\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 40
anuraktA mahAtmAna.n rAmaM satyaparakramam . 
anujagmuH prayAnta.n ta.n vanavAsAya mAnavAH .. 1..\\
nivartite.api cha balAtsuhR^idvarge cha rAjini . 
naiva te saMnyavartanta rAmasyAnugatA ratham .. 2..\\
ayodhyAnilayAnA.n hi puruShANAM mahAyashAH . 
babhUva guNasampannaH pUrNachandra iva priyaH .. 3..\\
sa yAchyamAnaH kAkutsthaH svAbhiH prakR^itibhistadA . 
kurvANaH pitara.n satyaM vanamevAnvapadyata .. 4..\\
avekShamANaH sasneha.n chakShuShA prapibanniva . 
uvAcha rAmaH snehena tAH prajAH svAH prajA iva .. 5..\\
yA prItirbahumAnashcha mayyayodhyAnivAsinAm . 
matpriyArtha.n visheSheNa bharate sA niveshyatAm .. 6..\\
sa hi kalyANa chAritraH kaikeyyAnandavardhanaH . 
kariShyati yathAvadvaH priyANi cha hitAni cha .. 7..\\
GYAnavR^iddho vayobAlo mR^idurvIryaguNAnvitaH . 
anurUpaH sa vo bhartA bhaviShyati bhayApahaH .. 8..\\
sa hi rAjaguNairyukto yuvarAjaH samIkShitaH . 
api chApi mayA shiShTaiH kArya.n vo bhartR^ishAsanam .. 9..\\
na cha tapyedyathA chAsau vanavAsa.n gate mayi . 
mahArAjastathA kAryo mama priyachikIrShayA .. 10..\\
yathA yathA dAsharathirdharmamevAsthito.abhavat . 
tathA tathA prakR^itayo rAmaM patimakAmayan .. 11..\\
bAShpeNa pihita.n dIna.n rAmaH saumitriNA saha . 
chakarSheva guNairbaddhvA janaM punarivAsanam .. 12..\\
te dvijAstrividha.n vR^iddhA GYAnena vayasaujasA . 
vayaHprakampashiraso dUrAdUchurida.n vachaH .. 13..\\
vahanto javanA rAmaM bho bho jAtyAstura~NgamAH . 
nivartadhvaM na gantavya.n hitA bhavata bhartari . 
upavAhyastu vo bhartA nApavAhyaH purAdvanam .. 14..\\
evamArtapralApA.nstAnvR^iddhAnpralapato dvijAn . 
avekShya sahasA rAmo rathAdavatatAra ha .. 15..\\
padbhyAmeva jagAmAtha sasItaH sahalakShmaNaH . 
saMnikR^iShTapadanyAso rAmo vanaparAyaNaH .. 16..\\
dvijAtI.nstu padAtI.nstAnrAmashchAritravatsalaH . 
na shashAka ghR^iNAchakShuH parimoktu.n rathena saH .. 17..\\
gachchhantameva ta.n dR^iShTvA rAma.n sambhrAntamAnasAH . 
UchuH paramasantaptA rAma.n vAkyamida.n dvijAH .. 18..\\
brAhmaNya.n kR^itsnametattvAM brahmaNyamanugachchhati . 
dvijaskandhAdhirUDhAstvAmagnayo.apyanuyAntyamI .. 19..\\
vAjapeyasamutthAni chhatrANyetAni pashya naH . 
pR^iShThato.anuprayAtAni ha.nsAniva jalAtyaye .. 20..\\
anavAptAtapatrasya rashmisantApitasya te . 
ebhishchhAyA.n kariShyAmaH svaishchhatrairvAjapeyikaiH .. 21..\\
yA hi naH satataM buddhirvedamantrAnusAriNI . 
tvatkR^ite sA kR^itA vatsa vanavAsAnusAriNI .. 22..\\
hR^idayeShvavatiShThante vedA ye naH para.n dhanam . 
vatsyantyapi gR^iheShveva dArAshchAritrarakShitAH .. 23..\\
na punarnishchayaH kAryastvadgatau sukR^itA matiH . 
tvayi dharmavyapekShe tu ki.n syAddharmamavekShitum .. 24..\\
yAchito no nivartasva ha.nsashuklashiroruhaiH . 
shirobhirnibhR^itAchAra mahIpatanapAMshulaiH .. 25..\\
bahUnA.n vitatA yaGYA dvijAnAM ya ihAgatAH . 
teShA.n samAptirAyattA tava vatsa nivartane .. 26..\\
bhaktimanti hi bhUtAni ja~NgamAja~NgamAni cha . 
yAchamAneShu teShu tvaM bhaktiM bhakteShu darshaya .. 27..\\
anugantumashaktAstvAM mUlairuddhR^itavegibhiH . 
unnatA vAyuvegena vikroshantIva pAdapAH .. 28..\\
nishcheShTAhArasa~ncArA vR^ikShaikasthAnaviShThitAH . 
pakShiNo.api prayAchante sarvabhUtAnukampinam .. 29..\\
eva.n vikroshatA.n teShAM dvijAtInAM nivartane . 
dadR^ishe tamasA tatra vArayantIva rAghavam .. 30..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}