\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 24
evamuktA tu vaidehI priyArhA priyavAdinI . 
praNayAdeva sa~NkruddhA bhartAramidamabravIt .. 1..\\
Aryaputra pitA mAtA bhrAtA putrastathA snuShA . 
svAni puNyAni bhu~njAnAH sva.n svaM bhAgyamupAsate .. 2..\\
bharturbhAgya.n tu bhAryaikA prApnoti puruSharShabha . 
atashchaivAhamAdiShTA vane vastavyamityapi .. 3..\\
na pitA nAtmajo nAtmA na mAtA na sakhIjanaH . 
iha pretya cha nArINAM patireko gatiH sadA .. 4..\\
yadi tvaM prasthito durga.n vanamadyaiva rAghava . 
agrataste gamiShyAmi mR^idnantI kushakaNTakAn .. 5..\\
IrShyA roShau bahiShkR^itya bhuktasheShamivodakam . 
naya mA.n vIra vishrabdhaH pApaM mayi na vidyate .. 6..\\
prAsAdAgrairvimAnairvA vaihAyasagatena vA . 
sarvAvasthAgatA bhartuH pAdachchhAyA vishiShyate .. 7..\\
anushiShTAsmi mAtrA cha pitrA cha vividhAshrayam . 
nAsmi samprati vaktavyA vartitavya.n yathA mayA .. 8..\\
sukha.n vane nivatsyAmi yathaiva bhavane pituH . 
achintayantI trI.NllokAMshchintayantI pativratam .. 9..\\
shushrUShamANA te nityaM niyatA brahmachAriNI . 
saha ra.nsye tvayA vIra vaneShu madhugandhiShu .. 10..\\
tva.n hi kartuM vane shakto rAma samparipAlanam . 
anyasya pai janasyeha kiM punarmama mAnada .. 11..\\
phalamUlAshanA nityaM bhaviShyAmi na saMshayaH . 
na te duHkha.n kariShyAmi nivasantI saha tvayA .. 12..\\
ichchhAmi saritaH shailAnpalvalAni vanAni cha . 
draShTu.n sarvatra nirbhItA tvayA nAthena dhImatA .. 13..\\
ha.nsakAraNDavAkIrNAH padminIH sAdhupuShpitAH . 
ichchheya.n sukhinI draShTu.n tvayA vIreNa sa~NgatA .. 14..\\
saha tvayA vishAlAkSha ra.nsye paramanandinI . 
eva.n varShasahasrANAM shataM vAha.n tvayA saha .. 15..\\
svarge.api cha vinA vAso bhavitA yadi rAghava . 
tvayA mama naravyAghra nAha.n tamapi rochaye .. 16..\\
aha.n gamiShyAmi vana.n sudurgamaM 
mR^igAyuta.n vAnaravAraNairyutam . 
vane nivatsyAmi yathA piturgR^ihe 
tavaiva pAdAvupagR^ihya saMmatA .. 17..\\
ananyabhAvAmanuraktachetasaM 
tvayA viyuktAM maraNAya nishchitAm . 
nayasva mA.n sAdhu kuruShva yAchanAM 
na te mayAto gurutA bhaviShyati .. 18..\\
tathA bruvANAm api dharmavatsalo 
na cha sma sItAM nR^ivaro ninIShati . 
uvAcha chainAM bahu saMnivartane 
vane nivAsasya cha duHkhitAM prati .. 19..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}