahma sthAnamanAvartamekamakSharasa~nj~nakam . 
aduHkhamajara.n shAntaM sthAna.n tatpratipadyate .. 123..\\
chaturbhirlakShaNairhIna.n tathA ShaDbhiH saShoDashaiH . 
puruSha.n samatikramya AkAshaM pratipadyate .. 124..\\
atha vechchhati rAgAtmA sarva.n tadadhitiShThati . 
yachcha prArthayate tachcha manasA pratipadyate .. 125..\\
atha vA vIkShate lokAnsarvAnnirayasa.nsthitAn . 
niHspR^ihaH sarvato muktastatraiva ramate sukhI .. 126..\\
evameShA mahArAja jApakasya gatiryathA . 
etatte sarvamAkhyAta.n kiM bhUyaH shrotumichchhasi .. 127..\\
\medskip\hrule\medskip\centerline{\Largedvng 193}
 y

kimuttara.n tadA tau sma chakratustena bhAsite . 
brAhmaNo vAtha vA rAjA tanme brUhi pitAmaha .. 1..\\
atha vA tau gatau tatra yadetatkIrtita.n tvayA . 
sa.nvAdo vA tayoH ko.abhUtki.n vA tau tatra chakratuH .. 2..\\

 bhii

tathetyevaM pratishrutya dharma.n sampUjya chAbhibho . 
yama.n kAlaM cha mR^ityuM cha svarga.n sampUjya chArhataH .. 3..\\
pUrva.n ye chApare tatra sametA brAhmaNarShabhAH . 
sarvAnsampUjya shirasA rAjAna.n so.abravIdvachaH .. 4..\\
phalenAnena sa.nyukto rAjarShe gachchha puNyatAm . 
bhavatA chAbhyanuGYAto japeyaM bhUya eva hi .. 5..\\
varashcha mama pUrva.n hi devyA datto mahAbala . 
shraddhA te japato nityaM bhaviteti vishAM pate .. 6..\\

 raa

yadyevamaphalA siddhiH shraddhA cha japitu.n tava . 
gachchha vipra mayA sArdha.n jApakaM phalamApnuhi .. 7..\\

 braa

kR^itaH prayatnaH sumahAnsarveShA.n saMnidhAviha . 
saha tulyaphalau chAvA.n gachchhAvo yatra nau gatiH .. 8..\\

 bhii

vyavasAya.n tayostatra viditvA tridasheshvaraH . 
saha devairupayayau lokapAlaistathaiva cha .. 9..\\
sAdhyA vishve.atha maruto jyotI.nsi sumahAnti cha . 
nadyaH shailAH samudrAshcha tIrthAni vividhAni cha .. 10..\\
tapA.nsi sa.nyogavidhirvedAH stobhAH sarasvatI . 
nAradaH parvatashchaiva vishvAvasurhahAhuhUH .. 11..\\
gandharvashchitrasenashcha parivAra gaNairyutaH . 
nAgAH siddhAshcha munayo devadevaH prajApatiH . 
viShNuH sahasrashIrShashcha devo.achintyaH samAgamat .. 12..\\
avAdyantAntarikShe cha bheryastUryAni chAbhibho . 
puShpa varShANi divyAni tatra teShAM mahAtmanAm . 
nanR^itushchApsaraHsa~NghAstatra tatra samantataH .. 13..\\
atha svargastathArUpI brAhmaNa.n vAkyamabravIt . 
sa.nsiddhastvaM mahAbhAga tva.n cha siddhastathA nR^ipa .. 14..\\
atha tau sahitau rAjannanyonyena vidhAnataH . 
viShayapratisa.nhAramubhAveva prachakratuH .. 15..\\
prANApAnau tathodAna.n samAnaM vyAnameva cha . 
eva.n tAnmanasi sthApya dadhatuH prANayormanaH .. 16..\\
upasthita kR^itau tatra nAsikAgramadho bhruvau . 
ku~NkunyA.n chaiva manasA shanairdhArayataH sma tau .. 17..\\
nishcheShTAbhyA.n sharIrAbhyAM sthiradR^iShTI samAhitau . 
jitAsanau tathAdhAya mUrdhanyAtmAnameva cha .. 18..\\
tAlu deshamathoddAlya brAhmaNasya mahAtmanaH . 
jyotirjvAlA sumahatI jagAma tridiva.n tadA .. 19..\\
hAhAkArastato dikShu sarvAsu sumahAnabhUt . 
tajjyotiH stUyamAna.n sma brahmANaM prAvishattadA .. 20..\\
tataH svAgatamityAha tattejaH sa pitAmahaH . 
prAdesha mAtraM puruShaM pratyudgamya vishAM pate .. 21..\\
bhUyashchaivAparaM prAha vachanaM madhura.n sma saH . 
jApakaistulyaphalatA yogAnAM nAtra saMshayaH .. 22..\\
yogasya tAvadetebhyaH phalaM pratyakShadarshanam . 
jApakAnA.n vishiShTa.n tu pratyutthAnaM samAdhikam .. 23..\\
uShyatAM mayi chedyuktvAchetayatsa tataH punaH . 
athAsya praviveshAsyaM brAhmaNo vigatajvaraH .. 24..\\
rAjApyetena vidhinA bhagavantaM pitAmaham . 
yathaiva dvija shArdUlastathaiva prAvishattadA .. 25..\\
svayambhuvamatho devA abhivAdya tato.abruvan . 
jApakArthamaya.n yatnastadarthaM vayamAgatAH .. 26..\\
kR^itapUjAvimau tulya.n tvayA tulyaphalAvimau . 
yogajApalayordR^iShTaM phala.n sumahadadya vai . 
sarvA.NllokAnatItyaitau gachchhetA.n yatra vA~nchhitam .. 27..\\

 brahmaa

mahAsmR^itiM pathedyastu tathaivAnusmR^iti.n shubhAm . 
tAvapyetena vidhinA gachchhetAM matsalokatAm .. 28..\\
yashcha yoge bhavedbhaktaH so.api nAstyatra saMshayaH . 
vidhinAnena dehAnte mama lokAnavApnuyAt . 
gamyatA.n sAdhayiShyAmi yathAsthAnAni siddhaye .. 29..\\

 bhii

ityuktvA sa tadA devastatraivAntaradhIyata . 
Amantrya ta.n tato devA yayuH sva.n svaM niveshanam .. 30..\\
te cha sarve mahAtmAno dharma.n satkR^itya tatra vai . 
pR^iShThato.anuyayU rAjansarve suprItamAnasAH .. 31..\\
etatphala.n jApakAnAM gatishchaiva prakIrtitA . 
yathA shrutaM mahArAja kiM bhUyaH shrotumichchhasi .. 32..\\
\medskip\hrule\medskip\centerline{\Largedvng 194}
 y

kiM phala.n GYAnayogasya vedAnAM niyamasya cha . 
bhUtAtmA vA katha.n GYeyastanme brUhi pitAmaha .. 1..\\

 bhii

atrApyudAharantImamitihAsaM purAtanam . 
manoH prajApatervAdaM maharSheshcha bR^ihaspateH .. 2..\\
prajApati.n shreShThatamaM pR^ithivyAM 
devarShisa~Nghapravaro maharShiH . 
bR^ihaspatiH prashnamimaM purANaM 
paprachchha shiShyo.atha guruM pranamya .. 3..\\
yatkAraNaM mantravidhiH pravR^itto 
GYAne phala.n yatpravadanti viprAH . 
yanmantrashabdairakR^itaprakAshaM 
taduchyatAM me bhagavanyathAvat .. 4..\\
yadarthashAstrAgama mantravidbhir 
yaGYairanekairvaragopradAnaiH . 
phalaM mahadbhiryadupAsyate cha 
tatki.n katha.n vA bhavitA kva vA ta .. 5..\\
mahI mahIjAH pavano.antarikShaM 
jalaukasashchaiva jala.n divaM cha . 
divaukasashchaiva yataH prasUtAs 
taduchyatAM me bhagavanpurANam .. 6..\\
GYAna.n yataH prArthayate naro vai 
tatastadarthA bhavati pravR^ittiH . 
na chApyaha.n veda paraM purANaM 
mithyA pravR^itti.n cha kathaM nu kuryAm .. 7..\\
R^iksAma sa~NghAMshcha yajU.nsi chAhaM 
chhandA.nsi nakShatragatiM niruktam . 
adhItya cha vyAkaraNa.n sakalpaM 
shikShA.n cha bhUtaprakR^itiM na vedmi .. 8..\\
sa me bhavA~nsha.nsatu sarvametaj 
GYAne phala.n karmaNi vA yadasti . 
yathA cha dehAchchyavate sharIrI 
punaH sharIra.n cha yathAbhyupaiti .. 9..\\

 manu

yadyatpriya.n yasya sukha.n tadAhus 
tadeva duHkhaM pravadantyaniShTam . 
iShTa.n cha me syAditarachcha na syAd 
etatkR^ite karma vidhiH pravR^ittaH . 
iShTa.n tvaniShTaM cha na mAM bhajetety 
etatkR^ite GYAnavidhiH pravR^ittaH .. 10..\\
kAmAtmakAshchhandasi karmayogA 
ebhirvimuktaH paramashnuvIta . 
nAnAvidhe karma pathe sukhArthI 
naraH pravR^itto na paraM prayAti . 
para.n hi tatkarma pathAdapetaM 
nirAshiShaM brahma para.n hyavashyam .. 11..\\
prajAH sR^iShTA manasA karmaNA cha 
dvAvapyetau satpathau lokajuShTau . 
dR^iShTvA karma shAshvata.n chAntavachcha 
manastyAgaH kAraNaM nAnyadasti .. 12..\\
svenAtmanA chakShuriva praNetA 
nishAtyaye tamasA sa.nvR^itAtmA . 
GYAna.n tu viGYAnaguNena yuktaM 
karmAshubhaM pashyati varjanIyam .. 13..\\
sarpAnkushAgrANi tathodapAnaM 
GYAtvA manuShyAH parivarjayanti . 
aGYAnatastatra patanti mUDhA 
GYAne phalaM pashya yathA vishiShTam .. 14..\\
kR^itsnastu mantro vidhivatprayukto 
yaGYA yathoktAstvatha dakShiNAsh cha . 
annapradAnaM manasaH samAdhiH 
pa~nchAtmaka.n karmaphala.n vadanti .. 15..\\
guNAtmaka.n karma vadanti vedAs 
tasmAnmantrA mantramUla.n hi karma . 
vidhirvidheyaM manasopapattiH 
phalasya bhoktA tu yathA sharIrI .. 16..\\
shabdAshcha rUpANi rasAshcha puNyAH 
sparshAshcha gandhAshcha shubhAstathaiva . 
naro nasa.nsthAna gataH prabhuH syAd 
etatphala.n sidhyati karma loke .. 17..\\
yadyachchharIreNa karoti karma 
sharIrayuktaH samupAshnute tat . 
sharIramevAyatana.n sukhasya 
duHkhasya chApyAyatana.n sharIram .. 18..\\
vAchA tu yatkarma karoti ki.n chid 
vAchaiva sarva.n samupAshnute tat . 
manastu yatkarma karoti ki.n chin 
manaHstha evAyamupAshnute tat .. 19..\\
yathA guNa.n karma gaNaM phalArthI 
karotyaya.n karmaphale niviShTaH . 
tathA tathAya.n guNasamprayuktaH 
shubhAshubha.n karmaphalaM bhunakti .. 20..\\
matsyo yathA srota ivAbhipAtI 
tathA kR^itaM pUrvamupaiti karma . 
shubhe tvasau tuShyatu duShkR^ite tu 
na tuShyate vai paramasharIrI .. 21..\\
yato jagatsarvamidaM prasUtaM 
GYAtvAtmavanto vyatiyAnti yattat . 
yanmantrashabdairakR^itaprakAshaM 
taduchyamAna.n shR^iNu me paraM yat .. 22..\\
rasairviyukta.n vividhairsh cha gandhair 
ashabdamasparshamarUpavachcha . 
agrAhyamavyaktamavarNamekaM 
pa~ncha prakAra.n sasR^ije prajAnAm .. 23..\\
na strI pumAnvApi napu.nsaka.n cha 
na sanna chAsatsadasachcha tanna . 
pashyanti yadbrahmavido manuShyAs 
tadakSharaM na kSharatIti viddhi .. 24..\\
\medskip\hrule\medskip\centerline{\Largedvng 195}
 manu

akSharAtkha.n tato vAyurvAyorjyotistato jalam . 
jalAtprasUtA jagatI jagatyA.n jAyate jagat .. 1..\\
ime sharIrairjalameva gatvA 
jalAchcha tejaH pavano.antarikSham . 
khAdvai nivartanti nabhAvinaste 
ye bhAvinaste paramApnuvanti .. 2..\\
noShNaM na shItaM mR^idu nApi tIkShNaM 
nAmla.n kasAyaM madhuraM na tiktam . 
na shabdavannApi cha gandhavattan 
na rUpavattatparamasvabhAvam .. 3..\\
sparsha.n tanurveda rasaM tu jihvA 
ghrANa.n cha gandhA~nshravaNe cha shabdAn . 
rUpANi chakShurna cha tatpara.n yad 
gR^ihNantyanadhyAtmavido manuShyAH .. 4..\\
nivartayitvA rasana.n rasebhyo 
ghrANa.n cha gandhAchchhravaNe cha shabdAt . 
sparshAttanu.n rUpaguNAttu chakShus 
tataH paraM pashyati sva.n svabhAvam .. 5..\\
ya odgR^ihItvA hi karoti yachcha 
yasmiMshcha tAmArabhate pravR^ittim . 
yasmiMshcha yadyena cha yashcha kartA 
tatkAraNa.n ta.n samupAyamAhuH .. 6..\\
yachchAbhibhUH sAdhaka.n vyApaka.n cha 
yanmantravachchha.nsyate chaiva loke . 
yaH sarvahetuH paramArthakArI 
tatkAraNa.n kAryamato yadanyat .. 7..\\
yathA cha kashchitsukR^itairmanuShyaH 
shubhAshubhaM prApnute.athAvirodhAt . 
eva.n sharIreShu shubhAshubheShu 
svakarmajairGYAnamidaM nibaddham .. 8..\\
yathA pradIpaH purataH pradIptaH 
prakAshamanyasya karoti dIpyan . 
tatheha pa~nchendriya dIpavR^ikShA 
GYAnapradIptAH paravanta eva .. 9..\\
yathA hi rAGYo bahavo hyamAtyAH 
pR^ithakpramAnaM pravadanti yuktAH . 
tadvachchharIreShu bhavanti pa~ncha 
GYAnaika deshaH paramaH sa tebhyaH .. 10..\\
yathArchiSho.agneH pavanasya vegA 
marIchayo.arkasya nadIShu chApaH . 
gachchhanti chAyAnti cha tanyamAnAs 
tadvachchharIrANi sharIriNA.n tu .. 11..\\
yathA cha kashchitparashu.n gR^ihItvA 
dhUmaM na pashyejjvalana.n cha kAShThe . 
tadvachchharIrodara pAni pAdaM 
chhittvA na pashyanti tato yadanyat .. 12..\\
tAnyeva kAShThAni yathA vimathya 
dhUma.n cha pashyejjvalanaM cha yogAt . 
tadvatsubuddhiH samamindriyatvAd 
budhaH paraM pashyati sva.n svabhAvam .. 13..\\
yathAtmano.a~NgaM patitaM pR^ithivyAM 
svapnAntare pashyati chAtmano.anyat . 
shrotrAdi yuktaH sumanAH subuddhir 
li~NgAttathA gachchhati li~Ngamanyat .. 14..\\
utpattivR^iddhikShayasaMnipAtair 
na yujyate.asau paramaH sharIrI . 
anena li~Ngana tu li~Ngamanyad 
gachchhatyadR^iShTaH pratisandhi yogAt .. 15..\\
na chakShuShA pashyati rUpamAtmano 
na chApi sa.nsparshamupaitki.n chit . 
na chApi taiH sAdhayate.atha kAryaM 
te taM na pashyanti sapashyate tAn .. 16..\\
yathA pradIpe jvalato.analasya 
santApaja.n rUpamupaiti ki.n chit . 
na chAntara.n rUpaguNaM bibharti 
tathaiva taddR^ishyate rUpamasya .. 17..\\
yathA manuShyaH parimuchya kAyam 
adR^ishyamanyadvishate sharIram . 
vijR^ijya bhUteShu mahatsu dehaM 
tadAshraya.n chaiva bibharti rUpam .. 18..\\
kha.n vAyumagniM salila.n tathorvIM 
samantato.abhyAvishate sharIrI . 
nAnAshrayAH karmasu vartamAnAH 
shrotrAdayaH pa~ncha guNA~nshrayante .. 19..\\
shrotra.n khato ghrANamatho pR^ithivyAs 
tejomaya.n rUpamatho vipAkaH . 
jalAshrayaH sveda ukto rasash cha 
vAyvAtmakaH sparshakR^ito guNash cha .. 20..\\
mahatsu bhUteShu vasanti pa~ncha 
pa~nchendriyArthAshcha tathendriyeShu . 
sarvANi chaitAni mano.anugAni 
buddhiM mano.anveti manaH svabhAvam .. 21..\\
shubhAshubha.n karmakR^ita.n yadasya 
tadeva pratyAdadate svadehe . 
mano.anuvartanti parAvarANi 
jalaukasaH srota ivAnukUlam .. 22..\\
chala.n yathAdR^iShTipathaM paraiti 
sUkShmaM mahadrUpamivAbhipAti . 
svarUpamAlochayate cha rUpaM 
para.n tathA budhi pathaM paraiti .. 23..\\
\medskip\hrule\medskip\centerline{\Largedvng 196}
 manu

yadindriyaistUpakR^itAnpurastAt 
prAptAnguNAnsa.nsmarate chirAya . 
teShvindriyeShUpahateShu pashchAt 
sa buddhirUpaH paramaH svabhAvaH .. 1..\\
yathendriyArthAnyugapatsamastAn 
nAvekShate kR^itsnamatulyakAlam . 
yathAbala.n sa~ncarate sa vidvA.ns 
tasmAtsa ekaH paramaH sharIrI .. 2..\\
rajastamaH sattvamatho tR^itIyaM 
gachchhatyasau GYAnaguNAnvirUpAn . 
tathendriyANyAvishate sharIrI 
hutAshana.n vAyurivendhanastham .. 3..\\
na chakShuShA pashyati rUpamAtmano 
na pashyati sparshamindriyendriyam . 
na shrota li~Nga.n shravaNe nidarshanaM 
tathAgataM pashyati tadvinashyati .. 4..\\
shrotrAdIni na pashyanti sva.n svamAtmAnamAtmanA . 
sarvaGYaH sarvadarshI cha kShetraGYastAni pashyati .. 5..\\
yathA himavataH pArshvaM pR^iShTha.n chandramaso yathA . 
na dR^iShTapUrvaM manujairna cha tannAsti tAvatA .. 6..\\
tadvadbhUteShu bhUtAtmA sUkShmo GYAnAtmavAnasau . 
adR^iShTapUrvashchakShurbhyAM na chAsau nAsti tAvatA .. 7..\\
pashyannapi yathA lakShma jagatsome na vindati . 
evamasti na vetyetanna cha tanna parAyanam .. 8..\\
rUpavantamarUpatvAdudayAstamaye budhAH . 
dhiyA samanupashyanti tadgatAH saviturgatim .. 9..\\
tathA buddhipradIpena dUrastha.n suvipashchitaH . 
pratyAsannaM ninIsanti GYeya.n GYAnAbhisa.nhitam .. 10..\\
na hi khalvanupAyena kash chidartho.abhisidhyati . 
sUtrajAlairyathAmatsyAnbadhnanti jalajIvinaH .. 11..\\
mR^igairmR^igANA.n grahaNaM pakShiNAM pakShibhiryathA . 
gajAnA.n cha jagaireva.n GYeyaM GYAnena gR^ihyate .. 12..\\
ahireva hyaheH pAdAnpashyatIti nidarshanam . 
tadvanmUrtiShu mUrtiShTha.n GYeyaM GYAnena pashyati .. 13..\\
notsahante yathA vettumindriyairindriyANyapi . 
tathaiveha parA buddhiH paraM buddhyA na pashyati .. 14..\\
yathA chandro hyamAvAsyAmali~NgatvAnna dR^ishyate . 
na cha nAsho.asya bhavati tathA viddhi sharIriNam .. 15..\\
kShINakosho hyamAvAsya.n chandramA na prakAshate . 
tadvanmUrti viyuktaH sa~nsharIrI nopalabhyate .. 16..\\
yathA koshAntaraM prApya chandrama bhrAjate punaH . 
tadvalli~NgAntaraM prApya sharIrI bhrAjate punaH .. 17..\\
janma vR^iddhikShayashchAsya pratyakSheNopalabhyate . 
sA tu chandramaso vyaktirna tu tasya sharIriNaH .. 18..\\
utpattivR^iddhivyayato yathA sa iti gR^ihyate . 
chandra eva tvamAvAsyA.n tathA bhavati mUrtimAn .. 19..\\
nAbhisarpadvimu~nchadvA shashina.n dR^ishyate tamaH . 
visR^ijaMshchopasarpaMshcha tadvatpashya sharIriNam .. 20..\\
yathA chandrArkasa.nyukta.n tamastadupalabhyate . 
tadvachchharIra sa.nyuktaH sharIrItyupalabhyate .. 21..\\
yathA chandrArkanirmuktaH sa rAhurnopalabhyate . 
tadvachchharIra nirmuktaH sharIrI nopalabhyate .. 22..\\
yathA chandro hyamAvAsyAM nakShatairyujyate gataH . 
tadvachchharIra nirmuktaH phalairyujyati karmaNaH .. 23..\\
\medskip\hrule\medskip\centerline{\Largedvng 197}
 manu

yathA vyaktamida.n shete svapne charati chetanam . 
GYAnamindriyasa.nyukta.n tadvatpretya bhavAbhavau .. 1..\\
yathAmbhasi prasanne tu rUpaM pashyati chakShuShA . 
tadvatprasannendriyavA~nGYeya.n GYAnena pashyati .. 2..\\
sa eva lulite tasminyathA rUpaM na pashyati . 
tathendriyAkulI bhAve GYeya.n GYAne na pashyati .. 3..\\
abuddhiraGYAnakR^itA abuddhyA duShyate manaH . 
duShTasya manasaH pa~ncha sampraduShyanti mAnasAH .. 4..\\
aGYAnatR^ipto viShayeShvavagAdho na dR^ishyate . 
adR^iShTvaiva tu pUtAtmA viShayebhyo nivartate .. 5..\\
tarSha chhedo na bhavati puruShasyeha kalmasAt . 
nivartate tathA tarShaH pApamanta.n gata.n yathA .. 6..\\
viShayeShu cha sa.nsargAchchhAshvatasya nasaMshrayAt . 
manasA chAnyadAkA~NkShanparaM na pratipadyate .. 7..\\
GYAnamutpadyate pu.nsA.n kShayAtpApasya karmaNaH . 
athAdarsha talaprakhye pashyatyAtmAnamAtmani .. 8..\\
prasR^itairindriyairduHkhI taireva niyataiH sukhI . 
tasmAdindriyarUpebhyo yachchhedAtmAnamAtmanA .. 9..\\
indriyebhyo manaH pUrvaM buddhiH paratarA tataH . 
buddheH paratara.n GYAnaM GYAnAtparataraM param .. 10..\\
avyaktAtprasR^ita.n GYAna.n tato buddhistato manaH . 
manaH shrotrAdibhiryukta.n shabdAdInsAdhu pashyati .. 11..\\
yastA.nstyajati shabdAdInsarvAshcha vyaktayastathA . 
vimu~nchatyAkR^iti grAmA.nstAnmuktvAmR^itamashnute .. 12..\\
udyanhi savitA yadvajjR^ijate rasmi mandalam . 
sa evAstamupAgachchha.nstadevAtmani yachchhati .. 13..\\
antarAtmA tathA dehamAvishyendriya rashmibhiH . 
prApyendriya guNAnpa~ncha so.astamAvR^itya gachchhati .. 14..\\
pranIta.n karmaNA mArgaM nIyamAnaH punaH punaH . 
prApnotyaya.n karmaphalaM pravR^iddhaM dharmamAtmavAn .. 15..\\
viShayA vinivartante nirAhArasya dehinaH . 
rasavarja.n saro.apyasya para.n dR^iShTvA nivartate .. 16..\\
buddhiH karma guNairhInA yadA manasi vartate . 
tadA sampadyate brahma tatraiva pralaya.n gatam .. 17..\\
asparshanamashR^iNvAnamanAsvAdamadarshanam . 
aghrANamavitarka.n cha sattvaM pravishate param .. 18..\\
manasyAkR^itayo magnA manastvatigataM matim . 
matistvatigatA GYAna.n GYAna.n tvabhigataM param .. 19..\\
indriyairmanasaH siddhirna buddhiM budhyate manaH . 
na buddhirbudhyate.avyakta.n sUkShmastvetAni pashyati .. 20..\\
\medskip\hrule\medskip\centerline{\Largedvng 198}
 manu

GYAna.n GYeyAbhinirvR^ittaM viddhi GYAnaguNaM manaH . 
praGYA karaNa sa.nyukta.n tato buddhiH pravartate .. 1..\\
yadA karma guNopetA buddhirmanasi vartate . 
tadA praGYAyate brahma dhyAnayogasamAdhinA .. 2..\\
seya.n guNavatI buddhirguNeShvevAbhivartate . 
avatArAbhiniHsrota.n gireH shR^i~NgAdivodakam .. 3..\\
yadA nirguNamApnoti dhyAnaM manasi pUrvajam . 
tadA praGYAyate brahma nikasyaM nikase yathA .. 4..\\
manastvapahR^itaM buddhimindriyArtha nidarshanam . 
na samakSha.n guNAvekShi nirguNasya nidarshanam .. 5..\\
sarvANyetAni sa.nvArya dvArANi manasi sthitaH . 
manasyekAgratA.n kR^itvA tatparaM pradipadyate .. 6..\\
yathA mahAnti bhUtAni nivartante guNakShaye . 
tathendriyANyupAdAya buddhirmanasi vartate .. 7..\\
yadA manasi sA buddhirvartate.antarachAriNI . 
vyavasAyaguNopetA tadA sampadyate manaH .. 8..\\
guNavadbhirguNopeta.n yadA dhyAnaguNaM manaH . 
tadA sarvaguNAnhitvA nirguNaM pratipadyate .. 9..\\
avyaktasyeha viGYAne nAsti tulyaM nidarshanam . 
yatha nAsti padanyAsaH kasta.n viShayamApnuyAt .. 10..\\
tapasA chAnumAnena guNairjAtyA shrutena cha . 
ninIsettatparaM brahma vishUdhenAntarAtmanA .. 11..\\
guNahIno hi taM mArgaM bahirsamanuvartate . 
guNAbhAvAtprakR^ityA cha nistarkya.n GYeya saMmitam .. 12..\\
nairguNyAdbrahma chApnoti saguNatvAnnivartate . 
guNaprasAriNI buddhirhutAshana ivendhane .. 13..\\
yathA pa~ncha vimuktAni indriyANi svakarmabhiH . 
tathA tatparamaM brahma vimuktaM prakR^iteH param .. 14..\\
evaM prakR^ititaH sarve prabhavanti sharIriNaH . 
nivartante nivR^ittau cha sarvaM naivopayAnti cha .. 15..\\
puruShaH prakR^itirbuddhirvisheShAshchendriyANi cha . 
aha~NkAro.abhimAnashcha sambhUto bhUtasa~nj~nakaH .. 16..\\
ekasyAdyA pravR^ittistu pradhAnAtsampravartate . 
dvitIyA mithuna vyaktimavisheShAnniyachchhati .. 17..\\
dharmAdutkR^iShyate shreyastathAshreyo.apyadharmataH . 
rAgavAnprakR^iti.n hyeti virakto GYAnavAnbhavet .. 18..\\
\medskip\hrule\medskip\centerline{\Largedvng 199}
 manu

yadA te pa~nchabhiH pa~ncha vimuktA manasA saha . 
atha taddrakShyase brahma manau sUtramivArpitam .. 1..\\
tadeva cha yathA sUtra.n suvarNe vartate punaH . 
muktAsvatha pravAleShu mR^inmaye rAjate tathA .. 2..\\
tadvadgoShu manuShyeShu tadvaddhasti mR^igAdiShu . 
tadvatkIta pata~NgeShu prasaktAtmA svakarmabhiH .. 3..\\
yena yena sharIreNa yadyatkarma karotyayam . 
tena tena sharIreNa tattatphalamupAshnute .. 4..\\
yathA hyekarasA bhUmiroShadhyAtmAnusAriNI . 
tathA karmAnugA buddhirantarAtmAnudarshinI .. 5..\\
GYAnapUrvodbhavA lipsA lipsA pUrvAbhisandhitA . 
abhisandhi pUrvaka.n karma karma mUlaM tataH phalam .. 6..\\
phala.n karmAtmaka.n vidyAtkarma GYeyAtmakaM tathA . 
GYeya.n GYAnAtmakaM vidyAjGYAnaM sadasadAtmakam .. 7..\\
GYAnAnA.n cha phalAnAM cha GYeyAnAM karmaNAM tathA . 
kShayAnte tatphala.n divya.n GYAnaM GYeya pratiShThitam .. 8..\\
mahaddhi paramaM bhUta.n yuktAH pashyanti yoginaH . 
abuddhAstaM na pashyanti hyAtmasthA guNabuddhayaH .. 9..\\
pR^ithivI rUpato rUpamapAm iha mahattaram . 
adbhyo mahattara.n tejastejasaH pavano mahAn .. 10..\\
pavanAchcha mahadvyoma tasmAtparataraM manaH . 
manaso mahatI buddhirbuddheH kAlo mahAnsmR^itaH .. 11..\\
kAlAtsa bhagavAnviShNuryasya sarvamida.n jagat . 
nAdirna madhyaM naivAntastasya devasya vidyate .. 12..\\
anAditvAdamadhyatvAdanantatvachcha so.avyayaH . 
atyeti sarvaduHkhAni duHkha.n hyantavaduchyate .. 13..\\
tadbrahma paramaM prokta.n taddhAma parama.n smR^itam . 
tadgatvA kAlaviShayAdvibhuktA bhokShamAshritAH .. 14..\\
guNaistvetaiH prakAshante nirguNatvAttataH param . 
nivR^itti lakShaNo dharmastathAnantyAya kalpate .. 15..\\
R^icho yajU.nsi sAmAni sharIrANi vyapAshritAH . 
jihvAgreShu pravartante yatnasAdhyA vinAshinaH .. 16..\\
na chaivamiShyate brahma sharIrAshraya sambhavam . 
na yatnasAdhya.n tadbrahma nAdi madhyaM na chAntavat .. 17..\\
R^ichAmAdistathA sAmnA.n yajuShAmAdiruchyate . 
antashchAdimatA.n dR^iShTo na chAdirbrahmaNaH smR^itaH .. 18..\\
anAditvAdanantatvAttadanantamathAvyayam . 
avyayatvAchcha nirdvandha.n dvandhAbhAvAttataH param .. 19..\\
adR^iShTato.anupAyAchcha apyasandheshcha karmaNaH . 
na tena martyAH pashyanti yena gachchhanti tatparam .. 20..\\
viShayeShu cha sa.nsargAchchhAshvatasya cha darshanAt . 
manasA chAnyadAkA~NkShanparaM na pratipadyate .. 21..\\
guNAnyadiha pashyanti tadichchhantyapare janAH . 
paraM naivAbhikA~NkShanti nirguNatvAdguNArthinaH .. 22..\\
guNairyastvavarairyuktaH katha.n vidyAdguNAnimAn . 
anumAnAddhi gantavya.n guNairavayavaiH saha .. 23..\\
sUkShmeNa manasA vidmo vAchA vaktuM na shaknumaH . 
mano hi manasA grAhya.n darshanena cha darshanam .. 24..\\
GYAnena nirmalIkR^itya buddhiM buddhyA tathA manaH . 
manasA chendriyagrAmamanantaM pratipadyate .. 25..\\
buddhiprahIno manasAsamR^iddhas 
tathA nirAshIrguNatAm upaiti . 
para.n tyajantIha vilobhyamAnA 
hutAshana.n vAyurivendhanastham .. 26..\\
guNAdAne viprayoge cha teShAM 
manaH sadA buddhiparAvarAbhyAm . 
anenaiva vidhinA sampravR^itto 
guNAdAne brahma sharIrameti .. 27..\\
avyaktAtmA puruSho.avyaktakarmA 
so.avyaktatva.n gachchhati hyantakAle . 
tairevAya.n chendriyairvardhamAnair 
glAyadbhirvA vartate karma rUpaH .. 28..\\
sarvairaya.n chendriyaiH samprayukto 
dehaH prAptaH pa~ncha bhUtAshrayaH syAt . 
nAsAmarthyAdgachchhati karmaNeha 
hInastena parameNAvyayena .. 29..\\
pR^ithivyA naraH pashyati nAntamasyA 
hyantashchAsyA bhavitA cheti viddhi . 
paraM nayantIha vilobhyamAnaM 
yathA plava.n vAyurivArNavastham .. 30..\\
divAkaro guNamupalabhya nirguNo 
yathA bhavedvyapagatarashmimandalaH . 
tathA hyasau muniriha nirvisheShavAn 
sa nirguNaM pravishati brahma chAvyayam .. 31..\\
anAgati.n sukR^itimatAM parA.n gatiM 
svayambhuvaM prabhava nidhAnamavyayam . 
sanAtana.n yadamR^itamavyayaM padaM 
vichArya ta.n shamamamR^itatvamashnute .. 32..\\
\medskip\hrule\medskip\centerline{\Largedvng 200}
 y

pitAmaha mahAprAGYa pundarIkAkShamachyutam . 
kartAramakR^ita.n viShNuM bhUtAnAM prabhavApyayam .. 1..\\
nArAyaNa.n hR^iShIkesha.n govindamaparAjitam . 
tattvena bharatashreShTha shrotumichchhAmi keshavam .. 2..\\

 bhii

shruto.ayamartho rAmasya jAmadagnyasya jalpataH . 
nAradasya cha devarSheH kR^iShNadvaipAyanasya cha .. 3..\\
asito devalastAta vAlmIkishcha mahAtapAH . 
mArkandeyashcha govinde kathayatyadbhutaM mahat .. 4..\\
keshavo bharatashreShTha bhagavAnIshvaraH prabhuH . 
puruShaH sarvamityeva shrUyate bahudhA vibhuH .. 5..\\
ki.n tu yAni vidurloke brAhmaNAH shAr~NgadhanvanaH . 
mAhAtmyAni mahAbAho shR^iNu tAni yudhiShThira .. 6..\\
yAni chAhurmanuShyendra ye purANavido janAH . 
asheSheNa hi govinde kIrtayiShyAmi tAnyaham .. 7..\\
mahAbhUtAni bhUtAtmA mahAtmA puruShottamaH . 
vAyurjyotistathA chApaH kha.n gAM chaivAnvakalpayat .. 8..\\
sa dR^iShTvA pR^ithivI.n chaiva sarvabhUteshvaraH prabhuH . 
apsveva shayana.n chakre mahAtmA puruShottamaH .. 9..\\
sarvatejomayastasmi~nshayAnaH shayane shubhe . 
so.agraja.n sarvabhUtAnAM sa~NkarShaNamachintayat .. 10..\\
Ashraya.n sarvabhUtAnAM manaseti vishushruma . 
sa dhArayati bhUtAtmA ubhe bhUtabhaviShyatI .. 11..\\
tatastasminmahAbAho prAdurbhUte mahAtmani . 
bhAskarapratima.n divyaM nAbhyAM padmamajAyata .. 12..\\
sa tatra bhagavAndevaH puShkare bhAsayandishaH . 
brahmA samabhavattAta sarbva bhUtapitAmahaH .. 13..\\
tasminnapi mahAbAho prAdurbhUte mahAtmani . 
tamasaH pUrvajo jaGYe madhurnAma mahAsuraH .. 14..\\
tamugramugrakarmANamugrAM buddhi.n samAsthitam . 
brahmaNopachiti.n kurva~njaghAna puruShottamaH .. 15..\\
tasya tAta vadhAtsarve devadAnava mAnavAH . 
madhusUdanamityAhurvR^iShabha.n sarvasAtvatAm .. 16..\\
brahmA tu sasR^ije putrAnmAnasAndakSha saptamAn . 
marIchimatrya~Ngirasau pulastyaM pulaha.n kratum .. 17..\\
marIchiH kashyapa.n tAta putraM chAsR^ijadagrajam . 
mAnasa.n janayAmAsa taijasaM brahmasattamam .. 18..\\
a~NguShThAdasR^ijadbrahmA marIcherapi pUrvajam . 
so.abhavadbharatashreShTha dakSho nAma prajApatiH .. 19..\\
tasya pUrvamajAyanta dasha tisrashcha bhArata . 
prajApaterduhitarastAsA.n jyeShThAbhavadditiH .. 20..\\
sarvadharmavisheShaGYaH puNyakIrtirmahAyashAH . 
mArIchaH kashyapastAta sarvAsAmabhavatpatiH .. 21..\\
utpAdya tu mahAbhAgastAsAmavarajA dasha . 
dadau dharmAya dharmaGYo dakSha eva prajApatiH .. 22..\\
dharmasya vasavaH putrA rudrAshchAmitatejasaH . 
vishvedevAshcha sAdhyAshcha marutvantashcha bhArata .. 23..\\
aparAstu yavIyasyastAbhyo.anyAH sapta viMshatiH . 
somastAsAM mahAbhAgaH sarvAsAmabhavatpatiH .. 24..\\
itarAstu vyajAyanta gandharvA.nsturagAndvijAn . 
gAshcha kimpuruShAnmatsyAnaudbhidAMshcha vanaspatIn .. 25..\\
AdityAnaditirjaGYe deva shreShThAnmahAbalAn . 
teShA.n viShNurvAmano.abhUdgovindashchAbhavatprabhuH .. 26..\\
tasya vikramaNAdeva devAnA.n shrIrvyavardhata . 
dAnavAshcha parAbhUtA daiteyI chAsurI prajA .. 27..\\
viprachitti pradhAnAMshchcha dAnavAnasR^ijaddanuH . 
ditistu sarvAnasurAnmahAsattvAnvyajAyata .. 28..\\
ahorAtra.n cha kAlaM cha yathartu madhusUdanaH . 
pUrvAhna.n chAparAhnaM cha sarvamevAnvakalpayat .. 29..\\
buddyApaH so.asR^ijanmeghA.nstathA sthAvaraja~NgamAn . 
pR^ithivI.n so.asR^ijadvishvAM sahitAM bhUri tejasA .. 30..\\
tataH kR^iShNo mahAbAhuH punareva yudhiShThira . 
brAhmaNAnA.n shataM shreShThaM mukhAdasR^ijata prabhuH .. 31..\\
bAhubhyA.n kShatriya shata.n vaishyAnAmUrutaH shatam . 
padbhyA.n shUdra shata.n chaiva keshavo bharatarshabha .. 32..\\
sa eva.n chaturo varNAnsamutpAdya mahAyashAH . 
adhyakSha.n sarvabhUtAnA.n dhAtAramakarotprabhuH .. 33..\\
yAvadyAvadabhUchchhraddhA deha.n dhArayituM nR^iNAm . 
tAvattAvadajIva.nste nAsIdyama kR^itaM bhayam .. 34..\\
na chaiShAM maithuno dharmo babhUva bharatarShabha . 
sa~NkalpAdeva chaiteShAm apatyamudapadyata .. 35..\\
tatra tretAyuge kAle sa~NkalpAjjAyate prajA . 
na hyabhUnmaithuno dharmasteShAmapi janAdhipa .. 36..\\
dvApare maithuno dharmaH prajAnAmabhavannR^ipa . 
tathA kaliyuge rAjandvandvamApedire janAH .. 37..\\
eSha bhUtapatistAta svadhyakShashcha prakIrtitaH . 
niradhyakShA.nstu kauteya kIrtayiShyAmi tAnapi .. 38..\\
dakShiNApatha janmAnaH sarve talavarAndhrikAH . 
utsAH pulindAH shabarAshchUchupA mandapaiH saha .. 39..\\
uttarA pathajanmAnaH kIrtayiShyAmi tAnapi . 
yauna kAmbojagAndhArAH kirAtA barbaraiH saha .. 40..\\
ete pApakR^itastAta charanti pR^ithivImimAm . 
shvakAkabalagR^idhrANA.n sadharmANo narAdhipa .. 41..\\
naite kR^itayuge tAta charanti pR^ithivImimAm . 
tretA prabhR^iti vartante te janA bharatarShabha .. 42..\\
tatastasminmahAghore sandhyAkAle yugAntake . 
rAjAnaH samasajjanta samAsAdyetaretaram .. 43..\\
evameSha kurushreShTha prAdurbhAvo mahAtmanaH . 
devadevarShirAchasta nAradaH sarvalokadR^ish .. 44..\\
nArado.apyatha kR^iShNasya paraM mene narAdhipa . 
shAshvatatvaM mahAbAho yathAva bharatarShabha .. 45..\\
evameSha mahAbAhuH keshavaH satyavikramaH . 
achintyaH pundarIkAkSho naiSha kevalamAnuShaH .. 46..\\
\medskip\hrule\medskip\centerline{\Largedvng 201}
 y

ke pUrvamAsanpatayaH prajAnAM bharatarShabha . 
ke charShayo mahAbhAgA dikShu pratyekashaH smR^itAH .. 1..\\

 bhii

shrUyatAM bharatashreShTha yanmA tvaM paripR^ichchhasi . 
prajAnAM patayo ye sma dikShu pratyekashaH smR^itAH .. 2..\\
ekaH svayambhUrbhagavAnAdyo brahmA sanAtanaH . 
brahmaNaH sapta putrA vai mahAtmAnaH svayambhuvaH .. 3..\\
marIchiratrya~Ngirasau pulastyaH pulahaH kratuH . 
vasiShThashcha mahAbhAgaH sadR^ishA vai svayambhuvA .. 4..\\
sapta brahmANa ityeSha purANe nishchayo gataH . 
ata UrdhvaM pravakShyAmi sarvAneva prajApatIn .. 5..\\
atrivaMshasamutpanno brahmayoniH sanAtanaH . 
prAchInabarhirbhavagA.nstasmAtprAchetaso dasha .. 6..\\
dashAnA.n tanayastveko dakSho nAma prajApatiH . 
tasya dve nAmanI loke dakShaH ka iti chochyate .. 7..\\
marIcheH kashyapaH putrastasya dve nAmanI shrute . 
ariShTanemirityeka.n kashyapetyapara.n viduH .. 8..\\
a~NgashchaivaurasaH shrImAnrAjA bhaumashcha vIryavAn . 
sahasra.n yashcha divyAnAM yugAnAM paryupAsitA .. 9..\\
aryamA chaiva bhagavAnye chAnye tanayA vibho . 
ete pradeshAH kathitA bhuvanAnAM prabhAvanAH .. 10..\\
shashabindoshcha bhAryANA.n sahasrANi dashAchyuta . 
ekaikasyA.n sahasra.n tu tanayAnAmabhUttadA .. 11..\\
eva.n shatasahasrANAM shata.n tasya mahAtmanaH . 
putrANAM na cha te ka.n chidichchhantyanyaM prajApatim .. 12..\\
prajAmAchakShate viprAH paurANI.n shAshabindavIm . 
sa vR^iShNivaMshaprabhavo mahAnvaMshaH prajApateH .. 13..\\
ete prajAnAM patayaH samuddiShTA yashasvinaH . 
ataH paraM pravakShyAmi devA.nstribhuvaneshvarAn .. 14..\\
bhago.aMshashchAryamA chaiva mitro.atha varuNastathA . 
savitA chaiva dhAtA cha vivasvAMshcha mahAbalaH .. 15..\\
pUsA tvastA tathaivendro dvAdasho viShNuruchyate . 
ta ete dvAdashAdityAH kashyapasyAtmasambhavAH .. 16..\\
nAsatyashchaiva dasrashcha smR^itau dvAvashvinAvapi . 
mArtandasyAtmajAvetAvastamasya prajApateH .. 17..\\
tvastushchaivAtmajaH shrImAnvishvarUpo mahAyashaH . 
ajaikapAdahirbudhnyo virUpAkSho.atha raivataH .. 18..\\
harashcha bahurUpashcha tryambakashcha sureshvaraH . 
sAvitrashcha jayantashcha pinAkI chAparAjitaH . 
pUrvameva mahAbhAgA vasavo.astau prakIrtitAH .. 19..\\
eta eva.nvidhA devA manoreva prajApateH . 
te cha pUrve surAshcheti dvividhA pitaraH smR^itAH .. 20..\\
shIlarUparatAstvanye tathAnye siddhasAdhyayoH . 
R^ibhavo marutashchaiva devAnA.n choditA gaNAH .. 21..\\
evamete samAmnAtA vishvedevAstathAshvinau . 
AdityAH kShatriyAsteShA.n vishastu marutastathA .. 22..\\
ashvinau tu matau shUdrau tapasyugre samAhitau . 
smR^itAstva~Ngiraso devA brAhmaNA iti nishchayaH . 
ityetatsarvadevAnA.n chAturvarNyaM prakIrtitam .. 23..\\
etAnvai prAtarutthAya devAnyastu prakIrtayet . 
svajAdanyakR^itAchchaiva sarvapApAtpramuchyate .. 24..\\
yavakrIto.atha raibhyashcha arvAvasu parAvasU . 
aushijashchaiva kakShIvAnnalashchA~NgirasaH sutAH .. 25..\\
R^iShermedhAtitheH putraH kaNvo barhiShadastathA . 
trailokyabhAvanAstAta prAchyA.n saptarShayastathA .. 26..\\
unmucho vimuchashchaiva svastyAtreyashcha vIryavAn . 
pramuchashchedhmavAhashcha bhagavA.n cha dR^idha vrataH .. 27..\\
mitrA varuNayoH putrastathAgasthyaH pratApavAn . 
ete brahmarShayo nityamAshritA dakShiNA.n disham .. 28..\\
ruShadguH kavaso dhaumyaH parivyAdhashcha vIryavAn . 
ekatashcha dvitashchaiva tritashchaiva maharShayaH .. 29..\\
atreH putrashcha bhagavA.nstathA sArasvataH prabhuH . 
ete nava mahAtmAnaH pashchimAmAshritA disham .. 30..\\
Atreyashcha vasiShThashcha kashyapashcha mahAnR^iShiH . 
gautamaH sabharadvAjo vishvAmitro.atha kaushikaH .. 31..\\
tathaiva putro bhagavAnR^ichIkasya mahAtmanaH . 
jamadagnishcha saptaite udIchI.n dishamAshritAH .. 32..\\
ete pratidisha.n sarve kIrtitAstigmatejasaH . 
sAkShibhUtA mahAtmAno bhuvanAnAM prabhAvanAH .. 33..\\
evamete mahAtmAnaH sthitAH pratyekasho dishaH . 
eteShA.n kIrtanaM kR^itvA sarvapApaiH pramuchyate .. 34..\\
yasyA.n yasyA.n dishi hyete tAM dishaM sharaNaM gataH . 
muchyate sarvapApebhyaH svastimAMshcha gR^ihAnvrajet .. 35..\\
\medskip\hrule\medskip\centerline{\Largedvng 202}
 y

pitAmaha mahAprAGYa yudhi satyaparAkrama . 
shrotumichchhAmi kArtsnyena kR^iShNamavyayamIshvaram .. 1..\\
yachchAsya tejaH sumahadyachcha karma purAtanam . 
tanme sarva.n yathAtattvaM prabrUhi bharatarShabha .. 2..\\
tiryagyonigata.n rUpa.n kathaM dhAritavAnhariH . 
kena kAryavisargeNa tanme brUhi pitAmaha .. 3..\\

 bhii

purAhaM mR^igayA.n yAto mArkandeyAshrame sthitaH . 
tatrApashyaM munigaNAnsamAsInAnsahasrashaH .. 4..\\
tataste madhuparkeNa pUjA.n chakruratho mayi . 
pratigR^ihya cha tAM pUjAM pratyanandamR^iShInaham .. 5..\\
kathaiShA kathitA tatra kashyapena maharShiNA . 
manaH prahlAdinI.n divyAM tAmihaikamanAH shR^iNu .. 6..\\
purA dAnavamukhyAhi krodhalobha samanvitAH . 
balena mattAH shatasho narakAdyA mahAsurAH .. 7..\\
tathaiva chAnye bahavo dAnavA yuddhadurmadAH . 
na sahante sma devAnA.n samR^iddhi.n tAmanuttamAm .. 8..\\
dAnavairardyamAnAstu devA devarShayastathA . 
na sharma lebhire rAjanvishamAnAstatastataH .. 9..\\
pR^ithivI.n chArtarUpAM te samapashyandivaukasaH . 
dAnavairabhisa~NkIrNA.n ghorarUpairmahAbalaiH . 
bhArArtAmapakR^iShTA.n cha duHkhitA.n saMnimajjatIm .. 10..\\
athAditeyAH sa.nstrastA brahmANamidamabruvan . 
katha.n shakyAmahe brahmandAnavairupamardanam .. 11..\\
svayambhUstAnuvAchedaM nisR^iShTo.atra vidhirmayA . 
te vareNAbhisaMmattA balena cha madena cha .. 12..\\
nAvabhotsyanti saMmUDhA viShNumavyaktadarshanam . 
varAharUpiNa.n devamadhR^iShyamamarairapi .. 13..\\
eSha vegena gatvA hi yatra te dAnavAdhamAH . 
antarbhUmigatA ghorA nivasanti sahasrashaH . 
shamayiShyati shrutvA te jahR^iShuH surasattamAH .. 14..\\
tato viShNurmahAtejA vArAha.n rUpamAshritaH . 
antarbhUmi.n sampravishya jagAmaditijAnprati .. 15..\\
dR^iShTvA cha sahitAH sarve daityAH sattvamamAnuSham . 
prasahya sahasA sarve santasthuH kAlamohitAH .. 16..\\
sarve cha samabhidrutya varAha.n jagR^ihuH samam . 
sa~NkruddhAshcha varAha.n ta.n vyakarShanta samantataH .. 17..\\
dAnavendrA mahAkAyA mahAvIryA balochchhritAH . 
nAshaknuvaMshcha ki.n chitte tasya kartuM tadA vibho .. 18..\\
tato.agamanvismaya.n te dAnavendrA bhayAttadA . 
saMshaya.n gatamAtmAnaM menire cha sahasrashaH .. 19..\\
tato devAdi devaH sa yogAtmA yogasArathiH . 
yogamAsthAya bhagavA.nstadA bharatasattama .. 20..\\
vinanAda mahAnAda.n kShobhayandaityadAnavAn . 
saMnAditA yena lokAH sarvAshchaiva disho dasha .. 21..\\
tena saMnAdashabdena lokAH sa~NkShobhamAgaman . 
sambhrantAshcha dishaH sarvA devAH shakrapurogamAH .. 22..\\
nirvicheShTa.n jagachchApi babhUvAtibhR^ishaM tadA . 
sthAvara.n ja~NgamaM chaiva tena nAdena mohitam .. 23..\\
tataste dAnavAH sarve tena shabdena bhIsitAH . 
peturgatAsavashchaiva viShNutejo vimohitAH .. 24..\\
rasAtala gatAMshchaiva varAhastridashadviShaH . 
khuraiH sandArayAmAsa mA.nsamedo.asthi sa~ncayam .. 25..\\
nAdena tena mahatA sanAtana iti smR^itaH . 
padmanAbho mahAyogI bhUtAchAryaH sa bhUtarAj .. 26..\\
tato devagaNAH sarve pitAmahamupAbruvan . 
nAdo.aya.n kIdR^isho deva naina.n vidma vayaM vibho . 
ko.asau hi kasya vA nAdo yena vihvalita.n jagat .. 27..\\
etasminnantare viShNurvArAha.n rUpamAsthitaH . 
udatiShThanmahAdevaH stUyamAno maharShibhiH .. 28..\\

 pitaamaha

nihatya dAnava patInmAhA varShmA mahAbalaH . 
eSha devo mahAyogI bhUtAtmA bhUtabhAvanaH .. 29..\\
sarvabhUteshvaro yogI yonirAtmA tathAtmanaH . 
sthirI bhavata kR^iShNo.aya.n sarvapApapranAshanaH .. 30..\\
kR^itvA karmAtisAdhvetadashakyamamitaprabhuH . 
samAyAtaH svamAtmAnaM mahAbhAgo mahAdyutiH . 
padmanAbho mahAyogI bhUtAtmA bhUtabhAvanaH .. 31..\\
na santApo na bhIH kAryA shoko vA surasattamAH . 
vidhireSha prabhAvashcha kAlaH sa~NkShaya kArakaH . 
lokAndhArayatAnena nAdo mukto mahAtmanA .. 32..\\
sa eva hi mahAbhAgaH sarvalokanamaskR^itaH . 
achyutaH pundarIkAkShaH sarvabhUtasamudbhavaH .. 33..\\
\medskip\hrule\medskip\centerline{\Largedvng 203}
 y

yogaM me parama.n tAta mokShasya vada bhArata . 
tamaha.n tattvato GYAtumichchhAmi vadatA.n vara .. 1..\\

 bhii

atrApyudAharantImamitihAsaM purAtanam . 
sa.nvadaM mokShasa.nyukta.n shiShyasya guruNA saha .. 2..\\
kashchidbrAhmaNamAsInamAchAryamR^iShisattamam . 
shiShyaH paramamedhAvI shreyo.arthI susamAhitaH . 
charaNAvupasa~NgR^ihya sthitaH prA~njalirabravIt .. 3..\\
upAsanAtprasanno.asi yadi vai bhagavanmama . 
saMshayo me mahAnkashchittanme vyAkhyAtumarhasi .. 4..\\
kutashchAha.n kutashcha tvaM tatsamyagbrUhi yatparam . 
katha.n cha sarvabhUteShu sameShu dvijasattama . 
samyagvR^ittA nivartante viparItAH kShayodayAH .. 5..\\
vedeShu chApi yadvAkya.n laukimaM vyApaka.n cha yat . 
etadvidvanyathAtattva.n sarvaM vyAkhyAtumarhasi .. 6..\\

 guru

shR^iNu shiShyamahAprAGYa brahma guhyamidaM param . 
adhyAtma.n sarvabhUtAnAmAgamAnA.n cha yadvasu .. 7..\\
vAsudevaH sarvamida.n vishvasya brahmaNo mukham . 
satya.n dAnamatho yaGYastitikShA dama Arjavam .. 8..\\
puruSha.n sanAtanaM viShNuM yattadvedavido viduH . 
sarga pralaya kartAramavyaktaM brahma shAshvatam . 
tadidaM brahma vArShNeyamitihAsa.n shR^iNuShva me .. 9..\\
brAhmaNo brAhmaNaiH shrAvyo rAjanyaH kShatriyaistathA . 
mAhAtmya.n devadevasya viShNoramitatejasaH . 
arhastvamasi kalyAna vArShNeya.n shR^iNu yatparam .. 10..\\
kAlachakramanAdyantaM bhAvAbhAva svalakShaNam . 
trailokya.n sarvabhUteShu chakravatparivartate .. 11..\\
yattadakSharamavyaktamamR^itaM brahma shAshvatam . 
vadanti puruShavyAghra.n keshavaM puruSharShabham .. 12..\\
pitR^IndevAnR^iShIMshchaiva tathA vai yakShadAnavAn . 
nAgAsuramanuShyAMshcha sR^ijate paramo.avyayaH .. 13..\\
tathaiva veda shAstrANi lokadharmAMshcha shAshvatAn . 
pralaye prakR^itiM prApya yugAdau sR^ijate prabhuH .. 14..\\
yathartuShvR^ituli~NgAni nAnArUpANi paryaye . 
dR^ishyante tAni tAnyeva tathA brahmAha rAtriShu .. 15..\\
atha yadyadyadA bhAvi kAlayogAdyugAdiShu . 
tattadutpadyate GYAna.n lokayAtrA vidhAnajam .. 16..\\
yugAnte.antarhitAnvedAnsetihAsAnmaharShayaH . 
lebhire tapasA pUrvamanuGYAtAH svayambhuvA .. 17..\\
vedavidveda bhagavAnvedA~NgAni bR^ihaspatiH . 
bhArgavo nItishAstra.n cha jagAda jagato hitam .. 18..\\
gAndharvaM nArado vedaM bharadvAjo dhanurgraham . 
devarShicharita.n gArgyaH kR^iShNAtreyash chikitsitam .. 19..\\
nyAyatantrANyanekAni taistairuktAni vAdibhiH . 
hetvAgama sadAchArairyadukta.n tadupAsyate .. 20..\\
anAdya.n yatparaM brahma na devA narShayo viduH . 
ekastadveda bhagavAndhAtA nArAyaNaH prabhuH .. 21..\\
nArAyaNAdR^iShigaNAstathA mukhyAH surAsurAH . 
rAjarShayaH purANAshcha parama.n duHkhabheShajam .. 22..\\
puruShAdhiShThitaM bhAvaM prakR^itiH sUyate tadA . 
hetuyuktamataH sarva.n jagatsamparivartate .. 23..\\
dIpAdanye yathA dIpAH pravartante sahasrashaH . 
prakR^itiH sR^ijate tadvadAnantyAnnApachIyate .. 24..\\
avyaktakarmajA buddhiraha~NkAraM prasUyate . 
AkAsha.n chApyaha~NkArAdvAyurAkAshasambhavaH .. 25..\\
vAyostejastatashchApastvadbhyo hi vasudhodgatA . 
mUlaprakR^itayo.astau tA jagadetAsvavasthitam .. 26..\\
GYAnendriyANyataH pa~ncha pa~ncha karmendriyANyapi . 
viShayAH pa~ncha chaika.n cha vikAre sodashaM manaH .. 27..\\
shrotra.n tvakchakShuShI jihvA ghrANaM pa~nchendriyANyapi . 
padau pAyurupasthashcha hastau vAkkarmaNAm api .. 28..\\
shabdaH sparsho.atha rUpa.n cha raso gandhastathaiva cha . 
viGYeya.n vyApaka.n chittaM teShu sarvagataM manaH .. 29..\\
rasaGYAne tu jihveya.n vyAhR^ite vAktathaiva cha . 
indriyairvividhairyukta.n sarvaM vyastaM manastathA .. 30..\\
vidyAttu sodashaitAni daivatAni vibhAgashaH . 
deheShu GYAnakartAramupAsInamupAsate .. 31..\\
tadvatsomaguNA jihvA gandhastu pR^ithivI guNaH . 
shrotra.n shabdaguNa.n chaiva chakShuragnerguNastathA . 
sparsha.n vAyuguNaM vidyAtsarvabhUteShu sarvadA .. 32..\\
manaH sattvaguNaM prAhuH sattvamavyaktaja.n tathA . 
sarvabhUtAtmabhUtastha.n tasmAdbudhyeta buddhimAn .. 33..\\
ete bhAvA jagatsarva.n vahanti sacharAcharam . 
shritA virajasa.n deva.n yamAhuH paramaM padam .. 34..\\
navadvAraM puraM puNyametairbhAvaiH samanvitam . 
vyApya shete mahAnAtmA tasmAtpuruSha uchyate .. 35..\\
ajaraH so.amarashchaiva vyaktAvyaktopadeshavAn . 
vyApakaH saguNaH sUkShmaH sarvabhUtaguNAshrayaH .. 36..\\
yathA dIpaH prakAshAtmA hrasvo vA yadi vA mahAn . 
GYAnAtmAna.n tathA vidyAtpuruSha.n sarvajantuShu .. 37..\\
so.atra vedayate vedya.n sa shR^iNoti sa pashyati . 
kAraNa.n tasya deho.aya.n sa kartA sarvakarmaNAm .. 38..\\
agnirdAru gato yadvadbhinne dArau na dR^ishyate . 
tathaivAtmA sharIrastho yogenaivAtra dR^ishyate .. 39..\\
nadIShvApo yathA yuktA yathA sUrye marIchayaH . 
santanvAnA yathA yAnti tathA dehAH sharIriNAm .. 40..\\
svapnayoge yathaivAtmA pa~nchendriya samAgataH . 
dehamutsR^ijya vai yAti tathaivAtropalabhyate .. 41..\\
karmaNA vyApyate pUrva.n karmaNA chopapadyate . 
karmaNA nIyate.anyatra svakR^itena balIyasA .. 42..\\
sa tu dehAdyathA deha.n tyaktvAnyaM pratipadyate . 
tathA ta.n sampravakShyAmi bhUtagrAmaM svakarmajam .. 43..\\
\medskip\hrule\medskip\centerline{\Largedvng 204}
 guru

chaturvidhAni bhUtAni sthAvarANi charANi cha . 
avyaktaprabhavAnyAhuravyaktanidhanAni cha . 
avyaktanidhana.n vidyAdavyaktAtmAtmakaM manaH .. 1..\\
yathAshvattha kanIkAyAmantarbhUto mahAdrumaH . 
niShpanno dR^ishyate vyaktamavyaktAtsambhavastathA .. 2..\\
abhidravatyayaH kAnta mayo nishchetanAvubhau . 
svabhAvahetujA bhAvA yadvadanyadapIdR^isham .. 3..\\
tadvadavyaktajA bhAvAH kartuH kAraNalakShaNAH . 
achetanAshchetayituH kAraNAdabhisa.nhitAH .. 4..\\
na bhUH kha.n dyaurna bhUtAni narShayo na surAsurAH . 
nAnyadAsIdR^ite jIvamAsedurna tu sa.nhitam .. 5..\\
sarvanItyA sarvagataM maho hetusalakShaNam . 
aGYAnakarma nirdiShTametatkAraNalakShaNam .. 6..\\
tatkAraNairhi sa.nyukta.n kAryasa~Ngraha kArakam . 
yenaitadvartate chakramanAdi nidhanaM mahat .. 7..\\
avyaktanAbha.n vyaktAraM vikAra parimandalam . 
kShetraGYAdhiShThita.n chakra.n snigdhAkShaM vartate dhruvam .. 8..\\
snigdhatvAttilavatsarva.n chakre.asminpIDyate jagat . 
tilapIDairivAkramya bhogairaGYAnasambhavaiH .. 9..\\
karma tatkurute tarShAdaha~NkAraparigraham . 
kAryakAraNa sa.nyoge sa heturupapAditaH .. 10..\\
nAtyeti kAraNa.n kAryaM na kAryaM kAraNaM tathA . 
kAryANA.n tUpakaraNe kAlo bhavati hetumAn .. 11..\\
hetuyuktAH prakR^itayo vikArAsh cha parasparam . 
anyonyamabhivartante puruShAdhiShThitAH sadA .. 12..\\
sarajastAmasairbhAvaishchyuto hetubalAnvitaH . 
kShetraGYamevAnuyAti pA.nsurvAterito yathA . 
na cha taiH spR^ishyate bhAvo na te tena mahAtmanA .. 13..\\
sarajasko.arajaskashcha sa vai vAyuryathA bhavet . 
tathaitadantara.n vidyAtkShetrakShetraGYayorbudhaH . 
abhyAsAtsa tathAyukto na gachchhetprakR^itiM punaH .. 14..\\
sandehametamutpannamachhinadbhagavAnR^iShiH . 
tathA vArtA.n samIkSheta kR^italakShaNasaMmitAm .. 15..\\
bIjAnyagnyupadagdhAni na rohanti yathA punaH . 
GYAnadagdhaistathA kleshairnAtmA sambadhyate punaH .. 16..\\
\medskip\hrule\medskip\centerline{\Largedvng 205}
 guru

pravR^itti lakShaNo dharmo yathAyamupapadyate . 
teShA.n viGYAnaniShThAnAmanyattattvaM na rochate .. 1..\\
durlabhA veda vidvA.nso vedokteShu vyavasthitAH . 
prayojanamatastvatra mArgamichchhanti sa.nstutam .. 2..\\
sadbhirAcharitatvAttu vR^ittametadagarhitam . 
iya.n sA buddhiranyeyaM yayA yAti parA.n gatim .. 3..\\
sharIravAnupAdatte mohAtsarvaparigrahAn . 
kAmakrodhAdibhirbhAvairyukto rAjasa tAmasaiH .. 4..\\
nAshuddhamAcharettasmAdabhIpsandehayApanam . 
karmaNo vivara.n kurvanna kokAnApnuyAchchhubhAn .. 5..\\
lohayukta.n yathA hemavipakvaM na virAjate . 
tathApakva kasAyAkhya.n viGYAnaM na prakAshate .. 6..\\
yashchAdharma.n charenmohAtkAmalobhAvanu plavan . 
dharmyaM panthAnamAkramya sAnubandho vinashyati .. 7..\\
shandAdInviShayA.nstasmAdasa.nrAgAdanuplavet . 
krodhaharShau viShAdashcha jAyante hi parasparam .. 8..\\
pa~ncha bhUtAtmake dehe sattvarAjasa tAmase . 
kamabhiShTuvate chAya.n ka.n vA kroshati kiM vadet .. 9..\\
sparsharUparasAdyeShu sa~Nga.n gachchhanti bAlishAH . 
nAvagachchhantyaviGYAnAdAtmajaM pArthiva.n guNam .. 10..\\
mR^inmaya.n sharaNaM yadvanmR^idaiva parilipyate . 
pArthivo.aya.n tathA deho mR^idvikArairvilipyate .. 11..\\
madhu tailaM payaH sarpirmA.nsAni lavana.n gudaH . 
dhAnyAni phalamUlAni mR^idvikArAH sahAmbhasA .. 12..\\
yadvatkAntAramAtiShThannautsukya.n samanuvrajet . 
shramAdAhAramAdadyAdasvAdvapi hi yApanam .. 13..\\
tadvatsa.nsArakAntAramAtiShTha~nshramatatparaH . 
yAtrArthamadyAdAhAra.n vyAdhito bheShajaM yathA .. 14..\\
satyashauchArjava tyAgairyashasA vikrameNa cha . 
kShAntyA dhR^ityA cha buddhyA cha manasA tapasaiva cha .. 15..\\
bhAvAnsarvAnyathAvR^ittAnsa.nvaseta yathAkramam . 
shAntimichchhannadInAtmA sa.nyachchhedindriyANi cha .. 16..\\
sattvena rajasA chaiva tamasA chaiva mohitAH . 
chakravatparivartante hyaGYAnAjjantavo bhR^isham .. 17..\\
tasmAtsamyakparIkSheta doShAnaGYAnasambhavAn . 
aGYAnaprabhavaM nityamaha~NkAraM parityajet .. 18..\\
mahAbhUtAnIndriyANi guNAH sattva.n rajastamaH . 
tailokya.n seshvaraM sarvamaha~NkAre pratiShThitam .. 19..\\
yatheha niyata.n kAlo darshayatyArtavAnguNAn . 
tadvadbhUteShvaha~NkAra.n vidyAdbhUtapravartakam .. 20..\\
saMmohaka.n tamo vidyAtkR^iShNamaGYAnasambhavam . 
prItiduHkhanibaddhAMshcha samastA.nstrInatho guNAn . 
sattvasya rajasashchaiva tamasashcha nibodha tAn .. 21..\\
pramoho harShajaH prItirasandeho dhR^itiH smR^itiH . 
etAnsattvaguNAnvidyAdimAnrajasa tAmasAn .. 22..\\
kAmakrodhau pramAdashcha lobhamohau bhaya.n klamaH . 
viShAda shokAvaratirmAnadarpAvanAryatA .. 23..\\
doShANAmevamAdInAM parIkShya gurulAghavam . 
vimR^ishedAtmasa.nsthAnAmekaikamanusantatam .. 24..\\

 zisya

ke doShA manasA tyaktAH ke buddhyA shithilI kR^itAH . 
ke punaH punarAyAnti ke mohAdaphalA iva .. 25..\\
keShAM balAbalaM buddhyA hetubhirvimR^ishedbudhaH . 
etatsarva.n samAchakShva yathA vidyAmahaM prabho .. 26..\\

 guru

doShairmUlAdavachchhinnairvishuddhAtmA vimuchyate . 
vinAshayati sambhUtamayasmayamayo yathA . 
tathA kR^itAtmA sahajairdoShairnashyati rAjasaiH .. 27..\\
rAjasa.n tAmasaM chaiva shuddhAtmAkarma sambhavam . 
tatsarva.n dehinAM bIja.n sarvamAtmavataH samam .. 28..\\
tasmAdAtmavatA varjya.n rajash cha tama eva cha . 
rajastamo bhyAM nirmukta.n sattvaM nirmalatAmiyAt .. 29..\\
atha vA mantravadbrUyurmA.nsAdAnA.n yajuShkR^itam . 
hetuH sa evAnAdAne shuddhadharmAnupAlane .. 30..\\
rajasA dharmayuktAni kAryANyapi samApnuyAt . 
arthayuktAni chAtyartha.n kAmAnsarvAMsh cha sevate .. 31..\\
tamasA lobhayuktAni krodhajAni cha sevate . 
hi.nsAvihArAbhiratastandrI nidrA samanvitaH .. 32..\\
sattvasthaH sAttvikAnbhAvA~nshuddhAnpashyati saMshritaH . 
sa dehI vimalaH shrImA~nshuddho vidyA samanvitaH .. 33..\\
\medskip\hrule\medskip\centerline{\Largedvng 206}
 guru

rajasA sAdhyate mohastamasA cha nararShabha . 
krodhalobhau bhaya.n darpa eteShA.n sAdhanAchchhuchiH .. 1..\\
paramaM paramAtmAna.n devamakShayamavyayam . 
viShNumavyaktasa.nsthAna.n vishante deva sattamam .. 2..\\
tasya mAyA vidagdhA~NgA GYAnabhraShTA nirAshiShaH . 
mAnavA GYAnasaMmohAttataH kAmaM prayAnti vai .. 3..\\
kAmAtkrodhamavApyAtha lobhamohau cha mAnavAH . 
mAnadarpAdaha~NkAramaha~NkArAttataH kriyAH .. 4..\\
kriyAbhiH snehasambandhaH snehAchchhokamanantaram . 
sukhaduHkhasamArambhAjjanmAjanma kR^itakShaNAH .. 5..\\
janmato garbhavAsa.n tu shukrashonita sambhavam . 
purIsa mUtra vikleda shonita prabhavAvilam .. 6..\\
tR^iShNAbhibhUtastairbaddhastAnevAbhipariplavan . 
sa.nsAratantra vAhinyastatra budhyeta yoShitaH .. 7..\\
prakR^ityA kShetrabhUtAstA narAH kShetraGYalakShaNAH . 
tasmAdetA visheSheNa naro.atIyurvipashchitaH .. 8..\\
kR^ityA hyetA ghorarUpA mohayantyavichakShaNAn . 
rajasyantarhitA mUrtirindriyANA.n sanAtanI .. 9..\\
tasmAttarShAtmakAdrAjAdbIjAjjAyanti jantavaH . 
svadehajAnasva sa~nj~nAnyadvada~NgAtkR^imI.nstyajet . 
svasa~nj~nAnasvajA.nstadvatsuta sa~nj~nAnkR^imI.nstyajet .. 10..\\
shukrato rajatashchaiva snehAjjAyanti jantavaH . 
svabhAvAtkarmayogAdvA tAnupekSheta buddhimAn .. 11..\\
rajastamasi paryasta.n sattva.n tamasi sa.nsthitam . 
GYAnAdhiShThAnamaGYAnaM buddhyaha~NkAralakShaNam .. 12..\\
tadbIja.n dehinAmAhustadbIjaM jIva sa~nj~nitam . 
karmaNA kAlayuktena sa.nsAraparivartakam .. 13..\\
ramatyaya.n yathA svapne manasA dehavAniva . 
karma garbhairguNairdehI garbhe tadupapadyate .. 14..\\
karmaNA bIjabhUtena chodyate yadyadindriyam . 
jAyate tadaha~NkArAdrAgayuktena chetasA .. 15..\\
shabdarAgAchchhrotramasya jAyate bhAvitAtmanaH . 
rUparAgAttathA chakShurghrANa.n gandhachikIrShayA .. 16..\\
sparshanebhyastathA vAyuH prANApAna vyapAshrayaH . 
vyAnodAnau samAnashcha pa~nchadhA dehayApanA .. 17..\\
sa~njAtairjAyate gAtaiH karmajairbrahmaNA vR^itaH . 
duHkhAdyantairduHkhamadhyairnaraH shArIra mAnasaiH .. 18..\\
duHkha.n vidyAdupAdAnAdabhimAnAchcha vardhate . 
tyAgAttebhyo nirodhaH syAnnirodhaGYo vimuchyate .. 19..\\
indriyANA.n rajasyeva prabhava pralayAvubhau . 
parIkShya sa~ncaredvidvAnyathAvachchhAstra chakShuShA .. 20..\\
GYAnendriyANIndriyArthAnnopasarpantyatarShulam . 
GYAtaishcha kAraNairdehI na dehaM punararhati .. 21..\\
\medskip\hrule\medskip\centerline{\Largedvng 207}
 guru

atropAyaM pravakShyAmi yathAvachchhAstra chakShuShA . 
tadviGYAnAchcharanprAGYaH prApnuyAtparamA.n gatim .. 1..\\
sarveShAmeva bhUtAnAM puruShaH shreShTha uchyate . 
puruShebhyo dvijAnAhurdvijebhyo mantravAdinaH .. 2..\\
sarvabhUtavishiShTAste sarvaGYAH sarvadarshinaH . 
brAhmaNA veda tattvaGYAstattvArthamatinishchayAH .. 3..\\
netrahIno yathA hyekaH kR^ichchhrANi labhate.adhvani . 
GYAnahInastathA loke tasmAjGYAnavido.adhikAH .. 4..\\
tA.nstAnupAsate dharmAndharmakAmA yathAgamam . 
na tveShAmarthasAmAnyamantareNa guNAnimAn .. 5..\\
vAgdehamanasA.n shaucha.n kShamA satyaM dhR^itiH smR^itiH . 
sarvadharmeShu dharmaGYA GYAlpayanti guNAnimAn .. 6..\\
yadidaM brahmaNo rUpaM brahmacharyamiti smR^itam . 
para.n tatsarvabhUtebhyastena yAnti parAM gatim .. 7..\\
li~Ngasa.nyogahIna.n yachchharIra sparshavarjitam . 
shrotreNa shravaNa.n chaiva chakShuShA chaiva darshanam .. 8..\\
jihvayA rasana.n yachcha tadeva parivarjitam . 
buddhyA cha vyavasAyena brahmacharyamakalmasam .. 9..\\
samyagvR^ittirbrahmalokaM prApnuyAnmadhyamaH surAn . 
dvijAgryo jAyate vidvAnkanyasI.n vR^ittimAsthitaH .. 10..\\
suduShkaraM brahmacharyamupAya.n tatra me shR^iNu . 
sampravR^ittamudIrNa.n cha nigR^ihNIyAddvijo manaH .. 11..\\
yoShitAM na kathAH shrAvyA na nirIkShyA nirambarAH . 
kadA chiddarshanAdAsA.n durbalAnAvishedrajaH .. 12..\\
rAgotpattau charetkR^ichchhramahnastrirpravishedapaH . 
magnaH svapne cha manasA trirjapedagha marShaNam .. 13..\\
pApmAnaM nirdahedevamantarbhUta.n rajo mayam . 
GYAnayuktena manasA santatena vichakShaNaH .. 14..\\
kunapAmedhya sa.nyukta.n yadvadachhidra bandhanam . 
tadvaddehagata.n vidyAdAtmAna.n dehabandhanam .. 15..\\
vAtapitta kaphAnrakta.n tva~NmA.nsa.n snAyumasthi cha . 
majjA.n chaiva sirA jAlaistarpayanti rasA nR^iNAm .. 16..\\
dashavidyAddhamanyo.atra pa~nchendriya guNAvahAH . 
yAbhiH sUkShmAH pratAyante dhamanyo.anyAH sahasrashaH .. 17..\\
evametAH sirA nadyo rasodA dehasAgaram . 
tarpayanti yathAkAlamApagA iva sAgaram .. 18..\\
madhye cha hR^idayasyaikA sirA tvatra manovahA . 
shukra.n sa~NkalpajaM nR^INAM sarvagAtrairvimu~nchati .. 19..\\
sarvagAtrapratAyinyastasyA hyanugatAH sirAH . 
netrayoH pratipadyante vahantyastaijasa.n guNam .. 20..\\
payasyantarhita.n sarpiryadvannirmathyate khajaiH . 
shukraM nirmathyate tadvaddehasa~NkalpajaiH khajaiH .. 21..\\
svapne.apyeva.n yathAbhyeti manaHsa~NkalpajaM rajaH . 
shukramasparshaja.n dehAtsR^ijantyasya manovahA .. 22..\\
maharShirbhagavAnatrirveda tachchhukra sambhavam . 
tribIjamindra daivatya.n tasmAdindriyamuchyate .. 23..\\
ye vai shukragati.n vidyurbhUtasa~NkarakArikAm . 
virAgA dagdhadoShAste nApnuyurdehasambhavam .. 24..\\
guNAnA.n sAmyamAgamya manasaiva manovaham . 
dehakarma nudanprAnAnantakAle vimuchyate .. 25..\\
bhavitA manaso GYAnaM mana eva pratAyate . 
jyotiShmadvirajo divyamatra siddhaM mahAtmanAm .. 26..\\
tasmAttadavighAtAya karma kuryAdakalmasam . 
rajastamashcha hitveha na tiryaggatimApnuyAt .. 27..\\
taruNAdhigata.n GYAna.n jArA durbalatAM gatam . 
paripakva buddhiH kAlena Adatte mAnasaM balam .. 28..\\
sudurgamiva panthAnamatItya guNabandhanam . 
yadA pashyettadA doShAnatItyAmR^itamashnute .. 29..\\
\medskip\hrule\medskip\centerline{\Largedvng 208}
 guru

duranteShvindriyArtheShu saktAH sIdanti jantavaH . 
ye tvasaktA mahAtmAnaste yAnti paramA.n gatim .. 1..\\
janmamR^ityujarAduHkhairvyAdhibhirmanasaH klamaiH . 
dR^iShTvema.n santataM loka.n ghatenmokShAya buddhimAn .. 2..\\
vA~Nmano bhyA.n sharIreNa shuchiH syAdanaha~NkR^itaH . 
prashAnto GYAnavAnbhikShurnirapekShash charetsukham .. 3..\\
atha vA manasaH sa~NgaM pashyedbhUtAnukampayA . 
atrApyupekShA.n kurvIta GYAtvA karmaphalaM jagat .. 4..\\
yatkR^itaM prAkshubha.n karma pApa.n vA tadupAshnute . 
tasmAchchhubhAni karmANi kuryAdvAgbuddhikarmabhiH .. 5..\\
ahi.nsA satyavachana.n sarvabhUteShu chArjavam . 
kShamA chaivApramAdashcha yasyaite sa sukhI bhavet .. 6..\\
yashchainaM parama.n dharma.n sarvabhUtasukhAvaham . 
duHkhAnniHsaraNa.n veda sa tattvaGYaH sukhI bhavet .. 7..\\
tasmAtsamAhitaM buddhyA mano bhUteShu dhArayet . 
nApadhyAyenna spR^ihayennAbaddha.n chintayedasat .. 8..\\
avAgyogaprayogeNa mano GYa.n sampravartate . 
vivakShitA vA sadvAkya.n dharma.n sUkShmamavekShatA . 
satyA.n vAchamahi.nsrA.n cha vadedanapavAdinIm .. 9..\\
kalkApetAmaparuShAmanR^isha.nsAmapaishunAm . 
IdR^ishalpa.n cha vaktavyamavikShiptena chetasA .. 10..\\
vAkprabuddho hi sa.nrAgadvirAgAdvyAharedyati . 
buddhyA hyanigR^ihItena manasA karma tAmasam . 
rajo bhUtairhi karaNaiH karmaNA pratipadyate .. 11..\\
sa duHkhaM prApya loke.asminnarakAyopapadyate . 
tasmAnmanovAksharIrairAchareddhairyamAtmanaH .. 12..\\
prakIrNa meShabhAro hi yadvaddhAryeta dasyubhiH . 
pratilomA.n dishaM buddhvA sa.nsAramabudhAstathA .. 13..\\
tAneva cha yathA dasyUnkShiptvA gachchhechchhivA.n disham . 
tathA rajastamaH karmANyutsR^ijya prApnuyAtsukham .. 14..\\
niHsandigdhamanIho vai muktaH sarvaparigrahaiH . 
viviktachArI laghvAshI tapasvI niyatendriyaH .. 15..\\
GYAnadagdhaparikleshaH prayoga ratirAtmavAn . 
niShprachAreNa manasA para.n tadadhigachchhati .. 16..\\
dhR^itimAnAtmavAnbuddhiM nigR^ihNIyAdasaMshayam . 
mano buddhyA nigR^ihNIyAdviShayAnmanasAtmanaH .. 17..\\
nigR^ihItendriyasyAsya kurvANasya mano vashe . 
devatAstAH prakAshante hR^iShTA yAnti tamIshvaram .. 18..\\
tAbhiH sa.nsaktamanaso brahmavatsamprakAshate . 
etaishchApagataiH sarvairbrahmabhUyAya kalpate .. 19..\\
atha vA na pravarteta yogatantrairupakramet . 
yena tantramaya.n tantra.n vR^ittiH syAttattadAcharet .. 20..\\
kana pinyAka kulmAsa shAkayAvaka saktayaH . 
tathA mUlaphalaM bhaikShaM paryAyenopayojayet .. 21..\\
AhAraM niyata.n chaiva deshe kAle cha sAttvikam . 
tatparIkShyAnuvarteta yatpravR^ittyanuvartakam .. 22..\\
pravR^ittaM noparundheta shanairagnimivendhayet . 
GYAnendhita.n tato GYAnamarkavatsamprakAshate .. 23..\\
GYAnAdhiShThAnamaGYAna.n trI.NllokAnadhitiShThati . 
viGYAnAnugata.n GYAnamaGYAnAdapakR^iShyate .. 24..\\
pR^ithaktvAtsamprayogAchcha nAsUyurveda shAshvatam . 
sa tayorapavargaGYo vItarAgo vimuchyate .. 25..\\
vayo.atIto jarAmR^ityU jitvA brahma sanAtanam . 
amR^ita.n tadavApnoti yattadakSharamavyayam .. 26..\\
\medskip\hrule\medskip\centerline{\Largedvng 209}
 guru

niShkalmaShaM brahmacharyamichchhatA charitu.n sadA . 
nidrA sarvAtmanA tyAjyA svapnadoShAnavekShatA .. 1..\\
svapne hi rajasA dehI tamasA chAbhibhUyate . 
dehAntaramivApannashcharatyapagatasmR^itiH .. 2..\\
GYAnAbhyAsAjjAgarato jiGYAsArthamanantaram . 
viGYAnAbhiniveshAttu jAgaratyanisha.n sadA .. 3..\\
ahAha ko nvayaM bhAvaH svapne viShayavAniva . 
pralInairindriyairdehI vartate dehavAniva .. 4..\\
atrochyate yathA hyetadveda yogeshvaro hariH . 
tathaitadupapannArtha.n varNayanti maharShayaH .. 5..\\
indriyANA.n shramAtsvapnamAhuH sarvagataM budhAH . 
manasastu pralInatvAttattadAhurnidarshanam .. 6..\\
kAryavyAsaktamanasaH sa~Nkalpo jAgrato hyapi . 
yadvanmanorathaishvarya.n svapne tadvanmanogatam .. 7..\\
sa.nsArANAmasa~NkhyAnA.n kAmAtmA tadavApnuyAt . 
manasyantarhita.n sarvaM veda sottama pUruShaH .. 8..\\
guNAnAmapi yadyattatkarma jAnAtyupasthitam . 
tattachchha.nsanti bhUtAni mano yadbhAvita.n yathA .. 9..\\
tatastamupavartante guNA rAjasa tAmasAH . 
sAttviko vA yathAyogamAnantarya phalodayaH .. 10..\\
tataH pashyatyasambaddhAnvAtapitta kaphottarAn . 
rajastamo bhAvairbhAvaistadapyAhurduranvayam .. 11..\\
prasannairindriyairyadyatsa~Nkalpayati mAnasam . 
tattatsvapne.apyuparate mano dR^iShTirnirIkShate .. 12..\\
vyApaka.n sarvabhUteShu vartate.apratighaM manaH . 
manasyantarhita.n dvAraM dehamAsthAya mAnasam .. 13..\\
yattatsadasadavyakta.n svapityasminnidarshanam . 
sarvabhUtAtmabhUtastha.n tadadhyAtmaguNa.n viduH .. 14..\\
lipseta manasA yashcha sa~NkalpAdaishvara.n guNam . 
AtmaprabhAvAtta.n vidyAtsarvA hyAtmani devatAH .. 15..\\
eva.n hi tapasA yuktamarkavattamasaH param . 
trailokyaprakR^itirdehI tapasA taM maheshvaram .. 16..\\
tapo hyadhiShThita.n devaistapo ghnamasuraistamaH . 
etaddevAsurairgupta.n tadAhurGYAnalakShaNam .. 17..\\
sattva.n rajastamashcheti devAsuraguNAnviduH . 
sattva.n deva guNa.n vidyAditarAvAsurau guNau .. 18..\\
brahma tatparama.n vedyamamR^ita.n jyotirakSharam . 
ye vidurbhAvitAtmAnaste yAnti paramA.n gatim .. 19..\\
hetumachchhakyamAkhyAtumetAvajGYAnachakShuShA . 
pratyAhAreNa vA shakyamavyaktaM brahma veditum .. 20..\\
\medskip\hrule\medskip\centerline{\Largedvng 210}
 guru

na sa veda para.n dharma.n yo na veda chatuShTayam . 
vyaktAvyakte cha yattattva.n samprAptaM paramarShiNA .. 1..\\
vyaktaM mR^ityumukha.n vidyAdavyaktamamR^itaM padam . 
pravR^itti lakShaNa.n dharmamR^iShirnArAyaNo.abravIt .. 2..\\
atraivAvasthita.n sarva.n trailokyaM sacharAcharam . 
nivR^itti lakShaNa.n dharmamavyaktaM brahma shAshvatam .. 3..\\
pravR^itti lakShaNa.n dharmaM prajApatirathAbravIt . 
pravR^ittiH punarAvR^ittirnivR^ittiH paramA gatiH .. 4..\\
tA.n gatiM paramAmeti nivR^itti paramo muniH . 
GYAnatattvaparo nitya.n shubhAshubhanidarshakaH .. 5..\\
tadevametau viGYeyAvavyaktapuruShAvubhau . 
avyaktapuruShAbhyA.n tu yatsyAdanyanmahattaram .. 6..\\
ta.n visheShamavekSheta visheSheNa vichakShaNaH . 
anAdyantAvubhAvetAvali~Ngau chApyubhAvapi .. 7..\\
ubhau nityau sUkShmatarau mahadbhyash cha mahattarau . 
sAmAnyametadubhayoreva.n hyanyadvisheShaNam .. 8..\\
prakR^ityA sarga dharmiNyA tathA trividha sattvayA . 
viparItamato vidyAtkShetraGYasya cha lakShaNam .. 9..\\
prakR^iteshcha vikArANA.n draShTAramaguNAnvitam . 
agrAhyau puruShAvetAvali~Ngatvadasa.nhitau .. 10..\\
sa.nyogalakShaNotpattiH karmajA gR^ihyate yayA . 
karaNaiH karma nirvR^ittaiH kartA yadyadvicheShTate . 
kIrtyate shabdasa~nj~nAbhiH ko.ahameSho.apyasAviti .. 11..\\
uShNIsavAnyathA vastraistribhirbhavati sa.nvR^itaH . 
sa.nvR^ito.aya.n tathA dehI sattvarAjasa tAmasaiH .. 12..\\
tasmAchchatuShTaya.n vedyametairhetubhirAchitam . 
yathA sa~nj~no hyaya.n samyagantakAle na muhyati .. 13..\\
shriya.n divyAmabhiprepsurbrahma vA~NmanasA shuchiH . 
shArIrairniyamairugraishcharenniShkalmaSha.n tapaH .. 14..\\
trailokya.n tapasA vyAptamantarbhUtena bhAsvatA . 
sUryashcha chandramAshchaiva bhAsatastapasA divi .. 15..\\
pratApastapaso GYAna.n loke saMshabdita.n tapaH . 
rajastamo ghna.n yatkarma tapasastatsvalakShaNam .. 16..\\
brahmacharyamahi.nsA cha shArIra.n tapa uchyate . 
vA~Nmano niyamaH sAmyaM mAnasa.n tapa uchyate .. 17..\\
vidhiGYebhyo dvijAtibhyo grAhyamanna.n vishiShyate . 
AhAraniyamenAsya pApmA nashyati rAjasaH .. 18..\\
vaimanasya.n cha viShaye yAntyasya kvaraNAni cha . 
tasmAttanmAtramAdadyAdyAvadatra prayojanam .. 19..\\
antakAle vayotkarShAchchhanaiH kuryAdanAturaH . 
eva.n yuktena manasA GYAna.n tadupapadyate .. 20..\\
rajasA chApyaya.n dehI dehavA~nshabdavachcharet . 
kAryairavyAhata matirvairAgyAtprakR^itau sthitaH . 
A dehAdapramAdAchcha dehAntAdvipramuchyate .. 21..\\
hetuyuktaH sadotsargo bhUtAnAM pralayastathA . 
parapratyaya sarge tu niyataM nAtivartate .. 22..\\
bhavAnta prabhava praGYA Asate ye viparyayam . 
dhR^ityA dehAndhArayanto buddhisa~NkShipta mAnasAH . 
sthAnebhyo dhva.nsamAnAshcha sUkShmatvAttAnupAsate .. 23..\\
yathAgama.n cha tatsarvaM buddhyA tannaiva budhyate . 
dehAnta.n kashchidansvAste bhAvitAtmA nirAshrayaH . 
yukto dhAraNayA kashchitsattA.n ke chidupAsate .. 24..\\
abhyasyanti para.n deva.n vidyutsaMshabditAkSharam . 
antakAle hyupAsannAstapasA dagdhakilbiShAH .. 25..\\
sarva ete mahAtmAno gachchhanti paramA.n gatim . 
sUkShma.n visheShaNa.n teShAmavekShechchhAstra chakShuShA .. 26..\\
deha.n tu parama.n vidyAdvimuktamaparigraham . 
antarikShAdanyatara.n dhAraNAsaktamAnasam .. 27..\\
martyalokAdvimuchyante vidyA sa.nyukta mAnasAH . 
brahmabhUtA virajasastato yAnti parA.n gatim .. 28..\\
kasAya varjita.n GYAnaM yeShAm utpadyate.achalam . 
te yAnti paramA.NllokAnvishudhyanto yathAbalam .. 29..\\
bhagavantamaja.n divya.n viShNumavyaktasa~nj~nitam . 
bhAvena yAnti shuddhA ye GYAnatR^iptA nirAshiShaH .. 30..\\
GYAtvAtmastha.n hari.n chaiva nivartante na te.avyayAH . 
prApya tatparama.n sthAnaM modante.akSharamavyayam .. 31..\\
etAvadetadviGYAnametadasti cha nAsti cha . 
tR^iShNA baddha.n jagatsarvaM chakravatparivartate .. 32..\\
bisa tanturyathaivAyamantasthaH sarvato bise . 
tR^iShNA tanturanAdyantastathA dehagataH sadA .. 33..\\
sUchyA sUtra.n yathA vastre sa.nsArayati vAyakaH . 
tadvatsa.nsArasUtra.n hi tR^iShNA sUchyA nibadhyate .. 34..\\
vikAraM prakR^iti.n chaiva puruShaM cha sanAtanam . 
yo yathAvadvijAnAti sa vitR^inso vimuchyate .. 35..\\
prakAshaM bhagavAnetadR^iShirnArAyaNo.amR^itam . 
bhUtAnAmanukampArtha.n jagAda jagato hitam .. 36..\\
\medskip\hrule\medskip\centerline{\Largedvng 211}
 y

kena vR^ittena vR^ittaGYo janako mithilAdhipaH . 
jagAma mokSha.n dharmaGYo bhogAnutsR^ijya mAnuShAn .. 1..\\

 bhii

atrApyudAharantImamitihAsaM purAtanam . 
yena vR^ittena vR^ittaGYaH sa jagAma mahatsukham .. 2..\\
janako janadevastu mithilAyA.n janAdhipaH . 
aurdhva dehika dharmANAmAsIdyukto vichintane .. 3..\\
tasya sma shatamAchAryA vasanti satata.n gR^ihe . 
darshayantaH pR^ithagdharmAnnAnA pAsanda vAdinaH .. 4..\\
sa teShAM pretya bhAve cha pretya jAtau vinishchaye . 
AgamasthaH sa bhUyiShThamAtmatattve na tuShyati .. 5..\\
tatra pa~nchashikho nAma kApileyo mahAmuniH . 
paridhAvanmahI.n kR^itsnAM jagAma mithilAm api .. 6..\\
sarvasaMnyAsadharmANA.n tattvaGYAnavinishchaye . 
suparyavasitArthashcha nirdvandvo naShTa saMshayaH .. 7..\\
R^iShINAmAhureka.n ya.n kAmAdavasitaM nR^iShu . 
shAshvata.n sukhamatyantamanvichchhansa sudurlabham .. 8..\\
yamAhuH kapila.n sA~NkhyAH paramarShiM prajApatim . 
sa manye tena rUpeNa vismApayati hi svayam .. 9..\\
AsureH prathama.n shiShyaM yamAhushchirajIvinam . 
pa~ncha srotasi yaH sattramAste varShasahasrikam .. 10..\\
ta.n samAsInamAgamya mandala.n kApilaM mahat . 
puruShAvasthamavyaktaM paramArthaM nibodhayat .. 11..\\
iShTi sattreNa sa.nsiddho bhUyashcha tapasA muniH . 
kShetrakShetraGYayorvyaktiM bubudhe deva darshanaH .. 12..\\
yattadekAkSharaM brahma nAnArUpaM pradR^ishyate . 
Asurirmandale tasminpratipede tadavyayam .. 13..\\
tasya pa~nchashikhaH shiShyo mAnuShyA payasA bhR^itaH . 
brAhmaNI kapilA nAma kA chidAsItkutumbinI .. 14..\\
tasyAH putratvamAgamya striyAH sa pibati stanau . 
tataH sa kApileyatva.n lebhe buddhi.n cha naiShThikIm .. 15..\\
etanme bhagavAnAha kApileyAya sambhavam . 
tasya tatkApileyatva.n sarvavittvamanuttamam .. 16..\\
sAmAnya.n kapilo GYAtvA dharmaGYAnAm anuttamam . 
upetya shatamAchAryAnmohayAmasa hetubhiH .. 17..\\
janakastvabhisa.nraktaH kApileyAnudarshanAt . 
utsR^ijya shatamAchAryAnpR^iShThato.anujagAma tam .. 18..\\
tasmai paramakalpAya pranatAya cha dharmataH . 
abravItparamaM mokSha.n yattatsA~NkhyaM vidhIyate .. 19..\\
jAtinirvedamuktvA hi karma nirvedamabravIt . 
karma nirvedamuktvA cha sarvanirvedamabravIt .. 20..\\
yadartha.n karma sa.nsargaH karmaNAM cha phalodayaH . 
tadanAshvAsikaM mogha.n vinAshi chalamadhruvam .. 21..\\
dR^ishyamAne vinAshe cha pratyakShe lokasAkShike . 
AgamAtparamastIti bruvannapi parAjitaH .. 22..\\
anAtmA hyAtmano mR^ityuH klesho mR^ityurjarA mayaH . 
AtmAnaM manyate mohAttadasamyakparaM matam .. 23..\\
atha chedevamapyasti yalloke nopapadyate . 
ajaro.ayamamR^ityushcha rAjAsau manyate tathA .. 24..\\
asti nAstIti chApyetattasminnasati lakShaNe . 
kimadhiShThAya tadbrUyAllokayAtrA vinishchayam .. 25..\\
pratyakSha.n hyetayormUla.n kR^itAntaitihyayorapi . 
pratyakSho hyAgamo.abhinnaH kR^itAnto vA na ki.n chana .. 26..\\
yatra tatrAnumAne.asti kR^itaM bhAvayate.api vA . 
anyo jIvaH sharIrasya nAstikAnAM mate smR^itaH .. 27..\\
reto vata kanIkAyA.n ghR^itapAkAdhivAsanam . 
jAtismR^itirayaH kAntaH sUryakAnto.ambulakShaNam .. 28..\\
pretya bhUtAtyayashchaiva devatAbhyupayAchanam . 
mR^ite karma nivR^ittishcha pramAnamiti nishchayaH .. 29..\\
na tvete hetavaH santi ye ke chinmUrti sa.nsthitAH . 
amartyasya hi martyena sAmAnyaM nopapadyate .. 30..\\
avidyA karma cheShTAnA.n ke chidAhuH punarbhavam . 
kAraNa.n lobhamohau tu doShANA.n cha niShevaNam .. 31..\\
avidyA.n kShetramAhurhi karma bIjaM tathA kR^itam . 
tR^iShNA sa~njanana.n sneha eSha teShAM punarbhavaH .. 32..\\
tasminvyUdhe cha dagdhe cha chitte maraNadharmiNi . 
anyo.anyAjjAyate dehastamAhuH sattvasa~NkShayam .. 33..\\
yadA sa rUpatashchAnyo jAtitaH shrutito.arthataH . 
kathamasminsa ityeva sambandhaH syAdasa.nhitaH .. 34..\\
eva.n sati cha kA prItirdAnavidyA tapobalaiH . 
yadanyAcharita.n karma sarvamanyaH prapadyate .. 35..\\
yadA hyayamihaivAnyaiH prAkR^itairduHkhito bhavet . 
sukhitairduHkhitairvApi dR^ishyo.apyasya vinirnayaH .. 36..\\
tathA hi musalairhanyaH sharIra.n tatpunarbhavet . 
pR^ithagGYAna.n yadanyachcha yenaitannopalabhyate .. 37..\\
R^ituH sa.nvatsarastithyaH shItoShNe cha priyApriye . 
yathAtItAni pashyanti tAdR^ishaH sattvasa~NkShayaH .. 38..\\
jarayA hi parItasya mR^ityunA vA vinAshinA . 
durbala.n durbalaM pUrvaM gR^ihasyeva vinashyati .. 39..\\
indriyANi mano vAyuH shonitaM mA.nsamasthi cha . 
AnupUrvyA vinashyanti sva.n dhAtumupayAnti cha .. 40..\\
lokayAtrA vidhAna.n cha dAnadharmaphalAgamaH . 
yadartha.n veda shabdAshcha vyavahArAshcha laukikAH .. 41..\\
iti samya~Nmanasyete bahavaH santi hetavaH . 
etadastIdamastIti na ki.n chitpratipadyate .. 42..\\
teShA.n vimR^ishatAmeva.n tattatsamabhidhAvatAm . 
kva chinnivishate buddhistatra jIryati vR^ikShavat .. 43..\\
evamarthairanarthaishcha duHkhitAH sarvajantavaH . 
AgamairapakR^iShyante hastipairhastino yathA .. 44..\\
arthA.nstathAtyantasukhAvahAMsh cha 
lipsanta ete bahavo vishulkAH . 
mahattara.n duHkhamabhiprapannA 
hitvAmiShaM mR^ityuvashaM prayAnti .. 45..\\
vinAshino hyadhruva jIvitasya 
kiM bandhubhirmitra parigrahaish cha . 
vihAya yo gachchhati sarvameva 
kShaNena gatvA na nivartate cha .. 46..\\
bhUvyoma toyAnala vAyavo hi 
sadA sharIraM paripAlayanti . 
itIdamAlakShya kuto ratibhaved 
vinAshino hyasya na sharma vidyate .. 47..\\
idamanupadhi vAkyamachchhalaM 
paramanirAmayamAtmasAkShikam . 
narapatirabhivIkShya vismitaH 
punaranuyoktumidaM prachakrame .. 48..\\
\medskip\hrule\medskip\centerline{\Largedvng 212}
 bhii

janako janadevastu GYApitaH paramarShiNA . 
punarevAnupaprachchha sAmprayAye bhavAbhavau .. 1..\\
bhagavanyadidaM pretya sa~nj~nA bhavati kasya chit . 
eva.n sati kimaGYAnaM GYAnaM vA ki.n kariShyati .. 2..\\
sarvamuchchheda niShTha.n syAtpashya chaitaddvijottama . 
apramattaH pramatto vA ki.n visheSha.n kariShyati .. 3..\\
asa.nsargo hi bhUteShu sa.nsargo vA vinAshiShu . 
kasmai kriyeta kalpena nishchayaH ko.atra tattvataH .. 4..\\
tamasA hi pratichchhanna.n vibhrAntamiva chAturam . 
punaH prashamayanvAkyaiH kaviH pa~nchashikho.abravIt .. 5..\\
uchchheda niShThA nehAsti bhAvaniShThA na vidyate . 
aya.n hyapi samAhAraH sharIrendriya chetasAm . 
vartate pR^ithaganyonyamapyapAshritya karmasu .. 6..\\
dhAtavaH pa~nchashAkho.aya.n kha.n vAyurjyotirambubhUH . 
te svabhAvena tiShThanti viyujyante svabhAvataH .. 7..\\
AkAsha.n vAyurUShmA cha sneho yachchApi pArthivam . 
eSha pa~ncha samAhAraH sharIramiti naikadhA . 
GYAnamUShmA cha vAyushcha trividhaH karmasa~NgrahaH .. 8..\\
indriyANIndriyArthAshcha svabhAvashchetanA manaH . 
prANApAnau vikArashcha dhAtavashchAtra niHsR^itAH .. 9..\\
shravaNa.n sparshana.n jihvA dR^iShTirnAsA tathaiva cha . 
indriyANIti pa~nchaite chittapUrva~NgamA guNAH .. 10..\\
tatra viGYAnasa.nyuktA trividhA vedanA dhruvA . 
sukhaduHkheti yAmAhuraduHkhetyasukheti cha .. 11..\\
shabdaH sparshashcha rUpa.n cha raso gandhashcha mUrtyatha . 
ete hyAmaraNAtpa~ncha so guNA GYAnasiddhaye .. 12..\\
teShu karma nisargashcha sarvatattvArtha nishchayaH . 
tamAhuH parama.n shukraM buddhirityavyayaM mahat .. 13..\\
ima.n guNasamAhAramAtmabhAvena pashyataH . 
asamyagdarshanairduHkhamanantaM nopashAmyati .. 14..\\
anAtmeti cha yaddR^iShTa.n tenAhaM na mametyapi . 
vartate kimadhiShThAnA prasaktA duHkhasantatiH .. 15..\\
tatra samya~Nmano nAma tyAgashAstramanuttamam . 
shR^iNu yattava mokShAya bhAsyamAnaM bhaviShyati .. 16..\\
tyAga eva hi sarveShAmuktAnAmapi karmaNAm . 
nityaM mithyA vinItAnA.n klesho duHkhAvaho mataH .. 17..\\
dravyatyAge tu karmANi bhogatyAge vratAnyapi . 
sukhatyAge tapoyogaH sarvatyAge samApanA .. 18..\\
tasya mArgo.ayamadvaidhaH sarvatyAgasya darshitaH . 
viprahAnAya duHkhasya durgatirhyanyathA bhavet .. 19..\\
pa~ncha GYAnendriyANyuktvA manaH sasthAni chetasi . 
manaH sasthAni vakShyAmi pa~ncha karmendriyANi tu .. 20..\\
hastau karmendriya.n GYeyamatha pAdau gatIndriyam . 
prajanAnandayoH shepho visarge pAyurindriyam .. 21..\\
vAktu shabdavisheShArtha.n gatiM pa~nchAnvitA.n viduH . 
evamekAdashaitAni buddhyA tvavasR^ijenmanaH .. 22..\\
karNau shabdashcha chitta.n cha trayaH shravaNasa~Ngrahe . 
tathA sparshe tathArUpe tathaiva rasagandhayoH .. 23..\\
evaM pa~ncha trikA hyete guNAstadupalabdhaye . 
yena yastrividho bhAvaH paryAyAtsamupasthitaH .. 24..\\
sAttviko rAjasashchaiva tAmasashchaiva te trayaH . 
trividhA vedanA yeShu prasUtA sarvasAdhanA .. 25..\\
praharShaH prItirAnandaH sukha.n saMshAnta chittatA . 
akutashchitkutashchidvA chittataH sAttviko guNaH .. 26..\\
atuShTiH paritApashcha shoko lobhastathAkShamA . 
li~NgAni rajasastAni dR^ishyante hetvahetutaH .. 27..\\
avivekastathA mohaH pramAdaH svapnatandritA . 
katha.n chidapi vartante vividhAstAmasA guNAH .. 28..\\
tatra yatprItisa.nyukta.n kAye manasi vA bhavet . 
vartate sAttviko bhAva ityapekSheta tattathA .. 29..\\
yattu santApasa.nyuktamaprItikaramAtmanaH . 
pravR^itta.n raja ityeva tatastadabhichintayet .. 30..\\
atha yanmohasa.nyukta.n kAye manasi vA bhavet . 
apratarkyamaviGYeya.n tamastadupadhArayet .. 31..\\
taddhi shrotrAshrayaM bhUta.n shabdaH shrotraM samAshritaH . 
nobhaya.n shabdaviGYAne viGYAnasyetarasya vA .. 32..\\
eva.n tvakchakShuShI jihvA nAsikA chaiva pa~nchamI . 
sparshe rUpe rase gandhe tAni cheto manash cha tat .. 33..\\
svakarma yugapadbhAvo dashasveteShu tiShThati . 
chittamekAdasha.n viddhi buddhirdvAdashamI bhavet .. 34..\\
teShAmayugapadbhAve uchchhedo nAsti tAmasaH . 
Asthito yugapadbhAve vyavahAraH sa laukikaH .. 35..\\
indriyANyavasR^ijyApi dR^iShTvA pUrva.n shrutAgamam . 
chintayannAnuparyeti tribhirevAnvito guNaiH .. 36..\\
yattamopahata.n chittamAshu sa~ncAramadhruvam . 
karotyuparama.n kAle tadAhustAmasa.n sukham .. 37..\\
yadyadAgamasa.nyuktaM na kR^itsnamupashAmyati . 
atha tatrApyupAdatte tamo vyaktamivAnR^itam .. 38..\\
evameSha prasa~NkhyAtaH svakarma pratyayI guNaH . 
katha.n chidvartate samyakkeShAM chidvA na vartate .. 39..\\
evamAhuH samAhAra.n kShetramadhyAtmachintakAH . 
sthito manasi yo bhAvaH sa vai kShetraGYa uchyate .. 40..\\
eva.n sati ka uchchhedaH shAshvato vAkathaM bhavet . 
svabhAvAdvartamAneShu sarvabhUteShu hetutaH .. 41..\\
yathArNava gatA nadyo vyaktIrjahati nAma cha . 
na cha svatAM niyachchhanti tAdR^ishaH sattvasa~NkShayaH .. 42..\\
eva.n sati kutaH sa~nj~nA pretya bhAve punarbhavet . 
prati saMmishrite jIve gR^ihyamANe cha madhyataH .. 43..\\
imA.n tu yo veda vimokShabuddhim 
AtmAnamanvichchhati chApramattaH . 
na lipyate karmaphalairaniShTaiH 
pattraM bisasyeva jalena siktam .. 44..\\
dR^idhairshcha pAshairbahubhirvimuktaH 
prajA nimittairapi daivataish cha . 
yadA hyasau sukhaduHkhe jahAti 
muktastadAgryA.n gatimetyali~NgaH . 
shrutipramAnAgama ma~Ngalaish cha 
shete jarAmR^ityubhayAdatItaH .. 45..\\
kShINe cha puNye vigate cha pApe 
tato nimitte cha phale vinaste . 
alepamAkAshamali~Ngamevam 
AsthAya pashyanti mahaddhyasaktAH .. 46..\\
yathorNa nAbhiH parivartamAnas 
tantu kShaye tiShThati pAtyamAnaH . 
tathA vimuktaH prajahAti duHkhaM 
vidhva.nsate loShTa ivAdrimarchchhan .. 47..\\
yathA ruruH shR^i~Ngamatho purANaM 
hitvA tvacha.n vApyurago yathAvat . 
vihAya gachchhatyanavekShamANas 
tathA vimukto vijahAti duHkham .. 48..\\
druma.n yathA vApyudake patantam 
utsR^ijya pakShI prapatatyasaktaH . 
tathA hyasau sukhaduHkhe vihAya 
muktaH parArdhyA.n gatimetyali~NgaH .. 49..\\
api cha bhavati maithilena gItaM 
naragamupAhitamagninAbhivIkShya . 
na khalu mama tuSho.api dahyate.atra 
svayamidamAha kila sma bhUmipAlaH .. 50..\\
idamamR^itapada.n videharAjaH 
svayamiha pa~nchashikhena bhAsyamAnaH . 
nikhilamabhisamIkShya nishchitArthaM 
paramasukhI vijahAra vItashokaH .. 51..\\
ima.n hi yaH pathati vimokShanishchayaM 
na hIyate satatamavekShate tathA . 
upadravAnnAnubhavatyaduHkhitaH 
pramuchyate kapilamivaitya maithilaH .. 52..\\
\medskip\hrule\medskip\centerline{\Largedvng 213}
 y

ki.n kurvansukhamApnoti kiM kurvanduHkhamApnute . 
ki.n kurvannirbhayo loke siddhashcharati bhArata .. 1..\\

 bhii

damameva prasha.nsanti vR^iddhAH shrutisamAdhayaH . 
sarveShAmeva varNAnAM brAhmaNasya visheShataH .. 2..\\
nAdAntasya kriyA siddhiryathAvadupalabhyate . 
kriyA tapashcha vedAshcha dame sarvaM pratiShThitam .. 3..\\
damastejo vardhayati pavitra.n dama uchyate . 
vipApmA nirbhayo dAntaH puruSho vindate mahat .. 4..\\
sukha.n dAntaH prasvapiti sukhaM cha pratibudhyate . 
sukha.n loke viparyeti manashchAsya prasIdati .. 5..\\
tejo damena dhriyate na tattIkShNo.adhigachchhati . 
amitrAMshcha bahUnnityaM pR^ithagAtmani pashyati .. 6..\\
kravyAdbhya iva bhUtAnAmadAntebhyaH sadA bhayam . 
teShA.n vipratiShedhArthaM rAjA sR^iShTaH svayambhuvA .. 7..\\
AshrameShu cha sarveShu dama eva vishiShyate . 
yachcha teShu phala.n dharme bhUyo dAnte taduchyate .. 8..\\
teShA.n li~NgAni vakShyAmi yeShAM samudayo damaH . 
akArpaNyamasa.nrambhaH santoShaH shraddadhAnatA .. 9..\\
akrodha ArjavaM nityaM nAtivAdo na mAnitA . 
guru pUjAnasUyA cha dayA bhUteShvapaishunam .. 10..\\
janavAdamR^iShA vAdastuti nindA vivarjanam . 
sAdhu kAmashchAspR^ihayannAyAti pratyayaM nR^iShu .. 11..\\
avairakR^itsUpachAraH samo nindA prasha.nsayoH . 
suvR^ittaH shIlasampannaH prasannAtmAtmavAnbudhaH . 
prApya loke cha satkAra.n svargaM vai pretya gachchhati .. 12..\\
sarvabhUtahite yukto na smayAddveShTi vai janam . 
mahAhrada ivAkShobhya praGYA tR^iptaH prasIdati .. 13..\\
abhaya.n sarvabhUtebhyaH sarveShAmabhayaM yataH . 
namasyaH sarvabhUtAnA.n dAnto bhavati GYAnavAn .. 14..\\
na hR^iShyati mahatyarthe vyasane cha na shochati . 
sa vai parimita praGYaH sa dAnto dvija uchyate .. 15..\\
karmabhiH shrutasampannaH sadbhirAcharitaiH shubhaiH . 
sadaiva damasa.nyuktastasya bhu~Nkte mahatphalam .. 16..\\
anasUyA kShamA shAntiH santoShaH priyavAditA . 
satya.n dAnamanAyAso naiSha mArgo durAtmanAm .. 17..\\
kAmakrodhau vashe kR^itvA brahmachArI jitendriyaH . 
vikramya ghore tapasi brAhmaNaH saMshitavrataH . 
kAlAkA~NkShI charellokAnnirapAya ivAtmavAn .. 18..\\
\medskip\hrule\medskip\centerline{\Largedvng 214}
 y

dvijAtayo vratopetA yadidaM bhu~njate haviH . 
annaM brAhmaNa kAmAya kathametatpitAmaha .. 1..\\

 bhii

avedokta vratopetA bhu~njAnAH kAryakAriNaH . 
vedokteShu cha bhu~njAnA vrataluptA yudhiShThira .. 2..\\

 y

yadida.n tapa ityAhurupavAsaM pR^ithagjanAH . 
etattapo mahArAja utAho ki.n tapo bhavet .. 3..\\

 bhii

mAsapakShopavAsena manyante yattapo janAH . 
AtmatantropaghAtaH sa na tapastatsatAM matam . 
tyAgashcha sannatishchaiva shiShyate tapa uttamam .. 4..\\
sadopavAsI cha bhavedbrahmachArI sadaiva cha . 
munishcha syAtsadA vipro daivata.n cha sadA bhajet .. 5..\\
kutumbiko dharmakAmaH sadA svapnashcha bhArata . 
amA.nsAshI sadA cha syAtpavitra.n cha sadA japet .. 6..\\
amR^itAshI sadA cha syAnna cha syAdviShabhojanaH . 
vighasAshI sadA cha syAtsadA chaivAtithi priyaH .. 7..\\

 y

katha.n sadopavAsI syAdbrahmachArI kathaM bhavet . 
vighasAshI katha.n cha syAtsadA chaivAtithi priyaH .. 8..\\

 bhii

antarA prAtarAsha.n cha sAyamAshaM tathaiva cha . 
sadopavAsI cha bhavedyo na bhu~Nkte katha.n chana .. 9..\\
bhAryA.n gachchhanbrahmachArI R^itau bhavati brAhmaNaH . 
R^itavAdI sadA cha syAjGYAnanityashcha yo naraH .. 10..\\
abhakShayanvR^ithA mA.nsamamA.nsAshI bhavatyuta . 
dAnanityaH pavitrashcha asvapnashcha divA svapan .. 11..\\
bhR^ityAtithiShu yo bhu~Nkte bhuktavatsu sadA sa ha . 
amR^ita.n sakalaM bhu~Nkta iti viddhi yudhiShThira .. 12..\\
abhuktavatsu nAshnAnaH satata.n yastu vai dvijaH . 
abhojanena tenAsya jitaH svargo bhavatyuta .. 13..\\
devatAbhyaH pitR^ibhyashcha bhR^ityebhyo.atithibhiH saha . 
avashiShTa.n tu yo.ashnAti tamAhurvighasAsinam .. 14..\\
teShA.n lokA hyaparyantAH sadane brahmaNA saha . 
upasthitAshchApsarobhiH pariyAnti divaukasaH .. 15..\\
devatAbhishcha ye sArdhaM pitR^ibhishchopabhu~njate . 
ramante putrapautraishcha teShA.n gatiranuttamA .. 16..\\
\medskip\hrule\medskip\centerline{\Largedvng 215}
 y

yadida.n karma loke.asmi~nshubha.n vA yadi vAshubham . 
puruSha.n yojayatyeva phalayogena bhArata .. 1..\\
kartA svittasya puruSha utAho neti saMshayaH . 
etadichchhAmi tattvena tvattaH shrotuM pitAmaha .. 2..\\

 bhii

atrApyudAharantImamitihAsaM purAtanam . 
prahrAdasya cha sa.nvAdamindrasya cha yudhiShThira .. 3..\\
asakta.n dhUtapApmAnaM kule jAtaM bahushrutam . 
astambhamanaha~NkAra.n sattvasthaM samaye ratam .. 4..\\
tulyanindAstuti.n dAnta.n shUnyAgAra niveshanam . 
charAcharANAM bhUtAnA.n viditaprabhavApyayam .. 5..\\
akrudhyantamahR^iShyantamapriyeShu priyeShu cha . 
kA~nchane vAtha loShTe vA ubhayoH samadarshanam .. 6..\\
AtmaniHshreyasaGYAne dhIraM nishchita nishchayam . 
parAvaraGYaM bhUtAnA.n sarvaGYaM samadarshanam .. 7..\\
shakraH prahrAdamAsInamekAnte sa.nyatendriyam . 
bubhutsamAnastatpraGYAmabhigamyedamabravIt .. 8..\\
yaiH kaishchItsaMmato loke guNaiH syAtpuruSho nR^iShu . 
bhavatyanapagAnsarvA.nstAnguNA.NllakShayAmahe .. 9..\\
atha te lakShyate buddhiH samA bAla janairiha . 
AtmAnaM manyamAnaH sa~nshreyaH kimiha manyase .. 10..\\
baddhaH pAshaishchyutaH sthAnAddviShatA.n vashamAgataH . 
shriyA vihInaH prahrAda shochitavye na shochasi .. 11..\\
praGYA lAbhAttu daiteya utAho dhR^itimattayA . 
prahrAda svastharUpo.asi pashyanvyasanamAtmanaH .. 12..\\
iti sa~ncoditastena dhIro nishchita nishchayaH . 
uvAcha shlakShNayA vAchA svAM praGYAmanuvarNayan .. 13..\\
pravR^itti.n cha nivR^ittiM cha bhUtAnA.n yo na budhyate . 
tasya stambho bhavedbAlyAnnAsti stambho.anupashyataH .. 14..\\
svabhAvAtsampravartante nivartante tathaiva cha . 
sarve bhAvAstathA bhAvAH puruShArtho na vidyate .. 15..\\
puruShArthasya chAbhAve nAsti kashchitsvakArakaH . 
svaya.n tu kurvatastasya jAtu mAno bhavediha .. 16..\\
yastu kartAramAtmAnaM manyate sAdhvasAdhunoH . 
tasya doShavatI praGYA svamUrtyaGYeti me matiH .. 17..\\
yadi syAtpuruShaH kartA shakrAtma shreyase dhruvam . 
ArambhAstasya sidhyeranna cha jAtu parAhavet .. 18..\\
aniShTasya hi nirvR^ittiranivR^ittiH priyasya cha . 
lakShyate yatamAnAnAM puruShArthastataH kutaH .. 19..\\
aniShTasyAbhinirvR^ittimiShTasa.nvR^ittimeva cha . 
aprayatnena pashyAmaH keShA.n chittatsvabhAvataH .. 20..\\
pratirUpa dharAH ke chiddR^ishyante buddhisattamAH . 
virUpebhyo.alpabuddhibhyo lipsamAnA dhanAgamam .. 21..\\
svabhAvapreritAH sarve nivishante guNA yadA . 
shubhAshubhAstadA tatra tasya kiM mAnakAraNam .. 22..\\
svabhAvAdeva tatsarvamiti me nishchitA matiH . 
AtmapratiShThitA praGYA mama nAsti tato.anyathA .. 23..\\
karmaja.n tviha manye.ahaM phalayoga.n shubhAshubham . 
karmaNA.n viShaya.n kR^itsnamahaM vakShyAmi tachchhR^iNu .. 24..\\
yathA vedayate kashchidodana.n vAyaso vadan . 
eva.n sarvANi karmANi svabhAvasyaiva lakShaNam .. 25..\\
vikArAneva yo veda na veda prakR^itiM parAm . 
tasya stambho bhavedbAlyAnnAsti stambho.anupashyataH .. 26..\\
svabhAvabhAvino bhAvAnsarvAneveha nishchaye . 
budhyamAnasya darpo vA mAno vA ki.n kariShyati .. 27..\\
veda dharmavidhi.n kR^itsnaM bhUtAnAM chApyanityatAm . 
tasmAchchhakra na shochAmi sarva.n hyevedamantavat .. 28..\\
nirmamo niraha~NkAro nirIho muktabandhanaH . 
svastho.avyapetaH pashyAmi bhUtAnAM prabhavApyayau .. 29..\\
kR^itapraGYasya dAntasya vitR^iShNasya nirAshiShaH . 
nAyAsa vidyate shakra pashyato lokavidyayA .. 30..\\
prakR^itau cha vikAre cha na me prItirna cha dviShe . 
dveShTAraM na cha pashyAmi yo mamAdya mamAyate .. 31..\\
nordhvaM nAvAnna tiryakcha na kva chichchhakra kAmaye . 
na viGYAne na viGYeye nAGYAne sharma vidyate .. 32..\\

 zakra

yenaiShA labhyate praGYA yena shAntiravApyate . 
prabrUhi tamupAyaM me samyakprahrAda pR^ichchhate .. 33..\\

 prahlaada

ArjavenApramAdena prasAnenAtmavattayA . 
vR^iddhashushrUsayA shakra puruSho labhate mahat .. 34..\\
svabhAvAllabhate praGYA.n shAntimeti svabhAvataH . 
svabhAvAdeva tatsarva.n yatki.n chidanupashyasi .. 35..\\

 bhii

ityukto daitya patinA shakro vismayamAgamat . 
prItimAMshcha tadA rAja.nstadvAkyaM pratyapUjayat .. 36..\\
sa tadAbhyarchya daityendra.n trailokyapatirIshvaraH . 
asurendramupAmantya jagAma svaM niveshanam .. 37..\\
\medskip\hrule\medskip\centerline{\Largedvng 216}
 y

yayA buddhyA mahIpAlo bhraShTa shrIrvicharenmahIm . 
kAladaNDa viniShpiShTastanme brUhi pitAmaha .. 1..\\

 bhii

atrApyudAharantImamitihAsaM purAtanam . 
vAsavasya cha sa.nvAdaM balervairochanasya cha .. 2..\\
pitAmahamupAgatya pranipatya kR^itA~njaliH . 
sarvAnevAsurA~njitvA baliM paprachchha vAsavaH .. 3..\\
yasya sma dadato vittaM na kadA chana hIyate . 
taM baliM nAdhigachchhAmi brahmannAchakShva me balim .. 4..\\
sa eva hyastamayate sa sma vidyotate dishaH . 
sa varShati sma varShANi yathAkAlamatandritaH . 
taM baliM nAdhigachchhAmi brahmannAchakShva me balim .. 5..\\
sa vAyurvaruNashchaiva sa raviH sa cha chandramAH . 
so.agnistapati bhUtAni pR^ithivI cha bhavatyuta . 
taM baliM nAdhigachchhAmi brahmannAchakShva me balim .. 6..\\

 brahmaa

naitatte sAdhu maghavanyadetadanupR^ichchhasi . 
pR^iShTastu nAnR^itaM brUyAttasmAdvakShyAmi te balim .. 7..\\
uShTreShu yadi vA goShu khareShvashveShu vA punaH . 
variShTho bhavitA jantuH shUnyAgAre shachIpate .. 8..\\

 zakra

yadi sma balinA brahma~nshUnyAgAre sameyivAn . 
hanyAmenaM na vA hanyA.n tadbrahmannanushAdhi mAm .. 9..\\

 brahmaa

mA sma shakra bali.n hi.nsIrna balirvadhamarhati . 
nyAyA.nstu shakra prastavyastvayA vAsava kAmyayA .. 10..\\

 bhii

evamukto bhagavatA mahendraH pR^ithivI.n tadA . 
chachArairAvata skandhamadhiruhya shriyA vR^itaH .. 11..\\
tato dadarsha sabali.n kharaveSheNa sa.nvR^itam . 
yathA khyAtaM bhagavatA shUnyAgAra kR^itAlayam .. 12..\\

 zakra

kharayonimanuprAptastuShabhakSho.asi dAnava . 
iya.n te yoniradhamA shoShasyAho na shochasi .. 13..\\
adR^iShTaM bata pashyAmi dviShatA.n vashamAgatam . 
shriyA vihInaM mitraishcha bhraShTa vIryaparAkramam .. 14..\\
yadyadyAnasahasreNa GYAtibhiH parivAritaH . 
lokAnpratApayansarvAnyAsyasmAnavitarkayan .. 15..\\
tvanmukhAshchaiva daiteyA vyatiShTha.nstava shAsane . 
akR^iShTapachyA pR^ithivI tavaishvarye babhUva ha . 
ida.n cha te.adya vyasana.n shochasyAho na shochasi .. 16..\\
yadAtiShThaH samudrasya pUrvakUle vilelihan . 
GYAtibhyo vibhajanvitta.n tadAsItte manaH katham .. 17..\\
yatte sahasrasamitA nanR^iturdeva yoShitaH . 
bahUni varShapUgAni vihAre dIpyataH shriyA .. 18..\\
sarvAH puShkara mAlinyaH sarvAH kA~nchanasaprabhAH . 
kathamadya tadA chaiva manaste dAnaveshvara .. 19..\\
chhattra.n tavAsItsumahatsauvarNaM mani bhUShitam . 
nanR^ituryatra gandharvAH saH sahasrANi saptadhA .. 20..\\
yUpastavAsItsumahA~njayataH sarvakA~nchanaH . 
yatrAdadaH sahasrANAmayutAni gavA.n dasha .. 21..\\
yadA tu pR^ithivI.n sarvAM yajamAno.anuparyayAH . 
shamyAkShepeNa vidhinA tadAsItkiM nu te hR^idi .. 22..\\
na te pashyAmi bhR^i~NgAraM na chhattra.n vyajanaM na cha . 
brahmadattA.n cha te mAlAM na pashyAmyasurAdhipa .. 23..\\

 bali

na tvaM pashyasi bhR^i~NgAraM na chhattra.n vyajanaM na cha . 
brahmadattA.n cha me mAlAM na tvaM drakShyasi vAsava .. 24..\\
guhAyAM nihitAni tvaM mama ratnAni pR^ichchhasi . 
yadA me bhavitA kAlastadA tva.n tAni drakShyasi .. 25..\\
na tvetadanurUpa.n te yashaso vA kulasya vA . 
samR^iddhArtho.asamR^iddhArtha.n yanmA.n katthitumichchhasi .. 26..\\
na hi duHkheShu shochanti na prahR^iShyanti charddhiShu . 
kR^itapraGYA GYAnatR^iptAH kShAntAH santo manIsinaH .. 27..\\
tva.n tuprAkR^itayA buddhyA purandara vikatthase . 
yadAhamiva bhAvI tva.n tadA naiva.n vadiShyasi .. 28..\\
\medskip\hrule\medskip\centerline{\Largedvng 217}
 bhii

punareva tu ta.n shakraH prahasannidamabravIt . 
niHshvasanta.n yathA nAgaM pravyAhArAya bhArata .. 1..\\
yattadyAnasahasreNa GYAtibhiH parivAritaH . 
lokAnpratApayansarvAnyAsyasmAnavitarkayan .. 2..\\
dR^iShTvA sukR^ipaNA.n chemAmavasthAmAtmano bale . 
GYAtimitra parityaktaH shochasyAho na shochasi .. 3..\\
prItiM prAtyAtulAM pUrva.n lokAMshchAtmavashe sthitAm . 
vinipAtamima.n chAdya shochasyAho na shochasi .. 4..\\

 bali

anityamupalakShyeda.n kAlaparyAyamAtmanaH . 
tasmAchchhakra na shochAmi sarva.n hyevedamantavat .. 5..\\
antavanta ime dehA bhUtAnAmamarAdhipa . 
tena shakra na shochAmi nAparAdhAdidaM mama .. 6..\\
jIvita.n cha sharIraM cha pretya vai saha jAyate . 
ubhe saha vivardhete ubhe saha vinashyataH .. 7..\\
tadIdR^ishamidaM bhAvamavashaH prApya kevalam . 
yadyevamabhijAnAmi kA vyathA me vijAnataH .. 8..\\
bhUtAnAM nidhanaM niShThA srotasAmiva sAgaraH . 
naitatsamyagvijAnanto narA muhyanti vajrabhR^it .. 9..\\
ye tvevaM nAbhijAnanti rajo mohaparAyanAH . 
te kR^ichchhraM prApya sIdanti buddhiryeShAM pranashyati .. 10..\\
buddhilAbhe hi puruShaH sarvaM nudati kilbiSham . 
vipApmA labhate sattva.n sattvasthaH samprasIdati .. 11..\\
tatastu ye nivartante jAyante vA punaH punaH . 
kR^ipaNAH paritapyante te.anarthairparichoditAH .. 12..\\
arthasiddhimanartha.n cha jIvitaM maraNaM tathA . 
sukhaduHkhaphala.n chaiva na dveShmi na cha kAmaye .. 13..\\
hata.n hanti hato hyeva yo naro hanti ka.n chana . 
ubhau tau na vijAnIto yashcha hanti hatashcha yaH .. 14..\\
hatvA jitvA cha maghavanyaH kashchitpuruShAyate . 
akartA hyeva bhavati kartA tveva karoti tat .. 15..\\
ho hi lokasya kurute vinAshaprabhavAvubhau . 
kR^ita.n hi tatkR^itenaiva kartA tasyApi chAparaH .. 16..\\
pR^ithivI vAyurAkAshamApo jyotishcha pa~nchamam . 
etadyonIni bhUtAni tatra kA paridevanA .. 17..\\
mahAvidyo.alpavidyashcha balavAndurbalashcha yaH . 
darshanIyashvirUpashcha subhago durbhagashcha yaH .. 18..\\
sarva.n kAlaH samAdatte gambhIraH svena tejasA . 
tasminkAlavashaM prApte kA vyathA me vijAnataH .. 19..\\
dagdhamevAnudahati hatamevAnuhanti cha . 
nashyate naShTamevAgre labdhavya.n labhate naraH .. 20..\\
nAsya dvIpaH kutaH pAraM nAvAraH sampradR^ishyate . 
nAntamasya prapashyAmi vidherdivyasya chintayam .. 21..\\
yadi me pashyataH kAlo bhUtAni na vinAshayet . 
syAnme harshashcha darpashcha krodhashchaiva shachIpate .. 22..\\
tuShabhakSha.n tu mA.n GYAtvA pravivikta jane gR^ihe . 
bibhrata.n gArdabha.n rUpamAdishya parigarhase .. 23..\\
ichchhannaha.n vikuryAM hi rUpANi bahudhAtmanaH . 
vibhIsanAni yAnIkShya palAyethAstvameva me .. 24..\\
kAlaH sarva.n samAdatte kAlaH sarvaM prayachchhati . 
kAlena vidhR^ita.n sarvaM mA kR^ithAH shakra pauruSham .. 25..\\
purA sarvaM pravyathate mayi kruddhe purandara . 
avaimi tvasya lokasya dharma.n shakra sanAtanam .. 26..\\
tvamapyevamapekShasva mAtmanA vismaya.n gamaH . 
prabhavashcha prabhAvashcha nAtma sa.nsthaH kadA chana .. 27..\\
kaumArameva te chitta.n tathaivAdya yathA purA . 
samavekShasva maghavanbuddhi.n vindasva naiShThikIm .. 28..\\
devA manuShyAH pitaro gandharvoragarAkShasAH . 
Asansarve mama vashe tatsarva.n vettha vAsava .. 29..\\
namastasyai dishe.apyastu yasyA.n vairochano baliH . 
iti mAmabhyapadyanta buddhimAtsaya mohitAH .. 30..\\
nAha.n tadanushochAmi nAtma bhraMsha.n shachIpate . 
evaM me nishchitA buddhiH shAstustiShThAmyaha.n vashe .. 31..\\
dR^ishyate hi kule jAto darshanIyaH pratApavAn . 
duHkha.n jIvansahAmAtyo bhavitavya.n hi tattathA .. 32..\\
dauShkulelyastathA mUDho durjAtaH shakra dR^ishyate . 
sukha.n jIvansahAmAtya bhavitavya.n hi tattathA .. 33..\\
kalyAnI rUpasampannA durbhagA shakra dR^ishyate . 
alakShaNA virUpA cha subhagA shakra dR^ishyate .. 34..\\
naitadasmatkR^ita.n shakra naitachchhakra tvayA kR^itam . 
yattvameva~Ngato vajrinyadvApyeva~NgatA vayam .. 35..\\
na karma tava nAnyeShA.n kuto mama shatakrato . 
R^iddhirvApyatha vA narddhiH paryAya kR^itameva tat .. 36..\\
pashyAmi tvA virAjanta.n devarAjamavasthitam . 
shrImanta.n dyutimantaM cha garjantaM cha mamopari .. 37..\\
etachchaivaM na chetkAlo mAmAkramya sthito bhavet . 
pAtayeyamaha.n tvAdya savarjamapi muShTinA .. 38..\\
na tu vikramakAlo.aya.n kShamA kAlo.ayamAgataH . 
kAlaH sthApayate sarva.n kAlaH pachati vai tathA .. 39..\\
mA.n chedabhyAgataH kAlo dAnaveshvaramUrjitam . 
garjantaM pratapanta.n cha kamanyaM nAgamiShyati .. 40..\\
dvAdashAnA.n hi bhavatAmAdityAnAM mahAtmanAm . 
tejA.nsyekena sarveShA.n devarAjahR^itAni me .. 41..\\
ahamevodvahAmyApo visR^ijAmi cha vAsava . 
tapAmi chaiva trailokya.n vidyotAmyahameva cha .. 42..\\
sa.nrakShAmi vilumpAmi dadAmyahamathAdade . 
sa.nyachchhAmi niyachchhAmi lokeShu prabhurIshvaraH .. 43..\\
tadadya vinivR^ittaM me prabhutvamamarAdhipa . 
kAlasainyAvagAdhasya sarvaM na pratibhAti me .. 44..\\
nAha.n kartA na chaiva tvaM nAnyakkartA shachIpate . 
paryAyena hi bhujyante lokAH shakra yadR^ichchhayA .. 45..\\
mAsArdha mAsaveshmAnamahorAtrAbhisa.nvR^itam . 
R^itudvAra.n varShamukhamAhurvedavido janAH .. 46..\\
AhuH sarvamida.n chintyaM janAH ke chinmanIsayA . 
asyAH pa~nchaiva chintAyAH paryeShyAmi cha pa~nchadhA .. 47..\\
ganbhIra.n gahanaM brahma mahattoyArNava.n yathA . 
anAdi nidhana.n chAhurakSharaM parameva cha .. 48..\\
sattveShu li~NgamAveshya nali~Ngamapi tatsvayam . 
manyante dhruvamevaina.n ye narAstattvadarshinaH .. 49..\\
bhUtAnA.n tu viparyAsaM manyate gatavAniti . 
na hyetAvadbhavedgamyaM nayasmAtprakR^iteH paraH .. 50..\\
gati.n hi sarvabhUtAnAmagatvA kva gamiShyasi . 
yo dhAvatA na hAtavyastiShThannapi na hIyate . 
tamindriyANi sarvANi nAnupashyanti pa~nchadhA .. 51..\\
Ahushchaina.n ke chidagniM ke chidAhuH prajApatim . 
R^itumAsArdha mAmAMshcha divasA.nstu kShaNA.nstathA .. 52..\\
pUrvAhnamaparAhna.n cha madhyAhnamapi chApare . 
muhUrtamapi chaivAhureka.n santamanekadhA . 
ta.n kAlamavajAnIhi yasya sarvamida.n vashe .. 53..\\
bahunIndra sahasrANi samatItAni vAsava . 
balavIryopapannAni yathaiva tva.n shachIpate .. 54..\\
tvAmapyatibala.n shakra.n devarAjaM balotkatam . 
prApte kAle mahAvIryaH kAlaH saMshamayiShyati .. 55..\\
ya ida.n sarvamAdatte tasmAchchhakra sthiro bhava . 
mayA tvayA cha pUrvaishcha na sa shakyo.ativartitum .. 56..\\
yAmetAM prApya jAnIse rAjashriyamanuttamAm . 
sthitA mayIti tanmithyA naiShA hyekatra tiShThati .. 57..\\
sthitA hIndra sahasreShu tvadvishiShTatameShviyam . 
mA.n cha lolA parityajya tvAmagAdvibudhAdhipa .. 58..\\
maiva.n shakra punaH kArShIH shAnto bhavitumarhasi . 
tvAmapyeva~Ngata.n tyaktvA kShipramanyaM gamiShyati .. 59..\\
\medskip\hrule\medskip\centerline{\Largedvng 218}
 bhii

shatakraturathApashyadbalerdIptAM mahAtmanaH . 
svarUpiNI.n sharIrAddhi tadA niShkrAmatIM shriyam .. 1..\\
tA.n dIptAM prabhayA dR^iShTvA bhagavAnpAkashAsanaH . 
vismayotphullanayano baliM paprachchha vAsavaH .. 2..\\
bale keyamapakrAntA rochamAnA shikhandinI . 
tvattaH sthitA sakeyUrA dIpyamAnA svatejasA .. 3..\\

 bali

na hImAmAsurI.n vedmi na daivIM na cha mAnuShIm . 
tvamevainAM pR^ichchha mA vA yatheShTa.n kuru vAsava .. 4..\\

 zakra

kA tvaM balerapakrAntA rochamAnA shikhandinI . 
ajAnato mamAchakShva nAmadheya.n shuchismite .. 5..\\
kA tva.n tiShThasi mAyeva dIpyamAnA svatejasA . 
hitvA daityeshvara.n subhru tanmamAchakShva tattvataH .. 6..\\

 zrii

na mA virochano veda na mA vairochano baliH . 
AhurmA.n duHsahetyeva.n vidhitseti cha mAM viduH .. 7..\\
bhUtirlakShmIti mAmAhuH shrIrityeva.n cha vAsava . 
tvaM mA.n shakra na jAnIse sarve devA na mAM viduH .. 8..\\

 zakra

kimida.n tvaM mama kR^ite utAho balinaH kR^ite . 
duHsahe vijahAsyena.n chirasa.nvAsinI satI .. 9..\\

 zrii

na dhAtA na vidhAtA mA.n vidadhAti katha.n chana . 
kAlastu shakra paryAyAnmaina.n shakrAvamanyathAH .. 10..\\

 zakra

katha.n tvayA balistyaktaH kimartha.n vA shikhandini . 
katha.n cha mAM na jahyAstvaM tanme brUhi shuchismite .. 11..\\

 zrii

satye sthitAsmi dAne cha vrate tapasi chaiva hi . 
parAkrame cha dharme cha parAchInastato baliH .. 12..\\
brahmaNyo.aya.n sadA bhUtvA satyavAdI jitendriyaH . 
abhyasUyadbrAhmaNAnvai uchchhiShTashchAspR^ishadghR^itam .. 13..\\
yaGYashIlaH purA bhUtvA mAm eva yajatetyayam . 
provAcha lokAnmUDhAtmA kAlenopanipIditaH .. 14..\\
apAkR^itA tataH shakra tvayi vatsyAmi vAsava . 
apramattena dhAryAsmi tapasA vikrameNa cha .. 15..\\

 zakra

asti devamanuShyeShu sarvabhUteShu vA pumAn . 
yastvAmeko viShahitu.n shaknuyAtkamalAlaye .. 16..\\

 zrii

naiva devo na gandharvo nAsuro na cha rAkShasaH . 
yo mAmeko viShahitu.n shaktaH kashchitpurandara .. 17..\\

 zakra

tiShThethA mayi nitya.n tva.n yathA tadbrUhi me shubhe . 
tatkariShyAmi te vAkyamR^ita.n tva.n vaktumarhasi .. 18..\\

 zrii

sthAsyAmi nitya.n devendra yathA tvayi nibodha tat . 
vidhinA veda dR^iShTena chaturdhA vibhajasva mAm .. 19..\\

 zakra

aha.n vai tvA nidhAsyAmi yathAshakti yathAbalam . 
na tu me.atikramaH syAdvai sadA lakShmitavAntike .. 20..\\
bhUmireva manuShyeShu dhAraNI bhUtabhAvinI . 
sA te pAda.n titikSheta samahA hIti me matiH .. 21..\\

 zrii

eSha me nihitaH pAdo yo.ayaM bhUmau pratiShThitaH . 
dvitIya.n shakra pAdaM me tasmAtsunihita.n kuru .. 22..\\

 zakra

Apa eva manuShyeShu dravantyaH parichArikAH . 
tAste pAda.n titikShantAmalamApastitikShitum .. 23..\\

 zrii

eSha me nihitaH pAdo yo.ayamapsu pratiShThitaH . 
tR^itIya.n shakra pAdaM me tasmAtsunihita.n kuru .. 24..\\

 zakra

yasmindevAshcha yaGYAshcha yasminvedAH pratiShThitAH . 
tR^itIyaM pAdamagniste sudhR^ita.n dhArayiShyati .. 25..\\

 zrii

eSha me nihitaM pAdo yo.ayamagnau pratiShThitaH . 
chaturtha.n shakra pAdaM me tasmAtsunihita.n kuru .. 26..\\

 zakra

ye vai santo manuShyeShu brahmaNyAH satyavAdinaH . 
te te pAda.n titikShantAmala.n santastitikShitum .. 27..\\

 zrii

eSha me nihitaH pAdo yo.aya.n satsu pratiShThitam . 
eva.n vinihitAM shakra bhUteShu paridhatsva mAm .. 28..\\

 zakra

bhUtAnAmiha vai yastvA mayA vinihitA.n satIm . 
upahanyAtsa me dviShyAttathA shR^iNvantu me vachaH .. 29..\\

 bhii

tatastyaktaH shriyA rAjA daityAnAM balirabravIt . 
yAvatpurastAtpratapettAvadvai dakShiNA.n disham .. 30..\\
pashchimA.n tAvadevApi tathodIchIM divAkaraH . 
tathA madhyandine sUryo astameti yadA tadA . 
punardevAsura.n yuddhaM bhAvi jetAsmi vastadA .. 31..\\
sarvA.NllokAnyadAditya ekasthastApayiShyati . 
tadA devAsure yuddhe jetAha.n tvA.n shatakrato .. 32..\\

 zakra

brahmaNAsmi samAdiShTo na hantavyo bhavAniti . 
tena te.ahaM bale vajraM na vimu~nchAmi mUrdhani .. 33..\\
yatheShTa.n gachchha daityendra svasti te.astu mahAsura . 
Adityo nAvatapitA kadA chinmadhyataH sthitaH .. 34..\\
sthApito hyasya samayaH pUrvameva svayambhuvA . 
ajasraM pariyAtyeSha satyenAvatapanprajAH .. 35..\\
ayana.n tasya ShaNmAsA uttaraM dakShiNaM tathA . 
yena sa.nyAti lokeShu shItoShNe visR^ijanraviH .. 36..\\

 bhii

evamuktastu daityendro balirindreNa bhArata . 
jagAmadakShiNAmAshAmudIchI.n tu purandaraH .. 37..\\
ityetadbalinA gItamanaha~NkAra sa~nj~nitam . 
vAkya.n shrutvA sahasrAkShaH khamevAruruhe tadA .. 38..\\
\medskip\hrule\medskip\centerline{\Largedvng 219}
 bhii

atraivodAharantImamitihAsaM purAtanam . 
shatakratoshcha sa.nvAdaM namucheshcha yudhiShThira .. 1..\\
shriyA vihInamAsInamakShobhyamiva sAgaram . 
bhavAbhavaGYaM bhUtAnAmityuvAcha purandaraH .. 2..\\
baddhaH pAshaishchyutaH sthAnAddviShatA.n vashamAgataH . 
shriyA vihIno namuche shochasyAho na shochasi .. 3..\\

 namuchi

anavApya.n cha shokena sharIraM chopatapyate . 
amitrAshcha prahR^iShyanti nAsti shoke sahAyatA .. 4..\\
tasmAchchhakra na shochAmi sarva.n hyevedamantavat . 
santApAdbhrashyate rUpa.n dharmashchaiva sureshvara .. 5..\\
vinIya khalu tadduHkhamAgatA.n vaimanasyajam . 
dhyAtavyaM manasA hR^idya.n kalyAna.n sa.nvijAnatA .. 6..\\
yathA yathA hi puruShaH kalyAne kurute manaH . 
tadaivAsya prasIdanti sarvArthA nAtra saMshayaH .. 7..\\
ekaH shAstA na dvitIyo.asti shAstA 
garbhe shayAnaM puruSha.n shAsti shAstA . 
tenAnushiShTaH pravanAdivodakaM 
yathA niyukto.asmi tathA vahAmi .. 8..\\
bhAvAbhAvAvabhijAnangarIyo 
jAnAmi shreyo na tu tatkaromi . 
AshAsu dharmyAH suhR^idA.n sukurvan 
yathA niyukto.asmi tathA vahAmi .. 9..\\
yathA yathAsya prAptavyaM prApnotyeva tathA tathA . 
bhavitavya.n yathA yachcha bhavatyeva tathA tathA .. 10..\\
yatra yatraiva sa.nyukte dhAtA garbhaM punaH punaH . 
tatra tatraiva vasati na yatra svayamichchhati .. 11..\\
bhAvo yo.ayamanuprApto bhavitavyamidaM mama . 
iti yasya sadA bhAvo na sa muhyetkadA chana .. 12..\\
paryAyairhanyamAnAnAmabhiyoktA na vidyate . 
duHkhametattu yaddveShTA kartAhamiti manyate .. 13..\\
R^iShIMshcha devAMshcha mahAsurAMsh cha 
traividya vR^iddhAMshcha vane munIMsh cha . 
kAnnApado nopanamanti loke 
parAvaraGYAstu na sambhramanti .. 14..\\
na paNDitaH krudhyati nApi sajjate 
na chApi sa.nsIdati na hR^iShyati . 
na chArthakR^ichchhravyasaneShu shochati 
sthitaH prakR^ityA himavAnivAchalaH .. 15..\\
yamarthasiddhiH paramA na harShayet 
tathaiva kAle vyasanaM na mohayet . 
sukha.n cha duHkhaM cha tathaiva madhyamaM 
niShevate yaH sa dhurandharo naraH .. 16..\\
yA.n yAmavasthAM puruSho.adhigachchhet 
tasyA.n rametAparitapyamAnaH . 
evaM pravR^iddhaM pranudenmanojaM 
santApamAyAsa kara.n sharIrAt .. 17..\\
tatsadaH sa pariShatsabhAsadaH 
prApya yo na kurute sabhA bhayam . 
dharmatattvamavagahya buddhimAn 
yo.abhyupaiti sa pumAndhurandharaH .. 18..\\
prAGYasya karmANi duranvayAni 
na vai prAGYo muhyati mohakAle . 
sthanAchchyutash chenna mumoha gautamas 
tAvatkR^ichchhrAmApadaM prApya vR^iddhaH .. 19..\\
na mantrabalavIryeNa praGYayA pauruSheNa vA . 
alabhya.n labhate martyastatra kA paridevanA .. 20..\\
yadevamanujAtasya dhAtAro vidadhuH purA . 
tadevAnubhaviShyAmi kiM me mR^ityuH kariShyati .. 21..\\
labdhavyAnyeva labhate gantavyAnyeva gachchhati . 
prAptavyAnyeva prApnoti duHkhAni cha sukhAni cha .. 22..\\
etadviditvA kArtsnyena yo na muhyati mAnavaH . 
kushalaH sukhaduHkheShu sa vai sarvadhaneshvaraH .. 23..\\
\medskip\hrule\medskip\centerline{\Largedvng 220}
 y

magnasya vyasane kR^ichchhre ki.n shreyaH puruShasya hi . 
bandhunAshe mahIpAla rAjyanAne.api vA punaH .. 1..\\
tva.n hi naH paramo vaktA loke.asminbharatarShabha . 
etadbhavantaM pR^ichchhAmi tanme vaktumihArhasi .. 2..\\

 bhii

putradAraiH sukhaish chaiva viyuktasya dhanena cha . 
magnasya vyasane kR^ichchhre dhR^itiH shreyaH karI nR^ipa .. 3..\\
dhairyeNa yuktasya sataH sharIraM na vishIryate . 
ArogyAchcha sharIrasya sa punarvindate shriyam .. 4..\\
yasya rAGYo narAstAta sAttvikI.n vR^ittimAsthitAH . 
tasya sthairya.n cha dharyaM cha vyavasAyash cha karmasu .. 5..\\
atraivodAharantImamitihAsaM purAtanam . 
balivAsava sa.nvAdaM punareva yudhiShThira .. 6..\\
vR^itte devAsure yuddhe daityadAnava sa~NkShaye . 
viShNukrAnteShu lokeShu devarAje shatakratau .. 7..\\
ijyamAneShu deveShu chAturvarNye vyavasthite . 
samR^idhyamAne trailokye prItiyukte svayambhuvi .. 8..\\
rudrairvasubhirAdityairashvibhyAmapi charShibhiH . 
gandharvairbhujagendraishcha siddhairshchAnyairvR^itaH prabhuH .. 9..\\
chaturdanta.n sudAnta.n cha vAraNendraM shriyA vR^itam . 
AruhyairAvata.n shakrastrailokyamanusa.nyayau .. 10..\\
sa kadA chitsamudrAnte kasmiMsh chidgirigahvare . 
bali.n vairochaniM vaGYI dadarshopasasarpa cha .. 11..\\
tamairAvata mUrdhasthaM prekShya devagaNairvR^itam . 
surendramindra.n daityendro na shushocha na vivyathe .. 12..\\
dR^iShTvA tamavikArastha.n tiShThantaM nirbhayaM balim . 
adhirUDho dvipashreShThamityuvAcha shatakratuH .. 13..\\
daitya na vyathase shairyAdatha vA vR^iddhasevayA . 
tapasA bhAvitatvAdvA sarvathaitatsuduShkaram .. 14..\\
shatrubhirvashamAnIto hInaH sthAnAdanuttamAt . 
vairochane kimAshritya shochitavye na shochasi .. 15..\\
shraiShThyaM prApya svajAtInAM bhuktvA bhogAnanuttamAn . 
hR^itasvabalarAjyastvaM brUhi tasmAnna shochasi .. 16..\\
Ishvaro hi purA bhUtvA pitR^ipaitamahe pade . 
tattvamadya hR^ita.n dR^iShTvA sapatnaiH kiM na shochasi .. 17..\\
baddhashcha vAruNaiH pAshairvajreNa cha samAhataH . 
hR^itadAro hR^itadhano brUhi kasmAnna shochasi .. 18..\\
bhraShTa shrIrvibhava bhraShTo yanna shochasi duShkaram . 
trailokyarAjyanAshe hi ko.anyo jIvitumutsahet .. 19..\\
etachchAnyachcha paruShaM bruvantaM paribhUya tam . 
shrutvA sukhamasambhrAnto balirvairochano.abravIt .. 20..\\
nigR^ihIte mayi bhR^isha.n shakra ki.n katthitena te . 
vajramudyamya tiShThantaM pashyAmi tvAM purandara .. 21..\\
ashaktaH pUrvamAsIstva.n kathaM chichchhaktatAM gataH . 
kastvadanya imA vAchaH sukrUrA vaktumarhati .. 22..\\
yastu shatrorvashasthasya shakto.api kurute dayAm . 
hastaprAptasya vIrasya ta.n chaiva puruSha.n viduH .. 23..\\
anishchayo hi yuddheShu dvayorvivadamAnayoH . 
ekaH prApnoti vijayamekashchaiva parAbhavam .. 24..\\
mA cha te bhUtsvabhAvo.ayaM mayA daivatapu~Ngava . 
IshvaraH sarvabhUtAnA.n vikrameNa jito balAt .. 25..\\
naitadasmatkR^ita.n shakra naitachchhakra tvayA kR^itam . 
yattvameva~Ngato vajrinyadvApyeva~NgatA vayam .. 26..\\
ahamAsa.n yathAdya tvaM bhavitA tvaM yathA vayam . 
mAvamansthA mayA karma duShkR^ita.n kR^itamityuta .. 27..\\
sukhaduHkhe hi puruShaH paryAyenAdhigachchhati . 
paryAyenAsi shakratvaM prAptaH shakra na karmaNA .. 28..\\
kAlaH kAle nayati mA.n tvAM cha kAlo nayatyayam . 
tenAha.n tva.n yathA nAdya tvaM chApi na yathA vayam .. 29..\\
na mAtR^ipitR^ishushrUsA na cha daivatapUjanam . 
nAnyo guNasamAchAraH puruShasya sukhAvahaH .. 30..\\
na vidyA na tapo dAnaM na mitrANi na bandhavAH . 
shaknuvanti paritrAtuM nara.n kAlena pIDitam .. 31..\\
nAgAminamanartha.n hi pratighAta shatairapi . 
shaknuvanti prativyodhumR^ite buddhibalAnnaraH .. 32..\\
paryAyairhanyamAnAnAM paritrAtA na vidyate . 
ida.n tu duHkha.n yachchchhakra kartAhamiti manyate .. 33..\\
yadi kartA bhavetkartA na kriyeta kadA chana . 
yasmAttu kriyate kartA tasmAtkartApyanIshvaraH .. 34..\\
kAlena tvAhamajaya.n kAlenAhaM jitastvayA . 
gantA gatimatA.n kAlaH kAlaH kalayati prajAH .. 35..\\
indra prAkR^itayA buddhyA pralapannAvabudhyase . 
ke chittvAM bahu manyante shraiShThyaM prApta.n svakarmaNA .. 36..\\
kathamasmadvidho nAma jAna.NllokapravR^ittayaH . 
kAlenAbhyAhataH shochenmuhyedvApyarthasambhrame .. 37..\\
nitya.n kAlaparItasya mama vA madvidhasya vA . 
buddhirvyasanamAsAdya bhinnA nauriva sIdati .. 38..\\
aha.n cha tvaM cha ye chAnye bhaviShyanti surAdhipAH . 
te sarve shakra yAsyanti mArgamindra shatairgatam .. 39..\\
tvAmapyeva.n sudurdharSha.n jvalantaM parayA shriyA . 
kAle parinate kAlaH kAlayiShyati mAm iva .. 40..\\
bahUnIndra sahasrANi daiteyAnA.n yuge yuge . 
abhyatItAni kAlena kAlo hi duratikramaH .. 41..\\
ida.n tu labdhvA tva.n sthAnamAtmAnaM bahu manyase . 
sarvabhUtabhava.n devaM brahmANamiva shAshvatam .. 42..\\
na chedamachala.n sthAnamanantaM vApi kasya chit . 
tva.n tu bAlishayA buddhyA mamedamiti manyase .. 43..\\
avishvAsye vishvasiShi manyase chAdhruva.n dhruvam . 
mameyamiti mohAttva.n rAjashriyamabhIpsasi .. 44..\\
neya.n tava na chAsmAkaM na chAnyeShA.n sthirA matA . 
atikramya bahUnanyA.nstvayi tAvadiya.n sthitA .. 45..\\
ka.n chitkAlamiya.n sthitvA tvayi vAsava cha~nchalA . 
gaurnipAnamivotsR^ijya punaranya.n gamiShyati .. 46..\\
rAjalokA hyatikrAntA yAnna sa~NkhyAtumutsahe . 
tvatto bahutarAshchAnye bhaviShyanti purandara .. 47..\\
savR^ikShauShadhi ratreya.n sasaritparvatAkarA . 
tAnidAnIM na pashyAmi yairbhukteyaM purA mahI .. 48..\\
pR^ithurailo mayo bhaumo narakaH shambarastathA . 
ashvagrIvaH pulomA cha svarbhAnuramitadhvajaH .. 49..\\
prahrAdo namuchirdakSho viprachittirvirochanaH . 
hrIniShedhaH suhotrashcha bhUrihA puShpavAnvR^iShaH .. 50..\\
satyeShurR^iShabho rAhuH kapilAshvo virUpakaH . 
bAnaH kArtasvaro vahnirvishvada.nstro.atha nairR^itaH .. 51..\\
ritthAhutthau vIra tAmrau varAhAshvo ruchiH prabhuH . 
vishvajitpratishaurishcha vR^iShANDo viShkaro madhuH .. 52..\\
hiraNyakashipushchaiva kaitabhashchaiva dAnavaH . 
daityAshcha kAlakha~njAshcha sarve te nairR^itaiH saha .. 53..\\
ete chAnye cha bahavaH pUrve pUrvatarAsh cha ye . 
daityendrA dAnavendrAshcha yAMshchAnyAnanushushruma .. 54..\\
bahavaH pUrvadaityendrAH santyajya pR^ithivI.n gatAH . 
kAlenAbhyAhatAH sarve kAlo hi balavattaraH .. 55..\\
sarvaiH kratushatairiShTaM na tvamekaH shatakratuH . 
sarve dharmaparAshchAsansarve satatasattriNaH .. 56..\\
antarikShacharAH sarve sarve.abhimukhayodhinaH . 
sarve sa.nhananopetAH sarve parighabAhavaH .. 57..\\
sarve mAyA shatadharAH sarve te kAmachAriNaH . 
sarve samaramAsAdya na shrUyante parAjitAH .. 58..\\
sarve satyavrataparAH sarve kAmavihAriNaH . 
sarve veda vrataparAH sarve chAsanbahushrutAH .. 59..\\
sarve sa.nhatamaishvaryamIshvarAH pratipedire . 
na chaishvaryaM madasteShAM bhUtapUrvo mahAtmanAm .. 60..\\
sarve yathArthadAtAraH sarve vigatamatsarAH . 
sarve sarveShu bhUteShu yathAvatpratipedire .. 61..\\
sarve dAkShAyaNI putrAH prAjApatyA mahAbalAH . 
jvalantaH pratapantashcha kAlena pratisa.nhR^itAH .. 62..\\
tva.n chaivemA yadA bhuktvA pR^ithivIM tyakShyase punaH . 
na shakShyasi tadA shakra niyantu.n shokamAtmanaH .. 63..\\
mu~nchechchhA.n kAmabhogeShu mu~nchema.n shrIbhavaM madam . 
eva.n svarAjyanAshe tvaM shokaM samprasahiShyasi .. 64..\\
shokakAle shucho mA tva.n harShakAle cha mA hR^iShaH . 
atItAnAgate hitvA pratyutpannena vartaya .. 65..\\
mA.n chedabhyAgataH kAlaH sadA yuktamatandritam . 
kShamasva nachirAdindra tvAmapyupagamiShyati .. 66..\\
trAsayanniva devendra vAgbhirtakShasi mAm iha . 
sa.nyate mayi nUna.n tvamAtmAnaM bahu manyase .. 67..\\
kAlaH prathamamAyAnmAM pashchAttvamanudhAvati . 
tena garjasi devendra pUrva.n kAlahate mayi .. 68..\\
ko hi sthAtumala.n loke kruddhasya mama sa.nyuge . 
kAlastu balavAnprAptastena tiShThasi vAsava .. 69..\\
yattadvarShasahasrAntaM pUrNaM bhavitumarhati . 
yathA me sarvagAtrANi na svasthAni hataujasaH .. 70..\\
ahamaindrachchyutaH sthAnAttvamindraH prakR^ito divi . 
suchitre jIvaloke.asminnupAsyaH kAlaparyayAt .. 71..\\
ki.n hi kR^itvA tvamindrAdya kiM hi kR^itvA chyutA vayam . 
kAlaH kartA vikartA cha sarvamanyadakAraNam .. 72..\\
nAsha.n vinAshamaishvaryaM sukhaduHkhe bhavAbhavau . 
viprAnprApyaivamatyarthaM na prahR^iShyenna cha vyathet .. 73..\\
tvameva hIndra vetthAsmAnvedAha.n tvAM cha vAsava . 
vikatthase mA.n kiM baddhaM kAlena nirapatrapa .. 74..\\
tvameva hi purA vettha yattadA pauruShaM mama . 
samareShu cha vikrAntaM paryApta.n tannidarshanam .. 75..\\
AdityAshchaiva rudrAshcha sAdhyAshcha vasubhiH saha . 
mayA vinirjitAH sarve marutashcha shachIpate .. 76..\\
tvameva shakra jAnAsi devAsurasamAgame . 
sametA vibudhA bhagnAstarasA samare mayA .. 77..\\
parvatAshchAsakR^itkShiptAH savanAH savanaukasaH . 
sata~Nka shikharA ghorAH samare mUrdhni te mayA .. 78..\\
kiM nu shakyaM mayA kartu.n yatkAlo duratikramaH . 
na hi tvAM notsahe hantu.n savajramapi muShTinA .. 79..\\
na tu vikramakAlo.aya.n kShamA kAlo.ayamAgataH . 
tena tvA marShaye shakra durmarShaNatarastvayA .. 80..\\
tvaM mA parinate kAle parIta.n kAlavahninA . 
niyata.n kAlapAshena baddha.n shakra vikatthase .. 81..\\
aya.n sa puruShaH shyAmo lokasya duratikramaH . 
baddhvA tiShThati mA.n raudraH pashuM rashanayA yathA .. 82..\\
lAbhAlAbhau sukha.n duHkhaM kAmakrodhau bhavAbhavau . 
vadho bandhaH pramokShashcha sarva.n kAlena labhyate .. 83..\\
nAha.n kartA na kartA tvaM kartA yastu sadA prabhuH . 
so.ayaM pachati kAlo mA.n vR^ikShe phalamivAgatam .. 84..\\
yAnyeva puruShaH kurvansukhaiH kAlena yujyate . 
punastAnyeva kurvANo duHkhaiH kAlena yujyate .. 85..\\
na cha kAlena kAlaGYaH spR^iShTaH shochitumarhati . 
tena shakra na shochAmi nAsti shoke sahAyatA .. 86..\\
yadA hi shochatA.n shoko vyasanaM nApakarShati . 
sAmarthya.n shochato nAsti nAdya shochAmyaha.n tataH .. 87..\\
evamuktaH sahasrAkSho bhagavAnpAkashAsanaH . 
pratisa.nhR^itya sa.nrambhamityuvAcha shatakratuH .. 88..\\
savajramudyataM bAhu.n dR^iShTvA pAshAMshcha vAruNAn . 
kasyeha na vyathedbuddhirmR^ityorapi jighA.nsataH .. 89..\\
sA te na vyathate buddhirachalA tattvadarshinI . 
bruvanna vyathase sa tva.n vAkyaM satyaparAkrama .. 90..\\
ho hi vishvAsamartheShu sharIre vA sharIrabhR^it . 
kartumutsahate loke dR^iShTvA samprasthita.n jagat .. 91..\\
ahamapyevamevaina.n loka.n jAnAmi shAshvatam . 
kAlAgnAvAhita.n ghore guhye satatage.akShare .. 92..\\
na chAtra parihAro.asti kAlaspR^iShTasya kasya chit . 
sUkShmANAM mahatA.n chaiva bhUtAnAM paripachyatAm .. 93..\\
anIshasyApramattasya bhUtAni pachataH sadA . 
anivR^ittasya kAlasya kShayaM prApto na muchyate .. 94..\\
apramattaH pramatteShu kAlo jAgarti dehiShu . 
prayatnenApyatikrAnto dR^iShTapUrvo na kena chit .. 95..\\
purANaH shAshvato dharmaH sarvaprANabhR^itA.n samaH . 
kAlo na parihAryashcha na chAsyAsti vyatikramaH .. 96..\\
ahorAtrAMshcha mAsAMshcha kShaNAnkAShThAH kalA lavAn . 
sampindayati naH kAlo buddhi.n vArdhuShiko yathA .. 97..\\
idamadya kariShyAmi shvaH kartAsmIti vAdinam . 
kAlo harati samprApto nadIvega ivodupam .. 98..\\
idAnI.n tAvadevAsau mayA dR^iShTaH kathaM mR^itaH . 
iti kAlena hriyatAM pralApaH shrUyate nR^iNAm .. 99..\\
nashyantyarthAstathA bhogAH sthAnamaishvaryameva cha . 
anityamadhruva.n sarvaM vyavasAyo hi duShkaraH . 
uchchhrAyA vinipAtAntA bhAvAbhAvastha eva cha .. 100..\\
sA te na vyathate buddhirachalA tattvadarshinI . 
ahamAsaM purA cheti manasApi na budhyase .. 101..\\
kAlenAkramya loke.asminpachyamAne balIyasA . 
ajyeShThamakaniShTha.n cha kShipyamANo na budhyase .. 102..\\
IrShyAbhimAna lobheShu kAmakrodhabhayeShu cha . 
spR^ihA mohAbhimAneShu lokaH sakto vimuhyati .. 103..\\
bhavA.nstu bhAvatattvaGYo vidvA~nGYAnatapo.anvitaH . 
kAlaM pashyati suvyaktaM pAnAvAmalaka.n yathA .. 104..\\
kAlachAritratattvaGYaH sarvashAstravishAradaH . 
vairochane kR^itAtmAsi spR^ihaNIyo vijAnatAm .. 105..\\
sarvaloko hyayaM manye buddhyA parigatastvayA . 
viharansarvato mukto na kva chitpariShajjase .. 106..\\
rajashcha hi tamashcha tvA spR^ishato na jitendriyam . 
niShprItiM naShTa santApa.n tvamAtmAnamupAsase .. 107..\\
suhR^ida.n sarvabhUtAnAM nirvairaM shAntamAnasam . 
dR^iShTvA tvAM mama sa~njAtA tvayyanukroshanI matiH .. 108..\\
nAhametAdR^ishaM buddhi.n hantumichchhAmi bandhane . 
AnR^isha.nsyaM paro dharmo anukroshastathA tvayi .. 109..\\
mokShyante vAruNAH pAshAstaveme kAlaparyayAt . 
prajAnAmapachAreNa svasti te.astu mahAsura .. 110..\\
yadA shvashrU.n snuShA vR^iddhAM parichAreNa yokShyate . 
putrashcha pitaraM mohAtpreShayiShyati karmasu .. 111..\\
brAhmaNaiH kArayiShyanti vR^iShalAH pAdadhAvanam . 
shUdrAshcha brAhmaNIM bharyAmupayAsyanti nirbhayAH .. 112..\\
viyoniShu cha bIjAni mokShyante puruShA yadA . 
sa~Nkara.n kA.nsyabhAndaishcha baliM chApi kupAtrakaiH .. 113..\\
chAturvarNya.n yadA kR^itsnamunmaryAdaM bhaviShyati . 
ekaikaste tadA pAshaH kramashaH pratimokShyate .. 114..\\
asmattaste bhayaM nAsti samayaM pratipAlaya . 
sukhI bhava nirAbAdhaH svasthachetA nirAmayaH .. 115..\\
tamevamuktvA bhagavA~nshatakratuH 
pratiprayAto gajarAjavAhanaH . 
vijitya sarvAnasurAnsurAdhipo 
nananda harSheNa babhUva chaikarAT .. 116..\\
maharShayastuShTuvura~njasA cha taM 
vR^iShAkapi.n sarvacharAchareshvaram . 
himApaho havyamudAvaha.nstvara.ns 
tathAmR^ita.n chArpitamIshvarAya ha .. 117..\\
dvijottamaiH sarvagatairabhiShTuto 
vidIpta tejA gatamanyurIshvaraH . 
prashAntachetA muditaH svamAlayaM 
triviShTapaM prApya mumoda vAsavaH .. 118..\\
\medskip\hrule\medskip\centerline{\Largedvng 221}
 y

pUrvarUpANi me rAjanpuruShasya bhaviShyataH . 
parAbhaviShyatashchaiva tvaM me brUhi pitAmaha .. 1..\\

 bhii

mana eva manuShyasya pUrvarUpANi sha.nsati . 
bhaviShyatashcha bhadra.n te tathaiva na bhaviShyataH .. 2..\\
atrApyudAharantImamitihAsaM purAtanam . 
shriyA shakrasya sa.nvAda.n tannibodha yudhiShThira .. 3..\\
mahatastapaso vyuShTyA pashya.Nllokau parAvarau . 
sAmAnyamR^iShibhirgatvA brahmalokanivAsibhiH .. 4..\\
brahmaivAmita dIptaujAH shAntapApmA mahAtapAH . 
vichachAra yathAkAma.n triShu lokeShu nAradaH .. 5..\\
kadA chitprAtarutthAya pispR^ikShuH salila.n shuchi . 
dhruvadvAra bhavA.n ga~NgAM jagAmAvatatAra cha .. 6..\\
sahasranayanashchApi vajrI shambara pAkahA . 
tasyA devarShijuShTAyAstIramabhyAjagAma ha .. 7..\\
tAvAplutya yatAtmAnau kR^itajapyau samAsatuH . 
nadyAH pulinamAsAdya sUkShmakA~nchanavAlikam .. 8..\\
puNyakarmabhirAkhyAtA devarShikathitAH kathAH . 
chakratustau kathAshIlau shuchi sa.nhR^iShTamAnasau . 
pUrvavR^ittavyapetAni kathayantau samAhitau .. 9..\\
atha bhAskaramudyanta.n rashmijAlapuraskR^itam . 
pUrNamandalamAlokya tAvutthAyopatasthatuH .. 10..\\
abhitastUdayanta.n tamarkamarkamivAparam . 
AkAshe dadR^ishe jyotirudyatArchiH samaprabham .. 11..\\
tayoH samIpa.n samprAptaM pratyadR^ishyata bhArata . 
tatsuparNArka charitamAsthita.n vaiShnavaM padam . 
bhAbhirapratimaM bhAti trailokyamavabhAsayat .. 12..\\
divyAbhirUpa shobhAbhirapsarobhiH puraskR^itAm . 
bR^ihatImaMshumatprakhyAM bR^ihadbhAnorivArchiSham .. 13..\\
nakShatrakalpAbharaNA.n tArA bhaktisamasrajam . 
shriya.n dadR^ishatuH padmA.n sAkShAtpadmatalasthitAm .. 14..\\
sAvaruhya vimAnAgrAda~NganAnAmanuttamA . 
abhyagachchhattrilokesha.n shakra.n charShiM cha nAradam .. 15..\\
nAradAnugataH sAkShAnmaghavA.nstAmupAgamat . 
kR^itA~njaliputo devIM nivedyAtmAnamAtmanA .. 16..\\
chakre chAnupamAM pUjA.n tasyAshchApi sa sarvavit . 
devarAjaH shriya.n rAjanvAkya.n chedamuvAcha ha .. 17..\\
kA tva.n kena cha kAryeNa samprAptA chAruhAsini . 
kutashchAgamyate subhru gantavya.n kva cha te shubhe .. 18..\\

 zrii

puNyeShu triShu lokeShu sarve sthAvaraja~NgamaH . 
mamAtmabhAvamichchhanto yatante paramAtmanA .. 19..\\
sAha.n vai pa~Nkaje jAtA sUryarashmi vibodhite . 
bhUtyartha.n sarvabhUtAnAM padmA shrIH padmamAlinI .. 20..\\
aha.n lakShmIrahaM bhUtiH shrIshchAhaM balasUdana . 
aha.n shraddhA cha medhA cha sannatirvijitiH sthitiH .. 21..\\
aha.n dhR^itiraha.n siddhirahaM tviDbhUtireva cha . 
aha.n svAhA svadhA chaiva sa.nstutirniyatiH kR^itiH .. 22..\\
rAGYA.n vijayamAnAnAM senAgreShu dhvajeShu cha . 
nivAse dharmashIlAnA.n viShayeShu pureShu cha .. 23..\\
jitakAshini shUre cha sa~NgrAmeShvanivartini . 
nivasAmi manuShyendre sadaiva balasUdalan .. 24..\\
dharmanitye mahAbuddhau brahmaNye satyavAdini . 
prashrite dAnashIle cha sadaiva nivasAmyaham .. 25..\\
asureShvavasa.nspUrva.n satyadharmanibandhanA . 
vipArItA.nstu tAnbuddhvA tvayi vAsamarochayam .. 26..\\

 zakra

katha.n vR^itteShu daityeShu tvamavAtsIrvarAnane . 
dR^iShTvA cha kimihAgAstva.n hitvA daiteya dAnavAn .. 27..\\

 zrii

svadharmamanutiShThatsu dhairyAdachaliteShu cha . 
svargamArgAbhirAmeShu sattveShu niratA hyaham .. 28..\\
dAnAdhyayanayaGYejyA guru daivatapUjanam . 
viprANAmatithInA.n cha teShAM nityamavartata .. 29..\\
susaMmR^iShTa gR^ihAshchAsa~njitastrIkA hutAgnayaH . 
guru shushrUsavo dAntA brahmaNyAH satyavAdinaH .. 30..\\
shraddadhAnA jitakrodhA dAnashIlAnasUyakAH . 
bhR^itaputrA bhR^itAmAtyA bhR^itadArA hyanIrShavaH .. 31..\\
amarShaNA na chAnyonya.n spR^ihayanti kadA chana . 
na cha jAtUpatapyante dhIrAH parasamR^iddhibhiH .. 32..\\
dAtAraH sa~NgR^ihItAra AryAH karuNavedinaH . 
mahAprasAdA R^ijavo dR^idha bhaktA jitendriyAH .. 33..\\
santuShTabhR^ityasachivAH kR^itaGYAH priyavAdinaH . 
yathArthamAnArtha karA hrIniShedhA yatavratAH .. 34..\\
nityaM parvasu susnAtAH svanuliptAH svala~NkR^itAH . 
upavAsatapaH shIlAH pratItA brahmavAdinaH .. 35..\\
nainAnabhyudiyAtsUryo na chApyAsanpragenishAH . 
rAtrau dadhi cha saktUMsh cha nityameva vyavarjayan .. 36..\\
kAlya.n ghR^itaM chAnvavekShanprayatA brahmachAriNaH . 
ma~NgalAnapi chApashyanbrAhmaNAMshchApyapUjayan .. 37..\\
sadA hi dadatA.n dharmaH sadA chApratigR^ihNatAm . 
ardha.n cha rAtryAH svapatAM divA chAsvapatAM tathA .. 38..\\
kR^ipaNAnAtha vR^iddhAnA.n durbalAtura yoShitAm . 
dAya.n cha sa.nvibhAgaM cha nityamevAnumodatAm .. 39..\\
viShaNNa.n trastamudvignaM bhayArta.n vyAdhipIDitam . 
hR^itasva.n vyasanArta.n cha nityamAshvAsayanti te .. 40..\\
dharmamevAnvavartanta na hi.nsanti parasparam . 
anukUlAMshcha kAryeShu guru vR^iddhopasevinaH .. 41..\\
pitR^idevAtithIMshchaiva yathAvatte.abhyapUjayan . 
avasheShANi chAshnanti nitya.n satyatapo ratAH .. 42..\\
naike.ashnanti susampannaM na gachchhanti parastriyam . 
sarvabhUteShvavartanta yathAtmani dayAM prati .. 43..\\
naivAkAshe na pashuShu nAyonau na cha parvasu . 
indriyasya visarga.n te.arochayanta kadA chana .. 44..\\
nitya.n dAnaM tathA dAkShyamArjavaM chaiva nityadA . 
utsAhashchAnaha~NkAraH parama.n sauhR^ida.n kShamA .. 45..\\
satya.n dAnaM tapaH shauchaM kAruNya.n vAganiShThurA . 
mitreShu chAnabhidrohaH sarva.n teShvabhavatprabho .. 46..\\
nidrA tandrI rasaM prItirasUyA chAnavekShitA . 
aratishcha viShAdashcha na spR^ihA chAvishanta tA .. 47..\\
sAhameva~NguNeShveva dAnaveShvavasaM purA . 
prajA sargamupAdAya naika.n yugaviparyamam .. 48..\\
tataH kAlaviparyAse teShA.n guNaviparyayAt . 
apashya.n vigata.n dharmaM kAmakrodhavashAtmanAm .. 49..\\
sabhA sadA.n te vR^iddhAnA.n satyAH kathayatAM kathAH . 
prAhasannabhyasUyaMshcha sarvavR^iddhAnguNAvarAH .. 50..\\
yUnaH saha samAsInAnvR^iddhAnabhigatAnsataH . 
nAbhyutthAnAbhivAdAbhyA.n yathApUrvamapUjayan .. 51..\\
vartayantyeva pitari putrAH prabhavatAtmanaH . 
amitrabhR^ityatAM prApya khyApayanto.anapatrapAH .. 52..\\
tathA dharmAdapetena karmaNA garhitena ye . 
mahataH prApnuvantyarthA.nsteShveShAmabhavatspR^ihA .. 53..\\
uchchhaishchApyavadanrAtrau nIchaistatrAgnirajvalat . 
putrAH pitR^InabhyavadanbhAryAshchAbhyavadanpatIn .. 54..\\
mAtaraM pitara.n vR^iddhamAchAryamatithi.n gurum . 
guruvannAbhyanandanta kumArAnnAnvapAlayan .. 55..\\
bhikShAM balimadattvA cha svayamannAni bhu~njate . 
aniShTvA sa.nvibhajyAtha pitR^idevAtithIngurUn .. 56..\\
na shauchamanurudhyanta teShA.n sUdajanAstathA . 
manasA karmaNA vAchA bhakamAsIdanAvR^itam .. 57..\\
viprakIrNAni dhAnyAni kAkamUShaka bhojanam . 
apAvR^itaM payo.atiShThaduchchhiShTAshchAspR^ishanghR^itam .. 58..\\
kuddAla pAtI patakaM prakIrNa.n kA.nsyabhAjanam . 
dravyopakaraNa.n sarvaM nAnvavaikShatkutumbinI .. 59..\\
prAkArAgAra vidhva.nsAnna sma te pratikurvate . 
nAdriyante pashUnbaddhvA yavasenodakena cha .. 60..\\
bAlAnAM prekShamANAnA.n svayaM bhakShAnabhakShayan . 
tathA bhR^ityajana.n sarvaM paryashnanti cha dAnavAH .. 61..\\
pAyasa.n kR^isaraM mA.nsamapUpAnatha shaskulIH . 
apAchayannAtmano.arthe vR^ithA mA.nsAnyabhakShayan .. 62..\\
utsUrya shAyinashchAsansarve chAsanpragenishAH . 
avartankalahAshchAtra divArAtra.n gR^ihe gR^ihe .. 63..\\
anAryAshchAryamAsInaM paryupAsanna tatra ha . 
AshramasthAnvikarmasthAH pradviShanti parasparam . 
sa~NkarAshchApyavartanta na cha shauchamavartata .. 64..\\
ye cha veda vido viprA vispaShTamanR^ichash cha ye . 
nirantaravisheShAste bahumAnAvamAnayoH .. 65..\\
hAvamAbharaNa.n veSha.n gatiM sthitimavekShitum . 
asevanta bhujiShyA vai durjanAcharita.n vidhim .. 66..\\
striyaH puruShaveSheNa pu.nsaH strI veShadhAriNaH . 
krIdA rativihAreShu parAM mudamavApnuvan .. 67..\\
prabhavadbhiH purA dAyAnarhebhyaH pratipAditAn . 
nAbhyavartanta nAstikyAdvartantaH sambhaveShvapi .. 68..\\
mitreNAbhyarthitaM mitramarthe saMshayite kva chit . 
bAla kotyagramAtreNa svArthenAghnata tadvasu .. 69..\\
parasvAdAna ruchayo vipanya vyavahAriNaH . 
adR^ishyantArya varNeShu shUdrAshchApi tapodhanAH .. 70..\\
adhIyante.avratAH ke chidvR^ithA vratamathApare . 
ashushrUsurguroH shiShyaH kashchichchhiShya sakho guruH .. 71..\\
pitA chaiva janitrI cha shrAntau vR^ittotsavAviva . 
aprabhutve sthitau vR^itthAvannaM prArthayataH sutAn .. 72..\\
tatra veda vidaH prAGYA gAmbhIrye sagaropamAH . 
kR^iShyAdiShvabhavansaktA mUrkhAH shrAddhAnyabhu~njata .. 73..\\
prAtaH prAtarcha suprashna.n kalpanaM preShaNa kriyAH . 
shiShyAnuprahitAstasminnakurvanguravash cha ha .. 74..\\
shvashrU shvashurayoragre vadhUH preShyAnashAsata . 
anvashAsachcha bhartAra.n samAhUyAbhijalpatI .. 75..\\
prayatnenApi chArakShachchittaM putrasya vai pitA . 
vyabhajaMshchApi sa.nrambhAdduHkhavAsa.n tathAvasan .. 76..\\
agnidAhena chorairvA rAjabhirvA hR^ita.n dhanam . 
dR^iShTvA dveShAtprAhasanta suhR^itsambhAvitA hyapi .. 77..\\
kR^itaghnA nAstikAH pApA guru dArAbhimarshinaH . 
abhakShya bhakShaNa ratA nirmaryAdA hatatviShaH .. 78..\\
teShvevamAdInAchArAnAcharatsu viparyaye . 
nAha.n devendra vatsyAmi dAnaveShviti me matiH .. 79..\\
tAM mA.n svayamanuprAptAmabhinanda shachIpate . 
tvayArchitAM mA.n devesha purodhAsyanti devatAH .. 80..\\
yatrAha.n tatra matkAntA madvishiShTA madarpaNAH . 
sapta devyo mayAstamyo vasa.n cheShyanti me.astadhA .. 81..\\
AshA shraddhA dhR^itiH kAntirvijitiH sannatiH kShamA . 
astamI vR^ittiretAsAM purogA pAkashAsana .. 82..\\
tAshchAha.n chAsurA.nstyaktvA yuShmadviShayamAgatA . 
tridasheShu nivatsyAmo dharmaniShThAntarAtmasu .. 83..\\

 bhii

ityuktavachanA.n devImatyarthaM tau nanandatuH . 
nAradashcha trilokarShirvR^itra hantA cha vAsavaH .. 84..\\
tato.anala sakho vAyuH pravavau deva veshmasu . 
iShTagandhaH sukhasparshaH sarvendriyasukhAvahaH .. 85..\\
shuchau chAbhyarchite deshe tridashAH prAyashaH sthitAH . 
lakShmyA sahitamAsInaM maghavanta.n didR^ikShavaH .. 86..\\
tato divaM prApya sahasralochanaH 
shriyopapannaH suhR^idA surarShiNA . 
rathena haryashvayujA surarShabhaH 
sadaH surANAmabhisatkR^ito yayau .. 87..\\
athe~Ngita.n vajradharasya nAradaH 
shriyAshcha devyA manasA vichArayan . 
shriyai shasha.nsAmara dR^iShTapauruShaH 
shivena tatrAgamanaM maharddhimat .. 88..\\
tato.amR^ita.n dyauH pravavarSha bhAsvatI 
pitAmahasyAyatane svayambhuvaH . 
anAhata dundubhayash cha nedire 
tathA prasannAshcha dishashchakAshire .. 89..\\
yathartu sasyeShu vavarSha vAsavo 
na dharmamArgAdvichachAla kash chana . 
anekaratrAkara bhUsanA cha bhUH 
sughoShaghoShA bhuvanaukasA.n jaye .. 90..\\
kriyAbhirAmA manujA yashasvino 
babhuH shubhe puNyakR^itAM pathi sthitAH . 
narAmarAH kiMnarayakSharAkShasAH 
samR^iddhimantaH sukhino yashasvinaH .. 91..\\
na jAtvakAle kusuma.n kutaH phalaM 
papAta vR^ikShAtpavaneritAdapi . 
rasapradAH kAmadughAsh cha dhenavo 
na dAruNA vAgvichachAra kasya chit .. 92..\\
imA.n saparyAM saha sarvakAmadaiH 
shriyA.n cha shakra pramukhaishcha daivataiH . 
pathanti ye viprasadaH samAgame 
samR^iddhakAmAH shriyamApnuvanti te .. 93..\\
tvayA kurUNA.n varayatprachoditaM 
bhavAbhavasyeha paraM nidarshanam . 
tadadya sarvaM parikIrtitaM mayA 
parIkShya tattvaM parigantumarhasi .. 94..\\
\medskip\hrule\medskip\centerline{\Largedvng 222}
 y

ki.n shIlaH kiM samAchAraH kiM vidyaH kiM parAyanaH . 
prApnoti brahmaNaH sthAna.n yatparaM prakR^iterdhruvam .. 1..\\

 bhii

mokShadharmeShu niyato laghvAhAro jitendriyaH . 
prApnoti brahmaNaH sthAna.n yatparaM prakR^iterdhruvam .. 2..\\
atrApyudAharantImamitihAsaM purAtanam . 
jaigIsavyasya sa.nvAdamasitasya cha bhArata .. 3..\\
jaigIsavyaM mahAprAGYa.n dharmANAmAgatAgamam . 
akrudhyantamahR^iShyantamasito devalo.abravIt .. 4..\\
na prIyase vandyamAno nindyamAno na kupyasi . 
kA te praGYA kutashchaiShA ki.n chaitasyAH parAyanam .. 5..\\
iti tenAnuyuktaH sa tamuvAcha mahAtapAH . 
mahadvAkyamasandigdhaM puShkarArtha pada.n shuchi .. 6..\\
yA gatiryA parA niShThA yA shAntiH puNyakarmaNAm . 
tA.n te.aha.n sampravakShyAmi yanmAM pR^ichchhasi vai dvija .. 7..\\
nindatsu cha samo nityaM prasha.nsatsu cha devala . 
nihnuvanti cha ye teShA.n samayaM sukR^ita.n cha ye .. 8..\\
uktAshcha na vivakShanti vaktAramahite ratam . 
pratihantuM na chechchhanti hantAra.n vai manIShiNaH .. 9..\\
nAprAptamanushochanti prAptakAlAni kurvate . 
na chAtItAni shochanti na chainAnpratijAnate .. 10..\\
samprAptAnA.n cha pUjyAnAM kAmAdartheShu devala . 
yathopapatti.n kurvanti shaktimantaH kR^itavratAH .. 11..\\
pakvavidyA mahAprAGYA jitakrodhA jitendriyAH . 
manasA karmaNA vAchA nAparAdhyanti kasya chit .. 12..\\
anIrShavo na chAnyonya.n vihi.nsanti kadA chana . 
na cha jAtUpatapyante dhIrAH parasamR^iddhibhiH .. 13..\\
nindA prasha.nse chArtyarthaM na vadanti parasya ye . 
na cha nindA prasha.nsAbhyA.n vikriyante kadA chana .. 14..\\
sarvatashcha prashAntA ye sarvabhUtahite ratAH . 
na krudhyanti na hR^iShyanti nAparAdhyanti kasya chit . 
vimuchya hR^idayagranthIMshcha~Nkamyante yathAsukham .. 15..\\
na yeShAM bAndhavAH santi ye chAnyeShAM na bAndhavAH . 
amitrAshcha na santyeShA.n ye chAmitrA na kasya chit .. 16..\\
ya eva.n kurvate martyAH sukhaM jIvanti sarvadA . 
dharmamevAnuvartante dharmaGYA dvijasattama . 
ye hyato vichyutA mArgAtte hR^iShyantyudvijanti cha .. 17..\\
AsthitastamahaM mArgamasUyiShyAmi ka.n katham . 
nindyamAnaH prashansto vA hR^iShyeya.n kena hetunA .. 18..\\
yadyadichchhanti tanmArgamabhigachchhanti mAnavAH . 
na me nindA prasha.nsAbhyA.n hrAsa vR^iddhI bhaviShyataH .. 19..\\
amR^itasyeva santR^ipyedavamAnasya tattvavit . 
viShasyevodvijennitya.n saMmAnasya vichakShaNaH .. 20..\\
avaGYAtaH sukha.n shete iha chAmutra chobhayoH . 
vimuktaH sarvapApebhyo yo.avamantA sa badhyate .. 21..\\
parA.n gatiM cha ye ke chitprArthayanti manIShiNaH . 
etadvrata.n samAshritya sukhamedhanti te janAH .. 22..\\
sarvatashcha samAhR^itya kratUnsarvA~njitendriyaH . 
prApnoti brahmaNaH sthAna.n yatparaM prakR^iterdhruvam .. 23..\\
nAsya devA na gandharvA na pishAchA na rAkShasAH . 
padamanvavarohanti prAptasya paramA.n gatim .. 24..\\
\medskip\hrule\medskip\centerline{\Largedvng 223}
 y

priyaH sarvasya lokasya sarvasattvAbhinanditA . 
guNaiH sarvairupetashcha ko nvasti bhuvi mAnavaH .. 1..\\

 bhii

atra te vartayiShyAmi pR^ichchhato bharatarShabha . 
ugrasenasya sa.nvAdaM nArade keshavasya cha .. 2..\\

 ugrasena

pashya sa~Nkalpate loko nAradasya prakIrtane . 
manye sa guNasampanno brUhi tanmama pR^ichchhataH .. 3..\\

 vaasudeva

kukurAdhipa yAnmanye shR^iNu tAnme vivakShataH . 
nAradasya guNAnsAdhUnsa~NkShepeNa narAdhipa .. 4..\\
na chAritranimitto.asyAha~NkAro dehapAtanaH . 
abhinna shrutachAritrastasmAtsarvatra pUjitaH .. 5..\\
tapasvI nArado bAdha.n vAchi nAsya vyatikramaH . 
kAmadvA yadi vA lobhAttasmAtsarvatra pUjitaH .. 6..\\
adhyAtmavidhitattvaGYaH kShAntaH shakto jitendriyaH . 
R^ijushcha satyavAdI cha tasmAtsarvatra pUjitaH .. 7..\\
tejasA yashasA buddhyA nayena vinayena cha . 
janmanA tapasA vR^iddhastasmAtsarvatra pUjitaH .. 8..\\
sukhashIlaH susambhogaH subhojyaH svAdaraH shuchiH . 
suvAkyashchApyanIrShyashcha tasmAtsarvatra pUjitaH .. 9..\\
kalyAna.n kurute bAdhaM pApamasminna vidyate . 
na prIyate parAnarthaistasmAtsarvatra pUjitaH .. 10..\\
vedashrutibhirAkhyAnairarthAnabhijigIsate . 
titikShuranavaGYashcha tasmAtsarvatra pUjitaH .. 11..\\
samatvAddhi priyo nAsti nApriyashcha katha.n chana . 
mano.anukUla vAdI cha tasmAtsarvatra pUjitaH .. 12..\\
bahushrutashchaitrakathaH paNDito.analaso.ashathaH . 
adIno.akrodhano.alubdhastasmAtsarvatra pUjitaH .. 13..\\
nArthe na dharme kAme vA bhUtapUrvo.asya vigrahaH . 
doShAshchAsya samuchchhinnAstasmAtsarvatra pUjitaH .. 14..\\
dR^idha bhaktiranindyAtmA shrutavAnanR^isha.nsavAn . 
vItasaMmoha doShashcha tasmAtsarvatra pUjitaH .. 15..\\
asaktaH sarvasa~NgeShu saktAtmeva cha lakShyate . 
adIrghasaMshayo vAgmI tasmAtsarvatra pUjitaH .. 16..\\
samAdhirnAsya mAnArthe nAtmAna.n stauti karhi chit . 
anIrShyurdR^idha sambhAsastasmAtsarvatra pUjitaH .. 17..\\
lokasya vividha.n vR^ittaM prakR^iteshchApyakutsayan . 
sa.nsargavidyA kushalastasmAtsarvatra pUjitaH .. 18..\\
nAsUyatyAgama.n kaM chitsvaM tapo nopajIvati . 
avandhya kAlo vashyAtmA tasmAtsarvatra pUjitaH .. 19..\\
kR^itashramaH kR^itapraGYo na cha tR^iptaH samAdhitaH . 
niyamastho.apramattashcha tasmAtsarvatra pUjitaH .. 20..\\
sApatrapashcha yuktashcha suneyaH shreyase paraiH . 
abhettA paraguhyAnA.n tasmAtsarvatra pUjitaH .. 21..\\
na hR^iShyatyarthalAbheShu nAlAbheShu vyathatyapi . 
sthirabuddhirasaktAtmA tasmAtsarvatra pUjitaH .. 22..\\
ta.n sarvaguNa sampanna.n dakShaM shuchimakAtaram . 
kAlaGYa.n cha nayaGYaM cha kaH priyaM na kariShyati .. 23..\\
\medskip\hrule\medskip\centerline{\Largedvng 224}
 y

Adyanta.n sarvabhUtAnAM shrotumichchhAmi kaurava . 
dhyAna.n karma cha kAlaM cha tathaivAyuryuge yuge .. 1..\\
lokatattva.n cha kArtsnyena bhUtAnAmAgatiM gatim . 
sargashcha nidhana.n chaiva kuta etatpravartate .. 2..\\
yadi te.anugrahe buddhirasmAsviha satA.n vara . 
etadbhavantaM pR^ichchhAmi tadbhavAnprabravItu me .. 3..\\
pUrva.n hi kathitaM shrutvA bhR^igubhAsitamuttamam . 
bharadvAjasya viprarShestato me buddhiruttamA .. 4..\\
jAtA paramadharmiShThA divyasa.nsthAna sa.nsthitA . 
tato bhUyastu pR^ichchhAmi tadbhavAnvaktumarhati .. 5..\\

 bhii

atra te vartayiShye.ahamitihAsaM purAtanam . 
jagau yadbhagavAnvyAsaH putrAya paripR^ichchhate .. 6..\\
adhItya vedAnakhilAnsA~NgopaniShadastathA . 
anvichchhannaiShThika.n karma dharmanaipuna darshanAt .. 7..\\
kR^iShNadvaipAyana.n vyAsaM putro vaiyAsakiH shukaH . 
paprachchha sandehamima.n chhinnadharmArthasaMshayam .. 8..\\
bhUtagrAmasya kartAra.n kAlaGYAne cha nishchayam . 
brAhmaNasya cha yatkR^itya.n tadbhavAnvaktumarhati .. 9..\\
tasmai provAcha tatsarvaM pitA putrAya pR^ichchhate . 
atItAnAgate vidvAnsarvaGYaH sarvadharmavit .. 10..\\
anAdyantamaja.n divyamajaraM dhruvamavyayam . 
apratarkyamaviGYeyaM brahmAgre samavartata .. 11..\\
kAsthA nimeShA dasha pa~ncha chaiva 
trishattu kAsthA gaNayetkalA.n tAm . 
triMshatkalAshchApi bhavenmuhUrto 
bhAgaH kalAyA dashamashcha yaH syAt .. 12..\\
triMshanmuhUrtashcha bhavedahash cha 
rAtrishcha sa~NkhyA munibhiH pranItA . 
mAsaH smR^ito rAtryahanI cha triMshat 
sa.nvatsaro dvAdashamAsa uktaH . 
sa.nvatsara.n dve ayane vadanti 
sa~NkhyAvido dakShiNamuttara.n cha .. 13..\\
ahorAtre vibhajate sUryo mAnuShalaukike . 
rAtriH svapnAya bhUtAnA.n cheShTAyai karmaNAm ahar .. 14..\\
pitrye rAtryahanI mAsaH pravibhAgastayoH punaH . 
kR^iShNo.ahaH karma cheShTAyA.n shuklaH svapnAya sharvarI .. 15..\\
daive rAtryahanI varShaM pravibhAgastayoH punaH . 
ahastatrodagayana.n rAtriH syAddakShiNAyanam .. 16..\\
ye te rAtryahanI pUrve kIrtite daivalaukike . 
tayoH sa~NkhyAya varShAgraM brAhme vakShyAmyahaH kShape .. 17..\\
teShA.n sa.nvatsarAgrANi pravakShyAmyanupUrvashaH . 
kR^ite tretAyuge chaiva dvApare cha kalau tathA .. 18..\\
chatvAryAhuH sahasrANi varShANA.n tatkR^ita.n yugam . 
tasya tAvachchhatI sandhyA sandhyAMshashcha tathAvidhaH .. 19..\\
itareShu sasandhyeShu sasandhyAMsheShu cha triShu . 
ekApAyena sa.nyAnti sahasrANi shatAni cha .. 20..\\
etAni shAshvatA.NllokAndhArayanti sanAtanAn . 
etadbrahmavidA.n tAta viditaM brahma shAshvatam .. 21..\\
chaturpAtsakalo dharmaH satya.n chaiva kR^ite yuge . 
nAdharmeNAgamaH kash chitparastasya pravartate .. 22..\\
itareShvAgamAddharmaH padashastvavaropyate . 
chaurikAnR^ita mAyAbhiradharmashchopachIyate .. 23..\\
arogAH sarvasiddhArthAshchaturvarSha shatAyuShaH . 
kR^ite tretAdiShveteShAM pAdasho hrasate vayaH .. 24..\\
vedavAdAshchAnuyuga.n hrasantIti cha naH shrutam . 
AyU.nsi chAshiShash chaiva vedasyaiva cha yatphalam .. 25..\\
anye kR^itayuge dharmAstretAyA.n dvApare.apare . 
anye kaliyuge dharmA yathAshakti kR^itA iva .. 26..\\
tapaH para.n kR^itayuge tretAyA.n GYAnamuttamam . 
dvApare yaGYamevAhurdAnameva kalau yuge .. 27..\\
etA.n dvAdasha sAhasrI.n yugAkhyAM kavayo viduH . 
sahasraM parivR^itta.n tadbrAhmaM divasamuchyate .. 28..\\
rAtristAvattithI brAhmI tadAdau vishvamIshvaraH . 
pralaye.adhyAtmamAvishya suptvA so.ante vibudhyate .. 29..\\
sahasrayugaparyantamaharyadbrahmaNo viduH . 
rAtri.n yugasahasrAntA.n te.ahorAtravido janAH .. 30..\\
pratibuddho vikurute brahmAkShayya.n kShapAkShaye . 
sR^ijate cha mahadbhUta.n tasmAdvyaktAtmakaM manaH .. 31..\\
brahmatejomaya.n shukraM yasya sarvamida.n jagat . 
ekasya bhUtaM bhUtasya dvaya.n sthAvaraja~Ngamam .. 32..\\
aharmukhe vibuddhaH sansR^ijate vidyayA jagat . 
agra eva mahAbhUtamAshu vyaktAtmakaM manaH .. 33..\\
abhibhUyeha chArchiShmadvyasR^ijatsapta mAnasAn . 
dUragaM bahudhAgAmi prArthanA saMshayAtmakam .. 34..\\
manaH sR^iShTi.n vikurute chodyamAnaM sisR^ikShayA . 
AkAsha.n jAyate tasmAttasya shabdo guNo mataH .. 35..\\
AkAshAttu vikurvANAtsarvagandhavahaH shuchiH . 
balavA~njAyate vAyustasya sparsho guNo mataH .. 36..\\
vAyorapi vikurvANAjjyotirbhUta.n tamonudam . 
rochiShNu jAyate tatra tadrUpaguNamuchyate .. 37..\\
jyotiSho.api vikurvANAdbhavantyApo rasAtmikAH . 
adbhyo gandhaguNA bhUmiH pUrvaiShA sR^iShTiruchyate .. 38..\\
guNAH pUrvasya pUrvasya prApnuvantyuttarottaram . 
teShA.n yAvattithaM yadyattattattAvadguNaM smR^itam .. 39..\\
upalabhyApsu chedgandha.n ke chidbrUyuranaipuNAt . 
pR^ithivyAmeva ta.n vidyAdApo vAyu.n cha saMshritam .. 40..\\
ete tu sapta puruShA nAnA viryAH pR^ithakpR^ithak . 
nAshaknuvanprajAH sraShTumasamAgamya sarvataH .. 41..\\
te sametya mahAtmAnamanyonyamabhisaMshritAH . 
sharIrAshrayaNaM prAptAstataH puruSha uchyate .. 42..\\
shrayaNAchchharIraM bhavati mUrtimatsodashAtmakam . 
tadAvishanti bhUtAni mahAnti saha karmaNA .. 43..\\
sarvabhUtAni chAdAya tapasashcharaNAya cha . 
AdikartA mahAbhUta.n tamevAhuH prajApatim .. 44..\\
sa vai sR^ijati bhUtAni sa eva puruShaH paraH . 
ajo janayate brahmA devarShipitR^imAnavAn .. 45..\\
lokAnnadIH samudrAMshcha dishaH shailAnvanaspatIn . 
narakiMnara rakShA.nsi vayaH pashumR^igoragAn . 
avyaya.n cha vyayaM chaiva dvaya.n sthAvaraja~Ngamam .. 46..\\
teShA.n ye yAni karmANi prAksR^iShTyAM pratipedire . 
tAnyeva pratipadyante sR^ijyamAnAH punaH punaH .. 47..\\
hi.nsrAhi.nsre mR^idu krUre dharmAdharme R^itAnR^ite . 
ato yanmanyate dhAtA tasmAttattasya rochate .. 48..\\
mahAbhUteShu nAnAtvamindriyArtheShu mUrtiShu . 
viniyoga.n cha bhUtAnAM dhAtaiva vidadhAtyuta .. 49..\\
ke chitpuruShakAra.n tu prAhuH karmavido janAH . 
daivamityapare viprAH svabhAvaM bhUtachintakAH .. 50..\\
pauruSha.n karma daivaM cha phalavR^itti svabhAvataH . 
traya ete.apR^ithagbUtA naviveka.n tu ke chana .. 51..\\
evametachcha naiva.n cha yadbhUta.n sR^ijate jagat . 
karmasthA viShamaM brUyuH sattvasthAH samadarshinaH .. 52..\\
tapo niHshreyasa.n jantostasya mUlaM damaH shamaH . 
tena sarvAnavApnoti yAnkAmAnmanasechchhati .. 53..\\
tapasA tadavApnoti yadbhUta.n sR^ijate jagat . 
sa tadbhUtashcha sarveShAM bhUtAnAM bhavati prabhuH .. 54..\\
R^iShayastapasA vedAnadhyaiShanta divAnisham . 
anAdi nidhanA nityA vAgutsR^iShTA svayambhuvA .. 55..\\
R^iShINAM nAmadheyAni yAshcha vedeShu sR^iShTayaH . 
sharvaryanteShu jAtAnA.n tAnyevaibhyo dadAti saH .. 56..\\
nAma bhedastapaH karma yaGYAkhyA lokasiddhayaH . 
Atmasiddhistu vedeShu prochyate dashabhiH kramaiH .. 57..\\
yadukta.n vedavAdeShu gahanaM veda dR^iShTibhiH . 
tadanteShu yathA yukta.n kramayogena lakShyate .. 58..\\
karmajo.ayaM pR^ithagbhAvo dvandvayukto viyoginaH . 
Atmasiddhistu viGYAtA jahAti prAyasho balam .. 59..\\
dve brahmaNI veditavye shabdabrahma para.n cha yat . 
shabdabrahmaNi niShNAtaH paraM brahmAdhigachchhati .. 60..\\
Arambha yaGYAH kShatrasya haviryaGYA vishastathA . 
parichArayaGYAH shUdrAstu tapoyaGYA dvijAtayaH .. 61..\\
tretAyuge vidhistveShA.n yaGYAnAM na kR^ite yuge . 
dvApare viplava.n yAnti yaGYAH kaliyuge tathA .. 62..\\
apR^ithagdharmiNo martyA R^iksAmAni yajU.nsi cha . 
kAmyAM puShTiM pR^ithagdR^iShTvA tapobhistapa eva cha .. 63..\\
tretAyA.n tu samastAste prAdurAsanmahAbalAH . 
sa.nyantAraH sthAvarANA.n ja~NgamAnAM cha sarvashaH .. 64..\\
tretAyA.n sa.nhatA hyete yaGYA varNAstathaiva cha . 
sa.nrodhAdAyuShastvete vyasyante dvApare yuge .. 65..\\
dR^ishyante nApi dR^ishyante vedAH kaliyuge.akhilAH . 
utsIdante sayaGYAshcha kevalA dharmasetavaH .. 66..\\
kR^ite yuge yastu dharmo brAhmaNeShu pradR^ishyate . 
Atmavatsu tapovatsu shrutavatsu pratiShThitaH .. 67..\\
adharmavratasa.nyoga.n yathA dharmaM yuge yuge . 
vikriyante svadharmasthA vedavAdA yathA yugam .. 68..\\
yathA vishvAni bhUtAni vR^iShTyA bhUyA.nsi prAvR^iShi . 
sR^ijyante ja~NgamasthAni tathA dharmA yuge yuge .. 69..\\
yathartuShvR^ituli~NgAni nAnArUpANi paryaye . 
dR^ishyante tAni tAnyeva tathA brahmAha rAtriShu .. 70..\\
vihita.n kAlanAnAtvamanAdi nidhanaM tathA . 
kIrtita.n yatpurastAtte tatsUte chAtti cha prajAH .. 71..\\
dadhAti prabhave sthAnaM bhUtAnA.n sa.nyamo yamaH . 
svabhAvenaiva vartante dvandvayuktAni bhUrishaH .. 72..\\
sargaH kAlaH kriyA vedAH kartA kArya.n kriyAphalam . 
prokta.n te putra sarva.n vai yanmAM tvaM paripR^ichchhasi .. 73..\\
pratyAhAra.n tu vakShyAmi sharvaryAdau gate.ahani . 
yatheda.n kurute.adhyAtma.n susUkShmaM vishvamIshvaraH .. 74..\\
divi sUryAstathA sapta dahanti shikhino.archiShA . 
sarvametattadArchirbhiH pUrNa.n jAjvalyate jagat .. 75..\\
\medskip\hrule\medskip\centerline{\Largedvng 225}
 vyaasa

pR^ithivyA.n yAni bhUtAni ja~NgamAni dhruvANi cha . 
tAnyevAgre pralIyante bhUmitvamupayAnti cha .. 1..\\
tataH pralIne sarvasminsthAvare ja~Ngame tathA . 
akAShThA nistR^iNA bhUmirdR^ishyate kUrmapR^iShThavat .. 2..\\
bhUmerapi guNa.n gandhamApa Adadate yadA . 
AttagandhA tadA bhUmiH pralayatvAya kalpate .. 3..\\
ApastataH pratiShThanti Urmimatyo mahAsvanAH . 
sarvamevedamApUrya tiShThanti cha charanti cha .. 4..\\
apAmapi guNA.nstAta jyotirAdadate yadA . 
ApastadA AttaguNA jyotiShyuparamanti cha .. 5..\\
yadAditya.n sthitaM madhye gUhanti shikhino.archiShaH . 
sarvamevedamarchirbhiH pUrNa.n jAjvalyate nabhaH .. 6..\\
jyotiSho.api guNa.n rUpaM vAyurAdadate yadA . 
prashAmyati tadA jyotirvAyurdodhUyate mahAn .. 7..\\
tatastu mUlamAsAdya vAyuH sambhavamAtmanaH . 
adhashchordhva.n cha tiryakcha dodhavIti disho dasha .. 8..\\
vAyyorapi guNa.n sparshamAkAsha.n grasate yadA . 
prashAmyati tadA vAyuH kha.n tu tiShThati nAnadat .. 9..\\
AkAshasya guNa.n shabdamabhivyaktAtmakaM manaH . 
manaso vyaktamavyaktaM brAhmaH sa pratisa~ncaraH .. 10..\\
tadAtmaguNamAvishya mano grasati chandramaH . 
manasyuparate.adhyAtmA chandramasyavatiShThate .. 11..\\
ta.n tu kAlena mahatA sa~NkalpaH kurute vashe . 
chitta.n grasati sa~Nkalpastachcha GYAnamanuttamam .. 12..\\
kAlo girati viGYAna.n kAlo balamiti shrutiH . 
bala.n kAlo grasati tu ta.n vidvAnkurute vashe .. 13..\\
AkAshasya tadA ghoSha.n ta.n vidvAnkuruta Atmani . 
tadavyaktaM paraM brahma tachchhAshvatamanuttamam . 
eva.n sarvANi bhUtAni brahmaiva pratisa~ncaraH .. 14..\\
yathAvatkIrtita.n samyagevametadasaMshayam . 
bodhya.n vidyAmaya.n dR^iShTvA yogibhiH paramAtmabhiH .. 15..\\
eva.n vistAra sa~NkShepau brahmAvyakte punaH punaH . 
yugasAhasrayorAdAvahno rAtryAstathaiva cha .. 16..\\
\medskip\hrule\medskip\centerline{\Largedvng 226}
 vyaasa

bhUtagrAme niyukta.n yattadetatkIrtitaM mayA . 
brAhmaNasya tu yatkR^itya.n tatte vakShyAmi pR^ichchhate .. 1..\\
jAtakarmaprabhR^ityasya karmaNA.n dakShiNAvatAm . 
kriyA syAdA samAvR^itterAchArye vedapArage .. 2..\\
adhItya vedAnakhilAnguru shushrUsane rataH . 
gurUNAmanR^iNo bhUtvA samAvarteta yaGYavit .. 3..\\
AchAryeNAbhyanuGYAtashchaturNAmekamAshramam . 
A vimokShAchchharIrasya so.anutiShThedyathAvidhi .. 4..\\
prajA sargeNa dAraishcha brahmacharyeNa vA punaH . 
vane guru sakAshe vA yati dharmeNa vA punaH .. 5..\\
gR^ihasthastveva sarveShA.n chaturNAM mUlamuchyate . 
tatra pakvakasAyo hi dantaH sarvatra sidhyati .. 6..\\
prajAvA~nshrotriyo yajvA mukto divyaistribhirR^iNaiH . 
athAnyAnAshramAnpashchAtpUto gachchhati karmabhiH .. 7..\\
yatpR^ithivyAM puNyatama.n vidyA sthAna.n tadAvaset . 
yateta tasminprAmAnya.n gantu.n yashasi chottame .. 8..\\
tapasA vA sumahatA vidyAnAM pAraNena vA . 
ijyayA vA pradAnairvA viprANA.n vardhate yashaH .. 9..\\
yAvadasya bhavatyasmi.Nlloke kIrtiryashaskarI . 
tAvatpuNyakR^itA.NllokAnanantAnpuruShAshnute .. 10..\\
adhyApayedadhIyIta yAjayeta yajeta cha . 
na vR^ithA pratigR^ihNIyAnna cha dadyAtkatha~ncanan .. 11..\\
yAjyataH shiShyato vApi kanyayA vA dhanaM mahat . 
yadyAgachchhedyajeddadyAnnaiko.ashnIyAtkatha.n chana .. 12..\\
gR^ihamAvasato hyasya nAnyattIrthaM pratigrahAt . 
devarShipitR^igurvartha.n vR^iddhAtula bubhukShatAm .. 13..\\
antarhitAbhiptaptAnA.n yathAshakti bubhUsatAm . 
dravyANAmatishaktyApi deyameShA.n kR^itAdapi .. 14..\\
arhatAmanurUpANAM nAdeya.n hyasti ki.n chana . 
uchchaiHshravasamapyashvaM prApanIya.n satAM viduH .. 15..\\
anunIya tathA kAvyaH satyasandho mahAvrataH . 
svaiH prANairbrAhmaNa prAnAnparitrAya diva.n gataH .. 16..\\
ranti devashcha sA~NkR^ityo vasiShThAya mahAtmane . 
apaH pradAya shItoShNA nAkapR^iShThe mahIyate .. 17..\\
Atreyashchandra damayorarhatorvividha.n dhanam . 
dattvA lokAnyayau dhImAnanantAnsa mahIpatiH .. 18..\\
shibiraushInaro.a~NgAni suta.n cha priyamaurasam . 
brAhmaNArthamupAkR^itya nAkapR^iShThamito gataH .. 19..\\
pratardanaH kAshipatiH pradAya nayane svake . 
brAhmaNAyAtulA.n kIrtimiha chAmutra chAshnute .. 20..\\
divyaM mR^iShTashalAka.n tu sauvarNaM paramarddhimat . 
chhatra.n devAvR^idho dattvA sarAstro.abhyapataddivam .. 21..\\
sA~NkR^itishcha tathAtreyaH shiShyebhyo brahma nirguNam . 
upadishya mahAtejA gato lokAnanuttamAn .. 22..\\
ambarIso gavA.n dattvA brAhmaNebhyaH pratApavAn . 
arbudAni dashaika.n cha sarAstro.abhyapataddivam .. 23..\\
sAvitrI kundale divye sharIra.n janamejayaH . 
brAhmaNArthe parityajya jagmaturlokamuttamam .. 24..\\
sarvaratna.n vR^iShAdarbho yuvanAshvaH priyAH striyaH . 
ramyamAvasatha.n chaiva dattvAmu.n lokamAsthitaH .. 25..\\
nimI rAstha.n cha vaideho jAmadagnyo vasundharAm . 
brAhmaNebhyo dadau chApi gayashchorvI.n sapattanAm .. 26..\\
avarShati cha parjanye sarvabhUtAni chAsakR^it . 
vasiShTho jIvayAmAsa prajApatiriva prajAH .. 27..\\
karandhamasya putrastu marutto nR^ipatistathA . 
kanyAma~Ngirase dattvA divamAshu jagAma ha .. 28..\\
brahmadattashcha pA~nchAlyo rAjA buddhimatA.n varaH . 
nidhi.n sha~Nkha.n dvijAgryebhyo dattvA lokAnavAptavAn .. 29..\\
rAjA mitrasahashchApi vasiShThAya mahAtmane . 
madayantIM priyA.n dattvA tayA saha divaM gataH .. 30..\\
sahasrajichcha rAjarShiH prAnAniShTAnmahAyashaH . 
brAhmaNArthe parityajya gato lokAnanuttamAn .. 31..\\
sarvakAmaishcha sampUrNa.n dattvA veshma hiranmayam . 
mudgalAya gataH svarga.n shatadyumno mahIpatiH .. 32..\\
nAmnA cha dyutimAnnAma shAlvarAjaH pratApavAn . 
dattvA rAjyamR^ichIkAya gato lokAnanuttamAn .. 33..\\
madirAshvashcha rAjarShirdattvA kanyA.n sumadhyamAm . 
hiraNyahastAya gato lokAndevairabhiShTutAn .. 34..\\
lomapAdashcha rAjarShiH shAntA.n dattvA sutAM prabhuH . 
R^ishyashR^i~NgAya vipulaiH sarvakAmairayujyata .. 35..\\
dattvA shatasahasra.n tu gavA.n rAjA prasenajit . 
savatsAnAM mahAtejA gato lokAnanuttamAn .. 36..\\
ete chAnye cha bahavo dAnena tapasA cha ha . 
mahAtmAno gatAH svarga.n shiShTAtmAno jitendriyAH .. 37..\\
teShAM pratiShThitA kIrtiryAvatsthAsyati medinI . 
dAnayaGYaprajA sargairete hi divamApnuvan .. 38..\\
\medskip\hrule\medskip\centerline{\Largedvng 227}
 vyaasa

trayI vidyAmavekSheta vedeShUktAmathA~NgataH . 
R^iksAma varNAkSharato yajuSho.atharvaNastathA .. 1..\\
vedavAdeShu kushalA hyadhyAtmakushalAsh cha ye . 
sattvavanto mahAbhAgAH pashyanti prabhavApyayau .. 2..\\
eva.n dharmeNa varteta kriyAH shiShTavadAcharet . 
asa.nrodhena bhUtAnA.n vR^ittiM lipseta vai dvijaH .. 3..\\
sadbhya AgataviGYAnaH shiShTaH shAstravichakShaNaH . 
svadharmeNa kriyA loke kurvANaH satyasa~NgaraH .. 4..\\
tiShThatyeteShu gR^ihavAnsaH sukarmasu sa dvijaH . 
pa~nchabhiH satata.n yaGYaiH shraddadhAno yajeta cha .. 5..\\
dhR^itimAnapramattashcha dAnto dharmavidAtmavAn . 
vItaharShabhayakrodho brAhmaNo nAvasIdati .. 6..\\
dAnamadhyayana.n yaGYastapo hrIrArjava.n damaH . 
etairvardhayate tejaH pApmAna.n chApakarShati .. 7..\\
dhUtapApmA tu medhAvI laghvAhAro jitendriyaH . 
kAmakrodhau vashe kR^itvA ninIsedbrahmaNaH padam .. 8..\\
agnIMshcha brAhmaNAMshchArcheddevatAH pranameta cha . 
varjayedruShatI.n vAchaM hi.nsA.n chAdharmasa.nhitAm .. 9..\\
eShA pUrvatarA vR^ittirbrAhmaNasya vidhIyate . 
GYAnAgamena karmANi kurvankarmasu sidhyati .. 10..\\
pa~nchendriya jalA.n ghorA.n lobhakUlAM sudustarAm . 
manyupa~NkAmanAdhR^iShyAM nadI.n tarati buddhimAn .. 11..\\
mAka manyUddhata.n yatsyAnnityamatyantamohitam . 
mahatA vidhidR^iShTena balenApratighAtinA . 
svabhAvasrotasA vR^ittamuhyate satata.n jagat .. 12..\\
kAlodakena mahatA varShAvartena santatam . 
mAsormiNartu vegena pakSholapa tR^iNena cha .. 13..\\
nimeShonmeSha phenena ahorAtra javena cha . 
kAmagrAheNa ghoreNa veda yaGYaplavena cha .. 14..\\
dharmadvIpena bhUtAnA.n chArthakAmaraveNa cha . 
R^itasopAnatIreNa vihi.nsA taruvAhinA .. 15..\\
yugahradaughamadhyena brahma prAyabhavena cha . 
dhAtrA sR^iShTAni bhUtAni kR^iShyante yamasAdanam .. 16..\\
etatpraGYAmayairdhIrA nistaranti manIShiNaH . 
plavairaplavavanto hi ki.n kariShyantyachetasaH .. 17..\\
upapanna.n hi yatprAGYo nistarennetaro janaH . 
dUrato guNadoShau hi prAGYaH sarvatra pashyati .. 18..\\
saMshayAtmA sa kAmAtmA chalachitto.alpachetanaH . 
aprAGYo na taratyeva yo hyAste na sa gachchhati .. 19..\\
aplavo hi mahAdoShamuhyamAno.adhigachchhati . 
kAmagrAhagR^ihItasya GYAnamapyasya na plavaH .. 20..\\
tasmAdunmajjanasyArthe prayateta vichakShaNaH . 
etadunmajjana.n tasya yadayaM brAhmaNo bhavet .. 21..\\
tryavadAte kule jAtastrisandehastrikarmakR^it . 
tasmAdunmajjanastiShThennistaretpraGYayA yathA .. 22..\\
sa.nskR^itasya hi dAntasya niyatasya kR^itAtmanaH . 
prAjyasyAnantarA siddhiriha loke paratra cha .. 23..\\
vartate teShu gR^ihavAnakrudhyannanasUyakaH . 
pa~nchabhiH satata.n yaGYairvighasAshI yajeta cha .. 24..\\
satA.n vR^ittena varteta kriyAH shiShTavadAcharet . 
asa.nrodhena dharmasya vR^itti.n lipsedagarhitAm .. 25..\\
shrutiviGYAnatattvaGYaH shiShTAchAro vichakShaNaH . 
svadharmeNa kriyAvAMshcha karmaNA so.apyasa~NkaraH .. 26..\\
kriyAvA~nshraddadhAnashcha dAtA prAGYo.anasUyakaH . 
dharmAdharmavisheShaGYaH sarva.n tarati dustaram .. 27..\\
dhR^itimAnapramattashcha dAnto dharmavidAtmavAn . 
vItaharShabhayakrodho brAhmaNo nAvasIdati .. 28..\\
eShA pUrvatarA vR^ittirbrAhmaNasya vidhIyate . 
GYAnavittvena karmANi kurvansarvatra sidhyati .. 29..\\
adharma.n dharmakAmo hi karotIhAvichakShaNaH . 
dharma.n chAdharmasa~NkAsha.n shochanniva karoti saH .. 30..\\
dharma.n karomIti karotyadharmam 
adharmakAmash cha karoti dharmam . 
ubhe bAlaH karmaNI na prajAnan 
sa jAyate mriyate chApi dehI .. 31..\\
\medskip\hrule\medskip\centerline{\Largedvng 228}
 vyaasa

atha chedrochayedetaddruhyeta manasA tathA . 
unmajjaMshcha nimajjaMshcha GYAnavAnplavavAnbhavet .. 1..\\
praGYayA nirmitairdhIrAstArayantyabudhAnplavaiH . 
nAbudhAstArayantyanyAnAtmAna.n vA katha.n chana .. 2..\\
chhinnadoSho muniryogAnyukto yu~njIta dvAdasha . 
dasha karma sukhAnarthAnupAyApAya nirbhayaH .. 3..\\
chakrurAchAravitprAGYo manasA darshanena cha . 
yachchhedvAnmanasI buddhyA ya ichchhejGYAnamuttamam . 
GYAnena yachchhedAtmAna.n ya ichchhechchhAntimAtmanaH .. 4..\\
eteShA.n chedanudrastA puruShApi sudAruNaH . 
yadi vA sarvavedaGYo yadi vApyanR^icho.ajapaH .. 5..\\
yadi vA dhArmiko yajvA yadi vA pApakR^ittamaH . 
yadi vA puruShavyAghro yadi vA klaivya dhAritA .. 6..\\
taratyeva mahAdurga.n jarAmaraNasAgaram . 
eva.n hyetena yogena yu~njAno.apyekamantataH . 
api jiGYAsamAno hi shabdabrahmAtivartate .. 7..\\
dharmopastho hrIvarUtha upAyApAya kUvaraH . 
apAnAkShaH prANa yugaH praGYAyurjIva bandhanaH .. 8..\\
chetanA bandhurashchArurAchAra grahanemivAn . 
darshanasparshana vaho ghrANashravaNa vAhanaH .. 9..\\
praGYA nAbhiH sarvatantra pratodo GYAnasArathiH . 
kShetraGYAdhiShThito dhIraH shraddhA damapuraHsaraH .. 10..\\
tyAgavartmAnugaH kShemyaH shauchago dhyAnagocharaH . 
jIva yukto ratho divyo brahmaloke virAjate .. 11..\\
atha santvaramANasya rathameta.n yuyukShataH . 
akShara.n gantumanaso vidhi.n vakShyAmi shIghragam .. 12..\\
sapta yo dhAraNAH kR^itsnA vAgyataH pratipadyate . 
pR^iShThataH pArshvatashchAnyA yAvatyastAH pradhAraNAH .. 13..\\
kramashaH pArthiva.n yachcha vAyavya.n khaM tathA payaH . 
jyotiSho yattadaishvaryamaha~NkArasya buddhitaH .. 14..\\
avyaktasya tathaishvarya.n kramashaH pratipadyate . 
vikramAshchApi yasyaita tathA yu~Nkte sa yogataH .. 15..\\
athAsya yogayuktasya siddhimAtmani pashyataH . 
nirmathyamAnaH sUkShmatvAdrUpANImAni darshayet .. 16..\\
shaishirastu yathA dhUmaH sUkShmaH saMshrayate nabhaH . 
tathA dehAdvimuktasya pUrvarUpaM bhavatyuta .. 17..\\
atha dhUmasya virame dvitIya.n rUpadarshanam . 
jalarUpamivAkAshe tatraivAtmani pashyati .. 18..\\
apA.n vyatikrame chApi vahni rUpaM prakAshate . 
tasminnuparate chAsya pItavastravadiShyate . 
UrNA rUpasavarNa.n cha tasya rUpaM prakAshate .. 19..\\
atha shvetA.n gatiM gatvA vAyavya.n sUkShmamapyajaH . 
ashukla.n chetasaH saukShmyamavyaktaM brahmaNo.asya vai .. 20..\\
eteShvapi hi jAteShu phalajAtAni me shR^iNu . 
jAtasya pArthivaishvarye sR^iShTiriShTA vidhIyate .. 21..\\
prajApatirivAkShobhyaH sharIrAtsR^ijati prajAH . 
a~Ngulya~NguShTha mAtreNa hastapAdena vA tathA .. 22..\\
pR^ithivI.n kampayatyeko guNo vAyoriti smR^itaH . 
AkAshabhUtashchAkAshe savarNatvAtpranashyati .. 23..\\
varNato gR^ihyate chApi kAmAtpibati chAshayAn . 
na chAsya tejasA rUpa.n dR^ishyate shAmyate tathA .. 24..\\
aha~NkArasya vijiterpa~nchaite syurvashAnugAH . 
sannAmAtmani buddhau cha jitAyAM prabhavatyatha .. 25..\\
nirdoShA pratibhA hyena.n kR^itsnA samabhivartate . 
tathaiva vyaktamAtmAnamavyaktaM pratipadyate .. 26..\\
yato niHsarate loko bhavati vyaktasa~nj~nakaH . 
tatrAvyaktamayI.n vyAkhyAM shR^iNu tvaM vistareNa me . 
tathA vyaktamayI.n chaiva sa~NkhyAM pUrvaM nibodha me .. 27..\\
pa~nchaviMshati tattvAni tulyAnyubhayataH samam . 
yoge sA~Nkhye.api cha tathA visheShA.nstatra me shR^iNu .. 28..\\
prokta.n tadvyaktamityeva jAyate vardhate cha yat . 
jIryate mriyate chaiva chaturbhirlakShaNairyutam .. 29..\\
viparItamato yattu tadabvyaktamudAhR^itam . 
dvAvAtmAnau cha vedeShu sidhAnteShvapyudAhR^itau .. 30..\\
chaturlakShaNaja.n tvanyaM chatu vargaM prachakShate . 
vyaktamavyaktaja.n chaiva tathA buddhamathetarat . 
sattva.n kShetraGYa ityetaddvayamapyanudarshitam .. 31..\\
dvAvAtmanau cha vedeShu viShayeShu cha rajyataH . 
viShayAtpratisa.nhAraH sA~NkhyAnA.n siddhilakShaNam .. 32..\\
nirmamashchAnaha~NkAro nirdvandvashchhinnasaMshayaH . 
naiva krudhyati na dveShTi nAnR^itA bhAsate giraH .. 33..\\
AkruShTastAditashchaiva mitreNa dhyAti nAshubham . 
vAgdanda karma manasA.n trayANAM cha nivartakaH .. 34..\\
samaH sarveShu bhUteShu brahmANamabhivartate . 
naivechchhati na chAnichchho yAtrA mAtravyavasthitaH .. 35..\\
alolupo.avyatho dAnto na kR^itI na nirAkR^itiH . 
nAsyendriyamanekAgraM nAtikShipta manorathaH . 
ahi.nsraH sarvabhUtAnAmIdR^iksA~Nkhyo vimuchyate .. 36..\\
atha yogAdvimuchyante kAraNairyairnibodha me . 
yogaishvaryamatikrAnto yo.atikrAmati muchyate .. 37..\\
ityeShA bhAvajA buddhiH kathitA te na saMshayaH . 
evaM bhavati nirdvandvo brahmANa.n chAdhigachchhati .. 38..\\
\medskip\hrule\medskip\centerline{\Largedvng 229}
 vyaasa

atha GYAnaplava.n dhIro gR^ihItvA shAntimAsthitaH . 
unmajjaMshcha nimajjaMshcha GYAnamevAbhisaMshrayet .. 1..\\

 zukra

ki.n tajGYAnamatho vidyA yayA nistarati dvayam . 
pravR^itti lakShaNo dharmo nivR^ittiriti chaiva hi .. 2..\\

 vyaasa

yastu pashyetsvabhAvena vinAbhavamachetanaH . 
puShyate cha punaH sarvAnpraGYayA muktahetukaH .. 3..\\
yeShA.n chaikAnta bhAvena svabhavaH kAraNaM matam . 
pUtvA tR^iNabusIkA.n vai te labhante na ki.n chana .. 4..\\
ye chainaM pakShamAshritya vartayantyalpachetasaH . 
svabhAva.n kAraNa.n GYAtvA na shreyaH prApnuvanti te .. 5..\\
svabhAvo hi vinAshAya mohakarma mano bhavaH . 
niruktametayoretatsvabhAvaparabhAvayoH .. 6..\\
kR^iShyAdIni hi karmANi sasyasa.nharaNAni cha . 
praGYAvadbhiH prakL^iptAni yAnAsanagR^ihANi cha .. 7..\\
AkrIdAnA.n gR^ihANAM cha gadAnAm agadasya cha . 
praGYAvantaH pravaktAro GYAnavadbhiranuShThitAH .. 8..\\
praGYA sa.nyojayatyarthaiH praGYA shreyo.adhigachchhati . 
rAjAno bhu~njate rAjyaM praGYayA tulyalakShaNAH .. 9..\\
pArAvarya.n tu bhUtAnA.n GYAnenaivopalabhyate . 
vidyayA tAta sR^iShTAnA.n vidyaiva paramA gatiH .. 10..\\
bhUtAnA.n janma sarveShA.n vividhAnAM chaturvidham . 
jarayvandamathodbheda.n sveda.n chApyupalakShayet .. 11..\\
sthAvarebhyo vishiShTAni ja~NgamAnyupalakShayet . 
upapanna.n hi yachcheShTA vishiShyeta visheShyayoH .. 12..\\
Ahurdvibahu pAdAni ja~NgamAni dvayAni cha . 
bahu pAdbhyo vishiShTAni dvipAdAni bahUnyapi .. 13..\\
dvipadAni dvayAnyAhuH pArthivAnItarANi cha . 
pArthivAni vishiShTAni tAni hyannAni bhu~njate .. 14..\\
pArthivAni dvayAnyAhurmadhyamAnyuttamAni cha . 
madhyamAni vishiShTAni jAtidharmopadhAraNAt .. 15..\\
madhyamAni dvayAnyAhurdharmaGYAnItarANi cha . 
dharmaGYAni vishiShTAni kAryAkAryopadhAraNAt .. 16..\\
dharmaGYAni dvayAnyAhurvedaGYAnItarANi cha . 
vedaGYAni vishiShTAni vedo hyeShu pratiShThitaH .. 17..\\
vedaGYAni dvayAnyAhuH pravaktR^INItarANi cha . 
pravaktR^INi vishiShTAni sarvadharmopadhAraNAt .. 18..\\
viGYAyante hi yairvedAH sarvadharmakriyA phalAH . 
sayaGYAH sakhilA vedAH pravaktR^ibhyo viniHsR^itAH .. 19..\\
pravaktR^INi dvayAnyAhurAtmaGYAnItarANi cha . 
AtmaGYAni vishiShTAni janmAjanmopadhAraNAt .. 20..\\
dharmadvaya.n hi yo veda sa sarvaH sarvadharmavid . 
sa tyAgI satyasa~NkalpaH sa tu kShAntaH sa IshvaraH .. 21..\\
dharmaGYAnapratiShTha.n hi ta.n devA brAhmaNaM viduH . 
shabdabrahmaNi niShNAtaM pare cha kR^itanishchayam .. 22..\\
antaHstha.n cha bahiShThaM cha ye.adhiyaGYAdhivaivatam . 
jAnanti tAnnamasyAmaste devAstAta te dvijAH .. 23..\\
teShu vishvamidaM bhUta.n sAgra.n cha jagadAhitam . 
teShAM mAhAtmyabhAvasya sadR^ishaM nAsti ki.n chana .. 24..\\
Adi.n te nidhanaM chaiva karma chAtItya sarvashaH . 
chaturvidhasya bhUtasya sarvasyeshAH svayambhuvaH .. 25..\\
\medskip\hrule\medskip\centerline{\Largedvng 230}
 vyaasa

eShA pUrvatarA vR^ittirbrAhmaNasya vidhIyate . 
GYAnavAneva karmANi kurvansarvatra sidhyati .. 1..\\
tatra chenna bhavedeva.n saMshayaH karma nishchaye . 
kiM nu karma svabhAvo.aya.n GYAna.n karmeti vA punaH .. 2..\\
tatra cheha vivitsA syAjGYAna.n chetpuruShaM prati . 
upapattyupalabdhibhyA.n varNayiShyAmi tachchhR^iNu .. 3..\\
pauruSha.n kAraNaM ke chidAhuH karmasu mAnavAH . 
daivameke prasha.nsanti svabhAva.n chApare janAH .. 4..\\
pauruSha.n karma daivaM cha phalavR^itti svabhAvataH . 
trayametatpR^ithagbhUtamaviveka.n tu ke chana .. 5..\\
evametanna chApyevamubhe chApi na chApyubhe . 
karmasthA.n viShamaM brUyuH sattvasthAH samadarshinaH .. 6..\\
tretAyA.n dvApare chaiva kalijAshcha sasaMshayAH . 
tapasvinaH prashAntAshcha sattvasthAshcha kR^ite yuge .. 7..\\
apR^ithagdarshinaH sarve R^iksAmasu yajuHsucha . 
kAmadveShau pR^ithagdR^iShTvA tapaH kR^ita upAsate .. 8..\\
tapo dharmeNa sa.nyuktastaponityaH susaMshitaH . 
tena sarvAnavApnoti kAmAnyAnmanasechchhati .. 9..\\
tapasA tadavApnoti yadbhUtvA sR^ijate jagat . 
tadbhUtashcha tataH sarvo bhUtAnAM bhavati prabhuH .. 10..\\
tadukta.n vedavAdeShu gahanaM veda darshibhiH . 
vedAnteShu punarvyakta.n kramayogena lakShyate .. 11..\\
Arambha yaGYAH kShatrasya haviryaGYA vishaH smR^itAH . 
parichArayaGYAH shUdrAshcha japayaGYA dvijAtayaH .. 12..\\
pariniShThita kAryo hi svAdhyAyena dvijo bhavet . 
kuryAdanyanna vA kuryAnmaitro brAhmaNa uchyate .. 13..\\
tretAdau sakalA vedA yaGYA varNAshramAstathA . 
sa.nrodhAdAyuShastvete vyasyante dvApare yuge .. 14..\\
dvApare viplava.n yAnti vedAH kaliyuge tathA . 
dR^ishyante nApi dR^ishyante kalerante punaH punaH .. 15..\\
utsIdanti svadharmAshcha tatrAdharmeNa pIDitAH . 
gavAM bhUmeshcha ye chApAmoShadhInA.n cha ye rasAH .. 16..\\
adharmAntarhitA vedA veda dharmAstathAshramAH . 
vikriyante svadharmasthA sthAvarANi charANi cha .. 17..\\
yathA sarvANi bhUtAni vR^iShTirbhaumAni varShati . 
sR^ijate sarvato.a~NgAni tathA vedA yuge yuge .. 18..\\
visR^ita.n kAlanAnAtvamanAdi nidhanaM cha yat . 
kIrtita.n tatpurastAnme yataH sa.nyAnti yAnti cha .. 19..\\
dhAtedaM prabhava sthAnaM bhUtAnA.n sa.nyamo yamaH . 
svabhAvena pravartante dvandvasR^iShTAni bhUrishaH .. 20..\\
sargaH kAlo dhR^itirvedAH kartA kArya.n kriyAphalam . 
etatte kathita.n tAta yanmAM tvaM paripR^ichchhasi .. 21..\\
\medskip\hrule\medskip\centerline{\Largedvng 231}
 bhii

ityukto.abhiprashasyaitatparamarShestu shAsanam . 
mokShadharmArthasa.nyuktamidaM prastuM prachakrame .. 1..\\

 zuka

prajAvA~nshrotriyo yajvA vR^iddhaH praGYo.anasUyakaH . 
anAgatamanaitihya.n kathaM brahmAdhigachchhati .. 2..\\
tapasA brahmacharyeNa sarvatyAgena medhayA . 
sA~Nkhye vA yadi vA yoge etatpR^iShTo.abhidhatsva me .. 3..\\
manasashchendriyANA.n chApyaikAgrya.n samavApyate . 
yenopAyena puruShaistachcha vyAkhyAtumarhasi .. 4..\\

 vyaasa

nAnyatra vidyA tapasornAnyatrendriya nigrahAt . 
nAnyatra sarvasantyAgAtsiddhi.n vindati kash chana .. 5..\\
mahAbhUtAni sarvANi pUrvasR^iShTiH svayambhuvaH . 
bhUyiShThaM prANa bhR^idgrAme niviShTAni sharIriShu .. 6..\\
bhUmerdeho jalAtsAro jyotiShashchakShuShI smR^ite . 
prANApAnAshrayo vAyuH kheShvAkAsha.n sharIriNAm .. 7..\\
krAnte viShNurbale shakraH koShThe.agnirbhuktamarchhati . 
karNayoH pradishaH shrotre jihvAyA.n vAksarasvatI .. 8..\\
karNau tvakchakShuShI jihvA nAsikA chaiva pa~nchamI . 
darshanAnIndriyoktAni dvArANyAhArasiddhaye .. 9..\\
shabda.n sparsha.n tathArUpaM rasaM gandhaM cha pa~nchamam . 
indriyANi pR^ithaktvarthAnmanaso darshayantyuta .. 10..\\
indriyANi mano yu~Nkte vashyAnyanteva vAjinaH . 
manashchApi sadA yu~Nkte bhUtAtmA hR^idayAshritaH .. 11..\\
indriyANA.n tathaivaiShA.n sarveShAmIshvaraM manaH . 
niyame cha visarge cha bhUtAtmA manasastathA .. 12..\\
indriyANIndriyArthAshcha svabhAvashchetanA manaH . 
prANApAnau cha jIvashcha nitya.n deheShu dehinAm .. 13..\\
Ashrayo nAsti sattvasya guNashabdo na chetanA . 
sattva.n hi tejaH sR^ijati na guNAnvai kadA chana .. 14..\\
eva.n sapta dasha.n dehe vR^itaM sodashabhirguNaiH . 
manIsI manasA vipraH pashyatyAtmAnamAtmani .. 15..\\
na hyaya.n chakShuShA dR^ishyo na cha sarvairapIndriyaiH . 
manasA sampradIptena mahAnAtmA prakAshate .. 16..\\
ashabda sparsharUpa.n tadarasAgandhamavyayam . 
asharIra.n sharIre sve nirIkSheta nirindriyam .. 17..\\
avyakta.n vyaktadeheShu martyeShvamaramAshritam . 
yo.anupashyati sa pretya kalpate brahmabhUyase .. 18..\\
vidyAbhijana sampanne brAhmaNe gavi hastini . 
shuni chaiva shvapAke cha paNDitAH samadarshinaH .. 19..\\
sa hi sarveShu bhUteShu ja~NgameShu dhruveShu cha . 
vasatyeko mahAnAtmA yena sarvamida.n tatam .. 20..\\
sarvabhUteShu chAtmAna.n sarvabhUtAni chAtmani . 
yadA pashyati bhUtAtmA brahma sampadyate tadA .. 21..\\
yAvAnAtmani vedAtmA tAvAnAtmA parAtmani . 
ya eva.n satataM veda so.amR^itatvAya kalpate .. 22..\\
sarvabhUtAtma bhUtasya sarvabhUtahitasya cha . 
devApi mArge muhyanti apadasya padaiShiNaH .. 23..\\
shakunInAmivAkAshe jale vAri charasya vA . 
yathAgatirna dR^ishyeta tathaiva sumahAtmanaH .. 24..\\
kAlaH pachati bhUtAni sarvANyevAtmanAtmani . 
yasmi.nstu pachyate kAlastaM na vedeha kashchanan .. 25..\\
na tadUrdhvaM na tiryakcha nAdho na cha tiraH punaH . 
na madhye pratigR^ihNIte naiva kashchitkutash chana .. 26..\\
sarve.antaHsthA ime lokA bAhyameShAM na ki.n chana . 
yaH sahasra.n samAgachchhedyathA bAno guNachyutaH .. 27..\\
naivAnta.n kAraNasyeyAdyadyapi styA manojavaH . 
tasmAtsUkShmAtsUkShmataraM nAsti sthUlatara.n tataH .. 28..\\
sarvataH pani pAdAnta.n sarvato.akShishiromukham . 
sarvataH shrutimalloke sarvamAvR^itya tiShThati .. 29..\\
tadevAnoranutara.n tanmahadbhyo mahattaram . 
tadantaH sarvabhUtAnA.n dhruvaM tiShThanna dR^ishyate .. 30..\\
akShara.n cha kSharaM chaiva dvaidhI bhAvo.ayamAtmanaH . 
kSharaH sarveShu bhUteShu divya.n hyamR^itamakSharam .. 31..\\
navadvAraM pura.n gatva ha.nso hi niyato vashI . 
IshaH sarvasya bhUtasya sthAvarasya charasya cha .. 32..\\
hAni bha~NgavikalpAnAM navAnA.n saMshrayeNa cha . 
sharIrANAmajasyAhurha.nsatvaM pAradarshinaH .. 33..\\
ha.nsokta.n chAkSharaM chaiva kUtastha.n yattadakSharam . 
tadvidvAnakSharaM prApya jahAti prANa janmanI .. 34..\\
\medskip\hrule\medskip\centerline{\Largedvng 232}
 vyaasa

pR^ichchhatastava satputra yathAvadiha tattvataH . 
sA~NkhyanyAyena sa.nyukta.n yadetatkIrtitaM mayA .. 1..\\
yogakR^itya.n tu te kR^itsna.n vartayiShyAmi tachchhR^iNu . 
ekatvaM buddhimanasorindriyANA.n cha sarvashaH . 
Atmano dhyAyinastAta GYAnametadanuttamam .. 2..\\
tadetadupashAntena dAntenAdhyAtma shIlinA . 
AtmArAmeNa buddhena boddhavya.n shuchi karmaNA .. 3..\\
yogadoShAnsamuchchhidya pa~ncha yAnkavayo viduH . 
kAma.n krodhaM cha lobhaM cha bhaya.n svapnaM cha pa~nchamam .. 4..\\
krodha.n shamena jayati kAmaM sa~NkalpavarjanAt . 
sattvasa.nsevanAddhIro nidrAm uchchhettumarhati .. 5..\\
dhR^ityA shishnodara.n rakShetpANi pAda.n cha chakShuShA . 
chakShuH shrotre cha manasA mano vAcha.n cha karmaNA .. 6..\\
apramAdAdbhaya.n jahyAllobhaM prAGYopasevanAt . 
evametAnyogadoShA~njayennityamatandritaH .. 7..\\
agnIMshcha brAhmaNAMshchArcheddevatAH pranameta cha . 
varjayedruShitA.n vAchaM hi.nsA yuktAM mano.anugAm .. 8..\\
brahmatejomaya.n shukraM yasya sarvamidaM rasaH . 
ekasya bhUtaM bhUtasya dvaya.n sthAvaraja~Ngamam .. 9..\\
dhyAnamadhyayana.n dAna.n satyaM hrIrArjavaM kShamA . 
shauchamAhArasaMshuddhirindriyANA.n cha nigrahaH .. 10..\\
etairvivardhate tejaH pApmAna.n chApakarShati . 
sidhyanti chAsya sarvArthA viGYAna.n cha pravartate .. 11..\\
samaH sarveShu bhUteShu labdhAlabdhena vartayan . 
dhUtapApmA tu tejasvI laghvAhAro jitendriyaH . 
kAmakrodhau vashe kR^itvA ninIsedbrahmaNaH padam .. 12..\\
manasashchendriyANA.n cha kR^itvaikAgrya.n samAhitaH . 
prAgrAtrApararAtreShu dhArayenmana AtmanA .. 13..\\
jantoH pa~nchendriyasyAsya yadeka.n chhidramindriyam . 
tato.asya sravati praGYA dR^iteH pAdAdivodakam .. 14..\\
manastu pUrvamAdadyAtkumInAniva matsyahA . 
tataH shrotra.n tatashchakShurjihvAM ghrANaM cha yogavit .. 15..\\
tata etAni sa.nyamya manasi sthApayedyatiH . 
tathaivApohya sa~NkalpAnmano hyAtmani dhArayet .. 16..\\
pa~ncha GYAnena sandhAya manasi sthApayedyatiH . 
yadaitAnyavatiShThante manaH sasthAni chAtmani . 
prasIdanti cha sa.nsthAya tadA brahma prakAshate .. 17..\\
vidhUma iva dIptArchirAditya iva dIptimAn . 
vaidyuto.agnirivAkAshe pashyatyAtmAnamAtmanA . 
sarva.n cha tatra sarvatra vyApakatvAchcha dR^ishyate .. 18..\\
taM pashyanti mahAtmAno brAhmaNA ye manIShiNaH . 
dhR^itimanto mahAprAGYAH sarvabhUtahite ratAH .. 19..\\
evaM parimita.n kAlamAcharansaMshitavrataH . 
AsIno hi rahasyeko gachchhedakSharasAtmyatAm .. 20..\\
pramoho bhrama Avarto ghrANashravaNa darshane . 
adbhutAni rasasparshe shItoShNe mArutAkR^itiH .. 21..\\
pratibhAmupasargAMshchApyupasa~NgR^ihya yogataH . 
tA.nstattvavidanAdR^itya svAtmanaiva nivartayet .. 22..\\
kuryAtparichaya.n yoge taikAlyaM niyato muniH . 
girishR^i~Nge tathA chaitye vR^ikShAgreShu cha yojajet .. 23..\\
saMniyamyendriyagrAha.n goShThe bhAnda manA iva . 
ekAgrashchintayennitya.n yogAnnodvejayenmanaH .. 24..\\
yenopAyena shakyeta saMniyantu.n chalaM manaH . 
ta.n ta.n yukto niSheveta na chaiva vichalettataH .. 25..\\
shUnyA giriguhAshchaiva devatAyatanAni cha . 
shUnyAgArANi chaikAgro nivAsArthamupakramet .. 26..\\
nAbhiShvajetpara.n vAchA karmaNA manasApi vA . 
upekShako yatAhAro labdhAlabdhe samo bhavet .. 27..\\
yashchainamabhinandeta yashchainamapavAdayet . 
samastayoshchApyubhayornAbhidhyAyechchhubhAshubham .. 28..\\
na prahR^iShyeta lAbheShu nAlAbheShu cha chintayet . 
samaH sarveShu bhUteShu sadharmA mAtarishvanaH .. 29..\\
eva.n sarvAtmanaH sAdhoH sarvatra samadarshinaH . 
so mAsAnnityayuktasya shabdavrahmAtivartate .. 30..\\
vedanArtAH prajA dR^iShTvA samalokShAshma kA~nchanaH . 
etasminnirato mArge viramenna vimohitaH .. 31..\\
api varNAvakR^iShTastu nArI vA dharmakA~NkShiNI . 
tAvapyetena mArgeNa gachchhetAM paramA.n gatim .. 32..\\
ajaM purANamajara.n sanAtanaM 
yadindriyairupalabhate naro.achalaH . 
anoranIyo mahato mahattaraM 
tadAtmanA pashyati yuktAtmavAn .. 33..\\
idaM maharShervachanaM mahAtmano 
yathAvaduktaM manasAnudR^ishya cha . 
avekShya cheyAtparameShThi sAtmyatAM 
prayAnti yAM bhUtagatiM manIShiNaH .. 34..\\
\medskip\hrule\medskip\centerline{\Largedvng 233}
 zukra

yadida.n veda vachana.n kuru karma tyajeti cha . 
kA.n disha.n vidyayA yAnti kAM cha gachchhanti karmaNA .. 1..\\
etadvai shrotumichchhAmi tadbhavAnprabravItu me . 
etattvanyonyavairUpye vartate pratikUlataH .. 2..\\

 bhii

ityuktaH pratyuvAchedaM parAshara sutaH sutam . 
karma vidyAmayAvetau vyAkhyAsyAmi kSharAkSharau .. 3..\\
yA.n disha.n vidyayA yAnti yAM cha gachchhanti karmaNA . 
shR^iNuShvaika manAH putra gahvara.n hyetadantaram .. 4..\\
asti dharma iti proktaM nAstItyatraiva yo vadet . 
tasya pakShasya sadR^ishamidaM mama bhavedatha .. 5..\\
dvAvimAvatha panthAnau yatra vedAH pratiShThitAH . 
pravR^itti lakShaNo dharmo nivR^ittau cha subhAsitaH .. 6..\\
karmaNA badhyate tanturvidyayA tu pramuchyate . 
tasmAtkarma na kurvanti yatayaH pAradarshinaH .. 7..\\
karmaNA jAyate pretya mUrtimAnsodashAtmakaH . 
vidyayA jAyate nityamavyayo hyavyayAtmakaH .. 8..\\
karma tveke prasha.nsanti svalpa buddhitarA narAH . 
tena te dehajAlAni ramayanta upAsate .. 9..\\
ye tu buddhiM parAM prAptA dharmanaipuNya darshinaH . 
na te karma prasha.nsanti kUpaM nadyAM pibanniva .. 10..\\
karmaNaH phalamApnoti sukhaduHkhe bhavAbhavau . 
vidyayA tadavApnoti yatra gatvA na shochati .. 11..\\
yatra gatvA na mriyate yatra gatvA na jAyate . 
na jIryate yatra gatvA yatra gatvA na vardhate .. 12..\\
yatra tadbrahma paramamavyaktamajara.n dhruvam . 
avyAhatamanAyAsamamR^ita.n chAviyogi cha .. 13..\\
dvandvairyatra na bAdhyante mAnasena cha karmaNA . 
samAH sarvatra maitrAshcha sarvabhUtahite ratAH .. 14..\\
vidyAmayo.anyaH puruShastAta karmamayo.aparaH . 
viddhi chandramasa.n darshe sUkShmayA kalayA sthitam .. 15..\\
tadetadR^iShiNA prokta.n vistareNAnumIyate . 
navaja.n shashina.n dR^iShTvA vakraM tantumivAmbare .. 16..\\
ekAdasha vikArAtmA kalA sambhArasambhR^itaH . 
mUrtimAniti ta.n viddhi tAta karma guNAtmakam .. 17..\\
devo yaH saMshritastasminnabbinduriva puShkare . 
kShetraGYa.n ta.n vijAnIyAnnityaM tyAgajitAtmakam .. 18..\\
tamo rajashcha sattva.n cha viddhi jIva guNAnimAn . 
jIvamAtmaguNa.n vidyAdAtmAnaM paramAtmanaH .. 19..\\
sachetana.n jIva guNa.n vadanti 
sa cheShTate cheShTayate cha sarvam . 
tataH para.n kShetravido vadanti 
prAvartayadyo bhuvanAni sapta .. 20..\\
\medskip\hrule\medskip\centerline{\Largedvng 234}
 zukra

kSharAtprabhR^iti yaH sargaH saguNAnIndriyANi cha . 
buddhyaishvaryAbhisargArtha.n yaddhyAna.n chAtmanaH shubham .. 1..\\
bhUya eva tu loke.asminsadvR^itti.n vR^itti haitukIm . 
yayA santaH pravartante tadichchhAmyanuvarNitam .. 2..\\
vede vachanamukta.n tu kuru karma tyajeti cha . 
kathametadvijAnIyA.n tachcha vyAkhyAtumarhasi .. 3..\\
lokavR^ittAntatattvaGYaH pUto.aha.n guru shAsanAt . 
kR^itvA buddhi.n viyuktAtmA tyakShyAmyAtmAnamavyathaH .. 4..\\

 vyaasa

yaiShA vai vihitA vR^ittiH purastAdbrahmaNA svayam . 
eShA pUrvataraiH sadbhirAchIrNA paramarShibhiH .. 5..\\
brahmacharyeNa vai lokA~njayanti paramarShayaH . 
Atmanashcha hR^idi shreyastvanvichchha manasAtmani .. 6..\\
vane mUlaphalAshI cha tapyansuvipula.n tapaH . 
puNyAyatana chArI cha bhUtAnAmavihi.nsakaH .. 7..\\
vidhUme sannamusale vAnaprasthapratishraye . 
kAle prApte charanbhaikSha.n kalpate brahmabhUyase .. 8..\\
niHstutirnirnamaskAraH parityajya shubhAshubhe . 
araNye vicharaikAkI yena kena chidAshitaH .. 9..\\

 zuka

yadida.n veda vachanaM lokavAde virudhyate . 
pramAne chApramAne cha viruddhe shAstratA kutaH .. 10..\\
ityetachchhrotumichchhAmi bhagavAnprabravItu me . 
karmaNAm avirodhena kathametatpravartate .. 11..\\

 bhii

ityuktaH pratyuvAcheda.n gandhavatyAH sutaH sutam . 
R^iShistatpUjayanvAkyaM putrasyAmita tejasaH .. 12..\\
gR^ihastho brahmachArI cha vAnaprastho.atha bhikShukaH . 
yathoktakAriNaH sarve gachchhanti paramA.n gatim .. 13..\\
eko ya AshramAnetAnanutiShThedyathAvidhi . 
akAma dveShasa.nyuktaH sa paratra mahIyate .. 14..\\
chaturpado hi niHshreNI brahmaNyeShA pratiShThitA . 
etAmAshritya niHshreNIM brahmaloke mahIyate .. 15..\\
AyuShastu chaturbhAgaM brahmachAryanasUyakaH . 
gurau vA guruputre vA vaseddharmArthakovidaH .. 16..\\
karmAtirekeNa guroradhyetavyaM bubhUsatA . 
dakShiNo nApavAdI syAdAhUto gurumAshrayet .. 17..\\
jaghanyashAyI pUrva.n syAdutthAyI guru veshmani . 
yachcha shiShyeNa kartavya.n kAryaM dAsena vA punaH .. 18..\\
kR^itamityeva tatsarva.n kR^itvA tiShTheta pArshvataH . 
ki~NkaraH sarvakArI cha sarvakarmasu kovidaH .. 19..\\
shuchirdakSho guNopeto brUyAdiShurivAtvaraH . 
chakShuShA gurumavyagro nirIkSheta jitendriyaH .. 20..\\
nAbhuktavati chAshnIyAdapItavati no pibet . 
na tiShThati tathAsIta nAsupte prasvapeta cha .. 21..\\
uttAnAbhyA.n cha pAnibhyAM pAdAvasya mR^idu spR^ichet . 
dakShiNa.n dakShiNenaiva savya.n savyena pIDayet .. 22..\\
abhivAdya guruM brUyAdadhIsva bhagavanniti . 
ida.n kariShye bhagavannidaM chApi kR^itaM mayA .. 23..\\
iti sarvamanuGYApya nivedya gurave dhanam . 
kuryAtkR^itvA cha tatsarvamAkhyeya.n gurave punaH .. 24..\\
yA.nstu gandhAnrasAnvApi brahmachArI na sevate . 
seveta tAnsamAvR^itta iti dharmeShu nishchayaH .. 25..\\
ye ke chidvistareNoktA niyamA brahmachAriNaH . 
tAnsarvAnanugR^ihNIyAdbhavechchAnapago guroH .. 26..\\
sa eva.n gurave prItimupahR^itya yathAbalam . 
AshrameShvAshrameShveva.n shiShyo varteta karmaNA .. 27..\\
veda vratopavAsena chaturthe chAyuSho gate . 
gurave dakShiNA.n dattvA samAvartedyathAvidhi .. 28..\\
dharmalabdhairyuto dArairagnInutpAdya dharmataH . 
dvitIyamAyuSho bhAga.n gR^ihamedhi vratI bhavet .. 29..\\
\medskip\hrule\medskip\centerline{\Largedvng 235}
 vyaasa

dvitIyamAyuSho bhAga.n gR^ihamedhI gR^ihe vaset . 
dharmalabdhairyuto dArairagnInutpAdya suvrataH .. 1..\\
gR^ihastha vR^ittayashchaiva chatasraH kavibhiH smR^itAH . 
kusUla dhAnyaH prathamaH kumbhI dhAnyastvanantaram .. 2..\\
ashvastano.atha kApotImAshrito vR^ittimAharet . 
teShAM paraH paro jyAyAndharmato lokajittamaH .. 3..\\
saH kamA vartayatyekastribhiranyaH pravartate . 
dvAbhyAmekashchaturthastu brahma sattre vyavasthitaH . 
gR^ihamedhi vratAnyatra mahAntIha prachakShate .. 4..\\
nAtmArthaM pAchayedannaM na vR^ithA ghAtayetpashUn . 
prAnI vA yadi vAprAnI sa.nskAra.n yajuShArhati .. 5..\\
na divA prasvapejjAtu na pUrvApararAtrayoH . 
na bhu~njItAntarAkAle nAnR^itAvAhvayetstriyam .. 6..\\
nAsyAnashnanvasedvipro gR^ihe kashchidapUjitaH . 
tathAsyAtithayaH pUjyA havyakavya vahAH sadA .. 7..\\
veda vidyAvratasnAtAH shrotriyA vedapAragAH . 
svadharmajIvino dAntAH kriyAvantastapasvinaH . 
teShA.n havya.n cha kavyaM chApyarhaNArthaM vidhIyate .. 8..\\
na kharaiH samprayAtasya svadharmAGYAnakasya cha . 
apaviddhAgnihotrasya gurorvAlIka kAriNaH .. 9..\\
sa.nvihAgo.atra bhUtAnA.n sarveShAmeva shiShyate . 
tathaivApachamAnebhyaH pradeya.n gR^ihamedhinA .. 10..\\
vighasAshI bhavennityaM nitya.n chAmR^itabhojanaH . 
amR^ita.n yaGYasheShaM syAdbhojanaM haviShA samam . 
bhR^ityasheSha.n tu yo.ashnAti tamAhurvighasAshinam .. 11..\\
svadAranirato dAnto hyanasUyurjitendriyaH . 
R^itvikpurohitAchAryairmAtulAtithi saMshritaiH .. 12..\\
vR^iddhabAlAturairvaidyairGYAtisambandhibAndhavaiH . 
mAtA pitR^ibhyA.n jAmIbhirbhrAtrA putreNa bhAryayA .. 13..\\
duhitrA dAsavargeNa vivAdaM na samAcharet . 
etAnvimuchya sa.nvAdAnsarvapApaiH pramuchyate .. 14..\\
etairjitaistu jayati sarvA.NllokAnna saMshayaH . 
AchAryo brahmalokeshaH prAjApatye pitA prabhuH .. 15..\\
atithistvindralokesho devalokasya chartvijaH . 
jAmayo.apsarasA.n loke vaishvadeve tu GYAtayaH .. 16..\\
sambandhibAndhavA dikShu pR^ithivyAM mAtR^imAtulau . 
vR^iddhabAlAtura kR^ishAstvAkAshe prabhaviShNayaH .. 17..\\
bhrAtA jyeShThaH samaH pitrA bhAryA putraH svakA tanuH . 
chhAyA svA dAshavargastu duhitA kR^ipaNaM param .. 18..\\
tasmAdetairadhikShiptaH sahennityamasa~njvaraH . 
gR^ihadharmarato vidvAndharmanityo jitaklamaH .. 19..\\
na chArthabaddhaH karmANi dharma.n vA ka.n chidAcharet . 
gR^ihastha vR^ittayastisrastAsAM niHshreyasaM param .. 20..\\
paraspara.n tathaivAhushchAturAshramyameva tat . 
ye choktA niyamAsteShA.n sarva.n kAryaM bubhUsatA .. 21..\\
kumbhI dhAnyairu~nchhashilaiH kApotI.n chAsthitaistathA . 
yasmiMshchaite vasantyarhAstadrAstramabhivardhate .. 22..\\
dasha pUrvAndasha parAnpunAti cha pitAmahAn . 
gR^ihastha vR^ittayastvetA vartayedyo gatavyathaH .. 23..\\
sachakrachara lokAnA.n sadR^ishIM prApnuyAdgatim . 
yatendriyANAmatha vA gatireShA vidhIyate .. 24..\\
svargaloko gR^ihasthAnAmudAramanasA.n hitaH . 
svargo vimAnasa.nyukto veda dR^iShTaH supuShpitaH .. 25..\\
svargaloke gR^ihasthAnAM pratiShThA niyatAtmanAm . 
brahmaNA vihitA shreNireShA yasmAtpramuchyate . 
dvitIya.n kramashaH prApya svargaloke mahIyate .. 26..\\
ataH paraM paramamudAramAshramaM 
tR^itIyamAhustyajatA.n kalevaram . 
vanaukasA.n gR^ihapatinAmanuttamaM 
shR^iNuShvaitatkliShTasharIrakAriNAm .. 27..\\
\medskip\hrule\medskip\centerline{\Largedvng 236}
 bhii

proktA gR^ihastha vR^ittiste vihitA yA manIsinAm . 
tadanantaramukta.n yattannibodha yudhiShThira .. 1..\\
kramashastvavadhUyainA.n tR^itIyA.n vR^ittimuttamAm . 
sa.nyogavratakhinnAnA.n vAnaprasthAshramaukasAm .. 2..\\
shrUyatAM pArtha bhadra.n te sarvalokAshrayAtmanAm . 
prekShApUrvaM pravR^ittAnAM puNyadeshanivAsinAm .. 3..\\

 v

gR^ihasthastu yadA pashyedvalI palitamAtmanaH . 
apatyasyaiva chApatya.n vanameva tadAshrayet .. 4..\\
tR^itIyamAyuSho bhAga.n vAnaprasthAshrame vaset . 
tAnevAgnInparicharedyajamAno divaukasaH .. 5..\\
niyato niyatAhAraH sastha bhakto.apramAdavAn . 
tadagnihotra.n tA gAvo yaGYA~NgAni cha sarvashaH .. 6..\\
akR^iShTa.n vai vrIhi yavaM nIvAraM vighasAni cha . 
havI.nsi samprayachchheta makheShvatrApi pa~nchasu .. 7..\\
vAnaprasthAshrame.apyetAshchatasro vR^ittayaH smR^itAH . 
sadyaH prakShAlakAH ke chitke chinmAsika sa~ncayAH .. 8..\\
vArShika.n sa~ncaya.n ke chitke chiddvAdasha vArShikam . 
kurvantyatithipUjArtha.n yaGYatantrArtha siddhaye .. 9..\\
abhrAvakAshA varShAsu hemante jalasaMshrayAH . 
grIsme cha pa~nchatapasaH shashvachcha mita bhojanAH .. 10..\\
bhUmau viparivartante tiShThedvA prapadairapi . 
sthAnAsanairvartayanti savaneShvabhiShi~nchate .. 11..\\
dantolUkhalinaH ke chidashmakuttAstathApare . 
shuklapakShe pibantyeke yavAgU.n kvathitA.n sakR^it .. 12..\\
kR^iShNapakShe pibantyeke bhu~njate cha yathAkramam . 
mUlaireke phalaireke puShpaireke dR^idha vratAH .. 13..\\
vartayanti yathAnyAya.n vaikhAnasa mataM shritAH . 
etAshchAnyAshcha vividhA dikShAsteShAM manIsinAm .. 14..\\
chaturthashchaupaniShado dharmaH sAdhAraNaH smR^itaH . 
vAnaprastho gR^ihasthashcha tato.anyaH sampravartate .. 15..\\
asminneva yuge tAta vipraiH sarvArthadarshibhiH . 
agastyaH sapta R^iShayo madhuchchhando.aghamarShaNaH .. 16..\\
sA~NkR^itiH sudivA tandiryavAnno.atha kR^itashramaH . 
ahovIryastathA kavyAstAndyo medhAtithirbudhaH .. 17..\\
shalo vAkashcha nirvAkaH shUnyapAlaH kR^itashramaH . 
eva.n dharmasu vidvA.nsastataH svargamupAgaman .. 18..\\
tAta pratyakShadharmANastathA yAyAvarA gaNAH . 
R^iShINAmugratapasA.n dharmanaipuna darshinAm .. 19..\\
avyAchyAparimeyAshcha brAhmaNA vanamAshritAH . 
vaikhAnasA vAlakhilyAH sikatAshcha tathApare .. 20..\\
karmabhiste nirAnandA dharmanityA jitendriyAH . 
gatAH pratyakShadharmANaste sarve vanamAshritAH . 
anakShatrA anAdhR^iShyA dR^ishyante jyotiShA.n gaNAH .. 21..\\
jarayA cha paridyUno vyAdhinA cha prapIditaH . 
chaturthe chAyuShaH sheShe vAnaprasthAshrama.n tyajet . 
sadyaskArAM nirUpyeShTi.n sarvaveda sadakShiNAm .. 22..\\
AtmayAjI so.a.atmaratirAtmakrItAtma saMshrayaH . 
AtmanyagnInsamAropya tyaktvA sarvaparigrahAn .. 23..\\
sadyaskrAMshcha yajedyaGYAniShTIshchaiveha sarvadA . 
sadaiva yAjinA.n yaGYAdAtmanIjhyA nivartate .. 24..\\
trIMshchaivAgnInyajetsamyagAtmanyevAtma mokShaNAt . 
prANebhyo yajuShA pa~ncha saH prAshnIyAdakutsayan .. 25..\\
keshaloma nakhAnvApya vAnaprastho munistataH . 
AshramAdAshrama.n sadyaH pUto gachchhati karmabhiH .. 26..\\
abhaya.n sarvabhUtebhyo yo dattvA pravrajeddvijaH . 
lokAstejomayAstasya pretya chAnantyamashnute .. 27..\\
sushIla vR^itto vyapanItakalmaSho 
na cheha nAmutra cha kartumIhate . 
aroSha moho gatasandhi vigraho 
bhavedudAsInavadAtmavinnaraH .. 28..\\
yameShu chaivAtma gateShu na vyathet 
svashAstrasUtrAhuti mantravikramaH . 
bhavedyatheShTA gatirAtmayAjino 
na saMshayo dharmapare jItendriye .. 29..\\
tataH para.n shreShThamatIva sadguNair 
adhiShThita.n trInadhivR^ittamuttamam . 
chaturthamuktaM paramAshrama.n shR^iNu 
prakIrtyamAnaM paramaM parAyanam .. 30..\\
\medskip\hrule\medskip\centerline{\Largedvng 237}
 zukra

vartamAnastathaivAtra vAnaprasthAshrame yathA . 
yoktavyo.a.atmA yathAshaktyA para.n vai kA~NkShatA padam .. 1..\\

 vyaasa

prApya sa.nskArametAbhyAmAshramAbhyA.n tataH param . 
yatkAryaM paramArthArtha.n tadihaikamanAH shR^iNu .. 2..\\
kasAyaM pAchayitvA tu shreNi sthAneShu cha triShu . 
pravrajechcha para.n sthAnaM parivrajyAmanuttamAm .. 3..\\
tadbhavAnevamabhyasya vartatA.n shrUyatA.n tathA . 
eka eva charennitya.n siddhyarthamasahAyavAn .. 4..\\
ekashcharati yaH pashyanna jahAti na hIyate . 
anagniraniketaH syAdgrAmamannArthamAshrayet .. 5..\\
ashvastana vidhAnaH syAnmunirbhAvasamanvitaH . 
laghvAshI niyatAhAraH sakR^idannaniShevitA .. 6..\\
kapAla.n vR^ikShamUlAni kuchelamasahAyatA . 
upekShA sarvabhUtAnAmetAvadbhikSha lakShaNam .. 7..\\
yasminvAchaH pravishanti kUpe prAptAH shilA iva . 
na vaktAraM punaryAnti sa kaivalyAshrame vaset .. 8..\\
naiva pashyenna shR^iNuyAdavAchya.n jAtu kasya chit . 
brAhmaNAnA.n visheSheNa naiva brUyAtkatha~ncanan .. 9..\\
yadbrAhmaNasya kushala.n tadeva satata.n vadet . 
tUsnImAsIta nindAyA.n kurvanbheShajamAtmanaH .. 10..\\
yena pUrNamivAkAshaM bhavatyekena sarvadA . 
shUnya.n yena janAkIrNa.n taM devA brAhmaNaM viduH .. 11..\\
yena kena chidAchhanno yena kena chidAshitaH . 
yatrakva chana shAyI cha ta.n devA prAbhama.n viduH .. 12..\\
aheriva gaNAdbhItaH sauhityAnnarakAdiva . 
kunapAdiva sa strIbhyasta.n devA brAhmaNa.n viduH .. 13..\\
na krudhyenna prahR^iShyechcha mAnito.amAnitashcha yaH . 
sarvabhUteShvabhayadasta.n devA brAhmaNa.n viduH .. 14..\\
nAbhinandeta maraNaM nAbhinandeta jIvitam . 
kAlameva pratIkSheta nideshaM bhR^itako yathA .. 15..\\
anabhyAhata chittaH syAdanabhyAhata vAktathA . 
nirmuktaH sarvapApebhyo niramitrasya kiM bhayam .. 16..\\
abhaya.n sarvabhUtebhyo bhUtAnAmabhayaM yataH . 
tasya dehAdvimuktasya bhayaM nAsti kutashchanan .. 17..\\
yathA nAgapade.anyAni padAni padagAminAm . 
sarvANyevApidhIyante padajAtAni kau~nchare .. 18..\\
eva.n sarvamahi.nsAyA.n dharmArthamapidhIyate . 
amR^itaH sanitya.n vasati yo.ahi.nsAM pratipadyate .. 19..\\
ahi.nsakaH samaH satyo dhR^itimAnniyatendriyaH . 
sharaNyaH sarvabhUtAnA.n gatimApnotyanuttamAm .. 20..\\
evaM praGYAna tR^iptasya nirbhayasya manIShiNaH . 
na mR^ityuratigo bhAvaH sa mR^ityumadhigachchhati .. 21..\\
vimukta.n sarvasa~Ngebhyo munimAkAshavatsthitam . 
asvamekachara.n shAnta.n taM devA brAhmaNaM viduH .. 22..\\
jIvita.n yasya dharmArtha.n dharmo.aratyarthameva cha . 
ahorAtrAshcha puNyArtha.n taM devA brAhmaNa.n viduH .. 23..\\
nirAshiShamanArambhaM nirnamaskAramastutim . 
akShINa kShINakarmANa.n taM devA brAhmaNa.n viduH .. 24..\\
sarvANi bhUtAni sukhe ramante 
sarvANi duHkhasya bhR^isha.n trasanti . 
teShAM bhayotpAdana jAtakhedaH 
kuryAnna karmANi hi shraddadhAnaH .. 25..\\
dAna.n hi bhUtAbhaya dakShiNAyAH 
sarvANi dAnAnyadhitiShThatIha . 
tIkShNA.n tanu.n yaH prathamaM jahAti 
so.anantamApnotyabhayaM prajAbhyaH .. 26..\\
uttAna Asyena havirjuhoti 
lokasya nAbhirjagataH pratiShThA . 
tasyA~Ngama~NgAni kR^itAkR^ita.n cha 
vaishvAnaraH sarvameva prapede .. 27..\\
prAdesha mAtre hR^idi nishrita.n yat 
tasminprAnAnAtmayAjI juhoti . 
tasyAgnihotra.n hutamAtmasa.nsthaM 
sarveShu lokeShu sadaiva teShu .. 28..\\
daiva.n tridhAtuM trivR^ita.n suparNaM 
ye vidyuragryaM paramArthatA.n cha . 
te sarvalokeShu mahIyamAnA 
devAH samarthAH sukR^ita.n vrajanti .. 29..\\
vedAMshcha vedya.n cha vidhiM cha kR^itsnam 
atho niruktaM paramArthatA.n cha . 
sarva.n sharIrAtmani yaH praveda 
tasmai sma devAH spR^ihayanti nityam .. 30..\\
bhUmAvasakta.n divi chAprameyaM 
hiranmaya.n yo.andajamandamadhye . 
patatriNaM pakShiNamantarikShe 
yo veda bhogyAtmani dIptarashmiH .. 31..\\
AvartamAmajara.n vivartanaM 
so nemika.n dvAdashAra.n suparva . 
yasyedamAsye pariyAti vishvaM 
tatkAlachakraM nihita.n guhAyAm .. 32..\\
yaH samprasAda.n jagataH sharIraM 
sarvAnsa lokAnadhigachchhatIha . 
tasminhuta.n tarpayatIha devA.ns 
te vai tR^iptAstarpayantyAsyamasya .. 33..\\
tejomayo nityatanuH purANo 
lokAnanantAnabhayAnupaiti . 
bhUtAni yasmAnna trasante kadA chit 
sa bhUtebhyo na trasate kadA chit .. 34..\\
agarhaNIyo na cha garhate.anyAn 
sa vai vipraH paramAtmAnamIkShet . 
vinItamoho vyapanItakalmaSho 
na cheha nAmutra cha ye.arthamR^ichchhati .. 35..\\
aroSha mohaH sma loShTa kA~nchanaH 
prahIna shoko gatasandhi vigrahaH . 
apetanindAstutirapriyApriyash 
charannudAsInavadeSha bhikShukaH .. 36..\\
\medskip\hrule\medskip\centerline{\Largedvng 238}
 vyaasa

prakR^itestu vikArA ye kShetraGYastaiH parishritaH . 
te chainaM na prajAnanti sa tu jAnAti tAnapi .. 1..\\
taishchaiSha kurute kAryaM manaH sasthairihendriyaiH . 
sudAntairiva sa.nyantA dR^idhaiH paramavAjibhiH .. 2..\\
indriyebhyo parA hyarthA arthebhyaH paramaM manaH . 
manasastu parA buddhirbuddherAtmA mahAnparaH .. 3..\\
mahataH paramavyaktamavyaktAtparato.amR^itam . 
amR^itAnna para.n kiM chitsA kAShThA sA parA gatiH .. 4..\\
eva.n sarveShu bhUteShu gUDho.a.atmA na prakAshate . 
dR^ishyate tvAgryayA buddhyA sUkShmayA tattvadarshibhiH .. 5..\\
antarAtmani sa.nlIyamanaH sasthAni medhayA . 
indriyANIndriyArthAMsh cha bahu chintyamachintayan .. 6..\\
dhyAnoparamaNa.n kR^itvA vidyA sampAditaM manaH . 
anIshvaraH prashAntAtma tato.archhatyamR^itaM padam .. 7..\\
indriyANA.n tu sarveShA.n vashyAtmA chalitasmR^itiH . 
AtmanaH sampradAnena martyo mR^ityumupAshnute .. 8..\\
hitvA tu sarvasa~NkalpAnsattve chittaM niveshayet . 
sattve chitta.n samAveshya tataH kAla~njaro bhavet .. 9..\\
chittaprasAdena yatirjahAti hi shubhAshubham . 
prasannAtmAtmani sthitvA sukhamAnantyamashnute .. 10..\\
lakShaNa.n tu prasAdasya yathA tR^iptaH sukha.n svapet . 
nivAte vA yathA dIpo dIpyamAno na kampate .. 11..\\
evaM pUrvApare rAtre yu~njannAtmAnamAtmanA . 
sattvAhAra vishuddhAtmA pashyatyAtmAnamAtmani .. 12..\\
rahasya.n sarvavedAnAmanaitihyamanAgamam . 
Atmapratyayika.n shAstramidaM putrAnushAsanam .. 13..\\
dharmAkhyAneShu sarveShu satyAkhyAneShu yadvasu . 
dashedamR^iksahasrANi nirmathyAmR^itamuddhR^itam .. 14..\\
nava nIta.n yathA dadhnaH kAShThAdagniryathaiva cha . 
tathaiva viduShA.n GYAnaM putra hetoH samuddhR^itam . 
snAtakAnAmida.n shAstraM vAchyaM putrAnushAsanam .. 15..\\
tadidaM nAprashAntAya nAdAntAyAtapasvine . 
nAveda viduShe vAchya.n tathA nAnugatAya cha .. 16..\\
nAsUyakAyAnR^ijave na chAnirdiShTa kAriNe . 
na tarka shAstradagdhAya tathaiva pishunAya cha .. 17..\\
shlAghate shlAghanIyAya prashAntAya tapasvine . 
idaM priyAya putrAya shiShyAyAnugatAya cha . 
rahasyadharma.n vaktavyaM nAnyasmai tu katha~ncanan .. 18..\\
yadyapyasya mahI.n dadyAdratnapUrNAmimAM naraH . 
idameva tataH shreya iti manyeta tattvavit .. 19..\\
ato guhyatarArtha.n tadadhyAtmamatimAnuSham . 
yattanmaharShibhirdR^iShTa.n vedAnteShu cha gIyate . 
tatte.aha.n sampravakShyAmi yanmA.n tvaM paripR^ichchhasi .. 20..\\
\medskip\hrule\medskip\centerline{\Largedvng 239}
 zukra

adhyAtma.n vistareNeha punareva vadasva me . 
yadadhyAtma.n yathA chedaM bhagavannR^iShisattama .. 1..\\

 vyaasa

adhyAtma.n yadida.n tAta puruShasyeha vidyate . 
tatte.aha.n sampravakShyAmi tasya vyAkhyAmimAM shR^iNu .. 2..\\
bhUmirApastathA jyotirvAyurAkAshameva cha . 
mahAbhUtAni bhUtAnA.n sAgarasyormayo yathA .. 3..\\
prasAryeha yathA~NgAni kUrmaH sa.nharate punaH . 
tadvanmahAnti bhUtAni yavIyaHsu vikurvate .. 4..\\
iti tanmayameveda.n sarvaM sthAvaraja~Ngamam . 
sarge cha pralaye chaiva tasmAnnirdishyate tathA .. 5..\\
mahAbhUtAni pa~nchaiva sarvabhUteShu bhUtakR^it . 
akarottAta vaiShamya.n yasminyadanupashyati .. 6..\\

 zuka

akarodyachchharIreShu katha.n tadupalakShayet . 
indriyANi guNAH ke chitkatha.n tAnupalakShayet .. 7..\\

 vyaasa

etatte vartayiShyAmi yathAvadiha darshanam . 
shR^iNu tattvamihaikAgro yathAtattva.n yathA cha tat .. 8..\\
shabdaH shrotra.n tathA khAni trayamAkAshasambhavam . 
prANashcheShTA tathA sparsha ete vAyuguNAstrayaH .. 9..\\
rUpa.n chakShurvipAkashcha tridhA jyotirvidhIyate . 
raso.atha rasana.n sneho guNAstvete trayo.ambhasAm .. 10..\\
ghreya.n ghrANa.n sharIraM cha bhUmerete guNAstrayaH . 
etAvAnindriyagrAmo vyAkhyAtaH pA~nchabhautikaH .. 11..\\
vAyoH sparsho raso.adbhyashcha jyotiSho rUpamuchyate . 
AkAshaprabhavaH shabdo gandho bhUmiguNaH smR^itaH .. 12..\\
mano buddhishcha bhAvashcha traya ete.a.atmayonijAH . 
na guNAnativartante guNebhyaH paramA matAH .. 13..\\
indriyANi nare pa~ncha sastha.n tu mana uchyate . 
saptamIM buddhimevAhuH kShetraGYaM punarastamam .. 14..\\
chakShurAlochanAyaiva saMshaya.n kurute manaH . 
buddhiradhyavasAnAya sAkShI kShetraGYa uchyate .. 15..\\
rajastamashcha sattva.n cha traya ete svayonijAH . 
samAH sarveShu bhUteShu tadguNeShUpalakShayet .. 16..\\
yathA kUrma ihA~NgAni prasArya viniyachchhati . 
evamevendriya grAmaM buddhiH sR^iShTvA niyachchhati .. 17..\\
yadUrdhvaM pAdatalayoravA~NmUrdhnashcha pashyati . 
etasminneva kR^itye vai vartate buddhiruttamA .. 18..\\
guNAnnenIyate buddhirbuddhirevendriyANyapi . 
manaH sasthAni sarvANi buddhyabhAve kuto guNAH .. 19..\\
tatra yatprItisa.nyukta.n kiM chidAtmani lakShayet . 
prashAntamiva saMshuddha.n sattva.n tadupadhArayet .. 20..\\
yattu santApasa.nyukta.n kAye manasi vA bhavet . 
rajaH pravartaka.n tatsyAtsatata.n hAri dehinAm .. 21..\\
yattu saMmoha sa.nyuktamavyaktaviShayaM bhavet . 
apratarkyamaviGYeya.n tamastadupadhAryatAm .. 22..\\
praharShaH prItirAnandaH sAmya.n svasthAtma chittatA . 
akasmAdyadi vA kasmAdvartate sAttviko guNaH .. 23..\\
abhimAno mR^iShAvAdo lobho mohastathAkShamA . 
li~NgAni rajasastAni vartante hetvahetutaH .. 24..\\
tathA mohaH pramAdashcha tandrI nidrA prabodhitA . 
katha.n chidabhivartante viGYeyAstAmasA guNAH .. 25..\\
\medskip\hrule\medskip\centerline{\Largedvng 240}
 vyaasa

manaH prasR^ijate bhAvaM buddhiradhyavasAyinI . 
hR^idayaM priyApriye veda trividhA karmachodanA .. 1..\\
indriyebhyaH parA hyarthA arthebhyaH paramaM manaH . 
manasastu parA buddhirbuddherAtmA paro mataH .. 2..\\
buddhirAtmA manuShyasya buddhirevAtmano.a.atmikA . 
yadA vikurute bhAva.n tadA bhavati sA manaH .. 3..\\
indriyANAM pR^ithagbhAvAdbuddhirvikriyate hyanu . 
shR^iNvatI bhavati shrota.n spR^ishatI sparsha uchyate .. 4..\\
pashyantI bhavate dR^iShTI rasatI rasanaM bhavet . 
jighratI bhavati ghrANaM buddhivikriyate pR^ithak .. 5..\\
indriyANIti tAnyAhusteShvadR^ishyAdhitiShThati . 
tiShThatI puruShe buddhistriShu bhAveShu vartate .. 6..\\
kadA chillabhate prIti.n kadA chidapi shochate . 
na sukhena na duHkhena kadA chidiha yujyate .. 7..\\
seyaM bhAvAtmikA bhAvA.nstrInetAnativartate . 
saritA.n sAgaro bhartA mahAvelAmivormimAn .. 8..\\
yadA prArthayate ki.n chittadA bhavati sA manaH . 
adhiShThAnAni vai buddhyA pR^ithagetAni sa.nsmaret . 
indriyANyeva medhyAni vijetavyAni kR^itsnashaH .. 9..\\
sarvANyevAnupUrvyeNa yadyannAnuvidhIyate . 
avibhAga gatA buddhirbhAve manasi vartate . 
pravartamAna.n tu rajaH sattvamapyanuvartate .. 10..\\
ye chaiva bhAvA vartante sarva eShveva te triShu . 
anvarthAH sampravartante rathanemimarA iva .. 11..\\
pradIpArthaM naraH kuryAdindriyairbuddhisattamaiH . 
nishcharadbhiryathAyogamudAsInairyadR^ichchhayA .. 12..\\
eva.n svabhAvamevedamiti vidvAnna muhyati . 
ashochannaprahR^iShyaMshcha nitya.n vigatamatsaraH .. 13..\\
na hyAtmA shakyate draShTumindriyaiH kAmagocharaiH . 
pravartamAnairanaye durdharairakR^itAtmabhiH .. 14..\\
teShA.n tu manasA rashmInyadA samya~N niyachchhati . 
tadA prakAshate hyAtmA ghate dIpa iva jvajan . 
sarveShAmeva bhUtAnA.n tamasyapagate yathA .. 15..\\
yathA vAri charaH pakShI na lipyati jale charan . 
evameva kR^itapraGYo na doShairviShayAMsh charan . 
asajjamAnaH sarveShu na katha.n chana lipyate .. 16..\\
tyaktvA pUrvakR^ita.n karma ratiryasya sadAtmani . 
sarvabhUtAtmabhUtasya guNamArgeShvasajjataH .. 17..\\
sattvamAtmA prasavati guNAnvApi kadA chana . 
na guNA vidurAtmAna.n guNAnveda sa sarvadA .. 18..\\
paridrastA guNAnA.n sa sraShTA chaiva yathAtatham . 
sattvakShetraGYayoretadantara.n viddhi sUkShmayoH .. 19..\\
sR^ijate tu guNAneka eko na sR^ijate guNAn . 
pR^ithagbhUtau prakR^ityA tau samprayuktau cha sarvadA .. 20..\\
yathAmatsyo.adbhiranyaH sansamprayuktau tathaiva tau . 
mashakodumbarau chApi samprayuktau yathA saha .. 21..\\
iShIkA vA yathA mu~nje pR^ithakcha saha chaiva cha . 
tathaiva sahitAvetAvanyonyasminpratiShThitau .. 22..\\
\medskip\hrule\medskip\centerline{\Largedvng 241}
 vyaasa

sR^ijate tu guNAnsattva.n kShetraGYastvanutiShThati . 
guNAnvikriyataH sarvAnudAsInavadIshvaraH .. 1..\\
svabhAvayukta.n tatsarva.n yadimAM sR^ijate guNAn . 
UrNa nAbhiryathA sUtra.n sR^ijate tantuvadguNAn .. 2..\\
pradhvastA na nivartante pravR^ittirnopalabhyate . 
evameke vyavasyanti nivR^ittiriti chApare .. 3..\\
ubhaya.n sampradhAryaitadadhyavasyedyathAmati . 
anenaiva vidhAnena bhavedgarbhashayo mahAn .. 4..\\
anAdi nidhanaM nityamAsAdya vicharennaraH . 
akrudhyannaprahR^iShyaMshcha nitya.n vigatamatsaraH .. 5..\\
ityeva.n hR^idayagranthiM buddhichintAmaya.n dR^idham . 
atItya sukhamAsIta ashochaMshchhinnasaMshayaH .. 6..\\
tapyeyuH prachyutAH pR^ithvyA yathA pUrNAM nadIM narAH . 
avagAdhA hyavidvA.nso viddhi lokamima.n tathA .. 7..\\
na tu tAmyati vai vidvAnsthale charati tattvavit . 
eva.n yo vindate.a.atmAna.n kevalaM GYAnamAtmanaH .. 8..\\
evaM buddhvA naraH sarvAM bhUtAnAmAgati.n gatim . 
samavekShya shanaiH samyaglabhate shamamuttamam .. 9..\\
etadvai janma sAmarthyaM brAhmaNasya visheShataH . 
AtmaGYAna.n shamashchaiva paryApta.n tatparAyanam .. 10..\\
etadbuddhvA bhavedbuddhaH kimanyadbuddha lakShaNam . 
viGYAyaitadvimuchyante kR^itakR^ityA manIShiNaH .. 11..\\
na bhavati viduShAM mahadbhayaM 
yadaviduShA.n sumahadbhayaM bhavet . 
na hi gatiradhikAsti kasya chid 
bhavati hi yA viduShaH sanAtanI .. 12..\\
lokamAturamasUyate janas 
tattadeva cha nirIkShya shochate . 
tatra pashya kushalAnashochato 
ye vidustadubhaya.n kR^itAkR^itam .. 13..\\
yatkarotyanabhisandhi pUrvakaM 
tachcha nirnudati yatpurA kR^itam . 
na priya.n tadubhayaM na chApriyaM 
tasya tajjanayatIha kurvataH .. 14..\\
\medskip\hrule\medskip\centerline{\Largedvng 242}
 zukra

yasmAddharmAtparo dharmo vidyate neha kash chana . 
yo vishiShTashcha dharmebhyastaM bhavAnprabravItu me .. 1..\\

 vyaasa

dharma.n te sampravakShyAmi purANamR^iShisa.nstutam . 
vishiShTa.n sarvadharmebhyastamihaikamanAH shR^iNu .. 2..\\
indriyANi pramAthIni buddhyA sa.nyamya yatnataH . 
sarvato niShpatiShNUni pitA bAlAnivAtmajAn .. 3..\\
manasashchendriyANA.n cha hyaikAgryaM paramaM tapaH . 
tajjyAyaH sarvadharmebhyaH sa dharmaH para uchyate .. 4..\\
tAni sarvANi sandhAya manaH sasthAni medhayA . 
AtmatR^ipta ivAsIta bahu chintyamachintayan .. 5..\\
gocharebhyo nivR^ittAni yadA sthAsyanti veshmani . 
tadA tvamAtmanAtmAnaM para.n drakShyasi shAshvatam .. 6..\\
sarvAtmAnaM mahAtmAna.n vidhUmamiva pAvakam . 
taM pashyanti mahAtmAno brAhmaNA ye manIShiNaH .. 7..\\
yathA puShpa phalopeto bahushAkho mahAdrumaH . 
Atmano nAbhijAnIte kva me puShpa.n kva me phalam .. 8..\\
evamAtmA na jAnIte kva gamiShye kuto nvaham . 
anyo hyatrAntarAtmAsti yaH sarvamanupashyati .. 9..\\
GYAnadIpena dIptena pashyatyAtmAnamAtmanA . 
dR^iShTvA tvamAtmanAtmAnaM nirAtmA bhava sarvavit .. 10..\\
vimuktaH sarvapApebhyo muktatvacha ivoragaH . 
parAM buddhimavApyeha vipApmA vigatajvaraH .. 11..\\
sarvataH srotasa.n ghorAM nadI.n lokapravAhinIm . 
pa~nchendriya grAhavatIM manaHsa~Nkalparodhasam .. 12..\\
lobhamohatR^iNachhannA.n kAmakrodhasarIsR^ipAm . 
satyatIrthAnR^ita kShobhA.n krodhapa~NkA.n saridvarAm .. 13..\\
avyaktaprabhavA.n shIghrA.n dustarAmakR^itAtmabhiH . 
pratarasva nadIM buddhyA kAmagrAhasamAkulAm .. 14..\\
sa.nsArasAgara gamA.n yonipAtAla dustarAm . 
AtmajanmodbhavA.n tAta jihvAvartAM durAsadAm .. 15..\\
yA.n taranti kR^itapraGYA dhR^itimanto manIShiNaH . 
tA.n tIrNaH sarvato mukto vipUtAtmAtmavichchhuchiH .. 16..\\
uttamAM buddhimAsthAya brahmabhUya.n gamiShyasi . 
santIrNaH sarvasa~NkleshAnprasannAtmA vikalmasaH .. 17..\\
bhUmiShThAnIva bhUtAni parvatastho nishAmaya . 
akrudhyannaprahR^iShyaMshcha nanR^isha.nsa matistathA . 
tato drakShyasi bhUtAnA.n sarveShAM prabhavApyayau .. 18..\\
eva.n vai sarvadharmebhyo vishiShTaM menire budhAH . 
dharma.n dharmabhR^itA.n shreShTha munayastattvadarshinaH .. 19..\\
Atmano.avyayino GYAtvA idaM putrAnushAsanam . 
prayatAya pravaktavya.n hitAyAnugatAya cha .. 20..\\
AtmaGYAnamida.n guhya.n sarvaguhyatamaM mahat . 
abruva.n yadaha.n tAta AtmasAkShikama~njasA .. 21..\\
naiva strI na pumAnetannaiva chedaM napu.nsakam . 
aduHkhamasukhaM brahmabhUtabhavya bhavAtmakam .. 22..\\
naitajGYAtvA pumAnstrI vA punarbhavamavApnuyAt . 
abhava pratipattyarthametadvartma vidhIyate .. 23..\\
athA matAni sarvANi na chaitAni yathA yathA . 
kathitAni mayA putra bhavanti na bhavanti cha .. 24..\\
tatprItiyuktena guNAnvitena 
putreNa satputraguNAnvitena . 
pR^iShTo hIdaM prItimatA hitArthaM 
brUyAtsutasyeha yaduktametat .. 25..\\
\medskip\hrule\medskip\centerline{\Largedvng 243}
 vyaasa

gandhAnrasAnnAnurundhyAtsukha.n vA 
nAla~NkArAMshchApnuyAttasya tasya . 
mAna.n cha kIrtiM cha yashash cha nechchhet 
sa vai prachAraH pashyato brAhmaNasya .. 1..\\
sarvAnvedAnadhIyIta shushrUsurbrahmacharyavAn . 
R^icho yajU.nsi sAmAni na tena na sa brAhmaNaH .. 2..\\
GYAtivatsarvabhUtAnA.n sarvavitsarvavedavit . 
nAkAmo mriyate jAtu na tena na cha brAhmaNaH .. 3..\\
iShTIshcha vividhAH prApya kratUMshchaivAptadakShiNAn . 
naiva prApnoti brAhmaNyamabhidhyAnAtkatha.n chana .. 4..\\
yadA chAyaM na bibheti yadA chAsmAnna bibhyati . 
yadA nechchhati na dveShTi brahma sampadyate tadA .. 5..\\
yadA na kurute bhAva.n sarvabhUteShu pApakam . 
karmaNA manasA vAchA brahma sampadyate tadA .. 6..\\
kAmabandhanamevaikaM nAnyadastIha bandhanam . 
kAmabandhana mukto hi brahmabhUyAya kalpate .. 7..\\
kAmato muchyamAnastu dhUmrAbhrAdiva chandramaH . 
virajAH kAmamAkA~NkShandhIro dhairyeNa vartate .. 8..\\
ApUryamANamachalapratiShThaM 
samudramApaH pravishanti yadvat . 
sa kAmakAnto na tu kAmakAmaH 
sa vai lokAtsvargamupaiti dehI .. 9..\\
vedasyopaniShatsatya.n satyasyopaniShaddamaH . 
damasyopaniShaddAna.n dAnasyopaniShattapaH .. 10..\\
tapasopaniShattyAgastyAgasyopaniShatsukham . 
sukhasyopaniShatsvargaH svargasyopaniShachchhamaH .. 11..\\
kledana.n shokamanasoH santApa.n tR^iShNayA saha . 
sattvamichchhasi santoShAchchhAnti lakShaNamuttamam .. 12..\\
vishoko nirmamaH shAntaH prasannAtmAtmavittamaH . 
so bhirlakShaNavAnetaiH samagraH punareShyati .. 13..\\
so bhiH sattvaguNopetaiH prAGYairadhikamantribhiH . 
ye viduH pretya chAtmAnamihasthA.nstA.nstathA viduH .. 14..\\
akR^itrimamasa.nhAryaM prAkR^itaM nirupaskR^itam . 
adhyAtma.n sukR^itapraGYaH sukhamavyayamashnute .. 15..\\
niShprachAraM manaH kR^itvA pratiShThApya cha sarvataH . 
yAmaya.n labhate tuShTiM sA na shakyamato.anyathA .. 16..\\
yena tR^ipyatyabhu~njAno yena tuShyatyavittavAn . 
yenAsneho bala.n dhatte yasta.n veda sa vedavit .. 17..\\
sa~Ngopya hyAtmano dvArANyapidhAya vichintayan . 
yo hyAste brAhmaNaH shiShTaH sa Atmaratiruchyate .. 18..\\
samAhitaM pare tattve kShINakAmamavasthitam . 
sarvataH sukhamanveti vapushchAndramasa.n yathA .. 19..\\
savisheShANi bhUtAni guNAMshchAbhajato muneH . 
sukhenApohyate duHkhaM bhAskareNa tamo yathA .. 20..\\
tamatikrAnta karmANamatikrAnta guNakShayam . 
brAhmaNa.n viShayAshliShTa.n jarAmR^ityU na vindataH .. 21..\\
sa yadA sarvato muktaH samaH paryavatiShThate . 
indriyANIndriyArthAMshcha sharIrastho.ativartate .. 22..\\
kAraNaM paramaM prApya atikrAntasya kAryatAm . 
punarAvartanaM nAsti samprAptasya parAtparam .. 23..\\
\medskip\hrule\medskip\centerline{\Largedvng 244}
 vyaasa

dvandvAni mokShajiGYAsurarthadharmAvanuShThitaH . 
vaktrA guNavatA shiShyaH shrAvyaH pUrvamidaM mahat .. 1..\\
AkAshaM mAruto jyotirApaH pR^ithvI cha pa~nchamI . 
bhAvAbhAvau cha kAlashcha sarvabhUteShu pa~nchasu .. 2..\\
antarAtmakamAkAsha.n tanmaya.n shrotramindriyam . 
tasya shabda.n guNa.n vidyAnmUrti shAstravidhAnavit .. 3..\\
charaNaM mArutAtmeti prANApAnau cha tanmayau . 
sparshana.n chendriya.n vidyAttathA sparshaM cha tanmayam .. 4..\\
tataH pAkaH prakAshashcha jyotishchakShush cha tanmayam . 
tasya rUpa.n guNa.n vidyAttamo.anvavasitAtmakam .. 5..\\
prakledaH kShudratA sneha ityApo hyupadishyate . 
rasana.n chendriyaM jihvA rasashchApAM guNo mataH .. 6..\\
sa~NghAtaH pArthivo dhAturasthi dantanakhAni cha . 
shmashruloma cha keshAshcha sirAH snAyu cha charma cha .. 7..\\
indriya.n ghrANasa~nj~nAnaM nAsiketyabhidhIyate . 
gandhashchaivendriyAro.aya.n viGYeyaH pR^ithivImayaH .. 8..\\
uttareShu guNAH santi sarve sarveShu chottarAH . 
pa~nchAnAM bhUtasa~NghAnA.n santatiM munayo viduH .. 9..\\
mano navamameShA.n tu buddhistu dashamI smR^itA . 
ekAdasho.antarAtmA cha sarvataH para uchyate .. 10..\\
vyavasAyAtmikA buddhirmano vyAkaraNAtmakam . 
karmAnumAnAdviGYeyaH sa jIvaH kShetrasa~nj~nakaH .. 11..\\
ebhiH kAlAstamairbhAvairyaH sarvaiH sarvamanvitam . 
pashyatyakaluShaM prAGYaH sa mohaM nAnuvartate .. 12..\\
\medskip\hrule\medskip\centerline{\Largedvng 245}
 vyaasa

sharIrAdvipramukta.n hi sUkShmabhUtaM sharIriNam . 
karmabhiH paripashyanti shAstroktaiH shAstrachetasaH .. 1..\\
yathA marIchyaH sahitAsh charanti 
gachchhanti tiShThanti cha dR^ishyamAnAH . 
dehairvimuktA vicharanti lokA.ns 
tathaiva sattvAnyatimAnuShANi .. 2..\\
pratirUpa.n yathaivApsu tApaH sUryasya lakShyate . 
sattvavA.nstu tathA sattvaM pratirUpaM prapashyati .. 3..\\
tAni sUkShmANi sattvasthA vimuktAni sharIrataH . 
svena tattvena tattvaGYAH pashyanti niyatendriyAH .. 4..\\
svapatA.n jAgratAM chaiva sarveShAmAtmachintitam . 
pradhAnadvaidha yuktAnA.n jahatAM karmaja.n rajaH .. 5..\\
yathAhani tathA rAtrau yathA rAtrau tathAhani . 
vashe tiShThati sattvAtmA satata.n yogayoginAm .. 6..\\
teShAM nitya.n sadA nityo bhUtAtmA satata.n guNaiH . 
saptabhistvanvitaH sUkShmaishchariShNurajarAmaraH .. 7..\\
mano buddhiparAbhUtaH svadehaparadehavit . 
svapneShvapi bhavatyeSha viGYAtA sukhaduHkhayoH .. 8..\\
tatrApi labhate duHkha.n tatrApi labhate sukham . 
krodhalobhau tu tatrApi kR^itvA vyasanamarchhati .. 9..\\
prINitashchApi bhavati mahato.arthAnavApya cha . 
karoti puNya.n tatrApi jAgranniva cha pashyati .. 10..\\
tamevamatitejo.aMshaM bhUtAtmAna.n hR^idi sthitam . 
tamo rajo bhyAmAviShTA nAnupashyanti mUrtiShu .. 11..\\
shAstrayogaparA bhUtvA svamAtmAnaM parIpsavaH . 
anuchchhvAsAnyamUrtIni yAni vajropamAnyapi .. 12..\\
pR^ithagbhUteShu sR^iShTeShu chaturShvAshramakarmasu . 
samAdhau yogamevaitachchhAndilyaH shamamabravIt .. 13..\\
viditvA sapta sUkShmANi ShaDa~Nga.n cha maheshvaram . 
pradhAnaviniyogasthaH paraM brahmAdhigachchhati .. 14..\\
\medskip\hrule\medskip\centerline{\Largedvng 246}
 vyaasa

hR^idi kAmadrumashchitro mohasa~ncaya sambhavaH . 
krodhamAnamahAskandho vivitsA parimochanaH .. 1..\\
tasya chAGYAnamAdhAraH pramAdaH pariShechanam . 
so.abhyasUyA palAsho hi purAduShkR^ita sAravAn .. 2..\\
saMmoha chintA vitapaH shokashAkho bhaya~NkaraH . 
mohanIbhiH pipAsAbhirlatAbhiH pariveShTitaH .. 3..\\
upAsate mahAvR^ikSha.n sulubdhAstaM phalepsavaH . 
AyAsaiH sa.nyataH pAshaiH phalAni pariveShTayan .. 4..\\
yastAnpAshAnvashe kR^itvA ta.n vR^ikShamapakarShati . 
gataH sa duHkhayoranta.n yatamAnastayordvayoH .. 5..\\
sa.nrohatyakR^itapraGYaH santApena hi pAdapam . 
sa tameva tato hanti viSha.n grasamivAturam .. 6..\\
tasyAnushaya mUlasya mUlamuddhriyate balAt . 
tyAgApramAdAkR^itinA sAmyena paramAsinA .. 7..\\
eva.n yo veda kAmasya kevalaM parikarShaNam . 
vadha.n vai kAmashAstrasya sa duHkhAnyativartate .. 8..\\
sharIraM puramityAhuH svAminI buddhiriShyate . 
tatra buddheH sharIrasthaM mano nAmArtha chintakam .. 9..\\
indriyANi janAH paurAstadartha.n tu parA kR^itiH . 
tatra dvau dAruNau doShau tamo nAma rajastathA .. 10..\\
yadarthamupajIvanti paurAH saha pureshvarAH . 
advAreNa tamevArtha.n dvau doShAvupajIvataH .. 11..\\
tatra buddhirhi durdharShA manaH sAdharmyamuchyate . 
paurAshchApi manastrastAsteShAmapi chalA sthitiH .. 12..\\
yadarthaM buddhiradhyAste na so.arthaH pariShIdati . 
yadarthaM pR^ithagadhyAste manastatpariShIdati .. 13..\\
pR^ithagbhUta.n yadA buddhyA mano bhavati kevalam . 
tatraiva.n vivR^itaM shUnyaM rajaH paryavatiShThate .. 14..\\
tanmanaH kurute sakhya.n rajasA saha sa~Ngatam . 
ta.n chAdAya janaM paura.n rajase samprayachchhati .. 15..\\
\medskip\hrule\medskip\centerline{\Largedvng 247}
 bhii

bhUtAnA.n guNasa~NkhyAnaM bhUyaH putra nishAmaya . 
dvaipAyana mukhAdbhraShTa.n shlAghayA parayAnagha .. 1..\\
dIptAnalanibhaH prAha bhagavAndhUmravarchase . 
tato.ahamapi vakShyAmi bhUyaH putra nidarshanam .. 2..\\
bhUmeH sthairyaM pR^ithutva.n cha kAthinyaM prasavAtmatA . 
gandho gurutva.n shaktishcha sa~NghAtaH sthApanA dhR^itiH .. 3..\\
apA.n shaityaM rasaH kledo dravatvaM snehasaumyatA . 
jihvA viShyandinI chaiva bhaumApyAsravaNa.n tathA .. 4..\\
agnerdurdharShatA tejastApaH pAkaH prakAshanam . 
shaucha.n rAgo laghustaikShNya.n dashamaM chordhvabhAgitA .. 5..\\
vAyoraniyamaH sparsho vAdasthAna.n svatantratA . 
bala.n shaighrya.n cha mohashcha cheShTA karmakR^itA bhavaH .. 6..\\
AkAshasya guNaH shabdo vyApitva.n chhidratApi cha . 
anAshrayamanAlambamavyaktamavikAritA .. 7..\\
apratIghAtatA chaiva bhUtatva.n vikR^itAni cha . 
guNAH pa~nchA shataM proktAH pa~ncha bhUtAtmabhAvitAH .. 8..\\
chalopapattirvyaktishcha visargaH kalpanA kShamA . 
sadasachchAshutA chaiva manaso nava vai guNAH .. 9..\\
iShTAniShTa vikalpashcha vyavasAyaH samAdhitA . 
saMshayaH pratipattishcha buddhau pa~ncheha ye guNAH .. 10..\\

 y

kathaM pa~ncha guNA buddhiH kathaM pa~nchendriyA guNAH . 
etanme sarvamAchakShva sUkShmaGYAnaM pitAmaha .. 11..\\

 bhii

AhuH ShaShTiM bhUtaguNAnvai 
bhUtavishiShTA nityaviShaktAH . 
bhUtaviShaktAshchAkSharasR^iShTAH 
putra na nitya.n tadiha vadanti .. 12..\\
tatputra chintA kalita.n yaduktam 
anAgata.n vai tava sampratIha . 
bhUtArtha tattva.n tadavApya sarvaM 
bhUtaprabhAvAdbhava shAntabuddhiH .. 13..\\
\medskip\hrule\medskip\centerline{\Largedvng 248}
 y

ya ime pR^ithivIpAlAH sherate pR^ithivItale . 
pR^itanA madhya ete hi gatasattvA mahAbalAH .. 1..\\
ekaikasho bhImabalA nAgAyuta balAstathA . 
ete hi nihatAH sa~Nkhye tulyatejobalairnaraiH .. 2..\\
naiShAM pashyAmi hantAraM prAninA.n sa.nyuge purA . 
vikrameNopasampannAstejobalasamanvitAH .. 3..\\
atha cheme mahAprAGYa sherate hi gatAsavaH . 
mR^itA iti cha shabdo.aya.n vartatyeShu gatAsuShu .. 4..\\
ime mR^itA nR^ipatayaH prAyasho bhImavikramAH . 
tatra me saMshayo jAtaH kutaH sa~nj~nA mR^itA iti .. 5..\\
kasya mR^ityuH kuto mR^ityuH kena mR^ityuriha prajAH . 
haratyamarasa~NkAsha tanme brUhi pitAmaha .. 6..\\

 bhii

purA kR^itayuge tAta rAjAsIdavikampakaH . 
sa shatruvashamApannaH sa~NgrAme kShINavAhanaH .. 7..\\
tatra putro harirnAma nArAyaNa samo bale . 
sa shatrubhirhataH sa~Nkhye sabalaH sapadAnugaH .. 8..\\
sa rAjA shatruvashagaH putrashokasamanvitaH . 
yadR^ichchhayAshAnti paro dadarsha bhuvi nAradam .. 9..\\
sa tasmai sarvamAchasta yathAvR^itta.n janeshvaraH . 
shatrubhirgrahaNa.n sa~Nkhye putrasya maraNa.n tathA .. 10..\\
tasya tadvachana.n shrutvA nAradAtha tapodhanaH . 
AkhyAnamidamAchasta putrashokApaha.n tadA .. 11..\\
rAja~nshR^iNu samAkhyAnamadyedaM bahuvistaram . 
yathAvR^itta.n shruta.n chaiva mayApi vasudhAdhipa .. 12..\\
prajAH sR^iShTvA mahAtejAH prajA sarge pitAmahaH . 
atIva vR^iddhA bahulA nAmR^iShyata punaH prajAH .. 13..\\
na hyantaramabhUtki.n chitkva chijjantubhirachyuta . 
niruchchhvAsamivonnaddha.n trailokyamabhavannR^ipa .. 14..\\
tasya chintA samutpanna sa.nhAraM prati bhUpate . 
chintayannAdhyagachchhachcha sa.nhAre hetukAraNam .. 15..\\
tasya roShAnmahArAja khebhyo.agnirudatiShThata . 
tena sarvadisho rAjandadAha sa pitAmahaH .. 16..\\
tato divaM bhuva.n khaM cha jagachcha sacharAcharam . 
dadAha pAvako rAjanbhagavatkopasambhavaH .. 17..\\
tatrAdahyanta bhUtAni ja~NgamAni dhruvANi cha . 
mahatA kopavegena kupite prapitAmahe .. 18..\\
tato hari jataH sthAnurvedAdhvara patiH shivaH . 
jagAda sharaNa.n devo brAhmaNaM paravIrahA .. 19..\\
tasminnabhigate sthAnau prajAnA.n hitakAmyayA . 
abravIdvarado devo jvalanniva tadA shivam .. 20..\\
karavANyadya ka.n kAma.n varArho.asi mato mama . 
kartA hyasmi priya.n shambho tava yaddhR^idi vartate .. 21..\\
\medskip\hrule\medskip\centerline{\Largedvng 249}
 sthaanu

prajA sarga nimittaM me kAryavattAmimAM prabho . 
viddhi sR^iShTAstvayA hImA mA kupyAsAM pitAmaha .. 1..\\
tava tejo.agninA deva prajA dahyanti sarvashaH . 
tA dR^iShTvA mama kAruNyaM mA kupyAsA.n jagatprabho .. 2..\\

 prajaapati

na kupye na cha me kAmo na bhaveranprajA iti . 
lAghavArtha.n dharaNyAstu tataH sa.nhAra iShyate .. 3..\\
iya.n hi mAM sadA devI bhArArtA samachodayat . 
sa.nhArArthaM mahAdeva bhAreNApsu nimajjati .. 4..\\
yadAhaM nAdhigachchhAmi buddhyA bahu vichArayan . 
sa.nhAramAsA.n vR^iddhAnA.n tato mAM krodha Avishat .. 5..\\

 sthaanu

sa.nhArAntaM prasIdasva mA krudhastridasheshvara . 
mA prajAH sthAvara.n vaicha ja~Ngama.n cha vinInashaH .. 6..\\
palvalAni cha sarvANi sarva.n chaiva tR^iNolapam . 
sthAvara.n ja~NgamaM chaiva bhUtagrAmaM chaturvidham .. 7..\\
tadetadbhasmasAdbhUta.n jagatsarvamupaplutam . 
prasIda bhagavansAdho vara eSha vR^ito mayA .. 8..\\
naShTA na punareShyanti prajA hyetAH katha.n chana . 
tasmAnnivartyatAmetattejaH svenaiva tejasA .. 9..\\
upAyamanya.n sampashya prajAnAM hitakAmyayA . 
yatheme jantavaH sarve nivarteranparantapa .. 10..\\
abhAvamabhigachchheyurutsannaprajanA prajAH . 
adhidaiva niyukto.asmi tvayA lokeShviheshvara .. 11..\\
tvadbhava.n hi jagannAtha jagatsthAvaraja~Ngamam . 
prasAdya tvAM mahAdeva yAchAmyAvR^ittijAH prajAH .. 12..\\

 naarada

shrutvA tu vachana.n devaH sthAnorniyatavA~NmanaH . 
tejastatsvaM nijagrAha punarevAntarAtmanA .. 13..\\
tato.agnimupasa~NgR^ihya bhagavA.NllokapUjitaH . 
pravR^itti.n cha nivR^ittiM cha kalpayAmAsa vai prabhuH .. 14..\\
upasa.nharatastasya tamagni.n roShaja.n tadA . 
prAdurbabhUva vishvebhyaH khebhyo nArI mahAtmanaH .. 15..\\
kR^iShNA raktAmbaradharA raktanetra talAntarA . 
divyakundala sampannA divyAbharaNabhIsitA .. 16..\\
sA viniHsR^itya vai khebhyo dakShiNAmAshritA disham . 
dadR^ishAte.atha tau kanyAdevau vishveshvarAvubhau .. 17..\\
tAmAhUya tadA devo lokAnAmAdirIshvaraH . 
mR^ityo iti mahIpAla jahi chemAH prajA iti .. 18..\\
tva.n hi sa.nhAra buddhyA me chintitA ruShitena cha . 
tasmAtsa.nhara sarvAstvaM prajAH sajada paNDitAH .. 19..\\
avisheSheNa chaiva tvaM prajAH sa.nhara bhAmini . 
mama tva.n hi niyogena shreyaH paramavApsyasi .. 20..\\
evamuktA tu sA devI mR^ityuH kamalamAlinI . 
pradadhyau duHkhitA bAlA sAshrupAtamatIva hi .. 21..\\
pAnibhyA.n chaiva jagrAha tAnyashrUNi janeshvaraH . 
mAnavAnA.n hitArthAya yayAche punareva cha .. 22..\\
\medskip\hrule\medskip\centerline{\Largedvng 250}
 naarada

vinIya duHkhamabalA sA tvatIvAyatekShaNA . 
uvAcha prA~njalirbhUtvA latevAvarjitA tadA .. 1..\\
tvayA sR^iShTA kathaM nArI mAdR^ishI vadatA.n vara . 
raudrakarmAbhijAyeta sarvaprAni bhaya~NkarI .. 2..\\
bibhemyahamadharmasya dharmyamAdisha karma me . 
tvaM mAM bhItAmavekShasva shiveneshvara chakShuShA .. 3..\\
bAlAnvR^iddhAnvayaH sthAMshcha na hareyamanAgasaH . 
prAninaH prAninAmIsha namaste.abhiprasIda me .. 4..\\
priyAnputrAnvayasyAMshcha bhrAtR^InmAtR^IH pitR^Inapi . 
apadhyAsyanti yaddeva mR^itA.nsteShAM bibhemyaham .. 5..\\
kR^ipaNAshru parikledo dahenmA.n shAshvatIH samAH . 
tebhyo.ahaM balavadbhItA sharama.n tvAmupAgatA .. 6..\\
yamasya bhavane deva yAtyante pApakarmiNaH . 
prasAdaye tvA varada prasAda.n kuru me prabho .. 7..\\
etamichchhAmyaha.n kAmaM tvatto lokapitAmaha . 
ichchheya.n tvatprasAdAchcha tapastaptu.n sureshvara .. 8..\\

 pitaamaha

mR^ityo sa~NkalpitA me tvaM prajA sa.nhAra hetunA . 
gachchha sa.nhara sarvAstvaM prajA mA cha vichAraya .. 9..\\
etadevamavashya.n hi bhavitA naitadanyathA . 
kriyatAmanavadyA~Ngi yathoktaM madvacho.anaghe .. 10..\\

 naarada

evamuktA mahAbAho mR^ityuH parapura~njaya . 
na vyAjahAra tasthau cha prahvA bhagavadunmukhI .. 11..\\
punaH punarathoktA sA gatasattveva bhAminI . 
tUsnImAsIttato devo devAnAmIshvareshvaraH .. 12..\\
prasasAda kila brahmA svayamevAtmanAtmavAn . 
smayamAnashcha lokesho lokAnsarvAnavaikShata .. 13..\\
nivR^ittaroShe tasmi.nstu bhagavatyaparAjite . 
sA kanyApajagAmAsya samIpAditi naH shrutam .. 14..\\
apasR^ityApratishrutya prajAsa.nharaNa.n tadA . 
tvaramANeva rAjendra mR^ityurdhenukamabhyayAt .. 15..\\
sA tatra parama.n devI tapo.acharata dushcharam . 
samA hyekapade tasthau dashapadmAni pa~ncha cha .. 16..\\
tA.n tathA kurvatIM tatra tapaH paramadushcharam . 
punareva mahAtejA brahmA vachanamabravIt .. 17..\\
kuruShva me vacho mR^ityo tadanAdR^itya satvarA . 
tathaivaika pade tAta punaranyAni sapta sA .. 18..\\
tasthau padmAni sashchaiva pa~ncha dve chaiva mAnada . 
bhUyaH padmAyuta.n tAta mR^igaiH saha chachAra sA .. 19..\\
punargatvA tato rAjanmaunamAtiShThaduttamam . 
apsu varShasahasrANi sapta chaiva.n cha pArthiva .. 20..\\
tato jagAma sA kanyA kaushikIM bharatarShabha . 
tatra vAyujalAhArA chachAra niyamaM punaH .. 21..\\
tato yayau mahAbhAgA ga~NgAM meru.n cha kevalam . 
tasthau dArviva nishcheShTA bhUtAnA.n hitakAmyayA .. 22..\\
tato himavato mUrdhni yatra devAH samIjire . 
tatrA~NguShThena rAjendra nikharvamapara.n tataH . 
tasthau pitAmaha.n chaiva toShayAmAya yatnataH .. 23..\\
tatastAmabravIttatra lokAnAM prabhavApyayaH . 
kimida.n vartate putri kriyatA.n tadvacho mama .. 24..\\
tato.abravItpunarmR^ityurbhagavantaM pitAmaham . 
na hareyaM prajA deva punastvAhaM prasAdaye .. 25..\\
tAmadharmabhayatrastAM punareva cha yAchatIm . 
tadAbravIddevadevo nigR^ihyeda.n vachastataH .. 26..\\
adharmo nAsti te mR^ityo sa.nyachchhemAH prajAH shubhe . 
mayA hyuktaM mR^iShA bhadre bhavitA neha ki.n chana .. 27..\\
dharmaH sanAtanashcha tvAmihaivAnupravekShyate . 
aha.n cha vibudhAshchaiva tvaddhite niratAH sadA .. 28..\\
imamanya.n cha te kAmaM dadAmi manasepsitam . 
na tvA doSheNa yAsyanti vyAdhisampIDitAH prajAH .. 29..\\
puruSheShu cha rUpeNa puruShastvaM bhaviShyasi . 
strIShu strIrUpiNI chaiva tR^itIyeShu napu.nsakam .. 30..\\
saivamuktA mahArAja kR^itA~njaliruvAcha ha . 
punareva mahAtmAnaM neti deveshamavyayam .. 31..\\
tAmabravIttadA devo mR^ityo sa.nhara mAnavAn . 
adharmaste na bhavitA tathA dhyAsyAmyaha.n shubhe .. 32..\\
yAnashrubindUnpatitAnapashyaM 
ye pAnibhyA.n dhAritAste purastAt . 
te vyAdhayo mAnavAnghorarUpAH 
prApte kAle pIDayiShyanti mR^ityo .. 33..\\
sarveShA.n tvaM prAninAmantakAle 
kAmakrodhau sahitau yojayethAH . 
eva.n dharmastvAmupaiShyatyameyo 
na chAdharma.n lapsyase tulyavR^ittiH .. 34..\\
eva.n dharmaM pAlayiShyasyathoktaM 
na chAtmAnaM majjayiShyasyadharme . 
tasmAtkAma.n rochayAbhyAgata.n tvaM 
sa.nyogyAtho sa.nharasveha jantUn .. 35..\\
sA vai tadA mR^ityusa~nj~nApadeshAch 
chhApAdbhItA bAdhamityabravIttam . 
atho prAnAnprAninAmantakAle 
kAmakrodhau prApya nirmohya hanti .. 36..\\
mR^ityo ye te vyAdhayashchAshrupAtA 
manuShyANA.n rujyate yaiH sharIram . 
sarveShA.n vai prAninAM prANanAnte 
tasmAchchhokaM mA kR^ithA budhya buddhyA .. 37..\\
sarve devAH prAninAM prANanAnte 
gatvA vR^ittAH saMnivR^ittAstathaiva . 
eva.n sarve mAnavAH prANanAnte 
gatvAvR^ittA devavadrAjasi.nha .. 38..\\
vAyurbhImo bhImanAdo mahaujAH 
sarveShA.n cha prAninAM prANa bhUtaH . 
nAnA vR^ittirdehinA.n dehabhede 
tasmAdvAyurdevadevo vishiShTaH .. 39..\\
sarve devA martyasa~nj~nA vishiShTAH 
sarve martyA deva sa~nj~nA vishiShTAH . 
tasmAtputraM mA shucho rAjasi.nha 
putraH svargaM prApya te modate ha .. 40..\\
evaM mR^ityurdeva sR^iShTA prajAnAM 
prApte kAle sa.nharantI yathAvati . 
tasyAshchaiva vyAdhayaste.ashrupAtAH 
prApte kAle sa.nharantIha jantUn .. 41..\\
\medskip\hrule\medskip\centerline{\Largedvng 251}
 y

ime vai mAnavAH sarve dharmaM prati visha~NkitAH . 
ko.aya.n dharmaH kuto dharmastanme brUhi pitAmaha .. 1..\\
dharmo nvayamihArthaH kimamutrArtho.api vA bhavet . 
ubhayArtho.api vA dharmastanme brUhi pitAmaha .. 2..\\

 bhiisma

sadAchAraH smR^itirvedAstrividha.n dharmalakShaNam . 
chaturthamarthamityAhuH kavayo dharmalakShaNam .. 3..\\
api hyuktAni karmANi vyavasyantyuttarAvare . 
lokayAtrArthameveha dharmasya niyamaH kR^itaH . 
ubhayatra sukhodarka iha chaiva paratra cha .. 4..\\
alabdhvA nipuna.n dharmaM pApaH pApe prasajjati . 
na cha pApakR^itaH pApAnmuchyante ke chidApadi .. 5..\\
apApavAdI bhavati yadA bhavati dharmavit . 
dharmasya niShThA svAchArastamevAshritya bhotsyase .. 6..\\
yadAdharmasamAviShTo dhana.n gR^ihNAti taskaraH . 
ramate nirharanstenaH paravittamarAjake .. 7..\\
yadAsya taddharantyanye tadA rAjAnamichchhati . 
tadA teShA.n spR^ihayate ye vai tuShTAH svakairdhanaiH .. 8..\\
abhItaH shuchirabhyeti rAjadvAramasha~NkitaH . 
na hi dushcharita.n kiM chidantarAtmani pashyati .. 9..\\
satyasya vachana.n sAdhu na satyAdvidyate param . 
satyena vidhR^ita.n sarvaM sarvaM satye pratiShThitam .. 10..\\
api pApakR^ito raudrAH satya.n kR^itvA pR^ithakpR^ithak . 
adrohamavisa.nvAdaM pravartante tadAshrayAH . 
te chenmitho.adhR^iti.n kuryurvinashyeyurasaMshayam .. 11..\\
na hartavyaM paradhanamiti dharmaH sanAtanaH . 
manyante balavantasta.n durbalaiH sampravartitam . 
yadA niyati daurbalyamathaiShAm eva rochate .. 12..\\
na hyatyantaM balayutA bhavanti sukhino.api vA . 
tasmAdanArjave buddhirna kAryA te katha.n chana .. 13..\\
asAdhubhyo.asya na bhayaM na chorebhyo na rAjataH . 
na ki.n chitkasya chitkurvannirbhayaH shuchirAvaset .. 14..\\
sarvataH sha~Nkate steno mR^igo grAmamiveyivAn . 
bahudhAcharitaM pApamanyatraivAnupashyati .. 15..\\
muditaH shuchirabhyeti sarvato nirbhayaH sadA . 
na hi dushcharita.n kiM chidAtmano.anyeShu pashyati .. 16..\\
dAtavyamityaya.n dharma ukto bhUtahite rataiH . 
taM manyante dhanayutAH kR^ipaNaiH sampravartitam .. 17..\\
yadA niyati kArpaNyamathaiShAm eva rochate . 
na hyatyanta.n dhanavanto bhavanti sukhino.api vA .. 18..\\
yadanyairvihitaM nechchhedAtmanaH karma pUruShaH . 
na tatpareShu kurvIta jAnannapriyamAtmanaH .. 19..\\
yo.anyasya syAdupapatiH sa ka.n ki.n vaktumarhati . 
yadanyastasya tatkuryAnna mR^iShyediti me matiH .. 20..\\
jIvitu.n yaH svaya.n chechchhetkathaM so.anyaM praghAtayet . 
yadyadAtmana ichchheta tatparasyApi chintayet .. 21..\\
atiriktaiH sa.nvibhajedbhogairanyAnaki~ncanAn . 
etasmAtkAraNAddhAtrA kusIda.n sampravartitam .. 22..\\
yasmi.nstu devAH samaye santiShThera.nstathA bhavet . 
atha chellAbhasamaye sthitirdharme.api shobhanA .. 23..\\
sarvaM priyAbhyupagata.n dharmamAhurmanIShiNaH . 
pashyaita.n lakShaNoddesha.n dharmAdharme yudhiShThira .. 24..\\
lokasa~Ngraha sa.nyukta.n vidhAtrA vihitaM purA . 
sUkShmadharmArthaniyata.n satA.n charitamuttamam .. 25..\\
dharmalakShaNamAkhyAtametatte kurusattama . 
tasmAdanArjave buddhirna kAryA te katha.n chana .. 26..\\
\medskip\hrule\medskip\centerline{\Largedvng 252}
 y

sUkShma.n sAdhu samAdiShTaM bhavatA dharmalakShaNam . 
pratibhA tvasti me kA chittAM brUyAmanumAnataH .. 1..\\
bhUyA.nso hR^idaye ye me prashnAste vyAhR^itAstvayA . 
imamanyaM pravakShyAmi na rAjanvigrahAdiva .. 2..\\
imAni hi prApayanti sR^ijantyuttArayanti cha . 
na dharmaH paripAthena shakyo bhArata veditum .. 3..\\
anyo dharmaH samasthasya viShamasthasya chAparaH . 
Apadastu katha.n shakyAH paripAThena veditum .. 4..\\
sadAchAro mato dharmaH santastvAchAra lakShaNAH . 
sAdhyAsAdhya.n katha.n shakyaM sadAchAro hyalakShaNam .. 5..\\
dR^ishyate dharmarUpeNa adharmaM prAkR^itash charan . 
dharma.n chAdharmarUpeNa kashchidaprAkR^itash charan .. 6..\\
punarasya pramAna.n hi nirdiShTaM shAstrakovidaiH . 
vedavAdAshchAnuyuga.n hrasantIti ha naH shrutam .. 7..\\
anye kR^itayuge dharmAstretAyA.n dvApare.apare . 
anye kaliyuge dharmA yathAshakti kR^itA iva .. 8..\\
AmnAyavachana.n satyamityayaM lokasa~NgrahaH . 
AmnAyebhyaH para.n vedAH prasR^itA vishvatomukhAH .. 9..\\
te chetsarve pramAna.n vai pramAna.n tanna vidyate . 
pramAne chApramAne cha viruddhe shAstratA kutaH .. 10..\\
dharmasya hriyamANasya balavadbhirdurAtmabhiH . 
yA yA vikriyate sa.nsthA tataH sApi pranashyati .. 11..\\
vidma chaivaM na vA vidma shakya.n vA vedituM na vA . 
anIyAnkShura dhArAyA garIyAnparvatAdapi .. 12..\\
gandharvanagarAkAraH prathama.n sampradR^ishyate . 
anvIkShyamANaH kavibhiH punargachchhatyadarshanam .. 13..\\
nipAnAnIva go.abhyAshe kShetre kulyeva bhArata . 
smR^ito.api shAshvato dharmo viprahIno na dR^ishyate .. 14..\\
kAmAdanye kShayAdanye kAraNairaparaistathA . 
asanto hi vR^ithAchAraM bhajante bahavo.apare .. 15..\\
dharmo bhavati sa kShipra.n vilInastveva sAdhuShu . 
anye tAnAhurunmattAnapi chAvahasantyuta .. 16..\\
mahAjanA hyupAvR^ittA rAjadharma.n samAshritAH . 
na hi sarvahitaH kashchidAchAraH sampradR^ishyate .. 17..\\
tenaivAnyaH prabhavati so.aparaM bAdhate punaH . 
dR^ishyate chaiva sa punastulyarUpo yadR^ichchhayA .. 18..\\
yenaivAnyaH prabhavati so.aparAnapi bAdhate . 
AchArANAmanaikAgrya.n sarveShAmeva lakShayet .. 19..\\
chirAbhipannaH kavibhiH pUrva.n dharma udAhR^itaH . 
tenAchAreNa pUrveNa sa.nsthA bhavati shAshvatI .. 20..\\
\medskip\hrule\medskip\centerline{\Largedvng 253}
 bhii

atrApyudAharantImamitihAsaM purAtanam . 
tulAdhArasya vAkyAni dharme jAjalinA saha .. 1..\\
vane vanacharaH kashchijjAjalirnAma vai dvijaH . 
sAgaroddeshamAgamya tapastepe mahAtapaH .. 2..\\
niyato niyatAhArashchIrAjinajatA dharaH . 
malapa~Nka dharo dhImAnbahUnvarShagaNAnmuniH .. 3..\\
sa kadA chinmahAtejA jalavAso mahIpate . 
chachAra lokAnviprarShiH prekShamANo manojavaH .. 4..\\
sa chintayAmAsa munirjalamadhye kadA chana . 
viprekShya sAgarAntA.n vai mahIM savanakAnanAm .. 5..\\
na mayA sadR^isho.astIha loke sthAvaraja~Ngame . 
apsu vaihAyasa.n gachchhenmayA yo.anyaH saheti vai .. 6..\\
sa dR^ishyamAno rakShobhirjalamadhye.avadattataH . 
abruvaMshcha pishAchAstaM naiva.n tva.n vaktumarhasi .. 7..\\
tulA dhAro vaNigdharmA vArANasyAM mahAyashaH . 
so.apyevaM nArhate vaktu.n yathA tva.n dvijasattama .. 8..\\
ityukto jAjalirbhUtaiH pratyuvAcha mahAtapaH . 
pashyeya.n tamahaM prAGYaM tulAdhAra.n yashasvinam .. 9..\\
iti bruvANa.n tamR^iShi.n rakShA.nsyuddhR^itya sAgarAt . 
abruvangachchha panthAnamAsthAyema.n dvijottama .. 10..\\
ityukto jAjalirbhUtairjagAma vimanAstadA . 
vArANasyA.n tulAdhAra.n samAsAdyAbravIdvachaH .. 11..\\

 y

ki.n kR^ita.n sukR^itaM karma tAta jAjalinA purA . 
yena siddhiM parAM prAptastanno vyAkhyAtumarhasi .. 12..\\

 bhii

atIva tapasA yukto ghoreNa sa babhUva ha . 
nadyupasparshana rataH sAyamprAtarmahAtapaH .. 13..\\
agnInparicharansamyaksvAdhyAyaparamo dvijaH . 
vAnaprasthavidhAnaGYo jAjalirjvalitaH shriyA .. 14..\\
satye tapasi tiShThansa na cha dharmamavaikShata . 
varShAsvAkAshashAyI sa hemante jalasaMshrayaH .. 15..\\
vatAtapa saho grIsme na cha dharmamavindata . 
duHkhashayyAshcha vividhA bhUmau cha parivartanam .. 16..\\
tataH kadA chitsa munirvarShAsvAkAshamAsthitaH . 
antarikShAjjalaM mUrdhnA pratyagR^ihNAnmuhurmuhur .. 17..\\
atha tasya jatAH klinnA babhUvurgrathitAH prabho . 
araNyagamanAnnityaM malino malasa.nyutAH .. 18..\\
sa kadA chinnirAhAro vAyubhakSho mahAtapaH . 
tasthau kAShThavadavyagro na chachAla cha karhi chit .. 19..\\
tasya sma sthAnu bhUtasya nirvicheShTasya bhArata . 
kuli~Nga shakunau rAjannIda.n shirasi chakratuH .. 20..\\
sa tau dayAvAnviprarShirupapraikShata dampatI . 
kurvANaM nIdaka.n tatra jatAsu tR^iNatantubhiH .. 21..\\
yadA sa na chalatyeva sthAnu bhUto mahAtapaH . 
tatastau parivishvastau sukha.n tatrosatustadA .. 22..\\
atItAsvatha varShAsu sharatkAla upasthite . 
prAjApatyena vidhinA vishvAnAtkAmamohitau .. 23..\\
tatrApAtayatA.n rAja~nshirasyandAni khecharau . 
tAnyabudhyata tejasvI sa vipraH saMshitavrataH .. 24..\\
buddhvA cha sa mahAtejA na chachAlaiva jAjaliH . 
dharme dhR^itamanA nityaM nAdharma.n sa tvarochayat .. 25..\\
ahanyahani chAgamya tatastau tasya mUrdhani . 
AshvAsitau vai vasataH samprahR^iShTau tadA vibho .. 26..\\
andebhyastvatha puShTebhyaH prajAyanta shakuntakAH . 
vyavarthanta cha tatraiva na chAkampata jAjaliH .. 27..\\
sa rakShamANastvandAni kuli~NgAnA.n yatavrataH . 
tathaiva tasthau dharmAtmA nirvecheShTaH samAhitaH .. 28..\\
tatastu kAlasamaye babhUvuste.atha pakShiNaH . 
bubudhe tAMshcha sa munirjAtapakShA~nshakuntakAn .. 29..\\
tataH kadA chittA.nstatra pashyanpakShInyatavrataH . 
babhUva paramaprItastadA matimatA.n varaH .. 30..\\
tathA tAnabhisa.nvR^iddhAndR^iShTvA chApnuvatAM mudam . 
shakunau nirbhayau tatra UsatushchAtmajaiH saha .. 31..\\
jAtapakShAMshcha so.apashyaduddInAnpunarAgatAn . 
sAya.n sAya.n dvijAnvipro na chAkampata jAjaliH .. 32..\\
kadA chitpunarabhyetya punargachchhanti santatam . 
tyaktA mAtR^ipitR^ibhyA.n te na chAkampata jAjaliH .. 33..\\
atha te divasa.n chArIM gatvA sAyaM punarnR^ipa . 
upAvartanta tatraiva nivAsArtha.n shakuntakAH .. 34..\\
kadA chiddivasAnpa~ncha samutpatya viha~NgamAH . 
sasthe.ahani samAjagmurna chAkampata jAjaliH .. 35..\\
krameNa cha punaH sarve divasAni bahUnyapi . 
nopAvartanta shakunA jAtaprAnAH sma te yadA .. 36..\\
kadA chinmAsamAtreNa samutpatya viha~NgamAH . 
naivAgachchha.nstato rAjanprAtiShThata sa jAjaliH .. 37..\\
tatasteShu pralIneShu jAjalirjAtavismayaH . 
siddho.asmIti mati.n chakre tatastaM mAna Avishat .. 38..\\
sa tathA nirgatAndR^iShTvA shakuntAnniyatavrataH . 
sambhAvitAtmA sambhAvya bhR^ishaM prItastadAbhavan .. 39..\\
sa nadyA.n samupaspR^ishya tarpayitvA hutAshanam . 
udayantamathAdityamabhyagachchhanmahAtapaH .. 40..\\
sambhAvya chatakAnmUrdhni jAjalirjapatA.n varaH . 
AsphotayattadAkAshe dharmaH prApto mayeti vai .. 41..\\
athAntarikShe vAgAsIttA.n sa shushrAva jAjaliH . 
dharmeNa na samastva.n vai tulAdhArasya jAjale .. 42..\\
vArANasyAM mahAprAGYastulAdhAraH pratiShThitaH . 
so.apyevaM nArhate vaktu.n yathA tvaM bhAsase dvija .. 43..\\
so.amarShavashamApannastulAdhara didR^ikShayA . 
pR^ithivImacharadrAjanyatrasAya.n gR^iho muniH .. 44..\\
kAlena mahatAgachchhatsa tu vArANasIM purIm . 
vikrINanta.n cha panyAni tulA dhAraM dadarsha saH .. 45..\\
so.api dR^iShTvaiva ta.n vipramAyAntaM bhAnda jIvinaH . 
samutthAya susa.nhR^iShTaH svAgatenAbhyapUjayat .. 46..\\

 tulaa

AyAnevAsi vidito mama brahmanna saMshayaH . 
bravImi yattu vachana.n tachchhR^iNuShva dvijottama .. 47..\\
sAgarAnUpamAshritya tapastapta.n tvayA mahat . 
na cha dharmasya sa~nj~nA.n tvaM purA vettha kathaM chana .. 48..\\
tataH siddhasya tapasA tava vipra shakuntakAH . 
kShipra.n shirasyajAyanta te cha sambhAvitAstvayA .. 49..\\
jAtapakShA yadA te cha gatAshchArImitastataH . 
manyamAnastato dharma.n chaTaka prabhavaM dvija . 
khe vAcha.n tvamathAshrauShIrmAM prati dvijasattama .. 50..\\
amarShavashamApannastataH prApto bhavAniha . 
karavANi priya.n kiM te tadbrUhi dvijasattama .. 51..\\
\medskip\hrule\medskip\centerline{\Largedvng 254}
 bhii

ityuktaH sa tadA tena tulAdhAreNa dhImatA . 
provAcha vachana.n dhImA~njAjalirjapatA.n varaH .. 1..\\
vikrINAnaH sarvarasAnsarvagandhAMshcha vAnija . 
vanaspatInoShadhIshcha teShAM mUlaphalAni cha .. 2..\\
adhyagA naiShThikIM buddhi.n kutastvAmidamAgatam . 
etadAchakShva me sarvaM nikhilena mahAmate .. 3..\\
evamuktastulAdhAro brAhmaNena yashasvinA . 
uvAcha dharmasUkShmANi vaishyo dharmArthatattvavit . 
jAjali.n kasta tapasa.n GYAnatR^iptastadA nR^ipa .. 4..\\
vedAha.n jAjale dharma.n sarahasyaM sanAtanam . 
sarvabhUtahitaM maitraM purANa.n ya.n janA viduH .. 5..\\
adroheNaiva bhUtAnAmalpadroheNa vA punaH . 
yA vR^ittiH sa paro dharmastena jIvAmi jAjale .. 6..\\
parichchhinnaiH kAShTha tR^iNairmayeda.n sharaNa.n kR^itam . 
alaktaM padmaka.n tu~NgaM gandhAMshchochchAvachA.nstathA .. 7..\\
rasAMshcha tA.nstAnviprarShe madyya varjAnahaM bahUn . 
krItvA vai prativikrINe parahastAdamAyayA .. 8..\\
sarveShA.n yaH suhR^innityaM sarveShA.n cha hite rataH . 
karmaNA manasA vAchA sa dharma.n veda jAjale .. 9..\\
nAhaM pareShA.n karmANi prasha.nsAmi shapAmi vA . 
AkAshasyeva viprarShe pashya.Nllokasya chitratAm .. 10..\\
nAnurudhye virudhye vA na dveShmi na cha kAmaye . 
samo.asmi sarvabhUteShu pashya me jAjale vratam .. 11..\\
iShTAniShTa vimuktasya prItirAgabahiShkR^itaH . 
tulA me sarvabhUteShu samA tiShThati jAjale .. 12..\\
iti mA.n tva.n vijAnIhi sarvalokasya jAjale . 
samaM matimatA.n shreShTha samaloShTAshma kA~nchanam .. 13..\\
yathAndha badhironmattA uchchhvAsaparamAH sadA . 
devairapihita dvArAH sopamA pashyato mama .. 14..\\
yathA vR^iddhAtura kR^ishA niHspR^ihA viShayAnprati . 
tathArtha kAmabhogeShu mamApi vigatA spR^ihA .. 15..\\
yadA chAyaM na bibheti yadA chAsmAnna bibhyati . 
yadA nechchhati na dveShTi tadA sidhyati vai dvijaH .. 16..\\
yadA na kurute bhAva.n sarvabhUteShu pApakam . 
karmaNA manasA vAchA brahma sampadyate tadA .. 17..\\
na bhUto na bhaviShyashcha na cha dharmo.asti kash chana . 
yo.abhayaH sarvabhUtAnA.n sa prApnotyabhayaM padam .. 18..\\
yasmAdudvijate lokaH sarvo mR^ityumukhAdiva . 
vAkkrUrAddaNDa pAruShyAtsa prApnoti mahadbhayam .. 19..\\
yathAvadvartamAnAnA.n vR^iddhAnAM putrapautriNAm . 
anuvartAmahe vR^ittamahi.nsrANAM mahAtmanAm .. 20..\\
pranastaH shAshvato dharmaH sadAchAreNa mohitaH . 
tena vaidyastapasvI vA balavAnvA vimohyate .. 21..\\
AchArA~njAjale prAGYaH kShipra.n dharmamavApnuyAt . 
eva.n yaH sAdhubhirdAntashcharedadroha chetasA .. 22..\\
nadyA.n yathA cheha kAShThamuhyamAnaM yadR^ichchhayA . 
yadR^ichchhayaiva kAShThena sandhi.n gachchheta kena chit .. 23..\\
tatrAprarAni dArUNi sa.nsR^ijyante tatastataH . 
tR^iNakAShTha karIsAni kadAchinnasamIkShayA . 
evamevAyamAchAraH prAdurbhUto yatastataH .. 24..\\
yasmAnnodvijate bhUta.n jAtu kiM chitkathaM chana . 
abhaya.n sarvabhUtebhyaH sa prApnoti sadA mune .. 25..\\
yasmAdudjivate vidvansarvaloko vR^ikAdiva . 
kroshatastIramAsAdya yathA sarve jale charAH .. 26..\\
sahAyavAndravyavAnyaH subhago.anyo.aparastathA . 
tatastAneva kavayaH shAstreShu pravadantyuta . 
kIrtyarthamalpahR^illekhAH patataH kR^itsnanirnayAH .. 27..\\
tapo bhoryaGYadAnaishcha vAkyaiH praGYAshritaistathA . 
prApnotyabhayadAnasya yadyatphalamihAshnute .. 28..\\
loke yaH sarvabhUtebhyo dadAtyabhayadakShiNAm . 
sa sarvayaGYairIjAnaH prApnotyabhayadakShiNAm . 
na bhUtAnAmahi.nsAyA jyAyAndharmo.asti kash chana .. 29..\\
yasmAnnodvijate bhUta.n jAtu kiM chitkathaM chana . 
te.abhaya.n sarvabhUtebhyaH samprApnoti mahAmune .. 30..\\
yasmAdudvijate lokaH sarpAdveshma gatAdiva . 
na sa dharmamavApnoti iha loke paratra cha .. 31..\\
sarvabhUtAtmabhUtasya samyagbhUtAni pashyataH . 
devApi mArge muhyanti apadasya padaiShiNaH .. 32..\\
dAnaM bhUtAbhayasyAhuH sarvadAnebhya uttamam . 
bravImi te satyamida.n shraddadhasva cha jAjale .. 33..\\
sa eva subhago bhUtvA punarbhavati durbhagaH . 
vyApatti.n karmaNA dR^iShTvA jugupsanti janAH sadA .. 34..\\
akAraNo hi nehAsti dharmaH sUkShmo.api jAjale . 
bhUtabhavyArthameveha dharmapravachana.n kR^itam .. 35..\\
sUkShmatvAnna sa viGYAtu.n shakyate bahu nihnavaH . 
upalabhyAntarA chAnyAnAchArAnavabudhyate .. 36..\\
ye cha chhindanti vR^iShaNAnye cha bhindanti nastakAn . 
vahanti mahato bhArAnbadhnanti damayanti cha .. 37..\\
hatvA sattvAni khAdanti tAnkathaM na vigarhase . 
mAnuShA mAnuShAneva dAsabhogena bu~njate .. 38..\\
vadhabandhavirodhena kArayanti divAnisham . 
AtmanA chApi jAnAsi yadduHkha.n vadhatAdane .. 39..\\
pa~nchendriyeShu bhUteShu sarva.n vasati daivatam . 
AdityashchandramA vAyurbrahmA prANaH kraturyamaH .. 40..\\
tAni jIvAni vikrIya kA mR^iteShu vichAraNA . 
kA taile kA ghR^ite brahmanmadhunyapsvauShadheShu vA .. 41..\\
adaMsha mashake deshe sukha.n sa.nvarthitAnpashUn . 
tAMshcha mAtuH priyA~njAnannAkramya bahudhA narAH . 
bahu daMsha kushAndeshAnnayanti bahu kardamAn .. 42..\\
vAhasampIDitA dhuryAH sIdantyavidhinApare . 
na manye bhrUNa hatyApi vishiShTA tena karmaNA .. 43..\\
kR^iShi.n sAdhviti manyante sA cha vR^ittiH sudAruNA . 
bhUmiM bhUmishayAMshchaiva hanti kAShThamayomukham . 
tathaivAnaduho yuktAnsamavekShasva jAjale .. 44..\\
aghnyA iti gavAM nAma ka enAnhantumarhati . 
mahachchakArAkushalaM pR^iShadhro gAlabhanniva .. 45..\\
R^iShayo yatayo hyetannahuShe pratyavedayan . 
gAM mAtara.n chApyavadhIrvR^iShabhaM cha prajApatim . 
akAryaM nahuShAkArShIrlapsyAmastvatkR^ite bhayam .. 46..\\
shata.n chaikaM cha rogANA.n sarvabhUteShvapAtayan . 
R^iShayastu mahAbhAgAH prajAsveva hi jAjale . 
bhrUNahaM nahuSha.n tvAhurna te hoShyAmahe haviH .. 47..\\
ityuktvA te mahAtmAnaH sarve tattvArtha darshinaH . 
R^iShayo yatayaH shAntAstarasA pratyavedayan .. 48..\\
IdR^ishAnashivAnghorAnAchArAniha jAjale . 
kevalAcharitatvAttu nipunAnnAvabudhyase .. 49..\\
kAraNAddharmamanvichchhenna lokacharita.n charet . 
yo hanyAdyashcha mA.n stauti tatrApi shR^iNu jAjale .. 50..\\
samau tAvapi me syAtAM na hi me staH priyApriye . 
etadIdR^ishaka.n dharmaM prasha.nsanti manIShiNaH .. 51..\\
upapattyA hi sampanno yatibhish chaiva sevyate . 
satata.n dharmashIlaishcha naipuNyenopalakShitaH .. 52..\\
\medskip\hrule\medskip\centerline{\Largedvng 255}
 jaajali

yathA pravartito dharmastulA.n dhArayatA tvayA . 
svargadvAra.n cha vR^ittiM cha bhUtAnAm avarotsyate .. 1..\\
kR^iShyA hyannaM prabhavati tatastvamapi jIvasi . 
pashubhishchauShadhIbhishcha martyA jIvanti vAnija .. 2..\\
yato yaGYaH prabhavati nAstikyamapi jalpasi . 
na hi vartedaya.n loko vArtAmutsR^ijya kevalam .. 3..\\

 tulaa

vakShyAmi jAjale vR^ittiM nAsmi brAhmaNa nAstikaH . 
na cha yaGYa.n vinindAmi yaGYavittu sudurlabhaH .. 4..\\
namo brAhmaNa yaGYAya ye cha yaGYavido janAH . 
svayaGYaM brAhmaNA hitvA kShAtra.n yaGYamihAsthitAH .. 5..\\
lubdhairvittaparairbrahmannAstikaiH sampravartitam . 
vedavAdAnaviGYAya satyAbhAsamivAnR^itam .. 6..\\
ida.n deyamidaM deyamiti nAntaM chikIrShati . 
ataH stainyaM prabhavati vikarmANi cha jAjale . 
tadeva sukR^ita.n havyaM yena tuShyanti devatAH .. 7..\\
namaH kAreNa haviShA svAdhyAyairauShadhaistathA . 
pUjA syAddevatAnA.n hi yathAshAstranidarshanam .. 8..\\
iShTApUrtAdasAdhUnA.n viShamA jAyate prajA . 
lubdhebhyo jAyate lubdhaH samebhyo jAyate samaH .. 9..\\
yajamAno yathAtmAnamR^itvijashcha tathA prajAH . 
yaGYAtprajA prabhavati nabhaso.ambha ivAmalam .. 10..\\
agnau prAstAhutirbrahmannAdityamupatiShThati . 
AdityAjjAyate vR^iShTirvR^iShTeranna.n tataH prajAH .. 11..\\
tasmAtsvanuShThitAtpUrve sarvAnkAmAMsh cha lebhire . 
akR^iShTapachyA pR^ithiviyAshirbhirvIrudho bhavan . 
na te yaGYeShvAtmasu vA phalaM pashyanti ki.n chana .. 12..\\
sha~NkamAnAH phala.n yaGYe ye yajerankatha.n chana . 
jAyante.asAdhavo dhUrtA lubdhA vittaprayojanAH .. 13..\\
sa sma pApakR^itA.n lokAngachchhedashubha karmaNA . 
pramAnamapramAnena yaH kuryAdashubhaM naraH . 
pApAtmA so.akR^itapraGYaH sadaiveha dvijottama .. 14..\\
kartavyamiti kartavya.n vetti yo brAhmaNobhayam . 
brahmaiva vartate loke naiti kartavyatAM punaH .. 15..\\
viguNa.n cha punaH karma jyAya ityanushushruma . 
sarvabhUtopaghAtashcha phalabhAve cha sa.nyamaH .. 16..\\
satyayaGYA damayaGYA alubdhAshchAtmatR^iptayaH . 
utpanna tyAginaH sarve janA Asanna matsarAH .. 17..\\
kShetrakShetraGYatattvaGYAH svayaGYapariniShThitAH . 
brAhma.n vedamadhIyantastoShayantyamarAnapi .. 18..\\
akhila.n daivata.n sarvaM brahma brAhmaNa saMshritam . 
tR^ipyanti tR^ipyato devAstR^iptAstR^iptasya jAjale .. 19..\\
yathA sarvarasaistR^ipto nAbhinandanti ki.n chana . 
tathA praGYAna tR^iptastya nitya.n tR^iptiH sukhodayA .. 20..\\
dharmArAmA dharmasukhAH kR^itsnavyavasitAstathA . 
asti nastattvato bhUya iti praGYA gaveShiNaH .. 21..\\
GYAnaviGYAninaH ke chitparaM pAra.n titIrShavaH . 
atIva tatsadA puNyaM puNyAbhijana sa.nhitam .. 22..\\
yatra gatvA na shochanti na chyavanti vyathanti cha . 
te tu tadbrahmaNaH sthAnaM prApnuvantIha sAttvikAH .. 23..\\
naiva te svargamichchhanti na yajanti yasho dhanaiH . 
satA.n vartmAnuvartante yathAbalamahi.nsayA .. 24..\\
vanaspatInoShadhIshcha phalamUla.n cha te viduH . 
na chaitAnR^itvijo lubdhA yAjayanti dhanArthinaH .. 25..\\
svameva chArtha.n kurvANA yaGYaM chakruH punardvijAH . 
pariniShThita karmANaH prajAnugraha kAmyayA .. 26..\\
prApayeyuH prajAH svarga.n svadharmacharaNena vai . 
iti me vartate buddhiH samA sarvatra jAjale .. 27..\\
prayu~njate yAni yaGYe sadA prAGYA dvijarShabha . 
tena te deva yAnena pathA yAnti mahAmune .. 28..\\
AvR^ittistatra chaikasya nAstyAvR^ittirmanIsinAm . 
ubhau tau deva yAnena gachchhato jAjale pathA .. 29..\\
svaya.n chaiShAm anaduho yujyanti cha vahanti cha . 
svayamusrAshcha duhyante manaHsa~NkalpasiddhibhiH .. 30..\\
svaya.n yUpAnupAdAya yajante svAptadakShiNaiH . 
yastathA bhAvitAtmA syAtsa gAmAlabdhumarhati .. 31..\\
oShadhIbhistathA brahmanyajera.nste na tAdR^ishaH . 
buddhityAgaM puraskR^itya tAdR^ishaM prabravImi te .. 32..\\
nirAshiShamanArambhaM nirnamaskAramastutim . 
akShINa.n kShINakarmANaM taM devA brAhmaNa.n viduH .. 33..\\
nAshrAvayanna cha yajanna dadadbrAhmaNeShu cha . 
grAmyA.n vR^ittiM lipsamAnaH kA.n gatiM yAti jAjale . 
ida.n tu daivataM kR^itvA yathA yaGYamavApnuyAt .. 34..\\

 jaa

na vai munInA.n shR^iNumaH sma tattvaM 
pR^ichchhAmi tvA vAnija kastametat . 
pUrve pUrve chAsya nAvekShamANA 
nAtaH para.n tamR^iShayaH sthApayanti .. 35..\\
asminnevAtma tIrthe na pashavaH prApnuyuH sukham . 
atha svakarmaNA kena vAjina prApnuyAtsukham . 
sha.nsa me tanmahAprAGYa bhR^isha.n vai shraddadhAmi te .. 36..\\

 tulaa

uta yaGYA utAyaGYA makhaM nArhanti te kva chit . 
Ajyena payasA dadhnA pUrNAhutyA visheShataH . 
vAlaiH shR^i~Ngena pAdena sambhavatyeva gaurmakham .. 37..\\
patnI.n chAnena vidhinA prakaroti niyojayan . 
purodAsho hi sarveShAM pashUnAM medhya uchyate .. 38..\\
sarvA nadyaH sarasvatyaH sarve puNyAH shilochchayAH . 
jAjale tIrthamAtmaiva mA sma deshAtithirbhava .. 39..\\
etAnIdR^ishakAndharmAnAcharanniha jAjale . 
kAraNairdharmamanvichchhannna lokAnApnute shubhAn .. 40..\\

 bhii

etAnIdR^ishakAndharmA.nstulAdhAraH prasha.nsati . 
upapattyA hi sampannAnnitya.n sadbhirniShevitAn .. 41..\\
\medskip\hrule\medskip\centerline{\Largedvng 256}
 tulaadhaara

sadbhirvA yadi vAsadbhirayaM panthAH samAshritaH . 
pratyakSha.n kriyatA.n sAdhu tato GYAsyasi tadyathA .. 1..\\
ete shakuntA bahavaH samantAdvicharanti hi . 
tavottamA~Nge sambhUtAH shyenAshchAnyAshcha jAtayaH .. 2..\\
AhvayainAnmahAbrahmanvishamAnA.nstatastataH . 
pashyemAnhastapAdeShu shliShTAndehe cha sarvashaH .. 3..\\
sambhAvayanti pitara.n tvayA sambhAvitAH khagAH . 
asaMshayaM pitA cha tvaM putrAnAhvaya jAjale .. 4..\\

 bhii

tato jAjalinA tena samAhUtA patatriNaH . 
vAchamuchchArayandivyA.n dharmasya vachanAtkila .. 5..\\
ahi.nsAdi kR^ita.n karma iha chaiva paratra cha . 
spardhA nihanti vai brahmansA hatA hanti taM naram .. 6..\\
shraddhA vR^iddha.n vA~NmanasI na yaGYastrAtumarhati . 
atra gAthA brahma gItAH kIrtayanti purA vidaH .. 7..\\
shucherashraddadhAnasya shraddadhAnasya chAshucheH . 
devAshchittamamanyanta sashR^isha.n yaGYakarmaNi .. 8..\\
shrotriyasya kadaryasya vadAnyasya cha vArdhuSheH . 
mImA.nsitvobhaya.n devAH samamannamakalpayan .. 9..\\
prajApatistAnuvAcha viShama.n kR^itamityuta . 
shraddhA pUta.n vadAnyasya hatamashraddhayetarat . 
bhojyamanna.n vadAnyasya kadaryasya na vArdhuSheH .. 10..\\
ashraddadhAna evaiko devAnAM nArhate haviH . 
tasyaivAnnaM na bhoktavyamiti dharmavido viduH .. 11..\\
ashraddhA paramaM pApa.n shraddhA pApapramochinI . 
jahAti pApa.n shraddhAvAnsarpo jIrNAm iva tvacham .. 12..\\
jyAyasI yApavitrANAM nivR^ittiH shraddhayA saha . 
nivR^ittashIladoSho yaH shraddhAvAnpUta eva saH .. 13..\\
ki.n tasya tapasA kAryaM ki.n vR^ittena kimAtmanA . 
shraddhAmayo.ayaM puruSho yo yachchhraddhaH sa eva saH .. 14..\\
iti dharmaH samAkhyAtaH sadbhirdharmArthadarshibhiH . 
vaya.n jiGYAsamAnAstvA samprAptA dharmadarshanAt .. 15..\\
spardhA.n jahi mahAprAGYa tataH prApsyasi yatparam . 
shraddhAvA~nshraddadhAnashcha dharmAMshchaiveha vAnijaH . 
svavartmani sthitashchaiva garIyAneSha jAjale .. 16..\\
evaM bahumatArtha.n cha tulAdhAreNa bhAsitam . 
samyakchaivamupAlabdho dharmashchoktaH sanAtanaH .. 17..\\
tasya vikhyAtavIryasya shrutvA vAkyAni sa dvijaH . 
tulAdhArasya kaunteya shAntimevAnvapadyata .. 18..\\
tato.achireNa kAlena tulAdhAraH sa eva cha . 
diva.n gatvA mahAprAGYau viharetA.n yathAsukham . 
sva.n svaM sthAnamupAgamya svakarmaphalanirjitam .. 19..\\
samAnA.n shraddadhAnAnAM sa.nyatAnAM suchetasAm . 
kurvatA.n yaGYa ityeva na yaGYo jAtu neShyate .. 20..\\
shraddhA vai sAttvikI devI sUryasya duhitA nR^ipa . 
sAvitrI prasavitrI cha jIva vishvAsinI tathA .. 21..\\
vAgvR^iddha.n trAyate shraddhA mano vR^iddhaM cha bhArata . 
yathaupamyopadeshena kiM bhUyaH shrotumichchhasi .. 22..\\
\medskip\hrule\medskip\centerline{\Largedvng 257}
 bhii

atrApyudAharantImamitihAsaM purAtanam . 
prajAnAmanukampArtha.n gIta.n rAGYA vichakhnunA .. 1..\\
chhinnasthUna.n vR^iSha.n dR^iShTvA virAvaM cha gavAM bhR^isham . 
gograhe yaGYavAtasya prekShamANaH sa pArthivaH .. 2..\\
svasti gobhyo.astu lokeShu tato nirvachana.n kR^itam . 
hi.nsAyA.n hi pravR^ittAyAmAshIreShAnukalpitA .. 3..\\
avyavasthita maryAdairvimUDhairnAstikairnaraiH . 
saMshayAtmabhiravyaktairhi.nsA samanukIrtitA .. 4..\\
sarvakarma svahi.nsA hi dharmAtmA manurabravIt . 
kAmarAgAdvihi.nsanti bahirvedyAM pashUnnarAH .. 5..\\
tasmAtpramAnataH kAryo dharmaH sUkShmo vijAnatA . 
ahi.nsaiva hi sarvebhyo dharmebhyo jyAyasI matA .. 6..\\
upoShya saMshito bhUtvA hitvA veda kR^itAH shrutIH . 
AchAra ityanAchArAH kR^ipaNAH phalahetavaH .. 7..\\
yadi yaGYAMshcha vR^ikShAMshcha yUpAMshchoddhishya mAnavAH . 
vR^ithA mA.nsAni khAdanti naiSha dharmaH prashasyate .. 8..\\
mA.nsaM madhu surA matsyA Asava.n kR^isaraudanam . 
dhUrtaiH pravartita.n hyetannaitadvedeShu kalpitam .. 9..\\
kAmAnmohAchcha lobhAchcha laulyametatpravartitam . 
viShNumevAbhijAnanti sarvayaGYeShu brAhmaNAH . 
pAyasaiH sumanobhishcha tasyApi yajana.n smR^itam .. 10..\\
yaGYiyAshchaiva ye vR^ikShA vedeShu parikalpitAH . 
yachchApi ki.n chitkartavyamanyachchokShaiH susa.nskR^itam . 
mahAsattvaiH shuddhabhAvaiH sarva.n devArhameva tat .. 11..\\

 y

sharIramApadashchApi vivadantyavihi.nsataH . 
katha.n yAtrA sharIrasya nirArambhasya setsyati .. 12..\\

 bhii

yathA sharIraM na glAyenneyAnmR^ityuvasha.n yathA . 
tathA karmasu varteta samartho dharmamAcharet .. 13..\\
\medskip\hrule\medskip\centerline{\Largedvng 258}
 y

katha.n kAryaM parIkSheta shIghra.n vAtha chireNa vA . 
sarvathA kAryadurge.asminbhavAnnaH paramo guruH .. 1..\\

 bhii

atrApyudAharantImamitihAsaM purAtanam . 
chirakArestu yatpUrva.n vR^ittamA~Ngirase kule .. 2..\\
chirakArika bhadra.n te bhadraM te chirakArika . 
chirakArI hi medhAvI nAparAdhyati karmasu .. 3..\\
chirakArI mahAprAGYo gautamasyAbhavatsutaH . 
chira.n hi sarvakAryANi samekShAvAnprapadyate .. 4..\\
chira.n sa~ncintayannarthAMshchira.n jAgrachchiraM svapan . 
chirakAryAbhisampatteshchirakArI tathochyate .. 5..\\
alasa grahaNaM prApto durmedhAvI tathochyate . 
buddhilAghava yuktena janenAdIrgha darshinA .. 6..\\
vyabhichAre tu kasmiMshchidvyatikramyAparAnsutAn . 
pitroktaH kupitenAtha jahImA.n jananIm iti .. 7..\\
sa tatheti chireNoktvA svabhAvAchchirakArikaH . 
vimR^ishya chirakAritvAchchintayAmAsa vai chiram .. 8..\\
piturAGYA.n kathaM kuryAM na hanyAM mAtaraM katham . 
katha.n dharmachhale nAsminnimaM jeyamasAdhuvat .. 9..\\
piturAGYA paro dharmaH svadharmo mAtR^irakShaNam . 
asvatantra.n cha putratvaM kiM nu mAM nAtra pIDayet .. 10..\\
striya.n hatvA mAtara.n cha ko hi jAtu sukhI bhavet . 
pitAra.n chApyavaGYAya kaH pratiShThAmavApnuyAt .. 11..\\
anavaGYA pituryuktA dhAraNaM mAtR^irakShaNam . 
yuktakShamAvubhAvetau nAtivartetamA.n katham .. 12..\\
pitA hyAtmAnamAdhatte jAyAyA.n jaGYiyAm iti . 
shIlachAritragotrasya dhAraNArtha.n kulasya cha .. 13..\\
so.ahamAtmA svayaM pitrA putratve prakR^itaH punaH . 
viGYAnaM me kathaM na syAdbubudhe chAtmasambhavam .. 14..\\
jAtakarmaNi yatprAha pitA yachchopakarmaNi . 
pratyAptaH sa dR^idhI kAraH piturgauravanishchaye .. 15..\\
gururagryaH paro dharmaH poShaNAdhyayanAddhitaH . 
pitA yadAha dharmaH sa vedeShvapi sunishchitaH .. 16..\\
prItimAtraM pituH putraH sarvaM putrasya vai pitA . 
sharIrAdIni deyAni pitA tvekaH prayachchhati .. 17..\\
tasmAtpiturvachaH kAryaM na vichArya.n kathaM chana . 
pAtakAnyapi pUyante piturvachanakAriNaH .. 18..\\
bhoge bhAgye prasavane sarvalokanidarshane . 
bhartrA chaiva samAyoge sImantonnayane tathA .. 19..\\
pitA svargaH pitA dharmaH pitA paramaka.n tapaH . 
pitari prItimApanne sarvAH prIyanti devatAH .. 20..\\
AshiShastA bhajantyenaM puruShaM prAha yAH pitA . 
niShkR^itiH sarvapApAnAM pitA yadabhinandati .. 21..\\
muchyate bandhanAtpuShpaM phala.n vR^intAtpramuchyate . 
klishyannapi sutasnehaiH pitA snehaM na mu~nchati .. 22..\\
etadvichintita.n tAvatputrasya pitR^igauravam . 
pitA hyalpatara.n sthAna.n chintayiShyAmi mAtaram .. 23..\\
yo hyayaM mayi sa~NghAto martyatve pA~nchabhautikaH . 
asya me jananI hetuH pAvakasya yathAraNiH . 
mAtA dehAraNiH pu.nsA.n sarvasyArtasya nirvR^itiH .. 24..\\
na cha shochati nApyena.n sthAviryamapakarShati . 
striyA hIno.api yo gehe ambeti pratipadyate .. 25..\\
putrapautra samAkIrNo jananI.n yaH samAshritaH . 
api varShashatasyAnte sa dvihAyanavachcharet .. 26..\\
samartha.n vAsamarthaM vA kR^ishaM vApyakR^isha.n tathA . 
rakShatyeva sutaM mAtA nAnyaH poShTA vidhAnataH .. 27..\\
tadA sa vR^iddho bhavati yadA bhavati duHkhitaH . 
tadA shUnya.n jagattasya tadA mAtrA viyujyate .. 28..\\
nAsti mAtR^isamA chhAyA nAsti mAtR^isamA gatiH . 
nAsti mAtR^isama.n trANaM nAsti mAtR^isamA prapA .. 29..\\
kukShi sandhAraNAddhAtrI jananAjjananI smR^itA . 
a~NgAnA.n vardhanAdambA vIra sUtvena vIrasUH .. 30..\\
shishoH shushrUsanAchchhushrUrmAtA dehamanantaram . 
chetanAvAnnaro hanyAdyasya nAsuShira.n shiraH .. 31..\\
dampatyoH prANa saMshleShe yo.abhisandhiH kR^itaH kila . 
taM mAtA vA pitA veda bhUtArtho mAtari sthitaH .. 32..\\
mAtA jAnAti yadgotraM mAtA jAnAti yasya saH . 
mAturbharaNa mAtreNa prItiH snehaH pituH prajAH .. 33..\\
pAni bandha.n svaya.n kR^itvA sahadharmamupetya cha . 
yadi yApyanti puruShAH striyo nArhanti yApyatAm .. 34..\\
bharaNAddhi striyo bhartA pAtyAchchaiva striyAH patiH . 
guNasyAsya nivR^ittau tu na bhartA na patiH patiH .. 35..\\
eva.n strI nAparAdhnoti nara evAparAdhyati . 
vyuchcharaMshcha mahAdoShaM nara evAparAdhyati .. 36..\\
striyA hi paramo bhartA daivataM parama.n smR^itam . 
tasyAtmanA tu sadR^ishamAtmAnaM parama.n dadau . 
sarvakAryAparAdhyatvAnnAparAdhyanti chA~NganAH .. 37..\\
yashchanokto hi nirdeshaH striyA maithuna tR^iptaye . 
tasya smArayato vyaktamadharmo nAtra saMshayaH .. 38..\\
yAvannArIM mAtara.n cha gaurave chAdhike sthitAm . 
avadhyA.n tu vijAnIyuH pashavo.apyavichakShaNAH .. 39..\\
devatAnA.n samAvAyamekasthaM pitaraM viduH . 
martyAnA.n devatAnAM cha snehAdabhyeti mAtaram .. 40..\\
eva.n vimR^ishatastasya chirakAritayA bahu . 
dIrghaH kAlo vyatikrAntastatastasyAgamatpitA .. 41..\\
medhAtithirmahAprAGYo gautamastapasi sthitaH . 
vimR^ishya tena kAlena patnyAH sa.nsthA vyatikramam .. 42..\\
so.abravIdduHkhasantapto bhR^ishamashrUNi vartayan . 
shrutadhairya prasAdena pashchAttApamupAgataH .. 43..\\
AshramaM mama samprAptastrilokeshaH purandaraH . 
atithivratamAsthAya brAhmaNa.n rUpamAsthitaH .. 44..\\
samayA sAntvito vAgbhiH svAgatenAbhipUjitaH . 
arghyaM pAdya.n cha nyAyena tayAbhipratipAditaH .. 45..\\
paravatyasmi chApyuktaH pranayiShye nayena cha . 
atra chAkushale jAte striyo nAsti vyatikramaH .. 46..\\
evaM na strI na chaivAhaM nAdhvagastridasheshvaraH . 
aparAdhyati dharmasya pramAdastvaparAdhyati .. 47..\\
IrShyAja.n vyasanaM prAhustena chaivordhva retasaH . 
IrShyayA tvahamAkShipto magno duShkR^ita sAgare .. 48..\\
hatvA sAdhvI.n cha nArIM cha vyasanitvAchcha shAsitAm . 
bhartavyatvena bhAryA.n cha ko nu mAM tArayiShyati .. 49..\\
antareNa mayAGYaptashchirakArI hyudAradhIH . 
yadyadya chirakArI syAtsa mA.n trAyeta pAtakAt .. 50..\\
chirakArika bhadra.n te bhadraM te chirakArika . 
yadyadya chirakArI tva.n tato.asi chirakArikaH .. 51..\\
trAhi mAM mAtara.n chaiva tapo yachchArjitaM mayA . 
AtmAnaM pAtakebhyashcha bhavAdya chirakArikaH .. 52..\\
sahaja.n chirakAritvaM chiraprAGYatayA tava . 
sakhala.n tattavAdyAstu bhavAdya chirakArikaH .. 53..\\
chiramAsha.nsito mAtrA chira.n garbheNa dhAritam . 
saphala.n chirakAritvaM kuru tvaM chirakArika .. 54..\\
chirAyate cha santApAchchira.n svapiti vAritaH . 
AvayoshchirasantApAdavekShya chirakArika .. 55..\\
eva.n sa duHkhito rAjanmaharShirgautamastadA . 
chirakAri.n dadarshAtha putra.n sthitamathAntike .. 56..\\
chirakArI tu pitara.n dR^iShTvA paramaduHkhitaH . 
shastra.n tyaktvA tato mUrdhnA prasAdAyopachakrame .. 57..\\
gautamastu suta.n dR^iShTvA shirasA patitaM bhuvi . 
patnI.n chaiva nirAkArAM parAm abhyagamanmudam .. 58..\\
na hi sA tena sambhedaM patnI nItA mahAtmanA . 
vijane chAshramasthena putrashchApi samAhitaH .. 59..\\
hanyAttvanapavAdena shastrapAnau sute sthite . 
vinItaM prashnayitvA cha vyavasyedAtmakarmasu .. 60..\\
buddhishchAsItsuta.n dR^iShTvA pitushcharaNayornatam . 
shastragrahaNachApalya.n sa.nvR^iNoti bhayAditi .. 61..\\
tataH pitrA chira.n stutvA chira.n chAghrAya mUrdhani . 
chira.n dorbhyAM pariShvajya chiraM jIvetyudAhR^itaH .. 62..\\
eva.n sa gautamaH putraM prItiharShasamanvitaH . 
abhinandya mahAprAGYa ida.n vachanamabravIt .. 63..\\
chirakArika bhadra.n te chirakArI chiraM bhava . 
chirAyamANe tvayi cha chiramasmi suduHkhitaH .. 64..\\
gAthAshchApyabravIdvidvAngautamo munisattamaH . 
chirakAriShu ghoreShu guNoddesha samAshrayAt .. 65..\\
chireNa mitraM badhnIyAchchireNa cha kR^ita.n tyajet . 
chireNa hi kR^itaM mitra.n chiraM dhAraNamarhati .. 66..\\
rAge darpe cha mAne cha drohe pApe cha karmaNi . 
apriye chaiva kartavye chirakArI prashasyate .. 67..\\
bandhUnA.n suhR^idA.n chaiva bhR^ityAnAM strIjanasya cha . 
avyakteShvaparAdheShu chirakArI prashasyate .. 68..\\
eva.n sa gautamastasya prItaH putrasya bhArata . 
karmaNA tena kauravya chirakAritayA tayA .. 69..\\
eva.n sarveShu kAryeShu vimR^ishya puruShastataH . 
chireNa nishchaya.n kR^itvA chiraM na paritapyate .. 70..\\
chira.n dhArayate roShaM chiraM karma niyachchhati . 
pashchAttApakara.n karma na kiM chidupapadyate .. 71..\\
chira.n vR^iddhAnupAsIta chiramanvAsya pUjayet . 
chira.n dharmAnniSheveta kuryAchchAnveShaNaM chiram .. 72..\\
chiramanvAsya viduShashchira.n shiShTAnniShevya cha . 
chira.n vinIya chAtmAna.n chiraM yAtyanavaGYatAm .. 73..\\
bruvatashcha parasyApi vAkya.n dharmopasa.nhitam . 
chiraM pR^ichchhechchiraM brUyAchchiraM na paribhUyate .. 74..\\
upAsya bahulAstasminnAshrame sumahAtapaH . 
samAH svarga.n gato vipraH putreNa sahitastadA .. 75..\\
\medskip\hrule\medskip\centerline{\Largedvng 259}
 y

katha.n rAjA prajA rakShenna cha ki.n chitpratApayet . 
pR^ichchhAmi tvA.n satAM shreShTha tanme brUhi pitAmaha .. 1..\\

 bhii

atrApyudAharantImamitihAsaM purAtanam . 
dyumatsenasya sa.nvAda.n rAGYA satyavatA saha .. 2..\\
avyAhR^ita.n vyAjahAra satyavAniti naH shrutam . 
vadhAya nIyamAneShu piturevAnushAsanAt .. 3..\\
adharmatA.n yAti dharmo yAtyadharmashcha dharmatAm . 
vadho nAma bhaveddharmo naitadbhavitumarhati .. 4..\\

 dyumatsena

atha chedavadho dharmo dharmaH ko jAtuchidbhavet . 
dasyayashchenna hanyeransatyavansa~Nkaro bhavet .. 5..\\
mamedamiti nAsyaitatpravarteta kalau yuge . 
lokayAtrA na chaiva syAdatha chedvettha sha.nsa naH .. 6..\\

 satyavat

sarva eva trayo varNAH kAryA brAhmaNa bandhanAH . 
dharmapAshanibaddhAnAmalpo vyapachariShyati .. 7..\\
yo yasteShAmapacharettamAchakShIta vai dvijaH . 
ayaM me na shR^iNotIti tasminrAjA pradhArayet .. 8..\\
tatvAbhedena yachchhAstra.n tatkAryaM nAnyathA vadhaH . 
asamIkShyaiva karmANi nItishAstra.n yathAvidhi .. 9..\\
dasyUnhinasti vai rAjA bhUyaso vApyanAgasaH . 
bhAryA mAtA pitA putro hanyate puruShe hate . 
pareNApakR^ite rAjA tasmAtsamyakpradhArayet .. 10..\\
asAdhoshchaiva puruSho labhate shIlamekadA . 
sAdhoshchApi hyasAdhubhyo jAyate.ashobhanA prajA .. 11..\\
na mUlaghAtaH kartavyo naiSha dharmaH sanAtanaH . 
api khalvavadhenaiva prAyashchitta.n vidhIyate .. 12..\\
udvejanena bandhena virUpakaraNena cha . 
vadhadandena te kleshyA na puro.ahitasampadA .. 13..\\
yadA purohita.n vA te paryeyuH sharaNaiShiNaH . 
kariShyAmaH punarbrahmanna pApamiti vAdinaH .. 14..\\
tadA visargamarhAH syuritIdaM nR^ipashAsanam . 
vibhraddaNDAjinaM mundo brAhmaNo.arhati vAsasam .. 15..\\
garIyA.nso garIyA.nsamaparAdhe punaH punaH . 
tathA visargamarhanti na yathA prathame tathA .. 16..\\

 dyumatsena

yatra yatraiva shakyeransa.nyantu.n samaye prajAH . 
sa tAvatprochyate dharmo yAvanna pratila~Nghyate .. 17..\\
ahanyamAneShu punaH sarvameva parAbhavet . 
pUrve pUrvatare chaiva sushAsyA abhava~njanAH .. 18..\\
mR^idavaH satyabhUyiShThA alpadrohAlpa manyavaH . 
purA dhigdanda evAsIdvAgdandastadanantaram .. 19..\\
AsIdAdAna daNDo.api vadhadaNDo.adya vartate . 
vadhenApi na shakyante niyantumapare janAH .. 20..\\
naiva dasyurmanuShyANAM na devAnAmiti shrutiH . 
na gandharvapitR^INA.n cha kaH kasyeha na kashchanan .. 21..\\
padma.n shmashAnAdAdatte pishAchAchchApi daivatam . 
teShu yaH samaya.n kuryAdaGYeShu hatabuddhiShu .. 22..\\

 satyavat

tAnna shaknoShi chetsAdhUnparitrAtumahi.nsayA . 
kasya chidbhUtabhavyasya lAbhenAnta.n tathA kuru .. 23..\\

 dyumatsena

rAjAno lokayAtrArtha.n tapyante paramaM tapaH . 
apatrapanti tAdR^igbhyastathA vR^ittA bhavanti cha .. 24..\\
vitrAsyamAnAH sukR^ito na kAmAdghnanti duShkR^itIn . 
sukR^itenaiva rAjAno bhUyiShTha.n shAsate prajAH .. 25..\\
shreyasaH shreyasImeva.nvR^itti.n loko.anuvartate . 
sadaiva hi gurorvR^ittamanuvartanti mAnavAH .. 26..\\
AtmAnamasamAdhAya samAdhitsati yaH parAn . 
viShayeShvindriyavashaM mAnavAH prahasanti tam .. 27..\\
yo rAGYo dambhamohena ki.n chitkuryAdasAmpratam . 
sarvopAyairniyamyaH sa tathA pApAnnivartate .. 28..\\
AtmaivAdau niyantavyo duShkR^ita.n samiyachchhatA . 
dandayechcha mahAdantairapi bandhUnanantarAn .. 29..\\
yatra vai pApakR^itkleshyo na mahadduHkhamarchhati . 
vardhante tatra pApAni dharmo hrasati cha dhruvam . 
iti kAruNyashIlastu vidvAnvai brAhmaNo.anvashAt .. 30..\\
iti chaivAnushiShTo.asmi pUrvaistAta pitAmahaiH . 
AshvAsayadbhiH subhR^ishamanukroshAttathaiva cha .. 31..\\
etatprathamakalpena rAjA kR^itayuge.abhajat . 
pAdo.anenApi dharmeNa gachchhettretAyuge tathA . 
dvApare tu dvipAdena pAdena tvapare yuge .. 32..\\
tathA kaliyuge prApte rAGYA.n dushcharitena ha . 
bhavetkAlavisheSheNa kalA dharmasya sodashI .. 33..\\
atha prathamakalpena satyavansa~Nkaro bhavet . 
AyuH shakti.n cha kAlaM cha nirdishya tapa Adishet .. 34..\\
satyAya hi yathA neha jahyAddharmaphalaM mahat . 
bhUtAnAmanukampArthaM manuH svAyambhuvo.abravIt .. 35..\\
\medskip\hrule\medskip\centerline{\Largedvng 260}
 y

avirodhena bhUtAnA.n tyAgaH ShAdguNyakArakaH . 
yaH syAdubhaya bhAgdharmastanme brUhi pitAmaha .. 1..\\
gArhasthyasya cha dharmasya tyAgadharmasya chobhayoH . 
adUrasamprasthitayoH ki.n svichchhreyaH pitAmaha .. 2..\\

 bhii

ubhau dharmau mahAbhAgAvubhau paramadushcharau . 
ubhau mahAphalau tAta sadbhirAcharitAvubhau .. 3..\\
atra te vartayiShyAmi prAmAnyamubhayostayoH . 
shR^iNuShvaika manAH pArtha chhinnadharmArthasaMshayam .. 4..\\
atrApyudAharantImamitihAsaM purAtanam . 
kapilasya goshcha sa.nvAda.n tannibodha yudhiShThira .. 5..\\
AmnAyamanupashyanhi purANa.n shAshvata.n dhruvam . 
nahuShaH pUrvamAlebhe tvasturgAmitinaH shrutam .. 6..\\
tAM niyuktAmadInAtmA sattvasthaH samaye rataH . 
GYAnavAnniyatAhAro dadarsha palilastadA .. 7..\\
sa buddhimuttamAM prApto naiShThikImakutobhayAm . 
smarAmi shithila.n satyaM vedA ityabravItsakR^it .. 8..\\
tA.n gAmR^iShiH syUma rashmiH pravishya yatimabravIt . 
ha.nho vedA yadi matA dharmAH kenApare matAH .. 9..\\
tapasvino dhR^itimataH shrutiviGYAnachakShuShaH . 
sarvamArSha.n hi manyante vyAhR^itaM viditAtmanaH .. 10..\\
tasyaiva.n gatatR^iShNasya vijvarasya nirAshiShaH . 
kA vivakShAsti vedeShu nirArambhasya sarvashaH .. 11..\\

 kapila

nAha.n vedAnvinindAmi na vivakShAmi karhi chit . 
pR^ithagAshramiNA.n karmANyekArthAnIti naH shrutam .. 12..\\
gachchhatyeva parityAgI vAnaprasthash cha gachchhati . 
gR^ihastho brahmachArI cha ubhau tAvapi gachchhataH .. 13..\\
deva yAnA hi panthAnashchatvAraH shAshvatA matAH . 
teShA.n jyAyaH kanIyastvaM phaleShUktaM balAbalam .. 14..\\
eva.n viditvA sarvArthAnArabhediti vaidikam . 
nArabhediti chAnyatra naiShThikI shrUyate shrutiH .. 15..\\
anArambhe hyadoShaH syAdArambhe.adoSha uttamaH . 
eva.n sthitasya shAstrasya durviGYeyaM balAbalam .. 16..\\
yadyatra ki.n chitpratyakShamahi.nsAyAH paraM matam . 
R^ite tvAgamashAstrebhyo brUhi tadyadi pashyasi .. 17..\\

 syuumarazmi

svargakAmo yajeteti satata.n shrUyate shrutiH . 
phalaM prakalpya pUrva.n hi tato yaGYaH pratAyate .. 18..\\
ajashchAshvashcha meShashcha gaushcha pakShigaNAsh cha ye . 
grAmyAraNyA oShadhayaH prANasyAnnamiti shrutiH .. 19..\\
tathaivAnna.n hyaharahaH sAyaM prAtarnirupyate . 
pashavashchAtha dhAnya.n cha yaGYasyA~Ngamiti shrutiH .. 20..\\
etAni sahayaGYena prajApatirakalpayat . 
tena prajApatirdevAnyaGYenAyajata prabhuH .. 21..\\
te smAnyonya.n charAH sarve prAninaH sapta sapta cha . 
yaGYeShUpAkR^ita.n vishvaM prAhuruttamasa~nj~nitam .. 22..\\
etachchaivAbhyanuGYAtaM pUrvaiH pUrvataraistathA . 
ko jAtu na vichinvIta vidvAnsvA.n shaktimAtmanaH .. 23..\\
pashavashcha manuShyAshcha drumAshchauShadhibhiH saha . 
svargamevAbhikA~NkShante na cha svargastvR^ite makham .. 24..\\
oShadhyaH pashavo vR^ikShA vIrudAjyaM payo dadhi . 
havirbhUmirdishaH shraddhA kAlashchaitAni dvAdasha .. 25..\\
R^icho yajU.nsi sAmAni yajamAnashcha sodashaH . 
agnirGYeyo gR^ihapatiH sa saptadasha uchyate . 
a~NgAnyetAni yaGYasya yaGYo mUlamiti shrutiH .. 26..\\
Ajyena payasA dadhnA shakR^idAmikShayA tvachA . 
vAlaiH shR^i~Ngena pAdena sambhavatyeva gaurmakham . 
evaM pratyekashaH sarva.n yadyadasya vidhIyate .. 27..\\
yaGYa.n vahanti sambhUya sahartvigbhiH sadakShiNaiH . 
sa.nhatyaitAni sarvANi yaGYaM nirvartayantyuta .. 28..\\
yaGYArthAni hi sR^iShTAni yathA vai shrUyate shrutiH . 
evaM pUrve pUrvatarAH pravR^ittAshchaiva mAnavAH .. 29..\\
na hinasti hyArabhate nAbhidruhyati ki.n chana . 
yaGYo yastavya ityeva yo yajatyaphalepsayA .. 30..\\
yaGYA~NgAnyapi chaitAni yathoktAni na saMshayaH . 
vidhinA vidhiyuktAni tArayanti parasparam .. 31..\\
AmnAyamArShaM pashyAmi yasminvedAH pratiShThitAH . 
ta.n vidvA.nso.anupashyanti brAhmaNasyAnudarshanAt .. 32..\\
brAhmaNa prabhavo yaGYo brAhmaNArpaNa eva cha . 
anu yaGYa.n jagatsarva.n yaGYashchAnu jagatsadA .. 33..\\
omiti brahmaNo yonirnamaH svAhA svadhA vasat . 
yasyaitAni prayujyante yathAshakti kR^itAnyapi .. 34..\\
na tasya triShu lokeShu paralokabhaya.n viduH . 
iti vedA vadantIha siddhAshcha paramarShayaH .. 35..\\
richo yajU.nsi sAmAni stobhAshcha vidhichoditAH . 
yasminnetAni sarvANi bahireva sa vai dvijaH .. 36..\\
agnyAdheye yadbhavati yachcha some sute dvija . 
yachchetarairmahAyaGYairveda tadbhagavAnsvataH .. 37..\\
tasmAdbrahmanyajetaiva yAjayechchAvichArayan . 
yajataH svargavidhinA pretya svargaphalaM mahat .. 38..\\
nAya.n loko.astyayaGYAnAM parashcheti vinishchayaH . 
vedavAdavidashchaiva pramAnamubhaya.n tadA .. 39..\\
\medskip\hrule\medskip\centerline{\Largedvng 261}
 kapila

etAvadanupashyanto yatayo yAnti mArgagAH . 
naiShA.n sarveShu lokeShu kashchidasti vyatikramaH .. 1..\\
nirdvandvA nirnamaskArA nirAshirbandhanA budhAH . 
vimuktAH sarvapApebhyashcharanti shuchayo.amalAH .. 2..\\
apavarge.atha santyAge buddhau cha kR^itanishchayAH . 
brahmiShThA brahmabhUtAshcha brahmaNyeva kR^itAlayAH .. 3..\\
vishokA naShTa rajasasteShA.n lokAH sanAtanAH . 
teShA.n gatiM parAM prApya gArhasthye kiM prayojanam .. 4..\\

 zyuu

yadyeShA paramA niShThA yadyeShA paramA gatiH . 
gR^ihasthAnavyapAshritya nAshramo.anyaH pravartate .. 5..\\
yathA mAtaramAshritya sarve jIvanti jantavaH . 
eva.n gR^ihasthamAshritya vartanta itare.a.ashramAH .. 6..\\
gR^ihastha eva yajate gR^ihasthastapyate tapaH . 
gArhastyamasya dharmasya mUla.n yatki.n chidejate .. 7..\\
prajanAddhyabhinirvR^ittAH sarve prANa bhR^ito mune . 
prajana.n chApyutAnyatra na kathaM chana vidyate .. 8..\\
yAstAH syurbahiroShadhyo bahvaraNyAstathA dvija . 
oShadhibhyo bahiryasmAtprAnI kash chinna vidyate . 
kasyaiShA vAgbhavetsatyA mokSho nAsti gR^ihAditi .. 9..\\
ashraddadhAnairaprAGYaiH sUkShmadarshanavarjitaiH . 
nirAshairalasaiH shrAntaistapyamAnaiH svakarmabhiH . 
shramasyoparamo dR^iShTaH pravrajyA nAma paNDitaiH .. 10..\\
trailokyasyaiva heturhi maryAdA shAshvatI dhruvA . 
brAhmaNo nAma bhagavA~njanmaprabhR^iti pUjyate .. 11..\\
prAggarbhAdhAnAnmantrA hi pravartante dvijAtiShu . 
avishrambheShu vartante vishrambheShvapyasaMshayam .. 12..\\
dAhaH punaH saMshrayaNe sa.nsthite pAtrabhojanam . 
dAna.n gavAM pashUnA.n vA pindAnAM chApsu majjanam .. 13..\\
archiShmanto barhiShadaH kravyAdAH pitaraH smR^itAH . 
mR^itasyApyanumanyante mantrA mantrAshcha kAraNam .. 14..\\
eva.n kroshatsu vedeShu kuto mokSho.asti kasya chit . 
R^iNavanto yadA martyAH pitR^idevadvijAtiShu .. 15..\\
shriyA vihInairalasaiH paNDitairapalApitam . 
vedavAdApariGYAna.n satyAbhAsamivAnR^itam .. 16..\\
na vai pApairhriyate kR^iShyate vA 
yo brAhmaNo yajate veda shAstraiH . 
Urdhva.n yaGYaH pashubhiH sArdhameti 
santarpitastarpayate cha kAmaiH .. 17..\\
na vedAnAM paribhavAnna shAthyena na mAyayA . 
mahatprApnoti puruSho brahma brahmaNi vindati .. 18..\\

 kapila

darsha.n cha paurNamAsaM cha agnihotraM cha dhImatAm . 
chAturmasyAni chaivAsa.nsteShu yaGYaH sanAtanaH .. 19..\\
anArambhAH sudhR^itayaH shuchayo brahma saMshritAH . 
brahmaNaiva sma te devA.nstarpayantyamR^itaiShiNaH .. 20..\\
sarvabhUtAtmabhUtasya sarvabhUtAni pashyataH . 
devApi mArge muhyanti apadasya padaiShiNaH .. 21..\\
chaturdvAraM puruSha.n chaturmukhaM 
chaturdhA chainamupayAnti nindA . 
bAhubhyA.n vAcha udarAdupasthAt 
teShA.n dvAraM dvArapAlo bubhUset .. 22..\\
nAkShairdIvyennAdadItAnya vittaM 
na vAyonIyasya shR^itaM pragR^ihNet . 
kruddho na chaiva prahareta dhImA.ns 
tathAsya tatpAni pAda.n suguptam .. 23..\\
nAkroshamarchhenna mR^iShA vadechcha 
na paishuna.n janavAdaM cha kuryAt . 
satyavrato mita bhAso.apramattas 
tathAsya vAgdvAramatho suguptam .. 24..\\
nAnAshanaH syAnna mahAshanaH syAd 
alolupaH sAdhubhirAgataH syAt . 
yAtrArthamAhAramihAdadIta 
tathAsya syAjjAtharI dvAraguptiH .. 25..\\
na vIra patnI.n vihareta nArIM 
na chApi nArImanR^itAvAhvayIta . 
bhAryA vrata.n hyAtmani dhArayIta 
tathAsya pastha dvAraguptirbhavet .. 26..\\
dvArANi yasya sarvANi suguptAni manIShiNaH . 
upasthamudaraM bAhU vAkchaturthI sa vai dvijaH .. 27..\\
moghAnyagupta dvArasya sarvANyeva bhavantyuta . 
ki.n tasya tapasA kAryaM ki.n yaGYena kimAtmanA .. 28..\\
anuttarIya vasanamanupastIrNa shAyinam . 
bAhUpadhAna.n shAmyanta.n taM devA brAhmaNaM viduH .. 29..\\
dvandvArAmeShu sarveShu ya eko ramate muniH . 
pareShAmananudhyAya.nsta.n devA brAhmaNa.n viduH .. 30..\\
yena sarvamidaM buddhaM prakR^itirvikR^itishcha yA . 
gatiGYaH sarvabhUtAnA.n taM devA brAhmaNa.n viduH .. 31..\\
abhaya.n sarvabhUtebhyaH sarveShAmabhayaM yataH . 
sarvabhUtAtmabhUto yasta.n devA brAhmaNa.n viduH .. 32..\\
nAntarenAnujAnanti vedAnA.n yatkriyAphalam . 
anuGYAya cha tatsarvamanyadrochayate.aphalam .. 33..\\
phalavanti cha karmANi vyuShTimanti dhruvANi cha . 
viguNAni cha pashyanti tathAnaikAntikAni cha .. 34..\\
guNAshchAtra sudurGYeyA GYAtAshchApi suduShkarAH . 
anuShThitAshchAntavanta iti tvamanupashyasi .. 35..\\

 syuu

yathA cha veda prAmAnya.n tyAgashcha saphalo yathA . 
tau panthAnAvubhau vyaktau bhagava.nstadbravIhi me .. 36..\\

 kapila

pratyakShamiha pashyanti bhavantaH satpathe sthitAH . 
pratyakSha.n tu kimatrAsti yadbhavanta upAsate .. 37..\\

 syuu

syUmarashmirahaM brahma~njiGYAsArthamihAgataH . 
shreyaH kAmaH pratyavochamArjavAnna vivakShayA . 
ima.n cha saMshayaM ghoraM bhagavAnprabravItu me .. 38..\\
pratyakShamiha pashyanto bhavantaH satpathe sthitAH . 
kimatra pratyakShatamaM bhavanto yadupAsate . 
anyatra tarka shAstrebhya AgamAchcha yathAgamam .. 39..\\
Agamo vedavAdastu tarka shAstrANi chAgamaH . 
yathAgamamupAsIta Agamastatra sidhyati . 
siddhiH pratyakSharUpA cha dR^ishyatyAgamanishchayAt .. 40..\\
naurvAvIva nibaddhA hi srotasA sanibandhanA . 
hriyamANA katha.n vipra kubuddhI.nstArayiShyati . 
etadbravItu bhagavAnupapanno.asmyadhIhi bhoH .. 41..\\
naiva tyAgI na santuShTo nAshoko na nirAmayaH . 
na nirvivitso nAvR^ittasnApavR^itto.asti kash chana .. 42..\\
bhavanto.api cha hR^iShyanti shochanti cha yathA vayam . 
indriyArthAshcha bhavatA.n samAnAH sarvajantuShu .. 43..\\
eva.n chaturNA.n varNAnAmAshramANAM pravR^ittiShu . 
ekamAlambamAnAnAM nirnaye kiM nirAmayam .. 44..\\

 kapila

yadyadAcharate shAstramatha sarvapravR^ittiShu . 
yasya yatra hyanuShThAna.n tatra tatra nirAmayam .. 45..\\
sarvaM pAvayate GYAna.n yo GYAnaM hyanuvartate . 
GYAnAdapetya yA vR^ittiH sA vinAshayati prajAH .. 46..\\
bhavanto GYAnino nitya.n sarvatashcha nirAgamAH . 
aikAtmyaM nAma kashchiddhi kadA chidabhipadyate .. 47..\\
shAstra.n hyabuddhvA tattvena ke chidvAdabalA janAH . 
kAmadveShAbhibhUtatvAdaha~NkAravasha.n gatAH .. 48..\\
yAthAtathyamaviGYAya shAstrANA.n shAstradasyavaH . 
brahma stenA nirArambhA apakva matayo.ashivAH .. 49..\\
vaiguNyameva pashyanti na guNAnanuyu~njate . 
teShA.n tamaH sharIrANAM tama eva parAyanam .. 50..\\
yo yathA prakR^itirjantuH prakR^iteH syAdvashAnugaH . 
tasya dveShashcha kAmashcha krodho dambho.anR^itaM madaH . 
nityamevAbhivartante guNAH prakR^itisambhavAH .. 51..\\
etadbuddhyAnupashyantaH santyajeyuH shubhAshubham . 
parA.n gatimabhIpsanto yatayaH sa.nyame ratAH .. 52..\\

 zyuu

sarvametanmayA brahma~nshAstrataH parikIrtitam . 
na hyaviGYAya shAtrArthaM pravartante pravR^ittayaH .. 53..\\
yaH kashchinnyAyya AchAraH sarva.n shAstramiti shrutiH . 
yadanyAyyamashAstra.n tadityeShA shrUyate shrutiH .. 54..\\
na pravR^ittirR^ite shAstrAtkA chidastIti nishchayaH . 
yadanyadvedavAdebhyastadashAstramiti shrutiH .. 55..\\
shAstrAdapetaM pashyanti bahavo vyaktamAninaH . 
shAstradoShAnna pashyanti iha chAmutra chApare . 
aviGYAna hatapraGYA hInapraGYAstamovR^itAH .. 56..\\
shakya.n tvekena muktena kR^itakR^ityena sarvashaH . 
piNDa mAtra.n vyapAshritya charituM sarvatodisham . 
vedavAda.n vyapAshritya mokSho.astIti prabhAsitum .. 57..\\
ida.n tu duShkaraM karma kuTumbamabhisaMshritam . 
dAnamadhyayana.n yaGYaH prajA santAnamArjavam .. 58..\\
yadyetadeva.n kR^itvApi na vimokSho.asti kasya chit . 
dhikkartAra.n cha kAryaM cha shramashchAyaM nirarthakaH .. 59..\\
nAstikyamanyathA cha syAdvedAnAM pR^iShThataH kriyA . 
etasyAnantyamichchhAmi bhagava~nshrotuma~njasA .. 60..\\
tathya.n vadasva me brahmannupasanno.asmyadhIhi bhoH . 
yathA te vidito mokShastathechchhAmyupashikShitum .. 61..\\
\medskip\hrule\medskip\centerline{\Largedvng 262}
 kapila

vedAH pramAna.n lokAnAM na vedAH pR^iShThataH kR^itAH . 
dve brahmaNI veditavye shabdabrahma para.n cha yat . 
shabdabrahmaNi niShNAtaH paraM brahmAdhigachchhati .. 1..\\
sharIrametatkurute yadvede kurute tanum . 
kR^itashuddha sharIro hi pAtraM bhavati brAhmaNaH .. 2..\\
Anantyamanuyuknte yaH karmaNA tadbravImi te . 
nirAgamamanaitihyaM pratyakSha.n lokasAkShikam .. 3..\\
dharma ityeva ye yaGYAnvitanvanti nirAshiShaH . 
utpanna tyAgino.alubdhAH kR^ipAsUyAvivArjitAH . 
dhanAnAmeSha vai panthAstIrtheShu pratipAdanam .. 4..\\
anAshritAH pApakR^ityAH kadA chitkarma yonitaH . 
manaHsa~Nkalpasa.nsiddhA vishuddhaGYAnanishchayAH .. 5..\\
akrudhyanto.anasUyanto niraha~NkAra matsarAH . 
GYAnaniShThAstrishuklAshcha sarvabhUtahite ratAH .. 6..\\
AsangR^ihasthA bhUyiShThamavyutkrAntAH svakarmasu . 
rAjAnashcha tathAyuktA brAhmaNAshcha yathAvidhi .. 7..\\
samA hyArjavasampannAH santuShTA GYAnanishchayAH . 
pratyakShadharmAH shuchayaH shraddadhAnAH parAvare .. 8..\\
purastAdbhAvitAtmAno yathAvachcharitavratAH . 
charanti dharma.n kR^ichchhre.api durge chaivAdhisa.nhatAH .. 9..\\
sa.nhatya dharma.n charatAM purAsItsukhameva tat . 
teShAM nAsIdvidhAtavyaM prAyashchitta.n kadA chana .. 10..\\
satya.n hi dharmamAsthAya durAdharShatamA matAH . 
na mAtrAmanurudhyante na dharmachhalamantataH .. 11..\\
ya eva prathamaH kalpastamevAbhyAcharansaha . 
asyA.n sthitau sthitAnAM hi prAyashchittaM na vidyate . 
durbalAtmana utpannaM prAyashchittamiti shrutiH .. 12..\\
yata eva.nvidhA viprAH purANA yaGYavAhanAH . 
traividya vR^iddhAH shuchayo vR^ittavanto yashasvinaH . 
yajanto.aharaharyaGYairnirAshIrbandhanA budhAH .. 13..\\
teShA.n yaGYAshcha vedAshcha karmANi cha yathAgamam . 
AgamAshcha yathAkAla.n sa~NkalpAshcha yathA vratam .. 14..\\
apetakAmakrodhAnAM prakR^ityA saMshitAtmanAm . 
R^ijUnA.n shama nityAnAM sthitAnAM sveShu karmasu . 
sarvamAnantyamevAsIditi naH shAshvatI shrutiH .. 15..\\
teShAmadInasattvAnA.n dushcharAchAra karmaNAm . 
svakarmabhiH sa.nvR^itAnA.n tapo ghoratvamAgatam .. 16..\\
ta.n sadAchAramAshvaryaM purANaM shAshvata.n dhruvam . 
ashaknuvadbhishcharitu.n kiM chiddharmeShu sUchitam .. 17..\\
nirApaddharma AchArastvapramAdo.aparAbhavaH . 
sarvavarNeShu yatteShu nAsItkashchidvyatikramaH .. 18..\\
dharmameka.n chatuShpAdamAshritAste nararShabhAH . 
ta.n santo vidhivatprApya gachchhanti paramA.n gatim .. 19..\\
gR^ihebhya eva niShkramya vanamanye samAshritAH . 
gR^ihamevAbhisaMshritya tato.anye brahmachAriNaH .. 20..\\
dharmameta.n chatuShpAdamAshramaM brAhmaNA viduH . 
AnantyaM brahmaNaH sthAnaM brAhmaNA nAma nishchayaH .. 21..\\
ata eva.nvidhA viprAH purANA dharmachAriNaH . 
ta ete divi dR^ishyante jyotirbhUtA dvijAtayaH .. 22..\\
nakShatrANIva dhiShnyeShu bahavastArakA gaNAH . 
AnantyamupasamprAptAH santoShAditi vaidikam .. 23..\\
yadyAgachchhanti sa.nsAraM punaryiniShu tAdR^ishAH . 
na lipyante pApakR^ityaiH kadA chitkarma yonitaH .. 24..\\
eva.n yukto brAhmaNaH syAdanyo brAhmaNako bhavet . 
karmaiva puruShasyAha shubha.n vA yadi vAshubham .. 25..\\
evaM pakvakasAyAnAmAnantyena shrutena cha . 
sarvamAnantyamevAsIdevaM naH shAshvatI shrutiH .. 26..\\
teShAmapetatR^iShNAnAM nirniktAnA.n shubhAtmanAm . 
chaturtha aupaniShado dharmaH sAdhAraNaH smR^itaH .. 27..\\
sa siddhaiH sAdhyate nityaM brAhmaNairniyatAtmabhiH . 
santoSha mUlastyAgAtmA GYAnAdhiShThAnamuchyate .. 28..\\
apavarga gatirnityo yati dharmaH sanAtanaH . 
sAdhAraNaH kevalo vA yathAbalamupAsyate .. 29..\\
gachchhato gachchhataH kShema.n durbalo.atrAvasIdati . 
brahmaNaH padamanvichchhansa.nsArAnmuchyate shuchiH .. 30..\\

 syuu

ye bhu~njate ye dadate yajante.adhIyate cha ye . 
mAtrAbhirdharmalabdhAbhirye vA tyAga.n samAshritAH .. 31..\\
eteShAM pretya bhAve tu katamaH svargajittamaH . 
etadAchakShva me brahmanyathAtathyena pR^ichchhataH .. 32..\\

 kap

parigrahAH shubhAH sarve guNato.abhyudayAsh cha ye . 
na tu tyAgasukhaM prAptA etattvamapi pashyasi .. 33..\\

 syuu

bhavanto GYAnaniShThA vai gR^ihasthAH karma nishchayAH . 
AshramANA.n cha sarveShAM niShThAyAm aikyamuchyate .. 34..\\
ekatve cha pR^ithaktve cha visheSho nAnya uchyate . 
tadyathAvadyathAnyAyaM bhagavAnprabravItu me .. 35..\\

 kap

sharIrapaktiH karmANi GYAna.n tu paramA gatiH . 
pakve kasAye vamanai rasaGYAne na tiShThati .. 36..\\
AnR^isha.nsya.n kShamA shAntirahi.nsA satyamArjavam . 
adroho nAbhimAnashcha hrIstitikShA shamastathA .. 37..\\
panthAno brahmaNastvete etaiH prApnoti yatparam . 
tadvidvAnanubudhyeta manasA karma nishchayam .. 38..\\
yA.n viprAH sarvataH shAntA vishuddhA GYAnanishchayAH . 
gati.n gachchhanti santuShTAstAmAhuH paramAM gatim .. 39..\\
vedAMshcha veditavya.n cha viditvA chayathA sthiti . 
eva.n vedavidityAhurato.anyo vAtaretakaH .. 40..\\
sarva.n vidurvedavido vede sarvaM pratiShThitam . 
vede hi niShThA sarvasya yadyadasti cha nAsti cha .. 41..\\
eShaiva niShThA sarvasya yadyadasti chanAsti cha . 
etadanta.n cha madhyaM cha sachchAsachcha vijAnataH .. 42..\\
samasta tyAga ityeva.n shama ityeva niShThitaH . 
santoSha ityatra shubhamapavarge pratiShThitam .. 43..\\
R^ita.n satyaM viditaM veditavyaM 
sarvasyAtmA ja~Ngama.n sthAvara.n cha . 
sarva.n sukhaM yachchhivamuttama.n cha 
brahmAvyaktaM prabhavashchAvyayash cha .. 44..\\
tejaH kShamA shAntiranAmaya.n shubhaM 
tathAvidha.n vyoma sanAtana.n dhruvam . 
etaiH shabdairgamyate buddhinetrais 
tasmai namo brahmaNe brAhmaNAya .. 45..\\
\medskip\hrule\medskip\centerline{\Largedvng 263}
 y

dharmamartha.n cha kAmaM cha vedAH sha.nsanti bhArata . 
kasya lAbho vishiShTo.atra tanme brUhi pitAmaha .. 1..\\

 bhii

atra te vartayiShyAmi itihAsaM purAtanam . 
kuNDa dhAreNa yatprItyA bhaktAyopakR^itaM purA .. 2..\\
adhano brAhmaNaH kashchitkAmAddharmamavaikShata . 
yaGYArtha.n sa tato.arthArthI tapo.atapyata dAruNam .. 3..\\
sa nishchayamatho kR^itvA pUjayAmAsa devatAH . 
bhaktyA na chaivAdhyagachchhaddhana.n sampUjya devatAH .. 4..\\
tatashchintAM punaH prAptaH katamaddaivataM nu tat . 
yanme drutaM prasIdeta mAnuShairajadI kR^itam .. 5..\\
atha saumyena vapuShA devAnucharamantike . 
pratyapashyajjaladhara.n kundadhAramavasthitam .. 6..\\
dR^iShTvaiva taM mahAtmAna.n tasya bhaktirajAyata . 
ayaM me dhAsyati shreyo vapuretaddhi tAdR^isham .. 7..\\
saMnikR^iShTashcha devasya na chAnyairmAnuShairvR^itaH . 
eSha me dAsyati dhanaM prabhUta.n shIghrameva cha .. 8..\\
tato dhUpaishcha gandhaishcha mAlyairuchchAvachairapi . 
balibhirvividhaishchApi pUjayAmAsa ta.n dvijaH .. 9..\\
tataH svalpena kAlena tuShTo jaladharastadA . 
tasyopakAre niyatAmimA.n vAchamuvAcha ha .. 10..\\
brahmaghne cha surApe cha chore bhagnavrate tathA . 
niShkR^itirvihitA sadbhiH kR^itaghne nAsti niShkR^itiH .. 11..\\
AshAyAstanayo.adharmaH krodho.asUyA sutaH smR^itaH . 
putro lobho nikR^ityAstu kR^itaghno nArhati prajAm .. 12..\\
tataH sa brAhmaNaH svapne kundadhArasya tejasA . 
apashyatsarvabhUtAni kusheShu shayitastadA .. 13..\\
shamena tapasA chaiva bhaktyA cha nirupaskR^itaH . 
shuddhAtmA brAhmaNo rAtrau nidarshanamapashyata .. 14..\\
manibhadra.n sa tatrastha.n devatAnAM mahAdyutim . 
apashyata mahAtmAna.n vyAdishantaM yudhiShThira .. 15..\\
tatra devAH prayachchhanti rAjyAni cha dhanAni cha . 
shubhaiH karmabhirArabdhAH prachchhidantyashubheShu cha .. 16..\\
pashyatAmatha yakShANA.n kundadhAro mahAdyutiH . 
niShpatya patito bhUmau devAnAM bharatarShabha .. 17..\\
tatastu devavachanAnmanibhadro mahAyashaH . 
uvAcha patitaM bhUmau kundadhAra kimiShyate .. 18..\\

 kundadhara

yadi prasannA devA me bhakto.ayaM brAhmaNo mama . 
asyAnugrahamichchhAmi kR^ita.n kiM chitsukhodayam .. 19..\\

 bhii

tatastaM manibhadrastu punarvachanamabravIt . 
devAnAmeva vachanAtkundadhAraM mahAdyutim .. 20..\\
uttiShThottiShTha bhadra.n te kR^itakAryaH sukhI bhava . 
yAvaddhanaM prArthayate brAhmaNo.aya.n sakhA tava . 
devAnA.n shAsanAttAvadasa~Nkhyeya.n dadAmyaham .. 21..\\
vichArya kundadhArastu mAnuShya.n chalamadhruvam . 
tapase matimAdhatta brAhmaNasya yashasvinaH .. 22..\\

 ku

nAha.n dhanAni yAchAmi brAhmaNAya dhanaprada . 
anyamevAhamichchhAmi bhaktAyAnugraha.n kR^itam .. 23..\\
pR^ithivI.n ratra pUrNAM vA mahadvA dhanasa~ncayam . 
bhaktAya nAhamichchhAmi bhavedeSha tu dhArmikaH .. 24..\\
dharme.asya ramatAM buddhirdharma.n chaivopajIvatu . 
dharmapradhAno bhavatu mamaiSho.anugraho mataH .. 25..\\

 manibhadra

yadA dharmaphala.n rAjyaM sukhAni vividhAni cha . 
phalAnyevAyamashnAtu kAyakleshavivarjitaH .. 26..\\

 bhii

tatastadeva bahushaH kundadhAro mahAyashaH . 
abhyAsamakaroddharme tatastuShTAsya devatAH .. 27..\\

 mani

prItAste devatAH sarvA dvijasyAsya tathaiva cha . 
bhaviShyatyeSha dharmAtmA dharme chAdhAsyate matiH .. 28..\\

 bhii

tataH prIto jaladharaH kR^itakAryo yudhiShThira . 
IpsitaM manaso labdhvA varamanyaiH sudurlabham .. 29..\\
tato.apashyata chIrANi sUkShmANi dvijasattamaH . 
pArshvato.abhyAgato nyastAnyatha nirvedamAgataH .. 30..\\

 braa

ayaM na sukR^ita.n vetti ko nvanyo vetsyate kR^itam . 
gachchhAmi vanamevAha.n vara.n dharmeNa jIvitum .. 31..\\

 bhii

nirvedAddevatAnA.n cha prasAdAtsa dvijottamaH . 
vanaM pravishya sumahattapa ArabdhavA.nstadA .. 32..\\
devatAtithisheSheNa phalamUlAshano dvijaH . 
dharme chApi mahArAja ratirasyAbhyajAyata .. 33..\\
tyaktvA mUlaphala.n sarvaM parNAhAro.abhavaddvijaH . 
parNa.n tyaktvA jalAhArastadAsIddvijasattamaH .. 34..\\
vAyubhakShastataH pashchAdbahUnvarShagaNAnabhUt . 
na chAsya kShIyate prANastadadbhutamivAbhavat .. 35..\\
dharme cha shraddadhAnasya tapasyugre cha vartataH . 
kAlena mahatA tasya divyA dR^iShTirajAyata .. 36..\\
tasya buddhiH prAdurAsIdyadi dadyAM mahaddhanam . 
tuShTaH kasmai chidevAhaM na mithyA vAgbhavenmama .. 37..\\
tataH prahR^iShTavadano bhUya ArabdhavA.nstapaH . 
bhUyashchAchintayatsiddho yatpara.n so.abhyapadyata .. 38..\\
yadi dadyAmaha.n rAjya.n tuShTo vai yasya kasya chit . 
sa bhavedachirAdrAjA na mityA vAgbhavenmama .. 39..\\
tasya sAkShAtkundadhAro darshayAmAsa bhArata . 
brAhmaNasya tapoyogAtsauhR^idenAbhichoditaH .. 40..\\
samAgamya sa tenAtha pUjA.n chakre yathAvidhi . 
brAhmaNaH kundadhArasya vismitashchAbhavannR^ipa .. 41..\\
tato.abravItkundadhAro divya.n te chakShuruttamam . 
pashya rAGYA.n gati.n vipra lokAMshchAvekSha chakShuShA .. 42..\\
tato rAGYA.n sahasrANi magnAni niraye tadA . 
dUrAdapashyadvipraH sa divyayuktena chakShuShA .. 43..\\

 ku

mAM pUjayitvA bhAvena yadi tva.n duHkhamApnuyAH . 
kR^itaM mayA bhavetki.n te kash cha te.anugraho bhavet .. 44..\\
pashya pashya cha bhUyastva.n kAmAnichchhetkathaM naraH . 
svargadvAra.n hi sa.nruddhaM mAnuSheShu visheShataH .. 45..\\

 bhii

tato.apashyatsa kAma.n cha krodha.n lobhaM bhayaM madam . 
nidrA.n tandrIM tathAlasyamAvR^itya puruShAnsthitAn .. 46..\\

 ku

etairlokAH susa.nruddhA devAnAM mAnuShAdbhayam . 
tathaiva devavachanAdvighna.n kurvanti sarvashaH .. 47..\\
na devairananuGYAtaH kashchidbhavati dhArmikaH . 
eSha shakto.asi tapasA rAjya.n dAtuM dhanAni cha .. 48..\\

 bhii

tataH papAta shirasA brAhmaNastoyadhAriNe . 
uvAcha chaina.n dharmAtmA mAhAnme.anugrahaH kR^itaH .. 49..\\
kAmalobhAnubandhena purA te yadasUyitam . 
mayA snehamaviGYAya tatra me kShantumarhasi .. 50..\\
kShAntameva mayetyuktvA kundadhAro dvijarShabham . 
sampariShvajya bAhubhyA.n tatraivAntaradhIyata .. 51..\\
tataH sarvAnimA.NllokAnbrAhmaNo.anuchachAra ha . 
kundadhAra prasAdena tapasA yojitaH purA .. 52..\\
vihAyasA cha gamana.n tathA sa~NkalpitArthatA . 
dharmAchchhaktyA tathA yogAdyA chaiva paramA gatiH .. 53..\\
devatA brAhmaNAH santo yakShA mAnuShachAraNAH . 
dhArmikAnpUjayantIha na dhanAdhyAnna kAminaH .. 54..\\
suprasannA hi te devA yatte dharme ratA matiH . 
dhane sukhakalA kA chiddharme tu parama.n sukham .. 55..\\
\medskip\hrule\medskip\centerline{\Largedvng 264}
 y

bahUnA.n yaGYatapasAmekArthAnAM pitAmaha . 
dharmArthaM na sukhArthArtha.n katha.n yaGYaH samAhitaH .. 1..\\

 bhii

atra te vartayiShyAmi nAradenAnukIrtitam . 
u~nchhavR^itteH purAvR^itta.n yaGYArthe brAhmaNasya ha .. 2..\\
rAstre dharmottare shreShThe vidarbheShvabhavaddvijaH . 
u~nchhavR^ittirR^iShiH kashchidyaGYe yaGYa.n samAdadhe .. 3..\\
shyAmAkamashana.n tatra sUryapatnI suvarchalA . 
tikta.n cha virasa.n shAkaM tapasA svAdutAM gatam .. 4..\\
upagamya vane pR^ithvI.n sarvabhUtavihi.nsayA . 
api mUlaphalairijyo yaGYaH svargyaH parantapa .. 5..\\
tasya bhAryA vratakR^ishA shuchiH puShkara chAriNI . 
yaGYapatnItvamAnItA satyenAnuvidhIyate . 
sA tu shApaparitrastA na svabhAvAnuvartinI .. 6..\\
mayUrajIrNa parNAnA.n vastra.n tasyAshcha parNinAm . 
akAmAyAH kR^ita.n tatra yaGYe hotrAnumArgataH .. 7..\\
shukrasya punarAjAtirapadhyAnAdadharmavit . 
tasminvane samIpastho mR^igo.abhUtsahachArikaH . 
vacho bhirabravItsatya.n tvayA duShkR^itakaM kR^itam .. 8..\\
yadi mantrA~NgahIno.aya.n yaGYo bhavati vaikR^itaH . 
mAM bhoH prakShipa hotre tva.n gachchha svargamatandritaH .. 9..\\
tatastu yaGYe sAvitrI sAkShAtta.n saMnyamantrayat . 
nimantrayantI pratyuktA na hanyA.n sahavAsinam .. 10..\\
evamuktA nivR^ittA sA praviShTA yaGYapAvakam . 
kiM nu dushcharita.n yaGYe didR^ikShuH sA rasAtalam .. 11..\\
sA tu baddhA~njali.n satyamayAchaddhariNaM punaH . 
satyena sampariShvajya sandiShTo gamyatAm iti .. 12..\\
tataH sa hariNo gatvA padAnyastau nyavartata . 
sAdhu hi.nsaya mA.n satyahato yAsyAmi sadgatim .. 13..\\
pashya hyapsaraso divyA mayA dattena chakShuShA . 
vimAnAni vichitrANi gandharvANAM mahAtmanAm .. 14..\\
tataH suruchira.n dR^iShTvA spR^ihA lagnena chakShuShA . 
mR^igamAlokya hi.nsAyA.n svargavAsaM samarthayat .. 15..\\
sa tu dharmo mR^igo bhUtvA bahuvarShoShito vane . 
tasya niShkR^itimAdhatta na hyasau yaGYasa.nvidhiH .. 16..\\
tasya tena tu bhAvena mR^igahi.nsAtmanastadA . 
tapo mahatsamuchchhinna.n tasmAddhi.nsA na yaGYiyA .. 17..\\
tatastaM bhagavAndharmo yaGYa.n yAjayata svayam . 
samAdhAna.n cha bhAryAyA lebhe sa tapasA param .. 18..\\
ahi.nsA sakalo dharmo hi.nsA yaGYe.asamAhitA . 
satya.n te.ahaM pravakShyAmi yo dharmaH satyavAdinAm .. 19..\\
\medskip\hrule\medskip\centerline{\Largedvng 265}
 y

kathaM bhavati pApAtmA katha.n dharmaM karoti vA . 
kena nirvedamAdatte mokSha.n vA kena gachchhati .. 1..\\

 bhii

viditAH sarvadharmAste sthityarthamanupR^ichchhasi . 
shR^iNu mokSha.n sanirvedaM pApa.n dharmaM cha mUlataH .. 2..\\
viGYAnArtha.n hi pa~nchAnAmichchhA pUrvaM pravartate . 
prApya tA~njAyate kAmo dveSho vA bharatarShabha .. 3..\\
tatastadartha.n yatate karma chArabhate punaH . 
iShTAnA.n rUpagandhAnAmabhyAsa.n cha chikIrShati .. 4..\\
tato rAgaH prabhavati dveShash cha tadanantaram . 
tato lobhaH prabhavati mohash cha tadanantaram .. 5..\\
lobhamohAbhibhUtasya rAgadveShAnvitasya cha . 
na dharme jAyate buddhirvyAjAddharma.n karoti cha .. 6..\\
vyAjena charato dharmamarthavyAjo.api rochate . 
vyAjena sidhyamAneShu dhaneShu kurunandana .. 7..\\
tatraiva kurute buddhi.n tataH pApaM chikIrShati . 
suhR^idbhirvAryamANo.api paNDitaishchApi bhArata .. 8..\\
uttaraM nyAyasambaddhaM bravIti vidhiyojitam . 
adharmastrividhastasya vardhate rAgamohajaH .. 9..\\
pApa.n chintayate chaiva prabravIti karoti cha . 
tasyAdharmapravR^ittasya doShAnpashyanti sAdhavaH .. 10..\\
ekashIlAshcha mitratvaM bhajante pApakarmiNaH . 
sa neha sukhamApnoti kuta eva paratra vai .. 11..\\
evaM bhavati pApAtmA dharmAtmAna.n tu me shR^iNu . 
yathA kushaladharmA sa kushalaM pratipadyate .. 12..\\
ya etAnpraGYayA doShAnpUrvamevAnupashyati . 
kushalaH sukhaduHkhAnA.n sAdhUMshchApyupasevate .. 13..\\
tasya sAdhu samAchArAdabhyAsAchchaiva vardhate . 
praGYA dharme cha ramate dharma.n chaivopajIvati .. 14..\\
so.atha dharmAdavApteShu dhaneShu kurute manaH . 
tasyaiva si~nchate mUla.n guNAnpashyati yatra vai .. 15..\\
dharmAtmA bhavati hyevaM mitra.n cha labhate shubham . 
sa mitra dhanalAbhAttu pretya cheha cha nandati .. 16..\\
shabde sparshe tathArUpe rase gandhe cha bhArata . 
prabhutva.n labhate janturdharmasyaitatphalaM viduH .. 17..\\
sa dharmasya phala.n labdhvA na tR^ipyati yudhiShThira . 
atR^ipyamANo nirvedamAdatte GYAnachakShuShA .. 18..\\
praGYA chakShuryadA kAme doShamevAnupashyati . 
virajyate tadA kAmAnna cha dharma.n vimu~nchati .. 19..\\
sarvatyAge cha yatate dR^iShTvA loka.n kShayAtmakam . 
tato mokShAya yatate nAnupAyAdupAyataH .. 20..\\
shanairnirvedamAdatte pApa.n karma jahAti cha . 
dharmAtmA chaiva bhavati mokSha.n cha labhate param .. 21..\\
etatte kathita.n tAta yanmAM tvaM paripR^ichchhasi . 
pApa.n dharmaM tathA mokShaM nirvedaM chaiva bhArata .. 22..\\
tasmAddharme pravartethAH sarvAvastha.n yudhiShThira . 
dharme sthitAnA.n kaunteya siddhirbhavati shAshvatI .. 23..\\
\medskip\hrule\medskip\centerline{\Largedvng 266}
 y

mokShaH pitAmahenokta upAyAnnAnupAyataH . 
tamupAya.n yathAnyAyaM shrotumichchhAmi bhArata .. 1..\\

 bhii

tvayyevaitanmahAprAGYa yuktaM nipuna darshanam . 
yadupAyena sarvArthAnnityaM mR^igayase.anagha .. 2..\\
karaNe ghatasya yA buddhirghatotpattau na sAnagha . 
eva.n dharmAbhyupAyeShu nAnyaddharmeShu kAraNam .. 3..\\
pUrve samudre yaH panthA na sa gachchhati pashchimam . 
ekaH panthA hi mokShasya tanme vistarataH shR^iNu .. 4..\\
kShamayA krodhamuchchhindyAtkAma.n sa~NkalpavarjanAt . 
sattvasa.nsevanAddhIro nidrAm uchchhetumarhati .. 5..\\
apramAdAdbhaya.n rakShechchhvAsa.n kShetraGYashIlanAt . 
ichchhA.n dveShaM cha kAmaM cha dhairyeNa vinivartayet .. 6..\\
bhramaM pramohamAvartamabhyAsAdvinivartayet . 
nidrA.n cha pratibhAM chaiva GYAnAbhyAsa na tattvavit .. 7..\\
upadravA.nstathA rogAnhitajIrNa mitAshanAt . 
lobhaM moha.n cha santoShAdviShayA.nstattvadarshanAt .. 8..\\
anukroShAdadharma.n cha jayeddharmamupekShayA . 
AyatyA cha jayedAshAmartha.n sa~NgavivarjanAt .. 9..\\
anityatvena cha sneha.n kShudha.n yogena paNDitaH . 
kAruNyenAtmano mAna.n tR^iShNAM cha paritoShataH .. 10..\\
utthAnena jayettandrI.n vitarkaM nishchayAjjayet . 
maunena bahu bhAsya.n cha shauryeNa cha bhayaM jayet .. 11..\\
yachchhedvA~NmanasI buddhyA tA.n yachchhejGYAnachakShuShA . 
GYAnamAtmA mahAnyachchhetta.n yachchhechchhAntirAtmanaH .. 12..\\
tadetadupashAntena boddhavya.n shuchi karmaNA . 
yogadoShAnsamuchchhidya pa~ncha yAnkavayo viduH .. 13..\\
kAma.n krodhaM cha lobhaM cha bhaya.n svapnaM cha pa~nchamam . 
parityajya niSheveta tathemAnyogasAdhanAn .. 14..\\
dhyAnamadhyayana.n dAna.n satyaM hrIrArjavaM kShamA . 
shauchamAhArataH shuddhirindriyANA.n cha sa.nyamaH .. 15..\\
etairvivardhate tejaH pApmAnamapahanti cha . 
sidhyanti chAsya sa~NkalpA viGYAna.n cha pravartate .. 16..\\
dhUtapApaH sa tejasvI laghvAhAro jitendriyaH . 
kAmakrodhau vashe kR^itvA ninIsedbrahmaNaH padam .. 17..\\
amUDhatvamasa~Ngitva.n kAmakrodhavivarjanam . 
adainyamanudIrNatvamanudvego vyavasthitiH .. 18..\\
eSha mArgo hi mokShasya prasanno vimalaH shuchiH . 
tathA vAkkAyamanasAM niyamaH kAmato.anyathA .. 19..\\
\medskip\hrule\medskip\centerline{\Largedvng 267}
 bhii

atraivodAharantImamitihAsaM purAtanam . 
nAradasya cha sa.nvAda.n devalasyAsitasya cha .. 1..\\
AsIna.n devala.n vR^iddhaM buddhvA buddhimatAM varaH . 
nAradaH paripaprachchha bhUtAnAM prabhavAbhyayam .. 2..\\
kutaH sR^iShTamida.n vishvaM brahmansthAvaraja~Ngamam . 
pralaye cha kamabhyeti tadbhavAnprabravItu me .. 3..\\

 asita

yebhyaH sR^ijati bhUtAni kAlo bhAvaprachoditaH . 
mahAbhUtAni pa~ncheti tAnyAhurbhUtachintakAH .. 4..\\
tebhyaH sR^ijati bhUtAni kAla AtmaprachoditaH . 
etebhyo yaH paraM brUyAdasadbrUyAdasaMshayam .. 5..\\
viddhi nArada pa~nchaitA~nshAshvatAnachalAndhruvAn . 
mahatastejaso rAshInkAlaShaShThAnsvabhAvataH .. 6..\\
ApashchaivAntarikSha.n cha pR^ithivI vAyupAvakau . 
asiddhiH parametebhyo bhUtebhyo muktasaMshayam .. 7..\\
nopapattyA na vA yuktyA tvasadbrUyAdasaMshayam . 
vettha tAnabhinirvR^ittAnsa ete yasya rAshayaH .. 8..\\
pa~nchaiva tAni kAlashcha bhAvAbhAvau cha kevalau . 
astau bhUtAni bhUtAnA.n shAshvatAni bhavApyayau .. 9..\\
abhAvAdbhAviteShveva tebhyash cha prabhavantyapi . 
vinasto.api cha tAnyeva janturbhavati pa~nchadhA .. 10..\\
tasya bhUmimayo dehaH shrotramAkAshasambhavam . 
sUryashchakShurasurvAyuradbhyastu khalu shonitam .. 11..\\
chakShuShI nAsikA karNau tvagjihveti cha pa~nchamI . 
indriyANIndriyArthAnA.n GYAnAni kavayo viduH .. 12..\\
darshana.n shravaNa.n ghrANaM sparshanaM rasanaM tathA . 
upapattyA guNAnviddhi pa~ncha pa~nchasu pa~nchadhA .. 13..\\
rUpa.n gandho rasaH sparshaH shabdashchaivAtha tadguNAH . 
indriyairupalabhyante pa~nchadhA pa~ncha pa~nchabhiH .. 14..\\
rUpa.n gandha.n rasaM sparshaM shabdaM chaitA.nstu tadguNAn . 
indriyANi na budhyante kShetraGYastaistu budhyate .. 15..\\
chittamindriyasa~NghAtAtpara.n tasmAtparaM manaH . 
manasastu parA buddhiH kShetraGYo buddhitaH param .. 16..\\
pUrva.n chetayate janturindriyairviShayAnpR^ithak . 
vichArya manasA pashchAdatha buddhyA vyavasyati . 
indriyaurupalabdhArthAnsarvAnyastvadhyavasyati .. 17..\\
chittamindriyasa~NghAtaM mano buddhi.n tathAstamIm . 
astau GYAnendriyANyAhuretAnyadhyAtmachintakAH .. 18..\\
pAni pAda.n cha pAyushcha mehanaM pa~nchamaM mukham . 
iti saMshabdyamAnAni shR^iNu karmendriyANyapi .. 19..\\
jalpanAbhyavahArArthaM mukhamindriyamuchyate . 
gamanendriya.n tathA pAdau karmaNaH karaNe karau .. 20..\\
pAyUpasthau visargArthamindriye tulyakarmaNI . 
visarge cha purIsasya visarge chAbhikAmike .. 21..\\
bala.n sasthaM sa etAni vAchA samyagyathAgamam . 
GYAnacheShTendriya guNAH sarve saMshabditA mayA .. 22..\\
indriyANA.n svakarmabhyaH shramAduparamo yadA . 
bhavatIndriya saMnyAsAdatha svapiti vai naraH .. 23..\\
indriyANA.n vyuparame mano.anuparataM yadi . 
sevate viShayAneva tadvidyAtsvapnadarshanAt .. 24..\\
sAttvikAshchaiva ye bhAvAstathA rAjasa tAmasAH . 
karma yuktAnprasha.nsanti sAttvikAnitarA.nstathA .. 25..\\
AnandaH karmaNA.n siddhiH pratipattiH parA gatiH . 
sAttvikasya nimittAni bhAvAnsaMshrayate smR^itiH .. 26..\\
jantuShvekatameShvevaM bhAvA ye vidhimAsthitAH . 
bhAvayorIpsitaM nityaM pratyakShagamana.n dvayoH .. 27..\\
indriyANi cha bhAvAshcha guNAH saptadasha smR^itAH . 
teShAmastAdasho dehI yaH sharIre sa shAshvataH .. 28..\\
atha vA sasharIrAste guNAH sarve sharIriNAm . 
saMshritAstadviyoge hi sasharIrA na santi te .. 29..\\
atha vA saMnipAto.aya.n sharIraM pA~nchabhautikam . 
etashcha dasha chAstau cha guNAH saha sharIriNAm . 
UShmanA saha viMsho vA sa~NghAtaH pA~nchabhautikaH .. 30..\\
mahAnsandhArayatyetachchharIra.n vAyunA saha . 
tasyAsya bhAvayuktasya nimitta.n dehabhedane .. 31..\\
yathaivotpadyate ki.n chitpa~nchatvaM gachchhate tathA . 
puNyapApavinAshAnte puNyapApasamIritam . 
deha.n vishati kAlena tato.aya.n karma sambhavam .. 32..\\
hitvA hitvA hyayaM praiti dehAddeha.n kR^itAshrayaH . 
kAlasa~ncoditaH kShetrI vishIrNAdvA gR^ihAdgR^iham .. 33..\\
tatra naivAnutapyante prAGYA nishchita nishchayAH . 
kR^ipaNAstvanutapyante janAH sambandhimAninaH .. 34..\\
na hyaya.n kasya chitkashchinnAsya kash chana vidyate . 
bhavatyeko hyayaM nitya.n sharIre sukhaduHkhabhAj .. 35..\\
naiva sa~njAyate janturna cha jAtu vipadyate . 
yAti dehamayaM bhuktvA kadA chitparamA.n gatim .. 36..\\
puNyapApamaya.n dehaM kShapayankarma sa~ncayAt . 
kShINadehaH punardehI brahmatvamupagachchhati .. 37..\\
puNyapApakShayArtha.n cha sA~Nkhya.n GYAnaM vidhIyate . 
tatkShaye hyasya pashyanti brahma bhAve parA.n gatim .. 38..\\
\medskip\hrule\medskip\centerline{\Largedvng 268}
 y

bhrAtaraH pitarA putrA GYAtayaH suhR^idastathA . 
arthahetorhatAH krUrairasmAbhiH pApabuddhibhiH .. 1..\\
yeyamarthodbhavA tR^iShNA kathametAM pitAmaha . 
nivartayema pApa.n hi tR^iShNayA kAritA vayam .. 2..\\

 bhii

atrApyudAharantImamitihAsaM purAtanam . 
gIta.n videharAjena mAndavyAyAnupR^ichchhate .. 3..\\
susukhaM bata jIvAmi yasya me nAsti ki.n chana . 
mithilAyAM pradIptAyAM na me dahyati ki.n chana .. 4..\\
arthAH khalu samR^iddhA hi bAdha.n duHkha.n vijAnatAm . 
asamR^iddhAstvapi sadA mohayantyavichakShaNAn .. 5..\\
yachcha kAmasukha.n loke yachcha divyaM mahatsukham . 
tR^iShNA kShayasukhasyaite nArhataH sodashI.n kalAm .. 6..\\
yathaiva shR^i~Nga.n goH kAle vardhamAnasya vardhate . 
tathaiva tR^iShNA vittena vardhamAnena vardhate .. 7..\\
ki.n chideva mamatvena yadA bhavati kalpitam . 
tadeva paritApAya nAshe sampadyate punaH .. 8..\\
na kAmAnanurudhyeta duHkha.n kAmeShu vai ratiH . 
prApyArthamupayu~njIta dharme kAma.n vivarjayet .. 9..\\
vidvAnsarveShu bhUteShu vyAghramA.nsopamo bhavet . 
kR^itakR^ityo vishuddhAtmA sarva.n tyajati vai saha .. 10..\\
ubhe satyAnR^ite tyaktvA shokAnandau priyApriyau . 
bhayAbhaye cha santyajya samprashAnto nirAmayaH .. 11..\\
yA dustyajA durmatibhiryA na jIryati jIryataH . 
yo.asau prANAntiko rogastA.n tR^iShNAM tyajataH sukham .. 12..\\
chAritramAtmanaH pashyaMshchandra shuddhamanAmayam . 
dharmAtmA labhate kIrtiM pretya cheha yathAsukham .. 13..\\
rAGYastadvachana.n shrutvA prItimAnabhavaddvijaH . 
pUjayitvA cha tadvAkyaM mAndavyo mokShamAshritaH .. 14..\\
\medskip\hrule\medskip\centerline{\Largedvng 269}
 y

ki.n shIlaH kiM samAchAraH kiM vidyaH kiM parAyanaH . 
prApnoti brahmaNaH sthAna.n yatparaM prakR^iterdhruvam .. 1..\\

 bhii

mokShadharmeShu nirato laghvAhAro jitendriyaH . 
prApnoti parama.n sthAnaM yatparaM prakR^iterdhruvam .. 2..\\
svagR^ihAdabhiniHsR^itya lAbhAlAbhe samo muniH . 
samupodheShu kAmeShu nirapekShaH parivrajet .. 3..\\
na chakShuShA na manasA na vAchA dUsayedapi . 
na pratyakShaM parokSha.n vA dUsanaM vyAharetkva chit .. 4..\\
na hi.nsyAtsarvabhUtAni maitrAyaNa gatish charet . 
neda.n jIvitamAsAdya vairaM kurvIta kena chit .. 5..\\
ativAdA.nstitikSheta nAbhimanyetkatha.n chana . 
krodhyamAnaH priyaM brUyAdAkruShTaH kushala.n vadet .. 6..\\
pradakShiNaM prasavya.n cha grAmamadhye na chAcharet . 
bhaikSha charyAmanApanno na gachchhetpUrvaketitaH .. 7..\\
avikIrNaH suguptashcha na vAchA hyapriya.n vadet . 
mR^iduH syAdapratikrUro visrabdhaH syAdaroShaNaH .. 8..\\
vidhUme nyastamusale vya~NgAre bhuktavajjane . 
atIte pAtrasa~ncAre bhikShA.n lipseta vai muniH .. 9..\\
anuyAtrikamarthasya mAtrA lAbheShvanAdR^itaH . 
alAbhe na vihanyeta lAbhashchainaM na harShayet .. 10..\\
lAbha.n sAdhAraNaM nechchhenna bhu~njItAbhipUjitaH . 
abhipUjita lAbha.n hi jugupsetaiva tAdR^ishaH .. 11..\\
na chAnna doShAnnindeta na guNAnabhipUjayet . 
shayAsane vivikte cha nityamevAbhipUjayet .. 12..\\
shUnyAgara.n vR^ikShamUlamaraNyamatha vA guhAm . 
aGYAtacharyA.n gatvAnyAM tato.anyatraiva sa.nvishet .. 13..\\
anurodha virodhAbhyA.n samaH syAdachalo dhruvaH . 
sukR^ita.n duShkR^itaM chobhe nAnurudhyeta karmaNi .. 14..\\
vAcho vegaM manasaH krodhavegaM 
vivitsA vegamudaropastha vegam . 
etAnvegAnvinayedvai tapasvI 
nindA chAsya hR^idayaM nopahanyAt .. 15..\\
madhyastha eva tiShTheta prasha.nsA nindayoH samaH . 
etatpavitraM paramaM parivrAjaka Ashrame .. 16..\\
mahAtmA suvrato dAntaH sarvatraivAnapAshritaH . 
apUrva chArakaH saumyo aniketaH samAhitaH .. 17..\\
vAna prasthagR^ihasthAbhyAM na sa.nsR^ijyeta karhi chit . 
aGYAtalipsA.n lipseta na chainaM harSha Avishet .. 18..\\
vijAnatAM mokSha eSha shramaH syAdavijAnatAm . 
mokShayAnamida.n kR^itsna.n viduShAM hArito.abravIt .. 19..\\
abhaya.n sarvabhUtebhyo dattvA yaH pravrajedgR^ihAt . 
lokAstejomayAstasya tathAnantyAya kalpate .. 20..\\
\medskip\hrule\medskip\centerline{\Largedvng 270}
 y

dhanyA dhanyA iti janAH sarve.asmAnpravadantyuta . 
na duHkhitataraH kashchitpumAnasmAbhirasti ha .. 1..\\
lokasambhAvitairduHkha.n yatprApta.n kurusattama . 
prApya jAtiM manuShyeShu devairapi pitAmaha .. 2..\\
kadA vaya.n kariShyAmaH saMnyAsaM duHkhasa~nj~nakam . 
duHkhametachchharIrANA.n dhAraNaM kurusattama .. 3..\\
vimuktAH saptadashabhirhetubhUtaishcha pa~nchabhiH . 
indriyArthairguNaishchaiva astAbhiH prapitAmaha .. 4..\\
na gachchhanti punarbhAvaM munayaH saMshitavratAH . 
kadA vayaM bhaviShyAmo rAjya.n hitvA parantapa .. 5..\\

 bhii

nAstyanantaM mahArAja sarva.n sa~NkhyAna gocharam . 
punarbhAvo.api sa~NkhyAto nAsti ki.n chidihAchalam .. 6..\\
na chApi gamyate rAjannaiSha doShaH prasa~NgataH . 
udyogAdeva dharmaGYa kAlenaiva gamiShyatha .. 7..\\
Isho.aya.n satata.n dehI nR^ipate puNyapApayoH . 
tata eva samutthena tamasA rudhyate.api cha .. 8..\\
yathA~njana mayo vAyuH punarmAnaH shila.n rajaH . 
anupravishya tadvarNo dR^ishyate ra~njayandishaH .. 9..\\
tathA karmaphalairdehI ra~njitastamasAvR^itaH . 
vivarNo varmamAshritya deheShu parivartate .. 10..\\
GYAnena hi yadA janturaGYAnaprabhava.n tamaH . 
vyapohati tadA brahma prakAsheta sanAtanam .. 11..\\
ayatna sAdhyaM munayo vadanti 
ye chApi muktAsta upAsitavyAH . 
tvayA cha lokena cha sAmareNa 
tasmAnna shAmyanti maharShisa~NghAH .. 12..\\
asminnarthe purA gIta.n shR^iNuShvaika manA nR^ipa . 
yathA daityena vR^itreNa bhraShTaishvaryeNa cheShTitam .. 13..\\
nirjitenAsahAyena hR^itarAjyena bhArata . 
ashochatA shatrumadhye buddhimAsthAya kevalAm .. 14..\\
bhraShTaishvaryaM purA vR^itramushanA vAkyamabravIt . 
kachchitparAjitasyAdya na vyathA te.asti dAnava .. 15..\\

 vrtra

satyena tapasA chaiva viditvA sa~NkShaya.n hyaham . 
na shochAmi na hR^iShyAmi bhUtAnAmAgati.n gatim .. 16..\\
kAlasa~ncoditA jIvA majjanti narake.avashAH . 
paridR^iShTAni sarvANi divyAnyAhurmanIShiNaH .. 17..\\
kShapayitvA tu ta.n kAlaM gaNitaM kAlachoditAH . 
sAvasheSheNa kAlena sambhavanti punaH punaH .. 18..\\
tiryagyonisahasrANi gatvA narakameva cha . 
nirgachchhantyavashA jIvAH kAlabandhana bandhanAH .. 19..\\
eva.n sa.nsaramANAni jIvAnyahamadR^iShTavAn . 
yathA karma tathA lAbha iti shAstranidarshanam .. 20..\\
tiryaggachchhanti narakaM mAnuShya.n daivameva cha . 
sukhaduHkhe priyadveShye charitvA pUrvameva cha .. 21..\\
kR^itAntavidhisa.nyukta.n sarvalokaH prapadyate . 
gata.n gachchhanti chAdhvAna.n sarvabhUtAni sarvadA .. 22..\\

 bhii

kAlasa~NkhyAna sa~NkhyAta.n sR^iShTi sthiti parAyanam . 
taM bhAsamAnaM bhagavAnushanAH pratyabhAsata . 
bhImAnduShTapralApA.nstva.n tAta kasmAtprabhAsase .. 23..\\

 vrtra

pratyakShametadbhavatastathAnyeShAM manIsinAm . 
mayA yajjaya lubdhena purA taptaM mahattapaH .. 24..\\
gandhAnAdAya bhUtAnA.n rasAMshcha vividhAnapi . 
avardha.n trInsamAkramya lokAnvai svena tejasA .. 25..\\
jvAlAmAlA parikShipto vaihAyasacharastathA . 
ajeyaH sarvabhUtAnAmAsaM nityamapetabhIH .. 26..\\
aishvarya.n tapasA prAptaM bhraShTaM tachcha svakarmabhiH . 
dhR^itimAsthAya bhagavanna shochAmi tatastvaham .. 27..\\
yuyutsatA mahendreNa purA sArdhaM mahAtmanA . 
tato me bhagavAndR^iShTo harirnArAyaNaH prabhuH .. 28..\\
vaikuNThaH puruSho viShNuH shuklo.anantaH sanAtanaH . 
mu~njakesho harishmashruH sarvabhUtapitAmahaH .. 29..\\
nUna.n tu tasya tapasaH sAvasheShaM mamAsti vai . 
yadahaM prastumichchhAmi bhavanta.n karmaNaH phalam .. 30..\\
aishvarya.n vai mahadbrahmankasminvarNe pratiShThitam . 
nivartate chApi punaH kathamaishvaryamuttamam .. 31..\\
kasmAdbhUtAni jIvanti pravartante.atha vA punaH . 
ki.n vA phalaM paraM prApya jIvastiShThati shAshvataH .. 32..\\
kena vA karmaNA shakyamatha GYAnena kena vA . 
brahmarShe tatphalaM prAptu.n tanme vyAkhyAtumarhasi .. 33..\\
itIdamuktaH sa munistadAnIM 
pratyAha yattachchhR^iNu rAjasi.nha . 
mayochyamAnaM puruSharShabha tvam 
ananyachittaH saha sodarIyaiH .. 34..\\
\medskip\hrule\medskip\centerline{\Largedvng 271}
 uzanas

namastasmai bhagavate devAya prabhaviShNave . 
yasya pR^ithvI tala.n tAta sAkAshaM bAhugocharam .. 1..\\
mUrdhA yasya tvananta.n cha sthAnaM dAnava sattama . 
tasyAha.n te pravakShyAmi viShNormAhAtmyamuttamam .. 2..\\

 bhii

tayoH sa.nvadatorevamAjagAma mahAmuniH . 
sanatkumAro dharmAtmA saMshaya chhedanAya vai .. 3..\\
sa pUjito.asurendreNa muninoshanasA tathA . 
niShasAdAsane rAjanmahArhe munipu~NgavaH .. 4..\\
tamAsInaM mahAprAGYamushanA vAkyamabravIt . 
brUhyasmai dAnavendrAya vinsormAhAtmyamuttamam .. 5..\\
sanatkumArastu tataH shrutvA prAha vacho.arthavat . 
viShNormAhAtmya sa.nyukta.n dAnavendrAya dhImate .. 6..\\
shR^iNu sarvamida.n daitya vinsormAhAtmyamuttamam . 
viShNau jagatsthita.n sarvamiti viddhi parantapa .. 7..\\
sR^ijatyeSha mahAbAho bhUtagrAma.n charAcharam . 
eSha chAkShipate kAle kAle visR^ijate punaH . 
asmingachchhanti vilayamasmAchcha prabhavantyuta .. 8..\\
naiSha dAnavatA shakyastapasA naiva chejyayA . 
samprAptumindriyANA.n tu sa.nyamenaiva shakyate .. 9..\\
bAhye chAbhyantare chaiva karmaNA manasi sthitaH . 
nirmalI kurute buddhyA so.amutrAnantyamashnute .. 10..\\
yathA hiraNyakartA vai rUpyamagnau vishodhayet . 
bahusho.atiprayatnena mahatAtma kR^itena ha .. 11..\\
tadvajjAtishatairjIvaH shudhyate.alpena karmaNA . 
yatnena mahatA chaivApyekajAtau vishudhyate .. 12..\\
lIlayAlpa.n yathA gAtrAtpramR^ijyAdAtmano rajaH . 
bahu yatnena mahatA doShanirharana.n tathA .. 13..\\
yathA chAlpena mAlyena vAsita.n tilasarShapam . 
na mu~nchati svaka.n gandhaM tadvatsUkShmasya darshanam .. 14..\\
tadeva bahubhirmAlyairvAsyamAnaM punaH punaH . 
vimu~nchati svaka.n gandhaM mAlyagandhe.avatiShThati .. 15..\\
eva.n jAtishatairyukto guNaireva prasa~NgiShu . 
buddhyA nivartate doSho yatnenAbhyAsajena vai .. 16..\\
karmaNA svena raktAni viraktAni cha dAnava . 
yathA karmavisheShAMshcha prApnuvanti tathA shR^iNu .. 17..\\
yathA cha sampravartante yasmi.nstiShThanti vA vibho . 
tatte.anupUrvyA vyAkhyAsye tadihaikamanAH shR^iNu .. 18..\\
anAdi nidhana.n shrImAnharirnArAyaNaH prabhuH . 
sa vai sR^ijati bhUtAni sthAvarANi charANi cha .. 19..\\
eSha sarveShu bhUteShu kSharashchAkShara eva cha . 
ekAdasha vikArAtmA jagatpibati rashmibhiH .. 20..\\
pAdau tasya mahI.n viddhi mUrdhAna.n divameva cha . 
bAhavastu disho daitya shrotramAkAshameva cha .. 21..\\
tasya tejomayaH sUryo manash chandramasi sthitam . 
buddhirGYAnagatA nitya.n rasastvApsu pravartate .. 22..\\
bhruvoranantarAstasya grahA dAnava sattama . 
nakShatrachakraM netrAbhyAM pAdayorbhUshcha dAnava .. 23..\\
rajastamashcha sattva.n cha viddhi nArAyaNAtmakam . 
so.a.ashramANAM mukha.n tAta karmaNastatphala.n viduH .. 24..\\
akarmaNaH phala.n chaiva sa eva paramavyayaH . 
chhandA.nsi tasya romANi akShara.n cha sarasvatI .. 25..\\
bahvAshrayo bahu mukho dharmo hR^idi samAshritaH . 
sa brahma paramo dharmastapashcha sadasachcha saH .. 26..\\
shrutishAstragrahopetaH ShoDashartvikkratushcha saH . 
pitAmahashcha viShNushcha so.ashvinau sa purandaraH .. 27..\\
mitrashcha varuNashchaiva yamo.atha dhanadastathA . 
te pR^ithagdarshanAstasya sa.nvidanti tathaikatAm . 
ekasya viddhi devasya sarva.n jagadida.n vashe .. 28..\\
nAnA bhUtasya daityendra tasyaikatva.n vadatyayam . 
jantuH pashyati GYAnena tataH sattvaM prakAshate .. 29..\\
sa.nhAra vikShepasahasrakotIs 
tiShThanti jIvAH pracharanti chAnye . 
prajA visargasya cha pArimANyaM 
vApI sahasrANi bahUni daitya .. 30..\\
vApyaH punaryojanavistR^itAstAH 
krosha.n cha gambhIratayAvagAdhAH . 
AyAmataH pa~nchashatAshcha sarvAH 
pratyekasho yojanataH pravR^itthAH .. 31..\\
vApyA jala.n kShipyati vAlakotyA 
tvahnA sakR^ichchApyatha na dvitIyam . 
tAsA.n kShaye viddhi kR^ita.n visargaM 
sa.nhArameka.n cha tathA prajAnAm .. 32..\\
so jIva vargAH paramaM pramANaM 
kR^iShNo dhUmro nIlamathAsya madhyam . 
raktaM punaH sahyatara.n sukha.n tu 
hAridra varNa.n susukha.n cha shuklam .. 33..\\
para.n tu shukla.n vimalaM vishokaM 
gataklama.n sidhyati dAnavendra . 
gatvA tu yoniprabhavAni daitya 
sahasrashaH siddhimupaiti jIvaH .. 34..\\
gati.n cha yAM darshanamAha devo 
gatvA shubha.n darshanameva chAha . 
gatiH punarvarNakR^itA prajAnAM 
varNastathA kAlakR^ito.asurendra .. 35..\\
shata.n sahasrANi chaturdasheha 
parA gatirjIva guNasya daitya . 
ArohaNa.n tatkR^itameva viddhi 
sthAna.n tathA niHsaraNaM cha teShAm .. 36..\\
kR^iShNasya varNasya gatirnikR^iShTA 
sa majjate narake pachyamAnaH . 
sthAna.n tathA durgatibhistu tasya 
prajA visargAnsubahUnvadanti .. 37..\\
shata.n sahasrANi tatashcharitvA 
prApnoti varNa.n harita.n tu pashchAt . 
sa chaiva tasminnivasatyanIsho 
yugakShaye tamasA sa.nvR^itAtmA .. 38..\\
sa vai yadA sattvaguNena yuktas 
tamo vyapohanghatate svabuddhyA . 
sa lohita.n varNamupaiti nIlo 
manuShyaloke parivartate cha .. 39..\\
sa tatra sa.nhAra visargameva 
svakarmajairbandhanaiH klishyamAnaH . 
tataH sa hAridramupaiti varNaM 
sa.nhAra vikShepashate vyatIte .. 40..\\
hAridra varNastu prajA visargAn 
sahasrashastiShThati sa~ncaranvai . 
avipramukto niraye cha daitya 
tataH sahasrANi dashAparAni .. 41..\\
gatIH sahasrANi cha pa~ncha tasya 
chatvAri sa.nvartakR^itAni chaiva . 
vimuktamenaM nirayAchcha viddhi 
sarveShu chAnyeShu cha sambhaveShu .. 42..\\
sa devaloke viharatyabhIkShNaM 
tatashchyuto mAnuShatAm upaiti . 
sa.nhAra vikShepashatAni chAShTau 
martyeShu tiShThannamR^itatvameti .. 43..\\
so.asmAdatha bhrashyati kAlayogAt 
kR^iShNe tale tiShThati sarvakaste . 
yathA tvaya.n sidhyati jIvalokas 
tatte.abhidhAsyAmyasurapravIra .. 44..\\
daivAni sa vyUha shatAni sapta 
rakto haridro.atha tathaiva shuklaH . 
saMshritya sandhAvati shuklametam 
astAparAnarchyatamAnsa lokAn .. 45..\\
aShTau cha ShaShTi.n cha shatAni yAni 
mano viruddhAni mahAdyutInAm . 
shuklasya varNasya parA gatiryA 
trINyeva ruddhAni mahAnubhAva .. 46..\\
sa.nhAra vikShepamaniShTamekaM 
chatvAri chAnyAni vasatyanIshaH . 
sasthasya varNasya parA gatiryA 
siddhA vishiShTasya gataklamasya .. 47..\\
saptottara.n teShu vasatyanIshaH 
sa.nhAra vikShepashata.n sasheSham . 
tasmAdupAvR^itya manuShyaloke 
tato mahAnmAnuShatAm upaiti .. 48..\\
tasmAdupAvR^itya tataH krameNa 
so.agre sma santiShThati bhUtasargam . 
sa saptakR^itvashcha paraiti lokAn 
sa.nhAra vikShepakR^itapravAsaH .. 49..\\
saptaiva sa.nhAramupaplavAni 
sambhAvya santiShThati siddhaloke . 
tato.avyaya.n sthAnamanantameti 
devasya viShNoratha brahmaNash cha . 
sheShasya chaivAtha narasya chaiva 
devasya viShNoH paramasya chaiva .. 50..\\
sa.nhAra kAle paridagdha kAyA 
brahmANamAyAnti sadA prajA hi . 
cheShTAtmano devagaNAsh cha sarve 
ye brahmalokAdamarAH sma te.api .. 51..\\
prajA visarga.n tu sasheShakAlaM 
sthAnAni svAnyeva saranti jIvAH . 
niHsheShANA.n tatpada.n yAnti chAnte 
sarvApadA ye sadR^ishA manuShyAH .. 52..\\
ye tu chyutAH siddhalokAtkrameNa 
teShA.n gati.n yAnti tathAnupUrvyA . 
jIvAH pare tadbalaveSharUpA 
vidhi.n svakaM yAnti viparyayena .. 53..\\
sa yAvadevAsti sasheShabhukte 
prajAshcha devau cha tathaiva shukle . 
tAvattadA teShu vishuddhabhAvaH 
sa.nyamya pa~nchendriya rUpametat .. 54..\\
shuddhA.n gatiM tAM paramAM paraiti 
shuddhena nityaM manasA vichinvan . 
tato.avyaya.n sthAnumupaiti brahma 
duShprApamabhyeti sa shAshvata.n vai . 
ityetadAkhyAtamahInasattva 
nArAyaNasyeha balaM mayA te .. 55..\\

 vrtra

eva~Ngate me na viShAdo.asti kash chit 
samyakcha pashyAmi vachastavaitat . 
shrutvA cha te vAchamadInasattva 
vikalmaSho.asmyadya tathA vipApmA .. 56..\\
pravR^ittametadbhagavanmaharShe 
mahAdyuteshchakramananva vIryam . 
viShNoranantasya sanAtana.n tat 
sthAna.n sargA yatra sarve pravR^ittAH . 
sa vai mahAtmA puruShottamo vai 
tasmi~njagatsarvamidaM pratiShThitam .. 57..\\

 bhii

evamuktvA sa kaunteya vR^itraH prAnAnavAsR^ijat . 
yojayitvA tathAtmAnaM para.n sthAnamavAptavAn .. 58..\\

 y

aya.n sa bhagavAndevaH pitAmaha janArdanaH . 
sanatkumAro vR^itrAya yattadAkhyAtavAnpurA .. 59..\\

 bhii

mUlasthAyI sa bhagavAnsvenAnantena tejasA . 
tatsthaH sR^ijati tAnbhAvAnnAnArUpAnmahAtapaH .. 60..\\
turIyArdhena tasyema.n viddhi keshavamachyutam . 
turIyArdhena lokA.nstrInbhAvayatyeSha buddhimAn .. 61..\\
arvAksthitastu yaH sthAyI kalpAnte parivartate . 
sa shete bhagavAnapsu yo.asAvatibalaH prabhuH . 
tAnvidhAtA prasannAtmA lokAMshcharati shAshvatAn .. 62..\\
sarvANyashUnyAni karotyanantaH 
sanatkumAraH sa~ncarate cha lokAn . 
sa chAniruddhaH sR^ijate mahAtmA 
tatstha.n jagatsarvamida.n vichitram .. 63..\\

 y

vR^itreNa paramArthaGYa dR^iShTA manye.a.atmano gatiH . 
shubhA tasmAtsa sukhito na shochati pitAmaha .. 64..\\
shuklaH shuklAbhijAtIyaH sAdhyo nAvartate.anagha . 
tiryaggateshcha nirmukto nirayAchcha pitAmaha .. 65..\\
hAridra varNe rakte vA vartamAnastu pArthiva . 
tiryagevAnupashyeta karmabhistAmasairvR^itaH .. 66..\\
vaya.n tu bhR^ishamApannA raktAH kasta mukhe.asukhe . 
kA.n gatiM pratipatsyAmo nIlAM kR^iShNAdhamAm atha .. 67..\\

 bhii

shuddhAbhijanasampannAH pANDavAH saMshitavratAH . 
vihR^itya devalokeShu punarmAnuShyameShyatha .. 68..\\
prajA visarga.n cha sukhena kAle 
pratyetya deveShu sukhAni bhuktvA . 
sukhena sa.nyAsyatha siddhasa~NkhyAM 
mA vo bhayaM bhUdvimalAH stha sarve .. 69..\\
\medskip\hrule\medskip\centerline{\Largedvng 272}
 y

aho dharmiShThatA tAta vR^itrasyAmitatejasaH . 
yasya viGYAnamatula.n viShNorbhaktishcha tAdR^ishI .. 1..\\
durviGYeyamida.n tAta viShNoramitatejasaH . 
katha.n vA rAjashArdUla pada.n tajGYAtavAnasau .. 2..\\
bhavatA kathita.n hyetachchhraddadhe chAhamachyuta . 
bhUyastu me samutpannA buddhiravyaktadarshanAt .. 3..\\
katha.n vinihato vR^itraH shakreNa bharatarShabha . 
dharmiShTho viShNubhaktashcha tattvaGYashcha padAnvaye .. 4..\\
etanme saMshayaM brUhi pR^ichchhato bharatarShabha . 
vR^itrastu rAjashArdUla yathA shakreNa nirjitaH .. 5..\\
yathA chaivAbhavadyuddha.n tachchAchakShva pitAmaha . 
vistareNa mahAbAho para.n kautUhala.n hi me .. 6..\\

 bhii

rathenendraH prayAto vai sArdha.n suragaNaiH purA . 
dadarshAthAgrato vR^itra.n viShThitaM parvatopamam .. 7..\\
yojanAnA.n shatAnyUrdhvaM pa~nchochchhritamarindama . 
shatAni vistareNAtha trINyevAbhyadhikAni tu .. 8..\\
tatprekShya tAdR^isha.n rUpa.n trailokyenApi durjayam . 
vR^itrasya devAH santrastA na shAntimupalebhire .. 9..\\
shakrasya tu tadA rAjannUrustambho vyajAyata . 
bhayAdvR^itrasya sahasA dR^iShTvA tadrUpamuttamam .. 10..\\
tato nAdaH samabhavadvAditrANA.n cha nisvanaH . 
devAsurANA.n sarveShA.n tasminyuddha upasthite .. 11..\\
atha vR^itrasya kauravya dR^iShTvA shakramupasthitam . 
na sambhramo na bhIH kA chidAsthA vA samajAyata .. 12..\\
tataH samabhavadyuddha.n trailokyasya bhaya~Nkaram . 
shakrasya cha surendrasya vR^itrasya cha mahAtmanaH .. 13..\\
asibhiH pattishaiH shUlaiH shaktitomaramudgaraiH . 
shilAbhirvividhAbhishcha kArmukaishcha mahAsvanaiH .. 14..\\
astraishcha vividhairdivyaiH pAvakolkAbhireva cha . 
devAsuraistataH sainyaiH sarvamAsItsamAkulam .. 15..\\
pitAmahapurogAshcha sarve devagaNAstathA . 
R^iShayashcha mahAbhAgAstadyuddha.n draShTumAgaman .. 16..\\
vimAnAgryairmahArAja siddhAshcha bharatarShabha . 
gandharvAshcha vimAnAgryairapsarobhiH samAgaman .. 17..\\
tato.atarikShamAvR^itya vR^itro dharmabhR^itA.n varaH . 
ashmavarSheNa devendraM parvatAtsamavAkirat .. 18..\\
tato devagaNAH kruddhAH sarvataH shastravR^iShTibhiH . 
ashmavarShamapohanta vR^itrapreritamAhave .. 19..\\
vR^itrashcha kurushArdUla mahAmAyo mahAbalaH . 
mohayAmAsa devendraM mAyAyuddhena sarvataH .. 20..\\
tasya vR^itrArditasyAtha moha AsIchchhatakratoH . 
rathantareNa ta.n tatra vasiShThaH samabodhayat .. 21..\\

 vasistha

devashreShTho.asi devendra surArivinibarhaNa . 
trailokyabalasa.nyuktaH kasmAchchhakra viShIdasi .. 22..\\
eSha brahmA cha viShNushcha shivashchaiva jagatprabhuH . 
somashcha bhagavAndevaH sarve cha paramarShayaH .. 23..\\
mA kArShIH kashmala.n shakra kashchidevetaro yathA . 
AryA.n yuddhe mati.n kR^itvA jahi shatruM sureshvara .. 24..\\
eSha lokagurustryakShaH sarvalokanamaskR^itaH . 
nirIkShate tvAM bhagavA.nstyaja moha.n sureshvara .. 25..\\
ete brahmarShayashchaiva bR^ihaspatipurogamAH . 
stavena shakra divyena stuvanti tvA.n jayAya vai .. 26..\\

 bhii

eva.n sambodhyamAnasya vasiShThena mahAtmanA . 
atIva vAsavasyAsIdbalamuttamatejasaH .. 27..\\
tato buddhimupAgamya bhagavAnpAkashAsanaH . 
yogena mahatA yuktastAM mAyA.n vyapakarShata .. 28..\\
tato.a~NgiraH sutaH shrImA.nste chaiva paramarShayaH . 
dR^iShTvA vR^itrasya vikrAntamupagamya maheshvaram . 
UchurvR^itra vinAshArtha.n lokAnAM hitakAmyayA .. 29..\\
tato bhagavatastejo jvaro bhUtvA jagatpateH . 
samAvishanmahAraudra.n vR^itra.n daityavaraM tadA .. 30..\\
viShNushcha bhagavAndevaH sarvalokAbhipUjitaH . 
aindra.n samAvishadvajraM lokasa.nrakShaNe rataH .. 31..\\
tato bR^ihaspatirdhImAnupAgamya shatakratum . 
vasiShThashcha mahAtejAH sarve cha paramarShayaH .. 32..\\
te samAsAdya varada.n vAsavaM lokapUjitam . 
UchurekAgramanaso jahi vR^itramiti prabho .. 33..\\

 mahezvara

eSha vR^itro mahA~nshakra balena mahatA vR^itaH . 
vishvAtmA sarvagashchaiva bahumAyashcha vishrutaH .. 34..\\
tadenamasurashreShTha.n trailokyenApi durjayam . 
jahi tva.n yogamAsthAya mAvama.nsthAH sureshvara .. 35..\\
anena hi tapastaptaM balArthamamarAdhipa . 
ShaShTi.n varShasahasrANi brahmA chAsmai vara.n dadau .. 36..\\
mahattva.n yoginA.n chaiva mahAmAyatvameva cha . 
mahAbalatva.n cha tathA tejashchAgrya.n sureshvara .. 37..\\
etadvai mAmaka.n tejaH samAvishati vAsava . 
vR^itramena.n tvamapyevaM jahi vajreNa dAnavam .. 38..\\

 zakra

bhagava.nstvatprasAdena ditija.n sudurAsadam . 
vajreNa nihaniShyAmi pashyataste surarShabha .. 39..\\

 bhii

AvishyamAne daitye tu jvareNAtha mahAsure . 
devatAnAmR^iShINA.n cha harShAnnAdo mahAnabhUt .. 40..\\
tato dundubhayashchaiva sha~NkhAshcha sumahAsvanAH . 
murajA DiNDimAshchaiva prAvAdyanta sahasrashaH .. 41..\\
asurANA.n tu sarveShA.n smR^itilopo.abhavanmahAn . 
praGYAnAshashcha balavAnkShaNena samapadyata .. 42..\\
tamAviShTamatho GYAtvA R^iShayo devatAstathA . 
stuvantaH shakramIshAna.n tathA prAchodayannapi .. 43..\\
rathasthasya hi shakrasya yuddhakAle mahAtmanaH . 
R^iShibhiH stUyamAnasya rUpamAsItsudurdR^isham .. 44..\\
\medskip\hrule\medskip\centerline{\Largedvng 273}
 bhii

vR^itrasya tu mahArAja jvarAviShTasya sarvashaH . 
abhavanyAni li~NgAni sharIre tAni me shR^iNu .. 1..\\
jvalitAsyo.abhavadghoro vaivarNya.n chAgamatparam . 
gAtrakampashcha sumahA~nshvAsashchApyabhavanmahAn . 
romaharshashcha tIvro.abhUnniHshvAsashcha mahAnnR^ipa .. 2..\\
shivA chAshiva sa~NkAshA tasya vaktrAtsudAruNA . 
niShpapAta mahAghorA smR^itiH sA tasya bhArata . 
ulkAshcha jvalitAstasya dIptAH pArshve prapedire .. 3..\\
gR^idhraka~NkavaDAshchaiva vAcho.amu~nchansudAruNAH . 
vR^itrasyopari sa.nhR^iShTAshchakravatparibabhramuH .. 4..\\
tatasta.n rathamAsthAya devApyAyitamAhave . 
vajrodyata karaH shakrasta.n daityaM pratyavaikShata .. 5..\\
amAnuShamatho nAda.n sa mumocha mahAsuraH . 
vyajR^imbhata cha rAjendra tIvrajvarasamanvitaH . 
athAsya jR^imbhataH shakrastato vajramavAsR^ijat .. 6..\\
savajraH sumahAtejAH kAlAgnisadR^ishopamaH . 
kShiprameva mahAkAya.n vR^itra.n daityamapAtayat .. 7..\\
tato nAdaH samabhavatpunareva samantataH . 
vR^itra.n vinihata.n dR^iShTvA devAnAM bharatarShabha .. 8..\\
vR^itra.n tu hatvA bhagavAndAnavArirmahAyashaH . 
vajreNa viShNuyuktena divameva samAvishat .. 9..\\
atha vR^itrasya kauravya sharIrAdabhiniHsR^itA . 
brahmahatyA mahAghorA raudrA lokabhayAvahA .. 10..\\
karAlavadanA bhImA vikR^itA kR^iShNapi~NgalA . 
prakIrNamUrdhajA chaiva ghoranetrA cha bhArata .. 11..\\
kapAlamAlinI chaiva kR^ishA cha bharatarShabha . 
rudhirArdrA cha dharmaGYa chIravastranivAsinI .. 12..\\
sAbhiniShkramya rAjendra tAdR^igrUpA bhayAvahA . 
vajriNaM mR^igayAmAsa tadA bharatasattama .. 13..\\
kasya chittvatha kAlasya vR^itrahA kurunandana . 
svargAyAbhimukhaH prAyAllokAnA.n hitakAmyayA .. 14..\\
bisAnniHsaramANa.n tu dR^iShTvA shakraM mahaujasam . 
kaNThe jagrAha devendra.n sulagnA chAbhavattadA .. 15..\\
sa hi tasminsamutpanne brahmahatyA kR^ite bhaye . 
nalinyAM bisamadhyastho babhUvAbda gaNAnbahUn .. 16..\\
anusR^itya tu yatnAtsa tayA vai brahmahatyayA . 
tadA gR^ihItaH kauravya nishcheShTaH samapadyata .. 17..\\
tasyA vyapohane shakraH para.n yatna.n chakAra ha . 
na chAshakattA.n devendro brahmahatyA.n vyapohitum .. 18..\\
gR^ihIta eva tu tayA devendro bharatarShabha . 
pitAmahamupAgamya shirasA pratyapUjayat .. 19..\\
GYAtvA gR^ihIta.n shakra.n tu dvijapravahahatyayA . 
brahmA sa~ncintayAmAsa tadA bharatasattama .. 20..\\
tAmuvAcha mahAbAho brahmahatyAM pitAmahaH . 
svareNa madhureNAtha sAntvayanniva bhArata .. 21..\\
muchyatA.n tridashendro.ayaM matpriyaM kuru bhAmini . 
brUhi ki.n te karomyadya kAmaM kaM tvamihechchhasi .. 22..\\

 brahmahatyaa

trilokapUjite deve prIte trailokyakartari . 
kR^itameveha manye.ahaM nivAsa.n tu vidhatsva me .. 23..\\
tvayA kR^iteyaM maryAdA lokasa.nrakShaNArthinA . 
sthApanA vai sumahatI tvayA devapravartitA .. 24..\\
prIte tu tvayi dharmaGYa sarvalokeshvare prabho . 
shakrAdapagamiShyAmi nivAsa.n tu vidhatsva me .. 25..\\

 bhii

tatheti tAM prAha tadA brahmahatyAM pitAmahaH . 
upAyataH sa shakrasya brahmahatyA.n vyapohata .. 26..\\
tataH svayambhuvA dhyAtastatra vahnirmahAtmanA . 
brahmANamupasa~Ngamya tato vachanamabravIt .. 27..\\
prApto.asmi bhagavandeva tvatsakAshamarindama . 
yatkartavyaM mayA deva tadbhavAnvaktumarhati .. 28..\\

 brahmaa

bahudhA vibhajiShyAmi brahmahatyAmimAm aham . 
shakrasyAdya vimokShArtha.n chaturbhAgaM pratIchchha me .. 29..\\

 agni

mama mokShasya ko.anto vai brahmandhyAyassva vai prabho . 
etadichchhAmi viGYAtu.n tattvato lokapUjitaH .. 30..\\

 brahmaa

yastvA.n jvalantamAsAdya svaya.n vai mAnavaH kva chit . 
bIjauShadhi rasairbahne na yakShyati tamovR^itaH .. 31..\\
tameShA yAsyati kShipra.n tatraiva cha nivatsyati . 
brahmahatyA havyavAhavyetu te mAnasajvaraH .. 32..\\

 bhii

ityuktaH pratijagrAha tadvacho havyakavya bhuk . 
pitAmahasya bhagavA.nstathAcha tadabhUtprabho .. 33..\\
tato vR^ikShauShadhi tR^iNa.n samAhUya pitAmahaH . 
imamarthaM mahArAja vaktu.n samupachakrame .. 34..\\
tato vR^ikShauShadhi tR^iNa.n tathaivokta.n yathAtatham . 
vyathita.n vahnivadrAjanbrahmANamidamabravIt .. 35..\\
asmAkaM brahmahatyAto ko.anyo lokapitAmaha . 
svabhAvanihatAnasmAnna punarhantumarhasi .. 36..\\
vayamagni.n tathA shIta.n varShaM cha pavaneritam . 
sahAmaH satata.n deva tathA chhedana bhedanam .. 37..\\
brahmahatyAmimAmadya bhavataH shAsanAdvayam . 
grahIShyAmastrilokesha mokSha.n chintayatAM bhavAn .. 38..\\

 brahmaa

parvakAle tu samprApte yo vai chhedana bhedanam . 
kariShyati naro mohAttameShAnugamiShyati .. 39..\\

 bhii

tato vR^ikShauShadhi tR^iNamevamuktaM mahAtmanA . 
brahmANamabhisampUjya jagAmAshu yathAgatam .. 40..\\
AhUyAprasaro devastato lokapitAmahaH . 
vAchA madhurayA prAha sAntvayanniva bhArata .. 41..\\
iyamindrAdanuprAptA brahmahatyA varA~NganAH . 
chaturthamasyA bhAga.n hi mayoktAH sampratIchchhata .. 42..\\

 apsarasa

grahaNe kR^itabuddhInA.n devesha tava shAsanAt . 
mokSha.n samayato.asmAka.n chintayasva pitAmaha .. 43..\\

 brahmaa

rajasvalAsu nArIShu yo vai maithunamAcharet . 
tameShA yAsyati kShipra.n vyetu vo mAnaso jvaraH .. 44..\\

 bhii

tatheti hR^iShTamanasa uktvAthApsarasA.n gaNAH . 
svAni sthAnAni samprApya remire bharatarShabha .. 45..\\
tatastrilokakR^iddevaH punareva mahAtapaH . 
apaH sa~ncintayAmAsa dhyAtAstAshchApyathAgaman .. 46..\\
tAstu sarvAH samAgamya brahmANamamitaujasam . 
idamUchurvacho rAjanpranipatya pitAmaham .. 47..\\
imA sma deva samprAptAstvatsakAshamarindama . 
shAsanAttava devesha samAGYApaya no vibho .. 48..\\

 brahmaa

iya.n vR^itrAdanuprAptA puruhUtaM mahAbhayA . 
brahmahatyA chaturthAMshamasyA yUyaM pratichchhata .. 49..\\

 aapah

evaM bhavatu lokesha yathA vadasi naH prabho . 
mokSha.n samayato.asmAkaM sa~ncintayitumarhasi .. 50..\\
tva.n hi devesha sarvasya jagataH paramo guruH . 
ko.anyaH prasAdo hi bhavedyaH kR^ichchhrAnnaH samuddharet .. 51..\\

 brahmaa

alpA iti mati.n kR^itvA yo naro buddhimohitaH . 
shleShma mUtra purIShANi yuShmAsu pratimokShyati .. 52..\\
tameShA yAsyati kShipra.n tatraiva cha nivatsyati . 
tathA vo bhavitA mokSha iti satyaM bravImi vaH .. 53..\\

 bhii

tato vimuchya devendraM brahmahatyA yudhiShThira . 
yathA nisR^iShTa.n taM deshamagachchhaddevashAsanAt .. 54..\\
eva.n shakreNa samprAptA brahmahatyA janAdhipa . 
pitAmahamanuGYApya so.ashvamedhamakalpayat .. 55..\\
shrUyate hi mahArAja samprAptA vAsavena vai . 
brahmahatyA tataH shuddhi.n hayamedhena labdhavAn .. 56..\\
samavApya shriya.n devo hatvArIMshcha sahasrashaH . 
praharShamatula.n lebhe vAsavaH pR^ithivIpate .. 57..\\
vR^itrasya rudhirAchchaiva khukhundAH pArtha jaGYire . 
dvijAtibhirabhakShyAste dIkShitaishcha tapodhanaiH .. 58..\\
sarvAvastha.n tvamapyeShAM dvijAtInAM priyaM kuru . 
ime hi bhUtale devAH prathitAH kurunandana .. 59..\\
eva.n shakreNa kauravya buddhisaukShmyAnmahAsuraH . 
upAyapUrvaM nihato vR^itro.athAmita tejasA .. 60..\\
eva.n tvamapi kauravya pR^ithivyAmaparAjitaH . 
bhaviShyasi yathA devaH shatakraturamitrahA .. 61..\\
ye tu shakra kathA.n divyAmimAM parvasu parvasu . 
vipramadhye pathiShyanti na te prApsyanti kilbiSham .. 62..\\
ityetadvR^itramAshritya shakrasyAtyadbhutaM mahat . 
kathita.n karma te tAta kiM bhUyaH shrotumichchhasi .. 63..\\
\medskip\hrule\medskip\centerline{\Largedvng 274}
 y

pitAmaha mahAprAGYa sarvashAstravishArada . 
asti vR^itravadhAdeva vivakShA mama jAyate .. 1..\\
jvareNa mohito vR^itraH kathitaste janAdhipa . 
nihato vAsaveneha vajreNeti mamAnagha .. 2..\\
kathameSha mahAprAGYa jvaraH prAdurabhUtkutaH . 
jvarotpattiM nipunataH shrotumichchhAmyahaM prabho .. 3..\\

 bhii

shR^iNu rAja~njvarasyeha sambhava.n lokavishrutam . 
vistara.n chAsya vakShyAmi yAdR^ishaM chaiva bhArata .. 4..\\
purA merormahArAja shR^i~Nga.n trailokyavishrutam . 
jyotiShkaM nAma sAvitra.n sarvaratnavibhUsitam . 
aprameyamanAdhR^iShya.n sarvalokeShu bhArata .. 5..\\
tatra devo giritate hemadhAtuvibhUsite . 
parya~Nka iva vibhrAjannupaviShTo babhUva ha .. 6..\\
shailarAjasutA chAsya nityaM pArshve sthitA babhau . 
tathA devA mahAtmAno vasavashcha mahaujasaH .. 7..\\
tathaiva cha mahAtmAnAvashvinau bhiShajA.n varau . 
tathA vaishvaraNo rAjA guhyakairabhisa.nvR^itaH .. 8..\\
yakShANAmadhipaH shrImAnkailAsanilayaH prabhuH . 
a~NgiraH pramukhAshchaiva tathA devarShayo.apare .. 9..\\
vishvAvasushcha gandharvastathA nArada parvatau . 
apsarogaNasa~NghAshcha samAjagmuranekashaH .. 10..\\
vavau shivaH sukho vAyurnAnA gandhavahaH shuchiH . 
sarvartukusumopetAH puShpavanto mahAdrumAH .. 11..\\
tathA vidyAdharAshchaiva siddhAshchaiva tapodhanAH . 
mahAdevaM pashupatiM paryupAsanta bhArata .. 12..\\
bhUtAni cha mahArAja nAnArUpadharANyatha . 
rAkShasAshcha mahAraudrAH pishAchAshcha mahAbalAH .. 13..\\
bahurUpadharA hR^iShTA nAnA praharanodyatAH . 
devasyAnucharAstatra tasthire chAnalopamAH .. 14..\\
nandI cha bhagavA.nstatra devasyAnumate sthitaH . 
pragR^ihya jvalita.n shUla.n dIpyamAnaM svatejasA .. 15..\\
ga~NgA cha saritA.n shreShThA sarvatIrthajalodbhavA . 
paryupAsata ta.n deva.n rUpiNI kurunandana .. 16..\\
eva.n sa bhagavA.nstatra pUjyamAnaH surarShibhiH . 
devaishcha sumahAbhAgairmahAdevo vyatiShThata .. 17..\\
kasya chittvatha kAlasya dakSho nAma prajApatiH . 
pUrvoktena vidhAnena yakShyamANo.anvapadyata .. 18..\\
tatastasya makha.n devAH sarve shakrapurogamAH . 
gamanAya samAgamya buddhimApedire tadA .. 19..\\
te vimAnairmahAtmAno jvalitairjvalanaprabhAH . 
devasyAnumate.agachchhanga~NgA dvAramiti shrutiH .. 20..\\
prasthitA devatA dR^iShTvA shailarAjasutA tadA . 
uvAcha vachana.n sAdhvI devaM pashupatiM patim .. 21..\\
bhagavankva nu yAntyete devAH shakrapurogamAH . 
brUhi tattvena tattvaGYa saMshayo me mahAnayam .. 22..\\

 mahezvara

dakSho nAma mahAbhAge prajAnAM patiruttamaH . 
hayamedhena yajate tatra yAnti divaukasaH .. 23..\\

 umaa

yaGYametaM mahAbhAga kimarthaM nAbhigachchhasi . 
kena va pratiShedhena gamana.n te na vidyate .. 24..\\

 mahezvara

suraireva mahAbhAge sarvametadanuShThitam . 
yaGYeShu sarveShu mama na bhAga upakalpitaH .. 25..\\
pUrvopAyopapannena mArgeNa varavarNini . 
na me surAH prayachchhanti bhAga.n yaGYasya dharmataH .. 26..\\

 umaa

bhagavansarvabhUteShu prabhavAbhyadhiko guNaiH . 
ajeyashchApradhR^iShyashcha tejasA yashasA shriyA .. 27..\\
anena te mahAbhAga pratiShedhena bhAgataH . 
atIva duHkhamutpanna.n vepathushcha mamAnagha .. 28..\\

 bhii

evamuktvA tu sA devI devaM pashupatiM patim . 
tUsnIM bhUtAbhavadrAjandahyamAnena chetasA .. 29..\\
atha devyA mata.n GYAtvA hR^idgataM yachchikIrShitam . 
sa samAGYApayAmAsa tiShTha tvamiti nandinam .. 30..\\
tato yogabala.n kR^itvA sarvayogeshvareshvaraH . 
ta.n yaGYaM sumahAtejA bhImairanucharaistadA . 
sahasA ghAtayAmAsa devadevaH pinAka dhR^ik .. 31..\\
ke chinnAdAnamu~nchanta ke chiddhAsAMsh cha chakrire . 
rudhireNApare rAja.nstatrAgni.n samavAkiran .. 32..\\
ke chidyUpAnsamutpAtya babhramurvikR^itAnanAH . 
Asyairanye chAgrasanta tathaiva parichArakAn .. 33..\\
tataH sa yaGYo nR^ipate vadhyamAnaH samantataH . 
AsthAya mR^igarUpa.n vai khamevAbhyapatattadA .. 34..\\
ta.n tu yaGYaM tathArUpaM gachchhantamupalabhya saH . 
dhanurAdAya bAna.n cha tadAnvasarata prabhuH .. 35..\\
tatastasya sureshasya krodhAdamitatejasaH . 
lalAtAlprasR^ito ghoraH svedabindurbabhUva ha .. 36..\\
tasminpatitamAtre tu svedabindau tathA bhuvi . 
prAdurbabhUva sumahAnagniH kAlAnalopamaH .. 37..\\
tatra chAjAyata tadA puruShaH puruSharShabha . 
hrasvo.atimAtraraktAkSho hari shmashrurvibhIsanaH .. 38..\\
Urdhvakesho.atilomA~NgaH shyenolUkastathaiva cha . 
karAlaH kR^iShNa varNashcha raktavAsAstathaiva cha .. 39..\\
ta.n yaGYaM sa mahAsattvo.adahatkakShamivAnalaH . 
devAshchApyadravansarve tato bhItA disho dasha .. 40..\\
tena tasminvicharatA puruSheNa vishAM pate . 
pR^ithivI vyachaladrAjannatIva bharatarShabha .. 41..\\
hAhAbhUte pravR^itte tu nAde lokabhaya~Nkare . 
pitAmaho mahAdeva.n darshayanpratyabhAsata .. 42..\\
bhavato.api surAH sarve bhAga.n dAsyanti vai prabho . 
kriyatAM pratisa.nhAraH sarvadeveshvara tvayA .. 43..\\
imA hi devatAH sarvA R^iShayashcha parantapa . 
tava krodhAnmahAdeva na shAntimupalebhire .. 44..\\
yashchaiSha puruSho jAtaH svedAtte vibudhottama . 
jvaro nAmaiSha dharmaGYa lokeShu prachariShyati .. 45..\\
ekIbhUtasya na hyasya dhAraNe tejasaH prabho . 
samarthA sakalA pR^ithvI bahudhA sR^ijyatAm ayam .. 46..\\
ityukto brahmaNA devo bhAge chApi prakalpite . 
bhagavanta.n tathetyAha brahmANamamitaujasam .. 47..\\
parA.n cha prItimagamadutsmayaMshcha pinAka dhR^ik . 
avApa cha tadA bhAga.n yathoktaM brahmaNA bhavaH .. 48..\\
jvara.n cha sarvadharmaGYo bahudhA vyasR^ijattadA . 
shAntyartha.n sarvabhUtAnAM shR^iNu tachchApi putraka .. 49..\\
shIrShAbhitApo nAgAnAM parvatAnA.n shilA jatuH . 
apA.n tu nIlikA.n vidyAnnirmokaM bhujageShu cha .. 50..\\
khorakaH saurabheyANAmUsaraM pR^ithivItale . 
pashUnAmapi dharmaGYa dR^iShTipratyavarodhanam .. 51..\\
randhrAgatamathAshvAnA.n shikhodbhedashcha barhiNam . 
netrarogaH kokilAnA.n jvaraH prokto mahAtmanA .. 52..\\
abjAnAM pitta bhedashcha sarveShAmiti naH shrutam . 
shukAnAmapi sarveShA.n hikkikA prochyate jvaraH .. 53..\\
shArdUleShvatha dharmaGYa shramo jvara ihochyate . 
mAnuSheShu tu dharmaGYa jvaro nAmaiSha vishrutaH . 
maraNe janmani tathA madhye chAvishate naram .. 54..\\
etanmAheshvara.n tejo jvaro nAma sudAruNaH . 
namasyashchaiva mAnyashcha sarvaprAnibhirIshvaraH .. 55..\\
anena hi samAviShTo vR^itro dharmabhR^itA.n varaH . 
vyajR^imbhata tataH shakrastasmai vajramavAsR^ijat .. 56..\\
pravishya vajro vR^itra.n tu dArayAmAsa bhArata . 
dAritashcha savajreNa mahAyogI mahAsuraH . 
jagAma paramasthAna.n viShNoramitatejasaH .. 57..\\
viShNubhaktyA hi teneda.n jagadvyAptamabhUtpurA . 
tasmAchcha nihato yuddhe viShNo sthAnamavAptavAn .. 58..\\
ityeSha vR^itramAshritya jvarasya mahato mayA . 
vistaraH kathitaH putra kimanyatprabravImi te .. 59..\\
imA.n jvarotpattimadInamAnasaH 
pathetsadA yaH susamAhito naraH . 
vimuktarogaH sa sukhI mudA yuto 
labheta kAmAnsa yathA manIsitAn .. 60..\\
\medskip\hrule\medskip\centerline{\Largedvng 275}
 y

shokAdduHkhAchcha mR^ityoshcha trasyanti prAninaH sadA . 
ubhayaM me yathA na syAttanme brUhi pitAmaha .. 1..\\

 bhii

atraivodAharantImamitihAsaM purAtanam . 
nAradasya cha sa.nvAda.n sama~Ngasya cha bhArata .. 2..\\

 naarada

uraseva pranamase bAhubhyA.n tarasIva cha . 
samprahR^iShTamanA nitya.n vishoka iva lakShyase .. 3..\\
udvegaM neha te ki.n chitsusUkShmamapi lakShaye . 
nityatR^ipta iva svastho bAlavachcha vicheShTase .. 4..\\

 samanga

bhUtaM bhavyaM bhaviShyachcha sarva.n sattveShu mAnada . 
teShA.n tattvAni jAnAmi tato na vimanA hyaham .. 5..\\
upakramAnaha.n veda punareva phalodayAn . 
loke phalAni chitrANi tato na vimanA hyaham .. 6..\\
agAdhAshchApratiShThAshcha gatimantashcha nArada . 
andhA jadAshcha jIvanti pashyAsmAnapi jIvataH .. 7..\\
vihitenaiva jIvanti arogA~NgA divaukasaH . 
balavanto.abalAshchaiva tadvadasmAnsabhAjaya .. 8..\\
sahasriNashcha jIvanti jIvanti shatinastathA . 
shAkena chAnye jIvanti pashyAsmAnapi jIvataH .. 9..\\
yadA na shochemahi kiM nu na syAd 
dharmeNa vA nArada karmaNA vA . 
kR^itAntavashyAni yadA sukhAni 
duHkhAni vA yanna vidharShayanti .. 10..\\
yasmai praGYA.n kathayante manuShyAH 
praGYA mUlo hIndriyANAM prasAdaH . 
muhyanti shochanti yadendriyANi 
praGYA lAbho nAsti mUDhendriyasya .. 11..\\
mUDhasya darpaH sa punarmoha eva 
mUDhasya nAyaM na paro.asti lokaH . 
na hyeva duHkhAni sadA bhavanti 
sukhasya vA nityasho lAbha eva .. 12..\\
bhAvAtmaka.n samparivartamAnaM 
na mAdR^ishaH sa~njvara.n jAtu kuryAt . 
iShTAnbhogAnnAnurudhyetsukha.n vA 
na chintayedduHkhamabhyAgata.n vA .. 13..\\
samAhito na spR^ihayetpareShAM 
nAnA gataM nAbhinandeta lAbham . 
na chApi hR^iShyedvipule.arthalAbhe 
tathArtha nAshe cha na vai viShIdet .. 14..\\
na bAndhavA na cha vittaM na kaulI 
na cha shrutaM na cha mantrA na vIryam . 
duHkhAttrAtu.n sarva evotsahante 
paratra shIle na tu yAnti shAntim .. 15..\\
nAsti buddhirayuktasya nAyogAdvidyate sukham . 
dhR^itishcha duHkhatyAgashchApyubhayaM naH sukhodayam .. 16..\\
priya.n hi harShajananaM harSha utsekavardhanaH . 
utseko narakAyaiva tasmAtta.n santyajAmyaham .. 17..\\
etA~nshokabhayotsekAnmohanAnsukhaduHkhayoH . 
pashyAmi sAkShivalloke dehasyAsya vicheShTanAt .. 18..\\
arthakAmau parityajya vishoko vigatajvaraH . 
tR^iShNA mohau tu santyajya charAmi pR^ithivImimAm .. 19..\\
na mR^ityuto na chAdharmAnna lobhAnna kutash chana . 
pItAmR^itasyevAtyantamiha chAmutra vAbhayam .. 20..\\
etadbrahmanvijAnAmi mahatkR^itvA tapo.avyayam . 
tena nArada samprApto na mA.n shokaH prabAdhate .. 21..\\
\medskip\hrule\medskip\centerline{\Largedvng 276}
 y

atattvaGYasya shAstrANA.n satataM saMshayAtmanaH . 
akR^itavyavasAyasya shreyo brUhi pitAmaha .. 1..\\

 bhii

guru pUjA cha satata.n vR^iddhAnAM paryupAsanam . 
shravaNa.n chaiva vidyAnAM kUtastha.n shreya uchyate .. 2..\\
atrApyudAharantImamitihAsaM purAtanam . 
gAlavasya cha sa.nvAda.n devarShernAradasya cha .. 3..\\
vItamohaklama.n vipraM GYAnatR^ipta.n jitendriyam . 
shreyaH kAma.n jitAtmAnaM nAradaM gAlavo.abravIt .. 4..\\
yaiH kaishchaitsaMmato loke guNaistu puruSho nR^iShu . 
bhavatyanapagAnsarvA.nstAnguNA.NllakShayAmyaham .. 5..\\
bhavAneva.nvidho.asmAka.n saMshaya.n chhettumarhati . 
amUDhashchiramUDhAnA.n lokatattvamajAnatAm .. 6..\\
GYAne hyevaM pravR^ittiH syAtkAryAkArye vijAnataH . 
yatkAryaM na vyavasyAmastadbhavAnvaktumarhati .. 7..\\
bhagavannAshramAH sarve pR^ithagAchAra darshinaH . 
ida.n shreya idaM shreya iti nAnA pradhAvinaH .. 8..\\
tA.nstu viprasthitAndR^iShTvA shAstraiH shAstrAbhinandinaH . 
svashAstraiH parituShTAMshcha shreyo nopalabhAmahe .. 9..\\
shAstra.n yadi bhavedekaM vyaktaM shreyo bhavettadA . 
shAstraishcha bahubhirbhUyaH shreyo guhyaM praveshitam .. 10..\\
etasmAtkAraNAchchhreyaH kalilaM pratibhAti mAm . 
bravItu bhagavA.nstanme upasanno.asmyadhIhi bhoH .. 11..\\

 naarada

AshramAstAta chatvAro yathA sa~NkalpitAH pR^ithak . 
tAnsarvAnanupashya tva.n samAshrityaiva gAlava .. 12..\\
teShA.n teShAM tathAhi tvamAshramANAM tatastataH . 
nAnArUpaguNoddeshaM pashya viprasthitaM pR^ithak . 
nayanti chaiva te samyagabhipretamasaMshayam .. 13..\\
R^iju pashya.nstathA samyagAshramANAM parA.n gatim . 
yattu niHshreyasa.n samyaktachchaivAsaMshayAtmakam .. 14..\\
anugraha.n cha mitrANAmamitrANAM cha nigraham . 
sa~Ngraha.n cha trivargasya shreya AhurmanIShiNaH .. 15..\\
nivR^ittiH karmaNaH pApAtsatataM puNyashIlatA . 
sadbhishcha samudAchAraH shreya etadasaMshayam .. 16..\\
mArdava.n sarvabhUteShu vyavahAreShu chArjavam . 
vAkchaiva madhurA proktA shreya etadasaMshayam .. 17..\\
devatAbhyaH pitR^ibhyashcha sa.nvibhAgo.atithiShvapi . 
asantyAgashcha bhR^ityAnA.n shreya etadasaMshayam .. 18..\\
satyasya vachana.n shreyaH satyaGYAna.n tu duShkaram . 
yadbhUtahitamatyantametatsatyaM bravImyaham .. 19..\\
aha~NkArasya cha tyAgaH pranayasya cha nigrahaH . 
santoShashchaikacharyA cha kUtastha.n shreya uchyate .. 20..\\
dharmeNa vedAdhyayana.n vedA~NgAnA.n tathaiva cha . 
vidyArthAnA.n cha jiGYAsA shreya etadasaMshayam .. 21..\\
shabdarUparasasparshAnsaha gandhena kevalAn . 
nAtyarthamupaseveta shreyaso.arthI parantapa .. 22..\\
nakta~ncaryA divA svapnamAlasyaM paishunaM madam . 
atiyogamayoga.n cha shreyaso.arthI parityajet .. 23..\\
karmotkarShaM na mArgeta mareShAM parinindayA . 
svaguNaireva mArgeta viprakarShaM pR^ithagjanAt .. 24..\\
nirguNAstveva bhUyiShThamAtmasambhAvino narAH . 
doShairanyAnguNavataH kShipantyAtmaguNa kShayAt .. 25..\\
anuchyamAnAshcha punaste manyante mahAjanAt . 
guNavattaramAtmAna.n svena mAnena darpitAH .. 26..\\
abruvankasya chinnindAmAtmapUjAmavarNayan . 
vipashchidguNasampannaH prApnotyeva mahadyashaH .. 27..\\
abruvanvAti surabhirgandhaH sumanasA.n shuchiH . 
tathaivAvyAharanbhAti vimalo bhAnurambare .. 28..\\
evamAdIni chAnyAni parityaktAni medhayA . 
jvalanti yashasA loke yAni na vyAharanti cha .. 29..\\
na loke dIpyate mUrkhaH kevatAtma prasha.nsayA . 
api chApihitaH shvabhre kR^itavidyaH prakAshate .. 30..\\
asannuchchairapi proktaH shabdaH samupashAmyati . 
dIpyate tveva lokeShu shanairapi subhAsitam .. 31..\\
mUDhAnAmavaliptAnAmasAraM bhAsitaM bahu . 
darshayatyantarAtmAna.n divA rUpamivAMshumAn .. 32..\\
etasmAtkAraNAtpraGYAM mR^igayante pR^ithagvidhAm . 
praGYA lAbho hi bhUtAnAmuttamaH pratibhAti mAm .. 33..\\
nApR^iShTaH kasya chidbrUyAnna chAnyAyena pR^ichchhataH . 
GYAnavAnapi medhAvI jadavallokamAcharet .. 34..\\
tato vAsaM parIkSheta dharmanityeShu sAdhuShu . 
manuShyeShu vadAnyeShu svadharmanirateShu cha .. 35..\\
chaturNA.n yatra varNAnA.n dharmavyatikaro bhavet . 
na tatra vAsa.n kurvIta shreyo.arthI vai kathaM chana .. 36..\\
nirArambho.apyayamiha yathA labdhopajIvinaH . 
puNyaM puNyeShu vimalaM pApaM pApeShu chApnuyAt .. 37..\\
apAmagnestathendoshcha sparsha.n vedayate yathA . 
tathA pashyAmahe sparshamubhayoH pApapuNyayoH .. 38..\\
apashyanto.annaviShayaM bhu~njate vighasAshinaH . 
bhuGYAna.n chAnna viShayAnviShaya.n viddhi karmaNAM .. 39..\\
yatrAgamayamAnAnAmasatkAreNa pR^ichchhatAm . 
prabrUyAdbrahmaNo dharma.n tyajettaM deshamAtmavAn .. 40..\\
shiShyopAdhyAyikA vR^ittiryatra syAtsusamAhitA . 
yathAvachchhAstra sampannA kasta.n deshaM parityajet .. 41..\\
AkAshasthA dhruva.n yatra doShaM brUyurvipashchitam . 
AtmapUjAbhikAmA vai ko vasettatra paNDitaH .. 42..\\
yatra sa.nloditA lubdhaiH prAyasho dharmasetavaH . 
pradIptamiva shailAnta.n kastaM deshaM na santyajet .. 43..\\
yatra dharmamanAsha~NkAshchareyurvItamatsarAH . 
charettatra vasechchaiva puNyashIleShu sAdhuShu .. 44..\\
dharmamarthanimitta.n tu chareyuryatra mAnavAH . 
na tAnanuvasejjAtu te hi pApakR^ito janAH .. 45..\\
karmaNA yatra pApena vartante jIvitespavaH . 
vyavadhAvettatastUrNa.n sasarpAchchharaNAdiva .. 46..\\
yena khatvA.n samArUDhaH karmaNAnushayI bhavet . 
Aditastanna kartavyamichchhatA bhavamAtmanaH .. 47..\\
yatra rAjA cha rAGYashcha puruShAH pratyanantarAH . 
kutumbinAmagrabhujastyajettadrAstramAtmavAn .. 48..\\
shrotriyAstvagrabhoktAro dharmanityAH sanAtanAH . 
yAjanAdhyApane yuktA yatra tadrAstramAvaset .. 49..\\
svAhA svadhA vasatkArA yatra samyaganuShThitAH . 
ajasra.n chaiva vartante vasettatrAvichArayan .. 50..\\
ashuchInyatra pashyeta brAhmaNAnvR^itti karshitAn . 
tyajettadrAstramAsannamupasR^iShTamivAmiSham .. 51..\\
prIyamANA narA yatra prayachchheyurayAchitAH . 
svasthachitto vasettatra kR^itakR^itya ivAtmavAn .. 52..\\
daNDo yatrAvinIteShu satkArashcha kR^itAtmasu . 
charettatra vasechchaiva puNyashIleShu sAdhuShu .. 53..\\
upasR^iShTeShvadAnteShu durAchAreShvasAdhuShu . 
avinIteShu lubdheShu sumahaddanda dhAraNam .. 54..\\
yatra rAjA dharmanityo rAjya.n vai paryupAsitA . 
apAsya kAmAnkAmesho vasettatrAvichArayan .. 55..\\
tathA shIlA hi rAjAnaH sarvAnviShayavAsinaH . 
shreyasA yojayantyAshu shreyasi pratyupasthite .. 56..\\
pR^ichchhataste mayA tAta shreya etadudAhR^itam . 
na hi shakyaM pradhAnena shreyaH sa~NkhyAtumAtmanaH .. 57..\\
evaM pravartamAnasya vR^ittiM pranihitAtmanaH . 
tapasaiveha bahula.n shreyo vyaktaM bhaviShyati .. 58..\\
\medskip\hrule\medskip\centerline{\Largedvng 277}
 y

kathaM nu muktaH pR^ithivI.n charedasmadvidho nR^ipaH . 
nitya.n kaishcha guNairyuktaH sa~NgapAshAdvimuchyate .. 1..\\

 bhii

atra te vartayiShyAmi itihAsaM purAtanam . 
ariShTaneminA prokta.n sagarAyAnupR^ichchhate .. 2..\\

 sagara

ki.n shreyaH paramaM brahmankR^itveha sukhamashnute . 
kathaM na shochenna kShubhyedetadichchhAmi veditum .. 3..\\

 bhii

evamuktastadA tArkShyaH sarvashAstravishAradaH . 
vibudhya sampada.n chAgryA.n sadvAkyamidamabravIt .. 4..\\
sukhaM mokShasukha.n loke na cha loko.avagachchhati . 
prasaktaH putrapashuShu dhanadhAnya samAkulaH .. 5..\\
saktabuddhirashAntAtmA na sa shakyash chikitsitum . 
snehapAshasito mUDho na sa mokShAya kalpate .. 6..\\
snehajAniha te pAshAnvakShyAmi shR^iNu tAnmama . 
sakarNakena shirasA shakyAshchhettu.n vijAnatA .. 7..\\
sambhAvya putrAnkAlena yauvanasthAnniveshya cha . 
samarthA~njIvane GYAtvA muktashchara yathAsukham .. 8..\\
bhAryAM putravatI.n vR^iddhAM lAlitAM putravatsalAm . 
GYAtvA prajahi kAle tvaM parArthamanudR^ishya cha .. 9..\\
sApatyo nirapatyo vA muktashchara yathAsukham . 
indriyairindriyArthA.nstvamanubhUya yathAvidhi .. 10..\\
kR^itakautUhalasteShu muktashchara yathAsukham . 
upapattyopalabdheShu lAbheShu cha samo bhava .. 11..\\
eSha tAvatsamAsena tava sa~NkIrtito mayA . 
mokShArtho vistareNApi bhUyo vakShyAmi tachchhR^iNu .. 12..\\
muktA vItabhayA loke charanti sukhino narAH . 
saktabhAvA vinashyanti narAstatra na saMshayaH .. 13..\\
AhArasa~ncayAshchaiva tathA kIta pipIlikAH . 
asaktAH sukhino loke saktAshchaiva vinAshinaH .. 14..\\
svajane na cha te chintA kartavyA mokShabuddhinA . 
ime mayA vinA bhUtA bhaviShyanti katha.n tviti .. 15..\\
svayamutpadyate jantuH svayameva vivardhate . 
sukhaduHkhe tathA mR^ityu.n svayamevAdhigachchhati .. 16..\\
bhojanAchchhAdane chaiva mAtrA pitrA cha sa~Ngraham . 
svakR^itenAdhigachchhanti loke nAstyakR^itaM purA .. 17..\\
dhAtrA vihita bhakShyANi sarvabhUtAni medinIm . 
loke viparidhAvanti rakShitAni svakarmabhiH .. 18..\\
svayaM mR^itpiNDa bhUtasya paratantrasya sarvadA . 
ko hetuH svajanaM poShTu.n rakShituM vAdR^idhAtmanaH .. 19..\\
svajana.n hi yadA mR^ityurhantyeva tava pashyataH . 
kR^ite.api yatne mahati tatra boddhavyamAtmanA .. 20..\\
jIvantamapi chaivainaM bharaNe rakShaNe tathA . 
asamApte parityajya pashchAdapi mariShyasi .. 21..\\
yadA mR^itashcha svajanaM na GYAsyasi katha.n chana . 
sukhita.n duHkhita.n vApi nanu boddhavyamAtmanA .. 22..\\
mR^ite vA tvayi jIve vA yadi bhokShyati vai janaH . 
svakR^itaM nanu buddhvaiva.n kartavya.n hitamAtmanaH .. 23..\\
eva.n vijAna.Nlloke.asminkaH kasyetyabhinishchitaH . 
mokShe niveshaya mano bhUyashchApyupadhAraya .. 24..\\
kShutpipAsAdayo bhAvA jitA yasyeha dehinaH . 
krodho lobhastathA mohaH sattvavAnmukta eva saH .. 25..\\
dyUte pAne tathA strIShu mR^igayAyA.n cha yo naraH . 
na pramAdyati saMmohAtsatataM mukta eva saH .. 26..\\
divase divase nAma rAtrau rAtrau sadA sadA . 
bhoktavyamiti yaH khinno doShabuddhiH sa uchyate .. 27..\\
AtmabhAva.n tathA strIShu muktameva punaH punaH . 
yaH pashyati sadA yukto yathAvanmukta eva saH .. 28..\\
sambhava.n cha vinAshaM cha bhUtAnAM cheShTitaM tathA . 
yastattvato vijAnAti loke.asminmukta eva saH .. 29..\\
prastha.n vAhasahasreShu yAtrArtha.n chaiva kotiShu . 
prAsAde ma~nchaka sthAna.n yaH pashyati sa muchyate .. 30..\\
mR^ityunAbhyAhata.n lokaM vyAdhibhishchopapIditam . 
avR^itti karshita.n chaiva yaH pashyati sa muchyate .. 31..\\
yaH pashyati sukhItuShTo napashyaMsh cha vihanyate . 
yashchApyalpena santuShTo loke.asminmukta eva saH .. 32..\\
agnIsomAvida.n sarvamitiyashchAnupashyati . 
na cha sa.nspR^ishyate bhAvairadbhutairmukta eva saH .. 33..\\
parya~Nka shayyA bhUmishcha samAne yasya dehinaH . 
shAlayashcha kadanna.n cha yasya syAnmukta eva saH .. 34..\\
kShauma.n cha kushachIraM cha kausheya.n valkalAni cha . 
Avika.n charma cha sama.n yasya syAnmukta eva saH .. 35..\\
pa~ncha bhUtasamudbhUta.n lokaM yashchAnupashyati . 
tathA cha vartate dR^iShTvA loke.asminmukta eva saH .. 36..\\
sukhaduHkhe same yasya lAbhAlAbhau yajAjayau . 
ichchhA dveShau bhayodvegau sarvathA mukta eva saH .. 37..\\
raktamUtra purIsAnA.n doShANA.n sa~ncayaM tathA . 
sharIra.n doShabahulaM dR^iShTvA cheda.n vimuchyate .. 38..\\
valI palita sa.nyoga.n kArshya.n vaivarNyameva cha . 
kubja bhAva.n cha jarayA yaH pashyati sa muchyate .. 39..\\
pu.nstvopaghAta.n kAlena darshanoparamaM tathA . 
bAdhiryaM prANa mantatva.n yaH pashyati sa muchyate .. 40..\\
gatAnR^iShI.nstathA devAnasurAMshcha tathAgatAn . 
lokAdasmAtpara.n lokaM yaH pashyati sa muchyate .. 41..\\
prabhAvairanvitAstaistaiH pArthivendrAH sahasrashaH . 
ye gatAH pR^ithivI.n tyaktvA iti GYAtvA vimuchyate .. 42..\\
arthAMshcha durlabhA.Nlloke kleshAMshcha sulabhA.nstathA . 
duHkha.n chaiva kutumbArthe yaH pashyati sa muchyate .. 43..\\
apatyAnA.n cha vaiguNyaM jana.n viguNameva cha . 
pashyanbhUyiShThasho loke ko mokShaM nAbhipUjayet .. 44..\\
shAstrAllokAchcha yo buddhaH sarvaM pashyati mAnavaH . 
asAramiva mAnuShya.n sarvathA mukta eva saH .. 45..\\
etachchhrutvA mama vacho bhavAMsh charatu muktavat . 
gArhasthye yadi te mokShe kR^itA buddhiraviklavA .. 46..\\
tattasya vachana.n shrutvA samyaksa pR^ithivIpatiH . 
mokShajaishcha guNairyuktaH pAlayAmAsa cha prajAH .. 47..\\
\medskip\hrule\medskip\centerline{\Largedvng 278}
 y

tiShThate me sadA tAta kautUhalamida.n hR^idi . 
tadaha.n shrotumichchhAmi tvattaH kurupitAmaha .. 1..\\
katha.n devarShirushanA sadA kAvyo mahAmatiH . 
asurANAM priyakaraH surANAmapriye rataH .. 2..\\
vardhayAmAsa tejashcha kimarthamamitaujasAm . 
nitya.n vairanibaddhAshcha dAnavAH surasattamaiH .. 3..\\
katha.n chApyushanA prApa shukratvamamara dyutiH . 
R^iddhi.n cha sa kathaM prAptaH sarvametadbravIhi me .. 4..\\
na yAni cha sa tejasvI madhyena nabhasaH katham . 
etadichchhAmi viGYAtuM nikhilena pitAmaha .. 5..\\

 bhii

shR^iNu rAjannavahitaH sarvametadyathAtatham . 
yathAmatiyathA chaitachchhruta pUrvaM mayAnagha .. 6..\\
eSha bhArgava dAyAdo muniH satyo dR^idha vrataH . 
asurANAM priyakaro nimitte karuNAtmake .. 7..\\
indro.atha dhanado rAjA yakSharakSho.adhipaH sa cha . 
prabhaviShNushcha koshasya jagatashcha tathA prabhuH .. 8..\\
tasyAtmAnamathAvishya yogasiddho mahAmuniH . 
ruddhvA dhanapati.n deva.n yogena hR^itavAnvasu .. 9..\\
hR^ite dhane tataH sharma na lebhe dhanadastathA . 
Apanna manyuH sa.nvignaH so.abhyagAtsurasattamam .. 10..\\
nivedayAmAsa tadA shivAyAmita tejase . 
deva shreShThAya rudrAya saumyAya bahurUpiNe .. 11..\\

 kubera

yogAtmakenoshanasA ruddhvA mama hR^ita.n vasu . 
yogenAtma gati.n kR^itvA niHsR^itashcha mahAtapaH .. 12..\\

 bhii

etachchhrutvA tataH kruddho mahAyogI maheshvaraH . 
sa.nraktanayano rAja~nshUlamAdAya tasthivAn .. 13..\\
kvAsvau kvAsAviti prAha gR^ihItvA paramAyudham . 
ushanA dUratastasya babhau GYAtvA chikIrShitam .. 14..\\
sa mahAyogino buddhvA ta.n roShaM vai mahAtmanaH . 
gatimAgamana.n vetti sthAnaM vetti tataH prabhuH .. 15..\\
sa~ncintyogreNa tapasA mahAtmAnaM maheshvaram . 
ushanA yogasiddhAtmA shUlAgre pratyadR^ishyata .. 16..\\
viGYAta rUpaH sa tadA tapaHsiddhena dhanvinA . 
GYAtvA shUla.n cha deveshaH pAninA samanAmayat .. 17..\\
AnatenAtha shUlena pAninAmita tejasA . 
pinAkamiti chovAcha shUlamugrAyudhaH prabhuH .. 18..\\
pAnimadhyagata.n dR^iShTvA bhArgavaM tamumApatiH . 
Asya.n vivR^itya kakudI pAniM samprAkShipachchhanaiH .. 19..\\
sa tu praviShTa ushanA koShThaM mAheshvaraM prabhuH . 
vyacharachchApi tatrAsau mahAtmA bhR^igunandanaH .. 20..\\

 y

kimartha.n vyacharadrAjannushanA tasya dhImataH . 
jathare devadevasya ki.n chAkArShInmahAdyutiH .. 21..\\

 bhii

purA so.antarjalagataH sthAnu bhUto mahAvrataH . 
varShANAmabhavadrAjanprayutAnyarbudAni cha .. 22..\\
udatiShThattapastaptvA dushchara.n sa mahAhradAt . 
tato devAtidevastaM brahmA samupasarpata .. 23..\\
tapovR^iddhimapR^ichchhachcha kushala.n chainamavyayam . 
tapaH suchIrNamiti cha provAcha vR^iShabhadhvajaH .. 24..\\
tatsa.nyogena vR^iddhi.n chApyapashyatsa tu sha~NkaraH . 
mahAmatirachintyAtmA satyadharmarataH sadA .. 25..\\
sa tenAdhyo mahAyogI tapasA cha dhanena cha . 
vyarAjata mahArAja triShu lokeShu vIryavAn .. 26..\\
tataH pinAkI yogAtmA dhyAnayoga.n samAvishat . 
ushanA tu samudvigno nililye jathare tataH .. 27..\\
tuShTAva cha mahAyogI deva.n tatrastha eva cha . 
niHsAra.n kA~NkShamANastu tejasA pratyahanyata .. 28..\\
ushanA tu tadovAcha jatharastho mahAmuniH . 
prasAdaM me kuruShveti punaH punararindama .. 29..\\
tamuvAcha mahAdevo gachchha shishnena mokShaNam . 
iti srotA.nsi sarvANi ruddhvA tridashapu~NgavaH .. 30..\\
apashyamAnaH sa dvAra.n sarvataH pihito muniH . 
paryakrAmaddahyamAna itashchetashcha tejasA .. 31..\\
sa viniShkramya shishnena shukratvamabhipedivAn . 
kAryeNa tena nabhaso nAgachchhata cha madhyataH .. 32..\\
niShkrAntamatha ta.n dR^iShTvA jvalantamiva tejasA . 
bhavo roShasamAviShTaH shUlodyatakaraH sthitaH .. 33..\\
nyavArayata ta.n devI kruddhaM pashupatiM patim . 
putratvamagamaddevyA vArite sha~Nkare cha saH .. 34..\\

 devii

hi.nsanIyastvayA naiSha mama putratvamAgataH . 
na hi devodarAtkashchinniHsR^ito nAshamarchhati .. 35..\\

 bhii

tataH prIto.abhavaddevyAH prahasaMshchedamabravIt . 
gachchhatyeSha yathAkAmamiti rAjanpunaH punaH .. 36..\\
tataH pranamya varada.n devaM devImumAM tathA . 
ushanA prApa taddhImAngatimiShTAM mahAmuniH .. 37..\\
etatte kathita.n tAta bhArgavasya mahAtmanaH . 
charitaM bharatashreShTha yanmA.n tvaM paripR^ichchhasi .. 38..\\
\medskip\hrule\medskip\centerline{\Largedvng 279}
 y

ataH paraM mahAbAho yachchhreyastadvadasva me . 
na tR^ipyAmyamR^itasyeva vasasaste pitAmaha .. 1..\\
ki.n karma puruShaH kR^itvA shubhaM puruShasattama . 
shreyaH paramavApnoti pretya cheha cha tadvada .. 2..\\

 bhii

atra te vartayiShyAmi yathApUrvaM mahAyashaH . 
parAsharaM mahAtmAnaM paprachchha janako nR^ipaH .. 3..\\
ki.n shreyaH sarvabhUtAnAmasmi.Nlloke paratra cha . 
yadbhavetpratipattavya.n tadbhavAnprabravItu me .. 4..\\
tataH sa tapasA yuktaH sarvadharmAvidhAnavit . 
nR^ipAyAnugraha manA munirvAkyamathAbravIt .. 5..\\
dharma eva kR^itaH shreyAniha loke paratra cha . 
tasmAddhi paramaM nAsti yathA prAhurmanIShiNaH .. 6..\\
pratipadya naro dharma.n svargaloke mahIyate . 
dharmAtmakaH karma vidhirdehinAM nR^ipasattama . 
tasminnAshramiNaH santaH svakarmANIha kurvate .. 7..\\
chaturvidhA hi lokasya yAtrA tAta vidhIyate . 
martyA yatrAvatiShThante sA cha kAmAtpravartate .. 8..\\
sukR^itAsukR^ita.n karma niShevya vividhaiH kramaiH . 
dashArdha pravibhaktAnAM bhUtAnAM bahudhA gatiH .. 9..\\
sauvarNa.n rAjataM vApi yathA bhAndaM niShichyate . 
tathA niShichyate jantuH pUrvakarma vashAnugaH .. 10..\\
nAbIjAjjAyate ki.n chinnAkR^itvA sukhamedhate . 
sukR^itI vindati sukhaM prApya dehakShayaM naraH .. 11..\\
daiva.n tAta na pashyAmi nAsti daivasya sAdhanam . 
svabhAvato hi sa.nsiddhA devagandharvadAnavAH .. 12..\\
pretya jAtikR^ita.n karma na smaranti sadA janAH . 
te vai tasya phalaprAptau karma chApi chaturvidham .. 13..\\
lokayAtrAshrayashchaiva shabdo vedAshrayaH kR^itaH . 
shAntyarthaM manasastAta naitadvR^iddhAnushAsanam .. 14..\\
chakShuShA manasA vAchA karmaNA cha chaturvidham . 
kurute yAdR^isha.n karma tAdR^ishaM pratipadyate .. 15..\\
nirantara.n cha mishraM cha phalate karma pArthiva . 
kalyAna.n yadi vA pApaM na tu nAsho.asya vidyate .. 16..\\
kadA chitsukR^ita.n tAta kUtasthamiva tiShThati . 
majjamAnasya sa.nsAre yAvadduHkhAdvimuchyate .. 17..\\
tato duHkhakShaya.n kR^itvA sukR^itaM karma sevate . 
sukR^itakShayAdduShkR^ita.n cha tadviddhi manujAdhipa .. 18..\\
damaH kShamA dhR^itistejaH santoShaH satyavAditA . 
hrIrahi.nsAvyasanitA dAkShya.n cheti sukhAvahAH .. 19..\\
duShkR^ite sukR^ite vApi na janturayato bhavet . 
nityaM manaH samAdhAne prayateta vichakShaNaH .. 20..\\
nAyaM parasya sukR^ita.n duShkR^ita.n vApi sevate . 
karoti yAdR^isha.n karma tAdR^ishaM pratipadyate .. 21..\\
sukhaduHkhe samAdhAya pumAnanyena gachchhati . 
anyenaiva janaH sarvaH sa~Ngato yashcha pArthiva .. 22..\\
pareShA.n yadasUyeta na tatkuryAtsvayaM naraH . 
yo hyasUyustathAyuktaH so.avahAsaM niyachchhati .. 23..\\
bhIrU rAjanyo brAhmaNaH sarvabhakSho 
vaishyo.anIhAvAnhInavarNo.alasash cha . 
vidvAMshchAshIlo vR^ittahInaH kulInaH 
satyAdbhraShTo brAhmaNaH strI cha duShTA .. 24..\\
rAgI muktaH pachamAno.a.atmahetor 
mUrkho vaktA nR^ipa hIna.n cha rAstram . 
ete sarve shochyatA.n yAnti rAjan 
yashchAyuktaH snehahInaH prajAsu .. 25..\\
\medskip\hrule\medskip\centerline{\Largedvng 280}
 paraazara

manoratharathaM prApya indriyArtha hayaM naraH . 
rashmibhirGYAnasambhUtairyo gachchhati sa buddhimAn .. 1..\\
sevAshritena manasA vR^itti hInasya shasyate . 
dvijAtihastAnnirvR^ittA na tu tulyAtparasparam .. 2..\\
Ayurnasulabha.n labdhvA nAvakarShedvishAM pate . 
utkarShArthaM prayatate naraH puNyena karmaNA .. 3..\\
varNebhyo.api paribhraShTaH sa vai saMmAnamarhati . 
na tu yaH satkriyAM prApya rAjasa.n karma sevate .. 4..\\
varNotkarShamavApnoti naraH puNyena karmaNA . 
durlabha.n tamalabdhA hi hanyAtpApena karmaNA .. 5..\\
aGYAnAddhi kR^itaM pApa.n tapasaivAbhinirnudet . 
pApa.n hi karmaphalati pApameva svaya.n kR^itam . 
tasmAtpApaM na seveta karma duHkhaphalodayam .. 6..\\
pApAnubandha.n yatkarma yadyapi syAnmahAphalam . 
na tatseveta medhAvI shuchiH kusalila.n yathA .. 7..\\
ki.n kastamanupashyAmi phalaM pApasya karmaNaH . 
pratyApannasya hi sato nAtmA tAvadvirochate .. 8..\\
pratyApattishcha yasyeha bAlishasya na jAyate . 
tasyApi sumahA.nstApaH prasthitasyopajAyate .. 9..\\
virakta.n shodhyate vastraM na tu kR^iShNopasa.nhitam . 
prayatnena manuShyendra pApamevaM nibodha me .. 10..\\
svaya.n kR^itvA tu yaH pApa.n shubhamevAnutiShThati . 
prAyashchittaM naraH kartumubhaya.n so.ashnute pR^ithak .. 11..\\
ajAnAttu kR^itA.n hi.nsAmahi.nsA vyapakarShati . 
brAhmaNAH shAstranirdeshAdityAhurbrahmavAdinaH .. 12..\\
kathA kAmakR^ita.n chAsya vihi.nsaivApakarShati . 
ityAhurdharmashAstraGYA brAhmaNA vedapAragAH .. 13..\\
aha.n tu tAvatpashyAmi karma yadvartate kR^itam . 
guNayuktaM prakAsha.n cha pApenAnupasa.nhitam .. 14..\\
yathA sUkShmANi karmANi phalantIha yathAtatham . 
buddhiyuktAni tAnIha kR^itAni manasA saha .. 15..\\
bhavatyalpaphala.n karma sevitaM nityamulbanam . 
abuddhipUrva.n dharmaGYa kR^itamugreNa karmaNA .. 16..\\
kR^itAni yAni karmANi daivatairmunibhistathA . 
nAcharettAni dharmAtmA shrutvA chApi na kutsayet .. 17..\\
sa~ncintya manasA rAjanviditvA shaktimAtmanaH . 
karoti yaH shubha.n karma sa vai bhadrANi pashyati .. 18..\\
nave kapAle salila.n saMnyastaM hIyate yathA . 
navetare tathA bhAvaM prApnoti sukhabhAvitam .. 19..\\
satoye.anyattu yattoya.n tasminneva prasichyate . 
vR^iddhe vR^iddhimavApnoti salile salila.n yathA .. 20..\\
eva.n karmANi yAnIha buddhiyuktAni bhUpate . 
nasamAnIha hInAni tAni puNyatamAnyapi .. 21..\\
rAGYA jetavyAH sAyudhAshchonnatAsh cha 
samyakkartavyaM pAlana.n cha prajAnAm . 
agnishcheyo bahubhishchApi yaGYair 
ante madhye vA vanamAshritya stheyam .. 22..\\
damAnvitaH puruSho dharmashIlo 
bhUtAni chAtmAnamivAnupashyet . 
garIyasaH pUjayedAtmashaktyA 
satyena shIlena sukhaM narendra .. 23..\\
\medskip\hrule\medskip\centerline{\Largedvng 281}
 paraazara

kaH kasya chopakurute kash cha kasmai prayachchhati . 
prAnI karotyaya.n karma sarvamAtmArthamAtmanA .. 1..\\
gauraveNa parityaktaM niHsnehaM parivarjayet . 
sodaryaM bhrAtaramapi kimutAnyaM pR^ithagjanam .. 2..\\
vishiShTasya vishiShTAchcha tulyau dAnapratigrahau . 
tayoH puNyatara.n dAnaM taddvijasya prayachchhataH .. 3..\\
nyAyAgata.n dhana.n varNairnyAyenaiva vivardhitam . 
sa.nrakShya.n yatnamAsthAya dharmArthamiti nishchayaH .. 4..\\
na dharmArthI nR^isha.nsena karmaNA dhanamarjayet . 
shaktitaH sarvakAryANi kuryAnnarddhimanusmaret .. 5..\\
apo hi prayataH shItAstApitA jvalanena vA . 
shaktito.atithaye dattvA kShudhArtAyAshnute phalam .. 6..\\
rantidevena lokeShTA siddhiH prAptA mahAtmanA . 
phalapatrairatho mUlairmunInarchitavAnasau .. 7..\\
taireva phalapatraishcha sa mAtharamatoShayat . 
tasmAllebhe para.n sthAnaM shaibyo.api pR^ithivIpatiH .. 8..\\
devatAtithibhR^ityebhyaH pitR^ibhyo.athAtmanastathA . 
R^iNavA~njAyate martyastasmAdanR^iNatA.n vrajet .. 9..\\
svAdhyAyena maharShibhyo devebhyo yaGYakarmaNA . 
pitR^ibhyaH shrAddhadAnena nR^iNAm abhyarchanena cha .. 10..\\
vAchaH sheShAvahAryeNa pAlanenAtmano.api cha . 
yathAvaddhR^itya vargasya chikIrSheddharmamAditaH .. 11..\\
prayatnena cha sa.nsiddhA dhanairapi vivarjitAH . 
samyagghutvA hutavahaM munayaH siddhimAgatAH .. 12..\\
vishvAmitrasya putratvamR^ichIka tanayo.agamat . 
R^igbhiH stutvA mahAbhAgo devAnvai yaGYabhAginaH .. 13..\\
gataH shukratvamushanA devadeva prasAdanAt . 
devI.n stutvA tu gagane modate tejasA vR^itaH .. 14..\\
asito devalashchaiva tathA nArada partavau . 
kakShIvA~njAmadagnyashcha rAmastAndyastathAMshumAn .. 15..\\
vasiShTho jamadagnishcha vishvAmitro.atrireva cha . 
bharadvAjo harishmashruH kundadhAraH shrutashravAH .. 16..\\
ete maharShayaH stutvA viShNumR^igbhiH samAhitAH . 
lebhire tapasA siddhiM prasAdAttasya dhImataH .. 17..\\
anarhAshchArhatAM prAptAH santaH stutvA tameva ha . 
na tu vR^iddhimihAnvichchhetkarmakR^itvA jugupsitam .. 18..\\
ye.arthA dharmeNa te satyA ye.adharmeNa dhigastu tAn . 
dharma.n vai shAshvataM loke na jahyAddhanakA~NkShayA .. 19..\\
AhitAgnirhi dharmAtmA yaH sa puNyakR^iduttamaH . 
vedA hi sarve rAjendra sthitAstriShvagniShu prabho .. 20..\\
sa chApyagnyAhito vipraH kriyA yasya na hIyate . 
shreyo hyanAhitAgnitvamagnihotraM na niShkriyam .. 21..\\
agnirAtmA cha mAtA cha pitA janayitA tathA . 
gurushcha narashArdUla paricharyA yathAtatham .. 22..\\
mAna.n tyaktvA yo naro vR^iddhasevI 
vidvAnklIbaH pashyati prItiyogAt . 
dAkShyeNAhIno dharmayukto nadAnto 
loke.asminvai pUjyate sadbhirAryaH .. 23..\\
\medskip\hrule\medskip\centerline{\Largedvng 282}
 paraazara

vR^ittiH sakAshAdvarNebhyastribhyo hInasya shobhanA . 
prItyopanItA nirdiShTA dharmiShThAnkurute sadA .. 1..\\
vR^ittishchennAsti shUdrasya pitR^ipaitAmahI dhruvA . 
na vR^ittiM parato mArgechchhushrUsA.n tu prayojayet .. 2..\\
sadbhistu saha sa.nsargaH shobhate dharmadarshibhiH . 
nitya.n sarvAsvavasthAsu nAsadbhiriti me matiH .. 3..\\
yathodaya girau dravya.n saMnikarSheNa dIpyate . 
tathA satsaMnikarSheNa hInavarNo.api dIpyate .. 4..\\
yAdR^ishena hi varNena bhAvyate shuklamambaram . 
tAdR^isha.n kurute rUpametadevamavaihi me .. 5..\\
tasmAdguNeShu rajyethA mA doSheShu kadA chana . 
anityamiha martyAnA.n jIvita.n hi chalAchalam .. 6..\\
sukhe vA yadi vA duHkhe vartamAno vichakShaNaH . 
yashchinoti shubhAnyeva sa bhadrANIha pashyati .. 7..\\
dharmAdapeta.n yatkarma yadyapi syAnmahAphalam . 
na tatseveta medhAvI na taddhitamihochyate .. 8..\\
yo hR^itvA gosahasrANi nR^ipo dadyAdarakShitA . 
sa shabdamAtraphalabhAgrAjA bhavati taskaraH .. 9..\\
svayambhUrasR^ijachchAgre dhAtAra.n lokapUjitam . 
dhAtAsR^ijatputramekaM prajAnA.n dhAraNe ratam .. 10..\\
tamarchayitvA vaishyastu kuryAdatyarthamR^iddhimat . 
rakShitavya.n tu rAjanyairupayojyaM dvijAtibhiH .. 11..\\
ajihmairashatha krodhairhavyakavya prayoktR^ibhiH . 
shUdrairnirmArjana.n kAryamevaM dharmo na nashyati .. 12..\\
apranaste tato dharme bhavanti sukhitAH prajAH . 
sukhena tAsA.n rAjendra modante divi devatAH .. 13..\\
tasmAdyo rakShati nR^ipaH sa dharmeNAbhipUjyate . 
adhIte chApi yo vipro vaishyo yashchArjane rataH .. 14..\\
yashcha shushrUsate shUdraH satataM niyatendriyaH . 
ato.anyathA manuShyendra svadharmAtparihIyate .. 15..\\
prANa santApanirdiShTAH kAkinyo.api mahAphalAH . 
nyAyenopArjitA dattAH kimutAnyAH sahasrashaH .. 16..\\
satkR^itya tu dvijAtibhyo yo dadAti narAdhipa . 
yAdR^isha.n tAdR^ishaM nityamashnAti phalamUrjitam .. 17..\\
abhigamya datta.n tuShTyA yaddhanyamAhurabhiShTutam . 
yAchitena tu yaddatta.n tadAhurmadhyamaM budhAH .. 18..\\
avaGYayA dIyate yattathaivAshraddhayApi cha . 
tadAhuradhama.n dAnaM munayaH satyavAdinaH .. 19..\\
atikrame majjamAno vividhena naraH sadA . 
tathA prayatna.n kurvIta yathA muchyeta saMshayAt .. 20..\\
damena shobhate vipraH kShatriyo vijayena tu . 
dhanena vaishyaH shUdrastu nitya.n dAkShyeNa shobhate .. 21..\\
\medskip\hrule\medskip\centerline{\Largedvng 283}
 paraazara

pratigrahAgatA vipre kShatriye shastranirjitAH . 
vaishye nyAyArjitAshchaiva shUdre shushrUsayArjitAH . 
svalApyarthAH prashasyante dharmasyArthe mahAphalAH .. 1..\\
nitya.n trayANA.n varNAnAM shUdraH shushrUsuruchyate . 
kShatradharmA vaishya dharmA nAvR^ittiH patati dvijaH . 
shUdra karmA yadA tu syAttadA patati vai dvijaH .. 2..\\
vAnijyaM pAshupAlya.n cha tathA shilpopajIvanam . 
shUdrasyApi vidhIyante yadA vR^ittirna jAyate .. 3..\\
ra~NgAvataraNa.n chaiva tathArUpopajIvanam . 
madya mA.nsopajIvya.n cha vikrayo lohacharmaNoH .. 4..\\
apUrviNA na kartavya.n karma loke vigarhitam . 
kR^itapUrviNastu tyajato mahAndharma iti shrutiH .. 5..\\
sa.nsiddhiH puruSho loke yadAcharati pApakam . 
madenAbhipluta manAstachcha na grAhyamuchyate .. 6..\\
shrUyante hi purANe vai prajA dhigdanda shAsanAH . 
dAntA dharmapradhAnAshcha nyAyadharmAnuvartakAH .. 7..\\
dharma eva sadA nR^INAmiha rAjanprashasyate . 
dharmavR^iddhA guNAneva sevante hi narA bhuvi .. 8..\\
ta.n dharmamasurAstAta nAmR^iShyanta janAdhipa . 
vivardhamAnAH kramashastatra te.anvAvishanprajAH .. 9..\\
teShA.n darpaH samabhavatprajAnAM dharmanAshanaH . 
darpAtmanA.n tataH krodhaH punasteShAmajAyata .. 10..\\
tataH krodhAbhibhUtAnA.n vR^ittaM lajjA samanvitam . 
hrIshchaivApyanashadrAja.nstato moho vyajAyata .. 11..\\
tato mohaparItAste nApashyanta yathA purA . 
parasparAvamardena vartayanti yathAsukham .. 12..\\
tAnprApya tu sa dhigdaNDo na kAraNamato.abhavat . 
tato.abhyagachchhandevAMshcha brAhmaNAMshchAvamanya ha .. 13..\\
etasminneva kAle tu devA devavara.n shivam . 
agachchha~nsharaNa.n vIraM bahurUpa.n gaNAdhipam .. 14..\\
tena sma te gaganagAH sapurAH pAtitAH kShitau . 
tisro.apyekena bAnena devApyAyita tejasA .. 15..\\
teShAmadhipatistvAsIdbhImo bhImaparAkramaH . 
devatAnAM bhayakaraH sa hataH shUlapANinA .. 16..\\
tasminhate.atha svaM bhAvaM pratyapadyanta mAnavAH . 
prAvartanta cha vedA vai shAstrANi cha yathA purA .. 17..\\
tato.abhyasi~nchanrAjyena devAnA.n divi vAsavam . 
saptarShayashchAnvayu~njannarANA.n danda dhAraNe .. 18..\\
saptarShINAmathordhva.n cha vipR^ithurnAma pArthivaH . 
rAjAnaH kShatriyAshchaiva mandaleShu pR^ithakpR^ithak .. 19..\\
mahAkuleShu ye jAtA vR^ittAH pUrvatarAsh cha ye . 
teShAmathAsuro bhAvo hR^idayAnnApasarpati .. 20..\\
tasmAttenaiva bhAvena sAnuSha~Ngena pArthivAH . 
AsurANyeva karmANi nyasevanbhImavikramAH .. 21..\\
pratyatiShThaMshcha teShveva tAnyeva sthApayanti cha . 
bhajante tAni chAdyApi ye bAlishatamA narAH .. 22..\\
tasmAdahaM bravImi tvA.n rAjansa~ncintya shAstrataH . 
sa.nsiddhAdhigama.n kuryAtkarma hi.nsAtmakaM tyajet .. 23..\\
na sa~NkareNa draviNa.n vichinvIta vichakShaNaH . 
dharmArthaM nyAyamutsR^ijya na tatkalyAnamuchyate .. 24..\\
sa tvameva.nvidho dAntaH kShatriyaH priyabAndhavaH . 
prajA bhR^ityAMshcha putrAMshcha svadharmeNAnupAlaya .. 25..\\
iShTAniShTa samAyogo vaira.n sauhArdameva cha . 
atha jAtisahasrANi bahUni parivartate .. 26..\\
tasmAdguNeShu rajyethA mA doSheShu kadA chana . 
nirguNo yo hi durbuddhirAtmanaH so.ariruchyate .. 27..\\
mAnuSheShu mahArAja dharmAdharmau pravartataH . 
na tathAnyeShu bhUteShu manuShyarahiteShviha .. 28..\\
dharmashIlo naro vidvAnIhako.anIhako.api vA . 
AtmabhUtaH sadA loke charedbhUtAnyahi.nsayan .. 29..\\
yadA vyapetaddhR^illekhaM mano bhavati tasya vai . 
nAnR^ita.n chaiva bhavati tadA kalyAnamR^ichchhati .. 30..\\
\medskip\hrule\medskip\centerline{\Largedvng 284}
 paraazara

eSha dharmavidhistAta gR^ihasthasya prakIrtitaH . 
tapasvidhi.n tu vakShyAmi tanme nigadataH shR^iNu .. 1..\\
prAyena hi gR^ihasthasya mamatvaM nAma jAyate . 
sa~NgAgataM narashreShTha bhAvaistAmasarAjasaiH .. 2..\\
gR^ihANyAshritya gAvashcha kShetrANi cha dhanAni cha . 
dArAH putrAshcha bhR^ityAshcha bhavantIha narasya vai .. 3..\\
eva.n tasya pravR^ittasya nityamevAnupashyataH . 
rAgadveShau vivardhete hyanityatvamapashyataH .. 4..\\
rAgadveShAbhibhUta.n cha naraM dravyavashAnugam . 
mohajAtA ratirnAma samupaiti narAdhipa .. 5..\\
kR^itArtho bhogato bhUtvA sa vai ratiparAyanaH . 
lAbha.n grAmyasukhAdanya.n ratito nAnupashyati .. 6..\\
tato lobhAbhibhUtAtmA sa~NgAdvardhayate janam . 
puShTyartha.n chaiva tasyeha janasyArthaM chikIrShati .. 7..\\
sa jAnannapi chAkAryamarthArtha.n sevate naraH . 
bAla snehaparItAtmA tatkShayAchchAnutapyate .. 8..\\
tato mAnena sampanno rakShannAtmaparAjayam . 
karoti yena bhogI syAmiti tasmAdvinashyati .. 9..\\
tapo hi buddhiyuktAnA.n shAshvataM brahma darshanam . 
anvichchhatA.n shubha.n karma narANAM tyajatAM sukham .. 10..\\
snehAyatana nAshAchcha dhananAshAchcha pArthiva . 
AdhivyAdhi pratApAchcha nirvedamupagachchhati .. 11..\\
nirvedAdAtmasambodhaH sambodhAchchhAstra darshanam . 
shAstrArthadarshanAdrAja.nstapa evAnupashyati .. 12..\\
durlabho hi manuShyendra naraH pratyavamarshavAn . 
yo vai priya sukhe kShINe tapaH kartu.n vyavasyati .. 13..\\
tapaH sarvagata.n tAta hInasyApi vidhIyate . 
jitendriyasya dAntasya svargamArgapradeshakam .. 14..\\
prajApatiH prajAH pUrvamasR^ijattapasA vibhuH . 
kva chitkva chidvrataparo vratAnyAsthAya pArthiva .. 15..\\
AdityA vasavo rudrAstathaivAgnyashvimArutAH . 
vishvedevAstathA sAdhyAH pitaro.atha marudgaNAH .. 16..\\
yakSharAkShasa gandharvAH siddhAshchAnye divaukasaH . 
sa.nsiddhAstapasA tAta ye chAnye svargavAsinaH .. 17..\\
ye chAdau brahmaNA sR^iShTA brAhmaNAstapasA purA . 
te bhAvayantaH pR^ithivI.n vicharanti diva.n tathA .. 18..\\
martyaloke cha rAjAno ye chAnye gR^ihamedhinaH . 
mahAkuleShu dR^ishyante tatsarva.n tapasaH phalam .. 19..\\
kaushikAni cha vastrANi shubhAnyAbharaNAni cha . 
vAhanAsana yAnAni sarva.n tattapasaH phalam .. 20..\\
mano.anukUlAH pramadA rUpavatyaH sahasrashaH . 
vAsaH prAsAdapR^iShThe cha tatsarva.n tapasaH phalam .. 21..\\
shayanAni cha mukhyAni bhojyAni vividhAni cha . 
abhipretAni sarvANi bhavanti kR^itakarmaNAm .. 22..\\
nAprApya.n tapasA kiM chittrailokye.asminparantapa . 
upabhoga parityAgaH phalAnyakR^itakarmaNAm .. 23..\\
sukhito duHkhito vApi naro lobhaM parityajet . 
avekShya manasA shAstraM buddhyA cha nR^ipasattama .. 24..\\
asantoSho.asukhAyaiva lobhAdindriyavibhramaH . 
tato.asya nashyati praGYA vidyevAbhyAsa varjitA .. 25..\\
naShTa praGYo yadA bhavati tadA nyAyaM na pashyati . 
tasmAtsukhakShaye prApte pumAnugra.n tapash charet .. 26..\\
yadiShTa.n tatsukhaM prAhurdveShyaM duHkhamihochyate . 
kR^itAkR^itasya tapasaH phalaM pashyasva yAdR^isham .. 27..\\
nityaM bhadrANi pashyanti viShayAMshchopabhu~njate . 
prAkAshya.n chaiva gachchhanti kR^itvA niShkalmaShaM tapaH .. 28..\\
apriyANyavamAnAMshcha duHkhaM bahuvidhAtmakam . 
phalArthI tatpathatyaktaH prApnoti viShayAtmakam .. 29..\\
dharme tapasi dAne cha vichikitsAsya jAyate . 
sa kR^itvA pApakAnyeva nirayaM pratipadyate .. 30..\\
sukhe tu vartamAno vai duHkhe vApi narottama . 
svavR^ittAdyo na chalati shAstrachakShuH sa mAnavaH .. 31..\\
iShuprapAta mAtra.n hi sparshayoge ratiH smR^itA . 
rasane darshane ghrANe shravaNe cha vishAM pate .. 32..\\
tato.asya jAyate tIvrA vedanA tatkShayAtpunaH . 
budhA yena prasha.nsanti mokSha.n sukhamanuttamam .. 33..\\
tataH phalArtha.n charati bhavanti jyAyaso guNAH . 
dharmavR^ittyA cha satata.n kAmArthAbhyAM na hIyate .. 34..\\
aprayatnAgatAH sevyA gR^ihasthairviShayAH sadA . 
prayatnenopagamyashcha svadharma iti me matiH .. 35..\\
mAninA.n kulajAtAnAM nitya.n shAstrArthachakShuShAm . 
dharmakriyA viyuktAnAmashaktyA sa.nvR^itAtmanAm .. 36..\\
kriyamANa.n yadA karma nAsha.n gachchhati mAnuSham . 
teShAM nAnyadR^ite loke tapasaH karma vidyate .. 37..\\
sarvAtmanA tu kurvIta gR^ihasthaH karma nishchayam . 
dAkShyeNa havyakavyArtha.n svadharmaM vicharennR^ipa .. 38..\\
yathA nadInadAH sarve sAgare yAnti sa.nsthitam . 
evamAshramiNaH sarve gR^ihasthe yAnti sa.nsthitam .. 39..\\
\medskip\hrule\medskip\centerline{\Largedvng 285}
 janaka

varNo visheShavarNAnAM maharShe kena jAyate . 
etadichchhAmyaha.n shrotu.n tadbrUhi vadatAM vara .. 1..\\
yadetajjAyate.apatya.n sa evAyamiti shrutiH . 
kathaM brAhmaNato jAto visheShagrahaNa.n gataH .. 2..\\

 paraazara

evametanmahArAja yena jAtaH sa eva saH . 
tapasastvapakarSheNa jAtigrahaNatA.n gataH .. 3..\\
sukShetrAchcha subIjAchcha puNyo bhavati sambhavaH . 
ato.anyatarato hInAdavaro nAma jAyate .. 4..\\
vakrAdbhujAbhyAmUrubhyAM padbhyA.n chaivAtha jaGYire . 
sR^ijataH prajApaterlokAniti dharmavido viduH .. 5..\\
mukhajA brAhmaNAstAta bAhujAH kShatrabandhavaH . 
UrujA dhanino rAjanpAdajAH parichArakAH .. 6..\\
chaturNAmeva varNAnAmAgamaH puruSharShabha . 
ato.anye tvatiriktA ye te vai sa~NkarajAH smR^itAH .. 7..\\
kShatrajAtirathAmbasthA ugrA vaidehakAstathA . 
shvapAkAH pulkasAH stenA niShAdAH sUtamAgadhAH .. 8..\\
AyogAH karaNA vrAtyAshchandAlAshcha narAdhipa . 
ete chaturbhyo varNebhyo jAyante vai parasparam .. 9..\\

 janaka

brahmaNaikena jAtAnAM nAnAtva.n gotrataH katham . 
bahUnIha hi loke vai gotrANi munisattama .. 10..\\
yatra tatra katha.n jAtAH svayoniM munayo gatAH . 
shUdrayonau samutpannA viyonau cha tathApare .. 11..\\

 paraazara

rAjannetadbhavedgrAhyamapakR^iShTena janmanA . 
mahAtmAna.n samutpattistapasA bhAvitAtmanAm .. 12..\\
utpAdya putrAnmunayo nR^ipatau yatra tatra ha . 
svenaiva tapasA teShAmR^iShitva.n vidadhuH punaH .. 13..\\
pitAmahashcha me pUrvamR^ishyashR^i~Ngashcha kAshyapaH . 
vatastAndyaH kR^ipashchaiva kakShIvAnkamathAdayaH .. 14..\\
yavakrItashcha nR^ipate droNashcha vadatA.n varaH . 
Ayurmata~Ngo dattash cha drupado matsya eva cha .. 15..\\
ete svAM prakR^itiM prAptA vaideha tapaso.a.ashrayAt . 
pratiShThitA vedavido dame tapasi chaiva hi .. 16..\\
mUlagotrANi chatvAri samutpannAni pArthiva . 
a~NgirAH kashyapashchaiva vasiShTho bhR^igureva cha .. 17..\\
karmato.anyAni gotrANi samutpannAni pArthiva . 
nAmadheyAni tapasA tAni cha grahaNa.n satAm .. 18..\\

 janaka

visheShadharmAnvarNAnAM prabrUhi bhagavanmama . 
tathA sAmAnya dharmAMshcha sarvatra kushalo hyasi .. 19..\\

 paraa

pratigraho yAjana.n cha tathaivAdhyApanaM nR^ipa . 
visheShadharmo viprANA.n rakShA kShatrasya shobhanA .. 20..\\
kR^iShishcha pAshupAlya.n cha vAnijyaM cha vishAm api . 
dvijAnAM paricharyA cha shUtra karma narAdhipa .. 21..\\
visheShadharmA nR^ipate varNAnAM parikIrtitAH . 
dharmAnsAdhAraNA.nstAta vistareNa shR^iNuShva me .. 22..\\
AnR^isha.nsyamahi.nsA chApramAdaH sa.nvibhAgitA . 
shrAddhakarmAtitheya.n cha satyamakrodha eva cha .. 23..\\
sveShu dAreShu santoShaH shauchaM nityAnasUyatA . 
AtmaGYAna.n titikShA cha dharmAH sAdhAraNA nR^ipa .. 24..\\
brAhmaNAH kShatriyA vaishyAstrayo varNA dvijAtayaH . 
atra teShAmadhIkAro dharmeShu dvipadA.n vara .. 25..\\
vikarmAvasthitA varNAH patanti nR^ipate trayaH . 
unnamanti yathA santamAshrityeha svakarmasu .. 26..\\
na chApi shUdraH patatIti nishchayo 
na chApi sa.nskAramihArhatIti vA . 
shrutipravR^ittaM na cha dharmamApnute 
na chAsya dharme pratiShedhana.n kR^itam .. 27..\\
vaidehaka.n shUdramudAharanti 
dvijA mahArAja shrutopapannAH . 
aha.n hi pashyAmi narendra devaM 
vishvasya viShNu.n jagataH pradhAnam .. 28..\\
satA.n vR^ittamanuShThAya nihInA ujjihIrShavaH . 
mantravarjaM na duShyanti kurvANAH pauShTikIH kriyAH .. 29..\\
yathA yathA hi sadvR^ittamAlambantItare janAH . 
tathA tathA sukhaM prApya pretya cheha cha sherate .. 30..\\

 ja

ki.n karma dUsayatyenamatha jAtirmahAmune . 
sandeho me samutpannastanme vyAkhyAtumarhasi .. 31..\\

 paraa

asaMshayaM mahArAja ubhaya.n doShakArakam . 
karma chaiva hi jAtishcha visheSha.n tu nishAmaya .. 32..\\
jAtyA cha karmaNA chaiva duShTa.n karma niShevate . 
jAtyA duShTashcha yaH pApaM na karoti sa pUruShaH .. 33..\\
jAtyA pradhAnaM puruSha.n kurvANaM karma dhikkR^itam . 
karma taddUsayatyena.n tasmAtkarma na shobhanam .. 34..\\

 ja

kAni karmANi dharmyANi loke.asmindvijasattama . 
na hi.nsantIha bhUtAni kriyamANAni sarvadA .. 35..\\

 paraa

shR^iNu me.atra mahArAja yanmA.n tvaM paripR^ichchhasi . 
yAni karmANyahi.nsrANi nara.n trAyanti sarvadA .. 36..\\
saMnyasyAgnInupAsInAH pashyanti vigatajvarAH . 
naiHshreyasa.n dharmapatha.n samAruhya yathAkramam .. 37..\\
prashritA vinayopetA damanityAH susaMshitAH . 
prayAnti sthAnamajara.n sarvakarma vivarjitAH .. 38..\\
sarve varNA dharmakAryANi samyak 
kR^itvA rAjansatyavAkyAni choktvA . 
tyaktvAdharma.n dAruNaM jIvaloke 
yAnti svargaM nAtra kAryo vichAraH .. 39..\\
\medskip\hrule\medskip\centerline{\Largedvng 286}
 paraazara

pitA sukhAyo guravaH striyash cha 
na nirguNA nAma bhavanti loke . 
ananyabhaktAH priyavAdinash cha 
hitAshcha vashyAshcha tathaiva rAjan .. 1..\\
pitA para.n daivataM mAnavAnAM 
mAturvishiShTaM pitara.n vadanti . 
GYAnasya lAbhaM parama.n vadanti 
jitendriyArthAH paramApnuvanti .. 2..\\
raNAjire yatra sharAgnisa.nstare 
nR^ipAtmajo ghAtamavApya dahyate . 
prayAti lokAnamaraiH sudurlabhAn 
niShevate svargaphala.n yathAsukham .. 3..\\
shrAntaM bhItaM bhraShTa shastra.n rudantaM 
parA~NmukhaM paribarhaishcha hInam . 
anudyata.n rogiNaM yAchamAnaM 
na vai hi.nsyAdbAlavR^iddhau cha rAjan .. 4..\\
paribarhaiH susampannamudyata.n tulyatAM gatam . 
atikrameta nR^ipatiH sa~NgrAme kShatriyAtmajam .. 5..\\
tulyAdiha vadhaH shreyAnvishiShTAchcheti nishchayaH . 
nihInAtkAtarAchchaiva nR^ipANA.n garhito vadhaH .. 6..\\
pApAtpApasamAchArAnnihInAchcha narAdhipa . 
pApa eva vadhaH prokto narakAyeti nishchayaH .. 7..\\
na kashchittrAti vai rAjandiShTAnta vashamAgatam . 
sAvasheShAyuSha.n chApi kashchidevApakarShati .. 8..\\
snigdhaishcha kriyamANAni karmANIha nivartayet . 
hi.nsAtmakAni karmANi nAyurichchhetparAyuShA .. 9..\\
gR^ihasthAnA.n tu sarveShA.n vinAshamabhikA~NkShitAm . 
nidhana.n shobhana.n tAta pulineShu kriyAvatAm .. 10..\\
AyuShi kShayamApanne pa~nchatvamupagachchhati . 
nAkAraNAttadbhavati kAraNairupapAditam .. 11..\\
tathA sharIraM bhavati dehAdyenopapAditam . 
adhvAna.n gatakashchAyaM prAptashchAyaM gR^ihAdgR^iham .. 12..\\
dvitIya.n kAraNaM tatra nAnyatkiM chana vidyate . 
taddeha.n dehinA.n yuktaM mokShabhUteShu vartate .. 13..\\
sirA snAyvasthi sa~NghAtaM bIbhatsA medhya sa~Nkulam . 
bhUtAnAmindriyANA.n cha guNAnAM cha samAgatam .. 14..\\
tvaganta.n dehamityAhurvidvA.nso.adhyAtmachintakAH . 
punairapi parikShINa.n sharIraM martyatA.n gatam .. 15..\\
sharIriNA parityaktaM nishcheShTa.n gatachetanam . 
bhUtaiH prakR^itamApannaistato bhUmau nimajjati .. 16..\\
bhAvita.n karmayogena jAyate tatra tatra ha . 
ida.n sharIraM vaideha mriyate yatra tatra ha . 
tatsvabhAvo.aparo dR^iShTo visargaH karmaNastathA .. 17..\\
na jAyate tu nR^ipate ka.n chitkAlamayaM punaH . 
paribhramati bhUtAtmA dyAmivAmbudharo mahAn .. 18..\\
sa punarjAyate rAjanprApyehAyatanaM nR^ipa . 
manasaH paramo hyAtmA indriyebhyaH paraM manaH .. 19..\\
dvividhAnA.n cha bhUtAnAM ja~NgamAH paramA nR^ipa . 
ja~NgamAnAmapi tathA dvipadAH paramA matAH . 
dvipadAnAmapi tathA dvijA vai paramAH smR^itAH .. 20..\\
dvijAnAmapi rAjendra praGYAvantaH parA matAH . 
prAGYAnAmAtmasambuddhAH sambuddhAnAmamAninaH .. 21..\\
jAtamanveti maraNaM nR^iNAmiti vinishchayaH . 
antavanti hi karmANi sevante guNataH prajAH .. 22..\\
Apanne tUttarA.n kAShThA.n sUrye yo nidhanaM vrajet . 
nakShatre cha muhUrte cha puNye rAjansa puNyakR^it .. 23..\\
ayojayitvA kleshena janaM plAvya cha duShkR^itam . 
mR^ityunAprAkR^iteneha karmakR^itvAtmashaktitaH .. 24..\\
viShamudbandhana.n dAho dasyu hastAttathA vadhaH . 
da.nstribhyashcha pashubhyashcha prAkR^ito vadha uchyate .. 25..\\
na chaibhiH puNyakarmANo yujyante nAbhisandhijaiH . 
eva.nvidhaishcha bahubhiraparaiH prAkR^itairapi .. 26..\\
Urdhva.n hitvA pratiShThante prAnAH puNyakR^itAM nR^ipa . 
madhyato madhyapuNyAnAmadho duShkR^ita karmaNAm .. 27..\\
ekaH shatrurna dvitIyo.asti shatrur 
aGYAnatulyaH puruShasya rAjan . 
yenAvR^itaH kurute samprayukto 
ghorANi karmANi sudAruNAni .. 28..\\
prabodhanArtha.n shrutidharmayuktaM 
vR^idddhAnupAsya.n cha bhaveta yasya . 
prayatnasAdhyo hi sa rAjaputra 
praGYAshareNonmathitaH paraiti .. 29..\\
adhItya vedA.nstapasA brahmachArI 
yaGYA~nshaktyA saMnisR^ijyeha pa~ncha . 
vana.n gachchhetpuruSho dharmakAmaH 
shreyashchitvA sthApayitvA svavaMsham .. 30..\\
upabhogairapi tyaktaM nAtmAnamavasAdayet . 
chandAlatve.api mAnuShya.n sarvathA tAta durlabham .. 31..\\
iya.n hi yoniH prathamA yAM prApya jagatIpate . 
AtmA vai shakyate trAtu.n karmabhiH shubhalakShaNaiH .. 32..\\
kathaM na vipranashyema yonIto.asyA iti prabho . 
kurvanti dharmaM manujAH shrutiprAmAnya darshanAt .. 33..\\
yo durlabhataraM prApya mAnuShyamiha vai naraH . 
dharmAvamantA kAmAtmA bhavetsa khalu va~nchyate .. 34..\\
yastu prItipurogeNa chakShuShA tAta pashyati . 
dIpopamAni bhUtAni yAvadarchirna nashyati .. 35..\\
sAntvenAnupradAnena priyavAdena chApyuta . 
samaduHkhasukho bhUtvA sa paratra mahIyate .. 36..\\
dAna.n tyAgaH shobhanA mUrtiradbhyo 
bhUyaH plAvya.n tapasA vai sharIram . 
sarasvatI naimiShapuShkareShu 
ye chApyanye puNyadeshAH pR^ithivyAm .. 37..\\
gR^iheShu yeShAmasavaH patanti 
teShAmatho nirharanaM prashastam . 
yAnena vai prApana.n cha shmashAne 
shauchena nUna.n vidhinA chaiva dAhaH .. 38..\\
iShTiH puShTiryajana.n yAjana.n cha 
dAnaM puNyAnA.n karmaNAM cha prayogaH . 
shaktyA pitrya.n yachcha ki.n chitprashastaM 
sarvANyAtmArthe mAnavo yaH karoti .. 39..\\
dharmashAstrANi vedAshcha ShaDa~NgAni narAdhipa . 
shreyaso.arthe vidhIyante narasyAkliShTa karmaNaH .. 40..\\

 bhii

evadvai sarvamAkhyAtaM muninA sumahAtmanA . 
videharAjAya purA shreyaso.arthe narAdhipa .. 41..\\
\medskip\hrule\medskip\centerline{\Largedvng 287}
 bhii

punareva tu paprachchha janako mithilAdhipaH . 
parAsharaM mahAtmAna.n dharme paramanishchayam .. 1..\\
ki.n shreyaH kA gatirbrahmanki.n kR^itaM na vinashyati . 
kva gato na nivarteta tanme brUhi mahAmune .. 2..\\

 paraa

asa~NgaH shreyaso mUla.n GYAnaM GYAnagatiH parA . 
chIrNa.n tapo na pranashyedvApaH kShetre na nashyati .. 3..\\
chhittvAdharmamayaM pAsha.n yadA dharme.abhirajyate . 
dattvAbhaya kR^ita.n dAnaM tadA siddhimavApnuyAt .. 4..\\
yo dadAti sahasrANi gavAmashvashatAni cha . 
abhaya.n sarvabhUtebhyastaddAnamativartate .. 5..\\
vasanviShayamadhye.api na vasatyeva buddhimAn . 
sa.nvasatyeva durbuddhirasatsu viShayeShvapi .. 6..\\
nAdharmaH shliShyate prAGYamApaH puShkara parNavat . 
aprAGYamadhikaM pApa.n shliShyate jatu kAShThavat .. 7..\\
nAdharmaH kAraNApekShI kartAramabhimu~nchati . 
kartA khalu yathAkAla.n tatsarvamabhipadyate . 
na bhidyante kR^itAtmAna Atmapratyaya darshinaH .. 8..\\
buddhikarmendriyANA.n hi pramatto yo na budhyate . 
shubhAshubheShu saktAtmA prApnoti sumahadbhayam .. 9..\\
vItarAgo jitakrodhaH samyagbhavati yaH sadA . 
viShaye vartamAno.api na sa pApena yujyate .. 10..\\
maryAdAyA.n dharmaseturnibaddho naiva sIdati . 
puShTasrota ivAyattaH sphIto bhavati sa~ncayaH .. 11..\\
yathA bhAnugata.n tejo maniH shuddhaH samAdhinA . 
Adatte rAjashArdUla tathA yogaH pravartate .. 12..\\
yathA tilAnAmiha puShpasaMshrayAt 
pR^ithakpR^ithagyAni guNo.atisaumyatAm . 
tathA narANAM bhuvi bhAvitAtmanAM 
yathAshraya.n sattvaguNaH pravartate .. 13..\\
jahAti dArAnihate na sampadaH 
sadashvayAna.n vividhAshcha yAH kriyAH . 
triviShTape jAtamatiryadA naras 
tadAsya buddhirviShayeShu bhidyate .. 14..\\
prasaktabuddhirviShayeShu yo naro 
yo budhyate hyAtmahita.n kadA chana . 
sa sarvabhAvAnugatena chetasA 
nR^ipAmiSheNeva jhaSho vikR^iShyate .. 15..\\
sa~NghAtavAnmartyalokaH parasparamapAshritaH . 
kadalI garbhaniHsAro naurivApsu nimajjati .. 16..\\
na dharmakAlaH puruShasya nishchito 
nApi mR^ityuH puruShaM pratIkShate . 
kriyA hi dharmasya sadaiva shobhanA 
yadA naro mR^ityumukhe.abhivartate .. 17..\\
yathAndhaH svagR^ihe yukto hyabhyAsAdeva gachchhati . 
tathAyuktena manasA prAGYo gachchhati tA.n gatim .. 18..\\
maraNa.n janmani proktaM janma vai maraNAshritam . 
avidvAnmokShadharmeShu baddhobhramati chakravat .. 19..\\
yathA mR^iNAlo.anugatamAshu mu~nchati kardamam . 
tathAtmA puruShasyeha manasA parimuchyate . 
manaH pranayate.a.atmAna.n sa enamabhiyu~njati .. 20..\\
parArthe vartamAnastu svakArya.n yo.abhimanyate . 
indriyArtheShu saktaH sansvakAryAtparihIyate .. 21..\\
adhastiryaggati.n chaiva svarge chaiva parAM gatim . 
prApnoti svakR^itairAtmA prAGYasyehetarasya cha .. 22..\\
mR^inmaye bhAjane pakve yathA vai nyasyate dravaH . 
tathA sharIra.n tapasA tapta.n viShayamashnute .. 23..\\
viShayAnashnute yastu na sa bhokShyatyasaMshayam . 
yastu bhogA.nstyajedAtmA sa vai bhoktu.n vyavasyati .. 24..\\
nIhAreNa hi sa.nvItaH shishnodara parAyanaH . 
jAtyandha iva panthAnamAvR^itAtmA na budhyate .. 25..\\
vaNigyathA samudrAdvai yathArtha.n labhate dhanam . 
tathA martyArNave jantoH karma viGYAnato gatiH .. 26..\\
ahorAtra maye loke jarA rUpeNa sa~ncaran . 
mR^ityurgrasati bhUtAni pavanaM pannago yathA .. 27..\\
svaya.n kR^itAni karmANi jAto jantuH prapadyate . 
nAkR^ita.n labhate kashchitki.n chidatra priyApriyam .. 28..\\
shayAna.n yAntamAsInaM pravR^ittaM viShayeShu cha . 
shubhAshubhAni karmANi prapadyante nara.n sadA .. 29..\\
na hyanyattIramAsAdya punastartu.n vyavasyati . 
durlabho dR^ishyate hyasya vinipAto mahArNave .. 30..\\
yathA bhArAvasaktA hi naurmahAmbhasi tantunA . 
tathA mano.abhiyogAdvai sharIraM pratikarShati .. 31..\\
yathA samudramabhitaH sa.nsyUtAH sarito.aparAH . 
tathAdyA prakR^itiryogAdabhisa.nsyUyate sadA .. 32..\\
snehapAshairbahuvibhairAsaktamanaso narAH . 
prakR^itiShThA viShIdanti jale saikata veshmavat .. 33..\\
sharIragR^iha sa.nsthasya shauchatIrthasya dehinaH . 
buddhimArga prayAtasya sukha.n tviha paratra cha .. 34..\\
vistarAH kleshasa.nyuktAH sa~NkShepAstu sukhAvahAH . 
parArtha.n vistarAH sarve tyAgamAtmahitaM viduH .. 35..\\
sa~Nkalpajo mitravargo GYAtayaH kAraNAtmakAH . 
bhAryA dAsAshcha putrAshcha svamarthamanuyu~njate .. 36..\\
na mAtA na pitA ki.n chitkasya chitpratipadyate . 
dAnapathyodano jantuH svakarmaphalamashnute .. 37..\\
mAtAputraH pitA bhrAtA bhAryA mitra janastathA . 
aShTApada padasthAne tvakShamudreva nyasyate .. 38..\\
sarvANi karmANi purA kR^itAni 
shubhAshubhAnyAtmano yAnti jantor . 
upasthita.n karmaphala.n viditvA 
buddhi.n tathA chodayate.antarAtmA .. 39..\\
vyavasAya.n samAshritya sahAyAnyo.adhigachchhati . 
na tasya kashchidArambhaH kadA chidavasIdati .. 40..\\
advaidha manasa.n yuktaM shUra.n dhIraM vipashchitam . 
na shrIH santyajate nityamAdityamiva rashmayaH .. 41..\\
Astikya vyavasAyAbhyAmupAyAdvismayAddhiyA . 
yamArabhatyanindyAtmA na so.arthaH pariShIdati .. 42..\\
sarvaiH svAni shubhAshubhAni niyata.n karmANi jantuH svayaM 
garbhAtsamppratipadyate tadubhaya.n yattena pUrva.n kR^itam . 
mR^ityushchAparihAravAnsamagatiH kAlena vichchheditA 
dAroshchUrNamivAshmasAravihita.n karmAntikaM prApayet .. 43..\\
svarUpatAmAtmakR^ita.n cha vistaraM 
kulAnvaya.n dravyasamR^iddhi sa~ncayam . 
naro hi sarvo labhate yathAkR^itaM 
shubhashubhenAtma kR^itena karmaNA .. 44..\\

 bhii

ityukto janako rAjanyathAtathyaM manIsinA . 
shrutvA dharmavidA.n shreShThaH parAM mudamavApa ha .. 45..\\
\medskip\hrule\medskip\centerline{\Largedvng 288}
 y

satya.n kShamAM damaM praGYAM prasha.nsanti pitAmaha . 
vidvA.nso manujA loke kathametanmata.n tava .. 1..\\

 bhii

atra te vartayiShye.ahamitihAsaM purAtanam . 
sAdhyAnAmiha sa.nvAda.n ha.nsasya cha yudhiShThira .. 2..\\
ha.nso bhUtvAtha sauvarNastvajo nityaH prajApatiH . 
sa vai paryeti lokA.nstrInatha sAdhyAnupAgamat .. 3..\\

 saadhyaa

shakune vaya.n sma devA vai sAdhyAstvAm anuyujmahe . 
pR^ichchhAmastvAM mokShadharmaM bhavaMshcha kila mokShavit .. 4..\\
shruto.asi naH paNDito dhIravAdI 
sAdhu shabdaH patate te patatrin . 
kiM manyase shreShThatama.n dvija tvaM 
kasminmanaste ramate mahAtman .. 5..\\
tannaH kAryaM pakShivaraprashAdhi 
yatkAryANAM manyase shreShThamekam . 
yatkR^itvA vai puruShaH sarvabandhair 
vimuchyate vihagendreha shIghram .. 6..\\

 hamsa

ida.n kAryamamR^itAshAH shR^iNomi 
tapo damaH satyamAtmAbhiguptiH . 
granthInvimuchya hR^idayasya sarvAn 
priyApriye sva.n vashamAnayIta .. 7..\\
nAruntudaH syAnna nR^isha.nsavAdI 
na hInataH paramabhyAdadIta . 
yayAsya vAchA para udvijeta 
na tA.n vadedrushatIM pApalokyAm .. 8..\\
vAksAyakA vadanAnniShpatanti 
yairAhataH shochati rAtryahAni . 
parasya nAmarmasu te patanti 
tAnpaNDito nAvasR^ijetpareShu .. 9..\\
parashchedenamativAda bAnair 
bhR^isha.n vidhyechchhama eveha kAryaH . 
sa.nroShyamANaH pratimR^iShyate yaH 
sa Adatte sukR^ita.n vai parasya .. 10..\\
kShepAbhimAnAdabhiSha~Nga vyalIkaM 
nigR^ihNAti jvalita.n yash cha manyum . 
aduShTacheto mudito.anasUyuH 
sa Adatte sukR^ita.n vai pareShAm .. 11..\\
AkrushyamAno na vadAmi ki.n chit 
kShamAmyaha.n tAdyamAnash cha nityam . 
shreShTha.n hyetatkShamamapyAhurAryAH 
satya.n tathaivArjavamAnR^isha.nsyam .. 12..\\
vedasyopaniShatsatya.n satyasyopaniShaddamaH . 
damasyopaniShanmokSha etatsarvAnushAsanam .. 13..\\
vAcho vegaM manasaH krodhavegaM 
vivitsA vegamudaropastha vegam . 
etAnvegAnyo viShahatyudIrNA.ns 
taM manye.ahaM brAhmaNa.n vai muni.n cha .. 14..\\
akrodhanaH krudhyatA.n vai vishiShTas 
tathA titikShuratitikShorvishiShTaH . 
amAnuShAnmAnuSho vai vishiShTas 
tathAGYAnAjGYAnavAnvai pradhAnaH .. 15..\\
AkrushyamAno nAkroshenmanyureva titikShataH . 
AkroShTAraM nirdahati sukR^ita.n chAsya vindate .. 16..\\
yo nAtyuktaH prAha rUkShaM priya.n vA 
yo vA hato na pratihanti dhairyAt . 
pApa.n cha yo nechchhati tasya hantus 
tasmai devAH spR^ihayante sadaiva .. 17..\\
pApIyasaH kShametaiva shreyasaH sadR^ishasya cha . 
vimAnito hato.a.akruShTa eva.n siddhi.n gamiShyati .. 18..\\
sadAhamAryAnnibhR^ito.apyupAse 
na me vivitsA na chame.asti roShaH . 
na chApyaha.n lipsamAnaH paraimi 
na chaiva ki.n chidviShameNa yAmi .. 19..\\
nAha.n shaptaH pratishapAmi ki.n chid 
dama.n dvAra.n hyamR^itasyeha vedmi . 
guhyaM brahma tadida.n vo bravImi 
na mAnuShAchchhreShThatara.n hi ki.n chit .. 20..\\
vimuchyamAnaH pApebhyo dhanebhya iva chandramaH . 
virajaH kAlamAkA~NkShandhIro dhairyeNa sidhyati .. 21..\\
yaH sarveShAM bhavati hyarchanIya 
utsechane stambha ivAbhijAtaH . 
yasmai vAcha.n suprashastAM vadanti 
sa vai devAngachchhati sa.nyatAtmA .. 22..\\
na tathA vaktumichchhanti kalyAnAnpuruShe guNAn . 
yathaiShA.n vaktumichchhanti nairguNyamanuyuGYakAH .. 23..\\
yasya vA~NmanasI gupte samyakpranihite sadA . 
vedAstapashcha tyAgashcha sa ida.n sarvamApnuyAt .. 24..\\
AkroshanAvamAnAbhyAmabudhAdvardhate budhaH . 
tasmAnna vardhayedanyaM na chAtmAna.n vimi.nsayet .. 25..\\
amR^itasyeva santR^ipyedavamAnasya vai dvijaH . 
sukha.n hyavamataH shete yo.avamantA sa nashyati .. 26..\\
yatkrodhano yajate yaddadAti 
yadvA tapastapyati yajjuhoti . 
vaivasvatastaddharate.asya sarvaM 
moghaH shramo bhavati krodhanasya .. 27..\\
chatvAri yasya dvArANi suguptAnyamarottamAH . 
upasthamudara.n hastau vAkchaturthI sa dharmavit .. 28..\\
satya.n dama.n hyArjavamAnR^isha.nsyaM 
dhR^iti.n titikShAmabhisevamAnaH . 
svAdhyAyanityo.aspR^ihayanpareShAm 
ekAntashIlyUrdhvagatirbhavetsaH .. 29..\\
sarvAnetAnanucharanvatsavachchaturaH stanAn . 
na pAvanatama.n kiM chitsatyAdadhyagamaM kva chit .. 30..\\
AchakShAhaM manuShyebhyo devebhyaH pratisa~ncaran . 
satya.n svargasya sopAnaM pArAvArasya nauriva .. 31..\\
yAdR^ishaiH saMnivasati yAdR^ishAMsh chopasevate . 
yAdR^igichchhechcha bhavitu.n tAdR^igbhavati pUruShaH .. 32..\\
yadi santa.n sevate yadyasantaM 
tapasvina.n yadi vA stenameva . 
vAso yathA ra~Nga vashaM prayAti 
tathA sa teShA.n vashamabhyupaiti .. 33..\\
sadA devAH sAdhubhiH sa.nvadante 
na mAnuSha.n viShayaM yAnti draShTum . 
nenduH samaH syAdasamo hi vAyur 
uchchAvacha.n viShayaM yaH sa veda .. 34..\\
aduShTa.n vartamAne tu hR^idayAntara pUruShe . 
tenaiva devAH prIyante satAM mArgasthitena vai .. 35..\\
shishnodare ye.abhiratAH sadaiva 
stenA narA vAkparuShAsh cha nityam . 
apeda doShAniti tAnviditvA 
dUrAddevAH samparivarjayanti .. 36..\\
na vai devA hInasattvena toShyAH 
sarvAshinA duShkR^ita karmaNA vA . 
satyavratA ye tu narAH kR^itaGYA 
dharme ratAstaiH saha sambhajante .. 37..\\
avyAhR^ita.n vyAkR^itAchchhreya AhuH 
satya.n vadedvyAhR^ita.n taddvitIyam . 
dharma.n vadedvyAhR^ita.n tattR^itIyaM 
priya.nvadedvyAhR^ita.n tachchaturtham .. 38..\\

 saadhyaa

kenAyamAvR^ito lokaH kena vA na prakAshate . 
kena tyajati mitrANi kena svargaM na gachchhati .. 39..\\

 hamsa

anAnenAvR^ito loko mAtsaryAnna prakAshate . 
lobhAttyajati mitrANi sa~NgAtsvargaM na gachchhati .. 40..\\

 saadhyaah

kaH svideko ramate brAhmaNAnAM 
kaH svideko bahubhirjoShamAste . 
kaH svideko balavAndurbalo.api 
kaH svideShA.n kalahaM nAnvavaiti .. 41..\\

 hamsa

prAGYa eko ramate brAhmaNAnAM 
prAGYa eko bahubhirjoShamAste . 
prAGYa eko balavAndurbalo.api 
prAGYa eShA.n kalahaM nAnvavaiti .. 42..\\

 saadhyaah

kiM brAhmaNAnA.n devatvaM kiM cha sAdhutvamuchyate . 
asAdhutva.n cha kiM teShAM kimeShAM mAnuShaM matam .. 43..\\

 hamsa

svAdhyAya eShA.n devatva.n vrataM sAdhutvamuchyate . 
asAdhutvaM parIvAdo mR^ityurmAnuShamuchyate .. 44..\\

 bhii

sa.nvAda ityaya.n shreShThaH sAdhyAnAM parikIrtitaH . 
kShetra.n vai karmaNAM yoniH sadbhAvaH satyamuchyate .. 45..\\
\medskip\hrule\medskip\centerline{\Largedvng 289}
 y

sA~Nkhye yoge cha me tAta visheSha.n vaktumarhasi . 
tava sarvaGYa sarva.n hi vidita.n kurusattama .. 1..\\

 bhii

sA~NkhyAH sA~NkhyaM prasha.nsanti yogA yoga.n dvijAtayaH . 
vadanti kAraNaiH shraiShThya.n svapakShodbhAvanAya vai .. 2..\\
anIshvaraH kathaM muchyedityeva.n shatrukarshana . 
vadanti karaNaiH shraiShThya.n yogAH samya~NmanIShiNaH .. 3..\\
vadanti kAraNa.n cheda.n sA~NkhyAH samyagdvijAtayaH . 
viGYAyeha gatIH sarvA virakto viShayeShu yaH .. 4..\\
Urdhva.n sa dehAtsuvyaktaM vimuchyediti nAnyathA . 
etadAhurmahAprAGYAH sA~Nkhya.n vai mokShadarshanam .. 5..\\
svapakShe kAraNa.n grAhya.n samarthaM vachanaM hitam . 
shiShTAnA.n hi mata.n grAhyaM tvadvidhaiH shiShTasaMmataiH .. 6..\\
pratyakShahetavo yogAH sA~NkhyAH shAstravinishchayAH . 
ubhe chaite mate tattve mama tAta yudhiShThira .. 7..\\
ubhe chaite mate GYAne nR^ipate shiShTasaMmate . 
anuShThite yathAshAstraM nayetAM paramA.n gatim .. 8..\\
tulya.n shaucha.n tayoryuktaM dayA bhUteShu chAnagha . 
vratAnA.n dhAraNaM tulyaM darshanaM na samaM tayoH .. 9..\\

 y

yadi tulya.n vrataM shaucha.n dayA chAtra pitAmaha . 
tulyaM na darshana.n kasmAttanme brUhi pitAmaha .. 10..\\

 bhii

rAgaM moha.n tathA snehaM kAmakrodhaM cha kevalam . 
yogAchchhittvAdito doShAnpa~nchaitAnprApnuvanti tat .. 11..\\
yathA chAnimiShAH sthUlA jAla.n chhittvA punarjalam . 
prApnuvanti tathA yogAstatpada.n vItakalmasAH .. 12..\\
tathaiva vAgurA.n chhittvA balavanto yathA mR^igAH . 
prApnuyurvimalaM mArga.n vimuktAH sarvabandhanaiH .. 13..\\
lobhajAni tathA rAjanbandhanAni balAnvitAH . 
chhittvA yogAH paraM mArga.n gachchhanti vimalAH shivam .. 14..\\
abalAshcha mR^igA rAjanvAgurAsu tathApare . 
vinashyati na sandehastadvadyogabalAdR^ite .. 15..\\
balahInAshcha kaunteya yathA jAlagatA jhaShAH . 
anta.n gachchhanti rAjendra tathA yogAH sudurbalAH .. 16..\\
yathA cha shakunAH sUkShmaM prApya jAlamarindama . 
tatra saktA vipadyante muchyante cha balAnvitAH .. 17..\\
karmajairbandhanairbaddhAstadvadyogAH parantapa . 
abalA vai vinashyanti muchyante cha balAnvitAH .. 18..\\
alpakashcha yathA rAjanvahniH shAmyati durbalaH . 
AkrAnta indhanaiH sthUlaistadvadyogo.abalaH prabho .. 19..\\
sa eva cha yadA rAjanvahnirjAtabalaH punaH . 
samIraNa yutaH kR^itsnA.n dahetkShipraM mahIm api .. 20..\\
tadvajjAtabalo yonI dIptatejA mahAbalaH . 
antakAla ivAdityaH kR^itsna.n saMshoShayejjagat .. 21..\\
durbalashcha yathA rAjansrotasA hriyate naraH . 
balahInastathA yogo viShayairhriyate.avashaH .. 22..\\
tadeva cha yathA sroto viShTambhayati vAruNaH . 
tadvadyogabala.n labdhvA vyUhate viShayAnbahUn .. 23..\\
vishanti chAvashAH pArtha yogA yogabalAnvitAH . 
prajApatInR^iShIndevAnmahAbhUtAni cheshvarAH .. 24..\\
na yamo nAntakaH kruddho na mR^ityurbhImavikramaH . 
Ishate nR^ipate sarve yogasyAmita tejasaH .. 25..\\
AtmanA.n cha sahasrANi bahUni bharatarShabha . 
yogaH kuryAdbalaM prApya taishcha sarvairmahI.n charet .. 26..\\
prApnuyAdviShayAMshchaiva punashchogra.n tapash charet . 
sa~NkShipechcha punaH pArtha sUryastejo guNAniva .. 27..\\
balasthasya hi yogasya bandhaneshasya pArthiva . 
vimokShaprabhaviShNutvamupapannamasaMshayam .. 28..\\
balAni yoge proktAni mayaitAni vishAM pate . 
nidarshanArtha.n sUkShmANi vakShyAmi cha punastava .. 29..\\
Atmanashcha samAdhAne dhAraNAM prati chAbhibho . 
nidarshanAni sUkShmANi shR^iNu me bharatarShabha .. 30..\\
apramatto yathA dhanvI lakShya.n hanti samAhitaH . 
yuktaH samyaktathA yogI mokShaM prApnotyasaMshayam .. 31..\\
snehapUrNe yathA pAtre mana AdhAya nishchalam . 
puruSho yatta ArohetsopAna.n yuktamAnasaH .. 32..\\
yuktvA tathAyamAtmAna.n yogaH pArthiva nishchalam . 
karotyamalamAtmAnaM bhAskaropama darshanam .. 33..\\
yathA cha nAva.n kaunteya karNadhAraH samAhitaH . 
mahArNava gatA.n shIghraM nayetpArthiva pattanam .. 34..\\
tadvadAtmasamAdhAna.n yuktvA yogena tattvavit . 
durgama.n sthAnamApnoti hitvA dehamimaM nR^ipa .. 35..\\
sArathishcha yathA yuktvA sadashvAnsusamAhitaH . 
deshamiShTaM nayatyAshu dhanvinaM puruSharShabha .. 36..\\
tathaiva nR^ipate yogI dhAraNAsu samAhitaH . 
prApnotyAshu para.n sthAnaM lakShaM mukta ivAshugaH .. 37..\\
AveshyAtmani chAtmAna.n yogI tiShThati yo.achalaH . 
pApa.n hanteva mInAnAM padamApnoti so.ajaram .. 38..\\
nAbhyA.n kanthe cha shIrShe cha hR^idi vakShasi pArshvayoH . 
darshane sparshane chApi ghrANe chAmitavikrama .. 39..\\
sthAneShveteShu yo yogI mahAvratasamAhitaH . 
AtmanA sUkShmamAtmAna.n yu~Nkte samyagvishAM patau .. 40..\\
sa shIghramamalapraGYaH karma dagdhvA shubhAshubham . 
uttama.n yogamAsthAya yadIchchhati vimuchyate .. 41..\\

 y

AhArAnkIdR^ishAnkR^itvA kAni jitvA cha bhArata . 
yogI balamavApnoti tadbhavAnvaktumarhati .. 42..\\

 bhii

kanAnAM bhakShaNe yuktaH pinyAkasya cha bhakShaNe . 
snehAnA.n varjane yukto yogI balamavApnuyAt .. 43..\\
bhuGYAno yAvaka.n rUkSha.n dIrghakAlamarindama . 
ekArAmo vishuddhAtmA yogI balamavApnuyAt .. 44..\\
pakShAnmAsAnR^itUMshchitrAnsa~ncaraMshcha guhAstathA . 
apaH pItvA payo mishrA yogI balamavApnuyAt .. 45..\\
akhandamapi vA mAsa.n satataM manujeshvara . 
upoShya samyakshuddhAtmA yogI balamavApnuyAt .. 46..\\
kAma.n jitvA tathA krodha.n shItoShNe varShameva cha . 
bhayaM nidrA.n tathA shvAsaM pauruSha.n viShayA.nstathA .. 47..\\
arati.n durjayAM chaiva ghorAM tR^iShNAM cha pArthiva . 
sparshAnsarvA.nstathA tandrI.n durjayAM nR^ipasattama .. 48..\\
dIpayanti mahAtmAnaH sUkShmamAtmAnamAtmanA . 
vItarAgA mahAprAGYA dhyAnAdhyayana sampadA .. 49..\\
durgastveSha mataH panthA brAhmaNAnA.n vipashchitAm . 
na kashchidvrajati hyasminkShemeNa bharatarShabha .. 50..\\
yathA kashchidvana.n ghoraM bahu sarpasarIsR^ipam . 
shvabhravattoyahIna.n cha durgamaM bahu kantakam .. 51..\\
abhaktamatavI prAya.n dAvadagdhamahIruham . 
panthAna.n taskarAkIrNaM kShemeNAbhipatedyuvA .. 52..\\
yogamArga.n tathAsAdya yaH kashchidbhajate dvijaH . 
kShemeNoparamenmArgAdbahudoSho hi sa smR^itaH .. 53..\\
suShTheya.n kShura dhArAsu nishitAsu mahIpate . 
dhAraNAsu tu yogasya duHstheyamakR^itAtmabhiH .. 54..\\
vipannA dhAraNAstAta nayanti na shubhA.n gatim . 
netR^ihInA yathA nAvaH puruShAnarNave nR^ipa .. 55..\\
yastu tiShThati kaunteya dhAraNAsu yathAvidhi . 
maraNa.n janma duHkhaM cha sukhaM cha sa vimu~nchati .. 56..\\
nAnA shAstreShu niShpanna.n yogeShvidamudAhR^itam . 
para.n yoga.n tu yatkR^itsnaM nishchitaM taddvijAtiShu .. 57..\\
para.n hi tadbrahma mahanmahAtman 
brahmANamIsha.n varada.n cha viShNum . 
bhava.n cha dharmaM cha ShaDAnanaM cha 
so brahmaputrAMshcha mahAnubhAvAn .. 58..\\
tamashcha kasta.n sumahadrajash cha 
sattva.n cha shuddhaM prakR^itiM parAM cha . 
siddhi.n cha devI.n varuNasya patnIM 
tejashcha kR^itsna.n sumahachcha dhairyam .. 59..\\
narAdhipa.n vai vimalaM satAraM 
vishvAMshcha devAnuragAnpitR^IMsh cha . 
shailAMshcha kR^itsnAnudadhIMshcha ghorAn 
nadIshcha sarvAH savananghanAMsh cha .. 60..\\
nAgAnnagAnyakShagaNAndishash 
cha gandharvasa~NghAnpuruShAnstriyash cha . 
parasparaM prApya mahAnmahAtmA 
visheta yogI nachirAdvimuktaH .. 61..\\
kathA cha yeyaM nR^ipate prasaktA 
deve mahAvIryamatau subhA yam . 
yogAnsa sarvAnabhibhUya martyAn 
nArAyaNAtmA kurute mahAtmA .. 62..\\
\medskip\hrule\medskip\centerline{\Largedvng 290}
 y

samyaktvayAyaM nR^ipate varNitaH shiShTasaMmataH . 
yogamArgo yathAnyAya.n shiShyAyeha hitaiShiNA .. 1..\\
sA~Nkhye tvedAnI.n kArtsnyena vidhiM prabrUhi pR^ichchhate . 
triShu lokeShu yajGYAna.n sarva.n tadvitidaM hi te .. 2..\\

 bhii

shR^iNu me tvamida.n shuddhaM sA~NkhyAnAM viditAtmanAm . 
vihita.n yatibhirbuddhaiH kapilAdibhirIshvaraiH .. 3..\\
yasminna vibhramAH ke chiddR^ishyante manujarShabha . 
guNAshcha yasminbahavo doShahAnishcha kevalA .. 4..\\
GYAnena parisa~NkhyAya sadoShAnviShayAnnR^ipa . 
mAnuShAndurjayAnkR^itsnAnpaishAchAnviShayA.nstathA .. 5..\\
rAkShasAnviShayA~nGYAtvA yakShANA.n viShayA.nstathA . 
viShayAnauragA~nGYAtvA gAndharvaviShayA.nstathA .. 6..\\
pitR^INA.n viShayA~nGYAtvA tiryakShu charatAM nR^ipa . 
suparNaviShayA~nGYAtvA marutA.n viShayA.nstathA .. 7..\\
rAjarShiviShayA~nGYAtvA brahmarShiviShayA.nstathA . 
AsurAnviShayA~nGYAtvA vaishvadevA.nstathaiva cha .. 8..\\
devarShiviShayA~nGYAtvA yogAnAnapi cheshvarAn . 
viShayAMshcha prajeshAnAM brahmaNo viShayA.nstathA .. 9..\\
AyuShashcha para.n kAla.n loke viGYAya tattvataH . 
sukhasya cha para.n tattva.n viGYAya vadatAM vara .. 10..\\
prApte kAle cha yadduHkhaM patatA.n viShayaiShiNAm . 
tiryakcha patatA.n duHkhma patatAM narake cha yat .. 11..\\
svargasya cha guNAnkR^itsnAndoShAnsarvAMshcha bhArata . 
vedavAde cha ye doShA guNA ye chApi vaidikAH .. 12..\\
GYAnayoge cha ye doShA guNA yoge cha ye nR^ipa . 
sA~NkhyaGYAne cha ye doShAstathaiva cha guNA nR^ipa .. 13..\\
sattva.n dashaguNa.n GYAtvA rajo nava guNaM tathA . 
tamashchAsta guNa.n GYAtvA buddhiM sapta guNA.n tathA .. 14..\\
so guNa.n cha nabho GYAtvA manaH pa~ncha guNaM tathA . 
buddhi.n chaturguNA.n GYAtvA tamashcha triguNaM mahat .. 15..\\
dviguNa.n cha rajo GYAtvA sattvamekaguNaM punaH . 
mArga.n viGYAya tattvena pralaye prekShaNa.n tathA .. 16..\\
GYAnaviGYAnasampannAH kAraNairbhAvitAH shubhaiH . 
prApnuvanti shubhaM mokSha.n sUkShmA iha nabhaH param .. 17..\\
rUpeNa dR^iShTi.n sa.nyuktA.n ghrANaM gandhaguNena cha . 
shabde sakta.n tathA shrotraM jihvA.n rasaguNeShu cha .. 18..\\
tanu.n sparshe tathA saktAM vAyuM nabhasi chAshritam . 
moha.n tamasi sa.nsakta.n lobhamartheShu saMshritam .. 19..\\
viShNu.n krAnte bale shakraM koShThe saktaM tathAnalam . 
apsu devI.n tathA saktAmapastejasi chAshritAH .. 20..\\
tejo vAyau tu sa.nsakta.n vAyuM nabhasi chAshritam . 
nabho mahati sa.nyuktaM mahadbuddhau cha saMshritam .. 21..\\
buddhi.n tamasi sa.nsaktAM tamo rajasi chAshritam . 
rajaH sattve tathA sakta.n sattvaM sakta.n tathAtmani .. 22..\\
saktamAtmAnamIshe cha deve nArAyaNe tathA . 
devaM mokShe cha sa.nsaktaM mokSha.n sakta.n tu na kva chit .. 23..\\
GYAtvA sattvayuta.n deha.n vR^itaM sodashabhirguNaiH . 
svabhAva.n chetanAM chaiva GYAtvA vai dehamAshrite .. 24..\\
madhyasthamekamAtmAnaM pApa.n yasminna vidyate . 
dvitIya.n karma viGYAya nR^ipatau viShayaiShiNAm .. 25..\\
indriyANIndriyArthAshcha sarvAnAtmani saMshR^itAn . 
prANApAnau samAna.n cha vyAnodAnau cha tattvataH .. 26..\\
avAkchaivAnila.n GYAtvA pravaha.n chAnilaM punaH . 
sapta vAtA.nstathA sheShAnsaptadhA vidhivatpunaH .. 27..\\
prajApatInR^iShIMshchaiva mArgAMshcha subahUnvarAn . 
saptarShIMshcha bahU~nGYAtvA rAjarShIMshcha parantapa .. 28..\\
surarShInmahatashchAnyAnmaharShInsUryasaMnibhAn . 
aishvaryAchchyAvitA~nGYAtvA kAlena mahatA nR^ipa .. 29..\\
mahatAM bhUtasa~NghAnA.n shrutvA nAsha.n cha pArthiva . 
gati.n chApyashubhA.n GYAtvA nR^ipate pApakarmaNAm .. 30..\\
vaitaraNyA.n cha yadduHkhaM patitAnA.n yamakShaye . 
yonIShu cha vichitrAsu sa.nsArAnashubhA.nstathA .. 31..\\
jathare chAshubhe vAsa.n shonitodaka bhAjane . 
shleShma mUtra purIShe cha tIvragandhasamanvite .. 32..\\
shukrashonita sa~NghAte majjAsnAyuparigrahe . 
sirA shatasamAkIrNe navadvAre pure.ashuchau .. 33..\\
viGYAyAhitamAtmAna.n yogAMshcha vividhAnnR^ipa . 
tAmasAnA.n cha jantUnA.n ramaNIyAvR^itAtmanAm .. 34..\\
sAttvikAnA.n cha jantUnAM kutsitaM bharatarShabha . 
garhitaM mahatAmarthe sA~NkhyAnA.n viditAtmanAm .. 35..\\
upaplavA.nstathA ghorA~nshashinastejasastathA . 
tArANAM patana.n dR^iShTvA nakShatrANAM cha paryayam .. 36..\\
dvandvAnA.n viprayoga.n cha viGYAya kR^ipaNaM nR^ipa . 
anyonyabhakShaNa.n dR^iShTvA bhUtAnAmapi chAshubham .. 37..\\
bAlye moha.n cha viGYAya kShayaM dehasya chAshubham . 
rAge mohe cha samprApte kva chitsattva.n samAshritam .. 38..\\
sahasreShu naraH kashchinmokShabuddhi.n samAshritaH . 
durlabhatva.n cha mokShasya viGYAya shrutipUrvakam .. 39..\\
bahumAnamalabdheShu labdhe madhyasthatAM punaH . 
viShayANA.n cha daurAtmya.n viGYAya nR^ipate punaH .. 40..\\
gatAsUnA.n cha kaunteya dehAndR^iShTvA tathAshubhAn . 
vAsa.n kuleShu jantUnAM duHkha.n viGYAya bhArata .. 41..\\
brahmaghnAnA.n gati.n GYAtvA patitAnAM sudAruNAm . 
surA pAne cha saktAnAM brAhmaNAnA.n durAtmanAm . 
guru dAraprasaktAnA.n gati.n viGYAya chAshubhAm .. 42..\\
jananIShu cha vartante ye na samyagyudhiShThira . 
sadevakeShu lokeShu ye na vartanti mAnavAH .. 43..\\
tena GYAnena viGYAya gati.n chAshubha karmaNAm . 
tiryagyonigatAnA.n cha viGYAya gatayaH pR^ithak .. 44..\\
vedavAdA.nstathA chitrAnR^itUnAM paryayA.nstathA . 
kShaya.n sa.nvatsarANA.n cha mAsAnAM prakShayaM tathA .. 45..\\
pakShakShaya.n tathA dR^iShTvA divasAnAM cha sa~NkShayam . 
kShaya.n vR^iddhi.n cha chandrasya dR^iShTvA pratyakShatastathA .. 46..\\
vR^iddhi.n dR^iShTvA samudrANAM kShayaM teShAM tathA punaH . 
kShaya.n dhanAnAM cha tathA punarvR^iddhiM tathaiva cha .. 47..\\
samogAnA.n kShayaM dR^iShTvA yugAnAM cha visheShataH . 
kShaya.n cha dR^iShTvA shailAnAM kShayaM cha saritAM tathA .. 48..\\
varNAnA.n cha kShayaM dR^iShTvA kShayAntaM cha punaH punaH . 
jarAmR^ityu.n tathA janma dR^iShTvA duHkhAni chaiva ha .. 49..\\
dehadoShA.nstathA GYAtvA teShA.n duHkhaM cha tattvataH . 
deva viklavatA.n chaiva samyagviGYAya bhArata .. 50..\\
AtmadoShAMshcha viGYAya sarvAnAtmani saMshritAn . 
svadehAdutthitAngandhA.nstathA viGYAya chAshubham .. 51..\\

 y

kAnsvagAtrodbhavAndoShAnpashyasyamitavikrama . 
etanme saMshaya.n kR^itsna.n vaktumarhasi tattvataH .. 52..\\

 bhii

pa~ncha doShAnprabho dehe pravadanti manIShiNaH . 
mArgaGYAH kApilAH sA~NkhyAH shR^iNu tAnarisUdana .. 53..\\
kAmakrodhau bhayaM nidrA pa~nchamaH shvAsa uchyate . 
ete doShAH sharIreShu dR^ishyante sarvadehinAm .. 54..\\
chhindanti kShamayA krodha.n kAma.n sa~NkalpavarjanAt . 
sattvasaMshIlanAnnidrAmapramAdAdbhaya.n tathA . 
chhindanti pa~nchama.n shvAsaM laghvAhAratayA nR^ipa .. 55..\\
guNAnguNashatairGYAtvA doShAndoShashatairapi . 
hetUnhetushataishchitraishchitrAnviGYAya tattvataH .. 56..\\
apAM phenopama.n lokaM viShNormAyA shatairvR^itam . 
chittabhitti pratIkAshaM nala sAramanarthakam .. 57..\\
tamaH shvabhra nibha.n dR^iShTvA varShabudbuda saMnibham . 
nAsha prAya.n sukhAddhInaM nAshottaramabhAvagam . 
rajastamasi saMmagnaM pa~Nke dvipamivAvasham .. 58..\\
sA~NkhyA rAjanmahAprAGYAstyaktvA dehaM prajA kR^itam . 
GYAnaGYeyena sA~Nkhyena vyApinA mahatA nR^ipa .. 59..\\
rAjasAnashubhAngandhA.nstAmasAMshcha tathAvidhAn . 
puNyAMshcha sAttvikAngandhAnsparshajAndehasaMshritAn . 
chhittvAshu GYAnashastreNa tapo dandena bhArata .. 60..\\
tato duHkhodaka.n ghoraM chintAshokamahAhradam . 
vyAdhimR^ityumahAgrAhaM mahAbhayamahoragam .. 61..\\
tamaH kUrma.n rajo mInaM praGYayA santarantyuta . 
snehapa~Nka.n jarA durga.n sparshadvIpamarindama .. 62..\\
karmAgAdha.n satyatIraM sthitavratamidaM nR^ipa . 
hi.nsA shIghramahAvegaM nAnA rasamahAkaram .. 63..\\
nAnA prItimahAratna.n duHkhajvara samIraNam . 
shokatR^iShNA mahAvarta.n tIskna vyAdhimahAgajam .. 64..\\
asthi sa~NghAtasa~NghAta.n shleShma phenamarindama . 
dAnamuktAkaraM bhIma.n shonita hrada vidrutam .. 65..\\
hasitotkruShTa nirghoShaM nAnA GYAnasudustaram . 
rodanAshru malakShAra.n sa~NgatyAgaparAyanam .. 66..\\
punarA janma lokaughaM putra bAndhavapattanam . 
ahi.nsA satyamaryAdaM prANa tyAgamahormiNam .. 67..\\
vedAntagamana dvIpa.n sarvabhUtadayodadhim . 
mokShaduShprApa viShaya.n vadavA mukhasAgaram .. 68..\\
taranti munayaH siddhA GYAnayogena bhArata . 
tIrtvA cha dustara.n janma vishanti vimalaM nabhaH .. 69..\\
tatastAnsukR^itInsA~NkhyAnsUryo vahati rashmibhiH . 
padmatantuvadAvishya pravahanviShayAnnR^ipa .. 70..\\
tatra tAnpravaho vAyuH pratigR^ihNAti bhArata . 
vItarAgAnyatInsiddhAnvIryayuktA.nstapodhanAn .. 71..\\
sUkShmaH shItaH sugandhI cha sukhasparshashcha bhArata . 
saptAnAM marutA.n shreShTho lokAngachchhati yaH shubhAn . 
sa tAnvahati kaunteya nabhasaH paramA.n gatim .. 72..\\
nabho vahati lokesha rajasaH paramA.n gatim . 
rajo vahati rAjendra sattvasya paramA.n gatim .. 73..\\
sattva.n vahati shuddhAtmanparaM nArAyaNaM prabhum . 
prabhurvahati shuddhAtmA paramAtmAnamAtmanA .. 74..\\
paramAtmAnamAsAdya tadbhUtAyatanAmalAH . 
amR^itatvAya kalpante na nivartanti chAbhibho . 
paramA sA gatiH pArtha nirdvandvAnAM mahAtmanAm .. 75..\\

 y

sthAnamuttamamAsAdya bhagavanta.n sthiravratAH . 
Ajanma maraNa.n vA te smarantyupa na vAnagha .. 76..\\
yadatra tathya.n tanme tva.n yathAvadvaktumarhasi . 
tvadR^ite mAnavaM nAnyaM prastumarhAmi kaurava .. 77..\\
mokShadoSho mahAneSha prApya siddhi.n gatAnR^iShIn . 
yadi tatraiva viGYAne vartante yatayaH pare .. 78..\\
pravR^itti lakShaNa.n dharmaM pashyAmi paramaM nR^ipa . 
magnasya hi pare GYAne kiM nu duHkhataraM bhavet .. 79..\\

 bhii

yathAnyAya.n tvayA tAta prashnaH pR^iShTaH susa~NkaTaH . 
buddhAnAmapi saMmohaH prashne.asminbharatarShabha . 
atrApi tattvaM parama.n shR^iNu samyagbhayeritam .. 80..\\
buddhishcha paramA yatra kApilAnAM mahAtmanAm . 
indriyANyapi budhyante svadeha.n dehino nR^ipa . 
kAraNAyAtmanastAni sUkShmaH pashyati taistu saH .. 81..\\
AtmanA viprahInAni kAShTha kundya samAni tu . 
vinashyanti na sandehaH phenA iva mahArNave .. 82..\\
indriyaiH saha suptasya dehinaH shatrutApana . 
sUkShmashcharati sarvatra nabhasIva samIraNaH .. 83..\\
sa pashyati yathAnyAya.n sparshAnspR^ishati chAbhibho . 
budhyamAno yathApUrvamakhileneha bhArata .. 84..\\
indriyANIha sarvANi sve sve sthAne yathAvidhi . 
anIshatvAtpralIyante sarpA hataviShA iva .. 85..\\
indriyANA.n tu sarveShA.n svasthAneShveva sarvashaH . 
Akramya gatayaH sUkShmAshcharatyAtmA na saMshayaH .. 86..\\
sattvasya cha guNAnkR^itsnAnrajasashcha guNAnpunaH . 
guNAMshcha tamasaH sarvAnguNAnbuddheshcha bhArata .. 87..\\
guNAMshcha manasastadvannabhasashcha guNA.nstathA . 
guNAnvAyoshcha dharmAtma.nstejasashcha guNAnpunaH .. 88..\\
apA.n guNA.nstathA pArtha pArthivAMshcha guNAnapi . 
sarvAtmanA guNairvyApya kShetraGYaH sa yudhiShThira .. 89..\\
AtmA cha yAti kShetraGYa.n karmaNI cha shubhAshubhe . 
shiShyA iva mahAtmAnamindriyANi cha ta.n vibho .. 90..\\
prakR^iti.n chApyatikramya gachchhatyAtmAnamavyayam . 
paraM nArAyaNAtmAnaM nirdvandvaM prakR^iteH param .. 91..\\
vimuktaH puNyapApebhyaH praviShTastamanAmayam . 
paramAtmAnamaguNaM na nivartati bhArata .. 92..\\
shiShTa.n tvatra manastAta indriyANi cha bhArata . 
Agachchhanti yathAkAla.n guroH sandeshakAriNaH .. 93..\\
shakya.n chAlpena kAlena shAntiM prAptuM guNArthinA . 
eva.n yuktena kaunteya yuktaGYAnena mokShiNA .. 94..\\
sA~NkhyA rAjanmahAprAGYA gachchhanti paramA.n gatim . 
GYAnenAnena kaunteya tulya.n GYAnaM na vidyate .. 95..\\
atra te saMshayo mA bhUjGYAna.n sA~NkhyaM paraM matam . 
akShara.n dhruvamavyaktaM pUrvaM brahma sanAtanam .. 96..\\
anAdimadhyanidhanaM nirdvandva.n kartR^ishAshvatam . 
kUtastha.n chaiva nityaM cha yadvadanti shamAtmakAH .. 97..\\
yataH sarvAH pravartante sarga pralaya vikriyAH . 
yachcha sha.nsanti shAstreShu vadanti paramarShayaH .. 98..\\
sarve viprAshcha devAshcha tathAgamavido janAH . 
brahmaNyaM parama.n devamanantaM parato.achyutam .. 99..\\
prArthayantashcha ta.n viprA vadanti guNabuddayaH . 
samyagyuktAstathA yogAH sA~NkhyAshchAmitadarshanAH .. 100..\\
amUrtestasya kaunteya sA~NkhyaM mUrtiriti shrutiH . 
abhiGYAnAni tasyAhurmata.n hi bharatarShabha .. 101..\\
dvividhAnIha bhUtAni pR^ithivyAM pR^ithivIpate . 
ja~NgamAgama sa~nj~nAni ja~Ngama.n tu vishiShyate .. 102..\\
GYAnaM mahadyaddhi mahatsu rAjan 
vedeShu sA~NkhyeShu tathaiva yoge . 
yachchApi dR^iShTa.n vividhaM purANaM 
sA~NkhyAgata.n tannikhilaM narendra .. 103..\\
yachchetihAseShu mahatsu dR^iShTaM 
yachchArthashAstre nR^ipa shiShTajuShTe . 
GYAna.n cha loke yadihAsti kiM chit 
sA~NkhyAgata.n tachcha mahanmahAtman .. 104..\\
shamashcha dR^iShTaH paramaM bala.n cha 
GYAna.n cha sUkShmaM cha yathAvaduktam . 
tapA.nsi sUkShmANi sukhAni chaiva 
sA~Nkhye yathAvadvihitAni rAjan .. 105..\\
viparyaye tasya hi pArtha devAn 
gachchhanti sA~NkhyAH satata.n sukhena . 
tAMshchAnusa~ncArya tataH kR^itArthAH 
patanti vipreShu yateShu bhUyaH .. 106..\\
hitvA cha dehaM pravishanti mokShaM 
divaukaso dyAmiva pArtha sA~NkhyAH . 
tato.adhika.n te.abhiratA mahArhe 
sA~Nkhye dvijAH pArthiva shiShTajuShTe .. 107..\\
teShAM na tiryaggamana.n hi dR^iShTaM 
nAvAggatiH pApakR^itAM nivAsaH . 
na chAbudhAnAmapi te dvijAtayo 
ye GYAnametannR^ipate.anuraktAH .. 108..\\
sA~Nkya.n vishAlaM paramaM purANaM 
mahArNava.n vimalamudArakAntam . 
kR^itsna.n cha sA~NkhyaM nR^ipate mahAtmA 
nArAyaNo dhArayate.aprameyam .. 109..\\
etanmayoktaM naradeva tattvaM 
nArAyaNo vishvamidaM purANam . 
sa sarga kAle cha karoti sargaM 
sa.nhAra kAle cha tadatti bhUyaH .. 110..\\
\medskip\hrule\medskip\centerline{\Largedvng 291}
 y

ki.n tadakSharamityukta.n yasmAnnAvArtate punaH . 
ki.n cha tatkSharamityukta.n yasmAdAvartate punaH .. 1..\\
akSharakSharayorvyaktimichchhAmyariniShUdana . 
upalabdhuM mahAbAho tattvena kurunandana .. 2..\\
tva.n hi GYAnanidhirviprairuchyase vedapAragaiH . 
R^iShibhishcha mahAbhAgairyatibhishcha mahAtmabhiH .. 3..\\
sheShamalpa.n dinAnAM te dakShiNAyana bhAskare . 
AvR^itte bhagavatyarke gantAsi paramA.n gatim .. 4..\\
tvayi pratigate shreyaH kutaH shroShyAmahe vayam . 
kuruvaMshapradIpastva.n GYAnadravyeNa dIpyase .. 5..\\
tadetachchhrotumichchhAmi tvattaH kurukulodvaha . 
na tR^ipyAmIha rAjendra shR^iNvannamR^itamIdR^isham .. 6..\\

 bhii

atra te vartayiShye.ahamitihAsaM purAtanam . 
vasiShThasya cha sa.nvAda.n karAla janakasya cha .. 7..\\
vasiShTha.n shreShThamAsInamR^iShINAM bhAskaradyutim . 
paprachchha janako rAjA GYAnaM naiHshreyasaM param .. 8..\\
paramadhyAtmakushalamadhyAtmagatinishchayam . 
maitrAvaruNimAsInamabhivAdya kR^itA~njaliH .. 9..\\
svakSharaM prashrita.n vAkyaM madhura.n chApyanulbanam . 
paprachchharShivara.n rAjAnkarAla janakaH purA .. 10..\\
bhagava~nshrotumichchhAmi paraM brahma sanAtanam . 
yasmAnna punarAvR^ittimApnuvanti manIShiNaH .. 11..\\
yachcha tatkSharamityukta.n yatreda.n kSharate jagat . 
yachchAkSharamiti prokta.n shiva.n kShemyamanAmayam .. 12..\\

 vasistha

shrUyatAM pR^ithivIpAla kSharatIda.n yathA jagat . 
yanna kSharati pUrveNa yAvatkAlena chApyatha .. 13..\\
yuga.n dvAdasha sAhasraM kalpa.n viddhi chaturguNam . 
dasha kalpashatAvR^itta.n tadAharbrAhmamuchyate . 
rAtrishchaitAvatI rAjanyasyAnte pratibudhyate .. 14..\\
sR^ijatyananta karmANaM mahAntaM bhUtamagrajam . 
mUrtimantamamUrtAtmA vishva.n shambhuH svayambhuvaH . 
animA laghimA prAptirIshAna.n jyotiravyayam .. 15..\\
sarvataH pAni pAdAnta.n sarvato.akShishiromukham . 
sarvataH shrutimalloke sarvamAvR^itya tiShThati .. 16..\\
hiraNyagarbho bhagavAneSha buddhiriti smR^itaH . 
mahAniti cha yogeShu viri~ncha iti chApyuta .. 17..\\
sA~Nkhye cha pathyate shAstre nAmabhirbahudhAtmakaH . 
vichitrarUpo vishvAtmA ekAkShara iti smR^itaH .. 18..\\
vR^itaM naikAtmaka.n yena kR^itsna.n trailokyamAtmanA . 
tathaiva bahurUpatvAdvishvarUpa iti smR^itaH .. 19..\\
eSha vai vikriyApannaH sR^ijatyAtmAnamAtmanA . 
aha~NkAraM mahAtejAH prajApatimaha~NkR^itam .. 20..\\
avyaktAdvyaktamutpanna.n vidyA sargaM vadanti tam . 
mahAnta.n chApyaha~NkAramavidyA sargameva cha .. 21..\\
avidhishcha vidhishchaiva samutpannau tathaikataH . 
vidyAvidyeti vikhyAte shrutishAstrArtha chintakaiH .. 22..\\
bhUtasargamaha~NkArAttR^itIya.n viddhi pArthiva . 
aha~NkAreShu bhUteShu chaturtha.n viddhi vaikR^itam .. 23..\\
vAyurjyotirathAkAshamApo.atha pR^ithivI tathA . 
shabdaH sparshashcha rUpa.n cha raso gandhastathaiva cha .. 24..\\
eva.n yugapadutpanna.n dashavargamasaMshayam . 
pa~nchama.n viddhi rAjendra bhautikaM sargamarthavat .. 25..\\
shrotra.n tvakchakShuShI jihvA ghrANameva cha pa~nchamam . 
vAkcha hastau cha pAdau cha pAyurmedhra.n tathaiva cha .. 26..\\
buddhIndriyANi chaitAni tathA karmendriyANi cha . 
sambhUtAnIha yugapanmanasA saha pArthiva .. 27..\\
eShA tattvachaturviMshA sarvAkR^itiShu vartate . 
yA.n GYAtvA nAbhishochanti brAhmaNAstattvadarshinaH .. 28..\\
etaddeha.n samAkhyAta.n trailokye sarvadehiShu . 
veditavyaM narashreShTha sadevanaradAnave .. 29..\\
sayakShabhUtagandharve sakiMnaramahorage . 
sachAraNa pishAche va sadevarShinishAchare .. 30..\\
sadaMsha kIta mashake sapUti kR^imimUShake . 
shuni shvapAke vaineye sachandAle sapulkase .. 31..\\
hastyashvakharashArdUle savR^ikShe gavi chaiva ha . 
yachcha mUrtimaya.n kiM chitsarvatraitannidarshanam .. 32..\\
jale bhuvi tathAkAshe nAnyatreti vinishchayaH . 
sthAna.n dehavatAmasti ityevamanushushruma .. 33..\\
kR^itsnametAvatastAta kSharate vyaktasa~nj~nakam . 
ahanyahani bhUtAtmA tataH kShara iti smR^itaH .. 34..\\
etadakSharamityukta.n kSharatIda.n yathA jagat . 
jaganmohAtmakaM prAhuravyakta.n vyaktasa~nj~nakam .. 35..\\
mahAMshchaivAgrajo nityametatkShara nidarshanam . 
kathita.n te mahArAja yasmAnnAvartate punaH .. 36..\\
pa~nchaviMshatimo viShNurnistattvastattvasa~nj~nakaH . 
tattvasaMshrayaNAdetattattvamAhurmanIShiNaH .. 37..\\
yadamUrtyasR^ijadvyakta.n tattanmUrtyadhitiShThati . 
chaturviMshatimo vyakto hyamUrtaH pa~nchaviMshakaH .. 38..\\
sa eva hR^idi sarvAsu mUrtiShvAtiShThate.a.atmavAn . 
chetayaMshchetano nityaH sarvamUrtiramUrtimAn .. 39..\\
sarga pralaya dharmiNyA asarga pralayAtmakaH . 
gochare vartate nityaM nirguNo guNasa~nj~nakaH .. 40..\\
evameSha mahAnAtmA sarga pralaya kovidaH . 
vikurvANaH prakR^itimAnabhimanyatyabuddhimAn .. 41..\\
tamaH sattvarajo yuktastAsu tAsviha yoniShu . 
lIyate.apratibuddhatvAdabuddha janasevanAt .. 42..\\
saha vAso nivAsAtmA nAnyo.ahamiti manyate . 
yo.aha.n so.ahamiti hyuktvA guNAnanu nivartate .. 43..\\
tamasA tAmasAnbhAvAnvividhAnpratipadyate . 
rajasA rAjasAMshchaiva sAttvikAnsattvasaMshrayAt .. 44..\\
shuklalohita kR^iShNAni rUpANyetAni trINi tu . 
sarvANyetAni rUpANi jAnIhi prAkR^itAni vai .. 45..\\
tAmasA niraya.n yAnti rAjasA mAnuShA.nstathA . 
sAttvikA devalokAya gachchhanti sukhabhAginaH .. 46..\\
niShkaivalyena pApena tiryagyonimavApnuyAt . 
puNyapApena mAnuShyaM puNyenaikena devatAH .. 47..\\
evamavyaktaviShaya.n kSharamAhurmanIShiNaH . 
pa~nchaviMshatimo yo.aya.n GYAnAdeva pravartate .. 48..\\
\medskip\hrule\medskip\centerline{\Largedvng 292}
 vasistha

evamapratibuddhatvAdabuddhamanuvartate . 
dehAddehasahasrANi tathA samabhipadyate .. 1..\\
tiryagyonisahasreShu kadA chiddevatAsvapi . 
upapadyati sa.nyogAdguNaiH saha guNakShayAt .. 2..\\
mAnuShatvAddiva.n yAti divo mAnuShyameva cha . 
mAnuShyAnnirayasthAnamAnantyaM pratipadyate .. 3..\\
koshakAro yathAtmAna.n kItaH samanurundhati . 
sUtratantu guNairnitya.n tathAyamaguNo guNaiH .. 4..\\
dvandvameti cha nirdvandvastAsu tAsviha yoniShu . 
shIrSha roge.akShiroge cha dantashUle gala grahe .. 5..\\
jalodare.arshasA.n roge jvara ganda viShUchike . 
shvitre kuShThe.agnidAhe cha sidhmApa smArayorapi .. 6..\\
yAni chAnyAni dvandvAni prAkR^itAni sharIriShu . 
utpadyante vichitrANi tAnyeShApyabhimanyate . 
abhimanyatyabhImAnAttathaiva sukR^itAnyapi .. 7..\\
ekavAsAshcha durvAsAH shAyI nityamadhastathA . 
mandUka shAyI cha tathA vIrAsana gatastathA .. 8..\\
chIradhAraNamAkAshe shayana.n sthAnameva cha . 
iShTakA prastare chaiva kantaka prastare tathA .. 9..\\
bhasma prastarashAyI cha bhUmishayyAnulepanaH . 
vIra sthAnAmbupa~Nke cha shayanaM phalakeShu cha .. 10..\\
vividhAsu cha shayyAsu phalagR^iddhyAnvito.aphalaH . 
mu~nja mekhala nagnatva.n kShaumakR^iShNAjinAni cha .. 11..\\
shAnI vAlaparIdhAno vyAghracharma parichchhadaH . 
si.nhacharma parIdhAnaH patta vAsAstathaiva cha .. 12..\\
kItakA vasanashchaiva chIravAsAstathaiva cha . 
vastrANi chAnyAni bahUnyabhimanyatyabuddhimAn .. 13..\\
bhojanAni vichitrANi ratnAni vividhAni cha . 
ekavastrAntarAshitvamekakAlika bhojanam .. 14..\\
chaturthAstama kAlashcha sastha kAlika eva cha . 
so rAtrabhojanashchaiva tathaivAstAha bhojanaH .. 15..\\
saptarAtradashAhAro dvAdashAhAra eva cha . 
mAsopavAsI mUlAshI phalAhArastathaiva cha .. 16..\\
vAyubhakSho.ambupinyAka gomayAdana eva cha . 
gomUtra bhojanashchaiva shAkapuShpAda eva cha .. 17..\\
shaivAla bhojanashchaiva tathAchAmena vartayan . 
vartaya~nshIrNaparNaishcha prakIrNa phalabhojanaH .. 18..\\
vividhAni cha kR^ichchhrANi sevate sukhakA~NkShayA . 
chAndrAyaNAni vidhivalli~NgAni vividhAni cha .. 19..\\
chAturAshramya panthAnamAshrayatyAshramAnapi . 
upAsInashcha pAsandAnguhAH shailA.nstathaiva cha .. 20..\\
viviktAshcha shilA chhAyAstathA prasravaNAni cha . 
vividhAni cha japyAni vividhAni vratAni cha .. 21..\\
niyamAnsuvichitrAMshcha vividhAni tapA.nsi cha . 
yaGYAMshcha vividhAkArAnvidhIMshcha vividhA.nstathA .. 22..\\
vanikpatha.n dvija kShatra.n vaishyashUdraM tathaiva cha . 
dAna.n cha vividhAkAraM dInAndha kR^ipaNeShvapi .. 23..\\
abhimanyatyasambodhAttathaiva trividhAnguNAn . 
sattva.n rajastamashchaiva dharmArthau kAma eva cha . 
prakR^ityAtmAnamevAtmA evaM pravibhajatyuta .. 24..\\
svadhAkAra vasatkArau svAhAkAranamaskriyAH . 
yAjana dhyApana.n dAnaM tathaivAhuH pratigraham . 
yajanAdhyayane chaiva yachchAnyadapi ki.n chana .. 25..\\
janmamR^ityuvivAde cha tathA vishasane.api cha . 
shubhAshubhamaya.n sarvametadAhuH kriyA patham .. 26..\\
prakR^itiH kurute devI mahApralayameva cha . 
divasAnte guNAnetAnabhyetyaiko.avatiShThati .. 27..\\
rashmijAlamivAdityastatkAlena niyachchhati . 
evameSho.asakR^itsarva.n krIdArthamahimanyate .. 28..\\
AtmarUpa guNAnetAnvividhAnhR^idayapriyAn . 
evameva vikurvANaH sarga pralaya karmaNI .. 29..\\
kriyAkriyA pathe raktastriguNastriguNAtigaH . 
kriyAkriyA pathopetastathA taditi manyate .. 30..\\
eva.n dvandvAnyathaitAni vartante mama nityashaH . 
mamaivaitAni jAyante bAdhante tAni mAm iti .. 31..\\
nistartavyAnyathaitAni sarvANIti narAdhipa . 
manyate.aya.n hyabuddhitvAttathaiva sukR^itAnyapi .. 32..\\
bhoktavyAni mayaitAni devalokagatena vai . 
ihaiva chainaM bhokShyAmi shubhAshubhaphalodayam .. 33..\\
sukhameva cha kartavya.n sakR^itkR^itvA sukhaM mama . 
yAvadanta.n cha me saukhyaM jAtyAM jAtyAM bhaviShyati .. 34..\\
bhaviShyati cha me duHkha.n kR^itenehApyanantakam . 
mahadduHkha.n hi mAnuShyaM niraye chApi majjanam .. 35..\\
nirayAchchApi mAnuShya.n kAlenaiShyAmyahaM punaH . 
manuShyatvAchcha devatva.n devatvAtpauruShaM punaH . 
manuShyatvAchcha nirayaM paryAyenopagachchhati .. 36..\\
ya eva.n vetti vai nityaM nirAtmAtma guNairvR^itaH . 
tena devamanuShyeShu niraye chopapadyate .. 37..\\
mamatvenAvR^ito nitya.n tatraiva parivartate . 
sarga koti sahasrANi maraNAntAsu mUrtiShu .. 38..\\
ya eva.n kurute karma shubhAshubhaphalAtmakam . 
sa eva phalamashnAti triShu lokeShu mUrtimAn .. 39..\\
prakR^itiH kurute karma shubhAshubhaphalAtmakam . 
prakR^itishcha tadashnAti triShu lokeShu kAmagA .. 40..\\
tiryagyonau manuShyatve devaloke tathaiva cha . 
trINi sthAnAni chaitAni jAnIyAtprAkR^itAni ha .. 41..\\
ali~NgAM prakR^iti.n tvAhurli~NgairanumimImahe . 
tathaiva pauruSha.n li~NgamanumAnAddhi pashyati .. 42..\\
sa li~NgAntaramAsAdya prAkR^ita.n li~NgamavraNam . 
vraNadvArANyadhiShThAya karmANyAtmani manyate .. 43..\\
shrotrAdIni tu sarvANi pa~ncha karmendriyANi cha . 
vAgAdIni pravartante guNeShveva guNaiH saha . 
ahametAni vai kurvanmamaitAnIndriyANi cha .. 44..\\
nirindriyo.abhimanyeta vraNavAnasmi nirvranaH . 
ali~Ngo li~NgamAtmAnamakAlaH kAlamAtmanaH .. 45..\\
asattva.n sattvamAtmAnamatattva.n tattvamAtmanaH . 
amR^ityurmR^ityumAtmAnamacharashcharamAtmanaH .. 46..\\
akShetraH kShetramAtmAnamasargaH sargamAtmanaH . 
atapAstapa AtmAnamagatirgatimAtmanaH .. 47..\\
abhavo bhavamAtmAnamabhayo bhayamAtmanaH . 
akSharaH kSharamAtmAnamabuddhistvabhimanyate .. 48..\\
\medskip\hrule\medskip\centerline{\Largedvng 293}
 vasistha

evamapratibuddhatvAdabuddha janasevanAt . 
sarga koti sahasrANi patanAntAni gachchhati .. 1..\\
dhAmnA dhAma sahasrANi maraNAntAni gachchhati . 
tiryagyonau manuShyatve devaloke tathaiva cha .. 2..\\
chandramA iva koshAnAM punastatra sahasrashaH . 
lIyate.apratibuddhatvAdevameSha hyabuddhimAn .. 3..\\
kalAH pa~nchadashA yonistaddhAma iti pathyate . 
nityametadvijAnIhi somaH sodashamI kalA .. 4..\\
kalAyA.n jAyate.ajasraM punaH punarabuddhimAn . 
dhAma tasya payu~njanti bhUya eva tu jAyate .. 5..\\
sodashI tu kalA sUkShmA sa soma upadhAryatAm . 
na tUpayujyate devairdevAnupayunakti sA .. 6..\\
eva.n tAM kShapayitvA hi jAyate nR^ipasattama . 
sA hyasya prakR^itirdR^iShTA tatkShayAnmokSha uchyate .. 7..\\
tadeva.n sodasha kala.n dehamavyaktasa~nj~nakam . 
mamAyamiti manvAnastatraiva parivartate .. 8..\\
pa~nchaviMshastathaivAtmA tasyaivA pratibodhanAt . 
vimalasya vushuddhasya shuddhAnila niShevanAt .. 9..\\
ashuddha eva shuddhAtmA tAdR^igbhavati pArthiva . 
abuddha sevanAchchApi buddho.apyabudhatA.n vrajet .. 10..\\
tathaivApratibuddho.api GYeyo nR^ipatisattama . 
prakR^itestriguNAyAstu sevanAtprAkR^ito bhavet .. 11..\\

 karaalajanaka

akSharakSharayoreSha dvayoH sambandha iShyate . 
strIpu.nsorvApi bhagavansambandhastadvaduchyate .. 12..\\
R^ite na puruSheNeha strI garbha.n dhArayatyuta . 
R^ite striyaM na puruSho rUpaM nirvartayettathA .. 13..\\
anyonyasyAbhisambandhAdanyonyaguNasaMshrayAt . 
rUpaM nirvartayatyetadeva.n sarvAsu yoniShu .. 14..\\
ratyarthamabhisa.nrodhAdanyonyaguNasaMshrayAt . 
R^itau nirvartate rUpa.n tadvakShyAmi nidarshanam .. 15..\\
ye guNAH puruShasyeha ye cha mAtR^iguNAstathA . 
asthi snAyu cha majjA cha jAnImaH pitR^ijo dvija .. 16..\\
tva~NmA.nsa.n shonita.n chaiva mAtR^ijAnyapi shushruma . 
evametaddvijashreShTha veda shAstreShu pathyate .. 17..\\
pramANa.n yachcha vedoktaM shAstroktaM yachcha pathyate . 
veda shAstrapramANa.n cha pramANaM ta sanAtanam .. 18..\\
evamevAbhisambaddhau nityaM prakR^itipUruShau . 
pashyAmi bhagava.nstasmAnmokShadharmanna vidyate .. 19..\\
atha nAnantara kR^ita.n kiM chideva nidarshanam . 
tanmamAchakShva tattvena pratyakSho hyasi sarvathA .. 20..\\
mokShakAmA.n vaya.n chApi kA~NkShAmo yadanAmayam . 
adehamajara.n divyamatIndriyamanIshvaram .. 21..\\

 vas

yadetaduktaM bhavatA veda shAstranidarshanam . 
evametadyathA chaitanna gR^ihNAti tathA bhavAn .. 22..\\
dhAryate hi tvayA grantha ubhayorveda shAstrayoH . 
na tu granthasya tattvaGYo yathAvattvaM nareshvara .. 23..\\
yo hi vede cha shAstre cha grantha dhAraNa tatparaH . 
na cha granthArtha tattvaGYastasya taddhAraNa.n vR^ithA .. 24..\\
bhAra.n sa vahate tasya granthasyArthaM na vetti yaH . 
yastu granthArtha tattvaGYo nAsya granthAgamo vR^ithA .. 25..\\
granthasyArtha.n cha pR^iShTaH sa.nstAdR^isho vaktumarhati . 
yathAtattvAbhigamanAdartha.n tasya sa vindati .. 26..\\
yastu sa.nsatsu kathayedgranthArtha.n sthUlabuddhimAn . 
sa kathaM mandaviGYAno grantha.n vakShyati nirnayAt .. 27..\\
nirnaya.n chApi chhidrAtmA na ta.n vakShyati tattvataH . 
sopahAsAtmatAmeti yasmAchchaivAtmavAnapi .. 28..\\
tasmAttva.n shR^iNu rAjendra yathaitadanudR^ishyate . 
yAthAtathyena sA~NkhyeShu yogeShu cha mahAtmasu .. 29..\\
yadeva yogAH pashyanti sA~Nkhyaistadanugamyate . 
eka.n sA~Nkhya.n cha yogaM cha yaH pashyati sa buddhimAn .. 30..\\
tvanmA.nsa.n rudhiraM medaH pittaM majjAsthi snAyu cha . 
etadaindriyaka.n tAta yadbhavAnidamAha vai .. 31..\\
dravyAddravyasya niShpattirindriyAdindriya.n tathA . 
dehAddehamavApnoti bIjAdbIja.n tathaiva cha .. 32..\\
nirindriyasyAbIlasya nirdravyasyAsya dehinaH . 
katha.n guNA bhaviShyanti nirguNatvAnmahAtmanaH .. 33..\\
guNA guNeShu jAyante tatraiva nivishanti cha . 
eva~NguNAH prakR^itito jAyante cha na santi cha .. 34..\\
tvanmA.nsa.n rudhiraM medaH pittaM majjAsthi snAyu cha . 
astau tAnyatha shukreNa jAnIhi prAkR^itAni vai .. 35..\\
pumAMshchaivApumAMshchaiva traili~NgyaM prAkR^ita.n smR^itam . 
naiva pumAnpumAMshchaiva sa li~NgItyabhidhIyate .. 36..\\
ali~NgA prakR^itirli~Ngairupalabhyati sAtmajaiH . 
yathA puShpa phalairnityamR^itavo mUrtayastathA .. 37..\\
evamapyanumAnena hyali~Ngamupalabhyate . 
pa~nchaviMshatimastAta li~NgeShvaniyatAtmakaH .. 38..\\
anAdi nidhano.anantaH sarvadarshI nirAmayaH . 
kevala.n tvabhimAnitvAdguNeShvaguNa uchyate .. 39..\\
guNA guNavataH santi nirguNasya kuto guNAH . 
tasmAdeva.n vijAnanti ye janA guNadarshinaH .. 40..\\
yadA tvaiSha guNAnsarvAnprAkR^itAnabhimanyate . 
tadA sa guNavAneva parameNAnupashyati .. 41..\\
yattadbuddheH paraM prAhuH sA~NkhyA yogAshcha sarvashaH . 
budhyamAnaM mahAprAGYamabuddha parivarjanAt .. 42..\\
aprabuddhamathAvyakta.n saguNaM prAhurIshvaram . 
nirguNa.n cheshvaraM nityamadhiShThAtArameva cha .. 43..\\
prakR^iteshcha guNAnA.n cha pa~nchaviMshatikaM budhAH . 
sA~Nkhyayoge cha kushalA budhyante paramaiShiNaH .. 44..\\
yadA prabuddhAstvavyaktamavasthA janma bhIravaH . 
budhyamAnaM prabudhyanti gamayanti sama.n tadA .. 45..\\
etannidarshana.n samyagasamyaganudarshanam . 
budhyamAnAprabuddhAbhyAM pR^ithakpR^ithagarindama .. 46..\\
paraspareNaitadukta.n kSharAkShara nidarshanam . 
ekatvamakSharaM prAhurnAnAtva.n kSharamuchyate .. 47..\\
pa~nchaviMshati niShTho.aya.n yadAsamyakpravartate . 
ekatva.n darshanaM chAsya nAnAtvaM chApyadarshanam .. 48..\\
tattvanistattvayoretatpR^ithageva nidarshanam . 
pa~nchaviMshati sarga.n tu tattvamAhurmanIShiNaH .. 49..\\
nistattvaM pa~nchaviMshasya paramAhurnidarshanam . 
vargasya vargamAchAra.n tattvaM tattvAtsanAtanam .. 50..\\
\medskip\hrule\medskip\centerline{\Largedvng 294}
 <karaalajanaka

nAnAtvaikatvamityukta.n tvayaitadR^iShisattama . 
pashyAmi chAbhisandigdhametayorvai nidarshanam .. 1..\\
tathAprabuddha buddhAbhyAM budhyamAnasya chAnagha . 
sthUlabuddhyA na pashyAmi tattvametanna saMshayaH .. 2..\\
akSharakSharayorukta.n tvayA yadapi kAraNam . 
tadapyasthirabuddhitvAtpranastamiva me.anagha .. 3..\\
tadetachchhrotumichchhAmi nAnAtvaikatva darshanam . 
buddhamapratibuddha.n cha budhyamAnaM cha tattvataH .. 4..\\
vidyAvidye cha bhagavannakShara.n kSharameva cha . 
sA~Nkhya.n yoga.n cha kArtsnyena pR^ithakchaivApR^ithakcha ha .. 5..\\

 vas

hanta te sampravakShyAmi yadetadanupR^ichchhasi . 
yogakR^ityaM mahArAja pR^ithageva shR^iNuShva me .. 6..\\
yogakR^itya.n tu yogAnAM dhyAnameva paraM balam . 
tachchApi dvividha.n dhyAnamAhurvedavido janAH .. 7..\\
ekAgratA cha manasaH prANAyAmastathaiva cha . 
prANAyAmastu saguNo nirguNo manasastathA .. 8..\\
mUtrotsarge purIse cha hojane cha narAdhipa . 
trikAlaM nAbhiyuGYIta sheSha.n yu~njIta tatparaH .. 9..\\
indriyANIndriyArthebhyo nivartya manasA muniH . 
dasha dvAdashabhirvApi chaturviMshAtpara.n tataH .. 10..\\
ta.n chodanAbhirmatimAnAtmAnaM chodayedatha . 
tiShThantamajara.n taM tu yattaduktaM manIsibhiH .. 11..\\
taishchAtmA satata.n GYeya ityevamanushushruma . 
dravya.n hyahIna manaso nAnyatheti vinishchayaH .. 12..\\
vimuktaH sarvasa~Ngebhyo laghvAhAro jitendriyaH . 
pUrvarAtre pare chaiva dhArayeta mano.a.atmani .. 13..\\
sthirI kR^ityendriya grAmaM manasA mithileshvara . 
mano buddhyA sthira.n kR^itvA pAsAna iva nishchalaH .. 14..\\
sthAnuvachchApyakampaH syAdgirivachchApi nishchalaH . 
budhA vidhividhAnaGYAstadA yuktaM prachakShate .. 15..\\
na shR^iNoti na chAghrAti na rasyati na pashyati . 
na cha sparsha.n vijAnAti na sa~Nkalpayate manaH .. 16..\\
na chAbhimanyate ki.n chinna cha budhyati kAShThavat . 
tadA prakR^itimApanna.n yuktamAhurmanIShiNaH .. 17..\\
nivAte cha yathA dIpyandIpastadvatsa dR^ishyate . 
niri~NgashchAchalashchordhvaM na tiryaggatimApnuyAt .. 18..\\
tadA tamanupashyeta yasmindR^iShTe tu kathyate . 
hR^idayastho.antarAtmeti GYeyo GYastAta madvidhaiH .. 19..\\
vidhUma iva saptArchirAditya iva rashmimAn . 
vaidyuto.agnirivAkAshe dR^ishyate.a.atmA tathAtmani .. 20..\\
yaM pashyanti mahAtmAno dhR^itimanto manIShiNaH . 
brAhmaNA brahmayoniShThA hyayonimamR^itAtmakam .. 21..\\
tadevAhuranubhyo.anu tanmahadbhyo mahattaram . 
tadantaH sarvabhUteShu dhruva.n tiShThanna dR^ishyate .. 22..\\
buddhidravyeNa dR^ishyeta mano dIpena lokakR^it . 
mahatastamasastAta pAre tiShThannatAmasaH .. 23..\\
sa tamonuda ityuktastattvaGYairvedapAragaiH . 
vimalo vitamaskashcha nirli~Ngo.ali~Nga sa~nj~nitaH .. 24..\\
yogametaddhi yogAnAM manye yogasya lakShaNam . 
evaM pashyaM prapashyanti AtmAnamajaraM param .. 25..\\
yogadarshanametAvadukta.n te tattvato mayA . 
sA~NkhyaGYAnaM pravakShyAmi parisa~NkhyA nidarshanam .. 26..\\
avyaktamAhuH prakR^itiM parAM prakR^itivAdinaH . 
tasmAnmahatsamutpanna.n dvitIya.n rAjasattama .. 27..\\
aha~NkArastu mahatastR^itIyamiti naH shrutam . 
pa~ncha bhUtAnyaha~NkArAdAhuH sA~NkhyA nidarshinaH .. 28..\\
etAH prakR^itayastvAstau vikArAshchApi sodasha . 
pa~ncha chaiva visheShA vai tathA pa~nchendriyANi cha .. 29..\\
etAvadeva tattvAnA.n sA~NkhyamAhurmanIShiNaH . 
sA~Nkhye vidhividhAnaGYA nitya.n sA~Nkhyapathe ratAH .. 30..\\
yasmAdyadabhijAyeta tattatraiva pralIyate . 
lIyante pratilomAni sR^ijyante chAntarAtmanA .. 31..\\
anulomena jAyante lIyante pratilomataH . 
guNA guNeShu satata.n sAgarasyormayo yathA .. 32..\\
sarvapralaya etAvAnprakR^iternR^ipasattama . 
ekatvaM pralaye chAsya bahutva.n cha yadAsR^ijat . 
evameva cha rAjendra viGYeya.n GYeya chintakaiH .. 33..\\
adhiShThAtAramavyaktamasyApyetannidarshanam . 
ekatva.n cha bahutvaM cha prakR^iteranu tattvavAn . 
ekatvaM pralaye chAsya bahutva.n cha pravartanAt .. 34..\\
bahudhAtmA prakurvIta prakR^itiM prasavAtmikAm . 
tachcha kShetraM mahAnAtmA pa~nchaviMsho.adhitiShThati .. 35..\\
adhiShThAteti rAjendra prochyate yati sattamaiH . 
adhiShThAnAdadhiShThAtA kShetrANAmiti naH shrutam .. 36..\\
kShetra.n jAnAti chAvyaktaM kShetraGYa iti chochyate . 
avyaktike pure shete puruShash cheti kathyate .. 37..\\
anyadeva cha kShetra.n syAdanyaH kShetraGYa uchyate . 
kShetramavyaktamityukta.n GYAtA vai pa~nchaviMshakaH .. 38..\\
anyadeva cha GYAna.n syAdanyajGYeya.n taduchyate . 
GYAnamavyaktamityukta.n GYeyo vai pa~nchaviMshakaH .. 39..\\
avyakta.n kShetramityuktaM tathA sattvaM tatheshvaram . 
anIshvaramatattva.n cha tattvaM tatpa~nchaviMshakam .. 40..\\
sA~NkhyadarshanametAvatparisa~NkhyAna darshanam . 
sA~NkhyaM prakurute chaiva prakR^iti.n cha prachakShate .. 41..\\
tattvAni cha chaturviMshatparisa~NkhyAya tattvataH . 
sA~NkhyAH saha prakR^ityA tu nistattvaH pa~nchaviMshakaH .. 42..\\
pa~nchaviMsho.aprabuddhAtmA budhyamAna iti smR^itaH . 
yadA tu budhyate.a.atmAna.n tadA bhavati kevalaH .. 43..\\
samyagdarshanametAvadbhAsita.n tava tattvataH . 
evametadvijAnantaH sAmyatAM pratiyAntyuta .. 44..\\
samya~NnidarshanaM nAma pratyakShaM prakR^itestathA . 
guNatattvAnyathaitAni nirguNo.anyastathA bhavet .. 45..\\
na tvaiva.n vartamAnAnAmAvR^ittirvidyate punaH . 
vidyate.akSharabhAvatvAdaparaH paramavyayam .. 46..\\
pashyerannekamatayo na samyakteShu darshanam . 
te.avyaktaM pratipadyante punaH punararindama .. 47..\\
sarvametadvijAnanto na sarvasya prabodhanAt . 
vyaktI bhUtA bhaviShyanti vyaktasya vashavartinaH .. 48..\\
sarvamavyaktamityuktamasarvaH pa~nchaviMshakaH . 
ya enamabhijAnanti na bhaya.n teShu vidyate .. 49..\\
\medskip\hrule\medskip\centerline{\Largedvng 295}
 vasistha

sA~NkhyadarshanametAvadukta.n te nR^ipasattama . 
vidyAvidye tvidAnIM me tvaM nibodhAnupUrvashaH .. 1..\\
avyadyAmAhuravyakta.n sarga pralaya dharmi vai . 
sarga pralaya nirmukta.n vidyAM vai pa~nchaviMshakam .. 2..\\
parasparamavidyA.n vai tannibodhAnupUrvashaH . 
yathoktamR^iShibhistAta sA~NkhyasyAsya nidarshanam .. 3..\\
karmendriyANA.n sarveShAM vidyA buddhIndriyaM smR^itam . 
buddhIndriyANA.n cha tathA visheShA iti naH shrutam .. 4..\\
visheShANAM manasteShA.n vidyAmAhurmanIShiNaH . 
manasaH pa~ncha bhUtAni vidyA ityabhichakShate .. 5..\\
aha~NkArastu bhUtAnAM pa~nchAnAM nAtra saMshayaH . 
aha~NkArasya cha tathA buddhirvidyA nareshvara .. 6..\\
buddheH prakR^itiravyakta.n tattvAnAM parameshvaram . 
vidyA GYeyA narashreShTha vidhishcha paramaH smR^itaH .. 7..\\
avyaktasya paraM prAhurvidyA.n vai pa~nchaviMshakam . 
sarvasya sarvamityukta.n GYeyaM GYAnasya pArthiva .. 8..\\
GYAnamavyaktamityukta.n GYeyaM vai pa~nchaviMshakam . 
tathaiva GYAnamavyakta.n viGYAtA pa~nchaviMshakaH .. 9..\\
vidyAvidyArtha tattvena mayokta.n te visheShataH . 
akShara.n cha kSharaM chaiva yaduktaM tannibodha me .. 10..\\
ubhAvetau kSharAvuktAvubhAvetau cha nashvarau . 
kAraNa.n tu pravakShyAmi yathA khyAtau tu tattvataH .. 11..\\
anAdi nidhanAvetAvubhAveveshvarau matau . 
tattvasa~nj~nAvubhAvetau prochyete GYAnachintakaiH .. 12..\\
sarga pralaya dharmitvAdavyaktaM prAhurakSharam . 
tadetadguNasargAya vikurvANaM punaH punaH .. 13..\\
guNAnAM mahadAdInAm utpadyati parasparam . 
adhiShThAnAtkShetramAhuretattatpa~nchaviMshakam .. 14..\\
yadA tu guNajAla.n tadavyaktAtmani sa~NkShipet . 
tadA saha guNaistaistu pa~nchaviMsho vilIyate .. 15..\\
guNA guNeShu lIyante tadaikA prakR^itirbhavet . 
kShetraGYo.api yadA tAta tatkShetre sampralIyate .. 16..\\
tadAkSharatvaM prakR^itirgachchhate guNasa~nj~nitA . 
nirguNatva.n cha vaideha guNeShu prativartanAt .. 17..\\
evameva cha kShetraGYaH kShetraGYAnaparikShaye . 
prakR^ityA nirguNastveSha ityevamanushushruma .. 18..\\
kSharo bhavatyeSha yadA tadA guNavatIm atha . 
prakR^iti.n tvabhijAnAti nirguNatvaM tathAtmanaH .. 19..\\
tadA vishuddho bhavati prakR^iteH parivarjanAt . 
anyo.ahamanyeyamiti yadA budhyati buddhimAn .. 20..\\
tadaiSho.anyatvatAmeti na cha mishratvamAvrajet . 
prakR^ityA chaiva rAjendra na mishro.anyashcha dR^ishyate .. 21..\\
yadA tu guNajAla.n tatprAkR^ita.n vijugupsate . 
pashyate chAparaM pashya.n tadA pashyanna sa~njvaret .. 22..\\
kiM mayA kR^itametAvadyo.aha.n kAlamimaM janam . 
matsyo jAla.n hyaviGYAnAdanuvartitavA.nstathA .. 23..\\
ahameva hi saMmohAdanyamanya.n janA~n janam . 
matsyo yathodaka GYAnAdanuvartitavAniha .. 24..\\
matsyo.anyatva.n yathAGYAnAdudakAnnAbhimanyate . 
AtmAna.n tadvadaGYAnAdanyatvaM chaiva vedmyaham .. 25..\\
mamAstu dhigabuddhasya yo.ahaM magnamimaM punaH . 
anuvartitavAnmohAdanyamanya.n janAjjanam .. 26..\\
ayamatra bhavedbandhuranena saha mokShaNam . 
sAmyamekatvamAyAto yAdR^ishastAdR^ishastvaham .. 27..\\
tulyatAmiha pashyAmi sadR^isho.ahamanena vai . 
aya.n hi vimalo vyaktamahamIdR^ishakastathA .. 28..\\
yo.ahamaGYAnasaMmohAdaGYayA sampravR^ittavAn . 
sasa~NgayAhaM niHsa~NgaH sthitaH kAlamima.n tvaham .. 29..\\
anayAha.n vashIbhUtaH kAlametaM na buddhavAn . 
uchchamadhyamanIchAnA.n tAmahaM kathamAvase .. 30..\\
samAnayAnayA cheha saha vAsamaha.n katham . 
gachchhAmyabuddha bhAvatvAdeShedAnI.n sthiro bhave .. 31..\\
saha vAsaM na yAsyAmi kAlametaddhi va~nchanAt . 
va~nchito.asmyanayA yaddhi nirvikAro vikArayA .. 32..\\
na chAyamaparAdho.asyA aparAdho hyayaM mama . 
yo.ahamatrAbhava.n saktaH parA~NmukhamupasthitaH .. 33..\\
tato.asmi bahurUpAsu sthito mUrtiShvamUrtimAn . 
amUrtashchApi mUrtAtmA mamatvena pradharShitaH .. 34..\\
prakR^iteranayatvena tAsu tAsviha yoniShu . 
nirmamasya mamatvena ki.n kR^itaM tAsu tAsu cha . 
yonIShu vartamAnena naShTa sa~nj~nena chetasA .. 35..\\
na mamAtrAnayA kAryamaha~NkArakR^itAtmayA . 
AtmAnaM bahudhA kR^itvA yeyaM bhUyo yunakti mAm . 
idAnImeSha buddho.asmi nirmamo niraha~NkR^itaH .. 36..\\
mamatvamanayA nityamaha~NkArakR^itAtmakam . 
apetyAhamimA.n hitvA saMshrayiShye nirAmayam .. 37..\\
anena sAmya.n yAsyAmi nAnayAhamachetasA . 
kShamaM mama sahAnena naikatvamanayA saha . 
evaM paramasambodhAtpa~nchaviMsho.anubuddhavAn .. 38..\\
akSharatvaM niyachchheta tyaktvA kSharamanAmayam . 
avyakta.n vyaktadharmANaM saguNaM nirguNa.n tathA . 
nirguNaM prathama.n dR^iShTvA tAdR^igbhavati maithila .. 39..\\
akSharakSharayoretadukta.n tava nidarshanam . 
maheha GYAnasampanna.n yathA shrutinidarshanAt .. 40..\\
niHsandigdha.n cha sUkShmaM cha vibuddha.n vimalaM tathA . 
pravakShyAmi tu te bhUyastannibodha yathA shrutam .. 41..\\
sA~Nkhyayogau mayA proktau shAstradvayanidarshanAt . 
yadeva shAstra.n sA~NkhyoktaM yogadarshanameva tat .. 42..\\
prabodhanakara.n GYAnaM sA~NkhyAnAmavanI pate . 
vispaShTaM prochyate tatra shiShyANA.n hitakAmyayA .. 43..\\
bR^ihachchaiva hi tachchhAstramityAhuH kushalA janAH . 
asmiMshcha shAstre yogAnAM punardadhi punaH sharaH .. 44..\\
pa~nchaviMshatpara.n tattvaM na pashyati narAdhipa . 
sA~NkhyAnA.n tu paraM tatra yathAvadanuvarNitam .. 45..\\
buddhamapratibuddha.n cha budhyamAnaM cha tattvataH . 
budhyamAna.n cha buddhaM cha prAhuryoganidarshanam .. 46..\\
\medskip\hrule\medskip\centerline{\Largedvng 296}
 vasistha

aprabuddhamathAvyaktamima.n guNavidhi.n shR^iNu . 
guNAndhArayate hyeShA sR^ijatyAkShipate tathA .. 1..\\
ajasra.n tviha krIdArtha.n vikurvantI narAdhipa . 
AtmAnaM bahudhA kR^itvA tAnyeva cha vichakShate .. 2..\\
etadeva.n vikurvANAM budhyamAno na budhyate . 
avyaktabodhanAchchaiva budhyamAna.n vadantyapi .. 3..\\
na tveva budhyate.avyakta.n saguNaM vAtha nirguNam . 
kadA chittveva khalvetadAhuraprati buddhakam .. 4..\\
budhyate yadi vAvyaktametadvai pa~nchaviMshakam . 
budhyamAno bhavatyeSha sa~NgAtmaka iti shrutiH .. 5..\\
anenApratibuddheti vadantyavyaktamachyutam . 
avyaktabodhanAchchaiva budhyamAna.n vadantyupa .. 6..\\
pa~nchaviMshaM mahAtmAnaM na chAsAvapi budhyate . 
sadviMsha.n vimalaM buddhamaprameyaM sanAtanam .. 7..\\
satataM pa~nchavi.nsa.n cha chaturviMshaM cha budhyate . 
dR^ishyAdR^ishye hyanugatamubhAveva mahAdyutI .. 8..\\
avyaktaM na tu tadbrahma budhyate tAta kevalam . 
kevalaM pa~nchaviMsha.n cha chaturviMshaM na pashyati .. 9..\\
budhyamAno yadAtmAnamanyo.ahamiti manyate . 
tadA prakR^itimAneSha bhavatyavyaktalochanaH .. 10..\\
budhyate cha parAM buddhi.n vishuddhAmamalAM yadA . 
sadviMsho rAjashArdUla tadA buddhatvamAvrajet .. 11..\\
tatastyajati so.avyakta.n sarga pralaya dharmiNam . 
nirguNaH prakR^iti.n veda guNayuktAmachetanAm .. 12..\\
tataH kevaladharmAsau bhavatyavyaktadarshanAt . 
kevalena samAgamya vimukto.a.atmAnamApnuyAt .. 13..\\
etattattattvamityAhurnistattvamajarAmaram . 
tattvasaMshrayaNAdetattattvavanna cha mAnada . 
pa~nchaviMshati tattvAni pravadanti manIShiNaH .. 14..\\
na chaiSha tattvavA.nstAta nistattvastveSha buddhimAn . 
eSha mu~nchati tattva.n hi kShipraM buddhasya lakShaNam .. 15..\\
sadviMsho.ahamiti prAGYo gR^ihyamANo.ajarAmaraH . 
kevalena balenaiva samatA.n yAtyasaMshayam .. 16..\\
sadviMshena prabuddhena budhyamAno.apyabuddhimAn . 
etannAnAtvamityukta.n sA~NkhyashrutinidarshanAt .. 17..\\
chetanena sametasya pa~nchaviMshatikasya cha . 
ekatva.n vai bhavatyasya yadA buddhyA na budhyate .. 18..\\
budhyamAno.aprabuddhena samatA.n yAti maithila . 
sa~NgadharmA bhavatyeSha niHsa~NgAtmA narAdhipa .. 19..\\
niHsa~NgAtmAnamAsAdya sadviMshakamaja.n viduH . 
vibhustyajati chAvyakta.n yadA tvetadvibudhyate . 
chaturviMshamagAdha.n cha sadviMshasya prabodhanAt .. 20..\\
eSha hyapratibuddhashcha budhyamAnash cha te.anagha . 
prokto buddhashcha tattvena yathA shrutinidarshanAt . 
nAnAtvaikatvametAvaddraShTavya.n shAstradR^iShTibhiH .. 21..\\
mashakodumbare yadvadanyatva.n tadvadetayoH . 
matsyo.ambhasi yathA tadvadanyatvamupalabhyate .. 22..\\
evamevAvagantavyaM nAnAtvaikatvametayoH . 
etadvimokSha ityuktamavyaktaGYAnasa.nhitam .. 23..\\
pa~nchaviMshatikasyAsya yo.aya.n deheShu vartate . 
eSha mokShayitavyeti prAhuravyaktagocharAt .. 24..\\
so.ayameva.n vimuchyeta nAnyatheti vinishchayaH . 
pareNa paradharmA cha bhavatyeSha sametya vai .. 25..\\
vishuddhadharmA shuddhena buddhena cha sa buddhimAn . 
vimuktadharmA muktena sametya puruSharShabha .. 26..\\
niyoga dharmiNA chaiva niyogAtmA bhavatyapi . 
vimokShiNA vimokShashcha sametyeha tathA bhavet .. 27..\\
shuchi karmA shuchishchaiva bhavatyamitadIptimAn . 
vimalAtmA cha bhavati sametya vimalAtmanA .. 28..\\
kevalAtmA tathA chaiva kevalena sametya vai . 
svatantrashcha svatantreNa svatantratvamavApnute .. 29..\\
etAvadetatkathitaM mayA te 
tathyaM mahArAja yathArthatattvam . 
amatsaratvaM pratigR^ihya chArthaM 
sanAtanaM brahma vishuddhamAdyam .. 30..\\
na veda niShThasya janasya rAjan 
pradeyametatparama.n tvayA bhavet . 
vivitsamAnAya vibodha kArakaM 
prabodha hetoH pranatasya shAsanam .. 31..\\
na deyametachcha tathAnR^itAtmane 
shaThAya klIbAya na jihmabuddhaye . 
na paNDita GYAnaparupatApine 
deya.n tvayeda.n vinibodha yAdR^ishe .. 32..\\
shraddhAnvitAyAtha guNAnvitAya 
parApavAdAdviratAya nityam . 
vishuddhayogAya budhyAya chaiva 
kriyAvate.atha kShamiNe hitAya .. 33..\\
viviktashIlAya vidhipriyAya 
vivAdahInAya bahushrutAya . 
vijAnate chaiva na chAhitakShame 
dame cha shaktAya shame cha dehinAm .. 34..\\
etairguNairhInatame na deyam 
eta paraM brahma vishuddhamAhuH . 
na shreyasA yokShyate tAdR^ishe kR^itaM 
dharmapravaktAramapAtra dAnAt .. 35..\\
pR^ithivImimA.n yadyapi ratra pUrNAM 
dadyAnna deya.n tvidamavratAya . 
jitendriyAyaitadasaMshaya.n te 
bhavetpradeyaM paramaM narendra .. 36..\\
karAla mA te bhayamastu ki.n chid 
etachchhrutaM brahma para.n tvayAdya . 
yathAvaduktaM paramaM pavitraM 
niHshokamatyantamanAdimadhyam .. 37..\\
agAdha janmAmaraNa.n cha rAjan 
nirAmaya.n vItabhayaM shiva.n cha . 
samIkShya moha.n tyaja chAdya sarvaM 
GYAnasya tattvArthamida.n viditvA .. 38..\\
avAptametaddhi purA sanAtanAd 
dhiraNyagarbhAdgadato narAdhipa . 
prasAdya yatnena tamUgratejasaM 
sanAtanaM brahma yathA dya vai tvayA .. 39..\\
pR^iShThastvayA chAsmi yathA narendra 
tathA mayeda.n tvayi choktamadya . 
tathAvAptaM brahmaNo me narendra 
mahajGYAnaM mokShavidAM purANam .. 40..\\

 bhii

etaduktaM paraM brahma yasmAnnAvartate punaH . 
pa~nchaviMsho mahArAja paramarShinidarshanAt .. 41..\\
punarAvR^ittimApnoti para.n GYAnamavApya cha . 
nAvabudhyati tattvena budhyamAno.ajarAmaraH .. 42..\\
etanniHshreyasakara.n GYAnAnA.n te paraM mayA . 
kathita.n tattvatastAta shrutvA devarShito nR^ipa .. 43..\\
hiraNyagarbhAdR^iShiNA vasiShThena mahAtmanA . 
vasiShThAdR^iShishArdUlAnnArado.avAptavAnidam .. 44..\\
nAradAdviditaM mahyametadbrahma sanAtanam . 
mA shuchaH kauravendra tva.n shrutvaitatparamaM padam .. 45..\\
yena kSharAkShare vitte na bhaya.n tasya vidyate . 
vidyate tu bhaya.n tasya yo naitadvetti pArthiva .. 46..\\
aviGYAnAchcha mUDhAtmA punaH punarupadravan . 
pretya jAtisahasrANi maraNAntAnyupAshnute .. 47..\\
devaloka.n tathA tirya~NmAnuShyamapi chAshnute . 
yadi shudhyati kAlena tasmAdaGYAnasAgarAt .. 48..\\
aGYAnasAgaro ghoro hyavyakto.agAdha uchyate . 
ahanyahani majjanti yatra bhUtAni bhArata .. 49..\\
yasmAdagAdhAdavyaktAduttIrNastva.n sanAtanAt . 
tasmAttva.n virajAshchaiva vitamaskashcha pArthiva .. 50..\\
\medskip\hrule\medskip\centerline{\Largedvng 297}
 bhii

mR^igayA.n vicharankashchidvijane janakAtmajaH . 
vane dadarsha viprendramR^iShi.n vaMshadharaM bhR^igoH .. 1..\\
tamAsInamupAsInaH pranamya shirasA munim . 
pashchAdanumatastena paprachchha vasumAnidam .. 2..\\
bhagavankimida.n shreyaH pretya vApIha vA bhavet . 
puruShasyAdhruve dehe kAmasya vashavartinaH .. 3..\\
satkR^itya paripR^iShTaH sansumahAtmA mahAtapaH . 
nijagAda tatastasmai shreyaskaramida.n vachaH .. 4..\\
manaso.apratikUlAni pretya cheha cha vA~nchhasi . 
bhUtAnAM pratikUlebhyo nirvartasva yatendriyaH .. 5..\\
dharmaH satA.n hitaH pu.nsA.n dharmashchaivAshrayaH satAm . 
dharmAllokAstrayastAta pravR^ittAH sacharAcharAH .. 6..\\
svAdu kAmuka kAmAnA.n vaitR^iShNya.n kiM na gachchhasi . 
madhu pashyasi durbuddhe prapAtaM nAnupashyasi .. 7..\\
yathA GYAne parichayaH kartavyastatphalArthinA . 
tathA dharme parichayaH kartavyastatphalArthinA .. 8..\\
asatA dharmakAmena vishuddha.n karma duShkaram . 
satA tu dharmakAmena sukara.n karma duShkaram .. 9..\\
vane grAmyasukhAchAro yathA grAmyastathaiva saH . 
grAme vanasukhAchAro yathA vanacharastathA .. 10..\\
mano vAkkarmake dharme kuru shraddhA.n samAhitaH . 
nivR^ittau vA pravR^ittau vA sampradhArya guNAguNAn .. 11..\\
nitya.n cha bahu dAtavya.n sAdhubhyashchAnasUyatA . 
prArthita.n vratashauchAbhyAM satkR^ita.n deshakAlayoH .. 12..\\
shubhena vidhinA labdhamarhAya pratipAdayet . 
krodhamutsR^ijya dattvA cha nAnutapyenna kIrtayet .. 13..\\
anR^isha.nsaH shuchirdAntaH satyavAgArjave sthitaH . 
yonikarma vishuddhashcha pAtra.n syAdvedaviddvijaH .. 14..\\
satkR^itA chaikapatnI cha jAtyA yoniriheshyate . 
R^idyajuH sAmago vidvAnsaH karmA pAtramuchyate .. 15..\\
sa eva dharmaH so.adharmasta.n taM pratinaraM bhavet . 
pAtrakarma visheSheNa deshakAlAvavekShya cha .. 16..\\
lIlayAla.n yathA gAtrAtpramR^ijyAdrajasaH pumAn . 
bahu yatnena mahatA pApanirharana.n tathA .. 17..\\
viraktasya yathA samyagghR^itaM bhavati bheShajam . 
tathA nirhR^ita doShasya pretya dharmaH sukhAvahaH .. 18..\\
mAnasa.n sarvabhUteShu vartate vai shubhAshubhe . 
ashubhebhyaH samAkShipya shubheShvevAvatArayet .. 19..\\
sarva.n sarveNa sarvatra kriyamANa.n cha pUjaya . 
svadharme yatra rAgaste kAma.n dharmo vidhIyatAm .. 20..\\
adhR^itAtmandhR^itau tiShTha durbuddhe buddhimAnbhava . 
aprashAnta prashAmya tvamaprAGYa prAGYavachchara .. 21..\\
tejasA shakyate prAptumupAyasaha chAriNA . 
iha cha pretya cha shreyastasya mUla.n dhR^itiH parA .. 22..\\
rAjarShiradhR^itiH svargAtpatito hi mahAbhiShaH . 
yayAti kShINapuNyashcha dhR^ityA lokAnavAptavAn .. 23..\\
tapasvinA.n dharmavatA.n viduShAM chopasevanAt . 
prApsyase vipulAM buddhi.n tathA shreyo.abhipatsyase .. 24..\\
sa tu svabhAvasampannastachchhrutvA munibhAsitam . 
vinivartya manaH kAmAddharme buddhi.n chakAra ha .. 25..\\
\medskip\hrule\medskip\centerline{\Largedvng 298}
 y

dharmAdharmavimukta.n yadvimuktaM sarvasaMshrayAt . 
janmamR^ityuvimukta.n cha vimuktaM puNyapApayoH .. 1..\\
yachchhivaM nityamabhayaM nitya.n chAkSharamavyayam . 
shuchi nityamanAyAsa.n tadbhavAnvaktumarhati .. 2..\\

 bhii

atra te vartayiShye.ahamitihAsaM purAtanam . 
yAGYavalkyasya sa.nvAda.n janakasya cha bhArata .. 3..\\
yAGYavalkyamR^iShishreShTha.n daivarAtirmayA yashaH . 
paprachchha janako rAjA prashnaM prashnavidA.n varaH .. 4..\\
katIndriyANi viprarShe kati prakR^itayaH smR^itAH . 
kimavyaktaM paraM brahma tasmAchcha paratastu kim .. 5..\\
prabhava.n chApyayaM chaiva kAlasa~NkhyAM tathaiva cha . 
vaktumarhasi viprendra tvadanugraha kA~NkShiNaH .. 6..\\
aGYAnAtparipR^ichchhAmi tva.n hi GYAnamayo nidhiH . 
tadaha.n shrotumichchhAmi sarvametadasaMshayam .. 7..\\

 yaa

shrUyatAmavanI pAla yadetadanupR^ichchhasi . 
yogAnAM parama.n GYAnaM sA~NkhyAnA.n cha visheShataH .. 8..\\
na tavAvidita.n kiM chinmAM tu jiGYAsate bhavAn . 
pR^iShTena chApi vaktavyameSha dharmaH sanAtanaH .. 9..\\
astau prakR^itayaH proktA vikArAshchApi sodasha . 
atha sapta tu vyaktAni prAhuradhyAtmachintakAH .. 10..\\
avyakta.n cha mahAMshchaiva tathAha~NkAra eva cha . 
pR^ithivI vAyurAkAshamApo jyotishcha pa~nchamam .. 11..\\
etAH prakR^itayastvastau vikArAnapi me shR^iNu . 
shrotra.n tvakchaiva chakShushcha jihvA ghrANaM cha pa~nchamam .. 12..\\
shabdasparshau cha rUpa.n cha raso gandhastathaiva cha . 
vAkcha hastau cha pAdau cha pAyurmedhra.n tathaiva cha .. 13..\\
ete visheShA rAjendra mahAbhUteShu pa~nchasu . 
buddhIndriyANyathaitAni savisheShANi maithila .. 14..\\
manaH sodashakaM prAhuradhyAtmagatichintakAH . 
tva.n chaivAnye cha vidvA.nsastattvabuddhivishAradAH .. 15..\\
avyaktAchcha mahAnAtmA samutpadyati pArtiva . 
prathama.n sargamityetadAhuH prAdhAnikaM budhAH .. 16..\\
mahatashchApyaha~NkAra utpadyati narAdhipa . 
dvitIya.n sargamityAhuretadbuddhyAtmakaM smR^itam .. 17..\\
aha~NkArAchcha sambhUtaM mano bhUtaguNAtmakam . 
tR^itIyaH sarga ityeSha Aha~NkArika uchyate .. 18..\\
manasastu samudbhUtA mahAbhUtA narAdhipa . 
chaturtha.n sargamityetanmAnasaM parichakShate .. 19..\\
shabdaH sparshashcha rUpa.n cha raso gandhastathaiva cha . 
pa~nchama.n sargamityAhurbhautikaM bhUtachintakAH .. 20..\\
shrotra.n tvakchaiva chakShushcha jihvA ghrANaM cha pa~nchamam . 
sarga.n tu sasthamityAhurbahu chintAtmaka.n smR^itam .. 21..\\
adhaH shrotrendriya grAma utpadyati narAdhipa . 
saptama.n sargamityAhuretadaindriyakaM smR^itam .. 22..\\
UrdhvasrotastathA tiryagutpadyati narAdhipa . 
astama.n sargamityAhuretadArjavakaM budhAH .. 23..\\
tiryaksrotastvadhaH srota utpadyati narAdhipa . 
navama.n sargamityAhuretadArjavakaM budhAH .. 24..\\
etAni nava sargANi tattvAni cha narAdhipa . 
chaturviMshatiruktAni yathA shrutinidarshanAt .. 25..\\
ata UrdhvaM mahArAja guNasyaitasya tattvataH . 
mahAtmabhiranuproktA.n kAlasa~NkhyAM nibodha me .. 26..\\
\medskip\hrule\medskip\centerline{\Largedvng 299}
 yaajnavalkya

avyaktasya narashreShTha kAlasa~NkhyAM nibodha me . 
pa~ncha kalpasahasrANi dviguNAnyaharuchyate .. 1..\\
rAtriretAvatI chAsya pratibuddho narAdhipa . 
sR^ijatyoShadhimevAgre jIvana.n sarvadehinAm .. 2..\\
tato brahmANamasR^ijaddhairaNyAnda samudbhavam . 
sA mUrtiH sarvabhUtAnAmityevamanushushruma .. 3..\\
sa.nvatsaramuShitvAnde niShkramya cha mahAmuniH . 
sandadhe.ardhaM mahI.n kR^itsnAM divamardhaM prajApatiH .. 4..\\
dyAvApR^ithivyorityeSha rAjanvedeShu pathyate . 
tayoH shakalayormadhyamAkAshamakarotprabhuH .. 5..\\
etasyApi cha sa~NkhyAna.n vedavedA~NgapAragaiH . 
dasha kalpasahasrANi pAdonAnyaharuchyate . 
rAtrimetAvatI.n chAsya prAhuradhyAtmachintakAH .. 6..\\
sR^ijatyaha~NkAramR^iShirbhUta.n divyAtmakaM tathA . 
chaturashchAparAnputrAndehAtpUrvaM mahAnR^iShiH . 
te vai pitR^ibhyaH pitaraH shrUyante rAjasattama .. 7..\\
devAH pitR^INA.n cha sutA devairlokAH samAvR^itAH . 
charAcharA narashreShTha ityevamanushushruma .. 8..\\
parameShThI tvaha~NkAro.asR^ijadbhUtAni pa~nchadhA . 
pR^ithivI vAyurAkAshamApo jyotishcha pa~nchamam .. 9..\\
etasyApi nishAmAhustR^itIyamiha kurvataH . 
pa~ncha kalpasahasrANi tAvadevAharuchyate .. 10..\\
shabdaH sparshashcha rUpa.n cha raso gandhashcha pa~nchamaH . 
ete visheShA rAjendra mahAbhUteShu pa~nchasu . 
yairAviShTAni bhUtAni ahanyahani pArthiva .. 11..\\
anyonya.n spR^ihayantyete anyonyasya hite ratAH . 
anyonyamabhimanyante anyonyaspardhinastathA .. 12..\\
te vadhyamAnA anyonya.n guNairhAribhiravyayAH . 
ihaiva parivartante tiryagyonipraveshinaH .. 13..\\
trINi kalpasahasrANi eteShAm aharuchyate . 
ratriretAvatI chaiva manasashcha narAdhipa .. 14..\\
manashcharati rAjendra charita.n sarvamindriyaiH . 
na chendriyANi pashyanti mana evAtra pashyati .. 15..\\
chakShuH pashyati rUpANi manasA tu na chakShuShA . 
manasi vyAkule chakShuH pashyannapi na pashyati . 
tathendriyANi sarvANi pashyantItyabhichakShate .. 16..\\
manasyuparate rAjannindriyoparamo bhavet . 
na chendriyavyuparame manasyuparamo bhavet . 
evaM manaH pradhAnAni indriyANi vibhAvayet .. 17..\\
indriyANA.n hi sarveShAmIshvaraM mana uchyate . 
etadvishanti bhUtAni sarvANIha mahAyashaH .. 18..\\
\medskip\hrule\medskip\centerline{\Largedvng 300}
 yaa

tattvAnA.n sarga sa~NkhyA cha kAlasa~NkhyA tathaiva cha . 
mayA proktAnupUrvyeNa sa.nhAramapi me shR^iNu .. 1..\\
yathA sa.nharate jantUnsasarja cha punaH punaH . 
anAdinidhano brahmA nityashchAkShara eva cha .. 2..\\
ahaH kShayamatho buddhvA nishi svapnamanAstathA . 
chodayAmAsa bhavagAnavyakto.aha.n kR^itaM naram .. 3..\\
tataH shatasahasrAMshuravyaktenAbhichoditaH . 
kR^itvA dvAdashadhAtmAnamAdityo jvaladagnivat .. 4..\\
chaturvidhaM prajA jAlaM nirdahatyAshu tejasA . 
jarAyvanda svedajAtamudbhijja.n cha narAdhipa .. 5..\\
etadunmeSha mAtreNa viniShTa.n sthAnu ja~Ngamam . 
kUrmapR^iShThasamA bhUmirbhavatyatha samantataH .. 6..\\
jagaddagdhvAmita balaH kevala.n jagatIM tataH . 
ambhasA balinA kShipramApUryata samantataH .. 7..\\
tataH kAlAgnimAsAdya tadambho yAti sa~NkShayam . 
vinaste.ambhasi rAjendra jAjvalItyanalo mahA .. 8..\\
tamaprameyo.atibala.n jvalamAna.n vibhAvasum . 
UShmAna.n sarvabhUtAnAM saptArchiShamathA~njasA .. 9..\\
bhakShayAmAsa balavAnvAyurastAtmako balI . 
vicharannamitaprANastiryagUrdhvamadhastathA .. 10..\\
tamapratibalaM bhImamAkAsha.n grasate.a.atmanA . 
AkAshamapyatinadanmano grasati chArikam .. 11..\\
mano grasati sarvAtmA so.aha~NkAraH prajApatiH . 
aha~NkAraM mahAnAtmA bhUtabhavya bhaviShyavit .. 12..\\
tamapyanupamAtmAna.n vishvaM shambhaH prajApatiH . 
animA laghimA prAptirIshAno jyotiravyayaH .. 13..\\
sarvataH pAni pAdAntaH sarvato.akShishiromukhaH . 
sarvataH shrutimA.Nlloke sarvamAvR^itya tiShThati .. 14..\\
hR^idaya.n sarvabhUtAnAM parvaNo.a~NguShTha mAtrakaH . 
anugrasatyananta.n hi mahAtmA vishvamIshvaraH .. 15..\\
tataH samabhavatsarvamakShayAvyayamavraNam . 
bhUtabhavya manuShyANA.n sraShTAramanagha.n tathA .. 16..\\
eSho.apyayaste rAjendra yathAvatparibhAsitaH . 
adhyAtmamadhibhUta.n cha adhidaivaM cha shrUyatAm .. 17..\\
\medskip\hrule\medskip\centerline{\Largedvng 301}
 yaa

pAdAvadhyAtmamityAhurbrAhmaNAstattvadarshinaH . 
gantavyamadhibhUta.n cha viShNustatrAdhidaivatam .. 1..\\
pAyuradhyAtmamityAhuryathAtattvArtha darshinaH . 
visargamadhibhUta.n cha mitrastatrAdhidaivatam .. 2..\\
upastho.adhyAtmamityAhuryathAyoganidarshanam . 
adhibhUta.n tathAnando daivataM cha prajApatiH .. 3..\\
hastAvadhyAtmamityAhuryathA sA~Nkhyanidarshanam . 
kartavyamadhibhUta.n tu indrastatrAdhidaivatam .. 4..\\
vAgadhyAtmamiti prAhuryathA shrutinidarshanam . 
vaktavyamadhibhUta.n tu vahnistatrAdhidaivatam .. 5..\\
chakShuradhyAtmamityAhuryathA shrutinidarshanam . 
rUpamatrAdhibhUta.n tu sUryastatrAdhidaivatam .. 6..\\
shrotramadhyAtmamityAhuryathA shrutinidarshanam . 
shabdastatrAdhibhUta.n tu dishastatrAdhidaivatam .. 7..\\
jihvAmadhyAtmamityAhuryathAtattvanidarshanam . 
rasa evAdhibhUta.n tu ApastatrAdhidaivatam .. 8..\\
ghrANamadhyAtmamityAhuryathA shrutinidarshanam . 
gandha evAdhibhUta.n tu pR^ithivI chAdhidaivatam .. 9..\\
tvagadhyAtmamiti prAhustattvabuddhivishAradAH . 
sparsha evAdhibhUta.n tu pavanashchAdhidaivatam .. 10..\\
mano.adhyAtmamiti prAhuryathA shrutinidarshanam . 
mantavyamadhibhUta.n tu chandramAshchAdhidaivatam .. 11..\\
aha~NkArikamadhyAtmamAhustattvanidarshanam . 
abhimAno.adhibUta.n tu bhavastatrAdhidaivatam .. 12..\\
buddhiradhyAtmamityAhuryathA veda nidarshanam . 
boddhavyamadhibhUta.n tu kShetraGYo.atrAdhidaivatam .. 13..\\
eShA te vyaktato rAjanvibhUtiranuvarNitA . 
Adau madhye tathA chAnte yathAtattvena tattvavit .. 14..\\
prakR^itirguNAnvikurute svachchhandenAtma kAmyayA . 
krIdArtha.n tu mahArAja shatasho.atha sahasrashaH .. 15..\\
yathA dIpasahasrANi dIpAnmarthAyprakurvate . 
prakR^itistathA vikurute puruShasya guNAnbahUn .. 16..\\
sattvamAnanda udrekaH prItiH prAkAshyameva cha . 
sukha.n shuddhitvamArogyaM santoShaH shraddadhAnatA .. 17..\\
akArpaNyamasa.nrambhaH kShamA dhR^itirahi.nsatA . 
samatA satyamAnR^iNyaM mArdava.n hrIrachApalam .. 18..\\
shauchamArjavamAchAramalaulya.n hR^idya sambhramaH . 
iShTAniShTa viyogAnA.n kR^itAnAm avikatthanam .. 19..\\
dAnena chAnugrahaNamaspR^ihArthe parArthatA . 
sarvabhUtadayA chaiva sattvasyaite guNAH smR^itAH .. 20..\\
rajoguNAnA.n sa~NghAto rUpamaishvaryavigrahe . 
atyAshitvamakAruNya.n sukhaduHkhopasevanam .. 21..\\
parApavAdeShu ratirvivAdAnA.n cha sevanam . 
aha~NkArastvasatkArashchaintA vairopasevanam .. 22..\\
paritApo.apaharaNa.n hrInAsho.anArjava.n tathA . 
bhedaH paruShatA chaiva kAmakrodhau madastathA . 
darpo dveSho.ativAdashcha ete proktA rajoguNAH .. 23..\\
tAmasAnA.n tu sa~NghAtaM pravakShyAmyupadhAryatAm . 
moho.aprakAshastAmisramandhatAmisra sa~nj~nitam .. 24..\\
maraNa.n chAndhatAmisraM tAmisraM krodha uchyate . 
tamaso lakShaNAnIha bhakShANAm abhirochanam .. 25..\\
bhojanAnAnaparyAptistathA peyeShvatR^iptatA . 
gandhavAso vihAreShu shayaneShvAsaneShu cha .. 26..\\
divA svapne vivAde cha pramAdeShu cha vai ratiH . 
nR^ityavAditragItAnAmaGYAnAchchhraddadhAnatA . 
dveSho dharmavisheShANAmete vai tAmasA guNAH .. 27..\\
\medskip\hrule\medskip\centerline{\Largedvng 302}
 yaa

ete pradhAnasya guNAstrayaH puruShasattama . 
kR^itsnasya chaiva jagatastiShThantyanapagAH sadA .. 1..\\
shatadhA sahasradhA chaiva tathA shatasahasradhA . 
kotishashcha karotyeSha pratyagAtmAnamAtmanA .. 2..\\
sAttvikasyottama.n sthAnaM rAjasasyeha madhyamam . 
tAmasasyAdhama.n sthAnaM prAhuradhyAtmachintakAH .. 3..\\
kelaveneha puNyena gatimUrdhvAmavApnuyAt . 
puNyapApenamAnuShyamadharmeNApyadho gatim .. 4..\\
dvandvameShA.n trayANAM tu saMnipAtaM cha tattvataH . 
sattvasya rajasashchaiva tamasashcha shR^iNuShva me .. 5..\\
sattvasya tu rajo dR^iShTa.n rajasashcha tamastathA . 
tamasashcha tathA sattva.n sattvasyAvyaktameva cha .. 6..\\
avyaktasattvasa.nyukto devalokamavApnuyAt . 
rajaH sattvasamAyukto manuShyeShUpapadyate .. 7..\\
rajastamo bhyA.n sa.nyuktastiryagyoniShu jAyate . 
rajastAmasasattvaishcha yukto mAnuShyamApnuyAt .. 8..\\
puNyapApaviyuktAnA.n sthAnamAhurmanIsinAm . 
shAsvata.n chAvyayaM chaiva akSharaM chAbhayaM cha yat .. 9..\\
GYAninA.n sambhavaM shreShThaM sthAnamavraNamachyutam . 
atIndriyamabIla.n cha janmamR^ityutamo nudam .. 10..\\
avyaktasthaM para.n yattatpR^iShThaste.ahaM narAdhipa . 
sa eSha prakR^itiShTho hi tasthurityabhidhIyate .. 11..\\
achetanashchaiSha mataH prakR^itiShThashcha pArthiva . 
etenAdhiShThitashchaiva sR^ijate sa.nharatyapi .. 12..\\

 janaka

anAdinidhanAvetAvubhAveva mahAmune . 
amUrtimantAvachalAvaprakampyau cha nirvranau .. 13..\\
agrAhyAvR^iShishArdUla kathameko hyachetanaH . 
chetanAvA.nstathA chaikaH kShetraGYa iti bhAsitaH .. 14..\\
tva.n hi viprendra kArtsnyena mokShadharmamupAsase . 
sAkalyaM mokShadharmasya shrotumichchhAmi tattvataH .. 15..\\
astitva.n kevalatvaM cha vinA bhAvaM tathaiva cha . 
tathaivotkramaNa sthAna.n dehino.api viyujyataH .. 16..\\
kAlena yaddhi prApnoti sthAna.n tadbrUhi me dvija . 
sA~NkhyaGYAna.n cha tattvena pR^itha yogaM tathaiva cha .. 17..\\
ariShTAni cha tattvena vaktumarhasi sattama . 
vidita.n sarvametatte pAnAvAmalakaM yathA .. 18..\\
\medskip\hrule\medskip\centerline{\Largedvng 303}
 yaa

na shakyo nirguNastAta guNI kartu.n vishAM pate . 
guNavAMshchApyaguNavAnyathAtattvaM nibodha me .. 1..\\
guNairhi guNavAneva nirguNashchAguNastathA . 
prAhurevaM mahAtmAno munayastattvadarshinaH .. 2..\\
guNasvabhAvastvavyakto guNAnevAbhivartate . 
upayu~Nkte cha tAneva sa chaivAGYaH svabhAvataH .. 3..\\
avyaktastu na jAnIte puruSho GYaH svabhAvataH . 
na mattaH paramastIti nityamevAbhimanyate .. 4..\\
anena kAraNenaitadavyakta.n syAdachetanam . 
nityatvAdakSharatvAchcha kSharANA.n tattvato.anyathA .. 5..\\
yadAGYAnena kurvIta guNasargaM punaH punaH . 
yadAtmAnaM na jAnIte tadAvyaktamihochyate .. 6..\\
kartR^itvAchchApi tattvAnA.n tattvadharmI tathochyate . 
kartR^itvAchchaiva yonInA.n yonidharmA tathochyate .. 7..\\
kartR^itvAtprakR^itInA.n tu tathA prakR^itidharmitA . 
kartR^itvAchchApi bIjAnAM bIjadharmI tathochyate .. 8..\\
guNAnAM prasavatvAchcha tathA prasava dharmavAn . 
kartR^itvAtpralayAnA.n cha tathA pralaya dharmitA .. 9..\\
bIlatvAtprakR^ititvAchcha pralayatvAttathaiva cha . 
upekShakatvAdanyatvAdabhimAnAchcha kevalam .. 10..\\
manyante yatayaH shuddhA adhyAtmavigatajvarAH . 
anityaM nityamavyaktamevametaddhi shushruma .. 11..\\
avyaktaikatvamityAhurnAnAtvaM puruShastathA . 
sarvabhUtadayAvantaH kevala.n GYAnamAsthitAH .. 12..\\
anyaH sa puruSho.avyaktastvadhruvo dhruvasa~nj~nikaH . 
yathA mu~nja iShIkAyAstathaivaitaddhi jAyate .. 13..\\
anya.n cha mashaka.n vidyAdanyachchodumbaraM tathA . 
na chodumbara sa.nyogairmashakastatra lipyate .. 14..\\
anya eva tathA matsyastathAnyadudaka.n smR^itam . 
na chodakasya sparshena matsyo lipyati sarvashaH .. 15..\\
anyo hyagnirukhApyanyA nityamevamavaihi bhoH . 
na chopalipyate so.agnirukhA sa.nsparshanena vai .. 16..\\
puShkara.n tvanyadevAtra tathAnyadudaka.n smR^itam . 
na chodakasya sparshena lipyate tatra puShkaram .. 17..\\
eteShA.n saha sa.nvAsaM vivAsa.n chaiva nityashaH . 
yathAtathainaM pashyanti na nityaM prAkR^itA janAH .. 18..\\
ye tvanyathaiva pashyanti na samyakteShu darshanam . 
te vyaktaM niraya.n ghoraM pravishanti punaH punaH .. 19..\\
sA~Nkhyadarshanametatte parisa~NkhyAtamuttamam . 
eva.n hi parisa~NkhyAya sA~NkhyAH kevalatA.n gatAH .. 20..\\
ye tvanye tattvakushalAsteShAmetannidarshanam . 
ataH paraM pravakShyAmi yogAnAmapi darshanam .. 21..\\
\medskip\hrule\medskip\centerline{\Largedvng 304}
 yaa

sA~NkhyaGYAnaM mayA prokta.n yogaGYAnaM nibodha me . 
yathA shruta.n yathAdR^iShTa.n tattvena nR^ipasattama .. 1..\\
nAsti sA~Nkya sama.n GYAnaM nAsti yogasamaM balam . 
tAvubhAvekacharyau tu ubhAvanidhanau smR^itau .. 2..\\
pR^ithakpR^ithaktu pashyanti ye.alpabuddhiratA narAH . 
vaya.n tu rAjanpashyAma ekameva tu nishchayAt .. 3..\\
yadeva yogAH pashyanti tatsA~Nkhyairapi dR^ishyate . 
eka.n sA~Nkya.n cha yogaM cha yaH pashyati sa tattvavit .. 4..\\
rudra pradhAnAnaparAnviddhi yogAnparantapa . 
tenaiva chAtha dehena vicharanti disho dasha .. 5..\\
yAvaddhi pralayastAta sUkShmeNAsta guNena vai . 
yogena lokAnvicharansukha.n saMnyasya chAnagha .. 6..\\
vedeShu chAsta guNita.n yogamAhurmanIShiNaH . 
sUkShmamastaguNaM prAhurnetaraM nR^ipasattama .. 7..\\
dviguNa.n yogakR^itya.n tu yogAnAM prAhuruttamam . 
saguNaM nirguNa.n chaiva yathAshAstranidarshanam .. 8..\\
dhAraNA chaiva manasaH prANAyAmashcha pArthiva . 
prANAyAmo hi saguNo nirguNa.n dhAraNaM manaH .. 9..\\
yatra dR^ishyeta mu~nchanvai prANAnmaithila sattama . 
vAtAdhikyaM bhavatyeva tasmAddhi na samAcharet .. 10..\\
nishAyAH prathame yAme chodanA dvAdasha smR^itAH . 
madhye suptvA pare yAme dvAdashaiva tu chodanAH .. 11..\\
tadevamupashAntena dAntenaikAnta shIlanA . 
AtmArAmeNa buddhena yoktavyo.a.atmA na saMshayaH .. 12..\\
pa~nchAnAmindriyANA.n tu doShAnAkShipya pa~nchadhA . 
shabda.n sparsha.n tathArUpaM rasaM gandhaM tathaiva cha .. 13..\\
pratibhAmapavarga.n cha pratisa.nhR^itya maithila . 
indriyagrAmamakhilaM manasyabhiniveshya ha .. 14..\\
manastathaivAha~NkAre pratiShThApya narAdhipa . 
aha~NkAra.n tathA buddhau buddhiM cha prakR^itAvapi .. 15..\\
eva.n hi parisa~NkhyAya tato dhyAyeta kevalam . 
virajaska malaM nityamananta.n shuddhamavraNam .. 16..\\
tasthuShaM puruSha.n sattvamabhedyamajarAmaram . 
shAshvata.n chAvyayaM chaiva IshAnaM brahma chAvyayam .. 17..\\
yuktasya tu mahArAja lakShaNAnyupadhArayet . 
lakShaNa.n tu prasAdasya yathA tR^iptaH sukha.n svapet .. 18..\\
nivAte tu yathA dIpo jvaletsnehasamanvitaH . 
nishchalordhva shikhastadvadyuktamAhurmanIShiNaH .. 19..\\
pAShANa iva meghotthairyathA bindubhirAhataH . 
nAla.n chAlayitu.n shakyastathAyuktasya lakShaNam .. 20..\\
sha~NkhadundubhinirghoShairvividhairgItavAditaiH . 
kriyamANairna kampeta yuktasyaitannidarshanam .. 21..\\
tailapAtra.n yathA pUrNa.n karAbhyAM gR^ihya pUruShaH . 
sopAnamAruhedbhItastarjyamAno.asi pAnibhiH .. 22..\\
sa.nyatAtmA bhayAtteShAM na pAtrAdbindumutsR^ijet . 
tathaivottaramANasya ekAgramanasastathA .. 23..\\
sthiratvAdindriyANA.n tu nishchalatvAttathaiva cha . 
eva.n yuktasya tu munerlakShaNAnyupadhArayet .. 24..\\
sa yuktaH pashyati brahma yattatparamamavyayam . 
mahatastamaso madhye sthita.n jvalanasaMnibham .. 25..\\
etena kevala.n yAti tyaktvA dehamasAkShikam . 
kAlena mahatA rAja~nshrutireShA sanAtanI .. 26..\\
etaddhi yoga.n yogAnA.n kimanyadyogalakShaNam . 
viGYAya taddhi manyante kR^itakR^ityA manIShiNaH .. 27..\\
\medskip\hrule\medskip\centerline{\Largedvng 305}
 yaa

tathaivotkramamANa.n tu shR^iNuShvAvahito nR^ipa . 
padbhyAmutkramamANasya vaiShnava.n sthAnamuchyate .. 1..\\
ja~NghAbhyA.n tu vasUndevAnApnuyAditi naH shrutam . 
jAnubhyA.n cha mahAbhAgAndevAnsAdhyAnavApnuyAt .. 2..\\
pAyunotkramamANastu maitra.n sthAnamavApnuyAt . 
pR^ithivI.n jaghanenAtha UrubhyAM tu prajApatim .. 3..\\
pArshvAbhyAM maruto devAnnAsAbhyAm indumeva cha . 
bAhubhyAmindramityAhururasA rudrameva cha .. 4..\\
grIvAyAstamR^iShishreShThaM naramApnotyanuttamam . 
vishve devAnmukhenAtha dishaH shrotreNa chApnuyAt .. 5..\\
ghrANena gandhavahanaM netrAbhyA.n sUryameva cha . 
bhrUbhyA.n chaivAshvinau devau lalAtena pitR^Inatha .. 6..\\
brahmANamApnoti vibhuM mUrdhnA devAgraja.n tathA . 
etAnyutkramaNa sthAnAnyuktAni mithileshvara .. 7..\\
ariShTAni tu vakShyAmi vihitAni manIsibhiH . 
sa.nvatsaraviyogasya sambhaveyuH sharIriNaH .. 8..\\
yo.arundhatIM na pashyeta dR^iShTapUrvA.n kadA chana . 
tathaiva dhruvamityAhuH pUrNendu.n dIpameva cha . 
khaNDAbhAsa.n dakShiNataste.api sa.nvatsarAyuShaH .. 9..\\
parachakShuShi chAtmAna.n ye na pashyanti pArthiva . 
AtmachhAyA kR^itI bhUta.n te.api sa.nvatsarAyuShaH .. 10..\\
atidyutiratipraGYA apraGYA chAdyutistathA . 
prakR^itervikriyApattiH so mAsAnmR^ityulakShaNam .. 11..\\
daivatAnyavajAnAti brAhmaNaish cha virudhyate . 
kR^iShNa shyAva chhavi chhAyaH so mAsAnmR^ityulakShaNam .. 12..\\
shIrNanAbhi yathA chakra.n chhidra.n somaM prapashyati . 
tathaiva cha sahasrAMshu.n saptarAtreNa mR^ityubhAj .. 13..\\
shavagandhamupAghrAti surabhiM prApya yo naraH . 
devatAyatanasthastu so rAtreNa sa mR^ityubhAj .. 14..\\
karNanAsAvanamana.n dantadR^iShTivirAgitA . 
sa~nj~nA lopo nirUsmatva.n sadyo mR^ityunidarshanam .. 15..\\
akasmAchcha sravedyasya vAmamakShinarAdhipa . 
mUrdhatashchotpateddhUmaH sadyo mR^ityunidarshanam .. 16..\\
etAvanti tvariShTAni viditvA mAnavo.a.atmavAn . 
nishi chAhani chAtmAna.n yojayetparamAtmani .. 17..\\
pratIkShamANastatkAla.n yatkAlaM prati tadbhavet . 
athAsya neShTaM maraNa.n sthAtumichchhedimA.n kriyAm .. 18..\\
sarvagandhAnrasAMshchaiva dhArayeta samAhitaH . 
tathA hi mR^ityu.n jayati tatpareNAntarAtmanA .. 19..\\
sasA~Nkhya dhAraNa.n chaiva viditvA manujarShabha . 
jayechcha mR^ityu.n yogena tatpareNAntarAtmanA .. 20..\\
gachchhetprApyAkShaya.n kR^itsnamajanma shivamavyayam . 
shAshvata.n sthAnamachala.n duShprApamakR^itAtmabhiH .. 21..\\
\medskip\hrule\medskip\centerline{\Largedvng 306}
 yaa

avyaktasthaM para.n yattatpR^iShTaste.ahaM narAdhipa . 
para.n guhyamimaM prashna.n shR^iNuShvAvahito nR^ipa .. 1..\\
yathArSheNeha vidhinA charatAvamatena ha . 
mayAdityAdavAptAni yajU.nsi mithilAdhipa .. 2..\\
mahatA tapasA devastapiShThaH sevito mayA . 
prItena chAha.n vibhunA sUryeNoktastadAnagha .. 3..\\
vara.n vR^iNIShva viprarShe yadiShTa.n te sudurlabham . 
tatte dAsyAmi prItAtmA matprasAdo hi durlabhaH .. 4..\\
tataH pranamya shirasA mayoktastapatA.n varaH . 
yajU.nsi nopayuktAni kShipramichchhAmi veditum .. 5..\\
tato mAM bhagavAnAha vitariShyAmi te dvija . 
sarasvatIha vAgbhUtA sharIra.n te pravekShyati .. 6..\\
tato mAmAha bhagavAnAsya.n svaM vivR^ita.n kuru . 
vivR^ita.n cha tato me.a.asyaM praviShTA cha sarasvatI .. 7..\\
tato vidahyamAno.ahaM praviShTo.ambhastadAnagha . 
aviGYAnAdamarShAchcha bhAskarasya mahAtmanaH .. 8..\\
tato vidahyamAnaM mAmuvAcha bhagavAnraviH . 
muhUrta.n sahyatA.n dAhastataH shItI bhaviShyati .. 9..\\
shItI bhUta.n cha mAM dR^iShTvA bhagavAnAha bhAskaraH . 
pratiShThAsyati te vedaH sottaraH sakhilo dvija .. 10..\\
kR^itsna.n shatapatha.n chaiva praNeShyasi dvijarShabha . 
tasyAnte chApunarbhAve buddhistava bhaviShyati .. 11..\\
prApsyase cha yadiShTa.n tatsA~Nkya yogepsitaM padam . 
etAvaduktvA bhagavAnastamevAbhyavartata .. 12..\\
tato.anuvyAhR^ita.n shrutvA gate deve vibhAvasau . 
gR^ihamAgatya sa.nhR^iShTo.achintaya.n vai sarasvatIm .. 13..\\
tataH pravR^ittAtishubhA svaravya~njana bhUShitA . 
o~NkAramAditaH kR^itvA mama devI sarasvatI .. 14..\\
tato.ahamarghya.n vidhivatsarasvatyai nyavedayam . 
tapatA.n cha variShThAya niShaNNastatparAyanaH .. 15..\\
tataH shatapatha.n kR^itsna.n saharasya sasa~Ngraham . 
chakre saparisheSha.n cha harSheNa parameNa ha .. 16..\\
kR^itvA chAdhyayana.n teShA.n shiShyANAM shatamuttamam . 
vipriyArtha.n sashiShyasya mAtulalsya mahAtmanaH .. 17..\\
tataH sashiShyeNa mayA sUryeNeva gabhastibhiH . 
vyApto yaGYo mahArAja pitustava mahAtmanaH .. 18..\\
miShato devalasyApi tato.ardha.n hR^itavAnaham . 
svaveda dakShiNAyAtha vimarde mAtulena ha .. 19..\\
sumantu nAtha pailena tatha jaimininA cha vai . 
pitrA te munibhishchaiva tato.ahamanumAnitaH .. 20..\\
dasha pa~ncha cha prAptAni yajU.nsyarkAnmayAnagha . 
tathaiva lomaharShAchcha purANamavadhAritam .. 21..\\
bIjametatpuraskR^itya devI.n chaiva sarasvatIm . 
sUryasya chAnubhAvena pravR^itto.ahaM narAdhipa .. 22..\\
kartu.n shatapathaM vedamapUrva.n kAritaM cha me . 
yathAbhilasitaM mArtha.n tathA tachchopapAditam .. 23..\\
shiShyANAmakhila.n kR^itsnamanuGYAta.n sasa~Ngraham . 
sarve cha shiShyAH shuchayo gatAH paramaharShitAH .. 24..\\
shAkhAH pa~nchadashemAstu vidyA bhAskaradarshitAH . 
pratiShThApya yathAkAma.n vedya.n tadanuchintayam .. 25..\\
kimatra brahmaNyamR^ita.n kiM cha vedyamanuttamam . 
chintaye tatra chAgatya gandharvo mAmapR^ichchhata .. 26..\\
vishvAvasustato rAjanvedAntaGYAnakovidaH . 
chaturviMshatikAnprashnAnpR^iShTvA vedasya pArthiva . 
pa~nchaviMshatimaM prashnaM paprachchhAnvikShikI.n tathA .. 27..\\
vishvA vishva.n tathAshvAshvaM mitra.n varuNameva cha . 
GYAna.n GYeya.n tathAGYo.aGYaH kastapA apatA tathA . 
sUryAdaH sUrya iti cha vidyAvidye tathaiva cha .. 28..\\
vedyAvedya.n tathA rAjannachalaM chalameva cha . 
apUrvamakShaya.n kShayyametatprashnamanuttamam .. 29..\\
athoktashcha mayA rAjanrAjA gandharvasattamaH . 
pR^iShTavAnanupUrveNa prashnamuttamamarthavat .. 30..\\
muhUrtaM mR^iShyatA.n tAvadyAvadena.n vichintaye . 
bAdhamityeva kR^itvA sa tUsnI.n gandharva AsthitaH .. 31..\\
tato.anvachintayamahaM bhUyo devI.n sarasvatIm . 
manasA sa cha me prashno dadhno ghR^itamivoddhR^itam .. 32..\\
tatropaniShada.n chaiva parisheShaM cha pArthiva . 
maghnAmi manasA tAta dR^iShTvA chAnvIkShikIM parAm .. 33..\\
chaturthI rAjashArdUla vidyaiShA sAmparAyikI . 
udIritA mayA tubhyaM pa~nchaviMshe.adhi dhiShThitA .. 34..\\
athotastu mayA rAjanrAjA vishvAvasustadA . 
shrUyatA.n yadbhavAnasmAnprashnaM sampR^iShTavAniha .. 35..\\
vishvA vishveti yadida.n gandharvendrAnupR^ichchhasi . 
vishvAvyaktaM para.n vidyAdbhUtabhavya bhaya~Nkaram .. 36..\\
triguNa.n guNakartR^itvAdashishvo niShkalastathA . 
ashvastathaiva mithunamevamevAnudR^ishyate .. 37..\\
avyaktaM prakR^itiM prAhuH puruSheti cha nirguNam . 
tathaiva mitraM puruSha.n varuNaM prakR^iti.n tathA .. 38..\\
GYAna.n tu prakR^itiM prAhurGYeyaM niShkalameva cha . 
aGYashcha GYashcha puruShastasmAnniShkala uchyate .. 39..\\
kastapA atapAH proktAH ko.asau puruSha uchyate . 
tapAH prakR^itirityAhuratapA niShkalaH smR^itaH .. 40..\\
tathaivAvedyamavyakta.n vedhaH puruSha uchyate . 
chalAchalamiti prokta.n tvayA tadapi me shR^iNu .. 41..\\
chalA.n tu prakR^itiM prAhuH kAraNaM kShepa sargayoH . 
akShepa sargayoH kartA nishchalaH puruShaH smR^itaH .. 42..\\
ajAvubhAvaprajanuchAkShayau chApyubhAvapi . 
ajaunityAvubhau prAhuradhyAtmagatinishchayAH .. 43..\\
akShayatvAtprajanane ajamatrAhuravyayam . 
akShayaM puruShaM prAhuH kShayo hyasya na vidyate .. 44..\\
guNakShayatvAtprakR^itiH kartR^itvAdakShayaM budhAH . 
eShA te.a.anvIkShikI vidyA chaturthI sAmparAyikI .. 45..\\
vidyopeta.n dhanaM kR^itvA karmaNA nityakarmaNi . 
ekAntadarshanA vedAH sarve vishvAvaso smR^itAH .. 46..\\
jAyante cha mriyante cha yasminnete yatashchyutAH . 
vedArtha.n ye na jAnanti vedya.n gandharvasattama .. 47..\\
sA~NgopA~NgAnapi yadi pa~ncha vedAnadhIyate . 
veda vedyaM na jAnIte veda bhAravaho hi saH .. 48..\\
yo ghR^itArthI kharI kShIraM mathedgandharvasattama . 
viShThA.n tatrAnupashyeta na mandaM nApi vA ghR^itam .. 49..\\
tathA vedyamavedya.n cha veda vidyo na vindati . 
sa kevalaM mUDha matirGYAnabhAra vahaH smR^itaH .. 50..\\
draShTavyau nityamevaitau tatpareNAntarAtmanA . 
yathAsya janma nidhane na bhavetAM punaH punaH .. 51..\\
ajasra.n janma nidhanaM chintayitvA trayImimAm . 
parityajya kShayamiha akShaya.n dharmamAsthitaH .. 52..\\
yadA tu pashyate.atyantamahanyahani kAshyapa . 
tadA sa kevalI bhUtaH sadvi.nsamanupashyati .. 53..\\
anyashcha shashvadavyaktastathAnyaH pa~nchaviMshakaH . 
tasya dvAvanupashyeta tamekamiti sAdhavaH .. 54..\\
tenaitannAbhijAnanti pa~nchaviMshakamachyutam . 
janmamR^ityubhayAdyogAH sA~NkhyAshcha paramaiShiNaH .. 55..\\

 vizvaavasu

pa~nchaviMsha.n yadetatte proktaM brAhmaNasattama . 
tathA tanna tathA veti tadbhavAnvaktumarhati .. 56..\\
jaigIsavyasyAsitasya devalasya cha me shrutam . 
parAsharasya viprarShervArShagaNyasya dhImataH .. 57..\\
bhikShoH pa~nchashikhasyAtha kapilasya shukasya cha . 
gautamasyArShTiSheNasya gargasya cha mahAtmanaH .. 58..\\
nAradasyAsureshchaiva pulastyasya cha dhImataH . 
sanatkumArasya tataH shukrasya cha mahAtmanaH .. 59..\\
kashyapasya pitushchaiva pUrvameva mayA shrutam . 
tadanantara.n cha rudrasya vishvarUpasya dhImataH .. 60..\\
daivatebhyaH pitR^ibhyashcha daityebhyashcha tatastataH . 
prAptametanmayA kR^itsna.n vedyaM nityaM vadantyuta .. 61..\\
tasmAttadvai bhavadbuddhyA shrotumichchhAmi brAhmaNa . 
bhavAnpravarhaH shAstrANAM pragalbhashchAtibuddhimAn .. 62..\\
na tavAvidita.n kiM chidbhavA~nshrutinidhiH smR^itaH . 
kathyate devaloke cha pitR^iloke cha brAhmaNa .. 63..\\
brahmalokagatAshchaiva kathayanti maharShayaH . 
patishcha tapatA.n shashvadAdityastava bhAsate .. 64..\\
sA~NkhyaGYAna.n tvayA brahmannavAptaM kR^itsnameva cha . 
tathaiva yogaGYAna.n cha yAGYavalkya visheShataH .. 65..\\
niHsandigdhaM prabuddhastvaM budhyamAnashcharAcharam . 
shrotumichchhAmi tajGYAna.n ghR^itaM mandamaya.n yathA .. 66..\\

 yaa

kR^itsnadhAriNameva tvAM manye gandharvasattama . 
jiGYAsasi cha mA.n rAja.nstannibodha yathA shrutam .. 67..\\
abudhyamAnAM prakR^itiM budhyate pa~nchaviMshakaH . 
na tu budhyati gandharva prakR^itiH pa~nchaviMshakam .. 68..\\
anenApratibodhena pradhAnaM pravadanti tam . 
sA~NkhyayogAshcha tattvaGYA yathA shrutinidarshanAt .. 69..\\
pashya.nstathaivApashyaMshcha pashyatyanyastathAnagha . 
sadviMshaH pa~nchaviMsha.n cha chaturviMshaM cha pashyati . 
na tu pashyati pashya.nstu yashchainamanupashyati .. 70..\\
pa~nchaviMsho.abhimanyeta nAnyo.asti paramo mama . 
na chaturviMshako.agrAhyo manujairGYAnadarshibhiH .. 71..\\
matsyevodakamanveti pravartati pravartanAt . 
yathaiva budhyate matsyastathaiSho.apyanubudhyate . 
sasnehaH saha vAsAchcha sAbhimAnashchanityashaH .. 72..\\
sa nimajjati kAlasya yadaikatvaM na budhyate . 
unmajjati hi kAlasya mamatvenAbhisa.nvR^itaH .. 73..\\
yadA tu manyate.anyo.ahamanya eSha iti dvijaH . 
tadA sa kevalI bhUtaH sadviMshamanupashyati .. 74..\\
anyashcha rAjannavarastathAnyaH pa~nchaviMshakaH . 
tatsthatvAdanupashyanti eka eveti sAdhavaH .. 75..\\
tenaitannAbhinandanti pa~nchaviMshakamachyutam . 
janmamR^ityubhayAdbhItA yogAH sA~NkhyAshcha kAshyapa . 
sadvi.nsamanupashyanti shuchayastatparAyanAH .. 76..\\
yadA sa kevalI bhUtaH sadviMshamanupashyati . 
tadA sa sarvavidvidvAnna punarjanma vindati .. 77..\\
evamapratibuddhashcha budhyamAnash cha te.anagha . 
buddhashchokto yathAtattvaM mayA shrutinidarshanAt .. 78..\\
pashyApashya.n yo.anupashyetkShema.n tattvaM cha kAshyapa . 
kevalAkevala.n chAdyaM pa~nchaviMshAtparaM cha yat .. 79..\\

 vizvaavasu

tathya.n shubha.n chaitaduktaM tvayA bhoH 
samyakkShemya.n devatAdya.n yathAvat . 
svastya kShayaM bhavatashchAstu nityaM 
buddhyA sadA budhi yuktaM namaste .. 80..\\

 yaa

evamuktvA samprayAto diva.n sa 
vibhrAjanvai shrImata darshanena . 
tuShTashcha tuShTyA parayAbhinandya 
pradakShiNaM mama kR^itvA mahAtmA .. 81..\\
brahmAdInA.n khecharANAM kShitau cha 
ye chAdhastAtsa.nvasante narendra . 
tatraiva taddarshana.n darshayanvai 
samyakkShemya.n ye pathaM saMshritA vai .. 82..\\
sA~NkhyAH sarve sA~Nkhyadharme ratAsh cha 
tadvadyogA yogadharme ratAsh cha . 
ye chApyanye mokShakAmA manuShyAs 
teShAmetaddarshana~nj~nAna dR^iShTam .. 83..\\
GYAnAnmokSho jAyate pUruShAnAM 
nAstyaGYAnAdevamAhurnarendra . 
tasmAjGYAna.n tattvato.anveShitavyaM 
yenAtmAnaM mokShayejjanmamR^ityoH .. 84..\\
prApya GYAnaM brAhmaNAtkShatriyAdvA 
vaishyAchchhUdrAdapi nIchAdabhIkShNam . 
shraddhAtavya.n shraddadhAnena nityaM 
na shraddhina.n janmamR^ityU vishetAm .. 85..\\
sarve varNA brAhmaNA brahmajAsh cha 
sarve nitya.n vyAharante cha brahma . 
tattva.n shAstraM brahma buddhyA bravImi 
sarva.n vishvaM brahma chaitatsamastam .. 86..\\
brahmAsyato brAhmaNAH samprasUtA 
bAhubhyA.n vai kShatriyAH samprasUtAH . 
nAbhyA.n vaishyAH pAdatashchApi shUdrAH 
sarve varNA nAnyathA veditavyAH .. 87..\\
aGYAnataH karma yoniM bhajante 
tA.n tA.n rAja.nste yathA yAntyabhAvam . 
tathA varNA GYAnahInAH patante 
ghorAdaGYAnAtprAkR^ita.n yonijAlam .. 88..\\
tasmAjGYAna.n sarvato mArgitavyaM 
sarvatrastha chaitaduktaM mayA te . 
tasthau brahmA tasthivAMshchAparo yas 
tasmai nityaM mokShamAhurdvijendrAH .. 89..\\
yatte pR^iShTha.n tanmayA chopadiShTaM 
yAthAtathya.n tadvishoko bhavasva . 
rAjangachchhasvaitadarthasya pAraM 
samyakprokta.n svasti te.astvatra nityam .. 90..\\

 bhii

sa evamanushAstastu yAGYavalkyena dhImatA . 
prItimAnabhavadrAjA mithilAdhipatistadA .. 91..\\
gate munivare tasminkR^ite chApi pradakShiNe . 
daivarAtirnarapatirAsInastatra mokShavit .. 92..\\
gokoti.n sparshayAmAsa hiraNyasya tathaiva cha . 
ratnA~njalimathaika.n cha brAhmaNebhyo dadau tadA .. 93..\\
videharAjya.n cha tathA pratiShThApya sutasya vai . 
yati dharmamupAsaMshchApyavasanmithilAdhipaH .. 94..\\
sA~NkhyaGYAnamadhIyAno yogashAstra.n cha kR^itsnashaH . 
dharmAdharmau cha rAjendra prAkR^itaM parigarhayan .. 95..\\
anantamiti kR^itvA sa nitya.n kevalameva cha . 
dharmAdharmau puNyapApe satyAsatye tathaiva cha .. 96..\\
janmamR^ityU cha rAjendra prAkR^ita.n tadachintayat . 
brahmAvyaktasya karmedamiti nityaM narAdhipa .. 97..\\
pashyanti yogAH sA~NkhyAshcha svashAstrakR^italakShaNAH . 
iShTAniShTa viyukta.n hi tasthau brahma parAtparam . 
nitya.n tamAhurvidvA.nsaH shuchistasmAchchhuchirbhava .. 98..\\
dIyate yachcha labhate datta.n yachchAnumanyate . 
dadAti cha narashreShTha pratigR^ihNAti yachcha ha . 
dadAtyavyaktamevaitatpratigR^ihNAti tachcha vai .. 99..\\
AtmA hyevAtmano hyekaH ko.anyastvatto.adhiko bhavet . 
evaM manyasva satatamanyathA mA vichintaya .. 100..\\
yasyAvyaktaM na vidita.n saguNaM nirguNaM punaH . 
tena tIrthAni yaGYAshcha sevitavyAvipashchitA .. 101..\\
na svAdhyAyaistapobhirvA yaGYairvA kurunandana . 
labhate.avyaktasa.nsthAna.n GYAtvAvyaktaM mahIpate .. 102..\\
tathaiva mahataH sthAnamAha~NkArikameva cha . 
aha~NkArAtpara.n chApi sthAnAni samavApnuyAt .. 103..\\
ye tvavyaktAtparaM nitya.n jAnate shAstratatparAH . 
janmamR^ityuviyukta.n cha viyukta.n sadasachcha yat .. 104..\\
etanmayApta.n janakAtpurastAt 
tenApi chAptaM nR^ipa yAGYavalkyAt . 
GYAna.n vishiShTaM na tathA hi yaGYA 
GYAnena durga.n tarate na yaGYaiH .. 105..\\
durga.n janma nidhanaM chApi rAjan 
na bhUtika.n GYAnavido vadanti . 
yaGYaistapobhirniyamairvrataish cha 
diva.n samAsAdya patanti bhUmau .. 106..\\
tasmAdupAsasva paraM mahachchhuchi 
shiva.n vimokShaM vimalaM pavitram . 
kShetraGYavitpArthiva GYAnayaGYam 
upAsya vai tattvamR^iShirbhaviShyasi .. 107..\\
upaniShadamupAkarottadA vai janaka nR^ipasya purA hi yAGYavalkyaH . 
yadupagaNitashAshvatAvyaya.n tach 
chhubhamamR^itatvamashokamR^ichchhatIti .. 108..\\
\medskip\hrule\medskip\centerline{\Largedvng 307}
 y

aishvarya.n vA mahatprApya dhanaM vA bharatarShabha . 
dIrghamAyuravApyAtha kathaM mR^ityumatikramet .. 1..\\
tapasA vA sumahatA karmaNA vA shrutena vA . 
rasAyana prayogairvA kairnopaiti jarAntakau .. 2..\\

 bhii

atrApyudAharantImamitihAsaM purAtanam . 
bhikShoH pa~nchashikhasyeha sa.nvAda.n janakasya cha .. 3..\\
vaideho janako rAjA maharShi.n veda vittamam . 
paryapR^ichchhatpa~nchashikha.n chhinnadharmArthasaMshayam .. 4..\\
kena vR^ittena bhagavannatikrAmejjarAntakau . 
tapasA vAtha buddhyA vA karmaNA vA shrutena vA .. 5..\\
evamuktaH sa vaidehaM pratyuvAcha parokShavit . 
nivR^ittirnaitayorasti nAnivR^ittiH katha.n chana .. 6..\\
na hyahAni nivartante na mAsA na punaH kShapAH . 
so.ayaM prapadyate.adhvAna.n chirAya dhruvamadhruvaH .. 7..\\
sarvabhUtasamuchchhedaH srotasevohyate sadA . 
uhyamAnaM nimajjantamaplave kAlasAgare . 
jarAmR^ityumahAgrAhe na kash chidabhipadyate .. 8..\\
naivAsya bhavitA kashchinnAsau bhavati kasya chit . 
pathi sa~Ngatameveda.n dArairanyaishcha bandhubhiH . 
nAyamatyantasa.nvAso labdhapUrvo hi kena chit .. 9..\\
kShipyante tena tenaiva niShTanantaH punaH punaH . 
kAlena jAtA jAtA hi vAyunevAbhra sa~ncayAH .. 10..\\
jarA mR^iyU hi bhUtAnA.n khAditArau vR^ikAviva . 
balinA.n durbalAnAM cha hrasvAnAM mahatAm api .. 11..\\
evaM bhUteShu bhUteShu nityabhUtAdhruveShu cha . 
katha.n hR^iShyeta jAteShu mR^iteShu cha katha.n jvaret .. 12..\\
kuto.ahamAgataH ko.asmi kva gamiShyAmi kasya vA . 
kasminsthitaH kva bhavitA kasmAtkimanushochasi .. 13..\\
draShTA svargasya na hyasti tathaiva narakasya cha . 
AgamA.nstvanatikramya dadyAchchaiva yajeta cha .. 14..\\
\medskip\hrule\medskip\centerline{\Largedvng 308}
 y

aparityajya gArhasthya.n kururAjarShisattama . 
kaH prApto vinayaM buddhyA mokShatattva.n vadasva me .. 1..\\
saMnyasyate yathAtmAya.n saMnyastAtmA yathA cha yaH . 
paraM mokShasya yachchApi tanme brUhi pitAmaha .. 2..\\

 bhii

atrApyudAharantImamitihAsaM purAtanam . 
janakasya cha sa.nvAda.n sulabhAyAshcha bhArata .. 3..\\
saMnyAsaphalikaH kashchidbabhUva nR^ipatiH purA . 
maithilo janako nAma dharmadhvaja iti shrutaH .. 4..\\
sa vede mokShashAstre cha sve cha shAstre kR^itAgamaH . 
indriyANi samAdhAya shashAsa vasudhAmimAm .. 5..\\
tasya vedavidaH prAGYAH shrutvA tA.n sAdu vR^ittatAm . 
lokeShu spR^ihayantyanye puruShAH puruSheshvara .. 6..\\
atha dharmayuge tasminyogadharmamanuShThitA . 
mahImanuchachAraikA sulabhA nAma bhikShukI .. 7..\\
tayA jagadida.n sa.nvamatantyA mithileshvaraH . 
tatra tatra shruto mokShe kathyamAnastridandibhiH .. 8..\\
sA susUkShmA.n kathA.n shrutvA tathyaM neti sasaMshayA . 
darshane jAtasa~NkalpA janakasya babhUva ha .. 9..\\
tataH sA viprahAyAtha pUrvarUpa.n hi yogataH . 
abibhradanavadyA~NgI rUpamanyadanuttamam .. 10..\\
chakShurnimeSha mAtreNa laghvastragatigAminI . 
videhAnAM purI.n subhrUrjagAma kamalekShaNA .. 11..\\
sA prApya mithilA.n ramyAM samR^iddhajanasa~NkulAm . 
bhaikShacharyApadeshena dadarsha mithileshvaram .. 12..\\
rAjA tasyAH para.n dR^iShTvA saukumArya.n vapustathA . 
keya.n kasya kuto veti babhUvAgata vismayaH .. 13..\\
tato.asyAH svAgata.n kR^itvA vyAdishya cha varAsanam . 
pUjitAM pAdashauchena varAnnenApyatarpayat .. 14..\\
atha bhuktavatI prItA rAjAnaM mantribhirvR^itam . 
sarvabhAShyavidAM madhye chodayAmAsa bhikShukI .. 15..\\
sulabhA tvasya dharmeShu mukto neti sasaMshayA . 
sattva.n sattvena yogaGYA pravivesha mahIpate .. 16..\\
netrAbhyAM netrayorasya rashmInsa.nyojya rashmibhiH . 
sA sma sa~ncodayiShyantamyoga bandhairbabandha ha .. 17..\\
janako.apyutsmayanrAjA bhAvamasyA visheShayan . 
pratijagrAha bhAvena bhAvamasyA nR^ipottamaH .. 18..\\
tadekasminnadhiShThAne sa.nvAdaH shrUyatAm ayam . 
chhattrAdiShu vimuktasya muktAyAshcha tridaNDake .. 19..\\
bhagavatyAH kva charyeya.n kR^itA kva cha gamiShyasi . 
kasya cha tva.n kuto veti paprachchhainAM mahIpatiH .. 20..\\
shrute vayasi jAtau cha sadbhAvo nAdhigamyate . 
eShvartheShUttara.n tasmAtpravedyaM taH samAgame .. 21..\\
chhattrAdiShu visheSheShu muktaM mA.n viddhi sarvashaH . 
sa tvA.n saMmantumichchhAmi mAhArhAsi matA hi me .. 22..\\
yasmAchchaitanmayA prApta.n GYAnaM vaisheShikaM purA . 
yasya nAnyaH pravaktAsti mokShe tamapi me shR^iNu .. 23..\\
pArAsharyasa gotrasya vR^iddhasya sumahAtmanaH . 
bhikShoH pa~nchashikhasyAha.n shiShyaH paramasaMmataH .. 24..\\
sA~NkhyaGYAne tathA yoge mahIpAla vidhau tathA . 
trividhe mokShadharme.asmingatAdhvA chhinnasaMshayaH .. 25..\\
sa yathAshAstradR^iShTena mArgeNeha parivrajan . 
vArShikAMshchaturo mAsAnpurA mayi sukhoShitaH .. 26..\\
tenAha.n sA~Nkya mukhyena sudR^iShTArthena tattvataH . 
shrAvitastrividhaM mokShaM na cha rAjyAdvichAlitha .. 27..\\
so.aha.n tAmakhilA.n vR^ittiM trividhAM mokShasa.nhitAm . 
muktarAgashcharAmyekaH pade paramake sthitaH .. 28..\\
vairAgyaM punaretasya mokShasya paramo vidhiH . 
GYAnAdeva cha vairAgya.n jAyate yena muchyate .. 29..\\
GYAnena kurute yatna.n yatnena prApyate mahat . 
mahaddvandvapramokShAya sA siddhiryA vayo.atigA .. 30..\\
seyaM paramikA buddhiH prAptA nirdvandvatA mayA . 
ihaiva gatamohena charatA muktasa~NginA .. 31..\\
yathA kShetraM mR^idU bhUtamadbhirAplAvita.n tathA . 
janayatya~Nkura.n karma nR^iNAM tadvatpunarbhavam .. 32..\\
yathA chottApitaM bIja.n kapAle yatra yatra vA . 
prApyApya~Nkura hetutvamabIjatvAnna jAyate .. 33..\\
tadvadbhagavatA tena shikhA proktena bhikShuNA . 
GYAna.n kR^itamabIjaM me viShayeShu na jAyate .. 34..\\
nAbhiShajjati kasmiMshchinnAnarthe na parigrahe . 
nAbhirajyati chaiteShu vyarthatvAdrAgadoShayoH .. 35..\\
yashcha me dakShiNaM bAhu.n chandanena samukShayet . 
savya.n vAsyA cha yastakShetsamAvetAvubhau mama .. 36..\\
sukhI so.ahamavAptArthaH samalokShAshma kA~nchanaH . 
muktasa~NgaH sthito rAjye vishiShTo.anyaistridandibhiH .. 37..\\
mokShe hi trividhA niShThA dR^iShTA pUrvairmaharShibhiH . 
GYAna.n lokottaraM yachcha sarvatyAgashcha karmaNAm .. 38..\\
GYAnaniShThA.n vadantyeke mokShashAstravido janAH . 
karma niShThA.n tathaivAnye yatayaH sUkShmadarshinaH .. 39..\\
prahAyobhayamapyetajGYAna.n karma cha kevalam . 
tR^itIyeya.n samAkhyAtA niShThA tena mahAtmanA .. 40..\\
yame cha niyame chaiva dveShe kAme parigrahe . 
mAne dambhe tathA snehe sadR^ishAste kuTumbibhiH .. 41..\\
tridaNDAdiShu yadyasti mokSho GYAnena kena chit . 
chhattrAdiShu kathaM na syAttulyahetau parigrahe .. 42..\\
yena yena hi yasyArthaH kAraNeneha kasya chit . 
tattadAlambate dravya.n sarvaH sve sve parigrahe .. 43..\\
doShadarshI tu gArhasthye yo vrajatyAshramAntaram . 
utsR^ijanparigR^ihnaMshcha so.api sa~NgAnna muchyate .. 44..\\
Adhipatye tathA tulye nigrahAnugrahAtmani . 
rAjarShibhikShukAchAryA muchyante kena ketunA .. 45..\\
atha satyAdhipatye.api GYAnenaiveha kevalam . 
muchyante kiM na muchyante pade paramake sthitaH .. 46..\\
kAsAya dhAraNaM maundya.n triviShTabdhaH kamandaluH . 
li~NgAnyatyarthametAni na mokShAyeti me matiH .. 47..\\
yadi satyapi li~Nge.asmi~nGYAnamevAtra kAraNam . 
nirmokShAyeha duHkhasya li~NgamAtraM nirarthakam .. 48..\\
atha vA duHkhashaithilya.n vIkShya li~Nge kR^itA matiH . 
ki.n tadevArthasAmAnya chhattrAdiShu na lakShyate .. 49..\\
Aki~ncanye cha mokSho.asti kai~ncanye nAsti bandhanam . 
kai~ncanye chetare chaiva janturGYAnena muchyate .. 50..\\
tasmAddharmArthakAmeShu tathA rAjyaparigrahe . 
bandhanAyataneShveShu viddhyabandhe pade sthitam .. 51..\\
rAjyaishvaryamayaH pAshaH snehAyatana bandhanaH . 
mokShAshma nishiteneha chhinnastyAgAsinA mayA .. 52..\\
so.ahameva~Ngato mukto jAtAsthastvayi bhikShuki . 
ayathArtho hi te varNo vakShyAmi shR^iNu tanmama .. 53..\\
saukumArya.n tathArUpa.n vapuragryaM tathA vayaH . 
tavaitAni samastAni niyamashcheti saMshayaH .. 54..\\
yachchApyananurUpa.n te li~NgasyAsya vicheShTitam . 
mukto.aya.n syAnna vetyasmAddharShito matparigrahaH .. 55..\\
na cha kAmasamAyukte mukte.apyasti tridaNDakam . 
na rakShyate tvayA chedaM na muktasyAsti gopanA .. 56..\\
matpakShasaMshrayAchchAya.n shR^iNu yaste vyatikramaH . 
AshrayantyAH svabhAvena mama pUrvaparigraham .. 57..\\
praveshaste kR^itaH kena mama rAstre pure tathA . 
kasya vA saMnisargAttvaM praviShTA hR^idayaM mama .. 58..\\
varNapravara mukhyAsi brAhmaNI kShatriyo hyaham . 
nAvayorekayogo.asti mA kR^ithA varNasa~Nkaram .. 59..\\
vartase mokShadharmeShu gArhasthye tvahamAshrame . 
aya.n chApi sukastaste dvitIyo.a.ashramasa~NkaraH .. 60..\\
sagotrA.n vAsagotrAM vA na veda tvAM na vettha mAm . 
sagotramAvishantyAste tR^itIyo gotra sa~NkaraH .. 61..\\
atha jIvati te bhartA proShito.apyatha vA kva chit . 
agamyA parabhAryeti chaturtho dharmasa~NkaraH .. 62..\\
sA tvametAnyakAryANi kAryApekShA vyavasyasi . 
aviGYAnena vA yuktA mithyA GYAnena vA punaH .. 63..\\
atha vApi svatantrAsti svadoSheNeha kena chit . 
yadi ki.n chichchhrutaM te.asi sarvaM kR^itamanarthakam .. 64..\\
idamanyattR^itIya.n te bhAvasparsha vighAtakam . 
duShTAyA lakShyate li~NgaM pravaktavyaM prakAshitam .. 65..\\
na mayyevAbhisandhiste jayaiShiNyA jaye kR^itaH . 
yeyaM matpariShatkR^itsnA jetumichchhasi tAm api .. 66..\\
tathA hyevaM punashcha tva.n dR^iShTi.n svAM pratimu~nchasi . 
matpakShapratighAtAya svapakShodbhAvanAya cha .. 67..\\
sA svenAmarShajena tvamR^iddhimohena mohitA . 
bhUyaH sR^ijasi yogAstra.n viShAmR^itamivaikadhA .. 68..\\
ichchhatorhi dvayorlAbhaH strIpu.nsoramR^itopamaH . 
alAbhashchApyaraktasya so.atra doSho viShopamaH .. 69..\\
mA sprakShIH sadhu jAnIsva svashAstramanupAlaya . 
kR^iteya.n hi vijiGYAsA mukto neti tvayA mama . 
etatsarvaM pratichchhannaM mayi nArhasi gUhitum .. 70..\\
sA yadi tva.n svakAryeNa yadyanyasya mahIpateH . 
tattva.n sattra pratichchhannA mayi nArhasi gUhitum .. 71..\\
na rAjAnaM mR^iShA gachchhenna dvijAti.n katha~ncanan . 
na striya.n strI guNopetAM hanyurhyete mR^iShA gatAH .. 72..\\
rAGYA.n hi balamaishvaryaM brahma brahmavidAM balam . 
rUpayauvana saubhAgya.n strINAM balamanuttamam .. 73..\\
ata etairbalaireta balinaH svArthamichchhatA . 
ArjavenAbhigantavyA vinAshAya hyanArjavam .. 74..\\
sA tva.n jAti.n shrutaM vR^ittaM bhAvaM prakR^itimAtmanaH . 
kR^ityamAgamane chaiva vaktumarhasi tattvataH .. 75..\\
ityetairasukhairvAkyairayuktairasama~njasaiH . 
pratyAdiShTA narendreNa sulabhA na vyakampata .. 76..\\
uktavAkye tu nR^ipatau sulabhA chArudarshanA . 
tatashchArutara.n vAkyaM prachakrAmAtha bhAsitum .. 77..\\
navabhirnavabhishchaiva doShairvAgbuddhidUsanaiH . 
apetamupapannArthamastA dashaguNAnvitam .. 78..\\
saukShmya.n sa~NkhyA kramau chobhau nirnayaH saprayojanaH . 
pa~nchaitAnyarthajAtAni vAkyamityuchyate nR^ipa .. 79..\\
eShAmekaikasho.arthAnA.n saukShmyAdInAM sulakShaNam . 
shR^iNu sa.nsAryamANAnAM padArthaiH padavAkyataH .. 80..\\
GYAna.n GYeyeShu bhinneShu yathA bhedena vartate . 
tatrAtishayinI buddhistatsaukShmyamiti vartate .. 81..\\
doShANA.n cha guNAnAM cha pramANaM praivibhAgashaH . 
ka.n chidarthamabhipretya sA sa~NkhyetyupadhAryatAm .. 82..\\
idaM pUrvamidaM pashchAdvaktavya.n yadvivakShitam . 
kramayoga.n tamapyAhurvAkya.n vAkyavido janAH .. 83..\\
dharmArthakAmamokSheShu pratiGYAya visheShataH . 
ida.n taditi vAkyAnte prochyate sa vinirnayaH .. 84..\\
ichchhA dveShabhavairduHkhaiH prakarSho yatra jAyate . 
tatra yA nR^ipate vR^ittistatprayojanamiShyate .. 85..\\
tAnyetAni yathoktAni saikShmyAdIni janAdhipa . 
ekArthasamavetAni vAkyaM mama nishAmaya .. 86..\\
upetArthamabhinnArthaM nApavR^ittaM na chAdhikam . 
nAshlakShNaM na cha sandigdha.n vakShyAmi parama.n tava .. 87..\\
na gurvakSharasambaddhaM parA~Nmukha mukhaM na cha . 
nAnR^itaM na trivargeNa viruddhaM nApyasa~NkShR^itam .. 88..\\
na nyUna.n kasta shabda.n vA vyutkramAbhihitaM na cha . 
na sheShaM nAnukalpena niShkAraNamahetukam .. 89..\\
kAmAtkrodhAdbhayAllobhAddainyAdAnAryakAttathA . 
hrIto.anukroshato mAnAnna vakShyAmi katha.n chana .. 90..\\
vaktA shrotA cha vAkya.n cha yadA tvAvikalaM nR^ipa . 
samameti vivakShAyA.n tadA so.arthaH prakAshate .. 91..\\
vaktavye tu yadA vaktA shrotAramavamanyate . 
svArthamAha parArtha.n vA tadA vAkyaM na rohati .. 92..\\
atha yaH svArthamutsR^ijya parArthaM prAha mAnavaH . 
visha~NkA jAyate tasminvAkya.n tadapi doShavat .. 93..\\
yastu vaktA dvayorarthamaviruddhaM prabhAsate . 
shrotushchaivAtmanashchaiva sa vaktA netaro nR^ipa .. 94..\\
tadarthavadida.n vAkyamupetaM vAkyasampadA . 
avikShipta manA rAjannekAgraH shrotumarhasi .. 95..\\
kAsi kasya kuto veti tvayAhamabhichoditA . 
tatrottaramida.n vAkyaM rAjannekamanAH shR^iNu .. 96..\\
yathA jatu cha kAShTha.n cha pA.nsavashchoda bindubhiH . 
sushliShTAni tathA rAjanprAninAmiha sambhavaH .. 97..\\
shabdaH sparsho raso rUpa.n gandhaH pa~nchendriyANi cha . 
pR^ithagAtmA dashAtmAnaH saMshliShTA jatu kAShThavat .. 98..\\
na chaiShA.n chodanA kA chidastItyeSha vinishchayaH . 
ekaikasyeha viGYAnaM nAstyAtmani tathA pare .. 99..\\
na veda chakShushchakShustva.n shrotraM nAtmani vartate . 
tathaiva vyabhichAreNa na vartante parasparam . 
saMshliShTA nAbhijAyante yathApa iha pA.nsavaH .. 100..\\
bAhyAnanyAnapekShante guNA.nstAnapi me shR^iNu . 
rUpa.n chakShuH prakAshashcha darshane hetavastrayaH . 
yathaivAtra tathAnyeShu GYAnaGYeyeShu hetavaH .. 101..\\
GYAnaGYeyAntare tasminmano nAmAparo guNaH . 
vichArayati yenAyaM nishchaye sAdhvasAdhunI .. 102..\\
dvAdashastvaparastatra buddhirnAma guNaH smR^itaH . 
yena saMshaya pUrveShu boddhavyeShu vyavasyati .. 103..\\
atha dvAdashake tasminsattvaM nAmAparo guNaH . 
mahAsattvo.alpasattvo vA janturyenAnumIyate .. 104..\\
kShetraGYa iti chApyanyo guNastatra chaturdashaH . 
mamAyamiti yenAyaM manyate na cha manyate .. 105..\\
atha pa~nchadasho rAjanguNastatrAparaH smR^itaH . 
pR^ithakkalA samUhasya sAmagrya.n tadihochyate .. 106..\\
guNastvevAparastatra sa~NghAta iti sodashaH . 
AkR^itirvyaktirityetau guNau yasminsamAshritau .. 107..\\
sukhaduHkhe jarAmR^ityU lAbhAlAbhau priyApriye . 
iti chaikonaviMsho.aya.n dvandvayoga iti smR^itaH .. 108..\\
UrdhvamekonaviMshatyAH kAlo nAmAparo guNaH . 
itIma.n viddhi viMshatyA bhUtAnAM prabhavApyayam .. 109..\\
vishmakashchaiSha sa~NghAto mahAbhUtAni pa~ncha cha . 
sadasadbhAvayogau cha guNAvanyau prakAshakau .. 110..\\
ityeva.n viMshatishchaiva guNAH sapta cha ye smR^itAH . 
vidhiH shukraM bala.n cheti traya ete guNAH pare .. 111..\\
ekaviMshashcha dasha cha kalAH sa~NkhyAnataH smR^itAH . 
samagrA yatra vartante tachchharIramiti smR^itam .. 112..\\
avyaktaM prakR^iti.n tvAsAM kalAnAM kash chidichchhati . 
vyakta.n chAsAM tathaivAnyaH sthUladarshI prapashyati .. 113..\\
avyakta.n yadi vA vyakta.n dvayImatha chatuShTayIm . 
prakR^iti.n sarvabhUtAnAM pashyantyadhyAtmachintakAH .. 114..\\
seyaM prakR^itiravyaktA kalAbhirvyaktatA.n gatA . 
aha.n cha tvaM cha rAjendra ye chApyanye sharIriNaH .. 115..\\
bindunyAsAdayo.avasthAH shukrashonita sambhavAH . 
yAsAmeva nipAtena kalalaM nAma jAyate .. 116..\\
kalalAdarbudotpattiH peshI chApyarbudodbhavA . 
peshyAstva~NgAbhinirvR^ittirnakharomANi chA~NgataH .. 117..\\
sampUrNe navame mAse jantorjAtasya maithila . 
jAyate nAma rUpatva.n strI pumAnveti li~NgataH .. 118..\\
jAtamAtra.n tu tadrUpaM dR^iShTvA tAmranakhA~Nguli . 
kaumAra rUpamApanna.n rUpato na palabhyate .. 119..\\
kaumArAdyauvana.n chApi sthAviryaM chApi yauvanAt . 
anena kramayogena pUrvaM pUrvaM na labhyate .. 120..\\
kalAnAM pR^ithagarthAnAM pratibhedaH kShaNe kShaNe . 
vartate sarvabhUteShu saukShmyAttu na vibhAvyate .. 121..\\
na chaiShAmapyayo rAja.NllakShyate prabhavo na cha . 
avasthAyAmavasthAyA.n dIpasyevArchiSho gatiH .. 122..\\
tasyApyevaM prabhAvasya sadashvasyeva dhAvataH . 
ajasra.n sarvalokasya kaH kuto vA na vA kutaH .. 123..\\
kasyeda.n kasya vA nedaM kuto vedaM na vA kutaH . 
sambandhaH ko.asti bhUtAnA.n svairapyavayavairiha .. 124..\\
yathAdityAnmaNeshchaiva vIrudbhyashchaiva pAvakaH . 
bhavetyeva.n samudayAtkalAnAmapi jantavaH .. 125..\\
AtmanyevAtmanAtmAna.n yathA tvamanupashyasi . 
evamevAtmanAtmAnamanyasminkiM na pashyasi . 
yadyAtmani parasmiMshcha samatAm adhyavasyasi .. 126..\\
atha mA.n kAsi kasyeti kimarthamanupR^ichchhasi . 
idaM me syAdidaM neti dvandvairmuktasya maithila . 
kAsi kasya kuto veti vachane kiM prayojanam .. 127..\\
ripau mitre.atha madhyasthe vijaye sandhivigrahe . 
kR^itavAnyo mahIpAla ki.n tasminmuktalakShaNam .. 128..\\
trivarge saptadhA vyakta.n yo na vedeha karmasu . 
sa~NgavAnyastrivarge cha ki.n tasminmuktalakShaNam .. 129..\\
priye chaivApriye chaiva durbale balavatyapi . 
yasya nAsti sama.n chakShuH kiM tasminmuktalakShaNam .. 130..\\
tadamuktasya te mokShe yo.abhimAno bhavennR^ipa . 
suhR^idbhiH sa nivAryaste vichittasyeva bheShajaiH .. 131..\\
tAni tAnyanusandR^ishya sa~NgasthAnAnyarindama . 
AtmanAtmani sampashyetki.n tasminmuktalakShaNam .. 132..\\
imAnyanyAni sUkShmANi mokShamAshritya kAni chit . 
chatura~Nga pravR^ittAni sa~NgasthAnAni me shR^iNu .. 133..\\
ya imAM pR^ithivI.n kR^itsnAmekachhattrAM prashAsti ha . 
ekameva sa vai rAjA puramadhyAvasatyuta .. 134..\\
tatpure chaikamevAsya gR^iha.n yadadhitiShThati . 
gR^ihe shayanamapyekaM nishAyA.n yatra lIyate .. 135..\\
shayyArdha.n tasya chApyatra strIpUrvamadhitiShThati . 
tadanena prasa~Ngena phalenaiveha yujyate .. 136..\\
evamevopabhogeShu bhojanAchchhAdaneShu cha . 
guNeShu parimeyeShu nigrahAnugrahau prati .. 137..\\
paratantraH sadA rAjA svalpe so.api prasajyate . 
sandhivigrahayoge cha kuto rAGYaH svatantratA .. 138..\\
strIShu krIdA vihAreShu nityamasyAsvatantratA . 
mantre chAmAtya samitau kuta eva svatantratA .. 139..\\
yadA tvAGYApayatyanyA.nstadAsyoktA svatantratA . 
avashaH kAryate tatra tasmi.nstasminguNe sthitaH .. 140..\\
svaptu kAmo na labhate svaptu.n kAryArthibhirjanaiH . 
shayane chApyanuGYAtaH supta utthApyate.avashaH .. 141..\\
snAhyAlabha piba prAsha juhudhyagnInyajeti cha . 
vadasya shR^iNu chApIti vivashaH kAryate paraiH .. 142..\\
abhigamyAbhigamyaina.n yAchante satataM narAH . 
na chApyutsahate dAtu.n vittarakShI mahAjanAt .. 143..\\
dAne koshakShayo hyasya vaira.n chApyarayachchhataH . 
kShaNenAsyopavartante doShA vairAgya kArakAH .. 144..\\
prAGYA~nshUrA.nstathaivAdhyAnekasthAne.api sha~Nkate . 
bhayamapyabhaye rAGYo yaishcha nityamupAsyate .. 145..\\
yadA chaite praduShyanti rAjanye kIrtitA mayA . 
tadaivAsya bhaya.n tebhyo jAyate pashya yAdR^isham .. 146..\\
sarvaH sve sve gR^ihe rAjA sarvaH sve sve gR^ihe gR^ihI . 
nigrahAnugrahau kurva.nstulyo janakarAjabhiH .. 147..\\
putrA dArAstathaivAtmA kosho mitrANi sa~ncayaH . 
paraiH sAdhAraNA hyete taistairevAsya hetubhiH .. 148..\\
hato deshaH pura.n dagdhaM pradhAnaH ku~njaro mR^itaH . 
lokasAdhAraNeShveShu mithyA GYAnena tapyate .. 149..\\
amukto mAnasairduHkhairichhA dveShapriyodbhavaiH . 
shiro rogAdibhI rogaistathaiva vinipAtibhiH .. 150..\\
dvandvaistaistairupahataH sarvataH parisha~NkitaH . 
bahu pratyarthika.n rAjyamupAste gaNayannishAH .. 151..\\
tadalpasukhamatyarthaM bahuduHkhamasAravat . 
ko rAjyamabhipadyeta prApya chopashama.n labhet .. 152..\\
mamedamiti yachchedaM pura.n rAstra.n cha manyase . 
bala.n koshamamAtyAMshcha kasyaitAni na vA nR^ipa .. 153..\\
mitrAmAtyaM pura.n rAstra.n dandaH kosho mahIpatiH . 
saptA~Ngashchakrasa~NghAto rAjyamityuchyate nR^ipa .. 154..\\
saptA~NgasyAsya rAjyasya tridaNDasyeva tiShThataH . 
anyonyaguNayuktasya kaH kena guNato.adhikaH .. 155..\\
teShu teShu hi kAleShu tattada~Nga.n vishiShyate . 
yena yatsidhyate kArya.n tatprAdhAnyAya kalpate .. 156..\\
saptA~NgashchApi sa~NghAtastrayashchAnye nR^ipottama . 
sambhUya dashavargo.ayaM bhu~Nkte rAjya.n hi rAjavat .. 157..\\
yashcha rAjA mahotsAhaH kShatradharmarato bhavet . 
sa tuShyeddasha bhAgena tatastvanyo dashAvaraiH .. 158..\\
nAstyasAdhAraNo rAjA nAsti rAjyamarAjakam . 
rAjye.asati kuto dharmo dharme.asati kutaH param .. 159..\\
yo.apyatra paramo dharmaH pavitra.n rAjarAjyayoH . 
pR^ithivI dakShiNA yasya so.ashvamedho na vidyate .. 160..\\
sAhametAni karmANi rAjyaduHkhAni maithila . 
samarthA shatasho vaktumatha vApi sahasrashaH .. 161..\\
svadehe nAbhiSha~Ngo me kutaH paraparigrahe . 
na mAmeva.nvidhAM muktAmIdR^isha.n vaktumarhasi .. 162..\\
nanu nAma tvayA mokShaH kR^itsnaH pa~ncha shikhAchchhrutaH . 
sopAyaH sopaniShadaH sopAsa~NgaH sanishchayaH .. 163..\\
tasya te muktasa~Ngasya pAshAnAkramya tiShThataH . 
chhattrAdiShu visheSheShu katha.n sa~NgaH punarnR^ipa .. 164..\\
shruta.n te na shrutaM manye mithyA vApi shruta.n shrutam . 
atha vA shrutasa~NkAsha.n shrutamanyachchhruta.n tvayA .. 165..\\
athApImAsu sa~nj~nAsu laukikIShu pratiShThasi . 
abhiSha~NgAvarodhAbhyAM baddhastvaM prAkR^ito mayA .. 166..\\
sattvenAnupravesho hi yo.aya.n tvayi kR^ito mayA . 
ki.n tavApakR^itaM tatra yadi mukto.asi sarvataH .. 167..\\
niyamo hyeSha dharmeShu yatInA.n shUnyavAsitA . 
shUnyamAvAsayantyA cha mayA ki.n kasya dUsitam .. 168..\\
na pAnibhyAM na bAhubhyAM pAdorubhyAM na chAnagha . 
na gAtrAvayavairanyaiH spR^ishAmi tvA narAdhipa .. 169..\\
kule mahati jAtena hrImatA dIrghadarshinA . 
naitatsadasi vaktavya.n sadvAsadvA mithaH kR^itam .. 170..\\
brAhmaNA guravashcheme tathAmAtyA gurUttamAH . 
tva.n chAtha gururapyeShAm evamanyonyagauravam .. 171..\\
tadevamanusandR^ishya vAchyAvAchyaM parIkShatA . 
strIpu.nso samavAyo.aya.n tvayA vAchyo na sa.nsadi .. 172..\\
yathA puShkara parNastha.n jalaM tatparNasa.nsthitam . 
tiShThatyaspR^ishatI tadvattvayi vatsyAmi maithila .. 173..\\
yadi vApyaspR^ishantyA me sparsha.n jAnAsi kaM chana . 
GYAna.n kR^itamabIjaM te kathaM teneha bhikShuNA .. 174..\\
sa gArhasthyAchchyutashcha tvaM mokShaM nAvApya durvidam . 
ubhayorantarAle cha vartase mokShavAtikaH .. 175..\\
na hi muktasya muktena GYasyaikatva pR^ithaktvayoH . 
bhAvAbhAva samAyoge jAyate varNasa~NkaraH .. 176..\\
varNAshramapR^ithaktve cha dR^iShTArthasyApR^ithaktvinaH . 
nAnyadanyaditi GYAtvA nAnyadanyatpravartate .. 177..\\
pAnau kunda.n tathA kunde payaH payasi makShikAH . 
AshritAshraya yogena pR^ithaktvenAshrayA vayam .. 178..\\
na tu kunde payo bhAvaH payashchApi na makShikAH . 
svayamevAshrayantyete bhAvA na tu parAshrayam .. 179..\\
pR^ithaktvAdAshramANA.n cha varNAnyatve tathaiva cha . 
parasparapR^ithaktvAchcha katha.n te varNasa~NkaraH .. 180..\\
nAsmi varNottamA jAtyA na vaishyA nAvarA tathA . 
tava rAjansavarNAsmi shuddhayoniraviplutA .. 181..\\
pradhAno nAma rAjarShirvyakta.n te shrotramAgataH . 
kule tasya samutpannA.n sulabhAM nAma viddhi mAm .. 182..\\
droNashcha shatashR^i~Ngashcha vakradvArashcha parvataH . 
mama sattreShu pUrveShA.n chitA maghavatA saha .. 183..\\
sAha.n tasminkule jAtA bhartaryasati madvidhe . 
vinItA mokShadharmeShu charAmyekA munivratam .. 184..\\
nAsmi sattra pratichchhannA na parasvAbhimAninI . 
na dharmasa~NkarakarI svadharme.asmi dhR^itavratA .. 185..\\
nAsthirA svapratiGYAyAM nAsamIkShya pravAdinI . 
nAsamIkShyAgatA chAha.n tvatsakAshaM janAdhipa .. 186..\\
mokShe te bhavitAM buddhi.n shrutvAha.n kushalaiShiNI . 
tava mokShasya chApyasya jiGYAsArthamihAgatA .. 187..\\
na vargasthA bravImyetatsvapakSha parapakShayoH . 
mukto na muchyate yashcha shAnto yashcha na shAmyati .. 188..\\
yathA shUnye purAgAre bhikShurekAM nishA.n vaset . 
tathA hi tvachchharIre.asminnimA.n vatsyAmi sharvatIm .. 189..\\
sAhamAsanadAnena vAgAtithyena chArchitA . 
suptA susharaNA prItA shvo gamiShyAmimaithila .. 190..\\
ityetAni sa vAkyAni hetumantyarthavanti cha . 
shrutvA nAdhijagau rAjA ki.n chidanyadataH param .. 191..\\
\medskip\hrule\medskip\centerline{\Largedvng 309}
 y

kathaM nirvedamApannaH shuko vaiyAsakiH purA . 
etadichchhAmi kauravya shrotu.n kautUhala.n hi me .. 1..\\

 bhii

prAkR^itena suvR^ittena charantamakutobhayam . 
adhyApya kR^itsna.n svAdhyAyamanvashAdvai pitA sutam .. 2..\\
dharmaM putra niShevasva sutIkShNau hi himAtapau . 
kShutpipAse cha vAyu.n cha jaya nityaM jitendriyaH .. 3..\\
satyamArjavamakrodhamanasUyA.n damaM tapaH . 
ahi.nsA.n chAnR^isha.nsyaM cha vidhivatparipAlaya .. 4..\\
satye tiShTha rato dharme hitvA sarvamanArjavam . 
devatAtithisheSheNa yAtrAM prANasya saMshraya .. 5..\\
phenapAtropame dehe jIve shakunivatsthite . 
anitye priya sa.nvAse katha.n svapiShi putraka .. 6..\\
apramatteShu jAgratsu nityayukteShu shatruShu . 
antara.n lipsamAneShu bAlastvaM nAvabudhyase .. 7..\\
gaNyamAneShu varSheShu kShIyamANe tathAyuShi . 
jIvite shiShyamANe cha kimutthAya na dhAvasi .. 8..\\
aihAlaukikamIhante mA.nsashonitavardhanam . 
pAralaukikakAryeShu prasuptA bhR^ishanAstikAH .. 9..\\
dharmAya ye.abhyasUyanti buddhimohAnvitA narAH . 
apathA gachchhatA.n teShAmanuyAtApi pIDyate .. 10..\\
ye tu tuShTAH suniyatAH satyAgama parAyanAH . 
dharmyaM panthAnamArUDhAstAnupAssva cha pR^ichchha cha .. 11..\\
upadhArya mata.n teShA.n vR^iddhAnAM dharmadarshinAm . 
niyachchha parayA buddhyA chittamutpathagAmi vai .. 12..\\
adya kAlikayA buddhyA dUre shva iti nirbhayAH . 
sarvabhakShA na pashyanti karmabhUmi.n vichetasaH .. 13..\\
dharmaniHshreNimAsthAya ki.n chitkiM chitsamAruha . 
koshakAravadAtmAna.n veShTayannAvabudhyase .. 14..\\
nAstikaM bhinnamaryAda.n kUlapAtamivAsthiram . 
vAmataH kuru visrabdho nara.n venumivoddhatam .. 15..\\
kAma.n krodhaM cha mR^ityuM cha pa~nchendriya jalAM nadIm . 
nAva.n dhR^itimayIM kR^itvA janma durgAni santara .. 16..\\
mR^ityunAbhyAhate loke jarayA paripIdite . 
amoghAsu patantIShu dharmayAnena santara .. 17..\\
tiShThanta.n cha shayAnaM cha mR^ityuranveShate yadA . 
nirvR^iti.n labhase kasmAdakasmAnmR^ityunAshitaH .. 18..\\
sa~ncinvAnakamevaina.n kAmAnAmavitR^iptakam . 
vR^ikIvoraNamAsAdya mR^ityurAdAya gachchhati .. 19..\\
kramashaH sa~ncitashikho dharmabuddhimayo mahAn . 
andhakAre praveShTavye dipo yatnena dhAryate .. 20..\\
sampatandehajAlAni kadA chidiha mAnuShe . 
brAhmaNya.n labhate jantustatputra paripAlaya .. 21..\\
brAhmaNasya hi deho.ayaM na kAmArthAya jAyate . 
iha kleshAya tapase pretya tvanupama.n sukham .. 22..\\
brAhmaNyaM bahubhiravApyate tapobhis 
tallabdhvA na paripanena heditavyam . 
svAdhyAye tapasi dame cha nityayuktaH 
kShemArthI kushalaparaH sadA yatasva .. 23..\\
avyaktaprakR^itiraya.n kalA sharIraH 
sUkShmAtmA kShaNatrutisho nimeSha romA . 
R^itvAsyaH samabalashuklakR^iShNanetro 
mAnA~Ngo dravati vayo hayo narANAm .. 24..\\
ta.n dR^iShTvA prasR^itamajasramugravegaM 
gachchhanta.n satatamihAvyapekShamANam . 
chakShuste yadina parapraNetR^ineyaM 
dharme te bhavatu manaH paraM nishamya .. 25..\\
ye.amI tu prachalita dharmakAmavR^ittAH 
kroshantaH satatamaniShTa samprayogAH . 
klishyante parigata vedanAsharIrA 
bahvIbhiH subhR^ishamadharmavAsanAbhiH .. 26..\\
rAjA dharmaparaH sadA shubhagoptA 
samIkShya sukR^itinA.n dadhAti lokAn . 
bahuvidhamapi charataH pradishati 
sukhamanupagataM niravadyam .. 27..\\
shvAno bhIsanAyo mukhAni vayA.nsi 
vada gR^idhrakulapakShiNA.n cha sa~NghAH . 
narA.n kadane rudhirapA guruvachana- 
nudamuparata.n vishasanti .. 28..\\
maryAdA niyatAH svayambhuvA ya ihemAH 
prabhinatti dashaguNA mano.anugatvAt . 
nivasati bhR^ishamasukhaM pitR^iviShaya- 
vipinamavagAhya sa pApaH .. 29..\\
yo lubdhaH subhR^ishaM priyAnR^itashcha manuShyaH 
satatanikR^itiva~nchanAratiH syAt . 
upanidhibhirasukhakR^itsa paramanirayago 
bhR^ishamasukhamanubhavati duShkR^ita karmA .. 30..\\
uShmA.n vaitaraNIM mahAnadIm 
avagAdho.asi patravanabhinna gAtraH . 
parashu vanashayo nipatito 
vasati cha mahAniraye bhR^ishArtaH .. 31..\\
mahApadAni katthase na chApyavekShase param . 
chirasya mR^ityukArikAmanAgatAM na budhyase .. 32..\\
prayAsyatA.n kimAsyate samutthitaM mahadbhayam . 
atipramAthi dAruNa.n sukhasya sa.nvidhIyatAm .. 33..\\
purA mR^itaH pranIyase yamasya mR^ityushAsanAt . 
tadantikAya dAruNaiH prayatnamArjave kuru .. 34..\\
purA samUla bAndhavaM prabhurharatyaduHkhavit . 
taveha jIvita.n yamo na chAsti tasya vArakaH .. 35..\\
purA vivAti mAruto yamasya yaH puraHsaraH . 
puraika eva nIyase kuruShva sAmparAyikam .. 36..\\
purA sahikka eva te pravAti mAruto.antakaH . 
purA cha vibhramanti te disho mahAbhayAgame .. 37..\\
smR^itishcha saMnirudhyate purA taveha putraka . 
samAkulasya gachchhataH samAdhimuttama.n kuru .. 38..\\
kR^itAkR^ite shubhAshubhe pramAdakarma viplute . 
smaranpurA na tapyase nidhatsva kevalaM nidhim .. 39..\\
purA jarA kalevara.n vijarjarI karoti te . 
balA~NgarUpahAriNI nidhatsva kevalaM nidhim .. 40..\\
purA sharIramantako bhinatti rogasAyakaiH . 
prasahya jIvitakShaye tapo mahatsamAchara .. 41..\\
purA vR^ikA bhaya~NkarA manuShyadehagocharAH . 
abhidravanti sarvato yatasva puNyashIlane .. 42..\\
purAndhakAramekako.anupashyasi tvarasva vai . 
purA hiranmayAnnagAnnirIkShase.adrimUrdhani .. 43..\\
purA kusa~NgatAni te suhR^inmukhAshcha shatravaH . 
vichAlayanti darshanAdghatasva putra yatparam .. 44..\\
dhanasya yasya rAjato bhayaM na chAsti chaurataH . 
mR^ita.n cha yanna mu~nchati samarjayasva taddhanam .. 45..\\
na tatra sa.nvibhajyate svakarmabhiH parasparam . 
yadeva yasya yautaka.n tadeva tatra so.ashnute .. 46..\\
paratra yena jIvyate tadeva putra dIyatAm . 
dhana.n yadakShaya.n dhruvaM samarjayasva tatsvayam .. 47..\\
na yAvadeva pachyate mahAjanasya yAvakam . 
apakva eva yAvake purA pranIyase tvara .. 48..\\
na mAtR^ipitR^ibAndhavA na sa.nstutaH priyo janaH . 
anuvrajanti sa~Nkate vrajantamekapAtinAm .. 49..\\
yadeva karma kevala.n svaya.n kR^itaM shubhAshubham . 
tadeva tasya yautakaM bhavatyamutra gachchhataH .. 50..\\
hiraNyaratnasa~ncayAH shubhAshubhena sa~ncitAH . 
na tasya dehasa~NkShaye bhavanti kAryasAdhakAH .. 51..\\
paratra gAmikasya te kR^itAkR^itasya karmaNaH . 
na sAkShirAtmanA samo nR^iNAmihAsti kash chana .. 52..\\
manuShyadehashUnyakaM bhavatyamutra gachchhataH . 
prapashya buddhichakShuShA pradR^ishyate hi sarvataH .. 53..\\
ihAgnisUryavAyavaH sharIramAshritAstrayaH . 
ta eva tasya sAkShiNo bhavanti dharmadarshinaH .. 54..\\
yathAnisheShu sarvataH spR^ishatsu sarvadAriShu . 
prakAshagUDha vR^ittiShu svadharmameva pAlaya .. 55..\\
anekapAripanthike virUparaudrarakShite . 
svameva karma rakShyatA.n svakarma tatra gachchhati .. 56..\\
na tatra sa.nvibhajyate svakarmaNA parasparam . 
yathA kR^ita.n svakarmaja.n tadeva bhujyate phalam .. 57..\\
yathApsaro gaNAH phala.n sukhaM maharShibhiH saha . 
tathApnuvanti karmato vimAnakAmagAnimaH .. 58..\\
yatheha yatkR^ita.n shubhaM vipApmabhiH kR^itAtmabhiH . 
tadApnuvanti mAnavAstathA vishuddhayonayaH .. 59..\\
prajApateH salokatAM bR^ihaspateH shatakratoH . 
vrajanti te parA.n gatiM gR^ihastha dharmasetubhiH .. 60..\\
sahasrasho.apyanekashaH pravaktumutsahAmahe . 
abuddhi mohanaM punaH prabhurvinA na yAvakam .. 61..\\
gatA dvirastavarShatA dhruvo.asi pa~nchaviMshakaH . 
kuruShva dharmasa~ncaya.n vayo hi te.ativartate .. 62..\\
purA karoti so.antakaH pramAdagomukha.n damam . 
yathAgR^ihItamutthita.n tvarasva dharmapAlane .. 63..\\
yadA tvameva pR^iShThatastvamagrato gamiShyasi . 
tathAgati.n gamiShyataH kimAtmanA pareNa vA .. 64..\\
yadekapAtinA.n satAM bhavatyamutra gachchhatAm . 
bhayeShu sAmparAyikaM nidhatsva taM mahAnidhim .. 65..\\
sakUla mUlabAndhavaM prabhurharatyasa~NgavAn . 
na santi yasya vArakAH kuruShva dharmasaMnidhim .. 66..\\
idaM nidarshanaM mayA taveha putra saMmatam . 
svadharshanAnumAnataH pravarnita.n kuruShva tat .. 67..\\
dadhAti yaH svakarmaNA dhanAni yasya kasya chit . 
abuddhi mohajairguNaiH shataika eva yujyate .. 68..\\
shruta.n samarthamastu te prakurvataH shubhAH kriyAH . 
tadeva tatra darshana.n kR^itaGYamarthasa.nhitam .. 69..\\
nibandhanI rajjureShA yA grAme vasato ratiH . 
chhittvainA.n sukR^ito yAnti nainA.n chhindanti duShkR^itaH .. 70..\\
ki.n te dhanena kiM bandhubhiste 
ki.n te putraiH putraka yo mariShyasi . 
AtmAnamanvichchha guhAM praviShTaM 
pitAmahAste kva gatAsh cha sarve .. 71..\\
shvaH kAryamadya kurvIta pUrvAhne chAparAhnikam . 
ko hi tadveda kasyAdya mR^ityusenA nivekShyate .. 72..\\
anugamya shmashAnAntaM nivartantIha bAndhavAH . 
agnau prakShipya puruSha.n GYAtayaH suhR^idastathA .. 73..\\
nAstikAnniranukroshAnnarAnpApamatau sthitAn . 
vAmataH kuru vishrabdhaM paraM prepsuratandritaH .. 74..\\
evamabhyAhate loke kAlenopanipIdite . 
sumahaddhairyamAlambya dharma.n sarvAtmanA kuru .. 75..\\
athema.n darshanopAya.n samyagyo vetti mAnavaH . 
samyaksa dharma.n kR^itveha paratra sukhamedhate .. 76..\\
na dehabhede maraNa.n vijAnatAM 
na cha pranAshaH svanupAlite pathi . 
dharma.n hi yo vardhayate sa paNDito 
ya eva dharmAchchyavate sa muhyati .. 77..\\
prayuktayoH karma pathi svakarmaNoH 
phalaM prayoktA labhate yathAvidhi . 
nihIna karmA nirayaM prapadyate 
triviShTapa.n gachchhati dharmapAragaH .. 78..\\
sopAnabhUta.n svargasya mAnuShyaM prApya durlabham . 
tathAtmAna.n samAdadhyAdbhrashyeta na punaryathA .. 79..\\
yasya notkrAmati matiH svargamArgAnusAriNI . 
tamAhuH puNyakarmANamashochyaM mitra bAndhavaiH .. 80..\\
yasya nopahatA buddhirnishchayeShvavalambate . 
svarge kR^itAvakAshasya tasya nAsti mahadbhayam .. 81..\\
tapovaneShu ye jAtAstatraiva nidhana.n gatAH . 
teShAmalpataro dharmaH kAmabhogamajAnatAm .. 82..\\
yastu bhogAnparityajya sharIreNa tapash charet . 
na tena ki.n chinna prAptaM tanme bahumataM phalam .. 83..\\
mAtA pitR^isahasrANi putradArashatAni cha . 
anAgatAnyatItAni kasya te kasya vA vayam .. 84..\\
na teShAM bhavatA kAryaM na kArya.n tava tairapi . 
svakR^itaistAni yAtAni bhavAMshchaiva gamiShyati .. 85..\\
iha loke hi dhaninaH paro.api svajanAyate . 
svajanastu daridrANA.n jIvatAmeva nashyati .. 86..\\
sa~ncinotyashubha.n karma kalatrApekShayA naraH . 
tataH kleshamavApnoti paratreha tathaiva cha .. 87..\\
pashya tva.n chhidrabhUta.n hi jIvalokaM svakarmaNA . 
tatkuruShva tathA putrakR^itsna.n yatsamudAhR^itam .. 88..\\
tadetatsampradR^ishyaiva karmabhUmiM pravishya tAm . 
shubhAnyAcharitavyAni paralokamabhIpsatA .. 89..\\
mAsartu sa~nj~nA parivartakena 
sUryA~NginA rAtridivendhanena . 
svakarma niShThA phalasAkShikeNa 
bhUtAni kAlaH pachati prasahya .. 90..\\
dhanena ki.n yanna dadAti nAshnute 
balena ki.n yena ripUnna bAdhate . 
shrutena ki.n yena na dharmamAcharet 
kimAtmanA yo na jitendriyo vashI .. 91..\\
ida.n dvaipAyana vacho hitamuktaM nishamya tu . 
shuko gataH parityajya pitaraM mokShadeshikam .. 92..\\
\medskip\hrule\medskip\centerline{\Largedvng 310}
 y

katha.n vyAsasya dharmAtmA shuko jaGYe mahAtapaH . 
sidhi.n cha paramAM prAptastanme brUhi pitAmaha .. 1..\\
kasyA.n chotpAdayAmAsa shuka.n vyAsastapodhanaH . 
na hyasya jananI.n vidma janma chAgryaM mahAtmanaH .. 2..\\
katha.n cha bAlasya sataH sUkShmaGYAne gatA matiH . 
yathA nAnyasya lokAsmindvitIyasyeha kasya chit .. 3..\\
etadichchhAmyaha.n shrotuM vistareNa mahAdyute . 
na hi me tR^iptirastIha shR^iNvato.amR^itamuttamam .. 4..\\
mAhAtmyamAtmayoga.n cha viGYAnaM cha shukasya ha . 
yathAvadAnupUrvyeNa tanme brUhi pitAmaha .. 5..\\

 bhii

na hAyanairna palitairna vittena na bandhubhiH . 
R^iShayashchakrire dharma.n yo.anUchAnaH sa no mahAn .. 6..\\
tapo mUlamida.n sarvaM yanmAM pR^ichchhasi pANDava . 
tadindriyANi sa.nyamya tapo bhavati nAnyathA .. 7..\\
indriyANAM prasa~Ngena doShamR^ichchhatyasaMshayam . 
saMniyamya tu tAnyeva siddhiM prApnoti mAnavaH .. 8..\\
ashvamedha sahasrasya vAjapeyashatasya cha . 
yogasya kalayA tAta na tulya.n vidyate phalam .. 9..\\
atra te vartayiShyAmi janma yogaphala.n yathA . 
shukasyAgryA.n gatiM chaiva durvidAmakR^itAtmabhiH .. 10..\\
merushR^i~Nge kila purA karNikAravanAyute . 
vijahAra mahAdevo bhimairbhUtagaNairvR^itaH .. 11..\\
shailarAjasutA chaiva devI tatrAbhavatpurA . 
tatra divya.n tapastepe kR^iShNadvaipAyanaH prabhuH .. 12..\\
yogenAtmAnamAvishya yogadharmaparAyanaH . 
dhArayansa tapastepe putrArtha.n kurusattama .. 13..\\
agnerbhUmerapA.n vAyorantarikShasya chAbhibho . 
vIryeNa saMmitaH putro mama bhUyAditi sma ha .. 14..\\
sa~NkalpenAtha so.anena duShprApenAkR^itAtmabhiH . 
varayAmAsa deveshamAsthitastapa uttamam .. 15..\\
atiShThanmArutAhAraH shata.n kila sabhAH prabhuH . 
ArAdhayanmahAdevaM bahurUpamumApatim .. 16..\\
tatra brahmarShayashchaiva sarve devarShayastathA . 
lokapAlAshcha lokesha.n sAdhyAshcha vasubhiH saha .. 17..\\
AdityAshchaiva rudrAshcha divAkaranishAkarau . 
maruto mArutashchaiva sAgarAH saritastathA .. 18..\\
ashvinau devagandharvAstathA nArada parvatau . 
vishvAvasushcha gandharvaH siddhAshchApsarasA.n gaNAH .. 19..\\
tatra rudro mahAdevaH karNikAramayI.n shubhAm . 
dhArayANaH srajaM bhAti jyotsnAmiva nishAkaraH .. 20..\\
tasmindivye vane ramye devadevarShisa~Nkule . 
AsthitaH parama.n yogamR^iShiH putrArthamudyataH .. 21..\\
na chAsya hIyate varNo na glAnirupajAyate . 
trayANAmapi lokAnA.n tadadbhutamivAbhavat .. 22..\\
jatAshcha tejasA tasya vaishvAnara shikhopamAH . 
prajvalantyaH sma dR^ishyante yuktasyAmita tejasaH .. 23..\\
mArkandeyo hi bhagavAnetadAkhyAtavAnmama . 
sa deva charitAnIha kathayAmAsa me sadA .. 24..\\
tA etAdyApi kR^iShNasya tapasA tena dIpitAH . 
agnivarNA jatAstAta prakAshante mahAtmanaH .. 25..\\
eva.nvidhena tapasA tasya bhaktyA cha bhArata . 
maheshvaraH prasannAtmA chakAra manasA matim .. 26..\\
uvAcha chainaM bhagavA.nstryambakaH prahasanniva . 
eva.nvidhaste tanayo dvaipAyana bhaviShyati .. 27..\\
yathA hyagniryathA vAyuryathA bhUmiryathA jalam . 
yathA cha kha.n tathA shuddho bhaviShyati suto mahAn .. 28..\\
tadbhAvabhAvI tadbuddhistadAtmA tadapAshrayaH . 
tejasAvR^itya lokA.nstrInyashaH prApsyati kevalam .. 29..\\
\medskip\hrule\medskip\centerline{\Largedvng 311}
 bhii

sa labdhvA parama.n devAdvara.n satyavatI sutaH . 
araNI.n tvatha sa~NgR^ihya mamanthAgnichikIrShayA .. 1..\\
atha rUpaM para.n rAjanbibhratIM svena tejasA . 
ghR^itAchIM nAmApsarasamapashyadbhagavAnR^iShiH .. 2..\\
R^iShirapsarasa.n dR^iShTvA sahasA kAmamohitaH . 
abhavadbhagavAnvyAso vane tasminyudhiShThira .. 3..\\
sA cha kR^itvA tadA vyAsa.n kAmasa.nvignamAnasam . 
shukI bhUtvA mahArAja ghR^itAchI samupAgamat .. 4..\\
sa tAmapsarasa.n dR^iShTvA rUpeNAnyena sa.nvR^itAm . 
sharIrajenAnugataH sarvagAtrAtigena ha .. 5..\\
sa tu dhairyeNa mahatA nigR^ihNanhR^ichchhayaM muniH . 
na shashAka niyantu.n tadvyAsaH pravisR^itaM manaH . 
bhAvitvAchchaiva bhAvasya ghR^itAchyA vapuShA hR^itaH .. 6..\\
yatnAnniyachchhato yasya muneragi chikIrShayA . 
araNyAmeva sahasA tasya shukramavApatat .. 7..\\
so.avisha~Nkena manasA tathaiva dvijasattamaH . 
araNIM mamantha brahmarShistasyA.n jaGYe shuko nR^ipa .. 8..\\
shukre nirmathyamAne tu shuko jaGYe mahAtapaH . 
paramarShirmahAyogiyaraNI garbhasambhavaH .. 9..\\
yathAdhvare samiddho.agnirbAti havyamupAttavAn . 
tathArUpaH shuko jaGYe prajvalanniva tejasA .. 10..\\
bibhratpitushcha kauravya rUpavarNamanuttamam . 
babhau tadA bhAvitAtmA vidhUmo.agniriva jvalan .. 11..\\
ta.n ga~NgA saritA.n shreShThA merupR^iShThe janeshvara . 
svarUpiNI tadAbhyetya snApayAmAsa vAriNA .. 12..\\
antarikShAchcha kauravya dandaH kR^iShNAjina.n cha ha . 
papAta bhuvi rAjendra shukasyArthe mahAtmanaH .. 13..\\
jehIyante sma gandharvA nanR^itushchApsarogaNAH . 
devadundubhayashchaiva prAvAdyanta mahAsvanAH .. 14..\\
vishvAvasushcha gandharvastathA tumburu nAradau . 
hAhA hUhU cha gandharvau tuShTuvuH shukasambhavam .. 15..\\
tatra shakra purogAshcha lokapAlAH samAgatAH . 
devA devarShayashchaiva tathA brahmarShayo.api cha .. 16..\\
divyAni sarvapuShpAni pravavarShAtra mArutaH . 
ja~Ngama.n sthAvara.n chaiva prahR^iShTamabhavajjagat .. 17..\\
taM mahAtmA svayaM prItyA devyA saha mahAdyutiH . 
jAtamAtraM muneH putra.n vidhinopAnayattadA .. 18..\\
tasya deveshvaraH shakro divyamadbhutadarshanam . 
dadau kamandaluM prItyA deva vAsA.nsi chAbhibho .. 19..\\
ha.nsAshcha shatapatrAshcha sArasAshcha sahasrashaH . 
pradakShiNamavartanta shukAshchAsashcha bhArata .. 20..\\
AraNeyastathA divyaM prApya janma mahAdyutiH . 
tatraivovAsa medhAvI vratachArI samAhitaH .. 21..\\
utpanna mAtra.n ta.n vedAH sarahasyAH sasa~NgrahAH . 
upatasthurmahArAja yathAsya pitara.n tathA .. 22..\\
bR^ihaspati.n tu vavre sa vedavedA~NgabhAShyavit . 
upAdhyAyaM mahArAja dharmamevAnuchintayan .. 23..\\
so.adhItya vedAnakhilAnsarahasyAnsasa~NgrahAn . 
itihAsa.n cha kArtsnyena rAjashAstrANi chAbhibho .. 24..\\
gurave dakShiNA.n dattvA samAvR^itto mahAmuniH . 
ugra.n tapaH samArebhe brahmachArI samAhitaH .. 25..\\
devatAnAmR^iShINA.n cha bAlye.api sa mahAtapaH . 
saMmantraNIyo mAnyashcha GYAnena tapasA tathA .. 26..\\
na tvasya ramate buddhirAshrameShu narAdhipa . 
triShu gArhastya mUleShu mokShadharmAnudarshinaH .. 27..\\
\medskip\hrule\medskip\centerline{\Largedvng 312}
 bhii

sa mokShamanuchintyaiva shukaH pitaramabhyagAt . 
prAhAbhivAdya cha guru.n shreyo.arthI vinayAnvitaH .. 1..\\
mokShadharmeShu kushalo bhagavAnprabravItu me . 
yathA me manasaH shAntiH paramA sambhavetprabho .. 2..\\
shrutvA putrasya vachanaM paramarShiruvAcha tam . 
adhIsva putra mokSha.n vai dharmAMshcha vividhAnapi .. 3..\\
piturniyogAjjagrAha shuko brahmavidA.n varaH . 
yogashAstra.n cha nikhilaM pApilaM chaiva bhArata .. 4..\\
sa taM brAhmyA shriyA yuktaM brahma tulyaparAkramam . 
mene putra.n yadA vyAsa mokShavidyA vishAradam .. 5..\\
uvAcha gachchheti tadA janakaM mithileshvaram . 
sa te vakShyati mokShArthaM nikhilena visheShataH .. 6..\\
piturniyogAdagamanmaithila.n janakaM nR^ipam . 
prastu.n dharmasya niShThA.n vai mokShasya cha parAyanam .. 7..\\
uktashcha mAnuSheNa tvaM pathA gachchhetyavismitaH . 
na prabhAvena gantavyamantarikShachareNa vai .. 8..\\
Arjavenaiva gantavyaM na sukhAnveShiNA pathA . 
nAnveShTavyA visheShAstu visheShA hi prasa~NginaH .. 9..\\
aha~NkAro na kartavyo yAjye tasminnarAdhipe . 
sthAtavya.n cha vashe tasya sa te chhetsyati saMshayam .. 10..\\
sa dharmakushalo rAjA mokShashAstravishAradaH . 
yAjyo mama sa yadbrUyAttatkAryamavisha~NkayA .. 11..\\
evamuktaH sa dharmAtmA jagAma mithilAM muniH . 
padbhyA.n shako.antarikSheNa krAntuM bhUmiM sasAgarAm .. 12..\\
sa girIMshchApyatikramya nadIstIrtvA sarA.nsi cha . 
bahu vyAlamR^igAkIrNA vividhAshchAtavIstathA .. 13..\\
merorhareshcha dve varShe varSha.n haimavata.n tathA . 
krameNaiva vyatikramya bhArata.n varShamAsadat .. 14..\\
sa deshAnvividhAnpashyaMshchIna hUna niShevitAn . 
AryAvartamima.n deshamAjagAma vichintayan .. 15..\\
piturvachanamAGYAya tamevArtha.n vichintayan . 
adhvAna.n so.atichakrAma khe.acharaH khecharanniva .. 16..\\
pattanAni cha ramyANi sphItAni nagarANi cha . 
ratnAni cha vichitrANi shukaH pashyanna pashyati .. 17..\\
udyAnAni cha ramyANi tathaivAyatanAni cha . 
puNyAni chaiva tIrthAni so.atikramya tathAdhvanaH .. 18..\\
so.achireNaiva kAlena videhAnAsasAda ha . 
rakShitAndharmarAjena janakena mahAtmanA .. 19..\\
tatra grAmAnbahUnpashyanbahvannarasabhojanAn . 
pallI ghoShAnsamR^iddhAMshcha bahugokulasa~NkulAn .. 20..\\
sphItAMshcha shAliyavasairha.nsasArasasevitAn . 
padminIbhishcha shatashaH shrImatIbhirala~NkR^itAn .. 21..\\
sa videhAnatikramya samR^iddhajanasevitAn . 
mithilopavana.n ramyAsasAda mahadR^iddhimat .. 22..\\
hastyashvarathasa~NkIrNaM naranArI samAkulam . 
pashyannapashyanniva tatsamatikrAmadavyutaH .. 23..\\
manasA ta.n vahanbhAra.n tamevArthaM vichintayan . 
AtmArAmaH prasannAtmA mithilAmAsasAda ha .. 24..\\
tasyA dvAra.n samAsAdya dvArapAlairnivAritaH . 
sthito dhyAnaparo mukto viditaH pravivesha ha .. 25..\\
sa rAjamArgamAsAdya samR^iddhajanasa~Nkulam . 
pArthiva kShayamAsAdya niHsha~NkaH pravivesha ha .. 26..\\
tatrApi dvArapAlAstamugravAcho nyasedhayan . 
tathaiva cha shukastatra nirmanyuH samatiShThata .. 27..\\
na chAtapAdhva santaptaH kShutpipAsA shramAnvitaH . 
pratAmyati glAyati vA nApaiti cha tathAtapAt .. 28..\\
teShA.n tu dvArapAlAnAmekaH shokasamanvitaH . 
madhya.n gatamivAdityaM dR^iShTvA shukamavasthitam .. 29..\\
pUjayitvA yathAnyAyamabhivAdya kR^itA~njaliH . 
praveshayattataH kakShyA.n dvitIya.n rAjaveshmanaH .. 30..\\
tatrAsInaH shukastAta mokShamevAnuchintayan . 
chhAyAyAmAtape chaiva samadarshI mahAdyutiH .. 31..\\
taM muhUrtAdivAgamya rAGYo mantrI kR^itA~njaliH . 
prAveshayattataH kakShyA.n tR^itIyA.n rAjaveshmanaH .. 32..\\
tatrAntaHpura sambaddhaM mahachchaitrarathopamam . 
suvibhaktajalA krIDa.n ramyaM puShpitapAdapam .. 33..\\
taddarshayitvA sa shukaM mantrI kAnanamuttamam . 
arhamAsanamAdishya nishchakrAma tataH punaH .. 34..\\
ta.n chAruveShAH sushroNyastaruNyaH priyadarshanAH . 
sUkShmaraktAmbaradharAstaptakA~nchanabhUsanaH .. 35..\\
sa.nlApollApa kushalA nR^ittagItavishAradAH . 
smitapUrvAbhibhAsinyo rUpeNApsarasA.n samAH .. 36..\\
kAmopachAra kushalA bhAvaGYAH sarvakovidAH . 
paraM pa~nchAshato nAryo vAru mukhyAH samAdravan .. 37..\\
pAdyAdIni pratigrAhya pUjayA parayArchya cha . 
deshakAlopapannena sAdhvannenApyatarpayan .. 38..\\
tasya bhuktavatastAta tadantaHpura kAnanam . 
suramya.n darshayAmAsuraikaikashyena bhArata .. 39..\\
krIdantyashcha hasantyashcha gAyantyashchaiva tAH shukam . 
udArasattva.n sattvaGYAH sarvAH paryachara.nstadA .. 40..\\
AraNeyastu shuddhAtmA trisandehastrikarmakR^it . 
vashyendriyo jitakrodho na hR^iShyati na kupyati .. 41..\\
tasmai shayyAsana.n divya.n varArhaM ratnabhUShitam . 
spardhyAstaraNa sa.nstIrNa.n dadustAH paramastriyaH .. 42..\\
pAdashaucha.n tu kR^itvaiva shukaH sandhyAmupAsya cha . 
niShasAdAsane puNye tamevArtha.n vichintayan .. 43..\\
pUrvarAtre tu tatrAsau bhUtvA dhyAnaparAyanaH . 
madhyarAtre yathAnyAyaM nidrAmAhArayatprabhuH .. 44..\\
tato muhUrtAdutthAya kR^itvA shauchamanantaram . 
strIbhiH parivR^ito dhImAndhyAnamevAnvapadyata .. 45..\\
anena vidhinA kArShNistadahaH sheShamachyutaH . 
tA.n cha rAtriM nR^ipa kule vartayAmAsa bhArata .. 46..\\
\medskip\hrule\medskip\centerline{\Largedvng 313}
 bhii

tataH sa rAjA janako mantribhiH saha bhArata . 
puraH purohita.n kR^itvA sarvANyantaHpurANi cha .. 1..\\
Asana.n cha puraskR^itya ratnAni vividhAni cha . 
shirasA chArghyamAdAya puru putra.n samabhyagAt .. 2..\\
sa tadAsanamAdAya bahuratnavibhUShitam . 
spardhyAstaraNa sa.nstIrNa.n sarvatobhadramR^ichchhimat .. 3..\\
purodhasA sa~NgR^ihIta.n hastenAlabhya pArthivaH . 
pradadau guruputrAya shukAya paramArchitam .. 4..\\
tatropaviShTa.n taM kArShNi.n shAstrataH pratyapUjayat . 
pAdyaM nivedya prathamamarghya.n gAM cha nyavedayat . 
sa cha tAM mantravatpUjAM pratyagR^ihNAdyathAvidhi .. 5..\\
pratigR^ihya cha tAM pUjA.n janakAddvijasattamaH . 
gA.n chaiva samanuGYAya rAjAnamanumAnya cha .. 6..\\
paryapR^ichchhanmahAtejA rAGYaH kushalamavyayam . 
anAmaya.n cha rAjendra shukaH sAnucharasya ha .. 7..\\
anuGYAtaH sa tenAtha niShasAda sahAnugaH . 
udArasattvAbhijano bhUmau rAjA kR^itA~njaliH .. 8..\\
kushala.n chAvyayaM chaiva pR^iShTvA vaiyAsakiM nR^ipaH . 
kimAgamanamityeva paryapR^ichchhata pArthivaH .. 9..\\

 zuka

pitrAhamukto bhadra.n te mokShadharmArthakovidaH . 
videharAjo yAjyo me janako nAma vishrutaH .. 10..\\
tatra gachchhasva vai tUrNa.n yadi te hR^idi saMshayaH . 
pravR^ittau vA nivR^ittau vA sa te chhetsyati saMshayam .. 11..\\
so.ahaM piturniyogAttvAmupaprastumihAgataH . 
tanme dharmabhR^itA.n shreShTha yathAvadvaktumarhasi .. 12..\\
ki.n kAryaM brAhmaNeneha mokShArthashcha kimAtmakaH . 
katha.n cha mokShaH kartavyo GYAnena tapasApi vA .. 13..\\

 janaka

yatkAryaM brAhmaNeneha janmaprabhR^iti tachchhR^iNu . 
kR^itopanayanastAta bhavedveda parAyanaH .. 14..\\
tapasA guruvR^ittyA cha brahmacharyeNa chAbhibho . 
devatAnAM pitR^INA.n chApyanR^iNashchAnasUyakaH .. 15..\\
vedAnadhItya niyato dakShiNAm apavarjya cha . 
abhyanuGYAmatha prApya samAvarteta vai dvijaH .. 16..\\
samAvR^ittastu gArhasthye sadAro niyato vaset . 
anasUyuryathAnyAyamAhitAgnistathaiva cha .. 17..\\
utpAdya putrapautra.n tu vanyAshramapade vaset . 
tAnyevAgnInyathAshAstramarchayannatithipriyaH .. 18..\\
sa vane.agnInyathAnyAyamAtmanyAropya dharmavit . 
nirdvandvo vItarAgAtmA brahmAshramapade vaset .. 19..\\

 zuka

utpanne GYAnaviGYAne pratyakShe hR^idi shAshvate . 
kimavashyaM nivastavyamAshrameShu vaneShu cha .. 20..\\
etadbhavantaM pR^ichchhAmi tadbhavAnvaktumarhati . 
yathA vedArtha tattvena brUhi me tva.n janAdhipa .. 21..\\

 janaka

na vinA GYAnaviGYAnaM mokShasyAdhigamo bhavet . 
na vinA guru sambandha.n GYAnasyAdhigamaH smR^itaH .. 22..\\
AchAryaH plAvitA tasya GYAnaM plava ihochyate . 
viGYAya kR^itakR^ityastu tIrNastadubhaya.n tyajet .. 23..\\
anuchchhedAya lokAnAmanuchchhedAya karmaNAm . 
pUrvairAcharito dharmashchAturAshramya sa~NkathaH .. 24..\\
anena kramayogena bahu jAtiShu karmaNA . 
kR^itvA shubhAshubha.n karma mokSho nAmeha labhyate .. 25..\\
bhavitaiH kAraNaishchAyaM bahu sa.nsArayoniShu . 
AsAdayati shuddhAtmA mokSha.n vai prathamAshrame .. 26..\\
tamAsAdya tu muktasya dR^iShTArthasya vipashchitaH . 
triShvAshrameShu ko nvartho bhavetparamamIpsataH .. 27..\\
rAjasA.nstAmasAMshchaiva nitya.n doShAnvivarjayet . 
sAttvikaM mArgamAsthAya pashyedAtmAnamAtmanA .. 28..\\
sarvabhUteShu chAtmAna.n sarvahUtAni chAtmani . 
sampashyannopalipyeta jale vAri charo yathA .. 29..\\
pakShIva plavanAdUrdhvamamutrAnantyamashnute . 
vihAya dehaM nirmukto nirdvandvaH prashama.n gataH .. 30..\\
atra gAthAH purA gItAH shR^iNu rAGYA yayAtinA . 
dhAryante yA dvijaistAta mokShashAstravishAradaiH .. 31..\\
jyotirAtmani nAnyatra rata.n tatraiva chaiva tat . 
svaya.n cha shakyaM taddraShTu.n susamAhita chetasA .. 32..\\
na bibheti paro yasmAnna bibheti parAchcha yaH . 
yashcha nechchhati na dveShTi brahma sampadyate tadA .. 33..\\
yadA bhAvaM na kurute sarvabhUteShu pApakam . 
karmaNA manasA vAchA brahma sampadyate tadA .. 34..\\
sa.nyojya tapasAtmAnamIrShyAmutsR^ijya mohinIm . 
tyaktvA kAma.n cha lobhaM cha tato brahmatvamashnute .. 35..\\
yadA shravye cha dR^ishye cha sarvabhUteShu chApyayam . 
samo bhavati nirdvandvo brahma sampadyate tadA .. 36..\\
yadA stuti.n cha nindAM cha samatvenaiva pashyati . 
kA~nchana.n chAyasaM chaiva sukhaduHkhe tathaiva cha .. 37..\\
shItamuShNa.n tathaivArthamanarthaM priyamapriyam . 
jIvitaM maraNa.n chaiva brahma sampadyate tadA .. 38..\\
prasAryeha yathA~NgAni kUrmaH sa.nharate punaH . 
tathendriyANi manasA sa.nyantavyAni bhikShuNA .. 39..\\
tamaH parigata.n veshma yathA dIpena dR^ishyate . 
tathA buddhipradIpena shakya AtmA nirIkShitum .. 40..\\
etatsarvaM prapashyAmi tvayi buddhimatA.n vara . 
yachchAnyadapi vettavya.n tattvato veda tadbhavAn .. 41..\\
brahmarShe viditashchAsi viShayAntamupAgataH . 
gurostava prasAdena tava chaivopashikShayA .. 42..\\
tasyaiva cha prasAdena prAdurbhUtaM mahAmune . 
GYAna.n divyaM mamApIdaM tenAsi vidito mama .. 43..\\
adhika.n tava viGYAnamadhikA cha gatistava . 
adhika.n cha tavaishvaryaM tachcha tvaM nAvabudhyase .. 44..\\
bAlyAdvA saMshayAdvApi bhayAdvApyavimokShajAt . 
utpanne chApi viGYAne nAdhigachchhanti tA.n gatim .. 45..\\
vyavasAyena shuddhena madvidhaishchhinnasaMshayaH . 
vimuchya hR^idayagranthInAsAdayati tA.n gatim .. 46..\\
bhavAMshchotpanna viGYAnaH sthirabuddhiralolupaH . 
vyavasAyAdR^ite brahmannAsAdayati tatparam .. 47..\\
nAsti te sukhaduHkheShu visheSho nAsti lolupA . 
nautsukyaM nR^ittagIteShu na rAga upajAyate .. 48..\\
na bandhuShu nibandhaste na bhayeShvasti te bhayam . 
pashyAmi tvAM mahAbhAga tulyaloShTAshma kA~nchanam .. 49..\\
aha.n cha tvAnupashyAmi ye chApyanye manIShiNaH . 
AsthitaM paramaM mArgamakShaya.n tamanAmayam .. 50..\\
yatphalaM brAhmaNasyeha mokShArthashcha yadAtmakaH . 
tasminvai vartase vipra kimanyatparipR^ichchhasi .. 51..\\
\medskip\hrule\medskip\centerline{\Largedvng 314}
 bhii

etachchhrutvA tu vachana.n kR^itAtmA kR^itanishchayaH . 
AtmanAtmAnamAsthAya dR^iShTvA chAtmAnamAtmanA .. 1..\\
kR^itakAryaH sukhI shAntastUsnIM prAyAduda~NmukhaH . 
shaishira.n girimuddishya sadharmA mAtarishvanaH .. 2..\\
etasminneva kAle tu devarShirnAradastadA . 
himavantamiyAddraShTu.n siddhachAraNasevitam .. 3..\\
tamapsarogaNAkIrNa.n gItasvananinAditam . 
kiMnarANA.n samUhaishcha bhR^i~NgarAjaistathaiva cha .. 4..\\
madgubhiH kha~njarItaishcha vichitrairjIva jIvakaiH . 
chitravarNairmayUraishcha kekA shatavirAjitaiH . 
rAjaha.nsa samUhaishcha hR^iShTaiH parabhR^itaistathA .. 5..\\
pakShirAjo garutmAMshcha yaM nityamadhigachchhati . 
chatvAro lokapAlashcha devAH sarShigaNAstathA . 
yatra nitya.n samAyAnti lokasya hitakAmyayA .. 6..\\
viShNunA yatra putrArthe tapastaptaM mahAtmanA . 
yatraiva cha kumAreNa bAlye kShiptA divaukasaH .. 7..\\
shaktirnyastA kShititale trailokyamavamanya vai . 
yatrovAcha jagatskandaH kShipanvAkyamida.n tadA .. 8..\\
yo.anyo.asti matto.abhyadhiko viprA yasyAdhikaM priyAH . 
yo brahmaNyo dvitIyo.asti triShu lokeShu vIryavAn .. 9..\\
so.abhyuddharatvimA.n shaktimatha vA kampayatviti . 
tachchhrutvA vyathitA lokAH ka imAm uddharediti .. 10..\\
atha devagaNa.n sarvaM sambhrAntendriya mAnasam . 
apashyadbhagavAnviShNuH kShipra.n sAsurarAkShasam . 
kiM nvatra sukR^ita.n kAryaM bhavediti vichintayan .. 11..\\
sa nAmR^iShyata ta.n kShepamavaikShata cha pAvakim . 
sa prahasya vishuddhAtmA shaktiM prajvalitA.n tadA . 
kampayAmAsa savyena pAninA puruShottamaH .. 12..\\
shaktyA.n tu kampayAnAyA.n viShNunA balinA tadA . 
medinI kampitA sarvA sashailavanakAnanA .. 13..\\
shaktenApi samuddhartu.n kampitA sA na tUddhR^itA . 
rakShatA skanda rAjasya dharShaNAM prabhaviShNunA .. 14..\\
tA.n kampayitvA bhagavAnprahrAdamidamabravIt . 
pashya vIrya.n kumArasya naitadanyaH kariShyati .. 15..\\
so.amR^iShyamANastadvAkya.n samuddharaNa nishchitaH . 
jagrAha tA.n tasya shaktiM na chainAm apyakampayat .. 16..\\
nAdaM mahAntaM muktvA sa mUrchchhito girimUrdhani . 
vihvalaH prApatadbhUmau hiraNyakashipoH sutaH .. 17..\\
yatrottarA.n dishiM gatvA shailarAjasya pArshvataH . 
tapo.atapyata durdharShastAta nitya.n vR^iShadhvajaH .. 18..\\
pAvakena parikShipto dIpyatA tasya chAshramaH . 
AdityabandhanaM nAma durdharShamakR^itAtmabhiH .. 19..\\
na tatra shakyate gantu.n yakSharAkShasa dAnavaiH . 
dashayojanavistAramagnijvAlA samAvR^itam .. 20..\\
bhagavAnpavakastatra svaya.n tiShThati vIryavA . 
sarvavighnAnprashamayanmahAdevasya dhImataH .. 21..\\
divya.n varShasahasraM hi pAdenaikena tiShThataH . 
devAnsantApaya.nstatra mahAdevo dhR^itavrataH .. 22..\\
aindrI.n tu dishamAsthAya shailarAjasya dhImataH . 
vivikte parvata tate pArAsharyo mahAtapaH . 
vedAnadhyApayAmAsa vyAsaH shiShyAnmahAtapaH .. 23..\\
sumantu.n cha mahAbhAga.n vaishampAyanameva cha . 
jaimini.n cha mahAprAGYaM pailaM chApi tapasvinam .. 24..\\
ebhiH shiShyaiH parivR^ito vyAsa Aste mahAtapaH . 
tatrAshramapadaM puNya.n dadarsha pituruttamam . 
AraNeyo vishuddhAtmA nabhasIva divAkaraH .. 25..\\
atha vyAsaH parikShipta.n jvajantamiva pAvakam . 
dadarsha sutamAyAnta.n divAkarasamaprabham .. 26..\\
asajjamAna.n vR^ikSheShu shaileShu viShameShu cha . 
yogayuktaM mahAtmAna.n yathA bAna.n guNachyutam .. 27..\\
so.abhigamya pituH pAdAvagR^ihNAdaraNIsutaH . 
yathopajoSha.n taishchApi samAgachchhanmahAmuniH .. 28..\\
tato nivedayAmAsa pitre sarvamasheShataH . 
shuko janakarAjena sa.nvAdaM prItamAnasaH .. 29..\\
evamadhyApaya~nshiShyAnvyAsaH putra.n cha vIryavAn . 
uvAsa himavatpR^iShThe pArAsharyo mahAmuniH .. 30..\\
tataH kadA chichchhiShyAstaM parivAryAvatasthire . 
vedAdhyayanasampannAH shAntAtmAno jitendriyAH .. 31..\\
vedeShu niShThA.n samprApya sA~NgeShvatitapasvinaH . 
athochuste tadA vyAsa.n shiShyAH prA~njalayo gurum .. 32..\\
mahatA shreyasA yuktA yashasA cha sma vardhitAH . 
eka.n tvidAnImichchhAmo guruNAnugrahaM kR^itam .. 33..\\
iti teShA.n vachaH shrutvA brahmarShistAnuvAcha ha . 
uchyatAmiti tadvatsA yadvaH kAryaM priyaM mayA .. 34..\\
etadvAkya.n guroH shrutvA shiShyAste hR^iShTamAnasAH . 
punaH prA~njalayo bhUtvA pranamya shirasA gurum .. 35..\\
Uchuste sahitA rAjannida.n vachanamuttamam . 
yadi prIta upAdhyAyo dhanyAH smo munisattama .. 36..\\
kA~NkShAmastu vaya.n sarve vara.n dattaM maharShiNA . 
sasthaH shiShyo na te khyAti.n gachchhedatra prasIda naH .. 37..\\
chatvAraste vaya.n shiShyA guruputrashcha pa~nchamaH . 
iha vedAH pratiShTheranneSha naH kA~NkShito varaH .. 38..\\
shiShyANA.n vachanaM shrutvA vyAso vedArtha tattvavit . 
parAsharAtmajo dhImAnparalokArtha chintakaH . 
uvAcha shiShyAndharmAtmA dharmyaM naiHshreyasa.n vachaH .. 39..\\
brAhmaNAya sadA deyaM brahma shushrUsave bhavet . 
brahmaloke nivAsa.n yo dhruvaM samabhikA~NkShati .. 40..\\
bhavanto bahulAH santu vedo vistAryatAm ayam . 
nAshiShye sampradAtavyo nAvrate nAkR^itAtmani .. 41..\\
ete shiShyaguNAH sarve viGYAtavyA yathArthataH . 
nAparIkShita chAritre vidyA deyA katha.n chana .. 42..\\
yathA hi kanaka.n shuddha.n tApachhedanigharShaNaiH . 
parIkSheta tathA shiShyAnIkShetkulaguNAdibhiH .. 43..\\
na niyojyAshcha vaH shiShyA aniyoge mahAbhaye . 
yathAmatiyathA pAtha.n tathA vidyA phaliShyati .. 44..\\
sarvastaratu durgAni sarvo bhadrANi pashyatu . 
shrAvayechchaturo varNAnkR^itvA brAhmaNamagrataH .. 45..\\
vedasyAdhyayana.n hIda.n tachcha kAryaM mahatsmR^itam . 
stutyarthamiha devAnA.n vedAH sR^iShTAH svayambhuvA .. 46..\\
yo nirvadeta saMmohAdbrAhmaNa.n vedapAragam . 
so.apadhyAnAdbrAhmaNasya parAbhUyAdasaMshayam .. 47..\\
yashchAdharmeNa vibrUyAdyashchAdharmeNa pR^ichchhati . 
tayoranyataraH praiti vidveSha.n vAdhigachchhati .. 48..\\
etadvaH sarvamAkhyAta.n svAdhyAyasya vidhiM prati . 
upakuryAchcha shiShyANAmetachcha hR^idi vo bhavet .. 49..\\
\medskip\hrule\medskip\centerline{\Largedvng 315}
 bhii

etachchhrutvA gurorvAkya.n vyAsa shiShyA mahaujasaH . 
anyonya.n hR^iShTamanasaH pariShasvajire tadA .. 1..\\
uktAH smo yadbhagavatA tadAtvAyati sa.nhitam . 
tanno manasi sa.nrUDha.n kariShyAmastathA cha tat .. 2..\\
anyonya.n cha sabhAjyaiva.n suprItamanasaH punaH . 
viGYApayanti sma guruM punarvAkyavishAradAH .. 3..\\
shailAdasmAnmahI.n gantuM kA~NkShitaM no mahAmunau . 
vedAnanekadhA kartu.n yadi te ruchitaM vibho .. 4..\\
shiShyANA.n vachanaM shrutvA parAshara sutaH prabhuH . 
pratyuvAcha tato vAkya.n dharmArthasahita.n hitam .. 5..\\
kShiti.n vA devalokaM vA gamyatAM yadi rochate . 
apramAdashcha vaH kAryo brahma hi prachurachhalam .. 6..\\
te.anuGYAtAstataH sarve guruNA satyavAdinA . 
jagmuH pradakShiNa.n kR^itvA vyAsaM mUrdhnAbhivAdya cha .. 7..\\
avatIrya mahI.n te.atha chAturhotramakalpayan . 
sa.nyAjayanto viprAMshcha rAjanyAMshcha vishastathA .. 8..\\
pUjyamAnA dvijairnityaM modamAnA gR^ihe ratAH . 
yAjanAdhyApana ratAH shrImanto lokavishrutAH .. 9..\\
avatIrNeShu shiShyeShu vyAsaH putrasahAyavAn . 
tUsnI.n dhyAnaparo dhImAnekAnte samupAvishat .. 10..\\
ta.n dadarshAshramapade nAradaH sumahAtapaH . 
athainamabravItkAle madhurAkSharayA girA .. 11..\\
bho bho maharShe vAsiShTha brahmaghoSho na vartate . 
eko dhyAnaparastUsnI.n kimAsse chintayanniva .. 12..\\
brahmaghoShairvirahitaH parvato.ayaM na shobhate . 
rajasA tamasA chaiva somaH sopaplavo yathA .. 13..\\
na bhrAjate yathA pUrvaM niShAdAnAmivAlayaH . 
devarShigaNajuShTo.api vedadhvaninirAkR^itaH .. 14..\\
R^iShayashcha hi devAshcha gandharvAshcha mahaujasaH . 
vimuktA brahmaghoSheNa na bhrAjante yathA purA .. 15..\\
nAradasya vachaH shrutvA kR^iShNadvaipAyano.abravIt . 
maharShe yattvayA prokta.n vedavAdavichakShaNa .. 16..\\
etanmano.anukUlaM me bhavAnarhati bhAsitum . 
sarvaGYaH sarvadarshI cha sarvatra cha kutUhalI .. 17..\\
triShu lokeShu yadvR^itta.n sarva.n tava mate sthitam . 
tadAGYApaya viprarShe brUhi ki.n karavANi te .. 18..\\
yanmayA samanuShTheyaM brahmarShe tadudAhara . 
viyuktasyeha shiShyairme nAtihR^iShTamidaM manaH .. 19..\\

 naarada

anAmnAya malA vedA brAhmaNasyAvrataM malam . 
malaM pR^ithivyA vAhIkAH strINA.n kautUhalaM malam .. 20..\\
adhIyatAM bhavAnvedAnsArdhaM putreNa dhImatA . 
vidhunvanbrahmaghoSheNa rakShobhayakR^ita.n tamaH .. 21..\\

 bhii

nAradasya vachaH shrutvA vyAsaH paramadharmavit . 
tathetyuvAcha sa.nhR^iShTo vedAbhyAse dR^idha vrataH .. 22..\\
shukena saha putreNa vedAbhyAsamathAkarot . 
svareNochchaiH sa shaikSheNa lokAnApUrayanniva .. 23..\\
tayorabhyasatorevaM nAnAdharmapravAdinoH . 
vAto.atimAtraM pravavau samudrAnila vejitaH .. 24..\\
tato.anadhyAya iti ta.n vyAsaH putramavArayat . 
shuko vArita mAtrastu kautUhalasamanvitaH .. 25..\\
apR^ichchhatpitaraM brahmankuto vAyurabhUdayam . 
AkhyAtumarhati bhavAnvAyoH sarva.n vicheShTitam .. 26..\\
shukasyaitadvachaH shrutvA vyAsaH paramavismitaH . 
anadhyAya nimitte.asminnida.n vachanamabravIt .. 27..\\
divya.n te chakShurutpanna.n svasthaM te nirmalaM manaH . 
tamasA rajasA chApi tyaktaH sattve vyavasthitaH .. 28..\\
Adarshe svAmiva chhAyAM pashyasyAtmAnamAtmanA . 
nyasyAtmani svaya.n vedAnbuddhyA samanuchintaya .. 29..\\
deva yAnacharo viShNoH pitR^iyAnashcha tAmasaH . 
dvAvetau pretya panthAnau diva.n chAdhashcha gachchhataH .. 30..\\
pR^ithivyAmantarikShe cha yatra sa.nvAnti vAyavaH . 
saptaite vAyumArgA vai tAnnibodhAnupUrvashaH .. 31..\\
tatra devagaNAH sAdhyAH samabhUvanmahAbalAH . 
teShAmapyabhavatputraH samAno nAma durjayaH .. 32..\\
udAnastasya putro.abhUdvyAnastasyAbhavatsutaH . 
apAnashcha tato GYeyaH prANashchApi tataH param .. 33..\\
anapatyo.abhavatprAno durdharShaH shatrutApanaH . 
pR^ithakkarmANi teShA.n tu pravakShyAmi yathAtatham .. 34..\\
prAninA.n sarvato vAyushcheShTA vartayate pR^ithak . 
prANanAchchaiva bhUtAnAM prANa ityabhidhIyate .. 35..\\
prerayatyabhrasa~NghAtAndhUmajAMshchosmajAMshcha yaH . 
prathamaH prathame mArge pravaho nAma so.anilaH .. 36..\\
ambare snehamabhrebhyastadidbhyashchottamadyutiH . 
Avaho nAma sa.nvAti dvitIyaH shvasano nadan .. 37..\\
udaya.n jyotiShA.n shashvatsomAdInAM karoti yaH . 
antardeheShu chodAna.n yaM vadanti maharShayaH .. 38..\\
yashchaturbhyaH samudrebhyo vAyurdhArayate jalam . 
uddhR^ityAdadate chApo jImUtebhyo.ambare.anilaH .. 39..\\
yo.adbhiH sa.nyojya jImUtAnparjanyAya prayachchhati . 
udvaho nAma varShiShThastritIyaH sa sadAgatiH .. 40..\\
samuhyamAnA bahudhA yena nIlAH pR^ithagghanAH . 
varShamokShakR^itArambhAste bhavanti ghanAghanAH .. 41..\\
sa.nhatA yena chAviddhA bhavanti nadatAM nadAH . 
rakShaNArthAya sambhUtA meghatvamupayAnti cha .. 42..\\
yo.asau vahati devAnA.n vimAnAni vihAyasA . 
chaturthaH sa.nvaho nAma vAyuH sa girimardanaH .. 43..\\
yena vegavatA rugNA rUkSheNArujatA rasAn . 
vAyunA vihitA meghA na bhavanti balAhakAH .. 44..\\
dAruNotpAta sa~ncAro nabhasaH stanayitnumAn . 
pa~nchamaH sa mahAvego vivaho nAma mArutaH .. 45..\\
yasminpAriplave divyA vahantyApo vihAyasA . 
puNya.n chAkAshaga~NgAyAstoya.n viShTabhya tiShThati .. 46..\\
dUrAtpratihato yasminnekarashmirdivAkaram . 
yoniraMshusahasrasya yena bhAti vasundharA .. 47..\\
yasmAdApyAyate somo nidhirdivyo.amR^itasya cha . 
sasthaH parivaho nAma sa vAyurjavatA.n varaH .. 48..\\
sarvaprANa bhR^itAM prANAnyo.antakAle nirasyati . 
yasya vartmAnuvartete mR^ityuvaivasvatAvubhau .. 49..\\
samyaganvIkShatAM buddhyA shAntayAdhyAtma nityayA . 
dhyAnAbhyAsAbhirAmANA.n yo.amR^itatvAya kalpate .. 50..\\
ya.n samAsAdya vegena dishAmantaM prapedire . 
dakShasya dasha putrANA.n sahasrANi prajApateH .. 51..\\
yena sR^iShTaH parAbhUto yAtyeva na nivartate . 
parAvaho nAma paro vAyuH sa duratikramaH .. 52..\\
evamete.aditeH putrA mArutAH paramAdbhutAH . 
anAramantaH sa.nvAnti sarvagAH sarvadhAriNaH .. 53..\\
etattu mahadAshvarya.n yadayaM parvatottamaH . 
kampitaH sahasA tena vAyunAbhipravAyatA .. 54..\\
viShNorniHshvAsavAto.aya.n yadA vegasamIritaH . 
sahasodIryate tAta jagatpravyathate tadA .. 55..\\
tasmAdbrahmavido brahma nAdhIyante.ativAyati . 
vAyorvAyubhaya.n hyuktaM brahma tatpIDitaM bhavet .. 56..\\
etAvaduktvA vachanaM parAshara sutaH prabhuH . 
uktvA putramadhIsveti vyoma ga~NgAmayAttadA .. 57..\\
\medskip\hrule\medskip\centerline{\Largedvng 316}
 bhii

etasminnantare shUnye nAradaH samupAgamat . 
shuka.n svAdhyAyanirataM vedArthAnvaktumIpsitAn .. 1..\\
devarShi.n tu shuko dR^iShTvA nArada.n samupasthitam . 
arghya pUrveNa vidhinA vedoktenAbhyapUjayat .. 2..\\
nArado.athAbravItprIto brUhi brahmavidA.n varan . 
kena tvA.n shreyasA tAta yojayAmIti hR^iShTavat .. 3..\\
nAradasya vachaH shrutvA shukaH provAcha bhArata . 
asmi.Nlloke hita.n yatsyAttena mAM yoktumarhasi .. 4..\\

 naarada

tattva.n jiGYAsatAM pUrvamR^iShINAM bhAvitAtmanAm . 
sanatkumAro bhagavAnida.n vachanamabravIt .. 5..\\
nAsti vidyA sama.n chakShurnAsti vidyA samaM tapaH . 
nAsti rAgasama.n duHkhaM nAsti tyAgasama.n sukham .. 6..\\
nivR^ittiH karmaNaH pApAtsatataM puNyashIlatA . 
sadvR^ittiH samudAchAraH shreya etadanuttamam .. 7..\\
mAnuShyamasukhaM prApya yaH sajjati sa muhyati . 
nAla.n sa duHkhamokShAya sa~Ngo vai duHkhalakShaNam .. 8..\\
saktasya buddhishchalati mohajAlavivardhinI . 
mohajAlAvR^ito duHkhamiha chAmutra chAshnute .. 9..\\
sarvopAyena kAmasya krodhasya cha vinigrahaH . 
kAryaH shreyo.artinA tau hi shreyo ghAtArthamudyatau .. 10..\\
nitya.n krodhAttapo rakShechchhriya.n rakSheta matsarAt . 
vidyAM mAnAvamAnAbhyAmAtmAna.n tu pramAdataH .. 11..\\
AnR^isha.nsyaM paro dharmaH kShamA cha paramaM balam . 
AtmaGYAnaM para.n GYAnaM na satyAdvidyate param .. 12..\\
satyasya vachana.n shreyaH satyAdapi hitaM bhavet . 
yadbhUtahitamatyantametatsatyaM mataM mama .. 13..\\
sarvArambhaphalatyAgI nirAshIrniShparigrahaH . 
yena sarvaM parityakta.n sa vidvAnsa cha paNDitaH .. 14..\\
indriyairindriyArthebhyashcharatyAtmavashairiha . 
asajjamAnaH shAntAtmA nirvikAraH samAhitaH .. 15..\\
AtmabhUtairatadbhUtaH saha chaiva vinaiva cha . 
sa vimuktaH para.n shreyo nachireNAdhigachchhati .. 16..\\
adarshanamasa.nsparshastathAsambhAsana.n sadA . 
yasya bhUtaiH saha mune sa shreyo vindate param .. 17..\\
na hi.nsyAtsarvabhUtAni maitrAyaNa gatash charet . 
neda.n janma samAsAdya vairaM kurvIta kena chit .. 18..\\
Aki~ncanya.n susantoSho nirAshIstvamachApalam . 
etadAhuH para.n shreya AtmaGYasya jitAtmanaH .. 19..\\
parigrahaM parityajya bhava tAta jitendriyaH . 
ashoka.n sthAnamAtiShTha iha chAmutra chAbhayam .. 20..\\
nirAmiShA na shochanti tyajehAmiShamAtmanaH . 
parityajyAmiSha.n saumya duHkhatApAdvimokShyase .. 21..\\
taponityena dAntena muninA sa.nyatAtmanA . 
ajita.n jetukAmena bhAvya.n sa~NgeShvasa~NginA .. 22..\\
guNasa~NgeShvanAsakta ekacharyA rataH sadA . 
brAhmaNe nachirAdeva sukhamAyAtyanuttamam .. 23..\\
dvandvArAmeShu bhUteShu ya eko ramate muniH . 
viddhi praGYAna tR^ipta.n ta.n GYAnatR^ipto na shochati .. 24..\\
shubhairlabhatidevatva.n vyAmishrairjanma mAnuSham . 
ashubhaishchApyadho janma karmabhirlabhate.avashaH .. 25..\\
tatra mR^ityujarAduHkhaiH satata.n samabhidrutaH . 
sa.nsAre pachyate jantustatkathaM nAvabudhyase .. 26..\\
ahite hitasa~nj~nastvamadhruve dhruvasa~nj~nakaH . 
anarthe chArthasa~nj~nastva.n kimarthaM nAvabudhyase .. 27..\\
sa.nveShTyamAnaM bahubhirmohatantubhirAtmajaiH . 
koshakAravadAtmAna.n veShTayannAvabudhyase .. 28..\\
alaM parigraheneha doShavAnhi parigrahaH . 
kR^imirhi koshakArastu badhyate svaparigrahAt .. 29..\\
putradArakuTumbeShu saktAH sIdanti jantavaH . 
saraH pa~NkArNave magnA jIrNA vanagajA iva .. 30..\\
mahAjAlasamAkR^iShTAnsthale matsyAnivoddhR^itAn . 
snehajAlasamAkR^iShTAnpashya jantUnsuduHkhitAn .. 31..\\
kutumbaM putradAra.n cha sharIraM dravyasa~ncayAH . 
pArakhyamadhruva.n sarva.n kiM svaM sukR^itaduShkR^itam .. 32..\\
yadA sarvaM parityajya gantavyamavashena te . 
anarthe kiM prasaktastva.n svamarthaM nAnutiShThasi .. 33..\\
avishrAntamanAlambamapAtheyamadaishikam . 
tamaH kAntAramadhvAna.n kathameko gamiShyasi .. 34..\\
na hi tvA prasthita.n kashchitpR^iShThato.anugamiShyati . 
sukR^ita.n duShkR^itaM cha tvA yAsyantamanuyAsyati .. 35..\\
vidyA karma cha shaurya.n cha GYAnaM cha bahuvistaram . 
arthArthamanusAryante siddhArthastu vimuchyate .. 36..\\
nibandhanI rajjureShA yA grAme vasato ratiH . 
chhittvainA.n sukR^ito yAnti nainA.n chhindanti duShkR^itaH .. 37..\\
rUpakUlAM manaH srotA.n sparshadvIpAM rasAvahAm . 
gandhapa~NkA.n shabdajalAM svargamArgadurAvahAm .. 38..\\
kShamAritrA.n satyamayI.n dharmasthairyavatAkarAm . 
tyAgavAtAdhvagA.n shIghrAM buddhinAvA nadI.n taret .. 39..\\
tyaja dharmamadharma.n cha jubhe satyAnR^ite tyaja . 
ubhe satyAnR^ite tyaktvA yena tyajasi ta.n tyaja .. 40..\\
tyaja dharmamasa~NkalpAdadharma.n chApyahi.nsayA . 
ubhe satyAnR^ite buddhyA buddhiM paramanishchayAt .. 41..\\
asthi sthUna.n snAyu yutaM mA.nsashonita lepanam . 
charmAvanaddha.n durgandhi pUrNaM mUtra purIsayoH .. 42..\\
jarA shokasamAviShTa.n rogAyatanamAturam . 
rajasvalamanitya.n cha bhUtAvAsa.n samutsR^ija .. 43..\\
ida.n vishva.n jagatsarvamajagachchApi yadbhavet . 
mahAbhUtAtmaka.n sarvaM mahadyatparamAnu yat .. 44..\\
indriyANi cha pa~nchaiva tamaH sattva.n rajastathA . 
ityeSha sapta dashako rAshiravyaktasa~nj~nakaH .. 45..\\
sarvairihendriyArthaishcha vyaktAvyaktairhi sa.nhitaH . 
pa~nchaviMshaka ityeSha vyaktAvyaktamayo guNaH .. 46..\\
etaiH sarvaiH samAyuktaH pumAnityabhidhIyate . 
trivargo.atra sukha.n duHkhaM jIvitaM maraNaM tathA .. 47..\\
ya ida.n veda tattvena sa veda prabhavApyayau . 
pArAsharyeha boddhavya.n GYAnAnAM yachcha ki.n chana .. 48..\\
indriyairgR^ihyate yadyattattadvyaktamiti sthitiH . 
avyaktamiti viGYeya.n li~NgagrAhyamatIndriyam .. 49..\\
indriyairniyatairdehI dhArAbhiriva tarpyate . 
loke vitatamAtmAna.n loka.n chAtmani pashyati .. 50..\\
parAvaradR^ishaH shaktirGYAnavelAM na pashyati . 
pashyataH sarvabhUtAni sarvAvasthAsu sarvadA .. 51..\\
brahmabhUtasya sa.nyogo nAshubhenopapadyate . 
GYAnena vividhAnkleshAnativR^ittasya mohajAn . 
loke buddhiprakAshena lokamArgo na riShyate .. 52..\\
anAdi nidhana.n jantumAtmani sthitamavyayam . 
akartAramamUrta.n cha bhagavAnAha tIrthavit .. 53..\\
yo jantuH svakR^itaistaistaiH karmabhirnityaduHkhitaH . 
sa duHkhapratighAtArtha.n hanti jantUnanekadhA .. 54..\\
tataH karma samAdatte punaranyannavaM bahu . 
tapyate.atha punastena bhuktvApathyamivAturaH .. 55..\\
ajasrameva mohArto duHkheShu sukhasa~nj~nitaH . 
badhyate mathyate chaiva karmabhirmanthavatsadA .. 56..\\
tato nivR^itto bandhAtsvAtkarmaNAmudayAdiha . 
paribhramati sa.nsAra.n chakravadbahu vedanaH .. 57..\\
sa tvaM nivR^ittabandhustu nivR^ittashchApi karmataH . 
sarvavitsarvajitsiddho bhava bhAvavivarjitaH .. 58..\\
sa.nyamena navaM bandhaM nivartya tapaso balAt . 
samprAptA bahavaH siddhimapyabAdhA.n sukhodayAm .. 59..\\
\medskip\hrule\medskip\centerline{\Largedvng 317}
 naarada

ashoka.n shokanAshArthaM shAstraM shAnti karaM shivam . 
nishamyya labhate buddhi.n tA.n labdhvA sukhamedhate .. 1..\\
shokasthAna sahasrANi bhayasthAna shatAni cha . 
divase divase mUDhamAvishanti na paNDitam .. 2..\\
tasmAdaniShTa nAshArthamitihAsaM nibodha me . 
tiShThate chedvashe buddhirlabhate shokanAshanam .. 3..\\
aniShTa samprayogAchcha viprayogAtpriyasya cha . 
manuShyA mAnasairduHkhairyujyante alpabuddhayaH .. 4..\\
dravyeShu samatIteShu ye guNAstAnna chintayet . 
tAnanAdriyamANasya snehabandhaH pramuchyate .. 5..\\
doShadarshI bhavettatra yatra rAgaH pravartate . 
aniShTavaddhitaM pashyettathA kShipra.n virajyate .. 6..\\
nArtho na dharmo na yasho yo.atItamanushochati . 
apyabhAvena yujyeta tachchAsya na nivartate .. 7..\\
guNairbhUtAni yujyante viyujyante tathaiva cha . 
sarvANi naitadekasya shokasthAna.n hi vidyate .. 8..\\
mR^ita.n vA yadi vA naShTaM yo.atItamanushochati . 
duHkhena labhate duHkha.n dvAvanarthau prapadyate .. 9..\\
nAshru kurvanti ye buddhyA dR^iShTvA lokeShu santatim . 
samyakprapashyataH sarvaM nAshru karmopapadyate .. 10..\\
duHkhopaghAte shArIre mAnase vApyupasthite . 
yasminna shakyate kartu.n yatnastannAnuchintayet .. 11..\\
bhaiShajyametadduHkhasya yadetannAnuchintayet . 
chintyamAna.n hi na vyeti bhUyashchApi pravardhate .. 12..\\
praGYayA mAnasa.n duHkha.n hanyAchchhArIramauShadhaiH . 
etadvijAna sAmarthyaM na bAlaiH samatAmiyAt .. 13..\\
anitya.n yauvanaM rUpa.n jIvitaM dravyasa~ncayaH . 
ArogyaM priya sa.nvAsagR^idhyettatra na paNDitaH .. 14..\\
na jAnapadika.n duHkhamekaH shochitumarhati . 
ashochanpratikurvIta yadi pashyedupakramam .. 15..\\
sukhAdbahutara.n duHkhaM jIvite nAtra saMshayaH . 
snigdhatva.n chendriyArtheShu mohAnmaraNamapriyam .. 16..\\
parityajati yo duHkha.n sukhaM vApyubhayaM naraH . 
abhyeti brahma so.atyantaM na ta.n shochanti paNDitAH .. 17..\\
duHkhamarthA hi tyajyante pAlane na cha te sukhAH . 
duHkhena chAdhigamyante nAshameShAM na chintayet .. 18..\\
anyAmanyA.n dhanAvasthAM prApya vaisheShikIM narAH . 
atR^iptA yAnti vidhva.nsa.n santoShaM yAnti paNDitAH .. 19..\\
sarve kSharAntA nichayAH patanAntAH samuchchhrayAH . 
sa.nyogA viprayogAntA maraNAnta.n hi jIvitam .. 20..\\
anto nAsti pipAsAyAstuShTistu parama.n sukham . 
tasmAtsantoShameveha dhanaM pashyanti paNDitAH .. 21..\\
nimeSha mAtramapi hi vayo gachchhannna tiShThati . 
svasharIreShvanityeShu nitya.n kimanuchintayet .. 22..\\
bhUteShvabhAva.n sa~ncintya ye buddhvA tamasaH param . 
na shochanti gatAdhvAnaH pashyantaH paramA.n gatim .. 23..\\
sa~ncinvAnakamevaina.n kAmAnAmavitR^iptakam . 
vyAghraH pashumivAsAdya mR^ityurAdAya gachchhati .. 24..\\
athApyupAya.n sampashyedduHkhasya parimokShaNe . 
ashochannArabhetaiva yuktashchAvyasanI bhavet .. 25..\\
shabde sparshe cha rUpe cha gandheShu cha raseShu cha . 
nopabhogAtpara.n kiM chiddhanino vAdhanasya vA .. 26..\\
prAksamprayogAdbhUtAnAM nAsti duHkhamanAmayam . 
viprayogAttu sarvasya na shochetprakR^itisthitaH .. 27..\\
dhR^ityA shishnodara.n rakShetpANi pAda.n cha chakShuShA . 
chakShuH shrotre cha manasA mano vAcha.n cha vidyayA .. 28..\\
pranayaM pratisa.nhR^itya sa.nstuteShvitareShu cha . 
vicharedasamunnaddhaH sa sukhI sa cha paNDitaH .. 29..\\
adhyAtmaratirAsIno nirapekSho nirAmiShaH . 
Atmanaiva sahAyena yashcharetsa sukhI bhavet .. 30..\\
\medskip\hrule\medskip\centerline{\Largedvng 318}
 naarada

sukhaduHkhaviparyAso yadA samupapadyate . 
nainaM praGYA sunIta.n vA trAyate nApi pauruSham .. 1..\\
svabhAvAdyatnamAtiShThedyatnavAnnAvasIdati . 
jarAmaraNarogebhyaH priyamAtmAnamuddharet .. 2..\\
rujanti hi sharIrANi rogAH shArIra mAnasAH . 
sAyakA iva tIkShNAgrAH prayuktA dR^idha dhanvibhiH .. 3..\\
vyAdhitasya vivitsAbhistrasyato jIvitaiShiNaH . 
avashasya vinAshAya sharIramapakR^iShyate .. 4..\\
sravanti na nivartante srotA.nsi saritAm iva . 
AyurAdAya martyAnA.n rAtryahAni punaH punaH .. 5..\\
vyatyayo hyayamatyantaM pakShayoH shuklakR^iShNayoH . 
jAtaM martya.n jarayati nimeShaM nAvatiShThate .. 6..\\
sukhaduHkhAni bhUtAnAm ajaro jarayannasau . 
Adityo hyastamabhyeti punaH punarudeti cha .. 7..\\
adR^iShTapUrvAnAdAya bhAvAnaparisha~NkitAn . 
iShTAniShTAnmanuShyANAmasta.n gachchhanti rAtrayaH .. 8..\\
yo yamichchhedyathAkAma.n kAmAnAM tattadApnuyAt . 
yadi syAnna parAdhInaM puruShasya kriyAphalam .. 9..\\
sa.nyatAshcha hi dakShAshcha matimantashcha mAnavAH . 
dR^ishyate niShphalAH santaH prahInAshcha svakarmabhiH .. 10..\\
apare bAlishAH santo nirguNAH puruShAdhamAH . 
AshIrbhirapyasa.nyuktA dR^ishyante sarvakAminaH .. 11..\\
bhUtAnAmaparaH kashchiddhi.nsAyA.n satatotthitaH . 
va~nchanAyA.n cha lokasya sa sukheShveva jIryate .. 12..\\
acheShTamAnamAsIna.n shrIH ka.n chidupatiShThati . 
kashchitkarmAnusR^ityAnyo na prApyamadhigachchhati .. 13..\\
aparAdha.n samAchakShva puruShasya svabhAvataH . 
shukramanyatra sambhUtaM punaranyatra gachchhati .. 14..\\
tasya yonau prasaktasya garbho bhavati vA na vA . 
AmrapuShpopamA yasya nivR^ittirupalabhyate .. 15..\\
keShA.n chitputra kAmAnAmanusantAnamichchhatAm . 
siddhau prayatamAnAnAM naivAndamupajAyate .. 16..\\
garbhAchchodvijamAnAnA.n kruddhAdAshIviShAdiva . 
AyuShmA~njAyate putraH kathaM pretaH pitaiva saH .. 17..\\
devAniShTvA tapastaptvA kR^ipaNaiH putragR^iddhibhiH . 
dasha mAsAnparidhR^itA jAyante kulapA.nsanAH .. 18..\\
apare dhanadhAnyAni bhogAMshcha pitR^isa~ncitAn . 
vipulAnabhijAyante labdhAstaireva ma~NgalaiH .. 19..\\
anyonya.n samabhipretya maithunasya samAgame . 
upadrava ivAviShTo yoni.n garbhaH prapadyate .. 20..\\
shIrNaM parasharIreNa nichchhavIka.n sharIriNam . 
prAninAM prANa sa.nrodhe mA.nsashleShma vicheShTitam .. 21..\\
nirdagdhaM paradehena paradeha.n chalAchalam . 
vinashyanta.n vinAshAnte nAvi nAvamivAhitam .. 22..\\
sa~NgatyA jathare nyasta.n reto bindumachetanam . 
kena yatnena jIvanta.n garbhaM tvamiha pashyasi .. 23..\\
annapAnAni jIryante yatra bhakShAshcha bhakShitAH . 
tasminnevodare garbhaH kiM nAnnamiva jIryate .. 24..\\
garbhamUtra purIsAnA.n svabhAvaniyatA gatiH . 
dhAraNe vA visarge vA na karturvidyate vashaH .. 25..\\
sravanti hyudarAdgarbhA jAyamAnAstathApare . 
Agamena sahAnyeShA.n vinAsha upapadyate .. 26..\\
etasmAdyonisambandhAdyo jIvanparimuchyate . 
prajA.n cha labhate kAM chitpunardvandveShu majjati .. 27..\\
shatasya saha jAtasya saptamI.n dashamIM dashAm . 
prApnuvanti tataH pa~ncha na bhavanti shatAyuShaH .. 28..\\
nAbhyutthAne manuShyANA.n yogAH syurnAtra saMshayaH . 
vyAdhibhishcha vimathyante vyAlaiH kShudramR^igA iva .. 29..\\
vyAdhibhirbhakShyamANAnA.n tyajatA.n vipulaM dhanam . 
vedanAM nApakarShanti yatamAnAshchikitsakAH .. 30..\\
te chApi nipunA vaidyAH kushalAH sambhR^itauShadhAH . 
vyAdhibhiH parikR^iShyante mR^igA vyAdhairivArditAH .. 31..\\
te pibantaH kasAyAMshcha sarpI.nsi vividhAni cha . 
dR^ishyante jarayA bhagnA nAgA nAgairivottamaiH .. 32..\\
ke vA bhuvi chikitsante rogArtAnmR^igapakShiNaH . 
shvApadAni daridrAMshcha prAyo nArtA bhavanti te .. 33..\\
ghorAnapi durAdharShAnnR^ipatInugratejasaH . 
Akramya roga Adatte pashUnpashupacho yathA .. 34..\\
iti lokamanAkrandaM mohashokapariplutam . 
srotasA sahasA kShipta.n kriyamANaM balIyasA .. 35..\\
na dhanena na rAjyena nogreNa tapasA tathA . 
svabhAvA vyativartante ye niyuktAH sharIriShu .. 36..\\
na mriyeranna jIryeransarve syuH sarvakAmikAH . 
nApriyaM pratipashyeyurutthAnasya phalaM prati .. 37..\\
uparyupari lokasya sarvo bhavitumichchhati . 
yatate cha yathAshakti na cha tadvartate tathA .. 38..\\
aishvaryamadamattAMshcha mattAnmadya madena cha . 
apramattAH shaThAH krUrA vikrAntAH paryupAsate .. 39..\\
kleshAH pratinivartante keShA.n chidasamIkShitAH . 
sva.n sva.n cha punaranyeShAM na kiM chidabhigamyate .. 40..\\
mahachcha phalavaiShamya.n dR^ishyate karma sandhiShu . 
vahanti shibikAmanye yAntyanye shibikA gatAH .. 41..\\
sarveShAmR^iddhikAmAnAmanye rathapuraHsarAH . 
manujAshcha shatastrIkAH shatasho vidhavAH striyaH .. 42..\\
dvandvArAmeShu bhUteShu gachchhantyekaikasho narAH . 
idamanyatparaM pashya mAtramoha.n kariShyasi .. 43..\\
tyaja dharmamadharma.n cha ubhe satyAnR^ite tyaja . 
ubhe satyAnR^ite tyaktvA yena tyajasi ta.n tyaja .. 44..\\
etatte parama.n guhyamAkhyAtamR^iShisattama . 
yena devAH parityajya martyaloka.n divaM gatAH .. 45..\\

 bhii

nAradasya vachaH shrutvA shukaH paramabuddhimAn . 
sa~ncintya manasA dhIro nishchayaM nAdhyagachchhata .. 46..\\
putradArairmahAnklesho vidyAmnAye mahA~nshramaH . 
kiM nu syAchchhAshvata.n sthAnamalpakleshaM mahodaram .. 47..\\
tato muhUrta.n sa~ncintya nishchitA.n gatimAtmanaH . 
parAvapaGYo dharmasya parAM naiHshreyasI.n gatim .. 48..\\
katha.n tvahamasa~NkliShTo gachchheyaM paramAM gatim . 
nAvarteya.n yathA bhUyo yonisa.nsArasAgare .. 49..\\
paraM bhAva.n hi kA~NkShAmi yatra nAvartate punaH . 
sarvasa~NgAnparityajya nishchitAM manaso gatim .. 50..\\
tatra yAsyAmi yatrAtmA shamaM me.adhigamiShyati . 
akShayashchAvyayashchaiva yatra sthAsyAmi shAshvataH .. 51..\\
na tu yogamR^ite shakyA prAptu.n sA paramA gatiH . 
avabandho hi muktasya karmabhirnopapadyate .. 52..\\
tasmAdyoga.n samAsthAya tyaktvA gR^ihakalevaram . 
vAyubhUtaH pravekShyAmi tejorAshi.n divAkaram .. 53..\\
na hyeSha kShayamApnoti somaH suragaNairyathA . 
kampitaH patate bhUmiM punashchaivAdhirohati . 
kShIyate hi sadA somaH punashchaivAbhipUryate .. 54..\\
ravistu santApayati lokAnrashmibhirulbanaiH . 
sarvatasteja Adatte nityamakShaya mandalaH .. 55..\\
ato me rochate gantumAditya.n dIptatejasam . 
atra vatsyAmi durdharSho niHsa~NgenAntarAtmanA .. 56..\\
sUryasya sadane chAhaM nikShipyeda.n kalevaram . 
R^iShibhiH saha yAsyAmi saura.n tejo.atiduHsaham .. 57..\\
ApR^ichchhAmi nagAnnAgAngirInurvI.n disho divam . 
devadAnavagandharvAnpishAchoragarAkShasAn .. 58..\\
lokeShu sarvabhUtAni pravekShyAmi na saMshayaH . 
pashyantu yogavIryaM me sarve devAH saharShibhiH .. 59..\\
athAnuGYApya tamR^iShiM nArada.n lokavishrutam . 
tasmAdanuGYA.n samprApya jagAma pitaraM prati .. 60..\\
so.abhivAdya mahAtmAnamR^iShi.n dvaipAyanaM munim . 
shukaH pradakShiNIkR^itya kR^iShNamApR^iShTavAnmuniH .. 61..\\
shrutvA R^iShistadvachana.n shukasya 
prIto mahAtmA punarAha chainam . 
bho bhoH putra sthIyatA.n tAvadadya 
yAvachchakShuH prINayAmi tvadartham .. 62..\\
nirapekShaH shuko bhUtvA niHsneho muktabandhanaH . 
mokShamevAnusa~ncintya gamanAya mano dadhe . 
pitara.n samparityajya jagAma dvijasattamaH .. 63..\\
\medskip\hrule\medskip\centerline{\Largedvng 319}
 bhii

giripR^iShTha.n samAruhya suto vyAsasya bhArata . 
same deshe vivikte cha niHshalAka upAvishat .. 1..\\
dhArayAmAsa chAtmAna.n yathAshAstraM mahAmuniH . 
pAdAtprabhR^iti gAtreShu krameNa kramayogavit .. 2..\\
tataH sa prA~Nmukho vidvAnAditye nachirodite . 
pAni pAda.n samAdhAya vinItavadupAvishat .. 3..\\
na tatra pakShisa~NghAto na shabdo nApi darshanam . 
yatra vaiyAsakirdhImAnyoktu.n samupachakrame .. 4..\\
sa dadarsha tadAtmAna.n sava sa~NgaviniHsR^itam . 
prajahAsa tato hAsa.n shukaH samprekShya bhAskaram .. 5..\\
sa punaryogamAsthAya mokShamArgopalabdhaye . 
mahAyogIshvaro bhUtvA so.atyakrAmadvihAyasam .. 6..\\
tataH pradakShiNa.n kR^itvA devarShiM nAradaM tadA . 
nivedayAmAsa tadA sva.n yogaM paramarShaye .. 7..\\
dR^iShTo mArgaH pravR^itto.asmi svasti te.astu tapodhana . 
tvatprasAdAdgamiShyAmi gatimiShTAM mahAdyute .. 8..\\
nAradenAbhyanuGYAtastato dvaipAyanAtmajaH . 
abhivAdya punaryogamAsthAyAkAshamAvishat .. 9..\\
kailAsapR^iShThAdutpatya sa papAta diva.n tadA . 
antarikShacharaH shrImAnvyAsa putraH sunishchitaH .. 10..\\
tamudyanta.n dvijashreShTha.n vainateya samadyutim . 
dadR^ishuH sava bhUtAni manomAruta ranhasam .. 11..\\
vyavasAyena lokA.nstrInsarvAnso.atha vichintayan . 
Asthito divyamadhvAnaM pAvakArka samaprabhaH .. 12..\\
tamekamanasa.n yAntamavyagramakutobhayam . 
dadR^ishuH sarvabhUtAni ja~NgamAnItarANi cha .. 13..\\
yathAshakti yathAnyAyaM pUjayAm.n chakrire tadA . 
puShpavarShaishcha divyaistamavachakrurdivaukasaH .. 14..\\
ta.n dR^iShTvA vismitAH sarve gandharvApsarasAM gaNAH . 
R^iShayashchaiva sa.nsiddhAH para.n vismayamAgatAH .. 15..\\
antarikShacharaH ko.aya.n tapasA siddhimAgataH . 
adhaH kAyordhva vaktrashcha netraiH samabhivAhyate .. 16..\\
tataH paramadhIrAtmA triShu lokeShu vishrutaH . 
bhAskara.n samudIkShansa prA~Nmukho vAgyato.agamat . 
shabdenAkAshamakhilaM pUrayanniva sarvataH .. 17..\\
tamApatanta.n sahasA dR^iShTvA sarvApsaro gaNAH . 
sambhrAntamanaso rAjannAsanparamavismitAH . 
pa~ncha chUdAprabhR^itayo bhR^ishamutphullalochanAH .. 18..\\
daivata.n katama.n hyetaduttamAM gatimAsthitam . 
sunishchitamihAyAti vimuktamiva niHspR^iham .. 19..\\
tataH samatichakrAma malayaM nAma parvatam . 
urvashI pUrvachittishcha yaM nityamupasevate . 
te sma brahmarShiputrasya vismaya.n yayatuH param .. 20..\\
aho buddhisamAdhAna.n vedAbhyAsa rate dvije . 
achireNaiva kAlena nabhashcharati chandravat . 
pitR^ishushrUsayA siddhi.n samprApto.ayamanuttamAm .. 21..\\
pitR^ibhakto dR^idha tapAH pituH sudayitaH sutaH . 
ananyamanasA tena kathaM pitrA vivarjitaH .. 22..\\
urvasyA vachana.n shrutvA shukaH paramadharmavit . 
udaikShata dishaH sarvA vachane gatamAnasaH .. 23..\\
so.antarikShaM mahI.n chaiva sashailavanakAnanAm . 
AlokayAmAsa tadA sarA.nsi saritastathA .. 24..\\
tato dvaipAyana sutaM bahumAna puraHsaram . 
kR^itA~njaliputAH sarvA nirIkShante sma devatAH .. 25..\\
abravIttAstadA vAkya.n shukaH paramadharmavit . 
pitA yadyanugachchhenmA.n kroshamAnaH shuketi vai .. 26..\\
tataH prati vacho deya.n sarvaireva samAhitaiH . 
etanme snehataH sarve vachana.n kartumarhatha .. 27..\\
shukasya vachana.n shrutvA dishaH savanakAnanAH . 
samudrAH saritaH shailAH pratyUchusta.n samantataH .. 28..\\
yathAGYApayase vipra bAdhamevaM bhaviShyati . 
R^iShervyAharato vAkyaM prativakShyAmahe vayam .. 29..\\
\medskip\hrule\medskip\centerline{\Largedvng 320}
 bhii

ityevamuktvA vachanaM brahmarShiH sumahAtapaH . 
prAtiShThata shukaH siddhi.n hitvA lokAMshchaturvidhAn .. 1..\\
tamo hyastavidha.n hitvA jahau pa~ncha vidhaM rajaH . 
tataH sattva.n jahau dhImA.nstadadbhutamivAbhavat .. 2..\\
tatastasminpade nitye nirguNe li~Ngavarjite . 
brahmaNi pratyatiShThatsa vidhUmo.agniriva jvalan .. 3..\\
ulkA pAtA dishA.n dAhA bhUmikampAstathaiva cha . 
prAdurbhUtAH kShaNe tasmi.nstadadbhutamivAbhavat .. 4..\\
drumAH shAkhAshcha mumuchuH shikharANi cha parvatAH . 
nirghAtashabdaishcha girirhimavAndIryatIva ha .. 5..\\
na babhAse sahasrAMshurna jajvAla cha pAvakaH . 
hradAshcha saritashchaiva chukShubhuH sAgarAstathA .. 6..\\
vavarSha vAsavastoya.n rasavachcha sugandhi cha . 
vavau samIraNashchApi divyagandhavahaH shuchiH .. 7..\\
sa shR^i~Nge.apratime divye himavanmerusambhave . 
saMshliShTe shvetapIte dve rukta rUpyamaye shubhe .. 8..\\
shatayojanavistAre tiryagUrdhva.n cha bhArata . 
udIchI.n dishamAshritya ruchire sandadarsha ha .. 9..\\
so.avisha~Nkena manasA tathaivAbhyapatachchhukaH . 
tataH parvatashR^i~Nge dve sahasaiva dvidhAkR^ite . 
adR^ishyetAM mahArAja tadadbhutamivAbhavat .. 10..\\
tataH parvatashR^i~NgAbhyA.n sahasaiva viniHsR^itaH . 
na cha pratijaghAnAsya sa gatiM parvatottamaH .. 11..\\
tato mahAnabhUchchhabdo divi sarvadivaukasAm . 
gandharvANAmR^iShINA.n cha ye cha shailanivAsinaH .. 12..\\
dR^iShTvA shukamatikrAntaM parvata.n cha dvidhAkR^itam . 
sAdhu sAdhviti tatrAsInnAdaH sarvatra bhArata .. 13..\\
sa pUjyamAno devaishcha gandharvairR^iShibhistathA . 
yakSharAkShasa sa~Nghaishcha vidyAdharagaNaistathA .. 14..\\
divyaiH puShpaiH samAkIrNamantarikSha.n samantataH . 
AsItkila mahArAja shukAbhipatane tadA .. 15..\\
tato mandAkinI.n ramyAmupariShTAdabhivrajan . 
shuko dadarsha dharmAtmA puShpita drumakAnanAm .. 16..\\
tasyA.n krIdantyabhiratAH snAnti chaivApsaro gaNAH . 
shUnyAkAraM nirAkArAH shuka.n dR^iShTvA vivAsasaH .. 17..\\
taM prakramantamAGYAya pitA snehasamanvitaH . 
uttamA.n gatimAsthAya pR^iShThato.anusasAra ha .. 18..\\
shukastu mArutAdUrdhva.n gatiM kR^itvAntarikShagAm . 
darshayitvA prabhAva.n svaM sarvabhUto.abhavattadA .. 19..\\
mahAyogagati.n tvagryA.n vyAsotthAya mahAtapaH . 
nimeShAntaramAtreNa shukAbhipatana.n yayau .. 20..\\
sa dadarsha dvidhAkR^itvA parvatAgra.n shuka.n gatam . 
shasha.nsurR^iShayastasmai karma putrasya tattadA .. 21..\\
tataH shuketi dIrgheNa shaikSheNAkranditastadA . 
svayaM pitrA svareNochchaistrI.NllokAnanunAdya vai .. 22..\\
shukaH sarvagato bhUtvA sarvAtmA sarvato mukhaH . 
pratyabhAsata dharmAtmA bhoH shabdenAnunAdayan .. 23..\\
tata ekAkSharaM nAdaM bho ityeva samIrayan . 
pratyAhara~njagatsarvamuchchaiH sthAvaraja~Ngamam .. 24..\\
tataH prabhR^iti chAdyApi shabdAnuchchAritAnpR^ithak . 
girigahvara pR^iShTheShu vyAjahAra shukaM prati .. 25..\\
antarhitaH prabhAva.n tu darshayitvA shukastadA . 
guNAnsantyajya shabdAdInpadamadhyagamatparam .. 26..\\
mahimAna.n tu taM dR^iShTvA putrasyAmita tejasaH . 
niShasAda giriprasthe putramevAnuchintayan .. 27..\\
tato mandAkinI tIre krIdanto.apsarasA.n gaNAH . 
AsAdya tamR^iShi.n sarvAH sambhrAntA gatachetasaH .. 28..\\
jale nililyire kAshchitkAshchidgulmAnprapedire . 
vasanAnyAdaduH kAshchiddR^iShTvA taM munisattamam .. 29..\\
tAM muktatA.n tu viGYAya muniH putrasya vai tadA . 
saktatAmAtmanashchaiva prIto.abhUdvrIditash cha ha .. 30..\\
ta.n devagandharvavR^ito maharShigaNapUjitaH . 
pinAka hasto bhavagAnabhyAgachchhata sha~NkaraH .. 31..\\
tamuvAcha mahAdevaH sAntvapUrvamida.n vachaH . 
putrashokAbhisantapta.n kR^iShNadvaipAyanaM tadA .. 32..\\
agnerbhUmerapA.n vAyorantarikShasya chaiva ha . 
vIryeNa sadR^ishaH putrastvayA mattaH purA vR^itaH .. 33..\\
sa tathA lakShaNo jAtastapasA tava sambhR^itaH . 
mama chaiva prabhAvena brahmatejomayaH shuchiH .. 34..\\
sa gatiM paramAM prApto duShprApAmajitendriyaiH . 
daivatairapi viprarShe ta.n tvaM kimanushochasi .. 35..\\
yAvatsthAsyanti girayo yAvatsthAsyanti sAgarAH . 
tAvattavAkShayA kIrtiH saputrasya bhaviShyati .. 36..\\
chhAyA.n svaputra sadR^ishIM sarvato.anapagAM sadA . 
drakShyase tva.n cha loke.asminmatprasAdAnmahAmune .. 37..\\
so.anunIto bhagavatA svaya.n rudreNa bhArata . 
chhAyA pashyansamAvR^ittaH sa muniH parayA mudA .. 38..\\
iti janma gatishchaiva shukasya bharatarShabha . 
vistareNa mayAkhyAta.n yanmA.n tvaM paripR^ichchhasi .. 39..\\
etadAchasta me rAjandevarShirnAradaH purA . 
vyAsashchaiva mahAyogI sa~njalpeShu pade pade .. 40..\\
itihAsamimaM puNyaM mokShadharmArthasa.nhitam . 
dhArayedyaH shama paraH sa gachchhetparamA.n gatim .. 41..\\
\medskip\hrule\medskip\centerline{\Largedvng 321}
 y

gR^ihastho brahmachArI vA vAnaprastho.atha bhikShukaH . 
ya ichchhetsiddhimAsthAtu.n devatAM kA.n yajeta saH .. 1..\\
kuto hyasya dhruvaH svargaH kuto niHshreyasaM param . 
vidhinA kena juhuyAddaivaM pitrya.n tathaiva cha .. 2..\\
muktashcha kA.n gatiM gachchhenmokShashchaiva kimAtmakaH . 
svargatashchaiva ki.n kuryAdyena na chyavate divaH .. 3..\\
devatAnA.n cha ko devaH pitR^INAM cha tathA pitA . 
tasmAtparatara.n yachcha tanme brUhi pitAmaha .. 4..\\

 bhiisma

gUDhaM mAM prashnavitprashnaM pR^ichchhase tvamihAnagha . 
na hyeSha tarkayA shakyo vaktu.n varShashatairapi .. 5..\\
R^ite devaprasAdAdvA rAja~nGYAnAgamena vA . 
gahana.n hyetadAkhyAnaM vyAkhyAtavya.n tavAri han .. 6..\\
atrApyudAharantImamitihAsaM purAtanam . 
nAradasya cha sa.nvAdamR^iShernArAyaNasya cha .. 7..\\
nArAyaNo hi vishvAtmA chaturmUrtiH sanAtanaH . 
dharmAtmajaH sambabhUva pitaivaM me.abhyabhAsata .. 8..\\
kR^ite yuge mahArAja purA svAyambhuve.antare . 
naro nArAyaNashchaiva hariH kR^iShNastathaiva cha .. 9..\\
tebhyo nArAyaNa narau tapastepaturavyayau . 
badaryAshramamAsAdya shakate kanakA maye .. 10..\\
astachakra.n hi tadyAnaM bhUtayuktaM manoramam . 
tatrAdyau lokanAthau tau kR^ishau dhamani santatau .. 11..\\
tapasA tejasA chaiva durnirIkShau surairapi . 
yasya prasAda.n kurvAte sa devau draShTumarhati .. 12..\\
nUna.n tayoranumate hR^idi hR^ichchhaya choditaH . 
mahAmerorgireH shR^i~NgAtprachyuto gandhamAdanam .. 13..\\
nAradaH sumahadbhUta.n lokAnsarvAnachIcharat . 
ta.n deshamagamadrAjanbadaryAshramamAshugaH .. 14..\\
tayorAhnika velAyA.n tasya kautUhalaM tvabhUt . 
ida.n tadAspadaM kR^itsna.n yasmi.NllokAH pratiShThitAH .. 15..\\
sadevAsuragandharvAH sarShikiMnara lelihAH . 
ekA mUrtiriyaM pUrva.n jAtA bhUyashchaturvidhA .. 16..\\
dharmasya kulasantAno mahAnebhirvivardhitaH . 
aho hyanugrahIto.adya dharma ebhiH surairiha . 
naranArAyaNAbhyA.n cha kR^iShNena hariNA tathA .. 17..\\
tatra kR^iShNo harishchaiva kasmiMshchitkAraNAntare . 
sthitau dharmottarau hyetau tathA tapasi dhiShThitau .. 18..\\
etau hi parama.n dhAma kAnayorAhnika kriyA . 
pitarau sarvabhUtAnA.n daivataM cha yashasvinau . 
kA.n devatAM tu yajataH pitR^InvA kAnmahAmatI .. 19..\\
iti sa~ncintya manasA bhaktyA nArAyaNasya ha . 
sahasA prAdurabhavatsamIpe devayostadA .. 20..\\
kR^ite daive cha pitrye cha tatastAbhyAM nirIkShitaH . 
pUjitashchaiva vidhinA yathA proktena shAstrataH .. 21..\\
ta.n dR^iShTvA mahadAshcharyamapUrva.n vidhivistaram . 
upopaviShTaH suprIto nArado bhavagAnR^iShiH .. 22..\\
nArAyaNa.n saMnirIkShya prasannenAntarAtmanA . 
namaskR^itvA mahAdevamida.n vachanamabravIt .. 23..\\
vedeShu sapurANeShu sA~NgopA~NgeShu gIyase . 
tvamajaH shAshvato dhAtA mato.amR^itamanuttamam . 
pratiShThitaM bhUtabhavya.n tvayi sarvamidaM jagat .. 24..\\
chatvAro hyAshramA deva sarve gArhasthya mUlakAH . 
yajante tvAmaharaharnAnA mUrti samAsthitam .. 25..\\
pitA mAtA cha sarvasya jagataH shAshvato guruH . 
ka.n tvadya yajase devaM pitaraM kaM na vidmahe .. 26..\\

 bhagavaan

avAchyametadvaktavyamAtmaguhya.n sanAtanam . 
tava bhaktimato brahmanvakShyAmi tu yathAtatham .. 27..\\
yattatsUkShmamaviGYeyamavyaktamachala.n dhruvam . 
indriyairindriyArthaishcha sarvabhUtaish cha varjitam .. 28..\\
sa hyantarAtmA bhUtAnA.n kShetraGYash cheti kathyate . 
triguNa vyatirikto.asau puruShashcheti kalpitaH . 
tasmAdavyaktamutpanna.n triguNaM dvijasattama .. 29..\\
avyaktA vyaktabhAvasthA yA sA prakR^itiravyayA . 
tA.n yonimAvayorviddhi yo.asau sadasadAtmakaH . 
AvAbhyAM pUjyate.asau hi daive pitrye cha kalpite .. 30..\\
nAsti tasmAtparo.anyo hi pitA devo.atha vA dvijaH . 
AtmA hi nau sa viGYeyastatastaM pUjayAvahe .. 31..\\
tenaiShA prathitA brahmanmaryAdA lokabhAvinI . 
daivaM pitrya.n cha kartavyamiti tasyAnushAsanam .. 32..\\
brahmA sthAnurmanurdakSho bhR^igurdharmastapo damaH . 
marIchira~NgirAtrishcha pulastyaH pulahaH kratuH .. 33..\\
vasiShThaH parameShThI cha vivasvAnsoma eva cha . 
kardamashchApi yaH proktaH krodho vikrIta eva cha .. 34..\\
ekaviMshatirutpannAste prajApatayaH smR^itAH . 
tasya devasya maryAdAM pUjayanti sanAtanIm .. 35..\\
daivaM pitrya.n cha satataM tasya viGYAya tattvataH . 
AtmaprAptAni cha tato jAnanti dvijasattamAH .. 36..\\
svargasthA api ye ke chittaM namasyanti dehinaH . 
te tatprasAdAdgachchhanti tenAdiShTa phalA.n gatim .. 37..\\
ye hInAH sapta dashabhirguNaiH karmabhireva cha . 
kalAH pa~nchadasha tyaktvA te muktA iti nishchayaH .. 38..\\
muktAnA.n tu gatirbrahmankShetraGYa iti kalpitaH . 
sa hi sarvagatashchaiva nirguNash chaiva kathyate .. 39..\\
dR^ishyate GYAnayogena AvA.n cha prasR^itau tataH . 
eva.n GYAtvA tamAtmAnaM pUjayAvaH sanAtanam .. 40..\\
ta.n vedAshchAshramAshchaiva nAnA tanu samAsthitAH . 
bhaktyA sampUjayantyAdya.n gatiM chaiShAM dadAti saH .. 41..\\
ye tu tadbhAvitA loke ekAntitva.n samAsthitAH . 
etadabhyadhika.n teShA.n yatte taM pravishantyuta .. 42..\\
iti guhya samuddeshastava nArada kIrtitaH . 
bhaktyA premnA cha viprarShe asmadbhaktyA cha te shrutaH .. 43..\\
\medskip\hrule\medskip\centerline{\Largedvng 322}
 bhiisma

sa evamukto dvipadA.n variShTho 
nArAyaNenottama pUruShena . 
jagAda vAkya.n dvipadA.n variShThaM 
nArAyaNa.n lokahitAdhivAsam .. 1..\\
yadarthamAtmaprabhaveha janma 
tavottama.n dharmagR^ihe chaturdhA . 
tatsAdhyatA.n lokahitArthamadya 
gachchhAmi draShTuM prakR^iti.n tavAdyAm .. 2..\\
vedAH svadhItA mama lokanAtha 
tapta.n tapo nAnR^itamuktapUrvam . 
pUjA.n gurUNA.n satataM karomi 
parasya guhyaM na cha bhinnapUrvam .. 3..\\
guptAni chatvAri yathAgamaM me 
shatrau cha mitre cha samo.asmi nityam . 
ta.n chAdi deva.n satataM prapanna 
ekAntabhAvena vR^iNomyajasram . 
ebhirvisheShaiH parishuddhasattvaH 
kasmAnna pashyeyamanantamIsham .. 4..\\
tatpArameShThyasya vacho nishamya 
nArAyaNaH sAtvata dharmagoptA . 
gachchheti taM nAradamuktavAnsa 
sampUjayitvAtma vidhikriyAbhiH .. 5..\\
tato visR^iShTaH parameShThiputraH 
so.abhyarchayitvA tamR^iShiM purANam . 
khamutpapAtottama vegayuktas 
tato.adhi merau sahasA nililye .. 6..\\
tatrAvatasthe cha munirmuhUrtam 
ekAntamAsAdya gireH sa shR^i~Nge . 
Alokayanuttarapashchimena 
dadarsha chAtyadbhutarUpayuktam .. 7..\\
kShIrodadheruttarato hi dvIpaH 
shvetaH sa nAmnA prathito vishAlaH . 
meroH sahasraiH sa hi yojanAnAM 
dvAtriMshatordhva.n kavibhirniruktaH .. 8..\\
atIndriyAshchAnashanAsh cha tatra 
niShpanda hInAH susugandhinash cha . 
shvetAH pumA.nso gatasarvapApAsh 
chakShurmuShaH pApakR^itAM narANAm .. 9..\\
vajrAsthi kAyAH samamAnonmAnA 
divyAnvaya rUpAH shubhasAropetAH . 
chhattrAkR^iti shIrShA meghaughaninAdAH 
satpuShkara chatuShkA rAjIvashatapAdAH .. 10..\\
sastyA dantairyuktAH shuklairastAbhirda.nstrAbhirye . 
jihvAbhirye viShvagvaktra.n lelihyante sUryaprakhyam .. 11..\\
bhaktyA deva.n vishvotpannaM 
yasmAtsarve lokAH sUtAH . 
vedA dharmA munayaH shAntA 
devAH sarve tasya visargAH .. 12..\\

 y

atIndriyA nirAhArA aniShpandAH sugandhinaH . 
katha.n te puruShA jAtAH kA teShAM gatiruttamA .. 13..\\
ye vimuktA bhavantIha narA bharatasattama . 
teShA.n lakShaNametaddhi yachchhvetadvIpavAsinAm .. 14..\\
tasmAnme saMshaya.n chhindhi paraM kautUhala.n hi me . 
tva.n hi sarvakathArAmastvA.n chaivopashritA vayam .. 15..\\

 bhiisma

vistIrNaiShA kathA rAja~nshrutA me pitR^isaMnidhau . 
saiShA tava hi vaktavyA kathA sAro hi sa smR^itaH .. 16..\\
rAjoparicharo nAma babhUvAdhipatirbhuvaH . 
Akhandala sakhaH khyAto bhakto nArAyaNa.n harim .. 17..\\
dhArmiko nityabhaktashcha pitR^InnityamatandritaH . 
sAmrAjya.n tena samprAptaM nArAyaNa varAtpurA .. 18..\\
sAtvata.n vidhimAsthAya prAksUryamukha niHsR^itam . 
pUjayAmAsa devesha.n tachchheSheNa pitAmahAn .. 19..\\
pitR^isheSheNa viprAMshcha sa.nvibhajyAshritAMshcha saH . 
sheShAnna bhuksatyaparaH sarvabhUteShvahi.nsakaH . 
sarvabhAvena bhaktaH sa devadeva.n janArdanam .. 20..\\
tasya nArAyaNe bhakti.n vahato.amitrakarshana . 
ekashayyAsana.n shakro dattavAndevarAtsvayam .. 21..\\
AtmA rAjya.n dhanaM chaiva kalatra.n vAhanAni cha . 
etadbhagavate sarvamiti tatprekShita.n sadA .. 22..\\
kAmyanaimittikAjasra.n yaGYiyAH paramakriyAH . 
sarvAH sAtvatamAsthAya vidhi.n chakre samAhitaH .. 23..\\
pa~ncharAtra vido mukhyAstasya gehe mahAtmanaH . 
prAyanaM bhagavatproktaM bhu~njate chAgra bhojanam .. 24..\\
tasya prashAsato rAjya.n dharmeNAmitra ghAtinaH . 
nAnR^itA vAksamabhavanmano duShTaM na chAbhavat . 
na cha kAyena kR^itavAnsa pApaM paramanvapi .. 25..\\
ye hi te munayo khyAtAH sapta chitrashikhandinaH . 
tairekamatibhirbhUtvA yatprokta.n shAstramuttamam .. 26..\\
marIchiratrya~Ngirasau pulastyaH pulahaH kratuH . 
vasiShThashcha mahAtejA ete chitrashikhandinaH .. 27..\\
sapta prakR^itayo hyetAstathA svAyambhuvo.astamaH . 
etAbhirdhAryate lokastAbhyaH shAstra.n viniHsR^itam .. 28..\\
ekAgramanaso dAntA munayaH sa.nyame ratAH . 
ida.n shreya idaM brahma idaM hitamanuttamam . 
lokAnsa~ncintya manasA tataH shAstraM prachakrire .. 29..\\
tatra dharmArthakAmA hi mokShaH pashchAchcha kIrtitaH . 
maryAdA vividhAshchaiva divi bhUmau cha sa.nsthitAH .. 30..\\
ArAdhya tapasA deva.n hariM nArAyaNaM prabhum . 
divya.n varShasahasraM vai sarve te R^iShibhiH saha .. 31..\\
nArAyaNAnushAstA hi tadA devI sarasvatI . 
vivesha tAnR^iShInsarvA.NllokAnA.n hitakAmyayA .. 32..\\
tataH pravartitA samyaktapasvidbhirdvijAtibhiH . 
shabde chArthe cha hetau cha eShA prathamasargajA .. 33..\\
AdAveva hi tachchhAstramo~NkAra svarabhUShitam . 
R^iShibhirbhAvita.n tatra yatra kAruNiko hyasau .. 34..\\
tataH prasanno bhagavAnanirdiShTa sharIragaH . 
R^iShInuvAcha tAnsarvAnadR^ishyaH puruShottamaH .. 35..\\
kR^ita.n shatasahasraM hi shlokAnAm idamuttamam . 
lokatantrasya kR^itsnasya yasmAddharmaH pravartate .. 36..\\
pravR^ittau cha nivR^ittau cha yoniretadbhaviShyati . 
R^igyajuH sAmabhirjuShTamatharvA~NgirasaistathA .. 37..\\
tathA pramANa.n hi mayA kR^ito brahmA prasAdajaH . 
rudrashcha krodhajo viprA yUyaM prakR^itayastathA .. 38..\\
sUryA chandramasau vAyurbhUmirApo.agnireva cha . 
sarve cha nakShatragaNA yachcha bhUtAbhishabditam .. 39..\\
adhikAreShu vartante yathA svaM brahmavAdinaH . 
sarve pramANa.n hi yathAtathaitachchhAstramuttamam .. 40..\\
bhaviShyati pramANa.n vayetanmadanushAsanam . 
asmAtpravakShyate dharmAnmanuH svAyambhuvaH svayam .. 41..\\
ushanA bR^ihaspatishchaiva yadotpannau bhaviShyataH . 
tadA pravakShyataH shAstra.n yuShmanmatibhiruddhR^itam .. 42..\\
svAyambhuveShu dharmeShu shAstre choshanasA kR^ite . 
bR^ihaspatimate chaiva lokeShu pravichArite .. 43..\\
yuShmatkR^itamida.n shAstraM prajA pAlo vasustataH . 
bR^ihaspatisakAshAdvai prApsyate dvijasattamAH .. 44..\\
sa hi madbhAvito rAjA madbhaktashcha bhaviShyati . 
tena shAstreNa lokeShu kriyA sarvA kariShyati .. 45..\\
etaddhi sarvashAstrANA.n shAstramuttamasa~nj~nitam . 
etadarthya.n cha dharmyaM cha yashasyaM chaitaduttamam .. 46..\\
asya pravartanAchchaiva prajAvanto bhaviShyatha . 
sa cha rAjA shriyA yukto bhaviShyati mahAnvasuH .. 47..\\
sa.nsthite cha nR^ipe tasmi~nshAstrametatsanAtanam . 
antardhAsyati tatsatyametadvaH kathitaM mayA .. 48..\\
etAvaduktvA vachanamadR^ishyaH puruShottamaH . 
visR^ijya tAnR^iShInsarvAnkAmapi prasthito disham .. 49..\\
tataste lokapitaraH sarvalokArtha chintakAH . 
prAvartayanta tachchhAstra.n dharmayoni.n sanAtanam .. 50..\\
utpanne.a~Ngirase chaiva yuge prathamakalpite . 
sA~NgopaniShada.n shAstraM sthApayitvA bR^ihaspatau .. 51..\\
jagmuryathepsita.n deshaM tapase kR^itanishchayAH . 
dhAraNAtsarvalokAnA.n sarvadharmapravartakAH .. 52..\\
\medskip\hrule\medskip\centerline{\Largedvng 323}
 bhiisma

tato.atIte mahAkalpe utpanne.a~NgirasaH sute . 
babhUvurnirvR^itA devA jAte devapurohite .. 1..\\
bR^ihadbrahma mahachcheti shabdAH paryAya vAchakAH . 
ebhiH samanvito rAjanguNairvidvAnbR^ihaspatiH .. 2..\\
tasya shiShyo babhUvAgryo rAjoparicharo vasuH . 
adhItavA.nstadA shAstra.n samyakchitrashikhandijam .. 3..\\
sa rAjA bhAvitaH pUrva.n daivena vidhinA vasuH . 
pAlayAmAsa pR^ithivI.n divamAkhandalo yathA .. 4..\\
tasya yaGYo mahAnAsIdashvamedho mahAtmanaH . 
bR^ihaspatirupAdhyAyastatra hotA bahUva ha .. 5..\\
prajApatisutAshchAtra sadasyAstvabhava.nstrayaH . 
ekatashcha dvitashchaiva tritashchaiva maharShayaH .. 6..\\
dhanuShAkSho.atha raibhyashcha arvAvasu parAvasU . 
R^iShirmedhAtithishchaiva tAndyashchaiva mahAnR^iShiH .. 7..\\
R^iShiH shaktirmahAbhAgastathA veda shirAshcha yaH . 
kapilashcha R^iShishreShThaH shAlihotra pitAmahaH .. 8..\\
AdyaH kaThastaittirishcha vaishampAyana pUrvajaH . 
kaNvo.atha devahotrashcha ete ShoDasha kIrtitAH . 
sambhR^itAH sarvasambhArAstasminrAjanmahAkratau .. 9..\\
na tatra pashughAto.abhUtsa rAjaiva.n sthito.abhavat . 
ahi.nsraH shuchirakShudro nirAshIH karma sa.nstutaH . 
AraNyaka padodgItA bhAgAstatropakalpitAH .. 10..\\
prItastato.asya bhagavAndevadevaH purAtanaH . 
sAkShAtta.n darshayAmAsa so.adR^ishyo.anyena kena chit .. 11..\\
svayaM bhAgamupAghrAya purodAsha.n gR^ihItavAn . 
adR^ishyena hR^ito bhAgo devena hari medhasA .. 12..\\
bR^ihaspatistataH kruddhaH sruvamudyamya vegitaH . 
AkAsha.n ghnansruvaH pAtai roShAdashrUNyavartayat .. 13..\\
uvAcha choparicharaM mayA bhAgo.ayamudyataH . 
grAhyaH svaya.n hi devena matpratyakShaM na saMshayaH .. 14..\\
udyatA yaGYabhAgA hi sAkShAtprAptAH surairiha . 
kimarthamiha na prApto darshana.n sa harirvibhuH .. 15..\\
tataH sa ta.n samuddhUtaM bhUmipAlo mahAnvibhuH . 
prasAdayAmAsa muni.n sadasyAste cha sarvashaH .. 16..\\
UchushchainamasambhrAntA na roSha.n kartumarhasi . 
naiSha dharmaH kR^itayuge yastva.n roShamachIkR^ithAH .. 17..\\
aroShaNo hyasau devo yasya bhAgo.ayamudyataH . 
na sa shakyastvayA draShTumasmAbhirvA bR^ihaspate . 
yasya prasAda.n kurute sa vai taM draShTumarhati .. 18..\\

 edt

vaya.n hi brahmaNaH putrA mAnasAH parikIrtitAH . 
gatA niHshreyasArtha.n hi kadA chiddishamuttarAm .. 19..\\
taptvA varShasahasrANi chatvAri tapa uttamam . 
ekapAdasthitAH samyakkAShTha bhUtAH samAhitAH .. 20..\\
meroruttarabhAge tu kShIrodasyAnukUlataH . 
sa desho yatra nastapta.n tapaH paramadAruNam . 
kathaM pashyemahi vaya.n devaM nArAyaNaM tviti .. 21..\\
tato vratasyAvabhR^ithe vAguvAchAsharIriNI . 
sutapta.n vastapasviprAH prasannenAntarAtmanA .. 22..\\
yUya.n jiGYAsavo bhaktAH kathaM drakShyatha taM prabhum . 
kShIrodadheruttarataH shvetadvIpo mahAprabhaH .. 23..\\
tatra nArAyaNa parA mAnavAshchandra varchasaH . 
ekAntabhAvopagatAste bhaktAH puruShottamam .. 24..\\
te sahasrArchiSha.n devaM pravishanti sanAtanam . 
atIndriyA nirAhArA aniShpandAH sugandhinaH .. 25..\\
ekAntinaste puruShAH shvetadvIpanivAsinaH . 
gachchhadhva.n tatra munayastatrAtmA me prakAshitaH .. 26..\\
atha shrutvA vaya.n sarve vAcha.n tAmasharIriNIm . 
yathAkhyAtena mArgeNa ta.n deshaM pratipedire .. 27..\\
prApya shvetaM mahAdvIpa.n tachchittAstaddidR^ikShavaH . 
tato no dR^iShTiviShayastadA pratihato.abhavat .. 28..\\
na cha pashyAma puruSha.n tattejo hR^itadarshanAH . 
tato naH prAdurabhavadviGYAna.n deva yogajam .. 29..\\
na kilAtapta tapasA shakyate draShTuma~njasA . 
tataH punarvarShashata.n taptvA tAtkAlikaM mahat .. 30..\\
vratAvasAne sushubhAnnarAndadR^ishire vayam . 
shvetAMshchandrapratIkAshAnsarvalakShaNalakShitAn .. 31..\\
nityA~njali kR^itAnbrahma japataH prAguda~NmukhAn . 
mAnaso nAma sa japo japyate tairmahAtmabhiH . 
tenaikAgra manastvena prIto bhavati vai hariH .. 32..\\
yA bhavenmunishArdUlabhAH sUryasya yugakShaye . 
ekaikasya prabhA tAdR^iksAbhavanmAnavasya ha .. 33..\\
tejo nivAsaH sa dvIpa iti vai menire vayam . 
na tatrAbhyadhikaH kashchitsarve te samatejasaH .. 34..\\
atha sUryasahasrasya prabhA.n yugapadutthitAm . 
sahasA dR^iShTavantaH sma punareva bR^ihaspate .. 35..\\
sahitAshchAbhyadhAvanta tataste mAnavA drutam . 
kR^itA~njaliputA hR^iShTA nama ityeva vAdinaH .. 36..\\
tato.abhivadatA.n teShAmashrauShma vipulaM dhvanim . 
baliH kilopahriyate tasya devasya tairnaraiH .. 37..\\
vaya.n tu tejasA tasya sahasAhR^ita chetasaH . 
na ki.n chidapi pashyAmo hR^itadR^iShTi balendriyAH .. 38..\\
ekastu shabdo.avirataH shruto.asmAbhirudIritaH . 
jita.n te pundarIkAkSha namaste vishvabhAvana .. 39..\\
namaste.astu hR^iShIkesha mahApuruSha pUrvaja . 
iti shabdaH shruto.asmAbhiH shikShAkShara samIritaH .. 40..\\
etasminnantare vAyuH sarvagandhavahaH shuchiH . 
divyAnyuvAha puShpAni karmaNyAshchauShadhIstathA .. 41..\\
tairiShTaH pa~ncha kAlaGYairharirekAntibhirnaraiH . 
nUna.n tatrAgato devo yathA tairvAgudIritA . 
vaya.n tvenaM na pashyAmo mohitAstasya mAyayA .. 42..\\
mArute saMnivR^itte cha balau cha pratipAdite . 
chintA vyAkulitAtmAno jAtAH smo.a~NgirasA.n vara .. 43..\\
mAnavAnA.n sahasreShu teShu vai shuddhayoniShu . 
asmAnna kashchinmanasA chakShuShA vApyapUjayat .. 44..\\
te.api svasthA munigaNA ekabhAvamanuvratAH . 
nAsmAsu dadhire bhAvaM brahma bhAvamanuShThitAH .. 45..\\
tato.asmAnsuparishrAntA.nstapasA chApi karshitAn . 
uvAcha svastha.n kimapi bhUtaM tatrAsharIrakam .. 46..\\
dR^iShTA vaH puruShAH shvetAH sarvendriyavivarjitAH . 
dR^iShTo bhavati devesha ebhirdR^iShTairdvijottamAH .. 47..\\
gachchhadhvaM munayaH sarve yathAgatamito.achirAt . 
na sa shakyo abhaktena draShTu.n devaH kathaM chana .. 48..\\
kAma.n kAlena mahatA ekAntitva.n samAgataiH . 
shakyo draShTu.n sa bhagavAnprabhA mandala durdR^ishaH .. 49..\\
mahatkArya.n tu kartavya.n yuShmAbhirdvijasattamAH . 
itaH kR^itayuge.atIte viparyAsa.n gate.api cha .. 50..\\
vaivasvate.antare viprAH prApte tretAyuge tataH . 
surANA.n kAryasiddhyartha.n sahAyA vai bhaviShyatha .. 51..\\
tatastadadbhuta.n vAkyaM nishamyaivaM sma somapa . 
tasya prasAdAtprAptAH smo deshamIpsitama~njasA .. 52..\\
eva.n sutapasA chaiva havyakavyaistathaiva cha . 
devo.asmAbhirna dR^iShTaH sa katha.n tvaM draShTumarhasi . 
nArAyaNo mahadbhUta.n vishvasR^igghavyakavya bhuk .. 53..\\

 bhiisma

evamekata vAkyena dvita trita matena cha . 
anunItaH sadasyaishcha bR^ihaspatirudAradhIH . 
samAnIya tato yaGYa.n daivata.n samapUjayat .. 54..\\
samAptayaGYo rAjApi prajAH pAlitavAnvasuH . 
brahmashApAddivo bhraShTaH pravivesha mahI.n tataH .. 55..\\
antarbhUmigatashchaiva satata.n dharmavatsalaH . 
nArAyaNa paro bhUtvA nArAyaNa pada.n jagau .. 56..\\
tasyaiva cha prasAdena punarevotthitastu saH . 
mahItalAdgataH sthAnaM brahmaNaH samanantaram . 
parA.n gatimanuprApta iti naiShThikama~njasA .. 57..\\
\medskip\hrule\medskip\centerline{\Largedvng 324}
 yudhisthira

yadA bhakto bhagavata AsIdrAjA mahAvasuH . 
kimartha.n sa paribhraShTo vivesha vivaraM bhuvaH .. 1..\\

 bhiisma

atrApyudaharantImamitihAsaM purAtanam . 
R^iShINA.n chaiva sa.nvAdaM tridashAnAM cha bhArata .. 2..\\
ajena yastavyamiti devAH prAhurdvijottamAn . 
sa chachchhAgo hyajo GYeyo nAnyaH pashuriti sthitiH .. 3..\\

 rsayah

bIjairyaGYeShu yastavyamiti vai vaidikI shrutiH . 
aja sa~nj~nAni bIjAni chhAgaM na ghnantumarhatha .. 4..\\
naiva dharmaH satA.n devA yatra vadhyeta vai pashuH . 
ida.n kR^itayuga.n shreShThaM kathaM vadhyeta vai pashuH .. 5..\\

 bhiisma

teShA.n sa.nvadatAmevamR^iShINAM vibudhaiH saha . 
mArgAgato nR^ipashreShThasta.n deshaM prAptavAnvasuH . 
antarikShacharaH shrImAnsamagrabalavAhanaH .. 6..\\
ta.n dR^iShTvA sahasAyAnta.n vasuM te tvantarikShagam . 
UchurdvijAtayo devAneSha chhetsyati saMshayam .. 7..\\
yajvA dAnapatiH shreShThaH sarvabhUtahitapriyaH . 
katha.n svidanyathA brUyAdvAkyameSha mahAnvasuH .. 8..\\
eva.n te sa.nvidaM kR^itvA vibudhA R^iShayastathA . 
apR^ichchhansahasAbhyetya vasu.n rAjAnamantikAt .. 9..\\
bho rAjankena yastavyamajenAho svidauShadhaiH . 
etannaH saMshaya.n chhindhi pramANaM no bhavAnmataH .. 10..\\
sa tAnkR^itA~njalirbhUtvA paripaprachchha vai vasuH . 
kasya vaH ko mataH pakSho brUta satya.n samAgatAH .. 11..\\

 rsayah

dhAnyairyastavyamityeSha pakSho.asmAkaM narAdhipa . 
devAnA.n tu pashuH pakSho mato rAjanvadasva naH .. 12..\\

 bhiisma

devAnA.n tu mata.n GYAtvA vasunA pakShasaMshrayAt . 
chhAgenAjena yastavyamevamukta.n vachastadA .. 13..\\
kupitAste tataH sarve munayaH sUryavarchasaH . 
Uchurvasu.n vimAnastha.n deva pakShArtha vAdinam .. 14..\\
surapakSho gR^ihItaste yasmAttasmAddivaH pata . 
adya prabhR^iti te rAjanAkAshe vihatA gatiH . 
asmachchhApAbhighAtena mahIM bhittvA pravikShyasi .. 15..\\
tatastasminmuhUrte.atha rAjoparicharastadA . 
adho vai sambabhUvAshu bhUmervivara gonR^ipaH . 
smR^itistvenaM na prajahau tadA nArAyaNAGYayA .. 16..\\
devAstu sahitAH sarve vasoH shApavimokShaNam . 
chintayAmAsuravyagrAH sukR^ita.n hi nR^ipasya tat .. 17..\\
anenAsmatkR^ite rAGYA shApaH prApto mahAtmanA . 
asya prati priya.n kArya.n sahitairno divaukasaH .. 18..\\
iti buddhyyA vyavasyAshu gatvA nishchayamIshvarAH . 
Uchusta.n hR^iShTamanaso rAjoparichara.n tadA .. 19..\\
brahmaNya deva.n tvaM bhaktaH surAsuraguru.n harim . 
kAma.n sa tava tuShTAtmA kuryAchchhApavimokShaNam .. 20..\\
mAnanA tu dvijAtInA.n kartavyA vai mahAtmanAm . 
avashya.n tapasA teShAM phalitavyaM nR^ipottama .. 21..\\
yatastva.n sahasA bhraShTa AkAshAnmedinI talam . 
eka.n tvanugrahaM tubhyaM dadmo vai nR^ipasattama .. 22..\\
yAvattva.n shApadoSheNa kAlamAsiShyase.anagha . 
bhUmervivara gobhUtvA tAvanta.n kAlamApsyasi . 
yaGYeShu suhutA.n viprairvasordhArAM mahAtmabhiH .. 23..\\
prApsyase.asmadanudhyAnAnmA cha tvA.n glAnirAspR^ishet . 
na kShutpipAse rAjendra bhUmeshchhidre bhaviShyataH .. 24..\\
vasordhArAnupItatvAttejasApyAyitena cha . 
sa devo.asmadvarAtprIto brahmaloka.n hi neShyati .. 25..\\
eva.n dattvA vara.n rAGYe sarve tatra divaukasaH . 
gatAH svabhavana.n devA R^iShayashcha tapodhanAH .. 26..\\
chakre cha satataM pUjA.n viShvaksenAya bhArata . 
japya.n jagau cha satataM nArAyaNa mukhodgatam .. 27..\\
tatrApi pa~nchabhiryaGYaiH pa~ncha kAlAnarindama . 
ayajaddhari.n surapatiM bhUmervivarago.api san .. 28..\\
tato.asya tuShTo bhagavAnbhaktyA nArAyaNo hariH . 
ananyabhaktasya satastatparasya jitAtmanaH .. 29..\\
varado bhagavAnviShNuH samIpastha.n dvijottamam . 
garutmantaM mahAvegamAbabhAse smayanniva .. 30..\\
dvijottama mahAbhAga gamyatA.n vachanAnmama . 
sa.nrAdrAjA vasurnAma dharmAtmA mA.n samAshritaH .. 31..\\
brAhmaNAnAM prakopena praviShTo vasudhAtalam . 
mAnitAste tu viprendrAstva.n tu gachchha dvijottama .. 32..\\
bhUmervivara sa~Ngupta.n garudeha mamAGYayA . 
adhashcharaM nR^ipashreShTha.n khecharaM kuru mAchiram .. 33..\\
garutmAnatha vikShipya pakShau mArutavegavAn . 
vivesha vivaraM bhUmeryatrAste vAgyato vasuH .. 34..\\
tata ena.n samutkShipya sahasA vinatAsutaH . 
utpapAta nabhastUrNa.n tatra chainamamu~nchata .. 35..\\
tasminmuhUrte sa~njaGYe rAjoparicharaH punaH . 
sasharIro gatashchaiva brahmalokaM nR^ipottamaH .. 36..\\
eva.n tenApi kaunteya vAgdoShAddevatAGYayA . 
prAptA gatirayajvArhA dvija shApAnmahAtmanA .. 37..\\
kevalaM puruShastena sevito harirIshvaraH . 
tataH shIghra.n jahau shApaM brahmalokamavApa cha .. 38..\\
etatte sarvamAkhyAta.n te bhUtA mAnavA yathA . 
nArado.api yathA shveta.n dvIpa.n sa gatavAnR^iShiH . 
tatte sarvaM pravakShyAmi shR^iNuShvaika manA nR^ipa .. 39..\\
\medskip\hrule\medskip\centerline{\Largedvng 325}
 bhiisma

prApya shvetaM mahAdvIpaM nArado bhagavAnR^iShiH . 
dadarsha tAneva narA~nshvetAMshchandraprabhA~nshubhAn .. 1..\\
pUjayAmAsa shirasA manasA taishcha pUjitaH . 
didR^ikShurjapyaparamaH sarvakR^ichchhra dharaH sthitaH .. 2..\\
bhUtvaikAgra manA vipra UrdhvabAhurmahAmuniH . 
stotra.n jagau sa vishvAya nirguNAya mahAtmane .. 3..\\

 nAradovAcha

\noindent
namaste devadeva [1] niShkriya [2] nirguNa [3] lokasAkShin [4] kShetraGYa [5] ananta [6=116] puruSha [7] mahApuruSha [8] triguNa [9] pradhAna [10]
1 
amR^ita [11] vyoma [12] sanAtana [13] sadasadvyaktAvyakta [14] R^itadhAman [15] pUrvAdideva [16] vasuprada [17] prajApate [18] suprajApate [19] vanaspate [20]
2 
mahAprajApate [21] Urjaspate [22] vAchaspate [23] manaspate [24] jagatpate [25] divaspate [26] marutpate [27] salilapate [28] pR^ithivIpate [29] dikpate [30]
3 
pUrvanivAsa [31] brahmapurohita [32] brahmakAyika [33] mahAkAyika [34] mahArAjika [35] chaturmahArAjika [36] AbhAsura [37] mahAbhAsura [38] saptamahAbhAsura [39] yAmya [40]
4 
mahAyAmya [41] sa~nj~nAsa~nj~na [42] tuShita [43] mahAtuShita [44] pratardana [45] parinirmita [46] vashavartin [47] aparinirmita [48] yaGYa [49] mahAyaGYa [50]
5 
yaGYasambhava [51] yaGYayone [52] yaGYagarbha [53] yaGYahR^idaya [54] yaGYastuta [55] yaGYabhAgahara [56] pa~nchayaGYadhara [57] pa~nchakAlakartR^igate [58] pa~ncharAtrika [59] vaikuNTha [60]
6 
aparAjita [61] mAnasika [62] paramasvAmin [63] susnAta [64] ha.nsa [65] paramaha.nsa [66] paramayAGYika [67] sA~Nkhyayoga [68] amR^iteshaya [69] hiraNyeshaya [70]
7 
vedeshaya [71] kusheshaya [72] brahmeshaya [73] padmeshaya [74] vishveshvara [75] tva.n jagadanvayaH [76] tvaM jagatprakR^itiH [77] tavAgnirAsyaM [78] vaDavAmukho.agniH [79] tvamAhutiH [80]
8 
tva.n sArathiH [81] tvaM vaShaTkAraH [82] tvamo~NkAraH [83] tvaM manaH [84] tva.n chandramAH [85] tvaM chakShurAdyam [86] tvaM sUryaH [87] tvaM dishAM gajaH [88] digbhAno [89] hayashiraH [90]
9 
prathamatrisauparNa [91] pa~nchAgne [92] triNAchiketa [93] ShaDa~NgavidhAna [94] prAgjyotiSha [95] jyeShThasAmaga [96] sAmikavratadhara [97] atharvashiraH [98] pa~nchamahAkalpa [99] phenapAchArya [100]
10 
vAlakhilya [101] vaikhAnasa [102] abhagnayoga [103] abhagnaparisa~NkhyAna [194] yugAde [105] yugamadhya [106] yuganidhana [107] AkhaNDala [108] prAchInagarbha [109] kaushika [110]
11 
puruShTuta [111] puruhUta [112] vishvarUpa [113] anantagate [114] anantabhoga [115] ananta [116=6] anAde [117] amadhya [118] avyaktamadhya [119] avyaktanidhana [120]
12 
vratAvAsa [121] samudrAdhivAsa [122] yashovAsa [123] tapovAsa [124] lakShmyAvAsa [125] vidyAvAsa [126] kIrtyAvAsa [127] shrIvAsa [128] sarvAvAsa [129] vAsudeva [130]
13 
sarvachchhandaka [131] harihaya [132] harimedha [133] mahAyaGYabhAgahara [134] varaprada [135=157] yamaniyamamahAniyamakR^ichchhrAtikR^ichchhramahAkR^ichchhrasarvakR^ichchhraniyamadhara [136] nivR^ittadharmapravachanagate [137] pravR^ittavedakriya [138] aja [139] sarvagate [140]
14 
sarvadarshin [141] agrAhya [142] achala [143] mahAvibhUte [144] mAhAtmyasharIra [145] pavitra [146] mahApavitra [147] hiraNmaya [148] bR^ihat [149] apratarkya [150]
15 
aviGYeya [151] brahmAgrya [152] prajAsargakara [153] prajAnidhanakara [154] mahAmAyAdhara [155] chitrashikhaNDin [156] varaprada [157=135] puroDAshabhAgahara [158] gatAdhvan [159] chhinnatR^iShNa [160]
16 
chhinnasaMshaya [161] sarvatonivR^itta [162] brAhmaNarUpa [163] brAhmaNapriya [164] vishvamUrte [165] mahAmUrte [166] bAndhava [167] bhaktavatsala [168] brahmaNyadeva [169] bhakto.aha.n tvAM didR^iShkuH [170] ekAntadarshanAya namo namaH [171]
17 
.. 4..\\
\medskip\hrule\medskip\centerline{\Largedvng 326}
 bhiisma

eva.n stutaH sa bhagavAnguhyaistathyaishcha nAmabhiH . 
taM muni.n darshayAmAsa nArada.n vishvarUpadhR^ik .. 1..\\
ki.n chichchandra vishuddhAtmA kiM chichchandrAdvisheShavAn . 
kR^ishAnu varNaH ki.n chichcha kiM chiddhiShnyAkR^itiH prabhuH .. 2..\\
shukapatravarNaH ki.n chichcha kiM chitsphatika saprabhaH . 
nIlA~njanachaya prakhyo jAtarUpaprabhaH kva chit .. 3..\\
pravAlA~Nkura varNashcha shvetavarNaH kva chidbabhau . 
kva chitsuvarNavarNAbho vaidUryasadR^ishaH kva chit .. 4..\\
nIlavaidUrya sadR^isha indranIlanibhaH kva chit . 
mayUragrIva varNAbho muktAhAra nibhaH kva chit .. 5..\\
etAnvarNAnbahuvidhAnrUpe bibhratsanAtanaH . 
sahasranayanaH shrImA~nshatashIrShaH sahasrapAt .. 6..\\
sahasrodara bAhush cha avyakta iti cha kva chit . 
o~NkAramudgiranvaktrAtsAvitrI.n cha tadanvayAm .. 7..\\
sheShebhyashchaiva vaktrebhyashchaturvedodgata.n vasu . 
AraNyaka.n jagau devo harirnArAyaNo vashI .. 8..\\
vedI.n kamandaluM darbhAnmani rUpAnathopalAn . 
ajina.n danda kAShThaM cha jvalitaM cha hutAshanam . 
dhArayAmAsa devesho hastairyaGYapatistadA .. 9..\\
taM prasannaM prasannAtmA nArado dvijasattamaH . 
vAgyataH prayato bhUtvA vavande parameshvaram . 
tamuvAcha nataM mUrdhnA devAnAmAdiravyayaH .. 10..\\
ekatashcha dvitashchaiva tritashchaiva maharShayaH . 
ima.n deshamanuprAptA mama darshanalAlasAH .. 11..\\
na cha mA.n te dadR^ishire na cha drakShyati kash chana . 
R^ite hyekAntika shreShThAttva.n chaivaikAntiko mataH .. 12..\\
mamaitAstanavaH shreShThA jAtA dharmagR^ihe dvija . 
tAstvaM bhajasva satata.n sAdhayasva yathAgatam .. 13..\\
vR^iNIShva cha vara.n vipra mattastvaM yamihechchhasi . 
prasanno.aha.n tavAdyeha vishvamUrtirihAvyayaH .. 14..\\

 naarada

adya me tapaso deva yamasya niyamasya cha . 
sadyaH phalamavApta.n vai dR^iShTo yadbhagavAnmayA .. 15..\\
vara eSha mamAtyanta.n dR^iShTastva.n yatsanAtanaH . 
bhagavAnvishvadR^iksi.nhaH sarvamUrtirmahAprabhuH .. 16..\\

 bhiisma

eva.n sandarshayitvA tu nAradaM parameShThijam . 
uvAcha vachanaM bhUyo gachchha nArada mAchiram .. 17..\\
ime hyanindriyAhArA madbhaktAshchandra varchasaH . 
ekAgrAshchintayeyurmAM naiShA.n vighno bhavediti .. 18..\\
siddhAshchaite mahAbhAgAH purA hyekAntino.abhavan . 
tamo rajo vinirmuktA mAM pravekShyantyasaMshayam .. 19..\\
na dR^ishyashchakShuShA yo.asau na spR^ishyaH sparshanena cha . 
na ghreyashchaiva gandhena rasena cha vivarjitaH .. 20..\\
sattva.n rajastamashchaiva na guNAstaM bhajanti vai . 
yashcha sarvagataH sAkShI lokasyAtmeti kathyate .. 21..\\
bhUtagrAma sharIreShu nashyatsu na vinashyati . 
ajo nityaH shAshvatashcha nirguNo niShkalastathA .. 22..\\
dvirdvAdashebhyastattvebhyaH khyAto yaH pa~nchaviMshakaH . 
puruSho niShkriyashchaiva GYAnadR^ishyash cha kathyate .. 23..\\
yaM pravishya bhavantIha muktA vai dvijasattama . 
sa vAsudevo viGYeyaH paramAtmA sanAtanaH .. 24..\\
pashya devasya mAhAtmyaM mahimAna.n cha nArada . 
shubhAshubhaiH karmabhiryo na lipyati kadA chana .. 25..\\
sattva.n rajastamashchaiva guNAnetAnprachakShate . 
ete sarvasharIreShu tiShThanti vicharanti cha .. 26..\\
etAnguNA.nstu kShetraGYo bhu~Nkte naibhiH sa bhujyate . 
nirguNo guNabhukchaiva guNasraShTA guNAdhikaH .. 27..\\
jagatpratiShThA devarShe pR^ithivyapsu pralIyate . 
jyotiShyApaH pralIyante jyotirvAyau pralIyate .. 28..\\
khe vAyuH pralaya.n yAti manasyAkAshameva cha . 
mano hi paramaM bhUta.n tadavyakte pralIyate .. 29..\\
avyaktaM puruShe brahmanniShkriye sampralIyate . 
nAsti tasmAtparataraM puruShAdvai sanAtanAt .. 30..\\
nitya.n hi nAsti jagati bhUtaM sthAvaraja~Ngamam . 
R^ite tamekaM puruSha.n vAsudevaM sanAtanam . 
sarvabhUtAtmabhUto hi vAsudevo mahAbalaH .. 31..\\
pR^ithivI vAyurAkAshamApo jyotishcha pa~nchamam . 
te sametA mahAtmAnaH sharIramiti sa~nj~nitam .. 32..\\
tadAvishati yo brahmannadR^ishyo laghuvikramaH . 
utpanna eva bhavati sharIra.n cheShTayanprabhuH .. 33..\\
na vinA dhAtusa~NghAta.n sharIraM bhavati kva chit . 
na cha jIva.n vinA brahmandhAtavashcheShTayantyuta .. 34..\\
sa jIvaH parisa~NkhyAtaH sheShaH sa~NkarShaNaH prabhuH . 
tasmAtsanatkumAratva.n yo labheta svakarmaNA .. 35..\\
yasmiMshcha sarvabhUtAni pralaya.n yAnti sa~NkShaye . 
sa manaH sarvabhUtAnAM pradyumnaH paripathyate .. 36..\\
tasmAtprasUto yaH kartA kArya.n kAraNameva cha . 
yasmAtsarvaM prabhavati jagatsthAvaraja~Ngamam . 
so.aniruddhaH sa IshAno vyaktiH sA sarvakarmasu .. 37..\\
yo vAsudevo bhagavAnkShetraGYo nirguNAtmakaH . 
GYeyaH sa eva bhagavA~njIvaH sa~NkarShaNaH prabhuH .. 38..\\
sa~NkarShaNAchcha pradyumno mano bhUtaH sa uchyate . 
pradyumnAdyo.aniruddhastu so.aha~NkAro maheshvaraH .. 39..\\
mattaH sarva.n sambhavati jagatsthAvaraja~Ngamam . 
akShara.n cha kSharaM chaiva sachchAsachchaiva nArada .. 40..\\
mAM pravishya bhavantIha muktA bhaktAstu ye mama . 
aha.n hi puruSho GYeyo niShkriyaH pa~nchaviMshakaH .. 41..\\
nirguNo niShkalashchaiva nirdvandvo niShparigrahaH . 
etattvayA na viGYeya.n rUpavAniti dR^ishyate . 
ichchhanmuhUrtAnnashyeyamIsho.aha.n jagato guruH .. 42..\\
mAyA hyeShA mayA sR^iShTA yanmAM pashyasi nArada . 
sarvabhUtaguNairyuktaM naiva.n tva.n GYAtumarhasi . 
mayaitatkathita.n samyaktava mUrti chatuShTayam .. 43..\\
siddhA hyete mahAbhAgA narA hyekAntino.abhavan . 
tamo rajo bhyAM nirmuktAH pravekShyanti cha mAM mune .. 44..\\
aha.n kartA cha kAryaM cha kAraNaM chApi nArada . 
aha.n hi jIva sa~nj~no vai mayi jIvaH samAhitaH . 
maiva.n te buddhiratrAbhUddR^iShTo jIvo mayeti cha .. 45..\\
aha.n sarvatrago brahmanbhUtagrAmAntarAtmakaH . 
bhUtagrAma sharIreShu nashyatsu na nashAmyaham .. 46..\\
hiraNyagarbho lokAdishchaturvaktro niruktagaH . 
brahmA sanAtano devo mama bahvarthachintakaH .. 47..\\
pashyaikAdasha me rudrAndakShiNaM pArshvamAsthitAn . 
dvAdashaiva tathAdityAnvAmaM pArshva.n samAsthitAn .. 48..\\
agratashchaiva me pashya vasUnastau surottamAn . 
nAsatya.n chaiva dasraM cha bhiShajau pashya pR^iShThataH .. 49..\\
sarvAnprajApatInpashya pashya sapta R^iShInapi . 
vedAnyaGYAMshcha shatashaH pashyAmR^itamathauShadhIH .. 50..\\
tapA.nsi niyamAMshchaiva yamAnapi pR^ithagvidhAn . 
tathAsta guNamaishvaryamekasthaM pashya mUrtimat .. 51..\\
shriya.n lakShmI.n cha kIrtiM cha pR^ithivIM cha kakudminIm . 
vedAnAM mAtaraM pashya matsthA.n devI.n sarasvatIm .. 52..\\
dhruva.n cha jyotiShA.n shreShThaM pashya nArada khecharam . 
ambho dharAnsamudrAMshcha sarA.nsi saritastathA .. 53..\\
mUrtimantaH pitR^igaNAMshchaturaH pashya sattama . 
trIMshchaivemAnguNAnpashya matsthAnmUrti vivarjitAn .. 54..\\
devakAryAdapi mune pitR^ikArya.n vishiShyate . 
devAnA.n cha pitR^INAM cha pitA hyeko.ahamAditaH .. 55..\\
aha.n hayashiro bhUtvA samudre pashchimottare . 
pibAmi suhuta.n havya.n kavyaM cha shraddhayAnvitam .. 56..\\
mayA sR^iShTaH purA brahmA madyaGYamayajatsvayam . 
tatastasmai varAnprIto dadAvahamanuttamAn .. 57..\\
matputratva.n cha kalpAdau lokAdhyakShatvameva cha . 
aha~NkArakR^ita.n chaiva nAma paryAya vAchakam .. 58..\\
tvayA kR^itA.n cha maryAdAM nAtikrAmyati kash chana . 
tva.n chaiva varado brahmanvarepsUnAM bhaviShyasi .. 59..\\
surAsuragaNAnA.n cha R^iShINAM cha tapodhana . 
pitR^INA.n cha mahAbhAga satata.n saMshitavrata . 
vividhAnA.n cha bhUtAnAM tvamupAsyo bhaviShyasi .. 60..\\
prAdurbhAvagatashchAha.n surakAryeShu nityadA . 
anushAsyastvayA brahmaNNiyojyashcha suto yathA .. 61..\\
etAMshchAnyAMshcha ruchirAnbrahmaNe.amitatejase . 
aha.n dattvA varAnprIto nivR^itti paramo.abhavam .. 62..\\
nirvAna.n sarvadharmANAM nivR^ittiH paramA smR^itA . 
tasmAnnivR^ittimApannashcharetsarvA~NganirvR^itaH .. 63..\\
vidyA sahAyavantaM mAmAdityastha.n sanAtanam . 
kapilaM prAhurAchAryAH sA~Nkhyanishchita nishchayAH .. 64..\\
hiraNyagarbho bhagavAneSha chhandasi suShTutaH . 
so.aha.n yogagatirbrahmanyogashAstreShu shabditaH .. 65..\\
eSho.aha.n vyaktimAgamya tiShThAmi divi shAshvataH . 
tato yugasahasrAnte sa.nhariShye jagatpunaH . 
kR^itvAtma sthAni bhUtAni sthAvarANi charANi cha .. 66..\\
ekAkI vidyayA sArdha.n vihariShye dvijottama . 
tato bhUyo jagatsarva.n kariShyAmIha vidyayA .. 67..\\
asmanmUrtishchaturthI yA sAsR^ijachchheShamavyayam . 
sa hi sa~NkarShaNaH proktaH pradyumna.n so.apyajIjanat .. 68..\\
pradyumnAdaniruddho.aha.n sargo mama punaH punaH . 
aniruddhAttathA brahmA tatrAdi kamalodbhavaH .. 69..\\
brahmaNaH sarvabhUtAni charANi sthAvarANi cha . 
etA.n sR^iShTiM vijAnIhi kalpAdiShu punaH punaH .. 70..\\
yathA sUryasya gaganAdudayAsta mayAviha . 
nastau punarbalAtkAla AnayatyamitadyutiH . 
tathA balAdahaM pR^ithvI.n sarvabhUtahitAya vai .. 71..\\
sattvairAkrAnta sarvA~NgAM nastA.n sAgaramekhalAm . 
AnayiShyAmi sva.n sthAnaM vArAhaM rUpamAsthitaH .. 72..\\
hiraNyAkSha.n haniShyAmi daiteyaM balagarvitam . 
nArasi.nha.n vapuH kR^itvA hiraNyakashipuM punaH . 
surakArye haniShyAmi yaGYaghna.n ditinandanam .. 73..\\
virochanasya balavAnbaliH putro mahAsuraH . 
bhaviShyati sa shakra.n cha svarAjyAchchyAvayiShyati .. 74..\\
trailokye.apahR^ite tena vimukhe cha shachIpatau . 
adityA.n dvAdashaH putraH sambhaviShyAmi kashyapAt .. 75..\\
tato rAjyaM pradAsyAmi shakrAyAmita tejase . 
devatAH sthApayiShyAmi sveShu sthAneShu nArada . 
bali.n chaiva kariShyAmi pAtAlatalavAsinam .. 76..\\
tretAyuge bhaviShyAmi rAmo bhR^igukulodvahaH . 
kShatra.n chotsAdayiShyAmi samR^iddhabalavAhanam .. 77..\\
sandhau tu samanuprApte tretAyA.n dvAparasya cha . 
rAmo dAsharathirbhUtvA bhaviShyAmi jagatpatiH .. 78..\\
tritopaghAtAdvairUpyamekato.atha dvitastathA . 
prApsyato vAraNatva.n hi prajApatisutAvR^iShI .. 79..\\
tayorye tvanvaye jAtA bhaviShyanti vanaukasaH . 
te sahAyA bhaviShyanti surakArye mama dvija .. 80..\\
tato rakShaHpati.n ghoraM pulastya kulapA.nsanam . 
haniShye rAvaNa.n sa~Nkhye sagaNaM lokakantakam .. 81..\\
dvAparasya kaleshchaiva sandhau paryavasAnike . 
prAdurbhAvaH ka.nsa hetormathurAyAM bhaviShyati .. 82..\\
tatrAha.n dAnavAnhatvA subahUndevakantakAn . 
kushasthalI.n kariShyAmi nivAsaM dvArakAM purIm .. 83..\\
vasAnastatra vai puryAmaditervipriya.n karam . 
haniShye narakaM bhaumaM muraM pItha.n cha dAnavam .. 84..\\
prAgjyotiSha pura.n ramyaM nAnA dhanasamanvitam . 
kushasthalIM nayiShyAmi hatvA vai dAnavottamAn .. 85..\\
sha~Nkara.n cha mahAsenaM bAna priyahitaiShiNam . 
parAjeShyAmyathodyuktau devalokanamaskR^itau .. 86..\\
tataH sutaM balerjitvA bAnaM bAhusahasriNam . 
vinAshayiShyAmi tataH sarvAnsaubhanivAsinaH .. 87..\\
yaH kAlayavanaH khyAto garga tejo.abhisa.nvR^itaH . 
bhaviShyati vadhastasya matta eva dvijottama .. 88..\\
jarAsandhashcha balavAnsarvarAjavirodhakaH . 
bhaviShyatyasuraH sphIto bhUmipAlo girivraje . 
mama buddhiparispandAdvadhastasya bhaviShyati .. 89..\\
samAgateShu baliShu pR^ithivyA.n sarvarAjasu . 
vAsaviH susahAyo vai mama hyeko bhaviShyati .. 90..\\
eva.n lokA vadiShyanti naranArAyaNAvR^iShI . 
udyuktau dahataH kShatra.n lokakAryArthamIshvarau .. 91..\\
kR^itvA bhAvAvataraNa.n vasudhAyA yathepsitam . 
sarvasAtvata mukhyAnA.n dvArakAyAsh cha sattama . 
kariShye pralaya.n ghoramAtmaGYAti vinAshanam .. 92..\\
karmANyaparimeyAni chaturmUrti dharo hyaham . 
kR^itvA lokAngamiShyAmi svAnahaM brahma satkR^itAn .. 93..\\
ha.nso hayashirAshchaiva prAdurbhAvA dvijottama . 
yadA vedashrutirnastA mayA pratyAhR^itA tadA . 
savedAH sashrutIkAshcha kR^itAH pUrva.n kR^ite yuge .. 94..\\
atikrAntAH purANeShu shrutAste yadi vA kva chit . 
atikrAntAshcha bahavaH prAdurbhAvA mamottamAH . 
lokakAryANi kR^itvA cha punaH svAM prakR^iti.n gatAH .. 95..\\
na hyetadbrahmaNA prAptamIdR^ishaM mama darshanam . 
yattvayA prAptamadyeha ekAntagatabuddhinA .. 96..\\
etatte sarvamAkhyAtaM brahmanbhaktimato mayA . 
purANa.n cha bhaviShyaM cha sarahasyaM cha sattama .. 97..\\
eva.n sa bhagavAndevo vishvamUrti dharo.avyayaH . 
etAvaduktvA vachana.n tatraivAntaradhIyata .. 98..\\
nArado.api mahAtejAH prApyAnugrahamIpsitam . 
naranArAyaNau draShTuM prAdravadbadarAshramam .. 99..\\
idaM mahopaniShada.n chaturveda samanvitam . 
sA~NkhyayogakR^ita.n tena pa~ncharAtrAnushabditam .. 100..\\
nArAyaNa mukhodgItaM nArado.ashrAvayatpunaH . 
brahmaNaH sadane tAta yathAdR^iShTa.n yathA shrutam .. 101..\\

 yudhisthira

etadAshcharyabhUta.n hi mAhAtmya.n tasya dhImataH . 
kiM brahmA na vijAnIte yataH shushrAva nAradAt .. 102..\\
pitAmaho hi bhagavA.nstasmAddevAdanantaraH . 
katha.n sa na vijAnIyAtprabhAvamamitaujasaH .. 103..\\

 bhiisma

mahAkalpasahasrANi mahAkalpashatAni cha . 
samatItAni rAjendra sargAshcha pralayAsh cha ha .. 104..\\
sargasyAdau smR^ito brahmA prajA sarga karaH prabhuH . 
jAnAti devapravaraM bhUyashchAto.adhikaM nR^ipa . 
paramAtmAnamIshAnamAtmanaH prabhava.n tathA .. 105..\\
ye tvanye brahma sadane siddhasa~NghAH samAgatAH . 
tebhyastachchhrAvayAmAsa purANa.n veda saMmitam .. 106..\\
teShA.n sakAshAtsUryashcha shrutvA vai bhAvitAtmanAm . 
AtmAnugAminAM brahma shrAvayAmAsa bhArata .. 107..\\
ShaTShaShTirhi sahasrANi R^iShINAM bhAvitAtmanAm . 
sUryasya tapato lokAnnirmitA ye puraHsarAH . 
teShAmakathayatsUryaH sarveShAM bhAvitAtmanAm .. 108..\\
sUryAnugAmibhistAta R^iShibhistairmahAtmabhiH . 
merau samAgatA devAH shrAvitAsh chedamuttamam .. 109..\\
devAnA.n tu sakAshAdvai tataH shrutvAsito dvijaH . 
shrAvayAmAsa rAjendra pitR^INAM munisattamaH .. 110..\\
mama chApi pitA tAta kathayAmAsa shantanuH . 
tato mayaitachchhrutvA cha kIrtita.n tava bhArata .. 111..\\
surairvA munibhirvApi purANa.n yairidaM shrutam . 
sarve te paramAtmAnaM pUjayanti punaH punaH .. 112..\\
idamAkhyAnamArSheyaM pAramparyAgataM nR^ipa . 
nAvAsudeva bhaktAya tvayA deya.n kathaM chana .. 113..\\
matto.anyAni cha te rAjannupAkhyAna shatAni vai . 
yAni shrutAni dharmyANi teShA.n sAro.ayamuddhR^itaH .. 114..\\
surAsurairyathA rAjannirmathyAmR^itamuddhR^itam . 
evametatpurA vipraiH kathAmR^itamihoddhR^itam .. 115..\\
yashchedaM pathate nitya.n yashchedaM shR^iNuyAnnaraH . 
ekAntabhAvopagata ekAnte susamAhitaH .. 116..\\
prApya shvetaM mahAdvIpaM bhUtvA chandraprabho naraH . 
sa sahasrArchiSha.n devaM pravishennAtra saMshayaH .. 117..\\
muchyetArtastathA rogAchchhrutvemAmAditaH kathAm . 
jiGYAsurlabhate kAmAnbhakto bhakta gati.n vrajet .. 118..\\
tvayApi satata.n rAjannabhyarchyaH puruShottamaH . 
sa hi mAtA pitA chaiva kR^itsnasya jagato guruH .. 119..\\
brahmaNya devo bhagavAnprIyatA.n te sanAtanaH . 
yudhiShThira mahAbAho mahAbAhurjanArdanaH .. 120..\\

 vaizampaayana

shrutvaitadAkhyAna vara.n dharmarAjjanamejaya . 
bhrAtarashchAsya te sarve nArAyaNa parAbhavan .. 121..\\
jitaM bhagavatA tena puruSheNeti bhArata . 
nitya.n japyaparA bhUtvA sarasvatImudIrayan .. 122..\\
yo hyasmAka.n guruH shreShThaH kR^iShNa dvaipayano muniH . 
sa jagau parama.n japyaM nArAyaNamudIrayan .. 123..\\
gatvAntarikShAtsatata.n kShIrodamamR^itAshayam . 
pUjayitvA cha deveshaM punarAyAtsvamAshramam .. 124..\\
\medskip\hrule\medskip\centerline{\Largedvng 327}
 janamejaya

katha.n sa bhagavAndevo yaGYeShvagraharaH prabhuH . 
yaGYadhArI cha satata.n vedavedA~NgavittathA .. 1..\\
nivR^itta.n chAsthito dharmaM kShemI bhAgavata priyaH . 
pravR^itti dharmAnvidadhe sa eva bhagavAnprabhuH .. 2..\\
kathaM pravR^itti dharmeShu bhAgArhA devatAH kR^itAH . 
kathaM nivR^itti dharmAshcha kR^itA vyAvR^ittabuddhayaH .. 3..\\
etaM naH saMshaya.n vipra chhindhi guhyaM sanAtanam . 
tvayA nArAyaNa kathA shrutA vai dharmasa.nhitA .. 4..\\
ime sabrahmakA lokAH sasurAsuramAnavAH . 
kriyAsvabhyudayoktAsu saktA dR^ishyanti sarvashaH . 
mokShashchoktastvayA brahmannirvAnaM parama.n sukham .. 5..\\
ye cha muktA bhavantIha puNyapApavivarjitAH . 
te sahasrArchiSha.n devaM pravishantIti shushrumaH .. 6..\\
aho hi duranuShTheyo mokShadharmaH sanAtanaH . 
ya.n hitvA devatAH sarvA havyakavya bhujo.abhavan .. 7..\\
kiM nu brahmA cha rudrashcha shakrashcha balabhitprabhuH . 
sUryastArAdhipo vAyuragnirvaruNa eva cha . 
AkAsha.n jagatI chaiva ye cha sheShA divaukasaH .. 8..\\
pralayaM na vijAnanti AtmanaH parinirmitam . 
tatastenAsthitA mArga.n dhruvamakShayamavyayam .. 9..\\
smR^itvA kAlaparImANaM pravR^itti.n ye samAsthitAH . 
doShaH kAlaparImANe mahAneSha kriyAvatAm .. 10..\\
etanme saMshaya.n vipra hR^idi shalyamivArpitam . 
chhindhItihAsa kathanAtpara.n kautUhala.n hi me .. 11..\\
kathaM bhAgaharAH proktA devatAH kratuShu dvija . 
kimartha.n chAdhvare brahmannijyante tridivaukasaH .. 12..\\
ye cha bhAgaM pragR^ihNanti yaGYeShu dvijasattama . 
te yajanto mahAyaGYaiH kasya bhAga.n dadanti vai .. 13..\\

 vaizampaayana

aho gUDhatamaH prashnastvayA pR^iShTo janeshvara . 
nAtapta tapasA hyeSha nAveda viduShA tathA . 
nApurANavidA chApi shakyo vyAhartuma~njasA .. 14..\\
hanta te kathayiShyAmi yanme pR^iShThaH purA guruH . 
kR^iShNadvaipAyano vyAso veda vyAso mahAnR^iShiH .. 15..\\
sumanturjaiminishchaiva pailashcha sudR^idha vrataH . 
aha.n chaturthaH shiShyo vai pa~nchamashcha shukaH smR^itaH .. 16..\\
etAnsamAgatAnsarvAnpa~ncha shiShyAndamAnvitAn . 
shauchAchAra samAyuktA~njitakrodhA~njitendriyAn .. 17..\\
vedAnadhyApayAmAsa mahAbhArata pa~nchamAn . 
merau girivare ramye siddhachAraNasevite .. 18..\\
teShAmabhyasyatA.n vedAnkadA chitsaMshayo.abhavat . 
eSha vai yastvayA pR^iShTastena teShAM prakIrtitaH . 
tataH shruto mayA chApi tavAkhyeyo.adya bhArata .. 19..\\
shiShyANA.n vachanaM shrutvA sarvAGYAna tamonudaH . 
parAshara sutaH shrImAnvyAso vAkyamuvAcha ha .. 20..\\
mayA hi sumahattapta.n tapaH paramadAruNam . 
bhUtaM bhavyaM bhaviShyachcha jAnIyAmiti sattamAH .. 21..\\
tasya me taptatapaso nigR^ihItendriyasya cha . 
nArAyaNa prasAdena kShIrodasyAnukUlataH .. 22..\\
traikAlikamida.n GYAnaM prAdurbhUtaM yathepsitam . 
tachchhR^iNudhva.n yathA GYAnaM vakShye saMshayamuttamam . 
yathAvR^itta.n hi kalpAdau dR^iShThaM me GYAnachakShuShA .. 23..\\
paramAtmeti yaM prAhuH sA~Nkhyayogavido janAH . 
mahApuruSha sa~nj~nA.n sa labhate svena karmaNA .. 24..\\
tasmAtprasUtamavyaktaM pradhAna.n tadvidurbudhAH . 
avyaktAdvyaktamutpanna.n lokasR^iShTyarthamIshvarAt .. 25..\\
aniruddho hi lokeShu mahAnAtmeti kathyate . 
yo.asau vyaktatvamApanno nirmame cha pitAmaham . 
so.aha~NkAra iti proktaH sarvatejomayo hi saH .. 26..\\
pR^ithivI vAyurAkAshamApo jyotishcha pa~nchamam . 
aha~NkAraprasUtAni mahAbhUtAni bhArata .. 27..\\
mahAbhUtAni sR^iShTvAtha tadguNAnnirmame punaH . 
bhUtebhyashchaiva niShpannA mUrtimanto.astatA~nshR^iNu .. 28..\\
marIchira~NgirAshchAtriH pulastyaH pulahaH kratuH . 
vasiShThashcha mahAtmA vai manuH svAyambhuvastathA . 
GYeyAH prakR^itayo.astau tA yAsu lokAH pratiShThitAH .. 29..\\
vedAnvedA~Ngasa.nyuktAnyaGYAnyaGYA~Ngasa.nyutAn . 
nirmame lokasiddhyarthaM brahmA lokapitAmahaH . 
astAbhyaH prakR^itibhyashcha jAta.n vishvamida.n jagat .. 30..\\
rudro roShAtmako jAto dashAnyAnso.asR^ijatsvayam . 
ekAdashaite rudrAstu vikArAH puruShAH smR^itAH .. 31..\\
te rudrAH prakR^itishchaiva sarve chaiva surarShayaH . 
utpannA lokasiddhyarthaM brahmANa.n samupasthitAH .. 32..\\
vaya.n hi sR^iShTA bhagava.nstvayA vai prabhaviShNunA . 
yena yasminnadhIkAre vartitavyaM pitAmaha .. 33..\\
yo.asau tvayA vinirdiShTo adhikAro.arthachintakaH . 
paripAlyaH katha.n tena so.adhikAro.adhikAriNA .. 34..\\
pradishasva bala.n tasya yo.adhikArArtha chintakaH . 
evamukto mahAdevo devA.nstAnidamabravIt .. 35..\\
sAdhvaha.n GYApito devA yuShmAbhirbhadramastu vaH . 
mamApyeShA samutpannA chintA yA bhavatAM matA .. 36..\\
lokatantrasya kR^itsnasya katha.n kAryaH parigrahaH . 
kathaM balakShayo na syAdyuShmAka.n hyAtmanash cha me .. 37..\\
itaH sarve.api gachchhAmaH sharaNa.n lokasAkShiNam . 
mahApuruShamavyakta.n sa no vakShyati yaddhitam .. 38..\\
tataste brahmaNA sArdhamR^iShayo vibudhAstathA . 
kShIrodasyottara.n kUlaM jagmurlokahitArthinaH .. 39..\\
te tapaH samupAtiShThanbrahmokta.n veda kalpitam . 
sa mahAniyamo nAma tapashcharyA sudAruNA .. 40..\\
Urdhva.n dR^iShTirbAhavashcha ekAgraM cha mano.abhavat . 
ekapAdasthitAH samyakkAShTha bhUtAH samAhitAH .. 41..\\
divya.n varShasahasra.n te tapastaptvA taduttamam . 
shushruvurmadhurA.n vAnIM vedavedA~NgabhUShitAm .. 42..\\
bho bhoH sabrahmakA devA R^iShayashcha tapodhanAH . 
svAgatenArchya vaH sarvA~nshrAvaye vAkyamuttamam .. 43..\\
viGYAta.n vo mayA kArya.n tachcha lokahitaM mahat . 
pravR^itti yukta.n kartavya.n yuShmatprANopabR^i.nhaNam .. 44..\\
sutapta.n vastapo devA mamArAdhana kAmyayA . 
bhokShyathAsya mahAsattvAstapasaH phalamuttamam .. 45..\\
eSha brahmA lokaguruH sarvalokapitAmahaH . 
yUya.n cha vibudhashreShThA mA.n yajadhvaM samAhitaH .. 46..\\
sarve bhAgAnkalpayadhva.n yaGYeShu mama nityashaH . 
tathA shreyo vidhAsyAmi yathAdhIkAramIshvarAH .. 47..\\
shrutvaitaddevadevasya vAkya.n hR^iShTatanU ruhAH . 
tataste vibudhAH sarve brahmA te cha maharShayaH .. 48..\\
veda dR^iShTena vidhinA vaiShnava.n kratumAharan . 
tasminsattre tadA brahmA svayaM bhAgamakalpayat . 
devA devarShayashchaiva sarve bhAgAnakalpayan .. 49..\\
te kAryayugadharmANo bhAgAH paramasatkR^itAH . 
prApurAdityavarNa.n taM puruShaM tamasaH param . 
bR^ihanta.n sarvaga.n devamIshAnaM varadaM prabhum .. 50..\\
tato.atha varado devastAnsarvAnamarAnsthitAn . 
asharIro babhAseda.n vAkya.n khastho maheshvaraH .. 51..\\
yena yaH kalpito bhAgaH sa tathA samupAgataH . 
prIto.ahaM pradishAmyadya phalamAvR^itti lakShaNam .. 52..\\
etadvo lakShaNa.n devA matprasAda samudbhavam . 
yUya.n yaGYairijyamAnAH samAptavaradakShiNaiH . 
yuge yuge bhaviShyadhvaM pravR^itti phalabhoginaH .. 53..\\
yaGYairye chApi yakShyanti sarvalokeShu vai surAH . 
kalpayiShyanti vo bhAgA.nste narA veda kalpitAn .. 54..\\
yo me yathAkalpitavAnbhAgamasminmahAkratau . 
sa tathA yaGYabhAgArho veda sUtre mayA kR^itaH .. 55..\\
yUya.n lokAndhArayadhvaM yaGYabhAgaphaloditAH . 
sarvArthachintakA loke yathAdhIkAra nirmitAH .. 56..\\
yAH kriyAH prachariShyanti pravR^itti phalasatkR^itAH . 
tAbhirApyAyita balA lokAnvai dhArayiShyatha .. 57..\\
yUya.n hi bhAvitA loke sarvayaGYeShu mAnavaiH . 
mA.n tato bhAvayiShyadhvameShA vo bhAvanA mama .. 58..\\
ityarthaM nirmitA vedA yaGYAshchauShadhibhiH saha . 
ebhiH samyakprayuktairhi prIyante devatAH kShitau .. 59..\\
nirmAnametadyuShmAkaM pravR^itti guNakalpitam . 
mayA kR^ita.n surashreShThA yAvatkalpakShayAditi . 
chintayadhva.n lokahitaM yathAdhIkAramIshvarAH .. 60..\\
marIchira~NgirAchchAtriH pulastyaH pulahaH kratuH . 
vasiShTha iti saptaite mAnasA nirmitA hi vai .. 61..\\
ete vedavido mukhyA vedAchAryAshcha kalpitAH . 
pravR^itti dharmiNashchaiva prAjApatyena kalpitAH .. 62..\\
aya.n kriyAvatAM panthA vyaktI bhUtaH sanAtanaH . 
aniruddha iti prokto lokasarga karaH prabhuH .. 63..\\
sanaH sanatsujAtashcha sanakaH sasanandanaH . 
sanatkumAraH kapilaH saptamashcha sanAtanaH .. 64..\\
saptaite mAnasAH proktA R^iShayo brahmaNaH sutAH . 
svayamAgataviGYAnA nivR^itta.n dharmamAsthitAH .. 65..\\
ete yogavido mukhyAH sA~NkhyadharmavidastathA . 
AchAryA mokShashAstre cha mokShadharmapravartakAH .. 66..\\
yato.ahaM prasR^itaH pUrvamavyaktAttriguNo mahAn . 
tasmAtparataro yo.asau kShetraGYa iti kalpitaH . 
so.aha.n kriyAvatAM panthAH punarAvR^itti durlabhaH .. 67..\\
yo yathA nirmito janturyasminyasmiMshcha karmaNi . 
pravR^ittau vA nivR^ittau vA tatphala.n so.ashnute.avashaH .. 68..\\
eSha lokagururbrahmA jagadAdi karaH prabhuH . 
eSha mAtA pitA chaiva yuShmAka.n cha pitAmahaH . 
mayAnushiShTo bhavitA sarvabhUtavarapradaH .. 69..\\
asya chaivAnujo rudro lalAtAdyaH samutthitaH . 
brahmAnushiShTo bhavitA sarvatra savara pradaH .. 70..\\
gachchhadhva.n svAnadhIkArAMshchintayadhvaM yathAvidhi . 
pravartantA.n kriyAH sarvAH sarvalokeShu mAchiram .. 71..\\
pradR^ishyantA.n cha karmANi prAninAM gatayastathA . 
parinirmita kAlAni AyU.nsi cha surottamAH .. 72..\\
ida.n kR^itayugaM nAma kAlaH shreShThaH pravartate . 
ahi.nsyA yaGYapashavo yuge.asminnaitadanyathA . 
chaturpAtsakalo dharmo bhaviShyatyatra vai surAH .. 73..\\
tatastretAyugaM nAma trayI yatra bhaviShyati . 
prokShitA yatra pashavo vadhaM prApsyanti vai makhe . 
tatra pAdachaturtho vai dharmasya na bhaviShyati .. 74..\\
tato vai dvAparaM nAma mishraH kAlo bhaviShyati . 
dvipAdahIno dharmashcha yuge tasminbhaviShyati .. 75..\\
tatastiShye.atha samprApte yuge kalipuraskR^ite . 
ekapAdasthito dharmo yatra tatra bhaviShyati .. 76..\\

 devaah

ekapAdasthite dharme yatra kva chana gAmini . 
katha.n kartavyamasmAbhirbhavaga.nstadvadasva naH .. 77..\\

 zriibhagavaan

yatra vedAshcha yaGYAshcha tapaH satya.n damastathA . 
ahi.nsA dharmasa.nyuktAH prachareyuH surottamAH . 
sa vai deshaH sevitavyo mA vo.adharmaH padA spR^ishet .. 78..\\

 vyaasa

te.anushiShTA bhagavatA devAH sarShigaNAstathA . 
namaskR^itvA bhagavate jagmurdeshAnyathepsitAn .. 79..\\
gateShu tridivaukaH subrahmaikaH paryavasthitaH . 
didR^ikShurbhagavanta.n tamaniruddha tanau sthitam .. 80..\\
ta.n devo darshayAmAsa kR^itvA hayashiro mahat . 
sA~NgAnAvartayanvedAnkamandalu gaNitra dhR^ik .. 81..\\
tato.ashvashirasa.n dR^iShTvA taM devamamitaujasam . 
lokakartA prabhurbrahmA lokAnA.n hitakAmyayA .. 82..\\
mUrdhnA pranamya varada.n tastau prA~njaliragrataH . 
sa pariShvajya devena vachana.n shrAvitastadA .. 83..\\
lokakAryagatIH sarvAstva.n chintaya yathAvidhi . 
dhAtA tva.n sarvabhUtAnA.n tvaM prabhurjagato guruH . 
tvayyAveshitabhAro.aha.n dhR^itiM prApsyAmyathA~njasA .. 84..\\
yadA cha surakArya.n te aviShahyaM bhaviShyati . 
prAdurbhAva.n gamiShyAmi tadAtma GYAnadeshikaH .. 85..\\
evamuktvA hayashirAstatraivAntaradhIyata . 
tenAnushiShTo brahmApi sva.n lokamachirAdgataH .. 86..\\
evameSha mahAbhAgaH padmanAbhaH sanAtanaH . 
yaGYeShvagraharaH prokto yaGYadhArI cha nityadA .. 87..\\
nivR^itti.n chAsthito dharmaM gatimakShaya dharmiNAm . 
pravR^itti dharmAnvidadhe kR^itvA lokasya chitratAm .. 88..\\
sAdiH sa madhyaH sa chAntaH prajAnAM 
sa dhAtA sa dheyaH sa kartA sa kAryam . 
yugAnte sa suptaH susa~NkShipya lokAn 
yugAdau prabuddho jagaddhyutsasarja .. 89..\\
tasmai namadhva.n devAya nirguNAya guNAtmane . 
ajAya vishvarUpAya dhAmne sarvadivaukasAm .. 90..\\
mahAbhUtAdhipataye rudrANAM pataye tathA . 
Adityapataye chaiva vasUnAM pataye tathA .. 91..\\
ashvibhyAM pataye chaiva marutAM pataye tathA . 
veda yaGYAdhipataye vedA~Ngapataye.api cha .. 92..\\
samudravAsine nitya.n haraye mu~nja keshine . 
shAntaye sarvabhUtAnAM mokShadharmAnubhAsine .. 93..\\
tapasA.n tejasAM chaiva pataye yashaso.api cha . 
vAchashcha pataye nitya.n saritAM pataye tathA .. 94..\\
kapardine varAhAya ekashR^i~NgAya dhImate . 
vivasvate.ashvashirase chaturmUrti dhR^ite sadA .. 95..\\
guhyAya GYAnadR^ishyAya akSharAya kSharAya cha . 
eSha devaH sa~ncarati sarvatragatiravyayaH .. 96..\\
evametatpurA dR^iShTaM mayA vai GYAnachakShuShA . 
kathita.n tachcha vaH sarvaM mayA pR^iShTena tattvataH .. 97..\\
kriyatAM madvachaH shiShyAH sevyatA.n harirIshvaraH . 
gIyatA.n veda shabdaishcha pUjyatA.n cha yathAvidhi .. 98..\\

 vaizampaayana

ityuktAstu vaya.n tena veda vyAsena dhImatA . 
sarve shiShyAH sutashchAsya shukaH paramadharmavit .. 99..\\
sa chAsmAkamupAdhyAyaH sahAsmAbhirvishAM pate . 
chaturvedodgatAbhishcha R^igbhistamabhituShTuve .. 100..\\
etatte sarvamAkhyAta.n yanmA.n tvaM paripR^ichchhasi . 
evaM me.akathayadrAjanpurA dvaipAyano guruH .. 101..\\
yashcheda.n shR^iNuyAnnityaM yashchedaM parikIrtayet . 
namo bhagavate kR^itvA samAhita manA naraH .. 102..\\
bhavatyarogo dyutimAnbalarUpasamanvitaH . 
Aturo muchyate rogAdbaddhomuchyeta bandhanAt .. 103..\\
kAmakAmI labhetkAma.n dIrghamAyuravApnuyAt . 
brAhmaNaH sarvavedI syAtkShatriyo vijayI bhavet . 
vaishyo vipulalAbhaH syAchchhUdraH sukhamavApnuyAt .. 104..\\
aputro labhate putra.n kanyA chaivepsitaM patim . 
lagna garbhA vimuchyeta garbhiNI janayetsutam . 
vandhyA prasavamApnoti putrapautra samR^iddhimat .. 105..\\
kShemeNa gachchhedadhvAnamida.n yaH pathate pathi . 
yo ya.n kAmaM kAmayate sa tamApnoti cha dhruvam .. 106..\\
idaM maharShervachana.n vinishchitaM 
mahAtmanaH puruShavarasya kIrtanam . 
samAgama.n charShidivaukasAmimaM 
nishamya bhaktAH susukha.n labhante .. 107..\\
\medskip\hrule\medskip\centerline{\Largedvng 328}
 janamejaya

astauShIdyairima.n vyAsaH sashiShyo madhusUdanam . 
nAmabhirvividhaireShAM niruktaM bhagavanmama .. 1..\\
vaktumarhasi shushrUsoH prajApatipaterhareH . 
shrutvA bhaveya.n yatpUtaH sharachchandra ivAmalaH .. 2..\\

 vaizampaayana

shR^iNu rAjanyathAchasta phalgunasya harirvibhuH . 
prasannAtmAtmano nAmnAM nirukta.n guNakarmajam .. 3..\\
nAmabhiH kIrtitaistasya keshavasya mahAtmanaH . 
pR^iShTavAnkeshava.n rAjanphalgunaH paravIra hA .. 4..\\

 arjuna

bhagavanbhUtabhavyesha sarvabhUtasR^igavyaya . 
lokadhAma jagannAtha lokAnAm abhayaprada .. 5..\\
yAni nAmAni te devakIrtitAni maharShibhiH . 
vedeShu sapurANeShu yAni guhyAni karmabhiH .. 6..\\
teShAM nirukta.n tvatto.aha.n shrotumichchhAmi keshava . 
na hyanyo vartayennAmnAM nirukta.n tvAmR^ite prabho .. 7..\\

 zriibhagavaan

R^igvede sayajurvede tathaivAtharva sAmasu . 
purANe sopaniShade tathaiva jyotiShe.arjuna .. 8..\\
sA~Nkhye cha yogashAstre cha Ayurvede tathaiva cha . 
bahUni mama nAmAni kIrtitAni maharShibhiH .. 9..\\
gaunAni tatra nAmAni karmajAni cha kAni chit . 
nirukta.n karmajAnAM cha shR^iNuShva prayato.anagha . 
kathyamAnaM mayA tAta tva.n hi me.ardhaM smR^itaH purA .. 10..\\
namo.ati yashase tasmai dehinAM paramAtmane . 
nArAyaNAya vishvAya nirguNAya guNAtmane .. 11..\\
yasya prasAdajo brahmA rudrashcha krodhasambhavaH . 
yo.asau yonirhi sarvasya sthAvarasya charasya cha .. 12..\\
astAdasha guNa.n yattatsattvaM sattvavatAM vara . 
prakR^itiH sA parA mahya.n rodasI yogadhAriNI . 
R^itA satyAmarAjayyA lokAnAmAtmasa~nj~nitA .. 13..\\
tasmAtsarvAH pravartante sarga pralaya vikriyAH . 
tato yaGYashcha yastA cha purANaH puruSho virAt . 
aniruddha iti prokto lokAnAM prabhavApyayaH .. 14..\\
brAhme rAtrikShaye prApte tasya hyamitatejasaH . 
prasAdAtprAdurabhavatpadmaM padmanibhekShaNa . 
tatra brahmA samabhavatsa tasyaiva prasAdajaH .. 15..\\
ahnaH kShaye lalAtAchcha suto devasya vai tathA . 
krodhAviShTasya sa~njaGYe rudraH sa.nhAra kArakaH .. 16..\\
etau dvau vibudhashreShThau prasAdakrodhajau smR^itau . 
tadAdeshita panthAnau sR^iShTi sa.nhAra kArakau . 
nimittamAtra.n tAvatra sarvaprAni varapradau .. 17..\\
kapardI jatilo mundaH shmashAnagR^ihasevakaH . 
ugravratadharo rudro yogI tripuradAruNaH .. 18..\\
dakShakratuharashchaiva bhaga netraharastathA . 
nArAyaNAtmako GYeyaH pANDaveya yuge yuge .. 19..\\
tasminhi pUjyamAne vai devadeve maheshvare . 
sampUjito bhavetpArtha devo nArAyaNaH prabhuH .. 20..\\
ahamAtmA hi lokAnA.n vishvAnAM pANDunandana . 
tasmAdAtmAnamevAgre rudra.n sampUjayAmyaham .. 21..\\
yadyahaM nArchayeya.n vai IshAnaM varadaM shivam . 
AtmAnaM nArchayetkashchiditi me bhAvitaM manaH . 
mayA pramANa.n hi kR^itaM lokaH samanuvartate .. 22..\\
pramAnAni hi pUjyAni tatastaM pUjayAmyaham . 
yasta.n vetti sa mAM vetti yo.anu taM sa hi mAm anu .. 23..\\
rudro nArAyaNashchaiva sattvameka.n dvidhAkR^itam . 
loke charati kaunteya vyakti stha.n sarvakarmasu .. 24..\\
na hi me kena chiddeyo varaH pANDavanandana . 
iti sa~ncintya manasA purANa.n vishvamIshvaram . 
putrArthamArAdhitavAnAtmAnamahamAtmanA .. 25..\\
na hi viShNuH pranamati kasmai chidvibudhAya tu . 
R^ita AtmAnameveti tato rudraM bhajAmyaham .. 26..\\
sabrahmakAH sarudrAshcha sendrA devAH saharShibhiH . 
archayanti surashreShTha.n devaM nArAyaNa.n harim .. 27..\\
bhaviShyatA.n vartatA.n cha bhUtAnAM chaiva bhArata . 
sarveShAmagraNIrviShNuH sevyaH pUjyashcha nityashaH .. 28..\\
namasva havyada.n viShNu.n tathA sharaNadaM nama . 
varadaM namasva kaunteya havyakavya bhujaM nama .. 29..\\
chaturvidhA mama janA bhaktA eva.n hi te shrutam . 
teShAmekAntinaH shreShThAste chaivAnanya devatAH . 
ahameva gatisteShAM nirAshIH karma kAriNAm .. 30..\\
ye cha shiShTAstrayo bhaktAH phalakAmA hi te matAH . 
sarve chyavana dharmANaH pratibuddhastu shreShTha bhAk .. 31..\\
brahmANa.n shiti kantha.n cha yAshchAnyA devatAH smR^itAH . 
prabuddhavaryAH sevante eSha pArthAnukItritaH . 
bhaktaM prati visheShaste eSha pArthAnukIrtitaH .. 32..\\
tva.n chaivAhaM cha kaunteya naranArAyaNau smR^itau . 
bhArAvataraNArtha.n hi praviShTau mAnuShI.n tanum .. 33..\\
jAnAmyadhyAtmayogAMshcha yo.aha.n yasmAchcha bhArata . 
nivR^itti lakShaNo dharmastathAbhyudayiko.api cha .. 34..\\
narANAmayana.n khyAtamahamekaH sanAtanaH . 
Apo nArA iti proktA Apo vai narasUnavaH . 
ayanaM mama tatpUrvamato nArAyaNo hyaham .. 35..\\
chhAdayAmi jagadvishvaM bhUtvA sUrya ivAMshubhiH . 
sarvabhUtAdhivAsashcha vAsudevastato hyaham .. 36..\\
gatishcha sarvabhUtAnAM prajAnA.n chApi bhArata . 
vyAptA me rodasI pArtha kAntishchAbhyadhikA mama .. 37..\\
adhibhUtAni chAnte.aha.n tadichchhaMshchAsmi bhArata . 
kramaNAchchApyahaM pArtha viShNurityabhisa~nj~nitaH .. 38..\\
damAtsiddhiM parIpsanto mA.n janAH kAmayanti hi . 
diva.n chorvIM cha madhyaM cha tasmAddAmodaro hyaham .. 39..\\
pR^ishnirityuchyate chAnna.n vedA Apo.amR^ita.n tathA . 
mamaitAni sadA garbhe pR^ishnigarbhastato hyaham .. 40..\\
R^iShayaH prAhurevaM mA.n trita kUpAbhipAtitam . 
pR^ishnigarbha tritaM pAtItyekata dvita pAtitam .. 41..\\
tataH sa brahmaNaH putra Adyo R^iShi varastritaH . 
uttatAroda pAnAdvai pR^ishnigarbhAnukIrtanAt .. 42..\\
sUryasya tapato lokAnagneH somasya chApyuta . 
aMshavo ye prakAshante mama te keshasa~nj~nitAH . 
sarvaGYAH keshava.n tasmAnmAmAhurdvijasattamAH .. 43..\\
svapatnyAmAhito garbha utathyena mahAtmanA . 
utathye.antarhite chaiva kadA chiddeva mAyayA . 
bR^ihaspatirathAvindattAM patnI.n tasya bhArata .. 44..\\
tato vai tamR^iShishreShThaM maithunopagata.n tathA . 
uvAcha garbhaH kaunteya pa~ncha bhUtasamanvitaH .. 45..\\
pUrvAgato.aha.n varada nArhasyambAM prabAdhitum . 
etadbR^ihaspatiH shrutvA chukrodha cha shashApa cha .. 46..\\
maithunopagato yasmAttvayAha.n vinivAritaH . 
tasmAdandho jAsyasi tvaM machchhApAnnAtra saMshayaH .. 47..\\
sa shApAdR^iShimukhyasya dIrgha.n tama upeyivAn . 
sa hi dIrghatamA nAma nAmnA hyAsIdR^iShiH purA .. 48..\\
vedAnavApya chaturaH sA~NgopA~NgAnsanAtanAn . 
prayojayAmAsa tadA nAma guhyamidaM mama .. 49..\\
AnupUrvyeNa vidhinA keshaveti punaH punaH . 
sa chakShuShmAnsamabhavadgautamashchAbhavatpunaH .. 50..\\
eva.n hi varadaM nAma keshaveti mamArjuna . 
devAnAmatha sarveShAmR^iShINA.n cha mahAtmanAm .. 51..\\
agniH somena sa.nyukta ekayonimukha.n kR^itam . 
agnIShomAtmaka.n tasmAjjagatkR^itsnaM charAcharam .. 52..\\
\noindent
api hi purANe bhavaty
1 
ekayonyAtmakAvagnIShomau
2 
devAshchAgnimukhA iti
3 
ekayonitvAchcha parasparaM mahayanto lokAndhArayata iti
4 
.. 53..\\
\medskip\hrule\medskip\centerline{\Largedvng 329}
 arjuna

agnIShomau kathaM pUrvamekayonI pravartitau . 
eSha me saMshayo jAtasta.n chhindhi madhusUdana .. 1..\\

 zriibhagavaan

hanta te vartayiShyAmi purANaM pANDunandana . 
AtmatejodbhavaM pArtha shR^iNuShvaika manA mama .. 2..\\
\noindent
samprakShAlana kAle.atikrAnte chaturthe yugasahasrAnte
1 
avyakte sarvabhUtapralaye sthAvaraja~Ngame
2 
jyotirdharaNivAyurahite.andhe tamasi jalaikArNave loke
3 
tama ityevAbhibUte.advitIye pratiShThite
4 
naiva rAtryAM na divase na sati nAsati na vyakte nAvyakte vyavasthite
5 
etasyAmavasthAyAM nArAyaNa guNAshrayAdakShayAdajarAdanindriyAdagrAhyAdasambhavAtsatyAdahi.nsrAllalAmAdvividhapravR^itti visheShAt
6 
akShayAdajarAmarAdamUrtitaH sarvavyApinaH sarvakartuH shAshvatAttamasaH puruShaH prAdurbhUto hariravyayaH
7 
.. 3.. 
nidarshanamapi hyatra bhavati
1 
nAsIdaho na rAtrirAsIt
2 
na sadAsInnAsadAsIt
3 
tama eva purastAdabhavadvishvarUpam
4 
sA vishvasya jananItyevamasyArtho.anubhAsyate
5 
.. 4.. 
tasyedAnI.n tamaH sambhavasya puruShasya padmayonerbrahmaNaH prAdurbhAve sa puruShaH prajAH sisR^ikShamANo netrAbhyAmagnIShomau sasarja
1 
tato bhUtasarge pravR^itteprajA kramavashAdbrahmakShatramupAtiShThat
2 
yaH somastadbrahma yadbrahma te brAhmaNAH
3 
yo.agnistatkShatra.n kShatrAdbrahmabalavattaram
4 
kasmAditi lokapratyakShaguNametattadyathA
5 
brAhmaNebhyaH paraM bhUtaM notpanna pUrvam
6 
dIpyamAne.agnau juhotIti kR^itvA bravImi
7 
bhUtasargaH kR^ito brahmaNA bhUtAni cha prasthApya traulokya.n dhAryateti
8 
.. 5.. 
mantravAdo.apI hi bhavati
1 
tvamagne yaGYAnA.n hotA vishveShAm
2 
hito devenabhirmAnuShe jana iti
3 
nidarshana.n chAtra bhavati
4 
vishveShAmagne yaGYAnA.n hoteti
5 
hito devairmAnuShairjagata iti
6 
agnirhi yaGYAnA.n hotR^ikartA
7 
sa chAgnirbrahma
8 
.. 6.. 
na hyR^ite mantrAddhavanamasti
1 
na vinA puruSha.n tapaH sambhavati
2 
havirmantrANA.n sampUjA vidyate devamanuShyANAmanena tvaM hoteti niyuktaH
3 
ye cha mAnuShA hotrAdhikArAste cha
4 
brAhmaNasyahi yAjana.n vidhIyate na kShatravaishyayordvijAtyoH
5 
tasmAdbrAhmaNA hyagnibhUtA yaGYAnudvahanti
6 
yaGYA devA.nstarpayanti devAH pR^ithivIM bhAvayanti
7 
.. 7.. 
shatapathe hi brAhmaNaM bhavati
1 
agnau samiddhe sa juhoti yo vidvAnbrAhmaNa mukhe dAnAhuti.n juhoti
2 
evamapyagnibhUtA brAhmaNA vidvA.nso.agniM bhAvayanti
3 
agnirviShNuH sarvabhUtAnyanupravishya prANAndhArayati
4 
api chAtra sanatkumAra gItAH shlokA bhavanti
5 
.. 8..\\
vishvaM brahmAsR^ijatpUrva.n sarvAdirniravaskaram . 
brahmaghoShairdiva.n tiShThantyamarA brahmayonayaH .. 9..\\
brAhmaNAnAM matirvAkya.n karma shraddhA tapA.nsi cha . 
dhArayanti mahI.n dyAM cha shaityAdvAryamR^ita.n yathA .. 10..\\
nAsti satyAtparo dharmo nAsti mAtR^isamo guruH . 
brAhmaNebhyaH paraM nAsti pretya chehacha bhUtaye .. 11..\\
naiShAmukShA vardhate nota vAhA 
na gargaro mathyate sampradAne . 
apadhvastA dasyubhUtA bhavanti 
yeShA.n rAShTre brAhmaNA vR^ittihInAH .. 12..\\
\noindent
veda purANetihAsa prAmAnyAnnArAyaNa mukhodgatAH sarvAtmanaH sarvakartAraH sarvabhAvanAshcha brAhmaNAH
1 
vAksamakAla.n hi tasya devasya varapradasya brAhmaNAH prathamaM prAdurbhUtA brAhmaNebhyashcha sheShA varNAH prAdurbhUtAH
2 
ittha.n cha surAsuravishiShTA brAhmaNA yadA mayA brahmabhUtena purA svayamevotpAditAH surAsuramaharShayo bhUtavisheShAH sthApitA nigR^ihItAsh cha
3 
.. 13.. 
ahalyA dharShaNanimitta.n hi gautamAddhari shmashrutAmindraH prAptaH
1 
kaushika nimitta.n chendro muShka viyogaM meShavR^iShaNatvaM chAvApa
2 
ashvinorgrahapratiShedhodyata vajrasya purandarasya chyavanena stambhito bAhuH
3 
kratuvadha prAptamanyunA cha dakSheNa bhUyastapasA chAtmAna.n sa.nyojya netrAkR^itiranyA lalate rudrasyotpAditA
4 
.. 14.. 
tripuravadhArtha.n dikShAmabhyupagatasya rudrasyoshanasA shiraso jatotkR^itya prayuktAH
1 
tataH prAdurbhUtA bhujagAH
2 
tairasya bhujagaiH pIDyamAnaH kantho nIlatAmupanItaH
3 
pUrve cha manvantare svAyambhuve nArAyaNa hastabandhagrahaNAnnIlakanthatvameva vA
4 
.. 15.. 
amR^itotpAdane purashcharaNatAmupagatasyA~Ngiraso bR^ihaspaterupaspR^ishato na prasAda.n gatavatyaH kilApaH
1 
atha bR^ihasptirapA.n chukrodha
2 
yasmAnmamopaspR^ishataH kaluShI bhUtA na prasAdamupagatAstasmAdadya prabhR^iti jhaShamakaramatsyakachchhapa jantu sa~NkIrNAH kaluShI bhavateti
3 
tadAprabhR^ityApo yAdobhiH sa~NkIrNAH sa.nvR^ittAH
4 
.. 16.. 
vishvarUpo vaitvAstraH purohito devAnAmAsItsvasrIyo.asurANAm
1 
sa pratyakShandevebhyo bhAgamadadatparokShamasurebhyaH
2 
.. 17.. 
atha hiraNyakashipuM puraskR^itya vishvarUpa mAtara.n svasAramasurA varamayAchanta
1 
he svasaraya.n te putrastvAstro vishvarUpastrishirA devAnAM purohitaH pratyakShaM devebhyo bhAgamadadatparokShamasmAkam
2 
tato devA vardhante vaya.n kShIyAmaH
3 
tadena.n tva.n vArayitumarhasi tathA yathAsmAnbhajediti
4 
.. 18.. 
atha vishvarUpaM nandanavanamupagataM mAtovAcha
1 
putra kiM parapakShavardhanastvaM mAtulapakShaM nAshayati
2 
nArhasyeva.n kartumiti
3 
sa vishvarUpo mAturvAkyamanatikramaNIyamiti matvA sampUjya hiraNyakashipumagAt
4 
.. 19.. 
hairaNyagarbhAchcha vasiShThAddhiraNyakashipuH shApaM prAptavAn
1 
yasmAttvayAnyo vR^ito hotA tasmAdasamApta yaGYastvamapUrvAtsattvajAtAdvadhaM prApsyasIti
2 
tachchhApadAnAddhiraNyakashipuH prAptavAnvadham
3 
.. 20.. 
vishvarUpo mAtR^ipakShavardhano.atyartha.n tapasyabhavat
1 
tasya vratabha~NgArthamindro bahvIH shrImatyo.apsaraso niyuyoja
2 
tAshcha dR^iShTvA manaH kShubhita.n tasyAbhavattAsu chApsaraHsunachirAdeva sakto.abhavat
3 
sakta.n chaina.n GYAtvApsarasochurgachchhAmahe vayaM yathAgatamiti
4 
.. 21.. 
tAstvAstrovAcha
1 
kva gamiShyatha AsyatA.n tAvanmayA saha shreyo bhaviShyatIti
2 
tAstamabruvan
3 
vaya.n deva striyo.apsarasendra.n varadaM purA prabhviShNuM vR^iNImaha iti
4 
.. 22.. 
atha tA vishvarUpo.abravIdadyaiva sendrA devA na bhaviShyantIti
1 
tato mantrA~njajApa
2 
tairmantraiH prAvardhata trishirAH
3 
ekenAsyena sarvalokeShu dvijaiH kriyAvadbhiryaGYeShu suhuta.n somaM papAvekenApaikena sendrAndevAn
4 
athendrasta.n vivardhamAnaM somapAnApyAyita sarvagAtra.n dR^iShTvA chintAmApede
5 
.. 23.. 
devAshcha te sahendreNa brahmANamabhijagmurUchush cha
1 
vishvarUpeNa sarvayaGYeShu suhutaH somaH pIyate
2 
vayamabhAgAH sa.nvR^ittAH
3 
asurapakSho vardhate vaya.n kShIyAmaH
4 
tadarhasi no vidhAtu.n shreyo yadanantaramiti
5 
.. 24.. 
tAnbrahmovAcharShirbhArgavastapastapyate dadhIchaH
1 
sa yAchyatA.n varaM yathA kalevara.n jahyAt
2 
tasyAsthibhirvajra.n kriyatAm iti
3 
.. 25.. 
devAstatrAgachchhanyatra dadhIcho bhagavAnR^iShistapastepe
1 
sendrA devAstamabhigamyochurbhagava.nstapasaH kushalamavighna.n cheti
2 
tAndadhIchovAcha svAgataM bhavadbhyaH ki.n kriyatAm
3 
yadvakShyatha tatkariShyAmIti
4 
te tamabruva~nsharIraparityAga.n lokahitArthaM bhagavAnkartumarhatIti
5 
atha dadhIchastathaivAvimanAH sukhaduHkhasamo mahAyogiyAtmAna.n samAdhAya sharIraparityAga.n chakAra
6 
.. 26.. 
tasya paramAtmanyavasR^ite tAnyasthIni dhAtA sa~NgR^ihya vajramakarot
1 
tena vajreNAbhedyenApradhR^iShyeNa brahmAsthi sambhUtena viShNupraviShTenendro vishvarUpa~njaghAna
2 
shirasA.n chAsya chhedanamakarot
3 
tasmAdanantara.n vishvarUpa gAtramathana sambhava.n tvastrotpAditamevAriM vR^itramindro jaghAna
4 
.. 27.. 
tasyA.n dvaidhI bhUtAyAM brahma vadhyAyAM bhayAdindro devarAjyaM parityajyApsu sambhavA.n shItalAM mAnasasaro gatAM nalinIM prapede
1 
tatra chaishvaryayogAdanu mAtro bhUtvA bisa granthiM pravivesha
2 
.. 28.. 
atha brahma vadhyA bhayapranaste trailokyanAthe shachIpatau jagadanIshvaraM babhUva
1 
devAnrajastamashchAvivesha
2 
mantrA na prAvartanta
3 
maharShINA.n rakShA.nsi prAdurbhavan
4 
brahma chotsAdana.n jagAma
5 
anindrAshchAbalA lokAH supradhR^iShyA babhUvuH
6 
.. 29.. 
atha devarShayashchAyuShaH putraM nahuShaM nAma devarAjatve.abhiShiShichuH
1 
nahuShaH pa~nchabhiH shatairjyotiShA.n lalAte jvaladbhiH sarvatejo haraistriviShTapaM pAlayAM babhUva
2 
atha lokAH prakR^itimApedire svasthAshcha babhUvuH
3 
.. 30.. 
athovAcha nahuShaH
1 
sarvaM mA.n shakropabhuktamupasthitamR^ite shachIm iti
2 
sa evamuktvA shachI samIpamagamaduvAcha chainAm
3 
subhage.ahamindro devAnAM bhajasva mAm iti
4 
ta.n shachI pratyuvAcha
5 
prakR^ityA tva.n dharmavatsalaH somavaMshodbhavash cha
6 
nArhati parapatnI dharShaNa.n kartumiti
7 
.. 31.. 
tAmathovAcha nahuShaH
1 
aindraM padamadhyAsyate mayA
2 
ahamindrasya rAjyaratnaharo nAtrAdharmaH kash chittvamindra bhukteti
3 
sA tamuvAcha
4 
asti mama ki.n chidvratamaparyavasitam
5 
tasyAvabhR^ithe tvAmupagamiShyAmi kaishchidevAhobhiriti
6 
sa shachyaivamabhihito nahuSho jagAma
7 
.. 32.. 
atha shachI duHkhashokArtA bhartR^idarshanalAlasA nahuSha bhayagR^ihItA bR^ihaspatimupAgachchhat
1 
sa cha tAmabhigatA.n dR^iShTvaiva dhyAnaM pravishya bhartrkAryatatparA.n GYAtvA bR^ihaspatiruvAcha
2 
anenaiva vratena tasapA chAnvitA devI.n varadAmupashrutimAhvaya
3 
sA tavendra.n darshayiShyatIti
4 
.. 33.. 
sAtha mahAniyamamAsthitA devI.n varadAmupashrutiM mantrairAhvayat
1 
sopashrutiH shachI samIpamagAt
2 
uvAcha chainAmiyamasmi tvayopahUtopasthitA
3 
ki.n te priyaM karavANIti
4 
tAM mUrdhnA pranamyovAcha shachI bhagavatyarhasi me bhartAra.n darshayituM tva.n satyA matA cheti
5 
sainAM mAnasa.n saro.anayat
6 
tatrendraM bisa granthi gatamadarshayat
7 
.. 34.. 
tAmindraH patnI.n kR^ishAM glAnAM cha dR^iShTvA chintayAM babhUva
1 
aho mama mahadduHkhamidamadyopagatam
2 
nasta.n hi mAmiyamanviShyopAgamadduHkhArteti
3 
tAmindrovAcha katha.n vartayasIti
4 
sA tamuvAcha
5 
nahuSho mAmAhvayati
6 
kAlashchAsya mayA kR^ita iti
7 
.. 35.. 
tAmindrovAcha
1 
gachchha
2 
nahuShastvayA vAchyo.apUrveNa mAmR^iShiyuktena yAnena tvamadhirUDhodvahasva
3 
indrasya hi mahAnti vAhanAni manasaH priyANyadhirUDhAni mayA
4 
tvamanyenopayAtumarhasIti
5 
saivamuktA hR^iShTA jagAma
6 
indro.api bisa granthimevAvivesha bhUyaH
7 
.. 36.. 
athendrANImabhyAgatA.n dR^iShTvovAcha nahuShaH pUrNaH sa kAla iti
1 
ta.n shachyabravIchchhakreNa yathoktam
2 
sa maharShiyukta.n vAhanamadhirUDhaH shachI samIpamupAgachchhat
3 
.. 37.. 
atha maitrAvaruNiH kumbhayoniragastyo maharShInvikriyamANA.nstAnnahuShenApashyat
1 
padbhyA.n cha tenAspR^ishyata
2 
tataH sa nahuShamabravIdakArya pravR^itta pApapatasva mahIm
3 
sarpo bhava yAvadbhUmirgirayashcha tiShTheyustAvaditi
4 
sa maharShivAkyasamakAlameva tasmAdyAnAdavApatat
5 
.. 38.. 
athAnindraM punastrailokyamabhavat
1 
tato devarShayashcha bhagavanta.n viShNuM sharaNamindrArthe.abhigamuH
2 
UchushchainaM bhagavannindraM brahma vadhyAbhibhUta.n trAtumarhasIti
3 
tataH sa varadastAnabravIdashvamedha.n yaGYaM vaiShnavaM shakro.abhiyajatu
4 
tataH sva.n sthAnaM prApsyatIti
5 
.. 39.. 
tato devarShayashchendraM nApashyanyadA tadA shachImUchurgachchha subhage indramAnayasveti
1 
sA punastatsaraH samabhyagachchhat
2 
indrashcha tasmAtsarasaH samutthAya bR^ihaspatimabhijagAma
3 
bR^ihaspatishchAshvamedhaM mahAkratu.n shakrAyAharat
4 
tataH kR^iShNasAra~NgaM medhyamashvamutsR^ijya vAhana.n tameva kR^itvendraM marutpatiM bR^ihaspatiH svasthAnaM prApayAmAsa
5 
.. 40.. 
tataH sa deva rAddevairR^iShibhirstUyamAnastriviShTapastho niShkalmaSho babhUva
1 
brahma vadhyA.n chaturShu sthAneShu vanitAgnivanaspatigoShu vyabhajat
2 
evamindro brahmatejaHprabhAvopabR^i.nhitaH shatruvadha.n kR^itvA svasthAnaM prApitaH
3 
.. 41.. 
AkAshaga~NgA gatashcha purA bharadvAjo maharShirupAspR^isha.nstrInkramAnkramatA viShNunAbhyAsAditaH
1 
sa bharadvAjena sasalilena pAninorasi tAditaH salakShaNoraskaH sa.nvR^ittaH
2 
.. 42.. 
bhR^iguNA maharShiNA shapto.agniH sarvabhakShatvamupanItaH
1 
.. 43.. 
aditirvai devAnAmannamapachadetadbhuktvAsurAnhaniShyantIti
1 
tatra budho vrachcharyA samAptAvAgachchhat
2 
aditi.n chAvochadbhikShAM nAdAt
3 
atha bhikShA pratyAkhyAna ruShitena budhena brahmabhUtena vivasvato dvitIye janmanyanda sa~nj~nitasyAndaM mAritamadityAH
4 
sa mArtando vivasvAnabhavachchhrAddha devaH
5 
.. 44.. 
dakShasya vai duhitaraH ShaShTirAsan
1 
tAbhyaH kashyapAya trayodasha prAdAddasha dharmAya dasha manave sAptaviMshatimindave
2 
tAsu tulyAsu nakShatrAkhyA.n gatAsu somo rohiNyAmabhyadhikAM prItimakarot
3 
tatastAH sheShAH patnya IrShyAvayaH pituH samIpa.n gatvemamartha.n shasha.nsuH
4 
bhagavannasmAsu tulyaprabhAvAsu somo rohiNImadhikaM bhajatIti
5 
so.abravIdyakShmainamAvekShyatIti
6 
.. 45.. 
dakSha shApAtsoma.n rAjAnaM yakShmAvivesha
1 
sa yakShmanAviShTo dakShamagamat
2 
dakShashchainamabravInna sama.n vartaseti
3 
tatrarShayaH somamabruvankShIyase yaskmanA
4 
pashchimasyA.n dishi samudre hiraNyasarastIrtham
5 
tatra gatvAtmAnamabhiShechayasveti
6 
athAgachchhatsomastatra hiraNyasarastIrtham
7 
gatvA chAtmanaH snapanamakarot
8 
snAtvA chAtmAnaM pApmano mokShayAmAsa
9 
tatra chAvabhAsitastIrthe yadA somastadA prabhR^iti tIrtha.n tatprabhAsamiti nAmnA khyAtaM babhUva
10 
tachchhApAdadyApi kShIyate somo.amAvAsyAntara sthaH
11 
paurNamAsI mAtre.a dhiShThito meghalekhA pratichchhanna.n vapurdarshayati
12 
meghasadR^isha.n varNamagamattadasya shashalakShma vimalamabhavat
13 
.. 46.. 
sthUlashirA maharShirmeroH prAguttare digbhAge tapastepe
1 
tasya tapastapyamAnasya sarvagandhavahaH shuchirvAyurvivAyamAnaH sharIramaspR^ishat
2 
sa tapasA tApita sharIraH kR^isho vAyunopavIjyamAno hR^idayaparitoShamagamat
3 
tatra tasyAnila vyajanakR^itaparitoShasya sadyo vanaspatayaH puShpa shobhAM na darshitavanta iti saitA~nshashApa na sarvakAlaM puShpavanto bhaviShyatheti
4 
.. 47.. 
nArAyaNo lokahitArtha.n vadavA mukho nAma maharShiH purAbhavat
1 
tasya merau tapastapyataH samudrAhUto nAgataH
2 
tenAmarShitenAtma gAtroShmaNA samudraH stimitajalaH kR^itaH
3 
svedaprasyandana sadR^ishashchAsya lavana bhAvo janitaH
4 
uktashchApeyo bhaviShyasi
5 
etachcha te toya.n vadavA mukhasa~nj~nitena pIyamAnaM madhuraM bhaviShyati
6 
tadetadadyApi vadavA mukhasa~nj~nitenAnuvartinA toya.n sAmudraM pIyate
7 
.. 48.. 
himavato girerduhitaramumA.n rudrash chakame
1 
bhR^igurapi cha maharShirhimavantamAgamyAbravItkanyAmumAM me dehIti
2 
tamabravIddhimavAnabhilasito varo rudra iti
3 
tamabravIdbhR^iguryasmAttvayAha.n kanyA varaNa kR^itabhAvaH pratyAkhyAtastasmAnna ratnAnAM bhavAnbhAjanaM bhaviShyatIti
4 
adya prabhR^ityetadavasthitamR^iShivachanam
5 
.. 49.. 
tadeva.nvidhaM mAhAtmyaM brAhmaNAnAm
1 
kShatramapi shAshvatImavyayAM pR^ithivIM patnIm abhigamya bubhuje
2 
tadetadbrahmAgnIShomIyam
3 
tena jagaddhAryate
4 
.. 50..\\
\medskip\hrule\medskip\centerline{\Largedvng 330}
 bhagavaan

sUryA chandramasau shashvatkeshairme aMshusa~nj~nitaiH . 
bodhaya.nstApayaMshchaiva jagaduttiShThataH pR^ithak .. 1..\\
bodhanAttApanAchchaiva jagato harShaNaM bhavet . 
agnIShoma kR^itairebhiH karmabhiH pANDunandana . 
hR^iShIkesho.ahamIshAno varado lokabhAvanaH .. 2..\\
idopahUta yogena hare bhAga.n kratuShvaham . 
varNashcha me harishreShThastasmAddhariraha.n smR^itaH .. 3..\\
dhAma sAro hi lokAnAmR^ita.n chaiva vichAritam . 
R^itadhAmA tato vipraiH satyashchAhaM prakIrtitaH .. 4..\\
nastA.n cha dharaNIM pUrvamavinda.n vai guhA gatAm . 
govinda iti mA.n devA vAgbhiH samabhituShTuvuH .. 5..\\
shipiviShTeti chAkhyAyA.n hInaromA cha yo bhavet . 
tenAviShTa.n hi yatki.n chichchhipiviShTaM hi tatsmR^itam .. 6..\\
yAsko mAmR^iShiravyagro naikayaGYeShu gItavAn . 
shipiviShTa iti hyasmAdguhya nAma dharo hyaham .. 7..\\
stutvA mA.n shipiviShTeti yAsko R^iShirudAradhIH . 
matprasAdAdadho nastaM niruktamabhijagmivAn .. 8..\\
na hi jAto na jAye.ahaM na janiShye kadA chana . 
kShetraGYaH sarvabhUtAnA.n tasmAdahamajaH smR^itaH .. 9..\\
noktapUrvaM mayA kShudramashlIla.n vA kadA chana . 
R^itA brahmasutA sA me satyA devI sarasvatI .. 10..\\
sachchAsachchaiva kaunteya mayAveshitamAtmani . 
pauShkare brahma sadane satyaM mAmR^iShayo viduH .. 11..\\
sattvAnna chyuta pUrvo.aha.n sattvaM vai viddhi matkR^itam . 
janmanIhAbhavatsattvaM paurvikaM me dhana~njaya .. 12..\\
nirAshIH karma sa.nyukta.n sAtvataM mAM prakalpaya . 
sAtvata GYAnadR^iShTo.aha.n sAtvataH sAtvatAM patiH .. 13..\\
kR^iShAmi medinIM pArtha bhUtvA kArShNAyaso mahAn . 
kR^iShNo varNashcha me yasmAttasmAtkR^iShNo.ahamarjuna .. 14..\\
mayA saMshleShitA bhUmiradbhirvyoma cha vAyunA . 
vAyushcha tejasA sArdha.n vaikunthatva.n tato mama .. 15..\\
nirvAnaM parama.n saukhya.n dharmo.asau para uchyate . 
tasmAnna chyuta pUrvo.ahamachyutastena karmaNA .. 16..\\
pR^ithivI nabhasI chobhe vishrute vishvalaukike . 
tayoH sandhAraNArtha.n hi mAmadhokShajama~njasA .. 17..\\
nirukta.n veda viduSho ye cha shabdArtha chintakAH . 
te mA.n gAyanti prAgvaMshe adhokShaja iti sthitiH .. 18..\\
shabda ekamataireSha vyAhR^itaH paramarShibhiH . 
nAnyo hyadhokShajo loke R^ite nArAyaNaM prabhum .. 19..\\
ghR^itaM mamArchiSho loke jantUnAM prANa dhAraNam . 
ghR^itArchirahamavyagrairvedaGYaiH parikIrtitaH .. 20..\\
trayo hi dhAtavaH khyAtAH karmajA iti cha smR^itAH . 
pitta.n shleShmA cha vAyushcha eSha sa~NghAta uchyate .. 21..\\
etaishcha dhAryate janturetaiH kShINaishcha kShIyate . 
AyurvedavidastasmAttridhAtuM mAM prachakShate .. 22..\\
vR^iSho hi bhagavAndharmaH khyAto lokeShu bhArata . 
naighantuka padAkhyAta.n viddhi mAM vR^iShamuttamam .. 23..\\
kapirvarAhaH shreShThashcha dharmashcha vR^iSha uchyate . 
tasmAdvR^iShAkapiM prAha kashyapo mAM prajApatiH .. 24..\\
na chAdiM na madhya.n tathA naiva chAntaM 
kadA chidvidante surAshchAsurAsh cha . 
anAdyo hyamadhyastathA chApyanantaH 
pragIto.ahamIsho vibhurlokasAkShI .. 25..\\
shuchIni shravaNIyAni shR^iNomIha dhana~njaya . 
na cha pApAni gR^ihNAmi tato.aha.n vai shuchishravaH .. 26..\\
ekashR^i~NgaH purA bhUtvA varAho divyadarshanaH . 
imAmuddhR^itavAnbhUmimekashR^i~Ngastato hyaham .. 27..\\
tathaivAsa.n trikakudo vArAha.n rUpamAsthitaH . 
trikakuttena vikhyAtaH sharIrasya tu mApanAt .. 28..\\
viri~ncha iti yaH proktaH kapila GYAnachintakaiH . 
sa prajApatirevAha.n chetanAtsarvalokakR^it .. 29..\\
vidyA sahAyavantaM mAmAdityastha.n sanAtanam . 
kapilaM prAhurAchAryAH sA~NkhyA nishchita nishchayAH .. 30..\\
hiraNyagarbho dyutimAneSha yashchhandasi stutaH . 
yogaiH sampUjyate nitya.n sa evAhaM vibhuH smR^itaH .. 31..\\
ekaviMshatishAkha.n cha R^igvedaM mAM prachakShate . 
sahasrasAkha.n yatsAma ye vai veda vido janAH . 
gAyantyAraNyake viprA madbhaktAste.api durlabhAH .. 32..\\
saH pa~nchAshatamastau cha saptatriMshatamityuta . 
yasmi~nshAkhA yajurvede so.ahamAdhvaryave smR^itaH .. 33..\\
pa~ncha kalpamatharvANa.n kR^ityAbhiH paribR^i.nhitam . 
kalpayanti hi mA.n viprA atharvANavidastathA .. 34..\\
shAkhA bhedAshcha ye ke chidyAshcha shAkhAsu gItayaH . 
svaravarNasamuchchArAH sarvA.nstAnviddhi matkR^itAn .. 35..\\
yattaddhayashiraH pArtha samudeti varapradam . 
so.ahamevottare bhAge kramAkShara vibhAgavit .. 36..\\
rAmAdeshita mArgeNa matprasAdAnmahAtmanA . 
pA~nchAlena kramaH prAptastasmAdbhUtAtsanAtanAt . 
bAbhravya gotraH sa babhau prathamaH kramapAragaH .. 37..\\
nArAyaNAdvara.n labdhvA prApya yogamanuttamam . 
kramaM pranIya shikShA.n cha pranayitvA sa gAlavaH .. 38..\\
kandalIko.atha rAjA cha brahmadattaH pratApavAn . 
jAtI maraNaja.n duHkha.n smR^itvA smR^itvA punaH punaH . 
saptajAtiShu mukhyatvAdyogAnA.n sampada.n gataH .. 39..\\
purAhamAtmajaH pArtha prathitaH kAraNAntare . 
dharmasya kurushArdUla tato.aha.n dharmajaH smR^itaH .. 40..\\
naranArAyaNau pUrva.n tapastepaturavyayam . 
dharmayAna.n samArUDhau parvate gandhamAdane .. 41..\\
tatkAlasamaya.n chaiva dakShayaGYo babhUva ha . 
na chaivAkalpayadbhAga.n dakSho rudrasya bhArata .. 42..\\
tato dadhIchi vachanAddakShayaGYamapAharat . 
sasarja shUla.n krodhena prajvalantaM muhurmuhuH .. 43..\\
tachchhUlaM bhasmasAtkR^itvA dakShayaGYa.n savistaram . 
AvayoH sahasAgachchhadbadaryAshramamantikAt . 
vegena mahatA pArtha patannArAyaNorasi .. 44..\\
tataH svatejasAviShTAH keshA nArAyaNasya ha . 
babhUvurmu~nja varNAstu tato.ahaM mu~nja keshavAn .. 45..\\
tachcha shUla.n vinirdhUtaM hu~NkAreNa mahAtmanA . 
jagAma sha~Nkara karaM nArAyaNa samAhatam .. 46..\\
atha rudra upAdhAvattAvR^iShI tapasAnvitau . 
tata ena.n samuddhUta.n kanthe jagrAha pAninA . 
nArAyaNaH sa vishvAtmA tenAsya shiti kanthatA .. 47..\\
atha rudra vighAtArthamiShIkA.n jagR^ihe naraH . 
mantraishcha sa.nyuyojAshu so.abhavatparashurmahAn .. 48..\\
kShiptashcha sahasA rudre khandanaM prAptavA.nstadA . 
tato.aha.n khanda parashuH smR^itaH parashu khandanAt .. 49..\\

 arjuna

asminuddhe tu vArShNeya trailokyamathane tadA . 
jaya.n kaH prAptavA.nstatra sha.nsaitanme janArdana .. 50..\\

 zriibhagavaan

tayoH sa.nlagnayoryuddhe rudra nArAyaNAtmanoH . 
udvignAH sahasA kR^itsnA lokAH sarve.abhava.nstadA .. 51..\\
nAgR^ihNAtpAvakaH shubhraM makheShu suhuta.n haviH . 
vedA na pratibhAnti sma R^iShINAM bhAvitAtmanAm .. 52..\\
devAnrajastamashchaiva samAvivishatustadA . 
vasudhA sa~ncakampe.atha nabhashcha vipaphAla ha .. 53..\\
niShprabhAni cha tejA.nsi brahmA chaivAsanAchchyutaH . 
agAchchhoSha.n samudrashcha himavAMshcha vyashIryata .. 54..\\
tasminneva.n samutpanne nimitte pANDunandana . 
brahmA vR^ito devagaNairR^iShibhishcha mahAtmabhiH . 
AjagAmAshu ta.n desha.n yatra yuddhamavartata .. 55..\\
sA~njali pragraho bhUtvA chaturvaktro niruktagaH . 
uvAcha vachana.n rudraM lokAnAmastu vai shivam . 
nyasyAyudhAni vishvesha jagato hitakAmyayA .. 56..\\
yadakSharamathAvyaktamIsha.n lokasya bhAvanam . 
kUtastha.n kartR^inirdvandvamakarteti cha ya.n viduH .. 57..\\
vyaktabhAvagatasyAsya ekA mUrtiriya.n shivA . 
naro nArAyaNashchaiva jAtau dharmakulodvahau .. 58..\\
tapasA mahatA yuktau deva shreShThau mahAvratau . 
ahaM prasAdajastasya kasmiMshchitkAraNAntare . 
tva.n chaiva krodhajastAta pUrvasarge sanAtanaH .. 59..\\
mayA cha sArdha.n varadaM vibudhaishcha maharShibhiH . 
prasAdayAmAsa tato devaM nArAyaNaM prabhum .. 60..\\
brahmaNA tvevamuktastu rudraH krodhAgnimutsR^ijan . 
prasAdayAmAsa tato devaM nArayaNaM prabhum . 
sharaNa.n cha jagAmAdya.n vareNyaM varadaM harim .. 61..\\
tato.atha varado devo jitakrodho jitendriyaH . 
prItimAnabhavattatra rudreNa saha sa~NgataH .. 62..\\
R^iShibhirbrahmaNA chaiva vibudhaishcha supUjitaH . 
uvAcha devamIshAnamIshaH sa jagato hariH .. 63..\\
yastvA.n vetti sa mAM vetti yastvAmanu sa mAm anu . 
nAvayorantara.n kiM chinmA te bhUdbuddhiranyathA .. 64..\\
adya prabhR^iti shrIvatsaH shUlA~Nko.ayaM bhavatvayam . 
mama pAnya~NkitashchApi shrIkanthastvaM bhaviShyasi .. 65..\\
eva.n lakShaNamutpAdya parasparakR^ita.n tadA . 
sakhya.n chaivAtulaM kR^itvA rudreNa sahitAvR^iShI . 
tapastepaturavyagrau visR^ijya tridivaukasaH .. 66..\\
eSha te kathitaH pArtha nArAyaNa jayo mR^idhe . 
nAmAni chaiva guhyAni niruktAni cha bhArata . 
R^iShibhiH kathitAnIha yAni sa~NkIrtitAni te .. 67..\\
evaM bahuvidhai rUpaishcharAmIha vasundharam . 
brahmaloka.n cha kaunteya golokaM cha sanAtanam . 
mayA tva.n rakShito yuddhe mahAntaM prAptavA~n jayam .. 68..\\
yastu te so.agrato yAti yuddhe sampratyupasthite . 
ta.n viddhi rudra.n kaunteya devadevaM kapardinam .. 69..\\
kAlaH sa eva kathitaH krodhajeti mayA tava . 
nihatA.nstena vai pUrva.n hatavAnasi vai ripUn .. 70..\\
aprameyaprabhAva.n taM devadevamumApatim . 
namasva devaM prayato vishvesha.n haramavyayam .. 71..\\
\medskip\hrule\medskip\centerline{\Largedvng 331}
 janamejaya

brahmansumahadAkhyAnaM bhavatA parikIrtitam . 
yachchhrutvA munayaH sarve vismayaM parama.n gatAH .. 1..\\
ida.n shatasahasrAddhi bhAratAkhyAna vistarAt . 
Amathya matimanthena GYAnodadhimanuttamam .. 2..\\
nava nIta.n yathA dadhno malayAchchandanaM yathA . 
AraNyaka.n cha vedebhya oShadhibhyo.amR^ita.n yathA .. 3..\\
samuddhR^itamidaM brahmankathAmR^itamanuttamam . 
tapo nidhe tvayokta.n hi nArAyaNa kathAshrayam .. 4..\\
sa hIsho bhagavAndevaH sarvabhUtAtmabhAvanaH . 
aho nArAyaNa.n tejo durdarshaM dvijasattama .. 5..\\
yatrAvishanti kalpAnte sarve brahmAdayaH surAH . 
R^iShayashcha sagandharvA yachcha ki.n chichcharAcharam . 
na tato.asti paraM manye pAvana.n divi cheha cha .. 6..\\
sarvAshramAbhigamana.n sarvatIrthAvagAhanam . 
na tathA phalada.n chApi nArAyaNa kathA yathA .. 7..\\
sarvathA pAvitAH smeha shrutvemAmAditaH kathAm . 
harervishveshvarasyeha sarvapApapranAshanIm .. 8..\\
na chitra.n kR^itavA.nstatra yadAryo me dhana~njayaH . 
vAsudevasahAyo yaH prAptavA~n jayamuttamam .. 9..\\
na chAsya ki.n chidaprApyaM manye lokeShvapi triShu . 
trilokya nAtho viShNuH sa yasyAsItsAhyakR^itsakhA .. 10..\\
dhanyAshcha sarva evAsanbrahma.nste mama pUrvakAH . 
hitAya shreyase chaiva yeShAmAsIjjanArdanaH .. 11..\\
tapasApi na dR^ishyo hi bhagavA.NllokapUjitaH . 
ya.n dR^iShTavantaM te sAkShAchchhrIvatsA~Nka vibhUsanam .. 12..\\
tebhyo dhanyatarashchaiva nAradaH parameShThijaH . 
na chAlpatejasamR^iShi.n vedmi nAradamavyayam . 
shvetadvIpa.n samAsAdya yena dR^iShTaH svayaM hariH .. 13..\\
devaprasAdAnugata.n vyakta.n tattasya darshanam . 
yaddR^iShTavA.nstadA devamaniruddha tanau sthitam .. 14..\\
badarImAshrama.n yattu nAradaH prAdravatpunaH . 
naranArAyaNau draShTu.n kiM nu tatkAraNaM mune .. 15..\\
shvetadvIpAnnivR^ittashcha nAradaH parameShThijaH . 
badarImAshramaM prApya samAgamya cha tAvR^iShI .. 16..\\
kiyanta.n kAlamavasatkAH kathAH pR^iShTavAMshcha saH . 
shvetadvIpAdupAvR^itte tasminvA sumahAtmani .. 17..\\
kimabrUtAM mahAtmAnau naranArAyaNAvR^iShI . 
tadetanme yathAtattva.n sarvamAkhyAtumarhasi .. 18..\\

 vaizampaayana

namo bhagavate tasmai vyAsAyAmita tejase . 
yasya prasAdAdvakShyAmi nArAyaNa kathAmimAm .. 19..\\
prApya shvetaM mahAdvIpa.n dR^iShTavAnharimavyayam . 
nivR^itto nArado rAja.nstarasA merumAgamat . 
hR^idayenodvahanbhAra.n yaduktaM paramAtmanA .. 20..\\
pashchAdasyAbhavadrAjannAtmanaH sAdhvasaM mahat . 
yadgatvA dUramadhvAna.n kShemI punarihAgataH .. 21..\\
tato meroH prachakrAma parvata.n gandhamAdanam . 
nipapAta cha khAttUrNa.n vishAlAM badarIm anu .. 22..\\
tataH sa dadR^ishe devau purANAvR^iShisattamau . 
tapashcharantau sumahadAtmaniShThau mahAvratau .. 23..\\
tejasAbhyadhikau sUryAtsarvalokavirochanAt . 
shrIvatsa lakShaNau pUjyau jatA mandala dhAriNau .. 24..\\
jAlapAdabhujau tau tu pAdayoshchakralakShaNau . 
vyUdhoraskau dIrghabhujau tathA muShka chatuShkinau .. 25..\\
ShaShTidantAvaShTa daMShTrau meghaughasadR^ishasvanau . 
svAsyau pR^ithu lalAtau cha suhanU subhru nAsikau .. 26..\\
AtapatreNa sadR^ishe shirasI devayostayoH . 
eva.n lakShaNasampannau mahApuruSha sa~nj~nitau .. 27..\\
tau dR^iShTvA nArado hR^iShTastAbhyA.n cha pratipUjitaH . 
svAgatenAbhibhAsyAtha pR^iShTashchAnAmaya.n tadA .. 28..\\
babhUvAntargatamatinirIkShya puruShottamau . 
sado gatAstatra ye vai sarvabhUtanamaskR^itAH .. 29..\\
shvetadIpe mayA dR^iShTAstAdR^ishAvR^iShisattamau . 
iti sa~ncintya manasA kR^itvA chAbhipradakShiNam . 
upopavivishe tatra pIthe kusha maye shubhe .. 30..\\
tatastau tapasA.n vAsau yashasA.n tejasAm api . 
R^iShI shama damopetau kR^itvA pUrvAhnika.n vidhim .. 31..\\
pashchAnnAradamavyagrau pAdyArghyAbhyAM prapUjya cha . 
pIthayoshchopaviShTau tau kR^itAtithyAhnikau nR^ipa .. 32..\\
teShu tatropaviShTeShu sa desho.abhivyarAjata . 
AjyAhuti mahAjvAlairyaGYavAto.agnibhiryathA .. 33..\\
atha nArAyaNastatra nArada.n vAkyamabravIt . 
sukhopaviShTa.n vishrAnta.n kR^itAtithyaM sukhasthitam .. 34..\\
apIdAnI.n sa bhagavAnparamAtmA sanAtanaH . 
shvetadIpe tvayA dR^iShTa AvayoH prakR^itiH parA .. 35..\\

 naarada

dR^iShTo me puruShaH shrImAnvishvarUpadharo.avyayaH . 
sarve hi lokAstatra sthAstathA devAH saharShibhiH . 
adyApi chainaM pashyAmi yuvAM pashyansanAtanau .. 36..\\
yairlakShaNairupetaH sa hariravyaktarUpadhR^ik . 
tairlakShaNairupetau hi vyaktarUpadharau yuvAm .. 37..\\
dR^iShTau mayA yuvA.n tatra tasya devasya pArshvataH . 
iha chaivAgato.asmyadya visR^iShTaH paramAtmanA .. 38..\\
ko hi nAma bhavettasya tejasA yashasA shriyA . 
sadR^ishastriShu lokeShu R^ite dharmAtmajau yuvAm .. 39..\\
tena me kathitaM pUrvaM nAma kShetraGYasa~nj~nitam . 
prAdurbhAvAshcha kathitA bhaviShyanti hi ye yathA .. 40..\\
tatra ye puruShAH shvetAH pa~nchendriya vivarjitAH . 
ratibuddhAshcha te sarve bhaktAshcha puruShottamam .. 41..\\
te.archayanti sadA deva.n taiH sArdha.n ramate cha saH . 
priya bhakto hi bhagavAnparamAtmA dvija priyaH .. 42..\\
ramate so.archyamAno hi sadA bhAgavata priyaH . 
vishvabhuksarvago devo bAndhavo bhakta vatsalaH . 
sa kartA kAraNa.n chaiva kAryaM chAtibala dyutiH .. 43..\\
tapasA yojya so.a.atmAna.n shvetadvIpAtparaM hi yat . 
teja ityabhivikhyAta.n svayaM bhAsAvabhAsitam .. 44..\\
shAntiH sA triShu lokeShu siddhAnAM bhAvitAtmanAm . 
etayA shubhayA buddhyA naiShThika.n vratamAsthitaH .. 45..\\
na tatra sUryastapati na somo.abhivirAjate . 
na vAyurvAti deveshe tapashcharati dushcharam .. 46..\\
vedImastatalotsedhAM bhUmAvAsthAya vishvabhuk . 
ekapAdasthito deva UrdhvabAhuruda~NmukhaH . 
sA~NgAnAvartayanvedA.nstapastepe sudushcharam .. 47..\\
yadbrahmA R^iShayashchaiva svayaM pashupatish cha yat . 
sheShAshcha vibudhashreShThA daityadAnavarAkShasAH .. 48..\\
nAgAH suparNA gandharvAH siddhA rAjarShayash cha ye . 
havya.n kavyaM cha satata.n vidhipUrvaM prayu~njate . 
kR^itsna.n tattasya devasya charaNAvupatiShThati .. 49..\\
yAH kriyAH samprayuktAstu ekAntagatabuddhibhiH . 
tAH sarvAH shirasA devaH pratigR^ihNAti vai svayam .. 50..\\
na tasyAnyaH priyataraH pratibuddhairmahAtmabhiH . 
vidyate triShu lokeShu tato.asmyaikAntika.n gataH . 
iha chaivAgatastena visR^iShTaH paramAtmanA .. 51..\\
evaM me bhagavAndevaH svayamAkhyAtavAnhariH . 
AsiShye tatparo bhUtvA yuvAbhyA.n saha nityashaH .. 52..\\
\medskip\hrule\medskip\centerline{\Largedvng 332}
 naranaaraayanau

dhanyo.asyanugR^ihIto.asi yatte dR^iShTaH svayamprabhuH . 
na hi ta.n dR^iShTavAnkash chitpadmayonirapi svayam .. 1..\\
avyaktayonirbhagavAndurdarshaH puruShottamaH . 
nAradaitaddhi te satya.n vachanaM samudAhR^itam .. 2..\\
nAsya bhaktaiH priyataro loke kash chana vidyate . 
tataH svaya.n darshitavAnsvamAtmAnaM dvijottamaH .. 3..\\
tapo hi tapyatastasya yatsthAnaM paramAtmanaH . 
na tatsamprApnute kashchidR^ite hyAvA.n dvijottama .. 4..\\
yA hi sUryasahasrasya samastasya bhaveddyutiH . 
sthAnasya sA bhavettasya svaya.n tena virAjatA .. 5..\\
tasmAduttiShThate vipra devAdvishvabhuvaH pateH . 
kShamA kShamAvatA.n shreShTha yayA bhUmistu yujyate .. 6..\\
tasmAchchottiShThate devAtsarvabhUti hito rasaH . 
Apo yena hi yujyante dravatvaM prApnuvanti cha .. 7..\\
tasmAdeva samudbhUta.n tejo rUpaguNAtmakam . 
yena sma yujyate sUryastato lokAnvirAjate .. 8..\\
tasmAddevAtsamudbhUtaH sparshastu puruShottamAt . 
yena sma yujyate vAyustato lokAnvivAtyasau .. 9..\\
tasmAchchottiShThate shabdaH sarvalokeshvarAtprabhoH . 
AkAsha.n yujyate yena tatastiShThatyasa.nvR^itam .. 10..\\
tasmAchchottiShThate devAtsarvabhUtagataM manaH . 
chandramA yena sa.nyuktaH prakAshaguNa dhAraNaH .. 11..\\
so bhUtotpAdakaM nAma tatsthAna.n veda sa~nj~nitam . 
vidyA sahAyo yatrAste bhagavAnhavyakavya bhuk .. 12..\\
ye hi niShkalmasA loke puNyapApavivarjitAH . 
teShA.n vai kShemamadhvAna.n gachchhatAM dvijasattama . 
sarvalokatamo hantA Adityo dvAramuchyate .. 13..\\
AdityadagdhasarvA~NgA adR^ishyAH kena chitkva chit . 
paramAnu bhUtA bhUtvA tu ta.n devaM pravishantyuta .. 14..\\
tasmAdapi vinirmuktA aniruddha tanau sthitAH . 
mano bhUtAstato bhUyaH pradyumnaM pravishantyuta .. 15..\\
pradyumnAchchApi nirmuktA jIva.n sa~NkarShaNa.n tathA . 
vishanti vipra pravarAH sA~NkhyA bhAgavataiH saha .. 16..\\
tatastraiguNyahInAste paramAtmAnama~njasA . 
pravishanti dvijashreShTha kShetraGYaM nirguNAtmakam . 
sarvAvAsa.n vAsudeva.n kShetraGYaM viddhi tattvataH .. 17..\\
samAhita manaskAshcha niyatAH sa.nyatendriyAH . 
ekAntabhAvopagatA vAsudeva.n vishanti te .. 18..\\
AvAmapi cha dharmasya gR^ihe jAtau dvijottama . 
ramyA.n vishAlAmAshritya tapa ugraM samAsthitau .. 19..\\
ye tu tasyaiva devasya prAdurbhAvAH surapriyAH . 
bhaviShyanti trilokasthAsteShA.n svastItyato dvija .. 20..\\
vidhinA svena yuktAbhyA.n yathApUrva.n dvijottama . 
AsthitAbhyA.n sarvakR^ichchhraM vrataM samyaktaduttamam .. 21..\\
AvAbhyAmapi dR^iShTastva.n shvetadvIpe tapodhana . 
samAgato bhagavatA sa~njalpa.n kR^itavAnyathA .. 22..\\
sarva.n hi nau sa.nvidita.n trailokye sacharAchare . 
yadbhaviShyati vR^itta.n vA vartate vA shubhAshubham .. 23..\\

 vaizampaayana

etachchhrutvA tayorvAkya.n tapasyugre.abhyavartata . 
nAradaH prA~njalirbhUtvA nArAyaNa parAyanaH .. 24..\\
jajApa vidhivanmantrAnnArAyaNa gatAnbahUn . 
divya.n varShasahasraM hi naranArAyaNAshrame .. 25..\\
avasatsa mahAtejA nArado bhagavAnR^iShiH . 
tamevAbhyarchayandevaM naranArAyaNau cha tau .. 26..\\
\medskip\hrule\medskip\centerline{\Largedvng 333}
 vaizampaayana

kasya chittvatha kAlasya nAradaH parameShThijaH . 
daiva.n kR^itvA yathAnyAyaM pitryaM chakre tataH param .. 1..\\
tatasta.n vachanaM prAha jyeShTho dharmAtmajaH prabhuH . 
ka ijyate dvijashreShTha daive pitrye cha kalpite .. 2..\\
tvayA matimatA.n shreShTha tanme sha.nsa yathAgamam . 
kimetatkriyate karmaphala.n chAsya kimiShyate .. 3..\\

 naarada

tvayaitatkathitaM pUrva.n daivaM kartavyamityapi . 
daivata.n cha paro yaGYaH paramAtmA sanAtanaH .. 4..\\
tatastadbhAvito nitya.n yaje vaikunthamavyayam . 
tasmAchcha prasR^itaH pUrvaM brahmA lokapitAmahaH .. 5..\\
mama vai pitaraM prItaH parameShThyapyajIjanat . 
aha.n sa~Nkalpajastasya putraH prathamakalpitaH .. 6..\\
yajAmyahaM pitR^InsAdho nArAyaNa vidhau kR^ite . 
eva.n sa eva bhagavAnpitA mAtA pitAmahaH . 
ijyate pitR^iyaGYeShu mayA nitya.n jagatpatiH .. 7..\\
shrutishchApyaparA devaputrAnhi pitaro.ayajan . 
vedashrutiH pranastA cha punaradhyApitA sutaiH . 
tataste mantradAH putrAH pitR^itvamupapedire .. 8..\\
nUnaM puraitadvidita.n yuvayorbhAvitAtmanoH . 
putrAshcha pitarashchaiva parasparamapUjayan .. 9..\\
trInpiNDAnnyasya vai pR^ithvyAM pUrva.n dattvA kushAniti . 
katha.n tu piNDa sa~nj~nAM te pitaro lebhire purA .. 10..\\

 naranaaraayanau

imA.n hi dharaNIM pUrvaM nastAM sAgaramekhalAm . 
govinda ujjahArAshu vArAha.n rUpamAshritaH .. 11..\\
sthApayitvA tu dharaNI.n sve sthAne puruShottamaH . 
jalakardama liptA~Ngo lokakAryArthamudyataH .. 12..\\
prApte chAhnika kAle sa madhyandina gate ravau . 
da.nstrA vilagnAnmR^itpiNDAnvidhUya sahasA prabhuH . 
sthApayAmAsa vai pR^ithvyA.n kushAnAstIrya nArada .. 13..\\
sa teShvAtmAnamuddishya pitrya.n chakre yathAvidhi . 
sa~NkalpayitvA trInpiNDAnsvenaiva vidhinA prabhuH .. 14..\\
AtmagAtroShma sambhUtaiH snehagarbhaistilairapi . 
prokShyApavarga.n deveshaH prA~NmukhaH kR^itavAnsvayam .. 15..\\
maryAdA sthApanArtha.n cha tato vachanamuktavAn . 
aha.n hi pitaraH sraShTumudyato lokakR^itsvayam .. 16..\\
tasya chintayataH sadyaH pitR^ikAryavidhiM param . 
da.nstrAbhyAM pravinirdhUtA mamaite dakShiNA.n disham . 
AshritA dharaNIM piNDAstasmAtpitara eva te .. 17..\\
trayo mUrti vihInA vai piNDa mUrti dharAstvime . 
bhavantu pitaro loke mayA sR^iShTAH sanAtanAH .. 18..\\
pitA pitAmahashchaiva tathaiva prapitAmahaH . 
ahamevAtra viGYeyastriShu piNDeShu sa.nsthitaH .. 19..\\
nAsti matto.adhikaH kashchitko vAbhyarchyo mayA svayam . 
ko vA mama pitA loke ahameva pitAmahaH .. 20..\\
pitAmaha pitA chaiva ahamevAtra kAraNam . 
ityevamuktvA vachana.n devadevo vR^iShAkapiH .. 21..\\
varAhaparvate vipra dattvA piNDAnsavistarAn . 
AtmAnaM pUjayitvaiva tatraivAdarshana.n gataH .. 22..\\
etadartha.n shubhamate pitaraH piNDa sa~nj~nitAH . 
labhante satataM pUjA.n vR^iShAkapi vacho yathA .. 23..\\
ye yajanti pitR^IndevAngurUMshchaivAtithI.nstathA . 
gAshchaiva dvijamukhyAMshcha pR^ithivIM mAtara.n tathA . 
karmaNA manasA vAchA viShNumeva yajanti te .. 24..\\
antargataH sa bhagavAnsarvasattvasharIragaH . 
samaH sarveShu bhUteShu IshvaraH sukhaduHkhayoH . 
mahAnmahAtmA sarvAtmA nArAyaNa iti shrutaH .. 25..\\
\medskip\hrule\medskip\centerline{\Largedvng 334}
 vaizampaayana

shrutvaitannArado vAkyaM naranArAyaNeritam . 
atyantabhaktimAndeve ekAntitvamupeyivAn .. 1..\\
proShya varShasahasra.n tu naranArAyaNAshrame . 
shrutvA bhagavadAkhyAna.n dR^iShTvA cha harimavyayam . 
himavanta.n jagAmAshu yatrAsya svaka AshramaH .. 2..\\
tAvapi khyAtatapasau naranArAyaNAvR^iShI . 
tasminnevAshrame ramye tepatustapa uttamam .. 3..\\
tamapyamitavikrAntaH pANDavAnA.n kulodvahaH . 
pAvitAtmAdya sa.nvR^ittaH shrutvemAmAditaH kathAm .. 4..\\
naiva tasya paro loko nAyaM pArthiva sattama . 
karmaNA manasA vAchA yo dviShyAdviShNumavyayam .. 5..\\
majjanti pitarastasya narake shAshvatIH samAH . 
yo dviShyAdvibudhashreShTha.n devaM nArAyaNa.n harim .. 6..\\
kathaM nAma bhaveddveShya AtmA lokasya kasya chit . 
AtmA hi puruShavyAghra GYeyo viShNuriti sthitiH .. 7..\\
ya eSha gururasmAkamR^iShirgandhavatI sutaH . 
tenaitatkathita.n tAta mAhAtmyaM paramAtmanaH . 
tasmAchchhrutaM mayA cheda.n kathitaM cha tavAnagha .. 8..\\
kR^iShNadvaipAyana.n vyAsaM viddhi nArAyaNaM prabhum . 
ko hyanyaH puruShavyAghra mahAbhArata kR^idbhavet . 
dharmAnnAnAvidhAMshchaiva ko brUyAttamR^ite prabhum .. 9..\\
vartatA.n te mahAyaGYo yathA sa~NkalpitastvayA . 
sa~NkalpitAshvamedhastva.n shrutadharmashcha tattvataH .. 10..\\
etattu mahadAkhyAna.n shrutvA pArikShito nR^ipaH . 
tato yaGYasamAptyartha.n kriyAH sarvAH samArabhat .. 11..\\
nArAyaNIyamAkhyAnametatte kathitaM mayA . 
nAradena purA rAjangurave me niveditam . 
R^iShINAM pANDavAnA.n cha shR^iNvatoH kR^iShNa bhIsmayoH .. 12..\\
sa hi paramagururbhuvanapatir 
dharaNidharaH shama niyamanidhiH . 
shrutivinayanidhirdvija paramahitas 
tava bhavatu gatirhariramara hitaH .. 13..\\
tapasAM nidhiH sumahatAM mahato 
yashasashcha bhAjanamariShTakahA . 
ekAntinA.n sharaNado.abhayado gatido.astu vaH 
sa makhabhAgaharastriguNAtigaH .. 14..\\
triguNAtigashchaturpa~nchadharaH 
pUrteShTayoshcha phalabhAgaharaH . 
vidadhAti nityamajito.atibalo 
gatimAtmagA sukR^itinAmR^iShiNAm .. 15..\\
ta.n lokasAkShiNamajaM puruShaM 
ravivarNamIshvara gatiM bahushaH . 
pranamadhvamekamatayo yatayaH 
salilodbhavo.api tamR^iShiM pranataH .. 16..\\
sa hi lokayoniramR^itasya padaM 
sUkShmaM purANamachalaM paramam . 
tatsA~NkhyayogibhirudAradhR^itaM 
buddhyA yatAtmabhirvidita.n satatam .. 17..\\
\medskip\hrule\medskip\centerline{\Largedvng 335}
 janamejaya

shrutaM bhagavatastasya mAhAtmyaM paramAtmanaH . 
janma dharmagR^ihe chaiva naranArAyaNAtmakam . 
mahAvarAha sR^iShTA cha piNDotpattiH purAtanI .. 1..\\
pravR^ittau cha nivR^ittau cha yo yathA parikalpitaH . 
sa tathA naH shruto brahmankathyamAnastvayAnagha .. 2..\\
yachcha tatkathitaM pUrva.n tvayA hayashiro mahat . 
havyakavya bhujo viShNorudakpUrve mahodadhau . 
tachcha dR^iShTaM bhagavatA brahmaNA parameShThinA .. 3..\\
ki.n tadutpAditaM pUrva.n hariNA lokadhAriNA . 
rUpaM prabhAvamahatAmapUrva.n dhImatA.n vara .. 4..\\
dR^iShTvA hi vibudhashreShThamapUrvamamitaujasam . 
tadashvashirasaM puNyaM brahmA kimakaronmune .. 5..\\
etannaH saMshayaM brahmanpurANaGYAnasambhavam . 
kathayasvottama mate mahApuruSha nirmitam . 
pAvitAH sma tvayA brahmanpuNyA.n kathayatAM kathAm .. 6..\\

 vaizampaayana

kathayiShyAmi te sarvaM purANa.n veda saMmitam . 
jagau tadbhagavAnvyAso rAGYo dharmasutasya vai .. 7..\\
shrutvAshvashiraso mUrti.n devasya hari medhasaH . 
utpanna saMshayo rAjA tameva samachodayat .. 8..\\

 yudhisthira

yattaddarshitavAnbrahmA deva.n hayashiro dharam . 
kimartha.n tatsamabhavadvapurdevopakalpitam .. 9..\\

 vyaasa

yatki.n chidiha loke vai dehabaddha.n vishAM pate . 
sarvaM pa~nchabhirAviShTaM bhUtairIshvara buddhijaiH .. 10..\\
Ishvaro hi jagatsraShTA prabhurnArAyaNo virAt . 
bhUtAntarAtmA varadaH saguNo nirguNo.api cha . 
bhUtapralayamavyakta.n shR^iNuShva nR^ipasattama .. 11..\\
dharaNyAmatha lInAyAmapsu chaikArNave purA . 
jyotirbhUte jale chApi lIne jyotiShi chAnile .. 12..\\
vAyau chAkAshasa.nlIne AkAshe cha mano.anuge . 
vyakte manasi sa.nlIne vyakte chAvyaktatA.n gate .. 13..\\
avyakte puruSha.n yAte pu.nsi sarvagate.api cha . 
tama evAbhavatsarvaM na prAGYAyata ki.n chana .. 14..\\
tamaso brahma sambhUta.n tamo mUlamR^itAtmakam . 
tadvishvabhAvasa~nj~nAntaM pauruShI.n tanumAsthitam .. 15..\\
so.aniruddha iti proktastatpradhAnaM prachakShate . 
tadavyaktamiti GYeya.n triguNaM nR^ipasattama .. 16..\\
vidyA sahAyavAndevo viShvakseno hariH prabhuH . 
apsveva shayana.n chakre nidrA yogamupAgataH . 
jagatashchintayansR^iShTi.n chitrA bahuguNodbhavAm .. 17..\\
tasya chintayataH sR^iShTiM mahAnAtmaguNaH smR^itaH . 
aha~NkArastato jAto brahmA shubhachaturmukhaH . 
hiraNyagarbho bhagavAnsarvalokapitAmahaH .. 18..\\
padme.aniruddhAtsambhUtastadA padmanibhekShaNaH . 
sahasrapatre dyutimAnupaviShTaH sanAtanaH .. 19..\\
dadR^ishe.adbhutasa~NkAshe lokAnApo mayAnprabhuH . 
sattvasthaH parameShThI sa tato bhUtagaNAnsR^ijat .. 20..\\
pUrvameva cha padmasya patre sUryA.nsu saprabhe . 
nArAyaNa kR^itau binduvapAmAstA.n guNottarau .. 21..\\
tAvapashyatsa bhagavAnanAdi nidhano.achyutaH . 
ekastatrAbhavadbindurmadhvAbho ruchiraprabhaH .. 22..\\
sa tAmaso madhurjAtastadA nArAyaNAGYayA . 
kathinastvaparo binduH kaitabho rAjasastu saH .. 23..\\
tAvabhyadhAvatA.n shreShThau tamo raja guNAnvitau . 
balabantau gadAhastau padmanAlAnusAriNau .. 24..\\
dadR^ishAte.aravindasthaM brahmANamamitaprabham . 
sR^ijantaM prathama.n vedAMshchaturashchAru vigrahAn .. 25..\\
tato vigrahavantau tau vedAndR^iShTvAsurottamau . 
sahasA jagR^ihaturvedAnbrahmaNaH pashyatastadA .. 26..\\
atha tau dAnava shreShThau vedAngR^ihya sanAtanAn . 
rasA.n vivishatustUrNamudakpUrve mahodadhau .. 27..\\
tato hR^iteShu vedeShu brahmA kashmalamAvishat . 
tato vachanamIshAnaM prAha vedairvinAkR^itaH .. 28..\\
vedA me parama.n chakShurvedA me paramaM balam . 
vedA me parama.n dhAma vedA me brahma chottamam .. 29..\\
mama vedA hR^itAH sarve dAnavAbhyAM balAditaH . 
andhakArA hi me lokA jAtA vedairvinAkR^itAH . 
vedAnR^ite hi ki.n kuryA.n lokAnvai sraShTumudyataH .. 30..\\
aho bata mahadduHkha.n veda nAshanajaM mama . 
prApta.n dunoti hR^idayaM tIvrashokAya randhayan .. 31..\\
ko hi shokArNave magnaM mAm ito.adya samuddharet . 
vedA.nstAnAnayennastAnkasya chAhaM priyo bhave .. 32..\\
ityevaM bhAsamAnasya brahmaNo nR^ipasattama . 
hareH stotrArthamudbhUtA buddhirbuddhimatA.n vara . 
tato jagau para.n japya.n sA~njali pragrahaH prabhuH .. 33..\\
namaste brahma hR^idayanamaste mama pUrvaja . 
lokAdya bhuvana shreShTha sA~Nkhyayoganidhe vibho .. 34..\\
vyaktAvyakta karAchintya kShemaM panthAnamAsthita . 
vishvabhuksarvabhUtAnAmantarAtmannayonija .. 35..\\
ahaM prasAdajastubhya.n lokadhAmne svayambhuve . 
tvatto me mAnasa.n janma prathamaM dvija pUjitam .. 36..\\
chAkShuSha.n vai dvitIyaM me janma chAsItpurAtanam . 
tvatprasAdAchcha me janma tR^itIya.n vAchikaM mahat .. 37..\\
tvattaH shravaNaja.n chApi chaturthaM janma me vibho . 
nAsikya.n chApi me janma tvattaH pa~nchamamuchyate .. 38..\\
andaja.n chApi me janma tvattaH sastha.n vinirmitam . 
ida.n cha saptamaM janma padmajaM me.amitaprabha .. 39..\\
sarge sarge hyahaM putrastava triguNa varjitaH . 
prathitaH pundarIkAkSha pradhAnaguNakalpitaH .. 40..\\
tvamIshvara svabhAvashcha svayambhUH puruShottamaH . 
tvayA vinirmito.aha.n vai veda chakShurvayotigaH .. 41..\\
te me vedA hR^itAshchakShurandho jAto.asmi jAgR^ihi . 
dadasva chakShuShI mahyaM priyo.aha.n te priyo.asi me .. 42..\\
eva.n stutaH sa bhagavAnpuruShaH sarvato mukhaH . 
jahau nidrAmatha tadA veda kAryArthamudyataH . 
aishvareNa prayogeNa dvitIyA.n tanumAsthitaH .. 43..\\
sunAsikena kAyena bhUtvA chandraprabhastadA . 
kR^itvA hayashiraH shubhra.n vedAnAmAlayaM prabhuH .. 44..\\
tasya mUrdhA samabhavaddyaiH sanakShatra tArakA . 
keshAshchAsyAbhavandIrghA raveraMshusamaprabhAH .. 45..\\
karNAvakAsha pAtAle lalAtaM bhUtadhAriNI . 
ga~NgA sarasvatI puNyA bhruvAvAstAM mahAnadI .. 46..\\
chakShuShI somasUryau te nAsA sandhyA punaH smR^itA . 
o~NkArastvatha sa.nskAro vidyujjihvA cha nirmitA .. 47..\\
dantAshcha pitaro rAjansomapA iti vishrutAH . 
goloko brahmalokashcha oShThAvAstAM mahAtmanaH . 
grIvA chAsyAbhavadrAjankAlarAtrirguNottarA .. 48..\\
etaddhayashiraH kR^itvA nAnA mUrtibhirAvR^itam . 
antardadhe sa vishvesho vivesha cha rasAM prabhuH .. 49..\\
rasAM punaH praviShTashcha yogaM paramamAsthitaH . 
shaikSha.n svaraM samAsthAya omiti prasR^ijatsvaram .. 50..\\
sasvaraH sAnunAdI cha sarvagaH snigdha eva cha . 
babhUvAntarmahI bhUtaH sarvabhUtaguNoditaH .. 51..\\
tatastAvasurau kR^itvA vedAnsamayabandhanAn . 
rasAtale vinikShipya yataH shabdastato drutau .. 52..\\
etasminnantare rAjandevo hayashirodharaH . 
jagrAha vedAnakhilAnrasAtala gatAnhariH . 
prAdAchcha brahmaNe bhUyastataH svAM prakR^iti.n gataH .. 53..\\
sthApayitvA hayashirashudakpUrve mahodadhau . 
vedAnAmAlayashchApi babhUvAshvashirAstataH .. 54..\\
atha ki.n chidapashyantau dAnavau madhu kaitabhau . 
punarAjagmatustatra vegitau pasyatA.n cha tau . 
yatra vedA vinikShiptAstatsthAna.n shUnyameva cha .. 55..\\
tata uttamamAsthAya vegaM balavatA.n varau . 
punaruttasthatuH shIghra.n rasAnAmAlayAttadA . 
dadR^ishAte cha puruSha.n tamevAdi karaM prabhum .. 56..\\
shveta.n chandra vishuddhAbhamaniruddha tanau sthitam . 
bhUyo.apyamitavikrAntaM nidrA yogamupAgatam .. 57..\\
AtmapramANa rachite apAm upari kalpite . 
shayane nAgabhogAdye jvAlAmAlAsamAvR^ite .. 58..\\
niShkalmasena sattvena sampanna.n ruchiraprabham . 
ta.n dR^iShTvA dAnavendrau tau mahAhAsamamu~nchatAm .. 59..\\
Uchatushcha samAviShTau rajasA tamasA cha tau . 
aya.n sa puruShaH shvetaH shete nidrAmupAgataH .. 60..\\
anena nUna.n vedAnA.n kR^itamAharaNaM rasAt . 
kasyaiSha ko nu khalveSha ki.n cha svapiti bhogavAn .. 61..\\
ityuchchArita vAkyau tau bodhayAmAsaturharim . 
yuddhArthinau tu viGYAya vibuddhaH puruShottamaH .. 62..\\
nirIkShya chAsurendrau tau tato yuddhe mano dadhe . 
atha yuddha.n samabhavattayornArAyaNasya cha .. 63..\\
rajastamo viShTa tanU tAvubhau madhu kaitabhau . 
brahmaNopachiti.n kurva~njaghAna madhusUdanaH .. 64..\\
tatastayorvadhenAshu vedApaharaNena cha . 
shokApanayana.n chakre brahmaNaH puruShottamaH .. 65..\\
tataH parivR^ito brahmA hatArirveda satkR^itaH . 
nirmame sa tadA lokAnkR^itsnAnsthAvaraja~NgamAn .. 66..\\
dattvA pitAmahAyAgryAM buddhi.n lokavisargikIm . 
tatraivAntardadhe devo yata evAgato hariH .. 67..\\
tau dAnavau harirhatvA kR^itvA hayashirastanum . 
punaH pravR^itti dharmArtha.n tAm eva vidadhe tanum .. 68..\\
evameSha mahAbhAgo babhUvAshvashirA hariH . 
paurANametadAkhyAta.n rUpaM varadamaishvaram .. 69..\\
yo hyetadbrAhmaNo nitya.n shR^iNuyAddhArayeta vA . 
na tasyAdhyayanaM nAshamupagachchhetkadA chana .. 70..\\
ArAdhya tapasogreNa deva.n hara shirodharam . 
pa~nchAlena kramaH prApto rAmeNa pathi deshite .. 71..\\
etaddhayashiro rAjannAkhyAna.n tava kIrtitam . 
purANa.n veda samitaM yanmA.n tvaM paripR^ichchhasi .. 72..\\
yA.n yAmichchhettanu.n devaH kartuM kAryavidhau kva chit . 
tA.n tAM kuryAdvikurvANaH svayamAtmAnamAtmanA .. 73..\\
eSha veda nidhiH shrImAneSha vai tapaso nidhiH . 
eSha yogashcha sA~Nkhya.n cha brahma chAgrya.n harirvibhuH .. 74..\\
nArAyaNa parA vedA yaGYA nArAyaNAtmakAH . 
tapo nArAyaNa paraM nArAyaNa parA gatiH .. 75..\\
nArAyaNa para.n satyamR^itaM nArAyaNAtmakam . 
nArAyaNa paro dharmaH punarAvR^itti durlabhaH .. 76..\\
pravR^itti lakShaNashchaiva dharmo nArAyaNAtmakaH . 
nArAyaNAtmako gandho bhUmau shreShThatamaH smR^itaH .. 77..\\
apA.n chaiva guNo rAjanraso nArAyaNAtmakaH . 
jyotiShA.n cha guNo rUpa.n smR^itaM nArAyaNAtmakam .. 78..\\
nArAyaNAtmakashchApi sparsho vAyuguNaH smR^itaH . 
nArAyaNAtmakashchApi shabda AkAshasambhavaH .. 79..\\
manashchApi tato bhUtamavyaktaguNa lakShaNam . 
nArAyaNa paraH kAlo jyotiShAmayana.n cha yat .. 80..\\
nArAyaNa parA kIrtiH shrIshcha lakShmIshcha devatAH . 
nArAyaNa para.n sA~NkhyaM yogo nArAyaNAtmakaH .. 81..\\
kAraNaM puruSho yeShAM pradhAna.n chApi kAraNam . 
svabhAvashchaiva karmANi daiva.n yeShA.n cha kAraNam .. 82..\\
pa~ncha kAraNasa~NkhyAto niShThA sarvatra vai hariH . 
tattva.n jiGYAsamAnAnA.n hetubhiH sarvato mukhaiH .. 83..\\
tattvameko mayA yogI harirnArAyaNaH prabhuH . 
sabrahmakAnA.n lokAnAmR^iShINA.n cha mahAtmanAm .. 84..\\
sA~NkhyAnA.n yoginA.n chApi yatInAmAtmavedinAm . 
manIsita.n vijAnAti keshavo na tu tasya te .. 85..\\
ye ke chitsarvalokeShu daivaM pitrya.n cha kurvate . 
dAnAni cha prayachchhanti tapyanti cha tapo mahat .. 86..\\
sarveShAmAshrayo viShNuraishvara.n vidhimAsthitaH . 
sarvabhUtakR^itAvAso vAsudeveti chochyate .. 87..\\
aya.n hi nityaH paramo maharShir 
mahAvibhUtirguNavAnnirguNAkhyaH . 
guNaishcha sa.nyogamupaiti shIghraM 
kAlo yathartAvR^itusamprayuktaH .. 88..\\
naivAsya vindanti gatiM mahAtmano 
na chAgati.n kashchidihAnupasyati . 
GYAnAtmakAH sa.nyamino maharShayaH 
pashyanti nityaM puruSha.n guNAdhikam .. 89..\\
\medskip\hrule\medskip\centerline{\Largedvng 336}
aho hyekAntinaH sarvAnprINAti bhagavAnhariH . 
vidhiprayuktAM pUjA.n cha gR^ihNAti bhagavAnsvayam .. 1..\\
ye tu dagdhendhanA loke puNyapApavivarjitAH . 
teShA.n tvayAbhinirdiShTA pAramparyAgatA gatiH .. 2..\\
chaturthyA.n chaiva te gatyAM gachchhanti puruShottamam . 
ekAntinastu puruShA gachchhanti paramaM padam .. 3..\\
nUnamekAntadharmo.aya.n shreShTho nArAyaNa priyaH . 
agatvA gatayastisro yadgachchhantyavyaya.n harim .. 4..\\
sahopaniShadAnvedAnye viprAH samyagAsthitAH . 
pathanti vidhimAsthAya ye chApi yati dharmiNaH .. 5..\\
tebhyo vishiShTA.n jAnAmi gatimekAntinAM nR^iNAm . 
kenaiSha dharmaH kathito devena R^iShiNApi vA .. 6..\\
ekAntinA.n cha kA charyA kadA chotpAditA vibho . 
etanme saMshaya.n chhindhi paraM kautUhala.n hi me .. 7..\\

 vaizampaayana

samupodheShvanIkeShu kuru pANDavayormR^idhe . 
arjune vimanaske cha gItA bhagavatA svayam .. 8..\\
Agatishcha gatishchaiva pUrva.n te kathitA mayA . 
gahano hyeSha dharmo vai durviGYeyo.akR^itAtmabhiH .. 9..\\
saMmitaH sAmavedena puraivAdi yuge kR^itaH . 
dhAryate svayamIshena rAjannArAyaNena ha .. 10..\\
etamarthaM mahArAja pR^iShThaH pArthena nAradaH . 
R^iShimadhye mahAbhAgaH shR^iNvatoH kR^iShNa bhIsmayoH .. 11..\\
guruNA cha mamApyeSha kathito nR^ipasattama . 
yathA tu kathitastatra nAradena tathA shR^iNu .. 12..\\
yadAsInmAnasa.n janma nArAyaNa mukhodgatam . 
brahmaNaH pR^ithivIpAla tadA nArAyaNaH svayam . 
tena dharmeNa kR^itavAndaivaM pitrya.n cha bhArata .. 13..\\
phenapA R^iShayashchaiva ta.n dharmaM pratipedire . 
vaikhAnasAH phenapebhyo dharmametaM prapedire . 
vaikhAnasebhyaH somastu tataH so.antardadhe punaH .. 14..\\
yadAsIchchAkShuSha.n janma dvitIyaM brahmaNo nR^ipa . 
tadA pitAmahAtsomAdeta.n dharmamajAnata . 
nArAyaNAtmaka.n rAjanrudrAya pradadau cha saH .. 15..\\
tato yogasthito rudraH purA kR^itayuge nR^ipa . 
vAlakhilyAnR^iShInsarvAndharmametamapAthayat . 
antardadhe tato bhUyastasya devasya mAyayA .. 16..\\
tR^itIyaM brahmaNo janma yadAsIdvAchikaM mahat . 
tatraiSha dharmaH sambhUtaH svayaM nArAyaNAnnR^ipa .. 17..\\
suparNo nAma tamR^iShiH prAptavAnpuruShottamAt . 
tapasA vai sutaptena damena niyamena cha .. 18..\\
triH parikrAntavAnetatsuparNo dharmamuttamam . 
yasmAttasmAdvrata.n hyetattrisauparNamihochyate .. 19..\\
R^igvedapAThapaThita.n vratametaddhi dushcharam . 
suparNAchchApyadhigato dharma eSha sanAtanaH .. 20..\\
vAyunA dvipadA.n shreShTha prathito jagadAyuShA . 
vAyoH sakAshAtprAptashcha R^iShibhirvighasAshibhiH .. 21..\\
tebhyo mahodadhishchainaM prAptavAndharmamuttamam . 
tataH so.antardadhe bhUyo nArAyaNa samAhitaH .. 22..\\
yadA bhUyaH shravaNajA sR^iShTirAsInmahAtmanaH . 
brahmaNaH puruShavyAghra tatra kIrtayataH shR^iNu .. 23..\\
jagatsraShTumanA devo harirnArAyaNaH svayam . 
chintayAmAsa puruSha.n jagatsarga karaM prabhuH .. 24..\\
atha chintayatastasya karNAbhyAM puruShaH sR^itaH . 
prajA sarga karo brahmA tamuvAcha jagatpatiH .. 25..\\
sR^ija prajAH putra sarvA mukhataH pAdatastathA . 
shreyastava vidhAsyAmi bala.n tejash cha suvrata .. 26..\\
dharma.n cha mattagR^ihNIshva sAtvataM nAma nAmataH . 
tena sarva.n kR^itayuga.n sthApayasva yathAvidhi .. 27..\\
tato brahmA namashchakre devAya hari medhase . 
dharma.n chAgrya.n sa jagrAha sarahasyaM sasa~Ngraham . 
AraNyakena sahitaM nArAyaNa mukhodgatam .. 28..\\
upadishya tato dharmaM brahmaNe.amitatejase . 
ta.n kArtayugadharmANaM nirAshIH karmasa~nj~nitam . 
jagAma tamasaH pAra.n yatrAvyaktaM vyavasthitam .. 29..\\
tato.atha varado devo brahmalokapitAmahaH . 
asR^ijatsa tadA lokAnkR^iShTnAnsthAvaraja~NgamAn .. 30..\\
tataH prAvartata tadA Adau kR^itayuga.n shubham . 
tato hi sAtvato dharmavyApya lokAnavasthitaH .. 31..\\
tenaivAdyena dharmeNa brahmA lokavisarga kR^it . 
pUjayAmAsa devesha.n hariM nArAyaNaM prabhum .. 32..\\
dharmapratiShThA hetoshcha manu.n svArochiSha.n tataH . 
adhyApayAmAsa tadA lokAnA.n hitakAmyayA .. 33..\\
tataH svArochiShaH putra.n svayaM sha~NkhapadaM nR^ipa . 
adhyApayatpurAvyagraH sarvalokapatirvibhuH .. 34..\\
tataH sha~NkhapadashchApi putramAtmajamaurasam . 
dishApAla.n sudharmANamadhyApayata bhArata . 
tataH so.antardadhe bhUyaH prApte tretAyuge punaH .. 35..\\
nAsikya janmani purA brahmaNaH pArthivottamam . 
dharmameta.n svaya.n devo harirnArAyaNaH prabhuH . 
ujjagArAravindAkSho brahmaNaH pashyatastadA .. 36..\\
sanatkumAro bhagavA.nstataH prAdhItavAnnR^ipa . 
sanatkumArAdapi cha vIraNo vai prajApatiH . 
kR^itAdau kurushArdUla dharmametamadhItavAn .. 37..\\
vIraNashchApyadhItyaina.n rauchyAya manave dadau . 
rauchyaH putrAya shuddhAya suvratAya sumedhase .. 38..\\
kukShi nAmne.atha pradadau dishAM pAlAya dharmiNe . 
tataH so.antardadhe bhUyo nArAyaNa mukhodgataH .. 39..\\
andaje janmani punarbrahmaNe hari yonaye . 
eSha dharmaH samudbhUto nArAyaNa mukhAtpunaH .. 40..\\
gR^ihIto brahmaNA rAjanprayuktashcha yathAvidhi . 
adhyApitAshcha munayo nAmnA barhiShado nR^ipa .. 41..\\
barhiShadbhyashcha sa~NkrAntaH sAmavedAntaga.n dvijam . 
jyeShThaM nAmnAbhivikhyAta.n jyeShTha sAma vrato hariH .. 42..\\
jyeShThAchchApyanusa~NkrAnto rAjAnamavikampanam . 
antardadhe tato rAjaneSha dharmaH prabhorhareH .. 43..\\
yadida.n saptama.n janma padmajaM brahmaNo nR^ipa . 
tatraiSha dharmaH kathitaH svayaM nArAyaNena hi .. 44..\\
pitAmahAya shuddhAya yugAdau lokadhAriNe . 
pitAmahashcha dakShAya dharmametaM purA dadau .. 45..\\
tato jyeShThe tu dauhitre prAdAddakSho nR^ipottama . 
Aditye saviturjyeShThe vivasvA~njagR^ihe tataH .. 46..\\
tretAyugAdau cha punarvivasvAnmanave dadau . 
manushcha lokabhUtyartha.n sutAyekShvAkave dadau .. 47..\\
ikShvAkuNA cha kathito vyApya lokAnavasthitaH . 
gamiShyati kShayAnte cha punarnArAyaNaM nR^ipa .. 48..\\
vratinA.n chApi yo dharmaH sa te pUrvaM nR^ipottama . 
kathito hari gItAsu samAsavidhi kalpitaH .. 49..\\
nAradena tu samprAptaH sarahasyaH sasa~NgrahaH . 
eSha dharmo jagannAthAtsAkShAnnArAyaNAnnR^ipa .. 50..\\
evameSha mahAndharma Adyo rAjansanAtanaH . 
durviGYeyo duShkarashcha sAtvatairdhAryate sadA .. 51..\\
dharmaGYAnena chaitena suprayuktena karmaNA . 
ahi.nsA dharmayuktena prIyate harirIshvaraH .. 52..\\
ekavyUha vibhAgo vA kva chiddvivyUha sa~nj~nitaH . 
trivyUhashchApi sa~NkhyAtashchaturvyUhashcha dR^ishyate .. 53..\\
harireva hi kShetraGYo nirmamo niShkalastathA . 
jIvashcha sarvabhUteShu pa~ncha bhUtaguNAtigaH .. 54..\\
manashcha prathita.n rAjanpa~nchendriya samIraNam . 
eSha lokanidhirdhImAneSha lokavisarga kR^it .. 55..\\
akartA chaiva kartA cha kArya.n kAraNameva cha . 
yathechchhati tathA rAjankrIdate puruSho.avyayaH .. 56..\\
eSha ekAnti dharmaste kIrtito nR^ipasattama . 
mayA guru prasAdena durviGYeyo.akR^itAtmabhiH . 
ekAntino hi puruShA durlabhA bahavo nR^ipa .. 57..\\
yadyekAntibhirAkIrNa.n jagatsyAtkurunandana . 
ahi.nsakairAtmavidbhiH sarvabhUtahite rataiH . 
bhavetkR^itayugaprAptirAshIH karma vivarjitaiH .. 58..\\
eva.n sa bhagavAnvyAso gururmama vishAM pate . 
kathayAmAsa dharmaGYo dharmarAGYe dvijottamaH .. 59..\\
R^iShINA.n saMnidhau rAja~nshR^iNvatoH kR^iShNa bhIsmayoH . 
tasyApyakathayatpUrvaM nAradaH sumahAtapaH .. 60..\\
devaM paramakaM brahma shveta.n chandrAbhamachyutam . 
yatra chaikAntino yAnti nArAyaNa parAyanAH .. 61..\\

 janamejaya

evaM bahuvidha.n dharmaM pratibuddhairniShevitam . 
na kurvanti katha.n viprA anye nAnA vrate sthitAH .. 62..\\

 vaizampaayana

tisraH prakR^itayo rAjandehabandheShu nirmitAH . 
sAttvikI rAjasI chaiva tAmasI cheti bhArata .. 63..\\
dehabandheShu puruShaH shreShThaH kurukulodvaha . 
sAttvikaH puruShavyAghra bhavenmokShArtha nishchitaH .. 64..\\
atrApi sa vijAnAti puruShaM brahma vartinam . 
nArAyaNa paro mokShastato vai sAttvikaH smR^itaH .. 65..\\
manIsita.n cha prApnoti chintayanpuruShottamam . 
ekAntabhaktiH satataM nArAyaNa parAyanaH .. 66..\\
manIsino hi ye ke chidyatayo mokShakA~NkShiNaH . 
teShA.n vai chhinnatR^iShNAnAM yogakShema vaho hariH .. 67..\\
jAyamAna.n hi puruShaM yaM pashyenmadhusUdanaH . 
sAttvikastu sa viGYeyo bhavenmokShe cha nishchitaH .. 68..\\
sA~Nkhyayogena tulyo hi dharma ekAntasevitaH . 
nArAyaNAtmake mokShe tato yAnti parA.n gatim .. 69..\\
nArAyaNena dR^iShTashcha pratibuddho bhavetpumAn . 
evamAtmechchhayA rAjanpratibuddho na jAyate .. 70..\\
rAjasI tAmasI chaiva vyAmishre prakR^itIsmR^ite . 
tadAtmaka.n hi puruSha.n jAyamAnaM vishAM pate . 
pravR^itti lakShaNairyuktaM nAvekShati hariH svayam .. 71..\\
pashyatyena.n jAyamAnaM brahmA lokapitAmahaH . 
rajasA tamasA chaiva mAnuSha.n samabhiplutam .. 72..\\
kAma.n devAshcha R^iShayaH sattvasthA nR^ipasattama . 
hInAH sattvena sUkShmeNa tato vaikArikAH smR^itAH .. 73..\\

 janamejaya

katha.n vaikAriko gachchhetpuruShaH puruShottamam .. 74..\\

 vaizampaayana

susUkShma sattvasa.nyukta.n sa.nyukkta.n tribhirakSharaiH . 
puruShaH puruSha.n gachchhenniShkriyaH pa~nchaviMshakam .. 75..\\
evameka.n sA~Nkya yogaM vedAraNyakameva cha . 
parasparA~NgAnyetAni pa~ncharAtra.n cha kathyate . 
eSha ekAntinA.n dharmo nArAyaNa parAtmakaH .. 76..\\
yathA samudrAtprasR^itA jalaughAs 
tameva rAjanpunarAvishanti . 
ime tathA GYAnamahAjalaughA 
nArAyaNa.n vai punarAvishanti .. 77..\\
eSha te kathito dharmaH sAtvato yadubAndhava . 
kuruShvaina.n yathAnyAyaM yadi shaknoShi bhArata .. 78..\\
eva.n hi sumahAbhAgo nArado gurave mama . 
shvetAnA.n yatinAmAha ekAntagatimavyayAm .. 79..\\
vyAsashchAkathayatprItyA dharmaputrAya dhImate . 
sa evAyaM mayA tubhyamAkhyAtaH prasR^ito guroH .. 80..\\
ittha.n hi dushcharo dharma eSha pArthiva sattama . 
yathaiva tva.n tathaivAnye na bhajanti vimohitAH .. 81..\\
kR^iShNa eva hi lokAnAM bhAvano mohanastathA . 
sa.nhAra kArakashchaiva kAraNa.n cha vishAM pate .. 82..\\
\medskip\hrule\medskip\centerline{\Largedvng 337}
 janamejaya

sA~Nkhya.n yogaM pa~ncharAtraM vedAraNyakameva cha . 
GYAnAnyetAni brahmarShe lokeShu pracharanti ha .. 1..\\
kimetAnyekaniShThAni pR^itha~NniShThAni vA mune . 
prabrUhi vai mayA pR^iShTaH pravR^itti.n cha yathAkramam .. 2..\\

 vaizampaayana

jaGYe bahuGYaM paramatyudAraM 
ya.n dvIpamadhye sutamAtmavantam . 
parAsharAdgandhavatI maharShiM 
tasmai namo.aGYAnatamo nudAya .. 3..\\
pitAmahAdyaM pravadanti ShaShThaM 
maharShimArSheya vibhUti yuktam . 
nArAyaNasyAMshajamekaputraM 
dvaipAyana.n veda mahAnidhAnam .. 4..\\
tamAdi kAleShu mahAvibhUtir 
nArAyaNo brahma mahAnidhAnam . 
sasarja putrArthamudAratejA 
vyAsaM mahAtmAnamajaH purANaH .. 5..\\

 janamejaya

tvayaiva kathitaH pUrva.n sambhavo dvijasattama . 
vasithasya sutaH shaktiH shakteH putraH parAsharaH .. 6..\\
parAsharasya dAyAdaH kR^iShNadvaipAyano muniH . 
bhUyo nArAyaNa suta.n tvamevainaM prabhAsase .. 7..\\
kimataH pUrvaja.n janma vyAsasyAmita tejasaH . 
kathayasvottama mate janma nArAyaNodbhavam .. 8..\\

 vaizampaayana

vedArthAnvettukAmasya dharmiShThasya tapo nidheH . 
gurorme GYAnaniShThasya himavatpAda AsataH .. 9..\\
kR^itvA bhAratamAkhyAna.n tapaH shrAntasya dhImataH . 
shushrUsA.n tatparA rAjankR^itavanto vayaM tadA .. 10..\\
sumanturjaiminishchaiva pailashcha sudR^idha vrataH . 
aha.n chaturthaH shiShyo vai shuko vyAsAtmajastathA .. 11..\\
ebhiH parivR^ito vyAsaH shiShyaiH pa~nchabhiruttamaiH . 
shushubhe himavatpAde bhUtairbhUtapatiryathA .. 12..\\
vedAnAvartayansA~NgAnbhAratArthAMshcha sarvashaH . 
tamekamanasa.n dAnta.n yuktA vayamupAsmahe .. 13..\\
kathAntare.atha kasmiMshchitpR^iShTo.asmAbhirdvijottamaH . 
vedArthAnbhAratArthAMshcha janma nArAyaNAttathA .. 14..\\
sa pUrvamuktvA vedArthAnbhAratArthAMsh cha tattvavit . 
nArAyaNAdida.n janma vyAhartumupachakrame .. 15..\\
shR^iNudhvamAkhyAna varametadArSheyamuttamam . 
Adi kAlodbhava.n viprAstapasAdhigataM mayA .. 16..\\
prApte prajA visarge vai saptame padmasambhave . 
nArAyaNo mahAyogI shubhAshubhavivarjitaH .. 17..\\
sasR^ije nAbhitaH putraM brahmANamamitaprabham . 
tataH sa prAdurabhavadathaina.n vAkyamabravIt .. 18..\\
mama tvaM nAbhito jAtaH prajA sarga karaH prabhuH . 
sR^ija prajAstva.n vividhA brahmansajada paNDitAH .. 19..\\
sa eva mukto vimukhashchintA vyAkulamAnasaH . 
pranamya varada.n devamuvAcha harimIshvaram .. 20..\\
kA shaktirmama devesha prajAH sraShTuM namo.astu te . 
apraGYAvAnaha.n deva vidhatsva yadanantaram .. 21..\\
sa eva mukto bhagavAnbhUtvAthAntarhitastataH . 
chintayAmAsa devesho buddhiM buddhimatA.n varaH .. 22..\\
svarUpiNI tato buddhirupatasthe hariM prabhum . 
yogena chainAM niryogaH svayaM niyuyuje tadA .. 23..\\
sa tAmaishvaryayogasthAM buddhi.n shaktimatIM satIm . 
uvAcha vachana.n devo buddhi.n vai prabhuravyayaH .. 24..\\
brahmANaM pravishasveti lokasR^iShTyarthasiddhaye . 
tatastamIshvarAdiShTA buddhiH kShipra.n vivesha sA .. 25..\\
athainaM buddhisa.nyuktaM punaH sa dadR^ishe hariH . 
bhUyashchaina.n vachaH prAha sR^ijemA vividhAH prajAH .. 26..\\
evamuktvA sa bhagavA.nstatraivAntaradhIyata . 
prApa chaiva muhurtena svasthAna.n deva sa~nj~nitam .. 27..\\
tA.n chaiva prakR^itiM prApya ekIbhAvagato.abhavat . 
athAsya buddhirabhavatpunaranyA tadA kila .. 28..\\
sR^iShTA imAH prajAH sarvA brahmaNA parameShThinA . 
daityadAnavagandharvarakShogaNasamAkulAH . 
jAtA hIya.n vasumatI bhArAkrAntA tapasvinI .. 29..\\
bahavo balinaH pR^ithvyA.n daityadAnavarAkShasAH . 
bhaviShyanti tapo yuktA varAnprApsyanti chottamAn .. 30..\\
avashyameva taiH sarvairvaradAnena darpitaiH . 
bAdhitavyAH suragaNA R^iShayashcha tapodhanAH . 
tatra nyAyyamida.n kartuM bhArAvataraNaM mayA .. 31..\\
atha nAnA samudbhUtairvasudhAyA.n yathAkramam . 
nigraheNa cha pApAnA.n sAdhUnAM pragraheNa cha .. 32..\\
imA.n tapasvinI.n satyAM dhArayiShyAmi medinIm . 
mayA hyeShA hi dhriyate pAtAlasthena bhoginA .. 33..\\
mayA dhR^itA dhArayati jagaddhi sacharAcharam . 
tasmAtpR^ithvyAH paritrANa.n kariShye sambhavaM gataH .. 34..\\
eva.n sa chintayitvA tu bhagavAnmadhusUdanaH . 
rUpANyanekAnyasR^ijatprAdurbhAvabhavAya saH .. 35..\\
vArAhaM nArasi.nha.n cha vAmanaM mAnuShaM tathA . 
ebhirmayA nihantavyA durvinItAH surArayaH .. 36..\\
atha bhUyo jagatsraShTA bhoH shabdenAnunAdayan . 
sarasvatImuchchachAra tatra sArasvato.abhavat .. 37..\\
apAntaratamA nAma suto vAksambhavo vibhoH . 
bhUtabhavya bhaviShyaGYaH satyavAdI dR^idha vrataH .. 38..\\
tamuvAcha nataM mUrdhnA devAnAmAdiravyayaH . 
vedAkhyAne shrutiH kAryA tvayA matimatA.n vara . 
tasmAtkuru yathAGYaptaM mayaitadvachanaM mune .. 39..\\
tena bhinnAstadA vedA manoH svAyambhuve.antare . 
tatastutoSha bhagavAnharistenAsya karmaNA . 
tapasA cha sutaptena yamena niyamena cha .. 40..\\

 zriibhagavaan

manvantareShu putra tvameva.n lokapravartakaH . 
bhaviShyasyachalo brahmannapradhR^iShyashcha nityashaH .. 41..\\
punastiShye cha samprApte kuravo nAma bhAratAH . 
bhaviShyanti mahAtmAno rAjAnaH prathitA bhuvi .. 42..\\
teShA.n tvattaH prasUtAnAM kulabhedo bhaviShyati . 
parasparavinAshArtha.n tvAmR^ite dvijasattama .. 43..\\
tatrApyanekadhA vedAnbhetsyase tapasAnvitaH . 
kR^iShNe yuge cha samprApte kR^iShNa varNo bhaviShyasi .. 44..\\
dharmANA.n vividhAnA.n cha kartA GYAnakarastathA . 
bhaviShyasi tapo yukto na cha rAgAdvimokShyase .. 45..\\
vItarAgashcha putraste paramAtmA bhaviShyati . 
maheshvara prasAdena naitadvachanamanyathA .. 46..\\
yaM mAnasa.n vai pravadanti putraM 
pitAmahasyottama buddhiyuktam . 
vasithamagrya.n tapaso nidhAnaM 
yashchApi sUrya.n vyatirichya bhAti .. 47..\\
tasyAnvaye chApi tato maharShiH 
parAsharo nAma mahAprabhAvaH . 
pitA sa te veda nidhirvariShTho 
mahAtapA vai tapaso nivAsaH . 
kAnIna garbhaH pitR^ikanyakAyAM 
tasmAdR^iShestvaM bhavitA cha putraH .. 48..\\
bhUtabhavya bhaviShyANA.n chhinnasarvArtha saMshayaH . 
ye hyatikrAntakAH pUrva.n sahasrayugaparyayAH .. 49..\\
tAMshcha sarvAnmayoddiShTAndrakShyase tapasAnvitaH . 
punardrakShyasi chAneka sahasrayugaparyayAn .. 50..\\
anAdi nidhana.n loke chakrahasta.n cha mAM mune . 
anudhyAnAnmama mune naitadvachanamanyathA .. 51..\\
shanaishcharaH sUryaputro bhaviShyati manurmahAn . 
tasminmanvantare chaiva saptarShigaNapUrvakaH . 
tvameva bhavitA vatsa matprasAdAnna saMshayaH .. 52..\\

 vyaasa

eva.n sArasvatamR^iShimapAntaratama.n tadA . 
uktvA vachanamIshAnaH sAdhayasvetyathAbravIt .. 53..\\
so.aha.n tasya prasAdena devasya hari medhasaH . 
apAntaratamA nAma tato jAto.a.aGYayA hareH . 
punashcha jAto vikhyAto vasiShTha kulanandanaH .. 54..\\
tadetatkathita.n janma mayA pUrvakamAtmanaH . 
nArAyaNa prasAdena tathA nArAyaNAMshajam .. 55..\\
mayA hi sumahattapta.n tapaH paramadAruNam . 
purA matimatA.n shreShThAH parameNa samAdhinA .. 56..\\
etadvaH kathita.n sarvaM yanmAM pR^ichchhatha putrakAH . 
pUrvajanma bhaviShya.n cha bhaktAnA.n snehato mayA .. 57..\\

 vaizampaayana

eSha te kathitaH pUrva.n sambhavo.asmadgurornR^ipa . 
vyAsasyAkliShTa manaso yathA pR^iShTaH punaH shR^iNu .. 58..\\
sA~Nkhya.n yogaM pa~ncharAtraM vedAH pAshupata.n tathA . 
GYAnAnyetAni rAjarShe viddhi nAnA matAni vai .. 59..\\
sA~Nkhyasya vaktA kapilaH paramarShiH sa uchyate . 
hiraNyagarbho yogasya vettA nAnyaH purAtanaH .. 60..\\
apAntaratamAshchaiva vedAchAryaH sa uchyate . 
prAchIna garbha.n tamR^iShiM pravadantIha ke chana .. 61..\\
umApatirbhUtapatiH shrIkantho brahmaNaH sutaH . 
uktavAnidamavyagro GYAnaM pAshupata.n shivaH .. 62..\\
pa~ncharAtrasya kR^itsnasya vettA tu bhagavAnsvayam . 
sarveShu cha nR^ipashreShTha GYAneShveteShu dR^ishyate .. 63..\\
yathAgama.n yathA GYAnaM niShThA nArAyaNaH prabhuH . 
na chainameva.n jAnanti tamo bhUtA vishAM pate .. 64..\\
tameva shAstrakartAraM pravadanti manIShiNaH . 
niShThAM nArAyaNamR^iShiM nAnyo.astIti cha vAdinaH .. 65..\\
niHsaMshayeShu sarveShu nitya.n vasati vai hariH . 
sasaMshayAnhetubalAnnAdhyAvasati mAdhavaH .. 66..\\
pa~ncharAtravido ye tu yathAkramaparA nR^ipa . 
ekAntabhAvopagatAste hariM pravishanti vai .. 67..\\
sA~Nkhya.n cha yogaM cha sanAtane dve 
vedAshcha sarve nikhilena rAjan . 
sarvaiH samastairR^iShibhirnirukto 
nArAyaNo vishvamidaM purANam .. 68..\\
shubhAshubha.n karma samIrita.n yat 
pravartate sarvalokeShu ki.n chit . 
tasmAdR^iShestadbhavatIti vidyAd 
divyantarikShe bhuvi chApsu chApi .. 69..\\
\medskip\hrule\medskip\centerline{\Largedvng 338}
 janamejaya

bahavaH puruShA brahmannutAho eka eva tu . 
ko hyatra puruShaH shreShThaH ko vA yonirihochyate .. 1..\\

 vaizampaayana

bahavaH puruShA loke sA~NkhyayogavichAriNAm . 
naitadichchhanti puruShameka.n kurukulodvaha .. 2..\\
bahUnAM puruShANA.n cha yathaikA yoniruchyate . 
tathA taM puruSha.n vishvaM vyAkhyAsyAmi guNAdhikam .. 3..\\
namaskR^itvA tu gurave vyAsAyAmita tejase . 
tapo yuktAya dAntAya vandyAya paramarShaye .. 4..\\
idaM puruShasUkta.n hi sarvavedeShu pArthiva . 
R^ita.n satya.n cha vikhyAtamR^iShisi.nhena chintitam .. 5..\\
utsargeNApavAdena R^iShibhiH kapilAdibhiH . 
adhyAtmachintAmAshritya shAstrANyuktAni bhArata .. 6..\\
samAsatastu yadvyAsaH puruShaikatvamuktavAn . 
tatte.aha.n sampravakShyAmi prasAdAdamitaujasaH .. 7..\\
atrApyudAharantImamitihAsaM purAtanam . 
brahmaNA saha sa.nvAda.n tryambakasya vishAM pate .. 8..\\
kShIrodasya samudrasya madhye hAtaka saprabhaH . 
vaijayanta iti khyAtaH parvata pravaro nR^ipa .. 9..\\
tatrAdhyAtma gati.n deva ekAkI pravichintayan . 
vairAja sadane nitya.n vaijayantaM niShevate .. 10..\\
atha tatrAsatastasya chaturvaktrasya dhImataH . 
lalAta prabhavaH putraH shiva AgAdyadR^ichchhayA . 
AkAshenaiva yogIshaH purA trinayanaH prabhuH .. 11..\\
tataH khAnnipapAtAshu dharaNIdharamUrdhani . 
agratashchAbhavatprIto vavande chApi pAdayoH .. 12..\\
taM pAdayornipatita.n dR^iShTvA savyena pAninA . 
utthApayAmAsa tadA prabhurekaH prajApatiH .. 13..\\
uvAcha chainaM bhagavAMshchirasyAgatamAtmajam . 
svAgata.n te mahAbAho diShTyA prApto.asi me.antikam .. 14..\\
kachchitte kushalaM putra svAdhyAyatapasoH sadA . 
nityamugratapAstva.n hi tataH pR^ichchhAmi te punaH .. 15..\\

 rudra

tvatprasAdena bhagavansvAdhyAyatapasormama . 
kushala.n chAvyayaM chaiva sarvasya jagatastathA .. 16..\\
chiradR^iShTo hi bhagavAnvairAja sadane mayA . 
tato.ahaM parvataM prAptastvima.n tvatpAdasevitam .. 17..\\
kautUhala.n chApi hi me ekAntagamanena te . 
naitatkAraNamalpa.n hi bhaviShyati pitAmaha .. 18..\\
kiM nu tatsadana.n shreShTha.n kShutpipAsA vivarjitam . 
surAsurairadhyuShitamR^iShibhishchAmitaprabhaiH .. 19..\\
gandharvairapsarobhishcha satata.n saMniShevitam . 
utsR^ijyema.n girivaramekAkI prAptavAnasi .. 20..\\

 brahma

vaijayanto girivaraH satata.n sevyate mayA . 
atraikAgreNa manasA puruShashchintyate virAt .. 21..\\

 rudra

bahavaH puruShA brahma.nstvayA sR^iShTAH svayambhuvA . 
sR^ijyante chApare brahmansa chaikaH puruSho virAt .. 22..\\
ko hyasau chintyate brahma.nstvayA vai puruShottamaH . 
etanme saMshayaM brUhi mahatkautUhala.n hi me .. 23..\\

 brahmaa

bahavaH puruShAH putra ye tvayA samudAhR^itAH . 
evametadatikrAnta.n draShTavyaM naitamityapi . 
AdhAra.n tu pravakShyAmi ekasya puruShasya te .. 24..\\
bahUnAM puruShANA.n sa yathaikA yoniruchyate . 
tathA taM puruSha.n vishvaM paramaM sumahattamam . 
nirguNaM nirguNA bhUtvA pravishanti sanAtanam .. 25..\\
\medskip\hrule\medskip\centerline{\Largedvng 339}
 brahmaa

shR^iNu putra yathA hyeSha puruShaH shAshvato.avyayaH . 
akShayashchAprameyashcha sarvagash cha niruchyate .. 1..\\
na sa shakyastvayA draShTuM mayAnyairvApi sattama . 
saguNo nirguNo vishvo GYAnadR^ishyo hyasau smR^itaH .. 2..\\
asharIraH sharIreShu sarveShu nivasatyasau . 
vasannapi sharIreShu na sa lipyati karmabhiH .. 3..\\
mamAntarAtmA tava cha ye chAnye dehasa~nj~nitAH . 
sarveShA.n sAkShibhUto.asau na grAhyaH kena chitkva chit .. 4..\\
vishvamUrdhA vishvabhujo vishvapAdAkShi nAsikaH . 
ekashcharati kShetreShu svairachArI yathAsukham .. 5..\\
kShetrANi hi sharIrANi bIjAni cha shubhAshubhe . 
tAni vetti sa yogAtmA tataH kShetraGYa uchyate .. 6..\\
nAgatirna gatistasya GYeyA bhUtena kena chit . 
sA~Nkhyena vidhinA chaiva yogena cha yathAkramam .. 7..\\
chintayAmi gati.n chAsya na gati.n vedmi chottamAm . 
yathA GYAna.n tu vakShyAmi puruShaM ta.n sanAtanam .. 8..\\
tasyaikatvaM mahattva.n hi sa chaikaH puruShaH smR^itaH . 
mahApuruSha shabda.n sa bibhartyekaH sanAtanaH .. 9..\\
eko hutAsho bahudhA samidhyate 
ekaH sUryastapasA.n yonirekA . 
eko vAyurbahudhA vAti loke 
mahodadhishchAmbhasA.n yonirekaH . 
puruShashchaiko nirguNo vishvarUpas 
taM nirguNaM puruSha.n chAvishanti .. 10..\\
hitvA guNamaya.n sarva.n karma hitvA shubhAshubham . 
ubhe satyAnR^ite tyaktvA evaM bhavati nirguNaH .. 11..\\
achintya.n chApi ta.n GYAtvA bhAvasUkShmaM chatuShTayam . 
vicharedyo yatiryattaH sa gachchhetpuruShaM prabhum .. 12..\\
eva.n hi paramAtmAna.n ke chidichchhanti paNDitAH . 
ekAtmAna.n tathAtmAnamapare.adhyAtmachintakAH .. 13..\\
tatra yaH paramAtmA hi sa nityaM nirguNaH smR^itaH . 
sa hi nArAyaNo GYeyaH sarvAtmA puruSho hi saH . 
na lipyate phalaishchApi padmapatramivAmbhasA .. 14..\\
karmAtmA tvaparo yo.asau mokShabandhaiH sa yujyate . 
sasaptadashakenApi rAshinA yujyate hi saH . 
evaM bahuvidhaH proktaH puruShaste yathAkramam .. 15..\\
yattatkR^itsna.n lokatantrasya dhAma 
vedyaM paraM bodhanIya.n sabodhR^i . 
mantA mantavyaM prAshitA prAshitavyaM 
ghrAtA ghreya.n sparshitA sparshanIyam .. 16..\\
draShTA draShTavya.n shrAvitA shrAvaNIyaM 
GYAtA GYeya.n saguNaM nirguNa.n cha . 
yadvai prokta.n guNasAmyaM pradhAnaM 
nitya.n chaitachchhAshvataM chAvyayaM cha .. 17..\\
yadvai sUte dhAturAdyaM nidhAnaM 
tadvai viprAH pravadante.aniruddham . 
yadvai loke vaidika.n karma sAdhu 
AshIryukta.n taddhi tasyopabhojyam .. 18..\\
devAH sarve munayaH sAdhu dAntAs 
taM prAgyaGYairyaGYabhAga.n yajante . 
ahaM brahmA Adya IshaH prajAnAM 
tasmAjjAtastva.n cha mattaH prasUtaH . 
matto jagajja~Ngama.n sthAvara.n cha 
sarve vedAH sarahasyA hi putra .. 19..\\
chaturvibhaktaH puruShaH sa krIdati yathechchhati . 
eva.n sa eva bhagavA~nGYAnena pratibodhitaH .. 20..\\
etatte kathitaM putra yathAvadanupR^ichchhataH . 
sA~NkhyaGYAne tathA yoge yathAvadanuvarNitam .. 21..\\
\medskip\hrule\medskip\centerline{\Largedvng 340}
 y

dharmAH pitAmahenoktA mokShadharmAshritAH shubhAH . 
dharmamAshramiNA.n shreShThaM vaktumarhati me bhavAn .. 1..\\

 bhiisma

sarvatra vihito dharmaH svargyaH satyaphalodayaH . 
bahu dvArasya dharmasya nehAsti viphalA kriyA .. 2..\\
yasminyasmi.nstu viShaye yo yo yAti vinishchayam . 
sa tamevAbhijAnAti nAnyaM bharatasattama .. 3..\\
api cha tvaM naravyAghra shrotumarhasi me kathAm . 
purA shakrasya kathitAM nAradena surarShiNA .. 4..\\
surarShirnArado rAjansiddhastrailokyasaMmataH . 
paryeti kramasho lokAnvAyuravyAhato yathA .. 5..\\
sa kadA chinmaheShvAsa devarAjAlaya.n gataH . 
satkR^itashcha mahendreNa pratyAsanna gato.abhavat .. 6..\\
ta.n kR^itakShaNamAsInaM paryapR^ichchhachchhachI patiH . 
brahmarShe ki.n chidAshcharyamasti dR^iShTaM tvayAnagha .. 7..\\
yathA tvamapi viprarShe trailokya.n sacharAcharam . 
jAtakautUhalo nitya.n siddhashcharasi sAkShivat .. 8..\\
na hyastyavidita.n loke devarShe tava ki.n chana . 
shruta.n vApyanubhUtaM vA dR^iShTaM vA kathayasva me .. 9..\\
tasmai rAjansurendrAya nArado vadatA.n varaH . 
AsInAyopapannAya proktavAnvipulA.n kathAm .. 10..\\
yathA yena cha kalpena sa tasmai dvijasattamaH . 
kathA.n kathitavAnpR^iShThastathA tvamapi me shR^iNu .. 11..\\
\medskip\hrule\medskip\centerline{\Largedvng 341}
 bhiisma

AsItkila kurushreShTha mahApadme purottame . 
ga~NgAyA dakShiNe tIre kashchidvipraH samAhitaH .. 1..\\
saumyaH somAnvaye vede gatAdhvA chhinnasaMshayaH . 
dharmanityo jitakrodho nityatR^ipto jitendriyaH .. 2..\\
ahi.nsA nirato nitya.n satyaH sajjanasaMmataH . 
nyAyaprAptena vittena svena shIlena chAnvitaH .. 3..\\
GYAtisambandhivapule mitrApAshraya saMmate . 
kule mahati vikhyAte vishiShTA.n vR^ittimAsthitaH .. 4..\\
saputrAnbahulAndR^iShTvA vipule karmaNi sthitaH . 
kuladharmAshrito rAjandharmacharyA paro.abhavat .. 5..\\
tataH sa dharma.n vedoktaM yathAshAstroktameva cha . 
shiShTAchIrNa.n cha dharmaM cha trividhaM chintya chetasA .. 6..\\
kiM nu me syAchchhubha.n kR^itvA kiM kShamaM kiM parAyanam . 
ityeva.n khidyate nityaM na cha yAti vinishchayam .. 7..\\
tasyaiva.n khidyamAnasya dharmaM paramamAsthitaH . 
kadA chidatithiH prApto brAhmaNaH susamAhitaH .. 8..\\
sa tasmai satkriyA.n chakre kriyA yuktena hetunA . 
vishrAnta.n chainamAsInamida.n vachanamabravIt .. 9..\\
\medskip\hrule\medskip\centerline{\Largedvng 342}
 braahmana

samutpannAbhidhAno.asmi vA~NmAdhuryeNa te.anagha . 
mitratAmabhipannastvA.n kiM chidvakShyAmi tachchhR^iNu .. 1..\\
gR^ihastha dharma.n viprendra kR^itvA putragata.n tvaham . 
dharmaM paramaka.n kuryAM ko hi mArgo bhaveddvija .. 2..\\
ahamAtmAnamAtmasthameka evAtmani sthitaH . 
kartu.n kA~NkShAmi nechchhAmi baddhaH sAdhAraNairguNaiH .. 3..\\
yAvadevAnatItaM me vayaH putraphalAshritam . 
tAvadichchhAmi pAtheyamAdAtuM pAralaukikam .. 4..\\
asminhi lokasantAne paraM pAramabhIpsataH . 
utpannA me matiraya.n kuto dharmamayaH plavaH .. 5..\\
samuhyamAnAni nishamya loke 
niryAtyamAnAni cha sAttvikAni . 
dR^iShTvA cha dharmadhvajaketumAlAM 
prakIryamAnAmupari prajAnAm .. 6..\\
na me mano rajyate bhogakAle 
dR^iShTvA yatInprArthayataH paratra . 
tenAtithe buddhibalAshrayeNa 
dharmArthatattve viniyu~NkShva mA.n tvam .. 7..\\

 bhiisma

so.atithirvachana.n tasya shrutvA dharmAbhilAsinaH . 
provAcha vachana.n shlakShNaM prAGYo madhurayA girA .. 8..\\
ahamapyatra muhyAmi mamApyeSha manorathaH . 
na cha saMnishchaya.n yAmi bahu dvAre triviShTape .. 9..\\
ke chinmokShaM prasha.nsanti ke chidyaGYaphala.n dvijAH . 
vAna prasthAshrama.n ke chidgArhasthyaM ke chidAshritAH .. 10..\\
rAjadharmAshraya.n ke chitke chidAtmaphalAshrayam . 
guru charyAshraya.n ke chitke chidvAkya.n yamAshrayam .. 11..\\
mAtaraM pitara.n ke chichchhushrUsanto divaM gatAH . 
ahi.nsayA pare svarga.n satyena cha tathA pare .. 12..\\
Ahave.abhimukhAH ke chinnihatAH sviddiva.n gatAH . 
ke chidu~nchhavrataiH siddhAH svargamArgasamAshritAH .. 13..\\
ke chidadhyayane yuktA veda vrataparAH shubhAH . 
buddhimanto gatAH svarga.n tuShTAtmAno jitendriyAH .. 14..\\
ArjavenApare yuktA nihatAnArjavairjanaiH . 
R^ijavo nAkapR^iShThe vai shuddhAtmAnaH pratiShThitAH .. 15..\\
evaM bahuvidhairloke dharmadvArairanAvR^itaiH . 
mamApi matirAvignA meghalekheva vAyunA .. 16..\\
\medskip\hrule\medskip\centerline{\Largedvng 343}
 atithi

upadesha.n tu te vipra kariShye.aha.n yathAgamam . 
puruNA me yathAkhyAtamarthatastachcha me shR^iNu .. 1..\\
yatra pUrvAbhisargeNa dharmachakraM pravartitam . 
naimiShe gomatItIre tatra nAgAhvayaM puram .. 2..\\
samagraistridashaistatra iShTamAsIddvijarShabha . 
yatrendrAtikrama.n chakre mAndhAtA rAjasattamaH .. 3..\\
kR^itAdhivAso dharmAtmA tatra chakShuH shravA mahA . 
padmanAbho mahAbhAgaH padma ityeva vishrutaH .. 4..\\
sa vAchA karmaNA chaiva manasA cha dvijarShabha . 
prasAdayati bhUtAni trividhe vartmani sthitaH .. 5..\\
sAmnA dAnena bhedena dandeneti chaturvidham . 
viShamastha.n jana.n svaM cha chakShurdhyAnena rakShati .. 6..\\
tamabhikramya vidhinA prastumarhasi kAnskitam . 
sa te paramaka.n dharmana mithyA darshayiShyati .. 7..\\
sa hi sarvAtithirnAgo buddhishAstravishAradaH . 
guNairanavamairyuktaH samastairAbhikAmikaiH .. 8..\\
prakR^ityA nityasalilo nityamadhyayane rataH . 
tapo damAbhyA.n sa.nyukto vR^ittenAnavareNa cha .. 9..\\
yajvA dAnaruchiH kShAnto vR^itte cha parame sthitaH . 
satyavAganasUyushcha shIlavAnabhisaMshritaH .. 10..\\
sheShAnna bhoktA vachanAnukUlo 
hitArjavotkR^iShTa kR^itAkR^itaGYaH . 
avairakR^idbhUtahite niyukto 
ga~NgAhradAmbho.abhijanopapannaH .. 11..\\
\medskip\hrule\medskip\centerline{\Largedvng 344}
 braahmana

atibhArodyatasyaiva bhArApanayanaM mahat . 
parAshvAsa kara.n vAkyamidaM me bhavataH shrutam .. 1..\\
adhvaklAntasya shayana.n sthAnaklAntasya chAsanam . 
tR^iShitasya cha pAnIya.n kShudhArtasya cha bhojanam .. 2..\\
Ipsitasyeva samprAptirannasya samaye.atitheH . 
eShitasyAtmanaH kAle vR^iddhasyeva suto yathA .. 3..\\
manasA chintitasyeva prItisnigdhasya darshanam . 
prahlAdayati mA.n vAkyaM bhavatA yadudIritam .. 4..\\
dattachakShurivAkAshe pashyAmi vimR^ishAmi cha . 
praGYAna vachanAdyo.ayamupadesho hi me kR^itaH . 
bAdhameva.n kariShyAmi yathA mAM bhAsate bhavAn .. 5..\\
ihemA.n rajanIM sAdho nivasasva mayA saha . 
prabhAte yAsyati bhavAnparyAshvastaH sukhoShitaH . 
asau hi bhagavAnsUryo mandarashmiravA~NmukhaH .. 6..\\

 bhiisma

tatastena kR^itAtithyaH so.atithiH shatrusUdana . 
uvAsa kila tA.n rAtriM saha tena dvijena vai .. 7..\\
tattachcha dharmasa.nyukta.n tayoH kathayatostadA . 
vyatItA sA nishA kR^itsnAsukhena divasopamA .. 8..\\
tataH prabhAtasamaye so.atithistena pUjitaH . 
brAhmaNena yathAshaktyA svakAryamabhikA~NkShatA .. 9..\\
tataH sa vipraH kR^itadharmanishchayaH 
kR^itAbhyanuGYaH svajanena dharmavit . 
yathopadiShTaM bhujagendrasaMshrayaM 
jagAma kAle sukR^itaika nishchayaH .. 10..\\
\medskip\hrule\medskip\centerline{\Largedvng 345}
 bhiisma

sa vanAni vichitrANi tIrthAni cha sarA.nsi cha . 
abhigachchhankrameNa sma ka.n chinmunimupasthitaH .. 1..\\
ta.n sa tena yathoddiShTaM nAgaM vipreNa brAhmaNaH . 
paryapR^ichchhadyathAnyAya.n shrutvaiva cha jagAma saH .. 2..\\
so.abhigamya yathAkhyAtaM nAgAyatanamarthavit . 
proktavAnahamasmIti bhoH shabdAla~NkR^ita.n vachaH .. 3..\\
tatastasya vachaH shrutvA rUpiNI dharmavatsalA . 
darshayAmAsa ta.n vipraM nAgapatnI pativratA .. 4..\\
sA tasmai vidhivatpUjA.n chakre dharmaparAyanA . 
svAgatenAgata.n kR^itvA kiM karomIti chAbravIt .. 5..\\

 braahman

vishrAnto.abhyarchitashchAsmi bhavatyA shlakShNayA girA . 
draShTumichchhAmi bhavati ta.n devaM nAgamuttamam .. 6..\\
etaddhi parama.n kAryametanme phalamIpsitam . 
anenArthena chAsmyadya samprAptaH pannagAlayam .. 7..\\

 naagabhaaryaa

Arya sUryaratha.n voDhu.n gato.asau mAsachArikaH . 
saptAstabhirdinairvipra darshayiShyatyasaMshayam .. 8..\\
etadviditamAryasya vivAsa karaNaM mama . 
bharturbhavatu ki.n chAnyatkriyatAM tadvadasva me .. 9..\\

 braahmana

anena nishchayenAha.n sAdhvi samprAptavAniha . 
pratIkShannAgama.n devi vatsyAmyasminmahAvane .. 10..\\
samprAptasyaiva chAvyagramAvedyo.ahamihAgataH . 
mamAbhigamanaM prApto vAchyashcha vachana.n tvayA .. 11..\\
ahamapyatra vatsyAmi gomatyAH puline shubhe . 
kAlaM parimitAhAro yathoktaM paripAlayan .. 12..\\

 bhiisma

tataH sa viprastAM nAgI.n samAdhAya punaH punaH . 
tadeva pulinaM nadyAH prayayau brAhmaNarShabhaH .. 13..\\
\medskip\hrule\medskip\centerline{\Largedvng 346}
 bhiisma

atha tena narashreShTha brAhmaNena tapasvinA . 
nirAhAreNa vasatA duHkhitAste bhuja~NgamAH .. 1..\\
sarve sambhUya sahitAstasya nAgasya bAndhavAH . 
bhrAtarastanayA bhAryA yayustaM brAhmaNaM prati .. 2..\\
te.apashyanpuline ta.n vai vivikte niyatavratam . 
samAsInaM nirAhAra.n dvijaM japyaparAyanam .. 3..\\
te sarve samabhikramya vipramabhyarchya chAsakR^it . 
UchurvAkyamasandigdhamAtitheyasya bAndhavAH .. 4..\\
ShaShTho hi divasaste.adya prAptasyeha tapodhana . 
na chAbhilasase ki.n chidAhAraM dharmavatsala .. 5..\\
asmAnabhigatashchAsi vaya.n cha tvAmupasthitAH . 
kArya.n chAtithyamasmAbhirvaya.n sarve kutumbinaH .. 6..\\
mUlaM phala.n vA parNaM vA payo vA dvijasattama . 
AhArahetoranna.n vA bhoktumarhasi brAhmaNa .. 7..\\
tyaktAhAreNa bhavatA vane nivasatA satA . 
bAlavR^iddhamida.n sarvaM pIDyate dharmasa~NkaTAt .. 8..\\
na hi no bhrUNahA kashchidrAjApathyo.anR^ito.api vA . 
pUrvAshI vA kule hyasmindevatAtithibAndhuShu .. 9..\\

 braahmana

upadeshena yuShmAkamAhAro.ayaM mayA vR^itaH . 
dvirUna.n dasharAtra.n vai nAgasyAgamanaM prati .. 10..\\
yadyastarAtre niryAte nAgamiShyati pannagaH . 
tadAhAra.n kariShyAmi tannimittamida.n vratam .. 11..\\
kartavyo na cha santApo gamyatA.n cha yathAgatam . 
tannimitta.n vrataM mahyaM naitadbhettumihArhatha .. 12..\\

 bhiisma

tena te samanuGYAtA brAhmaNena bhuja~NgamAH . 
svameva bhavana.n jagmurakR^itArthA nararShabha .. 13..\\
\medskip\hrule\medskip\centerline{\Largedvng 347}
 bhiisma

atha kAle bahutithe pUrNe prApto bhuja~NgamaH . 
dattAbhyanuGYaH sva.n veshma kR^itakarmA vivasvataH .. 1..\\
taM bhAryAsamabhikrAmatpAdashauchAdibhirguNaiH . 
upapannA.n cha tA.n sAdhvIM pannagaH paryapR^ichchhata .. 2..\\
api tvamasi kalyAni devatAtithipUjane . 
pUrvamuktena vidhinA yuktA yuktena matsamam .. 3..\\
na khalvasyAkR^itArthena strI buddhyA mArdavI kR^itA . 
madviyogena sushroNi viyuktA dharmasetunA .. 4..\\

 naagabhaaryaa

shiShyANA.n guru shushrUsA viprANA.n veda pAraNam . 
bhR^ityAnA.n svAmivachanaM rAGYAM lokAnupAlanam .. 5..\\
sarvabhUtaparitrANa.n kShatradharma ihochyate . 
vaishyAnA.n yaGYasa.nvR^ittirAtitheya samanvitA .. 6..\\
vipra kShatriya vaishyAnA.n shushrUsA shUdra karma tat . 
gR^ihastha dharmo nAgendra sarvabhUtahitaiShitA .. 7..\\
niyatAhAratA nitya.n vratacharyA yathAkramam . 
dharmo hi dharmasambandhAdindriyANA.n visheShaNam .. 8..\\
aha.n kasya kuto vAhaM kaH ko me ha bhavediti . 
prayojana matirnityamevaM mokShAshramI bhavet .. 9..\\
pativratAtvaM bhAryAyAH paramo dharma uchyate . 
tapopadeshAnnAgendra tachcha tattvena vedmi vai .. 10..\\
sAha.n dharma.n vijAnantI dharmanitye tvayi sthite . 
satpatha.n kathamutsR^ijya yAsyAmi viShame pathi .. 11..\\
devatAnAM mahAbhAga dharmacharyA na hIyate . 
atithInA.n cha satkAre nityayuktAsmyatandritA .. 12..\\
saptAsta divasAstvadya viprasyehAgatasya vai . 
sa cha kAryaM na me khyAtidarshana.n tava kA~NkShati .. 13..\\
gomatyAstveSha puline tvaddarshanasamutsukaH . 
AsIno.a.avartayanbrahma brAhmaNaH saMshitavrataH .. 14..\\
aha.n tvanena nAgendra sAmapUrva.n samAhitA . 
prasthApyo matsakAsha.n sa samprApto bhujagottamaH .. 15..\\
etachchhrutvA mahAprAGYa tatra gantu.n tvamarhasi . 
dAtumarhasi vA tasya darshana.n darshanashravaH .. 16..\\
\medskip\hrule\medskip\centerline{\Largedvng 348}
 naaga

atha brAhmaNarUpeNa ka.n ta.n samanupashyasi . 
mAnuSha.n kevala.n vipraM devaM vAtha shuchismite .. 1..\\
ko hi mAM mAnuShaH shakto draShTukAmo yashasvini . 
sandarshana ruchirvAkyamAGYA pUrva.n vadiShyati .. 2..\\
surAsuragaNAnA.n cha devarShINAM cha bhAmini . 
nanu nAgA mahAvIryAH sauraseyAstarasvinaH .. 3..\\
vandanIyAshcha varadA vayamapyanuyAyinaH . 
manuShyANA.n visheSheNa dhanAdhyakShA iti shrutiH .. 4..\\

 naagabhaaryaa

ArjavenAbhijAnAmi nAsau devo.anilAshana . 
eka.n tvasya vijAnAmi bhaktimAnatiroShaNaH .. 5..\\
sa hi kAryAntarAkA~NkShI jalepsuH stokako yathA . 
varSha.n varShapriyaH pakShI darshana.n tava kA~NkShati .. 6..\\
na hi tvA daivata.n kiM chidvivignaM pratipAlayet . 
tulye hyabhijane jAto na kashchitparyupAsate .. 7..\\
tadroSha.n sahaja.n tyaktvA tvamenaM draShTumarhasi . 
AshA chhedena tasyAdya nAtmAna.n dagdhumarhasi .. 8..\\
AshayA tvabhipannAnAmakR^itvAshru pramArjanam . 
rAjA vA rAjaputro vA bhrUNa hatyaiva yujyate .. 9..\\
maunAjGYAnaphalAvAptirdAnena cha yasho mahat . 
vAgmitva.n satyavAchkyena paratra cha mahIyate .. 10..\\
bhUmipradAnena gati.n labhatyAshramasaMmitAm . 
nastasyArthasya samprApti.n kR^itvA phalamupAshnute .. 11..\\
abhipretAmasa~NkliShTA.n kR^itvAkAmavatIM kriyAm . 
na yAti niraya.n kashchiditi dharmavido viduH .. 12..\\

 naaga

abhimAnena mAno me jAtidoSheNa vai mahAn . 
roShaH sa~NkalpajaH sAdhvi dagdho vAchAgninA tvayA .. 13..\\
na cha roShAdaha.n sAdhvi pashyeyamadhika.n tamaH . 
yasya vaktavyatA.n yAnti visheSheNa bhuja~NgamAH .. 14..\\
doShasya hi vasha~NgatvA dashagrIvaH pratApavAn . 
tathA shakra pratispardhI hato rAmeNa sa.nyuge .. 15..\\
antaHpura gata.n vatsaM shrutvA rAmeNa nirhR^itam . 
dharShaNAdroShasa.nvignAH kArtavIrya sutA hatAH .. 16..\\
jAmadagnyena rAmeNa sahasranayanopamaH . 
sa.nyuge nihato roShAtkArtavIryo mahAbalaH .. 17..\\
tadeSha tapasA.n shatruH shreyasashcha nipAtanaH . 
nigR^ihIto mayA roShaH shrutvaiva vachana.n tava .. 18..\\
AtmAna.n cha visheSheNa prasha.nsAmyanapAyini . 
yasya me tva.n vishAlAkShi bhAryA sarvaguNAnvitA .. 19..\\
eSha tatraiva gachchhAmi yatra tiShThatyasau dvijaH . 
sarvathA choktavAnvAkyaM nAkR^itArthaH prayAsyati .. 20..\\
\medskip\hrule\medskip\centerline{\Largedvng 349}
 bhiisma

sa pannagapatistatra prayayau brAhmaNaM prati . 
tameva manasA dhyAyankAryavattA.n vichArayan .. 1..\\
tamabhikramya nAgendro matimAnsa nareshvaraH . 
provAcha madhura.n vAkyaM prakR^ityA dharmavatsalaH .. 2..\\
bho bho kShAmyAbhibhAse tvAM na roSha.n kartumarhasi . 
iha tvamabhisamprAptaH kasyArthe kiM prayojanam .. 3..\\
AbhimukhyAdabhikramya snehAtpR^ichchhAmi te dvija . 
vivikte gomatItIre ki.n vA tvaM paryupAsase .. 4..\\

 braahmana

dharmAraNya.n hi mAM viddhi nAga.n draShTumihAgatam . 
padmanAbha.n dvijashreShThaM tatra me kAryamAhitam .. 5..\\
tasya chAhamasAMnidhya.n shrutavAnasmi ta.n gatam . 
svajana.n taM pratIkShAmi parjanyamiva karShakaH .. 6..\\
tasya chAklesha karaNa.n svasti kArasamAhitam . 
vartayAmyayutaM brahmayogayukto nirAmayaH .. 7..\\

 naaga

aho kalyAna vR^ittastva.n sAdhu sajjanavatsalaH . 
shravAdhyastvaM mahAbhAga para.n snehena pashyasi .. 8..\\
aha.n sa nAgaviprarShe yathA mAM vindate bhavAn . 
AGYApaya yathA svaira.n kiM karomi priyaM tava .. 9..\\
bhavanta.n svajanAdasmi samprAptaM shrutavAniha . 
atastvA.n svayamevAha.n draShTumabhyAgato dvija .. 10..\\
samprAptashcha bhavAnadya kR^itArthaH pratiyAsyati . 
visrabdho mA.n dvijashreShTha viShaye yoktumarhasi .. 11..\\
vaya.n hi bhavatA sarve guNakrItA visheShataH . 
yastvamAtmahita.n tyaktvA mAmevehAnurudhyase .. 12..\\

 braahmana

Agato.ahaM mahAbhAga tava darshanalAlasaH . 
ka.n chidarthamanarthaGYaH prastu kAmo bhuja~Ngama .. 13..\\
ahamAtmAnamAtmastho mArgamANo.a.atmano hitam . 
vAsArthinaM mahAprAGYa balavantamupAsmi ha .. 14..\\
prakAshitastva.n svaguNairyasho garbhagabhastibhiH . 
shashA~Nkakarasa.nsparshairhR^idyairAtmaprakAshitaiH .. 15..\\
tasya me prashnamutpanna.n chhindhi tvamanilAshana . 
pashchAtkArya.n vadiShyAmi shrotumarhati me bhavAn .. 16..\\
\medskip\hrule\medskip\centerline{\Largedvng 350}
 braahmana

vivasvato gachchhati paryayeNa 
voDhuM bhavA.nsta.n rathamekachakram . 
AshcharyabhUta.n yadi tatra ki.n chid 
dR^iShTa.n tvayA sha.nsitumarhasi tvam .. 1..\\

 naaga

yasya rashmisahasreShu shAkhAsviva viha~NgamAH . 
vasantyAshritya munayaH sa.nsiddhA daivataiH saha .. 2..\\
yato vAyurviniHsR^itya sUryarashmyAshrito mahAn . 
vijR^imbhatyambare vipra kimAshcharyatara.n tataH .. 3..\\
shukro nAmAsitaH pAro yasya vAridharo.ambare . 
toya.n sR^ijati varShAsu kimAshcharyamataH param .. 4..\\
yo.astamAsA.nstu shuchinA kiraNenojjhitaM payaH . 
paryAdatte punaH kAle kimAshcharyamataH param .. 5..\\
yasya tejo visheSheShu nityamAtmA pratiShThitaH . 
yato bIjaM mahI cheya.n dhAryate sacharAcharam .. 6..\\
yatra devo mahAbAhuH shAshvataH paramo.akSharaH . 
anAdi nidhano vipra kimAshcharyamataH param .. 7..\\
AshcharyANAmivAshcharyamidameka.n tu me shR^iNu . 
vimale yanmayA dR^iShTamambare sUryasaMshrayAt .. 8..\\
purA madhyAhna samaye lokA.nstapati bhAskare . 
pratyAdityapratIkAshaH sarvataH pratyadR^ishyata .. 9..\\
sa lokA.nstejasA sarvAnsvabhAsA nirvibhAsayan . 
AdityAbhImukho.abhyeti gaganaM pAtayanniva .. 10..\\
hutAhutiriva jyotirvyApya tejo marIchibhiH . 
anirdeshyena rUpeNa dvitIya iva bhAskaraH .. 11..\\
tasyAbhigamana prAptau hasto datto vivasvatA . 
tenApi dakShiNo hasto dattaH pratyarchanArthinA .. 12..\\
tato bhittvaiva gaganaM praviShTo ravimandalam . 
ekIbhUta.n cha tattejaH kShaNenAdityatAM gatam .. 13..\\
tatra naH sha.nsayo jAtastayostejaH samAgame . 
anayoH ko bhavetsUryo rathastho yo.ayamAgataH .. 14..\\
te vaya.n jAtasandehAH paryapR^ichchhAmahe ravim . 
ka eSha divamAkramya gataH sUrya ivAparaH .. 15..\\
\medskip\hrule\medskip\centerline{\Largedvng 351}
 suurya

naiSha devo.anilasakho nAsuro na cha pannagaH . 
u~nchhavR^itti vrate siddho munireSha diva.n gataH .. 1..\\
eSha mUlaphalAhAraH shIrNaparNAshanastathA . 
abbhakSho vAyubhakShashcha AsIdvipraH samAhitaH .. 2..\\
R^ichashchAnena vipreNa sa.nhitAntarabhiShTutAH . 
svargadvAra kR^itodyogo yenAsau tridiva.n gataH .. 3..\\
asanna dhIranAkA~NkShI nityamu~nchhashilAshanaH . 
sarvabhUtahite yukta eSha vipro bhuja~Ngama .. 4..\\
na hi devA na gandharvA nAsurA na cha pannagAH . 
prabhavantIha bhUtAnAM prAptAnAM paramA.n gatim .. 5..\\

 naaga

etadeva.nvidha.n dR^iShTamAshcharyaM tatra me dvija . 
sa.nsiddho mAnuShaH kAyo yo.asau siddhagati.n gataH . 
sUryeNa sahito brahmanpR^ithivIM parivartate .. 6..\\
\medskip\hrule\medskip\centerline{\Largedvng 352}
 braahmana

AshcharyaM nAtra sandehaH suprIto.asmi bhuja~Ngama . 
anvarthopagatairvAkyaiH panthAna.n chAsmi darshitaH .. 1..\\
svasti te.astu gamiShyAmi sAdho bhujaga sattama . 
smaraNIyo.asmi bhavatA sampreShaNa niyojanaiH .. 2..\\

 naaga

anuktvA madgata.n kAryaM kvedAnIM prasthito bhavAn . 
uchyatA.n dvija yatkArya.n yadarthaM tvamihAgataH .. 3..\\
uktAnukte kR^ite kArye mAmAmantrya dvijarShabha . 
mayA pratyabhyanuGYAtastato yAsyasi brAhmaNa .. 4..\\
na hi mA.n kevalaM dR^iShTvA tyaktvA pranayavAniha . 
gantumarhasi viprarShe vR^ikShamUlagato yathA .. 5..\\
tvayi chAha.n dvijashreShTha bhavAnmayi na saMshayaH . 
loko.ayaM bhavataH sarvaH kA chintA mayi te.anagha .. 6..\\

 braahmana

evametanmahAprAGYa viGYAtArthabhuja~Ngama . 
nAtiriktAstvayA devAH sarvathaiva yathAtatham .. 7..\\
ya evAha.n sa eva tvamevametadbhuja~Ngama . 
ahaM bhavAMshcha bhUtAni sarve sarvatra gAH sadA .. 8..\\
AsIttu me bhogapate saMshayaH puNyasa~ncaye . 
so.ahamu~nchhavrata.n sAdho chariShyAmyarthadarshanam .. 9..\\
eSha me nishchayaH sAdho kR^itaH kAraNavattaraH . 
AmantrayAmi bhadra.n te kR^itArtho.asmi bhuja~Ngama .. 10..\\
\medskip\hrule\medskip\centerline{\Largedvng 353}
 bhiisma

sa chAmantryoraga shreShThaM brAhmaNaH kR^itanishchayaH . 
dIkShAkAnskI tadA rAjaMshchyavanaM bhArgava.n shritaH .. 1..\\
sa tena kR^itasa.nskAro dharmamevopatasthivAn . 
tathaiva cha kathAmetA.n rAjankathitavA.nstadA .. 2..\\
bhArgaveNApi rAjendra janakasya niveshane . 
kathaiShA kathitA puNyA nAradAya mahAtmane .. 3..\\
nAradenApi rAjendra devendrasya niveshane . 
kathitA bharatashreShTha pR^iShTenAkliShTa karmaNA .. 4..\\
devarAjena cha purA kathaiShA kathitA shubhA . 
samastebhyaH prashastebhyo vasubhyo vasudhAdhipa .. 5..\\
yadA cha mama rAmeNa yuddhamAsItsudAruNam . 
vasubhishcha tadA rAjankatheya.n kathitA mama .. 6..\\
pR^ichchhamAnAya tattvena mayA tubhya.n vishAM pate . 
katheya.n kathitA puNyA dharmyA dharmabhR^itA.n vara .. 7..\\
tadeSha paramo dharmo yanmAM pR^ichchhasi bhArata . 
asanna dhIranAkAnskI dharmArthakaraNe nR^ipa .. 8..\\
sa cha kila kR^itanishchayo dvijAgryo 
bhujaga patipratideshitArtha kR^ityaH . 
yama niyamasamAhito vanAntaM 
parigaNito~nchha shilAshanaH praviShTaH .. 9..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}