\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 37
yAvattu niryatastasya rajorUpamadR^ishyata . 
naivekShvAkuvarastAvatsa~njahArAtmachakShuShI .. 1..\\
yAvadrAjA priyaM putraM pashyatyatyantadhArmikam . 
tAvadvyavardhatevAsya dharaNyAM putradarshane .. 2..\\
na pashyati rajo.apyasya yadA rAmasya bhUmipaH . 
tadArtashcha viShaNNashcha papAta dharaNItale .. 3..\\
tasya dakShiNamanvagAtkausalyA bAhuma~NganA . 
vAma.n chAsyAnvagAtpArshvaM kaikeyI bharatapriyA .. 4..\\
tAM nayena cha sampanno dharmeNa nivayena cha . 
uvAcha rAjA kaikeyI.n samIkShya vyathitendriyaH .. 5..\\
kaikeyi mA mamA~NgAni sprAkShIstva.n duShTachAriNI . 
na hi tvA.n draShTumichchhAmi na bhAryA na cha bAndhavI .. 6..\\
ye cha tvAmupajIvanti nAha.n teShAM na te mama . 
kevalArthaparA.n hi tvA.n tyaktadharmAM tyajAmyaham .. 7..\\
agR^ihNA.n yachcha te pANimagniM paryaNaya.n cha yat . 
anujAnAmi tatsarvamasmi.Nlloke paratra cha .. 8..\\
bharatashchetpratItaH syAdrAjyaM prApyedamavyayam . 
yanme sa dadyAtpitrarthaM mA mA taddattamAgamat .. 9..\\
atha reNusamudhvasta.n tamutthApya narAdhipam . 
nyavartata tadA devI kausalyA shokakarshitA .. 10..\\
hatveva brAhmaNa.n kAmAtspR^iShTvAgnimiva pANinA . 
anvatapyata dharmAtmA putra.n sa~ncintya tApasaM .. 11..\\
nivR^ityaiva nivR^ityaiva sIdato rathavartmasu . 
rAGYo nAtibabhau rUpa.n grastasyAMshumato yathA .. 12..\\
vilalApa cha duHkhArtaH priyaM putramanusmaran . 
nagarAntamanuprAptaM buddhvA putramathAbravIt .. 13..\\
vAhanAnA.n cha mukhyAnA.n vahatAM taM mamAtmajam . 
padAni pathi dR^ishyante sa mahAtmA na dR^ishyate .. 14..\\
sa nUna.n kva chidevAdya vR^ikShamUlamupAshritaH . 
kAShTha.n vA yadi vAshmAnamupadhAya shayiShyate .. 15..\\
utthAsyati cha medinyAH kR^ipaNaH pAMshuguNThitaH . 
viniHshvasanprasravaNAtkareNUnAmivarShabhaH .. 16..\\
drakShyanti nUnaM puruShA dIrghabAhu.n vanecharAH . 
rAmamutthAya gachchhanta.n lokanAthamanAthavat .. 17..\\
sakAmA bhava kaikeyi vidhavA rAjyamAvasa . 
na hi taM puruShavyAghra.n vinA jIvitumutsahe .. 18..\\
ityeva.n vilapanrAjA janaughenAbhisa.nvR^itaH . 
apasnAta ivAriShTaM pravivesha purottamam .. 19..\\
shUnyachatvaraveshmAntA.n sa.nvR^itApaNadevatAm . 
klAntadurbaladuHkhArtAM nAtyAkIrNamahApathAm .. 20..\\
tAmavekShya purI.n sarvAM rAmamevAnuchintayan . 
vilapanprAvishadrAjA gR^iha.n sUrya ivAmbudam .. 21..\\
mahAhradamivAkShobhya.n suparNena hR^itoragam . 
rAmeNa rahita.n veshma vaidehyA lakShmaNena cha .. 22..\\
kausalyAyA gR^iha.n shIghraM rAma mAturnayantu mAm . 
iti bruvanta.n rAjAnamanayandvAradarshitaH .. 23..\\
tatastatra praviShTasya kausalyAyA niveshanam . 
adhiruhyApi shayanaM babhUva lulitaM manaH .. 24..\\
tachcha dR^iShTvA mahArAjo bhujamudyamya vIryavAn . 
uchchaiH svareNa chukrosha hA rAghava jahAsi mAm .. 25..\\
sukhitA bata ta.n kAlaM jIviShyanti narottamAH . 
pariShvajanto ye rAma.n drakShyanti punarAgatam .. 26..\\
na tvAM pashyAmi kausalye sAdhu mAM pANinA spR^isha . 
rAmaM me.anugatA dR^iShTiradyApi na nivartate .. 27..\\
ta.n rAmamevAnuvichintayantaM 
samIkShya devI shayane narendram . 
upopavishyAdhikamArtarUpA 
viniHshvasantI vilalApa kR^ichchhraM .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}