\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 46
prabhAtAyA.n tu sharvaryAM pR^ithu vR^ikShA mahAyashAH . 
uvAcha rAmaH saumitri.n lakShmaNaM shubhalakShaNam .. 1..\\
bhAskarodayakAlo.aya.n gatA bhagavatI nishA . 
asau sukR^iShNo vihagaH kokilastAta kUjati .. 2..\\
barhiNAnA.n cha nirghoShaH shrUyate nadatA.n vane . 
tarAma jAhnavI.n saumya shIghragAM sAgara~NgamAm .. 3..\\
viGYAya rAmasya vachaH saumitrirmitranandanaH . 
guhamAmantrya sUta.n cha so.atiShThadbhrAturagrataH .. 4..\\
tataH kalApAnsaMnahya khaDgau baddhvA cha dhanvinau . 
jagmaturyena tau ga~NgA.n sItayA saha rAghavau .. 5..\\
rAmameva tu dharmaGYamupagamya vinItavat . 
kimaha.n karavANIti sUtaH prA~njalirabravIt .. 6..\\
nivartasvetyuvAchainametAvaddhi kR^itaM mama . 
yAna.n vihAya padbhyA.n tu gamiShyAmo mahAvanam .. 7..\\
AtmAna.n tvabhyanuGYAtamavekShyArtaH sa sArathiH . 
sumantraH puruShavyAghramaikShvAkamidamabravIt .. 8..\\
nAtikrAntamida.n loke puruSheNeha kena chit . 
tava sabhrAtR^ibhAryasya vAsaH prAkR^itavadvane .. 9..\\
na manye brahmacharye.asti svadhIte vA phalodayaH . 
mArdavArjavayorvApi tvA.n chedvyasanamAgatam .. 10..\\
saha rAghava vaidehyA bhrAtrA chaiva vane vasan . 
tva.n gatiM prApsyase vIra trI.NllokA.nstu jayanniva .. 11..\\
vaya.n khalu hatA rAma ye tayApyupava~nchitAH . 
kaikeyyA vashameShyAmaH pApAyA duHkhabhAginaH .. 12..\\
iti bruvannAtma sama.n sumantraH sArathistadA . 
dR^iShTvA dura gata.n rAma.n duHkhArto rurude chiram .. 13..\\
tatastu vigate bAShpe sUta.n spR^iShTodakaM shuchim . 
rAmastu madhura.n vAkyaM punaH punaruvAcha tam .. 14..\\
ikShvAkUNA.n tvayA tulya.n suhR^idaM nopalakShaye . 
yathA dasharatho rAjA mAM na shochettathA kuru .. 15..\\
shokopahata chetAshcha vR^iddhashcha jagatIpatiH . 
kAma bhArAvasannashcha tasmAdetadbravImi te .. 16..\\
yadyadAGYApayetki.n chitsa mahAtmA mahIpatiH . 
kaikeyyAH priyakAmArtha.n kAryaM tadavikA~NkShayA .. 17..\\
etadartha.n hi rAjyAni prashAsati nareshvarAH . 
yadeShA.n sarvakR^ityeShu mano na pratihanyate .. 18..\\
tadyathA sa mahArAjo nAlIkamadhigachchhati . 
na cha tAmyati duHkhena sumantra kuru tattathA .. 19..\\
adR^iShTaduHkha.n rAjAnaM vR^iddhamArya.n jitendriyam . 
brUyAstvamabhivAdyaiva mama hetorida.n vachaH .. 20..\\
naivAhamanushochAmi lakShmaNo na cha maithilI . 
ayodhyAyAshchyutAshcheti vane vatsyAmaheti vA .. 21..\\
chaturdashasu varSheShu nivR^itteShu punaH punaH . 
lakShmaNaM mA.n cha sItAM cha drakShyasi kShipramAgatAn .. 22..\\
evamuktvA tu rAjAnaM mAtara.n cha sumantra me . 
anyAshcha devIH sahitAH kaikeyI.n cha punaH punaH .. 23..\\
ArogyaM brUhi kausalyAmatha pAdAbhivandanam . 
sItAyA mama chAryasya vachanAllakShmaNasya cha .. 24..\\
brUyAshcha hi mahArAjaM bharata.n kShipramAnaya . 
AgatashchApi bharataH sthApyo nR^ipamate pade .. 25..\\
bharata.n cha pariShvajya yauvarAjye.abhiShichya cha . 
asmatsantApaja.n duHkhaM na tvAmabhibhaviShyati .. 26..\\
bharatashchApi vaktavyo yathA rAjani vartase . 
tathA mAtR^iShu vartethAH sarvAsvevAvisheShataH .. 27..\\
yathA cha tava kaikeyI sumitrA chAvisheShataH . 
tathaiva devI kausalyA mama mAtA visheShataH .. 28..\\
nivartyamAno rAmeNa sumantraH shokakarshitaH . 
tatsarva.n vachanaM shrutvA snehAtkAkutsthamabravIt .. 29..\\
yadahaM nopachAreNa brUyA.n snehAdaviklavaH . 
bhaktimAniti tattAvadvAkya.n tvaM kShantumarhasi .. 30..\\
katha.n hi tvadvihIno.ahaM pratiyAsyAmi tAM purIm . 
tava tAta viyogena putrashokAkulAm iva .. 31..\\
sarAmamapi tAvanme ratha.n dR^iShTvA tadA janaH . 
vinA rAma.n ratha.n dR^iShTvA vidIryetApi sA purI .. 32..\\
dainya.n hi nagarI gachchheddR^iShTvA shUnyamimaM ratham . 
sUtAvasheSha.n svaM sainyaM hatavIramivAhave .. 33..\\
dUre.api nivasanta.n tvAM mAnasenAgrataH sthitam . 
chintayantyo.adya nUna.n tvAM nirAhArAH kR^itAH prajAH .. 34..\\
ArtanAdo hi yaH paurairmuktastadvipravAsane . 
rathasthaM mAM nishAmyaiva kuryuH shataguNa.n tataH .. 35..\\
aha.n kiM chApi vakShyAmi devIM tava suto mayA . 
nIto.asau mAtulakula.n santApaM mA kR^ithA iti .. 36..\\
asatyamapi naivAhaM brUyA.n vachanamIdR^isham . 
kathamapriyamevAhaM brUyA.n satyamidaM vachaH .. 37..\\
mama tAvanniyogasthAstvadbandhujanavAhinaH . 
katha.n ratha.n tvayA hInaM pravakShyanti hayottamAH .. 38..\\
yadi me yAchamAnasya tyAgameva kariShyasi . 
saratho.agniM pravekShyAmi tyakta mAtra iha tvayA .. 39..\\
bhaviShyanti vane yAni tapovighnakarANi te . 
rathena pratibAdhiShye tAni sattvAni rAghava .. 40..\\
tatkR^itena mayA prApta.n ratha charyA kR^itaM sukham . 
Asha.nse tvatkR^itenAha.n vanavAsakR^itaM sukham .. 41..\\
prasIdechchhAmi te.araNye bhavituM pratyanantaraH . 
prItyAbhihitamichchhAmi bhava me patyanantaraH .. 42..\\
tava shushrUShaNaM mUrdhnA kariShyAmi vane vasan . 
ayodhyA.n devaloka.n vA sarvathA prajahAmyaham .. 43..\\
na hi shakyA praveShTu.n sA mayAyodhyA tvayA vinA . 
rAjadhAnI mahendrasya yathA duShkR^itakarmaNA .. 44..\\
ime chApi hayA vIra yadi te vanavAsinaH . 
paricharyA.n kariShyanti prApsyanti paramAM gatim .. 45..\\
vanavAse kShayaM prApte mamaiSha hi manorathaH . 
yadanena rathenaiva tvA.n vaheyaM purIM punaH .. 46..\\
chaturdasha hi varShANi sahitasya tvayA vane . 
kShaNabhUtAni yAsyanti shatashastu tato.anyathA .. 47..\\
bhR^ityavatsala tiShThantaM bhartR^iputragate pathi . 
bhaktaM bhR^itya.n sthitaM sthityA.n tvaM na mAM hAtumarhasi .. 48..\\
evaM bahuvidha.n dIna.n yAchamAnaM punaH punaH . 
rAmo bhR^ityAnukampI tu sumantramidamabravIt .. 49..\\
jAnAmi paramAM bhaktiM mayi te bhartR^ivatsala . 
shR^iNu chApi yadartha.n tvAM preShayAmi purImitaH .. 50..\\
nagarI.n tvAM gataM dR^iShTvA jananI me yavIyasI . 
kaikeyI pratyaya.n gachchhediti rAmo vanaM gataH .. 51..\\
parituShTA hi sA devi vanavAsa.n gate mayi . 
rAjAnaM nAtisha~Nketa mithyAvAdIti dhArmikam .. 52..\\
eSha me prathamaH kalpo yadambA me yavIyasI . 
bharatArakShita.n sphItaM putrarAjyamavApnuyAt .. 53..\\
mama priyArtha.n rAGYashcha sarathastvaM purIM vraja . 
sandiShTashchAsi yAnarthA.nstA.nstAnbrUyAstathAtathA .. 54..\\
ityuktvA vachana.n sUtaM sAntvayitvA punaH punaH . 
guha.n vachanamaklIbaM rAmo hetumadabravIt . 
jaTAH kR^itvA gamiShyAmi nyagrodhakShIramAnaya .. 55..\\
tatkShIra.n rAjaputrAya guhaH kShipramupAharat . 
lakShmaNasyAtmanashchaiva rAmastenAkarojjaTAH .. 56..\\
tau tadA chIravasanau jaTAmaNDaladhAriNau . 
ashobhetAmR^iShisamau bhrAtarau rAmalakShmaNau .. 57..\\
tato vaikhAnasaM mArgamAsthitaH sahalakShmaNaH . 
vratamAdiShTavAnrAmaH sahAya.n guhamabravIt .. 58..\\
apramatto bale koshe durge janapade tathA . 
bhavethA guha rAjya.n hi durArakShatamaM matam .. 59..\\
tatasta.n samanuGYAya guhamikShvAkunandanaH . 
jagAma tUrNamavyagraH sabhAryaH sahalakShmaNaH .. 60..\\
sa tu dR^iShTvA nadItIre nAvamikShvAkunandanaH . 
titIrShuH shIghragA.n ga~NgAmida.n lakShmaNamabravIt .. 61..\\
Aroha tvaM nara vyAghra sthitAM nAvamimA.n shanaiH . 
sItA.n chAropayAnvakShaM parigR^ihya manasvinIm .. 62..\\
sa bhrAtuH shAsana.n shrutvA sarvamapratikUlayan . 
Aropya maithilIM pUrvamArurohAtmavA.nstataH .. 63..\\
athAruroha tejasvI svaya.n lakShmaNapUrvajaH . 
tato niShAdAdhipatirguho GYAtInachodayat .. 64..\\
anuGYAya sumantra.n cha sabalaM chaiva taM guham . 
AsthAya nAva.n rAmastu chodayAmAsa nAvikAn .. 65..\\
tatastaishchoditA sA nauH karNadhArasamAhitA . 
shubhasphyavegAbhihatA shIghra.n salilamatyagAt .. 66..\\
madhya.n tu samanuprApya bhAgIrathyAstvaninditA . 
vaidehI prA~njalirbhUtvA tAM nadImidamabravIt .. 67..\\
putro dasharathasyAyaM mahArAjasya dhImataH . 
nideshaM pAlayatvena.n ga~Nge tvadabhirakShitaH .. 68..\\
chaturdasha hi varShANi samagrANyuShya kAnane . 
bhrAtrA saha mayA chaiva punaH pratyAgamiShyati .. 69..\\
tatastvA.n devi subhage kShemeNa punarAgatA . 
yakShye pramuditA ga~Nge sarvakAmasamR^iddhaye .. 70..\\
tva.n hi tripathagA devi brahma lokaM samIkShase . 
bhAryA chodadhirAjasya loke.asminsampradR^ishyase .. 71..\\
sA tvA.n devi namasyAmi prasha.nsAmi cha shobhane . 
prApta rAjye naravyAghra shivena punarAgate .. 72..\\
gavA.n shatasahasrANi vastrANyanna.n cha peshalam . 
brAhmaNebhyaH pradAsyAmi tava priyachikIrShayA .. 73..\\
tathA sambhAShamANA sA sItA ga~NgAmaninditA . 
dakShiNA dakShiNa.n tIraM kShipramevAbhyupAgamat .. 74..\\
tIra.n tu samanuprApya nAva.n hitvA nararShabhaH . 
prAtiShThata saha bhrAtrA vaidehyA cha parantapaH .. 75..\\
athAbravInmahAbAhuH sumitrAnandavardhanam . 
agrato gachchha saumitre sItA tvAm anugachchhatu .. 76..\\
pR^iShThato.aha.n gamiShyAmi tvAM cha sItAM cha pAlayan . 
adya duHkha.n tu vaidehI vanavAsasya vetsyati .. 77..\\
gata.n tu ga~NgAparapAramAshu 
rAma.n sumantraH pratataM nirIkShya . 
adhvaprakarShAdvinivR^ittadR^iShTir 
mumocha bAShpa.n vyathitastapasvI .. 78..\\
tau tatra hatvA chaturo mahAmR^igAn 
varAhamR^ishyaM pR^iShataM mahArurum . 
AdAya medhya.n tvaritaM bubhukShitau 
vAsAya kAle yayaturvanaspatim .. 79..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}