\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 3
teShAmaGYalipadmAni pragR^ihItAni sarvashaH . 
pratigR^ihyAbravIdrAjA tebhyaH priyahita.n vachaH .. 1..\\
aho.asmi paramaprItaH prabhAvashchAtulo mama . 
yanme jyeShThaM priyaM putra.n yauvarAjyasthamichchhatha .. 2..\\
iti pratyarchya tAnrAjA brAhmaNAnidamabravIt . 
vasiShTha.n vAmadeva.n cha teShAmevopashR^iNvatAm .. 3..\\
chaitraH shrImAnayaM mAsaH puNyaH puShpitakAnanaH . 
yauvarAjyAya rAmasya sarvamevopakalpyatAm .. 4..\\
kR^itamityeva chAbrUtAm abhigamya jagatpatim . 
yathoktavachanaM prItau harShayuktau dvijarShabhau .. 5..\\
tataH sumantra.n dyutimAnrAjA vachanamabravIt . 
rAmaH kR^itAtmA bhavatA shIghramAnIiyataam iti .. 6..\\
sa tatheti pratiGYAya sumantro rAjashAsanAt . 
rAma.n tatrAnayAM chakre rathena rathinA.n varam .. 7..\\
atha tatra samAsInAstadA dasharathaM nR^ipam . 
prAchyodIchyAH pratIchyAshcha dAkShiNAtyAshcha bhUmipAH .. 8..\\
mlechchhAshchAryAshcha ye chAnye vanashailAntavAsinaH . 
upAsA.n chakrire sarve taM devA iva vAsavam .. 9..\\
teShAM madhye sa rAjarShirmarutAmiva vAsavaH . 
prAsAdastho rathagata.n dadarshAyAntamAtmajam .. 10..\\
gandharvarAjapratima.n loke vikhyAtapauruSham . 
dIrghabAhuM mahAsattvaM mattamAta~NgagAminam .. 11..\\
chandrakAntAnana.n rAmamatIva priyadarshanam . 
rUpaudAryaguNaiH pu.nsA.n dR^iShTichittApahAriNam .. 12..\\
gharmAbhitaptAH parjanya.n hlAdayantamiva prajAH . 
na tatarpa samAyAntaM pashyamAno narAdhipaH .. 13..\\
avatArya sumantrasta.n rAghavaM syandanottamAt . 
pituH samIpa.n gachchhantaM prA~njaliH pR^iShThato.anvagAt .. 14..\\
sa ta.n kailAsashR^i~NgAbhaM prAsAdaM narapu~NgavaH . 
Aruroha nR^ipa.n draShTu.n saha sUtena rAghavaH .. 15..\\
sa prA~njalirabhipretya praNataH piturantike . 
nAma sva.n shrAvayanrAmo vavande charaNau pituH .. 16..\\
ta.n dR^iShTvA praNataM pArshve kR^itA~njalipuTaM nR^ipaH . 
gR^ihyA~njalau samAkR^iShya sasvaje priyamAtmajam .. 17..\\
tasmai chAbhyudyata.n shrImAnmaNikA~nchanabhUShitam . 
didesha rAjA ruchira.n rAmAya paramAsanam .. 18..\\
tadAsanavaraM prApya vyadIpayata rAghavaH . 
svayeva prabhayA merumudaye vimalo raviH .. 19..\\
tena vibhrAjitA tatra sA sabhAbhivyarochata . 
vimalagrahanakShatrA shAradI dyaurivendunA .. 20..\\
taM pashyamAno nR^ipatistutoSha priyamAtmajam . 
ala~NkR^itamivAtmAnamAdarshatalasa.nsthitam .. 21..\\
sa ta.n sasmitamAbhAShya putraM putravatAM varaH . 
uvAcheda.n vacho rAjA devendramiva kashyapaH .. 22..\\
jyeShThAyAmasi me patnyA.n sadR^ishyAM sadR^ishaH sutaH . 
utpannastva.n guNashreShTho mama rAmAtmajaH priyaH .. 23..\\
tvayA yataH prajAshchemAH svaguNairanura~njitAH . 
tasmAttvaM puShyayogena yauvarAjyamavApnuhi .. 24..\\
kAmatastvaM prakR^ityaiva vinIto guNavAnasi . 
guNavatyapi tu snehAtputra vakShyAmi te hitam .. 25..\\
bhUyo vinayamAsthAya bhava nitya.n jitendriyaH . 
kAmakrodhasamutthAni tyajethA vyasanAni cha .. 26..\\
parokShayA vartamAno vR^ittyA pratyakShayA tathA . 
amAtyaprabhR^itIH sarvAH prakR^itIshchAnura~njaya .. 27..\\
tuShTAnuraktaprakR^itiryaH pAlayati medinIm . 
tasya nandanti mitrANi labdhvAmR^itamivAmarAH . 
tasmAtputra tvamAtmAnaM niyamyaiva samAchara .. 28..\\
tachchhrutvA suhR^idastasya rAmasya priyakAriNaH . 
tvaritAH shIghramabhyetya kausalyAyai nyavedayan .. 29..\\
sA hiraNya.n cha gAshchaiva ratnAni vividhAni cha . 
vyAdidesha priyAkhyebhyaH kausalyA pramadottamA .. 30..\\
athAbhivAdya rAjAna.n rathamAruhya rAghavaH . 
yayau sva.n dyutimadveshma janaughaiH pratipUjitaH .. 31..\\
te chApi paurA nR^ipatervachastach 
chhrutvA tadA lAbhamiveShTamApya . 
narendramAmantya gR^ihANi gatvA 
devAnsamAnarchuratIva hR^iShTAH .. 32..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}