\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 55
vana.n gate dharmapare rAme ramayatA.n vare . 
kausalyA rudatI svArtA bhartAramidamabravIt .. 1..\\
yadyapitriShu lokeShu prathita.n te mayadyashaH . 
sAnukrosho vadAnyashcha priyavAdI cha rAghavaH .. 2..\\
kathaM naravarashreShTha putrau tau saha sItayA . 
duHkhitau sukhasa.nvR^iddhau vane duHkha.n sahiShyataH .. 3..\\
sA nUna.n taruNI shyAmA sukumArI sukhochitA . 
kathamuShNa.n cha shItaM cha maithilI prasahiShyate .. 4..\\
bhuktvAshana.n vishAlAkShI sUpadaMshAnvitaM shubham . 
vanyaM naivAramAhAra.n katha.n sItopabhokShyate .. 5..\\
gItavAditranirghoSha.n shrutvA shubhamaninditA . 
katha.n kravyAdasi.nhAnA.n shabdaM shroShyatyashobhanam .. 6..\\
mahendradhvajasa~NkAshaH kva nu shete mahAbhujaH . 
bhujaM parighasa~NkAshamupadhAya mahAbalaH .. 7..\\
padmavarNa.n sukeshAntaM padmaniHshvAsamuttamam . 
kadA drakShyAmi rAmasya vadanaM puShkarekShaNam .. 8..\\
vajrasAramayaM nUna.n hR^idayaM me na saMshayaH . 
apashyantyA na ta.n yadvai phalatIdaM sahasradhA .. 9..\\
yadi pa~nchadashe varShe rAghavaH punareShyati . 
jahyAdrAjya.n cha koshaM cha bharatenopabhokShyate .. 10..\\
eva.n kanIyasA bhrAtrA bhukta.n rAjyaM vishAM pate . 
bhrAtA jyeShThA variShThAshcha kimarthaM nAvama.nsyate .. 11..\\
na pareNAhR^itaM bhakShya.n vyAghraH khAditumichchhati . 
evameva naravyAghraH paralIDhaM na ma.nsyate .. 12..\\
havirAjyaM puroDAshAH kushA yUpAshcha khAdirAH . 
naitAni yAtayAmAni kurvanti punaradhvare .. 13..\\
tathA hyAttamida.n rAjyaM hR^itasArAM surAm iva . 
nAbhimantumala.n rAmo naShTasomamivAdhvaram .. 14..\\
naiva.nvidhamasatkAra.n rAghavo marShayiShyati . 
balavAniva shArdUlo bAladherabhimarshanam .. 15..\\
sa tAdR^ishaH si.nhabalo vR^iShabhAkSho nararShabhaH . 
svayameva hataH pitrA jalajenAtmajo yathA .. 16..\\
dvijAti charito dharmaH shAstradR^iShTaH sanAtanaH . 
yadi te dharmanirate tvayA putre vivAsite .. 17..\\
gatirevAkpatirnAryA dvitIyA gatirAtmajaH . 
tR^itIyA GYAtayo rAjaMshchaturthI neha vidyate .. 18..\\
tatra tva.n chaiva me nAsti rAmashcha vanamAshritaH . 
na vana.n gantumichchhAmi sarvathA hi hatA tvayA .. 19..\\
hata.n tvayA rAjyamida.n sarAShTraM 
hatastathAtmA saha mantribhish cha . 
hatA saputrAsmi hatAshcha paurAH 
sutashcha bhAryA cha tava prahR^iShTau .. 20..\\
imA.n giraM dAruNashabdasaMshritAM 
nishamya rAjApi mumoha duHkhitaH . 
tataH sa shokaM pravivesha pArthivaH 
svaduShkR^ita.n chApi punastadAsmarat .. 21..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}