\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 9
evamuktA tu kaikeyI krodhena jvalitAnanA . 
dIrghamuShNa.n viniHshvasya mantharAmidamabravIt .. 1..\\
adya rAmamitaH kShipra.n vanaM prasthApayAmyaham . 
yauvarAjyena bharata.n kShipramevAbhiShechaye .. 2..\\
ida.n tvidAnI.n sampashya kenopAyena manthare . 
bharataH prApnuyAdrAjyaM na tu rAmaH katha.n chana .. 3..\\
evamuktA tayA devyA mantharA pApadarshinI . 
rAmArthamupahi.nsantI kaikeyImidamabravIt .. 4..\\
hantedAnIM pravakShyAmi kaikeyi shrUyatA.n cha me . 
yathA te bharato rAjyaM putraH prApsyati kevalam .. 5..\\
shrutvaiva.n vachana.n tasyA mantharAyAstu kaikayI . 
ki.n chidutthAya shayanAtsvAstIrNAdidamabravIt .. 6..\\
kathaya tvaM mamopAya.n kenopAyena manthare . 
bharataH prApnuyAdrAjyaM na tu rAmaH katha.n chana .. 7..\\
evamuktA tayA devyA mantharA pApadarshinI . 
rAmArthamupahi.nsantI kubjA vachanamabravIt .. 8..\\
tava devAsure yuddhe saha rAjarShibhiH patiH . 
agachchhattvAmupAdAya devarAjasya sAhyakR^it .. 9..\\
dishamAsthAya kaikeyi dakShiNA.n daNDakAnprati . 
vaijayantamiti khyAtaM pura.n yatra timidhvajaH .. 10..\\
sa shambara iti khyAtaH shatamAyo mahAsuraH . 
dadau shakrasya sa~NgrAma.n devasa~NghairanirjitaH .. 11..\\
tasminmahati sa~NgrAme rAjA dasharathastadA . 
apavAhya tvayA devi sa~NgrAmAnnaShTachetanaH .. 12..\\
tatrApi vikShataH shastraiH patiste rakShitastvayA . 
tuShTena tena dattau te dvau varau shubhadarshane .. 13..\\
sa tvayoktaH patirdevi yadechchheya.n tadA varau . 
gR^ihNIyAmiti tattena tathetyuktaM mahAtmanA . 
anabhiGYA hyaha.n devi tvayaiva kathitaM purA .. 14..\\
tau varau yAcha bhartAraM bharatasyAbhiShechanam . 
pravrAjana.n cha rAmasya tva.n varShANi chaturdasha .. 15..\\
krodhAgAraM pravishyAdya kruddhevAshvapateH sute . 
sheShvAnantarhitAyA.n tvaM bhUmau malinavAsinI . 
mA smainaM pratyudIkShethA mA chainamabhibhAShathAH .. 16..\\
dayitA tva.n sadA bharturatra me nAsti saMshayaH . 
tvatkR^ite cha mahArAjo vishedapi hutAshanam .. 17..\\
na tvA.n krodhayitu.n shakto na kruddhAM pratyudIkShitum . 
tava priyArtha.n rAjA hi prANAnapi parityajet .. 18..\\
na hyatikramitu.n shaktastava vAkyaM mahIpatiH . 
mandasvabhAve budhyasva saubhAgyabalamAtmanaH .. 19..\\
maNimuktAsuvarNAni ratnAni vividhAni cha . 
dadyAddasharatho rAjA mA sma teShu manaH kR^ithAH .. 20..\\
yau tau devAsure yuddhe varau dasharatho.adadAt . 
tau smAraya mahAbhAge so.artho mA tvAm atikramet .. 21..\\
yadA tu te vara.n dadyAtsvayamutthApya rAghavaH . 
vyavasthApya mahArAja.n tvamima.n vR^iNuyA varam .. 22..\\
rAmaM pravrAjayAraNye nava varShANi pa~ncha cha . 
bharataH kriyatA.n rAjA pR^ithivyAM pArthivarShabhaH .. 23..\\
evaM pravrAjitashchaiva rAmo.arAmo bhaviShyati . 
bharatashcha hatAmitrastava rAjA bhaviShyati .. 24..\\
yena kAlena rAmashcha vanAtpratyAgamiShyati . 
tena kAlena putraste kR^itamUlo bhaviShyati . 
sa~NgR^ihItamanuShyashcha suhR^idbhiH sArdhamAtmavAn .. 25..\\
prAptakAla.n tu te manye rAjAna.n vItasAdhvasA . 
rAmAbhiShekasa~NkalpAnnigR^ihya vinivartaya .. 26..\\
anarthamartharUpeNa grAhitA sA tatastayA . 
hR^iShTA pratItA kaikeyI mantharAmidamabravIt .. 27..\\
kubje tvAM nAbhijAnAmi shreShThA.n shreShThAbhidhAyinIm . 
pR^ithivyAmasi kubjAnAmuttamA buddhinishchaye .. 28..\\
tvameva tu mamArtheShu nityayuktA hitaiShiNI . 
nAha.n samavabudhyeya.n kubje rAGYashchikIrShitam .. 29..\\
santi duHsa.nsthitAH kubjA vakrAH paramapApikAH . 
tvaM padmamiva vAtena saMnatA priyadarshanA .. 30..\\
uraste.abhiniviShTa.n vai yAvatskandhAtsamunnatam . 
adhastAchchodara.n shAntaM sunAbhamiva lajjitam .. 31..\\
jaghana.n tava nirghuShTa.n rashanAdAmashobhitam . 
ja~Nghe bhR^ishamupanyaste pAdau chApyAyatAvubhau .. 32..\\
tvamAyatAbhyA.n sakthibhyAM manthare kShaumavAsini . 
agrato mama gachchhantI rAjaha.nsIva rAjase .. 33..\\
taveda.n sthagu yaddIrghaM rathaghoNamivAyatam . 
matayaH kShatravidyAshcha mAyAshchAtra vasanti te .. 34..\\
atra te pratimokShyAmi mAlA.n kubje hiraNmayIm . 
abhiShikte cha bharate rAghave cha vana.n gate .. 35..\\
jAtyena cha suvarNena suniShTaptena sundari . 
labdhArthA cha pratItA cha lepayiShyAmi te sthagu .. 36..\\
mukhe cha tilaka.n chitraM jAtarUpamaya.n shubham . 
kArayiShyAmi te kubje shubhAnyAbharaNAni cha .. 37..\\
paridhAya shubhe vastre devadeva chariShyasi . 
chandramAhvayamAnena mukhenApratimAnanA . 
gamiShyasi gatiM mukhyA.n garvayantI dviShajjanam .. 38..\\
tavApi kubjAH kubjAyAH sarvAbharaNabhUShitAH . 
pAdau parichariShyanti yathaiva tva.n sadA mama .. 39..\\
iti prashasyamAnA sA kaikeyImidamabravIt . 
shayAnA.n shayane shubhre vedyAmagnishikhAm iva .. 40..\\
gatodake setubandho na kalyANi vidhIyate . 
uttiShTha kuru kalyANa.n rAjAnamanudarshaya .. 41..\\
tathA protsAhitA devI gatvA mantharayA saha . 
krodhAgAra.n vishAlAkShI saubhAgyamadagarvitA .. 42..\\
anekashatasAhasraM muktAhAra.n varA~NganA . 
avamuchya varArhANi shubhAnyAbharaNAni cha .. 43..\\
tato hemopamA tatra kubjA vAkya.n vasha.n gatA . 
sa.nvishya bhUmau kaikeyI mantharAmidamabravIt .. 44..\\
iha vA mAM mR^itA.n kubje nR^ipAyAvedayiShyasi . 
vana.n tu rAghave prApte bharataH prApsyati kShitim .. 45..\\
athaitaduktvA vachana.n sudAruNaM 
nidhAya sarvAbharaNAni bhAminI . 
asa.nvR^itAmAstaraNena medinIM 
tadAdhishishye patiteva kinnarI .. 46..\\
udIrNasa.nrambhatamovR^itAnanA 
tathAvamuktottamamAlyabhUShaNA . 
narendrapatnI vimanA babhUva sA 
tamovR^itA dyauriva magnatArakA .. 47..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}