\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 2
tataH pariShada.n sarvAmAmantrya vasudhAdhipaH . 
hitamuddharShaNa.n chedamuvAchApratima.n vachaH .. 1..\\
dundubhisvanakalpena gambhIreNAnunAdinA . 
svareNa mahatA rAjA jIgmUta iva nAdayan .. 2..\\
so.ahamikShvAkubhiH pUrvairnarendraiH paripAlitam . 
shreyasA yoktukAmo.asmi sukhArhamakhila.n jagat .. 3..\\
mayApyAcharitaM pUrvaiH panthAnamanugachchhatA . 
prajA nityamatandreNa yathAshaktyabhirakShatA .. 4..\\
ida.n sharIra.n kR^itsnasya lokasya charatA hitam . 
pANDurasyAtapatrasyachchhAyAyA.n jaritaM mayA .. 5..\\
prApya varShasahasrANi bahUnyAyUMShi jIvitaH . 
jIrNasyAsya sharIrasya vishrAntimabhirochaye .. 6..\\
rAjaprabhAvajuShTA.n hi durvahAmajitendriyaiH . 
parishrAnto.asmi lokasya gurvI.n dharmadhura.n vahan .. 7..\\
so.aha.n vishramamichchhAmi putra.n kR^itvA prajAhite . 
saMnikR^iShTAnimAnsarvAnanumAnya dvijarShabhAn .. 8..\\
anujAto hi me sarvairguNairjyeShTho mamAtmajaH . 
purandarasamo vIrye rAmaH parapura~njayaH .. 9..\\
ta.n chandramiva puShyeNa yuktaM dharmabhR^itA.n varam . 
yauvarAjyena yoktAsmi prItaH puruShapu~Ngavam .. 10..\\
anurUpaH sa vo nAtho lakShmIvA.NllakShmaNAgrajaH . 
trailokyamapi nAthena yena syAnnAthavattaram .. 11..\\
anena shreyasA sadyaH sa.nyojyAhamimAM mahIm . 
gataklesho bhaviShyAmi sute tasminniveshya vai .. 12..\\
iti bruvantaM muditAH pratyanandannR^ipA nR^ipam . 
vR^iShTimantaM mahAmeghaM nardantamiva barhiNaH .. 13..\\
tasya dharmArthaviduSho bhAvamAGYAya sarvashaH . 
Uchushcha manasA GYAtvA vR^iddha.n dasharathaM nR^ipam .. 14..\\
anekavarShasAhasro vR^iddhastvamasi pArthiva . 
sa rAma.n yuvarAjAnamabhiShi~nchasva pArthivam .. 15..\\
iti tadvachana.n shrutvA rAjA teShAM manaHpriyam . 
ajAnanniva jiGYAsurida.n vachanamabravIt .. 16..\\
kathaM nu mayi dharmeNa pR^ithivImanushAsati . 
bhavanto draShTumichchhanti yuvarAjaM mamAtmajam .. 17..\\
te tamUchurmahAtmAnaM paurajAnapadaiH saha . 
bahavo nR^ipa kalyANA guNAH putrasya santi te .. 18..\\
divyairguNaiH shakrasamo rAmaH satyaparAkramaH . 
ikShvAkubhyo hi sarvebhyo.apyatirakto vishAmpate .. 19..\\
rAmaH satpuruSho loke satyadharmaparAyaNaH . 
dharmaGYaH satyasandhashcha shIlavAnanasUyakaH .. 20..\\
kShAntaH sAntvayitA shlakShNaH kR^itaGYo vijitendriyaH . 
mR^idushcha sthirachittashcha sadA bhavyo.anasUyakaH .. 21..\\
priyavAdI cha bhUtAnA.n satyavAdI cha rAghavaH . 
bahushrutAnA.n vR^iddhAnAM brAhmaNAnAmupAsitA .. 22..\\
tenAsyehAtulA kIrtiryashastejash cha vardhate . 
devAsuramanuShyANA.n sarvAstreShu vishAradaH .. 23..\\
yadA vrajati sa~NgrAma.n grAmArthe nagarasya vA . 
gatvA saumitrisahito nAvijitya nivartate .. 24..\\
sa~NgrAmAtpunarAgamya ku~njareNa rathena vA . 
paurAnsvajanavannitya.n kushalaM paripR^ichchhati .. 25..\\
putreShvagniShu dAreShu preShyashiShyagaNeShu cha . 
nikhilenAnupUrvyA cha pitA putrAnivaurasAn .. 26..\\
shushrUShante cha vaH shiShyAH kachchitkarmasu daMshitAH . 
iti naH puruShavyAghraH sadA rAmo.abhibhAShate .. 27..\\
vyasaneShu manuShyANAM bhR^ishaM bhavati duHkhitaH . 
utsaveShu cha sarveShu piteva parituShyati .. 28..\\
satyavAdI maheShvAso vR^iddhasevI jitendriyaH . 
vatsaH shreyasi jAtaste diShTyAsau tava rAghavaH . 
diShTyA putraguNairyukto mArIcha iva kashyapaH .. 29..\\
balamArogyamAyushcha rAmasya viditAtmanaH . 
Asha.nsate janaH sarvo rAShTre puravare tathA .. 30..\\
abhyantarashcha bAhyashcha paurajAnapado janaH . 
striyo vR^iddhAstaruNyashcha sAyamprAtaH samAhitAH .. 31..\\
sarvAndevAnnamasyanti rAmasyArthe yashasvinaH . 
teShAmAyAchita.n deva tvatprasAdAtsamR^idhyatAm .. 32..\\
rAmamindIvarashyAma.n sarvashatrunibarhaNam . 
pashyAmo yauvarAjyastha.n tava rAjottamAtmajam .. 33..\\
ta.n devadevopamamAtmajaM te 
sarvasya lokasya hite niviShTam . 
hitAya naH kShipramudArajuShTaM 
mudAbhiShektu.n varada tvamarhasi .. 34..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}