\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 35
atha rAmashcha sItA cha lakShmaNashcha kR^itA~njaliH . 
upasa~NgR^ihya rAjAna.n chakrurdInAH pradakShiNam .. 1..\\
ta.n chApi samanuGYApya dharmaGYaH sItayA saha . 
rAghavaH shokasaMmUDho jananImabhyavAdayat .. 2..\\
anvakSha.n lakShmaNo bhrAtuH kausalyAmabhyavAdayat . 
atha mAtuH sumitrAyA jagrAha charaNau punaH .. 3..\\
ta.n vandamAnaM rudatI mAtA saumitrimabravIt . 
hitakAmA mahAbAhuM mUrdhnyupAghrAya lakShmaNam .. 4..\\
sR^iShTastva.n vanavAsAya svanuraktaH suhR^ijjane . 
rAme pramAdaM mA kArShIH putra bhrAtari gachchhati .. 5..\\
vyasanI vA samR^iddho vA gatireSha tavAnagha . 
eSha loke satA.n dharmo yajjyeShThavashago bhavet .. 6..\\
ida.n hi vR^ittamuchita.n kulasyAsya sanAtanam . 
dAna.n dIkShA cha yaGYeShu tanutyAgo mR^idheShu cha .. 7..\\
rAma.n dasharatha.n viddhi mAM viddhi janakAtmajAm . 
ayodhyAmaTavI.n viddhi gachchha tAta yathAsukham .. 8..\\
tataH sumantraH kAkutsthaM prA~njalirvAkyamabravIt . 
vinIto vinayaGYashcha mAtalirvAsava.n yathA .. 9..\\
rathamAroha bhadra.n te rAjaputra mahAyashaH . 
kShipra.n tvAM prApayiShyAmi yatra mA.n rAma vakShyasi .. 10..\\
chaturdasha hi varShANi vastavyAni vane tvayA . 
tAnyupakramitavyAni yAni devyAsi choditaH .. 11..\\
ta.n rathaM sUryasa~NkAshaM sItA hR^iShTena chetasA . 
Aruroha varArohA kR^itvAla~NkAramAtmanaH .. 12..\\
tathaivAyudhajAtAni bhrAtR^ibhyA.n kavachAni cha . 
rathopasthe pratinyasya sacharmakaThina.n cha tat .. 13..\\
sItAtR^itIyAnArUDhAndR^iShTvA dhR^iShTamachodayat . 
sumantraH saMmatAnashvAnvAyuvegasamA~n jave .. 14..\\
prayAte tu mahAraNya.n chirarAtrAya rAghave . 
babhUva nagare mUrchchhA balamUrchchhA janasya cha .. 15..\\
tatsamAkulasambhrAntaM mattasa~Nkupita dvipam . 
hayashi~njitanirghoShaM puramAsInmahAsvanam .. 16..\\
tataH sabAlavR^iddhA sA purI paramapIDitA . 
rAmamevAbhidudrAva gharmArtaH salila.n yathA .. 17..\\
pArshvataH pR^iShThatashchApi lambamAnAstadunmukhAH . 
bAShpapUrNamukhAH sarve tamUchurbhR^ishaduHkhitAH .. 18..\\
sa.nyachchha vAjinA.n rashmInsUta yAhi shanaiH shanaiH . 
mukha.n drakShyAmi rAmasya durdarshaM no bhaviShyati .. 19..\\
Ayasa.n hR^idayaM nUnaM rAmamAturasaMshayam . 
yaddevagarbhapratime vana.n yAti na bhidyate .. 20..\\
kR^itakR^ityA hi vaidehI chhAyevAnugatA patim . 
na jahAti ratA dharme merumarkaprabhA yathA .. 21..\\
aho lakShmaNa siddhArthaH satatAM priyavAdinam . 
bhrAtara.n devasa~NkAsha.n yastvaM parichariShyasi .. 22..\\
mahatyeShA hi te siddhireSha chAbhyudayo mahAn . 
eSha svargasya mArgash cha yadenamanugachchhasi . 
eva.n vadantaste soDhuM na shekurbAShpamAgatam .. 23..\\
atha rAjA vR^itaH strIbhirdInAbhirdInachetanaH . 
nirjagAma priyaM putra.n drakShyAmIti bruvangR^ihAt .. 24..\\
shushruve chAgrataH strINA.n rudantInAM mahAsvanaH . 
yathA nAdaH kareNUnAM baddhe mahati ku~njare .. 25..\\
pitA cha rAjA kAkutsthaH shrImAnsannastadA babhau . 
paripUrNaH shashI kAle graheNopapluto yathA .. 26..\\
tato halahalAshabdo jaGYe rAmasya pR^iShThataH . 
narANAM prekShya rAjAna.n sIdantaM bhR^ishaduHkhitam .. 27..\\
hA rAmeti janAH ke chidrAmamAteti chApare . 
antaHpura.n samR^iddha.n cha kroshantaM paryadevayan .. 28..\\
anvIkShamANo rAmastu viShaNNaM bhrAntachetasaM . 
rAjAnaM mAtara.n chaiva dadarshAnugatau pathi . 
dharmapAshena sa~NkShiptaH prakAshaM nAbhyudaikShata .. 29..\\
padAtinau cha yAnArhAvaduHkhArhau sukhochitau . 
dR^iShTvA sa~ncodayAmAsa shIghra.n yAhIti sArathim .. 30..\\
na hi tatpuruShavyAghro duHkhada.n darshanaM pituH . 
mAtushcha sahitu.n shaktastotrArdita iva dvipaH .. 31..\\
tathA rudantI.n kausalyA.n rathaM tamanudhAvatIm . 
kroshantI.n rAma rAmeti hA sIte lakShmaNeti cha . 
asakR^itpraikShata tadA nR^ityantImiva mAtaram .. 32..\\
tiShTheti rAjA chukroSha yAhi yAhIti rAghavaH . 
sumantrasya babhUvAtmA chakrayoriva chAntarA .. 33..\\
nAshrauShamiti rAjAnamupAlabdho.api vakShyasi . 
chira.n duHkhasya pApiShThamiti rAmastamabravIt .. 34..\\
rAmasya sa vachaH kurvannanuGYApya cha ta.n janam . 
vrajato.api hayA~nshIghra.n chodayAmAsa sArathiH .. 35..\\
nyavartata jano rAGYo rAma.n kR^itvA pradakShiNam . 
manasApyashruvegaishcha na nyavartata mAnuSham .. 36..\\
yamichchhetpunarAyAntaM naina.n dUramanuvrajet . 
ityamAtyA mahArAjamUchurdasharatha.n vachaH .. 37..\\
teShA.n vachaH sarvaguNopapannaM 
prasvinnagAtraH praviShaNNarUpaH . 
nishamya rAjA kR^ipaNaH sabhAryo 
vyavasthitasta.n sutamIkShamANaH .. 38..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}