\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 8
mantharA tvabhyasUyyainAmutsR^ijyAbharaNa.n cha tat . 
uvAcheda.n tato vAkyaM kopaduHkhasamanvitA .. 1..\\
harSha.n kimidamasthAne kR^itavatyasi bAlishe . 
shokasAgaramadhyasthamAtmAnaM nAvabudhyase .. 2..\\
subhagA khalu kausalyA yasyAH putro.abhiShekShyate . 
yauvarAjyena mahatA shvaH puShyeNa dvijottamaiH .. 3..\\
prAptA.n sumahatIM prItiM pratItA.n tAM hatadviSham . 
upasthAsyasi kausalyA.n dAsIva tvaM kR^itA~njaliH .. 4..\\
hR^iShTAH khalu bhaviShyanti rAmasya paramAH striyaH . 
aprahR^iShTA bhaviShyanti snuShAste bharatakShaye .. 5..\\
tA.n dR^iShTvA paramaprItAM bruvantIM mantharAM tataH . 
rAmasyaiva guNAndevI kaikeyI prashasha.nsa ha .. 6..\\
dharmaGYo gurubhirdAntaH kR^itaGYaH satyavAkshuchiH . 
rAmo rAGYaH suto jyeShTho yauvarAjyamato.arhati .. 7..\\
bhrAtR^InbhR^ityAMshcha dIrghAyuH pitR^ivatpAlayiShyati . 
santapyase katha.n kubje shrutvA rAmAbhiShechanam .. 8..\\
bharatashchApi rAmasya dhruva.n varShashatAtparam . 
pitR^ipaitAmaha.n rAjyamavApsyati nararShabhaH .. 9..\\
sA tvamabhyudaye prApte vartamAne cha manthare . 
bhaviShyati cha kalyANe kimarthaM paritapyase . 
kausalyAto.atirikta.n cha sa tu shushrUShate hi mAm .. 10..\\
kaikeyyA vachana.n shrutvA mantharA bhR^ishaduHkhitA . 
dIrghamuShNa.n viniHshvasya kaikeyImidamabravIt .. 11..\\
anarthadarshinI maurkhyAnnAtmAnamavabudhyase . 
shokavyasanavistIrNe majjantI duHkhasAgare .. 12..\\
bhavitA rAghavo rAjA rAghavasya cha yaH sutaH . 
rAjavaMshAttu bharataH kaikeyi parihAsyate .. 13..\\
na hi rAGYaH sutAH sarve rAjye tiShThanti bhAmini . 
sthApyamAneShu sarveShu sumahAnanayo bhavet .. 14..\\
tasmAjjyeShThe hi kaikeyi rAjyatantrANi pArthivAH . 
sthApayantyanavadyA~Ngi guNavatsvitareShvapi .. 15..\\
asAvatyantanirbhagnastava putro bhaviShyati . 
anAthavatsukhebhyashcha rAjavaMshAchcha vatsale .. 16..\\
sAha.n tvadarthe samprAptA tvaM tu mAM nAvabudhyase . 
sapatnivR^iddhau yA me tvaM pradeya.n dAtumichchhasi .. 17..\\
dhruva.n tu bharata.n rAmaH prApya rAjyamakaNTakam . 
deshAntaraM nAyayitvA lokAntaramathApi vA .. 18..\\
bAla eva hi mAtulyaM bharato nAyitastvayA . 
saMnikarShAchcha sauhArda.n jAyate sthAvareShvapi .. 19..\\
goptA hi rAma.n saumitrirlakShmaNa.n chApi rAghavaH . 
ashvinoriva saubhrAtra.n tayorlokeShu vishrutam .. 20..\\
tasmAnna lakShmaNe rAmaH pApa.n kiM chitkariShyati . 
rAmastu bharate pApa.n kuryAditi na saMshayaH .. 21..\\
tasmAdrAjagR^ihAdeva vana.n gachchhatu te sutaH . 
etaddhi rochate mahyaM bhR^isha.n chApi hitaM tava .. 22..\\
eva.n te GYAtipakShasya shreyashchaiva bhaviShyati . 
yadi chedbharato dharmAtpitrya.n rAjyamavApsyati .. 23..\\
sa te sukhochito bAlo rAmasya sahajo ripuH . 
samR^idhArthasya naShTArtho jIviShyati katha.n vashe .. 24..\\
abhidrutamivAraNye si.nhena gajayUthapam . 
prachchhAdyamAna.n rAmeNa bharata.n trAtumarhasi .. 25..\\
darpAnnirAkR^itA pUrva.n tvayA saubhAgyavattayA . 
rAmamAtA sapatnI te katha.n vairaM na yAtayet .. 26..\\
yadA hi rAmaH pR^ithivImavApsyati 
dhruvaM pranaShTo bharato bhaviShyati . 
ato hi sa~ncintaya rAjyamAtmaje 
parasya chAdyaiva vivAsa kAraNam .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}