\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 101
jAbAlestu vachaH shrutvA rAmaH satyAtmanA.n varaH . 
uvAcha parayA yuktyA svabuddhyA chAvipannayA .. 1..\\
bhavAnme priyakAmArtha.n vachanaM yadihoktavAn . 
akArya.n kAryasa~NkAshamapathyaM pathyasaMmitam .. 2..\\
nirmaryAdastu puruShaH pApAchArasamanvitaH . 
mAnaM na labhate satsu bhinnachAritradarshanaH .. 3..\\
kulInamakulIna.n vA vIraM puruShamAninam . 
chAritrameva vyAkhyAti shuchi.n vA yadi vAshuchim .. 4..\\
anAraystvArya sa~NkAshaH shauchAddhInastathA shuchiH . 
lakShaNyavadalakShaNyo duHshIlaH shIlavAniva .. 5..\\
adharma.n dharmaveSheNa yadIma.n lokasa~Nkaram . 
abhipatsye shubha.n hitvA kriyAvidhivivarjitam .. 6..\\
kashchetayAnaH puruShaH kAryAkAryavichakShaNaH . 
bahu ma.nsyati mA.n loke durvR^ittaM lokadUShaNam .. 7..\\
kasya yAsyAmyaha.n vR^itta.n kena vA svargamApnuyAm . 
anayA vartamAno.aha.n vR^ittyA hInapratiGYayA .. 8..\\
kAmavR^ittastvaya.n lokaH kR^itsnaH samupavartate . 
yadvR^ittAH santi rAjAnastadvR^ittAH santi hi prajAH .. 9..\\
satyamevAnR^isha.nsya.n cha rAjavR^itta.n sanAtanam . 
tasmAtsatyAtmaka.n rAjyaM satye lokaH pratiShThitaH .. 10..\\
R^iShayashchaiva devAsh cha satyameva hi menire . 
satyavAdI hi loke.asminparama.n gachchhati kShayam .. 11..\\
udvijante yathA sarpAnnarAdanR^itavAdinaH . 
dharmaH satyaM paro loke mUla.n svargasya chochyate .. 12..\\
satyameveshvaro loke satyaM padmA samAshritA . 
satyamUlAni sarvANi satyAnnAsti paraM padam .. 13..\\
dattamiShTa.n huta.n chaiva taptAni cha tapA.nsi cha . 
vedAH satyapratiShThAnAstasmAtsatyaparo bhavet .. 14..\\
ekaH pAlayate lokamekaH pAlayate kulam . 
majjatyeko hi niraya ekaH svarge mahIyate .. 15..\\
so.ahaM piturnidesha.n tu kimarthaM nAnupAlaye . 
satyapratishravaH satya.n satyena samayIkR^itaH .. 16..\\
naiva lobhAnna mohAdvA na chAGYAnAttamo.anvitaH . 
setu.n satyasya bhetsyAmi guroH satyapratishravaH .. 17..\\
asatyasandhasya satashchalasyAsthirachetasaH . 
naiva devA na pitaraH pratIchchhantIti naH shrutam .. 18..\\
pratyagAtmamima.n dharma.n satyaM pashyAmyahaM svayam . 
bhAraH satpuruShAchIrNastadarthamabhinandyate .. 19..\\
kShAtra.n dharmamahaM tyakShye hyadharmaM dharmasa.nhitam . 
kShudraurnR^isha.nsairlubdhaishcha sevitaM pApakarmabhiH .. 20..\\
kAyena kurute pApaM manasA sampradhArya cha . 
anR^ita.n jihvayA chAha trividhaM karma pAtakam .. 21..\\
bhUmiH kIrtiryasho lakShmIH puruShaM prArthayanti hi . 
svargastha.n chAnubadhnanti satyameva bhajeta tat .. 22..\\
shreShTha.n hyanAryameva syAdyadbhavAnavadhArya mAm . 
Aha yuktikarairvAkyairidaM bhadra.n kuruShva ha .. 23..\\
katha.n hyahaM pratiGYAya vanavAsamima.n guroH . 
bharatasya kariShyAmi vacho hitvA gurorvachaH .. 24..\\
sthirA mayA pratiGYAtA pratiGYA gurusaMnidhau . 
prahR^iShTamAnasA devI kaikeyI chAbhavattadA .. 25..\\
vanavAsa.n vasannevaM shuchirniyatabhojanaH . 
mUlaiH puShpaiH phalaiH puNyaiH pitR^IndevAMsh cha tarpayan .. 26..\\
santuShTapa~nchavargo.aha.n lokayAtrAM pravartaye . 
akuhaH shraddadhAnaH sankAryAkAryavichakShaNaH .. 27..\\
karmabhUmimimAM prApya kartavya.n karma yachchhubham . 
agnirvAyushcha somashcha karmaNAM phalabhAginaH .. 28..\\
shata.n kratUnAmAhR^itya devarATtridivaM gataH . 
tapA.nsyugrANi chAsthAya diva.n yAtA maharShayaH .. 29..\\
satya.n cha dharmaM cha parAkramaM cha 
bhUtAnukampAM priyavAditA.n cha . 
dvijAtidevAtithipUjana.n cha 
panthAnamAhustridivasya santaH .. 30..\\
dharme ratAH satpuruShaiH sametAs 
tejasvino dAnaguNapradhAnAH . 
ahi.nsakA vItamalAsh cha loke 
bhavanti pUjyA munayaH pradhAnAH .. 31..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}