\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 5
sandishya rAmaM nR^ipatiH shvobhAvinyabhiShechane . 
purohita.n samAhUya vasiShThamidamabravIt .. 1..\\
gachchhopavAsa.n kAkutsthaM kArayAdya tapodhana . 
shrIyashorAjyalAbhAya vadhvA saha yatavratam .. 2..\\
tatheti cha sa rAjAnamuktvA vedavidA.n varaH . 
svaya.n vasiShTho bhagavAnyayau rAmaniveshanam .. 3..\\
sa rAmabhavanaM prApya pANDurAbhraghanaprabham . 
tisraH kakShyA rathenaiva vivesha munisattamaH .. 4..\\
tamAgatamR^iShi.n rAmastvaranniva sasambhramaH . 
mAnayiShyansa mAnArhaM nishchakrAma niveshanAt .. 5..\\
abhyetya tvaramANashcha rathAbhyAshaM manIShiNaH . 
tato.avatArayAmAsa parigR^ihya rathAtsvayam .. 6..\\
sa chainaM prashrita.n dR^iShTvA sambhAShyAbhiprasAdya cha . 
priyArha.n harShayanrAmamityuvAcha purohitaH .. 7..\\
prasannaste pitA rAma yauvarAjyamavApsyasi . 
upavAsaM bhavAnadya karotu saha sItayA .. 8..\\
prAtastvAmabhiShektA hi yauvarAjye narAdhipaH . 
pitA dasharathaH prItyA yayAtiM nahuSho yathA .. 9..\\
ityuktvA sa tadA rAmamupavAsa.n yatavratam . 
mantravatkArayAmAsa vaidehyA sahitaM muniH .. 10..\\
tato yathAvadrAmeNa sa rAGYo gururarchitaH . 
abhyanuGYApya kAkutstha.n yayau rAmaniveshanAt .. 11..\\
suhR^idbhistatra rAmo.api tAnanuGYApya sarvashaH . 
sabhAjito viveshAtha tAnanuGYApya sarvashaH .. 12..\\
hR^iShTanArI narayuta.n rAmaveshma tadA babhau . 
yathA mattadvijagaNaM praphullanalina.n saraH .. 13..\\
sa rAjabhavanaprakhyAttasmAdrAmaniveshanAt . 
nirgatya dadR^ishe mArga.n vasiShTho janasa.nvR^itam .. 14..\\
vR^indavR^indairayodhyAyA.n rAjamArgAH samantataH . 
babhUvurabhisambAdhAH kutUhalajanairvR^itAH .. 15..\\
janavR^indormisa~NgharShaharShasvanavatastadA . 
babhUva rAjamArgasya sAgarasyeva nisvanaH .. 16..\\
siktasaMmR^iShTarathyA hi tadaharvanamAlinI . 
AsIdayodhyA nagarI samuchchhritagR^ihadhvajA .. 17..\\
tadA hyayodhyA nilayaH sastrIbAlAbalo janaH . 
rAmAbhiShekamAkA~NkShannAkA~NkShannudaya.n raveH .. 18..\\
prajAla~NkArabhUta.n cha janasyAnandavardhanam . 
utsuko.abhUjjano draShTu.n tamayodhyA mahotsavam .. 19..\\
eva.n taM janasambAdha.n rAjamArgaM purohitaH . 
vyUhanniva janaugha.n ta.n shanai rAja kulaM yayau .. 20..\\
sitAbhrashikharaprakhyaM prAsadamadhiruhya saH . 
samiyAya narendreNa shakreNeva bR^ihaspatiH .. 21..\\
tamAgatamabhiprekShya hitvA rAjAsanaM nR^ipaH . 
paprachchha sa cha tasmai tatkR^itamityabhyavedayat .. 22..\\
guruNA tvabhyanuGYAto manujaugha.n visR^ijya tam . 
viveshAntaHpura.n rAjA si.nho giriguhAm iva .. 23..\\
tadagryaveShapramadAjanAkulaM 
mahendraveshmapratimaM niveshanam . 
vyadIpayaMshchAru vivesha pArthivaH 
shashIva tArAgaNasa~NkulaM nabhaH .. 24..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}