\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 78
tato niviShTA.n dhvajinIM ga~NgAmanvAshritAM nadIm . 
niShAdarAjo dR^iShTvaiva GYAtInsantvarito.abravIt .. 1..\\
mahatIyamataH senA sAgarAbhA pradR^ishyate . 
nAsyAntamavagachchhAmi manasApi vichintayan .. 2..\\
sa eSha hi mahAkAyaH kovidAradhvajo rathe . 
bandhayiShyati vA dAshAnatha vAsmAnvadhiShyati .. 3..\\
atha dAsharathi.n rAmaM pitrA rAjyAdvivAsitam . 
bharataH kaikeyIputro hantu.n samadhigachchhati .. 4..\\
bhartA chaiva sakhA chaiva rAmo dAsharathirmama . 
tasyArthakAmAH saMnaddhA ga~NgAnUpe.atra tiShThata .. 5..\\
tiShThantu sarvadAshAshcha ga~NgAmanvAshritA nadIm . 
balayuktA nadIrakShA mA.nsamUlaphalAshanAH .. 6..\\
nAvA.n shatAnAM pa~nchAnA.n kaivartAnAM shataM shatam . 
saMnaddhAnA.n tathA yUnAM tiShThantvityabhyachodayat .. 7..\\
yadA tuShTastu bharato rAmasyeha bhaviShyati . 
seya.n svastimayI senA ga~NgAmadya tariShyati .. 8..\\
ityuktvopAyana.n gR^ihya matsyamA.nsamadhUni cha . 
abhichakrAma bharataM niShAdAdhipatirguhaH .. 9..\\
tamAyAnta.n tu samprekShya sUtaputraH pratApavAn . 
bharatAyAchachakShe.atha vinayaGYo vinItavat .. 10..\\
eSha GYAtisahasreNa sthapatiH parivAritaH . 
kushalo daNDakAraNye vR^iddho bhrAtushcha te sakhA .. 11..\\
tasmAtpashyatu kAkutstha tvAM niShAdAdhipo guhaH . 
asaMshaya.n vijAnIte yatra tau rAmalakShmaNau .. 12..\\
etattu vachana.n shrutvA sumantrAdbharataH shubham . 
uvAcha vachana.n shIghra.n guhaH pashyatu mAm iti .. 13..\\
labdhvAbhyanuGYA.n sa.nhR^iShTo GYAtibhiH parivAritaH . 
Agamya bharataM prahvo guho vachanamabravIit .. 14..\\
niShkuTashchaiva desho.aya.n va~nchitAshchApi te vayam . 
nivedayAmaste sarve svake dAshakule vasa .. 15..\\
asti mUlaM phala.n chaiva niShAdaiH samupAhR^itam . 
Ardra.n cha mA.nsa.n shuShkaM cha vanyaM chochchAvachaM mahat .. 16..\\
Asha.nse svAshitA senA vatsyatImA.n vibhAvarIm . 
archito vividhaiH kAmaiH shvaH sasainyo gamiShyasi .. 17..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}