\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 81
guhasya vachana.n shrutvA bharato bhR^ishamapriyam . 
dhyAna.n jagAma tatraiva yatra tachchhrutamapriyam .. 1..\\
sukumAro mahAsattvaH si.nhaskandho mahAbhujaH . 
puNDarIka vishAlAkShastaruNaH priyadarshanaH .. 2..\\
pratyAshvasya muhUrta.n tu kAlaM paramadurmanAH . 
papAta sahasA totrairhR^idi viddha iva dvipaH .. 3..\\
tadavastha.n tu bharata.n shatrughno.anantara sthitaH . 
pariShvajya rurodochchairvisa.nj~naH shokakarshitaH .. 4..\\
tataH sarvAH samApeturmAtaro bharatasya tAH . 
upavAsa kR^ishA dInA bhartR^ivyasanakarshitAH .. 5..\\
tAshcha taM patitaM bhUmau rudantyaH paryavArayan . 
kausalyA tvanusR^ityaina.n durmanAH pariShasvaje .. 6..\\
vatsalA sva.n yathA vatsamupagUhya tapasvinI . 
paripaprachchha bharata.n rudantI shokalAlasA .. 7..\\
putravyAdhirna te kachchichchharIraM paribAdhate . 
adya rAjakulasyAsya tvadadhIna.n hi jIvitam .. 8..\\
tvA.n dR^iShTvA putra jIvAmi rAme sabhrAtR^ike gate . 
vR^itte dasharathe rAGYi nAtha ekastvamadya naH .. 9..\\
kachchinna lakShmaNe putra shruta.n te kiM chidapriyam . 
putra vA hyekaputrAyAH sahabhArye vana.n gate .. 10..\\
sa muhUrta.n samAshvasya rudanneva mahAyashAH . 
kausalyAM parisAntvyeda.n guha.n vachanamabravIt .. 11..\\
bhrAtA me kvAvasadrAtri.n kva sItA kva cha lakShmaNaH . 
asvapachchhayane kasminkiM bhuktvA guha sha.nsa me .. 12..\\
so.abravIdbharataM pR^iShTo niShAdAdhipatirguhaH . 
yadvidhaM pratipede cha rAme priyahite.atithau .. 13..\\
annamuchchAvachaM bhakShyAH phalAni vividhAni cha . 
rAmAyAbhyavahArArthaM bahuchopahR^itaM mayA .. 14..\\
tatsarvaM pratyanuGYAsIdrAmaH satyaparAkramaH . 
na hi tatpratyagR^ihNAtsa kShatradharmamanusmaran .. 15..\\
na hyasmAbhiH pratigrAhya.n sakhe deya.n tu sarvadA . 
iti tena vaya.n rAjannanunItA mahAtmanA .. 16..\\
lakShmaNena samAnItaM pItvA vAri mahAyashAH . 
aupavAsya.n tadAkArShIdrAghavaH saha sItayA .. 17..\\
tatastu jalasheSheNa lakShmaNo.apyakarottadA . 
vAgyatAste trayaH sandhyAmupAsata samAhitAH .. 18..\\
saumitristu tataH pashchAdakarotsvAstara.n shubham . 
svayamAnIya barhIMShi kShipra.n rAghava kAraNAt .. 19..\\
tasminsamAvishadrAmaH svAstare saha sItayA . 
prakShAlya cha tayoH pAdAvapachakrAma lakShmaNaH .. 20..\\
etattadi~NgudImUlamidameva cha tattR^iNam . 
yasminrAmashcha sItA cha rAtri.n tA.n shayitAvubhau .. 21..\\
niyamya pR^iShThe tu talA~NgulitravA~n 
sharaiH supUrNAviShudhI parantapaH . 
mahaddhanuH sajyamupohya lakShmaNo 
nishAmatiShThatparito.asya kevalam .. 22..\\
tatastvaha.n chottamabANachApadhR^ik 
sthito.abhava.n tatra sa yatra lakShmaNaH . 
atandribhirGYAtibhirAttakArmukair 
mahendrakalpaM paripAlaya.nstadA .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}