\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 87
tayA mahatyA yAyinyA dhvajinyA vanavAsinaH . 
arditA yUthapA mattAH sayUthAH sampradudruvuH .. 1..\\
R^ikShAH pR^iShatasa~NghAshcha ruravashcha samantataH . 
dR^ishyante vanarAjIShu giriShvapi nadIShu cha .. 2..\\
sa sampratasthe dharmAtmA prIto dasharathAtmajaH . 
vR^ito mahatyA nAdinyA senayA chatura~NgayA .. 3..\\
sAgaraughanibhA senA bharatasya mahAtmanaH . 
mahI.n sa~nchAdayAmAsa prAvR^iShi dyAmivAmbudaH .. 4..\\
tura~NgaughairavatatA vAraNaishcha mahAjavaiH . 
anAlakShyA chira.n kAlaM tasminkAle babhUva bhUH .. 5..\\
sa yAtvA dUramadhvAna.n suparishrAnta vAhanaH . 
uvAcha bharataH shrImAnvasiShThaM mantriNA.n varam .. 6..\\
yAdR^isha.n lakShyate rUpaM yathA chaiva shrutaM mayA . 
vyaktaM prAptAH sma ta.n deshaM bharadvAjo yamabravIt .. 7..\\
aya.n girishchitrakUTastathA mandAkinI nadI . 
etatprakAshate dUrAnnIlameghanibha.n vanam .. 8..\\
gireH sAnUni ramyANi chitrakUTasya samprati . 
vAraNairavamR^idyante mAmakaiH parvatopamaiH .. 9..\\
mu~nchanti kusumAnyete nagAH parvatasAnuShu . 
nIlA ivAtapApAye toya.n toyadharA ghanAH .. 10..\\
kinnarAcharitoddeshaM pashya shatrughna parvatam . 
hayaiH samantAdAkIrNaM makarairiva sAgaram .. 11..\\
ete mR^igagaNA bhAnti shIghravegAH prachoditAH . 
vAyupraviddhAH sharadi megharAjya ivAmbare .. 12..\\
kurvanti kusumApIDA~nshiraHsu surabhInamI . 
meghaprakAshaiH phalakairdAkShiNAtyA yathA narAH .. 13..\\
niShkUjamiva bhUtveda.n vana.n ghorapradarshanam . 
ayodhyeva janAkIrNA samprati pratibhAti mA .. 14..\\
khurairudIrito reNurdivaM prachchhAdya tiShThati . 
ta.n vahatyanilaH shIghra.n kurvanniva mama priyam .. 15..\\
syandanA.nsturagopetAnsUtamukhyairadhiShThitAn . 
etAnsampatataH shIghraM pashya shatrughna kAnane .. 16..\\
etAnvitrAsitAnpashya barhiNaH priyadarshanAn . 
etamAvishataH shailamadhivAsaM patatriNAm .. 17..\\
atimAtramaya.n desho manoGYaH pratibhAti mA . 
tApasAnAM nivAso.aya.n vyaktaM svargapatho yathA .. 18..\\
mR^igA mR^igIbhiH sahitA bahavaH pR^iShatA vane . 
manoGYa rUpA lakShyante kusumairiva chitritaH .. 19..\\
sAdhu sainyAH pratiShThantA.n vichinvantu cha kAnanam . 
yathA tau puruShavyAghrau dR^ishyete rAmalakShmaNau .. 20..\\
bharatasya vachaH shrutvA puruShAH shastrapANayaH . 
vivishustadvana.n shUrA dhUma.n cha dadR^ishustataH .. 21..\\
te samAlokya dhUmAgramUchurbharatamAgatAH . 
nAmanuShye bhavatyagnirvyaktamatraiva rAghavau .. 22..\\
atha nAtra naravyAghrau rAjaputrau parantapau . 
anye rAmopamAH santi vyaktamatra tapasvinaH .. 23..\\
tachchhrutvA bharatasteShA.n vachanaM sAdhu saMmatam . 
sainyAnuvAcha sarvA.nstAnamitrabalamardanaH .. 24..\\
yattA bhavantastiShThantu neto gantavyamagrataH . 
ahameva gamiShyAmi sumantro gurureva cha .. 25..\\
evamuktAstataH sarve tatra tasthuH samantataH . 
bharato yatra dhUmAgra.n tatra dR^iShTi.n samAdadhat .. 26..\\
vyavasthitA yA bharatena sA chamUr 
nirIkShamANApi cha dhUmamagrataH . 
babhUva hR^iShTA nachireNa jAnatI 
priyasya rAmasya samAgama.n tadA .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}