\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 70
tameva.n shokasantaptaM bharata.n kekayIsutam . 
uvAcha vadatA.n shreShTho vasiShThaH shreShThavAgR^iShiH .. 1..\\
ala.n shokena bhadra.n te rAjaputra mahAyashaH . 
prAptakAlaM narapateH kuru sa.nyAnamuttaram .. 2..\\
vasiShThasya vachaH shrutvA bharato dhAraNA.n gataH . 
pretakAryANi sarvANi kArayAmAsa dharmavit .. 3..\\
uddhR^ita.n tailasa~NkledAtsa tu bhUmau niveshitam . 
ApItavarNavadanaM prasuptamiva bhUmipam .. 4..\\
niveshya shayane chAgrye nAnAratnapariShkR^ite . 
tato dasharathaM putro vilalApa suduHkhitaH .. 5..\\
ki.n te vyavasita.n rAjanproShite mayyanAgate . 
vivAsya rAma.n dharmaGYa.n lakShmaNaM cha mahAbalam .. 6..\\
kva yAsyasi mahArAja hitvema.n duHkhitaM janam . 
hInaM puruShasi.nhena rAmeNAkliShTakarmaNA .. 7..\\
yogakShema.n tu te rAjanko.asminkalpayitA pure . 
tvayi prayAte svastAta rAme cha vanamAshrite .. 8..\\
vidhavA pR^ithivI rAja.nstvayA hInA na rAjate . 
hInachandreva rajanI nagarI pratibhAti mAm .. 9..\\
eva.n vilapamAna.n taM bharataM dInamAnasaM . 
abravIdvachanaM bhUyo vasiShThastu mahAnR^iShiH .. 10..\\
pretakAryANi yAnyasya kartavyAni vishAmpateH . 
tAnyavyagraM mahAbAho kriyatAmavichAritam .. 11..\\
tatheti bharato vAkya.n vasiShThasyAbhipUjya tat . 
R^itvikpurohitAchAryA.nstvarayAmAsa sarvashaH .. 12..\\
ye tvagrato narendrasya agnyagArAdbahiShkR^itAH . 
R^itvigbhiryAjakaishchaiva te hriyante yathAvidhi .. 13..\\
shibilAyAmathAropya rAjAna.n gatachetanam . 
bAShpakaNThA vimanasastamUhuH parichArakAH .. 14..\\
hiraNya.n cha suvarNaM cha vAsA.nsi vividhAni cha . 
prakiranto janA mArgaM nR^ipateragrato yayuH .. 15..\\
chandanAguruniryAsAnsaralaM padmaka.n tathA . 
devadArUNi chAhR^itya chitA.n chakrustathApare .. 16..\\
gandhAnuchchAvachAMshchAnyA.nstatra dattvAtha bhUmipam . 
tataH sa.nveshayAmAsushchitAmadhye tamR^itvijaH .. 17..\\
tathA hutAshana.n hutvA jepustasya tadartvijaH . 
jagushcha te yathAshAstra.n tatra sAmAni sAmagAH .. 18..\\
shibikAbhishcha yAnaishcha yathArha.n tasya yoShitaH . 
nagarAnniryayustatra vR^iddhaiH parivR^itAstadA .. 19..\\
prasavya.n chApi taM chakrurR^itvijo.agnichitaM nR^ipam . 
striyashcha shokasantaptAH kausalyA pramukhAstadA .. 20..\\
krau~nchInAmiva nArINAM ninAdastatra shushruve . 
ArtAnA.n karuNaM kAle kroshantInA.n sahasrashaH .. 21..\\
tato rudantyo vivashA vilapya cha punaH punaH . 
yAnebhyaH sarayUtIramavaterurvarA~NganAH .. 22..\\
kR^itodaka.n te bharatena sArdhaM 
nR^ipA~NganA mantripurohitAsh cha . 
puraM pravishyAshruparItanetrA 
bhUmau dashAha.n vyanayanta duHkham .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}