\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{1}## ##\begin{center}## \section{ayodhyaakaaNDa} ##\end{center}## \medskip 66 apashya.nstu tatastatra pitaraM piturAlaye . jagAma bharato draShTuM mAtaraM mAturAlaye .. 1..\\ anuprApta.n tu taM dR^iShTvA kaikeyI proShita.n sutam . utpapAta tadA hR^iShTA tyaktvA sauvarNamAnasaM .. 2..\\ sa pravishyaiva dharmAtmA svagR^iha.n shrIvivarjitam . bharataH prekShya jagrAha jananyAshcharaNau shubhau .. 3..\\ taM mUrdhni samupAghrAya pariShvajya yashasvinam . a~Nke bharatamAropya praShTu.n samupachakrame .. 4..\\ adya te kati chidrAtryashchyutasyAryakaveshmanaH . api nAdhvashramaH shIghra.n rathenApatatastava .. 5..\\ Aryakaste sukushalo yudhAjinmAtulastava . pravAsAchcha sukhaM putra sarvaM me vaktumarhasi .. 6..\\ evaM pR^iShThastu kaikeyyA priyaM pArthivanandanaH . AchaShTa bharataH sarvaM mAtre rAjIvalochanaH .. 7..\\ adya me saptamI rAtrishchyutasyAryakaveshmanaH . ambAyAH kushalI tAto yudhAjinmAtulash cha me .. 8..\\ yanme dhana.n cha ratnaM cha dadau rAjA parantapaH . parishrAntaM pathyabhavattato.ahaM pUrvamAgataH .. 9..\\ rAjavAkyaharairdUtaistvaryamANo.ahamAgataH . yadahaM praShTumichchhAmi tadambA vaktumarhasi .. 10..\\ shUnyo.aya.n shayanIyaste parya~Nko hemabhUShitaH . na chAyamikShvAkujanaH prahR^iShTaH pratibhAti me .. 11..\\ rAjA bhavati bhUyiShThgamihAmbAyA niveshane . tamahaM nAdya pashyAmi draShTumichchhannihAgataH .. 12..\\ piturgrahIShye charaNau taM mamAkhyAhi pR^ichchhataH . Ahosvidamba jyeShThAyAH kausalyAyA niveshane .. 13..\\ taM pratyuvAcha kaikeyI priyavadghoramapriyam . ajAnantaM prajAnantI rAjyalobhena mohitA . yA gatiH sarvabhUtAnA.n tAM gatiM te pitA gataH .. 14..\\ tachchhrutvA bharato vAkya.n dharmAbhijanavA~nshuchiH . papAta sahasA bhUmau pitR^ishokabalArditaH .. 15..\\ tataH shokena sa.nvItaH piturmaraNaduHkhitaH . vilalApa mahAtejA bhrAntAkulitachetanaH .. 16..\\ etatsuruchiraM bhAti piturme shayanaM purA . tadidaM na vibhAtyadya vihIna.n tena dhImatA .. 17..\\ tamArta.n devasa~NkAsha.n samIkShya patitaM bhuvi . utthApayitvA shokArta.n vachana.n chedamabravIt .. 18..\\ uttiShThottiShTha ki.n sheShe rAjaputra mahAyashaH . tvadvidhA na hi shochanti santaH sadasi saMmatAH .. 19..\\ sa rudatyA chira.n kAlaM bhUmau viparivR^itya cha . jananIM pratyuvAcheda.n shokairbahubhirAvR^itaH .. 20..\\ abhiShekShyati rAma.n tu rAjA yaGYaM nu yakShyati . ityaha.n kR^itasa~Nkalpo hR^iShTo yAtrAmayAsiSham .. 21..\\ tadida.n hyanyathA bhUtaM vyavadIrNaM mano mama . pitara.n yo na pashyAmi nityaM priyahite ratam .. 22..\\ amba kenAtyagAdrAjA vyAdhinA mayyanAgate . dhanyA rAmAdayaH sarve yaiH pitA sa.nskR^itaH svayam .. 23..\\ na nUnaM mAM mahArAjaH prApta.n jAnAti kIrtimAn . upajighreddhi mAM mUrdhni tAtaH saMnamya satvaram .. 24..\\ kva sa pANiH sukhasparshastAtasyAkliShTakarmaNaH . yena mA.n rajasA dhvastamabhIkShNaM parimArjati .. 25..\\ yo me bhrAtA pitA bandhuryasya dAso.asmi dhImataH . tasya mA.n shIghramAkhyAhi rAmasyAkliShTa karmaNaH .. 26..\\ pitA hi bhavati jyeShTho dharmamAryasya jAnataH . tasya pAdau grahIShyAmi sa hIdAnI.n gatirmama .. 27..\\ Arye kimabravIdrAjA pitA me satyavikramaH . pashchima.n sAdhusandeshamichchhAmi shrotumAtmanaH .. 28..\\ iti pR^iShTA yathAtattva.n kaikeyI vAkyamabravIt . rAmeti rAjA vilapanhA sIte lakShmaNeti cha . sa mahAtmA para.n loka.n gato gatimatAM varaH .. 29..\\ imA.n tu pashchimA.n vAchaM vyAjahAra pitA tava . kAla dharmaparikShiptaH pAshairiva mahAgajaH .. 30..\\ siddhArthAstu narA rAmamAgata.n sItayA saha . lakShmaNa.n cha mahAbAhuM drakShyanti punarAgatam .. 31..\\ tachchhrutvA viShasAdaiva dvitIyA priyasha.nsanAt . viShaNNavadano bhUtvA bhUyaH paprachchha mAtaram .. 32..\\ kva chedAnI.n sa dharmAtmA kausalyAnandavardhanaH . lakShmaNena saha bhrAtrA sItayA cha sama.n gataH .. 33..\\ tathA pR^iShTA yathAtattvamAkhyAtumupachakrame . mAtAsya yugapadvAkya.n vipriyaM priyasha~NkayA .. 34..\\ sa hi rAjasutaH putra chIravAsA mahAvanam . daNDakAnsaha vaidehyA lakShmaNAnucharo gataH .. 35..\\ tachchhrutvA bharatastrasto bhrAtushchAritrasha~NkayA . svasya vaMshasya mAhAtmyAtpraShTu.n samupachakrame .. 36..\\ kachchinna brAhmaNavadha.n hR^itaM rAmeNa kasya chit . kachchinnADhyo daridro vA tenApApo vihi.nsitaH .. 37..\\ kachchinna paradArAnvA rAjaputro.abhimanyate . kasmAtsa daNDakAraNye bhrUNaheva vivAsitaH .. 38..\\ athAsya chapalA mAtA tatsvakarma yathAtatham . tenaiva strIsvabhAvena vyAhartumupachakrame .. 39..\\ na brAhmaNa dhana.n ki~nciddhR^ita.n rAmeNa kasya chit . kashchinnADhyo daridro vA tenApApo vihi.nsitaH . na rAmaH paradArAMshcha chakShurbhyAmapi pashyati .. 40..\\ mayA tu putra shrutvaiva rAmasyaivAbhiShechanam . yAchitaste pitA rAjya.n rAmasya cha vivAsanam .. 41..\\ sa svavR^itti.n samAsthAya pitA te tattathAkarot . rAmashcha sahasaumitriH preShitaH saha sItayA .. 42..\\ tamapashyanpriyaM putraM mahIpAlo mahAyashAH . putrashokaparidyUnaH pa~nchatvamupapedivAn .. 43..\\ tvayA tvidAnI.n dharmaGYa rAjatvamavalambyatAm . tvatkR^ite hi mayA sarvamidameva.nvidha.n kR^itam .. 44..\\ tatputra shIghra.n vidhinA vidhiGYair vasiShThamukhyaiH sahito dvijendraiH . sa~NkAlya rAjAnamadInasattvam AtmAnamurvyAmabhiShechayasva .. 45..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}