\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 68
tA.n tathA garhayitvA tu mAtaraM bharatastadA . 
roSheNa mahatAviShTaH punarevAbravIdvachaH .. 1..\\
rAjyAdbhraMshasva kaikeyi nR^isha.nse duShTachAriNi . 
parityaktA cha dharmeNa mA mR^ita.n rudatI bhava .. 2..\\
kiM nu te.adUShayadrAjA rAmo vA bhR^ishadhArmikaH . 
yayormR^ityurvivAsashcha tvatkR^ite tulyamAgatau .. 3..\\
bhrUNahatyAmasi prAptA kulasyAsya vinAshanAt . 
kaikeyi naraka.n gachchha mA cha bhartuH salokatAm .. 4..\\
yattvayA hIdR^ishaM pApa.n kR^itaM ghoreNa karmaNA . 
sarvalokapriya.n hitvA mamApyApAditaM bhayam .. 5..\\
tvatkR^ite me pitA vR^itto rAmashchAraNyamAshritaH . 
ayasho jIvaloke cha tvayAhaM pratipAditaH .. 6..\\
mAtR^irUpe mamAmitre nR^isha.nse rAjyakAmuke . 
na te.ahamabhibhAShyo.asmi durvR^itte patighAtini .. 7..\\
kausalyA cha sumitrA cha yAshchAnyA mama mAtaraH . 
duHkhena mahatAviShTAstvAM prApya kuladUShiNIm .. 8..\\
na tvamashvapateH kanyA dharmarAjasya dhImataH . 
rAkShasI tatra jAtAsi kulapradhva.nsinI pituH .. 9..\\
yattvayA dhArmiko rAmo nitya.n satyaparAyaNaH . 
vanaM prasthApito duHkhAtpitA cha tridiva.n gataH .. 10..\\
yatpradhAnAsi tatpApaM mayi pitrA vinAkR^ite . 
bhrAtR^ibhyA.n cha parityakte sarvalokasya chApriye .. 11..\\
kausalyA.n dharmasa.nyuktA.n viyuktAM pApanishchaye . 
kR^itvA kaM prApsyase tvadya lokaM nirayagAminI .. 12..\\
kiM nAvabudhyase krUre niyataM bandhusaMshrayam . 
jyeShThaM pitR^isama.n rAma.n kausalyAyAtmasambhavam .. 13..\\
a~Ngapratya~NgajaH putro hR^idayAchchApi jAyate . 
tasmAtpriyataro mAtuH priyatvAnna tu bAndhavaH .. 14..\\
anyadA kila dharmaGYA surabhiH surasaMmatA . 
vahamAnau dadarshorvyAM putrau vigatachetasau .. 15..\\
tAvardhadivase shrAntau dR^iShTvA putrau mahItale . 
ruroda putra shokena bAShpaparyAkulekShaNA .. 16..\\
adhastAdvrajatastasyAH surarAGYo mahAtmanaH . 
bindavaH patitA gAtre sUkShmAH surabhigandhinaH .. 17..\\
tA.n dR^iShTvA shokasantaptA.n vajrapANiryashasvinIm . 
indraH prA~njalirudvignaH surarAjo.abravIdvachaH .. 18..\\
bhaya.n kachchinna chAsmAsu kutash chidvidyate mahat . 
kuto nimittaH shokaste brUhi sarvahitaiShiNi .. 19..\\
evamuktA tu surabhiH surarAjena dhImatA . 
patyuvAcha tato dhIrA vAkya.n vAkyavishAradA .. 20..\\
shAntaM pAtaM na vaH ki.n chitkutashchidamarAdhipa . 
aha.n tu magnau shochAmi svaputrau viShame sthitau .. 21..\\
etau dR^iShTvA kR^iShau dInau sUryarashmipratApinau . 
vadhyamAnau balIvardau karShakeNa surAdhipa .. 22..\\
mama kAyAtprasUtau hi duHkhitau bhAra pIDitau . 
yau dR^iShTvA paritapye.ahaM nAsti putrasamaH priyaH .. 23..\\
yasyAH putra sahasrANi sApi shochati kAmadhuk . 
kiM punaryA vinA rAma.n kausalyA vartayiShyati .. 24..\\
ekaputrA cha sAdhvI cha vivatseya.n tvayA kR^itA . 
tasmAttva.n satata.n duHkhaM pretya cheha cha lapsyase .. 25..\\
aha.n hyapachitiM bhrAtuH pitushcha sakalAmimAm . 
vardhana.n yashasashchApi kariShyAmi na saMshayaH .. 26..\\
AnAyayitvA tanaya.n kausalyAyA mahAdyutim . 
svayameva pravekShyAmi vanaM muniniShevitam .. 27..\\
iti nAga ivAraNye tomarA~NkushachoditaH . 
papAta bhuvi sa~Nkruddho niHshvasanniva pannagaH .. 28..\\
sa.nraktanetraH shithilAmbarastadA 
vidhUtasarvAbharaNaH parantapaH . 
babhUva bhUmau patito nR^ipAtmajaH 
shachIpateH keturivotsavakShaye .. 29..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}