\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 72
atra yAtrA.n samIhantaM shatrughno lakShmaNAnujaH . 
bharata.n shokasantaptamidaM vachanamabravIt .. 1..\\
gatiryaH sarvabhUtAnA.n duHkhe kiM punarAtmanaH . 
sa rAmaH sattva sampannaH striyA pravrAjito vanam .. 2..\\
balavAnvIrya sampanno lakShmaNo nAma yo.apyasau . 
kiM na mochayate rAma.n kR^itvApi pitR^inigraham .. 3..\\
pUrvameva tu nigrAhyaH samavekShya nayAnayau . 
utpatha.n yaH samArUDho nAryA rAjA vasha.n gataH .. 4..\\
iti sambhAShamANe tu shatrughne lakShmaNAnuje . 
prAgdvAre.abhUttadA kubjA sarvAbharaNabhUShitA .. 5..\\
liptA chandanasAreNa rAjavastrANi bibhratI . 
mekhalA dAmabhishchitrai rajjubaddheva vAnarI .. 6..\\
tA.n samIkShya tadA dvAHstho bhR^ishaM pApasya kAriNIm . 
gR^ihItvAkaruNa.n kubjA.n shatrughnAya nyavedayat .. 7..\\
yasyAH kR^ite vane rAmo nyastadehashcha vaH pitA . 
seyaM pApA nR^isha.nsA cha tasyAH kuru yathAmati .. 8..\\
shatrughnashcha tadAGYAya vachanaM bhR^ishaduHkhitaH . 
antaHpuracharAnsarvAnityuvAcha dhR^itavrataH .. 9..\\
tIvramutpAdita.n duHkhaM bhrAtR^INAM me tathA pituH . 
yayA seyaM nR^isha.nsasya karmaNaH phalamashnutAm .. 10..\\
evamuktA cha tenAshu sakhI janasamAvR^itA . 
gR^ihItA balavatkubjA sA tadgR^ihamanAdayat .. 11..\\
tataH subhR^isha santaptastasyAH sarvaH sakhIjanaH . 
kruddhamAGYAya shatrughna.n vyapalAyata sarvashaH .. 12..\\
amantrayata kR^itsnashcha tasyAH sarvasakhIjanaH . 
yathAya.n samupakrAnto niHsheShaM naH kariShyati .. 13..\\
sAnukroshA.n vadAnyA.n cha dharmaGYAM cha yashasvinIm . 
kausalyA.n sharaNaM yAmaH sA hi no.astu dhruvA gatiH .. 14..\\
sa cha roSheNa tAmrAkShaH shatrughnaH shatrutApanaH . 
vichakarSha tadA kubjA.n kroshantIM pR^ithivItale .. 15..\\
tasyA hyAkR^iShyamANAyA mantharAyAstatastataH . 
chitraM bahuvidhaM bhANDaM pR^ithivyA.n tadvyashIryata .. 16..\\
tena bhANDena sa~NkIrNa.n shrImadrAjaniveshanam . 
ashobhata tadA bhUyaH shArada.n gagana.n yathA .. 17..\\
sa balI balavatkrodhAdgR^ihItvA puruSharShabhaH . 
kaikeyImabhinirbhartsya babhAShe paruSha.n vachaH .. 18..\\
tairvAkyaiH paruShairduHkhaiH kaikeyI bhR^ishaduHkhitA . 
shatrughna bhayasantrastA putra.n sharaNamAgatA .. 19..\\
tAM prekShya bharataH kruddha.n shatrughnamidamabravIt . 
avadhyAH sarvabhUtAnAM pramadAH kShamyatAm iti .. 20..\\
hanyAmahamimAM pApA.n kaikeyIM duShTachAriNIm . 
yadi mA.n dhArmiko rAmo nAsUyenmAtR^ighAtakam .. 21..\\
imAmapi hatA.n kubjA.n yadi jAnAti rAghavaH . 
tvA.n cha mAM chaiva dharmAtmA nAbhibhAShiShyate dhruvam .. 22..\\
bharatasya vachaH shrutvA shatrughno lakShmaNAnujaH . 
nyavartata tato roShAttAM mumocha cha mantharAm .. 23..\\
sA pAdamUle kaikeyyA mantharA nipapAta ha . 
niHshvasantI suduHkhArtA kR^ipaNa.n vilalApa cha .. 24..\\
shatrughnavikShepavimUDhasa.nj~nAM 
samIkShya kubjAM bharatasya mAtA . 
shanaiH samAshvAsayadArtarUpAM 
krau~nchI.n vilagnAmiva vIkShamANAm .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}