\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 29
tataH shAsanamAGYAya bhrAtuH shubhataraM priyam . 
gatvA sa praviveshAshu suyaGYasya niveshanam .. 1..\\
ta.n vipramagnyagArasthaM vanditvA lakShmaNo.abravIt . 
sakhe.abhyAgachchha pashya tva.n veshma duShkarakAriNaH .. 2..\\
tataH sandhyAmupAsyAshu gatvA saumitriNA saha . 
juShTa.n tatprAvishallakShmyA ramya.n rAmaniveshanam .. 3..\\
tamAgata.n vedavidaM prA~njaliH sItayA saha . 
suyaGYamabhichakrAma rAghavo.agnimivArchitam .. 4..\\
jAtarUpamayairmukhyaira~NgadaiH kuNDalaiH shubhaiH . 
sahema sUtrairmaNibhiH keyUrairvalayairapi .. 5..\\
anyaishcha ratnairbahubhiH kAkutsthaH pratyapUjayat . 
suyaGYa.n sa tadovAcha rAmaH sItAprachoditaH .. 6..\\
hAra.n cha hemasUtraM cha bhAryAyai saumya hAraya . 
rashanA.n chAdhunA sItA dAtumichchhati te sakhe .. 7..\\
parya~NkamagryAstaraNaM nAnAratnavibhUShitam . 
tamapIchchhati vaidehI pratiShThApayitu.n tvayi .. 8..\\
nAgaH shatru.n jayo nAma mAtulo yaM dadau mama . 
ta.n te gajasahasreNa dadAmi dvijapu~Ngava .. 9..\\
ityuktaH sa hi rAmeNa suyaGYaH pratigR^ihya tat . 
rAmalakShmaNasItAnAM prayuyojAshiShaH shivAH .. 10..\\
atha bhrAtaramavyagraM priya.n rAmaH priya.nvadaH . 
saumitri.n tamuvAchedaM brahmeva tridasheshvaram .. 11..\\
agastya.n kaushikaM chaiva tAvubhau brAhmaNottamau . 
archayAhUya saumitre ratnaiH sasyamivAmbubhiH .. 12..\\
kausalyA.n cha ya AshIrbhirbhaktaH paryupatiShThati . 
AchAryastaittirIyANAmabhirUpash cha vedavit .. 13..\\
tasya yAna.n cha dAsIshcha saumitre sampradApaya . 
kausheyAni cha vastrANi yAvattuShyati sa dvijaH .. 14..\\
sUtashchitrarathashchAryaH sachivaH suchiroShitaH . 
toShayainaM mahArhaishcha ratnairvastrairdhanaistathA .. 15..\\
shAlivAhasahasra.n cha dve shate bhadrakA.nstathA . 
vya~njanArtha.n cha saumitre gosahasramupAkuru .. 16..\\
tataH sa puruShavyAghrastaddhana.n lakShmaNaH svayam . 
yathoktaM brAhmaNendrANAmadadAddhanado yathA .. 17..\\
athAbravIdbAShpakalA.nstiShThatashchopajIvinaH . 
sampradAya bahu dravyamekaikasyopajIvinaH .. 18..\\
lakShmaNasya cha yadveshma gR^iha.n cha yadidaM mama . 
ashUnya.n kAryamekaika.n yAvadAgamanaM mama .. 19..\\
ityuktvA duHkhita.n sarva.n janaM tamupajIvinam . 
uvAcheda.n dhanadhyakShaM dhanamAnIyatAm iti . 
tato.asya dhanamAjahruH sarvamevopajIvinaH .. 20..\\
tataH sa puruShavyAghrastaddhana.n sahalakShmaNaH . 
dvijebhyo bAlavR^iddhebhyaH kR^ipaNebhyo.abhyadApayat .. 21..\\
tatrAsItpi~Ngalo gArgyastrijaTo nAma vai dvijaH . 
A pa~nchamAyAH kakShyAyA naina.n kashchidavArayat .. 22..\\
sa rAjaputramAsAdya trijaTo vAkyamabravIt . 
nirdhano bahuputro.asmi rAjaputra mahAyashaH . 
u~nchhavR^ittirvane nityaM pratyavekShasva mAm iti .. 23..\\
tamuvAcha tato rAmaH parihAsasamanvitam . 
gavA.n sahasramapyekaM na tu vishrANitaM mayA . 
parikShipasi daNDena yAvattAvadavApsyasi .. 24..\\
sa shATI.n tvaritaH kaTyA.n sambhrAntaH pariveShTya tAm . 
Avidhya daNDa.n chikShepa sarvaprANena vegitaH .. 25..\\
uvAcha cha tato rAmasta.n gArgyamabhisAntvayan . 
manyurna khalu kartavyaH parihAso hyayaM mama .. 26..\\
tataH sabhAryastrijaTo mahAmunir 
gavAmanIkaM pratigR^ihya moditaH . 
yashobalaprItisukhopabR^i.nhiNIs 
tadAshiShaH pratyavadanmahAtmanaH .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}