\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 36
tasmi.nstu puruShavyAghre niShkrAmati kR^itA~njalau . 
Artashabdo hi sa~njaGYe strINAmantaHpure mahAn .. 1..\\
anAthasya janasyAsya durbalasya tapasvinaH . 
yo gati.n sharaNa.n chAsItsa nAthaH kva nu gachchhati .. 2..\\
na krudhyatyabhishasto.api krodhanIyAni varjayan . 
kruddhAnprasAdayansarvAnsamaduHkhaH kva gachchhati .. 3..\\
kausalyAyAM mahAtejA yathA mAtari vartate . 
tathA yo vartate.asmAsu mahAtmA kva nu gachchhati .. 4..\\
kaikeyyA klishyamAnena rAGYA sa~ncodito vanam . 
paritrAtA janasyAsya jagataH kva nu gachchhati .. 5..\\
aho nishchetano rAjA jIvalokasya sampriyam . 
dharmya.n satyavrataM rAmaM vanavAso pravatsyati .. 6..\\
iti sarvA mahiShyastA vivatsA iva dhenavaH . 
rurudushchaiva duHkhArtAH sasvara.n cha vichukrushuH .. 7..\\
sa tamantaHpure ghoramArtashabdaM mahIpatiH . 
putrashokAbhisantaptaH shrutvA chAsItsuduHkhitaH .. 8..\\
nAgnihotrANyahUyanta sUryashchAntaradhIyata . 
vyasR^ijankavalAnnAgA gAvo vatsAnna pAyayan .. 9..\\
trisha~NkurlohitA~Ngashcha bR^ihaspatibudhAvapi . 
dAruNAH somamabhyetya grahAH sarve vyavasthitAH .. 10..\\
nakShatrANi gatArchIMShi grahAshcha gatatejasaH . 
vishAkhAshcha sadhUmAshcha nabhasi prachakAshire .. 11..\\
akasmAnnAgaraH sarvo jano dainyamupAgamat . 
AhAre vA vihAre vA na kashchidakaronmanaH .. 12..\\
bAShpaparyAkulamukho rAjamArgagato janaH . 
na hR^iShTo lakShyate kashchitsarvaH shokaparAyaNaH .. 13..\\
na vAti pavanaH shIto na shashI saumyadarshanaH . 
na sUryastapate loka.n sarvaM paryAkula.n jagat .. 14..\\
anarthinaH sutAH strINAM bhartAro bhrAtarastathA . 
sarve sarvaM parityajya rAmamevAnvachintayan .. 15..\\
ye tu rAmasya suhR^idaH sarve te mUDhachetasaH . 
shokabhAreNa chAkrAntAH shayanaM na juhustadA .. 16..\\
tatastvayodhyA rahitA mahAtmanA 
purandareNeva mahI saparvatA . 
chachAla ghoraM bhayabhArapIDitA 
sanAgayodhAshvagaNA nanAda cha .. 17..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}