\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 4
gateShvatha nR^ipo bhUyaH paureShu saha mantribhiH . 
mantrayitvA tatashchakre nishchayaGYaH sa nishchayam .. 1..\\
shva eva puShyo bhavitA shvo.abhiShechyeta me sutaH . 
rAmo rAjIvatAmrAkSho yauvarAjya iti prabhuH .. 2..\\
athAntargR^ihamAvishya rAjA dasharathastadA . 
sUtamAGYApayAmAsa rAmaM punarihAnaya .. 3..\\
pratigR^ihya sa tadvAkya.n sUtaH punarupAyayau . 
rAmasya bhavana.n shIghraM rAmamAnayituM punaH .. 4..\\
dvAHsthairAvedita.n tasya rAmAyAgamanaM punaH . 
shrutvaiva chApi rAmastaM prApta.n sha~NkAnvito.abhavat .. 5..\\
praveshya chaina.n tvarita.n rAmo vachanamabravIt . 
yadAgamanakR^itya.n te bhUyastadbrUhyasheShataH .. 6..\\
tamuvAcha tataH sUto rAjA tvA.n draShTumichchhati . 
shrutvA pramANamatra tva.n gamanAyetarAya vA .. 7..\\
iti sUtavachaH shrutvA rAmo.atha tvarayAnvitaH . 
prayayau rAjabhavanaM punardraShTuM nareshvaram .. 8..\\
ta.n shrutvA samanuprAptaM rAma.n dasharatho nR^ipaH . 
praveshayAmAsa gR^iha.n vivikShuH priyamuttamam .. 9..\\
pravishanneva cha shrImAnrAghavo bhavanaM pituH . 
dadarsha pitara.n dUrAtpraNipatya kR^itA~njaliH .. 10..\\
praNamanta.n samutthApya taM pariShvajya bhUmipaH . 
pradishya chAsmai ruchiramAsanaM punarabravIt .. 11..\\
rAma vR^iddho.asmi dIrghAyurbhuktA bhogA mayepsitAH . 
annavadbhiH kratushataistatheShTaM bhUridakShiNaiH .. 12..\\
jAtamiShTamapatyaM me tvamadyAnupamaM bhuvi . 
dattamiShTamadhIta.n cha mayA puruShasattama .. 13..\\
anubhUtAni cheShTAni mayA vIra sukhAni cha . 
devarShi pitR^iviprANAmanR^iNo.asmi tathAtmanaH .. 14..\\
na ki.n chinmama kartavyaM tavAnyatrAbhiShechanAt . 
ato yattvAmahaM brUyA.n tanme tvaM kartumarhasi .. 15..\\
adya prakR^itayaH sarvAstvAmichchhanti narAdhipam . 
atastvA.n yuvarAjAnamabhiShekShyAmi putraka .. 16..\\
api chAdyAshubhAnrAma svapnAnpashyAmi dAruNAn . 
sanirghAtA maholkAshcha patantIha mahAsvanAH .. 17..\\
avaShTabdha.n cha me rAma nakShatraM dAruNairgrahaiH . 
Avedayanti daivaGYAH sUryA~NgArakarAhubhiH .. 18..\\
prAyeNa hi nimittAnAmIdR^ishAnA.n samudbhave . 
rAjA vA mR^ityumApnoti ghorA.n vApadamR^ichchhati .. 19..\\
tadyAvadeva me cheto na vimuhyati rAghava . 
tAvadevAbhiShi~nchasva chalA hi prANinAM matiH .. 20..\\
adya chandro.abhyupagataH puShyAtpUrvaM punarvasum . 
shvaH puShya yogaM niyata.n vakShyante daivachintakAH .. 21..\\
tatra puShye.abhiShi~nchasva manastvarayatIva mAm . 
shvastvAhamabhiShekShyAmi yauvarAjye parantapa .. 22..\\
tasmAttvayAdya vratinA nisheyaM niyatAtmanA . 
saha vadhvopavastavyA darbhaprastarashAyinA .. 23..\\
suhR^idashchApramattAstvA.n rakShantvadya samantataH . 
bhavanti bahuvighnAni kAryANyeva.nvidhAni hi .. 24..\\
viproShitashcha bharato yAvadeva purAditaH . 
tAvadevAbhiShekaste prAptakAlo mato mama .. 25..\\
kAma.n khalu satA.n vR^itte bhrAtA te bharataH sthitaH . 
jyeShThAnuvartI dharmAtmA sAnukrosho jitendriyaH .. 26..\\
ki.n tu chittaM manuShyANAmanityamiti me matiH . 
satA.n cha dharmanityAnAM kR^itashobhi cha rAghava .. 27..\\
ityuktaH so.abhyanuGYAtaH shvobhAvinyabhiShechane . 
vrajeti rAmaH pitaramabhivAdyAbhyayAdgR^iham .. 28..\\
pravishya chAtmano veshma rAGYoddiShTe.abhiShechane . 
tasminkShaNe vinirgatya mAturantaHpura.n yayau .. 29..\\
tatra tAM pravaNAmeva mAtara.n kShaumavAsinIm . 
vAgyatA.n devatAgAre dadarsha yAchatI.n shriyam .. 30..\\
prAgeva chAgatA tatra sumitrA lakShmaNastathA . 
sItA chAnAyitA shrutvA priya.n rAmAbhiShechanam .. 31..\\
tasminkAle hi kausalyA tasthAvAmIlitekShaNA . 
sumitrayAnvAsyamAnA sItayA lakShmaNena cha .. 32..\\
shrutvA puShyeNa putrasya yauvarAjyAbhiShechanam . 
prANAyAmena puruSha.n dhyAyamAnA janArdanam .. 33..\\
tathA saniyamAmeva so.abhigamyAbhivAdya cha . 
uvAcha vachana.n rAmo harShaya.nstAmida.n tadA .. 34..\\
amba pitrA niyukto.asmi prajApAlanakarmaNi . 
bhavitA shvo.abhiSheko me yathA me shAsanaM pituH .. 35..\\
sItayApyupavastavyA rajanIyaM mayA saha . 
evamR^itvigupAdhyAyaiH saha mAmuktavAnpitA .. 36..\\
yAni yAnyatra yogyAni shvobhAvinyabhiShechane . 
tAni me ma~NgalAnyadya vaidehyAshchaiva kAraya .. 37..\\
etachchhrutvA tu kausalyA chirakAlAbhikA~NkShitam . 
harShabAShpakala.n vAkyamidaM rAmamabhAShata .. 38..\\
vatsa rAma chira.n jIva hatAste paripanthinaH . 
GYAtInme tva.n shriyA yuktaH sumitrAyAsh cha nandaya .. 39..\\
kalyANe bata nakShatre mayi jAto.asi putraka . 
yena tvayA dasharatho guNairArAdhitaH pitA .. 40..\\
amoghaM bata me kShAntaM puruShe puShkarekShaNe . 
yeyamikShvAkurAjyashrIH putra tvA.n saMshrayiShyati .. 41..\\
ityevamukto mAtreda.n rAmo bhAratamabravIt . 
prA~njaliM prahvamAsInamabhivIkShya smayanniva .. 42..\\
lakShmaNemAM mayA sArdhaM prashAdhi tva.n vasundharAm . 
dvitIyaM me.antarAtmAna.n tvAmiya.n shrIrupasthitA .. 43..\\
saumitre bhu~NkShva bhogA.nstvamiShTAnrAjyaphalAni cha . 
jIvita.n cha hi rAjyaM cha tvadarthamabhikAmaye .. 44..\\
ityuktvA lakShmaNa.n rAmo mAtarAvabhivAdya cha . 
abhyanuGYApya sItA.n cha jagAma svaM niveshanam .. 45..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}