\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 41
tatastu tamasA tIra.n ramyamAshritya rAghavaH . 
sItAmudvIkShya saumitrimida.n vachanamabravIt .. 1..\\
iyamadya nishA pUrvA saumitre prasthitA vanam . 
vanavAsasya bhadra.n te sa notkaNThitumarhasi .. 2..\\
pashya shUnyAnyaraNyAni rudantIva samantataH . 
yathAnilayamAyadbhirnilInAni mR^igadvijaiH .. 3..\\
adyAyodhyA tu nagarI rAjadhAnI piturmama . 
sastrIpu.nsA gatAnasmA~nshochiShyati na saMshayaH .. 4..\\
bharataH khalu dharmAtmA pitaraM mAtara.n cha me . 
dharmArthakAmasahitairvAkyairAshvAsayiShyati .. 5..\\
bharatasyAnR^isha.nsatva.n sa~ncintyAhaM punaH punaH . 
nAnushochAmi pitaraM mAtara.n chApi lakShmaNa .. 6..\\
tvayA kAryaM naravyAghra mAmanuvrajatA kR^itam . 
anveShTavyA hi vaidehyA rakShaNArthe sahAyatA .. 7..\\
adbhireva tu saumitre vatsyAmyadya nishAmimAm . 
etaddhi rochate mahya.n vanye.api vividhe sati .. 8..\\
evamuktvA tu saumitra.n sumantramapi rAghavaH . 
apramattastvamashveShu bhava saumyetyuvAcha ha .. 9..\\
so.ashvAnsumantraH sa.nyamya sUrye.asta.n samupAgate . 
prabhUtayavasAnkR^itvA babhUva pratyanantaraH .. 10..\\
upAsyatu shivA.n sandhyA.n dR^iShTvA rAtrimupasthitAm . 
rAmasya shayana.n chakre sUtaH saumitriNA saha .. 11..\\
tA.n shayyA.n tamasAtIre vIkShya vR^ikShadalaiH kR^itAm . 
rAmaH saumitriNA.n sArdhaM sabhAryaH sa.nvivesha ha .. 12..\\
sabhArya.n samprasupta.n taM bhrAtaraM vIkShya lakShmaNaH . 
kathayAmAsa sUtAya rAmasya vividhAnguNAn .. 13..\\
jAgrato hyeva tA.n rAtriM saumitrerudito raviH . 
sUtasya tamasAtIre rAmasya bruvato guNAn .. 14..\\
gokulAkulatIrAyAstamasAyA vidUrataH . 
avasattatra tA.n rAtriM rAmaH prakR^itibhiH saha .. 15..\\
utthAya tu mahAtejAH prakR^itIstA nishAmya cha . 
abravIdbhrAtara.n rAmo lakShmaNaM puNyalakShaNam .. 16..\\
asmadvyapekShAnsaumitre nirapekShAngR^iheShvapi . 
vR^ikShamUleShu sa.nsuptAnpashya lakShmaNa sAmpratam .. 17..\\
yathaite niyamaM paurAH kurvantyasmannivartane . 
api prANAnasiShyanti na tu tyakShyanti nishchayam .. 18..\\
yAvadeva tu sa.nsuptAstAvadeva vaya.n laghu . 
rathamAruhya gachchhAmaH panthAnamakutobhayam .. 19..\\
ato bhUyo.api nedAnImikShvAkupuravAsinaH . 
svapeyuranuraktA mA.n vR^ikShamUlAni saMshritAH .. 20..\\
paurA hyAtmakR^itAdduHkhAdvipramochyA nR^ipAtmajaiH . 
na tu khalvAtmanA yojyA duHkhena puravAsinaH .. 21..\\
abravIllakShmaNo rAma.n sAkShAddharmamiva sthitam . 
rochate me mahAprAGYa kShipramAruhyatAm iti .. 22..\\
sUtastataH santvaritaH syandana.n tairhayottamaiH . 
yojayitvAtha rAmAya prA~njaliH pratyavedayat .. 23..\\
mohanArtha.n tu paurANA.n sUtaM rAmo.abravIdvachaH . 
uda~NmukhaH prayAhi tva.n rathamAsthAya sArathe .. 24..\\
muhUrta.n tvaritaM gatvA nirgataya rathaM punaH . 
yathA na vidyuH paurA mA.n tathA kuru samAhitaH .. 25..\\
rAmasya vachana.n shrutvA tathA chakre sa sArathiH . 
pratyAgamya cha rAmasya syandanaM pratyavedayat .. 26..\\
ta.n syandanamadhiShThAya rAghavaH saparichchhadaH . 
shIghragAmAkulAvartA.n tamasAmatarannadIm .. 27..\\
sa santIrya mahAbAhuH shrImA~nshivamakaNTakam . 
prApadyata mahAmArgamabhayaM bhayadarshinAm .. 28..\\
prabhAtAyA.n tu sharvaryAM paurAste rAghavo vinA . 
shokopahatanishcheShTA babhUvurhatachetasaH .. 29..\\
shokajAshruparidyUnA vIkShamANAstatastataH . 
Alokamapi rAmasya na pashyanti sma duHkhitAH .. 30..\\
tato mArgAnusAreNa gatvA ki.n chitkShaNaM punaH . 
mArganAshAdviShAdena mahatA samabhiplutaH .. 31..\\
rathasya mArganAshena nyavartanta manasvinaH . 
kimida.n kiM kariShyAmo daivenopahatA iti .. 32..\\
tato yathAgatenaiva mArgeNa klAntachetasaH . 
ayodhyAmagamansarve purI.n vyathitasajjanAm .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}