\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 34
rAmasya tu vachaH shrutvA muniveShadhara.n cha tam . 
samIkShya saha bhAryAbhI rAjA vigatachetanaH .. 1..\\
naina.n duHkhena santaptaH pratyavaikShata rAghavam . 
na chainamabhisamprekShya pratyabhAShata durmanAH .. 2..\\
sa muhUrtamivAsa.nj~no duHkhitashcha mahIpatiH . 
vilalApa mahAbAhU rAmamevAnuchintayan .. 3..\\
manye khalu mayA pUrva.n vivatsA bahavaH kR^itAH . 
prANino hi.nsitA vApi tasmAdidamupasthitam .. 4..\\
na tvevAnAgate kAle dehAchchyavati jIvitam . 
kaikeyyA klishyamAnasya mR^ityurmama na vidyate .. 5..\\
yo.ahaM pAvakasa~NkAshaM pashyAmi purataH sthitam . 
vihAya vasane sUkShme tApasAchchhAdamAtmajam .. 6..\\
ekasyAH khalu kaikeyyAH kR^ite.aya.n klishyate janaH . 
svArthe prayatamAnAyAH saMshritya nikR^iti.n tvimAm .. 7..\\
evamuktvA tu vachanaM bAShpeNa pihitekShNaha . 
rAmeti sakR^idevoktvA vyAhartuM na shashAka ha .. 8..\\
sa.nj~nA.n tu pratilabhyaiva muhUrtAtsa mahIpatiH . 
netrAbhyAmashrupUrNAbhyA.n sumantramidamabravIt .. 9..\\
aupavAhya.n rathaM yuktvA tvamAyAhi hayottamaiH . 
prApayainaM mahAbhAgamito janapadAtparam .. 10..\\
evaM manye guNavatA.n guNAnAM phalamuchyate . 
pitrA mAtrA cha yatsAdhurvIro nirvAsyate vanam .. 11..\\
rAGYo vachanamAGYAya sumantraH shIghravikramaH . 
yojayitvAyayau tatra rathamashvairala~NkR^itam .. 12..\\
ta.n rathaM rAjaputrAya sUtaH kanakabhUShitam . 
AchachakShe.a~njali.n kR^itvA yuktaM paramavAjibhiH .. 13..\\
rAjA satvaramAhUya vyApR^ita.n vittasa~ncaye . 
uvAcha deshakAlaGYo nishchita.n sarvataH shuchi .. 14..\\
vAsA.nsi cha mahArhANi bhUShaNAni varANi cha . 
varShANyetAni sa~NkhyAya vaidehyAH kShipramAnaya .. 15..\\
narendreNaivamuktastu gatvA koshagR^iha.n tataH . 
prAyachchhatsarvamAhR^itya sItAyai kShiprameva tat .. 16..\\
sA sujAtA sujAtAni vaidehI prasthitA vanam . 
bhUShayAmAsa gAtrANi tairvichitrairvibhUShaNaiH .. 17..\\
vyarAjayata vaidehI veshma tatsuvibhUShitA . 
udyato.aMshumataH kAle khaM prabheva vivasvataH .. 18..\\
tAM bhujAbhyAM pariShvajya shvashrUrvachanamabravIt . 
anAcharantI.n kR^ipaNaM mUdhnyupAghrAya maithilIm .. 19..\\
asatyaH sarvaloke.asminsatata.n satkR^itAH priyaiH . 
bhartAraM nAnumanyante vinipAtagata.n striyaH .. 20..\\
sa tvayA nAvamantavyaH putraH pravrAjito mama . 
tava daivatamastveSha nirdhanaH sadhano.api vA .. 21..\\
viGYAya vachana.n sItA tasyA dharmArthasa.nhitam . 
kR^itA~njaliruvAcheda.n shvashrUmabhimukhe sthitA .. 22..\\
kariShye sarvamevAhamAryA yadanushAsti mAm . 
abhiGYAsmi yathA bharturvartitavya.n shruta.n cha me .. 23..\\
na mAmasajjanenAryA samAnayitumarhati . 
dharmAdvichalituM nAhamala.n chandrAdiva prabhA .. 24..\\
nAtantrI vAdyate vINA nAchakro vartate rathaH . 
nApatiH sukhamedhate yA syAdapi shatAtmajA .. 25..\\
mita.n dadAti hi pitA mitaM mAtA mita.n sutaH . 
amitasya hi dAtAraM bhartAra.n kA na pUjayet .. 26..\\
sAhameva~NgatA shreShThA shrutadharmaparAvarA . 
Arye kimavamanyeya.n strINAM bhartA hi daivatam .. 27..\\
sItAyA vachana.n shrutvA kausalyA hR^idaya~Ngamam . 
shuddhasattvA mumochAshru sahasA duHkhaharShajam .. 28..\\
tAM prA~njalirabhikramya mAtR^imadhye.atisatkR^itAm . 
rAmaH paramadharmaGYo mAtara.n vAkyamabravIt .. 29..\\
amba mA duHkhitA bhUstvaM pashya tvaM pitaraM mama . 
kShayo hi vanavAsasya kShiprameva bhaviShyati .. 30..\\
suptAyAste gamiShyanti navavarShANi pa~ncha cha . 
sA samagramiha prAptaM mA.n drakShyasi suhR^idvR^itam .. 31..\\
etAvadabhinItArthamuktvA sa jananI.n vachaH . 
trayaH shatashatArdhA hi dadarshAvekShya mAtaraH .. 32..\\
tAshchApi sa tathaivArtA mAtR^IrdasharathAtmajaH . 
dharmayuktamida.n vAkyaM nijagAda kR^itA~njaliH .. 33..\\
sa.nvAsAtparuSha.n kiM chidaGYAnAdvApi yatkR^itam . 
tanme samanujAnIta sarvAshchAmantrayAmi vaH .. 34..\\
jaGYe.atha tAsA.n saMnAdaH krau~nchInAmiva niHsvanaH . 
mAnavendrasya bhAryANAmeva.n vadati rAghave .. 35..\\
murajapaNavameghaghoShavad 
dasharathaveshma babhUva yatpurA . 
vilapita paridevanAkulaM 
vyasanagata.n tadabhUtsuduHkhitam .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}