\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 16
sa dadarshAsane rAmo niShaNNaM pitara.n shubhe . 
kaikeyIsahita.n dInaM mukhena parishuShyatA .. 1..\\
sa pitushcharaNau pUrvamabhivAdya vinItavat . 
tato vavande charaNau kaikeyyAH susamAhitaH .. 2..\\
rAmetyuktvA cha vachana.n vAShpaparyAkulekShaNaH . 
shashAka nR^ipatirdIno nekShituM nAbhibhAShitum .. 3..\\
tadapUrvaM narapaterdR^iShTvA rUpaM bhayAvaham . 
rAmo.api bhayamApannaH padA spR^iShTveva pannagam .. 4..\\
indriyairaprahR^iShTaista.n shokasantApakarshitam . 
niHshvasantaM mahArAja.n vyathitAkulachetasaM .. 5..\\
Urmi mAlinamakShobhya.n kShubhyantamiva sAgaram . 
upaplutamivAdityamuktAnR^itamR^iShi.n yathA .. 6..\\
achintyakalpa.n hi pitustaM shokamupadhArayan . 
babhUva sa.nrabdhataraH samudra iva parvaNi .. 7..\\
chintayAmAsa cha tadA rAmaH pitR^ihite rataH . 
ki.nsvidadyaiva nR^ipatirna mAM pratyabhinandati .. 8..\\
anyadA mAM pitA dR^iShTvA kupito.api prasIdati . 
tasya mAmadya samprekShya kimAyAsaH pravartate .. 9..\\
sa dIna iva shokArto viShaNNavadanadyutiH . 
kaikeyImabhivAdyaiva rAmo vachanamabravIt .. 10..\\
kachchinmayA nAparAdhamaGYAnAdyena me pitA . 
kupitastanmamAchakShva tva.n chaivainaM prasAdaya .. 11..\\
vivarNavadano dIno na hi mAmabhibhAShate . 
shArIro mAnaso vApi kachchidenaM na bAdhate . 
santApo vAbhitApo vA durlabha.n hi sadA sukham .. 12..\\
kachchinna ki.n chidbharate kumAre priyadarshane . 
shatrughne vA mahAsattve mAtR^INA.n vA mamAshubham .. 13..\\
atoShayanmahArAjamakurvanvA piturvachaH . 
muhUrtamapi nechchheya.n jIvituM kupite nR^ipe .. 14..\\
yatomUlaM naraH pashyetprAdurbhAvamihAtmanaH . 
katha.n tasminna varteta pratyakShe sati daivate .. 15..\\
kachchitte paruSha.n kiM chidabhimAnAtpitA mama . 
ukto bhavatyA kopena yatrAsya lulitaM manaH .. 16..\\
etadAchakShva me devi tattvena paripR^ichchhataH . 
kiMnimittamapUrvo.aya.n vikAro manujAdhipe .. 17..\\
aha.n hi vachanAdrAGYaH pateyamapi pAvake . 
bhakShayeya.n viSha.n tIkShNaM majjeyamapi chArNave . 
niyukto guruNA pitrA nR^ipeNa cha hitena cha .. 18..\\
tadbrUhi vachana.n devi rAGYo yadabhikA~NkShitam . 
kariShye pratijAne cha rAmo dvirnAbhibhAShate .. 19..\\
tamArjavasamAyuktamanAryA satyavAdinam . 
uvAcha rAma.n kaikeyI vachanaM bhR^ishadAruNam .. 20..\\
purA devAsure yuddhe pitrA te mama rAghava . 
rakShitena varau dattau sashalyena mahAraNe .. 21..\\
tatra me yAchito rAjA bharatasyAbhiShechanam . 
gamana.n daNDakAraNye tava chAdyaiva rAghava .. 22..\\
yadi satyapratiGYa.n tvaM pitaraM kartumichchhasi . 
AtmAna.n cha narareShTha mama vAkyamida.n shR^iNu .. 23..\\
sa nideshe pitustiShTha yathA tena pratishrutam . 
tvayAraNyaM praveShTavyaM nava varShANi pa~ncha cha .. 24..\\
sapta sapta cha varShANi daNDakAraNyamAshritaH . 
abhiShekamima.n tyaktvA jaTAchIradharo vasa .. 25..\\
bharataH kosalapure prashAstu vasudhAmimAm . 
nAnAratnasamAkIrNa.n savAjirathaku~njarAm .. 26..\\
tadapriyamamitraghno vachanaM maraNopamam . 
shrutvA na vivyathe rAmaH kaikeyI.n chedamabravIt .. 27..\\
evamastu gamiShyAmi vana.n vastumaha.n tvataH . 
jaTAchIradharo rAGYaH pratiGYAmanupAlayan .. 28..\\
ida.n tu GYAtumichchhAmi kimarthaM mAM mahIpatiH . 
nAbhinandati durdharSho yathApuramarindamaH .. 29..\\
manyurna cha tvayA kAryo devi brUhi tavAgrataH . 
yAsyAmi bhava suprItA vana.n chIrajaTAdharaH .. 30..\\
hitena guruNA pitrA kR^itaGYena nR^ipeNa cha . 
niyujyamAno vishrabdha.n kiM na kuryAdahaM priyam .. 31..\\
alIkaM mAnasa.n tveka.n hR^idayaM dahatIva me . 
svaya.n yannAha mAM rAjA bharatasyAbhiShechanam .. 32..\\
aha.n hi sItAM rAjya.n cha prANAniShTAndhanAni cha . 
hR^iShTo bhrAtre svaya.n dadyAM bharatAyAprachoditaH .. 33..\\
kiM punarmanujendreNa svayaM pitrA prachoditaH . 
tava cha priyakAmArthaM pratiGYAmanupAlayan .. 34..\\
tadAshvAsaya hIma.n tvaM kiM nvida.n yanmahIpatiH . 
vasudhAsaktanayano mandamashrUNi mu~nchati .. 35..\\
gachchhantu chaivAnayitu.n dUtAH shIghrajavairhayaiH . 
bharataM mAtulakulAdadyaiva nR^ipashAsanAt .. 36..\\
daNDakAraNyameSho.ahamito gachchhAmi satvaraH . 
avichArya piturvAkya.n samAvastu.n chaturdasha .. 37..\\
sA hR^iShTA tasya tadvAkya.n shrutvA rAmasya kaikayI . 
prasthAna.n shraddadhAnA hi tvarayAmAsa rAghavam .. 38..\\
evaM bhavatu yAsyanti dUtAH shIghrajavairhayaiH . 
bharataM mAtulakulAdupAvartayituM narAH .. 39..\\
tava tvaha.n kShamaM manye notsukasya vilambanam . 
rAma tasmAditaH shIghra.n vana.n tvaM gantumarhasi .. 40..\\
vrIDAnvitaH svaya.n yachcha nR^ipastvAM nAbhibhAShate . 
naitatki.n chinnarashreShTha manyureSho.apanIyatAm .. 41..\\
yAvattvaM na vana.n yAtaH purAdasmAdabhitvaran . 
pitA tAvanna te rAma snAsyate bhokShyate.api vA .. 42..\\
dhikkaShTamiti niHshvasya rAjA shokapariplutaH . 
mUrchhito nyapatattasminparya~Nke hemabhUShite .. 43..\\
rAmo.apyutthApya rAjAna.n kaikeyyAbhiprachoditaH . 
kashayevAhato vAjI vana.n gantuM kR^itatvaraH .. 44..\\
tadapriyamanAryAyA vachana.n dAruNodaram . 
shrutvA gatavyatho rAmaH kaikeyI.n vAkyamabravIt .. 45..\\
nAhamarthaparo devi lokamAvastumutsahe . 
viddhi mAmR^iShibhistulya.n kevalaM dharmamAsthitam .. 46..\\
yadatrabhavataH ki.n chichchhakyaM kartuM priyaM mayA . 
prANAnapi parityajya sarvathA kR^itameva tat .. 47..\\
na hyato dharmacharaNa.n kiM chidasti mahattaram . 
yathA pitari shushrUShA tasya vA vachanakriyA .. 48..\\
anukto.apyatrabhavatA bhavatyA vachanAdaham . 
vane vatsyAmi vijane varShANIha chaturdasha .. 49..\\
na nUnaM mayi kaikeyi ki.n chidAsha.nsase guNam . 
yadrAjAnamavochastvaM mameshvaratarA satI .. 50..\\
yAvanmAtaramApR^ichchhe sItA.n chAnunayAmyaham . 
tato.adyaiva gamiShyAmi daNDakAnAM mahadvanam .. 51..\\
bharataH pAlayedrAjya.n shushrUShechcha pituryathA . 
tahA bhavatyA kartavya.n sa hi dharmaH sanAtanaH .. 52..\\
sa rAmasya vachaH shrutvA bhR^isha.n duHkhahataH pitA . 
shokAdashaknuvanbAShpaM praruroda mahAsvanam .. 53..\\
vanditvA charaNau rAmo visa.nj~nasya pitustadA . 
kaikeyyAshchApyanAryAyA niShpapAta mahAdyutiH .. 54..\\
sa rAmaH pitara.n kR^itvA kaikeyIM cha pradakShiNam . 
niShkramyAntaHpurAttasmAtsva.n dadarsha suhR^ijjanam .. 55..\\
taM bAShpaparipUrNAkShaH pR^iShThato.anujagAma ha . 
lakShmaNaH paramakruddhaH sumitrAnandavardhanaH .. 56..\\
AbhiShechanikaM bhANDa.n kR^itvA rAmaH pradakShiNam . 
shanairjagAma sApekSho dR^iShTi.n tatrAvichAlayan .. 57..\\
na chAsya mahatI.n lakShmIM rAjyanAsho.apakarShati . 
lokakAntasya kAntatva.n shItarashmeriva kShapA .. 58..\\
na vana.n gantukAmasya tyajatashcha vasundharAm . 
sarvalokAtigasyeva lakShyate chittavikriyA .. 59..\\
dhArayanmanasA duHkhamindriyANi nigR^ihya cha . 
praviveshAtmavAnveshma mAturapriyasha.nsivAn .. 60..\\
pravishya veshmAtibhR^ishaM mudAnvitaM 
samIkShya tA.n chArthavipattimAgatAm . 
na chaiva rAmo.atra jagAma vikriyAM 
suhR^ijjanasyAtmavipattisha~NkayA .. 61..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}