\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 88
dIrghakAloShitastasmingirau girivanapriyaH . 
videhyAH priyamAkA~NkShansva.n cha chitta.n vilobhayan .. 1..\\
atha dAsharathishchitra.n chitrakUTamadarshayat . 
bhAryAmamarasa~NkAshaH shachImiva purandaraH .. 2..\\
na rAjyAdbhraMshanaM bhadre na suhR^idbhirvinAbhavaH . 
mano me bAdhate dR^iShTvA ramaNIyamima.n girim .. 3..\\
pashyemamachalaM bhadre nAnAdvijagaNAyutam . 
shikharaiH khamivodviddhairdhAtumadbhirvibhUShitam .. 4..\\
ke chidrajatasa~NkAshAH ke chitkShatajasaMnibhAH . 
pItamA~njiShThavarNAshcha ke chinmaNivaraprabhAH .. 5..\\
puShyArkaketukAbhAshcha ke chijjyotI rasaprabhAH . 
virAjante.achalendrasya deshA dhAtuvibhUShitAH .. 6..\\
nAnAmR^igagaNadvIpitarakShvR^ikShagaNairvR^itaH . 
aduShTairbhAtyaya.n shailo bahupakShisamAkulaH .. 7..\\
AmrajambvasanairlodhraiH priyAlaiH panasairdhavaiH . 
a~NkolairbhavyatinishairbilvatindukaveNubhiH .. 8..\\
kAshmaryariShTavaraNairmadhUkaistilakaistathA . 
badaryAmalakairnIpairvetradhanvanabIjakaiH .. 9..\\
puShpavadbhiH phalopetaishchhAyAvadbhirmanoramaiH . 
evamAdibhirAkIrNaH shriyaM puShyatyaya.n giriH .. 10..\\
shailaprastheShu ramyeShu pashyemAnkAmaharShaNAn . 
kinnarAndvandvasho bhadre ramamANAnmanasvinaH .. 11..\\
shAkhAvasaktAnkhaDgAMshcha pravarANyambarANi cha . 
pashya vidyAdharastrINA.n krIDeddeshAnmanoramAn .. 12..\\
jalaprapAtairudbhedairniShyandaish cha kva chitkva chit . 
sravadbhirbhAtyaya.n shailaH sravanmada iva dvipaH .. 13..\\
guhAsamIraNo gandhAnnAnApuShpabhavAnvahan . 
ghrANatarpaNamabhyetya kaM naraM na praharShayet .. 14..\\
yadIha sharado.anekAstvayA sArdhamanindite . 
lakShmaNena cha vatsyAmi na mA.n shokaH pradhakShyati .. 15..\\
bahupuShpaphale ramye nAnAdvijagaNAyute . 
vichitrashikhare hyasminratavAnasmi bhAmini .. 16..\\
anena vanavAsena mayA prAptaM phaladvayam . 
pitushchAnR^iNatA dharme bharatasya priya.n tathA .. 17..\\
vaidehi ramase kachchichchitrakUTe mayA saha . 
pashyantI vividhAnbhAvAnmanovAkkAyasa.nyatAn .. 18..\\
idamevAmR^itaM prAhU rAGYA.n rAjarShayaH pare . 
vanavAsaM bhavArthAya pretya me prapitAmahAH .. 19..\\
shilAH shailasya shobhante vishAlAH shatasho.abhitaH . 
bahulA bahulairvarNairnIlapItasitAruNaiH .. 20..\\
nishi bhAntyachalendrasya hutAshanashikhA iva . 
oShadhyaH svaprabhA lakShmyA bhrAjamAnAH sahasrashaH .. 21..\\
ke chitkShayanibhA deshAH ke chidudyAnasaMnibhAH . 
ke chidekashilA bhAnti parvatasyAsya bhAmini .. 22..\\
bhittveva vasudhAM bhAti chitrakUTaH samutthitaH . 
chitrakUTasya kUTo.asau dR^ishyate sarvataH shivaH .. 23..\\
kuShThapuMnAgatagarabhUrjapatrottarachchhadAn . 
kAminA.n svAstarAnpashya kusheshayadalAyutAn .. 24..\\
mR^iditAshchApaviddhAshcha dR^ishyante kamalasrajaH . 
kAmibhirvanite pashya phalAni vividhAni cha .. 25..\\
vasvaukasArAM nalinImatyetIvottarAnkurUn . 
parvatashchitrakUTo.asau bahumUlaphalodakaH .. 26..\\
ima.n tu kAla.n vanite vijahrivA.ns 
tvayA cha sIte saha lakShmaNena cha . 
ratiM prapatsye kuladharmavardhinIM 
satAM pathi svairniyamaiH paraiH sthitaH .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}