\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{1}## ##\begin{center}## \section{ayodhyaakaaNDa} ##\end{center}## \medskip 85 kR^itabuddhiM nivAsAya tathaiva sa munistadA . bharata.n kaikayI putramAtithyena nyamantrayat .. 1..\\ abravIdbharatastvenaM nanvidaM bhavatA kR^itam . pAdyamarghya.n tathAtithya.n vane yadUpapadyate .. 2..\\ athovAcha bharadvAjo bharataM prahasanniva . jAne tvAM prIti sa.nyukta.n tuShyestva.n yena kena chit .. 3..\\ senAyAstu tavaitasyAH kartumichchhAmi bhojanam . mama pritiryathA rUpA tvamarho manujarShabha .. 4..\\ kimartha.n chApi nikShipya dUre balamihAgataH . kasmAnnehopayAto.asi sabalaH puruSharShabha .. 5..\\ bharataH pratyuvAchedaM prA~njalista.n tapodhanam . sasainyo nopayAto.asmi bhagavanbhagavadbhayAt .. 6..\\ vAji mukhyA manuShyAshcha mattAshcha vara vAraNAH . prachchhAdya mahatIM bhUmiM bhagavannanuyAnti mAm .. 7..\\ te vR^ikShAnudakaM bhUmimAshrameShUTajA.nstathA . na hi.nsyuriti tenAhameka evAgatastataH .. 8..\\ AnIyatAmitaH senetyAGYaptaH paramarShiNA . tathA tu chakre bharataH senAyAH samupAgamam .. 9..\\ agnishAlAM pravishyAtha pItvApaH parimR^ijya cha . Atithyasya kriyAhetorvishvakarmANamAhvayat .. 10..\\ Ahvaye vishvakarmANamaha.n tvaShTArameva cha . Atithya.n kartumichchhAmi tatra me sa.nvidhIyatAm .. 11..\\ prAksrotasashcha yA nadyaH pratyaksrotasa eva cha . pR^ithivyAmantarikShe cha samAyAntvadya sarvashaH .. 12..\\ anyAH sravantu maireya.n surAmanyAH suniShThitAm . aparAshchodaka.n shItamikShukANDarasopamam .. 13..\\ Ahvaye devagandharvAnvishvAvasuhahAhuhUn . tathaivApsaraso devIrgandharvIshchApi sarvashaH .. 14..\\ ghR^itAchImatha vishvAchIM mishrakeshImalambusAm . shakra.n yAshchopatiShThanti brahmANaM yAshcha bhAminIH . sarvAstumburuNA sArdhamAhvaye saparichchhadAH .. 15..\\ vana.n kuruShu yaddivya.n vAso bhUShaNapatravat . divyanArIphala.n shashvattatkauberamihaiva tu .. 16..\\ iha me bhagavAnsomo vidhattAm annamuttamam . bhakShyaM bhojya.n cha choShyaM cha lehyaM cha vividhaM bahu .. 17..\\ vichitrANi cha mAlyAni pAdapaprachyutAni cha . surAdIni cha peyAni mA.nsAni vividhAni cha .. 18..\\ eva.n samAdhinA yuktastejasApratimena cha . shikShAsvarasamAyukta.n tapasA chAbravInmuniH .. 19..\\ manasA dhyAyatastasya prA~Nmukhasya kR^itA~njaleH . AjagmustAni sarvANi daivatAni pR^ithakpR^ithak .. 20..\\ malaya.n durduraM chaiva tataH svedanudo.anilaH . upaspR^ishya vavau yuktyA supriyAtmA sukhaH shivaH .. 21..\\ tato.abhyavartanta ghanA divyAH kusumavR^iShTayaH . devadundubhighoShashcha dikShu sarvAsu shushruve .. 22..\\ pravavushchottamA vAtA nanR^itushchApsarogaNAH . prajagurdevagandharvA vINA pramumuchuH svarAn .. 23..\\ sa shabdo dyA.n cha bhUmiM cha prANinA.n shravaNAni cha . viveshochchAritaH shlakShNaH samo layaguNAnvitaH .. 24..\\ tasminnuparate shabde divye shrotrasukhe nR^iNAm . dadarsha bhArata.n sainyaM vidhAnaM vishvakarmaNaH .. 25..\\ babhUva hi samA bhUmiH samantAtpa~nchayojanam . shAdvalairbahubhishchhannA nIlavaidUryasaMnibhaiH .. 26..\\ tasminbilvAH kapitthAshcha panasA bIjapUrakAH . Amalakyo babhUvushcha chUtAshcha phalabhUShaNAH .. 27..\\ uttarebhyaH kurubhyashcha vana.n divyopabhogavat . AjagAma nadI divyA tIrajairbahubhirvR^itA .. 28..\\ chatuHshAlAni shubhrANi shAlAshcha gajavAjinAm . harmyaprAsAdasa~NghAtAstoraNAni shubhAni cha .. 29..\\ sitameghanibha.n chApi rAjaveshma sutoraNam . shuklamAlyakR^itAkAra.n divyagandhasamukShitam .. 30..\\ chaturasramasambAdha.n shayanAsanayAnavat . divyaiH sarvarasairyukta.n divyabhojanavastravat .. 31..\\ upakalpita sarvAnna.n dhautanirmalabhAjanam . kL^iptasarvAsana.n shrImatsvAstIrNashayanottamam .. 32..\\ pravivesha mahAbAhuranuGYAto maharShiNA . veshma tadratnasampUrNaM bharataH kaikayIsutaH .. 33..\\ anujagmushcha ta.n sarve mantriNaH sapurohitAH . babhUvushcha mudA yuktA ta.n dR^iShTvA veshma sa.nvidhim .. 34..\\ tatra rAjAsana.n divya.n vyajanaM chhatrameva cha . bharato mantribhiH sArdhamabhyavartata rAjavat .. 35..\\ AsanaM pUjayAmAsa rAmAyAbhipraNamya cha . vAlavyajanamAdAya nyaShIdatsachivAsane .. 36..\\ AnupUrvyAnniShedushcha sarve mantrapurohitAH . tataH senApatiH pashchAtprashAstA cha niShedatuH .. 37..\\ tatastatra muhUrtena nadyaH pAyasakardamAH . upAtiShThanta bharataM bharadvAjasya shAsanat .. 38..\\ tAsAmubhayataH kUlaM pANDumR^ittikalepanAH . ramyAshchAvasathA divyA brahmaNastu prasAdajAH .. 39..\\ tenaiva cha muhUrtena divyAbharaNabhUShitAH . AgurviMshatisAhasrA brAhmaNA prahitAH striyaH .. 40..\\ suvarNamaNimuktena pravAlena cha shobhitAH . AgurviMshatisAhasrAH kuberaprahitAH striyaH .. 41..\\ yAbhirgR^ihItaH puruShaH sonmAda iva lakShyate . AgurviMshatisAhasrA nandanAdapsarogaNAH .. 42..\\ nAradastumbururgopaH parvataH sUryavarchasaH . ete gandharvarAjAno bharatasyAgrato jaguH .. 43..\\ alambusA mishrakeshI puNDarIkAtha vAmanA . upAnR^itya.nstu bharataM bharadvAjasya shAsanAt .. 44..\\ yAni mAlyAni deveShu yAni chaitrarathe vane . prayAge tAnyadR^ishyanta bharadvAjasya shAsanAt .. 45..\\ bilvA mArda~NgikA Asa~nshamyA grAhA bibhItakAH . ashvatthA nartakAshchAsanbharadvAjasya tejasA .. 46..\\ tataH saralatAlAshcha tilakA naktamAlakAH . prahR^iShTAstatra sampetuH kubjAbhUtAtha vAmanAH .. 47..\\ shiMshapAmalakI jambUryAshchAnyAH kAnane latAH . pramadA vigraha.n kR^itvA bharadvAjAshrame.avasan .. 48..\\ surA.n surApAH pibata pAyasa.n cha bubhukshitAH . mA.nsani cha sumedhyAni bhakShyantA.n yAvadichchhatha .. 49..\\ utsAdya snApayanti sma nadItIreShu valguShu . apyekamekaM puruShaM pramadAH satpa chAShTa cha .. 50..\\ sa.nvahantyaH samApeturnAryo ruchiralochanAH . parimR^ijya tathA nyAyaM pAyayanti varA~NganAH .. 51..\\ hayAngajAnkharAnuShTrA.nstathaiva surabheH sutAn . ikShUMshcha madhujAlAMshcha bhojayanti sma vAhanAn . ikShvAkuvarayodhAnA.n chodayanto mahAbalAH .. 52..\\ nAshvabandho.ashvamAjAnAnna gaja.n ku~njaragrahaH . mattapramattamuditA chamUH sA tatra sambabhau .. 53..\\ tarpitA sarvakAmaiste raktachandanarUShitAH . apsarogaNasa.nyuktAH sainyA vAchamudairayan .. 54..\\ naivAyodhyA.n gamiShyAmo na gamiShyAma daNDakAn . kushalaM bharatasyAstu rAmasyAstu tathA sukham .. 55..\\ iti pAdAtayodhAshcha hastyashvArohabandhakAH . anAthAsta.n vidhiM labdhvA vAchametAm udairayan .. 56..\\ samprahR^iShTA vineduste narAstatra sahasrashaH . bharatasyAnuyAtAraH svarge.ayamiti chAbruvan .. 57..\\ tato bhuktavatA.n teShAM tadannamamR^itopamam . divyAnudvIkShya bhakShyA.nstAnabhavadbhakShaNe matiH .. 58..\\ preShyAshcheTyashcha vadhvashcha balasthAshchApi sarvashaH . babhUvuste bhR^isha.n tR^iptAH sarve chAhatavAsasaH .. 59..\\ ku~njarAshcha kharoShTrashcha go.ashvAshcha mR^igapakShiNaH . babhUvuH subhR^itAstatra nAnyo hyanyamakalpayat .. 60..\\ nAshuklavAsAstatrAsItkShudhito malino.api vA . rajasA dhvastakesho vA naraH kashchidadR^ishyata .. 61..\\ AjaishchApi cha vArAhairniShThAnavarasa~ncayaiH . phalaniryUhasa.nsiddhaiH sUpairgandharasAnvitaiH .. 62..\\ puShpadhvajavatIH pUrNAH shuklasyAnnasya chAbhitaH . dadR^ishurvismitAstatra narA lauhIH sahasrashaH .. 63..\\ babhUvurvanapArshveShu kUpAH pAyasakardamAH . tAshcha kAmadughA gAvo drumAshchAsanmadhushchyutaH .. 64..\\ vApyo maireya pUrNAshcha mR^iShTamA.nsachayairvR^itAH . pratapta piTharaishchApi mArgamAyUrakaukkuTaiH .. 65..\\ pAtrINA.n cha sahasrANi shAtakumbhamayAni cha . sthAlyaH kumbhyaH karambhyashcha dadhipUrNAH susa.nskR^itAH . yauvanasthasya gaurasya kapitthasya sugandhinaH .. 66..\\ hradAH pUrNA rasAlasya dadhnaH shvetasya chApare . babhUvuH pAyasasyAnte sharkarAyAshcha sa~ncayAH .. 67..\\ kalkAMshchUrNakaShAyAMshcha snAnAni vividhAni cha . dadR^ishurbhAjanasthAni tIrtheShu saritAM narAH .. 68..\\ shuklAnaMshumatashchApi dantadhAvanasa~ncayAn . shuklAMshchandanakalkAMshcha samudgeShvavatiShThataH .. 69..\\ darpaNAnparimR^iShTAMshcha vAsasA.n chApi sa~ncayAn . pAdukopAnahA.n chaiva yugmAnyatra sahasrashaH .. 70..\\ A~njanIH ka~NkatAnkUrchAMshchhatrANi cha dhanUMShi cha . marmatrANAni chitrANi shayanAnyAsanAni cha .. 71..\\ pratipAnahradAnpUrNAnkharoShTragajavAjinAm . avagAhya sutIrthAMshcha hradAnsotpala puShkarAn .. 72..\\ nIlavaidUryavarNAMshcha mR^idUnyavasasa~ncayAn . nirvApArthaM pashUnA.n te dadR^ishustatra sarvashaH .. 73..\\ vyasmayanta manuShyAste svapnakalpa.n tadadbhutam . dR^iShTvAtithya.n kR^itaM tAdR^igbharatasya maharShiNA .. 74..\\ ityeva.n ramamANAnA.n devAnAm iva nandane . bharadvAjAshrame ramye sA rAtrirvyatyavartata .. 75..\\ pratijagmushcha tA nadyo gandharvAshcha yathAgatam . bharadvAjamanuGYApya tAshcha sarvA varA~NganAH .. 76..\\ tathaiva mattA madirotkaTA narAs tathaiva divyAguruchandanokShitAH . tathaiva divyA vividhAH sraguttamAH pR^ithakprakIrNA manujaiH pramarditAH .. 77..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}