\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 49
uShitvA rajanI.n tatra rAjaputrAvarindamau . 
maharShimabhivAdyAtha jagmatusta.n giriM prati .. 1..\\
prasthitAMshchaiva tAnprekShya pitA putrAnivAnvagAt . 
tataH prachakrame vaktu.n vachanaM sa mahAmuniH .. 2..\\
athAsAdya tu kAlindI.n shIghrasrotasamApagAm . 
tatra yUyaM plava.n kR^itvA taratAMshumatIM nadIm .. 3..\\
tato nyagrodhamAsAdya mahAnta.n haritachchhadam . 
vivR^iddhaM bahubhirvR^ikShaiH shyAma.n siddhopasevitam .. 4..\\
kroshamAtra.n tato gatvA nIlaM drakShyatha kAnanam . 
palAshabadarImishra.n rAma vaMshaishcha yAmunaiH .. 5..\\
sa panthAshchitrakUTasya gataH subahusho mayA . 
ramyo mArdavayuktashcha vanadAvairvivarjitaH . 
iti panthAnamAvedya maharShiH sa nyavartata .. 6..\\
upAvR^itte munau tasminrAmo lakShmaNamabravIt . 
kR^itapuNyAH sma saumitre muniryanno.anukampate .. 7..\\
iti tau puruShavyAghrau mantrayitvA manasvinau . 
sItAmevAgrataH kR^itvA kAlindI.n jagmaturnadIm .. 8..\\
tau kAShThasa~NghATamatho chakratuH sumahAplavam . 
chakAra lakShmaNashchhittvA sItAyAH sukhamAnasaM .. 9..\\
tatra shriyamivAchintyA.n rAmo dAsharathiH priyAm . 
IShatsa.nlajjamAnA.n tAmadhyAropayata plavam .. 10..\\
tataH plavenAMshumatI.n shIghragAmUrmimAlinIm . 
tIrajairbahubhirvR^ikShaiH santeruryamunAM nadIm .. 11..\\
te tIrNAH plavamutsR^ijya prasthAya yamunAvanAt . 
shyAmaM nyagrodhamAseduH shItala.n haritachchhadam .. 12..\\
kausalyA.n chaiva pashyeya.n sumitrAM cha yashasvinIm . 
iti sItA~njali.n kR^itvA paryagachhadvanaspatim .. 13..\\
kroshamAtra.n tato gatvA bhrAtarau rAmalakShmaNau . 
bahUnmedhyAnmR^igAnhatvA cheraturyamunAvane .. 14..\\
vihR^itya te barhiNapUganAdite 
shubhe vane vAraNavAnarAyute . 
samaM nadIvapramupetya saMmataM 
nivAsamAjagmuradInadarshanaH .. 15..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}