\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 65
sa prA~Nmukho rAjagR^ihAdabhiniryAya vIryavAn . 
hrAdinI.n dUrapArAM cha pratyaksrotastara~NgiNIm . 
shatadrUmatarachchhrImAnnadImikShvAkunandanaH .. 1..\\
eladhAne nadI.n tIrtvA prApya chAparaparpaTAn . 
shilAmAkurvatI.n tIrtvA Agneya.n shalyakartanam .. 2..\\
satyasandhaH shuchiH shrImAnprekShamANaH shilAvahAm . 
atyayAtsa mahAshailAnvana.n chaitrarathaM prati .. 3..\\
veginI.n cha kuli~NgAkhyA.n hrAdinIM parvatAvR^itAm . 
yamunAM prApya santIrNo balamAshvAsayattadA .. 4..\\
shItIkR^itya tu gAtrANi klAntAnAshvAsya vAjinaH . 
tatra snAtvA cha pItvA cha prAyAdAdAya chodakam .. 5..\\
rAjaputro mahAraNyamanabhIkShNopasevitam . 
bhadro bhadreNa yAnena mArutaH khamivAtyayAt .. 6..\\
toraNa.n dakShiNArdhena jambUprasthamupAgamat . 
varUtha.n cha yayau ramyaM grAmaM dasharathAtmajaH .. 7..\\
tatra ramye vane vAsa.n kR^itvAsau prA~Nmukho yayau . 
udyAnamujjihAnAyAH priyakA yatra pAdapAH .. 8..\\
sAlA.nstu priyakAnprApya shIghrAnAsthAya vAjinaH . 
anuGYApyAtha bharato vAhinI.n tvarito yayau .. 9..\\
vAsa.n kR^itvA sarvatIrthe tIrtvA chottAnakAM nadIm . 
anyA nadIshcha vividhAH pArvatIyaistura~NgamaiH .. 10..\\
hastipR^iShThakamAsAdya kuTikAm atyavartata . 
tatAra cha naravyAghro lauhitye sa kapIvatIm . 
ekasAle sthANumatI.n vinate gomatIM nadIm .. 11..\\
kali~Nga nagare chApi prApya sAlavana.n tadA . 
bharataH kShipramAgachchhatsuparishrAntavAhanaH .. 12..\\
vana.n cha samatItyAshu sharvaryAmaruNodaye . 
ayodhyAM manunA rAGYA nirmitA.n sa dadarsha ha .. 13..\\
tAM purIM puruShavyAghraH saptarAtroShiTaH pathi . 
ayodhyAmagrato dR^iShTvA rathe sArathimabravIt .. 14..\\
eShA nAtipratItA me puNyodyAnA yashasvinI . 
ayodhyA dR^ishyate dUrAtsArathe pANDumR^ittikA .. 15..\\
yajvabhirguNasampannairbrAhmaNairvedapAragaiH . 
bhUyiShThamR^iShhairAkIrNA rAjarShivarapAlitA .. 16..\\
ayodhyAyAM purAshabdaH shrUyate tumulo mahAn . 
samantAnnaranArINA.n tamadya na shR^iNomyaham .. 17..\\
udyAnAni hi sAyAhne krIDitvoparatairnaraiH . 
samantAdvipradhAvadbhiH prakAshante mamAnyadA .. 18..\\
tAnyadyAnurudantIva parityaktAni kAmibhiH . 
araNyabhUteva purI sArathe pratibhAti me .. 19..\\
na hyatra yAnairdR^ishyante na gajairna cha vAjibhiH . 
niryAnto vAbhiyAnto vA naramukhyA yathApuram .. 20..\\
aniShTAni cha pApAni pashyAmi vividhAni cha . 
nimittAnyamanoGYAni tena sIdati te manaH .. 21..\\
dvAreNa vaijayantena prAvishachchhrAntavAhanaH . 
dvAHsthairutthAya vijayaM pR^iShTastaiH sahito yayau .. 22..\\
sa tvanekAgrahR^idayo dvAHsthaM pratyarchya ta.n janam . 
sUtamashvapateH klAntamabravIttatra rAghavaH .. 23..\\
shrutA no yAdR^ishAH pUrvaM nR^ipatInA.n vinAshane . 
AkArAstAnaha.n sarvAniha pashyAmi sArathe .. 24..\\
malina.n chAshrupUrNAkShaM dInaM dhyAnaparaM kR^isham . 
sastrI pu.nsa.n cha pashyAmi janamutkaNThitaM pure .. 25..\\
ityevamuktvA bharataH sUta.n taM dInamAnasaH . 
tAnyaniShTAnyayodhyAyAM prekShya rAjagR^iha.n yayau .. 26..\\
tA.n shUnyashR^i~NgATakaveshmarathyAM 
rajo.aruNadvArakapATayantrAm . 
dR^iShTvA purImindrapurI prakAshAM 
duHkhena sampUrNataro babhUva .. 27..\\
bahUni pashyanmanaso.apriyANi 
yAnyannyadA nAsya pure babhUvuH . 
avAkshirA dInamanA nahR^iShTaH 
piturmahAtmA pravivesha veshma .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}