\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 38
tataH samIkShya shayane sanna.n shokena pArthivam . 
kausalyA putrashokArtA tamuvAcha mahIpatim .. 1..\\
rAghavo narashArdUla viShamuptvA dvijihvavat . 
vichariShyati kaikeyI nirmukteva hi pannagI .. 2..\\
vivAsya rAma.n subhagA labdhakAmA samAhitA . 
trAsayiShyati mAM bhUyo duShTAhiriva veshmani .. 3..\\
atha sma nagare rAmashcharanbhaikSha.n gR^ihe vaset . 
kAmakAro vara.n dAtumapi dAsaM mamAtmajam .. 4..\\
pAtayitvA tu kaikeyyA rAma.n sthAnAdyatheShTataH . 
pradiShTo rakShasAM bhAgaH parvaNIvAhitAgninA .. 5..\\
gajarAjagatirvIro mahAbAhurdhanurdharaH . 
vanamAvishate nUna.n sabhAryaH sahalakShmaNaH .. 6..\\
vane tvadR^iShTaduHkhAnA.n kaikeyyAnumate tvayA . 
tyaktAnA.n vanavAsAya kA nvavasthA bhaviShyati .. 7..\\
te ratnahInAstaruNAH phalakAle vivAsitAH . 
katha.n vatsyanti kR^ipaNAH phalamUlaiH kR^itAshanAH .. 8..\\
apIdAnI.n sa kAlaH syAnmama shokakShayaH shivaH . 
sabhArya.n yatsaha bhrAtrA pashyeyamiha rAghavam .. 9..\\
shrutvaivopasthitau vIrau kadAyodhyA bhaviShyati . 
yashasvinI hR^iShTajanA sUchchhritadhvajamAlinI .. 10..\\
kadA prekShya naravyAghrAvaraNyAtpunarAgatau . 
nandiShyati purI hR^iShTA samudra iva parvaNi .. 11..\\
kadAyodhyAM mahAbAhuH purI.n vIraH pravekShyati . 
puraskR^itya rathe sItA.n vR^iShabho govadhUm iva .. 12..\\
kadA prANisahasrANi rAjamArge mamAtmajau . 
lAjairavakariShyanti pravishantAvarindamau .. 13..\\
kadA sumanasaH kanyA dvijAtInAM phalAni cha . 
pradishantyaH purI.n hR^iShTAH kariShyanti pradakShiNam .. 14..\\
kadA pariNato buddhyA vayasA chAmaraprabhaH . 
abhyupaiShyati dharmaGYastrivarSha iva mA.n lalan .. 15..\\
niHsaMshayaM mayA manye purA vIra kadaryayA . 
pAtu kAmeShu vatseShu mAtR^INA.n shAtitAH stanAH .. 16..\\
sAha.n gauriva si.nhena vivatsA vatsalA kR^itA . 
kaikeyyA puruShavyAghra bAlavatseva gaurbalAt .. 17..\\
na hi tAvadguNairjuShTa.n sarvashAstravishAradam . 
ekaputrA vinA putramaha.n jIvitumutsahe .. 18..\\
na hi me jIvite ki.n chitsAmarthamiha kalpyate . 
apashyantyAH priyaM putraM mahAbAhuM mahAbalam .. 19..\\
aya.n hi mA.n dIpayate samutthitas 
tanUjashokaprabhavo hutAshanaH . 
mahImimA.n rashmibhiruttamaprabho 
yathA nidAghe bhagavAndivAkaraH .. 20..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}