\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 53
mama tvashvA nivR^ittasya na prAvartanta vartmani . 
uShNamashru vimu~nchanto rAme samprasthite vanam .. 1..\\
ubhAbhyA.n rAjaputrAbhyAmatha kR^itvAhamaGYalim . 
prasthito rathamAsthAya tadduHkhamapi dhArayan .. 2..\\
guheva sArdha.n tatraiva sthito.asmi divasAnbahUn . 
AshayA yadi mA.n rAmaH punaH shabdApayediti .. 3..\\
viShaye te mahArAja rAmavyasanakarshitAH . 
api vR^ikShAH parimlAnaH sapuShpA~NkurakorakAH .. 4..\\
na cha sarpanti sattvAni vyAlA na prasaranti cha . 
rAmashokAbhibhUta.n tanniShkUjamabhavadvanam .. 5..\\
lInapuShkarapatrAshcha narendra kaluShodakAH . 
santaptapadmAH padminyo lInamInaviha~NgamAH .. 6..\\
jalajAni cha puShpANi mAlyAni sthalajAni cha . 
nAdya bhAntyalpagandhIni phalAni cha yathA puram .. 7..\\
pravishantamayodhyAM mAM na kash chidabhinandati . 
narA rAmamapashyanto niHshvasanti muhurmuhuH .. 8..\\
harmyairvimAnaiH prAsAdairavekShya rathamAgatam . 
hAhAkArakR^itA nAryo rAmAdarshanakarshitAH .. 9..\\
AyatairvimalairnetrairashruvegapariplutaiH . 
anyonyamabhivIkShante vyaktamArtatarAH striyaH .. 10..\\
nAmitrANAM na mitrANAmudAsInajanasya cha . 
ahamArtatayA ka.n chidvisheShaM nopalakShaye .. 11..\\
aprahR^iShTamanuShyA cha dInanAgatura~NgamA . 
ArtasvaraparimlAnA viniHshvasitaniHsvanA .. 12..\\
nirAnandA mahArAja rAmapravrAjanAtulA . 
kausalyA putra hIneva ayodhyA pratibhAti mA .. 13..\\
sUtasya vachana.n shrutvA vAchA paramadInayA . 
bAShpopahatayA rAjA ta.n sUtamidamabravIt .. 14..\\
kaikeyyA viniyuktena pApAbhijanabhAvayA . 
mayA na mantrakushalairvR^iddhaiH saha samarthitam .. 15..\\
na suhR^idbhirna chAmAtyairmantrayitvA na naigamaiH . 
mayAyamarthaH saMmohAtstrIhetoH sahasA kR^itaH .. 16..\\
bhavitavyatayA nUnamida.n vA vyasanaM mahat . 
kulasyAsya vinAshAya prApta.n sUta yadR^ichchhayA .. 17..\\
sUta yadyasti te ki.n chinmayApi sukR^itaM kR^itam . 
tvaM prApayAshu mA.n rAmaM prANAH santvarayanti mAm .. 18..\\
yadyadyApi mamaivAGYA nivartayatu rAghavam . 
na shakShyAmi vinA rAma muhUrtamapi jIvitum .. 19..\\
atha vApi mahAbAhurgato dUraM bhaviShyati . 
mAmeva rathamAropya shIghra.n rAmAya darshaya .. 20..\\
vR^ittadaMShTro maheShvAsaH kvAsau lakShmaNapUrvajaH . 
yadi jIvAmi sAdhvenaM pashyeya.n saha sItayA .. 21..\\
lohitAkShaM mahAbAhumAmuktamaNikuNDalam . 
rAma.n yadi na pashyAmi gamiShyAmi yamakShayam .. 22..\\
ato nu ki.n duHkhatara.n yo.ahamikShvAkunandanam . 
imAmavasthAmApanno neha pashyAmi rAghavam .. 23..\\
hA rAma rAmAnuja hA hA vaidehi tapasvinI . 
na mA.n jAnIta duHkhena mriyamANamanAthavat . 
dustaro jIvatA devi mayAya.n shokasAgaraH .. 24..\\
ashobhana.n yo.ahamihAdya rAghavaM 
didR^ikShamANo na labhe salakShmaNam . 
itIva rAjA vilapanmahAyashAH 
papAta tUrNa.n shayane sa mUrchhitaH .. 25..\\
iti vilapati pArthive pranaShTe 
karuNatara.n dviguNaM cha rAmahetoH . 
vachanamanunishamya tasya devI 
bhayamagamatpunareva rAmamAtA .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}