\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 21
ta.n samIkShya tvavahitaM piturnirdeshapAlane . 
kausalyA bAShpasa.nruddhA vacho dharmiShThamabravIt .. 1..\\
adR^iShTaduHkho dharmAtmA sarvabhUtapriya.nvadaH . 
mayi jAto dasharathAtkathamu~nchhena vartayet .. 2..\\
yasya bhR^ityAshcha dAsAshcha mR^iShTAnyannAni bhu~njate . 
katha.n sa bhokShyate nAtho vane mUlaphalAnyayam .. 3..\\
ka etachchhraddadhechchhrutvA kasya vA na bhavedbhayam . 
guNavAndayito rAGYo rAghavo yadvivAsyate .. 4..\\
tvayA vihInAmiha mA.n shokAgniratulo mahAn . 
pradhakShyati yathA kakSha.n chitrabhAnurhimAtyaye .. 5..\\
katha.n hi dhenuH svaM vatsa.n gachchhantaM nAnugachchhati . 
aha.n tvAnugamiShyAmi yatra putra gamiShyasi .. 6..\\
tathA nigaditaM mAtrA tadvAkyaM puruSharShabhaH . 
shrutvA rAmo.abravIdvAkyaM mAtaraM bhR^ishaduHkhitAm .. 7..\\
kaikeyyA va~nchito rAjA mayi chAraNyamAshrite . 
bhavatyA cha parityakto na nUna.n vartayiShyati .. 8..\\
bhartuH kila parityAgo nR^isha.nsaH kevala.n striyAH . 
sa bhavatyA na kartavyo manasApi vigarhitaH .. 9..\\
yAvajjIvati kAkutsthaH pitA me jagatIpatiH . 
shushrUShA kriyatA.n tAvatsa hi dharmaH sanAtanaH .. 10..\\
evamuktA tu rAmeNa kausalyA shubha darshanA . 
tathetyuvAcha suprItA rAmamakliShTakAriNam .. 11..\\
evamuktastu vachana.n rAmo dharmabhR^itAM varaH . 
bhUyastAmabravIdvAkyaM mAtaraM bhR^ishaduHkhitAm .. 12..\\
mayA chaiva bhavatyA cha kartavya.n vachanaM pituH . 
rAjA bhartA guruH shreShThaH sarveShAmIshvaraH prabhuH .. 13..\\
imAni tu mahAraNye vihR^itya nava pa~ncha cha . 
varShANi paramaprItaH sthAsyAmi vachane tava .. 14..\\
evamuktA priyaM putraM bAShpapUrNAnanA tadA . 
uvAcha paramArtA tu kausalyA putravatsalA .. 15..\\
AsA.n rAma sapatnInAM vastuM madhye na me kShamam . 
naya mAmapi kAkutstha vana.n vanyaM mR^igIM yathA . 
yadi te gamane buddhiH kR^itA piturapekShayA .. 16..\\
tA.n tathA rudatI.n rAmo rudanvachanamabravIt . 
jIvantyA hi striyA bhartA daivataM prabhureva cha . 
bhavatyA mama chaivAdya rAjA prabhavati prabhuH .. 17..\\
bharatashchApi dharmAtmA sarvabhUtapriya.nvadaH . 
bhavatImanuvarteta sa hi dharmarataH sadA .. 18..\\
yathA mayi tu niShkrAnte putrashokena pArthivaH . 
shramaM nAvApnuyAtki.n chidapramattA tathA kuru .. 19..\\
vratopavAsaniratA yA nArI paramottamA . 
bhartAraM nAnuvarteta sA cha pApagatirbhavet .. 20..\\
shushrUShameva kurvIta bhartuH priyahite ratA . 
eSha dharmaH purA dR^iShTo loke vede shrutaH smR^itaH .. 21..\\
pUjyAste matkR^ite devi brAhmaNAshchaiva suvratAH . 
eva.n kAlaM pratIkShasva mamAgamanakA~NkShiNI .. 22..\\
prApsyase parama.n kAmaM mayi pratyAgate sati . 
yadi dharmabhR^itA.n shreShTho dhArayiShyati jIvitam .. 23..\\
evamuktA tu rAmeNa bAShpaparyAkulekShaNA . 
kausalyA putrashokArtA rAma.n vachanamabravIt . 
gachchha putra tvamekAgro bhadra.n te.astu sadA vibho .. 24..\\
tathA hi rAma.n vanavAsanishchitaM 
samIkShya devI parameNa chetasA . 
uvAcha rAma.n shubhalakShaNaM vacho 
babhUva cha svastyayanAbhikA~NkShiNI .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}