\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 104
tamapratimatejobhyAM bhrAtR^ibhyA.n romaharShaNam . 
vismitAH sa~NgamaM prekShya samavetA maharShayaH .. 1..\\
antarhitAstvR^iShigaNAH siddhAshcha paramarShayaH . 
tau bhrAtarau mahAtmAnau kAkutsthau prashasha.nsire .. 2..\\
sa dhanyo yasya putrau dvau dharmaGYau dharmavikramau . 
shrutvA vaya.n hi sambhAShAmubhayoH spR^ihayAmahe .. 3..\\
tatastvR^iShigaNAH kShipra.n dashagrIvavadhaiShiNaH . 
bharata.n rAjashArdUlamityUchuH sa~NgatA vachaH .. 4..\\
kule jAta mahAprAGYa mahAvR^itta mahAyashaH . 
grAhya.n rAmasya vAkya.n te pitaraM yadyavekShase .. 5..\\
sadAnR^iNamima.n rAmaM vayamichchhAmahe pituH . 
anR^iNatvAchcha kaikeyyAH svarga.n dasharatho gataH .. 6..\\
etAvaduktvA vachana.n gandharvAH samaharShayaH . 
rAjarShayashchaiva tathA sarve svA.n svA.n gatiM gatAH .. 7..\\
hlAditastena vAkyena shubhena shubhadarshanaH . 
rAmaH sa.nhR^iShTavadanastAnR^iShInabhyapUjayat .. 8..\\
srastagAtrastu bharataH sa vAchA sajjamAnayA . 
kR^itA~njalirida.n vAkyaM rAghavaM punarabravIt .. 9..\\
rAjadharmamanuprekShya kuladharmAnusantatim . 
kartumarhasi kAkutstha mama mAtushcha yAchanAm .. 10..\\
rakShitu.n sumahadrAjyamahamekastu notsahe . 
paurajAnapadAMshchApi raktAnra~njayitu.n tathA .. 11..\\
GYAtayashcha hi yodhAshcha mitrANi suhR^idashcha naH . 
tvAmeva pratikA~NkShante parjanyamiva karShakAH .. 12..\\
ida.n rAjyaM mahAprAGYa sthApaya pratipadya hi . 
shaktimAnasi kAkutstha lokasya paripAlane .. 13..\\
ityuktvA nyapatadbhrAtuH pAdayorbharatastadA . 
bhR^isha.n samprArthayAmAsa rAmamevaM priyaM vadaH .. 14..\\
tama~Nke bhrAtara.n kR^itvA rAmo vachanamabravIt . 
shyAmaM nalinapatrAkShaM mattaha.nsasvaraH svayam .. 15..\\
AgatA tvAmiyaM buddhiH svajA vainayikI cha yA . 
bhR^ishamutsahase tAta rakShituM pR^ithivIm api .. 16..\\
amAtyaishcha suhR^idbhishcha buddhimadbhishcha mantribhiH . 
sarvakAryANi saMmantrya sumahAntyapi kAraya .. 17..\\
lakShmIshchandrAdapeyAdvA himavAnvA hima.n tyajet . 
atIyAtsAgaro velAM na pratiGYAmahaM pituH .. 18..\\
kAmAdvA tAta lobhAdvA mAtrA tubhyamida.n kR^itam . 
na tanmanasi kartavya.n vartitavya.n cha mAtR^ivat .. 19..\\
evaM bruvANaM bharataH kausalyAsutamabravIt . 
tejasAdityasa~NkAshaM pratipachchandradarshanam .. 20..\\
adhirohArya pAdAbhyAM pAduke hemabhUShite . 
ete hi sarvalokasya yogakShema.n vidhAsyataH .. 21..\\
so.adhiruhya naravyAghraH pAduke hyavaruhya cha . 
prAyachchhatsumahAtejA bharatAya mahAtmane .. 22..\\
sa pAduke te bharataH pratApavAn 
svala~NkR^ite samparigR^ihya dharmavit . 
pradakShiNa.n chaiva chakAra rAghavaM 
chakAra chaivottamanAgamUrdhani .. 23..\\
athAnupUrvyAtpratipUjya ta.n janaM 
gurUMshcha mantriprakR^itIstathAnujau . 
vyasarjayadrAghavavaMshavardhanaH 
sthitaH svadharme himavAnivAchalaH .. 24..\\
taM mAtaro bAShpagR^ihItakaNTho 
duHkhena nAmantrayitu.n hi shekuH . 
sa tveva mAtR^IrabhivAdya sarvA 
rudankuTI.n svAM pravivesha rAmaH .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}