\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 6
gate purohite rAmaH snAto niyatamAnasaH . 
saha patnyA vishAlAkShyA nArAyaNamupAgamat .. 1..\\
pragR^ihya shirasA pAtrI.n haviSho vidhivattadA . 
mahate daivatAyAjya.n juhAva jvalite.anale .. 2..\\
sheSha.n cha haviShastasya prAshyAshAsyAtmanaH priyam . 
dhyAyannArAyaNa.n deva.n svAstIrNe kushasa.nstare .. 3..\\
vAgyataH saha vaidehyA bhUtvA niyatamAnasaH . 
shrImatyAyatane viShNoH shishye naravarAtmajaH .. 4..\\
ekayAmAvashiShTAyA.n rAtryAM prativibudhya saH . 
ala~NkAravidhi.n kR^itsnaM kArayAmAsa veshmanaH .. 5..\\
tatra shR^iNvansukhA vAchaH sUtamAgadhabandinAm . 
pUrvA.n sandhyAmupAsIno jajApa yatamAnasaH .. 6..\\
tuShTAva praNatashchaiva shirasA madhusUdanam . 
vimalakShaumasa.nvIto vAchayAmAsa cha dvijAn .. 7..\\
teShAM puNyAhaghoSho.atha gambhIramadhurastadA . 
ayodhyAM pUrayAmAsa tUryaghoShAnunAditaH .. 8..\\
kR^itopavAsa.n tu tadA vaidehyA saha rAghavam . 
ayodhyA nilayaH shrutvA sarvaH pramudito janaH .. 9..\\
tataH paurajanaH sarvaH shrutvA rAmAbhiShechanam . 
prabhAtA.n rajanI.n dR^iShTvA chakre shobhAM parAM punaH .. 10..\\
sitAbhrashikharAbheShu devatAyataneShu cha . 
chatuShpatheShu rathyAsu chaityeShvaTTAlakeShu cha .. 11..\\
nAnApaNyasamR^iddheShu vaNijAmApaNeShu cha . 
kuTumbinA.n samR^iddheShu shrImatsu bhavaneShu cha .. 12..\\
sabhAsu chaiva sarvAsu vR^ikSheShvAlakShiteShu cha . 
dhvajAH samuchchhritAshchitrAH patAkAshchAbhava.nstadA .. 13..\\
naTanartakasa~NghAnA.n gAyakAnAM cha gAyatAm . 
manaHkarNasukhA vAchaH shushruvushcha tatastataH .. 14..\\
rAmAbhiShekayuktAshcha kathAshchakrurmitho janAH . 
rAmAbhiSheke samprApte chatvareShu gR^iheShu cha .. 15..\\
bAlA api krIDamAnA gR^ihadvAreShu sa~NghashaH . 
rAmAbhiShekasa.nyuktAshchakrureva mithaH kathAH .. 16..\\
kR^itapuShpopahArashcha dhUpagandhAdhivAsitaH . 
rAjamArgaH kR^itaH shrImAnpaurai rAmAbhiShechane .. 17..\\
prakAshIkaraNArtha.n cha nishAgamanasha~NkayA . 
dIpavR^ikShA.nstathA chakruranu rathyAsu sarvashaH .. 18..\\
ala~NkAraM purasyaiva.n kR^itvA tatpuravAsinaH . 
AkA~NkShamANA rAmasya yauvarAjyAbhiShechanam .. 19..\\
sametya sa~NghashaH sarve chatvareShu sabhAsu cha . 
kathayanto mithastatra prashasha.nsurjanAdhipam .. 20..\\
aho mahAtmA rAjAyamikShvAkukulanandanaH . 
GYAtvA yo vR^iddhamAtmAna.n rAmaM rAjye.ahbiShekShyati .. 21..\\
sarve hyanugR^ihItAH sma yanno rAmo mahIpatiH . 
chirAya bhavitA goptA dR^iShTalokaparAvaraH .. 22..\\
anuddhatamanA vidvAndharmAtmA bhrAtR^ivatsalaH . 
yathA cha bhrAtR^iShu snigdhastathAsmAsvapi rAghavaH .. 23..\\
chira.n jIvatu dharmAtmA rAjA dasharatho.anaghaH . 
yatprasAdenAbhiShikta.n rAma.n drakShyAmahe vayam .. 24..\\
eva.nvidha.n kathayatAM paurANA.n shushruvustadA . 
digbhyo.api shrutavR^ittAntAH prAptA jAnapadA janAH .. 25..\\
te tu digbhyaH purIM prAptA draShTu.n rAmAbhiShechanam . 
rAmasya pUrayAmAsuH purI.n jAnapadA janAH .. 26..\\
janaughaistairvisarpadbhiH shushruve tatra nisvanaH . 
parvasUdIrNavegasya sAgarasyeva nisvanaH .. 27..\\
tatastadindrakShayasaMnibhaM puraM 
didR^ikShubhirjAnapadairupAgataiH . 
samantataH sasvanamAkulaM babhau 
samudrayAdobhirivArNavodakam .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}