\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 13
te tu tA.n rajanImuShya brAhmaNA vedapAragAH . 
upatasthurupasthAna.n saharAjapurohitAH .. 1..\\
amAtyA balamukhyAshcha mukhyA ye nigamasya cha . 
rAghavasyAbhiShekArthe prIyamANAstu sa~NgatAH .. 2..\\
udite vimale sUrye puShye chAbhyAgate.ahani . 
abhiShekAya rAmasya dvijendrairupakalpitam .. 3..\\
kA~nchanA jalakumbhAshcha bhadrapITha.n svala~NkR^itam . 
rAmashcha samyagAstIrNo bhAsvarA vyAghracharmaNA .. 4..\\
ga~NgAyamunayoH puNyAtsa~NgamAdAhR^ita.n jalam . 
yAshchAnyAH saritaH puNyA hradAH kUpAH sarA.nsi cha .. 5..\\
prAgvAhAshchordhvavAhAshcha tiryagvAhAH samAhitAH . 
tAbhyashchaivAhR^ita.n toya.n samudrebhyashcha sarvashaH .. 6..\\
kShaudra.n dadhighR^ita.n lAjA dharbhAH sumanasaH payaH . 
salAjAH kShIribhishchhannA ghaTAH kA~nchanarAjatAH . 
padmotpalayutA bhAnti pUrNAH paramavAriNA .. 7..\\
chandrAMshuvikachaprakhyaM pANDura.n ratnabhUShitam . 
sajja.n tiShThati rAmasya vAlavyajanamuttamam .. 8..\\
chandramaNDalasa~NkAshamAtapatra.n cha pANDuram . 
sajja.n dyutikara.n shrImadabhiShekapuraskR^itam .. 9..\\
pANDurashcha vR^iShaH sajjaH pANDurAshvashcha susthitaH . 
prasrutashcha gajaH shrImAnaupavAhyaH pratIkShate .. 10..\\
aShTau kanyAshcha ma~NgalyAH sarvAbharaNabhUShitAH . 
vAditrANi cha sarvANi bandinashcha tathApare .. 11..\\
ikShvAkUNA.n yathA rAjye sambhriyetAbhiShechanam . 
tathA jAtIyAmAdAya rAjaputrAbhiShechanam .. 12..\\
te rAjavachanAttatra samavetA mahIpatim . 
apashyanto.abruvanko nu rAGYo naH prativedayet .. 13..\\
na pashyAmashcha rAjAnamuditashcha divAkaraH . 
yauvarAjyAbhiShekashcha sajjo rAmasya dhImataH .. 14..\\
iti teShu bruvANeShu sArvabhaumAnmahIpatIn . 
abravIttAnida.n sarvAnsumantro rAjasatkR^itaH .. 15..\\
ayaM pR^ichchhAmi vachanAtsukhamAyuShmatAm aham . 
rAGYaH sampratibuddhasya yachchAgamanakAraNam .. 16..\\
ityuktvAntaHpuradvAramAjagAma purANavit . 
AshIrbhirguNayuktAbhirabhituShTAva rAghavam .. 17..\\
gatA bhagavatI rAtrirahaH shivamupasthitam . 
budhyasva nR^ipashArdUla kuru kAryamanantaram .. 18..\\
brAhmaNA balamukhyAshcha naigamAshchAgatA nR^ipa . 
darshanaM pratikA~NkShante pratibudhyasva rAghava .. 19..\\
stuvanta.n taM tadA sUta.n sumantraM mantrakovidam . 
pratibudhya tato rAjA ida.n vachanamabravIt .. 20..\\
na chaiva samprasuto.ahamAnayedAshu rAghavam . 
iti rAjA dasharathaH sUta.n tatrAnvashAtpunaH .. 21..\\
sa rAjavachana.n shrutvA shirasA pratipUjya tam . 
nirjagAma nR^ipAvAsAnmanyamAnaH priyaM mahat .. 22..\\
prapanno rAjamArga.n cha patAkA dhvajashobhitam . 
sa sUtastatra shushrAva rAmAdhikaraNAH kathAH .. 23..\\
tato dadarsha ruchira.n kailAsasadR^ishaprabham . 
rAmaveshma sumantrastu shakraveshmasamaprabham .. 24..\\
mahAkapATapihita.n vitardishatashobhitam . 
kA~nchanapratimaikAgraM maNividrumatoraNam .. 25..\\
shAradAbhraghanaprakhya.n dIptaM meruguhopamam . 
dAmabhirvaramAlyAnA.n sumahadbhirala~NkR^itam .. 26..\\
sa vAjiyuktena rathena sArathir 
narAkula.n rAjakulaM vilokayan . 
tataH samAsAdya mahAdhanaM mahat 
prahR^iShTaromA sa babhUva sArathiH .. 27..\\
tadadrikUTAchalameghasaMnibhaM 
mahAvimAnottamaveshmasa~Nghavat . 
avAryamANaH pravivesha sArathiH 
prabhUtaratnaM makaro yathArNavam .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}