\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 27
sAntvyamAnA tu rAmeNa maithilI janakAtmajA . 
vanavAsanimittAya bhartAramidamabravIt .. 1..\\
sA tamuttamasa.nvignA sItA vipulavakShasaM . 
praNayAchchAbhimAnAchcha parichikShepa rAghavam .. 2..\\
ki.n tvAmanyata vaidehaH pitA me mithilAdhipaH . 
rAma jAmAtaraM prApya striyaM puruShavigraham .. 3..\\
anR^itaM balaloko.ayamaGYAnAdyaddhi vakShyati . 
tejo nAsti para.n rAme tapatIva divAkare .. 4..\\
ki.n hi kR^itvA viShaNNastva.n kuto vA bhayamasti te . 
yatparityaktukAmastvaM mAmananyaparAyaNAm .. 5..\\
dyumatsenasuta.n vIra satyavantamanuvratAm . 
sAvitrImiva mA.n viddhi tvamAtmavashavartinIm .. 6..\\
na tvahaM manasApyanya.n draShTAsmi tvadR^ite.anagha . 
tvayA rAghava gachchheya.n yathAnyA kulapA.nsanI .. 7..\\
svaya.n tu bhAryAM kaumArIM chiramadhyuShitA.n satIm . 
shailUSha iva mA.n rAma parebhyo dAtumichchhasi .. 8..\\
sa mAmanAdAya vanaM na tvaM prasthAtumarhasi . 
tapo vA yadi vAraNya.n svargo vA syAtsaha tvayA .. 9..\\
na cha me bhavitA tatra kashchitpathi parishramaH . 
pR^iShThatastava gachchhantyA vihArashayaneShvapi .. 10..\\
kushakAshashareShIkA ye cha kaNTakino drumAH . 
tUlAjinasamasparshA mArge mama saha tvayA .. 11..\\
mahAvAta samuddhUta.n yanmAmavakariShyati . 
rajo ramaNa tanmanye parArdhyamiva chandanam .. 12..\\
shAdvaleShu yadAsiShye vanAnte vanagorachA . 
kuthAstaraNatalpeShu ki.n syAtsukhatara.n tataH .. 13..\\
patraM mUlaM phala.n yattvamalpaM vA yadi vA bahu . 
dAsyasi svayamAhR^itya tanme.amR^itarasopamam .. 14..\\
na mAturna pitustatra smariShyAmi na veshmanaH . 
ArtavAnyupabhu~njAnA puShpANi cha phalAni cha .. 15..\\
na cha tatra gataH ki.n chiddraShTumarhasi vipriyam . 
matkR^ite na cha te shoko na bhaviShyAmi durbharA .. 16..\\
yastvayA saha sa svargo nirayo yastvayA vinA . 
iti jAnanparAM prIti.n gachchha rAma mayA saha .. 17..\\
atha mAmevamavyagrA.n vanaM naiva nayiShyasi . 
viShamadyaiva pAsyAmi mA visha.n dviShatA.n vasham .. 18..\\
pashchAdapi hi duHkhena mama naivAsti jIvitam . 
ujjhitAyAstvayA nAtha tadaiva maraNa.n varam .. 19..\\
ida.n hi sahituM shokaM muhUrtamapi notsahe . 
kiM punardashavarShANi trINi chaika.n cha duHkhitA .. 20..\\
iti sA shokasantaptA vilapya karuNaM bahu . 
chukrosha patimAyastA bhR^ishamAli~Ngya sasvaram .. 21..\\
sA viddhA bahubhirvAkyairdigdhairiva gajA~NganA . 
chira saMniyataM bAShpaM mumochAgnimivAraNiH .. 22..\\
tasyAH sphaTikasa~NkAsha.n vAri santApasambhavam . 
netrAbhyAM parisusrAva pa~NkajAbhyAm ivodakam .. 23..\\
tAM pariShvajya bAhubhyA.n visa.nj~nAmiva duHkhitAm . 
uvAcha vachana.n rAmaH parivishvAsaya.nstadA .. 24..\\
na devi tava duHkhena svargamapyabhirochaye . 
na hi me.asti bhaya.n kiM chitsvayambhoriva sarvataH .. 25..\\
tava sarvamabhiprAyamaviGYAya shubhAnane . 
vAsaM na rochaye.araNye shaktimAnapi rakShaNe .. 26..\\
yatsR^iShTAsi mayA sArdha.n vanavAsAya maithili . 
na vihAtuM mayA shakyA kIrtirAtmavatA yathA .. 27..\\
dharmastu gajanAsoru sadbhirAcharitaH purA . 
ta.n chAhamanuvarte.adya yathA sUrya.n suvarchalA .. 28..\\
eSha dharmastu sushroNi piturmAtushcha vashyatA . 
atashchAGYA.n vyatikramya nAha.n jIvitumutsahe .. 29..\\
sa mAM pitA yathA shAsti satyadharmapathe sthitaH . 
tathA vartitumichchhAmi sa hi dharmaH sanAtanaH . 
anugachchhasva mAM bhIru sahadharmacharI bhava .. 30..\\
brAhmaNebhyashcha ratnAni bhikShukebhyash cha bhojanam . 
dehi chAsha.nsamAnebhyaH santvarasva cha mAchiram .. 31..\\
anukUla.n tu sA bharturGYAtvA gamanamAtmanaH . 
kShipraM pramuditA devI dAtumevopachakrame .. 32..\\
tataH prahR^iShTA paripUrNamAnasA 
yashasvinI bharturavekShya bhAShitam . 
dhanAni ratnAni cha dAtuma~NganA 
prachakrame dharmabhR^itAM manasvinI .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}