\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 18
tathA tu vilapantI.n tAM kausalyA.n rAmamAtaram . 
uvAcha lakShmaNo dInastatkAlasadR^isha.n vachaH .. 1..\\
na rochate mamApyetadArye yadrAghavo vanam . 
tyaktvA rAjyashriya.n gachchhetstriyA vAkyavashaM gataH .. 2..\\
viparItashcha vR^iddhashcha viShayaishcha pradharShitaH . 
nR^ipaH kimiva na brUyAchchodyamAnaH samanmathaH .. 3..\\
nAsyAparAdhaM pashyAmi nApi doSha.n tathA vidham . 
yena nirvAsyate rAShTrAdvanavAsAya rAghavaH .. 4..\\
na taM pashyAmyaha.n loke parokShamapi yo naraH . 
amitro.api nirasto.api yo.asya doShamudAharet .. 5..\\
devakalpamR^iju.n dAnta.n ripUNAm api vatsalam . 
avekShamANaH ko dharma.n tyajetputramakAraNAt .. 6..\\
tadida.n vachanaM rAGYaH punarbAlyamupeyuShaH . 
putraH ko hR^idaye kuryAdrAjavR^ittamanusmaran .. 7..\\
yAvadeva na jAnAti kashchidarthamimaM naraH . 
tAvadeva mayA sAdhamAtmastha.n kuru shAsanam .. 8..\\
mayA pArshve sadhanuShA tava guptasya rAghava . 
kaH samartho.adhika.n kartuM kR^itAntasyeva tiShThataH .. 9..\\
nirmanuShyAmimA.n sarvAmayodhyAM manujarShabha . 
kariShyAmi sharaistIkShNairyadi sthAsyati vipriye .. 10..\\
bharatasyAtha pakShyo vA yo vAsya hitamichchhati . 
sarvAnetAnvadhiShyAmi mR^idurhi paribhUyate .. 11..\\
tvayA chaiva mayA chaiva kR^itvA vairamanuttamam . 
kasya shaktiH shriya.n dAtuM bharatAyArishAsana .. 12..\\
anurakto.asmi bhAvena bhrAtara.n devi tattvataH . 
satyena dhanuShA chaiva datteneShTena te shape .. 13..\\
dIptamagnimaraNya.n vA yadi rAmaH pravekShyate . 
praviShTa.n tatra mAM devi tvaM pUrvamavadhAraya .. 14..\\
harAmi vIryAdduHkha.n te tamaH sUrya ivoditaH . 
devI pashyatu me vIrya.n rAghavashchaiva pashyatu .. 15..\\
etattu vachana.n shrutvA lakShmaNasya mahAtmanaH . 
uvAcha rAma.n kausalyA rudantI shokalAlasA .. 16..\\
bhrAtuste vadataH putra lakShmaNasya shruta.n tvayA . 
yadatrAnantara.n tattvaM kuruShva yadi rochate .. 17..\\
na chAdharmya.n vachaH shrutvA sapatnyA mama bhAShitam . 
vihAya shokasantaptA.n gantumarhasi mAmitaH .. 18..\\
dharmaGYa yadi dharmiShTho dharma.n charitumichchhasi . 
shushrUSha mAmihasthastva.n chara dharmamanuttamam .. 19..\\
shushrUShurjananIM putra svagR^ihe niyato vasan . 
pareNa tapasA yuktaH kAshyapastridiva.n gataH .. 20..\\
yathaiva rAjA pUjyaste gauraveNa tathA hyaham . 
tvAM nAhamanujAnAmi na gantavyamito vanam .. 21..\\
tvadviyogAnna me kArya.n jIvitena sukhena vA . 
tvayA saha mama shreyastR^iNAnAmapi bhakShaNam .. 22..\\
yadi tva.n yAsyasi vana.n tyaktvA mAM shokalAlasAm . 
ahaM prAyamihAsiShye na hi shakShyAmi jIvitum .. 23..\\
tatastvaM prApsyase putra niraya.n lokavishrutam . 
brahmahatyAmivAdharmAtsamudraH saritAM patiH .. 24..\\
vilapantI.n tathA dInAM kausalyAM jananIM tataH . 
uvAcha rAmo dharmAtmA vachana.n dharmasa.nhitam .. 25..\\
nAsti shaktiH piturvAkya.n samatikramituM mama . 
prasAdaye tvA.n shirasA gantumichchhAmyahaM vanam .. 26..\\
R^iShiNA cha piturvAkya.n kurvatA vratachAriNA . 
gaurhatA jAnatA dharma.n kaNDunApi vipashchitA .. 27..\\
asmAka.n cha kule pUrva.n sagarasyAGYayA pituH . 
khanadbhiH sAgarairbhUtimavAptaH sumahAnvadhaH .. 28..\\
jAmadagnyena rAmeNa reNukA jananI svayam . 
kR^ittA parashunAraNye piturvachanakAriNA .. 29..\\
na khalvetanmayaikena kriyate pitR^ishAsanam . 
pUrvairayamabhipreto gato mArgo.anugamyate .. 30..\\
tadetattu mayA kArya.n kriyate bhuvi nAnyathA . 
piturhi vachana.n kurvanna kashchinnAma hIyate .. 31..\\
tAmevamuktvA jananI.n lakShmaNaM punarabravIt . 
tava lakShmaNa jAnAmi mayi snehamanuttamam . 
abhiprAyamaviGYAya satyasya cha shamasya cha .. 32..\\
dharmo hi paramo loke dharme satyaM pratiShThitam . 
dharmasaMshritametachcha piturvachanamuttamam .. 33..\\
saMshrutya cha piturvAkyaM mAturvA brAhmaNasya vA . 
na kartavya.n vR^ithA vIra dharmamAshritya tiShThatA .. 34..\\
so.ahaM na shakShyAmi piturniyogamativartitum . 
piturhi vachanAdvIra kaikeyyAhaM prachoditaH .. 35..\\
tadenA.n visR^ijAnAryA.n kShatradharmAshritAM matim . 
dharmamAshraya mA taikShNyaM madbuddhiranugamyatAm .. 36..\\
tamevamuktvA sauhArdAdbhrAtara.n lakShmaNAgrajaH . 
uvAcha bhUyaH kausalyAM prA~njaliH shirasAnataH .. 37..\\
anumanyasva mA.n devi gamiShyantamito vanam . 
shApitAsi mama prANaiH kuru svastyayanAni me . 
tIrNapratiGYashcha vanAtpunareShyAmyahaM purIm .. 38..\\
yasho hyaha.n kevalarAjyakAraNAn 
na pR^iShThataH kartumalaM mahodayam . 
adIrghakAle na tu devi jIvite 
vR^iNe.avarAmadya mahImadharmataH .. 39..\\
prasAdayannaravR^iShabhaH sa mAtaraM 
parAkramAjjigamiShureva daNDakAn . 
athAnujaM bhR^ishamanushAsya darshanaM 
chakAra tA.n hR^idi jananIM pradakShiNam .. 40..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}