\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{1}## ##\begin{center}## \section{ayodhyaakaaNDa} ##\end{center}## \medskip 110 sA tvevamuktA vaidehI anasUyAnasUyayA . pratipUjya vacho mandaM pravaktumupachakrame .. 1..\\ naitadAshcharyamAryAyA yanmA.n tvamanubhAShase . vidita.n tu mamApyetadyathA nAryAH patirguruH .. 2..\\ yadyapyeSha bhavedbhartA mamArye vR^ittavarjitaH . advaidhamupavartavyastathApyeSha mayA bhavet .. 3..\\ kiM punaryo guNashlAghyaH sAnukrosho jitendriyaH . sthirAnurAgo dharmAtmA mAtR^ivartI pitR^ipriyaH .. 4..\\ yA.n vR^ittiM vartate rAmaH kausalyAyAM mahAbalaH . tAmeva nR^ipanArINAmanyAsAm api vartate .. 5..\\ sakR^iddR^iShTAsvapi strIShu nR^ipeNa nR^ipavatsalaH . mAtR^ivadvartate vIro mAnamutsR^ijya dharmavit .. 6..\\ AgachchhantyAshcha vijana.n vanamevaM bhayAvaham . samAhita.n hi me shvashrvA hR^idaye yatsthitaM mama .. 7..\\ prANipradAnakAle cha yatpurA tvagnisaMnidhau . anushiShTA jananyAsmi vAkya.n tadapi me dhR^itam .. 8..\\ navIkR^ita.n tu tatsarva.n vAkyaiste dharmachAriNi . patishushrUShaNAnnAryAstapo nAnyadvidhIyate .. 9..\\ sAvitrI patishushrUShA.n kR^itvA svarge mahIyate . tathA vR^ittishcha yAtA tvaM patishushrUShayA divam .. 10..\\ variShThA sarvanArINAmeShA cha divi devatA . rohiNI cha vinA chandraM muhUrtamapi dR^ishyate .. 11..\\ eva.nvidhAshcha pravarAH striyo bhartR^idR^iDhavratAH . devaloke mahIyante puNyena svena karmaNA .. 12..\\ tato.anasUyA sa.nhR^iShTA shrutvokta.n sItayA vachaH . shirasyAghrAya chovAcha maithilI.n harShayantyuta .. 13..\\ niyamairvividhairApta.n tapo hi mahadasti me . tatsaMshritya bala.n sIte chhandaye tvAM shuchivrate .. 14..\\ upapanna.n cha yuktaM cha vachanaM tava maithili . prItA chAsmyuchita.n kiM te karavANi bravIhi me . kR^itamityabravItsItA tapobalasamanvitAm .. 15..\\ sA tvevamuktA dharmaGYA tayA prItatarAbhavat . saphala.n cha praharShaM te hanta sIte karomyaham .. 16..\\ ida.n divya.n varaM mAlyaM vastramAbharaNAni cha . a~NgarAga.n cha vaidehi mahArhamanulepanam .. 17..\\ mayA dattamida.n sIte tava gAtrANi shobhayet . anurUpamasa~NkliShTaM nityameva bhaviShyati .. 18..\\ a~NgarAgeNa divyena liptA~NgI janakAtmaje . shobhayiShyAmi bhartAra.n yathA shrIrviShNumavyayam .. 19..\\ sA vastrama~NgarAga.n cha bhUShaNAni srajastathA . maithilI pratijagrAha prItidAnamanuttamam .. 20..\\ pratigR^ihya cha tatsItA prItidAna.n yashasvinI . shliShTA~njalipuTA dhIrA samupAsta tapodhanAm .. 21..\\ tathA sItAmupAsInAmanasUyA dR^iDhavratA . vachanaM praShTumArebhe kathA.n kAM chidanupriyAm .. 22..\\ svaya.nvare kila prAptA tvamanena yashasvinA . rAghaveNeti me sIte kathA shrutimupAgatA .. 23..\\ tA.n kathA.n shrotumichchhAmi vistareNa cha maithili . yathAnubhUta.n kArtsnyena tanme tva.n vaktumarhasi .. 24..\\ evamuktA tu sA sItA tA.n tato dharmachAriNIm . shrUyatAmiti choktvA vai kathayAmAsa tA.n kathAm .. 25..\\ mithilAdhipatirvIro janako nAma dharmavit . kShatradharmaNyabhirato nyAyataH shAsti medinIm .. 26..\\ tasya lA~Ngalahastasya karShataH kShetramaNDalam . aha.n kilotthitA bhittvA jagatIM nR^ipateH sutA .. 27..\\ sa mA.n dR^iShTvA narapatirmuShTivikShepatatparaH . pAMshu guNThita sarvA~NgI.n vismito janako.abhavat .. 28..\\ anapatyena cha snehAda~NkamAropya cha svayam . mameya.n tanayetyuktvA sneho mayi nipAtitaH .. 29..\\ antarikShe cha vAguktApratimA mAnuShI kila . evametannarapate dharmeNa tanayA tava .. 30..\\ tataH prahR^iShTo dharmAtmA pitA me mithilAdhipaH . avApto vipulAmR^iddhiM mAmavApya narAdhipaH .. 31..\\ dattvA chAsmIShTavaddevyai jyeShThAyai puNyakarmaNA . tayA sambhAvitA chAsmi snigdhayA mAtR^isauhR^idAt .. 32..\\ patisa.nyogasulabha.n vayo dR^iShTvA tu me pitA . chintAmabhyagamaddIno vittanAshAdivAdhanaH .. 33..\\ sadR^ishAchchApakR^iShTAchcha loke kanyApitA janAt . pradharShaNAmavApnoti shakreNApi samo bhuvi .. 34..\\ tA.n dharShaNAmadUrasthA.n sandR^ishyAtmani pArthivaH . chinntArNavagataH pAraM nAsasAdAplavo yatha .. 35..\\ ayonijA.n hi mAM GYAtvA nAdhyagachchhatsa chintayan . sadR^isha.n chAnurUpaM cha mahIpAlaH patiM mama .. 36..\\ tasya buddhiriya.n jAtA chintayAnasya santatam . svaya.n vara.n tanUjAyAH kariShyAmIti dhImataH .. 37..\\ mahAyaGYe tadA tasya varuNena mahAtmanA . datta.n dhanurvaraM prItyA tUNI chAkShayya sAyakau .. 38..\\ asa~ncAlyaM manuShyaishcha yatnenApi cha gauravAt . tanna shaktA namayitu.n svapneShvapi narAdhipAH .. 39..\\ taddhanuH prApya me pitrA vyAhR^ita.n satyavAdinA . samavAye narendrANAM pUrvamAmantrya pArthivAn .. 40..\\ ida.n cha dhanurudyamya sajya.n yaH kurute naraH . tasya me duhitA bhAryA bhaviShyati na saMshayaH .. 41..\\ tachcha dR^iShTvA dhanuHshreShTha.n gauravAdgirisaMnibham . abhivAdya nR^ipA jagmurashaktAstasya tolane .. 42..\\ sudIrghasya tu kAlasya rAghavo.ayaM mahAdyutiH . vishvAmitreNa sahito yaGYa.n draShTu.n samAgataH .. 43..\\ lakShmaNena saha bhrAtrA rAmaH satyaparAkramaH . vishvAmitrastu dharmAtmA mama pitrA supUjitaH .. 44..\\ provAcha pitara.n tatra rAghavo rAmalakShmaNau . sutau dasharathasyemau dhanurdarshanakA~NkShiNau . ityuktastena vipreNa taddhanuH samupAnayat .. 45..\\ nimeShAntaramAtreNa tadAnamya sa vIryavAn . jyA.n samAropya jhaTiti pUrayAmAsa vIryavAn .. 46..\\ tena pUrayatA vegAnmadhye bhagna.n dvidhA dhanuH . tasya shabdo.abhavadbhImaH patitasyAshaneriva .. 47..\\ tato.aha.n tatra rAmAya pitrA satyAbhisandhinA . udyatA dAtumudyamya jalabhAjanamuttamam .. 48..\\ dIyamAnAM na tu tadA pratijagrAha rAghavaH . aviGYAya pitushchhandamayodhyAdhipateH prabhoH .. 49..\\ tataH shvashuramAmantrya vR^iddha.n dasharathaM nR^ipam . mama pitrA aha.n dattA rAmAya viditAtmane .. 50..\\ mama chaivAnujA sAdhvI UrmilA priyadarshanA . bhAryArthe lakShmaNasyApi dattA pitrA mama svayam .. 51..\\ eva.n dattAsmi rAmAya tadA tasminsvaya.n vare . anuraktA cha dharmeNa pati.n vIryavatAM varam .. 52..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}