\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 22
sApanIya tamAyAsamupaspR^ishya jala.n shuchi . 
chakAra mAtA rAmasya ma~NgalAni manasvinI .. 1..\\
svasti sAdhyAshcha vishve cha marutashcha maharShayaH . 
svasti dhAtA vidhAtA cha svasti pUShA bhago.aryamA .. 2..\\
R^itavashchaiva pakShAshcha mAsAH sa.nvatsarAH kShapAH . 
dinAni cha muhUrtAshcha svasti kurvantu te sadA .. 3..\\
smR^itirdhR^itishcha dharmashcha pAntu tvAM putra sarvataH . 
skandashcha bhagavAndevaH somashcha sabR^ihaspatiH .. 4..\\
saptarShayo nAradashcha te tvA.n rakShantu sarvataH . 
nakShatrANi cha sarvANi grahAshcha sahadevatAH . 
mahAvanAni charato muniveShasya dhImataH .. 5..\\
plavagA vR^ishchikA daMshA mashakAshchaiva kAnane . 
sarIsR^ipAshcha kITAshcha mA bhUvangahane tava .. 6..\\
mahAdvipAshcha si.nhAshcha vyAghrA R^ikShAshcha daMShTriNaH . 
mahiShAH shR^i~NgiNo raudrA na te druhyantu putraka .. 7..\\
nR^imA.nsabhojanA raudrA ye chAnye sattvajAtayaH . 
mA cha tvA.n hi.nsiShuH putra mayA sampUjitAstviha .. 8..\\
AgamAste shivAH santu sidhyantu cha parAkramAH . 
sarvasampattayo rAma svastimAngachchha putraka .. 9..\\
svasti te.astvAntarikShebhyaH pArthivebhyaH punaH punaH . 
sarvebhyashchaiva devebhyo ye cha te paripanthinaH .. 10..\\
sarvalokaprabhurbrahmA bhUtabhartA tatharShayaH . 
ye cha sheShAH surAste tvA.n rakShantu vanavAsinam .. 11..\\
iti mAlyaiH suragaNAngandhaishchApi yashasvinI . 
stutibhishchAnurUpAbhirAnarchAyatalochanA .. 12..\\
yanma~Ngala.n sahasrAkShe sarvadevanamaskR^ite . 
vR^itranAshe samabhavattatte bhavatu ma~Ngalam .. 13..\\
yanma~Ngala.n suparNasya vinatAkalpayatpurA . 
amR^itaM prArthayAnasya tatte bhavatu ma~Ngalam .. 14..\\
oShadhI.n chApi siddhArthA.n vishalyakaraNIM shubhAm . 
chakAra rakShA.n kausalyA mantrairabhijajApa cha .. 15..\\
Anamya mUrdhni chAghrAya pariShvajya yashasvinI . 
avadatputra siddhArtho gachchha rAma yathAsukham .. 16..\\
aroga.n sarvasiddhArthamayodhyAM punarAgatam . 
pashyAmi tvA.n sukhaM vatsa susthitaM rAjaveshmani .. 17..\\
mayArchitA devagaNAH shivAdayo 
maharShayo bhUtamahAsuroragAH . 
abhiprayAtasya vana.n chirAya te 
hitAni kA~NkShantu dishashcha rAghava .. 18..\\
itIva chAshrupratipUrNalochanA 
samApya cha svastyayana.n yathAvidhi . 
pradakShiNa.n chaiva chakAra rAghavaM 
punaH punashchApi nipIDya sasvaje .. 19..\\
tathA tu devyA sa kR^itapradakShiNo 
nipIDya mAtushcharaNau punaH punaH . 
jagAma sItAnilayaM mahAyashAH 
sa rAghavaH prajvalitaH svayA shriyA .. 20..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}