\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 74
atha bhUmipradeshaGYAH sUtrakarmavishAradAH . 
svakarmAbhiratAH shUrAH khanakA yantrakAstathA .. 1..\\
karmAntikAH sthapatayaH puruShA yantrakovidAH . 
tathA vardhakayashchaiva mArgiNo vR^ikShatakShakAH .. 2..\\
kUpakArAH sudhAkArA vaMshakarmakR^itastathA . 
samarthA ye cha draShTAraH purataste pratasthire .. 3..\\
sa tu harShAttamuddesha.n janaugho vipulaH prayAn . 
ashobhata mahAvegaH sAgarasyeva parvaNi .. 4..\\
te svavAra.n samAsthAya vartmakarmANi kovidAH . 
karaNairvividhopetaiH purastAtsampratasthire .. 5..\\
latAvallIshcha gulmAMshcha sthANUnashmana eva cha . 
janAste chakrire mArga.n chhindanto vividhAndrumAn .. 6..\\
avR^ikSheShu cha desheShu ke chidvR^ikShAnaropayan . 
ke chitkuThAraiShTa~Nkaishcha dAtraish chhindankva chitkva chit .. 7..\\
apare vIraNastambAnbalino balavattarAH . 
vidhamanti sma durgANi sthalAni cha tatastataH .. 8..\\
apare.apUrayankUpAnpA.nsubhiH shvabhramAyatam . 
nimnabhAgA.nstathA ke chitsamAMshchakruH samantataH .. 9..\\
babandhurbandhanIyAMshcha kShodyAnsa~ncukShudustadA . 
bibhidurbhedanIyAMshcha tA.nstAndeshAnnarAstadA .. 10..\\
achireNaiva kAlena parivAhAnbahUdakAn . 
chakrurbahuvidhAkArAnsAgarapratimAnbahUn . 
udapAnAnbahuvidhAnvedikA parimaNDitAn .. 11..\\
sasudhAkuTTimatalaH prapuShpitamahIruhaH . 
mattodghuShTadvijagaNaH patAkAbhirala~NkR^itaH .. 12..\\
chandanodakasa.nsikto nAnAkusumabhUShitaH . 
bahvashobhata senAyAH panthAH svargapathopamaH .. 13..\\
AGYApyAtha yathAGYapti yuktAste.adhikR^itA narAH . 
ramaNIyeShu desheShu bahusvAduphaleShu cha .. 14..\\
yo niveshastvabhipreto bharatasya mahAtmanaH . 
bhUyasta.n shobhayAmAsurbhUShAbhirbhUShaNopamam .. 15..\\
nakShatreShu prashasteShu muhUrteShu cha tadvidaH . 
nivesha.n sthApayAmAsurbharatasya mahAtmanaH .. 16..\\
bahupA.nsuchayAshchApi parikhAparivAritAH . 
tatrendrakIlapratimAH pratolIvarashobhitAH .. 17..\\
prAsAdamAlAsa.nyuktAH saudhaprAkArasa.nvR^itAH . 
patAkA shobhitAH sarve sunirmitamahApathAH .. 18..\\
visarpatbhirivAkAshe viTa~NkAgravimAnakaiH . 
samuchchhritairniveshAste babhuH shakrapuropamAH .. 19..\\
jAhnavI.n tu samAsAdya vividhadruma kAnanAm . 
shItalAmalapAnIyAM mahAmInasamAkulAm .. 20..\\
sachandratArAgaNamaNDita.n yathA 
nabhaHkShapAyAmamala.n virAjate . 
narendramArgaH sa tathA vyarAjata 
krameNa ramyaH shubhashilpinirmitaH .. 21..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}