\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 76
tAmAryagaNasampUrNAM bharataH pragrahA.n sabhAm . 
dadarsha buddhisampannaH pUrNachandrAM nishAm iva .. 1..\\
AsanAni yathAnyAyamAryANA.n vishatA.n tadA . 
adR^ishyata ghanApAye pUrNachandreva sharvarI .. 2..\\
rAGYastu prakR^itIH sarvAH samagrAH prekShya dharmavit . 
idaM purohito vAkyaM bharataM mR^idu chAbravIt .. 3..\\
tAta rAjA dasharathaH svargato dharmamAcharan . 
dhana dhAnyavatI.n sphItAM pradAya pR^ithivI.n tava .. 4..\\
rAmastathA satyadhR^itiH satA.n dharmamanusmaran . 
nAjahAtpiturAdesha.n shashI jyotsnAmivoditaH .. 5..\\
pitrA bhrAtrA cha te datta.n rAjyaM nihatakaNTakam . 
tadbhu~NkShva muditAmAtyaH kShipramevAbhiShechaya .. 6..\\
udIchyAshcha pratIchyAshcha dAkShiNAtyAshcha kevalAH . 
koTyAparAntAH sAmudrA ratnAnyabhiharantu te .. 7..\\
tachchhrutvA bharato vAkya.n shokenAbhipariplutaH . 
jagAma manasA rAma.n dharmaGYo dharmakA~NkShayA .. 8..\\
sa bAShpakalayA vAchA kalaha.nsasvaro yuvA . 
vilalApa sabhAmadhye jagarhe cha purohitam .. 9..\\
charitabrahmacharyasya vidyA snAtasya dhImataH . 
dharme prayatamAnasya ko rAjyaM madvidho haret .. 10..\\
katha.n dasharathAjjAto bhavedrAjyApahArakaH . 
rAjya.n chAhaM cha rAmasya dharma.n vaktumihArhasi .. 11..\\
jyeShThaH shreShThashcha dharmAtmA dilIpanahuShopamaH . 
labdhumarhati kAkutstho rAjya.n dasharatho yathA .. 12..\\
anAryajuShTamasvargya.n kuryAM pApamaha.n yadi . 
ikShvAkUNAmaha.n loke bhaveya.n kulapA.nsanaH .. 13..\\
yaddhi mAtrA kR^itaM pApaM nAha.n tadabhirochaye . 
ihastho vanadurgasthaM namasyAmi kR^itA~njaliH .. 14..\\
rAmamevAnugachchhAmi sa rAjA dvipadA.n varaH . 
trayANAmapi lokAnA.n rAghavo rAjyamarhati .. 15..\\
tadvAkya.n dharmasa.nyukta.n shrutvA sarve sabhAsadaH . 
harShAnmumuchurashrUNi rAme nihitachetasaH .. 16..\\
yadi tvAryaM na shakShyAmi vinivartayitu.n vanAt . 
vane tatraiva vatsyAmi yathAryo lakShmaNastathA .. 17..\\
sarvopAya.n tu vartiShye vinivartayituM balAt . 
samakShamArya mishrANA.n sAdhUnA.n guNavartinAm .. 18..\\
evamuktvA tu dharmAtmA bharato bhrAtR^ivatsalaH . 
samIpasthamuvAcheda.n sumantraM mantrakovidam .. 19..\\
tUrNamutthAya gachchha tva.n sumantra mama shAsanAt . 
yAtrAmAGYApaya kShipraM bala.n chaiva samAnaya .. 20..\\
evamuktaH sumantrastu bharatena mahAtmanA . 
prahR^iShTaH so.adishatsarva.n yathA sandiShTamiShTavat .. 21..\\
tAH prahR^iShTAH prakR^itayo balAdhyakShA balasya cha . 
shrutvA yAtrA.n samAGYaptAM rAghavasya nivartane .. 22..\\
tato yodhA~NganAH sarvA bhartR^InsarvAngR^ihegR^ihe . 
yAtrA gamanamAGYAya tvarayanti sma harShitAH .. 23..\\
te hayairgorathaiH shIghraiH syandanaishcha manojavaiH . 
saha yodhairbalAdhyakShA bala.n sarvamachodayan .. 24..\\
sajja.n tu tadbalaM dR^iShTvA bharato gurusaMnidhau . 
rathaM me tvarayasveti sumantraM pArshvato.abravIt .. 25..\\
bharatasya tu tasyAGYAM pratigR^ihya praharShitaH . 
ratha.n gR^ihItvA prayayau yuktaM paramavAjibhiH .. 26..\\
sa rAghavaH satyadhR^itiH pratApavAn 
bruvansuyukta.n dR^iDhasatyavikramaH . 
guruM mahAraNyagata.n yashasvinaM 
prasAdayiShyanbharato.abravIttadA .. 27..\\
tUNa samutthAya sumantra gachchha 
balasya yogAya balapradhAnAn . 
AnetumichchhAmi hi ta.n vanasthaM 
prasAdya rAma.n jagato hitAya .. 28..\\
sa sUtaputro bharatena samyag 
AGYApitaH samparipUrNakAmaH . 
shashAsa sarvAnprakR^itipradhAnAn 
balasya mukhyAMshcha suhR^ijjana.n cha .. 29..\\
tataH samutthAya kule kule te 
rAjanyavaishyA vR^iShalAshcha viprAH . 
ayUyujannuShTrarathAnkharAMsh cha 
nAgAnhayAMshchaiva kulaprasUtAn .. 30..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}