\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{1}## ##\begin{center}## \section{ayodhyaakaaNDa} ##\end{center}## \medskip 58 tadaGYAnAnmahatpApa.n kR^itvA sa~NkulitendriyaH . ekastvachintayaM buddhyA kathaM nu sukR^itaM bhavet .. 1..\\ tatasta.n ghaTamAdaya pUrNaM paramavAriNA . Ashrama.n tamahaM prApya yathAkhyAtapathaM gataH .. 2..\\ tatrAha.n durbalAvandhau vR^iddhAvapariNAyakau . apashya.n tasya pitarau lUnapakShAviva dvijau .. 3..\\ tannimittAbhirAsInau kathAbhiraparikramau . tAmAshAM matkR^ite hInAvudAsInAvanAthavat .. 4..\\ padashabda.n tu me shrutvA munirvAkyamabhAShata . ki.n chirAyasi me putra pAnIyaM kShipramAnaya .. 5..\\ yannimittamida.n tAta salile krIDitaM tvayA . utkaNThitA te mAteyaM pravisha kShipramAshramam .. 6..\\ yadvyalIka.n kR^itaM putra mAtrA te yadi vA mayA . na tanmanasi kartavya.n tvayA tAta tapasvinA .. 7..\\ tva.n gatistvagatInAM cha chakShustva.n hInachakShuShAm . samAsaktAstvayi prANAH ki.n chinnau nAbhibhAShase .. 8..\\ munimavyaktayA vAchA tamaha.n sajjamAnayA . hInavya~njanayA prekShya bhIto bhIta ivAbruvam .. 9..\\ manasaH karma cheShTAbhirabhisa.nstabhya vAgbalam . AchachakShe tvaha.n tasmai putravyasanajaM bhayam .. 10..\\ kShatriyo.aha.n dasharatho nAhaM putro mahAtmanaH . sajjanAvamata.n duHkhamidaM prApta.n svakarmajam .. 11..\\ bhagavaMshchApahasto.aha.n sarayUtIramAgataH . jighA.nsuH shvApada.n kiM chinnipAne vAgataM gajam .. 12..\\ tatra shruto mayA shabdo jale kumbhasya pUryataH . dvipo.ayamiti matvA hi bANenAbhihato mayA .. 13..\\ gatvA nadyAstatastIramapashyamiShuNA hR^idi . vinirbhinna.n gataprANa.n shayAnaM bhuvi tApasaM .. 14..\\ bhagava~nshabdamAlakShya mayA gajajighA.nsunA . visR^iShTo.ambhasi nArAchastena te nihataH sutaH .. 15..\\ sa choddhR^itena bANena tatraiva svargamAsthitaH . bhagavantAvubhau shochannandhAviti vilapya cha .. 16..\\ aGYAnAdbhavataH putraH sahasAbhihato mayA . sheShameva~Ngate yatsyAttatprasIdatu me muniH .. 17..\\ sa tachchhrutvA vachaH krUraM niHshvasa~nshokakarshitaH . mAmuvAcha mahAtejAH kR^itA~njalimupasthitam .. 18..\\ yadyetadashubha.n karma na sma me kathayeH svayam . phalenmUrdhA sma te rAjansadyaH shatasahasradhA .. 19..\\ kShatriyeNa vadho rAjanvAnaprasthe visheShataH . GYAnapUrva.n kR^itaH sthAnAchchyAvayedapi vajriNam .. 20..\\ aGYAnAddhi kR^ita.n yasmAdida.n tenaiva jIvasi . api hyadya kulaM nasyAdrAghavANA.n kuto bhavAn .. 21..\\ naya nau nR^ipa ta.n deshamiti mAM chAbhyabhAShata . adya ta.n draShTumichchhAvaH putraM pashchimadarshanam .. 22..\\ rudhireNAvasitA~NgaM prakIrNAjinavAsasaM . shayAnaM bhuvi niHsa.nj~na.n dharmarAjavashaM gatam .. 23..\\ athAhamekasta.n deshaM nItvA tau bhR^ishaduHkhitau . asparshayamahaM putra.n taM muni.n saha bhAryayA .. 24..\\ tau putramAtmanaH spR^iShTvA tamAsAdya tapasvinau . nipetatuH sharIre.asya pitA chAsyedamabravIt .. 25..\\ na nvaha.n te priyaH putra mAtaraM pashya dhArmika . kiM nu nAli~Ngase putra sukumAra vacho vada .. 26..\\ kasya vApararAtre.aha.n shroShyAmi hR^idaya~Ngamam . adhIyAnasya madhura.n shAstraM vAnyadvisheShataH .. 27..\\ ko mA.n sandhyAmupAsyaiva snAtvA hutahutAshanaH . shlAghayiShyatyupAsInaH putrashokabhayArditam .. 28..\\ kandamUlaphala.n hR^itvA ko mAM priyamivAtithim . bhojayiShyatyakarmaNyamapragrahamanAyakam .. 29..\\ imAmandhA.n cha vR^iddhAM cha mAtaraM te tapasvinIm . kathaM putra bhariShyAmi kR^ipaNAM putragardhinIm .. 30..\\ tiShTha mA mA gamaH putra yamasya sadanaM prati . shvo mayA saha gantAsi jananyA cha samedhitaH .. 31..\\ ubhAvapi cha shokArtAvanAthau kR^ipaNau vane . kShiprameva gamiShyAvastvayA hInau yamakShayam .. 32..\\ tato vaivasvata.n dR^iShTvA taM pravakShyAmi bhAratIm . kShamatA.n dharmarAjo me bibhR^iyAtpitarAvayam .. 33..\\ apApo.asi yathA putra nihataH pApakarmaNA . tena satyena gachchhAshu ye lokAH shastrayodhinAm .. 34..\\ yAnti shUrA gati.n yA.n cha sa~NgrAmeShvanivartinaH . hatAstvabhimukhAH putra gati.n tAM paramA.n vraja .. 35..\\ yA.n gati.n sagaraH shaibyo dilIpo janamejayaH . nahuSho dhundhumArashcha prAptAstA.n gachchha putraka .. 36..\\ yA gatiH sarvasAdhUnA.n svAdhyAyAtpatasashcha yA . bhUmidasyAhitAgneshcha ekapatnIvratasya cha .. 37..\\ gosahasrapradAtR^INA.n yA yA gurubhR^itAm api . dehanyAsakR^itA.n yA cha tA.n gatiM gachchha putraka . na hi tvasminkule jAto gachchhatyakushalA.n gatim .. 38..\\ eva.n sa kR^ipaNa.n tatra paryadevayatAsakR^it . tato.asmai kartumudakaM pravR^ittaH saha bhAryayA .. 39..\\ sa tu divyena rUpeNa muniputraH svakarmabhiH . AshvAsya cha muhUrta.n tu pitarau vAkyamabravIt .. 40..\\ sthAnamasmi mahatprApto bhavatoH parichAraNAt . bhavantAvapi cha kShipraM mama mUlamupaiShyataH .. 41..\\ evamuktvA tu divyena vimAnena vapuShmatA . Aruroha diva.n kShipraM muniputro jitendriyaH .. 42..\\ sa kR^itvA tUdaka.n tUrNaM tApasaH saha bhAryayA . mAmuvAcha mahAtejAH kR^itA~njalimupasthitam .. 43..\\ adyaiva jahi mA.n rAjanmaraNe nAsti me vyathA . yachchhareNaikaputraM mA.n tvamakArShIraputrakam .. 44..\\ tvayA tu yadaviGYAnAnnihato me sutaH shuchiH . tena tvAmabhishapsyAmi suduHkhamatidAruNam .. 45..\\ putravyasanaja.n duHkha.n yadetanmama sAmpratam . eva.n tvaM putrashokena rAjankAlaM kariShyasi .. 46..\\ tasmAnmAmAgataM bhadre tasyodArasya tadvachaH . yadahaM putrashokena santyakShyAmyadya jIvitam .. 47..\\ yadi mA.n sa.nspR^ishedrAmaH sakR^idadyAlabheta vA . na tanme sadR^isha.n devi yanmayA rAghave kR^itam .. 48..\\ chakShuShA tvAM na pashyAmi smR^itirmama vilupyate . dUtA vaivasvatasyaite kausalye tvarayanti mAm .. 49..\\ atastu ki.n duHkhatara.n yadahaM jIvitakShaye . na hi pashyAmi dharmaGYa.n rAmaM satyaparAkyamam .. 50..\\ na te manuShyA devAste ye chArushubhakuNDalam . mukha.n drakShyanti rAmasya varShe pa~nchadashe punaH .. 51..\\ padmapatrekShaNa.n subhru sudaMShTra.n chArunAsikam . dhanyA drakShyanti rAmasya tArAdhipanibhaM mukham .. 52..\\ sadR^isha.n shAradasyendoH phullasya kamalasya cha . sugandhi mama nAthasya dhanyA drakShyanti tanmukham .. 53..\\ nivR^ittavanavAsa.n tamayodhyAM punarAgatam . drakShyanti sukhino rAma.n shukraM mArgagataM yathA .. 54..\\ ayamAtmabhavaH shoko mAmanAthamachetanam . sa.nsAdayati vegena yathA kUlaM nadIrayaH .. 55..\\ hA rAghava mahAbAho hA mamAyAsa nAshana . rAjA dasharathaH shocha~njIvitAntamupAgamat .. 56..\\ tathA tu dIna.n kathayannarAdhipaH priyasya putrasya vivAsanAturaH . gate.ardharAtre bhR^ishaduHkhapIDitas tadA jahau prANamudAradarshanaH .. 57..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}