\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 47
sa ta.n vR^ikShaM samAsAdya sandhyAmanvAsya pashchimAm . 
rAmo ramayatA.n shreShTha iti hovAcha lakShmaNam .. 1..\\
adyeyaM prathamA rAtriryAtA janapadAdbahiH . 
yA sumantreNa rahitA tAM notkaNThitumarhasi .. 2..\\
jAgartavyamatandribhyAmadya prabhR^iti rAtriShu . 
yogakShemo hi sItAyA vartate lakShmaNAvayoH .. 3..\\
rAtri.n kathaM chidevemA.n saumitre vartayAmahe . 
upAvartAmahe bhUmAvAstIrya svayamArjitaiH .. 4..\\
sa tu sa.nvishya medinyAM mahArhashayanochitaH . 
imAH saumitraye rAmo vyAjahAra kathAH shubhAH .. 5..\\
dhruvamadya mahArAjo duHkha.n svapiti lakShmaNa . 
kR^itakAmA tu kaikeyI tuShTA bhavitumarhati .. 6..\\
sA hi devI mahArAja.n kaikeyI rAjyakAraNAt . 
api na chyAvayetprANAndR^iShTvA bharatamAgatam .. 7..\\
anAthashchaiva vR^iddhashcha mayA chaiva vinAkR^itaH . 
ki.n kariShyati kAmAtmA kaikeyyA vashamAgataH .. 8..\\
ida.n vyasanamAlokya rAGYash cha mativibhramam . 
kAma evArdhadharmAbhyA.n garIyAniti me matiH .. 9..\\
ko hyavidvAnapi pumAnpramadAyAH kR^ite tyajet . 
chhandAnuvartinaM putra.n tAto mAmiva lakShmaNa .. 10..\\
sukhI bata sabhAryashcha bharataH kekayIsutaH . 
muditAnkosalAneko yo bhokShyatyadhirAjavat .. 11..\\
sa hi sarvasya rAjyasya mukhamekaM bhaviShyati . 
tAte cha vayasAtIte mayi chAraNyamAshrite .. 12..\\
arthadharmau parityajya yaH kAmamanuvartate . 
evamApadyate kShipra.n rAjA dasharatho yathA .. 13..\\
manye dasharathAntAya mama pravrAjanAya cha . 
kaikeyI saumya samprAptA rAjyAya bharatasya cha .. 14..\\
apIdAnIM na kaikeyI saubhAgyamadamohitA . 
kausalyA.n cha sumitrAM cha samprabAdheta matkR^ite .. 15..\\
mA sma matkAraNAddevI sumitrA duHkhamAvaset . 
ayodhyAmita eva tva.n kAle pravisha lakShmaNa .. 16..\\
ahameko gamiShyAmi sItayA saha daNDakAn . 
anAthAyA hi nAthastva.n kausalyAyA bhaviShyasi .. 17..\\
kShudrakarmA hi kaikeyI dveShAdanyAyyamAcharet . 
paridadyA hi dharmaGYe bharate mama mAtaram .. 18..\\
nUna.n jAtyantare kasmiMH striyaH putrairviyojitAH . 
jananyA mama saumitre tadapyetadupasthitam .. 19..\\
mayA hi chirapuShTena duHkhasa.nvardhitena cha . 
viprAyujyata kausalyA phalakAle dhigastu mAm .. 20..\\
mA sma sImantinI kA chijjanayetputramIdR^isham . 
saumitre yo.ahamambAyA dadmi shokamanantakam .. 21..\\
manye prItivishiShTA sA matto lakShmaNasArikA . 
yasyAstachchhrUyate vAkya.n shuka pAdamarerdasha .. 22..\\
shochantyAshchAlpabhAgyAyA na ki.n chidupakurvatA . 
purtreNa kimaputrAyA mayA kAryamarindama .. 23..\\
alpabhAgyA hi me mAtA kausalyA rahitA mayA . 
shete paramaduHkhArtA patitA shokasAgare .. 24..\\
eko hyahamayodhyA.n cha pR^ithivIM chApi lakShmaNa . 
tareyamiShubhiH kruddho nanu vIryamakAraNam .. 25..\\
adharmabhaya bhItashcha paralokasya chAnagha . 
tena lakShmaNa nAdyAhamAtmAnamabhiShechaye .. 26..\\
etadanyachcha karuNa.n vilapya vijane bahu . 
ashrupUrNamukho rAmo nishi tUShNImupAvishat .. 27..\\
vilapyoparata.n rAma.n gatArchiShamivAnalam . 
samudramiva nirvegamAshvAsayata lakShmaNaH .. 28..\\
dhruvamadya purI rAma ayodhyA yudhinA.n vara . 
niShprabhA tvayi niShkrAnte gatachandreva sharvarI .. 29..\\
naitadaupayika.n rAma yadidaM paritapyase . 
viShAdayasi sItA.n cha mAM chaiva puruSharShabha .. 30..\\
na cha sItA tvayA hInA na chAhamapi rAghava . 
muhUrtamapi jIvAvo jalAnmatsyAvivoddhR^itau .. 31..\\
na hi tAtaM na shatrughnaM na sumitrAM parantapa . 
draShTumichchheyamadyAha.n svargaM vApi tvayA vinA .. 32..\\
sa lakShmaNasyottama puShkala.n vacho 
nishamya chaiva.n vanavAsamAdarAt . 
samAH samastA vidadhe parantapaH 
prapadya dharma.n suchirAya rAghavaH .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}